آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
02-12-16, 03:09 PM
| #301 | ||||||||
 
|  سلام عليــــكم ورحمــة الله وبركــاته قبل آن نبدآ: لســـت من مــلائكة السماء لاكــون منزهه عن الغلط ...فآن وجـــد بالرواية غلط فآن النصح يجــدي وآلتمســـوا لي سبعـون عذرا ... -شكراً لتواجدگم بالمتصفح او خلف الكواليس -شكراً لدعمگم،تقاييمگم،ردودگم المحفزه لا اله الا الله ،وحــده لاشريـك له، له الـملـك وله الحمد، وهو علئ كل شيء قـدير لا تلهــيكم الرواية عن العبادات.. بســــم الله نبـــدآ .. كؤوس توالت علينا فذقنا بها الحزن حيناً .. وحيناً سهادا طيورٌ تحلق فى كل أرض و تختار فى كل يوم .. بلادا و توالت على الروض أسراب طيرٍ و كم طار قلبى إليها وعادا فرغم أتساع الفضاء البعيد فكم حن قلبى .. و غنى .. و نادى و كم لمته حين ذاب أشتياقا و ما زاده اللوم .. إلا عنادا” .. لـِ فـاروق جويـده .. .. البــ27ــارت () اهدتْها والدِتها صَفعهً مدويةً على خَدِها وهِي تهتفُ بحدهً:ماربيتك على قله الادب ابد يالجيـن ...ياحسافه التريبه فيك ياحسـافه.. احتقـنَ وجهها بضيقٍ وهـي تقول بقهـرْ : لا تحسفيـن علئ تربيتك..لولا تربيتك لنـا كان حنا ضايعين مثل ابونا...مانـي قليله ادب يمه بس ماهو كل اب يستاهل يكون اب ولا يستاهل حتـى ذره احترام.. تنهـدتْ والدتها بضيـقً وهِي تبتعد عنها وتُوليها ظهرُها قائله: ماقصر ابوك في حقكم لا تظلمينه...يشتغل ليل نهار عشـان يعيشكم بهالنعمه.. لم تجبْ هِـي، بلْ نطقت حنين وقتذاك وهِي تجلسُ على السرير بتعب: عمرها الفلوس ماتهمنا يمه ،ابوي يظن الابوه بالفلوس بـس ،جاهل كم تسـوى الكلمه الحلوه من لسانه *اكملت بضيق* 23 سنه من عمـري مااذكر اني ضميت ابوي فيـها او حتى حطيت يدي بيده واحنا بمكان عام ومشيـت فرحانه وقلـت هذا ابوي .. قاطعتها لجين وهي تقتربْ من نافذتَها، لتستندْ علئ حافَتها وببحهٍ: لما اجيب شهادتي بالابتدائي كنتي انتي توقعين بداله يمه واتضايق لما اشوف شهايد صديقاتي عليها توقيع ابائهم،مايهمني شخطت هالقلم قد ماكان يهمنـي انه يطالع بشهادتي ولو بالغلط ،هذا انا تخرجت وهو حتى مايدري انا باقي ادرس او لا *اكملت بسخريه* لا اذا تعنى من جد وكذا بالصدفه كان فاضي وماعنده شغل سالني اذا انا ادرس او لا *ضحكت بخفوتْ لتلتزمْ الصمت بعد انْ تمكَنت العبرهُ من حُنجرتها* حنيـن بتنهيدهْ نطقتْ بيأس وهِي تنظرُ لوالِدتها:يمـه ابوي ليش كذا! من جينـا على هالدنيا وكله قاط تربيتنا عليك وفوق هذا ماهو مقدر انك قايمه بواجبـه، لجيـن بتذمر هتفت : مستكفـي فيك من يومه..وأنتي راضيه بهالشي وأجبرتينا بسكـوتك نرضى.. وزعتْ انظارها لفتياتهَا الآتِـي تعاونوا ضِدها وكلاً منهمْ تبوحُ ببوحٍ قاتل..لتنظرُ للبابُ نظرهً خاطفهً، فتراهُ يقفُ مرتكزاً وملامحِه تتبسمُ بالضيقْ، لتهتفُ لهُ قائلهً: سمعت خواتك ياعزيز ...يشكون ابوهم لي يحسبون امرهه عندي..مايدرون بالضيم اللي ذقته.. اقترب من والدته ليجلسْ امامها علئ ركبتَيه هامساً بضيقْ بعد انْ قبّل كَفيها: ماينلامون يأم عبد العزيـز كانـوا صغار ..ماعليهـم شرهه يمه لجيـن بقهـر:كنـا صغار والحين كبرنـا .. لمتى بنظل جاهلين عن اللي يصير حولنا!! اكملت حنين بترقبٌ:يمـه حنا بناتك شلون تظنينا جاهلين عنك..شلون وحن نشوف أذيه ابوي لك بالكلام بس غصب عنا نسكت لما نشوفك تسكتين.. ام عبدالعزيز بتنهيده: وش بيـدي اسوي !! انا اللي زرعت الشوك بطريقي وانجبرت امـشي عليـه برضـاي.. اقتربت منها لجين وهي ترصُ علئ اسنانها بضِيق: وش الي حدك!! نبي نعرف يمه قولي وش اللي حدك.. عبدالعزيز بحدهٍ رقيقهً:مهــي مجبوره تبرر لكـم فضوهـا سيره. قاطعتهُ والدتـُه بضيق: عشـانكم ..عشان مايحرمني منكم.. حنين بتشتت وضياع:شلون يمـه ! كيف يحرمنا منـك وبأي حق؟ ام عبدالعزيز:خذاكم مني اطفال ، فطر قلبي عليكم وخلانـي اتخلى عن هلـي ،عن عزوتـي والحق وراه بدون مااعطي خبر لاحـد *اكملت بسخريه* خيرنـي فيكم وفي هـلي..واخترتـكم ازدردت لجين ريقها بذهول وهِـي تقول:يعنـي يمه انتـي عندك اهل عبدالعزيز بأستخفاف بغير محِلـهُ: مقطوعه من شجره مثلاً .. لجين بتبرير:اقصـد ويننهم ليش ماوقفوا بوجهه ابوي مو انتي بنتهم وليش اصلا ابوي خيرك فينـا وبأهلك ليـش يمه؟!! تنهدت ام عبدالعزيز وهي تقول: عشان الفلوس!..ماودي اشوه صورته قدامكم بس كان كل همه شلون يجمـع الفلوس، وقبل 18 سنه تعرضت شركه من شركاته للخساره بعد ماخسر صفقه كانت من صالح اخواني وشركتهم..صارت بينهـم مشاكل بخصوصها وكنت توني جايبتك وعند هلي،وبكل قسوه جاء وخذاكم مني بالغصب حتى أنتي خذاك بلفتك ..فطر قلبـي عليـك وأنتي ماخلصتي الاربعين يوم بحضني .. وقتهـا هلـي تدخلـوا وللاسف ماكان فيه فايده.. بالاخير اخترتكم وبدون ماأشـاور هلي رحت بدون علمهم معه وتبريـت منهم عشانكم..*اكملت ببحه* كنت متأمله فيـه خير وبينسى مع الايام وبشوف هـلي بس للاسف مانسى و مع الايام اقتنعت والتهـيت فيكم..لانـي خفت! خفـت يأخذكم منـي مره ثانيه . فغرتْ حنين شفتيها بذهول وهي تقول بضيق:شلـون تحملتي البعد يمه! اقتربت منهـا لجين وهِي تضعْ رأسهـا علئ كتفِها وبقهر:ماله حق يمـه ضمتها والدتَها بذراعها وهي تهمسُ بحنو : اللي راح راح وهذا المكتوب يالجيـن..*وضعت كفَها البارده علئ وجنتها المتشربه حمرهً وبندم هتف* يوجعـك؟؟ ابتسمت لجيـن بشقاوه وهِي تجيـب:شـويتـين .. هتفَ عبدالعزيز بمداعبـهً: لاا لاا لجيـن انضربت وانا ماكنت فيه حسافه .. لجيـن بحنـقْ: عــادي ضرب الحبيب مثل اكل الزبيـب.. ضحكَ وهو يقول: ماشالله هالمثل مطبقته علئ حمـد المسكين..*رفع هاتفه وهو يقول* حرق تيلفوني مكالمات من الخـوف عليك.. حنين وهي تشِير لهاتفَها المتناثِر بالارض وبسخريه: واضح جدا انها صبت ثلاثة ارباع غضبهـا فـيـه .. ضحكت لجين بخجل وهِي تبتعدْ عن حضُن والدتها وبتبرير حرج: هـو دق بوقت غلـط يستاهل.... ضحكت والدتَها وهي تقول بمرحْ:الحمدلله الجوال انكسر يعني مافيه مكالمات ليوم زواجـكم مابقى عليه الا اسبوعيـن وكم يوم . لجيـن باتساعَ عينيـهَا وبحنـقْ:تبينـي اجلس بدون جوال طول هالمـده ام عبدالعزيز: لا خذي جوال بس خلاص اثقلـي لاتكلمينه خليه يشتاق لك.. لجيـن بتفكيـرِ وابتسامهً عريضهً تحلقُ بثغرهَا :تقوليــن؟! ضحك عبد العزيز وهو يقول بذهولْ :شف شف..طيب استحـي شوي حسسيني انـك عروس.. على طول شاقه الابتسـامه زي المشفوحه! لوت شفتيـها بتذمرٌ: وع اتخيـل شكلي عروس استحي ..من من استحي! انا وحمـد مع بعض من حن بزران خلااص صار حافظ خلقتـي وطبعي .. حنين بضحكهً:ولـو الحيـن زوجـك اكيد بيشـوفك غير وانتي بعـد.. لجيـن بشغبٍ : لو بعد ميه سنه مستحيل انسى حمد ابو فنيله مقطوعه وهو مستحـيل ينسى كشتـي وانا صغيرهه.. رشح عبدالعزيز بقوهً اثّر ضحكهُ الشّديد وهو يقول باستخفافٍ:يالله لاتبلانـا ولا تبتلينـا.. ، ربـْت علئ كتفِهـا قائلاً بحنُو بالغٌ كرذاذٍ منعشً علئ مسامِعها:استهدي بالله يمـه..وبأذن اللي عينه ماتنـام ماتمسين بكره الا عنـد جوري. رفعت اهدابهَـا الممتلئهً دموعٌ متعبهً: الله لايخلينـي منك ياولدي .. قبل رأسـها وبأبتسامه وهو يمسحُ دموعَهـا: بسك دموع ..جوري بخير ان شالله وبكره لارحتي بتشوفين بنفسك..الله يخليك لنا يمه روفي على قلبك ماراح يصير الا اللي ربـي كاتبه. هزت رأسَـها وهِي تمسحْ وجنتيهَا:ونعـم بالله.. هتفت جـنى بضيـق: يمــه بـروح معك ماني مخليتك تروحين لحالك.. ام احمـد برفضْ: اجلـسي عند اختك مايحتاج تروحين واختباراتك على الابواب..ماحنا مطوليــن بتطمن علئ اختك وبنرجـع.. جيـهان :يمـه اذا علـي خليهـا تروح معك لاتخافين..والاختبارات تجيب عذر ام احمد: لا تجلـس ومايحتاج وحـده من حريـم احمد تروح معانا تكفي احمـد بتأييد : صادقه امـي وراك جامعه وماحنا بمطولين ان شالله.. ام أحمـد بتساؤل:بتروحين معي يامرام ولا أكلـم ساره؟ قاطعها احمد بهدوء:اكيـد بتروح وش يودي ساره!! ام احمـد بقوه:ليش مهي زوجتك هي بعـد!! احمـد بنرفزه : ماقلت شـي يمه بس مرام بتروح*ألتفت لمرام وبتأكيد*صح مرام بتروحيـن؟! بللت مرام شفتيها وهي تلوحْ بحدقةً عينيَها بالفراغْ قائلهً بهدوءٍ: لا عادي ساره تروح *نظرت لام احمـد وهي تزدري ريقها وتردفْ* السمـوحه خالتـي كان ودي اروح معك لجوري بـس مافيني شده للسفر... ام احمـد:خلاص ياأحمـد خلص اوراقنا انا وساره وعطها خبـر ترتب امورها..*ألتفت لمرام وبأبتسامه* لايطلع في خاطرك يامرام بس بعـد ساره زوجتـه ولها حق مثلك ولا لا يابنتـي.. مرام بضـيق:لهـا حق اكيـد...ماقلتي الا الصح وقف احمد بضيق وهو يرمقهـَا بنظرات معاتبه وهو يقول: عن اذنكم بروح اخلـص الاوراق *اكمل بهدوء وهو يشير لجنى* جيبي جواز امي.. بعـد ان خلـتْ الصاله منْ سواها وجيهـان المستاءةُ مماحدثْ والتي عاتبتَها بشـدهً وهِي تقول: على فكـره جالسه تفلتيـن احمد من يدينك وتسلمينه لسـاره بكل برود بهالتصرفات..*اكملت بتنهيده* احمد يحبك يامرام لاتذبحين حبـه بهالبرود..مو بس انا اللي اقول هالكلام الكل ملاحظ برودك بعد زواجه هو تزوج صح مابيدك شي بس ماهو يعني تتخلين عنه لساره*اكملت بتحذير* انتبـهي قبل يجـي يوم ماتلاقيـنه جنبك .. مرام بخفوت: تهقيـن بيجـي هاليـوم؟؟ جيـهان: اذا استمريتـي بهالسلبيـه وماتمسكتـي بزوجك وبيتك بيجي.. مـرام : قوليـلي شسـوي؟..اللي اسويه غصب عنـي مو بأرادتي.. جيهان : مافيه احد يسوي شي غصب عنه..بيدك توقفين هالمهزله.. مرام :تعبـت ياجيهان ومحد قادر يفهمني ...حتى احمد صرت غريبه عليه بعـد ماكنت كتاب مفتوح قدامه...