كثر ما قلتلك أكرهك كثر ما أنا أهواك / للكاتبة maimonah ، مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية كثر ما قلتلك أكرهك كثر ما أنا أهواك للكاتبة / maimonah قراءة ممتعة للجميع.....

[لامارا]

××

آلسلام عليكم و رحمه الله و بركآته . . . '$


ترددّت مرّآ قبل لآ آنشر روآيتي آللّي ليّ تلات سنين
كآتبتهآ و دآفّتها بين مجلّدآت سطح آلمكتب . .
و قبل شهر آنتبهت لهآ و رجعت قرآتهآ و أنا تقريبآ مو مصدقه
آنّي آنا اللّي كتبتهآ .. :p
و زيّ مآ تقولوآ رجع لي حمآس الكتآبه . .
و سوّيت عليهآ تعديلآت و كيدآ . . '$



طبعآ آحترت مرّه قبل لآ آنشرهآ ..
و فكّرت في آيّ منتدى آنشر روآيتي ..
و في آلاخير قررّت آنّوآ دآ المنتدى حيكون
أفضل مكان لروآيتي آلاولى ...





آتطلّع لآرآئكم , آنتقاداتكم '$
روآيتي تقريبآ بعدة لهجآت و ضآمّه آحدآث
في آلسعوديّه , آلآمآرآت , الكويت و شويّتين في لندن '$
آتمنّى آنّهآ تعجبكم و تنآل على رضآكم ..

كنت مقررّه آنّي بكرآ أنشرهآ ..
ويصير آنزّل لكم بارت كل سبت و ربوع . .
بس قررّت آنّي آنشر لكم اليوم
كبدايه و بعد كيدآ حتكون بس كل سبت و ربوع '$



عمومآ آتمنّى جدّ آنّهآ تعجبكم . .
و آتطلّع لآرآئكم . .
و دمتم ~



* لآ آحللّ آبدآ نقلهآ بدون ذكر آلمصدر و الكآتبه [ Maimonah ] . .

# آلبارت آلآوّل حيكون في الردّ آلتآني . . '$

[لامارا]

آلبآرت الأوّل :





كنت أتسوق من السوبر ماركت و لما خلصت رحت وحاسبت و ابتسمت
للبائع وشكرته وطلعت لسيارتي ..
و أنا رايحه على السيارة سمعت أصوات من زقاق قريب من مكاني
ناظرت وحرصت ان ولا أحد ينتبه لي ..
شفت خمس شباب ملتمين حول واحد .. كانوا كلهم شقر عداه هو !! ..
مسكه واحد من رقبته .. وقال له ..

.. :why you don't talk .. why you did this ..?
/ لماذا لا تتكلم ..؟ لماذأإ فعلت هذا ..

اللي ماسكينه : / what did I do .. why are you talk to me like this ..?
/ مااذا فعلت .. لماذا تحدثني بهذه الطريقه ..؟!

الثاني : why are we talk to you like this .. because of juliana ..!
/ لماذا نحدثك هكذا .. بسبب جوليانا ..

اللي ماسكينه : don't be silly jack ! I didn't do anythings to her
/ لا تكن سخيفا جاك ! لم أفعل أي شيء لها ..

الأول : are you trying to tell me that she is lying .. ?
/ هل تحاول أن تقول لي أإنها تكذب ..

اللي ماسكينه باين عليه انه عنيــد ..

.. : yes she is the worst liar / نعم انها أسوأ كاذبه ..

ضربه الثالث على بطنه .. اللي ماسكينه نزل رأسه .. حزني بصراحة ما كان يقدر
يسوي شيء لأنهم ماسكين يدينه و لافينها ورى ظهره ..

.. : uh this is too much alfred .. please believe me ..
I didn't do anything to her / آآآآه هذا كثير جدا ألفريد
أرجوكم صدقوني .. لم أفعل أي شيئ لها ..

ضربه الرابع على صدره وكأنه متلذذ بتعذيبه وقال له ..

الرابع : you don't understand right … we told you don't say
she is lying .. get it .. / أنت لا تفهم صحيح ..؟!
قلنا لك لا تقل أنها كاذبه .. هل تفهم ..

اللي ماسكينه عض شفته السفلية بألم وناظرهم كلهم ..

.. : ok .. what do you want exactly ..? / حسنا ماذا تريدون بالضبط ..

الخامس وكانت أول مرة يتكلم ..
الخامس : I want to drink your blood .. that's would be great
/ أنا أريد أن أشرب دمك .. سيبدو هذا عظيما ..

اللي ماسكينه ناظره على ما أظن انه سوى شيء بصديقته جوليانا ..
.. . : lampard .. believe me .. I didn't want to take juliana of you ..
you didn't understand anything
/ لامبرد صدقني أإنا لم أرد أن أخذ جوليانا منك .. أنت لم تفهم أي شيء ..

لامبرد ضربه على صدره :don't say her name .. ok / لا تقل اسمها .. حسنا ..

اللي ماسكينه : lampard that's enough .. do you think all of you
that I'm afraid ?! I can do much ... /
لامبرد يكفي هذا .. (( و ناظرهم كلهم )) .. هل تظنون جميعكم اني خائف
أستطيع أن أفعل الكثير ..

الكل ضحك عليه .. .. أما أنا كنت للحين واقفة عند بدايه الزقآق ورى
ثلاجات الثلج و أناظرهم ..
كان الشارع خالي على آخر ساعة من العصر .. وكان الضباب يلفنا حتى اني
توقعت تمطر اليوم من كثر الغيوم و الضباب ..
رجعت و ناظرتهم لقيته سحب يده من جاك اللي ماسكه و وقف قدامهم
وهو يفرك معصمه / أظن ان قبضة جاك آلمته ..
تقدم منه لامبرد ومد يده عشان يمسكه من قميصه لكنه ما سمح
له بعّد يد لامبرد بهــدوء ..

و قال بهدوء أكثر : don't be violent , lampard .. let us talk ..
/ لا تكن عنيفا لامبرد دعنا نتكلم ..

عصب لامبرد و صرّخ ..

لامبرد : what do you want to tell me / huh ! are you going to
say that you tried take juliana
/ و ماذا تريد ن تخبرني / هاه ! هل سوف تقول أنّك حاولت أخذ جوليانا ..

اللي كانوا ماسكينه ابتسم بسخرية ..
.. . : I didn't lose my mind yet to try take that stupid girl
/ أنا لم أفقد عقلي بعد لأحاول أخذ تلك الفتاه الحمقاء ..!

لامبرد مد يده عشان يلكمه لكنه مسك قبضة لامبرد و نزلها و هو يمسكها بقوة ..
.. : lampard .. Do not miss our friendship for a girl doesn't
deserve you … get me lampard /
لامبرد لا تضيع صداقتنا من أجل فتاة لا تستحقك .. افهمني لامبرد ..

لامبرد عصب أكثر وصرخ .. و هو يفلت قبضته من اللي مهاوشينه ..
لامبرد : she's not any girl she's juliana .. don't you get it ..
when I entered the school I didn't know
Anybody .. there were just juliana and sam .. then you came with cold blood to take her to yourself /
انها ليست أي فتاة انها جوليانا .. ألا تفهم .. عندما دخلت المدرسه لم أعرف
أي أحد .. كان هناك فقط جوليانا و سام .. ثم تأتي أنت بدم بارد لتأخذها لنفسك ..

عصب هو بعد ..
.. : you're so stupid lampard .. she didn't care .. she came
to me and I don't care about her .. not
For you just .. but because of me .. I'm arabic don't you get it !
/ انت أحمق جدا لامبرد .. هي لم تهتم جاءت إليّ و أنا لم أهتم بها ..
ليس لأجلك فقط لكن بسببي .. أنا عربي ألا تفهم ..

لامبرد ضربه بوجهه وذاك طاح على الأرض و أنا شهقت وغطيت فمي ..

لامبرد : you still say she is lying .. ok .. I will teach you some lessons
/ ما زلت تقول أنها كاذبه .. حسنا سأعلمك بعض الدرووس ..

و جلس فوقه وجاء بيضربه لكنه مسك يدين لامبرد وهو يصك على أسنانه من العصبية ..

العربي : don't hit me .. who do you think yourself .. dad ?!
/ لا تضربني .. من تعتقد نفسك .. أبي ..؟!

لامبرد أشر للشباب اللي معه وبعد عن الشاب العربي .. وراحوا هم مسكوه و لفوا يدينه ..

لامبرد : now take your folly, o muslim arabic, son of bitch /
الان خذ حماقتك, أيها العربي المسلم ابن العاهره ..!

و بدى يضربه على بطنه بكل قوته .. العربي عض شفته من الألم ..

العربي : don't call my mother like that … you don't know her
and you don't know my grat religion
/ لا تسمّي أمي هكذا .. أنت لا تعرفها و لا تعرف ديني العظيم !

ضربه مرة ثانية لامبرد : you have a religion I don't think so ..
if you really have why you did what you did
/ أنت لديك دين .. لا أعتقد هذا .. لو كنت تملك حقا .. لماذا فعلت ما فعلت ..؟!

معصب : are you crazy, I said she came to me not me ah
/ هل انت غبي قلت " هي من جاءت إليّ " ليس أنا أه ..

ما كمل كلامه الا جاته ضربه بوجهه على خده ..

لامبرد وهو يبتسم بنصر : gosh you are so adamant .. like first time I saw you
/ إلهي أنت عنيد .. كأول مره رأيتك ..

(( و ضربه ببطنه و هو معصب .. و ذاك من الألم نزل رأسه و هو يتأوه و يئن )) ..

لامبرد : and I wish I didn't meet you .. because you don't
deserve my friendship
/ و أتمنى أنني لم أقابلك .. لأانك لا تستحق صداقتي ..

و وقف و ناظره .. عقب لف على ربعه ..

لامبرد : leave him now .. I think he took enough .. he can't be
near of juliana / أتركوه الآن .. أعتقد أنه أخذ كفايته .. هو لن يستطيع أن
يقترب من جوليانا ..

رموه على الأرض و راحوا على سيارتهم وتركوه ..
وهو طاح على جنبه و شد على بطنه ..
ما قدرت أستحمل منظره وهو طايح ويتألم رحت لعنده بسرعة
و أنا أشد على كيس السوبر وأضمه على صدري
من الخوف .. وطبعا عرفت انه عربي من كلامهم ويدرس بالجامعة ..
أما قصتهم عن جوليانا على ما أعتقد هذا
اسمها الا اذا كنت غلطانة .. فما أدري عنها ولا شيء .. نزلت لحده
و هو كان مغمض عينه بقوة من الألم ..

قلت له بهمس : انت بخير .. (( و حطيت يدي على كتفه و هزيته بخفه )) .. تسمعني ..

فتح عينه ببطء و شافني ............... الشاب قال في خاطره .. * ملاك حشا هب بنت * ..

.. . : مين انتي أنا ما أعرفج ..

ابتسمت بصراحة كان يتكلم مثل الأطفال اللي يخافون من الأغراب ..

ريمان : أنا بعد ما أعرفك لكن شفتك الحين مع الأنذال وشفتهم لما ضربوك ..
الحين قول لي انت بخير ..

ابتسم لي ورفع نفسه بصعوبة من الأرض و قال بصوت تعبان ..

... : الحين لو عرفوا انج جفتيهم لما ضربوني ليذبحونج ..

رفعت حاجبي دامهم كذه ليش مصادقنهم حضرته ..

ريمان : انت اشلون تصادق ناس كذه ..

ابتسم أكثر وهو يمسح على وجهه ..

.. : أنا ما رابعتهم ..

استغربت أكثر منه ..

ريمان : أجل وش تسمي كلامهم ..

ناظرني و هو مازال مبتسم ..

.. : لا تهتمين لرمستهم أنا فقط زميل لهم .. الا قولي شوه
اسمج و أكيد انج سعودية صح ؟! ..

ابتسمت له و رديت على طول ..

ريمان : ايه أنا سعودية اسمي ريمان ..

ابتسم لي : عاشت الأسامي ريم ..

انحرجت منه بصراحة أول واحد يدلعني من جيت لندن هو .. قلت له وانا
منصبغه بالأحمر وأشك اذا كنت انصبغت بالعودي بعد ..

ريمان : تسلم عاشت أيامك .. و انت وش اسمك ومن وين ..

ابتسم : أنا اسمي هيثم .. و من وين خمني انت ..

ابتسمت له و ناظرت حولي بعدين ناظرته و تكلمت ببراءة ..

ريمان : كل اللي متأكدة منه انك خليجي ..

(( كنا ما زلنا على حالتنا و جالسين ع الأرض )) ..

هو ضحك من قلبه .. .. تبون الصراحة ضحكته جنااان ^^

هيثم بطنازه : هههههههههههههههههههههههه لا والله .. ما يبتي شيء جديد ..

ضحكت لما سمعت رده لأني فعلا ما جبت شيء جديد ..

ريمان : ههههههههههه أعرف .. أجل انت كويتي ..

هيثم ابتسم : قربتي واايد حاولــي .. (( و غمز بعينه و حركته هذه مررة أحرجتني )) ..

قلت له وانا أضيع نظراتي عنه ..

ريمان : إماراتي صح ..

ضحك أظن انه عرف اني انحرجت ..

هيثم : هههههههههههههه هيه صح ..

رجعت ناظرته ..

ريمان : الحين انت بخير ..

هيثم : هيه بخير .. (( و ناظر المكان حوله وناظرني )) .. ريمان انت
تسكنين هني ويّا أهلج ..

قلت له و أنا أبتسم .. ..

ريمان : لا أنا أدرس في الجامعة و أهلي في السعودية ..

شفت الاستغراب بعينه و كأنه يقول ما تخافين تجلسين لحالك ..

هيثم : انت لحالج هني ..

قلت له بثقة ..

ريمان : ايه أنا و بنت عمي .. انت تدرس بالجامعة بعد صح ..

قال و هو يناظرني بشكك ..

هيثم : بديت أشك انج تعرفيني ..

ضحكت عليه أنا بصراحة ما أعرفه و لا عمري كلمت شاب من يوم جيت لندن حتى
شباب الجامعة ملوا مني وهم يحاولون و هو أول واحد أكلمه لأنه بصراحه حزني ..

ريمان : هههههههههههههههههههه لا بس عرفت لما كنت تتهاوش معهم ..

ضرب جبهته و هالحركة منه خلتني أتأكد ان اللي قدامي بزر مو شاب ..
و العكس هو الصحيح أكيد ^^

هيثم : اوووووووه هيه نسيت .. (( و ابتسم )) ..

ابتسمت و وقفت لأن مالي داعي أبدا أجلس و رفعت كيس السوبر و ضميته لـ صدري ..

ريمان : المهم كنت أبغى أتطمن عليك و الحمد لله على سلامتك ..

وقف هو بسرعة ..

هيثم : لحظة ريمان ممكن رقمج .. عندج موبايل ..

ناظرته و أنا مصدومة ما توقعته من الشباب اللي يشبكون مع البنات ..

ريمان : ليش تبي رقمي .. . هيثم ما توقعتك مـ ..

قطع كلامي و هو يرفع يده و كأنه مستسلم ..

هيثم : السموحه لا تفهميني غلط .. أنا كنت بس ..

ريمان : بس وشو .. . هيثم انت مسلم و عربي حافظ على هذا هنا و لا تنزل من قدرك أبدا ..

ناظرني بتمعن بعدين ابتسم ..

هيثم : آسف ريمان .. معج حق !

ريمان بابتسامه : مسموح .. يالله مع السلامة .. أشوفك على خير هيثم .. ..

(( و مشيت .. )) ..

هيثم : في حفظ الله .. . اممممممممممم لا تزعلين ..

(( وقفت وناظرته أشوف وش يبي يقول و هو ابتسم أكثر )) .. اتمنى أجوفج فعلا ..

ضحكت و مشيت على سيارتي ركبت و ودعته بيدي و تحركت على شقتي ..



********************************


دخلت شقتي وانا أبتسم .. رميت بنفسي على أقرب كنبة .. وجلست أفكر به ..
يالله اشكثر يجنن و يطيح الصقر
من السماء ههههههههه أظن اني انهبلت .. بس لحظة خلوني أوصفه لكم ..
امممممممممممممممم من وش أبدأ
ههههههههههههههههه لا شوفوا .. هو بشرته بيضاء و عيونه ..
آآآآه عذاااااب هي واسعة لكنها نعسانه
و فيها حالمية غريبـة .. رموشه طويلة و هي بعد .. ..
اممممممممممم اشلون أوصفها .. يعني تعرفون لما حنّا البنات
نحط مسكرة برموشنا واشلون تكون رموشنا واقفة رموشه مثل كذه
هههههههههه لا تجلسون تضحكون بس ما عرفت
أوصفها الا كذه .. رموشه ذكرتني ببنت كانت تدرس في مدرستي في
الثانوية و كنت دوم أقول لجمون ..
(( شوفي اشلون رموشها هذه أحلى شيء فيها كأنها حاطه مسكرة وهي مو حاطه أصلا )) ..
المهم حواجبه خفيفة ومرسومة وطويلة حشا والله مو رجال
ههههههههههه قولوا ما شاء الله لا تنضلونه ههههههههههه
أمزح معكم ههههههههههه .. و خشمه طويــل و نحيف و واقف
.. مثل السيف على قولهم .. وحالق لحيته خليجيه
أظن هذا اسمها ههههههههههههه شعره أسود و ناعم
و كثيف و مطوله لآخر آذانه مطلعه جناااان ..
و لما وقف انتبهت لجسمه هو سبــــورت واااجد وطويل يعني لما وقف
كان رأسي يوصل لكتفه ..
اممممممممممم وش بعد هههههه بس هذا هو و كان لابس بنطلون أسود
و بلوزة شتوية رصاصية و جاكت أسود ..
طبعا لأننا بالشتاء بلندن ..
فاجأتني جمانه لما صرخت عند آذني والله خلتني أقفز من مكاني وأناظرها
و أنا متخرعة و هي مالت عليها جلست
تضحك من قلبها .. رحت ضربتها على ظهرها بس خفيف ..

ريمان : مــــــــالت عليك جمّون خرعتيني ..

جمانه : ههههههههههههههههه اللي مآخذ عقلك يتهنى به ..

ضحكت على كلامها و حاولت أبرء نفسي ما أبغى أطيح من عينها بصراحة ..

ريمان : ههههههههههههههههه لا يروح بالك بعيد توني مكلمه بندر " أخوي "
و جلست أفكر فيه ..

أظن ان قلبها رقع هههههههههههههه أعرفها جمّون تحب أخوي بس هو الله يأخذه
اوووووه أقصد الله يهديه يحب الخبلة بنت عمي الثاني و اسمها " وضحى "
اللي سماها عمي على أم زوجته .. ما أقول غير مالت على بندر ما أدري
وش عاجبه فيها .. لحظة ما راح أكذب هي جميلة و كل شيء فيها حلو بس
طبعا جمّون أحلى منها بكل شيء
رجعني من أفكاري صوت جمّون ..

جمانه : اممممممممم ريم شخبار أهلنا الحين ما قال لك ..

ابتسمت و ضربت كتفي بكتفها بمزح ..

ريمان : أهلنا هااااه اختصري وقولي بندر ههههههههههههههههه ..

شفتها انصبغت باللون الأحمر ومسكت المخدة حقت الكنب ورمتني بها ..

جمانه : حمــــــاره ..

جلست أضحك و أنا رايحه على الحمام .. " الله يكرمكم " .. عشان أتوضآ و اصلي
المغرب لأن الشمس غربت ..
و هي جلست فوق الكنبة و جلست تقلب في قنوات التلفزيون .. معذورة عندها
العذر الشرعي ..ههههههههههههههههههههههه و أنا أتوضآ سألتها ..

ريمان : جمّون اشكثر تحبين بندر ..

ردت علي بدون ما تناظرني بس ابتسمت ..

جمانه : كبر بريطانيا و لاّ أقول كبر المجرة بس هو الغبي يحب الوضحه ..

قلت لها و أنا خارجة و رايحه على غرفة النوم ..

ريمان : لا تخافين مرده لك انت و راح يعرف قيمتك ... انت روحي صلي بس ..

(( تعمدت أقول لها تروح تصلي عشان أوريكم وش بتسوي وكالعادة )) ..

رمتني بشبشب البيت ..

جمانه : أروح أصلي هااااه تسوين روحك ما تدرين ..

ضحكت و أنا ألبس إحرام الصلاة صليت و استغفرت بعدين ناظرتها قررت
أقول لها عن هيثم لأني بعمري كله
ما خبيت عنها شيء .. رحت لها و طفيت التلفزيون ..

ريمان : جمّون قومي نسوي العشاء مع بعض و ابي أقول لك موقف صار لي لما رحت أشتري ..

قامت و هي تناظرني بنص عين كأني مسويه شيء غلط ..

جمانه : شسويتي من وراي ..

غطيت وجهي بيدي و أنا أتطنز و قلدت صوت برهومي ولد أخوي متعب ..

ريمان : والله ما ثويت ثيء هههههههههههههه ..

ضحكنا و رحنا و سوينا معكرونة مع صلصة طماطم وسوينا عصير برتقال و بالمرة
قلت لها السالفة ..
عكس ما توقعت جلست تضحك ..

جمانه : ههههههههههههههههههههههههه هههههههههه ..
(( تصدقون توقعتها تهزئني )) ..

جمانه : هههههههههه يالله يا رب تتزوجينه ..

ضحكت على كلامها وشو أتزوجه بجد جمّون حالمية و بزيادة ..

ريمان : هههههههههههههه لا وين جمّون أتزوجه نسيتي اني ما أعرفه و لا
بشوفه مرة ثانية بس تصدقين وجهه مألوف لي ..

ناظرتني وهي تأكل ..

جمانه : لا تتشامئين أجل و قولي آمين ..

ريمان : انتي لا تتفائلين كثير .. وين هو و وين أنا و لا تنسين انه إماراتي و أنا سعودية ..

جمآنه : بسس ..

ريمان اقاطعها : أوبس شوووفي الفيلم بدي ..

عقب اندمجنا بالفيلم الأكشن اللي كنا نحتريه و جلسنا نتابعه
لين جاء وقت صلاة العشاء صليت و رحت أنا و جمّون ننام
هذه عادتنا نصحى الساعة خمس نصلي و نفطر لين يجي وقت المحاضرة
و نروح بسيارتي ..
و بعدين نرد على الشقة الساعة 3:30 الظهر نتغدا و نذاكر و نراجع دروسنا لين العصر
نروح نتمشى أو نسوي أي شيء لين يجي المغرب نصلي
و نتعشى و في الوقت اللي نخلص فيه العشى يجي وقت صلاة العشاء نروح نصلي وننام ..
أعرفكم على جمّون هذه أغلى إنسانة على وجه الأرض و بدونها كان انتحرت ..
هي بنت عمي و تدرس معي بلندن من يوم فتحت عيني على الدنيا و هي
معي حتى الناس صاروا يظنونا توأم وعمرنا
حوالي 20 سنه و طبعا هذه آخر سنه لنا بالجامعة يعني بعد كم شهر
بنرجع لربوع بلادنا سالمين ان شاء الله .. و بس هذه
هي حياتنا في لندن مستأجرين شقة تكفينا غرفة و صالة و حمام و مطبخ
بس و الحمد لله ان الكل في العمارة مسلمين من
لبنان عايشين هنا في لندن و من زمان و شقتين يعيشون فيها خليجين
و كلهم بنات و لنا بلندن تقريبا ثلاث سنين ...


