آخر 10 مشاركات
|
| |||||||||||||
| مشاهدة نتائج الإستطلاع: هل تؤيدون استمراري في روايتي | |||
| استمر |     | 9 | 100.00% |
| لا استمر |    | 0 | 0% |
| المصوتون: 9. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
25-09-18, 10:13 PM
| #377 | ||||
 
|  جواهر بني صخر،رواية رحلة عذابي انا مساء الورد والفل🌹🌹🌹 اخباركم جميعاً وان شاء الله الجميع بخير يسلموا على التفاعل والردود الجميلة اممممممممم بعد التفكير والتدقيق والتمحيص 😌😌😌 تبين لي صعوبة النشر يوم الخميس لزااااااااااااااااااااااا ااااااااااااااا🤗🤗🤗 باذن الله تعالى النشر بيكون كل أربعاء واعتباراً من الغد 💕💕💕💕💕💕 خالص حبي وتحياتي واحتراماتي للجميع #الجوهرة 😗😗😗😗😗 | ||||
|  |
|
26-09-18, 07:49 AM
| #378 | ||||
| نجم روايتي  
| شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . | ||||
|
| |
|
26-09-18, 10:47 PM
| #380 | ||||
| جواهر بني صخر،رواية رحلة عذابي انا رواية "رحلة عذابي انا" الفصل السادس والعشرون بعنوان #العميل_السري_ملاك_بوند تنحنح ناصر بصوته الجهوري ... فقفزت عزيزة من نومها مذعورة لأن نومها أصلاً خفيف وبصعوبة طالعت الرجل الواقف أمامها وعينيها لا زالت في غباش . تثاءبت وهي تمد يديها لتنشيطها وقالت : الله يرجك خرعتني .... واستمرت في التثاؤب قائلة : أبغى فنجان قهوة إسبرسو وكمان استعجل مديرك ذا وش يحسب الناس عنده ينطرهم بالساعات". نظر لها بغيظ ثم عدل نظارته الفخمة وقال بصوت جهوري : أنا ناصر ال... مدي.... قطع كلامه عندما رآها تهب واقفة وهي تدور حول نفسها وتبحث عند موطئ قدميها . لم يعرف ماذا تفعل ولكنها عندما انحنت تنظر تحت الطاولة إنحنى معها وللأسف رفعت رأسها فجأة فأصابته برأسها على وجهه وأنفه اصابة موجعة أخذ يتلوى بسببها من الألم ؛ ويمسك أنفه من شدة الألم . نظرت له بجزع : جزمتي ... جزمتي ما أشوفها .. ليكون أحد أخذها؟؟ ناصر بقهر وهو يتفقد أنفه الموجوع : ما أحد هنا ياخذ شي ! دوريها زين. لمحت طرفها أسفل الكنبة فقالت بحماس : هذا هي تحت الكنبة ؛ تعال اقرب ارفع الكنبة وانا اتناولها. ناصر أشار الى نفسه باستغراب : انا!! عزيزة : لعاد جارنا !! من في غيرك بالغرفة. اقترب ناصر بقلة صبر ورفع الكنبة وعزيزة مدت قدمها لتسحب الحذاء وهي تقول بأمر : ارفع .. ارفع كمان . ناصر بغيظ : وليه أرفع كمان !! ما تنزلي انت تاخذينها ؟؟ عزيزة : تخسى .. تبغاني أنحني قدامك يا الواطي .. صحيح اللي استحوا ماتوا !! عندها نفذ صبر ناصر وألقى الكنبة بغضب غير آبهٍ بشيء ؛ وأشار لها بزجر : اسمعيني زين من أمس وأنا متحمل غلاظتك واسلوبك الوقح .... والحين أقلك بالفم المليان الله الغني ما عاد نبغى نوظفك عندنا ... أصابها الذهول في لحظة ولا مجال لأن تلوم غباءها المتجذر او لإصلاح ما أفسدته ؛ كل زلة أكبر من سابقتها فالأنسب الآن أن تنسحب بهدوء... لبست حذاءها واتجهت نحو الباب ولكن في آخر لحظة أدارت رأسها وبابتسامة وهي تخرج من حقيبتها كتالوج كبير وتمده الى ناصر : بس استاذ أبغاك تتطلع على هالدراسة الي عملتها على خمس أنواع من الأقمشة كل نوع له عدة أشكال بالسوق عملت مقارنة بين هذه الأشكال من حيث الخامة والجودة والسعر وتكلفة التصنيع والاستعمالات ... كلها بمجهود شخصي وتطبيق عملي . تناول ناصر الكاتالوج وتفقده بتدقيق ؛ وفعلاً وصف توضيحي وتحليلي ..