02-02-17, 10:57 AM
| #191 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
|  القراءة تمت لكن ضيق الوقت ومشكلة المنتدى السبب بتأخري بالتعليق فعذرا عن تقصيري هذه الفتره واضح اني الان فقط اضع اعتذارات بالروايات ههههههههههههههههه | |||||||
|  |
|
02-02-17, 11:25 AM
| #192 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| تعليق سريع سعود الله يساعده حمله ثقيل صعب ان ينتهم بدم عمه ... وهو الذي يعتبره مثله الاعلى وسار على خطاه توقعي ان جوري ورعد ستتقاطع طرقهم بسبب اسامه .. اكيد ان رعد معلم اسامه ... ابو اسامه ,, مؤذن جامع ... لكن قلبي ناغزني انه هو من قتل ابو رعد ............. في البدايه توقعت القتله عصابة مثلا مخدرات ... اليوم خطر ببالي ان يكون ان يكون الموضوع فيه تنظيم تطرفي ... لذا شكيت بابو اسامه وريف طلقها حسام .... ياترى وهو يقول انت طالق طالق طالق ... تعتبر طالق بالثلاث او مهما قالها واي عدد تعتبر واحده ... وما موقف وريف لو طلعت حامل انا كنت افضل ان تبقى وريف ببيتها خصوصا انه اخذ اغراضه وخرج يعني لاينوي ان يخرجها من بيتها ,,, اذا لماذا نواف قال لها اخذي اغراضك كلها حتى نؤجر شقه ؟؟ | |||||||
|
| |
|
02-02-17, 06:50 PM
| #193 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  السلام عليكم ورحمة الله وبركاته يسعد مسائكم عزيزاتي اعتذر عن التأخير بتنزيل الفصل وراح أنزله الحين رغم أني تعبانه وان شاء الله يطلع على الوجه المطلوب قراءه ممتعه للجميع دقايق وأضيف الفصل تحياااااتي | ||||||||||||
|
| |
|
02-02-17, 06:51 PM
| #194 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| يـا وحشه الـديـــنا بلـيا عـزيـزيـــن عمرن يعيش ب واسع الكون ضـايـق الــقلب وش لـه بعد فرقا المحـــبين ماتـــسـعده ضحـكـه بكل دقـيـقـــة مـسـكـين قلبي مـاتـهـني بغاليـن وماضـنـتي شـاف الـهنا بـالحقايـق مـكتوب يـا بـنت نسافر غـربيـين ونمـشي عــلى درب الشقا والعوايق رمضا وضوء الـشمس يحرق بـدا العين وصحرا تـعرت مـن جـميع الـخـلايق لا ماي يـروي ولا ظلام الـبساتـيـن حـتى الـسـراب الـناظر لـلعين سايق ولامن يـلوح الليـل مـفزوعـه يـاشين ذيــب عــوا بـيـن دروب الـعـتايـق سـجين في لحظـه نـسوني حبيبيـن والنــفس مـاتارد عـلى حب بـايـق لـكـن ولك والـله خـفوقـي بناريـن نـار الـمحـبه ونـار عطف الـشفايـق والصقــر مـا حلق بـلـيا جنـاحـيـن وصقري جريحن مـا غــدا ل الطلايق عـلى الـنو مـتعود يـقصه بـحدين واليـوم ربعه بــدلوبــه برفـايـق أبـكي بـشعري ولو جمعتـه دواوين شعري بــكاني بموجه الوقـت ذايق ما أتـعب فرحه عـلى الـقلـب تقسين وين الحنـان ويـن عطف الـشفايـق يا رحمه الـرحمن بــالعون تــكفـين لمي شـتات الروح مـا صرت طـايق ""الــفصل الثـــالث "" انطوت الأيام يوم بعـد يوم والأحزان مازالت تستوطن قلوب أبطالنا الحياة هاديه ومافيه شــــي جديــــد أيــــام مضت بتعب وجهد شـاق أثقلت أبــطالنا وامـتصت طاقتهــــم واستـــــحلـــــت كل تفكيرهم قطعوا درب كله ظلام وتلــــذذ الحزن بــهم ياصوتـه الي يتردد عـلى مسامعها ويوجعها الحنين له تتخيل انـــــه يناديها الحين من مكبر الصـوت الي عند حارس المـدرسه وتطلع له والابتــــسامه مرسومه على وجـــهها مرت شــــهور وهي كل يوم تنتظره يــمكن كـــل الي صـــار من شـهور كذب ويرجع ابوها يستقبلها برا عند المدرسه يأشر بيده ويدق لها تحيه تــــحبه وتعشقه من تشوفه ببدلته العسكريــــه لكن هدم كل سعادتها انسان مافي قلبه رحمه تعرف انـــه هو الي سواهـــــا رغم ان الكـل معه تــــكرهـــه تحقد عليه من كل قلبها لو بيدها كان فرغت السلاح فيه هذاك اليوم حست بغرق على خدهــا رفـــــعت يدها الــصغيره ومسحت دموعها آخذت نــــفس ماتبي تــبكـي ماتــبي أحد يشوفهـــــا كذا حست بيد صديقتها على كتـــــفـــــها :وعد حبيبتي وش فــــيك اخوك من زمــــان ينادي اسمـــــك لـــفت وعد لريما بهدوء :ماســمعتـــه الحـــين اطلع له ابتسمت ريما بهدوء صديقتها وتعــرفها من بعد وفاة ابوها تغـــــيرت حيل :اوكيه وعوده نتلاقى بكرا حبيبتي وعد بهدوء :اوكيه ريما مع السلامه رفعت يدهــــا ريما ولوحت فيها ل وعد :الله يحفــــظك انتبهي على نفسك رفــــعت شيلتها عـــلى رأسها وتغطت شدت بيدها على شنـــــطـتها وزادت بخطواتـــها لحتى طلعت وقفت عـند باب المدرسه وغمضت عيونها يمكن لافتحتها تشوف ابوهـا هزت رأسها بـالنفي ماتدري إلى وين بتـوديها أفكارها فتحت عيونها ومررت نظراتها عــــلــــى السيــارات الموقفه تدور ل رعد لــــكن استقرت عيونها على أحقر انسان عــــرفته بالدنيا كلهـا متسند على سيارته ولابس نظارات شمــــسيـه ومكتف يـــدينـــه وواضح انه ينتظرها شدت على يدها حتى اظافـرها اوجعتهــــا وش الي جابه لها تقدمت منه بسرعه وقفت قباله :هيـه انت وش جابك اعتدل بوقفته رفـع اصبعـه السبابه ونـــــزل نظاراته شــــوي علـــــى خشمه نـــاظر لها بنـــــظرات خاليه من اي تعبير وعرف انـــــها هي مـــحد يكـلمه كذا إلا هالبــــنت :اووه مدام وعد هـاذي انتـي أخيرا شرفتي من فتره وانا واقف هنا شدت وعـد على اسنانها بقهر :مـــدام بعينك ليتها هــــالشـمس ضربت رأسك وطحت بمكانك ضحك ســــعود على كلامهــــا :هههههه لا ... لاتخافـين الي واقف قــبالك قوي وماتـــــهزه الشمس ولا غيرها كتفت يدينها وعد وناظـــــرت له من فوق لتحت :عـساك الــــموت يارب سعود لاتظن اني بركب معك تيسر ورح انا بنتظر رعد ياخذني عقد حواجبه سعود وتقدم منها أكثر حتى ماصار يفرق بينهم شي :وعد اتركي عنك العناد واركبي وإلا واللــه تشوفـين شي مايرضيك لايغرك انــي ساكت عنك وعن كـــــلامك ابتسمت وعد بسخريـــــه :وش تبي تسوي مثــــلا بتذبحني مثل ماذبــــحت ابوي غمض عـــيــونه سعود وهو يـــصـــــبـــر نفــــسه والله لــــو انه ماهو بمـــــكان عام كان ماتــحايل علـيها كان سحبها ورماها بــــالسياره غصب عنهـا رفع يده وحطها علـى كتفها وشد عـليه حتى حـس فيها توجعت:قـــلت امشي دام النفـس علــيك طيبه رفعت يدها وعد وابعدت يده عنهــــا وهي تتوجع:ااي حشى ماهي يد كماشات حسبي الله عليك رفع حاجبه سعـــود ببرود وابتسم ابتسامه جانبيه :ســـميهـا الي تبين رفع اصبعه وعـدل نظــاراته على عيونه وأعطاها ظهـره مشـى كم خطوه ركب الـــسياره وفتح الشباك تكلم بنبره كلها سخريه :اركبي يااا زوجتي العزيزه نزلت وعد نـــظرها عنه واتجهت للبــــاب الخلفي تـــبي تفتحه لــكن واضــــح أنه مقفــــل ناظرت له واشرت بيدها يفــــتح الباب هــــز رأسـه ســــعود بالنفي :اركبي قدام تقدمــت وعد بغضــب فتحت الباب الأمامي وركبت زفـرت بقهر :اوووف والله لو