أقدارنا بين الحب والغربة / للكاتبة عبير الكبسي ، يمنية مكتملة

[لامارا]

هيثم وهديل وصلو الحاره..

هيثم: اينو بيتكم؟ هديل فاررحه: هذك الباب الصغيرر الاسود هيثم استغرب: هذااا ؟ هديل: ايوه هيثم بضببببح: وقف بريك بقووه قدام بيتهم. هديل تحسست : اذا ماتشتيش تنزل عادي. هيثم نزل: رزع بابه ..يلا انزلي هديل دقت الباب: دخلت وسلمت على ايمن. صالح : من ياولد؟؟ ايمن: الحريوووه جت هددديل جت صالح قام: للباب ودخلهم للديوان ايمن راح لاعند امه: هددديل جت وادت جعاله لنا افراح بقصته من اذنه: اصصص لو اسمع نخسك انت واختك انه من بلاك ترتزعو ف الغرفه هنا. صالح: حيااااا الله من جا اهلا وسهلاا هيثم ييسلم: كيف انت ياعم صالح: الله يسلمك ويبارك فيك. هديل جلست جنب ابوها : كيف راسك والضغط قدك احسن؟ صالح: له الحمدد والشكر اهم شي انتي مرتاحه انا بخير هيثم :بيتفرج بيتهم وبساطته صالح: سيري ادي قهوه لزوجش او شاهي هديل شافته بنظرره: وقامت للمطبخ افراح: اخس ياااهديل ولاتتصلي ولاتسلمي ولاتسالي هديل: وماجيت افعل ذلحين؟ افراح: قدو خامس يوم العرس هديل:بينخزا اتصل كل شويه افراح: قليلي كيف زوجش معش طيب رومانسي بيدلعش ويخرجش ويفسحش؟ هديل:ايوه ماله شي. افراح بتتفرجها: قدو باين العز الي انتي فيه هديل شافت البالطو: قصدش هذاا ؟ هو حق اخته انتي نسيتي تشلي لي جديد في الكسوه افراح: وانتي كسوه وذهب بخمسميه مافعلش. هديل: في قهوه ؟ افراح: مععع شافعل عصيررر الان ...الفتاشه حق الام ؟حسب الله وانا امش هديل: ماعرفش خلي ابي يحاكيه ويطلبه. في بيتهم ... افنان مفجووعه: مالهااا اختي ؟؟ماوقع يا امل؟ فاتن: مالي شي ..تعبت دوخت. ام فاتن: يووو يابنتي تسلمي انا فدالش تعبتي نفسش كنتي عتتصلي لنا. امل: مابش تعب ياخاله ..فاتن اختي. فاتن: دخلت غرفتها..جلست امل لحقتها: ماعتفعلي ؟ عتقليله؟ فاتن: لاااا اقله !! اسهل له؟؟ مستحيل! انا غبيه؟؟ امل رافعه حواجبها : كان ايش!!! فاتن بقهررر: قسما بالله لاورررريه اخس من اسلوبه يا امل. امل : المهم لاتغثيش خلاص مايستاهلش فاتن بكككككيت: كيف مايستاهلنيش ؟؟ كل يوم بنتجابر ولو كان مزوج ؟ يوم الخميس تجابرنا يوم عرسه ليش ...يعني بيحبني !!! طيب ليششش فعل هكذا ليششش؟ ليش كذذذب عليا امل: حضنتها وبتهدئها. افنان دخلت: مالها من ايش معصبه حد زعلها؟ امل خافت:هااا من الدكتور حصلت مشكله وفكر انها فاتن وهي واحده ثانيه ونقصها درجات. بيت صالح..بعد ماشرب العصير وسلم عليهم. هيثم قام : خرج من جيبه لفه فلوس وطرحها لعمه ..هذه حق ام هديل. صالح تنهد: الله يرحمها ..قصدك خالتها.

#bero_alkebsi

[لامارا]