ولكن يحتاج الى خبراء لتقييم مصداقيته. وبتساؤل : انت خريجة أي معهد ؟ عزيزة بثقة : أنا خريجة معهد الحياة. ناصر : وين هذا المعهد ما سبق ان سمعت به؟ عزيزة : ما له مكان ؛ ببساطة أنا أمي تشتغل في صنع المعجنات والبهارات وخلافه وهذا كله ما ناسب اهتماماتي ؛ رحت أشتغل عند جارة لنا خياطة وعندها تعلمت كل شي يتعلق بالصنعة والأقمشة وأنواعها واعتمدت على روحي من خلال مجلات الموضة والأزياء والماركات وتعمقت بالأسواق والبيع والشراء والتسويق ..... يعني حاولت أبذل جهدي في الشي الي أنا أبدعت فيه وحبيته. ناصر باستغراب : يعني انت بدون شهادة ! عزيزة بصدق : اذا قصدك كرتونة تثبت امكانياتي فأكيد ما عندي واذا تبغى شهادة حقيقية وظفني وبتشوف. ناصر بعدم اقتناع : أخت عزيزة ؛ حنا بندرس الأمر وبنرد نتصل فيك ؛ والحين انتهت المقابلة ؛ مع السلامة. في نفس اللحظة فُتِح الباب بقوة وظهرت طفلة صغيرة وهي تصرخ بأعلى صوتها والسكرتير وامرأة تبدو كمربية تلحقها . هجمت على ناصر وألقت نفسها في حظنه وهي تصرخ بصوتٍ مفجوع . ناصر وبكل خوف الدنيا : دالية حبيبتي وش فيك !! علامك تبكين يا قلبي؟؟ دالية بنفس متقطع : الأبلة هزَّئتني .... قدام الصف كله وعادت لتجوح بصوت عالي . ناظر ناصر المربية بتساؤل ؟؟ المربية : استاذ ناصر ؛ دالية ضربت طالبتين وشدت شعرهم وعضت واحدة منهم في يدها والثانية في ظهرها. ناصر فتح فمه بدهشة : معقول يا دالية ؛ انت كل يوم والثاني تعملي مشكلة وتضربين طالبات وكلهن بنات عوايل راقية !! هذي ثالث مدرسة بنقلك لها ؛ متى بتبطلين مشاكل؟ نظرت له دالية بحزن ؛ دون ان تقول كلمة واكتفت بكسر نظرها نحو الأرض .. وبعد عدة تنهيدات قالت بهدوء : آسف بابا ما أعيدها. فجأة هبت عزيزة التي نسي ناصر وجودها واتجهت نحو دالية ومسكت بيدها بقوة ثم جرتها خلفها نحو الكنبة وأجلستها بقربها ؛ ثم مسحت دموعها وهي تقول بحزم : يعني ما كلفت روحك تسألها ليه ضربت الطالبات !! ما يضرب الطفل أحد بدون سبب !! ناصر وهو مصدوم : آنسة عزيزة لو سمحتي انتهت المقابلة وتفضلي ... قاطعته عزيزة : بلا آنسة بلا بطيخ ......البنية ميتة من القهر والغيظ وانت ما تحس فيها ؟ شنو انت هذي هي الأبوة!! عندها هجمت عليها دالية واحتضنتها بألم وقد عادت للصراخ مجدداً وعزيزة تربت على كتفها بحنان : يا قلبي عليك يا دالية ؛ قسم بالله لأروح معك المدرسة واشفي غليلك من الأبلة ومن الطالبتين . دالية ببكاء : مو بس الطالبتين ؛ الا الصف كله يتمسخرون علي. عزيزة بصدمة : ليه يتمسخرون لا عاش ولا كان . دالية : قال يقولون خطي مثل خرابيش الدجاج. ضحكت عزيزة وبتشجيع : هههههه وشلون لو تشوفين خطي ودك أحد يفك طلاسم يترجمه ؛ ههههههه وهي أبوك بكبره يعرض علي وظيفة لشركته . مسحت دالية عينيها باستغراب وهي تسأل ناصر : صدق بابا بتشغلها عندك حتى لو خطها ما هو حلو. ناصر بقصد : والله اذا عندها قدرات وخبرات أكيد ما أهتم للخط يهمني الشغل. عزيزة : حتى الكتابة الحين كلها عالأجهزة ما عاد حد يكتب بيده . دالية : أنا سريعة بالكتابة عالتواصل ما أحد يسبقني . عزيزة : تلاقين هالبنتين