آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-08-17, 03:24 PM
| #102 | ||||
|  . . واقف قبال البيت لة فترة طويلةة ، ابوة بالمستشفى يخلص اجرائات الوفاة ومطلق وصقر بقو مع امهم اللي مقومة الدنيا بالمستشفى وبصعوبة قدرو الممرضات يعطونها ابرة مهدأ وعبدالعزيز جلس مع سهيل اللي موراضي يهدأ ويسكت وطول الوقت يبكي ، اخذ نفس طويل وتنهد ، مايبي يدخل موعارف كيف يبلغهم بخبر وفاة موضي مايبي يتضايق اكثرر لما يشوفهم يبكون ، فرك وجهه بقوة ودخل وهو يتنحنح ، رفع راسة بعد مافزو كلهم وجو عندة.. هيلة:ها بشر كيفها موضي؟؟.. فتح ثمة بيتكلم وسكت.. شهقت الهام وحطت ايدها على ثمها:لايكون سقطت؟؟.، دفتها شمايل:بسم الله عليها الله لايقولة.. فريال بهدوء وعينها على ظافر وحاسة من وجهه ان فية شي:ظافر حبيبي شو فيها اختك ، موضي منيحة؟.. بلع ريقة ونزل راسة:موضي توفت.. شهقو كلهم بصصدمة.. شمايل:انتتتت وششش تقووول؟؟ ، موضي ، موضضي اختي انا ماتت! ، ضحكت ، ظافر لاتستهبل ، مايلوق عليك ترا الا الرزانة وبعدين احد يمزح بذي الامور ، بكت وهي تدفة وتضرب صدرة ، ققققل انك تمزززح، تكككفى ظافر قل انك تمزح ، ناظرت خواتها اللي يبكون واللي ضامين بعض واللي جالسين بالارض ، وشفيكم صدقتو هو يمزح اصلاً ، هههههه ، ناظرت ظافر ، قلهم انك تمزح ، سكتت بعد ماشافت دموعة ، طاحت بالارض على ركبها وبككككت بقوة وهي تصارخ ومومستوعبة ان موضي ماتت.. . . دخل بومطلق غرفة شريهان وريقة ناششف وشافها نايمة عالسرير ووجهها شاحب واصصفر ، جلس جمب صقر اللي مغطي وجهه بيدينة ويبكي ، مد ذراعة وضم صقر اللي اجهش بالبكا بعد ماضمة ، غصباً عنة طاحت دموعة ومسحهم بسرعة بطرف شماغة ، رفع راسة ناظر مطلق شافة واقف عند راس امة ومتسند عالجدار ومتكتف ومنزل راسة ، تنهد ومسح على ظهر صقر:امسح دموعك ، الرجال مايبكون وشخليت للحريم.. صقر ببكا:يباا هاذي اخختي! ، اختي اللي ماتت ، بكا ، ماني مصدق انها ماتت ماني مصدق.. زفر بومطلق:خلاص اهدى لاتقوم امك وتشوفك بهالحال ، خلك قوي.. بعد عن ابوة ومسح دموعة سكت ثواني بعدها غطى وجهه بيدينة ورجع يبكي.. تنهد بومطلق وتم تناظر شريهان وهو سساكت.. . . بالليل.. بعد ماانتشر خبر وفاتها صلو عليها ودفنوها العصر وفتحو المجلس واستقبلو الرجاجيل اللي جاية تعزي وصقر طول الوقت ماسسك نفسك لايبكي ، وكل شوي يطلع برا المجلس ويدخل الحمام ويبككي وبعدها يرجع يوقف مع اخوانة ، تنهد بومطلق وهز راسة بضيق على حال سهيل اللي جالس بزاوية المجلس ومتلطم بغترتة ويبككي وموهامة الرجاجيل ولا حتى وقف وسلم على اللي جو يعزونة ، فضى المجلس من الرجاجيل مابقى الا بومطلق وعيالة واخوانة وعيالهم.. جلس مسفر جمب اخوة وناظرة وهو متضضايق عشانة:موزين اللي تسوية بنفسك ، تنهد وناظر ابوة اللي جالس جمب عمة بومطلق ويمسح على ظهرة ويصبرة.. زفر ويفكر بحال هيلة اذا صقر وسهيل وهم رجال وحالهم كذا اجل كيف حال هالضعيفة ، قام وطلع برا ودق عليها وبعد فترة ردت بصوت مبحوح من البكي:هلا مسفر.. مسفر:اطلعيلي.. هيلة:ابوءءي م.. قاطعها:انتظرك.. سكتت فترة:طيب.. جلس ينتظرها وبعد دقايق طلعت ، رفع راسة وشافها ، وجهها مورم من البكا وانفها احمرر ودموعها تسيل على خدها ، اوجعة قلبة عليها ومد ايدينة لها وبسسرعة رمت نفسها بصدرة وبكككت بقووة:اخختي ماتت ي مسفر ، ماني مستوعبة احسة حلم.. تنهد وشد عليها وباس راسها ومسح على شعرها وهو ساكت.. بعد فترة بعدت عنة ومسحت دموعها وهي مستحية انها رمت نفسها بحضنة وهاذي اول مرة تتجرأ وتسويها بس تحس نفسها ارتااحت لما بكت بحضنة وطلعت اللي بداخلها ، مسك ايدها وجرها للكراسي جلست جمبة وضمها بذراعة وهو يمسح على شعرها ويحاول يسولف معها ويسأل عن حالها وينسيها حزنها.. . . بالبيت.. الاجواء كئيييبة ، فريال راحت المستشفى وجلست مع شريهان اللي حالتها النفسية زززفت وكل ماتصحى تصصرخ وتضرب نفسها بهستيريا وجنون وتقلب الاشياء وماتهدأ الا بعد مايعطونها مهدأ بصعوبة ، وفريال متضايقة كثير على حالها ، صيتة ومهرة وميرال يحاولون يهدون البنات وسوسن جالسة بكنبة لحالها تناظرهم وهي ساكتة . . التعديل الأخير تم بواسطة لامارا ; 31-08-17 الساعة 10:05 AM | ||||
|  |
|
28-08-17, 03:31 PM
| #103 | ||||
| . . طلعت حسنا من المطبخ وهي شايلة صينية فيها سندويشات جبن وكاسات عصير برتقال ، وقفت قبال شمايل ومدت الصينية وشمايل هزت راسها بالنفي ودموعها تسيل.. حسنا:مايصير ماتاكلين ، من الصبح مااكلتو شي ، عشان خاطري لاترديني.. تنهدت وهي تسمع اصوات بطنها من الجووع ، مسحت دموعها واخذت سندويشة وكاس عصير ، تمت ماسكتهم وهي تناظر حسنا اللي تدور على خواتها وتحاول تخليهم ياكلون ، اخذت نفس وزفرت وبدت تاكل وهي غاصبة نفسها ومومشتهية ابد.. جلست حسنا جمب خولة وضمتها بذراعها:خلاص ي قلبي بسك بكي ارحمي حالك ، مسحت دموعها وباست راسها واخذت سندويشة وعصير ومدتها لها:كلي.. هزت راسها وبالاشارة(مالي نفس).. حسنا:تكفين ، عشان خاطري ، ولا مالي خاطر عندك؟.. اخذتها وعضت عضة وحدة ورفعت ايدها(خلاص).. تنهدت حسنا ، رفعت راسها بعد ماانضرب الباب ودخل صقر وهو يتنحنح ، شافتة دخل بسرعة وهو منزل راسة ومتلطم ، قامت خولة وراحت لة قبل لايصعد ورمت نفسها بحضنة وبكككت ، شد عليها صقر وبكى معها ، زاد بكي البنات بعد ماشافوهم ، وحسنا تناظرهم مصصدومة ماتخيلت ان صقر يبكي انصدمت انة طلع حساس وقلبة رهيف ، اوجعها قلبها علية ، كيف مايوجعها وهي اول مرة تشوف رجال يبكي قدامها ومو اي رجال ، صقر! ، الاسبوعين