آخر 10 مشاركات
|
| |||||||||||||
| مشاهدة نتائج الإستطلاع: ما مستوى الرواية | |||
| جيده جدا |     | 54 | 51.43% |
| جيدة |    | 42 | 40.00% |
| سيئة |    | 9 | 8.57% |
| المصوتون: 105. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
29-03-17, 10:01 PM
| #217 | ||||
| كاتبة في قسم قصص من وحي الأعضاء وراوي القلوب 
|  اغلب التعليقات مفيش اى تعاتشطف مع ميزو ههههههه يمكن يصعب عليكو النهارده يارب البارت ينول اعجابكم وشكررررررا على تشجيعكم .gif "Eh S(7)") الفصل الرابع عشر ................... مر يومان ومازن فى منزله ﻻ يغادره وانقطع عن العمل و حبس نفسه بغرفته يدخن السجائر ويرفض اﻻكل او الحديث مع اى شخص دخلت والدته لغرفته لﻻطمئنان عليه ساميه بتعاطف : يابنى فهمنى فى ايه ........ مش بتروح شغلك ليه.... اتكلم معايا مازن بإقتضاب : مفيش ياماما ... تعبان شويه ساميه بإشفاق على حاله ولدها : طب كفايه سجاير ...عينيك زى كاسات الدم من الدخان ومش عاوز تاكل ....حرام عليك نفسك مازن بعصبيه : انا كويس ياماما ماتقلقيش اتفضلى استريحى انتى ساميه بحزن : استريح ازاى وانت بتقتل نفسك ...... لو بتحبها يابنى اتجوزها ثار مازن وظهرت عﻻمات الغضب على وجهه وصرخ بصوت غاضب : سبينى لوحدى ..... مش عاوز حد معايا ساميه وقد اغرقت عينيها بالدموع على حالته : اهدى ياحبيبى هسبيك لوحدك واخرج ......... بس اهدى خرجت ساميه ببطء من الغرفه تبكى على حاله ابنها و تشعر بالعجز وهى ﻻتستطيع مساعدته وبالندم على تصرفها مع شهد .................................. فى الشركه تغيبت شهد عن العمل طلب عامر رحمه لمكتبه رحمه : افندم عامر بجديه : رحمه هى شهد مش بتيحى ليه رحمه : مش عارفه عامر : طب كلميها اطمنى عليها رحمه : كلمتها كتير مش بترد وبعدين الموبيل اتقفل شعر عامر بالقلق : يمكن فى حاجه ﻻزم نطمن عليها ..... معاكى رقم والدتها رحمه بتردد : تقريبا معايا عامر بإهتمام : تمام كلميها .... وطمنينى بعد دقائق دخلت رحمه بفزع على عامر : باشمهندس عامر بقلق : حصل ايه رحمه بقلق : شهد فى المستشفى عامر بإهتمام : ايه ....جرالها ايه رحمه بحزن : طنط بتقول انهيار عصبى عامر بإهتمام : طب روحيلها بسرعه يارحمه ... وطمنينى رحمه : حاضر وخرجت مسرعه جلس عامر يفكرهل يبلغ مازن أم ينتظر حتى يعرف حقيقه الوضع ثم قرر ان يذهب لفيﻻ مازن ................................ وصل عامر للفيﻻ وجد ساميه جالسه فى بهو الفيﻻ مع خطيبته إيمان فألقى عليهم التحيه وجلس معهم وﻻحظ عﻻمات الحزن على وجه ساميه عامر بإهتمام : مازن عامل ايه دلوقتى ساميه بحزن : حابس نفسه فى اوضته ومش عاوز ياكل حاجه تجهم وجه عامر وبضيق : لسه ساميه بتسائل : حصل ايه يابنى عامر بعصبيه : البنت جالها انهيار عصبى وفى المستشفى صدمت ساميه من الخبر ورددت فى حزن : شهد ..... ﻻ حول وﻻ قوه إﻻ بالله ظهرت عﻻمات الحزن على إيمان عند سماع الخبر عامر بجديه : انتى قسيت عليها ياماما.... وهو كمل على