مغيورات منك عشان كذا يتمسخرون ؛ لو ما ضربتيهم أحسن . دالية : يعني اسكت والكل يضحك!! عزيزة : لا يا حلوة الا تردي عليهن الكلام بالكلام والحجة بالحجة مو تصيرين مثل الثور ما يعرف غير ينطح. المربية بغضب : ايش هذي الكلمات الي تعلميها البنية ؛ ايش ثور وينطح ! عزيزة وهي تتخصر لها : وانت بعد بدل ما تعدين بأخطاءها المفروض توقفين جنبها وتسانديها يا بعدي . دالية بسعادة : انت تشبهين جدتي الله يرحمها كانت دوم تفهم علي ؛ مو مثل بابا .. عزيزة بحزن : وبابا ما في مثله ؛ انا كنت بوجود أبوي مثل المهرة ما أخاف ولا أهاب لكن من توفى صرت في مهب الريح ان ما احنيت ظهري لفحني الهبوب. دالية : ما فهمت وش تقصدين؟ عزيزة وهي ترتب لها شعرها : قصدي احمدي ربك ان عندك أب غيرك محروم منه. ثم قامت واستأذنت للمغادرة والحزن يغمر قلبها ؛ فهي على يقين أنها خسرت الوظيفة بغبائها وسوء تصرفاتها . ******** أم طلال ببكاء : يعني الحين لو نسفرها ألمانيا مرة ثانية ما تتحسن. ابو طلال : تدرين ما أعز عن أمك أي علاج لو متوفر ؛ لكن حالتها ما لها الا الالتزام بالعلاجات والمسكنات وتتعايش مع المرض وما أدراك تعيش أطول مننا كلنا. ام طلال : الله يطول عمرها ؛ قلبي يتقطع على شانها. ابو طلال : وقلبك ما يقطعك على حال طلال اللي يتصيع من بلد لبلد ما هو حامل هم شي بهالدنيا . ام طلال بضيق : يا ابو طلال بعده شاب وصغير بالسن خله يعيش حياته ؛ من الحين تبغى تضيق عليه بالشغل والمسؤوليات! ابو طلال بحدة : ما دامه ما هو فود دراسة وتحصيل ليه ما يلازمني بشركاتي ويساندني ويتعلم كل شي ؛ ما هو كافي عبدالله وده يستقل بشغله ويترك شركاتي . ام طلال بثقة : حتى لو يستقل بشركاته عبدالله بيظل يساعدك وذراعك اليمين ولا تنسى انه ابن اخوك وجوز بنتك . ابو طلال وهو يقف بعدم رضى : جوز بنتي اللي من شهر ما شفتها ولا طلت علي ؛ أروح لشغلي أبرك الي من مقابلتك بس تقدمين اعذار عن اولادك حتى هديل وهناء معهم شهادات ما قالوا بيوم نروح نساعد ابونا بشركاته وأعماله . ام طلال وهي تقوم أيضاً لأن عندها بازار خيري تحضره : ودك ابو جاسر يخلي زوجات أولاده يشتغلون بالأعمال والشركات !! هذا عقليته متحجرة وأولاده مثله. ابو طلال : ابو جاسر لو شاف بناتك متحمسات للشغل ما يقول شي لكن هو عارف باللي عنده. ********** اتصال هام من فهد لملاك : لا تظلي ترفعين النظارة كل دقيقة ما عاد نلتقط شي. ملاك بحذر وهمس : لما يكون في شي يحتاج بصور غيره لا. فهد بحنق : حنا اللي نحدد يستاهل والا لا ؛ خلي التصوير مستمر. ملاك بتحدي : ما يجوز تطلع على كل شي في عاملات ما يبغون أحد يعرف عنهم ؛ وفي البعض تكشف عن غطاها والا ايديها ما يجوز كل شيء ينشاف. فهد : حنا في مهمة رسمية وهاي الفيديوهات محمية وما أحد حيشوفها الا لغايات البحث والتحري فما داعي للخوف وجذب الانتباه. ملاك بعدم رضى : بحاول قدر الامكان ان شاء الله ؛ الا أقول التتن اللي أخذته من رداد وش نتيجته. فهد : لا تخافين هذا مجرد تتن ؛ وهالرداد ما منه خوف تحرينا عنه ما عليه شبهة أو منه خطر. ملاك وهي تتنفس الصعداء : أشوى ريحت بالي . أغلقت المكالمة وخرجت لمتابعة أعمالها لتجد رداد قد أدخل سيارته الى الحوش ويصلح بها. ملاك بتذمر : ما تقدر