****************************************


آوكككيك دآ آوّل بآرت ^^
آرآئكم '$

[لامارا]

البارت الثآني :



************************************************** ********





.. . (( هـــيـــثـــم )) ..





كنت أتعشى بهدوء و مسرح على الأخر بأكثر من شيء و ولد عمي

يالس يرمس و أنا هب ويّاه موليه ..

كنت أفكر بلامبرد و جوليانا الحقيرة و مرة بالملاك اللي جفته اليوم ..

حشا والله هب بنية الا حورية .. .

رغم انها كانت لابسة جاكيت طويل لنص فخدها و لافة شعرها

بالشيلة الا ان ملامح ويهها كانت خبــاااال ..

بيضة و عيونها وساع و سوده و فيها لمعة .. و رموشها طويلة وكثيفة ..


و خشمها طويل و نحيل و خدودها محمرة من البرد .. و فمها آآآآه يا ذاج الفم ..

هيييييييي عمى في عيني والله اني جليل أدب و ماصخ هب من حقي أفكر هالتفكير البايخ ..

بس عليها جسم بنت اللذين و لا عارضات أزياء ..

أحلى من الخبلة اللي أمي تباني أتزوجها ذيج ما تطول ريمان برمشة حتى .. يا كرهي لها !!

قطع حبل أفكاري صوت فارس يا حرااااااااام كنت سرحان طول ما هو يرمس ..

طالعته وانا ابتسم ..

هيثم : هلاااا والله شوه في شيء ..

ضرب فخده بيدينه هههههههههههه عادته اذا حرّج يسوي هالحركة .. طالعني ..

فارس : كنت أدري اني أرمس اليدر ..

ضحكت و أنا أبلع اللقمة ..

هيثم : هههههههههههههههههههه عيل كمل سالفتك ويّاه ..

طالعني بقهر ..

فارس : هيثم يالجلب حرام عليك انت تدري اني أحرج لما أرمس واحد هب ويّاي ..

ابتسمت أبي أهدئه ..

هيثم : السموحة فروس آخر مرة أسرح .. .. اممممممممم شوه كنت تقول ..

رد يأكل ولا أعطاني ويه ..

فارس : اجلب ويهك ما راح أرمسك ..

حاولت أراضيه ما أحبه أبد لما يزعل .. شكله يلوع الجبد هههههههههه ..

هيثم : عيل ما راح أقول لك شوه استوى ويّا لامبرد اليوم ..

طالعني بسرعة ..

فارس : شوه انت جابلته متى و ما شي جامعة ..

ابتسمت و حمدت ربي انه نسي حرته ..

هيثم : انزين حبه حـبـه خلني أرمسك بهدوء ..

طالعني وهو يقول بتهديد .. اونه يهددني ههههههههه ..

فارس : يالله بسرعة عن أحرّج ..

قلت له أترجاه ..

هيثم : لا الله يخليك الا حرتك ما أباها ..

ابتسم و هو يشرب عصيره ..

فارس : انزين رمس يالله .. شوه استوى ؟!! ..

هيثم : اتصل علي اليوم و قال تعال أبا أجوفك عدال ذيج الجمعيه .. تعرفها فروس ..

(( هز رأسه بمعنى " هيه " .. كملت رمستي .. )) .. بس و سرت له ..

طالعني محرّج ..

فارس : و لا عرفت تقول لي قبل لا تسير ..

سكت و خفت يحرّج بس بالأخير رمست ..

هيثم : جفتك راقد ما حبيت أخرب رقادك ..

رد يأكل ..

فارس : ماشي و شوه استوى بعد ؟! ..

هيثم : و لا شيء بس هزبوني و ضربوني لين قلت بس .. و ساروا عني ..

ما حسيت الا بالموية الباردة على ويهي و صدري نشيت من مكاني و أنا

أشهق و ناظرت فارس و أنا محرّج ..

أما هو كمل عشاه ببرود قلت له و أنا أصك على أسناني ..

هيثم : فارس شوه هاللّي سويته ..

قال بدون ما يطالعني ..

فارس : تستاهل .. عيل لو جتلوك أنا شوه أستفيد انت أدرى انهم بلا مذهب و عادي يجتلونك ..

ابتسمت يا حبني له خايف علي .. أعرف انه محرّج مني بس يتظاهر بالبرود أدريبه خبز يدي ..

يلست و كملت أكلي و هو طالعني و ابتسم ..

فارس : شوه فيك كمل السالفة و لاّ زعلت و لا بترمسني ..

طالعته كنت ما زلت محرّج منه بس بسمته نستني حرتي ابتسمت له ..

هيثم : لا ماشي شيء ثاني بس جفت لك ملاك على صورة بشر ..

قطع رمستي ..

فارس : لا تقول انها من الشقراوات يعععع ما عندك ذوق .. ماشي أحلى من الخليجيات ..

ابتسمت أعرفه ما يحب الشقراوات أبدا و لا يدانينهن ..

هيثم : لا خلني أكمل هي لا شقراء و لا سوداء هههههههههههه ..

ابتسم لي و هو يطالع التلفزيون ..

فارس : عيل !! .. .. .. .. صفــــراء ؟!!

ضحكت على رمسته ..

هيثم : هههههههههههههههههههههههه لا تبا الصج سعودية ..

طالعني على طول و قال بيدية ..

فارس : حــــــــلـــــــوة ..

حطيت يدي على قلبي جأني بيغمى علي ..

هيثم : تذوب فروس .. بالذات ذيج العيون آآآآآآه فروس جان زين ما ذبت عندها ..

ابتسم و كمل أكله ..

فارس : و بعدين ما شبكت ويّاها ..

ابتسمت و قلت له شوه قالت لي ريمان لما طلبت رقم موبايلها .. راح فروس ابتسم ..

فارس : تستاهل خلها تعلمك الأصول ..

هيثم : صج والله أنا أستاهل البنية واضح انها محترمة بس بنت اللذين عليها شكل ..

تعق الطيــــــر من السماء ..

ما أقول غير آآآخخخخ .. على حظي الخايس ..

ابتسم و لا رد و عرف اني اقصد ميثا .. طالعنا التلفزيون عقب نشيت

و شلت المواعين للمطبخ و غسلتها و عقب

رديت و يلست حذال فارس .. بعد فترة طالعته ..

هيثم : فارس ..

طالعني بدون ما يرمس ..

هيثم : علامك زعلان مني ..

فارس : لا بس جان قلت لي الله هداك .. . ربي حفظك و لاّ منت يالس حذالي الحين ..

قلت و أنا أتأفف ..

هيثم : اتمنى ما أجوف ويههم مرة ثانية ..

قال لي و هو يطق بإصبعه رأسي ..

فارس : انت لا تجرب منهم و لا من جوليانا أبدا و لا حتى تطالعها و هم بدورهم ما راح يأذونك ..

سكت و هزيت رأسي شرات اليهال اللي يسمعون رمسة أبوهم ..

بس تدرون أنا أعتبر فارس شرات أبوي و أخوي

أكثر من كونه ولد عمي و ربيع الطفولة الحين عمرنا 27 سنه ..

و من يوم ما ييت بريطانيا عسب أدرس و هو ويّاي

خطوة بخطوة .. رحنا بالأول ليفربول و درسنا بجامعة فيها .. عقب انتقلنا هني في لندن ..

و بنكمل فيها آخر سنه بإذن الله ... و ما جان في محاضرات لا أمس و لا اليوم ..

بس تدرون شوه تمنيت بصراحة تمنيت لامبرد و شلته و ويّاه جوليانا

يموتون بالطريج عسب أرتاح من حشرتهم ..

قطع حبل أفكاري صوت فروس طالعته و أنا اتمنى انها المرة الأولى اللي

يرمس فيها عسب لا يحرّج علي و ابتسمت له ..

هيثم : هلاااا ..

جان يطالعني و هو مستغرب عقب ابتسم ..

فارس : علامك تبتسم ما قلت لك شيء ..

ابتسمت و أنا مرتاح انه ما جان يرمس من أول قلت أصرف السالفة ..

هيثم : لا بس الابتسامة في ويه أخوك صدقة ..

يلس يضحك على رمستي يااااه والله اني أستانس لا ضحك .. والله ان فروس

يستاهل الضحك و الراحة بس ليش

بتعرفون عقب ما يرقد ما أباه يحرّج علي اذا سرحت .. عقب ما وقف ضحك

طالعني و قال و هو مبتسم ..

فارس : تدري اننا بندرس في جامعة ثانية ..

هيثم : هيه أدري ..

كمل كلامه بابتسامة ما تطلع الا وراه سالفة ..

فارس : فكر زين هيثوم يعني باجر راح نجوف حوريات و ويوه جديدة ..

ابتسمت ما قلت لكم وراه سالفة ..

هيثم : كنت أدري هالابتسامة ما وراها الا البنات ..

فارس : ههههههههههههههههههههههههه ههههههه تبا تقول انك ما تهتم ..

قلت له : لااااا من قال جيه .. ما أكون هيثوم اذا ما اهتميت بالبنات ..

قال لي و هو مبتسم و رافع حاجبه ..

فارس : أدريبك أكبر مغازلجي في الإمارات ايش بيسوي هني بيتأدب مثلاً ..

ابتسمت و قلت له و أنا أطالعه بنفس الطريجة ..

هيثم : ههههههههههههههههههههه أدري اني طالع على ربيعي .. " قصدي عليه طبعا " ..

ضحك و هو ينش من مكانه ..

فارس : هههههههههههههه جب زين .. و نش صلي و أقرأ قرآن أبرك لك و أرقد ..

نشيت و أنا أضحك ..

هيثم : ههههههههههههههههه زين أبويه ..

رحت بندت التلفزيون و الليت و رحنا صلينا عقب كل واحد رمى روحه على سريره ..

عادة فارس انه اذا حط رأسه على المخدة يرقد على طول أما

أنا أتجلب الين ما يرحمني النوم و ييني ..

طالعت فروس جفته مغمض عينه وخصل شعره على ويهه فارس

شعره أكثر من شعري و أطول وااايد ناديته ..

هيثم : فـــارس ..

سمعته يرد بثجل و من دون ما يفتح عينه ..

فارس : هممممممممم ..

رديت ناديته أباه يطالعني ..

هيثم : فــــــارس ..

فج عينه و طالعني و ابتسم ..

فارس : هاااه .. .. هيثوم حرام عليك بالغصب ياني النوم تيي انت تخربه ..

جان ودي أضحك على رمسته فروس يالس يقص علي ولاّ على نفسه ..

قال شوه بالغصب ياني النوم ..

الجذاب أصلا أول ما يحط رأسه على مخدته ينام اونه ما ييه

النوم الآ بالغصب هههههههه ردني صوته ..

فارس : هيثوم لا تسرح قول شتبا ..

هيثم : أبا أقول لك تصبح على خير ..

ابتسم و غمض عينه و رد بهدوء ..

فارس : و انت من أهله ..

ما مرت دقائق الا جفته يتنفس ببطء عرفت انه نام .. شلت عيني على السقف و يلست أفكر .. .

تذكرون لما قلت لكم انه يستاهل الضحك و الراحة .. الحين أقول لكم ليش ..

فارس يوم جان عمرنا 18 سنه حصل له شيء ما أدري اذا نساه أو لا .. .

جان يحب بنت ييراننا و اسمها " شما " يحبها من جان عمره 13 ..

جان دوم يرمسني عنها و انه يحبها و انه يبا يتزوجها

بعد ما يتوظف لكن الزمن دار و خطفها الموت بحادث وايد مأساوي

جانت رادة من المدرسة و يات سيارة و دعمتها و سارت

أذكر ان فارس صار منطوي شرات اليهال ما صار يرمس و لا يضحك

و أنا بعد لما أروح له جان ييلس ساكت

و دمعاته تيري على خده .. . بس لما يينا هني بلندن بدي يتغير

صار يرد فروس الأولي اللي ينكت و يرمس وااايد

و يغازل ههههههههههههههههههههههههه هههه والله اني مستانس له

ربي يديم الضحكة له .. هذا هو فارس بلياه ما

في حياة بعيني .. . جنا ندرس في ليفربول قبل قلت لكم و الحين يينا لندن

عسب نكمل آخر سنه و ما بجي الا جم

شهر و نرد لربوع الإمارات و ان شاء الله بعد أسبوع بـ ييون ربعنا من ليفربول .. .. ..




**************************************************



.. . (( ريــــمــــان )) ..




فتحت عيني على صوت منبه الجوال رفعته و قفلته و ناظرت جمّون كانت

رايحه في سابع نومه حليلها نومها ثقيل

مو مثلي أصحى من همسة .. قمت من سريري و رحت الحمام

" الله يكرمكم " توضيت و صليت و رحت

لجمون عشان أصحيها .. و ما صدقت انها صحيت قامت عن سريرها

بكسل و لما رحت عنها انسدحت و رجعت نامت ..

و أنا أسوي الفطور بالمطبخ .. خلصت و رحت لها أكيد انها نسيت أن

دكتورنا قدم وقت المحاضره عن موعدها المعتاد

و أنّ لازم نروح أبدر ..

ريمان : جمّون قومي لا تنامين ..

ما ردت علي بس عقدت حواجبها رجعت و هزيتها ..

ريمان : جمّون نسيتي موعد المحاضره الجديد ؟

راحت قفزت من سريرها و هي تحك عيونها ..

جمانه : اووووووووه صح نسيت خلينا نروح بسرعه ..

ضحكت و أنا أسحبها ..

ريمان : أول نفطر عقب نروح نلبس و بعدها نروح ..

رحنا فطرنا على الساعة سبع قمنا نلبس لبست جاكيت بيج و

طويل لنص الفخد و بنطلون سكيني بني غامق ..

و جمون جاكيت أبيض بعد طويل مع بنطلون سكيني أسود

و جزمه بيضاء - و انتم بكرامه – و شنطه سوداء ..

المهم و كل وحدة فينا لبست شيلة حول شعرها .. و سوينا كالعادة الكحل

و القلوز و حطينا مرطب و شلت شنطتي البنية ..

عقب وقفنا عند المرايه حليلنا كنا مثل التوأم ضحكنا و شلنا جوالاتنا

و مشينا قفلنا كل شيء و بالأخير قفلنا باب

الشقة و حطيت المفتاح في شنطتي و نزلنا بالمصعد عند السيارة قابلنا البنات اللبنانيات

اللي يسكنون قبال شقتنا ..

أشرت وحدة بيدها وهي مبتسمة واسمها ..

يسرى : اهلن ..

رديت عليها و أنا مبتسمه .. .

ريمان : هاااااي ..

صديقتها الثانية اسمها نادين قالت بابتسامة ..

نادين : كيفكو ريمان و جمانه ؟

جمانه : كلنا بخير الحمد لله .. و انتم اشلونكم ..

نجلاء : طيبين و مرتاحين ..

بيني و بينكم أنا ما أرتاح لهذولا البنات لأنهم فاصخين الحياء ..

المهم سحبت جمّون و أنا أقول بابتسامة ..

ريمان : يالله عن إذنكم ورانا محاضرات و ما نبي نتأخر ..

أشروا لنا بيدهم يعني .. "باي " .. و راحوا على سيارتهم ..

و حنا بعد رحنا و ركبت سيارتي أنا و جمّون أنا

اللي أسوق و جمّون جنبي ..

المهم جلست جمون عقب فتحت دفترها و جلست تكمل البحث حقي

و حقها و تسألني و أنا أسوق ..

المهم وصلنا الجامعة وقفت السيارة بالمواقف و ناظرت الناس حولي ..

للحظة حسيت ان كل طلاب الكرة الأرضية

جايين يدرسون بجامعتنا والله ما تتصورون اشكثر زحمة ..

يا ربي عونك .. شلنا شنطنا و نزلنا من السيارة ..

رحنا مشينا سريع على الكلاس لأننا حـيـل تأخرنا و الدكتور هذا

في التأخير محد يناقش معه طردة على طول ..

المهم دخلنا الكلاس و جلسنا بمكاننا المفضل ورى على الزاوية جمّون

متساندة على الجدر و أنا اللي جنبها و من

جنبي باقي الكراسي المهم ناظرت جمّون و هي ماسكة الدفتر و تكمل يا

حبي لها ما تتعب مثلي من الدروس ..

المهم قلت لها و أنا أضرب فخدها بخفيف ..

ريمان : شفتي جمّون حـيـل زحمة ..

قالت لي و هي تبتسم بس ما رفعت عينها عن الدفتر ..

جمانه : ايه شفت .. في مملوحين جدد بعد ..

ضحكت و أنا أضرب كتفها ..

ريمان : جمّون وش اتفقنا لا تقزين الشباب ..

جمانه : ههههههههههههههههههههههههه ههه لااا لا تخافين مو جمّون اللي تقز ..

فاجأنا شابين اظن انه واحد منهم سعودي .. المهم انه قال بنبرة ماصخة ..
.. : سلااااام على الحلوين ..

ناظرته أنا و جمّون بحاجب مرفوع جمّون ردت عينها للدفتر و أنا رديت بدون نفس ..

ريمان : هلاااا أخوي تبي شيء ..

تكلم اللي جنبه و من نبرته و شكله خمنت انه بحريني ..

.. . : صبـــاح النور والورد و الياسمين ..

رديت بضيق و أنا أطلع دفتري من شنطتي و أقلبه ..

ريمان : صباح الخير في شيء ..

السعودي : ايه بغينا نتعرف ممكن يا حلوات ..

ما رديت عليه و عيني خليتها على دفتري ..

السعودي : أفـــااا أحد يشوف القمر و يصد عنه ..

ما رديت عليه و خليته ساكت وعلى قولة المثل " أقتل صاحبك بالسكوت "..

بس الحمار جلس واقف و هذا اللي ضايقني بس بعد صبرت أشوف آخرتها معه ..

سمعت صوت البحريني يكلمه ..

البحريني : خلاص محمد تعال ما ينعطون ويه ..

أجل اسم السعودي محمد بس بعد ما رديت و راحوا هم / ناظرتني جمّون ..

جمانه : هههههههههههههه عجبتيني والله حرقتيهم وخليتيهم يروحون ..

ريمان : هههههههههههههههههههههه ما عليك منهم خلينا في حالنا ..

قطع سواليفنا صوت الدكتور و هو يدخل .. كان دكتور شايب و يلبس نظارة ..

تصدقون لما كنت صغيرة كنت

أخاف من الشياب اللي يلبسون نظارات سواء كان رجال او حرمه بس

هالدكتور حليله أحسه طيب و الطلاب

يضحكون عليه بكم كلمة .. المهم عم الصمت القاعة الا من صوت الدكتور

و تعليقات بعض الشباب على هذه

و ذيك خلصت المحاضرة الأولى و طلعت أنا و جمّون و مشينا على الكافيتريا ..

جلسنا فوق طاولة و مسكنا رواية اشتريناها قبل يوم واحد و جلسنا نكملها

و ننتظر المحاضرة الثانية ..


************************************************** *



ان شاء البارت الثالث حيكون يوم الآربعاء ..
آرآئكم ^^

[لامارا]

آلبآرت الثآلث ..
آن شاء يعججبكم '$




*************************************




.. (( هـــيــــثــم )) ..



قلت لفارس و أنا أطالع البنات الشقراوات حولي ..

هيثم : أوب أوب والله طحنا و احنا واقفين ..

فارس : هههههههههههههه هيثوم شوه قلت لك قبل نيي هني ..

طالعته و أنا ابتسم و قلت و أنا أقلد صوته ..

هيثم : لا تطالع الشقراوات ما فيهن حلا ..

فارس : هههههههههههههه عفية على الشاطر .. .. (( وبعدين أشر على مكان )) .. ..

طالع هيثوم أخمن انهن سعوديات ..

طالعت و أنا ابتسم بس لما شفت اللي جالسة هي و الثانية راحت ابتسامتي زخيت يد فروس ..

هيثم : فروس هذه ريمان ..

طالعني و رجع طالعها ..

فارس : صج .. . والله انك صادج بنت اللذين هي و اللي حذالها عليهن جمال ..

ابتسمت و سحبته ..

هيثم : تعال فروس نسير لهم ..

وقفني و هو يطالعني باستغراب ..

فارس : شوه هيثم قلت لي انها محترمة ..

هيثم : ماشي أنا ما راح أغازلها ..

و سحبته و هو ابتسم و سار معي ..


***********************************


.. (( ريـــمـــان )) .. .

كنت أقرا أنا و جمّون و زين أنا ما بكينا من أحداث الرواية .. لمحت اثنين يجون لنا لما ناظرتهم

انصدمت و ناظرت جمّون و أنا أقول بهمس ..

ريمان : جمّون ناظري هذا هيثم ..

رفعت رأسها بسرعة و ناظرت عقب ناظرتني ..

جمانه : أي واحد ؟!! ..

ناظرت ما عرفت وش أقول لأنهم كانوا مطقمين مثل بعض بس قلت لجمون ..

ريمان : شوفي هيثم اللي بشرته بيضاء الثاني أسمر منه شوي .. .

لفت تناظرهم و أنا خليت عيني على الرواية ..

جمانه : أهــاااا عرفته .. .. (( و ارتبكت و ناظرتني )) ..

جمانه : ريم تراهم جايين لنا ..

ناظرنا الرواية و قلت لها و أنا أقلب الصفحة ..

ريمان : ايه أدري ما عليك ..

رفعت عيني مرة ثانية و شفته وقف عندنا و هو مدخل يده بجيبه و مبتسم وقفت و ابتسمت

أما جمّون ما وقفت .. ابتسم هيثم و هو يوزع نظراته بيني و بين جمّون ..

هيثم : حيا الله ريمان شحالج ..

ابتسمت زين انه ما مد يده لأني ما أحب أصافح الشباب ..

ريمان : الحمد لله بخير و انت ..

قال و هو يناظر جمّون و رد ناظرني ..

هيثم : بخير يا مال الخير .. (( و هز كتفه و هو يبتسم أكثر )) .. أظن ان أمنيتي تحققت ..

ابتسمت عرفت انه يقصد يوم قال لي " أتمنى أجوفج مرة ثانية " ..

ريمان : ايه من حظك ..

ناظر الجامعة و عقب ناظرني ..

هيثم : انت تدرسين في هذه اليامعة صح ..

ابتسمت له أكيد انه من الدفعه اللّي جات قريب ..

ريمان : ايه .. . انت جديد هنا ؟

هيثم : هيه .. الا ريمان أي سنة تدرسين ..

جاوبته و أنا أناظر اللي معه ..

ريمان : آخر سنة ..

شفته يناظرني باستغراب ..

هيثم : جم عمرج ؟ .. أنا أعطيج 19 أو 20 واحد من هذولا ..

ريمان : ايه عمري 20 حنا ندرس من ثلاث سنين و خلاص هذه آخر سنه ..

هز رأسه و قال و هو يناظر فارس ..

هيثم : حلــو .. .. أنا عمري 27 و آخر سنة بعد ..

