15-10-17, 07:14 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  " ليته ماحصل .. / للكاتبة نبيّت.."
التعديل الأخير تم بواسطة لامارا ; 18-11-17 الساعة 09:28 PM | |||||||||||||
|  |
|
15-10-17, 07:15 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته .. أضع بين يديكم نبضيَ الأول الذي بدء به قلبي ينبض أقدم لكم معشوقتي الأولى التي ترددت بطرحها " لـيتَــــهْ مَـــا حـصَــلْ ".. فيها من الرجعية الكثير ومـن الحب أكثر كتبتُ بعضها من واقعــي وبعضها من مزيـج خيـالـي فخيـالـي بدء من مرارة واقعي الأليـم فأتمنى منكم عيش لحظاتها وكأنها واقع لكنكم تتذوقون عيشها في خيالكم .. أترككـم مـع البدايـة القصيرة وما بعدهـا طـويــل .  التعديل الأخير تم بواسطة لامارا ; 18-11-17 الساعة 09:25 PM | ||||
|
| |
|
15-10-17, 07:16 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| # البـارت الأول. دخلت البيت وهي معصبه تصارخ : وينها وينها النجسة الخبيثة وينها أم وجهين . نفس البيت بس في الدور الثاني سمعت أمها تصارخ تحت خافت صار لها شيء نزلت مسرعة إلا تشوف أمها تناظرها بغضب وكره واخوانها مسكينها / .. الأم : تعالي يا بنت ال*** والله لأمحيك من الوجود انتي موب بنتي ابد ما عندي بنت اسمها خزامى لا لا انتي موب بنتي / البنت تناظر بصدمه ..؟! الدموع تتجمع بعيونها نرجع بالزمن لورا قبل ساعة ونصف ( ... ؟ : يمه اقسم بالله ما أكذب عليك بنتك تحب ولد عمي متعب وإذا تبين تتأكدين بعد شوفي جوالها كله صور وكلام غزل فيه الأم منصدمه ومو مستوعبه إلى الآن ....؟ بخبث : لابعد شكلها بينه وبينها محادثات وأحيانًا أشوفها تكلمه في بيت جدتي وهي تضحك ولا همها أحد ...صاحت البنت الصغيرة ...؟ : يمه أنا بشوف بنتي قاعده تبكي الأم ولاهي معها خلاص كلام بنتها أعماها ولا فكرت انها تكذبها طلعت من بيت بنتها مسرعة وبنتها تضحك بخبث .) الآن ... الأم : طلعوها من بيتي النجسة طلعوها ****** أم الرياجيل اللي ما تستحي / اخوانها الاولاد الاثنين الكبار لما سمعوا كلام امهم تصنموا وفكوا مسكهم ليدين امهم والبنت كنها بدت تستوعب وش تقول امها وما حست الا بأمها وأخوها يهلّوا عليها بالضرب وأخوها الثاني إلى الآن منصدم عادت لها الذاكرة وأمها وأخوها يضربونها ودموعها تهل < قبل شهر >.. (...كنت أنا وأختي نهال قررنا نطلب من مطعم فجأة دخلت علينا أختي الكبيرة ومعها بنتها أم 9 شهور تقول : السلام عليكم أخباركم وش تسوون رديت عليها متفاجئة من جيتها : أوه السلام عليكم واحنا الحمدلله بخير ووش قاعد نسوي ابد نطلب لنا من مطعم جوعانين وانا اختك الأخت الكبيرة : خلاص طلبوا لي معكم جيت افتح جوالي وما تنبهت للي تراقبني طلبت لنا وجيت اقوم اروح للحمام *وانتو بكرامة* رجعت وجاء الطلب ورحت خذيتو جلسنا كل وحده خذت طلبها بسم الله تو بحط اللقمة في فمي إلا .... نهال : أول شيء قلت عادي كتابات غرامية في نوتة جوالك بس الحين تماديتي حاطه صوره عندش ../ أنا استغربت وتميت أناظر فيها بنظرات وش السالفة ..؟! .../ نهال : لا تستعبطين علينا وتسوين مو فاهمه صور يوسف اللي في جوالش ../ للحظه حسيت الدنيا ضاقت عليّ والتنفس قلْ تكلمت أختي الكبيرة وتمنيتها ما نطقت : ؟... # نهاية البارتـــ(1) اتمنى انو ينال استحسانكم أدري انو قصير بس محتاجة رايكم عشان أستمر وهاذي فقط مقدمه لاغير " وهلا هلا ".. | ||||
|
| |
|
15-10-17, 08:54 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| # البارت الثاني " وكم تعذبنا وقيدنا كأننا مجرمين بقيود السجون لكن تسألنا كثيرًا هل هذه رحمةٌ من الله لنا أم نقمة .. " نبيّت. للحظه حسيت الدنيا ضاقت عليّ والتنفس قلْ تكلمت اختي الكبيرة وتمنيتها ما تكلمت بغضب ونظرة اشمئزاز : ما حبيتي الا اللي تكرهه أمي ما حبيتي الا هو./ أنا أبي أنكر بس ما في مجال : أناا .. أختي الكبيرة بمقاطعه :لا تحاولين تنكرين وإذا تبين أراويش جهازش عادي فتحي جوالش ونناظر سوا ../ ماكنت أعرف شنو أقول ناظرت لهم نظراتهم كلها غضب ماكنت أفكر الا اني أهرب من كلامهم حملت نفسي وبقايا كرامتي وطلعت من المكان متوجهه لفراشي أدور على حل وكل تفكيري بأمي ويش راح تسوي لعرفت غمضت عيني أبي أنام وأنسى لكن ويش راح يحصل بكرا كيف أقابل وجيه خواتي مع اني ...) الحاضر .. أمي تضربني وتفرغ ما بداخلها من قهر وأخوي يفكر انو شرفي راح أبي أصرخ أبي أقول تراني إنسانة كبيرة وأفهم أعرف أكبت مشاعري أعرف أتحكم فيها بس هم ما راح يتفهمون أبد مع تفكيرهم هذا وظلمهم واعتقاداتهم الغلط لي ... ـــــــــــــــــــــــــ ــــــــ في بيت ثاني في نفس الحي .. ..؟ : يبه حراام عليك والله مو أنا ما لي دخل يمكن أحد ثاني كسر....ما خلاها تكمل كلامها وبدا يضرب فيها هي واخوانها كبيرهم وصغيرهم بدون أي رحمة وشفقة ؟..: اعترفوا مين اللي كسر مراية السيارة اللي بره مين " وبعصبية أكثر " مييييين كلهم ..؟ : مدري .... مالي دخل .....حرام عليك يبه ..... لا تظلمنا .../ لكن هو مصر أنو أحد من يعاله وبدا ضرب من جديد على أنو أحد منهم راح يعترف .. نرجع لبيت خزامى .. ïپŒ الساعة 12الليل تتذكر اللي صار قبل كم ساعة .. (...