13-11-17, 08:23 PM
| #61 | ||||
| مشرفة منتدى قصص من وحي الأعضاء 
|  مساء الورد والجوري... تسلم اناملك المبدعة على الفصل الحلو... غادة اكيد ما مرت به خلف الصدمة وجعلها تمرض خصوصاً هي الا كانت تمشي الحيط الحيط وتقول ياربي الستر وما جعلها ماجد تمر به جعلها تعلم لو وقعت في يد غير ماجد ما كان تركها تخرج من الشقة وكانت ضاعت، وحتى المرض لم يمنع ان تنسى تهديد ماجد... ماجد واقع ولا حد سمى عليه ولكن شعوره ان مشاعره غير متبادلة طير عقله وبل سماعه انه تسلية ومع ذلك هناك داخله احساس ان غادة لا تشبه التي قالت انها تتسلى وممكن اذا صفاء التفكير ويرحل الغضب الذي عماه قد يبرر لها خصوصاً اذا زاد تعرف عليها ويعلم انها مرضت من الخوف الذي سببه له وصدمتها انه كشف عليها بدون حجاب سيعلم انها قالتها فقط لانها هذا ما كان البداية ان تتسلى مع صديقاتها واكيد سيفهم انه ليس للحب لانه بعيد عنها بسبب مكانته وغناه، ماجد دخل بيت غادة وانا من اول ما عرفت انه سمع بمرض غادة وخوفه فكرت راح يروح ناحية البيت وان ممكن يجدهم يوقفون التاكسي المهم وضعت سيناريوهات لا حصر لها وحتى بعد ان خرجت من بيت غادة استمرت السيناريوهات ولكن لا اعتقد ان فيصل ممكن سيستخدم البطاقة ويتصل من اجل مرض غادة لان مستحيل يقوم بذلك وفيصل متربي تربية عزة النفس ولكن في ماذا سيستخدم البطاقة ويتصل ب ماجد ، اعتقد سيصل خبر ل ماجد ان خالته تكلمت ووقتها لديه العذر حتى يتراجع عن كلمته لانها قالها بصريح العبارة وخالته لم نشرت الامر، اما الفيديو الذي بهاتفه بصراحة جعل الخوف يدخل قلبي وممكن يقع الهاتف في يد من تفضح غادة، هل سيحدث شيء قبل سفر ماجد... الخالة نشرت الخبر وسمر ستنشره اكثر واكيد سيصل ل ماجد ووجدنا سبب ان يتراجع عن الخطبة او ان هذا امل لن يتحقق... بانتظار الفصل القادم... موفقة بإذن الله تعالى... في حفظ الله ورعايته... | ||||
|  |
|
14-11-17, 02:13 AM
| #63 | ||||
| كاتبةفي قسم قصص من وحي الأعضاء
| صباحكم سعيد .. " الفصل العاشر " : : "إن حكينا ندمنا وان سكتنا قهر بين قلبٍ عطيب وبين راسٍ عنيد طاولتني همومي مع طويل السهر ماتحمل ضلوعي لو ضلوعي حديد " : يالله مشتاقه لكم ومتحمسه انصدمت ان غادة ماداومت ريم : والله امها تقول تعبانة مره من جت امس من الجامعة مها : اي كلمت نجد انا بعد معقولة تعبانة لدرجة ماتقرا رسايلنا مشاعل : ياقلبي عليها .. ريم مريها انتي اقرب وحده لبيتها وطمنينا .. ريم : ان شاء الله ، يالله عطينا علوم سفرتك واخبار الكويت واهل الكويت ، مشاعل ؛ خيال خيال ودي اعيش فيها مها : لا يالجاحدة مشاعل : جد اتمنى اتزوج كويتي ..! ريم ؛ انا عارفه ليه كله من حبك للأكل وهناك ماشاء الله كل يومين فاتحين مطعم !! : : لا وجهك زين اليوم واذا ماعندك شي بكره الخميس غيبي بعد ارتاحي غادة : بكره عندي اختبار بس الحمدلله ارتحت اليوم نمت نومه جميلة ام فيصل : يالله انزلي تقهوي معي واخوانك بيجون الحين انشغلوا عليك من امس وافتحي شبابيك غرفتك خلي الشمس تدخلها غادة : ابشري ../ طلعت ام فيصل وفتحت غادة جوالها رسايل من صديقاتها ومن ماجد واتصالات قرأت آخر رسالة لماجد " اتصلي ضروري " وسكرت الجوال وقامت تاخذ ملابس عشان تتسبح وتنزل .. لكن الاتصال الي عرفت صاحبه قبل لاتشوف الرقم رجعها للجوال : آلو ماجد : كيفك الحين !؟ : الحمدلله : ليه مارحتي للمستشفى ؟ غادة : للأسف علاجي مش في المستشفى ماجد بضحكة : علاجك عندي عارف ! غادة تروح تسكر باب الغرفة : ماجد متى تنتهي لعبتك .. يعني إلا متى ناوي تعاقبني .. ماجد : انتي شايفه اني اعاقبك !! ركزي ياغادة انا قاعد املكك شي فوق العقاب من اللحظة الي دخلتي فيها حياتي صرتي ملكي !! رفعت الاقلام وجفت الصحف كل ماتقبلتي الحقيقة اسرع كل ماعطيتيني فرصة ادلعك مثل مابي ..!! غادة : انت مريض !! محد يملك احد .. ايه انا غلطت بس خلاص تبت ماراح تلحقني عمرك كله وتفرض نفسك علي ..! ماجد : افتحي الواتس اب وانا معك وارسل لها مقطع الشقة انتظرت غادة المقطع يحمل بعدين فتحته الشهقة الي وصلت لماجد ادت المطلوب واكثر : الحين قولي ياغادة اي شي بس الحين كلامي واضح والي خلاني البارح اشرب قهوتكم يخليني اوصل لك زي مابي ووقت مابي ..! غادة : انا عندي اختبارات وانت اكيد عندك اعمال واذا عشان اعتذر انا اسفة مليون اسفة .. خلاص خلنا ننتهي هنا واذكرك بالخير ماجد الي تجاهل كلامها : اليوم ارسلت لك سواق لكن ماداومتي بكره راح يجيك بس تبينه الساعة كم غادة : لو اترك الجامعة ماطلعت مع سواقك فاهم !! ماجد يضحك : خايفة يوصلك لي !! تصدقين بعد الي شفته اشتهي اشوفك كل يوم ... غادة بألم : معقولة ماعرفتك زين والا تغيرت فجأة !! ماجد : صدقيني ماعرفتيني زين .. ومازلتي تجهليني !! نهاية الكلام هذا المقطع بتلقينه في جوال اخوك اذا ماتواضعتي شوي !! مفهوم حبيبتي !! غادة باستسلام ؛ مفهوم ! : نزلت غادة تحت وتوجهت للمجلس الي مازال يحمل ريحة عطر ماجد الفاخر ولقت بطاقة اخذتها وقرت الرقم الخاص لمعالي الدكتور / ماجد عبدالعزيز عبدالرحمن العالي المالك والرئيس التنفيذي ..الخ هزت راسها بضعف يعني كان موجود ماكنت احلم بدا ماجد يتعدى على حياتي..!! : في الشركة : البضاعة الي ارسلوا صورتها وبياناتها تختلف اختلاف كامل عن البضاعة الي نعرضها في متاجرنا ماجد : من وقع اوراق توريد البضاعة المدير : خالكم عبداللطيف طال عمرك ماجد : ارسلت للشركة طلب الغاء الصفقة المدير ؛ كل الخطوات لإلغاء الصفقة عليها شرط جزائي الايميل وصلنا بعد ٣٥ يوم وهي المهلة لإعادة الطلب او تعديله او الغاؤة ماجد : والحل المدير ؛ ياطويل العمر انا في نظري ترجع الاثاث وتدفع التعويض لان عرض هذا الاثاث بيضر بمصداقية المتاجر ماجد بتفكير : خلني اتفاهم مع خالنا الموقر واشوف ..والتفت للسكرتير اذا خالي في الرياض وصلني فيه بسرعة .. : : كم له ماجاء .. من ذاك اليوم اختفى ابو ماجد : يامضاوي خليه براحته لاتنشبين له يكنسل الموضوع كلنا عارفين ماجد مزاجي ..! ام سلطان : الحين قلت لي سفرته متى !؟ لازم اول مايرجع نكلمهم ابو ماجد : تدرين انتي بتعفسين الموضوع والله ماتخلينه يتم ام سلطان : اي انا الي مخربه حياتك وحياة عيالك ابو ماجد : انتي مشكلتك تدخلين نفسك فالمكان الي مايحتاجك والا وين اميره ومحمد الساعة كم ماجوا من المدرسة تدرين طلع السواق لهم والا لا .. والا روان متى جت البارح ووين راحت هذا كله ماتدرين عنه !! ام سلطان : اسمع ، لو ماخذ ماجد سمر تراه تزوج اجنبيه حنا نعرف وين يروح ووين يسافر وانت خلك قاعد هنا مالك هم الا تنتقدني !! ونادت ؛ ليزاااا العيال الصغار جو من المدرسه ليزا : يس مام والتفتت على زوجها ؛ هه جو وتلقاهم بعد تغدوا !! جت الخادمة الثانية تركض توجه الكلام لـ ابو ماجد : سير ماجد اتز هير اند سير عبداللطيف ابو ماجد : زين الخادمة : فيه مشكل بيق بروبلم وطلع ابو ماجد وتبعته مضاوي وبدت اصوات النزاع تقرب منهم .. كان في الممر الداخلي للسيارات سيارة ماجد وخاله وكل واحد واقف ابو ماجد : وش فيه ؟ ماجد : الآن يكتب لي توكيل او يبيع لي حصته او ادمر انا الشركة بنفسي خاله عبداللطيف : موب على كيفك هذا نصيبي واسوي الي ابي ماجد : اجل ادفع انت الغرامة من حسابك ، ابو ماجد : وش العلم ياماجد !!؟ ماجد بغضب ؛ الخال متعاقد مع شركة صينية رديئة لتوريد اثاث بضعف قيمته ٣ مرات ومقدم العقود على انها شركة ايطالية وطبعاً ضعفين المبلغ في حسابه وانا الان ارفض اعرض اثاث صيني وخشب صناعي في المعارض .. خاله : انا معطي عماد توكيل وهو صاحب الصفقة ماجد : الحين ترفض تعطيني توكيل وتعطي الغريب والا الخيانة عادة عائلية عندكم ويناظر خالته !؟ ابو ماجد : تعالوا للمجلس ونحل الموضوع ماجد : مافيه حل يايبيعني نصيبه يايسوي توكيل او نفض الشراكة والصفقة تصير تابعه له وخله يفتح متاجر لتوريد الاثاث الصيني .. ويشتغل على قده وانا الآن مكلم محامينا في دبي مافيه اي هلله تطلع من حساب الشركة بدون توقيعي ، ركب ماجد سيارته وطلع بسرعه تعبر عن غضبه .. ام سلطان : وش السالفة ياعبداللطيف عبداللطيف : انا بعد هالعمر اتهزأ يابو ماجد ابو ماجد : تعال علمنا وش السالفة يارجال انت عارف ماجد لاعصب مايعرف ابوه مضاوي تمشي وراهم وهي تفكر بخوف ان هـ المشكلة تأثر على زواج ماجد من سمر : : ياهلا والله ريم : ياقلبي وجهك اصفر غادة : مدري متى تتعلمون الذوق .. غلط غلط تجين احد تعبان وتقولين كذا ريم تضحك : والله ياريحة غداكم شي من الي طابخه غادة : امي ولو تسمعك اخذت على عاتقها تغذيتك وشملتك برعايتها ريم : ذبحونا الفلبينيات وطبخهم الي كله معجون طماطم من زمان عن اكل الام غادة تضحك : خلاص تغدي عندنا بعد واضحه مع كل هالتلميح ..! ريم : يالله قوليلي وش فيك غادة : جتني حمى عجيبة تعرفين انا لازم اشتي قبل الناس والا امرض ريم : ليه احس ان فيك شي ثاني ..!؟ غادة : لانك فاضية : : طلع ماجد للشقة الي مستإجرها من ذاك اليوم في نفس حي غادة .. الغضب الي داخله يزيد من كل شي ليه كل مره ينطعن من احد محسوب على امه الله يرحمها !! معقولة امه مثلهم بس ماسعفها الوقت !! كان يرتاح لمكالمة غادة لكن هو عارف انه فقدها وهو يحاول يمتلكها بمجرد ماعرف هي مين وأمن نفسه انها ماراح تختفي راح يعاملها مثل مايعامل الي حوله .. جلس على الكنبه الي جلس عليها ذاك اليوم وتخيل غادة واقفة قدامه ..!! ودق على جوالها : ناظرت غادة الجوال كانت هي وريم في المطبخ وعطته مشغول وارسلت الرسالة النصية ( اسف لااستطيع التحدث الآن ) ريم : يالله انا باطلع خلي المواعين تغسلها نجد ترى مازلتي تعبانة غادة : يالله ياقلبي اشوفك بكره ريم : زين اجل بامرك هاه بما ان ماعندك سواق .. غادة : ممتاز وودعت ريم وطلعت غرفتها ودقت على ماجد اتقاء لغضبه كان توه غافي على الكنبه مكان جلسته وصحاه الاتصال ( بصوته الفخم ) : حبيبتي غادة بلعت ريقها : دقيت علي ماجد بكسل : محتاجك ياغادة صمت غادة خلاه يكرر : انا جد محتاجك ؟! ولو اسمع والا اعرف انك خنتيني صدقيني لاخليك تتمنين الموت ..! غادة تغير الموضوع : ليه جيتنا البارح مايحق لك تدخل بيتنا كذا !!