16-01-19, 01:40 PM
| #1372 | |||||||||||
 
|  ممرحبا كيف الحال؟ ما قراءت غير الفصل الاوول والجو رههيييب  كيف مع باقي الفصوول وتعليقاتكم تزيد حماس القراءه جميل ما خطت اناملك ريمو واتمنى لك مزيدا من التقدم ي عسل | |||||||||||
|  |
|
17-01-19, 08:02 AM
| #1373 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  السلام عليكم ورحمة الله وبركاته اسعد الله صباحكم عزيزاتي بكل خير بما اني راح انشغل بالمساء حبيت انزل لكم الفصل في وقت مبكر قراءه ممتعه واتمنى ينال الفصل على إعجابكم جميعا تحياااتي  | ||||||||||||
|
| |
|
17-01-19, 08:06 AM
| #1374 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
|  رياح الصمـت تعصف بي وتصرخ كل أطـرافي وحيـد وداخلي تسكـن ، أماني مالها عنــوان صحيـت اليوم لكني ، أحـس الكـون ذا غافي. أنا الهـارب ويطردني سـراب البعـد والنسيان لبست الـدرب أو يعني عـرفت أن الزمـن حافي تخاويني كثير أدروب ، تسافـر بي كثير أوطان محطات الألم تعـرف تقاسيمـي و أوصـافي عرفـت المـوج والساحل عرفت الريح و الطوفان عرفت البحـر لكنه ، خذلنـي في مجاديفـي.. نبت لي غصن الآسى ذابل جنيت من الغصـن حرمان سترت الجـرح لكني عجـزت آغطـي أكتافي. ""الفـصل الـرابـع والـعشـرون "" سحب انفـاس ضيـقـه حاول يستوعب مـدى الألم الـلي حس فيه لـكن زادت قـسوة ألامـه أكثر مـن نزف صوتها ضاق صدره اكثر واكثر ...طاح عـلـى ركبه وكل شي حـولـه اهتز وكأن الأرض تتحـرك مـن تحته وتهوي فـيـه لـقاع مـظلـم.. تشوشت الـرؤيـا بعـيونه ومـعـاد وضـحت له مـعالم الحياه أطلـق صـوت آهات ابـت تنكتم انـتفض جسمه وروحه نـزفت وجـع تكونـت فجـئه صورة ريـان بعـيونـه يـمـكن جاء الـوقـت اللـي يرافقـه فيـه ويحط يـده بـيده ويروح لعالم تقـرأ عـليـه الـفاتحـه لـكن شـلـون يـروح ويـترك حبـيبته اللي صدى صوتها تغلـب عـلى انـيـنـه مد يده بـصـعوبـه يـنـتظرها تمـسكها وتثبـت لـه أن الـحـيـاه ما تمشي مـثل مـايبـي وان الحظ عـانـده ومـر مـن جنـبه وراح يـلـوح لـه بصفـعات الاقـدار... ، ، ، ترفـق فـيها يـاقدر كون رؤوف ولاتعيد نبـرات الفـراق تكفـى خل كل الم يـبـتعـد ويهرب يسلك طريـق بعـيد عـنها وعنـه هزت رأسها برجـفـه تحاول تكذب كل اللي تشوفه..مـاتبـي تعـيد الـتجربه مـن جـديد كفايـه الم رحيل أخوها مـازال يـستوطن قـلبـها تقـدمـت بخطوات سريعه انـهزت خطواتها ووقـفت وهي تشـوفه يترنـح بـوقفته ويـطيح عـلى ركبه انـتفـضت اوصـالـها واطلـقـت صـرخاتها :نوآآف...نـوآآآف تحـركت رجولها بثقـل لجهته طاحت على ركبـها قـبالـه وهي تبكي بـحـراره ناظرته بـخوف حركت يـدينـها برجـفه ضـمـت وجـهه وصارت تتكلم بـإنهيار :لييييـش ليـش كان تركته يروح ماابيها ماابي الـشـنـطه نـواف ليـه يـصيـر معـنا كذا لازم تتحـمل ..تحمـل حبـيـبي رمش بـعيونـه والالم يـذبحه لـيـش يصيـر مـعـهم كذا.. لانه كان يظن أن بـعد كل دمعه بـسـمه لكن اتضـح لـه أن بـعـد كل بسمـه الم ويـمـكن ألمـه هالمره مـايعدي حس بيـدينـها المرتجفه تحـاوط وجهه وحروفها الـمـهزوزه تلامسه ابتسـم بـشحـوب نـزل يـده وهمـس بـصوت مـكتوم: اشـوفه بعـيونـي.. واسمـع صـوته ..يـنادينـي.. هزت رأسـها بالنفي: لا...لا تقـول هالـكلام بـسيطه.. بسيطه نوافي لا تتألم حـبيـبي ولا تتوجع كل شي تمام بـطلـب الإسعاف بـطلبه نـزلـت يديـنـها عنـه ولفت تدور شنطتها صـارت تحبـي لجهتها مثل الـطفل سـحـبتها بـسـرعه اعـتدلـت و فتحـتها طلـعت جوالها بـيـدين مـرتجفه حـركت اصابعها بـعـجله حـاولت تكتب كم رقم وتمـسحه لكن بـدون فـايده رمـته بالارض وهي تصرخ بإنـهيـار توها تسـتوعب مدى غبـائها... ما تعـرف رقـم الإسعـاف..ولا تعـرف لـغتهم.. رفعت نظرها له غمـضت عيونها ماتبي تشوف وجهه الـمـتالـم زادت دموعها تعلن بداية مـأساة جـديده.. رجعت بسرعه لجهته حلـمـها انـكسـر واختفى والدمـوع تزايدت...خوفـها فـتت قـلبها مـثل الصـخور ...الـرعب قـيد ضلـوعـها حتى ان الـظلام لفها ولفه بعد همـسـاته الـمتقطعه.... صـكت أسـنانها بـبعض برد..رعـب.. مشاعر ابت توضـح ورجـفات اخذتها لـلاعالـي ورجـعت بكل قسوه ضربـت فـيها الارض كانت قبل لحظات تبـكي من الـغيره صارت تبكي خوف الـفـراق.. ارتجاف جسـمه وصوت آهاته جـنـنتها شـلـون انقـلبـت المـوازين شـلـون صـار كذا ركزت بـعيونها عـلـى جـسمه الـلـي طاح واسـتقر علـى صـدرها حـركت يدها عـلى ظهره.. توسـعـت عيونـها مـن غزارة الـدم اللي بـلل كفـوفـها.. """""""""""" ذكرى تزاحـمت فـي مخيـلتها على شـكل نبـضات وارتسـمت شـبه ابـتسامه عـلـى وجهها تحـاول تسـتوعـب كلام اختها او حـتى تصدقـه العبره خنقـتها مـو من الـحزن بـالـعـكس هالـمره فرح وسـرور يبي يـخطبها يـبيـها له يبي يضمها له وينـسيـها الم الخذلان اللـي تعرضـت له ويملـي حيـاتها ويبـهج روحـها هزت رأسـها بهدوء وتكلمت وعيـونـها تحـت : اللـي تشـوفـيـنـه يـاريـوف مـازالت طفلـه بعيـونها و قـلبها الحـنون بـيكون مـفـتاح السعاده لها ولـتركي :مـو انـا اللـي اشـوفه انـتي وش تشـوفين خالـتي كلـمتني مـن بدري واذا وافـقـتي عـلـى المـغرب بيجون نـتفق عـلى كل شي ويـشـوفك شـوفه شرعيه ..ومثل ما تقـول ام سلطان خيـر الـبـر عاجله... حـاولـت وريف تضـبـط انفاسها السريعـه حـتى هي رايها مـن راي ام سلـطان خيـر الـبـر عـاجـله...