آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
16-12-16, 11:46 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  أسرار الزمان / للكاتب طارق اللبيب ، سودانية مكتملة
التعديل الأخير تم بواسطة لامارا ; 16-12-17 الساعة 03:17 PM | |||||||||||||
|  |
|
16-12-17, 03:18 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الحلقة 1 القصة دي حصلت بدري شديد .. يعني قبل العهد التركي ذاتو .. في زمن السلطنة الزرقاء يازول الزمن داك ماكان في حاجة اسمها رئيس الجمهورية والحكومة .. والمحافظ والمعتمد وكدا .. كان في ملوك وامراء وسلاطين وحاجات زي دي .. ونسبة لانها القصة في عهد مملكة سنار .اتاكد بان الملوك والرعية كلهم كانو مسلمين .. واحداث القصة بتدور في قرية شرق سنار .. والقرية لغاية هسي موجودة .. وناسها من اطيب الناس .. اها يازول كان في زول من اعيان القرية دي .. اسمو ود دار الزين .. وكان راجل حكيم .. وعندو بت واحدة بس .. اسمها النسيم ..ماعندو غيرها .. والبت كانت اية في الجمال .. واي زول في الحلة داير يتزوجها.. والبلد كلها بتتكلم بيها .. ود ار الزين قالو البت من عمرها بقى 12 سنة .. منعها المروق من البيت .. عشان مايشوفوها .. الناس ويدوها عين يلحقوها الغتس .. ود دار الزين الزول الوحيد في الحله الباني بيتو بالحجر .. اغلبية الناس بيوتها بالقش .. ود دار الزين عندو كلمة حتى في البلاط الملكي في سنار جوه .. كل يوم سبت بمشي يحضر مجلس الشورى من الصباح .. يعني ممكن تسميهو نايب دايرة .. زوجته التاية بت مختار .. برضها ابوها كان راجل من اهل السعية .. يعني عندو بهايم كتيرة .. اها النسيم كل ماتمر عليها سنة .. بتمشي زايدة في الجمال بطريقة مدهشة .. قالو الحريم بجن من القرى البعيدة مخصوص عشان يشوفن النسيم .. قالو ياخي الشافع كان ببكي ..و امو قالت ليهو كان سكت بوديك تشوف النسيم بسكت .. النسيم وكت بقت عمرها 17 سنة .. اي راجل في الدنيا يتمنى يشوفها لو مرة واحدة .. .. والرجال الشافوها كلهم شافوها قبل البلوغ .. لكن الحريم مابقصرن بتكلمن عن النسيم والواحدة بتتكلم عنها لامن تشرق وتجيها قحة .. يوم قالو في واحد سكران اسمو ود السيد دا يترتح بي عند بيت .ودار الزين .. وفتح الباب ودخل على غير وعيو .. لانو لو بقى واعي .. ما بدخل بكون عارف الحكاية دي فيها قطع راس .. قالو الزول ده جا واقع في الحوش .. والنسيم جات مارقة من اوضتها .. وقالت ليهو سجمي مالك؟ وانت منو والجابك هنا شنو؟ .. يازول السكران ده عاين ليها كدي في وشها .. سكرتو فكت .. وقعد علي حيلو ومجحم فيها وبقى زاحي لي ورا .. ومرق من البيت وهو بزح بالواطة ولامن مرق من الباب ماقدر قام على حيلو ولا قدر يصرف نظره منها .. الزول ده قالو عيا عديل بي حب النسيم.. وقال فيها شعر عجيب وغريب الناس حافظنو لي زمن قريب دا.. شتلة منصح الوادي المرضني سماحا. صاااااح ياخلي حسيت عقربا النتاحه. من يومي الرماني شقا العمر في الساحه. لا زارتني صحه ولا ملكتا الراحه . ابوها سمع بي قصة وقعة ود السيد في بيتو .. وسمع من شعرو فوق النسيم . قام مشى ليهو شايل سيفو ..مشى ليهو في نص السوق وقال ليهو .. كلموني والخبر ملا الحلة قالو الخمره رمتك في بيتي .. وعلي الطلاق اكان ماك سكران الا اسقي سيفي ده بي دم فقرتك .. (يعني اقطع راسك) .. وكدي تاني النسمعك جبت سيرة النسيم في غناك .. اول مافات منو .. ود السيد انتكى على كوعو فوق شوال كان فارشو وقال .. جاني الاسد .. نههرني زين .. ووصفني بي ..ود الحرام .. بهدلني في السوق الكبير.. قال لي اوعك .. ياب سنام يوم تاني من.. اسمع غناك.. فوق النسيم.. سامع الكلام.؟. وانا في النسيم باكي وعليل. انا بي النسيم .. راقد حطام . الباقيه لي جسمي المرض .. والباقه نيران في العضام.. اول من الناس وصلو الخبر لي ود دار الزين شال سيفو ومشى كايس لي لي ود السيد تاني .. الناس مسكوهو وقالو ليهو انت راجل عمدة قبايل ,, ماتوسخ سيفك بي دم السكران خلو النسيم براها بتكتلو .. وفعلا الراجل مات بالعشق والغرام فوق النسيم المهم النسيم كانت قصصها اكتر من الزول يتذكرها كلها .. ود دار الزين كان خايف عليها من يشوفوها الوزرا والامراء .. لانهم بقلعوها من عينو ..الزمن داك كان الظلم متفشي بطريقة غريبة .. اها يازول في يوم من ذات الايام .. والناس مارقة على الزراعة والماشي ..من صباحات الله .. في مراة من حريم الحلة راكبة حمارتها وسادرة على البهايم .. المراة دي في الدرب .. لاقت التاية بت مختار .. ام النسيم قالت ليها يا ام النسيم انا بعدين المغيرب كدي ..بجيك عندي معاك غرد (موضوع) .. قالت ليها حبابك يامسره انا في رجاك عاد .. وفعلا المغرب مسرة جات للتاية وقالت ليها .. انا دايره النسيم لي ولدي النور .. دايراك تشاوري لي ابوها .. وهو براهو بعرف ولدي النور وفراستو .. قالت ليها عاد والله النور مافيهو كلمة كدي .. النصبر اليجي الحاج من ديوان الشورة مشى سنار المدينة .. اها يازول اول من مرقت مسرة .. ود دار الزين جا راكب قعودو .. (جمل) .. وقال لي التاية .. دحين ألتاية ؟ مسرة دي الجابها هنا شنو؟ طبعا الراجل راجل سياسي .. وبفهمها طايرة .. قالت ليهو والله قالت بتدور النسيم لي ولدها النور .. انت رايك شنو؟ قال ليها دقيقة الندلي القعود واجيك (يعني ينزل السرج من الجمل) وجاها ماشي زي الاسد . قعد ليها فوق العنقريب .. قال لها .. اسمعيني كويس يا التايه .. وارخي لي اضانك .. النسيم بتي دي ياها بتي وياها ولدي .. وماعندي غيرها .. وانا وكت اديها داير اديها الراجل البسعدها ويكون لها زي ابوها وامها .. انا ماكايس لي لي راجل فارس .. انا كايس ليها راجل عندو اخلاق .. وقلبو كبير .. وماعندي مانع ان بقى النور بوفي بي شرطي بعرسلو النسيم لاقرش لاتعريفة .. قالت ليهو شرطك شنو؟ قال ليها انا عندي حجل حق حبوبتي .. ام ابوي .. (الحجل : هوحلقة تلبسها الفتاة في قدمها) قالو الحجل ده فيهو سر .. وهسع الحجل ده قاعد عند ولدها ..عمي البشير ده ذاااتو .. وولدها قال الحجل فيهو لعنة ..ودفنو في مكان وابا يوريهو لزول .. الحجل مافيهو لعنة ولاشي .. الحجل فيهو سر .. وانتي عارفة عمي البشير زول صعب .. واخلاقو في طرف نعالو .. اها انا داير زول.. يقدر يقنع لي عمــــي ..يوريني مكان الحجل .. دفنو وين ..في مدة ماتفوت خمسطاشر صباح .. كان النور ده قدر اقنع عمي .. النسيم مرتو .. وان بقى ماقدر .. ربنا يقسم لو اخير منها .. انتي بس خليهو يجيني وانا بوريهو .. قالت ليهو سمح آالحاج .. لكن انا قايلة ان بقى ده شرطك ياها النسيم القعدت بلا عرس .. لكن انا بمشي واكلم مسرة .. تشوف رايو شنو ؟ اصلو اي زول بعرف عمك البشير مابقبل بي كلامك ده . قالها مخيرين انا طلبت لي زول؟؟ ولا رسلت لي زول؟؟ .. المهم تاني يوم مشت كلمت المرة والمرة كلمت ولدها اللهو النور .. النور فارس من الفرسان المعروفين وزول اسد قبيلة مافي ولا كلمة قال ليها كويس بمشي لكن الراجل العجوز الاسمو البشير ده زول لديح وعديم حيا . وما اظني اتفق معاهو .. ولابقدر اعدي معاهو الايام ديل ..ده زول فقر .. المهم يازول مشى ليهو في البيت.. عم البشير قاعد في البيت براهو لا ولد لابت .. عندو بت واحدة معرسة بتجيهو الصباح والمساء بتجيب ليهو الاكل من بيتها وبتعمل ليهو خدماتو الضرورية .. المهم النور جاهو سلم عليهو وقال ليهو ياعم البشير انا داير اخدمك مدة اسبوعين . قال ليهو حبابك كلمني بيك ود دار الزين قوم غسل لي سروالي ده وسوا لي شاي .. قام النور طلع السروال من كراب العنقريب .. لقاهو وسخان لامن يابس يكركب .. وفيهو ريحة تجيب الطاش .. قال فوق النسيم ..كلو يهون وقعد يغسل في السروال لامن نضفو .. ومشى سوا ليهو الشاي .. الراجل العجوز .. ضاق الشاي كدي وكشحو.. قال ليهو الشاي ده مسيخ تمسخ عليك حياة الدنيا .. امشي سوي شاي تاني .. قال ليهو طيب دفقتو مالك؟ ماكان تصبر نطعمو زيادة .. قال ليهو امش سو الشاي تشوي خشمك آلفقر .. هههه النور قال والله الراجل ده انا بقوم اكفتو بي مصيبة زمان.. اجيب اجلو.. بعد ما انتهى من الشاي للمرة التانية .. عمك البشير ضاق الشاي وقال ليهو ايوة كدي ياهو ده الشاي المجيه .. عليك الله جوة في المخزن في عيش(ذرة) جيبو غسلو واقعد اطحنو لي كلو .. قريب النص شوال .. ههه واسرع اطحنو قبل العصر عشان انا داير لي عصيدة باللبن في العشا .. النور طلع العيش من جوة وغسلو وواتحزم وبرك فوق المرحاكة .. وقعد يطحن .. وعجنو وعمل العصيدة . وووو يازول بس المهم عمل عمل الخدم والنسوان بالذلة والاهانة .. بالليل بعد ما انتهى من الخدمة .. قال ليهو ياحاج ياخي انا بٍسألك من الحجل دفنتو وين ؟؟ قال ليهو يدفنوك حي.. اول انت قايل بكلمك بيهو امش احلم ساي تحلم بالتمساح اليبلعك جب .. انت متين جيت ياهو يومك الواحد ده؟ .. انت لسع ماشفت شي ... اها يازول باكر من الصباح صحاهو ليك الساعة 4 صباحا والواطة برد عجيب .. قال ليهو النور ؟ النور؟ قوم استحمى من ريحتك العفنة دي .. وغسل لي توبي ده .. عندو توب بتاع دمورية .. قال ليهو عليك الله ياحاج .. والله النسيم دي لو بقت الجنة انا ما دايرها الله يقطعك ويقطع النسيم .. وطلع طوالي .. مشى لاخته قال ليها اصلو شنو يعني؟ والله انا من الله خلقني مافي زول ذلاني قدر دي .. مسرة مشت لي التايه قالت ليها يختي بتك المغلنها ومعلنها دي .. خليناها ان شاء الله تلقى الراجل البغسل للبشير سروالو .. الخبر انتشر والناس كلها سمعت بالقصة دي .. وقالو اي زول داير يعرس النسيم الفرصة قدامو يعرف السر العند البشير .. والبشير معروف زول غتيت .. النشوف الضحية الجاية منو؟ الى اللقاء التعديل الأخير تم بواسطة فيتامين سي ; 17-12-17 الساعة 08:22 PM | ||||
|
| |
|
16-12-17, 03:19 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة 2 وكت جات التاية بت مختار .. وحكت لي ودار الزين .. قعد يضحك .. قال ليها .. والله يا النور حكايتك حكاية .. ماقال راجل وفارس .. زول ماقدر على البشير.. تاني داير يقدر على شنو؟ .. النسيم قاعدة في الضل بتضفر ليها في سعف لي هبابة ..وراخية اضانا للكلام .. والكلام ده زي الضحى كدي .. في زول دق الباب .. مشى ود دار الزين فتح الباب لقاهو ده واحد اسمو ود مكتول .. من الحلة الجنبهم .. راجل كبير طاعن في السن قريب السبعين سنة .. يعني لو ماوصلا قرب ليها .. سلم على ود دار الزين.. ود دار الزين يعجبك في الترحاب والكرم .. حبابو .. حبابو .. الله يكرمك بارك الله فيك .. شرفت وانست ياحاج والله الليلة دي شقة غريبة .. طبعا اول حاجة خطرت على بال ود دارالزين .. انو ود مكتول .. داير النسيم لي واحد من اولادو .. لانو هو اكبر من وددار الزين بي عشرة سنة ولاشي .. جرا ليهو العنقريب الهبابي .. وجدع ليهو فوقو بردعة (مخدة محشية صوف غنم) وقال ليهو كوع داب ماجات القهوة .. قال ليهو والله انا شارب القهوة وجاي عليك .. انا جاييك في موضوع خصوصي كدي .. قالو لي عندك بت بقت للعرس.. وانا والله زي ماك عارف خالتك نفيسة .. خلاص بقت كُسّار؟ .. دحين انا جيت اشوف البت .. وبتشرف حرم بي نسبك .. وشايل هدومي تب معاي .. كان البت عجبتني .. طوالي من دربي ده ماشي على البشير في بيتو .. ام بقى داير المسوح والدلكة .. بمسحو وبدلكو .. اصلك ماتشيل هم البشير ده ,, بقدر عليهو تب وحات الله .. وان بقى ماجبت ليك منو الحجل ..انا اكون ود حرام .. تاني داير شنو؟ ود دار الزين كان واقف على حيلو.. قعد في الواطة .. وعرف انو الراجل ده بنجح بنجح .. لانو زول مكار وثعلب في شكل انسان .. قال ليهو ده كلام شنو يا ود مكتول ؟ لكن النسيم بتي صغيرة . قال ليهو نان مالو؟ .. الشياب العرسو البنوت الصغار شويه؟ بس بقت علي انا؟ ..؟ وان بقيت نطيت من كلامك اخوي .. كمان قول لي ..خلني النمشي.. طبعا" ود دار الزين دخل في حتة ضيقة بالجد .. يعني لو قال ليهو كدي ولاكدي .. الزول ده يمشي ينشر الخبر بالبلد والبلدين .. ويشوه صورة الراجل العمدة ده .. قال ليهو خلاص .. انا ماعندي مانع .. بس انت امشي للبشير بكرة مو الليلة .. قال ليهو ياخي انا مستعجل على العرس .. ماتخسرني يوم كامل .. لكن خلاص يازول انا باكر.. من الصباح ماشي على البشير .. اها هسع داير اشوف البت .. قال ليهو لالا شوفت البت بعد الحجل .. المهم الراجل اقتنع وطلع .. اول الراجل من طلع النسيم جات لابوها .. قالت ليهو يابا ده شنو؟؟ الراجل المضبلن والكلام البقول فيهو؟؟ .. وحات الله ياابوي انا الزول ده باكر يموت لي يابا .. يابا ماتكتلني قبال يومي .. قال ليها النسيم اصبري.. انا ذاتي ما ني رضيان بيه .. بس انتي شيلي الصبر .. النسيم بقت عايشة في قلق ..لانها سمعت كلام ود مكتول من اولو لي اخرو .. وعرفت ثقتو في نفسو .. ابوها ..قال ليها اصبري بس .. وشوفي عمك البشير بطفشو كيف ؟ لكن ماااا اظنو والله الراجل ده معروف يسوقك البحر ويجيبك عطشان .. المهم يازول ود دار الزين .. مشى لي عمو البشير.. وقعد معاهو نص يوم كامل يحذر فيهو .. ويوصي فيه ..قال ليهو الزول ده ياعمي زول مكار ..انا دايرو لاعند الفلي .. يسوي ليك .. الفلي (قصع القمل) .. قال ليهو اصبر لي .. والله الكلب اخليهو يحلق لي اباطاتي .. هههه غايتو جنس حالة !! المهم نشوف ان شاء الله ربنا يستر على النسيم من الراجل العجوز المخادع الاسمو ودمكتول ده .. الزول ده قالو من الصباح جا جاهز . وقال ليهو اسمع يا البشير عشان مانبقى ناس كلام فاضي .. انا لو خدمتك 15 يوم وما شكيت ولا مليت .. بتورني محل الحجل؟ قال ليهو يازول مابتقدر .. انت فشار ساكت .. قال ليهو بس قول لي .. قال ليهو اي بوريك ليهو .. بس انت تم الخمسطاشر يوم .. والله الزول ده قالو البشير سوا ليهو سوا .. ماخلا حاجة في الدنيا دي بتنخدم ماخدمو ليها .. طحن العش وعجن العجين وسوا العصيدة وعاس الكسرة وفرك الملاح وخش الروب .. ود مكتول يخدم ويغني طربااان .. ومبسوط ومتكيف .. وقال ليهو يا حاج البشير.. ياهن الخمسطاشر يوم ديل ولا بلاهن .. على بالطلاق كان داير لك سنة اقعد معاك .. ات ماك يااكا ؟ انا وكت لقيت لي بنية عمرها 18 سنة وناسبت ود دار الزين بتعلبني الخمستاشر يوم؟؟ على كل حال البلد كلها متابعة الوضع بي توجس شديد .. والناس مطلعين ود دار الزين غلطان .. كيف يخت بتو في محك زي ده .. ود دار الزين خايف من ود مكتول يقضي ال15 يوم وتاني هو مايبقى عندو كلمة والنشوف البحصل .. يوم السبت مشى ود دار الزين لي سنار المدينة وعندو صاحبو من ناس المجلس اسمو (بامبي) ..ود دار الزين حكا ليهو الهم العليهو .. بامبي قال ليهو يازول ماتشيل هم انت مرقتني من ورطات كتيرة انا بحاول امرقك منها .. ان شاء الله اقدر .. اها طبعا قبل فترة يمكن قبال شهرين .. كان في مشكلة حاصلة في القصر الملكي في مدينة سنار .. والمشكلة كانت كارثة هزت القصر الملكي وهزت كل اركان ممكة الفونج .. المشكلة بدايتها كالاتي .. الملك كان في مشكلة بينو وبين الملكة .. ام الامراء .. وحلف الا يتزوج فيها .. اتزوج ليهو بت صغيرة وجميلة.. من منطقة على بحر ابيض .. والملكه الام حقدت حقد شديد خلاص .. وحلفت الا تكتل الملكة الجديدة .. الملكة الام عندها اربعة اولاد .. صبيان بالغين شباب يعني ..وجايين ورا بعض كل واحد فرقو من التاني سنتين .. وكانو مغرمين بالصيد زي ابوهم .. اها يوم الاتنين الصغار ومعاهم الاخو الكبير ..طلعو الصيد .. وخلو واحد اللهو نمرة اتنين .. خلوه في القصر .. وطلعو الصيد اتاخرو لغاية الليل .. وامهم في نفس اليوم ده ناوية تسمم الملكة الجديدة .. والملكة الجديدة كانت بتتزين في الجناح الخاص بتاعها وما اتعشت .. والعشاء بتاعها رز ..موجود في المطبخ الملكي .. والقائم على الطباخة شاب اسمو ابو خوسه .. ابو خوسة اصلا كان جندي من المحبين للملك .. والملك عملو رئيس الطباخين مخصوص لانو زول امين وبخاف ربنا .. اها الملكة خلت ابو خوسة الطباخ نام .. وجات دخلت المطبخ وكبت السم الابيض في الرز بتاع عشا الملكة الجديدة .. وابوخوسة صحى بي بالحركة وشاف الملكة دخلت المطبخ وطلعت .. واستغرب شديد .. لان الملكة مابتدخل المطبخ نهائي .. لكن ماخت في راسو اي احتمال انو ممكن الملكة تكون كبت السم في العشاء .. اها يازول ربنا حفظ الملكة الجديدة .. ونامت بدون عشاء . لانها كانت منتظرة الملك.. والملك اتاخر مع قادة الجيش ..كانت في مشكلة بتخص الجيش ..كويس؟؟.. اها كانت الملكة الجديدة منتظراهو تقضي ليهو احتياجاتو الخاصة حتن بعدين تتعشى .. بس ربنا حفظها ونامت .. قبل مايجي الملك ..والملك جا متأخر.. لقاها نايمة في السرير بالعرض .. صلحها وعدل ليها رقدتها .. غطاها ونام .. في اخر الليل جو الامراء التلاتة من الصيد .. وكانو متأخرين .. واحد فيهم قال ليهم.. نحن الليلة شبعنا لحم صيد .. ندخل المطبخ ده نشوف كان القا لي شي حلو .. هنا اب خوسة سمع الكلام ..وقال ليهو ايوة يامولاي الامير في العشا حق الملكة الصغيرة .. وماجاتو .. الظاهر نامت .. اجيبو ليكم؟؟ قال ليهو جيبو .. جابو ليهم .. وهو ماعارف الاكل مسموم .. اها اكلو التلاتة ..في الرز المسمماهو امهم لامن شبعو .. وماتو التلاتة قبل الفجر .. الصباح جو لقوهم ميتين التلاتة .. نادو الطبيب الملكي قال الناس ديل ماتو متسممين .. طبعا" مافي زول عارف انهم اكلو الرز ... الا الطباخ اب خوسه .. والطباخ طبعا" مسؤول من اي اكل يتعمل في المطبخ الملكي .. يعني ممكن ينكر عادي .. ويقول يعميني .. اها لمن نادوهو .. وسألوهو .. في التحقيقات الاولية .. سأله القاضي الملكي .. الامراء ديل لمن جو من الصيد اكلو حاجة ولا نامو طوالي ؟؟ قال لا جو قالو دايرين لهم حلو.. وانا دخلت المطبخ جبت ليهم العشا الكان مفروض تاكلو الملكة الصغيرة .. كان رز باللبن والسمن .. والملكة الصغيرة ما طلبتو الظاهر نامت بلاعشا .. قال ليهو الرز السواهو منو؟؟ .. قال ليهو سويتو انا .. قال ليهو يعني انت كبيت السم لي الملكة الصغيرة ؟؟.. اب خوسة قال ليهو ابدا ما كبيتو .. وماعندي مصلحة انو مولاتي تموت .. اب خوسة في اللحظة كان داير يحكي قصة الملكة الكبيرة الجات بالليل ..ودخلت المطبخ ومرقت .. وهو متاكد انو الملك ح يصدقو .. لكن اب خوسة سكت وبقى يتكلم مع نفسو .. قال يااب خوسة .. المراة فقدت تلاتة اولاد في ليلة واحدة .. وهي الكتلتهم .. انا تاني ارمي فوقها تهمة بعد الحزن والمصيبة العايشة فيها هسع دي؟ .. رفع راسو وقال للقاضي انا بستحمل مسؤولة الاكل .. لكن والله ما كبيت فيهو سم .. وماعايز اتهم لي زول انا ماشفتو .. وربنا يعلم ماشفت بي عيني زول كب سم في الاكل .. وانا مستعد لاي عقاب ينزل علي .. لانها دي مسؤوليتي انا .. قام الملك عاين لي اب خوسة كدا في عيونو.. وقال ليهو يا اب خوسة انت كذاب .. انت صاح ما سممت الاكل.. لكن عارف السمم الاكل منو وداير تسترو .. لكن يا اب خوسة بي سترك لي الزول ده .. باكر بكرر السم للمكلة الصغيرة .. اب خوسة قال ليهو حاشا وكلا يامولاي.. الملكة الصغيرة ربنا زي ما حفظها الليلة .. بحفظها من ايدي الخونة لي قدام .. قالو في اللحظات دي الملكة الكبيرة بي غادي تبكي على اولادي وتكب في الرماد فوق راسها ..وبقت زي المجنونة .. وتتكلم برة من راسها .. وقالت السم كبيتو انا ..وانا الكتلت وليداتي .. والملك قال اصلا ماتتعاقب .. عفاها .. بس نفاها لي منطقة في جنوب كسلا ..قعدت في قصر ريفي هناك .. واب خوسة الملك طردو من الشغل .. وجردو من املاكو .. ومنعو من حقوقو .. لكن ماعاقبو .. لانو عارفو صادق ..وعارفو عمل كدا ليه.. عشان قلبو حاني على المراة الفقدت اولادها التلاتة .. اب خوسة طوالي اتلملم من القصر ومشى قريتو .. واشتغل حطاب .. عايل امو وابوهو واختو الصغيرة كانت بترعى في بهايم شوية كدا .. واب خوسة بقى يمشي يقطع الحطب ويجي يبعو للناس فوق حمارتو .. والعز الزمان داك .. والقروش ديك كلها راحت .. اها اب خوسة ده.. صديق مقرب لي بامبي بتاع المجلس صاحب ود دار الزين .. وبامبي كان متأثر شديد بي قصة اب خوسة .. بامبي طوالي ركب مشالو في قريتو .. ولقاهو قاعد يفتل ليهو في حبال .. وابوهو وامو كبار في السن واختو الرسالة عمرها 12 سنة قاعدة في الضل تصوط في عصيدة دخن .. قال ليهو والله يا اب خوسة ان بقى ربنا داير يرفعك الليلة بس جاك السعد ..وان بقى اصلك زولا" شقى وحظك شوم.. كمان بنشوفك .. اب خوسة قال ليهو احكي يا طيب الاصل .. بقى يحكي ليهو بالنسيم بت ود دار الزين .. وجمالا .. وجنون الناس بيها والمال البجي بي وراها .. والعز .. قال ليهو والله النسيم سمعت بيها والدنيا كلها بتنضم بها .. قال ليهو دقيق النكمل لك باقي النضم .. ..حكا ليهو بي قصة ود مكتول العجوز الح يتزوج البت .. اب خوسة قال ليهو طيب مادام ود مكتول هسع في فترة الاختبار .. خبارك انت جايني ؟ قال ليهو ود مكتول انا بعرف اصرفو ليك بس انت تقبل لي بالموضوع ده انا والله داير ابرك .. وبعد ناتعرس النسيم عندي طلب منك تلبيهو لي .. قال ليهو طلبك شنو؟ قال ليهو ده سر بقولو ليك بعد النسيم تبقى مرتك .. قال ليهو انا ياخوي ان بقى ماشفت البت مابقبل .. وانا ماني من الناس البعرسو عشان السماحة . السماحة تطير .. انا داير لي بت تحملني وتحمل ابوي وامي .. قال ليهو خلاص انت اركب حمارتك وشيل حطبك وامشي دق الباب حق ناس ودار الزين والكلام ده يكون بين الشرقة والضحى ... عشان الوقت ده التاية بت مختار ام النسيم بتكون مشت على السوق .. والنسيم بتفتح لك الباب وانت بتشوفا .. وبعد تشوفا بنعرفك كان بتنستر ولا بتلحق ود السيد الانشقه بي شوق النسيم .. الى اللقاء .. | ||||
|
| |
|
16-12-17, 03:36 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة 3 من الصباح اب خوسة .. رفع حزم الحطب فوق حمارتو.. بي جاي وبي جاي .. ولبس طاقية حمرا مشغولة باليد . ونط فوق الحمارة وقال كدي لكه .. مشى على بيت ناس ود دار الزين .. الزمن ده تقريبا زي الساعة 8 صباحا" .. لكن مافي زول عندو ساعة ولاسمعو بيها ذاتو .. المهم من بعيد هو ماشي بي حمارتو.. بعاين يهدااااك الباب .. الباب فتح .. وهو لسع بعيد منو .. وقف حمارتو وبقى يعاين من بعيد .. شاف التاية بت مختار ام النسيم يادوبة مارقة علي السوق .. انتظر لامن دخلت مشت بعيد .. ولفت بي ورا بيوت ناس بابكر .. طوالي اتحرك وجا نقر الباب بي عصاتو .. كو كو ككو .. ينقر وينقر اصلو مافي زول جاهو .. بقى يكورك .. يا التاااية .. عوووك يا التاية بت مختار .. براااحة الباب اتفتح .. والزول الفتح الباب مضاري مابنشاف .. اب خوسة سمع ليك صوت ناااااعم وطاعم.. قالت ليهو .. حبابك .. امي مرقت على السوق .. انت منو؟ قال ليها انا اب خوسة ود جار النبي ..هاك عليك الله اديها الامانة دي .. ونزل من الحمار .. وهي ظهرت نص جسمها .. ووشها كامل .. طبعا لابسه رحط .وسدرية .. (الرحط حزام من الجلد فيهو خيوط جلد متدلية مشرشرة تستر العورة فقط) .. وشعرها مضفر بالودع الابيض الدقاق .. نازل فوقا زي ليل البوادي.. والزمام في نخرتها حلقة زي هلال العيد .. وباقي جسمها مافوقو ولاقطعة ..وده اللبس الكان سايد للفتيات في الوكت داك .. اب خوسة عاين ليها من راسها لي كرعيها .. وهي مارفعت وشها عاينت ليهو ..بس استلمت منو حزمة الحطب ..وقفلت الباب .. اب خوسة بقى واقف قدام الباب بعد اتقفل .. زي الصنم ولاقادر يبلع ريقو .. شوية كدا انتبه لي نفسو ..وهز راسو وركب حمارتو .. ومشى .. وقال.. بال الزول ودر .. قول يالطيف الحال. كان اهدا واطيب من الجنون ده محال.. ودبامبي شكــيتو على القوي المتعال .. اتسلط علي .. ورماني في الأهوال.. . مشى طوالي على البيت وفوقو حمى تنهبش بالعود .. المهم بالليل جاهو بامبي قال ليهو اها احكي الحاصل .. شن شفت .. قال ليهو.. شفت النار وشفت الويل وشفت الهم .. شـــفت البطفي بي نورو البدور التم... شفت الرخرخ النشششف منابع الدم.... من شفتو الصباح جسمي التقول منسم... بامبي قال المرضل.. امانة الليلة ماوقع راجل .. قال ليهو يا بامبي عليك الله السلطك على شنو انا كنت في حالي .. عليك الله اكان ما شقاوة" علي ابرى كلامك ات .. دي والله يا بامبي انا مايخلوني ابقالا خدام .. خلي يدوني ليها مراة .. قال ليهو الموضوع ده خلو علي .. بس انت اتذكر اني طالبك شي .. وايرك توفي لي يومي الاجي اطلبو منك .. قال ليهو يازول سو سواتك وطلبك ماضي .. يومين تلاتة ومشى بامبي لي ود دار الزين في البيت .. قال ليهو اها الزول الملعون الاسمو ود مكتول ده ..سوا شنو مع عمك البشير .. قال ليهو والله يا بامبي الراجل شغال يخدم خدمة العبيد.. لا كلا ولاملا .. قال ليهو اسمع ياود دار الزين .انا الكلام البقولو ليك تمشي تسويهو .. اوعك تقول لي ليه ..فاهم ولالا .. انت موش داير الزول ده يبعد من بتك؟.. ود دار الزين قال ليهو قول .. انا سااااامعك .. قال ليهو بعدين بالليل تتعشو .. لف وشيك بالعمة.. و سوق النسيم وامشي لي عمك البشير .. في البيت وكتين تصل هناك ماتسلم.. ادخل انت والبت في الاوضة الفاضية .. وووو المهم بامبي بدا يرسم ليهو في خطة .. ود دار الزين قال ليهو والله المكار انت .. ودمكتول مومكار ..بالليل ود دار الزين نادى النسيم ..وقال ليها البسي نعلاتك ارح معاي .. وحكى ليها الخطة المفروض يسووها .. مشو طوالي الاتنين ود دار الزين لاف راسو بالعمة .. ودخل معاها الاوضة .. عمل كركبة في الاوضة .. البشير قال الجوة منو ..؟؟ بس ودار الزين خلاها جوة وقام جاري تلب بالحيطة ومرق .. والبشير وودمكتول الاتنين شافو الزول الجرى .. والنسيم جات مارقة من جوة الاوضة .. قالو ليها انتي منو ؟ قالت انا انا النسيم بت ود دار الزين .. قالو ليها . ده منو الكان معاك .. قالت ليهم ده ابوي .. قالو ليها ياكضابة يا خاينة .. ابوك البخليهو يلف راسو .. ويقوم جاري شنو؟؟ وقعدو يزرزرو فيها .. وهي تحلف وتقول ليهم ده ابوي .. بعد مسافة ابوها جاء .. داخل بي هيئتو المعروفه ولابس عمتو كويس .. ولابس مركوبة .. وشايل عصاتو .. قال ليهم ياجماعة في شنو؟ .. ود مكتول قال ليهو بتك جابتليها زول هنا ..ودخلت معاهو الاوضة .. المظلمة ديك وكت حسيبنابو .. قام جاري وتلب بي الحيطة القصيرة دي .. قال ليهم وهي قالت ليكم ده منو .. قال ليهو قالت ده ابوها .. ود دار الزين قال ليهم اي صاح .. ده انا الكنت معاها .. ود مكتول قال ليهو كمان بتتستر على بتك .. ياعمدة البلد .. خسارة ايامي العديتن معاكم .. بتكم ماني دايرها .. وداير يمشي .. ود دار الزين قال ليهو انا قلت لك الحقيقة .. لكن علي الطلاق اسمع بك اتكلمت في بتي كلمة ماياها .. الا اقطع راسك واجدعك للصقور .. ودمكتول قام لملم هدومو .. ومشى بات عند اهلو .. ود دار الزين يضحك ويستريح .. والنسيم تضحك من ضحك ابوها.. الواطة بالليل والقمر مالى السماء .. وطبعا" حكو لللبشير الحاصل .. وقال ليهو دي لعبة لاعبا بامبي .. قالو يازول ود مكتول مشى حكى لي ولدو القصة .. ولدو قال ليهو يا ابوي انت زول مسكين .. يا اما الجماعة اكلو راسك بي قدح كمونية .. ولاانت بقيت تشوف طشاش .. وكلامك ده دحين ماتقولو .. الناس بقولو خرف .. نسيم شنو البتدخل ليها مع راجل .. انت ماك نصيح .. النسيم الناس كايسين لي شوفتها .. ربنا يشفيك يابا .. والكلام ده ماتجيبو فوق خشمك .. ودار الزين بجي يكتل لمبتك .. المهم ود مكتول ورقة واتحرقت بعد 11 يوم من الخدمة المتواصلة والذلة والاهانة .. ياخي دي ماكانت النسيم دي .. اها يازول يوم السبت .. ود دار الزين لاقى بامبي.. وحكا ليهو بالقصة .. وداك اصلو ماضحك ..ولا اعتبر القصة دي غريبة ..لانو زول مكار مكر شديد .. قال ليهو اها يا ياود دار الزين يادوب الموضوع الجد جاييك . ود دار الزين قال ليهو موضوع شنو؟ قال ليهو والله يا ود الدار .انا اصحابي في الدنيا دي اتنين انت واب خوسة . انت اب خوسة بتعرفو .. قال ليهو ايوة بعرفو ..مو ياهو سيد المشكلة الكان طباخ القصر؟ قال ليهو ايواااا ياهو .. ود دار الزين قال ليهو والله شي غريب يا بامبي.. انت زول في مقام وزير.. تصاحب الطباخ البقى حطابي .؟؟ قال ليهو يازول انت معناها مابتعرف اب خوسة .. وبدا يحكي ليهو عن اب خوسة .. وعن حاجاتو ... ومواقفو مع الملك .. وحب الملك ليهو .. وتفاصيل كدا عارفها بامبي براهو .. لغاية ما ود دار الزين اتمنى يخاوي اب خوسة .. قال ليهو والله الزول ده زول شاب ومكافح .. انت بي مالك وهو بي امانتو واخلاقو ونعرسلو النسيم شان مايجينا زول مدلقن يدخلنا في ضفورنا .. ود دار الزين قال ليهو ياخوي انا ماعندي مانع .. دام زولا" بتعرفو انت وده وصفو .. بس يلزمو يعدي الايام عند البشير .. عشان ده شرطي.. وماينفع انا اشرطو فوق ناس واخلي ناس . وانا داير الحجل .. قال ليهو يازول على الطلاق .. اب خوسة ينجح .. اصلك ما تختبرو قال ليهو خلو النشوف البسويها.. تااااني بامبي رجع لي اب خوسة .. وقال ليهو امش اتقدم لي ود دارالزين.. انا فتحت لك الدرب .. والشرط البقولو ليك تقبل بيهو . ولازم تخسر كرامتك وتدوسها بي كراعك .. عشان البت الشوفتها ولا شنو؟ قال ليهو الشرط شنو يابامبي..؟؟ بامبي وراهو .. اب خوسه قال ليهو مافي مشكلة .. انا بمشي لي ود دار الزين وبرضى بي شرطو.. المهم يازول ساق ابوهو الراجل الكبير .. وقال ليهو تمشي معاي لي ود الزين انا داير بتو .. ابوهو قال ليهو يا ولدي الناس ديل نحن ماني قدرهم .. قال ليهو يا ابوي العزة في القناعة.. ونحن في البلد دي ما اعز مننا .. والفلس مابعيب الرجال . انت تمشي معاي والبتبقى التبقى .. بالاختصار مشو اتقدمو لي النسيم من ابوها.. وابوها فتحة خشمو قال ليهو والله يا اب خوسة انا اتشرف بي نسبك.. علا بدور الحجل .. قال ليهو قبال من ماتقول لي ..ان بقى في حجل عند عمك البشير بجيبو ليك انا .. وان بقى مافي مافي ,, دي ارقد منها قفا .. قال ليهو والله تجيبو لي النسيم تكون مرتك وانا اكون اخوك .. غايتو ياجماعة انا قصة الحجل دي محيراني .. لكن نشوف ولغاية كتابة السطور دي ماعارف قصتو بالضبط شنو .. المهم يازول غايتو اب خوسة مشى للبشير .. واول ما وصل وسلم عليهو و.. قبال البشير مايبدا يخدمو .. اب خوسة سأله قال ليهو انت هسع الباقي في راسك منو؟.. يعني البخدمك ويصرف عليك .. قال ليهو باقية في راسي بتي .. قال ليهو ياعمي البشير .. انا مابقبل اشيل لك مصروفك من راجل بتك .. وكيف انت راجل عمدة وابوك عمدة .. تكون عايش عالة على راجل بتك .. قال ليهو طيب اسوي شنو؟ ماعندي القدرة .. قال ليهو ود اخوك ود دار الزين .. قاعد وقروشو النار ماتكملا .. خلني اقنعو ليك .. يربط ليك ماهية .. وكان للخدمة انا بخدمك حفيان .. ومابمرق من هنا الا اعقد ليك على مراة تبقى لك خدامة .. قالليهو والله ياولدي كان قدرت على الاتنين ديل .. تبقى انت ولدي الماجبتو من ضهري .. قال ليهو الكلام ده خلو علي .. هسع انا بمشي اجيب المونة من ود دار الزين واجيك .. مشى لي ود دار الزين .. وقال ليهو كيف تهمل عمك تعيشو بتو .. وانت قاعد .. والله ياود دار الزين انا قايلك عمدة .. لكن خسارة .. طبعا ود دار الزين اصلا" متكيف من اب خوسة.. وما داير يخسرو .. قال ليهو يازول الفات خلو .. هسع الاحتياجات شنو ؟ قال ليهو داير مونة شهر (مواد غذائية) .. وتربطلو ماهية شهرية.. ود دار الزين شيلو العيش والبصل والويكة والزيت وماخلالو شي .. وابخوسة جابن وجا ..وقعد يخدم ويغسل ويطبخ.. ويأكل عمك البشير في خشمو .. ويفرش ليهو.. ويغتيهو من الصقط .. وبعمل حاجات اصلا عمك البشير ماطلبها منو .. وكان بشتغل بي اخلاص.. وعطف على الراجل العجوز ده من جوة قلبو .. بغض النظر عن النسيم وغيرها .. وكل يوم من الصباح يقوم يجهز ليهو الموية والملح .. ويشطفو ..وهدومو نظيفة .. مطبقة جمبو .. ويحلق ليهو راسو.. ويظبط ليهو دقنو وشنبو ..ويقطع ليهو اضافرو .. ويقعدو ليك زي العريس ..ويقوم يسوي ليهو الاكل من والى .. يازول البشير يعاين للزول ده يعمل في عمل.. هو ذاتو ما طلبو منو .. ناداهو .. قال ليهو يا اب خوسة انا دايرك في كلمتين .. انا عندي حجل .. حق امي ..وفيهو لعنة ..واي زول يهبشو بي يدو بجيبلو المرض .. ود دار الزين مقوي راسو ..وقال داير الحجل .. وقال مابعرس النسيم الا للزول البجيب لي الحجل من عمي البشير .. قال ليهو الكلام ده كلوانا عارفو .. البشير قال ليهو وانا والله ياولدي اتمنيت النسيم ليك ..انت والله راجل بستاهلا غيرك مافي .. انا بوصف لك مكان الحجل ..بس انت توفي لي بوعدك.. تقنع ود دار الزين يعرس لي .. قال ليهو والله ياعمي البشير.. انا كان بقت النسيم قسمتي ولا مابقت .. ان ماعرست لك مراة.. وقعدتها معاك في البيت ده.. وريحتك وريحت بنيتك من المشاورير .. براك تشوف بي عينك .. قال ليهو خلاص ياولدي.. انا الحجل حق امي دفنتو في مكان ..مافي زول بقدر يعرفو.. وانا بوريك محلو عشان تلقى الفي مرادك ..والنسيم زولا غيرك بستاهلا مافي.. شفت السدرة الفي حوش ابوي احمد؟ تاخد منها شرق خمسة خطوات.. وتحفر تحت كراعك .. مسافر شبرين .. اب خوسة قال ليهو ابشر ياحاج .. انت عدلت لي راسي.. وانا بعدل لك راسك .. قوماكا النفطر.. وانا بمشي انادي ود دار الزين واجيك .. وانت بس خلك ساكت .. بعد فطرو ..مشى اب خوسة نادى ابو النسيم ..وقال ليهو دايرنك في بيت عمك البشير .. وكت جا .. اب خوسة قال ليهو .. اسمع ياود دار الزين .. انا عمي البشير ده الله يمد في ايامو . وراني محل الحجل الانت داير تموت بي شوقو .. وانا خلاص ضمنت نسبك.. والنسيم بقت في يميني .. لكن عندي شرط .. لو ماوفيتو .. انا ما بوريك محل الحجل.. والنسيم ماني دايرها .. ود دار الزين ..قال ليهو علي الطلاق النسيم غيرك راجل بمسك ايدها مافي .. وشرطك وقولو لي .. والله ان بقى فيهو رقبتي اسدو ليك .. قال ليهو دايرك تشوف لك ان شاء الله عزبة.. تعقد لي عمك البشير عليها .. ود دار الزين قعد يضحك لامن رقدفي الواطة .. وقال ليهو والله يا اب خوسة انت طلعت اكبر محتال في السلطنة .. ياخي انت عرفت تاكل راس الراجل.. بي طريقة مافي زول سبقك عليها .. لكن اسمع والله بس شوفو لي المراة البتوافق بيهو.. انا باكر دي بعقد ليهو .. ومعيشتهم علي .. بالطريقة الواضحة انو عمك البشير امورو وضحت .. وابخوسة فاز بي ست البنات.. واميرة الجيل النسيم بت دار الزين .. لكن !!! لكن !!! تأتي الرياح بما شنو كدا ماعارف .. الى اللقاء .. | ||||
|
| |
|
16-12-17, 03:40 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة 4 البشير قال ليهم انا داير الشباك بت موسى .. وهي براها دايراني .. امشو عليها اسعلوها .. ود دار الزين قاليهو الكلام ده من متين ياعمي؟.. قال ليهو والله من طول.. طبعا" الشباك في الخمسة واربعين.. وراجلها ميت ماعندها منو جنى .. قاعدة براها ومتوحده .. والبشير كمان متوحد.. قال لهم وقت بتي تكون عيانة .. ولا عندها اي شغلانة تحميها الجية.. الشباك بتجيب لي الاكل .. وتقول لي غايتو يا البشير .. انا وانت لينا الله .. ربنا يشوف حالنا .. ود دار الزين ساق ابخوسة.. ومشو لي ناس موسى من ساعتهم ديك .. وشربو معاهو القهوة .. وقال ليهو دايرين الشباك للبشير .. وفي قعدتهم دي ابوها قال لهم مبروك .. اديناكم اقرو الفاتحة . قرو الفاتحة وقالو للحريم زغردن .. الحريم زغردن وقالو الشباك عقدو ليها على البشير .. وجابو الجمل بي الشبرية (الهودج) ركبوها ودوها ليهو .. وشايله هديماتها في مخلاية شعر .. عرس وتم.. لاقرش لاتعريفة ..لاصرف لاقومة لاقعدة .. لاشيلة لاصالة .. لا جوطة لا هوسه ... اها يازول البشير وقت المراة وصلتو .. بقى يرجف زي القصبة .. وقال نادو لي ود دار الزين وابخوسة .. وكت جوهو .. قال ليهو ياجماعة الله يرضى عليكم.. الحجل ده ماتهبشوه .. الحجل ده بدمر حياة الناس انا بعرفو .. ود دار الزين قال ليهو يازول انت امسك مرتك دي.. وتاني ماك مسعؤل .. لكن عاد عرس النسيم جهزولو .. ود دار الزين خت النقط فوق الحروف .. وقال ليهو ياابخوسة .. بعد العرس تجو انت وامك وابوك وبي مرتك تسكن معاي .. البيت شايلكم .. اب خوسة قال ليهو انا اخوك ات .. والله دي ابخوسة مابسويها.. انت داير تعرسني.. ولا داير تعرس لي بتك .. الاولو شرط اخرو نور .. انا بعرس مرتي وبسوقها تسكن معاي في الخلا .. اكان موافق آاخوي نتم .. وكان عندك راي اخر قولو لي .. ود دار الزين قال ليهو راي شنو؟؟ انا كمان بنط كم كلمتي .. انا والله بس كت داير اريحك .. واريح اهلك وبتي .. اها ياخوي بعد عرسنا للبشير عمي .. تمشي توريني محل الحجل ولاكمان الا تعرس انت ؟ قال ليهو لالا يا ود دار الزين.. اوريك ليهو اول .. العرس ملحوق .. لكن انا دايرك تحكي حكاية الحجل ده شنو؟ .. انت تقول فيهو سر .. وعمك يقول فيهو لعنة.. حيرتوني وجبتو لي مخولة في مخي .. قال ليهو كويس يا ابخوسة انا بحكي لك .. حبوبتي ام ابوي كانت الله يرحمها زولة حلامة.. بس ترقد تحلم لها بي حلم .. تقوم الصباح تنضم بيهو ويطلع صاح . اها يوم حلمت بي جماعة قالو ليها نحن دايرين نديك هدية .. اها بس ادوها الحجل ده . لكن السر الفيهو شنو انا مابنضم بيهو .. لكن والله الحقيقة السر الفيهو.. مرات بكون خير .. مرات بكون لعنة لكن ضروي .. وانا كلو بعرفو .. قال ليهو والله ياود دار الزين حيرتني .. لكن يازول خير ان شاء الله.. الحجل في الحتة الفلانية .. ود دار الزين قال ليهو خلاص انا عرفت الوصف.. بس ماتقولو لي زول .. قاليهو افو انا اخوك ات .. كيف امرق السر القدر ده .. المهم يازول الخبر انتشر في كل البلد.. انو البشير ورى ابخوسة محل الحجل .. وابخوسة حيعرس النسيم .. وحددو اليوم .. والدنيا كلها جاطت وهاصت .. يوم قبل العرس بيومين تلاتة من الصباح .. ود دار الزين مشى على حسب الوصف .. وصل الشدرة بتاعة السدر.. الفي حوش احمد ود الامين .. واخد منها شرق خمسة خطوات .. وسلا سكينو اللابسها في ضراعو .. وحفر في الواطة .. وطلع الحجل ونفضو من التراب .. ونفخو تب وولفاهو في دلقان كان شايلو معاهو .. وشالو ومشى وصل البيت .. وقال للتاية انا يا التاية جبت الحجل.. نادي لي النسيم .. النشوفو قدرها ..قالت ليها تعالي يا النسيم .. النسيم مزينة ومجيهة ومدلكة بالصندل والمحلب .. المهم عروس تب في كامل زينتها وجسمها ده زي الدهب .. وتشبه اللؤلؤ والياقوت .. وشعرها ده نازل فوق حقوة الرحط .. اها وكت جات .. قال ليها مدي كراعك جاي يا النسيم .. مدت كراعها .. ولبسها الحجل في كراعها الشمال .. بس النسيم من الحجل دخل في كراعها.. قعدت تنكرش وتتحك .. وطلع منها الحجل وبرضو تنكرش وتتحك .. وتبكي من الالم .. وابوها نطط عينيهو يعاين ليها مخلوع .. والنسيم يازول بقت تنحك لامن سلخت جلدها .. وايديها وسيقانها وصدرها بقن مسلخات حمر ويكبن في الدم .. وقامت جارية على اوضتها تتصروع زي البقرص فيها نحل .. وابوها يسوي لاحول ولاقوة الا بالله .. لا حول ولاقوة الا بالله .. ده الشي الكنت خايف منو .. التاية بقت تبكي على بتها.. ومستغربة في الراجل المغموم ده مالو؟؟ قالت ليهو الحجل ده فيهو شنو يا ابوالنسيم؟ .. قال ليها تاني لي معلوميتك ماتقولي لي يا ابو النسيم.. النسيم ما بتي .. قالت ليهو سجم خشمي ده كلام شنو؟ قال ليها الحجل ده فيهو سر.. اكان لبسو ود الحرام في كراعو الشمال .. بمرضو اكان لبسو ود الحلال بسعدو .. وانا كنت داير اتاكد من النسيم دي بتي ولا مي بتي .. وهسع بالحجل اتاكدت انو النسيم بت حرام.. انا ما ابوها .. الحجل ده يا التاية كشف ناس كتيرين زمان .. اي راجل بكون شاكي في ولدو.. لا في بتو ..بجي لي جدي .. يشيلو الحجل من حبوبتي يمشي يلبسو لي ولدو في كراعو اليسار.. كان ماسوالو شي .. معناها ود حلال .. لكن ان سبب ليهو مرض معناها ود حرام .. والله نسوان اطلقن .. وبنات اتكتلن .. وابوات اتبرو من اولادهم.. بي بي الحجل ده .. الحجل ده كشاف اولاد الحرام يا التاية .. عشان كدا عمي البشير كان دافنو.. وبقول الحجل فيهو لعنة .. التاية قالت ليهو شكيتك على الله يا ود دار الزين .. كمان تتهمني بي حجل فيهو لعنة .. يعني انت فاقد اليقان في التاية بت مختار .. لامن تجيب لها طيلسان تكشفا بيهو ..(طيلسان يعني سحر) .. قال ليهو اسكتي يا التاية.. انتي تاني ماعندك معاي نضم .. وبتك دي شوفي ليها ابوها وين .. دي مابتي .. قالت ليهو خلاص.. انا بس عندي منك طلب واحد .. انت ماتفتح خشمك بالنضم ده .. لامن البت تتعرس .. عشان الناس اصلهم اي كلام يسمعوهو بصدقوهو .. وانا خابرة روحي.. كان كدي ولاكدي قال ليها انا ذاتي كت مياقن منك (واثق فيك) .. لكن بعد الحجل كشف النسيم بت حرام تاني اقول شنو؟ يازول الزول ده بقى زعلان.. وعضبان لامن ببكي .. وحايم في الحوش زي البعير الملدوغ.. ويضرب في راسو بالنعال .. ويقول لعنة الله عليك ياود دار الزين .. تربي في بت الناس .. لعنة الله عليك يا التاية بت مختار ..جبت لي بت حرام في بيتي . والنسيم الكلام ده كلو ماسامعاهو .. قاعدة في اوضتها وتنكرش وتكب في الدم .. حتى بعد مرقو منها الحجل .. الاكولة ابت تقيف.. غايتو لغاية باكر الصباح لاهجست لانامت ..وجسمها ده انسلخ وبقت زي المبرصة والعياذ بالله .. البت الجميلة ديك بقت مابتتقابل.. لامن جسمها ده جايب ريحة .. والنسوان بقن ينضمن.. واحدات يقولن النسيم.. ادوها عين واحدات يقولن ابوها ظلم ليهو زولوربنا انتقم في بتو .. واحدات يقولن دي من قطيعة التاية بت مختار فوق الناس .. و .. غايتو كلام الناس كتر .. واي زول بقول كلام براهو .. ولاحدي اللحظة دي ابخوسة ماعندو خبر من المرض الحصل للعروس .. المهم طبعا" ود دار الزين غالبو يتكلم بالكارثة .. لانها فضيحة مابعدها فضيحة .. اول حاجة التاية بت مختار بت قبايل.. وابوها زي ماقلت لكم كان من اهل الجاه والسعية .. وعندها اخوان فراس يسدو عين الشمش .. وودار الزين ذاتو خايف من الكلام يصلهم.. وتبقى مشكلة لا ليها اول ولا ليها اخر.. وماظن تتحل الا بالدم .. ود دار الزين مشى واعلن للناس انو العرس اتأجل .. ومشى كلم ابخوسة قال ليهو النسيم مرضانة.. نحن داير اخرنا العرس شوية لاقدام .. لكن انا ما بحدد لك يوم .. لامن تبقى النسيم طيبة .. قال ليهو يازول ماعندي مانع.. بس امي والرسالة اختي.. لازم يجن في البيت ويحمدلن لها السلامة .. (يكفرن ليها) .. قال ليهو مافي مشكلة .. بس النسيم مرضها في جلدها.. وانا خايف امك واختك يشوفنها وبطنن تطم من شوفتها .. قال ليهو يازول ده كلام شنو البتقول فيهو ده؟؟ .. في زول مابعرف المرض؟؟ المرض من الله والعافية من الله .. خليك راجل واعي ومتعلم .. انا في راي تخلي مواعيد العرس في وكتها .. والنسيم دام بقت مرتي علاجها علي .. قال ليهو لالا يا ابخوسة .. اصبر النشوف نهاية مرضها .. هسع عليك الله ماترسلهن .. واجيب سيرة العرس فوق خشمك قبال البت تطيب .. غايتو مرض النسيم انتشر في البلد زي المأساة.. والحريم في بيوتهن يبكن على النسيم.. وعلى جسمها الكان زي الحرير.. وبقت مبرصة ومظلطة .. وده كلو حصل بي سبب الحجل الملعون .. والناس ماعارفين النسيم طلعت ما بت ابوها .. والحجل الكشاف مرق النسيم مزورة ساي ..واب خوسة شكلو ح ينغش غشة السيح والريح .. والنسيم ذاتها زي ماقلت ليكم ماعارفة نفسها كدا.. ولاهسع تتكلم مع ابوها يابا يا يابا .. وابوها متضايق من كلمة يابا .. لكن موقادر يقول ليها شي .. اتخيل الزول ده متأكد بما لايدع مجالا ان البت مابتو .. وانو مراتو خاينة .. لكن ماعندو اثبات . يعني يمشي يقول لي اهلها كشفت البت بالحجل ؟؟ ده كلام مومعقول....وهو عارف كدي .. بس بقى كاتم الكلام في قلبو.. ومتضايق .. لكن المشكلة التاية بت مختار .. اتجهجهت حتى من مرض بتها بي سبب الكلام ده .. وبقى همها في الكلام اكتر من مرض البت .. وطبعا" التاية عارفة انو ود دار الزين خايف من الخبر يمرق.. لانو ماعندو اثبات منطقي .. شغالة فيهو ذلة واهانة بالطريقة الصاح .. ياراجل ياوهمان .. عليك الله هسع في زول بنكر جناهو .. ويشك في مراتو بي حجل كان مدفون سنين ؟ قال ليها اسكتي وماتتكلمي معاي .. انتي عارفة انك عاملالك عملة ..وساكتة الوقت ده كلو.. قايلة مافي زول بكشفك .. انتي قايلة ربنا غافل . انا مابتكلم ولافي زول بعرف فضيحتي وفضيحتك .. لكن تاني عمرك في الدنيا ماتقربي مني لاك مراتي ولابعرفك .. قالت ليهو .. وهو الداير منو يا ابقلبا" وسخان .. وانا بوريك دق القنطرة بعد بتي تتعرس .. (القنطرة : حديدة في مؤخرة عود السكين) المهم يازول مرت الايام .. والناس منتظرين النسيم تبقى كويسة .. من الحكة اللمت فيها .. بعد اسبوعين الحكة وقفت.. لكن النسيم جسمها اتشوه وبقت زي المبرصة .. والسماحة الفوقا ديك كلها راحت.. وهي تبكي الليل والنهار .. وهناك اب خوسة مضايقهم ضيق شديد .. داير العرس يتم باي وسيلة .. وهو طبعا" سمع بانو النسيم جسمها اتزلط وكدا .. لكن ما مدرك حجم المأساة .. اها يوم ابخوسة جا لي ود دار الزين في البيت .. وقال ليهو انا داير احدد العرس .. قال ليهو انت اظنك ماك عارف النسيم الحاصل عليها شنو؟ ادخل تعال تعال شوف البت بي عينك .. عشان يا اقتنعت وقنعت منها .. ومشيت في حال سبيلك .. ولا كمان نعقد لك عليها بي حالا ده .. كورك ليها يا النسيم .. تعالي النسيم جات .. يازول ابخوسة وكت شاف النسيم لامن اتخلع..قرب يقع في الواطة من شكل البت المنفر والمخيف .. قال ليهو دي منو؟؟ قال ليهو دي النسيم ياخوي اها شفت بي عينك؟.. ابخوسة قال سبحان مغير الاحوال من حال الى حال .. مالك يا النسيم الحصل عليك ده شنو؟ قالت ليهو اسعل ابوي .. ابوها ساكت وقاعد متربع في الواطة وخاتي ايدو تحت حنكاتو .. ويعاين .. اب خوسة قال ليها انتي هسع يا النسيم عرفتيني ؟؟ قالت ليهو ايا بلحيل عرفتك .. انت ابخوسة الجاي تاخدني .. قال ليها اها رايك في شنو؟ قالت ليهو البدودو ابوي انا بدورو .. والياباهو ابوي انا باباهو .. ابخوسة قال ليهو تم لي العقد على النسيم ياود دار الزين .. انا كمان اقسمت بالله .. النسيم مابعرس غيرها .. ودايرها بي حالتها دي .. النسيم شووو دموعها كبن .. وقالت لي ابوها .. احمد الله يابا ربنا قسم لي راجلا قلبو زي اللبن .. ابخوسة قال ليها انتي يا النسيم ماسويتي شيتا" يعيبوك بيهو.. المرض من الله .. والعافية من الله .. انا هسع اكان عرستك .. والمرض ده جاك عندي .. بطلقك عشان مرضك ؟؟ حاشا وكلا.. اها حددو العرس بعد باكر .. اها في نفس اليوم ده بالمساء عمك البشير العريس سمع بي تحديد مواعيد العرس .. قام رسل لي ابخوسة يجيهو في البيت .. طبعا" هنا في نقطة لازم نخت بالنا ليها.. البشير عارف انو الحجل لمن يلبسوهو ود الحرام بمرض .. وعرف بي مرض النسيم .. وعرف انو ابوها لبسها الحجل .. عشان يتأكد من نسبتها ليهو .. وعرف انو النسيم ماها بت ود دار الزين .. ونادى ابخوسة مخوص شكلو داير يكشف ليهو السر ده .. ويحذره من بدري .. قبل مايقع فيها وبعدين يكتشف انو اتخدع وانغشه .. والنشوووووف .. الى اللقاء .. | ||||
|
| |
|
16-12-17, 03:41 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة 5 ابخوسة وصل لي البشير .. وبسأل فيهو من صحتو واخبارو .. قال ليهو والله الشباك الله يديها العافية .. انا يازول اكتا ضايع ساكت .. لكن انت السويتا فيني انا مابنساها.. الا اكون جاحد نعمة .. سلامتا العروس بت ود دار الزين .. قال ليهو الله يسلمك يا عم البشير.. والله البت انضربت عين زول ماذكر الله .. قال ليهو يازول عين شنو؟ .. انا ناديتك مخصوص عشان اكشف لك الحقيقة .. شفت الحجل الشايلو ود دار الزين ده .. ده شي فيهو لعنة غريبة .. اول حاجة يلبسو ود الحلال يكب عليهو القروش والصحة .. يلبسو ود الحرام يمرضو .. وهسع ود دار الزين لبسو البت.. قام الحجل مرضها .. معناها البت شنو؟.. قال ليهو شنو؟ يعني النسيم بت حرام؟؟ قال ليهو صاحب العقل يميز .. زمان ود دار الزين ده صغير .. سقناهو انا وابوهو .. مشينا لي فقير في سنار .. قال الولد ده ماعندو جنى .. يعني ماعندو ذرية .. اها نحن بقينا عارفين انو ودار الزين اكان اتزوج مابيلد .. اها وكت اتزوج التاية وجابت البت .. نحن نضمنا معاهو.. قال لنا ياناس انا والله مرتي مافارقتها من عرستها لامن حملت .. يعني حملت من الحيطة؟ ونحن شكينا في كلام الفقير.. وخلاس سكتنا .. الكلام ده عارفنو نحن التلاتة.. انا واخوي وولدو بس .. اها هسع اظنو يا اما شكا في البت .. يا اما داير يسعدها .. غايتو هسع انا كدي اتاكدتا من كلام الفقير الزمان داك .. والبت ياخوي ماها بت ود دار الزين .. واحسن تعرف من هسع .. ابخوسة .. قال ليهو اسمع يا البشير.. انا والله اصلو ماكت قايلك باري لي كلام الفقرا والدجالين ديل .. يازول انت اظنك ماقعدت مع العالم القراني . العالم قال ماتسمعو كلام ناس الكشف.. مافي زول بعلم الغيب غير ربنا .. وقال البصدقهم صلاتو باطلة اربعين يوم ..البلد كلها اتملت شيوخ وفقرا وكشافين.. ياناس ماتخافو ربكم.. بعدين كيف يعني شيخ يعلم الغيب؟؟ ويقول ود دار الزين ماعندو جنى؟؟ .. انتو هسع خليتو لي الله شنو؟.. مافضلكم الا تقولو الشيخ ربنا. البشير قال ليهو انت اظنك من تبع الشيخ اب كف المنكر .. قال ليهو انا اصلا ماتبع زول انا تبع الحق . والحق واضح وبين يا البشير .. ماتتهمو اعراض الناس .. بي سبب كلام الشيوخ الكضابين .. بعدين حجل شنو البجيب ليهو قروش وعافية لي ود الحلال؟؟ .. ويجيب ليهو مرض لي ود الحرام؟؟ .. ياناس اعوذ بالله من شركم.. تب علي جهلكم اعوذ بالله .. هسع البت دي وامها كان سمعن بالكلام ده .. دي ما بتجيب حرب بين القبايل .. انتو قايلين اولاد مختار ود اب كوع بسكتو لكم ؟؟.. والله يجوكم الضحى الاعلى راكبين خيولهم وشايلين سيوفن .. يعدموكم نفاخ النار .. والله ياجماعة الحقيقة اب خوسة طلع راجل واعي.. في زمن الجهل والغباء .. طبعا" الفترة ديك فيها الوهم والشعوذة بي طريقة غريبة .. والخرافات وكرامات الاولياء الغير منطقية .. البتشبه الاساطير .. والكلام موثق في الكتب لحدي هسي .. والناس على حسب جهلا تصدق سااااااي .. الشيخ فلان طار .. والشيخ فلان بصلي الضهر في سنار وبصلي العصرفي مكة .. والشيخ فلان بلع الشيخ فلان .. ياخي قالو الشيخ كان قال ليك.. طلق مرتك تطلقها .. كان قال ليك اقطع راس ابوك بالسيف تقطعو.. بدون اعتراض .. ويقولو ليك ..من اعترض انطرد .. ومن قال لشيخه لا فقد كفر .. وكتاب طبقات ود ضيف الله مليان بالعجائب والغرائب . من شيوخ ذلك الزمان المنقرض .. بس كان في العلماء زهاد .. من اهل الوعي والادراك والتوحي.. د امثال حكيم السودان . الشيخ فرح ودتكتوك رحمه الله .. في نفس الزمن والمنطقة .. وكان عندو ضدية شديدة للامور الشركية والظلم .. ودي سببت ليهو عداء من معظم المدعين للصلاح والتصوف .. واجه الشيخ فرح الانحرافات العقائدية الكانت سائدة في الوكت داك ودخل في مناظرات كتيرة منها مناظرته مع الشيخ "عبد القادر ود هجو" والشيخ "محمد ود عبد الحي" ..وواجه الفرق الضالة التي حرفت الدين باسم الفقه .. مثل جماعة "الزبالعة" وزعيمهم "كرين ود عبد الله" ونظم فيهم قوله: يا أبَّان طـريقةً" مضلة .. يا أبان عملاً ما هو لي الله وقت العنقريب فوقكم انبله .. ما بينفعكم كرين ود عبد الله بس الشيخ فرح اتوفى قبل زمن ناس ود دار الزين .. لو كان حاضر كان حلا ليهم القصة دي.. لانو مسمنو حلال المشبوك .. بس برضو علمو موجود .. وبصمتو ما بتتمحي .لحظات تابعو معاي .. طيب نرجع للقصة .. طبعا ابخوسة .. ادى البشير درس في العقيدة . وأصلا ما اتهم التاية ولاشكا فيها .. وداير يقوم يمشي .. البشير قال ليهو يعني بتعرسها؟ قال ليهو ايا بعرسها.. حتى ان بقت ماها بتو بعرسها .. يهاديل الناس بياخدو الفرخة (الخادم من الرقيق) بالقروش .. ما معروف ابوها منو .. وبعرسوها وبلدو منها .. انا اخلي النسيم البهية وتقيه ؟؟ ارقد يا البشير في رقادك ده.. كلامك لاجاب لا ودا .. لكن انا بمشي لي ود دار الزين وابلعو كراعو متنيه . مشى طوالي لي ود دار الزين .. قال ليهو والله ياود دار اتاريها القروش والسلطة مابتجيب الفهم .. ياخي ماتكلمني بي قصة الحجل مع النسيم الا يكلمني البشير ؟ .. قال ليهو هو كلمك الله ياخدو المابعرف يمسك الكلام .. ابخوسة قال ليهو وانت هسع في فهمك يعني.. داير تعرس لي بتك المامعروف اصلا من فصلا ؟؟ .. كدي النجيك على رايك.. قال ليهو والله يا ابخوسة انا براي مانعارف اسوي شنو؟ قال ليهو يازول دي خرافات ساكت.. انت بتقتنع بالاساطير الفاضية دي؟ انت ماقعدت مع العلماء ؟ قال ليهو والله انا هسع في مشكلة .. لا ليها اول ولا ليها اخر .. واظني مرضت عديل .. والتاية بت مختار متحجزة علي تب.. بعد العرس قالت تاني مابتقعد معاي دقيقة .. وبتمشي تكلم اخوانها . وانا ماني خايف منهم لكن المشاكل دابها جاية .. قال ليهو خلي لي الموضوع ده علي .. انا بعد باكر قبال اسوق النسيم لي بيتي بنضم لك معاها.. بس الكلام الزي ده عليك الله تاني ماتجيبو فوق خشمك. قال ليهو لكن يابخوسة الشك الشك.. اسوي فوقو شنو؟ قال ليهو بس اصبر لي يومين وانا براي بجيك .. واغسلك الشك من قلبك .. هسع انا ماشي اهدي التاية بت مختار .. اب خوسة شاب عمرو في السبعة تلاتين .. لكن عقلو يوزن قبيلة .. شوف الزول ده بالله واعي كيف .. اها ابخوسه فات من ودار الزين.. ومشى لي التاية بت مختار ام النسيم ..قال ليها .. انا عرفت بالكلام الفارغ البسوي فيهو ود دار الزين .. الراجل ده باري الاوهام والطيلسان .. وانا هسع جيت داير اطلبك بي الله .. ما تكلمي اخوانك ولاتسوي شي.. لامن انا اجيك راجع .. قالت ليهو سمح اعشاي .. المهم يازول غايتو العرس تم.. والوضع ما مطمن ابدا .. والنسيم لسع جسمها مارجع طبيعي .. ووصلت بيت ناس اب خوسة.. وبقت مرتو على كتاب الله وسنة رسوله .. ابخوسة كان فرحان بالنسيم فرح شديد .. وهي كانت نفسياتها تعبانة .. من اثر الحكيك الفوق جسمها .. وابخوسة كل مرة بطمنها .. انو دي جروح عادية وبقول ليها ده سليخ من بره لابره ..وببرا .. وفعلا الجروح مازي اول ايام .. اها يازول .. ام ابخوسة وخالتو.. شغالات مع النسيم علاجات.. بالقرض والقطران وزيت السمسم وطين البحر .. طبعا دي كانت افضل صيدليه في الزمن داك .. بعد خمسة يوم من الزواج .. ابخوسة مشى لود دار الزين وبقى يقول ليهو في نفس الكلام الكان بقول فيهو للبشير .. ويوضح ليهو في الخزعبلات والخرافات الماشي وراها .. المهم شكلو ود دار الزين ابا يقتنع ليهو .. قام ابخوسة قال ليهو ..طيب انا طالبك طلب ما تحيب رجاي .. دايرك تمشي معاي للشيخ اب كف .. الشيخ اب كف شيخ مشهور.. وعالم علامة .. وهو من تلاميذ الشيخ فرح ود تكتوك .. وماسك الطريق السني.. وبدرس الناس الفقه والتفسير والعقيدة .. وحتى الملوك بياخدو منو الفتوى .. ود دار الزين قال ليهو شيخك ده منكر.. انا مابمشي ليهو .. ده مابقتنع بي كرامات الاولياء.. قال ليهو ابدا يا ود دار الزين.. اولياء الله لاخوف عليهم ولاهم يحزنون .. لكن شيوخكم البشربو الخمرة ديل .. والواحد يعرس تمانية حريم .. ويقول لك انا مالي بالشريعة ؟؟ ديل هسع بتقول عليهم اولياء؟؟ .. (ووفعلا ده كلو كان حاصل ياجماعة .. حتى ياخي قالو يوم ملك اسمو الملك "تيرا" رسل للشيخ فرح قاليهو لازم ترسل لي فتوى مكتوبة تسمح لي فيها اني اتزوج بنتي الكبيرة ..!! الشيخ فرح رحمة الله عليهو رسل ليهو الفتوى وكان نصها : قول للملك تيرا .. زوجنالك بنتك الكبيرة .. بي سنة البغال والحميرا.. ههه اها هسع ابخوسة بحنس في ود دار الزين .. يمشي معاهو للشيخ اب كف الماخد العلم من ودتكتوك حلال المشبوك.. قاليهو انا دايرك تمشي معاي ليهو .. ونسوق معانا التاية بت مختار .. ويفتينا في المشكلة دي .. ولازم يوصلنا لي حل .. قبل ماتجيك مشكلة تخسر اهلك وسمعتك .. وتجيب لها دم يغرق البلد .. المهم في النهاية مع الاصرار..ود دار الزين قرر يمشي معاهو باكر الصباح .. ويسوقو معاهم التاية بت مختار ويمشو للشيخ .. والنسيم العروس قاعدة في بيت نسابتها.. ماجايبة خبر للحاصل بي وراها .. اها يازول كلهم التلاتة الصباح .. شالو معاهم الحجل.. وركبو مشو سنار .. ومشو للشيخ اب كف .. الشيخ كان فعلا من الصالحين واولي الفطنة والنباهة .. سلمو عليهو .. وعرفوهو وروهو اساميهم واهلهم وعرفهم كلهم .. بدت الكلام التاية بت مختار.. ممغوسة لامن بتبكي ..