خليجيات في الإمارات / للكاتبة يتيمة زايد مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية خليجيات في الإمارات للكاتبة يتيمة زايد

	قراءة ممتعة للجميع۔۔۔۔۔

[لامارا]

بسم الله الرحمن الرحيم

السلام عليكم ورحمة الله وبركاته

ღღ خليجيات في الإمارات ღღ
للكاتبهـ : يتيمة زايد
ღღღ
ღღ
ღ

[لامارا]

حينما تتداخل نصوص الشعر ببعضها .. هل لنا أن نفسرها ..؟؟
حينما تتداخل خيوط الحياكه ببعضها هل لنا أن نفكها ..؟؟
حينما تتداخل مشاكل مجتمعنا ببعضها .. هل لنا أن نحلها ..؟؟
ربما نستطيع .. ، ولكن يصعب علينا الأمر ..............
ولكن حينما تختلط أحاسيس فتيات مراهقات في سن الزهور .. هل لنا أن نحكيها ..؟؟
..... نعـــم وبالتأكيد ..
اليوم .. و في ...
ღღღ

خليجيات في الامارات ..

ღღღست فتيات .. لهن ماضيهن ... ولهن أطباعهن ..... ولكل منهن اسلوبها ورؤيتها ..
و عالم خااص بها .. يحمل أفرااحها ، أحزانها ، طموحاتها ، ذكرياتها .. منها الجميل ومنها المؤلم ..
جمعت الحياااه بينهن .. في ظروف قاسيه .. وقهر دنيا ..
فـ تشاركن في همومهن افكارهن ومشاعرهن ..
عنوانهن في الحياه ..
لا طعم للحياه بدونك فأنتي أختي صديقتي وتؤام روحي ..
اليوم اجتمع نبض هؤلاء الفتيات ليكون حكايهـ ..
حكايه واحده ولكن ......... ست فتيات .. ولكل فتاه حكايه .. وظرووووف ..
فـ هل سيقضي على هذه الظروف أحلاام مراهقاات سادها اللون الوردي .. لـ تتفتح الورود في البساتين .. و تهل الأمطاار على الأشجار .. ويعم النور بين شواارع المدن ..
وهل لـ جرح كل فتاه منهن طبيب ............؟؟
هنا السؤال هل لـ جرحي من يداويه ..؟؟ هل لأحلامي من يحققها ..؟؟ هل هنااك من يخرجني من هذه الدوامه .. ؟؟ متى سـ يُفكـ أسري وأصبح حره كـ الفراشه أرفرف وأطير ..؟؟
متى ومتى ومتى ........؟؟؟ احترت ولم أعرف الاجابه بعد ....؟؟
سـ أنتظر ...
نعم سـ أنتظر ...
انني اليوم أمسك قلمي ... وأحتضن هذا الدفتر الأبيض .. الذي سطرت بين أوراقه .. حياتي بكلمات وجمل قصيره .. تحمل معاني كبيره .. تحمل أحزاني وذكرياتي .. تحمل مأساتي ... تحمل كل ما يجوب في قلبي ومخيلتي ...
ولكن من سيحرق هذه المذكرات .. ويخرجني من هذه الدوامه ..

>>>>>>>>>>
ست بنات خليجيات .. طبعا ما يحتااج نذكر من وين هن ..؟؟ لأن الكل يعرف دول مجلس التعاون .. ست دول بشبه الجزيره العربيه .. الحمدلله رب العالمين .. الأمان عام هذي الدول .. نختلف ببعض الأشياء لكن يظل ديينا وأصلنا ولغتنا .. وتاريخنا ... كل هذا يربطنا مهما افترقنا أو اختلفنا في بعض وجهات النظر ..
....
مـــلاك : من دولة الامارات العربيه المتحده عمري 21 سنه .. أدرس تمريض عايشه في دبي مع أخوي لأن أبوي وأمي متوفين الله يرحمهم .. أخوي طيب والحمدلله معوضني عن كل شي .. بس مستحيل يعوضني عن حنان وعطف الأب والأم .. طبعي قاسيه كثير مع اللي حولي وأتعامل مع الكل بطريقه دبلوماسيه .. شعاري لا للحب والعطف .. يمكن لأني أنا فقدت الحنان .. عشان جذا يصعب علي اني أعطيه لغيري ..
ღღღ
أريج : من سلطنة عمان عمري 21 سنه .. أدرس تمريض .. أكيد كثير استغربو مني ويقولو عمانيه وفي دبي .. أقول ايوا لأني مقيمه في دبي و عمان ما تبعد كثير عن الامارات .. كان حلم حياتي أني أدرس في دبي وأعيش فيها .. واليوم تحقق حلمي.. عايشه مع الوالده في شقه .. أبوي متوفي من سنين .. من وأنا صغيره .. من كذا واحد من عمامي عايش في الامارات .. وجابنا لـ هنا .. ويصرف علينا .. طبعي حساسه كثير .. أخذ الأمور وأفكر بها بقلبي .. و مش من عقلي .. يعني العاطفه عندي تسود كل شي ..
ღღღ
نور : من المملكه العربيه السعوديه عمري 21 سنه .. أدرس تمريض .. عايشه في دبي مع خالتي .. خالتي سعوديه وماخذه واحد كويتي .. بس أنا أمي سعوديه وأبوي سعودي .. الله يرحمهم .. من توفو جيت عشت مع خالتي وزوجها اللي له تجاره بالامارات .. يحبوني وأحبهم كثير .. أنا فااقده حنان الأم والأب من وأنا صغيره .. من كذا أحاول أعوض اللي حولي وأعطيهم اللي أقدر عليه عشان يبادلوني الحنان والحب اللي فقدته .. يعني حبوبه ..
ღღღ
شوق : من دولة الكويت عمري 21 سنه .. أدرس تمريض في دبي .. ما أنكر انه التمريض دخلته غصب لأنه بنت خالتي نور قالت بتدخل تمريض فـ قلت .. اش حقه ما أدش وياها ونحن بكل صغيره وكبيره مع بعض يت ع التخصص .. بس بيني وبينكم .. آنا أحب الجكجكه .. ( التصوير ) يا معوده اش هي الجكجكه ههههه .. لكن لجل عيون نور دخلت تمريض .. ابوي يابنا للامارات بالتسعينيات لأنه جدي عنده فرع من معرض السيارات اهني في دبي .. ويوم جدي توفا .. طلع الفرع اللي هنا من نصيب أبوي .. يعني ورثه .. وتركنا ديرتنا ويينا لديرتنا الثانيه اللي هي الامارات .. طبعي مزوحه .. مرحه .. أخذ الأمور ببساطه .. مهمله نوعا ما ..
ღღღ
روان : من مملكة البحرين عمري 21 سنه أدرس تمريض .. أمي أجنبيه .. عندها أشغال كثيره في الامارات .. وأبوي بحريني هم عنده أشغال .. بس اهوه يوم بالبحرين ويوم بالامارات ... ماكو مكان محدد .. بس أمي بالامارات .. وتحديدا في دبي لأنها تروق للأجانب أكثر من مكان ثااني .. آنــــــــــــه بطبعي حساسه ودلوعه لأني البنوته الصغيرونه والوحيده بالبيت .. غير ان أبوي وأمي لاهين بشغلهم .. فـ يوفرون لي كل شي .. لكن في شي نسوو يوفرونه لي .. اللي هو الحنان ... شكلي يوحي بأني برستيج وهالشي يخلي اللي حولي يعتقدون اني مغروره بسبب شكلي أو فلوسي .. بس العكس أنا جدا متواضعه مع اللي أعرفهم .. واللي ما أعرفهم .. ما أنكر اني أغتر عندهم بعض الوقت ..
ღღღ
بدور : من دولة قطر عمري 21 سنه .. أدرس تمريض عايشه مع أختي بالامارات .. أختي زوجها اماراتي من دبي .. أما نحن قطريين .. الوالد والوالده وهم أخواني بالبدايه رفضو أعيش بالامارات مع أختي .. بس أنا من يوم خلصت الثانويه بـ قطر وأقنعهم الا أكمل بالامارات.. وحبيت أكمل اهني .. وداام أختي عايشه اهني ما بتغرب .. يعني مع أهلي ... ووافقو اني أدرس في دبي .. الين ما أخلص دراسه .. وارجع لقطر .. طبعي عنجهيه أحب اتفلسف .. من الابتدائي وأنا النابغه بالصف .. حياااتي كلها أكشن أفلاام رعب ..

>>>>>>>

[لامارا]

ღالحلقه الأولىღ



في احدى فلل دبي الراقيه .. فله تسودها الأمان والتفاهم بين أهلها ..
يوم الأربعا الساعه تسع الصبح نزلت ملاك رشت أخر رشه من العطر اللي تهوا ريحته .. وشافت شكلها في المرايه .. : ياربي اليوم شكلي صاير شاحب .. بس أنا من ذكائي نمت متأخر أمس ..

توجهت ملاك للباب وطلعت من الحجره .. شافت الممر فاضي .. : أوووف هذا ميووود صدق يذل الواحد .. أرووح أوعيه أحسن لي ..

ملاك وهي متجهه لحجرة أخوها مايد .. دقت الباب : ميود .. ميوود أخوي قوم بسك رقااد .. الساعه تسع ..

مايد : لا رد ..

ملاك : ميوود فديته قوم .. بتتأخر ع دوامك ..

مايد : لا رد ..

ملاك وقفت يدام البااب ودقته بقوه .. وقالت بصوت عالي : بتتأخر وعقب بتقول ملاك جييه ما وعيتيني ..

ثواني الا وينفتح الباب بدفاشه : قـــــــــمــــــــــت ..

ملاك تنط وهي رااجعه لورا : بسم الله .. انزين شوي شوي ياخي ..

مايد يضحك : هذي انتي اللي تقومين بدفاشه .. تعلمي الرقه ..

ملاك بأسلوبها : والله أنا ما أحب حركات بنات هاليومين ماال المياعه .. وانت تعرف طبعي ..

مايد : زين زين .. عرفنا يالمغروره..

ملاك : زين انك عرفت هههه .. بس مغروره ما أسمح لك تراني متواضعه

مايد : مداح نفسه .. يباله .....................

ملاك تسبقه وتقول : يباله بوسه .. ههههههههههههه

مايد يضحك : دبه ... يلا سيري خل الدريول يوصلج ..

ملاك : لا أبااك انته ههههه

مايد : بتأخر أنا .. هب ناقص تتأخرين ع الجامعه ..

ملاك : أوكي بسير مع الدريول ..

مايد : تريقتي ..؟؟

ملاك : لأأ وانته ..؟؟؟

مايد : توني نااش من الرقاد اش هالسؤال الغبي ..؟؟ هههه

ملاك تضحك : ههههه شفرت .. تتريق وياااي ..؟؟

مايد : لأأأ بتريق في الدوام ..

ملاك : أز يو لاايك براذر ..

مايد : يلا بروح بتسبح ..

ملاك : نعيما مقدما .. وأنا رايحه اتريق ..

مايد : عندج بيزات ولا ...؟؟

ملاك : حرام عليك تونا بدايه الشهر ما صرفت واايد هههه

مايد : الحمدلله .. نعمه .. أول مره ملااكوه ما تصرف هههه

ملاك : لا بس التهيت مع ربيعاتي وجذا ..

مايد : أوكي عاد بلا هذره زايده .. سيري وخليني اتجهز عسب لا اتأخر ع الدوام ..

ملاك : هههه أوكي أوكي .. ريلاااكس ..

مايد ابتسم : اجلبي ويهج يلا ..

ملاك : هههه على أي صفحه ..

مايد : بلا سخافه ملاك ..

ملاك : أوكي مع السلامه ...

مايد : الرب لج حافظ ..

ملاك نزلت من ع الدري وهي تركض .. الين وصلت تحت وبصوت عالي : أمي فااطمه .. أمي فااطمه ..

فاطمه مره كبيره بالسن .. بالأول زوجها كان يشتغل عند ابو مايد .. بس يوم توفا زوجها .. ابو مايد قال الا تيي فاطمه مع عيالها لـ بيتهم ويسكنون بالملحق .. بس فاطمه رفضت .. لأنها بتكون عااال عليهم .. وابو مايد عطاها فكره انها تطبخ لهم وتسوي بعض الأشيا مثل انها تتحكم بالخدم وكذا غير انها تشوف مايد وملاك يوم هم صغار وبالمقابل سكنها يكون عندهم ومصرفها هي وعيالها على ابو مايد .. ع اساااس انها وحده منهم وفيهم .. ويوم ابو مايد وأم مايد توفو .. فاطمه ربت ملاك ومايد ..... مايد يوم كبر شاال فاطمه على عينه وراسه لأنها ربتهم وبمثابة الوالده لهم ..

فاطمه : نعم بنتي .. يايه يايه ..

ملاك تضحك : وينج ..؟؟

فاطمه : موجوده .. بس يالسه أناازع بالخدامه اليديده .. غربلااتها حتى العسل ما تعرفه ..

ملاك تطالع طاولة الريوق : أمي متعبه روحج مسويه وايد أكل ..

فاطمه : هي ... بنيتيه ..

ملاك تيلس ع الطاوله : بس خساره ما أروم أكله مسويه ريجيم ..

فاطمه : واش لج بنتي بالرجيم ..

ملاك تضحك : ماما عسب ما أمتن .. واستوي متينه ..

فاطمه تضحك : الله يهديكن يالبناات ..

ملاك تضحك : امييين

فاطمه : شو مسويه بروحج ..؟؟

ملاك تطلع شعرها من الشيله : حلو لونه ..

فاطمه : جنج اسده هههه

ملاك تبوز : زعلتيني ماما ..

فاطمه : لا ولا يهمج .. بس مب جنه واايد فااتج اللون

ملاك ترفع شعرها : لا أماايه ها النيو لوك مالي

فاطمه : الحينه هذا اللي يسمونه نيو لوووك

ملاك تضحك : هي امييه هذا ..

فاطمه : عاده ما نبااه خلااص هالنيو لووك ..

ملاك : ههههه فديتج مال أول صدق .... صح اش حال بنتج موزي ..؟؟

فاطمه : بخير الحمدلله .. فالعين مع ريلها ..

ملاك : ما بييون هالأسبوع ..؟؟

فاطمه : لأأأ ..

ملاك : زين ربي رزقج بنيه .. الأولاد ما منهم فايده هههههه هكو ولدج راشد محد

فاطمه : وين حليلهم ما في أحسن من الأولاد ..

ملاك وهي تضحك : اماايه صح ولدج رااشد مب نااوي يرجع من المانيا..

فاطمه : ترااه بيستوي دكتور وهذي أخر سنه له ..

ملاك : هي ماشالله صاار له عشر سنين متغرب عن البلاد ..

فاطمه : هاانت مب بااجي شي .. وبيرجع معااه الشهاده ..

ملاك : هي بستوي خقاااق عقب ..

فاطمه : وين .. لا انشالله يكون متواضع .. من تواضع لله رفعه ..

ملاك : اذكر قبل عشر سنين يوم راشد تخرج من الثانويه كان عمري 11 سنه وقتها يوديني الدكان ويااه ..

فاطمه : هيييييييه الله يرحم اياام أول .. الحين كلكم كبرتو وبتيبون عياال بعد ..

ملاك تضحك : لا تفاولين عليه ماما ههههه

فاطمه : ومن اللي يفاول ع بنته يا بنتي ...؟؟ هههه

ملاك : مامااااي .. لاحظتي ان انتي عندج ولد وبنت ونحن بعد ولد وبنت هههههه

فاطمه : هي ههههه

ملاك وهي توقف وتشرب العصير .. : يلا عاد بروووح تأخرت ع الكليه ..

فاطمه : ما كليتي شي ..؟؟

ملاك وهي تركض ومعاها في يدها البلاك بيري والكتب : بااكل فالجامعه مامايه .. يلا بااايو ..

فاطمه : شوي شوي بنتي .. الله يحفظج ..

ملاك تلبس نظارتها وهي تنزل من ع الدري بسرعه وتصرخ : عمراااااااااااااااااااااا ااااان ..

عمرااان من عند البااب قاام بسرعه وقااال : نعم ..

ملااك : ييب السياره عمران .. حرقتني ع الشمس ..

عمراان بسرعه يروح صوب السياره ويحركها لأنها أوريدي كاانت شغاله .. ويتجدم بها للفله .. ويوقف السياره وينزل .. يفتح البااب لملااك ..

ملاك تتدخل وتقول : شكرا ..

عمران يروح ويركب السياره ..

ملاك تطالع شكلها فالجامه .. وتعدل بالجحال .. وتقول : جييه متأخر اليوم ..

عمران يحرك السياره : سوري مس .. بس هادا نفراات خدامه جديد واايد في قرقر مع ماما فاتمه ..

ملاك تضحك : زين سوق سوق .. وطالع دربك ..

عمران بطبعه حبوب ودريول جديم قاال : شغل يالتااكسي .. سوق سوق .. روووه يمين ..

ملاك تضحك : لا شو اصبحنا واصبح الملك لله ... اشو يا التاكسي بعد ههههه ..

عمران يضحك : هادا غنيه واااجد هلوو ..

ملاك تضحك : ترااك تشبه السواق مال التاكسي هههه

عمران : مس مره تانيه انتي في سوي تلفون عشان أنا في يجهز سياره بدري ..

ملاك : أوكي .. مر ع بيت بدور ..

عمران : هادي اللي في ساكنه جميره ..

ملاك : لا لا .. اللي عند البيوت العربيه ..

عمران : بس هادي بنيه في شويه باقل ( مينويه ) مس ..

ملاك تضحك : عنلاااتك لا ترمس ع ربيعاتيه ..

عمران : هيه في كل مره يقول انته لااازم في يلبس كندوره انته قديم داخل هذا بلااد ..

ملاك تضحك : عنلااتها حتى انت تتفلسف عليك

عمران : شو مس ..؟؟

ملاك : ماشي يلا بسررررعه .. هههه

عمران : أوكي الهين في يروووه سااروخ ..

ملاك تضحك : عن تذبحنا بس ..
/
.
/
في فله أخرى من فلل دبي .. الكل قاااعد على طاولة الطعااام يتريق ما عدا طلاب المدارس لأنهم في المدرسه ..

ام عبدالعزيز : يما شوق وينها بنت خالتج نور ..

شوق : يما نور بدارها ..

أم عبدالعزيز : هو ما تبي تتريق ..؟؟

شوق : امبلى بس تتجهز بتيي ..

بو عبد العزيز وهو ينزل من ع الدري : صباح الخير يا عياال ..

الكل : صبااح النور ..

بو عبدالعزيز : وينها نور ..؟؟ غريبه مب ويااكم ..؟؟

شوق : بدارها يبا .. تتجهز وبتيي ..

بو عبدالعزيز : أم عبدالعزيز .. لما عبدالعزيز يقوم من النوم قولي له ييني المعرض ..

أم عبدالعزيز : انشالله

بو عبدالعزيز ابتسم : اش فيج ...؟؟

شوق ماده بوزها : عبدالعزيز أمس يقول لي ماكو طلعه هالويك اند مع البنات ..

بو عبدالعزيز : ما عليج منه .. أنا ابووج ..

شوق تبتسم وتبوسه ع راسه : يا أحلى ابو انته ..

بو عبدالعزيز : يعل ربي يحفظج ..

أم عبدالعزيز : يا بو عبدالعزيز .. ترا بنتك الهنوف وضعها كلش مو عاجبني هاليومين ..

بو عبدالعزيز : خير انشالله ..شـ مسويه بعد ..؟؟

أم عبدالعزيز : قاامت تطول لسانها على الفقيره نور ..

بو عبدالعزيز : تشوفينها تغاار ..

أم عبدالعزيز : حتى ولو بس ما تطول لسانها ع البنيه .. بروحها يتيمة ..

بو عبدالعزيز : أنا بحاجيها وبخلي الثنتين يجتمعن ..

أم عبدالعزيز : تسو خير ..

شوق تبتسم : قـــــــــوه ..

نور : الله يقويج ..

بو عبدالعزيز : هلا بنتي .. تعالي كلي ..

نور تطالع ساعتها : وااجد تأخرنا ع الجامعه عمي ..

بو عبدالعزيز : ما فيها شي بنتي .. اكلو وروحو ..

نور : ما فيني بتفوتني المحاضرات .. وحنا على أخر السنه .. مش بااقي شي ..

بو عبدالعزيز يطالع أم عبدالعزيز : هالبنيه ودي أعرف كيف عايشه ..

أم عبدالعزيز تضحك : خلها ع راحتها ..

نور تضحك : هههه ع المويه عمي ..

بو عبدالعزيز : ههه يلا الله يحفظكن روحن لا تتأخرن ع المحاضره

شوق توقف وتبوس راس ابوها : بااايو مامي دادي ..

نور تبتسم : امشي بسرعه يا شيخه بلا مامي وداادي ..

شوق تمشي : زين يا معوده .. لا يحوشج جنون البقر بس هههه

نور تعقد حياتها : يا سخفك يا شوق ..

شوق : هو اش فيج من صبااح الله خير زعلانه .. ؟؟؟

نور : بعدين بخبرك بالجامعه يلا ..

شوق باستعبااط : تبين مويه ..؟؟

نور تتخصر : تتمسخري حضرتك ..؟؟

شوق : كلاامج غريب ههههههههههه

نور : يا شيخه رحي زين .. يعني انتي اللي كلامك حلو ..

شوق : كلنا عرب ولا فرق بيننا ..

نور : زين انك عرفتي لحالك هههه يلا امشي لا نتأخر أكثر ..

شوق : سؤال قبل لا نركب السياره ..

نور توقف وتطالع فوق : ياربي هالبنت ودها تذبحني ..

شوق تضحك : هو اش فيج شبيتي ..

نور : منك .. أعوذ بالله اسألي لا نتأخر ..

شوق : البنات كلهم بييون ولا ..؟؟

نور : اي كلهم بيجون .. ما حد بيغيب ..

شوق : ايه زين ..

نور : وليييش بلا ..؟؟

شوق : يعني لو وحده بتغيب .. بغيب أنا الثانيه وبروح بنخمد ..

نور : ايوا وااجد عليكي .. اقوول يلا اركبي لا نتأخر أكثر .. كل يوم حنا على هالحال ..
/
.
/
في احدى البيوت من البيوت العربيه

بدور : اقووول حميدااان وش ذي الخربطه اللي مسويها ..

حمدان يمد بوزه : بخبر باباتي عليج ..

بدور : رح زين يا ريااال .. ميره تعاالي شيلي ولدج عني لأدوسه وأنا ماشيه ..

ميره تيي من المطبخ : شـ مسوي بعد ..؟؟

بدور : طاالعي شو مسوي بأوراقي ..

ميره تشيل حمدان : أنا كم مره قلت لك لا تلعب بأغراض خاله ..

حمدان يصيح : بخبر باباتي عليكم ..

ميره : انا اللي بخبره عن سواد وجهك .. لاعب بأوراق أختي ..

حمدان : ما أهبها ما أهــــــــبها .. هادا بيتنا ..

بدور تضحك : ايــه انت بس تعاال لـ قطر ان ما ذليتك وخليتك تبوس ريولي ..

ميره : هههه يلا تجهزي بروح بقول لـ معضد يوديج الكليه ..

بدور : الا ما يحتاااج اليوم ملاك بتمرني ..

ميره : أحسن ههه بتوفرين ع ريلي المسكين ..

بدور : هي منا عينكم ارجع قطر وتفتكون مني ... هههه

ميره : روحي لا تأخرين ملااك ..

بدور تطالع فونها : هذي وصلت ..

حمدان يصيح : وديني وياااج ..

بدور تطلع لسانها : مو هذا بيتكم .. هذيج سيارة رفيجتي ماكو تيي ويانا ..

حمدان يصيح : بلوووووووووووووح ..

بدور تطلع وهي تضحك على حمداان ..

حمدان يصيح : ما ودتني ..

ميره : ترااك قطعت أوراقها ..

حمدان : ما بقطعهم ..

ميره : انت قطعتهم وخلاااص .. ماشي فاايده ..

حمدان : ابا ارووووح ..

ميره : بروووح بقوم ابوووك أحسن لي من حشرتك ..

ميره تلف وتشوف معضد جدامها .. تبتسم : زين قمت بروحك ..

معضد يبتسم : صبااح الخير ..

ميره : صبااح النور والنوير ..

معضد : شـ السالفه من صباح الله خير صيااح وحاله ..

ميره : هذا ولدك مقطع أوراق الكليه مال بدور ..

معضد : قلت لها مليووون مره لا تحطهم ع الأرض ..

ميره : شـ تسوي المسكينه طول الليل تذااكر ..

معضد يضحك : هي بااين .. الكتب بصوب وهي يداام ام بي سي أكشن ..

ميره تضحك : ما علينا .. تتريق ..

معضد : لا بدور بتتأخر ع الكليه .. بوصلها وبااكل برع ..

ميره : بدور رااحت ..

معضد مستغرب : روحت ......؟؟

ميره : ايــه مع رفيجتها ملاك ..

معضد : ولييش ..؟؟ كنت بوصلها ..

ميره : هذي مب أول مره معضد وبعدين عادي ..

معضد : قلت لج كذا مره البنيه ما تطلع مع ربيعاتها كل يوم ..

ميره : عادي وأنا أعرف رفيجاتها ..

معضد : هلج موصينا عليها ونحن مخلينها ع راحتها .. وبعدين ربيعاتها قولي يمكن ثنتين منهن بس ماااشي حالهن والبجيه الله يستر عليهن ..

ميره تبتسم : يلا انشالله كلها كم شهر وبترجع قطر ونفتك هههه

معضد : بس بعد هذي أمانه عندنا ..

حمدااان ميت صياااح : ودوووووووووني ..

معضد يلف مبتسم : هذا بعده على نفس الحاال ..

ميره : يخربط بأغراضها ويشتمها ويقول هذا بيتنا وأخر شي يزعل يوم تطلع ..

معضد : يحبها هههه

ميره : بس بعد موبس حمدان المينون .. بدور هم دبل عن حمدان .. حاطه دوبها بدوبه .. وتحب تطفر فيه ..

معضد : ميرووه لا ترمسين واايد طلعي لي ريوق ..

ميره تضحك : أوكي الحين بروووح ..

حمدان ايي عند ابووه ويقوول : بابا ودنا كتر ..

معضد يضحك : بوديك كتر هههه بس ليييش تبا تروح ..؟؟

حمدان : بدور كل يوم تروح كتر عند يدي ونحن ما تودينا ..

معضد يضحك : حبيبي بدور ما تروح قطر بدور تروح الجامعه وترجع ..

حمدان يعاند : لاأأ لأأأ لأأأ ابا اروووووح كتر عند يدي ..
/
.
/
تطلع من المسبح .. وتروح تقعد ع الكرسي ... وتبدا تشرب العصير البارد .. ثواني الا ويرن موبايلها .. تبتسم وترد بروووح ..

روان : هلا والله بالغوالي ...

اريج : هلا فيج ..

روان : اشلونج ....؟؟

اريج : زينه انتي ويش أخبارج ..؟؟

روان : نشكر الله ..

