جارية في ثياب ملكية (60) -ج1 قصور من رمال- بقلم:نرمين نحمدالله *كاملة&بالروابط*مميزة

[abomadleen1]

جميله جدا جمياه جدا جميله جدااااااااااااا

[abomadleen1]

رووووووووووووووووعه جميله حدااااااااااا

[abomadleen1]

المشاركة الأصلية كتبت بواسطة Andalus

المحتوى المخفي لايقتبس

روووووووووووووووووووووووو ووعهعه

[نرمين نحمدالله]

المشاركة الأصلية كتبت بواسطة andalus

السلام عليكم ورحمة الله وبركاته

إحممممممممممممم
بقى كده يا باشا... هنهكّر على نيمو من أولها؟؟ ههههههههههههه وماله يا عسل أنا كده كده بأحب نرمو جدااااا

نسيب بقى نرمو وننتقل لنيمو



ههههههههههههه أقصد يعني نيمو الكاتبة، وحلاوة نيمو الكاتبة، وطعامة نيمو الكاتبة... يا نيموووووو أسلوب جميل جداً أكيييييييييييييييييييد، عجبني جدااااااااااا جداااااااااا إنك بتعرضي وجهات نظر الشخصيات المختلفة في آن واحد... أنا عموماً من النوع اللي لما بأشوف رواية فيها أكثر من وجهة نظر وأكثر من متكلم بأمسك في أمها هههههههههههههههه وللأمانة مشوفتش ده كتير يعني أغلبها روايات إنجليزية لكن قليل هنا في المنتدى... بل في الأدب العربي بشكل عام، ففرحت جدااااااااا بقى مأقولكيش ههههههههههههههههههه

بجد أسلوب رائع جداً وكتابة مميزة، على مدار تصميمي الفصول استوقفتني كتير جُمَل وخلتني عايزة أقف قدامها وأتأملها بمززززززاج عالي كده، أتنحنح شويتين... مستوى الـ(هيييييييييييييح) يعلى حبّتين ههههههههههههههههه يعني حاجة تسلطن

إيـــــــــــــــــــه يلّا ههههههههههههههه المهم يعني أسلوبك بجد عجبني وأحييكِ عليه، وأحب أقولك حاجة واحدة



أيواااااااان ألماظات ولآليء وكل اللي تحبيه :s_45:

أمممممم كفاية بقى كلام عليكِ، ولا نتكلم؟؟ والله معنديش مانع ههههههههههههههه طيب طيب أكيد أنتِ عارفة إنك حلوة وزي القمر واسمك على اسمي بس برضه ده ميمنعش إن أبطالك كمان حلوين وزي القمر وفارضين شخصياتهم جاااااااااااااامد جداً


شوفي هي أفكارك تحففففففة يعني بجد.. فكرة صراع كل بطل مش جديدة إطلاقاً، وأغلبهم نماذج تعرضنا لها بروايات عديدة أخرى إن لم يكن بالحياة العملية... يعني احنا أكيد قابلنا -سواء بالواقع أو الروايات- جدّ في عائلة مُصِرّ على زواج أحفاده من بعضهم أو واحدة تُجبر على مَنْ لا تحبه.....
لكن أسلوبك وطريقة عرضك ليهم خلتني أقع في غرام الشخصيات... وجعلتني أنسى كل شيء عدا غرامي بها.. فإن كان أصل الحكاية معروف، لكن أحداثها مختلفة.. أحداثها تجعلك تعشق الأبطال، ومن الآخر تقولها بكل وضوح: "اللعنة على أي شيء آخر...." واوووووووعى وشك بقى وترجمة الأفلام دي ههههههههههههههههههه بس فعلاً حبيت طريقة عرضك جداً ♥

أمممم اتكلمنا في إيه؟؟؟ الأسلوب والأفكار والكاتبة العسولة....
أيوة، باقي اسم الرواية واللي بالمناسبة راااااااااااااائع جداً وعجبني جداً جداً قبل ما ندخل عـ الزغلول الكبير

الشخصيات يعني يا باشا

أول جوز كتاكيت وقعوني بغرامهم غراماً مشعشعاً لم أشعشع قبله شعشعة واحدة (مالكيش دعوة خاااااااااالص بالجُمَل العجيبة دي... هي كده، أضغاث تعليقات بتيجي وتروح لحالها )

