08-10-18, 05:53 AM
| #7273 | ||||||||
| نجم روايتي 
|  انا جيت مساء الخير على اهل الخير " يل جمالك سومري .. يل جمالك سومري .. نظرات عينك بابلية " من احلى الاغاني اللي سمعتها ... من الجزء السابق اللي عرف مهند ان جوري بتغني وهي بعيده عنه .. سمعتها وقتها وعلقت معايا جدا جوري امرأه مختلفه جدا .. مختلفه في عشقها .. في كرامتها .. في كبرياءها .. في شجاعتها .. في انتقامها .. والاكيد انها هتبقى مختلفه في طريقه غفرانها وسامحها لكل اللي حصل ليها جوري كرامتها هي اللي كانت الحافز انها تستمر وتكمل في الزواج واهانه نفسها طول السنين دي رغبتها في الانتقام وحصولها على رد وتعويض ليها ولكل اللي انكسر فيها .. مش سهل ابدا ان اعتراف بالحب وكام موقف حلو .. على كام قبله مشتاقه .. على كم من الاشياء الجميله الدافئه اللي كانت بتتمنى حدوثها للاسف كل ده مقدرش انه يمنحها الامان الكافي انها تحس خلاص كل شئ اصبح في مكانه المعتاد رغم انتقامها الجبار من مهند .. رغم انها السبب في تغييره تغيير كامل وجذري .. رغم انها مش هقول الحب الاول .. الا انها الحب الحقيقي والثابت في حياه مهند الا ان ده كله مش كفايه ليها .. قلبها راغب انه يعلن الرايا البيضاء ويستسلم لحب مهند وعشقه ورغبته في التواصل معاها والبقاء بقربها من جديد الا ان كرامتها رافضه .. ممانعه انها ترجع للسبب الاول والرئيسي في كل شئ بترجع تفكرها وتعيد احساسها انها ولا شئ في حياه زوجها بترجع توضح ليها انها مجرد بديل .. إستبن .. في حياه مهند لمده 3 سنين بترجع بتفكرها انها مكنتش ظاهره امامه ولا حاسس بيها لدرجه انها معاه وفي احضانه وفي لحظات خاصه بينهم الا ان زوجها شايف ومتخيل امراه اخرى تماما  طبيعي الحيره اللي فيها جوري .. طبيعي انها تخاف وتترد في الموافقه والرجوع لحياتها مع مهند من تاني احترمت شجاعتها وصراحتها كالعاده .. عجبتني وهي بتعلن عن اعترافها بالحب بدل المرة مرات .. اه مكنش اعتراف عاطفي ورومانسي .. بالعكس ده كان قمه الحزن والالم لان جوري كانت بتكلم نفسها بتعلن حبها وعشقها لرجل مش حاسس ولا سامع كلامها اللي ممكن كان غير اشياء واشياء .. اعترافها ده كان قمه الوجع .. قمه الضعف .. قمه الشجاعه.. ياترى مهند هيفتكر اعترافها ده وقت اصابته بالحمى ؟! يعني هو قبل كده كان فاكر اليوم اللي اتصاب فيه وكان فاكر بوجود جوري بجواره وحديثها معاه .. اكيد هيفتكر دلوقتي ان الكلام ده ما هو الا اعترافات واعترفات بعشقها ليه .. زي ده ما هيسعده الا اني متأكده انه هيسبب ليه الحزن لانه كان غبي واعمى .. الا انه مش هيستسلم ابدا احترمت مهند وسماعه لمخاوفها .. حبيت احساسه بالطعن والجرح في رجولته وهو بيسمع جوري والالم اللي بتعاني منه لدرجه انها فقدت الثقه في نفسها .. جوري المرأه الفاتنه الجذابه الواثقه في كل شئ بتملكه وبتقدمه .. بسببه هو اصبحت تخاف وتترد وتشك في نفسها وفي اللي بتعمله حبيت اكتر اللي قاله وهينفذه المهم انه