آخر 10 مشاركات
|
| |||||||||||||
| مشاهدة نتائج الإستطلاع: هل تؤيدون استمراري في روايتي | |||
| استمر |     | 9 | 100.00% |
| لا استمر |    | 0 | 0% |
| المصوتون: 9. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
13-09-18, 11:02 PM
| #323 | |||||
 
|  جواهر بني صخر،رواية رحلة عذابي انا اقتباس:
تسلمي يا ذؤؤؤؤؤق 😍😍😍 البارت باذن الله بعد قليل | |||||
|  |
|
13-09-18, 11:03 PM
| #324 | |||||
| جواهر بني صخر،رواية رحلة عذابي انا اقتباس:
السلام عليكم ورحمة الله خليكم متابعين الحين بانزل البارت 😍😍😍 | |||||
|
| |
|
13-09-18, 11:17 PM
| #326 | ||||
| جواهر بني صخر،رواية رحلة عذابي انا رواية "رحلة عذابي انا" الفصل الثالث والعشرون بعنوان #حيطة_وحذر عاد اسلام بعد توديعه جيسيكا وجلس مقابل نور المرتبكة والخجلة من بقائهما لوحدهما ؛ لذلك لم ترفع رأسها وانتظرت أن يتحدث لكنه بقي صامتاً . اضطرت أن ترفع رأسها له فتفاجأت به يحدق بها بصمت! عادت وأخفضت رأسها وقد اكتسى وجهها بالحمرة الشديدة وفي داخلها تشتم ضعفها وحياءها ملايين المرات المفروض الحين ترفع رأسها وتسأله بكل قوة وثبات عن الموضوع الي يبغاه منها ؛ استجمعت قواها وبثقة مزيفة رفعت رأسها لتتكلم : وش ال.... قاطعها بكلمة : احبك تجمدت الدماء بعروقها حتى تعابير وجهها وافكارها وكل حواسها تجمدت بلحظة وهو يسترسل : نور أنا احبك ....أحبك وابغى اتزوجك. بقيت نور على جمودها بسبب الصدمة وهذا اعطاه انطباع خاطئ عن ردها فاستدرك كلامه بغصة : اذا ما راق لك كلامي اعتبريني ما قلت شي وامسحي هاللحظات من ذاكرتك. هم بالقيام محبطاً واذا بها تهمس : اسلام انت تكلم جد والا تمزح؟ اقترب منها ونكز جبينها باصبعه قائلاً : وهي هذي امور ينمزح بها!! نور بلعثمة : يعني انت تقصد الكلام الي قلته. اسلام بهمس : قصدك كلامي اني احبك واموت بيك وابغى اتزوجك!! هزت نور رأسها بغباء ابتسم اسلام وأنفاسه تقترب من وجهها وعينيه تحتضنان بعشقٍ عينيها : اي يا نور أحبك وربي شاهد اني احبك وما عدت أقدر أخبي حبي أكثر من شذي . نور لا أرادياً انهمرت الدموع من عينيها ؛ اسلام مسح دمعتها برفق وهو يقول : ليه تبكين يا نور عيني ! نور بصدق : لأني بعد أحبك وكنت أحاول اتجنبك حتى ما ينفضح حبي واخسر كرامتي واخسرك. اسلام بحنان بالغ : ما أقسى قلبك وما أكبر عنادك ؛ وهو اللي يحب يقسى ويبعد والا يقرب ويسعد. نور بخجل : أبد ما هو قسى وعناد ؛ لكن اعرف حدودي وما اتخطاها و...... قاطعها اسلام : حدودك سيجت اسلام وقلبه وظمته لمملكة حبك وعشقك وش تقولي بعد. نور بابتسامة وخجل : أقول أروح لبيتنا ازين إلي أخاف منيرة الحين تدورني بالاسواق . اسلام بتفهم : اي السواق الحين اكلمه يوصلك البيت ولا تنسي تكلميها بعد عن زواجنا . ******** تجلس في الحوش في حمية الشمس الحارقة تستمع الى صراخ رداد وتألمه وتوعده لها بالعقوبة عندما دخل الحوش رجلان ؛ أحدهما كبير