اريج : تأخرتي كثير .. تعاالي بسرعه ..

روان : هههه الحين طلعت من المسبح ..

اريج : ونحن قلنا للبنات انه بنروح الجامعه بدري اليوم ..

روان : ربج ما كتب .. ههه وبعدين كان ودي اليوم اتسبح ..

اريج : انزين بسرعه غيري ومريني ..

روان : هههه بس اشرب العصير وأتأمل شكل المسبح وبييي ...

اريج : لا تتأخري واجد ..

روان : ايـــه انشالله ما بتأخر .. انتي جاهزه ..؟؟

اريج : ايوا صاار لي ساعه واقفه انتظرج ..

روان : خلاااص مسافة الطريج وأنا عندج ..

اريج : انتظرج

روان : اتصلي بـ ملاك خبريها ان بنتأخر ..

اريج : خلااص أنا بتصل فيها وانتي تجهزي ..

روان : أوكيك .. يلا بااايو ..

اريج : باااي ..

روان بعد ما قفلت ... قالت بصوت عاالي : ستريـــــــــــــا جهزي لي الحمام باتسبح ..

أم روان ( صوفيا ) يايه من بعيد : Good morning my daughter ( صباح الخير بنتي )

روان : Good morning mam ( صباح الخير أمايه )

صوفيا : What happens rawan ( شو صاير روان )

روان تطالع أمها وهي تشرب العصير : No thing mam ( ولا شي أمايه )

صوفيا : You are too late ( انتي متأخره وايد )

روان : Yes’ I too late ( هي وايــــد متأخره )

صوفيا : Go to college ( يلا روحي للكليه )

روان : After five minute ( عقب خمس دقايق )

صوفيا : Dear I’ll go to the company ( انزين حبوبه بروح الشركه انا )

روان : I am also go to college ( وأنا بعد بروح الكليه )

صوفيا : bye

روان : bye mam

روان تقوم من ع الكرسي .. وتمشي بسرعه لحجرتها .. أول ما تدخل .. تصرخ بصوت عــــــــــاالي ..

روان : ســــــــــــــــــــــــ ـوزي .. جيت أب .. طولـــــــــــتي بالنومه يلا بيبي ..

سوزي تتحرك بالفرو اللي عليها .. روان تروح تشيلها وتقول : ما بسبحج اليوم خلي الخدامه تحممج .. لأني متأخره .. أوكي بيبي .. هههههه
/
.
/
في شقه من الشقق في دبي ..

اريج تبوس راس أمها : ها أما .. تاكلي شي .. أجيب لج ..

أم أريج .. ( خاله أمينه ) لا بنتي .. كليت ما أبغي بس انتي جهزي حالش عشان تروحي الكليه ..

اريج : انشالله يالغاليه ..

أم اريج : من بيوديش ..؟؟

اريج : هذي صديقتي روان بتمرني ..

أم اريج : فيها الخير والله .. من دخلتي هالكليه وهي معااش ..؟؟

اريج : ايوا .. يلا أمي أنا بروح بلبس عبايتي وبنزل ..

أم اريج : الله وياااش بنتي ..

اريج تبتسم : تبغي اجيب لج شي من برع ..

أم اريج : لا سلامتج بنتي ..

اريج تروح صوب حيرتها وتااخذ العبااه وتلبسها بسرعه وتلف الشيله وتاخد دفتر المحاضرات والموبايل وتظهر وهي تربع ..

خاله أمينه : شوي شوي بنتي لا تطيحي ..

اريج تضحك : انشالله ماما ...

تطلع اريج من الشقه وتمشي بسرعه من ع الدري .. تسمع صوت واااحد ..

.............. : الناس مخترعين المصعد بس بعده شي نااس فقر ما يعرفون له ..

اريج سوت له طاف ومشت .. ثواني الا وايي يدامها فجأه ويقول بعصبيه : لما أكلمج تردين عليه سمعتيني ..

اريج تطالعه باستحقار وتقول : اترك يدي لو سمحت ..

محمد : لما أكلمج تردين علي ..

اريج تسحب يدها بقوه وتقول : والله ان ما تركتني بحاالي شوف ايش بسوي فيك ..

محمد يبتسم ويسند ع اليدار : شو بتسوين يا حلوه ..

اريج تمشي بسرعه وتقول : صدق ناس فاضيه ..

اريج توصل لتحت البنايه وتوقف تطالع الباركنات .. وتطالع ساعتها : أووووووف وينها هذي تأخرت كثير ..

ترفع راسها ولا تطالع روان تنزل الجامه وتقول : هللللللللللللللللو دير ..

اريج تبتسم وتروح للسياره : هلأأأ .. زين جيتي ..

روان : حياج أختي حياااج ... اش حقه معصبه يالحبيبه ..

اريج تبتسم : كالعاده حمووود اللي ما أطيق اشوووف وجهو طلع بوجهي اليوم ..

روان تبتسم : ههههه هذا لو يقدر يبوس التراب اللي تمشين عليه ..

اريج : لا شكرا ما ابغا ..

روان تضحك : تببيييين ادري .. انج تبييين هههه

اريج : رواني اللي فيني مكفيني .. جيتي تزيدي علي ..

روان تضحك : خلااص ولا يهمج .. بقفل حلجي الحين هههههه

اريج : قولي له يسوق بسرعه عشان نوصل الكليه من وقت ..

روان : لا خليه يسوق على رواااق ع قولتهم هههه عشان ابي اسولف معااج يالدبه ..

اريج : وش جديدج ..؟؟

روان : لا والله .. من صجج تتكلمين ..

اريج : ولا شو قالو لج ..؟؟

روان : يختي أمس شفنا بعض هههه ما يبي له نسأل عن أحوال بعض ..

اريج : اتصلي بـ ملاك سأليها وينهم ...

روان : تقول مرو على مطعم خذو لنا ريوق ..

اريج : زين سوت والله اني جوعـــــــــــانه موووت ..

روان : مجاعه أعوذ بالله هههههه

اريج : لا .. أمي قالت افطري بس ما اشتهيت .. يعني أكل بروحي .. فـ ما اشتهي ..

روان : ايــه وأنا بعد ..

اريج : أقـــول بابو شخبارك اليوم ..

روان تضربها ع يدها وتقول : عشرين ألف مره قلت لج اسمه مو بابو ..

اريج تضحك : يختي عاجبني الاسم هههه

روان : سمي ولدج بهالاسم عـــــــــــــاد ..

اريج : لا لا بسمي هذا دريولج .. ولدي ما بسميه بابو ههههه

روان : عشرين مره قلت لج اسمه جيري ..

اريج : هههههههه يا بنت .. والله ضحكتيني .. ذكرتيني بتوم وجيري ..

روان : خربت اسم الدريول المسكين هههههه

إڷـ?ٍ آڷلْقٍــآءْ فٍـ?ٍٍٍ آڷحًـڷقْهٍـ آڷقًــآدٍمْـهٍـ ..

موعدنا كل أحد وأربعاء ..

[لامارا]

ღ الحلقه الثانيه ღ


>>>>>>>>

في سيارة ملاك .. ملاك وبدور يالسات ورا ..

ملاك : خير انشالله شاقه الحلج من صبااح الله خير ..

بدور : هههه حرام الواحد يستانس ..

ملاك : لا بس فرحينا ويااج ..

بدور : الله يسلمج حمدان مقطع لي أورااق الجامعه .. وتضاربت ويااه .. والحين يوم طالعه يبي ايي ويااي وغير جذي يقول هذا بيتنا مو بيتكم هههه .. اقول له بس تعاال قطر وبنشووف من بيبوس ريلي ..

ملاك تضحك : ههههه الله يحفظه اشتقت له وااايد ..

بدور : اتصلتي بالبنات ..

ملاك : لااأأ أمس بليل بس كلمت روان ..

بدور : اش قاالت ..؟؟

ملاك : اهيه واريج بييون الجامعه بدري .. أما نور وشوق الله يستر لو شوق ما انخمدت ع قولتها ههههههه

بدور : هي هذي حياتها هالشكل .. طول الوقت نوم ..

ملاك تضحك : لا تسمعج وتغلس عليج .. وتخليج تطلعين من طورج .. خخخ

بدور : ع طااري التغليس .. لحضه شوي ..

ملاك : ليكون ..................

بدور تقاطعها .. وتشغل الفون وتحطه ع التسجيل وتقول : السلام عليكم عمران .....

عمران ما صدق عطووه فيس : وأليكم سلاام ..

بدور : كيساااهي ..؟؟

عمران : زين الهمد لله .. انتي كيف أحوالك ..؟؟

بدور فيها الضحكه : مب أنـــــا قايله لك تلبس الكندوره ..

عمران : ما أندي ..

بدور : بفصل لك وحده بس تلبس سمعتني ..

عمران : انشالله ..

بدور تطفي التسجيل : بحطه كله لما بروح قطر بسمعه للبنات ههه .. في واايد تسجيلات تموت ضحك هههه

ملاك : حتى هذا المسكين ما سلم منج .. هههه

بدور : سكتي سكتي الدوريه وااقفه عسا خير ..

ملاك : اوووووف لااازم يعطلونا ..

بدور : صدقج روحنا متأخرين يجون يأخرونا زياده بتفاهاتهم ..

ملاك : ما عليج السياره ما عليها لا مخالفات ولاشي .. حتى عمران ليسنه تونا مجددينه ..

بدور : زين ...

توقف سيارة ملاك .. ويي دورهم لما يوصلون صوب التفتيش .. عمران ينزل الجامه ..

الشرطي : السلام عليكم ..

عمران : وعليكم السلام ..

الشرطي : الليسن والملكيه ..

عمران يطلع الليسن من البوك ويعطيه للشرطي .. الشرطي يطالع الليسن ويقول الملكيه ..

عمران يمد يده للطبلون عسب يطلع الملكيه .. بس ما يحصلها ويقول : مس ملاااك ملكيه ما في هني ..

ملاك مستغربه : عيل وينها ..؟؟

عمران : ما أعرف ..

الشرطي بتكبر : خلصونا بسرعه ورانا شغل واذا مب وياكم خذ السايد اليمين والشرطي هنااك بيرمسك ...

ملاك من طرف عينها : هب ويانا أكيد دام ما حصله ..

الشرطي : انزين خذو السايد اليمين الشرطي هنااك بيرمسكم ..

ملاك ترمس الشرطي : اكتب مخالفه وخلااص .. يلا فكنا .. ورانا كليه ..

الشرطي يطالع ملاك باستحقار .. ويكتب المخالفه .. ملاك تطالع بدور وتبتسم .. وترد تطالع برع من طرف عينها ..

الشرطي يعطي المخالفه لـ عمران ويقول : سددوها بأقرب وقت ..

عمران يحرك السياره .. ملاك تقول : عمراان وين الملكيه ..؟؟

عمران : سياره مال انتي هاداك اليوم بابا مايد في يروح وياها ابوظبي .. يمكن طلع ملكيه ..

ملااك : صاار خير ..

بدور : زين سويتي فيه ..

ملاك تبتسم ابتسامه شيطانيه : لا يغرج ترا الشرطه يرمسون باحتراام مافي شرطي يرمس بهـالأسلوب..

بدور : وهذا لييش يتكلم بهالأسلوب ..؟؟

ملاك : ما عرفتيه ...؟؟

بدور : لأأأ ما عرفته ..

ملاك : هذا حميد مباارك الـ .................

بدور تفتح عيونها : ولد عمج .......؟؟

ملاك : هي .. وعلى فكره اهو مب مفتش .. ملاازم بس يوم شاف سيارتنا يااه صوبنا ..

بدور : صج ما يستحي ..

ملاك : ع بااله بشيله على رااسي .. ما درا لا هو ولا عشره أمثااله ييبون رااسي ..

بدور تضحك : والنعم ... ( تطالع عمران وتقول ) شو أخر فلم هندي ناازل ..

عمران يهز راسه : ما في يأرف .. أنا ما يرووه سينما ..

بدور : يتني فكره ...

ملاك تلف وتبتسم : وش هي فكرته بعد هههههه

بدور : نروح السينما اليوم بليل ونااخذ ويانا عمران ونلبسه كندوره ونخليه يودينا ..

ملاك ضحكت وقاالت : ههههه عنلاااتج ..

بدور : ترا والله من صدقي ..

ملاك تضحك : بنشوووف عقب بنرمس البنات ..

عمران يشق الحلج : تودوني سينما ..

ملاك تضحك : الا هو ثلاااثين درهم تذكرة الدخول .. سير بأي وقت روحك ..

عمران : مافي يعرف كيف يدخل ..

ملاك : هي عااد هذي حاله ثااانيه ههههه

بدور : جد عجبتني الفكره .. ناخذه معانا ..

ملاك : عاد لاازم ندش نشوف فلم هندي ..

بدور : ايـــه حلاته الهندي لو كان أكشن ..

ملاك تضحك : ويدي ماال أول ..

بدور : دخلت أمس ع موقع القرااند سينما وقعدت اشوووف شو من افلام هالأسبوع ..

ملاك : عسا طلعتي بشي زين ..؟؟

بدور : اهوه مو زين زين .. بس في فلم هندي اسمه شابيت .. عاد رحت يمين ويساار لما عرفت اسم البطله كايا والبطل أمان ..

ملاك : اساامي عجيبه هههه

بدور : سمي عيالج خخخخ

ملاك : سيري لاااه هههه

بدور : بس شكله الفلم روعه .. لأنه رعب ويتكلم عن اللعنه اللي تحل ع العايله ..

ملاك : بنشوووف اذا بنظهر اليوم ولا لأ ..

بدور : وترا الفلم غير يعني .. مقلدين الأجانب مش مثل الأفلاام الباقيه .. يطلع شرير ويااخذ البطله .. لا هذا شي مثل .....................

ملاك تقاطعها : عرفنا أكشن ههههه ..

بدور : بس المشكله ان الفلم بااجر ..

ملاك : هي باجر بنروح من قال اليوم .. اصلا اليوم الأربعا يالذكيه ..

بدور : هي صح كيف راحت عن بااالي ..

ملاك : ياربي متى ايي باجر ونتيمع شرات العالم والناس لا هم دراسه ولا كليه ..
/
.
/
دخل الشركه وكله هيبه .. شااف الموظفين وقاال : السلام عليكم ..

الكل وقف وقال : وعليكم السلام ..

مايد قال للسكرتير: يوسف ارسل بو سالم مكتبي ..

يوسف : طال عمرك بو سالم بعده ما يا ..

مايد يعقد حياته : خير فيه شي ..

يوسف : ما أدري والله طال عمرك ..

مايد : انزين شكرا .. بس لا يا قول له يدش مكتبي

يوسف : انشالله ..

مايد دخل مكتبه .. ورااح للمكتب ويلس .. ما عصب ليش بو سالم متأخر لأنه بوسالم يعتبر مثل الوالد وكبير فالسن .. ومايد يشاروه ببعض الأشغال في الشركه ..

ثواني الا والباب يندق .. مايد : ادخل ...

يدخل يوسف ويقول : طال عمرك الأستاذ بوسالم يا ..

مايد : دخله المكتب ..

يوسف : انشالله .. تبغي شي ثااني طال عمرك ..

مايد : لا شكرا ..

يطلع يوسف وثواني الا ويدش بو سالم .. بو سالم ابتسم وقاال : صباح الخير ..

مايد وقف ورااح يبوس راسه : صباح النور عمي ..

بو سالم يروح للكرسي ويقعد ويقول : اش حالك ولدي ..

مايد : بخير الحمدلله ومن صوبك عمي ..؟؟

بوسالم : بخير ولدي .. اسمح لي عاد تأخرت ..

مايد : مسموح وبالحل .. الشركه شركتك وتامر وتنهي ع كيفك ..

بو سالم : تسلم ولدي اصيل والله على أبوك ..

مايد : الله يرحمه ويغمد روحه الجنه ..

بوسالم : آمييين ..

مايد : خير عمي انت متصل بي امس الساعه عشر بليل وأنا كنت راقد ..

بو سالم : كل خير يا ولدي ..

مايد : شو السالفه عاد عمي ..

بوسالم : ولدي بغيت اقول لك اني اسبوعين ما بيي الشركه ..

مايد مستغرب : اسبوعين .............؟؟

بوسالم : اسمح لي عااد ..

مايد : مسموح عمي .. الشغل براايه .. بس صااير شي عندكم .. سالم ولا سعاد صاار بهم شي ..

بو سالم : لا ما فيهم الا كل خير .. بس بنتي سعاد بتتزوج انشالله ..

مايد انصدم من كلام بو سالم بس اخفى ملامح الحزن وقاال : سعاد .............؟؟

بو سالم ابتسم : هي أختك سعاد بتتزوج انشالله .. تبي تشتري أغرااض لعرسها والعرس انشالله بيكون قريب بعدنا ما حددناه..

مايد حس بضيج .. ابتسم وقاال : ع البركه عمي ..

بوسالم : الله يبارك في حياتك يا ولدي .. عقبالك ..

مايد ابتسم بحزن وقاال : ما أظن انني بتزوج عمي ..

بوسالم مستغرب : ولييش يا ولدي ..

مايد تمالك أعصابه وقاال : امزح عمي .. بس أنا وين والزواج وين .. الشغل مب مخلي فيني خير ..

بو سالم : هي .. وترا الزواج يعني انك تكمل نص دينك .. تزوج أحسن لك ههههه

مايد : لا عمي كل شي بوقته حلو ..

بوسالم يمزح : بااجر بيبيض شعر راسك وبتتحسف و بتقول عمي بو سالم قال لي .. هههه

مايد يضحك : هههه لا بتزوج قبل انشالله ..

بوسالم : يلا عيل ولدي سعاد وسالم فالسياره يتريوني بوديهم ويااي السوق ..

مايد : عمي ارتاح انت بطرش الدريول ..

بوسالم : سعاد تقول الا أختار لها أشيا ع ذوقي ههه .. عاد تعرف البنات انت ..

مايد يضحك : هههه .. عمي لو قاصركم شي ولا شي .. خبروني أنا حاضر وأنا بمثابة ولدك ..

بوسالم : لا ولدي الحمدلله كل شي متوفر ..

مايد : سلوم ويااك ..؟؟

بوسالم : هي هذا أبد ما يفارقني ..

مايد : عيد ميلاده بعد شهر ...؟؟

بو سالم : هي هههه بيدش ثلتعش سنه ..

مايد : غريبه اليوم غاايب عن المدرسه ..

بوسالم : مريض شوي .. وخذيت له غياب ..

مايد : الله يشفيه انشالله ..

بوسالم : يلا عاد ولدي بسـتأذن أنا

مايد : تو الناس عمي ماشربت لا جااي ولا اقهوى ..؟؟

بوسالم : العيال في السياره ولدي

مايد : عيل الله وياك ..

بوسالم : مع السلامه

مايد : مع السلامه عمي

بعد ما يظهر بو سالم مايد يفتح المعاقم مال الكندوره ويرجع راسه لورا الكرسي ويااخذ نفس طويـــل ..... ويقول في خاطره .. راااحت راااااااحــــــــــت اللي كنت أتمناها .. راحت اللي كنت أحلم فيها .. خـــلاص يا مايد مالك أحد في هالدنيا .. قلت يمكن هذيل بيصيرون عيلتك بس للأسف خذوها عنك .. خذوووها ياماايد .. بس لأأأأ سعاد لي أنا .. هي سعاد لي .. من وأنا صغير كنت أحلم فيها .. لا يمكن أخلي غيري ياخذها .. وبنشوووف هالأسبوع شو بيصير ..؟؟ والله لأخليــه يندم اللي فكر فيها مجرد تفكير مب بس اللي بيلمسها .. والبادي أظلم .. بنشوووف يا سعاد بتكونين لـ مين ..؟؟

يندق الباب ويدخل يوسف : طاالع عمرك في أوراق يبونك توقع عليها ..

مايد يرفع راسه ويقول بعصبيه : ماباا أوقـــع ....... أجل كل شي ..

يوسف ينزل راسه ويقول : بس طال عمـــــــرك ..........................

مايد يقاطعه بعصبيه : قلت لك مابــــــــــــــــا أوقع ..

يوسف ينزل راسه ويظهر .. عرف انه مايد لا يمكن بيسوي شي في شي مضايجه يعني اليوم الله يعين الموظفين وكافة الشركه .. لأنه مايد أعصاابه لما تضرب ما يعرف شو يسوي ..

مايد لف نظره شااف التلفون يرن .. ضغط على زر الاغلااق وقاال : الله يلعنها من ساااعه ..

سحب درج الطاوله وطلع سيجاه وولعها .. وبدا يدخن .. شفط كميه كبيره ترييا .. وطلع كمية دخان أكبر بسرعه اللي يشوفه يعرف انه معصب ..

قال بشيطانيه : بنشوووف يا سعاد انتي لـ من ...؟؟
............................
دخلت الكليه وهي تمشي بغنج ودلال .. شافت البنات من ظرف عينها .. هذا طبعها .. تجدمت عن الكرسي وفرت الدفتر ويلست ..

بدور يايه وهي تمشي بطريقة ممثل عجبتها مشيته فالمسلسل أمس .. وابتسمت لـ ملاك .. قالت : اش رااايج ..؟؟

ملاك تضحك : جنج الا بقره تمشي .. هاااع ..

بدور تمد بوزها : مووووولت .. اصلا انتي ما تعرفين ..

ملاك : شو هالمشيه .. تقولين ناقه ههه

بدور : هذي سواها أمس الممثل الأجنبي فالفلم ..

ملاك : قولي من اول متأثره ..

بدور تقعد يمب ملاك : تصدقين ............................

ملاك تقاطعها : أدري أدري .. ما طالعت الفلم ولا أعرفه ..

بدور : بس والله عجيب ههههه ليييش انتي جذي ..

ملاك : أنا لا مع التلفزيون ولا مع النت .. وااقعيه ياماما هههه

بدور : بس أفلام ما يخاالف يا ماما هههههه

ملاك : ماأحب شي اسمه افلام مسلسلات شو ماشي شغل .. اصلا من صغيره متعوده ما اشوف ..

بدور : بصراحه .. انتو على كثر فلوسكم بس تربيتكم غريبه تصدقين ..

ملاك تضحك : ولييش انشالله ..؟؟ ههههه

بدور : عندج تلفزيون بالحجره .. وعندج لاب توب وجهاز حتى البلاك بيري بعد بس بعد ما تقربين صوبهم ..

ملاك : شفتي كيف هههه

بدور : بس لااحظت هالشي عند وااايد نااس ..

ملاك : ما قمت أدش النت واايد الا يوم ابا شي .. أخذه .. واطلع خلااص ..

بدور : بس المسلسلات والأفلاام .....................

ملاك تقاطعها : بدريه سكتي .. ههههههه ما أحب والله ما أحب ..

بدور تطالعها بطرف عينها : بدريه بعينج هههه

ملاك : هكو قووم نور وشوق وصلن ..

شوق تمشي .. واحد اثنين وتتدور .. وتبتسم مع غمازتها .. والكل يطالع صوبها ..

بدور توقف وتقول : وااحد اثنين ..

نور بهمس لشوق : استحي ع وجهك فضحتينا ..

شوق بصوت عالي : وأنا اش لي فيهم .. مو بس كليتهم .. حتى نحن لنا رب ..

ملاك تطالع بعيد .. وتقول بصوت وااطي : أنا ما أعرفها صدقوني ما أعرفها ..

بدور تدز ملاك : اش فيج .. ترا عاادي ..

شوق تركض وتيي صوب البناات : اوبــــــــــــــــــــــ ـــــــــــــــس ..

ملاك : اعقلي يا حرمه ..

شوق تقلد ملاك ( ترمس اماراتي ) : ياريااله ودري هالسوالف صيري شرااتي ..

ملاك تضحك : مرررره هب رااكب ..

نور : السلام عليكم ..

ملاك : وعليكم السلام هلا نواري ..

نور : كيفكم ..؟؟

بدور وملاك : بخير وانتي ..؟؟

نور : الحمدلله .. ( تضرب شوق بخفه ) وجع فضحتينا ..

شوق : اش سويت يعني .. لا هو حرام ولاهو عيب ..

نور : بلا عيب ..

شوق : لأأأ ماهو عيب ..

ملاك : خلاااااااااااااص بنااات .. وشوقاني بلاها هالحركات ..

شوق : أدري .. بتقولون .. شلتنا معروفه بالبرستيج والاتيكيت وووووووووووو ... تراني والله تعبت من هالرسميات ..

ملاك : ما يخالف سوي اللي تبين بس يدامنا ..

شوق : بس أنا طبعي هالشكل .. أحب أسوي حركاات

بدور : خلاااص .. يعني بتتضاربون ع سالفه ما تسوى ..

نور : ايه قفلو ع الموضوع لأني ابي أتكلم معاكم بشي ..

ملاك : خير انشالله ..

نور : لحظه البناات كلهم يجو .. بعدين ..

بدور : اتصلي اتصلي ..

شوق : ايه ملاكو اتصلي .. خل يييون ما فيني استحمل من أمس وهي باطه جبدي وما تتحجى .. شي مهم وشي مهم .. بيصيبني جنون البقر والسبه نوروووه ..

ملاك تضحك : هههه ابد ما يتوزين عن سوالفج .. الحين بتصل بـ روان واريج اشوف وينهن ..

شوق : ايه عجلي دخيلج..

ثواني الا واريج وروان يدخلن .. شوق بصوت عالي : ما بغيتو ...

نور تقرصها : اسكتي ..

بدور : تعالو بسرعه ..

ملاك : بدوروووه عن الفضاايح ..

روان تبتسم وتيي هي ومعاها اريج .. الين وصلن .. روان : هااااااااي قاااااااااااايز ..

بدور تسوي حركات أجانب : هااااااااااااي

نور بهمس : اسكتي ...

ملاك : فضيحه هذي وشوقاني ههههه

اريج : وأخيرررررررا وصلنا ..

نور : ايــه ما بغيتو ههههه

اريج : وش درااني .. اسألو هذي اللي جالسه تتسبج فالمسبح اليوم ..

روان ابتسمت : يعني فخااطري محد يقدر يمنعني .. ههههه

ملاك : انزين يلا نرووح الحديقه قبل لا تبتدا المحاضره ..

روان : ايـــه لأنه حدي أبي أعرف شـ اللي شااغل باال نور ..

نور تبتسم : يلا نروح الباارك ..

ملاك : ترييو شوي بقول للعامله تييب الريوق ..

شوق تتخصر : لا والله تشتغل عندج .. شيليه بروحج ..

ملاك : برستيجي ما يسمح لي ههه .. وبعدين دام تبين انتي شيليه ..هههه

شوق : لا لا خليها تييبه .. حتى أنا برستيجي ما يسمح لي .. هههه

بدور : تبوني أمط شعري .. يلا ع الباارك بسرررعه .. الفضول ذابحني ..

نور مبتسمه : يلا عشاان اخبركم ..
/
.
/
بو سالم : وين تبون تروحون بعد .........؟؟

سعاد مبتسمه : نبا نروح العربي سنتر بااخذ لي شوية شغلااات ...

سالم يمد بوزه : طاعو قاالت العربي سنتر ..