ماعدت اعرف انا شاللي ابيـه.. جيـهان : بيدك توقفين علئ حيلك من جديد وترجعين احمد لك مثل قبل *اكملت بتشجيع* انتي واحمد مكمليـن لبعض خمس سنين عشتوها سوا بحبكم، محد قدر يفرقكم او يتدخل بينكم وهاله الحب كانت محاوطتكم لاتدمريـنها او تسمحيـن لاحد يدمرها..حافضي علئ حبكم يامرام . مرام بهدوء:جيــهان تكفيـن ساعديني..*اكملت بتشتت* انـ ـا أبي أتعالــ ـ ـج بس بدون مايدري احمـد .. جيهان بأستنكار:ليـش ماتبينه يدري..المفروض اثنينكم تقدمتوا هالخطوه من زمان ...ويمكن يكون هو اللي لازم يتعالـج. مرام :مابيـه يدري تكفيـن ياجيهان افهميني...انا اللي هدمت حياتنا وابي ارجع ابنيها من جديـد... جيهان بأستغراب:صح انها خطوه جيده انك تتعالجيـن بس يامرام لازم يدري.. قاطعتها مرام برجاء : عشـاني تكفين مابيـه يدري.. *اكملت بتبرير واهـن* على الاقل مابيه يتعرض لخيبه ثانيه لو صار ومافيه امـل..*نظرت لجيهان واكملت*سفر احمد وساره بيكون فرصه لي اني اتعالج بدون مايدري.. جيـهان بود:دام هذا قرارك انا احترمه وباذن الله راح اساعدك *اكملت بتذكر* عندي موعد الثلاثاء عند دكتورتي شرايك تروحين معـي ماشالله عليـها دكتوره شاطـره وان شالله تقدر تفيدك.. مـرام بلهفه: ايه ايه نروح لها واذا مافاد بنروح لغيرها ماراح نيأس مو؟ جيهـان :ان شالله الامـل بالله كبيــر ،ياليتك اتخذتي هالخطوه من زمان بتر حديثهم صوت صراخ طفلها الذي شرخ قلب مرام بلهفه وهي تسبق جيهان لحمله بين ذراعيها وببحه حنين هتفت: يازينهم الصغار ياجوج جيهـان بتأثر هتفت بأبتسامه : الله يرزقـك بواحد مثله قريب ان شالله تنهدت مرام بوهـن وهي تمرغ انفها بجبينه وبلهفه ملتاعـه:اميـــ ـ ـن.. ، حين تسلطتْ اشعهً الشمسْ وضّوحِ النهار مِن خلف النافذهْ، تمللتْ اهدابُها بتغضُن وهِي تنقلبْ علئ جانِبها الاخَـر ، أترتطـمَ جسدها بصدرهِ المَصقول ،مما جعلَ أناملها ترتفَع بحذر وهي تتلمسـهُ بتوجسٍ، مررت أناملها على وجهِهِ وهي لازالتْ محاصرهْ انظارهُا بهدبِها،استطاعت التعرف عليه لتنتفضْ من السرير حتى كادتْ تسْقط وهي تفركَ عينيهَا كي تتضح لها الرؤيا بعد تغبُشَـها،استلقى علئ ظهرهُ وهو يلوِي شفتيهِ متبسماً وانظاره عالقهً بها: يالله صباح خير تتحرشين فيني وانا نايم ماتستحين! فغرت شفتيهَـا بصدمهً وهي تقول بأنفعالٍ مبررٍ:كذاب والله العظيم كنت نايمه ، انت وش جابك اصلا؟؟ شبك انامله ببعضها وهو يمطُ ذراعيِه بنشاط قائلاً بمكرْ: السرير سريري والغرفه غرفتـي...وانتي زوجتي وين تبيـني انـام مثلا؟؟ رفعت كفيهَا وهي تلمُ خصلات شعرها المبعثرهْ وبتذمرُ: طلعت الشمـس وانا ماصليت الفجـر لو فيك خير كان صحيتنـي.. ضحك بشدهً ليردف: بذلت قصارى جهدي وانا اصحيك بس ماصحيتي *اكمل بخبث* ماشالله نـومك ثقيل لو شبت حريقه ماصحيتي... نظرت لها بتوجسٌ من نبرتهِ وهي تقول بغضبَ: والله انك نذل شسويت فيني وانا نايمه؟! .. غرق بضحكتهْ مجدداً وهو يقول :باقـي صغيره مايصير اقولك عيب . رصتْ على اسنانهَا بقهر وهي تقول:قليـل ادب اصلاا ماتسترجـي نظر أليـهَا بنظرهً خاطفهً وهو يقول: كنت بقوم اوريك اذا استرجي او لا بس روحـي صلي افضل لك هذا اذا باقي تنقبل صلاتـك ساحبتها نومه لهالحزه وتوك تبين تصليـن.. بضيقِ هتفت:كلــه منك ثانـي مره ماتصحيني للصلاه.. طلال بمكـرْ:انا ابريت ذمتي وصحيتك بس انتي ماقمتي حتى تعلقتـي فيني ماخليتينـي اقوم اصلـي.. اتسعت عينها بذهول وهِي تقول بأنفعالٍ مرتبكْ:كــذاب والله كذاب.. اتسعت ابتسامتهُ بتشفيِ وهو يكملْ:روحي صلي لو تدرين انتي وش مهببـه وانتـي نايـمه تذبحين عمرك بس الستـر زين.. هتفت بتساؤل مترقبٍ:شنـو سويـت؟ هز رأسه بالنفـي وهو يقول بمراوغـهً: قلتلـك الستـر زيـن.. ركلتْ الارض برجْلها اليمنـى وهي تقذفُ عليه بوسادتَها وبشتمْ: الله ياخذك يا***ادري استغليتنـي وانا نايــمه حقـير،ونذل، الله ياخذك.. استدارتْ لدوراتِ المياه وهِي تغلقْ الباب خلفَها بعنفٌ،وضحكاته الصاخبـه من خلفـها ترنُ بِمسامعَها.. بعد ذلك بوقتٍ قصيرْ، هبـطتْ للاسفل ولاتزالُ ثورهً انفعالاتِها تُسيطر عليها..وتشتم حالها كونهَا غفـتْ دون شعورٌ منها ولم تعي او تستذكرْ ماحدث بالامس..رأت مهـا واطفالها بالصاله،لتقترب منها وهي تلتقطُ الصغير من بين كفيهَا وبأبتسامهً :صبــاح الخيـر... ردت مها بهدوء باسـمٍ:اهليـن صباح النور،ماشالله صاحيه بدري.. فرح : امس نمت بدري ماحسيت بعمري اصلا متى نمت..ماشالله انتي وش مصحيك مع هالقرود هالحزه!! مها : هذا انا وعيالي دايم نصحى هالحـزه ..*اكملت بتقريـع *بعدين قرود بعيونـك يالنتفه خليـنا نشوف انتاجك انتي وطلول .. فـرح بتصريفـهً وهي ترفعُ أياد بين كفيَها وبنشوهً اخذت تقبلهُ وهي تقول: والله ماخرجتـي الا بهالزيـن شكلك فعلا مبدلته بواحد تركي.. تأكدت شكوك مها لتقول بترقب:فرح ممـكن أسالك سوال ؟! نظرت فرح لها بترقب باسـم،لتردف مها بأندفاع :فرح تحبيــن طلال ؟؟؟ فرح وتيارْ كهربائِي يـسريِ بجسدهَا وبربكهً: وش الطــاري! مها بغموضْ: عادي مجرد سوال..اذا يضايقك لاتجاوبين.. فرح برجفهً واهدابها تسقطُ لكفيها المتشربهَ حمرةً:لا عـادي بس استنكرت...*اطبقت شفتيهَا بصمت بعد ذلك دون العثور على ردٍ مناسب *لتهز مها رأسها بفهم وهي تقول بأتزان: شوفـي يافرح اعتبريني اختك لاتشوفيـني مهـا اخت طلال وصارحيني بحقيقه مشاعرك تجاه طلال*اكملت بترقب* اتمنى ماتشوفينه تطفل بس انا ملاحضه بينكم شي غريب ولو اني كنت اشوف بعيونكم لبعض شي ثاني تماما *اكملت بتشديد*هذا غير خجلـك و توترك لما يكون موجود ساعات انتي ماتحسين بـس ينعكـس على انفعالاتك ووجهـك.. فرح بتلعثـمٌ : مثـل ايـش مثلاً...مابينا شي انا وطلال..اذا علئ الخجل غصب عنـي يعني ..ماصار لنا من تزوجنا ما امداني اتعود عليه مها بتركيز: انا مره متزوجه وفاهمه..مو معقول صار لكم ثلاث شهور من تزوجتوا وبعدك تخجلين منه كذا الا بحـاله وحده.. نظرت فرح لها بتوتر وهي ترمش بهدبها وبتلعثم :شـنو؟ مها بتفكيـر: ماصار بيـنكم اي شي من تزوجتوا صح ؟؟ احتقن وجهها بالحمره وانفاسها تتصاعد بحراره كاسحه وهي تخفض اهدابها بحـرج و ارتباك..لتردف مها بذهول: يعني شـكوكي بمحلها!! *اكملت بأستنكارٍ شديـد*بـس شـلون؟! يعني معقوله كل هالجمال ماشافه طلال ولا شده؟ فرح بتوتر وارتباكٍ خجول:مهـا... مهـا بذهول: وشو؟؟معليش فرح بس انا للحين بصدمه معقوله يعني ثلاث شهور وببيت واحد ماصار بينكم شـي..*اكملت بتساؤل حذر* ليكون ماتبينه؟ فرح بتبرير عجل:لا مو كذا...بس يعنـي ماني قادره *صمتت ببلاهه عاجزهً عن التعبير * لتردف مها بأستغراب: كل هذا خجـل يافرح! فرح بتلعثـم: غصب عنـي يعني اخـاف منه وغصب بس اشوفه ارتجف مهـا بأبتسامه مندهشه:ياويلـي عليـك يافرح كل هذا براءه..كلـنا ماتعودنا وتزوجنـا جاهليـن عن هالامور..بس بعدها صرنا فاهمين وقدرنا نأسس حياه وبيت وجبنا عيال لان هذي سنه الحياه.. ازدردت فرح ريقها بربكه وهي تتنفس بعمق:مهـا قفلي هالسيره تكفين مهـا بعتب:افا يافرح لاتستحين مني حنا خوات اذا مانصحتك وفطنتك من بيعلمـك ..*اكملت بوضوح* تدرين انك كذا تغضبين ربي والملائكه تلعنك انتفضت فرح برعشه وهي تقول: والله مارفضته..بس كذا اخاف من قربه واحس انه مايبيني ومغصـوب علي * زفرت بضياع وبتذمر اكملت*والله موقصدي بـس اخوك جلمود يختي بس يطالع فيني تجيني ام الركب ضحكت مها بشده وهي تقول بذهول: مـنك لله يافرح..الحين تخافين من طلول ...انتي ماتشوفيـن عيونه شلون تقوطر حب لما يشوفكك فرح بضيق:ايـه من جنبـها..اصلا كل ماشافني الا يمسخرني وتقول حب مهـا بجديه: لانـه يحبك يامجنـونه..هذولا الرجال اسأليني فيهم خبره الواحـد يموت مايعترف بحبـه ..بس بالكلمه الحلوه والمسايره يغرق لشوشته..*اكملت بحنو* فروحه صدقيـني طلال يحبك لا تخسرينه وحتى انتـي باين انك مجنونه فيـه لذلك خلو عنكم المكابر وعيشوا حياتكم *اكملت بأتزان * تغلبي على هالخجل واكسريه باهتمامك فيه ولبي احتياجاته *اكملت بتقريع وهي تشير لملابس فرح* والبسي عدل قدامـه وتكشخي من جيتـي هنـا ماشفتك حاطه روج حتى وكله بهالروز فرح بأبتسـامه خجوله: شوفي انتي قليله ادب هذا شي خالصين منه بس تبيني اصير مثلك قليله ادب بعيـد عن عيونكك... ضحكت مها بحماس: اليوم الله لايعوق بشر ماني بمخليتك لين اسنعك هتف وهو يتخطى السلالم : خير يام القرود وش تسنعين مرتي فيه؟ حدقت فرح بمها بتحذير من جنونها وهي تهتف بتصريفه: كله عشان قلت عن عيـالها قرود ...ابتسم بنشوهً وهي يجلس بجانبها وبمكر أًيّـدها وهو يقول: وانتي صادقـه ماغلطـتي..هذي خلقه ربي ماحد يعترض عليها مهـا بنظرهً متوعـدهً :هيـن ياطلول تصف بجنب زوجتك ضدي وانا وش حليلـي ابي لك الخيـر.. ضحك وهو يهتف : انا صفيـت مع الحق .. مهـا بغرور: ماتهزون شعره فيني لا انا ولا قرودي بهالكلام *التفت لفرح وبحنق* جيبـي اياد بس اشوفكم ميتين على عيالي وتقولون قرود ضمتْ اياد لصدرها بنشوهٍ وهي تقول بود: لااا هذا كيووووت يجنن مايشبهك انتـي وقرودك..*وزعـت قبلاتها علئ وجهه بسعاده *بريحـك منه واخذه عنـدي عشان لايصير نسخه ثالثه من قرودك.. التقطه طلال من حضنها وهو يقول بأمتعاض :من زينـه نسخه من هالقرود...*حركه بين كفيه بتفحص* حتى ملامح مافيه *نظر لفرح وبتقزز* وش حبيـتي فيه الله لايبلانــا .. ضحكت مهـا بشدهً وهي تقفُ لتلقطْ ولدها وبمكَـر هتفت: اعوذ بالله يالغيره ..شرشحت ولدي وبهذلته وهو ماله ذنب..ذنب زوجتك لذلك لاتسب ولدي ..وتفاهـم مع زوجتك *قطبت حاجبيهَا بخبث وهي تدلف مع اطفالهـا لغرفتهَا بالطابق الاسفل ..