يمنح جوري اللي هي محتاجاه وراغبه فيه اللي هما فيه في الوقت الحالي .. هما اللي محتاجين ليه واقصد بقاءهم مع بعض .. وجودهم مع بعض .. مشاكساتهم مع بعض اللي هما فيه ده بيقربهم لبعض وبيمنحهم فرصه تعارف من اول وجديد .. الا انه هيكون تعارف مباح فيه كل شئ .. من تقارب .. ولمس .. والذي منه لو حصل بينهم ابتعاد وفراق من تاني كان هيأثر بالسلب عليهم ويرجعهم 60 خطوة لورا الا ان وجودهم مع بعض .. يعيشوا اليوم بيومه .. مع بعض .. هو ده الصح رغبته مهند في انها تكون في محيطه ومعاه اقوى من اي شئ .. حتى من شوقه المميت ورغته ليها منحها الامان في انها تبقى معاه كحبيبه وعاشقه مهمتها انها تحصل على حب زوجها وتشعر بيه لحد ما تحسه بقلبها وبكل نبضه فيه روفيده هانم >_< انا بقالي كتير مشتمتش وماسكه لساني واقول اهدي يابت الا انك خرجتيني عن شعوري ومنحتي لساني الضوء الاخضر انه يتهووووووووور لحد ما هيعوووووووور بقى يا وليه يا بومه يا وش الفقر انتى .. ياللي خدتي الراجل اللي قد ابوكي من مراته وعياله .. اينعم هو تقدم للزواج عادي الا انك وافقتي لمجرد انك تتزوجي والسلام لا عملتي حساب ولا خاطر لاي شئ غير انك تحصلي على عريس واهو حصلتي عليه وقضيتي على الراجل يا بعيده في اول ليله ومش بس كده عقدتي بناته الاربعه وكنتي هتدمري حياتهم ومعاهم حياه اخواتك الرجال لانهم كان منتظرين اللحظه المناسبه اللي تأخرت سنين وسنين واتسببت في بلاوي ومصايب ونيله سودا خالص وجايه بعد العمر ده كله واللي حصل ده كله .. تقولي ان خلود ليها عين تفلق الحجر ؟!! صحيح اللي اختشوا ماتوا يا حقيره حرقت دمي الله يحرق دمها ... اللي فيه روفيده الحقيره ده نقص وده عندها من زمان لاسباب كتير من تأخر زواجها .. واللي حصل مع الحج يونس من زواج وفشل وحياه خلصت قبل ما تبدأ .. ثم حرمانها من نعمه الامومه الا اني اعتقدت انها عقلت وتفكيرها اتغير ... الجزء الاول في البدايه خالص لما رضا خدها وذهب بيها للملجأ وخلاها تشوف حياه تانيه .. خلاها تشوف انها في نعمه كبيره وان اللي حصل معاها ولا شئ قصاد اللي بيعانوا منه الايتام واللي اتحرموا من كل شئ ياااااااه المشهد ده كان صعب وقاسي جدا يا كاري .. بكاني ساعتها اوي ..ووجع قلبي وانا بتذكره دلوقتي كنت فاكرة ان حياتها هتتغير .. تفكيرها هيتغير .. هتقدر تعيش حياتها صح الا ان ديل الكلب عمره ما هيتغير .. هي كده وهتفضل كده تفكيرها وعقليتها كده للاسف .. مازال عنده نقص وصعب انه يتعالج وتتخلص منه جرحني جدا اللي قالته .. جرحني انها ممكن متكنش حاسه بألم خلود واللي بتعاني منه على مدار السنين دي كلها جرحني انها مقدرتش ولا عملت حساب انها ممكن تكون زيها لو مقدرتش تتوفق وتحصل على رعايه شروق وتربيتها في حضنها فقط هي شايفه ان خلود مبتخلفش وخطر على اي شئ في اطفال وفي نعمه وفي خير كتير عشان كده كانت خايفه على شروق عشان متتحسدش من خلود لما تعرف انها هتدخل كليه الطب عشان كده كانت خايفه