السن ويحمل حقيبة كبيرة ؛ مؤكداً هذا هو ابو صالح المجبر. أشارت له ملاك بسرعة نحو الغرفة ؛ دخل الرجلان وخرجت ام عزمي والمشرفات . ام عزمي اقتربت من ملاك وبدأت تحدثها على انغام صراخ رداد وتألمه : الله يهداك يا ملاك طول عمري أقولك تجنبيه وانت ما تسمعين الكلام. ملاك ودموعها تنهمر : والله يا خالة ما أحب آذي نملة لكن هالمتعوس استفزني والك عليه مصاري كثير كنت باسترجعها وبس ما دريت كذا بيصير. ام عزمي بحكمة : ان شاء الله شغلته بسيطة لانه يشكي من رجوله وحنا بعد نرضيه بمبلغ زين وينتهي الموضوع. ملاك باحراج : كله من غبائي واستعجالي وتهوري ؛ سامحيني يا خالة. هزت ام عزمي رأسها وبتفكير : الحين خل نرجع بيتنا عن حمية الشمس ؛ أكيد المجبر وده وقت حتى يعالجه.... بعد ساعة وأكثر خرج المجبر من عند رداد وطمأن الجميع أنه عالج الكسر في قدمه بتجبيره وضرورة عدم السير على قدمه لمدة شهر على الأقل وأوصى بشراء مسكنات ومضاد حيوي من الصيدلية . اعطته ام عزمي اجرته وشكرته ثم غادر . الرجل المدعو حميد غادر مع المجبر وهو يقول انتم اشتروا لهذا الخبل الدوا أنا ما أملك فلوس. اعطت ام عزمي احدى العاملات ثمن الدواء الذي كتبته فاطمة وذهبت لاحضاره من الصيدلية. دخلت ملاك بخوف وهي مختبئة خلف ام عزمي الى غرفة رداد. كان الأخير نائماً على ظهره وقدمه المجبرة مرفوعة على وسائد وملامحه يبدو عليها التعب والضيق. شعرت ملاك بالشفقة عليه ولكن بقيت مختبئة خلف ام عزمي. ام عزمي : الحمد لله على سلامتك يا ولدي ؛ تخطاك الشر. رداد بتعب : الشر متخبي وراك يا خالة وما ينشفي غليلي منه الا لما اسجنها وامردغ بكرامتها الأرض. ام عزمي بمهادنة : يا ولدي البنت جاهلة وما تقصد وما عمرها آذت نملة . وأكملت بحكمة : وحنا مستعدين نعوضك بالمبلغ الي يرضيك لاننا ما نقبل الأذيه لمخلوق يخلق. رداد بغضب : والحين أنا شهر كامل ما أقدر أقوم ولا أشتغل او أكسب رزقي حتى أكل ما أقدر أساوي وانا مالي أحد بهالدنيا ؛ والله العليم بعد هالشهر وش يكون وضعي وتقولين ما تقبلون الأذيه!! ام عزمي بتفكير : الحين تشوف غرفة الحارس الخارجية نصلحها لك ونضبطها من اليوم وتسكن بها حتى تتشافى وتتحسن وطعامك وشرابك وحتى شاشة بعد نوفرلك وش قلت؟ بدا على رداد ملامح التفكير ودراسة هذا العرض. ملاك تنغز ام عزمي من خلفها وبهمس : وش ذا يا خاله تبغينه يظل مثل الشوكة بحلوقنا!! رداد سمع كلماتها وبغضب : انت سكري حلقك ولا تتدخلين ما كفاك الي سويتيه!! ثم وجه كلامه لأم عزمي : موافق بشرط هذي القردة هي الي تطبخلي طعامي وكل يوم الصبح تنظف غرفتي وترتبها. ملاك بغضب : تخسى أفوت غرفتك وش مفتكرني !! رداد بتحكم : أطلع من الغرفة لحين ما تنظفيها وتزينيها. وبتذكر : واشتريلي يا خالة بعد عكاكيز اتنقل بيهن بين الغرفة والحوش أحسن ما تضيق روحي وبعد أبغى تعملين معرش زينكو وتحته جلسة قرب الغرفة حتى اتونس بيها. ملاك كالعادة نست نفسها وبغل : تتونس بيها