مايحق لك تستغفل اهلي ..! ماجد بكسل : كل ماتبعديني بتكتشفين اني اقرّب زيادة! غادة :انا عندي اختبار وودي اذاكر اقدر اسكر ماجد : عطيني اسم الدكتوره واضمن لك الفُل مارك غادة : فيه اشياء لا النفوذ ولا المال يجيبها ماجد : مثل اهتمامك قصدك !؟ وضحك : اذا حصلت على وقتك وصوتك وعليك مابي اهتمامك وحبك !؟ غادة : طيب باسكر ممكن ؟ ماجد : لا ، ذاكري وانا على الخط حطي الجوال جنبك وذاكري !! غادة : براحتك ! وحطت الجوال تحت المخده وطلعت برا الغرفة ..!! اما ماجد حط الجوال على صدره ونام : : هلا والله مها : هلابك تفصل منصور : وصلتك بطاقات العرس مها بحياء : ايه منصور ؛ اعجبتك ؟ مها : ايه منصور : كيف الجامعة ؟ مها : عندي بكره اختبار منصور : لو قايله لي كان أجلت زيارتي لبكره الخميس مها : كيف اقولك وانت اصلاً ماعلمتني انك بتجي ،!! انت قايل لامي الامر وانا علي انتظرك طال عمرك منصور الي ضحك بصوت عالي : ايه ايه طلعي اللسان تعبت من أيه أيه هذي هي بنت عمي بعدين انتي ردي علي زي الناس والا لاتحاسبيني !! مها : انا عندي اختبارات منصور : يعني ماشوفك متصل على الواتس اب ماعلينا ، يالله قولي جهزتي شي وش بقالك ناقصك شي مها : خلصت بعض الاشياء منصور برفعة حاجب : تراني احب اللون الاحمر هاه كثري منه ، مها بصدمة : انت كل تفكيرك كذا !؟ منصور : عقبال مايكون تنفيذ بعد وهو يضحك قامت مها بتدخل ومسكها : خلاص خلاص غيرنا الموضوع حشى متملك على لاعب في الاتفاق تعالي بس !! : : كيف فكرت ان موضوع مثل هذا بيمر على ماجد ياعبداللطيف عبداللطيف : انت تبي ماجد ياكلني مثل ماكلك ويرميني ابو ماجد : انت غلطان بتصرفك ذا عطيته الفرصة ياخذ الشركة ..!! كيف طمعت فيه وتوقعت انه بيسكت عبداللطيف : ماجد من العام وهو يبي يشري نصيبي واهمل الشركة وصفقاتها لان عنده بديل بس انا ماعندي .. ام سلطان : الله يهديك ياخوي الحين حنا نحاول نتقرب منه تجي انت تسوي كذا .. انا الي مافهم فالاعمال عرفت انك اخذ سعر لاثاث اقل والفرق من حساب الشركة في حسابك تبي هالامر يفوت ماجد ..!! سلطان الي دخل : عسى خير وش هالاجتماع العائلي ابو ماجد : موضوع كبير وان ماحليناه احرقنا ماجد سلطان : هاتوا اشوف ..! وقالوا له القصة مع اعتراف الخال بمحاولة التلاعب .. سلطان : طيب ياخال كم يسوى نصيبك عبداللطيف : تقريباً ١٠ مليون بس ارفض ابيع لماجد سلطان : طيب تبيع لي !؟ ام سلطان بتعجب : عندك ١٠ مليون !!! سلطان : انتي عارفه ان ماجد معطيني اسهم يوم شرا كل شي وعمري ماخذت من حسابها شي سياراتنا تتجدد سنوياً والبركة في ماجد وبيتنا قائم والبركة في ماجد ..!! الخال عبداللطيف : ابيعك بس تخلصني من صفقة الاثاث ومن جنون ماجد والي دخل حسابي من حساب الشركة تنساه انت واخوك !! سلطان : تم ! : : اتحدى اذا ماطلعت غادة وقالت حليت مشاعل : انا مع اني اخذه كتبي للكويت احس ماش ريم : ياشينها اذا طلعتي