آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-06-22, 05:14 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 19 في بيت ابو طارق .. 💛 بعد السلام و الاستقبال .. و الكل جالس بالصاله .. رفيف : يا قو عينها و جالسه قدامك هيّن يا سمية ليلى : لا تهتمين فيها .. ام موسى : تبارك الرحمن يا ام طارق .. منهي الي مع زوجة ولدك ام طارق بدون نفس : صديقتها ام موسى : ماشاء الله يا حلات المبسم و الطلة الزينة ام رائد : ماشاء الله مرت طارق محلوه مره سلوى : ايه ماشاء الله .. ام رائد : الله يهنيهم .. سمية : قومي قومي نرقص .. وندخل بعين بعض الناس .. عبير : طيب .. و قامت سمية وهي تترزز بطولها و فستانها بين الحضور .. رفيف انقهرررت .. : حلايا هالوجهه عاد .. ليلى : رفيف ما عليك منهااا تجاهليها .. رفيف : انا اتجاهلها !! وبسخرية : هيّن .. و قامت .. اخذت عصير .. واتجهت للبنات وهي تبتسم بخبث .. بعد مرور وقت .. سمية كانت راجعه لمكانها و رفيف مشت بـ اتجاها .. سمية كانت تسولف مع عبير بغرور .. وما حست الا بالعصير انكب على فستانها .. رفيف صرخت : اووه سوري ! سمية اتسعت عيونها بصددمة ! وهي تشوف لون على فستانها كان ودها تبكي من القهر : ما تشوفين !! رفيف : كنت مشغولة بالجوال اسفه يا عمري و بضحكة : يلا مو مقسوم له هالطلة اليوم .. سمية ضربت رجولها بقهر وحرقّه !! ودها تمسك رفيف وتجلدهاااا !!! ليلى انتبهت للموقف .. لما شافت رده فعل سمية و قهرها ابتسمت و بنفسها يمه يا رفيف .. يطلع منك .. شوي جت رفيف وجلست و تمثل الابتسامه : قومي نرقص .. و بهمس : ما شفتي شي .. ليلى : لاااه .. رفيف بـ ابتسامة : ليلوه قومي بسرعه .. عمتك و عمات زوجك هنا .. و بحده مع ابتسامة : يلا لا تخليني ارفع صوتي اكثر .. ليلى قامت وهي خجلانـه .. و بدا الهمسات : مين ذولا .. هذي معقوله زوجة طارق و اختها ؟ الا هي اذكرها بالاستقبال .. ليلى كانت تتجاهل وتمشي بثقه .. و رقصت مع رفيف على اغنيه ****** .. كانت كل وحده تقول الزود عندي .. بالرقص و الاطلالة و الابتسامة .. و الكل مبهور و يناظر .. ام موسى : تبارك الرحمن تبارك الرحمن .. الله يحفظهم .. ام طارق حست بفخر رغم التوتر اللي بينها هي وليلى .. لكن قدام الناس هي كنتي .. و زوجة ولدي .. عند البنات .. سمية جلست على اقرب كرسي وهي تحس بقهر !!! شسوووي شسوووي !!! عبير : غسلي سمية : اغسل ايش بالضبط !! شوفي شكثره !! عبير بصدمة : تعالي تعالي شوفي قامت سمية لانهم كانوا بصالة الطعام وقريبه من الصالة الخارجية .. سمية اتسعت عيونها بقهر .. !! : ترقص ولا همها و زادت صدمتها لما ام طارق رقصت مع ليلى .. ليلى حستّ بفرح لان خالتها قدرتها و رقصت معها قدام الكل .. رفيف انسحبت بهدوء و جلست بجنب ام موسى .. ام موسى كانت تناظر لها عن قرب .. اما رفيف ما كانت منتبه لها لأنها تناظر لـ ليلى و ام زوجها .. وكيف الأنظار عليهم .. سمية ضربت رجولها بقهر : شوفي امك ! عبير بصدمة : امي ترقص معها !شسالفه شصاير !! بعد مرور دقايق .. ليلى باست راس عمتها بعد ما خلصو .. ا م طارق بفخر : ماشاء الله عليك .. عند البنات .. عبير : بـ اروح لهم اشوف امي شتقول .. سمية : لااا وانا !!! شسوي عبير : والله ما ادري ، غيري الفستان طيب ! عندي فساتين تعجبك سمية بقهر : و فستاني اللي طلبته عشان الملكة ولا كشخت فيه حتى .. !! عبير : تعرفين غرفتي عاد و اتجهت لهم .. ومرت من قدام رفيف متجهه لا امها .. رفيف حطت رجلها على فستانها من ورا وهي تمثل عدم الانتباه .. عبير كانت بتطيح لولا يدين ام موسى .. عبير صرخت بخوف .. واللتفت ورا وشافت رفيف وراها بس مسويه نفسها مشغولة بشنتطتها .. ام طارق : بسم الله عليك يمه .. ام موسى : انتبهي ياقلبي عبير بـ احراج لان الكل انتبه : ما صار شي .. ليلى كانت تسولف مع صديقه روابي لكن انتبهت للموقف .. ابتسمت بنصر للمرة الثانية .. عبير تحس الكل لسى يناظر لها على ان الكل انشغل بالسواليف لكن ما زالت منحرجه منهم .. و حقدت على رفيف للمرة الثانية !! ام طارق : يمه ليلى ليلى : هلاا ام طارق : طارق يبيك عند الباب ليلى بـ استغراب : طيب واتجهت للباب .. وبنفسها : شيبي بعد ! طلعت له مع الباب الخلفي : هلا طارق وبحده : وين جوالك ؟ ليلى عقدت حواجبها : بالشنطة .. ليش طارق قرب منها : ليش ! شوفي كم مكالمه اتصلت عليك !! ليلى رجعت ورا : معليش مـ انتبهت له .. طارق : ايه اكيد شلون تنتبهين و رفيف عندك .. ليلى : ورفيف شدخلها !! طارق بحده : اقول بس مو وقت نقاش هالحين ليلى بهمس : قل لنفسك طارق : اييش؟؟ ليلى : ولا شي .. شـ تبي ؟ طارق : خلاص قلت لعمتي تبلغ روابي ننتظرها بالمجلس .. ليلى : طيب ليش طلبتني انا !! طارق : عشان اقول لك انتبهي لجوالك مره ثانيه .. ليلى ابتسمت بسخرية : طيب .. و طارق بالواقع .. طلبها يبي يشوفها بس .. حاول ينفض شكلها من باله بس ما قدر .. وتخلق عذر سخيف جداً عشان يشوفها مره ثانيه .. لان فعلاً قلبه انفتن بـجمالها و اناقتها وكأنه يشوفها لأول مره وخايف يفقدهااا من حياته للابد ! .. 🔐 في بيت أبو طارق ❤️ دخلت وصادفت رفيف .. ليلى بضحكة : شسويتي فيهم رفيف : ما سويت شي هذا اللي قدرت عليه الليلة لكن هيّن الأيام بيننا ليلى ضحكت بخفه : انا انهرت عند شكل عبير .. رفيف : لو ما ادري مين اللي مسكتها كان وجههّا بالأرض و صدق ضحكتي ليلى : اجل اشوا انها قدامها احد ولا صارت سالفه .. رفيف : المهم تعالي بس نتقهوى بالمجلس .. تمتّ الملكة على كتاب الله و سنة رسوله ( صلى الله عليه و سلم ) 💛 طارق ضم روابي : مبروك يا روح و قلب طارق .. روابي بخجل : يبارك فيك .. ابو طارق باس راسها : مبروك يا بنيتي روابي : يبارك فيك و يطول بعمرك .. بعد مرور دقائق .. دخل خالد بالبشت مع ابوه .. وباس جبينها : مبروك .. روابي حست الاوكسجين الي بالغرفة كله انتهى .. من قربه .. من صوته الفخم .. من وجود ابوها و اخوانها من حركاتها السخيفة امس بالليل .. لبسها الدبلـة بصعوبة لان يدها ترجف .. مسك يدها بيده اليسار و لبسها باليمين وبضحكة : ما خليتي قدامي الا كذا .. ابتسمت بخجل .. ولبسته الدبلة وهي مره خجلانة .. انسحبوا أهلها و اهل خالد .. و ما كان فيه الا هي و خالد .. روابي جلست وهي تحس بخجل .. خالد : اعتذر على الي صار امس .. يمكن انفعلت بزياده لكن قاطعته بخجل : لا تعتذر انا الغلطانة .. ما كان المفروض اكلمك وانا معصبه من اللا شي .. خالد بضحكة : بس عاد الصدق ما توقعت اني غالي لهدرجة .. و الناس بتتهاوش عشاني .. روابي رفعت راسها بصدمة لما شافته يضحك ضحكت لا شعورياً .. خالد بنفسه شذا ياربي .. ! طفله وربي طفله ! يارب ما يكون تفكيرها و تصرفاتها طفوليه واتعب معها جلسوا شوي وسط جو هادي ومتوتر .. و استأذن خالد و طلع برا .. لان حس انها مره خجلانة .. روابي ما صدقت من طلع اتجهت لغرفتها بعد مرور ربع ساعه .. نزلت روابي تحت والكل بارك لها بحب .. سمية لبست فستان اقل من فستانها بكثير .. وكان متوترة و مقهورة .. و طول الوقت تناظر لـ ليلى و رفيف بحقد .. ! عند الرجال .. عمر كان مبسوط مره لأخوه .. الى لحظة دخول بندر .. بنفسه : هذا شيبي هنااا .. ! شافه يسلم على أبو طارق و أبو خالد .. وكانه مغصوب ! عمر جلس بجنب صديقه : أقول فهد فهد اللتفت له : هلا عمر : تعرف الي واقف مع خوالي ؟ فهد ناظر : من ! بندر الـ ******* .. عمر : ايه فهد : ايه نعرفه تراه مريض الله يشفيه .. عمر : مريـ ... قاطعه صوت اخوه خالد .. عمر : طيب يلا التفت لفهد : بـ أجيك شوي و اتجه لا اخوه .. خالد طلب منه كذا شغله !! عمر بقهر : وما في الا عمر ! خالد : لا آسف اخو المعرس الوحيد عند جراح .. وهو واقف برا مع العيال .. شاف سواق رفيف واقف مع سواق بيت عمه عند الباب .. جراح : الا هو !!! وحاول يتذكر بصعوبه : الا الا هوو وبنفسه : غريبه يعني هي هنا ؟ بلا غباء اكيد هنا بس ايش علاقتها بـ بيت خالي؟ اكيد تعرف البنات يوه وانت وشدخلك ! وكمل سواليفه مع العيال .. عند البنات .. ليلى و رفيف استأذنوا بدري واتجهوا لبيت ليلى .. روابي صعدت فوق لأنها تعبت مره .. اغلب الحضور مشو بعد ما باركو و هنو 💕 بالصالة .. ام موسى : الله يتمم لهم على خير ويسعدهم ام رائد : امين يارب .. سمية نزلت وهي لابسه عباتها وببرود : يلا بنات السواق عند الباب .. مع السلامة يا جماعة .. ام طارق : مع السلامة .. ام موسى : اتصلي على زوجك يا شادن شادن : اتصلت يا خاله ، يقول لي شوي ام موسى : ايه زين .. في بيت طارق .. رفيف بالحديقة جلست هي تضحك بصوت عالي .. ليلى : يا مجنونة ! رفيف : يماه واخيراً كذا احس ارتحت شوي .. ليلى جلست بجنبها : تبين الصدق ؟ حتى انا استانست بس مستحيل اتجرا اسوي فيهم كذا ! رفيف : لأنك غبيه ! تسببوا بمشكلة مع زوجك و انضربتي وعادي لما اعتذرت سامحتيها على طول ! ليلى : رفيف انا ما اقدر أكون مثلك كذا ما يهمها شي ما تعودت رفيف : لا تصيرين مثلي انا اتصرف عنك ههههه دخلت سيارة طارق .. رفيف : هه شرف زين الحلايا ليلى بضحكة : ههههه رفيف رفيف : قومي بس خليه يشوف هالكشخة وهالزين ليلى : شافته قبل لا اروح و بعدم اهتمام : ومو لازم اساساً يشوف .. طارق نزل من سيارته وهو يمشي بخطوات واثقه .. رفيف : تبين الصدق ؟ ليلى : بايش ؟ رفيف : والله ان زوجك وسيم ! ليلى بضحكة :ما أصدق رفيف تقول كذا رفيف : شوفي صح يقهرني .. يستفزني .. بس ما انكر انه حلو .. وبصوت عالي : أبو محمد التفت لمصدر الصوت وهو مستغرب .. رفيف : شلونك ؟ طارق : بخير يا جعلك بخير .. رفيف : مبروك وعسى افراحكم دايمه طارق : الله يسلمك و عقبال لك .. و كمل طريقه .. ليلى : شتبين فييييه !! رفيف : بس عشان يدري انك رجعتي اص بس .. طارق لا شعورياً ضحك .. هذي البنت انا متأكد مو صاحية .. وناظر للوقت : زين يعني راجعه بدري .. اوه شعليك منها صعد لغرفته و بدل ملابسه ونام .. في الليل .. 💛 رفيف استأذنت من ليلى و طلعت لـ سواقها عند الباب .. رفيف من ركبت فتحت جوالها .. ولا انتبهت ان فيه سيارة وراهم .. عند جراح .. كان ببيت عمه و كان يبي يطلع لان الوقت تاخر .. و انصدم ان سواق رفيف تو يشغل سيارته .. ومشى وراه .. واتجه لبيت طارق وشافها وهي تطلع قرر انه يمشي وراهم .. وهو بنفسه مترفز الوقت متأخر وهي بنت لحالها .. سلامات .. ! مشى وراهم لين وصلو حيهمّ .. و تطمن لما شافها تدخل بيتها .. تنهد بمراره .. انا جراح اخر شي يصير فيني كذا ؟ مشى بسرعه جنونيـة و طلع من الحي وهو يواعد نفسه ان هذا الشي مؤقت و بيتلاشى .. صباح جديد .. ببيت أبو طارق .. نزلت روابي بدري لا نها نامت بالليل بعمق .. ام طارق : يسعد صباحك يا عروس .. روابي : صباحك اسعد يا رب .. ام طارق : عساك نمتي زين روابي : الحمدلله .. ام طارق : اجل زين اني ما افطرت تعالي افطري معي روابي : ابشري يا الغالية .. في بيت طارق .. كان يفطر وهو مروق نوعاً ماً لأنه نام بعد ارهاق .. ليلى : صباح الخير طارق : صباح النور .. ليلى : باكلمك بموضوع اذا فاضي طارق بـ اهتمام : تفضلي .. اسمعك ليلى : انت وعدتني ان من اطيّب و اصير احسن بتطلقني .. طارق : ايه ليلى : وانا هالحين افضل بكثير .. الحمدلله و اعتقد ان خلاص ما ينجبر قلب على قلب .. من اول ليله وحنّا ما تفاهمنا على اي شي .. ليش نضيع اعمارنا و ووقتنا و.... قاطعها وقلبه يألمه : يعني تبين الطلاق هالحين ! ليلى : ايه ابي اطلع من هالبيت و ورقتي معي عشان ابوي ما يتدخل او يسوي لنا سالفه .. خلاص نحطه تحت الامر الواقع .. طارق حس الدنيا تضيق عليها هو يعرف ان هالحوار بيسمعه بس ما كان مستعد له اليوم !! طارق : ما يصير خاطرك الا طيّب وانا عند وعدي .. ليلى من جانب فرحت ان هالكابوس يبي ينتهي .. ومن جانب ثاني لهدرجة يبي يرتاح مني ؟ يوه ليلى ايش هالتناقض ! انتي الي طلبتي الطلاق وانتي الي تكرهينه صح ما ابيه .. بس توقعت انه بيعارض لو شوي .. !!! طارق كان وده يقول لها لاااااا أحبك لاااااااا أبيك لااااااا مستحيل أتركك ! بس عجزت كل الحروف تطلع .. انت وعدتها ! انت قلت لها خلاص .. لا تجبرها اكثر فيك .. و حبك من طرف مستحيل يخلي حياتكم تستمر اكثر .. اخذ جواله وطلع بسرعه وهو يحس الاوكسجين خلص .. ! لازم تتطلقها الليلة يا طارق !!!! لازم تنهي هالسالفة وتعيش حياتك .. نتوقف هنا.... | ||||
|  |
|
08-06-22, 09:03 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 20 في بيت ام رائد .. ام رائد نزلت وهي مبتسمه :طلعت التحاليل و الحمدلله كل شي تمام .. و ام بندر تقول بعد ثلاث ايام ان شاء الله يملك عليها بس تبيها خاصه بس حنّا وهم .. سلوى بخجل : اييي عادي .. حتى انا كنت مفكره ابي شي خاص وبسيط .. ام رائد : انتي عليك تجهزين نفسك بس .. انا الباقي كله علي انا .. انا اجهز كل شي سلوى : ياعمري ما تقصرين والله !! ام رائد : كم عندي بنت انا !!! في بيت ابو موسى .. فاتن : اوف رجولي لسى تألمني من الشوز ام موسى : ايه لما اقول لك البسي شي فلات اريح لك فاتن : فلات ! من طولي عادي انا جراح بضحكة : هههه ياعمري عليك ام موسى : ما بعد طول صديقه زوجة طارق احد ، ماشاء الله .. فاتن : يمه مو طويله مره بس لابسه شوز عالي ام موسى : لا طولها يجنن و مشيتها رزهّ .. و بمراره : ماشاء الله بس جراح انصدم يقصدون رفيف !! .. فاتن : يمه متزوجة صح ام موسى : يقولون لااا .. جراح : اول مره اشوف امي احد عاجبها ام موسى : هههه الحلو اقول عنه حلو وهي ماشاء الله كامله و الكامل الله فاتن : اييييي كل امس وامي تناظر لها ولرقصها هههه ام موسى : المهم خلونا منها ، اخوك و زوجته ما لهم نيه يجون هنا ؟ جراح : ما ادري والله وانشغل باله بكلام امه .. ! امي عاجبتها رفيف .. ابتسم لا شعورياً يعني فيه امل بتوافق ! اكيد بتوافق اساساً .. طالماً ان البنت عاجبتها .. تغير تفكيره و انبسط مره على انه قبل اقل من ٢٤ ساعه كان فاقد الامل تماماً .. ومقرر مع نفسه ينساها !! لكن كلام امه غيرت تفكيره .. يارب !! في شاليه ****** كانوا الشباب الي يلعب بلوت .. واللي يتقهوى .. دخل عمر : السلام عليكم ردو بـ اصوات متفرقه : وعليكم السلام .. عمر كانت عيونه تبحث عن فهد .. لان فيه حوار لازم يكمله ! بيوم الملك طول ولما رجع ما حصل فهد .. شاف اخوه فارس .. عمر : وين فهد ؟ فارس : شوي يجي .. عمر : طيب وجلس برا بالمسطحات الخضرا .. وهو ينتظر قدوم فهد .. ومية فكرة براسه .. بندر مريض ؟ مريض بايش ! خالتي تعرف ! سلوى تعرف ! شسالفه ؟؟؟ 🔐 في الشاليـة .. بعد مرور نص ساعة تقريباً .. دخل فهد : السلام عليكم يا جماعه .. وبصوت أعلى : السلام سنة و رده واجب .. عمر : ياهلا وعليكم السلام .. فهد : اوه عمر الـ **** مشرفنا .. التفتوا بعض الشباب لـعمر .. عمر بـ احراج : انا الي اتشرف فيكم .. الشباب بهمس : فهد شعرفه بعيال ***** ؟ صديقه بهمس : يعرفه علاقات اهل .. فهد : حياك الله ، تقهوى عمر : الله يحييّك .. لا والله اعذرني لي ساعه هنا و عندي شغل بس ابي منك خدمة بعد اذنك .. فهد راح له : آمر .. عمر : تعال برا .. وجلسوا على الأرض .. عمر : فيه حوار ما كملناها بيوم الملكة وانا جاي اكمله فهد عقد حواجبه : اي حوار ؟؟!! عمر : بندر الـ ****** قلت لي مريض ايش فيه ؟ فهد بهمس : ما تدري ! عمر : لا ، و قريب بيصير نسيبنا وانا استغربت لان ما احد قال شي ! فهد بتوتر : ما ادري يصير اقول ولا لا عمر : اكيد بتقول ! بترضى على اختك مثلاً ينلعب عليها وتتزوج مريض وهي ما تدري ؟ صح ان المرض من الله ، و كل شي بيده سبحانه لكن من حقها تدري . . ! فهد تنهد : اسمع يا طويل العمر ، بس هه ترا ما سمعت السالفة مني ! ولا شي ! عمر : ابشر ! فهد : قبل ٥ سنوات صار عليه حادث و جلس فتره طويله بالمستشفى .. و بعدها طلع و سكن شقه لحاله ما يبي حتى اهله ! و مرت سنين على هالوضع ما يبي احد . . و قبل سنتين صار يخالط الناس .. بس يا يضرب هذا يا يصارخ على هذا .. و نفسيته تعبانه حيل .. و اذكر مره يقولون اهله بيودونه لمستشفى ضرب اخوانه .. عمر : لاحول ولا قوه الا بالله !! فهد : احياناً يجي هنا ساعه و يسوي مشكلة و يمشي .. و اخلاقه ما هيّ مره زينه و واسعه .. وبـ استغراب : امه شلون تزوجه وهي تدري بحالته النفسيه تعبانه كذا ومو متقبل لا علاج ولا شي ! عمر بقهر : ناس ما تخاف الله ! مريض الله يعافيه . . عالجوا الولد و بعدين زوجوه ازين البنات .. بس حالته لهدرجة ! و بصدمة : ابوي سأل بس ما احد قال له كذا ! فهد : اسكت بس ، من بيقول وهم حاطينه قدام الكل الموظف المنتظم الي من شغله لبيته .. ولا يحتك بالجيران ولاشي .. عمر : ما قصرت يا فهد ! أنا أشهد انك اخو دنيا فهد : طالبّك يا عمر لا تصير مشكلة بينكم ! الرجال مريض ما هو بوعيّه انتو كبروا عقولكم و تصرفوا زين .. عمر : تطمن ما عليك بإذن الله الامر بالمعروف نحله .. والله يشفيه و يعافيه .. فهد : امين يا رب .. عمر : عن اذنك يا ابو محمد عندي شغل .. وبضحكة : وانت ما قصرت لي ساعه انتظر فهد : لو انك متصل علي بس جايك على طول .. في بيت طارق .. دخل بالليل .. وشاف شناطها و اغراضها بالصالة حسّ بألم بداخلـه .. حس هالبيت الكبير بيظلم وراها .. شافها نازله وهي شايله اخر شنطة .. وعلى ملامحه ابتسامة .. انتبهت لوجوده :بسم الله .. طارق لاشعورياً : على قلبّك ليلى نزلت الشنطة وجلست تعدل حجابها .. طارق ما يبي يتعب قلبه اكثر : المحامي موجود .. ينتظرنا بالحديقة طلعت معه و تم الطلاق بكل هدوء .. ليلى مشاعرها متضاربـة جداً ما بين فرح و حزن .. وبنفسها : يالتناقض اللي فيك .. ! انتي الي طلبتي منه ! ايه انا طلبت بس ما توقعته باعينيّ لهدرجة ! اما عند طارق .. يناظر لها للمره الاخيـرة ! 