والا تبغى تقعد تراقب بالداخلات والخارجات يا قليل الحيا. رداد رمى جهتها كأس الماء وبغضب : وش شايفتني يا الخبلة ؛ الله ياخذك وياخذ الساعة اللي جاورتك بها . ووجه نظره الى أم عزمي قائلاً : ما عدت أبغى شي والحين بقوم واشتكي عليها وخلها تعفن بالسجن حتى تعرف ان الله حق. ملاك : أقول اشتكي ما يهمني ومقابلة السجون أبرك من مقابلتك. ام عزمي بحزم : ملاك سكتي عاد ؛ وانت يا رداد كلامك معي أنا ومن الحين كل طلباتك نلبيها ؛ المهم دير بالك على صحتك حتى تعافى . رداد بمقاهرة لملاك : والحين ذبحني الجوع ؛ أبغى هالملاك تجهز الغدا لي وتراني ما أحب الطعام البايت. ارادت ملاك الرد لكن ام عزمي أسكتتها وسحبتها خارج الغرفة . ********** ام نور بصدمة : وش تقولين!! نور بفرح : المدير اسلام طلبني للزواج ويبغى..... ام نور : انسي الموضوع ؛ ماني موافق وبعدك صغيرة عالزواج. نور بصدمة : وش تقولين يما !! ليه ترفضينه !! تدري عنه شي ما هو زين وما علمتيني. ام نور وهي تمسح جبينها : أصلاً ما أعرفه ؛ لكن مبدأ الزواج ذا مرفوض ولا تراجعيني فيه. نور ودموعها بدأت تنهمر : ليه يا الغاليه ؛ يعني انت تكرهين لي العز والسعادة. ام نور : لاني أريد سعادتك وراحة بالك أرفضه. لاني ما ريد تلبسي ثوب غير ثوبنا ارفضه. لاني ما ريد تتكرر مأساتي معك أرفضه وارفضه. نور بدفاع : أصابع يدك ما هي واحدة وما كل الناس مثل أهل أبوي وظلمهم. ام نور بصراخ : كلهم فكر وطبع واحد ؛ ودك تقنعيني ان امه رح توافق على زواجه من بنت هي وامها كانن يشتغلن بالبيوت . نور : عشنا بكرامتنا وما أحد له علينا منَّه ولا فضل غير رب العالمين. ام نور : ان تزوجتيه آخرته يعافك من كلام الي يحيطونه واخرته يرميك مثل ما رماني ابوك ويعلم الله ساعتها يكون عندك بزر تفنين حياتك وانت تدورين له على كرامة ومكانه. نور وهي لا تزال تبكي : يما حبيبتي لا تعقديها ؛ يما والله اني احبه وان وقفتي بطريقنا والله لاموت غم وحزن وعندها تخسريني للأبد. ام نور : بعد الشر عليك يا قلبي وانا والله ابغى الخيرة الك واسمعي كلامي وفكري فيه زين والقرار بالأول والتالي الك. نور احتضنت أمها بحب وعرفان وهي مصممة على المضي بهذا الزواج مهما كانت الظروف. ********* ملاك بغبن : الله يهداك يا خاله كيف تطاوعينه يعيش عندنا وبيننا وحنا ما نعرف خيره من شره. ام عزمي : الولد مقطوع وماله أهل والحين محتاج من يخدمه ويدير باله عليه ؛ ودنا نصبر عليه هالشهر لما يتعافى وبعدها نقول له درب الضيف. سكتت ملاك على مضض وهي تلوم نفسها على هذه البلوى التي اوقعت أم عزمي بها. ********* عبدالله بصراحة : صبا انت ليه للحين ما تزوجتي؟ عفواً عالسؤال لكن انت فعلاً ما ينقصك شي. صبا بابتسامة : انا كنت مخطوبة لولد خالي خمس سنين وكان المفروض نتزوج أول ما يرجع من الابتعاث ؛ لكن لما رجع كان يمسك بيده زوجته الاجنبية وهو مخفي زواجه عن الجميع. عبدالله بتعجب : هالحقير!! وش صار بك؟ صبا بألم : ما أقولك عن صدمتي وانهيار ثقتي بنفسي وكلام الناس وسخريتهم وحالة أبوي ومرض أمي واخواني اللي بالغصب منعناهم يرتكبون جريمة ؛ لكنه واقع وصار وكان لازم أكون قوية واستأنف حياتي بعزيمة واصرار. لكن هذا اللي حصل وقف حظي وما عاد أحد يفكر يطلبني او يتزوجني . عبدالله بجدية : تتزوجيني .... ******** اميرة بغضب : انت بعقلك يا اسلام تريد تتزوج واحدة من الشارع ما هو معروف أصلها وفصلها. اسلام بصبر : وشلون تقولين من الشارع ؛ هذي بنت عالم وناس لكن أهلها ما هم أغنياء . اميرة بمسايرة : زين خلني افكر بالموضوع واردلك خبر ما أبغى أستعجل بشي. قبل اسلام رأسها وهو يقول : الله لا يحرمني منك يا الغالية. وخرج من جناح أمه وقلبه يملؤه الأمل بقرب زواجه من حبيبة قلبه نور. ما أن خرج حتى تناولت أميرة هاتفها واتصلت به ؛ جاءها الرد سريعاً : هلا أم اسلام اي خدمة نقدمها؟؟ اميرة : أبغى تلفون ومكان سكن البنت اللي اسمها نور بالشركة وكل معلومات متوفرة عنها بالقريب العاجل. الرجل : تأمرينا خالتي أم اسلام ، قبل المسا المعلومات تكون عندك. ********* أم مشعل : والله يا ابو مشعل انه هالرجال زين وما عليه كلام وبنتك ما هي صغيرة. ابو مشعل : أدري به زين لكن الزواج بالسر ما هو مريحني ؛ وش ينقصها صبا وما يعلن زواجه بها! ام مشعل : لانه متزوج من بنت عمه وهي بنت مدير ادارة الشركة وعبدالله ما يبغى مشاكل مع عمه ؛ وهو يوعد باقرب فرصة يعلن زواجهم. ابو مشعل : ما ودي أغامر بحياة هالبنت يكفيها اللي شافته. دخلت صبا على كلمات ابيها الأخيرة ، اقتربت منه وضمته بحنان : يبا والله اني استخرت ومرتاحة لهذا الزواج . عبدالله لي اشتغل معه أكثر من سنة وما شفت منه الا طيب الاخلاق. ابو مشعل : أشاور اخوانك بالأول وباذن الله ما يصير الا كل خير ********* مرت ملاك بقربه متجهة الى المشاغل وهو متكئ على الوسائد في جلسته الصغيرة ويتابع العمال يجهزون غرفته الجديدة . ناداها بصوت عالي : ملااااك اقتربت منه بحنق وبتهديد : اسمعني زين ... لو تنادي علي مرة ثانية بالحوش شذي والله لأكسر هالعكاكيز على راسك ويا قاتل يا مقتول ....فاهم. رداد بسخريه : له له له له وش فيك معصبة علينا ؛ والا على راسك ريشة ما نقدر نكلمك! ملاك : أي على راسي مية ريشة اولهن ديني وثانيهن سمعتي وثالثهن اخلاقي وعاشرهن كرامتي . رداد : وش يصير عليهن لما نناديك ؛ اللي أبغاه كاسة شاي وشلون أطلبها ذي بالاشارة يعني. ملاك بتفكير : عندك جوال ام عزمي تتصل بها وتطلب اللي تبيه ويوصل لعندك . وبتحذير : واحترم حرمات البيوت لا تكلم ولا تناظر الداخل والخارج. رداد بطفش من تعليماتها : ما دريت انهم مشغلينك مطوع بهالحوش .... ملاك بفخر : ماني مطوع لكن كل شي له حدود ولازم نلتزم كلنا بها . ثم تركته واتجهت الى معمل البهارات فما حصل مع رداد لم ينسيها ضرورة متابعة هذا القسم وقطع شكوكها باليقين. ********* خالد يلاعب ابنه الصغير سعد ورنا مستلقية في