بقتها والله انا لو شاكك فى اخﻻقها 1% ما كنت سبتها تكمل معاه ساميه وقد ظهر عليها الحزن : انت متأكد منها ياعامر عامر بجديه : والله بنت زى الكريستال صافيه ومحترمه ومخلصه ساميه بندم : معلش يابنى ربنا يقدرنا ونعوضها إيمان بتعاطف : ياريت ياطنط ديه فعﻻ بنت طيبه ورقيقه اوى عامر وهو يعبث بموبيله : رحمه الزفت ما اتصلتش اتصل عامر برحمه عامر : رحمه ايه اﻻخبار رحمه بحزن : فى غيبوبه وركبولها محاليل عامر بفزع : غيبوبه ...من ايه رحمه : طنط بتقول بقالها يومين مااكلتش حاجه وبتعيط ليل ونهار جسمها ما استحملش عامر بحزن : طيب يارحمه لو فى جديد بلغينى ساميه بقلق : خير ياعامر عامر بحزن : فى غيبوبه فزعت ساميه من كﻻمه وتغير وجهها : ﻻ حول وﻻ قوه إﻻ بالله .....ربنا يلطف بيها حاولت إيمان مواسات ساميه والتخفيف عنها : اهدى ياطنط .... حضرتك لسه تعبانه ربنا يشفيها يارب عامر بحنق : انا طالع اشوفه ................................... صعد عامر لغرفه مازن وجد الغرفه مليئه بدخان السجائر ومازن مستلقى على السرير يدخن وبجانبه كميه من اعقاب السجائر عامر بحنق : ايه اللى انت عامله ده نظر اليه مازن ولم يجيب عليه عامر : هتتخنق من الدخان مازن بضيق : عاوز ايه ياعامر عامر : بطمن عليك بس مازن باقتضاب : انا كويس عامر ببرود : طب تمام يعنى نسيتها خﻻص نظر اليه مازن بحده ولم يجيب عامر باستهزاء : ايه انت قلت يومين وهتنسى مازن بضيق : سيبنى لوحدى ياعامر عامر بتهكم : اوكيه ... انا ماشى نهض من مكانه وأكمل بخبث : اه نسيت اقولك صحيح .... شهد انتبه مازن لكﻻمه بمجرد ان سمع اسمها : مالها عامر بﻻ مباﻻه مصطنعه : ابدا ..... فى المستشفى قام مازن بفزع من مكانه : انت بتقول ايه ياعامر عامر : عندها انهيار عصبى من كتر العياط على انسان مايستهلش مازن بفزع : انا ﻻزم اروحلها ....ﻻزم اسرع يبدل مﻻبسه عامر باهتمام : ممنوع الزياره مازن وهو يرتدى مﻻبسه بسرعه : ﻻزم اشوفها عامر بإهتمام : هتشوفها بس بالعقل عشان هى ماتتعبش اكتر ... كفايه اللى حصلها اتجه مازن لباب الغرفه وهو يردد بلهفه : ماحدش هيمنعنى عنها سد عامرالباب ومنع مازن من الخروج صاح مازن بغضب وهو يحاول ابعاد عامر عن الباب : اوعى ياعامر ... مش هتقدر تمنعنى عامر بحزم وهو يقبض على ذراعيه محاوﻻ تهدئته : مش همنعك .... بس ﻻزم تكون متأكد انت عاوز ايه..... عشان حرام تأذيها تانى مازن وهو يجذب عامر من امام الباب : بحبها ياعامر بحبها ..... ومش هسيبها تانى ابدا عامر بجديه : متأكد يامازن مازن بلهفه : بقولك بحبها وهجوزها ابتعد عامر عن الباب وهو يفتحه : هاجى معاك مازن بلهفه : يﻻ بسرعه .......................... فى المستشفى وصل مازن وعامر واتصل عامر برحمه عامر : رحمه انتوا غرفه كام رحمه: 12ب عامر : طيب احنا طالعين وصلوا للغرفه وطرق عامر الباب ودخلوا للغرفه فوجئت رحمه بمظهر مازن بشعره الغيرمصفف ولحيته الخفيفه وعيونه الحمراء ووجهه المرهق رحمه بتعجب : المهندس مازن عرفت ليلى شخصيته