على عقيل وعلى موهبته والله انا اللي خفت منك انتي يا بومه .. لا تحسديني عشان انا حلوة ودمي خفيف ومرحه وعيوني جرئيه داهيه تاخدك يا شيخه ومتظهريش يجيي 6 فصول كده رحاب الحلوة .. اللي بتدافع عن خلود من اول يوم ليها في منزل الصائغ مش هنسى دفاعها عن خلود ووقوفها امام محسن وهي بترفض معاملته البارده والتجاهل اللي كان منه تجاه خلود ووجودها كزوجه لحذيفه واهي بعد السنين دي كلها بتدافع عنها امام الحقيره روفيده ام اربعه وتمانين دافعت عنها بكل قوه وعرفتها انها غلطانه وانها بتتوهم اكتر واكتر ياترى لو كان عند خلود طفل .. ده كان هيبقى رد فعل الزفته دي ؟! الاجابه لا بكل تأكيد الست سعاد .. مش زعلانه منها اطلاقا اذا كانت قلبت على اسيا قبل كده .. غضبت منها وزعلت منها لاعتقادها انها فرقت بين الاخوين وبعدت حذيفه عنها مازالت متذكره محاولتها انها تضايقها بكلامها واهتمامها الزائد برحاب وقت حملها الا ان اسيا قدرت تمنحها كبسه خليتها تحس بالاحراج والذنب ببساطه الست سعاد كده وهتفضل كده هي ام وحماه .. يعني هتكون في صف بنتها الوحيده الا انها في نفس الوقت هتكون في صف خلود خلود اللي مكنتش طايقاها ولا راغبه في وجودها .. الا انها دلوقتي اللي بتحبها وبتموت فيها زي ما كانت بتدفعها انها تخلي زوجها يتزوج عشان خاطر الطفل .. زي ما كانت رافضه وغير متقبله عرض زواج حذيفه المتهور من حسناء وقت الازمه القديمه هيكوا في تناقض كتير ... الا ان ده مش هيغير ان الحاجه سعد مش هتقدر تتخلى عن خلود ولا تتسبب في حزنها ابدا .. على الاقل مش هتتسبب فيه بقصد ورغبه منها رضا القلب ... البلسم .. الجزء الحلو في حياه كل شخص في عائلته .. حتى في حياتي انا كمان على فكرة بكلمتين منه بيفرح خلود وبيمنحها اهميتها في منزل الصائغ .. بيمنحها احقيه انها والده سعاد على علم باللي بيتقال في ضهرها وجاهز على الدفاع عنها بكل قوته وده اللي متوقع منه كالعاده الا اني عايزة حذيفه يسمع الكلام ده وعايزاه ينفجر لو سمحت يا كاري معلش البت الحقيره دي محتاجه قرصه ودن ثم انا حاسه انها هتجرح خلود بكلامها مرة اخرى خاصه لما الكل يعرف ان رباب حامل ساعتها حذيفه وعبدالرحمن هيتهورووووووا ويارب يعوروووووووا الزفته دي عقيل الصائغ الصغير جرى ايه يا ابن محسن ... انت من الجزء اللي فات وعايز تضرب سوسو بالقلم على وشها الجميل لو تفتكر لما كانت بتشاهد معاك التيلفزيون وعايزة تتسلى وتشاهد معاك اي شئ حتى ولو مش بتحبه هي المهم انها تكون معاك نفس رد فعلك بالظبط ... رغبه في انك تصفعها مع اني حاسه انك ساعتها لا هتصفع ولا حاجه انت شكلك زي عمك الغالي ... طرزان قلبي انا عايزة " ان .. ان " يا شقي انت اصل كل شئ انكشف وبان ... غيرتك وجنونك عليها ... مشاجرتك مع الفتي اللي كان بيتكلم معاها .. القلاده المميزة والمختلفه عن بقيه الهدايا واللي صممتها وانجزتها بمفردك وبدون مساعده وتدخل من اي حد .. فقط ايدك هي اللس صعنتها ولمستها واخيرا