11-11-16, 11:19 PM
| #11 | ||||
 
|  الحلقه الثانيه صالح زي كل مره داير يسوي العرس وايناس رافضه -ياصالح هو كلام رجال ولا لعب عيال كل يوم ناطي داير العرس مره عشان تعرس مع اخوك ومره عشان اخوك الكبير جاي من السعوديه ومره عشان داير تطلع بره السودان وداير ورقه العقدمن الاول شرطي كان مافي عرس لو ما اتخرجت يبقي لازم تلتزم باتفاقك -لكن انتي باقي ليكي سنتين لسه -والله ده كان اتفاقنا لو مستعجل علي العرس امشي عرس يااخوي لكن ماكل مره حتناقش في الموضوع ده تاني -قلتي كده ماشي خلاص ذي ماقلتي انا مستعجل وانتي ماراضيه يبقي ياستي شوفي حالك وانا حشوف حالي وفي النهايه نحن اهل -كويس خالص يبقي زي ماجيت وخطبت بالرجال انت او واحد من اخوانك يدق يكلم ابوي -خير ان شاء الله لكن لاصالح ولاواحد من اخوانو دف للاستاذ لكن ايناس كلمتووهو اخدصنه وقال ليها -انا كنت متوقع النهايه دي مما رجع من المحطه بلا يمشي معاكي الخرطوم طبعا ايناس كانت عيانه عندها ورم في الثدي عافانا الله واياكم وصالح بعد كان مسافر معاها رجع من المحطه والعرفتو ايناس بعد جات انواخواتو اعترضو علي سفرو خوفا من انو يدفع حق العمليه ورغم انو ماكانو بحاجه لحد يدفع ليهم لكن كانت المصادقه بتلعب دورها لما الدكتور طلع من المحس ووالد ايناس درسو في الاساس اول ماقرا الاسم سالها لوالاستاذ محمد الميرغني المعروف بود الشيخ لانو ابوهو كان شيخ قبيله في حلفا الغرقت زمان طوالي رفض باخد حقو وعمل التزريع الاكد انو سليمه والورم حميد وبقت تمام بس جمدت سنه من جامعتها لانو امها كانت مرعوبه وحلفت ماتمشي الجامعه وبقت قاعده في البيت واختها الهام دخلت الجامعه . مرت الايام وخبر فسخ الخطبه انتشر البخت اللوم في ايناس عشان دايره تاجل والشايف انو اصلا صلاح مابستحق ايناس لانو اكبر منها ب15سنه لكن في ناس فرحت وكل واحد سبب فرحتو بتختلف ذي بت خالو الكان دايره قبل ايناس وصرحت اكتر من مره انها حتاخدوولو بالسحر وفي الفرح عشان داير ايناس وبقو يرسلو المراسيل والعرسان تهل فيهم الهمو بس يناسب الاستاذ وفيهم الاختو اختارت ليهو وفيهم الشافها في بيت مناسبه وهي بس ترفض سالتها ايمان اختها -انتي يانوسه خاته حد معين في راسك؟ -ابدا والله بس بستخير وربك بيبعدون عن دربي انا ماشه لي رؤي عارفه عرسها قرب وعاوزه اكون جنبها -انا ذاتي ماشه يلا في بيت المناسبه لقت ضيووف كتار جو ومعاهم.... | ||||
|  |
|
11-11-16, 11:26 PM
| #12 | ||||
| تابع للثانيه ايناس واختها مشو بيت العرس لقو ناس كتار جو يحضرو العرس ومن ضمن الضيوف صلاح عم العروس جاي من ابو ظبي مغترب ليهو اكتر من خمستاشر سنه وسيم لكن كبير في السن هو مكسر في ايناس لكن هي ماعندها خبر وبتناديهو عمو وهو بيقول ليها ماتناديني عمو وهي تضحك وتسكت اها اليوم داك فتح معاها موضوع العرس طوالي صدتو -انا اسفه ياعموصلاح بس انا شايفاك عمي وبس ذي ماانت عم رؤي -عمك شنو