المهم.. يعني فيما معناه أول couple وهُمّا بالنسبة لي حاجة كده عالية فوق الخيال

ساري وحُذيفة

شوفي يا مزة، حاجتين أعشقهم إطلاقاً مُطلقاً مطلطق طلطقة غير عادية -وقلنا متركزييييش خالص - هُمّا العاشق من خلف الستار... والجميل أبو دم خفيف وقفشات أفلام ومش بيعبّر حدّ ده وعاملنا بتاع بنات وكده... وفي الكابل دول الحالتين اتحققوا :s_45::s_45:

ساري،، عاشقة ولهانة حدّ النخاع... لكن من خلف الستار -حتى وإن كانت تظن أن لا أحد يعلم سرّها-، كرامتها فوق كل اعتبار... واوعى بقى أخلاق وانضباط وجوّ آخر حلاوة، بس نقول إيه بقى... ربنا ابتلاها بعشق المنيّل على عينه :a555:

ونيجي بقى للمنيّل على عينه.. حُذيفة،،

شوفي يا نيمو.. أنا بأحب النوع ده جداً بس لسبب واحد فقط، مش عشان إنه الواد اللي مقطع السمكة وديلها ولا عشان المعاملة الزفت بتاعته... كلها حاجات تكرهني فيه لا إرادياً كده، بس ليه بقى مكرهتوش على مدار الفصول الماضية؟؟ يمكن لأني مع كل موقف ليه هو وساري أتخيّل منظره وأنفه نازل الأرض وهو بيتذلل لها ويحاول يراضيها... وقتها أجيب البوب كورن والشوكولا وأعيش ملكة بقى ههههههههههههههههههههه بجد يعني مع نوع الأبطال دول بتبقى متعتك الأزليّة طول الوقت تقعدي تتخيليه في شتى الأوضاع، شوية غيرة والنار في قلبي مولعة ومشعللة والجو ده... شوية بيتوسل الحبّ.. بتتخيليه في أي وضع تكون فيه ساري القوية وهو الطرف الأضعف... وتبقي فرحانة والابتسامة الحالمة البلهاء على شفايفك

بس مشكلة النوعية دي من الأبطال أول ما الحلم يتحقق، وتشوفيه متمرمط في حبّها ودايب في هواها بتشفقي عليه وقلبك يئن كده وتحسّي إنك عايزة الموقف يختفي من قدامك تماماً ويرجع هو الراجل الواثق اللي ميهزوش ريح

يعني لا كده عاجب ولا كده عاجب هههههههههههههههههه بس بتحبيه جداً ومتقدريش تنكري ده

خُدي بقى المواصفات اللي فوق دي كلها وظبطيها كده على مقاس حُذيفة... يعني ملخص الأحداث هو إني منتظرة ساري توقعه في غرامها ويدوب فيها دوب ويتعلم درسه صــــــــح ويعاني معاها وأول ما تبدأ معاناته على طوووووووول هأحنّ وأقعد أقولك حراااااام اللي بتعمليه في حُذيفة... أنتِ معندكيش إخوات مُعذبين عاشقين منتظرين من الحبيب نظرة حنين

----------------------

ندخل بقى على عمار وجوري، هنا ومعدل الـ هييييييييييييح هيزيد أوي بجد يعني هتلاقي قدامك
هيييييييييييييييييييييييي ييييييييييييييييييييييييي يييييييييييييييييييييييح
قــــــــــــــــــد كده هههههههههههههههههه

وأول رجاء مني وإياكِ تكسفيني،، بعدد حروف الياء اللي فوق دول.... كفاية عذاب، بجد كفاية كده على عمار... الواد مش مستحمل خلااااااص :a555:

وبما إننا هنقول عمار... هنا حاجتين لااااازم يتجمّعوا سوا، تلقائياً كده... توماتيكي توماتيكي