بقيت بجانِبه تفرك كفيها بحرجْ ليهتف هو بحنق : جـد والله وش حبيـتي بهالنتفـه!! ابتسمتْ وهي تقول: وانت ليش كارهه هالكثر حرام عليك والله يجنن لوي شفتيه وهو يقول: مو اكرهه بس ماحب البزاريـن.. استدارت اليه بتساؤل مستنكـرْ:أومـا ! ليش ماتحبهم؟؟ هتف بأمتعاضْ: بثره ووجع راس، من الاخـر ينرفـزون.. فرح بأعتراض:حـرام عليـك والله يهبلون وكذا كيـاته.. نظر اليها بأستنكـار وهو يقول:وش كيـاته ذي يازينك ساكته بس فرح بضحكه: هذي مصطلحـات مو من جيلـك يالشايب اكيد ماتعرفها رمقها بطرفِ عينيهِ وهو يقول: الا والله مصطلحات الغرب اللي لحسوا مخكم وضيعـوا سلومكم .. ضحكت بشـدهً وهي تقول: طلعت عارف معناها يابكاش وجالس تستعبط ابتسم وهو يقول: من تعلـم لغه قومً امن شرهم.. فرح بذهـول واستنكار: حتى في ذي مسوي فيهـا ديمقراطــي أرفق بعمـرك شـوي ياخـي.. مد ذراعـهُ خلف كتفِهـا وهو يقول بروقـانْ : هذا الواقـع عندك شك! لوت شفتيهـَا بتفكـير: هو انت مو ديمقراطي بمعنى الكلمه، لا بس جنـي مافيـه شـي الا تدري عنـه اعوذ بالله من شرك..ابتسم وهو يمد انامله لاؤذنيها ويشَدُ عليها وبتشفِي هتف: منهو الجنـي يالنتفه ؟؟ وضعت كفيها علئ كفيه لتزيحها وهي تجيب بشغب رغم تألمها: ترا امدح ماني جالسـه اذمك..يعني الجني افضل من الديمقراطي وله هيبه اكبر شد بكفيـهِ اكثر وهو يقول بأبتسـامهٍ: ياكثر ماتجيبيـن العيد لنفسك ابتسمت بشقاوهً وهي تقول بألمْ:زيـن سمـاح هالمره شيل يدك عورتني ابعد كفيـها وهو يقول بتشـفِي:احسن طلعت حرتي عيديها مره ثانيه وشوفي شيصير.. هتفت بحنق:كل هذا عشـان مدحتـك خلاص توبـه ماتستاهـل.. رد بأندفاع فاضحْ اخرسها: لا عشـان ثاني مره ماتتتجرأين وتبوسين واحد من هالقرود..عيديهـا شوفي شلون انتف لك أذونـك.. تشربت الحمرهً وجنتيـهَا وهي تحدق بعينيه بذهُول يكسوه الخَجل.. ارتفـع صوت هاتفه الذي جاء مسعفاً لفرح التي تغضنت ملامِحها بالحرج ومضخهْ قلبـها تضخُ بأوردتهـا بقسوهً هيضتْ اختلاجاتها لتصبُ كالبركـانْ بداخلها، اجاب علئ هاتفه وعيناه لاتزال تحاصِرها، انصت للمكالمه بحذر وهو يعتدل بجلسته بأتزان، دقائق قليلهً لتنتهـي المكالمه،وينهضُ هو بعجـَل وهو يقول: بطـلع الدوام طالبيـني.. وقفت معهُ وهي تهتفُ بتوتر: اليـوم سبت أجـازه.. طلال: امـن دولـه مايقتصر علئ ايام الدوام بس...*اكمل بوضوح* يمكـن ماأرجع اليوم بدري عطي امـي خبر لاصحت.. ، يتبـــع ~ ♥ | ||||||||
|  |
|
02-12-16, 03:11 PM
| #302 | ||||||||
| ، اغلقـتْ حقيبتهُ بعد ان وضعتْ اخر احتياجاتهُ بهـا، اتجهتْ للمطبخ وهي تلتقطْ الفحـم وتضعُه بالمبخره،وتعاود ادراجـها لغرفته كَـي تبخرها له،وقفتْ امام التسريحه وهي تضع العود بالمبخره لتتطايرُ ابخرتهْ بتصاعد وتختلط بهواء الغرفهً برائحةً العود العتيقْ، تركتها بمكانهَا وهي تستدير للخروج،ولكنهَا شهقت بصدمهً وهي تراهُ يقف خلفها ولايفصّل بينهمُا سوَا بضعهً اقدامْ، تنهدتْ براحهً وهِي تضع كفُها يسار صدرها وبعتب: روعتـني الله يهديـك..شلون دخلت بدون صوت!! واقفاً وهو مكتفاً بذراعيهِ ونظراتهُ مثبتهً نحو بؤره عينيهَا دون انْحناء ازدردت ريقها بتوتر من سكـونه وهي تهتف بتوتر : فيك شـي؟ تنهد بضيق وهو ينطق بتشتت: عجزت افهمكك يامرام.. اغمضت هدبها بتعب وهي ترد ببرود: جهزت شنطتك شوف اذا ناقصها شي.. قاطعها بتساؤل مستنكرْ: ليـش كل ماقلت زانت تتقفل الدنيا بوجيهنا! صرنا نحب الشقا يامرام ولا الشقا تولع فينا!! هزت كتفيها بحيرهً وهي تقول: حنا أحسـن من غيرنا...ليش نكبر الامور وهي بمنتهى التفاهه..الحياه مو لنـا بس ياأحمد..مايصير نحرمها علينا وعلئ غيـرنا..لازم نكون واقعيين شوي ونتنازل عن عنجهية احلامنا.. احمـد : احسن من غيرنا في ايش!! اقلهـا غيرنا عايش حياته مو مثـلنا يتخبط بضيـاع وبحيره..علئ الاقل غيرنا وتيره حياته وحده مو كل يوم ينام ويصحى مهو عارف وش يبـي ولا وش ينتظره..*اكمل بضيق* حياتنا صارت ماتنطـاق يامرام...ماصارت حياه واحنا نجري فيها وراء ارادات معدومه ...حياتنا لاحنا فيـها سوا ولا حنا فيـها بعاد ..انعفست يامرام بسبه برودك وافعالك السلبيه ..زفـر بألتيـاعٌ وهو يقول بخفـوت : خافـي ربك فيني يامرام وانصفيني..لاتذبحيني ترا معاد فالروح شـده.. رمشتْ بأهدابهَـا وهي تهبطُ بأنظارِها لموضعِ قدمه بصمتْ مؤرق لقلبـه المتعب ليردف بضيق وهو يقترب منـها بضعه اقدام ليقف حاجزاً بينهما مايقفزُ منه الاكسجـين:قوليـلي وش اللي يرضيـك!! وش اللي يردك لي مثل اول!!..مليـت انتظر واقول بكره ترجعين ويجي بكره وتزيديني بعد. بللت شفتيها وهي تهمسُ بألتياع مرهـقٍ: يبيلي وقـت اكثر عشان اتجاوز هاللي فيني واهزمه ..اذا باقي عندك صبر علي اكون ممنونه لـك.. احمد: انتي تدريـن اني عايش على هالامل بس ياخوفي يطول صبري .. مرام : احمد صدقنـي سفرتك مع ساره لصالحنا حنا الثلاثه.. قاطعها بحده : لصالحنا من اي ناحيه!! انها تقربني من ساره يعني اكمل بتساؤل مستنكر: وش أستفدتـي من اللي تسوينه..وش اللي يرضيك من هذا كله...عفتـي قربي ومعاد ودك فيه يامرام!؟ هتفت بأندفـاع وهي تهز رأسها بنفي: لا تقول كذا..ماهو نيتي هالشي قاطعها بحـده مخنوقه: وش هي نيتـك من هالتصرفات! كل شي واضح يامـرام..انتي صرتي عايفتني وعايفـه هالحب..وتبين البعد باي حيله هزت رأسها بعنف وهي تقول بجزع وعجز: تدري بعدك بالنسبه لقلبي جحيـم...بس لازم نساير الدنيا عشـان تتسامح معنا ونعيش... اكملت بوجوم:سـاره بعد زوجتك ومن حقها بعد هي تعيش ويكون لها قدر عنـدك حتى لو ضايقني هالشي مو مهم قد مايهمني انك ماتغضب ربي فيها..قاطعها بأنفعال وهو يهزها بكتفيها:اغضب ربي بشـنو شنـو!! انتي تدرين اني مابيـها ومستحيل اتقبلهـا زوجه بيوم وهي انفرضت علي اكمل بأنهيار بأعصابه: انتي ليش غبيه ! ليــش ماتحسين ...محد سكن هالقلب غيرك ليـش تستصغرينــه ليــش !! بلعت غصتها وهي تجيبه بقهر: توجعني وانت تفتري علي بهالـشي...انت ادرى فيني وبحبي...بس بعد مايرضيني حال ساره *اكملت بضياع وتشتت* احمد افهمني انا مو كامله ولا ابالغ بس ساره مثلي انثى تبي من يحتويهـا ويراعيـها تبي اللي يقدرها ويعزها حتى لو مايحبها لا تظلمهـا وتحمل نفسك وتحملنـي ذنبـها...ماأطالبك تحبها وتنـسانـي انا أطالبـك تخاف ربـي فيـها وتعدل بينـا باللي تقدر علـيه.. ، تجلس علئ الاريـكه بالقرب من النافذه والتي تشع بنورٍ طفيفٍ من الخارج ،منعكسْ على وجهها بظلام الصاله الدامس، تجلس متكوره علئ ذاتهـا وسط العتمه الملمـهً بوحدهً فضيعهً فـظهً، لاصوت سوا انفاسها وترتيـلٍ خاشعٍ لصورهً البقرهً بصوتِ ماهر المعيقلي يصدر من هاتفها بجانبها، استكـان قلبهُا وأطمئنَ بخشوعٍ وخشيهً انبثقتْ بعد تكرارها للايات خلفهُ، تارهً تخشـعُ مع الايات وترددهُا ،وتارهً تحفها السكينه وتنظر للعدم بشرودٍ تام..، دبت الرعشه بجسدها وهي تفز بعد ان اضيئت انوار الصاله ورأته يقف امامها بجسدهِ المصقول ونظراتهُ تكمن اليها، اقترب منها وهو يتنهد بضيق ليجلس علئ الاريكه وبتساؤل:وش مجلسك بهالظلمه؟ تلعثمت وهي تقول بتبريرٍ: كنت بنـام و...ماحب الاضاءه الكثيره هز رأسه بتفهم وهو يردف :زين اجلسي بقولك شي.. جلست بترقب وبداخلها يدب الخوف من ان مكروه اخر يحصل كما حصل بالامس وهي تقول بتبرير:والله ماقلت لامي شي ثاني ولا حتى كلمتها من امـس...، نظر أليها بذهول ولسانه يخرس عن اي قول.. وخزت بتبريرها قلبه بأبره مسمومهً ادمت قلبه بقسوهٍ..تنهدت بضيقْ وهو يمسح على وجهه وبهدوء:جهزي نفسـك بنسافر.. اتسعت زوجا اعينَها بذهول وهي تقول :وين ؟ وليش؟ فرك جبينه بأصابعه وهو يقول : جوري تعبانه وامي ملزمه تروح لها ومافيه احد يقدر يروح معها من البـنات ،لذلك جهزي نفسك عشان تروحين معنا ..رمشـت بأهدابِها بصدمه والفرح تراقصَ بقلبها طرباً،ولكنها همست بتذكر وهي تزدري ريقها بتساؤل:ومـرام ماراح تـروح؟ احمـد بضيق:لا....انتـي جهزي نفسـك وبس لاتنشغليـن بغيرك *وقف وهو يقول بتشديد* بكره الصباح بنمـشي بدري بعد صلاه الفجر خليك جـاهزه..*اكمل بتذكر* خذيلك ملابس ثقيله هناك برد تسائـلت بتوتر:بـس جـوري شـفيها؟؟ احمـد:سرطان بالدم الله يشافيـها.. شهقت برعبٍ وهي تهمس بعبرهً:بتمـوت!! نظر أليها بقوه وهو يقول بحدهً رقيقهً:فال الله ولا فالك لا تتنطقين عليها ارتعبت وهي تقول بتبرير: مااقصد والله بس اذكر بنت جيرانا ماتت منه عض علئ شفتيه وهو يتنهد بضيق: لا ان شالله الله يشافيها ياارب سـاره:اميـن..*اكملت بمحاوله لمؤاساته* لا تضايق ان شالله تكون بخير حدق بعينيها لبرههً وهو يقول بعد ذلك بزفره من اعماقِه: ياطيبه قلبك ياساره..*ابتعد لخارج الصاله وهو يكمل* بمـرك بكره بدري لا تنسين ، لوت شفتيها بتساؤل: يعـني مو اول مره ينام بشغله؟؟ ليان ببرود : اووه اصلا طلال دايم بشغله نادر نشوفه ..ماعتدل الا بعد ماتزوج وصرنا نشوفه ..احيانا يجلس بالايام مانشوفه.. زفـرت براحه:كـويس كنت خايفـه يكون صاير شـي.. مهـا بخبث: حركــات صرنـا نخـاف.. فرح بأنفعال:انتي انكتمي لا تتكلمين مانسيت حركاتك الصبح.. ريـم بتساؤل باسـم :خير شصـايـر؟؟ مهـا بتصنع لضـيق: الله يالدنيا الحين هذا جزاتـي اللي قدمت لك خدماتي ليـان بفضول: من اي نـوع هالخدمـات ..يمكـن تفيدنا.. مهـا: انثبري انتي ماتنفعلـك هذي تدخل من باب اصلاح ذات البيـن قطبت ليان حاجبيها بمكر وهي تهز رأسها :اهـا قولـي كذا اجـل. نظر فرح لريم وهي تقول: خواتك مليقـات علئ فكـره.. ريـم بتأييد:منذ مبطـي توك تدريـن..