مـا فيـها تخبـي اشواق ممكن تفضـحها بـأي لـحـظه ومـا فـيها تشعـل شمـوع لوحدها وتنـتظر من يـطفيـها شـبكت يديـنها بـبـعض وصـارت تفـركها بـبعض همـست بـهدوء :مـوافـقـه انـا موافقه يا اختي والـله يـكتب الـلي فـيـه الـخير تهللـت مـلامـح وجـهها اخيـرا نطقـتها كانت خايفه ان عقدة طلاقـها بتكون سبـب في رفضها لـكن هاذي هي وافقت وبيرتاح قلـبـها وتتطمـن عـليها سحـبتها لـصـدرها وضـمـتها حركت يدها عـلى ظهرها وهي تمـسحه بحنان تكلمـت بنبـره كلـها حب :الـله يسـعـدك يـادنـيـتي انـتي ويـعـطيك علـى قد نيتك... تنفـسـت بـراحـه وكل تفـكيـرها مـتعلق عـليه كيف بـتشوفـه بعد سنيـن بدون حـواجز وكيـف بـتكون نظرته لـها... بـاقي يـذكر تفـاصـيلـها ..يـحن لايامـهم الحـلوه ولـفرقـتهم الـعجيـبه ولذكريـاتهم الـسعيده... """"""""""""" ارتفع صدى الكف بـالـمـكان ركزت بنـظراتها عـلـيه وتكلـمـت بحده وهي تدفه لورى :اخبرتك ان تلـقـن الـفـتاة درسا لا تقـتل الـرجل يا مـراد مرر يـده على خده :وماذا افعل اغضـبنـي جدا يـااختي تنفـست بيـلـيز بـغضب :غبـي انـت غبـي مـاذا افعـل الان تراجعت لـلـخلف دارت حـول نـفسها طيـحـت حالـها بـمـصـيبه هي في غنـى عـنها طلت مع الـمـمر الضـيق تراقـب الـتطورات عـضـت علـى شـفاتها الرجال بيـمـوت وهي الـسبـب لازم تطلب الإسعـاف اتصلـت بسرعـه عـلى الإسعـاف وصارت توصف المـكان والخوف مستوحـذ تفكيرها ماكان لازم ترسل أخوها الـمتهور ابـدا .. :هل مـات بيـليـز بنفـاذ صبـر :يـااللـه الهمـنـي الـصـبـر غاااادر بسرعـه الإسـعاف ات اختفـي عـن الأنـظار لبعض الـوقت .. انـتظرته يروح وتقدمـت بـخطوات هاديـه وهي تراقب الوضـع برهبـه وخوف وتهمـس بصوت خافت وضمـير مـؤنـب :اعـتذر ..اعـتذر لم أكن اريـد حصـول هذا وقـفـت قـريـب مـنـهم بـحـيـث مـاتكون واضـحـه ثبتت عـيـونها علـى لميس لازالـت تحت طور الـصـدمـه هدمـت حـيـاة شخصـيـن بلمـحة بصـر بـدون ما تفـكر فـي عواقـب غرورها... تمنـت امـتلاكه لـكن واضـح ان فـيه مـن تمـلـكه وبشـده توارت عـن الأنـظار مع قـرب صـوت الإسعـاف الـعالي وهي تدعي الـلـه يـكون بحالـه جيده... التعديل الأخير تم بواسطة عييون الريم ; 17-01-19 الساعة 08:33 AM | ||||||||||||
|
| |
|
17-01-19, 08:12 AM
| #1375 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| جـالس عـلى الـسـريـر وقـباله اللابتوب يرصـد الـدرجـات بـالـنظام المدرسي مـن ساعـات مـضـت نـزل نـظاراته الطبـيه وهو يـفرك عيونـه بتعـب رفع نظره لها وصوتها يداعب اسـماعـه ويعـزف عـلـيـه سيـمفـونيه تمده بالـراحه بـعد جهد من رصـد الدرجـات والتعقيب :عيـدي يا قـلبـي ابـتسمت وهي تحرك يدها على بـطنـها:اقـولك ابي مـطعـم كذا يفـتح الـنـفـس هالـمره ابـيـه هندي توسـعت عيـونه رمش فـيها وهو يـحـرك نـظراته عـلـيـها ويحـاول يـكتم ضحكات كانـت بـتتفلـت مـنه ويـخاف يـزعلـها فـيها :مطعم هنـدي جـوريه.. كمـل كلامه بإسـتغراب:مـن مـتى تحبـيـن الاكل الـحار مـدت شـفـايـفها بـزعل وكأنـها طفله تحـاول تستلـطفه :حـبيته ولدك خلاني احبـه رعـود والـله مشتهيته ..قوم بـدل وانـا برتب هالـحوسه ونروح نتغدا نـزل الـلابتوب علـى الـسريـر وحـرك يـده رقـبـته الـمته مـن الجـلوس الطويـل تكلم ببتسامـه :تعـرفـيـن كم السـاعه الحين جـلست جـنبـه ومـلامـح وجـهها تدل على الـزعل :عـارفه ان الـساعه خمس الـعصـر وتونـا مـتغديـن لـكن مـو شـغلـي ابي اكل سبـايسـي .. مـاقـدر يـكتم ضحكته ارتفع صوت ضـحـكه بـالـغرفه :ههههههه اااخ يا قـلـبي انـتي.. سبايـسـي ..سـبايسي يلا الـبـسـي عـباتك عـسـانـا بـس نلحـق عـلى وقت الغدا توسـعـت ابـتسامتها وقـفت بسرعه :طيـب روح بدل وانـا ارتب حوسـتك قـام وقبل يـروح ترك كلمـاته الـمـعـسـولـه تتردد عـليها " قـالوا الـحـب عذاب وكله سـهر ودمـوع قلت يكذبـون الـحب شيـئ جذاب ومعك كلـه فـرح وشـموع " هو مو بـس فـرح وشمـوع حتى الاماسي قـامت وأعلـنـت دعوه لـقلـبها وقـلـبه ونظمت لـهم شـموع المـحـبه وافـراح العـاشـقين وصـارت الاحـتفـالات تجـمع مـابـين المشـاعر والاحاسـيس انـحنـت سـحبـت اللابتوب نزلـته علـى الكومـدينـه ورجـعـت ترتب المـخاد رفـعـت الـلحاف نفـضته ورجـعت رتبـته بـطريقـه جمـيلـه ومـرتبـه تنفـست بـراحه وهي تلقـي نـظره علـى السـريـر رجع كل شـي مـثل مـاكان بعـد حوسـة رعـد استقـرت عـيونـها عـلـى الـيـوسـبي اللـي عـلـى الـكومديـنـه توها تنتبـه لـه شكله لقاه رعـد تحـت مـخدتها وحطه هنـا جلـست عـلـى السـرير اخذت اللابـتوب ونزلته بـحظنـها ثبـتت الـيـوسبـي بمـدخله وظلت لحظات حتى ظهر لها الـملف اسـتغربـت مـن احتوائه عـلـى ملف واحد حركت يـدها بـخفـه وفـتحـت المـلف ظهر لها مـقـطع فيديـو واحد ضـغطت عـلـيه و ابـتسـمت بـهدوء تنـتظره وعـيـونـها تترقـب بصمت اشـتغل بصـوره سودا لـمدة ثوانـي مـعـدوده وبعدها ظهر تصـويـر ل بيـت ابو رعد من الـخارج ظلـت لـحـظات تراقـب بـهدوء زادت نبضات قلبها مـن الـسيـاره الـلي وقـفـت قـربت وجهها زود مـن الجـهاز تبـي تتاكد أكثر مـن الـسـيـاره توسـعت عيـونها مـن وضـح لها الـشخص انـحـبـست انـفـاسها وهي تشـوفـه يدخل الـبـيت وكأنه حـرامـي حاولـت تحرك شـفاتها لـكن تيـبسـت تضـاربـت الأفـكار برأسها لـيش كان هنا ووش اللي يـعرفـه عن أهل البـيت وليـش دخل وكأنـه حـرامي كثرت الاسـئله ومحد يـقـدر يـجـاوبها الا هو مـاقدرت تكمل مـقـطع الـفيـديـو لان صـوت خطوات رعـد صـارت قريـبه مـنها سحـبت الـيـوسبـي بـسرعـه وخبته بطرف كمـها رفعـت نـظرها ل رعد اللـي واقف ويناظرها بإستغراب:مـاجهزتي رجعـت الـلابـتوب مـكانه حـمدت الله انه مـاانتبـه لـها اعتدلت بـوقفـتها و ابتعـدت عـنـه تكلـمت بـإرتبـاك تحاول تخفـيه :لا هونت مـاابي اروح ..