اللي قضتهم معاة عيشها برومانسية ودلال وكلشي يجيبة لها قبل ماتطلبة ، غرقها بالورد والهدايا اللي طفشت من كثرهم وبكلام الغزل اللي ابددد ماتوقعتة منة ، حست انها بدت تميل لة بس تكابر وعاجبها انة يجري وراها ويدور رضاها ، تبعتة بعيونها بعد ماباس راس خولة وهداها ، وصعد ، قامت للمطبخ وسوت لة عشا سريع وصعدت وراة ، دخلت وشافتة جالس عالسرير وضام رجولة لصدرة ، حطت الصينية على الطاولة وجلست جمبة على اطرف السرير:صقر!.. مارد.. حطت ايدها على كتفة:قوم اكل لك شوي.. عقدت حواجبها بضيق بعد ماشافت دموعة تسيل ، قربت منة اكثر ، صقءء ، سكتت بعد ماضمها وبكككى ، بلعت ريقها ودموعها نزلت ومسحت على ظهرة وهي ساكتة.. . . منسدحة على السرير ودموعها تسيل بصمت ، انسدح جمبها ولصق صدرة بظهرها وباس كتفها:خلاص حبيبتي والله قطعتي قلبي ، لفت ودفنت نفسها بحضنة وبكت ، باس راسها ومسح على شعرها ليما تعبت من البكي ونامت.. تنهد بوراجح ، من درت ان اختها توفت واخذها لبيت اهلها ورجع اخذها بالليل وهي تبككي ومانطقت بولا حرف.. . . جالسة قبال سرير شريهان تناظرها ومتضضايقة على حالها ودموعها تنزل ومنكسر خاطرها عليها ، قالو انها رح تبقى كم يوم بالمستشفى بسبب الصدمة اللي جتها ، سهرت معها طول الليل تقرا وتسمي عليها بعد ماتفز من نومها وتصرخ وتضرب نفسها ومن صحت هذا حالها ، رافضة الاكل وملتزمة الصمت وتبكي لدرجة ان انهد حيلها من البكي وصوتها راح من الصراخ ، تنهدت وقامت جلست جمبها كانت جالسة تناظر الجدار ودموعها تنزل ، مسكت ايدها وضغطت عليها ، تقوست شفايف شريهان وبكت بقووة بدون صوت ، ضمتها فريال وبكت معها وهي تمسح عليها وتحاول تخفف عليها.. . . جالسين كلهم حول السفرة بالارض يناظرون الاكل ومحد لة نفس ياكل ، وكل شوي يناظرون ابوهم اللي يتنهد وحتى اهو مالة نفس ياكل ، تنحنح وناظر عبدالعزيز:عمك يقول ان سهيل معتكف دارة وموراضي يطلع منة ، اليوم العصر ابيك تطلع بنتة من المستشفى وهاتها هنا لجل خالاتك وخواتك يرعونها ، ناظر ظافر ، رح معة ، زفر وناظر الاكل ، سمو بسم الله وكلو.. بعضهم اكل وبعضهم لاء ، رفعت راسها لعبدالعزيز وشافتة يحرك الاكل بالملعقة ، من دخل الجناح بالليل وهو مانطق ، على طول رمى نفسة بالسرير ونام ، او بالاحرى مانام غمض عيونة وهي حاسة فية انة صاحي ، موعارفة تفسر صمتة وتعابير وجهه الجامدة ، حست بنظرات مطلق لها ، لفت لة وخززتة بقوة ونزل راسة وصد.. قامو بعد ماتغدو وكلهم راحو غرفهم الا بومطلق تم بالمجلس وصيتة معة.. اخذ نفس طوويل وتنهد ، حطت ايدها على فخذة.. بومطلق بضضيق:موتها كسرني ي صيتة ، موضي غير عنهم كلهم ، هي العاقلة الفاهمة والراكدة والبارة فيني انا وامها ، من يومها صغيرة وهي تحرص على الصلاة وتقوم تصحينا الفجر لجل ماتفوتنا الصلاة ، فقد الضنا حححااار ي موضي حار ، تنهد ، لاحول ولا قوة الا بالله العلي العظيم ، استغفرالله ربي واتوب الية.. . . طلع من الحمام ولابس فانيلة وسروال داخلية ، وينشف شعرة بالفوطة ، لبس ثوبة وكبكاتة وحط شماغة على كتفة واخذ اغراضة والمسباح ونزل وطلع ، لحقة ظافر اللي كان جالس بالصالة مع خواتة وركب جمبة ، شغل السيارة ومشى ، وطول الطريق يسوق وهو ساكت ، ناظرة ظافر والتزم الصمت ، عبدالعزيز غير اخوانة يحس مايقدر يسولف معة يحترمة ويهابة كثير ، من يوم كان صغير وهم كانو يلعبون ويضحكون الا هو كان دايم يجلس لحالة ومايلعب مع احد ، ولما كان ابوهم يعاقبهم ويضربهم كلهم يبكون الا هو ، تذكر بيوم ابوة ناداة ودخل المجلس شاف صقر وعبدالعزيز ومطلق منزل راسة ، وطلع من المجلس مصصدوم بعد اللي سمعة من ابوة.. . التعديل الأخير تم بواسطة لامارا ; 31-08-17 الساعة 10:06 AM | ||||
|
| |
|
28-08-17, 03:39 PM
| #104 | ||||
|  . طلع من المجلس مصصدوم بعد اللي سمعة من ابوة ، حس ان مطلق صغر ف عينة كككثير وانصدم من صمت عبدالعزيز عاللي سواة مطلق لو احد ثاني بمكانة كان دفنة وهو حي ، كان ذبحة وشرب من دمة ، بس عبدالعزيز اكتفى ب انة يبعد عنهم وعاش فالبادية رغم ان ابوة رفض بششدة بس لما حس انة اريح لعبدالعزيز رضى وابوة حرص كثير ان محد يدري غيرهم وغير عمامة وعيالة اللي كانو موجودين وقتها ، انتبة ان عبدالعزيز وقف سيارتة ونزل ، نزل وراة ولحقة.. . . دخل الغرفة شافها توها طالعة من الحمام ووجهها اصصفر وماسكة راسها.. راح لها بخوف:وشفيك؟.. رهام بتعب:مدري احس اني مرضت ، راسي يفتر وكبدي تقلب.. تم يناظرها وهو سساكت بعدها ابتسم:البسي عباتك.. انقهرت لية ابتسم ومااهتم فيها او خاف عليها ، لبستها وطلعت معة وهي مكشرة ، نزلت معاة وهي تتجاهل نظرات عمر لها:وين؟؟.. بوراجح:طالعين.. رهام بنرفزة:وانت وشدخلك؟؟.. بوراجح بهمس:وشفيك؟؟.. رهام:مالة دخل فينا لايكون هو ولي امرنا عشان يسألنا ويحاسبنا.. بوراجح:طب لية معصبة الولد ماقال شي بس سأل وين رايحين.. تكتفت وهي تهز رجلها وصدت:انا انتظرك برا.. ناظر عمر وطلع وراها.. ركبت السيارة:لية تسمح لة يتدخل ويحشر نفسة ف كلشي حتى سوالفنا مع بعض حاششر نفسة ويسألنا فالدخلة وفالطلعة وين رايحين ومن وين جايين.. بوراجح بهدوء:الولد ماسوا شي وشفيك علية.. تأففت وصدت.. هز راسة ومشى ، بعد نص ساعة وقف قبال المستشفى ونزل ، فتح لها الباب ونزلت ومسك ايدها ودخلو ، اشر لها تجلس:خلك هنا.. بعد فترة جا ودخلو غرفة وجلست عالكرسي وجت الممرضة رفعت كم عباتها وقربت الابرة.. سحبت ايدها بسرعة:خيرر ، لية الابرة؟.. الممرضة:عشان سوي تحليل.. ناظرت بوراجح ورجعت ناظرت الممرضة ومدت لها ذراعها ، غمضت ورصت اسنانها بعد ماحست بوخزة الابرة.. خلصت الممرضة وقامت ومسك ايدها بوراجح وطلعو ، جلست عالكراسي وهو راح شرا لها عصير وجلس جمبها ينتظر.. بعد نص ساعة نادو اسمها وقامت معة.. الممرضة:مبروك مدام انتي هامل.. ابتسم بوراجح وناظر رهام المصصدومة.. حطت ايدها على بطنها وناظرت بوراجح وهي فاتحة ثمها:حامل؟؟.. . . بلع ريقة بعد مامدت لة الممرضة الطفلة ، اخذها ويحس برججفة ناظرها فترة واعطاها ظافر وصد ، مايدري لية تضايق ، يمكن لانها نفسة ماتت امها بيوم ولادتها ، رح تكون نفسة وتعيش يتيمة بلا ام ، تضضايق كثثثير ومشى ، لحقة ظافر بسرعة وهو شايل الطفلة وخايف لاتطيح.. . . . مر شهرر صعب عليهم ، كلة حزن وضيقة وبكا.. صقر اكثر واحد متأثر بموت موضي ، لان موضي كانت اقرب وحدة لة من خواتة ، صحيح يحب خولة لكن موضي غير ، هي اللي كانت تدافع عنة لما ابوة يضربة وتاكل الضرب بدالة ، واكثر من مرة ابوة يزعل ويطردة من البيت ولا يحاكية وموضي تتوسط لة وتترجاة وتبوس ايدينة عشان يسامحة ، وهي اللي كان يفضفض لها ويقولها عن اسرارة ومشاكلة وتنصحة وتحلها لة ، واول ماتزوجت حس انة كرة سهيل وقام يغار منة لانة ابعد موضي عنة وصار مايخليها تجي على طول البيت ، حياتة مع حسنا مثل مااهي ، يلاقي الجفاف والصد منها وهالشي مكدرة اكثر.. . . عبدالعزيز وميرال ، وضعهم ماتغير ميرال كل مالها وتحاول تتقرب منة وهو يبعد وبس يشوف بنت موضي يتضايق.. . . مطلق وحريمة لازال مستمر فالحرام ، سوسن بدت تنفر وتطفش منة كثير ، ومهرة على وضعها ماتغير.. . . بوراجح ورهام ، مبسسوط بحمال رهام ومدلعها زيادة ومايرضى لها تتحرك او تبذل اي مجهود ورهام بتتشقق من الفرح عالدلال اللي مدللها اياة واللي تبية يجيها لعند رجلينها.. . . هند وسطام ، سطام طفش منها كثير ومن تصرفاتها الماصخة وبدى يتعامل معاها بأسلوب ثاني يبي يأدبها.. . . جالسة بالصالة تناظر الجدار بضياع وتشتت ، هذا حالها من طلعت من المستشفى دموعها تسيل على خدها وملتزمة الصمت ، نحححفت كثيير واللي يشوفها مايعرفها ، والبيت كلة متضايق ولاشافو وضعها تضايقو اكثر.. نزلت خولة وهي شايلة الجازي وتلاعبها وماانتبهت لوجود امها لان ابوها موصيها الف وصية ان امها ماتشوف بنت موضي عشان ماتنتكس حالتها زيادة ، جلست بالارض وهي تلاعبها فجأة حست بظل وراها ، لفت وشافت امها جلست على ركبها ومدت ايدينها للجازي واخذتها وضمتها بقوة وهي تببكككي وتشد على الجازي وتشم ريحتها.. خافت خولة لان امها كانت تضم الجازي بقوة لدرجة عصرتها لين بكت وكل مازاد بكا الجازي زاد بكا شريهان وتشد عليها اكثر وهي موحاسة.. ركضت خولة للمجلس الخارجي وهي مرتبكة وخايفة وتأشر لبوها واخوانها وقامو وراها.. دخلو وشافو شريهان تبكي وتصرخ وضامة الجازي راحو لها مطلق وصقر وحاولو يفكون الجازي منها وبصعووبة فكوها وشريهان متمسكة فيها بقوة.. جلس صقر على ركبة ومسك وجة امة:يمة ، تكفين لاتسوين بحالك كذا حرام عليك ، سالت دموعة على حال امة وضضمها.. بومطلق بعصبية:زيين اللي سويتية بمك!! ، مو انا قايل لك الف مرة لاتخلينها تشوف بنت موضي.. نزلت خولة راسها وبكت بخوف.. بومطلق بصراخ:خذي بنت اختك واصعدي.. اخذتها وصعدت.. جلس على الكنب وناظر شريهان بضيق:حال امك ماهوب بعاجبني خايف انها تفقد عقلها.. التعديل الأخير تم بواسطة لامارا ; 31-08-17 الساعة 10:07 AM | ||||
|
| |
|
28-08-17, 04:10 PM
| #105 | ||||
| . . طلعت من الحمام وهي لابسة قميص نوم قصير وساتر وفوقة روب قصير شفاف ، راحت عند التسريحة واخذت اللوشن وبدت توزعة على جسمها وهي منتبهه لنظرات عبدالعزيز لها ، جمعت شعرها على جنب وتعطرت بعطر هادئ وراحت جمبة ، تسطحت واعطتة ظهرها وتمت تناظر الجدار والكلام اللي سمعتة اليوم يتردد ببالها.. استغرب عبدالعزيز منها ، تعوود انها ماتنام الا بحضنة ، حس ان فيها شي لان بالعادة تحط راسها على صدرة وتسولف معة وتعلمة عن يومها بالتفصيل قبل لاتنام ، تم يتقلب فترة وموعارف ينام ومستحيل يقولها تجي بحضنة.. ميرال بهدوء وهي معطيتة ظهرها:انت كنت متزوج وحدة قبلي؟.. تمت تنتظر ردة بس ماتكلم ، لفت لة وكررت سؤلها بنفس الهدوء:عبدالعزيز ، انت كنت ماخذ وحدة قبلي؟ ، عدلت قعدتها ودقت كتفة ، رددد لية ساكت؟ ، بأستهزاء ، دام وجهك تغير يعني الكلام اللي سمعتة موكذب ، رفعت حاجبها وابتسمت ولايكون عندك بزران وانا هم بعد ماادري! ، لية ماقلت لي من قبل انك كنت متزووج!! ، عقدت حواجبها بعد ماقام بهدوء بدون مايرد ولبس ثوبة.. قامت ووقفت قبالة وهو منزل راسة ويسكر ازاريرة:اكلممككك انا ، لية تسفهني ، لا تهرب جاوبني!.. ناظرها فترة:اية كنت متزوج.. ميرال بقهر:ولية ماقلت لي؟؟.. عبدالعزيز:هذاك دريتي وشصار يعني؟ ، بعد وجا بيطلع.. وقفت قبالة بسرعة:انا زوججتك ، المفروض تقولي من قبل ، مايصير تخبي هالشي عني ، اخذت نفس وبهدوء ، مايصير هالحواجز وهالحدود اللي بيننا ، وانا كل ماجيت اقرب منك تصدني ، رفعت اكتافها ، لنا فترة من تزوجنا ومااعرف ولاشي عنك والحين اكتشف انك متزوج من قبل.. نزل راسة وماتكلم.. ميرال بغيرة واضحة:منهي اللي كنت ماخذها ، تقرب لك؟.. رفع راسة بسرعة.. ميرال:الحين فهمت لية تصد وتبعد ولاتبي قربي ، مسحت دموعها ، دامك للحين تحبها لية طلقتها!!.. تم منزل راسسة وماتكلم.. ميرال:اشوفك دايم ساكت وسرحان قلت يمكن طبعك كذا ، اثاريك كنت تفكر ف حبيبة القلب.. رفع راسة وبصراخ:خخخلاصصص.. انخرششت ورجعت على ورا خطوة من الخوف ، ناظرتة كيف ينتفض وصاير شكلة يخووف وعيونة قالبة مثل الجمر ، استجمعت قواها وبقهر وهي حابسة دموعها لاتبكي:اسفة لان اشعلت نار شوقك لمعشوقتك ، الا ماقلتلي ، وش سبب طلاقكم ، باين انها هي اللي تركتك لااءءة.. ضربها على ثمها بقوة وبصراخ:ماتفهممين ، قلتلك خخلاص اسكتي اسكككتي.. سكت بعد ماشافها بكت وحطت ايدها على شفتها اللي تنزف نزل راسة وطلع من جناحهم ومن البيت بكبرة ، ركب سيارتة وسند راسة بوجع ، كل ماحاول ينسى جروحة يذكرونة فيها من جديد كأنهم يرشون عليها ملح قبل لا تلتأم وترجع تتفتح جروحة وتوجعة اكثثر ، غمض عيونة ويحس بسكاكين تنهش بقلبة كل ماتذكر اللي صار وكيف كانت صدمتة والوجع اللي حس فية من طعنة جت من اقرب الناس لة ، اخووة.. فرك وجهه واستغفر وشغل السيارة ومشى وهو موعارف وين بيروح.. . . بصراخ:انتي متى بتغيرين اسلوبك الماصخ ذا ترا بجد مليت منك.. لوت شفتها وتمت تهز رجلها وهي تناظرة بملل.. سطام:للمرة الالف اقولك اتركي نجود فحالها ولاتأذينها ، يامرة خافي ربك باللي تسوينة فيها حرام عليك المرة مااذتك ولا ضرتك بشي وانتي حاطة دوبك بدوبها ، ترا والله طقيت منك وماني متحملك ابد.. هند بصراخ:اجل وشاللي حادك تصبر علي ، طلقني.. سطام:مو اللي كاسر ظهري ابوي هو اللي يترجاني اصبر عليك عشان ابووك ولا انتي من يتحملك ويبغاك ، علمن ياصلك ويتعداك ي هند ، ان تعرضتي لنجود والله ثم والله لاتشوفين شين مايسرك ، طلع وسكر الباب بقووة.. حسست انها انجرحت ، صار ماعاد يبيها ودايم يجرح فيها بهالكلمة انة لوما ابوها طلب انة يردها ولا ماكان بيردها ، قبل كان يركض وراها ويطلب رضاها وهي تتكبر وتحقرة وماتبغية وذحين هو اللصار ماعاد يبغاها.. . . سهرانة لحالها ومتربعة عالكنب وبحضنها شبسات وجالكسيات وجالسة قبال التلفزيون وتتأبع فلم مرعب ومندمججة ، فزت وصرخت بعد ماجت لقطة مرعبة ، حطت ايدها على صدرها واخذت نفس ، فزت مرة ثانية بعد ماانفتح الباب ، تأففت بعد مادخل وصدت تناظر الفلم ، جلس جمبها وهو يلعب بالمفاتيح وماشال عينة عنها ، كانت لابسة بيجامة عادية قصيرة وعليها رسومات ، عض شفتة وهو يناظر فخوذها وقرب منها ومرر المفتاح على فخذها وبالمفتاح صار يرفع بيجامتها ، صصنمت وهي تناظرة بخوف وهو يقرب منها ، مسك ايدينها بسرعة وثبتهم بعد ماشافها رفعت ايدها بتضربة ، لصق فيها وهمس وهو يناظر عيونها اللي تجمعت الدموع فيهم وحاس برجفتها وخوفها:اشش ، ادري ان الشايب اللي فوق مافية حيل ومايشبعك وادري فيك تبغيني قومي اصعدي معاي غرفتي ، قرب وباس شفتها وهو مغمض وصرررخ بألم بعد ماعضت شفتة ، حاول يبعدها بس زادت بقوة العضة لدرجة حس بطعم الدم بشفايفة ، تركتة وبعد عنها بسرعة وحط ايدة على ثمة متتتألم ومنصدم من الدم.. وقفت وقربت منة وهي تناظرة بأستحقار ، تفلت علية وصعدت ، دخلت جناحها بسرعة وقفلت الباب مرتين ورمت نفسها بالسرير وبكت ، ضمت المخدة وخايفة من تحرشات عمر اللي كل مالة ويزيد وتخاف تقول لبوراجح ومايصدقها ويحسبها تتبلا علية.. . التعديل الأخير تم بواسطة لامارا ; 31-08-17 الساعة 10:08 AM | ||||
|
| |
|
30-08-17, 03:20 AM
| #106 | ||||
| . . صحت بتعب وقامت الحمام غسلت وجهها وتوضت وصلت ، لبست لها بيجامة عادية ورفعت شعرها ذيل حصان ونزلت ، دخلت المطبخ شافت شيخة تحضر الفطور صدت وبدون نفس:صباح الخير ، جلست عالكرسي تحوس بجوالها ، رفعت راسها بعد ماحست فية يبوس راسها وجلس جمبها:صباح الخير ، كيفك اليوم.. صدت بزعل وماردت.. همس لها:مايصير كل ماصار يومي عند شيخة تزعلين.. تمت مطنشتة وتحوس بجوالها.. دخل عمر المطبخ وهو متلطم بشماغة:يمة ابي فلوس.. استغربت من طريقة كلامة وصاير لسانة ثقيل:وشفيك تتكلم كذا وبعدين وراك متلطم ك اهءء ، شهقت بعد مافكت لثامة ، وششفيك؟؟.. عمر:ااءء ، سكت وناظر بوراجح اللي قام لة.. بوراجح:وشبلاها شفتك مجروحة ومتورمة كذا؟.. ناظر رهام ورجع ناظر بوراجح:متضارب مع واحد امس و.. قاطعتة شيخة:حسسبي الله علية ، تحسست شفتة ، الله لا يوفقة وشمسوي فيك.. رهام بحدة:لاتجلسين تتحسبين على الناس شوفي ولدك هالصايع وشمسوي بالاول.. بوراجح:رهام!.. تأففت وطلعت من المطبخ وجلست بالصالة وهي تتذمر وتسب عمر وشيخة وفوقهم بوراجح.. دقايق وطلع عمر ووقف قبالها ، رفعت راسها وناظرتة بأستحقار:خير!.. دق كتفها:لاتحسبين اني بعدي حركتك اللي سويتيها فيني امس ، والله لااخليك تلعنين الساعة اللي شفتيني فيها بعدك ماعرفتيني ي ست رهام.. ابتسم وطلع بعد ماشاف ملامحها تغيرت وبان الخوف بوجهها.. طلع بوراجح وجلس جمبها:زعلتي؟.. تمت تناظر الارض وسساكتة.. بوراجح:ماكان قصدي بس مايصير تعاملين الولد كذا وهو ماضرك بشي.. ناظرتة والدموع متجمعة بعيونها وقامت صعدت بسرعة ودخلت جناحها ورمت نفسها عالسرير وبكت وتهمس:بلاك ماتدري وشمسوي.. كتمت شهقاتها بعد ماحست فية انة دخل الغرفة وجلس على اطرف السرير:رهاام وشفيك؟؟ قومها وضمها وباس راسها:وشفيك لاتخوفيني عليك ، احد مأذيك ، شي ياجعك؟.. مسحت دموعها وبهمس:لاء ، بس تدري فيني اغار وازعل لاصرت عندها ، رفعت راسها وناظرتة ، ابغيك حقي ومحد يشاركك فيني.. باس راسها وبهمس:بتقنعيني ان هذا اللمبكيك؟؟.. مسحت دموعها:هو كل ماصار يومها ابكي.. بوراجح:عارف ، بس بكيك اليوم غير ، احس فيك شي.. هزت راسها وبهدوء:مافيني شي.. . . جلست بالارض قبال السفرة بعد ماالقت السلام.. بومطلق:رجلك وينة؟.. ميرال:م م ماادري.. بومطلق:كيف ماتدرين ، وهو حتى صلاة الفجر ماجا صلى معانا بالمسجد ، ناظر ظافر ، رن على اخوك.. دق علية وناظر ابوة:يبة مقفل جوالة.. ناظر ميرال:لا بالله انشهد انك خوش مرة ، لاتدرين رجلك وينة فية ولابهامك اصلاً ، زفر ، سمو بسم الله وكلو ، ناظر ميرال اللي قامت هز راسة وصد وبدا ياكل.. . . العصر.. جالس ومتكي على عصاتة ، رفع راسة بعد ماشاف خولة نزلت وشايلة الجازي وجلست بالارض بعيد عنة وحطت الجازي بحضنها وتلاعبها وتضحك ، تم يناظرها فتررة ، التفت بعد ماانفتح الباب ودخل ظافر:هاة بشر اخوك وينة فية؟.. رفع اكتافة:والله ماادري.. تنهد:تهقى انة رجع للبادية ، هز راسة ، لا لا لو رجع كان اخذ حرمتة معة وماتركها.. جلس ظافر جمبة:يبة لا تخاف عز ماهوب بزر وان شاءالله مافية الا العافية.. تنهد وناظر خولة وصد.. . . نزلت ووقفت بنص الدرج تناظرهم جالسين جمب بعض ويسولفون ويضحكون ونجود ضامة ام الخير وتبوس فيها ، رفعت راسها ونزلت وجرت ام الخير من حضنها بقوة:بنتتتي ماابغاك تقربين منها فاهمة!.. وقف سطام:هند؟.. ناظرتة وهي رافعة حاجبها.. بكت ام الخير وهي تحاول تفك نفسها:اترككينيي ماابغاااك ، مااحبك.. ناظرت ام الخير اللي فكت نفسها بقوة وركضت رمت نفسها بحضن نجود وتمسكت فيها ، تمت فترة تسستوعب بعدها جررت ام الخير بقوة ونفضتها:ماتبغيني ياحييوااانة هااة ماتبغيني ، ناظرت نجود ، تخربين بنتي علي وتبينها تكرهني ياحقيررة.. جرت شعر نجود ، دفها سطام بقوة ورمشت بعدم استيعاب وناظرت نفسها طايحة بالارض ، رفعت راسها وتوها بتتكلم قاطعها سطام بحدة:مووو بس بنتك الماتبغاك حتى انا ماابغاك ولا ابووك يبغاك ، افههمييي ، ابوووك مايبغاك وانا زين مني متحملك عشان ابوك ف احترمي حالك واتركي عنك اسلوبك الوصخ ذا.. . . طلعت من الحمام وهي لافة الفوطة على جسمها وشافتة جالس على السرير ويناظرها وهو مبتسم ، قام وجا بأتجاهها ومد لها وردة وباس ايدها:تدرين اني احبك.. سحبت ايدها وصدت:صقر تكفى لانجلس نكذب على بعض ونوهم بعضنا بشي مستحيل يصير.. صقر:انتي متى بتفهمممين ، والله احبككك ورب البيت اني احبككك افهممي ، رمى الوردة بوجهها وطلع وهو متنرفز ، نزلت واخذت الوردة وجلست على السرير وهي مبتسسمة ومبسوطة ، تنبسط لما تكابر وتصدة وهو يجلس يحلف لها بحبة وبعشقة لها ، رمت نفسها على السرير وضمت الوردة وكل شوي تشمها وتبتسم.. . التعديل الأخير تم بواسطة لامارا ; 31-08-17 الساعة 10:10 AM | ||||
|
| |
|
30-08-17, 03:27 AM
| #107 | ||||
| . . جالس بالشقة مو بوعية ابد وبأيدة كاس نبيذ وجالس يحركة بملل ، رن جوالة ورد:هلا عمر ، بالشقة انتظر البضاعة اللي قلت عنها ، ابغاها جديدة فرشش ترا طفشت من المستعمل ، عبير؟ ههههه ، طيب باعتبرها تصبيرة ليما تحصلي وحدة بكر ، طيب سلام ، رمى الجوال وهو كاارة عمر بس عشان مصالحة متحملة وساكت.. جهز كاس ثاني وحط فية ثلج وجلس ينتظر عبير ، نص ساعة ودخلت الشقة وفز لها ، تعلقت برقبتة وباست خدة:ماوحشتك؟.. ضحك مطلق وباس شفتها:كثثيرر.. . . جالسين بالصالة بعد ماتعشو ويسولفون.. جلست صيتة جمب ميرال بعد مامدت لها كوب.. ناظرت ميرال الكوب ورجعت ناظرت صيتة:وش ذا؟؟.. صيتة:هاذي خلطات واعشاب مسويتها لك عشان تحملين ، تراها زينة وبأذن الله لو تشربين كل يوم كاسة لمدة اسبوعين بتحملين.. تغير وجة ميرال وسكتت.. فريال بضحكة:ولية مابتشربيا انتي مشان تخلفي!.. نزلت صيتة راسها.. ارتشفت منة ميرال وحاولت تتغصب علية عشان خاطر صيتة.. ابتسمت لها صيتة ورفعت يدينها:يالله انة يرزقك بالضنا ويفرحني فية ، واشيلة على يديني ويناديني يا جدة.. لوت فريال شفتها وهمست لسوسن:هيي مسدأة حالا ومفكرة انو عز ابنا.. صيتة:الا صدق وينة عزيز فية ماشفتة اليوم كلة؟.. سكتت ميرال بوهقة لانها ماتدري وينة:اءء ، زفرت براحة لما دخل بومطلق وعيالة وقامت صعدت جناحها ، بدلت ، لبست بيجامة حرير قصيرة وردية ورمت نفسها على السرير ، جلست فترة تتقلب بالفراش لين غفت.. . . لصصقت فية وباست خدة وحطت ايدها على بطنها وبدلع:اقوول بوراجح.. ابتسم:الله يستر ، ماورا هالبوراجح ذي الا مصلحة.. برطمت:افاا ، خلاص بطلت ماابغي شي.. مسكها قبل لاتقوم:امزح معك ، امري كلي لك ، باس ايدها.. رهام بدلع:طلبتك قل تم.. بوراجح:قولي وشتبين؟.. رهام بأبتسامة:قل تم.. لوى شفتة:تم.. رهام:ابغى نطلع من ذا البيت.. بوراجح:لية البيت ذا مابوة شي!.. رهام:الا بة ، بصراحة مو حلو وقديم ويفشل وو ، قربت منة ، انت ماشاءالله دام عندك خير لية معيشنا ف ذي الخرابة ، لصققت فية اكثر ، حسوني فديتك لاتردددني طلبتك ، رمشت بدلع ، هاة وشقلت؟.. غمض متخدر من قربها وبهدوء:انتي تامرين امر تدالي بس ، لك اللي تبين.. ضحك بعد ماطبت علية وصارت توزع بوساتها على وجهه وتصرخ:احبك احبك احبك والله احبككك.. . . فتح عيونة وشافها انخرشت جت بتبعد ، مسك ايدها:وش كنتي تسوين؟؟.. صدت وحاولت تفك ايدها:ولا شي.. جرها وصار فوقها:كنتي تتأمليني وانا نايم؟.. نزلت عيونها بأرتباك:وشش اللي اتأمل فيك ، من زينك! ، وعع.. تركها وقام الحمام وهو مبتسم.. حسنا بصراخ:ترا كنت اناظرك وانا منصدمة من مدى بشاعتك.. سفهها ودخل الحمام وهو يدندن.. تأففت وتربعت عالسرير بقهر:اوففف الحين بيحسبني ميتة علية.. جلست تنتظرة لين طلع ، قامت بسرعة اول ماسمعت صوت باب الحمام ينفتح ووقفت بفهاوة تناظرة ، لاف الفوطة على خصرة وجسمة يقطر موية ، انتبهت على نفسها بعد ماابتسم:ااء اسمع ترااءء ، سكتت بعد مالصق فيها ، اانت فاكر انء.. رفع راسها بطرف صبعة وبهمس:ان ايش!.. حسنا بهمس:ان انا ميتة عليك ترا انا مااطيقءء ، قاطعها ببوسة على شفتها وجرها للسرير بهدوء وو.. . . جالس قبال السفرة وعاقد حواجبة بضيق:رن على عز