ما الـشمس قــــويه كان ماركبت قدام ضحك سعود بـخفه :ههههه ايه خليــك كذا شاطره الـــــتزمت وعد الـــصمت وبدأت شفـايفها ترتجف ودموعها تعلـــــن النزول انسان بارد ماعنده قــــلب يضحك وماكــأنه أخذ نفس قبـــل كــم شـــــهر شدت على شنطتهـا الذكرى الأخـيره من ابوها ياما جمر الفـــراق كوى قـلبها الشــــكوى لله صدرها على فراقه ضـــااااق مايدري أن بعده عنها مايهون وتاخذها بعض الـــــظنون ااخ يا قلبــها الي ماعمره نوى ينساه مهما يكون لف سعود لجهتها ومرر نظراته عليها هز كتوفه بإستغراب وين لســـانها الي قبل دقـــــايق اختفى لاحظ رجفــتها ويدينها الي ضامتها على شنطتـها مد يده وحطهـا على شـنطتـــــها :خفي على الشنطه بتتقطع بين يدينك رفعت وعد رأســـها بسرعه مـــــن شافـــت يـــده قريبـــه مــنهـــا وصرخت :ااابعد سعووود لاتقرب مني اترك الشنـــطه اتركهاااااا أبعد يده سعود وهو عاقد حواجبه :بسم الله الـــــرحمن الـــرحــــيـــم ماقلنا شي ماراح أكل شنطتك رفــعت يدها بتــــهديد وتـــكلمت بـــصوت باكي :سعود اياني وياك تقرب مني ومن أغراضي فاهم انت ماعـــندك قلب ماتحس وشـــــلون بتحس وانت ذبـــحت ابوي وببيته انسان تــافه انسان لامبالـي لا تق..... قاطعها سعود بنبره غريبه وهو يناظر قدام :اسكتي وعد اسكــــتي ماابي اسمــع منك ولاكلمه انتي ماتعرفين شي ماانتــــي فــاهمه وش ألي يصير من حولك توك صغيره على هم هالدنيا توك ماتعرفين وش تفاصيل هالدنــــيا القاسيه هزت رأسها وعـــــد بالنفي وبصوت مرتجف :وان شاء الله انت الي بتفـــــهمني تفاصيل هالحياه رفع كتوفه سعود ببـــــرود :يمكن ايه ليش لا مو انـتي زوجتي وبعد فتـره ب تكـــــونين ببيتي وجنبــــي ضحكت وعد مـن بين دموعها بسخريه :هه عســاهم يزفــــوني لقـــــبري قبل لا انزف لك حطـها براسك ياسعود كــــنت ماابيك من قبـــــل والحين زاد اصراري وكرهي لك وقف سعود سيارته قبال بيــــت عمه ولــــف لجهــــتها وابتسم ببرود :قولي ألي تـــبــين تــــقوليـــنه لكن ثـــقي تــماما ان إصراري بإمتلاكك بهالـــــحظه زاد أكثر وأكثر انــتبـــهت انـــهم موقفـين قبال بيتـــــهم ماردت عليه تـــــجاهلته ومدت يدها الـمـرتجفه فتحت الــــباب ونزلت تحس بالغثـــيان مجرد كلامها مع هالانسان البارد زادت بــخطواتها وصارت تركـــض لحتى دخلت بيـتهم من اختفت عن انظاره نزل نــظاراته عــــن عيونه ورماها على المقعد الي جنبه تـــــنهــد تنـهيـده طويييلــــه رجع رأسه لـــلخلف وسنده على المقعد غــمض عيونـه ورفع يدينه وصار يمسح وجهه بهم ماتدري انه يتــالـــم اكثر منها ويموت باليـــوم الف مره اااه مادرى ان هـــــالــبــنت قـــلبهـــا قـــاسي كذا كلامها يذبحه حتى لو ماله يــــد واضح ان دربه طويل معها ومجهد حيييل وشلون بيتـــــعامــل معها وكيف راح يـــقنعها أن ماله يد بموت ابوهــــا تـــكلم بهمس :اااخ ياوعد لا تلمســــيــن الجرح خلي الجرح وأسبابه الله يخليـــــك ما فيـني يكفيني حتى زماني خانني يكفي سر عمي الـــــمجهول الي تركه لي ماتدريـــــن وش كثر انا حزيـن وأحس اني سجيـن ابي اشتــــكي وأقول الـي بصدري ياكثــر مــــن فراق الاحباب ضقت والعين هلت الدمـــــوع """""""""""""" انحنى بالمغسله وهو يستفرغ مــــعــدته فاضيه لأنه مافطــر وعلى طول طلع للجامعه والحين جاء هالدكتور بقرفه معه وزاده غثاء رفع رأسه وسحب مناديل وصار يجفف وجهـــــه سمع صــوت ضحك خويه لـف لجـــهته رفـع حاجــــبه :خيــر مــاهر وش عندك رفع ماهـــر يده وحطها عــــلى بطنه ومـازال يضحك علـــى مشعل :هههههه وربي انت شي ثاني حـــسستني انك وحام مشعل قرب مـــــنه ورفع يده وضربه عـلى كتفه : وحام بعينـــــك بلاك ماشفت الي انا شفــته يبيني اشرح ضفدع مره وحده والله من فتحــــت بطــــنه كان بيــغمى علي زاد ضحك ماهر :هههه ااه والله انك نـــــكته طيب مو هذا تخصصــــك ولازم تشرح حشرات وحيــــوانــات ورفع حواجـــــبه يحركها ببتسامه : وماهي بعيده يجيب لكم آدمي لانه ابوي وأعرفه زيــن من تخيـــــل مشـــــعل انه يشرح انسان رجع مره ثانيه للمغسله وصار يستفرغ رفع رأسه ولف ناظر ل ماهــــر :اااه الله يكفينــا شرك انت وابوك واللـــــه ينخاف مــــنكم يــا أخي مدري وشـلون هذاك الكئيب يصير ابــــوك حرك ماهر كتوفـــه لفوق :لو عرفته زين ماقلت هالكلام تـقدم مــــنه مشعـــــل وهز رأســـــه بالنفي :ولا أبي أعرفه لا مـــن قريب ولا من بعيد انــا من اشوفه أخاف تبـيني أتعرف عــليه لا لا خـــلينا كـــذا احسن لي وله ضحــك ماهر :ههههه والله ومسوي لك ابوي رعب رفع مشعل حواجبـه وشكله يـضحـك :فوق ماتتصور جــــايـــــب لـي ضفدع وماتبيني أخاف مـــــنه ماهر رفـع يده وسحب مشـــــعل معه :ماهقيـــت انه يخوف لــــهدرجه ناظر له مشعل وابتسم ب حــــيله :دامـه ابوك ليش ماتتسوط لي عنده يعفيني من تشريح الضفدع بالإختبار بعــد انا راضي بحشره بس ضفدع لا ضحك ماهر عـلى تعابـير وجه مشعل الي كأنه طفل :هههههه حشى حـــــتى البزر لو تبيه يشرح قطوه شرحها وانت خايف من ضفدع بس ولا يـهمك وش رأيك أخليه يغير اختبارك وتشرح فار ماهو احسن ابعد يـده مشــعل عــن ماهر وعقد حواجبه رفع يده :جعلهم يشرحونك قل امين اقولك مابي ضفدع تــــقـــول لي فار ياجعل الفار ياكلــــك انت وابوك ضحك ماهر بخفه :ههههه وش فـــيك قــــلبت علي مو توك تــــتحايــــل علي ابـــــتعد عنـــــه مشعل بـخطوات سريعه :تقلــــع عن وجهي والله انت مـو كفو أحد يعطيك وجه رفع صوتـه مــاهر والابتسامه مـــــرسومـه على وجهه :ههههه شوي شوي لاتطيح وانت تمـشي ابتــعد عنه مشعل وهو يتذمر والله لو بيده كان ترك هــالجامعـه من زمــــن بس كله عشان ابوه محذره انه لو تركها بيزعل منه ويمكن يغضب عليه بعد ضحك ماهر بخفه هـــالولد دوم يجيب السعاده لقلبه رغـــم تصرفاته الـــــطايشه عارف انـه بيرجع له وماكأن شي صار | ||||||||||||
|
| |
|
02-02-17, 06:58 PM