قلت له باستغراب ..

ريمان : ليش درست ست سنوات هنا ..

ابتسم و هو يهز كتفه ..

هيثم : هيه .. أكيد تخصصي غير عن تخصصج .. (( حوط يد صديقه و قال لي )) ..

أعرفج على ولد عمي الغالي فارس يدرس معي هني ..

ابتسمت لفارس ..

ريمان : تشرفت ..

(( ناظرت جمّون كانت تلعب بأصابعها هههههه حليلها أدري انها خجولة و حساسة أكثر مني )) ..

ريمان : هذه بعد بنت عمي الغالية جمانه ..

ناظرها فارس و هو مبتسم ..

فارس : تشرفنا جمانه و ريمان ..

ناظرته جمّون ..

جمانه : لنا الشرف ..

جلست و مسكت شنطتي و حطيتها على حجري يعني خلاص روحوا لأني فعلا ما اتعودت أسولف مع شباب ..

أظن ان هيثم فهم قصدي لأنه ابتسم ..

هيثم : المهم ما نبا نثجل عليكم .. يالله نجوفكم على خير ..

ابتسمت تدرون انه غير عن كل الشباب اللي حاولوا يتعرفون علينا قبله ..

هذا أحسه محترم ومؤدب والدليل انه ما لصق فينا .. ابتسمت ..

ريمان : في حفظ الله .. .

راح هو و فارس و أنا سحبت الرواية من على الطاولة و جيت أفتحها بس جمّون سحبتها مني و ناظرتني ..

جمانه : ريم شفتي اللي معه .. ..

ناظرتها و أنا أبتسم و قلت .. ..

ريمان : ما عليك باللي معه شرأيك فيه هو ..

جمانه : يجننننننننن بس اللي معه يذبح ..

المهم سحبت الرواية و فتحتها ..

ريمان : ما علينا منهم لا تنسين ما نبي نحتك بالشباب على آخر سنه ..

(( و ناظرتها بنص عين و قلت لها )) .. حذاري جمّون نسيتي بندرووه ..

ابتسمت جمّون بخجل و رجعت تقرأ معي الرواية .. .

أما أنا راح بالي كله لبندر مالت عليه والله و لا يفكر في جمّون حتى اني أشك انه يدري ان عنده

بنت عم و اسمها جمّون الا لما يشوفها ..

.. يقول وشو .. " حياتي بين يدين وضحى " .. كل تبن انت و هي .. .

و هذه وضحى الحمارة تحب هي و أمها منيرة بعد يتشمتون في جمّون .. .

أذكر اننا رحنا عزيمة في بيت جدي .. و كنا جالسين كلنا بالمجلس عدا الشباب اللي سلموا

و راحوا يجلسون لحالهم في المجلس اللي بالحوش .. (( حنا نجلس مع عيال عمنا بس متحجبات ))

المهم دخل علينا بندر وما صدق خبر بقق عيونه

على وضحته .. حتى ان جدي لما سأله ما شال عينه عنها مالت عليه ..

جدي محمد : اشلونك يا وليدي عساك بخير .. أحوالك و أخبارك خبرنا عنها ..

رد بندر و كأنه يقول لوضحى هالكلام ..

بندر : بخير دامكم بخير .. أحوالي مشتاق لكم حيل حيل ..

وضحى سوت حالها مستحيه .. وجع مالت عليها تحوم الكبد .. من قهري كان ودي أقوم و أخنقها و أدفنها في

مكانها .. ناظرت جمّون لقيتها تلعب بطرف شيلتها و عينها على الأرض يا ربي عارفه انها زعلانه و متضايقة

أدريبها خبز يدي و توأم حياتي .. المهم راحت أم وضحى زادت الطين بله ..

منيرة : دامك مشتاق يا وليدي ما تتزوج و تطفي لهفة الشوق ..

انتم اسمعوا بس وش تقول .. " طفي لهفة الشوق " .. الثانية مسوية لي فيلم هندي ..

قامت جمّون في هذه اللحظة و كانت بتروح بس جدتي الله يهديها وقفتها ..

جدتي سلمى : وين يا بنيتي رايحه أيلسي ..

.. (( حليلها جدتي هي و جدي و أعمامي ما يدرون عن الدنيا من حولهم )) ..

شفت بندر يناظرها و ملامحه مرة جامدة ما قلت لكم هذا طالع عكسي و عكس متعب ما عنده ذرة مشاعر ..

قالت لها جمّون و هي تضيع نظراتها عن وضحى و أمها و بندر ..

جمانه : رايحه أشرب مويه و أرجع ..

راحت الملقوفة منيرة تكلمت ..

منيرة : رايحه تشربين و لا تطفين نار الغيرة .. .

بالله لو كنتم مكانها و قال لكم أحد كذه قدام كل أعمامكم و زوجاتهم وش كنتم بتسون فيه .. وقفت جمّون و ناظرت

منيرة أنا خفت على جمّون .. أعرف انها تقدر تدافع بس بالأخير تنهار و تصيح و هذا اللي ما أبيه يصير قدام

منيرة و وضحى و قدام بندر بعد .. عشان كذه سحبت جمّون وانا أقول وأناظر منيرة ..

و بنتها وضحى و أنا أوجه لهم الكلام ..

ريمان : لااا لا تخافين لا غيرة و لا شيء حنا رايحات غرفة عمي خالد ..

" بعدين أعرفكم عليه هذا أحلى عم بالدنيا كلها "

ريمان : بعيد عن البكتيريا اللي تضيق الصدر و الخلق ..

و مشيت أنا و جمّون طلعنا غرفة عمي خالد وقفلنا الباب ورانا .. يالله حيل حزنتني جمّون و حز بخاطري حالها

لأنها جلست تصيح بس الحمد لله انها هدأت و رجعت لطبيعتها ..

كان عمرنا 17في ذاك الوقت حتى وضحى كبرنا أما بندر عمره 23سنه .. . من ذاك اليوم قررت أحاول أخلي

بندر يحول على جمّون ويترك الخبله وضحى .. بس كل محاولة تفشل بصراخ بندر ولاّ بنظراته اللي تقتلكم من

الخوف هذا غير أخو وضحى .. عاد أخوها قصة ثانية ..

اسمه تركي وهو صاحب بندر الروح بالروح و مرة مضايقني قرب تركي لبندر وأحيانا يأخذ من تركي السافل

بعض نذالته و أكبر نذالة يسويها بندر هو صده لجمون .. .

المهم هذا تركي مرة أخاف منه و لا أحبه أصلا كل أولاد أعمامي عادي لو جلست معهم لحالنا بس تركي من

المستحيلات اني أجلس معه لوحدي .. .

نظراته لي تقتلني و تحرقني من الحياء يأخذني من أولي لآخري .. .

أكرهه مرة من نظراته و حركاته حتى كلامه وقح و واطي .. معذور شاب متعود على الإستراحات

يتحسب كل بنات الدنيا مثل بنات الشوارع اللي يكلمهم .. منه جاتني عقدة ما صرت

أحب الشباب أبدا عدا أخواني ..

بس عقب جيت لندن بديت أتعود على الشباب و يا كثرهم حولنا ..

أتذكر ذاك اليوم و أحس اني أعيشه بتفاصيله يوم أســـــــود بالنسبة لي ..

كنت رايحه للمطبخ التحضيري اللي بالحوش .. (( طبعا ببيتنا )) .. المهم وما كان في أحد بالبيت أمي و أبوي

طلعوا رايحين عمرة لمكة و متعب بعد راح هو و حرمته " أسيل " للشرقية يتمشون ..

و بندر مو موجود بالبيت .. المهم رحت المطبخ التحضيري لأن الخدامة حطت كرتون الاندومي فيه ..

قررت مرة وحدة أسوي الاندومي في هذا المطبخ .. (( ما كنت خايفه عادي الحوش مسور و سوره عالي )) ..

خلصت من الاندومي حطيتها بالصحن و مسكت الشوكة وكل هذا ما انتبهت للعيون اللي تأكلني و راعيها واقف

عند الباب و متساند عليه .. انصدمت لما لفيت خارجه و زين ان الطاولة كانت قريبه فحطيت الصحن عليها برجفه ..

آآآآه لو تشوفون نظراته ذاك اليوم بتموتون من الخوف .. حسيت لوهلة اني

ابي أصيح بس حاولت أكون متماسكة و قوية

قدامه لكن من داخلي كنت أرتجف .. كنت بعد اذكّر نفسي [ ذا ولد عمّك ريمان / انتي عرضه شبيسويبك يععني ؟! ]

لما شفته طول ناظرته قلت بقوة ظاهرية ..

ريمان : هلا تركي تبي شيء !!

ما تكلم كل اللي سواه انه ابتسم بخبث وااضح و بصراحة ابتسامته خوفتني .. .

بلعت ريقي و همست ..

ريمان : بندر مب هنا ..

ما رد و ابتسامته زادت .. كان مكتف يدينه على صدره و لما قلت هالكلام نزل يدينه و قرب مني أنا رجعت لين لصقت

بالدولاب كنت أتمنى أقفز من الدريشه من الرعب .. ابتسم يوم شافني لصقت بالدولاب و قرب مني لين حسيت بحرارة

أنفاسه .. كنت أرتجف وقلبي دقاته سرعت بشكل جنوني حتى اني ظنيت ان كل شعب الخليج سمع دقاته مو عاد

شعب السعودية .. شهقت لما مد يده يبي يمسك خدي رحت رفعت يدي وضربت يده أبعدها عني و حاولت أبعده

عني و أنا أهمس ..

ريمان : شتسوي انت .. شتتحسب نفسك ؟!

بس يا هو جبل و لا يتحرك كل اللي سواه قرب أكثر مني ومسك يدي اللي ضربت يده و قال بصوته اللي أكرهه ..

تركي : أدري أنّ بندر مب هنا ... أوبس أوبس وشوله تصيحين الريم .. خايفه منّي ؟

ايه كان صادق بكل كلمة قالها أنا أخاف منه و كنت أصيح بعد .. ايه لما قرب مني ما قدرت أستحمل و نزلت دمعاتي

على خدي سيول .. فتحت فمي أبي أصرخ رغم ان الخدامة نايمة بس بعد أحاول لعل وعسى تقوم بس هو حط اصبعه

على فمي و قال و هو مبتسم ..

تركي : شبتسوين هاه ! بتصارخين أفا عيب عليك الريم / شبيقولون الناس تصارخ خايفه من ولد عمّها ..

ريمان بطنازه : زييين وخرّ يا ولد عمّي ...

تركي مطنّش : ليش أوخّر ؟!

ريمان برجفه : بلييززز .. وخرّ ..

تركي : الريم أنـا ا ....

و سكت دقايق يناظرني .. قبل لا يهمس عند أذني ..

تركي : أجل بتسافرين لندن و تنفكين مني هاه !

ريمان : ايييه بأسافر عجبك أو لا و يا حقير بعّد عني ..

كانت أنفاسه عند أذني و شويّ نزلت لرقبتي .. بديت أرتجف و أنا خايفه و بيدّي أحاول أبعده و أضربه على صدره ..

حسّيت بـ شفايفه على رقبتي .. عضيت على شفتي و مسكت أقرب شيء ليدّي و بدون لا أطالع ايش هو .. رفعت يدّي

و بكل قوتي غرزتوا في صدروآ .. تأوّه و رجع على ورى و أنا انصدمت و أنا أشوف تيشرته ينزف دم من جرح ..

ناظرت يدّي و لقيتها شوكة الدجاج الكبيره ... و كانت حاده .. شهقت و طاحت منّي .. ناظرته و هو يرفع التي شيرت

و يناظر صدره و يمسح عليه .. زمّ شفّته بعصبيّه و قرّب منّي .. و أنا بخوف لصقت بالدولاب ..

سحبني بعنف و ضرب صدري بصدره .. جلست أتنفّس بسرعه و بخوف .. همس بعصبيّه من بين أسنانه ..

تركي : قدّها ريمان ..

ريمان : أنـآ .. أنـ .. آيه تستاهلها ..

تركي ببرود : لسانك يبيله تأديب ..

ريمان بعناد مع خوف : والله اشلون بتأدبّه يعني ..

مع أنّي كنت خايفه مووت إلاّ أني كنت أجادله .. ناظرني ثواني قبل يهمس ..

تركي : كذا !

و ما دريت إلاّ شفايفه محتويه شفايفي بقوّه .. كان يعاقبني و يشدّني له في نفس الوقت .. ضربته على صدره أحاول

أبعّده و أبيه يفلتني .. بالأخير عضيت بقوه على شفتهّ من جوّه و طعمت دمّه .. و هو رجع على طول و هو يفلتني ..

وقتها تهاويت جالسه على الأرض .. كانت رجولي ترتجف و ما قويت أتحمّل و على طول صحت ..

صحت بقوّه و أنا أغطّي فمّي بيديني الثنتين .. كنت أحاول أكتم صياحي المرتجف .. و ما قدرت و طلعت منّي شهقات ..

لمحته يمسح شفته و يناظرني بـ ارتباك .. كأنّه ندم على اللّي سوّاه .. قرّب منّي و همس ..

تركي : ريمان .. الريم والله السموحه .. مدري شصار فيني ..

ما ردّيت عليه و تكوّمت على نفسي .. و أنا بعدني مغطّيه شفايفي .. همس بـ " أووف " و قرّب منّي !

سحب يدّيني عن فمّي و قوّمني .. و أنا بعدني أصيح و كان بعده ماسك يديني لمّا حطّ عينه

بعيني بس أنا لفّيت وجهي عنه ما كنت أبي أشوفه .. همس ..

تركي : الريم والله ما قصدت .. كان .. كان تصرّف غبي و ..

ما قدرت أتحمّل صوته و لا يدّينه اللّي تمسك يدّيني .. رفست رجوله و كنت لابسه شوز سبورت ..

تأوّه و فلتني و هو يمسّد رجوله .. عقب ناظرني بـ عصبيّه و همس ..

تركي : تدرين أشلون .. أنا منيب آسف .. و لا حاس بأيّ ندم على اللّي سوّيته .. شعندك يعني ؟!

أخيرا لقيت صوتي / يمكن من الصدمه من كلامه الوقح ..

ريمان : انت حقير !

تركي بـ عصبيّه : اييييييه أنا حقير توكّ تعرفين يعني !

صحت و أنا أتكلّم بصوت مرتجف ..

ريمان : والله لا أخبر أبوي عنك يالكلب ..

ضحك بطنازه و هو يميل بوقفته و يمسح شفّته اللّي أظنّ بعدها تنزف .. سمع صوت جواله و وقتها قرّب منّي و هو
ينزله من جيب بنطلونه و ابتسم و هو يناظرني و قال بسخرية و طنازة واضحة ..

تركي : هذا هو أخوك تبين تكلمينه ..

و قرّب منّي لين لصق فيني / حسّيت وقتها أنّي بـ أدوخ أو شيء مثل كذا مدري ! ردّ على بندر

و هو يتأمّلني و يلصق فيني أكثر و يوطّي وجهه لين لصق جبهته على جبهتي .. همس لبندر ..

تركي : لا أنا جيت بندر و مع الشباب الحين انت وينك كل هذا عشاء ..

فهمت من كلامه ان بندر ما يدري انه بالبيت .. و ان أولاد أعمامي موجودين .. سكت ثواني و ناظرني

و قرّب الجوال لي و هو يهمس بصوت حيل خافت قدّام شفايفي ..

تركي : تبين تكلّمينه ؟!

ارتجفت شبقول يعني .. نزّلت عيوني و غمّضتها بـ قوّه لمّا لمس شفايفي بسرعه عقب بعّد

و هو يروح للباب و يطلع ..

عني ما صدقت انه طلع / ظلّيت واقفه و أرتجف و يدّيني تهتزّ كأنّ صابتني كهرب ..

و فجأه كأنّي استوعبت أنّه راح ركضت لبرّا المطبخ / دخلت الفلّه و ركضت لـ فوق لغرفتي

عقب قفّلت الباب الرئيسي للفلّه مرتين ... طلعت الدرج و و دخلت غرفتي و أنا بعدني أرتجف /

و أفكّر [ ولد عمّي تحرّش فيني ... ذا الواطي اللّي ما يستحي اللّي ما تربّى الكلب ]

و رميت بنفسي فوق السرير أصيح بارتجاف .. اشلون قدر اشلون جاه قلب يتعدّى على شرع ربه

/ الحيوان ما يجوز له ي الله ي رب لا تعاقبني أنا مالي ذنب أنا بس كنت أبيه يطلع عشان كذا ما قاومته بالأخييير ..

ي رب لا تغضب عليّ !

حسّيت ببطني تمغصني بسرعه قمت و رحت للحمّام - و انتم بكرامه - فتحته

و جلست على ركبي و نزلت كل شيء

ببطني عقب طحت على أرضية الحمام .. " الله يكرمكم " .. و صحت مرة ثانية بس بصوت مكتوم ..

شوي شـوي بديت تظلم الدنيا ..



********************************************

و بسس آرائكم و انتقاداتكم '$

[لامارا]

آلبآرت آلرآبع '$



*********************************


قطع حبل أفكاري صوت جمّون و هي تهزني ناظرتها و أنا أبتسم ..

ريمان : علامك تهزيني جمّون ..

ابتسمت لي و هي تلم دفاترها من فوق الطاولة ..

جمانه : يالله ما بقي شيء على المحاضرة ..

و قامت و هي تشيل شنطتها .. قمت و شلت شنطتي ومشينا على الكلاس ..

ما كان لي نفس أكلم أي أحد حتى زميلتنا الامريكيه و اسمها " ساندي " مرت من جنبنا العادة

أوقف و أسولف معها بس هالمرة سحبت جمّون و دخلنا الكلاس ..

المهم دخل الدكتور و بدي يحاضر و اللي نام و اللي يعلق و يقز في البنات و اللي يهذر هو

و زميله و جمّون جلست تنتبه كعادتها فديتها .. أما أنا رجعت لنفس اليوم .. .

يوم دارت بي الدنيا كنت أسمع عدة أصوات صوت جمّون و أنا و هي لما نضحك و نمزح ..

و صوت أمي و أبوي فديتهم و صوت متعب هو و أسوله حرمته و ولدهم الأول برهومي

و صياحه اللي يجيب لك القلق .. لكن بالأخير تهيأ لي تركي و هو يضحك

رحت غمضت عيني بكل قوتي و أنا أمسك نفسي لا أرجّع مرة

ثانية جاني صوت بندر و هو ينادي اسمي و يمشي بالغرفة ..

كنت أظن اني أهلوس لكن تأكد لي اني ما أهلوس

يوم سمعت خطواته تدخل الحمام .. " الله يكرمكم " و يقول بصوت مرتبك ..

بندر : ريم .. . علاااااامك ريمان ..

نزل لحدي و حط يده على كتفي و صار يهزني و جلس يضرب خدي

على خفيف يبيني أفتح عيوني .. بس في ذاك الوقت

كان من المستحيلات اني افتح عيوني .. كنت أحس نفسي في عالم ثاني

لا في الحياة أتنفس و لا ميتة ..

عقب حسيت ان بندر شالني و ضمني لصدره و قام .. حسيت بدمعته تجري على خدي ..

حليله أخوي والله أحبه رغم اني مقهورة منه ليش يصادق ذا السافل بس

بعدني أعشقه أخـوي فديــــته ..

المهم طلعني من الحمام و حاول للمرة الألف يصحيني فصار يهزني في صدره ..

بندر : ريم علااااامك ريم كلميني قولي لي انك بخير .. ريمان .. .

والله خاطري أفتح عيني و أقول له أنا تعبانة من ربيعك و ولد عمك كان خاطري

أقول له اني معه و أحس به بس

للأسف أصعب شيء علي في ذاك الوقت اني أهمس بحرف مو عاد كلمة ..

المهم حطني فوق سريري و طلع بره غرفتي وعقب رجع و لبسني العبايه و حملني و ركض

و نزل الدرج عقب دقائق حسيت اننا بالحوش لأني سمعته يصرخ و ينادي

أولاد أعمامي .. سمعت صوت سلمان و هو يكلم بندر ..

سلمان : شفيها بندر شصـــار ؟!! ..

بندر : ما أدرري ما أدرري يا سلمان لقيتها طايحة بالحمام و ترجّع تعال بسرعة أفتح الباب .. .

تركي تعـال سوق السيارة ..

لااااااااا لااااااا يا بندر كلهم الا تركي هو سبب نفسيتي و عقدتي .. ما أبيــــــــه يوصلنا

تكفــــــــــى بس كنت أصرخ بداخلي و لا أحد سمعني الا نفسي ..

سمعت صوت تركي كان مرتبك و هو يتكلم و قال بكل غباء ..

تركي : هاااه !! .. ..

رجع بندر و صرخ عليه ..

بندر : تعال سوق السيارة بســـــــرعة تـــــركــــــي ع المستشفى ..

و ركض سمعت خطوات ثانية مع خطوات أخوي و أظن انه السافل .. . حسيت لما

ركبني بندر السيارة و جلس بـ جنبي في المقاعد الخلفية ..

و تحركت السيارة بسرعة حتى اني خفت ..

هذا الأبله الحين يبي يقتلني ما كفاه اللي سواه ..

سمعته يقول لبندر بصوت مرتبك ..

تركي : اشلونها الحين ..

حسيت بيد بندر على خدي و سمعته يقول بصوت مبحوح ..

بندر : ما أدري شفيها يا تركي كانت بخير قبل لا أروح أجيب العشاء كانت تضاربني

على الباسكن روبنز قبل لا أطلع بساعتين ما أدري شفيها الحين .. .

ياحبي والله له أفـــــــــــــــدااااه رغم اني مقهورة منه ليش يعذب جمّون بس بعدني أحبه ..

رفع بندر الشيلة وغطى بها وجهي سمعت صوت تركي و هو يقول بنبرة غريبة ..

تركي : كانت بالحمام و ترجّع ؟!! .. .

بندر : ايه كانت ترجّع و دموعها على خدها بعد .. .

و بعدين صرخ على تركي ..

بندر : تــــركــــــــــــي أسرع .. .

طبيعي صراخه على تركي لأني رجّعت للمرة الألف عليه يوم سمعت صوت الواطي ..

صابتني حالة ذاك اليوم

بس بعده بكم يوم رجعت لطبيعتي بس بعدني متعقده منه و أخاف حيل حـيـل لا شفته قدامي .. .

بعد ثواني ما أدري وش صابني لأني غمضت عيني و لا عدت أحس باللي حولي

بكل بساطة أغمي علي !! .. .

توي انتبه لجمون اللي جالسة جنبي وتهزني ناظرتها ..

ريمان : علامك تهزيني وش فيك جمّون .. .

ناظرتني بنظرة غريبة ..

جمانه : ريم ناوية تجلسين بالقاعة ..

ناظرت القاعة فعلا ما كان في أحد غيري أنا و هي .. سكت و لا رديت و قمت من مكاني ..

ريمان : يالله ..

مسكتني و قامت وهي تناظرني بنظرتها نفسها ..

جمانه : ريم .. علامك تصيحين فيك شيء ..

رفعت يدي لخدي تلقائيا فعلا حسيت بالدموع على خدي معقوله كنت أصيح بدون ما أحس بنفسي ..