هيثم : الله يرحمها هيثم: يـ لله خاطرك ياعم....ياهدديل هديل دخلت شافته واقف: ماقد شبعت من ابي مسرع. صالح: اين عتسيروو الاثنين غداا هيثم: ماشي مره ثانيه ياعم معي عمل. صالح: يمين ماتدي خطوه هيثم ضبحح: تفررج لهديل. صالح قام خرج لاعند افراح:قد المرق جاهز ؟ افراح: هي الا مرق نص دجاجه صالح: قلعو عينش ...قررربيها وجهزي الغدا في الديوان هيثم: مابش دااعي هديل: شافت ابوها دخل صالح: اداش الله تقيسي لابوش الضغط هديل: بعيننني دق البااب ايمن: فتح الباب سامي وعلاء: سياره من الي ف الباب !! افراح: ادخل نسبكم هنا سامي: هديل جت؟ افراح: عادهي ذكرت..لادخلت ادعيها سامي : دخل وسلم عليه. علاء: بعده. هيثم:بيسلم على سامي وعلاء. صالح اشر ل سامي واقفين في الباب خارج صالح: فتح اللفه الزلط..سير اشتري دجاج واي شي جنبه. سامي: من عيني باكلم علاء وانا سايري العمل الان. صالح: تمام. هديل: خرجت تجاوب خالتها. افراح: جي جابريني مافعلتي كيف بيتهم وين سرتو ؟ هديل: بيتهم حالي وطيبين وكل شي افراح: ها اضربي الحلبه امد. هديل بحده صوت: مابيخلووونيش اقرب الشاهي..لاني حريووه ومعاهم شغالتين. افراح: هنيتلش هديل داخل نفسها: مابش على ايش تمرع خليها تهني بس. بيت فاتن.. فاتن : رقدت مع المهدئات.. امل:اتصلت تستأذن من اهلها انها عتجلس عند فاتن ويجولها الليل. اسامه بيتصل: انتظارر المكالمه امل : غلقت وجاوبت. اسامه معصب: ماااالش مابتجاوووبي ؟ امل: مالك ؟ اسامه: لاجيتي جامعه ولادخلتي واتس ولا لش ظهور قلقت. امل: خليها على الله ..فاتن فاتن نكززت: اشرت لا تسكت لاتتكلم. امل بتتفرجها وتتكلم: فاتنننن. اسامه: مالها فاتن ؟ امل: تعبت ودوخت واسعفناها. اسامه: ها خير طمنيني عليش ياشوعه. امل: تمام ياروحي اسفه.. اسامه: يلا اوبهي لنفسش باي. فاتن: لاتتكلميش ابدااا اني عرفت. امل: ليش؟ فاتن: رجاء يا امل واحلفش باغلى من عندش لاتقليله لانهم اصحاب وعيقله ومشتيش هيثم يعرف اننا عارفه امل: تمام حاضر. بيت صالح.. هيثم: بيشرب المرق.. هديل: بتفرش السفره وتقرب. سامي لبس ودخل يستاذنهم انه رايح العمل. هديل: الله معك..الله يوفقك يارب سامي: حجفها وحبها فوق راسها . هيثم: بيتفرج لاخوتها كيف يحبوها وابوها. صالح: يلا ابني اقرب ومد يدك بسم الله هيثم : كثر الله خيركم. صالح:خير الله كثير..هديل اجلسي جنب زوجش. هديل بتتفرج لهيثم بمحانكه: عاددي اليوم عندك فاقده لك ياباه.


#bero_alkebsi

[لامارا]

سامي وصل: دخل غير ملابسه لبس ثياب رسمي بالعمال وبدء العمل بيرتب البضاعه ويفهم العمل.. المشرف : بيوريه ويفهمه الشغل. بيت صالح..الباب بيدق علاء: قام يفتح رزق: وين سامي؟ علاء: في الشغل رزق: يلله كلمه نتلاقى بعد صلاه العشاا علاء: تمام هيثم : تم يتغدا وقام يستاذن هديل : شويه هيثم انحرج: انتي داريه معي مذاكره وامتحانات صالح : يلله يااابنتي قومي مع زوجش الله يوفقكم ويرضى عليش هديل: حاضر..خرجت لبست البالطو وتلثمت. افراح: يو مسررع..فرحت انش جيتي تغسولي لي. هديل ضحككت: له الحمد انه مستعجل ..لما يرجعو غاده وايمن حبيهم. افراح: هم داخل .. هديل: يوو ليش ماقلتيلي ولاسمعتهم كيف لهم افراح: هددتهم . هديل: دخلت حضنتهم فرررحو وحضنوها.. هديل: خرجتها معاهم للصاله هيثم مستغرب : بيتفرج ايمن سلم عليه : انا اخو هديل غاده بضحكه وخازيه: وانا هيثم : ابتسم لهم وسلم..فتح الباب ايمن: هديل: صحباتش بيسالين عليش هيثم: ايوه ذكرررت قليلهم يدو ملفش اسجلش مع خواتي. هديل انصددددمت: صدددق؟ هيثم: ايوه..وخرج للسياره هديل: كلمت علاء ولحقت هيثم. بعد العصر.. رهام بتجابر بنت عمها: وهن بيلبسين شاوريش الي كلمتش عنه اخيرا توظف بنت عمها: هاا ايش موظف رهام: يمكن محاسب او مدير فرع ماعيتوظف ف سوبر ماركت. بنت عمها: يلله سهل امد مايتخرج اخو رهام فوق السياره بيطرق لامه وخواته. رهام فارحه :نزلت وهي بقمه الاناقه. اخوها: ايش اللبس هذا او سايره عرس؟ رهام:مالك عشان لون الشنطه ابيض ..يووف والتخلف. اخوها: باوريش التخلف سواا.. امها: خلاص انت وهي جني لابوها خرجه. رهام سارحه من الطاقه: بتتخيله بالبدله والكرفته. بيت صالح.. افراح : ادت الطرح لك ؟ صالح: ايوه هو حق الام وانتي بمثابه امها..شاتصدق نصها لاروح امها زي ماطلبت واشتري لي علاج والباقي لش افراح: يوو مابقيت لي ؟ ونصها سارت غدا اليوم صالح عصب: مابش لش .. افراح:ادت طرح وجعاله بس ! صالح: انتي ماتشبعي ولاتقنعي ماتشتي تديلش بيت ؟ افراح استغرربت: حنقت منه وسارت المطبخ تتغدى هي وعيالها. في السوبرماركت رهام قلبها بيدق: ماسكه بنت عمها وبترسل له. سامي: كان بيرتب بضاعه قري الرساله وراح للباب. رهام شافته: انصددددمت. بنت عمها : هيا وين هوو ؟؟ لايكون هذك الي واقف رهام داخل نفسها ايووه: لاا مش هو ..يمكن مشغول. سامي: ابتسم لها وبيتفرجها. رهام : بتطنش نظراته وتتهرب منه وصمتت تلفونها.