سعاد : هي .. ما فيني ارووح مكان ثااني ..

سالم : النااس تتزهب من أمااكن ثانيه ونااس من بلااد برع ..

سعاد : بس أنا ابا الشغلات منه ..

سالم : جاان تقولين دبي مول ..

سعاد : ما عندي فلووس واايد .. يوم تشتغل ييب لي وفالك طيب كل شي باخذه من دبي مول ..

بوسالم : عيب يا عيال وانت سالم .. لا تكلم أختك جذا ..

سالم : هي اللي تقهر .. تقول العربي سنتر .. ودنا مكان ثااني أبويه ..

سعاد : بس ميزانيتي ما تسمح ..

بو سالم : صج تقول أختك .. ويوم ثااني بطلعك مكان ثااني ..

سالم : تقولون بس ما تطلعوني ..

بو سالم : ماايد دوم يطلعك ..

سعاد من سمعت اسمه ملامحها تغيرت .. بو سالم قاال : مو صح سعااد ..؟؟

سعاد هزت راسها وبابتسامه باهته : صح ابويه ..

سالم : والله ميوود أحسن عنكم كل مكان يوديني ..

بو سالم : انزين اطلع ويااه وخلك ساكت الحين ههه ..

سالم : ملاك من زمان ما شفناها ..

سعاد عشان تنسى : هي صح ابويه ملااك من فتره ما يت عندنا ..

بو سالم : أكييد بتيي يوم بتدري انج انخطبتي ..

سعاد : هي خل تيي .. لأني عقب يمكن ما بشوفها ..

بو سالم : لا انشالله تشوفينها دوم ..

سعاد : انشالله ابويه

سالم : ملاك مستويه دبه ههههههههه

سعاد : قول جذا يدامها بتاكلك هههه قامت تسوي ريجيم قاسي أونها .. معنه جسمها واايد حلو ..

سالم : يوم بكبر بتزوج من وحده تشبه ملاك هههههههه

بو سالم : وقرر يتزوج الرياال هههه

سالم : احلم ابويه هههه

بوسالم : زين انك تعرف ههه .. اهتم بدراستك أحسن لك ..

سعاد سرحت بفكرها لـ بعيــــــــــــــــــد ... أحبج سعاااد أحبج ... سعاد أنا اباج زوجه لي .. كلام داار بيني وبين مايد قبل عدة سنوات .. قبل اربع سنين .. كان عمري وقتها ستعش سنه .. واهو كان عمره بالنسبه لي كبير .. كان وقتها عمره اربع وعشرين سنه ... قاال لي اوعديني ما تاخذين غيري .. بس أنا خنته .. واافقت على غيره .. غصب عني مجبوووره .. ايـــه مجبوره .. اشيا كثيره تصير بالحياه ونحن مب راضين عنها وغضب عنا نرضا ونتأقلم معاها .. لكن هذي الحياه .. يوم حلوه ويوم مره ولازم نعيشها بكل الحالات .. ~

وعاها من فكرها صوت ابوها وهو يقول : شو تشربين بنتي ...؟؟
/
.
/
ملاك ابتسمت وصرخت بأعلى صوتها : أووووووووووووه ماااااااااااااي جااااااااااااد ..

شوق : هيييييييييييييه متى صاار ..؟؟

البنات كلهن ابتسمن ... نور بدت تصيح ...... ملاااك مسكت نور وقاالت : اش فيج نواري ...؟؟؟

اريج : نوري حبيبي لييش الصيااح ..؟؟؟

نور تضم ويهها ليدينها : محد رااضي يفهمني ...

ملاك : دااامج حصلتي البعثه لييش تصيحين ...

نور : ما أقدر أترككم ...

بدور : بس مستقبلج أهم مننا يا نور ..

روان : ايــه انتي سافري وأنا بعد بكلم الوالد يسفرني ..

نور : أنا وانتي وملاك بنسافر .. بس شوق عندها أهل واريج ما تقدر تترك أمها وبدور أخوانها ما رضو انها تجي الامارات الا بعد اقنااع يعني بيخلوها تروح لألمانيا ..

شوق هزت راسها : ايــه من هالناحيه صح ..

ملاك : مستقبلج أهم عننا يا نور ..

نور : بس انتو حيااتي .. مقدر اترككم .. تعودت عليكم خلااص ..

روان : مثل ما تعودتي علينا تقدرين تنسينا .. وهذي دراستج ..

نور : بس أنا مابي .. ابي أقعد هنا وعندكم ..

بدور : سؤاال ...؟؟ الحين يوم انج بتسافرين بتستفيدين ..؟؟

نور : أيــه أكيييد .. بس أنا مابي اروح اتغرب أكثر من ما أنا متغربه ..

روان : لا تقولين جذي .. انتي بين أهلج نور ..

نور تصيح : أهلي وينهم عني تركوني لحالي وراحو ..

ملاك : لا تقولين جذي نور .. ونحن وين رحنا ..

اريج : خــلاااص لا تسافرين نور ..

نور : ايـــه ما بسافر ..

شوق : هيييييييييييييييييه .. يعني ما بنفترق ..

نور تمسح دموعها : لا انشالله ما نفترق ..

بدور تتراقص : هي وهي وهي ... شلتنا بتضل كامله الحمدلله هههههههه

نور تبتسم : أدري شفتي الحركه بفلم ههههههههه

البنات كلهن : ههههههههههههههههه

اريج تبتسم : يلا نروووح نااكل ..

روان : هذي من الصبح تبي تااكل .. يلا نااكل قبل لا تموت علينا ههه

نور : أنا كمان جوعانه ما فطرت بسبب هالموضوع ..

بدور : بااكل بيتزا اليوم هههه

نور : هاذي كمان شافتها بالمسلسل ههههه عشان كذا تبي تااكل بيتزا هههه

شوق : ايــه هههه .. أنا ودي أتريق مره ثاانيه .. شوي وبنفجر ههههه

ملاك : يلا قمنا عيل يا حلوووات لأني أنا بعد ميته يوووع هههه

اريج تسحب الكرسي وتييبه للطاوله وتقعد .. : أنا حجزت لي مقعد ..

بدور : وأنا بعد ..

روان : يلا الكل يسحب له كرسي عشان نكون مع بعض ..

ملااك : هي انتي ... انتي ................................

العامله تبتسم : وااات ..

ملاك : تعاالي خذي الكام وصورينا هههه

العامله ما صدقت .. ملاك عطتها الكام وقاالت : اضغطي على هذا الزر ..

العامله صورتهم وكل وحده معها سكينه وشوكه واللي معاها الكابتشينو واللي الكرواسون ........... الــــــــــــخ

بعد التصوير .. روان : يلا اكلو بسرررعه لا تبدا المحاضره ههههههه

شوق : ايــه ما فيني بطني يصوصو بعد اليوم ههههه

بدور : فاضحتنا شوق .. اربع وعشرين ساعه بطنها يصوصو .. كله يوعانه هههه

شوق : شسوي ربج خلقني جذي هههه

اريج : سمو وكلو .. لأني ميته جوووع ..
/
.
/
الساعه ثنتين الظهر .. الكل في بيته ما عدا ... الـ 666666666666666666

مايد دخل الفله وهو هلكان وأعصابه بروحها ضاربه .. ما يقدر يستوعب أي شي أكثر .. اللي فيه مكفيه ..

دخل الصاله وقاال : السلام عليكم ..

فاطمه : وعليكم السلام ولدي ..

مايد حبها ع راسها وقاال : بروح برقد أمي ..

فاطمه : ما بتاكل ولدي ..

مايد : لا أمي .. هب مشتهي .. بروح برقد وبتغدا العصر ..

فاطمه : ع رااحتك وليدي ..

مايد : وينها ملااك ..؟؟

فاطمه : مع ربيعاتها برع .. بتتغدا في المول ع قولتها ..

مايد : أووووف ..

فاطمه استغربت ليييش سوا جذي .. مايد ما يعصب على ملااك لأنه هم أصلا تربيتهم كانت جذي .. كل وااحد يمشي بشوره .. غير انه ماايد يعرف ربيعات ملاك ..

فاطمه : ولدي صااير شي ..

مايد هز راسه وقاال : لا مب صااير شي ..

فاطمه : تعباان ..؟؟

مايد : لا .. لا تحاتين أمي ..

مايد صعد ع الدري ورااح لحجرته ... فر الغتره والعقاال ع السرير ورمى روحه .. تنهد .. وقاال : الله يلعن الساعه اللي افترقنا فيها .. بس والله براااويج .. ان محد يستحقج غيري ..

رن تلفون ماايد .. بدون ما يطاالعه .. قفل في ويه اللي يتصل فيه ... ثواني الا ويرجع التلفون يرن .. مايد يطالع التلفون ويرميه بعصبيه ع الأرض ويقول : مب ناااااااااقصنك انت الثااني ..
/
.
/
قاعدين يتغدون ...

حمدان : بابا بتوديني كتر ..

معضد يضحك : هي بوديك بس لا تزعل ..

حمدان : هي عشاان بدور لاااحت كتر وبعدها ما رجعت ..

معضد يعقد حياته ويقول : ميره ..

ميره من المطبخ : هلا معضد ..

معضد : تعاالي ...

ميره : لحظه بس اييب المااي ..

معضد : أوكي بسررعه ..

ميره تطلع ومعاها الأكواب والمااي وتحطهم وتيلس .. وتطلع لـ معضد وحمدان فالصحون ..

معضد : بدور ما رجعت ..؟؟

ميره : لا بعدها ..

معضد : وينها ..؟؟

ميره : مع رفيجاتها بتتغدى برع ..

معضد مستغرب : وكيف تخلينها ..؟؟

ميره : يعني يوميا ع نفس الموال .. يا معضد البنيه مع رفيجاتها ما فيها شي ...

معضد : بس مو حلوه كل يوم البنيه محد .. وما ترجع الا ع اذان العشا .. تراها بنيه فكري بهالشي .. حتى الأولاد يرجعون الظهر ..

ميره : ما يصير الا كل خير .. والحمدلله الدنيا أمان عاد مو لذيج الدرجه ضاايعه ..

معضد : بنشوووف شو أخرتها ..

ميره تبتسم : اكل انت اكل .. لا تشيل هم ..

معضد : بسم الله ..

ميره : وانت حمداانوه اكل ..

حمدان : بتودوني كتر ...؟؟

معضد يضحك : بنوديك يا بابا بنوديك .. بس انت كل ..

حمدان : قولو والله بتودوني بااكل كل هالأكل ..

ميره تضحك : جااااان زين والله .. هههههه
/
.
/
في مول الامارات وتحديدا ردهة المطاعم .. البناات يالسات ثلااث يدااام ثلاااث ..

ملاااك : والله هالبيتزا شي شي بمعنى الكلمه ..

روان : ايــه تراكم يوميا طالبين لي من ماكدونالدز .. خلونا نغير ..

شوق : أحس روحي بمتن والسبب انتو ههههه

بدور : ايـــه يوميا جانك فود .. أخر شي بنصير بو تمبه وما نقدر ندخل من بااب المول بعد هههه

نور : الحمدلله شبعت ...

ملاك : توج يا حرمه .. ما كليتي شي ..

نور : لا أكلت كثير .. يلا شوق نرجع البيت ..

شوق : بااكل بعد ..

نور : هههه يا شيخه كليتي الصحن كلو يلا قومي .. عمي بيتصل فينا بعد شويه ..

شوق وهي ماسكه قطعة البيتزا : يلا سي يا بنااات ..

البنات : سي يووو ...

إڷـ?ٍ آڷلْقٍــآءْ فٍـ?ٍٍٍ آڷحًـڷقْهٍـ آڷقًــآدٍمْـهٍـ ..

[لامارا]

//
ღ الحلقه الثالثه ღ

نور : باااي بنااات .. بشووفكم بكره انشالله .. وعاد بكره الجمعه بتكون أحلى هههه

البنات : باااي ...

بدور تلفونها يرن .. تقول : اسمحو لي ..

بدور ترد : آلو ...

ميره : هلا بدور ..

بدور : هلا ميره ..

ميره : وينج ..؟؟

بدور : في مول الامارات ..

ميره : أوكي ثووااني وبيجيج معضد ..

بدور : برجع مع رفيجتي ..

ميره : لا ما في .. معضد بيتصل فيج وطلعي للباركنات ..

بدور : انزين .. يلا بااي ..

بعد ما قفلت .. اريج تطالع بدور وتقول : خيـــر ..؟؟

بدور : هذي ميروووه تقول معضد بييي ياخذني ..

روان : ايـــه أحسن لج لأنه كلنا بنرجع .. صاارت جريب الثلااث ..

بدور : يلا عاد مع السلامه ... اشوفكم بااجر ..

البنات : مع السلامه ..

مشت بدور عنهم .. اريج : أنا بعد لاازم اروح .. أكيد أمي تحاتيني ..

مــلاك : أنا برووح ألحين .. تعالي ويااي ..

اريج : أوكي ..

مــلاك : يلا رواني .. نشوفج ع خير ..

روان يالسه : أوكي .. بتتركوني برووحي .. هههه

اريج : بنشووفج بكره هههه

روان : يلا عااد مع السلامه وأنا بنام اهني بالمول ههههههه

ملاك : اتخيل شكلج هههه

اريج : يلا ملاااكو أكيييد الوالده تحاتي ..

ملاك : طراره وتتشرط ههههههه

اريج : امشي لادوسج يالدبه .. من الطراره ههههه

روان ابتسمت على حركة ملاك واريج .. ورااحت لـباسكن روبنز تطلب ايس كريم .. ورجعت تيلس ... وهي تاااكل الأيس كريم ...

ثوااني الا ويي واحد جدامها مبتسم .. روان ما رفعت نظرها .. عرفته .. وتمت تااكل من الآيس كريم ...

مروان ابتسم وقاال : اش حالها حبيبة القلب..

روان ابتسمت : بخير .. تسأل عنك ..

مروان : زين زين ...... يعني ما نستنا ..

روان تعدل قعدتها وتقول : حيااك اقعد ..

مروان ييلس ويقول : راااحن البنات ..؟؟

روان : ايــه .. باجر بنشوف بعض ..

مروان : زين .. المهم بغيت أقول لج اني بسااافر الأسبوع اليااي ..

روان متخرعه : بتسافر ...............؟؟ خير واش له ..؟؟

مروان : ماشي .. بزنس ..

روان : آهااا .. عاد الله يوفقك ..

مروان : آمييين ..

روان : متى بترجع ..؟؟

مروان : ما أدري الا هم يوم يومين ..

روان : بشتااق لك يالدب ..

مروان : أنا أكثر يالهرمه هههههه

روان : يلا أنا برجع البيت ..

مروان : تو النااس ..

روان : بروح برقد لأنه بااجر بنروح للمستشفى عندنا تدريب وما بنرجع بيوتنا الا المغرب ..

مروان : غريبه ما بتروحون السينما بااجر ..

روان : لا لا .. يوم الجمعه بنروووح هالأسبوع ..

مروان : آهاا .. يلا موفقين انشالله ..

روان : الله يعينا بااجر ع المستشفى هههه

مروان : هذا وانتي ممرضه تقولين جذي .. لو دكتوره ..؟؟

روان : توني ادرس هههه ما صرت ممرضه .. بس لو دكتوره تطالعني من أول ما اشوف المرضى بيغمى عليه هههه

مروان : ههههه يلا .. تبيني أوصلج ...؟؟

روان : لأأأ بروح مع سواقي .. يلا عاد بااي ..

مروان : باااي ..
/
.
/
العصر الساعه خمس ونص بتوقيت مدينه دبي ..

ملاك نزلت من ع الدري ورااحت صوب تلفون البيت وهي بعدها تتثاوب لأنها توها ناشه من الرقااد .. دقت الرقم .. محد رد عليها ملت وصكرت التلفون ..

قالت بصوت عاالي : ميري .. يا ميـــــــــري ..

ميري يايه وهي تقول : يس مس ملااك ..

ملاك تحط ريل ع ريل : سوي لي عصير برتقال وسندويشه جبن .
.
ميري : ما تبين عيش ..؟؟

ملاك : شو مسوين ..؟؟

ميري : مجبوس لحم ..

ملاك : لا ما فيني روحي متغديه دسم .. بصير بو تمبه عقب .. بس ييبي لي اللي قلت لج عليه وازقري لي أمي فاطمه ..

ميري : ماما فاتمه رااحت سوق ..

ملاك تعقد حياتها : ليييش ...؟؟

ميري : تشتري اشياااء حق البيت مع عمران ..

ملاك هزت راسها بتفهم : هي هي .. انزين سيري سوي لي أكل بسرعه ...

ميري : أوووكي ...

ملااك وهي تقرا الجريده .. ثواني الا وتلفون البيت يرن .. ترد وتقول : هلأأأ .. هلا والله ..

اريج : هلا وغلاا ...

ملاك وهي تقلب صفحات المجله : وينج ما تردين ...؟؟

اريج : موجوده بس كنت ناايمه وما سمعت التلفون ..

ملاك : هي أنا بعد كنت رااقده توني نشيت ..

اريج : شو الأخباار ..؟؟

ملاك : ماشي يديد .. تجهزتي لبااجر ..

اريج : بس بنلبس هاللبس الأبيض تقولين مومياااء هههه

ملاك : ههه تشبيه فااشل .. بس صدقج .. هب شي ..

اريج : يعني لاازم يودونا للمستشفى بكره ..

ملاك : بس هو أحسن لأنه نتدرب .. يعني يوم بنشتغل ما بنكون ميح ههههه

اريج : بيودونا مستشفى راشد ..

ملاك : هي بيدربونا هنااك ..

اريج : تونا ببداية السنه الثالثه ..

ملاك : ياربي .. ما ودي تيي أخر السنه ههه .. أحلى شي انه نحن مع بعض ..

اريج : انشالله ما نفترق ..

ملاك : الله يسمع منج ...

اريج : بكره لين المغرب بنقعد في المستشفى ..

ملاك : هي بس في بريك في التدريب ..

اريج : كم ساعه ..؟؟

ملاك : ما أدري والله بس في كذا بريك مو بريك وااحد هو ..

اريج : ايوا سمعت البناات يتكلمون اليوم ..

ملااك تبي تتكلم بس سمعت صوت أخوها .. مايد وهو يقول : أمي فاطمه ...

ملاك : اقووول اروجه حبيبي بتصل بج عقب أخوووي ماايد موجود ..

اريج : أوكي .. يلا بااي حياااتي ..

ملاك : بااياات ...

بعد ما قفلت ملااك شاافت ماايد وهو ينزل من ع الدري ابتسمت وقاالت : هلااا ميووود ..

مايد وهو يلبس الكاب : هلأأ ..

ملاك : اشوفك كاااشخ بالجنز ..؟؟

مايد بجمود : حراام الواحد يلبس ع كيفه ..

ملاك ما جادلته عرفت فيه شي .. قالت : فيك شي ..

مايد بعصبيه : قلت لج لأأأ .. اسكتي الحين الله يخليج ..

ملاك : زين زين .. ما قلنا شي يابوي ..

مايد بعصبيه : وينها أمي فااطمه ..؟؟

ملاك : شو مسويه لك الفقيره ..؟؟ لا تطلع حرتك فيها ..

مايد : ملاك بلا أسألتج التافهه .. وينها ..؟؟

ملاك : محد روحت الجمعيه مع عمران ..

مايد : انزين بس تيي قولي لها اني بااجر بعزم ربعي ..

ملاك : انزين بقول لها ..

مايد : سلااااااااااام ..

ملاك تمد بوزها وهو طاالع تقول : بااي .. ( بعد ما طلع ) مدري اش فيييه هذا الثااني .. اللي يشوفه يقول حركاات مرااهق .. هههه بس أكيد الأخ عااشق ..

ميري : نعم مدام ..

ملاك تمد بوزها : ماشي .. ما ارمسج .. حطي الأكل وسيري سوي لي بشاميل حق العشا ..

ميري : أوكي ..
/
.
/
نور : شوقي قومي بسك نوم يالدبه ..

شوق كلها رقااد : ما بي مابي .. قومي نوور ..

نور تهزها : شوووق يلا قومي .. يلااا ..

شوووق : أوووووووف نوااري خليني أناام ..

نور : شوق حبيبتي قومي .. أمك مو موجوده بنسوي العشا ..

شوق : سويه بروحج ..

نور تطفي المكيف : أوكي .. خليك ناايمه مثل منتي ... وأنا برووح ..

شوق ترفع راسها وودها تذبح نور بس للأسف نور طلعت .. شوق رجعت راسها بقوه ع الوساده وقاالت : معليه مردوده يالدبه .. بوريج ... بس شغاله تطفي لي هالتكييف ..

نور تضحك من ورا البااب : اجل اصحي ياماما .. يلا بسرررعه ..

شوق تقوم بكشتها وترووح عسب تتغسل .. وهي تتحرطم : ان ما وريتج يانوروووه الدبه ما بكون شووق ..

نور ترجع الحجره وهي تضحك : يلا قومي .. بنسوي شي للعشا أمك مو هنا ..

شوق وهي تنشف ويها : وينها ..؟؟

نور : رااحت للجمعيه مع أبوكي

شوق : ولييييييييييش ما ودوني ..

نور : ودي أعرف انت ليييش كل مكان لاحقتهم ..؟؟

شوق : لأني بنتهم يالذكيه ما يبي لها شي ههههههه

نور : انزين يلا تعاالي نسوي العشا ..

شوق : يلا .. عبدالعزيز اهني ..؟؟

نور : وأنا أدري عنو عشان أعرف اذا هوه هنا ولا لأأأ ..

شوق : ايــه انتي وايد عليج لو تعرفين انج موجوده بهالحياه ولا لأأ ههههه

نور : يا ثقل دمك يا شيخه .. يلا نسوي شي قبل لا يجو ..

شوق : روحي .. أنا بصلي العصر وبيي ..

نور : يا حبيبي .. قاالت تصلي قاالت .. المغرب بيأذن وانتي بتصلي العصر ..

شوق : رااحت عليه نومه شسوي هههه

نور وهي طالعه من الحجره : انتي كل يوم تروح عليك نومه مو غريبه عليك هههههه ..

الهنوف يالسه تطالع تلفزيون .. قالت : قصرو حسكم موقاادره اسمع من أصواتكم ,,

نور سوت لها طااف ورااحت المطبخ .. الهنوف لحقتها الا تغلس عليها ... دخلت المطبخ وقعدت ع الكرسي .. وبدت تااكل من المكسرات اللي ع الطاوله ...

نور : كيفك الهنوف ..؟؟

الهنوف : بخير .. ونحن عايشين مع بعض ما يحتاج تسألين عن الحال ..

نور طالعتها بنظره وقاالت : حبيت اسأل .. وبعدين صحيح نحن بنفس البيت بس ما نتكلم مع بعض ..

الهنوف بغرور : ايــه ما أحب أتحجى مع أي أحد ..

نور بدت تقطع سلطة العشا وقاالت : الهنوف حبيبتي عطيني الكاتينج بورد الثااني هذا ما يصلح ..

الهنوف وقفت وقاالت بصوت عاالي : ما أشتغل عندج ست نور .. واحمدي ربج انج ساكنه ويانا ...

نور طالعتها ونزلت رااسها وقاالت : شكرا الهنووف كلك ذوووق ..

ثواااني الا ويسمعن صوت وااحد بعصبيه : الهنووووف ...

الهنوف تلف متخرعه .. تشوف عبدالعزيز .. وتقول : نعم ..

عبدالعزيز : تعاالي ابيج

الهنوف : ما يخصني هي اللي بدت ..

نور : عبدالعزيز خليها .. ايــه أنا غلطت .. وبعدين حنا بناات نتفااهم لحالنا

عبدالعزيز يطالع نور ويقول : خلج انتي .. وانتي يلاا تعااالي ابيج ..

نور : عبدالعزيز الهنوف ما تعرف الكلام اللي تقوله وأنا مسامحتها عاادي لساتها صغيره

الهنوف تطالع نور بنظره : ايــه سوي روحج البريئه اللي ما يخصها بشي ..

نور : الهنوف اهدي ..

ثواااني الا وتدش شوق وتقول : اش صااير ..

عبدالعزيز يلف ويهه ويبي يطلع من المطبخ قاال : الهنووف تعاالي ابيج .. وان ما ييتي حسااابج معااي بعدين

الهنوف طالعت نور باستحقار : كل البلاوي تييي من تحت راسج ..

شوق : الهنوف اش هالحجي ..؟؟

الهنوف تطالع شوق بغرور : بعدج مسكينه ما دريتي عن بنت خالتج ..

شوق : الهنوف : سكتي ..

الهنوف : بروووح دااار عبدالعزيز أحسن لي .. قااعد ينطرني ..

شوق : ايــه روحي فكينا من شرج ..

بعد طلعت الهنوف .. شوق قاالت : نوااري اسمحي لنا بعدها صغيره ..

نور : لا عاادي وبعدين مثل ما قلتي بعدها صغيره ..

شوق : خلج منها عبدالعزيز بيأدبها الحين ..

نور : حراام ما سوت لي شي ..

شوق : بس بعد يبي لها تأديب هالبنيه ..

نور : روحي لها لا يسوي لها عبدالعزيز شي ..

شوق : لا ما بيسوي لها شي وبعدين هو بيفهمها وبس ..

نور : ياريت تفهم ..

شوق تبتسم : الحين يالدبه انتي خذيتي بخاطرج ..؟؟

نور : لا بالعكس أنا أعتبر الهنوف أختي الصغيره ..

شوق تعقد حياتها : وأنا ..........؟؟

نور : ولا تزعلي هههه وانتي بعد تؤامي ..

شوق : لا نحن ست توائم ..

نور تضحك : ايـــه تخيلي لو نحن ست توائم ..

شوق : لا ما أتخيل أحسن لي هههه .. أمنا بتكون مااتت وهي تولدنا هههه

نور : الحمدلله ان ربي جمعنا مع بعض ..

شوق : الحمدلله ..

نور : يلا نسوي أشياااء العشا بسرعه لا يجون خالتي وابوك من الجمعيه وحنا بعدنا ..

شوق : وينها تسالي خليها تسوي العشا ..

نور : عشان مثل المره اللي فااتت عبدالعزيز وابوك ما ياكلو ويقولو ما نااكل من يد الخادمه هههه

شوق : ما بنقول لهم هههه

نور : بس يباان اذا هو من يدنا ولا يدها ياحلوه هههه

شوق : يلا نتوكل ونسوي قبل لايأذن العشا ههههه

تدخل الهنوف المطبخ وهي محتشره وتصيح : كله منج فرقتي بينا حسبي الله عليج ..

شوق تمسك الهنوف وتقول : مسحيها بويهي نوراان .. أنا بسكتها ..

نور تروح للهنوف وتقول : شوق خليني معاها لحالنا ..

شوق : ما أقدر ما تعرفين الهنوف شو بتسوي ..

نور : لا خلينا لحالنا .. الهنوف أبغى أكلمك شوي ..

الهنوف تدف نور وتقول : بسير دااري أحسن لي ..

نور سندت ع اليداار وطالعت شوق وقاالت : أكيد بيوم بتعقل ..

