01-08-17, 11:51 PM
| #1 | ||||
|  روايــه ~لا تلمس الجرح خل الجرح وأســبابه~ روايــه ~لا تلمس الجرح خل الجرح وأســبابه~ كتبت الشعر لعيونك ولا خايف من المنقود" ولا ترهبني همومي عسى ربي يفرجها كتبت ابياتي يالغالي عسى ياجل أو ياكود افوز بنظره منك عسى عيني تفوز بها يوم الخميس : حَموووووود يعني لازم اتروح ؟ حمدان: ش اسوي انا واعد اهلي اني برجع لهم هالاجازة : ويعني منو الاهم انا ولا هم حمدان : بعد عمري لا اتخافين برجع لج : متى بترجع ؟؟ حمدان : بعد شهر :حمدان واايد، انزين شو رايك انكمل هالكورس ويا بعض ونرجع كلنا ويا بعض حمدان: غلووي عااد برجع لج الا هو شهر ما بتحسي بالوقت ،وبعد لازم اكون عندهم في العيد ورمضان بعد جم يوم ما اقدر غلا (وعيونها اتدمع): ما متعودة اتم ف هالغربة بدونك حمدان: افاا غربة واهلج موجودين *حمدان: عمره 21 سنة مزيون والكل يحبة وهو كان يدرس في لندن لين اتعرف على غلا واللي اتكون في نفس السكن "انتبهو نفس السكن مب نفس الغرفه" وحبها لين اتعلقو ف بعض وصار لهم سنه ونص وهم ويا بعض طبعا حمدان سابق غلا في الدراسة فهو بيرجع عند اهلة الانه صار له ما شايفنهم سنه ونص وغلا بتم لين اتكمل وتوصل ل حمدان في الدراسة ويتخرجون مع بعض .** في الامارات : عليآ بسرعة يالله جهزي غرفتة ودخنيها من الدخون اللي يحبة و عطريها وحطي الشراشف و الاغراض اللي يبناله اياه ؟ عليآ: اماايهه رتبت ودخنت وعطرت وحطين وسويت : يزاج الله الف خير، خالــد امايهه سويت اللي عليك ؟ خالد: هيه الوالدة سويت كل شي ويبت كل شي عليآ: امااية يعني الحين لو انا سافرت بتسولي جيه ، وبتحاتيني كل هالكثر ولا بس حق ناس وناس ؟ خالد: هه ما اضني انتي حدج عصير بو نص اللي من الدكان عليآ : امااية جوفي خلوود انا الحين حدي عصير بو نص ؟ : افا انا اسوي كل هذا الانه رافع راسي وبيبلي هاذيك الشهادة انشاءالله عليآ :احم احم دلال بلاج ساكتة رمسي ؟ دلال: اخاف ارمس وتفلعني امي بشي الكل : ههههه دلال: بعد معروف البجر عند الام ولا تذكرو يوم تضربنا واتدلع حمدان اكثر شي والله ما انسى ذيج الايام ام حمدان: يعني صرت انا الغلطانة هني ؟ خالد: لا محشومة الغالية * ام حمدان"مريم": طيبة وتحب عيالها وعمرها 39 سنه. عليآ: عمرها 19 سنة ونص "الها ثاني سنه في الجامعه" اجتماعية وقلبها أبيض وما تحب الحش وتتعامل مع الناس بطيبة قلب لاكنها اتصير غبية احيانا بس تعرف كيف اتحل الموضوع بسهولة. دلال: عمرها 17 سنة حلوة وجذابة وفرفوشة وشخصيتها قوية. خالد: عمره 15 سنة آخر العنقود جميل وذكي وانسان اجتماعي . أبو حمدان"حمد": أبو العيال وهو انسان غامض (بنتعرف عليــه أكثر في البارتات الياية)** طبعاً بعد سهره طويــلة للتجهيزات وحاله الكل رقد من التعب حتى حمدان وغلا اللي كانت اتزن عليــه انه يبقى وياها نامو وسار اليوم على خير إلــين ما طلعت الشمس حمدان: ألوو، هاا وصلت المطار؟؟ : هي وصلت أنت وينك ما أشوفك حمدان: هيه هيه شفتك انا جدامك "وسكرو الخط" :هلا بالحبيب يقولون من طول الغيبات ياب الغنايم حمدان: يابووي والله اشتقتلكم واايد ما اصدق اني رجعت البلاد  وهو يخز) احم احم اشتقتلنا ولا ما اتروم اتفارق الحبيبة اللي ف لندن حمدان "ضحك": هههههه هزااع ما اتروم اتيوز عن طبعك هزاع: لا *هزاع ربيع حمدان عمرة 20 سنة طيب.. ومتواضع .. شلكة حلو وهاي آخر سنه له ف الجامعه * حمدان: هيه أكيد بو طبيع ما يوز عن طبعه هزاع: هههه الا ما لقيتلنا وحدة حمرا هناك حمدان: اوووه لا تتخبر لو شفتهم بتموت هزاع وهو يستهبل) حمدان شو هالرمسة ليش شو فيهم بناتنا ما عيب عليك تسأل عن الحمر اللي فلندن حمدان: أنا ولا أنت ؟؟، اقول امشي امشي احنا لو تمينا هنا كان ما خلصت سوالفنا هزاع: هههه يالله مشينا لحظه شوي تعالو رجعو وياي قبل لا يوصل حمدان المطار ويستوي كل هالشي نرجع ل عليآ عند الفجر تقريبا دلال(معصبة): عليوووووووه عليا: ............. دلال: عليووووووووووووة وحمى ما تسمعي ... ههاا .............. دلال وهي تزاعج: علاااااااااااية عليآ بخوف : هاااا هااا هها دلال: انتي ما تسمعي صوت التلفون بطط راسي ما قدرت ارقد افففف ردي عليهم حارقين التلفون عليآ: خييبة بلاج انشاء الله برد افففف :صباح الخير عليآ: بسم الله : هههه عوذ بالله بلاج شايفة يني ولا يعني ما مصدقة انج سامعة صوتي عليآ: ويييع اقول لا تصدقي نفسج واايد : انزين اقول ليش ما اتردي علي عليآ: انتي شايفة الساعة جم الحين؟ : هي عادي ما فيها شي عليآ: خيبتج ما فيها شئ انزين ش تبين متصلة : ما شي خلاص عليآ: افففف منج :................ عليآ: هيا وييــن رحتي ؟ هيا: موجودة (بس عسب تعرفون البداية ونبذة عن الرواية .. ترا الرواية بتتكلم عن خمس بنات واللي هم "عليا، هيا، شيخة، العنود وريم" هذولا البنات ربع من ايام الطفولة وما يرضون الغلط على بعض) *العنود: عمرها 19 سنه خفيفة دم.. ذكية .. محبوبة .. بس أحيانا اتصير أنانية بشكل فضيع " في الأكل" ههههه شيخة: عمرها 19 سنه انسانه ذكية.. شخصيتها قوية .. وواايد تتفلسف ريم: عمرها 20 سنه قلبها ابيض يحبونها اللي حولها مشكلتها أنها ما تعرف تعبر عن حبها بس يبين كله على ملامح ويهها وتحس انه محد يفهمها هيا: عمرها19 سنه .. قوية شخيصة .. ذكية .. ودايم تحلم وتخطط حق المستقبل.. عندها طموح .* عليآ: آسفة هياا والله تدري اني امس ما نايمة عدل وحالة وتعبانه واليوم بعد بنستقبل اخوي تعرفي تراج هيا: اووه صح اخوج بيي اليوم، ترانــي نسيت والله بس كنت ابا اعرف عن عنود هااي ويــنها ما ترد علي عليآ: ما ادريبهـا ليش تسألين عنها ؟! هيا: كنت ابيـها على اساس الجامعة وما عندي حد يوصلني عليآ: آها انزين ليش ما تيين ويانا هيا: لا احس بثجل عليكم الروحة ريم و شيخة وياج ما ناقص الا انا عليآ: بالعكس وناسة هيا: اي وناسة بيلس الا اتناقر ويا السايق مالكم عليآ: هههه نسيت السايق هيا: امم عليآ حابة اقولج شي انا اصلا متصلة عسب شي ثاني وما اقدر اقولة يعني تعرفي بكون مشغولة وما اقدر اقول جدام البنات عليآ: بسم الله قولي روعتيني هيا: امم ما اعرف من وين ابدأ لج بس شسمة ....(وسكتت) عليآ: هيا شو هيا: يوم بتلاقف وياج بقولج كل شي اوك ؟! عليا: هيا الله يخليج قولي لي الله يخليج هيا: عليا لا تصيرين حنانه خلاص قلت لج يوم بشوفج بقولج عليا: والله الشي يقهر اول شي اتقولون بقولج شي ، واخر شي بعدين والله قهر قهر هيا: عليا بلاج اتخبلتي قلت لج بقولج لاكن بعدين عليا: اوك خلاص فهمنا بعدين هيا: عليا لا تزعلين الله يخليج بس ما اقدر اقولج على التلفون عليا: اوك ما زعلت بس الله يخلج المرة الياية لا اتسوين فيني هالحركه الاني اكرها هيا: انشاء الله ما اتكون في مرة يايه عليا: ليش؟! هيا: لا والله تبي ايكون في مرة يايه واتكفخيني ب شي صح عليا: خل عنج عاد ما لها الدرجة هيا: هههههه انزين يالله قومي عليا : ليش؟؟ هيا: نسيتي انه الحين بيأذنو الفير ؟ عليا: اهاا الحين فهمت هيا : هههههههه عليا اقول عن الينون اللي فيج تعوذي من ابليس وسيري صلي صلاة الفير احسلج المفروض اصلا تحمدي ربج اني وعيتج عليا: هه اصلا كذي ولا كذي كانت امي بتنششني هيا: صدقـــــق ـ......... (تدخل ام حمدان ) ام حمدان : اشوفج ناشة اتكلمين منو هالوقت عليآ: شفتي قلت لج انه امي بتششني ( حطتة سبيكر) هيا: ههههه الله يخليها لكم يارب ام حمدان وعليا : اللهم آمين هيا: عيل يالله مع السلامة عليا: حفظج الرحمن مع السلامة (وسكرت) ام حمدان يالله عليا ( قاطعتها عليا) عليا: هيه اماايه هيه هيه اتذكر بسير اسبح و ادخن البيت و اتعطر وانشش هاي الي راقدة ام حمدان: بسم الله كلتيني عليا وفيها الرقاد : امااه تعرفي ليش؟؟ الانج مذكرتي حول الخمس مرات كيف تبيني انسى ام حمدان : انزين يالله قومي وصلي واتجهزي وخلي دلول اتقوم عليا: انشاءالله خلنا نرجع ل حمدان الانه اهل البيت كانو كلهم متجهزين وكاشخين ويتريون متى يوصل حمدان لهم حمدان على وصول: اههه اشتقت للمكان ما تغير شي هزاع: ههههه يالله يالله لو اشتقت لنا كنت بترجع ما اتطول هناك حمدان: يااابوووووووي اذيتنا هزاع: ههههههههه علينا حمود علينا حمدان(وهو مبتسم): اقول اقول وصلنا خلنا ننزل هزاع: اوك بس اسمحلي انا ما بنزل وراي شغل حمدان: افااا اي شغل وانا اخوك هزاع: شويه اشياء حمدان : افففف ويعني انا ربيعك المفروض مشتاق لي هزاع: والله مشتاق لك بس تعرف الظروف حمدان : والله انا ما اعرف الظروف بس حفظك الرحمن لا تنسى تتصل يوم اتخلص هزاع: انشاء الله "هزاع اصلا ما وراه شغل بس هو ما من العايلة و ينحرج انه يروح من دون دعوى او اهل البيت ما ياخذون راحتهم ويا اخوهم " في البيت كانو الكل متجمعين العنود و عليا والاهل "العنود ما بس اتكون ربيعة عليا بس بعد هي اتكون بنت عمها " حمدان وهو داخل البيت: سلااااااام الكل رد : وعليكم السلام "ام حمدان طبعا سوت حفله وصياح ب وصول ولدها هههه " ام حمدان: يمهه فديتك ما تبي اتنام اكيد تعبان حمدان (يضحك): يمه اي نوم وحاجزين لي طيران الامارات ودرجة اولى ش ابا بعد راقد من اول ما طرت لين ما نزلت ام حمدان: انزين يوعان شي حمدان: امايه صديقيني لا دلال: عليآ بلاج (عليآ سرحانـــه) حمدان وهو ساير صوبها : عليووووه هــــــــــــوه وين سرحانه عليآ: هااااااه، ما شي بس (وسكتت) حمدان: ش فيج عليآ (تتمصخر): احم نعم انت شو تبا ما يخصك فيني حمدان: خيبه افاا كل هالكثر تتغلين علي عليآ: هه ما لقيت الا انا اتغلى حمدان يخز دلال عسب اتقوله السالفة دلال: احم عليآ زعلانه حمدان: افاا ليش ؟؟ عليا: اونك ما تعرف حمدان: هيه اعرف عليا: انزيــن؟؟ حمدان: يبتـــــه الشي اللي تبينه عليا وهي مصدومه : شووووووووو احلف كذاب حمدان : اصغر عيالج اتكذبيني شو عليا وهي فرحانه : اهههههههه ما مصدقة انزين وينها حمدان: هههههههه في الشنطة بلاج جيــــــــه عليا: اصلا محد يفهمني غير حمدان حمدان : هيه هيه انتي وقت المصالح بس عليا: حرام عليك انا صرت الحين مصلحجية حمدان : هههههه فديت المصلحجية والله " اصلا عليا كانت سرحانة على سالفة هيا ربيعتها شاغله بالها" خلصو سوالف وحمدان سار يبدل ثيابه وطبعا :ألو حمدان : هلا بالحب هلا بالغالية والله اشتقت لج غلا: اهم شي وصلت وانت بخير والله احاتيك حمدان: هههه فديت اللي يحاتوني غلا: حمووووود ما اتمصخر والله خايفة عليك حمدان: لا اتخافين علي انا ريال اهم شي انتي ، اباج تهتمين للدراسة ما يشغلج شي زيين ؟ غلا: انشاءالله حمدان: فديت اللي يطيعون اوامري انا غلا: احبك حمدان: وانا اكثر غلا: مع السلامه الغالي حمدان: حافظج الرحمن مع السلامه (وسكر) حمدان وهو يتنهد : ااهههههههه وشوي حد يدق الباب حمدان: منو عليا: هاي انا حمدان بطل الباب عليا: حمدان اتسبحت ؟ حمدان: هيه عليآ: عيل يالله مستننيك تحت حمدان: عليآ تعبت عليا: هههه لا اتضحكني حمدان:: ليش؟؟ عليا: ترا هذا بس اليوم لا اتضيع الفرصه حمدان: لا والله عليا: هيه والله حمدان: هههه اوك اوك ياي طبعا خلصو سوالف وكل العادة اتجمعو ربع عليا (الشباب تحت و البنات فوق في غرفة عليا ) طبعا الشباب يسولفوا ويا بعض والشواب يسولفو عن الشركات واشغالهم .. قاطعهم حمدان الانه ياه اتصال من غلا وسار فوق عند البنات فوق يسولفون كل العادة وازعاج وحالة وحمدان كان خاطف وفجأه ف نص الكلام ويا غلا فضى التلفون حمدان: افففففف هذا وقتك الحين اتفضي وسار الغرفة ما حصل جرج : اففففف الحين وين بلاقي جرج انا دلال كانت خاطفة بالصدفة وجافها حمدان حمدان :دلال دلال: بسم الله زيغتني حمدان ضحك يوم فزت دلال : ما علينا الحين عندج جرج الايفون ؟ دلال: عند عليا سير لها حمدان: وانتي شغلتج ما اتروحين ؟ دلال: انا مشغوله بسير عند الحريم، سير انت ترا عادي حمدان: لا والله دلال ما سوتله سالفه وروحت حمدان : امري لله بسير ش اسوي بعد وسار عند الباب وسمع الازعاج والضحك " وجان يضحك بس بصوت خفيف" ودق الباب وفجأه استوت صخه "وضحك مره ثانيه" هههههههه البنات: عليــا منو؟؟ انتي عازمه حد؟؟ عليا: لا ريم : بلاكم اكيد هاي الشغاله يايبه الاكل هذا موعدها وانا يوعانه وبفتح بطلت الباب وهي فاله الشعر وكاان شكلها يخرفن الصراحة ريم: هاا ميري يب ... ونفس الوقت حمدان اتكلم: عليا بسالج وين الجــ ريم جان تنصدم وسكرت في ويهه و حمدان ما مصدق ش السالفه عليا: ريم ش السالفه ريم وهي مصدومه: ما ادري م م م ما ادري ريال برع "الكل جان يضحك " شيخة: ههههههه اوييه ليكون هذا اخو عليا عليا: اوييييه ثواني بجوف وبرد وبعده حمدان كان عل الباب .. بطلت الباب عليا ولقته اخوها حمدان بدون اي مقدمات : عليا الله يخليج ابا الجرج بلييز ابااه بسرعه ضروري عليا : خيبه كلتني بلاك وبعد ما شي اسف ازعجتج ولا اسف روعت البنت المسكينه حمدان جان يضحك ضحكه هستيريه من الخاطر : ههههههههههههه مسكيينه ، هي شو كانت تبا من ميري ؟ عليا: ما يخصك انت ما قلت تبا الجرج بييبلك الجرج الحين استنا علي حمدان: انشاء الله بس يالله بسرعه الله يخليج عليا: انشاءالله دخلت الغرفة وما قالت شي والكل يطالعها .. شلت الجرج وعطتة اياه وسكرت ف ويه حمدان: بلاهم هاذيلا (وفجأه ) اووووه نسيت غلوووي في غرفة عليا شيخة: عليا منو هاا عليا: اخوي العنود: شكلها توها كانت النظره الشرعيه بين ريم واخوج خلاص انقول تم الكل: ههههههههههههه ريم: اايييه عاد عيب عليكم هيا : ههههه شو تبو البنت ، بس الصراحة عنود يابتها صح هههههههههه شيخة: بس حرام عليكم الروحها زايغة هههههه ريم: هيه هيه اتطنزو عادي عليا: اسفين ريموه ريم: لا اصلا عادي متعوده الكل: هههههههههههههه عليا وهي تهمس ل هيا: هيا هيا: هلا عليا: شو هلا هيا: عيل شو اقول عليا: هيا مسرع ما نسيتي هيا: شو نسيت انتي ش اتقولي عليا: السالفه لاه هيا نزلت راسها : عليا بعدين مالي نفس اقول لج الحين عليا: اففففففف منج يعني متى؟؟ ، والله اني متحرقصة على هاي السالفة هيا: يوم انكون الروحنا عليا: هيااااا الله يخليج هيا: عليووه خلاص عليا: اوك خلاص هيا: عليا لا تزعلي عليا: ليش ازعل ترا مردج بتقولين لي هيا: ههههه فديـــــــــــــــــت شيخة شافت عليا و هيا يتكلمون ف ياها فضول ف قالت: احم احم الحبايب وين واصلين عليا وهي تتمصخر : في الحب الكل : هههههههههههههههههههههه ريم: بنات شو رايكم اليوم نتمشى في الحديقة اليوم محد عندي العنود: ليش ابوج واخوانج وين؟؟ ريم: لا اتعذبيني رايحين دبي وما يقولون لي ،اونه ادرسي وراج جامعه وشكلهم ما بيردون لين الساعة 9 او10 المسا يعني الله يخليكم ما ابا اتم في البيت شيخة: انا عن نفسي موافقه العنود: وانا وياكم ما عندي شغله عليا: ءءءءءءءااااااااااااا ممممممممممممم انا ما ادري ريم: شو ما تدري عليا: على حسب اهلي بشاور امايه وبنجوف ريم: هياا بتي الحديقة؟؟ هيا: انا بعد ما ادري ريم: اههه الله يخليكم تعالو ما بنروح احنا الثلاث بس، لازم الشلة كامله اتكون موجوده هيا: اوك يالله انا وياكم كلا ولا زعل ريم ريم: يالله عليا عاد باقي انتي قنعي اهلج عليا: انشاءالله كملو سوالف وحاله ورجعو البيت والكل ارتاح في هالساعات الين ماصار العصر وطبعا يا وقت البنات على انهم يروحون الحديقة وعليا قالت ل اهلها ووافقو واتجمعو البنات وسارو الحديقة وسوالف وحاله وفجأه بطأن هيا وعليا عن البنات عليا: يالله هيووه احنا الحين الروحنا هيا: عليا امممم الصراحه انا ما اعرف ش اقولج بس انا (وقاطعتها عليا) عليا: هياا بلاج هيا (وهي ماعارفه شو اتسوي) : عليا انا احب واحد عليا : الشووووو هيا وهي اتسكت عليا : اشششششش بلاج لااتصارخين عليا: انتي مينونه؟؟ انزين منو هذا؟؟ هيا: اههه هذا يكون هزاع عليا: هزاع منو ؟؟ هيا: عليا انتي ما فكرتي فيها ... انا ليش ماقلت للبنات وقلت لج ؟؟ عليا: ليش؟! هيا وهي تتنهد : هذا يكون اخو ريم هزاع عليا: هزاع ربيع حمدان اخوي م غيره هيا: هيه عليا: وكيف عرفتيه هيا: من الجامعه " على فكره جامعه البنات مختلطة يعني شباب وبنات وهزاع له اخر سنه في الجامعه نفس حال حمدان لاكن هزاع يدرس في الامارات وحمدان يدرس في الخارج" هيا: كان واحد مار و شكله ما انتبة لي وفجاه صدمني وطحت ف حضن هزاع ومن ذيك الحظه من حطيت عيني في عينه صارت الدنيا ما اتهمني كان هو غايتي من الجامعه اروح بس عشان اشوفه عليا:انا اقول يوم ما شي محاظره عندج اتداومين وانا عبالي عشان ربعج مالت علينا هيا: عليا والله ما ادري الشي اللي انا يالسة اسويه صح ولا خطأ عليا: هيا ترا مــــــــــــــــــ (ولا فجأه اآآآآآآآآآآآآآآهههههههههه هه) (حد صرخ ) والكل تجمع عند عنود وشيخة وريم وطبعا المساكين عليا وهيا يتلاحقون عبالهم شي صاير عليا: ش السالفة العنود: صرصوووووووووور البنات : ههههههههههههههههههههههه والكل ضحك عليا: والله ما عندج سالفة شيخة: كفففف قسم بالله ومن ورى حمدان كان يصرخ: اييييييييييييييه بنت العم الخوافه والكل يلتفت له وطبعا اللي ماله شغل روح عليا: انت ش اتسوي هني حمدان: انتي قلتي اوصلج لاكن المشكله حبيت المكان وقلت اعزم الربع ايوو هني الاني مالي خلق نتعازم في خيمه ولا ف عزبه و هالسوالف عليا: آهااا حمدان: هاااا بنت العم ( وهو يتمصخر) هكووووو صرصور العنود : آآآآآآآآآآآآآهههههههههههه ويييييييينه حمدان: هههههههههههههههههه العنود: الله يسامحك حمدان يلتفت ل ريم ويبتسم لها وريم تنخش ورى عليا عليا: ريم شو فيج ما تذكرين حمدان حمدان: لحظه لحظه هااي ريم ريييييم ريم ما غيرها بنت الجيران قبل لا ننتقل عليا: يب يب يبتها حمدان: في ذمتج اللي كانت ام لسانين واللي كانت ام نظاره تغيرت واايد اهه اذك كانت ايام حلوه عليا: هههههه هيه انا ادري شو تذكر ايام ههههه يوم تزوجو هههههههههه ريم من ورى عليا: عليا عييب حمدان سمعها وقال: اويييييه كييوتتت (وهو يقلدها) عليا عيب ريم انصعقت من ورى عليا الكل: هههههههههه حمدان: انزين طلعي والله ما باكلج انا عليا روحت من جدام ريم طبعا بعد عناء ريم مستحية وحاله حمدان تقرب منها و مد ايده عسب يسلم عليها ريم مدت ايدها وسلمت عليه .. حمدان ما بطل اييدها وقال وهو يصرخ : الشخص لما يسلم يطالع في عين الشخص ريم من الخوف رفعت راسها وطالعته وتمت ايدها ترتجف حمدان: هههههههه شفيج ترتجفين ريم وهي خايفه ومنزله راسها: ما شي حمدان: والله طالعي ايدج ترتجف ريم: شلت ايدها بسرعه من ايده حمدان: شفيج ريم: ما من عوايدي اسلم ع ريال غريب حمدان: افااا الحين انا صرت ريال غريب ريم: حتى ولو نحن كبرنا ما نفس اول حمدان: حتى ولو نحن فاهمين ريم لا تتغصصيني ويا هالسوالف اللي مالها داعي ترا عادي ما فيها شي احنا اخوان ريم سكتت العنود بتهور : انزين والحين شو تبا حمدان: ما ادري ملان ابا احوط ويا حد لين ايون ربعي عليا: انزين تبا اتحوط ويا منو حمدان: ما ادري بس" وهو يطالع ريم" بتعطوني ريم ابا اسولف وياها .. يوم اييوون بردها لكم وهذا وعد عليا: اوك ريم انصعقت وقالت : اتبيعوني جييه البنات: هههههههه شيخة: ترا عادي ريم بيسولف وياج يتذكر الماضي و بيردج عادي حمدان: هااا ريم شو قلتي ؟! ريم ساكته حمدان صدق عصب من حركه ريم ما يحب حد ساكت يحسسه انه يسوي شي غلط حمدان: رييييييم قسم بالله ...::"وقاطعته ريم وهي اتقول : حمدان بس لندن غير عن الامارات حمدان بروده دم : ويعني ريم : حمدان تدري اذا مشيت وياك ولا حتى الحين واحنا انسولف عادي يقولون شي غلط علينا حمدان: عادي ويعني ريم: عادي الانك ريال بس الحرمه الها سمعتها حمدان: اذا صار شي انا بتصرف وبحله صدقيني ريم ساكته حمدان وهو معصب : ترا ما بنسوي شي الا بنمشي ريم لا ..... " واتقاطعه ريم واتقول : اوك وهني سكت حمدان وابتسم وقال : بنات ما ايون الا بالعين الحمرا البنات: اوووووووووووو حمدان: (وهو يقلد ريم ) بنات عييب ريم: اههههه بس عااد حمدان: هههههههههه بس عاد ريم سكتت حمدان: ههههههه خلاص انا اسف والله يالله انروح ؟ ريم : يالله (وراحو) البنات طبعا راحن يشربن لهم شي خلنا انروح ل حمدان وريم حمدان: اهههههههه والله ما اصدق انج ... ما اعرف كيف اوصف لج ..يعني كنتي قويه والحين احسج بنت جيه حرمه ريم: حمدان ما جننه خانك التعبير حمدان: ههههههههه والله صدق يعني تعرفي ما اعرف افهم كيف يعني .... قبل كنتي دفاشه وكذي مسيطرة على كل شي والحين البنت اللي يتمناه كل ريال ريم جان تستحي من الخاطر حمدان وهو يتنهد : اهههههههه ي ريم والله اني اشتقت ل امج هههههه يوم كانت تربع وراي بالعصا واخر شي يوم اعتذرها تعطيني ككاو كنت دايما اسوي لها اشياء بس عسب اعتذرها وتعطيني ككاو هههه حمدان جان يلتفت ل ريم و لقى دمعتها على خدها حمدان: ريم شو فيج ليكون امج زعلتج في شي ادريبها خالتي نوره .. اباج اتقولين لها حمدان ما نسى الضربه يوم كنت صغير الانه هاي الضربه صلبتني وانا كبير ريم .............................. حمدان يلتفت لها مره ثانية ولقاها اتصيح حمدان: ريم شو فيج ريم من دون اي حاسية اتحط ايدها على عيونها نفس اليهال واتقول : حمدان امي ماااااتت حمدان حس بشعور غريب كأنه شي لمس قلبه الانه ام ريم كانت نفس امه الثانية يوم كانو صغار حمدان مسك ايد ريم وقال: ريم خلاص امج صح انها راحت لاكن روحها ساكنه داخل قلوبنا ريم .......................... حمدان: ريمووه ريم وهي اتمش الدموع : حمدان اشتقت لها وانت تعرف انه ما عندي حد غير ربعي ما عندي حد حمدان: افااااا يوم اتحسي انه محد عندج اتذكريني يوم العب وياج يوم كنا نتزوج بعض ريم ضحكت شوي ووخرت عن حمدان حمدان مش دموع ريم تدرون هاي اللحظه مرت عليهم من قبل يوم كانو صغار كانت ريم دوم اتصيح ف حضن حمدان وحمدان يواسيها ويمسح دموعها وهذا كله تذكره عند ريم و الوناسة اللي كانت اتصير وقبل لا يسافر كيف كان يستانس ويا ربعه ، ..كان كل هذا ما محصلنه ف لندن وقال في خاطرة انا ليش سافرت ، من بعد ما اعرس على غلا كيف بتكون حياتي ؟؟ وفكره اتوديه وفكره اتييبه لين ريم تكلمت وقالت: حمدان حمدان: عيوووووووونه امري تدللي انا كلي تحت امرج ريم: حمدان عيب حمدان وهو يستهبل: ليش عيب تراني مزوجنج من ايام الطفوله ريم وهي عارفه انه حمدان يستهبل: هههههه زواج غير شرعي حمدان: والله ما يخصني انتي وافقتي واخوانج على ذيج الايام موافقين ريم: الحين اسال هزاع ان ما حصلت كفف محترم حمدان: ههههههههه غير الكف اللي حصلته منج ما ابا ريم: انا ؟ متى ؟! حمدان: تذكري يوم كنتي تقريبا صف خامس وقلت لج احبج ريم انفجرت ضحك : لا اتكمل ههههههههه لا اتكمل حمدان: قسم بالله ما لقيت الا كف على ويهيي حتى انه ويهي ورم ريم: عاد مب لها الدرجة حمدان: يعني ما اتصدقيني ريم: لا حمدان: عيل صبري ريم : شو بتسوي حمدان اتصل ل عليا و قال لها : علايه تذكرين يوم كنا صغار عليا: بسم الله ش فيك حمدان: جاوبي عليا: لا ما اذكر حمدان : علااااااايه عليا: انت تراك اتقول (تذكرين يوم كنا صغار) ياخي وضح حمدان: والله سامحني من يوم اتذكرت الكف قامت اتطير عني الكلمات عليا: اي كف حمدان: اقولج تذكرين يوم قلت ل ريم احبج وعطتني كف من الخاطر عليا ضحكت من الخاطر : هييييييه هههههههههههه حمدان: في ذمتج شو صار في ويهي عليا: اتذكر علامه اييد كانت على ويهك حتى انك ما رويت حد من البيت سيدة رحت الغرفة وتميت داخل الغرفة لين خف الكف حمدان: فديييييييت انا اختي عليا يالله مع السلامه عليا: بسم الله مع السلامه (وسكر ) حمدان: هاا وشاهد شاهِدٌ من اهلها ريم: حمدان تتأدب حمدان : افااا حمدان: على فكرة كنت صدق احبج يوم كنت صغير بس من الكف هاذاك اتخيلي ما سرت الغرفة عسب يخف العلامه، كنت ساير الغرفه اصيح الاني عبالي انج ما اتحبيني لين ما يتني يدتي وقالت لي هالمثل اللي يضربك يحبك .... ريم: ش تقصد يعني حمدان: ههههههه يعني الكف هذاك الانج اتحبيني صح ولا ريم: لا حمدان: اففففف عيل ليش ريم: الانك احرجتني جدام البنات واخواني يعني والله عيب جيييه جدامهم كلهم اونه احبج شووو وين عايشين حمدان: يعني انتي اصلا كنتي اتحبيني بس الاني احرجتج ف عسب جييييييه ريم: حمدان خلاص حمدان: ههههههههه يعني هييييييييه ريم استحت ونزلت راسها خلونا الحين نرجع ل عليا والبنات شيخة: بنات تعالو انروح هناك عليا: انا ما ابا تعبت الصراحه ابا ارتاح العنود: شيخة بيي وياج هيا: وانا بتم عند عليا العنود وشيخة: اوك وراحت عنود وشيخة وتمت هيا و عليا وبالصدفة هيا كانت رايحه اتييب الكوفي شافت هزاع حذالها ...... هزاع انتبه لها واتذكرها هزاع : ما انتي هيا انتبهت له ويتها صدمه هزاع: ههههههه هيا صح ولا انا غطان هيا: لا صح انا هيا هزاع: ش اتسوين هنا بروحج هيا: لا انا ما بروحي وياي بنات هزاع: اهااااا هيا: ليش كنت تسال؟؟ هزاع: انا اسف بس فهمتج غلط يعني عبالي يايه هيا: عرفت عرفت لا اتكمل " هيا ف داخلها : هذا تفكيرك عني" هزاع: شفيه ويهج انقلب فوق وتحت والله كنت اتمصخر انا اعرفج وبنت محترمه لو ها كنت بلاحظ عليج في الجامعه هيا وهي تتمصخر: وليش اصلا ... انت شو اتراقبني ؟؟ هزاع: لا ، بس يعني اففففف لازم اتوهقيني هيا: ههههههه عادي حتى نحن نتوهق احيانا يقاطعهم الكاشير اللي ف الكوفي Sir prefer Thankهزاع: Thanks Sir Enjoy هزاع: ها هيا تبين شي قبل لا اروح هيا: لا مشكور اخوي هزاع وقف يطالعها بنظره وهو ف خاطره ( هذا قدري عندج اخوج بس يالله بنتقبلها ) هيا: هزاع لا تطالعني جيييييه اتروع هزاع: ههههههه انزين غيري " تعرفو من طبع هزاع انه ما يستحي من اللي يحبهم ودايم يحب يتمصخر ويستانس " هيا: اغير شو ؟ هزاع: كلمه اخوي هيا: ههههه لا مشكور هزاع هزاع: افففففففففففف هيا: شو فيك شو تباني اقول ليكون حبيبي ولا الغالي هزاع: الغالي هيه بس حبيبي بعدنا ما وصلنا لاكن بتقبلها يعني عادي هيا : ههههه عن الدلع هزاع هزاع: ههههههه اوك عند عليا عليا: خير شو تبا ما كفاك اللي صار :ما شي انا اباج بس عليا: بتذلف عن ويهي ولا اصرخ واجمع كل اللي ف الحديقة : ههههه عادي فديتج تتحريني خايف منهم بيرج من شعرج جدامهم كلهم ولا حد بيروم يتنصخ بكلمه روابط الفصول الفصل الأول..... اعلاه الفصل الثاني..... المشاركة التالية الفصل الثالث..... في الأسفل الفصل الرابع..... في الأسفل التعديل الأخير تم بواسطة ebti ; 15-08-17 الساعة 12:05 PM | ||||
|
|
02-08-17, 04:39 AM
| #2 | ||||
| البارت الثاني عليا: شوووووف مالي خلق لك بتوخر ولا الشو ؟ وشوي شوي يزيد الصراخ هزاع: هيا هالصراخ ياي من صوب عليا، منو هاذاك ؟! هيا: ما ادري هزاع: تعالي انجوف ليكون صاير شي ولا يتحرش فيها هيا: يالله انا وراك تعالو نرجع عند حمدان حمدان: رييم شكلنا اتخرنا وايد وربعي لين الحين ما وصلو وشكلهم ما بيون احسلي اروح البيت ريم: عيل يالله حمدان: شو؟! ريم: لا والله يالله وصلني عند عليا و ربيعاتي حمدان: آهااااا يالله انزين ريم: ههههههه يالله وهم يتمشون حمدان جان يتصل ل عليا بس : ريم عليا ما اترد علي ش فيها ريم: ما ادري يمكن محطتنه صامت حمدان: افففففففف وقتها هاي ريم من سمعته يتأفف كأنه شي ضربها وحست انها مثجله عليه فقالت: آسفه شكلي ثجلت عليك حمدان بإستغراب : منو قال انج ثجلتي علي ؟! ريم : انت حمدان : متى قلت ريم : توك حمدان: ما قلت ثجلتي علي ولا شي ريم : ما لازم اتقول ،انت تراك يالس تتأفف حمدان :يالهبله لا ثجلتي علي ولا شي انا اتافف الانه هاي عليووه ما اترد علي الاني ما ابا شي يصير لج فهمتي ؟ ريم: هيه ولا فجأه سمعو صراخ وناس متجمعين ،عاد حمدان ياه فضول ويبي يعرف السالفه ريم: حمدان شفيك حمدان : ريم فيني شي يمكن انتي ما اتعرفيه انا انسان فضولي ريم: مارحت بعيد عن عليا حمدان: انزين تعالي انجوف شو صاير ريم: انت اتخبلت حمدان: الله يخليج ريم عشان خاطري يالله بنجوف ريم: انت شو اتحب المشاكل حمدان: لا بس انا انسان فضولي يالله تعالي ريم استسلمت له وقالت : يالله بنسير وامري لله حمدان وصل وتم يبعد الناس ، وجاف عليا وهي اتصارخ و للاسف جاف شخص ما كان يتوقع يجوفه مشى لين وصل ل عليا حمدان (وهو مبتسم وساير يبوسه فوق راسه ) : ابــــــــووووووووي شحالك ؟! وما يلقى الا كففففف على ويهه اتخيلو فرحت حمدان الانه جاف ابوه وهو صاير له ما شايفنه من سنه ونص و ابووووه يستقبله ب طرااااق طبعا صريخ البنات وحاله حمدان عصب بس سكت الانه مهما كان هاذا ابوه بو حمدان: هاااا ولدي عورك الكف ولا تبا كف ثاني هههههههه عليا: حمدان ما عليك منه هذا سكران حمدان: عليا عيب هذا ابوج بو حمدان: اقول جهزي عمرج عندج مده شهرين فاهمه (وروح) طبعا بعد ما راح بو حمدن ، البنات وحمدان وهزاع راحو مكان ثاني عسب يسولفون الانه مكان عام والصراحه اللي سواه بو حمدان عيب ف عسب جييه حمدان: عليا ش سالفت ابوج عليا وف عيونها دموع: هاذا ما ابوي حمدان: هاذا ابوج وتاج راسج عليا : اتخسي لو كان ابوي ما سوا سواته حمدان: ليش شو سوا عليا تطالع البنات بس عادي يعني البنات ما يخشون على بعض شي بس هيه مستحيه من هزاع الانه عيب كيف جيه حمدان حس انها تستحي من هزاع وقال: عليا عادي هزاع اخوي واخوج قولي لا اتخافين عليا: السالفه شوي ( وسكتت) حمدان: قولي شو سالفت ابونا عليا وفـــــــــــ عينها دموع: لا اتقول ابونا وين هذا ابوي وتوه يقول لي غصب عنج تزوجين ربيعي ، حمدان انت ما تعرف ربعه كيف سكارا و حقارا وعادي يلعبون فيني وبعدين بيفروني عند حد ثاني، حــــــمدان المفروض البنات يحسو بالامان الانه ابوهم موجود حولهم وانا احس بالخوف الانه جدامي ، حمدان تعرف ليش؟! تعرف الانه مره دخل علي حد من ربعه داخل غرفتي..... (وصـــــــــــاحت ما قدرت اتكمل) حمدان: عليا شو صار قولي عليا: .............. حمدان وهو يصارخ : عليااااا شووووووو صار قوليييييي عليا: ما عرفت كيف قدرت اطلع من غرفتي وجان اشرد لين المطبخ ودخل المطبخ وراي وقفل علينا وما عرفت شو اسوي شفت سكين جدامي وطعنته وتميت اصارخ وامي تسمع صريخ ونزلت تحت هي و دلال و خلود وللاسف ابوي تم يضرب امي وانا اسمعهم من ورى الباب ما عرفت شو اسوي توني ذابحه واحد ما اعرف شو اسوي بعدين بطلت الباب وايدي كلها دم بعدها اشرت السكين صوب الجلب اللي ما عنده رحمه او عطف على عياله وقلت له انه يخليها ويطلع برع البيت ولا اطعنه نفس ما طعنت ربيعه وربيعه شلوه الشرطه وعقو في السجن من بعد ما اتحاكم ، والحين اونه اللي اتقول عنه ابوي يبا ايبيعني ، حمدان الله يخليك ما ابا اروح حمدان وهو معصب ما عارف شو يسوي ومن الحرقه اللي فيه صرخ وهو يقول : اااهههههههههههه يالحقيييييييييير انت شو من البشر اتبيع بنتك عليا يوم صرخ حمدان خافت وحضنته من الخوف وقالت: حمدان ما ابا اروح حمدان وهو يحضنها: ما حد يقدر يلمس شعره من راسج وانا موجود عيل والله يدفن كل واحد يقرب منج وتم يواسيها وحاله وكل واحد بعدين رد البيت عليا وهي واصله البيت كان عيونها كلها دموع وطبعا دلال وامها داخل البيت وخالد كل العادة فوق ف غرفته يلعب اكس بوكس ام حمدان: عليا بنتي شفيج عليا من دون اي احساس طاحت ف حضن امها وتمت اتصيح ام حمدان: عليوووووه بنتي شي فيج ؟؟ عليا والكلمات خانقتها : امييي خايفه اميييييييييه لا اتخليني ام حمدان: عليا ما بخليج بس قولي لي ش فيج شو صاير دلال: حمدان شو صاير انت قايل لها شي حمدان: اهههه لا ما قلت لها شي بس شفنا ابوي ام حمدان: شوووووووو وشو صار حمدان قال لهم السالفه من اولها ل آخرها ام حمدان: حسبي الله عليه من ريال يعله ما يتوفق ف حياته دامه جيه سالفته دلال: امين عليا: اميه ابا انام عندج اخاف انام الروحي ام حمدان: اكيد بتنامين عندي دلال: لاوالله اميييييه حتى انا اخاف ام حمدان ( وهي تبتسم): انتي اصلا اول وحده المفروض اتنام عندي دلال: هيه عبالي بعد نسيتيني ام حمدان: فديـــــــــتج حمدان: امييييييه انا بقفل الابواب وانتو قفلو بابكم اوك ام حمدان: انشاءالله وطبعا نامو البنات ف غرفه امهم وحمدان نسى يكلم غلا من التعب ونام و خالد مسكين ما يعرف ش السالفه هو بعد جان ينام تعالو انروح صوب البنات كانو مسوين مكالمه جماعيه العنود: والله حرام كاسره خاطري ريم: شو هاا اول مره اشوف ابو جييه يسوي شيخة: انزين ليش ما يشتكون عليه ؟؟ ريم: هذا ابوهم كيف يشتكون عليه هيا: عنود مب هاذيلا ايكونو عيال عمج العنود: هيه هيا: انزين ليش ما اتخلي ابوج يكلم اهل عليآ او يكلم ابوها العنود: أبوي اصلا ما يطيق عمي الانه راعي مشاكل ، اصلا تدرون انه عمي كان احسن عن ابوي بوايد حتى انه الناس يمدحون فيه كان رافع اسمنا فوق لين ما رفقاء السوء قامو يلعبو بمخه الله يلعنهم واصلا هو طيب بس لو يودر عنه هالربع وهالخمر وايد زين حتى انه ما نسى ولده حمدان خذ له تذكره سفر روحه و رده وشكله المره اليايه حمدان بياخذ تذكره الروحهه والله حرام هيا: حسبي الله عليهم العنود الا شوي انفجرت ضحك : هههههههه شيخه: هيه هيه ضحكي وخليني بالخيبه هيا: شو صاير ريم: بسم الله شو مستوي العنود: شيخه قوليلهم شيخه: ما تدرون شو صار لي اليوم ريم: شو صار شيخه: اقولكم بدايه الضرابه كنت اطالعهم وما كنت ادري انه هذا ابو عليآ اول مره اشوفه ف حياتي ، ما يهم اقولكم يالسه اكلم عنود اقولها عنود منو هاذاك اللي يكلم عليا؟؟ ..و يالسه ازقرها عنووووووووود يالطمطمه ش فيج اكلمج ، اقولكم والتفت اشوف ريال انصعقت وحضرتها الحبيبه سايره عند عليآ ومخلتني ....... اتفشلت اتفشلت الكل : ههههههههههههههه هيا: هههه متتتتت ريم: اهم شي جميل شيخه: للاسف ما ركزت ف ملامحه وايد العنود: من الخوف ما من شي شيخه: كله بسبتج لو قايله لي انج بتروحين ما زين العنود: وانا شدراني عبالي انتي وراي ريم: والله ونستونا من بعد السالفه اللي صارت مع عليآ هيا: الله يعينهم شيخه: هيه والله الله يعينهم ريم: اقولكم باجر الجمعه وانا بنام مع السلامه هيا: حتى انا بنام مع السلامه الكل : مع السلامه بقو على الخط العنود وشيخه شيخه: العنود مع السلامه انا بسبح وبرقد العنود: يالله يعني كلكم بترقدو شيخه : عنود حبيبتي عنود: هلا شيخه : مع السلامه (وسكرت) العنود: والله عطتني بو لباس الكل نام عشان يوم الجمعه وعدا اليوم على خير ويا يوم الجمعه الكل متلعوز وام حمدان اتدخن حمدان وولدها خالد والبنات يتعدلون وحاله الانهم بيسيرون بيت يدهم دايما يتجمعون بيت يدهم والرياييل سايرين المسيد عسب يصلون عليآ: اوهوووو لازم انسير بيت يدي دلال: عليا شو هالرمسه ام حمدان: عليا عيب عليج لو سمعج يدج شو بيقول عنج مع انج الغاليه الانج مسمايه على يدتج عليا عليآ: اماايه انا ما قصدي شي شو فيكم كلتوني انا ما اداني شخص اسمه فهد دلال: ويييييييع ويع ويع لا اتييبيلي طاريه الله يخليج لا لا ام حمدان: شفيكم ؟ عليا: امااه تدري انه الحين كلهم في المسيد ما عادا هوو منخمد في البيت وياليت ايلس عند الرياييل يوم اينش لا ايلس عند الحريم وما يفج عنا الا اذا روحنا ويتلصق فيني انا اكثر وحده ام حمدان: والله بنتي انا ما اقدر اقول شي الانه ما يصير لي ولاشي بس اذا تعرض لكم والله ييشوف نجوم الظهر بس ما اقول غير الله يعينكم وراحو بيت يدهم كل العاده عليا مع العنود والحريم يسولفو والرياييل رادين من المسيد ويوعانيين ام فيصل ( واللي تكون أم العنود ) :تفضلو الحين بيزهب الغدا " الغدا يكون على طاوله كبيره واتسد للعائله و اكثر و ياكلون فيها الحريم و الرياييل واليهال وكلهم يعني مع بعض" اليد راشد: عيل فهد وينه ما اشوفه فيصل : يدي انت تدري انه ما يصلي اليد راشد: ليش ما وعيتوه فيصل : يدي انا بنفسي شايف الشغالات وعمتي موزه يوم يقعدنه ولا طاع ينش شو يسوو المساكين اليد راشد وهو يتنهد : اههه ما ادري هالولد طالع ع منو ؟ دلال وراسها ع الارض : طالع على ابوي عليآ : دلال اليد راشد : عليا خلي اختج ع راحتها بعدين صدقها اصلا ما عرفنا انربيهم عدل حمدان: افاا يدي والله انك طَلَعت رياييل بس المشكله مب من البيت المشكله من اللي برع البيت اليد راشد : هيه والله فهاي صدقت فهد وهو نازل من فوق : صباح الخير اليد راشد : اي صباح خير والحين القايله فهد : اوهوووه يدي عادي ترا نحن شباب اليد: هذم الشباب حولي ما اشوف ولا واحد منخمد شراتك فهد: اففففففف يدي انا يوعان اليد : قبل لا تاكل صليت فهد : هيه صليت يدي عليآ : جذااب ويين صليت ؟؟ فهد : ف الغرفه عليآ بخبث: هه صدق انزين ما قلت لي وين القبله ؟ فهد : هااه، هذا الصوب عليآ: غلط اليد راشد : انت شو من البشر عليا قاطعته : يدي انا بكمل عنك، انت شو من البشر لا اتصلي وفوق هذا طولك طول انخله تكذب انت شوو اليد راشد: كفو كفو بنت يدها، وانت ايلس كل عليا وفي خاطرها : كلك الملح ويا هالويهه اونه فهد منو مسمنه هذا اونه فهد مالت ويع قطيعه فهد خل كل الاماكن الفاضيه وسار حذال عليآ، عليآ عاد ما اتواطنه بعيشت الله فهد: السموحه منج بيلس حذالج عليآ: قلن الاماكن تيلس عندي الشو؟ حمدان و فيصل انفجرو ضحك : هههههههههههه ام حمدان : يمه بنتي شفيج؟؟ عليا: هلا امييه ما فيني شي اليد راشد: ههههه خليها خليها هاي الغاليه تشبه يدتها عليا: يدي انا آسفه بس تعرفوني اللي فقلبي على لساني اليد راشد : على الشو بنتي ما سويتي شي انتي الصح اصلا المفروض هذا اللي يالس حذالج يتأسف فهد: انا ما سويت شي عشان اتأسف " فهد عمره 25 سنه يكون ولد عمة عليا والعنود والكل يعرف انه انسان قذر ووسخ وكلة مشاكل وزقارة وخمر وحالة .. وللاسف ابوه ميت ولا جان راواه الادب ... وهو ساكن عند يده وامه ( موزه) وهم المساكين ما يرومون عليه . فيصل: اخو العنود عمرة 22 سنه قوي الشخيصة محبوب " فهد وهو ياكل يتلمس اييد عليا وعليا حاسه ب هالشي وكل شوي اتوخر عنه لين انفجرت وقالت: فهد خلاص عاد ام حمدان: عليا شفيج عليا : ما شي امييه الحمدالله اكلو انتو وانا بسير اطالع التلفزيون وطبعا العنود شبعت وخلصت وراحت عند عليا عسب يسولفو والكل خلص غدا والحمدالله عليا : العنود تعالي انسير المطبخ انسوي حلويات *عاد عليا ما تعرف تطبخ خير شر * عليا: معتمده عليج عنود تراني بس اهم شي ما تاكلي الاكل العنود : حرام عليج عليا : ههههههههههه يالله يالله العنود : اوكيه في المطبخ العنود خلصت من الحلاوه وسايره اتودييه لشباب و الحريم وتمت عليا الروحها، ...... عليا حست ب ملل... ، وهي سايره صوب الباب طلع لها فهد ف ويها فهد : يعني ما ناكل من الحلاوه اللي مسوتنها عليا: جعله زقوم ف بطنك بعدين مب انا اللي مسوتنها فهد: افا ادري انه الدعاء ما من خاطرج والدليل انج ما قلتي ل اهلج يوم مسكت ايدج عليا: ويييييييع ليكون صدقت عمرك اقول انا سويت جييه الانه ما ابي عمتي يزيد همها و لا افضح ولدها جدام عمومتي ويدي ولا انت كفو حد يدافع عنك ؟؟ وييع قطيعه فهد : جان قلتي عادي عليا : الله ياخذك وعمتي تفتك منك ومن بلاويك اذلف عن ويهي ذلفك الله فهد: شفيج انتي اتدعين علي من الصبح عليا : اقول بتذلف عن ويهي ولا الشو الحين ؟؟ فهد: ما بذلف عليا وهي تصرخ : يديــــــــــــــي ويييييينك فهد خايف : طوفي طوفي خلاص عليا: هه مالت ع هالويهه اليد راشد: هاا عليا بغيتي شي عليا: لا فديتك مشكور بس حبيت اعرف كلت من الكيكه اليد راشد: دامه الكيكه ما من ايدج ما باكل العنود: افا يدي ما تاكل من ايدي اليد راشد: اوه اوه انتي مسوتنها عيل باكل الحين الكل: ههههههههههه طبعا سوالف وحاله وعليآ اتدعي على فهد ، وطبعا حمدان هني استسلم من الوضع وسار عند فيصل وقال : فيصل تعال انروح العزبه واعزم الشباب تراني ملان فيصل: ويدي راشد؟! حمدان: يدي راشد الحين بيرقد تعال انروح يالله فيصل: عيل يالله وساروا الشباب العزبه في العزبه هزاع وهو يهمس: حمدان ؟؟ حمدان: هلا هزاع: حمدان تلفونك يولع شكله حد يتصل فيك حمدان: شوو؟؟ (وهو يصرخ) شــــــــــــــــــــــــ ــــــــــــــيت الشباب: شو صاير حمدان: بييكم بييكم بس ثواني بروح عندي اتصال وبرجع الكم الشباب: اوك فيصل: خذ راحتك حمدان وهو يتصل : انا كيف نسيتها ؟؟ غلا: ألووووو حمدان: هلا غلا: ............... حمدان بزلت لسان : ريم شفيج غلا: حمدان انا غلا ريم منو ؟؟ حمدان: غــــــــــ غــــــــــ وقبل لا يكمل كلامه قاطعته غلا: حمدان شفت شفت اللي كنت خايفه منه صار وحتى انك قمت ما اترد على اتصالاتي اتخيل اني من يومين اتصل فيك ولا هامك انت شو من بشر ، اذا لقيت غيري قول تراني بتفهم ولا انك اتم ساكت حمدان قاطعها : غلا شفيج شفيج كلتيني حبيبتي انتي انا محصلت غيرج اصلا انتي ما تدري شو صار فينا هاليومين غلا: انزين واتصالاتي شو يخصهم باللي صار ؟؟ حمدان: اولا كنت محطنه صامت ثانيا تراني كنت تعبان قلت لج من الاشياء اللي صارت وما بطلت التلفون ... لو ما اربيعي قال لي تلفونك يولع شكله حد يتصل فيك جان ما عرفت اصلا ولا رديتت غلا: اشوفك متذكر ربعك واهلك بس نسيتني حمدان: غلا الله يخليج لا اتدخلين شي ف شي الله يخليج ومنو قال اني نسيتج منو هاا قولي منو قال .... غلا الله يخليج ما ابي مشاكل وياج ونفترق على سبب سخيف الله يخليج غلا: سبب سخيف اوك حمدان انا الحين صرت سخيفه، مع السلامه (وسكرت) حمدان: اففففففففففف شو هالبنت حمدان م عرف شو يسوي وراح عند ربعه عشان ايسولفوا " كانت الايام هاذي على قبول برمضان يعني تقريبا مال ثلاث اسابيع ويدشو رمضان و عليآ بعد ما خلصو من بيت يدهم سارو البيت وعليآ دومها ويا ربعها والعزايم مالهم بس ريم كان في خاطرها شي ": ريم: بنات ودي في شي والله انه في خاطري عليآ: امري تدللي قولي اللي في خاطرج ريم: تعالو انروح العزبه هيا: اي عزبه؟؟ ريم: عزبتنا شيخه: والله ما ادري ،منو هناك ؟ ريم: الشباب العنود: شوو انتي ينيتي لا لا مستحيل تبين اهلي يذبحوني عليآ: حتى انا ما بروح ريم: اففففففف ترا ما احنا بنروح عند الشباب احنا بنروح قسمنا الخاص هيا: ريم حتى انا خفت شو يضمن لج انه ما حد يدش القسم ريم: حرام عليكم والله ودي جييه اطلع طلعه عزبه العنود: عرفتها شيخه: شو عرفتي ؟؟ العنود: تعالو انروح عزبه قوم علايه عليآ: عزبتنا؟؟ العنود: هيه شيخه: هههههه اتذكرت الاشياء اللي صارت ف عزبتكم والله اكشن، انزين صدق تعالو انروح عليا: صح واحيد محد هناك تعالو انروح والسايق موجود ريم: انا موافقه هيا: انا ما اعرف عليا: هيا ياخي ليش جيه خايفه ما فيها شي هيا: خلاص اوك " وراحو بس للاسف ما كانو يعرفو الشي اللي بيصير " وصلو العزبه طبعا عزبه عليا كبيرة وفيها نخل و سدر وخيمه وحده للحريم وحده للرياييل والبنات طبعا ماخذين راحتهم عند حمدان خلصو سوالف الشباب واللي روح عند اهله واللي عنده شواغل بس بقو ثلاث والي هم هزاع وحمدان وعلي هزاع : حمدان ما تسمع حد يتكلم حمدان: هيه اسمع هزاع: كأنه صوت حريم حمدان: والله شكله حريم هزاع: اقولك قوم شوفهم حمدان: اوك يالله بسير وبرجع هزاع: اوك حمدان وهو ساير صوب الصوت شاف بنت كاشفه عن شعرها و رافعه الكندوره لين ركبتها حمدان: انا ما كني اعرفها ، ياربي انا اعرف خصلات هالشعر والجسم المخصر ، هي لو تلتفت عشان اعرفها حمدان ما قدر يستحمل سار عند الحرمه ومن دون اي مقدمات التفتت البنت وشافت حمدان ومن التوتر ما عرفت شو اتسوي المسكينه وشلت الشيله اللي كانت مايله على كتفينها وحطتها فوق راسها ونزلت الكندوره : (وهي في خاطرها) اففففففف افتشلت افتشلت الحين شو اسوي انا حمدان: ههههههههه انا اقول اني اعرفها طلعتي انتي : حمدان الله يخليك انا ما يخصني حمدان: ريم شياج بسم الله ريم: يعني ما بتسوي شي حمدان وهو يضحك: هههههههههه يعني شو بسوي ريم: الحمدالله طمنتني حمدان: هههههه انزين انتي شو يايبنج هني ريم: سالفه طويله حمدان: انزين انتي ياية ويا منو ؟ ريم: ويا عليا و البنات حمدان: عليا وين ؟؟ ريم وهي اتأشر: هناك حمدان: انزين تعالي وياي يالله بنسير عندها ريم: حمدان ليش بتسير عندها حمدان: ههههههه انتي شفيج خوافه جيه ابا افهم السالفه وطبعا راح حمدان وريم عند عليا ، وعليا قالت له انها من البدايه فكرة ريم وانهم عبالهم انه الشباب متجمعين ف عزبة ريم ما ف عزبتهم. ريم: شفتو انا كنت حاسه لو رحنا عزبتنا ما احسن عليا وهي تسال حمدان: منو موجود هني حمدان: محد بس انا وهزاع اخو ريم و علي عليا: عيل شو الحين بتروحو حمدان: اكيد لا ريم: عيل تعالو انروح عزبتنا حمدان: ليش ما اتمو هني عادي ترا ما فيها شي العنود: انزين انتو ليش ما بتروحو حمدان وهو يتنهد وكانه فيه هموم الدنيا: اهههههه ياختي خلينا اشوي انغير جو حاسدينا على هالفرحه العنود: لا ما حاسدينك حمدان: انزين شو رايكم تعالو عندنا وسوالف وحاله وعلوم بدال الملل الي عايشات فيه عليا: انا موافقه ريم: دامه اخوي موجود انا بعد موافقه هيا: انا اسفه ما ابا العنود: انا ويا عليا و ريم موافقه شيخه: انا بعد اسفه ما ابا عليا: شيخه لا والله شيخه: انا موافقه بس مستحيل اخلي هيا الروحها عليا: اصلا هيا موافقه بس تتغلى هيا: حشى عليه لا اتغلى ولا شي عليا: عيل ليش ما تبي هيا : ما ادري احس غير عليا: هيا عادي ترا ، لا اتحسي ولا شي ترا ما فيها شي هيا: بس " عليا قاطعتها : لا بس ولا شي عادي هيوه حمدان سبقهم عند الشباب واللي هم هزاع و علي عسب يقولهم السالفه و عسب ما يفهمون موضوع البنات غلط وقال لهم كل شي من طأطأ ل السلام عليكم ودخلن البنات وسلمن هزاع: واخيرا حمدان: ليش وخيرا؟؟ هزاع: نبا حد يلعب ويانا ورقه ما يصير احنا الثلاثه لازم اربعه ولا سته حمدان: بتلعب حكم ؟ هزاع: هيه حمدان وهو موجه السؤال للبنات: عيل يالله منو يعرف يلعب حكم البنات: ولا حد رد حمدان: مستحيل انه مافي حد ما يعرف يلعب حكم عليا: شيخه احيدها تعرف هالسوالف هزاع: انزين يالله بنلعب احنا الاربعه و انتو جوفو الانه بعدين بنلعب سته البنات: اوكيه شيخه سارت عندهم هزاع: شوفي شيخه انتي ويا علي وانا ويا حمدان موافقين ؟؟ اللي كان يلعب : موافقين ولعبو واللي فاز كان علي و شيخه الساعه قربت على المغرب والبنات عادي متعودين على انهم يتمو ف بيت عليا لين الساعه 10 تقريبا ف ما عندهم اي اشكاليه علي من اول ما يلسو البنات وهو ما تكلم ولا كلمه حمدان: علي شفيك علي: شفيني من اي ناحيه حمدان: يعني ما اتكلمت ولا كلمه شفيك علي: تعبان ياريال مهموم حمدان: افا مهموم وربيعك هني قول شو فيك علي: الصراحه يوعان لو البنات ايسيرو ايسو اكل وايد زين حمدان: ههههه الله يعين بطنك اذا هالبنات سون لك اكل عليا: عادي بنسوي اكل بنسير المطبخ و بنطبخ حمدان: انتي عاد خاصه لا اتدشي المطبخ علي وفيه الضحكه : شفيك عليها حمدان: يا تعفس المطبخ واخر شي ما اتسوي شي ولا تطبخ واخر شي يطلع نيء ولا محروق علي: لها الدرجه ههههههههههه عليا: حرام عليك والله اتضحك ربعك عليي حمدان: انزين يالله سيرو المطبخ عليا: انشاءالله وسارو المطبخ ف المطبخ عليا: ها يالله طبخو ريم: انا بسوي لكم باستا العنود: وانا الكوكيز والسويت شيخه: وانا بتصل للمطعم اييب محاشي وفطاير هيا: وانا بسوي سلطات الكل: يالله نبدأ وعليا المسكينه تطالعهم واتقول: كلكم تعرفو اتسوو اشياء الا انا مالت علي شيخه: هههههههه وانا نفس حالتج كله اكل من برع عليا: هيه والله صدق خلصو البنات سوالفهم وخلصو من الطبيخ ويا شيخه اتصال من المطعم واللي ما عرف يفهمها آخر شي طرشت له اللوكيشن ع الواتس اب عل وعسى يفهم اللوكيشن صح ... يوم شيخه سايره برع شافها علي وسار وراها و شيخه ما كانت اتحس بخطواته ولا تعرف انه في حد وراها ووفقت عند الباب مال العزبه تتريا راعي المطعم يوصل وعلي من وراها جان يقول: هلا شيخه خافت وجان تشهقت وتلتفت يمين ويسار ، علي عبالها تستنا حد مثل حبيبها ولا حد ف سألها علي: بلاج خفتي ؟؟ تترين منو ؟؟ شيخه: هاه ،( وفداخلها) ها شيابه الحين بيكشف انه هالاكل من المطعم علي: بلاج قولي شيخه:ما شي انا بس ...... (وهني استسلمت )..... انا بقولك بس الله يخليك لا اتقول لحد علي وهو حاس انها بتقوله الشي اللي ف راسه: قولي لا اتحاتين شيخه: انا اتريا راعي المطعم علي وهو حس بشي ما طبيعي ب راحه وضحك في نفس الوقت : هههههههههههههه لا لا صدق روعتيني الحمدالله انه طلع راعي المطعم شيخه: ليش انت شو كنت اتظن علي وهو يبا ايرقع الموضوع: لحظه يعني انتي ما بتطبخين ف طلبتي من المطعم وما تبي حد يشوفج ولا بتنكشفين صح؟؟ شيخه: يب يب علي: انزين لبيش ما تطبخي ؟؟ شيخه: ما اعرف علي: لا والله انا ما باكل الا من اييدج شيخه: خل عنك بتاكل منو يطوف المحاشي علي: أنا اطوفهم شيخه: مستحيل ما اصدق علي ببروده دم: كيفج ، لحظه بسألج سؤال انتي اللي كنتي اتقولين لي عنود عنود جيه شي من هالقبيل ف الحديقه ؟؟ شيخه: هاه متى ما اذكر علي: البارحه شيخه: ما اذكر علي: ههههههه اكيد ما بتذكري دامني التفت يمين اشوف غبار محد شيخه: مب لها الدرجه علي: ههههههههههه فدييـــــــــــــــــــــ ـــــــــــت ويقاطعم صوت هرن سياره راعي المطعم راعي المطعم يعطي الكيس ل شيخه وشيخه توها بتمد اتوصل الفلوس له علي مسكها من ايدها وعطا راعي المطعم الفلوس قبلها واتريا راعي المطعم لين ايروح وقال لشيخه: ماعيب شيخه: ع الشو علي: ما عيب تدفعين وانا موجود جدامج شو شو تتحريني مب ريال شيخه وهي خايفه ومنزله راسها: ما صار شي وبعدين ما عيب عليك تمسك ايدي جدامه علي: امسك ايدج ولا انه يلمس ايدج يوم يعطيج الفلوس شيخه: انزين انته شفيك معصب علي: ما احب هالحركه وهالسوالف شيخه: انزين خلاص لا اتعصب الحين بتاكل وكل شي وانشاءالله المره اليايه بقولك ادفع شو رايك علي: هي جيه زين موافق وبعدين قلت لج ما باكل الا من ايدج شيخه: خل عنك بتاكل ويالله انا بوديه عند البنات علي زخها من ايدها قبل لا اتروح وقال: شيـــــــــخه انتي ... (وسكت) شيخه: الشو ؟؟ علي: امممممم ما شي ما شي خلاص شيخه: علي قول اللي في خاطرك لا اتخلي شي فقلبك ترا عيونك تبي اتقولي كلام علي: مب وقته اصلا اني اسألج هالسؤال شيخه: يعني سؤال؟؟ انشاء الله اكون اعرف اجابته علي: لا تعرفي اجابته بس خليها يوم ثاني شيخه: افففففف علي بتقول ولا اروح علي: طع عصبت عصبت خلاص بسال اففف الحريم كيف شيخه: عشان تعرف طبع الحريم كيف وما اتحط دوبك ف دوبهم علي: انزيـــــــــــن شيخه: انزيـــــــن قــــــول علي قرب منها شوي و شل الاكل اللي في ايدينها وحطها على الطاوله اللي كانت عدالهم وقال: شيخه ما اعرف الشي اللي اسويه صح ولا ...... بس انا ودي اسالج سؤال ؟؟ انتي تحبين حد؟؟ شيخه انحرجت وما عرفت شو اتقول ونزلت راسها : هااه علي: انتي اتحبين حد... يعني انتي تؤمني بالحب من اول نظره شيخه: هيه انا أؤمن بالحب من اول نظره بس سؤالك محرج الصراحه علي: انزين انتي لا اتجاوبيني بس الحمدالله دامج تؤمنين بالحب من اول نظره يعني انتي بتحسي فيني شيخه: احس بالشو علي: شيخه ياخي انا احب وحده وحبيتها من اول نظره وما اعرف كيف افاتحها بالموضوع شيخه : وييييع قطع قوم عني واني عبالي بتقولي شي رومانسي جيه وماسك ايدي وحاله واخرتها جيه وياك ... شيخه شلت الاكل وروحت المطبخ وعلي تم يطالعها وما اعارف يستغرب ولا يموت ضحك علي: ياخي خبله والله خبله عند البنات وشيخه توها داخله عليـــآ: شياج اتأخرتي ؟؟ شيخه: ما اعرف ناس استغفرالله منهم عليآ: شفيج؟؟ العنود: منو الناس؟؟ شيخه: ما شي ماشي خلوني اروحي هيا: اشفيج لابقه ضو علينا بسم الله شيخه وهي تتنهد: ما شي ريم: دامه ما شي فيج لا تيلسو تتفلسفو ويالله انودي الاكل عليآ: بعدها ما يت حتى الساعه 5 شو دياي ؟؟ هيا: صدقها عليا شو انودي الاكل الحين بس خلنا بنودي لهم السويت ريم: عيل شو انسوي تراني مليت ابا احوط فالعزبه ولا اني اتم جييه داخل ما اسولف شيخه: حتى انا ما ابا اسير هناك عندهم عليا انفجرت ضحك: ههههههههه منو اللي جيه مسوي فيج ليكون حد من الشباب ههههههههههه ريم: ما اضني هزاع جييه يسوي فالبنات هزاع وادربيه شيخه: اففففف هذا علي هيا: وشفيه علي شيخه قالت لهم السالفه كلها العنود: شيخه شكله طاح ف حبج من اول نظره وما يبي ايقول شيخه: لا ما اضني عليا: ههههه الله يخليكم لبعض شيخه : شفيكم ؟؟ ريم: منه المال ومنج العيال مبروك هيا: هههههههههه شيخه: اففففففففف والله خلاص لا تطرولي السالفه البنات: انشاء الله ريم: عليا انا بروح برع بحوط فعزبتكم منو بيروح وياي شيخه: انا بروح وياج برفه عن حالي ريم: ههههه يالله منو بيي ويانا ؟؟ عليا: شكله محد انتو الثنتين بتروحون بس شيخه: انزين يالله بنروح احنا البنات: اوك | ||||
|
|
|
02-08-17, 02:04 PM
| #5 | ||||
| مشرفة منتدى قصص من وحي الأعضاء 
| هلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك الاطلاع على موضوع تعدد العضويات فهو مهم جداً https://www.rewity.com/forum/t291277.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html وارجو منك الاحتفاظ بهذه الصفحة وتنزيل مشاركات الفصول فيها... سيتم نقل المشاركة ل الصفحة الرئيسية لمنتدى قصص من وحي الأعضاء لان هنا مكان الروايات المنتهية... | ||||
|
|
|
03-08-17, 04:36 AM
| #7 | ||||
| البارت 3 "ريم و شيخه راحو يتمشون في العزبه " والبنات تمو داخل المطبخ العنود : انزيــن شو انسوي الحين؟؟ عليآ: ما شي " هيا كانت متوتره وحاله ، عنود انتبهت لها وقالت: هيا شو فيج هيا: هاه ما شي بس ما متعوده ايلس هاليلسه وفجأه هزاع يدخل هزاع: السلام عليكم البنات : وعليكم السلام هزاع : عليآ ممكن شوي ؟ بغيتج ب موضوع عليا : انا ؟! هزاع : هيه عليا بإستغراب : انشاء الله وطلعت عليا ويا هزاع هزاع: عليا بغيت منج طلب لاهنتي وما اباج اتقولين لحد تراني حاط ثقتي فيج عليا: آمر تفضل شو بغيت وانشاء الله اكون قد الثقه هزاع: عليا ابا هيا عليا : بسم الله كيف تباها يعني وضح هزاع : شوفي انا ابا اكلمها الحين على انفراد اذا ممكن ومستحيل اسير ازقرها جدام البنات ف بغيت مساعدتج عليا: تامر انشاءالله ، بس هالطلب ؟ هزاع: هي و سمحيلي بتعبج وياي عليا : لا اي تعب وروحت المطبخ عليا: افففف هالشباب لازم يتشرطون بعد اونه قصو ليمون وما ادري شو لوسمحتي هيا ممكن تطلعين برع اتيبين السجين الكبيره الاني آخر مره شفتها هناك هيا : انشاء الله " عليآ سوت هالحركه ع اساس عنود ما اتحس بشي و هيا تطلع عسب هزاع يكلمها " هيا وهي طالعه حد مسكها ... اكيد عرفتوه ( هزاع) هزاع : افاا بلاج لا كلام لا سلام هيا: بسم الله هزاع ش فيك روعتني هزاع: ههههه ليش شو شايفه يني هيا: لا والله بس كنت سرحانه هزاع: سرحانه ف الشو؟ هيا: ما يخصك ، ووين هاي السجين بعد هزاع : ههههههههه والله طلعت تعرف تلعب عليا بس ابا اعرف شو قالت لج هيا جان تشهق: هااااهههه شو صار بينك وبين عليا هزاع: ههههههههه بلاج انا قلت لها ابا هيا واباج اتساعديني هيا: اااهههه اشوى الحمدالله طمنتني هزاع: ليش شو كان في بالج هيا: ما شي هزاع : عبالي بعد هيا : انزين شو كنت تبا هزاع: ما شي بس تعرفي ملل ف قلت ايي عندج واتعرف عليج اكثر هيا جان تستحي ونزلت راسها : ليش يعني انا ب الذات هزاع: ما ادري جييه احسج غير وبعدين انتي الوحيده اللي جيه يعني ما اعرف كيف اوصل لج يعني بس اتمنى انج فهمتي علي هيا: ما ادري بس اضني فهمت عليك هزاع : انزين تعالي نتمشى هيا : شو ؟؟ لا اصلا برجع هزاع: لا والله هيا : هزاع انت صاحي هزاع: ليش ؟؟ هيا: كيف تبانا نتمشى جدام ربعك وجدام ربيعاتي شو بيقولون عنا هزاع: انزين تعالي وياي ف السياره بنحوط ويا بعض هيا: هزاع انت يالس اتروعني لا تستهبل هزاع: انتي ش فيج خوافه جيه تراني ما بسوي فيج شي والله انتي شو ما واثقه فيني هيا : السالفه مب سالفه ثقه هزاع: عيل شو السالفه هيا : هزاع انت تعرف انا بنت وانت ولد يعني السالفه واضحه هزاع: ويعني انا ما اشوف ان السالفه فيها شي هيا: هيه صح السالفه ما فيها شي هزاع: هيا لا انترفزيني هيا : ليش تراني ما قلت شي غلط قلت الصدق هزاع جان يعصب وهو يصرخ: هيااا هيا فزت فزه من الخوف هزاع: هيا قلت لج لا اترفزيني لا اتحسسيني انا احنا قاعدين انسوي شي غلط هيا : ...................... هزاع وهو شوي خازت عنه العصبيه : هيا روحي روحي الله يخليج روحي عند ربيعاتج ما ابا اعصب عليج "هيا خانقتها العبره اول مره حد يصرخ عليها جيه كانت الدموع ف عيونها الانها ما متعوده حد جييه يصرخ " هزاع وهو يصرخ مره ثانيه: هيااا ما تفهمي اقولج روحيي "هيا فزت مره ثانيه وجان اتدمع عيونها و سارت بس بعد جم دقيقه حس هزاع ولحقها بسرعه قبل لا اتدش عن البنات و مسك ايدها ... هزاع: هيا لا اتصيحي، انا والله آسف ما كان قصدي بس والله ما مني انا جييه عصبي. هيا: ........................ هزاع: هيا الله يخليج قولي شي هيا: ما متعوده حد يصرخ علي انت اول واحد جيه يصرخ علي ، واهلي اللي هم اهلي ما يصرخو علي شراتك هزاع: والله آسف بس انا انسان جيه يوم اعصب هيا : ........................ هزاع: اوك اوك اوعدج اني ما راح اعصب عليج ولا اصرخ مره ثانيه وهذا وعد هيا : متأكد !! كلام رياييل ؟! هزاع : ههههه هيه كلام رياييل هيا : اوك هزاع: يالله عيل مشي دموعج الحين وخلينا نتمشى هيا: انشاءالله هزاع: ههههههه اضني الصرخه يابت فايده هيا : ججب هزاع: هههه يالله انزين "عند حمدان كان يفكر ف غلا كيف يقدر يتسامح منها ويفهمها الموضوع ولا فجأه:x آههههههههههه سمع صوت صرخه ، وبدون اي مقدمات سار صوب صووت هالصرخه وشاف ريم وهي ماسكه ريلها وسار عندها بسرعه " xحمدان: ريم ش فيج شيخه: عضتها الجلبه حمدان شل ريم ب اييده وحطاها ع الكرسي ريم: آههه حمدان: الله يهداج انتي شو مودنج عند الجلبه ريم وهي اتصيح : كنت سايره عند عيالها كان شكلهم كيووت وشليت واحد منهم وما حسيت الا عضه ف ريولي حمدان : شيخه جان ما عليج امر تقدرين اتسيرين اتييبين علبه الادويه من الحجره اللي هناك شيخه: انشاء الله حمدان: ريم عادي اكشف عن ريلج ريم وهي بعدها اتصيح : حمدان الله يخليك سو اي شي حمدان : اوكيه ابتلشنا احنا يت شيخه ووياها العلبه حمدان: شيخه تعالي انا بقولج كل شي وانتي سويلها شيخه: شو لا لا انا ما اعرف حمدان وهو معصب: شو يعني؟؟x عادي اكشف عن ريولها شيخه: عادي ما فيها شي بالمنطق البنت فيها دم يعني الدكتور اللي هو الدكتور يكشف عن الحرمه حمدان: امري لله ش بسوي بعد كشف عن ريولها و نظف الجرح لان يمكن في فيروسات من الجلبه ولا شي و لفاها بشاش بعد ما طهر الجرح حمدان: ها الحين زين تقدري تمشي عليها ريم : هيه زينه اصلا ما يعور واايد بس الاني كنت خايفه حمدان: لا والله ، انزين الحين تقدري تمشي عليها ريم : ما ادري لحظه بوقف بس ساعدوني حمدان: يالله وقفت ريم و مشت حمدان: ها تعورج ريلج؟ ريم: لا الحمدالله حمدان: الحمدالله ريم: حمدان الله يخليك ابا وحده من الجلاب الصغار حمدان: انتي شو ما اتوبي ريم : والله من زمان خاطري فيهم واليوم اول مره اشوفهم حمدان: المفروض اتحرمي اتشوفيهم مره ثانيه ريم: حمدان الله يخليك الله يخليك حمدان: شو انسوي بعد تعالي وياي ريم: لا ما ابا انت ييبلي اياهم حمدان وهو اونه معصب : بتي ولا ؟؟ ريم: اوك بيي بيي افففف حمدان: يالله تعالي ريم: اوك لحظهه اتريا انا خايفه حمدان مطها من ايدها وقال: تعالي انا وياج لا اتخافي ريم: اوك وداها وزخت الجلاب الصغار وكانت خايفه بعدها من الجلبه هههههه حمدان كان حاب يزيغها شوي فقال وهو يصرخ : ريييم رييم الجلبه بتعضج ريم جان تصرخ وطاحت ف حضن حمدان حمدان جان يضحك ضحك ريم وهي خايفه: حمداان الله يخليك وخرها عني الله يخليك حمدان : ههههههههه اتمصخر وياج ما شي جلبه هههههههه ريم جان اتعصب وروحت من عنده "وشيخه تراها روحت من بعد ما ريم قالت انها تقدر تمشي الروحها و الانه حمدان موجود عندها حمدان حز في خاطره وسار عندها بسرعه حمدان وهو يصرخ: رييم ريمم ريم :.............. حمدان: ريم ادري انج تسمعيني ياخي وقفي ريم : خير شو تبا حمدان: يمهه فدييت المعصب ريم : اففففف ش تبا حمدان وهو باين عليه الضيج: ريم انا آسف ترا كنت حاب اتونس واونسج وياي بس شكلج عصبتي من الموضوع ريم : ما عصبت حمدان وهو بعده باين عليه الضيج: آسف ريم منتبه عليه انه مضايج بس ما كانت تعرف شو اتسوي فقررت انها تساله ف ذيج اللحظه الانه فرصه محد عندهم ريم:x حمدان بسألك حمدان : عيون حمدان انا كلي تحت امرج ريم: حمدان لا اتسوي جييه تراك اتقص ع عمرك مب علي هالحركات حمدان: بسم الله شفيج ش صاير ما قصيت عليج انا ريم: عيونك اتقول فيك شي من الشو مضايج قولي حمدان: انتي شو اتقولي تراني ... ريم قاطعته: حمدان لا اتلف واتدور انا اعرفك عدل وانت فاهم شو اقول انا حمدان وهو يتنهد : آهههههه والله ي ريم ما اعرف شو اقول ريم : قول اللي فخاطرك اتقوله حمدان: مهموم ريم : انزين فضفض لي حمدان: ههه مستحيل ريم : افاا ليش ؟؟ حمدان : ما ادري مستحيل بتضحكي علي ريم : ما عاش اللي يضحك عليك حمدان هني شي ياه قال عنده ريم ليش ما يشكيلها بس بصفه انه هالهموم ف ربيعه مب هو حمدان: ريم مضايج على ربيعي يباني اعطيه حل وانا ما عارف له ريم : شو فيه حمدان: شوفي ربيعي كان مسافر وياي لندن وراجع قبلي البلاد و طبعا هو يحب وحده من هناك هي امارتيه بس هي بعدها مطوله هناك ما راده البلاد ف ربيعي كان دوم ع اتصال وياها ف يته فتره صار له مشاكل وحاله وتعب المسكين وصار له كذا يوم ما كلمها نساها المسكين من الهموم والمشاكل ف يا يوم واتصلت فيه وهو كان ناسي سالفه تلفونه لين لاحظ واحد من ربعه وقاله ان تلفونه قاعد يرن ويوم شاف الرقم شاف انه رقمها وقال كيف نسيتها انا وما ادري شو فرد عليها وقالت: له انت ليش ما اترد علي اكيد حصلت وحده غيري وقال لها طبعا ضروف وحاله وقالت له شو من الضروف اللي اتخليك تنساني وما ادري الشو ونفست عليه وبندت وهو المسكين ما يبا ايقولها المشاكل وهالاشياء الانه اسرار المفروض ما تطلع برع ف الحين ش الدبره يبا يفهمها الموضوع بس ما عارف كيف ريم: .................... حمدان: ادري شكلج ما فهمتي عاد انا والفهم ريم: بلاك افكر بس شوف حمدان اصلا لو هي كانت اتحبه كان تفهمت وضعه مب جيه بسم الله غيره حمدان:x تدري هو وياها من كذا سنه يعني عاش وياها سنوات مب بس شهور وما هدها الا الحين ريم: قلت تراها سنوات المفروض تثق فيه مب جيه ، قوله يبتعد عنها الاني احسها جييه راعيه مشاكل يعني من اولها جيه عيل يوم يزوجها ويسافر مع ربعه شو بيصير فيها اضني ربيعك بيتندم حمدان: اتهقين جيه الموضوع ريم : اكيد ما يبالها حمدان : بس هو مستحيل يهدها الانه يحبها ريم : اذا يباها المفروض يكون عارف كيف يفهمها الموضوع واذا كان صدق يحبها كان عرف كيف اييب راسها الانه بيكون فاهمنها وفاهم طبعها حمدان سكت وتم يفكر ف كلام ريم ويالس يقول ف نفسه: انا وياها عايشين سنتين تقريبا ويا بعض، كيف ما اعرف افهمها الموضوع ؟ والله ي ريم حيرتيني بموضوع غلا ريم فجاه رمست: احس جيه ما ادري بعد التفكير جيه كيفف كذا احس علاقتهم غلط ما راح يكملون مع بعض . حمدان : انا منصدم ريم : من الشو ؟! حمدان : منكم انتو البنات ما شاء الله كيف جيه تعرفون كل هالسوالف ريم: تراه مسلسلات وافلام وروايات وحاله حمدان: هيه ما عندكم سالفه الا هالخرابيط وانا اقول من وين اييبن هالسوالف ريم : ههههه شفت كيف حمدان جان يصرخ: ريييم الجلبه وراج ما اكذب عليج ريم جان تصرخ و اتزخه من اطراف كندورته من جدام من الزيغه حمدان : ريم صبري صبري الحين بخوزها ريم بعدها ع حالها هههههه حمدان جان ينفجر ضحك ريم وهي زايغه : شوفيك حمدان : تراني اكذب والله ريم : حيواان (وجان اتروح) حمدان: هههههه مينونه (وطبعا هو روح وبعده يالس يفكر ف السالفه واللي قالته ريم ) xخلنا نرجع ل شيخه شيخه كانت تتمشى ونفس الوقت علي كان ماسك التلفون ويالس جدام الخيمه وشيخه ما منتبه لشي والا شوي وريلها تزلق بالحصاه واتطيحx *ههههه* وانتبه لها علي وسار عندها بسرعه وشيخه كانت مستويعه شوي وقال: شيخه صار لج شي؟ اتعورتي؟ اساعدج ؟ شيخه وهي اتنظف التراب من ثيابها : لا شكرا سير عند الي حبيتها من اول نظره علي : تراني انا عندها الحين شيخه : ادري وادري انك زاخ التلفون ويالس اتكلمها تراني اجوف مب عميى علي : ياهبله منو قالج اني يالس اكلم حد انا ؟؟ ما عندي سالفه ايلس اكلمهم (وقرب منها شوي) تراني احبج يالهبله هاي انتي (شيخه منصدمه هههه) علي: انزين اخليج بعد شوي بيو الشباب شيخه: ............... (وروح علي الخيمه) عليا وهي يايه وشاله الاكل : شيخه ؟؟ شيخه وليرحم امج تعالي ساعديني تعبت شيخه: هااه عليا: شوفيج شيخه: ما شي عليا: تعالي شلي عني اغراضج وديه لهم شيخه صرخت من التوتر ما تبا اتشوف علي : لاااا عليآ: بسم الله ما قلنا شي انزين خلاص لا اتساعدينا ( وروحت) شيخه وهي ترمس عمرها: ياخي ش السالفه .. يعني صدق صدق هو يحبني ولا يجذب علي ( وبعدين نست السالفه مع لويه البنات) " الكل كل من الاكل ما عدا علي .. صح انه كان يوعان بس كان يبا الاكل من اييد شيخه ف ما طاع ياكل ... وقرب يطلع القمر من محله ورد كل شخص ل بيته وخلص اليوم على خير " x يوم السبت * الفجر* حمدان: والله آسف انتي تعرفيني غلا: انزين اصلا انت تدري شقا خفت عليك وانت ما اترد حمدان: والله الضروف ولا انتي تعرفيني اني ما اقدر اصبر بدونج لو سآعه غلا : انزين دامك ما تقدر تصبر عني حتى لو ساعه ، ارجع تعال هني عندي والله فاقدتنك حمدان: انا شو قلت انتي ما عليج مني اهم شي دراستج غلا: انزين بسالك منو ريم؟؟ حمدان: شو ؟؟ غلا : تذكر مره زقرتني ريم ؟؟ منو هاي ؟؟ حمدان: هيه تذكرت بالغلط والله ما ادري شو ياب هالاسم ف بالي وقلته غلا : صدق حمدان يعني بالغلط .. يعني ما تعرف وحده اسمها ريم ؟ حمدان وهو ما يبي غلا تعرف ، ما يدري شو الشي اللي خلاه يخبي عنها اسم ريم : لا ما اعرف غلا : اوكييه حبيبي تراني عندي الحين اهلي بسير عندهم حمدان: اوك عمري باي غلا: باي ( وسكرو ) حمدان: انا ليش جييه اسوي .. ويقاطعه صوت دق الباب ام حمدان: حمدان يمهه قوم فديتك صلي صلاه الفجر "حمدان سار يفتح الباب ل امه " حمدان: هاا امايه تراني زاهب وكل شي بس في شي ناقص ام حمدان : شو فديتك قول آمر حمدان باسها فوق راسها وقال: هذا الي كان ناقص ام حمدان: الله يخليك لي ويطول ف عمرك حمدان: ويخليج لنا يارب ام حمدان : انزين بتلقى خلوود ف المسيد حمدان: بسم الله ليش ويا منو ساير هو ام حمدان: الروحه ساير مشي حمدان: جان قلتي له حمدان بيوصلك ام حمدان: ليش عبالك ما قلت له حمدان: حتى امس وانا عبالي طافتني الصلاه ساير من وقت ام حمدان: والله يولدي لو انت اتكلمه وتساله شو فيك يمكن يقولك حمدان: انشاءالله امايه تامريني بشي ام حمدان: لا ابغي سلامتكم حمدان: عيل يالله مع السلامه ام حمدان : مع السلامه الله يحفظكم " خلصو صلاه وحمدان يالس يدور على خالد وجان يشوفه مخلص ويالس يقرأ قرآن .. اترياه حمدان ف السياره لين طلع خالد من المسيد.. ودق له هرن حمدان ونزل الدريشه وقال : خلوود تعال خالد: هلا حمدان بغيت شي حمدان: تعال اركب اركب " طبعا خالد ما طاع بس باصرار من حمدان ركب السياره" حمدان : خلود شو فيك ؟ خالد : ما شي حمدان: انت مضايج من شي ولا شي خالد: لا ليش تسال حمدان : عيل ليش ما رضيت تركب وياي فالسياره واتسير اول الناس المسيد حتى الايمام بعده ما وصل خالد : حمدان انا بقولك بس الشي اتمنى يكوون من بيني وبينك حمدان: تمم بس انت قول شو اللي مضايقك خالد: حمدان اشتقت ل ابوي و لسوالفه قبل .. انا اسوي جيه الانه يوم كنت صغير كان يقولي سير قبل كل الناس المسيد وانصلي اوانا كنت اسير اصلي لانه ما فيها شي لو الريال من الضيج يدعي ل ربه ويصيح و اسير مشي الانه كان هو يمشي بعد يمكن يوم يشوفني يحن قلبه و يرجع لنا ومب شرط يرجع بس يمكن يحن قلبه ل الصلاه على الاقل ركعتين بدال هالسم اللي يشربه حمدان: آهههه انت بس ادعي وقول الله يهديه وما عليك انشاء الله الامور بتتعدل ونرجع شرات اول واحسن خالد: انشاء الله "ورجعو البيت بعد ما حمدان يلس يواسي خالد " بس حمدان يلس فالسياره ما نزل عليآ وهي تركب السياره : هاا شو بغيت ليش مطرشلي مسج تعالي السياره بسرعه حمدان : ابا احوط وياج عليآ: بسم الله ليش ؟ حمدان: مشتاق للمكان وابا حد يونسني فالطريق عليآ : عيل ليش ما اتشل دلال بتونسك اكثر عني حمدان: ههه بتفضحني ما بيتم حد ما بتقول له شو سوينا و شو قلت و شو صار عليآ: ههه فديتها حمدان: هههه انزين يالله انحرك؟ عليآ: يالله عليا وهم يالسين يحوطو : حمدان تعال بصورك سنابx حمدان: لا واللهx عليآ: ما اكذب والله بصوركx حمدان : انزين ياللهx وصورته وحطته ف الستوري وفجأه حمدان يسمع صوت مسجات من تلفون عليآ شالسالفهx حمدان: شوفيج ش صاير حد ماتx عليآ: لا بس الظاهر انه البنات ماتوx حمدان: ههه بسم الله ليش؟؟x عليآ: طالع طالع وحده كاتبه المهر علي بس خل يعزم وتراني موجوده ما يحتاي اتدوروله وحده هههههههه حمدان: كل هالكثر انا جميلx عليآ: لاx حمدان اصلا ادري اني جميلx عليا: مداح نفسه يباله رفسهx حمدان: هههههx عليآ : غرييييبهx حمدان : شتبيهم بنات الناس ههه عليا: سخيف سخيف قصدي غريبه مب بنت الناس قصدي اني استغربتx حمدان : مستغربه من الشوx عليا : في وحده ما اتدانيني خير شر ولا انا بعد بس ما ادري شو فيهاx حمدان: ليشx عليآ : اقراx كان المسج ك التاليx السلام عليكمx شحالج عليا انشاءالله بخيرx اكيد عرفتيني منو صحx حبيت اصبح عليجx الا ما قلتيلي منو هالجميل اللي مصورتنه ؟ لا اتقوليلي اخوج الانه جميل الصراحه فدييتهx هو متزوج ؟x ما علينا باجر بشوفج فالجامعه وبكلمجx بس ما قلتيلي عندكم حد يوصلكم ولا انا ايي ترا عادي ما فيها كلافه ولا هالجميل بيوصلجx ' حمدان قرا المحادثه وخلص ' حمدان: اقولج لا اترابعي هالاشكالx عليا : طعع اتطرش صورهاx حمدان: اجوف ، سؤال هي اتشوف شكلها قبل لا اتطرش ولا شو سالفتهاx عليا انبقت ضحكx حمدان : استغفرالله ههه عليا: استغفرالله علي العظيم استغفرالله كله منك تيلس اتعيب عالناس حمدان : استغفرالله بس صدق والله مثل ما قلت لج لا اترابعي هالاشكال ولا تعطيهم ويههx عليا: انشاءالله حمدان: ترا باجر دلال عندها امتحان وبتشل السايق وانا بوصلج باجرx عليآ : شو انزين ليش انته ما اتوصل دلالx حمدان: ش ادور وبعدين امي بتروح وياها ف ما ينخاف عليهمx عليا: انزين ترا انا ما اروح الروحيx حمدان: عيل ويا منو اتروحيx عليا : ويا ريم وشيخهx حمدان : صدقx عليا: هي صدق ليش ما ناوي اتودينا شوx حمدان : لا ما يخص بس عبالي من هالبنات نفس هاي اللي توهاx عليا: لا حبيبي ربيعاتي ما استغنى عنهم فديتهم حمدان: هههه الله يخليهم لج عليآ: آميين ~وفجأه ~ عليآ: انت وين مودنا حمدان: شعبيتنا القديمهه عليآ: شو تبا فيها ؟ حمدان: احيد في مطعم علوو اخافهم كسروه عليآ: الله صدق يعني بتريقني من هناك حمدان: هي ونسترجع ايام اول جافو مطعم علووه بعده على حاله وطلبو لهم سندويجات << بتقولون هم عندهم الخير ليش ما يسيرون مطعم ثاني ؟ في أشياء ما تنسى وفي أشياء حلوه ومب شرط الشخص الغني يعيش ف عز ترا عيشه الفقراء مب حرام وتراهم كانو عايشين ف هالاماكن وياكلو من هالمطاعم ف ما فيها شي لو رجع فيهم الزمن وكلو من هالمطاعم >> حمدان : حرام شو هاا وين الملعب عليا: ما شي ما اتجوف بيت موجود حمدان: حرام كان في ذكريات حلوهه حمدان كان في خاطره يسير يجوف بيتهم عليآ: شو اتسوي اتسير هناك حمدان: ابا اجوف نفس حاله ولا تغير عليا: يالله انا بعد ياني فضول حمدان: يالله وسارو وجافو صغار كانو متخبلين ع السياره وحرمه كبيره قولو عمرها 50 سنه حمدان نزل من السياره ووياه عليا سارو يسلمو على العيوز وحبوها فوق راسها * طلعت العيوز هاذي ماعندها غير ولد واللي كان متزوج من بنت اختها واللي يابو ثلاث عيال ولدين وبنت واللي صار لهم حادث واتوفو فيه بحجه انه السياره كانت قديمه واخترب عليهم القير وما قدرو يتحكمو فيه لين اصدمو ب الشاحنه مما ادى الى الوفاه * طبعا مع صريخ اليهاال واللي فحياتهم ما دشو سياره ومع رفض العيوز انهم يركبون بس ب اصرار عليا و حمدان طاعت الانهم ما يبون يكسرون خاطرهم ، وصدق شلو اليهال ودوهم الجمعيه و اشترو اغراض حق البيت واليهال اشترو لهم حلويات و جبسات و بعدها خطفو مكان العاب طبعا كانو يستحو يشترون هالسوالف بس عليا وحمدان يشوفون عيونهم والشي اللي فخاطرهم يبين على ملامح ويهم ف اشتروهم الالعاب اللي يبونها و طبعا سارو محل مال ملابس واشترو لليهال ملابس و جواتي وبعد عليا اشترت للعيوز اغراض وبس رجعو اليهال وهم سالمين غانمين و حمدان ما قصر قحم الاغراض داخل مع انه ما شي تغير في البيت غير انه الثلاجه محتاجه تصليح طبعا اتصل للمحل مال الثلاجات وطرشلهم اللوكيشن و دفع اون لاين عشان هالعائله يقدرون يعيشون وطبعا مع فرح اليهال و دموع العيوز طلعو من البيت عشان ياخذون راحتهم ... عليا: آههه مساكين حمدان : هي والله عليآ: شكلك كنت حاس انه حد يبا مساعده حمدان: اههه الله يعينهم عليآ: انزين احنا ما نقدر انسوي شي ومصاريف المدرسه والعيد و رمضان بعد قرب حمدان: ما عليج انا بهتم ف هالموضوع عليا: اوك رجعو البيت وطبعا كل العاده البنات كل وحده ف بيتها عشان يدرسو ويفهمو واللي عنده امتحان و حمدان يحوط مع هزاع ف هالمولاات الين ما طلع القمر من محله ورجعو البيت | ||||