#bero_alkebsi

[لامارا]

هيثم اشترى قات :

وطلع السياره افتاحت اغنيه اهدتها له فاتن تذكرها..رسلها رساله هديل:ايش تشتي تكلمني وكيف لك اليوم غيرت رايك. هيثم مبسوط بيفكرر: بانروح وتفهمي الاتفاق. كل شويه ويتفاقد تلفونه وصلت رساله او لا ؟ هديل : بتتفرج الشوارع وفارحه انها شافت ابوها في غرفتها..مع دعاء وامل فاتن: رسل بكل قله ذوق ماعنده مشاااعر لا لي ولا لها. امل: افهمي السبب طيب ليش خبى عليش؟ فاتن: ولا اشتي افهم شي خلاااص وجع قلبي والله ليششش علقني مهما كانت اسبااابه وهو عارف ان في سبب ليش؟ دعاء: تستاهلين بتفتحين قلبكن لمن هب ودب ..عاد هذه خطبها ..يعني مش كل الناس سوا..بس انتي ماتوقعنا هيثم يفعلها. فاتن: عااادي والله لاوجعه نفس الوووجع وانتين تشوووفين. في السوبر ماركت. المشرف بيصيييح فوق سامي وين هو سامي انحرج: انا هنا ارتب البضاعه المشرف: ادخل ادي من داخل من هذا سرريع سامي: تمام مابش داعي للصياح وقلاب صور المشررف: انت تشتغل سكته وتقل تمام. سامي: لا ماشقلش تمام ..تكلم معي باخلاق انا مثلي مثلك كلنا عمال هنا. رهام : بتتفرج لهم ووصلت عند المحاسب هي واهلها وخرجو بنت عمها: سهل لاتزعليش ..يمكن معه ظروف ماقدر يجي. رهام: ايوه فوق السياره.. هديل : مراعيه له. هيثم : في البقاله. هديل: بتقلب الاغاني.. هيثم طلع:معه ماء وببسي وكيكه. هديل : فتحت الكيكه وبتاكل. هيثم : هكذاا بدون استئذان ؟ هديل : ياسعم مرررتك ..لما تشتري اشتري اثنين ليش الهواره؟ هيثم: حركات الاستضرااف ماشتيهااش هديل:مش هو بمزاجك ايحين ماتشتي اكون مرتك الا وقت التهديدات. هيثم : سسكت.. هديل: يلا الببسي ماشتيش شابعه ..بس عاطشه وفتحت الماء هيثم ضبح : ونزل يشتري له. في السوبر ماركت.. المشرف: شكلنا مابنسدد اذا انت حق زنط سير دورلك عمل ثاني.. سامي: فلت ومشي يغير ملابسه ويخرج. المشرف: اشتغلت ساعه لحظه نحاسب.. سامي: فلت كل شي وخرج مقهور.. رهام: اخرررتك بعد الصبر هذا كله حمال ؟؟ سامي : لااا خريج ثانويه سنه ثانيه جامعه وتوظف لش مدير عااام رهام: ليش ماقلت لي؟ سامي:ايش اقلش !! قلتلش توظفت ماسالتي ايش؟ رهام: تعتبر هذا وظيفه ؟ لما تتقدم ويسالوك اهلي ايش وظيفتك !! سامي : بكل شرررف اقلهم موظف يقلو وين اقلهم حمال شاقي مااكان اهم شي بينشقى ع روحي اعجبش يابنت الناس تراعي معي راعيتي ماعجبش الله يفتح عليش الطريق قدامش الف من يتمناششش . رهام بزززعل: عاد الحنق لك !!! مع السلاااامه وغلقت. بيت فاتن. فاتن بتبككككي اتصلت لهيثم: كيف انت ؟ هيثم : مال صوتك ؟؟ فاتن ضحكت وهي بتبكي:مال صوتي؟