الله يعيضنا فيهم.. هتفت ليـان بتذمر: احمدي ربك علينا بس...الزبده شوفولنا مطعم يوصل جوعانه حـدي.. هتفت مها بحنـق: منكم لله تدرون امي محرمه علي اكل المطاعم وجالسين تغيضـوني ..بس ان شالله ماتلاقون حد يوصلكم.. فرح بتـشفي:احسن شوفي كرشك وش كبره سوت فيك خير خالتي ليـان بضحكه : اقول لايكثر انتي الثانيه بكره لاحملتي وولدتي بتصير لك كرشـه مثلـها.. فرح بأستخفـاف: على اسـاس انتي سبحان الله الحين ماعندك كرش! ضحكت ريم بقوه وهي تقول:على الاقل مها بعذرها والده بس انتي من الاكل ماشالله .. ليـان بحنق: وجـع على طول هجوم..وبعدين انا افكر اسوي رجيم قريب *اكملت بأبتسامه* بس مو ألحيـن صراحه نفسي بمـاك .. ريم :مايـوصل مـاك شوفولنا مطعـم يوصل .. فرح بعبوس :حتـى انا نفسي فيـه صراحـه.. ارتفـع رنين هاتفها مشيراً بأسم "متعب" ابتسمت وهي ترفعه وتهزه بكفها: خلااص لقيـتها ..بترت رنين الهاتف بالرد وهي تقول بحماس:ياهلاا والله وغلاا حـي هالصوت. أجابها من الطرف الاخـر بأستنكار باسم:هلاا فيـك..ولو اني احس انه مو من قلـبك هالترحيب ..ياتريقـه يا مصلحه.. ضحكت بخفه لترد: صف النيـه ياخي.. ضحك هو الاخر ليجيب : والله وانا اخوك مايمديها مع اشكالك.. فرح بحنق باسـم : شـكرا ومالت على اللي يرحب فيك مره ثانيه.. متعب بأبتسامه: زين لايكثر خمس دقايق وانا عند الباب معي اوراق عطيها ريـم تخص الشـركه..وخليها تنتبه لها لانها مهمه فرح بأستغراب: هذي هي عندي بقول لهـا.. هتف بأندفـاع ماكـر:لااا لاا افتحي اسبيكـر انا اقول لهـا *اكمل بتبرير* لازم انبهـا على شي ضروري وكذا.. فرح بأستنكـار: لـيش ماتقولي انا اقولها ؟ متعب : مع الاسـف انك غبيه ماراح تفهمين حطي سبيكر ولايكثر لوت شفتيها بحنق وهي تضعه"سبيكر" وتقول: ريـم متعب يبي يكلمك بخصوص الاوراق قاطعها متعب وهو يهتف بأتزان متحمس: مساء الخيـر ريم كيفك؟ هتفت ريم بحرج وهي تشير لفرح بوعيد: هلاا مساء النور ..امر؟ تنحنح قائلاً بأبتسامه: الجبهه طارت بس مو مشكلـه.*تصنع الجديه بنبرته وهو يقول* بعد شوي بأمر بالاوراق اللي كلمك عنها ابوي اتمنى تشتغلين علـيها بسريه تامه وانتبهـي لاي غلط لانه مافيه وقت احد يراجعها بعدك ..هتفت ريـم بأتزان: ان شـالله علئ خيـر .. نطق مبتسماً بمكر: كـفو عليـك يام فهـد هذا العشم فيك.. هتفت فرح بأستنكار ضاحك وهي تقول:علئ كيفـك صارت ام فهـد . هتف بأندفاع ضاحك: مو شغلك انتي...اول عيالي فهـد ان شالله. زمت شفتيـها بتفكير وهي تقول ببلاهه:طيب قلتهـا عيالك ..هي شدخلها ضحك بقوه وهو يقول: عطيتك وجهه بقـوه طسي مو فاضي قاطعته بعجـل:لاا لاا تكفى متعب طلبتـك..نبـي عشا من ماك.. هتف ساخراً:وش المطلـوب! فـرح : الفرع اللي جنبنا مايوصـل تكفى وانت جاي جيبلنا معاك.. نطـق بتصريفـه ضاحكه: المعذره الجيب فاضـي..ابوك حاط دوبه بدوبـي القهوجـي اللي عنده يأخذ راتب احلـم فيه وانا اللي اكرف ليل نهار.. انتبـه لصخب ضاحك من جانبها ليردف بقهـر:ماشالله فاتحه سبيكر ياكلبه *فخـم نبرته وبحميه هتف* احم احم بس هذا اللي تامرين فيه ابشري احسـن عشا لعيونـكم بس حـق المشوار عليـكم.. اغلقت السبيكـر وهي تقول ضاحكه: ولايهمك انت جيب لنا عشا وابشر باللي تبيـه..قاطعها بعجل : قفلتـي سبيكر؟؟ اجابته بأستنكـار :ايه ليـش! .. هتف بتساؤل باسـم:زين شرايك بصوتي يعني كأنك اول مره تسمعينه ؟ اتسعت ابتسامتها وهي تقول:ماشالله تبارك الله مايحتاج نشـاز بس ليش؟ لوئ شفتيه بحنق وهو يقول بشتم:الشرهه مو عليك وانا اخوك الشرهه علي اللي متأمل بأشكالـك يتعدلون بس مابه رجاا.. ضحكت بقـوه وهي ترد بتساؤل :لا والله جد متعب شصاير !! هتف بتذمر ساخر: الحسنه الوحيده اللي تشفعلك علئ هالغباء انك ساعدتيني بدون مقابل ولا لو انتي عندي نتفت شعر راسك على كميه الغباء اللي معشش فيه .. حكت رأسها بأبتسـامه بلهـاء: شكـرا علئ الشتـم المهذب ويجي منك اكثر متعب بأبتسامه :العفو تستاهليـن اكثر واكثر ...ارسلي طلباتكم واتس ابعـدت هاتفـها بقوه وهي تشتمـه بعد ان اغقله بوجهها لتردف ليان بحنق :ياليتـك خليتيه يجيب ميـرو معه دام طـلول مو هنـا.. فرح بحنـق: النفسيـه صك الجوال بوجهـي ..بعدين الوقت تاخر مااعتقد تخليهـا خالتـي.. استمـرت أحاديثهـم بينمـا هي لم تكـن معهم البته، لازالت ترنيمه صوته ترن بأذونيهـا..ولازالت حائره بما قال ولا تعلم ان كانت اسأت الفهـم أم انها بالفعـل أصابته، أصابهـا بتفيكـر آورق عينيها بتشتت وضياع ..اخذت تبحر بقـارب افكارها بأمواجـه ..تاره ترفض وبشده جزر أوهامهـا..وتاره تنجـرف خلف مدهـا بسعـاده تحلق بخجل بحناياها.. ، افرج ثغرها عن ابتسامه ذابله وهي تقول بفرحه تسللت لاعماقها:قول والله!!..،ابتسـم وهو يهز رأسه بحماس: رحلتهم ترانزيت علئ خطوط قطر ومن قطر لهناا ان شالله يوصلون بكره المغرب.. انتفضت واقفه بحماس: مشتاااااقه لهم حيـــل ياليت يجون الحين.. ابتسم براحـه وهو يهتف بخفوت:لو كنت ادري انك بتفرحين هالقـد كنت خليتهـم يجـون من زمـان.. هتفت بنشوه سعـاده :شـلون ماتبينـي افرح وانا الشوق ذابحني لهم فيصل بتساؤل باسـم:مشتــاقه لهم هالكثــر؟؟؟ جـوري بأندفاع باسم وهي تلوح بكفيها بالفراغ: كثيــــــر.. فيصل بتنهيده مبتسما :عقبالــــنا حنا بعــد نـذوق هالشوق. رمقته بنظره خاطفه وهي تقول بتساؤل ماكر: انت معـي شلون اشتاق لك ؟ ارتعشت شفتيه بأبتسامه ساطعه وهو يقول بترقب:يعني فيه امل تشتاقيـن لي لاغبــت؟؟ جـوري بتنهيده: يمكن اغيــب انا قبلـك .. تعجنت ملامحه بالضيق وهو يقول بعتب : ماتكملين جميلك ياجوري ولو مره؟؟ ابتسمت بضيق وهي تهز كتفيها:هـذا الواقـع ليـش تزعـل هز رأسه بأستياء ليردف : اوهـام مـن راسـك..ماهو واقـع.. حدقت بعينيه ببريق غريب مـن عيناها لتهمس بعد ثوان من الصمت: تدري انا مو زعلانـه لانه هذا ابتلاء من ربي بـس* شبكت اناملها ببعضها وهي تكمل بتلعثم* بـس تعبـانه من نفسي..اعاتب نفسي بنفسـي لاني حكمت عليـها بـدون ذنب..لانـي ضيعت ايام من عمـري ماعرفت قدرها الا اليوم قاطعهـا فيصـل بهدوء : وش استفدتي من هالشي! رجعت الايام اللي راحت؟ طبعاً لا ماراح ترجع ..بس هذا مايعني انه ماراح يجي مثلها اذا ماهو احسن منها بكـره وبعد بكره..ليش نحتكر امانينا علئ الامس؟ جوري بتشتت : لانه عشنـاه واسرفنـا بمشاعرنا فيه عكس بكره ماندري اذا بنعيشـه..او كيف بنعيشه فيصل : ماهـو منطقـي ابداً تبريرك...لانه بكره نفس الامس بنعيشه وبيصير ماضي نفس اللي قبلـه.. ثبتت انظارها بحدقه عينيه وبأرتباك هتفت بوضوح: بس انا متحسفـه على كل دقيقه راحت ماحبيتك فيها...ندمانـه عليها قد شعر راسـي..*بللت شفتيها وهي تكمل* الايام اللي راحت بدون حبك ماتعوضها الايام الجايه حتى لو كـانت احسن منها ...بكل انانيه اتمنى ترجـع واضيفها مع الايام الجايه* هبطت انظارها لكفيها بعد ان رأت البهوت بعينيه لتكمل بزفره ملتاعه* فيصـل سامحنـي علئ كل دقيقه راحت ماحبيتك فيها وعطني فرصه *تمردت البحهه بحديثها وهي تقول* انت الامل الوحيد لي بعد الله ابي اعيشـه حتى لو مابقى من عمـري شي..اطبقت شفتيه بصمت مترقب دون ان ترفع اهدابها نحوه،بينما هو كان مندهشاً ويصارع اختلاجاته التي تتراقص فرحاً يسار صدره، يجلس امامها بين الوعـي و اللاوعـي،نطق بتيـه و ربكه مكلله بسعاده: اذا كنـت بحلم لا تصحيني.. ابتسمـت بخجل وهي تهتف: محـد يحلـم وهو صاحـي.. فيصل بسعـاده:الا انـا...انا كنـت احلـم فيـك وبقربـك حتى وانا صاحي جـوري بخجل طأطأت راسهـا لتردف:هذا الحلـم صار واقع اذا باقي ودك فيه...اسفـه يافيصـل اذا تأخرت تـ ـ...قاطعها وهو يضـع انامله علئ ثغرها وبلهفه ملتـاعه نطق: لاتقوليـن شي...خلي اللي راح يروح .. ماتدرين بحجم السعاده اللي تملكتني بكلامك...ماتدرين ياكثر ماحلمت بهاللحضه من سنــين .. انام واصحى على امـل يجي هاليوم وهاللحضه تمردت دمعه وحيده علئ وجنتها وهي تقول بصدق:محظـوظه فيك يافيصل كثيـــر...محظوظـه بس كنت غافلـه وجاهله كثيــر مسح دمعتها وهو يحاوط وجهها بكفيه وبربكه تنفث سعاده لا تنتهي نطق : جوري خفـي على قلبي تراه مايقوى..وارجع اقولك اذا حلم لاتصحيني. وضعت كفيهـا البارده حول كفيها المحاوطه لوجهها وهي تقول ببحه: ماهـو حلم والله حقيقه...تعبت يافيصل وانا اتهرب منها تعبت حتى ندمت ضمها بقسوه وهو يدفن رأسها بخصلات شعرها : ياحلمي اللي اشقاني ويالهفه انولدت بقلبـي من سنين ..واخيراً اشفقتي علي وحنيتي تشبثت بـقميصه وهي تنطق ببحه تفيض عبره قاحله: كنت تافهه وبزر ياليتـك كسرت راسي وقتها قبل تقوى شوكتي واجرحك فيها .. فيصل بسكره عشق: كـافي عتاب خلاص جانا منه مايكفي...يكفيني الحين انـك بحضنـي ..يكفيـني وجودك قربي *برجاء اكمل*دخيلك اوعديني ماتبعدين دخيلك ياجوري طمني قلبي التعبـان بأنه مشورانا ابتدى ماانتهى..وانا الدنيا من هاللحضه ابتدأت تضحك بوجه حبنـا .. جـوري بـوهـن: اذا يرضيـك اكذب باكـذب ...بس ماراح نستفيد شي اللي ربي كاتبه بيصيـرر ...يكفينـا نعيش كل لحضه بلحضتهاا.. شد من احتضانها وهو يقول بزفره متعـبه: لاتكذبيـن ..بس تفائلي وطمنـي قلبي ...اغمضت جفونهـا براحه وهي تهمس بود : وجودك جنبي راحـه ويطمنـي وهذا يزيــدني تفائل..لا تخلينـي عشان اظل متفائله مرغ انفه وهو يستنشق عبق رائحه شعرها السرمدي وبلهفه: مجنون اخليـك! وانا اللي مايرتجـي من هالدنيـا غيركك.. هتفـت بتعب وثقل بلسانها، وعيناها تقاوم النعاس الذي هتف على جفونها بقسوه،أثر تناولها لكبسولات الدواء الذي صرف لها قبل البدء بالكيماؤي:ياخـوفـ ـي انـا اسبقـك يافيصـ ـل ..كان سيـرد ولكنه احس بثقلها علئ صدره،ابعد رأسها بخفه وهو يقبل جبيـنها ليريح راسها مجدداً علئ صدره وهو يقول بخفـوتٍ حانـي : نامــي ياروح فيصل ..بكره يروح التعب ونبقى سوا..نامي وبكــره بأذن الله بتصير الارض خضراء وبتتورد امانينا.. يتبـع ~♥ | ||||||||