+
♥♥♥♥♥♥♥♥♥♥♥
=
عمار ♥

نيجي يا ستي لـ عمار،،

عمار كائن مالوش وجود في الوجود أساساً،، يعني إييييييييييييه؟؟
أي أن عمار رجل، رجل شرقي بكل ما في الكلمة من معنى، غليظ وجلف وتعامله لا يُطاق... هتقوليلي وإيه الجديد يعني ههههههههههه
لكن نادراً ما نلاقي مثل عمار، أي رجل نعيبه بالغلظة وسوء التعامل ظاهرياً... أما قلبه فيفيض بكل تلك المشاعر التي لا نستطيع نحن القارئات الضعيفات تحمّلها

أقولك حاجة بأمانة كده وطالعة من القلب...
عمار ده بالنسبة لأي قارئة أو أي أنثى عموماً... لو عرفت اللي جواه بتحس فووووووراً إنها عايزة تاخد بإيده وتساعده وتطلع منه الرجل الذي يرغب هو أن يكونه، متفهميش بقى هي غريزة أمومة ربنا زارعها فينا ولا لأننا كبنات حواء بنهوى الصعب ونحب أوي المواقف اللي زي دي أو يمكن لأن شخص زيه ممكن يرضي غرور الأنثى -طبعاً ده لو عرفت اللي جواه يعني- لكن خليني أقولك حسّيت ناحيته بإيه....

أحسستُ أنه غريق يصرخ لي أن أنقذه...
أنه طفل في مبنى يحترق ويرغب مني أنا مساعدته...
أنه عاشق فطري... لا زيف فيه، لا وجود لآثار شحوم ولا رسوب كراهية تغلّف مشاعره... فقط أنه واقع تماماً وبشكل كلّي وأعمى في الحبّ، لكن ما يحدث خارج قفصه الصدري هو ما يوقعه بالمشاكل ويجعل جوري تفهمه خطأ....
مشاعره كلها مكبوتة بقلبه، أشعره ينادي لي أنا... القارئة، أن أتحول لمرسال الغرام وأخبرها، وإن لم تصدقني أجذبها قسراً لأريها كم هو رائع معدنه، وكيف أنها إن استطاعت إزالة كل تلك الغلظة المترسبة على شخصه، ستعرف وتقدّر حقاً حقيقة قلبه... وكيف أنها إن محت كل تلك الأشياء السلبية الظاهرة، سيتحول هو لـ جنّي جوري، كـ جنّي علاء الدين... بل ويفوقه مكتسباً قوى جديدة مدفوعاً بعشقه لها.

بجد بجد أنا في أي موقف هو بيكون موجود فيه، قلبي بيحنّ بغبااااااااااااااااء هههههههههههههههههه ووقت ما قالتله بأكرهك، ووقت ما جده ناداه عشان يقوله جوري مش عايزة تتجوزك... تألمت له بطريقة لم أشهدها قبلاً وبقيت عايزة أقوله بلاها جوري يا ابن الحلال.. أنا هألاقيلك واحدة تقدّر اللي جواك وتعرف تهذّب اللي برّاك

وللأمانة، أنا لا أتقبّل جوري إطلاقاً... مش بتنزلّي من زور يعني
ليس لأنها لا تبادله المشاعر، هو أصلاً لم يعترف لها بمشاعره لألومها أنها لا تبادله إياها، وحتى لو اعترف بعدين وهي لم تبادله.. فهو حقها تماماً.
بس خليني أقولك حاجة، أنا كقارئة أشعر بنزعة تملكية تجاه الأبطال اللي بأحبهم، وكلنا كده على فكرة... وده لا يمنعني إطلاقاً من إني أتكلم بموضوعية وحيادية... لكن ده لا يمنع أيضاً إني أختار كفّة وأميل ليها.

أنا واحدة شايفة مشاعر عمار وحاسّاها كلمة كلمة، بعكس جوري اللي مغيّبة ومش شايفة منه غير الخشونة والغلظة وقلة الاحترام لها كإنسانة من حقّها تختار تحب مين، ولهذا أكيييييييد هأميل لكفّته وأتعاطف معاه... وأحسّ ساعات إني عايزة أجيب جوري من شعرها وأقولها يا غبيــــــة افهمي بقى وسيبك من الوهم اللي أنتِ عايشة فيه... بس بأرجع وأقول هي مش شايفة اللي احنا شايفينه ويا دوب لسه هأتعاطف معاها تيجي وتهبب العلاقة بيني وبينها وبموقف واحد منها تحرق الجسر بيني وبينها لذا كلمتين كده ومنّي واتحمّليهم