الان ازيدكم باررت ^_^ #bero_alkebsi

[لامارا]

فاتن بتبككككي اتصلت لهيثم: كيف انت ؟ هيثم : مال صوتك ؟؟ فاتن ضحكت وهي بتبكي:مال صوتي؟ هيثم منحرج هديل جنبه: مدري تاعب الظاهر صح؟ فاتن ماااسكه نفسها: هي جنبك ؟ هيثم بصددمه: هااااا من ؟ فاتن بغصه: عمتي هيثم اررتاح:هاا ايووه فاتن: اهم شي مرتااح؟ هيثم: والله مبين عليك تاعب الدحس فيك؟ فاتن: تاااعبه وبسسس !! وقرحت تبكي..غلقت هيثم قلق: بيتصل بيتصل فاتن تكنسل: ردت له رساله مش فاضيه اختي عندي. ف الحاره.. سامي ضاااابح: وصل رد السلام عليهم. رزق قام مسكه من كتفه: وووووينكك اخيررر جيت مرررراعي لك يا اخي من اول سامي: خيرر!! رزق: والله ياسامي كلمت عمي ولله الحمددد قال ترووح وهو بايساعدك ويدي لك كفيل ولاتهم فلسس بايقدم من عنده وترجع بعد فتره تقضيه بالتقسيط ويسلفك كمان فلوس حق الي بيهربك لاعندهم. سامي بحمااس: الااان ! رزق: كلم اهلك وتوكل شوف من يدخلك قال اهم شي تدخل تهريب بعدا هو بايعامل لك كل شي وقدك داخل. سامي: تمااام ادخل اكلم ابي وانت شوف لي حد مسافر من بلادكم نروح سوا علاء: سااامي مسرع رجعت؟؟؟ سامي غممض عيوونه: ولااشي...ودخل البيت بيت عبدالرحمن.. نجميه بفرحه: هكذا عرسان تدخلو تخرجو تتغدو خارج تلوو. هديل: رحنا بيتنا نتغدا ياريت جيتي ياعمه هيثم: ياسعم بايكفي؟ هديل : احسن من شقتك ماقدرت تسعني وحدي كل شويه بتطرددني ..اما بيتنا بيتجمعو فيه رجاااال الحاره كلهم وبيكفي له الحمد. نجميه بهررت له: اطلع هو بيمزززح ماقد تعرفيه هديل : ابتسمت لها هيثم :يلله اطلعي ياهديل غسلي لي القات. هديل: انحرجت من عمتها وطلعت هيثم ضااابح: بيرررسل لفاتن ولاترد. وهو جالس مخزن.. هديل : ايش تشتي ؟؟ هيثم بدء يخزن :اشتي نتفق انا وانتي مش قلتلش انا ماحبش؟ هديل عوجت فمها: الا قووا هيثم:اسمعي للاخير.. ابي زوجني غصب .. احب زميلتي ف الجامعه وتحبني وكل مره اقل ابي عيقتنع ويخطبها لي ولارضي اخر مرره غصبني مع عيال عمي هديل بتعجب:ولد ويغصبوك ؟؟ لوانا ولد وغصبوني عليك اني مشيت كلامي. هيثم: ايووه وبعداا وين اسير وين اعيش من يصىف عليا ! هديل ذكرت اخوتها: صح كلامك هيثم : المهم اقلش قرراري .انحنا نوقع اخوه ونعيش سوا ولانبين لهم شي من اتفاقنا. فااهمه حتى امي وخواتي وشاخليش تدرسي وكل شي لما تتمي ..واتم جامعتي واتزوجها هديل فرحت : وادرسس تماام ..وابوك ! هيثم: عتكون شهادتي ف يدي مش محتاج لحد.