ابتسمت بحنان و قالت لي ..

جمانه : علامك ريم ليش الدموع ..

طبعا حاولت أضيع السالفة لأني ما أبيها تعرف اني للحين متأثرة من موقف

تركي قلت لها و أنا أبتسم ..

ريمان : بس اشتقــــت لأهلي و للسعودية .. .

ما أظن انها صدقت بس مشتها لي المهم اني عدلت وجهي و أنا أشوفه

بمرايتي الصغيرة لأن الكحل سال على

خدي .. و عقب خلصت مشينا بنطلع .. قالت لي و حنا خارجين ..

جمانه : صادقة والله أنا بعد مشتاقة لهم .. يالله هانت ما بقي الا كم شهر ..

الحمد لله انها ما دققت في السالفة بس تدرون اشتقت فعلا لأهلي و للسعودية

بس الشيء اللي يخليني أتمنى الأيام

تمشي ببطء هو وجود تركي في السعودية .. طلعنا من الجامعة و رحنا على المواقف

ركبنا سيارتي ومشينا على الشقة ..


*********************************************


.. (( * * هـــيـــثـــم * * )) ..

جفتها لما سارت من جدامي هي وربيعتها أو بنت عمها بالأصح .. .

طالعت فارس لقيته مفهي و يطالعهم و هو فاتح

فمه و مببقق عيونه شرات اللي ما جاف خير بحياته .. . أشرت بيدي جدام ويهه

أبيه يعدل حاله لا يفضحنا

ههههههههههه فديته لو شوه ما أتفشل منه ..

هيثم : ياااااااهوووووووه فضحتنا بند فمك الله يخليك ..

فارس باحراج : طوف بس ..

ضحكت و هو ابتسم لي وطالع المكان اللي راحت منه ريمان ..

فارس : هيه أدري .. بس تدري بشوه أفكر ..

قلت له وانا أطالع شلة بنات شقراوات ..

هيثم : شــــــــــوه؟!! ..

فارس : جاني جفتهم قبل اليوم ..

طالعته سبحان اللي خلقنا نفس الاحساس بالضبط ..

هيثم : صادج أنا بعد مشبه عليهن ..

أظن انه ظن إني أتمصخر لأنه طالعني بنظرة ..

فارس : أرمسك من صج هيثم ما أتمصخر .. وبالأخص ريمان أحس اني جفتها من قبل ..

ابتسمت وانا أقول له ..

هيثم : ماشي ممكن مشبهين عليهن ..

طالعني وقال وهو يطق أصابعه ..

فارس : الا أقول بعدك مصر وما تبا ميثا ..

عفست بملامح ويهي يا ربي شياب طاريها هذه الخبلة ..

هيثم : لااااااااا ما أبـــاها ولا حأرد عن قراري ..

ابتسم وهو يرفع حاجبة وينزله وجأنه يتمصخر علي ..

فارس : و شوه المشكله انزين بنت عمنا ماشي شي يعيبها ..

طنشت مصخرته وقلت له وانا أطالع الدنيا حولي ..

هيثم : يصير خير بعدين .. (( عقب طالعته وانا أبتسم و قلت )) .. ما ودك ترد الشقة ولاّ شوه ..

ابتسم وهو يقوم ..

فارس : امبلى يالله نسير ..



***************************************


.. . (( ريــــمــــان )) .. .

كانت الساعة 10:55 الليل.. . كنت جالسة بالمطبخ أشرب عصير وكنت مقفلة

كل أنوار الشقة عدا الأباجورة اللي

بالصالة وضوءها خافت مرة وبعد الأباجورة اللي على الكومدينه بغرفتنا

ونفس الشيء ضوءها خافت .. .

جمّون من يوم جينا ذاكرت أنا معها ولما جات الساعة 5:00 العصر راحت تنام والى الآن ما قامت ..

مو لازم دام ما عليها صلاة خلها تتهنى مو مثلي ما جاني النوم الى الآن .. . رحت الصالة و

الديسك في المسجل و كانت عليها أغنيه راشد ودي أبكي ..




" ودي أبكي لين ما يبقى دمــوع * * ودي أشكي لين ما يبقى كلام

من جروح صارت في قلبي تنوع * * و من هموم حرمت عيني المنام

انطفت في دنيتي كل الشموع * * و الهنا ما يوم في دنياي دام

غربتي طالت متى وقت الرجوع * * كل عام أمني أحلامي بعام

ان شكيت الحال محد لي سموع * * و ان سكت الناس زادوني ملام

طال صبري والزمن عيا يطوع * * و الرجا باللي عيونه ماتنام "




بصراحة كنت محتاجة أغنية مثل هذه عشان أطلع كل حرتي جلست أصيح من قلبي ..

تذكرت سالفة تركي .. . عقب ما أغمي علي .. ما أدري كم وقت مر علي .. .

بس المهم جاء يوم وفتحت عيني

ببطء بس قفلتها بسرعة لأن النور عماني .. مرت دقيقة و حاولت بعدها أفتح عيوني شوي شـوي ..

المهم اني فتحتها ناظرت الغرفة و استغربت أنا وين لقيت نفسي نايمة فوق سرير

أبيض و مغطية بشرشف أبيض

و الأجهزة حولي يمين وشمال .. حاولت أعصر مخي وأفكر أنا وين وليش هنا ..

وتذكرت ليش أنا هنا و وين أنا ..

المهم اني لمحت وحدة جالسة على الكرسي عند السرير ورأسها عند فخدي و نايمة ..

مديت يدي أبي أنبهها اني صحيت فديتها والله باين عليها تعبانه مسكت يدها و شدّيت عليها

وهي انتبهت وكعادتها فتحت عينها بكسل بس لما انتبهت اني صحيت

قفزت على صدري وهي تحضني وتصيح .. والله صيحتني معها ..

جمانه : ريم وين كنتي بتروحين حرام عليك تتركيني لوحدي بالدنيا ..

جلست أصيح أكثر من كلامها وقلت لها ..

ريمان : فديتك والله ما راح أتركك أبيع الدنيا و أشتريك انت ..

صاحت وضمتني بقوة وقالت ..

جمانه : كذابـــة ما شفتي شكلك اشلون مرقدة .. كنت ناوية تتركيني لوحدي أواجه

وضحوه ومنيرة وبندر .. قولي لي شفيك شصار لك ..

ابتسمت بين دموعي وقلت ..

ريمان : ما صار لي شيء حياتي ..

دخل علينا بهذه اللحظة بندر قامت عني جمّون وعدلت شيلتها وانا بعد رفعت روحي

وبمساعدة جمّون جلست ..

ناظرت بندر كان رابط الغترة حول رآسه.. و كان يناظرني وهو متفاجئ وبعد فرحان ..

ابتسمت له وفتحت يديني وانا أقول بصوت متهدج لأنه صدق وحشني ..

ريمان : ما بتسلم علي ..

كأنه كان ينتظر هالكلمة مني مشي بخطوات ثقيلة أظن انه مازال تحت الصدمة المهم

قرب مني ولما جاء بيسلم

ما استحمل وحضني بقوة لصدره حسيت به يصيح همس لي ..

بندر : وين كنتي بتروحين ممكن تخبريني ..

صحت في حضنه وانا أقول ..

ريمان : ما كنت بأروح مكان ما راح أترككم ..

قال لي بنبرة متحدية ..

بندر : كذابـــة ..

(( يا عالم ايش فيها الدنيا تكذبني هالكثر كان شكلي وانا أرجّع و طايحه يخوف !! .. كمل كلامه )) ..

بندر : انت ما شفتي نفسك و انت طايحه .. (( وضمني بقوة أكثر كأني بروح منه )) ..

كنت ميته يا ريم ..

صحت على حضنه لأني أصلا مت من يوم قرب مني تركي الواطي .. .. .

بندر : شفيك شصار لك ريمان .. .. .

تصدقون كرهوني في كلمة شفيك و شصار من كثر ما يقولونها خفت أضعف ..

وأقول لهم شبلاني لكن زين مسكت روحي .. بعد عني وقال وهو حاط يدينه على كتفي ..

بندر : البيت من دونك ولاشيء ..

كانت دمعته تمشي على خده .. .. والله فديته أخوي كنت أحسبه جامد وما عنده مشاعر

بس والله انه العكس يا حبــــــي له دخل علينا سلمان و وقف متفاجئ وناظر جمّون وبندر .. ..

بندر قال له وهو يمسح وجهه بيده ..

بندر : قامت الغالية يا سلمان قامت ما راحت مثل ما قال الدكتور .. .

آهـااا الحين عرفت السالفة الدكتور قال لهم اني ممكن ما أصحى ..

أمّاااا خير ليش لـها الكثر طيحتي قوية !! .. .

المهم ناظرني سلمان وابتسم ..

سلمان : الحمد لله على السلامة عسى ما شر ريمان .. . علامك خوفتينا عليك ..

ابتسمت له و أنا أرتب شيلتي ..

ريمان : الله يسلمك أنا بخير ما فيني شيء ..

عقب دخل الدكتور و جلس يقول محاضرة طويلة ان لازم أهتم بنفسي وما أدري وشو ..

بس اللي فهمته ان كنت مغميه علي لمدة أسبوع بسبب انهيار عصبي ..

والدكتور قال لهم اني ممكن أطول بسبب نفسيتها وانهياري الحـــاد .. .

شوي راح الدكتور وبعد ساعة جات أمي وضمتني وهي تصيح وانا ضميتها أكثر وصحت عليها حشا

المفروض تخلص دموعي ههههههه المهم دخلوا أعمامي وحريمهم وسلموا علي ودخل أبوي فديته

وحشنـــــي مرة .. أكثر وااحد صحت عليه هو بعد جمّون وأمي طبعا هههههههههههه المهم شفت

وضحى تصيح يالله فوق كرهي لها كرهتها أكثر بسبب تركي .. . المهم ناظرتني ..

وضحى : حمد لله على السلامة كذه تطيحين قبل حفلة ميلادي بيوم .. ..

ناظرتها مستغربة ايش فيها نزل عليها الوحي ولاّ وشو بس ما حبيت أفشلها ..

ريمان : الله يسلمك ..

كانت جمّون جالسة جنبي على السرير و محوطه كتفي بذراعها والباقيين جالسين فوق الكراسي ..

الكل جلس يسولف معي وهذا ينكت وهذا يعلق . ." طبعا كل أولاد أعمامي فيه " ..

حتى راكان ولد عمي ما فكني من تعليقاته ناظرني وقال وهو يبتسم ويغمز بعينه ..

راكان : تدلعين هااااه .. . كان قلتي لي أدلعك بدون هذا الفيلم اللي سويتيه ..

عمتي مريم اللي هي أمه ناظرته و قالت و هي معصبة شوي ..

عمتي مريم : راكان وش هالكلام المفروض تتحمد لها بالسلامة ..

ريمان : هههههههههههههههههههههههه لا عادي عمتي اتركيه حليله راكان يمزح ..

راكان : يا حلوه اسمي من فمك لو سمعوك ربعي بيأخذوني مهزلة ..

ريمان : هههههههههههه ليش ..

راكان : مو اسم هذا دلـــــــع .. خليتيني بنية ..

و غمز بـ عيونه .. عمي أبو محمد .. " أبوه " ناظره بـ نظرة ..

ابو محمد : بس راكان لا تلصق ببنت عمك ..

راكان : ههههههههههههههههههههههههه ليش غرا على غفلة ..

ضحك الكل عليه ..

متعب : تدرين ريم يوم طحتي اكتشفت ان بندر يحبك .. .

ناظرت بندر كان جالس ويناظرني وهو مبتسم وابتسم أكثر يوم سمع متعب وقال وهو يناظر متعب ..

بندر : ليش في أحد ما يحب أخته ..

متعب : لاااا بس انت كنت ذابحها طق و هواش لا تنكر .. (( وناظرني )) ..

شرأيك ريم تطيحين كل يوم عشان يتركك بحالك كذه ..

بندر و هو منفعل : بعيد الشر عنها خلاص كافي أسبوع بغيت أفقد عقلي بدونها ..

ريمان : فديـــــته أخوي ..

متعب ببراءة يأشر على نفسه ..

متعب : و أنا ما تتفديني ..

ناظرته وأشرت على حرمته اللي جنبه ..

ريمان : أنا وش دخلني بك حرمتك تتفداك ..

انحرجت أسوله حليلها والكل ضحك حتى متعب قال وهو يغمز لها ..

متعب : سمعتي تفديني يا حرمتي ..

حمرت أسوله أكثر يا حرااام كله مني .. .

هههههههههههههههههههههههه ياني لئيمة ههههههههههه ..

راكان : وانا مالي حرمة و من يوم جيت وانا أدلعك ولا تفديتيني ايش معنى بندر ..

انحرجت منه يا جرأته هالولد .. بس عمي " أبوه " تكفل بالسالفة قال وهو يرميه بالعقال ..

ابو محمد : راكان استحي على وجهك ..

راكان مسك العقال وقال وهو يضحك ..

راكان : ههههههههههههههههههههه هذا أقوى شيء عندك يبه ..

ضحكنا عليه و بعد أبوه ضحك ..

ابو محمد : هههههههههههههههههه انت ماراح تركد ابد ..

المهم تكلم عمي أبو ماجد وهو يناظر سلمان وبندر ..

ابو ماجد : وينه تركي يا سلمان مو كان معك ..

سلمان : الا عمي بس قال شوي أجي ..

ابو ماجد هو نفسه أبو تركي قال وهو يهز رأسه ..

ابو ماجد : ما يترك عادته لازم يكون الأخير في كل مناسبة ..

بندر : ههههههههههههههههه ايه معروف حتى بالمدرسة والجامعة آخر واحد

يدخل المحاضرة آخر واحد يوصل للمدرسة و الجامعة وآخر واحد يرجع البيت بعد ..

ضحك سلمان وبندر وشاركهم الكل أما أنا سكت أبلع غصتي لازم يا بندر تذكرني به لازم .. .

المهم سلمى ناظرت الباب ..

سلمى : تـــعال تروك تعال .. ههههههههههه شوي شـوي على خدك هههههههه

ما أبي تعال انت أدخل هههههههههههه ..

ناظرها أبوها ..

أبو ماجد : وش فيه يا سلمى ..

سلمى : هههههههههههه روميو العرب مسوي حاله منحرج لما قلت له تعال ضرب خده كان يبيني

أجي له بس أنا خربت عليه هههههههههههههههههههههههه ..

ضحك الكل الا أنا حركت فمي بمعنى ان و لا شيء عاجبني .. ضحك ماجد وقال يكلم تركي ..

ماجد : هههههههههههههه تعال شوف ريم قامت .. تعال مو انت كنت خايف طول

الأسبوع عليها .. تعال شوفها ..

وجع قال وشو خايف علي يأكل تبن أكـرهه عساه ما يحط رجله عند الباب الا يطيح ويموت يا رب ..

دخل تركي وعينه على الأرض الكل بدي يعلق عليه وهو ساكت و يناظرهم ..

أدري انه يحبني كم مرة قال لي بندر

هذا الكلام بس يأكل تبن أكرهه اللي يحب ما يسوي لحبيبه مثل سواته السافل الواطي ..

أبو ماجد : خلااااااااص اتركوا ولدي بحاله حشا أكلتموه ما خليتوه يكلم بنت عمه ..

لاااا الا هذا ما أبــــــــي أسمع صوته وهو يكلمني ما أبــي .. رصيت على يد

جمّون بقوة يوم تكلم وقال وهو يناظرني بنظرات مرة ما فهمتها ..

تركي : الحمد لله على سلامتك .. اشلونك الحين ..

قلت وانا أحاول أغصب نفسي ما أسبه ..

ريمان : بخير الحمد لله .. . الله يسلمك ..

(( ما كان خاطري أقولها كان خاطري أقول له الله لا يسلمك في حياتك بس ما أبي أحد يعرف باللي سواه

عشان المشاكل ما تصير بين العايلتين .. ثم أخاف يجبروني أتزوجه دامه يحبني )) ..

راح جلس جنب بندر ويسولف معه ومع سلمان ..

ثلاثتهم كعادتهم التموا على بعض وجلسوا يسولفون .. .

أما أنا التزمت الصمت من وقت جاء ما أبيه يسمع صوتي المرتجف أصلا أخاف

اروح في نوبة صياح لا تكلمت ..

كنت بس ابتسم لا ضحكوا وانا منيب معهم ناظرت الجهة اللي جالس فيها هو ..

شفت بندر وسلمان على حواليه وهو

بالوسط ومقربين من بعض ويسولفون خاطري كان أعرف في ايش .. .

بس شوي رفع تركي عينه وهو يناظرني بنظرات للمرة الأولى بحياتي أشوفها لا ندم

و لا خبث و لا حب على قولهم !

ما عرفت مرة أفسرها كل اللي سويته اني حقرته وشلت عيني عنه ..

المهم عقب انتهى وقت الزيارة وراحوا كل أهلي الا جمّون مرافقة لي قلت لها شصار معي و ليه

صار لي كل اللي صار كنت أصيح و هي جنبي تهديني الين ما نمت على حضنها و انا مرتاحة

عشان فضفضت لأحد .. الى الآن و لا أحد يدري الا أنا و جمّون خاطري أقول لبندر

بس لاااا ما أبي المشاكل أبدا .. هذه السالفة صارت يوم كان عمري 17 سنه قبل بعثتنا أنا

و جمّون للندن باسبوعين عشان كذه ارتحت و لا شفت

تركي أبدا بعد كذه الا مرة وحدة .. .

كنت جالسة وانتظر جمّون تجيني على المستشفى بس صار لها أشغال وتأخرت

كنت أقرأ مجلة عشان أمضي

الوقت ما بقي الا كم ساعة وأطلع من المستشفى ..

فجأة انفتح الباب حق جناحي رفعت رأسي على بالي الدكتور ولاّ الممرضة ولاّ

جمّون بس انصدمت وارتجفت

يوم شفت تركي واقف و يناظرني بنظراته اللي ما قدرت أفسرها ..

سكت ما كنت أعرف ايش أسوي رفعت يدي و شدّيت على شيلتي وضبطها وهو دخل

وقفل الباب وراه وهذه الحركة خلت كل جسمي يرتجف .. .

قرب شوي لعند السرير ووقف خمنت انه توه جاي من الجامعة لأنه ما زال لابس ثوبه

و غطرته البيضاء وكان مسوي حركة .. " الكوبرا " .. أنا الحين ليش أوصفه قلعته ان شاء الله ..!!

لما شفته يناظرني نزلت عيني على يدي وجلست ألعب بأصابعي كنت متوترة ..

غمضت عيني لما سمعت صوته ..

تركي : الحين كل هذا اللي صار لك بسببي ..

.. (( ناظرته مستغربة .. أجل بسبب ولد الجيران .. كنت بأتكلم بس نبرته

اللي لأول مرة أسمعها ونظراته الغريبة سكتتني حقرته ولا رديت عليه ونزلت عيني ليدي )) ..

رجع تكلم وقال بنبرة لأول مرة أسمعها ..

تركي : ما أظن اني سويت شيء كايد ...

ناظرته بحقد وقلت له وانا أصك على أسناني ..

ريمان : ممكن تطلع بره ..

قال لي بصوت هامس و عصبي ما بين شفايفه ..

تركي : قولي قبل انت وشو شايفتني !! .. ليش تكرهيني هالكثر .. .

قلت له و انا مستغربة ..

ريمان : بعد سواتك لك عين تتكلم ..

قال لي و هو يأشر على نفسه .. .

تركي : اوكي أنا غلطان و أعترف (( وهز كتفه )) لكني ما أخبر اني سوّيت لك شيء

كايد عشان يصير لك كل ذا ..

قلت له و انا معصبة و أأشر عليه بإصبعي ..

ريمان : انت كريه و مقرف بعيني و اللّي سوّيته كان أكثر من كايد !

قال وهو يصك على أسنانه ..

تركي : انت من وشو مخلوقة ..

قلت ببرود تعمدته بس طبعا أنا من داخلي أرتجف ..

ريمان : من طين .. أنا و انت وكل البشر مخلوقين من طين .. معقولة ما تدري

ما عمرك درست هالشيء ..!

سكت وناظرني بنظرات بصراحة موتتني خوف بس عقب راح للباب وفتحه

وطلع بدون ما ينطق و لا كلمة ..

أما أنا غطيت وجهي بيدي وجلست اصيح يالله يا هو مسبب لي أزمة هذا الإنسسان ..

هذه كانت آخر مرة شفته فيها عقب سافرت مع جمّون لندن والى الآن ما شفته وما

سمعت صوته و لا أبي أسمعه ولا أشوفه ..




************************************************** ********


نهآيه آلبآرت الرآبع '$
طوّلتوآ لكم شويّآت . . . <3
آتمنّى أشوف ردود و تفآعل '$ ...

[لامارا]

آلبارت الخآمس '$







************************************************** ********

و قبل كل شيء خلوني أعرفكم بأهلي . .

أول واحد هو أبوي " خلف" .. . وأمي الغالية " شما " ..

تستغربون الاسم أكيد ..

أنا أقول لكم لأن أمي اماراتيه وتقرب لأبوي من جهة أمه

يعني باختصار جدتي بعد اماراتيه .. و حنا بس ثلاث ..

متعب : 28 سنه حبوب مرة أكثر من بندر لأنه ما يهاوشني ولا شي متزوج بنت عمي .. " أسيل "

و جايبين كتكوت صغيرون اسمه .. " ابراهيم " ..

بندر : 25 سنه كله على بعضه حلو وأعشقه بس قلت لكم اللي قاهرني انه مصاحب هالحثالة ..

بعده طبعا الحلوة أنا هههههههههه .. و انا دخلت 20 قبل كم يوم .. .


*********************************************


المهم بعد أبوي عمي أبو ماجد " سعود " .. . و زوجته اللي قلت لكم عنها " منيرة " .. عيالهم ..

ماجد : 28سنه حبوب و طيوب مثل متعب .. ومتزوج بنت خاله واسمها .. " جيهان " و عمرها : 24سنه ..

و عنده بنت .. بعد ماجد يجي الواطي ما يحتاج تعريف لأنكم أكيد عرفتوه .. " تركي " عمره 26 سنه ..

بعده تجي .. سلمى : 24 سنه حليلها هذه طيوبــــــــه وهي متزوجة ولد عمي الثالث واسمه " محمد "

وضحى : 20 سنه قلت لكم عنها البقرة الغبية .. . هي وأخوها السافل ما يحتاج لهم تعريف أما سلمى

وماجد حليلهم عكس تركي و وضحى .. .


********************************

بعد عمي أبو ماجد يجي عمي أبو محمد " سلطان "و زوجته حبوبة حيل " مريم " .. عيالهم ..

محمد : 28 سنه حبوب و هو و متعب و ماجد ربع .. و هو زوج .. " سلمى " ..

بعده سلمان : 25 سنه .. . هذا اللي قلت لكم اني كنت أحبه .. .

بعده المشاكس راكان هههههه : 23 سنه ولد فلاوي و غجري و جرئ حيل ..

بعده تجي نصفي الثاني وروحي وحياتي أكيد عرفتموها .. . "جمــــ 20 سنه ــــــون " .. .