رعـد خالـتي تقـول بتجي جدتك عـشـان يخطبـون وريـف لعمك تقـدم مـنـها عارف انـها تصـرفـه بـكلامـها يـدري انهم جايين لكن شلـون غيـرت رايها بـهالـسـرعـه وانـطفى حـمـاسها وقـف جنبها ونزل يده على كتفها :لـيـش غيرتي رايـك تكلـمت بصوت خافـت تمـنع عـبـراتها :تعـبانـه شـوي ولاعـب فـينـي الـغثيـان لـفها له وظل ينـاظرها ويتفحـص ملامـح وجـهها اللـي تبـدلـت راح وهي بوجـه ورجع وهي بـوجه حرك يـده علـى وجـهها :زعـلانه هزت رأسـها وطاحت دمـعـه ابت تمتنـع :قـلت لـك شوي تعبـانه رعـد ممكن تتركنـي .. تنـفس بـضـيـق لازم يتعود عـلى اسـلـوبـها الـمتقـلب مـع الـحمـل ونتيجة صـبره ثمره جـميـله بـيـرويـها بـالحـب والـحنـان انـحـنـى بـهدوء باس جبيـنـها ابتعـد عنـها وهو يـحـاوط وجهها بين يـدينه :بـتركك يـاقلـبـي بـس لـي تفاهم معك باللـيل امتلـت عيونها دمـوع خايـفه حـيـل خايـفه ان الـلـي جمعها مـعـه هو نفـسه الـلـي بيـفـرقـها عـنـه مررت عيـونها على وجهه ركزت بـملامحه الحنونه ودها تطبع صـورته بـقـلبها قبل عقـلها ثبـتت يـدينـها عـلـى يـديـنه ونـزلـتها تمسكت فيها بـقـوه وكأنـها تحـسسه انها تايهه فـي صحـراء مالـها طريق تدور بقـايـا سـراب وتنـتظر بر الامـان همسـت ببـحه :اوعـدني انـك قاطعها ببتسامه هاديه ونـبضـات قـلبـه تزيد : اوعدك ..اوعدك ان كلي لـك وان قـلبـي لك وان عـمـري فدا لعمرك .. ضاعـت فـي كلامـه وماتدري توصل مـعه للـنهايه والا ابـوها بيـرجـع يـخذلها خذلان اكبر من اللي قبله انتبهت لـه يـطلع من الغرفـه بـعـد ما اخذ قـلبها مـعـه وطلـع .. تركها تجـهل أشياء كثيره وتسأولات مـالـها إجابات واقدار مـمـكن تكون مخبـئه ويمكن تقـودها لـلخذلان مـن جـديـد.... """"""""""""" وحيده وداخلـها تعيش امـاني بلا عنـوان مر اليوم بدون ما تسـمـع صـوته اشتاقت له.. افتقدته.. غاب عنها يـوم ولـيـله كأنـها ايـام وليـالي تحس الكون بـدونـه غافـي واحساسـها خامل صحـت عـلـى صـوت جـدتها القريـب مـنها :سمـي يـاجده تفـحـصـت مـلامـح وجـهها الـحـزين إلـى مـتى هالـولـد يـسلـك طرق ملـتويـه ويـحزن قـلبه وقلب احبابـه :تعـالـي يـايـمـه اجلسـي جـنـبي رفـعـت نظرها لهاجـر اللـي جالسه جـنـب جـدتها من الجـهه الثانـيـه اعـطتها نظره خلـتها تكره الـعافيه رجعت ناظرت جدتها بـبتسـامه :من عـيونـي يـالـغالـيه قـامت وجلسـت جنـبـها:وهذاني جـنبك يـاغلاتي أمـري تدللي ابـتسـمت بهدوء :كلـمـك الـيوم سعود حاولـت تضـبـط مـشاعرها وبـكذب :ايه كلـمنـي ويـسلـم عـلـيـك ويـمكن كم يـوم ويـرجع تنفـسـت بـراحه وهي تحرك عصاتها :شـكله يـبـي يجـرب هالعصـا مـا يقـول عـندي جـده اكلـمها ضحكت وهي تتخيـل جـدتها تضـرب سعـود :هههههه اكيد انـشغل يا قلبـي و بيكلمك تعـرفيـنـه مايـصبر عـليك يوم واحـد .. حـركت رأسـها بالإيجـاب مـا تبي مـنـه كلام ولا اتصال اللي يهمـها يكون عايـش بخير وأمـان لفـت جهة وريـف الـلي جـالسـه وملـتزمه الـصمـت :يازيـن عروستنا اكتسى وجـهها الخجـل تحس ودها الأرض تنـشـق وتبـلعـها نزلـت عـيونـها بالارض :تسلميـن يـاخالـه وقـفت وهي ترتكي علـى عـكازها تقدمت منها حتى صارت قبالـها تكلمت بـهدوء:اثبـتي لـه أن هالـدنـيا بخيـر.. واثقـه فـيـك يا وريـف واثقـه انك بـترجـعـين ولدي القـديم وتنهيـن معـانـاته رفعـت لـها رأسها بسرعـه كلـمـاتها لامـسـت قلبها بـشـده مو بس تنـهي معاناته حـتى معـانـاتها بـتنـتهي وترسم منحنـى آخر لحـياتها وحياته دق قلبـها زود مـن جابـوا طاري الـنـظره الـشـرعيه بـلعت ريقـها وهدت أنـفـاسـها وهي تشوف ام رعد لابسه جلالـها وتأشـر لها تقوم معـهم للمـجـلـس... """""""""" صاحـت اوراقها علـى أرض الـواقـع وذبلـت حتى من لـون الـفـرح جفـت كل منـابـت الـشغف عـندها ومـا بقـى مـنها الا أغصان يابسـه زادت دموعها وعيونها مـثبـته عـلى إضاءة الـلـون الاحمـر لغرفة العـملـيات من وقت طويل قادوه قدامـها وهو غايـب عـن الـوعي والعـالـم بأكمـله تتخيل بس انـها تفقـده وانـها مـمـكن بـلحظه تعيش بـدونـه رجعت فيها الـذاكره لـهذاك الـيوم مـانست نـبرته المكسوره ""لو مت كــنــتي بتقوليـن هالكلام"" توها بـس تعرف سـبب نـبـرته والمه الدفيـن جـواته...كسـرته بـكل بساطه نـفته لـمكان اشـبه بـالظلام مع هذا رجـع طل عـليها وانار كل ظلمه تحـتويـها وتحـتويـه اشـرق عـليـها بـشمس حـبه واظلها بـظلال عـطفـه... :هل تريدين قلـيـل مـن الـماء سمعت لغه تعرفها نزلت عيـونـها وتوسعت مـن الـبـنـت الواقفـه قـبالـها مسـحت دمـوعها :هل تجيديـن الـلـغه الانكليـزيـه.. بيليـز :اجل وبـبراعه اخذت المويـا فعلا كانـت مـحـتاجـه تبل ريقـها شربـت المويـا دفعـه وحـده نـزلت القـاروه وهي تتنفـس بسـرعـه :كان غارق بـدمه لم يـكن يـعـي شيء هزت رأسـها ومدت شـنطتها لها : نـسـيـتي اخذ هذه ركزت بـعـيونـها عـلى شنـطتها خاطر بنـفسه عـشـانـها وعشان ذكرياتها اخذتها من بـيـليز ضمتها لـصـدرها وارتفع صـوت بـكاها تكلمت من بيـن شهقـاتها : كيـف حـصـلـتي عـليـها شتت نظراتها عن لـميس :لـحـقـت بـكم ورأيت كل ما حـصل انـا من طلب الإسعاف لـقـد كنتي انـت أيـضـا لاتعين شيئا سـكتت لـحظات