قالت ليهو ياشيخنا اناجاياك متظلمة .. وما دايرة اسوي لي كلام يجيب الدم بين القبايل.. الراجل ده جاب حجل .. وجا ركبو في كراع بنيتو .. والبت حصل ليها وووو.. المهم حكت ليهو المنظر كلو .. لغاية حتة اتهمها واتبرأ من بتو .. دحين ياشيخنا افتح كتابك.. ان لقيتني البت دي جايباها من راجلا" اخر ..وحات الله الا اركب السكين في قلبي هسع .. الشيخ قالها انا يابت مختار ماعندي كتابا" بفتحو .. لكن بترجعو مني بالنجيضة .. الشيخ قبل على ود دار الزين .. قال ليهو الكلام القالتو بت مختار ده حاصل؟؟ .. ود دار زين قال ليهو اي حاصل .. والنبدالك القصة من اولا.. انا اصلا ما بجيب جنى .. والفقير زمان قال انا مابلد .. لكن وكت المراة دي حملت مني .. قلت الحمد لله ربنا من جودو قسم لي .. لكن بقيت شاكي في قلبي .. وكلام الفقير محسكن لي .. اها بقيت كايس للحجل ده.. عشان ياكد لي شكوكي ..ولا يشيلا لي من راسي .. ووووو .. حكى ليهو الحصل .. الشيخ قال اشهد ان لا اله الا الله واشهد ان محمد رسول الله .. ده كلام شنو يازول البتسوي ديهو ده؟؟ .. يعني الفقير شاف اللوح المحفوظ الفيهو اقدار الخلايق وعرف المستقبل ؟؟ وربنا جلا في علاهو بقول (وما تدري نفس ماذا تكسب غدا" ).. عارف يا ود دار الزين.. يوم الرسول كان قاعد وفي بنيات بغنن وهو بسمع فيهن .. واحده فيهن قالت .. وفينا نبي يعلم مافي غدٍ.. سيدنا النبي قال لها دعي عنك هذا.. وقولي بالذي كنت تقولين . لايعلم مافي غد الا الله .. يعني لو كان سيدي النبي عليه الصلاة والسلام مابعرف مافي غد . الا بالوحي .. يبقى فقيرك ده افضل من سيدنا رسول الله؟؟ .. عليه الصلاة والسلام؟؟ يازول ماتخاف من الخلقك.. بعدين ده حجل شنو البعرف ود الحرام من ود الحلال؟ .. وكمان يجيب السعادة والمرض؟؟ .. استغفر الله العظيم .. كدي ناولني الحجل ده جاي .. انت شكلك يا ود دار الزين مابتقتنع بالكلام.. لكن انا بقنعك بالفعل .. الشيخ مسك الحجل وبقى يقلب فيهو.. وكورك لي واحد من الحيران .. ياود فاضل؟ يا ودفاضل .. ود فاضل جا جاري حفيان .. قال ليهو نعم يا شيخنا .. قال ليهو عليك الله امش لي بابكر ود حسب الله .. قوللو شيخنا قال لك رسل لي خمسة فرخات (خدم رقيق) من بنات السفاح .. يعني بنات حرام عديل شيلة ودقة.. مافيهن اي نقاش .. بابكر ود حسب الله من اعيان سنار .. وكان عندو كمية من الرقيق .. وبشتري وببيع .. وطبعا" الخدم زمان يلدن ساااكت.. يحملن ويلدن لاعرس ولاغيرو .. والجنى ذاتو ابوهو مابكون معروف منو.. .. المهم ده الحاصل في الزمن داك .. اها يازول الخدم الخمسة فتيات لقيطات بنات سفاح حضرن قدام الشيخ.. وودار الزين .. والتاية .. وابخوسة .. الشيخ نادى الاولانية قالها مدي كراعك .. ولبسها الحجل .. مسافة .. و طلعو منها .. ونادى التانية.. ولبسها الحجل .. وطلعو منها .. الاتنين ديل ماحصل ليهن شي .. ولا انكرشن ولا اتحكن .. التالتة ناداها .. بس دخلة الحجل في كراعها.. بقت تنكرش .. طلعو منها .. وركبو للاتنين الاخرات ماحصل ليهن اي شي .. وود دار الزين يعاين ..... محتار وخاتي ايدو فوق خشمو ... والبت المسكينة البتنكرش وتتلوى .. الشيخ قال للحوار جيب لي موية .. جاب ليهو موية .. قرا ايات في الموية وكشحها بيها البت هدأت .. وبقت طبيعية والشيخ قاليهن امشن .. خلاص .. الشيخ عاين لي ود دار الزين.. وقال ليهو مالو ياخوي الحجل ده ماكشف الاربعة ديل؟؟ .. وخبارو اتسلط على البنية المسكينة دي ؟؟ قالليهو والله ياشيخنا انا براي هسع احترت في الموضوع ده ..وندمت لامن سفيت التراب .. قال ليهو اسمع يا ود دار الزين ..الحجل ده فيهو سحر شيطاني ..معمول لي زول طبيعتو نارية .. وبأثر في اي زول طبيعتو نارية .. ومابأثر في زول طبيعتو ..ترابيه ولا مائية ولاهوائية .. فهمت الكلام ده .. ود دار الزين قال ليهو والله مافهمت .. قال ليهو ده كلام كبير عليك .. لكين خليك عارف .. قصة انو حبوبتك شافت الحجل في النوم ده كضب .. ده سحر شيطاني .. وكان مشيت سعلت بتتكشف ليك اسرار الزمان .. الكلام ده كلو كضب في كضب .. تعال يا ود فاضل (الحوار) .. شيل الحجل امشي ارمو في البحر وتعال .. ياود دار الزين .. قوم اعتذر للمراة دي .. واطلب منها العفو .. المراة دي كان رفعت ايديها وشكتك على الله بتغس حجرك .. ود دار الزين برك في الواطة.. ومسك في كرعين التاية.. ويبكي زي الشافع ويعتذر .. وابخوسة واقف هناك يبكي ويقش في دموعو .. والشيخ رفع ايديهو يحمد في ربنا .. ديل الصالحين الجد .. الى اللقاء .. | ||||
|
| |
|
16-12-17, 03:42 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة 6 التاية قالت ليهو .. يا شيخنا الراجل ده تاني ماصح اعيش معاهو موكدي؟ .. الشيخ قال ليها كيفن مالو ؟ .. قالت ليهو انا سمعت بقولو.. الراجل اكان شك في مرتو .. بتحرم عليهو .. قال ليها مافي كلام من ده في الدين .. الا يصل درجة اللعان .. والادلاء بالشهادات قدام القاضي .. لكن الشك والظن العادي.. مابصل درجة التحريم .. ده كلام قاطعنو الناس من راسهم ساكت .. ود دار الزين قشقش دميعاتو . وقعد على حيلو.. قال ليها والله يا التاية.. انا اصلا ماشفت عليك شر .. على الخصوص في حملك بي بتي النسيم ..فشان من عرستك .. مافارقتك لامن شلتي جناك .. بس ياهو كلام الفقير.. والحجل الملعون ده.. على قول عمي البشير . الشيخ اب كف قال ليهو انت يا ود ار الزين.. ماحكيت لي الحجل ده جربوهو في منو قبال كدي؟؟ وحصل شنو؟؟ وعمك البشير بقول ملعون ليه؟ قال ليهو والله ياشيخنا الشي ده سبب جنس مشاكل.. لا ليها اول ولا ليها اخر .. اول شي على حسب ماحكو لينا ج.. دي كان معرس مرتين .. حبوبتي ام ابوي بت عمو لزم ..ومراة تانية غريبة من الحسناب .. كانت عنها بت وولد . واهلنا طلعو فيها اشاعة.. قالو ماها عديله ..(طعنو في شرفها) .. قامت حبوبتي قالت انا جوني جماعة في النوم .. وقالو لي بنديك حجل .. بكشف اولاد الحرام من اولاد الحلال ومشت الخلا جابت الحجل ده .. وقالت لي جدي تشيل الحجل.. تجربو في اولاد المراة .. والبمرض منهم ده ياهو مو ولدك .. وجدي شال الحجل .. وجربو وطلع ود الحرام الولد.. والبت طلعت بتو .. قامو اعمامي غدرو بالشافع وكتلوهو.. والام جدي طلقها . والبت الطلعت بتو جنت من المصيبة .. بعد مدة كدي ماتت.. وامها لحقتها بعد شهر.. وبقى اي زول يشك في مرتو.. بجي لي حبوبتي ويشيل منها الحجل .. وحصلت مشاكل.. وحريم اطلقن .. وشفع كتلوهم .. وبعد داك عمي البشير حبوبتي ادت عمي البشير الحجل وقالت ليهو ادفنو في محل وماتوريهو اي زول .. ونحن غايتو اتصلطنا لامن مرقناهو .. الشيخ يسمع في القصة لامن بكى .. قال ليهو ياود دار الزين.. حبوبتك ام ابوك ان شا الله ربنا يتولاها بي رحمتو.. لكن رحلت الدار الاخرة بي سيئات متل الجبال .. انت هسع بتكون فهمت .. انها القصة ماقصة ود حرام ود حلال .. للاسف .. الظلم وقع على المراة الحسنابية .. وبتها وولدها .. ربنا يمرقكم يوم القيامة من حقهم .. دي ياود دار الزين .مضاررة ضرات .. الحجل معمول فيهو عمل مخصوص عشان يسبب المرض لي واحد في الوليدات ديل .. مو عشان ود حرام ولا ود حلال .. على حسب الطبيعة . والولد كانت طبيعتو نارية متل طبيعة بتك النسيم .. ومتل طبيعة الشفع الكتلوهم بالظلم كلهم .. نسأل الله السلامة .. ود دار الزين قال ليهو عليك الله ياشيخنا .. طبيعة نارية وترابية كيف يعني .؟ الكلام ده انا موواقع لي .. قال ليهو يا ود دار الزين.. اصلا السحرة والمنجمين .. مقسمين البشر على اربعة طبايع . هوائية ومائية وترابية ونارية .. ومقسمنها على حسب الابراج الفلكية . مثلا يقول ليك ناس برج الميزان هوائية . وناس الحمل ناريه .. وناس برج التور ترابية.. وناس الجوزاء مائيه.. وطبعا" الكلام ده كلو تنجيم وكفر في الاسلام محرم .. اها بقومو يسألو من اسم الزول.. واسم امو .. والشهر المولود فيهو.. ويشوفوهو واقع في ياتو برج .. وطبيعتو ياتا في الاربعة ؟ ونوع الطلسم البنجح مع الطبيعة دي .. اها ان بقى الدجال مضر .. ببقى السحر يضر ناس الطبيعة بلا حروف ولاتعيين.. كلهم .. لكن الطبائع التانية مابضرها ..وكلو كفر في كفر والعياذ بالله .. عارف مرات يكونو كاشحين عمل تراب قدام بيتك عشان يضرك انت باسمك وطبيعتك .. يجي يطاهو زول غيرك يضرو .. يجي يطاهو زول تاني مايضرو .. ده الفرق .. في الطبايع .. اها ياخوي هسع على حسب حكايتك دي .. الظاهر والله اعلم انو حبوبتك الله يسامحها .. عملت السحر لاولاد ضرتها .. ودمرت اسرة بالكامل . والشر اتعدا لي ناس تاني .. كلو بي سبب كضبة الحجل البكشف .. وجهل الناس . ثم انت بذات نفسك كان ماك جاهل تصدق الفقير البدعي الغيب .. وتصدق الوهم ده ؟؟ ود دار الزين قال ليهو يا شيخنا معناها يعني انا عادي بنجب ؟ قال ليهو ياود الزين ماتبقى راجل جاهل .. الذرية دي بيد الله .. نبي الله زكريا ربنا وهب ليهو الذرية بعد اشتعل راسه شيبا.. ووهن عظمه .. ومراته كانت عاقر .. خليك راجل متعلم وابعد من الفقراء والغشاشين .. ود دار الزين قال والله دابي ضميري ارتاح .. الله يجزاك الخير ياشيخنا .. وانا والله هسع ما مشتاق لي شي .. غير مشتاق امشي لي بتي النسيم .. واسلم عليها بالمقالدة. (بالحضن) .. لانها يومها المارقة عروس.. كنت متضايق منها.. ولاقدرت اعاين ليها في وشيها .. ولاوادعتها .. وانا ياشيخنا ان شاء الله.. كل يوم سبت.. بجي بحضر معاك حلقة العلم .. غايتو الحمد لله الجماعة قامو من عند الشيخ الصالح .. ربنا يثيبو الجنة .. وقامو متراوحين على حلتهم .. في الشارع بتونسو الاتنين.. ود دار الزين بي جملو العنافي .. والتاتية راكبة البكرة ام شبرية.. السارت بيها النسيم لي بيتها .. واب خوسة سايق حمارتو الحمامية المشهورة ..  ^_^ .. التقول بعاين لهم قدامي .. طبعا التاية متبلمة تب بي دوب الدمور المغزول غزل .. وساكتة ساكت .. وشكلها لاهسع عندها باقي زعل .. ومحرجة ل.. كن الاوضاع مطمئنة يعني .. اها يازول بعد وصلو الحلة.. ناس ود دار الزين (بنزلو ) .. وابخوسة لسع بمشي شرق .. هو ساكن برة الحلة .. شوية في حتة خلوية كدا .. زي ربع ساعة من ناس ود دار الزين.. ود دار الزين قال ليهو يا اب خوسة.. انا باكر من الصباح بجيك اشرب معاك القهوة .. وجاي اسلم على النسيم بتي .. قال ليهو حبابك ياسيد الكلمة .. واب خوسة وصل بيتو .. لقى النسيم راجياهو في ظل القطية .. اول ماوصل .. وقفت ليهو علي حيلا .. وجاتو شالت منو العصاية .. وطلعت الطاقية من راسو . وختت ليهو الوسادة فوق العنقريب .. وجابت الطش بتاع النحاس.. وكبت فيهو موية وملح .. وغسلت ليهو كرعيهو .. ونشفتهن بي طرف فستانها حق العرس .. فستان غالي شديد.. غازلينو في شندي .. وامو قاعدة هناك في ضل راكوبة التبس حقتها .. تعاين .. قالت ليهو عاد يا عمر ولدي.. ابوك الولدك مالقى مني الاحترام ده .. عان الجيهه والحال السمح تحمد ربك ياولدي.. ربنا اداك حسب نيتك .. والنسيم مدنقرة وتتبسم .. قال ليها الحمد لله يمة .. ربنا كريم على عبادو.. ان شاء الله النسيم ربنا يخليها لي .. زي ماعرفنا من الوالدة العجوز دي .. انو ابخوسة اسمو الحقيقي عمر .. النسيم قالت ليهو يا فلان انا طالبه منك شي .. طبعا" زي ما ملاحظين .. مابتقول ليهو بي اسمو نهائي .. المراة مابتجيب اسم راجلا لو كتلوها .. ونسيبها ذاتو مابجيب اسمو .. لمن تجي تناديهو بتقول ليهو ياعمي .. المهم قال ليها اها يا النسمة طالباني شنو؟ قالت ليهو زح جاي قرب اضانك النقول لك .. قرب عليها واداها اضانو.. قالت ليهو دروين لاقدام كل زول يبيت "تو" .. !! ههه دي دايره ترجمة .. يعني .. (لمدة اسبوعين كل واحد فينا ينوم في حتة براهو..) .. قال ليها تحت امرك ياسلطانة .. قالت ليهو تسلم انت ياسيد الرجالة .. المهم فعلا كل زول بقى يبيت براهو في حتة .. ناس البيت كلهم خمسة بي النسيم .. المراة الكبيرة وراجلا راقدين في مكان .. والرسالة والنسيم راقين في مكان .. وعمرابخوسة براهو في مكان بره هناك ببيت قدام مع دوداب الدرب .. (طريق مرور المواشي) .. باكر الصباح .. دغش الرحمن.. قام العريس ابخوسة .. وشال فاسو .. وحبالو وركب حمارتو ..وكبس الخلا يجيب الحطب.. لا شهر العسل ولا لخمة .. ناس دايرة تكسب زمنا .. وكت الفطور جاء راجع.. وجاب حزم الحطب المي خمجانة.. الحمارة لامن بتقنت .. ونزل الحطب.. والنسيم اتلقتو بي نفس الاهتمام .. ودايرة تجهز الفطور قال ليها اصبري.. انا راجي ابوك.. ظنيتو يجي يفطر معاي .. قالت ليهو ابووووووي ياحليلو .. قالك جاي؟ قال ليها ايوة قال لي بجي اشرب معاي القهوة .. قالت ليهو عاد النقولك ..ابوي جبنتو يامع الشرقة.. يا نصت نهار .. افطر فطورك ساكت .. واترجاهو اليجي.. بجيك الشمش مع الصنقور .. (يعني الشمش قصاد نص الراس) .. ههه غايتو النسيم عندها جنس كلام.. عسل بس .. والحناكيش طبعا" بسطحو .. المهم فطر.. وانتظر شوية .. عاين من هناك . نفرين راكبين جمال ..جايين عليهو .. قال ليها يا النسيم؟؟ .. كدي تعالي عايني هناااااك.. ده ابوك . لكن المعاهو ده منو؟؟ ماعرفتو ؟؟ .. قالت ليهو بري ماعرفتو .. وفعلا هم شدة مابعاد.. والواطة سخنه ..والرهاب مالي الحتة .. تعاين ليهم يرجفو ..زي الزول الواقف بي ورا النار .. وجاين ماشين .. واب خوسة يسوي ياربي المعا ود دار الزين ده منو؟؟ وكت قربو عاين ليهم تاني.. لقاهو ليك ده "بامبي" .. ابخوسة قال اب اب اب .. انا اخوك ات .. بامبي الليلة جاي من وين؟؟ .. ازول الزول ده ماقال لي اول عرسك مايتم.. عندي طلب تنفذو لي .. وانا وعدتو.. ياربي الليلة جاي يطالب بي طلبو ولا شنو؟ اول ماوصلو .. اب خوسة وقف ليهم على حيلو.. وقالهم حبابكم حبابكم .. سلامات ومراحب .. والنسيم جات سلمت عليهم.. ودخلت على التكل .. (التُكُل : المطبخ) .. لكن طبعا بختلف عن المطبخ الان ..كان عبارة عن راكوبة قش .. فيها صاج عواسة .. تحتوحجار اسمهن اللدايات .. وحلة عصيدة وحلة ملاح .. وعدة الشاي وعدة الجبنة .. النسيم دخلت عليهو .. والرسالة قامت نزلت الجمال .. وعقلتهن ..الرسالة عمرها 12 سنة لكن بت ملحلحة وعودا فارع ومُرْ .. وجابرة وعالية تشوفا تقول بت 17.. ابخوسة قام دخل على البهائم .. عزل ليهو حمل بج (يعني لحمو هش) .. وشخخخخ ضبحو .. ود دار الزين .. قالهو ..