|
| |
|
02-12-16, 03:18 PM
| #303 | ||||||||
| [COLOR="black"] ، ختمت زينتها بفرشاهً البلشـر التي مررتها علئ وجنتيها بخفه،لتدلف ليـان اليها بعجـل وهي تعبثُ بشعرها ،وبعجـل: يلاا تأخرنا*نظرت لها بذهول وهي تقول*حركـــات وش هالزيـن واخيرا كشختي للجامعه. فرح بضحكه:وجــع دايم اكشخ بس هالمـره متعمده عشان بنروح لقسم مشاعل*قاطعتها ليان بحماس وهي تصرخ*كــذابه احلفـي. فرح بضحكه:وش هالحمااس اللي يسمعك يقول بنروح نضارب.. ليـان بتأفف :أجل وش نروح نسـوي هناك؟ فرح بمكر: كذاا بنروح نسلم على بنت خالتك ولا ماتبين ؟؟ ضحك ليان بمكر:أكيــــد بنت خالتي حق وواجب نروح نسلم عليها جاء صوته من خلف ليان بهدوء:سلام عليـكم .. التفتوا أليـه :وعليـكم السلام ...جلس علئ الاريكه وهو يخلع حذائه العسكري وبتساؤل: بتداومــون؟؟ ليان بحماس :ايـه هالايام مراجعات للامتحانات .. طلال وهو يرفع حاجبيهِ وبسخريهً:اهااا..والجامعه كذا تلبسون فيها؟ ابتسمت ليان بحرج وهي تمط تنورتها والتي تصل لاسفل ساقها :بروح البس عبااتي وبأنتظرك تحت فرح..هرولت وهي تغلق الباب خلفهـا، لتبتسم فرح بهدوء وهي الاخرئ اخذت تمط تنورتها لعلها تطول قليلاً ليهتف هو ساخراً: لاتنزليـنها اكثر بتطيـح مو من طولها ...ماأنتبهتي وقت شريتيها من قسـم الاطفال... لوت شفتيها بحنق وهي تقول بتذمر:كل بـنات الجامعه كذا لا تدقق.. طلال بأستخفاف: ابد خذي راحتك لو ترفعينها اكثر مو مشـكله.. فغرت بذهول وهي تقول بقهر:سبحـان الله حتئ وانت راجع من الدوام مكروف رايق وتتمسخـر ..ضحك بخفه وهو يمشي نحوها وبأبتسامه ساخره رد :الشـكوى لله انتي اللي تجيبينـه لنفسك..وعاد انا لسـاني يوجعنـي اذا شفت مسخره وماعلقـت عليهـا*حدق بها عن كثب ليهتف وهو يزم شفتيه بتساؤل* وش عنـدك كاشخه! بتروحين زواج ولا جامعه!.. زفرت بقلة حيـله وهي تهتف بتذمر: كل ماكنـت رايقه الا تتسلط علي وتضايقني ...*اكملت بنظره خاطفه*بعديـن شقصدك من شـوي يعني انـا مسخـره؟؟ غرق بضحكته وهو يستند بظهره علئ طرف التسريحه مقابل لها وبأستنكـار متصنع نطق:اعــوذ بالله متى قلت انتـي!! حدقت به بوعيـد لتردف بسخريه : ابد محشـوم ماقلت ولا تمسخرت حتى. اتسعت ابتسـامته وهو يهتف بمداعبه وبثقه: ايو الله محشـوم ..طول عمـري ماحب امسخـر احـد..وخاصه انتي يعني زوجتـي وغاليه عندي فغرت به بأندهـاش وهي تغرق بضحكتها هاتفه بتساؤل مستنكـر: منت صاحي..هذا تأثير اللي مواصـل يعني !! تأفف بتذمـر وهو يهتف: احمدي ربك اذا انتي طول اليل مكبره المخده فأنا ظهري انكسـر وانا جالس اشتغل .. كتمت ضحكتها الساخره وهي تقول بتشفي:كفو الشغل لرجال .. رمقها بطرف عينه وهو يقول بتثاوب:اقول اخلصي وطسي خليني انـام مابي ازعـاج... قاطعته وهي تنشـغل بأكمال زينتها: النوم مهو طاير. هتف بتعب: ابي ألحـق عليه قبل يطير وراي دوام الساعه عشره.. نظرت اليه بذهول وهي تقول:مـنت صاحـي توك جـاي خذ أجازه.. ابتسـم بأرهـاق: مقـدر الشغـل هاليومـين واجد .. لوت شفتيها بضيق وبأسـى: بحريقه الشغل يعني حرام تهلك عمرك فيه نظر أليها لبرهه بنظره متفحصه ليرفع انامله ويداعب ارنبة انفها وبهدوء باسم نطـق: لو قلنـا هالكلام ماكنـا اليوم بأمن وأمـان.. هزت رأسها بأقتناع لتردف بصدق: الله يقويكـم وينصركـم يارب.. ، وقفوا بجهه محايـده لتردف فرح بتأفف: ليكـون غايبه!! ليـان: مااعتقـد انتـوا خلوكـم هنا وانا بروح اشوف بالجهه الثانيه.. جـنئ بضحكه: مايصير ساحبينـي من قسمـي عشـان نجي هنا علئ الفاضي...لازم تنبشـونها لو من تحت الارض. ميرال بحماس: الود ودي حتى لو كانت ببيتهـا اروح اسحبها من شعرها فرح بذهول ضـاحك: ليـش سلامــات احد طلب فزعتـك!! ميرال بحنـق:أجل ليـش حنـا هنـا الحـين!! فرح بأسخفاف باسـم: مدري عنكم محد طلب فزعتكم .. زمت شفتيـها بأمتعاض وهي تقول: ماتعنيت وجيت هنا عشان اتفرج بس فرح :أجل ارجعـي لانه وجودكم وعدمكم واحد هذا بيني وبين مشاعل.. ميرال بذهول ساخر:تبيـني ارجـع وافوت علي هالموقف ،هزلـت!! جنـى بضحكه: الله والهيـاط يازينك تروحين تدورين لها مع ليان بـس.. هتفت ميرال بحماس وهي تتلفت بترقب:على طااري ليـان عندي لكم خبر جامد*أكملت بتذمر* صحيح امي نتفت اذوني وهي تحذرني مااقول بس شسوي لسـاني يوجعني اذا ماقلـت.. فرح بتساؤل بـاسـم :خيـر شصـاير!؟؟ ميرال بحماس:متعب ونـاصر بيخطبـون ليان وريـم ان شالله.. هتفت فـرح بذهول:كذااابـه.. ميرال :والله العظيــم... جنى بأبتسـامه صادقه:مبـروك يازين ماأختاروا .. فرح بلا اكتراث: ماني مصدقتـك للحين احس انه مقلب من مقالبهم ميرال : حتى انا ماصدقتهم بالبدايه بس شكلهم جادين هالمره.. فرح : والله مايندرى عنهم وعن صدقهم من مزحهم..ماني مصدقه الا لين أتاكد من خالتـي..قاطعتها ميرال بصرخه معترضه:انتي غبيه ماتفهمين اقولك حذرتنـي مااعلم احد تبين تورطيني... ضحكت فرح وهي تقول:زين برجع معك اليوم وكذا بسوي نفسي غبيه لين هـي تقول.. ميرال بأستنكار باسـم: واخيرا بتشرفين بيتنـا...من تزوجتي بالقطاره نشوفك..هتفت فرح بأبتسـامه: اجل بتشبعين مني لاني ناويه انام عندكم ميرال بحمااس: ونـاسه..من رحتي وانا لحالي بالبيت محد يونسني جنى بأبتسامه: ياشيـن الوحده من راحت جوري وانا بعد بالبيت لحالي لو ماجيهان عندنا هاليومين ومغيره اجواء البيت شوي هي وبزارينها. فرح بحزن: الله يشافيها ويردها لنا بالسلامه والله لها وحشـهه . ميرال بتساؤل حزين : بترجع معهم ولا خالتـي بتظل عندها!! جنى بنفي: لا مستحيل يخليها فيصـل..لو ماطلب جوري تشوف امي ولا من الاسـاس مادرينا ...ماكان وده يخوفنا عليها*اكملت بأسى باسم* تصدقون اللي مريحني وجود فيصل جنبها لما كلمتها صوتها كان بخير وكأن وجوده مهون عليها التعـب .. هتفت ميرال ببحه : ساعات الحب يمدنا بقوه تتغلب على مخاوفنا... ابتسمت فرح بشرود وبتأييد: صادقه اذا انوجد الحب تبطل مخاوفنا .. اقتربت ليـان لهم وبضيق وحسره:حسـافه طلعت غايبـه.. ابتسمت فرح وهي تقول: خيرها بغيرهاا .. ، ابتسـم بنشوه خبيثه وهو ينسخ رقم هاتفها ويغلق نافذه الرسائل، ليتجه لقائمه الاتصال وينسخ الرقم بحماس متدفق، ضغط علئ ايقونه الاتصال وهو يلقي بجسده بأريحيه تامه على الاريكه بأنتظار مؤرق لحماسه.. انتظر لثانيه ولاخرى،وبعد عده ثوانٌ طويله فتح الخط من الجانب الاخر دون صوت،ليبتسم هو بمكر وهو يقول : مساء الخير للي يتغلون علينا بالجانب الاخر عقدت حاجبيها بذهول وهي تقول:عفوا غلطـان.. اجابها بتنهيده مصطنعه: مانيب غلطان..باقي صوتك يرن باذني من هذاك اليوم شـلون بنسـاه ياليـان.. ارتعشت كفيـها وعيناه تتسع بخوف ليكمل هو بمكر:تهقيـن انك لاغيرتي شريحتك بتفلتيـن مني؟؟؟ ماعرفتي يزيـد للحين ياليان لاحط شي براسه يجيبه يعنـي يجيبه..وضعت كفها الاخرى يسار صدرها لتهدأ من روعها وهي تقول بأنفاس متضاربه متلعثــمه: انــ ـت منــ ـو ؟ وش تبي مني؟ ابتسم وهو يردف: مابي منك الا كل خير انا واحد من الاخر ميت عليك وابيك...انتفضت بأنفعال وهي تقول بغضب احتقن بأوداجها : **** يا**** والله العظيـم اذا باقي تدق مره ثانيه لاوديك ورا الشمس فاهم اجابهـا بكل برود: لااا لاا وش هالعنف ...تصدقين ابدا ابدا مايركب مع نعومه ملامحـك ...يعني اللي يشوفك ويسمع كلامك الحين مايصدق انه انتي اللي تتكلميـن . قاطعته بشتيمه وهي تقول بأنفعال:وين شفتني يا*** قاطعها بأستفزاز: لا انا متأسف جداً وقت ماتروقين رقمي عندك دقي واذا على ويـن شفــتك ..فأنا انـام واصحى علئ صورتـك.. اغلق الهاتف بينمـا هي اخذت تدور علئ حالها والرجفه تدب كالتيار بجسدها..انتبهت لاشعار رساله بهاتفها،فتحتها برجـفه لتتجمـد كفها وهي تسقط علئ سريرهــا وانفاسها تهدر بهيجان، بكـت بأنفعال وهـي ترى صورتهـا وملامحها ترتسم بوضوح بداخلها..انهارت علئ سريرها بخــوف..دون اراده منـها انصاعت للبكاء..فأنخرس لسانها وتجمدت حواسها عن اي تعبيـر اخر سوا البكـاء .. نقـــف هنــا() الملتـقى بالساعات القادمه.. عطـوني 24 ساعه بالكثير وينزل بارت ثانـي لعيونـكم المفروض نزل مع هالبارت بس للاسف انشغـلت بالويكنـد ومع جمعة الاهل الله يحفضـهم مالقيت فرصه اخلص البارت.. يلاا مو مشكـله بصير طماعـه وأبي ردود عالبارت هذا قبل ينزل الثانـي... قراءه ممتعـه للبارت يالغوالــي همســـه: ".". لآ شِيءّ يَستَحِقُ أنْ تَتألمُوآ لـِ أجَله سُوىّ ذُنُوبكُم ؛فَاسْتَغْفِرُوا رَبَّكُمْ إِنَّهُ كَانَ غَفَّاراً . دمتــــمٌ بخيــر / روعــة النسيــان ♥~ | ||||||||
|
| |
|
03-12-16, 05:42 PM
| #306 | ||||||||
| هذا بارت الهديـه وصـل... تمنيته مع بارت الأمس لانه مكمل له..كنت مخططه تكون طواال ودسمه ..بمناسبه اليوم الوطني لدولتنا الثانيه الامارات...الله يديم علينا وعليهم نعمه الامن والامان ..وتديم عليهم الافراح والمسرات ببلادهم... البارت ماهو يجمـل صراحه قصيـر بس لانه بارت مفاجى يعتبر مرضي وبارت امس اعتقد يشفع لقصره...دمتــمُ بسعاده | ||||||||
|
| |
|
03-12-16, 05:51 PM
| #307 | ||||||||