|
|
|
15-08-17, 05:46 AM
| #9 | ||||
| البارت 4 ... (( الصبح الساعه 7:30 ، كانت العايله متيمعه تحت....يالسين يتريقون عسب يسيرون المدارس والجامعه.....)) دلال وهي نازله من فوق...: أفففففففف، اليوم الاحد ....والله اني مب متفيجه اسير الامتحان اليوم... خالد : بسم الله....بل بل بل عليج انتي...الناس يسلمون مب يالسه تتاففين علينا من الصبح. عليا: هههه ردت حليمه ل عادتها القديمه ام حمدان : هاي البنيه ماعرف ليش جي تكره المدرسه.... دلال : والله والله سمم وها اختبار امسات ما اعرف ش اقول عنه اففف حمدان: هههه شو خلاص بتخلصي من المدرسه وبتدشي الجامعه حق شو محتشره دلال: حشى علي منو قال اني بدش جامعه برتاح كله دراسه دراسه بموت حمدان: هي بنجوف منو بخليج ترتاحي ف البيت غصب عنج اتدشي الجامعهه دلال: اففف حمدان : من اليوم لين باجر ام حمدان: بلاكم تتناقرون ولا كأني موجوده حمدان: لج الحشيمه الغاليه بس اتشوفينها اونه منو قال اني بدش الجامعه ام حمدان: برايها خلها بتيلس عندي واتونسني حمدان: وانا وخلود وين رحنا وترا هكي الجامعه بتروح و اترد أم حمدان :وانا شو اسوي من الصبح للقايله فاضيه محد يونسني ، تراك انت بتروح قريب واتكمل دراسه وبعدين وراك شغل يعني ما بتيلس وايد وخلود فالمدرسه و الزم ما عليه دراسته ومذاكرته ولا تنسى تراه ريال ايروح وايرد وطبعا هو كله ويا خرابيطه هالبليستيشنات والبنات مردهن بيعرسن خلني اتونس اشوي ويا بنتي حمدان: بتتونسي وياها ف الاجازه تراها طويله ولا اتحاتين حرمتي بتونسج انشاء الله دلال: اوووب اووب شكلك محصل وحده اعترف خالد : اذا عندها اخت قدي حجزوها بس اتكون جميله ام حمدان: محطي ف راسك وحده اخطبها لك ؟ حمدان: شفيكم ما قلت شي بسم الله بس اكيد ترا مردي بعرس دلال: علاي قولي شي بلاج ساكته عليا: .............. دلال: علاااااي عليا وعينها ف التلفون : هاا بلاج دلال: اقول اللي ماخذ عقلج يتهنابهه عليا: ............. حمدان: عليووه ؟ عليا : .......... حمدان وهو يصرخ : عليووووووه عليا وبعده عينها ع التلفون : هااا هااا حمدان : شو ياسه اتسوي عليا: اطالع مريم حسين اطلقت من ريلها حمدان: والله ما عندج سالفهه عليا: ش اسوي بعد عليا ياها اتصال بس ما سارت بعيد عليا: اهلين .... انشاء الله الحين بطلع ... يالله يوم بوصل بدق لج ..... مع السلامه "وسكرت" عليا : حمدان هاي شيخه يالله روحنا حمدان : اوكيه يالله .. سارو باسو راس امهم وراحو وطبعا ، ام حمدان ويا السايق وصلو خالد للمدرسه وبعدها راحو حق امتحان دلال عند حمدان حمدان: ها عليووه اي بيت اول عليا : جوف اول شي اخطف بيت ريم وبعدين بيت شيخه حمدان : اوك بس وين ؟ عليا : انا بدليك ودلته عليا البيوت و ركبو السايره ف السياره عليا : حمود ملل حط شي نسمعه حمدان: انشاءالله وجان يحط اغنيه ماكو جديد وشوي عليا نطرت له : حمدان غير حمدان: اوك ' وجان يحط اغنيه اعوف الدنيا ' عليا : حمدان ما نبا عتاب نبا شي حلوو حمدان: قولي من الصبح ' وحط اغنيه ( انا الحبيتك - محمد السالم ) وجان يزيد اخر شي وتم يغني وياه بصوت عالي كان حلوو وهو يقول **** انا الحبيتك انا الهويتك ضعت القيت نفسى يوم الى لكيتك عمرى يفدى عمرك روحى تحت امرك باسمى قبل متصيح تلكانى اجيتك انا اكثر واحد حبك وقبل اشوفك شفت قلبك اترك الدنيا عشانك عنها استغنى قربك انا حبيتك لذاتك انا ما حبيت شكلك القبلى ما حبوك مثلى انى ميت فيك كلك انا الحبيتك انا الهويتك ضعت القيت نفسى يوم الى لكيتك عمرى يفدى عمرك روحى تحت امرك باسمى قبل متصيح تلكانى اجيتك حياتى انته قلبى السكنته ماهو ملكى الحين انته اللى ملكته انته النبض حكه مثلك صعب يلكه وكتلك مالى شئ فى ملكك دكه دكه انا بس وشعندى غيرك انا مجنونك اسيرك انته لو تغفى تلاكى روحى وساده السريرك لك حياتى لك عيونى والله احبك حب جنونى حقى لو جننى حبك وين الاكى انى مثلك انا الحبيتك انا الهويتك ضعت القيت نفسى يوم الى لكيتك عمرى يفدى عمرك روحى تحت امرك باسمى قبل متصيح تلكانى اجيتك انت الى وحدىx هل قلب عندك راعى القلب والروح انته ومافى بعدك لكيتك ما اضيعك وين تروح اتبعك ايدنك فى ايدنى خذنى وين ودك ما اكول ولا اتململ وش يجى منك اتحمل دامنى اخلص احبك القى حتى الصعب يسهل مستحيل بيوم ابدلك لو افارك لو املك انا لو سبتك حبيبى وين الاكى حب مثلك انا الحبيتك انا الهويتك ضعت القيت نفسى يوم الى لكيتك عمرى يفدى عمرك روحى تحت امرك باسمى قبل متصيح تلكانى اجيتك **** كان يغنيها ويرقص عليها كان رقصه حلوو نفس رقص "احمد الاماراتي " < هههههههههه> وخلصت الاغنيه .. عليا: خلصت الدوده حمدان: هههه في ذمتج ما ونستج عليا: انزين هيه بس لو انا وياك قلنا، بس مب جدام البنات حمدان: عادي يتونسو ويانا ريم وهي تهمس ل شيخه : ههههه خبل حمدان سمعها وقال: تبينن تعرفين خبالي كيف ؟ ريم اتفشلت هههههه وما قالت شي شيخه : شو بتسوي ؟ حمدان : جوفو ... حط اغنيه عيضه المنهالي - تمطر عشق واتريا اشوي والتفت يمين ويسار وزيد على الصوت max و كان يسرع 240 ويليس يفحط و يترايس مع السيايير وعليا وشيخه عادي عندهم بس ريم كانت الدمعه ف عينها اتخاف ههههههه انتبه حمدان ل ريم والشي اللي قاعد يسويه وهدا اشوي وصلت الاغنيه عند 'محشوم لكري' بس قبل لا توصل ، حمدان قال : احب هالمقطع هاا اهداء حق ريم على الاقل يخوز عنها الخوف ههه وتمت ريم تسمع الاغنيه وصدق هدت شوي ووصلو الجامعه والله سلمهم من خبال حمدان ههههه ونزلو من السياره للجامعه وسيده كل وحده على محاظراتها " حمدان و هو كان بيروح بالصدفه شافه هزاع واتلاحقه بسرعه قبل لا يروح هزاع: هلا والله بالحبيب اشوفك ياي الجامعه حمدان: هي والله اوصل البنات ، الا بتخبرك ليش ما اتوصل اختك ريم ؟ هزاع: ياريال ودي بس الربع عثرنهم يخلو الواحد يسير ويا اهله ناشبين الا يروحو وياي وانا بعد ما اقدر اردهم فشله يا ريال حمدان: اهاا هزاع: انت موصلنهم ؟ حمدان: هيه الانه امي شلت السايق عسب امتحان اختي هزاع: اهاا وانا اقول ، عيل ما ودك اتحول هني جوف الجامعه ولا اقول تعال بحوطك داخل حمدان: شو اتحوطني داخل مينون شو هزاع : يا ريال بلاك قلنا بنحوطك بس شوي عادي حمدان :لا خلني محلي ابرك لي هزاع وهو مستغرب: بسم الله !! حمدان: ش فيك ؟ هزاع: بلاها هاي يايه صوبنا ؟ حمدان: منو ؟! "ويلتفت " بسم الله هزاع كان يضحك على حمدان يوم اتروع بس بصوت خفيف الانه البنت قربت صوبهم وما يبيها تسمع : السلام عليكم ؟ حمدان وهزاع: وعليكم السلام " وهي تطالع حمدان" :شحالك ؟ حمدان: عفوا اختي تلاقينا من قبل اعرفج تعرفيني اخافج غلطانه اختي ؟ " بدلع " : اوهه نسيت انا روضه اكون ربيعه عليآ اختك ، بتقول كيف عرفتك ؟ كانت عليا مصورتنك ف السناب ف عسب جيه عرفتك حمدان: اهاا روضه "بخقه" : ليش عليا ما قالت لك شي عني ؟ حمدان وهو يجذب : لا قالت لي وحتى تمدحت فيج وبصراحه شفت صورتج ومشاءالله ف الصوره حلوه وفالحقيقه احلى روضه : صدقق حمدان : ليش شاكه ف عمرج ؟ روضه بدلع : حرام عليك ليش جيه اتقفطني حمدان فخاطره : هزاع كله منك الحين هاي بتلتصق فيني زين جيه لو روحت وايد زين هزاع وهو يطالع الساعه : اوهه حمدان يالله وراي محاظره " وهو رايح " حمدان : تعال وين بتروح ؟ روضه : خله بيروح محاظراته واحسن بعد نتعرف على بعض اكثر حمدان وهو يتهرب ويكذب : ياليت اقدر والله بس ها الخوان عازم ناس و اتوهقت وياهم ف لازم اروح اسمحيلي انشاءالله المره اليايه روضه : بس ، انزين ما بتي بعدين اتشل عليا ؟ حمدان : والله ع حسب يمكن السايق ايي و يشلهن روضه : ليش انت كم اخت عندك ف الجامعه ؟ حمدان < عاد تعال وفهم اففف> : بعدين بقولج انا الحين مشغول بروح ومثل ماقلت لج انشاءالله المره اليايه نتلاقا روضه : انشاء الله وروح حمدان وهو يحمد ربه "ههههههههه" بعد نص ساعه تقريبا في الجامعه هيا ف المكتبه وهي يالسه تتحرطم ويا عمرها : افففف والله ما فهمت من الدكتور شو هالحاله وباجر امتحان اففف ، أنا يالله يالله فهمت البحث يتكلم عن شو الحمد الله انه فطوم بنت عمووه نفس تخصصي وماخذه البحوث من عندها ولا انا راسبه راسبه " وهي يالسه تتحرطم تيلس حذالها ريم واتقول : بلاج اتخبلتي اتكلمي عمرج هيا : افففف شو اسوي دامه هذا الدكتور يحاظرنا ريم : ليش شو صار ؟ هيا: باجر امتحان وانا يالله يالله افهم منه شي حتى انه البحوث اشله من فطوم بنت عموه ريم : هههه انزين انتي شو اتسوين طول المحاظره هيا : ادعي عليه ريم : هههههههههه هيا : ضحكي ضحكي ريم : انزين منو ها الدكتور هيا : الدكتور ***** ، الماده **** ريم : لحظه هزاع ماخذ هالماده ونفس الدكتور اظني هيا : هي ادري كل مره اشوفه ريم : انزين ليش ما اتخليه يفهمج هيا : لا ويييه فشلهه ريم : لا فشله ولا شي بقوله يساعدج وخلاص عادي ترا هيا : لا ريم والله فشله ريم: لا عادي واصلا هزاع يايب A تقريبا فكل المواد ما عادا المواد الجنائيه وهالسوالف هيا : ما شاء الله ، وانا يحليلي انجح بالعافيه ريم : هههههههههه الحين ما شي غش شرات ايام المدرسه هيا : اهههه قلبي لا اتذكريني ايام ايام خايسهه ريم : بالنسبه لج حبيبتي ايام خايسه بس والله كانت حلوه ووناسه كانت احلى ايام هيا : وييع ما اذكر شي الا الرقاد فالحصه و الهزاب والاكل ريم : الحمدالله اتخرجنا والحين ف الجامعه وما بقى لنا شي ونتخرج هيا وهي تتطنز: هيه بننجح انشاء الله بننجح وخاصه انا بييب A ريم : بلاج انتي قلت لج لا اتحاتين هزاع بيدرسج هيا : ما ابا ما ابا عيب استحي شو بيقول عني ريم : ما بيقول شي ولا اقول خلاص ما يخصني كيفج انا قلت لج وبعدين رسبي وقولي ياليت سمعت كلام ريم هيا: افففف اوكي اوكي ريم بنذاله : بس انا ما بقوله ما يخصني انتي اتقولين له انج تبين مساعده هيا : ريم عاد عن النذاله الله يخليج ريم: ما يخصني هيا : افففف ولا شوي وكان خاطف هزاع ويا ربعه ويلسو على الطاوله اللي فالمكتبه بعيد شوي عن طاوله ريم و هيا ريم: لو طارين المليون ، انزين هيا هذوه هزاع قوليله هيا: الحين؟ لا تستهبلي و ربعه عنده بعد ريم : اوك صبري هيا : شو بتسوي ؟ ريم : صبري ريم تمت اتطالع هزاع عل وعسى يطالعها وصدق اطالعها واشرت عليه عساس انه ايي صوبهم واستأذن من الشباب الي وياه وراح صوب ريم وهيا .... هيا بهمس : الله يسامحج ريم انتي ليش جيه اتسوي فيني هزاع: السلام عليكم هيا وريم : وعليكم السلام ريم: تعال ايلس بلاك واقف هزاع: ها يلسنا شو تبي ريم وهي تطالع هيا : مب انا الي ابا شي هيا تبا منك شي هزاع: هلا هيا آمريني بغيتي شي هيا متوتره : ما اعرف شو اقولك الصراحه بس سمعت انك ما شاء الله عليك توب ف الدراسه و بغيت مساعده ف هالموضوع لاهنت هزاع : من عيوني بس شو الشي الي تبيني اساعدج فيه هيا: تبا الصراحه باجر وراي امتحان وانا مافاهمه كم من شي من الدكتور هزاع: اي دكتور ؟ اخاف ما اعرف الماده هيا : ماده ***** الدكتور ***** هزاع: افا هاي الماده والله امورها سهلات A حتى بدون ما ادرس انتي اذا فاهمه ما يحتاي تدرسي هيا وهي منصدمه وتتكلم فداخلها : انا احمد ربي اذا يبت c وانت اتقول اموره سهالات ؟ هزاع: انزين شو اللي ما فاهمتنه عشان اقدر افهمج اياه هيا : اممم المفروض انه اشياء ما فاهمتنها مب شي واحد هزاع: وانا موجود بس " وهو يفتح الكتاب ويعطيها" شو الاشياء اللي مب فاهمتنها هيا: كل الاشياء اللي داشه في الامتحان هزاع: انزين فتحي الكتاب وانا بفتح الدفتر هزاع فتح الدفتر وخلص وهيا بعدها ما فتحت الكتاب هزاع: بلاج ؟ هيا : تبا الصدق تراني ما اعرف الامتحان من وين لين وين ؟ ريم نقعت ضحك هههههههههههه هزاع: من صدقج ؟ ما تعرفين الامتحان عن شو ؟ هيا حست بإحراج و روحت بدون ما اتقول ولا كلمه ريم: اويييه هيا شياها ؟ هزاع: يمكن انحرجت المسكينه حرام عليج ليش تضحكي عليها ريم : ما اقصد والله هزاع: حرام ريم :خلني اسير وراها اراضيها ( وروحت ) هزاع تمم ناقع من الضحك بس ف نفس الوقت مضايق شوي الانه عيب مهما يكن ،وشوي تييه رساله وفتحها .. والرساله كانت كتالي .. والله انك هرم ، وهقتني الحين ، زين جييه ودرتني ويا هالبنت .. هزاع رد عليه برساله : .. هههههه منو قدك المعجبات فكل مكان ، حد ف لندن وحد ف البلاد اكتملت هههه ، اهم شي يوم يايه وهي اتخق ههه بموت هههههه ... حمدان : .. ههه اييه ما يخصك ف لندن، بس اتصدق شكلها تباها من الله يوم انت روحت قالت اونه برايه عنده محاظرات واحسن نتعرف ع بعض اكثر، قلت لها : ياليت اقدر والله بس ها الخوان عازم ناس و اتوهقت وياهم ف لازم اروح اسمحيلي انشاءالله المره اليايه هزاع : .. ههههههه بموت والله خلاص ، والحمار تجذب ع حسابي حمدان : .. تتأدب ، اسميني جذبت جذب وكله بسبتك لو روحت وما شفت اللي شفته مب زين ؟ هزاع وهو خلاص بيمووت ضحك على حمدان : .. اصبر علي شوي دامك وصلت الامارات صدقني يلعوز فيك حمدان : .. شو بتسوي يعني ؟ هزاع : .. هههه بسير حق اللي توها وبقول لها ياخي انتي شو سوتي ف حمدان اتخيلي من اول ما شافج دشيتي ف خاطره وكل مره يسال عنج ذلنا بس عشان يجوفج ويسمع صوتج حمدان : .. هي عسب اذبحك انت وياها هزاع : .. هههههههه خلاص والله اليوم شكلكم متحلفين علي امووت من الضحك حمدان : .. اقول خل عنك هالسوالف وقولي شو وراك العصر هزاع : .. والله ما وراي شي ليش ؟ حمدان : .. عيل زهب عمرك بمر عليك معزوم ف مطعم تآكل أصابعك وراه هزاع: .. فالك طيب دامه السالفه فيها أكل حمدان: .. اهم شي البطن . . عند ريم .. هيا اتريي ، اتري والله آسفه هيا : ..... ريم : هيووه عاد تعبت والله وانا اراكض وراج على الاقل وقفي هيا وف عينها دموع : هاا ريم: فديت هالعيون والله آسفه ما كنت اقصد بس والله شو ما تعرفي من وين الامتحان هيا : اتفشلت ، شو اسوي شدراني ريم : غبيه هيا : ادري طالعه عليج ريم : ههه اهم شي سامحتيني ؟ هيا : هيه ريم : عيل تعالي ردينا عند هزاع عسب يساعدج هيا : لا ما ابا ريم : بسم الله شفيج ؟ هيا : ما ابا اتفشل مره ثانيه ريم : لا والله كيف بتذاكرين ؟ هيا : اعرف اذاكر بروحي ريم : وكيف تعرفي من وين ل وين الامتحان ؟ هيا : مب لازم اذاكر ريم : هي ورسبي ف الماده هيا : عادي ريم : والله كيفج رسبي دامه عادي هيا : انزين خلصن البنات من المحاظرات وكل العاده يالسات على الكرسي اللي كل يوم ايلسن عليه بعد المحاظرات ويسولفو لين ما يوصلون اهلهم ويشلونهم هيا : اففففففففف عليآ : شفيج بسم الله ؟ هيا : اووووففففففف شيخه : شفيييج ؟ ريم : مضايجه من الي صار شيخه : ليش شو صار ريم : سالفه طويله عليآ : عنود بلاج عنود : سالفه طويله ههه شيخه : ترا مصختوها قولو هالسالفه الطويله عاد احنا ما ورانا شي خل نسمع عنود : السالفه وما فيها انه لازم اليوم اروح المكتبه واروح بعد المول عندي كم من شي ناقصني يعني اقضي اشغالي عليآ : اهاا هيا : دام انه وراج اشغال عيل يالله سرنا عسب اتقضي اغراضج بسرعه العنود : يالله عفكره ترا عنود عندها ليسن وسياره وروحت العنود وياها هيا وتمو البنات وكان باين على ريم التعب عليآ : ريم شو فيج تعبانه شي ؟ ريم : لا بس شوي تعبانه شيخه : تراج ترتجفين طالعي ايدج ريم : عادي بلاكم شي عادي بسير البيت واحط راسي وارقد وبكون بخير لا اتحاتون واشوي يدق حمدان ل عليآ تلفون عليآ : ألوو حمدان : هلا عليآ : اهلين حمدان : وسهلين ، انزين خلصتو ؟ عليآ : يب يب بس انت تعال بسرعه حمدان : اصلا انا هني عند الجامعه عليا : عيل يالله احنا بنطلع حمدان : بتلقوني جدام الباصات عليا : اوك ، باي حمدان : باي عليآ : بنات يالله وصل حمدان شيخه : يالله ريم وهي خلاص مدوخه : لاااا ما ابا اسير ويا حمدان ، هاا مينون ما ابا يسوي شرات يوم وصلنا عليآ: هههه لا اتخافين انا بقول ل حمدان انج تعبانه و ما يسوي حراكته ، جييه زين ريم : هي جيه زين وهم رايحين صوب السياره "وهي اتزاعق " : عليآ !؟ عليآ !؟ عليآ : بسم الله شتبا هاي والله لو شافني حمدان وياها بياكلني ريم : منو هاي ؟ عليا : تذكرين ولا لا انتي كنتي ما موجوده شيخه تعرفها شيخه :ريم هاي اسمها روضه ، وحده من الطبقه الفقيره تقريبا ، واتحب انهاا تتفاخر باي شي وخقاقه ، انا ما اطنز عليها بس هي مخليه الروحها مطنزه جدامنا ، اتخيلي مره قالت لنا اونه اختها المعرسه عايشه ف قصر وما ادري شو تدري يوم زرناها طلعت عايشه ف شقه وحاله ، حرام والله جييه تكذب ياخي مافيها شي عيشه الفقاره .. ( وسكتت الانه روضه وصلت عندهم تقريبا ) .. روضه : عليآ حبيبتي تبيني اوصلج واوصل خواتج عليا باستغراب : اي خوات !! روضه : حمدان قال يمكن ما يشلكن ف قلت يمكن خواتج عليا : لا لا هاي انا وشيخه و ريم احنا صح خوات بس ما من نفس الام والاب روضه : آهاا انزين اوصلج عليا : لا مشكوره حمدان وصل وبيردنا البيت الحين روضه : عيل بوصلكم ف طريقي عليآ : يالله وصلو السياره ونزل حمدان الانه نسى يحط اغراضه ورى عسب البنات يقدرون ايلسون وهني عاد فرصه روضه اتكلمه روضه : حمدان ؟ حمدان وهو لاف جاف ريم وهي تعبانهه وايد وهني ما سوى سالفه ل روضه وقال : ريم فيج شي ؟ ريم : لا ما شي بس شوي تعبانه هني عليا تذكرت وقالت : تذكرت انتي شربتي الفيتامينات مالج ؟! ريم : لا نسيت اشربهم عليآ : كلتي شي ؟! ريم : لل .. وطاحت ، بس حمدان زغها بسرعه بعد ما حط اغراضه شيخه : ريم !! ريم !! عليآ : اوييه اغمى عليها حمدان : بسرعه بسرعه دخلو السياره بنوديها المستشفى شيخه وعليآ : يالله حمدان شل ريم بايديه ودخلها السياره وروح وما عطا روضه اي اهتمام ولا حتى اطالعها .. فالمستشفى .. عليآ : الحمدالله ع السلامه ريم : الله يسلمج شيخه وهي تيلس حذال ريم و ف ايدها شي نفس الشوربه وقالت : قال الدكتور لازم تاكلي عسب تقدري تشربي دواج ريم : ما ابا اكل شي ابا اطلع من هني الله يخليكم عليآ: حمدان الحين ساير يوقع اوراقج عسب تطلعي بس قبل لازم تاكلي عسب ما تتعبي ريم : ما ابا شيخه : طععع الحين منو بيفكنا من عنادها ريم : ما عناد بس والله ما مشتهيه آكل وشوي يدش حمدان وهو يجوف ريم : الحمدالله ع السلامه ريم : الله يسلمك حمدان : انزين غطي شعرج الدكتور بيدخل وهني انتبهت ريم انه شعرها مكشوف << يالفشله عيب علي والله >> : انشاءالله حمدان ابتسم وطلع يدخل الدكتور الدكتور : ازايك ي ريم بأيتي كويسه ريم : هي دكتور الحمدالله بس ابا اطلع من هني الدكتور : هتطلعي ما تخفيش بس حبينا نتطمن عليكي ريم : انا بخير الحمدالله ما اشكي باس الدكتور : الحمدالله ، شربتي ادويتك ؟ ريم : هيه شيخه : دكتور جذابه اصلا ما كلت عسب تشرب ادويتها الدكتور : معليش شكلها ما بتحب الاكل اللي ف المشفى بس اهم شئ انكم اتكلوها كويس وترتاح كويس عليآ : انشاءالله دكتور وطلعت ريم من المستشفى فالسياره .. شيخه: بلاج ليكون بتتعبي علينا مره ثانيه ريم وهي تلوي راسها على كتف شيخه : لا بس ابا انام شيخه : ما شي نوم قبل لا تشربي دواج ريم : ما ابا " حمدان نزل من السياره وركب وف ايده كيسه فيها اكل حق ريم " حمدان : يالله كلي ريم : ما ابا والله ما مشتهيه حمدان وهو يعطيها هاذيج النظره من المرايا ويقول : هاا !! شو قلتي ! اقول غصب عنج تاكلي بسرعه يالله ريم : ما ابا وصلوني البيت وخلاص بكون بخير حمدان بتحدي : زين صبري علي شوي .. يتصل حمدان ل هزاع و يقول له : السلام عليكم .. شحالك هزاع .. اقول هزاع اختك تراها تعبت علينا ف ويديناها المستشفى وطلعناها ف يعني لاهنت تراها بتبات ف بيتنا الانه ما عندها حد فبيتكم يمكن تحتاج شي ولا شي على الاقل موجودين فبيتنا خواتي والوالده يعتنو فيها ... الأغراض ؟! .. خلاص تمام . مع السلامه .. مع السلامه .. ( وسكر) عليا : ش السالفه حمدان : ترا تبا اتروح البيت ريم وهي خلاص عيونها بتقفل: حمدان الله يخليك لا اتسوي جيه حمدان : اول شي اكلي وشربي دواج ريم : اوك خلاص باكل وبشرب دواي بس ودني البيت حمدان : اوك عليا : والله محد يعرفلج غير حمدان ريم وهي تاكل كان حمدان يطالعها وقال : هاا أكل جيه تاكلين عليآ : حمدان عيب حمدان : والله ما اتشوفينها تاكل نفس الدياي شوي شوي ريم : ما اقدر بس خلاص ما ابا آكل شي ثاني حمدان : انتي شو كلتي عثرج ريم : والله كلت والله حمدان : انزين شربي عصير على الاقل ريم : حمدان ما ابا ما اقدر خلاص الله يخليك راسي يعورني حمدان : اوك انزين شربي دواج ريم : اوك شربت دواها والا اشوي ريم تلوي راسها على جتف شيخه شيخه : شفيج تعبانه شي ؟! ريم : لا بس دايخه حمدان : شيخه في وراج مخده و لحاف خلها تنسدح على الاقل بيخف عوار راسها شوي شيخه : انشاءالله واتسدحت ريم أو بالاحرى نامت ،كانت كاسفه ريلها وراسها على المخده اللي كانت على ريل شيخه .. طبعا وصلو شيخه بيتها ونزلت عليا عسب اتدور مكان شيخه .. عليا : حمدان ريم نامت حمدان : ما عليج بنوديها بيتنا عليا : زين على الاقل حد عندها حمدان : هي والله .. وصلو البيت وشلها حمدان بايده لين فوق من دون ما يقول اي شي ووصلها غرفه عليآ و دلال وحطها ع السرير وتم يتأملها وهو ما حاس ع عمره كانت دلال وعليآ يطالعوه من دون ما يقولون شي ، مستغربين من حمدان !! فحياته ما طالع وحده << هاا كان تفكيرهم الانهم ما يدرون عن علاقه حمدان و غلا >> دخلت ام حمدان عليهم وجافت ولدها وهو يطالع ريم بكل حب <<عااد الامهات ههههه>> و قالت : حمدان ؟! حمدان : ......... ام حمدان : حمداان !! حمدان انتبه ل امهه ف اتردد : هاا هاا امي ام حمدان: بلاك حمود حمدان ما شي ( وطلع برع عنهم وهم منصدمين ) طلع حمدان من البيت وسار عند هزاع الانه عازمنه وسارو المطعم يتغدو و طبعا هزاع سأل عن اخته وحاله وتم يقول اسمحولنا تعبناكم ومن هالكلام .. ما علينا تعالو انروح عند العنود العنود وهي اتسوق ف هالشوارع انتبهت ل شي من بعيد ، ياها فضول فسارت صوب هذاك الشارع الفاضي اللي لا ارسال فيه ولا حتى سيارات ولا الشي كان فاضي او بالاحرى كان شبه مهجور ، العنود وهي وصلت للشي اللي تباه وقالت وهي خايفه : بسم الله ، بسم الله شو صاير شو مستوي هني ؟!! .. تتوقعون شو المجهول اللي جافته العنود ف مكان شبه مهجور !! تابعوني ف البارت الياي | ||||
|
|
|
15-08-17, 12:19 PM
| #10 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
| السلام عليكم ورحمة الله وبركاته مايقتل الرواية سوى الحوار بين شخوصها دون أي مراعاه ان القارئ يريد ان يقراء أشياء اكثر نفسيات المكان الزمان كل التفاصيل الرواية لا تعتمد فقط على حكاية الحوار موفقة  | ||||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