عزيزتي جوري،،
أنا أشفق عليكِ حقاً، لكنكِ حتماً غير مراعية لمشاعر الآخرين...
المرء حين يكره شخصاً ما قد يُظهر له ذلك بالأفعال، إنما أنتِ تفعلينها دوماً.. بالأفعال والأقوال... قلتِها لعمار وجرحته... ثم كررتيها عندما رفضتِ الزواج منه...
هو ليس حجراً وأنتِ تعلمين ذلك، مؤكد بأعماقك تعرفين أنه على أقل تقدير يكنّ لكِ مشاعراً قوية...
ببساطة ألم تتساءلي يوماً لماذا يرغب عمار بشدة من الزواج منكِ؟؟ بالتأكيد ليس لأن جده أمره بذلك... وإن عللتِ الأمر بالرغبة الجسدية مثلاً فليس ذلك ما يكفي لحمل ودفع رجل مثل عمار الاستماتة لهذه الدرجة على عقد الزواج،،
أي أنكِ مؤكد تعلمين أنه يكنّ لكِ المشاعر، قد تكون مشاعراً تملكية لكنها تظل مشاعراً عدا الكراهية....
لذا من وجهة نظري أمامك من العوامل ما يكفي لصالح أي امرأة ذكية، فإن كنتِ امرأة ذكية بحق كنتِ استطعتِ تهذيبه ولو قليلاً.. ربما أخبركِ أنه يحاول... يحاول يهذّب من خشونة نفسه ويحتاج مَنْ يساعده، لكنكِ لا تحاولين حتى... والسبب؟
أنتِ مأخوذة تماماً بسحر النقيض، ألا وهو زياد... النقيض التام، حلم رومانسي حالم... شموع وبتلات ورود وأصداف، تظنين ذلك مستقبلكِ معه وقد تكونين مُحقّة، نحن لا نملك ما يثبت لنا صحة الخيارين.... لكن ما يخيفني عليكِ حقاً هو ابتلاعك في دوامة سحر النقيض تلك فلا تميّزي حقائق الأمور....
لا أقول أن عمار هو الرجل الصحيح لكِ، بل للأمانة... أجد أنه يستحق امرأة تقدّره وتستطيع إخراج تلك الجوهرة من داخله... هذه هي الوحيدة التي تستحقه... وتستحق معه تبعات ذلك الحب فأنا لا أقول أنه ملاك وقطعاً هي ستعاني الأمرّين.
يحتاج امرأة حنون...
وأنتِ قاسية... أنتِ حتماً قاسية، قاسية على عائلتك، قاسية على والدتك.. على جدّك، لكن الأهم من كل ذلك تقسين بشدة على نفسك...
أنتِ الوحيدة منذ بدء الرواية ولا تكفّين عن ذكر الجواري، لماذا أنتِ تحديداً مَنْ أثّرت بها كلمات آسيا؟ لأنكِ لا تتقبلين الوضع؟؟
مشكلتي معك أنني أخشى عليكِ حقاً من فقاعة الحلم الوردي، لأننا في أغلب الأحيان نكتشف أنها فقاعة فارغة
وأنتِ تحكمين على مصيرك بانعدام السعادة مع واحد والسعادة المُطلقة مع آخر.... والحقيقة أن لا هذا ولا ذاك سيحدث، تخدعين نفسك وبالنهاية تصبحين أنتِ ضحيتكِ الوحيدة.

شوفي يا نيمو، أنا كلامي عن الاتنين دول يطوووووووووووول وبشدة، لكن لسبب واحد... إنك عرفتِ تلعبيها صح ووضحتِ لينا دواخلهم هُمّا الاتنين.. فالقارئة الغلبانة زي حالاتي تحزن لمين ولا لمين.... ما هي للأسف عارفة اللي فيها،
أنتِ عارفة لو كُنّا قابلنا عمار من عيون جوري بس زي ما بعض الكاتبات بيعملوا، أكيييييييييد مش هنحس بيه زي دلوقتي، فمن الآخر رُحتِ أنتِ ككاتبة خَرّجتِ نفسك من الموضوع وسبتينا احنا بقى للحيرة والعذاب ههههههههههههههههههه لعبتيها صح واحنا اللي لبسنا << اوعى بقى نيمو المبدعة والعذااااااااب