الأم : ارمي هالكلبة في مستودع الأغراض اللي فوق واقفل عليها الباب الله لا يبارك فيها ... خزامى بحزن وانفعال : يمه يمه جعلش الجنة خليني أبرر لش يمـ... الأم بمقاطعه وغضب شديد : اسكتي لا بارك الله فيك وش تبين تقولين بعد اللي سمعته هاا وش تبين تقولين اخذها اخذها عنّي ماني طايقة وجهها .../ سحبها أخوها مثل الكلبة من شعرها بدون أي رحمه وهي تترجاهـ : سامي الله يرضى عليك والله مظلومه سامي اسمع من اختك سامي تكفى ../ سامي وفي شيء في داخله يقول اسمعها بس كل ما يتذكر كلام أمه يثور وتنفلت أعصابه : اسكتي لأراويك الضرب اللي بعدها ما تقومين الا بالمستشفى .../ خزامى بأمل صغير وانمحى : سامـ.... سامي بمقاطعه وعصبية : قلت لك اسكتي ...) وتنزل دموعها كل ما تتذكر وتكرر أكيد هي قالت لها أكيد هي مافي غيرها حسبي الله ونعم الوكيل ... وتذكرت عيون أخوها ناف ممزوجة بين الغضب والحزن و تأملت أنو راح أحد يسمعها وقامت وافرشت سجادتها وصلت تدعي لخالقها يفرج عليها ظلم عباده لها وينصرها عليهم وربها نازل في عالساعة.... ـــــــــــــــــــــــــ ـــــــــــــ في بيت ثاني في نفس الحي جالسة في غرفتها 2:30 وجهها مليان حزن كاتمة بداخلها ودها تصرخ وتقول تعبت انقذوني قاطع وحدتها أمها : صافيه بلاك ما نمتي للحين ... صافيه وهي جالسة على سجادتها : بصلّي صلاة الليل وأنام يايمه روحي ارتاحي ...أمها بنفسها والله أنو فيك حاجه ومخبيتها في صدرك بس لو أنك تحكين : يله أجل نامي عشان تقومين لصلاة الفجر " احساس الأم مايخيب " ... صافيه في نفسها هو أنا أقدر أنام : ان شاء الله يمه .../ راحت الأم غرفتها وهي ماهي مرتاحة ولا مطمنه لحال بنتها من يوم انتهت الدراسة وهي متغيرة ويوم قربت ما باقي لها شيء اتزمت حالتها أكثر وما في الا الأم ملاحظتها وصديقاتها ... ـــــــــــــــــــــــــ ـــــــــــــــــــــــــ ـــــ في صباح يوم جديد يوم سيء وفرح على البعض الساعة 4:40 قاموا وعظامهم مكسّره من ضرب أبوهم ..؟: بالله شوفي وجيّد ماباقي على الجامعات والمدارس إلا اسبوع وابوي علّم بصمه على وجهي ماتروح إلا بعد شهر وكشرت بوجهها ... وجد بيأس من حالهم : سويره وش تبينا نسوي هذا المكتوب أنو يكون أبونا متعب كلنا تكسرت عظامنا ... ساره والدموع خلاص جفت بضحك : بس ماهي حاله حتى شفتي وش صار يوم يضربنا ..وجد تذكرت وش صار وقعدت تضحك هي واختها (... وأبوهم يضربهم دخل عليهم أخوهم أبو 6 سنين وشاف أبوهـ يضرب اخوانه قال له ببراءة الدنيا كلها : بابا ليه ما تضربني أنا بعد معهم ..) وجد وساره مع بعض بضحك وهم يتذكرون : والله خبل هههههههه . وقاموا يقومون اختهم جنى أم 12 سنة اللي نامت على طول بعد الضرب عشان يصلون .. في نفس البيت بس في غرفة ثانية على أسرّتهم .. وهو منسدح ..؟ : يوسف قم ليجينا أبوي ويلقانا نايمين ويمردغنا كافي ضرب أمس وهم يتذكروا فزّوا يتوضوا للصلاة ... يوسف : حميد اخلص يله (وبتحلطم) ليجينا أبوك ويغثنا مراية سيارتي ومراية سيارتي ... حمد وهو يضحك : تقول أبوك ولا كأنو أبوك أنت بعد هه .. في غرفة ثانية لبس ثوبه وخلّص بيطلع يقوّم عياله بدايةً بالصغير اللي يعزّه أكثر واحد : يالله يا هيا قومي وقوْمي فراس يلحقني للسيارة وطلع مجرد ما سمعوا كلهم فتحة الباب طلعوا البنات والأولاد يحبون راس ويد أبوهم من دون نفس متعب بزمره قاصد البنات : انتو بعد ما تصلون صلحوا الفطور وأشر للأولاد : وأنتو وراي على المسجد جنى بهمس لخواتها : من صباح الله خير يتزمر .... متعب وهو منتبه لها بصراخ : ما أسمع وش قلتي يا جنى ... جنى بخوف وندمـ: سلامتك يايبه بس قلت لهم ما دامك بتروح نروح حنا نزهب الفطور ... متعب : الله لا يسلم فيك عظم .. واخوانها يضحكون عالهزاز وهي مفتحة عيونها بصدمه وخواتها بعد ماراح افلتوا ضحكتهم وهي ضحكت معهم هههه ساره بضحك : تستاهلين يالخبلة .. وانزلوا يجهزون الفطور .. ـــــــــــــــــــــــــ ـــــــــــ عند خزامى .. قامت متكسره من الضرب ومن نومة الأرض اللي ومن هي صغيرة إلى الآن تنام عليها مافكروا يشترون لها سرير هي الوحيدة ... قالت وهي منكسرة خاطرها على نفسها وخانقتها العبره : الحمدلله مو لازم هم يحبوني عندي اللي يحبني واحسن منهم وقامت تصلّي ومسكت مقبض الباب تبي تفتحه تروح تتوضى لقته مقفل نزلة دمعة من عينها اخذت علبة مويا موجودة في الغرفة واتوضت بها وصلت لربها لعله يفك غمها ..وهي تشاهق في صلاتها من غبنتها. ـــــــــــــــــــــــــ ــــــــــــــــــــــ نروح لصافية .. قومتها أمها للصلاة أمها : صافية.. صافية حبيبتي قومي صلّي ... صافيهوهي تصحصح مع انو مانامت الا ساعتين : قمت يمه قمت .... أمها : وسمعي بعد ماتخلصين الصلاة بكلمك بموضوع وراحت وهي تبتسم وتقول بنفسها بقولها يمكن تستانس... وصافية راحت صلّت وبعد ما خلصت راحت لأمها وهي مستغربة شنو الموضوع اللي تبي تقوله لها أمها ..طقت باب غرفة أمها .... : ادخلي يمه ادخلي ...دخلت صافيه وهي تستغرب أكثر .. الأم تكلمت أخيرًا : يابنتي وش رايش اليوم تريحين معي عرس بنت رفيقتي تتونسين ... صافيه بدون تفكير : لا يمه مو مشتهية على هالكلمة دخلوا خواتها .. ؟ : وين بتروحون يمه ..؟: إي والله صج وين بتدوجون .. أمهم : أبد والله بروح عرس وماراح توحون الا إذا راحت أختكم وهي تبتسم لها يعني مافي مجال تعارضين .. صافيه علشان ما تخرب على خواتها : موافقه خلاص علشانك يمه وعلشان نوره وسمر .. نوره: إلا من هي العروس يمه .. الأم : صج انش ملقوفة .. اضحكوا كلهم .. سمر : يله يمه من هي قولي .. الأم : أسماء العروس أسماء ... صافيه بهدوء: الله يهنيها .. ـــــــــــــــــــــــــ ـــــــــــــــــــــــــ ــــــ ببيت متعب على سفرة الفطور قاعدين العايلة كلهم ماعدا المتزوجات 3 متعب وهو ياكل البيض كشر وصرخ : مين اللي سواه مين اللي سوّا هالبيض ... كلن ساكت حتى الأم مرتبكين وخايفين على اللي سوّاه ... وجد بربكه : أنا يبه وشفيه .. متعب بستهزاء وزمره : لا والله مافيه شيء . وتسألين بعد ( بعصبية ) تعالي .. قامت وجد من مكانها وكل ضلع فيها يرتجف : آمر .. خذ متعب قطعه من البيض وبصدمه للكل حط لقمه في فمها بدفاشه وقال : ها وش رايش بطعمه قولي وش رايش .... وجد بلعته وهي ساكته والكل يطالع منصدم ... متعب بصراخ : قلت شرايش ... وجد وهي تبلع ريقها من الخوف : م.. مم.. ماالح ..