اخوك مرتن ثانية.. دق علية وناظر ابوة: نفس الشي مغلق.. زفر:رن على الهيس الاربد شوف لية مانزل لهالحين هو ومرتة.. دق ظافر على صقر ومارد:يبة مايرد.. ناظر شمايل:قومي وشوفي هالتيس لية ماجا هو والصخلة حقتة.. هزت راسها وقامت بسرعة ، صعدت وضربت الباب وبعد فترة طويلة فتح الباب وهو لابس سروال:خخخخير!.. شمايل وعيونها تتلاقط عالجناح:الخير بوجهك يا اخي العزيز ، الله لايهينك جر الصخلة مالتك وتعال افطر ااءءة شعري.. صقر:من الصخلة؟.. شمايل بألم:مرتك اااةءء ابوي اللقال نادي التيس والصخلة مالتة ااحح ، دلكت راسها بعد ماسكر الباب بوجهها ، كشت عالباب ونزلت ، جلست وهي سساكتة.. بومطلق:اخوك وينة فية!.. شمايل:ااءء هالحين ب بينزلون.. الهام بهمس:وشبلاك وجهك مخطوف كذا؟.. شمايل بهمس:اخوك طلع يعذبها.. الهام:من اللي يعذب من؟.. شمايل:صققير جعل مابة صقير.. الهام:وشمسوي؟.. شمايل:مدري بس شفت حسنا طلعت من الحمام ورقبتها كلها مرضضة ، عقدت حواجبها ، جعل ايدة الشلل طلع يضربها التسسلب.، حاولت تكبح ضحكتها بس ماقدرت:ههههههههه ، سدت ثمها بأيدها بعد ماخزها ابوها ونزلت راسها:اسسفة يوبة ،رفست شمايل وتمت منزلة راسها . . التعديل الأخير تم بواسطة لامارا ; 31-08-17 الساعة 10:12 AM | ||||
|
| |
|
30-08-17, 03:36 AM
| #108 | ||||
| . . منسدحة على بطنها وتلعب بشعرها وتكلمة بجوالها وهي مستححيةة:هممم.. دقتها شمايل وهمست:حطية سبيكر خنسمع وشيقول البغل رجلك.. دفتها واشرت لها تسكت ، تسطحت على ظهرها:وانا بعد ، هههه ايش اللي ايش؟ ، حطت راسها على فخذ شمايل وعضت شفتها بخجل:وانا بعد احبك.. دفتها شمايل:ترا لوعتو كبدي ، كل سوالفكم احبك واحبك ماعندكم غير هالكلمة ، جرت الجوال من اذن هيلة وسكرت بوجهه:خليولي ، عندي لي سالفة خططيرررة.. هيلة بعصبية:ي حممااارررة ، عدلت قعدتها ، قولي وشهي؟.. شمايل:اسمعي.. . . مشت على اطرف اصابعها بعد ماتأكدت من عدم وجود احد بالصالة ووقفت عند باب المجلس وحطت اذنها عالباب ، تنهدت بعد ماسمعت صووتة وحطت ايدها على صدرها وتحس قلبها يدق بششكل موطبيعي ، مششتاقة لة كثير لها فترة طويلة ماشافتة او سمعت صوتة.. فززززت بخوف بعد ماسمعت صوتها:انتي شو عم تساوي؟.. ارتبكت:ااءء انتتي وشدخل اومك!.. ابتسمت:اهاا ، هلاء فهمت ، بتحبية؟.. دفتها وجت بتمشي:قلتلك مالك ششغل.. وقفت قبالها بسرعة:اسمعيني ، انتي بتعرفي انو ابوكي مستحيل رح يسمح انو يجوزك اللي بتحبية او انو يجوزك حدا من برا العيلة مشان هيك اسمعي اللي رح اللك ياة وسدأيني رح يتجوزك لو عملتي اللي رح اولو.. سكتت فتررة وبتردد:قولي وشاللي عندك؟.. . . جالس بوسط المجلس ومتكي على عصاتة ومتضضايق ، رفع راسة بعد مادخل صقر:دورتة بكل مكان وماشفتة حتى رحت المستشفيات وسألت عنة وماخليت مكان مارحتة.. زفر ونزل راسة ، جلس جمبة وباس كتفة:لاتحاتية ان شاءالله مافية الا العافية.. دخل ظافر وناظرة بومطلق بسرعة ، هز راسة وهو عاقد حواجبة ، تنهد بومطلق وفرك وجهه وبالة مشغول وخخايف على عبدالعزيز.. بعد نص ساعة جا مطلق:مالقيتة.. مسح بومطلق لحيتة وبهدوء:تهقى انة بالبادية؟ ، ناظر صقر ، خذ اخوك ورحو تأكدو وان شاءالله انة هناك تلقونة.. صقر بصدمة وهو يناظر الساعة:هالحين؟؟.. بومطلق بشوية عصبية:لا باتسر ، اية هالحين.. قام بسرعة:تامر يوبة ، طلع ولحقة ظافر.. . . وقف السيارة ولف يناظر ظافر:ششف ، حنا قالبين الدنيا علية وندورة وطلع هنا ، فتح الباب ونزل وراح لعند عبدالعزيز ، ماشاءالله ، فرينا البلد حتة حتة ندورك وابوي خايف عليك يومين مختفي ولا ندري وينك فية وبالاخير اثاريك هنا ولابداري عننا.. عبدالعزيز وهو محاوط الابل بذراعة ويبوسة وبهدوء بدون مايناظرة:ولية تدورون عني من الاساس.. صقر:اسأل ابوي ، ناظر ساعتة ، الوقت تأخر كثير يلا امش خنرد عشء.. قاطعة عبدالعزيز وعطاة ظهرة ومشى:ابظل هنا مارح ارجع.. ناظر ظافر:يستهبل صح؟ ، لحقة بسرعة ، وششاللي مارح ترجع!.. شاف عبدالعزيز مطنشة وجلس قبال النار وبأيدة المسباح ويستغفر ، تأفف وطلع جوالة من جيبة ودق على ابوة وحطة سبيكر ، ومن اول رنة رد وبخوف:هااة بشر عساكم لقيتوة؟.. صقر ناظر عبدالعزيز اللي رفع راسة بسرعة:اية يبة لقيناة بس معيي يرجع معنا يقول يبغى يجلس فالبادية.. بومطلق بصراخ:ابك صصاحي ذا ، انا شوي وانجن من خوفي علية غايب يومين وتاركن حرمتة ولا بدارين عنها ، قلة يرد ولا يعصي كلامي ولا ترجع الا وهو معك سامع!.. صقر:ان شاءالله يوبة ، سكر وناظر عبدالعزيز ، اظن انك سمعت القالة ابوي! ، لوى شفتة وتكتف.. زفر عبدالعزيز وقام دخل الخيمة دقايق وطلع ، ركب سيارتة وشغلها.. ركب صقر سيارتة ومشى ورا عبدالعزيز.. . . :لي متى بتم على هالحال ، متى بتعرس واشوف عيالك.. الوليد:حشى امي اللي هي امي ماحنت علي اعرس كثرك.. مهرة:ههههه ، لاتغير الموضوع ، ببالك وحدة ولا ادور لك؟.. الوليد:قلتلك ماابغى اعرس هالحين.. مهرة:لية مابعد تكون نفسك ولا بعدك ماتهنيت بعزوبيتك مثل ماتقول ، وليد جد جد ترا امي منيرة كلمتني اكثر من مرة تبيني اقنعك تعرس تقول كل مافتحت معاك هالموضوع هجيت.. الوليد بأبتسامة:وان ماقفلتي هالموضوع بهج الحين.. تنهدت وسكتت.. الوليد:كيفة رجلك معك؟.. صدت:زين.. تم ساكت فترة ، ناظر ساعتة وقام باس راسها:يلا ابمشي هالحين ، الوقت تأخر ، معسلامة.. طلع من المجلس وحس بظل وبسرعة اختفى ، عقد حواجبة ومشى.. . . دخل الفيلا ومعاة صقر وظافر ، جا بيدخل البيت ، اشر لة صقر عالمجلس الخارجي:ابوي ينتظرك.. مشى بأتجاة المجلس ووقف ثواني بعدها دخل ، شاف ابوة جالس بمكانة المعتاد بوسط المجلس قبال المشب منزل راسة وبأيدة فنجال القهوة ويرتشفها بهدوء ، راح لة وباس راسة وكتفة:كيفك يبة!.. تم بومطلق منزل راسة ومارد.. عبدالعزيز:يبءء ، فز بعد ماضربة ابوة بالعصا على ساقة.. حذف بومطلق الفنجال على صقر اللي ضحك على عبدالعزيز وصصرخ من الالم واحترق من القهوة اللي انكبت على صدرة ولطخت ثوبة.. بومطلق بصراخ:انكتمم وفارق.. طلع صقر بسرعة وهو ينفض ثوبة ويحاول يبرد على نفسة ولحقة ظافر.. ناظر عبدالعزيز وبعصبية:ابككك يومين ، رفع صبعينة ، يومين يالظالم تاركن شايبك مختبص وخايفن عليك ، يومين ادور عليك وماانام الليل واحاتيك فجأة اختفيت وحتى تلفونك طافية واقول وينة فية ، رد للبادية؟ كيف يرد وحرمتة هنا ، سكت شوي ، شاللي خلاك تترك حرمتك وترد البادية بدون ماتخبرني وتسلم علي!.. نزل راسة ومارد.. بومطلق:اخوك سوالك شي؟؟.. مارد.. بومطلق:متزاعلن مع حرمتك؟؟.. ناظر ابوة ورجع بسرعة نزل راسة.. بومطلق:دامك متزاعلن معها اضربها ، سنعها ، ادبها واذانك انت الغلطان راضها ، موتترك البيت.. تم منزل راسة وماتكلم.. بومطلق:رح عند حرمتك ولاعاد اشوفك تطلع وتغيب عن البيت وتترك حرمتك ثاني ، سكت فترة بهدوء ، ولين شوي معها ، صد واشر بأيدة ، توكل.. طلع من المجلس ودخل البيت بعد ماتنحنح وصعد وهو منزل راسة ، دخل الجناح وتنهد براحة لما شافها نايمة ، حط جوالة ومفاتيحة عالكومدينة وفصخ ثوبة وعلقة ، وتسطح.. شافها فتحت وناظرتة فترة بعدها قامت واخذت مخدتها والشرشف وطلعت من الغرفة ، تنهد وحط ذراعة على عيونة وغمض.. . . دقت كتفة ، رجعت دقت كتفة مرة ثانية:حسون ، حسوني ، حسسين ، بوراجح قووم اووف ترا بجد طفشت.. فتح بتعب:همم رهومة حياتي والله تعبان ابنام.. رهام:والله طفشانة وانت من تجي عشر بالليل تنام ، قووم اسهر معي ، دقت كتفة بقهر بعد ماسمعت شخيرة ، بوراااجح ، تأففت وقامت لبست روب متين فوق بيجامتها العادية ورفعت شعرها دونات ونزلت.. التعديل الأخير تم بواسطة لامارا ; 31-08-17 الساعة 10:13 AM | ||||
|
| |
|
30-08-17, 03:43 AM
| #109 | ||||
| . . تأففت وقامت لبست روب متين فوق بيجامتها العادية ورفعت شعرها دونات ونزلت ، دخلت المطبخ وجهزت لها شاي وهي تغني:لاتعجب من غرامي وتنذهل ، واللي خالقني تراك انسان سامي ، مجملاً راقي جميل ومن اصل ، حتى في اسمك اجمل الاسامي ، مستحيل اني الاقي غيرك مثل ، التفتت بسرعة بعد ماسمعت صوتة.. ميل راسة:هالصوت موغريب علي.. بلعت ريقها وجت بتطلع بسرعة سد عليها الطريق ، بعد خصلة شعرها عن وجهها وبهمس:كنة صوت وحدة اعرفها عدل وكانت دايم تغنيلي هالاغنية ، ابتسم ، شفتي كيف طلعت الدنيا صغيييرة ، رفع عيونة وبتفكير ، البنت اللي تعرفت عليها طلعت اخت صاحبي مطلق ، ومطلق نفسة هو اللي جبتلة هالبنت مقابل ، فرك صبعينة السبابة بالابهام ، وهي نفسسها طلعت زوجة عمي ، تنهد وهز راسة ، يامحاسن الصدف ، وانا اقوول وشبها البنت كارهتني وتنخبص لاشافتني ، مد شفايفة ، كذا تعاملين حبيبك؟ ، ناظرها من فوق لي تحت ، بس تصدقين ، ماتوقعتك كذا ججميلة ، عض شفتة وقرب منها وبسرعة رجعت خطوة على ورا.. عمر:مسوية فيها الشريفة العفيفة ، غمز لها ، بس انا تعجبني الصعبة والماتجي بسهولة ولازم اروضها ، لصصق فيها ودخل ايدة ف جيبة وطلع سكين ، فتحها وحطها على رقبتها ، وين لسانك وقوتك؟؟.. ابتسم ومسح دموعها وباس خدها:لية ، لية الدموع ي قلبي ، رجع باس خدها مرة ثانية وحاولت تبعدة وشد عليها بقوة وحط اطرف السكين برقبتها:اشش ، حط صبعة على شفايفها ، وباس شفتها وبككت.. باس رقبتها ومرر ايدة على خدها ونزلها بالتدريج وفتح اول زار ف بيجامتها وصرخ بألم وطاح على ركبة بعد مارفستة بين رجلينة وبسررعة طلعت وصعدت فوق ، دخلت الجناح وقفلت الباب مرتين ، تسندت على الباب وهي ترررجف ، جلست بالارض وغطت وجهها بيدينها وبكت ، قامت الحمام بسرعة تغسل ثمها منقرفة منة ، شهقت وفتحت ثمها لما شافت اثر خفيف برقبتها ، جلست بأرض الحمام تبكي وعاضة صبعها وخخايفة.. . . صحى من النوم ، فرك وجهه وقام الحمام ، غسل وجهه وطلع ، لبس ثوبة وغترتة وعقالة ولفها بعشوائية ، اخذ اغراضة ، تعطر وطلع ، شافها متكومة ومنسدحة على الكنب وعاقدة حواجبها باين انها متضايقة فنومتها قرب ووقف فترة يناظرها ، اخذ نفس وبتردد دق كتفها بخفيف:بنت ، قومي نامي داخل.. فتحت عيونها وناظرتة ، غطت وجهها وماردت علية.. وقف فترة بعدها طلع.. تنهدت وشالت الشرشف عن وجهها وتمت فترة بعدها قامت دخلت الغرفة وغسلت وجهها وتوضت ، وطلعت صلت ، تمت جالسة بمكانها وتفكر بالكلام اللي سمعتة واللي قهرهها وجرحها انة ماانكر او حتى مابرر ليش خبى عنها الموضوع ، حسست بغيرة موطبيعية اية ماتنكر انها تحبة وتغغار علية وحست انها انجرحت كثثير بعد مافهمت سبب صدة لها ، انة لازال يحب زوجتة الاولى ومانساها ، مسحت دموعها وقامت ، فصخت شرشف الصلاة ودخلت الحمام ، عبت لها البانيو بماي دااافي وفصخت ملابسها ودخلت ، سندت راسها وغمضت عيونها تحاول تسترخي وتنسى كلشي.. بعد نص ساعة قامت ولفت الفوطة على جسمها وطلعت من الحمام ، فتحت الدولاب وتمت تناظر ملابسها فترة ، بعدها اخذت لها جلابية وردية وبها نقشات بالذهبي ولبستها وسشورت شعرها، لبست لها مرتعشة وسبحة وحلق وسوارة وخواتم ذهب ، رسمت عيونها بالكحل وكثفت الماسكارا وحطت لها روج وردي وبلاشر وحطت لها من دهن العود اللي دوم يحطة عبدالعزيز وريحتة قويةة ، ولفت الطرحة على راسها ونزلت بدون ماتلبس البرقع.. شافت شمايل بنص