ورجعـت تكلـمت :تحبـيـنـه حـركت رأسها وقـلبـها يـنـعـصر هذا سـوال تسألـه هي مـو بس تحـبـه هي حتى تعشق طيـوفـه :عشقي لـه لا يوازي شيء ابدا تأكدت فعـلا انـها تحبـه وانها كانـت مجـرد مـتطفله عكرت صفـو حـياتهم الجـمـيـله همست بصوت حزين :اعتذر جـدا كنت انـانـيـه كانـت بترد عـلـيها لـكن تعلقـت عـيـونـها علـى الـلـون الاخظر وهذا يـدل عـلـى نـهايـة العـمـليـه تقدمت بسرعـه جـهة الباب زاد نبض قـلبها من انـفـتح الـبـاب شدت شـنطتها عـلـى صدرها تنتظر خبـر يهز حصـون قلـبها وينور حنـايـا قلبها :هل هو بخيـر هل مازال حـيا حرك يده يـحاول يـطمنها :اجـل هو بـخيـر اوقـفـنـا النـزيف وقـمـنـا بـخياطة الـجرح لحـسن الـحـظ لم يكن الجرح عمـيقا جدا... فقط تأذت الانسجـه الخارجـيـه ولـم تصـل الإصابه للاعـضـاء الـداخلـيـه ... تكلمـت بإندفاع :لـكنه فـقـد الـوعي وكان يتألـم بشده .. هز رأسه ببتسامه :جرحه عـميـق لـكن ليس خطر وفـقـد توازنه بسـبـب نزفه الـشـديد وهو يـعـاني مـن فـقر دم تنفـست براحـه تهاوى جسـمـها وكانت بـتطيـح لكن مسكتها بـيليز مع كتوفها ثبـتتها وهي تهمـس :الـحمـد لـله ..هو بخير وسيعود غمـضـت عـيـونها وفـتحتها وهي تحمد الله.. اهم شي انه بخير وبـيرجع لـها والـلي صار اليوم اثبـت لـها انـه اختبـار على مافات ودرس مـن دروس الحياه وأزنت نفسها وصـوت شـهقاتها تمـلـئ السيب ابـتعدت عن بـيـلـيـز انحنت وجلـست علـى ركبـها سـجـدت سجده طوووويله لـله وحده ...لـمن رجـع لـها حبيبها بـقـدرته لـمن نـجاه مـن مـوت مـحتم لـمن ريح قلبها وطمنـه سبـحانه مااكرمـه ماارحـمـه يحـيـي العـظام وهي رمـيـم.... التعديل الأخير تم بواسطة عييون الريم ; 17-01-19 الساعة 08:35 AM | ||||||||||||
|
| |
|
17-01-19, 08:20 AM
| #1376 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| انهى مـكالمته الضـروريـه بعـد ماسـلمـه الـذيب زمام الأمـور وهذا الـلي يـبـيـه ثقـته العـميـاء..حتى يوقف شوي مـن نـزف قـلبـه تنـفـس بـراحه وهو جالـس وحـولـه الـلابتوب والأوراق منتشره عـلى الـطاوله رفع نـظره لـسعـود وراكان:لازم نـمشـي عـلـى الخطه التسـليـم بعد ست ايام بالـتمام وبـيـكون يـوم الانـتصار يا شبـاب... رسم سعـود ابتسامـه رغم شـحـوب وجهه :كنت واثق انك مـاراح تخيـبـنا يا محـمد...كل شـي يـمشـي تمـام لاتخاف تنفـس راكان بعدم راحه مـايـدري ليش يراوده احـساس غريـب حرك يـده رجـع شـعـره لـورى وتكلم بهدوءx :بعـد سـت ايـام بـنكون جاهزين مـحـمـد حـاول تكون حذر ..لـلحظات حسيـت بـالـرعب يـا اخوي ... حرك رأسه بالإيـجاب :لا توصـي حـريـص انـا له... عـدل الـجـهاز وبـدأ يـطقـطق عـليه رفع نظره لـلشـباب وشـغل جـهاز الـتنصـت وبـدأ الـتسجـيـل يوضـح لـهم عقـد سعـود حواجـبه من تسـلل الـحوار له وبالأخص الصوت الانثوي "" هدي مـافـيه داعي تنـفـعل انت الـذيب والي يـقرب منـك انهشه بنابك.. الذيب :قـلـت لـك وش عندك مـاهي بـالعـاده هالحركات بدون مـقـابل هاجر : ههههههه دوم عـارفنـي يـالذيب : تكلـمـي ياهاجر :شـد بيدك علـى اتفاقنـا... اجيب لـك معـلـومـات تجـيـب لـي قـروش :تكلـمي وش عنـدك من معلومـات وقـروشك جـاهزه بـس اعـطيـني الاخبـار همـست بـضـحـكه: سعـود مسـافر وواضح انـه بدأ حـربـه عـليك "" توسعت عـيونـه اسمـها تردد علـيـه وصوتها متاكد انها هي مـتاكد انـها هاجر نفسها .. وقـف وكأنه مـقروص تحـرك رايح جاي هاج تفـكيـره والـغضـب اعمى عيـونـه الحـيـه كانـت بـوسط بيـته ولاقدر يـقطع رأسـها تقـدم بسرعـه مـن الطاوله قلـبها وهو يثور غضـب تناثرت الأوراق وطاح اللابتوب وصـوت تشـويش جهاز التنـصـت بـدأ يـشوش أفـكاره صرخ بقـهر وهو يضـرب على صـدره :غبي..غبي..قـلـت لـكم انـا غبي إلـى متى بستمـر بـهالغبـاء الى متى آآآخ...آآخ وقف راكان بسـرعه الخوف خلاه يفـز مـن منـظر سعود مسكه مـع كتوفه وهزه :اذكر اللـه يا سعـود وش فيـك قلـبـت كذا ناظره بـعـيـون حـمرا :لا الـه الا الله ...لا اله الا الله قـل وش اللي مو فينـي كانـت ناويـه تذبحها آاخ ياراكان خويك تمكن الغبـاء منه الـحـيه بوسـط بـيتنـا تفهم شلـون.. تلـدغ فينـا ولاحنـى بـحاسـين لـف لمحمـد اشـر لـه وانـفاسه تطلع وتنـزل :جيبها ابـيها معهم حـاول تكون معـهم يـا محمد هالحـرمـه لازم تاخذ جزاها مثلهم.. دف راكان عـنه وطلـع وهو يـركض ليـش يـجيبـها محمـد لازم هو يقتلعـها مـن جـذورها و يكسر شـوكتها.. لحقـه راكان بسرعـه مستحـيل يـتركه بهالوضع زاد بخطواته وراه حـتى صـار جـنبه تكلم وهو يـحاول يجاريـه بخطواته :ويـن رايـح رد بأنـفـاسـه الـمـتسـارعـه :لـها راكان بخوف :وش تبي تسوي وقـف وناظر راكان بـحـده :لا تفـكر تتبـعني لاني ممكن بلحظه اتصـرف بجـنـون حرك يـديـنـه وخلـلـها بـراسـه شـد شـعره وصـرخ بـغبنه :اصلا مـعـاد يحتوي راسـي ذرة عقل راكان خلـك بـعيـد انـت مو قـد الـمي تكفـى لا تفكر ابد فيني لاني بـقودك مـعـي للهلاك... ظل لحـظات يـستوعـب كلامه اللي رماه عـليـه و راح ..تركه مايـبـيه يـتبـعـه وهو بالـمقابـل بـيـنـفـذ رغبـته يـاترى وش مـخبي بـقـلـبك من الالام ياسـعـود تنفـس بـضـيق... صمـت الـجـراح ادمـى قـلـب خويه وقـلـبه مـعـه يـاخوفه ماتتلملـم هالـجراح وتفتك فيـهم بيوم من الايام زفر بـقلـق والـحـوار يـتردد علـى سـمـعه وخوفـه يأرقـه من شـي واحـد ..واحد بس..