متعب بسخرية وغضب : صح عليش مالح مادامه مالح ليه سويتيه كذا ها قولي ... وجد ساكته ما تعرف وش تقول وهي منزلة عيونها متعب بأمر : يله أكليه رفعت عيونها له بصدمه .... كمل : كله قدامي يله كانت تطالع الصحن منصدمه كانت مسوية واجد خذته وهي قاعدة تتغصب وأمها واخوانها منقهرين من ها الأدمي قاعد ياكل براحة .. فجأة ... ـــــــــــــــــــــــــ ــــــــ الساعة 7الليل عند خزامى ودموعها على خدها من الصدمة جات الساعة 7 وما حد فتح لها الباب الماي الموجود بيخلص وهي الجوع ذابحها خزامى ببكي وهي تضرب الباب : حرام عليكم حرام عليكم اليهودي ما سوّا سواتكم فتحوا الباب جات شغالتهم عند الباب وهي تفتحه وتعطيها أكل بسرعه وتقول : ماما قول حق آنا مافي يعطي إنتي آكل بس آنا في حبي إنتي واجد مافي خلّي أحد شوف .. كانت خزامى تبكي تبي تتكلم وتصارخ بس خوفن على أنه يروح آخر شخص في بيتهم زين سكتت حبتها في خدها وقالت لها : شكرًا سيلا الله يسعدش يله روحي بسرعه .. قفلت سيلا الباب وراحت تحت بسرعة وخزامى نزلت دموعها تبين مشاعرها وجلست تاكل وهي كل حزن الدنيا فيها ..... ـــــــــــــــــــــــــ ـــــــــــــــــــــ عند صافيه وخواتها وأمها في صالة العرس جالسين على طاولة بعيدة ويناظرون اللي ترقص واللي تروح وتجي بعباياتهم والام تناظر ببنتها لعل يخف حزنها .. على الساعة 10 انزفت العروس كانت جميلة وجذابة بفستانها الأبيض وكانت الزفة من أداء راشد الماجد باسمها .. وكان الحضور يناظرونها اللي يتمنى لها الخير ويدعي لها بالذريّة الصالحة واللي فرحان واللي غيران وحاسدها ويتمنى لها الشر بعد نصف ساعة قاموا الحضور يتعشون والعروس أسماء راحت مع رجلها الفندق ... وهم ياكلون على الطاولة تكلمت الأم : ماشاء الله جميلة : غي صدق الله يهنيها وقامت صافيه .. أمها : وين يمه ما أكلتي شيء .. صافيه : لا والله يمه شبعت بروح أغسل إيدي ..راحت صافيه دورة المياه *وانتو بكرامة* تغسل إيديها وكان في بنتين كان صوتهم شيه مسموع بس صافيه تسمعهم عدل وما كانوا منتبهين لها ...البنت1: سويتي اللي اتفقنا عليه؟ البنت2 بخبث ونية سيئة: أكيد رحت للفندق اللي هم فيه فندق الانتر .. البنت1 بمقاطعه : هبب عليها ..صافيه منصدمه...البنت2: سمعي غرفة 501 وحطيت العَمله ( سحر معقود) تحت السرير لا تخافين وهي تضحك بعد أقل من نصف ساعة تلقينه ...؟ وقعدوا الثنتين يضحكون بخبث وبكره وغيره قاتلتهم فجأة سكتوا حسوا بصافية الي تطالعهم وطلعوا وهم مايدرون انها سمعت كل الكلام انصدمت كانت الأصوات موغريبة عليها حيل بس ماقدرت تميز لأنها أبد مو اجتماعيه مرره وماكان عنها وقت تفكر أو تحلل وتفهم اللي يصير لأن كلامهم واضح وراحت لأمها وخواتها .... صافيه وهي تلهث : يمه يمه يله بسرعه قولي للسايق يجي بسرعة .. الأم : وش السالفة يمه فيش شيء .. صافيه وهي تناظر الساعة : يمه مافي وقت بسرعة .. واتصلت الأم على السايق وركبوا كلهم مو فاهمين ماعدا صافيه : صادق بسرعه على فندق الانتركونتينتال بسررعة .. صادق راح تنفيذًا لأمرها بسرعة وهم يسألونها وهي متوترة وتقول بعدين أول مره يشوفونها بهالحاله .. وصلوا عند الفندق نزلت صافيه وهي تركض كلن يطالعها مستغرب أمها وخواتها كانوا بيلحقوها بس مافدروا المكان كبير .. عند صافيه كانت تركض ولا همها أحد وراحت عند الرسبشين وهي تلهث وبالموت تطلع الكلمات : أي .. دور .. غرفة .. 501 ..ااه./ الرسبشين يطالع مستغرب : الدور 6 راحت تركض للمصعد لعلّها تلحق طلعت ن المصعد تدور في أرقام الغرف كأنها مجنونة على غرفة 501 حصلتها ... توها كانت بتضرب وتطق في الباب بأقوى ماعندها إلا ينفتح الباب ..... # نهاية البارتــ(2).. سبحانك اللهم وبحمدك أشهد أن لا إله إلا أنت أستغفرك وأتوب إليك .. واعذروني عل الإملاء .. | ||||
|
| |
|
07-11-17, 12:04 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسم الله الرحمن الرحيم # البارت الثالث.. الهروب من الواقع إلى الخيال من الممكن أنه شيء لا يستطيع كل الناس فعله فهذا الخيال الذي هربنا إليه من الواقع هو سينما بلا مال فعيشوه بلحظاته وإن لم تكن حقيقة .. " نبيّت.. . . . . الصباح 6:30 صحت وهي متهالكة تحس بمعدتها خاوية فتحت عيونها على مكان غريب غير بيتها تشوف أمها واخوانها حوليها .. تكلمت بثقل : يمه مو .... مويا .. يمه أول ما سمعت صوتها فزت بفرح : هلا يمه هلا ياحبيبتي ألف الحمد لله على سلامتك .. وفتحت لها علبة المويا .../ شربتها بلهفة وعطش كأنو لها سنة مو شاربه الام بخوف وحب لبنيتها : والله أنك روعتينا عليك تكلمت بمزح ؟ : إي والله جالسة تتدلع علينا بتهديد كذبي : اسكتي احسن لك ياسوير لدعي عليك يصير لك ما صار لي وتجين دوم بالمستشفى ساره بضحك : لا لا خلاص سكتنا وها ( سوت حركة انها تسكر فمها ههه ) وشتبي أكثر حبيبتنا وجد؟ وجد بحب وشوية خبال : ايه حسبته خلش كذا عدله ولا أنا أصلًا يهون عليّ أدعي عليك . ساره : هو أنا دارية فيك بس عشان ما أفشلك جلست أجاريك فالحكي وجد منقهرة : أيا الكلبة وخروا عنّي ذا المغذي وخروه خلوني اذبحها الام هيا : بس بس انتي وياها انتو لتكلمتوا ما أدري مين يسكتكم لا إله إلا الله ما أمداني اسكت وحده إلا تكلمت الثانية وانتي يا سويره راعي اختك تراها مريضة ( وجد تحرك بحواجبها لها يعني انقهري وساره صج انقهرت ) نخليهم يهذرون مع بعضهم .. ـــــــــــــــــــــــــ ـــــــــــــــــــــــــ ــــ نرجع مع الوقت لورا 6 ساعات بالليل الساعة 12 كانت تركض كأنها مجنونة تناظر بأرقام الغرف تدوّر على غرفة 501 لعلها تلحق حصلتها.. جات بتضرب الباب بأقوى ماعندها إلا ينفتح كانت مبهذلة مكياجها سايح ودموعها على خدها والعباية على كتفها بإهمال وكانت تشاهق أسماء ( كنت أناظر بالبنت اللي قدامي وش جيبها فجأة بتفكير أي وحده صار لها مثلي :انتي صح ( وجلست اضرب فيها ) انتي اللي كلمتيه اكيد انتي مو أمه صح قوليييي وهي تشاهق صافيه مصدومه وعرفت على طول أنو صار اللي يبونو البنتين اللي شافتهم وأقل شيء تقدر تسويه علشان تهدى أسماء ( انصدمت بكف من البنت اللي قدامي كنت بهاوشها وهي كيف تتجرأ بس ..) صافية بصوت مرتفع شوي : خلاص إهدي ولا تفهميني غلط إذا على اللي صـ.... كانت بتكمل كلامها بس قاطعها ؟ : تبينها خذيها معك وروحي معها تراني مو طايق هالوجه أبد أسماء تبكي ومنصدمه : سعود حرام عليك مو حنا اللي الكل يعرف بحبنا وبعد كذا تتوج بالزواج سعود مو حـ... سعود قاطعها بصراخ وعلى وجهه ملامح القرف : اقوول خلاص فكينا أي حب وأي خرابيط ذلفي عن وجهي يله ترا خلاص إذا على الجوازه طلقناك وبالثلاث ومنتي حليلة لي إذلفي . صافيه بصدمه من كلامه وذا الشخص طبيعي : أيا قليل الخاتمة ما تدري انك مسحور اصدمت بكلامها سعود وأسماء بس بعد ثانية سعود ولا كأنو انصدم : اقول بس روحي يله تقولي مسحور هه . صافية بفزع وصريخ : أسمااااء وجلست على الأرض تضرب بوجهها تبيها تفيق لكن مافي أمل سعود ولا كأنوا شاف شيئ دخل وسكر الباب صافيه انبح صوتها من الصراخ : ياناس ساعدونا ..( تشاهق ) ياناس .. حسبي الله ونعم الوكيل حسبي الله ... يا ناااااس لحقوا عليهااا .. طلعت اختها نورة من المصعد وشافتها : نوووره تعالي اركضي بسرعه نوره الحقي ركضت نوره لأختها وهي مفجوعه من البنت اللي طايحه ... طلعوا اللي في الدور 6 من غرفهم منفجعين من الصوت ....اللي اتصل على الإسعاف ...واللي يسأل شو فيها الوقت الحاضر .. أسماء وهي على سرير المستشفى : ليه زين أنا وش سويت ياصافيه أنا وش ذنبي .. وعيونها تدمع بدون ما تحس من القهر صافيه : ياروحي خلاص لا تقهرين نفسك أكثر بس رفعي ايدنك لربك وإن شاء الله بياخذ حقك أسماء حسبي الله ونعم الوكيل بس قولي لي ويش أقول لأهلي ويش أقول لأمي قولي لي ويش أقول ... وتمت تبكي مره ثانيه صافيه بحنيه : معليش الله بيسرها .... فجأه دخلو نورة وسمر بعربجية مو من عادتهم عشان يضحكونها .. نورة : هلا بالعيال هلا هلا والله بالمزز ارحبب وش ذا الزين . وتكمل عليها سمر : ارحببب السسّاع بالمزايين أخخ بس يانوير لو نكون أولاد تزوجناهم ضحكوا أسماء وصافيه : الله يرجكم مع خبالكم نوره : ايه هذا الضحكة اللي نبيها وانتي هيه (تقصد صافيه ) احترميننا ترانا أكبر منك سمر : ايه تراها صادقة (وتلف عـ أسماء ) وضيينه ياناس اغغغااا الجميع : ههههههههههههه صافيه : تخسون احترمكم نورة : شوفف ـــــــــــــــــــــــــ ـــــــــــــــــــــــــ ــــــــ كانت في المطبخ مطولة على الفرن حده وماسكه الملعقة بالبيز وتحركها بالنار وقلبها يشتعل من القهر وعيونها مليانه نظرات غضب <<< رصاصه لا إله إلا الله ؟..... : صبري عليّ إن ما ربيتك صح وتخافين تسوين الغلط ـــــــــــــــــــــــــ ـــــــــــــــــــــــــ ـــــــــ كنت جالسة ولقيت قلم رصاص عالأرض وخذيته ومن الطفش قررت أرسم ومافي الا الجدار وهي الغرفة كلها مخزن يعني مافي مشكلة ... جلست ارسم ودندن شوي يجي في تفكيري لا الله بيغضب عليّ وجلس استغفر وعلى هالحال فجأة سمعت صوت قفل الباب توقعت انو سيلا بتحط الأكل وبتروح فما لفيت لأني كنت مندمجه مع الرسم كانت هوايتي المفضلة .... هدوء الباب مارجع تقفل .. خفت شوي وش اللي يحصل لفيت براسي .. : يمااااااه لاء يمه لاااء حراااااام ...... آآآآآآآآآآآآآه ( خزامى ) الأم : حرمت عليش عيشتش قولي آمين تستاهلين ياقليلة الخاتمة عشان لا شفتي هالوسم كل مره تتذكريني يا بنت الكلب أنا ما عرفت أربيش لكن مافيها ضرر نعيد تربيتك مره ثانيه منقهرة ومغبونه من اللي تتسمى أمها : يممه حراام فهمي الموضوع قبل ..... ماكملت كلامي من شدها لشعري الأم بغيض : اسمعي يالنجسة انتي ما قدرتيني ولا قدرتي تربيتي لش لكن والله العظيم أي واحد يطق الباب يخطبش ولو عجوز مفلس زوجتش إياه ياقليلة الأدب .. ورمتها عالأرض وتفلت عليها : لا بارك الله فيش يا خزيمه .. وطلعت وقفلت الباب وراها خزامى ودموعها مو راضية توقف : ياربي انصرني على من ظلمني واللي قال لأمي هالحكي وصل فيش يايمه تحرقيني آخخ يايمه ـــــــــــــــــــــــــ ـــــــــــــــــــــــــ ـــــــــــ جالسة على سرير المستشفى أمها راحت البيت واختها مرافق معها نايمه عالكنبه فكرت باللي صار لها وجلست تتذكر ... ( كانت تاكل في البيض وهو مليان ملح ما تدري كيف مانتبهت وهي تسويه عالملح اللي هي حاطته وكملت أكل فجأة حست انو المكان يدور وقلبها عورها : آآهه فزت أمها : بسم الله عليك يمه وش فيش وجد وهي تتألم : ارتاحي يمه ما فيني حاجه ... جلست أمها وهي تناظر في صحن البيض ماكان باقي إلا قد لقمتين قامت وهي تقول : بس بروح الحمام *وانتو بكرامة * وبــ ... الاب متعب بدون ما يرفع عيونه قاطعها : خلصي الصحن وقومي بعدها وجد : يبه أ... متعب بزمره : قلت خلصي الصحن وقومي ما تفمين .... جلست وجد وهي تتغصب اللقمتين .. خلصت الصحن قامت وامها واخوانها ما يقدرون يتكلمون .. ما أمداها تمشي خطوتين ... طراااخ ... صوت اصطدام صوت بالبلاط كان قوي فزت أمها واخوانها : وااااجد......) تمت تبكي وهي تتذكر كلام الدكتور بسبب ابوها اللي ما فكر يجي معهم يتحمد لها عالسلامة (... كان الدكتور يكلم أمها بوجودها : ليه كذا حالة البنت صاير عندها ارتفاع بالضغط عالي ما يصير ليه مانتو معتنيين بصحتها كنت مغمضة عيوني من الألم بس أسمعهم وأمي تبكي من القهر كان ودّي أقوم وأقولها لا تبكين يا بعد حييّ بس صدمني الدكتور بكلامه الدكتور : وأدهى من كذا انتي تعرفي انو معها القلب أمي بصدمه ودموعها تنزل : كـ .. كيفف ؟ ماكان فيها الكتور : اذا هي مافيها فالسبب الأقوى اللي ستنتجته انو هي جاها القلب بسبب عدة صدمات تعرضت لها صج انصدمت بس اختفت صدمتي يوم تذكرت انو ابوي متعب فاللي صار لي بالأكيد بسببه ..) بعد الذكرى اللي حست انها آلمت قلبها قامت من السرير وناظرت اختها سارة اللي نايمه عالكنبة وقالت : امحق مرافق لو ذبحوني ما دريتي .... لبست عباتي وحجابي وتنقبت ومسكت المغذي بإيدي ومشيت رايحه للحمام اللي برا *وانتو بكرامة* كان فيه في الغرفة بس كنت أبي اطلع برا وكان علي لبس المستشفى لأني منومة فحبيت أطلع كان شكلي غبي بس عادي رحت الحمام وبعد ما طلعت مشيت في السيب سمعت أصوات ضحك ....؟ ـــــــــــــــــــــــــ ـــــــــــــــــــــــــ ــــــــــــ في هجرة تبعد أميال عن المدينة وقت المغرب صوت كبير حنون ..؟ : ياريتا ياريتا وينش ريتا : هلا ماما ايش بغيتي .. وهي واقفة عند الباب : تعالي يابنتي اقبليّ عليّ قربت ريتا وهي تضحك وتعلّي صوتها : ها يا أجوز إنتي ما تسمئيني أدل أشان كذا قرابت العجوز وهي تضحك : إلا عجوزين بعد وش تبين ريتا بضحك : ثلاثة أجووز بأد ماما ههه العجوز : زين سمعي يالرفلة أبيش تــ. ريتا بمقاطعه : صبر ماما ليه تقولي لي رفله هذي كلمه زين ؟ العجوز تكذي وهي تضحك : ايه ذي كلمه زينه وتعني انش ذكيه فهمتي ريتا بفرح : ايه ماما فهمت أنا رفله العجوز وهي كاتمة الضحكة : اقول بس اسمعي أبيش تسوين لي مفروكه وظبطيها خليها زوينه ريتا : بس ماما مفروكه سوي صباح مو احين العجوز : ما عليش يمكن يجيني ولدي صالح معه ولده فواز وبنيته هيا ولأ تجيني بنت وليدي خزيمه تحب المفروكه هالشيطانه ريتا : إي والله ماما هذا خزامى مافي إيجي !! العجوز : إي والله مو من عادتها بنيتي دايمن تجيني هالحزة والحين غايبه لها يومين ياخوفي عليها ريتا : ماما أنا حبي خزامى وهي تحبي إنتي وااجد العجوز بحب لحفيدتها خزامى : أنا أدري بس انتي يالرفله ويش يدريش ريتا وهي مستانسه على كلمة رفله :أشان بس خزامى من إيال أولاد إنتي البنات تنادي إنتي يمه ودايم تيجي حق إنتي واجيد هي وهيا بنت صالح ولدش العجوز بحب : أنا أشهد وأنا ساره وطلعتي فطينه ياريتا ههههه ريتا وهي طالعه وتمدح بنفسها ماتدري انها تذم : أجل ماما أنا رفله أكثر من إنتي الجدة سارة وهي تضحك وتعلّي صوتها : زين انش تدرين يالرفله هههههه ـــــــــــــــــــــــــ ـــــــــــــــــــــــــ ــ الساعة 5 المغرب : لا أنا لازم أهرب من هنا ما يصير العيشة اللي عايشتها بس كيف ياربي كيف جات شغالتهم سيلا بالسر مثل اليومين اللي راحوا تعطي خزامى الأكل سمعت خزامى قفل الباب ينفتح وشافت سيلا ومعها الأكل نطت في بالها فكره قالت : سيلا سمعي بأقول لش شيء وإذا سويتيه ماراح أنساه لش وبحبش أكثر والله سيلا وهي تحب خزامى حيل لأنها تعاملها زين الزين : قولي خزامى خزامى : سمعي انتي ودّي الأكل المطبخ وأنا بلبس عباتي وبأطلع زين وبقفل الباب وراي سيلا خايفة : بس انا خوف خزامى لا تخافين وإذا سألوش قولي مدري سيلا : خلاص بس يله سرعه قبل ما يرجاء أختي إنتي سوا ماما خزامى وهي تحبها في خدها : والله انتي اختي يابعد عمري ولبست عبايتها وتذكرت جوالها يوم تركته بعد السالفة وراحت غرفة ملابس مكان نومها تركض لعلها تلقاه بس ماخذته امها رفعت اللحاف فرحت يوم لقته طلعت من الغرفة ونزلت من الدرج سمعت صوت الباب الخارجي ينفتح .... ـــــــــــــــــــــــــ ــــــــــــــــ وأنا امشي في السيب سمعت أصوات ضحك فيه صوت مو غريب علي قربت من الباب بفضوول شدّني فتحته بشويش وأنا ألعن فضولي انصدمت وكل اللي في الغرفة لفوا وجيههم جهة الباب أنا بصراخ قوي مو بس أنا أنا وياها : صااااافيااااه : واااااجد ...... طرااااخ .... من سرعتي وضمّي لها طحنا على الأرض وماقمنا كملنا بكي من شوقنا لبعض واحنا نضحك <<<< تقلب مشاعر كنت أنا ظرها بحزن بعد ماقالوا لي السالفة وسألت : ويش اللي جابكم هنا من الأحساء لمستشفى العيون صافيه : أنا قلت لهم يودونها بالإسعاف هنا وجد وعشان أغير السالفة والحال اللي هم فيه : شرايكم أشغل ال tv كلهم : شغليه قمت ورحت شغلته ورحت لهم بعربجيه وقلت لنورة : قوميي قوميي أنا بقعد هنا ( كان المكان بين أسماء وصافيه ) نوره : روحي بس واحترميني تراني أكبر منك وجد : أقول بس ويله لا تطولينها قامت نورة وهي المعروف عنها عنيدة بس تدري انو وجد تبي تضحكهم وانها صديقة صافيه من وهم صغار فتبي تقعد يمها فقامت وجد : يله خليني ألف في القنوات ندور على شيء نتسلى به أسماء بضيقة فجأة دبت بقلبها وماتدري شاللي طرا على بالها قالت : وجد حبيبتي حطّي على الأخبار وجد وهي اللي تكره الأخبار بس عشان ما تكسر بخاطرها : مع اني ماحبها بس عشان عين ( وهي تطالع صافيه بطرف عينها ) تكرم مدينة صافية : أقوول لا تتسببين وش شايفتني أغار الكل ضحك , وخوات صافية اللي لاحظوا فرح اختهم وجد : هههه اللي على راسه بطحه يتحسسها قرصتها صافيه من فخوذها وجد : أي الكلبه .... صافيه : أحسنن أسماء : اسكتوا خلونا نسمع ..... الكل لف وجهه لـ tv المعلق : حدث اليوم نتيجة تنظيم داعش لتفجير مسجد داخل مدينة العيون موت عدة من الأهالي نتيجة ذلك وهم أفراد عائلة العمر لقرب منزلهم من المسجد وأفراد عائلة ...... نزلت الدموع من عيونها بدون سابق إنذار... # نهاية البارتـ(3).. . . . اتمنى انو ينال استحسانكم ولو سمحتوا بنات أبي اشوف توقعاتكم راح تفرحني كثيرر سبحانك اللهم وبحمدك أشهد أن لا إله إلا أنت أستغفرك وأتوب إليك ... | ||||
