آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-10-16, 05:18 PM
| #61 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ʚϊɞ ʚϊɞ •.¸( الأخيرة 22)¸.• ʚϊɞ ʚϊɞ ((الجزء 2)) تقى كانت سهرانه هي وداليا بيرغوا سوا ، جه لداليا إتصال من أحمد وطلب منها تكلمه بعيد عن تقى ، عملت كإنها قايمه تشرب وهي بتكلمه ، دخلت المطبخ وهمست : إيه يا أحمد فيه إيه ؟؟ _ داليا بهدوء كده أنا كلمت خالك يوصلكم ، هاتي تقى وتعالوا على هنا _ في الوقت ده :o !! فيه إيه ؟؟ جدتها كويسه ؟؟ _ جدتها بتحتضر وأظن لازم تقى تشوفها :'( _ لا حول ولا قوة إلا بالله ، طيب هقولها إيه ؟؟!! _ معرفش إتصرفي يا داليا أنا مش عارف أفكر ( ، أنا هقفل دلوقتي ومنتظركم ماتتأخروش مفيش وقت _ حاضر دخلت تقى : كل ده بتيجيبي مايه يا حاجـ ... مالك يا داليا ؟؟ _ تقى ، أ أ أحمد كلمني دلوقتي و و بيقول يعني إن ماما عاوزه تشوفك وهو قدر يعني بطريقته يخليهم يسمحولنا يعني نزورها دلوقتي خارج مواعيد الزياره ، يلا نلبس بقى عشان نلحق _ داليا هي ماما كويسه ؟؟ _ أه الحمدلله يلا بينا بس عشان أحمد مستنينا غيروا هدومهم وكان ناصر منتظرهم ، مشيت تقى معاهم وقلبها مش مطمنها ، وصلوا المستشفى ، وسبقتهم تقى على أوضة أمها ، لقت 2 ممرضات واقفين عند الباب ، دخلت ولقت دكتور واقف جنب الباب وأحمد جنب أمها بيلقنها الشهاده ، وقفت تبص لأمها في ذعر :o عاوزه تجري عليها بس رجلها مش بتتحرك ، ماقدرتش تستحمل وإنهارت ع الأرض ، دخلت داليا ولقتها قاعده في الأرض ، سندتها لحد أمها وجابتلها كرسي ، قعدت تقى ومسكت إيد أمها بإيدين مرتعشه : ماتسيبنيش يا ماما عشان خاطري ماتسيبنيش ، طاب لو ناويه تمشي خديني معاكي مش هعرف أعيش في الدنيا من غيرك :'( أحمد : داليااا خديها بره مش هينفع كده سحبتها داليا غصب عنها لبره ، وقفت جنبها وفجأه تقى فقدت الوعي ، أول ما فوقوها جريت على أوضة أمها ولقت أحمد بيبكي وهو بيغطي وشها بالملايه :'( زميله خرج ، قربت من أمها وهي بتسحب رجلها ، نزلت الملايه بإيدين مرتعشه ، فضلت تلمس كل تفصيله في ملامحها بإيديها وتبتسم ، زاحت أحمد من طريقها ومددت جنب أمها ، رفعت إيد أمها وإستخبت في حضنها :'( ، سندت راسها على صدرها : فاكره يا ماما لما رجعتلك معيطه من المدرسه عشان صحبتي قالتلي أنا عندي ماما وإنتي لأ ؟؟ فاكره يومها حضنتيني أوووي وقولتيلي أوعي تعيطي أنا أمك وعمري ماهسيبك لحظه واحده ، أنا عمري ماحسيت بيتم ولا حسيت إن مليش أم عشان إنتي كنتي أمي وكل حاجه في حياتي ، آآآآآآآآآآآه ضهري اتكسر يا أمي وإتيتمت ، دلوقتي بس دقت طعم اليتم وعرفته :'( أبوس إيديك ماتسيبنيش :'( <3 ردي عليا يا أمي ردي عليااااااااااا :'( :'( قربت منها داليا ، حاولت تقومها من حضن أمها ، زاحت إيد داليا وتبتت في حضنها ، أحمد مش مستحمل يشوفها بالحاله دي ، محدش قادر عليها ، سابوها فضلت تكلمها وتبكي جنبها لحد ما فقدت الوعي من تاني ، شالها أحمد لأوضه تانيه وطلب من داليا تفضل جنبها وماتخرجهاش لحد ما يتمم الإجراءات ويجيب تصريح الدفن عشان يدفنوها الصبح إن شاء الله . ~ ~ ~ تقى حضرت