شوق : نواااري لا تاخذين بخاطرج بعدها ياااهل ..

نور : ادري ..

شوق : سيري ريحي انتي وأنا بخلي الخدامه تساعدني ..

نور : لا بقعد معاكي ..

شوق : انتي ريحي شوي .. وتعالي ..

نور مسكت راسها : ايــه الظاهر يبي لي أريح شويه .. راااسي قاام يوجعني ..

شوق : روحي ارتااحي وبعد شوي بيي لج بروحي ..

نور ابتسمت ورااحت للحجره وهي حااسه الدنيا ضااايقه عليها ودها تموت أو يستوي بها اي شي .. ما قاامت تتحمل أكثر غربتها غير بعاادها عن أهلها .. كل شي صاار يذكرها ... كل شي ضاااق عليها ..
/
.
/
دخلت روان البيت من بعد ما رجعت من السوق ومعاها ملابس وأشيا لباجر ..

صوفيا : Welcome , dear ( هلا عزيزتي )

روان : Hello mam ( هلا أمايه )

صوفيا : Come eat ( تعالي كلي )

روان : I don’t want , thanks ( مابا شكرا )

صوفيا : Why you don’t like to eat ( لييش ما تاكلين )

روان : I ate with my friends ( كليت مع ربيعاتي )

صوفيا : Your father will come tomorrow ( ابوج بيي باجر )

روان : Good news( أخبار حلوه )

صوفيا : I wanted to tell you just ( حبيت أخبرج وبس )

روان : Fine , but what is needed ( طيب ، بس شو المطلوب )

صوفيا : You be here ( تكونين موجوده )

روان : I don’t know , likely I go out with my friends because tomorrow is Thursday (ما أدري .. يمكن بطلع مع ربيعاتي لأنه باجر الخميس )

صوفيا : You must be here ( لازم تكونين موجوده )

روان : Oh god , tomorrow Thursday I go out with my friends ( يا ربي .. باجر الخميس بطلع مع ربيعاتي )

صوفيا : What can I say if your father ask me ( شو بقول لأبوج لو سألني )

روان : Any thing , sure I would go out ( اي شي لأني أكيد بطلع )

صوفيا : don’t go out ( لا تطلعين )

روان : No , i’m going ( لأأأ ... أنا بطلع )

صوفيا : talk your father .. if he asked where rawan ( عاد رمسي ابوج لو سأل عنج )

روان : No , you tell him ( لا .. انتي خبريه )

صوفيا : do not go ( لا تطلعين )

روان : NOOOOOOOOOOO ( لاااااااااااااااااااااا )

صوفيا : stupid ( ******** )

روان تبتسم وهي تصعد ع الدري وتقول .. : والله حاله ... وين القاها الحين من أمي ولا من أبـــوي .. كل واحد لاهي بحياته .. وآنـــا لاهيه بحياتي .. يلا بس الله يستر علي ههههه اتصل بـ بالبنات وأسأل عن الأخبار وشو التجهيزات لبااجر أبرك لي ..
/
.
/
اريج تحط رااسها على ريل أمها وتقووول : فديتج العبي بشعري ..

أم اريج تبتسم وتقووول : كبرتي يالشيطونه ههههه

اريج : بس بعدني بنظرج أصغر وحده هههه صح ..

أم اريج : الله يحفظج انشالله

اريج : ماما ما بتروحي بيت شوق ..؟؟

أم اريج : بشوف هالأسبوع انشالله اروح لهم ..

اريج : هي روحي لأن أمها تسأل عنج ..

أم أريج : كنت بروح بس انتي تعرفي رجولي ما تستحمل .. حتى الألم زاايد ..

اريج : يلا انشالله تصحي قريب ..

أم اريج : انشالله ..

أريج : بشوف الفتره الجايه بس يخفو علينا بوديج المستشفى مره ثانيه ..

أم أريج : ما يحتاج انشالله بصحا قريب ..

أريج : لأأأ بوديج ..

أم أريج : هههه انزين .. يلا قومي نتعشا ..

أريج : ايوا لأني ميته جــوع ..

أم أريج : أريج ردي ع التلفون ..

أريج : طيب ماما ..

أريج تتجدم عن التلفون وترد : هلا ...

بدور : يالدووووووووبه وينج ما تردين ..

أريج : هذيني رديت اش فيج ههههه

بدور : أقصد ع موبايلج ..

اريج : ايوا ... الموبايل بالحجره وأنا جالسه مع أمي برع ..

بدور : هاااه عن شو تسولفون هههههه

اريج : ما لج خص ههههه بيني وبين أمي ..

بدور أونها زعلانه : الحين ها جزااي الخااينه .. خلااص يلا بااي ..

اريج بسرررعه : يالخبله زعلتي ..........؟؟

بدور تضحك : وأنا أقدر أزعل ..

اريج : ههههه يلا لا تزعلين ..

بدور : انزين قولي لي اش كنتو تقولون ..؟؟

اريج تضحك : انزين يالحشريه ههههه
/
.
/
ملاك تبتسم وهي تطالع شكلها بالمرايه وتقول : ها أماايه اش راايج الحين ..؟؟

فاطمه وهي يالسه ع السرير وفيها رقاااد : حلوه بنتي حلوه ..

ملاك تضحك : شقاايل حلوه وانتي ما شفتيني ..؟؟

فاطمه تطالعها وتبتسم : عقبااال ما تلبسين هالبدله لما تروحين الدوام ..

ملاك تبتسم : آمييييييين ..

فاطمه : بااجر الساعه كم بوعيج ..؟؟

ملاك : ثمان .. لأني بروح تسع ونص بس لما أتجهز الوقت بيمر ..

فاطمه : انشالله بوعيج ثمان ..

ملاك : ماماتي شكله فيج رقاااد بالقو ..؟؟

فاطمه تبتسم : هي صاارت تسع ونص وأنا مب من وعوايدي اتم ناشه بعد الساعه تسع

ملاك تبتسم : يلا عيل روحي رقدي

فاطمه : تصبحين ع خير

ملاك : وانتي من اهله

تمشي فااطمه ثووواني الا وملاك تتذكر شي وتقول بسرعه : أمايه أماايـــه

فاطمه تلف وتطالع ملاك وتقول : خير بنتي

ملاك : أماايه صح ميود قاال بااجر عازم ربعه

فاطمه : ع الغدا ولا ع العشا ..؟؟

ملاك : جذي عاد ما ادري

فاطمه : خلااص بروحي برمسه

ملاك تبتسم وتقول : أوكي

فاطمه طلعت وهي يالسه تطلع من الحجره ثواني الا ومايد يقول : مساء الخير

فاطمه وملاك : مساء النور

مايد : اش حالكم ..؟؟

فاطمه : بخير ولدي وينك ..؟؟ ما ييت ع العشا

مايد : لا أماايه كنت مشغول شوي

فاطمه : هي دام جذا زين الله يوفقك

مايد : أمييين ( يطالع ملاك ويقول ) خبرتيها ..؟؟

ملاك تهز راسها : هي خبرتها

فاطمه : خبرتني أختك بس ع العشا ولا ع الغدا ..؟؟

مايد : اللي يريحج بس أنا أقول لو ع العشا أحسن لأنه باجر الخميس

فاطمه : عيل انشالله بجهز كل شي

مايد : مشكووره أمايه متعبينج ويانا

فاطمه : لا ولدي انتو عيالي لا تعب ولاشي

مايد يبتسم : داقنج رقاااد بالقو ..؟؟

فاطمه تبتسم : هي بسير برقد قبل لا أرقد اهني .. تصبحون ع خير

مايد وملاك : وانتي من أهله

ملاك تبتسم وتقول : ميود حلوه أنا ..؟؟

مايد يسوي طاف ويرفع يده بالسويج ويقول : صدق متفيجه

ملاك تبوز وتقول : ليييييييييش ..؟؟ تعاال بتعزم ربعك بااجر

مايد يسند راسه ع البااب ويقول : هي .. ساعدي أمايه

ملاك : سوري خيو .. بظهر بااجر .. بنروح مستشفى راشد بنتدرب

مايد يطالع ملاك من فوق لتحت مستغرب : بتروحين بهذا اللي لابستنه ..؟؟

ملاك تهز راسها : هي ليييش فيها شي ..؟؟

مايد : ماشي تلبسين هذا

ملاك تمد بوزها : اولا من اول ما قلت لك بدش تمريض قلت لك لا تجادلني بشي يخص دراستي ..

مايد : الحين يوم انه دراستج تخالفين دينج

ملاك : ومنو قااال ..؟؟

مايد : هاللي لابستنه

ملاك : القميص طويل وبلبس شيلة مافيها شي كل الممرضات يلبسن جذا

مايد يطالع تلفونه : ما أدري براااايج انتي اللي بتتحاسبين

ملاك : يا ربي تعبت وأنا أفهمك ما فيها شي

مايد : أنا ساير ارقد احسن لي

ملاك : ما تعشيت

مايد : تعشيت برع مليون مره أقول لكم .. يلا تصبحين ع خير

ملاك مستغربه وماده بوزها : وانت من أهله

هذا اش فيه يطالعني جذا .. أكيد فيه شي ميود ما يعصب بسرعه .. اش فيه محتشر وجالب الدنيا اليوم علينا..؟ ليكون أنا مسويه شي غلط لا سمح الله .. لا لا ما أعتقد .. بس شو السالفه ميود ماله خاطر بأي شي اليوم .. أكيد السالفه فيها انه ..

تجدمت ملاك عن السرير ورمت روحها .. طالعت الساعه وقالت : ويه صارت عشر الا ربع وأنا بعدني .. ارقد الحين أحسن لي ما فيني بااجر عيوني تتنفخ .. ورانا شغل وحاله .. لازم اريح ..
/
.
/
روان تبتسم وهي تدخل الحجره ترمي عباتها ع الأرض وتفر شيلتها بصوب وتطلع النعال وترمي روحها
ع السرير وهي مبتسمه وماسكه فونها وتتكلم ....

روان : ايــه حبيبي توني رجعت ..

مروان : يلا الحمدلله ع السلامه .. هههه توني تطمنت عليج

روان : هههه لهالدرجه خايف علي يالدب

مروان : دب فعينج وبعدين أخاف ع قلبي مع أخاف عليج

روان : خقاااق واااااااااحد

مروان : مستويه البنيه اماراتيه أشوووف

روان : ايـــه غصبا عنك مو بتزوج منك بااخذ الجنسيه وطلقني هههههه

مروان بزعل : دبه

روان : وأنا اقدر والله لو اني من شرق آسيا ولا جنوب أفريقيا المهم أكون مع مرواني

مروان يبتسم : اشتقت لج حبيبي

روان : وأنا أكثر والله

مروان : نتلاقى بااجر ..؟؟

روان : لا ما فيني حبيبي .. باجر بيودونا لـ مستشفى راشد وغير جذي بنرجع المغرب بكون هلكانه والحين كلمت البنات كنسلو طلعت باجر

مروان : أحسن .. هههه

روان بقهر : لا والله واش حقه يعني ..؟؟

مروان : مقهور كل خميس تظهرين مع ربيعاتج وأنا لأأأ هههه

روان : انطر يالدب دورك يااي هههه

مروان : وبعد ......؟؟

روان : ماشي جديد

مروان : امرررره امممممرررره

روان : لا الله يسلمك توني تضاربت مع أمي

مروان : وليييش انشالله ..؟؟

روان : ماكو بس تقول لاازم أكون موجوده بااجر بالبيت

مروان : لييش صااير شي ..؟؟

روان : لأأأ لأنه ابوي بييي من البحرين تدري لاازم أكون موجوده ..

مروان : وليش أمج معصبه

روان : قلت لها مابكون بالبيت لأني بطلع مع رفيجاتي بس اهيه عصبت ومدري شو

مروان : صدقها ابوج يااي

روان : رووح زين .. الحين هم لاهين عني .. يوم يبون اروح لهم يبوني وبس .. لا والله حامض ع بوزهم

مروان : بعد هذيل أمج وأبوج

روان : بس السالفه انتهت وخلااص لأن رفيجاتي كنسلو الطلعه .. بنرجع المغرب يعني كل وحده هلكانه وين فينا شده نطلع

مروان : هي صح .. بس سمعي كلام أمج وابوج سمعتيني ..

روان : ايـــه انشالله من عنوني يا عنوني

مروان : فديت هالعنون والله هههه

روان : اقول حبيبي .. I will sleep لأنه بااجر ورااي قومه من الصبح

مروان : me too my love

روان تضحك : ودي أعرف .. أنا أمي أجنبيه أتحجى انجليزي انت ليييش تتحجى ههههههههه ..؟؟؟

مروان : الله يسلمج لأنه حبيبتي أمها أجنبيه .. عرفتي الحين ليييش

روان تهز راسها : ايــه ايــه فهمت ههههه طلع في صلة قرابه

مروان : يلا عاد بودرج حبي برقد

روان : وأنا بعد .. تصبح ع خير حبيبي ..

مروان : وانتي من أهله .. باااي
/
.
/
شوق تحط اللي بقى من الأكل في الثلاجه : والحين انتي لييييش ما تعشيتي ..؟؟

نــور بضيج : شوقووو .. قلت لك ما لي نفس .. وبعدين كليت وقت المغرب ..

شوق : بس بعد لااازم تاكلين مو زين اللي تسوينه ..

نور : يختي ابغى انحف مافيها شي هههه

شوق : انزين يلا نروح ننام ورانا قومه من الفجر بااجر

نور : ما فيني نوم .. روحي نامي

شوق : نوراااان انتي فيج شي صح ..؟؟

نور : ومن قااال .. مافيني شي روحي نامي يلا

شوق : أوفووو .. نوراان تبيني اقتلج .. قولي اش فيج ..؟؟

نور : يووووه قلت لك مليون مره مافيني شي يا شوق

شوق : مب مصدقتج انتي فيج شي أدري يالدبه

نور : ياربي منك ياشووووق

شوق توايج من باب المطبخ : كلهم رقوود يلا قولي اش فيج ..؟؟

نور تنزل دموعها : شوق أنا تعبت ...................

شوق : من شو تعبتي ..؟؟ نواري ما أذكر انج جذي

نور تصيح بصمت : من كل شي شوق من كل شي .. والله ما قمت أستحمل أعيش بهالدنيا أكثر من كذا والله اني تعبت يا شوق ..

شوق تتجدم عن نور وتيلس حذالها وتسمح ع شعرها : نوراااان كيف من كل شي .. يعني مليتي منا .. نحن أهلج ورفيجاتج ... مليتي منا ..

نور تهز راسها : لأأأ .. بس ما قمت أستحمل أعيييش أكثر من كذا .. أحس روح ثقيله عليكم .. غير ان وجودي ماله أي معنى .. حتى السفره يمكن أغير رايي واسافر

شوق : نوراان اش هالحجي ..؟؟ وبعدين من قاال انج ثقيله علينا بالعكس نحن أهلج لو ما تحملناج من بيتحملج .. وابوي وأمي وخواني كلهم مستانسين من وجودج ولو على الهنوف امسحيها بوجهي .. لأن الهنوف توها مراهقه وصغيره ما تعرف اللي تقوله ..

نور : بس بعد يا شوق أنا مو مرتاحه ..

شوق : كيف مو مرتاحه .. فهميني عطيني سبب مقنع .. ولو ع السفر مارااح أقول لج لا تسافرين .. بس اهني كلنا بنفتقدج وخاصتا بنااات الشله .. والله ان كلنا نحبج وتعودنا عليج نوراان ..

نور تمسح دموعها : مدري ياشوق مدري أحس حاالي مخنوقه ودي أسوي اي شي .. بس أطلع من الحاله اللي أنا فيها

شوق : انتي لا تفكرين وشيلي فكرة انه نحن مضايجين منج وبتصيرين أحسن بس لا تفكرين ..

نور : بسوي كذا .. انشالله خير .. والسفره أنا كثير محتاره منها مدري اسافر ولا لأأ

شوق : شوفي نورااني انتي تبين تسافرين مو لأنج تبين تكملين أدري انج تبين تروحين لأنج تبين تبتعدين عنا بس يا نور هذا مولصالحج وهناك بتغتربين أكثر من ما انتي مغتربه أهني .. اهني ع الأقل انتي بين هلج وناسج والكل يحترمج لأنج منا وفينا

نور : يا شوووق مدري وش أخرتها ..

شوق : توكلي ع ربج ومب بااجي شي ع السنه وتخلص وبتتوظفين انشالله وكل شي بينحل

نور : انشالله

شوق : والحين يلا قومي عشاان ننخمد

نور : يا شيخه روحي نامي لحالك ما فيني نوم

شوق : يلا وقت الخمده الحين هههه بسرعه يلا قومي ما فيني أمي تقوم وتقول لييش شوق نايمه ومو ماخذه معااج نور .. وتصير تفرقه عنصريه وأنا أغاار هههههه

نور تضرب شوق : والله بقتلك يا شوق .. روحي نامي وخليني بحاالي

شوق تتثاوب : بروح بنام انتي شكلج ينيه ما ييج نوم

نور : صلي ع النبي عن تحسديني هههه

شوق : تصبحين على خير

نور : وانتي من أهله

ياربي مدري شسوي .. كلهم يبغوني بس أنا مدري ليه أحس أوقات اني ثقيله عليهم .. يمكن صحيح مثل ما قالت شوق أشيل الفكره من باالي ويصير كل شي أوكي .. احترت والله ..

................ : مسااء الخير

إڷـ?ٍ آڷلْقٍــآءْ فٍـ?ٍٍٍ آڷحًـڷقْهٍـ آڷقًــآدٍمْـهٍـ ..

[لامارا]

\\


ღ الحلقه الرابعه ღ

لفت نور متخرعه وقاالت : بسم الله الرحمن الرحيم ...

شافت عبدالعزيز .. ابتسمت وقاالت : مساء النور

عبدالعزيز ابتسم : هههه اش حقه خفتي .. كل هذا خوف يالخوافه ..؟؟

نور ابتسمت : لا بس كنت سرحانه شويه

عبدالعزيز بنص عين : بمنو تفكرين ..؟؟

نور : ماحد .. هههه شوق طلعت الحين عشان تروح تنام قلت أجلس شوي لحاالي لكن شكلي من اليوم ببطل جلسه ههه

عبدالعزيز يبتسم وهو يطلع المااي عشاان يشرب : يالخوافه ... نامي مبجر مو زين السهر ..

نور تبا تطلع : طيب

عبدالعزيز : نــور لحظه شوي

نور لفت وقالت : سم

عبدالعزيز : سم الله عدوينج .. نور ابي أسألج انتي خذيتي بخااطرج من الهنوف ..؟؟

نور ابتسمت : لا بالعكس الهنوف أختي الصغيره وماني بصغيره عشان أشيل بخااطري منها

عبدالعزيز : ماشالله عليج يانور الله يحفظج .. وما عليج من الهنوف غسلت لج شراعها وأدبتها اليوم

نور : عبدالعزيز بليز لا تسو معها كذا .. الهنوف صغيره بتكبر وتعقل

عبدالعزيز هز راسه وقال : أوكي .. لا تفكرين بالسالفه الحين روحي نامي

نور : طيب .. تصبح على خير

عبدالعزيز : وانتي من أهله
/
.
/
نزلن مب بااص الكليه وكل وحده تمشي بلبس الممرضات .. دخلن المستشفى ورااحن للقسم اللي بيتدربن فيه

المشرفه : بناااات من الساعه تسع ونص الين عشر وربع بريك .. يلا كل وحده تاخذ لها استراحه ساعه الا ربع عشاان نبدا شغل لأن البريك الثااني بااقي عليه وقت ..

اريج تطالع روان : يلا روان نروووح نااخذ لنا نص ساعه راحه

روان : ايـــه يلا نروح الكافتيريا

اريج : وين بااقي البناات

روان : أظن يو بالباص الثااني

اريج : ايـــوا أول مره أكتشف ان بنات الكليه كثاار ههههه

روان : ايـــه ههه .. يلا نروح أكيد بنحصلهم بالكافتيريا لأن في مجموعه وصلت قبلنا بخمس دقايق ..

اريج : يلا نقعد بأخر طاوله

روان : هذول البنات يو .. يلا نروح لهم ونروح نقعد عقب

اريج : يلا

تجدمن أريج وروان عن البناات .. اريـــج : هاااي

بدور وشوق : هايــــات

روان : وين ملاك ونور ..؟؟

شوق : بالدفعه اللي بتيي بعد خمس دقاايق

روان : ماشالله مقسمينا اليوم عدل

بدور : ايـــه سواقنا اليوم لؤطه .. خطييييييييير مبين عليه يشوف أفلام هنديه واايد

روان تضحك : هههه انتي هذا اللي يهمك

شوق : النااس تفكر بالتصوير والتصميم وهذي رااحت للأفلام الهنديه مره وحده ههههه

اريــج : يلا نحجز لنا طاوله قبل لا يحجزون كل الطاولات

روان : ايــه صح .. يلا ترا اليوم نحن محتلين المستشفى

اريج تسحب الكرسي صاارت تسع ونص وخمسه .. نور وملااك على وصول

روان : ايــه شوق دقي ع نور .. قولي لها هي وملاك ييون الكافتيريا

شوق : أوكي .. الحين بدق عليها

بدور تطالع موبايلها : بناات بنااااااااات

شوق ماسكه التلفون وتأشر بيدها : لحظه لحظه اذا أكو موضوع مهم لا تحجون فيه الين ما أخلص مكالمه هههه

بدور : انزين انزين يلا خلصي بسرعه

شوق : آلــــــــو هلا نورااان

نور : أهلين شوق

شوق : أقوول انتي والجنيه اللي ويااج تعالو لـلكافتيريا

نور : طيب ..بس منهي الجنيه ؟؟ هههه

ملاك من يمب نور : قولي لها أني ملااك هب جنيه .. عن تغاار هذي أم السعف والليف هههه

بدور بصوت عاااالي كل اللي بالكافتيريا سمعوها : قـــولي للجنيه اللي غلطو بتسميتها يوم يكتبون اسمها بشهادة ميلادها .. انتي أكبر جنيه ههههههه

ملاك تلصق بنور و تصرخ بصوت وااطي بالتلفون : أقوول كراهيه اسكتي .. انتي اللي غلطو يوم يسمونج شوق يالحقد والكراهيه

نور : اسكتي انتي وياها .. خلاااص انتي شوق وهي ملااك أنا ظلمه .. بس اسكتو دخيل أمٍ جاابتكم اسكتو .. وجعتو لي رااسي من الصبح .. اعوذ بالله

روان تضرب شوق : ويع انشالله فضحتينا شوفي كل اللي بالكافتيريا قاامو يشوفونج

شوق تضحك وتقول : أقووول نوراان بصكر أنا اللي يمبي شاابين ضو .. شوي ويذبحوني .. ههههه

نور : ههه طيب يلا بااي الحين بنجي لكم للكافتيريا ..

صكرت نور وشاافت ملاك ابتسمت وقاالت : هذي الدبه عليها حركاات بزران استغفر الله

ملاك تضحك :هي والله بس عيدي الكلمه اللي قلتيها

نور مستغربه : ايــش قلت ..؟؟

ملاك : عيدي عيدي حركاات شو ..؟؟؟

نور مستغربه : حركاات بزرااان .. ليييش ..؟؟

ملاك : تضحك : ههههه حلوه هاااي حركاات بزرااان هههه تعيبني رمستج يالدبه ههههه

نور : روحي يا شيخه .. قاالت تعجبني قاالت .. أقووول ملااكو شوفي جدامك لا تطيحي ...

ملاك تطالع يدامها وتنصدم يالفعل زين نور حذرتها .. في بااب وضحكت : هههه زين قلتي لي ولا كنت بتعالج اليوم بداال ما أعاالج النااس ههههه

نور : هههه وين كافتيرياتهم هذولي بعد

ملاك : تعاالي عند الممر اللي بالأخر .. أعتقد هنااك

نور وملاك يمشون .. نور : ملاك .. تخيلي لو انك مكاني .. اش بتسوين ...؟

ملاك مستغربه : كيف اش بسوي ..؟؟

نور : يعني لو انك عايشه مع خالتك وعيالها اش بتسوي ..؟؟

ملاك : عادي لأنهم بيكونون أهلي ..

نور : ما أعتقد : أكيييد بتحسي انك ثقيله عليهم

ملاك : لا نو وي .. وبعدين انتي ماشالله خالتج وزوجها مافي أحسن منهم ..

نور : ايــه بس بعد ..

ملاك : لا بعد ولا قبل .. انتي حسااسه واايد وتهتمين لمشااعر النااس اللي حولج ..

نور : أحسن منك انتي ما تهتمي لمشااعر اللي حولك

ملاك : بس في نظري هـ الصح .. وبعدين انتي تبدين مصلحة غيرج ع مصلحتج ..

نور : أدري .. أحااول أعوض كل اللي حولي باللي فقدته من حناان

ملاك : شفتي ان كلاامي صح

نور : لكن أنا لحالي محتااجه حناان .. لأني فاقدته ..

ملاك : يلا الحمدلله ع كل حال ... خالتج زينه وأهلج زينين .. احمدي ربج مب أنا .. اللي عندي أخو واحد وبس .. وعيااال عمي وخاالي ولا يعرفونا بعد

نور : هذي الدنيا .. كل النااس صاارت كذا

ملاك : بس مو كل أصابع يدج سوا .. أكيييد فيه زينين ..

نور تمط خد ملاك : هذي انتي قصدك هههههههه

ملاك تضحك : هي أنا زينه بعد شو هههه

نور : يالواثقه انتي

ملاك : أقوول نوراان بلا هذر.. ضيعنا الدرب ..

نور لفت يساار : لا هذي هي الكافتيريا

ملاك : زين ما بغينا نوصل لها

نور : يلا ندخل

ملاك : يلا .. لأني صدق ميته يوووع ومتولهه ع البنات

نور : مين أكثر البنات ولا اليوع ع قولتك ههههههه

ملاك : أونها ترمس اماراتي زين زين تطورات ههه ... البنات أكيد

نور : ايــوا اش هالغبااء فرقونا

ملاك : وقت الرجعه نبا نكون مع بعض

نور : ايــه بنكلم المشرفه

ملاك : ما أظني توافق

نور : ولا أنا ما أعتقد انها بتوافق

ملاك : وقتها بيصير خير .. يمكن رجعنا بالسياره هههه

نور : دوري معي ع البنااات

ملاك ونور يلفون بنظرهم .. ملاك : هذيل اللي يالسين ع طرف

نور : ايـه شفتهم ... يلا نروح لهم

نور وملااك يمشوون لما يوصلن للبنات .. نور : مرحبا بناااااااااااات

البنات : مرحبتين ..

شوق توقف وتسترجل .. وتسوي روحها اماراتي .. ولابس غتره وعقال وتقول : مرحبتين كبااار .. حيااج أختي حيااج

ملاك تضرب شوق ع الخفيف : يالكرااهيه شو مسويه بعد .. أونها تستريل هههه

اريج تسحب شوق من بدلتها : اجلسي مع رااااسج فضحتينا ..

