آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-05-18, 09:20 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  فعلمني أن انتصاره حبُ إلي / للكاتبة AreenAlnawaq
التعديل الأخير تم بواسطة لامارا ; 02-06-18 الساعة 10:51 AM | |||||||||||||
|  |
|
25-05-18, 09:22 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته.. هذه روايتي الأولى أطمح بأن تصل الى قلوبكم قبل أذهانكم وارغب ان أوصل لكم كل ما أشعر به في وان تكون مختلفة قليلا عن الروايات الاخرى كتبتها لأرغم نفسي على اكمالها , أتمنى أن أُنتقد نقدا بناء وهادف. أن وفقت في سرد الرواية وكتابتها بدون كثيرا من الاخطاء ونالت على اعجابكم و رضاكم فهذا من توفيق الله وأن اخطأت فمن نفسي والشيطان. بخصوص دمج الفصحى مع العامية أنا اريد ان تكون روايتي هكذا رغبه مني أتمنى ان تتقبلوها وشكرا التعديل الأخير تم بواسطة لامارا ; 02-06-18 الساعة 10:44 AM | ||||
|
| |
|
25-05-18, 09:24 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| .....البارت الأول ..... قاربت الساعة على3:30 فجرا بمدينه الشرقية. بسبب الارق و التفكير الشديد تشتت ذهنه قبل نومه وبعد ان دخل في سبات عميق وافته الكوبيس المزعجة استيقظ من نومه وبدا يتعوذ من الشيطان وينفث ثلاث مرات سلطان:بسم الله الرحمن الرحيم اعوذ بالله , يارب سترك وعفوك الله لا يوريني ف اهلي مكروه بدأ بملامسة الأرض بيده بحثا عن هاتفة اتيم داخله للغرفة بسرعه متفاجئة من الصوت الذي خرج من غرفته وهي تُيقن ان اخوها نائم أتيم : انت مو نايم وش مصحيك الحين خوفتني شفيك؟ سلطان: لا ولاشي حلمت بكابوس وصحيت خايف ,بس ابي مويا اذا تجيبين لي يعني أتيم: طيب بجيب لك الحين خرجت ومشت باتجاه المطبخ وهي مستغربه من حالة اخوها اخذت كاس من الماء واتجهت الى غرفته اتيم: امسك جبت لك المويا سلطان : مشكوره م تقصرين وخرجت لا اكمال دراستها لأجل الاختبار الذي يقلقها ولاتستطيع ان تتجاوزه .. عبدالعزيز: انتي اللي صاحية بس نوره:اي بس انا كلهم نايمين عبدالعزيز:وش مصحيك انتي الحين نوره : ما جاني نوم عبد العزيز: ترا ماهو زين السهر شوفي عيونك كيف هالات سوداء نوره بنبره الحده: اعرف بس ما ابي انام الحين شعندك ! عبدالعزيز باستغراب منها: شفيك ترا اقولك بس نوره تمسك الجوال : زين اعرف روح عني عبد العزيز تنهد هو ذاهب الى غرفته: أستغفر الله يا ربى ذهب لغرفته وهو مرهق متعب من العمل فتح باب غرفته ورمى نفسه ع السرير وبدا بالتفكير بها .. وهو مبتسم بس اشتغل وتخلص الثانوية ونتزوج واخيرا ما بغت تجي السنه ذي الله كل يوم اصحى على وجهها ولا عيونها الاخضر الغامقة ولا شعرها الطويل ولاسمارها ولا جسمها اهه بس متى تصير حلالي يارب تعجل ماعندي صبر اكثر صبرت ثلاث سنوات يا رب يلا خلاص ما بقى شى أصلا .. وعلى بُعد مسافاتٍ طويلة، وتحت سقفٍ واحد في الصباح الهدوء في بيت ابو ناصر بالرياض عبد المجيد نزل الى الاسفل ليفطر ويذهب الى عمله ريم: هلا بعبدالله من زمان م شفتك اشتفتلك ياوصخ عبدالمجيد :انا مجيد مو عبود ريم : بسم الله محد يفرق بينكم الا امي عبدالمجيد بابتسامه لطيفة : بس اشتقتي له وانا مالي شي ! ريم بابتسامه: ولا تزعل بعد انت مشتاقه لك عبدالمجيد: أي اعطيني كم كلمه وسكتيني بدخول عبدالله عندما استمع لكلام ريم وعبدالمجيد عبدالله:هاه جيت ع ذكري مين مشتاق لي ريم بـ غباوة : مين اشتاق لك ما في احد عبدالله : اي واضح اجل امي وابوي وين عبد المجيد :صدق م تدري عن الدنيا رايحين عمره امس سافرو عبدالله بعفوية : صدق ليش م اخذوني ابي اغفر ذنوبي والله ريم: ههههههههههههههههههههه الله يغفر لك ولحبيبة القلب عبد المجيد بسخرية :اي صح شصار بالحب وين وصلتو بالغرام عبدالله بخجل بس يكابر: ابد تعدينا حب قيس وليلى ريم: اي زين الله يخليكم لبعض انا بروح اجهز نفسي للجامعة .... في بيت بو سعود بالشرقيه بو سعود بسخريه :وش سويت بالشغل هاه انجزت شي ولا كالعاده عبدالعزيز:اي خلصت الشغل الحمدلله بو سعود:زين طلع منك شي مفيد قبل لاتموت عبدالعزيز بتنهيده وكأنها تحكي (سئمت من كلامه واسلوبه) عبدالعزيز:يلا انا بقوم عندي شغل ام سعود :ماعرفتك وانت شاد حيلك اي واضح يشد حيله بالشغل عشان ياخذ اللي يبيها ويحبها عبدالعزيز بذعر وبصدمه التفت عليها : وش تقصدين ما فهمت ام سعود بابتسامه خبث : مفهوم كلامي مفهوم ما يحتاج أوضح لك وخرج وهو مصدوم من اين عرفت هذه المرة أيقن وعلم انا لن تتركه الا ان تعلم ماهو الامر التعديل الأخير تم بواسطة لامارا ; 25-05-18 الساعة 12:56 PM | ||||
|
| |
|
