درست فلندن فإلتقيت بك،للكاتبة/ Shamma Rashed اماراتيه

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية (( درست فلندن فإلتقيت بك )) للكاتبة/ Shamma Rashed قراءة ممتعة للجميع ...

[فيتامين سي]

السلام عليكم
-
رواية درست فلندن وألتقيت بك
-
البارت1

(صدفه)
-
-
كانن الملابس في كل مكان والغرفه ظلام، والسرير ملينا شبسات و حلويات، وكان في جدار ملياان لوح برسمات جميله اغلبها تتكلم عن الفضاء، أما هي كانت جالسه عالمكتب أو عالأغلب نايمه بسلاام
شما
{بنت بشرتها حنطيه اقرب للسمار ، شعرها كستنائي واصل لرجلينها، عيونها فاتحات في نور شمس رموشها طوال، طولها 158، جسمها عادي اقرب للضعف، فآخر سنه ثنويه، عندها بس اخت وحده}
كانت حاطه(واضِعةً) وجهها على الطاوله، وحوليها الكثير من ادوات الرسم و كوب هوت شوكليت، و لِيتْ(مصباح) صغير على الطاوله ينير الطاوله.
فجأهه!!
في شخص دق الباب بقو وهو يصرخ: شميم قومي الساعه 7 بتفوتج المدرسه.
كمل دق بقوه لكن بلا فايده رجع صرخ: شميييمم وصمخ(يعني تستوين ما تسمعين، والله ماعرف اترجم🌚) قوومي!!
شما كانت تسمعها وقامت بس ماكانت تريد تجاوبها، شوي ألا بدلت شما ملابسها وتلبست ملابس المدرسه وكانت رابطه شعرها، أول ما فتحت الباب ما لقت احد و راحت المطبخ و سوت لنفسها سندويش جبن و طلعت برا تنتظر ابوها يجي يوصلها، ركبت(صعدت) السياره وسلمت على أبوها اللي قالها: يا بنتي شو عندج تتأخرين ؟؟ وأُمِج من الصبح تدق الباب حتى الجيران قاموا من النوم!
شما وهي تحط شنطتها تحت : والله كنت نايمه وأصلاً مالي نفس لها من الصباح، لولا أن نحن فآخر أيام المدرسه ما كنت داومت🚶🏻‍♀.
^بعد يوم دراسي معتاد
شما وهي جالسه عالكرسي: أبوي عندي طلب
ابو شما: طلبي.
شما: انت تدري اني بدرس طب او جراحه دماغ
ابو شما:أي ادري بس المشكله انو مافي تخصصات طب عندنا لازم تدرسين برا و...
قاطعته شما وهي تقول:وهذا اللي أباه(أريده)، أني ادرس برا.
حل الصمت فجأه وكان الأبو يناظر شما بنظرات حزن و قلق:والله يابنتي..
قاطعته شما قايله: أبووي!! أدري ان اذا طلبت منك شي مابتقول لا، بس هذا اول طلب جدي أطلبه منك تخيلك عشاني
الأبو وهو يتأفف: ان شاءالله يبتني بدور على جامعه بعدين بحجز لج وندور السكن.
شما بفرح و بسرعه بدون ماتتنفس: أبوي انا اعرف جامعه عندهم تخصص طب و عندهم سكن للطلاب مجاناً ويوفرون لهم كل....
قاطعتها أمها بصراخ: لا، ما بتروحين بدون اختج وأصلا ليش تروحين تدرسين برا اختج مب فقيره تدرس هنا !! و أنتي...
الأبو وهو يكلم شما متجاهل الأم: اذا كذا خلاص بروح بس بنطلع لك منحه و نسوي اللازم.
الأم و هي تناظر الابو بعصبيه:هيييهه بنت الكبيره آمري و الصغيره ماتعطيها وجه**بصوت واطي : روحي ربي لايعودج -_-
سمعتها شما بس تجاهلتها وراحت تركض وهي تقول: أنا بروح اذاكر ما أريد غدا.
‏‎^بعد ما خلصت مذاكره دقت لبنت عمتها و صديقتها من الطفوله:هلا شيخه هااه شو قالوا
شيخه: تخيلي سويت نفس ماقلتي اول شي ماخلوني بعدين قالوا كيف بتروحين بروحج وقلتلهم ان شما ستأتي معي وقالو ان شاءالله بنسوي اللازم، من الفرحه صرخت
شما: المهم أنا بروح انام باي
شيخه: مع سلامه