الجنازه وهي شبه غايبه عن الوعي ، ماقدرتش تقعد في العزا ، داليا إستقبلت الستات مكانها وهي فضلت حابسه نفسها في أوضة أمها ومش راضيه تفتح الباب لحد ولا راضيه تاكل ، بعد ما الناس مشيت بالليل عدّى أحمد عليهم يتطمن على تقى وقالتله إنها مش عاوزه تاكل ولا حتى عاوزه تفتح الباب لحد _ طيب معلش يا داليا جهزي الأكل على صينيه صغيره راح ناحية الباب ، خبط بهدوء : إفتحي يا تقى أنا أحمد ثواني وكان الباب مفتوح ، وقفت عند الباب بتبصله وشفايفها مقوسه لأسفل ( من غير كلام ضمها لحضنه <3 إنهارت بين إيديه وفضلت تبكي بحرقه وعلى صوت نحيبها :'( :'( فضل يطبطب عليها ويمسح على راسها ويصبرها برفق وحنان <3 ، جابت داليا الصينيه وخرجت _ يلا يا حبيبتي _ مليش نفس :'( _ لأ مفيش حاجه إسمها مليش نفس ، عشان صحتك يا حبيبتي <3 يلا بقى عشان خاطري _ والله ماليا نفس مش قادره :'( _ لقمتين بالضبط وبعدها هسيبك براحتك ، عشان خاطري <3 مد إيديه وبدأ يأكلها ويمسح دموعها ، بعد ما أكلت _ بالهنا والشفا يا حبيبتي يلا إرتاحي شويه مانمتيش بقالك كتير عدلها المخده وغطاها ، طبع قبله على جبينها وقبل ما يخرج مسكت إيديه : ماتسيبنيش يا أحمد :'( مسك إيديها بحنان : ما تخافيش أنا جنبك <3 أهه إتناول مصحف من ع الكومود ، حط كرسي جنب سريرها ، فتح المصحف على سورة يوسف ، بدأ يرتل وهو بيمسح على راسها لحد ما راحت في النوم -_- ..~ •••••••●••••••••●• •••••••••●•••••••� ��•●••••••••●••• ••• بعد مرور شهرين كان الحزن إلى حد ما بدأ يزول ، وأحمد بيجهز شقته عشان أول ماتخلص ناويين يتجوزوا على طول لإنه مش متطمن وتقى قاعده عند جدها لوحدها بيزورها كل يوم بس برده مش هيرتاح غير وهي جنبه وشايفها قصاده كل لحظه . ~ ~ ~ واقفه داليا في المطار منتظره وصول نِهال ، أول ما لمحتها جريت عليها وحضنتها ، كانت محتاجه أوي لحضنها في الفتره العصيبه إللي مرت بيها <3 _ واضح إنك هتحصليني بعدها بأسبوع ، كده يا نِهال 3 شهور بحالهم ( _ معلش يا حبيبتي ما أنا قولتلك أحمد جاله شغل وإضطرينا نأجل السفر _ خلاص سماح المره دي المهم إنك دلوقتي موجوده وحشتيني أووي <3 _ إنتي أكتر <3 ^_^ _ يلا هسيبك ترتاحي إنهارده ومن بكره إن شاء الله هزهقك _ ههههه حبيبتي يا دولّلي ، صحيح عوزاكي في أمر هام بس لما أروح وأهدى كده هكلمك _ إتفقنا يا جميل ، نورتوا مصر ^^ ~ ~ ~ _ حفلة إيه يا نِهال بتهزري مليش أنا في الكلام ده بلا ملكات جمال الحجاب بلا بتاع :d _ عشان خاطري يا دولّلي مش هتخسري أي حاجه هتلبسي فستان وخمارك وإن شاء الله إنتي إللي هتتوجي ، عشان خاطري يا دولّلي صحبتي قررت تعمل الفكره دي وأنا نفسي أساعدها _ طاب ماتشتركي إنتي ؟ _ ما أنا هشترك بس عوازاكي إنتي كمان معايا عشان خاطري بقى قولي موافقه _ ماشي موافقه لما نشوف أخرتها معاكي يا ست نونا <3 _ حبيبتي يا دولّلي <3 أنا عاوزه أسافر بكره ان شاء الله لمريم في اسكندريه عاوزه اباركلها وطبعاً بدون نِقاش إنتي جايه معايا _ حاضر إن شاء الله ~ ~ ~ في اليوم التالي نِهال أخدت داليا ، سافروا اسكندريه وقعدوا 3 أيام عند مريم وهم راجعين ، أخدوها معاهم ع القاهره عشان هتقدم في الجامعه وتبدأ شغلها نِهال راحت لداليا ومعاها الفستان إللي هتشترك بيه في الحفله داليا بذهول : إيه ده يا نهال بتهزري ده زي فساتين الملكات :o !! _ ولما تلبسيه هيزيد جماله ;) _ ربنا يجبر بخاطرك يا اختي بس فعلاً فستان يجنن ما شاء الله ^^ _نامي كويس بقى وجهزي نفسك للحفله بكره إن شاء الله ) _ تمام وخالو قال هيوصلني نتقابل هناك بقى إن شاء الله ، إنتي هتلبسي إيه صحيح ؟؟ _ فستان أحلى من بتاعك ومخبياه عشان التنافس بقى وكزه :p :d _ لا يا شيييخه ماشي بس برده أنا إللي هكسب بكره إن شاء الله وتحدي _ قبلت التحدي :d •••••••●••••••••●• •••••••••●•••••••� ��•●••••••••●••• ••• جه ميعاد الحفله ، لبست داليا الفستان وعليه خمارها وكانت زي الأميرات ، وصلها خالها للمكان إللي نِهال قالتلها عليه ومشي ، تأملت المكان حوليها وإستغربت من الهدوء ، مفيش أي دوشه تدل على إن فيه حفله هنا ! كلمت نِهال ومابتردش ! لمحت طريق في أنوار على جانبيه ، رفعت فستانها ومشيت فيه ، في آخر الطريق لقت المكان مضلم إلا من نور متسلط على تربيزه ، بصت حوليها مفيش أي حد ، شافت خيال حد واقف عند التربيزه ، قربت لقت واحد واقف ومديلها ضهره _ لو سمحت ؟! مش المفروض إن هنا حفلة ملكات جمال الحجاب ولا أنا غلطت في العنوان ؟؟ إلتفت : مغلطيش في العنوان ، هنا مفيش غير ملكه واحده هي إنتي ! وقعت شنطتها من إيديها وجسمها إرتجف وهي بتبصله ، غمضت عيونها وفتحتها من تاني يمكن بتحلم !!! همست : عـ عـ عدنان :o ؟؟!! وكإن دموعها إللي حبساها من وقت مارجعت بدأت دلوقتي تسترد حريتها وتتمرد على عيونها ، سالت دموعها :'( وهي شيفاه واقف قصادها ، بصتله بضيق ولفت في الإستعداد لإنها تمشي وقف في طريقها : ممكن تديني فرصه أشرحلك كل حاجه ؟؟ _ تشرحلي إيه وبعد إيه !!! قولتلك 3 أيام يا أستاذ عدنان مش 3 شهور !!! إيه كنت محتاج سنين تراجع نفسك فيهم ؟ بس خلاص بقى أنا إكتفيت مش عاوزه حد في حياتي لا عاوزاك ولا عاوزه غيرك الله الغني عنكم إرحمني وماتوجعش قلبي أكتر من كده ، إيه إللي رجعك ما أنا كنت خلاص بدأت أنساك :'( _ أرجوكي يا داليا ماتظلمنيش وإسمعيني حتى ولو لآخر مره ، إسمعيني وبعدها هسيبك تمشي أرجوكي :'( _ :'( _ مش هعطلك كتير جربي تثقي فيا من تاني وأقسملك هريح قلبك و أوضحلك كل شيء مسحت دموعها : إتفضل قول إللي عندك ~ ~ ~ تعالوا نرجع فلاش باك لليوم إللي داليا قابلت فيه عدنان وإدتله الظرف ~ ~~~~~~~~~~~~~~~~~~~~~~~~~~~~~~ بعد ما مشيت ، عدنان ما استناش لما يرجع البيت فتح الظرف قرا كل حاجه فيه وقرا كل كلمه عن الحادثه ، عرف دلوقتي سر الحزن إللي كان دايماً ساكن عيونها ، حس الدم بيغلي في عروقه >.< ما فكرش ولو للحظه يلوم داليا ، ألمه كله على إللي حصلها ، كره علي إبن خالتها من غير ما يشوفه ، كره تخليه عنها في عز إحتياجها ليه >.