القبله اللي منحتها لوالدها وتعلق نظرك بيها والذي يدل على رغبه عميقه في حصولك عليها اه يا ابن محسن ... نفسي اشوف الايام اللي هتعاني منها وتتنفخ سواء من سوسو او ابو سوسو عبدالرحمن اللي كان حديث الثلاثاء وبقيه الاسبوع والله الراجل ده لو حصله حاجه هيبقى من العين وكتر النق والحسد اللي بيشوفوا من القارئات السيئات اللي مش عايزينه يتهنى في حياته بعد كل اللي مر فيه عن نفسي كنت سعيده ومزقططه باللي بيحصل معاه والاكثر سعيده من رباب اللي بتعمله طبيعي جدا .. عقدتها اتحلت .. حياتها اصبحت مكتمله .. شعورها بالرضا مسيطر عليها .. اذن لازم الحب جواها ينتشر وتعلن وتعبر عنه بكل الطرق هي تستحق .. عبدالرحمن كمان يستحق حبيبه العطار ..يا فتااااااااااااااانه يعني اعملي حساب لبكره وتكوني في مكانها .. محدش عارف ايه اللي هيحصل بكرة يا بريه انتِ رقيه العطار كنت متوقعه سبب موافقتها على رعد .. اي فرصه بتكون قدامها بتستغلها مادام فيها مصلحه ليها وان رعد يعرض عليها الزاوج دي اكبر مصلحه ومن عنده نواحي كمان من ناحيه لانها بتحبه وعاشقه ليه ومن ناحيه تانيه عشان تشوفه وهو هائم ودايب فيها عشق زي ما بتتمنى وعارفه انها تستحق ده ومن ناحيه تانيه وده الاهم عشان تقدر تساعده وتنقذه من انثى العنكبوت غيداء.. وده لما تعرف الحقيقه كامله .. ومش هتعرفها غير لما تكون قريبه منه عشان كده وافقت على الخطبه اللي ممكن قريب تكون عقد قران واووووووووووبا على اللي هيحصل بين الاتنين دول رعد مازال مش معترف لنفسه انه عاشق ولهان للدميه الصغيره رغم ان كل شئ بيعمله بيدل على كده واكبر دليل منحه اخر شئ متبقى من ذكرى والدته الغاليه ان يمنح رقيه ذهب والدته ده معناه كبير جدا .. انها اصبحت محل ثقه .. اصبحت تستحق تحصل عليهم وتكون ملك رعد .. كأنه بيمنحها اعتراف بالحب والعشق الا انه بالافعال المرة دي بيعرفها كمان انها اصبحت جزء هام وقريب جدا منه عشان يمنحها هديه قيمه ومهمه ليه " بحركة مفاجئة وقفت فوق السرير ثم قفزت منه والفستان يهف من حولها لتتحرك سريعاً ناحية شباكها والعلبة المفتوحة في يدها.. ذهبت لتبحث عنه وقلبها يخبرها انها ستراه بانتظارها .. تلهث وهي تراه بالفعل .. يقف هناك عند سور بيتهم وينظر مباشرة نحو شباكها .. لقد كان ينتظر ... لم تشعر في لحظة انها تحبه كما تشعر الان.. تقطع نياط قلبها لتلك النظرة في عينيه.. القلادة والخاتم تعودان لامه ... ببساطة ادركتها .. وعيناه وتلك النظرة المؤلمة فيهما تؤكدانها لها .. فتحت الشباك لتظهر بوضوح امامه ثم تخنقها الغصة وهي تحرك شفتيها بكلمة واحدة " شكرا..." يبتسم ..