يحاول يتجاهله.. """""""""""" تواجدها هنـا وخاصة فـي بـيت وعـد يزيد رغبـتها فـي دمار هالبـنـت مـررت عيـونـها علـى الجـالسـيـن ديـما وجـوري ووعـد ركزت بنـظراتها عـلـى وعد لو نـظرتها تطلـق رصـاص كان صابـتها بدقـه في صـدرها وارتاحـت منـها انتبـهت لـصـوت جوالـها يـرن توسـعت ابـتسامـتها من نـورت الـشاشه بـأسمه ..محد يفهم تفـكيرها غيـره رغم هذا تبـي الخلاص مـنـه وتضم نفسـها لسعـودxوبس .. وقـفـت بـهدوء وهي تتمـايـل بمشيـتها مرت مـن جـنـب وعـد وكأنـها متقـصده تقـهرها طلعت لبرا حتى تختلـي بمـكالمتها... كشـرت ديمـا وهي تنـاظرها بكرهه :مـاهضـمتها هالادميه ياجـعـلـها تزلق وتطيـح مسـويـه في عـارضة أزياء ابـتسـمـت وعد بهدوء :اللـه يسـمع مـنك يـبي لرجلـها كسر حـتى مـاتتمايـل بـدلع ديما :مـاادري شـلون مـتحـملـينـها عنـدكم بـالـبـيت والـله الجـلسه معـها تجيب الهم الـهم وبـس الا تثيـر بـقـلـبها احـاسيس خوف ورعب : ربـك ييـسرها وتروح وجـودها مـأرقنـي يـاديـما تنـفست جوري بـضيق مازال تفـكيرها باليـوسـبي اصلا حتى جـلـسـتها مـعهم كانت تمثال.. وقـفت بهدوء لـفـت للـبـنات :اسـتاذنـكم بـنات تعـبانـه وابي انام.... ابـتعـدت حـتى مـن دون ما تسـمع ردهم تبـي تختفي وتبـعد عن الـكل تبـي تعـرف تكملت الـيوسبي.. ووش جابـه هنا ..و رعد يعـرف بـوجوده والا يجـهلـه ... راقـبتها وعد حتى راحت لفـت لديـمـا وتكلـمت بـنبـره حـزيـنـه وهي تضـغط عـلى جوالـها :حـتى انا اسـتأذنـك ديمـا زفـرت بهدوء كلن راح مـابقـى الا هي وهاذي فرصتها تسـمع صوت حـبها رفعت جـوالـها والابتسامـه تزيـن ملامحـها الهاديه الـيوم ما سمـعت صـوته ابد اشتاقـت لنبـرته وأسـلـوبه الـجـميل وكلامه المـعـسول ظلت لـحظات تنتظره يرد توسعـت ابـتسـامـتها من غزى صوته المميز قـلـبـها قبـل سمـعـها... """""""""""""""" دخلـت وهي تمشي جـنب ام سلطان وام رعد نبضـات قـلبـها يمـكن تفضـحـها ليش اصـر عـلـى الـنـظره الـشـرعـيه رغم انـها مـاتهتم لـها دامـه يـبـيـها وطالبها معـقـولـه خايـف ترفضـه مـن شـكلـه او خايف تخذلـه.... رفع نـظره لـها حـرك نظراته لامـه واشـر بـيـده :يـمـه مـمـكن تتركينـا بس دقايق فـي كلام ودي احـاكيها فيـه قـبل لايـتم اي شـي فهمت سبـب طلـبـه مـررت نظراتها علـى ام رعـد الـلـي هزت رأسـها بـالموافـقة انـسحـبوا بـهدوء وتركوهم لـوحـدهم ركز بـنظراته عـليها بـفستانـها الـلـيـمونـي الـهادي.. قـمه في الانـوثه رفـع نظره يتفـحـص ملامـحـها دق قـلـبـه للـحظات ويـن ام قـرنين مـايشوفـها ابـد يشوف مـلاك بـهيئة بـشـر بـس مسـتحـيـل تهزه هالمـلاك قبل لايـتاكد من تقـبـلـها لـه بشكله الـحـالي همس بهدوء :قـربـي وريـف قربت بخطوات خجـولـه اصلا صوته خلاها تتحـرك بـدون لاتحس وقـفـت قريـبه مـنه همست بـصوت نـاعم :تركي غمض عيونـه وفـتحـها :ممكن ترفعيـن راسـك رفعت رأسـها له وعيـونـها تلمـع دموع...تحققـت امانيـيـها هذا هو قبـالها بـدون اي حواجز يـناظرها نـظره شـرعيه وهي بـالـمـقـابل بتمـلي عيـونها فـيه وتروي سـنيـن الجفـاف انـتبه لـلـمـعة عـيـونـها والـدمـعه الـعـالقه بأهدابها لهدرجـه يـقـزز لـهدرجه يـرعب رفع يـده وتراجع للخلـف مـاقدر يـسند طوله جـلس على الـكنـبـه اللي خلـفـه مبـاشره نـزل رأسـه تحت ماعنده قـدره يـرفعه او يطلعـها على تشـوهه كان يـظن انـه قـوي وانه بيظهر لـها هالـوجـهه لـكن هذا هو رجع يـبخر ثقته بـالـجـو همس بـتردد :تقبـليـن فـيـني بـكل عـيوبي اي عـيوب يـتكلم عـنها هي تشـوفـه كامـل والـكامـل الـلـه تقـدمـت أكثر مـنه همسـت بـهدوء :تركي ارفـع راسـك بـشوفك رفع رأسـه تبـي تشوفه وتصـده..تبي تشـوفه وتقفـل أبواب الامـل لعيـونـه وتكبـلـها بـالاقفـال تبي ترجع لـه دخان التلـوث حـتى يـنـفثه مـع اضـرار حـتميه غض عيونه يـنـتظر رفـضها ينتظر ردت فـعـلها لكن تفاجـئ فيـها تبعد خصـل شـعـره عن وجـهه :اذا قـصـدك هذا عيب ف انـا اشـوفـه وسام شرف واذا قصـدك انه ينزل من شأنك لا والف لا هذا يـرفع قـدرك بـقـلبي واذا قـصـدك انـي ممكن ارفضك مـسـتحيـل ارفض احـياء روحي مـن جـديد تركي مـاعـمره كان التشوه تقـلـيـل مـن شـان الشـخص انـت بعيني مثل مـا انت قـدوه لـي.. مـثل لي ..ذكريـات مـحفـوظه بـقـلـبـي واشتقـت لها كثير... مـاتدري شلون أطلـقت حـروفها وكيف تكلمـت بـهالطريـقـه أبـعـدت يـديـنها عنـه ورجـعـت خصل شعره تغطي نص وجهه تلـقـائيا وتزيد اسرها تراجعت للخلـف وكملت كلامها :تركي انـا مـوافـقه... | ||||||||||||
|
| |
|
17-01-19, 08:26 AM
| #1377 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| ركب سيارته بعـد مـاتاكد مـن خلو الـبـيـت واضح ان الكل مـاهم فـيـه دق قلـبـه خوف مـمـكن يكون صـاير شـي لـحـبيـبـته والا لأحد من اهلـه دامـها بـيـنهم وتلبس قناع الـطيـبه وتتفـنن فـيه حرك يـده على جـواله ودق رقـم جـدته المـحفـوظ عن ظهر قـلب انـتظرها لحظات حـتى تردد صوتها الـحـنون عليه...