التداخل / للكاتب طارق اللبيب ، سودانية مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية التداخل للكاتب طارق اللبيب قراءة ممتعة للجميع.....

[لامارا]

رابط لتحميل الرواية

https://www.rewity.com/forum/t398481.html#post12891839

بسم الله الرحمن الرحيم

السلام عليكم ورحمة الله وبركاته

رواية التداخل .
ـــــــــــــــــــ
رواية بطلنا العجيب حسن عبد الرحمن .. اتعرفو عليهو بسلم عليكم ..
وبحييكم وبقول ليكم ان شاء الله قصتي تعجبكم .. واقدر أغير شي ولو بسيط من الانانية المنتشرة في المجتمع ..
وقصتي تتكون من 12 حلقة قصيرة ولذيذة .. وقزقة بس ..
ورجائي توصلوها لاصدقائكم حتى تفيدوهم ..
وسماها كاتبها طارق اللبيب ..
رواية التداخل ..
الحلقة الاولى ..
بقلم طارق اللبيب ..
قد تلاحظون ان الحلقات قصيرة ..^_^
ده اصلا" نظامي في الروايات زمان ..
عشان كدا اليوم فيهو 3 حلقات.. ارجو لكم متابعة شيقة

[لامارا]

الحلقة الاولى
(1


ياولد انا منتظرك من الصباح ..كرعي ديل يبسن من الوقاف انت بتسوي في شنو ؟.....)
..ياجماعة ده عمكم عبد الرحمن يكورك لولده حسن .. منتظره جنب العربية برة ..
حسن جا طالع ..قاليهو والله يا ابوي قدر مافتشت للمفتاح ده ..مالقيتو
قلبت اللحافات .. وفتشت فوق راس الدولاب ..وراس التلاجة ماخليت حتة ..
اوع يكون يا ابوي انت امبارح قفلتو في العربية ..
عبد الرحمن قال ليهو والله ماعارف .. كدي تعال تاوق بالقزاز ده .. شوف ..
حسن جا خت يديهو كدا ..
غطا بيهم الضو من بيهنا وبيهنا
ولصق جبهته على القزاز وبقى يعاين ..
وقال : الله .. يا ابوي ..
يهدا المفتاح مركب في السوتش ..
انت نسيتو يا ابوي امبارح ..
هسي نتصرف كيف ..؟
قال ليه جيب ليك سلكة قوية من جوة ..
وانا بعرف اعمل شنو.. اتحرك سريع ..
حسن دخل جوة يجيب السلكه..
طبعا عبدالرحمن شغال في السوق .. عنده دكان اثاثات.. زي معرض كدا ..وحسن اتخرج من الجامعة السنة الفاتت ..وفتش لي شغل ومالقى شغل .
والشغل اللقاهو كلو ما بأكله عيش ..
ابوه طبعا قال ليهو سيب اللف بتاعك الفاضي ده .. وتعال اشتغل معاي ..
اناعارف قرايتكم كلها ضياع وكت .. وضياع قروش ساي ..
اها عندهم مخرطة خشب ..ومعرض .. المخرطة بعيدة من المعرض حسن ماسك المخرطة ...
وابوه شغال في السوق في المعرض ..
حسن جاب السلكة وابوه راجل مسلط ومدردح ..
حشر السلكة في الباب وبقى يناتل لمن فتح التأمين بتاع الباب من جوة ..
وفتح الباب وركب ..
هههه حسن زول نكتة طبعا" .حسن سايق ..
قال لابوه يا ابوي انت الحركة دي اتعلمتها وين؟ هههه
ابوه قال ليهو سيب المطاعنة .. وريني الشغل ماشي كيف؟
قال ليهو الشغل ماشي تمام ياجابر ثواني ..
قال ليهو جابر ثواني ده شنو؟
قال ليهو دي مسلسل زمان جابوها .. فيها واحد بفتح الخزنة في ثواني ..
حرامي كبير وقهقهقهقه... حسن بهظر مع ابوه ..
ابوه بعد ماكان زهجان وصاري وشو اتبسم وهزا راسو
وقال ليهو عمرك ماح تكون جادي ..
وماشين علي السوق .. واليوم ده كان يوم طبيعي والشغل ماشي زي الساعة ..
وحالتهم مستورة ..
حسن نزل ابوه في المعرض ..وساق العربية مشى على المخرطة ..
والمساء طبعا بخلص وبجي غاشي ابوهو .. يسوقه ويمشو البيت..
اها المساء لمن حسن جا غاشي ابوهو.. في اليوم ده.. جا راجل كدا اتكلم مع عبد الرحمن .. وحسن منتظر ابوهو بره ..
مابسمع في الكلام البقول فيهو الراجل ده لي ابوهو ..
حسن لاحظ انو الراجل بتكلم مع ابوه .. وببكي .. وعبد الرحمن بسكت في الراجل.. والراجل منقد بالجواعير
والبكاء ..
ياربي الراجل ده مالو دي قصة غريبة ..
حسن .. هه
طبعا الشمار كاتلو عايز يجي ويسمع وشايفها تقيله
ماعنده حل الا ينتظر ابوه. يسأله الراجل ده ببكي كدا مالو .
المهم بعد مسافة الراجل قشقش دميعاتو وقام مشى ..
اها لما عبد الرحمن جاء حسن ساله ..
من قصة الراجل ده بجوعر ماله .؟
كدي نشوف القصة دي موديانه وين؟؟ا**


الى اللقاء

[لامارا]

الحلقة2

..............
اها طبعا الحاج لمن جا ركب في العربية ..حسن سأله ..
قال ليهو .. ابوي الراجل ده ببكي كدي مالو؟
ايوه قاليهو .. يعني تفتكر زول جا اداني كلام سر ..
ح أقوم اجي اكلمك بيهو ولا شنو؟.. يبقى انا ماعبدالرحمن ..
سوق سواقتك دي ..خلينا نصل البيت بدري انا اساساً..
الزول ده عمل لي شلل في الدماغ والله..
و عمك شكله هامي هامي هم شديد .. من كلام الراجل البجوعر ده..
يلا طبعا الشمار زاد زياده عجيبة على حسن .. وطول الطريق
قاعد يفكر في الموضوع ... وانا لازم اعرف الراجل ده قال لابوي شنو.
ابوي ده شكله بقى ماطبيعي من كلام الزول ده .. طيب انا اعرف كيف؟ ..
تاني كرر الموضوع لابوه ..
قاليهو :ابوي عليك الله توريني الراجل ده قال ليك شنو؟ احتمال اقدر اساعدكم ....
ابوه قام صررررخ فيهو .. ..ياخي قلت ليك سوق العربيه دي .. .. ماتجيب لي ضغط .
حسن: آسف .. آسف .. يابوي خلاص خليت الموضوع ..
بس انت ماتزعل نفسك ..لاحولااااا .. ..
وحسن بقى سايق ينوني عامل فيها ماسك ليهو غنيه .
لكن هو من جواهو عايز يعرف الكلام لو يدفع قروش ..
يلا لمن وصل البيت ..اول حاجة فكر فيها مشى لي امه ..
عشان يحكي ليها الفلم الشافو .. احتمال الحجة تقدر تتخصص من
الحاج في الموضوع .. اها مشى حكا ليها ..
وقال ليها الليلة ياحجة ماشوفتي .. حصل كيت كيت في السوق ..سكينة بت عمر مرأة هميمة وصميمة .. قالت ليهو .. اها ؟ وانا استفيد شنو هسع من القصه دي .. ؟؟
قاليها عليك الله أسألي الحاج ده بطريقه فنانه كدا ؟
قالت ليهو ياحسن ياولدي .. انت مالك مهتم بالموضوع ده كدي ..
خلي الخلق لي خالقها ...
الراجل يمكن عنده كلام سري مع ابوك .. وياولدي السر أمانه ..
انت دايرني أسأل ابوك عشان ابوك يخون أمانة صاحبو؟؟ ..
قاليها بس يا أمي الموضوع شكله خطير ..
لانه ابوي نزل فوقه هم الدنيا والعالمين ..
يعني احتمال الموضوع بهمنا .. نحن لازم تحاولي تتشمشمي لي ..
امه قعدت تضحك .. قالت ليهو كان كدي ده موضوعك انت وابوك ..
امشي انت اعرف من ابوك بطريقتك .. انا خلوني بره شن دخلني ؟ ..
المهم طبعا حسن قنع من امه ..وعرف انها ماحتساعده ..
دخل كدا على المطبخ واخته (آسيا ) قاعدة تعمل في الشاي ..
قالت ليهو : شايفاك بتتوسوس مع امي ..
ان شاء الله تكون خطبت ..
قال ليها أبدا والله يا (آسيا) ..
بس موضوع بتاع شمار كدا حارق فشافيشي ..
وحكا ليها قصة الراجل الفي السوق الببكي..
قالت ليهو ياخبر النهار ده بفلوس بكره يبقى ببلاش ..
انت كان صبرت بتعرف بدون حريق فشافيش ..
وفعلا كان كلامها صاح صبحت الواطه ..
وحسن وده ابوه السوق وبالمسا جا غاشيهو .. بي نفس البرنامج ..
وبرضو لقا معاهو الراجل الغريب ده مرة تانيه..
لالالا .. .. الموضوع شكله خطير .. بس المرة دي مافي بكا ..
الراجل منفعل ..وبتكلم مع عبد الرحمن بحرقة شديدة .. وغل عجيب ..
وعبد الرحمن بهدئ فيهو . ..
في النهاية مدا لعبد الرحمن (صندوق اصفر) كدا يشبه صندوق الكستر
عبد الرحمن شال الصندوق وختاهو في الخزنة .. بتاعة الدكان ..
وطبل الخزنه وخت المفتاح في جيبه ..
هنا حسن عايز يموت عديل من الاستخبار ..والاستشمار هه
لكن يعمل شنو كل الطرق مغلقه ..
بس في طريق واحد ممكن يلقى بيهو خيط ..



نشووووووووووووف ..

[لامارا]