يازول ده شنو؟ نحن قلنا ليك ناس قهوة وماشين .. ماعندنا مهلة نرجاها .. قال ليهو يازول دي كرامة ..شكر لي الله الجابكم لي .. اها في اتنين اتنين من ولاد الحلة.. مسكو البهيمة شغالني فيها .. سلخ وتقطيع .. واب خوسة جا قعد مع الضيوف .. ود دار الزين وبامبي .. طبعا ياجماعة بامبي مسمنو على (البامبي) الخدار الواحد ده.. الاسمو البطاطس الحلوة .. لانو زول وشو شين ومخفج كدا .. لكن اسمو الحقيقي عبدالباقي ودابرق .. من العمراب . وعمرو في الخمسة وخمسين بالتقريب .. المهم بامبي ده .. قال لي ابخوسة اها يا ابخوسة انا جيتك ياخوي على مواعيدي .. ووعدك لي .. انا قت لك النسيم ..بمرقا ليك من ود مكتول ..واسلمك ليها .. ويهدي ماشاء الله قاعدة في بيتك .. انا وفيت لك بوعدي.. ودايرك توفي لي بوعدك .. دحين اخوي انا والله بدور الرسالة اختك دي .. وانت وعدتني.. ان بقى الموضوع من دمك بتمرقو لي موصح؟ قال ليهو والله صدقت.. وانا على الجزيمة احسن منك ماني داير ليها.. علا عاد الشورة دي ماها عندي.. مادام ابوي حي .. انت بس اخد راحتك وحلل الزاد.. وانا باخد لك الشورة من ابوي .. الضبيحة لسع ماجهزت.. لكن النسيم جابت القهوة وجات.. ختتها قدام ابوها وعمها بامبي .. متقنعة تب .. واب خوسة دخل على ابوهو.. قال ليهو ابوي في ضيفان جو برة .. قوماكا ارح عليهم .. وقبال ماتمشي .. عبدالباقي ودابرق من اهلنا العمراب ديل .. كان بتعرفو .. قال ليهو بعرف ودابرق.. لكن عبدالباقي ده ماعندي معاهو معرفة مالو؟؟ قال ليهو المهم ولدو يهوده.. وقال بدور ياخد الرسالة .. وهو كان ماخد مني وعد قبال .. داير تبر وعدي وتمرر الرسالة ليهو .. قال ليهو اصبر لي النمشي اقابلو.. واجي اديك راي . لكن ياعمر ولدي.. هسع اختك دي لاهسع جاهلة وامها كبرت .. كان ساقا مننا .. تاني بنقبل على وين ؟ قال ليهو دي ماها مشكلة يابا.. النسيم خلاص بقت بتكم.. والحياة اصلا ماشة كدي .. بت تمرق من البيت .. وبت تدخل البيت .. والبيت بلا بنوت .. اخير منو التابوت .. قام مرق معاهو على الضيوف والراجل الشايب سلم على ود ار الزين .. وقعد يشكر في النسيم .. وحياها واحترامها لي زوجها ولي انا ولي ام راجلا .. ويحكي ويعاين بي طرف عينو .. طبعا الراجل كبير لامن ضهرو محني .. لكن مرتو اصغر منو شوية .. اصلو الزول مابقول الرسالة بتهم .. بعد شربو الجبنة .. والشية ريحتها ضربت .. وعطرابتها قاجة .. الشايب قال لي ولدو ابخوسة تعال ياعمر دايرك .. ابخوسه قام جاهو .. قال ليهو ياعمر ياولدي الراجل ده كبير تب على اختك .. وانا خايفها تاباهو .. وبعدين زولا" شين مابتقابل .. وشيهو .. استغفر الله العظيم .. اب خوسة قال ليه يابا الكبر مو مشكلة .. انت عرست امي وانت كنت اكبر منها بي عشرين حول .. والراجل مابعيبوهو بي شناتو.. الراجل بعيبوهو بي جبانتو وبخلو وقلة ادبو .. وديل كلهن في بامبي مافي .. قال ليهو اها كان اختك قالت ماها دايراهو.. بتقدر عليها تجبرها؟؟ الرسالة قاهرة وقارحة .. قال ليهو والله انا بقدر اجبرها .. لكن العالم قال.. البت كان جبروها على العرس.. بكون العقد باطل .. وبكون حرام ذاتو .. (بالله ياجماعة ابخوسة ده موجود في الزمن داك؟؟ .. يا سبحان الله .. غايتو زي ماقال الرسول .. عليه الصلاة والسلام .. لاتخلو الارض من قائم لله بحجة .. اما ظاهرا" جليا" واما باطنا" خفيا" .. كدي النشوف الرسالة الشافعة القارحة دي بتقول شنو؟.. الى اللقاء .. | ||||
|
| |
|
16-12-17, 04:19 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة 7 الرسالة .. قاعدة جوة خاتة الصاج حق اللحمة وشغالة .. والنسيم جهزت المرارة .. وكوركت في لي اب خوسة .. هوي .. هاا عوووك... طوالي جاها شال المراة .. وقال للرسالة انا جاييك في غرد دايرو منك .. قالت ليهو حبابك وليك عويناتي .. مشى اخد معاهم قعدة.. وجاها راجع .. قال لها .. شفتي الراجل القاعد برة مع ابوي ود دارالزين دهيا الرسالة .. قالت ليهو اي بعاين ليهو ترا شايفاهو اها شن خبرو ؟؟ قال ليها قبال عرسي بالنسيم .. كان في راجلا" عجوز متشربك فيها.. والزول ده قال لي انا بفكو منها.. وابقالك سبب في عرسك.. بس عندي منك غرد تديني ليهو .. اناقتلو اكان درت نوم عيني.. بديك ياهو .. اها هسع جاني قال لي بدور اخد الرسالة .. وهسع الكلام عندك شن بتقولي؟.. قالت ليهو عاد انا عندي قول؟؟ بعد قولك يا خوي ؟ انت راسي وانت كرعي .. البتقولو بسويهو.. اكان قلت لي ملي راسك ده .. في النار دي بملو .. قال ليها والله ياها الكنت حاريها فيك .. كلام مافي .. النسيم قاعدة تسمع .. النسيم قالت ليهو خلاس انت امش .. اقعد معاهم شوية .. وما تديهو الموافقه.. لامن تجيني راجع .. قال ليها لشنو يا النسم؟ .. قالت ليهو قت لك كدي بس انت ماتابا كلامي .. قالها .. سمع النسيم اجيك بعد شوية .. قالت ليهو لالا اخد قعدتك تب.. لامن الاكل يجهز .. فات مستغرب طبعا .. وماهو عارف النسيم عندها فكرة في راسها .. بعد مرق .. النسيم قالت للرسالة.. انتي يا الرسالة الراجل ده شفتيهو تب؟؟ واتاكدي منو؟ قالت ليها شفتو ..اشوف نبي الله.. ترا بعاين كبير وقبيح.. لكن عاد اقول شنو؟؟ دي قسمتي وكلمة اخوي .. ورمت ليها دمعتين زي اللؤلؤ في خدودها الغضة البريئة .. النسيم قامت مسحت ليها دميعاتها.. وقالت ليها اصبري انا بمرقك وامرق اخوك .. قالت ليها عليك يا النسيم بتقدري؟ قالت ليها اصبري شوفي براك .. صبرت لامن جاها اب خوسة داخل في التكل .. قالت ليهو الرسالة ماها دايرة الراجل ده .. لكن ماها دايرة تكسر بي خاترك .. قال ليها والله يا النسيم انا براي ماني دايرو ليها .. لكن عاد الراجل مسكني ايدي البتوجعني .. قالت ليهو انا بفكو منك ..اكان مافكيتو منك ما اكون النسيم بت ود دار الزين .. هو اسمو بلا البامبي .. اسمو العديل منو قلت ؟؟ قاليها اسمو عبدالباقي ودابرق.. قالت ليهو امشلو وقولهو .. اديناك .. وباركلو وتعال .. وتعال لي راجع .. وفعلا مشى اخد ليهو قعدة .. وقال ليهو يا عبدالباقي .. نحن اديناك تب .. ابوي مشى الكلمة والرسالة مشت الكلمة .. مبروك .. وربنا يتم على خير.. وجا تاني للنسيم قال ليها اها .. النسيم اتبلمت بي توبا .. ومرقت على الضيوف قالت ليهو .. يا عمي عبد الباقي بدور لي معاك كلمتين .. وساقتو مشت قريب الراكوبة حقة الحاجة ام عمر ابخوسة .. وجرت العنقريب على الضل وقالت ليهو اقعد .. وهو متلفع بي توب .. وشايل ليهو عصاية متر ونص .. قعد في العنقريب وهي نزلت التبروقة المعلقة (برش الصلاة) وختتها قدامو وقعدت اتربعت فيها .. قالت ليهو .. انت في مقام عمي اخيييي.. ابوي نعمنك من زمان بسمعبك عندو .. دحين انا طالباك بي الله طلب.. وغردا بدورو براااي .. بس ماطلبتو منك قدام الرجال .. عشان عارفاك مابقمحني ..(يعني تردني خايبه) .. قال ليها قولي يا النسيم البتقوليهو انا بنفذو ليك ..قالت ليهو فوقك نَضُر؟؟؟ يعني (بتوعدني؟؟) .. قال ليها ايا حرم .. قالت ليهو البنية تبكي .. ومي دايره العرس .. ووافقت عشان ماتكسر كلمة اخوها .. دايراك بس تديني وكتي معاها .. انضم معاها .. واحولق فوقا بي جاي وبي جاي .. لامن براها ترضى .. سيد بيتي قال.. العلماء قالو.. البنية كان مارضت عرسها حرام .. قال ليها دي حقيقة يا النسيم .. وانا طلبك بنفذو .. وهسع تب ماني جاي عليها .. قالت ليهو البت هسع صغيرة . وماها فاهمة شي ..ومافي زول علمها .. وانا براي دابي جيتهم .. داير ابل فيها شوقي.. واعلمها امور الحريم .. قال ليها اها يا النسيم يابتي ..اديك كم من الوكت ؟ قالت ليهو .. كان حولين كان تلاته (سنتين تلاتة) .. قال ليها لكن ماهن كتار علي ..؟؟ قالت ليهو ماهن كتار.. وقول اريتا ترضى .. قال ليها اريتا ترضى.. سكتت مسافه وقالت ليهو .. بس انت ماتقول لابوي ولاتقول لي سيد بيتي الكلام ده .. الرجال باركولك .. انت قولهم داير لي وكت شوية ..وبرجع لكم.. وماتحدد وكت .. عشان الشي دا مومعروف .. انت راجل ضو قبايل .. وانا مالية يميني منك .. وكت جيتك عارفاك .. قال ليها والله يا النسيم بعد قعدتك قدامي وكلامك ده .. ان بقيت قمحتك يبقى انا ماني راجل .. قالت ليهو واناطمعانة في كرمك اكتر من كدي.. قال ليها اكتر من كدي اسوي شنو يعني ؟ قالت ليهو صاحب العقل يميز .. سكت مسااافة .. وفهم قصدها .. قال ليها سمح براك بتشوفيني .. ود دار الزين وابخوسة قاعدين يعاينو ليهم بنضمو لكن مون عارفنها بتقول ليهو في شنو .. وددار الزين سأل ابخوسة قال ليهو والله النسيم بقت شديدة ولضيضة.. قلت لي هسع بتقنع فيهو يغير رايو؟ قال ليهو والله مابعرفها.. بتقول ليهو في شنو .. النشوفو بعد يرجع .. اها النسيم قالت ليهو النقوم الحق الاكل الرسالة براها .. قامت مشت على التكل .. وبامبي جاء قعد مع الجماعة .. ود دار الزين قال ليهو قالت ليك شنو البت دي؟؟ قال ليهو شن ليك بيها ..(مالك ومالا) .. بتي ونضمت معاي.. وانا عمها .. وهي كان دايراكم تعرفو .. ساقتني براي؟؟ سكت مسافة وقال ليهو يا ابخوسة.. والله ياخي انت راجل ووفيت بوعدك .. ونفذت طلبي تب ماقصرت لكن انا براي .. الموضوع ده قلبي مادارو .. ان شاء الله البت تجيها قسمتها .. انا نزلت من ضهرك تب .. اهااالاكل جاء والجماعة ضربو في اللحم لامن شبعو فضلة خيركم.. وفي لقمة عصيدة بي ملاح ويكة .. مقلوبة فوق صحن طلس ابيض .. والملاح كابنو في قرعة .. غايتو حياة لذيذة .. ياسلاااااااااام .. واتونسو بي الامور السياسية .. وبتكلمو عن مشاكل القصر في الممكلة والمكايدات الحاصلة في الزمن داك .. وقاموا ودعوهم وود دار الزين ادى بتو منديل مصرور فيهو شي.. مو معروف شنو .. بالنسبة لي ممكلة سنار كانت مملكة بمثابة خلافة اسلامية .. باسطة سيطرتها على نطاق واسع .. كانت في منافسات شديدة على سلطة الككر والطاقية ام قرينات .. والدسايس شغالة داخل القصر.. وفي غرف السلطان والاميرات .. والناس كلها مارضيانة من الوضع الحاصل في البلد .. الملك ضعيف وولدو سفيه .. وهو الباقي الوحيد من اصل اربعة اخوان سممتهم امهم .. والملك ما داير يوصي لاولاد اخوه .. وربنا يجيب العواقب سليمة .. اها يازول مرت الايام والحياة في بيت ناس عمك ود دار الزين ماشة في امن وامان .. والنسيم جسمها رجع زي ماكان واحسن .. حيث الخلايا الجديدة انضر والمع .. وبقت بعد العرس اية من ايات الله .. بعد مرور 8 شهور والنسيم عايشة في بيتها احسن عيشة وناس البيت بحبوها حب منقطع النظير والراجل الفحل الضو ابخوسة سعيد سعادة لاتوصف .. راضي بي وضعو وماكل وشارب وعالف وساعي والنسيم بتحبو حب مبالغ فيهو.. وكل يوم الحب بينهم يزيد .. ولكن الفرحة لاتدوم كثير اصلا .. وكان الدنيا بتحسد الانسان في الفرحة والسعادة .. طبعا من الصباح البرنامج انو الرساالة بتمرق ترعي البهايم لغاية نص النهار كدي وتجي ومابتبعد من الحلة كتير .. واب خوسة بمرق يجيب الحطب ويوزعو على الحلال .. ويوم يكون في سوق بوديهو السوق الا السوق اسبوعي .. والنسيم بتمرق تجيب الموية من البير .. بتشيل صفيحة ومرات تشيل القلة وتتوقى بي طرحة .. يعني (تلف الطرحة في شكل عمامة صغيرة وتختها فوق راسها عشان تخت فوقها ماعون الموية.. لانو المسافة من البير للبيت بعيدة شوية .. وتجي تسوى الاكل وتقوم بي شؤون الابو والام .. اها يوم من ذات الايام النسيم لبست توبها واتوقت بالوقاية ومرقت على البير والكلام من الصباح .. شافت لها اربعة انفار جاين راكبين حصين .. تلاتة حصين سود وحصان واحد ابيض .. الراكب الحصان الابيض جاري قدامهن واحد بيمينو وواحد بشمالو وواحد وراهو .. وجو من بعيد قاصدين البير .. النسيم ظنتهم دايرين يسقو حصينهم .. وكت وصلو هي كانت بتنشل وبتنوني .. وهم وقفو بعاينو ليها .. مرقت الدلو من البير .. وكبتو في قلتها .. وكانت عرقانة .. وهم واقفين بالناحية الشرقية .. عاينت ليهم كدا ومسحت العرق من جبهتها .. وشها ده زي قعة القمر .. الراكب الحصان الابيض نزل جا ماشي عليها .. لابس لبس رهيب جبة وعليها عباية وفوقها ركامة مشغولة بالرقاش .. قال ليها انتي منو؟ وبت منو؟ وجاية من وين ؟ انتي انسية ولاجنية ؟ انتي عايشة في البلد دي وانا ماعارفك؟ قالت ليهو انت منو؟ قال ليها انا الامير فلان ود الملك فلان .. ملك ممكة الفونج .. وسلطان سنار .. انا ولدو الوحيد.. قالت ليهو والمعاك ديل ؟ قال ليها ديل حراسي .. قالت ليهو اتفضلو علي البيوت سيد البيت مرق وبجي .. النكرم مثواكم .. قال ليها لالا انتي تكرميني انا بس وهنا وهسع .. ومسكها من يدها قالت ليهو هوي هوي .. وحات الخلقني يجي راجلي الا يقطع راسك .. ماتقول لي ود الملك .. انت ماك عارف انا بت منو؟ انا بت ود دار الزين .. المابياخد بالدين ..وفي الديوان الملكي عندو رايا" زين .. قال ليها وانا ماك عارفاني ود منو ؟ انا ابوي السلطان ..سيد الديوان .. ابوك قدامو زي الجعران .. واسمعي انا انا باخد منك الدايرو.. وبمشي وكت يجي راجلك.. كلميهو خليهو اليجي يشكيني في القصر.. النشوف البموت منو انا ولا هو .؟ واحد من الحراس قال ليها يابت هوي ..انتي قنعانة من راجلك ولاشنو؟.. يابت خلي الامير ياخد الدايرو ويمشي ..ولا ده شاف لا سمع.. والامير ماسكها من يدها وعرفت انو الوضع فعلا خطير وفيهو موت لي اب خوسة.. لانها سامعة بالظلم الحاصل في المملكة واستبداد الامراء على الناس .. قالت ليهو خلاص كويس تعال جاي.. ديل مايسمعونا النقول لك كلام .. انت ذاتك انا شايفاك راجل تملا العين لامن تفضل .. لكن ماني دايراك بالحرام . دامني عجبتك ومليت عينك .. خلني ابقى مرتك.. انت تسعد وانا اكون مراة الامير .. نسبي حر.. وابوي من اهل الشورى.. انت بس اصبر لي انا اطلق الراجل ده.. وانت تعال اخدني .. لكن والله تحاول فيني بالحرام .. انا اقد قلبي بالسكين .. واشكيك على الله يلعنك لعنة لامن تموت بي حسرتك .. اخير لك الحلال .. واكون معاك طول عمرك .. قال ليها خلاص موافق .. لكن والله تغشيني ,, انا براي اجي اكتل راجلك واسوقك قدام اهلك .. قالت ليهو انت مابتخاف من ابوك الملك؟ قال ليها ملك شنو؟ ابوي عجز خلاص.. وانا هسي العندي الكلمة عليهو هو ذاتو .. انا والله بسوي الدايرو .. وابوي يقول حاضر .. انا ولدو الوحيد .. وانا وريث الككر ..(الكرسي) اسعلي ابوك من الكلام ده .. انا قبال شهر سقت لي بت من اهلها وكتلت ابوها وقضيت منها بعد اسبوع بعناها مع الرقيق .. والنسيم مطيرة عيونا وتعاين ليهو .. قالت ليهو خلاص بعد تعرسني انا تاني مابخليك تقبل على مراة .. انا يادي. عروس لي تمانية شهور .. قال ليها خلاص انا بعد دور تمانية يوم.. بجيك وكان لقيتك طلقتيهو بسويلك عرس ملكي وابوك يكون اسعد مخلوق .. وان لقيتك ماطلقتيهو .. بس اقنعي منو والله اقطع لك راسو واختو ليك في طرفك .. وركب مشى .. الى اللقاء .. | ||||