يطرق قليلا برأسه للحظات ويده تداعب السور .. ثم يعاود رفع وجهه اليها ويرفع معه يده ليقارب اصبعيه السبابة والوسطى ويضعهما معاً فوق شفتيه في قبلة رقيقة ثم يهبط بهما ناحية قلبه مربتاً بهما هناك .. صدرها يعلو ويهبط واصابعها تتقلص حول العلبة المفتوحة ليغمزها رعد بشقاوة وعبث قبل أن يستدير مباشرة وهو يسير بخطوات هادئة متراخية عائدا نحو بيت سعدون القاضي.. يدوي قلبها دوياً وشعرت برطوبة على خديها لتدرك ان بضعة دمعات تساقطت من عينيها دون ان تدري " المشهد حلو جدا يا كاري ... حبيته جدا جدا جدا بس ياترى رقيه هتقدر تخترق الاسوار والحواجز اللي حوالين رعد وتوصل للحقيقه ؟!! يعني هي قدرت توصل ليها الا ان ده كان من خيالاتها ومفكرتش في احتماليه حدوث شئ بينهم بعد زواج عمه منه العنكبوته دي يعني لو حصل وعرفت الحقيقه مش هتتصدم ولا هتتفاجىء فقط زي ما جالها تفكير وحدس ان زوجه عمه هي اللي بتطارد رعد ورفضت ده بكل قوتها واهو طلع حقيقه مرة للاسف ياترى هتتصرف ازاي وقتها ؟!! رؤيه رعد والذنب اللي بيشعر بيه ويسيطر عليه .. الحاله المخيفه اللي بيصبح عليها كل بيرجع للنقطه دي قلبها اللي بيتوجع وهو بيشوفه وحيد محتاج انقاذ ومحدش معاه ياترى هتكون قد الموقف وتنقذ رعد .. اللي اصبح ملكها وليها ؟!! بحب جدا الغيره الطفوليه اللي بتصيبها اينعم ممكن توص بيها للقتل واصابه وحدوث عاهات الا انها زي الطفله بالظبط بتنسى كل شئ اول ما تحصل على الاهتمام المنشود رقيه العطار ... مساعده المحبين وقائده رابطه جمع رأسيين في الحلال عشان يفضى ليها الجو قدرت تستدرج خليل واستغلت خوفه ولهفته لشذره خليته يحصل على لقاء معاها وحديث قد يطول .. قدرت انها تبعدها عن الساحه اللي هي الملكه بتاعتها رغم انها عارفه انها مش خطر عليها ابدا .. الا انها طفله غيوره حقوده قصيره خليل وشذره .. اللي النكد جاي ليهم في القطار وهينزل يا الفصل القادم يا اللي بعده اللي هقوله ان الاتنين دول لو مخدوش هشتكه ودلع وحب مولع في الدره .. مش هسكت .. وهجيب محبين خليل ونعمل احتجاج .. خدي بالك يا كاري " يا بنت المحظوظة يا شذرة .. حلال عليك خليل الفتاك .. لله درها كيف ستحتمل غرامه الحار هذا " والله يا اخت رقيه .. شذره مش المحظوظه الوحيده .. ولا خليل الفتاك الوحيده دي كل بطله وقعت تحت ايد كاري محظوظه وبنت محظوظين كمان محدش ياخدني ويوقعني في ايد كاري لغايه ما حد يقول عليا يا بنت المحظوظه يا ساره .. حلال عليكي "........" الفتاااااااااااك " رعد والعم سعدون كالعاده الاتنين دول حاله خاصه جدا العم سعدون حزين لانه اعتبر رعد عائلته وقريب جدا منه وكان لازم يكون على علم برغبته في الارتباط ببنت العطار ومن ناحيه تانيه اكيد سبب غيظه انه مقدرش يتوصل ويكتشف السر ده قبل ما يحدث زي ما هو متعود الا ان رعد بيمنحه التعويض اللي ينسيه كل شئ "عيناه تستقران على (الدلة) الظاهرة من فتحة القميص فيشعر باحساسيس هوجاء تملكية عنيفة نحوها فيتمتم من بين شفتيه " ان رأيتك تتودين بهذا الشكل السخيف لخليل او غيره فعندها يا رقية...." تقاطعه وعيناها تشعان وقلبها يرتج في رضا ومطالبا بالمزيد فتمثل دورها لتستفزه .. ترمش بعينيها تهمس بحلاوة متحدية ساخرة " هئ.. أخفتني حقا ! وماذا ستفعل؟! " لم تكن تعرف ما تفعله بقلبه وهي تقف امامه