03-03-18, 02:33 AM
| #1779 | ||||||||
| نجم روايتي 
|  انا جيت مساء الجمال ^_^ مبسوطه جدا جدا اني هتابع معاكي من جديد يا كاري .. اذن خلينا نبدأ سريعا في التعليق على الفصل الاول رعد .. بدأ يظهر اخبار وخيوط عن حياته .. اه اللي ظهر عنه قليل الا انه مهم ولازم ناخده بعين الاعتبار اولا عنده اخ اكبر منه .. متزوج ومستقل بحياته وبأسرته بعيد عن الكل .. كأنه اكتفى ومش عايز حد اخر معاه .. حتى ولو اخوه !! ياترى ايه سر الجفاء والبرود بين الاخين ؟!! هل عمهم عبدالسلام ليه علاقه في كده ؟!! ثانيا عمه واسرته .. عمه اللي واضح ان رعد بيكرهه وبينفر منه ومن سيرته اول لما بتيجي .. حتى عدم قدرته على البقاء في منزله .. كأن كل حاجه حلوة فيه بتنحسب منه لما يكون موجود في منزله واكيد وسط ساكنيه .. ياترى عمه سرق حقه وحق اخوه في ورث والده ؟!! ياما سرق ياما خدع ياما مستولي عليه لحد ما اصبح ملكه ومحدش يقدر يتكلم ولا يحاسبه كمان " الفتات " اللي بيرسله عمه اليه .. هل من الطبيعي ان عم يرسل لابن اخوه اللي في الغربه بيدرس لوحده ومحتاج كل قرش عشان يساعده وميلجأش لاي حد في اي وقت ؟! لا وده كمان المفروض بيرسل اليه نصيبه وحقه في اسهم والده اللي مهما كانت صغيره فهي بتدير دخل وبتطلع رابح من حق رعد .. يبقى فين الحق ده ؟!! غيداء .. من الاول بس انا كرهت البنت دي .. هتقولوا ليه وازاي واستني شويه هقول اسفه انا كرهتها ومش هبلعها مهما حصل .. الجواب بيبان من عنوانه واظن دي بان معاها كل شئ وهي بانت في كل شئ .. انوثه .. رغبه بس ياترى رغبه في مين بالظبط ؟!! مش محتاجه سؤال .. اكيد رغبه في رعد ورغبه في الوصول اليه بأي طريقه بس السؤال بقى .. هل هي السبب في رحيل رعد عن بلده من عشر سنين ؟!! هل هي السبب في كلامه عن نفسه زمان عن انه " مراهق .. غر .. ابله " ؟!! انا اعتقد ان ليها يد جامد في اللي حصل لرعد زمان ... انا معرفش هي عندها كام سنه واذا كانت اكبر منه ولا ايه ..بس عندي توقع انها ممكن تكون اكبر منه في السن وقدرت انها تستغله عشان يقع في فخها او تحت ايدها !! ممكن تكون كانت بتلعب بمشاعره .. ممكن تكون بتنتقم من شخص ما عن طريقه هو .. ممكن ايضا كانت بتحاول تطفشه وتخليه يتركهم ويبعد ياترى السبب في دول ولا حاجه تانيه خااااااااااااااالص بس واضح جدا ان رعد كاره وجودها في محيطه وحواليه وفي كل شئ .. بس مش كره لا ده نفور وغل وحقد "انه لا يحتاج لضوء كي يرى عينيها بوضوح ويقرأ ما فيهما.. انه يعرف .. منذ سنوات طويلة لعينة ..يعرف .. مهما غاب ومهما طالت المدة سيظل يعرف .. ويتساءل بغل وكره ونفور ... (هل يمكن ان ينسى ما يعرفه يوماً ؟!)" مش عارفه ليه بعد الكلام ده ذهبت بدماغي ان التصرف الحقير اللي يعرفه رعد عنها مكنش موجه اليه هو .. بمعنى ان ممكن جدا يكون معجب بيها زمان الا انه شاف شئ خلى يكرهها ويحس تجاهها بالنفور والحقد والكره مش عايزة اروح بدماغي بعيييييييد لان لسه بدري على كده .. بس ارجع واقول ان البت دي ليها علاقه في التحول اللي حصل لرعد من غموض وبرود وجفاء وكره وكل الكلاكيع اللي فيه دي "تتحرك غيداء وهي ترفع كفيها لتنفض شعرها المجعد بتسريحة خلابة تستمتع بالشعور بعودة قلبها للحياة من جديد ..." المفروض اني اتأثر بعد الجمله دي يعني ؟!! الجمله كأن فيها صدق وسعاده بعوده رعد ... بس هل ده يشفع ليها اللي عملته ؟!! وهل السعاده دي برجوعه هو شخصيا ولا رجوعه اللي تستغله او تعمل في اي شئ لمصلحتها الشخصيه ؟!! بس زي ما قولت