#bero_alkebsi تصبحو على خير..♡♡

[لامارا]

هديل فرحت : وادرسس تماام ..وابوك ! هيثم: عتكون شهادتي ف يدي مش محتاج لحد هديل: هزت راسها حاضر هيثم : ولاكلمه تخرج لمخلوق ياهديل فااهمه ! هديل: ان شاءالله..ايحين عتسجلني؟ اسالي اهلش كما شهادتش جاهزه نسير نديها هديل: تمام. هيثم: لو سمعتي كل كلامي شاغير معاملتي معش ولو بتفعلي الي ف راسش عتنددددمي قووووي. هديل خافت: خلاااص تمام قلت لك. بيت صالح.. علاء: مااالك امانه ؟ سامي: تصايحت انا والمشرف حيوان وفلت لهم العمل. علاء: على ايش؟؟؟ سامي: ماعليك مني ..المهم انت سير عملك ولا لك دخل بشي. علاء: الله يعينك. سامي: مكبود في حسه كلام رهام مش انهم فصلوه. افراح: سامي اداك الله عتنتبه لابوك والبيت واخوتك . سامي : ماشجلس ف البيت وين عتسيري؟ افراح: اتفرط شويه سامي:يااخاله اجلسي ف البيت بتشوفي ابي بيتعب فجأه ..امس ايمن لوما روحت بالصدفه ان فحرته هيلوكس وهو بيتعلق فوق السياره افراح: ماقلت لك تحاسبني بدل ابوك ..قلتلك عتوبه لهم او لا. سامي كان ضابح: ماقدرش يمكن اخرج بعد شويه.. سامي دخل لديوان جلس جنب ابوه صالح: مالك ..قلت معك عمل؟ سامي: تصايحنا. صالح بهدوءء: عادي دور .. سامي: اشتي اقلك عم رزق لقي لي عمل ف السعوديه . صالح: وايش الي ماانعك؟؟؟ سامي: ولاشي قلت استاذنك صالح: توكل ..شوف رزقك ومستقبلك. بيت فاتن.. فااتن: نفسسسسي اكلمه بسسس خليني ادق غباءء مثله. امل: ايش عتفعلي يافاتن ؟؟ فاتن: معرفش بس خلاص كررررهته لو يكووون ايش ماكانت اسبابه . دعاء: ليش ماتفلتيه وخلص فاتن: اكيددددد بسسس بعد.مافعل شي في بالي. دعاء: يعلم الله ايش ناويه المهم اعقلي يامجنونه وبكره نلتقي ف الجامعه. فاتن: مجنووونه !! اني صددقته يضحك عليا ..جناني ماقد بدء والله امل: هيا نروح يادعاء شررق فاتن : تسسلمين لي يابنات تعبتش يا امل. شقه هيثم .. هديل:وبعد ماتطلق...برجع بيتنا؟ هيثم: ايوه وعتتزوجي الانسان الي يحبش وتحبيه. هديل: ان شاءالله ف الجامعه مثلكم. هيثم ماعجبه الكلام: المهم وعدنا بدء من الان هديل: تمام هيثم: جلس يقلب ف التلفوون هديل ضبحت: بنزل العب عند روان. هيثم ب استغراب: تماام هديل ابتسمت : قامت تشتي تخرج هيثم : هددديل هديل: لفتت له هيثم اشرلها تجي: وخرج من جيبه فلوس هاا هديل رفعت حواجبها: ليش؟ هيثم: اجعلين لكن هديل خزيت: هزت راسها لا شكرا هيثم بهرر وبصووت: خصمي الشخاطه شليهاا هديل حنقت عشان صيح: هزرتها ومشيت. هيثم : ضحك من تصرفاتها .....

#bero_alkebsi

[لامارا]