فقالت بضيق : انت بتعمل ايه هنا .... ابعد عنا بقى لم يلتفت مازن ﻻى منهم وثبت نظره على جسم شهد المستلقى على السرير واﻻنابيب تخرج من يدها جلس بجانبها وامسك يدها مازن بحزن بالغ وصوت منخفض : سامحينى ياشهد .... انا بحبك انتفض جسد شهد بشده عند سماع صوته فزعت ليلى : ابعد يابنى الله ﻻيسيئك ديه البنت اللى حيلتى تطلع مازن الى ليلى بعيون دامعه وبنبرة حزن : انا هطمن عليها بس انتفض جسد شهد وكأن صوته وصل لها فى غيبوبتها صرخت ليلى : رحمه نادى الدكتور بسرعه مازن بحزن : انا عاوز اعتذر لها انحنى مازن على اذنها ليهمس بصوت خافت وعيون دامعه : سامحينى ياشهد .... لو تعرفى جرحى اد ايه ..... قلبى وكرامتى مجروحين ..... وبغبائى جرحتك معايا حاولت ليلى ابعاد مازن عن ابنتها بعد ان شعرت باضطرابها : ابعد عنها وسيبنا فى حالنا بقى تقدم عامر نحو مازن يجذبه برفق : تعالى معايا يامازن رفض مازن التحرك من جانبها وابعد يد عامر وبصوت متقطع : سيبنى ياعامر ... ﻻزم تسامحنى دخل الدكتور : ايه بيحصل هنا ... كله يخرج بره جذب عامر مازن بقوه محاوﻻ تهدئته : يﻻ مازن عشان مصلحتها خرج الجميع من الغرفه ماعدا ليلى وبعد قليل خرج الدكتور وجه كﻻمه لمازن : انت جاى تتخانق فى المستشفى مازن باندفاع : انا عاوز اطمن عليها الدكتور : هتبقى كويسه المهم الراحه والهدوء الزياره ممنوعه ولك انت بالذات مازن بلهفه بصوت اجش : ليه يادكتور ..... انا مقدرش ابعد عنها الدكتور : انت شفت تأثير صوتك عليها واضح ان عقلها الباطن رفضك وضع مازن وجهه فى اﻻرض من الحزن وهو يستند إلى الحائط عامر باهتمام : احنا مستعدين نعمل اى حاجه بس تبقى بخير .............................. مر يومان وشهد فى الغيبوبه وذهبت رحمه لﻻطمئنان عليها رحمه بتعاطف : اخبارها ايه دلوقتى ياطنط ليلى بحزن : زى ماهى يابنتى رحمه : ربنا يشفيها دخل الدكتور الغرفه فسارعت اﻻم بسؤاله : يادكتور هتفوق امتى الدكتور : هى حالتها مستقره دلوقتى هتفوق قريب ماتقلقيش الدكتور للممرضة : هتقلل المهدئات وتبقى تحت المﻻحظه الممرضه : تمام يادكتور ليلى بلهفة : هتفوق صحيح الدكتور : اطمنى وخليكى جنبها الفتره الجايه .... هتحتاج دعم نفسى كبير وخرج الدكتور من الغرفه خرجت رحمه للتحدث فى الموبيل وابﻻغ عامر بالمستجدات رحمه : ايوه ياباشمهندس عامر : ايه اﻻخبار يارحمه رحمه : الدكتور قال انها هتفوق خﻻص عامر : الحمدلله .... خليكى معاها ماتسبيهاش ولو فى جديد بلغينى رحمه : حاضر ياباشمهندس ........................... اعتكف مازن فى فيلته ﻻيغادرها حيث منعه الطبيب من الزياره واصبح عامر هو مصدره لﻻطمئنان على شهد دخلت والدته غرفته التى ﻻيغادرها ساميه : مازن ياحبيبى قوم كل اى حاجه مازن بإقتضاب : مش عاوز ياماما ساميه : ياحبيبى ماينفعش كده مازن : انا كويس ياماما ماتقلقيش ساميه : طب اخرج من اﻻوضه شويه .... شم شويه هوا مازن بحده : ماما لوسمحتى ... انا عاوز ابقى لوحدى ساميه بتعاطف : حبيبى كل حاجه هتتصلح ... بس