💔 حس ان ممكن رجولته و دموعه تخونه ويبكي لانه جالس يحس بـ احساس غريب جداً. . شي غاليّ غاليّ غاليّ جداً !! ضيعته بين يديني .. ضيعته برغبتـي و تصرفاتـي ! بجنونـي و تهوري .. صح من اول ليلّه رفضتني .. لكن انا ما قصرت فيها حتى سفر ! سافرت و خليتها لحالها ! لو تصرفت معها بليّن لو كسبت قلبها لو قلت تصرفاتها من قهرها على ابوها انا ما لي ذنب .. ليش احقد عليها ليش انوي الانتقام منها ليش يا طارق .. دخلت بيتك وهي حلالك و زوجتك ما عشتوا لحظة وحده حلوه .. ما تشاركتو سواليف مع فنجال قهوه .. ما سافرتوا مع بعض .. ما تعرف عنها اي شـي .. ايش تحب ايش تكره .. لكن بالرغم من كل هذا فـ انت عشقتها بكل ما فيّك .. و هالحين بهاللحظة هي مو على ذمتك .. مو لك .. و بتطلع من بيتك .. ! ليلى اخذت اغراضها بمساعده الشغالات و ودعتهم .. و كلهم حزنوا عليها لأنها كانت جداً لطيفه بالتعامل معهم . . ركبت السيارة .. وناظرت للمرة الأخيرة للبيت اللي عاشت فيه فتره قصيره لكن احداث كثيره ! ناظرت لـ طارق وهو جالس يناظر للسيارة بعمق .. ودعت هالمكان و اتجهت لـحي **** لبيتها .. لـامها .. لـغرفتها.. لحياتها البسيطة الي ودعتها بعدم راضاها .. في بيت أبو ليلى .. دخلت وكان البيت هدوء .. نزلت شناطها عند الدرج وصعدت بحماس لغرفتها .. فتحت الباب بشوووق .. واخيراً ! كل شي مثل ما كان ! وبالعكس كانت الغرفه نظيفه وريحة البخور فيها .. ابتسمت : اه يا يمه .. اتجهت للسرير وانسدحت وضحكت لاشعورياً .. ودعتي بيت طارق .. واهل طارق و غرور طارق وكل شي .. خلاص رجعت حياتك الطبيعيه .. الحمدلله يا رب .. نامت لا شعورياً من احساسها اللطيف برجعتها من حسن حظها ابوها نايم و امها ما حست فيها .. اما في بيت طارق .. اتجه لغرفتها فتح الباب .. وانصدم من وجود الشنط و الفساتين وكل شي !!! الى العقد الي لبساها بعد تعبها .. كل شي منه ! ما اخذتهم بـ اكياسهم موجودات !! حس بقهر لهدرجة ما تبي اي شي مني ! انسدح على السرير .. وهو يفكـر هل الحب انتهى الى هنا خلص ؟؟.. غمض عيونه وهو يشم ريحتها بالمخده .. جاء طيفها في باله وهي تضحك .. وهي تبكي .. بكل حالاتها كانت حلوه .. بس انت ما كنت تشوفها زين ! ثاني يوم .. في بيت ابو طارق .. كانو يتغدون .. ام طارق : يا ليت ليلى معك .. طارق : هالحين صرتي تبين ليلى يا يمـه .. ام طارق : ليلى زوجتك و ... قاطعها وهو ينزل الملعقه : كانت زوجتي .. انفصلنا روابي بصدمة : ااااييييششش !!! ابو طارق : شتقول انت !! متى وشلون ؟؟ ام طارق : بسم الله عليكم يوم ملكه اختك ما فيكم شي. !! طارق بحده : فضلاً لا احد يسال عن اي شي .. خلاص الله يسهل دربها .. و ناظر لـامه : وصار الي تبينه .. مو هي الي مفشلتك ! ولا تتشرفين فيها قدام الناس هه ارتاحي هالحين و وجهه كلامه لعبير : ويرتاحون بناتك .. و قام من الطاولة وهو غضبان من نفسه ومن الكل حوله .. في بيت ابو ليلى .. كانت واقفه وراها امها وهي تبكي .. ابو ليلى بغضب :حسبي الله عليك من بنت !!! شسويتي !!! كل هالسنين وانا اتعب و اخطط وتجين انتي تخربين كل شي ام ليلى : مو بالغضب البنت ما تبيه وهو ما يبيها ابو ليلى : مو على كيفها !!!! انا اللي مزوجهاا سودتّ وجهي قدام ابو طارق !! الله يسود وجهّها !!! ليلى ببكا :يبه والله حرام علليييك والله حرام ابو ليلى : اص ما ابي اسمع حتى صوتك !!! يا ****** انا اوريك ! في بيت ابو خالد .. بعد ما انتشر خبر انفصال طارق و ليلى .. سمية ما قدرت تخفي فرحتها ابداً كانت مبتسمه لا شعورياً .. أبو خالد : لاحول ولا قوه الا بالله ان ابغض الحلال عند الله الطلاق .. عمر : اكيد ان فيه سبب .. والله يعوضه ببنت الحلال الي تسعده .. ابو خالد : ويرزق بنت الناس الزوج الصالح عمر : امين يارب .. خالد وصله مسج من روابي و انصدم غريبه ! مرسله لي ؟؟ فتح المسج : " السلام عليكم 💙 خالد الله يسعدك بـ اطلب منك طلب .. طارق اعصابه تعبانه حيل و واضح عليه ولا يبي يتكلم معنا وراح لبيته .. اذا فاضي بليز مر عليه و طيّب خاطره هو يغليّك حيل ويسمع منك 💙.. خالد ابتسم لا شعورياً وبنفسه اوف يا الحنان الي فيها وضحك بخفه .. تفكر بـاخوها ولا هو هاين عليها ضيقته .. استأذن من اهله و اتجه لبيت طارق 🔐 في غرفه عبير .. سمية : مو مصدددقه عبير : ولااا انااااا !!! احس فيه شي بالموضوع سمية : ايش فيه ؟ خلاص طلقها و ارتاحنا منها !! وبفرح : احس بشعور انتصار هههه عبير : الي مستغربه منه طارق شفيه زعلان عليها سمية : مو شرط عليها يمكن منقهر منها ولا يبي طاريها حتى عبير : لالا واضح متضايق سمية : متضايق على غلطة عمره لما اخذها و توهق فيها وبسخرية : ودي اشوفها هالحين !!! عبير : الله يستر عليها خلاص حنا ارتحنا وهي ارتاحت .. سمية ابتسمت بخبث .. و فضي لك الجو يا سميّة ! في بيت أبو راشد .. راشد بفرح : من قال لك !!!! ام راشد : تو كلمت ام ليلى باعزمها وقالت لي راشد : يعني هالحين ليلى ببيت ابوها ؟ ام راشد : هيّه شفيك ! أقول لك طلقها زوجها وين بتروح يعني !!! راشد بدل ملابسه و طلع بعجلـه . . و صادف ان أبو ليلى كان داخل ومعه أكياس .. راشد : عنك عنك يا عمي .. واخذ الاكياس منه و اتجه معه للباب .. راشد بتردد : شفيه خاطرك متكدر ؟ أبو ليلى تنهد : ما فيني شي ما قصرت يا وليدي .. راشد نزل الأغراض عند الباب .. وهو مبسوط جداً .. هيّن ان ما كسبت رضاك يا أبو ليلى .. في بيت طارق .. مرت عشر دقايق و الهدوء يعم بينهم .. خالد : وبعدين ما تبي تقول لي ؟ طارق : ايش اقول لك ! خالد : اللي بقلبك ! طارق بمراره : ايش بيتغير ؟ بترجع لي ليلى ؟ خالد : تحبها ؟ طارق : ما ادري .. ما ادري خالد : يعني حتى بنفسك مو معترف بحبها طارق : ما ادري يا خالد ! كل الي ابيه انها ترجع لي .. براضاها انا ندمت على تصرفاتي ومستعد اعتذر لها قدام الرياض كلها !!! بس ترضى وترجع خالد بضحكة : لااه ولد العم حالته خطيره .. طارق : كانت قدامي بس مو كنت حاس بقيمتها لما فقدتها حسيت بندم على كل شي ! خالد : طيب ليش طلقتها وانت متعلق فيها ! طارق بحرقه : انا وعدتها .. وعدتها اذا طلبت الانفصال خلاص .. و بسخرية : كنت اظن اني بأقدر اكسب قلبها .. خالد : الى الان تقدر ترجعها طارق : بالأولى انجبرت بس هالحين والله ما اجبرها فيني لو كان اخر يوم بحياتي .. اذا هي عايفتني .. ولا تبيني .. وبمراره ما قدر يكمل: الله كريم .. خالد : خليته يروح دام اقدارنا عيّـت و انـا اكثر انسان بالدنيا تمنيته . . طارق رفع راسه لا شعورياً وابتسم بألم : ولله تمنيته .. نتوقف هنا... | ||||
|
| |
|
13-06-22, 11:19 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 21 في بيت ابو ليلى .. طق الباب بكل قوه .. : اطلعي يا ****** مازن دخل و سمع الاصوات عاليه جداً فوق !! صعد بسرعه وهو مصدوم ! ام ليلى : تكفى اترك البنت بحالها يكفي الي جاها منك ابو ليلى :وش جاها غير مصلحتها ؟؟؟ بس بنتك غبيه وطول عمرها غبيه !!! مازن : خير خير ! شفيكم ! ام ليلى : جيت و جابك الله يا وليدي ! ابو ليلى بحده : انت ما لك علاقه بشي ! مازن بغضب : شفيكم ! ام ليلى : ليلى طلقها زوجها و ابوها من امس وهو يهاوشها ! مازن وقف قدام الباب وبحده :شف يا عمي .. احترمك و احترم شيباتك و احترم فضلك علي .. بس عاد ليلى خط احمـر .. زوجتها على سنه الله ورسوله و سكتنا ! قلت مصلحتها قلت انا ابوها ما احد قال شي .. بس هالحين البنت تعبانه وانت تضغط عليها اكثر ! الزواج نصيب ! و الطلاق نصيب .. و القدر مكتوب..... ابو ليلى : بنتي ما احد له دخل فيها مازن بغضب :الا لييي ددددخل !!!! و قرب منه : وانا هالمره قدامك ياعمي .. اذا تبي حشمتك و احترامك اترك هالبنت بحالها هاليومين بعدين تفاهموا واذا تبيها بالقوة ترانا فاضييّن وهز راسه وهو يحاول يهدي من اعصابه .. ابو ليلى انصدم من كلام مازن ما توقع بيوم مازن الهادي يرفع صوته عليه ! في بيت ابو جراح .. جراح : طلقها !!!!! فاتن : ايه جراح حسّ بقهر .. ام موسى : هو الخسران عاد ! ولا حاصل له زوجة بها الجمال والسنع .. جراح بنفسه معقوله طلاق طارق وليلى ياثر على موضوع خطبتي من رفيف ! لالا بس انتظر الامور تهدا بعدين يصير خير .. في مكتب طارق .. كان يكلم ابو ليلى .. طارق : لا ياعم ! اللي بيني وبين ليلى انتهى وما في شي بالقوه ! ابو ليلى : ما عليك منها انا ارجعها لك الليله غصب عنها طارق بجزع وهو يتخيل كيف ممكن ينكسر كبريائها وانوثتها .. : انا بنتك ما ابيها !! انا طلقتها كيف ترضى تهينها كذا !كيف !!!! وهي ما ترضى عليك بكلمة و انت هنا جالس ترخص فيها .. ابو ليلى انصدم من اندفاع طارق !!!! وبتوتر : ما قصدي اهينها .. قلت يمكن اخطت وانا اخليها تعتذر لك و.... قاطعه بحده : انا المخطي .. وانا الغلطان وبنتك ما ابيها .. والله يرضى عليك لا تتصل علي ! واترك البنت تعيش حياتها بكيفها !!! وقفل الخط .. وغمض عيونه وهو يحس نار بصدره من القـهر .. ليلى الرقيقـه ما تستاهل منّا كل هذا .. انا اضربها و اهينها قدام الكل .. و ابوها يرخص فيها عشان مصالحة وفلوس .. بعـد مرور شهرين على الاحداث الاخيـرة 💛 في بيت ابو طارق .. ام طارق بهمس : يعني عاجبك وضعه ! ابو طارق : طبعاً لا بس شسوي ! ام طارق : قلت لك نزوجه الي تنسيه ليلى و اهل ليلى ويرجع طارق الاولي .. ابو طارق : المشكلة انك تعرفين ولدك ! ام طارق : اعرفه وابي مصلحته !!! ابو طارق : انا بهالموضوع هذا ما لي دخل كيفك انتي و ياه .. ام طارق بقهر : اجل تبين اشوف ولدي مهلك نفسه بالشغل ولا اتكلم حتى جلسه مثل اول ما يجلس معنا !!! ابو طارق : اذن اذن بـ اروح للمسجد ازين لي ام طارق تنهدت بقهر .. نواف : اقول استهدي بالله و خاوني ما نطول اسبوعين بالكثير طارق : لالا تنهد : ما لي نفس والله نواف : نغير جو طارق وقف : يا ابن الحلال والله ما لي نفس بالسفره كلها انت رح وتونس .. وانا اساساً عندي شغل .. واخذ علبة مويا من الطاولة : يا لا عاد انا استأذنكم واتجهه لبيته .. ام طارق : ما عليك منه كل يوم اطلبه لين يوافق يسافر معك .. يمكن ينسى و ينشغل معك ! نواف : ان شاء الله ان شاء الله .. في بيت أبو ليلى .. نزلت القهوه وجلست بالارض عند امها : هاه شلونك اليوم ؟ ام ليلى : الحمدلله ازين .. ليلى : الحمدلله .. ام ليلى : اليوم بتجيب لنا العشاء ام راشد لا تسوين شي ليلى : ياعمري والله ما تقصر هي و ولدها احرجونا ام ليلى بضحكة : ولدها يسوي كذا وكلنا نعرف ايش يبي .. بس هي من صفاه قلبها وحسن نيتها ليلى بضحكة :استغفرالله .. حتى عدتي ما خلصت .. أم ليلى : باذن الله الله بيعوضك بالي احسن منه .. في بيت ابو رائد .. رائد : وين سلوى ؟ ام رائد تنهدت بمراره : وينها .. بغرفتها رائد : هذا مو شغل ! خلاص صار الي صار ! ام رائد : لا تلومها يا وليدي .. ثاني يوم من ملكتها تعرف انها مخدوعـه .. وتتطلق ! وهي بعز فرحتها !! انكسرت و انحرجت قدام الكـل .. رائد : ما الومها يا يمه .. بس مو حل انها بس بغرفتها ! هذا ما راح يغير شي بالعكس اواجهه الحياه ولا هي اول او اخر بنت تتطلق ! لمتـى يعني ! ام رائد : والله تعبت وانا اسولف عليها ! رح لها انت و كلمها يمكن تسمع منك . . 🔐 في غـرفة سلوى .. كانت جالسه و ضامه رجولها لصدرها .. و تمـر احداث ذاك اليوم في بالها .. يـوم الملكة كانت مبسوطه و خجلانـه و متوتـره .. وكانت تشوف الفرحة بعيون اهلـها و عمامها .. ملكت .. و باركو لها و هنـّوها البنات و امـها و ام بنـدر .. بمجلس الرجال .. وقف السيارة وهو مستعجل .. نزل بسرعه واتجهه لمجلس الرجال و يعاتب نفسه .. ليش ما قلت لهم لليييشش !! ما ادري انهم مستعجلين لهدرجة ! ما ادري ان ملكتهم اليوم وبهالسرعـة !! دخل المجلس و بصوت جهوري :ملكتو ولا لا !! ابو خالد وقف بصدمة : ايه .. شفيك ! عمـر يناظر لـ بندر و اخوه بغضب :ملكو خلاااص ؟؟ هالحين هي على ذمتـك ! بندر بعصبيه : ايه !وانت شدخلك ! عمر تقدم منه وبغضب :jدري انت ما اشره عليك لانك مريض بس اشره على اهلك و ناظر لهم و بـحقد :لما يزوجون واحد مريض اهله مو قادرين له .. يخدعون بنت الناس بندر تقدم من عمر والشر يتطاير من عيونه !! : احفظ لسانك و احشم نفسك احسن لك عمر دفه بيده : اوه تهديد بعد !! خالد بغضب :عمر شسالفه ! عمر بسخرية : قولو لنسايبكم ايش فيه .. و اللتفت لـاخوان بندر : قولو لهم بندر بغضب : الحشمة لراعي البيت .. ولا انت ... عمر مسكه مع ياقته :والله بنتنا ما تاخذها لو على قص رقبتي .. والله وانا ولد خالها انك لتطلقها بالغصب ما هو بالطيب .. بندر وجهه احمر وحسّ الدم يغلي فيييه .. طلع من المجلس .. لان حس ممكن يسوي شي يندم عليه !! وقف عند الباب و رفع راسه وتنهد هدي يا بندر هدي .. روق ما عليك منه ولا من كلامه... انت ما فيك شي .. انت مو مريض .. رائد وقف قدام اخوه الكبير وبحده : تكلم خلصني ! شفيه اخوكم ؟؟ عمر : ما عندكم حتى الجراءه تقولون لهم ؟ انا اقول واللتفت لـ ابوه وعمه : الرجال مريض من خمس سنين .. مريض نفسي لدرجة ان مو قادر يعيش مع اهله .. ومرتين يسحبون اخوانه من بين يدينه بين الحياه و الموت يضربهم وهو مو حاس بنفسه .. و بقهر : اتكلم ولا هذا يكفي ؟ رجال ما هو صاحي شلون تزوجونه بنت الناس ؟ ما عندكم خوات ما عندكم بنات تخافون عليهم ؟ اخوه بـ احراج و انكسار : ليش تتوقع هالشي عاجبنا ! اخونا بهالحاله .. يوم يسولف وعشر ايام ما نشوفه يوم يضحك و عشر ايام الشر بعيونه يبي بس احد يكلمه قلنا اذا تزوج يمكن الله يهديه و يتقبل العلاج عشان زوجته و اسرته عمر بغضب : هذا مو عذر ! بنات الناس مو فيران تجارب عندكم... رائد بحقد : ادا هذي اولها يا ابو فيصل ينعاف تاليها .. طلقو بنتنا .. من غير مشاكل اكثر .. عمر : والمريض مكانه المستشفى مو هنااا حس بيده تسحبه بكل قوه .. بندر اعمى عيونه الغضب .. وهو يسمع حوارهم .. تقدم من عمر .. و تضابو وحاولو يتدخلون بصعوبة و فكو بينهم .. عمر بحقد : ما انتهت هنا يا بندر ما انتهت هنا و اخذ شماغه :اذا انك رجال تعرف وين تلقاني .. وقتها نتصافى .. ابو خالد بغضب : عمممررر اااططللع برررااااا و انت يا ابو فيصل خذ اخوك و اقصر الشر .. جراح سحب عمر بصعوبة : خلاص يا رجالّ خلاص و ركبو سيارة جراح و طلعو .. جراح : ليش ما تكلمت ! عمر : ما ادري ان ملكتهم بهالسرعه !! و بحقد : بس والله انه ما ياخدها لو يصير الي يصير جراح الي كان حاس ان فيه شي وبضحكة : دامك تبيها ليش ما قرعت عليها و اخذتها انت ولد خالها و اولى .. عمر اللتفت له : جراح والله لو سلوى او غيرها .. ما ياخذها واحد مريض اهله مو قادرين عليه .. شذنب بنت الناس ! جراح : صادق والله ! بس عاد انا كنت حاس ان فيه شي .. عمر : والله لو انه رجال زين الله يهنيّهم .. ما تكلمت .. وهذا نصيبها جراح : خيره يا ابن الحلال .. درينا هالحين احسن من بعد العرس و وقتها تبلش فيه صددق .. رجعت فيها الذاكرة و نزلت الدمعه بمراره وهي تناظر للورقه قدامها .. من ثاني يوم ارسلو ورقه طلاقها وهم منحرجين جداً من اهل سلـوى .. طق الباب .. سلوى مسحت دموعها و اتجهت لسريرها و انسدحت و مثلت انها نايمه .. رائد بعد مرور دقيقتين : سلوى .. سلوى .. طق مره ثانيه وبهمس : شكلها نايمه ! اتجهه لغرفته وباله مشغول معه اختـه .. في بيت ابو خالد .. خالد كان يكلم روابي ومبتسم لا شعورياً ولا حاس بالي حوله .. عمر كان جالس يفكـر اكلم ابوي ولا لا ؟ اييي عادي خلاص اساساً يمكن خطبتي لها .. بتعدل نفسيتها و ترجع مثل اول .. لالا اخاف تكون زعلانه و ترفضني ! اوف عمر اوووف !! الوقت يمّر وانا حاط يدي على خدي و افكر . . !!! في بيت طارق .. بدل ملابسه و انسدح وهو يحس بـ ارهاق و تعب .. من الصبح وهو يشتغل .. يتحمل و يتكلف بشغل مو له اساساً .. بس عشان اذا جا اخـر اليوم .. يكون مرهق وينام من غير ما يفكـر فيها ! لكن للاسف يمّر طيفها عليه بس يتجاهله و يقرأ اذكاره و ينام .. يوم جديد .. 💛 في بيت ام موسـى .. شادن كبر بطنها بشكل ملحوظ .. و صعبت عندها الحركة .. فـ رجعت سكنت عند اهل زوجها بعد ما طلبتهم ام موسى يرجعون .. في الصالـه .. النقاش حاااد و الصوت جداً عالـي ! ام موسى : عاجبتني ايه ، بس تصير مرت ولدي لااا والف لا !! جراح : ليش لا لللييش !! ام موسى : لا اكثر من شي و اولهم انكم مستحيل تتفاهمون شف ولد خالك ما جلست عنده الا كم شهر و طلقها !! جراح : انا و طارق مو نفس الشي عشان تقارنين بيننّا !! ام موسى : لا يكثر كلامك يا جراح ! قلت لك زواج من رفيف ما فيه !!! جراح : يمه انا جيت بكل احترام و طلبت منك و باشورك اذا عندك سبب مقنع قولي لي .. يمكن حتى انا رايي يتغير ! ام موسى : الي عندي قلته البنت ما تصلح لك !! ولا تكلمني بهالموضوع مره ثانيه ! و قامت لغرفتهاا .. جراح : وانا الي عندي قلته و باتزوجها على سنه الله ورسوله و تشوفون .. وطلع برا وهو معصب ليش يمه ! للليش ! يعني بالنهاية البنت ما راح تصرف عليّ ! انا الرجال .. شدخلني بحالتها المادية ! اوف بس !!! في بيت ابو طارق .. سمية : من ردا حظي ما جا اليوم عبير : قلت لك مو دايم يجي .. سمية بحرقه : طلقها و فارقتنا بس لهالحين طاريها موجود عبير : لانه يحبهاااااا سمية بحقد : لاتقولين يحبها !!! عبير بعدم اهتمام : وهذا الصددق .. سمية : عاجبكم حاله كذا ! عبير : نوو ، بس شنسووي يعني .. نجبره يجلس معنا بالغصب ! سمية ضربت رجولها بقهر .. في بيت ابو ليلـى .. دخل : السلام عليكم .. ليلى : يلا يمه عن اذنك ابو ليلى : شعندك من تشوفيني قمتي لغرفتك ليلى : بـ اروح انام عن اذنك .. ابو ليلى : اجلسي بس اجلسي .. ليلى حستّ بتوتر .. : طيب ابو ليلى : تعوذي من الشيطان يا بنت الحلال ودامك بالعـدة ، ارجعي لزوجك احسن لك و .... ليلى : يبه الله يخليك خلاص اللي بيننا انتهى .. ابو ليلى : كبري عقلك وفكري زين كلها كم وبتسمعين انه تزوج ولا سال عنك انتي الخسرانه .. ليلى : كيفه يتزوج انا شدخلني خلاااص .. ابو ليلى وهو يقلدها : يتزوج شدخلني فييه و بقهر : مالت عليك من بنت ما تعرف حتى مصلحة نفسها .. 🔐 نتوقف هنا... | ||||
|
| |
|
14-06-22, 01:55 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 22 في بيت ابو راشد .. ام راشد : راشد .. وبصوت اعلى : يا راششد راشد نزل : هلا يمه ام راشد : تعال ابيك تودي هالعشاء لبيت خالتك ام ليلى راشد : ابشري بس ابدل ملابسي و صعد لغرفته و بنفسـه يارب ليلى تفتح لي الباب .. تعبت وانا اتمنى اللمّح زولها او اسمع حتى صوتها استغفرالله استغفرالله المره لسى بالعده .. في بيت طارق .. فتح الباب و كان يبي يصعد الدرج استوقفه صوت خالد : وين يالحبيب اللتفت طارق : بسم الله من وين طلعت لي خالد : افا ما في حي الله حتـى .. طارق : حياك الله والبيت بيتك .. خالد : الله يطول بعمرك .. طارق : تفضل تفضل .. و جلسو .. خالد : شلون الشغل طارق : الحمدلله .. خالد عدل جلسته : من الاخر يا ولد العم .. حالك ما هو عاجبني ولا عاجب احد بهالعايله .. طارق : انا مرتاح كذا خالد : نضحك على مين يا طارق ؟ مرتاح ؟وانت لا ليلك ليل ولا نهارك نهار ؟ تبي بنت الناس رح مثل الرجالّ لبيت ابوها و رجعها و كملو حياتكم ما تبيها ولا المشاكل الي بينكم ما لها حل .. خلاص يا ابن الحلال .. عش حياتك اجلس مع اهلك ، سافر سير علينا ، نطلع للمزرع اي شي احسن من حالك كذا .. طارق بحرقه : ما اقدر يا خالد .. خالد : شف ما دام ما في الا انا وانت ! ويمكن تذكر حالي لما طلقت زوجتي حسيّت ان خلاص كل شي انتهى وحياتي بارده من غير مشاعر للابد .. وهالحين انا قدامك الله عوضني بزوجـة ما مثلها .. و ندمت على الايام الي ضيعت فيهم من عمري وانا افكر بالذكرى .. بالعكس واجهه الحياه ، هذا قرارك .. حتى لو تحبها خلاص .. هالحين قدامك خيارين يا اما ترجعها براضها .. او تنسها و تتمنى لها حياه افضل من حياتها معك .. والله يوفق الجميع .. طارق : ما ادري يا خالد ! ما ادري الي اسويه صح ولا غلط ما ادري .. خالد : غلط و اكبر غلط .. عمي يفكر فيك .. و عمتي بس تسولف وتسال عنك .. ليش عسى ما شر ؟ طارق تنهد بمراره : كلامك على عيني وراسي .. ! وان شاء الله خير .. خالد : ما اطول عليك اجل اكيد تعبان وتبي تنام بس فكر زين بحياتك يا طارق .. لا تخلي الايام تمر وانا تفكر بالماضي .. ربك كريم و ربك يبي ييّسـر .. طارق : جزاك الله خير وما قصرت .. خالد : يشهد الله انك اخو و اكثر من اخو بعـد .. في بيت ابو ليلى .. رن الجرس .. ام ليلى : يمه ليلى .. ليلى : طيب طيب انا اشوفه .. و اتجهت للباب... فتحت الباب .. راشد : مساكم الله بالخير ، هذي من امي ليلى : مساء النور ، الله يعطيها العافية ما تقصر الله يكثر خيركم .. راشد بـ ابتسامة :وخيركم يارب .. و نزله بالارض : بالعافية... ليلى : يعافيك .. وابعد عن الباب شوي .. وكانت على ملامحه اجمل ابتسامة .. كان طارق بسيارته يراقب الموقف .. حس بغيره منه هالشخص الي وقف ثوانـي و اللتفت وهو مبتسم ! هييّه طارق شفيك ! يمكن مو ليلى اساساً الي فتحت الباب .. يمكن امها .. ايه ايه امهاا .. تنفس بعمق وهو محتار .. انزل ولا لا ؟ واذا نزلت ايش باقول ؟ سامحيني وانا احبك ارجعي لي .. ؟ ليلـى العنيده بترجع لك ؟ ولا بتكسرك بعد اعترافك بحبك لها ؟ اووف بس .. فكر كثير و هو محتار .. و اخر شي قرر يـمشي .. لان ما عنده استعداد يسمع رفضها له من جديد . . لكن بنفس الوقت .. قرر يرجع مثل اول و يتجاهل شعوره مو انا طارق اللي تهزني و تكسرني مرهّ ! اتجهه لبيت عمه .. لان اليوم يصادف الجمعه ببيت ابو خالد .. بيت ابو خالد .. كانو يسولفون مع بعض و منسجمين طارق بصوته الجهوري : السلام عليكم .. ردو بـ اصوات مختلفه .. طارق : شلونك يا عمي .. ابو خالد : بشوفتك والله بخير يا وليدي .. جلس بجنب ابوه و عمه و جلس يسولف معهم . . و ينفض من باله طاري ليلى .. خالد ابتسم لاشعورياً لما شاف تاثير كلامه البسيط على طارق .. طارق بادله نفس الابتسامة .. وهو ممنون له جداً .. وكمل سالفته مع عمه .. في بيت ام موسى .. فاتن بصدمة : رفيف ما غيرها ! شادن : غريبه شعرفه اساساً جراح فيها فاتن : ما هو امي جلست اسبوع تمدح فيها ام موسى بقهر : ما ادري ان جراح بياثر من كلامي عاد ! فاتن : شقلتي له عاد ! ام موسى : لا والف لااا ما ناقص الا هذي تصير كنتي ! فاتن : ليش شفيها يمه ؟ خلي عنك الفلوس .. والله انها جمال واخلاق و يوم الملكة اللي مبهور فيها .. كيف لو صارت كنتك بكرا ام موسى : حتى انا انبهرت فيها و اعجبتني بس فيه فرق لما تكون مرت ولدي و ام احفادي .. و اهلها نسايبي .. فاتن : ما ادري .. بس لا تستبعدين لو بيوم دخل جراح وهي معه .. تعرفين ولدك ما يرد على احد .. و الي يبيه يصير .. في بيت ابو خالد .. كان جراح موجود بس عقله مشغول .. وما ارتاح الا لما شاف رقمها واصله ! ابتسم واخيراً يا رفيف !!! شهر وانا ادور رقمك .. شقد انتي صعبـة ! حفظ الرقم وهو مبتسم لاشعورياً .. يوم جديد 💛. في بيت ام رائد ... ام رائد ابتسمت بفرح : صادق يا عمر ! عمر : وهالامور بها مزح يا عمه .. ام رائد بـ احراج : هههه ما توقعت هالطلب وبالذات منك ! عمر : انا ابيها على سنة الله و رسوله .. ام رائد : انت كنت موجود وتعرف اللي صار .. عمر : ولا يهمني .. و الطلاق ما هو عيب .. و البنت انخدعت فيـه .. ام رائد :الله يرضى عليك يا وليدي .. عمر : خوذو راحتكم .. وحتى لو ما تبي ملكة هالحين عادي ننتظر .. ام رائد : ان شاء الله خير يا وليدي ان شاء الله .. و بنفسها الحمدلله .. الحمدلله اللي عوضها بواحد مثل عمر .. لعله خيره كل اللي صار والله سخر لها عمر .. اما عمر .. كان متردد و خايف انها ترفضه لان خواته و الكل يقول ان نفسيتها حيل تعبانه بعد اللي صار .. ! في بيت رفيف .. كانت تحس بتعب و ارهاق .. طول اليوم كانت مشغوله مع خواته و اخوانها من ابوها لان امهم تعبانه .. انسدحت و بتعب : اوف ياربّ رحمتك وعفوك بس روز : رفيف رفيف رفيف حط يدها على وجههّا : تكفون خلاص ابي اناااااام بسس روز : خلاص خلاص وطلعت .. رفيف بنفسها : اوف والله الاطفال مسوؤليه .. غمضت عيونها رن جوالها رفيف بصوت مسموع : خلااااصص يجماعه فتحت الجوال من غير ما تنتبه : عيالك بخير و تو ناموو خلاص ارحموو رفيف هالليله و خلوها تناااام جراح ضحـك بخفه .. رفيف حستّ قلبها وقف من الصوت و الضحكة الرجاليّه .. وبتوتر : مـ... مــين ! جراح : اسفين كلمناك بوقت مو مناسب خلاص نامي الليّله و ارتاحي .. و بكرا يصير خير .. رفيف بحده : اي خير ؟ ومن انت عشان تكلمني ! جراح : بسم الله ، شفيك ! رفيف : يعني فوق البجاحة تسالني شفيني ؟ متصل علي هالوقت .. ويبي يسولف .. جراح تنهد : طيب عطيني مجال اتكلم ؟ رفيف : فارق بس فااارق .. وقفلت الخط .. جراح ناظر للجوال وبصدمة : والله قفلت ضحك : ما تمزح لا اله الا الله هههه رفيف بنفسها ناس سخيفه .. ما يصدقون احد يرد قفلت جوالها و نامت ولا فكرت حتى بالصوت .. جراح نزل الجوال و كان مبتسم طال الزمن ولا قصر .. انتي لي يعنـي لي . . والايام بيننـا .. في بيت ام رائد .. رائد : لالا انتي كلميها وقولي لها واذا فيه نصيب الحمدلله .. ام رائد : اخاف ترفضه و اللي مثل عمر ما يتعوض رائد : نصيبها بتاخذه يا يمه عمر ولا غير عمر .. بس لا تجبرينها ولا تكثرين الكلام و تحسسينها انها ثقيله علينا ام رائد : سم يا ابوي 🔐 في بيت ام رائد .. بغرفه سلوى .. وبصراخ : ننعععععممم ؟؟؟ عممرررر ؟؟ للليييشش كسرت خاااااطططره ؟؟ اييي اكييددد وضحكت بسخرية : اشفق علي يعني .. ههههه ام رائد بجديه : شهالكلام يا سلوى ! سلوى : وهذا الصدددق ! تو يفكر بالزواج عمر .. بعد ما تطلقت من بندر .. و بسخرية ضحكت : اكيد حس بالذنب و قال انا الي سببت الطلاق .. وانا الي كسرت البنت .. خليني اتزوجها ام رائد بحده : سلوى ! انتبهي لكلامك احسن لك !!!!! و عمر وش دخله بطلاقك ؟ سوا تكلم او ما تكلم الرجال مريض وبتجيني بيوم مطلقه لا محاله .. فـ كثر الله خيره عمر الي تكلم و قال لنا ! قصر عليك المشوار .. وبعدين هذا شي ! و كون الرجال خطبك على سنة الله ورسوله شي ! تبين تفكرين بكيفك ما تبينه بعد بكيفك كانك اخر بنت بهالدنيا .. ! ما احد درى عنك وعن حزنك ترااا !!! ولا تربطين المواضيع ببعض وتفكرين على كيفك وقامت وهي تعرف انها قسّت بالكلام مع سلوى ! لكن هي تعرف بنتها لو تكلمت بحنان ... ممُكن تنعاد اكثر .. فـ يمكن هالاسلوب ينفع معها .. في بيت رفيف .. شفت نفس الرقم .. تنهدت وهي تضبط اعصابها .. ردت : نعم ؟؟؟ جراح : انعم الله عليييك .. رفيف : يعني مكالمه امس مرت مرور الكرام لك وجهه تتصل ! جراح : ما عطيتيني مجال اتكلم .. واعتبر عـن ... قاطعته رفيف : صدق انك وقح بزياده وقفلت الخط .. جراح : اوه شكلنا مطولييين معك يا رفيف .. ! وانت شتبي برفيف ؟ اذا انك جاد ! كلم ابوها و اخطبها رسمي وبضحكة : حركات هه ما تمشي عندها بتقول يستهبّل و يطقطق علـي .. في بيت ابو ليلى .. طلعت من دوره المياه ( اكرمكم الله ) .. وكانت بتفتح فوطه شعرها ورن جوالها .. عقدت حواجبها وهي تشوف الاسم ! " طارق " !!!! ردت وهي ما بين ودها تسمع صوته وما بين تكره هالصوت .. كان تعيش تناقض باللحظة .. فتحت الخط : اهلين طارق الي كان مرتب الكلام .. وكان مستعد لما سمع صوتها حس كل الكلام ضاااع .. وبتوتر : هلا بك . . شخبارك ؟ ليلى : بخير الله يطول بعمرك .. لحظات صمت من الطرفيـن .. طارق بنفسه اقول لها ؟ ايش تقول يا طارق ! سامحيني ؟ اذل نفسي اكثر ؟ او احبك ، يمكن قلبها يحنّ علي ؟ ليلى استغربت الهدوء : تأمرني بشي ؟ طارق : لالا ما يأمر عليك عدو .. وبكذب : بس كنت بـ اقول لك انك غاليّه على ابوي حييل ، و روابي .. اتمنى ان طلاقنا و الي حصل ما يقطع هالعلاقة الله يوفقك بحياتك ، خلاص كل شي انتهى .. لكن ابوي الى الان يسال البنات عنك وهم خجلانين يكلمونك يمكن تردينّهم او شي .. ليلى تمنتّ ان سبب هالمكالمه شي ثاني .. تمنت ان يقول لها اي شي بس مو عشان اهله .. صح ان ما زالت غضبانه عليه .. لكن فيه شي بقلبها تمنى كلمة ثانيه . . تنهدت : سمّ وابشر .. باذن الله بـ اكلم عمي و اطيب خاطره بكلمة .. وبشوق : وروابي بعد .. طارق ابتسم لاشعورياً : شكراً لك ليلى : شدعوا ، اكلنا من طاولة وحده و صارو اهل .. و تنهدت : يلا ما اطول عليـك .. طارق بنفسـه : لا تكفين .. ابي المكالمه تطول اكثر .. ابي اسمع صوتك .. ابي اجمع كلامي و اقول لك ليلى ابيك .. ليلى استغربت من سكوته .. : مع السلامـة طارق انتبه لنفسه : مع السلامة مع السلامة .. وقفل وهو مقهور من نفسـه جداً .. يوم جديد .. في بيت ابو رفيف .. زوجته " لطيفه " : ما قال لك شيبي ؟ ابو رفيف : لا والله ، بس موضوع خير ان شاء الله لطيفه بتفكير : ان شاء الله ان شاء الله .. ابو رفيف : جهزي لنا القهوه وانا ب اروح للمسجد اكيد انه ما هو جاي الا مصليّ لطيفه : سم .. واتجهت للمطبـخ .. في بيت ابو موسى .. ام موسى بغضب : جراح لا تكسر كلمتي ! جراح : يمه احترامك و برّك و راضك على راسي من فوق .. بس انا مو مسوي شي لا عيب ولا حـرام .. وبـ اتزوج على سنة الله ورسوله .. ام موسى : انساها انساها والله ازوجك الي تسواها وبنت عايله ونعرفهم .. جراح : ورفيف بنت ناس و عايله .. و مركز ابوها الاجتماعي ما يهمني ما هم صرافين علينا ولا شـي .. موسى : طيب جراح استخير وفـكر مره ثانيه .. ولا تاخذ السالفه بعناد عشان امي رفضت .. هذا زواج مو لعبّه .. جراح : ادري انه زواج .. وانا بـ اروح للرجال بتروح معي اهلاً وسهلاً ما تبي .. انا بـ اروح مع رائد و خالي ابو طارق .. نتوقف هنا... | ||||