هديل نسسسيت نفسها : نزلت بدون ماتغطي شعرها وتلبس محتشم ف الغرفه.. اسماء وروان وبسام.. هديل دقت لهن: فتحت بناات شاافت بسام رجعت بسام: تغطى قفى روان اسماء: خرجت ادتلها ثياب الصلاه هديل : خلاص ماشدخلش خزااا اسماء: سهل هو مثلي ادخلي بس هديل: هاا اداها هيثم نجعل اسماء: واااو الف حركاتش ياهديل هديل: فاررحه اسماء: مسكت يدها ودخلتها ..بسسسام قوم سير اجعلنا بساام خازي من هديل: تمام ..هيثم فوق؟ هديل: ايوه بسام: شسير اعبي دبيب الغاز واجعلكن وارجع يمكن اتاخر. روان: نسير معك دووره(لفه -فسحه). بسام : استاذنين من امي. اسماء: تمام يلله اطلع انت. هيثم تسجيل صوتي: فاااتن ليش مابتررردي جااااوبي بتوصلش رسايلي!! بسام سمعه: اسسستغرب دق الباب هيثم لفت للباب : ادخل بسام: اخي انا عند الله وعندك باقي مع مرتك اخت؟ هيثم استغرب: مالك ؟ بسام: اخلي امي يخطبولي منهم ماشاااءالله. هيثم : هيا من اللعانه ماتشتي بسام: ادي السويس(مفتاح السياره) اسير اعبي دبيب الغاز هيثم: رجمهن له بسام مسكهن: هنيتلك حظك حالي والله خايف يجي على دوري يووقع ف امي ضعف نظرر خفه ف تمييز اللون ..تنقي لي اخس بنت. هيثم بيتفرج تلفونه فاتن بتفتح رسايله بس مابترد: مش فاضي للغاجه. بسام: مدري كيف وقعت بعد الزواجه ثقيل دم. هيثم رجمه بالوساده: عتخليني اخزن..انقلع يلله بسام : نزل اسماء وروان وهديل لابسات. هديل: بطلع اقل لهيثم واجي بسام: الله يعينش اليوم طبعه ثقيل دم روان : هيثم قدو شرير وانت حالي هديل: هيثم هيثم شافها لابسه: وين رايحه؟ هديل:عيسيرين اسماء وروان يجعلين اسير معاهن هيثم : مع من ؟ هديل: مع اخوك هيثم: سيرين هديل ابتسسمت: شكرا هيثم : هز راسه هديل:نزلت لاعندهن في بيت رهام(حبيبه سامي) بنت عم رهام: معنا عرس في قاااعه ضخمه وعيكون واااو مارايش تجي معنا ؟؟ رهام: طيب بس قد قلتي وااو لازم لبس يجنن بنت عمها: تعالي امسي عندنا واختاري الي يعجبش معي ثلاث فساتين جداااد رهام: تمااام..بس كلمي امي انتي قدش داررريه بيخزو منش ومن عمه بنت عمها: على روحتنا بكلمهم...كان نفسسي اشوف حبيب القلب اليوم. رهام: لاتذذذكررريني اكتسرت نفسسي...بس عندي لش فكرره اوريش معه صور في حساب الفيسبوك. بنت عمها: ياهبلا مالش ماتقليلي من اول رهام: ماجااش على بالي والله الا ذلحين. بنت عمها: يلله افتحي بسررعه رهام: يلااا الصفحه معللقه رراعي شويه..



#bero_alkebsi
تحيه لاول كومنت واول لايك ♡♡♡

[لامارا]

فوق السياره بسام :بيجابرهن ويضحكهن.. هديل : بتفكر في كلام هيثم .. اسماء ضحكككت: سمعتي ماقال هديل: لا ماهوو؟ اسماء: بيقلد هيثم لما يهنجم هديل: قليله يعيد اسماء: عيددد امانه يابسام. بسام غير ملامح وشه: وبدء يقلده لما يتنرفز هديل: ضحكككككت بسام : انزلكن سوبر ماركت تلوين واسير اعبي دبيب من الدكان الي جنبه مشتيش تدخلين معي لاجنب الدكان. اسماء: تمام نزلين البنات وبسام راح.. اسماء: ياخزا البلا طرحنا سوبر ماركت بالف بس هديل: تكفي مالش شقه هيثم.. هيثم : بيتصل لفاتن.. فاتن ضببحت منه: نعم هيثم : نعم ! فاتن: ماتشتي يا امل عادش كنتي هنا هيثم: في حد عندش؟ فاتن: ايوه هيثم: خلاص شوقع امل جابريني فاتن: للاسف مابش نفس اضحك هيثم: لوما تمرضي فيش ثقاله دممم. فاتن: عادني الا شرعت في ثقاله الدم عادش عتبسري هيثم:يخ ماثقل مجابرتكن لو بتتحاكين هكذا انتي وصحباتش كلها الغغغاز وكلمات متقاطعه. فاتن: المهم تسلمي حين اسعفوني بسببش هيثم: كيف !! اسعفوش؟؟ فاتن: ايوه هيثم: ليش زعلتش امل؟؟ فاتن: ياااااريت هيثم: دعاء فاتن: لا هيثم: البيت ؟ تحاكي من ومالش وماوقع فاتن : انتي هيثم: لاتتبلي عليا ولاااا انا لاسرت الجامعه اليوم ولاشي. فاتن : طيب كل الي عندي يسلمو عليش وانتي سلمي على الي جنبش. هيثم: تمام شاسلم ع المدكا فاتن : والي جالسه جنبها هيثم: قصدش انا تمام شاسلم ع نفسي فاتن ضببببحت من كذذذبه: يلله مع السلامه..وغلقت في السوبر ماركت.. هديل عيونها لافته بالثمه: بتتفرج للسوبر ماركت والاشياء.. واحد كان واقف وبيتفرررجها. هديل:يمه اسماء هذك بيتفرج ويضحكلي اسماء: دعممي منه لاتشوفيه ولاشي الان عيجي بسام هديل: مسكت يد روان واسماء.. بيتفرجين الجعاله ويختارين الرجال : رجملها الرقم .. هديل: اسماء شوفي رجم ورقه وقح والله لابهذله. اسماء: اصص ولاتبيني له شي ارجميها قباله للارض ييسر انش ماشليتيها هديل: ورته الورقه ورجمتها للارض بسام اتصل لهن: اينكن ؟ اسماء: امشي على طووول قبالك اخر الصف ارجع يمين احنا عند البساكيت بسام مششي: شافهن..سلام. روان: بسسسام ابسرر ذيك رجم لهديل ورقه بسسسام : ابن الكلب اين هو ؟وروني ؟؟ هديل: بهررت لروان روان : مسكت فمها بسسسام: اين هوو؟ اسماء: خلاااص ماعليك منها قد رحله الولد: سمعهن ومششي بسام اشرله: هذك ؟؟؟ هديل: لا قد خطي اول بسام : يلله تمين براحتكن انا معاكن. وقت صلاه المغرب.. سامي وعلاء: خرجو يصلو ف الجامع رزق: هااا قل لي مافعلت ؟ سامي: تووكل كلمه يلا انا جاهز اي وقت. رزق: جوازك مجدد؟ سامي: ايووه