< ، إتمنى لو ماكنش المجرمين أخدوا إعدام كان أكلهم بسنانه عشان يشفي غليله منهم ، قرر مش هيستني 3 أيام زي ما داليا حددت ، هيروحلها حالاً عشان يقولها إنه عاوزها مهما حصل وإنها ملهاش ذنب ، عاوز يروح دلوقتي يقولها إنه بيحبها بجد وعمره ما هيتخلى عنها لأي سبب ، خرج من الكافيه وداليا شاغله كل تفكيره عاوز يطير عندها ويقولها تعالي نتجوز حالاً مش عاوز أكتر من إنك تفضلي جنبي لآخر يوم في عمري وفجأه طار ونزل ع الأرض وجنبه أحلامه بتلفظ أنفاسها الأخيره ( الدنيا بقت ضلمه حوليه ، فتح عيونه وشاف ناس بتجري و دوشه وآلام في كل جسمه مش عارف مصدرها ، غمض عيونه و ماحسش بأي حاجه بعدها ، فضل في غيبوبه وللأسف ماكنش حاكي أي حاجه لعصام عن موضوعه هو وداليا عشان يلحق يتصرف بل بالعكس هو سما إتضايقوا منها جداً لما عرفوا إنها سابت الشركه وسافرت مصر في ظروف زي دي !! . . . نِهال بعد ما داليا سافرت طلبت من زوجها يأجل سفرهم ، قررت مش هتمشي غير لما تقابل عدنان وترجع الفرحه تاني لقلب داليا ، راحت الشركه وقالولها هناك إن عدنان مسافر زي ما عصام قالهم ، محبش يقول خبر وجوده بين الحياه والموت في المستشفى قصاد الموظفين ، حاولت توصل لرقمه ماقدرتش ~ ~ سما وعصام كانت حالتهم صعبه وهم شايفين حالة عدنان مفيهاش أي تقدم وإرادة ربنا فوق كل شيء ، فاق عدنان من الغيبوبه بعد ما يأسوا من نجاته :')) وبعد ماقدر يسترد صحته إلى حد ما سأل عن داليا ، حكى لعصام كل حاجه وطلب منه يوصل لداليا بأي شكل ، عصام حاول يوصل لرقمها في مصر مقدرش ، دور على مريم في الشركه وكانت للأسف سابت الشركه وسافرت هي كمان مصر ، وفي يوم نهال راحت الشركه تسأل عن عدنان وصفوت كالعاده بلغها إنه لسه مسافر وقبل ما تمشي ، دخل عصام : صفوت وصلت لحاجه جديده ؟؟ _ أسف يا فندم والله حاولت ومش عارف أوصل لأي رقم _ إتصرف شوف أي حد يعرف رقم داليا في مصر لازم نوصلها _ أنا معايا رقم داليا في مصر ! إلتفتلها عصام بدهشه :o ، طلبه منها لأمر هام ورفضت تديهوله قبل ما يوصلها لعدنان ، أخدها المستشفى وإتصدمت لما عرفت إللي حصله ، حكتله عن حالة داليا وإنها لحد دلوقتي فكراه رفضها ، طلب منها تحكي لداليا ونِهال إقترحت عليه من الأفضل يفاجئها ويسافر مصر لإن مهما حكت الجرح إللي جوه داليا مش هيلتأم غير بوجوده في مصر ، ولإن حالته الصحيه ماتسمحش قرروا يستنوا لحد ما يكمل علاجه ... وبالفعل بعد ما تماثل الشفاء ، رجع مصر على نفس طيارة نِهال وزوجها ، شاف داليا من بعيد وهي بتستقبل نِهال ، كان هينسى كل الخطه ويجري عليها ، ربت عصام على كتفه وراحوا ع الفندق ، بعدها نِهال كلمت شيرين مراة ناصر وأخدت منها رقم ناصر ، كلمته وحكتله كل حاجه وحكتله ع الخطه إللي ناويين يعملوها ، وحسب الخطه كان لازم داليا تبعد عن البيت ، فطلبت منها نِهال تروح معاها إسكندريه تزور مريم وفي الوقت ده كان عدنان في بيت داليا بيتقدملها بعد ما ناصر وضح لأخته وعمران كل حاجه ونِهال إخترعت حكاية الحفله دي عشان تفاجيء داليا ^__* ..~ ~~~~~~~~~~~~~~~~~~~~~~~~~~~~~~ _ ده كل إللي حصل وأهه الورق إللي في إيديكي ده بيثبت إني كنت في المستشفى بصي ع التواريخ كويس والله يا داليا أنا عمري مافكرت لحظه أجرحك أو أسببلك وجع :'( قرأت الورق وهي مصدومه وزعلانه من نفسها إنها ظلمته وكل الوقت ده كان بيعاني وهي مش جنبه :'( _ إ إنت كويس دلوقتي :'( ؟ _ هبقى كويس لما توافقي إنك تكون شريكة حياتي لآخر يوم في عمري ، قولي موافقه أرجوكي يا داليا هزت راسها بأيوه وهي بتبتسم وسط دموعها :')) صقف فإتفتحت كل الأنوار ولقت أهلها وأهل عدنان وكل أصحابها وأحبابها ، قاعدين على مسافه بعيده إلى حد ما عنهم ، وقفت تبصلهم بذهول :o ! _ إتفضلي يلا المأذون خلل وأنا بحاول أشرحلك أظن كفايه كده بقى :d _ مأذون :o !! _ أيووووه الحاج عمران موافق ماكنش باقي غير موافقتك ومش شويه قلتي موافقه _ على فكره أنا مانطقتش ولا قلت موافقه :p _ ما هو حاجه من الاتنين يا توافقي يا توافقي ضحكت ونِهال جايه عليها وفرحانه : مباارك يا عروسه ^^ _ كده يا نهال تعملي فيا كل ده لا وإيه مسابقة مش كده ماشي ماشي :d حضنتها ، وأخدتها من إيديها ناحيتهم ، ضمتها خديجه لحضنها وهي مش مصدقه إن جه اليوم وشافت بنتها عروسه بعد ما فقدت الأمل ، وعمران فضل يبكي ، طبعت قبله على جبينه : يا سلام يا عمران ماكنتش عارفه إنك كنت عاوز تخلص مني للدرجه دي :')) ربنا مايحرمني منك أبداً يا أعظم أب وأول حبيب ليا في الدنيا ♥ . . كتبوا الكتاب وداليا واقفه بتسمعهم وهي مش مصدقه كل إللي بيحصل حوليها ، لسه من لحظات كانت بقلب مكسور و ربنا بعتلها فرحه فـ لحظه داوت جرح قلبها وبدلت كل حزن جواه لسعاده ، بصت للسما وفضلت تشكر ربها بعيون باكيه أول ما إتكتب الكتاب جري عدنان ، حضن داليا وفضل يلف بيها وسط تصفيق الحاضرين ودموع الفرحه إللي ماليه عيونهم :')) بعد أسبوع كانت صور داليا وعدنان وخبر زواجهم ماليه نفس الجرايد إللي من 8 سنين كانت ناشره صور حادثة داليا صاحبة لقب #عود_ثقاب ...~ * * * * بعد مرور 4 سنوات ..~ ساعة الغروب ، عند نهر التايمز قاعد ومركز بس المره دي مش مستني داليا لإنها سانده على كتفه وواضح من بروز بطنها إنها في الشهور الأخيره من حملها ^^ ، نده : ساره تعالي هنا قولتلك ماتبعديش من جنبنا >.< بص لداليا : بنتك نسخه مصغره منك عنيده >.< _ عندك إعتراض مثلاً !! حط إيديه على بطنها : إمته تيجي يا عم ريان بقى وتريحني من جو البنات إللي في البيت ده رفعت راسها من على كتفه : يا سلااام طاب إيه رأيك بقى إنه هيبقى في صف أمه حبيبته وهنعمل عليك فريق ونوريك النجوم في عز الظهر _ أكتر من إللي عملينه فيا إنتي وساره -_- !! _ هو إحنا يعني ماينفعش نتدلع عليك شويه يا بابا إبتسم : ) : مليش غيركم في الدنيا أدلعه ، إتدلعوا براحتكم يا ستي ولايهمكم ♥ إستخبت الشمس في حضن نهر التايمز ، وداليا بتستخبي في حضن عدنان ، طبع قبله على جبينها وضمها لحضنه أكتر ، رفعت راسها وبصت في عيونه وفي نفس اللحظه قالوها : #بحـــــــبك ...~ النهاية -تمت بحمد الله- وإنتهت حلقتنا هنا إنهارده بس المره دي مش هنقول إنتظرونا في الحلقه الجايه هنقول تذكرونا دائماً بالخير ولا تنسونا من دعائكم ♥ ^_^ صدقاً سأشتاق إليكم كثيراً :')) ♥ لـ #ندا_سليمان | ||||
|  |
|
05-10-17, 10:50 PM
| #62 | ||||||||||
| مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية 
|  | ||||||||||
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