*********************************************


بعد عمي أبو محمد يجي عمي أبو نايف " ماجد " و زوجته هي " نهلة " .. . عيالهم .. .

أسيل : 24 سنه زوجة أخوي الحبيب متعب وهي وجيهان وسلمى بعد حزب ما يتفرقون .. .

بعدها التوأم .. نايف ونواف : 23 سنه .. وهم وراكان بعد حزب يشبهون بعض بدرجة ما تخلينا

نفرق بينهم الا اذا شفنا وجههم لأن نواف عنده شامة في آخر خده .. .


*********************************


عقب عمي خالــــد : 26 سنه .. .. يدرس بامريكا أحبــه مرة وانتظر يخلص دراسته نهاية هذه السنة ..

يا حبي له دوم يدلعني أنا و جمّون ..

أنا و جمّون وعمي خالد اللي العايلة تنتظر رجعتهم بعد شهر .. .

عمي له أربع سنوات يدرس في امريكا .. و أنا و جمّون لنا سنتين ..

المهم وأذكركم بجدتي وجدي بعد الله يحفظهم ويطول بعمرهم ان شاء الله ..

************************************************** *********


رجعني لدنيتي و لشقتي اللي بلندن صوت تلفون الشقة استغربت من اللي يتصل الحين ..

ناظرت الجدار و الساعة اللي معلقة في وسطه شفتها الساعة 11:30 الليل ..

قمت و رحت للطاولة اللي عند باب الشقة و اللي عليها التلفون بدون ما أشوف الرقم رديت ..

ريمان : hello ..

وناظرت الكاشف واستغربت هذا رقم جوال ومن السعودية والوقت عندهم الحين الساعة 2:30

يمكن واحد من اهلي لا يكون صار لهم شيء ..!

ريمان : ألوو مممييين ..

جاني صوت ما عرفته ..

.. : هلا قمرهن !

رديت و أنا مستغربة من هذا ..

ريمان : مممين ؟!

.. . : معقولة ما عرفتيني .. لندن نستك صوتي ..

جلست أفكّر ي ربي ميين ذا .. يمكن راكان يستهبل . جيت بأقول راكان بس هو سبقني ..

.. .. . : ريمان !! .. .

ارتجف كل شيء بجسمي حتى السماعة ارتجفت بيدي لأني بكل بساطة عرفته .. .

عرفته لأنه الوحيد اللي لما ينطق اسمي ينطقه بنبرة و رنة غريبة غير عن كل أولاد أعمامي ..

ما عرفت شسوي أقفل بوجهه و لا أشوف شيبي متصل بعد ثلاث سنين و بعد آخر موقف بــــــيني و بــــــينه ..

استغربت ليش يتصل بعد بها الوقت يروح ينام عشان دوامه أبرك له .. . رجعني صوته ..

تركي : ريمان ما عرفتيني ..

قلت له بصوت مرتبك ..

ريمان : خير شتبي ..

تنهد و سكت و أنا كنت أنتظره شيبي الحين .. رجع و تكلم ..

تركي : شخبارك ريمان .. . شتسوين في لندن ..

قلت له ببـــــــرود ..

ريمان : أنا بخير دامني بعيدة عنك ولا أشوفك .. (( سكت بعدين قلت له )) .. أحوالك انت يا واطي باقي

على سفالتك وتكلم اللي مثلك .. .

ما رد جلس ساكت لفترة .. . حتى اني ندمت بصراحة ما أدري من وين جاتني الجرأة ..

بس عقب سمعت صوته لما همس ..

تركي : ريمان .... اشتقت لك ..

غمضت عيوني بقوة هذا شيبي الحين بيجنني أكيد .. كل ما ينطق اسمي أرتجف يا ربي

اشلون ينطقه ما أدري ..

بس المهم ان نبرته ترجفني وتهزني بداخلي .. كل ما يقول اسمي أحس اني أكرهه أكثر .. رديت عليه ..

ريمان : اشتاق لك المرض .. عساك ما تفتح عينك بكره الا في قبرك ..

سمعته يقول بصوت متهدج أكثر ..

تركي : ما نسيتي يا ريمان ما نسيتي ..

قلت له و أنا منقهرة منه ..

ريمان : وشو ما نسيتي هذه في أي بنك أصرفها .. تركي انت سواتك ما تتسمى ..

طنش كل كلامي وقال بلهفة ..

تركي : يا حلوه اسمي من فمك ..

انصدمت يا وقاحته بعد دا كله بعد يغازل .. وججججع و لعنه ! رجع تكلم وهو يسألني ..

تركي : ريمان انت ليش تكرهيني ..

قلت له وانا مستغربة من كلامه ..

ريمان : انت أكيد شارب لك شيء .. . روح اتصل على وحدة من حثالاتك و لاّ نام ..

قال لي وهو معصب ..

تركي : ثمني كلامك معي ..

استغربت منه بجد شين و قوي عين ..

ريمان : ليش ؟ .. . أخوي ! أبوي ! زوجي ! .. انت واحد واطي و حثالة و بس .. .

طنش كل كلامي بعد و قال بثقة ..

تركي : تقدرين تقولين زوجك .. .

هزتني كلمته وثقته و هو يتكلم بس رديت عليه وانا أحاول أخفي ارتباكي ..

ريمان : ليش وتظن اني باقبلك لا جيت لي .. هزلت أكيد .. ثم انت لك وجه تتقدم لي بعد سواتك ..

رد علي ببرود يخالطه الثقة اللي خوفتني ..

تركي : ما سويت شيء كايد .. . ثم ليش ما تقبليني الدنيا سايبه أنا ولد عمك و ما أظن ان فيه شيء يعيبني ..

ثم أنا واثق ان عمي الله يحفظه ما راح يردني .. .

يا عالم من وشو مخلوق هالإنسان الحين متعني و متصل علي عشان يقول لي هالكلام السم ..

بس تصدقون خفت من نبرة صوته الواثقة و القوية بس تشجعت وتكلمت ..

ريمان : أبوي أهم شيء عنده راحتي و لا بيغصبني على حثالة واطي مثلك ..

قال لي بصوت هادئ بس واضح انه متنرفز ..

تركي : اسمعي تراني حيل مستحمل سبك .. . أنا ما اتصلت عشان انك تعني لي شيء لااااا يا حبي ..

قاطعته و أنا أقول بسرعة ..

ريمان : حبتك القرادة يالمقرود ..

سكت عقب تكلم ..

تركي : المهم اتصلت عشان أقول لك .. . في مفاجأة تنتظرك .. (( وضحك بسخرية )) ..

ههههههه حيل حـيـل حتعجبك و راح تشكريني عليها هههههههههههههه ..

يعععع يا كرهي لضحكته تذكرني بذاك اليوم بس رديت عليه ببرود ..

ريمان : ناس فاضيه روح بالله اتصل على وحدة أخذه مقلبك بقوة و أتسلى معها ..

و قفلت على وجهه بدون ما انتظر رده ..

كنت للحين مصدومه ايش ذكره و خلاه يتصل علي اليوم خطر على بالي هو و ذاك اليوم

و بعد اتصل علي .. وشو فيها الدنيا اليوم .. لا يكون اليوم العالمي لتركي اليوم و أنا ما أدري ..

نزلت دموعي كالعادة و ركضت على غرفتي أنام رميت نفسي على سريري وصحت من قلبي

هذا الانسان جارحني جرح .. حسبي الله عليه ! جلست أصيح لين نمت و أنا ما أدري عن أي شيء حولي ..


*********************************************


.. . [[ السعودية .. الساعة 2:15 .. . جدة ]] .. .


نزلت جوالي من أذني و شدّيت عليه بكل قوتي .. من غيظي وقهري رميته باقوى ما عندي على الرمل ..

حطيت يدي على رأسي و صرت أصرخ مثل المجنون ..

تركي : اووووووووووووووووف مقهور ي عااااالم .. زين أنا غلطت و أعترف اني غلطت مو كذا

اللي يحب بشرف ..! اللي يحب ما يأذي حبيبه بشيء بالعكس يقدره ويحترمه أما أنا وصلت أخلاقي

القاع بتصرفي ذاك اليوم .. ليتها تمرغني بالوحل بس تنسى اللي سويته تنساه أبيها بس تعرف اني أحبها

لاااااااا وشو تعرف هي تدري من زمان بس ليش تكرهني ما أدري واللي سويته أكيد زاد كرهها لي ..

اوووووووووووووف مقهـــــــــور يا عالم مقهــــــور ..

انتبهت لنفسي و ناظرت حولي زين ما في أحد ولاّ شالني على مستشفى المجانين .. رميت بنفسي

على الرمل بقوة بس آآآخخخخ الطيحة آلمتني مرة .. انقلبت على بطني ومسكت ظهري

و ضغطت عليه آآآآآآآآآآآآآآآآي والله اني غبي المجنون ما يرمي نفسه هذه الرميه لكن شسوي

كله من حبي اللي مجننتني .. .

قفزت من مكاني لما سمعت صوت جوال على بالي ريم رحمتني ودقت علي ..

بدون ما أناظر الرقم رديت بلهفة ..

تركي : هلاااااااااااا ..

بس تحطمت يوم سمعتها وحدة من اللي مخاويهم وهي تتكلم بنعومة تجيب القلق ..

.. : هلاااا بك حياتي اشلونك ..

قفلت على وجهها وانا أضحك على نفسي بسخرية اشلون توقعتها ريمان هههههه ريمان

ما تفكر تعطيني وجه تجي تتصل علي على قولها حثالة وما يتصل بي الا الحثالة ..

من عصبيتي قمت ورميت الجوال على البحر .. .

انتبهت للمكان اللي طاح فيه لما طرطشت المويه .. وانتبهت بعد لـ للي سويته تلقائيا ضربت خدي كف ..

آآآآآآآه يعور بس هذه عادتي لا سويت شيء غلط .. ناظرت مكان جوالي والله قهر توه ما صار له يومين

معي يا ربي قهـــــــــر .. فكرت أسبح عشان أريح أعصابي بس لما شفت الموج ضرب بقوة ترددت ورجعت

لسيارتي وانا متحسر بس تدرون وشو الشيء الحلو في السالفة ..

ان هذا الجوال هو اللي اتصل به على البنات .. يعني خلاص جات من الله ما راح أتصل أبدا علي أي

وحدة و بعد و لا وحدة بتدق علي ..

و الله حيل مستانس لأن اللي أتمناه من يوم حبيت ريم صار اليوم !! .. .


********************************************


.. . [[ ريمـــــان ]] .. .

قمت من النوم ورأسي يألمني بدرجة فظيعة و وجهي أحمر وحار .. . شيء طبيعي كله من صياح أمس ..

ناظرت ساعتي بكسل لكن لما انتبهت للساعة فزيت من سريري و رميت اللحاف عني ..

و ركضت على الحمام عشان أتوضآ و أصلي و بالمرة استحميت .. المهم طويت سجادتي و نطيت فوق

سرير جمّون أصحيها .. . فتحت عيونها و عقب قفلتها و قالت بثقل ..

جمانه : وش فيك ريم .. . (( و أتقلبت على الجهة الثانية )) .. . بعدي عني أبي أنام ..

هزيتها و أنا أعلي صوتي عشان تفهم ..

ريمان : تحركي جمّون الساعة سبع و ربع الحين ..

فزت من سريرها و ركضت على الحمام و أنا قمت ألبس على ما تستحم جمّون ..

لبست بلوزة شتوية زرقة وفوقها جاكيت طويل كعادتي ولونه أبيض .. ولبست بنطلون سكيني بعد لونه

أزرق و شيلة زرقة وجزمة سبورت بيضاء .. " الله يكرمكم " ..

وشلت شنطتي الزرقاء و حطيت فيها جوالي ..

طلعت جمّون و لبست الوان ما بين الوردي و الرمادي .. كانت جالسة نص جلسة على الأرض

و تربط حبال الجزمة .. "الله يكرمكم" .. وانا واقفة و أهز رجولي ..

ريمان : يالله جمّون بسرعة ..

جمانه : لحظة ريمان لا تربكيني ..

خلصت و قامت و طلعنا من الشقة و من البناية حتى البنات اللبنانيات طنشناهم ..

ركبنا سيارتنا وحركتها بسرعة .. و أنا أسوق ناظرت جمّون ..

ريمان : يا ربي أخذتنا نومه ..

ابتسمت لي ..

جمانه : ايه أول مرة نتأخر كذه .. (( وناظرت الدنيا بره وقالت )) .. . ناظري ريم نزل ثلج أمس ..

ناظرت أنا بعد عقب ناظرت قدامي .. وانا مبتسمه ..

ريمان : ايه أعشق الثلج ..

قالت و هي تضم نفسها ..

جمانه : لاااااااااااااااااا بــــــرد .. الا أقول ريم متى بيجي بندر له شهرين ما جا لنا ..

ناظرتها بنص عين و قلت ..

ريمان : مشتاقة الأخت لعنــــترة ..

ضربتني بكتفي خفيف ..

جمانه : هههههههههههههههههههه ريم لا تتطنزين ..

ابتسمت لها وانا أبعد كتفي عنها ..

ريمان : زين .. بس كافي كسرتي كتفي ..

جمانه : تدرين ريم ..

كنت متحيرة أقول لها عن السافل و لا لا .. . رديت عليها ..

ريمان : هلاااا .. ..

ابتسمت ببراءة و قالت و هي تشد بطنها ..

جمانه : ما فطرنا اليوم ..

ناظرتها و عقب ناظرت قدامي و أنا أضحك ..

ريمان : هههههههههههههههههههههه ايه صح ذكرتيني .. .

جمانه و هي تمد بوزها : كله من الجوال الغبي ما سمعت صوت المنبه ..

قلت لها وانا أوقف السيارة في المواقف ..

ريمان : ما علينا استحملي لا تسوين لي مثل برهومي ..

ضحكت ونزلت أنا معها و مشينا بسرعة داخل عاد الحين علينا محاضرة الدكتورة .. " ميري " ..

وعاد كلش عندها و لا التأخير على المحاضرات .. . تمنيت ما تكون دخلت الكلاس بس للأسف لقيناها فيه ..

ناظرتني جمّون و كانت مرتبكة ..

جمانه : نرجع أخاف تهزئنا قدام الكل ..

سحبتها معي و كملنا الطريق ..

ريمان : تعالي ما تأخرنا حيل ..

مشيت معي طقيت الباب وفتحته .. المهم قلت لها و أنا أبتسم ..

ريمان : hi good morning .. ..

ناظرتني و نزلت نظارتها لآخر خشمها و هذه الحركة تربكني شوي قالت لي ..

الدكتورة : hello Riemann and Jumana .. You are late / مرحبا ريمان و جمانه ..

أنتما متأخرتان ..

ابتسمت وانا أتأسف لها ..

ريمان : we're sorry , mrs.Mary .. we did not mean it /

المعذره سيده ماري .. لم نعني ذلك ..

تذكرون محمد الشاب السعودي كان قريب من الباب هو و صاحبه ..

محمد : معقولة ريمان تتأخر أكيد صاير شيء في الدنيا ..

طنشته وناظرت الدكتورة أنتظر ردها فابتسمت هي وقالت و هي تأشر لنا ندخل ..

الدكتورة : you can come .. because you always come early /

تستطيعوا الدخول .. لأنكم دائما تأتون مبكرا ..

ابتسمت ودخلت أنا و جمّون ورحنا مكاننا المفضل وجلسنا ننتبه للمحاضرة و بعد ما خلصت و طلعت الدكتوره ..

ريمان : جمّون تعالي نروح الكافتيريا ..

ناظرتني و هي ماسكة بطنها ..

جمانه : أدري .. . أصلا عصافير بطني تغرد ..

ضحكت عليها رحنا اشترينا 2 كروسان جبن .. و 2 قهوة تركية .. عاد مع برد لندن خيـــال ..

جلسنا فوق طاولة نأكل .. فكرت أقول لها عن تركي .. لأني ما تعودت أخبي عنها شيء ..

ناظرتها لقيتها تناظر الطلاب ..

ريمان : جمّون ما تتخيلين شصار لي أمس .. .

ناظرتني وقالت و هي تأكل ..

جمانه : وشو .. عاد أنا نمت و لا صحيت ..

ريمان : هههههههههههههههههههههههه أدري حشا ان كان نوم ..

لفت كلها علي وهي تضحك .. .

جمانه : هههههههه ما عليك مني قولي شصار ..

قلت لها وانا أتحاشى أحط عيني بعينها ..

ريمان : تــــركـــــي ..

غصت باللقمة و جلست تكح عقب ناظرتني و قالت و هي مستغربة ..

جمانه : شفيه من جاب طاريه ..

ابتسمت بألم وقلت لها و أنا ما أناظرها ..

ريمان : أمس أتصل على تلفون الشقة ..

شهقت و مسكت يدي ..

جمانه : كذابة قولي والله ..

بدت عيوني تدمع قلت لها و أنا أأشر بيدي على نفسي ..

ريمان : تتوقعين بتبلّى على عمري ..

قالت و هي ترص على يدي ..

جمانه : زين شقال لك شيبي ثم انت ليش رديتي عليه ..

رديت عليها وانا ألعب بأصابعها ..

ريمان : وانا شدراني انه رقمه ..

جمانه : زين شيبي منك ..

قلت لها كل السالفة .. عقب ناظرتها وقلت وانا خايفه ..

ريمان : جمّون أنا خايفه شتتوقعين المفاجأة اللي يتكلم عنها ..

ناظرتني جمّون و سكتت و هذه الحركة خلتني أحط رأسي على الطاولة و أصيح بصوت خافت ..

قالت جمّون و هي تربت على كتفي .. .

جمانه : خلاص ريم .. حياتي ما عليك منه وااحد فاضي وما وراه شغلة ..

خليك قوية ما توقعتك تنهزين من واحد مثله ..

قلت لها و أنا أصيح أكثر ..

ريمان : بس أنا ضعيـ ـفـه ضعيفة حـيـل قدامـ ـه .. ما تتوقعين اشكثر يخـ ـوفنـ ـي ما تتـوقعيـ ـن ..

ردت علي بنبرة قوية و جادة و هي ترص على كتفي و تقرب فمها من إذني ..

جمانه : ريمان شصار لك أعرفك ريمان القوية مو الضعيفة .. . حشا !! ..

الحين كل هذه الدموع عشان سمعتي صوته

و هو بعيد عنك اشلون لما نرجع بتنهارين قدامه .. ما أبي هذا الشيء يصير لك يا ريم ما أبي ..

أبيك قوية قدامه أبيك تحقرينه لين ينسى اسمه ..

بديت أخف من صياحي و أفكر بكلامها صدقها جمّون لازم أكون قوية و لاّ بالأخير ما راح أستفيد شيء ..

رفعت رأسي و أنا أبتسم و قلت لها و أنا أرص على يدها ..

ريمان : تسلمين جمّون بلياك كان ما عرفت اشلون أتصرف ..

قالت لي و هي مبتسمة ..

جمانه : ريم كل اللي أبيه منك تكونين قوية ولا يهزك سافل مثله .. .. .. وعــــد .. .

قلت لها و أنا أبتسم وأضمها ..

ريمان : وعـــــــد .. بإذن ربي ما أخلفه ..

عقب بعدت عنها و ناظرتها ..

ريمان : الحين علينا ذاك الدكتور الأبله ..

قالت لي و هي تمد بوزها ..

جمانه : يووووه خلينا نرجع الشقة ما فيني على فلسفته ..

قمت و سحبتها معي .. .

ريمان : هذا هو اللي كنت أبي أقوله لك ..

قمنا ورحنا على مواقف السيارات .. لما وصلنا لمحنا اثنين يطشون بعض بالموية ..

قالت جمّون و هي تغطي فمها بيدها ومبققه عيونها ..

جمانه : ي الله شوفي المجانين بيجيهم برد ..

ريمان : و انت وش عليك فيهم ..

لما قربنا لسيارتنا عرفناهم و هم بعد ناظرونا ووقفوا وجوا لحدنا و هم مبتسمين ..

وحنا وقفنا عند سيارتنا وابتسمنا لهم ..

هيثم : hi how are you ? ..

قلت له و أنا أنغزه بالكلام ..

ريمان : و عليكم السلام .. الحمد لله حنا بخير .. شخباركم انتم ..

ضحك فارس مع جمّون ..

هيثم : ههههههههههههههههههههههه السلاااام عليكم شحالكم شوه أخباركم ..

جمانه : بخير الحمد لله و انتم ..

فارس : طيبين ما نشكي باس ..

ريمان : دوم ان شاء الله .. بس مع اللي تسوونه الحين بتترقدون شهر كامل مع برد لندن ..

ابتسموا و ناظروا بعض عقب رد هيثم ..

هيثم : والله ملانين شنسوي بعد ..

ريمان : روحوا على المحاضرة مو عليكم الحين ..

راح فارس رفع يده باستسلام ..

فارس : لاااااااااا و اللي يطول بعمرج نقول لج زهقانين تقولين سيروا المحاضرة بيينا الضغط و السكر

لا سرنا وحنا تونا شباب .. الله يعيننا وبس ..

ضحكنا كلنا عليه ..

هيثم : خلاص ما بجي واايد ونرد لربوع الوطن ..

ريمان : صادق الله يصبرنا ..

ابتسمت جمّون و راحت دخلت السيارة و هي تقول باي .. ناظرت هيثم و فارس و ابتسمت أنا بعد ..

ريمان : يالله عن اذنكم ..

هيثم رافع حاجبه : أحيد عندج محاضرة انت بعد ..

ابتسمت .. والله صدق اتوهقت ..

ريمان : ايه بس ما ودنا نحضرها ..

هيثم : ههههههههههههههه زين لا تلوميني دامج شراتي ..

ريمان : ههههههههههههههه خلاص زين .. و يالله عن اذنكم ..

فارس : اذنج معاج .. في وداعة الرحمن ..

ابتسمت و ركبت السيارة وهم راحوا على سيارتهم وحنا بالطريق ناظرت جمّون ..

ريمان : جمّون تدرين كم باقي على الامتحانات ..

ناظرتني و هي تفكر وتحط اصباعها تحت فمها ..

جمانه : اممممممم أظن أسبوعين ..

ابتسمت لها وانا أسوق ومن غير ما أناظرها ..

ريمان : مستعدة .. تراها آخر امتحانات لندن ..

جمانه : نوعا ما مستعدة .. . و انتي ..

ريمان : تقدرين تقولين بس أكيد يوم تبدأ الامتحانات راح نجتهد .. (( وناظرتها )) .. . صح ..

جمانه : أكيد لأننا حنكون تحت الأمر الواقع ..

وقفت السيارة قدام بنايتنا و قفلتها وناظرت جمّون و أنا أبتسم و أشيل شنطتي ..

ريمان : يالله ننزل ..

ابتسمت و شالت شنطتها و رحنا على البناية و دخلنا شقتنا .. ..


*********************************************


وكالعادة تمر الأيام على هذا المنوال .. . صرت أنا و جمّون نجتهد و نهتم بالدروس

و المحاضرات أكثر لازم أصلا عشانها آخر سنة ونبي نرفع رأس أهلنا ..

آآآآآآآآه يا لهم وحشة ما تحصى أبد ..