ماشي يا باشا، مقبولة منك برضه... بس زي ما بأقولك أنا على استعداد أقعد أرغي عنهم بالسنين.... لكن هأستنى ردّك يمكن أفهم دماغك ماشية إزاي وأعرف أناقشك صح بخصوصهم

هو أنا كده المفروض أبطل رغي، صح؟
عارفة والله رغيت وحتى بأفكر أحذف ولو كام قطعة من الكلام اللي فات بس للأمانة مش هاين عليّا :a555:

بُصي بقى خلاص، أنا هأختصر بقية الشخصيات بسرعة كده... أنا واثقة أساساً هتتخنقي من الردّ واحتمال كبير متكمليهوش بس والله مقدرتش أمسك نفسي... أسكت يعني وأكتم مشاعريري في قلبي تقتلني

خلاص خلاص من غير زقّ هأنجز سريعاً سريعاً كده

ياسين ورقيّة،، والحقيقة نهايتهم واضحة ومعروفة ما لم تكن فيكِ خصلة شريرة لا أعرف عنها ههههههههههههههه بس يعني رقية الهاشمي، وأهي واحدة ست قوية عملت عُرف لنفسها أكيد هتعرف تجذب رجل حنون مثل ياسين بعاطفة قوية لها، والباقي في إيديكِ بقى... أنا اللي واثقة منه إن كل اللعب هيكون وقت عودة آسيا...

آسيا،، أقولك عـ الزتونة ههههههههههههه أنا أول حاجة فكرت فيها وقت هروبها -وبالمناسبة معجبتنيش خالص الحركة اللي عملتها في فرح ياسين- لكن عموماً المهم يعني قُلت البت دي هتبقى من نصيب الراجل اللي بيدوّر عالثأر ده ومختفي.. اسمه إيه؟ جسار باين... المهم يعني هو الراجل ده، قلت مفيش فصال هيكون هو ده اللي هتقابله ويحصل اللي يحصل بقى...

لكن لقيت الأقدار حدفتها ناحية بدر!!!!!!!

بدر،، بالنسبة لبدر بقى.. أقولك حاجة مش عارفة هتطلع صح ولا لأ بس للأمانة حدسي بيقولي هي صح والله أعلم....

عندي إحساس فظيييييييييع إن بدر هو نفسه الراجل تبع الثأر إياه جسار ده وممكن يكون غيّر اسمه عشان يختفي... ليه بقى مأعرفش بس أهو هربان وخلاص، ما هو مش معقولة حصون ومزرعة بعيدة وبتاع.... الموضوع فيه إنّّّّ << شايفة عليها كام شدّة

بس عموماً أهي الفصول جاية وهتثبت لي صدق حدسي، هل يا ترى زي ما متخيلة ولا لأ....

سمية بقى بصراحة ليّا تحفظ كبييييييييييير عليها، طبعاً مش عيب كتابة ولا عيب أسلوب... بالعكس هي شخصية تفاعلت معها كما أتفاعل مع أي شخصية ودي مشاعري أنا الخاصة تجاه فكرة وجود امرأة كـ سمية نفسها سواء كشخصية ورقية أو في حياتنا الواقعية




أمثال سمية للأسف موجودين، لكنني لا أطيق مثل تلك النُسَخ... قرأتُ عنهم بل وسمعت عنهم كذلك في الواقع... مع اختلاف المسميّات طبعاً لكن يبقى الفكرة واحدة....

امرأة، إما تحتضر أو لا تنجب أو يعيبها شيء... فترغب بتزويج زوجها وتبدأ بقياس نسبة مدى ملاءمة نساء معينات له ومدى رضاها عنهن... يقاوم الزوج ويقاوم وحين يضعف أخيراً تحت الإلحاح تدبّ الغيرة في قلوبهن وتفتح أبواب الجحيم

أنا مشكلتي ضخمة مع سمية أو ذلك النوع الخاص من النساء، لم أستطع يوماً تقبّلهن... المبدأ بسيط...
زوجك.. تحبينه؟ لا تتشاركيه!