سحـب نفس عميييق حاول يـهدي أنفاسـه استنـتج من صـوتها انـهم بخير ومافـيـهم شـي وتأكد انهم في بـيت عمه وممكن يـكونوا زايـرين... قـفـل الـجـوال ورماه جنـبـه لام نـفسه على كسر شـريـحته كان يـظن أنه لا ابـتعد عـنهم بيـبتعد الـخطر لـكن هاذي هي مـعهم وتنـشـر سـمها بـكل مـكان وقـف جنب بـيت عـمه ما يـدري وشـلـون وصل وكيف لـكن كل الـلي يـعرفـه انه بـيـحـط حد لكل أخطائه نـزل بـسـرعـه مـن الـسـياره دخل الـبـيت مـع باب الـحـريم يـتمنـى بس تطيـح عـيـنه علـى الـحيه ويقـطع راسـها بيـديـنـه ويـرميها للذيـب وامثالـه و لأول مره يـكون محظوظ صوت ضـحـكها وضح له تقدم بـخطوات سـريعـه يدورها مالـها اي أثر هز رأسـه يمـكن صار يـتوهم يـمـكن الجـنـون تمكن مـنه .... بلع ريقـه وهو يـسمـع صـوتها واضـح انها تكلـم زاد بخطواته دخل مـع الـسيـب الـضيق اللي يـأخذه للمـطبخ والـحـديـقـه الخلـفيـه اسـتقرت عـيـونه عـلـيها وهي تتكلم وتضحك بكل بـرود تقدم مـنها بـسرعه سـحـب الجوال منـها ورماه بالارض شـد علـى أسـنـانه وانفـجر فيـها بصوت غليظ كأنه هديـر الـنهر فـي هيـجانـه :الاعـيبـك ظهرت وبانـت حـقـيقتك ثبت يـديـنـه عـلى رقبـتها رصها عـلـى الجدار بقـوه والـشرار يتطايـر مـن عـيونه عروقـه ظهرت بشكل مـخيـف وعضلاته تصـلبت شد على أسـنانه بقهر :قلـيل فيـك القتل قـليييييل يـاهااآاجــر توسعت عيونـها بخوف اول مره تشـوفه بهالشكل اختلف وجـهه ..مـلامـحـه تغيـرت تكلمـت بصـوت مخنوق :مـاهو غريب عـليك اقتلنـي اخنـقنـي زود شد على رقـبتها زود مـاعاد يـهمه شـي ذابـحها ذابـحها الـغريـب يتركها الـغريب انه يـتغاضـى عنـها مافيه يتحـمـل ولا فـيـه يـصـبـر فـاض صبره والتطمـت أمـواج الـبـؤس عـلى مـخيـلته اختلـت سـفـينة احـلامـه معلـنه رحـيـلـها بلا اشرعه فـي بحـر بـلا هواده ... ارتخت يديـنـه بـعـد مـاالقت عـليه تعـاويذ شريره أخذته في رحلـه يمكن تكون بـلا عـوده اهتزت الـصـوره بـعيـونه تسللـت تعـاويـذها لـه وانتشلت كل ذرة حيـاة باقيـه له ارتخت يدينـه عـنها تراجع لـلخلف واسـتقـر جسمه عـلـى الجـدار الـمقابل لـها وكأنه دخل فـي سـكره سـلبـت عـقله... تنفست بـصعوبه وهي تكح قـدرت تهدر قوته ببعـض الـكلمات سحبـت نفس عـمـيـق حـتى رجعـت لـها الحـيـاه ابتسـمـت بسـخريه وتقـدمـت مـنـه احسـن شي ان هالـمـكان ضـيق وبيـخدمـها كثير قربـت مـنـه زود حركت يدها عـلى خده وتكلمـت بـبرود :قـلت لك مو غريب عليك القتل مو انت مـااخذها هوايـه مـن الصغر........قـتلـت امـك....حرمـت حالك وحرمت اخوك يـاحسافة حـب الكل لـك وأولهم مشعل مسكين وش بيـكون مـصـيره لـو عـرف انك قاتل امـه ..لا تقـول طفل لا تقـول غلط وبـدون قصد بـالاول والأخير انـت اخذت روحـها واطفـيـت شمـعـه كانـت منوره لـلكل ... اصـتدمـت سفيـنة حياته بـصخور ضـخمه رفـضـت مرورها بسلام وبدات رعـود الالـم تتردد عـليـه وأمطار الويـل تغرقه من جـديد ارتجف جسمه عيـونـه شـخصت وكأن روحه بـتطلـع لـكن بـدون فايده بتبـقـى هالروح عالقه حتى تستنزف كل طاقته ..ارتفـعـت صوت أنفاسه المـكتومه ظن أنه مـاضي مـا يرجع وانـه حـياة وانتهت لكن هذا هو رجـع يغوص بأعـمـاق الـسـنين ووحـدة نفسه الضايعـه... ، ، ، """"""""""""" اختل توازنـه ارتكى على عـكازه توسـعـت عيونـه حاول يوزان جسـمـه المـرتجـف كان جـاي يـنـتظر جدته حتى تطلع لـكن نسى نفسه نسى حـاله رجع بخطوات لـورى لف وطلع لبرا يحـاول يـضبـط هدوئه ومـايصـدق اي كلام لـكن ردت فعـل سـعود أكدت لـه الـكلام و لازم يتأكد قبل جلـس علـى عـتبـة الـباب يعيـد كل أفكاره وحساباته سحب عـكازه ووقف بصـعوبـه مـن شاف ابـوه واقـف قبالـه نـاظره بنـظرات غريـبـه همـس وقلـبـه يـنعصـر :امي شـلـون ماتت يـبه بهت لـونـه جف ريقه نـظرات مشـعـل الجـاده ارهقـت روحه :وش تقول يا ولـدي تنفس بعـمق خايف يـتهور قـبـل يـتاكد لازم يـثبت لـه أن مـافـيه شي يصـحـح هالـكلام وان كل اللـي سـمـعه وهم وسـراب صـك علـى أسـنـانه:مو عـشاني مشعـل صـرت هامـش للكل صـارت عـيونـه حمراء انـشدت عـروق وجهه وصـرخ :يـبه قـلي شلون مـااااتت مـسح ابو سعـود وجهه تقـدم مـنـه زود همس بـهدوء :تعـوذ مـن الـشيـطان يـامـشـعل مـاتت والله يـرحـمها هز راسه بعـدم تصديق :مـاتت واللـه يـرحمها راااحـت بـس بـأسـبـاب يبه لاتخبـي عـنـي شي انت عارف ..عاار... قاطعـه بـكف الـجـم لـسـانه ركز بنظراته على ابـوه امتلـت عيـونه دمـوع وتأكدت كل شكوكه سـعـود قـاتل امه لـكن شـلـون حـرمه مـنـها ومن حـنـانـها اخذ روحـها وعزف عـلى أوتار قلبـه انيـن الـفقد ابتعـد بخطوات ثقـيـلـه يـجر مـعـها صدمـات متوالـيـه صار يمشي بـالـشـارع بـلا هدف نـسى انـه تعـبـان وانـه متكسـر نسـى نـفسه الـمـرحه وروحـه الجمـيـلـه نـسى كل شي يـحمله بقلبه من ود..مـحـبـه.. إخلاص وراح يـتبع خطوات مجهوله ويـمـكن تكون قاتله... """""""""""" تزاحمت علـيه ذكريـات أليـمـه وطاح بـين همسات خافـته اخذته لمسـاحـات مـظلـمه مـوحـشه.. تبـعثر بين تمـوجـات الحياه... حاول يـتمسك فـي امـه لكن اختفـت وتلاشـت مد يديـنـه يـدورها يمـكن يلقى الأمـان يمـكن ترسـى سفينـته وينزل حمولـه الـثقـيلـة لكن غابـت عـن عيـونـه تركته يدور موانئ مسـدوده ونبـض يـهاجمه كل فـتره ويـسـرقـه لمـاضـي يـذوب انصهار روحـه... طفـل سبـع سـنوات يـلعـب ويركض بـكل بـراءه استقر جسـمـه على سـيـارة عمـه وهو يتخبى خلفـها مايـبـي الـعيال يـمـسكونـه وهو بـطل مـثل ما يقـول عـمـه محد يـقـدر لـه وبـيـفـوز سمـع صـوت ضـحك الـلـي اخذ كل تفكيره حتى صار يقلده بـكل افعاله :سعـود وش تسـوي هنا ابتسـم سعود بطفولـه وهو يـتلفـت يـمـين ويسـار :نـلعـب يـا عمـي وخايف يـمـسكوني حالـف انـي هالمره افوز ضـحك ابو رعـد على مـلامحـه بـعثر شعـره النـاعـم وغمـز لـه :الـسـيـاره وصاحـب الـسـيـاره تحت امرك أدخل تخبـى فيـها وولـد ابوه يـلاقـيـك انـت فـايـز ..