فراشها بدلع وتحرك بيدها خصلة شعرها : خالد حبيبي. خالد معتاد على اسلوبها : ما دام حبيبي الله يستر وش وراها.. رنا بزعل مفتعل : يا سلام يعني ما يطلعلي اقولك حبيبي. خالد : يطلعلك ونص ويسلموا عالكلمة يا حياتي. سكتت قليلاً ثم تابعت : لي طلب وابغى ما تفشلني. خالد بابتسامة : شفتي عاد ان كلامي صحيح هههههههه. رنا بزعل مفتعل : وان ما طلبتك من اطلب يعني! خالد بطولة بال : آمري يا ام سعد وش تبغين؟ رنا بحماس : البارحة شفت صورة طقم ألماس يجنن ومن وقتها وانا اتمنى أشتريه ؛ لو تشوفه يهبل ... خالد بملل : بطاقتك الفيزا شحنتها البارحة وتقدرين تشتري اللي تبيه ؛ لكن من الحين في تقييد للمصروفات والمبالغ اللي أنزلهن تصرفيهن على كيفك ولكن بحكمة وتعقل ...ماشي. رنا بانتصار : ماشي يا بعد عمري. عاد خالد لملاعبة طفله الصغير ويسرح بخياله متذكراً ملاك بعفويتها وخجلها ........ لماذا الحياة ليست عادلة معنا ولماذا لم يكتب لقصتنا الاستمرار..... ملاك حلمه الذي لم يكتمل وألمه المتجدد وجرحه النازف دون التئام.. ******** نور تجلس على الغداء مع امها عندما طرق الباب بقوة . قامت ام نور وسألت بتوجس : من على الباب؟ ام اسلام : أنا ام اسلام . نظرت ام نور الى ابنتها المتفاجئة مثلها ثم فتحت الباب وهي ترحب بتوجس : اهلاً وسهلاً ،تفضلي . دخلت ام اسلام وأدارت عينيها في المنزل بقرف حتى استقرت عيناها على نور ثم نظرت الى أم نور وباستعلاء : أنا ماني جاي أتفضل أنا جاي عندي كلمتين تسمعيهن زين انت وبنتك ذي ... أخذت نفس ثم أكملت بعصبية : اسلام تبعدون عنه وانصحكم تدورون على صيدة على قدكم ؛ وهذا مجرد تحذير وان ما سمعتوا كلامي ما يصير طيب. ام نور بثقة : ولدك هو اللي طرق بابنا ما جبرناه وان ما تبغين نسبنا قوليله هو . ام اسلام بغضب : ما جبرتيه لكن بنتك أغرته وجرته وراها وهذا أكيد من شورك وتدبيرك. نور قبضت على يديها من صدمتها بكلمات أم اسلام... ام نور بغضب : احترمي نفسك وكافي اهانة ؛ احترمناك لانك في بيتنا وتفضلي من غير مطرود. ام اسلام : انت يا حثالة تطرديني من بيتك المعفن ؛ انا على كل حال قلت اللي عندي ؛ ثم وجهت كلامها لنور : وقسم بالله لو ما بعدتي عن ولدي الا أخلي سيرتك على كل لسان وقد أعذر من أنذر . ثم خرجت وهي تتأفف وتستغفر ... نور نظرت الى أمها المتجهمة : يما وش ذا معقول اللي يصير! جلست أم نور وبألم : هذا اللي كنت خايف منه وصار والتاريخ يعيد نفسه..... لم تكمل ام نور كلامها بل وضعت يديها على رأسها بتعب ثم مالت على الفراش مغمياً عليها. نور بصراخ : يمااااااا يمااااااا في المشفى ملاك تمسك بيد نور لتخفف عنها : تطمني باذن الله تتحسن وتتشافى ؛ هذي نوبة سكر والحين يعالجونها وتتحسن. نور ببكاء : خايف عليها يصيبها شي والله ما أسامح روحي . ملاك بغيظ : وانت وش ذنبك ؛ كله من اللي شايفة روحها على خلق الله ؛ وباكر تتحسن امك. ********* مشعل بعقلانية يناقش أباه : يبا صحيح