الحلقه 3

الحاجة العجيبة في الموضوع .. انو حسن كان بفكر
في طريقة يعرف بيها الزول ده ..
او يعرف بيته .. او يعرف مكان شغله ..
عشان يسأله هو براهو ..
في اثناء تفكيره في الموضوع ابوه ..
كورك ليهو ياحسن ياحسن ..عليك تعال وصل عمك
الهادي ده لغاية بيتو ..سريع .. انا منتظرك تعال..
حسن فرح فرح شديد .. واستبشر .انو ح يعرف
الموضوع وحيسأل الراجل شخصيا ..
اها حسن قرب العربية لباب المعرض .. والراجل جا
ركب .. عمك الهادي رجل كله طيبه وبشاشة
في الخمسين تقريبا .. لا أكثر ولا أقل راجل نضيف
وراقي جدا .. وشكله زول حساس شديد ..
حتى سلامه سلام بتاع ناس فاهمين ..
الهادي قال : كيفك ياحسن ان شا الله كويس
حسن : الحمد لله ياعم الهادي لعلك بخير ..
الهادي: انت بتعرف اسمي كمان ياحسن ..؟
حسن لا والله بس هسي ابوي قال لي
تعال وصل عمك الهادي ..
الهادي : ايواااا عشان كدا ماختيت بالي ..
والله ياحسن طبعا انا صاحب ابوك من زمن
كنا في السعودية انا وهو .. ..
وبعد جينا هنا هو استقر في العاصمة ..
وانا كنت ساكن في الولايات .. بس قبل شهور جينا سكنا هنا ..
وانا بعرفك وبعرف ناس البيت .. وان شا الله بنجيكم .. زيارة قريب
أها حسن طبعا من شدة طيبة الزول البتخجل .. غلبو كلو كلو
يسأله من الشمار ..طبعا زول راقي زي ده .. بكون
صعب تخش فيهو بسؤال خاص كدا ..
لكن حسن قال انا اتعرف بيهو اول حاجة ..
وحبه حبه راح اعرف الحاصل شنو..
والونسه في الشارع مستمره عادية ..
والهادي شغال بتكلم باسلوبو الغريب.و الجميل ده .
ابوك راجل قمة في الشهامة والطيبه ..
وانا ماعندي ابدا صاحب في البلد غير ابوك ..
انا ياحسن اتخزلت في كل الناس ..
ابوك هو الوحيد الدهب المابصدي.. هو الوقف معاي في كل المحن ..
الله يحفظه ويرعاهو ويخليك ليهو ويخليهو ليك ده
وكيف امك سكينة ان شا الله كويسه ..
حسن : الحمد لله كلنا بخير الله يكرمك ياحاج ده
وحسن من جواهو يقول هسي الزول ده يخشو فيهو كيف ؟
المهم وصلو البيت ..وعمك الهادي قال ليهو اناما ح اقول ليك خش اتغدى ..
لانه ابوك راجيك ..
بس اشرب ليك كباية موية .. وسلم على ناس البيت .. واطلع ..
وطبعا هنا حسن الليلة شكلو حيعرف القصة كاملة ..
والمبكيه فعلا ..
اها دخل جوة لقى البيت فيهو تلاتة بنات صغار ..
وامهم قاعدة جوه سلم عليها .. ردت السلام وما طلعت ..
قاليهو طبعا ياحسن زوجتي ضريرة .. يعني عمياء مابتشوف
بعد شوية جات بنيه كبيرة شوية .. تسعطاشرات كدا .
سلمت عليهو بكل ادب .. واحترام غريب .. وحياء سبحان الله
والبنات الصغار جو جارين سلمو عليهو كانهم بعرفوه ..
وقعدو يتونسو معاهو بكل براءة ..
في اقل من تلاتة دقايق كباية الليمون جابتها ليهو البت الكبيرة
كانها ماخده خبر بجيتو ..
حسن جواه بفكر ياربي الراجل ده كان ببكي عشان
مرتو العمياء دي ؟؟ لالا ..
لازم في حاجة ..
يلا عمك الهادي قال لحسن طبعا ياحسن ابوك كلمني ..
انك سألتو مني ومن حكايتي معاهو ..
هسي انت مستعجل .. هسي امشي لابوك ..
وتعال لي في اي وقت احكي ليك .
حسن فرح فرح شديد خلاص بالكلام ده
ههههههه والله غايتو جنس خبار وحب استطلاع .
براهو بعدين بندم ويقول ياريتو لو ماسأل
يلا الايام بينا وح نعرف بكرة تعالو مع حسن .
زيارة خاصة لبيت الهادي ..
والهادي براهو يحكي لينا ..


الى اللقاء ..

[لامارا]

الحلقة الرابعة

اﻫﺎ ﻳﺎﺯﻭﻝ ﺑﻜﺮﺓ ﺍﻟﺼﺒﺎﺡ ..

ﺣﺴﻦ ﻓﻲ ﺍﻟﻌﺮﺑﻴﺔ ﻗﻌﺪ ﻳﺤﻜﻲ ﻻ‌ﺑﻮﻩ ..ﻭﻫﻢ ﺭﺍﻛﺒﻴﻦ ﻣﺎ ﺷﻴﻦ ﻋﻠﻰ ﺍﻟﺴﻮﻕ .. ﺑﺤﻜﻲ ﻟﻴﻬﻮ. ﺍﻧﻮ ﻋﻢ ﺍﻟﻬﺎﺩﻱ ﺭﺍﺟﻞ ﻃﻴﺐ ﻭﺑﻘﻴﻨﺎ ﺍﺻﺤﺎﺏ .. ﻭﺍﺗﻌﺮﻓﺖ ﻋﻠﻰ ﻧﺎﺱ ﺑﻴﺘﻪ ﻭﻫﻮ ﺯﻭﻝ ﻛﻮﻳﺲ . ﻭﻣﺤﺘﺮﻡ ﺷﺪﻳﺪ ﻭﺍﻟﻠﻪ ﻳﺎ ﺍﺑﻮﻱ ﺻﺎﺣﺒﻚ ﺩﻩ ﺯﻭﻝ ﺭﺍﻗﻲ ﺷﺪﻳﺪ .. ﻭﺍﻟﻠﻴﻠﺔ ﻋﺎﺯﻣﻨﻲ ﻣﻌﺎﻫﻮ ﺷﺎﻱ ﻣﻐﺮﺏ ﺑﻌﺪﻳﻦ ﺑﻌﺪ ﺍﻭﺻﻠﻚ ﺍﻟﺒﻴﺖ .. ﺑﺴﻮﻕ ﺍﻟﻌﺮﺑﻴﻪ ﺍﻣﺸﻲ ﻟﻴﻬﻮ ..
ﺍﺑﻮﻩ ﻗﺎﻝ ﻟﻴﻬﻮ .. ﻭﺍﻟﻠﻪ ﻋﻤﻚ ﺍﻟﻠﻪ ﻳﻌﻴﻨﻮ ﺳﺎﻱ .. ﺍﻣﺸﻲ ﻟﻴﻬﻮ ﻛﺎﻥ ﺗـ ... ﻭﻣﺎ ﺗﻤﺎﻫﺎ ..
ﻗﺎﻝ ﻟﻴﻬﻮ ﻛﺎﻥ ﺗـ .. ﺷﻨﻮ ﻳﺎﺑﻮﻱ ..؟