| #195 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| قفل الكـــتاب الــي بيـــــده وتنهد رفع راسه ولف رقبتــه يمين ويسار وصار يــطقطقــها رفع يده وضغـــط فيها عــــلى رقبته من الخــلف يــــحس بألـــم مـــــن الجلسه الطويله اليوم كان متعب له مرر نظراته حـوله وتوه ينتـبه أنه ماباقي إلا هو من المعلمين الي معه بالغرفـــه وقـــــف بتعب وجمع الكتب الي باقي ماصححها من علـى المكتب مــافيه حييل يصحـــــحها هنا بيرجع البيت ويصحـــح على رواقه طـلع وصار يمشي بالســاحـــــه بخطوات سريعه انتبه ل أسامه جالس عـــلى احد الكراسي الي بالساحة تقدم منه وابتسم بهدوء :أسامه بعــدك مارجـــــعت البيت رفع أســـــامه نظره ل رعد والخوف واضح على وجهــــه :لا والله ابوي مابعد جـــاء انتبه رعد ل عيونه الي مليانه دمـوع ووجهه الي احـــمر وواضح انه ب يبكي بأي لحظه مد يـــــد وحطـــها على راسه بحـنان :مافيه مشكله حبيبي انا أوصلك بيتكم تراه قريب مـــــن بيتـــــي ويمكن ابوك تأخـر عنده شغل لاتخاف هز رأسه أسامه وارتاح مــــن تكلم رعـــد :أستاذ انت تعرف بيتــــي ضحك رعـــــد بهدوء:ايه واعرف ابوك بعد يلا تروح معــــي هز رأسه أسامه ووقف رفع شنطته على كتفه وابـــتـــسم بطفـــــوله وش كـثر يحب هالأستاذ :طيــب أستاذ رعد ابتسم رعد ومــــد يــده مسك يد أسامه وصار يــــمشي وهو يسولف معه مايبيه يخـاف منه ابد """"""""""""""" جلس على الكنبه وتـنهد بتعب الحمل الي شـايلــه كاســـــر ظهره حـــــيل جــاء الوقت المناسب الي يعرف وش مخبي عمه عن الكل اااخ بس مايدري ليه هالمدينه دوم شاحـــبه وضيقه حتى حظنها بارد وغايب دفاه حـتـــى اسـوارها تبــــكي وتنـــــوح بالي يحويها الاماكن صارت خاويه ومافــيها روح والزوايا صـــــامته وان حكت تصرخ ب اه ياكـــــثـــر ماتلمع بعيونه الــدمعـــه وتفـضح الحزن وتبوح ليت دمعه يابشر ينهـي الهم ويروح كان خــــافقه يعانق فرحته وينســـى عناه لكن احلامه بتــبقى تبــني بقلبـــه صروح هــذا هـــو قلبـــه غــائره فيه الجروح يمكن بس بلــمـسه يديـــــن يبتهج ويرجــــع هناه كل الي مـــــحتاجه انسان يفهمه على فكره و إنســـان يأخذه على يدينـه ابتـسم من أخــــذته أفكاره أن وعد هي بتكون مـــــن تاخـــــذه على يدينها ضحك بـخفه :ههههـــــههه وش هالافــكار يــــاسعود ااخ صرت اهذي حتى باافكاري من سـابع المـســـــتــــحيــــلات وعد تتقبلني هه هذا هو انا رفيـق الـــــجــرح من صغر سني والجرح له في داخلي الف عنوان رفع يده ومرر أصـابعه ب خصل شعره الـــــي يشوفه الحين يحاكي نفسه يظن انـه انجن حرك كتوفه بــــسخريه على حاله : صرت تمثـال للهـموم أضحك وكأني رايــق البال والنــــاس تحسدني ماتدري اني امـــــوت بــــسكات بلل شفايـــفه الجافه من كثر التفكير ورجع رأسه علـــى الكنبه لحظــات وسمع صوت الباب ينفتـح رفع رأسه انتبه ل ام رعد تدخل ابتسمت ام رعد بهدوء من شافـــته :يا هلا فيــــك ياولــــدي عـــــدل جلسته سعود ووقف لها بإحتــرام تقدم مــنها كم خـــــطوه انــــحنى وباس رأسها :يــــاهـلا فيك زود وشلونك ياعمه عساك بــخيـــــر ام رعد جـلست على الكنبه بهدوء : الحمد الله على كل حال يــــاسعود سامحني تأخرت عليـك بس وعد دخلـت البيت وهي تبــكي وطلعت اشوف وش فيها لا تأخذ بخاطرك ياولدي من كــــلامها ادري فــيها كــلامـها حاد ويذبح بــــنتي واعرفــــها اعـذرها توها ماتعرف تتعامل مع هــالدنيا ابــــتسم سعود ابـــــتسامه باهته وهو يجلس : لاتحاتين انا اعرف وشلون أتعامل معها وراضي بكل الي تقولــــه الله لايلوم الـي يلومها ياعمه الي مرت فـيه صـــعب خاصة أنـــــهـــا هي اخر من شـــــافت عمي الله يرحمه هزت رأسها ام رعد بهدوء : الله يرحمه ويسكن روحه الجنه سعود بحزن :امين يارب شبك أصابع يدينــه ببعض ورفع نظره لام رعد وتكـــــلم بإهتمام :أسمعـــي ياعمه هذاني اليوم جــيت بخصوص هذاك الموضـوع ومحد يعرف فيه إلا أنا وانتــــي وسبق قلت لك ان عمـي الله يرحمه وصاني اخــــذ مفتاح الخــــزنه منك لان فـــيـــــها أشـــــياء مهمه وأمني عليها ام رعد :وانا ماراح امنعك يـــاولدي وهاذي مفاتــيح الخـــــزنه مدت لسعود ميــــداليـــــة المفاتـــــيح :ادري ان عمك ما أمنك إلا لأنه يثق فيك ومن قلت لي وأنا أحاتي خايفه من الجاي ياسعود ابتسم سعـود برضـــــا وأخــــذ المفتاح من أم رعد :لا تــخافين وثقي انتي بعد فــيني وان شـــاء الله الي بالخزنه يوصلنا لطرف الـخيط ام رعد تنـــــهدت بحزن :الـــــله يكــــون بعونك ياولــــدي والله يقدرك على هالحمل الي شايلـه ابتسم سعـــــود بالم :اللهم امين وقفت ام رعد وهـي راســـــمه ابتسامه حنــونه عـــلى وجههـا : روح ياولدي لمكـتب عمك مافيه أحــد على طريقك وخذ راحتك وعسى الــلــه يكــــتب الي فيه الخيــــر ابـتعدت عنــه وطـــلعت من المجلس بهدوء مثل مادخلت وقــــف سعود وشد عـــــلى الميـــداليه بيده والـــتـــــسألات رجعت ترسم طريقـها براسه وش مخبي عمه ومين هالــناس الي حـــــذره منهم خايف حيل ان صـــــبره كل هالوقت يتلاشى ومـــــايطلع فيه شي بالخـزنه يدل على القاتل ياكثر التساولات الــي يبي لــــها ألــــف جواب غمض عيونـــــه ورفع يده يأشر فيــــها يبي يهدى ويسترخي فتح عيونه و مرر نـــــظـــراته حوله مـاشاف ام رعد عرف انها راحت لكن وشلون ماحس فيها تـحرك بخطوات ثــــقيله حيل وكأنها مــــحمـــلـــــه ب اثقال يـــجر معهــــا كل آمــــاله """""""""""""" دخل الصاله بهدوء توه راجع من إستلامه غمض عيـونه من شم ريحة طبخ أمه الي تفتح النفس ابتسم بحـب وفــتح عيـــونه وصار ينــادي :يـــمــــه يمه طلعت أمه من المطــــبخ مــن سمعت صوته توسعت ابتسامتها زود من شــافته :ياهلا بـــولـــدي متى جيت يايمه راكــــان تقدم منها وباس رأسها بحـــــب :تـــــونـي جاي يالغاليه وش هالطبخ الزين يا الشــــيفه حنان شمــــيتــــه من القسم ضحــــكت ام راكان بحب :ههههه عن الكــــذب شــــميته من قســمك طيب ياضابط راكان روح بدل وتعال عــــشان دقايق ويـــــكون الأكل جاهز رفع راكان يده ودق تحيه لامه :ابــشري طـــال عمرك مشــــى كم خطوه بـــس تذكر بدر وقف ولف لامه :ايه يـــمه إلا وين بدر ماهي بالعاده مااشوفه اذا جيــت من الدوام ضحكت ام راكـــــان :هههه بدر جــالس على البلاستــيــــشن كله منك مـــــو جبـت أمس له شريــط جــديد وإلا وإلا يختمه ضـحك راكان :هههه لو ادري كان ماجبته الحين يعند إلا ويـختمه ولاماختمه بتصير علوم ابتسمت ام راكان :هي صـارت من الصبح انا وياه مجادلــــه هز رأسه راكان بهدوء :محد يعـــرف له إلا أنا خليني ابدل وأروح له ام راكـــــان :أي والله يايمه تسوي فيه خــير حــــتى الفطـور مافطر ضحك راكان :ههههه ابشري يــــالغاليه دواه عنـدي ابتعد عــن أمه وطلع بخطوات سريعه وصل لغرفة بدر فتـــح الباب بهدوء وطل شافه منسجم مع البلاستيشن ضــحك بــخـــفه و هز رأسه بهـدوء ابتعد عن الباب ورجع توجه لغـرفــــته يبي يبدل وبعدها يعرف وشـــــلون يخلي بــــدر يترك البلاستيشن بسهوله """"""""""""""""" نـزل مــــن السياره وقفل الباب بكل قوتــه رفع رجله وصار يضرب الكفر :ياالــــله وش هالعله وكأني ناقصـــــك تتعطليـــن لي بهـــالوقت واكملت والـله بعد الضـفدع ماادري ليش انا دوم منحـوس رفع يده ومسح وجهه بتعب دخل يــده الثانيه بجيبــــه طلع جواله وفتحه دق عـــلى أول