تصلحها بالخارج هني ما هي منظر. نظر لها رداد بانزعاج قائلاً :لا ما شاء الله انت اللي منظر بهالنظارة طالعة مثل الضفدع. ملاك بغضب وقد نسيت أن الكاميرا تعمل : أنا اللي مثل الضفدع يا الضب ؛ الحق مو عليك الا علي اللي عملتلك قيمة وبكلمك. رداد بسخرية : لا والله الحق علي الي ما خليتك تعفني بالسجون وانت متخبية ورا ام عزمي تتمسكني وتتحزوني. ملاك : وعلى شو أنسجن كل راس مالها غرامة والا دية وبدفعها. رداد بغضب وهو يلوح بمفتاح الربط: أقول طسي من هني أحسن ما افتح راسك الحين بهالمفتاح . ملاك قررت الانسحاب خوفاً من جنونه وعادت لمتابعة العمل لتفاجأها فاطمة بالقفز أمامها واحتضانها بسرور بالغ . ملاك بصدمة : وش فيك ذبحتيني . فاطمة بسعادة : فل مارك .. فل مارك أول مرة بحياتي علامة كاملة على كل السكشن ماني مصدق من الفرحة . وعادت ترقص من جديد .. ملاك بفرحه كبيرة "وهي لا زالت غافلة عن كاميرة النظارة" قامت ترقص معها : الف مبروك حياتي تستاهلين . فاطمة بفرح وهي تعدل بشالها : الله يبارك فيك يا وجه السعد ....أقول خلك كذا نظارتك تنفع مراية . وقامت تعدل شيلتها على المراية ؛ عندها فقط تذكرت ملاك الكاميرة وأرادت الابتعاد لكن فاطمة جذبتها أمامها وهي تقول : وش فيك ملاك خلني اشوف روحي عدل . ثم رفعت ذقنها وضمت شفتيها وتقول بضيق : أوووووف وش ذي الحبة تحت شفتي متى طلعت. نور بتسليك بعد ان خلعت النظارة : كله من النظارة تكبر كل شي لا تتطلعين فيها . فاطمة بابتسامة وهي تدور بعينيها : الا وينها عزيزة ؟ ملاك بحماس : عندها الحين مقابلة شغل أدعيلها . صوت عزيزة من الخلف رد عليها : ولا مقابلة ولا هم يحزنون ؛ راحت علي فرصة العمل. جلست بخيبة واقتربت منها فاطمة وملاك التي أطفأت الكاميرة بحذر للاستماع للتفاصيل. *********** على مائدة الغداء جلس العميد محمود مع أسرته والأطفال بسرور بالغ لتناول الطعام مع والدهم المشغول دائماً . محمود : حنين الكتب الي كنت أهديك اياهم فترة الخطوبة وينهم. حنين وهي تطعم سمر : والله ما أدري أكيد الشغالات بيحفظوهن بمكان؛ ليه تسأل؟ محمود : أبغاهم أضمهن لمكتبتي ؛ هذي كتب غالية وعزيزة علي. حنين بابتسامة : ما أذكر اني فتحت اي منهن ؛ كنت ماني مصدقة أخلص من كتب الجامعة تطلع لي كتب محمود ههههههه. سحر : بابا هذي الكتب اسمك مكتوب عليها ... صح. محمود : ايوة بابا ؛ كيف عرفتي. سحر : بابا أنا شفتهم بغرفة ملاك ويجوز للحين هناك. اسود وجه حنين وبان عليها الإرتباك والضيق ولم يفت منظرها هذا محمود. محمود باستفسار : مين هاي ملاك ؟ حنين وهي تعيد خصلة من شعرها وراء اذنها بارتباك : أكيد واحدة من الشغالات عند أبوي . سحر بتذاكي وحماس : بابا هاي اللي أنقذت سمر لما كانت بتغرق بالقناة ما تذكرتها ! محمود بصدمة وهو يحاول التذكر "معقول تكون ذيك البنت نفس ملاك ؛ لا مو معقول ذيك البنت كانت مشوهة وما تشبه ملاك " اكمل بذكاء : اي تذكرت البنت اللي كانت مشوهة وهجمت عليها ماما وضربتها . زاد ارتباك حنين ولو بيدها تهجم على سحر وتخرسها . سحر : اي بابا هي يا حرام كان أبوها يضربها عشان كذا تشوهت وجت تعيش عند جدي ابو عبدالله . محمود وهو لا يرفع نظره عن حنين المضطربة : ليه هي وين كانت تعيش . سحر : كانت تعيش