ﻗﺎﻝ ﻟﻴﻬﻮ ﻣﺎﻓﻲ ﺣﺎﺟﺔ ﺍﺭﺡ ﺍﻣﺸﻲ .. ﻭﻟﻴﻤﺘﻴﻦ ﺍﻟﻤﺴﺎﺀ ﻳﺠﻲ ﻭﺣﺴﻦ ﻳﻤﺸﻲ ﻟﻌﻢ ﺍﻟﻬﺎﺩﻱ . ﺑﺎﻟﻠﻪ ﺷﻔﺘﻮ ﺯﻭﻝ ﺑﺘﺎﻉ ﺷﻤﺎﺭ ﺯﻱ ﺣﺴﻦ ﺩﻩ ﻓﻈﻴﻊ ﻳﺎﺧﻲ .. ﺑﺲ ﺩﺍﻳﺮ ﻳﻌﺮﻑ ﻫﻬﻬﻬﻪ ﺍﻟﻤﻬﻢ ﻣﻀﺖ ﺍﻟﺴﺎﻋﺎﺕ ﺑﻄﻴﺌﺔ ﻭﺣﺴﻦ ﺟﺎ ﻃﺎﻳﺮ ﻻ‌ﺑﻮﻩ ﻭﺳﺎﻗﻮ ﻭﺑﺴﺮﻋﺔ ﻭﺻﻠﻮ ﺍﻟﺒﻴﺖ . ﻟﻘﻤﺔ ﻣﺎ ﺍﻛﻠﻬﺎ ﻟﺒﺲ .. ﻭﺭﻛﺐ ﺍﻟﻌﺮﺑﻴﺔ ﻭﻳﻼ‌ ﻋﻠﻰ ﻧﺎﺱ ﺍﻟﻬﺎﺩﻱ .. ﻭﻭﺻﻞ ﻭﺗﺮﺣﻴﺐ ﻭﺍﺳﺘﻘﺒﺎﻝ ﺑﻜﻞ ﺍﻧﻮﺍﻉ ﺍﻟﺒﻬﺠﺔ ..ﺍﻻ‌ﺑﻮ ﻭﺍﻟﺒﻨﻴﺎﺕ ﺍﻟﺼﻐﺎﺭ ﺑﻠﻌﺒﻮ ﺟﻨﺒﻮﻭﺍﻟﺒﺖ ﺍﻟﻜﺒﻴﺮﺓ (ﺇﻛﺮﺍﻡ) ﻭﺍﻣﻬﺎ ﻛﺎﻧﻮ ﺟﻮﺓ .. ﺑﻌﺪ ﺷﻮﻳﺔ ﺟﺎﺑﺖ ﺍﻟﺸﺎﻱ ﺍﺑﻮﻫﺎ ﻗﺎﻝ ﻟﻴﻬﻮ ﺍﻧﺖ ﻣﺘﻐﺪﻱ ﻳﺎ ﺣﺴﻦ ..؟ ﻗﺎﻝ ﺍﻳﻮﺓ ﺍﻟﺤﻤﺪ ﻟﻠﻪ ﻣﻠﻴﺎﻥ ﻓﻞ .. ﻭﻫﻮ ﺟﻌﺎﻥ ﻗﺎﺭﺻﻪ ﻣﻌﺎﻫﻮ ﻋﻠﻰ ﺍﻟﻔﻄﻮﺭ ﻟﻜﻦ ﻫﺴﻲ ﺟﻴﻌﺎﻥ ﻟﻠﺨﺒﺮ ﺑﺲ .. ﻣﺎ ﻋﺎﻳﺰ ﺍﻟﺒﺮﻧﺎﻣﺞ ﻳﺠﺮ ﺍﻛﻞ ﻭﻛﺪﺍ ..ﻏﺪﺍﻫﻮ ﺍﻟﺪﺍﻳﺮﻭ ﻣﻠﻮﺧﻴﺔ (ﺑﺎﻟﺸﻤﺎﺍﺍﺍﺍﺍﺍﺍﺭ ..) ﺍﻟﻤﻬﻢ ﺧﺘﻮ ﺍﻟﺸﺎﻱ ﻭﻗﺎﻝ ﻟﻠﺒﻨﺎﺕ ﺍﻟﺼﻐﺎﺭ ﺍﻣﺸﻮ ﺑﻴﻐﺎﺩﻱ .. ﻭﺑﺪﺃ ﻳﺤﻜﻲ ﻃﻮﺍﻟﻲ .. ﻋﺎﺭﻑ ﻳﺎ ﺣﺴﻦ ﺍﻟﻜﻼ‌ﻡ ﺍﻟﺒﻘﻮﻟﻮ ﻟﻴﻚ ﺩﻩ ﻣﺎﻓﻲ ﺯﻭﻝ ﻋﺎﺭﻓﻪ ﺍﻻ‌ ﺃﺑﻮﻙ. ﻭﺍﻧﺎ ﻭﺍﺛﻖ ﻣﻨﻚ ﺯﻱ ﻣﺎ ﻭﺍﺛﻖ ﻓﻲ ﺍﺑﻮﻙ . ﻗﺎﻟﻴﻬﻮ ﺍﺗﻔﻀﻞ ﻳﺎ ﻋﻢ ﺍﻟﻬﺎﺩﻱ ﻭﺍﻟﻠﻪ ﺳﺮﻙ ﻓﻲ ﺍﻟﻤﺤﻴﻂ ﺍﻷ‌ﻃﻠﺴﻲ ..ﻋﻢ ﺍﻟﻬﺎﺩﻱ ﻗﺎﻟﻴﻬﻮ : ﺍﺳﺎﺳﺎ ﺍﻧﺎ ﻭﺍﻟﺼﺎﺩﻕ ﺍﺧﻮﻱ ﺍﺧﻮﺍﻥ ﺃﺷﻘﺎ. ﻭﻣﺎ ﻋﻨﺪﻧﺎ ﻻ ‌ﺃﺧﻮ ﻭﻻ‌ ﺍﺧﺖ .. ﻭﻫﻮ ﺍﻛﺒﺮ ﻣﻨﻲ ﻭﺭﺑﺎﻧﻲ ﺯﻱ ﻛﺎﻧﻲ ﻭﻟﺪﻩ .. ﻫﻮ ﺍﺗﺰﻭﺝ ﻭﺟﺎﺏ ﻭﻟﺪ ﻭﺑﺖ ﻭﺍﻧﺎ ﺍﺗﺰﻭﺟﺖ.ﻭﺟﺒﺖ ﺍﻟﺒﺖ ﺍﻟﻜﺒﻴﺮﺓ ﺍﻻ‌ﻧﺖ ﺷﺎﻳﻔﺎ ﺩﻱ ﺍﺳﻤﻬﺎ ﺍﻛﺮﺍﻡ ..ﻭﻗﺪﺭ ﺍﻟﻠﻪ ﺯﻭﺟﺘﻲ ﺟﺎﻫﺎ ﺗﻬﺘﻚ ﻓﻲ ﺍﻟﺸﺒﻜﻴﻪ . ﻭﺍﻟﺪﻛﺎﺗﺮﺓ ﻗﺎﻟﻮ ﻣﺎﻓﻲ ﺍﻣﻞ ﻓﻲ ﺷﻔﺎﻫﺎ .. ﻭﻭﻗﻔﻨﺎ ﻣﻦ ﺍﻻ‌ﻧﺠﺎﺏ ﻋﺸﺎﻥ ﺍﻟﻌﻤﻰ ﺑﺲ ﻣﺎ ﻋﺸﺎﻥ ﺷﻲ ﺗﺎﻧﻲ .. ﻓﻲ ﺍﻟﻔﺘﺮﺓ ﺩﻱ ﺍﺧﻮﻱ ﺍﻟﺼﺎﺩﻕ ﻛﺎﻥ ﻣﻮﺩﻱ ﺯﻭﺟﺘﻪ ﺍﻟﺪﻛﺘﻮﺭ ﻟﻤﻌﺎﻳﻨﺔ ﻋﺎﺩﻳﻪ ﺣﺼﻞ ﻟﻴﻬﻢ ﺣﺎﺩﺙ ﻣﺎﺗﻮ ﺍﻻ‌ﺗﻨﻴﻦ ﻓﻲ ﻧﻔﺲ ﺍﻟﻴﻮﻡ .. ﻭﺍﻧﺎ ﺍﺳﺘﻠﻤﺘﻪ ﺍﻭﻻ‌ﺩﻩ ﺍﻻ‌ﺗﻨﻴﻦ . ﻭﺭﺑﻨﺎ ﻋﻮﺿﻨﻲ ﺍﻭﻻ‌ﺩ ﺑﺪﻝ ﺍﻭﻻ‌ﺩﻱ ﺑﺲ ﻋﺸﺎﻥ .. ﺭﺑﻨﺎ ﺣﺮﻣﻨﻲ ﻣﻦ ﺍﻻ‌ﻧﺠﺎﺏ ﻋﻮﺿﻨﻲ ﺍﻭﻻ‌ﺩ ﺑﺎﻟﻀﺒﻂ ﻣﺘﻞ ﺍﻭﻻ‌ﺩﻱ .. ﻭﺭﺑﻴﺘﻬﻢ ﺍﺣﺴﻦ ﺗﺮﺑﻴﻪ . ﻭﺑﻨﺘﻲ ﻟﻘﺖ ﻟﻴﻬﺎ ﺍﺧﺖ ﻭﺍﺧﻮ . ﻭﺍﺗﺮﺑﻮ ﺍﻟﺘﻼ‌ﺗﺔ ﻛﺎﻧﻬﻢ ﺍﺷﻘﺎﺀ . ﻭﻋﺎﺻﻢ ﻭﺩ ﺍﺧﻮﻱ ﺍﻟﺼﺎﺩﻕ ﺑﻘﻰ ﻟﻲ ﺯﻱ ﻭﻟﺪﻱ .. ﻭﺑﺤﺘﺮﻣﻨﻲ ﻭﺑﻘﺪﺭﻧﻲ . ﻭﺍﺧﺘﻪ ﻏﻨﻴﺔ ﺑﺘﺤﺒﻨﻲ ﺍﻛﺘﺮ ﻣﻦ ﺍﻛﺮﺍﻡ ﺑﺘﻲ .. ﻭﺍﻭﻻ‌ﺩﻱ ﺍﻟﺘﻼ‌ﺗﺔ ﺻﻠﻮﺍﺗﻬﻢ ﻓﻲ ﻣﻮﺍﻋﻴﺪﻫﺎ ﻭﺑﻀﺮﺑﻮﺍ ﺑﻴﻬﻢ . ﺍﻟﻤﺜﻞ ﻓﻲ ﺍﻟﺤﻠﺔ ﻣﻦ ﺍﻻ‌ﺩﺏ ﻭﺍﻟﺘﻬﺬﻳﺐ. ﻭﻣﺎ ﺷﻌﺮﺕ ﻧﻬﺎﺋﻲ ﺍﻧﻮ ﺍﻧﺎ ﺍﺗﺤﺮﻣﺘﺎ ﻣﻦ ﺍﻻ‌ﻧﺠﺎﺏ ﻭﻻ‌ﺷﻌﺮﺕ . ﻭﺯﻭﺟﺘﻲ ﻓﺮﺣﺎﻧﺔ ﺑﺄﻭﻻ‌ﺩ ﺍﺧﻮﻱ ﻭﺑﺘﺤﺒﻬﻢ ﺣﺐ ﺷﺪﻳﺪ .ﺑﺲ ﻃﺒﻌﺎ ﻋﻤﺮﻩ ﺍﻭﻻ‌ﺩ ﺍﻟﺤﺮﺍﻡ ﻣﺎ ﺑﺨﻠﻮ ﺣﻴﺎﺗﻚ ﺗﻤﺸﻲ ﺯﻱ ﻣﺎ ﻫﻲ .. لا‌ﻧﻬﻢ ﺣﺎﻗﺪﻳﻦ ﻋﻠﻰ ﺍﻟﻤﺠﺘﻤﻊ ﻭﺑﺤﺴﺪﻭﺍ ﺍﻟﺴﻌﺎﺩﺓ ﻭﻻ‌ﺣﻮﻝ ﻭﻻ‌ﻗﻮﺓ ﺍﻻ‌ ﺑﺎﻟﻠﻪ ﻋﺎﺻﻢ ﺑﺎﺭﻯ ﻟﻴﻬﻮ ﺷﻠﺔ ﺳﻴﺌﺔ ﻛﺪﺍ. ﻭﺍﺻﺤﺎﺏ ﺳﻮﺀ ﻭﺍﻧﺎ ﺍﺗﻜﻠﻤﺖ ﻣﻌﺎﻫﻮ ﻭﺣﺬﺭﺗﻪ ﻭﻫﺪﺩﺗﻪ ﻛﻢ ﻣﺮﺓ ﻭﺳﻤﻌﺖ ﺧﺒﺮ ﺗﺤﺖ ﺗﺤﺖ ﺍﻧﻮ ﻫﻮ ﻭﺍﺻﺤﺎﺑﻮ. ﺑﺸﺎﻫﺪﻭ ﺍﻓﻼ‌ﻡ ﺳﻴﺌﻪ.. ﻭﺳﺄﻟﺘﻮ ﻣﻦ ﺍﻟﺨﺒﺮ ﻭﻧﻜﺮ ﺟﺪﺍ.. ﺑﻌﺪ ﻓﺘﺮﺓ ﺟﻴﺖ ﻟﻘﻴﺖ ﺑﺘﻲ ﺍﻛﺮﺍﻡ ﺑﺘﺘﻜﻠﻢ ﻣﻊ ﻏﻨﻴﺔ ﺑﺖ ﺍﻟﺼﺎﺩﻕ ﺍﺧﻮﻱ ﻭﺗﻘﻮﻝ ﻟﻴﻬﺎ ﻳﺎ ﻏﻨﻴﺔ ﺍﻟﺒﻨﺎﺕ ﺍﻻ‌ﻧﺘﻲ ﺑﺎﺭﻳﺎﻫﻢ ﺩﻳﻞ .. ﺳﻴﺌﺎﺕ ﻭﺑﺸﺮﺑﻦ ﺍﻟﺸﻴﺸﺔ ﻭﺍﺣﺘﻤﺎﻝ ﻳﻜﻮﻧﻮ ﺑﺘﻨﺎﻭﻟﻮ ﻣﺨﺪﺭﺍﺕ ﺩﻳﻞ ﺑﻨﺎﺕ ﺍﺷﻜﺎﻟﻬﻢ ﺑﺘﺪﻝ ﻋﻠﻰ ﺍﻟﻀﻼ‌ﻝ ﻭﻣﻌﺼﻴﺔ ﺍﻟﻠﻪ ﺑﻘﺪﺭ ﻣﺎ اﺗﺒﺴﻄﺖ ﻣﻦ ﺑﺘﻲ ﺍﺗﺼﺪﻣﺖ ﻓﻲ. ﻏﻨﻴﺔ ﺑﺮﺿﻮ ﻭﺣﺴﻴﺖ ﺍﻧﻲ ﻣﺎ ﻗﺪﺭﺕ ﺍﻗﻮﻡ ﺑﻮﺍﺟﺐ ﺍﻟﺘﺮﺑﻴﺔ ﺗﺠﺎﻩ ﺍﻭﻻ‌ﺩ ﺍﺧﻮﻱ ﺍﻟﺤﺒﻴﺐ ﺑﺲ ﻃﺒﻌﺎ ﻻ ‌ﺑﻘﺪﺭ ﺍﺟﻠﺪﻫﻢ. ﻭﻻ‌ﺑ ﻘﺪﺭ ﺍﺫﻳﻬﻢ ﺑﺤﺎﺟﺔ ﺩﻳﻞ ﺍﻭﻻ‌ﺩ ﻣﻜﺴﻮﺭﻳﻦ ﺍﻟﺠﻨﺎﺡ.. ﻭﺍﻧﺎ ﺑﻘﻴﺖ ﻟﻴﻬﻢ ﺍﺑﻮﻫﻢ ﻭﺍﻣﻬﻢ .. ﻭﺍﺗﺨﺬﺕ ﻣﻌﺎﻫﻢ ﻃﺮﻳﻖ ﺍﻟﻠﻴﻦ ﻭﺍﻟﺤﻨﻴﺔ ﻭﺣﺴﻴﺖ ﺍﻧﻬﻢ ﻣﺎﺷﻴﻦ ﺍﻟﻰ ﺍﻻ‌ﺣﺴﻦ ﺧﺼﻮﺻﺎ ﻏﻨﻴﺔ ﺭﺟﻌﺖ ﺍﻟﺤﻤﺪ ﻟﻠﻪ ﺍﺣﺴﻦ ﻣﻦ ﺍﻻ‌ﻭﻝ..

[لامارا]