25-05-18, 09:25 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| .....البارت الثاني ..... بدأت بـ تجهز نفسها للمدرسة وهي مرهقه من السهر نجلاء: يلا انا خلصت اطلعي لا يروح الباص علينا أتيم : يلا جيت وذهبت خلف اختها الى باب المنزل نجلاء: يوهه نسيت كتابي بروح اجيبه أنتي روحي و الحين اجي اتيم: يلا بسرعه بدأت بالمشي الا وقد خرج امامها وقفت لثواني و بدأت بالمشي وعيناها تشتتها لكي لا تقع في عيناه ,وهو كاد ان تخرج اعينه لكي تقول أنظري الي بدأت بالقرب منه وهو يمشي ببطئ نحو سيارته لكي يتأمل اعينها الخضراء مع الصباح و بتنهيدة مسموعة واردف بابتسامة :و صباح فيه عيناك كيف لا يكون جميلا وهي التزمت حق الصمت ولاكن قلبها لا يلتزم ابدا فكان يقول . صباح الخير لعينيك البعيدتين وللحظة التي حفرتك بها على صدري للوقت الذي يمضي وانا هنا وانت هناك صباح الخير لـ قلبك وللحياة .. اكملت طريقها بهدوء حين اتيت بالقرب منه الا بصوت نجلاء: هذا انا قلت لك امشي بسرعه للحين م وصلتي يـ السلحفاء اتيم: كنت امشي ببطئ عشان تجين وذهبتان الى المكان المعتاد كل صباح لانتظار الحافلة .. "الرياض" ريم :هلا كيفك كيف خالتي مها: بخير انتي كيفك وكيف ايامك عاش من شافك ريم: تعرفين عاد الجامعة والدراسة يا الله الواحد يهتم لنفسه مها:ا ي منجد وخصوصا اننا باخر الترم يا الله الله يوفقنا يارب ريم: امين يلا انا بروح مها: تمام يلا فمانه (مها تقرب شوق خطيبة عبد الله اخو ريم بنت خالتها وبنفس الجامعة تدرس) وعندما وصلت ريم اللي مكانها الذي باخر الجامعة حين يسكنه الهدوء بعيدا عن كل شي الازعاج وانظار الاعين ريم:سلام كيف الحال ساره تنهدت :هلا بخير وانتي ريم:الحمدلله هاه كيف الجو بارد شوي ساره: اممم ريم: فيك شي صار شي ساره:لا بس كذا قافله معي ريم : اكييد! ساره بضيق: اي متاكدة ... "الشرقيه" ام سعود نوره ماشفتي عبدالعزيز امس متى جاء نوره:اي جاء يمكن 4 الفجر ام سعود:اها زين يعني كان سهران يكذب ع ابوك م اشتغل نوره : شعرفك يمكن اشتغل ورجع متاخر ام سعود:انا اعرفه ولد الجوهرة نوره:استغفرالله ياربي يلا انا بنام وذهبت الى غرفتها واتى صوت والدتها قائله ام سعود:مالت عليك وعلى اللي يتكلم معاك هذا انتي م تتغيرين تركي:يمه من تكلمين؟ ام سعود : اختك الخبلة ما منها فايدة بس تسهر ويا تنام لا شغل ولا مشغله تركي : يمه كذا البنات ما عليك منها .. سلطان:يمه وينك يمــــه ام سلطان:هلا هنا بالغرفة وش فيك سلطان: غريبة وش تسوين ام سلطان: ابدا قاعده لحالي ليه! سلطان بنظرات خبث: جالسه لحالك تفكري اكيد بمين تفكرين هاه ترا ازعل لو تفكرين ف غيري ام سلطان :وانت فاتح معي تحقيق من الصبح وش تبي هاه؟ سلطان بابتسامة : سلامتك ي قلبي بس بقولك اني بروح ام سلطان: وش مخليك مروق غريبة سلطان بنظرات غزل: اشوف وجه العنود السمح كيف م اروق ام سلطان: قم روح بنام سلطان: هههههههههههههههههههه الله يسامحك مجاملة ع الاقل ام سلطان: روح الله يحفظك ... "وفي الراحة والطمأنينة والسكينة في اطهر واقدس ارض خلقها الله" ام ناصر:الحمدلله على كل شي احس براحه نفسية هنا بمكة تكفى نبي نقعد كم يوم هنا ما نبي الرياض بوناصر:لا والله عندي شغل وعيالك كانهم اطفال يبونك ما كانهم كبار بنزوجهم الحين ام ناصر:يازينهم الله يخليهم لي بو ناصر: افا وانا ابي دعوه منك ولا ما استاهل ام ناصر بابتسامه خجل: الله يخليك لي ولا يحرمني منك بو ناصر: امين يارب ... عبدالله كتب بالرسالة :امك انجبتك لتسرق قلبي اسكنها الله فردوسه كما انجبت فردوسآً لدنيتي التعديل الأخير تم بواسطة لامارا ; 25-05-18 الساعة 01:04 PM | ||||
|
| |
|
25-05-18, 09:25 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ...... البارت الثالث ....... عبدالله كتب بالرسالة :امك انجبتك لتسرق قلبي اسكنها الله فردوسه كما انجبت فردوسا لدنيتي الا قد اضاء هاتفها من اشعار رسالته امسكت هاتفها بابستامة وكانت تظهر انيابها من شده الفرحة شوق بخجل :أنلام في حبك انا والله عبدالله بابتسامه :اي ترا اشتقت انا بشوفك اليوم شوق :قبل امس شايفني عبدالله:يوهه قبل امس يعني مشتاق كثر انتي خبري امك اني بجي اليوم شوق:افا طيب خذ راي عبدالله:موافقه عارف بس تتغلي اجهز بجيك العصر شوق: تمام ابشر من عيوني ... وفي احد مقاهي الشرقية عبدالعزيز بصمت يفكر للحين بعيونها سلطان عينه على عبدالعزيز:يعني اقوم عبدالعزيز باستغراب :ليش وش قلت سلطان : ابد مسرح وتبتسم, ترا قلت كل شى يصير بعد ماتخلص دراستها الجامعية عبدالعزيز يستعدل بجسلتة :الله يوفقك لا تكفى ما صدقت تتخرج من الثانوية بنتظر بعد سلطان :اجل خل الحب عند وقول وش عندك عبدالعزيز:ابد انا انسان صدق تعبت والله صادق سلطان: صاير شي عبدالعزيز:كل يوم يصير شي اصلا, تخيل بدأت تعرف عن موضوعي انا واختك اني ابيها وانا حتى اسمك م اجيبه قدامهم كيف عرفت م ادري سلطان: صدق بسم الله اكيد معاها احد يقولها كل شي يمكن اخوانك؟ عبدالعزيز: محد يعرف الا تركي وانا واثق بتركي م يقول لا احد بس م ادري والله سلطان:تبي الصراحة والله م اوثق فيهم ولا واحد لو انا مكانك م اقول لهم شي عبدالعزيز بحده: لا بعد سبني معاهم اخواني ترا وبعدين مستحيل يقولها انا اعرف سلطان: ولاتزعل اسف حقك علي بس هذا الصدق اكذب عليك يعني عبدالعزيز: تبي مشاكل صح سلطان: ههههههههههههههههههههههه لا والله ما ابي عبدالعزيز: اجل اسكت واشرب قهوتك ... بـ المدرسة لجين:صدق وش قلتي بعدين اتيم:ماقلت شي استحيت وكملت طريقي لجين:خسارة لو انك رديتي عليه والله مايتركك اتيم: تبلمت عنده ما عرفت شرد بس عادي ما عليك ارد عليه بالليل لجين: نعم تشوفينه بالليل ؟ اتيم: اي الساعة 2 باليل اكون عند شباك المجلس وهو يجي لجين: ايوه من متى ان شاء الله هذي الحركات اتيم: شفيك ماصر لنا كم اسبوع لجين بصدمة :بعد كم اسبوع وتقولها بدون خوف واذا احد شافك ساعتها قولي يارب ارحمني اتيم:الحين انا فرحانه ليش تنكدي علي الشرهه علي اقولك ششي يلا انقلعي لجين:نمزح يابنت نمزح اتيم:وانتي شصار معك ف اللي تحبينه لجين بتشتت انظارها :عادي مصار شى تونا بالنظرات م وصلنا للشباك باليل اتيم برفع حاجبها الايمن : وش تقصدين هاه؟ لجين بضحكه: ماقصد شي اقصد تونا اتيم: اي يصير خير اخاف من بكرهه الاقيك بالسطوح (لجين اخت راكان صديق تركي وجيران بنفس الحي) ... راكان :ياهلا بتركي شالخبار وش مسوي تركي: ابد ع ماتحب راكان : وينك ماصرنا نشوفك يالقاطع تركي: ياولد دايم اكون بالمزرعه وانشغل فيهم تعرف شغلتهم شغله راكان: اها دام كذا الله يوفقك تركي: اي تقول وش الجديد راكان: مافي شي طفشتت من كل شي تركي : ليش عسى ماشر وش صار راكان بتنهيده: ابد من الشغل الى البيت من البيت الى الشغل تركي : بس هاذا اللي مضايقك عادي كلنا كذا وهذي الحياهه راكان بضيقه: اجل عادي! على الاقل عندك اخوان مو انا وحيد بس عند اختي تركي: يارب رحمتك تعترض ع قضاء ربك الحمدلله وش فيه واذا عندك اختك وحدهه راكان: لا بس افكر لو يصير فيني شي وش بيصير فيها لام ولا اب " فقد امه وابوه في حادث مروري" تحزني والله شايل همها تركي: لا ان شاءالله عمرك طويل بالصحه والعافيه ولا تفكر بـ لجي.." سكت وانتبه ان راكان ولا مره قال اسم اخته قدامه" ان شاء الله بالحفظ والصون "ادرك انه جاب 'العيد' بعد كلمته هذه راكان بحده : بمين! شقلت كان سمعت شي تركي يشتت انظاره عنه: لا ماقلت شي وبعدين ماسمعتي زين راكان بمثل حدته : اجل مين اللي بالحفظ والصون! تركي بارتباك: ياولد شفيك اقصد اختك مثل اختي ان شاء الله مايصير لك شي ..... | ||||
|
| |
|
25-05-18, 09:27 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| .....البارت الرابع ..... عبدالمجيد:اي شنو الاخبار مسكو احد منهم مقرن:لا وصلهم الخبر اننا بنمسك عليهم وغيرو مكان تجمعهم عبدالجيد:والله كنت عارف صدق وشصار مع العيال الباقين مقرن:ابد بشتغلون بسريه تامه واثق فيهم عبدالمجيد:اي زين ريحتني الحمدلله مقرن:و بسالك؟ وش بتسوي بـ سلطان بتدخله معاكم عبدالمجيد: احاول اقنعه هذي الايام ينضم معانا ضدهم مقرن:اي حاول مانبي نخسره ثقتهم في سلطان كبيره عصابه المرصد "اسماء خيالية" عبدالمجيد:عشان كذا لو ينظم معانا ضمنا كل شي بصالحنا مقرن:ان شاءالله يوافق ويصير اللي نبيه وننظف البلاد من اشكالهم .... "الشرقيه" عبدالعزيز: ولد اسمع انا فكرت دام اشتغل انا و اخواني بمزارع ابوي اللي هنا قررت اروح مزرعة ابوي اللي ف الرياض سلطان:ليش اقعد هنا وين رايح الرياض ماعندك احد هناك عبدالعزيز: اعرف ياولد بس قلت اشغل واستثمر الارض دامها تصلح للزراعة بشكل ممتاز بعكس اللي عندنا هنا سلطان: اي من ناحيه الزراعة ممتازة وموقعها مناسب جدا عبدالعزيز: اي يعني اكلم ابوي وان شاء الله يوافق وانت حاول تجي معي سلطان: اي اجي معاك واترك اهلي هنا ماعندهم رجال "بحكم انه الولد الوحيد" عبدالعزيز:ياولد اهلي اهلك بعد كم شهر عادي سلطان: اقول قم اذلف عني بس انت وكلامك اللي ماله فايدة عبدالعزيز وقف من مكانه: طيب يلا فمانه وادعي ابوي يوافق سلطان: موفق ان شاءالله .... في الساعه 1:30 اتيم: سلام انا جيت نجلاء: ادخلي محد فيه كلهم نايمين اتيم: اي طيب وين امي " وتنادي امها بصوت عالي" ام سلطان خرجت من غرفتها: اصص صوتك وصل جيراننا قصريه لاحد يسمعه اتيم:يمه الظهر محد فاضي يسمع اصواتنا يمديهم محد جاء الحين نجلاء:انا لو اتكلم بالاشارات قالت اسكتي الناس تسمع صوتنا اتيم: اي والله مدري كيف نتكلم امهم تناظرهم وتنتظر كلامهم يخلص ام سلطان: هاه خلصتو نجلاء: اي الحمدلله ام سلطان: يلا روحو غرفتكم وبــ.... اتيم وكملت كلامها بسرعه: بدون صوت نجلا : هههههههههههههههههههههههه ام سلطان: مااقول الا الله يهديكم بس .. بيت ابو سعود سعود: يمه شفتي تركي ام سعود: قال انه بيروح عند خويه تركي:سلام ام سعود: وعليكم السلام, الطيب عند ذكرهه سعود:اقول وين حطيت كفر السياره بغير حقي تركي:اي حطيتهم بالمزرعه امس سعود بعصبية : ليشش انا مو قلت ماتنزلهم من سيارتك ليش منزلهم تركي بدون لا مبالاة: ترا ازعجتني كم شهر وهي معي وبعدين كنت بشيل اغراض ونزلتهم وشصار يعني روح المزعه وخذهم سعود: هذا اللي انت فالح فيه بس كلام بس تركي:انا كلام بس اهااه يالفعل نوره: اي ومتى بتخلصون يا اطفل سعود: اذلفي لا انحرك هنا تركي: لا عاد كل شي ولا نوره تنحرها وانا موجود! لا والله ماتمسكها انا اللي بنحرها, اقول اذلفي ولا توريني وجهك ام سعود: ولا في احترام ولاتستحون تقول هذا الكلام عندي عبدالعزيز: وش فيه اصواتكم بالشارع يوسف من وراه: اي جبيتها لقيتها قاعده بالشمس عيب. عبدالعزيز : زين تسوي عيب صح تركي بعصبيه متزنة : انا اللي بنحركم هنا يوسف: اقول اسكت بس تهايط علي عبدالعزيز: اقلكم وين ابوي سعود:مدري بالمزرعه عبدالعزيز:اي زين بكلمه سعود:بتروح له الحين عبدالعزيز: لايمكن العصر سعود: اي تكفى ابيك تجيب كفر لسيارتي نزله تركي الحمار هناك جيبه وانت جاي. عبدالعزيز: اي ابشر تركي: نعم مين الحمار انا سعود وقف امامه: اي انت وش عندك يوسف بضحكه صاخبه:ههههههههههههههههههه� �هههههههههههههههههههه الله يخلف عليك يا ام سعود شوفي عيالك اخر عمرك طول بعرض وعقولهم عقول اطفال ام سعود: اقول انطم بس بضحك الجميع على يوسف تركي: ههههههههههههههههههه ليتك ساكت بس سعود: بكى بكى الطفل هههههههههههههههههه ... في عاصمة المملكة عبدالله:يلا جيت انزلي شوق: طيب بالبس عبايتي عبدالله: بسرعه شوق قفلت الاتصال. يمه ترا بنزل عبدالله وصل توصين شي ام شوق : سلمي لي عليه وسلامتك لاتطولي طيب شوق: ابشري .... شوق بـ نعومة وبصوت هادي: سلام عليكم كيفك عبداالله بنظرات مغرمه : وعليكم السلام بخير وانتي؟ شوق: الحمدلله تمام , امي تسلم عليك ترا عبدالله: صدق الله يسلمها كان جات معك نتغدا ونرجع شوق: ايش نتغدا ! غدا ايش الحين تعرف الساعة كم العصر احنا عبدالله: طيب م اكلت كنت اشتغل وابي اكل الحين شوق: شغل اي شغل مو عندك اجازه عبدالله: اي بس شغل عبدالمجيد مايخلص تعرفين صعب ولازم اساعده شوق: اي صح الله يعينكم شغلكم صعب عبدالله: امين يارب شوق: اي زين, وين عازمني ع اي مطعم عبدالله: مو عازمك خلاص كنسلت م ابي اكل شوق: اها طلعت كذ ا عبالله: كلها كم شهر وتطبخين ان شاءالله شوق:اسويلك بيض بس عبدلله: بس تعرفين بيض, وين المدح اللي امي كانت تقوله طلع كل كذب شوق: لا مو كذب بس انا م احب اطبخ .... في المزرعة. عبدالعزيز :سلام يبه بو سعود: هلا وعليكم السلام عبدالعزيز: كيفك كيف حال الشغل بالمزرعة بو سعود:يتعب وانت عارف عبدالعزيز: طيب يبه عادي اقلك شي بس م تعصب وتسمعني لاخر شي بو سعود: وش تكلم عبدالعزيز: شفت مزرعتك اللي كانت بالرياض وش رايك اروح الرياض اشتغلك عليها بو سعود: تشتغل وش تسوي فيها عبدالعزيز: شف يبه هي مكانها وتربتها والزراعة فيها ممتاز نستشمرها من ناحيه الزراعة بو سعود: اي زين نلحق عليها عشان ما تخرب التربة عبدالعزيز: اي شرايك اروح وابدا فيها هاه! شقلت بو سعود: عطي وقت افكر وارد لك عبدالعزيز: طيب انتظرك بوسعود : بسالك بس ماتستحي اعرفك خجول بسم الله عليك مثلي عبدالعزيز: هلا تفضل يبه ابو سعود : تحبها! عبدالعزيز باستغباء: مين ! ابو سعود : الا واضح من عيونك الحب بس خله ع جنب وقولي ماتبي تشتغل عبدالعزيز: اي بشتغل بالمزرعة اللي بالرياض ان شاء الله ابو سعود : لا خلك من المزرعة ابي اشغلك بشي ثاني عبدالعزيز: لا يبه انا ابي المزرعة ابو سعود تنهد : يالليل يالمزرعة خلك منها يمكن م تفيدك اقولكك شغل ياولد عبدالعزيز بجديه اكثر : لا يبه م ابيه قول لاتركي ولا ليوسف انا م ابي ابو سعود بضجر : الشرهه علي اللي اقولك عشان تشغل ونزوجك عبدالعزيز: لا انا اعرف وين اشغل ابو سعود: براحتك .... لجين تكتب بالرسالة : بنت اتحداك من عندنا اتيم: مين؟ لجين: الحب اتيم: قولي والله لجين: والله , يالله فرحانه بس سمعت صوته وحسيت اني بطير من الفرحهه اتيم: هذا بس صوته اجل شوفته وش بتسويه هاه! لجين: الله لو اشوفه كل يوم والله اكون اسعد انسانه بالحياه ليت والله اتيم: طيب مايمديك تشوفينه! لجين: لا اخوي عنده ابي ادور اي شى عشان اشوفه اتيم: ههههههههههههههه شدي حيلكك يلا .... فيصل: ياربي ليش ماتدري اكيد عنده, اتصل ع شوق وانتظر ولاترد وكرر الاتصال فيصل: انا اوريك ياعبدالله ولا ماتلمسها اصبر علي بس في احد مطعم الرياض الفاخره عبدالله : ششوق جوالكك ردي عليه شوق بارتباك: لا ماعليك صحباتي مو مهم عبدالله بتجاهل لصوت الجوال : طيب يقلبي ايش تبين نطلب شوق عقلها انشغل التفكير فيصل ولد خالتها: اي طيب مثلك عبدالله باستغراب: مثلي! ماطلبت شي اسالك ايش نطلب شوق بتشتت: حبيبي انت فكرت بايش يبون صحباتي عبدالله بتمعن بعينها ويعلم انها تكذب عليه: اها طيب زين اذا مهم عادي انتظركك ي روحي شوق: لا ي قلبي خلاص عبدالله : اي زين شتبين نطلب شوق : ع ذوقك ي قبي ... عبدالمجيد: الو هلا بولد عبدالمحسن سلطان: هلا فيك يابعدي عبدالمجيد: لا حس ولاصوت ولا كانك مووجد مع العالم عسى ماشر! سلطان وبضحكه: هههههه ياولد اشغال الدينا عبدالمجيد : اها اشغال الدنيا وانا لو اجيك الاقيك في الصاله متربع تتقهوى سلطان : هههههههههههههه باسم الله انت تعرف كل شي عبدالمجيد: اها يعني صدق لا شغل دنيا ولا بطيخ سلطان : اي ياولد شنسوي ماعندنا شي عبدالمجيد: دام كذا ابيك بموضوع اذا فاضي سلطان: امرني وش بغيت مني عبدالمجيد: ابيك تستغل عندي وتساعدني سلطان تنهد : والله لو بيدي قدرت بس الوالده رافضه وانت عارف هذا الشي عبدالمجيد: اقنعها قولها ششي مهم وشي يخص الوطن ماراح ترفض انا متاكد سلطان: والله ابي وكل مواطن يبي يخدم وطنه وبس تعرف انت سالفه موت ابوي عشان كذا خايفه علي عبدالمجيد: معك حقك وان شاء الله بتوافق انت بس حاول تقنعها سلطن: طيب افكر وادر عليك عبدالمجيد: اتفقنا | ||||
|
| |
|
25-05-18, 09:28 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| .....البارت الخامس..... اتيم: يمه طيب عادي اروح الرياض مو صار شي والله ام سلطان: انا قلت لا وقفلي ع الموضوع اتيم بغضب متزن: ياربي ليش طيب ليش ام سلطان: تين اعطيك كف عشان تفهمين اتيم بزعل: لا مابي بدخول سلطان: هاه شصار من مزعلك اتيم: قلت لامي بدرس بالرياض الجامعه ورفضت سلطان باستغراب: ليش وش فيها جامعاتنا اتيم: لا م ابي هنا ابي اروح الرياض سلطان: ياسلام أقول مافي طلعه ولا بيطيخ احمدي ربك اني بخليك تدرسين جامعه غيرك مايوافقون أهلهم اتيم تافافت وهي خارجه برا الصاله : انا وش دخلني فيهم انا رايح الرياض رايحه سلطان: يمه ع طاري الرياض انا يمكن اروح عندي شغل ام سلطان باستغراب: ليش وش صاير سلطان: لا ماصارشي بس لازم اشتغل مع عبدالمجيد وانتي تعرفين كل واحد يبي يخدم وطنه ام سلطان بضيقه : واللي يسلم عمرك قفل الموضوع ما ابغاكم تروحون الرياض ولا تجونها سلطان: طيب يمه اسمعيني ان شاء الله مو صاير لي شيب اذن الله تكفين وافقي ام سلطان: واللي يرحم ابوك بقبره سكر ع الموضوع انا ما ابيك تروح وخلاص ولاتفتح الموضوع سلطان: يايمه مدري متى تنسين موضوع ابوي ام سلطان: لاتخليني احلف انك ماتزورها حتى سلطان بتنهيده غضب: الله يسامحك يمه .... عند وصول ام ناصر وأبو ناصر الرياض امام منزلهم بلقاء بابنهم عبدالله عبدالله: الحمد لله على السلامة كيفكم وكيف مكة ام ناصر: الحمد لله ما أبي اروح منها بس الله يهدي ابوك يقول شغله عبدالله: ولا يهمك بس اتزوج اخذك انتي وشوق لمكة أبو ناصر علم بانه قابل شوق بعد ان منعه منها: جاي من حبيبتك هاه! عبدالله يشتت انظاره : اشتقت لها والله ام ناصر:ياسلام ع ولدي العاشق انا وش قلت لك عبدالله بابتسامه: هذا انتي قلتيها عاشق وش يسون العشاق ام ناصر: أي حبها وطلع معاها كل يوم يايمه ياحبيبي مايصير كل شوي ماخذ بنت الناس وش بقيت للزواج عبدالله: ويقبل راسها, العذر والسموحه مانقصد نزعل طويله العمر بدخول عبدالمجيد ليقبل رؤوس والديه ويتحمد لهما بالسلامه ام ناصر بزعل بسيط: قول لولدك العاشق لا يطلع مع حبيبته كل يوم وش نقول للناس هذا وللحين ما تزوجو بو ناصر يمثل العصبية : ان شفتك مقابلها بدون علمي حشيت رجولك ححش عبدالله بزعل : هذا وهي بالحلال سويتو كذا اجل لو اني مو زوجتي وش سويتو بو ناصر: بالله! لا اطلع مع كل البنات الرياض ولا تخلي وحدهه وش رايك ولا تنسى تأخذ مجيد عبدالمجيد: ههههههههههههههه كل ماقالو شي حطوني معاها كان حبلي السري مربوط بحبل سرهه وانا وش دخلني فيه عبدالله: شوف يا تؤامي انا مو عادي و مافيها شي لو