عند جدي أبو قاسم . ازداد الغموض بالنسبة ل محمود الذي سأل حنين : وش قصتها هذي البنت . حنين وهي تمثل عدم الاكتراث : وش يدريني عن الخدم وقصصهم كأنهم يهموني بشي يعني . وأمالت فمها بضيق. سيف بحزن : والله اشتقت لملاك ولقصصها وألعابها ؛ كنا لو نقعد معها بالساعات ما نمل . سحر بتأييد : أي والله يا ريت ترجع والله لنفرح كلنا. محمود بغموض : حنين لا تنسين الكتب ترى أبغاها . اومأت حنين رأسها أيجاباً بينما غرق محمود في تفكير عميق بهذه الملاك التي هو مدينٌ لها الآن بإنقاذ طفلته من الموت "والله يا ملاك كل شي فيك زين من جمال وعلم وثقافة وأخلاق .. واحساسي اللي ما يخيب انك انظلمتي في هذه العائلة وما تركتيهم من قليل " ******** انضمت نور المحبطة الى شلة الفتيات لتغير من احساسها بالضيق ولكن زاد احباطها بمعرفة ما حصل مع عزيزة التي خسرت بغبائها فرصة عمل لا تعوض في إحدى كبريات الشركات العالمية ؛ وفي خضم الصمت المطبق انفجرت ملاك ضاحكة وألقت بنفسها على ظهرها من كثرة الضحك . الفتيات استغربن من ملاك وهي تحاول الحديث ولكن موجة الضحك تمنعها . وبصعوبة تمالكت نفسها وهي تضحك : تخيلت شكل عزيزة وهي نايمة عالكنب والمدير واقف على راسها ههههههه. ابتسمت الفتيات ما عدا عزيزة المحبطة. وأكملت ملاك : والا وهي تتأمر عليه تبغى اسبرسو ههههههههه. ضحكت فاطمة ونور رغم محاولتهما كتم الضحكة . وملاك تتابع : والا وهو رافع الكنب وهي تدور حذوتها تخيلوا بس ههههههه . هنا حتى عزيزة ضحكت وهي تتذكر موقف وشكل مدير الادارة وهي نازلة به أوامر وشتايم . دخلت الفتيات موجة من الضحك غيرت الجو والحال والأحوال ..في لحظة قررت جميع الفتيات دفن أحزانهن ولو للحظات قليلة فالعمر قصير والآلام لا تنتهي . وعلى غفلة من نور تناولت عزيزة هاتفها ونسخت منه شيئاً ثم أعادته مكانه. **** فهد يبتسم او يضحك لا يعرف فالمواقف كلها تضج بالحياة في حياة هذه الملاك. العميد محمود بابتسامة : ضحكنا معك . فهد وهو يضحك : لو تدري ملاك ان النظارة فيها تسجيل احتياط كان بتذبحني. العميد محمود بجدية: لولا أضطرارنا لمراقبة الجميع والا هي معها حق بالنسبة للخصوصية . فهد : والله حياتها كلها نهفات ومواقف بتضحك . العميد محمود : قصدك رداد . فهد بجدية : هذا بالذات لازم تتجنبه ملاك ما يتأمن غضبه وهي ما تسكت له. العميد محمود : تدري ان ملاك في يوم أنقذت بنتي سمر من الموت. فهد بصدمة : متى وكيف. العميد محمود : تذكر لما حدثتك عن غرقها في قنوات المي وعن الخادمة الي انقذتها. فهد : أي أذكر ؛ لتكون هي ملاك! العميد محمود : اي نعم هي ملاك وهذا العجيب ! فهد باستغراب : وكيف يقولون عنها خادمة وهي بنت الدكتور سعود ! العميد محمود : وهذا اللي يزيدنا حيرة ويوجع القلب. فهد بتعجب : يوجع القلب ! وش تقصد !! العميد محمود : ما أقصد شي ؛ انت الحين ليه تقول عن حياتها نهفات . فهد بابتسامة : ما أدري أقولك عن فاطمة اللي تظبط شالتها على نظارة المراقبة والا عزيزة اللي كان عندها مقابلة عمل عند ناصر ولد عمك وجننته وعجبت عليه . العميد محمود : عاد ناصر خلقه ضيق ما يتحمل! فهد : أي أدري ومتخيل حالته هههههههه. العميد محمود : ناصر والله ما هو سامع الكلام من سنين ننصحه يتزوج وهو ما يبغى . فهد : لا تضغط عليه للحين هو يلوم نفسه عالحادثة . العميد محمود : الحادثة قضاء وقدر والمرحومة عمرها انتهى ؛ لازم يفتح صفحة جديدة وينسى الماضي. فهد بابتسامة : والله لو يوظف عزيزة ذي الا ينسى الماضي والحاضر والمستقبل ههههههههههه . العميد محمود : ليه وش مساوية له. فهد وهو يضحك : الحين أخبرك بالقصة كاملة . ثم تغير وجهه فأصبح أكثر جدية :لكن بالأول أبلغك عن تحرياتنا عن نور وام نور. العميد محمود : من شكلك باين الأمر خطير . فهد : إلا خطير ؛ تفضل. تناول العميد الورقة وما أن قرأ التفاصيل المكتوبة حتى أصابه الذهول وتغيرت ملامحه للجمود ؛ وبهمس: "معقول " ******** ابو صالح المجبر جاء اليوم ليفك الجبص عن قدم رداد وبعد عناء شديد وترقب من ملاك وأم عزمي انهى المهمة بنجاح ولكنه لم يكن راضي عن وضع قدمه كما يجب فنصحه بقلة الحركة اسبوعين على الأقل والاكثار من تناول أطعمه معينة . رداد محبط وغاضب وهو يشعر أن قدمه لا زالت تؤلمه وزاد عليها الأوامر الجديدة . ام عزمي بتشجيع : اسبوعين يمضن بسرعة وتبقى بغرفتك وتحت رعايتنا ومساعدتنا. رداد بقهر وهو يناظر ملاك : والله يا خالة رزقي انقطع ورجلي يا خوفي ما تعود مثل أول وكله من هالحرباية ام اربعة واربعين . وأشار الى ملاك بغضب . ملاك فقط أخفضت رأسها بتأنيب ضمير ولو كان غير هذا الموقف ما سكتت ؛ لكن أوجع قلبها حاله وخاصة احتمالية عدم قدرته على السير كالسابق وهي تدعي " يا رب لا تجعلني سبب لأذية انسان أو قطع رزقه ؛ يا رب انك تشفي رداد وترده مثل أول انك القادر على كل شيء" رداد لاحظ تغير حالها من بعد كلماته فقال مخففاً للجو : ايش يا خالة أشوف بعض الناس نازل عليها العقل والفهم مرة واحدة ... كرمك ولطفك يا رب . قامت ملاك وهي تحبس دمعتها من النزول واتجهت لإكمال أعمالها المعتادة . ورداد يطالعها بدهشة.. ******** عزيزة ضربت الأرقام التي سرقتها من هاتف نور بثقة وبدأت بانتظار الرد وقلبها يخفق خوفاً واضطراباً ... حتى جاءها الرد من الطرف الآخر . اسلام : السلام عليكم عزيزة : وعليكم السلام .... سكتت قليلاً ثم قالت : أخ اسلام ؟ اسلام باستغراب : نعم أختي اتفضلي مين معي؟ عزيزة : أنا اسمي عزيزة وانا صديقة لنور ؛ أخذت تلفونك منها لأجل أكلمك. اسلام بعدم راحة : هي دازتك تكلميني أفهم من هالكلام ؟ عزيزة بدفاع : لا لا أبد هي ما تدري أني بكلمك ؛ أصلاً سرقت رقم تلفونك منها من غير ما تدري. اسلام : وش تبغين يا ست عزيزة عندي أشغال وماني فاضي للف والدوران. عزيزة باسلوبها المعتاد : الا بتفضى وتسمع لكلامي لأني أنا ما أعرف اللف والدوران وما كلمتك الا من محبتي لنور ولأني أبغى مصلحتها . اسلام بحنق : وش في عندك اخلصي علينا وقولي . عزيزة بتجاهل لأسلوبه : بصراحة نور كذبت عليك حتى تبعدك عنها وتأمن شر أمك وتهديداتها. اسلام بصدمة : أمي !! عزيزة : أي أمك بكل الحقد جت لنور على بيتهم وهددتها اذا ما بعدت عنك الا تشوه سمعتها وتخلي سيرتها على كل لسان وهاذ اللي خلى خالتي ام نور تطيح وتدخل المشفى . اسلام وهو مستبعد أن تقوم أمه بمثل هذا العمل : تقولين كذا حتى تغطين على قصة الحبيب اللي رجع واللي واضح كمان انه كسر بقلب صاحبتك وتركها. عزيزة بانفعال : أي حبيب الله يهداك ؛ نور