رقم شافه قبالـه انتـــظره يرن كم رنه وجــاه الصــوت :يازينك لارديت بسرعه ابتسم تركي من سمع صوت مشعل عرف انه يبي شي :ويازيـنك اذا كنت مؤدب بالكلام مــع عمك مشعل بطفش وصــوت هادي :طيـب يـاتريك أقـــــصــــد ياعمــــي الـعزيز سيارتــي تـــــعـطــــلــت وانا عند الــــجامعه ياليت تــمرني لانـي بطق واللـــــه ضحك تركي على نبرة صوته :هههههه خليك بمكانـــــك انـــــا مشغول حيل دق على ابوك أو سعود تنهد مشعل بقـــهر :حسبــــي الله على ابليســـــك تبي ابوي يعلن علــــي الحــرب توه مـصلح سيارتي من كم أســــبوع وتكلم بنبره هاديه :فديتك تركي ادري فيـــــك حنون وبتــمرني تركي بهـدوء :لاحول طيــــب ليش ماتـــركب تكسي مو احسن مشعل شد على اسنانه مايـــبي ينفجر ب تركي وبعدها والله مايمره:ماهو حظ ولد اخوك بــليد ناسي بوكي بالبيت ومامعي ولا ريال ضحـك تركي بخفه ولف الدركــسون وغير وجهته: هههههه طــــيب يامشعلوه هالمره حنيت عليــــك وبمرك من حسن حظك اني قـريب من جامعتك كم دقيقه وانا عندك تنهد مشعـل براحه :طيب انتظرك لاتتاخر نزل جواله بـعد ماقفل ورجع ركب السياره الشـمس حاره وضربت رأسه مايدري متى بــيحن عليه ابوه ويأخذ له سياره جديده مع انه عارف ان مافيه سياره إلا إذا تخرج نزل رأسه عــــلى الدركسون وحرك يده يبي يشغـل المــكيف تذكر أن الـــــسياره مااشتـــغلت ضحك علـــى حاله :هههههه شر البلية مايضحك سمع صـــوت بواري رفع رأسه من على الدركسون انتبه لــسيارة تركــــي واقفه جنــــب ســـيارتـــه نزل بسرعه وابتسم وهو يتقدم من تركي انحنى لتركي الي فاتح الشـــباك وباس رأسه :وهاذي حبة رأس والله تستاهــــل لتلبية الطلب السريع ضحك تركـي على وجه مشعل الأحــــمر :هههه والــــله مـبين أن الشمس مااثـره فيك وقالـــــبه مخك إلا من مـــتى هـــــالادب الي نازل عليــــك أركب بس أركب الله يخلف علـــيك ابتعد عنه مشـــــعل والابتسامه مرسومـه على وجهه هذا هــــو ابتسامـته ماتفارقه حتى بااصعــــب الأوقات ركب السياره ولـف لتركي :انت ماتــدري أن الأدب منبعي يااخي ليش الكل يــنفون هالشــــي هز رأسه تركي بتسلـــيـــــك وهو يـــحرك السـياره :ايه ايه صــح انا أشهــد أن الادب منبعك رفع حاجبه مـــــشعــل وكتف يدينه ورجع رأسه على المقعد :اقول لا تسلـك وسوق وانت ساكت ابتسم تركي عارف انها وصلت مع مشعل وصار يسوق بهدوء دقايــق ووقف بــــوسط بيـــتهم لف تــــركي ل مشعل وضحــك بخفه من شافــــه نـــــايم وجهه حيل يــحزن رفــع يده وحطهـــا على كتفه هزه بهدوء :مشعل قوم وصلنا البــيت قوم كـــمل نومك بغرفتك فتح عـــــيـــــونه مشعــل بثقل ورفع يده مسح وجهـــه ونزل بهدوء تـــــنهد تركـــي بعــد مـــــا راح مشعل ونزل بهدوء رفع يده وشــال كـــابــــه عن راسه رمـاه على المقعـــــد قفل باب الســــياره ورفع يــده وصار يـــعدل خصل شعره على عينه اليسار وصار يمشي بخطوات هـــاديه دخل الـــبيت وانتبه ل امه جالسه بالصالــــه تقـــــدم منها وانحنى باس رأسها وجلس جنبها :مساء الـــــخيــــر يـمه مــــررت ام سلطان نظراتها على ولدها وابتسمت بحزن من شافته مغطي وجـهه ب خصل شعره الي مطوله بسبب هالـــتشوه :مساء النور ياولدي وشــلونـــــك يمه ابتــــسم تركي ابتسامه مزيفه :الـــــحمد الله يــايمه حالي يسرك يالغاليــــه ام سلطــــان بهـدوء :جعله دوم ياتركي تركي وقف بــــهدوء :امين يارب تبــــين شـــي يالغاليه قبل اطلع حدي تعبان ابي اريح قبــــل صلاة العصر شدت ام سلطان على عصـــــاتها الــي بيدها وبحــــزن : انتظر تركي عندي كلام ابـــــي أقولـه لك لف تركي ل امه وعقد حواجبه ورجع جــلس :وش يــــمه هالكلام بلـــعت ام سلطان ريقها الجاف عارفه ولدها بيــعصب وبيتـــــضايـق من الكلام الي بتقولـــــه :تركي تركي بـــقلق :سمي يايمـــه وش فيـــك اقلقـتيني ام سلطان أخذت زفـــيــر وشهيق تبي تستعد للكلام مع ولـدها رفعـــت نظرها شــافت أبـو سعود واقف بـالصاله ويأشر لها بيـده يحثها على الكلام نـــــاظرت ل تــركي الي يناظرها بإستـــغراب وتــــكلـمت بهــدوء :تــــركي سحــــر تزوجت من أسبوع رمش بعيونه تـركي وش هالكلام الي تقوله أمـــــه سحر تزوجت وتـركت بــنته تزوجت وهي الي تقـــــول دوم ماراح أتزوج واترك جنى وشلون قلبها طاوعها تـــــبتــعد عن بنتـــــها لـــــهـا أسبوع وهي متزوجه وقف وشياطين الإنس والجن تـنـقز على رأسه :وشلوووون تزوجت وشلوووون يمه ام سلطان تـسـندت عــلى عصاتــها ووقفت بهدوء :أهدى يايمــه أهدى البنت تـزوجت خلاص صرخ تركـي بكل صـوته :وبنتي يايـــــمه هاذي ام بذمتك هاذي ام وشلون تـــــزوجت ماهي كفو اترك البنت عندها انــــا بروح والـــله لأخـــــذ بنتي غصب عـنها خــلاص مالها أي حق تأخذهــا دامها تزوجت ابتــعد كم خطـــــوه عن أمه لــــكن وقفته يد أبو ســــعود يدري أن أخوه متهور ولاعـــصب يتصرف بــــدون شعور :تركي استهدي بلله واهدى بعد صلاة العصر نـــــروح انا وياك ونأخذ بنتك وبـــعدين دام أمها تزوجت محد يقدر يمنعك عنـــها فك تــركـــي يد ابو سعود من يـــده بقوه :مــــاااااقدر اجلس للعـــــصر مااقدر يااخوي نار شابه بين ضـــلـــــوعـي ناااار ياسلطان انت مو حاس فيــني اخوك يحــــتظر يوم عن يوم ابتـعد عنه بخطوات ســـــريعه لف ابو سعود ونــــاظر أمه وانتبه لعــــيـــونها الــــغرقانه بالدموع وتحمل مـعها كل معاني الـــــخوف :لاتحاتــــين يمه بروح مـعه هزت رأسها بقلق :روح يمه تعرف أن اخوك مـتهور ومدري وش بيسوي ابتعد أبو سعود عن أمه بسرعه وزاد بخطواته يبي يــــلـــــحق تركي يعرفه زين اذا عصــب مايـــــعرف أمه مـــــن ابوه تنهدت بحزن مــــن شافتهم طــلعوا الاثنيـــن رجعت جلست بتعب وبـــصوت مبحوح اتعبــــته تعاريج الزمان :يارب انك تحميـهــم ياالله انك تسهل خطاويهم وتحفظهم لي يا ارحم الراحـــمـــيـــــن | ||||||||||||
|
| |
|
02-02-17, 07:01 PM