طلعت معاها كل يوم مايصيرشي والله باتحاد التؤام اردف عبدالمجيد: أي والله صح وش فيها بالحلال ماهو عاصي ربي حرام عليكم اتركوه يحب بو ناصر ويرمي المخده عليه: شاطرين بس بالحب ولا انتو مو وجهه واحد يتكل عليكم بشغل حتى بالشغل مانتو فالحين بس هياط انقلعو عن وجهي لا اشوفكم عبدالله: العذر و السموحة ما اقدر ازعلك كيف انا ازعلكك هاه قول كيف ازعلك بو ناصر: اذلفي من وجهي لا أقول اغير خريطة وجهك عبدالمجيد بتقليد نبره عبدالله : ههههههههههههههههههههههههه هههههههههههههههههههه كيف انا ازعلك هاه كيـــ.... والمخده ع وجهه من والده بو ناصر: قم انت بعد اذلفي ولا توروني وجيهكم عبدالمجيد: المفروض تقول لاتورني وجهكك عشـــ.. "المخده الثانيه عليه " ههههههههههههههههههه خلاص امزح بقوم وراح وراء عبدالله لمزرعتهم الخارجية ام ناصر: وش سويت انت الحين تلاقيهم زعلانين الله يسامحك بو ناصر وبنظرات لاتفهمهها ام ناصر : اسفين زعلناهم الحين اروح أراضيهم , خليهم يتادبون .. في مرزعة المنزل عند عبد الله و عبد المجيد عبدالله: وش صار اقنعته عبدالمجيد: مدري قال اشوف وارد لك خبر عبدالله: طيب وين وصلتو بالخطهه مسكتو شي ضدهم ولا عبدالمجيد بتنهيد: لا بس التحويلات البنكية وهذا مايسوي شي عبد الله: يعني طول الوقت ولا شي ترا م يصير لازم تشتغل عبد المجيد بتقليد نبره عبدالله: بالله! أي انا اللي ما اشتغل والحق وراء حبيبتي أقول اصص ولا كلمه والا أقول لا ابوي أنك ما تشتغل عشان يموتك قبل زواجك ربت على كتفه :ياولد ابشر على ذا الخشم بشتغل زين الناس عبدالمجيد يمسح وجهه من التعب ويردف: يارب ياكريم امه توافق بس عبدالله: طيب متاكد كل الأوراق اللي تخص العصابه مع ابوسلطان عبدالمجيد: مو كلهم بس هذي الأوراق تفيدا على الأقل نمسك عليهم شي م معقوله كل هذا الوقت واقفين مانعرف من وين نبدا عبدالله: ان شاءالله توافق وتنحل المساله, طيب ابوي عارف انك بتدخل ولد عبدالمحسن عبدالمجيد: لا ماقلت له للحين عبدالله: ترا يمكن يعصب عليك اذا ماقلت له عبدالمجيد بضيق: انا عارف والله بس وش اسويي لازم يدخل معانا عبدالله: الله يكتب اللي فيه الخير يا رب ..... تركي: هذا ان قلت لك مو تقول تركي ما قال راكان: طيب ياخي بفكر بالموضوع وارد لك خ.. صمت عندما سمع صوت طرق الباب راكان: بروح اشوف مين فيه تركي: خذ راحتك انا بروح دورة المياهه راكان خرج وخلف تركي اتجه نحو الباب راكان: ياهلا والله كيف الحال ابوصالح الذي يلقب بي "أبو صالح" ولاكن لم يرزق يا أبناء رزق بي ابنه وقد ماتت مع زوجته أبو صالح: الحمدلله شرني عنك كيف وكيف الأحوال عساك مرتاح راكان: الحمدلله ابشرك على ماتحب تفضل داخل ياعمي حيالك أبو صالح: الله يبقيك يارب وعندما دخل الى المجلس التقى بـ تركي وقف تركي ليسلم عليه تركي: ياهلا ياعمي كيف حالك أبو صالح : بخير يا ولدي راكان: هذا صديقي تركي من زمان هو معي ......... شوق بانفعال بالمكالمة الهاتفية: خييير كنت بنفضحح عندهه انت ماخاف لو عرف بموضوعنا فيصل: ليه تصرخين علي كله عشانه هاه! كله عشان واحد مايعرف انك مو بنت انا ياشوق اللي يحبك ويعشقكك انا مين اللي خلاك تعيشين اللي تبين مين اللي اصر علي انني المسكك مين! شوق ببكاء: اسكتت خلاص اسكتت ما ابي اسمع منك شي فيصل يكمل لجعلها تنهار : مدري انا للحين ليه ساكت وليه ماتكلمت لامك ولا قلت لعبدالله انا ما ادري له ساتر عليك للحين شوق بانهيار : حراااام عليك ترا انت بعد لعبت بعقلي انت اللي خليتني اسوي كذا كله من كلامك لي كله من لعبك علي هذا انت مو انا انتتت فيصل: الحين صرت انا الغلطان انا اللي لعبت عليك مين اللي جاني بالليل بغرفتي مين اللي بدا يمسك الثاني مين اللي تجرد من الملابس مين اللي جاء بحضني مين اللي قال لي انه يعشقني يحبني وانه مستحيل يتركني ميننن انا انا الغلطان ياشوق كل ذا سويتيه وتقولين انا ما اصدقك صدق ما اصدق اقفل المكالمه لتجن شوق وتنهار ببكائها رميت الهاتف على الجدار ليتحطم سقطت على الأرض من كلامه اللذي لاتصدقه مسستحيل مستحيل أكون انا اللي جيته كلمته مستحل انا اسوي كذا لا هو اللي جاني هز والله هو بصراخخ انا ماسويت شي والله هو والله هو دخلت عليها مذعورة من صراخ ابنتها لتحيطها بـ ذراعيها : بسم الله عليك يارحي شفيك خوفتيني شوق بانهيار تام تبكي ولا تنطق باي حرف من ثغرها ام شوق: شفيك ياقلبي قوليلي شفيك شسوى لك عبدالله ليش خلاك تصرخين كذا زاد بكائها عندما سمعت اسمه اسم الرجل الذي احببته من أعماق قلبي هو الرجل الوحيد اللذي استوطن قلبي وروحي هو الذي جعلني أعيش السعاده بعد غياب اخوتي هو اللذي جعل الحياه ملونه بعد ان بهتت الوانها من فراقهم هو اللذي جعلني أرى الاستياء بالفرح هو احتل كياني وانا بهذا الاحتلال سعيده يا امي ام شوق: يا قلبي تكلم لاتخوفيني شوق: يمه بقولك شي بس لاتعصبين علي شي غصب عني صار ولا قادره اعدله طول عمري مستحيل يتعدل يمه انا......... .................. سأكمل روايتي عندما أجد تفاعل فأتمنى منكم التفاعل ولو بكلمة | ||||