الحلقة الخامسة



ﻭﻣﺎ ﺯﺍﻝ ﻋﻤﻚ ﺍﻟﻬﺎﺩﻱ ﺑﻴﺤﻜﻲ ..ﻟﻲ ﺣﺴﻦ ﻓﻲ ﻗﺼﺘﻮ ﺍﻟﺨﻠﺘﻮ ﻳﺒﻜﻲ ..ﻗﺎﻝ ﻟﻴﻬﻮ ﺃﻣﺎ ﺑﺘﻲ ﺍﻛﺮﺍﻡ ﺍﻟﻠﻪ ﻳﺒﺎﺭﻙ ﻓﻲ ﺍﻳﺎﻣﻬﺎ.. ﻛﺎﻧﺖ ﺷﺎﻳﻠﺔ ﻃﺒﺎﻳﻊ ﺍﻣﻬﺎ ﺍﻟﺴﻤﺤﺔ ﻭﺑﺲﻭﻃﺒﺎﻳﻌﻲ ﺍﻧﺎ ﺍﻟﺴﻤﺤﺔ ﻭﻃﺒﺎﻳﻌﻨﺎ ﺍﻟﺸﻴﻨﺔ ﻣﺎ ﺷﺎﻟﺖ ﻣﻨﻬﺎ ﺣﺎﺟﺔ .. ﺣﻨﻴﻨﺔ ﻭﻋﻄﻮﻓﺔ ﻭﺻﺎﺩﻗﺔ ﻭﺻﺮﻳﺤﺔ ﻭﻭﻓﻴﻪ ..ﻭﻛﻠﻤﺎ ﻳﺘﻤﻨﺎﻫﻮ ﺍﻟﺮﺟﻞ ﻓﻴﻬﺎ ..ﺻﺮﻳﺤﺔ ﻣﻌﺎﻱ ﻟﺪﺭﺟﺔ ﺑﺪﻳﻨﻲ ﺍﺳﺮﺍﺭ ﻣﺎ ﺑﺘﺪﻳﻬﺎ ﻟﻲ ﺻﺎﺣﺒﺎﺗﻬﺎ.. ﻭﺍﻧﺎ ﺑﺎﻗﻲ ﻟﻴﻬﺎ ﺍﻻ‌ﺏ ﻭﺍﻟﺼﺪﻳﻖ ﻭﺍﻻ‌ﻡ ﻭﺍﻟﺼﺪﻳﻘﺔ ﻻ‌ﻧﻲ ﺯﻭﻝ ﻓﺎﻫﻢ ﻭﻣﺘﻌﻠﻢ ﻭﺑﻔﻬﻢ ﻣﺸﺎﻋﺮ ﺍﻟﺸﺒﺎﺏ . ﻭﺧﺼﻮﺻﺎً ﺍﻟﺒﻨﺎﺕ . ﻭﺑﺘﻌﺎﻣﻞ ﻣﻌﺎﻫﺎ ﻣﺎ ﻛﺄﻧﻲ ﺍﺑﻮﻫﺎ ﺍﺑﺪﺍ ﻓﻲ ﻳﻮﻡ ﻣﻦ ﺫﺍﺕ ﺍﻻ‌ﻳﺎﻡ ﻋﻴﺖ ﺷﺪﻳﺪ .. ﻭﻣﻦ ﺍﻟﺼﺒﺎﺡ ﻗﺎﻣﺖ ﺗﻌﺒﺎﻧﺔ ﻭﻣﺮﻫﻘﺔ ﻭﻣﺘﺄﻟﻤﺔ ﻭﻋﻨﺪﻫﺎ ﻗﺒﻀﺔ ..ﻛﻨﺎ ﻣﺎﺷﻴﻦ ﺍﻟﻤﺴﺘﺸﻔﻰ . ﻭﻫﻲ ﻗﺎﻟﺖ ﻳﺎ ﺟﻤﺎﻋﺔ ﺍﻧﺎ ﻣﺎ ﻣﺴﺘﺤﻘﺔ ﺍﻟﻤﺴﺘﺸﻔﻰ ﺍﻧﺎ ﻛﻮﻳﺴﺔ ..ﺍﻟﻤﻬﻢ ﻧﺤﻦ ﺑﻨﺠﺎﺩﻝ ﻓﻴﻬﺎ . ﺟﺎﺗﻨﺎ ﻏﻨﻴﺔ ﺟﺎﺭﻳﻪ ﻗﺎﻟﺖ ﺗﻌﺎﻟﻮ ﺷﻮﻓﻮ ﻋﺎﺻﻢ ﺣﺼﻠﺖ ﻟﻴﻬﻮ ﻏﻴﺒﻮﺑﻪ .. ﺍﻟﺒﺖ ﺍﺗﺨﻠﻌﺖ ﻭﺍﻟﺘﻌﺐ ﻃﺎﺭ ﻟﻴﻬﺎ ﻓﻲ ﺭﺍﺳﻬﺎ ﺧﻄﻔﻨﺎ ﻋﺎﺻﻢ ﻻ‌ﻧﻮ ﺗﻌﺒﺎﻥ ﺍﻛﺘﺮ ﻣﻨﻬﺎ ﻭﺩﻳﻨﺎﻫﻮ ﺍﻟﻤﺴﺘﺸﻔﻰ ..ﺭﻛﺒﻮ ﻟﻴﻬﻮ ﺍﻛﺴﺠﻴﻦ ﻭﻋﻤﻠﻮ ﻟﻴﻬﻮ ﺍﻟﻔﺤﻮﺻﺎﺕ..ﻭﺍﻟﺤﻤﺪ ﻟﻠﻪ ﻓﺤﻮﺻﺎﺗﻪ ﻃﻠﻌﺖ ﻧﻀﻴﻔﺔ ﺍﻟﺪﻛﺘﻮﺭ ﻗﺎﻝ ﺍﺣﺘﻤﺎﻝ ﺍﺭﻫﺎﻕ ﻭﺍﻛﺮﺍﻡ ﻧﺴﻴﻨﺎﻫﺎ ﺧﺎﻟﺺ ..ﻻ‌ﻧﻲ ﺍﻧﺎ ﺑﻄﺒﻴﻌﺔ ﺣﺎﻟﻲ ﺑﻬﺘﻢ ﺑﻲ ﺍﻭﻻ‌ﺩ ﺍﺧﻮﻱ ﺍﻛﺘﺮ ﻣﻦ ﺑﻨﺎﺗﻲ ..ﻻ‌ﻧﻬﻢ ﺍﻣﺎﻧﻪ ﻓﻲ ﺭﻗﺒﺘﻲ ..ﻭﺍﻟﺤﻤﺪ ﻟﻠﻪ ﺍﻟﻴﻮﻡ ﺩﺍﻙ ﻋﺪﺍ ﻋﻠﻰ ﺧﻴﺮ.. ﻭﺍﻭﻻ‌ﺩﻱ ﺑﻘﻮ ﻛﻮﻳﺴﻴﻦ ..
ﻳﻮﻡ ﺟﺎﺗﻨﻲ ﺍﻛﺮﺍﻡ ﺑﺘﻲ ﻗﺎﻟﺖ ﻳﺎ ﺑﺎﺑﻮﻱ ﻓﻲ ﻭﺍﺣﺪ ﺯﻣﻴﻠﻲ ﻓﻲ ﺍﻟﺠﺎﻣﻌﺔ ﻗﺎﻝ ﻟﻲ ﺍﻧﺎ ﻋﺎﻳﺰﻙ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ.. ﻭﻃﺒﻌﺎً ﻳﺎ ﺍﺑﻮﻱ ﺍﻟﺰﻭﻝ ﻛﻮﻳﺲ ﺑﺲ ﺍﻧﺎ ﻗﻠﺖ ﻟﻴﻬﻮ ﺑﺮﺩ ﻟﻴﻚ ﺑﻜﺮﺓ . ﺍﻫﺎ ﺍﻧﺎ ﺩﺍﻳﺮﺓ ﺭﺍﻳﻚ ﺍﻗﻮﻝ ﻟﻴﻬﻮ ﺷﻨﻮ؟
ﻃﺒﻌﺎً ﺍﻧﺎ ﻗﻠﺖ ﻟﻴﻬﺎ .. ﻗﻮﻟﻲ ﻟﻴﻬﻮ ﺭﺑﻨﺎ ﻳﺴﻮﻱ ﺍﻟﻔﻴﻬﺎ ﺧﻴﺮ .. ﻭﺍﺗﻌﺮﻓﻲ ﻋﻠﻴﻬﻮ ﻛﻮﻳﺲ ﺍﻧﺘﻲ ﺯﻭﻟﺔ ﻭﺍﻋﻴﺔ ﺍﻧﺎ ﻣﺎ ﺑﻮﺻﻴﻚ ..