| #196 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| ســــوالف وقت ووجيه أصحــاب وكلن بليلاه ذا يقـــصد وهذا يشيل تجــاعيد الزمن خطت على قلبها وناس تمثل الضحـــكه وناس احزانها تمثيل وهي والقاهر والنيل ليل يجر بعده ليل حزين النــــيل وعــيونها حزينه مثل حزن الـــنيل هنــا كان المكان أشبه بكلمه صـــحصحت همهــا بـــــدمعه مالقت منديل ومـــن الضيقه حنــظنت كمها كبــيره يامصر لــكن علامك ضايــــقه فيها بهاللحظـــه البؤس تــنصب سيد الموقف وقف لها بـحيــــاتها الف كان وكان من أصحاب واحباب تدري بنفسها قليلـــــة حــظ ابتسمت وريف بحزن وهي واقفه قــبال المــرايه تمشط شعرها بهدوء :صدق كلام نواف توني الحين استصغرت احزاني وعرفـــت أن أهل مصـر رغم احزانهم يحبون النيل ااخ يااخوي توني عرفت لــيش تحب مـــــصر هنا مهما نجي ضايقين بنلقى بــضفاف النيل حزن يضحك على احــزننا ودموع أكبــــر من دموعنا وليـــل يزف لنا قـمره ومـــــع هذا نرتاح ضحكــــت علـــــى كـــلامــــهــــا الـــي تقولـــــه من غير ماتحس : ههههه والله يامصر شكلك بتخــــليني شاعره من غــــير لا احس سمـعت صوت الــجرس توسعت ابتسامتها تعرف مين الـــــي يجيها بهالوقت كل يـوم من جت مع اخوهـــــا نزلت المشط على التســريحه وطلعت من غرفتها توجـــهت للبـــــاب وفتحته بإبتسامه :ياهلا حنونه ابـــتسمت حنين وهي تطل براسها :ياهلا بالزين كلـه وريف وهـي تأشر بيــدهـا تبيها تدخل :والـــــله يازينك انتي ادخلـي يابنــــت لك وحشه أمس ماجيتــي دخلت حنيـن ومدت لوريف القدر :خذي هــذا مـاما مسويــته مخــــصوص لك ولنواف أخذتـــــه وريـــف بـخجل :والله الخــــاله سميره حيل تخجلنــا وش مســــويـه ضحكــــت حنين وهي تجلس على الـــكنـبه بـــــالصاله :هههه مسويه كبسه ضحكت وريف بخـــفه :ههههه من جدك حنين كبسه حنين ببتسامـه :ايه كبســه وش فيك مـتفاجئه كذا تقدمت وريف منها ونزلت القدر عــلى الطاوله وجلســت جنب حنين ناظــــرت لها بهتـــــمام :ماتوقعت أن فـــيه أحد هنا عــندكــــم يعرف يسويها هزت رأسها حــــنين :لا صـدقـــــي حبيبتي هاذي امي من شبابـــها وهي في السعوديه حــــتى احــنى انـولدنـــــا هناك ابتسمت وريف وتوها تفهم :أها عشان كذا تتكلمون ســـعودي ضحكت حنين :ههههه ايه ابوي سعودي يعنـي انا سعوديه بس امي مصريــــه عـــــشنـا بالسعــوديه فتره طويله بس من مات ابوي قبل سنتين رجعنا هنا خصوصا أن ابوي ماكان عنده أهل وأهل امي كلهم هنا فمــا فيه شي يقعدنا بالسعوديـــــه الحين فهمتي لــــيـش نتكلم لهجتكم ست وريف رفعت وريف يدها وحكت رأسها بخجــل :اعتذر حنونه بس اســــتغربت حيل لهجتـــكم خاصة وان ملامحكم مـــصريه ضحكت حنيـــــن :ههههه هذاك عرفتــي نـــــاظرت يــــمين يسار وقربت وجـهها من وريف بهمس :الا وين نواف مااشوفه رفعت حـــــاجبها وريف ببتسـامه :نواف ليـش تـــــسالين ارتـــــبكــــت حنـــين وشبكت يدينها ببعض :هاه بس كذا لاحظـــــت وريف على ملامحها الخجل ابتســــمت ورفعت يدها حطتهـــا على رأس حنــــين :تدرين انك أحلى بالحــجاب ابتسمت حنــين بــــخجل :حتى امي تقول توني تحجـــبت بس ماتعــــودت علــيه وريف بهدوء :مع الوقت بتتعودين هذا الحجاب زينة البنت المـسلمه ...إلا حــنونه ابي اقولك شي واعتبريه مــــن اختك الكبيره نـــصيحه رفعت نـظرها حنين ل وريف وهزت رأسها بالإيجاب :قولي اسمعك وريف نزلـــــت يدها ومسكت يد حنين :ادري وش ألي بخاطرك حنين لاتظنين اني مالاحظت نظرات الإعجاب الـي اشوفها بعيونك من تشـــــوفين نواف بس ابي اقولك الي ماتـــعــــرفينه نواف مـملك وقريــــب بيتزوج وانـــــتي توك صغـــيره على الحب والإعجاب اتركي هالامور بوقتها اكتسى وجهها الــخجل :بس وريف انا أحبه وريــف هزت رأسـها بالنفي :بس هــو قلبه متملــــك غيرك وشلون تــــرضين تحبــين واحد أكبــــر منك ويحب غــيرك هزت حــــنين كتوفــــهـــا والدموع تجمعت بــعيونهــــا :مــــاادري وريف ماادري كل الي أعرفــه أن قلبي يخفق من اشوفه ... وقف بوسط الــــصاله مــاكان يبي يتنصت عليهم بــــس من دخل ســــمع كـــلامهم صدفة ياهالبـنــت الصغيرة وكلامـــــها الــــي أكبر منها لو تعرف وش الي تحتويــــه هالدنيـــــا كان مـاقالت هالــــحكي ولاطرت الـــــحب ماتدري أن الحـــــب يذبح وداء ماله دواء قاطعهـــــا بنبره حزينه وفيها شوي قسوة :وخافقي متمــلك وحده بس بهالكون حــنين انتي اختـي الصغيره وبس ولااسمع هـــالكلام مره ثــانيه حتى ماتطيحين من عيــــني """"""""""""""" الليالي دوم تحد خطاها وهي كـــل يوم تلمح طيوفـــــه ولا تشوفه إلا ليت لـها قلبا على غيبته يقوى تسوق القدم يـــم مـكانه وهي صابره وتفداه وتلــوم العقل دايم ونـفسها مكسوفه تحبه وتحب ناسه وتحب انها تناديه بحروفه ياكثر ما هزتها طواريه تـــبـكــي عليه وتحيا على ذكراه حتى ولو ماتت طيــوفـه بتبقى صورته بعــيـــــونها وشلـــــون بتنساه وهو حلا دنيتها هاذي مـــــعزوفتها تدق على اوتار الحنين اااخ ياكـــثر ماذبحها هالحنين دخلت بهــــدوء لمكتب ابــوها مـــشتـاقه له ولجلستها مـــــعه بهالمكتب مــــررت نظراتها على كل ركن بالغرفه رفعت يدها وشدت على تيشيرتها مـــــع صدرها بقـــوه الألم ينـــهـيها والأنـــــين يوجعهــــا ركزت نــظرها ل صورته الكـبيره الي معلــقه ب الجـــدار خلف المكـتب كان ببدلته العسكــريه وداق تحيه وابتسامـــته الحنونه مرسومه على وجهـــــه ابتسمت من بين دمـــــوعـها وهي تأشـــر بـاصبعها علــــى الصوره :يبه اشتقت لي حـــــنيت لي يبه انا ذابحني الشــــوق لك ابي بــــس لو اســـــمع صوتك وتأخذني باحظانك تمسح على راسي وتهـــدينـــــي بكلامك الحنون لآبكيت... يبه دموعي صارت لي واجب يومي تعبـــت يالغالـــــي من بــعادك قــــلي انت مرتـــــاح ومستانس وأنت بعيد عنا فــــقدتك حييييل يانظر عيني قلي يبه وش حيلـــتي لاصرت جسد بـــلا روح بفراقك عارفة وعارفـــه انـــــه ماراح يرد عـليها غمــــضت عيونها بـالم وانكسار شعورها جدا قاسي سمعت صوت البــاب ينفتح فتحت عيونها و لفت بسرعــــه لجهة الـــباب الي يـــتحرك ببطى زادت بخطواتهـــا ودخلت خلف الستاره ماتبي أحد يشوفها كــذا مــاتبي تشوف نظرت الحزن بعيون أهلهـا خـــلي الحزن لها هي وبس غمضت عيونــــها بقوه من سمـعت صوت الباب تقفل وصــوت خـطوات عرفت ان فيه أحد دخل المـــكتب وقف قبال الباب بتردد رفع يده وحطها على مقبض الباب وفتحه بهــدوء قـــــلـبــه يدق ويدق مايدري وش الي مخبى هنا بهالغرفه انفتح الباب ودخل بهدوء عكس الزلازل والبراكيــــن الي بصدره قفل الباب وراه وأخذ نفس طــــويييل مرر نظراته على الغرفه كلـــــها وركز عيــــونه على الخزنه جـــهته المقصوده بـــــلع ريقه الــــي حـس أنه جف وأطــرافه بردت أفكاره تـــــاخذه يمين ويسار تقــــدم بخطوات ثقـــيلــــه لـــــحتى صار واقـف قبال الخـــــزنه رفع نظره لصورة عمه الي معلقه وابتســــم بحزن رفع يده ودق تحيه له وكأنه يشوفـه يـاما كان هذا الإنسان قـدوه له في حياته وفي شغله هو مو عمه بس إلا ابوه وأخوه وكل دنيته خذوا روحه بلا ذنب بس ماراح يهنئ لــه بـــال حــتى يأخذ حقه ولــــو بالتدريج انحنى وجلس القرفصاء قبال الخزنه شد عـــــلى المفاتيح بيده ورفعها وبدأ يجرب مفتاح مـــــفتاح حتى انفتحت عـــلى آخر مفتاح غمض عيونه ودقات قلبه زادت رفع يده وصار يمسح العرق من جبـــينه يحس انه