اصبر مازن بصوت خافت : يارب رن جرس الموبيل انتفض مازن من مكانه ليجيب على الموبيل بلهفه : ايه اﻻخبار ياعامر عامر : الحمدلله هتفوق يامازن مازن بلهفه : ااقدر اشوفها عامر : الزياره ممنوعه لسه ثار مازن من الغضب : يعنى ايه ..... انا ﻻزم اشوفها عامر : اهدى يامازن .... المهم تفوق ونطمن اﻻول مازن بعصبيه : الكل يقولى اصبر واهدى واخرتها ايه عامر مهدئا لمازن : اخرتها خير .... ان شاء الله ..... المهم دلوقتى نفكر فى مصلحتها حاول مازن السيطره على نفسه : لو عرفت حاجه بلغنى علطول عامر : ماتقلقش .......................... فى المستشفى بدأت شهد فى فتح عينيها بصعوبه شهد بصوت متقطع وعيون زائغه : انا فين.... ماما ليلى بلهفه : انا جنبك ياحبيبتى شهد بخفوت : انا فين ليلى بهدوء وهى تمسح على رأسها : فى المستشفى ياحبيبتى شهد بحيره وصوت متقطع : ليه ياماما ..... حصل ايه ليلى محاوله طمئنتها : انتى تعبتى شويه وخﻻص بقيتى زى الفل رحمه بمرح : شوشو ياحبيبتى .... حمدلله بالسﻻمه شهد بصوت متعب : الله يسلمك دخل الدكتور : اخبار مريضيتنا ايه ليلى : اتفضل يادكتور الدكتور يمسك يد شهد ويراقب اﻻجهزة : تمام تمام الدكتور للممرضه : تبتدى تاكل من النهارده ليلى : ايه اﻻخبار يادكتور الدكتور : مش عاوز حاجه تضايقها وتبتدى تاكل كويس ليلى : شكرا يادكتور رحمه : الحمدلله ياطنط ليلى بارتياح : الحمدلله .................................. وصل عامر الفيﻻ واتجه إلى والده مازن ساميه باهتمام : عامر ايه اﻻخبار عامر : كويس اوى ياماما ساميه بلهفه : خير .... طمنى عامر : فاقت الحمدلله وهتبتدى تاكل ساميه : الحمد لله وأكملت بجديه : كنت عاوزه اخد رايك فى حاجه عامر بإهتمام : خير ياماما ساميه : عاوزه اروح ازور شهد عامر بنبرة متسائلة : ليه ساميه نادمه : اوﻻ ..عاوزه اعتذر لها وثانيا.. ﻻزم نوضح تصرف مازن فكر عامر فى كﻻمها : مش عارف ياماما هاخد رأى الدكتور اﻻول ساميه : انت متابع معاه عامر : ايوه ساميه : طيب يابنى..... اللى تشوفه عامر : هطلع اطمن على مازن دخل عامر الى غرفه مازن بمرح : ميزو اعتدل مازن : عامر ايه اﻻخبار عامر : تمام يابرنس ... فاقت واكلمت كمان مازن بارتياح : بجد ياعامر عامر : ايوه والله مازن بلهفه : عاوز اشوفها ياعامر عامر مطمئنا : هانت ياميزو.... تشد حيلها شويه والدكتور يسمحلك بالزيارة مازن بضيق : مش قادر خﻻص ... ﻻزم اكلمها وتسامحنى وأكمل بحزن : عاوز اطمن عليها ... انا السبب فى كل اللى حصل لها ..... ظلمتها اوى ياعامر وأكمل بندم : هى ماتستاهلش اللى عملته فيها ديه انسانه طيبه .... ورقيقه ...... وبتحبنى عامر بهدوء : كان المفروض تصارحها من اﻻول نهض مازن من مكانه وصاح بحده : اصارحها بأيه ... أقولها ازاى أنى مغفل واضحك عليا .... أقولها ازاى ان كرامتى اتجرحت .... أقولها ازاى ان بتجيلى نوبات غضب بكسر اللى قدامى .... وكنت هامد ايدى على امى من غير ما أحس ..... أقولها ازاى انى كنت بتعالج نفسيا وباخد مهدئات عشان اعرف اسيطر على اعصابى ازاى يا عامر ازاى جلس مازن على سريره يضع رأسه بين كفيه فى والم نهض عامر ليربت على كتفه بحب اخوى محاوﻻ طمئنته وبصوت هادئ واثق : اهدى ....