05-08-17, 04:50 AM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  .. في فيلا الرجال .. العم صالح بتعب : يا عيال الكـلب قوموا ... الله يبلشكم مالك بصوت ناعس : تسب نفسك يبه ولا وش العم صالح بصوت عالي لـ غرف الشباب : الصـــــــــــــــلاة ... قوموا عبدالمحسن دخل وهو يقول : عمييير عميييير سامي قوموا يا كلاب لـ الصلاة دخل سعود على عمّه صالح وهو يضحك : ماقاموا العم صالح بغضب : رح رح جبلي سطل مويه عبدالرحمن وهو ينشّف يدينه بعد الوضوء : الله يهديهم .. جاب السطل سعود وهو يقول : عليك فيهم اخذ السطل العم صالح وكب جزء منه على مالك : قم فز مالك من مكانه وهو يقول بغضب : تعذيب سجون هو صالح : قم قم قم يا حيوان الصلاه ناظر في ساعته : يذن 12 ليه تقومني الحين صالح : الجمـــــــعة قم يالله وقّف مالك متوجّهه لـ دورات المياة وبغضب : قسم بالله تعذيب .. عبدالمحسن : هات هات اكب على الكلاب اللي هنا دخل عبدالمحسن وهو يقول بتحذير : بتقومون ولا اكب الموية سامي وقّف وهو يقول : انا قايم يبه .. عبدالمحسن : بعدي .. وقّف عند راس عمر : عمر .. عمر .. قم عمر نايم رفع سطل المويه وكبّ جزء منه على وجهه عمر فز عمر من نومه مرعوب : وشو .. وشو وش فيه عبدالمحسن : فيه الصلاه يا العوج .. قم صل عمر حط يده على قلبه وبغضب : الله يلعــ..,, عبدالمحسن فتح عيونه : وشو .. عمر بتدارك وفيه كتلة من النوم : الله يلعني مانمت بدري عشان اقوم لـ الصلاة . عبدالمحسن : ايه .. قم قم ياالهيس قم وقّف عمر بتثاقل متوجّهه لـ دورات المياة سعود أخذ السطل : عطني باقي احمد وحمد عبدالمحسن : ليلك طويل اجل , هذولا موب قايمين الا لا فجّرت قنبلة فوقهم اخذ السطل سعود دخل لـ الغرفة وهو يقول : تقومون ولا اكب عليكم سطل الموية وقّف عند احمد : احمد .. اوحييييمد ... قم الصلاه رفع السطل وكبر جزء بسيط من الموية , واحمد ولا أثر فيه , الا انه يحك خدّه مكان ما الموية انكبّت سعود : يا اخوي انت وش نومك .. احمـــــــــــــد كب كل السطل فوق راسه واخيراً فتح عيونه بتثاقل : وش فيك سعود : تستهبل كبيت فوق راسك سطل مويه ولا حسيت ... احمد جلس على السرير وبنعاس : أي والله بللت تيشيرتي سعود حط السطل جنب احمد : يا بردك .. قم خلّص توجّهه لـ حمد حمد بسرعه : انا قايم .. اقرى كتابي تحت اللحاف سعود : يالله على صلاة الجمعة .. .................................................. . بعد صلاة الجمعة البنات جالسين جنب بعضهم وكلّهم وجيههم ما تسوى ريال من النوم القوي اللي لاعب في حسبتهم الجدّة ناظرت فيهم وهي تقول : تأخرتن عشر دقايق . البنات :................ الجدّة تلعب في اعصابهم : انتم نايمين هاه .. يبي لكم شي يصحصحكم .. شي فيه موية باردة تفتح عويناتن .. تبن تغسلن الصحون ؟ تغريد قافلة معاها : جده تستهبلين .. افنان ناظرت فيها وبغضب مكبوت : يمه الحين ربي ليه مسلطك علينا ؟ يختي خافي الله بننام شوي دلال : لا تزعّلون امي منيرة تغريد بغضب : ليال عرّي شعر السنعه ذي .. ليال ناظرت في دلال : قافلة معاها لا تسنّعين زياده دلال بسرعه : خلاص .. ورد ناظرت في جدّتها : يمه الله يعافيك لا تلعبين فينا اكثر وش تبين نسوي عشان نرجع ننام الجدّة لطيفة : اول قومي هاللي نايمة ورد لفّت على حسنا : قوميي .. حسنا ..قومي فتحت حنسا عيونها : خيير .. الجدّة لطيفة : روحن كلكن لـ المطبخ وحطّن نواشف لـ عييّلي وقطّعن الطماط والخيار والخس والجرجير لهم زين بعد ما تنظفنه وتنشفنه , وحطن لهم خبز وسون شاهي وحليب تغريد بـ اخلاق قافله : وش رايك نروح نغسل رجولهم ونومهم ونرجع ضحكت ليال بعد ما شافت كيف تغريد قافله معاها مره افنان تجاري تغريد : لا تغريد نجيب مهفة السلطان ونهف فوق راسهم لين يخلصون عشان ما يحترون وهم ياكلون ولا يعرفون ياكلون زين ورد تكمّل معهم : لا ونشيلهم ونحطهم قدام السماط عشان ما يمشون ويتعبون الجدّة بغضب : تتطنزن علي .. اشوف الضعوف يومنهم يودونك ويجبونكم ما قالوا شي حبيّبيني , وبعد خمس ايام بيعلقون الاضاحي وبيذبحون ولاهم بقايلين شي , ويجيبون لكم كل اللي تبونه ولا احد فتح فمه بكلمه .. وانتي ياراس الحيه تأشر على تغريد : تطنّزين عليهم وباتسر بتاخذين واحدن منهم تغريد هزّت راسها : اذا حجت البقرة على قرونها ان شاءلله لفّت على ليال وهي تأشر على جدتها : شفتي هذا اللي اقولك عنه الصبح ليال بهمس : ياويلي عنك اثرك عارفة وش بيصير الجدّة : قومن قومن خلصن , ولا سويتوا لـ عييّلي جيبوا لنا ولكم نفط عليها ورد : مبروك يا بنات .... الحمدلله امي لطيفة تذكرتنا.. تغريد وقّفت : امي لطيفة محسستني اني جاريه موب بنت ولدها الجدّة لطيفة : تغريد اعقبي ي أمي سمعتك توجّهوا لـ المطبخ ليال جلست على الكرسي وهي تقول : خلوا الخدامة تسوي , ميب منتبهم امي لطيفة تغريد جلست جنب ليال : أي والله موب منتبهه دلال بصوت هامس : حميده .. سوي فطور حق باب وعيال برا حمد : اوكي .. جلسوا البنات على الارض .. تغريد بحقد : امانه من اكثر خدامة وسخه بخليها تسوي لهم ضحكوا البنات من شكل تغريد اللي كان حاقد جداً دخلت نادين وهي تقول : يا دلّي شو هيدا .. شوا بتعملون هون يا صبايا صرتوا متل مخلّفات الحرب .. ورد : ماما لطيفة تبغانا نسوي فطور نادين سكّرت باب المطبخ وهي تقول بخوف : انتوا قلوبكم ماتت تخلون حميده تسوي الفطور والباب مفتوح انجيتوا هلا خالتي لطيفة بدا تموت عليكم تغريد : خاله نادين اثبتي لك على لهجة يا سعودي يا لبناني ورد وهي ترجّع شعرها على ورا: اضطراب هوية الحمدلله حسنا : ماما .. روحي بنجيب لك فطور نادين طلعت من المطبخ وهي تقول : خلوا الباب مقفّل عشان ما تدخل عليكم خالتي لطيفة .. غمّضوا عيونهم البنات , لحد ما تخلص حميده الفطور دلال : بالله ذي حاله الحمدلله بس تغريد : ماشاءلله وين اختفى السنع اللي قبل شوي عند امي ؟ .. ليال بـ ابتسامه ناعسه : ام وجهين يا بنات افضحوها منال جالسه معهم وكأنها مش جالسه .. تغريد وقّفت : لحظة لحظة وين مشاعل ؟ ليال مسكت يدها : اجلسي وش تبين فيها تغريد بغضب نخدّم على اخوانها وهي طال عمرها ما جت ورد : اجلسي مالنا خلق مشاكل معاها افنان : نايمة فوق .. تغريد : تقوم الله لا يهينها تشتغل دلال : خلاص خليها , بكره نقوّمها غصب تغريد جلست بغضب : ففففففففف ابي انام .. حميده : مدام تغريد .. خلاص فطور تغريد وقّفت : وديه لـ العيال يزحرونه حميده : اوكي طلعوا البنات متوجّهين لـ الجدة لطيفة اللي جالسة في الصاله وعليها نظاراتها وتقرأ من قرأنها الكبير رفع راسها وهي تقول : هاه قضيتن دلال : خلّصنا خلاص .. لفّت تغريد بتروح لـ الغرفة الجدّة لطيفة : لحظة تعالن تغريد لفّت على الجدّه شوي وتصيح : وش يمه .. ورد : يمه حراام نبي ننام نوم نوم الجدّة لطيفة : بسم الله اكلتنّي يا ها البنات , السوّاق جاب اغراض من بنده , روحن جيبنّها في مطبخ الرجال تغريد بجنون : والخدامات وين ؟ افنان ناظرت في تغريد : انتي فاهمة غلط حنا الخدامات الجدّة لطيفه : اعقبن .. تراددني روحن يالله تغريد ناظرت في ليال : امسكيني بس .. عشان ما افجر في نفسي ليال مكت تغريد وبـ ضحكة مكبوته : هدّي هدّي دلال ناظرت في جدّتها : يمه خلاص ابشري بنجيبها الجدّة لطيفه : شفتن العقل والذوق .. افنان تناظر جدّتها : طبعاً والرقي .. حسناء ناظرت في افنان : هذي موب اغنية افنان مالها خلق : اكمّل على التغزل الجدّة لطيفة توجّهت لهن وهي رافعه عصاتها : يالله ..شدّن الحيل روحن جيبن الاكياس ورد : بس يمه انتي مستوعبة درجة الحرارة في هالوقت كم ؟ الجدّة بدأت نصحها السنوي اللي في كل سنة كان يتكرر : وانا كبركم الوب في الصحاري لا مضلّات ولا اشجار تغطي راسي .. عجزانات تروحن تجيبن الاكياس والضلال مضلل عليكم وكل وحده في رجلها نعال طلعت تغريد لـ برا الفيلا وهي تقول : بنروح خلاص .. توجّهت لـ مطبخ الرجال وكل البنات لابسين اروابهم الطويلة بـ القبّعه .. ناظرت تغريد الاكياس : يالله شيلوا اخذوا البنات الاكياس ليال : حرر ياربي الجنّة ورد : شي شي ليال ناظرت في الاكياس : خضار .. استغفرالله تغريد بحرّه : انا لو مكانك قسم بالله لـ اجلس في دبي ليال تاجريها : مقرودة توجّهوا لـ الفيلا وبسرعه افنان ناظرت في البنات : بنات شوفوا من عند الباب تغريد رفعت حواجبها : ياجوج وماجوج ..معليش دلال وافنان و ورد و حسنا دلال : خذي راحتك ورد : عيشي حياتك طبيعي عادي توجهوا لـ الفيلا البنات اللي كانو واقف عندها أحمد ومالك وعمر مالك لف براسه لـ جهة البنات , ابتسم وهو يقول بصوت واطي : يالله حيهم أحمد بغضب : اسكت وخلّهم ينادون امي لطيفة مالك بسرعه : قل لـ اختك انت .. احمد بـغضب مستمر : اختي موب معهم عمر وجّهه نظره لـ دلال اللي ماكانت تناظر فيه احمد : عمر قل لـ اختك تنادي امي لطيفة عمر بصوت عالي : ورد وقّفوا البنات عند الباب وعليهم اروابهم الطويله وحاطين قبّعات الروب على شعورهم .. ورد بصوت واطي : عشان الفطور والله ردّت على اخوها : ايش مالك ناظر في ورد وهو يبتسم , و ابتساماته موزعه بين البنات كلهم افنان تأشر لـ مالك : هد اللعب هد عمر والشمس ساطعه في عيونه : نادي امي لطيفة نبيها تغريد بسرعه وبصوت هامس : لا .. بيقولون لها على الفطور اسالهم بسرعه ليش ورد : ليه ؟ | ||||
|
|