^مرت الايام و فرحت شما تزيد إلى ماقبل السفره بأسبوع
طالعه من البيت رايحه للسوق وين كانت شيخه تنتظرها: مع السلامه بروح السوق أشتري أغراض لنفسي
بعد ما وصلت شما للسوق اتصلت عشيخه
شيخه: تعالي ستاربكس أنتظرج
شما: اوكك {كانت لابسه دريس زيتوني ضيق تحت العباه المفتوحه و شنطه زيتونيه صغيرة الحجم و سنيكرز أبيض}
^^وصلت شما للسوق وراحت تمشي بسرعه إلى ستاربكس
كانت تمشي بسلام إلى ان فجأه صدمت فشخص بقوه
لدرجة انها طاحت في مكانها و شنطتها طاحت منها
شخص وهو ماد يده يرفع شما: آسف .. سامحيني.. صارلج شي.
شما وهي تمسك يده وتقوم : لا ما فيـ.. لاشعورياً سحبت يدها بعد ما استوعبت انها تمسك يد رجال غريب، وكانت بطيح على ورا بس الشخص مسكها من كتوفها وهو يقول:أنتبهي
أبعد يديه عن كتفها و رفعت راسها تناظره لانه كان اطول منها: أستح عوجهك تلمس بنت أمك ماعلمتك الأدب!
وهو يناظرها بنظرات غريبه :للأسف ..وهو يناظر تحت وبأبتسامه خفيفه: الله يرحمها
مسكت شنطتها وراحت تركض بعيد عن الشخص وقلبها كان يوجعها من اللي قالته جلست عالطاوله اللي فيها شيخه وما قالت أي كلمه بس أكتفت بالصمت.
^^عند ذاك الشخص
كانوا اصدقائه ينادونه:فااارررس تعاااالل.
فارس وهو ينحني عشان ياخذ تلفونه اللي طاح عالأرض وبصوت واطي: شو هالشعور الغريب اللي فداخلي؟؟
صديق فارس: من ذي البنت؟؟ كنت تبا رقمها هااه!
فارس:تعرف أني ماحب ذي السوالف شو اريد فرقم البنت ..بصوت ماينسمع: أحس اني اعرفج!! منو أنتي؟؟ .. بعد ما أنتبه لصديقه وبصوت مسموع: أمش امش بس.

#شما
حسيت بشعور لأول مره احس فيه فحياتي، ليتني ماقلتله هذا الكلام، ليش هربت؟! ليش ما أعتذرت منه؟! ليش حسيت أني اعرف هذا الشخص أو بتعرف عليه؟!
قلت بصوت مسموع: قلب الأنسان
شيخه: شو استوى لج؟؟ شو فيج؟؟
قلتلها و أنا أناظرها: طلبي لي وايت كوفي لاتيه مع كريمه وكاراميل.
بعد ما خلصت طلبتلي سألتني مره ثانيه: شماا، قوليلي شو فيج لي ويهج كذا؟
أجبتها بهمهمه فسكتت عني وراحت تجيب طلبي، بعدها رحنا نشتري ملابس لنا حق السفره.
ملابس شيخه كانن عباره عن/ جاكيتات للركب، قمصان ملونه بألوان زاهيه، بناطيل ملونه.
أما أنا/ جاكيتات للركب، قمصان بألوان غامقه بعضها فضفاض وبعضها ثقيل، بناطليل وساع اسود وابيض، طاقيات للبرد لتغطية الشعر كامل.
^^بعد ما رجعنا البيت
.
#الراويه
^بعد ما رجعوا البيت
شما كانت في سابع نومه أما شيخه كانت تفكر في شخص و اللي بتسويه هناك...
-
-
-
-
هذا أول بارت لي، أنتظر تعليقاتكم و
أتمنى تنشرون و تقرون الروايه
نكمل فالبارت الجاي أن شاالله
شرايكم فالبارتات قصار او اوك؟؟
الخط اوك؟؟
إذا عندكم اقتراحات أو نصايح تفضلو أنتظركم.
ترا كل يوم أن شاءالله بكتب بارت
-
كاتبتكم : شما.