#bero_alkebsi

[لامارا]

وصلو البيت.. هديل: اطلع اصلي ورجع لكن. اسماء: تمام. هديل: خلين جعالتي معاكن وشاطلع جعاله هيثم اسماء ضحكت هيثم: تمام هنيت لش. هديل :طلعت لاعند هيثم هيثم : بيصلي هديل: دخلت الديوان وطرحتهن في بقعته..ورجعت للغرفه اخذت ملابس الصلاه وراحت تتوضا. هيثم تم يصلي: راح الديوان شاف الجعاله استغرب ..طرحهن بقعتها هديل تمت تصلي : هيثم هيثم: نعم هديل: اليوم واحد قليل ذوق طرح لي ورقه وانا رجمتها للارض. هيثم ببرود: تمام ..شلي جعالتش وسيري عند البنات هديل بقلبه:جعالتي عند البناات وانا نااازله بس جيت اصلي واطرحلك جعالتك...ونزلت هيثم طنش: وجالس يقلب ف الفيسبوك. بيت رهام بنت عمها: الصدق ماشاءالله عليه قوووي جنتل وشخصيه رهام داخل نفسها: ياسعم بنت عمها: وين سررحتي رهام: معش بينتأمل بينشوفه عادي بنت عمها: مابش نظرر ياعاديه ..الله يسعدكم ويجعله نصيبش رهام:ساكته بنت عمها: قلي امين !! رهام: احنا متزاعلين ..سيري كلمي امي لو عتوافق اجي امسي معش. الليل.. هديل: لبست بجامتها ورقدت فوق السرير.. هيثم ذكر كلام ابوه: دخل فرش له ف الارض هديل: عترقد هنا !! هيثم: ايوه هديل: خلاص انا شاسير الديوان هيثم: ولاحد عيسير الديوان هديل:تدفت وغلبها النعاس هيثم: جلس يقلب في تلفونه ويراسل فاتن وهي مطنشه رقد. وقت صلاه الفجر.. هديل قامت تصلي: ونسيت انه ف الارض والغرفه ظلام دعست يده هيثم نكزز: مااالش هديل: اسسسفه والله نسسسيت انك هنا هيثم: غبيه اسسستضي هديل لاتلاعنش قلت لك اسفه: ولعت الكهربااء هيثم: ليش توولعي مااالش بتدوووري هداار هديل اصص: ليش بتصيح قوم صلي هيثم: ماااعليشش مني وغطى وشه بالبطانيه. هديل: تمت تصلي وتقرا قراان بصوت واطي هيثم بيسمعها: ماعد رقد بعد مانكزز. شافها هديل كانت منووره بثياب الصلاه: وبتقرا هيثم :قام يصلي بعد اربع ساعات ...ف الجامعه. فاتن: داريه كيف اقهرره اوريكن كيف احرق دمه امل: ماعتفعلي يا جاكي شان من امس تهديدات فاتن: كسرررت راسه لو اكلم احد. دعاء: فاتت: نصيحه يافاتن لاتفكري تفعلي لش كلام وشبهه عشان تغيضي هيثم..عتقهرريه صح بس عتضري نفسش وسمعتش اكثر شوفي طريقه غير.فلتيه انسيه اي شي فاتن بتفكر ف كلامهن: صح كلااامش...طيب بفكرر هيثم وصل : بيتلفت فاتن: شافته وقفت ظهرها له في الحاره.. سامي : مراعي جنب بيت رزق رزق خرج : اليوم جهز ثيابك وكلم اهلك وكل شي الليل شاتصلك قبل بساعه تخرج لهم لمكان يراعو لك وتسير معهم سامي فررح: الحمدلله ياااارب.

