آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
02-09-19, 10:35 PM
| #51 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  -49- - بعد اسبوع يوم الخميس كان يوم وصول سيف ووجدان .. وكانو بيوصلون الساعة 4 العصر .... الظهر في بيت الجده رهف ترتب شناطهم لانها بتنقلها لبيتهم الجديد .... البيت اللي مابعد شافته للان كانت كل مارتبت شي يركبه عبدالعزيز السيارة وكان باقي اخر شنطتين دخل عبدالعزيز : خلصتي ؟ رهف : ايه عبدالعزيز : طيب اخذتي كل شي ؟ رهف : لا خليت هنا ملابس شوي عبدالعزيز : اييه حلو ماراح نروح الا بكرة لان فيه شركة تنظيف بتجي اليوم تنظف البيت كله رهف : اووكي طلع عبدالعزيز ورهف كملت ترتيب وهي تفكر بحياتها في عبدالعزيز .. وقطع تفكيرها صوت الباب رهف : مييين ؟ لطيفة من ورا الباب : انا لطيفة رهف : ادخلي دخلت لطيفة وشافت الغرفة نظيفة ودمعت عينها : يعني خلاص بتروحون ؟ رهف ابتسمت بحزن لطيفة : اي وقت ؟ رهف : بكرة ان شاءالله لطيفة تهلل وجهها : اششوا يعني بتجلسون الليلة رهف : ايه ان شاءالله لطيفة : افف اشوا اجل ابشري بسهره يحبها قلبك ماتنسينها ابببد رهف : بتخليني صدق ما اقوى افارقكم لطيفة جلست على السرير : يختي انا مدري وشلون بيصير البيت بدونكم والله تعودددت عليكم كلل يوم رهف ابتسمت : بنشب لكم ماعليك لطيفة : لا بس وانتي بالبيت غير وجلستك انتي وعزيز كل صبح وسواليفنا والله بشتاق رهف سكتت وهي تفكر جد الايام اللي ببيت ابومحمد غيرت افكار كثييير عن عبدالعزيز فهمت تفكيره وعرفت اراءه بأغلب المواضيع كل يوم يكبر بعينها اكثر .. شافت الجانب الكويس منه عكس اول ماكان طالع لها الا الجانب السيئ اللي اكتشفت ان ماله وجود داخله يوم صحت من تفكيرها ماشافت لطيفة ابتسمت وكملت ترتيب الغرفة وهي تشيل اخر اغراضهم رن جوالها وكانت وعد وردت عليها بسرعة وعد : هلا رهووفي رهف : هلاا فيك وعد : شخبارك ؟ رهف : بخيير الحمدلله وانتي شخبارك وعد : تمااام والله .. شخبار عمري وقلبي ؟ رهف طلت على سريره : نايييم حبيبي وعد : وه وه تكفييين بوسيه لي رهف : عشان يصحى وقتها من يجي ينومه ! وعد : رتبتي اغراضكم ؟ رهف : ايه وعد : طيب بتكونين موجوده الليله صح ؟ رهف : ايه بننام هنا الليلة وبكرة نروح البيت وعد : زيين قلتي لي عشان اجي رهف: ليه ماكنتي ناويه تجين ؟ وعد : لا صراحه مالي نفس رهف : ليه وعد : مدري مالي خلق اطلع ابدآ بس دامك بتكونين موجوده بجي مشتاقه لحمودي رهف : يعني مو عشاني عشان حمودي وعد : ايه طبعآ رهف : قسم بالله قليلة ادب ووصخه وعد : وش اسوي عاد والله هذي الحقيقه رهف : كلي تبن وضفي وجهك بكمل تنظيف وعد ضحكت : اوووكي حياتي باي رهف : باي .. ... .. المغرب بدو يتجمعون العايلة ببيت الجده وام تركي كانت جايه وعد حاطه حمودي بالارض قريب منها وتحته مفرش وبطانيه عشان تحاول فيه يحبي و حمودي يحاول يزحف او يقوم ومايقدر يطيح كل شوي والجده تشوفه وتمسح دموعها ام عبدالله : خالتي ماقد صاحت على احد توه الا حمودي حتى خالد يوم مشى ماصاحت عليه هالكثر رهف ابتسمت ام محمد وهي تمسح دموعها : يقولون لك ولد الولد اغلى من الولد وشلون عاد عيالهم حمودي يناظر رهف ويحاول يوصل لها بس مايقدر وعد شالته وخمته وهو يحاول يحاول يتركها ثم قعد يصيح وهو يشوف رهف كانت رهف مقابله الجهه اللي فيها وعد بينهم طاولة ولاهيه تسولف مع وجدان اللي توها جايه الهنوف : رهف ياتبن شوفييه يبييك رهف لفت وجهها لجهة وعد : تعال يابابا تعال هيفاء : ياشييخه وهو بيقوم يركض طبعآ ههههههههههههههههههه قامت رهف وخذته من وعد ورجعت تجلس وهو بحضنها وساكت وعد فتحت عيونها بقووه وهي تشوفه ساكت : خالتك انا ياوصصصخ حمودي ناظرها وهو مبتسم والدموع بعيونه وجدان اللي كانت جنب رهف مسحت دموعه بيدها وقربت وجهها منه : حمودي قل خالتي وجداان حمودي يناظرها وطايره عيونه رهف نزلت راسها له وهو بحضنها : قل مااماا حمودي ساكت رهف : يالله ياعيوني انت قلها م.ا.م.ا حمودي ولأول مرة نطق كان كلامه مو واضح مررة بس المقصد منها واضح : باابا رهف شهقت : ياحيووووان ام سلمان ضحكت ودموعها تطيح : ياعيييين ابوووي انت وام محمد كانت تصيح وهي ساكته ام تركي : اووول مرة يتكلم ؟ رهف : اييه ام تركي : ايه الكلمه الاولى للطفل دايم بابا رهف : موو على كيفه والله ( ولفت وجهها لحمودي تفهمه كلمة ماما ) حمودي يوم شافهم يصارخون ومبسوطين قعد يكرر الكلمه رهف بقلة صبر : ماااااما مااااما حمودي : باااباا ( وضحك بقوه لين بانت غمازاته ) رهف : والله يقصد يقهرني ياناس مشاعل : قل عمه مشاعل رهف : ماقال ماما بيقول عمه مشاعل مشاعل : مالك دخل بيني وبين ولد اخوي .. وبعدين ماتدرييين يمكن تصير معجزة ريوف : اف اف شوفي الغمازات تكفييين لطيفة : ياعمري ياناس والله العظيم اللحين اثبت لنا انه يشبه عزيز 100% هيفاء : هههههههههههههههههه مسكينة رهووف لا شكل ولا اول كلمة نطقها ولا شي رهف : اييه انا لي التعب بسس الهنوف : عااد بدت المسلسلات .. الله يعين حمودي بكرة بتذله ههههههههههههههه حمودي كان يناظر جدته ام سلمان وهو يضحك وهي تلعبه وعد راحت وشالته وهي تضمه بقوه : ياربيييه ياناس وش هالولد بيذبحني والله بيذبحنني ام تركي : شوي شوي عليه ياوعد لا تكسرين عظامه ام فيصل : جعلنا نشوفك شايله عيالك ان شاءالله وعد ابتسمت وجلست تبووسه بقوه وحمودي كان ساكت معها عشانها واقفه بعدها صار يتنقل بين يدين الحريم الكبار ....... بالمجلس عند العيال خالد : وش شعورك عزيز وانت بتبدا دوام الاحد عبدالعزيز : اسكت تكفى مو طايق فكرة اني برجع اداوم سيف : اجازة سنة وزيادة يارجل حرام عليك مشعل : من جد المفروض يرجع يداوم وهو يضحك عبدالعزيز : انت لو تقوم تذاكر اصرف والله مشعل : خلاص ياعمي اختبرت وخلصت عبدالعزيز : ذاكر مواد السنة الجديدة مشعل : ياليييل سيف : ماعندك اختبار الاحد ؟ مشعل : هيه شدعوى اختبار بالاجازة !! عبدالعزيز : عيال عطوه اي شي يلهى فيه مشعل : اول كان يردني عنك الجبس اللحين عادي ترى ادفنك هنا عبدالعزيز : يرضيك انكسر مرة ثانية ؟ مشعل : ايه يرضيني عبدالعزيز مسك العصا وطقه فيها مشعل : احححح ياكلب ياشايب عبدالعزيز : هههههههههههههههههههههه فيصل : جتك حركات جدي عبدالعزيز : والله حلوة يبي لي استخدمها واجد معكم عبدالرحمن : انت تمشي زين وراك للحين ماتركت العصا عبدالعزيز : اعجبتني والله فيصل : الحمدلله والشكر سعود : اي والله الحمدلله والشكر خالد : شف اكثر اثنين مهابيل بعايلتنا نقدو عليك يعني معناته صدق انت مو طبيعي عبدالعزيز : من قال اني طبيعي ؟ سعود : لا لا شكله بينضم لحزبنا عبدالعزيز ضحك وهو يمسك جواله وشاف من 5 دقايق جايه رسالة من رهف لأول مرة ترسل له شي واتس اب بدون مايكون بينهم حوار قبل كان مقطع استغرب و ركب الايربودز وشغله كانت رهف مصوره محمد وهو يقول بابا ابتسم من كل قلبه وهو يعيد المقطع كل شوي ... ... ... الساعة 10 الليل لطيفة كانت مسوية عشاء وحفلة بمناسبة ان وجدان رجعت من السفر مشاعل وهي داخله عليهم ببجامه : والله شكرآ لطوف انك ماعزمتي احد الهنوف : اي والله لطيفة : قاصده انا ابي ناخذ راحتنا ريوف : امانه عمتي قولي انك جايبه العشاء جريش لطيفة : ايه بوفيه فيه كل اللي تحبونه ياعيني ( ولفت على وجدان ) جبت مقلوبة لعيونك وجدان ابتسمت : صددددق ؟ والله شكرآ تدرين اني مشتهيتها من اول يوم بشهر العسل لطيفة : اييه اشوفك كل يوم ترسلين لنا ههههههههههههه ريوف : وانا من النحاسة قلت لـ جين تسويها وجلست اسبوع كل يوم تحط مقلوبه الهنوف : ايه اشوفك ياكلبه كل يوم تصورينها وجدان : والله احمدي ربك انك اخت سيوف ولا اوريك شغل الله ريوف : ايه عندي حماية عشان كذا ماخذه راحتي لطيفة : والله مانقصنا الا غدي وجمانه الكلبات ليه ماجو ؟ الهنوف : ماخذين صيفي كلهم وعندهم دوام الاحد لطيفة : يوم مو ضار عادي هيفاء انسدحت وهيي تتنفس بتعب مشاعل : هيوف بطنك كبر بسرررعة مرة هيفاء : خلاص دخلت الشهر الرابع اكيد بيكبر ريوف : اماا عاد يعني بقى 5 شهور بسس ؟ هيفاء : تكفين لا تعدين اخاااف كل ماقرب الوقت رهف : الا تكفين اولدي وجيبي بنت خليها تلعب مع حمودي لطيفة : ماعرفتي جنس المولود للحين ؟ هيفاء : قالت لي الدكتورة تبين اعلمك وقلت لا لطيفة : ليه ياغبية هيفاء : مابي ابيه مفاجأه ريوف : والملابس ؟ هيفاء : اشتري محايده رهف : هههههههههههههه تذكرت وضعي كنت ابي كذا بس خلود الملقوفه سألت الدكتورة وعلمتنا جنسه هيفاء : خلود ؟ ليش مو عزيز اللي يروح معك للسونار ؟ رهف ارتبكت : الا بس انا وعزيز ماكنا نفهم شي وهي مرة راحت معي لأن موعدي وقت دوامه وشافت مشاعل لفت على هيفاء : بروح معك للسونار واخليها تعلمني انا بس هيفاء : لا ما اثق فيك مشاعل : كلي تبن هيفاء : والله حتى سامي قال ابي اعرف قلت لا لطيفة : ياصبره عليييك هيفاء وهي تشوف ريما قايمه : ريما قلبي بتروحين المطبخ ؟ ريما : أروح لعيونك هيفاء : ياعمري انتي تكفين جيبي لي ليمون رهف : ليموون ؟؟؟ يعني ولد هيفاء : على كيفك ! وليش قررتي رهف : انا لما حملت بحمودي اشتهي اي شي فيه ليمون وحامض وعد : لا رهف انتي من زمان كذا مو شرط على تجربتك رهف : مدرري عاد مشاعل : ياربيه الله يعيننا بس اللحين انواع الحمووضه هيفاء : مشاعل والله انتي تعانين هههههههههههههههههههههههه تجي قدامي كل ماكلت وتقعد تغمض عيونها ! ريوف : ههههههههههههههههههههههههه هههه لا يدري فيصل والله فشيله مشاعل : يوم علمته قام يغمض عيونه وجدان : نفس الطينه والله كلهم عشان كذا للحين متفاهمين الهنوف : ههههههههههههههههههههههههه ههه احس حياتكم وناسه مشاعل 24 ساعه هوشات مشاعل : ازين شي اذا بغيت اشوف مسلسل اعصب واتهاوش معه ويروح الاستراحة واذا رجع اصير مروقه وناسيه وجدان : تلقينه ناسي وقتها مشاعل : اييييه الهنوف : بس مشكلة لو تزعلين جد وينسى مشاعل : والله بتخرب اخلاقي وقتها وجدان : المشكلة ان فيصل مافيه احساس ابد ابد مشاعل : عاد كلش الا فصولي لحد يغلط لطيفة : الله يسخرررر لي بس جلسو يسولفون وبعدها تعشو واللكل راح على بيته الا البنات قررو يكملون السهرة ببيت جدتهم جابو الشاهي ريوف وهي حاطه يدها على بطنها : كثر الله خيرك خالتي مشاعل : بالعافية حبيبتي ريوف : ماشاءالله من متى صرتي خالتي مشاعل : انا ولطوف واحد هيفاء وهي تاكل ليمون : احلى شي ان الاكلات كلها حااامضه احس بنفجر من كثر ماكلت لطيفة : ياعمررري بالعافية علييكم كلكم اللكل بردود متفرقه : الله يعافيييك وجدان وهي فاتحه سناب : شكلك مرسله للعيال لطيفة : ايه طبعآ وجدان : والله على بالي انهم رايحين الاستراحة مافيه ازعاج لطيفة : لا انا غصبتهم يجلسون . . . عند العيال اللي متعشين من ساعة تقريبآ وجالسين بالملحق فيصل : تكفون قوموني ابي اروح بيتي عبدالعزيز : ليه وش يوديك ؟ فيصل : بكرة عازمنا المدير غداء ولا ودي اتأخر خالد : جوووك ياشيخ ويكند وتشوف الموظفين فيصل : والله غالي على قلبي مرة ماقدرت ارده سعود : انا عندي موعد بالمحكمة الصبح يوم الاحد ومازينت شي للحين سلمان : غلطان اللي يخليك محامي له سعود : لا ابيضها والله ماعليك يجي مني سيف وهو يتثاوب : انا عندي دوام بس ماحس اني اقدر اترك هالجلسه الحلوه واروح انام عبدالعزيز : نم هنا شوي واقومك بعد ساعة سيف : وش الفايدة عبدالعزيز : عشان تسمعنا كل شوي وماتفوتك الجلسه سيف : فيه مشعل وعبدالرحمن وعبدالله تتوقع بنام ؟ مشعل : عاد انا ما اسبب ازعاج والله خالد : والله ؟؟؟؟ تحلف بعد ؟؟؟؟ مشعل : يعني ازعاج لطيف خالد : والله اللطيف انك تضف وجهك مشعل : ذكروني الويكند الجاي ما اجي الرياض عبدالعزيز : ياليت والله مشعل قام : لا عاد خلاص زيادة على انكم مرجعيني مع اوبر باستراليا خالد : ههههههههههههههههههههههههه هههههههه مانسييت ! مشعل : ينسى الظالم ولا ينسى المظلوووم عبدالعزيز : هههههههههههههههههههههه عاد الظاهر انك اكثر واحد مستمتع مشعل غمز له : تبي الصدق ايه مركبيني مع وحده مزه اكيد بستمتع عبدالله : ياقهر ليتني جاي وراكب معك مشعل : والله كنت ادعي اننا نسوي حادث عشان يطول المشوار سيف : ههههههههههههههههههههههههه ههههههههه الله ياخذك مشعل : والله حلووة عاد خالد : ماتحسون ماجد له فقده ؟ سيف : الا والله مكانه خالي مررة بعد مشعل : كان اكثر واحد يدافع عني عبدالله : ياشين الدراما عليك يامشعل عبدالعزيز : من جد والله ياهو مايلييق ! سيف : حرام عليكم ياعيال الولد حساس لاتتعبون نفسيته مشعل : فاهمني والله .. شكلي ببدا اراجع عندك ياسيف عبدالعزيز كان جنبه وحضنه لين دخل راسه بصدره : لاعاد كل شي الا اخوي مشعل يصارخ : كتممتنيي ياحمار عبدالعزيز يضغط اكثر : حشاشة يوفي هوو سلمان : خلاص ياحياة الفهد اتركه بيموت عبدالعزيز : هذي الخطه بس انت حمار خربتها فكه ومشعل قعد يتنفس : بكرة اول حجز رحله للدمام والله خلاص مالي قعده عندكم عبدالعزيز : قم افتح البلايستيشن بس خاطري بقيم ناري مشعل بفرحة : اخييييييرآ لي سنتين احتريكم تلمحون وقام بسرعة والعيال يضحكون عليه - يوم الجمعة الصبح البنات كلهم رجعو الفجر قالت لهم لطيفة يجلسون بس اعتذرو كانت الساعة 8 الصبح رهف نامت بعد ماطلعو البنات وكانت حاطة منبه عشان تفطر مع ام محمد ولطيفة رن المنبه وقامت كانت دايخه مرررة بس غصبت نفسها تقوم خصوصآ انه اخر يوم تفطر معهم قامت من السرير وهي تشوف عبدالعزيز نايم على الكنب تذكرت يوم ينزل الكنب من غرفته القديمه عشان ينام عليه وهي تنام على السرير لانه لاحظ كم مرة تقوم وظهرها يألمها وقال لها تنام عليه وهو بينام على الكنب ابتسمت وهي تشوفه بس رحمته لأن واضح مو مرتاح بالنومه طلت على سرير محمد وشافته نايم قامت بتردد وهي تقرب لعبدالعزيز رهف بصوت واطي : عبدالعزيز عبدالعزيز تحرك رهف : عبدالعزيز قوم نام على السرير فتح عيونه ببطئ رهف : نام على السرير اريح لك عبدالعزيز : وانتي ! رهف : بطلع للصالة انا عبدالعزيز وهو يتمغط : خذي جلال لان اتوقع خالد بيمر على امي لطيفة اليوم رهف : طيب لفت بوجه جامد وابتسمت لما عطته ظهرها وهي تتنفس بعمق اخذت الجلال وطلعت ... .... ... في بيت ابوفيصل كانت وجدان نايمه عند اهلها صحاها صوت الجوال ردت : هلا والله سيف : صباح الخير قلبي وجدان : هلا صباح النووور سيف : اعترفي متى نايمه وجدان بصوت مليان نوم : مانمت الا 6 سيف : اسف صحيتك وجدان : لاا عادي اصلآ لازم اقوم ابي اروح اخلص اشغالي سيف : امرك بعد الدوام ؟ وجدان : لا ياعمري لا تتعب نفسك بروح مع السواق سيف : طيب ارجعي قبل المغرب اول ما اطلع بمرك وجدان : وين ؟ سيف : بيتنااا وجدان ابتسمت : صدق ؟ سيف : اي والله .. وتخيلي قريب من بيت اهلي وبيت اهلك وجدان : طيب شفته ؟ سيف : لا قلت مابي اشوفه الا وانتي معي وولو ماعجبنا خلاص ندور غيره وجدان : والله موقعه حلو مررة بس خلاص كلمني اول ماتطلع من الدوام وانا بتجهز سيف : اوكي حبيبي بسكر اللحين وجدان : يلا باي سيف : باي سكرت منه وجدان وراحت تتحمم عشان تطلع .. .... .. الظهر بسيارة عبدالعزيز ركبو كلهم متجهين لبيتهم الجديد اللي ورى بيت ابو تركي بس بعيد شوي يعتبر كان عبدالعزيز جايب صوفي من بيت ابو تركي وحاطها ورا رهف لما سمعت صوتها ماقدرت تخفي ابتسامتها 5 دقايق تقريبآ ووصلو البيت نزلت رهف وفتحت الباب اللي ورا عبدالعزيز : خلي محمد بشيله انا نزلو كلهم دخلت رهف وانبهرت من شكل البيت نفس ماكانت تحلم بيت مودرن كل ابوابه وشبابيكه قزاز وملموم ومرييح نفسيآ دخلت وكان كل الاثاث مختار بعناية اعجبها الدور اللي تحت وراحت فوق كان فيه فوق 4 غرف كانت كل الغرف مافيها اثاث الا الماستر روم دخلتها كانت كبيرررة مرة مررة وفيها غرفة ملابس كبيرة برضو ومقسومة نصفين شافت ملابس عبدالعزيز مرتبه من جهة والجهة الثانية فاضية وجنبها شنطها عبدالعزيز : كان ودي اقول لمشاعل ترتب شنطتك بس خفت انك ماتحبين سكتت رهف وطلعت تدور بين الغرف تدور غرفة تستقر فيها مالقت غرفة فيها اثاث الا غرفة محمد اللي كانت جنب الماستر روم عبدالعزيز كان يراقبها ويدري ليه تسوي كذا وحمد ربه بسره انه قال للطيفة انها ماتتعب نفسها وتأثث كل الغرف لانهم ماراح يحتاجونها حاليآ ضحك بانتصار وهو يشوفها متوتره . . . العصر عبدالعزيز طلع ورهف جلست ترتب ملابسها كانت مرتاحه انها بترجع لحياتها الطبيعية وتنام وتقوم لحالها لكن اللي ماتوقعته صار هو انها بتضطر بعد تنام مع عبدالعزيز بنفس الغرفة بس قررت من بكرة تروح محل اثاث عشان يأثثون لها الغرفة الثانية حست ان بطنها يمغصها وتذكرت انها ماكلت شي من امس نزلت للمطبخ وفتحته وشافت خدامة وسمت بالله ورجعت ورا بسرعة وهي ماسكه قلبها اتصلت على عبدالعزيز اللي رد على طول رهف : مين اللي بالمطبخ عبدالعزيز : ههههههههههههههه توني متصل بعلمك .. هذي خدامة رهف : من وين جبتها عبدالعزيز : يعني من وين ؟ رهف حست سؤالها غبي وسكتت عبدالعزيز : جبتها عشان تساعدك بحمودي وبشغل البيت رهف : شكرآ عبدالعزيز : تبين شي اجيبه معي رهف : لا سكرت منه ورجعت تدخل المطبخ فتحت الثلاجة وشافت فيها اغراض وانبسطت كانت ميته جوع .. ... .... المغرب بسيارة سيف كان توه يمر وجدان اللي طولت ماطلعت بعد 5 دقايق وجدان توها تركب السيارة : اسفه تأخرت سيف : لا عادي وجدان تمسك راسها : صدااااع صداااااع سيف : بسم الله على قلبك .. اتوقع معي بنادول شوفي الدرج وجدان : لا لا توني ماكله بس جوعانه ماكلت شي من امس سيف : بسس ؟ اوديك اللحين احلى مطعم كم عندي من وجدان انا ؟ .. بعدين البنادول ماينأكل على جوع وجدان : ههههههههههههه دايم اكله على جوع والله سيف : دايم عند اهلك اما عندي لا ! واذا صار فيك شي وش اسوي انا ؟؟ وجدان ابتسمت بحب .. .... .. الساعة 10 الليل في بيت عبدالعزيز ورهف كان عبدالعزيز بالغرفة ومنسدح على السرير وجنبه حمودي دخلت رهف وابتسمت وهي تشوفهم عبدالعزيز : هاه شخبار ميشيل ؟ رهف : مدري ماتكلمت معاها كثيير بس شكلها كويسه وتعرف شغل البيت عبدالعزيز : زين الحمدلله راحت رهف واخذت مخده وبطانيه وجت بتطلع عبدالعزيز وهو رافع حاجبه : ويين ويين ! رهف : بنام في غرفة حمودي عبدالعزيز تنهد بقووة : تعالي نامي هنا انا بنام على الكنب رهف : لا لا تتعب نفسك بنام بغرفة حمودي وبكرة بجيب سرير لي واثث الغرفة الثانية عبدالعزيز : رهف تكفييين خلاص رهف رفعت حاجبها : وشو اللي خلاص ! عبدالعزيز بنرفزة : لا تأثثين الغرفه الثانية وش بيقولون عنا اذا جو وشافوها مأثثه وانا قايل للطيفة اننا مانحتاج رهف : مو مشكلتي .. ليش تقولها وانت عارف عبدالعزيز : انا بنام على الكنب اللي هنا واذا يضايقك طلعت انام بالصالة بعد بس انتي اجلسي هنا رهف هزت راسها بالايجاب وعبدالعزيز قام اخذ البطانية وراح على الكنب وهو متنرفززززز بقووة منها ومن عنادها - بعد اسبوع يوم السبت بالشرقية في محل اطفال .. هيفاء وسامي قاعدين يختارون ملابس سامي : لو معلمينا جنس الطفل كان نشتري شي واحد هيفاء : هههههههههههه لا تحاول تقنعني سامي : والله كلمت الدكتورة واقنعتها ورفضت تقول المدام ماتبيك تعرف هيفاء : ياعمري والله سامي : والله خلاص حرام علييك ماتسوى علي هيفاء بعناد : لااااا قلت لاااا يعني لا سامي : لا تسوين هالحركه ولا بفقع بطنك هيفاء : هههههههههههههههه والله لانسيك حليب امك سامي : اقول امشي انتي وحليب امي هيفاء ماتت ضحك .. .... .. في الرياض الهنوف وتركي بمطعم ازكدنيا يتعشون رن جوال تركي ويوم شاف اسم لولوة عطاه الهنوف تركي : ردي انتي الهنوف وهي تبلع اللقمة : ميين ؟؟؟ تركي ضحك : لولوة الهنوف : نععععم تركي رد وهو ماد الجوال عشان مايعطيها فرصه ترفض الهنوف ردت : الوو لولوة تنرفزت : وين تركي الهنوف بعصبيه : تركي مشغول لولوة : طيب مو قلة ادب انك تردين على جواله ؟ الهنوف تنرفززت بقوة : لا انا وحبيبي وقلبي وابو عيالي مابيننا هالكلام .. قليل الادب هو اللي يتصل على واحد متزوج هالوقت لولوة : هو ولد خالتي انتي مالك دخل الهنوف : ولد خالتك متزوج م . ت . ز . و . ج ويعشق زوجته ويموت فيها وهي تبادله نفس الشعور تركي قاعد يسمع الكلام ومبسوووط ويضحك لولوة : عطيني تركي الهنوف وهي تضحك : هههههههههههههههههه تركي مايبيك لو يبيك رد عليك هو .. وترى ان زودتيها يالولوة والله والله محد يفكك من يديني لولوة : الله ياخذك يام السح... الهنوف قاطعتها وقفلت بوجهها وهي متنرفزة وتركي للحين يضحك الهنوف : لا تضحك تركي : ههههههههههههههههههههههههه والله العظيم تعجبيني الهنوف : تنرفز بنت خالتك ذي .. المشكلة مااقدر اقول بعلم امها لأن امها اشنع منها تركي : ادري ياقلبي والله ادري لكن تعبت مالقيت حل معاها الهنوف : اذا زودتها جد جد علّم ابوها او اخوها تركي : والله انه رجال طيب وحبيب ابو فارس ماودي اضايقه الهنوف بقلة صبر : اذا ماعلمتهم انت انا بعلمهم واللي يصير يصير تركي ضحك : يازييين اللي يغارون ياناس الهنوف : ههههههههههههههههههه والله ذبحتني تركي غمز : بس حلوة ثقتك وانتي تقولين يعشق زوجته ويموت فيها الهنوف ترفع راسها بغرور : تقدر تنكر ؟؟ تركي بنظرة حب : لا والله الا جبتي اقصاي ,, بس الاعتراف الثاني اتمنى ان حقيقي الهنوف : اي اعتراف ؟ تركي : انك تبادليني نفس الشعور الهنوف ضحكت بحياء : والله مو نفسه وووبس ياتركي اكثثثثرر بكثييير من كذا تركي يمسك قلبه : ياااعيون ترركي والله ابتسمت الهنوف وجلسو يكملون عشاهم عشان يرجعون البيت .. .... ... الليل الساعة 1 في بيت عبدالعزيز ورهف رهف منسدحه على السرير تحاول تنام وحاطه سرير محمد جنبها ومنومته عليه وتفكر في عبدالعزيز اللي من طلع الصبح مارجع متوتره شوي بس تحاول تخفي توترها ,, وتقنع نفسها انه مع العيال قطع تفكيرها صوت الباب وهو ينفتح غمضت عيونها وسمعت صوت عبدالعزيز اللي داخل ووشافته منزل يده لرجله اليمنى ويمشي بألم بس سوت نفسها نايمه جاء عبدالعزيز انسدح بتعب على الكنب ونام على طووول . . . . الصباح الساعه 7 رهف قامت الصباح بنشاط وشافت عبدالعزيز لسى نايم وكان باين على وجهه تعب تذكرت امس كيف جاء وهو ماسك رجله قربت له وشافت رجله اللي من اسبوع شايل الدعامات عنها كان فيها كدمات بسيطة تركته وطلعت برا لأنها عازمه تركي والهنوف على الغداء اتصلت على تركي تركي : هلا والله بحلوتي رهف : هلا ترووك شخباارك تركي : تماااام رهف : ها مافي تغيير على الخطه ؟ تركي : لا لا الامور مستتبه رهف : طيب اتصلت عليك عشان اشوف وش مشتهي تركي : اوووه بتطبخين لي يعني ؟ رهف : هههههههههه طبعآ اذا ماطبخت لك اطبخ لميين ياعيني تركي ضحك : اممممم ابي مكرونه بشاميل والباقي عاد على ذوقك رهف : شفيكم انتم على مكرونتي تركي : مشتهيها والله من يوم كنتو بأستراليا رهف : عاد تصدق كويس لان الهنوف بعد مشتهيتها تركي : الهنوف ماراح تجي رهف شهقت : كذاااب تركي : والله تقول ان امها اتصلت عليها بتروح معها مشوار ,, غريبة ماقالت لك ؟ رهف : شفت منها مكالمتين بس توقعت انها بتتشرط بصراحه وسفهتها تركي : هههههههههههههههههههههه رهف : وخر طيب بروح اشوف اذا اغراض الطبخه كاملة ولا لا تركي : طييب ولو سمحتي كثري بجيك وانا مافطرت رهف : ههههههههههه من عيووني تركي : تسلم لي عيوونك سكرت من تركي وجلست تحوس بالمطبخ وكانت بعض الاشياء ناقصة سجلت بالملاحظات الاشياء اللي ناقصه واتصلت على سواق اهلها ومارد عليها رهف تتحلطم : سبحان الله اذا بغييته مالقيته عبدالعزيز من وراها بصوته الضخم : من هو ؟ رهف ارتاعت : السواق عبدالعزيز : وش تبين به ؟ رهف : ابيه يجيب لي اغراض عبدالعزيز : كان قومتيني وانا اجيب لك مايحتاج تكلمين السواق رهف : لا فاضي هو ليه اصحيك عبدالعزيز : من السوبرماركت ؟ رهف : ايه عبدالعزيز : تجهزي بنطلع عشان تاخذين كل اللي ناقصك طلع بسرعة من المطبخ ماعطاها فرصة ترد ورهف راحت فوق تلبس عبايتها لما لبستها جت تبي تشيل حمودي عبدالعزيز : خلي حمودي عند ميشيل رهف : لا والله عبدالعزيز : ليه ؟ رهف : اخاف عليه عبدالعزيز ابتسم : لاتخافين ماراح نطول ,, ماودي ناخذه ويتعبنا رهف مارتاحت بس سكتت عبدالعزيز : وللمعلومية ترى ميشيل كانت خدامة اهلي رهف رفعت حاجبها : مو انت تقول قدمت ! عبدالعزيز : قدمت بس عطيتهم الجديده يفهمونها قبل مااجيبها هنا رهف : طيب يمكن هم يبونها عبدالعزيز : لا امي عندها ثنتين عادي .. بتجلس عندهم فترة تدريب لين تعلمها الخدامة اللي عند اهلي كل شي وترجع رهف سكتت عبدالعزيز : يعني بالمختصر لا تخافين رهف : اوكي عبدالعزيز : يالله تعالي ننزل رهف : طيب رح وانا بنبهها على محمد واجي عبدالعزيز ضحك : تمام . . . بعد ربع ساعة رهف جت ركبت السيارة وهي فيها ضحكة عبدالعزيز : وش فييك رهف : بغت تاكلني بسم الله عبدالعزيز : تراها تخوف شوي ههههههههههههههه رهف شهقت وهي تفتح الباب : وانت تبينا نخلي محمد عندها عبدالعزيز مسكها : لااا والله ما اقصد تخوف تخوف بس يعني تحس انها فاهمه كل شي وانها فرد من افراد العايلة عشان كذا يعني تهاوش اللي يتفلسف عليها رهف : ايييه اشوا عبدالعزيز ضحك : خوووافه والله رهف : طبعآ .. ماجبت محمد من الشارع انا عبدالعزيز ابتسم وسكت .... بعد 10 دقايق كانو توهم يوصلون للسوبر ماركت ومشو جنب بعض رهف دخلت السوبر ماركت وعبدالعزيز وقف عند الصرافه خلصت بوقت قياسي لان الاغراض اللي تبيها مو كثيرة بس تذكرت انها تبي تاخذ ايسكريم وراحت لآخر السوبرماركت وبالصدفة شافت عبدالعزيز وقدامه وحدة يتكلمون وفجأه ضحك.. تغير وجهها بثانية استغربت مين هذي ! و لفت بسرعة عشان ماينتبه لها وراحت للكاشير وحاسبت سمعت صوت عبدالعزيز اللي كان ورااها : ليه ماقلتي لي انك خلصتي ؟ رهف بدون اهتمام : خلصت وحاسبت عبدالعزيز سكت وهو يحاول مايرفع صوته رهف ماهتمت ولا انتبهت لعصبيته ابد شالت الاغراض وعقلها مشغول بشكله مع البنت ! لما مشت قدامه وهو وراها بالمواقف اللي كان مافيها الا سيارتين وسيارة عبدالعزيز بحكم ان الوقت الصباح بدري فجأه رهف حست بأحد يسحب يدها بقوه ولفت بخوف وصدمه وبعصبية : نعم ! عبدالعزيز وعيونه تشتعل غضب : ماتمشين قدامي ولا كأني موجود هذا رقم واحد ورقم اثنين ماتحاسبين وانا معك ,, كمم مرة اقولك اذا تحتاجين شي قولي لي اعطيك رهف بعصبية : مو على كيفك عبدالعزيز ضغط على يدها وهو يقرب لها اكثر : وش اللي مو على كيفي رهف ارتبكت من قربه وبمحاولة تجمييع لنفسها وعصبيتها : احاسب ولا ارمي الاغراض ولا اطلع بدون ماحاسب هذا شي مالك دخل فيه الاغراض اغراضي عبدالعزيز جته ضحكه لانها ترتجف وكلامها ملخبط بس للان شكله معصب وهذا اللي مروع رهف عبدالعزيز بحدة : لاترفعين ضغطي رهف مليون مرة اقولك انا اعطيك رهف : مابيي منك شي عبدالعزيز : غصب عنك رهف باستهزاء : رح اصرف على اللي جالس تتضحك انت وياها قبل شوي عبدالعزيز ماقدر يقاوم اكثر وانفجر ضحك : ههههههههههههههههههههههههه ههههههههههههههههههههه ورهف ارتفع ضغطها عبدالعزيز : والله والله والله تسألني عن فرع السوبرماركت الثاني رهف حطت يدها على خصرها : لا والله ! وخلصو اللي يشتغلون مالقت الا تسأل عبدالعزيز بن محمد عبدالعزيز ابتسم : ايه لان زوجته تاركته ورايحة تتسوق لحالها رهف لفت عنه بعصبية وركبت السيارة عبدالعزيز كان قلبه يدق بشكل غريب ركب وهو كاتم ضحكته يحس لو ضحك بترميه من السيارة لما طلعو من المواقف لبس نظارته وشغل الراديو ورهف مازالت متنرفزه واكثر شي استفزها انه مارجع يتكلم بس كانت تشوفه من على جنب وهو مبتسم .. نزلت راسها لجوالها وكانت السيارة هدوء مافيها الاصوت الراديو اللي يصدح بأغنية اثنينهم مو سامعينها كان صوت قلوبهم اعلى اعلى بكثير من صوت الراديو ..! .. .... .. في الشقة المؤقته لوجدان وسيف كانت وجدان توها صاحية وتفطر طلع سيف بلبس الدوام وكان معه لوحة صغيرة ابتسم يوم شافها : صبااح الخيير وجدان رفعت راسها : صباح النوور والسرور سيف : الحمدلله انك صحيتي وجدان بابتسامة استغراب : لييش ؟ سيف لف اللوحة عليها : شراييك تسوى الانتظار ؟ وجدان انبهرت : وااااو مررررة تجنن نسسخة من عمي خالد ,, انت راسمها ؟؟ سيف ضحك : اييه انا وجدان : والله تجننن مرة بس وش المناسبة سيف : والله هو طالب مني من زمااان يقول ابيها هدية زواجي .. بس وقتها الله لا يعيد الشر وجدان بحزن : الحمدللله ايام وعدت ( وضحكت بمرح ) : اجل ترسسم عمي خالد وانا لاا ؟؟ سيف ابتسم بحب : من جدك انتي ؟ وجدان : اييش؟ سيف ضحك وهو يسحب الكرسي اللي جنبها ويجلس : تدريين اني بطلت ارسم من ايام تخرج ريناد من الثانوي وجدان باهتمام : ايوه ؟ سيف : الا انتي وجدان : كيف الا انا ؟ سيف : كنت كل سنة اتخيل كيف صار شكلك اللحين وارسمك واجلس اتأملك وجدان تلخبطت مشااعرها بقوووة سيف كمل بابتسامة : والرسمات كلها موجودة عندي عشر سنوات وانا كل سنة ارسمك بشكل اكبر وجدان وعيونها تدمع : صاادق سييف ؟؟ سيف : اي والله صادق وبملف خااص وجدان : تكفى ابييي اشوفها سيف ضحك : ابشري اذا رجعت من الدوام بمر بيت اهلي واجيبه وجدان ضمته : ياخي انت اييش اييش ؟؟؟ سيف ضرب كتفها بخفيف : ياخي بعينك وجدان وهي ضامته للحين : هههههههههههههههههههه لأنك لخمتني بكلامك مو عارفه وش اقووول سيف ابعدها : يالله بس لا تأخريني عن دوامي وجدان ضحكت : اوكي بالتوفييق ياروحي وقلبي انت طلع سيف ورجعت وجدان تكمل فطورها وهي مبسوووطة .. .... .. الساعة 2 الظهر رهف بالمطبخ سوت صينتين بشاميل وسلطة لما خلصت قالت للشغالة تسوي القهوة وتوديها المجلس لان تركي بيوصل وراحت فوق شافت عبدالعزيز بالغرفة منسدح على السرير ويلعب مع محمد كانت تسمع صوت ضحكهم قبل ماتدخل الغرفة جاء ببالها موقف السوبر ماركت وتنرفزت لأن ولا همه ! ولما شافها عبدالعزيز سمعت صوته وهو يقول لمحمد : جت جت جت ماما تبي تاكلنااا ومحمد يضحك ويردد كلمة بابا اللي ماكانت واضحه رهف بدون ماتشوفه : ترى تركي بيوصل بعد شوي عبدالعزيز قام : زين بنزل له رهف بجمود : خذ محمد معك عبدالعزيز وهو ضاغط على اسنانه وبأبتسامة خفيفه : ترى وصخ نفسه قبل شوي رهف انقهرت لان توها مروشته : خلاص انزل انا بجيبه عبدالعزيز : طيب رهف دخلت وتروشت بسرعة ودخلت حمودي وغسلته ولبست هي وياه بظرف نصف ساعة كانو كلهم تحت رجعت تشوف المطبخ كان نظيف والشغالة حطت المكرونه بالسخان وحطت كل شي على طاولة الطعام لما تطمنت راحت الصالة اول مادخلت قام تركي : هلااا والله بحبيبه اخوها ضمته رهف : هلا فيييك اشتقت لك تروكي تركي يبوس خدها : والله انا اكثر عبدالعزيز كان رافع حاجب : ورا ماتطردوني بعد ؟ تركي : ياربيه وش فيه زوجك حساس رهف ضحكت وجت جلست جنب تركي وكان عبدالعزيز قدامهم تركي فسخ الشماغ : معليش صدع راسي من الشماغ عبدالعزيز : خذ راحتك لو تبي تجلس بسروال وفنيله مافيه احد غريب ...... كانت رهف تتحاشى النظر لعبدالعزيز لانها مازالت منقهره منه وهو حاس بس ساكت تركي شاف محمد : شف شف ذا كيف يناظرني عبدالعزيز ضحك : شكله ماشافك من زمان تركي : اي والله ماشفته من بدا يفهم الا 3 مرات يمكن رهف تتصنع الزعل : اييه ماكأنك خاله .. ماتعلمت من وعد اللي شوي وتتبناه تركي وهو يبوسه : ههههههههههههههههه يختي وش اسوي والله انشغلت بالبيت وكل شي رهف : طيب سامحتك بس هالمرة تركي وهو يحوس شعرها : غصب غصببب تسامحيني رهف كانت تكرره هالحركه وبضحكه ونرفزة وهي تعدل شعرها : تررريكي وخر يدك عبدالعزيز سحب يد تركي بحركه سريعة : تحط يدك على زوجتي اكسرها لك تركي ضحك : خيير يالنسيب انا اخوها قبل ماتصير زوجها انت رهف ضحكت : شكرآ عبدالعزيز بالعادة مايترك شعري االا لين اصيح عبدالعزيز ابتسم : اقلب الدنيا على راسك ان نزلت دمعه من عيونها تركي : يا ليتني جايب الهنوف تدافع عني عبدالعزيز : حتى هي ماراح توقف بينك وبين السكين تركي وهو يقوم باستهبال : انا استأذن مالي قعده عندكم رهف : هههههههههههههههههههه اقول اقعد بس يادراما تركي جلس وهو يضحك : عشان طبخاتك الحلوة مو عشانك رهف ضحكت عبدالعزيز ماكان يدري انها تعرف تطبخ .. بس سكت مايبي تركي يشك بشي . . . بعد نصف ساعة على طاولة الطعام اول مافتحت رهف السخان عبدالعزيز بفرحه : بشاااااميل رهف ضحكت على شكله : ايييه عبدالعزيز اخذ صحن وغرف له : تدرين اني اموووت فيها رهف شافت نظرات تركي المستغربه وبسرعة : ادري عشان كذا سويتها عبدالعزيز بدون استيعاب : شدراااك ؟ رهف ودها تجلد عبدالعزيز وبضحكه مصطنعه : تستهبل انت ؟؟ كل يومين باستراليا نسويها عبدالعزيز استوعب وجود تركي وضحك : بس والله متأكد اللي في الرياض غير رهف ضحكت وبكذب : ايييه هناك تحسها بلاستيك عبدالعزيز رافع حاجبه وهو يضحك على كذبها المحبوك تركي : لا والله مو بلاستيك بس شكلك كنتي تسوينها بدون نفس رهف : لااا حرام عليك والله تركي : حامل اكيد ماراح تسوينها بنفس عبدالعزيز ضحك ورهف ابتسمت وكملو اكل وهم ساكتين .. .... .. الساعة 8 العشاء طلع سيف من الدوام وراح بيت اهله عشان ياخذ الملف اول ماطلع من بيت اهله رن جواله وكانت وجدان ورد عليها وجدان بسرعة : لا تنسسى تجيب الرسمات سيف : هههههههههههههههههه طيب مافيه الو حبيبي اشتقت لك وجدان ضحكت : الا اشتقت لك مررة بعد سيف : ياكذابة وجدان : والله العظيم .. بس تعرف حماسي عاد سيف : توني طالع من بيت اهلي انتظرريني وجدان : اوووكي قفلت منه وراحت تطلب عشاء . . . بعد ربع ساعة وصل سيف وفتحت له وجدان الباب بسرعة سيف : ههههههههههههههههه ياربي وش هالحماس وجدان : بمووت بمووت من الحماس سيف : اول شي ابي اتعشى وجدان : توني طالبة بس ماوصل للحين سيف : اوكي ببدل واجي اوريك وجدان : تمااام دخل سيف وبدل ملابسه وطلع وفتح الملف وجلس يوري وجدان وجدان وهي خانقتها العبرة : يمممه سيف والله تشبه لي سيف ضحك : اييه بس الفرق الوحيد ان شعرك طويل وجدان بضحكة مخلوطة بدموع : اييه صح ليش شعري قصير في كل الرسمات ؟؟ سيف : لأنك دايم تبكين تبين شعر طويل توقعت خلاص للأبد شعرك قصير حتى مافكرت اتخيل انه طويل وجدان : هههههههههههههههههههههه لا خلاص يوم صار الامر في يدي طولته سيف جلس يمسك شعرها : اللحين فهمت ليش خالتي كانت تخليك تقصينه وجدان : لييش؟ سيف بابتسامة : عشان محد يشوفه وهو طويل الا انا وجدان ضحكت وقعدو يتناقشون اكثر بالرسمة والاشياء البسيطة الفارقه عن الحقيقة - الاثنين في بيت ابو ماجد بغرفة ريناد كانت منسدحه تشوف جوالها تحس براحه نفسية بعد ماغيرت المحيط اللي حولها كل صديقاتها تركتهم .. وبدت تكون علاقات جديده كانت حابه نفسها وحابه شخصيتها الجديدة وحابه علاقتها مع بنات خوالها اللي كانت حارمه نفسها من المتعه معهم صارت تنبسط بجمعاتهم مررررة .. وسبت نفسها لانها كانت بذيك العقلية وصارت تتفشل مرررة اذا شافت رهف او عبدالعزيز شوهت سمعتها بيدها .. ماتقدر تلووم رهف ابدآ على التجاهل اللي صادر منها .. زين منها سوت هالشي بس وماتقدر تلوم عبدالعزيز اللي كرهه واضح حتى في رد السلام صارت تتصدد عن سيف بس هو يجي غرفتها ويحاول يحسسها ان مافيه شي حتى خواتها كانت بعيده عنهم واللحين تحاول ترجع العلاقة بينهم لين قريب وهي اذا دخلت عليهم يسكتون بعدين يستوعبون ويرجعون يتكلمون يعور قلبها هالشي لكن تتذكر سواياها وكيف كانت بعيده عنهم ولا تلومهم تنهدت وهي تسمع صوت الباب ريناد : مييين سعود ينعم صوته : انا سووووسو ضحكت : ادخلي سوسو حبيبتي سعود دخل وهو يضحك : مشت عليك صح ريناد تتحمد : ههههههههههههههههه ياربي بس سعود جلس : عندي لك عرض مغري ريناد : اللي هو ؟ سعود : نروح المول وتشترين كل اللي تبينه وعلى حسابي ريناد : والمقااابل ؟ سعود : سهل المقابل بس ابيك تتقضين لي على ذوقك لأني طفشت من ذوقي ريناد بحماس : الللله موافقة سعود : يالله البسي واطلعي انا بنزل للسيارة ريناد نطت : اووكي طلع سعود من عندها وهو مبتسم ماكان يبي ملابس ولا شي بس يبي يفرحها ويطلعها من المود اللي هي فيه يحس لازم تصير قريبة منه كثر قربه من ريما وريوف .. ... .. الساعة 4 العصر في بيت عبدالعزيز ورهف رهف ومحمد بالغرفة جالسه على الكنب تكلم وعد وهو جنبها كانت ماسكه كوب حليب مليان بيدها وحمودي متحمس يبي يمسك يدها وياخذ اللي فيها سحب طرف الكوب وانكب كله على الكنب وعلى ملابسه وملابس رهف رهف شهقت وشالته بعصبية : مووو وقتك تكبه والله وعد كانت معها على السماعة : وش كب رهف : كب الحليب كله على الكنب وعد : عادي سهله نظفي الكنب رهف بعصبية : وعلى ملابسي وملابسه بعد وعد : ههههههههههههههههههههههه ياحيوانه لا ترفعين صوتك وتروعينه حبيبي هوو رهف : ماعلينا المهم وش كنتي تبين بسرعة ,, بشيل الكنب واغير ملابسي وملابسه وعد : ابي امررك اللحين رهف : اففف طيب وش رايك نأجلها بكرة ؟ وعد : لااااا ماقدر والله بكرة رهف : خلاص بس عطيني نص ساعة وتعالي وعد : طيب رهف دخلت محمد للبانيو وخلته يلعب فيه وطلعت تسحب الكنب عشان تغسله الخدامة وتحطه بالشمس اول ماطلعته حست بآلام قووية في بطنها لدرجة انها جلست على الكنب وهي ماسكه بطنها بقوووه استغربت وش هالالم اول مرة يجيها الم اسفل البطن بعد الولادة دقيقة بس وراح قامت وهي مازالت ماسكه بطنها خايفة يرجع شافت الشغالة قدامها وقالت لها تغسل الكنب وتطلعه والليل ترجعه الغرفة ودخلت الحمام عشان تحمم حمودي وتغير ملابسها ويطلعون مع وعد .. ..... ... في بيت ابوعبدالله الساعة 11 ونص الليل الهنوف وامها بالصالة يتقهوون ويسولفون ودخل عليهم عبدالله عبدالله : هاي ياحلوات ام عبدالله : وعليكم السلام الهنوف : هلا هلا بأخوي الحلو جلس عبدالله ام عبدالله : وش عندك جاي بدري اليوم .. مافيه سهرة عند الشباب ؟ عبدالله بجديه اول مرة يشوفونها بوجهه : لا بس جاي بكلمك بموضوع ام عبدالله نزلت الفنجال : سم الهنوف : اقوم ؟ عبدالله : لا لا اجلسي ام عبدالله : وش فيك ؟ عبدالله : ابي اخطب ام عبدالله بأبتسامه : اخيييرآ طيب وش فيك وجهك كذا رووعتني احسبك بتعلمني عن حالة وفاة عبدالله : ابي نورة بنت عمي ام عبدالله جمد وجهها : نورة نورة ماغيرها ؟ عبدالله : اييه ام عبدالله : لا عبدالله انصفق وجهه : ليه !! الهنوف استغربت : ليه يمه ؟ ام عبدالله بتردد : بتاخذ وحدة مطلقه !! عبدالله : افا يايمه ماتوقعت ان تفكيرك كذا ! ام عبدالله : انت ماعمرك تزوجت ليه تاخذ وحدة مطلقه ! الهنوف : ماما حطي نفسك بمكانها ام عبدالله : ليه احط نفسي مكانها الهنوف : طيب افرضي انا اتطلق محد يجي يخطبني بس عشاني قد تزوجت قبل ! ام عبدالله بعصبية : بسم الله عليك .. لا تقولين هالكلام الهنوف : افررضي افرضي اتطلق ماراح ترضين ان بنتك محد يخطبها بس عشااانها تزوجت من قبل ! عبدالله : صح كلام الهنوف ( وقام من مكانه ) وغير نورة ماراح اخذ وتركهم وراح فوق ام عبدالله سكتت وهي متنرفزه والهنوف قامت بعد عبدالله بدقيقتين كان ودها تكلم احد وتقول له السالفة .. منقهره من امها وتفكيرها جت ببالها وجدان بس وجدان اخت نورة مستحيل تفتح موضوع كذا معها بعدها فكرت في رهف و شافت الساعة وغيرت رايها خافت تضايقها او شي فتحت اللاب توب وجلست تدور فلم تشوفه عشان تنسى .. .... .. اما في بيت عبدالعزيز ورهف لما رجعت رهف من مشوارها مع وعد اللي من العصر نامت على طول من التعب كانت على السرير مثل ماتعودت هي على السرير وعبدالعزيز على الكنب كانت رهف ماتنام والانوار كلها مطفيه .. لازم شي مفتوح وكان مشغله لمبه منوره الغرفة كلها بس نور خفيييف دخل عبدالعزيز توه يرجع من استراحة الشباب اللي كانو مسوين له احتفال بسيط بمناسبة ان رجله تشافت تمامآ شاف مكان الكنب وماكان فيه شي ! عقد حواجبه باستغراب ولف على السرير وكانت رهف نايمه فيه وقف مكانه شوي بتردد بس بعدين مشى وشال المفرش على شوي شوي وجلس شال ساعته والنظارة اللي كانت بجيبه وحطها على الطاولة وانسدح بتعب كانت رهف قريبة منه ونايييمه نومه عمييقه يشوف ملامحها واضحة ملامحها اللي تعتبر فاتنة جدآ جدآ بالنسبة له يحب انفها يحب شفايفها يحب عيونها يحب حواجبها الكثيفة يحبها كلها .. يموت فيها .. قرب يده من وجهها ومرر ابهامه على شفايفها الناعمه بهدووووء يحس الحياة كلها مافيه الا انثى وحدة .. وهي رهف حبيبته ..! لف عنها و نام بسرعة بدون مايفكر كثير - يوم الاربعاء فيه عزيمة كبيرة في بيت ابومحمد الساعة 3 العصر وجدان جالسة تدور بالمواقع على لبس لعيد الاضحى رن جوالها وكانت رهف وجدان ردت : هلااا رهف رهف : هلا ألبي .. شخبارك ؟؟ وجدان : تمااام شخبارك انتي ؟ رهف : والله الحمدلله وجدان : كيف حمودي رهف : يووه تكفين لاتجيبين طاريه وجدان : ليييه رهف : من يوم صار يعرف يمسك الاشياء وانا شايله همه اي شي بالحياة ياخذه ويحوووس علي كل شي وجدان : ههههههههههههه ياحلووه احلى عمر والله رهف : لا والله قبل مااشيل هم اذا شربت شي حار .. اللحين حتى القهوه مااشربها الا وهو نايم وجدان : لهالدرجة ؟؟ هههههههههههههههههه ,, بس والله اخر مرة جيتو انجلطت يوم بغى يرمي جوالي رهف : تستاهلييين قايله لك لا تعطينه وجدان : والله وجهه بريء يحسسني انه مستحيل يسوي شي رهف سمعت صياح حمودي : افففف قام وجدان : حس انك تكلميني رهف : اخلصي وش تبين بروح له وجدان : تستهبلين ؟؟ انتي اللي مكلمتني رهف : هههههههههههههههههه اي صح والله ماخلى فيني عقل حمودي وجدان : روحي له وانا بتصل عليك بعد شوي رهف : ليه وجدان : اتصل علي سيف شوي بس رهف ضحكت : تنسيينا كلنا اذا كلمك وجدان : لااا والله ههههههههههه بس اني قايله له يجيب لي شي وشكله مالقاه رهف : طيب ياقلبي يالله مع السلامه وجدان : مع السلامه سكرت منها وراحت لمحمد اللي تشوف راسه يطل من السرير ويصيح شالت شعره عن وجهه وربطته وسكت .. ضحكت ونزلته وجابته جنبها عالكنب بعد 5 دقايق دخل عبدالعزيز وسلم ردت رهف السلام بدون ماترفع راسها رفعت عينها وهي تشوفه يحوس بالدولاب يطلع شنطته .. استغربت بس حاولت تتجاهل الموضوع اقل من 10 دقايق وطلع وهو يسحب الشنطة رهف ماقدرت تقاوم اكثر : وين ؟ عبدالعزيز رفع راسه : سفره 3 ايام وراجع ,, جهزي شنطتك بوديك لأهلك رهف تنرفزت : صااير شي ؟ عبدالعزيز : مشكلة بالشركة اللي في دبي ولازم اروح احلها رهف : عبدالعزيز وجهك مخطوف لونه وش اللي مشكلة بشركة ؟ عبدالعزيز ابتسم : والله مشكلة ولازم اروووح اليوم ضروري رهف سكتت بعدها بشوي : متى رحلتك عبدالعزيز : بعد ساعتين تجهزو اللحين عشان اوديكم لأهلك واروح المطار رهف : لا خلاص روح انا بروح مع السواق عبدالعزيز : لا انا بوديك رهف : لا خلاص لان توني ماجهزت شي ومحمد لازم احممه وبجهز لبس العزيمه عبدالعزيز طق راسه : صح فيه عزيمه رهف : ايه عبدالعزيز طلع البطاقة اللي في محفظته ومدها لرهف : برسلك الرقم واتس اب استخدميها اذا جيتي تشترين رهف ماخذتها عبدالعزيز وهو للحين مادها : اخذيها رهف : لا معي عبدالعزيز بصوت عالي : لا تعصبييني يارهف رهف : خلاص خلها معك عبدالعزيز حطها على اللاب توب ودخل الحمام رهف جلست وهي متوتره تحس فيه شي مو بس شغل ! او يمكن هي صايرة تشيل همه بزياده ! قطع تفكيرها صوته : ماودك تسلمين علي ؟ رهف استوعبت : وش اسلم عليك مو 3 ايام وتجي ؟؟ عبدالعزيز نزل لها وباس راسها بقوه وبصوت واطي : انتبهي لنفسك وانتبهي لحمودي وكل ما اتصل عليك ردي رهف انكتمت من قربه وسكتت عبدالعزيز ابعد شوي : طيب ؟ رهف هزت راسها عبدالعزيز : استودعتكم الله وطلع وطلع قلب رهف معه حست كأنه شال روحها كلها واخذها معه ... اشتاقت له بنفس الدقيقة اللي طلع فيها بهاللحظة تذكرت انها ماشافت عبدالعزيز من الصبح من اخر موقف محرج حصل لهم ورجعت تتفشل من جديد وحمدت ربها انه راح ’. يوم صحت الساعة 4 الفجر عشان تصلي الفجر فتحت عيونها بتعب لانها مانامت كثير وشافت عبدالعزيز قدامها وصرخت عبدالعزيز فز من مكانه وبصوت قوي : شفييييك ؟ رهف : وش جاااابك ؟ عبدالعزيز : انتي اللي وش جابك ؟؟؟ سكتو شوي وبدون سابق انذار جلسو يضحكون كانت اشكالهم غريبة وهم مقابلين بعض ويضحكون بهستيريه محد منهم يدري ليه يضحك ..! عبدالعزيز بعد دقيقتين مستمره ضحك قعد يكح : مو من جدك بتنوميني على الارض ولا بسرير حمودي يعني ؟ رهف : اسفه قلت لميشيل تغسل الكنب وتحطه بالشمس وشكلها مارجعته للحين عبدالعزيز اخذ نفس عميق وجاء بيقوم رهف : كمل نومك صحيت انا خلاص عبدالعزيز : لا كملي نومك انا وراي شغل بطلع بدري رهف قامت تصلي ورجعت تنسدح ونامت بسرعة وماقامت الا الظهر ’. غطت وجهها بفشيله وسرت بجسمها رعشه وهي تتخيل كيف عبدالعزيز كان نايم معها بنفس السرير .. .... ... الساعة 8 وقت القهوة في الصالة الكبيرة اللي جامعة كل المعازيم كان ازعاج وسواليف والبنات كانو كلهم جنب بعض الهنوف اللي كانت جنبها رهف : تراني للان حاقده علييك رهف شهقت : ليييه ! الهنوف : يوم ماجيت بيتك قررتي تسوين بشاميل رهف ضحكت : والله حرام عليك مسويتها عشانك بس ماجيتيي الهنوف : والله يختي امي اتصلت علي تبيني اروح معها لخالتي وماقدرت ارفض رهف : ابشري بعوووضك والله مشاعل نطت بينهم : وانا ابييي رهف : ابشرو كلكم بسوي لكم لطيفة اللي توها جايه : وش بتسوين لهم رهف : مكرونة لطيفة : الله متى رهف : لو تبون بكرة ابشرو لطيفة : قداااام تجون تسهرون عندي رهف : لا تعالو عندي تكفون مشاعل : عشان يجلدنا عزيزوه لطيفة : اي من جد فكينا رهف : عزيز مو بالرياض يعني مالكم عذر اتفقو البنات انهم ينامون عند رهف - يوم الخميس في بيت عبدالعزيز ورهف كانت الساعة 3 الفجر وكانو سهرانين البنات بالحديقة اللي برا كان الجو لطيف مررة و كلهم اول مرة يدخلون بيت عبدالعزيز لطيفة وهي منسدحه على العشب : خلاص كل اسبوع السهره عند رهف رهف شهقت : لا تصدقوووون عااد وعد : الا والله انا حبيت الوضع هنا رهف باستهبال : يا ليتني ماعزمتكم اجل ريوف : لا لا الاسبوع الجاي عند وعد واللي بعده وجدان واللي بعده الهنوف وبعده مشاعل ونشوف وش احلى سهره ونعتمدها مشاعل : زين علمتوني عشان ما احط لكم الا موية رهف : ههههههههههههههههههههه ياربيه ليتك ساكته ريوف الحين جد بتسويها وجدان : لا عاد جد الاسبوع الجاي ابيكم تجوني توني مأثثه البيسمنت كامل مشاعل : يعني الوضع رقص وهزهزه وجدان ضحكت : ايووووه بالضبط مشاعل : حلووو حلووووو ريوف : اقول بنات شريتو للعيد ؟ مشاعل : وش عيده ريوف : الاضحى مشاعل : يووه تكفين لا تذكريني ريوف : ياربيه اللحين مشاعل بتبدا تتكلم عن المزرعة وجدان : ايييه هههههههههههههههههههههه مشاعل : كم باقي له ؟ وجدان : كم اسبوع مو كثير مشاعل : يالله زين ان الدوامات تبدا بعده على طول ريما : سكتوها قبل ما اطب ببطنها تكفون مشاعل : يوووه ذكرت ان معنا بزران غدي : بزراان بعيينك مشاعل : بزرانين بعد مو وحدة ريوف : العمر بالعقل ياعزيزتي وجدان : اذا بالعقل كدينا خير مشاعل : ههههههههههههههه الله ياخذكم لطيفة : ريوف وين ريناد ليش ماجت ؟؟ ريوف : تقول فيها النوم رهف عصبت شوي من الطاري بس ماتقدر تتكلم او تقول شي هي عارفه ان ريناد مستحيل تدخل بيتها .. وهي اساسآ ماتبيها وممكن ماتمسك نفسها وتتكلم لو صار كذا بهاللحظة رن جوال الهنوف الهنوف وهي تشوف الرقم : هيووووفي ياعمري كنها حاسه ردت عليها : هيوف بكلمك فيديو اصبرري هيفاء : لي... الهنوف قطعته بوجهها واتصلت فيديو : والله بتلعني هيفاء ردت بعصبية : ياحيوانه ليه تسكرين بوجهي الهنوف صورت البنات هيفاء خنقتها العبره : متجمعين بدوني مشاعل : هيووووف اشتتتقت لك هيفاء : والله انا اكثرر ابيكم خلااص وجدان : لييه ماجيتو هالاسبوع هيفاء : تعبت والله والدكتورة تقول لا تسافرين بالطيارة وكذا مشاعل : دخلتي الخامس ؟ هيفاء : اتوقع ايه ريما : تعالي تكفين الاسبوع الجاي قسم بالله لك فقده الهنوف : مرررة لدرجة جدتي امس قعدت تصيح يوم درت انك ماراح تجين هيفاء غطت وجهها وقعدت تصيح والبنات يهاوشون الهنوف بصوت واطي الهنوف : امزح قعدت تضحك مبسوطة انك ماراح تجين ماتو ضحك البنات وهيفاء جلست تضحك بين دموعها وشوي رجعت تصيح : اشتقت لكم خلاص ( وشوي ركزت ) : وين سهرانين فيه ؟ رهف : عندي الهنوف لفت الكاميرا على رهف ورهف تأشر بيدها : هاي هيوووفي هيفاء : ماشاءااللله شافووو بيتك قبل ماشووفه رهف : تعالي انتي وابشري بعزيمه لك لحالك هيفاء : افف اتوقع ماراح تشوفوني الا لين اولد مشاعل شهقت : لاااا والله اذا ماراح تجين الاسبوع الجاي نجيك احنا هيفاء : لا لا امزح بجيكم بالعيد ان شاءالله مشاعل : ياذا العيد هيفاء : خلاص مابقى عليه الا اسبوعين رهف شهقت : كذاابه هيفاء : والله خلاص تقريبآ رهف : وانا اتمطط للان مابعد شريت لي ولمحمد ملابس احسب باقي شهر وزيادة هيفاء : وبعده تبدا دوامات البزران ريما : وعععع خلاص وش فيك انتي واختك يبي لكم جلد رهف : انا والله اللي ودي اجلدكم مشاعل : صح رهف انتي باقي لك ترم رهف بحزن : اييييه هيفاء : ياحبيبتي والله .. عاد خلاص ماراح اتكلم عن الدوام عشانك الهنوف : عشانها زوجة اخوك يعني هههههههههههههههه هيفاء : اييه حنا حمولة اللكل يتمنانا .. ولا وش رايك رهف رهف : ههههههههههههههههه اييه انا اشهد هيفاء : الا صح بتدرسين الترم الجاي ؟ رهف : لا بعتذر الهنوف : امااا ليه ! رهف : حمودي توه صغير ماودي انشغل عنه بالدراسة مشاعل : بس احس صعب تأجلين سنه او اكثر رهف : لا هالترم بس خل يكبر شوووي وان شاءالله بخلص اخر ترم على خير اللكل : ان شاااءالله كملو سهرتهم وسواليف ليين داخو ونامو بالمجلس اللي داخل اللي كانت الشغاله فارشه لهم كلهم فيه ورهف نامت معهم هي وحمودي - بعد يومين السبت في بيت الجده مجتمعين العايلة كلهم عندها وعد اللي كانت توها داخله على البنات سلمت عليهم وجلست وعد وهي تلهث : ماجت رهف للحين مشاعل : لاا تعبت وانا اكلمها وهي تقول شوي لطيفة : عاد بتقعد سنه والله وجدان : لا لو سمحتي سنتين .. سنه هي تتحمم وسنه تحمم حمودي وعد : ههههههههههههههههههههههههه ه دخلت عليهم رهف بهاللحظة والهنوف اللي كانت قريبه من الباب نطت واخذت حمودي منها رهف : وش تضحكون عليه وجدان : يضحكون عليك وانا اقول لهم حرام عليكم مشاعل شهقت : حيييوانه والله انها كذابه لطيفة : انا اللي اقول حرام عليكم وجدان : اسكتي انتي الثانية رهف جلست : والله مايندرى عنكم لكن انا خلاص بعتزل حياة الامومه وعد : لييه بعد رهف : تعبببني حمودي اقسم بالله تعبببت منه ريوف : ليييه وش فيه رهف : يتحرك واجد الله يهديه .. مدري اذا مشى وش بيسوي اتوقع بيطلع لي قرون لطيفة سحبته من حضن الهنوف اللي كانت تحاول تضحّكه : تعال ياحبيب عمه انت حمودي كان ينطط بحضنها ويضحك لطيفة : تكفيين رهف خليه ينام عندي اليوم رهف بتعب : خذيييه وعد شهقت : ياكلببه وانا اترجاك من شهرين انه ينام عندي رهف : خذيه انتي بعد وجدان : مسكيينه لعب بنفسيتها ههههههههههههههههههههههههه ريوف : واضضح مرررة بهاللحظة رن جوال رهف .. والبنات استمرو بالسواليف لما شافت رقم عبدالعزيز قامت عنهم وطلعت وكان قدامها الحوش على طول وهي توها بترد شافت زول عبدالعزيز قدامها كان لابس شورت رمادي وتيشيرت اسود وشعره طايح على وجهه وكان ذقنه مو محلق .. كانت رهف تحب شكله كذا .. يزيد وسامه وجاذبيه .. كان ماسك جواله وهي ماسكه جوالها عبدالعزيز ابتسم : كنت ابي اسمع صوتك وربي رزقني بشوفتك رهف انحرررجت مرررة من كلامه قرب لها ومد يده ومدت يدها وبسرعة البرق سحبها لحضنه وهمس بأذنها : اشتقت لك رهف حاولت تدفه بشويش وبصوت واطي : عبدالعزيز احنا بالحوش ترى عبدالعزيز : كيييفي حلالي بهاللحظة انفتح باب الملحق ودفته رهف بسرررعة جت مشاعل وهي كاتمه الضحكه وسلمت عليه : هلا عزيييز تو مانورت الرياض عبدالعزيز : هلا فييك النور نورك ياقلبي مشاعل ماقدرت تمسك لسانها : ماشاءالله غراميات بنص الرياض وبنص بيت جدتي عبدالعزيز : وخري بس لا بالجوال على راسك مشاعل : هههههههههههههههههه طيب طيب خلاص بس روحو بيتكم يرحم امكم ترى فيه مراهقين بالبيت ماله داعي يشووفون هالاشياء عبدالعزيز قرب لها وانحاشت مشاعل داخل وهي تضحك رهف كانت مستحيييه مرة واللي زاد حياها ان مشاعل شافتهم عبدالعزيز رجع لف على رهف وبلطف : ايوه ما اشتقتي لي ؟ رهف سكتت وبهاللحظة سمعو صوت حمودي يبكي عبدالعزيز : ياعيييين امي وابوي انااا تكفين جيبيه ميت من الشوق له رهف ابتسمت : طيب رجعت رهف للملحق وفتحت الباب وكانت لطيفة قدام وجهها وهي شايله محمد لطيفة : تووووني بجيبه لك وانتبهت لطيفة لعبدالعزيز وطلعت تسلم عليه : اشتقنااااا ياحلو عبدالعزيز : والله انا مشتااق اكثر لطيفة : لنا ولا لرهف ولا لحمودي .. حدد لو سمحت عبدالعزيز : زوجتي طبعآ لطيفة : والله قليل ادب وحمار عبدالعزيز : ههههههههههههههههههههههههه هههه لطيفة رمت محمد عليه ورجعت داخل وهي تمثل الزعل رهف : حرام عليك ليه تقول كذا عبدالعزيز : يعني اكذب ؟ رهف انحرجت وسكتت وعبدالعزيز انشغل بمحمد وهو يبوسه ويعضض خدوده بعد ماخلص قرب لرهف : تجهزي رهف : وين ؟؟ عبدالعزيز : بيتنا رهف : لييش ؟؟ عبدالعزيز : مفاجأه رهف : طيب دقيقة بجيب جزمة حمودي وعبايتي عبدالعزيز : لا لا خليه لا يجي رهف رفعت حاجبها : وين اخليه عبدالعزيز : عند لطيفة او وعد او اي احد عادي رهف تذكرت انها مصرفته من الاساس وجلست تضحك عبدالعزيز : وش فيك رهف : ولا شي عبدالعزيز : لا والله وش يضحك ؟ رهف : توني كنت قايلة للبنات ياخذونه ابي انام زين الليلة عبدالعزيز غمز لها : شكلك كنتي حاسه اني بجي رهف وجهها قلب احمر : لا والله كنت ابي انام ببيت اهلي عبدالعزيز مااات ضحك وهو يرفع شعره ورهف انحرجت من صوت ضحكته العالي وقرب لها وقبص خدودها : اححححب برائتك اقسم بالله ( وابتسم ) : عاد بروح اللحين اسلم على العيال لأن لو جلست هنا شوي والله ماعاد اتركك رهف لفت عنه ودخلت الملحق وهي تحس وجهها الواان ويطلع بخاار من الحيااااء راح وفجأه رجع لها بهالجراءه .. واللي صادمها اكثر واكثر انها هي ساكتة لها وكأن عاجبها الوضع هي فعلا عاجبها الوضع .. بس اللي مستغربه منه وشلون سكتت له وماقاومت ! اعترفت لنفسها انها ميته من الشوق له .. بس كانت خايفة شوي من المفاجأه حقته ومن يوم دخلت والبنات يضضحكون ويذبون عليها هي وعزيز وجت مشاعل وجلست تضحك معهم وهي تضحك بعدين تمسك جوالها تسوي نفسها مااهتمت بكلامهم وهم مستمرييين ولا عليهم . . . بعد نص ساعة بالسيارة كانت رهف مع عبدالعزيز ثاني مرة تقريبآ تركب معه لحالها بدون محمد بس اول مرة بتجلس معه ببيتهم بدون وجود محمد .. وهالشي كان موترها 5 دقايق ووصلو البيت نزلت رهف وهي متوتره و دخلو كانت الصالة اضائتها خافته قربت وشافت على الطاولة كيكة مكتوب عليها اسمها واسم عبدالعزيز لفت عليه وهي مو فاهمه عبدالعزيز : انا بحسب عمري من اللحظة اللي فز قلبي فيها لك رهف جتها رجفه بسيطة عبدالعزيز : احبك والله احبك رهف سكتت وهي منحرجه عبدالعزيز : احب شكلك وشعرك مو مرتب واحب شكلك وشعرك مرتب واحب ابتسامتك لما تلفين وجهك عني واحب كيف تكتمين ضحكتك اللي اشوفها بقلبي قبل عيوني .. حتى شكل شفايفك اذا زميتيها وقت الحماس وانتي تشوفين جوالك احبها احب رجفة يدينك اذا عصبتي وحتى عقدة حواجبك . احب فرحتك اللي تحاولين تخفينها اذا جبت لك اكل انا عارف انك تحبينه احب شكلك وانتي تلعبين مع محمد واحب شكلك اذا عصبتي منه وحاولتي ماتهاوشينه .. احب حبك له .. احب امومتك احب فزاتك الكثيرة من النوم بالليل عشان تطلين على سريره وتشوفين هو نايم ومرتاح ولا لا .. وبعدها تلفين علي .. واحب اني اتعمد كل يوم اشيل البطانية عني عشان تجين وتغطيني .. احب كل يوم وانا نايم ابين بوجهي التعب عشان اذا صحيت اشوف الاهتمام بعيونك .. يكفيني هالشي ما ابيك تسأليني بصريح العبارة لف على رهف وشافها حاطه يدها على وجهها وتبكي جاء وضمها بكل حنان الدنيا اللي بقلبه حست بسعادة وفرحه وراحه وهي بحضنه ماودها يتركها ابد ولأول مررررة ..! تحط يدها على ظهره وتشده لها عبدالعزيز كأن احد كاب على قلبه موية بااردة .. عرف انه لمس قلبها بكلامه ابعدها عنه ونزل تحت وهو مازال ماسك يدها : تقبلين فيني زوج وحبيب واخ وصديق واب يكمل معك باقي حياتك بحب ؟ رهف ترتجف مو قادره توووقف .. وماتدري وش تقول عبدالعزيز ضحك : هو غصب توافقين بس احمدي ربك اسألك رهف وهي تمسح دموعها : موافقة عبدالعزيز قام وحضنها بحب : والله عذبتيني يابنت سعود والله .. ولا من متى عبدالعزيز يفكر بوحدة طول الوقت ؟ رهف ضحكت وهي مستحيه عبدالعزيز فكها وقرب للطاولة وشال منها تذكرتين : وهذي تذاكر شهر العسل اللي حرمتك من فرحته .. عسى الله يحرمني الفرحة اذا كانت مو معاك رهف نزلت راسها بضيقة شوي : لا تكلف على نفسك مو لازم عبدالعزيز : ما اشاور انا اعطي خبر رهف ابتسمت عبدالعزيز : رحلتنا الاثنين الجاي رهف باستغراب : بس العيد بعد اسبوعين عبدالعزيز : عيدي معك لحالك احلى رهف : وعيدنا وجدتك صالختنا مع الخرفان احلى مرتين عبدالعزيز : ههههههههههههههههههههههههه هههههه لا لا ماعليك خلي جدتي علي .. وبنرجع بعد العيد بيوم يعني بتطخ شوي رهف سكتت شوي بعدين رفعت حاجبها وبأبتسامة : حاجز ومخلص وش دراك اني بوافق عليك عبدالعزيز رفع حاجبه : ماينرفض ولد محمد رهف لفت عنه بدلع : وخر عن وجهي بس ما ابيك عبدالعزيز مسك وجهها ولفه تجاهه : تبيني وغصب بعد رهف ضحكت : والله المجانين مانقدر نرفض لهم طلب عبدالعزيز حضنها مرة ثانية وهو مبتسم : والله لأكتمك بأحضاني لين تقولين رجعني بيت اهلي خلاص مابيييك رهف ضحكت وهي تضمه اكثر عبدالعزيز : الحضن اللي خذ منك امانك بيوم من الايام هو الحضن اللي بيكون امانك وملجأك من الدنيا .. والله ثم والله نذر علي يابنت سعود لاحرق الدنيا كلها ولا تنزل دمعه قهر وحزن من عيونك رهف فعلآ كانت حاسة بالامان بحضنه شدت عليه اكثر واكثر وهي مرررتاحة .. الهم والحمل اللي شايلته من سنة واكثر كله تبخر في هاللحظة انتهى البارت ارائكم وتعليقاتكم تهمني كثيير و الحلوين اللي من خارج المنتدى ودي اشوف تعليقاتكم على البارت وتوقعاتكم حياكم هنا https://tellonym.me/Sa7abD | ||||
|  |
|
17-09-19, 09:44 PM
| #52 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -50- بنفس اليوم الساعة 12 الليل رهف وعبدالعزيز جالسين يتعشون بيتزا رهف وهي تاخذ الحبه الثانية : والله مأنبني ضميري عبدالعزيز : عاااادي الحياة مرة وحدة رهف : لا والله ماراح تنفعني اذا زاد وزني عبدالعزيز وهو يشرب بيبسي : ان ماخلصتي البيتزا حقتك كلها بتنامين بالحوش رهف رفعت حاجبها : ياشيييخ عبدالعزيز : ههههههههههههههههههههههههه ههههههههه رهف : مايضحححك عبدالعزيز : والله احب انرفزك مرة مررة رهف : اتوقع انك ماقصرت معي ابد عبدالعزيز بجديه : قصدك قبل الزواج ولا اللحين ؟ رهف : قبل واللحين عبدالعزيز : تبين الصدق عاد .. كنت وقح معك قبل الزواج ايه بس اللحين ماعاد اقدر اقاومك رهف استحت ونزلت راسها على جوالها تدور اي شي تلهى فيه دقيقتين بس وصرخت عبدالعزيز ارتاع : وش فيك بسم الله رهف : مشاعلووه وريما الحيوانات عبدالعزيز ضحك : شفيييهم ؟ رهف كانت قريبه من عبدالعزيز قربت اكثر وهي توريه الجوال كان المقطع حمودي شايلته مشاعل وريما تأكله ليمون وحمودي وجهه يتغير مع الحموضه وفيه الصيحه رهف خنقتها العبره : حراااام عليهم عبدالعزيز مستمتع بقربها وقال وهو مبتسم : عيديييه رهف استوعبت بهاللحظه انها حاطه يدها فوق كتفه واليد الثانية مقربه فيها الجوال وراسها جنب راسه ابعدت بسرعة عبدالعزيز : ماشفت زين رهف خنقتها العبره جد : الكلاب مأمنتهم على ولدي وقايلة لهم ينتبهوون له واللحين يأكلونه ليمون عبدالعزيز : طيب عادي رهف يستهبلون رهف عصبت : يستهبلون على بعض مو على ولدي عبدالعزيز : يعني ؟ رهف برجاء : ابيييه عبدالعزيز ضحك : طيب البسي عبايتك نرجع ناخذه رهف قامت بسرررعة البرق ولبست عبايتها بعد 5 دقايق بالسيارة رهف تشاهق عبدالعزيز لف عليها وهو مصدوم : تصيحيين ؟ رهف وهي تمسح دموعها : يعني لو اموت وش بيسوون فييه ؟؟ عبدالعزيز كتم ضحكته رهف لفت عليه : ترى الموضوع مرة مايضحك عبدالعزيز فقع ضحك : هههههههههههههههههههههههه رهف ليه الدراما ؟ رهف وهي تبكي : ماشفت وجهه انت ؟؟ مرررة يقطع القلب عبدالعزيز بنظرة حب : انا اوريك فيهم بس خلينا نوصل . . . لما وصلو كانو البنات سهرانين بالحوش دخلت رهف وراحت للحديقة على طووول وعبدالعزيز سمع صوت العيال بالملحق وراح لهم رهف بصوت عالي : ياحيواناااات لفو كلهم وهم مرتاعين رهف جت بسرعة وخذت محمد ولا انتبهت لهيفاء اللي كانت بينهم هيفاء : انا السبب والله انا السبب رهف رفعت راسها : هيوووف !! وجدان : والله مالنا دخخخل هيفاء السبب هيفاء ابتسمت ببراءة : والله كان خاطره فيه مرره ينطط علي يبيه رهف ضمت حمودي وباسته : حسبي الله عليكم والله وجهه يروع بالفيديو لطيفة اللي توها جايه : اووه رهف ! وش رجعك رهف : هذا وانا حاطته امانه عندك يالطيفة حراام عليك لطيفة مصدومة : وشووو وش صاير ! مشاعل : رهف بلا اوفر عاد ( لفت على لطيفة ) كل الحكاية اننا جلسنا نأكل حمودي ليمون لطيفة فتحت عيونها بقوة : وشوو ! والله العظيييم ماكنت عندهم رهف : مشاعل انتي عمه ولا عدوه مشاعل : ههههههههههههههههههههههه والله هو نشب لهيفاء وهي اللي قالت لنا اكلوه رهف : اول واخر مرة اخليه لحاله ( وجلست تبوس حمودي وتكلمه وهي ترفع شعره عن عيونه ) : لعبو عليك ياقلبي انت ؟؟ اطقهم يامااما ؟؟ الهنوف : ههههههههههههههههه ياربي يارهف حتى هو كان مبسوط رهف لفت عليها ورفعت حاجبها : مبسوط بعينك انتي تشوفين وجهه ! الهنوف : ايه لأنه اول مرة يذوقه رهف : هي مررة وتوبة .. الا وين وعد ؟ لطيفة : وعد راحت بعد ماطلعتي بشوي . . . بعد ربع ساعة كانو البنات يسولفون بحمااسس هز جوال رهف ورفعته وكان عبدالعزيز مرسل لها انه بيرجع البيت رهف - انا بسهر مع البنات وبرجع الليل ان شاءالله عبدالعزيز - اتصلي علي اذا بغيتي ترجعين رهف - لا خلاص انت نام و انا برجع مع وحدة من البنات عبدالعزيز - قلت لك اتصلي علي .. وانتبهي لنفسك وانتبهي لحمودي رهف اكتفت بأنها تحط ايموجي مبتسم وطلعت من الواتس اب وجدان : سهرتكم اليوم عندي الهنوف : اي اليوم ! وجدان : يعني الاحد يالفاهيه الهنوف : ايييه على بالي بتشيلينا اللحين وتودينا بيتك عقب ماقضينا نصف السهره ريوف : يالله وبالمرة نشوف الشي المبهر اللي قاله سيف وكملو البنات سهرتهم .... الساعة 5 الفجر رهف توها طالعه بعد مااتصل عليها عبدالعزيز نزل من السيارة واخذ محمد وركبه ورا وهي ركبت جاء من جهتها وهو يضحك وفتحت الشباك عبدالعزيز : ماوثقتي فيهم هههههههههههههههههه رهف : والله ماخلي ولدي عندهم لو يموتون عبدالعزيز راح وركب السيارة وهو مازال يضحك : وش بتسوين بالاسبوعين اللي بنروح فيها رهف : طبعآ بناخذه معانا عبدالعزيز : لا ياشيخة ؟ رهف بثقة : والله عبدالعزيز : الاكتفيتيز اللي بنسويه هناك مايناسب احد بعمر محمد رهف لفت بعناد : ماعليش ابيه عبدالعزيز : رهف ترى ماراح نحطه عند مشاعل وريما ! رهف : بس انا ابيه عبدالعزيز رفع حاجبه : يعني كنتي تدورين عذر عشان تاخذينه رهف ضحكت : بصراحة اييه .. مااقدر اتخيل اني ابعد عنه اسبوعين او اكثر عبدالعزيز ابتسم : ولو انه بينكد علينا بس يالله ابشري كم رهف عندي انا ؟ رهف ابتسمت بحياء و سكتت ...... في بيت الجده البنات مازالو سهرانين كلهم ويسولفون ويضحكون وجدان : لطووفي لطيفة : هلا وجدان : ماعندكم منجا ؟ ,, احس طعمه بفمي من قبل امس لطيفة : اتوووقع اتووقع فيه ريما : الله اشتهيته والله وجدان : تكفين قومي جيبي وجيبي لي معك ريما قامت بخفه هيفاء : جيبي لي ليمون معاك ريما : خلاص ذبحتي ولدك بالليمون والله هيفاء : لذيييييذ قسم بالله يجيبه سامي واخلصه ب3 ايام وجدان : اححح حرام عليك هيفاء : وش اسوي الهنوف : بتطلع وحمه بلسان جنينك هيفاء شهقت : بسسسم الله على قلبه ريما وهي تجلس بحماس : اوووه يعني ولد هيفاء : ماقلت ولد ريما : تقولين على قلبه هيفاء : على قلب الجنين سواء بنت او ولد الهنوف : اففف ياشينك علمييينا هيفاء :لااا .. والله لو تموتون . . . في بيت عبدالعزيز ورهف دخلو الغرفة ورهف حطت حمودي على السرير وانسدحت على الكنب رفع راسه عبدالعزيز ويشوفها وهو رافع حاجبه : نامي على السرير رهف جلست : لا ما ابي بنام هنا اليوم عبدالعزيز عقد حواجبه باستغراب : اللحين طول الايام تنامين على السرير ليه اليوم بالذات ماتبين ؟ رهف نزلت راسها وسكتت جا عبدالعزيز وجلس جنبها وبهدوء : وش فيك ؟ رهف مازالت ساكته عبدالعزيز : مو مستعده لشي ؟ رهف هزت راسها بالايجاب عبدالعزيز : طيب قومي نامي على السرير وانا بنام على الكنب ( وضحك ) مثل ماتعودنا رهف قامت بكل طواعيه وسوت مثل ماقال راحت وتمددت على السرير وهي مرتاااحة وعبدالعزيز تنهد بكل قوته وتمدد على الكنب وهو يدعي ان ربي يحنن قلب رهف لانه مو قادر يبعد عنها خلاص يحس انهدت كل جبال المقاومه اللي كانت داخله خصوصآ انها كل يوم قدامه ويشوفها دايم بأحسن حالاتها بس يبي هي من نفسها تقتنع مايبي يجبرها على شي ويهدم كل اللي بناه - يوم الاحد في بيت سيف ووجدان قبل العصر بشوي وجدان بالمطبخ هي وخدامة اهلها اللي جالسة تسوي السلطات وهي تشرف عليها ومشغله بجوالها اغنية وتدندن معها رهف كانت بتجيها بدري عشان تسوي مكرونة البشاميل نشبو لها البنات بسهره امس انها تسوي لهم ويوم عزمتهم وجدان شافتها فرصة انها تروح تسويها عندها , بعد 5 دقايق دخلت رهف ووراها خدامتها معهم اكياس الدانوب وجدان وهي تمسح يدها بمنديل وتبتسم : جايبه السوبرماركت كامل ؟ رهف وهي تحط الاكياس على الطاولة : الله وكيلك مابقى الا الكاشير هو اللي ماشلته وجدان : ههههههههههههههه ترى كلها بشاميل ماتحتاج كل ذا رهف رفعت حاجبها : اشتهيت سلطة مكرونة وقلت والله ماخليها بخاطري وجدان : وه وه ياعمررري انا السنعة رهف : من حسن حظكم اني مروقه مرة وجدان : بسبب انك بتقابليني طول اليوم صح ؟ رهف : لا والله لاني برتاح من ازعاج حمودي لين المغرب وجدان شهقت : اييه والله ناسيته ويينه ! رهف : لا تجيبين طاريه .. قاهرني وجدان ضحكت : لييييه رهف : ماخلاني انام زين اليوم وجدان : ايه اشوفك مرسله لنا 7 الصبح رهف : اييه رجعت البيت وهو نايم وماامداني انسدح الا قام وجلست انا وياه لما 8 ونص وجدان : ومتى صحيتي ؟ رهف : 11 ونص وجدان : يوو اتوقع ماراح تقدرين تسهرين رهف : اي اتوقع برجع على 12 وجدان : طيب ليش ماخليتيه مع الخدامه ونمتي انتي ؟ رهف : كانت عند اهلي نسيت اخذها وجدان : طيب حمودي بيقعد عند عزيز كل اليوم ؟ رهف : لا قلت له يجيبه هنا اذا جاء بيطلع سحبت الكرسي وجلست وبدت تطلع الاغراض هي والخدامه وجدان : محتاره اسوي كنافه ولا بقلاوة رهف فتحت عيونها بصدمه : تعرفيين تسوين بقلاوة ؟ وجدان : هههههههههههههههه مدري جبت العجينة الجاهزة والمكسرات عاد شوفو وش يطلع معاي رهف : اوكي سويها كلها وجدان : والله ودي بس الهنوف تقول بجيب واحد منها وواحد سويه ومحتاره للحين رهف : اممم سوي كنافة .. انا اعرف محل يجنن عنده بقلاوة بقول للهنوف تجيب منه وجدان : ايه تكفين ارسلي لها اللحين لانها قبل ربع ساعة تقول بطلع من البيت رهف مسكت جوالها : اووكي . . . بعد نصف ساعة كانت الهنوف توها داخله المطبخ الهنوف : هااي رهف ووجدان : هايااات الهنوف سلمت عليهم وجلست على الكرسي وهي تهف على نفسها : حررر حررر مرة رهف : مرررة فضييع الهنوف : ايوه شخباركم اشتقت لكم وجدان : يانصبها هالبنت تونا شايفين بعض الفجر الهنوف : عاد انتي لا تدققين واجد رهف : هههههههههههههههههههههههه كذبتك قوية يختي وجدان شافتهم وهي مبتسمه : اشتققت لجمعتنا لحالنا والله الهنوف : والله انا بعد احس ماجلسنا مع بعض من زمااان وجدان وهي تلتفت للفرن : القهوة جاهزه وبقلاوة الهنوف جاهزه يعني خلاص رهف تغمز : نسبق البنات عالقهوة الهنوف : والله بيذبحونا وجدان : هم مطولين على مايجون يعني عادي نسوي لهم جديدة الهنوف : يالله اجل وجدان : تعالو البيسمنت بما اني مجهزته لكم الهنوف : حمستيني اشوفه من كلامك والله وجدان : يالله تعالو طلعو ومعهم صينية القهوة والبقلاوة وراحو للبيسمنت اللي كان تصميمه غييير عن كامل البيت كل جزء منه تصميم مختلف وفيه بالزاوية طاولة بلياردو وجنبها باب قزاز يطلع على المسبح الخارجي الهنوف بانبهار : وااااو ماشااءالله رهف وهي تفتح الباب الخارجي : يجنن مرررة تصميمه وجدان : هذا المكان بالذات رفض سيف اني ادخله لين يخلص الهنوف : والله ولد عمتي طلع ذوويق وجدان : اكيييد ذويق تدرون ليه ؟ رهف والهنوف لفو عليها : ليه ؟ وجدان : لانه اختارني الهنوف : انا بحترمك لاني ببيتكم رهف : انا بحترمها بعد بس مو عشاني ببيتهم عشان الكنافة اللي بيدها وجدان : قليلة ادب والله هههههههههههههههههههههههه جلسو يسولفون البنات .. .... .. في بيت ابوعبدالله ام عبدالله من يوم قال لها عبدالله انه يبي نورة وهي مو مرتاحة كانت تكلم ودخل عليها عبدالله دقيقتين وسكرت وعبدالله جلس بصمت مافيه الا صوت التلفزيون على صوت العربية بعد صمت طوييل عبدالله : يمه ام عبدالله لفت : هلا عبدالله : فكرتي ؟ ام عبدالله : في ايش عبدالله وهو يحاول يكتم نرفزته : بموضوع نورة ام عبدالله صدت وهي ساكته عبدالله : لا تحديني اسوي شي مايرضيكم كلكم ام عبدالله بعصبية : يعني بتاخذها وانا مارضيت عبدالله سكت شوي وبهدوء : انتي مشكلتك مع نورة بس ولا مع الزواج كله ؟ ام عبدالله : نورة بنت زينه مافيها شي مابي اظلمها لكن مابيك تتزوج وحدة سبق لها الزواج وانت توك ! عبدالله بهدوء : وش المشكلة طيب !؟ ام عبدالله : انت ماسبق لك الزواج وابيك تاخذ وحدة نفسك وبس عبدالله قام : طيب ام عبدالله تهلل وجهها : يعني ادور لك بنت ؟ عبدالله وهو يرقى الدرج وبحدة : لا ام عبدالله سكتت وهي متنرفزه مستغربة مررة و ماتدري ليه عبدالله مصر هالاصرار على نورة ! .. .... .. في بيت سيف ووجدان كانو جالسين يسولفون بذكرياتهم بالمدرسة الهنوف : ههههههههههههههههههههههه اكثررر شي ضحكني ذاك اليوم يوم تجي تطل الاستاذه بكل جهه عشان تدورنا رهف : ههههههههههههههههههههههههه هههههههه وحنا فوق الجدار وانتي وجدان تصيحين وجدان وهي تضحك : بعذرري منحشيني معكم غصب الهنوف فقعت ضحك : تذكريين يوم كنا نسحبها بالاسياب رهف : ايييه ههههههههههههههههههه حيوانه قهرتني حتى يوم طلعنا ورحنا نفطر تصيح طول الوقت وجدان : تدرين كل مامريت قدام ذاك المطعم اتذكر ذاك اليوم وتحوم كبدي الهنوف : هههههههههههههه المفروض حنا اللي تحوم كبودنا رهف : من ججججد الهنوف : بس والله ايام حلوووة رهف : مرررررة قسم بالله اشتقت وجدان : انا ماشتقت والله بس اني متحسفه على شي رهف : وشووو وجدان : على الدروس اللي ماحضرتها بسببكم رهف دفتها وهي تضحك : هههههههههههههه ام قلييب والله وجدان : والله احب الدراسة للحين واتمنى اكككمل الهنوف : ........... .... بعد ساعة تجمعو البنات وسهرو عند وجدان ماعدا رهف اللي استأذنت من 12 رهف عند الباب هي ومحمد تنتظر عبدالعزيز بعد اقل من دقيقة وقف عبدالعزيز قدام الباب وراحت الخدامة تركب حمودي السيارة لما جت رهف تركب وفجأه بطنها عورها مسكته والالم بان على وجهها ميشيل بصوت عالي : مدام اييش في ؟؟؟ عبدالعزيز اللي كان فاتح الشباك لف وشاف وجهها وارتاع عبدالعزيز بخوف : رهف شفيك ؟ رهف وهي تضغط على بطنها بألم : ولا شي عبدالعزيز بخووف يخالطه عصبية : تستهبليين ! وش ولا شي ووجهك مقلوب رهف ماردت عليه ركبت وهي ماسكه بطنها وثواني بس واختفى الالم عبدالعزيز نزل وراح للجهه الثانية عبدالعزيز : وش فيك ؟؟؟ رهف : قلت لك والله مافيني شي عبدالعزيز : بروح المستشفى رهف بسرعة : لاااا عبدالعزيز : ليه ! رهف : راح الالم خلاص عبدالعزيز : اول مره يجيك ؟ رهف : لااا قد جاء قبل عبدالعزيز : ليه ماقلتي لي ؟ رهف : يجي دقيقة ويروح عادي عبدالعزيز : ولو لازم تروحين تكشفين وتحللين رهف : لا مابي خلاص عبدالعزيز سكت مايبي يضغط عليها ومشو للبيت وكلللهم ساكتين - يوم الاثنين الساعة 4 ونص الفجر رهف صحت من النوم على صوت الاذان وقامت بكل نشااااط من يوم جاء حمودي وهي نومها صاير جدآ قليل وتشبع بسرعة او بمعنى اصح غصب عنها تشبع حركت شعرها بيدها وهي تلف على جهة سرير محمد وشافته نايم لفت على عبدالعزيز وبرضو كان نايم قامت وصلت الفجر وصحت عبدالعزيز اللي قام ودخل الحمام راحت تتحمم ولبست تيشيرت اديداس ابيض وبنطلون قطن رمادي لنص الساق ولبست سليبرز ونزلت للمطبخ ودخلت وهي ترفع شعرها على فوق فتحت جوالها وشغلت اوول اغنية قدامها وقعدت تدندن معاها وهي تهز جسمها مع لحن الاغنية وتسوي الفطور طلعت الصينية وشغلت الغلاية وجهزت الفطور بأقل من ربع ساعة وهي مازالت تتمايل مع انغام الاغنية اللي تعيد نفسها كل شوي وتغني معها : حبيت ايااامي بيك وبعيشها ليك ولا عمرري حبيت من قبليك طب هنسا ليه وانا قد ايه كلمت نفسي عليك حبي...... بهاللحظة لفت عشان تروح للثلاجة وشافت عبدالعزيز متراكي على الباب ومو قادر يخفي ابتسامة ووجهه وعيونه مليانه نوم رهف انحرجت ووقفت وغطت وجهها عبدالعزيز وهو مبتسم : كملي رهف وخرت يدها عن وجهها وعطته نظرة : وش اكمل ؟ عبدالعزيز : الشي اللي تسوينه تو رهف باستغباء وهي تفتح الثلاجة : ماذكر وش سويت عبدالعزيز : قاعده تلفين وتهزين قلبي رهف استحت وضحكت : كلمه زياده والله تروح للدوام جوعان عبدالعزيز اشر على فمه كنه يقفله رهف ضحكت وشالت الصينيه ومشت عبدالعزيز ابعد شوي وبصوت ضخم : ليديز فيرست رهف ساحت مع ريحة عطره اللي انتشرت بالمكان ابتسمت ومشت قداامه وهي معها الصينية حطتها على طاولة الطعام وجلسو ياكلون عبدالعزيز وهو ياخذ الزيتون : جهزتي الشنط ؟ رهف : لا اللحين بجهزها عبدالعزيز : طيب ترى رحلتنا الفجر الساعة 2 رهف : اليوم يعني عبدالعزيز : ايه رهف : اوكي عبدالعزيز قام : الحمدلله كثر الله خيرك رهف : بالعافية عبدالعزيز ابتسم : تصدقين .. احلى واطعم نواشف ذقتها بحياتي .. ياشيخة تخسي مطاعم الرياض كلها رهف ضحكت وهي مستحيه عبدالعزيز بحركه خاطفة باس خدها وراح تجمدت من هالحركة بعد 5 دقايق استوعبت انه راح وهي مازالت معلقه مكانها ضحكت على نفسها وهي تلمس خدها بهدوء بعدها قامت تشيل الاغراض بدون وعي منها .. .... .. المغرب كانو اللكل بيجتمعون عند الجدة للعشاء وعبدالعزيز ورهف كانو بيسلمون عليها وبيتعشون عندها بعدها بيروحون المطار عشان رحلتهم دخلو ومالقو الا الجد والجده ولطيفة سلمو عليهم وجلسو رهف كانت تستحي من ابو محمد بحكم انها ماتشوفه كثير كان ماسك محمد ويلعبه ويبوسه من يوم جلس بعد 10 دقايق استأذن منهم وطلع لطيفة : تعال تعال عند عمه (سحبته من مكانه) : ذا متى يمشي ؟ رهف : والله مدري على حسب هو وقوته ام محمد وهي شايله هم : انتم متأكدين بترجعون بعد اسبوعين ؟ عبدالعزيز وهو يضحك : يمه وش فيك ماوثقتي فينا ام محمد : خايفه تصير زي روحه استراليا رهف ضحكت : لاا والله لا تخافين هو شه... عبدالعزيز طق يدها وهو يضحك : وش دعوى يمه بنجلس سنة بالمالديف يعني ام محمد : طيب خلو وليدي عندي رهف : والله ياخالتي كانت النيه لكن بعد ماوكلوه البنات ليمون غيرت رايي ام محمد ارتاعت : هااااو من اللي موكله رهف : مشاعلوه وهيفوه وريموه ام محمد : ياويييلي عسى مهوب صدق رهف : والله العظيم لطيفة : هاوشتهم وجلدتهم ياخالتي والله بس قاعدين يضحكون ام محمد : قومي يالطيفة قوميهم من النوم لطيفة : حراااام هيفاء مانامت الا متأخر ام محمد : هيفاء خليها قومي مشاعل هي راس البلا انا متأكدة مشاعل بهاللحظة دخلت عليهم : ياالله مساء خير وش فيني انا بعد ام محمد شالت العصا ويوم قربت مشاعل طقتها فيها مشاعل : احححح يمه شفيك علي ام محمد : موكله الشيخ محمد ليمون ياللي ماتستحين ؟ مشاعل حطت يدها على فمها وهي تتثاوب : يووه مانسيتوو السالفة للحين عبدالعزيز رفع حاجبه : ولا بنساها يامشاعل التبن .. اصبري خل يجي ولدكم والله ان ماحسرت فيه انا وولدي مايكون اسمي عبدالعزيز مشاعل : من قالك اني بجيب بزر ام محمد رمت عليها المنديل : استغفري ربك مشاعل : ماقلت شي لطيفة ميته ضحك مشاعل : انتي اسكتي ولا كلمة رهف : ههههههههههههههههههه شفيك علييها مشاعل : ودي اقولك تسكتين بس عبدالعزيز بياكلني ومو رايقه له والله رهف ضحكت وهي تشوف عبدالعزيز يلعب محمد ويضحك كل يوم يزيد حبه بقلبها لطيفة قطعت تفكيرها : متى رحلتكم عبدالعزيز : 2 لطيفة : يووووه مشاعل : يعني بتروحون بعد العشاء على طول عبدالعزيز : ان شاءالله مشاعل : والله ماراح اشتاق لكم كثر هالنتفه ابو خدود ( وسحبته من ابوه ) عبدالعزيز : قسم بالله ماتستحي على وجهها ذا الاخت ام محمد : من زمان وما اردى منها الا رجلها لطيفة : هههههههههههههههه وش دخل فيصل ام محمد : ماشفته من الخميس الكلب مايجي يسلم علي ابد ( ولفت على مشاعل ) : وانتي وراك ماتروحين بيتك مشاعل : لا يمه انتي واضح كارهتني خلاص مالي قعده عندك ام محمد : اقول بلا كثرة حكي وعلميني وينك عن بيت رجلك لا يكون بينكم شي مشاعل : لااا بسم الله علينا .. بس فيصل رايح مزرعة واحد من اخوياه وبيجي بعد يومين يمكن ام محمد : اييه زين الله يستر عليه اللكل : امييين بعد ساعة تقريبآ اجتمعو اللكل في بيت ام محمد وعد وهي ضامة حمودي : تكفين رهف تكفيين خليه هنا رهف : لا خلاص حجزنا كل شي وعد : حسبي الله عليكم مشاعل وهيفاء وريموه هيفاء : هههههههههههههههههه والله هووو يبي وش اسوي له خفت يعطيني عين رهف رفعت حاجبها : ياشيييخة ! مشاعل : الظاهر حمودي بيجيه عياله واحفاد ومحد نسى هالسالفة رهف : ايه بطلعها من عيونكم وعد : اسمعي طيب والله ما اخليهم يلمسونه ابدآ لما تجين الهنوف : ههههههههههههههههههههههههه هه وعد خلاص انسي مافيه امل وعد : ياربييه الله يصبرني بس كملو سوالفهم وبعدها تعشو واللكل توجه لبيته . . . بعد 4 ساعات بالمطار كانو جالسين ينتظرون رحلتهم بعد ما اعلنو قامو كلهم رهف قربت من عبدالعزيز وبصوت واطي : ليش كلهم يخزونا ؟ عبدالعزيز : اكيد بيخزون لان معنا محمد رهف : وش عليهم منه !! عبدالعزيز : اغلب اللي يروحون المالديف ازواج جديدين عشان كذا يستغربون وجود الاطفال شوي رهف ضحكت : عاد تصدق صح عليك اتذكر قبل 3 سنوات رحنا لها حنا وخالاتي وكان كلن مطير عيونه فينا حتى اللي هناك عبدالعزيز : عليكم جوو بعد رهف : والله تجنن عبدالعزيز : انا ماقد رحت لها صراحة رهف : احبببها انا مرة تونس عبدالعزيز ابتسم وهو مبسوط انه حجز لها : بنجلس فيها اسبوع ان شاءالله رهف : طيب والوجهه الثانية ؟ عبدالعزيز بنفس الابتسامة : مفاجأه رهف سكتت جلسو بأماكنهم المخصصه .. كانو بالدرجة الاولى الرحلة كانت 9 ساعات مع ترانزيت ساعتين في مطار دبي رهف حطت راسها ونامت على طول وعبدالعزيز قعد يلعب مع محمد - يوم الثلاثاء الرياض الساعة 8 الصباح في بيت ابو عبدالله عبدالله جالس بغرفته يفكر واتصل على الهنوف اللي ردت بعد ثاني رنه عبدالله : هلا الهنوف شخبارك الهنوف : هلا والله الحمدلله انت اخبارك عبدالله : والله تمام الهنوف : غريبة وش عندك متصل علي من صباح الله خير عبدالله ضحك : مافيني حيل اتهاوش معك والله عشان كذا بدخل بالموضوع دوغري الهنوف : يالله ادخل فيه دووغري على قولتك عبدالله : انتي ببيتك ؟ الهنوف : ايه عبدالله : طيب وراك شي ؟ الهنوف : لا عبدالله : بمرك العصر كذا الهنوف خافت : وش فيك صاير شي ؟ عبدالله : اخو بيعزم اخته على الغداء بس الهنوف مارتاحت : طيب متى عبدالله : اقولك غداء يعني تقريبا الساعة 3 ونص كذا خليك جاهزه الهنوف : اوككي .. ... .. الساعة 4 العصر في المالديف ماوصلو الا متأخر وعلى طوول نامو عبدالعزيز وحمودي من التعب ورهف جالسة في التراس الخاص بالفيلا حقتهم وتسوي تان بعد مارجعت مسوية مساج كانت مرتاحة ان مالهم الا 3 ساعات نايمين يعني مافيه امل عبدالعزيز يصحى هالوقت طرا ببالها لما جو ينامون وكيف طلب عبدالعزيز لحاف زيادة عشان ينام على الاريكة ومايحرجها كبر في عينها مررة وهو اصلا كل يوم يكبر في عينها زياادة متمدده قدام الشمس وكل افكار الدنيا تدور في راسها كانت تحلل علاقتها في عبدالعزيز .... العلاقة الأعقد ماتدري وش بينهم للحين ولا تدري عن اي شي اللي تعرفه انها تستانس بوجوده وتتضايق بغيابه رجعت فيها ذاكرتها لذاك اليوم اللي تصالحو فيه من بكرة لما قالها انه مايقدر يقاوم وجودها قدامه ويبيها كـ زوجه وهي رفضت وتقبل كلامها وسكت ولا فتح الموضوع مرة ثانية ! رغم ان له حق .. خصوصآ انها سامحته هي مو خايفة منه .. لكن كانت خايفة جدآ جدآ من الفكرة نفسها تخاف اذا قرب منها يجي ببالها شكله ذاك اليوم وتكش منه على طول بنفس اللحظة تذكرت ذاك اليوم بتفاصيله وقامت من مكانها بسرعة تحاول تتناساه قد ماتقدر ماتبي تتذكره اببد ماتبي اي شي يخرب عليها حياتها الجديدة شافت الساعة كان لها ساعتين تقريبآ قامت للمراية كان شكلها مبهر مع لون شعرها ابتسمت برضا على شكلها لفت وشافت حمودي وعبدالعزيز للحين نايمين ودخلت المسبح تقضي وقتها .. ... .. الرياض الساعة 3 ونص العصر الهنوف وعبدالله في مطعم ميزو الهنوف وهي تبلع لقمتها : ايوه وش عندك عبدالله بضحكة : اصبري لما ناكل واعلمك وش عندي الهنوف بحماس : يعني عندددك شي ؟؟؟ .. يا اخي وترتني مرررة ترى قاعده اكل وانا مو عارفة الطعم وشو عبدالله : ههههههههههههههههههههههههه ياربي انتي ماتشوفين وجهي طبيعي ؟ الهنوف : الا بس ماقد عزمتني عشان موضوع .. واضح المسألة قوية عبدالله : بصراحة ايه الهنوف : ايوه قل اللي عندك عبدالله تنهد : ابي نورة بنت عمي الهنوف : ادري طيب وانا قاعده اقنع امي اللحين عبدالله : امي مصممة على رايها ماتبيها الهنوف : طيب عبدالله انت ليش مسكت معك نورة ! عبدالله : وشلوون ليش مسكت معي ! الهنوف : يعني ما احسك منجذب لها او شي .. دام البنت ماتدري وامي مو راضية حاول تشيل الفكرة من راسك عبدالله : تدرين عاد الهنوف : ايوه ؟ عبدالله : كلامك خلاني اتأكد ان قراري صحيح واللحين ابيها اكثر من اول ! الهنوف : مو صاحي قسسسم بالله يعني كيف بتاخذها غصب ! عبدالله : اذا قلت لابوي ماراح يرفض الهنوف بعصبية : الا بيرفض اذا عرف ان امي مو راضية .. بعدين حتى لو وافق وش بتقولون لأهلها وامي ما اتصلت تخطبها من امها !!! عبدالله : ابيك توصلين هالكلام لأمي يا تسوي اللي ابيه يا انا بتصرف واللي فيها فيها الهنوف رمت الشوكة بالصحن وهي معصبة : الحمدلله انا شبعت عبدالله : تبين بيتك ولا بيت جدتي ؟ الهنوف : بيت جدتي عبدالله : اوكي قومي قامت من الكرسي بقوة وهي معصبة ومستغربه منه ومن تعلقه في هالموضوع وعبدالله زاد عناده اضعاف بعد ماوقف اللكل بوجهه .. .... .. المغرب في بيت الجده كل العايلة مجتمعين الحريم بالصالة والبنات بالملحق كالعادة مشاعل : والله هيوف ورهف لهم فقدة ريما : مررررة وجدان : صادقة والله احس مايصلح نجتمع بدون صوت حمودي ريوف : والله صادقين احس مشتاقه لهم ريما : نكلمهم فيديو ؟ وجدان : كان يدفننا عبدالعزيز مشاعل : الا صح هو نكد علي انا وفصولي ايام الملكة والله ما اخليه يتهنى .. بتصل عليها ريناد : بقلبها للحين هههههههههههههههههههههه مشاعل : بعذرري ايام دبي ذبحنا وجدان : والله مالومك عاد صدق اذكر لعب بنفسيتكم حتى حنا نتوتر معاكم ريوف : يحمد ربه سامي انه ماجاء الا بعد ماراح عزيز استراليا ولا كان هيفاء مسحوب عليها اللحين ريما : من جدد هههههههههههههههههههههههه مشاعل : والله بغيت انصح سامي بس اشوا هدتني هيفاء ريوف : لا عاد ترى جد عزيز من بعد الزواج و بعد محمد تغير مشاعل : وشو عقبه عقب ماذبحنا وكرهنا ببعض وجدان : ماشاءالله اذا انتم تكرهون بعض من اللي يحب اجل ؟ مشاعل : تف تف تف ماشاءالله علينا ريوف : انتي اللحين متى تروحين بيتك ؟ طفشت والله كل ماجيت بيت جدتي اشوفك مشاعل شهقت : ياكلاب شفيييكم علي ؟ ريوف : مدري والله احس ودي ابكيك ريما : والله انا بعد ودي مشاعل خافت : اقول بس خل نتصل على رهف البنات كلهم تحمسو وقربو من مشاعل اللي اتصلت على رهف فيديو بسناب شات كانت الهنوف جالسه بعيد شوي عنهم وتفكر جت جنبها وجدان وبصوت واطي : شفيك ؟ الهنوف : مافيني شي وجدان : كذابه الهنوف : موضوع بسيط مشغل بالي وجدان : ماتبين تقولين الهنوف : بصراحة لا وجدان : طيب .. قومي نكلم رهف مع البنات الهنوف قامت وهي تفكر بكلام عبدالله هي تدري ان امها تحتاج ضغط شوي واقناع وبتقتنع وعبدالله مصر على رأيه ومستعجل دعت بسرها ان ربي ييسر الامور ويتم الموضوع بأقل الاضرار وعيونها على نورة اللي جنب مشاعل ويضحكون ويسولفون وهم ينتظرون رهف ترد .. ... .. المالديف كان حمودي توه نايم ورهف وعبدالعزيز طالبين عشاهم للفيلا رن جوالها ولما رفعت الشاشه كانت مشاعل رهف ضحكت : مشاعل متصلة فيديو عبدالعزيز ضحك : والله يالبنت ذي فيها لقااافه ماعمري شفتها في احد رهف جت بترد عبدالعزيز بسرعة : لا ترردين عطيني برد عليها انا مدت له الجوال عبدالعزيز قرب الجوال لوجهه و رد بصوت ضخم : نععم ؟ البنات من الجهه الثانية كانو لاصقين بالشاشه وفجأه كلهم ابعدو مابقى الا مشاعل عبدالعزيز مات ضححك على اشكالهم مشاعل : بسم الله الرحمن الرحييم شتت شملنا عبدالعزيز : تستاهلون اجل احد يتصل هالوقت ؟ مشاعل : بشوف وش تسوون عبدالعزيز : وش عليك مننا ؟ مشاعل : طفشانين والله ومشتاقين لرهف ومحمد عشان كذا يرحم امك فكني من مناظر وجهك وعطني رهف عبدالعزيز رفع حاجبه : عيديها مشاعل : طفشانين والله ومشت... قاطعها عبدالعزيز : احمدي ربك ان بيننا الاف الكيلوات ولا والله مايفكك احد مني مشاعل : ههههههههههههههههههههه عندي حبيبي فيصل يحميني منك يالوحش عبدالعزيز يقلد صوتها : هبيبي فيسل يااامامي رهف من الجهة الثانية ميته ضحك عليهم مشاعل : يااعمرري قاعدة اسمع صوت روووفا عبدالعزيز فز قلبه من الاسم هو اوول اسم عرفها فيه قال بتنهيده : روفة قلبي قاعده تتعشى رهف قلبها مليان فراشاات وظلت مبتسمة وهي تسمع مكالمتهم مشاعل : يا اخي عطني بكلمها شوووي ماراح ناكلها عبدالعزيز : برسلك جدول وقت مكالمات هو اللي تلقين رهف فيه غير كذا مافيه ,, يالله باي ماعطاها فرصة ترد وقفل بوجهها رهف : هههههههههههههه حرام عليك عبدالعزيز : تستاهل ومسك جواله وهو يضحك وجلس يكتب لها رهف تحاول تطل : وش تقول لها عبدالعزيز : اصبري بتتصل مرة ثانية تهاوش .. عطيها بس وااحد اثنيييين ث.. قطع صوته رنه جواله عبدالعزيز ورهف : ههههههههههههههههههههههههه هههههههههههه سكر بوجهها وقلب الجوال وهو ميت ضحك رهف وهي تضحك : امانه وش ارسلت لها ؟ عبدالعزيز : ارسلت لها الساعة اللي مسموح لها تكلم فيها وزعلت رهف : متى طيب عبدالعزيز : الساعة 25 ونصف رهف : هههههههههههههههههههههه حرام عليك عبدالعزيز ابتسم ابتسامة جانبية : ابي انبسط مع زوجتي شوي لحالنا مو كفاية حمودي اللي منكد الجو ؟ رهف ابتسمت بحياء ونزلت راسها للاكل .. .... .. اما بالرياض بعد نصف ساعة مشاعل مازالت منقهره من عبدالعزيز مشاعل : الكلب اسمع صوت رهف عنده بس مو راضي يعطينياها ريوف : هههههههههههههههه خليهم يستانسون يختي مشاعل : حيوانات والله افف الهنوف : ههههههههههههههههههههههه عبدالعزيز قدوتي والله وجدان : من جد محد يعرف لمشاعل الا هو مشاعل : بنات امانه انا ذابحه لكم احد ؟ الهنوف وهي تاخذ الكريم وتدهن يدها ولافه وجهها تفكر : امممم اصبري اتوقع مشاعل : ترى بالكريم على وجهك ياكلبه الهنوف بطريقة استفزاز : لا لا ماما عيب تقولين كذا مشاعل لفت على نورة : ايوه نورة انتي الوحيدة الطبيعية بالله سولفي معي نورة ميته ضحك على حركات مشاعل - يوم الاربعاء بالمالديف الساعة 8 ونص الصبح رهف صاحية قبل نص ساعة ودخلت تتحمم طلعت وهي لابسه فستان سماوي لنص الساق وشعرها الكيرلي طايح على كتفها شافت عبدالعزيز صاحي جالس يسوي قهوة رهف : ماشاءالله متى صحيت تو كنت نايم عبدالعزيز : صحيت مشتهي قهوه مرررة رهف شافت الترمس وابتسمت وقربت : خلاص رح انا بكملها عبدالعزيز : كيف الجو برا ؟ رهف : فيه شمس بس مو حر الجو جمييل عبدالعزيز : حلوو يعني جو سباحه رهف : اييه ( سكتت شوي ) : بس لا تدخل البحر وانت مافطرت عبدالعزيز ابتسم : تخافين علي ؟ رهف تتصنع عدم الاهتمام : لا بس مابي يصير لك شي واتوهق في اهلك واسئلتهم عبدالعزيز ضحك وهو طالع 5 دقايق وحطت رهف القهوة بالصينية وطلعت برا جلست على الكرسي وهي تدور عبدالعزيز بعيونها وشوي شافت راسه طالع من البحر ...... رهف بصوت عالي : ترى ان ماطلعت اللحين بتخلص القهوة عليك عبدالعزيز بصوت عالي : والله اذبببحك رهف صبت لها قهوة ورفعت الفنجال وهي تناظره وترفع حواجبها وتضحك دقايق قليلة وطلع عبدالعزيز وعطاها ظهره وهو ينشف شعره رهف انتبهت للجرح اللي مابقى الا اثره صحيح ماختفى تمامآ ومازال واضح لكن ماكان كثر اول جاء عبدالعزيز وجلس قبالها وهو ماسك جواله رهف بتردد : عبدالعزيز عبدالعزيز رفع راسه : لبيه رهف سكتت شوي بعدها : فيه سؤال من زمان ابي اسألك ااياه عبدالعزيز : اسألي رهف : الجرح اللي بظهرك وش سببه عبدالعزيز باستغراب : من زمان تبين تسأليني ؟ رهف : ايه عبدالعزيز : متى شايفته رهف : لا تكثر حكي .. انت عارف متى شفته عبدالعزيز حك راسه وابعد نظره عنها وهو يضحك : هوشه قديمه رهف بصرامة : تكذب عبدالعزيز : لا ما اكذب رهف : اعرف اللي يكذب مايشوف عيون اللي يكذب عليه عبدالعزيز : دارسه علم نفس من وراي ؟ رهف : لا عندي معلومات من قبل عبدالعزيز ضحك : طيب يا ام المعلومات دامك عرفتي اني اكذب اعرفي الحقيقة رهف : سخييييف والله عبدالعزيز : طيب خلينا نتفق اتفاق رهف : وشو ؟ عبدالعزيز : تسأليني سؤال واسألك سؤال رهف : بس انا سؤالي بريئ عبدالعزيز : ههههههههههههههه وانا اسئلتي صدقيني بريئة رهف : لا خلاص كنسل الموضوع عبدالعزيز : كيفك اجل وكمل قهوته ورهف مرتفع ضغطها رهف بقهر : خلاص موافقه عبدالعزيز رجع ظهره على الكرسي وهو ميت ضحك رهف بنفس القهر : اسسسكت عبدالعزيز كتم ضحكته ومازالت الابتسامة مرسومه على وجهه رهف : بس انا ابدا عبدالعزيز : يالله رهف : جاوبني على سؤالي عبدالعزيز : مثل ماقلت لك هوشه بس اللي كذبت فيه انها مو قديمه مرة رهف : طيب متى عبدالعزيز رفع حاجبه : اللحين صارت سؤالين ! رهف : لا كله على نفس الموضوع عبدالعزيز : لا رهف : طيب اسأل يالله عبدالعزيز ابتسم ابتسامة جانبية : امممم ولا تصدقين خلصي كل اسئلتك بعدين بسألك انا رهف خافت شوي من شكله : يصلح نكنسل ؟ عبدالعزيز بنظرة تحدي : لو تموتين رهف : طيب جاوبني ,, متى وليه ؟ عبدالعزيز : يوم كنا باستراليا ,, والسبب ماراح اجاوب عليه رهف : لا كذا غش عبدالعزيز : لا مو غش رهف : انا قلت لك بجاوبك على اي سؤال لكن جاوبني على هالسؤال عبدالعزيز : معقولة ماعندك اسئلة الا عن هالجرح رهف : عندي سؤال ثالث بس واخلص عبدالعزيز : طيب تجاهلي هذا واسألي الثالث رهف بتردد : بصراحه ؟ عبدالعزيز : ايوه رهف : ابي اسألك ,, وين كنت يوم تختفي عن البيت 3 ايام باستراليا عبدالعزيز ابتسم على جنب : كنتي شايله هم ؟ رهف : مو شغلك بس جاوبني عبدالعزيز تنهد بقوه : اعفيني من هالسؤال وخلاص ماراح اسألك عن اي شي رهف : لا لا لا ابي اعرف عبدالعزيز : يابنت الحلال والله لا اعفيك عن كل الاسئلة بس قفلي على هالموضوع رهف : ........... .. .... .. العصر في الرياض ابو محمد قرر فجأه يمشي للمزرعة ام محمد كانت بالصالة تكلم خالد بالجوال : ان كان ماوراكم شي تعالو معنا خالد : متى بترجعون ؟ ام محمد : بنقعد لين عيد الاضحى خالد : اححح باقي اسبوعين تقريبآ ام محمد : عادي ورانا اضاحي وابوك يقول انه بيعدل بالمزرعة قبل العيد خالد : ليه وش ناوي يعدل ؟ توها معدله قبل فترة ! ام محمد : مدري عنه والله ماسألته خالد : اخواني بيروحون ؟ ام محمد : نورة اختك بتروح بس اخوانك مدري متى بيجون خالد : تمام بشوف ان شاءالله مع اني بكرة ماتوقع اجي معزوم على زواج ولد عم وعد ام محمد : ماتشوف شر اجل يالله فمان الله خالد : فمان الله .. .... .. في المالديف الساعة 9 الليل عبدالعزيز كان نايم ورهف تفكر بكل الكلام اللي قاله لها الجرح اللي بظهره صار من الهوشة مع الحرامي اللي سرق شنطتها بااستراليا انجرح جرح عميق بالسكين اللي كان معاه ولا تكلم ولا قال اي شي ماتنسى كيف فكرت بالسوء ماكانت تدري انه مسوي كل هذا عشانها كلللل يوم يزيد حبها له اضعاف اضعااف اليوم اللي قبله بنص تفكيرها غلبها النوم وغمضت عيونها واستسلمت له .. .. ... .. الساعة 8 الليل كانو نورة وبناتها بالمزرعة ريوف : افف طفششش مادري ليه اميي وافقت نجي هنا ريما : اي والله المزرعة بدون بنات خوالي ماتسوى شي لطيفة رفعت حاجبها : خييير ! وانا ؟ ريما : انتي على عيني وعلى راسي بس جمعة البنات لها فقده لطيفة : الظاهر وجدان بتجي على الفجر كذا ريوف : ياليت والله ريما : الهنوف كلمتها انا تقول بكرة عندهم زواج ريوف : زواج مين ريما : اتوقع يا ولد عم او ولد خال تركي مدري عاد ريوف جلست تتحلطم بصوت واطي لطيفة : جتنا حركات مشاعل ريوف : ههههههههههههه مشاعل هي الوحيدة اللي اتوقع ماتجي لطيفة : مشاعل زين ان جت بالعيد ريما : من جججد - يوم الخميس المالديف الساعة 8 الصباح عبدالعزيز طلب فطور لغرفتهم ورهف كانت برا ومعها حمودي حاطته بالبانيو الصغير بعد 10 دقايق وصل الفطور طلع عبدالعزيز وحطه على الطاولة وجلس وهو يشوف رهف تلعب هي وحمودي ومبتسم عبدالعزيز : صباح الخيير رهف لفت عليه : صباح النووور عبدالعزيز : تعالي افطري وخلي السمكة هذا يستمتع في وقته رهف وهي تحط العاب حمودي عنده وتقوم : هههههههههههههه والله يحب المويه مرررة عبدالعزيز : اييه وانتي ماتقصرين ماشاءالله صبح وليل حاطته في هالبانيو رهف جلست على الكرسي : اييه حبيبي هو خله يستمتع في وقته عبدالعزيز : كيف نومتك امس ارتحتي رهف : ايه الحمدلله عبدالعزيز : والله صوت المطر ماخلاني انام رهف : بالعكس يروق ويريح ويجيب النوم خصوصا انه صافي بدون رعد عبدالعزيز : لا ازعاج والله رهف : ماعندك احساس انت عبدالعزيز : انا احب صوته هو الرعد رهف شهقت : لااا ابددد يرووع مره عبدالعزيز : لا والله حلو رهف : انت عكس العالم عبدالعزيز : بالذات صوت الصواعق استمتع فيها بس ماجت امس للاسف رهف : هههههههههههههه مريض قسم بالله عبدالعزيز ضحك وسمعو صوت محمد يصارخ اللي كان يبيهم ينتبهون له يوم شافوه كلهم بنفس الوقت قعد يضحك رهف ابتسمت : ياااابعد قلبي وعمررري اناا محمد قعد يضرب بيده الموية اللي كانت مغطيه رجلينه بس عشان يطلع صوت ويرش الماء على وجهه ويضحك عبدالعزيز : يحس انه مسوي حركات حلوووة اللحين ههههههههههههههه رهف : ايييه مبسوووط ههههههههههههههههههههههههه بعد صمت استمر دقايق عبدالعزيز : رهف رهف لفت عليه : هلا عبدالعزيز : اليوم عازمك على عشاء رهف : اوكي عبدالعزيز : بس مانبي حمودي معنا رهف : نعععم ؟؟؟ وين اخليه ! عبدالعزيز : فيه حضانات كثيررة هنا رهف بخوف : لا لا عبدالعزيز ما اقدر عبدالعزيز بملل : رهف تكفين خلاص عاد رهف : طيب وش يضمن لي انهم بيهتمون فيه عبدالعزيز : حضانة رسميه فيها مليون موظفه لا تخافين كل الناس يحطون عيالهم رهف بقلق وعدم اقتناع : اوكي عبدالعزيز سكت شوي وبعدها قال : ممكن اطلب طلب ؟ رهف ابتسمت : اكيييد عبدالعزيز : ابيك تلبسين فستان ابيض رهف باستغراب : لييش ؟ عبدالعزيز : كذا بس رهف تحاول تتذكر هي جايبة فستان ابيض او لا : اممممم اوكي خلاص عبدالعزيز : ترى المكان برايفت ( وغمز لها ) خذي راحتك باللبس رهف ضحكت بحياء وقامت بسرعة لحمودي تلعب معاه وعبدالعزيز يشوفهم مايبي من الدنيا شي غيرهم خلاص يكفيه وجود رهف ومحمد بحياته تنهد بقوة وهو مبسووط ومرتاااح وجلس يتأمل عايلته الصغيرة اللي بنظره هم الدنيا ومافيها .. .... .. الساعة 6 ونصف الصباح في المزرعة وجدان وسيف توهم يوصلون دخلت وجدان غرفة البنات على طول وكانو ريوف وريما ولطيفة جالسين وسلمت عليهم ريوف : اخيرآ وصلتو وجدان وهي تهف على نفسها : حر حر حرررر لطيفة : غريبة طولتو وجدان : بنشر الكفر علينا بنص الطريق وجلسنا ساعة تقريبآ ريوف : ايه اشوف سناب سيف وجدان فتحت عيونها بقوة : مصور سناااب ؟ مادريت عنه ولا والله بصيح ريوف : اييه ههههههههههه وكان يضحك بعد وجدان : هذا اللي قاهرني انه رغم الظروف مروق وانا متنرفززه ريوف : عادي والله كلها ساعه ريما : لا والله بعذرك تتنرفزين عاد بالذات من سيف اذا روق مررة وانتي متوترة ام الاستفزاز وجدان : مررة فضيع وهو مايروق الا بأوقات غلط ريما : ايييه هو وسعود يموتون بالروقان اللي بأصعب الظروف لطيفة : على طاري سعود وينه ؟؟ ماشفته ابد ريما : اي والله حتى حنا خواته مانشوفه كثير ريوف : من محكمة لمحكمة لطيفة : يعني ماجاء هنا صح ؟ ريوف : اذكر امي قالت له يجيب اشياء من الرياض .. يعيني يمكن جاء او بيجي .... عند العيال كانو سيف ومشعل وسلمان جالسين يسولفون سيف : لا شوف سلمان والله اذا جينا للجد ترى الموضوع اسهل مما كلكم تتوقعون سلمان : من اي ناحية قصدك سيف : يعني انت تتخيل ان المرض النفسي يدمر حياتك كلها ومستقبلك ونهايته اكيد انتحار مشعل : لا مو كذا ويين سيف : سلمان يتخيل كذا سلمان : ايه بالعقل يعني واحد فيه مشكلة نفسية اكيد يشوف الحياه سوداء ومايتخيل ان فيها شي كويس فيها ابد مشعل : اتفق معه بهالنقطة سيف : لاااا غلط غلط غلط شوفو ,, ما انكر ان فيه امراض نفسية نهايتها انتحار بس تختلف قوة شخص عن شخص حتى ذي تشوفها بحياتك الواقعية مايحتاج تشوف المرضى النفسيين عشان تعرف هالشي .. يعني قوة احتمالك تختلف عن قوة احتمال سلمان عن قوة احتمال عزيز وهكذا سلمان : صح سيف يسترسل : لكن ماتتخيل انا اشوف شرائح من المجتمع مشاكلهم لو يكون نصها عندي اتوقع ماراح اقدر اكمل حياتي لكن تشوفهم عايشين ومكملين صحيح يعانون نفسيآ لكن متعايشين معها سلمان : ذولا بالذات هم اللي ينفجرون بعدين وغالبآ ينتحرون بالنهاية لان خلاص تنتهي الحياة بنظرهم سيف : لا قابلت هالنوعية كثيير والان بعضهم اشوفهم بأعلى المناصب وعايشين حياتهم سلمان : مادري صراحة ممكن انك تقابل دكتور نفسي يفرق هذا بحياتك سيف : طبعآ مشعل : ودي اروح لدكتور نفسي التفتو عليه كلهم سيف : ليه مشعل : ودي اسولف عليه ويشوف وش فيني ووش مافيني سلمان : هههههههههههههه ياخي كل تبن تكفى سيف : سولف علي انا مشعل : لا انت ولد عمتي مايصلح افضفض لك سلمان : ولد عمتك دكتور نفسي يعني يالله فضفض مشعل : لا تمسكها علي بعدين سيف : ههههههههههههههههههههههههه الثقه بين الدكتور والمريض اول مراحل العلاج مشعل : مو مريض ياحيوان سيف : ياربيه سلمان وش توكلون اخوكم ؟؟ سلمان : ليه سيف : غبي سعود دخل بهاللحظة : السلام عليكم كلهم بأصوات متفرقه : وعليكم السلاام سعود : يالله صباح خييير اصواتكم واصله البوابة وش عندكم مشعل : اخيرآ جيت سعود بتفكني منهم سعود : ليه وش السالفة مشعل : خلك من السالفة شرايك بقيم ؟؟ سعود وهو ينسدح : طيب بس اذا فزت وش تعطيني ؟ سلمان : شرايكم اللي يخسر هو اللي يسوي الغداء مشعل : لا خلوه العشاء افضل سعود : حاس بالخسارة ؟ ههههههههههههههه مشعل : لا ابدآ .. و عشان نكون على بينه حنا 4 بس صح ؟ سيف : لا شكلك نسيت جدي مشعل : جدي ينام من من 9 سعود : وحنا نبي العشاء من 6 المغرب مشعل : لا يكثر بس مافيه عشاء الا 10 وورى الا اذا انت الخسران نبي العشاء اللحين سعود : ههههههههههههههه خلاص تم بس وش رايكم تزودون العقاب شوي سيف : اممم طيب وش العشاء عشان نشوف نتحمس ولا لا مشعل : الفايز هو اللي يختار سعود : اوووكي شغل البلايستيشن مشعل وجلسو يلعبون .. ... .. بعد ساعات في المالديف لساعة 7 ونص الليل على الشاطئ في مكان برايفت طاولة عشاء رومانسية لشخصين فقط رهف وعبدالعزيز جالسين يتعشون كان اللي يخدمهم فقط نساء .. رهف بتوتر : خايفه على محمد عبدالعزيز : لا تخافين رهف اقولك عنده مليون عامله ماراح يصير له شي رهف : الاطفال كثيرين عبدالعزيز والله اخاف ماينتبهون له عبدالعزيز يتأفف : يابنت الحلال ماراح يصير له شي رهف حست انها متوتره مرة وسكتت . عبدالعزيز كان لابس شورت ابيض وقميص سماوي و رهف كانت لابسه فستان بحر ابيض وسيع وطويييل بدون اكمام بس فيه خيوط ربط حوالين الرقبه وفتحة الظهر كبيرررة وطالع يجنن مع لونها البرونزي عبدالعزيز كل دقيقة يرفع عيونه يتأملها وبهدوء وكلهم ياكلون ومافيه الا صوت البحر عبدالعزيز : لونك رهف رفعت راسها وهي تشرب الشوربة : شفيه ؟ عبدالعزيز ببحة : يذبح رهف قعدت تكح بشكل مفاجئ عبدالعزيز يمد لها الموية : صحه صحه ياعين عبدالعزيز رهف شربت المويه ومسحت وجهها بمنديل وقعدت تهف على نفسها عبدالعزيز : الاكل حار ؟ رهف : لا عبدالعزيز سكت وابتسم رهف : الحمدلله شبعت عبدالعزيز : ما اكلتي شي رهف : الا شبعت والله عبدالعزيز نادى الويترز اللي داخل ورهف قامت تغسل يدها لما رجعت وهي تجلس على الكرسي كانت مصدومه منهم وهم قاعدين ينثرون ورد احمر قدام الشاطئ على شكل قلب رفعت عينها لعبدالعزيز باستغراب وهو سوى نفسه مايدري وش السالفة شوي وجت وحده من العاملات وراها وحطت على راسها تاج ورد ابيض رهف ارتاعت وعبدالعزيز مبتسم بهدوووء فجأه الانوار صارت خافته وبدا صوت اغنية Thousand Years يصدح بالاجواء وبموسيقى البداية عبدالعزيز قام من مكانه وجاء جهة رهف وبأبتسامة وهو يمد يده : تسمحين لي برقصة تحت ضوء النجوم يا احلى قمر ؟ رهف ابتسمت بحياء ومسكت يده مشت معاه لما صارو وسط الورود المنثورة ابتدت الاغنية وبصوت كريستينا بيري اللطيف على صوت امواج البحر عبدالعزيز محاوط خصرها بيدينه وهي محاوطه رقبته ويتمايلون مع انغام الاغنيه بكل سلاسة وكأنهم متدربين قبل كانت عيونهم عالقة ببعض وماكانو حاسين في اي شي حوولهم عبدالعزيز بهمس : ممكن تسمعين الاغنية بكل جوارحك ؟ رهف بنفس الهمس : ليش ؟ عبدالعزيز : لأن الكلمات كلها مقصودة .. ( ابتسم ) : حرف بحرف رهف ابتسمت بحب وهزت راسها بالايجاب وحطت راسها على صدره ومازالو يتمايلون خلصت الاغنية .. وصفقو كل طاقم المطعم بأبتسامة وعبدالعزيز مازال حاضن رهف ويرقصون داخلين جووووو ماهمهم اي اغنية ولا اي شي .. مايسمعون الا نبض قلوبهم وكلهم ماكان ودهم تنتهي ابد هاللحظة ..! عبدالعزيز ابعدها شوي عنه : ماعندك دبله صح ؟ رهف بارتباك : الا عندي عبدالعزيز رفع حاجبه : وينها ؟ رهف بنفس الربكه : اممم مادري .. يمكن في بيت اهلي عبدالعزيز باقتضاب : لا تكذبين علي شفتك يوم ترمينها في استراليا رهف ضاق خلقها شوي وسكتت طلع من جيب شورته بوكس خاتم من تيفاني & كو فتحها وكانت دبلة سوليتير كبيرة بشكل بيضاوي لمعانها وبريقها واضح رغم قلة الاضاءة بالمكان مسك يدها اللي كانت ترتجف وحط الدبلة فيها وباسها : الله يقدرني واعوضك عن كل شي رهف سكتت شوي ثم قالت : اسفه اني رميت الاولى عبدالعزيز : لو مارميتيها انا اللي برميها رهف سكتت تنتظره يكمل عبدالعزيز يسترسل : ابي ابدأ معك بداية جديدة .. ما ابي اي شي يذكرنا بالماضي ابتسمت له ورجعو يجلسون مكانهم .. .... .. الساعة 6 المغرب في المزرعة طبعآ انتهى قيم سعود ومشعل بفوز سعود اللي كان متقدم بهدفين مقابل هدف سعود : الا مشيعل متى تروح تجيب اغراض العشاء بسرعة انا جوعان مشعل : جعلك الدود سعود : ههههههههههههههههههههههههه ههههه هذا وانا مابعد كلت للحين مشعل : اخلص وش تبي جعله مايحدر ان شاءالله سعود : اممممم اصبر ( يلف على سلمان وسيف ) : وش مشتهين ياعيال ؟ سلمان : اي شي من يد مشعل حلو سيف : نفس كلام سلمان سعود : اممم يالله بخفف عليك واقولك نبي برقر مشعل : طي... قاطعه سعود : مو تشتري مجمد وتلعب علينا ! مشعل : اجل سعود : لا حبيبي نبي كل شي فريش مشعل : جعلك اللي ما ابي اقول سيف : هههههههههههههههههههههههه مشعل ندم انه جاي مشعل : انا كل اسبوع اقول ماراح اطلع من الشرقية بس ما اكمل ساعة من كلامي الا وانا جاي سعود : خلك عشان تكرهنا مرة وحدة مشعل قام : تبون شي من هناك ؟ سيف : سلامتك ياعمري سلمان : انتبه على اللحم سعود : ايه وجب معك كل شي حتى البيبسي مشعل : خلاص ياحمار سعود : فايز عليك يعني اتشرط على كيفي سلمان : ايه ولا تنسى الجبن توصى فيه مشعل : طيب طيب لبس ثوبه وطلع وهو يدعي على سعود والعيال اللي ميتين ضحك عليه كانت سيارته من جهة قسم الحريم راح لها وشاف من بعيد زول احد جالس على حوض الشاص قرب شوي و كانت ريما تكلم بالجوال معطيته ظهرها وداخله جوو بالمكالمه ماحست فيه ابد مشعل مشى بشويش لين صار قريب منها وبصوت عالي : من تكلميييييين ريما فززت وطار الجوال من يدها لفت وصرخت : بسسسسسم الله مشعل ميت ضحك على شكلها ريما قعدت تطقه : روووعتني ياكلب ياحييييوان مشعل : اسف والله بس شكلك يحمس اني اروعك ريما وهي تنتفض من الخوف : وربي سخيييف مرة ماتضحك شالت جوالها من الارض وراحت تدخل وهي معصبة انبه ضميره مشعل بس ركب وهو مازال يضحك على شكلها .. .... .. المالديف بعد ماخلصت الليلة الرومانسية لعبدالعزيز ورهف لبست الكارديغان الطويل فوق فستانها ولبست حجابها وقامو وهو ماسك يدها كان يمر من عندهم عشاق كثير من جميع الدول رهف كل شوي تصد من الحياء وعبدالعزيز مستمتع وميت ضحك وصلو عند الحضانة المخصصه للاطفال عشان ياخذون حمودي وشافوه كان نايم دخلت رهف بسرعة وشالته وخمته وهي تبوسه عبدالعزيز : لا تصحيينه رهف وهي تبوس كل جهه فيه : مششتاقه له وربي عبدالعزيز ابتسم : يا ليتني هو رهف سوت نفسها ماتسمع واستمرت تبوس حمودي لين صحى وقعدت تضحك وتلعبه وهم بطريقهم لفيلتهم .. .. .... .. في المزرعة تو مشعل جاي وجايب اغراض الشوي بعد ما اتصل عليه سعود وقاله يدبل كل شي عشان البنات مشعل دخل الملحق وهو يتحلطم : انا قايل لكم من البداية لنا حنا بس ليش تعلمونهم سيف : والله وجداني اشتهت شوي وقلت بس مالها الا مشعل مشعل : الله ياخذك انت ووجدانك سيف : ترى والله لا اقص لسانك عاد حدك سلمان : ههههههههههههههههههه حتى سيف العاقل خربته يامشعل بلسانك مشعل لف على سعود وبعصبيه وقهر : اللحين عشان وجدانه تكلمني وتتأمر علي ! خل عندك شخصية يا اخي سعود ببرود نرفز مشعل اكثر : والله اخوي يمون يتشرط معي مشعل : كل تبن بس اخذ اغراض الشوي وراح للخدامات اللي بالمطبخ يجهزون كل شي ورجع الملحق سعود : يالله عمي مشعل ماعندك نية تبدأ بالعشاء ؟ مشعل : اصبر خل سيتي وشغالتكم يخلصون التجهيز وابدا .. ( وبحقد ) جعله مايحدر مرة ثانية سعود : ههههههههههههههههههههههههه ههههههههههه بعد ربع ساعه جهز جار الله المنقل والفحم والشغالات جهزو كل شي وطلع مشعل يشوي والبنات مجتمعين بجهة والعيال بجهة ريوف : ياليتك انت اللي تشوي ياسعود سعود رفع حاجبه : استحي على وجهك انا اللي فايز ريوف : نبي مشعل يطربنا سعود يتنحنح : تبون اطربكم انا ؟ ريناد : لا لا يرحم امك مو ناقصين نشاز اخر الليل مشعل وهو يحط اللحم : والله لا احرمكم من صوتي باقي الاجازة كلها ريوف : لا تكفى مشييعل اذا تبيني اقوم اشوي معك من عيوني ترى مشعل : وش يفكني من اخوك عاد لطيفة : ياعمررري والله ( لفت على سعود ) سعود عشان خاطري خله يجلس وسيتي وجين يكملون الباقي لف مشعل يناظر سعود نظرة رجاء سعود وهو يضحك : عشان خالتي والله ولا انت ماتستاهل مشعل بحماس : ييييسسس جلسو يضحكون عليه كلهم ورجع قعد معهم ومسك العود وبدا يغني وطلعو الخدامات يكملون الشوي بعد نص ساعة وهم يتعشون سلمان وهي ياكل : ماشاءالله سيتي فنانة طبخ مشعل : استح على وجهك وش سيتي سعود : اي والله سيتي وجين .. اللحم ماتبلته سكتنا وقلنا بنسلك لك عشان بتشويه .. بس حتى الشوي ماشويته مشعل : لاحول ولا قوة الا بالله اقول كلمة وتردون بعشر سيف : مشعل كل وانت ساكت تكفى هههههههههههههه خلصو عشاهم ورجعو لجلسة الطرب وكملو سهرتهم - المالديف يوم الجمعة كانت الساعة 4 الفجر فيه مطر قووي مرررة رهف صحت على صوت صياح محمد عطته رضاعة وجلست معاه شوي لما نام انسدحت على السرير وجلست تشوف دبلتها الجديدة وهي مبتسسمة ومبسوطة وفجأه سمعت الصواعق القويية ورى بعض ونطت من السرير بحركة سريعة وبهلع تخاااف من هالاصوات من صغرها استمر الصوت ورهف ترتجف لفت على حمودي وكان نايم ماحس بشي شافت عبدالعزيز اللي كان نايم بعمق على الاريكة وفيه مكان صغيير فاضي بما انه نايم على جنب قربت منه بتردد ودخلت معه تحت المفرش وهي تحاول تقرب اكثر له كانت تسوي هالحركه كل ماسمعت صوت الصواعق تدخل بالسرير جنب وعد او امها ماتقدر تنام لحالها ابد من الخوف عبدالعزيز حس في جسم قريبب له وشم ريحة عطرها وكان يتوقع انه يتخيل حاوطها بيدينها وقربها له مرة رهف كانت ترررجف بقووة خوفها من الصواعق من جهة وقربها من عبدالعزيز من جهة ثانية . . . بعد 5 ساعات هدا صوت المطر والرعد صحو عبدالعزيز ورهف على صوت صياح محمد كانت رهف بحضن عبدالعزيز و ضامها بكل قوته فكها وقامت بسرعة وهي متوترة عبدالعزيز تنهد بكل قوته نزل راسه وهفت عليه ريحة عطرها اللي علقت بتيشيرته وغمض عيونه وهو يستنشقها بكل قوته وابتسم رهف شالت محمد وجلست على السرير ماتبي تشوف عبدالعزيز منحرجه مررة من اللي صار .. ... .. في الرياض في بيت وعد وخالد الساعة 9 الصباح كانو جالسين يفطرون خالد : متى تبين نروح المزرعة وعد : عادي اي وقت انت تبيه .. البنات ازعجوني بالاتصالات خالد ضحك : يبون زوجة عمهم الحلوة اللي الجلسة ماتحلى الا معاها وعد : هههههههههههههه العب علي بهالكلام خالد : والله ما العب عليك وعد ضحكت وكملت فطورها خالد : ترى ماراح نروح الا الثلاثاء وعد : لييش ؟؟ خالد بابتسامة : حاجز على دبي ورحلتنا بعد العصر وعد انبسطت بعدين تغيير وجهها بسرعة : اليوووم ؟؟ خالد : اييه اليوم وعد : طيب ليش ماقلت لي ماجهزت ولا شي خالد يناظر ساعته : الساعة اللحين 9 يمديك .. رحلتنا الساعة 5 وعد قامت بحماس : كمل فطورك لحالك بروح اجهز اغراضي خالد : هههههههههههههههههه شوي شوي طيب وعد ماسمعت كلامه وراحت بسرعة تجهز اغراضها كانت فعلآ محتاجة هالسفرة من زمان .. ... .. المالديف الساعة 3 ونص العصر كانو جالسين يتغدون في نفس الفيلا عبدالعزيز وهو ينزل كوب الموية : ترى غيرت حجوزاتنا رهف باستغراب : ليه ! عبدالعزيز حك راسه : الاجواء هالاسبوع كلها امطار ماينفع نسوي اي شي حتى كل شي برا بيدخلونه توهم قايلين لي الفجر يوم طلعت رهف : طيب مو مشكلة بس متى بالضبط عبدالعزيز : لقيت 10 الليل رهف : اليووم ! عبدالعزيز : اييه رهف : طيب اجل بقوم ارتب شنطتي عبدالعزيز ابتسم : مايهمك تعرفين وين ؟ رهف ابتسمت وهي تقوم : لا عادي ودخلت وعبدالعزيز مستغرب منها عجز يفهمها هي كويسة معاه مرة لكن احيانآ تصرفاتها غريبة نفس لما صحى ولقاها بحضنه ..! واحيانآ لما يكون معها وتحاول تبعد عنه بسرعة مايفهمهااا ابد .. بس مازال مخليها على راحتها يبي يشوف وش تاليتها .. .. .... .. في دبي الساعة 7 وعد وخالد جالسين بكوفي مقابل نافورة دبي مول وعد : تدري خالد كنت محتاجة هالسفرة مرررة مررة خالد : طيب ليش ماتكلمتي ؟ وعد : مدري خفت اعطلك عن اشغالك او شي خالد يقبص خدها : امووت انا بالزوجات اللي يقدرون وعد استحت : خالد خيير كلن يشوفنا خالد : كييفي بعد زوجتي وادلعها وعد : ههههههههههه ( سكتت شوي بعدين قالت ) : اففف ياليت حمودي معنا خالد : ياشيييخة ! وعد : والله خالد احببه احبببه خالد : بذبحك انتي وياه وعد : ههههههههههههههههههه لا يكون تغار منه ؟؟ خالد : اي والله ماصدقت على الله يسافرون عشان تفضين لي واللحين جالسة تتغزلين فيه بعد وعد وهي ترفع جوالها : والله خالد يجننن اخخخ حراام عليك اشتقت له بكلمهم فيديو خالد سحب الجوال منها ورفع حاجبه : دامه يجنن جيبي له ولد خالة يلعب معه .. الحب افعال مو كلام وعد بدون استيعاب وبحماس : ايه يالله خالد هو يكتم ضحكته باستغراب : وشووو ؟؟!!! وعد استوعبت الوضع وارتبكت : عشان حمودي يعني خالد انفجر ضحك : ههههههههههههههههههههههههه هههههههههه وعد انحرجت : خالد خلااااص خالد : شكلي انا بخليك تكلمين حمودي داييم وعد : اصلا خلاص كملنا سنة وزيادة على زواجنا وهذا كان قرارنا خالد ابتسم : تمام اشربي قهوتك بس وعد : عطني جوالي طيب ضحك خالد ومده لها ورجعو يتقهوون .. ... .. في نفس هالوقت بالمالديف في مطار ماليه قصو البوردنق على طول وعلى التفتيش بعدين ركبو الطيارة رهف يوم جلست ابتسمت وهي تشوف خط الرحلة ولفت على عبدالعزيز رهف : واااو يا ليتك معلمني من قبل عبدالعزيز : تحبين اسبانيا ؟ رهف : ايه لي ذكريات حلوووة هناك عبدالعزيز : ان شاءالله ذكرياتك تصير احلى اللحين ابتسمت رهف : بس الله يعيننا على ازعاج حمودي عبدالعزيز : اييه والرحلة طووويلة بس ماعليك انتي نامي وعطينياه رهف : لا خله بنومه معي عبدالعزيز : الذيب مصحصح اذا جاه النوم حطيته عندك رهف اللي كانت جد محتاجه انها تنام قالت بامتنان : شكرآ عبدالعزيز عبدالعزيز ابتسم واخذ حمودي منها .. .... .. في الرياض في بيت الهنوف وتركي كان تركي داخل يتحمم عشان يطلعون يتعشون والهنوف قاعده تتجهز رن جواله ب 5 رسائل متتاليه الهنوف من ورى الباب : تركي فيه احد يرسل لك شكل الموضوع مهم تركي : شوفي مين طيب الهنوف مسكت جواله وطلع لها رقم لولوة وكانت الرسائل جدآ مستفززززة الهنوف : طفح الكيل يالولوة طفح الكييييل طلع تركي من الحمام وهي مازالت ماسكه الجوال بقهر تركي : ميين ؟؟ الهنوف بعصبية وهي ترمي الجوال : بنت خالتك الوصخة تركي عقد حواجبه : لا حووول ولا قوة الا بالله الهنوف وهي ترتجف غضب : والله ياتركي والله ان ماوعدتني تعلم ابوها بروح انا واعلمه تركي بصرامة : الهنوف اعقلييي .. اقول لا ابوها بنتك تراسلني وتكلمني ! الهنوف فقدت اعصابها : اييه وليش ماتقول ؟؟؟ .. والله سكتت لها كثيير .. احترمت صلة القرابة اللي بينكم ولا حبيت اخرب علاقات العايلة وانا توني داخله فيها بس جد جد ياتركي الوضع ماينطاق كذا .. يا انا يا هي تركي : وش اللي يا انا ياهي .. تستهبلين انتي صح ؟ الهنوف وهي تجلس على السرير وحاطه يدها على راسها : بتعلم ابوها ولا اعلمه انا تركي : قلت لك استهدي بالله واعقلي وخليها تنابح لحالها محد معطيها وجه الهنوف قامت بسرعة : لا ماراح اسكت وادري انك مو معبرها ولا معطيها وجه بس كلامها مستفز اقسم بالله مستفز تركي يقبص خدها وبمرح يحاول يهدي الاجواء : يازيين اللي يغارون ياناس الهنوف دفت يده بقوه : اللحين وش قلت ماجاوبتني بتعلم ولا ؟ تركي اخذ نفس عميق : انا لله وانا اليه راجعون .. اقولك الرجال طيب وحبيب متفشل اني اجي اقوله هالكلام الهنوف وهي تفصخ عبايتها : اوكي خل ابو لولوة الطيب والحبيب يروح يتعشى معك رمت العباية على السرير وطلعت للصالة .. .... .. في المزرعة الساعة 8 ونص كان ابو محمد رايح الرياض الفجر وتوه راجع وجالس بالصالة وقت القهوة وحوله احفاده وبناته وسوالف واستهبال مشعل وسعود الجد : حنا قلنا ماجد يوم توظف عقل وهجد بس سعود شكل مافيه فايده لا وظيفة ولا غيرة ام ماجد : ههههههههههههههه خلهم يبه يوسعون صدورنا مشعل بهمس : حسيتنا ارقوزات سعود : تشوف انت ريوف : بس الغريبة يبه انه وقت الشغل يصير شخص ثاني ماكنه سعود ذا سعود يتنحنح : اييه عاد انا انسان طبيعي وقت الجد جد ووقت الاهل استهبال الجد : عاد نبي نشوفك عاقل لو مرة .. ماهوب دايم مزح وخبال سعود ضحك : والله يبه اني عاقل بس اذا شفت مشعل يزر عقلي الجدة : ايه والله يابو محمد مشعل مايخلي في احد عقل سيف لف على وجدان اللي جنبه : والله مشعل مسكين مستحيل يجلس الا واللكل قالب عليه وجدان : هههههههههههههههههههه ياعمري بس على المتفهمين .. اول مرة اشوف احد يرحم مشعل سيف ضحك : والله حرام عاد هو ملح الجلسات اذا اجتمعنا بدونه احس فيه شي ناقص تصير جلستنا مالها طعم ريما : والله انك صادقة يمه لطيفة مشعلوه التبن لو فيك نتفة عقل يطيرها مشعل : اووه بنت عمتي شايلة بقلبها ريناد : على وش تشيل مشعل : يوم اروعها وهي جالسه تكلم بحوض الشاص ريناد : هههههههههههههههههههه مو صاحي قسم بالله ريما : قهرررتني قسم بالله اكررهك سعود دف مشعل : ياحيوان تروع اختي ليش ! مشعل : روعتك انت ماتبي اروع اختك ؟ شوي ورن جوال سعود وتغير وجهه سعود : عن اذنكم دقايق بس طلع يكلم وكلهم مستغربين من وجهه اللي انقلب بعد مارن جواله بس ماكملو ثواني الا وهم راجعين لسالفتهم ونسو . . بعد خمس دقايق قفل ولف بيرجع وشاف لطيفة وراه وارتاع لطيفة : منهي هديل ؟ سعود ارتبك بس بين الهدوء على وجهه : ولا احد لطيفة بصرامة : سعووود قلت لك منهي هديل ! سعود رفع حاجبه وبنفس الصرامة : خالتي على عيني وراسي بس ما اظن لك اي حق تسأليني عن اشياء خاصة دخل سعود ووراه لطيفة اللي كانت مقهووورة من المكالمة اللي سمعتها كان يتحاشى النظر لها ويرجع يستهبل مع مشعل بس نظراتها كانت عالقه علييه مررة انتهى البارت و الحلوين اللي من خارج المنتدى ودي اشوف تعليقاتكم على البارت وتوقعاتكم حياكم هنا https://tellonym.me/Sa7abD . | ||||
|
| |
|
17-09-19, 09:47 PM
| #53 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -51- - بعد يومين يوم الاحد في اسبانيا .. وتحديدآ في برشلونة كانو يتمشون في حديقة جويل ورهف تشوف المباني ومنهاره على شكلها وعبدالعزيز شايل محمد عبدالعزيز : وين تبين نتعشى فيه رهف : عادي اي مكان عبدالعزيز : بخاطرك اكل معين ؟ رهف : اممم اي والله ودي في بيتزا عبدالعزيز : ابشرري من عيوني رهف : وفيه مطعم بيتزا هنا قريب قد اكلت منه خلنا نروح له عبدالعزيز انبسط انها قالت عن شي خاطرها فيه : وش اسمه رهف فتحت جوالها على قوقل ماب وقرب منها يحاول يشوف و بهاللحظة رن جوالها وكان رقم غريب عبدالعزيز : تعرفينه ؟ رهف هزت كتفها ب مدري كانت لابسه السماعات وردت رهف : الوو ,, هلاااا والله طلول قلبي ,, الحمدلله بخير انت شخباارك ,, ويين الناس ياكلب تدري انك مابعد شفت ولدي للان ! ,, معذور بس والله زعلانه عليك شوي .. لا اللحين انا مسافره ... دقيقة انت مكلمني من رقم ثاني ,, مغير رقمك ؟ ,, اماااانه عاد ! ,, خلنا نشوفك ,, لا لا ماجيت مع اهلي مع زوجي عبدالعزيز انبسط على كلمة زوجي وابتسم وهم مازالو يتمشون رهف : خلاص اشوف جدولنا واسألك ,, خلاص نشوفك ان شاءالله يالله مع السلامه سكرت منه وهي فرحانه مرة عبدالعزيز بتساؤل : مين ؟؟ رهف : طلال اخوي عبدالعزيز تذكر موقف دبي وجته ضحكه : متأكدة اخوك رهف لفت وعطته نظرة وقلدت كلامه باستهزاء عبدالعزيز مات ضحك رهف : وع وععع ياكرهك عبدالعزيز كنت اكرهك ذيك الايام عبدالعزيز : والله كنت احبك حب يارهف رهف : وين تحبني وانت كل يوم ترفع ضغطي عبدالعزيز : ماكنت اعرف اعبر عن مشاعري الا كذا رهف : ايه ماشاءالله عليك بس خليتني اكره دبي وروحة دبي كلها عبدالعزيز : عاد تصدقين صحيح اني خسرت نفسيتي وخسرت كل شي بذيك الروحه كله على امل اني اقهرك بس كسبت شي واحد رهف باستغراب : اللي هو ؟ عبدالعزيز : ماراح اقولك رهف دفته : سخيف يعع عبدالعزيز ضحك وكملو مشي وهي تفكر وش كان بيقول - يوم الثلاثاء في المزرعة وصلو وعد وخالد من دبي الصباح وعلى طول جو للمزرعة والعوائل بدو يتجمعون بما ان العيد باقي عليه اسبوع كانت الساعة 3 العصر وخالد ووعد يتمشون بالمزرعة كان الجو مو حار ولا بارد لطيف وفيه نسمات هواء بما انه بعيد عن المدينة وعد تفتح يدها : احب هواء المزرعة مرررة خالد يناظرها بأبتسامة : وانا احبببك وعد ابتسمت بقوه : اموت فيييك والله العظيم خالد مسك يدها : تعالي بوريك جهة بالمزرعة اتوقققع ماقد جيتيها وعد : يالله مشو لجهة بعيدة مرررة وعد : احس اننا طلعنا من المزرعة خالد : لا ويين تونا وعد : ياليتك ماخذ السيارة رجلي تكسرت خالد : ههههههههههه صدقيني المكان يستاهل التعب بعد مشي متواصل وصلو لمكان كله حظائر كبييرة للطيور وطيور اشكال وانواع .. نعام وحبارى وكل شي وعد بانبهار : وااااااو خالد : اول مرة تجين هنا صح ؟ وعد : ايييه اوول مرة غريبة البنات ماقد جابو طاريه ولا صوروه حتى خالد : البنات مايحبون يجون هالجهه ماتستهويهم الحيوانات اساسآ .. اغلب الطيور ذي لعبدالعزيز وعد : جججد ؟؟ خالد : اييه هو الوحيد اللي طالع على ابوي يحب الاشياء النادرة .. ومانع اي احد يجي هنا لان مرة مدري من جاء وفتح لهم الحظائر وباب المزرعه وضاع منها كثير وعد وهي تتأمل المكان : اشكالها تججننن خالد : تدرين بيلعنا عبدالعزيز لو درا اننا هنا وعد : ههههههههههههههه لهالدرجة ؟؟ خالد : اييه اقولك مايخلي احد يجي هنا الا جار الله وعطا وعبدالمنعم والعمال الباقيين ( ضحك ) وكلههههم مااخذين كورسات تعليم بتربية الطيور النادرة .. عشان كذا اقولك بيلعنا وعد : هههههههههههه الحمدلله انهم مسافرين اجل خالد : اي والله الحمدلله .. .... .. في الرياض عند الهنوف وتركي تركي توه راجع من الدوام دخل البيت وسلم والهنوف جالسة تشوف التلفزيون ماردت عليه تركي اخذ نفس عميق : للحين زعلانة ؟ الهنوف ساكتة تركي يمد جواله : طيب خذي كلمي لولوة وطلعي كل اللي بخاطرك الهنوف لفت بعصبية : ياشيييخ ؟؟ .. ما ابي اكلمها لأن هي انسانة عديمة احساس وضمير وكرامة تركي بقلة حيلة : طييب وش تبيني اسوي الهنوف : علمتك وش تسوي وانت مو راضي تركي : اذا علمت ابوها بترتاحين ؟ الهنوف : اييه وبكون بقمة الراحة والسعادة .. وبعد ماتعلم ابوها تبلك رقمها وتبلك رقم امها راس الشر تركي ضحك : خلاص ولا يهمك .. الله يعيني على الفشيلة والله الهنوف : مو فشييلة والله اللي يفشل ويقطع الوجه هو حركات بنتهم القذرة تركي : طيب ماتبين تروحين المزرعة ؟ الهنوف بحماس : الااااا تركي : يالله اجل جهزي اغراضك عشان نمشي بعد شوي الهنوف : اوووكي قامت الهنوف تجهز اغراضها عشان يروحون المزرعة وهي مرتاحة ان اخيرآ تركي بيتكلم .. .... .. في اسبانيا كان الوقت المغرب عبدالعزيز اتصل على طلال وعزمه على العشاء وكانو جالسين بالمطعم 5 دقايق وجاهم طلال قام عبدالعزيز وسلم عليه وسلم على رهف اللي بدورها ضمته طلال شال حمودي وهو يبوسه : والله يشبه لك يا ابو محمد عبدالعزيز ضحك : مرررة نسختي وانا صغير طلال : ليته يبقى يشبه لك حتى اذا كبر ماتتغير ملامحه ويصير يشبه هالشينه ( ويناظر رهف ) رهف : كل تبن لي ساعة امدح فيك عند عبدالعزيز بالاخير تقول كذا طلال : امزززح وش فيك صايره حساسه عبدالعزيز : لا والله ياليته يصير يشبه لها .. يحصل له بعد ؟ طلال : الله اكبررر لا لا كذا بتصل على امي اخليها تزوجني رهف انحرررجت مرة وطلال وعبدالعزيز ضحكو عليها رهف : اقول بس علمني متى بترجع طلال : جاي 4 ايام وراجع رهف : ليه طلال : مباراة مدريد والبرشا بعد بكرة بحضرها وامشي عبدالعزيز طق راسه : ايي والله ! طلال : والله احسبكم جايين عشانها عبدالعزيز : تتوقع احصل تيكت ؟ طلال : انا ادبر لكم اذا تبون عبدالعزيز : والله انك ماتقصر بس خلني انا احجز طلال : مستحيل تلقى بس خلها علي انا اجيب لكم عبدالعزيز : خيرك سابق والله طلال : اعتبرها هدية زواجكم عبدالعزيز انحرج : لا طلال ماابي اثقل عليك والله طلال : والله لازعل منك يابو محمد مابيننا انت زوج اختي اعتبرني اخوك واقرب من اخوك بعد عبدالعزيز : ماتقصر ياااحبيبي رهف تشوفهم وهي رافعه حاجبها : لحظة لحظة ماتلاحظون انكم قررتو تروحون ,, وانا وش خانتي ؟؟ عبدالعزيز : انتي اول من يدخل الملعب ياقلبي رهف ضحكت : ياااثقتك .. طيب يمكن مابي احضرر ! طلال : افا تردين هدية اخوك ؟ رهف : والله لانك غالي ماراح اردك طلال ارسل لها بوسه بالهواء تحت انظار عبدالعزيز عبدالعزيز : اخوي طلال ماودي اكسر راسك بأول لقاء طلال : ليييه وش سويت ؟؟ عبدالعزيز : زوجتي ممنوع ارسال البوسات لها طلال : ههههههههههههههههههههههههه ه يالييل المعاريس قسم بالله خلاص ذبحتووني توني مخلص من افنان وناصر تجوني انتم رهف : ياحللوها افنان والله اني ميته من الشوق لها طلال : تدرين الاسبوع اللي فات كانت هنا رهف شهقت : مووو من جدك طلال : والله وتوهم راجعين قبل امس رهف : شكلهم على وصولنا هنا راحو طلال : اتوقع رهف : ياحلوووها الله يوفقهم اللكل : اميييين طلال جلس يلعب محمد لين وصل طلبهم وتعشو - يوم الاربعاء بالمزرعة البنات جالسين يتقهوون ويسولفون مشاعل توها داخله عندهم : تدروون من الحلو اللي بيجي ؟ ريما : رررهف ؟؟ مشاعل : غلللط ريما : حمووودي ؟ مشاعل رفعت حواجبها : يعني حمودي بيجي بدون امه ! ريما : مدري يمكن ريوف : ماااجد ؟ مشاعل : غللللط ( سكتت شوي ) : خيير وش يدريني عن ماجد انا هههههههههههه الهنوف : هيوووف ؟؟؟ مشاعل : صصصح الهنوف صرخت : اخيرررآ اشتقت لها الكلبه وجدان : ياحبيبتي والله ياهيفاء اتوقع بتولد وانتم كل اسبوعين تسحبونها للرياض او المزرعة الهنوف : من جد والله ريوف : غريبة اذكرها تقول بجي ليلة العيد مشاعل : ايه بس غيرت رايها تقول مشتاقه لكم وللمزرعة مشاعل اتصلت عليها وحطت سبيكر ردت هيفاء وكان عندها صوت هواء : هلااا مشاعل : هلا بحياتي هيفاء : اووف مشاعل تقولي حياتي ! اخلصي شتبين مشاعل : ياحيوانه الشرهه مو عليك الشرهه على اللي يشتاق لك هيفاء : امززح والله انا بعد ميييته من الشوق لكم قسم بالله ,, بس توني مكلمتك وش تبين مشاعل : وينكم ؟ هيفاء : باقي نص ساعة تقريبآ مشاعل : اسرعو شوي احس بموت من الشوق هيفاء : بلا دراما مشاعل : شخبار حبيب عمته مدري حبيبه عمتها هيفاء : بخيرررر تسلم عليك ريما نطت بحماس : يعني بنت !! هيفاء : ريما ههههههههههههههههههههههههه ههههه الهنوف : اتوقع انها متحمسه تعرف اكثر من سامي بعد هيفاء : مرررة هو مايسألني كثرها ريما : والله مررة متحمسه جالسة اعد الايام لولادتك اكثر منك بعد هيفاء : ياعمررري شكلي بعلمك لحالك اجل مشاعل شهقت : عرفتيي جنس الجنيين ؟ هيفاء : اييييه مشاعل : وشوو هيفاء ضحكت : ماراح اقوووول وجدان : ياربيه ياشينك هيوف هيفاء : تدرون ليه ؟ مشاعل : لييه هيفاء : عشان يجيني هدايا للبنات والعيال ريما :ههههههههههههههههههه قدوووتي قسم بالله مشاعل : والله فكررررة شكلي بسويها هيفاء : مشكلتي اذكى منكم الهنوف : لا ياحبيبتي والله مانشتري لك هدايا الا لما تولدين ونعرف وش جنسه مسويه ذكيه يعني هيفاء : لا يكثر تكفين الهنوف : هههههههههههههههههه اوكي مشاعل : يالله باااي ولو سمحتو اسرعو شوي هيفاء ضحكت : طيببب ابشري يالله فمان الله مشاعل : فمان الله .. ... .. في اسبانيا الساعة 9 ونص الليل توهم يوصلون الفندق كان محمد نايم وعبدالعزيز شايله راحو لغرفتهم وانسدح عبدالعزيز على الكنب رهف : متى المباراة بكرة عبدالعزيز : العصر رهف : اففف امانه عبدالعزيز : والله رهف : اوكي عبدالعزيز : لازم نصحى بدري رهف : ليه عبدالعزيز : نروح المول نشتري تيشيرتات مدريد رهف حطت يدها على خصرها : على كييفك طيب يمكن انا اشجع برشلونة ! عبدالعزيز : عشان اكسر راسك انتي وبرشلونه رهف : وامووت في ميسي بعد كنت اتمنى يكون زوجي عبدالعزيز رفع حاجبه : انتي شكل ودك نصلي عليك الفجر رهف ضحكت : ههههههههههههههههه امزح والله والله امزح خلاص عبدالعزيز : اقطعي الصوت ونامي رهف : اففف اكره هالكلمة ترى عبدالعزيز : زين علمتيني عشان استخدمها كل شوي رهف : والله اذبحك عبدالعزيز مسك قلبه : اااه احب اللي بيذبحوني رهف رفعت حاجبها : اقطع الصوت عبدالعزيز : ياحلو اقطع الصوت من لسانك الثقيل رهف شهقت : خييير ان شاءالله لساني مو ثقييل ضحك عبدالعزيز ورهف انسدحت على السرير وكلهم نامو بوقت قياسي لانهم تعبو من كثر المشي هاليوم .. ... .. بالمزرعة البنات جالسين يتعشون ريما : ودي اقص شعري بوي الهنوف : لاا حرام حلو شكلك بالشعر الطويل هيفاء : احس حتى القصير يليق عليك ريوف : على اساس امي بتوافق لك يعني ؟ مشاعل : والله مالومها حلو شعرك ماشاءالله وكثافته تجنن ريما : والله طفشت منه بالذات لما دخلت جامعة كل يوم لازم اضبطه ريناد : عاد صدق احس بيصير حلوو مرة احلى من الطويل لطيفة : اتوقع انا بعد لانها بيبي فيس ريما : حمستووني والله الهنوف : بس اصبري لا تقصين الا بعد العيد ريما : اي ماراح اقص الا قبل الدراسة بأسبوع ريوف : حلو عشان اول اسبوع من الدراسة يكون ذكرى قطع رقبتك هيفاء مسكت بطنها وهي ميته ضحك : تكفين ريوف ههههههههههههههههههه بولد قسم بالله ريوف : امزح خلاص مشاعل : ههههههههههههههههههههه ياليت والله تولدين ونعرف جنس الجنين ونرتاح هيفاء : بسس هذا همك ؟ والصياح والصراخ والدم وش صار عليه ؟ مشاعل : و عععع الله يقرفك وجدان : ياويلك هيفاء اللحين ماراح تحمل ابد مشاعل مشاعل : على اساس ناوية واللي رادني كلامها ؟ الهنوف : والله مشاعل معليش بس الله يعين فيصل عليك مشاعل : والله حنا عاجبنا ومستانسين الهنوف : وافق شن طبقة وش اقول بعد - يوم الخميس بالمزرعة الساعة 6 الصبح البنات صاحين وجالسين برا وبالمطبخ مشاعل وريما جالسين يسوون فطور سريع بما ان الخدامات نايمين كانت ريما تحرك الحمسة ومشاعل تسوي الشاهي ريما : لا حلقة امس تجنننن لاتفوتك مشاعل : والله لي حلقتين ماشفته طفشت يختي البطل سخيف وثقيل دم ريما شهقت : حرااام عليييك ! هنري كافيل سخييف !! مشاعل : والله مدري وش اسمه بس ذاك اللي يحب الشقراء ريما : اييه هوو مشاعل : وع والله سخيف ريما تمسك قلبها : اااه قلبي احبببه انفتح الباب الخارجي بقوة مشعل : منهو اللي تحبونه لفو كلهم وهم مرتاعين ريما وهي تعدل حجابها : وجع وش ذا الاذان عندك مشعل يمسك اذانه : تف تف بسم الله علي وعلى اذني ريما : انت اللحين شتبي مشعل : ههههههههههههههههههههههههه ه حاقده علي للحين ؟ ريما لفت على الفرن وهي معصبة : كل تبن واسكت مشاعل : وش فيكم ؟؟؟ مشعل : روعتها وهي بالكراج وعصبت من ذاك اليوم وهي تناظرني بنصف عين وكل ماجيت دعت علي مشاعل : بسس كذا ؟ مشعل : ايه بس مسوية انها حساسه مشاعل كانت جنبها وضمتها : بسم الله على قلببه الحلووو الخواف الرقيق ريما : وه وه ياعمررري يابنت خالي مشعل : وعععع مشاعل ياصبرك وشلون تضمينها وريحتها بصل ؟ ريما : يحصلك ضمتـ..... ( واستوعبت انها جابت العيد ) مشاعل ماتت ضحك مشعل جته ضحكه : المهمم نبي فطور ريما لفت على الفرن وهي تضحك ومستحيه مشاعل : طيب كم انتم ؟ مشعل : انا بس العيال كلهم نايمين مشاعل : خلاص بحط لك واذا خلص ناديتك مشعل طلع و ريما وجهها الواان للحين مشاعل : ههههههههههههههههههههه ( وتقلد صوت ريما) : يحصللك ضمتي ههههههههههههههههههههههههه هههه ياربيه ريمااا ريما طقتها : وججع وجععع خلاص تكفيين اسكتي مشاعل : يبي من يقطع لسانك ريما : كلب اخوك اقسم باللله كل ماشفته صار شي يقهر مشاعل رفعت حواجبها : شرارة الحب ريما : حب شمسي ولا ايش ؟ مشاعل دفتها وهي ميته ضحك : قسم بالله كلكم نفس الطبع هههههههههههههههههههههههه .. .... .. الساعة 7 الصبح في اسبانيا صحى عبدالعزيز من المنبه وقرب من رهف اللي كانت على السرير عبدالعزيز بصوت حنون : رهف .. رهووفي رهف اللي كان نومها خفيف فتحت عيونها على طول عبدالعزيز : يالله قلبي اصحي صحت رهف و عبدالعزيز دخل الحمام يتحمم وهي قامت تجهز ملابسها وملابس محمد عشان يطلعون للمول قبل ماتبدا المباراة بعد ساعة نزلو من غرفتهم للوبي عبدالعزيز : شرايك نفطر هنا ولا نطلع برا رهف وهي تشيك على شنطتها وشنطة حمودي : انا مابي فطور بس ابي قهوة عبدالعزيز : لا تفطرين اول بعدين تتقهوين رهف : ماشتهي اكل والله عبدالعزيز : بتتعبين من الخفقان رهف : عادي انا راضية عبدالعزيز : انا مارضى طيب رهف لفت بعصبية : عزيييز خلاص عبدالعزيز ضحك وهو يقلد صوتها : عزيييز خلااااس رهف : سخييف ماتكلم كذا والله عبدالعزيز : سخيييف ماتكلم كذا والله رهف بضحكة قهر : ياربيه عزيز خلاص عبدالعزيز قرص خشمها : امووت فيييييك اذا قلتي عزيز رهف رفعت حاجبها وبصرامة : عبدالعزيز خلاص عبدالعزيز ضحك : ياربيه يا ليتني ماقلت لك اللحين ماراح اسمعها ابد وهم طالعين من الفندق عبدالعزيز : يالله بسرعة اختاري اي مطعم نفطر فيه رهف : انت اصلآ ماتحبني عبدالعزيز وقف عربية محمد : مجنوونه انتي صح ؟ رهف : اقولك ما ابي اكل وتقول اختاري مطعم فطور ! عبدالعزيز : الكلمة اللي تو عيديها رهف : وشو ؟ قصدك انت ماتحبني ؟ عبدالعزيز بحركه سريعة شالها وقعد يدور فيها وبصوت عالي : احببببك ... احببببببك رهف دفنت وجهها بكتف عبدالعزيز ماتبي تشووف شي كانت منحرجة لأن الشارع اللي هم فيه اغلبه عرب عبدالعزيز نزلها وهو يضحك : هاه صدقتي اني احبك ولا اصرخ ثانية ؟ رهف وهي مغطيه وجهها : عزيييز اغلب اللي هنا عررب فشيييلة عبدالعزيز : خل يعرفون اني احبك وش فيها ؟ وين الفشيلة ؟ مسك يدها وكانو اغلب الموجودين فعلآ عرب ويناظرونهم ويضحكون وبعضهم ناقدين ! لكن عبدالعزيز ولاهمه يكفي ان قلبه معه .. .. ... .. في المزرعة الساعة 10 الصبح كانت لطيفة لحالها صاحية من ذاك اليوم اللي سمعت فيه مكالمة سعود وهي شايلة هم ومو قادرة ترتاح طلعت جوالها واتصلت عليه سعود رد : هلا لطيفة : هلا فيك .. صااحي ؟ سعود : اييه بالرياض انا لطيفة تأففت : متى تجي ؟ سعود : يمكن بكرة ليش تبون شي ؟ لطيفة : ايه ابي احاكيك بموضوع سعود باقتضاب : اذا موضوع هديل .. من اللحين اقولك قفليه لأن ماعندي اي كلام اقوله لطيفة : غصب عنك بتتكلم وتعلمني سعود : مافيه شي غصب لطيفة : لا تحدني اعلمهم كلهم عن اللي سمعت سعود سكت لطيفة : يعني السالفة كبيرة سعود : انا بجي بعد شوي المزرعة وبقولك كل شي لطيفة ارتاحت : تمام انتظررك .. ... .. في اسبانيا في المول .. و في محل اديداس بالتحديد جالسين عبدالعزيز ورهف يختارون ملابس ومحتارين بين طقمين يتهاوشون عليه رهف : انا وحمودي نبي الكحلي و انت بكيفك خذ الابيض عبدالعزيز بقلة صبر : ياقلبي ياحبيبتي الابيض احللى والله احلى رهف : لا يعني لا .. ما ابيه عبدالعزيز : اقسم بالله عنادك ذا بيذبحني بيوم من الاايام جاهم الموظف وسألهم اذا تحتاجون مساعدة وضحك عبدالعزيز وقال ايه اقنعها ان اللون الابيض احلى راح الموظف واخذ التيشيرت الابيض وقرب من رهف وكان بيحطه عليها سحبه عبدالعزيز وهو منغبن وقعد يتكلم معه بصوت عالي رهف انصدمت : ليييه تهاوشه ! عبدالعزيز لف عليها وهو معصب : اقطعي الصوووت ولف عليه وجالس يهاوشه لين راح الموظف وهو خايف عبدالعزيز جاء و مسك يدها بقوه : اللي يقرب منك اكسر يده رهف : بس هو ماسوا شي مسكين عبدالعزيز ضغط على يدها وشد على اسنانه : لا تدافعيين عنه رهف مازالت مصدومة : خير ماسوا شي ماكان قصده يتحرش بس شافنا نتناقش وسألك تبي مساعدة وانت وافقت عبدالعزيز : لا يمد يده على زوجتي رهف بعصبية : طيب فك يدي انا مالي دخل عبدالعزيز فك يدها بسرعة وهي لفت وكتفت يدها وهي معصبة عبدالعزيز حس انه زودها شوي واخذ نفس عميق : ما اتحمل اشوف احد حاط يده عليك او حتى يكلمك رهف لفت بعصبية : مو مبرر انك تهاوشه بهالطريقة عبدالعزيز بصوت هادي : حبي لك وغيرتي عليك مو مبرر ؟ رهف سكتت عبدالعزيز بنفس الصوت : جسمك وانتي كلك وحتى وجهك وضحكتك وابتسامتك وكل شي فيك حقي لحالي بسسس رهف ارتجفت من قربه منها وصوته ولا قدرت ترد عبدالعزيز قرب اكثر وبصوت قصير : فاهمة ؟ رهف : ......... عبدالعزيز : فاهمه بابا ؟؟ رهف ابعدت عنه وبسرعة وهي تتنحنح عشان تعدل صوتها : خل نشتري ونحاسب بسرعة عبدالعزيز ضحك على احراجها وبنفسه : والله وعرفت دواها ياعبدالعزيز .. ... .. في المزرعة جاء سعود وكانو اللكل نايمين الا لطيفة والجد والجدة والاعمام دخل وسلم عليهم وجلس معاهم شوي سعود بمرحه المعتاد : بما ان خالتي الصغيرة جالسة وحيدة واللكل نايم .. حاب اعزمك على قهوة ام محمد : تونا متقهوين مايحتاج لطيفة بابتسامة تحاول تخفي توترها : لا قهاوي المحلات اللي تمغص البطن لها طعم اكثر ام محمد : الله لا يبلانا بس يالله روحي انتي وولد اختك لطيفة قامت بسرعة تلبس عبايتها عشان تطلع مع سعود بعد نص ساعة بالسيارة الهدوء سيد الموقف لطيفة لفت عليه وبقلة صبر : منهي هديل ؟؟ ومنهي البنت اللي اسمها روز ؟؟ زوجتك وبنتك ؟؟ سعود جاوبني بسرعة سعود وهو يوقف السيارة : لا مو زوجتي ولا بنتي لطيفة : اججل مين ذووولي ؟ سعود : قبل ما اقول اي شي ابيك توعديني وعد لطيفة : في وش اوعدك سعود : توعديني توقفين معي باللي بسويه لطيفة : اذا لمصلحتك اووعدك ستين وعد بعد سعود اخذ نفس عميق : هديل هذي انا ماسك قضاياها اللي ضد زوجها السابق لطيفة : ايوه ؟ سعود : الحمدلله كسبنا الحضانة لصالحها لكن اللحين هي ماعندها مكان تروح له لطيفة : لييش ؟ وين اهلها ؟ سعود ضحك بقهر : اهلها ؟؟؟؟ اهلها هم السبب باللي جالس يصير لها اللحين لطيفة تحمست : طيب وش سالفتها ؟ سعود : هي شابة صغيرة توها ام 26 سنة ,, اهلها زوجوها وهي عمرها 15 لواحد اكبر منها ب20 سنة ,, ضربها وعذبها بس ماكانت تشتكي لأي احد لأن اقرب ناس لها ماكانو معها مع الاسف ,, عندها 3 اطفال اكبرهم روز عمرها 9 سنوات ,, رجعت لأهلها بعد ماجابت بنتها الاولى بس طردوها وجلست بالشارع هي وطفلتها الرضيعه لطيفة خنقتها العبرة : ايوه ؟ سعود : ....... ..... لطيفة بعد ماسمعت سالفة هديل من سعود بكت كثييير استمرت بالبكي اكثر من 10 دقايق وسعود ساااكت لطيفة خذت مناديل ومسحت دموعها ولفت عليه : وانت وش ناوي تسوي اللحين سعود : ابي اتزوجها لطيفة شهقت : لا سعوود سعود : وش لا .. اقولك بنت صغيرة مالها احد وعندها 3 اطفال لطيفة : ولوو مو مبرر انك تتزوجها حتى لو كانت صغيرة ووحيدة سعود : انا ما ابي اتركها وهي في امس الحاجة لشخص يكون معها ومع اطفالها لطيفة : لا تتزوجها وتظلم نفسك وتظلمها معك سعود : ليش اظلم نفسي واظلمها .. انا فعلآ ابيها لطيفة : كذاب سعود : لا ماكذبت لطيفة : سعوود انا ادري داخلك ماتبيها بس انت راحمها ,, وهي لو تدري عن نيتك ذي والله ماتوافق سعود : الا بتوافق هي محتاجة سند لطيفة : انا بساندها وبوقف معها اوعدك والله مااتركها بس عرفني عليها سعود : حتى لو ساندتيها بالكلام ماراح تستفيد الحياة صعبة لطيفة صرخت : اذا من اول قضية جتك بتتبع عواطفك لابوها من شغله !!! معناها مكانك مو هنا سعود بنفس قوة الصوت : اقولك بنت صغيييرة حتى شهادة ثانوية مامعها الكلب عديم الرجوله منعها تكمل دراستها عشان تنحد له وتجلس معاه لطيفة بعصبية : قلت لك والله لااوقف معها وانا اللي بدبر لها وظيفة ولو تبي اشتري لها مكان تسكن فيه هي وعيالها .. وان شاءالله بيجيها نصيبها اللي يعوضها .. بس لا تخلي شفقتك تضيعك وتضيعها سعود حس ان كلام لطيفة فيه جزء من الصحة لكن مازال في داخله راحمها مررة لطيفة : عرفني عليها .. اول مانرجع للرياض ابي اشوفها هز راسه بالايجاب ومشى .. .... .. بعد ساعات في المزرعة المغرب الساعة 6 صحو البنات وجلسو يتقهوون حوالين ام محمد والامهات ام محمد : الا ياوعد ماكلمتك رهف وقالت متى بيجون ؟ وعد : لا والله يمه ماكلمتني بس اتوقع الاسبوع الجاي ام محمد : الله يهديهم والله اني قايله خلو محمد عندي بس مايسمعون الكلام ريوف : ههههههههههههه يعني يمه مااشتقتي لهم هم ام محمد : لا وش ابي فيهم ريوف بهمس للهنوف : احححح والله عزيز لو يدري بيموت .. كانت امي لطيفة تشرق بااسمه واللحين سحبت عليه ام محمد اللي سمعتها : ماسحبت على احد انا بس هم اللي يبون ذا السفرة اللي مالها داعي ,, وليدي صغير مايدري وين الله حاطه يسحبونه معهم وهو مايبي الهنوف : ههههههههههههههههههههههههه ه ليتك ساكته ريوف بهاللحظات رن جوال وجدان وكان سيف ردت بسرعة : هلا واللله باللي اشتقت له سيف بضحكة : لو مشتاقة اتصلتي وجدان : ههههههههههههه والله توني صاحية ريوف من بعيد : كذاابة سيف والله كذابة اللحين بنخلص قهوه وتقول توني صاحية وجدان رمت عليها علبة المناديل : ماعليك منها يعني توني استوعب الحياة بعد النوم سيف : ههههههههههههههههههههههههه ه تمام اطلعي برا وجدان بصدمة : جيييت ؟؟ سيف : اييه جيت وجدان : طيب ليش ماتدخل انت ؟ سيف : لا بما اني رايق مرة قررت اعلمك اليوم اول درس في السياقة وجدان : هههههههههههههههه وش هالمسكة ؟ سيف : مو انتي قلتي علمني وقلت اذا فضيت .. اللحين فااضي وجدان ضحكت : طييب طيب بلبس عبايتي واجي قفلت وراحت عشان تلبس عبايتها وطلعت لسيف اللي كان ينتظرها وهو بالسيارة ركبت وسلمت عليه سيف : هلا هلا وجدان : هلا فيييك سيف : هاه مستعده ؟؟ وجدان بخوف : بسم الله الرحمن الرحيم .. ايه مستعده سيف : هههههههههههههههه ليش انتي خوافة ؟ وجدان : مدري احسها صعبه مرررة ودايم ابوي يقنعني بس مرررة اخاف سيف : لا والله مو صعبه اببدآ .. بس انتي الخوافة وجدان بتوتر : طييب يالله ابدأ علمني سيف : اول درس واهم درس بالسياقة .. مافيييه خوف وجدان : اهاا يعني قصدك انزلي ؟ سيف ضحك : يعني مافيه امل ؟؟ وجدان ترفع حواجبها : انسسى سيف : طييب نمشيها لك هالمررة وبدا سيف يشرح لها كل شي بالسيارة وكل شي واستخدامه وهي متحمسة معاه وجدان : وشلوون تحفظون ماشاءالله احس اني نسيت هذا لأيش وهذا لأيش من اللحين سيف : هي مسألة تعود مو حفظ يعني وجدان : احس اني ماتعودت سيف : يعني تبين تتعودين من اللحين ؟؟ وجدان : مدرري بس والله نسيت ( وتأشر على القير ) قلت لي هذا وشو ؟ سيف : ههههههههههههههههههههههههه ههههه هذا القير وجدان : طيب وش معنى P ووش معنى R وذولي سيف : ................. جلس سيف يعيد الشرح لها ويفهمها كل شي وبعدها خلاها تجي مكانه وتمشي شوي بالسيارة بس كانت مرررة متوترة وخايفة وتدوس البانزين بسرعه وتضرب بريك بسرعه سيف : هههههههههههههههههههههه والله بتسببين حادث وجدان : قلت لك من البداية انا خوافة مايصلح اسوق ابد سيف وهو يضحك للحين : طيب انزلي انزلي .. واضح تعليمك مطوول مرررة نزلت وجدان وهي تضحك وجاء سيف مكانه ورجعو للمزرعة .. .... .. في اسبانيا بعد المباراة طلع عبدالعزيز وهو معلق الكاميرا على رقبته ومبسوطين بفوز ريال مدريد على برشلونة عبدالعزيز : والله على اخرر لحظة كانو بيفوزون برشلونه لكن ستر ربك رهف : ياعمرري ودي ان برشلونة فازو عشان طلول مايزعل عبدالعزيز رفع حاجبه : طيب وانا عادي ازعل ؟ رهف : لا يعني ياليته كان تعادل على الاقل عبدالعزيز ضحك رهف وهي ماسكه راسها : اول واخر مرة اروح الملعب خلااااص صددعت عبدالعزيز : ههههههههههههههههههه اييه عاد ماتدرين تلقينها من حمودي ولا من حبيبتك الشقراء رهف لفت وعطته نظرة تذكرت كيف تهاوشت معه عشان الحرمه اللي جالسه جنبه وكل شوي تكلمه وتتعذر انها تبي تبوس محمد وتاخذه وبالشوط الثاني عصبت رهف وجت هي وجلست جنبها كانت تتمنى ان المباراة تصير ربع ساعة ,, بس كانت اطول مما تتوقع ومما تتخيل عبدالعزيز كان داري انها تغار عليه عشان كذا مبسووط وطول المباراة يضحك ويصورها وهي متنرفزة . . . دخلو الفندق ونومو محمد وجلسو بالبلكونة عبدالعزيز : حتى حمودي مروق بعد المباراة تدرين ليه ؟ رهف : عشان مدريد فاز ؟ عبدالعزيز : لا لأن الحلوة كانت جالسه جنبنا رهف دفت الكرسي بقوة وقامت من مكانها وهي معصبه عبدالعزيز سحبها وطاحت عليه وهو يضحك : تعاالي يامجنووونه رهف قامت بسرعة : اتررركني قام وحضنها من ورا بقوه عشان ماتروح : انتي الحلوه والله انتي رهف تفك نفسها منه بقوة : وخر عني بس ودخلت وهي متنرفزه منه عبدالعزيز جلس يضحك عليها ,, وجته مكالمه ورد بعد ربع ساعة دخل من برا وكانت رهف على ايبادها شافته بنص عين ورجعت تنزل راسها على الايباد عبدالعزيز جلس يحوس ورهف مازالت متجاهله ثم لبس وطلع ارتفع ضغطها بس استمرت بالتجاهل وقعدت تشوف الايباد - يوم الجمعة صحت رهف وشافت عبدالعزيز نايم طلت على محمد وشافته صاحي وجالس يمص اصبعه باسته وهي تضحك وتحط المصاصة بفمه وقامت تسوي له رضعه بعد ما خلصت ورضعته نام سمعت صوت رش خفيف على الشباك وطلعت للبلكونة كان الجو حلوو مرة استنشقت الهواء وهي مغمضه عيونها اسرتها ريحة المطر وجلست على الكرسي وهي سعيدة رن جوالها وكانت لطيفة متصلة عليها فيديو رهف استغربت مو بالعادة لطيفة تتصل وفيديو بعد بس رسمت على وجهها ابتسامة وردت كانو البنات كلهم مجتمعين رهف خنقتها العبره وهي تسمعهم بصوت واحد يقولون : هاااي رهف : هلا هلا هلا والله هاياات مشاعل : اشتقنااا ياخاايسة رهف نزلت دموعها وتغير صوتها ولقتها فرصة تبكي : والله انا اكثررر وجدان شهقت : رررهف ,, خير وش هالمشاعر من متى تبكين !! رهف ضحكت بين دموعها : ياحيوااانة شقصدك ! الهنوف : هههههههههههه من جد رهف بحياتي ماشفتك تبكين الا مرتين يعني تخيلي اعرفك تقريبآ من 9 سنوات هذا اذا مااكان اكثر ريوف : ذليتوها حرام عليكم رهف : هههههههههههههههههه من جد الشرهه مو عليكم والله على اللي يصيح من الشوق لكم لطيفة : قسم بالله ميته ميته من الشوق لحمودي بالذات وعد : اييه والله حتى انا ماشتقت لك كثر ماشتقت له رهف مسحت دموعها : اخر مرة انزل دموعي عليكم والله لطيفة : ههههههههههههههههههه نمزح والله هيفاء اللي كانت منسدحه بعيد شوي : اسأليها شخبار عزوزي لطيفة لفت الكام عليها رهف : ياعمررري ياللي بطنها واصل حلقها ريما : نصيحه اسكتي توني متكلمة عن بطنها وسمنتها وبغت تنهار علينا رهف : ماعليك منهم هيفاء اذا شفتي البيبي بتنسين كل شي بالحياة حتى اهلك وسامي كيف جسمك عاد مشاعل : بتقنعيني رهف انك نسيتي عزيز رهف ضحكت : نسيت امي وابوي ماتبيني انسى عزيز ؟ ضحكو كلهم وكملو سواليف لين سمعت رهف صياح محمد واستأذنت منهم اول ماسكرت سكت استغربت وجت بتدخل وقابلها عبدالعزيز اللي كان مبتسم جلس يغني بصوته الحنون : ياللى زعلان مني و مخاصمني و مش عايز تاني تكلمني ,, واخد على خاطرك اوي مني ياحبيبي انا اسف ( قرب ومسك رهف وهو يحرك يدها ويكمل ) : ده انت عمري و عمري مفيش بعده ,, و مسهر عيني كده في بعده ,, و مطول ليلي و أنا مواعده ,, و عامل مش عارف رهف ماقاومت وضحكت عبدالعزيز ابتسم : الحمدلله ضحكتي لان من امس احاول احفظ الاغنية ويالله قدرت على هالمقطعين رهف لفت عنه وهي تحاول تشيل الضحكة من وجهها عبدالعزيز لف وجهها تجاهه وقرب منها مرة لين اختلطت انفاسهم : اسف رهف : ماهمني اصلا عبدالعزيز رفع حاجبه : عيني بعينك ! رهف رفعت عينها بتحدي : هاه عبدالعزيز ضحك : اوكي صدقتك رهف : طيب وخر عن وجهي عبدالعزيز قرب للايباد وشافها فاتحه موقع تسوق : للعيد ؟ رهف : ايه عبدالعزيز : ليش ماشريتي من هنا ؟؟ رهف : مالقيت شي حلو لي عبدالعزيز : انتي اللي تحلين اللبس مو هو يحليك رهف انحرجت وسكتت عبدالعزيز حك راسه : ايه على الطاري العيد رهف : وشو عبدالعزيز : فيه مباراة ثانية بعد العيد بيومين رهف رفعت حاجبها عبدالعزيز ابتسم : نأجل الرحلة ؟ رهف خنقتها العبره : اشتقت لأهلي عبدالعزيز : خلاص خلاااص لا تصيحين رهف : ماصحت عبدالعزيز : طيب متى تبينها رهف : لو بيدي اليوم قبل بكرة عبدالعزيز مسك الايباد وقعد يشوفه شوي : فيه رحلة بكرة نفس هالوقت .. اممممم ميزتها دايركت من مدريد للرياض رهف : ايه الله يخلييك عبدالعزيز : خلاص تم والله من عيوني مع ان كان ودي بكرة نروح ندور على اسبانيا بالسيارة بس اذا مرة خاطرك بالرجعه ابشري رهف : اممم كيفك عبدالعزيز : انتي وش ودك ؟ رهف : ابي ارجع صراحة عبدالعزيز : تم .. جهزي اغراضك عشان نروح مدريد اللحين رهف وعيونها تلمع : شكرآ عبدالعزيز عبدالعزيز : عيوني لك لا تشكريني قامت رهف ودخلت بسرعة وهي ترتب شنطهم بحماس - يوم السبت تركي علم ابو لولوة عن اللي صار بدون تفاصيل مخجله .. لكن قال ان بنته خربت بينه وبين زوجته بسبب تعلقها بموضوع ماصار ولا راح يصير ابو لولوة الانسان الطيب جلس يعتذر من تركي وهو متفشل من افعال بنته ووعده انه بيتصرف وبيفكهم من شر بنته لما رجع البيت وانكرت لولوة وامها اللي صار لين اخيرآ تكلمت اسماء عاقبها ابوها وهددهم ان سوو شي بيطلق امها .. وكان هذا اكبر مخاوف نوف اللي شالت فكرة تركي من راسها على طول وهاوشت لولوة ....... الساعة 7 الليل بمطار الملك خالد بالرياض توهم نازلين من الطيارة عبدالعزيز : رهف رهف : هلا عبدالعزيز : علمتي احد ؟ رهف : لا عبدالعزيز : زين اجل ماراح نمشي للمزرعة الا بعد بكرة رهف : ليه عبدالعزيز : عندي شغل بكرة بخلصه واذا خلصته بدري عادي نمشي المغرب او الليل رهف : لا عادي خذ راحتك لاني ابي اروح المول قبل عبدالعزيز : تمام - يوم الاحد الصبح الساعة 6 قامت رهف مصحصحه وسمعت منبه عبدالعزيز قربت منه وسكرته وبصوت واطي وهي تهزه : عزيز .. عزيزاان .. عزوزز عبدالعزيز فتح عيونه : عيون عزيز وعزيزان وعزوز رهف وهي تشوف عيونه : يمه مانمت عبدالعزيز : لا والله رهف : مجنون انت عبدالعزيز وهو يجلس : ماقدرت والله رهف : طيب اجل الشغل لبكرة عبدالعزيز : لا والله فيه اجتماع مهم اليوم رهف : الساعة كم ؟ عبدالعزيز : 9 رهف : طيب نم ساعتين وانا اصحيك 8 عبدالعزيز ماقدر يقول لا انسدح رهف : قوم على السرير يمكن عورك ظهرك من الكنب عبدالعزيز : لا بنام هنا رهف لفت عبدالعزيز : رهوف لفت : هلا عبدالعزيز : جهزي الشنط بنمشي الليل ان شاءالله رهف : ماراح تنام بعد ماترجع ؟!! عبدالعزيز : الا واول ما اصحى بنمشي رهف : اوكي غمض عيونه و رهف راحت لغرفة الملابس وطلعت شنط صغيرة عشان ترتب .. .... .. المغرب في المزرعة الهنوف كانت مرررة رايقة بعد ماعرفت سالفة لولوة واخيييرآ ارتاحت منها ومن غثاها اخيرآ مافيه اي شي بيعكر صفو حياتهم مشاعل وهي توها داخله على البنات : بنااااات البنات لفو عليها وبردود متفرقه : نعم ,, هلا مشاعل : من يبي يروح للرياض يوم بس ؟ وجدان : انا بس وش الطاري ؟ الهنوف : ايه من جد وش الطاري مشاعل : عشان ريما الزفت ريما : بنروح الموول !! مشاعل : ايييه ريما : الله اخييييرآ تكفين تكفين قولي ان اللي بيودينا ايدي ؟ مشاعل : لا السواقين كلهم مع جدي عند النخل وجدان : اجل من بيودينا ؟ وجدان : اكيد فوفو مشاعل : ايه فيصل ومشعل بيروحون واذا كنتم كثيرين ياخذون سيارتين وجدان : انا بروح ريما : وانا بعد مشاعل : الباقي ؟ الهنوف : لا والله ما ابي الرياض اللحين ابي المزرعة اطلع الطاقة السلبية اللي بقت فيني وبعدها اروح الرياض وانا انسانة جديدة مشاعل : الحمدلله والشكر بس ( اشرت على ريوف ) : وانتي ريوف ؟ ريوف : مع ان مالي خلق بس يالله بروح نورة : انا ما ابي اروح هيفاء : وانا مثل ماتشوفين مشاعل : ههههههههههههههههه عاد انتي لو قلتي بروح بقولك لا هيفاء : يارب اولد بسرعة خلاص والله تعبت من تنمركم ريما : ياربيه ياشينك وانتي حساسه هيفاء : انتي بالذات اصصص ريما طلعت تجيب عبايتها وهي تضحك . . . بعد ربع ساعة كانو كلهم بسيارة مشعل كان جنبه فيصل وباقي البنات ورى فيصل : بس انتم ؟ مشاعل : ايه مشعل كان يشوف مع المراية وكانت وراه ريما غمز لها وهي تناظره ولفت وهي تتأفف ينبسسط اذا عصبها مرره كانت ريما ورا مشعل وجنبها وجدان وجنب وجدان ريوف وجنب نورة عند الباب الثاني مشاعل وجدان كانت تشوف سناباتها واشتغلت اغنية بصوت عالي لرابح صقر ريوف : الله احب هالاغنية وجدان : هذي الاغنية الوحيدة الحلوة له ريما : تكفون سكروه ماحبه ولا احب صوته وجدان : هو اختياره للاغاني مو حلو احيانآ ريما : لا والله صوته مو حلوو حتى لو يختار اشياء حلوة مشاعل : صاادقة ريما كانت اصواتهم عالية فيصل : حرام عليكم والله عنده احساس مشاعل : لا والله فصول معليش اول مرة نختلف بس تسمع بالاحساس وجدان : الاحساس الحقيقي تلقاه عند عبدالمجيد غير كذا كلام فاضي ريوف : وعبادي بعد مشعل : لا والله رابح وابو نورة اما عبدالمجيد احسه حق بنات ريما : لا والله رابح يععع يع بالذات اغنيته ذيك وش اسمها ياااربي وجدان : وش هي ريما : ريووف اللي شغلوها بنات عمي قبل اسبوعين واشغلونا فيها طول السهره ريوف : ايييه على كيفك ريما : اييييه وععع كريهه مشعل : عاد هذي اغنيتي المفضله فيصل ضحك : كذااب مشعل غمز له وسكت فيصل وهو يضحك وشغلها وطول الصوت ريما : مشعللل مشعل مات ضحك وبنفس نبره ريما : هلااااا ريما : تكفى سكرها اكرهها والله مشعل سحب عليها وقعد يغني مع رابح وهو يطول اكثر : تعال وشوفني كني احب بكل مافيني تعال واسأل بعد عني ريما طقت كتفه وهو ميت ضحك فيصل وطى الصوت : خلاص خلاص يا اطفااال مشعل : لا تقول اطفال ولا خليتك تكمل للرياض على رجلك فيصل : بسكت عنك انا .. لان من يوم صرت فجأه تحب هالاغنية وانا غاسل يدي منك مشعل مات ضحك وريما متنرفزه منه يحب يقهرها داااايم .. .... .. بالرياض توه مأذن العشاء صلت رهف وراحت تصحي عبدالعزيز عشان يصلي ويمشون طلت على محمد وشافته نايم وجت قربت من عند عبدالعزيز وهزته : عبدالعزيز يالله قم اذن الع... مسكت بطنها ولون وجهها تغيير بثواني واطلقت صرخه قوية انتهى البارت و الحلوين اللي من خارج المنتدى ودي اشوف تعليقاتكم على البارت وتوقعاتكم حياكم هنا https://tellonym.me/Sa7abD | ||||
|
| |
|
24-09-19, 07:34 PM
| #54 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -52- قـبـل الأخـيـر يوم الاحد الساعة 8 ونص الليل في المستشفى رهف دخلت للدكتورة وعبدالعزيز توه موقف السيارة وداخل المستشفى ومتصل عليها عبدالعزيز : هلا والله ,, وينك جيت عند غرفة طبيب الباطنية وماحصلتك ,, نساء وولادة !!!! ,, طيب طيب جاي اللحين راح بسرعة طق الباب وفتحه بدون ماينتظر الرد وكانت الدكتورة مو موجوده ورهف جالسة لحالها عبدالعزيز : رهف وش صار ؟ رهف : مادري كشفت علي وراحت عبدالعزيز بتوتر : طيب ممكن تجلسين برا لين اخلص منها رهف : لا بجلس انا بعد دقيقتين ودخلت الدكتورة عليهم عبدالعزيز : اهلين دكتورة انا عبدالعزيز زوج رهف الدكتورة : اهلين استاذ عبدالعزيز .. معك د.ايناس .. ( اشرت على الكرسي ) : حياك تفضل عبدالعزيز جلس : ممكن اعرف وش فيها رهف ؟ تجيها هالالام كل فترة رهف قاطعته : دكتورة ممكن اعرف وش طلع معك ؟ د.ايناس : رهف انتي سبق لك الانجاب قبل كذا ؟ رهف : ايه عندي طفل د.ايناس : طيب فترة حملك .. هل تعرضتي لأي ضغط نفسي او فقدتي احد عزيز عليك لا سمح الله .. تعرضتي لنزيف او كان حملك صعب ؟ قولي لي كل شي رهف تناظر عبدالعزيز بتوتر : لا ماحصل شي عبدالعزيز بسرعة : الا حصل طول فترة حملها كانت تعبانة نفسيآ وجسديآ الدكتورة ايناس لفت على عبدالعزيز باهتمام عبدالعزيز يسترسل : واعتقد في منتصف حملها او بدايته والله مو عارف بالضبط اي شهر تعرضت لنزيف قوي د.ايناس باهتمام : كمل عبدالعزيز : ثبتو الجنين بصعوبه .. اممم حتى لما انولد كان يعاني من كلوب فوت .. مو عارف اذا هالمعلومة مهمه و لا ! د.ايناس بسرعة : طبعآ طبعآ كل شي مهم ( لفت على رهف اللي كانت ساكته طوول الوقت ) : ابي اسوي لك سونار حاليآ عشان اتأكد من كل شي . . . بعد ساعتين وصلو البيت ورهف على طول راحت الغرفه تشوف حمودي كان نايم باسته بقووه ودخلت الحمام جلست اكثر من نص ساعه مشغله الغساله وكل مانزلت دمعتها غسلت وجهها وكأنها بكذا ترد البكي اللي محبوس داخلها طلعت وكان عبدالعزيز جالس على السرير على طول لفت وجهها عنه عبدالعزيز : رهف رهف بصوت متحشرج : هلا عبدالعزيز تنهد : لفي علي لفت عليه وشاف وجهها اللي منقلب اصفر وعيونها حمراء فتح يدينه لها : تعالي رهف كأنها كانت تنتظر هالكلمه على طوول ارتمت بحضنه وهي تبكي من كل قلبها عبدالعزيز يربت على ظهرها بهدووء رهف بصوت متحشرج من البكاء : ليه انا بس يصير فيني كذا ؟ عبدالعزيز : استغفري ربك مايصلح تعترضين على اللي كاتبه الله رهف استمرت بالبكاء عبدالعزيز : بكلم مستشفيات برا وبنروح نحلل ونشوف وش المشاكل وكل مشكلة ولها حل لاتخافين رهف تعلقت فيه اكثر وهي تصيح : ليه انا حظي كذا ليييه عبدالعزيز يحاول يلطف الجو : ليه حظك كذا وانتي بحضن عبدالعزيز ؟ رهف طقته وهي مازالت تصيح : عبدالعزيز والله موو وقتك عبدالعزيز : خلاص يادلووعه قلت بنروح لكل مستشفيات العالم لو تبين بس لا تتضايقين رهف : مافييه حل والله واضح مافيه حل ماشفت وجه الدكتورة انت ؟ .. لو فيه حل بتعطيني امل بس وجهها مايبشر بالخير ابد عبدالعزيز : الطب تطور ويمكن هي ماعندها علم بمستشفيات برا ويمكن بعد يكون تشخيصها غلط رهف وهي تحاول تمسح دموعها : طيب ممكن ماتعلم احد ؟ عبدالعزيز : انا كنت بقولك لا تعلمين احد مانبي دراما رجعت دموعها تنزل بغزارة عبدالعزيز مسحها بيده وهي مازالت تنزل وباس تحت عيونها : لا تبكيين ياعيوني انا .. ما يكفيك محمد ؟ رهف ابتسمت بحزن : الا يكفيني وزيادة والله عبدالعزيز : خلاص طييب ! وبتجيبين مليون واحد غير محمد بعد ان شاءالله رهف شهقت : لااا مابي مليون عبدالعزيز ضحك وضمها : وانا ماابي الا انتي رهف : انا اسفه عبدالعزيز : انا اللي اسف والله يارهف انا اللي اسف رهف ساكته وعيونها تمطر دموع عبدالعزيز تنهد : انا سبب كل شي سيء جالس يحصل لك رهف وهي تبكي بقووة مرة ثانية : بس ماعاد اقدر اجيب لك عيال عبدالعزيز : ومن قالك اني ابي عيال ؟ انا ابييك انتي .. انتي ومحمد تسوون عيوني وقلبي ماابي شي غيركم رهف : كلاام بس لان توك عارف بالموضوع .. بعد مايمر وقت وتستوعب ماراح تصبر عبدالعزيز : من قالك ان توني عارف ؟ رهف بعدت عنه وعقدت حواجبها باستغراب عبدالعزيز يسترسل بعد مااخذ نفس عميق : عارف من يوم ولدتي محمد ذاك اليوم .. الدكتورة قالت لي رهف : ..... .. .... .. في المزرعة الساعة 12 ونص الليل كانو البنات توهم واصلين من الرياض في الملحق لطيفة وهي تشوف جوالها : صار بكررة عرفه مو بعد بكرة وجدان شهقت : كذاابة لطيفة : والله ريوف : بشري جدتي لطيفة : هي اللي مرسلته بالقروب ريوف : تلقينها تكلم العالم كلهم لطيفة : اييييه توها متصله على عبدالعزيز مشاعل : عزيز اتصل عليه من ساعتين ومايرد الهنوف هي الوحيدة اللي كانت تدري عن رهف وشايله همم طول الوقت لانها اتصلت عليها وكان صوت رهف مررة متغير هاوشتها الهنوف خافت ان فيهم شي لين قالت لها رهف ان مافيه شي بس انها متغلقه شوي كانت تدري ان فيها شي لكن ماضغطت عليها تبيها هي من نفسها تجي وتقول لها وجدان : غريبة رهف بعد ماترد علي لطيفة : وعد انتي بعد ماكلمتيها ؟ وعد توترت : الا مرسله لها وماردت هيفاء : لا توسوسون ولا تخافون ان شاءالله مافيه الا الخير .. ... .. اما بالرياض رهف مانامت وارتاحت الا لما حضنت عبدالعزيز اللي ماقام عنها حتى بعد مااستغرقت بالنوم كان يشوفها بحنان وحب ورحمه حط يده على بطنها وجلس يقرا عليها ورهف اول ماحست فيه ارتاحت ونامت بسرعة الساعة 2 الفجر صحت وشافت نفسها بحضن عبدالعزيز ويده مازالت على بطنها بس نايم انحرجت مررة شافت الساعة وقررت تقوم عشان تسوي سحور لها ولعبدالعزيز تحركت شوي وقامت غسلت وجهها بعدين رجعت تصحي عبدالعزيز . . . الظهر عبدالعزيز كان صاحي من وقت ورهف للحين نايمة جاء عندها وهو يهز كتفها : رهف حبيبي يالله قومي رهف فتحت عيونها بصعوبة : الساعة كم عبدالعزيز : الساعة 1 ونصف الظهر رهف مسكت راسها بتعب وهي تجلس : راسي مصدع عبدالعزيز طلع من الدرج بنادول رهف : صااايمه عبدالعزيز : لا تصومين وانتي تعبانه رهف : مو تعبانه والله عبدالعزيز : لا تتدلعين يالله قومي رهف : جد والله ماراح اقطع صيامي عشان صداع عبدالعزيز : واذا قلت لك اني انا بطبخ لك ؟ رهف : لا بعد عبدالعزيز : رهف لا تعاندين خلاص رهف : لا ماراح اقطع صيامي يعني ماراح اقطعه عبدالعزيز تعب معها : مافيك فايدة والله رهف قامت ودخلت الحمام وعبدالعزيز نزل . . . بعد نص ساعة نزلت الخدامة وهي شايله محمد كانو عبدالعزيز ورهف قدام التلفزيون رهف يوم سمعته يصيح قامت للمطبخ تسوي له سيريلاك طلعت معها صحن ولما جلست مدت الملعقة له لف وجهه وهو يبكي ومتغلق قالت للخدامة تسوي له من النوع الثاني وسوت له وجابت وبرضو مايبي رهف وهي تلمس راسه وخده : غريبة شفيه .. حتى مو حار عبدالعزيز : يمكن شبعان رهف : يشبع من ايش عبدالعزيز : رضاعه او اي شي رهف : لا الرضاعه عطيته قبل النوم يعني مستحيل للحين ماجاع عبدالعزيز : خلي الشغالة تعلّب الاكل وناخذه معنا بالطريق رهف : نمشي اللحين ؟ عبدالعزيز : ايه اذا جاهزه يالله رهف قامت : اوكي بس عطني نص ساعة ونمشي .. ... .. في المزرعة الساعة 4 العصر كانو كل الخدامات وبعض البنات بالمطبخ ومتحمسين كل وحدة ماسكه طبق وتزينه دخلت عليهم ام عبدالله وهي تضحك : ماعرف لكم الا عمي وخالتي والله ريوف : والله يحمس وجه جدتي وهي تقول الطبق الفايز له هدية غالية وجدان : من جددد قومتني من عز نومي بسبب هالكلمة نورة : تخيلو انها ماتناسب اي احد مشاعل : لا جلست اترجى لطوفتي وقالت تصلح لكم كلكم وبتنبسطون فيها الهنوف وهي تشوف الجوال شهقت بقووة ام عبدالله : وججججع وش فيك ! الهنوف : ياويييييل رهف من خالتي ام سلمان وامي لطيفة ريوف اللي كانت تقطع السلطة : ليييش ؟ الهنوف جلست تضحك : مصوره وهي تأكل محمد ايسكريم مشاعل شهقت : اكلتنا اكككل يوم نعطيه ليمون واللحين تأكله ايسكريم ! ريما : من ججججد والله وجدان تضحك : امه ادرى فيه نورة : امه بتنلعن اللحين الله يعينها الهنوف وهي تشوف خريطة السناب : اووه وصلوو طلعو بعض البنات للصالة الهنوف وهي داخله شافت رهف تسلم : هلاااا هلااا بأهل الايسكريمااات رهف لفت عليها وفتحت عيونها بقوه يعني اسكتي وجدان فهمتها وضحكت ولفت على الهنوف وبصوت واطي : اسكتي لا ياكلونها من اللحين مشاعل وريما دخلو وبصوت واحد بقوة : رهههف رهف لفت وهي مرتاعه : بسم الله على قلبي وراحت سلمت على البنات مشاعل وهي تقرب من جدتها وتجلس : بغيتي تقطعين علاقتك فينا يوم نأكل ولدك ليمون واللحين تصورين وانتي تعطينه ايسكريم شهقت ام محمد : عسى مهوب صدق يارهف رهف توهقت : لا .. ايه يعني عطيته شوي لحسه بس ريما : الايسكريم نصه رايح وتقولين لحسه رهف ضحكت : مايمديني اقول اني ماكله قبله ! ام فيصل : ياويلك من الله يارهف ام سلمان : ماكمل سنه حرام عليك بيعوره ام محمد : مير بنات هالجيل خربانااات رهف تعطي مشاعل وريما نظرات وهم ميتين ضحك والحريم جلسو يعطونها محاضرة طويلة وعريضه على الاطفال والاهتمام فيهم رهف : والله عطيته سيريلاك ورفض ويوم نزلنا السوبر ماركت وشرينا ايسكريمات صاح يبيها ام محمد : واضح انكم معودينه عليهن رهف شهقت : لا والله العظييم ماقد اكل قبل ام محمد : والله مدري عنكم بس شكلي باخذ وليدي لين يكبر بعدين اعطيكم اياه رهف لفت على البنات : الله ياخذ اللي مايشيلكم من الستوري قبل مايصور مشاعل ترفع حواجبها بانتصار ريما تضحك : الحمدلله اخذت حقي منك قامو البنات للمطبخ يكملون اللي بدوه والحريم قعدو يتكلمون عن تغذية الاطفال .. لين طفشت رهف وقامت للبنات بالمطبخ .... بالمطبخ دخلت رهف والبنات يضحكون عليها سلمت على نورة لانها الوحيدة اللي ماشافتها نورة وهي تدقق بوجهها : كنك تعبانه مشاعل : شكل الحريم اكلوووها رهف ضحكت : لا الحمدلله مافيني الا العافية نورة : والله وجهك ذبلان مرررة وجدان توها تدقق : اي والله اصفر رهف توهقت : شوي تعبانة صداع وكذا بس خفيف وجدان : صايمه ؟ رهف : ايييه ام عبدالله : تصومين وهذا وجهك !! رهف ابتسمت : عادي كلها ساعتين ويأذن ان شاءالله ( وشافت حوسه المطبخ ) وش عندكم كلكم جالسين هنا لطيفة : خالتي مسوية مسابقة افضل طبق والفايزه لها هدية رهف : يوو ليتكم قايليين لي عشان اجي بدري واسوي مكرونة بشاميل وجدان : لو سويتيها محد راح يدخل المطبخ لأن اكيد هي اللي فايزه رهف : ههههههههههههههههه اي عشان كذا احمدو ربكم اني تأخرت هيفاء اللي كانت جالسه على الكرسي : رهوووف وراك امس ماتردين ؟ رهف توترت : اي وقت ؟ هيفاء : 10 كذا تقريبا مشاعل : من قبل 10 والله اتصلت عليك وعلى عزيز وكلكم ماتردون رهف : اييه نمنا امس بدري وعد اللي توها داخله المطبخ شافت رهف وراحت ضمتها بقوة : اشتققققت لك رهف خنقتها العبره : وانا بعد والله وعد بعدت شوي وهي ماسكه اكتافها : وش فيه وجههك !!! رهف ضحكت : شفيكم انتم عادي مافيه شي بس ارهاق وصداع طبيعي بعد السفر وعد رفعت حاجبها : عيني بعينك رهف حطت عينها بتحدي : هاه وعد : ههههههههههههههه تذكرين يوم كنا نسويها اول رهف ماتت ضحك : ههههههههههههههههههههههههه هههههههههههههه وجدان : يععععع تكفون لا تسوونها مشاعل : ليييه ! وجدان : تخيلي يتحدون بعض من يكسر نظرة الثانية ويجلسون ساعة يناظرون بعض مايفكهم الا انا والهنوف الهنوف : ههههههههههههههههههههههههه انا عن نفسي تقاعدت خلاص ماراح افكهم عن بعض مشاعل : اللحين دوري انا خل بس يسوونها وعد بعدت عينها عن رهف : لااا خلاص الا مشاااعل مشاعل : ههههههههههههههههههههههههه هههههههههه ريما : مشاعل قسم بالله تبن اللكل يخاف منك مشاعل : واللكل يزبد لي بعد نورة : ماعليك منهم مقهورين من الملكه كانت ام عبدالله جالسه وتراقب تحركات نورة ومنقهره من ولدها ليه ماياخذ ريوف او اي وحدة غيرها ! ليه مصمم عليها هي بالذات ! قطع تفكيرها صوت نورة : خالتي ممكن شوي باخذ سكين من الدرج ام عبدالله بصوت حاد : فيه سكاكين بكل مكان مو هنا بس نورة انصدمت من ردها محد لاحظ الموقف الا الهنوف اللي انقهرت من اسلوب امها وبخفه قامت وجابت سكينه من الشبك حق الغسيل : نوارتي خذي هذي افضل سكينه للتقطيع الباقي مو مرة خذتها نورة وهي مبتسمه وبنفس الوقت مستغربة من حركات ام عبدالله هي علاقتها مع حريم اعمامها كلهم كووويسة وبالذات ام عبدالله تعرف طيبة قلبها وقربها من امها وكيف تعاملها كنها بنت اختها تجاهلت المووضوع ولفت تبي تقطع الدجاج . . . بوقت المغرب كانو كلهم على طاولة الطعام الكبيرة كانو البنات مسوين على صينيتين من كل طبق وحدة لهم ووحدة للرجال بعد ما اذن البنات كانو بس يشربون قهوة ام فيصل : افطرووو مو اللحين بيعلمونكم الطبق الفايز وجدان : احس ماشتهي شي ابي اعررررف ريوف : ماما تبيني احط لك من المكرونه حقتي ؟ اللي يبي لايستحي لو تبوني اوكلكم بعد .. خدمات فايف ستارز ام ماجد : ههههههههههههههه لا ياقلبي حطيت لي مشاعل : لو سمحتو مو كل ام تصوت لبنتها !! الا امي طبعآ تصوت لي ام سلمان : من قال اني بصوت لك ؟ مشاعل : احححح اجل من بتصوتين له ام سلمان : يا ليت زوجه ولدي مشتركه معكم رهف ابتسمت : والله كان ودي بس مايمدي مشاعل تنهدت بقووة : اييييييه الحب كله صار لرهف وحنا لنا الله ! ام سلمان ضحكت : والله اللي يعجبني طبقها بصوت لها ماراح اكذب وجدان : انا ضامنه 6 اصوات الى الان ام ماجد وهي تاكل : انا بصوت للي مسوية كرات بطاطس بصراحة حلوة ريوف : خلاص دام امي سحبت علي معناته ماراح افوز انتهى الموضوع ام عبدالله : والله كل اطباقكم حلوة احترت مدري من اصوت له نورة : ههههههههههه احس طبقي عاجبك اكثر شي ام عبدالله تجاهلت نورة وكملت اكل الهنوف انقهررت من امها كم مرة تتعمد تتجاهل نورة تمامآ ونورة حست ان الوضع فيه انّ وتضايقت !!! بس بلعتها وسكتت . . . عند العيال كانو من ضمن لجنه التحكيم سيف : ليييت كل يوم صيااام والله يالاكل له طعم مشعل وهو ياكل : والله ليتهم كل يوم يسوون كذا اول مرة احس اني مستمتع بأكل المزرعة عبدالعزيز : صادق والله سعود : انا اكثر شي عجبني المكروونه بطله اللي مسويتها عبدالعزيز : احسن شي انهم ماعلمونا مين اللي مسوي عشان مايصير فيه تحيّز سيف : لا بكلم وجدان اشوف وش مسويه وكلكم تصوتون غصب عليكم عبدالعزيز : واعلم جدي ويجلدك انت ووجدان عبدالرحمن : انا متحمس اعرف وش الهدية اللي جايبها جدي عبدالله : انا بعد ابي الوقت يمشي بسرعة عشان اشوفها مشعل : والله استقعدت للغالي وقال تخسى ماراح اعلمك عبدالعزيز : يمديك تستقعد لأمي لطيفة لان اكيد هي تعرفها مشعل : اتوقع ان البنات الملاقيف ماقصرو معها سعود : تأكدد لا تتوقع بس بهاللحظة دخل عليهم ماجد اللي ماشافوه من عيد الفطر نطو عليه العيال كلهم يخمخمونه ويحبونه .. مشتاقين له مرررررة كان شكله متغير 180 سيف وهو يسلم عليه همس بأذنه : عشانها ؟ ماجد ابتسم : بخييير يابو الوليد الحمدلله بأحسن حال وانت شخبارك ؟ سيف ابتسم نصف ابتسامه : الحمدلله تسرك احوالي بعد ماسلمو عليه العيال كلهم جلس يفطر معهم سعود : اخبار الشغل بالامارات ياماجد ماجد : والله الحمدلله تمااام عبدالعزيز : نسيتنا يالخايس ماجد ابتسم : لاوالله ماعاش من ينساكم بس ضغط الشغل مشعل : وش فيك شاين مره عبدالعزيز نغز مشعل ابتسم ماجد : البعد عن الرياض والاهل يخلي الواحد اشهب وشين جلسو يسولفون العيال بهالللحظة مسك جواله سيف وارسل لماجد : ليه رديت عليه كذا ؟ ماجد : والله لو مو اخوها دفنته سيف ابتسم ونزل جواله وكملو سواليف .... الساعة 10 في الغرفة اللي يجتمعون فيها البنات ريوف منسدحه : ماقدرت اكل ولا اشتهي حتى العيد مشاعل : لييه ريوف : انتظر جدي يقرر من اللي ياخذ الهديه هيفاء : انا اتمنى ان الهدية مو حلوة مابي اندم اني ماشتركت ريناد : انا بعد والله وجدان : انا افهم ليه هيفاء ماشتركت لكن ريناد لا والله ريناد : يختي ماقمت الا 4 ونصف مايمديني حتى اسوي سلطة الهنوف : يمدي يمدي بس قولي انك ماتشتهين ريناد : ايه والله وما اشتهي بعد دخلت عليهم لطيفة ريوف : والله الحمدلله ان لطوف ورهف مو معنا ولا كان نودّع الجائزه من قبل المغرب لطيفة : قال لي ابوي والله بس قلت لا حرام بخلي فرصة للبنات هيفاء : ههههههههههههه يممه يمه يالثقه لطيفة : يحق ليي الهنوف : والله لطوف لو سوت بس فطاير انا بصوت لها وبقول لتركي بعد يصوت لها وجدان : اي والله وانا بعد رهف : تروك هناا ؟ الهنوف رفعت حاجبها وتوها بتتكلم وذكرت ان رهف اخته رهف : بسم الله وش هالنظرة الهنوف : كنت بذبحك وذكرت انك اخته ههههههههههههههههه ,, اي موجود بيروح بعد صلاة العشاء ريما دخلت عليهم وهي تركض : يالله يالله تعالوو وجدان : شفييك ؟؟ ريما : جدي بيعلمنا من اللي فاز قامو البنات كلهم كانو اللكل برا الحريم بجهة جالسين يتقهوون ومن الجهة الثانية الرجال والبنات توهم طالعين ولابسين حجاباتهم سلمو كلهم على الجد ابو محمد وهو مبتسم : هلاوالله ببنياتي اللي ماشوفهم ( ويشوف مشاعل ) باستثناء هذي 24 ساعة قدام وجهي مشاعل لفت على فيصل : يرضيك يافيصل ينقال لي هالكلام ؟ ابو محمد ضحك : تبينه يطقني يعني ؟ مشاعل :هههههههههههههه لا يعني ابيه يدافع فيصل : انا مالي دخل بحضرة القائد ابو محمد ضحك بعدين التفت عليهم : والله يابناتي اننا احترنا بين طبقين وبعد ماتجمعنا انا والعيال ورجعنا نذوقها رجحنا الافضل البنات كانو متحمسييين خالد : تكفى يبه انا بقول من اللي فاز ابومحمد ضحك : يالله خالد قرب من البنات : كان ودي انك انتي ياوعد تفوزين لكن للاسف ( ولف على وجدان ) الحلوة اللي بتفوووز فيي ريوف بحماس : بسررررعة خالد : رنج روفر ليمتد اديشن 2019 بقراطيسها صرخووو البنات الهنوف : مييين ؟ خالد : حرم سيف بن فهد .. وجداااان وجدان نطت من مكانها وضمت الهنوف اللي كانت جنبها وجلسو يصارخون البنات سيف وهو يضحك : اوووه كنهم داريين انك تتعلمين وجدان : ههههههههههههههههه والله ماتعلم عليييها عبدالرحمن : تذكري اخوك وجدان : نعم انت مين ؟ مشعل : طيب ولد عمك ؟ وجدان : انت بالذات ماعرفك ريوف : هههههههههههههههههههههه باعتنا بريااال مشعل : ياليتني بنت والله كل الدلع لكم فيصل : من جد اجل انا سيارتي 2018 ووجدان 2019 والله غش مشعل : انا 2017 عبدالعزيز : تستاهل انت ومن فوقك بعد مشعل : وش سويت لك يااخي جاء الجد وعطاها المفتاح وحبت راسه وهي مرة مستانسسسة ابو محمد : لازم تمشيني على المزرعة فيها وجدان : ابشرررر بس خل افرق بين البريك والبانزين وامشيك لو تبي بنص الرياض ابو محمد : ههههههههههههه لا اجل لا عاد تمشيني خلاص ضحكو اللكل ابو محمد : شوفيها بالكراج لو تبين تطلعين اللحين وجدان وهي تحرك المفتاح بيدها ولفت لجهة البنات : برتاح شوي بعدين اشوفها تعرفون يعني ماهتميت مرة ولا تحمست الهنوف : هههههههههههههههههههههههه بعد دقيقتين اشوفك تركضين للكراج وجدان : اتوقع كذا ابو محمد : عاد اللحين دامنا خلصنا يالله ياعيال جلسو يسولفون شوي واللكل بارك لوجدان بعدين كلن رجع يدخل يستعدون لبكرة اول ايام عيد الاضحى .. ... .. الساعة 2 الليل كانو كل البنات بالغرفة يتجهزون وعد دخلت عليهم : وييين رهف يابنات ؟ ريوف : نايمه هي وولدها بالغرفة الثانية وعد : غريبة شعندها ! مشاعل : تقول مانامت من امس وعد : اففف هيفاء : ليه وش تبين ؟ وعد : قايلة لها تجيب لي كم غرض ابيها كلها اللحين ريما : خل نطب عليها ونصحيها وعد : ياوصخ هالبنت ياناس ريما : عشان اغراااضك بس ولا انا مالي حاجه فيها هيفاء : انتي حاجتك مع حمودي ريما : بالضبببط الهنوف كانت تشوف نورة كل شوي ومتواصله مع عبدالله اللي كان يكتب لها عبدالله - ابيك تسألينها الليلة عن رايها فيني لو اجي اخطبها رسمي الهنوف - مستحيه ياعبدالله والله عبدالله - اسأليها بس اخاف اوقف ضد امي واخطبها وترفضني الهنوف حطت ايموجي يضحك ثم كتبت - ياخي وقتك غلط انت احد يخطب ليلة العيد عبدالله - ايه انا الهنوف - خلاص بكلمها بعد شوي وارد لك عبدالله - عجلي تكفين الهنوف - اوكي ..... في المجلس العيال قاعدين يسولفون عبدالعزيز : كلنا ندري ياخالد ان الواسطة غلط لكن كلنا قد توسطنا بطريقة او اخرى سلمان : ايه صادق عبدالعزيز خالد : يعني بتوظف صديقك او ولد عمك وهو ماعنده ولا شهادة خبره وتترك واحد عنده خبرات كثير ؟ سلمان : ايه خالد : معناته انت غبي عبدالعزيز : مو غباء لكن كلنا ياخالد طحنا بهالموقف بهاليوم خالد : للامانه انا ماعلي من اللي اعرفه انا علي من اللي عنده خبرات وممكن يطور شركتي واللي انا ارتاح معه برضو ,, ممكن حتى يجيني ولد عمي وعنده خبرات لكن مايناسبني انا ك مدير بهالحالة ماراح اوظفه ! سيف : اتفق مع خالد ,, ماراح ينفعك ولد عمك وحتى اخوك اذا مامشى صح سعود : صح واشوف بالمحكمة كثيير قضايا تجيني فك شراكه بين اخوان وعيال عم ,, هو يحس انك تقرب له ويبدا يتساهل مرررة واحيانآ حتى حقوقك يماطل فيها مايعطيك اياها خالد : بالضبط وحتى اذا بدون شراكه ,, اعرف واحد من الشباب موظف عيال عمه تحت ادارته والله يمر اسبوع مايداوم الا 1 او 2 ,, من الخسران بهالحاله ؟ سعود : المدير خالد : بالضبط هذي فكرتي من البداية عبدالعزيز : كلامكم منطقي لكن بالنسبة لي اشوف ان اخوي او ولد عمي احق بوظيفة من غيرهم ,, يعني لو شاورني المدير وقال بوظف واحد على طول بجيب له اقرب شخص اعرفه ماعنده وظيفة خالد : اذا ماكنت مدير او كان الموضوع شراكه يكون الموضوع اسهل بكثير ياعبدالعزيز عبدالعزيز : منطق برضو سعود : والله ماتتخيلون كمية القضايا اللي جتنا كلها هوشات بين اخوان او اصدقاء وبعد عيال عم وعيال خاله كله عشان شراكه بشغل او بزنس سلمان : ياشين الشراكه وياشييين اي مكان فيه احد تعرفه ماجد : قصدك شغل ؟ سلمان : ايه والله اني مرتاح ان مكان دوامي مااعرف فيه احد الا اصدقاء الوالد وتقاعدو بعد عبدالله : اقول مشيعل مشعل اللي كان يلعب بلايستيشن : سم عبدالله : لي مكان ؟ مشعل : ايه تعال بعيد اللعبة اصلا كلها تجارب عبدالله قام عبدالعزيز : لا لا لا كذا كثيييير والله عبدالله ومشعل يتكلمون مع بعض بدون هواش عبدالله لف وضحك : احس اني حابّه اليوم بزيادة مشعل مسك راسه : فيك حراره ياقلبي ؟ عبدالله : الحرارة بقلبي ياولد عمي خلها على ربك مشعل : كلااام كبييير عبدالرحمن : اخلصو بس ياحياة الفهد انت وياه بلعب فورتنايت مشعل : ههههههههههههههههههههههههه ههه خل فورتنايت الظهر اذا نامو كلهم اللحين كورة واللي يخسررررر ؟؟ سعود : انت ماتتوب ؟ سيف : تشوف انت سلمان : والله اخوي حمار مشعل : لا لا هالمرة بفوز انا عبدالله : تراهن على وشو طيب ؟ مشعل : امممم مافي بالي شي والله عبدالله : فلوس لا اكل لا نبي شي قوي مانبي تحديات بزران مشعل بعد تفكير : سفره دبي يومين هالويكند محفول مكفول عبدالله : قداااام .. بس خلنا نتفق مشعل : سعود شف اتفاقنا صحيح ولا خطأ سعود : يالله براجع دراستي عليكم مشعل : بقول لك شروطي سعود : حلووو مركز ,, كل واحد يقول شروطه واذا اتفقتو خلاص عبدالله : يالله قل شروطك مشعل : مو تلعب علي تحجز لي بأي مكان ,, هي يومين تذكرة وسكن واكل وشرب كله عليك .. ( ورفع اصبعه ) وانا اللي اختار الاماكن كلهاااا عبدالله : حلو بس بشرط مشعل : وشو عبدالله : اغراضك الشخصية هذي والاسواق ماحاسبك عليها مشعل بثقه : يالله قدااام ( ولف على عبدالعزيز وسلمان ) اتمنى تجيني رسايل التحويل اول مايتقدم علي بهدفين عبدالعزيز : هههههههههههههههههههههههه خل لاعبينك يحولون لك سلمان وهو يضحك : نفس كلام عبدالعزيز مشعل يرفع اكتافه بثقه : ماراح اخسر بأذن الله بدت المباراة وكانو كل العيال متحمسين معهم .... عند البنات كانت قهوتهم على الطاولة وجالسين على الكنب نورة والهنوف وريما اللي كانت تلعب بجوالها الهنوف وهي تصب لنورة فنجال : احسسن شي سوته جدتي انها ماعزمت احد الصباح نورة : من يوم عرفتكم وانتم كل عيد اضحى تحمدون ربي انها ماعزمت احد الصباح ! هو شي طبيعي ترى العزايم كلها الليل محد يجي الصباح ههههههههههه الهنوف : هو صح بس المشكلة ان حنا نكشخ الصباح لييش ومافيه احد نورة : عادي يكفي ان حريم اعمامي وكذا كلهم فيه الهنوف : بس احس عادي لو تلبسين بنطلون مو شي غريب ريما : والله انا بلبس ليقنز وتيشيرت الهنوف تأشر على ريما : هذي قدوتي والله نورة : الله من زين القدوه ريما : ياليل العواذل نورة : انا ؟ ريما : ايه نورة : اخر عمري اصير من عواذل ريما ! هزلت ! ريما : يمه شفيها ذي قامت تتكلم زي الكتب نورة والهنوف : ههههههههههههههههههههههههه ههههههههه ريما قامت : اقول بس خل اروح اسولف مع جدتي اصرف من مقابل وجيهكم نورة : ايه والله ظفي وجهك تكفين طلعت ريما وهي تضحك ومابقى بالغرفة الا الهنوف ونورة الهنوف توترت وبدت تتحرك بعدم راحه ولاحظتها نورة نورة : شفيك انتي ؟ الهنوف لفت عليها وخذت نفس : باخذ رايك بموضوع نورة : وشو ؟ الهنوف : .......... ...... في المجلس على نهايات الشوط الثاني عبدالله متقدم على مشعل بهدف ومشعل متوتر كان باقي 10 دقايق على نهاية المباراة عبدالله ترك اليد وقعد يهز كتفه بهاللحظة سجل عليه مشعل هدف عبدالعزيز بصراخ : اللله علييييييك عبدالله : حيييواااان سيف : يالله لازم احد منكم يجيب هدف فاصل عبدالله ومشعل تحمسو وصراخ كل المجلس وعلى اخر دقيقة جاب مشعل هدف قام يدور على كل العيال اللي بالمجلس ويبوس خدودهم وهم ميتين ضحك عليه وختمها برقصه بينهم كلهم عبدالعزيز : ههههههههههههههههههههههههه هه ياعين ابوي انت كل هذا عشان دبي يومين ؟ مشعل : حبيبي محفول مكفووول ما ادفع من جيبي ولا ريااال عبدالله : الله ياخذك الله ياخذك يارب يقطعون الاجازة وتبدون تداومون مشعل : اغيب يااااقلبي اخذ حرمان لعيييونك عبدالله : كل تبن بس مشعل : اكلللل تبن ياقلبي ليه ما اكل عبدالله سمع صوت جواله ورفعه وشاف كلمه الهنوف من برا ( موافقة ) تغيرت ملامح وجهه لفرحه وقام وحضن مشعل بكل قوته وقعد يدور فيه عبدالله : تبينا نمشي اللحيين ؟ العيال ارتاعو سيف : وش فيه هذا بسم الله عليه مشعل مسك راسه : قلبي فيك شي ؟ عبدالله : فيني اني احبك ( وباس خده ) ولف على عبدالرحمن : عازمك على السفره يادحومي عبدالرحمن ضحك وهو مرتاع : عيال خل نوديه المستشفى عبدالله ضحك وهو يجلس : صدق انك كلب هذا وانا اقول عازمك محفول مكفول عبدالرحمن : قدااااام والله بس بعد خل نروح المستشفى عشان ماتذبحنا هناك عبدالعزيز : ادففع دم قلبي بس عشان اشوف وش الرسالة اللي جتك عبدالله ضحك بنفس اللحظة دخل الجد عليهم عشان صلاة الفجر كلهم قامو يتوضون وراحو للمسجد اللي بوسط المزرعة .. اللي اللكل يجتمع فيه حتى من المزارع المجاورة .. ... .. الساعة 8 ونص الصباح بالصالة عند الحريم كانو العايلة بس موجودين حلا دخلت تركض عند الهنوف : هنوف الهنوف وهي تشيلها وتحطها بحضنها : عيووون هنوف حلا : تركي يخووف ثوبه كله دمممممم الهنوف : تركي جاااء ؟؟ حلا : ايه برا عند عمي خالد الهنوف ضحكت : عادي ياقلبي هذا دم الاضاحي حلا : بس يلحقني يخووف الهنوف : ههههههههههههههههههه حيوان والله رهف : اخوي ماعنده احساااس والله ,, لعبته المفضله هذي ههههههههههههههههه الهنوف : دايم يقول لي انه كان يخوفك بعدها علمتي عليه وانجلد رهف : ايييه ههههههههههههههههه انا ادوخ من الدم مثل ماانتي عارفه وهو يسوي كذا وكل عيد اضحى لازم اكون بالمستشفى لين علمت ابوي عليه عاد وانجلد وعد : ههههههههههههههه رهف غبيه والله .. تخييلي يقولها اذا علمتي ابوي ترى ماتصيرين قوية وهي مصدقته رهف : شسوي كل شي الا ان احد يستهين بقدراتي ههههههههههههههه حلا جلست زين : بس انا ماخفت اصلا وعد : اييه واضح ياقلبي والدليل اني اسمع دقات قلبك من هنا الهنوف : تكفين حلا انزلي رجلي نملت حلا ضمتها ونشبت اكثر وجدان : مستحيل تقتنع انها كبرت الهنوف : مستحيييلين ريم اللي توها داخله : حلااا تعالي جدي يقول بعطيها عيدية حلا ركضت وريم ركضت معها ريوف : ريييم اللي مستحيل تكبرر والله وجدان : ههههههههههههههههههه ريم بتدخل الثانوي وهي بزر واللكل يعاملها كنها بزر الهنوف : عاد اختك بريئة مرررة وجدان : عاد تبون الصدق هيفاء : ايوه وجدان : احس اللي مهما كبرو يبقون بريئين هم غدي وجمانة الهنوف ضحكت : صادقة احيانآ احس حلا اكبر منهم ريما : البراءة بجهه وهم بجهه والله مشاعل : انتي بالذات تسكتين هيفاء : من جد والله يامشاعل رهف : حرام عليكم عاد كل شي الا ريما ريما : حبيبببتي زوجه ولد خالي قسم بالله مايبرد قلبي الا هي رهف ضحكت هيفاء : والله مانبي حبك ولا نبي نبرد قلبك نبيك تنطمين بس رهف : ماعليك منهم بس ريما : عطيني ولدك رهف اطلع حرتي فيه رهف شهقت : لاااااا خلاص انقلعي عن وجهي تكفين ريوف : كلبه اختي والله ههههههههههههههههههههههههه ههههه وعد : صدق رهف وين حبيبي وعمري وحياتي وقلب... رهف قاطعتها : خلاص خلااص .. مع ابوه من الفجر ماشفته مشاعل : حبيبي اللي مريح نفسه رهف رن جوالها وكان عبدالعزيز ضحكت وهي تقوم عنهم : ماشاءالله مشاعل عيينك قوييية طلعت برا وردت : هلا عبدالعزيز : هلا فيييك رهف : شخبارك وشخبار حمودي عسى ماازعجك عبدالعزيز كان عنده زحمه وفجأه صار مافيه صوت وببحه لعبت بقلب رهف : اول شي عيدك مبارك ياعيدي وكل عام وانتي بخير رهف وجهها قلب احمر : وانت بخير عبدالعزيز : ثاني شي اشتقت لك اشششتقت لك اشششتقت لك رهف بصوت قصير : وانا بعد عبدالعزيز : نايمه امس الليل صح ؟ رهف : اييه عبدالعزيز : حلو لاني بسوي لك مفاجأه الظهر رهف بفرحه : صدق ؟ عبدالعزيز : ايه والله بس خل ينامون كلهم واكلمك رهف : طيب عبدالعزيز تنحنح : يوم سمعت صوتك نسيت وش كنت ابي رهف ضحكت عبدالعزيز : ضحكتك اللحين نستني وش اسمي رهف : بسرعة بس برجع اتقهوى عبدالعزيز : ههههههههههههههههه طيب ( وسكت شوي ) : بس لا تعصبين رهف : وشو ؟؟؟ عبدالعزيز : محمد كل ملابسه دم رهف شهقت : مو من جدددك ! عبدالعزيز : يصيح يبي يقرب من المسلخ ودخلته رهف : وربي سخيف عزيز مرة سخيف حرام عليييك عبدالعزيز : عشان كذا اتصلت عليك خلي ميشيل تجيب ملابسه وتجي انا بنظفه مابيك تشوفينه وتدوخين رهف ابتسمت : شدراك اني اخاف من الدم ؟ عبدالعزيز ضحك : انا اعرف عنك اشياء حتى انتي ماتعرفينها رهف : هههههههههههههه احلف بس عبدالعزيز كتم ضحكته : طيب ماودك تشوفييني انا ؟ رهف : انت بعد كل ثوبك دم عبدالعزيز : ايه رهف : مابيك ولا ابي اشووفك الا بعد ماتتحمم وتنظف حمودي وترجعه لي عبدالعزيز : خلي ولدي يصير رجال رهف : يصير رجال اذا جاء بلبسه دم !! لابعد دم حيوانات عبدالعزيز : ايييه هذي الرجوله ( ويقلد نبرة صوتها ) : دم الحيوانات رهف : وخر بس حقدت عليك عبدالعزيز بهمس : وانا ا ح ب ك رهف سكتت فجأه عبدالعزيز : والله والله احبك رهف : وانا بعد عبدالعزيز : وانتي ايش ؟ رهف : نفس اللي قلته عبدالعزيز : نسيت وش قلت رهف : خلاص مو وانا بعد عبدالعزيز : ماراح تشوفين محمد خلاص رهف : امزح واللله احبك عبدالعزيز ضحك بقووه : هههههههههههههههههههههه اااه قلبي قسم بالله بتذبحني هالبنت رهف ضحكت وسمعت صوت من وراها لطيفة : رهففف خلصت الدله وانتي تكلمين للحين ! رهف فزت ولفت على لطيفة : بجي اللحين لطيفة ضحكت وهي تشوفها : وجهك ناااار بيحرق المزرعة كلها رهف ضحكت بحياء ولطيفة راحت عبدالعزيز سمع لطيفة وبهدوء : ياحححظ كل عين تشوفك رهف : اففف مسوي ماشفتني يعني قبل شوي ؟ عبدالعزيز : الا شفتك واتذكر حتى لون روجك ماتتخيلين اني اتمنى اكون لطيفة رهف : خلاص كذا ترى ماعاد اقدر ارجع للبنات عبدالعزيز ضحك : والله ودي نرجع الرياض اللحين رهف : انا ودي اجلدك ترى عبدالعزيز : ليش رهف : عشان محمد عبدالعزيز : مانسيتي السالفة رهف : لاا عزيز لبسه مرررة حلو حرام خربته بالدم عبدالعزيز : اشتري له 10 مثله ولا يهمك رهف : خلاص بعطيك له لبس ثاني اللحين عبدالعزيز : بجيك اخذه منك ( وقبل ماتتكلم رهف ) : بلبس ثوب ثاني لا تخافين وماراح اجيبه معي رهف : اوكي بطلع لك اللحين عبدالعزيز : لاتطلعين مع الباب الرئيسي العيال برا تعالي مع باب المطبخ اللي ورا رهف ابتسمت : طيب ( وبسرعة ) بس لحظة عبدالعزيز : هلا رهف : لبس محمد اي شي او افسخ لبسه ابي انظفه انا عبدالعزيز : افا ماتثقين بأبوه رهف : الا والله بس مشتاقه له من الفجر ماشفته عبدالعزيز : اااه ياحظ محمد بس رهف ضحكت وسكرت منه وطلعت من باب المطبخ تنتظرهم 5 دقايق وجاء عبدالعزيز وهو شايل محمد اللي شعره محيوس ولابس تيشيرت كبير عليه مرة ضحكت من اشكالهم قرب عبدالعزيز وهو حاضن محمد وباس خدها رهف دفته : خيير ابعععد لا يشوفنا احد عبدالعزيز : واذا شافنا احد رهف : عيييب عبدالعزيز : حلالي ابوسك وين ما ابي رهف ضحكت : عاجبتك كلمة حلالي ذي عبدالعزيز : اييه لأني مو مصدق اني محظوظ لدرجة انك انتي حلالي رهف انحرجت وسكتت بعدين شافت محمد وضحكت : وش هالششكل حرااام عليك ؟ عبدالعزيز : وش فيه عادي رهف بحزن : يقطع القلب كنه مسكين وين ربطته وبعدين وش هالتيشيرت عبدالعزيز : هههههههههههههههههه لا لا صيحي ازين ! رهف خنقتها العبرة : والله حسيت اذا مت وصار لحاله معك بتصير تلبسه زي كذا وتهمله عبدالعزيز مات ضحك وهو يتراكى على الجدار : ههههههههههههههههههههه رهف اتركي عنك الدراما تكفيين رهف تجاهلت عبدالعزيز ووجهت نظرها لمحمد تكلمه : حبيب مامي وعمررها اللي اشتقت له وجلست تبوسه ومحمد كان يتحرك بحضن عبدالعزيز ويضحك لها مدت يدها عشان تاخذه ولف عنها وضم ابوه رهف شهقت : حييوااان باعني !! عبدالعزيز ضحك ورفعه وباسه وعضه بقوه لين صاح : يالله اللحين بيجيك رهف طقت كتف عبدالعزيز : سخييييف اللحين ماراح يسكت ابد محمد جلس يبكي وخذته من يد عبدالعزيز ودخلت وهي معصبة عبدالعزيز وهو ميت ضحك : طيب ماتبين اجيب اللحم حق اضحيتنا وتقطعينه رهف بدون ماتلف عليه : بقطعك انت والله راح للعيال وهو ميت ضحك .. ... .. الساعة 10 الصبح بدو اللكل يجتمعون على طاولة الطعام وفيها كل مالذ وطاب من اطباق عيد الاضحى المعروفة كبدة ومقلقل وحميس اللحم ...الخ مشاعل وهي تاكل : بصراحة احلى شي في عيد الاضحى اننا نقلب اُسود غصبآ علينا ريما : من جد والله .. مارحمت الا الفيجن يرفسون النعمه برجليهم ام محمد : وش هم ذولا اللي تقولينهم ريما : يعني النباتيين ام محمد : الله يزيدنا فيهم جهل ريما : اي والله يمه تخيلي يحسونا مجرمين عشاننا نذبح الخرفان والدجاج وكذا ام محمد : اعوذ بالله .. هذا شرع الله وواجب علينا نسويه مشاعل طقت ريما : ياتبن ياويلك ان بدت جدتي محاضراتها .. وقتك انتي والنباتيين اللحين ؟؟ خلينا نستمتع بالاكل رهف وهي تشيل طبق وتحطه قدام ام محمد : خذي يمه من طبقي ذوقيه ام محمد : يازييينه من اللحين قبل ماذوقه دامه من يدين ام محمد رهف لفت على البنات وهي ترفع حواجبها مشاعل : افااا يمه نسيتي الايسكريم اللي اكلته محمد الطفل الضعيف البريء المسكين رهف فتحت عيونها بقوه : مشاعلوووه ياتبن ام محمد : لا مانسيته لكن شغلهم عندي بعديين مشاعل وريما يضحكون ورهف جلست وهي معصبه عليهم وجدان بهمس لمشاعل : والله انكم سوسات حرام عليكم والله واضح جدتي ناسيته بس ذكرتوها مشاعل : احسسن رهيف وزوجها كلوني اكل عشان لحسة ليمونه بس ام سلمان بصرامة : مشاعل خلاص رهف ضحكت وهي تناظر مشاعل : احسسن تستاهلين .. .... .. الساعة 12 الظهر خلص العيد البنات اللي كانو مواصلين دخلو ينامون و باقي رهف ولطيفة اللي كانو يتقهوون لطيفة وهي تتثاوب : دخت دخخخت رهف : لا تنامين عاد ابي احد يقابلني على القهوة لطيفة : والله ماقدرت اخليك تتقهوين لحالك عشان كذا جالسة للحين رهف رحمتها وجهها باين انها تعبانة مرة : خلاص روحي نامي لطيفة : صدق رهف : اي والله لا تستحين خلاص لاني خلصت لطيفة : اسفه والله بس جد دخت رهف ضحكت : مو من جدك تعتذرين بعد .. اقول قومي بس لا بالفنجال على راسك قامت لطيفة وهي تضحك ورهف كملت فنجالها وهي تشوف جوالها بهاللحظة جتها رسالة من عبدالعزيز وتوها بترد اتصل عليها رهف ردت وهي تضحك : خلني اكتب طيب عبدالعزيز : لا تكتبين البسي لبس مريح واطلعي رهف : ليه بنطلع من المزرعة ؟ عبدالعزيز : لا لا لا تجيبين عبايتك بس جيبي جلال رهف : فيه احد برا ؟ عبدالعزيز : لا بس احتياط رهف : طيب بس عطني نصف ساعة واطلع لك عبدالعزيز : طيب رهف سكرت منه وقامت تحممت ولبست ليقنز اسود وتيشيرت اديداس رمادي ونشفت شعرها وخلته على طبيعته وتعطرت ولبست جزمتها وجلالها وراحت لميشيل وقالت لها تنتبه على حمودي وطلعت كان عبدالعزيز ينتظرها عند الباب سلم عليها اول ماجت وجلس يشم شعرها وبهدوء وهو مبتسم : من العطر اللي احبه رهف انبسطت مع انها حاطه رشه وحدة بس الا انه ميّزه .. مسك يدها ومشو . . . الساعة 2 الظهر بين النخل رهف جلست على كرسي بتعب : تعبت تعبت وانا امشي عبدالعزيز : احمدي ربك ان مافيه شمس اليوم والجو مو حار مرة كان الجو فعلآ غيوم بس فيه حر بسيط رهف وهي ترفع يدها : غريبة والله مووو حر مرة مع اننا الساعة 2 عبدالعزيز : ايه بدا الجو يصير حلو شوي رهف : اي والله عبدالعزيز : طيب شرايك نرجع ولا نكمل مشي رهف بتردد : عبدالعزيز عبدالعزيز : عيونه رهف : عادي اطلب منك طلب ؟ عبدالعزيز : تم رهف : يمكن تقول لا طيب عبدالعزيز ابتسم بثقة : قلت لك تم رهف : ابي اركب الشهلاء عبدالعزيز : انتي عارفة ان مافيه احد يتجرأ يقرب منها صح ؟ رهف هزت راسها بايجاب عبدالعزيز ابتسم : طيب تعرفين ؟ رهف : شوووي بس عبدالعزيز بنفس النبرة عاد الكلام : تعرفيين ؟؟ رهف ضحكت : بصراحة لااا عبدالعزيز : اوكي موافق بس بشرط رهف : وشو عبدالعزيز : اركب معك ماتركبين لحالك رهف بحماس : اوووكي مشو للاسطبل ورهف متحمسة مررررة ومو قادره تشيل الابتسامة عن وجهها لما دخلو للاسطبل القت رهف نظرة على الخيول رهف : انت لك واحد بس ؟ عبدالعزيز : لا عندي الشهلاء ( واشر على خيل ثاني ) : ومشهور رهف ضحكت : وش هالاسماء عبدالعزيز رفع حاجبه : اجل وش تبيني اسميها رهف بثقة : المفروض سميتها رهف ومحمد عبدالعزيز : ههههههههههههههههه يكفيني بحياتي رهف ومحمد اللي معذبييني وشالعين قلبي رهف ضحكت ولفت على الخيول الثانية : طيب الباقي لمين عبدالعزيز : لابوي واعمامي والعيال رهف جلست تتفرج عليهم للمرة المليون عبدالعزيز : هاه مستعدة ؟ رهف بخوف تحاول ماتظهره : ايه مستعدة عبدالعزيز ابتسم من كل قلبه يدري انها خايفة مرة لكن ما اظهرت خوفها ابد بالعكس شجاعتها غلبت على هالشي .. يحب شجاعتها وقوتها مرررة اخذ الخوذه والبوت ولبسها وطلع لرهف خوذه وبوت وسترة حماية وجلست تلبسها رهف وهي تمشي بثقل : البوت كبيير عبدالعزيز : ههههههههههههههههه حتى السترة كبييرة مرة رهف : والخوذه بعد ههههههههههههههههههه عبدالعزيز وهو يضحك : وش اسوي لو انك قايله لي قبل مانجي من الرياض كان شرينا لك على مقاسك رهف : اييه ضرووري والله ,, بس خواتك وبنات عمك ماعندهم شي هنا ؟ عبدالعزيز : لا ماتستهويهم الخيول .. ( ابتسم ) : بتصيرين انتي الانثى الوحيدة بالعايلة اللي تشتري ملابس خيول وتهتم فيها رهف ضحكت وعبدالعزيز مسك الشهلاء واخذ كل لوازم الركوب وطلعها برا ورهف كانت تمشي جنبه لما طلعو قرب منها ومسك خصرها .. رجفت من لمسته وهو حس بهالشي لكن ماوضح رفعها وركبها بخفه وركب وراها .. ... .. بنفس هاللحظة في الملحق عبدالله ماقدر ينام من الوناسة كان فاتح على رقم نورة ومحتار يتصل ولا يراسلها واتس اب لانه يحتاج يكلمها ويناقشها عن كم شي خصوصآ بعد ما ابدت موافقتها من الموضوع ارسل لها بالواتس اب - مساء الخير بالصالة الحريم صاحين توهم صاحين ونورة ومشاعل صاحين معهم بنص الجلسه وهم يسولفون نورة انتبهت لجوالها انهبلت يوم شافت عبدالله مكلمها هي صحيح علاقتها في عيال عمها كلهم استهبال واولهم عبدالله لكن هالوضع غير موتّرها انه يبيها هي بالاسم ! من يوم قالت لها الهنوف بدت تربط الامور كلها براسها وعرفت ليه ام عبدالله تعاملها بهالطريقة انقهررت مرة خصوصآ ان تعامل ام عبدالله يوتر ردت عليه - مساء النور عبدالله كتب على طول - كيف حالك نورة - تمام صمت طويل بين الطرفين عبدالله - بفاتحك بالموضوع على طول .. الهنووف اكيد كلمتك نورة - ايوه عبدالله - ابي اكلمك اذا فاضية نورة ارتاعت وسكتت شوي بعدها كتبت - اوكي قامت من عند الحريم وطلعت من الباب اللي ورا وجلست على الكراسي تنتظر مكالمة عبدالله . . . بالجهة الثانية من المزرعة بالاسطبل رهف وعبدالعزيز توهم نازلين من الخيل رهف وهي تلمس راسها : راسي انفجرر من الخوذه عبدالعزيز نزل لراسها وباسه : واللحين ؟ رهف ابتسمت : للحين والله عبدالعزيز : كذا بتحديني على الردى رهف بعدت وهي تضحك : امزح امزح والله ضحك عبدالعزيز وقرب منها ومسك يدها وطلعو برا كان الجو مازال مغيم على ان الساعة 3 ونص العصر على غير العادة بهالوقت من السنة تكون الشمس حارة لكن اليوم بالذات الاجواء غيررر كأن السماء والهواء فرحانين مع فرحه عبدالعزيز وهو مع رهف بدون اي حقد في قلبها كلهم قلوبهم تنبض حب لبعض . . اما عند نورة اللي توها مسكره من عبدالله قالت له كل اللي بخاطرها باستثناء معاملة امه معها بس وضحت له انها تدري ان امه ماتبيها قال لها انه بيتزوجها غصب عن الكل ورفضت بقووة .. وقالت ان بابهم مفتوح بس اذا وافقت امه تحطم عبدالله لكن بنفس الوقت ارتاح انها هي موافقة لأنه مقتنع ان امه بتوافق عليها سواء اللحين ولا بعدين ! .. .... .. المغرب اللكل صحى وجلسو يتجهزون للعزيمة حوسة وربشه كثير بغرفة البنات كانت رهف توها داخله ومعها حمودي وعيونها حمراء ومابعد تحممت ولا تجهزت وعد : ررهف !! مانمتي للحين ؟؟ رهف وهي تتثاوب : الا نمت ساعة بس صحيت اللحين وعد : مو صاااحية قسم بالله لييش تصحين رهف : حمودي صحى مشاعل : طيب حطيه عند ميشيل ونامي انتي ! رهف : لا اصلا كنت مركبة المنبه عشان العزيمه بعد ( لفت على وعد ) : بخلي حمودي عندك واروح اتحمم تمام ؟ وعد : اييه اييه بعيوووني رهف راحت وبهاللحظة رن جوال وعد اللي كانت تحط اي لاينر وردت وعد : هلااا والله ,, تمااام الحمدلله ,, اييه اللحين تتذكرني بعد ماشبعت من اللحم ,, هههههههههههههههههههه من عيوني ,, دقيقه بس بكمل ميك اب واطلع لك ,, يالله باي الهنوف : عييب تهاوشين عمي قدامنا ريوف : اييه انا مع كلام الهنوف .. خالي تقولين له ابشر وتقومين تفزين له بدون دلع وتشره وعد شهقت : خييير انتي وياها زوووجي شدخلكم الهنوف : عممي مااحب اشوف وحدة تهينه وعد : تكفين كلي تبن بس هههههههههههههههههههه كملت الميك اب وطلعت لخالد اللي كان ينتظرها برا اول ما اقبلت عليه جلس يغني بصوته النشاز : اهلا والله بهالطلة اشتقنااا لعيووونك والله وعد كانت تمشي وهي تضحك بحياء قربت منه وسلم عليها : عييدك مبارك متأخره بس معليش وعد : علينا وعليك يتبارك خالد : شخبار الحلووين وعد : الحمدلله تمام خالد يلقي نظرة على شكلها وفتح عيونه بقوة : لا يكون بتطلعين للحريم كذا ؟؟ وعد ارتاعت : اييه ليش شفيني ؟ خالد : اخاف يصكونك عيين وعد ضحكت : روعتني على بالي عندك سالفة خالد بجدية : طيب هذي سالفة صدقيه والله وعد بزعل مصطنع : يعني ايش احبس عمري بالغرفة ولا احضر شي ؟ خالد : ودي والله .. بس اخاف تجيك حالة نفسية وابتلش فيك وعد شهقت وهي تطق كتفه : بسسس خايف تبتلش فيني خالد ضحك واخذ نفس عميق وهي يمسح على خدها : يقول جرير / إن العيون التي في طرفها حورٌ .. قتلننا ثم لم يحيين قتلانا .. ورد بشار بن برد / لو كنت أعلم أن الحبَ يقتلني أعددت لي قبل أن ألقاكِ أكفانا وعد مسكت قلبها : يمممه خااالد وش هالكلااام خالد : والله العظيم هالكلام ما انقال الا في عيووونك انتي وعد ضمته بقووة : بسم الله عليك من الموت خالد : هههههههههههههههههه خلاص لحد يشوفنا وعد فكته وهي تضحك : ياليتني ابعد عنك دايم 3 ايام واكثر عشان اسمع هالكلام الحلو خالد : والله الشوق ذبحني متى يخلص العيد وعد ضحكت بحياء وبعدها شهقت بقوة : ياويلييي حموووودي خالد عقد حواجبه باستغراب : شفييه حمودي ! وعد : نسيييته ياويلي من رهف خالد : وش دخلك فيه انتي وعد رفعت حاجبها : هيييه ولد اختي وولدي انا بعد خالد : هههههههههههههههه روحي روحي ماابي اقول شي زيادة اخاف تزعلين علي وانا توني محصل ضمه حلوة وعد راحت وهي تضحك اول مادخلت الغرفة انصدمت من المنظر اللي شافته وشهقت بقووة وماكان بالغرفة الا مشاعل ووجدان وهيفاء وريما لفو عليها مرتاعين وعد : ياحيواااناات مخليته عندكم ليييش محد انتبه له لفو البنات على حمودي وسكتو ثواني وفجأه انقلبت الغرفة اللي كانت هدووء الى اصوات ضحك عالييه هيفاء : ياويلك ياوعد هههههههههههههههههههه ريما : الحمدلله ان الميك اب اللي عنده مو حقي الحمدللله ياربي على هالنعمه الفضيله اشكرك يارب مشاعل : اي والله الحمدلله انه مو حقي بعد وعد وهي تشيله : الله ياخذكم الميك اب مو سهل انه ينمسح بتلعن خيري رهف اللحين هيفاء وهي تضحك : والله العظيم ماالوم رهف يوم تقوم معه وتنام معه وماتخليه عندنا .. كل ماتركته دقايق جاء مصيبه رهف توها داخله تنشف شعرها بالمنشفه : وش فيها رهف بعد ( لفت على محمد وشهقت وبصراخ ) : وعععععد وش مسويه فيه ؟؟ وعد : والله خالد كلمني ورحت ونسيت اقول للبنات ينتبهون له الهنوف توها تدخل : بنااات يق..... شافت حمودي وجلست تضحك بصوت عالي ورهف اللي معصبه مررة عليهم راحت وشالته وهي فيها الصيحه الهنوف : وش مهببين فيه حرام عليكم وعد : هو اللي مهبب في نفسه نسيت علبة الاي لاينر مفتوحه ولعب فيها رهف وهي خانقتها العبرة : ياربيييه انا وش سويت كل ملابسه الجديدة خربت وحده كلها دم وهذي اي لاينر وروج وعد : عااادي رهف اللبس بداله لبس خليه ينبسط فداه كل شي رهف عطتها نظرة ولفت عنها وراحت برا وجدان لفت على وعد وبهدوء : حراام عليك والله وعد : خيير شسويت !! وجدان بعصبية بس صوت خفيف : لييش ماخذتيه يوم رحتي لخلودي ؟؟ وعد : والله نسيييت مافكرت اببد وجدان : طيب على الاقل كان قلتي لنا ننتبه له او ناديتي ميشيل ( لفت على مشاعل وريما ) : وانتم بعد مستقعدين لها بسالفة الايسكريم قدام جدتي وجدتي ماتقصر بهالمحاضرات ريما : شدعوى عاادي استهبال يعني وجدان : كل شي له حدود عاد ترى والله حرام بتحس انها مقصرة بحقه صدق الهنوف : من جد ترى وجدان كلامها صح ,, شوفو وجهها وقلة نومها اصلا باين مضغوطة مرة وعد انبها ضميرها وقامت ورى رهف والبنات جلسو يكملون تجهيزاتهم - بعد يومين يوم الخميس الصبح رجعو كل العوائل للرياض لطيفة اتصلت على سعود اللي رد عليها بعد رابع رنة لطيفة : هلا صباح الخير سعود : صباح النور لطيفة : وش اخبارك سعود : تمام الحمدلله لطيفة : ماراح اطول عليك بس ممكن ترسل لي رقم هديل ؟ سعود : بتقابلينها خلاص ؟ لطيفة : ايه سعود : طيب ابشري لطيفة : انت قلت لها صح ؟ سعود : ايه لطيفة : اوكي حلو سكرت منه وهي تفكر في سعود اللي اتبع عاطفته من اول قضية جته وقرر يظلم نفسه مع وحدة ماتصلح له ابد من كلام سعود عنها عرفت لطيفة انه مايحبها واساسا هي ماتصلح له مازالت بالمحاكم ترفع قضايا على زوجها السابق وهو يرفع قضايا عليها .. وعندها عيال قررت انها توقف مع ولد اختها لان لو سكتت بتتم تلوم نفسها الى يوم الدين وبنفس الوقت راحمة البنت مرررة خصوصآ مع عمرها الصغير وعايشه في ذا الهم الكبير وصل لها الرقم واتصلت على هديل وهي مقتنعه بكل شي بتقوله .. - بعد 3 شهور محمد كمل 9 اشهر وبدا يوقف على رجلينه ويطيح وعيون عبدالعزيز ورهف تسمي عليه وتتبعه بكل مكان رهف وعبدالعزيز حبهم يزيد كل يوم اكثر من اليوم اللي قبله بس مازالو منفصلين عن بعض وقت النوم .. هيفاء في شهرها الثامن وكانت جدآ ثقيييلة وحركتها صعبه ام عبدالله رفضت زواج عبدالله بنورة رفض تااام .. وعبدالله ساءت علاقته بأمه وبأهله كلهم ..اما نورة تجاوزت الموضوع على طول ووجدان اللي كانت توها مكتشفه قبل امس انها حامل وبالشهر الثاني انتشر خبر حملها على طول والاهل كلهم فرحانين وعد قررت انها تحمل وتجيب ولد او بنت خاله لمحمد وكان اكثر شخص فرحان بهالشي خالد كان باقي على نهاية الترم الاول شهر تقريبآ - يوم الخميس رهف غصبها عبدالعزيز تدرس الترم اللي باقي لها عشان تخلص وترتاح كانت توها طالعه من الجامعة ركبت السيارة وهي تلهث : ابي التررم يخلص خلاااص مليت عبدالعزيز : مساء النور بخير ياعمري انتي شخبارك ؟ رهف ضحكت : مساء الخييير عبدالعزيز : اجل تقولين تبين الترم يخلص رهف وهي تعدل حجابها : ايييه ولا بعتذر عبدالعزيز : عشان اكسر راسك رهف لفت عليه ورفعت حاجبها : مايطاوعك قلبك عبدالعزيز : الا يطاوعني قلبي .. اجل خلصتي اكثر من نص الترم وتبين تعتذرين بعد رهف ضحكت ولفت وشافت البنات اللي واقفين قدام بوابة الجامعة يشوفون عبدالعزيز وبعصبية : ممكن تمشي !! عبدالعزيز ماكان منتبه لهم : اصبري زحمة رهف تأففت وهي ساكتة عبدالعزيز : وش فيك انتي ؟ رهف انفجرت : الكلبات يناظرونك عبدالعزيز ارتاع : ميين ؟ رهف لفت جهتهم ولف هو بيشوف عبدالعزيز ضحك : صدقيني بهالزحمه مو فاضين يشوفون احد والله رهف : الااا اشوفهم يناظرونك عبدالعزيز مسك يدها ورفعها وباسها : تغارين علي ؟ رهف : لا طبعآ عض يدها بقووة رهف : ااااحح وجججعع عبدالعزيز وهو رافع حاجبه : الكذب حرام يابنت سعود رهف سحبت يدها : رح للبنات اكيد يغاروون عليك عبدالعزيز فتح الباب باستهبال : اوكي بروح رهف طارت عيونها : عزييييز عبدالعزيز سكره وهو ميت ضحححك عليها ... .. ... اما في بيت سيف ووجدان كانو جالسين يتناقشون بمسألة دراسة وجدان للماستر وجدان : تكفى سيييف عادي والله اداوم وانا حامل مافيها شي سيف : قلت لا يعني لا وجدان : انت كنت موافق قبل وش غير رايك سيف : غير رايي اللي ببطنك وجدان : بيخلص الترم وولادتي للحين ماجت .. وبعدين دوام الماستر مو صعب ابدآ قلييل مرة سيف : ولوو وتراه عشانك بعد مابيك تضغطين نفسك في بحوث واختبارات وجدان : ماراح اتعب اوعدك وحتى لو تعبت ماراح اشكي لك سيف مسك يدها : ياقلبي انا مارفضت عشاني مابيك تشتكين انا خايف عليك ولا ابيك تدرسين وانتي تعبانة وغير كذا ماراح تجيبين درجات زينه صح ولا لا ؟ وفرضنا انك بديتي مع تعب اول الشهور تتوقعين تذاكرين زين ؟ وجدان : طيب انا جاني القبول لو مثلا مادرست اللحين ماراح يجيني قبول السنة الجاية سيف : لو ربي كاتبها لك ماراح تروح ابد وجدان لفت وهي متضايقة سيف ابتسم : عشاني وعشان نفسك وعشان اللي ببطنك وجدان : اوكي خلاص سيف : زعلتي ؟ وجدان : لا سيف داري انها زعلانه بس سكت مايبي يكمل نقاش ويضعف ويوافق وهو عارف انه خطر عليها .. .... .. في بيت ابوماجد سعود يحاول يتصل على هديل وهي تقفل بوجهه من بعد ماكلمتها لطيفة وهي مبلكته من كل مكان سأل لطيفة مليون مرة وش قالت لها ورفضت تقول له .. ومنقهر انها سحبت كل قضايها منه وراحت لمحامي ثاني اتصل للمرة الرابعة وكان الجو مقفل نزل جواله وهو معصب تمنى انه ماقال للطيفة اي شي .. مازال راحم هديل وفيه جزء منه مقتنع انه لازم يتزوجها ويعوضها ارسل لها من كم رقم انه بيخطبها وتبلكه على طول بدون اي رد اما عند هديل من يوم كلمتها لطيفة وهي مبلكة سعود من كل مكان حتى مكان سكنها غيرته شافت فيه الرجل الكفؤ صحيح لكن كلام لطيفة كان جدآ مقنع .. ماحبت انها تستغل رحمته وعاطفته وتجبره يتزوجها ويتحمل مسوؤلييتها هي وعيالها كفاية انه يراكض في المحاكم عشانها وعشان قضاياها بدون ماياخذ منها اتعاب وغير كذا كل فترة يتقضى لها وللبيت ويشتري لأطفالها العاب رجعت فيها ذاكرتها لذاك اليوم اللي زارتها فيه لطيفة ببيتها كانت جدآ كويسة معها .. كلمتها عن سعود وعن عايلتهم ذكرت ضعفها قدام لطيفة وكيف بكت .. كانت تحتاج اخت او صديقة تفضفض لها وبالفعل لطيفة كانت مثل البلسم لها وعدتها انها تكون معها دايم بس بشرط انها تبعد عن سعود تمامآ وكلمت ابوها عشان يدبر لها وظيفة و مارد بنته ووظفها بشركته وبراتب كويس ووعدتها ان اجار شقتها الجديدة بيكون عليها لين هديل توقف على حيلها وتقدر تكمل حياتها بدون مساعدة احد كانت مرتاحه انها ابعدتها عن سعود تمامآ ماتبيها تحتك فيه لمصلحته ولمصلحتها ...! انتهى البارت و الحلوين اللي من خارج المنتدى ودي اشوف تعليقاتكم على البارت وتوقعاتكم حياكم هنا https://tellonym.me/Sa7abD | ||||
|
| |
|
24-09-19, 07:38 PM