داخل علـــى حرب كبيره ومايدري مين بيكـــــون فيهـــا الخاسر والربحان مرر نظراته على محتـــويـــــات الخزنه عـــقد حواجبه من شاف الخــــزنه مافيها الا ملف كبيــــر ابيض وواضــــح انه مقـــــفل بأحكام وفوقه سلاح عمه مد يده بتردد وأخذ السلاح رفعه بين يــــده وصـار يقلبه تنهـــــد بحزن وبهمس :رحت يالغالي وتـــــركت كل شي اااخ يا عمي حـــــملتني حمل فوق طاقتي نـــــزل الــــمســـدس ودخــــله بجيبه وسحـب الملف عارف أن كل شــي بهالملف .... كل الي يبيه هنا يبي يعرف بااسرع وقـت وش هالسر الي مخبى بس لازم يجـلس جلــسه ويهـيى نفسه للمجــهول فتحت عيونها وعـــــد من سمعت أصوات بالغرفه شدت على الستاره وطلت برأسها بهدوء لكن توسعت عيونها من استقرت على سعود الي جالس قبال خزنة ابوها وواضح انه يفتش شدت علــى يــــدها بقـــــوه من ايش مخلوق هالانـــســـــان حاولت تقوي نفسهــا وطلعت من خلـف الــستاره تقدمت كم خطوه ورفعت يدينها وصارت تصــــفق : صراحـــــه اهنيك أخ ســعود قــتلت الرجال والحين جاي تــــسرقه والله العـــــالم وش ناوي عليه بعد عقد حواجبه ســـــعود من سمع نبرة صوتها رفع نظره وانتبه لها واقفه عند الستــــاره متى جت وكيف دخلـــت وماحس فيها ياالله وكــــأنه ماهو ناقص إلا وعد تطلع لــه الحين ابتسم بسخريه ووقف نزل الملف على المـكتـب واتجه لجهتها وبنبره غريبه :وعد تدرين أن كلامك يوجع ابتسمت وعد بإستهزاء :لاياشـــــيخ ماهقيت انك تــــتوجع وانت الي تجيب الوجع قرب مــــنها سعود حتى صار مايفصل بـيـنهم شي من شافتــه وعد قرب مــــنـــــها رجعت للخلف كم خطوه حتى صارت الستاره وراهـا كرهــــت ضعـفها بهالحـظه ماتدري ويـــــن تروح شدت بيـــدها على الــــستاره وهي تناظر له بتحدي قرب منها سعود زود وانحنى حتى صار وجهه قريب من وجهـها ابتسم وهو يمرر نظراتــه عليها عـــيونها الواسعه خـــشمــها الأحمر من البكاء ملامحهـا الجمــيله تكلم بـــهدوء :مادريت أن عيونك ذابحه مثل كذا جمدت حركتــــها بقربه ماهي عارفه وشلون تتصرف عقدت حواجبها والخوف تمـلك قلبها :وفي يوم من الأيام هالـعــيون بتذبحك ياسعــود توسعـــت ابتسامته البـــــاهته من نطقت اســـــمه بحقد :هي بتذبحني بس بـــسكات وعد فتحي مخك ابــــي افهمك كل شي انا مالي علاقه بموت عمي وشلون بذبحه ووش لي مصلــحه لامات انتي تدرين اني أحـبــه وهو يحـــبني وشلون اذبح منهــــو على الروح غالي قولي وشلون تفكيرك أخذك لهالشي وعد أسمعي مني تكـفين لاتزيديني تعب وهم ضــحكت بسخريه من بــــين دمـــوعهــــا :هههـهه تبـــــي تفهم مــيــــن وعد لا ياسعود ماتقدر ابد لاتنفي فعلتــــك الشينه لا... قاطعهـا وهو يحــاوط وجهها ويصرخ الى هنا وبس كل صـبره فاض متى بتحس على نفــسها :وشــــلووووون تبين تفهمين أجـل قلت لك والله ماهو انـــــا مــاهو انـــــا قاطعتـه وعــد وهي ترتـــــجف من لمست يدينه :اتركني سعووود اتركني انا حذرتك ماتلمسني ابد آآآبعد روح وإلا اقولك طلـــــقني ايـــه انا مــاابي مجـــرم أخاف في يوم تقتلنـــي بدون مايرف لك جفن وش تقول هالبنت وش تحكي كلام أكبر منهـا يــاالله وكأنها تزيد طعونه بكلامها تـــــجاهل كلامها وشد عـلــى وجــهها وبنبره كلها حزن :اسمـه على أسمــي كبرت وطموحي اصير مثله درست وشديت حيلي وتخرجت ظابط لبسني النجــوم بيدينه احتفل فيـني والسعاده ماشالته كنت له مثل الولد وأكثر مايرضى الشوكـــــه تدقني وماارضـــاها له وشلون بذبحه وبـــأي صفه زادت دموعــــها وهي تسمعه الحزن طاغي عليــها و قلبها يدق بدون توقف ودها يوقف وترتاح من هالـدنيا الي شيبت فيهـــا وهي تـوها شباب كلامه يتردد على مسامعها بلعت ريقها وبصـوت باكي :أجل وش تقول عـن الي شفــته هذاك اليوم السلاح بيدك والــلـه شفته بيــــدك سعود لاتنكر هز رأسه بالايجاب :ماانكر صح كان بيدي انا أخــذته افحصه وعد تدريــن أن عـــــمي وصاني عـــليــــك تدرين ان الي ورا موته عصابه وشكلها كـبيره وكــلفنـــــي اعرف ســـــرهم تدريــــن أن ألمي يفوق ألمك بدرجاااات تدرين اني مااقوى علـى هالنظره الي اشوفها من عيونك وعد تــكفين افهميني افهمي انا بريئ من دم عمي ارتجفت شفاتها زود كلامـــــه حيل اوجعهـــا وكله كوم ووصية ابوهــــا كــــوم ماتدري يقـول الصدق ولا يكذب صرخت ورفعت يدينها تضربه عــلـى صدره وتحاول تبعده عنهـا :كذاااااب سعود انت كذاب والله كـذاب تــبي تــــوهمني ب هالكلام تبي تخدعني حطها في رأسك انا مــــاانخدع بسهوله مثل أبــــوي انا عكس كل ........ قاطعها ببوسه قـــــويـــه عــلى شفاتها كل الي يبه يسكت فـــمها عن الكــــلام اوجعــــتـــه حيييل بنت طايشه ماتحسب حساب لكلامها الي ينخر القلب ويذبل الورد مالـت غصـونه وجــــفت عروقه يمـــــوت باليوم الف مره وهي ماتحس فيه تظن انها هي الوحيده الــي متعذبه شد عليها زود وخلل أصابعه بقسوه بين خصل شعرها الناعم حس في رجفـــــتـــــهـا القويـــــه خاف انها تنهار ابتـعد عنها ونزل يديــنه بهدوء توسعت عيونــها زود مــن حست بشفاتـــــه على شفاتهــــا لسانها ثقل وحروفــــها ضـاعت جسمها جمـــــد ومايقوى على الـــحركه نزلت يدينها الي تضربه فيها وسكـنت حركتها لحظــات... حســــت بيديـــنه تتحرك بشعرهــا بقـســوه بدات الـرعــشة تسري بكل أطرافــــها وش يـســـوي هالمجنون وش يبي ليه يلبس قنآع الـــبراءه و يعلم آلصدق آلـخدآع ويــــزيد لحظآتها وسآعآتها عذآب فــي عذاب حست فيه يبـتعد عنها تبخرت كل قوتها وخانتها رجـــــولها طاحت على ركبها بـالأرض وجسمها زادت رجفته ودموعها اخذت مجراها الــمعتاد """"""""""""""" رفعوا نظراتــهم حنين ووريف لنواف الي واقف بوسط الصـــــاله والحـــزن واضح على ملامح وجهه ارتجفت شفاتها حــــنــــين ودموعها صارت تنزل بهدوء وقـفت وصارت تمــــشي وهي منزله رأسها ابتعدت عـــــنهم وطلعت من الشقه كلها انكسرت حيل ماتوقعت ابد أن نواف يـــــكون مرتبط مـــع أحد وكلامه كان مـــثـل الخنجر بصدرها تـدري انها صـغيره على هالكلام بــــس وش تسوي بقــــلـبهــــا الي يبيــه وقــفت وريف وتقدمـت من اخوها رفعت نظرها له ب عــــتاب :ليش كلمتـــــهـــا بهالطريقه رفع كـــــتوفه نــواف بملامح خــاليه وتقدم كم خطوه جلس على الكنبه :وريف ماابيها تبني أحـلامها على شي ســراب توها صغـــيره ومــــراهقه ماتعرف وش الـحـب ماتــدري انه سم قاتل لاحقه على همه لاحقه وبعدين حبيت بــــس أوضح لها أنها مثل اختي وبــس ابتســـمـــــت وريــف بحزن وقربت منه جلست جنبه ورفعت يدها وحطتها على كتفـه :صحيح كلامك بس كــان شوي قاسي معها أبــــتسـم نواف :ماادري طــلع مني الكلام عفوي ضحكت وريف بخفــــه تبي تزيل الحزن عن