05-08-17, 04:50 AM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| عمر والشمس اقلقته توجّهه لـ فيلا الرجال وهو يقول : تصرف انت يا احمد ورد لـ البنات : امشوا ندخل احمد والغضب واضح على وجهه : نادوا جده لطيفة تغريد ناظرت فيه وهي رافعه حاجبها : ليه طيّب ؟ امي لطيفة نايمة احمد : من اللي مخلي الخدامات يسون الفطور ؟ ورد وتغريد رفعوا حواجبهم دلال بسرعه : بنات اشم ريحه هوشه خلونا ندخل تغريد بصوت هامس : لحظة ما بقى الا هو اخو مشاعل يتكلم تغريد ناظرت فيه : موب عاجبك ان الخدامات يسون لك شمّر عن اكمامك الله يعافيك وادخل المطبخ سو لك حنا موب خدم عند حضرتك نسوي لك , وفوق هذا اختك نايمة ولا تعاونا في شي .. لا بغيت تفطر فطور نظيف ادخل المطبخ انت .. قسم بالله شي يضحّك مالك لف على أحمد وبتميلح : من جد .. دلال : ماشاءلله يا مالك عيني عليك بارده مالك وهو يبتسم : انا عندي الرجل والمرأة نفس الشي مافيها شي لو تعاونا جميع أحمد ناظر في تغريد بنظرات غضب : احد طلب منك تتكلمين ؟ احد قالك سوي فطور ؟ نادي لي امي لطيفة احسن تغريد هزّت راسها بالنفي : لا ما احد طلب مني , بس لـ علمك يعني لو الخدم ما سووا فطوركم حنّا اللي بنسويه وانا اقول لك الحين لو تموتون ما سوينا لكم فطور .. ليال مسكت يد ليال وهي تقول بصوت واطي : هدّي هدّي وش اللي تقولينه تغريد توجّهت لـ فيلا الباب وهي تقول : يلا وخروا عن الباب الفيلا كلها بنات مالك ابتسم : ابشري أحمد والغضب واصل عنده حدّه وبصوت عالي : يــــــمــــــه لطيفه سكّرت تغريد الباب بسرعه : وجع دلال : بنات .. ترى احمد عيب شموس بخوف : والله عيبين .. حرام ما يقصر معانا لاجينا هنا ليال ناظرت في تغريد , بعدها قالت بـ مؤازرة لـ تغريد : بالعكس عادي ماعليك تغريد افنان ناظرت في دلال : واذا احمد خير ؟ دلال : عيب كبر سعود .. تقولين في وجه سعود هالكلام ؟ افنان : لا ماراح اقول طبعاً بس يعني يقهر تغريد وكأنها خافت من جدّتها : بس بنات خلاص .. خلونا نرقى وننام ولا كأن صار شي حسناء بنعاس : انا اقول بعد .. ورد بقهر : بنات ترى يقهر احمد , جاينا سلامات يبي يخلي امي لطيفة تهاوشنا .. توجّهت تغريد لـ الدور الفوقي وبصوت هادي : خلوه يتكلم , امي لطيفة تقرى الكهف ماراح تسمعه دخلوا البنات غرفهم وتسدحوا على الاسرّه , وجميعهم بدون استثناء دخلوا في نومه .. .. الساعه 5 ونص العصر فتحت عيونها ليال , شافت جوالها عدّلت جلستها : افف موب وقتك .. فتحت جوالها وطلّعت الشريحه بعد ما وقّفت نهائي .. ليال بصوت مسموع : تغريد ... دلال ... تغريد دلال فتحت عيونها : نعم .. تغريد بصوت ناعس : الساعه كم ؟ ليال وقّفت وهي تقول : اربع ونص .. قوموا تغريد رجعت غمّضت عيونها : يلا بقوم ... فتحت ليال اللمبات : يلاا توجّهت لـ دولابها , اخذت روب الحمام طلعت متوجّهه لـ دورات المياة تروّشت , طلعت متوجهه لـ الغرفة : يلا قوموا بنات .. طلعت دلال : طيب كلموا الخدامة تسوي لنا قهوة .. تغريد وقّفت بعد ما تأكدت ان لوراء لحد الآن نايمة : يلا بكلمها انا طلعت تغريد متوجّهه لـ دورات المياة سكّرت ليال الباب , لبست ملابسها بعد ما حطت كريم الترطيب على جسمها .. فستان ابيض دانتيل بـ اكمام طويلة ايضاً دانتيل مخرم , لحد فوق الكعب بـ سانتين , نشّفت شعرها وجلست على السرير تلبس حلقها دخلت دلال , انسدحت على السرير بنعاس : ياربي النوم في المزرعه يصير ملخبط تغريد سكّرت الباب : ما تنلامين يا ماما نايمه ثنتين الليل وقمتي معانا ورجعتي نمتي معانا دلال : ياااربييه قولي ماشاءلله تغريد : ماشاءلله توجّهت لـ الدولاب , اخذت فستان اسود طويل اوف شولدر فصّخت ملابسها ولبست فستانها دلال بسرعه : ايه هذي تطلقت وانهبلت ليال ضحكت : شكل أي وحده تتزوج ماعاد تستحي تغريد تعدّل فستانها : ليه استحي بعد منكم هذا اللي ينقصني والله استحي .. رفعت شعرها ذيل حصان .. وقّفت ليال وهي تعدّل شعرها , رفعته كله على فوق وطلّعت خصل جانبيه .. تغريد أخذت الكونسيلر حطّته على وجهها تخفي فيه البقعة الزرقا دلال وقّفت : بروح اجيب لبسي من افنان واجيكم .. حطّت ليال ماسكرا سوداء وروج احمر مات .. ناظرت في تغريد وهي تحط الكونسيلر .. جلست على الكرسي تناظر فيها .. تغريد بتفكير : ودي اسوي شي اسود في عيوني ليال : ارسمي آيلاينر .. تغريد هزّت راسها بالنفي : لا ودي احط اسود تحت عيوني وادمجه من فوق وتحت يطلع كذا كأنه سموكي بس مش ثقيل ليال : طيب سوي عشان ما نتأخر حطّت تغريد مكياجها .. ليال توجّهت لـ لوراء بعد ما سمعت صوتها الطفولي المخربط شالتها وهي تبتسم : صباح الخير .. صباح الخير يا بطه .. توك تقومين .. لوراء تضحك في وجهه ليال بـ كركره واضحه انطق الباب , دخلت جيسي : يس مدام تغريد : طلعي فستان لوراء الابيض .. وغيري لها ولبسيها وجيبيها تحت اخذت جيسي لوراء من ليال .. ليال اخذت جوالها وهي تقول : تغريد .. جوالي ماعاد تشتغل شريحته انقذيني لفّت تغريد : كيف ؟ ليال : اماراتيه شريحتي تغريد : خلاص ولا يهمك اروح انا وياك على الساعه 9 لـ موبايلي .. فيه فرع على الطريق .. ليال هزّت راسها : اوكي .. نزلوا البنات لـ الصاله وبدأو يتقهون وسوالفهم كل مالها تكثر ما تخلّص ورد بصوت عالي : بنااااااااااااااااااااااا ت ... ابوي يقول على الساعه 11 نجتمع علشان الهدايا السنويّة تغريد بوناسه : يا حلوه عمي عبدالمحسن ما يترك عادته ليال ابتسمت : وش هداياه ؟ حسناء : بابا كل عيد اضحى وفطر يجيب كيس كبير فيه هدايا , وكل وحده تدخل يدها تطلع لها هديّه .. ليال صفّقت بحماس : وناسه .. دلال: مرره يغير جونا مشاعل دخلت وهي تقول : هاااي .. بعض البنات : اهلين .. جلست وسطهم وهي تقول بملل : وش تسون تغريد ناظرت فيها : نسولف مشاعل : سويتوا لي امريكان كوفي ؟ تغريد ناظرت فيها : حنا نسوي لك قهوة امريكيه ولا نسوي لـ اخوك فطور ؟ مشاعل بـ انحراج : لا بس قصدي يعني مافيه ورد : انا جايبه معي .. في المطبخ تلقينها مشاعل : مالي خلق .. المشكله ما اداني اللي تشربونها الله يديم النعمة افنان ابتسمت في وجهها بـ تسليك : والله نحبها حنّا شموس بـ لطافه : اسوي لك ؟ مشاعل : ياليت .. بس بدون سكر شموس توجّهت لـ المطبخ : من عيوني ليال صدّت بوجهها عن مشاعل .. دلال : ياحلو شموس ليت فيه منها ثنتين حسناء : يختي هديّه رضيّه .. افنان ناظرت في ليال : يجنن فستانك مرره حلو ليال انبسطت : ايي معجبني من زمان ويمكن اربع مرات ادخل المحل محتاره اشتريه او لا تغريد ابتسمت : يجنن حتى رفعت شعرك حلوه معه ليال ابتسمت لها : انتي تجننين والله ورد ناظرت فيه : والله صارلي يمكن شهر ادور زيه .. صديقتي بتسوي حفله وتبغانا نلبس ابيض كلنا ولا لقيت فستان حلو يعني ليال بلطافه : خلاص اخذيه البسيه ورجعيه لي مشاعل ناظرت الفستان و بـ غيره مخفيّه : معجبكم لـهذي الدرجة .. عاد انا احسه عادي جداً وخامته تحسينها رديئة رخيصه .. بكم اخذتيه ؟ ليال بـ استفزاز : يعني اذا صار غالي بيكون كويس وخامته حلوه ورد بغضب وبصوت هامس : ياربي يا ثقلها على قلبي دلال : اسكتي شي شي .. دبس رمّان دمها قسم بالله مشاعل بسطيحه : آه يعني انتي ماخذته بـسعر رخيص متفشله تقولين عادي ليال رفعت حواجبها : من سيلف بورتريت اذا تعرفينه مشاعل ناظرت فيها وبفشله : موب واضح عليه افنان ناظرت في مشاعل : اول ماشفته عرفت انه من سيلف بورتريت .. واضح دانتيلهم .. شكلك ما تعرفين الماركة مشاعل بغضب سطحي : انا ما اعرف .. اذا انا ما اعرف مين يعرف يعني ليال ناظرت في ورد : ماعلينا , ورد اذا نزّلته بـ اوديه الغسيل وارسله لك ورد ارسلتها بوسه : شكراً يا قلبي تغريد ناظرت في مشاعل بـ استفزاز , جلستها تخرّب الجلسة بشكل ملحوظ .. تغريد لـ البنات : بنات بروح انا وليال لـ موبايلي نجيب لها شريحه ..تبون شي من برا دلال رفعت حواجه بـ لا .. ورد بتفكير : لا .. تقريباً كل شي موجود افنان : لحظة بنات وش تبون تعشون اليوم عشان تغريد تجيب الاغراض اذا كانت ناقصه ؟ من بتطبخ اليوم ليال بسرعه : انا انا بطبخ لكم اليوم حسناء : تعرفين ؟ ليال غمزت لها : افا علييك .. تغريد لفّت عليها : خلاص اذا في ناقص نجيبه من برا .. لبست تغريد عبايتها وطرحتها ليال اخذت عبايتها ولبستها , اخذت شنطتها : يلا طلعت تغريد وهي تتصل على العامل يجيب سيارة القولف ليال : تغريد موب لازم نقول لـ امي لطيفه ؟ تغريد هزّت راسها بالنفي : لا ما احد بيقدنا بسرعه بنجي توجّهوا لـ سيارة القولف بعد ما جابها العامل , ركبوا فيها متوجهين لـ البوابة نزلت تغريد بعد ما كلمت السواق سعود بصوت عالي : تـــــــغـــــريد لفّت تغريد : هلا سعود ليال لفّت براسها اتجاه الصوت سعود قرّب من تغريد : وين بتروحين ؟ تغريد : ليال تبغى شريحه سعود ناظر الساعه : ليه ما قلتي لي .. الله يهديك بتطلعين الحين بدون ما تقولين تغريد : قرّب موبايلي .. سعود طلّع مفتاحه من جيب ثوبه : حتى ولو .. حنا في منطقة مزارع لف على ليال ناظر فيها بعدها قال : وش المكياج هذا اللي في وجيهكم يا تغسلونه يـ تغطون | ||||
|
|
|
05-08-17, 04:51 AM