عبدالله ما عليه كلام ورجال أجودي لكن الدكتور سعود ما لنا قدرة على مجابهته ؛ وهو أكيد ما حيرضى بهذا الزواج. رائد بتأكيد : وزواج السر ما هو ثوبنا ولا اسلوب نرضاه لاختنا ان بغى يتزوجها بالعلن حياه غير كذا ما في نصيب. ابو مشعل : حنا الليلة نستقبله عندنا ونفهم نيته وغايته ومن ثم نقرر باذن الله. أم مشعل تنظر الى أولادها بعدم رضى وتخاف أن يقطعوا نصيب ابنتها من الزواج خاصة أن العمر تقدم بها وفرص ظهور عريس مثل عبدالله قليلة جداً. ******** استيقظت مفزوعة على صوت أشبه بالصراخ ؛ نظرت من نافذتها فإذا بردَّاد يجلس متكئاً في مجلسه ويغني بصوت نشاز ومرتفع . تأففت وهي تردد أصبحنا وأصبح الملك لله وش يشتكي هذا المهبول!! وبعد أن تجهزت لبدء عملها اليومي في قسم الفطائر لزيادة دخلها نادتها أم عزمي وهي تحمل صينية إفطار : ملاك خذي هذي بطريقك ل رداد. ملاك باعتراض : ما في غيري ؛ والله ما أحب أقابله ولا أشوف خشته. ام عزمي : بعدين مع طول هالسيرة ؛ عاد لا تنسين انك تسببت لنا بهذي المصيبة ؛ لا تدوشين راسي باعتراضاتك. تناولت ملاك الصينية بغبن وهي عاتبة على اسلوب ام عزمي معها ؛ لأول مرة تكلمها بهذه الطريقه وكله من هذا البغيض رداد. وضعت الصينية أمامه وأرادت المغادرة لكنه ناداها بأمر : هي انت خذي الصينية لغرفتي ما أبغى أفطر الحين. ملاك بحنق : نعم!! وش شايفني يعني خدامه عند سيادتك ! رداد بضيق : لا على سلامتك ؛ لكن شايفة حالتي !! شلون بأقدر أشيل الصينية داخل وانا أمشي على عكاز!! عضت ملاك شفاهها ندماً فكلامه صحيح وهي غضبت وثارت بدون سبب وبقلبها : الله يعينه أكيد طفشان وملآن لا رفيق ولا ونيس وما يقدر يروح ويجي وهو متعود طول عمره بين الصحاري والمغر وفوق كذا هي قاعدة له عالكلمة والحركة ؛ ليه انا صرت كذا بدون رحمة ولا شفقة ولا أنسانية...... طأطأت رأسها بندم ثم حملت الصينية الى غرفته بدون كلام وعادت لمتابعة أشغالها وجهادها في هذه الحياة . ********** ساعدت نور أمها في الوضوء وفي أداء صلاة الفجر وجلست بجانبها وهي تسبح وتذكر الله وتدعي بحرقة أن يجنب ابنتها ظلم الظالمين ومكرهم. ما أن انتهت حتى اقتربت منها نور واحتضنتها ؛ عندها تكلمت أم نور بجدية. ام نور : نور يا بنتي الحين ودي أقولك وأفضفض عن أشياء ما سبق قلتها من اكثر من عشرين سنة. نور بحنان : قولي يا أمي وانا أسمعك. ام نور : شفتي كلام ام اسلام لك البارحة ؛ وتهديدها بأنها تخلي سيرتك على كل لسان....... هذي الكلمة انقالت لي وبنفس الطريقة لما خطبني أبوك. نور بحزن : مين قالها لك؟ ام نور : جدتك ام أبوك.... كنت صغيرة عمري ما يزيد عن خمستعش سنة ومالي أحد غير أختي وزوجها وحالتهم على قدهم يا دوب مكفيين روحهم وأولادهم ؛ وكنت أنا أدرس بالمدرسة الاعدادية لما جت المرشدة وقالت وين اليتيمات ؛ رفعت يدي ورحت معها وصفيت بطابور ؛ ويقولون في محسنين بيوزعون شنتات وهدايا للأيتام . طبعاً أنا فرحت كثير ولما اجا دوري استلم ؛ كان المحسن شاب ومد يده بالهدية وهو يناظرني ويبتسم لفرحتي وشفته يسأل المرشدة عن اسمي . بعد أيام تفاجأت به يدق بابنا ويطلب يدي من زوج أختي وما تدرين عن فرحتي وسعادتي .... لكن بعدها بايام جت أمه وهددتني بنفس الاسلوب ونفس الكلام ؛ واختي تقل لي لا تخافين منها بكرة ترضى غصب عنها ..... وتم الزواج وعشت أحلى أيام عمري وتفاجأت بأمه بعد اكثر من سنة متقبلة زواجنا وتزورنا ونزورها وكل شي من أحلى ما يكون وأنا أشكر ربي على نعمه وفضله لكن ظلينا مستقلين ببيتنا لأن كذا يبغى أبوك . وفي يوم سافر أبوك بشغل وأنا متعود على سفره ؛ ومرت أيام وما اتصل ولا عنه خبر !! رحت لبيت أمه أسأل عنه طلعت امه وصرخت بوجهي وطردتني وهي تقول ولدي طلقك وما عاد يشوفك يالفاسدة يال...... وما خلت شي ما حطته بشرفي وسمعتي. رجعت لبيتي أبكي واصيح وظليت أيام ما أصدق كلامها لحد ما رن تلفون البيت وكان هو المتصل وصوته كله ألم وغضب ؛ وما انسى كلامه وهو يتهمني بشرفي واني ما أستاهل حبه وتضحيته . حلفت له اني برية وما ساويت شي يغضب ربنا لكن رده صدمني!! قال امه جت تزورني وشافت رجال طالع من البيت وسألته من انت؟ ووش تسوي هني ؟ راد عليها ان هذا بيت مومس وهو متعود يجيها ويدفع لها فلوس . وان امه من الصدمة مرضت وفاتت المشفى وهو طلقني غيابي وما عاد وده يشوفني والا يكلمني .... وأمرني أترك البيت لأنه باعه واصحابه ودهم يستلموه.. بقيت أيام أبكي وانوح عند أختي وأنا أدعي على اللي ظلمني وهدم بيتي وشوه سمعتي..... وزاد همي لما تبين حملي. ما دريت وش أساوي رحت على بيت أمه اترجاها وأستعطفها وخبرتها بحملي لكن ما رحمتني وطردتني من بيتهم وجرحتني بزيادة بشرفي وقالت ما يندرى ولد منو اللي ببطنك!! وصرت أحمل همي وهم اللي ببطني وهم أختي وزوجها اللي ما هو قادر يصرف على بيته وشلون بعد يصرف علينا. ولما جيتي انت على هالدنيا صممت اني ما أعتمد على أحد غير رب العالمين وبدأت أشتغل حتى اوفر لقمتنا واحتياجاتنا ؛ ولما أختي وزوجها سافروا يدوروا رزقهم ؛ استأجرت البيت مكانهم وباقي حياتي ومعيشتي انت أخبر بها وبحالنا. نور تستمع لأمها والدموع كشلال من الحمم يحرق وجهها وهي تردد : حسبنا الله ونعم الوكيل ؛ الله ينتقم من الظالمين . ******** لأول مرة تدخل ملاك قسم البهارات في هذا الوقت المبكر ؛ تفاجأت بها العاملة التي تسمى بيال وقامت بسرعة بوضع أشياء في كيسٍ صغير ؛ تظاهرت ملاك بعدم رؤية شيء واستمرت بسيرها وسألت عن المشرفة فأجابوها أنها لم تحضر . جلست على مكتب وتظاهرت بمتابعة السجلات وهي تسمع العاملة أنال تسأل بتوتر أنال : بيال هل لاحظت هذه الفتاة شيئاً. بيال : لا أظن ؛ لقد أخفيت الكيس بسرعة . انال : سارعي لأخفاء البضاعة واخراجها من المعمل بسرعة. قامت بيال واستأذنت بالخروج وهي تخفي شيئاً في جيبٍ كبيرٍ في مريول عملها . أذنت لها ملاك بتوجس وهي تفكر وبتركيز بما رأته عند دخولها ! كانت قطع من القصدير