وانتي ماتدرين حليتي او لا... هذي غادة جت غادة : كيف اختباركم ، انا ممتاز جداً ولله الحمد ريم : طيب وشرايكم نطلع نفطر غادة: اوك ماعندي مشكلة بس باكلم امي ريم : يالله : : طلعوا البنات في سيارة ريم : كلمتي امك غادة : دقيت على فيصل ماداوم اليوم وقلت له مها : اي يغيبون اسبوع على اساس يستعدون لاختباراتهم وهم يقضونها سهر وافلام .. مشاعل : غادة تصدقين احس انك نحفتي في يومين ريم الي ناظرت غادة : ماهيب خاليه لها اسبوع يمكن تحب !! تجاهلت غادة مزح صديقاتها وكانت تناظر خارج الشباك ..! : : الاتصال الي وصل لمكتب ماجد بلغه عن مكان السيارة الي تركبها غادة: ممتاز شوف وين يروحون وارسل اللوكيشن وخلك مكانك ..! وابتسم على مقاومة غادة الضعيفة تعتقد انه بمجرد ماتحتمي بصديقتها بتبعدني !!! : يووه اتصل هالنشبه !! ريم : مين ؟ مشاعل : تلقينه منصور مها : ومن غيره يتصل ٢٤ ساعة واذا مارديت اتصل على امي واذا ماردت جاء للبيت .. هذا لو اتزوجه بيقفل علي .. الحين لو رديت وهاوش اني طالعه وش اسوي مشاعل : عادي لا تقولين وين رايحه قولي في الجامعة ريم : مها معقوله يهاوشك !! تتوقعين!! طحتي اجل في اسوأ من ابوك !؟ وردت مها : الو صباحك عسل ياعسل مها : صباح النور منصور : في الجامعة ؟ مها : لا طلعت مع البنات بافطر معهم ونرجع منصور : كيف اختبارك اليوم ؟ مها : الحمدلله .. منصور : اوك اتركك استمتعي !! نزلت الجوال رافعه حاجبها : ماقال شي !! غادة الي ماكأنها معهم بس واعيه للحوار كامل وبدون ماتلتفت على مها : احيان يامها نخلق شخصيات للناس في خيالنا ونعاملهم على اساسها وننتظر منهم يعاملوننا على اساسها .. بس يكونون في الواقع غير وننصدم ! اتمنى صدمتك في منصور ايجابية !!،. : : سمر في الصالون مع صديقتها وقريبتها عبير : والله تعبت لين عدلت نومي ..! صرت لازم اطلع الصباح مشوار عشان ماكسل وارجع انام عبير : حلو جو الرياض الحين يساعد سمر الي تحاول توصل مبتغاها : ماتحسين بشرتي تعدلت !! لازم عشان يوم خطوبتي اكون مرتاحه ووجهي فريش ! عبير : لا يالدبه مخطوبة بدون ماتقولين لي !؟ سمر : مافي شي رسمي بس تقريباً موضوعي انا وماجد انتهى قال بيخلص اعمال متعلقه عشان ياخذ آجازة .. تخيلي من شهرين يلح علينا وانا تعرفين متخوفه من الارتباط عبير : ماشاء الله الف الف الف مبروك ياقلبي تستاهلين كل خير ..! : : يالله خلونا نطلب غادة : اول شي خلينا نغير مكاننا عشان ناخذ راحتنا ونطلع نقاباتنا ريم : مافيه احد مشاعل : حطي طرحتك كذا وعطي الطاولات ظهرك غادة : معليش خلونا ندور مكان ببارتشن ..! وطلبوا الويتر يغير مكانهم واثناء تحركهم كان احد الموجودين يناظر غادة رغم ان مشاعل كاشفه وفقط حجاب وريم بلثمه .. تجاهلته غادة ومرت من عنده ../ مها : ايوا هنا احسن .. ريم : ياحبكم للكتمه الناس جايين ياكلون مايناظرون مشاعل : ماشفتي الي مرينا منه كان بياكل غادة بعيونه غادة : انا باروح اغسل دقايق .. وطلعت ومازالت متجاهله الشاب الي وقف وتبعها وقبل دورة مياه النساء قال لها : ممكن نتعرف !؟ وقبل مايكمل كلامه سمعت غادة: اه وصوت ارتطام !! والتفتت لقت ماجد نازل على الشاب يسحبه بتيشيرته ..