| #33 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تغريد بصدق : بتغطا كنت بس لين اطلع سعود : وهذي ليال عقدت حاجبينها .. تغريد بصوت واطي : خلها يا سعود تطلع كيفها .. سعود بـ انفعال وصوت مسموع : قولي والله تطلع بمكياجها هذا كني امشي واقول لـ الشباب تعالوا غازلوا حريمي .. ليال فرعت حواجبها بـ استغراب , حريمي .. تغريد بسرعه : خلاص اوص بقول لها خلاص ليال ناظرت فيه بطرف عينها وبصوت هامس : حريمي قال .. وجع تغريد ناظرت فيها : سمعتي صح ؟ يحتاج ارقّع ليال رفعت حواجبها بمعنى ما يحتاج سعود ناظر فيها : خلصوا تغطوا ليال أخذت طرحتها وحطّتها على وجهها سعود ناظر فيها : وجهك اوضح من الشمس .. كأنك ماتغطيتي ليال نزّلت طرحتها : وش اسوي يعني ؟ سويت زي ما تقول .. سعود رفع حاجبه : روجك كأنه لمبه .. امسحيه .. ليال صدّت بوجهها أستحت من وصفحه , طلّعت منديل من شنطتها ومسحت الروج وهي تحس فعلاً ان لونها اوفر , لكن ما انتبهت له وهو نبّهها وخلاها فعلاً تستحي من نفسها .. تغريد أخذت نفس وبقلّه حيله : انا وش اسوي فيك وفي اندفاعك هذا سعود رفع يده وضغط زر مفتاح التحكم في سيارته .. ليال بعد ما مسحت روجها , لفّت عليهم بعد ما عدّلت طرحتها تغريد ركبت السيارة ركبت ليال خلفها , شغّل سعود السيارة متوجهين لـ وجهتهم .. .. في الدكّه , كانت الجدّة لطيفة جالسه بين احفادها الشباب .. أحمد قرّب من الجدّة لطيفة : يمه ابيك بموضوع ؟ الجدّة لطيفه : امر يا ابوي احمد جلس قدّامها على طول : لا هو موضوعين الجدّة لطيفة : وش تبي ؟ احمد : اليوم جيتك عقب الصلاة ابي اكلمك لكن البنات عيّوا علي اكلمك الجدّة لطيفة : منهن ؟ ليه عيّن احمد : يا طويلة العمر اليوم يوم جيت افطر سالت الخدامة من مسوي الفطور قالت انا , وانا يمه تعرفينني ما اكل من الخدم ويوم جيت بـ اكلمكم عيّوا يخلوني اكملك وادق عليك ولا تردين الجدّة لطيفه بغضب : يا قليلات الادب .. منهي ؟ منهي اللي عيّت عليك احمد ناظر في امه : وحده .. تقول لي لا بغيت تاكل شمّر عن اكمامك وسو لط الجدّة لطيفة بغضب : قلي منهي وامصع اذيناتها الثنتين احمد رفع حواجبه : خلاص موب لازم اقولك منهي .. بس تكفين يمه تأكدي ان الخادمة موب هي اللي تسوي الاكل الجدّة لطيفة هزت راسها بقلّه حيلة : اوريك فيهن الهيسات .. احمد : ماعلينا .. الموضوع الثاني .. وهذا ركزي فيه الله يعافيك الجدّة لطيفة : وشهو .. احمد ابتسم : انا بتزوج .. الجدّة لطيفة بفرحه وضحت على وجهها المجعّد : يا فرحي بالخبر مابغيت يا ابوي احمد مازال مبتسم : خلاص عاد لازم نتزوج .. الجدّة لطيفة :ابد طب وتخيّر باللي تبيها وابشر من عيوني اخطبها لك احمد : الله لا يحرمني منك .. لكن انا خاطري في وحده الجدّة لطيفة ناظرت فيه : تغريد ؟ احمد ناظر في جدته بصدمة بانت على ملامحه : وش يدريك ؟ الجدّة ابتسمت : الحب يفضح , ويبان من العيون يا أوحيمد احمد : والله انك خطيره يا يمه .. الجدّة لطيفة ناظرت فيه : بس يا احمد تغريد مطلقه معها بنت احمد بسرعه : عادي .. انا ابيها يمه الجدّة ناظرت في احمد وبحزن : والله اني قايله لها احمد ابرك لك من سعد لكن الله يهديها .. احمد ناظر في جدّته : اللي مضى مضى .. الجدّة : تتكلف في بنتها يا احمد تغريد روحها في بنتها احمد بصدق : والله ان بنتها في عيوني ..هي وامها بس خليها توافق الجدّة : والله مدري عنها يا احمد .. تغريد ماصار لها فترة من تطلّقت والعده ثلاث شهور قدامها , يعني ماحولك زواج الا بعد ثلاث شهـ... احمد بسرعه : لحظة يمه شهرين واثنين وعشرين يوم .. موب ثلاث شهور الجدّة ابتسمت : ولا تزعل .. اللي قلتها .. احمد ناظر في جدته : اخاف ما توافق يمه وانا ان ما تزوجتها ما تزوجت احد غيرها وقّفت الجدّة لطيفة : الله يكتب اللي فيه الخير , لا تشيل هم وامك لطيفة وراك .. بتتزوجها ان شاءلهل احمد قبّل راسها : الله يخليك لي يمه .. توجّهت الجدّة لطيفة لـ الفيلا وهي تقول : ولا يحرمني من جمعتكم عساها دايمه .. ــــــــــــــ في الصالة ورد بصوت عالي : افننااااااااااااان قومي نتمشى افنان وقّفت وهي تقول : يالله .. ورد اخذت عبايتها وطرحتها : وبنمر على بابا عشان نشوف الهدايا قبلهم افنان بسرعه : اوص لا يجون كلهم دلال بصوت عالي : سمعت كلمة هدايا افنان : ياربي .. هذولا موب صاجين ورد توجّهت لـ الباب : ما نقول شي طلعوا متوجهين لـ جهة الاسطبل افنان : يعني انبسطتوا في باريس ؟ ورد : تقريباً .. انا ما احبها والله لكن ماما وبابا وحسناء وسامي انبسطوا انا هنا روحي افنان بصوت واطي : شوفي شوفي بسرعه مالك لفّت ورد اتجاه المكان اللي تأشر له حسنا مالك واقف جنب الخيل وهو يصور سناب : هذي الخيل اللي اقولها لك سا بيبي ارسل سنابه ورجع يكلّم : ...... الفروسيه سهلة ما يحتاج لها شي .... تبين اعلمك يا بيبي ....... ابشري من عيوني ....... الخيل لها فنونها يا عمري موب كل واحد اسمه فارس صار فارس .. يبي لها واحد يعرف يمسك الرسن زين يعرف كيف يهدي ويهيج الخيل .... ماعمرك سمعتي عن بطولتي في الخيل ؟ ...... السباقات اللي تطلع في القناة الاولى .. دايم يشارك فيها فرسي ......... افنان بضحكة : الحمدلله الله يشفيه .. ورد ضحكت بقوّة : ياربي .. اهم شي موب كل فارس يصير فارس افنان : لا كلّه يهون عند كيف امسك الرسن .. افنان بصوت عالي : مــــــــــــــــــــــــ ــالك .. قوّاك الله يا فارسنا مالك نزّل سمعاتها وسكّر جواله : تتصنتين يا حيوانه ورد تناظر فيه وتضحك مالك قرب منهم وبغضب : وش سمعتوا افنان : كل شي بيني وبينك .. مالك ناظر فيهم : موب عيب تتصنتون على اللي يكلمون ورد ناظرت في وهي تمسح اطراف دموعها من الضحك أبتسم مالك وهو يناظر فيها : ضحكتك ورد هزّت راسها : مره ... عطته ظهرها : يالله افنان ضحكنا كثير .. افنان ناظرت اخوها : صرت مهرج.. عيب مالك بغضب : طسي لا افقع وجهك ورد لفّت على مالك وهي تقول : المفروض انك ولد عمي صح ؟ مالك بـ استنكار : صح ؟ ورد وهي كاتمة ضحكتها : المفروض اني ادري عن بطولاتك اللي على القناة الاولى ولا مالك رفع حاجبه : يا ظريفه ضحكت افنان بصوت عالي : ياااربي لاا .. مالك وردت ضحكت بقوّة وهي متوجّهه لـ الفيلا : القناة الاولى .هههههههههههههه مالك أبتسم بعد ما اختفوا عن انظاره رجع اتصل في حبيبته رقم تسعين .. ......................................... في سيارة سعود , راجعين من موبايلي تغريد بهدوء : مفروض طلعتي بـ بطاقتك انتي رفعت ليال نظرها لـ سعود في المراية وهي تقول بسخريه : اثباتاتي مختفيه .. ونصها مقطّعه .. سعود ناظر قدّامه وهو يقول : لكل فعل ردّة فعل لفت تغريد على ليال : وش تقولين انتي ليال رفعت حواجبها بـمعنى ولا شي : ولا شي تغريد : اذا بغيتي تعبين رصيد لازم تحطين رقم هوية سعود قبل رقم البطاقة ليال : بحوّلها بـ اسمي اول ما ارجع .. تغريد : احسن لك بعد .. .. دخلوا المزرعه وتقفّلت بوابة المزرعه الكبيرة نزلت ليال من السيارة ليال : نروح مشي ولا نركب سيارة القولف توجّهه سعود لت العامل واخذ منه مفتاح السيارة ركب سيارة القولف : تعالوا .. ركبت ليال جنب تغريد في المقعد الخلفي .. توجّهه سعود لـ الفيلا أشر حمد بيده لـ سعود : وقّف سعود وقّف سعود ناظر فيه : وش تبي حمد ركب جنب سعود : وصلوني معكم .. سعود حرّك السيارة حمد : وين كنتوا رايحين ؟ سعود : لـ موبايلي نطلع شريحه .. حمد عقد حاجبه : لـمن ؟ ليال ناظرت في تغريد : نسينا ما جبنا اغراض العشا حمد لف عليها وهو يقول : انا اجيبها لك وش تبين ليال رفعت حاجبها : موب لازم بكرة نسوي سعود وقّف السيارة , ناظر في حمد وهو يقول : انزل كمّل كعّابي حمد بـ استنكار : ليه ؟ سعود وهو عارف خطط حمد كلها : احسن حمد نزل من السيارة وهو يقول : وشفيك منفّس سعود حرّك السيارة بدون ما يقول شي تغريد بـ استنكار : ليه نزّلته سعود بصوت هادي : بس .... وانتي لا تاخذين وتعطين معه واجد احسن لك .. ليال رفعت حواجبها بـ استنكار : يكلمني .. تغريد بنفس الاستنكار : مدري .. سعود من ؟ سعود وقّف قدام الفيلا وهو يأشر لـ ليال بعيونه : انتي .. افضل لك ما تتكلمين واجد مع العيال .. ولا تطلعين وانتي ما تدرين احسبي لـ خطوتك الف حساب قبل لا تسوين الشي .. ليال بسرعه : وش اطلع وانا ما ادري .. اذا تقصد امس ترى صدق ما كنت ادري .. وبعدين انا ما اخـ.. سعود ينهي الحوار : بكيفك .. انا اقولك وبس .. نزل من السيارة متوجّهه لـ فيلا العيال تغريد بـ استنكار من كلام اخوها قالت بسرعه : والله ما عمره تدخّل في البنات كذا ليال اخذت نفس : يالله .. تغريد بـ استغراب : تعالي تعالي .. ماعليك منه يمكن يفكر في شي ثاني ليال توجّهت لـ داخل الفيلا هي وتغريد .. توجّه لـ فيلا الرجال لكن غيّر مساره وعلى وجهه انرسمت ابتسامة : ملكة قلبي .. وش تسوين هنا الجدّة لطيفة : يا جعل قلبك يسلم .. ذبحنّي البنات بصجّتن قلت اجلس شويه في الدكّه جلس جنبها وهو يبتسم : تقهويتي ؟ الجدّة لطيفة : الحمدلله والشكر سعود : جعله عافيه .. انسدح وحط راسه في حضن جدته .. الجدّة لطيفة : لارجعنا الرياض ابغاك في موضوع سعود : قولي يا الغالية ؟ الجدّة لطيفة : لارجعنا ان شاءلله | ||||
|
|
|
05-08-17, 04:53 AM