نور تسحب الكرسي وتيلس : ايـــه والله أنا أشهد انها فضيحه وعار علينا ههه

شوق تمد بوزها : لا والله .. اقووول انتي ويااها سكتن لأوريكم شغلكم

روان : فضحتنا كل اللي بالكافتيريا يطالعونا

بدور تسوي حركات : طبعا لجمالنا ياماما

شوق تمسك يد بدور : طبعا .. حنا أحلى بناات بالكون

نور : لا والله يالواثقات انتن

ملاك : والله هالبنتين فضيحه هههه

اريج : شكلي بهج من المستشفى بكبرها والسبه هالثنتين ..

نور : بناات بطلو غلااسه يلا نااكل قبل لا يخلص البريك

روان : اي والله أنا ميته جوووع .. طلعت بدون ما أتريق

بدور : اي .. انتن يوميا تطلعن بدون ما تفطرن .. مجااعه مب محصلين أكل ههههه

اريج : يعني انتي مب ويانا ها هههههه

شوق بصوووت عاالي : أقووووووووووول محمد ......

روان تضرب شوق ع يدها بقوه شوق تخرعت وتيبست مكانها .. لفت طالعت روان وقالت : هو اش فيج ما سويت شي غلط

روان : يالخبله اهني نحن مو بمطعم روحي اطلبي بروحج

نور ميته ضحك : والله انك حركااات يا شوووق ... منتي بهينه

شوق : أحم أحم طبعا ياماما ولا اش قالو لكم

ملاك : بدور وشوق روحو طلبو لنا أكل ..

روان توقف : لا مب ناقصين فضاايح أكثر عن جذي هههه بنروح أنا وأريج

نور : عين العقل هههه .. ما فينا ننفضح أكثر والسبه هالمفعوصتين

روان : ههه اش تبون ..؟؟

ملاك : كالعاده كلنا كرواسون جبن وعصير برتقال

روان : أوكي .. ( وتمشي روان ومعاها اريج ويروحن صوب الكافتيريا )

بدور تطالع شوق وتقول : شفتي الفلم الجديد ماال أميتاب باتشن ..؟؟؟

شوق مبطله عيونها : لا والله .. ومتى نزل ..؟؟

بدور : هالأسبوع .. ويــه ما دريتي .. شاروخان معاااه

شوق تسوي روحها طااحت وتنزل تحت الكرسي : ( ترمس اماراتي ) يا ويل حاالي ع المزيون ..

بدور : لا بس الفلم قريت عنه .. انه مسوي زلزال بعاالم الأفلاام

شوق : خلاااص نزليه وانسخيه على سيدي وعطيني ايااه

بدور : اي اليوم انشالله أول ما برجع البيت بنزله

نور تتمنى : أنا مدري متى الناااس بتعقل وتترك تفاهاتها

شوق : لا والله قالو لج ذي تفاهات ..

نور : مدري .. كل وحده بتتزوج وتجيب عياال وبعدكم ع الأفلام ..

بدور : نحن أحرااار يا أختاه

ملااك : أقوول نوران خليهن هذيل مفقود الأمل منهن انهن يعقلن ..

نور تضحك : هههه اي صح ..

شوق : وأخيرااا يابو الأكل .. ويـــه ما بغو .. مت جوووع

نور : بطنك قااعد يصوصو ..؟؟

شوق : ايــه وأنا من متى بطني ما صوصو هههههه

ملاك : وانتي الصاجه .. اربع وعشرين ساعه كاالعاده ..

روان واريج يايات .. اريج ابتسمت وهي تحط الأكل ع الطاوله .. وروان بعد .. ويلسن ,,

روان : يبت كاباتشينو عشان نصحصح اليوم هههه

بدور : زين سويتي لأنه فيني نوم هههههه وورانا تدريب ..

ملاك : بناات أول ما نخلص أكل نااخذ لنا لفه ع المستشفى قبل لا يخلص البريك

نور : ايــه لأن الصراحه ودي أستكشف ههه

روان : خلااص كلنا بناخذ لفه ..

اريج : ما ينفع نحن ست .. كثاار

روان : عااد أنا اكيد مع أريج من معانا بعد ..؟؟

ملاك : وأنا مع نور أكيييد ..

شوق : عااد أنا وبدور نبي نكون مع بعض ..

نور : خلااص كل اثنين لحالهم ..

بدور تقلد نور : عين العقل يا وخيتي ..

نور تضحك : روحي يا شيخه ..

ملاك وهي تااكل : كلو بناات قبل لا يخلص البريك ونبتلش بالعلااج هههه

روان وهي تشرب الكابتشيو مره وحده : اشربو كاباتشينو عدل لا تنامون وانتو تعالجون المرضى هههه

نور : أي قسم بتروحون ..؟؟

بدور تطالع شوق بنظره : أكييييد قسم الرجاال

شوق تضحك : ايــه قسم الرجاال فنتك

نور : الله يعين .. لا لا مافي

بدور : ما يخصج .. نبي نروح

ملاك : تبون تروحون تطفرون بالناس بداال ما تعالجون ..؟؟

بدور : بس وقت البريك .. وبعدين التقسيم عند المشرفه مو على كيفنا ..

ملاك : هي صح

اريج : الله يعين اللي بتروحون لهم هههه

نور : اي والله الله يعينهم مسااكين اشفقت عليهم

شوق : وانتو ...؟؟

نور : مدري شو تقولي ملاك ...؟؟

ملاك : أي مكاان بس قسم الأطفاال لأأ

نور : اي أدري قلبك ما فيه شفقه ههههه

ملاك : نشووف نروح لقسم النسا

نور : طيب ..

روان : بقى نحن .. وبنروح لقسم الأطفااال

نور : بس ياجماعه على كيفنا يعني لو طلعنا من القسم وقت البريك عادي لأنه اختيارنا هذا ووقت البريك نروح للمكان اللي نبغي

ملاك : هي صح ..

بدور : أول ما نخلص لفه من قسم الرجال بنروح لقسم الأطفاال هههه

شوق : ايـه ودي أبجيهم لي يقولون بس هههههه

نور : حرام عليكي شوووق .. ما يستاهلو

بدور : مالج خص يالحنونه خلج بحاالج هههه

نور : ههه طيب .. يلا أنا شبعت ..

روان : وأنا بعد

ملاك : الظاهر كلنا شبعنا وخلصنا أكلنا

اريج : يلا عاد نتفرق ..

شوق : قومي بدوروووه نروووح نمسك لنا كم من وااحد هههه

ملاك : استغفر الله هههه الله يهديكن ..

بدور : ويهديج ويانا هههه

نور : بنلتقي عند غرفة الممرضات بعد نص ساعه ..

روان : اي لما يخلص البريك بنلتقي أوكي ..

ملاك : اتفقنا .. يلا كل وحده تروح تشوووف شغلها ..

افترقن البنات وكل وحده راحت مع خويتها للقسم اللي تبا .. عسب يستكشفون ويتعلمون بنفس الوقت & يتسلون ..

روان وأريج دخلن قسم الأطفال ..

اريج : شو نسوي الحين ..؟؟

روان : نروح ندخل حجر المرضى ونشوووف الأطفال ونلعب ويااهم

اريج : تعاالي في طفل وااقف هنا نروح له

روان : ياربي شو حلو

اريج : هههه يشبه أحد بس ما اعرف منو

روان : فديته يشبه حمدان ولد أخت بدور

اريج : ايوا مرررررره

روان : تعاالي نروح له

اريج : أوكي لا

روان وأريج يتجدمن عن اليااهل .. روان تقول : صبااح الخير يا بطل ..

اليااهل يبتسم .. مبين عليه فوضوي : صباااح النور

روان : ممكن نتكلم ويااك يابطل ..؟؟

اليااهل : هي

روان : انزين تعاال نقعد بصووب

اريج : الكرااسي اللي عند البااب فاضيه يلا نقعد

روان مسكت يد الولد وقاالت : خبرني يا حلو شسمك ..؟؟

الياهل : رشوووود

اريج تضحك : هههه عاشت الأسامي يا بطل

الياهل ابتسم روان قالت : كم عمرك ..؟؟

الياهل : سبعه

اريج : العمر كله حبيبي .. صف كم انته ..؟؟

الياهل : أول

روان : شاطر ..؟؟

الياهل : هي أنا شااطر

اريج : اش فيك يااي المستشفى ..؟؟

رشوود : عندي ربو

اريج : ياقلبي انته الله يشفيك

روان : انزين يا بطل خبرني انت كم أخو عندك ..؟؟

رشود : اثنين

روان : بطل يا شااطر انته

رشوود : انتي دكتوره

روان ابتسمت : لا حبيبي أنا ممرضه

رشوود : تعطين ابره ...؟؟

روان : هي اذا ما تسمع الكلام بعطيك بس لو تسمع ما بعطيك

رشووود : أنا شااطر أسمع الكلام

روان : عفيه عليك يالبطل

رشووود : أخووي اهني

روان : صغير ولا كبير ..؟؟

رشووود : كبييييير هو شرطي يروم يذبحنا

روان : حبيبي بس الشرااطي ما يذبحون اهمه بس يمسكون الحرامي عسب لا يبوقون

رشووود : أنا أحبه

روان : خلااص انزين أنا بصير أختكم أوكيييه

رشوود ابتسم : أوووكي هههه

روان : أنا مسكينه ما عندي لا خوات ولا أخوان .. من بيدافع عني

رشووود : أنا هههه

روان : خلااص بصير أختك وكل يوم بييب لك حلاوه أوكي ههههه

اريج : رشووود وين ماما ..؟؟

رشووود : داااخل في الحجره

اريج : انت من ويااك اهني بس ماما ..؟؟

رشووود : هي أخوي الكبير كل يوم ايي عندي

روان : هيييه ياشاطر انت تسمع كلااام ماما وبابا

رشوود : ما عندي بابا .. ماما تقول انه مسافر

روان طالعت اريج وقالت : مسكين أكيد يتيم

اريج : انزين حبيبي خبرنا انت تسمع كلام ماما

رشووود : هي اسمع كلاام ماما وأخوي بعد

روان : عندك أخت ..؟؟

رشوود : عندي وحده صغيرررره كله تصيح

اريج : هههه فديتها

رشووود : انتي عندج

اريج : لا أنا بعد ما عندي لا خوات ولا أخوان

رشود : خلااص تعاالي معانا عشاان تستوين أختنا

اريج ابتسمت : خلااص أنا وروان بنجي معاك ونستوي أخواتك ..

رشوود : انتي اسمج روان ..؟؟

روان ابتسمت : هي حبيبي ههه

رشود : هذي شو اسمها ..؟؟

روان : اسمها أريج

رشود عقدت حياته : شو ...؟؟

أريج ابتسمت وقالت : اسمي أريج ههه

رشود ابتسم وقاال : اسم عصير ههههه

أريج : ههههه بزعل منك .. تنكت على أختك الكبيره ههه

رشوود ابتسم وهو يطاالع وراا روان وأريج روان قالت : شو تطالع حبيبي ..؟؟

رشوود مبتسم : أخوووي ياااي .. اخوووي ياااي

روان لفت عسب تطالع .. انصدمت .. وقالت بصدمه : مرواااان ....؟؟

إڷـ?ٍ آڷلْقٍــآءْ فٍـ?ٍٍٍ آڷحًـڷقْهٍـ آڷقًــآدٍمْـهٍـ ..

[لامارا]

\\


ღ الحلقه الخامسه ღ

أريج طالعت روان مستغربه وقاالت : روان اش ياااب مروان ..؟؟

روان بصوت واطي : ما أدري

أريج : قلتي له يجي ..

رشووود يرد ع سؤالهم ويقول : هذا مروووووااان أخوووي

أريج حست ان الوضع ما يطمن مسكت رشوود وقاالت : حبيبي يلا نروح الألعاب

رشووود يصاارخ : لأأأ بتم عند أخوووي

أريج : لا حبيبي نروووح

رشوود يسوي لها طااف ويركض لمروان ويحضنه .. مروان يبوسه وهو يطالع صوب روان مستغرب .. ويمسك يده ويمشي معااه الين يوصل جريب روان ويقول له : حبيبي رشوود خذ لعبتك وسير الألعاب

أريج تمسك يد رشوود : يلا رشووود

رشوود : ابا أقعد اهني عند أخووي

مروان : حبيبي سير الألعاب وبيي لك ألحين

رشود : انزين

اريج تمسك يد رشوود وتمشي معااه للألعاب .. روان تطالع مروان مستغربه .. مروان ابتسم : بلااااج ...؟؟

روان بعدها مصدومه .. قعدت ع الكرسي وقاالت : أخوووك هذا ...؟؟

مروان ابتسم وقاال : هي لييش ..؟؟

روان : ما قلت لي ان عندك أخو

مروان : توج عرفتي شو الفرق يعني

روان : ايه صح بس انت ما قلت لي

مروان : شكلج تبين تتضاربين هههه الحين عشاان ما قلت لج تسوين سالفه صاار خير

روان تهز راسها : أول مره أعرف ان عندك أخو صغير ..

مروان : خبرج الهرم ..

روان وقفت : مروان ما أدري لييش انت ما تخبرني معني أنا عن كل صغيره وكبيره بحياتي أخبرك

مروان : رواني فديتج انتي اللي فيج مكفيج يعني أزيدج باللي عندي

روان : آسفه حبيبي .. بس بعد عاادي مافيها شي

مروان ابتسم : يلا برووح أنا صووب الوالده قبل لا تجكني وتقوول شو تسو مع البنيه هههه

روان ابتسمت : أوووكي .. يلا وقول لأريج تيي عندي

مروان : أوكي .. بااي ..

روان ابتسمت .. طلع مرواان عنده أهل .. أول مره تعرف هالشي .. ما تدري لييش من يوم ما كلمته ما سألته اذا عنده أخوان أخوات .. حبته بدون ما تدري عنه أي شي .. يمكن لأنه عطاها الحب والحناان اللي فاقدته ببيتهم ..

.................. : هلللللللللللللللو

فزعت روان وقاالت : هلاأأأ هلا أريج

أريج تبتسم : وين رحتي ..؟؟

روان : موجوده بس سرحت شوي ..

أريج تمشي مع روان : وين سرحتي ههه ..؟؟

روان : مستغربه .. طلعت ما أعرف أشيا واايده عن مرواان

أريج : ما أدري والله انتي اللي وياه مو أنا

روان : ما فكرت بيوم أسأله عن حياااته بعد

أريج : يعني تخيلي لو طلع فقير بتتزوجينه ..؟؟

روان : اي أكيد المهم أحبه ويحبني مو مهم اذا من أي قبيله أو من أي عشيره

أريج : عين العقل هههههه

روان : استويتي لي نور ههه

أريج : بس انتي تعرفين عنه واايد أشياا أعتقد

روان : اي أعرف انه شرطي يعني متوسط الحال لا هو غني ولا هو فقير .. اذا انه غني كنت لاازم بتأكد اذا يجذب علي ولا لأأ بس هو متوسط الحال ما أعتقد انه له حاجه عندي .. عاايش حياته بلا هموم وشي .. مع ذلك ما أدري ليييش يحب وحده مثلي .. حياتها هموم ومشااكل ..

أريج : ما تعرفين للناس الحين

روان : لا مستحيل مروان يحبني لفلوسي .. يا اريج مروان أكبر من جذي بوااايد ..

اريج : ما أقدر أقول لج والله بس بعد الحذر زين

روان : ايــه الحذر زين .. بس مروان هم زين هههه

أريج : يلا يلا نروووح نلف ع مرضى ثانيين

روان : يلا اش ورانا هههه
/
.
/
في قسم النسا وتحديدا صووب المدخل

نور : ياربي ملوكه كنا نروح لقسم الأطفال أحسن هههه

ملاك : هي صدقج شو بنسوي اهني كلهن حريم وتشوفين كل وحده مع البيبي ولا رااقده ..

نور : نروح لقسم الأطفاال

ملاك : لا لا نتم اهني هههه

نور : نحكي هههه

ملاك : هي نسولف .. يلا نروووح نيلس ع الكراسي اللي بالانتظار

نور : يلا

ملاك تمشي : اقووول نوااري

نور : قولي يا حلوه هههه

ملاك : تدرين أوقااات أحس روحي مستانسه لأني وياااكن ..

نور : وأنا كماان بس ما تعرفي يمكن لما ربي جمعنا خيره لنا

ملاك : انشالله .. والله ما أتوقع نفترق

نور : ولا أنا .. اصلا رفضت المنحه اللي جتني بسببكم هههه

ملاك : ههههه يايه الحين تتمننين علينا ها ...؟؟

نور : لا والله بس والله اني حبيتكم جد من كل قلبي .. مقدر اترككم هالحين

ملاك : عسا ربي لا بفرقنا

نور : آمييين

ملاك : شو شعووور القلب ههه ..؟؟

نور : بعدو خااالي .. ههه وانتي ..؟؟

ملاك : ماشي .. أصلا أنا من صغري ما أحب أحد بهالدنيا حتى انتو ما أجذب عليج بس أحسكم ربيعاتي ومجرد صداقه متينه بينا .. بس حب حب لأأأ لأنج أدرى بطبعي

نور : تدرين ملاكي ودي أقول لك شغله

ملاك : قولي أتقبل النقد عادي ههه

نور : انتي يقولو عنك ما عندك شعور وكذا بس أحس انك مخبيه كل اللي فيك من أحاسيس

ملاك : لا أنا بعد أقول لج صدق اني ما أحس .. قلب بلا رحمه ههههه

نور : لا تحاولي ما بصدقك ..

ملاك : برااايج بس صج والله أنا قلب بلا رحمه وبامكاني اثبت لج الحين ..

نور : ما علينا أخااف لا تضربي أحد وهو ماااشي هههه ... وبعد .................

ملاك : انتي شو أخباارج ..؟؟

نور : أمس تخانقت مع الهنوف

ملاك : وياذي الهنوف اللي مو طايعه تودرج

نور : مدري ليييه تحس اني ماخذه مكانها معن ابوها وأمها أبد ما فرقو بينا

ملاك : ما تدرين والله .. وبعدين ياااهل الهنوف

نور : ايه أكيييد يوم من الأيام بتكبر وبتعرف الصح من الغلط

ملاك : وبعدين في سن معين لاااازم البنت تحس بالغيره زياده ع اللزوم من كل اللي حواليها

نور : اي أذكر بالثانوي ههههه لما نتخانق أنا وشوق على أشيا تافهه والسبب الغيره

ملاك : حظج ههه عندج أحد هب أنا ماالت عليه .. حتى أخت ما عندي وبناات عمي وخااالي الله يستر عليهن ..
نور مستغربه : ايه ملاااك انتي ما تروحي لعمامك وأخوالك أبداا ..

ملاك هزت راسها : لأأأ أبدا ...

نور : طيب ليييه ..؟؟

ملاك ترفع جتوفها : سالفه صااارت ونحن صغاار من يومها عمامي ما يطيقون أبويه .. وخوالي انتي أدرى ما عندي الا خاال وااحد ومب بالامارات .. من يوم ساافر للمنحه وهو ما رجع .. تزوج بأمريكا بعد ..

نور : والله الدنيا عجيبه وغريبه

ملاك تطالع نور بنظرة حزن : هي وااايد غريبه .. واايد نااس يعتقدون ان فيه ناااس عايشين ع الطااير وحياتهم .. ما يدرون ان كل بيت وله مشاكله وأسراره ..

نور : اي صح .. في كثير نااس ما تدري بأن نااس تمر بهالضروف

ملاك : هو حسب .. أنا عن نفسي شفت واايد نااس عايشين أخس عنا .. يعني الحمدلله ع كل حااال

نور : الحمدلله

ملاك : وانتي شخبااار عمامج ..؟؟ صار لهم سنه ما يو الامارات ..؟؟

نور : لأأأ عمّاني كلهم بالسعوديه وما يقدرو يجو .. يعني يتركو عيالهم علشاني

ملاك : دنيا غريبه ..

نور : شكلنا قلبنا الجلسه هم وحزن

ملاك : هههه هي شكلنا جذا

نور : عكس بدور وشوق اللي جالسات يتحرشن بالناااس هههه

ملاك : هههه صدقج هالثنتين مالهن أماان تودريهن رواحهن بالمستشفى

نور : تعاالي نروح لقسم الأطفال

ملاك : وع ع ع .. لا لا مابي ..

نور : يلا عاادي ماحد بيضايقك

ملاك : ما احب أحتك بالنااس

نور : والله ملاكي يوم تكوني اجتماعيه حلو ..

ملاك : ما احب .. أحب العزله أنا

نور : بكيفك .. بس بتندمي .. لأن كثير اللي بيحبوك أكيد ..

ملاك : والله ما أحب أتعرف ع أي أحد نوراني .. هذا طبع فيني .. حتى واايد أوقاات ما أرد ع النااس اذا كلامهم ما يعجبني ..

نور : غريبه انتي هههه ما علينا يلا نروح لروان وأريج

ملاك : يلا .. بس بشرط

نور : أمري ههه

ملاك : ما يامر عليج عدو .. بس ما نحتك مع اللي فالقسم

نور : أوكي من عيوني ههههه
/
.
/
في قسم الرجال ..

شوق تمشي وهي تطالع الكل من طرف عينها .. يمبها بدور اللي يالسه تسولف في التلفون مع ربيعتها من قطر ..

شوق تقرص بدور وتقول بهمس : خلصي بسرعه يلا ..

بدور تعقد حياتها بمعنى تريي عليه شويه بلاااج محتشره أعوذ بالله ..

بدور تلف وتلعب بالشيله وهي ترمس في التلفون جنها بدنيا ثاانيه ولا جنها بالكون .. الين وصلن لصوب الحجر ..

بدور صكرت وقاالت : تسلم عليج

شوق : الله يسلمها ما بغيتي تخلصين ..؟؟

بدور ابتسمت : خلصت ... يلا نفتر ع المرضى ..

شوق : هذي الحجره مدري من رقمها عاجبتني

بدور : لا لا ما ندخل الحجر من برع أوكي بس ما ندخل

شوق تمشي : روحي زين بدخل يعني بدخل ..

بدور : انتظريني انزين ..

شوق تدق البااب ثلاااث وتدخل : السلام عليكم ..

اللي في الحجره : وعليكم السلام

شوق تطالع اللي جدامها وتقفط .. ترد ورا وتهمس لـ شوق : شاللي بلشنا .. وااحد مبين عليه صغير بالعمر

بدور مبتسمه : تستاهلين

شوق : شاللي يخلصنا الحين

بدور : انتي اللي دشيتي وأنا شو يخصني هههه

شوق تبتسم : أحم أحم .. السلام عليكم

الولد : وعليكم السلام

بدور تساعد شوق و مرتبكه نوعا ما : هههه نحن يايين نشوف الضغط عندك ..

الولد مستغرب : شو يخصه في الضغط ...........؟؟؟

بدور ارتبكت أكثر : أوووه نسيت شكلي غلطانه بالحجره

الولد عقد حياته : كيف ..؟؟

بدور : لاازم نرووح للحجره اللي جنبك

الولد بسخريه : أقوول ما حصلو أحد غيرج يوضفونه ..؟؟

بدور عصبت : لو سمحت يا أخ

الولد : روحي شوفي مرضااج الله يستر عليج

بدور تتخصر : وانت اش لك فيني .. لانت ابوي ولا أخوي

الولد نزل راااسه .. شوق مسكت بدور من يدها وقاالت : بدورووو هذا من المرضى ما ينفع تتكلمين معااه بهالأسلوب

بدور تقول : انزين انزين .. ( تطالع الولد ) يلا بااي

الولد : تريي تريي سستر

بدور تلف : نعم

الولد : تعاالي جيكي ع المغذي لو سمحتي صاار له سااعه أحسه ما ينقط

بدور : شوق شووفيه

الولد ابتسم : لا اباااج انتي

شوق تطالعها بمعنى : شو يخلصنا منه

بدور : آسفه ورااي شغل

الولد : انتي ممرضه تعاالي شوفيه ما بياااخذ منج وقت ..

بدور تطالع شوق باستسلاام وتتجدم عن الولد وتجيك ع المغذي .. وهي يالسه تجيك عليه .. قالت : خير لييش مرقد ..؟؟

الولد : سويت حاادث

بدور بطلت عيونها : حاااااااااااااادث .......؟؟

الولد ابتسم : هي .. كنا فالبر والسياره انجلبت من ع العرقوب

بدور : عسا بس الاصابه مب جاايده ..؟؟

الولد : لا بس ريولي تعورت .. وبعد العمليه الحين الحمدلله واايد أحسن

بدور : الحمدلله

الولد يون : عورتيني ...

بدور تطالع انها حطت الفاايل اللي ع الطاوله ع ريله .. شاالت الفاايل بارتبااك وبسررعه : آآآآآسفه ما كنت أقصد

الولد يغمض عيونه : شكلج انتي دوووم متسرعه هههههه

شوق ردت قاالت : اي هذي متسرررعه وااايد

الولد ابتسم : ممرضات اهني انتو ..؟؟

بدور: لا حنا بثاالث سنه جاايين تدريب ..

الولد : شي طيب ..

بدور : ما عرفتنا ع اسمك ..؟؟

الولد مستغرب : اسمي أحمد

بدور ابتسمت : عااشت الأسامي .. ويااك شوق وبدور ..

الولد مبتسم وبنفس الوقت مستغرب : انتن غييير ..

بدور ابتسمت وقاالت : هههه أدري .. حنا مو من الامارات .. أنا قطريه وشوق كويتيه

الولد هز رااسه بتعجب وقاال : والنعم والله

بدور : ينعم بحااالك ..

الولد : عايشاات اهني

بدور تركب المغذي الجديد : ايـــه في دبي .. ومن دهر هههه

الولد : شي طيب ..

بدور : يلا عااد نحن طولنا ... لاازم نروووح

الولد : تو النااس

بدور : لا طولنا .. انت لاازم ترتااح .. والسموحه ع الهذره الزاايده ههه يمكن وجعنا رااسك

أحمد : لا بالعكس ههه .. تعاالو مره ثاانيه

بدور : انت شكلك نااوي تظل هنا بالمستشفى ..؟؟ ههههه

أحمد : لا من قاال ودي أطلع اليوم قبل بااجر ههههه

بدور : ههه زين .. يلا عااد نحن بنروح .. يلا شووق

شوق ابتسمت : يلا ... مع السلامه أحمد

أحمد : مع السلامه ..

ظهرن شوق وبدور من الحجره وهن يتنفسن بصعوبه .. بدور وهي تطالع شوق : كله منج يالدوووبه

شوق تضحك : لا بس كنتي لؤطه ماشالله عليج هههه تردين ع كل شي

بدور : اي قولي ان مذلتي عاجبتج ..