هكذا وترمش بعينيها بوقاحة قطة ماكرة فيشعر انه سينفجر ... يمد يده بغتة ليمسك بقميصها الاحمر من منطقة البطن ويشدها نحوه بجرأة خاطفة وبينما تشهق من حركته المفاجئة تلك يميل رعد بفمه الى خدها هامسا بصوت أجش خطير وبتأكيد بطيء على كل كلمة " أولها ... سأعضك.. من... خدك .." احنا فينا من عض وخشونه وتكسير هو انا خلصت من ياسر .. الجلف .. محب العظام .. الخشن عشان يطلعلي رعد .. دركولا .. اللي عايز خشونه عاطفيه .. وهو يعض العيال الصغيره اللي رقيه منهم كده كتير كتير كتييييييييييييييييييييييي ر بس ياترى " ثانيا " هتكون ايه بالظبط ؟! هل هي قبله عاطفيه ؟!! او مقلب من مقالبه السخيفه المضحكه ؟!! او هيعاكس شذره ويحرق دمها ؟! الفصل رائع جدا يا كاري .. استمتعت بيه جدا جدا ربنا ييسرلك الحال ويرزقك راحه البال يارب ان شاء الله يكون زوجك في افضل حال وتحسن يارب في انتظارك على نار قبلاتي ليكي يا غاليه | ||||||||
|  |
|
08-10-18, 07:00 PM
| #7278 | |||||||||||
| مراقبة،مشرفة عالمي..خيالي,الوثائقية،البحوث والمعلومات،روايتي كافيه،(قاصة ولؤلؤة ألتراس،لغوية،حارسة السراديب، راوي)،نشيطة،تسالي،متألقةومحررة جريدة الأدبي، صحافية فلفل حار،كاتبة عبير 
|  مساء الخيرات والبركات والأبداعات الفصل أشى خيال ياناس صدق من قال للكلمة مفعول السحر  كم من كلمة أسعدتنا وطارت بنا لحدود الغيم وكم من كلمة كانت سببا فى نزول الدمع مدرارا وكم من كلمة أحيت مشاعرونفضت عنها غبار الزمن من على أرواحنا قبل قلوبنا كلمات .. كلمات .. كلمات منها من أثارت شوقاً وفجرت حباً أماتت هماً وطوبى لكل كلمة أ نبت في حنايا القلب نبضاً من حياة عاشت إيدك كوكى فصل رايق وجميل وتحية لخفة دم كوكى ولمستها الأنسانية الرقيقة حتى سعدون هاهو يبدو مجرد رجل وحيد اتخذ من رعد ونسا وابنا ولا زعل سوسو حين لما يخبرها رعد بنفسه عن خطبته أما رضا القلب كبير المقام لوحده حكايه بحنيته وندخل ع الفصل كل ماكان يجول فى فكرى وأنا يقرأه المقطع الأخير من فيلم The Shape of Water عندما أفكّر في «إليزا» الشيء الوحيد الذي يخطر على بالي قصيدة لعاشق متيم كتبها من مئات السنين: «غير قادر على إدراك شكلكِ لأنني أجدكِ دائمًا حولي، وجودكِ يملأ عيني بحبكِ وهذا يجعل قلبي مرهف لأنّكِ في كل مكان»  "المياه تأخذ شكل ما بداخلها أياً كان، وبالرغم من رقتها، فهي أكثر قوة مرونة ومناعة في العالم، والحب كذلك، صحيح؟ فليس مهم الشكل الذي يرتبط الحب به، هو حب في النهاية، اخترت الفيلم ده والسر فى عنوانه «شكل الماء» فالماء لا شكل له ولا هيئة ولكن أصل الحياة، تماما مثل الحب، لا شكل له، فهو حولنا يطفو في كل مكان، ينتظر القلوب المؤمنة بالوعد لتحطم كل المعوقات وتتخطى كل الحواجز. وهذا ماكان واضح تماما مع ابطالنا فى هذا الفصل فالماء والحب وجهان لعملة واحدة سر الحياة ولكل ماء قارورته اليس كذلك تعلمنا مع كل الأبطال فلسفة الحب فالحاء .. حرب عاطفية منطقية