| #34 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سعود : على خير .. دخل العم عبدالمحسن الدكّه وفي يده كيس كبير : وين البنات ؟ الجدّة لطيفة : داخل جلس مقابل لـ والدته , رفع جواله واتصل على ورد تجيب البنات الجدّة لطيفه : يازينك يا وبيّيي , مانسيت عادتك هذي عبدالمحسن ابتسم : ينبسطن فيها .. سعود ناظر في عمه : وش جايب هالمرّه ؟ عبدالمحسن : مكياج وعطور .. سعود ابتسم : والله يا عمي انك فاضي .. عبدالمحسن : وش ماخذين من الدنيا وانا عمّك , الواحد يوسع صدره ويوسع صدر اللي حوله اقلها يمكن ربك يكتب اللي فيه الاجر الجدّة لطيفة : الله يكتب اللي فيه الخير .. دخل العم صالح وهو يبتسم : اشوى اني لحقت قبل لا تبدأ توزع عبدالمحسن : وينك ادورك من اليوم ؟ العم صالح : يا ابن الحلال رحت لـ مكتبة جرير , اشتري لي جوال عبدالمحسن : ليه ؟ العم صالح : ابد ودي اغير اللي معي جلس بالقرب من والدته وحط جواله الجديد المغلف جانبه الجدّه لطيفة ابتسمت وهي تشوف البنات : ياربي لا تقطعنا من دخلتهن جنّ عدّل سعود جلسته دخلت تغريد وعلى وجهها ابتسامة : هدايا ورد جلست جنب ابوها : يالله بابا يالله .. عبدالمحسن : لحظة لين يكتملن البنات .. ليال بصوت واطي لـ تغريد : انا وش جابني معكم تغريد : اشش .. حسناء : يالله بابا افنان بحماس : وش هالمره يا عمي ؟ عبدالمحسن : تشوفون بعيونكم شموس ناظرت في الكيسة وبتخدمين : شكلها والله يعلم حلويات مشاعل ناظرت بطرف عيونها سعود وعلى وجهها ابتسامة عريض ناظر فيها رفع حاجبه , صد بوجهه يناظر عمّه منال واقفه أخر شي , تسترق النظر لـ سعود اللي ماكان منتبه لـوجودها دلال جت خلفهم : عسى ما بديتوا عبدالمحسن : اكتملتوا كلكم ورد : كلنا يالله .. عبدالمحسن ابتسم : بالدور يالله .. فتح الكيسه , اخذت تغريد هدّيتها وهي تبتسم : وااو عطر .. شكراً يا قلبي عبدالمحسن ابتسم لها : يالله اللي بعدها اخذوا البنات كلّهم هداايا ماعدا ليال اللي كانت واقفه اخر شي .. خلّصت الهدايا ابتسم عبدالمحسن : اعجبتكم كلّهم ردوا عليه بالشكر .. ناظرت الجدّة لطيفة في ليال , اللي كانت واقفه ومنزّله راسها وعلى وجهها ابتسامة خجولة العم صالح لف على الجدّة : ورا ما جاب لـ الضعيفة عبدالمحسن ناظر في ليال قال بسرعه : نسيت ان فيه فرد جديد في العايلة .. معليش يا عمّي ليال ابتسمت لـه , وهي عارفته سلّمت عليه أول ماجاء , وكان السلام عادي جداً : لا عادي .. معذور سعود ناظر في الكيس وهو يقول : يمكن فيه وانت ما انتبهت عبدالمحسن : على عددهم وقّف سعود متوجّهه لـ الفيلا , ونظراتها الخجوله ما غابت عن نظره ..كسرت خاطره , فعلاً منظر يكسر الخاطر , وكأنها ودها تختفي بعد ما انتهت الهدايا , جلس على الكرسي اخذ نفس عميق , مالك دخل فيها يا سعود .. مالك دخل ... شد على يدينه بقوّة , مالك دخل .. الجدّة لطيفة بصوت واطي لـ العم متعب : عطها الجوال .. عطها اياه وانا اجيب لك غيره العم صالح بسرعه : ابشري العم صالح أبتسم في وجهه ليال وهو يقول : عاد هديّه ليال اكشخ من هديّتكم كلكم .. توجّهت انظار البنات لـ العم صالح العم صالح اخذ كيسه الجوال وهو يقول : جواااال جديد .. ليال ابتسمت بسرعه : لا عمي شدعوه ما يحتاج .. العم صالح : خذيه هذا هديه من امي لطيفة لك موب مني ليال ناظرت في جدتها وهي تبتسم : والله ما يحتاج الجدّة لطيفة تناظر فيها , بعدها صدت بوجهها لـ ولدها عبدالمحسن اخذت ليال الجوال بحيا شديد جداً : شكراً .. بس ماكان يحتاج تغريد : وش عليك جوالك جديد دلال : غرت منّك .. حسناء ابتسمت : احلا هديه والله ليال قلب وجهها احمد وصوتها بالكاد يطلع : مره شكراً .. تغريد : يالله بنات مشينا لـ الصاله .. توجّهوا لـ الصاله بعد ما غابواا البنات عن انظار الجدّة ناظرت في عبدالمحسن بغضب : يوم انك تجيب لـ البنات ورا ما جبت لـ الضعيفة ؟ عبدالمحسن بصدق : والله يا يمه نسيت .. العم صالح : نسا يا يمه عادي .. هزّت راسها الجدّة بضيق : لا حول ولا قوة الا بالله , ثاني مره تصير حالها من حالهم لا جبتوا شي وقّف عبدالمحسن وهو يبوس راس الجدّة : والله ما انتبهت يا يمه العذر و السموحه الجدّة لطيفة وقّفت : مسموح .. يالله تصبحون على خير الاخوان : وانتي من اهله يمه ........ الساعه 2 ونص في بيت ابو محمد جالسه على البلكونه من اول ما صحت , وافكارها توديها وتجيبها , واخيراً ثبتت لها على قرار بوجهة نظرها ان هذا القرار هو الوحيد اللي بيغسل الذنب اللي ارتكبته من قلب جدّتها , وقّفت متوجهه لـ العلّاق اخذت عبايتها وطرحتها ولبتسهم نزلت متوجّهه لـ ملحق سلطان وقّفت عند الباب , طقّت الباب .. جالس عند التلفزيون بـ بنطلونه الابيض القطني وتيشيرته الاسود يشوف فيلم , وينظر صلاة الفجر .. و اكله اللي ما اكله كلّه على الطاولة اللي كلها علب بيبسي , والكنب كلّه عبارة عن ملابسه وثيابه .. لف براسه لـ اتجاه الباب , وقّف بسرعه بعد ما سمع صوت الباب ! من يطق عليه الحين ! فتح الباب وهو يقول بـ استنكار : الجوهرة الجوهرة ناظرت فيه بجمود : ابغاك في كلام سلطان بنفس الاستنكار : كلام .. جايتني هنا الساعه 2 ونص وتبيني في كلام ؟! الجوهرة عطته ظهرها : تعال الحديقة .. سلطان بـ نفس الاستنكار الممزوج بغضب خفيف : الجوهرة انجنيتي ؟ الجوهرة لفّت عليه : يمكن .. لا تطوّل تعال توجّهت لـ الحديقة , جلست على الـكرسي تنتظر جيّته , ماكانت مجهزه كلام ابد , ولا عارفه وش بتقول بالضبط .. رفعت راسها بعد ما حسّت بجيّته ناظر فيها وهو يقول بغضب خفيف : وش تبين ؟ انتي تدرين لو قام عمّـ... قطعت كلامه : تتزوجني ؟ انـــــــــتـــــهــــى | ||||
|
|
|
07-08-17, 08:08 AM
| #35 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الخامس الساعه 2 ونص في بيت ابو محمد جالسه على البلكونه من اول ما صحت , وافكارها توديها وتجيبها , واخيراً ثبتت لها على قرار بوجهة نظرها ان هذا القرار هو الوحيد اللي بيغسل الذنب اللي ارتكبته من قلب جدّتها , وقّفت متوجهه لـ العلّاق اخذت عبايتها وطرحتها ولبتسهم نزلت متوجّهه لـ ملحق سلطان وقّفت عند الباب , طقّت الباب .. جالس عند التلفزيون بـ بنطلونه الابيض القطني وتيشيرته الاسود يشوف فيلم , وينظر صلاة الفجر .. و اكله اللي ما اكله كلّه على الطاولة اللي كلها علب بيبسي , والكنب كلّه عبارة عن ملابسه وثيابه .. لف براسه لـ اتجاه الباب , وقّف بسرعه بعد ما سمع صوت الباب ! من يطق عليه الحين ! فتح الباب وهو يقول بـ استنكار : الجوهرة الجوهرة ناظرت فيه بجمود : ابغاك في كلام سلطان بنفس الاستنكار : كلام .. جايتني هنا الساعه 2 ونص وتبيني في كلام ؟! الجوهرة عطته ظهرها : تعال الحديقة .. سلطان بـ نفس الاستنكار الممزوج بغضب خفيف : الجوهرة انجنيتي ؟ الجوهرة لفّت عليه : يمكن .. لا تطوّل تعال توجّهت لـ الحديقة , جلست على الـكرسي تنتظر جيّته , ماكانت مجهزه كلام ابد , ولا عارفه وش بتقول بالضبط .. رفعت راسها بعد ما حسّت بجيّته ناظر فيها وهو يقول بغضب خفيف : وش تبين ؟ انتي تدرين لو قام عمّـ... قطعت كلامه : تتزوجني ؟ ناظر فيها بصدمة بانت على ملامح وجهه , قال بـ ملامح مصدومه : وش قلتي ؟ الجوهرة ناظرت فيه : سمعت الكلام اللي امس كنتوا تقولونه انت وجدي .. تبغى الصراحه عوّرني لانه عوّر جدي ولانه من جدي .. سكتت شوي , كمّلت كلامها : ادري .. طلبي قليل الادب .. واعرف انه رخيص .. واعرف زين اني في نظر جدي عاله ويدوّر لها احد يشيلها عن قلبه .. يناظر فيها مصدوم من كلامها , ماهي الجوهرة ابد , ولا طريقة كلامها , الشي اللي يعيشه الحين كأنه شي خيال , شي ما ينتصدق .. الجوهرة ناظرت فيه : ليه مصدوم ؟ المفروض انك تنصدم صح , لاني انا قلت هالكلام .. لكن .. ماطلع مني هالكلام الا بعد تفكير .. انت مديون لـ جدي , وتبغى تريحه , واللي بيريح جدي هالايام اني انزاح من على قلبه عشان ما يشيل همّي سلطان واخيراً نطق : لا تظلمين جدّك الجوهرة وصوتها وضحت فيه الرجفه : لا تخاف .. ما ظلمته.. جدي بالنسبة لي انا موب شي عادي , لانه لو كان في يوم من الايام شي عادي , عمري ما سويت بنفسي اللي جالسه اسويه واقوله , تحسب اني .. تحسب ان الكلام اللي اقوله سهل , يطلع منّي بالموت يالله جمّعت نفسي عشان اقوله .. سلطان جلس على الكرسي مقابل لها : انتي في وعيك ؟ الجوهرة هزّت راسها وبنفس الرجفه : ما الومك .. لو سألت انا في وعي او لا , لكن انا واعيه زين وفاهمة اللي اقوله لك .. سلطان هز راسها بالنفي : ما انتي بواعيه لأن الكلام اللي تقولينه ما فهمتيه الجوهرة بنفس الرجفه :.. تزوجني .. فاهمته .. سلطان ناظر فيها بعدم استفهام : وليه اتزوجك ؟ الجوهرة نزّلت راسها والكلام يطلع منها كأنه ينسحب سحب : لأنك .. انت الانسب .. و .. لان جدي يحبك ... ولان .. ماعندي الا انت وقّف سلطان وهو يقول بغضب : بنسى كلامك اللي قلتيه لأنك موب في وعيك .. راجعي نفسك وفكري باللي قلتيه الجوهرة وقّفت بسرعه : انتظر .. انتظر... سلطان وهو ماهو مصدق ابد اللي هو فيه : انتي انجنيتي ماعاد في راسك عقل الجوهرة سكتت شوي , بعدها ناظرت فيه : لا والله .. لكن .. كلام جدي هو اللي جنني .. انت في رقبتك معروف لـجدي سدد دينك له وشلني من على قلبه , وانا .. .. وانا ... سلطان لف براسه بمعنى ايش الجوهرة بعد ضغط على نفسها شديد : سو اللي تبي ..عيش حياتك بكيفك ماراح الزمك فيني .. سلطان بذهول من كلامها : انا ما صدّقتك الجوهرة ناظرت فيه وبنظرات راجيه : انا صادقه ..والله صادقه صد بظهره وهو يقول : انـــجـــنــــيتي الجوهرة بسرعه : سلطـــــــان .. سدد دينك تكفى .. ناظر فيها , يتأكد من صدقها , ما كان متوقّع انها ممكن تطلب طلب مثل هذا الطلب , صدمه طلبها اكثر من أي شي في حياته ناظر ساعته بعد ما سمع صوت الاذان الجوهرة بـ نفس الصوت الراجف : سلطان والله العظيم وفي هذا الاذان انا واعيه لـ اللي اقوله .. سلطان و بـ اسلوب جاد : انا بنسى اللي قلتيه كأنك ما قلتيه ولا بذكره حتى مع نفسي , وانتي ارجعي واصحي وفكري انتي وش سويتي .. لف براسه لها , ناظر فيها وتوجّهه لـ ملحقه مصدوم من اللي تسويه الجوهرة .. جالسه في مكانها مشبّكه يدينها في بعضها , تناظر قدّامها وهي حاجره في عيونها كُل دموعها ..احمرّت عيونها وكأنها تبغى تنزّل الدمع اللي فيها ...................... | ||||
|
|
|
07-08-17, 08:09 AM
| #36 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في المزرعة . . . ليال صرخت بصوت عالي : والله انك غشاشه داسه ام اربع تحت رجولك تغريد بسرعه : ما دسيت ولا شي ... دلال : ارفعي رجلها تلقين مخزن ام اربع ورد بصوت هادي : بتزعجون اطلعوا تكفون لا تقوم ماما لطيفة تشرشحنا .. ليال نطلت الاوراق : غشاشه ضحكت تغريد بعد ما طلّعت من تحت رجلها اوراق كثيرة رفعت حواجبها تقهر البنات : من اليوم اسحّب فيكم وانتوا ضعيفين افنان نزّلت سماعاتها : وش فيكم ؟ تغريد غاشه من جديد .. ليال وقّفت متوجّهه لـ الكنبة : اثرها معلمه في الغش جلست على الكنبه وحطّت لوراء في حضنها : والله لوراء مصحصه عشان تنام يبي لها وقت تغريد : ياربييي .. لااااا ليال وقّفت : بطلع ادور انا وياها البطه .. تغريد هزّت راسها : خذي مصاصتها معك ليال اخذت مصاصتها وتوجّهت لـ خارج الفيلا جلست على الـكرسي حطّت لوراء على الطاولة وهي تقبّص خدودها : ياربي .. ليه خدودك كبيره لييه .. ماشاءلله .. حطّت لوراء يدينها الصغيرة على وجهه ليال .. .. راجعين من المسجد أحمد : انا اقول نجيب قصّابين يا اخوي ما اداني ريحة الدمّان ادوخ سعود ضربه على كتفه : استرجل ... وش اللي ادوخ من ريحه الدمّان أحمد شايل هم : يا اخوي تكفى .. فك امي من موضوع الذبح كل سنه تذبح عني اذبح هالمره سعود : دبّر عمرك .. احمد : سعود دبّرني.. سعود ولا كأن احمد يتكلم : والله اني جوعان .. احمد اشر بيده لـ الطاولة : هذي بنت اختك تغريد لف سعود اتجاه الطاولة ابتسم : ايه .. احمد ابتسم : تكفى جبها بـ ابوسها سعود ناظر فيه: لازم ؟ احمد : خلّص جبها .. توجّهه سعود لـ الطاولة قال بـ صوت مسموع : عطيني لوراء شوي لفّت ليال بفزع : بسم الله .. انت كيف تمشي بدون ما تطلّع صوت حطّت يدها على قلبها .. سعود توجّه لـ لوراء : وش تبينني اطلع صوت مره ثانية ؟ ليال صدت بوجهها : امها معطيتني اياها ما اقدر اعطيها احد سعود رفع حواجبه بـ استنكار : انا خالها .. ليال وقّفت وشالت لوراء : ادري خالها لكن ما اقدر الا اذا امها قالت عطيه سعود بـ استنكار من حركتها : هاتيها .. وش اللي ما اقدر اعطيك الا اذا امها قالت عطيه .. ليال توجّهت لـ الفيلا وهي تقول : اتصل عليها ما اقدر .. سعود : لــــيـــــال .. تجاهلت نداءه دخلت وهي تقول لـ تغريد : تغريد سعود كان يبي ياخذ بنتك منّي تغريد وهي تلعب : عطيه .. ليال : عيّت .. قلت امها معطيتني اياها استأذن منها تغريد لفّـ عليها بـ استغراب : خالها شفيك .. ليال رفعت كتوفها : مدري .. احتياط رن جوال تغريد ردّت وهي تقول : هلا سعـود سعود بـ امتعاض : جيبي بنتك برا جيت باخذها قالت بنت عمّك لا تاخذها لين تقول لـ امها تغريد عضّت لسانها وهي تناظر في ليال : ايي ايي .. انا قايله لها عشان .. عشان ما يمسكون بنتي العيال خدودها حمراء من الاكزيما .. سعود : هاتيها طيب .. يبي يبوسها احمد تغريد رفعت نظرها لـ ليال غمزت لها وهي تقول : ليال ما ادري وينها .... اخذت بنتي وراحت ليال ناظرت فيها : هذي بنتك انا هنا تغريد نزّلت جوالها وبصوت واطي : يعني ما اشوفك ..اششش رفعت الجوال : سعود ... بكرة ان شاءلله .. سعود بـ عناد : جيبيها الحين ... خلصي تغريد وقّفت : ما ادري وين ليال ليال بسرعه وبصوت واطي : تغريد تكفين لا تورطيني .. ورد لـ افنان : وش فيها ؟ افنان : مدري .. سعود يكلّم تغريد : دوريها .. وين بتطس يعني .. يا فوق يا في أي مكان تغريد بكذب : اختفت .. سعود بـ صدق : تغريد والله لـ ادخل الفيلا ادورها .. خلصي قهرتني الحيوانه اقول لها هاتيها انا خالها عيّت تغريد ابتسمت لـ ليال : خلاص عاد بكره تشوفها سعود رفع حواجبه : الحين .. خلصي .. تغريد تأفأفت وهي تقول : لا تخلي احمد يبوس بنتي في خدّها ترى فيها اكزيما دلال ضحكت بصوت مسموع : كل هذا التعب واخرتها بتطلع بنتها ليال ناظرت فيها : وحطتها في راسي .. يا حظ ليال الاقشر نزّلت تغريد جوالها وهي تقول بـ حلطمه : يقول طلعوها ولا بدخل ادو ليال ليال بسرعه : موب من جدّه .. دلال ناظرت في ليال : وانتي مالقيتي الا سعود تعين تعطيه ليال .. ليال رفعت كتفوها : مدري بس لازم استأذن من امها | ||||
|
|
|
07-08-17, 08:09 AM
| #37 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ورد ناظرت ليال : تراه غير عن العيال الباقين , هذا لازم تحترمينه غصب عنّك ولا بتقوم عليك القيامة من كل العايلة ليال بحلطمه : وش اسوي .. تغريد لبست عبايتها وطرحتها : عطيني لوراء دلال : هييه وين ؟ تغريد : بطلع اخلهم يسلمون عليها وبرجّعها بسرعه ... ليال تعالي معي ليال جلست : لا والله .. تبينه يجلس يناظر فيها ويحاربني نفسياً انتي ادرى بنظرات اخوك تغريد : يا شينك كلهم ما لبسوا عبايتهم امانه تعالي ليال وقّفت : يالله الشكوى على الله .. توجّهت تغريد لـ خارج الفيلا وهي شايله بنتها , ماسكتها بيدينها الثنتين من بطنها .. .. أحمد : كان ما اصريت تجيبها عادي يا ابن الحلال سعود وهو يفتح ياقه ثوبه العلويه : خلّها تجيبها .. احمد : يا شينك لا عنّدت .. سعود رفع حواجبه : اقولها عطيني تقول امها ما سمحت ضحك احمد بصوت عالي : هذا بلا ابوك يا عقاب اجل .. سعود ناظر فيه بطرف عيونه : اعقب اعقب ... جت تغريد ومعاها ليال خلفها تمشي بشويش .. أحمد ناظر في تغريد اللي جايه وعاقده حواجبها وكأنها غضبانة .. تقدّمت تغريد لـ اخوها وليال واقفه خلفها .. سعود ناظر في ليال وهو يقول : موب معجبك اني اخذها ولا ليال بسرعه : ما قلت .. بس عشان امها وش يعرفني تغريد ناظرت في احمد وهي تقول : ايي انا قايله لها عشان ما احب احد يبوس بنتي .. اخذ سعود لوراء وهو يبوس خدّها : احمد يبيها .. تغريد ناظرت في احمد , حطّت يدها على خصرها واقفه تنتظره .. احمد اخذ لوراء وهو يبوسها , ناظر في تغريد اللي واقفه ويدها على خصرها وعاقده حواجبها لف على سعود وهو يقول : شكل موب عاجب اختك اني ماخذ بنتها سعود رفع حواجبه : لا لا .. احمد ضحك وهو يقول : كأنها ماسكه العصا بتطقّني تغريد ابتسمت بـ تسليك : لا ابد .. ليال ضحكت وهي تناظر في وقفت تغريد احمد عطا سعود لوراء وهو يقول : لو اني امسك لوراء زيادة فجّرت فيني .. امسك بنتكم سعود اخذ لوراء وهو يبتسم : عشان فيها اكزيما .. بس احمد هزّ راسه وهو يقول لـ تغريد : الله يخليها لك ان شاءلله تغريد ابتسمت بـ تسليك .. توجّهه احمد لـ الفيلا وعلى وجهه ابتسامة غريبة .. سعود ناظر في ليال : قربي تعالي .. ليال اشرت على نفسها : انا سعود بنرفزه : انتي ليه كل شوي تقولين انا انا .. من اكلم غيرك هنا .. ليال وقّفت مكانها , رفعت حواجبها تناظر فيه تغريد اخذت بنتها وهي تمسح خدودها : وع ... يا ويلي عن خدود بنتي سعود وهو يأشر لـ ليال بعيونه : قولي لها .. وفهميها اني خالها ليال ناظرت فيه وبصوت مسموع : اسمي ليال , موب قولي لها , فهميها .. عطته ظهرها وتوجّهت لـ الداخل وهي تتلحطم بصوت واطي : وجع .. .. سعود لـ تغريد بصدق : قليلة ادب .. تغريد هزّت راسها بالنفي : لا .. حرام .. سعود توجّهه لـ الفيلا وهو يقول : طيب ادخلي .. توجّهت تغريد لـ الفيلا دخلت وهي تقول : بنات .. تكفون مناديل معطره دلال : ليه تغريد بصدق : بمسح خدود بنتي ورد نطلت عليها شنطة لوراء : ليه تمسحينها تغريد بقرف : باسينها العيال ضحكت ليال بصوت مسموع : والله انك مجنونه تغريد مسحت خدود بنتها . دلال : تغريد حرام فيها اكزيما .. تعوّرها المناديل تغريد : مافيها اكزيما .. اكذب مابي العيال يبوسونها .. بس اخذوها غصب .. بكت لوراء بصوت عالي تغريد بسرعه : خلاص .. خلااص ... ياربي لا تصيحين خلاص ..... ليال سكّرت اذانها : ..... دلال بسرعه : عطيها جوالك عشان تسكت .. عط تغريد جوالها لـ لوراء : اشش يا ماما اشش .. بس جلسوا البنات لحد الساعه خمس , توجّهوا لـ غرفهم عشان ينامون .. ليال وهي منسدحه على سريرها : بنات .. فيه مسبح هنا صح ؟ تغريد : ايه .. في الجهة الثانية دلال بهدوء : ودي اسبح والله بكره .. ليال : في خاطري اغطس رجولي تغريد : بس .. ليال : ما اعرف اسبح حدّي اغطس رجولي تغريد : اعلمك بكره ولا يهمك ... تغريد : بس استأذنوا من ماما لطيفة اول ترى تعصب لو رحنا المسبح ولا قلنا لها دلال بصوت واطي : خلاص قولي لها ليال بكره .. ليال ابتسمت : على اساس انا امون على ماما لطيفة زيكم .. صعب دلال لفّت لـ الجهه الثانية بضيق : حنا لو قلنا لها بتعيي تقول خلوه اخر الايام ليال : شمعنى يعني ؟ دلال تكمّل بهدوء: مدري وش الحكمة .. امانه قولي لها في خاطري اسبح ليال برفض هنائي : مستحيل .. دلال : امانه عشان خاطري والله بتوافق والله .. ليال هزّت راسها بالنفي .. كمّلوا البنات اقناع في ليال انها تكلم الجده لطيفة بموضوع السباحة .. .......................... الساعه 2 العصر .. فتحت ليال عيونها وبصوت ناعس : بنات ... قوموا الساعه ثنتين ونص .. فتحت دلال عيونها : ثنتين ونص ... تغريد جلست على السرير , رفعت جوالها : ثنتين ونص .. دلال : غريبة ماما لطيفة ما قومتوا نسوي الفطور تغريد وقّفت متوجهه لـ دورات المياة : يمكن سوته هي , امس كانت مشغوله تقرى سورة الكهف رفعت ليال شعرها وقّفت وتوجّهت لـ دورات المياة .. ........ في الدور التحتي في الصاله نادين بشرح لـ العمّات وزوجة العم : ما توجع .. يدخل الابره من هو تحت حاجبك ويرفع لك حاجبك بيشدو .. وضحى : انتي سويتي يا نادين ؟ نادين : كيف احافظ على جمالي بدونهم اكيد .. سارة بطرف عينها : وين سويتيها ؟ نادين : اخر مره سويتها في باريس ... هو في كتير دكاتره شاكرين بيعملون فلر وبوتكس العمّه نجلاء : تكفين اجل اذا رجعنا لـ بيوتنا بروح انا وياك نسوي نادين هزّت راسها : اوكي .. بيعطي منظر كتير حلو وضحى : خذوني معكم بسوي نادي : خلص بس نرجع بحجز موعد ونروح .. تجي معنا سارة سارة : لا ما ابي ... دخلت تغريد وخلفها ليال ودلال , و ورد دلال : غريبة ماما لطيفة ما قومتنا .. من سوا الفطور اليوم نادين ابتسمت : انا قلت لها ما تصحيكم ... سمعتكم امس مانمتوا الا متأخر انا اللي ساويته .. ورد ابتسمت : يا عمري يا ماما .. جلست ليال وهي تقول : البنات ما قاموا ؟ ورد جلست جنبها : شوي و يقومون .. جلست تغريد في الزاوية : بقول لـ الخادمة تحط نواشف تبون ؟ ليال هزّت راسها : جوعانة .. دخلت الجدّة لطيفة وهي تبتسم : مااشاءلله تغريد وقايمة بدري .. لا اله الا الله تغريد ابتسمت تجاريها : قلت والله ما اخلي امي لطيفة تجلس بدوني جلست الجدّة لطيفة وهي تجاري تغريد : اعرفك يا بنتي ما يحتاج تقولين .. دلال ناظرت ورد : قولي .. خلصي كلها رايقه ليال بسرعه : لا لا .. خايفه لا والله دلال بصوت عالي : ماما لطيفة .. ليال تبي تقولك شي ليال ناظرت في دلال بسرعه وبصوت هامس : حسبي الله .. الجدّة لطيفة ناظرت في ليال بمعنى وش تبغين ؟ ليال بصوت واضح على التوتر : عادي .. نسبح فيي .. المسبح .. واذا ما تبين عادي .. نجلس لين اخر الايام ونسبح عادي .. خلاص بنجلس لين اخر الايام ونسبح تغريد حطت يدها على راسها : وش تقولين انتي دلال بصوت هامس لـ : يا عزتي لنا عز الله سبحنا .. الجدّة لطيفة هزّت راسها برضى : اسبحن .. مافيه مشكلة تغريد ابتسمت : الله لا يحرمني منك الجدّة لطيفة : انا داريه انك راس الحيّه اللي مشيشتهم بس مافيه مشكله .. .... في بيت ابو محمد سهرانة من امس الفجر بعد اللي صار بينها وبين سلطان ما قدرت تنام تحس فيه شي منها نقص كثير .. دخلت قمره وهي تناظر الشناط اللي الجوهرة جالسه تقفل فيهم قمره بخوف : وش هالشناط يا الجوهرة الجوهرة وقّفت وهي تسكر الشناط الباقيه : بروح لـ بيت خوالي بسكن عنده قمره بصدمه : وش هالكلام اللي تقولينه .. انتي انجنيتي ... الجوهرة توجّهت لـ لابتوبها وحطته في شنطتها متجاهله كلام قمره قمره اخذت شنطة اللابتوب من الجوهرة وهي تقول : انتي انهبلتي .. خلاص ماعدتي تفرقين بين الصح والخطأ توجّهت الجوهرة تلم باقي اغراضها بدون ما ترد على قمره ... قمره وهي خلفها : اكلمك ردي علي .. جالسه تخطين اكثر من المره اللي قبلها ركزي باللي تسوينه لفّـت الجوهرة عليها وهي تقول : وين الخطأ .. مافيه خطا ولا جالسه اسوي خطا .... لو سمحتي يا قمره لو سمحتي اطلعي من غرفتي خليني اخلص شغلي قمره : ماراح اطلع وانتي جالسه تشيلين اغراضك .. الجوهرة توجّهت لـ عبايتها أخذتها وهي تقول : خلي الخدامات ينزلون الاغراض قمره وقّفت قدامها : ماراح اخليهم ينزلون شي الجوهرة وهي كاتمة الف شعور وشعور : قمره , لا تنرفزينني .. اللي فيني يكفيني .. | ||||
|
|
|
07-08-17, 08:11 AM
| #38 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| قمره بضيق : والله خطأ اللي تسوينه الجوهرة طلعت من الغرفة متوجّهه لـ الدور التحتي بعد ما اخذت شنطتها الصغيره , تاركه باقي الاغراض .. قمره ركضت وراها : لحظة .. جدك تحت يتغدى ومعه سلطان .. لحظه يا الجوهرة نزلت الجوهرة ولا كأنها تسمع كلام قمره .. جالس على طاولة الطعام , نفسه مسدوده ماهو قادر ياكل بسبب اللي صار امس ابو محمد : وراك ما تاكل يا سلطان سلطان : اكل الله يطوّل لي في عمك لف ابو محمد اتجاه الدرج وهو يشوف الجوهرة نازله ومعاها شنطة صغيره تسحبها في يدها ابو محمد بصوت هادي : على وين ؟ رفع سلطان نظره لـ اللي واقفه قريب من الدرج و معاها شنطه سفر , ناظر في الشنطة وبعدها صد بوجهه .. ابو محمد وقّف وهو يستند على عصاه : وش اللي معك يا الجوهرة الجوهرة ناظرت في جدّها : بروح اعيش عند خوالي ابو محمد بـ صدمه : اعيش ؟ .. وين تعيشين .. الجوهرة نزّلت نظرها من على جدها : عند اهلي .. خوالي .. ابو محمد والغضب سيطر عليه : والمكان هذا وشهو ؟ عشان تروحين تسكنين عند خوالك , ديكور ؟ الجوهرة سكتت تناظر في شنطتها ابو محمد بصوت عالي : خلاص ... ماتبين تسكنين عندي ؟ عفتيني الجوهرة بصوت راجف : انت اللي عرفتني اول رفع راسه سلطان على كلمتها , راجي الله انها ما تتكلم بالكلام اللي امس سمعه منها بخصوص جدّها , ابو محمد ما يقدر يتحمل وقّف متوجّه لـ ابو محمد وهو يقول : ارتح يا عمي وتفاهموا بهدوء سلطان وجّهه نظره لـ الجوهرة : بس .. ابو محمد : انتظر يا سلطان .. ابو محمد ناظر في الجوهرة : متى عفتك يا الجوهرة .. الجوهرة وقدرتها في انها تحط انظارها في انظار جدّها انهدمت : عفتني .. وبس ابو محمد بـ انفعال : تكلمي قولي متى عفتك .. الجوهرة ناظرت في جدّها : متى عفتني .. قبل امس .. الساعه 12 ونص ... عفتني .. و .. وانت تعرف الباقي ابو محمد وهو ناسي بالفعل : لا تقولين نص الكلام وتسكتين .. تكلمي سلطان بخوف على ابو محمد : هد يا عمي .. هد .. ابو محمد توجّهه لـ الجوهرة وهو يقول بـ انفعال : عقب ما كبّرتك و ربيتك ... بتتركينني وبتروحين لـ خوالك تعيشين عندهم .. ليه ذبحتيني بالحيا ؟ قصّرت عليك بشي ؟ وش سويت لك يالجوهرة ؟ يا كثر ما صبرت عليك وانا جدّك , يا كثر ما صبرت على همّك يا الجوهرة , يا كثر الايام اللي ما نمت فيها عشان تنامين .. والحين وانا جدّك جايتني تقولين بتعيشين عند خوالك الجوهرة وعيونها مليانة دموع : هذاك عقب كل هذا تبي تشيل همي من عليك .. تبين تزوجني واحد يشيل همي .. هذاك ترحّم على ابوي يوم انه مات وتركني في حجرك ... هذاك يبه عقب غلطه صغيرة سويتها .. تغيّرت علي ولا كني اسوا شي عندك ... خليتني .. خليتني اسوي شي انا ما كنت ابي اسويه .. ناظر فيها سلطان بنظرات هجوم , ما كان راضي باللي تسويه في جدّها , ابو محمد عقب كلام الجوهرة ممكن يطيح .. لكن ماهي مراعيه اللي فيه جدّها .. ابو محمد هز راسه وهو يقول : وانتي صدقتي .. سمعتيني وانا اتكلم وصدقتيني ... الجوهرة وعيونها ماهي قادرة تنحط في عيون جدّها : صدقتك يبه .. لأنك طول عمرك تقول اني انا احسن بنات الجماعة اليوم .. صرت انا ارداهم ...اعرف اني اللي سويته يخالف التقاليد والعادات اعرف اني غلطت .. لكن غلطي ما كان يستحق كل هالكلام .. تعرف يبه .... والله العظيم بسبب كلامك انا سويت شي دعست على نفسي فيه صرت ما اساوي الارض والله ما اساويها , طرحت من عين نفسي .. ناظرت في سلطان , صدت بعيونها بسرعه لـ الارض الجد هز راسه و وهو يتكأ على عصاته : روحي .. كانك ماتبين العيشة عندي روحي .. حافظ الله .. الجد : سلطان .. وصلّها لـ بيت خوالها .. الجوهرة بسرعه : لا .. بروح بلحالي .. الجد توجّهه لـ المكتب وهو يقول : خذها ودّها .. اقلها اتطمن دخل الجد مكتبه وسكّر الباب عليه سلطان بغضب شديد : وش اللي سويتيه .... انتي انجنيتي .. عمّي ما يتحمّل الكلام اللي قلتيه .. الجوهرة توجّهت لـ الباب متجاهله كلامه : ما يحتاج توصّلني . سلطان بصوت عالي غاضب غير مدرك لـ الموقف : ومن قال اني بـ أوصّلك ... يا قو قلبك يا شيخه نطلتي الكلام اللي مثل السم و رحتي ... ناظرت في و بصوت راجف : انتبه لـ جدّي سلطان بغضب : عقب وش .. تكلمي عقب وش .. الله يستر عليه .. ليت ربي رحمه ولا عطاه ولد يجيب له بنت توقف في نحر جدّها مثلك الجوهرة ناظرت وبصوت مسموع راجف : تجرأت بكلامك .. ما معك حق تكلمني بالطريقه .. موب عشاني احتجتك مره .. بتحس ان عينك قويّه وتكلمني عادي .. طلعت من الـمكان مسرعه لـ السيّاره .. توجّهه سلطان بقلق لـ المكتب , طق الباب وهو يقول : عمي .. عمي .. افتح الباب .. ابو محمد بصوت مسموع : رح يا سلطان انا بخير .. وصّل الجوهرة ثم تعال سلطان بـ قلق : راحت يا عمي ابو محمد بسرعه وبصوت قلقان : رح وصلّها انت .. لا تخليها تروح بلحالها ..البنت هذي مجنونه يا سلطان سلطان بنفس القلق : ابشر .. توجّهه بـ خطوات سريعه لـ الخارج ناظر في سيارة السوّاق .. توجّهه لها , فتح باب السواق : انزل نزل السوّاق وركب بداله الجوهرة وهي تمسح دموعها بسرعه : قلت لك انا بروح بلحالي سلطان شغّل السيارة : عمي امرني .. وانا ما اقدر اعصي كلمة عمّي .. حرّك السيارة متوجهه لـ بيت خوال ليال .. يسوق بهدوء لكنّه من داخله متّوتر بسبب ابو محمد .. وهو في وسط الطريق , وقّف بعد ما سمع صوت شهقات قويّه متتاليه ناظر قدّامه , لو كانت انسانة طبيعي اكيد بيكون الندم ياكل فيها .. .. تشاهق بصوت مسموع , ما قدرت تمسك نفسها اكثر من كذا سلطان بصوت هادي : اهدي .. الجوهرة بـ صوت باكي راجف : انت السبب ... انت السبب حسبي الله عليك ... ليييه ليييه تجيب لجدي الصور ليه .. انا والله العظيم والله العظيم موب مثل ما يشوفني جدي اقسم بالله موب مثل ما يشوفني ... الله لا يوفقك يا سلطان .. الله لا يوفقك فرقت بيني وبين جدّي سلطان يناظر قدّامه وبهدوء : انا اسف ... الجوهرة بنفس الصوت : بعد أيش ... بعد ايش تتأسف ... حرّك السارة متوجّهه لـ بيت خوالها , وكأن تأنيب الضمير دق في صدره وبدأ يبان له مكان .. وقّف عند الباب وهو يقول : وصلت .. مسحت بقايا دموعها , نزلت من السيارة نزل سلطان متوجّهه لـ الدبّه , نزل شنطتها وهو يقول بضيق : لا تطولين .. جدك ما يتحمل اكثر .. اخذت شنطتها وتوجّهت لـ الداخل ولا كأنها تسمعه .. ....................... انتهى | ||||
|
|
|
07-08-17, 08:12 AM