// وبدون ولا كلمه دخلت مغاسل النساء وحطت يدها على قلبها الي كان بيقفز من الرعب .. اخر شي تبيه انها تلفت انتباه صديقاتها فجأة فتح الباب ودخل وسكر الباب راه : من هذا !؟ غادة : ماعرفه !! انت شلون تتبعني ؟ ماجد يقرب منها وبيد يمسك فكها بقوه وبالثانية يطلع نقابها .. كان يتنفس بحده وعيونه جاحظه وكل علامات الغضب في وجهه : من هذا ؟ غادة: قلت ماعرفه ..!! ماجد : ليه طلعتي بدون اذن ؟ غادة : استأذنت كلمت امي .. ماجد بحده :تستأذنين مني انا ..!! وبما انك مااستأذنتي معناها جايه تقابلين احد مع صديقاتك الزبالة.. غادة : اول شي طلع صديقاتي برا الموضوع ثاني شي قلت مافكرت اقابل احد بس خلصنا الاختبار بدري وجينا نفطر عشان خميس و... ماجد : اصصص سمعت غادة صوت صديقتها : ليه مسكر والعامل الفلبيني : سيانا (صيانة ) مدام ريم : طيب وين اغسل العامل :من هينا مدام ورجعت غادة كانت دموعها تصب من الغضب والرعب الامر الي خلاها تناظر ماجد : خلني اطلع !! ضغط ماجد على فكها : انتي تخونيني صح ؟! غادة: تحاول تهديه رفعت يدها ليده الي ع وجهها تنزلها : ماجد انا ماعرف غيرك ( وتكلمت بصراحه ) وحتى ندمانه اني عرفتك ..! صديقاتي برا بيحسون ان فيه شي خلني اطلع ../ ناظر ماجد عيونها الغاضبة ودامعة بنفس الوقت ويدها الرقيقة باظافر مقصوصة وهي ماسكه يده وقال : امشي اوديك للبيت غادة : ماقدر انا جايه مع البنات صعب اتركهم ماجد : احلفي انك ماتعرفين الولد !!؟ غادة تزفر : اقسم بالله ماعرفه ..! انا اصلاً مدري وش قال ..! ماجد : لو ادري انك تعرفينه طلعت وذبحته غادة تناظره بقهر وصمت حست ان تنفسه اعتدل وبدا يتركها بعدين مسك يدها فجأة : قولي انك لي ..! ناظرته غادة بألم : خلاص فهمت ماجد وحست انه بدا يتنرفز : قوليها غادة بصوت واطي وهي حاطه عينها بعينه : انا مستحيل اكون لك ياماجد ..!!! ضغط على يدها وناظرها بحده وقال : بالحلال بالحرام بتكونين لي ياغادة الصعب .. رفع يده فجأة قال اطلعي .. :. :. جلست غادة مع صديقاتها بوجه جامد اذهلها هي نفسها ..: : وش طلبتوا ريم : مشاعل طلبت المنيوكله كانت غادة تحاول تبين الوضع عادي وتركز على كلام صديقاتها وتحاول تجاريهم حتى انتهوا من الفطور .. ونادت ريم : الحساب بليز جاء الفلبيني ومعه الفاتورة مدفوعة نو مدام حساب فينيش ريم : لايكون الي كان يناظر غادة النادل : سير ماجد العالي كلهم ناظروا غادة بتعجب وبعدت صحنها ببطء : يالله نطلع مسكتها ريم : لحظة ، غادة ! ماجد كيف يعرف اننا هنا ويدفع فاتورتنا بعد !!! مشاعل : ياي قمة الرومانسية ياغادة مها : وش السالفة غادة وقفت غادة وقالت بهدوء : الي تقابله تسأله .. مسكتها ريم : عرفك من فيصل صح غادة بدون توضيح : تقريباً : الأغلال الموجودة في رسغي ستلتف يوماً حولك ستقتلك عندما أرميها سيكون ضعفي قوّة وقوتك نقمة .. !! : : قراءة ممتعة ياأصدقاء | ||||
|
| |
|
14-11-17, 08:37 AM
| #65 | ||||
| نجم روايتي
| ((غادة الي ماكأنها معهم بس واعيه للحوار كامل وبدون ماتلتفت على مها : احيان يامها نخلق شخصيات للناس في خيالنا ونعاملهم على اساسها وننتظر منهم يعاملوننا على اساسها .. بس يكونون في الواقع غير وننصدم !)) وكأن غلطها ستظل تحاسب عليه طوال عمرها .. وخاصة انها انصدمت بالشخصية التملكية لماجد تصرف ماجد مع غادة هل هو ردة فعل لما سمعها وهي بتقول لصاحبتها انها ما بتحبه وانما عم تتسلى.. والا هي طبيعة شخصيته بأنه يكون الامر والناهي بأي موضوع.. تعليق اخير انه ماجد شخص مشغول ويدير شركة كبيرة ومشهورة وقوية بالسوق بمهارة .. صعب الاقتناع انه شخص مثله ممكن يلاحق بنت من مكان لمكان بهالطريقة .. موفقة عزيزتي .. | ||||