|
| |
|
28-05-18, 06:47 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السادس في بيت ام سلطان سمر: الو سلام ام سلطان: وعليكم السلام سمر: هلا يمه كيف حالك ام سلطان: بخير جعلك بخير سمر: الحمدلله, كيف خواتي وينهم ام سلطان: الحمدلله والله نامين الحين سمر باستغراب: يمه! ام سلطان: سمي سمر: فيك شي صوتك مو عاجبني ام سلطان : اخوك فتح سالفه الرياض مع عيال عبدالمحسن سمر: طيب يايمه مافي شي يضايقك الحمدلله سلطان رجل ماينخاف عليه خليه يمه يشتغل ام سلطان بضيق: والله ما اقدر أخاف يصير مثل ما صار بـ ابوك سمر: الله يرحمه يارب و يغفرلة يمه ياحبيبتي اسمعيني باذن الله موصاير شي ان شاء لله هو يمه كبير ويعرف مصلحته وفوق كذا هو بيخدم وطنه احمدي ربك انه يخدم وطنه شوفي في عيال ضد وطنهم ويشتغلون عشان يزعزعونه وانتي ولدك بيخدم وطنه يمه امانه وافقي ام سلطان : انا ابيه يخدم وطنه والله بس خايفة على ولدي الوحيد سمر: يمه استودعيه الله خليه يشوف طريقه بالشغل ومايصير الا اللي كاتبه ربي ام سلطان: الحمدلله ونعم بالله سمر: هاه نفهم انك وافقتي ام سلطان: شوي سمر: يعني ما تبينه يخدم وطنه؟ ام سلطان: الا بس... تقاطعها سمر : يمه ياقلبي وافقي ام سلطان بتنهيدة: طيب امري لله سمر بابتسامه : يابعد روحي انتي الله لا يحرمنا منك ام سلطان: امين يارب ... ام ناصر: يلا يايمه قومي ريم: يلا خمس دقايق وجايه ام ناصر يلا انا بالصاله عند ابوك ريم: طيب ياروحي نزلت ام ناصر بخطى ثابته ووقفت عندما اتاها الصوت من الخلف ام ناصر: مين فيه هنا "اتجهت نحو الصوت ليرتفع كلما اقترت عبد الله بصرخه ليخوفها وتفاجا بانها امه وقفت امامه وهي مغلقه العينين عبدالله بعيون متورطه: والله على بالي ريم والله العظيم ام ناصر: والله العظيم حسابك عسير اصبر علي ولا فيه شوف لشوق اجل انا تخوف قلبي كذا عبدالله بترجي : يممه والله العظيم كنت احسبك ريم يمه ياروحي تكفينن ام ناصر تجهلت صوته ونزل للاسفل وهو خلفها عبدالله: يمه لاتقولين لابوي امانه ام ناصر تتلذذ بترجي ناصر وتخفي ابتسامتها: شوف ولد وش سوى بـ امه او ناصر: وش سوى شين الطبايع بعد عبدالله وقف : والله يايبه كنت احسبها ريم ليش مو مصدقتني يمه " بنبره حزينه " يعني انا اكذب عليك يالغاليه ما اقدر انا ع تخويفك انا اذا تضايقتي احس اني بموت أتت ريم للتجلس : لا يطيح علينا البيت من كذبتك عبدالله تمثيل العصبيه : شفتي يمه تتفاول علينا انه يطيح البيت ولا قلتي شي وانا لما خوفتك سويتي سالفه أبو ناصر: مالك دخل ببنتي وبعدين ماقالت شي غلط وهي الصادقه ام ناصر: خلاص يمه روح لاتبكي ريم: ههههههههههههههههههههههههه ههههههه ياقلبي انت لاتبكي تحمل عبدالله ينظر الى ابيه : تمسكها ولا...... بمقاطعه بصوت الباب: سلام عليكم الجميع وعليكم السلام عبدالمجيد:كيف الحال والأوضاع أبو ناصر يأشر با أصبعه على عبدالله : خذ ذا معك مانبيه خله يا خذ أي شي ويشغل نفسه ويفكنا عبدالله: افاا عبد المجيد بضحكه: ليه وش صار وش مسوي ام ناصر: كان بيوقف قلي بس الله ستر عبدالمجيد : اففا بس افاا عبدالله: ياولد خوفتها حسبتها ريم سووها سالفه ماتسوى صدق عبدالمجيد: أي والله ماتسوى بس كان بيوقف قلب اميمتي عبدالله يمثل الملامح الحزينة : انا الغلطان وانا اسف حق علي يالغالية ام ناصر : حبيبي انت لاتزعل أبو ناصر يلتفت الى عبدالمجيد: شصار بالشغل في شي عبدالمجيد: أي سلطان قال انه بيرسل كل الملفات اللي كانت عند ابوه أبو ناصر: زين الحمدلله يعني في تطور عبدالمجيد يجلس بجانب والده بهمس : يبه ابي اجازه بكره بس يوم والله تعبت أبو ناصر: يايبه مايصير تترك شغلك وانت ماسك كل شي بعد ناصر الله يرحمه عبدالمجيد: الله يرحمه بس يبه يوم مو شهر وبعدين عبدالله هنا أبو ناصر: طيب خلاص عبدالمجيد: لله يخليك لي .... :البشارة سلطان: ايش وافقت سمر: أي اقنعتها الحمدلله سلطان بفرحة : الله يسعدك يارب بس سمر: يلا وش لي دام اقنعت امي سلطان: اطلبي اللي تبين ياروحي .... ام شوق: يمه تكلمي خوفتيني عليك شوق ببكاء : يمه اننا احب والله احبه ام شوق : بسم الله عليك يمه شوق : أخاف يتركني والله أخاف يتركني ام شوق: لا ياقلبي مايترك انت مو مسوية شي غلط شوق: أخاف من كل شي يمه ام شوق: لاتعذبين روحك كذا اذا راح عبدالله يجي غيره ترا عندك عيال عم غير عبدالله وعيال خال كثير لاتعلقين نفسك بعبدالله شوق: لا ما ابي غيرهه يمه ما ابي ولا ابي انفصل يمه منه ام شوق: طيب يا قلبي ليش البكي الحين تعوذي من الشيطان شوق : يمه صرت أخاف أي شي يفرقنا صرت أخاف من كل من بعد موت ابوي وخواتي صرت أخاف والله أخاف ام شوق: بسم الله عليك انا عندك وكلنا معك ما يصير شي باذن الله , انتي قومي الحين غسلي وجهك وصلي ركعتين يمكن يروح الخوف وادعي ربك ياروحي شوق اتجهت للمغاسل نظرت لنفسها بالمرآة عادت لـ ذاكرتها يوم أتت اليه لتسأله اين امه لا تراها في منزلهم شوق بطرق الباب: فيصل افتح فيصل: هلا تفضلي شوق: لا بس بسالك امك فين ما لقيتها بالبيت فيصل: مدري يمكن راحت للجيران او طلعت مكان ما اعرف اسالي الخدامة اوزار شوق بأستغرب: طيب انت ليش قاعد بالملحق ليش ماتقعد بالبيت بغرفتك فيصل: لا انا ابي اقعد هنا كم يوم بعيد عن الازعاج شوق: ازعاج وانت عندك اخت والباقين متزوجين و مو في البيت! فيصل تورط: أي انا ابي اقعد هنا كم يوم وارجع شوق : المهم انا جيت اسلم على خالتي اذا جت قولها شوق جت فوق بالصالة طيب فيصل : طيب ذهبت متجهه للبيت وعندما وصلت الى باب اتاها صوته فيصل: شوق ولا عليك امر خلي اوزار تجيب لي اكل شوق : ابشر وبدا الوقت بالمرور سريعا ساعة تلوا ساعة حتى اصبح الوقت 12:00 شوق: يلا ياخاله ابي اروح الحين الوقت تأخر ام فيصل: طيب بس خلي السواق يوصلك بيتك شوق : يلا الحين بروح اقله تبين شي ام فيصل : وصلي لا امك سلامي وخليها تزورنا شوق : ابشر ياروحي ام فيصل ذهبت لغرفتها لتنام وترك شوق تذهب مع السائق ليوصلها الى منزلها خرجت شوق تلفتت لكي ترى السائق فيصل: اوووووووووو خوفقتك شوق وضعت يدها على صدها من الخوف: بسسم الله فيصل لاتسوي كذا فيصل: ههههههههههههههههههههههههه ههههههههههه والله شكلك تحفة شوق بحدة : اف منك قولي وين السواق ابيه يوصلني للبيت فيصل: مدري شوفية بالملحق حقي يمكن تلقينه شوق : طيب " مشت بخطى متوترة وخلفها فيصل فتحت الباب ولا ترى السائق من الظلام اتتها الضربة لتفقد وعيها حتى تمكن فيص........ بمقاطعه بصوت أمها : شوق يمه فيك شي ليش طولتي تكتم أنين بكائها : لا الحين اطلع ام شوق : طيب يمه انا الصالة تحت اذا خلصتي انزلي لي .. سلطان: تبي البشارة عبدالمجيد بابتسامة: وافقت! سلطان : مبدئيا ايه عبدالمجيد: الحمدلله يارب سلطان بتردد: بس في شي مضيق صدري عبدالمجيد : وشوه اللي مضيقك سلطان: يمكن انقل انا واهلي اذا توظفت عبدالمجيد: طيب عادي وش فيها احسن من انك تتركهم ف الشرقيه لحالهم سلطان: ما أتوقع امي توافق انها تنقل عبدالمجيد: انت لا تفكر الموضوع هذا الحين كل شي بوقته حلو اترك للزمن يحله سلطان : المهم عاد اول ما أي الرياض ابي استقبال يليق فيني مو أي كلام عبدالمجيد : ههههههههههههههههههههههههه ههههههه بجيب لك شاعر بالمطار يقول فيك قصيدة سلطان الذي لايميل للشعر بتاتاً: لا ياشيخ لا اشوفك انت وياهه لا ابتر رجلك عبدالمجيد : وش قلت تبتر رجل مين؟ ان اللي ببتر رجلك لاتنسى اني بدربك سلطان نسى تماما امر التدريب: يووووووووه تكفى في تدريب عبدالمجيد: ههههههههههههههههههههههههه ههههههههههههههههه في تدريب أي ياحبيبي تدريب ........ راكان بدخولة للصالة بصوت عالي: لجيييينن وينكك لجين من خلفة : بسم الله وش فيك تصارخ راكان التفت عليها : وينك من اول وانا ادورك لجين بدون أهمية: ليشش وش تبي راكان : انا بروح اجيب العشاء انتبهي لا تطلعين وسكري الباب اصحابي هنا لجين بربكة: لا لا تخليهم خذهم معك راكان : يابنت كلة واحد وجارنا أبو صالح مو مسوي لك شي انتي بس لا تطلعين طيب! لجين : طيب بس لا تطول راكان : يلا فمانه لجين : طيب بدخل للغرفة يمكن انام ترا راكان: طيب بنفس البيت على سقف واحد أبو صالح: مين قلت لي ابوك تركي: سليمان أبو صالح : أي زين "وقف وهو مكمل حديثة " يلا انا بروح للبيت اذا سال عني راكان قوله راح يأخذ ادويته تركي وقف ليوصله لباب المنزل: يا هلا ابشر اقفل الباب وادرك بأن لا يوجد أحد بالبيت غيره أقترب من باب الذي يفصل صالة الرجال عن المنزل بخطى بطيئة لكي لا يثير الانتباه اقترب من الباب الخلفي للمنزل فتح الباب وبدأ بالمشي نحول الغرفة المقابلة له فتح بابها ويرى ظلام علم ان لا يوجد احد تخطى الغرفة ليذهب لباقي ارجاء المنزل صعد للدور الثاني سمع صوت الموسيقى ذهب بـأ تجاه الصوت اقترب من الغرفة ليفتح الباب أتاه الصوت من خلفة ............. | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