|
| |
|
16-12-17, 04:21 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة 8 النسيم مشت البيت .. وكانت خايفة خوف شديد.. وبترجف من راسها لاكرعيها .. ومتوترة .. وماعارفة تعمل شنو؟ وتقول انا كان سكت.. ياهو الزول الملعون جاي دور الليلة .. واكان كلمت سيد بيتي .. مابسكت .. ياهو الشال سيفو ومشى على القصر .. ويموت على امو وابوهو .. وانا اتهمل.. والرسالة تتهمل .. وبعدين الملعون ده يجي يسوقني ويمكن يقتل ابوي . واكون ماسويت اي شي .. غير كتلت الغالي وحرمت منو اهلو المحتاجين له . وفقدت ابوي .. وبقت تدخل من هنا وتمرق من هنا .. وحايمة بالسهلة حفيانة زي الزول الرايحالو حاجة .. نسيبتها ام اب خوسة لاحظت ل.. يها قالت ليها انتي يا النسيم .. من جيتي من البير ماك عديلة.. مالك يابتي؟ .. قالت ليها والله ياخالتي ماني عارفة .. انا طيبة .ولاماني طيبة . مخي ده مزوزو .. الا يكون ضربني شيطان .. من شواطين الخلا ديل.. انا ماشة اهلي ياخالتي انا ماشة اهلي .. قالت ليها قولي بسم الله يابتي.. وختي اليقان في قلبك .. اليجي عمر ولدي .. قالت ليها ولدك مابدورو .. تاني مابدورو .. ام ابخوسة قالت ليها ..ياربي لاتمحنا ولاتبلينا .. كيفن الكلام ده يا النسيم بت التاية ؟؟ قالت ليها ياهو الكلام العديل .. انا تاني ماعندي قعاد معاكن هنا .. النسيم قعدت في الضل.. واتمددت في الواطة .. وبقت تبكي تسكل .. ودموعها ديل يشتتن اربعة اربعة .. تقول.. الليلة وافليلك يا النسيم .. الليلة وا رحيلك يا النسيم .. الليلة ياحليلك يا النسيم .. ياها قسيمتك يا النسيم ..يا القليلة بسيمتك. يا النسيم .. اها المراة ديك جات وقفت تعاين ليها.. وغزت كيعانها .. قالت ليها .. النسيم يابتي انتي بصح والله ماك طيبة .. اليجي عمر ولدي نوديك للفقير يعزملك .. قالت ليها مرضي مو مرض عزيمة .. حياة الدنيا على فقدت طعيما.. .. اريتو كان شال روحي .. ارويتو كان كتلني .. قالت ليها هو منو يا النسيم؟ .. قالت ليها مابعرفو ياخالتي وشن خبرني بيهو؟ .. قالت ربي يشفيك يابتي.. ياربي تخفف المحن وتزيل البلا .. والنسيم قاعدة في محلها داك.. تبكي وتوصف.. لامن جا اب خوسة .. من بعيد عاين للنسيم متمددة في الواطة وتبكي .. قال خلاص ابوي ولا امي واحد فيهم مات .. وبقى يصبر في روحو ياربي تصبرني على المصايب يارب.. وجاها نا نزل وجاري.. خلا الحمارة ماشة براها بي وراهو .. جا قعد جنب النسيم قال ليها .. النسيم المات منو ؟ هوي النسيم .. قالت ليهو مافي زول مات المت انا .. انا الميتة يا سيد البيت .. قالت ليها النسيم قولي بسم الرحمن الرحيم .. ابوي كويس؟ قالت ليهو ابوك نايم جوة .. وامك تراهاديك .. تجاوب فيهو وشغالة في بكاها.. قام جاري شاف ابوهو .. وعاين لي امو .. قال ليها الرسالة ماجات؟ قالت ليهو لاهسع ياولدي.. لكن النسيم دي ماعرفتها مالا.. مسويالا مناحة قدر دي ؟ قال ليها اي انا هسع بمشي اسألها .. اول من جا قعد جنبها داير يسألها قالت ليهو .. ودني لي اهلي يا نور عيني .. ودني لي اهلي يا ضو القبايل .. قال ليها حاضر حاضر يا النسيم .. جا قال لي امو انا ماني داير اكل .. النسيم بتكون دايرة امها مشتهياها .. النوديها ليها وباكل عندهم هناك .. نزل الحطب من الحمارة وسقاها موية .. وشرب ليهو قرعة موية من القربة المعلقة في الراكوبة .. النسيم سكتت من البكاء.. وقامت تتنهد زي الشافع .. قالت ليهو والله مابتمشي بي ريقك ..ان شاء الله تشرب لك لبن رايب .. انا ماقدرت سويت لي اكل .. علا اللبن الرايب قاعد.. في باقي عصيدة النجيبو لي عمي . واملحها ليهو .. اب خوسة قعد محتار .. قال ليها انتي يا النسيم مشتهية امك؟؟ .. قالت ليهو لالا يا الغالي .. انا امي كانت معاي الخميس الفات ده.. الزول طبعا" حيرتو زادت .. وماعارف البقولو .. قال كدي النمشي اوديها اهلها .. اشوف البحصل شنو .. شرب ليهو كورة لبن رايب وقام شدا ليها الحمارة.. وقال ليها اركبي وتعالي وراي .. غشى ليهو جماعة كدي من نفس الحلة .. وركب حمار منهم .. ومشو الاتنين مع بعض .. كل واحد فوق حمارة .. وفي الشارع يسأل فيها وهي بتقولو بس لامن نصل اهلي .. وبقت ساكتة .لامن وصلو البيوت بتاعة ناس ود دار الزين .. وكت وصلت البيت زادت زيادة في البكا .. وكلو كلو ماقدرت تمسك روحها من البكاء .. التاية قالت ليهو انت يابخوسة؟؟ النسيم شن سويتلها؟ قال ليها والله تراها قدامك.. أساليها .. النسيم قالت لي امها .. وحات الخلقني يمه .. ها الراجل القدامك.. سوا لي شيتا" الرجال مابقدرو يسووهو لي حريمهن .. احترمني .. وعزاني .. ورادني .. وختاني فوق راسو .. ولابكسر لي كلمة.. ولا بفضل روحو علي .. ودعتو لي الله .. محل مايقبل .. علا يمة.. انا بدورو يطلقني الليلة قبال بكرة .. قالت ليها يابت يابت اسكتي خشمك بالتحشا ليك واطا .. ابخوسة وكت سمع كلمة (علا بدورو يطلقني) ترتح كدي لاورا .. وقال لالا يا النسيم .. قولي كلام غير البتقولي فيهو يا النسيم .. انا كان فارقتك تاني مابعيش .. قالت ليهو لا لا بتعيش.. وان شاء الله ربنا يديك بت الحلال ..ويديك طولة العمر وتقعد لي امك وابوك اخيتك الرسالة .. طوالي مرق من باب الحوش الكبير .. والتاية تنادي فيهو .. هوي يا ابخوسة .. تعال ماتسمع كلام المطرطشة دي .. وهو مارق كدي.. لاقاهو ودار الزين داخل لاجوة .. قال ليهو ابخوسة؟؟؟ حبابك حرم .. اازول نعل مافي عوجة؟؟ جيتك نصت نهار دي .. ومالك مطير عيونك كدي ومخلوع؟؟ .. ابخوسة قاليه . ادخل لاجوة شوف بتك بتقول في شنو ؟ قال ليهو بتي مالا كمان؟؟ .. ادخل انت لاجوة يابخوسة اتفضل اتفضل بتي خلها علي .. دي مبوجناها امها .. (مدلعاها) .. اول مادخل وسلم عليها النسيم قالت ليهو يابا .. الراجل ده ماهو فاطر.. النسويلو فطور وانضم معاك .. امها قالت ليها بسويهو ليهو انا اقعدي انضمي مع ابوك .. قامت التاية تسوي الفطور .. والنسيم قالت لي ابوها يابا .. انا بدور اطلق .. قال ليها يابت انتي مهوسة؟؟ ولاعندك شيطان في راسك ده؟؟ .. التاية من جوة قالت ليهو بس ياهو كلامك يا الحاج .. سوقها وديها للشيخ ده ياهو العمل النجس .. مسوين لها عمل .. ياهو ذاتو الكان عند نعمة الله بت محمدين .. داكي الليلة كانت مابيه العبيد ..واتعالجت والجن الفي راسها كلو مرق .. ورجعت متل المافي شي .. ود دار الزين قال ليها عليك الله يا التاية اسكتي .. خليني النفهم من البت .. وقبل على النسيم.. قال ليها انتي يا النسيم.. الراجل ده قعدتي معاهو كم ؟؟؟ قالت ليهو تمانية شهور والبهل ده التاسع .. قال لها اها شفتي منو شين؟؟ .. قالت ليهو حاشاهو .. والله ماشفت منو غير الخير الطيبه .. قال ليها طيب مالك يابتي؟ .. قالت ليهو بس اختار واحد في الاتنين .. يا اما يطلقني هسع .. ولا بقوم اطش من البلد ليلا" دامس .. قالها والله عاد .. كمان دايرة تسويلك فضيحة لي ود دار الزين.. بعد الحال .. قالت ليهو خلاص.. بغز السكين دي في قلبي.. وحات الله انا مابكضب .. ود دار الزين سلا ليها السكين من ضراعو.. قال ليها هاك غزيها في قلبك النشوف .. مسكت منو السكين .. من هنا ابخوسة جا جاري .. وخطف السكين من يد النسيم لامن انجرح .. وقال ليهو ياود دار الزين .. ماتسوي لك ندامة لي عمرك .. النسيم مابتكضب وبتغز السكين بصح بصح .. انت كان شفت بكاها الصباح بتعرف .. وابخوسة عاين للنسيم كدي وقال ليها اسمعي يا النسيم انتي طلقانة .. اشهد يا ود دار الزين انا النسيم طلقتها .. وعفيت منها لوجه الله .. وحرمانات علي الحريم بعد يا النسيم .. ودعتكم الله .. ابوها قال ليهو خير يا ابخوسة .. لكن انت اتعجلت قبال انا افهم شي .. قال ليهو مابتفهم منها شي .. شيتا" ماقالتو لي انا ما بتقولو ليك انت .. انا بحنس فيها طول الشارع ..توريني الحصل عليها شنو؟ النسيم قالت لي اب خوسة والله يا الغالي .. انت حريم الدنيا ديل قاسي عليهن يجيبن متلك .. وانا كان ماها قسمتي .. اعيش عمري كلو خدامة تحت كرعيك .. ود دار الزين خاتي ايديهو فوق راسو.. من الشي الشايفو قدامو .. وماهو قادر يفهم الحاصل شنو اصلا .. ولو في زول حكى ليهم انو النسيم عملت كدي عشان كيت كيت مابصدقوهو .. ليه؟ لانو اصلا الامير مابجي في المناطق دي .. لكن بس الليلة جا قاصد الصيد.. ابخوسة طوالي طلع وطلق الحمارة .. وربطها في السرج بتاع الحمار حقة الجماعة .. وركب فات وودار الزين يحنس فيهو .. يازول ماتفوت الزاد جهز.. وهو ماقادر يتكلم ولاقدر يتلفت علي ود دار الزين .. وود دار الزين عرفو متأثر ومتالم ...ابخوسة مشى بي جوعو.. ولاعندو نفس يدلي ليهو لقمة .. اول من مرق من حلة ناس النسيم .. قال الليلة البلد مسخانة قالبه عيونا . كاتماهو الوجع جابت سموم قهبونة. سكين صالتة هردت كبدي ساويه فنونا. من فرق الحشيمة الفي قفاي مضمونة. . .. انا ياربي ماباريت خمالة الخمله .. ولا همبته يوم حق الرجال بي حمله.. ماشال قلبي من شر كان قدير النمله. غطيها النسيم بي توب ضراك موشمله .. .. وصل البيت وهو في اسوء حال .. ده اليوم الاول .. انتهى على حسب عداد ايام الامير الجاي بعد سبعة يوم .. ومافي زول عارف السر ده .. غير الامير وحراسو والنسيم براها .. وابخوسة محتار في السبب الخلا النسيم تاخد الموقف ده شنو؟.. بس شغال يدوبي وينوني .. اها وكت وصل البيت امو قالت ليهو .. وين النسيم ياعمر؟.. قال ليها ..النسيم خلاص يمه .. عيشا معاي اظن تمه .. خلتني ومجافيه ومابيه لي ضمه . .. النسيم طلبت الطلاق واديتا ياهو .. قالت ليهو ..اظن البت تكون مسحوره .. بلحيل النسيم منظوره .. عين الحاسدين بتزورا .. مالك ماصبرت وجيت .. وخليت الامور مستوره .. قال ليها لالا يمة النسيم قالت ولا الطلاق ولا الموت .. وانا خليتا وماسك في الله .. يصبرني ويجبرني .. يعظم اجري ويجبر كسري .. الرسالة سمعت الكلام من جوة جات مارقة .. وقعدت تبكي .. قالت ليهو ولا تجيب لي النسيم زي ماسقتها .. ولا توديني ليها اقعد معاها .. انا بعد الله اداني اخت .. شلتوها مني؟؟ .. ابخوسة مسك الرسالة .. وقعدها جمبو .. وقال ليها ياولادة الكبر .. يا المفطومة على الصبر .. انا جرحي اوجع من جرحك .. وماعندنا غير الرضا بالمقسوم .. .. وكلم ابوهو بالحاصل .. وابوهو قال ليهو البسويها الله علينا كلها مرضية .. بالاختصار ابخوسة كان محطم بي طريقة اصلو مامعقولة .. ومرت السبع يوم دي زي السبعة سنين .. وابخوسة لابنوم ليل ولانهار .. والنسيم بي غادي قالبة البيت مناحة .. وبكت فوق ابخوسة جنس بكا .. من عجايب مابكت النساء ازواجها .. ونضمت جنس كلام.. وعنت جنس غنا .. الناس لاقريب ده حافظنو .. قالت .. واوجعي الدفين يا دود مراقد القيف... ياابعاج الاصم هيبه وامان للضيف.. اكان مو حظي يمشي وتاني عادتو يقيف.. دحين بختر وافوت دار (اب جلاجل) كيف؟؟. اب جلاجل ده الثعبان ابوجرس.. وقالت.. ياوجعاتي المابتحوّل .. انا شايلاك بالسيح واتجوّل .. وينو اب كم المابتقوّل؟ .. حتى الموت جافاني وطوّل .. .. مرت الايام .. يا الله .. حسبنا الله ونعم الوكيل .. فعلا طعم الظلم مر .. بعد اسبوع تمام .. من الصباح الامير وصل لي بيت ابخوسة على حسب مواعيده بالدقة والقية .. وسايق معاهو جماعتو التلاتة وراكبين حصينهم .. مالقى اي زول غير الحجاج الاتنين .. المراة وقفت ليهو علي حيلا ..وعرفتو ده من الاسرة المالكة .. قالت ليهو حبابك حباب الملوك اهل الدار واسيادنا .. قال ليها دي دار منو يا وليه ؟ قالت ليهو دي (وشاش الحداد ابوعمر) .. قال ليها وينو وشاش ده ؟ قالت ليهو ياهو الراجل الكبير الراقد قدامك ده .. الامير نزل من حصانو.. وواحد من الحراس نزل مسك منو طرف اللجام .. وهو مشى على الحاج لكزو بي كراعو كدا .. قال ليهو قوم يا عجوز ؟ وين عمر ولدك؟؟ .. الراجل فتح عويناتو .. اظنو كان مدومس .. قال ليهو عمر ولدي مرق على الخلا؟ قال ليهو وينا النسيم ؟ قال ليهو النسيم؟؟ النسيم شن بدور بها .. وانت منو وبتعرفها من وين انت ..؟ قال جاوب قبال اكمل لك رويحتك دي .. المراة قالت ليهو جاوبو ياب عمر ده من السلاطين .. قال ليها اي شايفو ومنو البظلم الناس ويقل ادبو على الكبار غير السلاطين .. الامير قال ليهو .. يا جنازة ماتجاوب .. قال النسيم عند اهلها ولدي طلقها .. وخلاص بقت ماها مرتو .. ان بقى عندك معاها اتفاق.. امش لها عند اهلها .. طبعا" هنا الام والاب.. فهمو انو الامير لاقى النسيم في حتة.. واتفق معاها تلق راجلا .. لكن وين ياربي ؟؟؟ والامير ركب ومشى على بيت ناس ود دار الزين .. بعد مافات بي اقل من نص ساعة تقريبا .. ابخوسة جا من الخلا وجاب حطبو .. امو وابوهو حكو ليهو الحصل .. قالها خلاص يمة معناها النسيم لاقاها الرمة ده .. ومابخليها تاني الا بالدم .. انا بعرفو من زمان .. ده لعنة القصر .. لكن انا وحات الله الخلقني اكان ماطلقتها .. الا اموت حتى يسوقها مني .. لكن هسع خلاص تاني ماعندي خشم انضم .. بعد اديتها حبلها .. امو قالت ليهو داير بيها شنو؟؟ .. طلقتك عشان تعرسو هو وتبقى اميرة .. انت عندك شنو يا الحطابي المقطع .. قال ليها لالا يمة النسيم مابتسوي كدي .. الملعون ده بكون جبرها جبر .. لكن الله في .. وانا والله ان بقيت حي في الدنيا .. الكلب ده مابخليهو ..بكتلو وبريح الناس من شرو .. وبعدين البحصل يحصل .. وهسع مشى لي ود دار الزين؟؟ .. امو قالت ليهو اي ظنيتو .. لكن ماني عافية منك كان لحقتو .. قال ليها ابدا يمة الحقو لي شنو؟ وبياتو حق ؟؟ ود دار الزين راجل وبتو عندو.. تاني انا مافي يدي حاجة .. ولاعندي حق الحقو بيهو .. بس قولي ان شاء الله النسيم ربنا يحفظها.. بماحفظ به يونس في بن الحوته .. هناك الامير وصل الحلة .. وضرب الباب بتاع ود دار الزين .. ضرب بتاع سفاهة وقلة ادب .. وتعال شوف .. الى اللقاء .. | ||||