|
| |
|
07-11-17, 12:05 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البــــارت الـرابــع وجع الزمان رحمةٌ من إله الأنام ... فاصبر فما أدراك ما قد يقرره الزمان ... خيرًا ورزقًا من الله ثمّ من الافاضل الكرام ... أو بلاءً يغفر به ذنوبك المنان ... "نبيّت.. تركض على الدرج إلا تسمع صوت الباب ينفتح خزامى ( توني الحين راح أنزل إلا أسمع صوت الباب ينفتح توهقت وش الحل ويش أسوي قررت أناظر وشوف من جاء من العيلة الكريمة طلع أخوي نواف فرحت شوي وحطيت إيدي على قلبي كنّي أهديه يمكن في أمل أطلع ما هوب أمي على الأقل هي لا جات جلست في الصالة ولا قدرت أطلع منها أما هو فلا نطرت شوي دخل المطبخ وطلع جلس في الصالة وانا أطراف أظافري آكل فيهم من التوتر توهقت وش النحاسة ذي لالالا أنا لازم أركض جهت الباب كنّي نهال غامرت ركضت جهت الباب شافني ) .. نواف شفت نهال تركض لأن ما في الا هي وخزيم محبوسه .. سألتها : نهال وش فيش مستعجلة ؟! خزامى حاولت أنعم صوتي بقدر الإمكان لأن صوت نهال ناعم وأنا فيني بحه مميزة جدا بس ربي أنقذني يوم طلعت شغالتنا لبى روحها وقالت : يله نهال روهي ماما تنطر انتي برّا سورعه ركضت قال نواف : انتبهي لا تطيحين من ركضش مشيت ولا رديت عليه لف وجهه وأنا طالعه رسلت بوسه لشغالتنا <<< ترا صج تجينا شغالات كذا حبوبات والسر عندهم في بير حليلهم المهم طلعت وأنا أركض اخاف يجي أبوي ولا أحد من العائلة الكريمة حقتي الوقت يداهمني متوجهه لوجهتي ...... ***************** تحدث نفسها (.... : دموعي تنزل ماهي راضية توقف ليه ياربي ليه استغفرت وقلت لا عتراض على حكمك لاحول ولا قوة غلا بالله وإنا لله وإنا إليه راجعون أبي أصارخ أبي أكسر كل شيء ما أقدر ما اقدر أتحمل ) والبنات يناظرونها بشفقه ماهي إلا لحظه ويشوفون كل ما قدامها يتكسر قامت وجد تبي توقفها بس صافيه مسكتها من إيدها : لا خليها كذا راح ترتاح ما هوب زين تخليها في خاطرها الصدمة ماهي بشوي . أسماء استمرت تكسر وتكسر لين جاو الممرضات وامسكوها وحقنوها بمهدئ جاتهم وجد موعاجبها اللي سووه : ليه سويتوا كذا ليه , الممرضة بتفهم : لازم يا أختي ولا راح تتأزم حالتها كذا .... **************************************** متعب : أقول يوسف رح لأمي داقه علي المسكينه تنطر بنت اخوي من المغرب ياحبها لها مسويه لها مفروكه في هالليل هههه ولا جاتها <<<< المفروكة عجينة يحطونها بالفرن تيبس شوي ثمن يفتتونها ويحطون معها شقر يوسف : أي بنت عم يبه ؟ متعب : خزيمة المخبولة ما غيرها سكت على طاريها بعدين تكلم وقال : إن شاء الله ... وراح متعب: للحين بنتش في المستشفى لا بارك الله فيها هيا : حرام عليك خاف الله فيها وش هالكلام مفروض تسأل عن حالها وش قال الدكتور فيها ... وخنقتها العبرة وجلست تبكي <<< حساسة .. متعب بقلة ذوق : ايه هاذي هي ما تقلين كلمه إلا وراها بكيه وش ذا الحال هيا قامت ودموعها تنزل : وش ذا الحال معك انت بناتي تعبوا لا أنا اللي مرتاحة ولا هم روح بس ... وطلعت لغرفتها متعب يقلدها : لا انا اللي مرتاحة ولا هم ... يبي لها عقال ذي بعد والله حريم آخر زمن تكلم حمد اللي جالس ساكت واخوه فراس جنبه : رياجيل آخر زمن وقام ركض هج متعب فتح عينه بصدمه : والله لاراويك مصيري اشوفك يابن الكلب <<< يسب نفسه ههه ضحك فراس : ههههههههه متعب عصب بس مايقدر يضربه : ضحكت بلا ضروس قل آمين قم قم همز رجولي لا بارك الله فيكم من بيت بوز فراس وقام يهمز رجله " حتّى الصغير ماسلم منه .. تنهيده ههه" *********************************** كنت أناظر في السواد اللي يركض في الطريق مستغرب خفت اول حسبته جني بس قلت لا وتوكلت على الله واتجهت لجهتها أكيد حرمه بس مين صغيره ليه تركض بعدين فكرت وقلت : ليكون ذي شغالة هاربه ويوم شافتني ركضت خلينا أسوي خير ومسكها لف السيارة وطفا نوره ودّاها على الرمل لأن بيت جدته بعيد 10 دقايق عن حارتهم جدته في هجره نزل وجلس يركض يبي يمسكها ويوديها للشرطة ....( كنت امشي وحسيت بنور سيارة وراي لفيت .....: هذا ليه جاي صوبي .) ...ما ناظرت في السيارة وجلست تركض خايفة على نفسها فجأة حست انو السيارة مو وراها لفت تناظر ...: لااااااااااااا هدني أبعد عنّي ياحمار ذا الصوت مو صوت شغالات ليكون أنا مسكت مره كنه خزامى لالا ذي بحتها هديتها كنت ماسكها من متونها بقوه عشان ما تفلت تأسفت : آسف والله كنت أحسبك شغالة هاجه العذر والسموحه يا أختي .... لفت رفعت عيني لعيونها العيون ذي أعرفها بلا ...