ما تحب غيرك وهذي قصة ألفتها حتى تبعدك عنها ... اسلام بمقاطعة : وابن خالتها !! عزيزة بحنق : خالة نور الوحيدة ما عندها غير البنات وتقدر تسأل وتتأكد ولو كنت تحبها بصدق كان بحثت وتحريت قبل ما تتخلى عنها بكل سهولة ... والحين بخاطرك اتعبت روحي وأنا أقول وابرر أصلاً اللي يحب بصدق يدور ألف مبرر للي يحبه مو يتخلى بأول مطب يواجهه . وأغلقت السماعة وهي مرتاحة أخيراً برفع هذا الحمل عن أكتافها . اسلام لا زال مصدوم وغير مصدق بالمرة وبدأ بمراجعة الأحداث في ذهنه وعقله الباطني يلومه على غبائه وتخليه عن نور بكل سهولة . ******* مشغل سهاد من أكثر الأماكن بغضاً لقلبها وخاصة اضطرارها لمقابلة ومجاملة مروجات المخدر لساعات في اليوم . واضح أن أعمالهن منظمة ومخطط لها جيداً هؤلاء البنات مجرد أدوات لشبكة أكبر تؤمن لهن المخدرات والحماية . احداهن تضع سماعات مخصوصة على الأذن وتتمتم أحياناً بكلمات تدل على أنها تتواصل مع أناس من خلال كلمات : تم .... عُلِم .... حاضر ويبدو أن تزويد الزبائن ببضاعة فهمت أنها "كوكايين" ليس عشوائي أو للعموم وانما لزبائن موثوق بحالتهم الادمانية وعدم اتصالهم بالجهات الأمنية . امرأة غادرت قبل وقت قصير حرصت ملاك على التقاطصورها ومعاملة التسليم ؛ التقطت ملاك معلومة أن زوجها هو المدمن وهي من تشتري له المخدر بسبب تهديده لها بذبح أولادها يا للفاجعة ويا لهول الموقف . كل السخط في قلبها عليهن ولو كان الأمر بيدها لهجمت عليهن وخنقتهن بيديها ؛ لكن هي مجرد وسيلة للمساعدة في تجريم هؤلاء ووقفهن عن اجرامهن بحق المجتمع. *** خالد يسامر اسلام والأخير لا يستمع لأي من كلامه لأن قلبه مشغول بنور وبما حصل بينهما وبصيص الأمل في عودتهما معاً ... خالد : لهالدرجة جلستي ثقيلة على قلبك . اسلام : ليه تقول كذا الله يسامحك! خالد : لأجل انك كل شوي تتنهد وتسرح بعيد . اسلام : لو أقول لك اللي بقلبي كان ما لمتني وبعد قلت الله يعينك. خالد باهتمام : خير يا خوي أقلقتني . اسلام أخبر خالد بقصته مع نور وبما فعلته أمه وموقف نور وكذبتها... خالد : وانت تأكدت من القصة. اسلام بحسرة : أي والله تأكدت هي فعلاً ما لها أولاد خالة وكمان سألت اسراء بطريق غير مباشر عن زيارة أمي لها وتهديدها وكمان طلع صحيح وصفيت أنا بالنهاية اللي غافل وماني بداري عن شي ! خالد بحسرة : لا تتردد اذا تحبها اطلبها من امها وتزوجها ولا تخلي أحد يحول بينكم . اسلام : ما رح أسمح لأحد يفرق بيننا باذن الله ؛ لكن ما أدري ليه أحس الحسرة بكلامك !! انت بعدك متعلق بملاك؟؟ خالد نظر بغضب الى اسلام وقال بحنق : وانت مين قالك إني أصلاً أهتم او أحب قليلة الترباية هذي. اسلام بابتسامة : الا تحبها وتعشقها من كل قلبك وانا هذا الشي ما يخفاني واستغرب انك تخليت عنها بسهولة. خالد باحباط : ما خلاني أتركها الا سلوكها وتصرفاتها والا رغم عن العالم كله بتمم زواجنا وما أسمح تبتعد عني ؛ في أصعب من انها تتقرب من أخوي وتبعثله رسايل والله ذبحني غدرها وخيانتها والأصعب ان قلبي لا زال يخفق لطاريها ولخيالها كل ما لاح قدام ناظري. اسلام : وزوجتك رنا ما انت مرتاح معها وربنا رزقك منها بأحلى سعد بالدنيا . خالد بصدق : أكذب عليك ان قلتلك أحبها أنا مجرد متعايش معها