و مع الأيام نسيت أو حاولت أتناسى سالفة تركي ..

و غرقت حالي في الجامعة و في التفكير بفارس وهيثم ..

أو خلوني صادقة معكم غرقت حالي في التفكير في هيثم .. .. هيثم وبس ولا أحد غيره ..

ما أدري وشو المشاعر اللي بديت أحس بها تجاهه .. . صرت لا شفته أستانس حيل ..

اذا ضحك ونكت وهو يسولف معانا أبتسم .. . ولاااا صرت أرتبك بعد يوم يجي جنبنا ..

ما أدري وشهي الأحاسيس اللي أحس بها ولا أبي أدري أخـــــــــاف أكتشف يوم اني حبيته !! ..

لحظة من جاب طاري الحب !! .. لا يكون فعلا حبيته لااااااااااا هذا آخرشيء أبيه ..

لأني ما أبي أعلق نفسي بوهم و لازم أتذكر انه من بلد و انا من بلد ..

و هذا اللي حاز بخاطري آآآه ليتني أعرفه أو يقرب لنا على الأقل أبقى أشوفه و لو يكون لغيري ..!!

يا ربـــــــــي وش هذه الأفكار اللي بدت تتحذف على رأسي ..

اللي قاهرني أكثر ان هذه آخر سنه لنا وخلاص بنرد على السعودية عقبها ..

و اللي يقهر أكثر و اكثر ان هيثم ما طلع الا على آخر السنه .. آآآآآآآه يا قهـــر ..



**********************************************


نهآيه آلبآرت آلخآمسس '$
آن شآء الله عجبكم ..

[لامارا]

آلبآرت آلسآدس ..




**********************************************



كانت الساعة 12:30 الليل .. . و كنت جالسة فوق السرير أسولف مع جمّون و هي منسدحة

فوق سريرها .. اليوم الخميس و بكره ما علينا محاضرات فكــــــه عاد مرة ملينا ..

لاحظت و أنا أسولف ان جمّون مغمضة عيونها ناديتها ثلاث مرات ما ردت علي .. مالت عليها الكلبه نامت

و خلتني أسولف مع روحي مثل المجنونة .. هين جمّون ان ما وريتك ما أكون ريمان ..

توي مسكت اللحاف و انسدحت عشان أنام الا يرن جوالي .. .

رفعته من على الكومدينة و استغربت يوم شفت الرقم .. لأني ما عرفته وخفت أرد يكون تركي .. .

ترددت أرد أو لا .. . شوي وقف الجوال عن الرن .. ارتحت لكن ما أسرع ورد يرن ..

اووووووووهوووووووو أظن مقدر علي أرد ..

رفعت السماعة بدون ما أتكلم .. بس سمعت الطرف الثاني و كان صوته مألوف شوي بس بعدني

ما عرفته و لا رديــــــت عليه .. . رد و تكلم مرة ثانية ..

.. . : ألـــــــــوووو ياهووووووووه يا نااااااااااس انتم معي على الخط ولاّ وين رحتم ..

يا عاااااااااااااالم ردوا ترى بتندمون اذا قفلت .. .

ما سويت شيء غير اني ضحكت لأني عرفته ..

ريمان : ههههههههههههههههههههههههه ههههههههههههههههههههههه ..

.. . : دوم الضحكة .. يالحمارة ليش ما تردين ..

كنت أضحك و بالقوة رديت عليه ..

ريمان : ههههههههههههههه ما عرفت رقمك متى غيرته ثم يا القاطع توك تتصل بجد البعد يبين الغلا ..

.. . : هههههههههههههههههههه لا والله بجد حمارة من المفروض يتصل على الثاني أنا و لاّ انتي ..

ريمان : انت أكيد .. أنا وش لي بك .. انت عمي و المفروض تسأل ..

خالد : كلي تبن زين .. قال وشو انت عمي قال .. بجد بنات آخر زمن لكن خليني أمسكك و أنا أوريك ..

ريمان : هههههههههههههههههههههه عادي تقدر تمسكني ما بيننا غير محيط .. .

خالد : طيـــــــــب ريم .. هذا بدال ما تقولين اشلونك عمي شخبار دراستك ..

لكن كله من رأس خالك اليابس .. و لاّ كان ما اتصلت و لا فكرت فيك ..

حبيت أقهره فقلت له بلهفة و بسرعة ..

ريمان : خلــــــــــــــوف هو عندك !! .. أعطيني اياه أحسن منك ..

خالد : زين يالحمارة خذي خالك و ترى الطيور على أشكالها تقع خذيه يالله ..

سمعته ينادي خالي و يكلمه ..

خالد : خذ بنت أختك السبالة على قولتكم ..

جاني صوت خالي خليفة ..

خليفة : هلاااا والله بالزين كله هلاااا ببنت أختي الغالية هلاااا باللي شراتي طالعه ..

قعدت أضحك أكيد يبي يقهر خلودي بس حليلهم اثنينهم و لا كأنهم صكوا 26 ..

خليفة : ريم حيــــــــاتي شحالج شخبار دراستج ..

مسحت دموعي اللي نزلت من الضحك و من الوناسة بعد ..

ريمان : بخير خالي ما أشكي من بأس و انت اشلونك خلوف ..

خليفة مستغرب : خلوف ! أصغر عيالج ريم ..

ضحكت ما أدري شصار لي بس جالسة اضحك ..

ريمان : ههههههههههههههههههههههههه يالله عاد خالي اشلونك ..

خليفة : هيه جيه خليج مؤدبة .. والله أنا عال العال ولا أشكي بأس ..

ريمان : دوم ان شاء الله مو يوم .. الا وينه خلودي المدلع صدقه زعل ..

سمعت صوت عمي وهو يرد علي أكيد حاطين الإسبكر ..

خالد : أيـــــــه خلودي المدلع وش بقي ما قلتيه لي يا بنت خلف .. أصغر عيالك أنا ..

لكن كله من خالك الخام علمك طولة اللسان ..

خليفة : أنا خام يالسبال ..

خالد : خــــــامين بعد مو خام واحد ..

خليفة : أهــااا زين سمعتي عمج شيقول ريم ..

كنت أضحك عليهم بجد بزران مو رجاجيل ..

ريمان : شسوي لكم حشا بزران مو رجاجيل والله ..

خالد : اوووووووه زادت صرت بزر بعد وش عندك بعد يا بنت أهلك ..

ضحكت من قلب ولا رديت عليه ..

خالد : ريم يالحمارة وحشتيــــــــنــــــي مووووت متى بسس نرد السعودية متى ..

خليفة : بس هب أكثر مني ما تدرين اشكثر متوله عليج ريم ..

ابتسمت و أنا أمسح وجهي يا حبي لهم والله ..

ريمان : وانا بعد متولهه عليكم حيل حـيـل ..

ماقدرت أستحمل و جلست أصيح والله وحشوني صدق هم وأهلي ياربي تنتهي هالثلاث أسابيع بسرعة

خلاص مليت من لندن ومن كل شيء .. ما أبي غير شوفة الغاليين ..

خالد : بس حياتي ريم .. لو أدري كان ما اتصلت .. يالله مسحي دموعك تراها غالية علي ..

صحت أكثر جعلني فداه وحشني ..

ريمان : والله وحشتني عمي وحشتني حيل ..

خليفة : أوب أوب أوب و أنا وين رحت ..

ضحكت وانا أصيح بعد ..

ريمان : والله اشتقتلكم انتم كلكم واججججد ..

سمعت صوت عمي كان متهدج ..

خالد : ما عليه يا الغالية ما بقي غير ثلاث أسابيع تحملي فيها وحنا بعد و عقب ان شاء الله

نجتمع بلا فراق ثاني ..

خليفة : والحين بسج صياح قطعتي قلبي ولوعتي جبدي الله يهديج ..

خالد : مالت عليك يا المطفوق لازم تقط ورى كل كلمة حلوة كلمة بايخة يالبايخ ..

خليفة : أنا مطفوق وبايخ عيل انت شوه .. انت مصطول وراعي حريم وسوالف ..

خالد وهو يشهق : أيا الكذاب قلبت علي وانا اللي ساعدتك و أعطيتك أفكار عشان تخلي ذيك الشقراء

ام رأس يابس تطيح في هواك .. و الحين بعد ما طيحتها في شراكك بفضل أفكاري تقلب علي يا خاين العشرة ..

خليفة : هههههههههههههههههههه جب شوهت صورتي جدام بنت أختي .. .

خالد : ليش لاااا .. خليها تشوف خالها اللي ميتة ع ثراه خليها تشوفه على حقيقته ..

خليفة : جــــــــــــــــــــب جب والله صج ما تستحي ولا تحشم .. خليتني راعي سوالف وراعي ليل جب

ولا كلمة لا أليخ العقال على ظهرك عقب أعقك من الدريشة ..

خالد : وتهدد بعد ريمان ترى خالك .. آآآآآآآآآآآآآآآآآي ..

خليفة و هو يكلمني : والله انه جذاب يا ريم أقسم باللي خلقني اني ما سويت شيء من

اللي يقوله لا تصدقين رمسته .. والله انه جذاب أنا صج أغازل لكن والله ما وصلت لذيج السالفة ..

خالد : أنا كذاب هااااه .. آآآآآآآآآآآآآآآآآآآآي ..

خليفة : والله لو ما تصلح كل اللي قلته لاني ربيعك ولا أعرفك فاهم ..

خالد : هههههههههههههههههههه زين كنت أمزح ريم لا تصدقيني تراني كذاب .. حليله خلوف صح انه

يغازل لكن ما وصل لذيك السالفة على قوله هههههههههههههههههه ..

خليفة : هيه على بالي بعد ..

ضحكت ما يتركون عاداتهم يتناقرون مثل البزران وعقب دقائق يرجعون سمن على عسل ..

ريمان : لا تخاف خالي أدري ان عمي يغار منك عشاني أحبك أكثر منه ما عليك منه واحد غيور ..

خالد شهق و يوم سمعت شهقته جلست أضحك بس بصوت واطي عشان لا يسمع أبيه يأخذ المقلب ولاّ أنا

مستحيل أحب أحد على أحد اثنينهم مثل بعض مكانتهم ..

خليفة : هــــيه والله غيور ادريبة .. هو شرات اليهال يغارون اذا جافوا حلاو عند غيرهم وهم عندهم جيس كامل ..

هالمرة ما قدرت أمسك ضحكتي وضحكت بصوت مسموع معي خالد وخليفة ..

ريمان : ههههههههههههههههه حرام عليك خلوف حليله خلودي أحبه بعد الا أموت عليه ..

خليفة : ردينا حق خلوف وخلودي خليتينا أصغر عيالج ..

خالد : ههههههههههههههههه فديتها والله لو تشبعني طراق وخلودي أفداها المهم اني أشوفها مستانسه ..

ابتسمت من خاطر يا رب ما يخليني أنحرم منهم ..

ريمان : تســـــــــلم عمي والله أنا اللي أفداك ..

خليفة : انزين مالي شيء أنا بعد أحبج وأكثر عنه بعد ..

رديت عليهم وانا أداري نفسي لا أصيح لأنهم موت وحشوني ..

ريمان : انت بعد فيك الخير والبركة خالي جعل عيني ما تبكيكم يا رب ..

خليفة + خالد : آآآمين ..

خالد : الا أقول ريم وينها القاطعة رقم 2 ..

فهمت ان قصده على جمّون ناظرتها كانت نايمة ولا تحس باللي حولها ما قلت لكم نومها ثقيـــل ..

.. . (( طبعا خالي خليفة ما يقرب لها أبد هو بس خالي .. أما عمي خالد طبعا يصير عمنا كلنا )) .. .

ريمان : رقم 2 نايمة ومستانسة بعد في نومها خبرك عنها دجاجة ..

خليفة قام علي فجأة ..

خليفة : ما غيرج الساهرة تعلمي منها كيف ترتبين حياتج هب طيب السهر لج ..

استغربت شفيه خالي قام علي مرة وحدة .. أما خالد جلس يضحك من قلب ..

ريمان : طيب شــوي شوي علي شقلت أنا حليلي ..

خليفة وهو يقلدني : شقلت أنا حليلي .. جب ولا كلمة كلج و لا جمّون فاهمة ..

تحيرت أكثر قلت لعمي و أنا أتنهد ..

ريمان : عمي شفيه خالي صابه برد ولا ضربة شمس ..

خالد : ههههههههههههههههههههههههه تقدرين تقولين ان خالك طايح في مستنقع الحب ..

خليفة وهو يتنهد : آآآآآآآآآآآآآه و أحلى مستنقع بعد ..

خالد : يا اللي ما تستحي على وجهك حشمني أنا عمها .. تراك حيل مآخذ راحتك هههههههههههه ..

رد خليفة وهو مبين من صوته انه انحرج ..

خليفة : هههههههههههههههههه جب يالجلب ..

أول شيء ما فهمت وشو يقصدون عقب فكرت جمّون و خالي طايح في الحب قلت و أنا أشهق .. .

ريمان : خلـــوف يالخاين ليش ما قلت لي هين يا دبــــــــــــــــــب ..

خالد : هههههههههههههههههههههههه تعالي شوفي خالك مسوي منحرج ههههههههههههههه ..

ضحكت حليله خالي صح انه يغازل لكن بعده ينحرج مرة ..

ريمان : خلــــــــــــــــــود حرااام عليك اتركه في حاله ..

خالد : هههههههههههههههههههههه زيـــن زين هههههههههههههه ..

كلمت خليفة و طنشت عمي أدريبه يحب يحرج الواحد الله يعين خالي من طولة لسانه ..

ريمان : خلوف حياتي ما عليك منه .. الا قول لي من متى ..

رد علي بس واضـــــــــح انه منحرج ..

خليفة : اممممممممممم من زمان والله .. بس هذا الجلب اللي يعرف عن السالفة

قلت له قبل تسع سنوات ..

قلت له و أنا ألومه بس خاطري متشققة من الوناسة أخيرا جمّون لقت واحد يحبها و يقدرها

مو أخوي المطفوق ..

ريمان : و ليه ما قلت لي يالخاين صدق انك ما تستحي ..

خليفة : شـــــــــــــــــوه تراني ولفتج واايد حشميني على الأقل ..

انحرجت منه بصراحة من حقه هو أكبر عني بست سنوات ..

ريمان : السموحة خــــــــالي والله جد آســـــــــــفة ..

خالد : ههههههههههههههههههههه يا الخبلة شوفيه يضحك عندي هو بس يبي يغير الموضوع

شفيك ما تعرفين خالك ..

قلت له و أنا بعدني منحرجه ..

ريمان : بس بعد لازم أحترمكم شوي ..

خليفة : ههههههههههههههههههههههههه ههههههه ريم والله أحبج ..

حبيت أستهبل عليه وأحرجه ..

ريمان : أنا و لاّ اللي نايمة جنبي ..

خالد جلس يضحك من قلب وانا معه ..

خليفة : جب يا السبالة ..

وااضـــــــــــــــــــــ ـــح عليه مررة انحرج آآآخخخخ ليتهم معي الحين كان عرفت فعلا أحرجه ..

ريمان : ههههههههههههههههههههه خالي لا تزعل كنت أمزح معك ايش فيك صاير كبريت ..

خالد : مو كبريت لو تشوفينه خلاص نار مسعره هههههههههههههههههه ..

خليفة : أنا أروح أنام أحسن لي من مجابلتكم وانتم تتمصخرون باجر ورانا محاضرات ..

ريمان : ههههههههههههههههههههههههه خالي أهون عندك تتركني مع خلود ..

خليفة : خلّه ينفعج خلود يوم تنتهين مصخرة ويّاه ذيج الساعة تعالي دوري على خالج ..

قلت له وانا أترجاه ..

ريمان : خـــــــــــــــــالي لا تزعل والله ما كنت أقصد .. (( و كلمت عمي خالد )) . . كله منك يا خلـــود ..

خالد : أيــه ايه أقلبي الجرة علي ..

قلت له بهمس عشان يسكت لا يولعها أكثر ..

ريمان : عمـــي الله يهديك خلك ساكت ..

خليفة : ههههههههههههههههههههههههه ههههه ..

استغربت منه بس عقب سمعت ضحكة عمي معه عرفت انه مقلب مالت عليهم ..

ريمان : خالي لا تتطنز انت معه ..

خليفة : والله اني أحبـــج أحبج أحبــــج أحبج أحـــــــــبج كبر الامارات والسعودية فديتهم و فديــــــت أهلها ..

خالد : هههههههههههههه خلاص وش خليت لجمون خلني أنا .. (( و رد كلمني )) .. ريم والله اني أحبك
أحبـك أحبك أحبــــــك أحبك كبر الامارات والسعودية فديتهم وفديت أهلها ههههههههههه ..

كنت أمسح دموعي وانا أسمعهم وفي نفس الوقت كنت أضحك على أسلوبهم ..

ريمان : وانا بعد أحبـــــــكم أحبكم أحبكم أحبكم كبر الإمارات والسعودية فديتها وفديت أهلها .. .

ما استحملت ورجعت صحت ..

خليفة : لاااااااااااااااااااااااا ااااا شوه اتفقنا بسج صياح ريم حياتي ..

خالد : خلاص ما بقي غير ثلاث أسابيع ..

خليفة قطع كلامه : لااااااا شوه نسيت خالد بس بجي آآآآآآآآآآآآآآي ..

خالد : خلاص حبيبتي ريم لا تصيحين ولاّ نزعل منك ..

كان خالي بيقول شيء بس عمي سكته .. ما دققت بالسالفة ورديت ..

ريمان : لاااااااا كله ولا زعلكم ما أقدر عليه ..

خليفة : و احنا بعد عمري ما نروم على زعلج ..

خالد : يالله كان تحبينا امسحي دموعك ..

رديت بسرعة وانا أمسح دموعي ..

ريمان : أكيد أحبكم ما يحتاج لها تفكير ..

خليفة : فديتج والله وحنا بعد نحبج وأكثر عنج بواايد ..

ريمان : فديتكم .. يالله أترككم الحين أكيد وراكم محاضرات وانا ما وراي شيء بكرة عندي off ..

خليفة و هو يتحسر : حظج والله .. مالت علينا طول أربع سنوات ما جفنا غير خمس ..

خالد : أحمد ربك غيرك ما شاف ولا واحد ..

ابتسمت بجد سوالفهم ما تنتهي وانا ما ودي أسهرهم وأكيد عندهم الحين بأمريكا الساعة 10 الليل ..

ههههههههههههههههه الحين أنا الساهرة مو هم ..

ريمان : أظن ان ما عندكم نية تروحون الجامعة بكره ..

خليفة : هيه والله صادجه مالي بأرض مولية أسير ..

ريمان : لا خالي لازم تجتهدون خلاص ما بقي غير ثلاث أسابيع ليش تضيعون تعب أربع سنين ..

خالد : صدقك والله .. يالله حياتي لازم نقفل أولا عشان الجامعة وثانيا وهو الأهم عشان البطاقة قربت تخلص و

ما ودي أشتري وحدة ثانية ..

ضحكت من قلب عليه ..

ريمان : ههههههههههههههههههههههههه هه أدريبك عمي بخيـــــــــــــل ..

خالد : هههههههههههههههههههههههه والله ان كل فلوس الدنيا تفداك ..

خليفة : وتفدى السبالة النايمة ..

ضحكت عليه أنا وخالد ..

خالد : ههههههههههههههههههههههههه كم مرة قلت لك حشمني ..

خليفة : اوووووووه سوري نسيتك ..

خالد : أيـــــه حاسب مرة ثانية فاهم ..

خليفة : حاضر عمي ..

ضحكنا كلنا عقب قال خالد ..

خالد : يالله ريم ان شاء الله وقت ثاني أتصل عليك بس من جوال خليفة طبعا ..

خليفة : يفداج الموبايل و راعيه ..

ابتسمت من خاطر ..

ريمان : يالله أجل ما أطول عليكم تحملوا على أنفسكم ولبسوا زين عن برد امريكا ..

خالد : ان شاء الله أوامر ثانية يا الغالية ..

ريمان : سلامتكم وبس يا الغاليين ..

خليفة : الله يسلمج ويحفظج من كل شر .. الا قبل لا نقفل في مفاجأة بتعرفينها باجر ان شاء الله ..

شكيت ايش فيها العالم توعدني بالمفاجآت ..

ريمان : مثل وشو ..

خالد : لا قلنا مفاجأة يعني مفاجأة .. . يالله سلمي على جمّون و تحملي على روحك زين حياتي ..

تحيرت بس استسلمت ورديت عليه ..

ريمان : زين يالله في حفظ الله وتسلمون على الاتصال .. و .. و .. و تراني أحبكم ..

نقع عمي هو وخالي من الضحك مالت عليهم يتطنزون علي ..

خليفة : هههههههههههههههههههه اللي يسمعج يقول يالسة ترمسين ريلج ..

خالد : هههههههههههههه بجد ريم وش فيك ..

انحرجت منهم كل السالفة اني كنت متحيرة من سالفة المفاجأة بس هذولا ايش يفهمهم ..

ريمان : ههههههههههههههههه خلاص باي ..

ضحكوا أكثر ..

خالد : مع السلامة حبيبتي في حفظ الله ..

خليفة : بـــــــــــــــــاي يا حلــــــــــوه ..

ريمان : باي في حفظ الله ..

ضحكوا وقفلوا وانا ابتسمت وانا أناظر جوالي حليلهم وحشوني حيل .....





************************************************** *********************



نهآيه آلبآرت آلسآدس . .
آن شآء الله عجبكم '$

[لامارا]

البآرت السآبع


**************************************************




بعد ما قفّلت من عند عمّي جلست أفكر وانا أناظر جمّون من جده خالي يحبها ههههههههههههههههه

بس تدرون لايقين ببعض حيل .. يالله يا رب يكتبهم لبعض بس معقولة من زمان يحبها وهي ولا تدري عنه ..

الا لحظة .. أذكر لما كان عمرنا 15 جاء خالي من الإمارات يزورنا وكان عمره 21 سنه في ذاك الوقت ..

وفي يوم كنا مسوين عزيمة بس للشباب وكانت جمّون موجودة طبعا دوم وهي معي ما نتفارق أبدا ..

كان جالس بالمجلس هو وعمي خالد و بندر ومتعب وتركي وباقي أولاد أعمامي بس الشياب ما كانوا

موجودين سبق وقلت لكم .. المـــهم .. دخلت أنا و جمّون وكنا شالين صينيات القهوة وصحون الحلا ..

خليفة : هلاااا والله بالزين ريم شحالج اليوم ..

ضحكت من قلب عليه اللي يسمعه يقول كأني ما كنت معه طول الوقت ..

ريمان : ههههههههههههههههه بخير دامك بخير انت اشلونك ..

خليفة ابتسم عرف اني أتطنز عليه ..

خليفة : بخير يا الغالية بشوفتج الا أقول من المزيونه اللي معج ..

حسيت ان جمّون ذابت في مكانها بس هي بعد كانت تحب بندر عشان كذه كانت جافه مع خالي ..

خالد : هههههههههههههههههههههه ما تعرفها هااااه ..

شفت خليفة يناظره بنظرات بس وقتها ما اهتميت لشيء ..