فـايـز يـاابـوي.. توسـعت ابـتسـامـته سـحـب يـد عـمه وبـاسها ابتعد عنـه بسعـاده ركب مـكان الـراكب وقفـل الباب عـليـه وهو يـراقب الـمـزرعـه مـن حـولـه مـحـد مـن الـعيـال ظهر وواضـح انـه بيـفوز مر الـوقـت ونـسـى نفـسـه وهو يـشـوف بـدلـت عـمـه علـى المـقـعد الـخلفي سحبها ونزلها بـحـظنه وش كثر يـتمـنـى يكبـر ويصيـر مـثل عمه لـبس سـترته وهو يـضـحـك بشـقاوه حرك يده علـى الدرج وانـفتح توسـعـت ابتسامـته من وجود الـمسـدس سـحـبـه بسـعاده حـركه بيـن يـدينـه هذا هو ضـابـط عن حق وحـقيقـي وبـيتبـاهى قدام الـكل نـزل بسرعـه وهو يـكفكف الاكمـام الـكبيره كان بـيـتعـثر بخطواته لكن وازن نـفسـه والـسـلاح بيـده خباه خلـف ظهره ودخل جهة الحريـم يـنتظر الـثناء ينتظر التشجـيع وبالأخص مـن نـور عيونـه امـه تكلـم بـطفوله وهو يشـوفها عـنـد الـمـدخل :مـامـا عـدلـت تناسق الورود ونزلـت المزهريه على الـمدخل ناظرت سعود بـبـتسـامـه:عـيون ماما انت وش مسوي بنـفسك سـعودي حـرك كتوفـه بـطفـولـه :الـضابـط سـعود قولـي لـي كذا انـحـنت وسحـبت ورده مـن المـزهريه :تعـال يا مامـا خذ الـورده وأحلم تصـير ضابط ووقـتها بـكون اسعد انسـانه وانا افتخر فيـك حرك رأسه بالايجـاب بيصـيـر ضابط وبـيحـقـق هالـحـلـم لعيون امـه هذا حلـمه وحـلـمها هو بطل ورجال مـثل مـا يـقـول عـمه ابـتسـم وهو يطلع الـسلاح المخبى خلـفـه ميل رأسـه ورسـم ابـتسـامـه تنـشر مـعـها الامل :سلـمـي نـفـسـك وانا اجـيك ابـتسمـت ودقـات قـلبـها تزيـد شـدت على الـورده واشرت لـه يـقـرب حاولت تهدى :من وين جـبـته حبيـبي توسـعـت ابتسامته زود :لـقـيته بـسيـارة عمي تأكدت ان السلاح حـقيـقـي ومـمكن يـكون خطر عـلى ولدها تقـدمت منـه بسـرعـه وبدون تفـكيـر سحبـت السلاح مـنه لكن صار الـلي ماهو بالـحـسـبـان سعود كان مثبـت يـده على الـزنـاد ومع سحبتها للسـلاح انطلقت رصاصه متمـرده واسـتقرت بـصـدرها... طاح السـلاح مـن يـده ويـدها تراجـع لـورى اختل توازنه وأنـهار جسـمه بالارض صـرخ بـرعب خوف رهبه وهو يشوفـها تطيح قباله وتنـزف بـكثره غمض عيـونـه هز راسـه برعب وصـوت همـسها الـحـنون يـتردد علـيـه .. رفـع نظره عـلى الحاظريـن الـكل تجـمـعـوا حولها زاد ارتجاف جـسـمـه حـرك رأسه وهو يبـكي بـحراره كان يظن السـلاح لـعـبه كان يبي يـفرح قـلـبـها لكن وش سـوى نـبـضـات قلبـه تبـاطئت... وجسمه ارتخى وغاب عن الـوعـي ومعـها غابـت كل آمالـه وحيـاته الحلوه أنجبـر يمشي بـطريـق مـاهو لـه ويلـبـس عـبايه خيطت لـه بـصمـت ابدي حـتى تشوهت تضاريسـه وبترت منه نور الحـيـاه واظلـمـت أنفاسه الـعـطره ..صـار يـمشي بـمـديـنة الايام ويـمر مع طرقها الـمتعـرجـه يدور نـور الامل يتمـسك فـيـه يمكن يرتوي ويمـكن يدمـن جفاف الأحلام .. ، ، ، مرت لحظات ومـازال غارق في الذكرى الالـيمـه يـحاول يجمع روحه المـتنـاثره...وبـحة حـروفـه الـلـي ترد الـصـدا عـلـيـه بصـراخ موجـع أنطفت شـموعـه وانـتشر دخان الأطيـاف حولـه جـف حبر التمـني واوراق حـيـاته تقطعت... حاوطت هاجـر وجـهه بيـديـنها نزلـت جـبيـنها عـلى جـبينه وعـيونها مـثبـته بعـيـونه الـمـهزوزه :وين تهديدك وثقـتك بـنـفسـك اشـوفـها طارت بالـهواء شـدت بيـديـنـها علـى وجهه ورسـمت ابـتسامـه منـاقـضه لتصرفاتها :انت لي أبعـدت يديـنـها عنه وارتمت بحـظنه دفنـت وجـهها بـصـدره وضـمته بـكل قـوتها ريـحـته تخللـت داخلـها وزادت رغبتها فـي امـتلاكه :اوعدني تكون لـي وانـا اضـحي بـكل شي الـذيب واسـراره.. موقـعـه...مـكان عـمـليات استئصال الاعـضـاء... مفـتاح الخزنه واوراق الـصفـقات التجاريـه الـممنـوعـه... كل شي بـيكون بـين يـدينـك بـس تضـمـني لك ما صـدر منـه اي ردت فـعل رفـعت رأسها لـه وهي مـازالت فـي حـظنه :ماراح ارفضك حتى لو قتلت ميـة نفس انت لي يـا سـعود.. ، ، | ||||||||||||
|
| |
|
17-01-19, 08:32 AM
| #1378 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| ارتكى عـلـى الـنخلـه وعيـونه مـعـلقه بالسـمـاء والـنـجـوم وصوت همـسها يرد روحـه ويشـعـل امـاني واحـلام منتظره :يا قلبي انـتي اشـتقـت لـك ديمو همـسـت بخجل : مو بـس انـت اشتقـت لي وانا بـعـد اشـتقت لك... ابـتسـم بـهدوء وعـيونـه معلـقـه فوق :تدرين اشوفك قـبالـي الحيـن منـوره وترسـلـين لـقـلـبي كل أضواء الـحـياه ابـتسمت ونـبضـات قـلبـها تشك انـها بتفضـحها :قـصـدك القمر زفر براحـه وهو ينـزل بـجسـمه حـتى اسـتقـر بالارض وعيونـه مـعـلـقـه بالـسماء:صح القمر يا قمري انتي حـاولـت تغير السالـفه لانـها بـتختفي مـن زود الـحـيا:مـاقـلت لي ركون وصلت الاغراض اللي طلبـنها توسعت ابـتسامـته من نـطقـت اسـمـه بهالـطريقـه :بعد اسبوع بـالتمـام بـتوصل ديما :اوكي وانـتبـه عـلـى الـتحف لاتتكسـر لانـها عـشقي رفـع حـاجـبه :عـشـقـك وانـا ويـن رحت همسـت بـصـوت ناعـم : انت وش اقولـك بس تكلـم بـنبره كلـها حب:ديـمـا ديـمـا بهدوء :لبيه راكان :احبك ... تضاربت طبـول قلبـها وبـصوت خافت :اذا انت تحبـني فا إنـت اخذت عقـلي وقـلبـي عـض عـلى شفـاته : اااخ يـا بنـت متى بس يـجي اليوم الـلـي نكون فيـه تحـت سـقف واحد ... همسـت بـسعاده : ماابـقى الا اسـبـوعـيـن بـالتحـديـد علـى زواجـنا وانا قربت اخلص كل تجهيزاتي.. نـزل راسه وسنـده علـى الـنخله غمـض عيونه : وانـا بـعد كل شي ثابت وان شاء اللـه كل شي يكون تمـام حـست في نـبرته ارتباك : راكان تنفس