[فيتامين سي]

[فيتامين سي]

السلاام عليكم
-
رواية درست فلندن فإلتقيت بك
-
-
البارت 2

(أحداثٌ في الطائره)
-
-
شيخه كانت تفكر باللي بتسويه فلندن و تتخيل كيف بيكونوا هناك،


أما في مكان بعيد
شخص: جهزت كل شي؟؟
....: نفس ماقلت بالضبط، تأمر بشي غير ياسيدي؟؟
شخص وهو يرفع يده: شكرًا


نرجع لشما
شما بصراخ:منوو يدق الباب!!!
ابو شما: أنا يبنتي فتحي الباب
فجأه لقت شما نفسها ترتب الغرفه وترجع كل شي لمكانه:أ..ا.االل.لحي...ي.نن.

راحت فتحت الباب وجلس ابوها عالسرير وهو يقولها: دقولي من الجامعه وقاالواا..وقف شو وجلس يناظر الارض
شما: شو قالوا؟؟ قول لا تسكت!!
ابو شما : انتي لازم تكونين بعد يومين عندهم بسبب القوانين الجديد، بيكون فيه تدريب للطلاب الجدد.

شما: ييسسس..ليش ماقلت كذا من أول ؟؟
ابو شما: لاني قلق عليج
كانت شما تدور فالغرفه من الفرحه لكن بعد ما سمعت كلام ابوها جلست جنبه وقالت: ليش؟؟ من شو تخاف علي؟ ومثل ما قلت قبل أعيد، ترا أنا عن 10 رجاجيل!!

ابو شما وهو يضحك: الله يعين اللي بيطيح فإيدج •_•.
شما وهي تناظر ابوها وفنفسها(اكيد ما بتخفي علي هالشي طول حياتي بيجي يوم و بتقول بس المشكله انا ما أقدر أصبر

ابو شما: يلا بنتي رتبي ملابسج فالشنطه، وإذا تبين شنط ثانيه بخلي الدريول يشتريلج
شما: ان شاءالله
ابو شما: أنا بروح للدوام، مع السلامه
شما: باااي

بعد ماطلع ابو شما، فوراً اتصلت شما عشيخه: الو شيخه
شيخه وصوتها مليان نوم: هااه
شما: لازم نجهز اغراضنا اليوم لان بكره الطياره .
شيخه: ليش اتذكر انها يوم الخميس الجاي
شما: لالاااا، عنهم قوانين جديده اللي هي، على الطلاب الجدد ان يأتوا للجامعه قبل الدوام باسبوع.

سكرت شيخه فوجه شما وراحت تركض الى امها و ابوها: ماماا باباا، الطياره بكره لازم اجهز اغراضي من الحين!!
ام شيخه : خلي ميري تساعدج (ميري خدامة عائلة شيخه)
شيخه وهي تركض ونفسها مقطوع: أنا بروح غرفتي أرتب الاغراض(؛

عند شما
خلصت ترتب أغراضها و قضت اليوم كله تختار ملابس لها إلى ان حلْ الليل ونامت.