شوق : من قااال ههه بس شكلج طررر ههههه

بدور : والله فضيحه الحين شـ بيقول عنا الولد

شوق : يقول اللي يقوله .. بكيفه هو ..؟؟ وبعدين نحن ممرضات ندخل المكان اللي نبي بالمستشفى هههه

بدور : هذي انتي الخبله .. حسبالج مستشفى ابوج

شوق : انتي

بدور : انتي

شوق : أقوول يلا نروووح لمكان ثااني

بدور : لا لا ما فيني أبتلش مره ثاانيه

شوق : يلا بؤبؤ .. حرااام

بدور : قلت لج مابي تدخلين ادخلي بروحج

شوق تمشي ورا بدووور : أوووف منج صج معقده

بدور : لو اني معقده لا ترافجيني

شوق : وأنا أقدر

بدور تلف وهي تضحك : زين انج تعرفين

شوق : أقووول يلا نروووح للبنات لأنه صاار ملل

بدور : ايـــه مو بااقي شي ع البريك بيخلص

شوق تطالع الساعه : ايـــه باجي خمس دقااايق يلا نروح لحجرة الممرضات بنتظرونا

بدور ابتسمت : ايـــه يلا .. يااارب يبلشونج بمريض يطلع لج روحج

شوق : ههه لا انشالله يبلشونج انتي

بدور : يلا نروووح ...

البنااات كلهن تجمعن بحجرة الممرضات ... ( كل البناات اللي يايات يتدربن ) وقسمو البناات لمجموعات .. وطبعا بنات الشله مش مع بعض لأنه التقسيم ع الشخص اللي مشرف عليهن .. وهو دكتور من الجامعه .. وتم تقسيم البنات .. صح تفرقن لكن مع ذلك .. قلب كل وحده مع الثاانيه ..

كيمرة << خليجيات في الامارات <<

عند نور <<< عليها تعطي الدوا لواحد شاايب في قسم الرجاال ...

نور دخلت الحجره بعد ما دقت البااب .. ومعاها وحده ثاانيه من المتدربات

نور والبنيه : السلام عليكم

الشايب : وعليكم السلام والرحمه

نور ابتسمت وتقدمت عنه وقاالت : كيفك أبويه ..؟؟

الشايب : هب بخير

نور : له له .. خييير انشالله

الشايب : من المغذي اللي حاطين لي ايااه هالدختر

نور ابتسمت : انشالله تصح وتطلع بالسلامه

الشايب : آمييين

نور : يلا أبويه وقت الدواء هالحين

الشايب : ذلوني بهالدوا

نور بهمس : شـ يخلصنا من ذا الشاايب

البنيه ابتسمت : ابويه لاازم تاخذ الدوا

الشايب : خلااص حطي لي ايااه وبشربه روحي

نور : لا ابويه أنا بعطيك ايااه

اندق البااب ودخل وااحد بالعشرينيات .. وقاال : السلام عليكم

نور والبنيه والشايب : وعليكم السلام

الشاب : كيف الحال أبويه ..؟؟

الشايب : هب بخير ولدي .. اربع وعشرين ساعه هالدكاتره يعطوني هالدوا .. يابوك متى بنطلع ونفتك

الشاب ابتسم : ابويه خذه وانشالله بتصير اوكي وبيرخصونك

الشايب : خل تحطه وبشربه روحي

نور : ابويه لاازم حنا نعطيك الدوا ..

الشايب : قلت لج بنتي حطيه

نور طالعت الولد وقاالت : انت بتعطيه ..؟؟

الولد ابتسم : هي حطيه خلااص روحي بعطيه

نور : أكيييد .. لأن ما فينا نتحمل المسؤوليه

الولد : هي أكيييد

نور : طيب خذه

الولد : أوكي شكرا

نور : مهره يلا نروح للمريض الثااني

البنيه : يلا

>>>> عند ملاك <<<<

ملاك رايحه راجعه : أووووووووول ياربي يعني حبكت علي أنا يحطون لي يااهل أطعمه .. أووف

ثواني الا وتدش الممرضه الثانيه : ملاك دورج

ملاك : يعني لااازم يهااال

الممرضه تبتسم : شكلج ما تطيقين اليهاال هههه

ملاك : هي امرررره صياحين .. يلا تعالي امسكي لي الياااهل عسب أطعمه

الممرضه : هذا التطعيم اللي بالشهر الثااني

ملاك : الله يستر عاد توه صغير

الممرضه : هي وااايد صغير

ملاك : الله يعيني .. تعاالي ساعديني بس هههه

>>>> عند شوق <<<<

شوق : ماشاافو يحطوني الا مع شريفة مكه هههه

اريج : اسكتي يلا نررروح للمره هههه

شوق : ههه يلا .. حظهم بدور ونور رااحو لقسم الرجاال

اريج تكش على شوق : هاللي يهمج

شوق تغمر لها : اي يعني حراام الواحد يزيد الرصيد اللي بجيبه ههه

اريج : اقووول شوووقووو جابلي شغلج

شوق تبتسم : تعتقدين بدور ونور اش قاعدين يسوون ..؟؟

اريج : نور مجابله شغلها .. بس بدور أعتقد انها يالسه تتطمش ع النااس .. تراها صديقتك

شوق تضحك : زين تسوي هههه

اريج : شووقوو سكتي خليني اجاابل شغلي

شوق : هههه يلا ندخل للحجره 18 علينا نشوف حالة المره

اريج : شو فيها ..؟؟؟

شوق : حامل بالشهر السابع بس عندها نزيف

اريج : الله يستر .. بس هذا شغل دكاتره مو شغلنا

شوق : بس بنشرف عليها .. لما الدكتور يجي

اريج : يلا بسرررعه لا تموت المره ونتحسف طول عمرنا

شوق : اي صدقج هههه يلا بسرررعه ..

>>>> بدور <<<<

تطالع الورقه .. شاافت مكتوب اسم المريض وحالته .. وشو صااير له وهي تقرا .. رفعت رااسها شاافت رقم الحجره ..

بدور : هذي الحجره اللي لاازم ارووح لها ...

تجدمت بدوور .. دقت البااب ودخلت وهي معاها قياس الضغط ومغذي جديد .. ومقيااس الحراره ..

دخلت بدور .. : السلام عليكم ..

الولد : وعليكم السلام ..

بدور منصدمه : انت ...؟؟

الولد ابتسم وقاال : انتي ...؟؟

بدور : هههه ايــه أنا ..

الولد : صدفه حلوه

بدور : هههه لا مو صدفه .. ارسلوني اغير المغذي واقيس الضغط

أحمد : زين .. ضغطي كاان وااصل المليون اليوم ههه

بدور : مو لهالدرجه عااد ما يوصل لمليون ههه

أحمد : منج .. الصبح دخلتي جذي ههه

بدور : السموحه .. بس كنا نلف ع المرضى

أحمد : آهاا

بدور تمسك يده وترفع الكم : يلا عشاان أخلص شغلي

أحمد مد يده وقاال : قلتي لي انج متدربه

بدور : ايـــه

أحمد : اها .. يلا عقباال ما تخلصين وتتوظفين

بدور : آميييين نفتك ع الأقل

أحمد ابتسم : متوهقه شكلج

بدور تطلع المعذي الجديم عسب تركب اليديد : ايـــه ههههه

أحمد : بااجر عمليتي

بدور بطلت عيونها : مو انت تقول سوو لك العمليه

أحمد : هي بس بيسوونها مره ثاانيه .. الأولى ما نجحت بعدني ما اروم أمشي

بدور : آهاا .. يلا معافى انشالله .. عاد أنا بروح بشووف شغلي

بدور تجدمت عن البااب .. أحمد زقرها وقاال : أخت بدور ..

بدور لفت ابتسمت : ماشالله حفظت اسمي ههه

أحمد نزل راسه وقاال : هي ههه .. ( رفع راسه وقاال وهو يطلع كرت من الدرج اللي يمبه وقاال ) ترا أنا مدير العلاقات العامه بـ مستشفى ............... اذا حبيتي تتوظفين عقب ما تخلصين

بدور خذت الكرت وقاالت : مشكوور ما تقصر

أحمد ابتسم : لا تتردين لو تبين تتوظفين .. أو تتصلين .. اتصلي بأي وقت عادي عندي

بدور ابتسمت : مشكوور ما تقصر .. اذا احتجتك أو احتجت للوظيفه تأكد ما بتردد بتصل فيك

أحمد ابتسم : زين تسوين ههه

بدور ابتسمت : يلا عااد بروح بشووف شغلي أنا

أحمد : موفقه ..

بدور ابتسمت وطلعت من الحجره .. سندت رااسها ع اليداار اللي يمب الحجره وطاالعت الكرت .. ابتسمت وحطت الكرت بمخبااها وقاالت : ياربي عليييه اسلوب وشكل وشخصيه .. يهببببببل يا نااااااااااااااااس

>>> عند ملاك <<<

تجدمت عن الكرسي اللي بالكافتيريا .. وهي تطالع الساعه .. يلست وقاالت : ياربي مرن ثلاااث سااعات وبس .. شو هذا شكله اليوم مب نااوي يخلص

ما حست الا ووحده تغمض عيونها من ورا .. ملاك تمسك يد البنيه : مييييين ... بلييييز شوووقاني بلا مصااخه روحي هلكانه من اليهاال اللي عندي ..

روان تشيل يدها وتبتسم : اش فيج يالدبه .. أنا روان هههه

ملاك تبتسم : هههه سوري ما عرفتج

روان : اش رااايج بشغلي ..؟؟

ملاك : تنفعين تستوين أم ههههه

روان : شفتي اللي كان بالقسم .. حليو وعمره سبع سنوات

ملاك : هي هذا اللي لااصق فيج

روان : أخو مرواااني هههه

ملاك تبتسم : طلع مروانج عنده أخو ..؟؟

روان : ايـــه اليوم دريت

ملاك : هلكوني اليهااال .. حسبي الله عليهم واااااااء وواااااء .. قمت ما أسمع

روان : انتي شكلج يوم بتتزوجين ما بتيبين عياال هههه

ملاك : هي شو ابا بصدعة الرااس الله يخليج ههه

روان : بنشوووف عقب شو بتسوين هههه

ملاك : هلكنا اليوم .. دبلونا عدل

روان : الله يعينا يوم نتوظف

ملاك : هي صدقج الله يعينا

روان : وين البناات ..؟؟

ملاك : نحن اللي عند الأطفاال كلنا عندنا بريك .. والبااجي يمكن عقب شوي

روان : ياربي انشالله الحين يخلصون مو شي بدونهم

ملاك : هي صدق ملل بدون البنات هههه

روان : هه .. كاهي نور يت

ملاك ابتسمت : هههه بنشوووف شو صاار وياها

نور حطت الجنطه ع الطاوله ويلست بتعب وقاالت : ويـــه الحمدلله خلصنا

ملاك : بعدنا ماما الا هو ساعه وحده بريك وبنرجع نشتغل

نور : لا بس الصراحه .. من جد تعب

روان : ايـــه وااايد

شوق ياايه بسرررعه واريج تمشي شوي شوي ..

نور : هذي الخبله جت هههه

شوق تضرب نور بالجنطه : خبله بعينج يالدبه .. وشووو أخبااااااااااااركم صبااياا ..

روان تبتسم : منااح .. اقووول حجيه يلسي لا أطقج بنعاالي

شووق تضحك وتيلس : يالسلحفااه اسرعي

اريج وصلت وتقول بتعب : هلا بناات

ملاك : هههه شكلج هلكتي عدل

اريج : اي لاازم .. مو حاطيني مع شوق الهبله

شوق تحط ريل ع ريل .. : أنا الصراحه مرتااحه كل شي اريج تسويه عني ههههه

روان : اشفق عليج يا اريج

نور : اي والله حاسه بألمج ههههه

اريج تيلس : الله وااحد ما بروح مع شوق مره ثاانيه

شوق : ما تقدرين .. قسمونا وخلااص غصب عنج معااي ههههههه

اريج : هذي تنفع لها بدور الهبله

ملاك : عز الله المرضى راحو فيها من وراا هالثنتين ..

روان : ههههه اي ع طااري الهبله بدورووووه وينها ..؟؟

نور : والله ما شفتها بالقسم معي .. معنها معي

روان : تشوفونها شردت ههههه

شوق تتصل : لحظه بشوفها الحين

اريج : لا صكري صكري .. هذي بدور يايه

بدور تركض وهي مبتسمه : هللللللللللو قااااااااااااايز

شوق : هلوااات .. شو الشغل معاااج

بدور : تمام التمااام

شوق : زين زين هههههه

نور : أشك انك ما تحركتي من مكاانك صح هههههه

بدور : لا والله كديت كد ... الين ما عظامي تكسرت

ملاك : عيل شو السر ورا هالابتسامه ..؟؟

بدور : ههههه ما بقول ...

روان تقرصها : يلا قولي بسرررررررررررررعه

بدور تمسح يدها مكان القرصه وتقول : آآآآآآآآي يالحيوانه عورتيني

روان : حيوانه بعينج يلا قولي

بدور : هأ هأ ما بقوووول لا تحاولون

اريج : أكيييد شافت لها واحد مزيووون هههه

بدور : ما بقول ما بقول

شوق تغمر لها : قولي لي أوكي

بدور : ايــه لما نكون بروحنا

ملاك تبتسم : أدري شوقاني بتخبرنا ما نهون عليها

شوق : لا لا بدور ما بقول لهم ههههه لا تصدقينهم

بدور : قلت لكم بتعرفون وراااكم مستعجلين مع هالرااس ههههه

شوق تضربها بخفه : يالخبله قولي بسرررعه عاد

بدور طلعت الكرت من جيبها : تشوفون هالرقم الكشوخي ..؟؟

روان مبطله عيونها : ايـــه نشوفه

بدور : أحم أحم سوووف نتقاابل

ملاك : عنلاااااتج يالهرمه ... شقاايل تعرفتي عليه

بدور تنزل راسها مستحيه : احم احم كاان يااي بـ خيل وهو الفاااارس .. وعاد أنقذني وصرنا مع بعض

شوق تضربها : يالخبله قولي كييييييييف

بدور ابتسمت : انزين انزين .. شوق مو صح الصبح دخلنا على وااحد يالغلط

شوق : ايــه أذكره هذا اللي اسمه أحمد

بدور : اي هو .... أحم أحم وطلع من مرضااي ياحلواات هههه .. ويوم رحت له تعرفنا وعطاني رقمه اذا أحتااج مساعده ولاشي

نور : يعني انتي بتتعرفي عليه

بدور : ما أدري والله بس أكثر ظني اني ما بتصل الا وقت الحاجه

اريج : ما أظن .. أعتقد بتفلسين الرياال من كثر ما تتصلي فيه هههه

بدور : مو لذي الدرجه هههه بس مدري .. شكلي بتصل هههه والله يابناات مزيووووون

شوق : ايه مزيون .. بس حراام سوا حادث

بدور : هييييييييييييييه يتني فكره

ملاك : شو هي ..؟؟؟

بدور : باجر عمليته .. عاد أنا بتصل عقب بااجر على أسااس اني أتطمن عليه ومن هنا نقطة الصفر هههههه

روان : احذري لا يكون لعاب ولاشي

بدور : لا لا بس تسليه لا أكثر

ملاك : الله يهديج ..

بدور : طالعي روحج هههههه

ملاك : ويهدينا جميع هههههه

شوق : بس والله حدددددددده استااايل أسلوب وذوووق

بدور بنص عين : بعيد بعيد ممتلكاتنا شوفي لج غيره هههه

شوق : هههه ومن قاال اني ابيييه .. عندي غيره عشر

اريج : الله يستر عليكم

نور : ايــه والله الله يستر عليكم

روان : ههههه اريج ونور برا قائمتنا

بدور : ايـــه هذيل شريفات مكه .. هههه يعني الواحد يعيش حياته

نور : و ايش الفاايده من انك تعيشي حياتك وانتي قااعده تضيعيها

روان : تسليه وبس .. لكن أوقاات التسليه تخليج تصيرين اسيرة الحب ههههه

بدور : وااااااااي بنااات لحقو علي بموووت هههههه

اريج : بسم الله عليج .. الحين كل هاللي صااير لج من المزيون اللي شفتيه

بدور تتهوى : واااي وااااي جبو عليه ماااااي

ملاك تبتسم : لو ندري ان المزااايين يسوون بنا جذا .. عااد ما نبا نشووف المزايين ..

بدوور : والله انه عذااب عـــــــــذاب تعرفون شو يعني عذاااب

نور تأشر بيدها مب مهتمه : لما تخلصو سوالفكم التافهه ذي نادوني انا بالاستراحه اللي بقسم الأطفال

شوق : نور انطري ..

نور أشرت بيدها : ما بغى ..

اريج توقف : وأنا بعد برووح مع نور ..



إڷـ?ٍ آڷلْقٍــآءْ فٍـ?ٍٍٍ آڷحًـڷقْهٍـ آڷقًــآدٍمْـهٍـ ..


أتمنى اشوف ردود وتفاعل .. ودمتم بود يالغوالي ..

[لامارا]

//


ღ الحلقه السادسه ღ

ملاك تطالع : شكلنا كلنا بنروووح ههههه

شوق لوت بوزها : هالثنتين شريفاات مكه ..

ملاك تأشر بيدها : وانتن الثنتين صاايعاات بااانكوك هههه

بدور : لا يختي يعني انتي أحسن منّا

ملاك : أنا ورواااني بحدود المعقول يعني روان مروان بحياتها وبس وأنا ما أحب

شوق بنص عين : روان مصدقينها بس انتي أبد ما نسمع عن سوالفج وربيعاتج هذيل مااال المسن وينهم

ملاك : مساافره وبعدين اش تبون بها هههه الا وحده

بدور تسأل بحيره : ملوووك ممكن سؤال ..؟؟

ملاك : سألي ..؟؟

بدور : كيف صااار لج معااها سنتين ولا تعرفون شي عن بعض..؟؟

ملاك : بسهوله لأن محد فينا يسأل الثااني عن خصوصياته

بدور : لأأأأ السالفه الا يكون فيها انه

ملاك : كيف يعني ما فهمت عليج

بدور : انتي تقولين انج شفتيها ..؟؟

ملاك : هي شفتها فيس تو فيس

روان : كيف شفتيها ..؟؟

ملاك : قبل سنتين في فرنسا لما تخرجت من الثانويه وساافرت الصيفيه هي شافتني ..

روان : آهااا ,,, وهي اش كانت تسوي هنااك ..؟؟

ملاك : تدرس بفرنسا قبل سنه تخرجت ورجعت البلااد .. هي تقول جذي

بدور : انتي متأكده انها بنيه

ملاك : هي والله متأكده

شوق عقدت حياتها وقاالت : وهي كلامها نفس الشي

ملاك : هي نفس الشي .. اصلا أنا ما أكلمها وااايد تبين ميود يذبحني

شوق : والله ما نقدر نحكم نحن لا شفنااها ولا كلمنااها

ملاك : وبعدين ارمسها ع المسن بعد .. بس ما أعتقد أخوووي يرضا بصداقات النت

بدور : يعني انتي تشبكين هههه ..؟؟

ملاك : سم تايمز ..

بدور : عندج صورتها ..؟؟

ملاك : هي ع المسن .. اهيه عادي عندها تحط صورها ..

شوق ابتسمت : صج والله نبي نشوفها هذي الفرند الغريبه ماالج

ملاك : خلاااص تم الليله انشالله بحدر وبتشوفونها

شوق : هييييه والله من زماان ودي اشوفها واتعرف عليها

ملاك : هي مو انها حلوه حلوه بس عليها جمااال واسلوبها لبق جدا

روان : كيييف عااايشه حياتها

ملاك : اللي أعرفه انها وحيده وعاايشه بروحها في بوظبي .. واسلوبها جدااا شاااعري

روان : آهاااا

ملاك : أعرف عنها أشياا كثيررره لأنها من النوع الصريح وبعدين نحن ما نعرف بعض ذااك الزود وهالشي ما يمنعها من انها تقول عن حياتها مش عن خصوصياتها

بدور : ودي اشوفها بس .. أحسها بالفعل غييير

ملاك : هي لأنها صج صج غيييييييير .. مدري من تعرفت عليها يوم اتضاايج اتصل بها وهي تتصل بي ..

روان : ما فكرتي انها بيوم تبي منج شي .. مصلحه ..؟؟

ملاك : لأأأأ مستحيل وبعدين لو تبا شي مني فـ أنا قلبي مقفل ههههه وبعدين اهيه ما عندها أخواان عشااان تخطبني ههههههه

شوق : ملوك ليييش انتي جذي ..؟؟

ملاك : محد يناقشني .. لأني مستحييييل أتغير بيوم من الأيااام

شوق : الا بتتغيرين يا ملوووك محد يظل بنفس حاله

ملاك : الكل بيتغير الا أنا ههههه وبعدين اهيه مش بربرجيه بزياااده .. نتناقش بمواضيع لها هدف تقدرين تقولين فيلسوفه هههه

روان بطلت عيونها : الله يعفينا ياارب ... انتي وهي شكلكم كاابوس هههه

ملاك : لأأأ بس الشاعريين بهالدنيا .. مو قصدي الشعراااء لأأأ اللي أحساسيسهم تغلب كل شي توقعي ان هذيل مرو بأزمه عاطفيه

روان : جااايز

شوق : ايـــه هذي اللي تكلمينها مرت بأزمه عاطفيه من جذي تشوفينها شااعريه بزياده

بدور : مو شرط .. عاادي وااحد يكون عاايش مع نااس ويمرون بأزمه عاطفيه بيتأثر فيهم

ملااك : هي صح كل شي جاايز

روان : الله يبعدنا ..

بدور : آمييين وربي يجمعج مع مروانج ههههه

روان : اي آمييين .. فديته مرواني والله

شوق : ملاك شـ اسمها ..؟؟ انتي من تتحجين عنها بس تقولين اللي أكلمها

ملاك : هي تحب اسم غرام وتقول ازقريني غرام

بدور بطلت عيونها : سنتين تكلمينها وما تعرفين اسمها ............؟؟

ملاك : هي والله ما أعرف اسمها .. وبعدين أنا اصلا ما أحدر المسن ..

شوق : غريـــــــــب أمرج ... كيف ما تعرفين اسمها

ملاك : تعرفنا .. يومين ثلااث اسبوع .. وبعدين سألتها شو اسمج ..؟؟ ما رضت تقول ., قاالت ازقريني غرام

بدور مبطله عيونها : صج انها غرااام والله هههه

شوق : ما شكيتي بشي لما قاالت لج جذي

ملاك : لأأأ لأني شفتها أقول لج بـ فرنسا تلاقينا مستحيل يطلع ولد هههههه

روان : بالفعل أمرج غريب ملوووك

بدور : اسألج انزين ..؟؟

ملااك : هههه اليوم جنكم أول مره تعرفوني ... اسألي يا حلوه

بدور : الحين أخوووج يدري ولا لأأأأ

ملاك بطلت عيونها : أكيييييييييد لأأأأأ تبينه يذبحني .. وبعدين أنا أكلمها ع المسن وبس وناادر ما يصير بينا آلو الا في حال أنا متضايجه اهيه متضايجه أو أحد فينا مسافر جذا يعني

شوق : ايـــه تخيلي يدري

ملااك : لا ما يصير .. وبعدين مستحيل يرضا بيحرمني وقتها من واايد أشيااا لأنه تدرين ماشالله خوانا يغارون علينا ولا يمكن أخو يرضا ع أخته لأنه الدنيا مالها أماان

روان : ايــه أكيد بيقلب الدنيا

ملاك : بس كيف بيدري .. ميوود حليله مداري الشركه وكل شي من حلالنا .. غير هو اللي يبعد الأذى عني وعنه .. ومب مخلي حد من العايله يقرب مني .. لأنكم أدرى كيف علاقتنا العايليه

بدور : ايــه الله يعينه مسكين

ملاك تضحك : شفقااانه عليه هااا ..؟؟

بدور بحسره : اي والله ينشفق عليه حتى اللي بقلبه مافي رحمه بيشفق عليه

ملاك : تزوجيه انزين هههههههههههه

بدور : روحي زين ... بتزوج المزيون اللي تعرفت عليه اليوم ههههه

ملاك : والله أخوي يسوااه ويسوا طوايفه بعد هههه

روان : اي أكييييد دام هذا أخو ملاااك هههه

شوق : خلاااص زوجيني ايااه ههههه

ملاك : لا لا الا بدوووور

بدور : بخليه يشووف أفلاام رعب بليل وما ينااام هههه

ملاك : خلااص عاد بعدي عنه أحسن ههههه

روان : تدرون ابوي اليوم بيي الامارات

شوق ابتسمت : صج والله

روان : ايــه اليوم بليل الساعه ثماان بيوصل لـ مطار دبي

بدور : خلااص بنستقبله هههه

روان : اي هههه .. أمي أمس بليل قاالت لي لاازم اليوم أكون موجوده وتضاربت ويااها عشاان أطلع معاكم هههه

ملاك : بس لييش تطلعين دام ابوووج ياااي

روان : مابي كيفي ..

ملاك : حمدي ربج عندج ابو غيرج ما عنده من هو ياااهل

روان : الحمدلله .. بس بعد ابوي وأمي موجودين بالاسم وبس .. بس بحياااتي مو موجودين .. حتى ما يسألوني عن درااستي

شوق : كلها فتره وبيصيرون أوكي انشالله

روان : ما أعتقد

بدور : ما تدرين الواحد يتغير بين يوم ليله

روان : ايــه ... بس خلاااص بشوووف ابووي لأن ما بنروووح السينما اليوم

ملاك : هي ما بنروووح اصلا بنرجع بيوتنا على آذان المغرب وين لنا خلق نتعشا بعد .. الله يخليج بننام ع طول

شوق : اي والله على طول بنخمد اليوم ههههه

بدور : انتي حياااتج كلها نوم بنوم ههههه

شوق : وانتي حياااتج كلها رعب برعب هههه

روان : هههه خلونا من هالسوالف .. ملوك اليوم بنشبك الساعه ثماان بليل حطيلنا صورة هذي اللي تتكلمين عنها .. الهااويه ههههه

ملاك : انشالله بحطها لكم

بدور : اليوم ملل والله

ملاك : نحن اليوم بييونا نااس ع العشا

روان مستغربه : حريم .........؟؟

ملاك : لأأأ أنا ما أعرف أحد هههه ربع أخوي

شوق : آهااا .. هههه خلااص أنا وبدور بنيي

ملاك : هي عسب أخويه يشوتكن ويطيركن مره وحده هههههههه

روان : انتي اخوووج يعرف ابوووي ..؟؟

ملاك : والله ما أعرف ما أتدخل بشغل أخوي أنا هههه

روان : غريبه بنفس المدينه ونفس المشاااريع وواايد ناااس ما تعرف بعض

ملاك : هي شفتي كيييف

بدور : تتدرون تولهت ع ابوي وأمي وأخواني

شوق : كلها كم شهر وبترجعين قطر

بدور : هو ودي و ما ودي بنفس الوقت

شوق : ولييش انشالله ..؟؟

بدور : ودي اتم معاكم بناات

روان تطالع بدور : ونحن بعد .. اصلا محد فينا يحب يفترق عن أحد يحبه وتعود عليه

ملاك : انشالله نتم طول عمرنا مع بعض

روان : أمييين يارب

ملااك تطالع ساعتها : بناات طولنا بالقعده ... البريك بيخلص ونحن بعدنا ما تغدينا ..