لفيت وانا كلش مفوره بعصبيه : لا والله خدامة أبوك وانا مدري تحسبن.... ( صدمه ) يوووسففف يوسف قلبه يدق بسرعه كنت عارف هالعيون والصوت : خزامى وش فيش وش صاير لش خزامى توترت افف ماطلع لي الا يوسف استحت ولفت تكمل مشي : لا لا مافي شيء روح روح يوسف خاف عليه ومشا يتقدمها و وقف قدامها : شنو مافي شيء خايفه وتركضين والساعة الحين 9 إذا صج ما فيش شيء خليني أوصلك مبين انش رايحه لجدتي خزامى استحت ونزلت عيونها لتحت : لا لا انا امشي لحالي مو لازم .. وهي تفكر ( يمه لو تشوفني امي تنتحر وجلست تضحك في داخلها ) يوسف ابتسم على حياها وسوا نفسه معصب : أقول بس يله قدامي على السيارة لدق على عمي وابتسم عالخفيف رفعت عيوني بصدمه وشفت ابتسامته ابتسمت من ورا النقاب وقلت : لا يا معود الا أبوي جيت يوسف ضحك : اجل معود احلف بالله انش هاربه امشي امشي ركب شغل السيارة وركبت خزامى ورا عدل المرايه عليها وقال : شايفتني سواق عندش مدموزيل خزامى يله أشوف قدام خزامى منصدمه وهي لافه راسها عالخفيف على جنب : يووووسف من صجك ضحك : امزح معك وش فيها بانت عبرتك هههه ضحكت ولا إرادي قالت : يالصروق جملت وجد هاذي ههههه .. سكتت وحدثت نفسها ( كنّي تماديت وجلست أسولف معه ) يوسف استغرب سكوتها سكت وحرك السيارة متوجهه لبيت جدته في نص الطريق تكلم يوسف : جدتي المسكينه تنطرش من المغرب مسويه لش حبيبتش تحمست لا إرادي يا شيني لتحمست : أما عاد فديتها سوت لي مفروكه يوسف : لا ثمود خزامى ناظرته نظرة لا والله " عرفتوها جربوا " : العن ابو السماجه يابووي شال .. سكتت ( شفيني طقيتها سوالف مره ثانيه ياربي منّي افف) يوسف شفيها كل مره كذا ليكون ماخذه عليّ فكره : خزامى في حاجه مضايقتش ويه ليكون حزت في نفسه : لا لا مافيني حاجه بس تذكرت شيء يوسف : أها يله اجل وصلنا عند جدتي اخخ ياليتها تحبني مثلش بسس خزامى ياعمري : وش دراك باللي داخلها يمكن تحبك يوسف : ماهقوتي مثل ماتحبش ... وفتح قفل الباب وطفا السيارة ونزلوا خزامى وهي تمشي لباب جدتها : مشكور يوسف ماقصرت يوسف : وش دعوه يا خزامى خزامى ( حسيت انشرح صدري يوم أقبلنا على بيت جدتي هجرتنا ذي يسمونها القطار فيها استراحات لكل فرد من عمامي وبيت جدتي أساس ومزرعة جدّي الكبيرة ومسجد كبير باسم عايلتنا " آل منصور " دخلت بيت جدتي والله وصلتني ريحة المفروكه وصوت امي فديتها " جدتي انا أسميها أمي " وصوت هيا وفواز عيال عمي صالح و ريتا الخبلة حسيت بفرحه هالناس تسعدني حيل ) دخلت بجنون وانا اقول : القمر فاقدني ولا لااا العجوز ساره : ويه الله يعز القمر منّي ولا على الفقده ماتجيني يومين ليه الغيبه ذي يابنتي تكلم فواز بمزح : ول ول كل ذا الحب لخزيما ودخل يوسف وهو يقول : لنا الله يا غالي من الشوق من الشوق وكملوا عليه هيا وفواز : وانا المولع هيييه وانا المولع ضحكوا الجدة ساره والعم صالح وريتا وخزامى : يمه شفيهم يغارون مني وهي جالسه في جناحها بعد ما سلمت عليها ( جناحها يعني الجدة حاطه يدها حول كتف خزامى فهمتوا ) الجدة سارة : وليه تغارون ها تسوون اللي تسويه لا انتي هيا وانت يافواز ويا يوسف ماتقصرون أبد بس ما تسوون مثلها هاذي تحتي ماتفارقني جعلني قبلها خزامى بعتب : لا والله جعلني قبلش أنا ابتسم الكل على الحب اللي بين هالثنين صالح : أقول يمه لا تدلعينها زيادة بعدين تتدلع علينا خزامى : أقول عاد صلوحي مالك شغل بيني وبين أمي زين ( هي عادي تقول لعمامها كذا فاهمين رجتها ونيتها الصافيه ) تأكد الجدة على كلامها : إيه مالك شغل بيني وبين بنتي ضحكوا كلهم هيا : لا لا وش هالحكي ياخزامى كذا تكلمين أبوي تؤتؤتؤ عيب عيب فواز ويوسف يأكدون عليها : ايه عيب العم صالح يمزح : صج أنا زعلت هه "ومد بوزه كنه بزر " يله يمه خليها تعتذر منّي لفت الجدة ساره على خزامى وهي تضحك : وهذا انا أحلف والله ماتعتذرين هه ( وترفع حاجبها له ) خزامى ميته ضحك طاحت على الأرض كلهم مفتحين عيونهم من الجدة خزامى : ههههه اكشخ ههههه يمه هههه خلك كذا دايم صالح : اقول اغسل وجهي بمرق ان قعدت هنا زياده غسلت شراعي انتي وحفيدتك يمه .. وقام طلع وهو يضحك إلا يشوف مرت أخوه داخله ومبين عليها العصبيه من سرعتها العم صالح : عسى ماشر يام سامي وش فيش تسابقين الريح أم سامي : ماشر يا صالح ماشر ... وتعدته ماشيه للباب ومشا رايح للمجلس يستفسر من اخوه هو مو عادته الفضول بس سمع الصراخ يوم دخلت وركض لمجلس الرجال عند أم سامي كانت مفوره حدّها دخلت لا احم ولا سلام وناظرت باللي موجود هي معروفه محترمه بس الحين الشيطان عاميها وفتحت عينها : بعدد " وتأشر عليه بصبعها من فوق لتحت" ذا موجود اخخخ ياقليلة الحيا وتمشي جهتها فز الكل منصدم حتى الجدة ساره ام سامي تمسك خزامى من يدها وتجرها : تعالي ياقليلة الخاتمة كلن يطالع منصدم الجدة بحده ماشافوها من قبل هي عندها إلا خزامى غاليه ارفعت عصاها على إيد أم سامي : ما قليلة الخاتمه الا انتي ابعدي عنها ( وتضرب يدها على الخفيف عشان توخرها ووخرتها ) أم سامي : ايه هذا نتايج دلعها لك بس أنا ماربيتها بس عادي أربيها خزامى حاضنه جدتها ودموعها تنزل وتشاهق الجدة : متربية عدل ابعدي بس اكفينا شرك أم سامي مو حاسه على نفسها من العصبية : لا والله مو متربيه ماعرفتي تربينها امحق تربيه وتمسكها من يدها الجدة : والله ماتقربينها ابعدي عنها لا بارك الله فيش أم سامي : لا والكريم مـ.... ( حسيت برنه في اذني قويه وجهي حممر من الصفعة بس ما قدرت اتكلم لفيت وجهي انصدمت ) ام سامي : ابو سامي ابو سامي وكان جنبه العم صالح : ايه ابو سامي يله كملي وش كنتي بتقولين كملي " بزمره " كمليي امي ما تكلمينها كذا فاهمه أم سامي وايدها على خدها : تصفعني قدامهم بدون حتى ما تسألني اذا تبي تعرف اقولك عشان تأدب بنتك المتربية خزامى رفعت عينها لامها بصدمه والكل ناظر ام سامي وش تقصد الجدة الا خزامى وعشان ما تكمل حكيها : اخذها عني يا وليدي اخذها ماني طايقه شوفتها وبنتي ما تطلع من بيتي مالش بنيه هنا اطلعي من بيتي ما تدخلينه الا وانتي معتذرة من هالفقيره ابو