ريمان : هذه الله يسلمك بنت عمي الغالية ورفيقة دربي جمّون أخت سلمان ومحمد وراكان ..

.. (( وأشرت على سلمان ومحمد وراكان )) ..

خليفة : اوووووه السموحة يا الشيوخ على رمستي .. (( قصده كلمة المزيونه )) ..

محمد : لااااااا مسموح حليلها جمّون بزر ..

تخصرت جمّون على طول ..

جمانه : لا والله بزر هاااه ..

وانا بعد تكتفت وقلت وانا أرفع حاجب ..

ريمان : و اذا كانت هي بزر يعني أنا مثلها لأني في سنها ..

تدخل تركي في هالوقت ..

تركي : من قال محشومه يا زينة الحلايا محشومات ككل يعني .. (( يحاول يرقع السالفة حضرته )) ..

طنشته وسحبت جمّون نبي نطلع لأني كنت مستحملة نظرات تركي من البداية لكن الحين ما أقدر ..

ريمان : يالله جمّون خلنا نروح عشان نكمل شغلنا ..

خليفة : ههههههههههههه أونج انت معها عندج شغل هااااه هههههههههههههههههه ..

على ما أظن ان الخدامة عليها كل الشغل وجفت هالشيء بعيني ..

ضحكت لأني عرفت قصده .. يوم كنا نتغدا وعقب خلصت قمت من الكرسي بس خالي ناداني وقال لي

تعالي لمي السفرة بس أنا قلت له هذا شغل الخدامات مو بنات الشيوخ .. المشكلة ان هو بعد

عندهم خدامة وما يشتغلون بس أظن نزل الوحي عليه ..

ريمان : ههههههههههههههههههههههههه لااااا هذا شغل من نوع آخر وخاص جدا الله يحفظك ويهديك

.. (( قلتها وانا أغمز له بعيني )) .. هههههههههههههه فهمت عليّ ..

خليفة : هههههههههههههههههههههههه زين زيــن سيري عيل سوي شغلج الخاص اللي من نوع آخر ..

ضحكت وانا أطلع و جمّون معي و جات عيني بالصدفة على تركي ومنها ارتبكت وطلعت بسرعة ..

اووووووووووووووووف ما قلت لكم مسبب لي أزمة هو و نظراته .. .

بس هذه هي السالفة اللي طرت على بالي عاد أنا ما أدري ان كان يقصد كلامه خالي بس أنا

أعرفه هو وعمي في هذه السوالف ما عمرهم مزحوا أبدا .. المهم .. أعرفكم على خالي زين ..

هذا أخو أمي ههههههههههههههههههه شيء أكيد ما يبغالها كلام ..

هو بعمر عمي خالد : 26 سنه ويدرس بعد معه في امريكا .. هم أصدقاء من زمن بس مو مرة

لأن خالي يعيش مع أهله بالإمارات وعمي معنا بالسعودية لكن عقب راحوا امريكا صاروا دوم

مع بعض المهم هو بعد مدلعني حيل وأكثر من عمي بس عرفت مصلحته الحين هههههههههههههههههههه

لا والله حرااام أظلمه كذه .. خالي دوم يحبني ثم وش مصلحته عشان أقول كذه هو يقدر بنفسه

يروح يخطبها بجد ما أستحي على وجهي هههههههههههههههه

يالله يا رب يصير من نصيب جمّون .. بقي عمي الله هداه لحد الحين مو مبين عليه يحب وحدة ..

بس تدرون وشو اللي محيرني المفاجأة .. والله يا خوفي يكون تركي و عمي خالد يقصدون شيء وااحد ..

بس وش دخل عمي في تركي آآآآآآآه رأسي بينفجر من كثر التفكير أنام أحسن لي من صداع الرأس ..



*********************************************


في اليوم الثاني كنت راجعة أنا و جمّون من السوبر ماركت على الساعة .. (( 11:30 الصبح )) ..

ويوم وصلنا البناية وقفنا السيارة ونزلنا وحنا شالين الأكياس .. بس لما وصلنا لباب البناية شفنا

واحد جالس على الدرج ويلعب بجواله .. تضايقت الحين لازم نمشي من عنده ..

لما وصلنا له رفع رأسه ووقف على طول وهو مبتسم ! ..

أما أنا رميت الكيس لجمون وركضت له وطحت في حضنه أصيح .. وهو جلس يهديني ويضحك ..

بندر : هههههههههههههههههههههه حشا ما صارت ريم كل هذه دموع ..

ريمان : شهرين يا الظالم وتضحك .. (( وضربته على صدره بعد ما بعدت عنه )) .. وينك ..

ابتسم .. بندر : كأني جيت خلاص .. ماله داعي السؤال .. (( ناظر جمّون اللي وصلت لنا )) ..

بندر : هلاااا والله ببنت العم هلاااا و غلا اشلونك عساك بخير وصحة وسعادة ..

جمانه : الحمد لله بخير و انت ..

بندر : بخير دامكم بخير ..

.. (( استغربت من ترحيبه المبالغ وراح بالي لسبب ثاني و تمنيت من ربي تكون شكوكي في محلها )) ..

بندر : بنجلس واقفين كذه ..

ابتسمت وسحبته لداخل وركبنا المصعد ودخلنا الشقة ..

ريمان : هلاااا والله بمن جانا وشرفنا هلاااا وغلا ..

راح رمى نفسه فوق الكنبة واسترخى وقال وهو يتمغط ..

بندر : لي ساعة أحتريكم ..

جلست فوق الكنبة و جمّون راحت تودي الأغراض للمطبخ ..

ريمان : كنا بالسوبر ماركت .. انت ليش ما تعطيني خبر قبل لا تجي ..

ابتسم ابتسامة واســـــــعة ورد علي بهدوء ..

بندر : كنت مسوي لك مفاجأة ..

والله كان خاطري أصرخ وأقول .. يا عااااالم ايش صار للناس بس يبشروني بالمفاجآت ..

يا خوفي بس من هذه المفاجآت بالأخير شتطلع لي .. طنشت كلام بندر وسألته ..

ريمان : المهم اشلون أهل السعودية اشتقت لهم ..

ابتسم ابتسامة واسعة وهذا اللي خلاني أستغرب وأحتار أكثر ..

بندر : أهل السعودية بصحة وسلامة ويسلمون عليك بالذات ناس خاصيين وصوني أسلم عليك واااجد ..

ناظرته مستغربة وقلت بنبرة طنازة ..

ريمان : ما أحيد روحي سيدة أعمال عشان يجيني السلام الخاص ..

ابتسم أكثر وناظر جمّون ..

بندر : جمانه بعد اذنك و اذا ما فيها احراج أبي ريم في موضوع خاص .. و .. و السموحة جمانه ..

ابتسمت جمّون و قامت ..

جمانه : لا عادي مسموح خذوا راحتكم ..

راحت دخلت غرفتنا وانا ناظرت بندر مستغربة .. بس تدرون كنت أحس بخوف بداخلي بس من وشو ما أدري ..

بندر : اشلونك ريم وش أخبار الدراسة معك ..

رفعت حاجبي في وجهه ..

ريمان : الحين مقوم جمّون عشان تقول لي اشلونك ..

ابتسم وعدل جلسته و ناظرني بجدية أربكتني ..

بندر : لاااا بغيت أقول لك عن الناس الخاصيين ..

ناظرته من غير ما أرد .. وهو كمل كلامه ..

بندر : شوفي ريم أنا بدخل في السالفة من غير لف ولا دوران ..

قلت له بصوت فيه الحيرة والخوف ..

ريمان : ايـــه !! ..

بندر : انت تعرفين ان كل بنت ومصيرها بيت زوجها .. وان هذه سنة الحياة ..

هزيت رأسي بمعنى .. * كمل كلامك أعرف * ..

بندر : بس وانا بصراحة جاي أقول لك ان في واحد حيل حـيـل قريب منا وتعرفينه خطبك مني أو من أبوي رسمي

وبصراحة أنا وافقت له لأنك تعرفينه زين وماله داعي أعرفك عليه ..

وابتسم وهو يكمل كلامه بثقة ..

بندر : هااااه ما عرفتيــــــــه ..

هزيت رأسي بمعنى .. * لااااا * .. من غير ما أنطق بحرف واحد ..

بندر : ههههههههه مستحيــــــل ريم ما عرفتيه .. زين طيب تعرفين روميو العرب تعرفينه أكيد ..

أنا انثبرت و لا قدرت أتكلم يا ويل قلبي يا ويلي ويلاه لو كان يقصد اللي في بالي ..

بندر : هههههههههههههههههههههههه زين خلاص تركي خطبك ..

تدرون وش كان شعوري وقتها حسيت كأن أحد صب على رأسي جك مويه بــــــــارد ..

سكت ولا رديت عليه أصلا أرد عليه بوشو قولوا لي وشو أقول له / الأخ شكله طابخ السالفة في

السعودية و جاي بس يزف لي الخبر الرررررررررررااااااااائــ ـــــــــــــع ..

بندر : و بس يا حلوة وحنا اتفقنا ان تكون الملكة يوم ترجعين للسعودية ..

عصبت منه بصراحة وشو هذا الانسان يتحسب الناس رهن أمره .. قمت من مكاني وقلت له

وانا منفعله و ميته من الغيظ ..

ريمان : انت بكيفك تحدد كل شيء من دون ما تشاورني ..

ناظرني وهو مستغرب ..

بندر : ايش فيك ريم ليش معصبة .. تركي ما غيره خطبك ليش معصبه ..

ريمان : ما أبيه ما أطيقه ما بقى غير اتزوج ذاك الواطي ..

عقب سكت و حطيت يدي على فمي يا ويلي أنا شقلت الحين وش بيسوي فيني بندر ..

قام وهو مستغرب وتقدم مني ..

بندر : آل وشـــــــــــــــــــو ؟!! ..

يا ويــلي شقول له الحين والله ما ألومه مستغرب من سبتي لأني ما قلت غير لـ جمّون ..

مسكني من ذراعي وهو معصب ..

بندر : تكلمي آل وشو ؟! .. الحين هذه السبة الراقية بس عشان خطبك ..

رديت عليه بسرعة ..

ريمان : ولا شيء انسى كنت منفعله وبس ..

رص على ذراعي أكثر ..

بندر : كنت منفعله !! .. في أي بنك أصرفها هذه .. الحين اللي يسمعك وما يعرف تركي حيحسبه واطي فعلا ..

سكت آآآه ليتك تدري عنه و بتعرف انه واطي وأكبر واطي بعد .. قال لي وهو يبعد عني ويرجع يجلس ..

بندر : المهم مهوب كيفك ترفضينه أنا أعطيت الرجال كلمة .. ثم أنا ما أبي خطوبتي لـ وضحى تنفسخ ..

صدمة ثانيــــــــــــــــة ..

ريمان : وشو وضحى انت خرفت ..

رد علي ببرود وكأنه كان متوقع عصبيتي ..

بندر : لاااا ما خرفت بعدني بعقلي .. تراني خطبت وضحى ووافقت و ملكتها في نفس يوم ملكتك على تــــركي ..

.. (( و شدد على اسم تركي كأنه يتحداني )) .. أما أنا ما كان يهمني شيء ما كان يهمني غير جمّون ..

قلت له بهدوء ..

ريمان : و جمّون ..

ناظرني وهو مستغرب ..

بندر : علامها جمانه ..

ريمان : من بيتزوجها ..

ناظرني بنظرة حسستني اني بزر ..

بندر : جمانه جاييها نصيبها مثلك ..

صرخت عليه ..

ريمان : الحين انت وش فيك أقول لك ما أبي تركي تقول لي الملكة و النصيب ثم حرام عليك ليش وضحى ليش ..

وضحى ما تطولك مهيب من مقامك ..

عصب علي مرة شيء طبيعي مو قلت لكم بندر عند تركي و وضحى ينقلب ضدي ..

بندر : ثمني كلامك ولا تصارخين و انت الصادقة وضحى تسواك و تسوى جمانه و تسوى

عشرة منكن فاهمة و لاّ لااااا ثم أنا منيب جاي عشان أشاورك لاااااااا أنا جاي أوصل لك خبر

و انت تنفذينه بدون أي كلمة فاهمــــــــة ..

صارخت أكثر والله ما أتزوج تركي لو يطير ..

ريمان : ما أبي تركي ما تفهم براحتك انت تزوج وضحى تزوجها و عيش معها لكن اني أتزوج تركي

لاااا من المستحيلات أتزوجه ما أبيه ما أبيه ما أبيـــــــــــــــــــــه ..

رد علي بهدوء وببرود وهو يشيل الكاب ويلبسه ..

بندر : أنا قلت لك مو جاي أشاورك لا تجلسين تبحين في صوتك من كثر الصراخ وراك ملكة ..

هي السالفة عنده سالفة عناد لكن هين ..

ريمان : والله ما أتزوجه و بتصل في أبوي وأقول له اني ما أبي تركي ..

ضحك بسخرية علي ..

بندر : ههههههههههههههااااي حياتي ترى أبوي هو اللي موصيني أجبرك اذا رفضتي ترى الدنيا

مو سايبة هو ولد عمك و اهانه بالنسبة لنا ترفضينه ..

جلست على الكنبة وانا أحاول أمسك روحي عن أصيح لكن ما قدرت أستحمل وغطيت وجهي بيدي وجلست

أصيح من قلبي .. ليش يا دنيا تربطيني بأكره مخلوق على وجه الأرض ليش يا دنيا ما أقدر أستحمله وهو بعيد

اشلون لا كان زوجي .. ما أقدر أكثر شيء أخاف منه هو تركي ..

سمعته ينادي على جمّون .. جات جمّون وهي تناظرني و تناظره باستغراب ..

جمانه : هلاااا بندر ..

بندر : الحين أنا رايح طيارتي بعد نص ساعة تحملي على روحك .. (( و وجه لي الكلام )) ..

و انت يا ريمان تحملي على روحك وخليك عاقلة عن المخفه .. ..

و قفل باب الشقة وراه وقفل معه كل أبواب الفرح بدنيتي .. قربت مني جمّون ..

جمانه بهمس : ريم حياتي علامك تصيحين ..

ضميتها من قلبي وانا أصيح و أشاهق ..

ريمان : الكلب يبي يزوجني تركي غصب عني رفضت بس مهوب بيدي أبوي خلاص أعطى الرجال كلمة ..

ولاااا راح خطب وضحوه يا جمّون خطبها ..

وجلست أصيح أكثر ..

جمانه : ما جبتي شيء جديد من البداية قلت لك ان بندر ما يفكر فيني وانه يبي وضحى بس انت ما رضيتي

و لا تقبلتي هذه الفكرة ..

ريمان : و تـــ ـــركـــ ــــي تركي يا جمّون ما أبيه انت تعرفين اني أخاف مرة منه تعرفين

اني أرتجف لا سمعت بس صوته اشلون لا صار زوجي ..

جمانه : خلاص حياتي خلاص كافي قطعتي روحك من الصياح .. والله انه ما يستاهل كل هذه الدموع ..

ما أدري كم مر من الوقت وانا أصيح على حضنها المهم انها بالأخير أخذتني لغرفتنا ونومتني فوق سريري

وانا من حطيت رأسي على المخدة انخمدت .. .





************************************************** *********



نهآيه البآرت السآبع .. '$

[لامارا]

آلبآرت الثآمن '$
طولتوآ لكم شويّآت . .


*****************************************




قمت ورأسي مصدع وحــار ومحمر تقولون داخله فرن .. رفعت يدي وضغطت عليه ..

بس لحظة كأني انتبهت ان الدنيا ظلمت ناظرت الدريشة متفاجئه و فزيت من السرير يا ويــل اهلي ضاعت

علي صلاة الظهر و العصر والمغرب والعشاء .. كانت السـ 2:30 الليل ــاعة ..

توضيت وصليت الصلوات اللي فاتتني عقب خلصت ناظرت جمّون حليلها أكيد ما صحتني لأنها خايفه علي .. .

بس لحظة بكرة جمعه و عندنا اوف و مافي جامعة للإثنين خسارة تصدقون اشتقت لهيثم ..

بس للحظة تذكرت الكابوس اللي أنا أعيشه .. أنا الحين مخطوبه لتركي !

الله يسامحك يا بندر الله يسامحك ما أقدر أقول شيء ثاني .. حسيت بعبراتي تنزل على خدي ..

جلست على طرف سريري وانا ألعب بأصابعي وأفكر بدنياي .. بجد انها قاسية و غريبة ..

جات عيني بالصدفه على جوالي جاني فضول أشوف اذا في مسجات من أحد ..

رفعته و لقيت 9 اتصالات واحد من ابوي والثاني من عمي ابو تركي و ثلاث من خليفة و اثنين من

خالد و رقم غريب اتصل مرتين بس ما عرفته الا لحظه هذا متعب فديـــــــته ..

وبعد فيه ثلاث مسجات واحد من خالد واثنين من خليفة ..

ابتسمت وفتحت حق عمي خالد ..

.. *(( ريم حيـــاتــي مبــروك وينك ما تردين لا يكون مصدومة ههههههههههههه شرأيك

بالمفاجأة حلــوه صح المهم لا صحيت لأن جمّون خبرتني انك نايمة دقي علي زين حياتي

و يالله ربي يوفقك .. بــــاي .. ))* ..

رجعت وفتحت المسج الأول حق خالي خليفة ..

.. *(( ريم ردي حرقت موبايلج ولا تردين وينج .. ))* ..

كان قبل مسج عمي عشان كذه مو داري اني نايمة ابتسمت وفتحت الثاني ..

.. * (( نايمة !!! أول مره بحياتي أجوف عروس شراتج أحيد البنات يوم ينخطبون

ييلسون أسبوع بدون رقاد ههههههه عموما يا أحلى عروس مبـــروك وعقب تنشين من الرقاد

اتصلي علي انزين قمرهن .. ســـلام .. ))* ..

حسيت نفسي بصيح الاثنين أو الكل بالأصح ما يدرون اني مغصوبة ما يدرون اشكثر أكره طاري تركي مو

عاد هو بكبره أصلا هي غلطتي ليتني قلت لأبوي عن سواته كان ارتحت الحين ..

لكن أنا الغبية قال وشو ما أبي مشاكل علهم ان شاء الله الموت لكن ما أتزوج هذا الواطي ..

صحت من قلبي وانا أضم جوالي .. بس انتفضت يوم رن وسط صدري رفعته وناظرت الرقم

وابتسمت وطلعت الصالة عشان ما أزعج جمّون جلست فوق الكنبة ورديت على

الجوال بلهفة وحاولت أغير نبرة صوتي عشان ما يعرف متعب اني كنت أصيح ..


ريمان : هــــلااا والله و غـــلاااا بالصوت وراعيــه ..

ما سمعت رد فرجعت وتكلمت ..

ريمان : متعب .. وينك يا القاطع كذه ما تسمعني حسك شهرين ..

رد علي بهدوء ..

.. : أنا منيب متعب ..

انتفضت وسرت رجفة في كل جسمي لين وصلت للجوال اللي بغى يطيح من يدي

بس رصيت عليه و لا نطقت بحرف ابدا ..

.. : ريمان .. بعدك معي ؟!

غمضت عيوني يا كرهي لهذا الحس يا كرهي لصوته و لأسمه وله كله ليش ليش يا دنيا ليش تركي بالذات ..

نزلت دموعي وحاولت أمسك شهقاتي لا تطلع بس للأسف غصب عني طلعت شهقة مكتومة

جلسنا على هذا الحال هو ساكت وانا أصيح .. عقب سمعته يقول ..

تركي : تصيــحين !! .. وشـــوله ؟!!!! ..

فتحت عيوني على آخرها أهبل ولا يستهبل هذا ..

تركي : ريمان ..

سحبت نفس طويل وسكت ولا رديت عليه ..

تركي : ريمان شدعوة تصيحين ..

رديت عليه بحقد بعد ما وصلت حدي منه ..

ريمان : هاااه .. شتبيني أسوي أقوم أرقص عشان السيد تركي بيتزوجني ..

تركي بهدوء : لا تطولين صوتك و ثمني كلامك ..

رفعت حاجبي بجد شين وقوي عين قفلت على وجهه ورحت على غرفتي وبيدي الجوال ..

والله ويهدد بعد ويتأمر بجد حــاله .. حطيت جوالي على الكومدينة و جيت بنام

بس تذكرت عمي وخالي أتصل ولاّ لا ..

اممممممممم خلاص بكره أتصل عليهم تلحفت بس ما جاني النوم جلست أفكر بدنياي

ودموعي على خدي أدريبه تركي من يومه

وهو يقول لي .. (( انت لي وانا لك فوق خشمك واللي يدخل بيننا صدقيني يا ريمان حشرب

دمه ودمك ان فكرت مجرد تفكير تتزوجينه )) ..

يالله اشكثر كنت أعانده وبعد من يومي أكرهه من نظراته وكرهني فيه أكثر يوم سوى سواته ..

بس هو بقرة و دلخ ما يفهم .. خاطري أشبعه طراق لين أبرد حرتي ..




أذكر مناسبة كملته كان آخر يوم في اختبارات ثالث ثانوي والترم الثاني بعد ..

بعد ما خلصنا الإختبار جانا سلمان وأخذنا أنا و جمّون و وضحى عشان نروح ماكدونالدز و نجتمع مع بندر

و راكان و نايف ونواف والأخ العزيز تركي لازم يجي طبعا ..

هذه عادتهم كل نهاية اختباراتنا يجون يآخذونا لوحدة من المطاعم .. المهم دخلنا قسم

العايلات ورحنا للطاولة ..

تدرون على آخر أيام ثالث ثانوي بدينا نسولف مع وضحى بصراحة حزت في خاطري أنا

و جمّون حالتها لأن مالها غيرنا بنات عم بسنها عشان كذه بدينا نتقرب منها ..

(( طبعا كل هذا كان قبل ذاك الموقف اللي بيني وبين تركي .. كان عمرنا أنا و جمّون و وضحى ..

" 18 سنه " .. أما تركي و بندر و سلمان " 23 سنه " .. و نايف ونواف و راكان " 21 سنه " .. ))

كنا نسولف مع سلمان و وضحى و نحتري الباقيين وحنا نسولف ناظرني سلمان أنا و جمّون بنظرة استفهام ..

سلمان : صح اللي سمعته ..

استغربت وشو سمع لا يكون عرف بس اني أحبه فضيـــحه لو عرف ..

ريمان : وشو سمعت ؟!! ..

.. : ســــــــــــــــلااااااا ااااااااااااااااااااااااا ااااااااااااااااااااااام ..

ناظرنا بندر اللي جاه و وراه نايف ونواف و راكان والأبله الثاني تركي ..

جلسوا معنا أنا مقابل وضحى وتركي وسلمان ومن جهتي اليمين نايف ونواف ..

و جمّون والجهة الثانية راكان و بندر ..

سلمان : انت ما تعرف تسلم وتجلس بهدوء لازم تسمع كل البشر صوتك العذب ..

بندر : أكيد صوتي عذب وغصب عنك بعد لا و يذوب كل بنات السعودية ..

رد عليه تركي بطنازه وعينه على جواله اللي يلعب به بيده ..

تركي : يـــا حـــافظ ..

ناظره بندر بحقد ..