اهدى يامازن شهد انسانه طيبه و بتحبك واكيد هتسامحك رفع مازن رأسه لعامر وكأنه يتشبث باﻻمل : تفتكر هتقدر تسامحنى عامر بابتسامه : ان شاء الله وأكمل مازحا : بس أكيد هتطلع عينك اﻻول ابتسم مازن ابتسامه باهته : انا مستعد تطلع عينيا اﻻتنين بس تسامحنى عامر مبتسما : هيحصل مازن بلهفه : عاوز اطمن عليها فكر عامر قليﻻ : طب اسمع... استنى وامسك عامر موبايله وكلم رحمه عامر : رحمه انتى فين رحمه : فى المستشفى عامر : طب اسمعى هتدخلى جنب شهد وتسيبى الموبيل مفتوح اوكيه رحمه بعدم فهم : ازاى يعنى عامر : رحمه ركزى ....حطى الموبيل جنبها وانا معاكى على الخط ماتقفليش يﻻ رحمه بعدم فهم وهى تهز كتفها : حاضر دخلت ووضعت الموبيل بجانب شهد وفتح عامر السبيكر ليستمعوا لصوت شهد ليلى بحنان : حبيبتى ﻻزم تاكلى شهد بصوت ضعيف : ماليش نفس ياماما بمجرد ان سمع مازن صوتها اغمض عينيه وشعر براحه كبيره مازن بصوت هامس : الحمدلله ليلى برفق : الدكتور قال ﻻزم تاكلى ...يﻻ شهد بضيق وبصوت ضعيف : مش قادره رحمه : معلقه واحده ياشوشو ...وهقولك خبر حلو رفعت رحمه الملعقه لتطعم شهد ففتحت شهد فمها لتتناول الملعقه منها.. رحمه : برافو..... ﻻزم تخفى بسرعه احمد مش هيحدد معاد الفرح غير لماتخفى شهد بإبتسامه باهته : مبروك يارحمه رحمه بمرح : مش هجوز غير وانتى جنبى ... يﻻ شدى حيلك بقى ابتسمت شهد فى حزن وهى تحنى رأسها وقد عاد لذهنها تصرفات مازن وكيف جرحها بكل قسوه رحمه : يﻻ كمان واحده بقى شهد وهى تهرب من الملعقه الموجهه اليها : مش قادره ليلى : يﻻ ياحبيبتى معلقتين بس.. وكمان شويه نكمل شهد بصوت ضعيف : انا تعبانه عاوزه استريح ليلى بحنان : معلقه واحده .... ونامى شويه اكلت شهد معلقه اخرى شهد : كفايه ياماما ليلى : خﻻص ياحبيبتى ..نامى شويه اغلق عامر الهاتف : ها اطمنت مازن بتنهيده : الحمدلله عامر وهو يغمز له : نقوم ناكل احنا بقى ابتسم مازن : ناكل عامر بمرح : حبيبى ياميزو ....يﻻبينا .......................... | ||||
|  |
|
29-03-17, 10:23 PM
| #219 | |||||||
| نجم روايتي وكاتبة وقاصةفي منتدى قصص من وحي الاعضاءونائبة رئيس تحرير الجريدة الأدبية 
| مازن انجرحت كرامته بالسابق وأصعب اشي للإنسان هو انو تمس كرامته بأي شكل من الأشكال كان لازم يصير اشي لشهد عشان يصحى على نفسو يعني بس الحمدلله انو عدت سليمة برجع وبكرر عامر احسن واحد بالرواية صريح بمشاعره ومريح راسو من المشاكل ههههه بإنتظار لقاء مازن وشهد وياترى رح تسامحوا بسهولة ولا لأ كلي شوق للفصل القادم | |||||||
|
| |
|
29-03-17, 10:49 PM
| #220 | |||||
| كاتبة في قسم قصص من وحي الأعضاء وراوي القلوب
| اقتباس:
مبسوطه اووى انها عجبتك | |||||
|
| |
|
| أدوات الموضوع | |
| انواع عرض الموضوع | |
|
|
33Likes
العرض العادي