| سلام عليــــكم ورحمــة الله وبركــاته قبل آن نبدآ: لســـت من مــلائكة السماء لاكــون منزهه عن الغلط ...فآن وجـــد بالرواية غلط فآن النصح يجــدي وآلتمســـوا لي سبعـون عذرا ... -شكراً لتواجدگم بالمتصفح او خلف الكواليس -شكراً لدعمگم،تقاييمگم،ردودگم المحفزه لا اله الا الله ،وحــده لاشريـك له، له الـملـك وله الحمد، وهو علئ كل شيء قـدير لا تلهــيكم الرواية عن العبادات.. بســــم الله نبـــدآ .. يا سيِّدتي: لا تَضطربي مثلَ الطائرِ في زَمَن الأعيادْ. لَن يتغَّرَ شيءٌ منّي. لن يتوقّفَ نهرُ الحبِّ عن الجريانْ. لن يتوقف نَبضُ القلبِ عن الخفقانْ. لن يتوقف حَجَلُ الشعرِ عن الطيرانْ. حين يكون الحبُ كبيراً .. و المحبوبة قمراً.. لن يتحول هذا الحُبُّ لحزمَة قَشٍّ تأكلها النيرانْ... .. لـِ نـزار القبـاني ~♥ .. .. البــ 28 ــارت () أغلقت هاتفها بخيبه وهي ترأ ظهور الصح الازرق بجانب رسالتها دون رد منه،زفـرت بضيق والنـدم ينهش بداخـلها، حين أراده اصلاح حياتـها بتهـور لذت هاربـه، هـروبٌ ليس لـه مبرر لديه سوا أنهـا لا تريده ولا تستصيغ العيش معه، بينمـا هي لذت هاربه ليس الا لتهيئ ذاتهـا و تنتهـي من ركل المـاضي خلفها،او ربـما كما اسمته هروب مؤقت لتعاود أليـه بروح اخرى، تريـد ان تمحـي من ذاكرتها كل ماهـو مشؤؤم ويعرقل سير حياتها، ولكـن تفاقـمت عليهـا الخيبه والاسـى وهي تنكب خائبه من تسرعـها ووجودها هنـا..بعيداً عنه! نعـم هـي حقاً لم تعـد تحبذ الابتعـاد عنه، بل تشـعر بأنهـا الان بخواء و وحده ملمهً، ليست مجنونه فحسب لو أقسمـت الان كونهـا اشتاقت له!! سويعات قصيره مرت احست بأن روحـها تتعرئ من الامـان ، من الدفى ، ومـن ملاذهـا الذي اعتادت علئ مناخه المتقلـب، زفرت مجدداً بضيق وهي تنظر بين الفيه والاخرى لهاتفهـا بخلسه لعله يشفق عليهـا بـرد وان كان غاضب او ساخر اياً كان فسيكـون كالبلسـم الشافي لآلتياعهـا الذابـل ،انتبهت لميرال التي تجلس بمحاذاتها وهي تقول بعبـط: أقول يالمعاريس وين بتسكنون انتوا وحريمكم! ناصـر بروقان هتف: مايحتاج نسكن بالبيوت ونحن بالفؤاد سكنانا... ضحك متعب بشده: الله يصيبك في راسك أجل قلتلي سكنانا.. ناصر بتبرير باسم: جاء سؤالها بوقته صراحه..كنت محتاج اطقطق بهالرد فرح تمثل الاستنكار وهي تقول: اي معاريـس؟! ميرال بمكر:يـــوه *استدارت لوالدتها وببراءه*أقول لها يمه!! ام خالد بأبتسامه : قولي لو ماتقوليـن مانتي ببنت بطنـي.. ميرال بحمااس: خلااص اصلا قلتلهـا من مبطي بس بغيت ابطل عقابك ناصر بأستنكار:اعوذ بالله من كيد هالحريم..مسويه نفسها ماتدري ضحكت فرح وهي تقول بتساؤل جاد: جـد والله يعني ميرال صادقه! ام خالد بفرحـه: اي ان شالله والله ماصدقتهم الا بعد ماشفت حنتهم على راسي ..خلينـي ازوجهم يمكـن يعقلـون ويهجدون.. فرح بـود لهم:علئ البركـه ياشباب منكم المال ومنهم العيال ان شالله! ناصر بتريقه: خطبـه ذي ماصارت تهنئه!! فرح بنظره خاطفه: احمد ربك باركتلكم*بتساؤل اردفت* ماقلتولي وش اللي خلاكم تفكرون بالموضوع . متعب ببرود: صراحـه انا شفتهـا بالصدفه واعجبتنـي*نظر لوالده الذي حدق به بأستنكار ليردف بتبرير* بالصدفه قلنـا.. فرح بتساؤل ماكـر: يالنذل ليكون هذاك اليوم؟؟ قاطعها وهو يرمقها بحـده ويقول: هذي عز الله اللي بتفضحنـا.. هتف والده بتفكير: اذا صار على خير وافقوا بنات عمكم..واحد منكم يجلس هنـا بالطابق الثالث وواحد منكم بعطيه بيت ام فرح لحد ماتجهز عمارتكم .. اتسعت عينيها بصدمه وهي تنظر لوالدها،لتردف ام خالد بربكه: الدور الثالث بيكفيهم مايحتاج ياخذون بيت المرحومه. ناصر بتأييد: امـي صادقه يبه صراحه مافيني لبيت كبير يكفينا جناح ابو خالد برفض: لا حريمكم ماراح يأخذون راحتهم ..ومنه تتوسعون *استرق النظر لفرح بخطفه ليكمل* البيت مهجور من سنين لازم حد يعيش فيه حرام يظل مهجـور.. ابتلعت غصتها وهي تهتف بتأييد لوالدها: ابوي معـه حق مايصير ينهجر.. هتف ناصر:خلاص اجل اذا يبي متعب مو مشكله عني بأخذ الدور الثالث. ام خالد لفرح:ماراح يضايقك هالشـي يافرح ؟ فرح بنفي تام: لا خالتـي ليش يضايقني بالعكس ودي ترجع الحياه لهذاك البيت... اعاد ناصر ظهره للخلف وهو ينظر لمتعب الغارق بتفكير بأبتسامه ليهتف بصوت منخفض: حركات اجل شفتها! ألتفت نحوه وبتنهيده وبخفوت مماثل لصوته: لو ماشفتها كان مافكرت بالزواج من الاساس .. ناصر بخبث:حلـوه! متعب بلاهه :اخخ الا تج...*قطع حديثه وهو ينظر لناصر بقوه *انت شدخلك اذا حلوه ولا لا..؟ ضحك ناصر بشده وهو يقول: كنت بتجيب العيد وتمدحهـا عندي اخ حسافه متعب بحنق: النذاله تمشي بعروقك ياقليل الخاتمه.. ناصر بروقان:عادي ياخـي مافيها شي...انا بخلي زوجتي تكشف عليك مو مشكله... متعب بمكر: عادي اعرفها شفتها اكثر من مره . نظر له ناصر بقوه:وين شفتها يالنذل؟ متعب بضحكه: ترا للحين اذكر كشتها وهي صغيره كانت حاله بحلالها ببيتنا وكل يوم ناطه تلعب معنـا كوره هي والخبل الثانيه.. ناصر بأبتسامه: تصدق ماعادني اتذكر ،شفتهـا مره بالمزرعه من فتره بس..وكذا باقي صورتها ببالي.. متعب: عشـان كذا خطبتها!! ناصر بنفي: لا بس انت شجعتني شفتك خطبت قلت اخطب شاللي انتظره بس صدق انت شاللي خلاك فجاءه تفكر بالموضوع وريم بالذات! متعب بتنهيده: تصدق مادري شلون كذا فجاءه شفتها مره وماراحت من بالي وبعدها فعلا حسيت اني حبيتهـا.. ناصر بأبتسـامه: هذا الحب من اول نظره.. ، " رجعت مع ميرال لبيتنا بنام عندهم اليوم" حذف بالهاتف على مكتبه،بعد أن قرأ رسالتهـا تلك، ليزفر بغضب وانفاسه تتصاعد بلهيب مشتعل، انشغل ببعثرة الاوراق أمـامه دون هواده..بتشتت..وخيبـه متهالكه.. اخذ يرسم علئ الاوراق بقلمـه الازرق..ويود لو ينفث غضبه سريعاً كي لايتهـور بفعله أمرً ما، اشتـد من قبضته علئ القلـم لتحتقن كفه بأحمرار..ومن ثم تهشم القلم بكفه بأستسلام لقوه قبضته، ترك القلـم يتدحـرج علئ مكتبه ليسقط ارضاً محدثاً دوياً صاخباً مغايراً لسكون المكتب ماذا تعنـي برسالتها تلك!! اهـي تصرح بالرفض ام انها تود التمرد والعصيـان علئ أوامره!! تزعـجه مجدداً بتمردها ويخشى عليـها .. يخشى عليـها ان تتمادى اكثـر وتسوقه لاذيتهـا قسراً...يبقى هو بجمـوده وحـزمه..لايحبـذ ايً كان ان يعصـي أوامـر..فلمـا تلك الصغـيره تقف بأعتراض وتحديٍ رخو! اهـي تحتمـي بحبهـا أمامـه؟ أتراه ضعيفاً أمـام زخـم حبهـا المتغطرس!! ولكـنه حقاً بات ضعيفاً أحبهـا بعمـق حتى رجح كيل حبها بالميزان واسقط كبريائه.. بات يتجـرد من عنجهية رجولته أمـام تمخطر أنوثتها .. وهذا يزعجـه .. ولكنها الان أعلنـت الرفض ..ولها بالمقابل بمثليـه.. فمـن زرع حبـها بقلبـه..ليس بعاجزاً علئ نزعه.. فربـما هو قد يكتفـي وحسب بأنـه استطـاع ان يهزم حزنها ويحررها منه. قاطع تفكيره طرقـات علئ باب مكتبه، ليليه دخول احدهم ببدلته العسكريه وهو يلقي التحيه وبأحترام هتف: طال عمـرك صار فيه تطورات بقضيه البضاعه اللي مسكناها علئ طريق جـده.. هتف طلال بتساؤل وهو يعتدل بتركيز:شـنو اخر التطوارت يا سالم؟ هتف الاخـر بأبتسامه : قبل ماقول طال عمرك أبشـرك جاتنا الموافقه علئ فتـح قضيه العياده من جديد ...*أكمل وهو يرى ابتسامه طلال تتسع* وابشـرك البضاعه اللي مسكناها نفس الادويه ونفس التصنيع والمـواد، وبكذا طال عمرك صار عندنا دليل قوي ضد العصابه..وتلبستهم التهمه بوضوح الشمس.. طلال بحمـاس باسـم: الحمدلله ماضاع تعبنا علئ الفاضي *اكمل بتحذير*انتبه ياسالـم ملف القضيه ابيك تحتفظ فيه بمكان امـن وغير كذا سو منه نسخه علئ موموري *اكمل بتنهيده* هالملف مهم بالنسبه لي كثيـــر وصبرت ايـام طويله حتئ صار بين يدينا. سـالم بثقه:ابشـر طال عمرك...*أكمل بتساؤل* بس ماقلتلي وش خطوتنا الجايـه !! طلال بتفكير: حالياً راح نشتغل بحذر اكثر العصابه صار عندهم علم بأمر الملفـات و اكيـد راح يسوون المستحيل عشان يفسدون شغلنا.. سـالم: بس حنـا بأيدينا أدله تجيبهم كلهـم ليش ننتظر اكثر!! طلال بأعتراض: حنـا ما كشفنا الا القليل انا لازم اقطع جذورهم كلهم مره وحده..*اكمل وهو يستدير* حنا للحين ماعندنا الدليل اللي يثبت اختلاسهم لفرع شركه الخالد بالخبر غير تحويلهم الفلوس للحساب الوهمي بس هم ألحيـن يخططون لعمليه نصب واحتيال جديده *ابتسم بمكر* هنا دورنا نتفرج لحـد مايوقعون بشـر اعمالهم وبكل سذاجه يستخدمون نفس الحساب كالعاده ...وقتها ماراح انتظر ياسالم دقيقه وحده دخل اخر وهو يلقي التحيه وبهدوء :طال عمرك وصل تقرير الطب الشرعي لطفل التابع للعصابه..أشار له طلال بالدخول وهو يقول: الطفل ويـن ألحين!! تابع العسكري: الطب الشرعي أثبت انه متعرض لتعنيف ولتحرش من قبل العصابـه وهو حاليا متواجد بالاحداث ويخضع للعلاج .. امتعضت ملامحه بحزن وهو يزفر :حسبي الله ونعم الوكيل ...طيب ماتعرفتوا علئ هلـه لحد ألحين؟؟ العسكري: للاسف طال عمرك الولد مخطوف من ست شهور من الميتم وفيه بلاغ بشرطه الملـز بخصوص هالموضوع ولا زال ضمن قائمه المفقودين .. طلال : ابعث خطاب لشرطه الملز بخصوص هالملف لانه راح يفيدنا بالقضيه كثيـر ..الاكيد مو بس خاطفينه اكيـد فيه غيره من الاطفال.. هتف سالم بحزن: قذارتهم تلبست اطفال بدون ذنب... هز طلال رأسه بأسى وهو يقول: للاسف صارت براءه الاطفال مستهدفه ، يتبـع ~★ | ||||||||
|
| |
|
03-12-16, 05:57 PM
| #308 | ||||||||