بندر : خيــر ان شاء الله .. وش حافظ ذي .. في أي بنك أصرفها ..

كمل تركي طنازه وبدون لا يرفع عينه بعد ..

تركي : روح الراجحي تراهم يمدحونه .. و اذا ما قدرت روح بنك البلاد ..

بالله عليكم مو دمــه ثقيــــــــــــل ..

بندر : هههههههههااااي بالله عليك نكت بعد خلقي مسدود من النتيجة ..

طنشه تركي وجلس يلعب بجواله .. أنا كنت مطنشتهم بس بالأخير رحت بعيني على تركي شفته

يناظرني بنظراته اللي موتتني من الحيا صديت عنه و جلست أناظر سلمان وهو يسولف كنت


لا شعوريا أبتسم لا ضحك و أرتبك لا جات عينه بعيني بس هو كان يناظرني بعفوية ..

يعني هو عادته لما يسولف يمرر عينه على كل اللي حوله بس أنا كنت غيــــــــر

لاني كنت أحبه قبل عشان كذه أرتبك .. شوي جاه الطلب أخذت المسحب حقي وجلست أكله والكل

بدي يأكل بس تركي ما مد يده لأكله وجلس يلعب بجواله استغربت منه بس قلعته ما يهمني ..

سمعت راكان يكلمه ..

راكان : تــروك ورآك ما تاكل ..

جاوبه تركي بملل وضيق ونبرة جافة حتى اني استغربت من نبرته ..

تركي : مالي خلق ما اشتهي ..

بندر : أفـــااا الحين انت اللي سحبتنا من المقهى تبي تجي بدري لهنا وآخر شيء تقول مالي خلق ..

سلمان : ثم وش اللي مضايقك تروك .. بالعكس وناسة ..

تركي : ما يخصك انت ..

حسيت سلمان انحرج .. الكل استغرب من تصرفه بس ما علقوا ناظرته بحقد بس لما جات

عيني بعينه شفته يناظرني وهو معصب.. استغربت أكثر أنا وش سويت له الحين ..

بس طنشته ورجعت أسولف .. عقب خمس دقايق سمعته يكلم سلمان بنبرة نادمه ..

أظنه راجع موقفه اللي هو غلطان فيه مية بالمية ..

تركي : ســـلوم زعلت ..

سلمان : لا عادي ..

ناظرت سلمان شفته مبتسم لتركي .. والله أنا منه أقوم أليخه بالعقال ..

تركي : والله آسف كنت متضايق من النتيجة و حطيت حرتي فيك ..

سلمان : والله عادي ما عليك ما زعلت ..

تركي : متأكد ..

سلمان : مية بالمية ..

استرخى تركي ورد يناظر جواله ..

تركي : زين .. المهم انك رضيت ..

(( طبعا الكل كان يسولف و مو منتبه لهم الا أنا )) ..

سلمان : بس لحظة عندي شرط ..

ابتسم تركي ..

تركي : تدلل عاد هالحين .. ما أقدر أرفض لك طلب .. انت بس آمـــــر يا بعد روحي ..

سلمان : هههههههههههههههههه طلبي انك تأكل أكلك ..

شفت تركي يسحب طلبه وهو مبتسم ..

تركي : ولا يهمك .. عشان خاطر عيونك العسلية بس ..

ابتسم سلمان وحرك رموشه بسرعه وبدلع ..

تركي : ههههههههههههههههههههه مناك يا ماصخ ..

ضحك سلمان وانا ابتسمت لضحكته .. (( والله بدون شعور غصب عني )) ..

لما شلت عيني عنه سمعت تركي يتنهد ناظرته ..

تركي : رجعنا لطير يلّي ..

وناظرني كأنه يوجه هذا الكلام لي رفعت حاجبي هذا ايش فيه غبي ولا وشو بالضبط ..

اللي يشوفه وهو يناظرني يقول ماكله حلاله .. ما انتبهت اني أناظره لفترة الا لما لمحت ابتسامته

رفع عينه علي وهمس ..

تركي : أول مرة تشوفيني ..

صديت عنه لأني ما عرفت شأرد عليه ..

اتذكرت للحظة ان سلمان كان يبي يقول سالفة ..

ريمان : ســلمان ..

لمحت تركي وهو يرفع رأسه و يناظرني ..

سلمان : هلاااا والله يا لبيه آمري ههههههههه نعم ريم شتبين ..

تصدقون رغم انه كان يمزح يوم قالها الا اني انحرجت ..

ريمان : ما يآمر عليك عدو ..

لمحت تركي يحرك فمه بمعنى ان الوضع مو عاجبه .. يولّي / رجعت لسلمان ..

ريمان : سلمان وشو الخبر اللي سمعته ..

الكل انتبه لي وصار يناظر سلمان ..

نواف : وشو / شالسالفة ..؟

سلمان : اووووف انت وشو اللقافة اللي فيك .. ليش منت مثل نايف اللقافه في الغرب وهو في الشرق ..

نايف الوحيد اللي ما كان معنا كان حاط السماعات بأذنه و قدامه جواله و مســـــــــرح على الأخير ..

ولما سمع اسمه لف على سلمان ..

نايف : ايش فيه نايف ..

ابتسمنا كلنا وحنا نناظره هذا وراه سالفة أكيد .. لما شافنا نناظره كذه استغرب وعدل

جلسته اللي كانت مايلة ..

نايف : ايش فيكم .. ليش تناظروني كذه ..

تنهد سلمان وهو يضرب يده على الطاولة ..

سلمان : لا و لا شيء يا الغالي سلامتك وبس .. أرجع لعالمك الخاص ..

ابتسمت وبان على نايف انه انحرج ..

نايف : هييييييي انت لا يروح بالك بعيد ..

سلمان : زين أنا ما قلت شيء قلت لك ارجع لعالمك الخاص ..

نايف : قبل ايش كنت تقول عني

(( ورفع حاجبينه الإثنين وهذه الحركة هي بعد اللي يتميز بها نايف عن نواف ))

نايف : ايش فيه نايـــــــف ..

سلمان تكلم وأظن انه ناوي يطفر بنايف كعادته ..

سلمان : ســــلامتــه نيــــوف سلامة قلبه .. من عذاله و من عدونيه يموتون ما يطولونه ..

لااااا عـــاد أول مرة أسمع هذا الكلام من سلمان شكله مبيت النية على واحد من العيال

و نايف طلع الضحية الله يعيـــــــنه بـــس .. طنش نايف كل كلام سلمان وناظر نواف ..

و ابتسم و هو يناظره بحنيه .. أصلا نواف و نايف ما يكلمون بعض الا وتشوفون الابتسامة

و الحنيه في عيونهم واضحـــه ..

نايف : نــواف .. ايش فيه أخوك ..؟

ابتسم نواف وناظر سلمان و ناظرنا ..

سلمان : حأذبحك لو تـــكلمت حأذبحك يا ولد نايف ..

ابتسمنا هذا لقبهم يوم يبون يناصرون بعض نقول لنايف .. (( يا ولد نواف )) .. و لنواف .. (( يا ولد نايف )) ..

نواف : ههههههه وليش ما أقول مو من عادتي أحرق أعصابي ..

بندر : شدخل أعصابك بالسالفة ..

نواف ناظر نايف وابتسم أكثر و نايف مال بجلسته مرة ثانيه لأن هذه عادته يوم يجلس ..

نواف : نايف هو نواف ونواف هو نايف و أعصابي يوم تنحرق يصير لنايف نفس الشيء و الحين مستحيل

أسمح لكم تحرقون أعصاب نصف روحي ..

نايف : فديــــــــــته هالولد طالع نسخة من نايف ..

ضحكنا ع تعليف نايف اللّي ما جاب شيء جديد ..

تركي : أحلف انه نسخة منك .. تصدق توي أدري ..

نواف : ههههههههههه زين كسبت معلومة جديدة ..

تصدقون ما غلط نواف يوم قال ان اللي يحس به هو يحس به نايف و في أكثر

من موقف اكتشف فيه هذا الشيء ..

نايف : المهم شالسالفة نواف ..

نواف : السالفة وما فيها يا أخي العزيز ان ريمان سألت سلمان عن شيء وانا نطيت عليهم فهذا

الأخ اللي يسمونه سلمان قال انت وشو اللقافة اللي فيك .. ليش منت مثل نايف اللقافه

في الغرب وهو في الشرق .. وهذه هي السالفة يا شق روحي ..

ابتسم نايف و رجع يناظر شيء بجواله و هو يزمّ شفته .. استغربت عادةً يدافع

عن نفسه أو يعلق بأي شيء على الأقل لكن الحين سكت وكأن السالفة مو مهمة عنده ..

شفت نواف يتنهد و يناظر نايف بنظرة ما فهمتها لكن اللي حيرني أكثر ان نايف ناظره و قال له و هو

يحط أصبعه في وجه نواف و بهمس ..

نايف : لا تقول وش فيك .. و دخيلك نواف اترك إحساس التوأم على جنب دخيلك ..

شفت نواف يلف وجهه على الجهة الثانية و هو يقول ..

نواف : بـــــراحتـــك !! ..

ما اهتميت و رجعت سألت سلمان ..

ريمان : هــاه سلمان وشو السالفة ..

ابتسم وناظرني أنا و جمّون ..

سلمان : سمعت ان الدافورات جمّون و ريم بيدرسون بره ..

انصدمت هذا شدراه الحين أنا و جمّون اتفقنا ان و لا أحد يعرف غير محمد ومتعب وأبوي وعمي ..

جاوبته جمّون بسرعة ..

جمانه : و انت وش دراك ..

يا ربـــي خربتها هذه الهبلة .. كنت بنكر بس هذه خربت كل شيء ..

ناظرها سلمان بنظرة المصدوم ..

سلمان : افــااا يا الخاينه الحين أنا سلومي أخوك حبيبك و ما تقولين لي افــااا عليك بس افــااا ..

جمانه سكتت لأني دست رجلها و أنا ألومها .. ناظرت سلمان ..

ريمان : لاااا من قـــال اللي سمعته غلط ..

ابتسم سلمان ..

سلمان : لاااااااااااااااااااااااا ا عليـــنا .. زين أنا مسامح جمّون بس انت اشلون ما تقولين لي و لا نسيتي

اني سلومي ورآك ريم نسيتي ..

جاوبته و أنا خدودي شابه ضوء ..

ريمان : لاااا .. أقصد كنا بنقول بس مو الحين ..

بندر : يعني بجد بتسافرون ..

ناظرت الكل أشوف ردة فعلهم .. شفت تركي مسترخي على الكرسي ويناظرني بنظرة غريبة ..

و نواف و نايف و راكان عادي و سلمان رافع حاجبه أما وضحى مبتسمه .. هي تعرف لأن

عمي قال لها اذا حابه تسافر معنا ولما رفضت قال لها لا تقول لأحد .. ناظرت بندر ..

ريمان : ايه بنسافر ليش لا ..

استرخى بندر على الكرسي وكأن الموضوع مو هامه ولا كأن أخته بتسافر .. لا وزاد الطين بله

يوم قال وهو يناظرني أنا و جمّون ..

بندر : فــــكـــه منكم بتنور السعوديه .. و لاااا حرتاح بعد من الإسطوانه اللي كل يوم تعيديها على

أذني صباح ومساء ..

فهمت قصده على طول !! .. كان يقصد حنتي عليه ان وضحى ما تستاهله .. احتقرته وناظرت سلمان

وابتسمت له ..

ريمان : زين سلومي انت وش دراك ..

ابتسم لي ..

سلمان : بالصدفه والله كـ ..

قاطعه تركي وهو يقول و عينه على جواله ..

تركي : طبعا صدف الحمير كثيره ..

حسيت تركي يقولها من قلبه لكن الكل فهمها طنازة و جلس يضحك عداه هو اللي زم شفته في عصبية

أدريبه مقهور من سلمان لأني أحبه .. قلت بدلع أبي أغيظه ..

ريمان : زين سلومي انت زعلان عشان ما قلت لك ..

سلمان لف وجهه يغيظني ما دري انه يغيظ اللي جنبه بعد ..

سلمان : ايه زعلان ولا حأرضى ..

ابتسمت بخبث و أنا أناظر تركي اللي يحاول يبين نفسه مو مهتم و هو داخله يحترق ومبين من يديه اللي ماسك

بها جواله حسيت ان في أي لحظة أن الجوال بينكسر ..

ريمان : لا سلومي طلبتك كلش و لا زعلك ..

ناظرني سلمان و ابتسم وهو يناظرني بنظرة موتتني خجل .. كان يكمل المسرحية لكن أنا الله يهديني ولعت ..

سلمان : زين و لا يهمك كم ريم عندي ..

راكان ولأنه جنبي سحبني له ..

راكان : لا والله انت و وجهك ريم محد يدلعها غيري ..

يا ويل قلبي هذا شيبي بعد سحبت كرسيي وانا أقول له بعصبية مع احراج ..

ريمان : زين انت لا تأخذ راحتك ..

مسك يدي وهذه الحركة خلتني أموت من الحيا ..

راكان : ثاني مرة قولي لي .. ثم أنا فضلت أكمل الجامعة هنا ورفضت اقتراح أبوي أكمل في لندن

عشان عيونك !! تجين تروحين انت .. هذه بحق الحـ .. . (( سكت عقب كمل )) .. .

راكان : هذه بحق المشاعر خيـــانه ..

يا ربي هذا وش فيه يستهبل و لا وشو أي مشاعر و خيانة و جلس عشان عيوني أكيد هزل ..

بندر : هييييييي انت لا تسوي لي فيلم هندي .. وممكن تترك يد أختي لا أوريك نجوم الظهر الحين ..

راكان ولا كأنه يسمع ..

راكان : زين ريم طلبتك قولي تم ..

رديت عليه وانا أسحب يدي وأشتت نظراتي عن عيون العيال اللي يناظروه .. بصراحه تفشلت مرة من سلمان

ونواف و نايف حتى تركي انحرجت منه ..

ريمان : على وشو تم ..

راكان : انت قولي و بس ..

ناظرته أترجاه ..

ريمان : ممكن ما أقدر على طلبك ..

قال بسرعه و هو يترجاني ..

راكان : لا تسافرين ..

استغربت .. ايش فيه راكان يمزح و لاّ وشو قلت له و أنا ألعب بجوالي ..

ريمان : ما أقدر راكان هذه بعثة جاتنا و بصراحه ودنا نروح نغير جو بعيد عن الأشكال اللي تسد النفس ..

وناظرت تركي وشلت عيني كأني أوجه له هذا الكلام ..

رد راكان بملل وضيق ..

راكان : الله يوفقكم ..

سلمان : يعني متى بالضبط بتسافرون ..

ريمان : اممممممممم ما أدري بس ممكن بعد شهر .. ولاّ لا جمّون ..

هزت جمّون كتفها ..

جمانه : ما أدرري ..

سلمان : زين والله بنشتاق لكم بالذات هذه الحمارة .. (( قصده على جمّون أخته )) ..

ريمان : والله انتم أكثر ..

كنت بقول باستثناء شخص قصدي على تركي طبعا بس لما شفت وجهه هونت ..

كانت ملامح وجهه معفوسه فوق تحت و وجهه أحمر تقولون قنبلة و بتنفجر ..

بندر : و انت وضحى ما بتروحين معهم ..

ردت وضحى بدلع و غنج ..

وضحى : لاااا مقدر أفارق هلي و ناسي ..

بندر ابتسم وناظرنا ..

بندر : شوفوا الناس الذوق .. شوفوا الناس اللي تفكر صح ..

انحرجت وضحى و ضحك الكل أما أنا قلت بطنازة ..

ريمان : أصلا هذه وجه دراسه .. خلها تجلس هنا .. (( و قلت أقلدها )) .. مع أهلها و ناسها ..

تركي : أحسن من اللي يبون يتغربون بره ..

رديت عليه بحقد لأنها كانت واصله معي منه ..

ريمان : انت ما يخصك ..

تركي بعصبية : لاااا يخصني و نص بعد ..

ريمان : لو تطق رأسك في سبعين جدار ما لك أي خصوصية في حياتي فاهم ..

قام من مكانه بدون ما يرد وطلع من المطعم .. الكل ناظره وعقب ناظرني أما أنا أخذت كاس العصير

وشربته ببرود .. بعده قام بندر و ناظر سلمان والعيال ..

بندر : يالله شباب .. سلمان وصل البنات على البيت .. خلاص لحد هنا كافي ..!

ومشي مالت عليه ما قلت لكم انه ذيل تركي .. قاموا نواف و نايف و راكان .. عقب حنا دفع

سلمان الحساب وطلعنا وكانت سيارة راكان توها رايحه وفيها نواف و نايف أما تركي

وبندر في سيارة بندر .. المهم وصلنا سلمان البيت ولا أحد منا نطق بكلمة وحده ..

بعد هذا اليوم ما شفت تركي ولا كلمني بندر في هذه السالفة استغربت عادته يهاوشني عشان

ما أطول صوتي على صديق عمره و حبيب قلبه بس أنا أعطيه طــاف ..

لكن بعد أسبوعين .. طلعت من غرفتي وكان الوقت مغرب و كنت توي مستحمه بنطلون سكيني جنز وردي ..

وتي شيرت أبيض عليه kiss باللون الوردي وشعري تاركته مفلول ..

المهم نزلت الدرج وانا أدندن و أهز جسمي ودخلت المطبخ و ما انتبهت الا يوم صدمت بشخص ..

بعدت عنه وانا أمسح وجهي وقلت بدون لا أناظره على بالي بندر ..

ريمان : آآآآآآآآآآي بندر مالت عليك ما تشوف ..

.. : أنا اللي ما أشوف و لاّ انت اللي جالسه ترقصين و تدندنين مثل المجانين وتصدمين بالناس

و فوق هذا و ذاك تهاوشين ..

فتحت عيوني على كبرها وانا أناظر تركي أما هو ابتسم بسخرية ..

تركي : علامك ؟ .. اللي يشوفك يقول شايفه جني مب آدمي ..

حطيت يدي على خصري بدلع وقلت له وانا أحتقره بنظراتي ..

ريمان : انت جني على قولك من قال انك انسان .. ثم شجابك ببيتنا ..

ما خلصت كلامي الا شهقت لأنه سحبني وقربني له وقال بصوت شوي عالي و هو يصك على أسنانه ..

تركي : أولا هذا بيت عمي مب بيتك .. ثانيا ثمني كلامك يا أخت ريمان لا أوريك الشمس الحين ..

و ثالثا .. (( و غير صوته و صار كله سخرية )) .. لو كان سلمان ولاّ راكان كان استقبلتيهم بالأحضان

مو أنا يا حسرة على حظي تستقبليني بذا اللسان الشين ..

رديت عليه أعانده ..

ريمان : كيفي والله لو استقبلك بالجزم مو عاد باللسان الشين على قولك ..

قال بنبرة هاديه استغربتها ..

تركي : أنا عندي كرامه مهوب كيفك تهينينها عند اللي يسوى و اللي ما يسوى ..

ضحكت أستفزه .. و قلت بسخرية ..

ريمان : ههههههههههههههههههههه قال ايش كرامه ههههههههه ثم انت اشلون تقارن نفسك

براكان وسلمان ..

رد و بالهدوء نفسه ..

تركي : قصدك شجاب الثرى للثريا صح !! .. (( و ابتسم ابتسامه ما فهمتها أبد )) ..

رديت بطنازة ..

ريمان : عفية على الشاطر .. صح ونص ..

عصب علي وقربني منه أكثر و قال بنبرة ما أنساها أبد حتى اني أسمعها تتردد على أذني الحين

و أشر بأصبعه على رأسي ..

تركي : شوفي واسمعيني زين يا ريمان .. سلمان شيليه من رأسك و لـ ..

قاطعت كلامه وانا أتكتف ..

ريمان : لا والله بكيــ ..

قاطعني بعصبية ..

تركي : لا تقاطعيني واسمعيني يا ريمان هي جمله وحطيها حلقة في أذنك ..

(( انت لي وانا لك فوق خشمك واللي يدخل بيننا صدقيني يا ريمان حشرب دمه و دمك ان فكرت

مجرد تفكير تتزوجينه )) ..

ومشي و تركني في حالة صدمه من كلامه .. ابتسمت هذا وش فيه الحين مسوي لي أفلام هندية ..

حركت شعري ورحت للثلاجة بس لما لمست شعري تذكرت اني مو لابسه شيلة ولا جالسة بهذه الملابس

قدامه وانا أقول شفيه شوي يآكلني بعينه .. يا ويلي لو شافني بندر حيطير رقبتي ..

ركضت على غرفتي بس لما وصلت لآخر الدرج شفت بندر جالس في أوله ويربط حبال

جزمته " و انتم بكرامه " عقب وقف وكان لابس بنطلون جنز أسود وتي شيرت رمادي ..

نادى بأعلى صوته حتى انه ما انتبه لي ..

بندر : تـــــــــــــــــــــركـ ـــــــــــــي ..

خيبه ينادي تركي وانا مو لابسه زين طلعت الدرج ولما شافني قال بحده ..

بندر : انت اشلون طالعه كذه قدام تركي ..

وقفت و تكتفت ..

ريمان : وانا شيدريني ان هذا الأبله هنا ..

تقدم مني وتكتف هو بعد ..

بندر : ما الأبله الا انت .. انت متى بتحترمين نفسك وتحترميه .. ودي أعرف وش سر كل هذا الكره لتركي ..

.. (( وابتسم وهو يناظر ورى عقب ناظرني .. استغربت شفيه بس رديت أعترض عليه )) ..

ريمان : أنا ما أكرهــه ..

نزل يدينه ورفع حاجبه مستغرب ..

بندر : زين ليش تعاملينه كذه ..

..: ما عليك منها يا بندر .. بزر وبتعقل انت تعال تأخرنا على الشباب ..

ناظرت وراي شفت تركي واقف في آخر الدرج وانا أقول شفيه بندر يبتسم و يناظر ورى ..

مالت عليك انت معه .. ما انتبهت اني أناظره الا لما ابتسم ..

تركي : علامك .. أول مره تشوفيني ..

مشيت بسرعه من عند بندر وانا أهرب من نظرات تركي ..

لما اختفيت عنهم وقفت أسحب نفس .. وسمعت بندر يكلم تركي ..

بندر : أسمع تروك تراني مشيتها لك اليوم مره ثانيه ما تشوفها بدون الشيلة .. وهذا غير لبسها ..

تركي : زين انت أنزل بس .. تراهم من ساعة يحترونا في الساحة ..

بندر : زين كلهم هناك ..؟

تركي ب ضيق : اييييه ي الله ..

بندر : اوكي اوكي نازل عن تموت عصبيّه بس ..

لما اختفت أصواتهم نزلت للصالة ولقيت أمي جلست معها نسولف ونتفرج على البرامج ..

تنهدت حسرة والله اشتقت لأمي موت يا ربي تمشي الأيام بسرعه .. لاااا لحظة لو مشيت

بسرعه يعني باصير زوجة تركي بسرعه وهذا اللي ما أبيه اوووووووووووووف يا ربي عونك ..


************************************************** **


نهآيه البآرت الثآمن '$
آنتظروآ البآرت التآسع بكرآ السبت ان شاء آلله <3