في اليوم اللي بعده قامت شما وبدلت ملابسها و طلعت شنطها برا وراحت الى ابوها تسلم عليه: مع السلامه بروح المطار
ابو شما: استودعتج الله
ام شما: هيييه.. سيري هناك الله اعلم شو بتسوين ومنو بدخلين بيتج.
شما وهي تناظرها بنظرات أشمئزاز: والله يعلم شو بتسوين فالبيت
~للمعلوميه ترا شما هي اللي تدير البيت والأثاث وكل شي على ذوقها، صح ان غرفتها مبهدل وماهي بمرتبه بس اذا رتبت ذوقها يطلع يجنن لانها من الناس اللي يعرفون ينسقون بين الألوان ~


طلعت وأول ما وصلت المطار لقت شيخه وقالت لها: أقتربت لحظتنا
شيخه: طائر النورس حلق حلق، حلق حلق
شما: هههههههههههههههه علموها
شيخه : مشي مشي احسن

خلصو البنات كل الإجرائات و ركبوا الطياره، كانوا راكبين في البيزنز كلاس وكان كرسي شيخه بعيد عن كرسي شما بسبب الزحمه، لكن شما ماكنت تحب أحساس الوحده مع ان فنفس الطياره و شيخه مستحيل تتركز شما

#شما
جلسوني بعيد عن شيخه، ليش ياربي كل مره ينتهي بي المطاف وانا وحيد،.. أووه تونا بادين يمكن خيره kim bilir (من يعلم باللغه التركيه)
صحح شيخه ماتحب الطياره أخاف تموت من الخوف وأبقى وحيده
وأنا أتكلم بصوت عالي لعل شيخه تسمعني: ششيييخخخه لا تخاافين سمي بسم الله وغمضي عيونج.
فجأه أحد تكلم جنبي

#الراويه
: يمكن أنتي اللي بتخافين شدراج
شما: بسم اللله.
فارس: الخوف ما بيقتلها
شما: kim bilir(من يعلم)
شخص:sen Bilmiyorsun( أنتي تعلمين)
شما بعد ما ناظرته بصدمه: أأنننتتت...أنت ذاك الأعمى اللي بالسوق صدمني، هييه عرفتك.
شخص وأبتسامته تنمحي تدريجياً إلى نظرة غضب: أناااا أعممى؟؟
شما : لا آاس...
قاطعها وهو يقول ويمد يده يسلم على شما :المهم، أنا فارس
شما وهي تتجاهل يده: شما، وألحين خلني فحالي .

أول ما قالت شما هالكلام غمضت عيونها، أما فارس اللي جالس جنبها ناظرها بعدين تجاهلها و فتح تلفونه ، شما كانت لابسه بنطلون أسود شوي وسيع و قميص أسود و جاكيت لركبها خامته عليظه ولونه برتقالي عالبني و طاقيه كانت تغطي كل شعرها

فارس كان مستغرب ستايل شما غرييب مو نفس ستايل البنات الاعتيادي؟؟
فارس وهو يسألها: الو.. كيف بتنامين و الطياره تقلع
شما وهي تتنهد: والله أنا اليوم ما قدرت أنام لان...(بعد ما استوعبت) هيييه انت ليش تسألني أسئله مالك دخل فيها؟<فنفسها: أنا غبييه>
فارس:لقاافه


شما وهي تنادي المضيفه:excuse me (عفواً)
المضيفه: yes (نعم)
شما وهي تناظر فارس: There’s other chair on the plane ??(هل هناك كرسي آخر في الطائره؟؟)
المضيفه: I’m sorry, there is any problem with this chair??(أنا آسف هل هناك أي مشكله مع هذا الكرسي؟؟)
شما:no, I'm just asking (لا، أنا فقط أتسائل)
المضيفه: no, there’s no chairs I’m sorry (لا، لاتوجد كراسي أخرى أنا آسفه)

شما كانت تناظر فارس بقهر أما هو ولا هامه الموضوع كان يلعب بالتلفون🙂.
شماتسأل المضيفه اللي كانت واقفه تنتظر جوابها: thanks, can I go to the bathroom??(شكراً، هل يمكنني الذهاب الآن إلى الحمام؟؟)
المضيفه:yes but please quickly (نعم لكن أرجوكي أسرعي؟)
شما وهي تقوم بإتجاه الحمام: Ok

دخلت وهي تقول فنفسها: شو يريد ذا الملقوف ألحين(وهي تقلده) ساان بيليوورسن، أبتليت به.