ﻭﻓﻌﻼ‌ ﺗﺎﻧﻲ ﻳﻮﻡ ﺟﺎﺗﻨﻲ ﻭﻗﺎﻟﺖ ﻟﻲ ﻳﺎ ﺃﺑﻮﻱ ﺍﻟﻮﻟﺪ ﺍﺳﻤﻮ ﻋﺒﺪ ﺍﻟﺤﻜﻢ . ﻭﺩﻱ ﺍﺧﺮ ﻟﻴﻬﻮ ﺳﻨﺔ ﻓﻲ ﺍﻟﺠﺎﻣﻌﺔ . ﻭﻣﺠﻬﺰ ﻟﻴﻬﻮ ﻛﻞ ﻣﺎ ﻳﻠﺰﻡ ﺯﻭﺍﺟﻪ ﻟﻐﺎﻳﺔ ﺍﻟﺒﻴﺖ ﻭﺍﻟﻌﻔﺶ ﻭﺍﻧﺎ ﻳﺎ ﺩﻭﺏ ﻓﻲ ﺍﻭﻟﻰ ﺍﻋﻤﻞ ﺷﻨﻮ؟
ﺍﻧﺎ ﻗﻠﺖ ﻟﻴﻬﺎ ﺍﻗﺒﻠﻲ ﺑﻴﻬﻮ ﻭﺍﺷﺘﺮﻃﻲ ﻋﻠﻴﻬﻮ ﻳﻜﻤﻞ ﻟﻴﻚ ﺩﺭﺍﺳﺘﻚ. ﻭﺍﺗﻌﺮﻓﺖ ﻋﻠﻰ ﺍﻟﻮﻟﺪ ﻭﺍﻫﻠﻮ . ﻭﺍﻟﻮﻟﺪ ﻭﺍﻓﻖ ﻋﻠﻰ ﺍﻟﺸﺮﻁ . ﻭﺍﻧﺎ ﺍﺗﻌﺮﻓﺖ ﻋﻠﻰ ﺍﻟﻮﻟﺪ ﻭﺍﻫﻠﻮ ﺑﻌﺪ ﻣﺎ ﺳﺎﻟﺖ ﻣﻨﻮ ﻛﻮﻳﺲ .. ﺟﺎﺏ ﺍﻫﻠﻪ ﻭﻣﻀﻴﻨﺎ ﻟﻴﻬﻮ ﺍﻟﻤﻮﺿﻮﻉ ﺑﻌﺪ ﺍﻧﺎ ﺷﺎﻭﺭﺗﻬﺎ ﻓﻲ ﻭﺩ ﻋﻤﻬﺎ ﺍﻟﻤﺘﺮﺑﻲ ﻣﻌﺎﻫﺎ.
ﻭﻫﻲ ﻗﺎﻟﺖ ﻳﺎ ﺍﺑﻮﻱ ﻋﺎﺻﻢ ﻣﺘﻞ ﺍﺧﻮﻱ ﻣﺎ ﺑﻘﺪﺭ ﺍﺗﺰﻭﺟﻪ ﺧﺎﻟﺺ . ﻣﺎ ﻋﻨﺪﻱ ﺗﺠﺎﻫﻮ ﺍﺣﺴﺎﺱ ﻏﻴﺮ ﺍﻧﻮ ﺍﺧﻮﻱ ﺍﻟﻜﺒﻴﺮ ..ﻭﻋﺎﺻﻢ ﻟﻤﺎ ﺷﺎﻭﺭﺗﻪ ﺳﻜﺖ ﻣﺎ ﻗﺎﻝ ﻟﻲ ﺃﻣﻀﻲ ﻭﻻ‌ ﻗﺎﻝ ﻟﻲ ﻭﻗﻒ ..
ﺍﻟﻤﻬﻢ ﻗﻠﺖ ﻟﻴﻬﻮ ﻟﻮ ﻋﻨﺪﻙ ﺍﻋﺘﺮﺍﺽ ﻋﻠﻰ ﺍﻟﺰﻭﺍﺝ ﺭﺳﻞ ﻟﻲ ﺭﺳﺎﻟﻪ ﺍﻭ ﺭﺳﻞ ﻟﻲ ﺯﻭﻝ .. ﻭﻣﺸﻴﺖ ﻣﻨﻪ .. ﻭﺍﻻ‌ﻣﻮﺭ ﻣﺸﺖ ﻭﺍﻟﺒﺖ ﺍﺗﺰﻭﺟﺖ ﻭﺍﻟﺤﻤﺪ ﻟﻠﻪ ﺯﻭﺍﺝ ﻛﺄﺣﺴﻦ ﻣﺎ ﻳﻜﻮﻥ ﻭﺍﻟﺪﻧﻴﺎ ﻛﻠﻬﺎ ﺷﻬﺪﺕ ﻭﺣﻀﺮﺕ ﺍﻧﻲ ﺯﻭﺟﺖ ﺑﺘﻲ . ﺑﺎﻟﻔﻲ ﻭﺍﻟﻤﺎﻓﻲ ... ﻭﻣﻀﺖ ﺑﻌﺪ ﺍﻟﻌﺮﺱ ﺑﻴﻮﻡ ﻭﺍﺣﺪ .. ﻭﺑﻌﺪ ﺍﻟﻌﺮﻳﺲ ﺳﺎﻕ ﻋﺮﻭﺳﻪ ﻭﻣﺸﻮ ﻋﻠﻰ ﺷﻬﺮ ﺍﻟﻌﺴﻞ ..
ﺗﺎﻧﻲ ﻳﻮﻡ ﻣﻦ ﺍﻟﺼﺒﺎﺡ ﺟﺎﻧﻲ ﻋﺎﺻﻢ ﻭﻗﻌﺪ ﻟﻲ ﻓﻲ ﺍﻟﻜﺮﺳﻲ ..ﻭﻗﺎﻝ ﻟﻲ يا عمي ﺍﻧﺎ ﻋﺎﻳﺰ ﺍﻗﻮﻝ ﻟﻴﻚ ﻛﻼ‌ﻡ ..ﻭﺍﻥ ﺷﺎء ﺍﻟﻠﻪ ﺗﻘﺪﺭ ﺗﻔﻬﻤﻨﻲ ..
ﻗﻠﺖ ﻟﻴﻬﻮ ﻗﻮﻝ ﻳﺎ ﻋﺎﺻﻢ ﻳﺎ ﻭﻟﺪﻱ ﺍﻧﺎ ﺳﺎﻣﻌﻚ ﺃﻛﻴﺪ ﺡ ﺃﻓﻬﻤﻚ ..
ﻗﺎﻝ ﻟﻲ ﻳﺎﻋﻢ ﺍﺭﺟﻮﻙ ﻣﺎﺗﺰﻋﻞ ﻣﻨﻲ .ﻻ‌ﻧﻲ ﺑﺤﺐ ﻟﻲ ﺑﺖ ﻓﻲ ﺍﻟﺠﺎﻣﻌﺔ ﻭﻣﺎ ﺑﻘﺪﺭ ﺍﺗﺰﻭﺝ ﻏﻴﺮﻫﺎﻋﺸﺎﻥ ﻛﺪﺍ ﻣﺎﻗﺪﺭﺕ ﺭﺩﻳﺖ ﻟﻴﻚ ﻋﻠﻰ ﻃﻠﺒﻚ ﻓﻲ ﻗﺼﺔ ﺍﻛﺮﺍﻡ ..ﺑﺲ ﺍﻟﺒﺖ ﺍﻷ‌ﻧﺎ ﺣﺎﺑﻴﻬﺎ ﺍﻣﻬﺎ ﺑﺘﺒﻴﻊ ﺍﻟﺸﺎﻱ ﻓﻲ ﺍﻟﺴﻮﻕ .ﻭﻛﻞ ﺍﺻﺤﺎﺑﻲ ﻗﺎﻟﻮ ﻟﻲ ﺍﻫﻠﻚ ﻣﺎﺑﻮﺍﻓﻘﻮ .
ﺍﻧﺎ ﻗﻠﺖ ﻟﻴﻬﻮ ﻳﺎ ﻋﺎﺻﻢ ﻳﺎ ﻭﻟﺪﻱ ﺍﻟﻜﻼ‌ﻡ ﻋﻠﻰ ﺍﻟﺴﻠﻮﻛﻴﺎﺕ ﻭﺍﻻ‌ﺧﻼ‌ﻕ ﻭﻣﺎﻟﻮ ﻛﻮﻧﻬﺎ ﺗﺒﻴﻊ ﺍﻟﺸﺎﻱ ﻓﻲ ﺍﻟﺴﻮﻕﺍﻟﻨﺎﺱ ﻣﻠﺰﻣﺔ ﺑﻈﺮﻭﻑ ﺍﺣﺴﻦ ﻣﻦ ﺗﺸﺤﺪ ﺍﻟﺮﺟﺎﻝ ﺍﻭ ﺗﺘﺎﺟﺮ ﺑﺎﻟﺒﻐﻲ ﺍﺣﺴﻦ ﺗﺮﺑﻲ ﺍﻭﻻ‌ﺩﻫﺎ ﺑﺎﻟﺤﻼ‌ﻝ... ﻭﻛﻮﻥ ﺍﻟﻤﺮﺍﺓ ﺗﻌﻤﻞ ﺷﺎﻱ ﺍﻭ ﻃﻌﻤﻴﺔ ﺍﻭ ﻓﻮﻝ ﺩﻩ ﻣﺎ ﻋﻴﺐ ﻳﺎ ﻭﻟﺪﻱ ﺍﻟﻌﻴﺐ ﺍﻟﺴﺮﻗﺔ ﻭﺍﻟﺸﺤﺪﺓ ﻭﺍﻟﻌﻴﺐ ﺍﻟﺤﺮﺍﻡ...ﺍﻧﺎ ﻭﻟﻲ ﺍﻣﺮﻙ ﻭﻣﺎﻋﻨﺪﻱ ﺍﺑﺪﺍ ﻣﺎﻧﻊ ﻣﺎﺩﺍﻡ ﺍﻧﺖ ﻣﻘﺘﻨﻊ ﺑﺎﻟﺒﺖ ﻭﺍﺧﻼ‌ﻗﻬﺎ ﻭﺳﻠﻮﻛﻬﺎ ..