يابت ابوكي درسني -ابو درس امي كمان وانت عارف ابوي كبر في السن لكن انت برضو ماصغيروعمرك ضعف عمري وزود -انتي عارفه انا كان اتزوجتك حاعيشك ملكه -شكرا انا هسه ملكه في بيت ابوي وعندي امور اهم من القروش اختار بيها شريك حياتي اهمها انو مايكون جاي يشتريني وكالعاده فاتت خلتو طبعا صلاح حاول اكتر منى مره انو يخليها توافق عليهووهي رافضه شديد في النهايه دخل عمتها في الموضوع وهي من الناس البتشوع السعاده في القرش وحاولت تقنعها بس برضو ماقدرت ايناس اجازتها انتهت نزلت السوق تشتري احتياجات الداخليه اشترت كل شئ الا نوع معين من الصابون مالقتوفي المحل جابو ليها منرالمحل التانى ولما حاولت تدفع رفض ياخد -ياذول شيل قروشك -والله مااشيل اخوكي صحبي شديد وعندو حساب مفتوح عندي -ياذول اخوي منو انا اخوي في الاساس صحبك من وين -ياخي قصدي محمد عمرصاحبي من ك...... -محمد عمر تااااني ياخي زفت عمر ده لا اخوي لا بعرفو -بتنكري عشان تدفعي انا عارفو وعارف اخلاقو لكن اطمني بقول انا اجبرتها تشيل -ياود الناس انكر ليه ياخي شيل قروشك ولا بخلي الصابون -طيب علي الطلاق بالتلاته تشبلي الصابون ومن غير قرش -خير يااخوي بس للمره الاخيره انا مااخت محمد عمر. طلعت وهي بتنقنق براها ؛ده شنو محمد عمر الطالع لي في كل لفه فجاءه وقف قدامها زميلها في الجامعهراسموعلي -بسم الله نوسه جنيتي -اهلا علي ماجنيت لكن هسه بجن بتعرف واحد اسمو محمد عمر -ايي مالو؟ -كل ماامشي حته كان سوق كان مستشفي ولا حتي بيت مناسبه لاذم حد يسالني انتي اخت محمد عمرلامن كرهوني المرقه -والله بتشبهيهو حتي انا اول ماشفتك في الكليه لاحظت لكن ماسالتك لانوانا بعرفو ماعندو اخوات اصغر منو -(بحيره)يعني انا بالجد بشبهو -ياخي مبالغه -سبحان الله يخلق من الشبه اربعين شوقتني اشوفو -هسه مرق البيت هو الجابني -مامكتوب اشوفو هسه الايام جايه ان شاء الله | ||||
|
| |
|
12-11-16, 12:33 AM
| #13 | ||||
| نجم روايتي  
| السلام عليكم ورحمة الله وبركاته كويس ان ايناس سابت صالح ماكانوا لايقين لبعض وصلاح ال فرحان بفلوسه لا يليق بها نيجي ل محمد عمر المشهور وال الكل بيقول لها شبه منه ياتري ايه حكايته الحمد لله ان الورم حميد خفت عل نوسة ف الانتظار | ||||
|
| |
|
13-11-16, 12:01 PM
| #14 | |||||
| اقتباس:
عسااااك بالعااافيه | |||||
|
| |
|
13-11-16, 12:40 PM
| #15 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| مبروك روايتك الاولى اول مرة اقرأ رواية بالللهجة النوبيه صح فيها صعوبة علي لكن ممكن افهم المعنى من سياق الكلام الحمد لله انتهت خطوبة ايناس فلا يوجد توافق بينها وبين صالح ... معقوله لم يخطر ببالها ابن عمها واخوها بالرضاعة والكل يسألها هل هي اخت محمد عمر ........... على الاقل عائلتها الم يتكلموا يوما عن الشبه بينهم .. بالتوفيق صورة لبنت نوبيه كما وصفتها  | |||||||
|
| |
|
13-11-16, 08:55 PM