#bero_alkebsi

[لامارا]

سامي : رجع البيت كلم ابوه ورتب ملابسه وكتبه ولفهن في كراتين ...وجهز له للسفر في شنطه صغيره شوويه ملابس. صالح: هكذا عجله ؟ سامي: اصلا اي وقت يابااه عيتصلوو ؟؟ سامي بيتصل لهيثم: الو السلام عليكم هيثم بيشبه الصوت: وعليكم السلام من ؟ سامي: اخو هديل سامي..كيف الحال هيثم : اهلا وسهلا الله يسلمك.. فاتن: بتتفرجه بيتكلم سامي: كنت اشتي اكلم هديل هيثم: هديل ف البيت انا الان ف الجامعه سامي: معها رقم ف البيت؟ لان اشتيها ضروري هيثم : خير في شي لاسمح الله؟؟ ايوه في رقم ف البيت الان برسلك به سامي: مابش شي تسلم اوكي منتظر رسالتك ..باي بيت عبدالرحمن الشغاله: هديل جاوب واحد. هديل: من ؟ الشغاله: يقول سامي هديل فرررحت: سااامي حيااا وحشتني كيف عرفت الرقم سامي: هدول انتي ف البيت اقدر امر اسلم عليش هديل:ايووه جي حيا بك. سامي: يلله الان ف الجامعه.. فاتن قررت واتصلت: هيثم ايش الشياكه هذه بينغير عليك. هيثم: جنه لشش اخيرا رديتي ع التلفون ومن اولها غزل فاتن: ايوه بينتدلع عليك هيثم: تدلعي يحق لش قد انا مجنون فاتن. فاتن داخل نفسها كذااااب: فاتن ومن؟؟ هيثم: وفاتن وفاتن وفاتن وبس.. فاتن ددددمعت: خسااااره والله هيثم: ايشش!! هيثم: انك قدامي وجنبي واحسك غريب هيثم بتعجب: غريب!!! فاتن بتغالط: يعني جنبي وماقدر احاكيك. بيت عبدالرحمن بيددق الباب هديل ف الحوش مراعيه: فتحت له وحضنته تسلم عليه سامي مستعجل: اسمعي جت لي سفررريه اسير اشتغل وارسل لابي زلط واجمع لي. هديل: يو الله يووفقك ..ايحين ! سامي رن تلفونه اشر لها لحظه:.الووو ها رززق رزق: تجهززز العصر الساعه 4 عتلاقيهم في شارع ال... سامي شاف ساعته: تمام يلله مابش معي شي تميت. هديل سامي لحظه: طلعت غررفتها بسررعه كان معها فلوس من هيثم وعمها طرح طلعت جمعتهن لسامي. سامي: دهف يدها..لااا مالش ماجيت اطلبش زلط جيت اسلم عليش. هديل : وتربه قبر امي انك لاتشلها وراسي ياسااامي لاتشلها والله ماحتاج فلس ولو اشتي لاطلبك.اعتبرها دين سامي: لاتحلفيني هديل بكيت: اسالك بالله حلفتك بتربه امي مالك سامي دمع: حضنهااا وشلهن منها سلم عليها وخرج هديل طلعت غرفتها : بككيت تذكرت تعب وعذاب سامي من صغرره. سامي بعد ماخرج مسك تلفونه وكتب رساله. (حاولت وحاولت اوفي حبي لش ...كان كل حلمي اوقع انسان يليق بش بس للاسف الفرق بيننا كبيرر والحب مايكفيش ..المظاهر تغلب الحب..رهام حبيتش من كل قلبي وحاولت اغير من نفسي عشانش بس انتي دايما تصغريني ونفسي عزيزه قوي قررت افلت كل شي واسافر اقصد الله واغير من نفسي..واتمنى لش كل خير اذا بيننا نصيب الله يسخرلنا واذا مابش نصيب الله يسعدش)

تصبحو ع خير

#bero_alkebsi