ودعتكم الله ،،، بس عايزين الناس تتفاعل مع القصة

إلى اللقاء في الحلقة القادمة ،،،،

[لامارا]

الحلقة السادسة



ﻭﻣﺎﺯﺍﻝ ﻋﻤﻚ ﺍﻟﻬﺎﺩﻱ ﻳﺤﻜﻲ ﻟﺤﺴﻦ ﻗﺼﺘﻪ .. ﻗﺎﻝ ﻟﻴﻬﻮ ﺑﻌﺪ ﺗﻼ‌ﺗﻪ ﺍﻳﺎﻡ ﺟﺎﻧﻲ ﺗﻠﻔﻮﻥ ﻣﻦ ﺑﺘﻲ ﻭﻛﺎﻧﺖ ﺑﺘﺒﻜﻲ ﺷﺪﻳﺪ ..ﻭﺍﻧﺎ ﺣﺴﻴﺖ ﺍﻧﻬﺎ ﻓﻌﻼ‌ ﻭﺍﻗﻌﺔ ﻓﻲ ﻣﺸﻜﻠﻪ . ﻭﻗﺎﻟﺖ ﻟﻲ ﻳﺎ ﺍﺑﻮﻱ ﺍﻧﺎ ﻣﺤﺘﺎﺟﺔ ﻟﻴﻚ ﻗﻠﺖ ﻟﻴﻬﺎ ﻳﺎ ﺍﻛﺮﺍﻡ ﻓﻲ ﺷﻨﻮ ؟ ... ﻗﻠﺖ ﻟﻴﻬﺎ ﺧﻠﻲ ﺯﻭﺟﻚ ﻳﺘﺼﻞ ﻋﻠﻲ .. ﻭﻓﻌﻼ‌ ﺯﻭﺟﻬﺎ ﺍﺗﺼﻞ ﻋﻠﻲ ﻭﺍﻧﺎ ﻗﻠﺖ ﻟﻴﻬﻮ ﺗﻌﺎﻟﻮ ﻟﻲ ﺑﺎﻟﻤﺴﺎﺀ ..ﻭﺍﻟﻜﻼ‌ﻡ ﺩﻩ ﻳﺎ ﺣﺴﻦ ﻛﺎﻥ ﺍﻻ‌ﺳﺒﻮﻉ ﺍﻟﻔﺎﺕ . ﻭﻟﻤﺎ ﺟﺎﻧﻲ ﻗﺎﻝ ﻟﻲ ﻳﺎﻋﻢ ﺍﻟﻬﺎﺩﻱ ﺍﻧﺎ ﺁﺳﻒ ﻟﻠﻜﻼ‌ﻡ ﺍﻟﺒﻘﻮﻟﻮ ﻟﻴﻚ ﺩﻩ ﺍﻟﻜﻼ‌ﻡ ﺍﻟﻌﺎﻳﺰ ﺍﻗﻮﻟﻮ ﻟﻴﻚ ﺩﻩ ﺧﻄﻴﺮ ﺷﺪﻳﺪ ﻭﺍﻧﺎ ﺧﺎﻳﻒ. ﻳﺄﺛﺮ ﻋﻠﻰ ﺻﺤﺘﻚ.. ﻳﺎ ﻋﻢ ﺍﻟﻬﺎﺩﻱ ﻭﺍﻟﻠﻪ ﺍﻧﺎ ﻛﻨﺖ ﺑﺘﻤﻨﻰ ﺍﻧﻮ ﺍﻛﻮﻥ ﻟﻚ ﻣﺼﺪﺭ ﺳﻌﺎﺩﻩ.. ﻟﻜﻦ ﺍﻟﻈﺎﻫﺮ ﺍﻟﻜﻼ‌ﻡ ﺍﻟﺢ. ﺃﻗﻮﻟﻮ ﻟﻴﻚ ﺩﻩ ح ﻴﺴﺒﺐ ﺷﺮﺡ ﻭﻓﺮﺍﻕ ﺑﻴﻨﻨﺎ ﻳﺎ ﻋﻢ ﺍﻟﻬﺎﺩﻱ .... ﺑﺘﻚ ﻏﻴﺮ ﻋﺬﺭﺍﺀ .. ﺍﻧﺎ ﺣﺴﻴﺖ ﺣﺴﻴﺖ ﻛﺎﻥ ﺍﻟﺴﻤﺎﺀ ﻭﻗﻊ ﻓﻮﻕ ﺭﺍﺳﻲ ..ﻭﻧﺎﺩﻳﺖ ﺍﻟﺒﺖ ﻳﺎ ﺍﻛﺮﺍﻡ ﺍﻟﺤﺎﺻﻞ ﺷﻨﻮ؟ ﻫﻞ ﺍﻟﺰﻭﻝ ﺩﻩ ﻛﻼ‌ﻣﻪ ﺻﺎﺡ ؟ ﻗﺎﻟﺖ ﻟﻲ ﻭﺍﻟﻠﻪ ﻣﺎ ﺑﻌﺮﻑ ﺣﺎﺟﻪ . ﺑﺲ ﻳﺎ ﺃﺑﻮﻱ ﺍﻧﺎ ﻣﺎ ﻋﻤﻠﺖ ﺍﻱ ﺣﺎﺟﺔ .ﻏﻠﻂ ﻓﻲ ﺣﻴﺎﺗﻲ ..ﻭﺍﻧﺎ ﻳﺎ ﺍﺑﻮﻱ ﻟﻮ ﻭﺍﺣﺪ ﺷﺎﻏﻠﻨﻲ ﻓﻲ ﺍﻟﺸﺎﺭﻉ ﺑﻜﻠﻤﻚ ﻭﺍﻧﺎ ﺻﺮﻳﺤﻪ ﻣﻌﺎﻙ ﺍﻛﺘﺮ ﻣﻦ ﺍﻣﻲ .. ﻭﺗﺘﺬﻛﺮ ﻳﻮﻡ ﺧﻄﻴﺒﻲ ﺍﻻ‌ﻭﻝ ﻃﻠﺐ ﻳﻘﺒﻠﻨﻲ .. ﻭﺍﻧﺎ ﻭﺍﻓﻘﺖ ﻭﺟﻴﺖ ﻛﻠﻤﺘﻚ ﺑﺎﻟﻘﺒﻠﻪ .. ﻭﺍﻧﺖ ﻗﻠﺖ ﻟﻲ ﺣﺼﻞ ﺧﻴﺮ ﺑﺲ ﺗﺎﻧﻲ ﻣﺎ ﺗﻜﺮﺭﻳﻬﺎ ؟. ﺍﻧﺎ ﻗﻠﺖ ﻟﻴﻬﺎ ﺍﻳﻮﺓ ﻣﺘﺬﻛﺮ .. ﻗﺎﻟﺖ ﻟﻲ ﻣﺴﺘﺤﻴﻞ ﻳﺎ ﺍﺑﻮﻱ ﺍﻧﺎ ﺍﻋﻤﻞ ﺣﺎﺟﺔ ﺯﻱ ﺩﻱ ﻣﺴﺘﺤﻴﻞ .. ﻭﺍﻧﺎ ﻳﺎ ﺣﺴﻦ ﻋﺎﺭﻑ ﺑﻨﺘﻲ ﺍﺑﺪﺍ ﻣﺎ ﺑﺘﻜﺬﺏ .ﻭﺑﻴﻨﻲ ﻭﺑﻴﻦ ﺑﻨﺘﻲ ﻓﻲ ﺍﺳﺮﺍﺭ ﻣﺴﺘﺤﻴﻞ ﺗﻜﻮﻥ ﻓﻲ ﺣﺎﺟﺔ ﺯﻱ ﺩﻱ.. ﻭﺍﻧﺎ ﺣﺴﻴﺖ ﺍﻧﻮ ﺯﻭﺟﻬﺎ ﻋﺎﻳﺰ ﻳﺘﺨﻠﺺ ﻣﻨﻬﺎ ﺑﻄﺮﻳﻘﺔ ﻣﺎ ﺍﻭ ﺑﺎﺧﺮﻱ.. ﺑﺲ ﻣﺎ ﻛﺎﻥ ﺍﻟﻤﻔﺮﻭﺽ ﻳﻘﻮﻝ ﻛﻼ‌ﻡ ﺯﻱ ﺩﻩ . ﺍﻟﻤﻬﻢ ﺑﻌﺪ ﻧﻘﺎﺵ ﻃﻮﻳﻞ ﺍﻧﺎ ﻗﻠﺖ ﻟﻴﻬﻮ ﺍﻧﺎ ﻫﺴﻲ ﺍﺗﺎﻛﺪ ﻣﻦ ﻛﻼ‌ﻣﻚ ﺩﻩ ﻛﻴﻒ؟ ﻗﺎﻝ ﻟﻲ ﺍﺳﺄﻝ ﺑﺘﻚ ﻭﺍﺳﺘﻔﺴﺮ ﻣﻨﻬﺎ . ﺑﺲ ﺑﺘﻲ ﺷﻜﻠﻬﺎ ﻣﺎ ﻓﺎﻫﻤﺔ ﺍﻱ ﺣﺎﺟﺔ . ﻭﻻ‌ ﻣﺴﺘﻮﻋﺒﻪ ﻧﺤﻦ ﺑﻨﺘﻜﻠﻢ ﻓﻲ ﺷﻨﻮ . ﺑﺲ ﺑﺘﺒﻜﻲ ﻭﺗﻘﻮﻝ ﻟﻲ ﻳﺎ ﺍﺑﻮﻱ ﺍﻟﺰﻭﻝ ﺩﻩ ﻗﺎﻝ ﻟﻲ ﺍﻧﺘﻲ ﻣﺎ ﻛﻮﻳﺴﻪ ﻭﺍﻧﺘﻲ ﻭﺍﻧﺘﻲ ﻭﺍﻧﺘﻲ ﻋﻤﻠﺘﻲ ﺷﻨﻮ ﻗﺒﻞ ﻛﺪﺍ ؟ ﻭﺍﻧﺎ ﻣﺎ ﻓﺎﻫﻤﻪ ﻫﻮ ﺑﺘﻜﻠﻢ ﻋﻦ ﺷﻨﻮ ﺑﺎﻟﻈﺒﻂ ﻭﻟﻴﻪ ﻗﺎﻝ ﻛﺪﺍ ؟ ﺍﻫﺎ ﺷﻔﺘﺎ ﻳﺎ ﺣﺴﻦ ﻓﻲ ﺍﻟﻠﺤﻈﻪ ﺩﻱ ... ﺍﻧﺎ ﻗﻠﺖ ﻟﻴﻬﻮ ﺧﻼ‌ﺹ ﺍﻧﺖ ﺍﻣﺸﻲ ﺧﻠﻲ ﻟﻴﻨﺎ ﺍﻛﺮﺍﻡ ﺑﺲ ﺍﻧﺎ ﺑﻄﻠﺐ ﻣﻨﻚ ﻃﻠﺐ ﻳﺎ ﻭﻟﺪﻱ ﺍﻟﻜﻼ‌ﻡ ﺩﻩ ﻣﺎ ﺗﻘﻮﻟﻮ ﻟﺰﻭﻝ ﻗﺎﻝ ﻟﻲ ﻣﺴﺘﺤﻴﻞ ﻳﺎ ﻋﻢ ﺍﻟﻬﺎﺩﻱ ﺍﻧﺎ ﺍﻓﻀﺢ ﺭﻭﺣﻲ ﻭﺍﺗﻜﻠﻢ ﻓﻲ ﻋﺮﺿﻲ ﺍﻫﺎ ﺍﻧﺎ ﻃﻮﺍﻟﻲ ﻣﺎ ﻓﻜﺮﺕ ﻓﻲ ﺯﻭﻝ ﺍﻗﻮﻝ ﻟﻴﻬﻮ ﺍﻟﻜﻼ‌ﻡ ﺩﻩ ﻭﺍﺧﺪ ﺭﺍﻳﻪ ﺍﻻ‌ ﺍﺑﻮﻙ. ﻭﺍﻫﻮ ﺩﻩ ﺍﻟﻴﻮﻡ ﺍﻻ‌ﻭﻝ ﺍﻻ‌ﻧﺖ ﺷﻔﺘﻨﻲ ﺑﺒﻜﻲ .. ﻗﺎﻡ ﺣﺴﻦ ﻗﺎﻝ ﻟﻴﻬﻮ ﻃﻴﺐ ﻳﺎ ﻋﻢ ﺍﻟﻬﺎﺩﻱ ﺍﻟﻴﻮﻡ ﺍﻟﺘﺎﻧﻲ ﺍﻧﺖ ﻛﻨﺖ ﻣﻨﻔﻌﻞ ﻭﺍﺩﻳﺖ ﺍﺑﻮﻱ ﺻﻨﺪﻭﻕ ﺍﺻﻔﺮ ﻛﺪﺍ . ﻭﺍﺑﻮﻱ ﺧﺘﺎﻫﻮ ﻓﻲ ﺍﻟﺨﺰﻧﻪ.. ﺩﻩ ﺷﻨﻮ؟. ﻗﺎﻝ ﻟﻴﻬﻮ ﺍﺻﺒﺮ ﻳﺎ ﺣﺴﻦ ﺍﻟﻘﺼﺔ ﻣﺎ ﺍﻧﺘﻬﺖ..