|
| |
|
14-11-17, 11:43 AM
| #67 | |||||||||
| عضو ذهبي
| السلام عليكم ورحمة الله وبركاته الرواية ممتعة بارك الله فيكي بس ماجد كتير ضاغط ع غادة بتعرف انها غلطت وده درس ليها بس هو منزلك كتير ومابيثق في حدا اذا بيحبها لازم يخطبها لانو الحين هي غلطت وتابت بس هو الحين هو الغلطان لازم يتزوجها عشان ترتاح له الحين هي خليفة منه ولو ضغط عليها أكثر بتصير تكرهه. جوزيهم بلييز  | |||||||||
|
| |
|
14-11-17, 01:31 PM
| #68 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
| صديقاتها اللي بدؤا اللعبة وما تورطت وحدة منهم غيرها هي اللي كانت رافضة لاستهبالهم ذاك .. والتجربة اللي مرت فيها لأول مرة بحياتها .. وكذبها على أمها بشأن تأخرها والهاتف .. تصرفات غير معتادة عليها .. هو ما جعلها تمرض وترتفع حرارتها .. وماجد ما رحمها وما راح يتركها .. ولن ينسى تلك الكلمات اللي سمع يوم تحكي أنه مجرد تسلية .. وبيظل يشك وما يوثق فيها مثل ما حدث مع ذاك الشخص واعتقد أنها على علاقة به .. ولكن أن يتخد مقطع الشقة ليهددها به .. وما تطلع بدون إذنه .. وبتكون له بالغصب فهو زودها كثير والله .. ما توقعت أبدا يكون حقير لهالدرجة .. حتى وإن كان يحبها فعلا لكن أن يتصرف بتلك الطريقة فهذا لا يبشر بالخير أبدا .. حاسة أنه بيدخل فيصل بالموضوع ويستغله ليضغط عليها أكثر .. فصل رائع .. بانتظار القادم .. موفقة بإذن الله .. .. | ||||
|
| |
|
14-11-17, 04:34 PM
| #69 | ||||
| مشرفة منتدى قصص من وحي الأعضاء
| مساء المسك والعنبر... فصل رائع تسلم اناملك المبدعة عليه... بصراحة ماجد مرة اعذره ومرة الومه هل هو انسان مجروح لعبت فتاة بمشاعره واعترفت انه تسلية وانها لا يمكن تحبه او هو مزدوج الشخصية مع ان البداية لم تدل على ذلك ولكن الان اشعره كذلك او ممكن لان داخله صراع عنيف بين العقل والمشاعر ف العقل يريد ان يعاقب غادة حتى لا تعيد الكرة وتأخذ درس والمشاعر التي اصبحت تميل الى غادةوبل اعتقد اصبحت ملكها وتريد ان تمنعه عن عقابها ف مرة عنيف ومرة الإهتمام والحنان والحب والخوف على غادة يظهر المهم ماجد لم استطع ان احدد الى موقفه من غادة، ماجد تصرفاته بدأت تنفلت واعتقد انه لم يعد مسيطر عليها وقد يضر غادة فعلاً ف تهديده بالحلال والحرام دليل على غايب العقل العاقل، ايضاً الخوف من ان مايمر به يفقده السيطرة على الشركة ايضاً ويتسبب في خسائر له، ماجد لم يحترم غادة المنقبة كنت اعتقد انها محجبة ظهر انها منقبة ولكن معه حق في عدم احترام نقابها يعني منقبة ودايرة تتسلى على الشباب صحيح هي ماجد الوحيد لكن ماجد لن يفهم ذلك واكيد مروا عليه نماذج كثيرة ولديه فكرة معينة واعتقد اذا تزوجا ستعيش ايام سوداء لان البداية كانت خطأ حتى ان كان متأكد انها غير عن كل البنات ستبقى تلك النقطة فارقة الا لو عاد ماجد الذي كان في بداية اتصالاتهم اما ماجد