الدرج:زين نزلتي توي بصعد اقولك حطينا الغدا ، غمزت لها ، كل هالكشخة عشان حبيب القلب هاة ، ناظرتها بنص عين ، يمة منك منتيب هينة.. ابتسمت ميرال وماردت.. مشت معها للمجلس الخارجي ودخلت ، القت السلام بهمس وجلست جمب حسنا ، رفعت عيونها وناظرت عبدالعزيز اللي تغير وجهه بعد ماشافها بهالشكل ، ضغط على ايدة بعد ماشاف صقر يناظرها وفاتح ثمة وبسرعة انتبة لنفسة ونزل راسة ، ومطلق اللي يتفحصها من فوق لي تحت وشوي وياكلها بعيونة ، رص على اسنانة وقام ، ناظر ميرال:تعالي ابغيك.. غمزت لها شمايل وضحكت.. قامت وراة وطلعت من المجلس ، شهقت بعد ماسحبها من ذراعها بقوة وجرها لداخل البيت وصعد الجناح وهو يسحبها:انتي كيف تسمحين لنفسك انك تنزلين بهالشكل قدام اخواني!.. تمت تناظرة وهي ساكتة.. عبدالعزيز بصراخ:اكلمكك انا ، لية نازلة لي بهالشكل هاذا!.. ميرال بجمود:عشاني حاطة عيني على اخوانك وابي اغويهم مثل ماتقول ، غمضت عيونها من قوة حرارة الكف.. عبدالعزيز:.. . التعديل الأخير تم بواسطة لامارا ; 31-08-17 الساعة 10:13 AM | ||||
|
| |
|
30-08-17, 03:49 AM
| #110 | ||||
| . . عبدالعزيز جر شعرها وبصراخ:وررربييي اذبحك لو اشوفك حاطة عينكك على وااحد منهم ، وررربييي امووتك تفهمييين!.. ناظرتة وبألم:اتركني ي مجنوون ، ي مريض ااة ، بكت ، وربي ماني فاهمتك مو انت بنفسك القايل لي هالكلام؟ ، شفت قديش اوجعك ، تراة جرحني واوجعنيي اككثر.. رخت ايدة وتم يناظرها وهو ساكت ، بلع ريقة وصد:لاعاد تتبرجين وتلبسين ذا اللبس الا لقدام رجلك ، تراااة يفتن ، ناظر خدها الاحمر و فية اثر الكف ونزل راسة ، روحي غسلي وجهك وشيلي المكياج عشان ننزل تنغدا.. جلست على السرير وضمت رجلينها:ماابغى انزل انت.. تم واقف فترة بعدها طلع ، دفنت وجهها بالمخدة وبكت.. بعد ربع ساعة سكتت بعد ماحست فية انة دخل الجناح ، جلس جمبها ودق كتفها بشويش:بنت ، قومي تغدي جبت الاكل لهنا ، ادري فيك صاحية ، قومي.. ماردت.. تنهد وقام فصخ ثوبة وتسطح جمبها وحط ذراعة على عيونة ، حس انة تسرع وندم يوم ضربها كان فهمها ان لبسها غلطط ومالمفروض تلبسة قدام اخوانة بس هي استفزتة ، موبعادتة انة يمد ايدة على حرمة ويكرة هالشي بس مايدري شفية ، لف على جنبة اليمين وتم يناظر ملامحها ، حاول يقنع نفسة ان سبب غيرتة عليها موعشانة يحبها ، لانها زوجتةة ولان المفروض محد يشوف زينتها غيرة ، بعد شعرها عن عينها وتم يناظرها ويحاول انة يشيل فكرة انة بدأ يميل لها ويحبهآ ، فسر ان سبب تفكيرة فيها ف اليومين اللي جلس فالبادية واشتياقة لها انة فقط لانةة تعود عليها ، تم يناظرها ويحس بتنآقض بداخلةة.. . . صعد جناحة ودخل ، جلس على اطرف السرير:حبيبتي ، رهام قلبي قومي بسك نوم ، قومي تغدي.. رهام بهمس وهي مغطية نص وجهها بالبطانية:ماابي ابي اناام.. بوراجح:مايصير قومي كلي عشان اللببطنك ، الصبح ماافطرتي وهالحين ماتبين تتغدين.. رهام:طيب انت انزل وانا بلحقك.. بوراجح:اكيد؟.. هزت راسها ، قامت بعد ماطلع بسرعة دخلت الحمام غسلت وتوضت وصلت ، بدلت واخفت الاثر بالفونديشن ولفت شال برقبتها ونزلت ، جلست جمب بوراجح ولصصقت فية وتحاول تتجاهل عمر اللي جالس قبالها ويناظرها.. بوراجح:كلي وشفيك.. رفعت عيونها وناظرت عمر وبسرعة نزلتهم:ط طيب.. لحقتة بعد ماقام وخلص اكل وجلست جمبة عالكنب:و وششصار على القلتلك اياة؟.. بوراجح:اصبري علي اشوي.. تجمعت الدموع بعيونها وسكتت.. عقد حواجبة:وشفيك!.. هزت راسها وصدت:مافيني شي.. اخذ نفس:قومي البسي عباتك واطلعيلي ابنتظرك برا.. رهام:وين بنروح؟؟.. بوراجح بأبتسامة:انتي قومي.. قامت لبست عباتها ونزلت ، طلعت الشارع ، فتحت الباب بتركب قدام ، عقدت حواجبها بعد ماشافت شيخة راكبة جمب بوراجح ، فتحت الباب اللي ورا وركبت بهدوء ، ناظرها بوراجح من المراية وهو مبتسسم ، تجاهلتة وصدت تناظر الشوراع.. بعد فترة وقف سيارتة ونزل ونزلو وراة ، عقدت حواجبها بعد ماشافت سيارة عمر وقفت وراهم ونزل:هاة وشصاير وش المفاجأة التقول عنها.. بوراجح بأبتسامة وهو يناظر الفيلا الصغيرة:اشتريت بيت جديد.. شهقت شيخة:هذا بيتنا؟؟ ، ناظرت البيت وهي فاتحة ثمها ورجعت ناظرت بوراجح وضحكت ، دخلت البيت بسرعة ودخل وراها عمر ، تمت رهام واقفة بمكانها.. بوراجح بأبتسامة:ههههه وشفيك مصدومة ، راح لها ومسك ايدها ، كنت حاب اسويها لكم مفاجأة اجهزة وااثثة كلة وبعدها اجيبكم ، دخل البيت وشاف شيخة مبسوطة وتحوس فية ، ناظر رهام ، ماودك تشوفينة؟.. مشت معاة وبالها مومعاة وهو يتكلم ويوريها البيت كلة ، دخل غرفة واسعة شوي:وهاذي غرفتنا ، بشري عساة البيت اعجبك؟.. رهام بهمس:هم بيعيشون معنا!.. بوراجح:من؟؟.. رهام من بين دموعها:شيخة ، وولدها!.. بوراجح:اكيد ، عقد حواجبة ، مستحيل اتركهم لحالهم ابك اتعرفين عمر دوم برا البيت ومايرجع الا الفجر تبين اترك شيخة فالبيت بلحالها؟.. تمت تناظرة وهي سساكتة.. . . :ماظنتي بيوافق.. بومطلق بشوية عصبية:ولية مايوافق ان شاءالله؟.. بوسهيل:انت تعرف كيف كان سهيل متعلق بالمرحومة وكيف تأثر بموتها ولهالحين حابس نفسة ومنعزل عن العالم ، كيف بيرضى يعرس وياخذ اختها.. حط ايدة على فخذ بوسهيل:عاد هالشي بأيدك ، انت اقنعة ، لاتزعلني ي خوي وماابغاك تبلغني برفضة.. بوسهيل:مالك الا طيبة الخاطر ي خوي ، ومن الحين اقولك ابشر باللي تبية واعتبر موافقتة جتك.. بومطلق بأبتسامة:كفو ، كفو.. التعديل الأخير تم بواسطة لامارا ; 31-08-17 الساعة 10:14 AM | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
13Likes
العرض العادي