ﻏﺪﺍً ﺍﻥ ﺷﺎﺀ ﺍﻟﻠﻪ ﻟﻨﺎ ﻟﻘﺎﺀ ..


ودعتكم الله ،،، بس عايزين الناس تتفاعل مع القصة

إلى اللقاء في الحلقة القادمة ،،،،

[لامارا]

الحلقة السابعة

حسن ﻗﺎﻝ ﻟﻴﻬﻮ ﺍﻫﺎ ﻳﺎ ﻋﻤﻲ ﺍﻟﻬﺎﺩﻱ ﻭﺍﺻﻞ ﺍﻟﻘﺼﺔ . ﻗﺎﻝ ﻟﻴﻬﻮ ﺧﻼ‌ﺹ ﺍﻟﻌﺮﻳﺲ ﻗﻨﻊ ﻣﻦ ﺑﺘﻲ .. ﻗﻨﻊ ﺷﺪﻳﺪ ﻭﻗﺎﻝ ﻟﻲ ﺑﺘﻚ ﺩﻱ ﻃﻠﻘﺎﻧﻪ .. ﻭﺍﻧﺎ ﺑﻌﺪﻳﻦ ﺑﺮﺳﻞ ﻟﻴﻚ ﺍﻟﻮﺭﻗﻪ . ﻭﻭﺍﻧﺎ ﻃﺒﻌﺎ ﺩﻩ ﻛﺎﻥ ﺍﺳﻮﺀ ﻳﻮﻡ ﻣﺮ ﻋﻠﻲ ﻓﻲ ﺣﻴﺎﺗﻲ.. ﻭﺍﻧﺖ ﺑﻨﻔﺴﻚ ﺷﻔﺖ ﺍﻟﺒﻜﺎ ﻭﺍﻟﻌﻮﻳﻞ ﺍﻻ‌ﻧﺎ ﻛﻨﺖ ﺑﻌﻤﻞ ﻓﻴﻬﻮ . ﻭﺍﻟﺒﺖ ﻗﻌﺪﺕ ﻓﻲ ﺍﻟﺒﻴﺖ ﻭﺍﻟﻤﻮﺿﻮﻉ ﺍﻧﺘﻬﻰ ﺑﺲ ﻛﺪﺍ. ﺍﻛﺮﺍﻡ ﺑﺘﻲ ﺑﺪﺕ ﺗﻔﻜﺮ ﻓﻲ ﺍﻻ‌ﻧﺘﺤﺎﺭ . ﻭﺣﺘﻰ ﺻﺮﺣﺖ ﻟﻲ ﺑﺎﻟﻜﻼ‌ﻡ ﺩﻩ.. ﻗﺎﻟﺖ ﻟﻲ ﻳﺎ ﺃﺑﻮﻱ ﺍﻧﺎ ﺍﺣﺴﻦ ﻗﺒﻞ ﺍﻟﻨﺎﺱ ﻣﺎ ﻳﺴﻤﻌﻮﺍ ﺑﺎﻟﻔﻀﻴﺤﺔ ﺩﻱ ﻳﺴﻤﻌﻮﺍ ﺍﻧﻮ ﺍﻟﻌﺮﻭﺱ ﻣﺎﺗﺖ . ﻭﺷﻜﻠﻬﺎ ﻓﻌﻼ‌ ﻣﺤﺘﺎﺭﻩ ﺣﻴﺮﺓ ﺷﺪﻳﺪﺓ ﻓﻲ ﺍﻟﻤﻮﺿﻮﻉ .. ﺍﻫﺎ ﻳﺎ ﺣﺴﻦ ﺗﺎﻧﻲ ﻳﻮﻡ ﻃﻮﺍﻟﻲ ﺍﺗﺼﻠﻮ ﻋﻠﻰ ﻧﺎﺱ ﺍﻟﺸﺮﻃﻪ . ﻗﺎﻟﻮ ﻟﻲ ﺍﻧﺖ ﻋﻢ ﺍﻟﻄﺎﻟﺐ ﻋﺎﺻﻢ . ﻗﻠﺖ ﻟﻴﻬﻢ ﻧﻌﻢ . ﻗﺎﻟﻮ ﻟﻲ ﻧﺤﻦ ﻓﻲ ﻣﺮﻛﺰ ﺷﺮﻃﺔ ﺍﻟﺨﺮﻃﻮﻡ ﻏﺮﺏ . ﻗﺒﻀﻨﺎ ﻋﻠﻰ ﻋﺎﺻﻢ ﻭﻣﻌﺎﻫﻮ ﻣﺠﻤﻮﻋﺔ ﻣﻦ ﺍﻟﻄﻠﺒﺔ ﻓﻲ ﻋﻤﻠﻴﺔ ﺗﺨﺮﻳﺒﻴﻪ . ﻓﻲ ﺷﻜﻞ ﻣﻈﺎﻫﺮﺓ . ﻭﻣﺎﻟﻘﻴﻨﺎ ﻋﻨﺪﻩ ﺍﻭﺭﺍﻕ ﻫﻮﻳﻪ . ﺣﺘﻰ ﺑﻄﺎﻗﺔ ﺍﻟﺠﺎﻣﻌﺔ ﺑﻘﻮﻝ ﻧﺎﺳﻴﻬﺎ ﻓﻲ ﺍﻟﺒﻴﺖ . ﻓﻴﺎﺭﻳﺖ ﺗﺠﻴﻨﺎ ﻭﺗﺠﻴﺐ ﻟﻴﻨﺎ ﺍﻱ ﻫﻮﻳﺔ ﺗﺜﺒﺖ ﺍﻧﻮ ﺍﻟﻮﻟﺪ ﺩﻩ ﻓﻌﻼ‌ ﻃﺎﻟﺐ . ﻭﺍﻧﺖ ﻓﻌﻼ‌ ﻋﻤﻮ. ﺍﻫﺎ ﺍﻧﺎ ﻃﻮﺍﻟﻲ ﻣﺸﻴﺖ ﻋﻠﻰ ﻏﺮﻓﺔ ﻋﺎﺻﻢ.. ﻓﺘﺤﺖ ﺍﻟﺪﻭﻻ‌ﺏ ﻓﺘﺸﺖ ﻣﺎﻟﻘﻴﺖ ﺣﺎﺟﺔ . ﻭﻟﻘﻴﺖ ﺷﻨﻄﺘﻪ ﻓﻮﻕ ﺭﺍﺱ ﺍﻟﺪﻭﻻ‌ﺏ ﺣﺎﻭﻟﺖ ﺍﻓﺘﺢ ﺍﻟﺸﻨﻄﺔ ﻟﻘﻴﺘﻬﺎ ﻣﻘﻔﻮﻟﺔ ﻛﺴﺮﺗﻬﺎ . ﻭﻓﺘﺤﺘﻬﺎ ﻟﻘﻴﺖ ﺍﻟﺒﻄﺎﻗﺎﺕ ﻭﻓﻲ ﺍﻟﺸﻨﻄﺔ ﻟﻘﻴﺖ ﻟﻲ ﺻﻨﺪﻭﻕ ﻏﺮﻳﺐ . ﻓﺘﺤﺘﻪ ﻟﻘﻴﺖ ﻓﻴﻬﻮ ﺭﻳﺤﺔ ﻏﺮﻳﺒﺔ . ﻣﺎ ﻋﻄﺮ ﻭﻻ ‌ﺷﻲ .. ﺍﻧﺎ ﻗﻠﺖ ﻳﻤﻜﻦ ﻋﺎﺻﻢ ﻋﻴﺎﻥ ﻭﺑﺴﺘﻌﻤﻞ ﺍﺩﻭﻳﺔ ﻣﻦ ﻏﻴﺮ ﻣﺎ ﻳﻘﻮﻝ ﻟﻲ . ﺍﻟﻤﻬﻢ ﺷﻠﺖ ﺍﻟﺒﻄﺎﻗﺎﺕ ﻭﺍﻟﺼﻨﺪﻭﻕ ﻭﻃﻠﻌﺖ . ﻭﺍﻧﺎ ﻃﺎﻟﻊ ﻏﺸﻴﺖ ﻭﺍﺣﺪ ﺩﻛﺘﻮﺭ ﺻﻴﺪﻻ‌ﻧﻲ ﺻﻴﺪﻳﻠﺔ ﺑﻌﺮﻓﻮ . ﻭﺍﺩﻳﺘﻮ ﺍﻟﺼﻨﺪﻭﻕ ﻗﻠﺖ ﻟﻴﻬﻮ ﺷﻮﻑ ﻟﻲ ﺩﻩ ﺩﻭﺍﺀ ﺷﻨﻮ ﻳﺎ ﺩﻛﺘﻮﺭ . ﺍﻟﺪﻛﺘﻮﺭ ﻋﺎﻳﻦ ﻟﻠﻔﺘﻴﻞ ﻭﻗﺎﻝ ﻟﻲ ﺩﻩ ﺟﺒﺘﻮ ﻣﻦ ﻭﻳﻦ ﻳﺎ ﻋﻢ ﺍﻟﻬﺎﺩﻱ ؟ ﻗﻠﺖ ﻟﻴﻬﻮ ﺑﺲ ﻭﺭﻳﻨﻲ ﻫﻮ ﺷﻨﻮ ؟ ﻗﺎﻝ ﻟﻲ ﺩﺍ ﻧﻮﻉ ﻣﻦ ﻋﻘﺎﻗﻴﺮ ﺍﻟﺘﺨﺪﻳﺮ ﻭﺍﻟﺘﻨﻮﻳﻢ ﺫﺍﺕ ﺍﻟﻔﻌﺎﻟﻴﺔ ﺍﻟﻌﺎﻟﻴﺔ ﻭﺣﺘﻰ ﻣﺎ ﻣﻮﺟﻮﺩ ﻓﻲ ﺍﻟﺒﻠﺪ ﺩﻱ ﻭﻣﻤﻨﻮﻉ ﻻ‌ﻧﻮ ﺧﻄﺮ ﻣﻤﻜﻦ ﻳﻘﺘﻞ . ﻭﻃﺒﻌﺎ ﻛﺪﺍ ﻓﻬﻤﺖ ﺍﻱ ﺣﺎﺟﺔ ﻭﺍﺗﺤﻼ‌ ﻋﻨﺪﻱ ﺍﻟﻠﻐﺰ ﻛﺎﻣﻞ ﻭﻓﻬﻤﺖ ﺍﻟﺴﺒﺐ ﺍﻟﻜﺎﻥ ﻓﻲ ﻃﻼ‌ﻕ ﺑﺘﻲ ﻫﻮ ﺷﻨﻮ . ﻃﺒﻌﺎ ﻧﻬﺎﺋﻴﺎ ﻣﺎ ﻣﺸﻴﺖ ﻟﻤﺮﻛﺰ ﺍﻟﺸﺮﻃﺔ ﻭﻣﺸﻴﺖ ﻻ‌ﺑﻮﻙ ﻭﺳﻠﻤﺘﻪ ﺍﻟﺼﻨﺪﻭﻕ . ﻭﻓﻬﻤﺘﻮ ﺍﻟﺤﺎﺻﻞ . ﻭﻟﻐﺎﻳﺔ ﻫﺴﻲ ﻋﺎﺻﻢ ﻣﻮﺟﻮﺩ ﻓﻲ ﻣﺮﻛﺰ ﺍﻟﺸﺮﻃﺔ . ﻛﺪﺍ ﻓﻬﻤﺖ ﺍﻟﺤﺎﺻﻞ .؟... ﺩﻱ ﻛﻞ ﺍﻟﻘﺼﺔ ﻳﺎ ﺣﺴﻦ ﺑﺘﻘﺪﺭ ﺗﺴﺎﻋﺪﻧﻲ ﺑﺸﻨﻮ؟.
ﺣﺴﻦ ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻋﻢ ﺍﻟﻬﺎﺩﻱ ﺍﻭﻻ‌ ﺍﻧﺎ ﺁﺳﻒ ﻻ‌ﺻﺮﺍﺭﻱ . ﻋﻠﻰ ﻣﻌﺮﻓﺔ ﺍﻟﺴﺒﺐ ﺍﻟﺒﺨﻠﻴﻚ ﺗﺒﻜﻲ ﺯﻱ ﻛﺪﺍ ﻟﻜﻦ ﺍﻗﻮﻝ ﻟﻴﻚ ﺣﺎﺟﺔ . ﺍﻧﺎ ﻋﻨﺪﻱ ﺻﺪﻳﻖ ﻋﺰﻳﺰ ﺿﺎﺑﻂ ﺷﺮﻃﻪ . ﻣﺎﺩﺍﻡ ﻋﺎﺻﻢ ﻣﻮﺟﻮﺩ ﻓﻲ ﺍﻟﺤﺒﺲ ﺧﻠﻴﻨﻲ ﺃﻣﺸﻲ .. ﺍﺧﻠﻴﻬﻮ ﻳﺘﺤﻘﻖ ﻣﻌﺎﻫﻮ ﻓﻲ ﺍﻟﻤﻮﺿﻮﻉ ﺩﻩ ﻭﻧﻔﻬﻢ ﺍﻟﺤﺼﻞ ﺑﺎﻟﻀﺒﻂ .. ﻭﻳﻄﻠﻊ ﻣﻨﻪ ﺍﻟﺤﻘﺎﻳﻖ ﺍﺣﺘﻤﺎﻝ ﺗﻜﻮﻥ ﻓﻲ ﻣﻔﺎﺟﺂﺕ ﻓﻲ ﺍﻟﻤﻮﺿﻮﻉ .
ﻋﻢ ﺍﻟﻬﺎﺩﻱ ﻗﺎﻟﻴﻬﻮ ﺃﻣﺸﻲ ﻳﺎﺣﺴﻦ ﺍﻟﻠﻪ ﻳﻮﻓﻘﻚ.. ﺍﻧﺖ ﻓﻌﻼ‌ ﻭﻟﺪ ﻋﺒﺪ ﺍﻟﺮﺣﻤﻦ ﻭﺣﺴﻦ ﻃﻠﻊ ﻣﻦ ﻋﻢ ﺍﻟﻬﺎﺩﻱ ﺑﻌﺪ ﻣﺎ ﻋﺮﻑ ﺍﻟﻤﻮﺿﻮﻉ.. ﺍﻷ‌ﺗﻌﺒﻪ ﻃﻮﺍﻝ ﺍﻟﻴﻮﻣﻴﻦ ﺍﻟﻤﺎﺿﻴﻴﻦ ﻭﻣﺸﻰ ﻋﻠﻰ ﻃﻮﻝ ﻋﻠﻰ ﺍﺑﻮﻩ ﻭﻗﺎﻝ ﻟﻴﻬﻮ .ﻋﻢ ﺍﻟﻬﺎﺩﻱ ﺣﻜﺎ ﻟﻲ ﺍﻟﻘﺼﺔ ﻭﺍﻧﺎ ﻗﺮﺭﺕ ﺍﺳﺎﻋﺪﻩ ﺑﻤﻮﺿﻮﻉ ﻋﺸﺎﻥ ﻛﺪﺍ ﺍﻧﺎ ﺑﻜﺮﺓ ﻣﺎ ﻣﺎﺸﻲ ﺍﻟﺸﻐﻞ . ﻣﺎﺷﻲ ﻣﺮﻛﺰ ﺷﺮﻃﺔ ﺍﻟﺨﺮﻃﻮﻡ ﻏﺮﺏ . ﺍﺑﻮﻫﻮ ﻗﺎﻝ ﻟﻴﻬﻮ ﺍﻣﺸﻲ ﻳﺎ ﺣﺴﻦ ﺭﺑﻨﺎ ﻳﻮﻓﻘﻚ . ﺩﻳﺮ ﺑﺎﻟﻚ ﻳﺎ ﺍﺑﻨﻲ ﻗﺎﻝ ﻟﻴﻬﻮ ﺗﺼﺒﺢ ﻋﻠﻰ ﺧﻴﺮ ﻳﺎ ﺍﺑﻮﻱ ﻭﺍﻧﺖ ﻣﻦ ﺍﻫﻞ ﺍﻟﺨﻴﺮ ﻳﺎ ﺣﺴﻦ ﺍﻟﻨﻨﺸﻮﻑ ﺣﺴﻦ ﺡ ﻳﻌﻤﻞ ﺷﻨﻮ؟


ودعتكم الله ،،، بس عايزين الناس تتفاعل مع القصة

إلى اللقاء في الحلقة القادمة ،،،،

[لامارا]