انا كرهت البت دي وخلاص قلبي انقفل من ناحيتها رعد وعبدالرحمن .. اذن العلاقه بينهم مش قويه زي ما كنت فاكرة .. الاتنين سافروا وجوا كل واحد فيهم سر مينفعش يطلع لاي حد حتى ولو قريب منه الاتنين حطوا لبعض خطوط حمراء ومناطق محظورة عشان لا حد يفكر ان يقرب او يعرف اي حاجه عنه عشان كده العلاقه بينهم كانت قويه اه والاتنين قربوا من بعض كتير الا انهم مازال اغراب في فهم مشكله وماضي كل واحد فيهم هل عبدالرحمن هيترك صديقه كده وميحاولش يقرب منه ويحاول يساعده ويخليه يحصل على السعاده والاستقرار زي ما هو حصله ... اعتقد جدا ان عبدالرحمن مش هيتركه لوحده بالشكل ده رقيه هانم ... افتكر يا كاري اني خدت الاذن والصلاحيه اني اكرهها واشتمها زي ما انا عايزة .. يعني محدش يتكلم لو سمحت الزفته الحقيره القصيره ... اذن مقدرتش تعمل اي حاجه امام رعد .. بالعكس مهما حاولت انها تبان قويه ومتحكمه في الموقف الا انها منجحتش بالطريقه اللي ترضي غرورها وتفكيرها المتخلف غيرتها ورغبتها في تمزيق وجه رعد وشذره طبيعيه جدا .. وطبعا دي مش غيره على رعد لا سمح الله ... لا هي فقط عايزة هي تكون رقم واحد في كل شئ ..في الاهتمام .. في الحديث .. في الظهور .. من وهي صغيره وهي غيورة من كل حاجه حتى من اخواتها ومن جمالهم الطبيعي .. كأنها كانت بتعمل كل حاجه عشان تظهر جمالها وشخصيتها وكل حاجه من نظرها مختفيه وغير ظاهره للعيان متعرفش ان جمالها مش محتاج يظهر لانه ظاهر للكل بس هي اضافت اليه اللي شوهه اكتر وخلاه منفر للبعض سبب جديد يخليني اكره رقيه واكون مش طايقاها ... بعد ما فرحت انها بتحلم انها تنجح في دراستها ويكون ليها وضعها في الجامعه وتقدر تحقق شئ مميز ينضاف اليها بعد كده جه تفكيرها في انها " تتملق " الدكتور بتاعها ورئيس القسم بحاله ... قضى على كل شئ حاولت ابدأ بيه صفحه جديده معاها .. والحمدلله ان الصفحه اتقفلت قبل ما تبدأ اصلا ازاي فكرت انها تعمل كده ؟؟! وايه مفهوم التملق بالنسبه ليها ؟!! هل هو الكلام الحلو ؟!! ولا الاقتراب ومش مشكله شويه غزل وجرأه في التعامل معاه ؟!! معقوله هي غبيه للدرجه ان عقلها المتخلف خلاها تفكر انها هتنجح انها تضحك على رجل ناضج جدا له خبره في الحياه كفاايه جدا وفوق كل ده ارمل كمان ؟!! يعني ممكن يقع في شباكها وتضمه الي القائمه بتاعتها .. ماهي زاطت بقى عمتا اللي بيغلط بيدفع الثمن غالي جدا .. ورقيه غلطت وبتغلط وهتغلط .. اتمنى يكون عقابها غالي عشان تفوق من كل القرف اللي هي فيه ده حارث افندي .. كنت متوقعه ظهوره جدا كنت متوقعه انه هيرجع يجري ويحوم حوالين رقيه ... بس رقيه بقى هترضى بيه من تاني ؟!! خاصه انه متزوج في الوقت الحالي .. ما تخليه يطلق زوجته على وعد انها هتكون ملكه وفي الاخر تمنحه بومبه ... يلا خليها تكون حقيره اكتر واكتر وتهد بيت مهما كانت ظروفه ايه الا انه بيظل بيت بيجمع بين زوجين رعد مراقب للقاء ومستمتع جدا بيه .. اذن هيستمتع اكتر لما يعرف ويسمع كل حاجه بينهم خاصه لما حارث او الهانم رقيه تنشر غسيلها القذر ومغامراتها معاها زي ذهابه عندها ومقابلته في منزل اسرتها في وقت متأخر بدل المرة اتنين زي ذهابها معاه لمنزل جدته وعرضه الزواج العرفي عشان يكونوا مع بعض زي اي حاجه هتتقال وتكون ضد رقيه العطار .. ابدا مش هتكون في صالحها ومن هنا رعد هياخد عنها فكرة في التمام .. ياترى بعد اللي يسمعه ويشوفه هيضمها مع غيداء ولا هيعمل ايه بالظبط ؟! رباب وعبدالرحمن ودول عرسان في شهر العسل مالناش دعوه بيهم جاتهم القرف في حلاوتهم ...