سامي الا أمه : امشي امشي قدامي فشلتينا وانتي شكبرك ماتعرفين تتفاهمين ام سامي بحقد وغضب : خلني اقولك عن سواد وجهــ. ماخلاها تكمل : امشي وطلعوا وراحوا بيتهم العم صالح : الحمدلله كنت حاس من يوم دخلت وراها بلى ورحت ناديت اخوي هيا : مو من عوايدها فواز : ايه والله والكل تذكر شيء لفوا على يوسف يوسف يحدث نفسه ( ... شالسالفه وش سويت لها أنا ليكون اللي في خزامى بسبتي بس ليه وش السالفه ليكون عرفت انو ماكملت حديثي مع نفسي حسيت الكل يناظرني رفعت راسي انصدمت ) يوسف: شفيكم ؟! الجدة : لا بس هالخبلة انصدمنا ليه تكلمت معك كذا وتونا نتذكر سواتها فيها شيء اليوم ولفت راسها للي حاضنتها وكلهم ناظروها الجدة : حبيبتي بنتي وش السالفة وش فيش يمه شافتها ساكته ماردت عرفت ماتبي تقول يمهم تدري ببنتها قالت :سوينا لش ذيك المفروكه اللي يحبها قلبش فزت خزامى ولا كنه صار شيء : وينها وينها ضحكوا العم صالح : عادت حليمه لعادتها القديمه الكل ماعدا الجدة : إي والله خزامى : أقول بس وين حبيبتي الجدة بحب : تحت سريري خاشتها عن فويويز وهويا لياكلونها عنش كان قلبي حاس انش بتجين خزامى تضحك وتطالع هيا وفواز بنظره موتو حره ههه: فديت اللي يتنقص لي ياناس هيا : عيال البطة السودة احنا فواز ويوسف : إي والله الجدة : ايه وانتو صادقين بس هي وتأشر على خزامى بمزح بنت البطة البيضاء هههه افتحوا عيونهم بصدمه واضحكوا العم صالح : لا لا خربت انا قايم بس ضحك الكل ********************************************* تابع واتمنى شوف تعليقات | ||||
|
| |
|
07-11-17, 12:06 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| - التكملة .. . . . . . . . بعد ماراح الكل وصارت الساعة 1 الليل الجدة منسدحة وحاضنة حفيدتها : بنيتي وش رايش نطلع نتمشى شوي خزامى : لا يمه نامي مو من عادتش و وش هالتمشية في هالساعة الجدة : على النومة ماني نايمه يمه ويله قومي (وخذت تليفونها ) فتحي ذا ودقي عالسايق خزامى: مو من صجش يمه الجدة : لا من صدقي يله اهوه دقي عليه ماينام هالحين تلقينه على هالافلام خزامى ضحكت : امري لله .. ودقت عليه : صج قايم هههه الجدة : قلت لش يله قاموا لبسوا عبايتهم وطلعوا وهم برا الا يشوفون هيا جايه من استراحتهم هيا : جدتي وش ذا السحبه بعد تطلعون تالي الليل ولا تقولون لي خزامى تضحك وتأشر على جدتها الجدة : يمه منش يالبومه وش مقعدش هيا : اللي مقعدكم بعد اضحكت خزامى على هيا تدري فيها ماتنام إلا لصبح الصبح وماتقوم إلا الظهر إذا مانامت مبكر : خبله هههه الجدة : امشي بلا حكي زايد يله خزامى وهيا : يله وركبوا وانطلقوا ما يعرفون وجهتهم ********************************* وجد قامت من سريرها وكلمت اختها : سوير انا بروح أشوف أسماء تجين سوير : يله طلعوا من غرفتهم وراحوا لسيب غرفة أسماء يطمنون عليها دخلوا السرير فاضي وسمر ونورة يدرون عنهم رجعوا البيت بس صافيه واسماء ما وعو إلا على دخلتها...تشاهق .: وينها وينها وين راحت دوروها لايصير لها شيء دوروهاا والله غفيت غفيت مدري وجد منصدمه وبكت لا إرادي امسكتها من إيدها : وين راحت وين قولي صافيه وين تراها مو في وعيها من الصدمة وين راحت لا تسوي في حالها شيء سارة : امشو بدل هالبكي بسرعه لا تضيع منّا ... ودمعة حاره تنزل على خدها من الغبنه وحال هالبنت طلعوا من الغرفة يركضون لبرا المستشفى بعد ماعرفوا أنو صافيه جنّت وهي تدور في المستشفى كلها لها ساعة من كبرها ***************************** هيا : ايه بعدين جدة الجدة : تقولش جدة بس كذا نفتح الدرايش وتاكلين هالعسكريم اللي فيدش تبردين على قليبش هيا : كذا السالفة والصراحة برد قلبي احسن من القعدة في البيت خزامى : وأنتي الصادقة سكتوا شوي ............... فزت خزامى وصقع راسها من سقف السيارة : جدة هيا شوفوا الجدة : بسم الله عليش هدّي شنو نشوف خزامى تأشر على البنت الجدّة : ياقلبي وش فيها تمشي كذا هيا : صج وش فيها خزامى : شكلها مهمومه حيل كسرت خاطري والله الجدّة : يا بنتيييي كوماااار اوقف اوقف : وقفففف ************************************* جالسين وشياطينهم حواليهم أم سامي مانامت من القهر واتصلت على بنتها تجي أم سامي : شفتي قليلة الأدب جالسه وحاضنه جدتها يعني شوفني وهو هناك مستانس والله ما أخليها أخخخ بس لو ما جا أبوش ومسكني ساميه " أخت خزامى الكبيرة " : شفتي قلت لش عنها قليلة الأدب ذي فاسخه الحيا يمه نهال : صادقه ساميه بخبث : لا بعد من ندري من ودّاها كل هالمسافة لــ القطار ام سامي ورنت في بالها وتفكيرها تعدّى حدوده : ليكون قليلة الأدب سوتها ومتصلة عليه وهو الي ودّاها تسويها نهال تزيد الطين بلّة : موبعيدة عنها ساميه بحقد : يمه لا تخلينها تراها مدلّعة فضحيها قدام حبايبها عشان يعرفون حقيقتها نهال : صج مو بس حقيقتها هي هي والنجس اللي معها ساميه بمكر : شفتي ولا عطتش خبر كنش والطوفه واحد وهاذا الي قلتيه لنا حتى ماناظرتش ام سامي رمقتها بنظره : ؟ ..... تكمل : هاذا سواتها الحين ماتدرين بعدين وش تسوي (.....عبوّ في راس امهم الكثير وهم يظلمون أختهم اللي حبها عفيف وما أظهرته لاحد .....) ورست الفكرة في راس ام سامي .. ************************** #نهاية البارتـ(4)ـ.. إلى اللقاء نلقاكم غدًا – إن شاء الله – بإذن المولى عزّ وجلّ في ساعةٍ لا نعلم نحن نعيشها ام نكونُ في قبورنا لا قدّر الله .gif) وأخيرًا ( هلا هلا ) أتمنى فوجًا من التعليقات .. " سبحانك اللهم وبحمدك أشهد أن لا إله إلا أنت أستغفرك وأتوب إليك .." | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