| #55 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| // -53- الـــنـــهـــايــــة - بعد اسبوع يوم الاربعاء الساعة 7 المغرب في بيت الجده اللكل مجتمع كانو البنات جالسين بالغرفة ريما وهي حاطه اذنها على بطن وجدان : وراه مايرجف وجدان : ههههههههههههه تستهبلين انتي ؟ توني ببداية الشهر الثاني مشاعل : مابعد تكون له رجلين وذي تقول يرجف وجدان : تشوفين انتي ! ريوف : اختي متخلفه معليش امسحوها بوجهي ريما : متحمسه لولد مدري بنت اخوي ريوف : عاد لا تصيرين نذلة نفس هيوف وماتعلمينا مشاعل : لا تجيبين طاري اختي وهي مو فيه وجدان : ياعمري ياهيفاء رهف : والله اني متحمسه لولادتها اكثر منها وعد : باقي لها اسبوعين وتدخل التاسع صح ؟ مشاعل : ايه اتوقع دخلت عليهم الهنوف وهي شايله حمودي رهف شهقت : اما صحييتيه ! الهنوف : لاااا والله .. لقيته نايم عند باب الغرفة رهف : اي غرررفة !! الهنوف : هذي رهف قامت بسرعة وخذته من الهنوف : عمررري والله الهنوف : استغربت يوم شفته بصراحة رهف رفعت وجهه وكان فيه جرح صغير عند دقنه : عمرري وحبيبي اناا مسحته بمنديل وكان الدم مانشف مرة وشافت تحت عيونه دموع ضمته بقووة : شكله بكى ليين قال بس وانا مادريييت عنه وعد اللي كانت جنبها وتشوف : ياعيييين خالتووو والله رهف خنقتها العبرة مررة : شكله يقطع القلب اففف الله ياخذني وجدان : والله اللي يقطع القلب شكله وهو لابس شتوي مو الجرح رهف : اجل وش يلبس ؟ ريوف : اي والله صادقة وجدان مووبالاسكيمو حنا رهف : لا والله بالعكس براد وترى الاطفال ياخذون البرد اسرع من الكبار وجدان : صح يمكن ريما : ياحياتي ناشفه دموعه وانتي ساحبه عليه وجالسه معنا ؟ رهف : لا يكثر اسكتي ترى احس صدق بصيح ريما : صحييه تكفيين رهف هزته لين فتح عيونه واول ماشافها قعد يبكي ضمته بقوه وهو يشاهق .. دمعت عينها ومحد لاحظ الا وعد مشاعل : عطينياه تكفين رهف بسرعة : ايه تكفين بروح اسوي له رضعه قامت رهف ولحقتها وعد بدون ملاحظة احد دخلت الغرفة اللي كانت حاطة فيها اغراض حمودي وجلست تبكي وعد كانت تسمعها عند الباب وانصدمت دخلت بسرعه وراحت جنبها وعد وهي مرتاعه : رررهف وش فييك بسم الله علييك ! رهف تمسح دموعها بسرعة : مافييني شي وعد : تستهبليين رهف ؟ تكفيين لا تروعيني وش صار لك فجأه ! رهف بكت مرة ثانية : طاااح ومادريت عنه وعد ضمتها بقوة ورهف مازالت تبكي وعد وهي مصدومة : رهف !! عاادي واذا طاح ! رهف بصوت متحشرج : ماابيه يمووت تكفين وعد ضربت كتفها وهي تضحك بغصة من شكل اختها اللي يقطع القلب : بسسم الله عليه .. يموت من طيحة ! تكفين لا تتفاولين بالشر كل الاطفال يطيحون وينجرحون عاادي و ياما لك من الطيحات والجروح اذا مشى وصار يراكض وش بتسوين يعني رهف خذت نفس عميق وجلست تمسح دموعها وقامت من حضن وعد ابتسمت : لا تحطين ببالك عاادي هذي هرمونات الامومة وعد باقتضاب : على فكرة عارفة ان فيك شي من زمان رهف سكتت وعد : ممكن تقولين لي لأن اذا خبيتي بقلبك اكثر والله ماراح ترتاحين وبتظلين تبكين على اتفه الاسباب رهف : لا لا وعد مافيه شي والله وعد : لا تحلفيين كذب .. وبتقولين غصب عنك والله مااتركك تطلعين من هالغرفة الا لما تقولين لي رهف : قلت لك مافييه شي ! وعد : والله ومستعدة احلف بالمصحف ان فيك شي وبتقولينه يعني بتقولينه رهف سكتت شوي وبعد تفكير : طيب .. توعديني ماتقولين لاحد ؟ وعد بتوتر : ايييه اوعدك .. وشووو وش صاير !!! رهف تعض شفايفها بتوتر وحزن مو عارفة كيف تفتح الموضوع .. بس هي فعلا محتاجة وقفة اختها الوحيدة معها قالت بهدوء : انا ماعاد اقدر اجيب عيال وعد رفعت حواجبها بااستغراب وسكتت رهف تبعد عيونها عن وعد : صارت لي مضاعفات وقت حملي والولادة واثرت على الرحم عندي وعد كانت تسمع الكلام وتبلع ريقها .. ماتبي توضح اي ردة فعل قدام رهف رهف تسترسل : الدكتورة تقول رحمك ضعيف جدآ ولو فرضا حملت بالمستقبل مستحيل يكتمل الحمل وعد وهي خانقتها العبرة : واذاا يعني ؟ عاادي اصلا حمودي يسوى مليون طفل رهف نزلت دمعتها : عشان كذا خايفة عليه .. اذا خسرته والله بموت والله وعد وهي تمسحها : بسم الله عليه الله يحفظه يارب ويكبر وتشوفينه معرس وتشوفين عياله وعيال عياله بعد رهف : تكفيين وعد لااحد يدري عن شي تكفيين وعد : مستحيل ماراح اقول لااحد .. بس انتي لا يهمك الموضوع ولا تشيلين هم وصدقيني بالحمل خصوصآ الطب تطور كثيير ومتأكدة فييه حل رهف ابتسمت بحزن : الحمدلله على كل حال وعد ضحكت عشان تلطف الاجواء : طيب غسلي وجهك الحلو وقومي ياعمرري لا نتأخر على الجوعان رهف بسرعة : اييه والله نسييت مدت لوعد الرضاعة وقالت لها تروح وهي بتدخل الحمام قبل وتغسل وجهها وترجع لهم .. .... .. بعد العشاء رهف رجعت بيتها لان حمودي جلس يصيح طول الوقت ووعد راحت بيتها بعد بالملحق كانو ريوف وريما ومشاعل ووجدان والهنوف جالسين يسولفون ريوف فصلت جوالها من الشاحن وقامت تلبس عبايتها وجدان : على وييين ريوف : برجع بيتنا الهنوف : ياشينك تو الليل بأوله ريوف : والله عندي اختبار الاحد مشاعل : طيب اليوم الاربعاء ريوف بنفس نبرتها : طيب بكرة دوام بعد مشاعل : اقول بلا دلع اجلسي خليك زي اختك ماعندها احساس ريوف : اختي عندها اوف بكرة .. بعدين قلبي مو ميت مثلها ريما : اقول اجلسي بس .. فيه فيلم جديد نازل في نتفليكس ريوف : ماراح تجيني احداث الفيلم بالاختبار الهنوف : ام قليييب وجدان : والله كفو ريوف اوكي صحيح انك بثره لكن جد كفو ماراح ينفعونك اذا ماحليتي ريوف ارسلت بوسه لوجدان : اشوفكم الويكند الجاي ان شاءالله الهنوف : ماراح تجين بكرة بعد ؟؟؟ ريوف : لا والله المادة دسمة مررة وماابي اضغط على نفسي وجدان : بالتوفيق ياحبيبتي طلعت ريوف ريما وهي تمدد رجلها : قهر مافيه احد نرفع ضغطه اللحين مشاعل : شكلك نسيتي اني موجودة ريما : طفشت من كثر ما انتفك والله وجدان : مشاعل ماعاد تعطي ردة فعل ولا والله اول وناسة اذا تهاوشنا معها الهنوف : هههههههههههههه صادقة والله مشاعل : ماعرف لكم الا انا رن جوالها بهاللحظة ورفعته : هلا قلبي .. اممم ايوه ,, ايوه ,, لا من جدك ؟ ,, اللله ,, خلاص بعلم البنات ,, بس لحظة لحظة فوفو ,, ههههههههههههههههههههه امزح بس اسمع وش الطاري ؟ من الحلوو اللي مقترح هالاقتراح ؟ ,, طيب طيب خلاص ,, يالله باي قلبي سكرت منه الهنوف : فوفوو فووفو يالظالمه ؟ مشاعل : تكفين بغى يلعني لا تجين تزودينها علي الهنوف : تستاهلييين مشاعل : اصبرووو بس ماقلت لكم لطيفة اللي توها داخله : وشوو وش عندكم ؟؟ وجدان : وشووو ؟؟ مشاعل : بنروح بكرة مخيم لطيفة وهي ترفع راسها بغرور : ادرري الهنوف : لحظة لحظة وش الطاري ؟ مشاعل : لحظة خلي الطاري على جنب ( ولفت على لطيفة ) شدراك انتي ؟ لطيفة : ابوي متصل علي قبل شوي وقايل لي وجدان : اخخخ الله يسخررر لنا بس الهنوف : اميييين لطيفة ضحكت : والله كنت متصله عليه بسأله اذا يبي شاهي ولا لا وعلمني ريما : ماقلتو لي بس وش الطاري ؟ مشاعل : وشو وش الطاري ! عادي يعني شتاء ووقت تخييم وجدان : تدرون انا من شلت همه ؟ الهنوف : هيفاء وجدان : ايييه بتموت لو شافتنا بالبر ريما : يا ليتها تولد بكرة ويكنسلون الفكرة مشاعل شهقت : لا والله بالعكس احس وناسة مرة وتغيير جو .. احسن من المزرعة الهنوف : صادقة والله وجدان : دامه كذا شكلي ماراح انام هنا الليلة لطيفة : لااا عاد امانه مجهزه الفلم ومخلصه وجدان : اي ماراح اروح اللحين بس اقصد ماراح انام هنا لطيفة : اييه ( ولفت على الباقي ) لحد يروح بجيب البوب كورن والمشروبات واجي ( وشافت ريما) افتحي نتفليكس على الفلم االلي ارسلت لك صورته ريما قامت للتلفزيون بحماس : اوووكي - يوم الخميس الساعة 10 الصبح اغلب الاهل وصلو للمخيم كان 5 خيام فخمه وكبييرة وحدة مطبخ ووحدة للرجال ووحدة للحريم ووحدة للبنات ووحدة للشباب اول ماوصلو سيف ووجدان سيف وقف قدام قسم الحريم عشان تنزل نزلت وجدان وفسخت عبايتها وحطتها بالسيارة وجت بتمشي ووقفها صوت سيف ولفت عليه سيف : على وين ؟؟ وجدان وهي ترجف برد : بدخل عند البنات سيف فتح شنطة السيارة وطلع جاكيت الفرو والشرابات الثقييلة : تعالي قبل وجدان عاقدة حواجبها : بسم الله ماجبت هالاغراض انا سيف ضحك : انا اللي جايبها وجدان : لا تكفى مااحب البس ملابس ثقيلة بالمخيم تخرب علي الاستمتاع سيف : اقوول امشي بس فتح باب السيارة اللي ورى وخلاها تجلس وتمد رجلينها سيف : اجل سليبرز بالبر يالظالمة .. وفي عز الشتاء ؟ وجدان : لانه بينفسخ بعد شوي وبجلس اتمشى بدون شوز بعد سيف : بقص رجلينك والله وجدان : هههههههههههههههههههه خير سيف والله دايم اسوي كذا سيف : دايم وانتي بطنك مافيه احد وجدان تأففت : ياربيييه منك جلس يلبسها شراب الصوف الثقيل ولبست هي الجاكيت الفرو وبعدها لبست السليبرز اللي صار صغير مع حجم الشراب : هاه ارتحت ؟ اللحين اقدر اروح للبنات ؟ سيف يضحك وهو يقفل سحاب جاكيتها : اييوه اللحين تقدرين تروحين راحت وجدان للبنات وهي تتحلطم اول مادخلت الخيمة وسلمت عليهم جلسو كلهم يشوفونها ويشوفون حمودي اللي بحضن امه ريما : ههههههههههههههههههههههههه ههههههه وجدان قسم بالله حتى حمودي مالبس كذا وجدان شافت حمودي : ههههههههههههههههههههههههه هه اتوقع بسبب ذبتي امس عليه ربي بلاني رهف وهي تضحك : شكلي بقوم ازيد ملابسه دام وجدان لابسه كذا معناها البرد مايمزح وجدان : لا لا ههههههههههههههههههه والله سيف غصبني مو برررد مرة عادي يعني جلست تشوف القلفز اللي لابسها حمودي وانفجرت ضحك : رهف والله انك اوفرر حرام عليك رهف : وش الاوفر بالموضوع ؟ وجدان : قلفز عاااد ! رهف : اييه ياعمري يدينه تبرد على طول ريما : احس حمودي يقول انا وش جابني لذي الام رهف : لييش ؟ تحسيني ام ماتنحب يعني ؟ وعد بسرعة قبل ماتتكلم ريما : الا والله ياحظظه دام امه رهف وتخاف عليه كذا .. شوفي وجهه مرتاح لأن حرارة جسمه مضبوطة ريما : الله واكبببر عليك .. اصلا المسكين مابان وجهه من حجم الجاكيت هههههههههههههههه الهنوف لفت على حمودي : امااانة ياناس قسم بالله قلفز ميكي ماوس بياكل منه حته وعد وهي تسحبه من حضن رهف : انااا اللي بااكله كله واللله ..... بعد العصر عند العيال جالسين برا والجو بارد مشعل منسدح على رجل عبدالرحمن والعيال كلهم يسمعون لعبدالعزيز اللي يعزف لهم بالعود ويغني .. ومشعل يردد وراه لما خلصها صفقو كل العيال فيصل : عيال عمي محمد مدرري من وين وارثين الحنجرة الذهبية ذي مشعل يتنحنح : من الوالد الله يطول بعمره عبدالله : عمي على عيني وراسي بس ترى صوته استغفرالله يعني عبدالعزيز مسك حجر صغير ورماه على كتف عبدالله : ماشاءالله ابوي متى غنى لك يا استاذ عبدالله ؟ عبدالله يمسك كتفه : اححح ياكلب .. ماغنى بس يااخي نبرة صوته وهو يتكلم واضح ان صوته نشاز بالغنى ماجد : اقول عزييز اذا ماعليك امر غني كثر كل شي واحشني عبدالعزيز : تم بس دقيقة اخذ نفس ماجد : هههههههههههه خذ راحتك وبدا يعزف ويغني واللكل مستمتع ماجد كان وجهه متغيير وهو يسمع وكأن كل شي يذكره فيها وسيف ملاحظ ومحزن على حال اخوه اللي من بعد ماتزوجت هيفاء وحالته ماتسر لا عدو ولا صديق بعد نص ساعة كلن قام بعضهم خذو سياراتهم وراحو يتمشون والبعض الثاني راحو يتقهوون مع الرجال .. مابقى على الفرشه الا ماجد وسيف كان ماجد يتأمل بالجو وسيف على جواله سيف وهو مازال منزل راسه على جواله : انساها ياخي انسااها ماجد التفت له : منهي ؟ سيف : هيفاء ماجد : ما افكر فيها سيف : تكذب ماجد لف عليه : وش بيفيدني لو اقول اني مازلت افكر فيها ومازلت احبها ؟ وهي على ذمه واحد ثاني سيف : يكفي انك تتكلم وترتاح ويمكن تنساها ماجد : ما يفيد الحكي سيف : ولا يفيد انك تنحاش من الرياض وتتوظف بمكان ثاني وتكسر قلب امك واهلك كله بس عشان ماصار لك نصيب معها ماجد : ماضريت احد انا ولا رحت عشانها جتني وظيفة هناك ووافقت عليها سيف : كذاب كذبت عليهم كلهم وقلت ان جايتك وظيفة بمميزات افضل وكلنا انا وانت ندري ان وظيفة الرياض افضل بكثير لكن روحتك كلها عشان ماتحتك فيها وتحسب البعد عنها بينسيك اياها ماجد سكت لان كلام سيف كله صحيح وبعدها تكلم بهدوء : ومادريت ان البعد بيزيدني تعلق فيها سيف : بالضبط ماجد بحزن : ماقدرت ياسيف ماقدررت انساها احس فيه غصه بحلقي من يوم سمعت خبر زواجها سيف : اسأل نفسك حزنك بيغير شي ؟ ماجد : لا سيف : بعدك عن اهلك بيغير شي ؟ ماجد : لا سيف : طيب ليه تسوي كذا ؟ ماجد : مايحس بالنار الا واطيها سيف : ياماجد ماقلت لك لا تحزن بس لاحظ انها تزوجت وقريب بيكون معها طفل وانت بعيد عن كل شي اغلب مناسباتنا ماتصير موجود معنا فيها لدرجة اننا ننساك احيانآ .. ادري ان هذا مو حب بس ماجد : اجل وشو ؟ سيف : انت حسيت انك خسرت شي تبيه وزاد تعلقك بالموضوع ... تدرري .. ولا خلاص ماجد : لا قل كل اللي عندك سيف : كل ماجيت عند امي وهي لحالها القاها تبكي .. وكل يومين تقول لي اقنع اخوك يرجع وماتكمل كلمتها الا وهي خانقتها العبره ماجد انكسر قلبه على امه مرررة سيف ماكان وده يضايق اخوه لكن ماقدر يسكت لانه يتضايق من زعل امه ماجد : بقدم طلب نقل واشوف سيف : صدق ؟ ماجد ببرود : ايه سيف ابتسم : صدقني ماجد ماراح تندم ماجد : طيب قم خل نروح للعيال انكتمت سيف لف على الخيمه : رجعو ماجد : ايه سيف ابتسم وقام ومد يده لماجد عشان يقومه و راحو للعيال اللي كانو يتقهوون مع الرجال بالخيمه .... اما عند البنات كانت ريما جايبه اونو وقاعدين يلعبون "وجدان والهنوف وريما وريوف ومشاعل" رهف اللي توها داخله عليهم : ياربيه من وين طلعتوها ذي اخر مرة لعبتها بالمتوسط ريوف : من جد مدري وش طرا على ريما ريما : والله ناسيه كل شي بالبيت ويوم مرينا بقاله مالقيت فيهاا الا اونو ومونوبولي وجدان بصراخ : اوووونوو ( وبعد 5 ثواني ) فزززززت الهنوف : كلبببه مستغله اننا نسولف رهف : ام قليب حتى بالالعاب وجدان : والله انتم اغبياء عاد وعد : جيبي المونوبولي احلى ريما : يالله من بيلعب وعد : انا لطيفة : انا الهنوف : انا ريما : زين بطلع اجيبها من سيارة سعود ريناد : ريما جيبي جاكيتي الاسود تكفين تلقينه قدام ريما : اوووكي طلعت ريما وشافت سعود عند السيارة سعود : تبين السيارة ؟ ريما : اييه اصبر لا تقفلها دخلت جابت اغراضها سعود : الله مونوبولي من وين طلعتيها ! ريما : من البقاله سعود سحبها : شوي وارجعها لك ريما تصارخ : سعوود ياسخيييف جيبببها سعود وهو يبعد : طيب طيب بعد شوي رجعت للبنات وهي معصبه وجدان : وش فيييييك ريما : سعود الكلب اخذ المونوبولي نورة وهي تفتح شنطتها : تدرون اني جايبه سعودي ديل وعد فزت : اللله رهف : يوووه بعد انتي من وين طلعتيها ذي .. عاد اللحين وش بيفككم من وعد ريما : تحبيينها ! وعد : اموووت فيها لطيفة : انا بعدد والله تجمعو اللي بيلعبون رهف توها بتجي وسمعت صوت صياح محمد : بنات العبو انتم لطيفة : لا رهف العبي وانا بروح امسك حمودي رهف ابتسمت : لا ياقلبي والله يبي له رضعه وغير كذا بلبسه عشان يطلع لأبوه لطيفة : اوووكي براحتك البنات كملو لعب ورهف راحت لمحمد وعطته رضعه واتصلت على عبدالعزيز اللي كان قايل لها اذا صحى تكلمه . . . بعد نص ساعة عند العيال مشعل اخذ الباترول واتصل على مشاعل مشاعل : هلا والله وش عندي مشتاق لي ؟ تشتاق لك العافية اخوي مشعل : اقول لا يكثر بس .. تبون افحط فيكم ؟ مشاعل شهقت : انت وميين ؟ مشعل : انا ودحيم مشاعل : يالله قدااام مشعل ضحك : والله عرفت اكلم من مشاعل : لحظة لحظة على اي سيارة ؟ مشعل : جيب جدي مشاعل : اللله يالله بنجي سكرت وقالت للبنات وقامو اغلبهم ومعهم رهف يوم طلعو شافو عبدالعزيز ومشعل وعبدالرحمن عند الجيب عبدالعزيز يمرر نظره على البنات واستقرت عينه على رهف : وانا اقوول ماراح اشوف زوجتي صرتي اولهم ! ضحكو البنات نورة : ماشفت نطتها اول ماقالت مشاعل ان مشعل بيفحط فينا عبدالعزيز قرب للبنات وسحبها من بينهم : بفحط فيها لحالي ما اثق في مشيعل مشعل شهق : افاااا الطاره مشعل ماتثق فيه ! عبدالعزيز : هو اللي يخوف انك الطاره مشعل : صدمتني ياعبدالعزيز عبدالعزيز : لا يكثر بس مسك يد رهف وراحو وهم يضحكون على هبال مشعل فتح لها الباب وركبت وهي تضحك وراح يركب مع الباب الثاني شغل السيارة رهف : ويين حمودي ؟ عبدالعزيز : عندي جدي وابوي واعمامي رهف : يووه عزيز فشيلة تكفى رح خذه اخاف يزعجهم عبدالعزيز : لا ماريان عندهم اذا طفشو منه بيخلونها تاخذه رهف : هههههههههههههههه ياشيييخ عبدالعزيز : والله ( و لف عليها ) : تبين تسوقين صح ؟ رهف : امممم لا خلها بعد شوي عبدالعزيز ضحك : واثقه انتي بعد اني بخليك تسوقين رهف شهقت : لييه خير اعرف والله ! عبدالعزيز : ما اثق فيك عقب مافقعتي كفر سيارتي رهف : ههههههههههههههههههههههههه ه الله لا يعييد ذاك اليووم والله يا انا كنت مرتاااعه عبدالعزيز وهو يقلد صوتها : انا بايعه نفسي اصلا يوم اركب سيارتك ههههههههههههههههههههههههه ههههههههههه رهف : هههههههههههههههههههههه سخييف ما اتكلم كذا عبدالعزيز ابتسم : بذمتك عااد كنتي خايفه ؟ رهف : تبي الصدق وقتها كنت بموت من الخووف لأني عارفة ان الغلط راكبني من راسي لرجليني بس مضطره امثل القوه عبدالعزيز : صراحه انا كنت متنرفز منك صدق يعني مافيه وحدة من بنات عمي او خواتي نفس شخصيتك صح مو عاقلين بس اذا سوو شي يحسون بالندم انتي لاااا مافيه احساس .. تدرين قسم بالله بغيت الف عليك وادفنك يوم رفضتي تركبين عشاني بسوق رهف : ههههههههههههههه وش اسوي اكره اللي يكلمني بأسلوب نفس اسلوبك قبل عشان كذا ماتحملت .. ولا كنت ناوية اعتذر والله عبدالعزيز ضحك وبعدها تذكر شي .. واخذ محفظته وطلع الاسواره منها ورهف تناظر باستغراب عبدالعزيز : ضاعت منك قبل سنتين هنا وبرجع البسك اياها بنفس المكان ونفس السيارة رهف شهقت وبصراخ : اخييييييرآ .. احب هالاسوارة احبهاا والله عبدالعزيز : من تركي صح ؟ رهف : اييه ( وباستغراب ) : شدراك ؟ عبدالعزيز : اذكر يوم تضيع كانو خواتي يتكلمون ويقولون انك تحبينها لانها من تركي رهف ابتسمت : كان يهمك عاد ؟ عبدالعزيز : تبين الصراحة ؟ .. والله العظيم كنت افز بطاريك وعلى كثر ماتقهريني كثر ماكنتي تجذبيني وكل تفكيري فيك رهف ابتسمت ومدت يدها ولبسها الاسوارة . . . بعد ساعات جاء الليل والجو برد مرة كانت درجة الحرارة 8 العيال برا يشوون اللحم والدجاج وكلهم لابسين جاكيتات مشعل وهو يحرك اللحم ويرتجف : يا ليتني مكان اللحمه عبدالله : ياليت ودحوم معك بعد عبدالرحمن : ههههههههههههههههههههههههه ه للحين حاقد علينا بعد دبي ؟ عبدالله : ايه والله عبدالعزيز : ماينلام قسم بالله عبدالله : راتب 3 شهور كله صرفته عليهم بيومين ماجد : ههههههههههههه امانه وش شرو عبدالله : يخسون عاد ماتقضيت لهم .. بس الله ياخذهم مايشبعون فطور مرتين وغداء 3 مرات وعشاء عشرين مرة ماجد : ههههههههههههههههههههههههه ههههههههههههه مشعل : ودك بقيم ثاني اذا رجعنا ؟ عبدالله : انت اسكت تكفى ماتحمل اسمع صوتك سيف : هههههههههههههههههههههههه اتوقع بتكره الكورة وطاري الكورة عبدالله : من جدك ؟ كرهتهااااا صار يجيني حساسية اذا شفت كورة مشعل قرب الكورة وقعد يهز وهو ماسكها قدام عبدالله وكلهم ميتين ضحك البنات كانو برا بعد بس بقسم الحريم وشابين ضو وجالسين يسولفون لطيفة : والله هيوفه لها فقدددة مشاعل : يارب يارب يارب نسمع خبر ولادتها اليوم او بكرة ريوف : بسم الله عليها رهف : اي حرام تووها مادخلت التاسع مشاعل : ادري بس ابي اصير خاله خلااص طفشت وعد وهي تضم حمودي اللي بحضنها : اخخ يجننن شعور الخاله والله مشاعل : احسن من العمه ؟ وعد : والله مدري مابعد صرت عمه مشاعل : العمه يجنن بس احس الخاله احلى رهف شهقت : افاا يامشاعل واضح النية انك تسحبين على وليدي بعد مايجي ولد هيفاء ريما فزت : ولددد ؟؟؟ علمتك ؟؟؟ رهف : ههههههههههههههههههههههههه هه لا والله بس يعني عشان حمودي ولد قلت ولد لطيفة : والله العمه والخاله كلهااا حلوة الهنوف : لطوف عاد احسك مو عمتي يعني كنك وحدة من البنات لطيفة شهقت : انا عطيتكم وجه لين حسستكم اني مو عمتكم بس هين ببدا اغير طريقتي معكم ريما : شفيها هذي عصبت علينا لطيفة : من اليوم ورايح هذي بتكون شخصيتي الجديده رهف : الله يعينكم ريما : اقول بس لطيفة : وهذا الاسلوب ماتكلميني فيه ريما انسدحت على رجل مشاعل : اذا خلصت امراضها النفسيه قوموني لطيفة شهقت وهي تضرب رجل ريما والبنات جلسو يضحكون . . . بعد العشاء المتأخر الساعة 12 ونص اغلبهم دخلو ينامون حتى البنات كانو تعبانين رهف نومت حمودي وطلعت لعبدالعزيز اللي كان ينتظرها عند قسم الحريم عبدالعزيز يوم شافها ابتسم كانت لابسه جاكيت طويل ثقيل رمادي وكاب اسود وشعرها طالع من تحت طار عقله يوم شاف شكلها .. بكل مرة تفتنه اكثر .. بكل مرة يشوفها اجمل من المرة اللي قبلها كان هو لابس جاكيت اسود وكاب اسود وحاط الشال على خشمه وشفايفه ماطلع الا عيونه قربت منه رهف ومسك يدها ومشو رهف : برد بررد حرام عليك ليه مطلعني عبدالعزيز : زوج مشتااااق لزوجته وش تبينه يسوي ؟ رهف ضحكت : ياربيه توك شايفني العصر متى امداك تشتاق ؟ عبدالعزيز : في كل دقيقة اشتاق والله رهف ضحكت وسكتت عبدالعزيز رفع يده وقربها له وهي مامانعت على طول قربت تبي بس تدفى واستمرو بالمشي لما بعدو كثير عن المخيم عبدالعزيز : تصدقين رهف رهف بهدوء : ايوه عبدالعزيز : انك ملكتي قلبي وكل كياني بدون اي محاولة منك رهف ابتسمت عبدالعزيز : تدرين مرة وحدة بس كنت اتمنى ان رقبتك بين يديني رهف شهقت : متتتى ؟؟ .. لا يكون يوم افقع الكفر عبدالعزيز ضحك : لا .. يوم كنا في دبي بالاصنصير وحطيتي روج احمر رهف اطلقت ضحكة عالية : ههههههههههههههههههه تستاااهل لأنك رفعت ضغطيي عبدالعزيز سكت وهو مبتسم رهف بتردد : بسألك عبدالعزيز : لبيه رهف : من فترة قصيرة ابي اعرف عبدالعزيز : وشوو رهف : وشلون صارت صورتي وانا صغيرة عندك ؟ عبدالعزيز ابتسم : متى شفتيها ؟ رهف : قبل اسبوعين يوم ارجع البطاقة بمحفظتك عبدالعزيز : اول شي ليه رجعتي البطاقة ؟ رهف : كيييفي عبدالعزيز : طيب كيفي انا بعد ماراح اجاوبك رهف : يوووه عزييز ياشيينك عبدالعزيز نزل الشال عن وجهه و اشر على خده : بوسيني واقول رهف : لا ياشيخ ! عبدالعزيز : كيفك اجل ماراح اقول رهف : احسسن لا تقوول عبدالعزيز : اوكي رهف تأففت وقربت منه وبحركه خاطفه باست خده مسكها هو بسرعة ولف على شفايفها رهف تخدرت بين يدينه اللي حاضنه وجهها .. كانت زي الجماد وهو اللي يتحكم فيها بعد دقيقتين شال وجهه عنها وهو مبتسم وتنهد بكل قوته : الحمدلله ذقت طعم العسل رهف غطت وجهها بحياء عبدالعزيز شال يدها : رهوفي قلبي رهف كان وجهها مو واضح مررة بسبب الظلام وبصوت مبحوح : هلا عبدالعزيز : تحبيني مثل ما احبك ؟ رهف هزت راسها ب ( ايه ) عبدالعزيز ضحك : طيب اللحين اجل اجاوبك ياطويلة العمر .. اخذت الصورة منك يوم ترمين علي فلوسك في دبي ماردت عليه كانت مازالت ترتجف من حركته وتحاول تستجمع نفسها قد ماتقدر . . بعد 10 دقايق لما قربو من المخيم رهف كانت تفرك يدينها ببعض من البرد وعبدالعزيز شافها شال جاكيته وحطه على ظهرها رهف بهدوء : بس برد عليك عبدالعزيز : بوستك مدفيتني رهف تمسكت بالجاكيت اكثر وهي ساكته ومشو تقدم عليها شوي ولفت وجهها ناحية الجاكيت وجلست تشمه وهي مغمضه عيونها كانت ريحة عبدالعزيز اللي تموووت فيها عبدالعزيز لف عليها وشافها تشم الجاكيت وابتسم بحب ولف عنها عشان ماتلاحظ انه يشوفها وتنحرج .. كفاية اللي سواه فيها اليوم ... لما قربو عند قسم الحريم وقف لها ورهف جت بتفسخ الجاكيت عبدالعزيز بسرعة : خليه معك تغطي فيه رهف : لا والله عندي بطانيه عبدالعزيز : معليش خليه معك رهف : طيب انت ماعندك جاكيت ثاني عبدالعزيز : عادي عندي بطانية وفروة .. بس خلي ذا معك وبكرة العصر اجي اخذه منك رهف : خذه من اللحين عبدالعزيز ضحك : يابنت الحلال خليه معك .. ابي القى عذر اشوووفك فيه رهف ابتسمت بحب ومشت بتدخل الخيمة وعبدالعزيز مشى بيرجع للعيال رهف لفت : لحظظة عبدالعزييز عبدالعزيز لف عليها : لبيه رهف قربت منه ومسكت يده بيدينها الثنتين رهف : اول شي شكرآ على التمشيه عبدالعزيز ابتسم : العفوو حاضرين للحلوين رهف ابتسمت بتوتر وهي مازالت ماسكة يده عندها كلام مقتنعه فيها بقوة لكن ماتدري كيف تقوله عبدالعزيز باستغراب : شعندك رهوف ؟ رهف : اممم من اللحظة اللي بنرجع فيها الرياض ..... عبدالعزيز : ايوه ؟ رهف بهدوء : اعتبرني زوجتك ولفت بسرعة ودخلت الخيمه اللي فيها البنات تحت استغراب عبدالعزيز اللي بعد دقايق استوعب الوضع وضحك عليها ورجع لخيمة العيال وهو مبسوووط .. .... .. الساعة 5 الفجر مشاعل ووجدان والهنوف كانو نايمين بدري مرررة وصحو بدري توضو وصلو وطلعو برا متجهين للخيمه اللي فيها المطبخ وسوو لهم فطور خفيف وجدان وهي تاخذ الخبز : ماتدرون البنات متى نامو ؟ مشاعل : صحيت الساعة 1 تقريبآ وشفت وعد ولطيفة يسولفون ورهف ماكانت موجودة والباقي نايمين عاد مدري متى وجدان : يعني ما احسبهم بالفطور مشاعل : اتوقع لا وجدان : طيب بعد 5 دقايق طلعو برا كان فيه جلسة ارضية كبيرة بقسم الحريم جلسو عليها وهم يفطرون ويسولفون وجدان : بنات ودي اقولكم شي بس تسكتون لاني مو متأكدة مشاعل بحماس : وشووو الهنوف رفعت راسها : وشش وش احب الاسرار اناا وجدان : الدكتورة تقول احتمال كبيير ان فيك توأم مشاعل شهقت وجت بتصرخ وسدت فمها وجدان مشاعل بصوت واطي بعد ماشالت يدها وجدان : كذااااببه الهنوف فرحت مررة : الله وناسسسة .. لييش ماتقولين عادي وجدان : ودي اقول بس مووو متأكدة الهنوف : اتوقع ماقالت الا وهي شايفه شي وجدان : ايه هي تقول كذا بس ماتدري تقول الاكيد الاكيد يبين بالشهر الثالث .. يعني بالشهر الجاي ان شاءالله مشاعل : الله طيب قالت وش جنسهم وجدان : ياغبيه هي اللحين ماتأكدت تبينها تقول وش جنسهم الهنوف : يارب بنتين يارب احس عندنا فقر بنات وجدان : اللي يجي من الله حياه الله بس كأني خفت شوي من فكرة التوأم احس بطني بيصير كبيير مشاعل : ياويلك بتصيرين ماتدخلين مع الباب وجدان : سكتي بنت عمك تكفين الهنوف ضحكت : خلاص مشاعل مو وقتك تكفيييييين مشاعل ماتت ضحك : دايم الحوامل يصيرون غبيات وجدان : انتي الغبيه بعد ماطلع النور شوي وخلصو فطورهم البنات قامو يتمشون وجدان : فيكم نوم ؟ مشاعل : لاااا الهنوف : طبعآ لا وجدان وهي تتنحنح : شرايكم امشيكم بسيارتي الجديده الهنوف : جبتيهاا هناا ؟؟ وجدان : اييه خليت دحيم يسوقها وهو ماصدق على الله مشاعل : طيب تعرفين تسوقين ؟ اذا تعرفين اوكي وجدان : يجي مني والله الهنوف : مابعت نفسي انا وجدان : لااا والله اعرف ماخذه دروس مكثفه الشهرين اللي فاتت كلها الهنوف : يالله اجل وجدان : طيب بروح اجيب مفتاحي واجي مشاعل وهي تشوف جوالها : طلعييي رهف معك توها مرسلة لي وجدان وهي تشوف الساعة : غريبة صحت مشاعل : ايه تسألني وينكم وجدان : اوكي قولي لها تتجهز على ما اروح مشاعل : تمام بعد ربع ساعة كانو كلهم بالسيارة ويتمشون بهدوء على النور وهو يطلع رهف : ياربي اشوا اني صحييت الجوو يجنننن مشاعل : الجوووو جو نار وشاهي على الجمر وجدان : والله انتي اللي تفهمين يامشاعل الهنوف : عاد وجدان الله يعيننا عليك وعلى وحامك مشاعل : اييه وحام طفلين رهف شهقت : ليييش وجداان حامل بتوأم !!! وجدان ضحكت : مشاااعل ياتبن قسم بالله ماينقال لك سر ماتمسكين لسانك مشاعل : ههههههههههههههههههههه زوجة اخوي ما اقدر اخبي عليها شي وجدان لفت على رهف : احتمال ان اللي فيني توأم مو اكيد رهف : يممه تتذكرين ايام الثانوي وانتي تتمنين تجيبين توأم وجدان بفرحه : ايييه يارب يتممها بس رهف : بعدين ياكلبه ليش تعلمينهم وانا لا وجدان : والله ماكملت 3 ساعات معلمه مشاعل والهنوف رهف بفرحه : مالي خلق اهاوشك وانا فرحانه وجدان : تكفون ادعو ان الدكتورة مو مضيعه رهف : صدقيني دامها قالته يعني اكيد .. الحماس اللحين انك تعرفين وش جنسهم وجدان : موعدي بعد اسبوعين رهف : ماتوقع تعلمك الجنس لكن يمكن تأكد لك اذا هم توأم او لا وجدان : اييه هي تقول كذا .. حتى تقولي لو توأم بيصير صعب نعرف جنسهم بعد رهف : الله يعينك على الولادة بس مشاعل : لييش رهف ؟ توجع ؟ رهف بضحكة : بغييت اموت وانتي تقولين توجع وجدان : حسبي الله عليك يارهف .. اللحين بتخليني ادعي انه حمل كاذب رهف : ههههههههههههههه لا لا والله بس انا حملي كان مرررة صعب وولادتي متعسرة عشان كذا .. مو كل الناس نفسي يعني الهنوف : يالله الله يسهل عليك وعلينا لفو كلهم على الهنوف وانصدمت من نظراتهم رهف : حااامل ؟؟ الهنوف بسرعة : لا والله بس يسهل علي اذا حملت هههههههههههههههههه رهف : مدري عنكم صايرين تخبون علي كثير هالايام جلسو يضحكون ويكملون سوالفهم وهم رايقيين ....... العصر بعد ماتغدو الحريم والرجال دخلت ريما على خيمة الحريم ريما بصراخ : بنااااااات البنات لفو عليها ريما : جدي جااب دباباات مشاعل نطت بسررعة وجدان وهي تشرب كوب الموية بسرعة : امااانة انا حجزززت اول واحد ام فيصل : عشان اكسر يدك وجدان شهقت : يمه شدعوى ام فيصل : خافي على اللي ببطنك وجدان : توني بالشهر الثاني مو صاير الا الخير ان شاءالله ام فيصل : الشهور الاولى هي اللي المفروض ماتضغطين على نفسك فيها عشان الطيحة سهله ام ماجد : صادقة امك مايصلح تلعبين وجدان جلست تتحلطم بصوت واطي مشاعل : احسن عشان تصيرين مثلي وماتحملين ام سلمان رمتها بالمنديل : انتي المفروض تسكتين مشاعل : ليييه وش سويت لك ام سلمان : تعبت مننننك والله انتي وسالفة العيال ام فيصل تضحك : والله يا ام سلمان تعبت منها انا هي وولدي كلهم معاندين ام محمد : فيصل ومشاعل بالذات يبي لهم جلد مشاعل : شوفو بس شوفو التنمر من كل النواحي وييينك يافيصل تنقذني من هالعايلة ريوف : ههههههههههههههههههه فيصل يلعب دبابات مو رايق لك مشاعل : كلب محد يستقعد عليه كثري ام محمد : هااااو فيه وحدة تقول عن زوجها كلب مشاعل : ايه انا ام محمد : استحي على وجهك مشاعل : وش فيهم الكلاب بس والله انهم ازين من بعض البشر الهنوف : مشاعل انصحك تقفلين النقاش وتطلعين اللحييين قبل مايبدون يغلطون عليك صدق قامت مشاعل وهي تضحك وطلعت بسرعة وهم يهاوشونها وطلعت ريما وراها وريوف وجدان : الهنوف او رهف وحدة منكم تلعب عني وعد : وانا بعد العبو عني الهنوف : وجدان وعرفنا عذرها انتي وش عذرك ؟ وعد : ان خالد بيجلدني رهف : عذر منطقي بس انا ماراح العب بعد الهنوف : ليه بعد انتي عزوز بيجلدك رهف : ههههههههههههههههه لاا الهنوف : اجل وش عندك ؟ رهف : حمودي مايصلح اوخر عيني عنه لفو عليه كلهم وكان قدام باب الخيمة يلعب بالتراب وعد وهي تناظره بحب : ياا ليتني تراب بيدينه رهف : هههههههههههه ليته والله وعد دفتها وهي تضحك : اقول قومي بس انا بنتبه له رهف : لا بعد اللي صار بالعيد ماعاد اثق فيك اببد ام سلمان : لا رهف قومي انبسطي وخلي وليدي عندي رهف ابتسمت : لا لا خالتي اخاف يشغلك مع حركته الزايدة ام سلمان : عادي انادي ماريان عنده رهف : لا حتى هي ما اثق فيها وعد : وبس ؟؟ رواتب تندفع على الفاضي ؟؟ .. قسم بالله انك مو وجه راحة انتي ام محمد : الا ازين لها ماتتعود على الخدم وتوليهم كل شي .. محد مهتم في وليدها كثرها رهف ضحكت وهي تناظر وعد : شفتتتيي عشان ماتلوميني وعد رجعت تناظر محمد : ااااه بس ياليتني تراب مررة ثانية ضحكو عليها وطلعو باقي البنات يلعبون ووعد ورهف ووجدان جلسو يتقهوون ويسولفون .... بعد ماخلصو من الدبابات طلعو للجلسة اللي برا اللي كان وسطها موقد نار مثبت بالارض شبو الضو وجلسو يسولفون كانو بيمشون الفجر بدري ويحاولون يحللون اخر الساعات ريما : والله اول مرة استمتع ببر مرررة لدرجة ماودي ارجع مشاعل : اي والله الجوو يجنن يجننن يجنننن رهف : مرررة ودي نمدد يومين ريما : المشكلة هالاسبوع كله اختبارات وكويزات ولا كان اقنعت جدي اننا نمدد ريوف وهي ماسكة كتابها تذاكر : لا تجيبين طاري الاختبارات تكفين يمغصني بطني رهف : من جد ريما : ياحظك رررهف ترم تخرج رهف رفعت حوجبها : اخيرآ بفتك من الجامعة ريوف : انا مابعد تشافيت من فقد وجدان والهنوف لا تزودينها علي رهف : أأجل ماده لعيونك ؟ ريوف : يالييت رهف : تخسين عاد ريوف : ههههههههههههههههههههههههه ه حيوانه والله كملو رحلتهم الجميلة والساعة 5 الفجر اللكل توكل ورجع على بيته - يوم الاثنين في بيت عبدالعزيز الساعة 7 الليل رهف جالسه بالصالة تشوف فلم وحمودي نايم عندها وصوفي تحوس حولها رن جوالها ورفعته وكان رقم غريب وماردت رجع يرن مرة ثانية استغربت الاصرار وردت رهف : ........ ...: مسااء الخير ياجمييل رهف شهقت : خلوووود خلود : ايييه خلووود .. شخبارررك رهف : اشتقت لك ياتبن والله العظييم .. شخباررك وشعلوومك لي اسبوعين احاول اتصل على رقمك ويجيني مقفل وييينك ؟؟ وبعدين وش هالرقم .. رقم سعوودي ! خلود وهي تضحك : بشويش بشويش بشويش بجاوب على كل شي بس اصبري اووول شي انا بخير الحمدلله ثاني شي انا بالسعودية هالشهر ثالث شي هذا رقمي السعودي .. ورقمك بجوالي الاول وكان ضايع توووني لقيته رهف : والله ارتعت خفت ان جاك شي ( وشهقت ) : لحظة لحظظة انتي بالرياااض ؟ خلود : ايييه بالرياض رهف : خلاص رجعتووو ؟ خلود : لا ابو راشد جلس باستراليا وانا رجعت شهر عند اهلي عشان زواج اختي رهف : مبرووووك ياعمري الله يوفقها خلود : ويااك ياقلبي عاد اخيرآ لقيت رقمك عشان اعزمك على الزواج انتي ومن يعز عليك رهف انحرجت : ياحبي لك والله بس خلود قاطعتها : ماعندك عذر الزواج الخميس هذا عندك 3 ايام يمديك تسوين فيها كل شي وبعد ابي اشوف البنااات وعد والهنوف ومشاعل والباقي نسيت اسمائهم والله ,, ماحصل لي اشوفهم قبل لازم اللحين اشوفهم رهف : بشوفهم ان شاءالله وارد لك خلود : برسلك 20 دعوة رهف : لا لا كثير والله .. حتى ماتوقع كلهم بيجون خلود : الا بيجون كلهم ان شاءالله اذا رفضت وحدة عطيني رقمها وانا اتصل عليها رهف ضحكت : تبين تروعينهم خلود : هههههههههههه عشان يجون غصب رهف : ابشري ياقلبي اللحين برسل لهم كلهم خلود : خلاص وعطيني لوكيشن بيتك عشان ارسل لك البطاقات رهف : شرايك تزوريني بكرة ؟ خلود : اخاف عندك اختبارات رهف : لا اليوم وامس اختبرت هالاسبوع ماعندي شي خلود : خلاص تم اجل رهف : ولعيونك بنادي البنات عشان تعزمينهم بنفسك خلود فرحت : اييه والله ياليت جلسو يسولفون شوي بعدين سكرو من بعض - يوم الثلاثاء البنات مجتمعين عند رهف من العصر كانت خلود بتجيها بعد المغرب رهف : باقي البنات ليه ماجو ؟ ريوف : ريما وغدي وجمانه كلهم عندهم اختبارات ,, الغريب ليه وعد ماجت رهف : وعد في دبي من امس .. والله مضبطه كل شي على اساس اللكل بيجي مشاعل : حنا نكفي ونوفي الهنوف : اي والله وجدان : وش تبين ببزران الجامعه ؟ ريوف شهقت : ياكلبه رهف : وجدان ودها تنضرب بس ماعرفت كيف وجدان : هههههههههههههههههههه يوووه توني اذكر انكم للحين تدرسون رهف : ياكررهك بس حايمه كبدي من باقي الترم والله ولا احب احد يجيب طاريه وجدان : هانت باقي شهر تقريبآ رهف : كثير والله مشاعل : لا والله يمر بسرررعة ريوف : ماتحسون انتم .. الله يعينا على الفاينل بس رهف : عااادي اهم شي الدرااسة تخلص ريوف : الله يعجل فيها ان شاءالله اللكل : امييين . . . بعد العشاء في الصالة خلود والبنات جالسين يسولفون خلود : صراحة للان ماقدرت القى صديقه بالغربه نفس رهف رهف ضحكت : ماتلقين مثلي لا تحاوليين خلود : على اني اعرف كم وحدة بس مافيه مثلك والله العظيم مشاعل : اللحين رهف بتشوف نفسها علينا رهف تنحنحت : يحق ليي وجدان : عشاني ببيتك بقول ايه يحق لك الهنوف : الجمعه الجايه عندي عشان حرية الرأي بس خلود : ههههههههههههههههههههههههه هه ريوف : ايه والله ياليت يالهنوف عندي كلام واجد ودي اقوله رهف شهقت : ياحيوانات خلود : هههههههههههههههههههه حرام عليكم .. عاد تدرون والله ماعرفت رهف الا وهي حامل ونفسها بخشمها بس مع ذالك كنت احبها وماارتاح الا لها رهف : ياعمررري خلود والله لو مو انتي كان متت لحالي هناك مااعرف ولا شيي مشاعل : واناا اقوول ليش رهف ماعلمتنا عن حملها طلعت لاقية لها وحدة معطيتها وجه رهف توترت من الطاري وخافت خلود تجيب العيد انقذها دخول ماريان اللي شايله محمد وجايبته رهف : حبييب مامييي صحى خلود لفت تشوفه : عمررري انااا .. ماشاءالله على اللي كبروو ( وتلف على ماريان ) : عطينياه عطتها ماريان محمد وجلست تبوسه : ياربيه ياربيه تكفين برجعه معي استراليا .. او ارجعو انتم رهف : تصدقين والله اشتقت لأستراليا خلود : اللي يشوفك قبل ماترجعين للرياض يقول هذي مستحيل تطلع من السعودية بعدها رهف : اييه ذيك الفترة كنت تعبانه من الحمل وكذا يعني ما انلام خلود : الله يلوم اللي يلومك ... .. ... بنفس الوقت بالشرقية هيفاء توها طالعه من المستشفى وراكبه سيارة سامي وهي تصيح سامي مسك يدها : ياقلبي خلاص هيفاء وهي تشاهق : شفت وش تقول سامي : عااادي طيب شي طبيعي انك اذا دخلتي التاسع بتولدين هيفاء : لا مابي اوولد خلاص سامي جته الضحكة : وش بتسوين يعني بتخلينه ببطنك هيفاء ببكاء : اخاف اموووت سامي : بسم الله عليك ماراح يصير لك شي هيفاء : بعدين خير ليه يجي بعد اسبوعين توونا سامي : الا بعد اسبوعين بتدخلين التاسع .. تبينه يجلس في بطنك لين متى يعني هيفاء حطت يدها على وجهها وجلست تصيح وسامي راحمها نفسيتها مو كويسه هالشهر كله مشى وهو ماسك الدركسون بيد وباليد الثانية ماسك يدها وضاغط عليها عشان تهدي ... في الرياض في استراحة العيال ناصر : وين خويلد اليوم ماله حس عبدالعزيز : خويلد في دبي ناصر : كاثره روحاته هالفترة عبدالعزيز : تشوف انت سليمان : والله لو اني نفسه مدير شركه ماجلست بالرياض ابد سيف : كلاااام بس سليمان : خل اصير مدير شركه واوريك من يتكلم عبدالملك : تركي بيجي صح ؟ عبدالعزيز : اييه العشاء عليه الليلة رن جواله بهاللحظة وكان تركي عبدالعزيز وهو يرد : الطيب عند ذكره ,, لاوالله ذكرناك بالخير ,, هههههههههه ايييه .. العيال عندي ايه ,, على موعدنا ؟ ,, تمام تمام ,, منهو ؟ ,, الله يحييه ينور المكان والله ,, مو اول مرة ترى بيجينا قد زارنا قبل فترة مع واحد من العيال ,, خلاص خلاص ابشر ,, هههههههههههههههه يالله فمان الله عبدالملك : وش السالفة ؟ عبدالعزيز : يقول ان علي ال.... بيجي معه سيف كشر من طاريه عبدالملك : اييه عادي خل يجي سيف ماكان مرتاح له من ذاك اليوم اللي شاف كيف يخزه وقام : عيال انا بستأذن عبدالملك استغرب : ليه وش عند ؟ سيف وهو يشوف الساعة : توني استوعب ان عندي موعد اللحين سليمان : بتطول ؟ سيف : اول ما اخلص برجع لكم بس لا تنتظروني على العشاء لو جيت قبل كان بها لو ماجيت عادي بتعشى برا عبدالعزيز قام معه سليمان : وانت بعد وين بتروح عبدالعزيز ضحك : بغسل يدي طلعو سيف وعبدالعزيز مع بعض سيف اتجه للباب عبدالعزيز : سيووف سيف لف : هلا عبدالعزيز قرب من عنده : فيه مشكلة بينك وبين تركي سيف عقد حواجبه : وش الطاري ؟ عبدالعزيز : من يوم اتصل وانت قايم كن قارصك شي سيف ضحك : لا مافيه شي والله عبدالعزيز : اكيييد ؟ سيف : اكيييدين عبدالعزيز : والله مدري عنك بس اوكي بمشيها هالمره سيف لف وهو يضحك وعبدالعزيز اتجه للمغاسل .. ... .. في دبي تحديدآ في دبي مول وعد من محل لمحل وخالد معها خالد : انتي بتشترين لاختك ولا للقبيله كلها ؟ وعد : لا والله للقبيلة كلها عندنا زواج الخميس وكل وحدة طلبت مني شي خالد : زواج مين ؟ وعد : اخت صديقه رهف خالد : اخت صديقتها ! والبنات كلهم بيروحون ؟ وعد : ايه خالد : والله من اللقافه في بنات اخواني وعد ضحكت : حرام عليك والله هي عازمتهم خالد : حتى لو تلقينها عازمتهم مجامله بس هم ماصدقو على الله وعد : ههههههههههههههههههه لا يسمعونك بس والله ان ياكلونك خالد وهو يضحك : ايه عشانهم مايسمعوني ماخذ راحتي جلسو يكملون تسوق لين خلصت باقي الاغراض - يوم الخميس بالرياض في الصالون البنات جالسين وحدة تزين ميك اب ووحدة تزين شعرها ووحدة بدكير ومنكير .. ومشاعل تسوي مساج وجدان : مالقاها الا مشاعل معامله نفسها كنها العروس ريوف وهي تضحك ومقصره صوتها : اصلا تدرين قايله لهم انها هي العروس رهف شهقت : كذااابه ريوف : والله ههههههههههههههههههههه وجدان : وانا اقووول ليه كل شوي يروحون ويجون عندها صارت السالفة كذا ريوف : والله كلبه تحب نفسها .. دافعة قيمة عروس عشان تتدلع وجدان : يمديني اقول لهم ان زواجي اليوم ؟ ريوف : لا حبيبتي بطنك واضح وجدان : عادي حامل قبل الزواج الهنوف ضحكت : قوليها وبيقضبونك الباب وجدان : لو اني لابسه وسيع قلته وارتحت والله وعد وهي توها جايتهم : شرايكم بالميك اب رهف باانبهار : واااو يجنننن مررررة .. اي عاملة بروح عندها ؟؟ وعد بغرور : لا حبيبتي انا مسويته وجدان : كذااابة وعد : والله ريوف : انا اثق فيك ياوعد بعد دبي وعد : هههههههههههههه لهالدرجة كان حلو ؟ لان مشاعل امس تقول حطي لي ميك اب رهف : اييه كان يجننن ذاك .. والله ودي انا بعد تحطين لي وعد : نجي الصالون عشان احط لكم انا ؟ ماشاءالله بس وجدان : والله لازم يوم من الايام تجربين على وجيهنا وعد : ان شاءالله ,, عاد توني شاريه من دبي ميك اب ماركه جديده لو تجون عندي بكرة او بعده اجرب عليكم ريوف : قداااام والله وعد : الله اخيرآ بتتحقق امنيتي والعب بوجيهكم ريوف : انا بسلمك نفسي وانا مرتاحه وعد : افف ليتكم قايلين لي من امس والله كان اسوي لكم وجدان : لاخلاص بكرة بكرة يصير على رواااااقه وعد : زييين تجوني من بدري اججل رهف : اووكي من الظهر عندك اجل وعد بتفكير : او شرايكم ؟ ريوف : وشووو وعد : ترجعون معي بعد الزواج وتنامون عندي رهف : لا فشيله والله من خالد وعد : والله بكرة بيداوم اصلا وعلى طول بيطلع للاستراحة بعد الدوام يعني عادي رهف : اكييد مو يطلع عشاننا وعد : لا والله صدق رهف : اوكي اجل تجهزو البنات وضبطو اشكالهم ولبسو وطلعو من المشغل للزواج على طول ومرت ليلتهم حلووة ...... الساعة 3 الفجر البنات كلهم توهم واصلين لبيت وعد كانت الخدامة مجهزه القهوه والحلا وحاطتها بالملحق رهف وهي تفسخ كعبها وتجلس : وعد جيبي لي بيجاااامه وعد : الله يعيني عليكم بجيب الف بيجامه وجدان : انا جيبي لي اوسع شي عندك وعد : هههههههههههههههههههههه احمدي ربك ان عندي اشياء متوهقه فيها وجدان : يارب تدخل علي عاااد وعد : لو مادخلت ندخلها غصب وجدان : ههههههههههههههههههههههههه هههههه عاد بكرة موعدي الله يعيني وعد : صدددق بكرة بتعرفين جنس الجنين ؟ وجدان : لاا وين .. بس بعرف اذا هم توأم ولا لا ( وسدت فمها ) مشاعل : ههههههههههههههههههههههههه هههههه وتقولين انا اللي ماامسك لساني اجل ريوف بصراخ : من ججججدك ممكن يكونون توأم ؟؟ وعد : الله احسس حلووو شعور توأم وجدان ضحكت : اييه احتمال كبير انهم توأم .. دعواتكم بس ربي يسهلها اللكل قامو يدعون لها وبعدها جابت لهم وعد البيجامات وجلسو يتقهوون ويسولفون عن الزواج - يوم الجمعة المغرب في المستشفى سيف ووجدان عند الدكتورة وجدان منسدحة على السرير والدكتورة تسوي لها سونار ماسكه يد سيف وهي خايفه ومتوترة مررة سيف : هاه بشريني دكتورة الدكتورة وهي مبتسمة من كل قلبها : توأم وجدان دمعت عيونها من الفرحه وسيف شد على يدها وهو مبتسم : وش جنسهمم ؟ الدكتورة : مايبين بالشهور الاولى ان شاءالله الموعد مو الجاي اللي بعده بيبين معي وجدان : يعني بالشهر الرابع ؟ الدكتورة : اي او الخامس على حسب وجدان وهي تقوم : اوكي انتي وش تتوقعين ؟ ماتت ضحك الدكتورة وسيف مبتسم الدكتورة : ماقدر اتوقع كل شي بيد رب العالمين وجدان : بصيح ابي ولدين سيف : لا بنتين الدكتورة وهي مبتسمة : كل شي يجي من الله حياه الله سيف : اي والله وجدان : بس ابي ولديين يارب ولدين سيف مسك يدها : الله يعيني عليك انتي وعيالك وجدان : غصب عنك تتحملنا الدكتورة : بس ياوجدان انتبهي على اكلك وانت ياسيف انتبه لها اكثر الحمل بتوأم اصعب بكثير من الحمل بواحد سيف وهو يحط يده على كتفها : وجدان بعيوني يادكتورة الدكتورة ابتسمت : الله يخليكم لبعض .. ويخلي لكم البيبيات الحلويين وجدان وسيف : امييين استأذنو من الدكتورة وطلعو برا وهم مستانسين وجدان مبسوووطة ان حلمها بحمل توأم تحقق وسيف مبسوط ان حبيبته وحبيبه الطفولة بتجيب له طفلييين .. - بعد مرور اياام هيفاء دخلت التاسع وللحين ماولدت وسامي ينتظر ولادتها على احر من الجمر وعد كل شهر تروح تحلل حمل وماتلقى شي وبدا هالشي يوترها خصوصا بعد ماعرفت سالفة رهف الهنوف وتركي ماكانو مستعجلين مره .. على ان الهنوف ميته على الاطفال بس ماكانت مستعجله وتركي برضو يبون يعيشون حياتهم وحبهم قبل الاطفال ...... كان يوم السبت في بيت عبدالعزيز بكرة اول يوم اختبارات فاينل ورهف جالسه على الكنب ومحمد والعابه عند رجلينها مسك رجلها وحاول يوقف وهي تشجعه اول ماوقف ترك رجلها وجلست تضحك وتصفق له جلس يصفق معها وهو يضحك بعدين طاح بقوه وجلس وصاح رهف ماتت ضحك وهي تشيله : ماما حبيبي موو كذا يحاولون يوقفون ومحمد جالس يصيح راحت هي وياه للمطبخ وحطته بالكرسي المخصص له وجلست تسوي لك اكله خفيفه بهاللحظة دخل عبدالعزيز : مساء الخير لقلبي ولعيوني رهف : مين قلبك ومن عيونك عبدالعزيز : ههههههههههههههه انتي قلبي وعين وحدة ومحمد عيني الثانية رهف ضحكت : مساااء النور حبيبي عبدالعزيز قرب وباسها وباس محمد : وش اخباركم رهف : تمام الحمدلله ( وهي تشوف الكرتون اللي بيده ) هذا ايش ؟ عبدالعزيز حطه على الطاولة قدام محمد : شكلك نسيتي ان شيخنا اليوم كمل 10 شهور رهف ابتسمت ورفعت جوالها تشوف التاريخ : اي والله .. بس حتى ولو ليش نحتفل ب10 شهور عاد عبدالعزيز : والله ودي احتفل فيه شهر بشهر .. بس كذا حسيت العشرة مميزة رهف ضحكت وراحت تطلع الشموع والولاعه عبدالعزيز : عطينياها وتعالي للصالة رهف : طيب راحو كلهم للصالة وشبو الشموع وجلسو يغنون لمحمد وكان مبسووط ويضحك معاهم مع انه مايدري وش السالفة قطعو الكيكة وجلسو يتقهوون عليها رهف وهي تناظر حمودي : عمرري انااا كيكته وماياكل منها عبدالعزيز : خل نأكله شوي رهف : لاا عشان يسهر علي ولا اذاكر عبدالعزيز : بكرة اول اختبار صح ؟ رهف : اييه عبدالعزيز : اممم طيب رهف رهف : هلا عبدالعزيز : بفاتحك بموضوع بس لا تعصبين رهف : وشو ! عبدالعزيز : هذا وانا ماقلته اكلتيني رهف مسكت قلبها : وشو عزيييز خوفتني عبدالعزيز : مايخوووف يابنت الناس .. كنت ابي لين تخلصين اختبارات بس مافي وقت للاسف رهف : طيب قووول عبدالعزيز : اممم ودي ارجع استراليا اكمل الترم اللي فاتني رهف رفعت حاجبها : اوكي ؟ عبدالعزيز : ولو ودك نرجع اول ماتخلصين اختبارات رهف بتفكير : نجلس هناك كم شهر يعني ؟ عبدالعزيز : لا وهذي المشكلة رهف : اجل عبدالعزيز : الشركة اللي هناك تحتاج احد يقابلها .. وودي اجلس فيها فترة لان الوضع مرة مو كويس رهف : طيب بالنسبة لي انا ومحمد ؟ عبدالعزيز : تجلسون معاي .. ولو تبين تكملين دراسة ماستر بنفس جامعتي عادي واذا على محمد فيه حضانات كثير هناك كويسة رهف : اممم مادري متخوفه من الفكرة عبدالعزيز : شوفي لو ماتبين تكملين نجلس الترم اللي باقي لي بس هناك بعدين نرجع واصير انا اروح كل شهر مرة رهف : لا تعب عليك عبدالعزيز : ايه بس مابي الزمك بشي انتي ماتبينه رهف : خلاص خل نروح اول شي وتخلص الترم بعدين نشوف الاوضاع عبدالعزيز : طيب بس ترى رحلتنا الاسبوع الجاي رهف شهقت : وييين مابعد جهزت شي واختباراتي عبدالعزيز : رحلتنا الاحد بدري بعد ماتخلص اختباراتك وعندك وقت واذا على الترتيب عادي لا تاخذين اشياء كثيرة من هناك ناخذ الاشياء الناقصه رهف : خلاص طيب عبدالعزيز : وبجيب لك كم عاملة يرتبون معك رهف : لا لا مايحتاج عبدالعزيز : الا يحتاج رهف : بقول لوعد اختي تجي وعادي اصلآ مو كثيرة الاشياء عبدالعزيز : لا تفكرين اللحين وحاولي تذاكرين زين ابي زوجتي الاولى على الدفعه كلها رهف بحزن : بس زوجتك تحتاج احد يشرح لها مادة بكرة عبدالعزيز بأبتسامة : بسس ؟ من عيوني كم عندي من رهف انا ؟؟ .. بس جيبي كتابك وقلم وتعالي رهف اخذته من الطاولة : هذا هوو هنا لي ساعتين مقابلته ومو عارفة كيف افاتحه بالموضوع عبدالعزيز لبس نظارته وبصرامة : اممم عدلي جلستك رهف رفعت حاجبها : خيير عبدالعزيز : وقت الجد جد مابيك تستهبلين ولا تتحركين ولا تطلعين صوت ولا تمسكين جوالك رهف وهي تحاول تسحب كتابها : اقول عطني كتابي بس عبدالعزيز بصوته الضخم : عيب يابنت رهف : ههههههههههههه شكلي بندم اني خليتك تذاكر لي عبدالعزيز كتم ضحكته وحاول يطلع الجانب الجدي : يالله بس .. اليوم بناخذ ........ - يوم الاحد اول يوم اختبارات رهف جالسة بالجامعة وقدامها كتابها وتكلم عبدالعزيز ويراجعون سوا عبدالعزيز : لا تتوتريين انتي ذكيه وتفهمين معي امس رهف : والله هي نذلة اخاف تجيب اسئلة صعبة عبدالعزيز : لا تخافين انتي قدهاا حتى لو صعبة رهف تنهدت : دعواااتك تكفى عبدالعزيز : قلبي معك واول ماتطلعين ارسلي لي رهف : ابشر يالله بروح اللحين اراجع مراجعة اخيرة عبدالعزيز : انتبهي لنفسك رهف : اوكي وانت بعد عبدالعزيز : احبك رهف ابتسمت : وانا بعد سكرت منه وهي مبتسمة ومسكت كتابها وهي فيها طااقه قوية للمراجعة - مر الاسبوع الاول بسرعة كان بكرة خميس ورهف خلصت اخر ااختبار لها كانت ببيتها ووعد عندها ويرتبون اغراضها وعد : ماقلتي لأحد صح ؟ رهف : قلت لأمي وابوي وانتي وتركي بس وعد : واهل عبدالعزيز ؟ رهف : هو بيقول لهم اليوم وعد : احس البنات بيشيلون عليك لانك ماقلتي لهم رهف : اذا انا ماعرفت الا هالاسبوع تبيني اقول لهم بعد وعد ضحكت : مستعجل عزيز رهف : مرررة صدمني للان احس ماستوعبت وعد وهي تشوف اغراضها : ما احسك اخذتي اشياء تكفيك رهف : اغلب ملابسي هنا صيفيه وهناك الجو مو صيفي دايم واصلآ الفترة اللي اكيد بنجلس فيها كلها برد يعني اغلب الملابس بشتريها من هناك وعد بحزن وهي تجلس على كرسي التسريحة : رهف لا تروحون رهف : على اساس انا ميته على الروحه ؟ وعد : لو ماودك بتقولين لعبدالعزيز رهف : باقي له ترم مدري استحيت ارفض صراحه خصوصآ ان فيه جزء مني مشتاق لأستراليا وعد : بس واللله بنشب لك كل شهر بجيكم رهف ضحكت : حياااك الله وعد : بشتاق لحموودي قسم بالله رهف : والله انا اللي بشتاق لكم ولبيتي ولكل شي وعد : يارب يقولون لعزيز خلاص تخرجت مو لازم تجي رهف : هههههههههههههههههههههههه ياشيخه ! وعد : والله جد احس مااقدر اتحمل اعيش بدون حمودي خلاص ..... بنفس هاللحظة في بيت ابومحمد عبدالعزيز جالس يتقهوى مع امه وابوه وجدته وجده وام ماجد ام محمد : ورانا روحه بكرة للمزرعة عبدالعزيز ضحك : خلي البنات يتنفسون بعد الاختبارات ام محمد : والله ودي اني رايحه من اسبوع بس قال لي ابو محمد اصبري وصبرت اسبوع اكثر من كذا ماقدر ابو محمد : بكرة بكرة تمم بس بنات ابوعبدالله ماخلصو اختبارات ام محمد : عادي يلحقونا الاسبوع اللي بعده ام سلمان : رهف خلصت صح ياعبدالعزيز عبدالعزيز : ايه ام سلمان : اجل نروح من بكرة عبدالعزيز حك راسه : هذا اللي انا جاي بكلمكم عنه ام محمد مافهمت : وشوو عبدالعزيز : بسافر انا ورهف ام سلمان : كل الاجازة ؟ عبدالعزيز : اممم لا ... بنروح استراليا ام محمد شهقت : بترجعوون ؟ عبدالعزيز : ايه ام سلمان خنقتها العبره : ليه ياعبدالعزيز عبدالعزيز : والله باقي لي ترم والشغل هناك يحتاج احد يقابله ابو محمد : الترم ماختلفنا عليه بس الفرع اللي هناك لو تبي انا اودي له كم موظف مايحتاج انت تشوفه بنفسك عبدالعزيز : لا دامي رايح رايح انا بكون مشرف على الموظفين هناك ام محمد : طيب متى ؟ عبدالعزيز : رحلتنا بعد بكرة ام محمد : وتووك تقوله ؟ عبدالعزيز : توني حاجز اصلا هالاسبوع ويوم رتبت الاوضاع وكل شي قلت اعلمكم ام محمد لفت وجهها بزعل عبدالعزيز قام عنهم : استأذن اللحين ولا عطاهم فرصة يردون طلع على طول عارف انهم بيجلسون يقنعونه يجلس وهو ماله خلق لانه خلاص قرر كل شي ويكفيه ان زوجته راضيه وتبي تروح معه وهم مردهم بيرضون .. - يوم السبت الساعة 2 الظهر في الشرقية بالمستشفى هيفاء بغرفة الولادة لها ربع ساعة وسامي اتصل على ابو سلمان وام سلمان اللي كانو بالمزرعة وعلى طول مشو للشرقية بعد ساعة ونص طلعت له الدكتورة : ابشرك المدام بخير وجابت لك بنت زي القمر سامي سجد سجود شكر وهو يحمد ربي قام وبفرحه ماقدر يخفيها : اقدرر اشوووفها ؟ الدكتورة : شوي بس نطلعها للغرفة واخليك تشوفها ان شاءالله سامي كان فرحان اتصل على اهله وبشرهم وبعدها اتصل على ابو سلمان وام سلمان وبشرهم ..... المغرب في المستشفى كانو كل العايلة واصلين للشرقية وعند هيفاء بالمستشفى وهم جالسين يتقهوون مشاعل : اخيررررآ هيفاء نحفتي هيفاء ضحكت : ماتعرفين تكذبين والله مشاعل : هههههههههههههه هذي جزاتي بعد اعطيك طاقة ايجابية بعد الولادة ريما وهي تبوس بنتها : اكثر شي ارتحت عشانه اني عرفت انها بنت هيفاء : ملقوفه قسم بالله ريوف : مييته ميييته كل شهر تسألنا كلنا اذا عرفنا او زل لسانك او شي هيفاء : وكل يوم تتصل علي ذا النشبة .. حتى سامي اذا رن جوالي قال لا يكون ريما ريما : ههههههههههههههههه كلبه والله هيفاء : تستاهلين اشغلتيني وجدان : ماسميتوها صح ؟ هيفاء : لاا الهنوف : وش ناوين ؟ هيفاء : مادري والله للان محتارين ام محمد : هاااو عندكم لطيفة ومحتارين هيفاء : ههههههههههههه والله لو انها بتصير مثلك سمييناها لطيفة ام محمد ابتسمت وهي تقرب لها وتشيلها : اي لطيفة كلها زين لطيفة : وانا اشششهد ام ماجد : اذا سميتيها نورة او ريناد او ريوف بنعطيك سماوه ريما شهقت : وريماا ؟؟؟ ام ماجد : لا ماناقصنا ريما ثانية اللكل ضحكو وريما لفت بزعل بهاللحظة دخلت عليهم رهف وحمودي معاها رهف : السلام عليييكم ( وقربت لهيفاء ) مبرووووك مبرووك سلمو على بعض وسلمت على الباقي ومشاعل خذت حمودي منها وجلست تبوسه وبعدها كل البنات خذوه وجدان : رههههف يالزفت رهف لفت : وشوووو وجدان : ليه ماعلمتينا عن استراليا رهف ضحكت : حبيت اخليها مفاجأه لكم هيفاء اللي كانت ماتدري عن شي : وشووو وش السالفة مشاعل : الزفت هي واخوك الزفت رحلتهم بكرة لأستراليا هيفاء شهقت : خيييرررر من وراي الهنوف : من ورانا كلنا ام محمد : انا زعلانه عليهم اصلا رهف قامت وحبت راس ام محمد : مايطاوعك قلبك ياخالتي تزعلين علينا ام محمد : الا يطاوعني اجل بتاخذون حفيدي عني رهف : عبدالعزيز ولا محمد ؟ ام محمد : كلهم رهف ضحكت : ماراح نسكن هناك ان شاءالله وكل فترة بنجي زيارة ام محمد دمعت عينها : مهوب زي اذا كنتو جنبي واشوفكم كل يوم سكتو كل اللي بالغرفة محزنين وقطع صمتهم طق الباب كانو العيال كلهم جايين يبون يسلمون على هيفاء ويباركون لها دخلو وسلمو عليها .. كانت تدور بينهم على ماجد كان هو الوحيد اللي ماجاء تضايقت شوي بس ماوضحت ربع ساعة وطلعو العيال واتصل عبدالعزيز على رهف عشان يمشون للرياض لان رحلتهم الاحد بدري سلمت عليهم كلهم وضمتهم وحدة وحدة وطلعت هي وحمودي ودموعها مازالت على خدها كان عبدالعزيز قدام الباب وهي منزله راسها رفع راسها وشاف دموعها وبحنان : شفيك ؟ رهف : مابي اتركهم احبهم عبدالعزيز ابتسم : بنرجع لهم ان شاءالله وكل اجازة بنجي لا يضيق صدرك ياعمري رهف سكتت وراحو للسيارة وركبو عبدالعزيز : احسن شي ان هيفاء ولدت اليوم رهف بعد ماعدلت جلستها : ليه ؟ عبدالعزيز : عشان مايمتلي المطار ضحكت رهف ومشو للمطار راجعين للرياض .. ... .. بعد 3 ساعات في بيت ابو تركي عبدالعزيز ورهف توهم طالعين مودعين العائلة وبيروحون المطار رهف وهي تهف على وجهها : احس اني ببكي عبدالعزيز : اشوفك ماسكه الدمعة رهف : اي ماراح اصيح خلاص عبدالعزيز : تخيلي انك ماراح تشوفين اهلك الا بعد 3 شهور رهف على طووول غطت وجهها بيدها وبدت تشاهق عبدالعزيز مات ضحك : رهووف خلاااص رهف : بشتاق لصووووفي عبدالعزيز : اجيب لك الف صوفي هناك مو وحدة بس رهف : ابيها هي عبدالعزيز : خلاص اذا رجعنا اول اجازه ناخذها بس اللحين صعبه لان يبي لها اجراءات قبل وانا ابي اوصل بسرعة عشان اضبط اوراقي رهف سكتت ومحمد كان نايم بحضن عبدالعزيز ركبه ورا بالكارسيت وركبو السيارة ومشو للمطار مودعين الرياض ...... - بعد مرور سنة في استراليا عبدالعزيز ورهف ومحمد في طريقهم للمطار راجعين الرياض السيارة كلها مافيها الا صوت اغنية تفاصيل وعبدالعزيز يغني معها : كيف انسى ليالينا .. xxxxxxx اغانينا .. لو تحكي هذي المدينة حكت عنا وهو ماسك يد رهف اللي مبتسمة وصوت محمد يصارخ متحمس وهو يشوف الايباد عبدالعزيز قفل الاغنية ولف على حمودي : محمممد قصر صوتك محمد بصوت عالي : ممد ممد مممد رهف : ههههههههههههههههههههههههه هههههههههههههه عبدالعزيز جته ضحكة : ولدك هذا يبي له قص لسااان والله محمد يناظرهم وهو مو فاهم شي بس يضحك لان امه تضحك رهف : حرااام عليك عزيز خله ياخذ راحته محمد : اذيييذ عبدالعزيز لف عليه : صديييقك انا عشان تقول عزيز رهف وهي ميته ضحك عليهم : لازم يقلدني بكل شششي عبدالعزيز : اجل ناديني بابا رهف : تخيل بس وعع هههههههههههههههه عبدالعزيز ضغط على يدها بقوة : وش اللي وععع ؟؟ رهف : ااييي وجع .. اقصد وعع اناديك بابا عبدالعزيز : لا بتناديني بابا لين يعقل ولدك ذا رهف ضحكت وجلست تشوف جوالها : يووه امي كنها حاسه اننا بنجي اليوم عبدالعزيز : لييه رهف : مرسله لي تعلمني عن عزيمه عند خالتي يوم السبت عبدالعزيز ضحك : يمكن زل لسانك رهف شهقت : لااا تستهبل ماجبت طاري ابببد عبدالعزيز : اجل المسكينه تسولف بس رهف : اففف مشتاقة لهم مشتاقة لهم مشتاقة لهم بالذات امي ووعد عبدالعزيز : والله ماكنت اتوقع ابد ان الايام بتمر بهالسرعة يارهف رهف : انت متخيل اننا مارحنا للرياض الا مررة بس بعد ماخلصت الترم اللي عليك عبدالعزيز : يالله هانت خلاص رهف : ابي اوصل اللحين للرياض مااتحمل البعد اكثر عبدالعزيز : اراهن انك مشتاقة لصوفي اكثر منهم كلهم رهف ضحكت : فاهمني والله عبدالعزيز ضحك : طيب وبوني وتشارلي ؟ رهف : والله بشتاق لهم بس موو كثر صوفي عبدالعزيز : لا والله محد بيشتاق لهم الا انا والذيب اللي ورى رهف : بتخليهم هنا خلاص !!! عبدالعزيز : يمكن رهف : لا تكفى عزييز حمودي يموت فيهم عبدالعزيز وهو يضحك : لاا لاا بيجي واحد من العيال الشهر الجاي وقلت له يجيبهم لان اجرائتهم مطولة رهف : ههههههههههههههه عااد تصدق حمودي ماراح يشتاق الا للوكاس عبدالعزيز : من لوكاس ؟ ولد جيراننا ؟ رهف : اييه عبدالعزيز : ليه يحبه ؟ رهف شهقت : تستهبل ؟؟ مايطيقه اببد .. ياعمري وليدي صار يكره الطلعات معهم بسببه عبدالعزيز : ههههههههههههههههههه ليش وش مسوي الكلب رهف : تخيل اذا شريت لحمودي حلاوة ولا بسكوت ولا اي شي لوكاس يترك كل اللي معاه ويسحب اللي في يد حمودي عبدالعزيز : غبي وليدك ماطلع على ابوه رهف ضحكت : عاد والله امه طيوبة مررة وعلى نياتها مدري ليش ولدها جني كذا عبدالعزيز : هههههههههههههه افتك منهم خلاص رهف تنهدت بقوة : اييه والله خلاص راحت هالايام سكتو شوي وقطعت الصمت رهف : عزييز شغل بيبي شارك عبدالعزيز : لا فكينا تكفيين قسم بالله طلعت مع خشمي رهف : الله يخليييك تكفى بليز ختامية لسيدني وايامنا وذكرياتنا هنا عبدالعزيز ضحك عليها وشغل بيبي شارك وطول على اعلى شي حمودي اول ماسمعها انبسسط ورهف جلست ترقص نفس الفيديو وهي لافه على حمودي وحمودي يسوي حركات بسيطة ويضحك مع رهف وعبدالعزيز يضحك عليهم ويغني معاهم لحظات ووصلو المطار ونزلو متجهين لأرض الوطن 🇸🇦 - بعد ساعات في السعودية خالد الوحيد اللي عارف بجية عبدالعزيز غصب اللكل يجتمعون بالمزرعة وعزم ابو تركي واهله العصر اللكل وصلو ووجدان كان بالغرفة تنوم سيلا والوليد دخلت عليها ريما وبصوت قصير : تعالي الصاااله وجدان : طيب ( وشافت تالا بنت هيفاء عند الباب وشهقت ) : طلعيها تكفين ام الصيااااح ريما ضحكت : طيييب ريما شالت تالا بسرعة وراحت للصالة عند البنات هيفاء : وين تووتيي ريما اللي توها داخله : رايحه عند وجدان هيفاء : لا يكوون صارخت ههههههههههههههه ! ريما : لاا اشوا لحقت عليها ريوف : واضح انها ماشافت سيلا والوليد ولا والله ماتسكت مشاعل : بنتك مريضة والله ياهيفاء هيفاء : والله مدري وش فيها مستقعده لهم وعد وهي منسدحه وبطنها عادم الرؤيه عندها : بذبحها لو سوت شي لولدي مشاعل : انتي اولدي اول بعدين نتفاهم وعد : مووعدي الشهر الجاي ان شاءالله وجدان توها جايتهم : اففف يالله يالله ناموو تعبت معهم تالا شافت وجدان وضحكت وجدان : هيفاء بنتك تخووووف والله .. كنها تتوعدني اللكل ضحكو من حركة تالا : ههههههههههههههههههههههههه هههههههههه الهنوف : احس ماراح ترتاح الا لما تفقع راس واحد من عيالك وجدان شهقت : بسسم الله على قلوبهم هيفاء : انا بتصل على سامي ياخذها اتعبتني والله اتصل على سامي ومارد عليها اتصلت على مشعل اللي رد على طول : شعولي قلبي ,, تكفى تعال خذ تالا عطها ابوها تعبت منها ,, واذا يبي يرجعها معه الشرقية بعد كيفه ههههههههههههههه ,, بعذري ذبحتني والله ,, خلاص بطلعها لك اللحين من باب المطبخ .. طيب يالله تالا كانت بحضن ريما اللي كانت تلعبها هيفاء : تالااا ماما تعالي تالا مالفت على امها ابد وريما تضحك وهي تلعبها هيفاء تنهدت بتعب : ريما تكفين وديها للمطبخ مشعل بيجي ياخذها ريما : اوووكي قامت ريما وهي تلعبها وقبل ماتروح للمطبخ وقفت عند المراية تشيك على شكلها قبل راحت للمطبخ وشافت مشعل متراكي على الباب لف ويوم شاف ريما ابتسم نص ابتسامة ريما مدت تالا له واخذها وراحت مشعل : ريما ريما لفت : هلا مشعل بتفكير : اممم بنجيب دبابات بعد شوي بتطلعون ؟ ريما بفرحه : اماااانه مشعل استانس انها فرحت : والله ريما : مييين بيجيبها مشعل توهق : شكله جدي اوو واحد من اعمامي ريما : عارفه انه مو انتم سبحان الله مايجي منكم شي كويس ابد مشعل ضحك ريما : خلاص بقول للبنات ونطلع مشعل : طيب طلع مشعل للمجلس ومعه تالا وهو يفكر ليه قال لها كذا ماكان عندهم نيه يجيبون دبابات ولا شي بس مايدري ليه قال لها كذا ! . . . المغرب عائلة عبدالعزيز توها توصل المزرعة وصل لقسم الحريم ونزّل رهف وعطاها محمد وراح للعيال دخل عليهم بالمجلس وكانو كل العيال فيه قامو نطو عليه كلهم يسلمون عليه ويضمونه عبدالعزيز وهو يبعدهم : خلااااااص انكتمتت خالد وهو يضرب راسه : الشرهه مو عليك الشرهه على اللي مشتاقين لك عبدالعزيز ضحك : والله اني مشتاق لكم ياكلاب سعود : وييينك قسم بالله ان جدي غسل يده منكم قال واضح ماراح يرجعون ابد عبدالعزيز : بعذره والله سيف : ياخي الحمدلله شفنا وجهك بدينا ننسى ان لنا ولد خال اسمه عبدالعزيز مشعل : انا فاقد الشيخ محمد ويينه عبدالعزيز : الشيخ محمد نايم الحين ( وهو يمرر نظره عليهم كلهم ) ناقصكم ماجد ! سعود : ايه رحلته اليوم للرياض وبيجي من المطار لهنا على طول عبدالعزيز : للحين مانقل ؟ سعود : لا الله يهديه يقول هناك اريح عبدالعزيز : والله مهما رحت وجيت مافيه زي الوطن فيصل : وانا اششهد ..... العشاء بالصالة تو محمد صاحي وطبعآ كالعادة اللكل يخمه ويبوسه من اكبرهم لاصغرهم وعد وهي تبوسه : بموووت بموووت من كثر ما انا مشتاقه له رهف : هذا وانتي تكلمينه كل يوم فيديو وعد : ولوو غيير وهو قداامي وابوسه واشم ريحته اما حمودي كان مطير عيونه ببطن وعد وبطن الهنوف وجدان : ههههههههههههههههه مرتاع مسكييين رهف : بعذره ماتعود على هالمناظر وعد شهقت : مناظررر ! كنك تتطنزين ؟ رهف ماتت ضحك : ههههههههههههههههههه لااا والله مااقصد وجع الهنوف باستهبال : الا الا واضح تقصدييين لطيفة وهي تبوس حمودي : تذكررررني ياعمرري انا عمه لطيفة حمودي كان يناظرها بدون اي كلمة لطيفة : شكله ماعرفني رهف : ايه واضح ريوف : طيب ليه سااكت رهف : مايتعود بسرعة لازم فترة عشان يستوعبكم خصوصآ انكم كثار ماشاءالله الهنوف : والله ولدك دلوع وجدان : ايه غريب لان البزران بسرعة يتعودون رهف : لا ويين ذبحني مع خلود يوم راحت شهر ورجعت نساها ويالله يالله تعود عليها مرة ثانية مشاعل : انا عمته عاد غصب كل يوم يصبحني ببوسه ويمسيني ببوسه رهف : على طاري البوسة شوفو شوفو بوريكم حركات ولد اخوك الوصخ ( لفت على حمودي ) : حموودي حبيبي (اشرت على خدها) kiss me here حمودي جاء بسرعة ولف وجهها وهي تلف عنه وهو يلف وجهها وباس شفايفها جلسو يضحكون عليه مشاعل : ههههههههههههههههههه قليل ادب من الطفولة ريوف : اوووه واضح يشوف مناظر مو كويسة في استراليا ريما : لا والله شكله يشوف امه وابوه رهف رمت عليها كرتون المناديل : الشرهه مو عليك على اللي يسوي لكم فعاليات وجدان : ريماا تكفين طلي على سيلا والوليد شوفي صاحين ولا نايمين رهف صرخت : صصصح وجدااان ويين عيالك ماشفتهم ! وجدان : نايميين اللحين تكفيين اصبري اذا صحو طلعتهم لك رهف : كيف شعورك مع التوأم وجدان تتنهد : خليها على ربك بس رهف : اذكر كنت ابكي احيانآ من محمد وهو لحاله بس وجدان : كل ليلة انام وانا اصيح بالذات اذا كنت نايمه عند اهلي او بالمزرعة رهف : ههههههههههههههههههههههههه ههههه هيفاء : ماتسكت الا اذا نامت تالا رهف : ياربيه ياكثر عيالكم ياناس حتى تالا ويييينها ! هيفاء : لا تجيبين طاريها مابيها تجي رهف : لييه وينها هيفاء : عند ابوها ريما وهي توها داخله : وجدان عيالك نايمين ( وشافت البنات كلهم ) تعالوووو برا الجووو حلو وجايبين دبابات وجالسين يشوون رهف جتها رسالة من عبدالعزيز نزلت راسها على جوالها - خذي بخاخك معاك دخنة الشوي واجدة .. وانتبهي على نفسك لا تقربين كثير منه ابتسمت بحب وناظرت البنات : اطلعو انتم وخذو حمودي بروح اجيب بخاخي انا برا كانو الحريم بجهه والرجال من الجهه الثانية بس قريبين شوي وبنصهم مشعل وعبدالرحمن يشوون ماجد كان توه واصل وسلم على العيال فجأه حس بأحد ماسك رجله نزل راسه وشاف تالا سامي وهو يضحك : ماااجد وش انت مسوي لبنتي ؟ ماجد رق قلبه ورفعها وهي تضحك وتنطط شالها وباسها بقوة : الله يخليها لك يابو تالا سيف الوحيد اللي كان يطالعه بحزن على حال اخوه اللي الايام والشهور ماغيرت مشاعره بالعكس زادتها تأجج ! عطاها ابوها وراح للمجلس وقصيدة حمد السعيد تتردد بمخه "غلطتي كنت متراهي ومتمادي كنت احسب الزمن والوقت يمديني واثر من لا تغانم فرصته غادي اه يا فرصتن ضاعت من سنيني توني في غلاها قلت يا هادي روحت لعنبو من لامها فيني " بعد ماخلص الشوي كان كل شوي يجي احد عند المنقل وياخذ له صحن قامت الهنوف وراحت عشان تاخذ لها تركي اللي كان واقف : خيير خيير وش جابك الهنوف وهي تلهث : تكفى تركي ابي هذي اللحمة .. مررة مشتهيتها تركي : ههههههههههههههه طيب اجلسي وتجيك برسم الخدمة الهنوف : لا خاايفة عبود يجي ياخذها دايم يقاشرني فيها تركي : يخسسي عبودي اجلسي بس لا تتعبين لولو رهف كانت واقفة قريب منهم وجنبها عبدالعزيز رهف : لوووولوو ؟؟؟ تركي : اييه لولوو رهف : لحظة لحظة استوعب .. بتسمون بنتكم لولوة !! الهنوف شهقت : لاااااا وجع خييير رهف : اجل وش لوولو الهنوف : ليلى على حبيبة قلبي خالتي ام تركي اللي كانت تسمعهم : ياعمررري والله .. مافيه داعي تسمونها علي سموها اللي تبون رهف : ووه وه وهم يحصل لهم بععد يسمون عليك .. ياليتها تجي نفسك وازوجها حمودي تركي : ههههههههههههههههه لا مانبي ولدك وابوه عزيز عبدالعزيز رفع حاجبه : خيير ان شاءالله ياتريكي .. وش فييه عزيز مو عااجبك ؟ تركي : لا والله ونعم في ابو محمد بس نلطف الاجواء شوي هههههههههههه ضحكو كلهم وجلسو يكملون شوي وياكلون كانت رهف جالسة جنب عبدالعزيز على الكراسي وتشوف تركي والهنوف ووعد وخالد وكيف تعاملهم مع بعض ومبتسمة تمنت كثييير تعيش نفس لحظات الحمل والاهتمام هذي مع عبدالعزيز .. بس ماكان فيه مجال قبل وبالمستقبل ايضآ مافيه اي مجال وعبدالعزيز يشوفها ويدري وش تفكر فيه ولعن نفسه للمرة المليون وكل ما حاولت رهف توضح له انه نست كل شي وراح الحقد اللي في قلبها يزيد شعوره بالذنب اكثر لأنه يدري ان في داخلها شي مكسور ماتجبره الأيام مهما حاولت توضح العكس كل يوم تكبر بعينه اكثر واكثرر .. كل يوم يحس انها كثيرة عليه .. مازال يشوفها اقوى واشجع بنت في هالحياة وعد نفسه انه يكرس حياته كلها عشانها ويعوضها حتى لو كان الشي اللي فاقدته مايتعوض عبدالعزيز بهمس : الله يخليك لي رهف لفت عليه وهي مبتسمة عبدالعزيز مسك يدها بقوة : احبك يارهف والله احبك .. ومع كل يوم يمر يزيد حبك في قلبي اضعاف رهف خنقتها العبرة : وش مناسبة هالكلام الحلو ؟ عبدالعزيز ابتسم وتنهد بقوة : ولا شي بس اعبر عن مشاعري جاهم حمودي وتمسك في رجل عبدالعزيز عشان يرفعه لحضنه وعبدالعزيز سافهه محمد يطق رجله : اذيييذ اذييذ شاله عبدالعزيز وحطه على حضنه وجلس يضحك هو ورهف على حركات حمودي عند سيف ووجدان سيف : وين عيالي وجدان : تكككفى اسكت والله العظيم بغيت انجلط منهم يالله يالله نامو سيف ضحك : خلاااص هانت بكرة بتوصل المربية اللي قدمت عليها وجدان : جججد ؟ اخيييرآ برميهم عليها شهر كامل اعوض نومي اللي راح بسببهم سيف : ههههههههههههههههههههه والله قلت لك من البداية انتي اللي رافضة وجدان : ماتوقعت البزران صعبين كذا بصراحة سيف : لا ومو واحد بعد اثنين وكلهم نفس العمر وجدان : اييه والله والمشكلة ينام واحد ويصحى الثاني واقعدي ياوجدان قابلي عيالك سيف : ههههههههههههههههههه بس ان شاءالله تطلع كويسة عاد وجدان : ياااارب لأن اذا طلعت مو كويسة بنتحر خلاص ضحك سيف عليها وكملو اكلهم بعدها اللكل رجع داخل الا عبدالعزيز ورهف اللي جلسو يتمشون بالمزرعة وهم راجعين كان مافيه احد الا مشعل وريما وجالسين يتهاوشون عند الدباب مشعل : ريممما قلت لك اذا ركبتيه اللحين والله لا اكسر راسك ريما حطت يدها على خصرها : خيييير !!! من انت ابوي ولا اخوي ؟ مشعل : اكون من ما اكون .. اهم شي ماتركبينه ريما دفت يده وجت بتركب مشعل رفع حاجبه وبسرعة نط وصار قدامها .. دفت ظهره ونزلت وهو مييت ضحك عليها طاح جوالها منها وهي راجعه تتحلطم بصوت عالي مشعل ابتسم وشال الجوال ودخله بجيبه رهف وعبدالعزيز اللي كانو بعيدين شوي كانو حاضرين الموقف كاااامل لفو على بعض بنفس اللحظة وضحكو ... ...........تمت........... كل عامٍ وأنت الوطن العظيم✨كل يومٍ وجذورنا تمتدّ فيك✨ كل لحظة وأنت أمانٌ وسلام 💚 يومٌ وطنيٌ مجيد 🇸🇦 قبل ما اختم انا صحيح بديت الرواية بسنة 2017 ووقفتها ورجعت اكملها بعد سنتين ورغم ان التفاعل كان جدآ جدآ محبط بس احس وصلت شي ماكنت اتوقعه بصراحه #فيه غلطات بسيطة بالبداية لكن عادي كنت مابعد تعودت عليهم للحين 😂# .... حابة اشكر كل شخص وقف معي وساندني وكتب لي لو حرف واحد حفزني فدا لعيونه Fay .. للماضي جروح شتاء ~ Alanoud20_ Sarah Stefany ام محمدوديمه moon1470 elhaneen94 اخر الليل.. zoia65 سديـــم. عروسة البحر1 Sha_21g ami asd ثوب منقط Xkh.08 وكل اللي جو بالتيل وكتبو كلام حلو نفسهم ونفس جمالهم شكرآ شكرآ لكم كلكم |--| دايم كنت اقول لو بكتب رواية او قصة لازم لازم لازم النهاية تكون حزينة لأني ما احب ولا افضل ولا اؤومن بالنهايات السعيدة لكن هنا فيه شي اختلف واستجد حبيتهم كثيير لدرجة حسيتهم جزء كبيييير مني وماهان علي اخلي نهايتهم حزينة 🥺 ودي اعبر واكتب اكثر بس مدري ضاع الكلام فعلا فعلا حبيت كل شخصية بالرواية من اهم شخصية للكومبارسات 😂 كلهم عشت معهم مشاعرهم واحاسيسهم ,, وحسيت كأني وسطهم اتمنى اتمنى من كل قلبي اني قدرت اوصل لكم نفس المشاعر اللي عشتها انا معهم اللحين اتمنى كل شخص يعلمني رايه بالرواية والاشخاص اللي فيها ككل وابي تعليقاتكم الحلوة على النهاية .. احب اقراها والله https://tellonym.me/Sa7abD ..... واخيرآ تمت " غالبآ مايكون الحب قدر لا خيارآ " يوم الأثنين 23 سبتمبر 2019 24 محرم 1441 مميزة حتى بالنهاية ههههههه 🇸🇦 | ||||
|
| |
|
24-09-19, 11:22 PM
| #56 | ||||||||
| مراقبة عامة ومشرفة منتدى الروايات المنقولة  
| السلام عليكم ورحمة الله وبركاته ألف مبروووووووووووك اكتمال روايتك وإن شاء الله نرى لك روايه جديده قريبا رابط لتحميل الروايه هنـــــــــــــــــــــــ ا قراءة ممتعة للجميع ........... | ||||||||
|
| |
|
14-11-19, 10:48 PM
| #58 | ||||
| فیزیوتراپی در منزل طراحی سایت سئو سایت پشتیبانی سایت ب? لین? طراحی ?ارت ویزیت متخصص دندانپزش?ی متخصص دندانپزش?ی در شرق تهران متخصص دندانپزش?ی در ون? متخصص دندانپزش?ی در تهران مجتمع فنی تهران طب سوزنی در منزل | ||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