منثورة على الطاولة ؛ وكل قطعه بحجم اصبع الابهام على الأكثر ؛ وملفوفه على شكل مثلث صغير ؛ وواضح أنه يوجد بداخلها شيء على الأغلب أبيض اللون !! وهذا واضح من آثاره على الكيس والقصدير والطاولة .... نعم الطاولة . نادت أنال بهدوء وطلبت منها الذهاب الى مشرفة أحد الأقسام واحضار سجلات هي فعلاً ليست بحاجة لها ولكن بهدف تهيئة الجو للبحث والتحري. خرجت أنال وعندها قامت ملاك وبحثت حول الطاولة ولكن لم تجد شيئاً ثم نظرت الى الطاولة بتمعن ورأت آثار بودرة بيضاء ؛ أسرعت باحضار قصاصة صغيرة من الورق وبطرف قصاصة أخرى لملمت ذرات هذه البودرة وأحكمت اغلاقها واخفاءها في جيبها وعادت الى عملها وكأن شيئاً لم يكن . ****** استغرب اسلام غياب نور عن العمل فاتصل بها مباشرة ؛ لم ترد على الهاتف فعاود الاتصال وعندما لم ترد اتصل كمحاولة أخيرة عندها أجابت نور . اسلام : نور ليه غايبه عسى ما شر؟ نور وهي تبكي: انا بالمشفى ؛ أمي ارتفع عندها السكر ودخلوها المشفى. في أقل من نصف ساعة كان اسلام يدخل الغرفة وهي عبارة عن قاعة فيها عدة أسرة ولكن لم يوجد مرضى سوى أم نور النائمة بأرهاق واضح ونور بجوارها . اسلام : الحمد لله على سلامة خالتي ؛ طمنيني عنها. نور بتعب : الحمد لله ؛ لكن يبغالها عدة أيام علاج. اسلام : الحين بانقلها مشفى خصوصي يعملون لها شيك وفحوصات كاملة . نور : مشكور وماله داعي تغلب روحك. اسلام بحنان : انت الحين روحي وحياتي وشلون ما أساعدكم. نظرت له نور بألم وثقة وقالت بهدوء : استاذ اسلام بالنسبة لموضوع الزواج ودي أقولك ....ما في بيننا نصيب... . . . انتهى الفصل نلقاكم الأحد او الاثنين المقبل باذن الله متابعة ممتعة | ||||
|
| |
|
14-09-18, 12:29 AM
| #327 | ||||
| نجم روايتي  
| كذا بدون رحمة ولا شفقة ولا أنسانية...... فصل قوي جدا رداد ههههههههه شكل المحبة بعد العداوة ا حظك يا ملوكة بودرة مخدرات والا ايه الله يستر نور ماض مؤلم والابننة تكرر قصة الام بس الظلم وقذف المحصنات والتنكر ل حفيدتها حرمانها نت الاب والحياة الكريمة دي مش ام الله ينتقم منها ويارب ابو نور يعرف ويكون ذو مكانة وساعتها سيتزوجها اسلام اسلام ال انكسر قلبه خالد حلال عليك يارا صبا لا توافقي اخيك عنده حق الفصول بجد روعة والاكشن حيزيد احلي تحية لاحلي جوجو شـكــ وبارك الله فيك ـــرا لك ... لك مني أجمل تحية . | ||||
|
| |
|
14-09-18, 01:02 AM
| #329 | |||||
| جواهر بني صخر،رواية رحلة عذابي انا اقتباس:
يسعد أوقاتك modyblue هي ملاك أكشن بحد ذاتها ههههههه يسلموا عالتحليلات الجميلة 🌺🌺🌺 وبرضك التنسيق ما بينفع معي ما بتطلع ايقونة تنسيق يمكن المشكلة بجوالي | |||||
|
| |
|
| الكلمات الدلالية (Tags) |
| جوهرة بني صخر،رحلة عذابي انا |
| أدوات الموضوع | |
| انواع عرض الموضوع | |
|
|
272Likes
ههههه هدا حال ملاكنا ورداد أتوقع راح يكون لرداد دور مهم في حياة ملاك وبانتظارك ياعسل 
العرض العادي