سمية هنا امرأة، تحتضر؟ العلم عند الله... أقصد، حتى إن أخبروها أن أمامها سنة واحدة فقط وأن نسبة شفاءها 1%.. بل 0% لا معنى لكل هذا الكلام... بالنهاية إن أراد لها الله الحياة ستعيش، وكم سمعنا عن حالات مستعصية تنجح.. حتى مع المرض الخبيث.... لكن حتى ليست هذه قضيتي فلا الكاتبة أوضحت ما قاله لها الأطباء ولا يغيّر كلامهم شيء.....

مشكلتي معها هي قضية تزويج زوجها، القضية دي أنا بأشوفها شيء عجيب جداً، إزاي تقدري تسلّمي جوزك بل وتضغطي عليه إنه يحب عليكِ؟!
ومفيش حاجة اسمها إنسانة بجناحين ولا ملاك عـ الأرض، استحالة تقنعوني إنه فيه بشر ملايكة، كل البشر خطّائين، كلنا فينا من الكبر والغيرة والكراهية والحب... كلها مشاعر إنسانية، هي ما تجعل المرء منّا بشراً!

أنا لو زوجة وعندي ابن وبأحب جوزي وعايشين حياة هنيّة جداً وجاء خبر المرض زلزل حياتي، هيزعزعها شوية... لكن مش هأقلبها 180 درجة... لو قال الدكاترة إني هأموت، الأعمار بيد الله ولو ربنا افتكرني... مَنْ أنا لأعترض، احنا أولاً وأخيراً عايشين في الحياة دي بنتحضّر للقاءه...
لو قالولي قدامك سنة، قدامك يومين... هأعيش السنتين وهأعيش اليومين دول في سعادة وسط أسرتي.. مش هأخليهم يفتكروا آخر أيامي بصورة مش حلوة ولا هأسلّمهم لواحدة تانية بإيديّا...

يعني سمية أهي، هتموت -والعلم عند الله!- تزويجها زوجها وتنغيصها عليه آخر أيامهما هو برأيي خطأ... بل يجب أن تنعم بالبقية الباقية من عمرها معه... لكن قبل كل ده تقوله كلمتين وصدقيني هيفضل فاكرهم... تقوله بعد ما تموت يحزن عليها وياخد الوقت الكافي في رثاها، لكن الحياة مش هتقف عليها وإنه ميحزنش كتير.. بل يحاول يكمّل حياته ويمضي قدماً ويتخطى حزن وفاتها... وهو مصيره في يوم هيلاقي واحدة تانية تشاركه حياته دون ما ينسى حبه الأول وأم ابنه...
تفضل ذكرياتها معاه لكن ده ميمنعوش من التقدم للأمام، ودي طبيعة البشر... الدنيا مش بتقف على حد

بل حتى أرى أن أقصى عقوبة لها حالياً أن يقع بدر بغرام آسيا أمام أعينها، ويشاء الله أن تحيا.. تحيا لتراهما أمامها.. وربما يمدّ الله عمرها أكثر منهما!

طبعاً أنا لا أقصد ما يسيء بكلامي الماضي، أنا بس فعلاً عُمري ما قدرت أتفهم طبيعة أمر (أنا أزوّج زوجي!!)
يمكن لأني مؤمنة إننا مش ملايكة، وإن حتى في عالم الروايات المثالي مفيش ملايكة
ويمكن لأني مؤمنة بأنانية الحب،
العشق إن لم يحتوِ على الأنانية... فلا يُعدّ عشقاً، وأكيد مأقصدش الأنانية بمسماها الفعلي، لكن أنانية العشق تحديداً موجودة في كل علاقة... يكفي شعور التملك إن الشخص الآخر ده بتاعي، دي لوحدها أنانية في الحب... لكن يختلف مقدارها داخل كل إنسان عن آخر....

عموماً يعني أنا لو مكانها هأتصرف بشكل مختلف، غيري هيتصرف بشكل مختلف، وما دامك يا نيمو اخترتِ هذا الطريق لها فأكيد هناك هدف منه... يكفيني إني أتابع وأشوف يمكن في يوم أتفهم موقفها...

