يامصحصح يامبحبح ياورد ومفتح

[اسفة]

	أسعد الله أوقات آل روايتى الحلوين بكل خير ومحبة من فترة قريبة الغاليتين زهر البيلسان ودندنة روح نوروا الكافية ودلعوكم بموضوعين فى منتهى التميز الأول كان صباحكم القهوة ...لعشاق الفاتنة السمراء بجميع حالتها والتانى صباحكم فيروزي بامتياز...لمحبى فيروز وده خلانى أفكر للقهوة عشاقها لكن هناك من لا يحبها ولفيروز محبيها لكن هناك من لايستمع إليها وهذا لا يعد انتقاص من قدر أى منهما فلولا أختلاف الأذواق لبارات السلع طيب اللى مابيشرب قهوة ماهو مشروبه المفضل صباحا واللى ما بيحب فيروز بيحب يستمع لمين الصبح وخلوا بالكم لاالزبيبة تقع الأهم من كده ماهومودكم الصباحى هل تستيقظون مبتسمين متفائلين بمزاج رائق أم تستفتحون يومكم بوجه عابس ومزاج عكر وكأن هناك من ضربكم فى الحلم وكتوضيح زى صورة سنية ترتر وحسب الله السادس عشر التى تثبت فى النهاية انتصار التفاؤل سنية ترتر(كمثال للتفاؤل) وحسب الله السادس عشر(كمثال للمزاج العكر ) فى مشهد تغمره الكوميديا وخفة الظل فى الصباح وسنية ترتر بتصبح على حسب الله السادس عشر ، بفيلم “شارع الحب” يغمض النجم الراحل عبد السلام النابلسى عينيه، ويمسك بأصبعيه الإبهام والسبابة على أنفه، ويقبلّ النجمة زينات صدقى فى خدها،بل يتمادى بكسر خاطرها حيث لم يلمس النابلسى خدها أكثر من ثانية، ويقوم بتعقيم الغرفة بعدها لترد بصوتها الكوميدى الساخر مداعبة إياه “يا اختى جماله حلو يا اختى شبابه حلو ليستسلم فى النهاية معلنا على الملأ أنه سيدفن نبوغه وعبقريته بالحيا، ويوجه كلامه لزينات صدقى قائلا: “اكتشفت فيك ِجمال الروح مستخبى وراء لسانك اللى عامل زى المبرد، سأتزوجك وأنا مغمض العين مسدود الأنف والأذن والحنجرة كتيرمنا يستيقظ متفائل صباحا ..وكتير بيصحى نكدى وكئيب وبيحاول يكون متفائل ومابيعرفش وبما أننا فى روايتى نرفع شعار هاتى أم ثوثو نحن نحب كل أطفال العالم ونزرع الورود فى كل مكان نكره الحقد ونزرع المودة لذا قررنا فى روايتى تبنى حملة دليك لتبدأ يومك متفائلاأى مصحصح ومبحبح وده عنوان الموضوع ولكن لعدم حرقه كتب داخل الموضوع أول شئ حاولي تبتسمى لنفسك وتدربي كتير قدام المراية علي ابتسامتك و ضحكتك الرقيقة المتفائلة الجديدة ابتسمى لجيرانك .. ابتسمى للناس فى الشارع وياريت تكون مختلفة عن ضحكات الف ليلة وليلة لانها مصطنعة قوى وإن كنتى معتقدة هيقولوا شريرة ويوسعوا لك الطريق..لا هيقولوا دي هبلة لعل وعسى تقعى فى حد يفتكر إن تبسمك فى وجهك أخيك صدقة أما أن وقعتى وصادفت إن بسمتك جت فى وش تيمساح لزق لك وافتكر إنك بتعاكسيه ولا أعرفك بس برده قاومى الشرير الصغنن اللى جواكى وبلاش تغزيه بالسنجه الحل بسيط جدا كل ما عليكى فعله هو قولى صباح السكر هتلاقيه أختفى فى ثانية وده لسبين الأول إن السكر غلى ونحلو بأيه هيخاف لتكونى طمعانه فى كيس سكر والثانى هيفتكرك مباحث وتبلغى فيه خخخ انضمى لنا وأدخلى برجلك اليمين وهاتى أصحابك معاكى وشاركينا أفكارك ومشروبك الصباحى المفضل وماتحبى الاستماع إليه والأهم مزاجك وربنا يستر :a555: بانتظاركم