الان لا امل ل غادة في رؤية تفاهمه... غادة هي الاخرى مرة اقول انها تحب ماجد ولكنها تحمي نفسها ومسيطرة على مشاعرها لأنها تعلم بالفورق بينهما لذلك تبني جبال وتبعد المسافات ولكن ايضاً اعتقد ان تصرفاته بدأت تجعلها تكره وتمحي حتى المشاعر التي حملتها يوماً له، غادة مع علمها ان ماجد يستطيع ان يصل لها في اي مكان لكنها لازالت تعاند حتى بعد ان ارسل لها الفيديو والذي انا خائفة منه وكما انه اشترط عليها ان لا تخرج او تدخل الا بإذن منه لكنها لم تهتم وجاء المجنون يعلن جنونه... سلطان كنت اعتقد انه افضلهم لكن الواضح سيكون اسوءهم ف هاهو يعرض حل على خاله ويخرجه رابح بدل ان يترك ماجد يعاقبه وبل يتركه يخرج مثل الشعر من العجين ويكسب من خلف ظهر ماجد ولا يتحمل الخسارة فهل هذا هو سلطان فعلاً وهل سيجد الفرصة الان على طبق من ذهب وينتقم لوالدته وممكن تهديده الذي رامه عندما طلب من ماجد الحضور وماجد اعتذر هل سنرى سلطان ب شخصية جديدة... سمر واعلنت الخبر ايضاً هنا انا حائرة ولا اعلم هل ماجد سيستمر ويتغاضى عن تهديده ل خالته بإيقاف الخطوبة اذا خرج خبر وسيعقد الخطوبة نكاية في مشاعره نحو غادة او انه مستحيل يخطب سمر وممكن يفاجأهم ويتزوج غادة... مشكورة على الفصل لان بصراحة اصبحت انتظر ما سيحدث ل غادة من وراء المجنون ماجد الذي ذهبت عقلية رجال الأعمال الناجح وظهرت شخصية ماجد الذي اكتشف كيد النساء الذي طال والدته... موفقة بإذن الله تعالى... في حفظ الله ورعايته... | ||||
|
| |
|
14-11-17, 10:12 PM
| #70 | ||||
| نجم روايتي وفراشة الروايات المنقولة 
| شكرا ابتهال على الدعوه الروايه من البدايه شددتني واسلوب الكاتبه ممتع وسلس والاهم موضوع الروايه فكثير من الفتيات يقوموا بهذا الفعل اي التسليه بالمكالمات ولكن لايعرفوا ان هذا الامر يمكن ان ينقلب لبلاء وكارثه غاده الفتاه الجميله المهذبه اليتيمه المطيعه لامها وقعت بشرك المكالمات ورغم انها كانت رافضه بالبدايه الا ان القدر قادها لماجد انا لم انهي باقي الفصول ولكن اظن ان اللعبه والتسليه ستنقلب لشى كبير اتمنى ان يكون سعيد رغم ان اسم الروايه يجعلني اتوقع ان النهايه لن تسرنا واتمنى لو تخيب توقعاتي ناتي لماجد اعتقد ان غاده استطاعت كشف شخصيته ولكنها لم تعرف انه بالرغم من نجاحه واسمه الا انه بحاجه للاهتمام الصادق والحب ويمكن حنيه غاده ودفء صوتها جعله يحس معها باكتمال ما كان ينقصه واتمنى ان تكون غاده عوضه عن يتمه وافتقاده لامه وان يكون هو الرجل الاب فهي ايضا تفتقد الاب وحنانه ياريت يكونوا مكملين لبعضهم وان لاتقف ام سلطان بوجههم فهي انسانه حقيره لا تهتم الا بالمال فهي خانت اختها وكانت تريد زوجها كله من اجل المال والعز وبالرغم من معرفتها ان اختها ماتت بسببها الا انها حقيره ولاتحس بتانيب ضمير بل تبرر افعالها بان اختها كانت عاجزه والان هدفها اصبح ماجد فالمال اصبح بيده وهي طمعها يجعلها لاتفكر الا بطريقه لابقاء المال لها ولعائلتها وتظن انها ستسيطر على ماجد بزواجه من سمر واظن انهم لما يعرفوا عن غاده سيؤذوها روايه جميله واتمنى ان تكتمل ولي عوده بعد اكمال الفصول | ||||
|
| |
 |
| أدوات الموضوع | |
| انواع عرض الموضوع | |
|
|
222Likes
العرض العادي