| #16 | |||||
| اقتباس:
الحقيقه محمد عمر المزكور هو ليس ابن عمها من سياق الروايه واضح انها من كثره ما سؤلت عرفت انهم لا يقصدون ابن عمها واسمحي لي ان اذكر لكم ان هذه القصه حقييقيه بكل حذافيرها مع تغيير الاسماء | |||||
|
| |
|
13-11-16, 08:57 PM
| #17 | ||||
| الحلقه الثالثه سافرت ايناس للجامعه ورجعت لي روتينهامن الجامعه للداخليه والخميس عند ناس عمها وهو اسمو عمر وضابط في الجمارك وزول بتاع ضحك ونكات لكن في امور حازم فيها شديد لكن بريد ايناس عشان اخت عيالو بالرضاعه وبكر اخوهو الرباهو. نرجع حلفا---السوق -ياذول انا ماعندي اخت اصغر مني انا اصغر ذول في البيت -انت جادي ياعمر -طبعا حتغالطني في اهلي -والله شبه مبالغه وهي بتنكر عرفتك وانا اصر لامن حلفت طلاق -هو انت عرس اول حتي طلق -هي صدقت شالت صابونتها -هي خسرانها شنو مابلاش -هسه انا قلت ليك جيب -وانا يعني قلت ليك هاك. محمد شاب عمرو23سنه اكبر من ايناس باربع سنوات لكن طويل وضعيف شديد وهو خريج ترجمه انجليزي دارس دبلوم علوم حاسوب لما كليه الترجمه قفلت باضراب درس الحاسوب في معهد وهو ذول شاذ جدا وذكي شديدلكن في بلدناردي الشهاده مابتساوي حتي الورقه المطبوع عليها عشان كده بسوق ركشه واحد صحبو. طبعا هو بقي متشوق يشوف بت الصابون وسال صاحب الدكان كان اسمها انزكر قدامو قال لا ابدا -خلاص كان لاي سبب جات تاني اسالها اسمها -لا اقنع لانها ماحتجي كانت بشترب احتياجات الداخليه يعني حتسافر -معناها عندنا مشوار للمحطه. وبقي يسال عن البت دي ويحاول يلقي اي اثر يوصلو ليهو اصلو ماقدر اي اثر عنها اختفي كانها جنيه. اليوم ده محمد قاعد سرحان في اجتماع بتاع رابطه طلاب وخريجي ابناء حلفا بالجامعات والمعاهد العليازميلتو احتا رت وسالتو -مالك ياود عمر فيك شنو -مافي شي معين سرحان ساي -انت لسه بتفكر في صاحبتنا(اسمها علياء محمد كان بحبها ايام الجامعه واكتشف انها مرتبطه مع غيرو) -اخد ليهو ضحكة صاحبتك حقت الساعه كم والله كان جابوها لي بسلفان مادايرهاانا شاغلني شئ تاني -داير تخطب ولا شنو -ايي والله بفكر لكن البت مالاقيها -والله ياعمر انا عندي ليك واحده كان وافقت بيك الله اداك وتنسيك صاحبتناواهلها واهلك كمان -ليه حور عين -وانت الصادق بشر من نوع انقرض بت لذيذه وصحبتي شديد -من عمرنا -لا اصغر منك يمكن باربع او خمس سنوات لما عدت تالته المره التانيه هي دخلت الثانوي محبوبه جدا بتكتب شعر وبتقدم برامج المدرسه واهم حاجه بالها طويييل بتتحمل اخلاقك الزفته دي -منال انسي انا في واحده تانيه شاغله بالي -منو دي نابعرف عنها اي حاجه وماتسالي كتير عشان عندي شئ احكيهو. السمستر انتهي وايناس جات راجعه عند اهلهاوكان في احتفال جنب بيت ناس حبوبتها وكان الاحتفال بفرقهرانشاديه ايناس بتعرف بعض افرادها لانها كانت بتزيع الاحتفالات والبرامج وكمان كانت في فرقه ايام الاساس. جاء واحد منهم يسلم عليها اسمو منصوروهي كانت معاها اختها البعدها طوالي اسمها الهام وعرفتهم ببعض بعدكام يوم منصور اتصل بيها.. | ||||