| ، مستلقيـه علئ سريرهـا الاثيري،وعيناها تحدق بالسقف بملل،لاأحـد سواهمـا هي وميرال، والدهـا واخوتهـا الثلاثه ذهبوا لقضاء حوائجهم، وخالتـها استئذنت بالولوج لغرفتـها لآخذ قيلولتـها بعـد الغداء.. كانت قد حاولت الاتصال بـه ولكـنه لم يجـب، كونه ربمـا غاضبٌ لآجل ذهابـها دون علمه..تنهـدت بنصف أبتسـامه وذاكرتهـا تجول بـها بالايـام التي جمعتهـا به، لتنبثق لنور مواقف عده جمعتهم ببعض قبل ان تنكشف لها مشاعرها تجاهه.....، كانت حينهـا تجلس بملل علئ الاريكه التي أمـامه،وبيـن الحين والفيهً كانت تزفـر بقصد منهـا لآغاضته،بينمـا هو يجلس ببرود تام ومحضٌ تركيزه بالاوراق التـي أمـامه،متجاهلاً زفراتها عمداً...ولكـنها بطبعها الحار وقفت بقهـر وهـي تقول: ياويلـك اذا راحـوا البنـات وانا مـو معاهم .....وجهه انظاره نحوها وحاجبيه تنعقدان بذهول ساخر: وش بتسوين مثلاً. لوت شفتيـها بتفكير لترد بتذمر: طيب انت قلي وش بتستفيد من رفضك! وبعدين مالك حق ترفض..لو مو ماخذ جوالي كنت كلمتهم وطلعت وماحفلت فيك..اتسع محجريه بذهول ساخر وهو يحك اسفل فكه بتربص لتردف بتبرير عجل: أيـه لاني ماني هاجه ولا رايحه ادج بروح السوق بس طلال: وش تبين من السوق انا اوديك تأخذين اللي تبين بكره مو مشكلـه.. فرح: فرضاً ابي اشياء خاصه مايصير تعرفهـا مع البنات اخذها براحتي .. طلال بأبتسامه: اجل انثبري بمكانك ولا تفكرين مجرد تفكير اني بوافق.. فرح بقهر: يعني اجلس هنا لحالي شسوي بالله؟! رد ببرود باسم: تأملـي وجهـي يجيب السعـاده.. قفزت عيناها بأنبهـار ساخر لتردف علاوه علئ ذلك: مره مأخذ مقلب بنفسك..من زيـن الخشه تجيب التعاسه والكأبه وضيقه البال .. ضحك بأغاضه وقال: اللي هو المهـم انك مانتي شايفه غير وجهي اليوم ردت بأنفعال واعتراض: من زين وجهـك اقابل الجدران ابرك لي ولا اقابلك..استدارت لذهاب ليستوقفها هاتفاً بسخريه وهو يلوح بهاتفها بكفه:جوالك ماودك فيـه!! استدارت نحوه بعجل :أيـه جيبـه.. هز رأسه برفض وببرود نطـق: بعطيك بس اول اسحبي كلامك واعتذري رفرفت برمشيها وببراءه مصطنعه : ماقلت شي وش قلت؟ لوى شفتيه بسخريه وهو ينعم نبره صوته: من زين الخشه تجيب التعاسه والكأبـه وضيقه البال..من قال هالكلاام؟ ابتسمت بتشفي: مو انا ولانـي معتذره ..وجوالي اشبع فيه مابيه بروح انام عادي..قاطعها وهو يقولx : ترا لاتنتظريني اصحيك لصلاه اصحي من نفسك...وبما ان جوالك عندي شلون تصحين؟! ابتسمت ببلاهه وبأندفاع: عادي لاتصحيني أساساً مانـي أصلـي .. هرولـت للاعلئ ووجنتيها تنصبغ بلون الحمره، وخلفهـا صخب ضحكته الرجوليه الصاخبه، ان كانت اعتادت علئ جلب العيد امام الاخرين..فهي لم تعد بعد علئ جلبـه أمام طلال... أبتسمت للموقف انذاك...وهي تتذكر كم اخذت تتجاهل النظر أليه لبضعة ايام...استنكرت تأخر ميرال عليها،اذْ ذهبت لغرفتها لجلب الابتوب خاصتها وتعود،خرجت من الغرفه متجهه لغرفه ميرال، رأت الباب مؤارب و صوت ميرال المنفعل يتسلل من خلفه، ولجـت أليها برعب حقيقي وهي تقول :شفيك! صوتــ..قاطعتها ميرال وهي تشير أليها بأناملها بالصمت وهاتفـها بكفها الاخر وبتنهيـده حائـره هتفـت : طيب انتي هدي وارسلي الصوره..قاطعتها ليان من الجانب الاخر ببحه: مااقدر ادخل الواتس اخاف يشوفني متصله ويرسل ...ميرال خايفه مدري شسوي!! ميرال وانفاسها بتصاعد متزايد ولكنها تسلحت بقوه وهي تهتف بتفكير :أرسليها وسائط ياليان ..يمكن تكون مفبركه او يمكن نعرف من صورك.. ليان بأضطراب:زين خليك علئ الخط...انشغلت ليان باصابع مرتجفه باارسال الصوره لها. بينما ميرال اخذت تنظر لفرح التي تدور فوق رأسها علامه استفام مبهمه ..دقائق لتصل الصوره لجهاز ميرال..ابعدته عن أوذنيها وهي تتجهه لرسائل وتفتح الصوره وبذهول هتفت:كفتريا الجامعه ليان ببحه مرهقه: مالاحضت انا بس شفت صورتي وانعمت عيني.. اقتربت فرح بعجل وهي تلتقط الهاتف وتنظر لصوره لحيره..وبتساؤل:شصاير؟ انتوا وش مخبين!! بللت ميرال شفتيها وبتبرير امام صمت ليان: فيه احد يبتز ليان بصورتها.. شهقت فرح بخوف وهي تقول: شلون !! ميرال :مانعرفه..فجأه كذا دق على جوالها وارسل الرقم.. فرح بحده رقيقه:شلون ماتعرفـونه ..وصورتها ورقمها شلون جاته؟! ميرال بحده مماثله: قلتلك مانعرفه فجاءه كذا كلمها وارسل بصورتها.. فرح بأضطراب وضعت كفها علئ جبينها والاخرى على خصرها لتكمل ميرال بغضب: الصوره بالجامعه اكيد راسلته وحده من بنات الجامعه *اكملت بتساؤل متوجس لليان* ليـان يمكن تكون ندى!! ليان بأستنكار شديد: ميرال من صدقك وش مصلحتها؟! ميرال بتفكير: بس لو كانت هي شمعني انتي! وانا الي تمشكلت معها!! بكت ليان بخوف : مدري مدري...بنات تكفون شسوي!! والله بروح فيها لاحد درا من هلنا...قاطعتها فرح :لازم حد يتدخل من الكبار مايصير نغطي علئ الموضوع..ميرال بخوف: من مثلاً؟ فرح بتفكير:اكيــد ابوي وعمي سلمان لازم يدرون .. ليان بكت بنشيج والرعب دب بجسدها كالتيار لتهتف فرح بتنهيده: ليان البكا مابيفيد وبعدين ابوي وعمي متفاهمين ماراح يظلمونك اذا ماكنتي غلطانه..! ليـان: اخاف اخوانـي يدرون والله يذبحوني وانا مالي ذنب.. فرح بخوف: لا ان شالله بكلم ابوي الحين وان شالله يوقف معك.. ميرال :أبوي مو فيـه الحين مع عمامي والعيال طلع.. فرح :برسله رساله اذا خلص بيشوفها ... ، تقف بمحاذاته وعينـاه تحدق للبعيد بترقب مكتض حمـاس ، انفاسهـا تتصاعد وتهبط بوتيرة واحده، دقائق قليـله لتلـمح سيرهم من بعيد،وأخذت تلوح بكفيها بفرحه وهي تفرط بحركتهـا بشغب السعاده تنـظر له تاره وكأنه تخبره بوجودهم وتوده مشاركتها،وتاره تنـظر نحوهـم من خـلف الحاجز بلهفه وكأنها تستعجـل خطاهم.. تخطت والدتهـا الحاجز بلهفه ملتاعه وهي تحتضنها بشده،ومن جهتها دفنـت رأسها بصدر والدتها وهي تستنشق رائحتها وتفرط ببكاء..تبكي حنين لحضنها الاشبه بوطـن تنتمـي أليه..تبكي الشوق لرائحه والدتها الحانيه..بـكت بفرط وابكت والدتها ايضاً..وبلا اكتراث من كلاهمـا بالمكـان او بمـن حولهم..اطالوا العناق وهي تفض مابداخلها من شوق وحنـين بشكوى على والدتها..تنهـد هو بأبتسامه وهو يتخطاهم ويتقدم لاحـمد وهو يلقي عليه السلام..طأطأ رأسه عقب ذلك وهو يرا الفتاه المتلثمه خـلف احمد وبهدوء القى السلام عليها دون ان ينتظر رداً منها ابتعـد جانباً وهو ينظر نحـو جوري ووالدتها وبهمس عاتب: لو ادري م جبتك معـي المطار كسرتي ظهر خالتي لما توصلين البيت ضميها براحتك ابتعـدت عن والدتها بفرحه وهي تنظر خلفها،لتندفع بعد ذلك لاحـمد وهو يمد ذراعيه نحوها..ليستقبلهـا بحنان اخوي بين احضانه وبداخـله يتمزق قلبه حزناً وهماً لحالها..بعد دقائق قصيره اقترب فيصل بمداعبه وهو يجرها تجاهه : خلااص بسك احضان ماشبعتـي؟! ضحكت بخجل وهي تقول بقوه: لاا باقـي من يمل من هلـه!! احمد بضحكه: خلينا نطلع من المطـار وابشري بالبيت نلصق فيك لين تمليـن وتطردينا من نيويورك بكبرهـا.. اتسعت ابتسامتها وهي تقول بـود: عساني الموت لا مليت منكم ابتسم احمد لها بحب ليتنحى جانبا وهو يشير لساره ويقول:نسيتي ماتسلمين على سـاره؟ اقتربت جوري بحب من ساره وهي تضمها..مما اثار الاستنكار لدى ساره فأول لقاء لها بجوري كان جافاً من جهتها،ولكنها ابتسمت وهي تبادلها الحضن..هتفت والدتها بلهفه: تعالـي ياأمك عندي كأني من شوفك دهر عاودت لوالدتها وهي تضمها من جانبها وزفره براحه وبخفوت : يازين شوفتكم يمه والله العظيـم ترد الروح .. ، اتصل بها مجددا وهو يزفر بطوله بـال،بعد الرنه الثالثه جاء صوتها منفعلاً وغاضب:نعـم شتبـي...، اجابها بنصف ابتسامه وهو يركن سيارته جانباً: افتحـي الباب انا برا..قاطعته بأندفاع حانق: مافيه احد بالبيت مايصير ادخلك...ضحك بشده وهو يردف بأستنكار ساخر:ليش ولد الجيران ..افتحي بسـرعه مستعجل.. جيهان بقهـر:أيـه اكيـد مستعجل تبي تلحـق على السفـره.. خالد ببرود:يعني أجلس واقف عند الباب الى متى؟ جيهان : خلي ميري تفتح لك واهذر معها مانيب فاتحه.. رد مبتسماً :طيب خليـها تستعجـل مشتـاق لها بالحيل.. دقائق لتفتح لـه ميري،هتف بأستياء : وين مدام جيهان؟ اجابته بترفع وهي تشير له بالدخول للمجلس: خمس دقيقه أجي... بعد انتظار ليس طويل، دلفت للمجلس وهي تهتف بالسلام وتجلس بعيدا عنه..لوى شفتيه بأبتسامه وهو يقول: ترا مافيـني جرب عشان تجلسين عندك ولا تسلمين..ادارت رأسها للجانب الاخر وهي ترد بترفع: قول شتبي مشغوله ..هتف بسخريه: خفي علينا ياسيده الاعمال*هتف بتساؤل*ألحين من جدك كل هذا زعل عشـان بسافر؟! جيهان بقهر: ايه اجل ماتقولـي الا اليوم..ليش ماعلمتني قبل؟! خالد بأستخفاف: وش بيتغير لا علمتك قبل مثلاً بتسافرين معي؟ جيهـان بتفكير باسـم:ممكن ليـش لا... خالد بنظره خاطفه: السالفه فيها سفر بتجين بس وانا لحالي بالبيت ماحنيتي علي ورجعتي لبيتـك.. جيهان : ايه اجل تبيـني اخليك تسافر بدون حسيب ولا رقيب..بالبيت مستأمنه عليـك.. اتسعت عيناه بأستنكار ضاحك وهو يقول: هذي تدخل من باب الغيره !! جيهان بحنق:ألحين دخلت سالفه بسالفه... انا معصبه من سفره جده اللي طلعت صدفه سبحان الله. قاطعها خالد: والله العظيم شغل..بما اني مالك الفرع لازم اتواجد هناك عشان اوقع علئ الصفقات الجديده ومنهـا اطلع التراخيص.. صغرت عينيها بتفكير:متـى بتجي؟؟ خالد : اسبوع بالكثير على حسب التراخيص متى تطلع احيانا تتأخر لآسبوعين جيـهان : متئ الرحـله!؟ خالد :بعد ساعـه ونص.. جيهان بذهول: المفروض ألحين انت بالمطار ليش مارحت؟؟ خالد بتذمر: حضرتك زعلانـه علينا وماهان علي أروح قبل أراضيكك جيهان بأبتسامه:كويس طلعت تهتم..خلاص رضينا بس انت ألحق الطياره خالد بأندفاع باسم: شرايك احجز لك معي يمديها علئ فكـره.. جيهان بذهول:علئ كيفـك ..ماقدر باقي بالاربعين.. خالد بتأفف: انزين كم باقي تخلصين ؟؟ جيهان : اممم كويـس بقئ اسبوعين وشوي.. قفزت عيناه بذهول ساخر وهو يقول:كويس في عينك..ماصارت اربعين يوم ذي...