لكن بما أني الآن قد قلت رأيي، فتعليقي عن الأحداث بحيادية أوجهه في كلمة صغيرة إلى سمية: الآن تحمّلي غيرتك ولا تدعيها تدمر أيامك الأخيرة كما تظنين مع بدر... بظهور آسيا أو بدونها.. كان لابد وأن تمرّي بمرحلة الغيرة هذه... خاصة وأنكِ كنتِ تخططين لذات الشيء مع نغم، وما عليكِ سوى كتمها داخلك وإلا فأنتِ مَنْ تتسببين بعاصفة تخلخل علاقتك بزوجك دون داعٍ....

****

ياختيييييييييييييييييييي.. . طوّلت تاني في النقطة دي بالذات أنا عارفة، وواثقة أساساً إن كلامي هيكون أغلبه غير مترابط... بعيد عنك دي آخرة اللي يكتب تعليق الساعة 3 الفجر :a555:

هههههههههههههههههههههه عموماً.... أمممممم ناقص إيه تاني؟ بسرعة بسرعة.....

نغم، متضايقة منها بس بحنيّة كده ههههههههههههه يعني شافتهم بيضحكوا سوا بس راحت فتنت على طول دون مراعاة لـ سمية ولا لـ بدر الراجل اللي هي المفروض واثقة فيه ومتخذاه الرجل المثالي... أومال ياختي لو شفتيهم ورا الشجرة والشيطان ثالثهما هتعملي إيه :a555:
ولهذا متضايقة منها لكن بحنيّة كده لأني عاذراها.. هي متخذة من زواج سمية وبدر.. العائلة المثالية، ورابطة وجود الحب ودوامه معهم.. طول ما المثال حيّ قدامها، إذاً فالحب موجود.. الحب دائم، وده غلط.... هتتعبي يا بنتي بالطريقة دي بس مااااااااااااا علينااااااااااااااا، أكيدِ أنتِ كـ نغم مش موجودة في الرواية سدّ خانة كده ههههههههههههه لازم نيمو مخططة ليكِ وهتستفيد من وجودك بشيء ومش بعيد تحبي أنتِ كمان.. فكرك ممكن تعمليها يا نيمو؟؟

حمزة ومارية، أمممم كنت ثابتة على رأيي لحد الفصل الماضي، خلاني أعيد تفكير بصراحة ههههههههههههههههه
فعندك بقى حمزة ومارية وبقية الشخصيات... خليهم بقى هادئين مطمئنين لحد ما أبقى أرسى على برّ وأثبت على رأي معاهم

إحممممممممممممممممممم

بُصي، أنا عارفة إني غلسة بتعليقي الطويل ده، والناس عادة بيدخلوا بمبدأ يا بخت من زار وخفّف وأنا داخلة بعشم أوي هههههههههههههههههههه بس معلش حقك عليّا... أهو يا ستي اعتبريه ردّ بكل الردود اللي كان ممكن أردّها الفصول اللي فاتت ههههههههههههههه عارفة رغيت كتير ويا ريته رغي مفهوم، أنا حاسّة إن دماغ آخر الليل اللي نُصها نايم دي مضيّعة لغوياتي والفُصحى داخلة مع العاميّة وحاجة كارثية عالآخر... بس بصراحة لا فيّا حيل أعدّل ولا فيّا حيل أكمّل ههههههههههههههههه

لذا بأعتذر لكِ بشدة بجد على الصداع اللي هتشوفيه لو قررتِ تكملي وتغامري وتقري التعليق
وبأعتذر عن أي خطأ لغوي ممكن تقابليه... كان ممكن أنام وأصحى أكتبلك بدماغ صاحية ورايقة بس كان نفسي ألحق أضع ردّي قبل ما يوصلني الفصل الجديد وأبدأ أصممه
وهيييييييييه :ts_011: عرفت أحقق هدفي ههههههههههههههههه

فشوفي يا بنت الحلال... اللي هيحصل كالآتي:

أنا هأعمل كده ⇊




وبعدها هأبقى كده ⇊



بينما أنتِ بقى... نسكافيهك وفطارك وغداكِ وعشاكِ وظبطي نفسك كده وقبل ما تبدئي بسم الله تقري الردّ لازم تجهزي، تمام؟؟