شوق : ايــه صح السوالف خذتنا

ملاك : اتصلي بـ نور وأريج خل ييون نتغدا وعقب بنرجع نشتغل

شوق : ايـه الحين بتصل ..

<<<<<
بعد السوالف والناقشاات الساخنه والحلوه اللي داارت بين البنااات خلص البريك وردن اشتغلن .. مر الوقت وهن يشتغلن ويعالجن المرضى .. طبعا مافي شغله تيي جذا .. أكيد كل شي يبي له تعب وجهد .. لأنه عمر الشي ما يصير بسهوله .. وبعد ما بذلن مجهود .. وساااعااات متواصله من الشغل .. ما يجي بينهم الا بريك كم دقيقه .. خلصن شغلهن وخلص اليوم المتعب والشاق بالنسبه للبنات ورجعت كل وحده لبيتها ترتاااح من بعد يوم متعب >>>>>

نور طلعت من بعد ما خذت شاااور سااخن .. تجدمت عن المستواليت وشغلت المجفف وبدت تجفف شعرها
نور تطالع شوق من المنظره : قومي تروشي

شوق راقده ع السرير : ما فيني أحس روحي تعبااانه

نور : قومي تروشي بمويه ساااخنه وبتصيري أوكي

شوق : هي يبي لي .. أحس عظاامي قاامت تعورني

نور : بصرااحه كاان يوم حلو بس متعب بنفس الوقت

شوق : ايـــه متعب وااايد وااايد

نور تطفي المجفف وتتجدم عن السرير : قومي تروشي وصلي المغرب ..

شوق : ايـــه زين ذكرتيني قرب يأذن العشا وأنا بعدني المغرب ما صليت

نور : أجل قومي صلي بسرعه لا تفوتك الصلاااه ... معنها فاتتك

شوق توقف وتروح للكبت وتطلع لها ملابس : انزين

نور ترقد ع السرير وتتلحف : بعد ما تخلصي اطفي النور

شوق : أوكي .. يتنامين ..؟؟

نور : ايـــه لا تقوميني .. بقوم لحالي الساعه 9 ولا 10 بصلي العشا وبتعشى وبرجع بنام

شوق : ما بتشوووفين الساعه ثماان ملوك بتحط صورة اللي تعرفها ع المسن

نور : لا ما فيني .. هلكانه بناام وبعدين ملووك كمااان بتنام .. مستحيل بتقعد للساعه ثمانيه انتي ما شفتي عيونها كيف كاانت الساعه خمسه العصر

شوق : ايــه شكلها بتنااام

نور : يلا أجل اطفي نور لجل أنااام

شوق : انزين .. حتى أنا بتسبح وبنااام حدي تعبانه
/
.
/
ميره : اش قااعد تسوي ..؟؟

حمدان ابتسم لها : ارسم ورده

ميره : حق منو ..؟؟

حمدان : حق بدوور عشااان بااجر توديني كتر

ميره تضحك : مع رااسك يالدب هههههه

حمدان : ماما قولي حق بدور تودني عند يدي زين

ميره : انزين ..وين رااحت بدور ..؟؟

حمدان : حجرتها

ميره : أوكي خلك اهني أنا بروح لها

حمدان : زين بعدين بودي لها الورده

ميره مشت ورااحت لحجرة بدور .. دقت البااب .. محد رد عليها .. ردت دقته مره ثاانيه .. محد رد .. فتحت البااب .. ودخلت شاافت بدور طافيه النور .. ابتسمت .. شااافتها رااقده ومبين عليها هلكانه من شغل اليوم طلعت من الحجره .. ورااحت لـ حمدان

ميره : حبيبي لا تروح لخاله ناايمه زين لا تزعجها

حمدان هز رااسه : زين

ميره تشووف البااب ينفتح .. ابتسمت وقاالت : هلا معضد

معضد : السلام عليكم

ميره : وعليكم السلام

معضد يتجدم ويبوس حمدان ويشيله : شخبااركم ..؟؟

ميره : بخير انت شخبارك ..؟؟

معضد : بخير ... بدور رجعت ولا اييبها

ميره : لا رجعت نايمه

معضد ابتسم : غريبه الينيه رااقده هههههههه

ميره : ايه .. أنا روحي استغربت ههههه

معضد : هههه

ميره : تشوفها من التعب ناامت ههه

معضد : هي حليلها ههههه .. ميروووه حيااتي جهزي روحج بااجر بنروووح العين عند أهلي الصبح

ميره : أوكي

معضد : خبري بدور بعد

ميره : كالعاده بدور ما ترضى انها تيي

معضد : ولييش انشالله

ميره : تدري بها انت ما تحب تحتك بالنااس

معضد : ومايصير نودرها روحها

ميره : لا بنوصلها بيت رفيجتها اريج .. تعرفها البنيه زينه وما عندها لا اخوان ولا ابو بس هي وأمها

معضد : مو حلوه كل ما نروح أختج تروح لهم

ميره : عادي حبيبي وبعدين أنا أعرف أريج وأمها عدل

معضد : داام أريج أوكي .. بس البجيه لأاأأ كل وحده عندها أهل مو زين

ميره : أوكي .. بااجر متى بنطلع

معضد : الساعه عشر الصبح انشالله

ميره : أوكي خلاااص انشالله تسع ونص بنكون جاهزين
/
.
/
تفر روحها ع السرير وتقول : أمي اطفي النور

أم اريج : بنتي ما تعشيتي مو زين

أريج : مابغا ماما .. مب جوعانه

أم أريج : مو زين بنتي

أريج : كليت بالمستشفى .. فيني نوم ماما ..

أم أريج تروح لها وتلحفها وتسمح ع شعرها : انزين ناامي خلااص

أريج تبتسم وتمسك يد امها وتبوسها وتقول : الله يخليج لي يااارب

أم أريج تبتسم : أمييين .. يلا ناامي

أريج تغمض عيونها وتقول : خليج عندي لما أناام

أم أريج تبتسم : انزين هههه

أريج تغمض عيونها وتقول بتعب : تعبنا اليوم عدل

أم أريج : لااازم الوظيفه جذي يا أمي

أريج : اي والله تعب

أم أريج : خلااص كلها كم شهر تتخرجين وتتوظفين انشالله

أريج : انشالله وأصير ممرضه هههه

أم أريج : الله يوفقج يارب

أريج ابتسمت : آمييين .. تونسنا أنا وصديقاتي اليوم بالشغل وااجد

أم أريج : زين الحمدلله .. كيف البناات مع الشغل

أريج : كلهم مثلي هههه

أم أريج : هههه الله يخليكم لـ بعض يارب

أريج : أمييين

أم أريج : عمج اتصل اليوم فيني

أريج : شخبااره ..؟؟

أم أريج : زين الحمدلله

أريج : شخباار زوجته ..؟؟

أم أريج : رااحت لبناان

أريج عقدت حياتها : ولييش ..؟؟

أم أريج : تراها لبنانيه أهلها كلهم هنااك

أريج : اي صح نسيت ان زوجته لبنانيه هههه

أم أريج : يلا زين عندج عم يسندنا ويكون ذخر لنا

أريج : بس بعد عمي بعيد عنا واايد

أم أريج : احمدي ربج ان عمج أحسن من وااجد نااس في اعمام ما يعرفون بناات أخوهم

أريج : من هالنااحيه صح .. الحمدلله

أم أريج : الحمدلله على كل حاال .. يلا نامي

أريج تغمض عيونها وتمسك يد أمها : لا تتركيني
/
.
/
ملاك تحط راسها ع السرير وتقول بتعب : أمي فااطمه

فاطمه : نعم بنتي ..؟؟

ملاك : أماايه بندي الليت برقد

فاطمه : ما تعشيتي بنتي

ملاك : مالي خااطر مابا

فاطمه : هب زين لصحتج بنتي

ملاك : أماايه قلت لج مابا والله هب يوعانه

فاطمه : ع راااحتج انزين .. أنا بروح بشووف ربع أخوج يمكن يو بننجب لهم العشا

ملاك : اوكي بندي البااب أماايه

بعد ما طلعت فاطمه ملااك سندت رااسها ع السرير .. فيها نوم من التعب والارهاااق .. تذكرت شي .. لفت شاافت تلفونها .. ابتسمت مب باجي شي وبترد غرام من فرنسا .. وهم راشد بيرجع بس راشد بيرجع بعد فتره .. أتخيل رااشد كيف بيكون .. أكييييد كبر واايد .. ياااه قبل كم من سنه .. كان وقتها عمره ببداية العشرين .. تقريبا 24 أو خمس وعشرين ألحين أكيييد شااب من الدراسه هههه .. غرام بحيااتها ما قالت لي كم عمرها .. يعني يمكن حكاية غرام تنربط بحكاية راشد .. لا لا مستحيييل أصلا .. غرام في فرنسا وأنا شفتها فيس تو فيس يعني مستحيييل .. غير انه راشد يعرفني وغرام تعرفت علي ...

ابتسمت ملاك وهي تطالع تلفونها ... ياربي اشتقت لصوت غراااموووه معنها ولاشي بالنسبه لي .. مجرد انسانه اشكي لها تبكي لي .. عجيبه الدنيا واللي فيها أعجب الصراحهـ ..

ابتسمت ملاك وهي تسمع فونها يرن ... خذته من ع الكوميدينه .. شافت رقم بداية خطه خط فرنسه ترددت ترد .. مايد لو يدري بيذبحني أنا منو قال لي أعطيها رقمي ياربي شسوي .. وردت وهي خاايفه : هــــلأأأأ هلا والله بهالصوت

غرام تضحك : هلا والله

ملاك : لج وحشه والله

غرام : وأنا أكثر والله

ملاك : جيييف حااالج يالدبه ..؟؟

غرام : بخير ربي يعافيج انتي اش حالج ..؟؟

ملاك ابتسمت : هب بخييير اممممرررره .. وينج لا تمسجين ولا تتصلين ..؟؟

غرام : هالأسبوع كله انشغلت بـالسفر وأهل فرنسا هههه

ملاك : هي هي أهل فرنسا نسوووج اللي تشكين لها

غرام : لا والله بس تدرين الفاااتوره هههههه

ملاك بجديه : ما عليج .. اذا احتجتي اي شي أنا حاضره .. ليكون تترددين

غرام : لا والله .. أخذ عنج بيزات هالناااقص

ملاك : لييش جذي انزين عادي ما فيها شي أعرفج وتعرفيني

غرام : بعد لأأأ وبعدين أنا مب محتاايه الحمدلله

ملااك : برااايج انزين لاتنسين الصوغه

غرام : هههه انشالله برد يوم الخميس ..

ملاك : صج والله

غرام : هي يوم الخميس برد بس مطاار بوظبي

ملاك باحباط : ولييش مب دبي ..؟؟

غرام : تدرين عااد عااايشه في بوظبي .. بس أرتب أموري وأوراقي وبيي دبي

ملاك : هي لأني صدق صدق ابا اشوفج .. صاار لي سنتين هب شايفتنج

غرام : هههه اصلا انتي ما شفتيني الا قبل سنتين

ملاك : هههه أدري بس ما يخاالف أشوفج مره ثاانيه

غرام : لا سمحي لي عاد

ملاك باحباااط : وليييييش انشالله

غرام : بشوووف بفكر وبرد عليج

ملااك : ياربي .. بس ما فيها شي

غرام : لا سمحي لي .. هي مره وحده صاارت ولا يمكن تتكرر

ملاك : أوكي براايج المهم تردين الامارات

غرام : برد انشالله الخميس

ملاك : هههه بتنورين البلاد

غرام : أدري هههه

ملاك : أونج عاد يالواثق

غرام : هي ليييش حرام الواحد يثق بروحهـ .. بالعكس الثقه شي واايد حلو .. ويوم أي أحد يقول عنج نااقصج هالشي .. بيني له ان هالشي مب ناقصج .. بس لما تكونين بروحج عدلي هالشي اللي ناقصج

ملاك ابتسمت : تدريين غرامي انج غيرتي واايد اشياا بحياااتي
غرام : هههه حلوه هاي غرامي

ملاك : ههههه ادلعج اش فيها يعني

غرام : زين وبعدين الثقه مب عيب ولا حراام .. بس بحدود يعني ما توصل لغرور

ملاك : هي صح .. تدري اني قبل لا اعرفج اي أحد يقول لي شي أصيح .. اذا انتقدوني اللي حولي .. بس الحين هالشي صااار أكثر شي عادي عندي .. ابين لهم ان هالشي ما أثر فيني بس لما أكون روحي أحااول اشووف هل كلامهم صح ولا غلط

غرام : هي صح اللي تسوينه

ملاك : ها ما لقطتي لج واحد من فرنسا هههه ...؟؟

غرام : هههه لا كلهم خسفين شبااب بلاادي أحلى ههه

ملاك : هي أكيييد اصلا مافي أحلى من عيالنا هههه ..

غرام : والله الشعر الأسود والعيون السود ماشي أحلى عنهم ههههه

ملاك : ههه والنعم بنا والله

غرام : اش حاال ربيعاتج ..؟؟

ملاك : تمام ما يشكون بااس

غرام : يلا الحمدلله .. مب ناااويه تظهرين اليوم

ملاك : لا ويـــن مالي باارض وبعدين هب متفيجه أظهر لأن اليوم ودونا لـ مستشفى راشد عسب يدربونا

غرام : آهاا شي طيب والله

ملاك : كان يوم حلو بس متعب

غرام : هي ترا هذا هو الشغل

ملاك : أقول غرامي
غرام تضحك : قولي انتي صندوق اسرار غرامج هههه

ملاك تبي تتهرب وتصكر : هههه حلوه هااي انا صندوق اسرارج .. المهم يلا عاده أنا برقد لأن حدي تعباانه توني رديت من المستشفى

غرام : أوكي عااد

ملاك : يلا تصبحين ع خير

غرام : وانتي من أهله كاتمة اسرار غرامج هههه

ملاك ابتسمت وصكرت .. طالعت التلفون .. والله انها عجيبه وفنتك .. شخص ثاااني وغير عن الباجين بس مع ذلك نو ويـــه افتح لها بااابي السبب الأول لا يمكن أثق بأي شخص .. غير ان اللي قاعده أحسه يمكن بيوديني في داهيه أبي أتخلص منه بأي طريقه .. ع المسن أوكي بس اني اكلمها ع الموباايل مو حلوه بحقي وبعدين مو حلوه أقول لها كل أسراااري افرض ما طلعت زينه شسوي يعني واذا أحد دازها لي فـ مستحيل أحب أحد مثل ما أنا فقدت الحب ما بعطيه للي حولي لأني ما حصلته كيف أعطيه لغيري .. شي صعب علي أعطي شي وبعدني مب محصلته ..

غمضت عيونها على أمل تقوم اليوم الثااني وتصير نقااط تحول كثيره بحياتها مو بس نقطة تحول وحده
/
.
/
روان تجدمت عن المستواليت وبددت تسحي شعرها المبتل وهي ترمس في التلفون ..

روان مبتسمه : هلا حيااتي

مروان : هلا رواااني

روان : اش لونك ميمو ..؟؟

مروان يضحك : لوني حنطااوي ههههه

روان تضحك : بلا ملاااقه هههه اشلونك ..؟؟

مروان : هههه اقول لج لوني حنطاوي

روان تأفأف : شكلي بصكر هااا ..؟؟

مروان يضحك : هههه بخير غلايه انتي اش حالج ..؟؟؟

روان : بخير ما نشكي باااس

مروان : دوم يارب

روان : يدوم عزك ونبض قلبك حياتي

مروان : شو كااان اليوم

روان : بصراحه بصراحه يوم شااق ومتعب لدرجة الموووت

مروان : له له له .. وجييييه ..؟؟

روان تتعطر : الصراحه واايد شغلونا .. من مريض لـ مريض .. تعب الصراحه

مروان : أونج تبين تشتغلين بعد

روان : ههه اي أكيد بشتغل اش فاايده الجلسه بالبيت

مروان : تربين عياااالج هههه

روان : أول خلهم يجون وبعدين بنشوووف مين يربيهم هههه

مروان : رواني عيالنا ماباهم يفقدون حنان الوالدين

روان : ايــه أكييييد حبيبي .. أنا مستحيل أخلي عيالنا يفقدون اهم شي أنا من طفولتي للحين فاقدته

مروان ابتسم : ايــه اباااج جذا شطوره هههه

روان : تدري اليوم يوم شفت أخوووك عجبني واايد

مروان : رشووود الهرم هههه ....؟؟

روان : ايـــه ماشالله عليه مؤدب واايد

مروان بسخريه : هي واايد مؤدب ههه

روان : ضحكني لما قال لـ أروجه .. اسمج نفس اسم عصير اريج اللي بنص هههههههه

مروان يضحك : حلفي بس قاال جذا

روان : ايــه مب مصدقني هههه

مروان : ههههههههه والله انه حركااات رشووود

روان : الله يحفظه لكم

مروان : آمييين يارب

روان : تدري استانست لما عرفت انه أخوك

مروان ابتسم : انتي ما تعرفين شي عني ههه

روان : ايــه لأني وجعت لك رااسك وأنا أشكي لك عن مشاااكلي اللي مع أمي وأبوي

مروان : لا بالعكس شو هالرمسه رواني

روان : ههههه .. متى طلعت من المستشفى اليوم ..؟؟

مروان : يلست نص ساعه وظهرت بسررعه تدرين دوااام

روان : ايــه الله يساعدك .. ورشوود تكلم عن شي هههه

مروان : لا هذا من تعطينه لعبه ولاشي يسكت ويقعد يعاابل بالشي الين ما يمل منه هههههه

روان ابتسمت : هههه فديته أنا .. أقوول حبيبي أكو أحد يطق بااب الحجره بشووف منو

مروان : أوكي خذي رااحتج .. بصكر عاد أنا

روان : لا لا خلك عاادي بس بشوووف من ..

تجدمت روان عن البااب وفتحته ... شافت الخداامه وااقفه يداام الباااب ..

روان عقدت حياتها : خير اش تبين ...؟؟؟ أنا مو قايله لكم محد يصحيني بناام

الخدامه : سوري مس روان .. أمج تبااج

روان تتأفف : اش تبي ذي بعد ..؟؟؟

الخدامه رفعت جتوفها : ما أدري

روان وهي تصكر الباااب : سيري قولي لها ناايمه

الخدامه : ماما تبااج بسرررعه

روان تأفأف : أوكي أوكي بييي قولي لها تغيير وبتنزل

الخدامه : أوكي

روان ترد ترمس مروان وتقول : أوووف هذيل يبوني تحت مدري اش يبون

مروان : رواني سيري شوفي يمكن أمج تبا شي ضروري منج

روان : لا لا أكيييد ابوي يااا

مروان : سيري سلمي عليه انزين

روان : لا والله .. يعني من شوقي الزاايد اروح اسلم عليه

مروان : عيب هالرمسه رواني

روان تمسح دموعها : مروااان رجاءا لا تناقشني لما اتكلم عنهم لأنه ودي أطلع كل اللي بقلبي وما أشووف غيرك

مروان : اهدي حيااتي انتي أعصااابج تعباانه

روان : أوووكي حبيبي

مروان يبا ينسيها : كليتي الخدااامه حشا هههه

روان ابتسمت : ايـــه هذيل أتعامل معهم بذا الاسلوب

مروان : حراام عليج ترااهم بشر

روان : بس ما يفهمون

مروان : تبيني ازعل منج .. مو زين تعاملينهم جذي .. لا تسولفين معاهم بس كلميهم باسلوب زين وراااقي

روان تبتسم : أدري ان اسلوبي منحط ههههه

مروان : همممم اهوه هي بس بيصير أوكي مع الأياام انشالله

روان ابتسمت : انشالله يصير أوكي

مروان : أكيييد بيصير أوكي ههههه

روان ابتسمت : أقوول حبيبي أنا بنااام

مروان : هي شكلج تعباانه من الدوااام

روان : ايـــه وااايد

مروان : أوكي عاد حبي أنا بعد برقد ... تصبحين ع خير

روان : وانت من أهله ياقلبي

روان بعد ما صكرت تجدمت عن السرير .. حظنت سوزي وقاالت : نامي حيااتي ناامي

شاافت التلفون ورمته ع السرير ع صووب ابتسمت فديته مرواني .. والله انه أغلى البشر حتى أغلى من أمي وأبوي يمكن لأن بقربه لقيت الدفا والحنااان اللي فاقدته .. مقدر أعييييش بدونك يا مرواني .. مقدر أعيش بدونك انت صرت لي حياااتي وكل شي بهالكون ...

سمعت صووت خطووواااات تتجدم عن حجرتها بسرررررعه دخلت في الفراااش وغطت روحها .. تظاااهرت بالنوم وهي في دااخلها ميته صياااح ميته قهر على حالها

حست بباب الحجره يتبطل بس رد تصكر .. شالت اللحاف شاافت صوب البااب نزلت دموعها .. ع باله انه بجيته ليوم واااحد مشتااقه له وبطلع له من حجرتي وأنا أركض من الفرح ما درا اني اباا اطلع من حياتهم واباهم يطلعون من حياااتي لأني بالفعل ما عدت أستحمل وجودهم بحياااتي كرهت وجودي بهالدنيا والسبب هم .. يعني حبكت علي أنا .. ان ابوووي يااخذ أجنبيه .. حبكت علي ابووي ياااخذ كاافره لا علمتني على ديني ..

بسببها أنا عايشه بضياااع بسببها أنا يالسه أخطأ .. أدري اللي أسويه خطأ بس محد موجود يمنعني من الخطأ اللي قااعده أسويه .. ومحد معصوم بهالكون من الخطا .. لكني ابي أحد يحذرني ويقول روان هذا الدرب الغلط انتي ماشيه فيه بس للأسف كلنا بالهوا سوا .. كلنا فاااقد حنااان كلنا له هموووم ومشااكل ... للحين محد فينا حصل احد يطلعه من الدوامه اللي هو فيها ... ويطلعه من الجحيم اللي وااقع فيه ... آآآهـ يالزمن شكله مكتوووب لنا العنا بعمرنا ..

إڷـ?ٍ آڷلْقٍــآءْ فٍـ?ٍٍٍ آڷحًـڷقْهٍـ آڷقًــآدٍمْـهٍـ ..

[لامارا]

ღ الحلقه السابعه ღ

بعد ما الكل رااح لبيته طلع من ميلس الفله .. وهو هلكااان .. دخل الصاله شااف كل الليتات امبنده .. تجدم عن المصعد بعد ما ضغط ع الزر دخل .. الين ما وصل للقسم وطلع .. مشى شااف الممرات كلها فااضيه .. كالعاده بيتنا كأنه بيت مهجور .. لولا أمي فاطمه حتى الصبح بنحس بهالاحسااس .. بس الحمدلله عندنا أمي فاطمه .. دخل حجرته .. فتح معاقم الكندروه ورمى الغتره ع الكنفه وفر روحه ع السرير ... غمض عيونه بتعب ..
تذكر كل لحظه بحياااته طاافت .. تذكر كيف يهوا التراااب اللي تمشي عليه سعاد .. تذكر يوم انه يقول لبو سالم هو اللي بيرجع سالم وسعاد من أي مكان يروحون له .. عمره ما ذل نفسه لأي أحد كثر ما ذل روحه لـ سعاد عشااان يكبر بيعنها ,,, وآخر شي هه أخر شي ماصااار غير انها بادلتني بالجفا ووافقت على غيري وأنا اللي كنت حاااط لهاا مكانه بقلبي غير عن بااجي النااس أنا اللي كنت أقدرها وأحترمها أكثر من أي انسان .. بس هذا الزمن غدااار .....

ماحس ماايد الا وهو يغط في سااابع نومه .. تمنى انه ينااام نوم هنيه بس ويـــن وأغلى نااسه بتكون لغيره بعد شهوور .. بعد ما حطا آمااال .. لكن للأسف بالأخير تحطمت أماله ..
/
.
/
يوم الجمعه الساعه عشر الصبح بتوقيت مدينة دبي

أريج تجدمت من باااب الشقه وهي مستانسه .. فتحت الباااب وابتسمت : هلا والله هلا بحبيبة قلبي بدوره

بدور مبتسمه وتبوس اريج : هلا حياااتي

اريج : حياااج حيااااج

بدور تدخل وتشوف الشقه : وينها خالتي

اريج : موجوده بحجرتها تقرا قرآن

بدور : آها عيل خليها ع راحتها لما تخلص نروح لها

اريج : اللي تحبين هههه

بدور تطلع عباتها وتعطيها لأريج وتقول : هاااج علقيها

اريج وهي تعلق العبااه ع الشماعه : من جابج ..؟؟

بدور : منو بعد أكييييد معضد هههه

اريج : مسكين نسيبج معذبته مسويته دريولج ههه

بدور : عيل شو فايده ريل أختي ههههه

أريج تضحك : اي هههه لو عندي أخت كنت بسوي بزوجها كذا هههه

بدور : يعني بتسوووين بزوجي كذا ههههه

اريج : ومنو قاال انج أختي ههههههههه

بدور تبوز : ماالت عليج .. زعلتيني

اريج : امزح زين ههه .. الساعه كم نمتي؟؟

بدور : أول ما رجعت البيت على طووول نمت ما فيني اسهر

اريج عقدت حياتها : غريبه أول مره بدوروووه ما تسهر هههه

بدور تضحك : هههه شفتي كيييف

اريج : هههه اصلا وين لج باارض سهر وانتي عظامج متكسره من الشغل والكد

بدور : اي والله صجج .. وين الواحد له باارض يسهر وهو طول اليوم يكد كد

اريج تبتسم : شو تشربين ..؟؟

بدور : أماانه ما تقومين

اريج توقف : لا والله تبيني ما أضيفج

بدور : اروجه أمنتج الله ما تقومين .. وبعدين الشقه شقتي هههه لما أبي شي بروووح بااخذ بروحي

اريج ابتسمت : لا تتردين ع قولتج الشقه شقتج ههههه سوي اللي تبين

بدور : ههه افا عليج

اريج : اشغل لج التلفزيون .. ؟؟ اييب لج اللابتوب ..؟؟

بدور تضحك : لا لا مابي .. بقرا سورة الكهف

اريج : اي أنا بعد لأني ما قرأتها بعدني

بدور : يلا عااد ييبي لي قرآن هههه وعطيني شيلة صلااه

اريج : سيري خذي بروحج من الكبت ههههه

بدور : لا والله وهذا اكراام الضيف عندج هههههههه

اريج : مو انتي تقولين البيت بيتج سوي كل شي بروحج هههه

بدور تضحك : هههه والله انج حركااات يا اروجه ههههه
/
.
/
شوق طلعت من الحمام وانتو بكرامه .. تجدمت عن المجفف وقااالت : نـــــــــــــــور بسج نوم قومي يالدبه

نور تتجلب : هممممم شوووق خليكي بحااالك واطلعي برااا ..

شوووق تتجدم وتفر الوساده ع نور : قومي يلا بسج ..