*اكمل بحده مصطنعه* لك بس لين اجي من السفر وبعدها بأجي اخـذك من شعرك لبيـتك .. جيهان بضحكه: ان شالله طال عمـركك.. ،xxxxxx xxxxxxxxxxxxxxxxxxxxx كـان قد استغل غيـاب فيصل ودخوله لداخل،اذْ اتصـل بـه منذ دقائق قصيره،لم تستمـر أحاديثهم وسؤالهم عن الحال كثيراً ليعم الصمـت وليداً بينهمـا، تنحنح ليعيد صفاء حنجرته بعد الصمت وهو يقول: لاتنامين وحدك انزلـي عنـد البنات .. مـرام: ان شـالله..*أردفت بتساؤل* بتجلسون عند فيصل ولا بتروحون فندق!..اجابها قائلاً: لا اكيـد بنروح بفندق..يعني عشان ساره.. البيت صغيره مره..لاساره ولا فيصل بيأخذون راحتهم.. هزت رأسهـا بصمت ليردف هو بضيق بعد دقائق من الصمت : ضاق خاطري لما شفت جوري خايـف عليها كثير من الكيماؤيات والادويه..ماهي حمل هالتعب ولا تستاهلـه ..*تنهد وهو يكمل* التعب بعيونها وهي باقي ماأبتدت العلاج.. بللت شفتيها بأسى وهي تهمس له بمؤاساه: ابتلاء من ربي مايصير نعترض..ان شالله جوري قويه وبتتخطى هالتعب وبترجع بصحه وعافيه احمـد:الحمدلله علئ كل حـال.. اكملت هـي: احمد مالازم تظهرون قدامها هالخوف..هي تستمد قوتها من اللي حولـها..لاتزيدونهـا عليها وتذكر نفسيتها اهم مرحله بالعلاج.. عض باطن خده بأستياء وهو يقول: ودي اجيبها معـي ..العلاج هنا وبالسعوديه واحد..علئ الاقل بالسعوديه حنـا حولها ..هنا بغربه بس فيصـل رافض مو راضي ناخذها والمشكله عنده دراسه . مرام بأتزان: معـه حق شلون يخـلي زوجته عشان الدراسه..خلوهم علئ راحتهم ياأحـمد اذا جـوري تبي ترجع معكم بترجع بس بأرادتها لاتجبرونها احمـد بقهر: من اللي بيهتم فيهـا هنـا ! ماهو جالس الوقت كله معها وهي تبي مراعاه وامي ماتقدر تجلس عندها .. قاطعته بهدوء:احمد من نصيحتي تخلونها تتعالج عندكم..لانه الرعايه الصحيه بتكون افضل..ومثل ماقلتلي انها بتبدأ بالعلاج بعد اسبوعين واوراقها بالمستشفى ..لو جات هنا بترجع من جديد تحاليل و اشعه وشوف متـى يبتدون الخطه العلاجيه.. احمد بحيره: الرأي الاول والاخير لهاا هي اكيد ..صمت لثوان ثقال علئ كليهما ليردف: تأمريـن علئ شـي؟! عبست ملامحها بضيق من طريقته لانهاء المكالمه ولكنها تصنعت ابتسامتها قسراً وهي تجيب بود: لا انتبه لنفسك ووصل سلامي للجميع ، بجانب أخر وعلى بعد خطوات يسـيره ... اخـذ يحضر معهـا الشاي،بينما هي كانت منشغله بتجهيز دله القهوه هتف وهو يستنشق رائحه القهوه:الله يازيــن ريحتها.. ردت بأبتسامه وهي تضع الهيل : فـديت أمي اللي جابتـها ..من جينـا هنا ماذقناهاا ... هتف فيصل بتذمـر:فيـه مقاهـي بشارع العرب بس مايضبطونها .. جـوري : ماشالله أمـي جايبه اللي يتوزع علئ البنايه كلهـا. ضحك وهو يقول: علئ الطـاري ماريا تقول بتسوي العشا ببيتها ألتفت اليه وبحرج: لا شـدعوه انا اسويه فشله نتعبها معنـا.. فيصل بمكر: لا تكفيـن خليها تطبخ هي لا تفشليـنا عند هلك حدقت بـه بطرفها وهي تقول بحنق: مو مشكـله شوف منو بيطبخ لك بعدين...تفكر عجوزك ماريا بتـظل العمر كله تطبخلك ! ضحك بشده وهو يقول: ياويلـك منها لو تسمعك تنادينها عجوز.. جوري بتذمر:أيـه وانا صادقه عجـوز جدتي حمـده اصغر منهـا.. هتف بأستنكـار باسـم: ياجاحـده جدتي حتئ اسنانها تركيب شلون اصغر!! نطقت بأندفـاع باسـم: اكيـد مسويه عمليـات تجميل عشان ماتكبر بس جدتـي غصب اصغر منهـا..*أكملت بجديه* بس جد كلمها تجـي تسهر معنـا *ضحكت بخفـه* بعديـن أمي تعرف تتكلم انقليزي بتفهم عليهـا فيصـل بأستنكار باسـم: الحين بالله امك تعرف وانتي لا شلون!! جوري ابتسمت ببلاهه : الدراسه علئ ايامها كانت بذمه وضمير انا زين مني خذيت شهاده.. فيصل بنظره خاطفـه:لازم تدخليـن معهد تتعلمين بتفيدك بالمستقبل بهتت أبتسامتها لترد بأسـى: خلنـا فاليـوم ماتدري شيصير بعدين.. لوى شفتيه وبمداعبه نطق: نبـي نلحق تتعلمين قبل تعجـزين .. اكمل بحماس وهو يشير لدله:أحسبي حسابك أبي دله لي لحالي.. ضحكت وهي تقول: زين منـك تشرب فنجان تقول دله!! حدق فيها بتساؤل باسـم :ليـش حتـى القهـوه ماتعرفين تسوينهـا؟ قطبـت حاجبيها بتفكيـر: يعنـي تعتبر هذي اول تجربـه.. ضحك بشـده وهو يقول: لا انتي يبيلـك شغل من جد وجديـد... ، بمجلـس اكتض بالرجـال حتئ اكتفى،واصبح البعض يجلس خارجاً ومنهم من يقف امام الباب وخلف النوافذ..يصدح صوت ابو طلال بالمكان بحكمه بالغه: جيناك اليوم وحـنا متأملـين بهالوجهه الطيب كل خيرر..ولد *اسم القبيله* فعله فعلته ولكـنه سلم نفسه وهو نادم ..ان كان لك نيه تعفي عنه بطيبه خاطر وتفرح قلوب عياله بشوفته وتكسب ثواب الاخره وبياض الوجهه عنده وعندنا..فالله يبيض وجهك و ماهو بغريب عنك..وان كانك تبـي تأخذ بدم ولدك فلا أنت بمجبور بالنهايه هذا حقك و شرع الله ولكن مانبقى البغضاء بينكم وبين هله وجماعته...وعفا الله عما سلف .. هتف بنبره يتخللها الحزن السقيم : الشـاهد الله يالوجيهه الغانمه جيتكم على راسي ولا لي وجهه اردكم.. وابشروا بالي جيتوا عـشـانه..وهذا انا اتنازل قدامكم لوجهه الله تعالـئ عـن دم ولدي ..وانتـوا معفيين يا عيال *اسم القبيله* من الديـه ومن غيرها ..اعفيت عنه لوجهه الله وعسى الله يعصم على قلب امـه واخوانه ويجمعنـا فيه بالجـنه.. تهاتفت التكبيرات والحمد من ألسنتهم ليضج المجلس بصخب..منهم من يحمد الله،ومنهم من يرفع التكبيرات،واخرين يهتفون بالشكر له.. اكمل ابو طلال بأتزان: والحيـن ياعيال *اسم القبيله*وعيال*اسم القبيله الاخرئ* معاد لكم عـذر للمـشاحنات والبغضاء..تبقـون قرايب وبينكـم نسب لا تخلون الشيطان يدخل بينكم ويزعزع صفوفكـم .. التفت لوالد الميت وبفخـر هتف: وبيض الله وجهك ياولد*اسم القبيله* ماخيبـت رجانا فيـك وهذا العـشم فيك وبأمثالك*اكمل بنبره عاليه* وترا يالحاضرين كلكم لكـم واجب عنـدنا انا واخواني وجماعتي لزوم تاخذونه .. قاطعه احد اعيان القبيلتين: تسلـم وماعليك منقود ياولد الخالـد..انتو كفيتوا ووفيتـوا ولاحنا بناسين وقفتـكم معنـا انتوا وربعكم وأنسابكم.. قاطعهم ابو ياسر والذي هتف بصوت غليظ : انشـهد مامنهم قصور عيال الخالد..دعونا معهم وحنا لبينا الدعوه والحمدلله الصلح تم علئ خير وجمعوا القبايل علئ فعل الزين*اكمل بصوت جهوري اكثر* وبهالمناسبه وقدام هالوجيه الطيبـه..انا طالب نسب ابو احمد مثل ماناسبونا نبي نناسبهم ...*نظر لابو احمد ليكمل*الشاهد الله كنت بجيك لبيتك بس لما شفت هالقبايل كلها وبعد الصلح قلت نخلـي الفرحه فرحتين هتف ابو خالد باندفاع وهو يرا اخيه يستنجد بهم بذهول:السموحه منك ياولد الفايز والله لو هي ذبيحه ماعشتك ..بس اللي ماتعرفونهم ياجماعه الخير امس خطبت لعيالي عند اخوانـي ولو ما هالصلح كان الليله الملكه ابو احمد براحه اكمل: والله يابو ياسـر قربكم ينشرى بغالي بس السموحه مثل ماقال ابو خالد.. ابو خالد: وبالمناسبـه تراكـم معزومين يالحاضرين كلكم الاسبوع الجاي علئ ملكه عيالي .. ، وبتوالي الساعات،اخذ التزاحم يخف ولم يتبقي سوا جمعٌ غفير من الرجال ومن بينهم ابناء عائله الخالد...خارج المجلس يقف وامامه أبنائه الاثنان وكلا منهم ملامحه تتحلئ بالوجوم..،ادخل هاتفه بجيبه بعد ان قرأ الرساله،ليلتفت مجدداً لمتعب الذي هتف بضيق:يبه شلون تخيرنا؟! ابو خالد بحـده مغلفه ببرود: لاترد على سؤالـي بسؤال يامتعب .. ناصر بقهـر:يبـه محنـا بزارين توزع علينا حلاوه ويلا اختاروا . ابو خالد : كلكم سمعتوا اللي صار بالمجلس...تدرون لو اني ماتدخلت كان عمكم متورط الحين ومجبور يوافـق . ناصر بأستنكـار:واذا وافق يبـه وش فيها! هذا هو مزوج ولده بنتهم ابو خالد : عاداتهم تختلف عن عاداتنا..غير كذا شفتوا ولده من وجهه شر *اكمل بترقب* وألحين من فيكم يبي بنت عمكم عبدالله ..اكيد راح يسألني وانـا مابي أورطـكم واحد منـكم يختارها!! متعـب بضيـق: أنـا ابيهـا يبـه..! ، خرج مهرولاً بأنفعال غاضب،ولسانه يهتف بأكبر الشتائم،وابنه خلفه يتبعـه ببرود وبداخله بركان ثائر،وهاتفه بين كفيه كاد ان يتهشم من شده قبضته عليه،بعد ان قرأ الرساله التي زادته أكيالاً من الفضب.. اقتربا من سيارتهم ليردف والده بغضب وهو يضرب كفيه ببعضها:أنا ولد الفايز ينرد طلبي بمجلس مليان رجاجيل ...هين ياعيال الخالد هين.. هتف هو بقهر مغلف ببرود : هم الخسرانيـن يبه ... زفر والده بغضب وهو يقول: الا حنا مو هم يالهيس..شركاتهم وصلت القمه وحنـا مديونات شركتنـا اكثر من أرباحها.. ياسر بتفكير : خيرهـا بغيرهـا يبـه.. ابو ياسر بأنفعال:اللي قاهرني اني عطيتهم بنتنا ولا هم يستاهلون .. ياسر بأمتعاض: فضهـا سيره خلاص ..*ابتسم بخبث* جاءت بوقتها اصلاً ، نقـــف هنــا() الملتقـى الجمعه بآذن الله همســـه: [COLOR="SeaGreen"] " أذا دعتك نفسك إلى معصية فحاورها حوارا لطيفا بهذه الآية : {قل أذلك خيرا أم جنة الخلد التي وعد المتقون}..* 🌷☘ 🌷☘ . دمتــــمٌ بخيــر / روعــة النسيــان ♥~ | ||||||||
|
| |
|
03-12-16, 06:03 PM
| #309 | ||||||||||
| نجم روايتي وبطلة اتقابلنا فين ؟ومشاركة بمسابقة الرد الأول ومُحيي عبق روايتي الأصيل 
| الذين يشاهدون محتوى الموضوع الآن : 10 ( الأعضاء 6 والزوار 4) *ألماس*, روعة النسيان&, nouriya, dalia22, shoagh, زينب 97 ....ً.......... يسعد مساااكم لي عودة بعد القراءة و كل عام و دولة الأمارات بألف خير بمناسبة العيد الوطني جعل الله الامن و السلام يرفرفان على طول حواليهم و على جميع الدول العربية | ||||||||||
|
| |
|
| الكلمات الدلالية (Tags) |
| رواية،آني،آرئ،العمر،بعيني ك،مغفرة، |
| أدوات الموضوع | |
| انواع عرض الموضوع | |
|
|
62Likes
العرض العادي