| #39 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء السادس في المزرعه وتحديداً في فيلا الرجال متعب ناظر في حمد وبصوت هامس : وش صار ؟ حمد بـ استنكار : وش ؟ متعب بغضب : ليال يـا بهيمة .. حمد بنفس الهمس : ما صار شي متعب بغضب وصوت عالي : لأنك تنكه .. كانت انظار سعود عليهم طول ما هم يهمسون , متأكد مليون الف مره ان الهمس هذا بخصوص موضوع ليال وقّف وهو متنرفز من اللي يصير وكأنه بيمسّه شي من الطشّار اللي بيصير .. طلع يتمشى في المكان , هو يتذكّر كل كلمة كانت تقولها عن ورثها ماعندها علم باللي يصير حواليها , ولا عندها علم وش جالسين يخططون عليها , جلس على الكرسي وكأنه في نفس المكان من سنين طويلة جداً .. سعود وهو يحل واجبه بغضب باين على ملامحه العم راشد جلس جنبه وهو يقول بـ ابتسامه : ليش يا بطل ما تلعب مع احمد ؟ سعود بغضب طفولي : امي تخليني احل الواجب هنا .. وحنا جايين ننبسط .. العم راشد ضحك بصوت مسموع : طيب ليه معصب .. الواجبات حلوه حلّها سعود ناظر في عمّه : عشانك كبير تقول كذا .. لو تجرب تدرس تكره كل شي العم راشد ابتسم : وانت كرهت كل شي ؟ سعود هز راسه : كل شي العم راشد طلّع مفتاح سيارته : اجل اكيد انك كرهت تروح معي نجيب اغراض لـ المزرعه نطل سعود دفتره : لا .. هذا ماكرهته للحين العم راشد نزّل ظهره وهو يقول : تعلّق في ظهر عمّك يا بطل ركب سعود على ظهر العم راشد وهو يقول : بنتك ليه ما تجي معانا .. العم راشد بـ ابتسامه صغيره : بنتي صغيره .. عمرها ما صار اسبوع كيف تجي يا عمّي سعود بـ ابتسامة : اذا صارت كبيره تجي .. العم راشد ابتسم : ان شاءلله .. سعود ابتسم : اذا احد هاوشها بـ اهاوشه , واذا احمد بيطقها بـ اطقّه العم راشد ضحك : شاطر يا عمي , اذا احد جا بيطقها طقّه , واذا احد جا بيهاوشها هاوشه بعدين تعال اندس عندي ماراح يجيك شي .. صح من ذكره بحزن عميق في قلبه , الذكرى كأنه يشوفها قدامه الآن وكأن نظرات عمه يشوفها قدّامه , حط يده على راسه و هو في صرع قوي, بين الحاضر والماضي .. لف راسه على صوت ضحكات وصرخات عاليه توجّهه بسرعه لـ جهة المسبح طق الباب .. دلال : بنـــــــــــــــــــــــ ـات وين تغريد ليال : دخلت عشان تلبّس بنتها مايوه ورد : يا قلبش بتلبس مايوه افنان : بنات الباب يطق لفّت ليال لـ جهة الباب : أي والله افنان : افتحي امانه .. حنا نسبح .. وقّفت ليال بعد ما شالت رجولها من المويه توجّهت لـ الباب بشويش , فتحته وطلعت بعد ما سكّرت الباب ناظرت في سعود : ايش ؟ سعود بغضب : ليه تدخلون المسبح بدون ما تقولون لي ليال بذهول : نعم ؟ ايش ندخل المسبح بدون ما نقولك هذي ؟ سعود واللي صار منرفزه جداً قالب مزاجه بشكل كبير : واضحه ليه تدخلون بدون ما تقولون لي ليال عصّبت : لا .. انت صدق صدق انجنيت قايلين لـ امي لطيفة ..وبعدين ليه نقولك .. سعود بصوت مسموع : طلّعيهم ... ليال رجعت على ورا وهي تفتح الباب : ماراح أطلع احد .. واذا تبي تطلعنا عشان تسبحون انتوا معليش .. سعود بصوت شبه عالي : أكــــــلمك لا تدخلين وانا للحين اتكلم ليال بعصبية : خير .. اوقف وادق لك تحيه .. اذا عندك كلام تكلم مع امي لطيفة .. لا تشغلنا .. سعود بصوت عالي : المسبح قبل اسبوع صاير التماس فيه , عشان ما تتكهربون فيه .. ليال سكتت وهي تناظر فيه , بعدها قالت بصوت عالي : بنااات المسبح فيه التماس الكهرباء حقت المسبح ملتمسه اطلعوا طلعوا كل الباب بسرعه دلال بخوف : وانا اقول ليه يكهرب الحديد سعود ناظر في ليال وبغضب : قبل لا تهاجمين اسألي .. عطاها ظهره متوجّهه لـ الفيلا ليال سكتت , قالت بصوت مسموع : ما غلطتي .. وش كان يدريك يعني افنان ناظرت فيها : وش ليال ناظرت في افنان : انا ادري ان المسبح كهربته ملتمسه ؟ افنان هزّت راسها : وانتي تعرفين من وين ليال رفعت يدينها : يعني ما غلطت .. افنان : لا طبعاً ليال طلعت برا المسبح متوجّهه لـ الفيلا تغريد وفي يدها بنتها لابسه مايوه طفولي : ليه طلعوا .. ليال : المسبح .. كهربته فيها التماس تغريد شهقت : امانه .. يممااه اشوى ان ربي سلّمنا .. من قال لكم ليال بلعت ريقها : سعود اللي قال تغريد حطت يدها على قلبها : يا عمري اخوي .. اشوى انه قال لكم ليال هزّت راسها وتوجّهت لـ داخل الفيلا .. ......................... رجع لـ الفيلا توجّهه لـ الداخل لـ مكتب ابو محمد طق الباب وهو يقول : عمي .. عمي .. طق الباب بصوت مرتفع : عمي .. عمي .. فتح باب المكتب ركض بخطوات سريعه وهو يقول بصوت عالي : عمّي .. عـــمي كان مرتخي مره على الـكرسي وفاتح ازارير ثوبه مسك سلطان يدين ابو محمد وهو يهزه : عــــمـــي ... عـــــمي .. نزل بظهره وهو ماسك يدين ابو محمد , حطّ ابو محمد على ظهره وركض اتجاه الباب بسرعه قمره بصوت عالي : سلــــطااان ايش في عمي .. ما كان يسمع اللي حوله , كأنه انعزل عن كل الاصوات , خوف راجف في قلبه , و عرق يصب من جبينه , فتح باب السيّاره وركّبه في الخلف وركب السيارة وهو ما يشوف قدامه من الخوف , توجّهه لـ اقرب اسعاف لـ الفيلا شال ابو محمد بكل ثقله على ظهره وحاول يسرعه بخطواته لـ الداخل جابوا المرضين سرير متحرك حطوه عليه وسلطان يمشي معهم وهو يقول : بسرعه .. بـــسرعه دفوا .. دخّلوا ابو محمد الغرفة , جلس سلطان على الارض وحط يدينه على راسه : يارب .. يارب .. يارب كان الخوف مسيطر عليه , وكأن والده اللي يعيش في هذي الحاله , الخوف من الفقد يوجع , قد جرّبه مره ما يبي يجربه مره ثانية وقّف وهو يدور ويده على راسه حط يده على جبينه بتوتر : يارب .. يارب .. يارب .. بعد نص ساعه من الانتظار طلع الدكتور وهو يناظر في سلطان : انت ابنه ؟ سلطان توجّهه لـه بسرعه : ايه .. وش فيه طمني الدكتور : الحمدلله , انخفاض حاد بالضغط والسكّر , كان ممكن يؤديه لـ اخطار كثيره لكن الحمدلله زفر براحه , كأن المويه البارده انصبّت على قلبه : الحمدلله .. الدكتور : قدرنا نرفع الضغط والسكر , لكنّه في حاجه لـ الملاحظة .. لحد ما يمر على الاقل 12 ساعه بعدها بينتقل لـ الغرفه الخاصه سلطان : يعني .. ما يقدر يطلع بعد ما تعدّي الملاحظة الدكتور : لو كان شاب كنت اقدر اقولك يقدر , لكن سنّه كبير , و الانخفاض اللي صار يمكن سوا شويّه تغيرات غير ملحوظة وقد تتلاحظ في الملاحظة لذلك انا ارشح انه يبقى شوي .. سلطان هز راسه : اكيد .. جلس على الكرسي براحه .. طلع السرير المتحرك وعليه ابو محمد وقّف سلطان وهو يتبع السرير وعيونه على ابو محمد وقّف عند غرفة الملاحظة بعد ما دخل ابو محمد لـ الملاحظة جلس على الـكرسي وهو يدعي الله انه ما يذيقه فقد ابو محمد لـ طول عمره .. ................... في المزرعه .. طلعت تتمشى بعد ما صلّت المغرب وفي يدها عصير كوكتيل .. .. جلست عند البحيرة وهي تناظر قدامها , تلعب بـ اظافرها حمد من خلفها : ليه انتي موب عند البنات ؟ لفّت ليال وهي تقول : بسم الله جلس احمد بعيد شوي عنها : ماقلتي .. ليه ليال وقّفت وبحدّه : لان .. موب شغلك وقّف حمد قدامها وهو يبتسم : احد قالك انك حلوه ؟ ليال رفعت حواجبها : و احد قالك انك ما تسحتي حمد هز راسه : انتي عطته ظهرها وهي تقول : انا حليوه لكن لا تخليني اقل ادبي حمد تقدّم لحد ما وقّف قدامها : صراحه ما عمري جربت أي احد يقل ادبه علي , لكن انتي مسموح .. ليال رجعت على بخطوات بطيئة : ما انصحك ... وخّر عن وجهي احسن لك .. حمد بـ نظرات تسحر : اعجبتيني ... مره .. ليال بلعت ريقها بتوتّر , قالت بـ لعثمة : وخر من قدامي .. وخر حمد ابتسم ابتسامة جانبيه : انسحرتي ؟ ليال ناظرت فيه بنظرات قويه : انصدمت .. من قلّه الادب اللي تسويها .. حمد قرّب منها وهو ينزل راسه قريب لـ راسها : لا .. مفروض ما تنصدمين .. ابد .. ليال لفّت براسها لـ الجهة الثانية : اقسم بالله لـ انادي امي لطيفة .. حمد عقد حاجبه : ليش .. زعلتي بسرعه .. ضايقتك .. ليال ناظرت خلف حمد وهي تقول : ايه .. وخّر عنّي .. سعود وهو واقف خلف حمد ناظر فيه وهو يقول : وش تسوي حمد لف على سعود : ولا شي سعود قرّب عند حمد وعلى وجهه ابتسامة زائفه , مسكه من تيشيرته وعلى وجهه نفس الابتسامة : ما بطّلنا الحركات هذي .. عيب حمد لـ سعود : أي حركات .. سعود والابتسامة اختفت : اللي تسويها .. لا تكرر حركاتك مره ثانيه .. حمد عدّل تيشرته : وانت .. لا عاد تطب فجأه .. خلنا نضبط الوضع ليال ناظرت في سعود بتوتّر ملحوظ جداً حمد رجع على ورا وهو يبتسم لـ ليال .. سعود ناظر فيه لـحد ما اختفى لف على ليال وهو يقول بصوت هادي : قلت لك لا تعطينه وجهه ليال بتوتّر شديد : انا .. طلع لي فجأه ما كنتي ادري هو طلـ.. سعود يقاطعها : بس .. ما يحتاج تتوترين .. ادري .. ليال ناظرت فيه , رفعت كتوفها : ما اعرف اتعامل في هذي المواقف انا .. ما قد مريت فيها سعود : في الوقت الجاي .. يمكن يضايقك كثير ..خلي عقلك مفتّح ليال ناظرت فيه , هزّت راسها بشويش : بـ اتعلم كيف اتعامل مع المواقف .. سعود رفع حواجبه : موب بالسهل .. لازم تمرين وتجربين وتلطّعين عشان تعرفين تتعاملين مع أي موقف يمر عليك .. ليال هزّت راسها سعود عطاها ظهره وهو يقول : حذرتك قبل هالمره , وبحذرك مره ثانيه .. حولك ذياب .. ركزي زين .. مشى خطوتين , بعدها قال : اذا ما حفظتي على نفسك بنفسك , ماراح تلقين احد يحافظ عليك .. لف عليها وهو يقول بصدق : اللي هنا يكرهون ابوك .. موب كلهم لكن فيه روس كبار .. تخوّف لا جارت جارت .. انتبهي زين واعرفي ان هذا يبغى لك الخير وهذا يبغى لك الشر , لا تصيرين مهبوله .. تثقين في كل من هب ودب بسرعه , تعطين هذا وجهه وتسولفين مع هذا , بكره اذا اكلوك موب مبقين منك الا العظام , و وقتها بيصير ما احد يعرفك .. ليال ناظرت فيه وهي تقول بخوف : ليه تقولي كذا .. انت ليه كل شوي تخوفني .. سعود بـ تحذير شديد : عشان تنتبهين .. اخر مره احذرك فيها هذي المره .. ركزي باللي يصير لك واعرفي تدافعين عن نفسك هنا ما احد بيحبك كثر ابوك ... الله يرحمه .. ليال اقشعر جسمها من الكلام اللي تسمعه : خلاص .. كفّيت و وفّيت انا ما ابغاك تحذرني مره ثانيه لأن تحذيرك ابد ماهو تحذير .. تحذيرك .. كأنك جالس تقتل متعتي بينكم وتخوفني .. جاز الله .. ما ابي منك تحذير سلطان ناظر فيها : خيراً تفعل .. شراً تلقى .. | ||||