|
| |
|
16-12-17, 04:23 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة 8 النسيم مشت البيت .. وكانت خايفة خوف شديد.. وبترجف من راسها لاكرعيها .. ومتوترة .. وماعارفة تعمل شنو؟ وتقول انا كان سكت.. ياهو الزول الملعون جاي دور الليلة .. واكان كلمت سيد بيتي .. مابسكت .. ياهو الشال سيفو ومشى على القصر .. ويموت على امو وابوهو .. وانا اتهمل.. والرسالة تتهمل .. وبعدين الملعون ده يجي يسوقني ويمكن يقتل ابوي . واكون ماسويت اي شي .. غير كتلت الغالي وحرمت منو اهلو المحتاجين له . وفقدت ابوي .. وبقت تدخل من هنا وتمرق من هنا .. وحايمة بالسهلة حفيانة زي الزول الرايحالو حاجة .. نسيبتها ام اب خوسة لاحظت ل.. يها قالت ليها انتي يا النسيم .. من جيتي من البير ماك عديلة.. مالك يابتي؟ .. قالت ليها والله ياخالتي ماني عارفة .. انا طيبة .ولاماني طيبة . مخي ده مزوزو .. الا يكون ضربني شيطان .. من شواطين الخلا ديل.. انا ماشة اهلي ياخالتي انا ماشة اهلي .. قالت ليها قولي بسم الله يابتي.. وختي اليقان في قلبك .. اليجي عمر ولدي .. قالت ليها ولدك مابدورو .. تاني مابدورو .. ام ابخوسة قالت ليها ..ياربي لاتمحنا ولاتبلينا .. كيفن الكلام ده يا النسيم بت التاية ؟؟ قالت ليها ياهو الكلام العديل .. انا تاني ماعندي قعاد معاكن هنا .. النسيم قعدت في الضل.. واتمددت في الواطة .. وبقت تبكي تسكل .. ودموعها ديل يشتتن اربعة اربعة .. تقول.. الليلة وافليلك يا النسيم .. الليلة وا رحيلك يا النسيم .. الليلة ياحليلك يا النسيم .. ياها قسيمتك يا النسيم ..يا القليلة بسيمتك. يا النسيم .. اها المراة ديك جات وقفت تعاين ليها.. وغزت كيعانها .. قالت ليها .. النسيم يابتي انتي بصح والله ماك طيبة .. اليجي عمر ولدي نوديك للفقير يعزملك .. قالت ليها مرضي مو مرض عزيمة .. حياة الدنيا على فقدت طعيما.. .. اريتو كان شال روحي .. ارويتو كان كتلني .. قالت ليها هو منو يا النسيم؟ .. قالت ليها مابعرفو ياخالتي وشن خبرني بيهو؟ .. قالت ربي يشفيك يابتي.. ياربي تخفف المحن وتزيل البلا .. والنسيم قاعدة في محلها داك.. تبكي وتوصف.. لامن جا اب خوسة .. من بعيد عاين للنسيم متمددة في الواطة وتبكي .. قال خلاص ابوي ولا امي واحد فيهم مات .. وبقى يصبر في روحو ياربي تصبرني على المصايب يارب.. وجاها نا نزل وجاري.. خلا الحمارة ماشة براها بي وراهو .. جا قعد جنب النسيم قال ليها .. النسيم المات منو ؟ هوي النسيم .. قالت ليهو مافي زول مات المت انا .. انا الميتة يا سيد البيت .. قالت ليها النسيم قولي بسم الرحمن الرحيم .. ابوي كويس؟ قالت ليهو ابوك نايم جوة .. وامك تراهاديك .. تجاوب فيهو وشغالة في بكاها.. قام جاري شاف ابوهو .. وعاين لي امو .. قال ليها الرسالة ماجات؟ قالت ليهو لاهسع ياولدي.. لكن النسيم دي ماعرفتها مالا.. مسويالا مناحة قدر دي ؟ قال ليها اي انا هسع بمشي اسألها .. اول من جا قعد جنبها داير يسألها قالت ليهو .. ودني لي اهلي يا نور عيني .. ودني لي اهلي يا ضو القبايل .. قال ليها حاضر حاضر يا النسيم .. جا قال لي امو انا ماني داير اكل .. النسيم بتكون دايرة امها مشتهياها .. النوديها ليها وباكل عندهم هناك .. نزل الحطب من الحمارة وسقاها موية .. وشرب ليهو قرعة موية من القربة المعلقة في الراكوبة .. النسيم سكتت من البكاء.. وقامت تتنهد زي الشافع .. قالت ليهو والله مابتمشي بي ريقك ..ان شاء الله تشرب لك لبن رايب .. انا ماقدرت سويت لي اكل .. علا اللبن الرايب قاعد.. في باقي عصيدة النجيبو لي عمي . واملحها ليهو .. اب خوسة قعد محتار .. قال ليها انتي يا النسيم مشتهية امك؟؟ .. قالت ليهو لالا يا الغالي .. انا امي كانت معاي الخميس الفات ده.. الزول طبعا" حيرتو زادت .. وماعارف البقولو .. قال كدي النمشي اوديها اهلها .. اشوف البحصل شنو .. شرب ليهو كورة لبن رايب وقام شدا ليها الحمارة.. وقال ليها اركبي وتعالي وراي .. غشى ليهو جماعة كدي من نفس الحلة .. وركب حمار منهم .. ومشو الاتنين مع بعض .. كل واحد فوق حمارة .. وفي الشارع يسأل فيها وهي بتقولو بس لامن نصل اهلي .. وبقت ساكتة .لامن وصلو البيوت بتاعة ناس ود دار الزين .. وكت وصلت البيت زادت زيادة في البكا .. وكلو كلو ماقدرت تمسك روحها من البكاء .. التاية قالت ليهو انت يابخوسة؟؟ النسيم شن سويتلها؟ قال ليها والله تراها قدامك.. أساليها .. النسيم قالت لي امها .. وحات الخلقني يمه .. ها الراجل القدامك.. سوا لي شيتا" الرجال مابقدرو يسووهو لي حريمهن .. احترمني .. وعزاني .. ورادني .. وختاني فوق راسو .. ولابكسر لي كلمة.. ولا بفضل روحو علي .. ودعتو لي الله .. محل مايقبل .. علا يمة.. انا بدورو يطلقني الليلة قبال بكرة .. قالت ليها يابت يابت اسكتي خشمك بالتحشا ليك واطا .. ابخوسة وكت سمع كلمة (علا بدورو يطلقني) ترتح كدي لاورا .. وقال لالا يا النسيم .. قولي كلام غير البتقولي فيهو يا النسيم .. انا كان فارقتك تاني مابعيش .. قالت ليهو لا لا بتعيش.. وان شاء الله ربنا يديك بت الحلال ..ويديك طولة العمر وتقعد لي امك وابوك اخيتك الرسالة .. طوالي مرق من باب الحوش الكبير .. والتاية تنادي فيهو .. هوي يا ابخوسة .. تعال ماتسمع كلام المطرطشة دي .. وهو مارق كدي.. لاقاهو ودار الزين داخل لاجوة .. قال ليهو ابخوسة؟؟؟ حبابك حرم .. اازول نعل مافي عوجة؟؟ جيتك نصت نهار دي .. ومالك مطير عيونك كدي ومخلوع؟؟ .. ابخوسة قاليه . ادخل لاجوة شوف بتك بتقول في شنو ؟ قال ليهو بتي مالا كمان؟؟ .. ادخل انت لاجوة يابخوسة اتفضل اتفضل بتي خلها علي .. دي مبوجناها امها .. (مدلعاها) .. اول مادخل وسلم عليها النسيم قالت ليهو يابا .. الراجل ده ماهو فاطر.. النسويلو فطور وانضم معاك .. امها قالت ليها بسويهو ليهو انا اقعدي انضمي مع ابوك .. قامت التاية تسوي الفطور .. والنسيم قالت لي ابوها يابا .. انا بدور اطلق .. قال ليها يابت انتي مهوسة؟؟ ولاعندك شيطان في راسك ده؟؟ .. التاية من جوة قالت ليهو بس ياهو كلامك يا الحاج .. سوقها وديها للشيخ ده ياهو العمل النجس .. مسوين لها عمل .. ياهو ذاتو الكان عند نعمة الله بت محمدين .. داكي الليلة كانت مابيه العبيد ..واتعالجت والجن الفي راسها كلو مرق .. ورجعت متل المافي شي .. ود دار الزين قال ليها عليك الله يا التاية اسكتي .. خليني النفهم من البت .. وقبل على النسيم.. قال ليها انتي يا النسيم.. الراجل ده قعدتي معاهو كم ؟؟؟ قالت ليهو تمانية شهور والبهل ده التاسع .. قال لها اها شفتي منو شين؟؟ .. قالت ليهو حاشاهو .. والله ماشفت منو غير الخير الطيبه .. قال ليها طيب مالك يابتي؟ .. قالت ليهو بس اختار واحد في الاتنين .. يا اما يطلقني هسع .. ولا بقوم اطش من البلد ليلا" دامس .. قالها والله عاد .. كمان دايرة تسويلك فضيحة لي ود دار الزين.. بعد الحال .. قالت ليهو خلاص.. بغز السكين دي في قلبي.. وحات الله انا مابكضب .. ود دار الزين سلا ليها السكين من ضراعو.. قال ليها هاك غزيها في قلبك النشوف .. مسكت منو السكين .. من هنا ابخوسة جا جاري .. وخطف السكين من يد النسيم لامن انجرح .. وقال ليهو ياود دار الزين .. ماتسوي لك ندامة لي عمرك .. النسيم مابتكضب وبتغز السكين بصح بصح .. انت كان شفت بكاها الصباح بتعرف .. وابخوسة عاين للنسيم كدي وقال ليها اسمعي يا النسيم انتي طلقانة .. اشهد يا ود دار الزين انا النسيم طلقتها .. وعفيت منها لوجه الله .. وحرمانات علي الحريم بعد يا النسيم .. ودعتكم الله .. ابوها قال ليهو خير يا ابخوسة .. لكن انت اتعجلت قبال انا افهم شي .. قال ليهو مابتفهم منها شي .. شيتا" ماقالتو لي انا ما بتقولو ليك انت .. انا بحنس فيها طول الشارع ..توريني الحصل عليها شنو؟ النسيم قالت لي اب خوسة والله يا الغالي .. انت حريم الدنيا ديل قاسي عليهن يجيبن متلك .. وانا كان ماها قسمتي .. اعيش عمري كلو خدامة تحت كرعيك .. ود دار الزين خاتي ايديهو فوق راسو.. من الشي الشايفو قدامو .. وماهو قادر يفهم الحاصل شنو اصلا .. ولو في زول حكى ليهم انو النسيم عملت كدي عشان كيت كيت مابصدقوهو .. ليه؟ لانو اصلا الامير مابجي في المناطق دي .. لكن بس الليلة جا قاصد الصيد.. ابخوسة طوالي طلع وطلق الحمارة .. وربطها في السرج بتاع الحمار حقة الجماعة .. وركب فات وودار الزين يحنس فيهو .. يازول ماتفوت الزاد جهز.. وهو ماقادر يتكلم ولاقدر يتلفت علي ود دار الزين .. وود دار الزين عرفو متأثر ومتالم ...ابخوسة مشى بي جوعو.. ولاعندو نفس يدلي ليهو لقمة .. اول من مرق من حلة ناس النسيم .. قال الليلة البلد مسخانة قالبه عيونا . كاتماهو الوجع جابت سموم قهبونة. سكين صالتة هردت كبدي ساويه فنونا. من فرق الحشيمة الفي قفاي مضمونة. . .. انا ياربي ماباريت خمالة الخمله .. ولا همبته يوم حق الرجال بي حمله.. ماشال قلبي من شر كان قدير النمله. غطيها النسيم بي توب ضراك موشمله .. .. وصل البيت وهو في اسوء حال .. ده اليوم الاول .. انتهى على حسب عداد ايام الامير الجاي بعد سبعة يوم .. ومافي زول عارف السر ده .. غير الامير وحراسو والنسيم براها .. وابخوسة محتار في السبب الخلا النسيم تاخد الموقف ده شنو؟.. بس شغال يدوبي وينوني .. اها وكت وصل البيت امو قالت ليهو .. وين النسيم ياعمر؟.. قال ليها ..النسيم خلاص يمه .. عيشا معاي اظن تمه .. خلتني ومجافيه ومابيه لي ضمه . .. النسيم طلبت الطلاق واديتا ياهو .. قالت ليهو ..اظن البت تكون مسحوره .. بلحيل النسيم منظوره .. عين الحاسدين بتزورا .. مالك ماصبرت وجيت .. وخليت الامور مستوره .. قال ليها لالا يمة النسيم قالت ولا الطلاق ولا الموت .. وانا خليتا وماسك في الله .. يصبرني ويجبرني .. يعظم اجري ويجبر كسري .. الرسالة سمعت الكلام من جوة جات مارقة .. وقعدت تبكي .. قالت ليهو ولا تجيب لي النسيم زي ماسقتها .. ولا توديني ليها اقعد معاها .. انا بعد الله اداني اخت .. شلتوها مني؟؟ .. ابخوسة مسك الرسالة .. وقعدها جمبو .. وقال ليها ياولادة الكبر .. يا المفطومة على الصبر .. انا جرحي اوجع من جرحك .. وماعندنا غير الرضا بالمقسوم .. .. وكلم ابوهو بالحاصل .. وابوهو قال ليهو البسويها الله علينا كلها مرضية .. بالاختصار ابخوسة كان محطم بي طريقة اصلو مامعقولة .. ومرت السبع يوم دي زي السبعة سنين .. وابخوسة لابنوم ليل ولانهار .. والنسيم بي غادي قالبة البيت مناحة .. وبكت فوق ابخوسة جنس بكا .. من عجايب مابكت النساء ازواجها .. ونضمت جنس كلام.. وعنت جنس غنا .. الناس لاقريب ده حافظنو .. قالت .. واوجعي الدفين يا دود مراقد القيف... ياابعاج الاصم هيبه وامان للضيف.. اكان مو حظي يمشي وتاني عادتو يقيف.. دحين بختر وافوت دار (اب جلاجل) كيف؟؟. اب جلاجل ده الثعبان ابوجرس.. وقالت.. ياوجعاتي المابتحوّل .. انا شايلاك بالسيح واتجوّل .. وينو اب كم المابتقوّل؟ .. حتى الموت جافاني وطوّل .. .. مرت الايام .. يا الله .. حسبنا الله ونعم الوكيل .. فعلا طعم الظلم مر .. بعد اسبوع تمام .. من الصباح الامير وصل لي بيت ابخوسة على حسب مواعيده بالدقة والقية .. وسايق معاهو جماعتو التلاتة وراكبين حصينهم .. مالقى اي زول غير الحجاج الاتنين .. المراة وقفت ليهو علي حيلا ..وعرفتو ده من الاسرة المالكة .. قالت ليهو حبابك حباب الملوك اهل الدار واسيادنا .. قال ليها دي دار منو يا وليه ؟ قالت ليهو دي (وشاش الحداد ابوعمر) .. قال ليها وينو وشاش ده ؟ قالت ليهو ياهو الراجل الكبير الراقد قدامك ده .. الامير نزل من حصانو.. وواحد من الحراس نزل مسك منو طرف اللجام .. وهو مشى على الحاج لكزو بي كراعو كدا .. قال ليهو قوم يا عجوز ؟ وين عمر ولدك؟؟ .. الراجل فتح عويناتو .. اظنو كان مدومس .. قال ليهو عمر ولدي مرق على الخلا؟ قال ليهو وينا النسيم ؟ قال ليهو النسيم؟؟ النسيم شن بدور بها .. وانت منو وبتعرفها من وين انت ..؟ قال جاوب قبال اكمل لك رويحتك دي .. المراة قالت ليهو جاوبو ياب عمر ده من السلاطين .. قال ليها اي شايفو ومنو البظلم الناس ويقل ادبو على الكبار غير السلاطين .. الامير قال ليهو .. يا جنازة ماتجاوب .. قال النسيم عند اهلها ولدي طلقها .. وخلاص بقت ماها مرتو .. ان بقى عندك معاها اتفاق.. امش لها عند اهلها .. طبعا" هنا الام والاب.. فهمو انو الامير لاقى النسيم في حتة.. واتفق معاها تلق راجلا .. لكن وين ياربي ؟؟؟ والامير ركب ومشى على بيت ناس ود دار الزين .. بعد مافات بي اقل من نص ساعة تقريبا .. ابخوسة جا من الخلا وجاب حطبو .. امو وابوهو حكو ليهو الحصل .. قالها خلاص يمة معناها النسيم لاقاها الرمة ده .. ومابخليها تاني الا بالدم .. انا بعرفو من زمان .. ده لعنة القصر .. لكن انا وحات الله الخلقني اكان ماطلقتها .. الا اموت حتى يسوقها مني .. لكن هسع خلاص تاني ماعندي خشم انضم .. بعد اديتها حبلها .. امو قالت ليهو داير بيها شنو؟؟ .. طلقتك عشان تعرسو هو وتبقى اميرة .. انت عندك شنو يا الحطابي المقطع .. قال ليها لالا يمة النسيم مابتسوي كدي .. الملعون ده بكون جبرها جبر .. لكن الله في .. وانا والله ان بقيت حي في الدنيا .. الكلب ده مابخليهو ..بكتلو وبريح الناس من شرو .. وبعدين البحصل يحصل .. وهسع مشى لي ود دار الزين؟؟ .. امو قالت ليهو اي ظنيتو .. لكن ماني عافية منك كان لحقتو .. قال ليها ابدا يمة الحقو لي شنو؟ وبياتو حق ؟؟ ود دار الزين راجل وبتو عندو.. تاني انا مافي يدي حاجة .. ولاعندي حق الحقو بيهو .. بس قولي ان شاء الله النسيم ربنا يحفظها.. بماحفظ به يونس في بن الحوته .. هناك الامير وصل الحلة .. وضرب الباب بتاع ود دار الزين .. ضرب بتاع سفاهة وقلة ادب .. وتعال شوف .. الى اللقاء .. | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