نور تحط الوساده ع راسها : يووووووووووووووه اطلعي برااا شوووق

شوووق ابتسمت : أوفو .. والله حاله قومي يما ترا اليوم الجمعه قومي أحسن لج

نور تفتح عيونها : طيب طيب بصحا بس انتي اطلعي وخليني بحااالي

شوق تبتسم : لأأأأأأأأأ مثل ما انتي حارمتني النوم أنا بحرمج اليوم هههههه

نور قعدت وهي ترجع شعرها ع ورا : هه صحيت ايش تبغي كمااان ...؟؟

شوق مبتسمه : ماكو .. يلا قومي تغسلي

نور قاامت وهي تتأفف : استغفر الله منك يا شوق

شوق ابتسمت : يلا انطرج عشان نتريق سوا

نور : مابي افطري لحالك

شوق تطالع ساعتها : ما أشتهي الا أكل ويااج

نور طفرت من شوق وتأففت : طيب طيب بلحقك هالحين

شوق مبتسمه : يلا انطرج يوووووبا ..

نور تقلدها : انشالله يوووووووما ههههه

شوق روحت صوب المستواليت ورفعت شعرها بقباضه وحطت قلوز ع السريع وتعطرت وطلعت من الحجره وروحت صوب الصاله ..

شوق : صبااااح الخير

أم عبدالعزيز وبو عبدالعزيز : صباااح النور

شوق تبوس راس أبوها : اشلونك يبا ..؟؟

بو عبدالعزيز : بخير بنتي انتي اشلونج ..؟؟

شوق مبتسمه وتبوس راس أمها : تمااام التمااام

الهنوف مبتسمه : بوسي رااس معزبتج بعد مو بس رااس أمج وابووج هههه

شوق ضحكت : يلا مناااك هالنااقص ابوووس راااس يهالو البيت هههه

الهنوف : وينها تؤامج السيامي مو وياااج


بو عبدالعزيز : ايه وينها نوراان ..؟؟

شوق تيلس وتقول : تتسبح والحين بتيي

أم عبدالعزيز : انزين انتي قومي تريقي

شوق : مابي بنطر نور

أم عبدالعزيز : انزين ريوقكم بالمطبخ جاااهز تريقو زين

شوق : انزين انزين هههههه

عبدالله ينزل من فوق وهو يركض أم عبدالعزيز تصرخ : شوي شوي يا اصبي عن تتعور

عبدالله يضحك وهو يتنفس بسرعه ويصاارخ : يمــــــــــا .. يبــــــــــــا لحقو علي هههههههههه

بو عبدالعزيز مستغرب : اش فيك يا اصبي ..؟؟

عبدالله : ههههههه نور .. نــــــــور

أم عبدالعزيز متخرعه : هو اشفيها البنيه ..؟؟

عبدالله : ههههههههههه اول ما طلعت من الحمام فريت لها صرصور ههههههههه

أم عبدالعزيز تحط يدها ع قلبها : المسكينه مب متهنيه بولا يوم بحياتها ..

عبدالله يضحك : ههههههه تستاهل .. الدبه دشت الحمام تتسبح مره ثااانيه

أم عبدالعزيز : حسبي الله عليك من اصبي

بو عبدالعزيز : زين جذي بتزعل البنيه

عبدالله : لا يبا نور تحبنا ما تزعل

الهنوف لوت بوزها : اي بااااين انها تحبنا

شوق طالعت الهنوف بنظره خلتها تسكت وقاالت : عبووود ايــــه نور تحبنا ما تزعل

أم عبدالعزيز : انزين عبيدان ان قربت ناحيتها الحين يا ويلك ويا سواااد ليلك ...

عبدالله يضحك : لا انشالله المقلب الياااي الجمعه اليااايه ههههه

بو عبدالعزيز : الله يعين البنااات بهالبيت .. الصبيان مو مخلين فيهم خير هههه

أم عبدالعزيز تطالع عبدالعزيز ناازل : هلا والله هلا بنور بيتنا هلا بوليدي

شوق والهنوف يبوزون : اي الدلع هذا كله للصبيان أما نحن لااا صفر ع الشمال

عبدالعزيز ينزل ويقول : انتو اش لكم رازين فيسكم أم وولدها

ام عبدالعزيز تضحك : ايــه انتو اش لكم

عبدالعزيز يبوس رااس أمه وأبوه : اشحالكم ..؟؟

بو عبدالعزيز : بخير يا وليدي انت اشلونك ..؟؟

عبدالعزيز : بخير وسهاله

شوق تلوي بوزها : الأخ قاام يتحجى اماراتي

بوعبد العزيز يضحك : وانتي شكو كيفه ههههه

شوق تطالع نور وهي يايه ومعاااها ضاري : يا مرحبا يامرحبا نورج غطا ع الكهربا

ضاري وهو مبتسم : نور نور ولا نوري أنا هههه

شوق : قلت نورج ما قلت نورك

ضاري يطالع نور ويقول وهو يمزح : ايـــه مسويه لها غسيل مخ ههههه

نور تبتسم : لا لا أنا بس أروح لمكان ينور على طول ههههه

ضاري : كانو يسمونج لميس مب أحسن ههههههه

نور تبتسم : رح زين .. تتريق عليه هههههه

ضاري ونور يوصلون تحت مع بعض .. نور : السلام عليكم

الكل : وعليكم السلام ..

نور تتجدم عن شوق وتيلس يمبها .. ضاري يحج راسه ويقول وجنه مب فاااهم : الحين سؤال انتو الثنتين اربع وعشرين ساعه مع بعض ما تملون من بعض

شوق : تف تف تف .. عن الحسد

نور : ههههه لييش شايفنا ايش عشاان نمل من بعض

ضااري يطالع عبدالعزيز : والله أنا لو اقعد خمس ثواااني مع عبدالعزيز ولا عبود أمل منهم

شوق : هذا انت نحن الحمدلله ما نمل من بعض

عبدالله : بنااات والعياااذ بالله

نور ابتسمت وهي تطالع عبدالله : هذا انت وعمرك 12 سنه ماخذه فكره عنا لما تكبر اش بتسوي هههههه

عبدالله : ما بتزوج أنا خلاااص قررت

شوق : ايه بنشوووف بس يوصل عمرك 18 سنه يما ابي أخذ فلاااااااااانه

عبدالله بسخريه : أنا مو مثل بعض الناااس

ضاري يضربه بخفيف ع راااسه : يعني أنا اللي قلت ابي اتزوج هههه

عبدالله : ايـــه مو انت 18 سنه

ضاري : بس ما قلت ابي اتزوج هههه

عبدالعزيز : استحو ع ويهكم ألحين أنا اللي مدري صااك كم وما أسولف جذي

ضاري يضحك : انتو ماال أول نحن تطورنا هالأشياااء عاديه عندنا هههههه

أم عبدالعزيز : الله يستر بس على هالجيل

>>> لحظه تعريف <<<
عبدالعزيز 26 سنه
شوق 21 سنه
ضاري 18 سنه
الهنوف 15 سنه
عبدالله 12 سنه
>>>>>> <<<<<<

شوق : هو يما .. لهالدرجه طايحين من عينكم هههههه

بو عبدالعزيز : لا بس سوالفكم غير اول البنيه ييبون لها طاااري العرس تنخش وتختفي هههه بس الحين الوحده ما تعدي الاثنعش سنه .. فستاان عرسي وميكب عرسي وعياالي اساميهم ووووو

عبدالعزيز يضحك : ههههه الهنوف يقصدونج

الهنوف وقفت طالعت عبدالعزيز بنظره انها زعلانه منه وقالت : برووح داااري بذااكر

ضااري يطالع الهنوف وهي تصعد : بل حتى يوم الجمعه مذاااااااااكره

بو عبدالعزيز : صل ع النبي عن تحسد البنيه هههه

عبدالله : اي صدقه .. البنااات عقلهم بس بالدراسه .. مب عقل ماشالله اش كثر بيستوعب

عبدالعزيز يبتسم : أحسن عنك وعنه يا فااالح

ضااري : مو لهالدرجه عااد ههههه

نور تهمس لشوق : قومي نفطر ميته جوع

شوق : بس نيلس شوي سوالفهم حلوه

نور : وأنا بمووت هنا

شوق : الأسبوع كله كل وااحد لااهي بحياته الا هو يوم وااحد

نور : اذا جاني فقر دم كله منك

شوق ابتسمت : اي عاادي ههههههههه

أم عبدالعزيز : بنااات شو السالفه .. كل وحده تتحجى وهي لااصقه في الثانيه

شوق : ماكو يما سوالف بناااات

بو عبدالعزيز : خلي البناات بحالهن يـأم عبدالعزيز ههههه

شوق : اي صح يقول أبوي ههه

أم عبدالعزيز : أخااف بس ان وحده تخرب الثاانيه

شوق تبطل عيونها : اش قصدج ..؟؟؟

أم عبدالعزيز تضحك : ما اقصد شي

ضاري يبتسم : وااضحه .. انتي بتخربين نور هههههههه

شوق ترفع خشمها : وليييش يعني نور ما بتخربني

عبدالله يبتسم : لا مسكينه نور على نياتها ما تعرف شي هههه

نور تطالع بنص عين : خلك بحالك انته ههههه

عبدالله : وأخيرااا نطقت هههه

شوق : الله يسامحكم خلااص نور مابمشي معااج دام بخربج ههههه

نور ابتسمت : يالدبه هههه

عبدالله : يما يبا بروووح الدكان تبون شي

عبدالعزيز يضحك : اي لاهنت ييب لي مصاااص بو ربع ههههههه

عبدالله يضحك : هههه انشالله يلا مع السلامه

أم عبدالعزيز تضحك : حسبي الله عليكم انتو حيااتكم كلها جذي مصخره وهبااال كبرتو اعقلو

عبدالعزيز يطاالع ضااري ويقول : فهمت تقصد منو ..؟؟

ضاري يبتسم : ما يبي لها .. أكيييد عبود .. أنا برا القاايمه ههههه

نور توقف وشوق بعد توقف معاها : عاد نحن بنروووح نتريق

/
.
/
معضد وهو يسوق السياره : ميره ترا مو زين جذي

ميره : شسوي لها يعني اهيه ما تبي تيي أجبرها

معضد : هي اجبريها مو حلوه تتم بيت النااس

ميره : بس نحن نعرف أريج وأمها زين

معضد : أدري حتى أهلي يعرفون أمها .. لأنه أمها كانت من منطقه قريبه من العين بس بعد مو حلوه نثقل ع النااس

ميره : لا لا اريج تحب بدور وهم أمها بعد .. بس بعد أنا اقووول لبدور تعاالي معااي نروح لبيت أهل معضد ما تبي مدري شسوي لها

معضد : والله أختج حااله

ميره تضحك : دلع بناات

معضد : خبله يبا لها أحد يعقلها

ميره : أدري والله بقطر لولا خواني وابوي كااانت البنيه كل يوم بمكااان ههههه

معضد : يلا الله يهديها

ميره : ترا أنا كنت جذي هههههه

معضد : أدري هههه ولا أنا لييش خذيتج

ميره تبوز : يعني خذيتني لخبالي

معضد ابتسم : زين انج تعرفين روحج هههه

ميره : الله يساامحك هههه

حمدان واقف في النص : بدور لاااحت كتر ..؟؟

معضد يضحك : ومنو قااال ..؟؟

حمدان : هي تقوول الوووح عند يدي

ميره : هالبنيه مخبله بالولد

معضد يضحك : أشوووف طاالع أهبل ع منو ههههه

ميره : الله يسامحك تنكت ع أختي

معضد : هم أختي أنا مو أختج بروحج

ميره : لا بدور أختي وبس مو أختك

معضد : ههه لا لا أختي

حمدان : لأأأ مو أختكم أختي أنا عثاان توديني كتر

معضد : هذا يوم انها محد أختك .... لو انها بالسياره ويانا يهددها ويقول لا تتكلمين ولا بنزلج من السياااره ههههه

ميره : اي والله معذب أختي المسكينه بيتنا ومالنا وسيارتنا وهذا مو مالج .. هههه

معضد : حمدااانوه نحن وين راايحين ...؟؟

حمدان : بنروووح عن يدوووه العوده

معضد : تحبها ..؟؟

حمدان : هي لأنها تعتيني حلاوه وتوديني عند ثيفااان

معضد : ومنو سيفان هذا بعد

ميره : سيف ولد مبارك .. ولد بنت عمك

معضد يتذكر : هييييييييه تصدقين اني ناسي ههههه

ميره : بدور أبد ما تحب سيف هههه دايما يفشلها جدااام الكل هههه هو وحمدان

معضد : هههه ترااه ربيع حمدانو ولدج شو تبينه يطلع ههههه
/
.
/
ملاك طلعت من الحجره وهي مبتسمه شاافت فاطمه بويهها وقاالت : صبااح الخير

فاطمه : صباح النور بنتي

ملاك : شو الأخبااار ..؟؟

فاطمه : ماشي يما روحي تريقي

ملاك : مابا بتغدا مره وحده ترااه وقت الغدا .. ميود فالصلاه ..؟؟

فاطمه : لأأأأ رااقد بعده

ملاك : غريبه رااقد للساعه اثنعش مب بااجي شي ع صلاة اليمعه وهذا بعده راااقد

فاطمه : وعيته ما قااام

ملاك : بروووح بوعيه عن تفوته الصلاة

فاطمه : أوكي

ملاك تتجدم عن حجرة مايد وتدخل القسم .. وتروح للحجره تدق البااب .. : ميووود قوووم

مايد ما رد .. عرفت انه راااقد .. فتحت البااب ودشت .. تجدمت عنه بدت تهزه : ميووود قوووم عسب تسير المسيد اليوم يوم اليمعه

مايد حطا الوساده ع رااسه وقاال : خليني ارقد

ملاك : بتفوتك الصلاااه ميووود

مايد فتح عيونه وقاال : جيييه الساعه جم ..؟؟

ملاك : اثنعش يلا قوم روحك متأخر

مايد يلس وقاال : أوكي خلااص بنش

ملاك قاالت وهي تطلع : أوكي

تجدمت ملااك عن الدري وقاالت وهي تنزل : أمي فااااطمه

فااطمه تجدمت عن الدري وقاالت : نعم بنتي

ملاك : تصدقين اليوم فخااطري اسولف وياااج

فاطمه تضحك : انتي كل يوم تسولفين وياااي اش معنى اليوم

ملاك : لا لا اليوم بزيد الجرعه هههههه

فاطمه : هي زيديها زين ههههه

ملاك وصلت لعند فاطمه وقاالت : يلا نقعد
فاطمه : بنتي الأكل ع الناار


ملاك : خل الخدم يسوونه

فاطمه : أخوووج ما بياااكل منه

ملاك : وهو اش دراااه انج مب مسوتنه

فاطمه : بيعرف ..

ملاك : أعوووذ بالله قرون استشعار عنده ههههه

فاطمه : قولي ماشالله عن تحسدين الولد

ملاك : هههه ماشالله ماشالله

فاطمه : بنتي بروح بشوووف الأكل وأول ما أخلص بيي بقعد وياااج

ملاك : انزين اتريااج ماما أوكي

فاطمه : انزين

ملاك ابتسمت لـ فاطمه وتجدمت عن تلفون البيت .. شافت موبايلها .. ولا مكالمه فائته .. أكيييد البناات أمس كل وحده رقدت على طول محد تريا أحد .. هههه لو انهم سهرانين كنت بروح فيها لأني ما حطيت الصور
بتصل ع أروجه أحسن لي .. نور وشوق أكيد مشغولات مع أهلهم وبدور عندها ريل أختها اليوم وياااهم ورواني أبوها يااا من البحرين .. محد غير اروج فااضي ..

ملاك دقت الأرقاام وترييت لما أحد يرد ع التلفون وقاالت : آلــــو

خالو أمينه : السلام عليكم

ملاك فرحت : وعليكم السلام .. هلا والله هلا بخالوتي

خالو أمينه : هلا بنتي شخبارج ..؟؟

ملاك : بخير ربي يعافيج خالو .. انتي اش حالج وشخباار ريلج ..؟؟

خالو أمينه : بخير الحمدلله بنتي

ملاك : يلا انشالله دوم

خالو أمينه مبتسمه : تبين أريج

ملاك ضحكت : هههه تعرفيني .. هي ابا ارمسها

خالو أمينه : ثواني بس

ملاك : أوكي

ترييت لما اريج اتيي ترد ع التلفون .. اريج يت وردت : السلام عليكم

ملاك : وعليكم السلام

أريج : هـــلاأأ .. هلا بهالصوت هههه

ملاك : هلا بج زوود .. يمعه مباااركـــه

أريج : علينا وعليج

ملاك : شو الأخبااار ..؟؟

أريج : بدوروووه عندي

ملاك منصدمه : لا تقولييييييييييييين

أريج : والله ولو مب مصدقه هذي يمبي

ملاك : أونكم عاااد متيمعين من ورانا ... من ورااانا ها ..؟؟

أريج : لا والله هههه .. بس أختها ونسيبها راحو بيت أهله فالعين وتدرين عاد بغرور بدور ما راااحت

ملاك : والله انها خبله هههههه .. أحيدهم هنااك مزايين .. خل تروح يمكن تلقط لها وااااحد

أريج تضحك : اقوول لها .. ما تبا الدبه

ملاك : لا لا نحن نبااها تتم في دبي أحسن ما رااحت ههههه

أريج : هه الدبه طلعت من الحجره

بدور تصرخ : منوووووووو الدبه ..؟؟ وقاعده تكلمين منو هااا ...؟؟

اريج : ملااااك

بدور تضحك : هاتي هاتي بكلمها

اريج : لحظه أكلمها شوي

بدور تسحب السماعه : اقوووووول لج هاااتي بكلمها

أريج تضحك : انزين انزين خذي هههه

بدور : هـــلا بجازوره هلاأأأ

ملاك تضحك : محد غيرج يالبوتمبه

بدور تطالع روحها : لا ويــــــن أنا رشيقه والله

ملاك : وأنا ارشق هههههه

بدور : خلج من هالسخافات .. الا قولي لي مب ناويين تييون اليوم

ملاك : مدري بعدنا ما قررنا

بدور : هذي اروووج مدري كيف مستحمله تقعد في الشقه .. ملل والله

ملاك : ههههه تعودي يمكن بياخذج وااحد بيسكنج في شقه

بدور : لا انشالله هههه ابا بيت

ملاك : انزين بتفق مع البنات وبنشوف وين بنطلع

بدور : ايـــه دخيلكم اليوم نطلع

ملاك : يمكن ما بنطلع لأنه ابو رواني يااا احتمال ما بتطلع

بدور : لاااااا حرااام نطلع .. اليوم محد بيقول لي الا الساعه سبع المغرب تكونين موجوده ههههههه

ملاك : هي يالعياااره ودروج ورااحو دار الزين

بدور : هي هههه

ملاك : وجيييه ما رحتي يالدبه

بدور : في أحد يودر داار الحي الحين ويروح لداار الزين

ملاك : والله حلوه داار الزين وكنا بنيي نحن صوبج اليوم ونروح المبزره ولا هالأماكن

بدور : ما كانو بيرضون اني أطلع تدرين الطلب زااايد علي هالأياام ههه

ملاك : يالواثقه .. ويا راااسج

بدور : هههه سكتي لاأقول لخاله أمينه تيي وتضربج بملاااس المجبوس ههه

ملاك : واااااااااااااي تعدلون مجبوس

بدور : اللي يسمع يقوول غوزي هههههههه

ملاك : شهيتيني والله هههه .. مدري أمي فاطمه شو يالسه تطبخ هههه

بدور بطريقه بدويه : منتي ببنيه سنعه .. ما تنفعين للزواج يااا مررررررره

ملاك تضحك : ويا راااسج .. يعني انتي اللي تنفعين

بدور : ايــه اقول لج الطلب بتزايد مستمر هههههه

ملاك : يالأخت ماخذه مقلب بروحج هههه

بدور : يلا مناااك .. اسألي حمداني لما اروح العين شو يسوون

ملاك : هههه شو يسوون يعني

بدور : والله كل البنات ينكسلن طلعاتهن فقد للتحدث مع المادموزيل بدور

ملاك بسخريه : لا والله

بدور : ايـــه اقول لج يبون توقيعي بعد ههههههههههه

ملاك تضحك : عن الخرط بدووووروووه ههههههههه

بدور تضحك : مو لهالدرجه عاد ههه مو بدور أنا .. صرت شاكيرا ههههه

ملاك : هانا مونتانا ماال اليهاال هذي ولا أشلي قلنا هي مره وحده ع الفاسقه هههههههه

بدور : اي صدقج هههههه خلااص ولا يهمج بنغيير الموجه

ملاك : اقووول بدوري بروح بصلي قبل لا يرجع ميود من الصلاااه .. ويحرج يقول بعدج ترمسين هههه

بدور : أوكي وأنا بعد بروح بصلي

ملاك : برتب مع البناات وبتصل بج أوكي .. سلمي لي ع اروجه

بدور : أوكي .. يلا حبيبتي باااي

ملاك : بباي
/
.
/
رتبت الميكب وحطت اللمسات الأخيره .. ابتسمت ورااحت للقطه وشالتها

روان وهي شايلتنها : اشلونها الحلوه

القطوه بدت تقول مياااو .. روان حطتها ع جنب ورااحت للتلفون .. شافت ماشي لا مكالمات ولا رساايل أكيييد البنات انشغلن اليوم مع أهاليهن .. خذت التلفون وتجدمت عن البااب وطلعت

تجدمت عن الدري .. تذكرت أبوها موجود .. ياربي شسوي .. أكيييد بسلم عليه بس كيف بيعاملني .. مثل كل مره يعني شخبارج واشلونج واذا محتااجه شي ولا لأأ .. لي متى بيكونون اللي حواليني سطحيين لي متى ..؟؟ يعني أبد ما فكرو يسألون اذا نحن مقصرين بحقج ولا لأأأ ..

تأأففت روان وقاالت : أفففففففففف يعني أنا اش لي .. أعيش حياتي أحسن لي .. لي متى بقول باااجر بيتغيرون وبااجر بيتغيرون .. بكيفهم حياتهم هم اذا تغيرو واذا ما تغيرو ما لي شغل فيهم

تجدمت روان عن الصاله .. ويلست ع الكنفه وحطت ريل ع ريل ..

شافت الفون ودقت ع أريـــج بعد ما ردت : آلو السلام عليكم

روان : وعليكم السلام هلا خاله أمينه عاش من سمع صوتج

خالو أمينه : عاشت أيااامج بنتي

روان : اشلونج خالو

خالو أمينه : بخير بنتي انتي شخبارج ..؟؟

روان : بخير الحمدلله .. أقول خالوتي ممكن أكلم اروج شوي

خاله أمينه : اي بنتي الحين بناديها لج

روان : أوكي بنطرها

ثواني الا ويت أريج : هلا والله

روان : هلأأأأ اشلونج ..؟؟

اريج : تمام انتي شخبارج ..؟؟

روان : بخير الحمدلله

أريج : تخيلي من عندي اليوم ..؟؟

روان بتساؤل : عمج ..؟؟

أريج : لأ لأأ هههه

روان : همممم عاد منو ...؟؟

أريج : بدوروووه بتبات عندي اليوم

روان تضحك : وااااااااااي حظكم يالخونه

اريج : والله مو خونه قرااار مفاجئ

روان تبوز : كنت بيي بنام عندج بس المشكله أبوي موجووود وتعرفين عاااد مايستوي وليييش ومدري وشو ههههه

اريج : ههه مره ثاانيه انشالله

روان : أقول اروج بصكر عنج لأنه ابوي رجع من صلاة الجمعه

اريج : أوكي باااي

روان صكرت من عند اريج ووقفت .. ابتسمت وبلعت ريجها .. تجدمت صووب ابوها وهو دخل الصاله .. روان وقفت يدامه وتصافحو بالأيدي وبااست راااسه ..

أبو روان : اشلونج روان ..؟؟

روان : بخير يبا انت اشلونك ..؟؟

ابو روان : بخير

روان : حياك يبا استريح

ابو روان تجدم عن الكنفه ويلس .. روان يلست بس في بينهم مسافه

روان تأملت ملامحه ونزلت راسها .. السكون كاان سيد الموقف .. لهالدرجه يعني مستخسر تحضني وتلمني بشوق وحنين .. صاار لي شهرين مو شايفتك والسبب سفراتك وطلعاتك .. لا انت ولا أمي تفكرون بسفراتكم اللي زاايده عن حدها .. سفراتكم اللي خلتكم تهملوني وتنسون ان عندكم بنت توها ببداية عمرها يمكن تنحرف وتنجرف لدرب خاطئ .. يلا الله كريم

روان رفعت راسها تطالع ابوها .. طالعته يطالع صوب الدري مبتسم .. روان رفعت راسها شاافت أمها نازله من ع الدري ..

أم روان ( صوفيا ) : هااااااااااي

ابو روان وقف وابتسم : هااااي صوفيا

روان ابتسمت وفخاطرها والله شوواااب اخر زمن ويعرفون للهاي والمااي الله يستر بس هههههه

صوفيا يت وسلمت على أبو روان .. وقالت بلغه عربيه مقطعه : نورت البيت

ابو روان مبتسم : هههه أكيييد روان مو جذي ولا كيف ..؟؟

روان ابتسمت وقاالت : اي يبه منورنا

ابو روان : صوفيا قولي لهم يطلعون الغدا

صوفيا : كلمتهم

روان ابتسمت وهي تطالع أمها .. الحين كل هذا عشاان ابوووي حتى الكلاام اللي تقولين ما اعرف اتكلم عربي عشانه تتكلمين .. وأنا لو أتكلم بس كلمه عربي جدامج تقولين شو هالسخافه والتخلف هه الله يستر بس

ابو روان : بنتي ناقصج شي ..؟؟

روان هزت راسها : لأأأ كل شي عندي

ابو روان : ايـــه اذا ناقصج شي خبريني واجيب لج ايااه .. حتى لو لبن العصفور هههه

روان ابتسمت .. اش فايدة لبن العصفور لو فااقده وجودك معاااي اش فاايدة لبن العصفور اللي تقول عنه لو انت مب معااي وأكبر همك اشغالك وتجارتك ..

روان ابتسمت : يبا اليوم المغرب بطلع مع رفيجاتي

ابو روان ابتسم : وين ..؟؟

روان فخاطرها .. أنا يوميا اطلع ومحد يسألني .. الحين يوم انك ييت تسألني .. بس يلا ما علينا : يبا بنروح السينما

ابو روان : مع رفيجاتج هذول الكوكتيل ههههه

روان ابتسمت : اي يبه

ابو روان : أوكي وأنا وأمج بعد اليوم بنروح لعشااء عمل

روان ابتسمت : خلااص أنا بروح مع رفيجاتي

ابو روان : على رااحتج بنتي

حتى بيوم الجمعه اللي الأبو ينطرهاليوم من بداية الأسبوع الين ما ايي عشاان يطلع عياله ويكلمهم ويلعب معاهم انتو عندكم بهاليوم عشاااء عمل .. ما أقول غير الله يستر ع اللي عايشين بنفس حالتي والله يستر علي

إڷـ?ٍ آڷلْقٍــآءْ فٍـ?ٍٍٍ آڷحًـڷقْهٍـ آڷقًــآدٍمْـهٍـ ..