خاصه ابووووووووودي يا ناس ..حلو حلاووووووووة  جوري .. وصعوبه حصولها على الطلاق والخلاص من مهند رغم انها مش بتمتلك اسباب قهريه عشان تحصل على الطلاق من وجهه نظر الجميع .. الا انها بتمتلك اسباب قويه تخليها تصمم على الحصول على الطلاق والخلاص من الاهانه والوجع والعذاب اللي هي عايشه فيه رغم ان احيانا بوافق جوري على اللي هي عايزاه بس احيانا تانيه بحس ان ده غلط وان في حاجه ناقصه هي اه حاولت كتير مع مهند وانها تنجح في زواجها وتفوز بقلبه ... عملت كل شئ واكتر بس هي معرفتش اهم حاجه .. هي معرفتش مهند ولا عرفت اللي عانى منه طول السنين اللي فاتت ... فقط كانت عارفه انه كان بيحب امراه اسمها حبيبه وسمى بنتهم على اسمها ؟! غير كده متعرفش اي شئ اخر .. مش يمكن سمى بنتهم عشان كان بيحس بالذنب .. عشان مثلا يفضل معذب نفسه .. اي حاجه والسلام .. المهم انها متعرفش كل ده ..لان لا مهند اتكلم ولا هي حاولت تعرف منه عمتا انا مش مع رغبتها في الانفصال ابدا ... واثقه في مهند انه هيعمل الصح المرة دي لان دي اخر فرصه اعتقد بالنسبه اليه بس سؤال .. هل فعلا جوري محسيتش انها بتبادل زوجها الحب والغرام غير في اخر مرة جمعتهم مع بعض ؟!! انا افتكر الليله اللي جمعتهم مع بعض يوم فرح اخته لما حس بالغيره من عباس المربع وخرج غيرته دي في مشاعر وعاطفه ناريه ليهم مع بعض وكمان الليله لما اصاب فيها الحمى واعترفت ليه بحبها الشديد ليها السؤال هنا هل مهند منحها نفس الاحساس اللي حسيته في اخر مرة ليهم .. ولا مازال بيمنحها شعور ان في اخرى بينهم ؟! تحسين وحسناء الوضع من سيء الي اسوء ...والمرة دي اسوء جدا جدا بكل اسف مفيش اي تغيير حصل .. فقط المتوقع من تحسين الفتوه البلطجي .. كنت متوقعه انه على الاقل هيكون حسن في معاملتها .. بمعنى انه يمنح نفسه الفرصه انه يحس انه زوج حسناء الحلم اللي كان بيحلم بيه من زمان واتحقق اهو واصبحت زوجته ملكه الا انه بيعمل عكس كل ده واكتر ... مازال عنيف في كل شئ .. مازال قاسي في معاملته .. لو كان في بينهم حاجز بيمنع اقترابه منها .. دلوقتي بكل اللي بيعمله بقى في حواجز عديده بينهم تحسين مازال بيشتغل كفتوه وبلطجي ..مازال بيشرب الخمر .. مازال امواله حرام بس لا اعتقد ان بيقابل حمديه وامثالها العاهرات .. اصل رغبته موجه لحسناء فقط ومفيش امراه اخرى هتقدر تكفي رغبته دي اصلا اصلا هو رغم كل اللي حصل بينهم .. مقدرش يوصل للحظه الاكتفاء والرضا من معاشرته لزوجته .. لماذا ؟!! لان الامر ده بيحصل بدون رضا .. ولا اقولك بلاش اسم رضا خلاص عشان مش ناقصين تحسين يتهور اكتر ما هو متهور  احم نتكلم جد بقى .. مادام تحسين معتمد على القسوه والاجبار وانه بدل ما يمنح زوجته الامان والاطمئنان انها تسلم ليه قلبها قبل جسمها .. هيفضل طول الوقت حاسس بالنقص وعدم الاكتفاء والكمال مع اني حاسه انه تحت واجهه العنف والاغتصاب والاجبار والقسوه دي .. مشاعر رجل بتهفو الي امراه واحده مش عايز منها غير انها تتقبله في حياتها ويكون ليها كل شئ بس هو مازال مصمم على الغباء وتدمير كل شئ بيحصل معاه .. كفايه رد فعله اللي ممكن تكون مجنونه لما بيشوفها لابسه الخلخال اللي منحه ليها .. رؤيته ليه وهو على رجلها كأن اللي بتمنحه سلام داخلي انه تقبلت هديته ورضيت انها تحافظ عليه عشان خاطر تسعده فقط انفجاره لما سمع منها كلام عن تركه اعمال الشغب والحرام وكل ما له علاقه بيه .. خلاه يتهور اكتر ويهينها بأقسى الطرق .. مع اني شايفه ان رد فعله دي لانه حس منها انها مش متقبل شخصه ولا اللي هو عليه .. اينعم شخصه ده محدش عاقل يتقبله .. الا انه مش شايف منها غير انها مش عايزاه ولا حاسه ناحيته بأي شئ اخر .. كالعاده شاف منها النبذ والرفض ليه ولكل حاجه فيه ... مع انه كان ممكن يشوف الامر من ناحيه تانيه اللي هي انها بتحاول تعيش معاها في وضع احسن فيه امان واستقرار اكتر .. بس اعتقد ان احساسه انها رافضه وجوده ورافضاه هو شخصيا مستولي عليه بقوة جدا حبيت لما طلب منها عدم الحديث في الامر ده وبقاءه معاها على سجاده الصلاة بل والنوم بقربها في المكان .. كأنه لاقى الراحه فيه حسناء متعاطفه معاها جدا .. عجبني انها رغم كل شئ مازالت صامده ورافضه انها تنزل وترضي بالحياه اللي بيجرها تحسين فيها .. مازالت رافضه الحرام وكل علاقه بيه الا انها بتحاول انها تخرج سليمه من اللي هي فيه .. حتى فكرت انها تاخد تحسين معاها .. الا انها فشلت .. ومش امامها غير الدعاء انها تكون لوحدها بدون طفل يعاني من اللي هي بتعاني منه ... وانا مع ده جدا ... اذن لو حصل حمل هيبقى في امل ان تحسين يتغير خليل .. الغالي ^_^ مازال في صراع بين اللي هو عايزه وبين اللي عايزه المجتمع والناس اللي عايشه في المجتمع خليل زي اي شاب الظروف مكنتش في صالحه عشان يوصل ويحصل على كل اللي هو عايز .. لا حصل على مال .. ولا على تعليم .. ولا على عائله ليها مكانها ووضعها تساعده فيما بعد الا اني اعتقد ان في شباب كتير قدرت ان ده ميكنش عائق امام اللي بيطمح اليه وقدر انه يوصل وينجح ويبني نفسه بنفسه .....بس اعتقد ان الكل مش بينجح وقادر على الوصول لكل ده خليل محق في معاناته وصراعه اللي لا ينتهي ده .. بس ياترى ممكن يستسلم لغضبه وتمرده على كل شئ ويحاول ياخذ الامر بالقوه ؟!! لو فاكر ان ده هيوصله للي هو عايزه يبقى غلطان .. لان كده بيخسر كل شئ مش بيفوز بيه للاسف الحل مش انه يتمرد ويرفض الوضع اللي هو فيه وكان عليه من زمان .. اعتقد ان الحل انه يتقبل كل شئ ويرضى بيه ويحاول انه يلاقي حل وسط يخليه يوصل للي هو عايزه حاله خليل بسيطه وعلى قدها اه .. الا انها ابدا لا تستحق السخريه او التقليل من شأنها .. خليل رجل في وقت قليل فيه الرجال .. بس مين يعرف ويقدر ده ؟!! حذيفه المراقب لكل شئ من بعيد لبعيد .. زي ما كان مراقب لعبدالرحمن والعسليه بتاعته زمان .. بقى مراقب لخليل ونظراته لشذره ورغبته في الوصول اليها اذن اتصرف وحاول يجمع بينهم وبرضه من بعيد لبعيد .. ياترى عمل خليل في المدرسه اللي فيها خلود وشذره هيقدر يقرب منها ويحاول انها تاخد بالها او على الاقل تعرفه اكتر ولا اللي حصل ده هيتسبب اكتر في احباط خليل خاصه وهو بيشوفها مع زملائها وانها منهم ومناسبه انها تكون وسطهم ؟!! هل المدرس بتاع الالعاب ده هيكون ليه دور فيما بعد ؟!! معجبنيش نظرته لشذره بعد ما مشيت ؟!! ليه بيفكرها فيها بغموض .. ايه هيخطفها ولا ايه ؟! ولا ممكن عايز يتزوجها ؟!! بس هي مش مهتمه بيه ولا مهتمه بالموضوع اصلا اعتقد بعد تجربه مهند وتجربه اللي بتمر بيها في بيت العطار .. هتخليها ترفض اي شئ ..هي فقط عايزة تهرب وتحس انها مش تقيله ولا مش في مكانها الحقيقي الفصل جميل جدا يا كاري ... استمتعت بيه تسلمي على تعبك ومجهودك .. ربنا ييسرلك امورك ويريح بالك يارب في انتظارك على نار | ||||||||
|  |
 |
| أدوات الموضوع | |
| انواع عرض الموضوع | |
|
|
1791Likes
.png)
.png)
.png)
:heeheeh:
واخيرا كل الرقة 
العرض العادي