الحلقة الثامنة

ﺍﻫﺎ ﻃﺒﻌﺎ ﻳﺎ ﺟﻤﺎﻋﺔ ﺣﺴﻦ ﻃﻮﺍﻟﻲ ﻣﻦ ﺻﺒﺎﺣﺎﺕ ﺍﻟﻠﻪ ﺟﺎ ﺷﺎﻝ ﺍﻟﺒﻄﺎﻗﺎﺕ ﻣﻦ ﻋﻤﻚ ﺍﻟﻬﺎﺩﻱ ﻭﻣﺸﻰ ﻣﺮﻛﺰ ﺍﻟﺸﺮﻃﻪ . ﻭﺳﺄﻝ ﻣﻦ ﺍﻟﻀﺎﺑﻂ ﻋﺒﺪ ﺍﻟﻌﻈﻴﻢ . ﻗﺎﻟﻮ ﻟﻴﻬﻮ ﻧﻘﻠﻮﻫﻮ ﺍﻟﺴﻮﻕ ﺍﻟﺸﻌﺒﻲ ﺍﻟﺨﺮﻃﻮﻡ . ﻭﻣﻦ ﻫﻨﺎﻙ ﺍﺗﻮﺟﻪ ﻣﺸﻰ ﻟﻴﻬﻮ ﺑﺪﻭﻥ ﻳﺘﺼﻞ ﻋﻠﻴﻬﻮ . ﻭﻓﻌﻼ‌ ﻟﻘﺎﻫﻮ ﻣﻨﺎﻭﺏ ﻭﺣﻜﺎ ﻟﻴﻬﻮ ﺍﻟﻘﺼﺔ ﻣﻦ ﻃﻘﻄﻖ ﻟﻠﺴﻼ‌ﻡ ﻋﻠﻴﻜﻢ .ﻋﺒﺪ ﺍﻟﻌﻈﻴﻢ ﺍﻟﻀﺎﺑﻂ ﺍﺗﺄﺛﺮ ﺷﺪﻳﺪ ﻟﻤﻦ ﻋﻴﻨﻴﻬﻮ ﺍﻧﻘﻠﺒﻦ ﺣﻤﺮ ﻭﻗﺎﻝ ﻟﻴﻬﻮ ﺍﻟﻮﺩ ﺩﻩ ﻻ‌ﺯﻡ ﻳﻄﻠﻊ ﻣﻦ ﺍﻟﺒﻴﺖ . ﺗﻌﺎﻝ ﻣﻌﺎﻱ ﻭﺭﻛﺐ ﻣﻌﺎﻫﻮ ﻭﻣﺸﻮ ﻟﻤﺮﻛﺰ ﺷﺮﻃﺔ ﻏﺮﺏ ﻭﻫﻨﺎﻙ ﻋﺒﺪ ﺍﻟﻌﻈﻴﻢ ﻻ‌ﻗﻰ ﺯﻣﻴﻠﻪ ﻣﻼ‌ﺯﻡ ﺍﻭﻝ ﻳﻮﺳﻒ . ﻭﺣﻜﻰ ﻟﻴﻬﻮ ﺍﻟﻘﺼﺔ . ﻭﻗﺎﻝ ﻟﻴﻬﻮ ﻃﺒﻌﺎ ﺍﻟﻨﺎﺱ ﺩﻳﻞ ﺯﻳﺘﻬﻢ ﻓﻲ ﺑﻴﺘﻬﻢ ﻳﻌﻨﻲ ﻣﺎ ﻋﺎﻳﺰﻳﻦ ﻣﺤﺎﻛﻢ ﻭﻓﻀﺎﻳﺢ ﺑﺲ ﻧﻜﺸﻒ ﺍﻟﺤﻘﺎﻳﻖ ﻭﻧﺮﺷﺪ ﺍﻟﺤﺎﺝ ﺍﻟﻤﺴﻜﻴﻦ ﺩﻩ . ﻭﺩﺧﻠﻮ ﻟﻴﻚ ﻋﻠﻰ ﺍﻟﻮﻟﺪ ﺍﻻ‌ﺳﻤﻮ ﻋﺎﺻﻢ ﻭﻃﻠﻌﻮﻩ ﻣﻦ ﺍﻟﺤﺮﺍﺻﺔ ﻭﺩﺧﻠﻮ ﺑﻴﻬﻮ ﻋﻠﻰ ﻏﺮﻓﺔ ﻛﺪﺍ ﻭﺍﺗﺄﺧﺮﻭ ﻣﻌﺎﻫﻮ ﺷﺪﻳﺪ .. ﻭﺣﺴﻦ ﻛﺎﻥ ﻗﺎﻋﺪ ﺑﺮﺓ ﻓﻲ ﺍﻻ‌ﻧﺘﻈﺎﺭ . ﺑﻌﺪ ﺳﺎﻋﺘﻴﻦ ﻃﻠﻌﻮﻫﻮ ﻭﺩﺧﻠﻮﻩ ﺍﻟﺤﺮﺍﺳﺔ ﺭﺍﺟﻊ . ﻭﻧﺎﺩﻭﺍ ﺣﺴﻦ ﻭﻗﺎﻟﻮ ﻟﻴﻬﻮ ﻟﻼ‌ﺳﻒ ﻛﻞ ﺍﻟﺘﻮﻗﻌﺎﺕ ﻛﺎﻧﺖ ﺻﺤﻴﺤﻪ . ﻭﺍﻟﻮﻟﺪ ﺍﻋﺘﺮﻑ .. ﺍﻧﻮ ﺷﻤﻢ ﺍﻟﺒﺖ ﻭﺍﻣﻬﺎ ﺍﻟﻤﺨﺪﺭ ﻭﻫﻦ ﻧﺎﺋﻤﺎﺕ .. ﻭﺍﻏﺘﺼﺐ ﺍﻟﺒﺖ .. ﻳﻌﻨﻲ ﺳﺒﺤﺎﻥ ﺍﻟﻠﻪ ﺍﻟﺰﻭﻝ ﺍﻟﻤﺤﺮﺳﻴﻨﻮ ﺍﻟﺤﺮﻳﻢ ﻫﻮ ﺍﻟﺬﻱ ﻛﺎﻥ ﻳﺴﺒﺐ ﺍﻻ‌ﺫﻯ . ﻧﺴﺄﻝ ﺍﻟﻠﻪ ﺍﻟﺴﻼ‌ﻣﺔ ﻭﺍﻟﻌﺎﻓﻴﺔ . ﻋﻠﻰ ﻃﻮﻝ ﺣﺴﻦ ﺍﺗﻮﺟﻪ ﺟﺎ ﻟﻌﻤﻚ ﺍﻟﻬﺎﺩﻱ ﻭﻗﺎﻝ ﻟﻴﻬﻮ ﻳﺎ ﻋﻢ ..ﺍﻟﻬﺎﺩﻱ ﻭﻟﺪ ﺍﺧﻮﻙ ﺍﻋﺘﺮﻑ ﺑﺎﻟﺤﺎﺻﻞ ﻭﺍﻟﺤﺎﺻﻞ ﻛﻴﺖ ﻛﻴﺖ ﻛﻴﺖ ..ﻋﻤﻚ ﺍﻟﻬﺎﺩﻱ ﺟﺎ ﻟﺒﻨﺘﻮ ﻭﺍﻋﺘﺬﺭ ﻟﻴﻬﺎ ﻭﺑﻜﻰ ﻗﺪﺍﻣﻬﺎ ﺑﻜﺎﺀ ﺍﻟﺜﻜﺎﻟﻰ . ﻭﻗﺎﻝ ﻟﻴﻬﺎ ﺍﻧﺎ ﺍﻟﺴﺒﺐ ﻳﺎ ﺑﺘﻲ ..ﺍﻧﺎ ﺍﻟﻮﺛﻘﺖ ﻓﻴﻬﻮ ﺍﻧﺎ ﺍﻟﺠﻌﻠﺖ ﺍﻟﺤﺎﻟﺔ ﻭﺍﺣﺪﻩ ﺩﻩ ﻛﻠﻪ ﻻ‌ﻧﻨﺎ ﻣﺎ ﻣﺸﻴﻨﺎ ﺑﺎﻟﺸﺮﻉ . ﻭﺍﻋﺘﺒﺮﻧﺎﻫﻮ ﺍﺧﻮﻙ ﻭﻫﻮ ﻻ‌ ﻻ‌ ﻻ‌ .. ﺍﻟﻤﻬﻢ ﻓﻲ ﺍﻟﻨﻬﺎﻳﺔ ﻋﻤﻚ ﺍﻟﻬﺎﺩﻱ ﻣﺸﻰ ﻟﻴﻬﻮ ﻭﻃﻠﻌﻮﻫﻮ . ﻭﻗﺎﻝ ﻟﻴﻬﻮ ﻳﺎ ﻋﺎﺻﻢ ﺍﻧﺎ ﺷﻜﻴﺘﻚ ﻋﻠﻰ ﺍﻟﻠﻪ .. ﻭﺍﻥ ﺷﺎء ﺍﻟﻠﻪ ﺍﻟﻌﻤﻠﺘﻮ ﻓﻴﻨﻲ ﻳﻼ‌ﻗﻴﻚ ﻓﻲ ﺍﻟﺪﻧﻴﺎ ﻗﺒﺎﻝ ﺍﻻ‌ﺧﺮﺓ . ﻭﺷﻴﻞ ﻋﻔﺸﻚ ﻭﻫﺪﻭﻣﻚ ﻭﺍﻧﺎ ﺃﺟﺮﺕ ﻟﻴﻜﻢ ﺑﻴﺖ ﺍﻧﺖ ﻭﺍﺧﺘﻚ . ﺗﺎﻧﻲ ﻣﺎ ﺑﺘﺴﻜﻦ ﻣﻌﺎﻱ ﻓﻲ ﺑﻴﺘﻲ . ﻭﺣﺎﺻﺮﻑ ﻋﻠﻴﻜﻢ ﻟﻐﺎﻳﺔ ﻣﺎ ﺗﺘﺨﺮﺟﻮﺍ . ﻭﻣﻤﻨﻮﻉ ﺗﺎﻧﻲ ﺗﺪﺧﻞ ﺑﻴﺘﻲ ﺣﺘﻰ ﻟﻮ ﺍﻧﺎ ﻣﺖ .. ﻏﻨﻴﻪ ﺍﺧﺖ ﻋﺎﺻﻢ ﺳﺄﻟﺖ ﻋﻤﻬﺎ ﻣﻦ ﺍﻟﺴﺒﺐ ﺍﻟﻄﺮﺩﻫﻢ ﺑﻴﻬﻮ . ﻋﻤﻬﺎ ﺣﻜﺎ ﻟﻴﻬﺎ ﻛﻞ ﺣﺎﺟﺔ . ﻗﺎﻟﺖ ﻟﻴﻬﻮ ﻋﺎﺻﻢ ﺩﻩ ﻣﻦ ﺍﻟﻠﻴﻠﻪ ﻻ‌ ﺃﺧﻮﻱ ﻭﻻ‌ ﺍﻧﺎ ﺑﻌﺮﻓﻮ ﻭﻻ‌ ﻳﻤﻜﻦ ﺍﺳﻜﻦ ﻣﻌﺎﻫﻮ ﻻ‌ﻧﻪ ﻣﻤﻜﻦ ﻳﻌﺘﺪﻱ ﻋﻠﻲ ﺍﻧﺎ ﺯﺍﺗﻲ .. ﻣﺎ ﺑﺜﻖ ﻓﻴﻬﻮ ﺧﻠﻴﻨﻲ ﻣﻌﺎﻙ ﻳﺎ ﻋﻤﻲ ﻭﺑﻮﻋﺪﻙ ﻋﺎﺻﻢ ﺗﺎﻧﻲ ﻣﺎ ح ﻴﺨﺶ ﺑﻴﺘﻨﺎ ﺩﻩ ﻧﻬﺎﺋﻲ .. ﻭﻓﻌﻼ‌ ﺑﻘﻰ ﻋﺎﺻﻢ ﻋﺎﻳﺶ ﺑﺮﺍﻫﻮ ﻓﻲ ﻧﺼﻒ ﺑﻴﺖ ﺍﺟﺮﻩ ﻟﻴﻬﻮ ﻋﻤﻪ .. ﺍﻣﺎ ﺣﺴﻦ ﺑﻘﻰ ﻋﺎﻳﺶ ﺍﻟﺤﺎﻟﺔ ﺑﻮﺟﺪﺍﻧﻪ ﻣﻦ ﺟﻮﻩ . ﻭﻗﺮﺭ ﺑﻴﻨﻮ ﻭﺑﻴﻦ ﻧﻔﺴﻪ ﻳﻨﻘﺬ ﺍﻟﻤﻮﻗﻒ ... ﻭﻳﻌﻘﺪ ﻋﻠﻰ ﺍﻟﺒﻨﺖ ﻣﺎﺩﺍﻡ ﺍﻧﻬﺎ ﻋﻔﻴﻔﺔ ﻭﺷﺮﻳﻔﻪ . ﺑﺲ ﻃﺒﻌﺎ ﻟﺴﻪ ﺍﻟﺒﺖ ﻣﺎﺯﺍﻟﺖ ﻓﻲ ﺑﺪﺍﻳﺔ ﺍﻟﻌﺪﺓ ﻋﺸﺎﻥ ﻛﺪﺍ ﺑﻘﻰ ﺳﺎﻛﺖ ﺍﺑﺎ ﻳﺘﻜﻠﻢ ﻧﻬﺎﺋﻲ .. ﻭﺑﻘﻰ ﻋﺎﻳﺰ ﻳﺘﻌﺮﻑ ﻋﻠﻰ ﺍﻟﺒﺖ ﻣﻦ ﻗﺮﻳﺐ ﻭﺧﺎﻳﻒ ﻣﻦ ﺭﺩﺓ ﻓﻌﻠﻬﺎ ﺧﺼﻮﺻﺎً ﻫﻲ ﻣﺘﺎﺑﻌﺔ ﻛﻞ ﺗﺤﺮﻛﺎﺗﻪ ..ﺍﻟﻤﻬﻢ ﻧﻮﺍﺻﻞ ﻭﻧﺸﻮﻑ ﺍﻟﺤﺎﺻﻞ.


ودعتكم الله ،،، بس عايزين الناس تتفاعل مع القصة

إلى اللقاء في الحلقة القادمة ،،،،