اخــوها نـست كل احزانها وكـل همها الحين وبهالحظه تبي بس تنتشل الحزن الــي بقلب اخوها :هــــهـــهــههه طيب ياعفــــوي ماتبي تـــــتغداء حط نواف يده على بطنه :الا واللــــه حدي جوعان حـــتى أســــمعي عصافيـر بطني وقفــــت وريـــف ببـــــتســـــامه :الـحين نسكت هالعصـــــافير انحنــــت وأخذت القدر من على الــــطاوله :دقايـــــق بس اسخــــن الأكل الي راسلته الخالــه سميره نواف بهدوء :اااوه دامه أكـــــل الخاله سمـــيره فهـو رهيب رفعت حاجبها وريف :وش قصدك نوافـــــوه وطبخي وش فيه ضحـك نواف علـى ملامـــــح وريف :ههههه ماقلنــا شي عليه بس عند طبخ الخاله سميره ولا شـــــي هزت راسها وريف بزعل مصطنـــــع :أجل معــــاد بطبخ وخلي الخـــاله سميره هي الي تطبخ لك كــــل يوم مو طبخي صار ولا شي ضحك نـــواف مــن قلــــب :هههههه نمزح معك واللــه طبخك وش حلاته يكفي أن وريف الي تسويه ابتسمت وريــف :ايه هــذا الكلام وإلا بلاش يلا دقايق ويكـون الأكـل جاهــز هز نواف رأسه ببتسامه :عـجلي ياوخـيــتـــــي ولابتراجع عن كلامي الي تو ضحكت وريف وهي تـــتوجه للمطبخ :ههــــهه خلاص حـتى لو رجعت عرفت أنك تمزح ابتسم نواف براحه من جت وريف معه لمصر حس براحه عجيبــه أخته جنبه وحوله يـسولف معــها يقضي وقته معها يلهي عقله عن التفكــير وقلبــه عن الاشــتياق ابـتسم بسخريه على حاله يحاول يوهم نـفسه أنـه ب ينسى كل شي يسولف وضيقته عن الــناس مخفيه مل من قولت تـراهــا مسألـة وقت حاول ينـسى لكن الحظ هاويها قـــــرر يـنسى لكن تمر طـــــيوفـها وترجعه من أول وجــــديد حبه ارتقى للقمه بس بـــلـــحظه هوى للقاع ااخ بس لا من ذكرها هلت دموعه صحــــيح أنه كان يسمع ب سم الهواء مع بلاويه والحين ذاق ســمـــها وصدق هالـــــكلام | ||||||||||||
|
| |
|
02-02-17, 07:10 PM
| #197 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| مرر نــــظراته اليأسه عليها وهي طايحه بـــــالأرض انحـــــنى وجلس على ركـــبه بالأرض قبـــالها عارف أنها تتعذب وتتألم بس يبـي يـــــثــــبت لـــها انـــه معها وبياخذ حق ابوها بــس قبل كل شــــي لازم تقتـنع ببراءتـــــه دخـــــل يـــده بــجـــيبه وطلع المــسدس قـــــرب منـها زود وسحب يـــــدها بسرعه وحط السلاح فيها وقفل اصابعهـــا عليه :اذا مو مـــــصدقتني خذي حق ابوك سيحي دمي وارتاحي وخـلي هالوجع يـــــرتحل عـــنك اذا موتي بيريحك هذا الـــسلاح بين يـــــدينك فرغيه فيني وش تنتظرين رفعت وعــد نظرها له وزادت شهقاتها شدت على الــسلاح بــين يدينــــها وهي ترتجف بـــقوه مررت نـــظراتها عليه ثابت قوي ماهزه حتى وجود الســـــلاح بيدها رفعتـه ووجهته عــلـيه بيدين مرتــجفه :واذا ذبــحتــــك برتاح هــز سعود كـتـــــوفه بــبرود :يمكـن ترتاحــين ويمكن ضــــميرك يذبحك وش تنـــتظرين وعــد خذي حق ابــــوك مــو انتي تقولين انا ذبحـــــته أجل أطلقي وصرخ :أطلـقي ريحي عقــلك وقلبـــــك خلي سعود الــصغيـر يلحق سعود الــكبير يمــكـن تهتني حياتك بعد موتي شدت علــى السلاح زود وقربته أكثر من سعود ثبتـــــته بصدره ورفعـــت نظرهــــا له وبصوت باكي :مـو خايف من المــوت ابتســــم ببرود ورفــــع حاجبــه اليسار :ماني خايف ابد اذا ربي كاتـب لي اموت على يديـنك فهذا مكتوب ومامنه مهرب راضي اشد الرضا اذا مت على يدك وعد يمكن انه مكــتوب تنتهي قصــــة عناي على يــدك غمـض عيونه وابتســامـــــته الباهته مرسومه علــى وجهه :وش تنتظـرين ارتاحي وريحيني بس قبل كل شي الظرف الي على المكتب فيه معـــــلومات مهــمه افتحــــيه وتعرفـــيـــــن كل شي هاذي وصيـتــي لك غمضت عيــــونها بالم ودموعها تنزل بحراره حركت أصــــبعها علــــى الزناد تبي تضغطه وتـرتاح ماتدري اذا ذبـحته بترتاح..... ضــــميرهـا ماراح يــانبها... قـلبهــــا ماراح يوجعها ... بس الي هادها انه مستسلم لـــــهـــا يـــبيـــــها تــقتله يبـي هو بعد يــــرتــــاح من هـالدنيا مثلها عضت على شفاتها السفليه بألم ارتخت يدينها وطـاح السلاح منها رفعت يدينها وتمسكــت بتيشيـــــرته ودفــــنــت راسها بــصدره وصارت تنتحب بألم إنكسـار ضعف مــــاقدرت تطلق علــيه كـــلامه يتـــردد برأسها مو هو القاتل مو هو تعرف سعود نظرته الثابته كلامه الي تلتمس فيه الـــصـــدق وتحاول تكذبه بأي طريقـــه تدري وشلون ابوها يحبه ومافيه يوم يمر ومايذكره بالخير ماتدري وشلون تغلب عليها الحـــزن وانرسخ في رأسها انه القـــــاتل عارفه انه صادق بــكلامه والكل معـــــه تبي تـتمسك فيــــه بقوه تبيــه يأخذ حق ابـــوها الـــمسلوب تبي تـرمي باثقالها عليه صرخت بـــــألم :انتشـلنــي من حزني سعووود ماعاد فــيني ضلع سلـــــيــم كل ضلـــوعي تكسرت ابي اجمع شتات نفسي ابي أخذ حـــق ابوي تــــكفى طفي هالنيرآآآن الي تلتهمني بــــشراسه ابتسم من حس في السلاح الـي مــــثبت على صـــدره طاح فتح عيــــونه وصار يرمش فيهـــا عارف ومتاكــد انها ماراح تقــــدر تــسويها بـــنت حساسه طـفوليه دلوعه مثـــــل وعد مستحيل تـقتل مــستحيل توسـخ يدينها بدم أي أحد سمع كلامــــها وتــوسعت ابـــــتسامته عرف الحـــين وبهالـــلحظه أن وعد صدقت كلامه وبتخف شوي من اثقاله رفع يــــدينه وسحبها لصدره زود وضمها بكل قوته نزل رأسـه قريب من أذنــها وهمس لها بنبره هاديه جدا :بنتشلك من حزنك ب ابنــــي ضــــلـــــع ضـلع وألمـــــلم شتاتك بنطفي هالنيران مـــع بعض بناخـذ حــق الغالي شدت على تيشـرته بقوه ماتــــدري ليش بهالحظه بذات حست انه مصـــدر الأمان يدينه تحس فيها على ظهرها وشعرها ماعمرها حست بهالراحه من بعد وفاة ابــــوها تكـــــلــمت من بـــــيـــن دمـــــوعها بألم وهي دافنه رأسهـــــا بصدره :مـوافقه موافقه بس بعد مــاينتــــهي كل شي اتركني بحال سبيلي وروح بــــحــــال سبيلك سعود بعد ما تاخذ حق ابــــوي طلقني ابعدها عنــــه سعود ورفع يدينه مرر اصابعه على خدها ومــسح دموعهـــــا بطرف أصابعه شتت نظراته عــــليها عـارف انه لو قـــــال لها ماراح أنفذ طـــــلبك بالطلاق لكــن خايـــــف تقلــــب عليه وهو مـــــاصدق و يكسبها بصفه كل الي يبـــــه الحين انه يــتـــعامل معها بالحـــيله وكأنه يعامل طفلــــه ابتســـم بهدوء :غالي والطلب رخـيص اوعدك اخذ حقه وهذاني اقــطع العهد معـك اتفقنا وعد هزت رأسها وعد ببتسامه تفائل :اتفقنا سعود بس مهمــا كان راح أظل اكــرهك لآخر يوم بعمري هز كتوفه سعود ورجـع البرود اكتســى ملامحـــــه :شــعور متبادل بس قبل كل شي لازم أخـذك معي وعد بهدوء :موافقه لو تبي ارجع معــــك من اليوم بس حطـــها ببــــالك مـو ل ســواد عيــــونك لا عشــــان اتفــــاقنا