طلعت شما من الحمام وراحت كرسيها وهي سااكته، فجأه انتبهت لشيخه وراحت لها
شيخه: ليش كنتي تصارخين؟ تحسبين بس انتي فالطياره؟!
شما: لاا، جيت اقولج عن هاذاك الملقووف بتبدلين مكان؟
شيخه وهي تناظر الشخص اللي كان جنبها (عجوز نايم): لاااا، مستحيل، أبدل.
شما: تخيييلج
شيخه: مستحيل ابدل وهذا الشخص عدالي لا خلني هنا جالسه فالهدوء.
شما: بشرط
شيخه: شروووط بعد
شما: هييه، أبا الكتاب اللي عندج
شيخه وهي حيرانه: ا.وو....اوك

ردت شما لكرسيها وهي تبتسم بخبث لانها خذت اكثر شي شيخه متعلقه فيه وهو كتابها! جلست شما تقرا الكتاب وهي تنتظر الطياره تطير، بعد ما طارت الطياره كان كل شخص فحاله اللي كان نايم واللي يتابع فلم.
شما وهي تكلم نفسها بصوت شوي عالي: بروح أرجع كتاب شيخه لها أكيد بتكون اشتاقت له
راحت لها ولقتها تتابع فلم
شما وهي تمد الكتاب : شيخه كتابج
شيخه وهي تاخذ الكتاب من شما : شو بتسوين انتي
شما: بطالع ماي مسلسل.
شيخه بحماس : حملتيه؟؟
شما: هي من اليوتيوب
شيخه: اذا طالعتيه انا ابا اطالعه
شما: تعالي جلسي عدالي وتابعي
شيخه: لا لا غيرت رأيي
شما : اوك انا بروح مكاني
ماردت شيخه لان شما اصلا وصلت كرسيها
ملاحظهكان بين كرسي شما وشيخه كرسي واحد).
جلست شما تتابع مسلسلها لمدة ساعتين وكانت الطياره هدوء بس كان فيه اصوات المظيفين وبعض الأشخاص.

بعد ماخلصت شما مسلسلها كانت تحس بجوع فدقت الجرس لكي تجي المضيفه
شما: Do you have nodels?? (هل لديكم نودلز؟)
المضيفه: yes, we have 2kind hot and normal nodels (نعم، لدينا نوعين الحار و النودلز العادي)
شما: ok, please give me from hot one (لوسمتحي أعطني من النودلز الحار)
فارس بسرعه قبل ماتروح المضيفه: please do it 2 (لوسمحتي اجعليها اثنان)
المضيفه: 5minutes (خمس دقائق)

بعد خمس دقايق

المضيفه: excuse me your nodels (لو سمحتوا احضرت النولز لكم)
لأن المضيفه على طرف شما اخذت النودلز مال فارس وحطته على الطاوله اللي قدامه أما هي خذت النودلز مالها وجلست تاكل
فارس للمضيفه:thank you (شكراً)

بعد وقت ماهو بطويل جت بنت شعرها لعند كتفها عيونها واسعه سوده كانت اطول عن شما وكانت لابسه بلوفر أصفر وبنطلون أسود وسيع شوي
وقفت جنب فارس وهي تقوله: انت بس تاكل من اول مره شفتك وانت تاكل فيها وللحين ما سمنت
شما بدون ماتناظر البنت : صوتها مش غريب علي، بس صدق اللي تقوله انا من متى وانا اكل (وهي تسأل نفسها بصوت واطي) ليش انا اكل فكل مكان وزمان؟؟

رفعت شما تطالع منو صاحب الصوت، لما شافتها حطت النودلز على الطاوله وهي مو مصدقه ان الشخص اللي قدامها....
-
-
-
ماعليه نكمل فبارت ثاني
سامحوني تاخرت عليكم
توقعوا
-منو الشخص اللي شافته شما؟؟
-ليش شما دخلت فحالة صدمه؟؟
-
كاتبتكم: شما