بين العقل والروح .. حيث يحاول المنطق (العقل) ان يتحكم بالعواطف والمشاعر (الروح) .. فالمنطق يحاور العاطفة أن تتانى في اتجاهها قبل أن تتاثر بما يستعطفها من أحداث ومواقف .. ف ربما ليست سوى فخ لكي يجر بها الى أبعد الحدود .. والعاطفة تقاوم المنطق وتحاول إقناعه بالإحساس بالمحبة وعدم القسوة تجاه الغير .. فربما يصدق المنطق أحيانا .. وربما العاطفة .. وأما الباء .. فهو بحر لن ندرك أعماقه مهما حاولنا الغوص فيه .. ولكن ليعلم الجاهلون بأن الحب أنواع .. وليس كما يفهمه البعض .. حب الخير .. والأخ للأخ .. وللأخت والصديق .. والغريب ومن ضمنها حب الحبيب للحبيب كانت البداية مع جورى الرقيقة القوية الأبية ومهند المتفهم المصارحة ووضع اليد على محور الخلاف الجوهرى هو مربط الفرس وبداية الوصول للتفاهم رغم قسوة التجربة لكن لولاها لما رأى كل منهمافى الأخر الجانب الذى أحبه أكثر وجعله يتعلق به وكان سببا فى وضع علاقتهم فى منحنى خطير هل تستمر أم كل إلى سبيل كل مايحتاجاه الصبررر وقليل من الوقت بعد حتى تلتئم الجراح اى نعم كل الجراح تترك ندوب لكن ماذا عن جراحات التجميل التى تخفى كل العيوب فمابالكم لو تم تطريز الجرح بزهور الحب وفجأة تلقينا كوكى وجها لوجه على قارعة الرواية مع مشكلة اجتماعية خطيرة ألا وهى الحسد وتفاعل الناس معه عبر صورة اجتماعية مصغرة صحيح الحسد مذكور فى القرآن لكن معظمنا إن لم يكن جميعنا اتخذها عذرا لرمى الناس بتلك الفعلة الكارثية ومن يدرى قد نتحول فى لحظة لحاملى أثم بسبب ظلمنا لهذا الشخص وتخيلوا من ترمى من روفيدة لن أتحدث فيما كان دعوا الماضى راقدا فى سلام فمن كان منكم بلا خطيئة فليرمينى بحجر لكن الموجع أنها مرت بنفس الظروف أى المفترض أنها أقدر الناس على فهم مقدار وجع خلود لله درك يا رحاب الأصيلة الحاجة سوسو رغم ترددها لكن بنظرة من رضا إلى جانب كلمات رحاب اتخذت جانب الحق فورا مما أدى بروفيده ان تعود لرشدها وتشعر بالذنب وخاصة بعد لفتة خوخة الرقيقة بهدية الصغيرة ...كعكة النجاح وهذا هو المطلوب ياسادة عندما نجد من شرد عن طريق الحق بلطف وبكلمة حق بسيطة قد يعود ونأخذ ثوابه ولا يتمادى فى غيه وإلا فى رأيكم كيف سنعالج تلك القضية الخطيرة لو أيدنا أو التزمنا جانب الصمت أو شاركنا بأن نصدق الكلام ونأخذة على محمل الجد الملخص اتقوا الله فى عباد الله قبل رميهم بأى شئ سئ كالحسد بارك الله فيكى كوكى مرحبا ببتلات الحب تتفتح فى قلب الصائغ الصغير أمممم حلية مميزة نيالك ثوثو هههههه سوسو تتكلم ببراءة وعقيل الحب البرئ يلهب جنباته لا يسعه سوى أن يعبر عنه فى صورة تلك الصفعة التى يلجمها أصفعة يقصد أم قبلة يلى قالوا ضرب الحبيب زى أكل الزبيب بس يفهم مين ياترى اللى هيفتح عينه للحقيقة الغائبة عنه عبد الرحمن وربابابته حَدِيثُ غَرَامِي في هَوَاكَ قديمُ وفرطُ عذابِي في هواكَ نَعيمُ بِمَت شِئْتَ عَذِّبْ غَيرَ سُخْطِكَ إنَّهُ ـ وَصدِّق ولائي في هَوَاكَ ـ أليمُ تُمَثِّلُكَ الأشواقُ وهماً لخاطِري فَيُدْرِكُني بالخَوْفِ مِنْكَ وُجُومُ وتقنعُ منك الرُوحُ لمحَ توَهُّمٍ فَتَحْيَا بِهَا الأَعْضَاءُ وَهْيَ رَمِيمُ هنيئاً لطرفٍ فيكَ لا يعرِفُ الكَرى وَتَبّاً لِقَلْبٍ فيكَ لَيْسَ يَهيمُ ولمَّا جَلاكَ الفِكْرُـ يا غَاية َ المُنَى ـ فظلَّ بقلبِي مُقْعِدٌ ومُقيمُ وَمَا الكَوْنُ إلا صُورة ً أنْتَ رُوحُها وجِسْمٌ بغيرِ الرُّوحِ كيفَ يقُومُ تَوَّهَم صَحْبي أَنَّ بِي مَسُّ جِنَّة ٍ وأنكر حَالي صَاحِبٌ وَحَميمُ فَبُحْتُ بِما ألقاهُ مِنْكَ مُصَرِّحاً وَمَا نالَ لَذّاتِ الغَرامِ كتُومُ وبس كده عشان حيييب لسه بنقول الحسد حرام ههههه علاقة رائعة مابين حبيبة ويحيى برده الحسد حرام خخخ أُتيحَ لِقَلبي مِن شَقاوَةِ جَدِّهِ غَزالٌ غَريرٌ فاتِرُ الطَرفِ ساحِرُه تَقَنَّصَ عَقلي دَلُّهُ وَأَعانَهُ عَلى قَبضِ روحي ثَغرُهُ وَمَحاجِرُه وُقَد فَعَلَت كُلَّ الأَفاعيلِ عَينُهُ بِجِسمي فَأَمسى وَالسِقامُ مُخامِرُه اوعا بقى لرعد ورقية وهترفع الراية يابنى هترفعها دى مجنونة بس ماتنساش هى الواحدة التى خلصتك من وهم انثى العنكبوت وجعلتها مجرد صورة كاريكاتورية بعدما كانت كااابوس وهى التى اضحى بها العالم محسوس ويلاهُ منك تظنُّنييبحث فيها عن وطن يحتويه هو كل رعيته بعد موت أمه وابيه وسفر أخيه هى الفتيل المتبقى له لإنارة شمعة الحياة وإلا ما أهداها ما بقى من كل ماكان وعيناها ستكون له مجرة يسكنها بسلام أما أفعالها مع شذرة فهى غيرة بنات وكل يحافظ على مايملك بس اعطت خليل فرصة ومششذرة بس اللى محظوظة وانتى كمان وكل القوارير ربنا يوعدننننااااااااا كوكى نظرة وغلاوتك ههههههههههه خليل وشذرة إنَّني أشتهي لقاءك واللــهِ فماذا عليك أن تلقاني قد تلفُّ الريح غصنا من البانِ إِلى مثله فيلْتَقِيَان وختاما من رعد في حضرة من أهوى عبثت بي الأشواق حدقت بلا وجه و رقصت بلا ساق وهعضه هههههه وبس بقى يا جماعة مش عاوزين نجيب فى سيرة الناس و نقر ومساكم بنكهة   | |||||||||||
|
| |
|
09-10-18, 09:32 AM
| #7279 | ||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء  
| صباح الخير .. اسفة لتأخري بقراءة التعليقات الي فاتتني... انا عندي انفلونزا من ايام والبارحة صرت بحال سيئة جدا بالليل ووجع بكل جسمي بسببها .. وما زال الوجع حتى اليوم ومع تشجنات بالعضلات وعلى المسكنات ربنا يعافي كل مريض.. اتمنى تصبروا علي شوي لاني تعبانة جدا وبحاول جهدي اخلص لكم فصل اليوم وما زال فيه مشاهد غير مكتملة ومحتاج تنقيح من اوله لاخره ... دعواتكم | ||||||||
|
| |
|
09-10-18, 11:07 AM
| #7280 | |||||
| مشرفة منتدى قصص من وحي الأعضاء 
| اقتباس:
صباحك مسك عنبر... اللهم ربّ الناس ملك الناس أذهب البأس واشفِ أنت الشافي شفاءً لا يغادر سقماً... الف سلامة عليك... | |||||
|
| |
 |
| أدوات الموضوع | |
| انواع عرض الموضوع | |
|
|
1791Likes
.png)
.png)
.png)
العرض العادي