|
| |
|
13-11-16, 09:00 PM
| #18 | ||||
| منصور اتصل بايناس -الو نوسه سلام عليكم -وعليكم السلام والرحمه اخبارك -نحمده نوسه بتعرفيني ليك كم سنه -من ماكنت في سادسه اساس يعني قريب التسع سنوات لكن ليه السؤال ده -من غير لف ودوران داير اتقدم لالهام اختك دايرك تاخدي رايها وتوريني -خير خلاص بكلما ماعندك مشكله انت طول عمرك اخوي البوريني الصح من الغلط من ايام الفرقه حتي ماكنت بتخلي ولد يتكلم معاي وكنت بتخاف علي رغم انو ماكان في اي معرفه الا الاحتفالات دي -سبحان الله رغم انو الكل كان بيتخيل في حاجه بينا لكن كنت ذي اذدهار اختي -حليلها اشتقت ليها -جايه قريب اتخرجت خلاص ؛تجي بالسلامه خلاص ياباشا حكلم الهام واوريك ردها ايناس كلمت الهام الاستخارت ربنا ووافقت وهي دقت لي منصور -منصور يلي جيب البشاره الهام وافقت بس حتكون قدامك عقبه -عقبه شنو بعيد الشر -عمر عمي هو الممكن يعترض عشان انا لسه مااتخطبت -بفكر كيف ده -ده عمي وده تفكيرو وماحيتغير وخليكم تستنوني وانا عناد مادايرخ عرس -اها والحل -الحل عندي تمشي لي تاج عمي وتقول ليهو انك داير الهام هو الوحيد البقدريقنع عمو عمر.وبالجد كلامها طلع صح واعترض لكن هي وتاج عمها اقنعو عمها وتمت الخطبهوخلصت الاجازه والهام وايناس قاعدين في قمرتهم في قطر حلفا جامنصور يودع خطيبتو ايناس انارايحه اشتري لي حاجه وجايه لكن اول ماطلعت كان في واحد سادي الدرب -بعد اذنك دايره اعدي ؛اتفضلي اسف ممكن سؤال بعدةاذنك -اتفضل -انتي اخت محمد عمر -لا. وطوالي رجعت للغرفه بوجه غاضب سالها منصور -مالك رجعتي ومالو وشك قالب كده -مافي شي موضوع تافه -الهام سالتها سالوكي السؤال اياه. -اييي منصور احتار ماتفهموني -ردت الهام ايناس في اي مجتمع بتتسال سؤال واحد انتي اخت محمد عمر -لكن ايناس مبتشبهو اصلا -انت اسكت هوانت بتعرف الشبه ماقلت نوسه بتشبه شيريهان -ايوه بتشبهه اخد ضحكه وقال يعني محمد عمر بيسبه شيرهان. كلهم ضحكو حتي ايناس الكانت بتسمع الكلام من سكات منصور ودعهم وطلع والقطار دور حديدو ومنو شال ذولو البريدو | ||||
|
| |
|
13-11-16, 11:05 PM
| #20 | ||||
| نجم روايتي
|  السلام عليكم ورحمة الله وبركاته ذول معناها رجال هههههههههه وراحة عليك الصابونة محمد بيقكر قي قتاة الصابون ومن اقوالك الحلوة -اخد ليهو ضحكة صاحبتك حقت الساعه كم والله كان جابوها لي بسلفان مادايرهاانا شاغلني شئ تاني ههههه ضحكت كتير منال بتكلمه عن ايناس وهو بيدور عليها سبحان الله شكلها مكتوبة له منصورخطب الهام وايناس فرحة لهم ولم تعترض روحها حلوة البنت دي والقطار دور حديدو ومنو شال ذولو البريدو ممكن ترجمة ههه  سلمتي ف انتظار لقاء نوسة الجميلة وعمر  | ||||
|
| |
 |
| أدوات الموضوع | |
| انواع عرض الموضوع | |
|
|
العرض العادي