بـعـمق : همـمـم ديـما :وش فـيـك فـتح عيـونه وتكلم بـنـبره فـيـها هم :مافـيـنـي شـي حـبيبـتي بس شوية أفكار مـرهقـتني تامـرين على شـي ديما بقلق : مـايامـر عليك عـدو تصـبـح على خير حـبـيـبـي راكان بـهدوء :وانتي مـن اهله يا اغلى مـن سـكن قلـبي نزل جـواله بحظنه وأفكاره فعلا مـرهقـته يـمـكن غيـابـه عـن امه وبـدر هو الـلـي هاد حيله خاصـة انـه اول مره يـبتعـد عـنهم نزل راسه بحظنه يـبي يـريـح هالـراس ويبعـد عنـه كل الأفـكار الشـيـنه ويـفكر بـشـي واحد بس وهو الـيوم اللي بيـجتمع فيـه مع مالـكة عـقـلـه وروحـه .. """"""""""""" جالـسـه بالـمرجـيحه تحركها ببطئ وعـيـونها عـلى الـحـديـقـه تعـد بـعد المـسافـات والايـام ومـتى يـطل عـليها وترجع تخطي فيـها وتعدها من جديد وهي مـتاكده ان هالمـسـافات وهم تصـنعـه حـتى ماتمل الانتظار.... الـقلـق أكلها اكل عليـه.. شدت بـيدها على جوالـها للـحـين جـواله مغلـق كلامه امـس حـيـل غريب حتى نـبرته شككتها كثيـر في وضـعـه زفـرت بـضيـق لازم تحط النقاط على الحـروف كل شـي حولها صـار غريب ومـالـها القـدره عـلى تحملـه اكثر لازم تشوفه لازم يـرجـع مـن سفره والا هي بتسافر له ويـن ماكان لـكن شلـون وهو حتى ما يـرد علـيها شلون وهو نـاوي يـركنها بـعـيـد عنـه... نـزلـت دموعـها بـخيـبـه مـن أفكارها الـمـتضاربـه رفعت يدها ثبـتتها علـى صدرها الهواء من حولها صار مـعـدوم ونفسها ضايـقه حـيل سـمعـت صوت حـركه بـالـبـيت تحركت رجـولها تأخذها لجهة الأصوات زادت بخطواتها لـكن تباطئت مـن شافت شي غريـب ..غريـب وقـاتل بـنـفـس الوقت طاح الـجوال من يدها انعـصر قلبـها ضاعت وضاع كل شـي تحـمـله كان مسـافـر... إلي تعرفه انه مسافر وش إلـي تشوفـه الـحين اكيـد انـها تحلم وحـلـم مـزعج ارتعـش جسـمـها من بـرد المشاعـر وتكسـرت ضلوعها بـزمهرير كذبـه وقسـوة بعاده تجمـدت اوصال قـلبـها وهي تدور الـدفـى حتى تلتحـف بـهمـسـاته الهاديـه وترتجـي حروفه الجامـده...تراجعت لـلـخلـف وعيـونها مـتوسـعـه من منـظره... القشعريـره سرت بـجـسـمها وصحـراء قـافره احتلت روحها لا لـها صـخور ولا مـلاذ ولاحـتى مكان تكسرت أغصـان قـلـبها وأعـلـنت الـجـفاف واحتطب شغفها بليـله قـاسيـه.. انـتبهت لـهاجر تعطيها نظرة انتصـار زادت شعـورها بالـخذلان..ركزت بـنظراتها عـلـيه واقـف بثوبـه وهي بحـظنه واضح انه يعيش بعـالـم ثانـي عـالـم الـغش والـخداع وماكان الـسـفر الا مـجرد حيـلـه مـبهمه زادت بخطواتها الـثقيلـه لـجـهته تجـرها مثل جـر الـصخور وقفت قـبالهم ودمعاتها أعـلـنت عـن نـزولها بـإنـسـياب : صـراحـه اهنيكم لقـطه حلوه ولقاء جـمـيـل فـي مكان اجمـل ابتعدت هاجـر وهي تمسـح عـلى وجهه الـباهت الراحـل عـن العـالـم :انتبـه علـى نـفـسك حـبـيبي انـسحبت بهدوء و ضحكاتها تطلق سـهوم لـقـلب وعـد وكانها تقول لـها خسرتي زوجك وخسرتي الـحـب... ركزت بـنظراتها عـلـيه لو قالـوا لها الناس كلهم مسـتحـيـل تصـدق اللي تشوفه لـكن شحـوب وجـهه وجـمـود احساسه إنـسـياب العرق مـع حـواجبـه المـعـقوده..واتسـاع عـيـونـه تدل عـلـى خيانـته و اثبتت لها انه مو قـادر يـواجـهها ولاهو قـادر يـبـرئ نـفسه ابتسمـت مـن بـيـن دمـوعها :رجـعـت وكنـت اتمـنى اول من يشـوفك ويضـمك بس واضح لـقـيت الصـدر إللـي يـحتويك...غبت وغيـابك خلـى أنـفـاسي عـاريـه متلبسـه بـبقايا همسك هزت رأسها بإنـهيـار وهي تشتت نـظراتها هنا وهناك رغم أنـها مـشـتاقه لتفاصيلـه كملـت كلامها بـأنين : ضـاعـت حـروفك..مـالك تبـريـر صح..ظنـيـت سفرك مـهمـه او شـغل نسجت لك اعذار كثيـره وأفكار وهميه دعيـت عشان ترجع واضمك لقـلـبي لـكن ضمـيت غيري توني تاكدت يـا سعود انـك مـو لـي حتى تدفـينـي او تلبـسـني احظان الحـنـان مـن جديد ... خيـاااالات أصوات صـرخااات دم وانـيـن قاتل إرتجافت رعـب اعـتلـت جـسمه وإنتهاكة ضعف شـتت ذكريـاته الـمـؤلمـه وصداع داهمه بقسوه وغربه سايـرته وامطرت عليه بأنين الـفقد ورجـاء الـيـأس ارتخى جسـمـه وطاح قـبـالـها جـثه هامده بـلا حـراااك... ، ، ، قضى عمري وأنا أبحث عن الأنسان في الأنسان ! أدور عن بقايا شخص يفضح سـري الخــافي ؟ أدور فرحتـي إبـره وسـط قشة ألم وأحزان وأدور في صقيـع الكون بقايا حضنـي الدافي. أدور عن حيـاتي بين ، ضيـق العمـر والأكفان أدور بيـن أكـوام الخيـانه أي شــي وافي أدور عمـر مايعـرف ، بعمره سيـرة الاحـزان أدور ليل أسكـن به ، ويسكـن داخـل أللحـافي. خسـرت الحلـم لكني وقفـت بعـزت الربحــان مثل ذيك النخـيل اللي تصارع سطـوت السافي .سألت اللـيل من فينا قضـى ليل العنا سهـران طلبني الليل في حسـره دخيلك يابشركافــي !... ، ، ، ، انـتـهــــى الـفـصــــل اتمـنى- ينال… على' اعـــــجـابـكــم} والـقـادم< اجــمـــل: باذن الـله* اراكــم؛ تهمــــــنــــيـʼ وتـعـليقاتكــــم؟ بعـد\ اتـمنى› لكم‘ قراءة¨ مـمـتعة و< انـــتـظر« تـعـلـيـقاتـــــكم' بشـوق تحـيـااااااتـــي› عـيـون الــــريم ^_^* | ||||||||||||
|
| |
|
17-01-19, 09:32 AM
| #1380 | ||||||
| نجم روايتي وكاتبة بمنتدى قلوب أحلام وقاصّة بمنتدى قصص من وحي الاعضاء،حارسةوكنز سراديب الحكايات وراوي القلوب وقلم مميزبالقسم الأدبي 
| يسلمووووا حبيبتي على تنزيل الفصل...مشتاقة جدااا اعرف ايش بيحصل مع نواف وردة فعل لميس... | ||||||
|
| |
 |
| أدوات الموضوع | |
| انواع عرض الموضوع | |
|
|
29Likes
العرض العادي