وأمضي أيامي وحياتي معها بدون مشاعر نحوها حتى هي أحسها انسانة مادية يهمها المجوهرات والفلوس والسفر وانا بالنسبة لها بنك متنقل يأمن طلباتها . اسلام : حاول تحسن من علاقتك معها ووصل لها فكرة ان المال ما يدوم ؛ في النهاية هي أم اولادك وصارت جزء لا يتجزأ من حياتك . ****** ام عامر تستقبل روعة القادمة من زيارة أهلها الطويلة بالاحتضان والشوق الصادق . في المقابل روعة تسلم عليها ببرود . عامر لاحظ ذلك ولم يعجبه وواسى نفسه ان ذلك ربما بسبب الحمل وضيقه. رغد ترمقها بعدم رضا لأنه جلست دون أن تسلم عليها ؛ لذلك قالت بحنق : واللي غايب شهور ليه ما يسلم مثل العالم والناس . روعة بدلع زائف : انت تعالي وسلمي ما تشوفين حالتي وتعبي . رغد بدون مجاملة : طول عمرنا نشوف الحريم يحبلن ويولدن مثل دلالك ما مر علينا . روعة بسخط : شايف يا عامر أختك شلون تكلمني ولا هي مقدرة حالتي . عامر بضيق : ممكن يا دكتورة رغد تنقطينا بسكوتك . رغد بنغزة : والله يا أخوي هي شهد حامل مثلها وفوق كذا تشتغل عشر ساعات باليوم وما عندها خدم وحشم وما شاء الله عليها مثل الغزال. ام عامر : الله اكبر صلي على النبي يا بنت لا تصيبين أختك بالعين. رغد : عليه الصلاة والسلام ؛ أنا بس بغيت أخلي البعض ما يشوف حاله بالحمل على خلق الله ويحرك حاله ويتنشط. روعة بتحدي : عامر أبغى أقوم أرتاح بفراشي ؛ والله تعبت من الجلسة . قامت وهي تشير للخادمة التي أحضرتها من بيت أهلها لكي تتبعها الى جناحها. عامر تنهد بضيق وهو في أعماقه يدرك صحة كلام أخته. *** ملاك تراقب بقلق عمل الخبيثات في مشغل التجميل وليس بيدها حيلة سوى رصد كل تحركاتهن ولو ان لك يخيفها أحياناً مع نظراتهن الغير مطمئنة . احداهن مرة أحضرت لها كأس شاي وأصرت عليها لتشربه وطبعاً ملاك تظاهرت بقبوله وشربه ثم سكبته في احدى الشجيرات على غفلة منهن . يغادرن المشغل بطريقة منظمة وخاطفة وبالتوالي ولكن يعدن بعد وقت قصير وهي بحذر ترسل اشارة لفهد بالأمر ومن المؤكد فهد يرسل من يتابعهن بعد الخروج وذلك بعد ارسال الصور التوضيحية من ملاك . رغم كل التعب والمجهود والحذر الا أن ذلك لا يضاهي صدمة الليلة ؛ لم تصدق عينيها عندما رأتها تدخل المشغل .... سارعت بالاختباء عنها ..... لكن واضح أنها لا تهتم للنظر حولها ويبدو عليها الإرتباك . حدس ملاك أنبأها أنها من نفس صنف المتعاطيات ولكنها قاومت هذا الحدس وهي تتمنى أن تكون قادمة فقط لمجرد التزيين ولكن أين !! في هذا المشغل الأقل من مستواها بكثير . سارعت ملاك باخفاء كل وسائل التصوير قدر الامكان حتى لا يراها فهد او أي من العاملين في قسم المكافحة ؛ وأصيبت بالصدمة وهي تراها تتناول الكيس الصغير من احدى العاملات الخبيثات وتخرج بسرعة . صدمة شلت جسدها عن الحركة وأقعدتها مكانها في اضطراب وذهول .... "مستحيل ... ما أصدق عيني " "كل شي تخيلته بالحياة الا هذا ." وأغمضت عينيها بتعب وفكرها مشلول لا تدري ما تفعل أو تقول . . . . انتهى الفصل نلقاكم الأربعاء القادم باذن الله في فصل جديد استودعكم الله ومتابعة ممتعة للجميع | ||||
|
| |
|
| الكلمات الدلالية (Tags) |
| جوهرة بني صخر،رحلة عذابي انا |
| أدوات الموضوع | |
| انواع عرض الموضوع | |
|
|
272Likes
العرض العادي