بحاول قد مااقدر أتقبلك وقف سعود ومد يــــده مسك يدها ووقفـــها معه :أجل بكلم عمتي ورعـد وانا واثق أنــهم ماراح يرفضون لأن حفل زواجنا تأجل كـثيــر بسبب وفــاة عمي بلعت ريقها وعد وهزت رأسـها بالإيجاب ماتدري القرار الي أخذته مع سعود صحـيح وإلا تسرعت كعادتها بس كل شي عند ذكر ابــوها يهون وبتسوي الــمستحيل حتى تاخذ حقه وتعـــرف مين الي حرمها من غالـــــيها """""""""""""""""" شد على يده وناظر ل أبو سعود الي يـــــسوق و رفض يتـركـه يسوق السياره لف لـــــجهة الشباك وشتت انظــــاره على الي تحويــــه الطرق يحـــس النــــار تأكله أكل غمض عيونه وانفاسه متسارعه كل شي حــــوله صار مثل الـرسمه وكأنها ثابته ماتتحرك وش سوت فيه هالانسانه قبل كم سنه كانت تحبـــــه واليوم الـــــله العالم من تحب خانـت غرامه وخانـته ااخ في داخله شي يبكيه وشـلون نسته وعــافته مشــــى درب المحبين وانخذل ياما شـــاف عيــنهـا فــي عينه... بعد ماكانت تعشقه صارت تعـــــشق غيره.. ضــــاعت عنواينه وسنــينه ياليتها غمضت عيونه ولا شافها مع غيره ياكثر ما احرقــــته وتلذذت بعذابه شـــد على يده زود وعض على شفاته مـــن قهر فتـح عيونه رمش فيها كم مـــره انتبه انهـــم واقفــين قبال بيت طليــــقته لف ناظر ل أبو سعود وتوه ينتبه له أنه ينـــــاديه تجاهله نزل بـــــسرعه زاد بخطواته لجهة الباب رفــــع يــــده وصار يــطــق بكل قوته الود وده يكــــسر الباب صرخ بكل صوته :افتحواااا الـــباب ناس ماعنــــدهم إحـساس هــيه انت وياه ياانذال افتحـــــوا ابي بنتي حس بيد ابو سعود على كتفه لف له وبنبره كـــلها الم :شفت ياااخوي اذبحـــوني أنهوا حياتي يــاعساهـا ماتتهنى حرقت قلبي مــاعـــــمري قصرت مــــعهـــا واللـه كنت احطهـا جوات عيــوني حبيتــــها مـــن كل قلـــــبـي لكن بالمقابل تنكرت لي وتركتـــــنــــي خذلـــتنـــــي راحت تـتبع هــــواها ماســـــمعتني ولا واستني حسبـــــي الله عليها كسرتني حيل يــــاسلطان هز رأسه أبو سعود بهدوء :أهدى تركــــي لازم تنسى كل شي ماهي بكفـو تبقى على ذكراهــا اتركها الله كــــفيلها وبيعوضك احسن منها تنهـــــد تركــــي بهــــم :آآآآآه يااخوي عرفـت معدن الحريم عرفته واكتفيت منه ما ظنتي ابد تدخل حــياتي مره جـاء ابو سعــود بيتكلم لكن لف لــــمصدر صوت البـــاب انتبه ل أخـــــو طليقة تركي طلع لف بسرعــه لتركي الي تقدم منه بسرعه وسـحبـــــه مع ثوبه شد على اسنــانه تركي بغضب :الحيـن تجيبون بنتي تسمع رفع يده خالد ومـــــســـك يد تركي بكــــل قوته وناظر له بحده :وش هالاسلوب نـزل يدك واحـــــترم نفسك انت ببيتـنــا رفع حــاجـــبه تركي وضحك بسخريه :هه واذا مانزلـــــتها وش بتسوي بتطقني مثلا خالـــد ابتسم بــشر :واتوطى بــــطنك بــعد سحبــــه زود تركي لبرا وطــاح فيه ضرب وخالد يحاول يـــدافع عن نفسه :فك يـدك أبعد يامعدوم الثقــــه ااابعد تدخل ابو سعود بينهـــم بسرعه :تركي وش قلت لك كل شــي يـنحل بالهداوه ناظر تركي لاخوه وحس ببقس عــلـــــى وجـــهه ابعـد يده عن خالد ودفـه عنـــــه لحتى طاح بالأرض رفع يده ومسح على شعره من بين انـــــفآسه المتسارعه وده يطلع كل حرتـــه في اخوها ناظر ل أبو سعود :وش قلت بالـــهداوه هذولاء ناس مايعرفون إلا العنف وكســـر القلوب ماتعرفهم كثــــري ولف ناظر لخالد الي طايح بالأرض :والحـــين خلي بنتي تطلـع لي وقـــل لأمهـــــا تـــحلم تشوفها دامها تزوجت ولو تبيهــا كان ماتزوجـــت وقــــف خالد وتـــفل الدم الي يطلع من فمه ضـــحك بإســــتهزاء :ههـههه تـدري توني اشوف وجهك معها حــق اختي يـوم تركتك ناظر له تركي بحــده وتقدم زود يبي يذبحه كل شي بعــــد هالكلمـــــه الي نطقها صار بعيــونه اسود وقف بوجهه ابو سعود وحط يدينه على صدره يمنعه :اتركه يبي يــــستفزك خليه يااخوي والـــله بـــياخـــــذ حـــــقـــك منـــهم التفت أبو سعود ل خالد :كف شرك واترك بـــــنتنا تــطلع ابتسم خالد يبي يقهر تركي وهو يناظره :بنــــتك بتجيك ومانبيها وكنت اليوم بجيـبها لك بنفسي مانبي بــنت المشـوه تبقى دقـيقه عندنا أمها سافرت مــع زوجها أمس ومــــعاد باقي لها شي تجلس عشانه غمض عيونه تركي يصبر نفسه كـلمــته مـــــثـــــل الطعـــون الـمدميه الي تخترق صدره بكل عنف حس بيد ابـو سعـــود تـــضـــم يده بقوه ابتسم بتوتر وأخذ نـــفس طويل :خليها تطلع وإلا بتشوف شـــي مايرضيك تجاهــــل كلامه خالد وتوجهه لداخل الـــبيت لحظات وطلـــعت جنى تركض مررت نظـــراتها على ابوها وعمها وصارت تبــــكي بطـفــوله تقدمت من ابــــوها وقفـــت قـــبالــه وبصوت باكي :بابا انـــــت جيت بلع ريقه بـصعـوبه مــنظر بنته وهي تبكي اوجعه حيييل حتى هي مـــاسلمت من أمها كســــرتــــهـا وكــسرته طاح على ركبه قبالــــها وفتح يدينه وهز رأسه بالايجاب :تعالي يابابا تعالي يـاعيوني رمت نفسهــا جنى ب حضن ابوهــا وزاد بكاها :اهييييي اااي بابـــــا ماما راحت مع واحـــد ثانـي ماتبيني قالت لي روحي عند ابوك المشوه بابا انا احبــك حيل انت أحلى أبو بالـــــكون ليش تقـول ماما كذا لييييش عض على شفـــــاته السفلـــــيه بــــألم وســــحبها زود لصدره وضمها بحنان نزل رأسه وصار يشم ريحة شعرها الي فقدها تكلم بنبره كلها حنان :لاتبــكيــــن يابابا لاتـــــبكين ياقلبي دموعك توجعنـــــي انا معك وماراح اتركك ابـــد جــــنو ياعمري بابا بيظل معك لآخر يوم بعمره رفعت نــظرها جــــنى وابتســمت من بين دموعها قربت من وجهه زود وطبعت بوسه علـــى خده وتكلـــمت بطفوله وهي تقلده:وانـــــا بعد بـــــظل معك لآخر يوم بعمري ضحـك ابو سعود من سمعها :هههه يالبى هالبنت يــــاناس ماتبين تســـــلمين عـــلى عمك ضمها تركي بين ذراعه ووقف وهو شايــــلها وابتـسم : تــبي تــــظل مع ابوها ابتسم أبو سعود وقرب من جنى باسها ب خدها بحب :يازين بــــنت اخوي جنــى أميـرة البنات ابتسمت جنــى وضمت يدينها على رقبة ابوها مشـــــتاقه له حيل توهـا الـــــحين حست بالـحنان والخوف تلاشى بوجود ابوهـا ~ ~ ~ ~ ~ انّتـــــهَى الــفصۤــل أتَمنٍى- يٌنال… عّلى' اعــــجاٍبكم} واّلقاٌدٓم< أجمِـــل: بٍإذن اُللٗه* ارِاكـم؛ تًه٘مـــــنــــيʼ وتعل٘يُقٓاتًكــــم؟ بٗعد\ أتمِنْى› لۤكِم‘ قٓراءۤة¨ ممتٍعُة و< انتظْر« تعليقاْتــــكٍم' بٗشوّق تۤحياااۤاٌاًاتـي› عيون الريم ^_^* | ||||||||||||
|
| |
|
02-02-17, 07:11 PM
| #198 | ||||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
اقتباس:
يسعد مسائك ام سوسو ياهلا فيك معذوره يالغلا لي عوده لرد على تعليقك | ||||||||||||||
|
| |
 |
| أدوات الموضوع | |
| انواع عرض الموضوع | |
|
|
29Likes
العرض العادي