ههههههههههههههههههه بجد فرحت جداً إني هأقدر أتابع معاكِ الرواية وفرحت أكتر إني لحقت أردّ قبل فصل غداً -اليوم يعني بما إنه الفجر حالياً- وأكييييييد رائعة أنتِ يا نيموتي... يااااااه أخيراً لقيت حد أقوله كده ههههههههههههههه كلهم بيقولوهالي وكان نفسي أنا مرة أقولها

أخلع أنا بقى، بانتظار ردّك أكيد
دمتِ مبدعة يا سُكر وتصبحي على خير
♥

الله عليك يا حبيب والديك....ههههههههههههههه ايه التعليق الخطير ده...انا كبهير انبهرت...ههههههه ...بجد سعيدة جدا بيكي يا سكر انتي...وابهرتيني بتعليقك الشامل...وطمعتيني بتعليق قلبوظ كده كل مرة احس فيه بالانشكاح كدهو....متفقة معك في كل اللي قلتيه....ماعدا عن سمية...والفصول الجاية هتقوللك ليه...سمية شخصية حقيقية اعرفها...كانت صاحبتي وماتت الله يرحمها...عشان كده حبيت اكتب عنها...لعل القارئ يفتكرها بدعوة هي تستاهلها بجد....شكرا يا قلبي تسلمياي وبجد سعيدة بيكي قوي

[ليانا21]

بسم الله الرحمن الرحيم

[modyblue]

السلام عليكم ورحمة الله وبركاته تسجيل حضوووووووووووووووور

[sweetlikechoclate]

الفصل السابع.. فصل القرارات المصيرية بدون منازع( حتى الان طبعا) جويرية و جرعه الشجاعه المفاجئة اللى اخدتها علشان تواجه جدها و ان كانت مقدرتش تكمل المشوار بس اهى محاولة. و القرار الاقوى هو قرار حذيفة انه يتغير و اللى اكيد حيدى رونق مميز للرواية. عجبنى اوى مصارحة حذيفة لنفسه و مصارحته ليها بالحقيقة كان ممكن حد تانى لما يسمع الكلام اللى سمعه او لما بنت تضربه بالالم بدل ما يفوقه يكابر لكنه عمل جلسة عرب مع نفسه حاسبها و طلع القرار بالتغيير برافو. زياد و جويرية مثال للحب السطحى لما اتنين مشتاقيني لعاطفة يقابلو بعض و كل واحد فيهم يتخيل انه بيحب التانى. الحب الحقيقي مش بيحصبل غير عن معرفة. معرفة بعيوب قبل مزايا الطرف التانى حب للتفاصيل غير كده مش حب حقيقي و الاتنين دول متعرفوش ببعض اساسا علشان يحصل حب. حرجع لتفسيري المرة اللى فاتت مراهقة متاخرة و شوق لمشاعر معينة و طبعا هروب من واقع اليم. عامر اتنحرر بقي يا اخى ايه حنعلمك تقول ايه!!! سمية انتى جميلة و مثال لتضحية المحب اللى بتحاول تعمله صعب اوى و مش اى حد مكانها كان يقدر يعمله. رقيه كل فصل بتزيد فى عيننيا اكتر بس حرجع تانى و اقول كل مرة بتضحى بتتنازل بتزود فى قوة الانفجار اللى حيحصل لو اتجرحت بزياده لان ساعتها الوجع حيكون على قد كل التضحيات دى. حمزة .. الحب مش بس بالقلب لكن بالعقل كمان مش مجرد انجذاب لان ببساطة كتير بيعجبنا حاجات لكن فى قرارة نفسنا عارفين انها متناسبناش. قرار حكيم من حمزة انه يسيب الدفة المرادى لماريا علشان التغيير يكون نابع منها هيا مش منه. فصل محورى فى الرواية و بداية لمجموعه من التغييرات اللى حتحصل فى الرواية. ابدعتى

[Andalus]

محتوى مخفي

يجب عليك الرد لرؤية النص المخفي

[Andalus]

محتوى مخفي

يجب عليك الرد لرؤية النص المخفي

[Andalus]

محتوى مخفي

يجب عليك الرد لرؤية النص المخفي