|
|
|
07-08-17, 08:14 AM
| #40 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ليال : ما ابي خيرك ولا ابي شرّك .. كلها تخوّف .. اتركني في حالي الله يعافيك .. سعود ناظر فيها وبـ اسلوب صادق : تدرين ليه .. قلت لك هالكلام وانتي ما تهمينني لو واحد بالمية ؟ ليال بنظرات مترقّبه سعود عطاها ظهره : موب لازم تعرفين ... كمّل طريقة بخطوات سريعه , وكأنه نطل الكلمتين من على صدره مرور ذكرى عمّه عليه خلاه يغيّر شي بسيط فيه حتى لو قدر يضغط على نفسه الف مره .. .. عند البنات تغريد : ما ترد على جوالها .. دلال : برا هي شفتها تتمشى لـ جهة البحيره تغريد : روحي ناديها تكفين .. هي اللي تعرف وين نسيت شنطة لوراء وقّفت دلال وهي تضحك : امي لطيفة لو درت انك مضيعة شنطة لوراء انهبلت .. تغريد بصوت واطي : قصري صوتك يا حيوانه .. طلعت دلال بعد ما لبست طرحتها توجّهت لـ البحيره وهي تناظر قدّامها .. وبصوت مسموع : ليال .. ليال .. ناظرت في البحيره اللي لمباتها الملونه معطيتها شكل جميل جداً البحيرة هذي تحاول تحبّها من جديد .. لأن اللي صار عندها كان سبب انها تكرها .. قبل اربع سنين عمر بـ اسلوب جارح : خلاص .. انا وانتي ماعاد بيصير فيه بيننا زواج .. ولا راح يصير بيننا شي دلال بـ استغراب وخوف : ليه .. انت ليه تكلمني كذا عمر ناظر فيها وبكلام غير صادق : عشان انا وانتي انتهينا .. انتي في طريق وانا في طريق دلال ناظرت في وبعد صمت قالت بـ صوت مجروح : طيب .. دامك تبي كذا يا عمر .. صدقني بـ انفذ كلامك عمر ناظر فيها , هز راسه : احسن .. احسن لي ولك .. دلال عطته ظهرها وهي تقول : بس احسب حسابك .. عمرك .. عمرك يا عمر ما تجيني في يوم وتقول ندمت لأن وقتها انا بكون ابد ماني ندامه .. عيّشتني شي حلو وفي غفله طلعت نصّاب .... عمر ناظر في عيون دلال و بـ اسلوب مبالغ فيه غير صادق : كلّنا كذا .. نصّابين .. لا تصدقين احد ثاني مره .. دلال هزّت راسها بدموع عالقه في عيونها : والله عقب اللي قلته .. ما عاد تعني لي شي ... صحت من ذكراها على نفس الصوت عمر ناظر فيها وبصوت هادي : اكرهه البحيرة هذي دلال لفّـت عليه وهي تبتسم : لا .. انا احبها.. انا احبها عمر : وليه تحبينها .. دلال عطته ظهرها : لانها تشهد على اشياء .. عمر : قصدك ؟ دلال لفّـت عليه : نفس اللي في بالك .. عمر : مافي بالي شي دلال ناظرت في وكأن نظراتها نظرات تكذيب : موب لازم تعرف قصدي ..اجل .. توجّهت لـ جهة المشاتل وقّفت وهي تناظر احمد قدّامها احمد ابتسم وهو يقول : شلونك دلال ؟ دلال ناظرت في وبنفس الابتسامة : بخير الحمدلله احمد : ممكن اذا دخلتي تنادين مشاعل ما ترد على جوالها دلال ابتسمت : اكيد بقول لها .. قرّب عمر من احمد وهو يبتسم وخلف ابتسامته شعور قوي بـ الغيرة : وش تقولون دلال ابتسمت :.. رح وانا اقول لها أحمد رفع اصابعه السبّابه والوسطى بمعنى سلام عمر ناظر في دلال وهو يبتسم : من متى وانتي توقفين معهم دلال رفعت حاجبها : مالك دخل عمر بـ نفس الابتسامة : لي دخل دلال بـ اسلوب قاسي : عند امك وخواتك لك دخل انا لا .. فهمت عمر ناظر فيها وبنرفزه واضحه : تكلمينه عادي وانا يالله اجر منك كلمه دلال تأشر على احمد اللي كان بعيد عنهم : لأنه غيرك .. فهمت انت واحد مفروض وش .. مفروض اساساً تستحي على وجهك انك جالس تكلمني .. ومفروض انا احتقر نفسي لاني جالسه اكلمك مسك عمر ذراع دلال وهو يقول : دلال سحبت يدها بقوة , وباليد الثانية عطته كف وهي تقول بغضب : حيوان .. تجرأت كثير... لا عاد تكلمني فهمت .. لا عاد اشوف وجهك الكريهه هذا مره ثانية حط يده على خده وهو يناظر فيها ناظرت فيه بقّوة وبصوت منفعل : يدّك .. لو جرّبت بس تقرب مني اقسم بالله لـ اكسرها لك .. فهمت .. حقير .. وتوجّهت لـ الفيلا وهي ماهي مستوعبه وش سوّت , دخلت لـا لفيلا وجلست على الـكنب ناظرت في يدها , اللي كانت ترجف بقوة سكّرت يدها وهي تناظر قليل ادب .. يستاهل .. يستاهل .. تغريد قرّبت منها : ترى ليال جت ... دلال جلست مقابلها : وش فيك .. ليه يدك ترجف .. دلال ناظرت في تغريد وبصوت مخنوق : عطيته .. كف .. شهقت تغريد بصوت واطي : من .. لا يكون ... عمر .. عمر؟! دلال هزّت راسها : عمر .. تغريد بقلق : وش سوا لك .. دلال : بقول لك .. بس خليني اهدى .. تغريد بضيق : اكيد هو اللي بدا ... خلاص اهدي .. اكيد يستاهل اللي سويته .. ...... الساعه 12 الليل .. العائلة كلّها مجتمعه في الدكّه الكبيرة .. الجدّة لطيفة وعلى اليمين كل النساء الموجودين في المزرعه ما عدا دلال وعلى اليسار كل الرجال ما عدا عمر .. الجدّة لطيفة لـ العم متعب : يعني بنذبح 16 ضحيّة .. العم متعب هز راسه : ايه , وضحية زيادة صالح جابها لـ متولي بيذبحها لـ ابوه الله يرحمه الجدّة لطيفة ناظر في سعود بتأكيد : عدّهن علي سعود : ابشري أول شي الثلاث اضاحي حقّتك , عن امك وابوك وعن نفسك , وعندي انا ثلاث اضاحي لـ امي وابوي وعن نفسي وعن تغريد , وبيت عمّي متعب عنده اضحيتين , وبيت عمي عبدالمحسن عنده ثلاث اضاحي , وبيت عمي صالح له اربع اضاحي , وعمّتي نجلاء تبي تذبح وحده , صاروا ستطعش الجدّة لطيفة ناظرت في صالح : وراك زدت اضحيه هالسنة يا صالح ؟ بالعادة تذبح ثلاث صالح ابتسم : ابيها لـ الله يمه الجدّة : الله يطعمك اجرها .. على بركة الله الله يكتب لنا الاجر سكتوا الموجودين وبعد ثواني ليال ناظرت في جدّتها وهي تقول بـ توتر باين على وجهها : ممكن ... اذبح لـ ابوي و أمي الله يرحمهم .. سكت الجميع , يترقّب كلمة الجدة لطيفة سعود ناظر في ليال اللي توتّرها وصل الى مراحل عالية بسبب سكوت الجدّة الجدّة لطيفة : و من وين بتجيبين الاضاحي ؟ ليال : بشتريهم وبجيب لهم قصّاب .. اذا ما عندك مانع .. سعود ناظر فيها : انا اذبحم لك الجدّة ناظرت في سعود , بعدها ناظرت في ليال الجدّة لطيفة هزّت راسها : وانا اقدر امنع بنت تذبح لـ ابوها , اقصبيهم ليال هزّت راسها : شكراً حمد ناظر في سعود وبصوت ابتسم : نتقاسم الاضحيه ؟ سعود تجاهل كلامه العم عبدالمحسن ابتسم وهو يقول : الله يرحمه ويسكنه الجنّه سعود وتغريد ودلال و ورد و حمد و احمد ومالك وبقيّة الشباب والعم صالح : الله يرحمه ناظرت ليال في البقيّه , هذولا الاهم اللي لازم يترحمون عليه , لأنهم تقاسموا معه رحم واحد , تقاسموا معه اكل واحد , تقاسموا معه حياة وحده , ولا احد فتح فمّه يترحم على والدها سكتت وهي تناظر قدّامها وكأن فيه شي في صدرها جالس يختنق تعالت الاصوات بالسوالف بينهم وبين بعضهم تغريد ناظرت في ليال وهي تبتسم : الله يرحم عمّي راشد عرف يربي ليال هزّت راسها :........... تغريد بصوت هامس : كأنك متضايقه ليال وصوتها بالكاد يخرج : لا .. تغريد وقّفت وهي تقول : تعالي .. امشي نطلع شكلك ما انتي مرتاحه ليال وقّفت وعيونها وضحت فيها لمعه الدموع .. ناظر في تغريد وهي تطلع , كأنه حس بـ الضيقة اللي سيطرت عليها وخلّت وجهها طافي .. وقّف متوجّهه خلف تغريد وليال ما يدري وش بيقول لكن يمكن يلقى له تبرير سطحي يبرر فيه التحذيرات اللي وضحت غتمتها على وجهه ليال الجدّة لطيفة , ناظرت في سعود وتغريد وليال اللي طلعوا وكأن فيهم شي وقّفت وهي تقول : خلّك جالسين ابيكم بموضوع لاجيت .. انا بروح اغسل واصلي الوتر واجيكم .. الجميع : ابشري .. قرّب منهم وقّف وهو يناظر في ليال حاطه يدينها على وجهها وكأنها بتبكي الجدّة لطيفة ناظرت في سعود وهي تقول : وش تسوي هنا سعود لف على جدّته بسرعه : ما اسوي شي يمه .. امشي نرجع الجدّة بعد ما سمعت كلمة تغريد مسكت يد سعود وهي تقول بصوت واطي : اسكت .. تغريد بضيق : طيب فضفضي لي .. يمكن ترتاحين ليال وهي تبكي بصوت مسموع :............. تغريد ضمّتها وهي تقول بحزن : ما اعرف وش فيك لكن والله العظيم ان حزنك وصلني .. لمعت عيون تغريد بـ الدموع , بكت مع ليال وكأنها اخت لها ماهي بنت عم .. وقّف وكأن المنظر جرحه بـقوّة , وكأنه ختم على قلبه بقوّة , منظر حزين لـ يتيمتين .. لف على جدّته وهو يقول : يمه مشينا .. الجدّة بصوت واطي : اسكت .. تغريد نزّلت يدين ليال عن وجهها وهي تقول بصوت باكي : اشكي لي .. والله بـ اسمعك ليال ناظر فيها وهي تقول : وش اقول .. سهل اني اتكلم .. لكن ..صعب الاحساس , يعوّرني قلبي على ابوي , يوجعني مره , اشوف عمّاني وعماتي كيف جالسين مع بعضهم ومبسوطين وابوي طول عمره كان يحلم بالحلم انه يجلس بينهم هالجلسه , طول عمره لا جبنا سيرتهم يجلس يتكلم عنهم بالخير حتى متعب , حتى متعب كان يتكلم عنّه بالخير وهو اول ما شافني ما عز عليه اني بنت اخوه عطاني كلام والله العظيم كان اهون عندي اني اموت قبل اسمعه , حرام يا تغريد ابوي ميّت , ماهو حي .. كيف اقدر ادافع عنّه عند التعديل الأخير تم بواسطة لامارا ; 07-08-17 الساعة 12:29 PM | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
العرض العادي