|
| |
|
15-06-22, 10:55 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 23 في بيت ابو رفيف .. بترحيب : ياهلا ياهلا حياكم ابو طارق : الله يحييّك .. ابو رفيف : شلونكم ، عساكم بخير جراح : بخير الله يطول بعمرك .. و جلسو و تقهوو بمجلس ابو رفيـف .. ابو طارق : ما نطول عليك يا ابو رفيف ، لكن حنّا جاينكم و نبي القربّ منكم على سنة الله ورسولـه . . كان لنا نصيب عندكم فـ حنا اهل وربـع .. ابو رفيف : يا هلابكم ويا مرحبا بكم .. و اتشرف بكم اكيييد .. ابو طارق : جراح بحسبت ولدي .. ابوه موجود لكن مسافر خارج السعودية و الولد مستعجل و انا ان شاء الله اكفي و اوفـي .. ابو رفيف : جيتّك عزيزه يا ابو طارق .. ابو طارق : الله يرفع قـدرك .. ابو رفيف : و قدرك ، لكن تعرف مثل هالامـور ما تنحل بايه ولا بالجلسـة .. لزوم نسال البنت ، ونسال عن الولد .. جراح : خذ راحتك يا عمـي .. و من حقها و الله يقسم لي الخير .. ابو رفيف : امين يا وليدي .. ابو طارق : امييين .. الولد يشتغل عندي بالشركة .. وهو ولد اختي جراح الـ ****** ابو رفيف عقد حواجبه : ولد نايف الـ ******* جراح : ايه ! ابو رفيف : ابو موسى ! جراح : ههه وصلت خير ! ابو رفيف بـ ابتسامة : يا صغّـر الدنيا ! لو ما انت قدامي ما صدقت .. و مسك يدينه و نزل راسـه : اه يا ابو موسى ! والله و دارت الدنيييااا و صار ضحكنّا صحيح ! ابو طارق بـ استغراب : معرفه قديمة ! ابو رفيف :صداقه وخوهّ قديمة !!! شلونه شخباره من التعب ؟ جراح : بخير يا جعلك بخييير .. ابو رفيف بـعجله : انا قلت اشاور البنت ... و اسال عن الولد لكن انت ولد نايف .. ! انا معطيك بنتي قبل ٢٣ سـنه ! ما يحتاج نسال .. جراح حس كان احد كب عليه مويا بارده !!!!!!!! عجز يستوعب .. ! ابو طارق : يعني قولك يا ابو رفيف ! ابو رفيف بـتذكر : كان عمرها سـنة .. كانت تعبانه و انا مستلم و ابو موسى جاري و صديقي .. اتصلت عليه وبيض الله وجهه ! وصلها للمستشفى و جلس عندهم يومين .. ولما رجعت زارنا ومعه جراح .. و قال لي .. و بشوق : مستحيل انساها : البنت لنا يا ابو رفيف .. كان الله كاتب لنا عمر .. فـهي لولدي وبـ ابتسامة : ما رديته ! وهو صديقي .. عطيته كلمة .. و دارت الدنيا و تفرقنااا ولا اعرف عنه اي شـي .. ابو طارق بـ ابتسامه : الواحد ما ياخذ الا نصيبه ! جراح : يعني ابوي و بتردد : وانت ، لما كنت صغير ؟ وبتوتر :خلاص ؟ رائد بضحكة : هههههه لا تلومه يا ابو رفيف . انصدم .. ابو رفيف بـ ابتسامة : ونبي نشوفك يا ابو موسى مره ثانيه ! صدق دنيـا ! و اللتفت على ابو طارق :كلمتي عطيتها قبل سنين ولا ارد فيها البنت لكم .. ومتى ما تبون الملكة حنّا جاهزين ! ابو طارق : كلامكم على عيني وراسي .. لكن لو تشاور البـنت و... قاطعه جراح لانه يعرف رفيف ! : خلاص يا خالي .. ابوي و ابوها تكلمو فيها قبل سنين وانا بنصّ مجلسهم .. ما ضنتي بتردني يا عم ! ابو رفيف : لا حشـى و كلمتي وحده من سنين و هالحين و بنتي رايها من رايييّ .. جراح باس ابو رفيف على راسه : الله يقدرني يا عمي .. واكون قد ثقتك فيني و انت تزوجني بنتك وما تعرف الا اسمي .. ابو رفيف : اعرف قبّلك ابوك رجالّ ولد رجالّ ! عمره ما تردى ولا قصر بحق احد واكيد انك مثله و ازين .. و خوالّك الـ ****** أهل الطيّب و الكرم .. ابو طارق : ما عليك زود يا ابو رفيف .. و دامكم ربع و اهل ابو موسى .. و جيران ابو ليلـى .. شنبي اكثر من كذااا .. ابو رفيف : الله يسلمك .. جراح وده من الفرحة يرققص .. هههه باللحظة الي كنت خايف ترفضني ! و يطول هالموضوع ! اوف يا يبّه .. ما انساك لك هالمعروف ابددداً .. في بيت ابو طارق .. طارق كان داخل بيت ابوه .. وتو طالع من الدوام .. جلس وهو يحس بتعب : شلونك يمه ام طارق : بخير الحمدلله .. و بجدية : تدري ابوك وينه ؟ طارق : اكيد يا بالشركة او عند عمي ام طارق : رايح يخطب لجراح !! طارق بـ ابتسامة : اوه و اخيييييراً ام طارق : توقع خاطب من مين ؟ طارق بعدم اهتمام : اللي هي .. الله يهنيهم .. ام طارق : صديقه زوجتك رفيف .. طارق بالم : طليقتي مو زوجتي .. و نعم من اختار .. ناس ما عليهم واخلاق و ديـن .. ام طارق : لا حشـى .. ما عليها البنت .. من منطوق و من زين كامله و الكامل سبحانه .. لكن عمتك ما تبيها طارق بالم : قبلها انتي ما تبين ليلى .. و قام وهو يحس بضيقه من طاريها .. لمتى يا طارق ؟ واجهه و اعترف .. ولا انسـى و كمل حياتـك .. في الليل .. في بيت ابو موسى .. ما دخل كان بالحديقه ما يبي يسمع كلام من امه و يتنكد ! كان مسترخي .. و مغمض عيـونه .. اه يا رفـيف ! وتخيّل رده فعلها وضحك بخفـه .. بتصارخ بتعاند .. بتسوي سالفه .. اوف لو اقدر اشوفها ! اتصل ؟ لالا لاتصير خفيف .. خلّك قد الثقه و انتظر رد ابوها .. 🔐 في بيت ابو رفيف .. رفيف بتسليك : ايه ؟ وبعدين ؟ لطيفه : بعدين ايش ؟ يقول لك ابوك انه مواعد ابوه قبل سنين رفيف : قلتيها قبل سنين .. ابو رفيف : انا ما زلت عند كلمتي .. رفيف ضحكت بسخرية : اي كلمة يبـه ؟ ابو رفيف : بتتزوجين ولده .. رفيف بجدية : يبـه تمزح صح ؟ بغض النظر اني ما ابي الزواج ، انت ما تزوجني واحد ما تعرفه بس عشانه كله من سنين جدي قلتها له ؟ ابو رفيف : السوالف ما فيها مزح وانا ابوك ! وكلمة الرجال وحده ! و انا قلت لهم بالمجلس حددو الملكة باليوم الي ودكم وبكرا تروحين للمستشفى عشان التحاليل .. رفيف وقفت : يبـه ! مو من جدددك ! تمزح معي صح و ضحكت بصوت عالي : انا اتزوج واحد ما اعرفه حتى عشان كلمة قبل سنين ابو رفيف بجدية : عمري ما اجبرتك على شي و كل ما قلتي شي قلت سميّ حتى لما طلبتيني تسكنين بشقه لحالك انتي و خواتك ما كسرتك و لا رديتك وقلت سمي و تجاهلت كلام الناس عشان خاطر عيونك .. بس الى هنا يا رفيف .. بتتزوجين جراح .. و خواتك بيعشون عندي بالطيب بالغصب هذا اخر كلام ! و وقف واتجهه للباب .. : بكرا الصبح الساعه ٨ خلك جاهزه رفيف ضحكت بعدم تصديق ! لطيفه : لا تفكرين بالموضوع من هذا الجانب يا رفيف الولد ابوك يقول ما عليه .. و من قرايب طليق صديقتك ليلى .. رفيف ما اهتمت من يكون ابداً .. ضربت برجولها بقهر ! واتجهت برا .. عقلي بيوقف !!!! انا ! اتزوج ! واحد ما ادري مين هو ؟ عشان كلام و خرابيط من سنين مستحييييييييييييل !!!!!!!!! رن جوالها شافت نفس الرقم ! زاد غضبها غضب ! و قررت ترد تصارخ تطلع الي فيها : الوووو جراح : حيّ هالصوت .. رفيف : صدق انك ******** ولا عندك ذرهّ احساس و ذوق جراح ضحكت بصوت مسموع : تمون زوجتي تمون رفيف : الاخ مريض ! جراح : مريض بحبك .. رفيف : الله ياخذك يا ******* جراح : على قلبي زي العسـل .. رفيف : والله لو تتصل مره ثانيه يا ****** لتندم عاد ! قليل ادب صددق جراح : خلاص الاتصال ما له داعي دامك بتكونين حلالي .. رفيف : لااااه صدق مجنون رسمي جراح بجديه : ما قال لك ابوك ؟ رفيف انصدمت .. من ذا !!!! و بتسرع : من انت ؟ وش دخلك بابوي ! جراح : توقعت انه قايل لك عن خطبتنا من ايام الطفوله هههههه رفيف بصدمة : انت جراح !!!!!! جراح : اييييه وصلتي خير .. رفيف بتفكير : اسمع اكيد انت متوهق مثلي قل لا ابوك ما ابيها مو على كيفك تزوجني لان ابوي وبهمس : مشتط مره علي ويقول الا توافقين و التحاليل بكرا بس اذا رفضت انت ، ترتاح مني وانا ارتاح جراح بضحكة بصوته الهادي : هههه ومن قال لك اني ما ابيك ! انا جيت لبيت ابوك ولا كنت ادري عن السالفه اساساً رفيف بتكذيب : ههه صدقت انا جراح : والله ! و انصدمت بالمجلس لما قال لي ابوك السالفه و نبره غريبه : و فرحنيّ لما وافق واختصر الموضوع رفيف : بس انا مو موافقه ! جراح : ابوك اعطى كلمة بمجلس الرجاجييّل .. كانك بتكسرين كلمته و تفشلينه بعد هالعمر ! رفيف : انت عادي عنك ؟ تاخذ وحده رافضتك جراح : مو مهم ، اهم شي انا ابيّك وشايفك .. رفيف : شايفك ! انت ميييييين ؟ و شتبي مني ! و بتذكر : ورقم جوالي عندك بعد ! جراح : انا جراح الـ ****** و ما ظنتي نسيتي هالاسم ! رفيف : لا جد يا جراح الـ ***** فيك شي ؟ هه ولا هه ؟ وبجدية : انا وشعرفني فييييييك !!! تستهبل على راسي .. وانا وربي ما لي خلق لك حتـى .. جراح : افا وهذا وانا موصلك لبيت طارق و مطلع اختك من المسبح.... و .... رفيف بصدمة : انت جراح ! ما غيره جراح : اييييييي .. رفيف : شهالصدفه المخيسه هالحين ابوي لما عطاني ما لقى الا انت ! جراح تنح من ردها .. : للاسف .. رفيف : المهم عرفتك ولا ما عرفتك لا تطول الموضوع وهو قصير قل لا ابوي استخرت وغيرت رايي جراح تنرفز منها: اقول عاد ! جهزي نفسك بكرا ولا يكثـر .. وقفل الخط .. صح انه يحبها ومغرم حتى بصوتها بس اسلوبها مستفز جداً .. رفيف رفعت راسها : اوف يا رب ! شهالحظ ؟ جراح عاد !!!!! ليش شفيه جراح ؟ ما ادري بس احسّ لا ! عينه زايقـه وغير كذا انا اساساً ما ابي الزواج بكبره ! شاللحل ؟ في بيت ابو طارق .. طارق : عن اذنك يالغاليه .. و كان يبي يطلع .. عبير : طارق طارق اللتفت لها : هلا عبير : ممكن توصل سمية لبيتهم ؟ طارق : السواق موجود عبير : لاه لاه امي مرسلته وتتصل ع سواقهم ما يرد ! طارق : والمطلوب ؟ عبير : وصلها معك بليييز .. حرام لها ساعه تنتظر طارق بنبره غريبه : حرررراااام !!! ترا ما نسينااا يلا يلا انا بالسيارة .. عبير اتجهت لغرفتها وبنصر : وووااااافق وافق سمية بفرح : كذذذاااابببه عبير : يلا يلا بسرررعه سمية بعدم استيعاب : انا و طارق هههه ما اصدق ! عبير : يلااا بسسس بسرعه .. لبست عباتها ! و زادت من عطرها و نزلت وهي تحسّ الدنيا مو سايعتها من الفرحة .. في سيارة طارق .. 💛 كانت تسترق النظر له وهي مبسوطه جددداً .. طارق كان ما له خلق حتـى وجودهـا .. ! كل ما يتذكر الي سووه في ليلى يحقد أكثـر ! سمية : طارق ممكن توقف عند ***** ( سوبرماركت ) طارق ببرود : مو سواق عند ابوك انا كثر الله خيري وصلتك عقب الي سويتيه ! سمية انصدمت من رده ! لسى حاقد و شايل بقلبه عشانها !!!! صباح جديد .. ابو رفيف يطق الباب بقوه : يلااا يا رفيف !! رفيف فتحت الباب وهي ببجامتها وعلى ملامحها النوم : يبه قلت لك لا لا ابو رفيف بحده : بعدك ما جهزتي ! رفيف رجعت : ولا لي نيّه اتجهز ابو رفيف سحبها بقوه مع يدها : رفيف ! لا تخليني امد يعني بعد هالعمر ! امس تكلمنا و تفاهمنا !!! رفيف بصدمة : اي تفاهم يبه ! ابو رفيف بحده : مو انتي الي تكسرين كلمتي قدام الرجال ! ثانياً : انا ابوك واعرف مصلحتك اكثر منك و تركها : بعد خمس دقايق والله ان ما جهزتي يا رفيف والله بعاليّ سماه انك لتندمين ! ولا تقولين ابوي ما قال و اتجهه للصاله رفيف من القهر بكت !!! لا اول مره تحس نفسها ضعيفه ! لا اول مره تنحرق نفسها ولا تقدر تسوي شي !!!!! في سيارة جراح .. وصل المستشفى .. عدل شماغه وحط من عطره المفضل .. و ناظر لشكله : والله وسيم يا جراح ! بس ما تعرف الزين .. نزل بخطوات واثقه .. وهو يفكر كيف ممكن اشوفها بوجود ابوها ؟ في بيت ابو طارق .. طارق كان يضحك مع روابـي .. و هو يحس انه بدا يرجع مثل اول .. له حضوره ببيت اهله لانه يسولف مع الكل و يضحك .. طارق بضحكة : هههههه لا تـدري عنك رزان تمـ ...... وانقطع حديثه لما سمع ابوه يرد على الجوال : هلا هلا ببنيتي ليلى .. رفع راسه وناظر لـ ابوه .... ! ابو طارق : بخير الله يسلمك ! انتي شلونك و ش اخبارك عساك مرتاحة ! طارق كان وده يسمع حوارهم .. وحشه صوتها جداً لكن للاسف .. ابو طارق اتجهه للمكتبه لانه لاحظ انسجام طارق بثواني ! روابي بتوتر : يا حليلها متصله ع ابوي طارق بقهر : عن اذنك واتجهه لسيارته وهو يحس بشعور قهر او غيره ؟ ما يدري ايش بالضبط !!! مو انت كذبت هالكذبه ؟ استحمل النتايج .. ضرب السيارة بقهـر .. بتكون قريبه من اهلك .. مو منـك !!! 🔐 نتوقف هنا... | ||||
|
| |
|
18-06-22, 04:44 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 24 في المستشفى .. دخلت وهي ودها تبكي من القهر حرفياً مو قادره تسوي شي ! ابو رفيف : امشي قدامي بسرعه رفيف : طيب طيب ابو رفيف : ماقصر ابو طارق بيعجل لنا بالنتايج رفيف بسخرية : لا صدق ما قصر .. مره مستعجلين ولو ما تدخل ما طلعت النتيجة ابداً ابو رفيف اللتفت لها وناظر لها بنظرات غريبه وكمل طريـقه .. بـ اخر الممُر .. لما شاف ابو رفيف .. اتجهه له : ياهلا .. ابو رفيف : هلابك وسلمّ عليه .. رفيف كانت واقفه وراهم .. وتناظر لجراح بحقد .. ويضحك بعد ! ولا هامه شي ! اوووف بس !!!! جراح : انا حللّت يا عمي .. بس قلت انتظر اسلم عليك واشوفك كانك محتاج شي ابو رفيف : ما تقصر يا وليدي .. و اللتفت لرفيف : ادخلي شتنتظرين ؟ رفيف بدون نفس : طيب واتجهت للمختبر الي كان على يسارها .. ابو رفيف : انا بـ اجلس بالانتظار واتجهه قدام .. جراح من مشى ابو رفييف .. مشى وراها بسرعه جراح : رفيف رفيف اللتفت له : نعم ؟ خير ؟ شتبي من رفيف !!!! جراح : بسم الله شفيك انتي رفيف : اوه شكلك ما تعرف عني شي ، اسال اسال ابوي كيف طبعي بس اتذمر و ما يعجبني شي يعني هذا ولاشي .. جراح قرب منها : اللي اعرفه انك ذربّه و لسانك عسل و عيـونك .... رفيف ضربته بخفه بشنطتها : هييييّه .. خييير ؟؟. جراح فز بصدمة : شفييييك انتي !!! اتكلم بس رفيف : ترا لسى ما صرت زوجتك ؟ يمكن هالحين تطلع من الباب وهوبا يصير عليك حادث وتموت يمكن انا اموت ما تدري شيصير جراح : بسم الله علييييك انتي ! رفيف وهي تقلده : بسم الله عليك انتي وبجديـة : اقول توكل بس .. واتجهت داخل وهي مقهوره .. جراح بنفسه لا اله الا الله يا لسانها ! مو المفروض تستحي مني ! في بيت ابو رائد .. سلوى بعناد : انتو شفيكم ما تستوعبون ؟ رائد : نبي مصلحتك ! لمتى وحالك كذا ؟ عاجبك انتي سلوى سكتت .. رائد : استخيري و فكري .. وعادي اذا لك نصيب بتاخذينه .. وتبدين حياه جديده مع عمـر .. لا تقولين تعاطف معي ! لان اساساً هو صاحب فضل علينا ! هو للي علمنّا والرجال شاريّك و يبيك ! كبري عقلك يا سلوى .. وعادي مو اول ولا اخر بنت تتطلق .. و توك صغيره والعمر قدامـك .. ! في المطـار ✈️ . . جراح ضّمه بشوووق : تو ما نورت السعودية ! مشعل : بوجودكم يالغاليّ ! واللتفت وراها : ما احد يدري ؟ جراح : لااااا .. بس كلهم ببيت خالي ابو طارق .. مشعل : ابي اسلم على امي اول جراح : حتى امك هناك .. مشعل بـ ابتسامة : زين .. و اتجهو للسيارة .. مشعل : شـ اخر اخباركم ؟ شصار فيكم من بعدي ؟؟؟ جراح بضحكة : خفّ علينا بس ! مشعل بضحكة : كاني سمعت انك بتتزوج .. جراح : حتى اني حللت و ملكتي بعد يومين مشعل بصدمة : احلللف !!! جراح : ههههههه هالامور ما بها لعب ! واخبارنا طارق طلق زوجته .. عمر خاطب اختك ولسى ما رديتو على الرجال .. وانا على وشك زواج .. وبتفكير : وعندنا ولد خاله تخرج من جامعه ****** بعد ما عمّر بهالجامعه .. مشعل بضحكة : هههههه حرام عليك ! ست سنين بس جراح بسخرية : بس ! ليتك مكملها للعشره .. مشعل : يمكن بعدين اكمل الدكتواره مع زوجتي .. جراح : زوجتي ؟ اقول بس لايكون ماخذ لك شقرا من هناك مشعل بضحكة : ههههه لا يا ابن الحلال ، لاتسمعك أمي و يوقف قلبها جراح : ما ادري عنك .. مشعل : اقصد بعدين اذا استقريت و كتب الله لي واخذت بنت الحلال يمكن اكمل ليش لا جراح : اركب السيارة وانت ساكت بس مشعل بضحكة : طيب في بيت ابو طارق .. ام رائد : والله عجزت عنها يا ام طارق ام طارق : الله يعينك يا خيتي ! ام موسى : انتي معطيتها وجهه بزياده يا ام رائد .. غصباً عنها تتزوج ام طارق : لالا هالامور ما تنحّل كذا ! بالتفاهم و الهداوه .. ام موسى : واذا ما نفع التفاهم .. اخليها تتصرف على كيفها .. بمجلس الرجال .. دخل مشعل وبعده جراح .. مشعل : مساكم الله بالخير يجماعه الكل رد و انبسط بجيته .. و استقبلوه بحب .. طارق : نورت الرياض والله مشعل : بنورك الله يطول بعمرك .. طارق : حياك حياك تفضل .. رائد بضحكة : ليش ما قلت لناااا .. مشعل بعتب: هو احد اتصل علي هاليومين وسالني عن شي ؟ جراح : اقول بلا تشره جراح الـ ***** استقبلك لا يكثر ! رائد ضحك بخفـه .. خالد لما شاف الكل منسجم مع مشعل .. انسحب بهدوء .. في بيت ابو طارق .. لما شافها تنح دقايق يناظر لها بتأمل .. وتقدم منها وضمها بخفـه .. روابي حست بخجل .. ونزلت راسها خالد : واخيييراً حصلت لي شوفتك ! روابي تناظر ورا : والله لو احد شافنا فشله خالد : ترا زوجتي .. و لنا اكثر من شهرين مملكين .. يعني لو عزمتك على عشاء برا عادي روابي بخجل : لااه مستحيل .. خالد سند كتفه على الجدار .. و كان واقف قدامها مباشره .. : شرايك نطلع هالحين ؟ انا اقول لعمي روابي توردت خدودها : خالد والله اددددخل ! خالد ضحك بخفه : خلاص خلاااص .. وعلى صوت ضحكته حسّ بيد تضربه على كتفـه .. طارق : خير يالحبيب ؟ خالد ما اللتفت له حتى وببرود : اساساً لو ما طلعت لي وخربت علي كنت بـ انصدم ! طارق يمثل الجدية : لا صدق خير ؟ خالد : اقول طارق توكل و ابعد عنيّ ، مره نواف ومره انت وبعدين ؟ طارق ضحك : نواف بعد ؟ روابي : عن اذنكم خالد تقدم خطوتين ومسك يدها : لحظظظة لحظظة .. طارق : هههههه كذا ارتحت يلا وكمل طريقه داخل .. خالد : وين بتروحين ! روابي بتوتر : خالد والله احراج قدام اهلي .. خالد تنهد : طيب تعالي للحديقه الخلفيه والله ما احد يجي ! روابي بتفكير : طييب .. و اتجهو للحديقه .. وجلسو على الكراسي الموجوده .. خالد سند ظهره بـ استرخاء وغمض عيونه : لو جا ابوي و عمي و جلسو هنا بالحديقه ما استغرب ترا ! روابي ضحكت بصوت مسموع .. : حرام عليك مو لهدرجة ! خالد اللتفت لها : انا حظي هه لك عليّه ههههه روابي نزلت جوالها ع الطاولة و سندت ظهرها مثل خالد .. و جلسو سولفو بهدوء و انسجاام .. في بيت ابو ليلى .. ليلى بضحكة : يمه رفيف شهالصدفه ! رفيف : مو صدقه هذا حظ رفيف الخاييس .. ليلى بضحكة : عاد جراح وسيم مره ماشاء الله رفيف : ليلى ! ترا انا ما لي خلق اسمع حتى اسمه كريه .. غبي ليلى : ههههه استهدي بالله ! رفيف تنهدت : ليلى احسّ بـ اموت من القهر ليلى بضحكة : ادري ان الموضوع جدي ولا يستحمل ضحك .. بس الي يضحكني شكلك .. هههه رفيف : وهو ولا همه حتى يبوس راس ابوي و تقلد صوته : سم ياعمي .. ابشر يا عمي ليلى : هههههه رفيف : صح دفيته بالشنطه بس قهر خفيفه ما سويت شي ليلى : مجنونه ههههه رفيف : ليلى تكفين فكري معي ؟ كيف اتخلص منه ؟ المشكلة لو قتلته ، بـ انقتل و تروح حياتي عشان سود عيونه ليلى : الله يكفينا الشر هههه ما وصلنا لهالمرحلة عاد ! رفيف قربت من ليلى : ليلى افهميني !!!! ما ابيّه ! تخيلي حتى ما شاورني ؟ بالليل قال لي و الصبح حللت و بعد يومين الملكة ! ليلى : بعد يومين ! رفيف : ليلى فكررري معي وش ممكن اسوي ؟؟؟ ما ودي اكسر كلمة ابوي و افشله و بتذكر : تخيلي حتى مو ابوه اللي جا معه ليلى : لحاله ! رفيف : لا ابو طارق اكيييد و اتوقع طارق لان معه من عيال عمامه بس ما ادري مين .. ليلى حستّ بشعور غريب لما جابت طاريه .. : أيه ابو طارق كانه ابوهم .. رفيف : ش السواات !! ليلى : خلاص يا رفيف .. ارضي بالمقسوم .. وانتي بعدك ما عشتي مع رجال ولا عرفتيه ! رفيف بتردد : واذا طلع نحيس مثل ولد خاله طارق ؟ ليلى بنبره غريبه : لا ما اتوقع .. و بجدية : وانتي من البداية لا تعطينه على جوه .. اهلي خط احمر .. اشياء تخصنيّ ما لك علاقه فيها رفيف : انا بكبره مو متقبلته ليلى بضحكة : عاد شكلاً وسيم رفيف ضربتها بخفه : قومي جيبي لي مويا بسسس ليلى : سمي و امري .. في بيت ام راشد .. راشد : يمه انتي فاتحي امها بالموضوع .. ومن تخلص العده اخطبها رسمي ام راشد : وانت وش معجلك ؟ انتظر تخلص العده و ان شاء الله خيير .. راشد : يعني ما في امل زوجها يرجعها ولا شي ؟ ام راشد : على كلام امها انهم زين ارتاحو منه اكيد انها ما لها رجعه له راشد : الله يسمع منك !.... وسمع صوت عند الباب راشد : هذا اكيد مازن ، يلا عن اذنك وباس راسها وطلع لـ مازن صديق الطفوله .. و المراهقه .. و العمر .. في بيت ابو طارق .. بالحديقه تحديداً اخذتهم السواليّف .. و سند راسه على كتفـها .. روابي : تأخرت على البنات خالد : انا ولا البنات ؟ روابي بخجل : انت اكييد ، بس بيسون لي سالفه هالحين خالد : قولي لهم كنت مع زوجي شدخلكم .. طارق بصوت عالي : اقول زوجها ما ودهّ يرجع لمجلس الرجال الكل يسال عنه ! خالد تنهد وبقهر : ما عليك اخوانك ما يقصرون و عدل جلسته : وهالحين ما حلت لهم الجلسه الا بخالد ! طارق : شنسوي ما نقدر على فرقاك خالد بحقد : بتتزوج و بتشوف ش بسوي فيك طارق تغير موده بسرعه .. اتزوج ؟ انا ؟ و ليلى ؟ لاااه مستحيل تزاحمت الافكار بباله .. و رجع للمجلس الرجال خالد عقد حواجبه : شقلت انا ؟ روابي تنهدت ومسكت يده : ما قلت شي بس طارق مره يتحسس من هالموضوع بعد طلاقه .. خالد : زوجوه و ينساها روابي بسخرية : ومن يتجرا يقول له تزوج .. عشان يزعل علينا صدق وحنّا ما صدقنا انه يرجع مثل اول .. خالد يناظر له من بعيد : لو غير طارق .. اقول يمكن بس طارق الي ما توقعت بيوم يصير فيه شي .. عشان بنت ! روابي : كان يحبها .. او يمكن عرف قدرها بعد ما طلقها وندم .. و البنت انا اعرفها ولا اللوم طارق لما زعل على فراقها .. ! بالمجلس 💙 ام رائد بـ ابتسامة : الحمدلله .. الحمدلله كله بفضل من ربي مشعل : يستاهل الحمد سبحانه .. ام موسى : نفرح فيك عريس قل امين .. مشعل : امين يا خاله .. ام طارق : والله بنات الحلال واجد بس انتو اللي ما تبون نواف : هالحين خلونا نفرح بعمر و جراح ... ام طارق : و العقبال لكم ان شاء الله .. نواف : ان شاء الله .. ام موسى : وانت يا طارق ما عندك نيّه للزواج طارق رفع راسه و ببرود : لا والله يا عمه .. جربنا نصيبنا مره و خلاص ام موسى : لاتقول كذا يا طارق .. و اصابع يدك مو سوى ! طارق بهمس : وهذا البلا ! انهم ماهم سوا .. ! و بنفسه : وين بـ احصل زوجه مثلها .. ادب .. اخلاق .. جمال .. ولا يطلع من فمها الكلمة .. بس انا للي ما عرفت قدرها .. ام طارق : لاه ان شاء الله انه يبي يتزوج و نفرح فيه .. هو و اخوه .. نواف : اذا وافق طارق ابد اخطبي لي حتى لا شاوريني جراح ضحك وبهمس : داري و متاكد ان طارق ما يوافق نواف بضحكة : عشان كذا .. هههه ام طارق : ما انت مربوط بـ اخوك انت ادا ما يبي .. ازوجك انت ! نتوقف هنا... | ||||
|
| |
|
18-06-22, 06:45 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 25 يوم جديد .. في بيت ليلى .. ليلى بغضب : بلا خبال ! اقل شي تجهزي لنفسك مو عشانه .. رفيف : ليلى لا تزعجيني ! قلت لك لاااا ليلى : اكييد امه بتجي ! ويمكن عمتـ ... و قفت وهي تستوعب : اقصد ام طارق .. ! رفيف : هه ايه هيِن اذا احد جااا ليلى : والله جراح اهم شي بالنهاية انتي متزوجته هو مو متزوجه اهله .. رفيف : عندي امل يصير شي ويتفركش كل شي ليلى : طيب خلي عندك امل بس تجهزي رفيف : يمه شقد انتي حنانّه ! ليلى : خليّك انيييقه بعيونه من اول يوووم .. و خليّك واثقه من نفسك .. وما عليك ما يصير الا المكتوب لك .. و عطي الرجالّ فرصة يمكن يطلع زيـن ! رفيف : تكفيين كلام لطيفه لا تعيدينه على راسي و الرجال اذا لهدرجة مصّر يبيني ! انا اعرف كيف اكرهه بعيشته .. ليلى : الله يستر منك بس ! في بيت ام موسى .. ام موسى بغضب :بتكسر كلامي عشانها !! جراح : يمه النقاش بهالموضوع انتهى .. بتروحين معي اهلاً وسهلاً .. اذا ما ودك عادي .. نقول لهم ملكة رجال بس .. ام موسى : مستحيل اروح لـ بنت الفقر ببيتها !!! هه .. هذا الي ناقصني بس ! فاتن : انا اروح معك جراح : ياجعلني ما اخلا منـك ! فاتن : يمه ان رحنّا او ما رحنّا فهي بتصير زوجة ولدك .. احسن لنا قدام الناس نروح . . ام موسى بغضب : مستحيييل و قامت لغرفتها وهي مقهوره .. استغفرالله يارب ! لا زوج متسنع ! و لا عيال بعد ! الاول طاير بها و عينه لفمها ايش ما تقول سمي وامري ! والثاني اردى منه ! ما دام تزوجها وانا رافضه ! بكرا شـ يبي يسوي ! اه يالقهر بس ! وانا الي تعبت و ربيت !!!!! في غرفه موسى . . شادن : لااه لازم نروح حتى لو خالتي ما راحت فشله البنت بكرا بتسكن عندنا ! احراج بيوم ملكتها ما احد يجي ! موسى : بكيفك .. اذا بتروحين تجهزي .. واذا تعبانه اعتذري منها وارسلي لها هدية ملكتها وخلاص شادن : لالا ما فيني الا العافيـة !! في بيت ابو خالد .. جراح : كلكم تجون ؟ و بتشديد : وانت يا طارق ؟ طارق : ان شاء الله .. ابو خالد : امك لهالحين ؟ جراح : خالي انا اللي بـ اتزوج مو امي ! وانا راضي بالبنت و ابيها ! ابو خالد : ادري يا وليدي بس رضا الام زين ! جراح : كانك ما تعرف امي يا خال ! ابو خالد : اعرفها اعرفها الله يهديها .. ! بعد مرور يوم .. يوم الملـكة .. في بيت ام رائد .. ام رائد بفرح : موافقه !!!!!! رائد : ايييه ايه ام رائد : يالله لك الحمدد بـ اتصل على عمر ابشره ! و فتحت جوالها و رفعت راسها : انت متأكد ما قلت لها شي ولا اجبرتها ! رائد : لا ! سلامات يمه .. هي وافقت براضها .. وعرفت ان الي تسويه خطا .. ام رائد : الله يكملها بعقلها .. اتصلت على عمر و بلغته بموافقه سلوى .. في بيت ابو رفيف .. ليلى كانت تعدل لها الميكب .. رفيف كانت منفسّه جداً ولا لها خلق ! بدو الحضور بالوصول .. وكانو " فاتن و شادن ، وروابي فقـط .. و جيرانهم .. لطيفه كانت تستقبل الضيوف بكل ذوق .. و كانت مرتبه المكان بالرغم ان حالتهم المادية مش عاليه جداً .. فاتن : متحمسه مره لشكلها روابي : هي جميله ماشاء الله .. شادن : ايه ، بس اكيد طلتها غير ! بقسم الرجال .. طارق : الله يتمم لك على خير يا عريس .. جراح : امييين و بهمس قرب منه : ترا ام جراح هنّا طارق ابتسم لاشعورياااً .. وبمراره : راحت علينا وانا اخوك .. جراح : اذا تبيها .. ما راح شي .. ورفع عيونه لا ابو ليلى : وعمك موجود .. طارق تنهد و سكتت وهو يناظر لا ابو ليلى .. لو اللمّح له حتـى .. بيرجعها غصباً عنها بس انا ما ابيها ترجع لي بالغصب .. ابيها من طيّب خاطر ! شلون ؟ في مجلس .. سمعوا موافقه العروس .. وهي مجبوره ! بس عشان خاطر ابوها .. بمجلس الرجال باركو له العيال و خواله .. عند البنات .. دخلت رفيف .. بـ اطلالتها المتألقـة .. فاتن بـ انبهار : ماشاء الله .. و باركو لها و هنوها البنـات .. وكان تمثل الابتسامة وهي ما لها خلق تكلم اي احد .. ! بقسم الرجال .. ابو رفيف بهمس : ينتظرونا بالمجلس حيّاك .. جراح عدل شماغه .. وابتسم من قلب .. وهو يتخيّل شكلها قدامـه .. اما عند البنات .. ليلى بغضب : رفيف بلا حركابزران ! رفيف : خلاص مو لازم الشبكة ! ما ابيي !! ليلى : رفيف لا تفشلينا !!! الرجال ينتظرك ! رفيف : قلت لك لاااااا لطيفه : ابوك ينتظرك !!! رفيف : قولي له لاااا رفيف ماتت نامت طلعت اي شي ما ابي اشوفه !!! ابو رفيف .. كان بالمجلس مع جراح .. دق جواله .. و ردت و بدا صوته يعلى : والسالفه على كيفها ! تجي يعني تجي ! اقسم بالله لـو جراح اشر له بمعنى : هدي هدي و بصوت قصير : خلاص ياعمي لا تجبرها على شوفتي يمكن مستحيه او شي .. ابو رفيف : طيب طيب انا جايكم وقفل الخط .. وبـ احراج : اعذرني يا وليدي ! مشكلتي دلعتها بزياده ! بـ اروح اتفاهم معها .. جراح : طالبّك ياعمي ! ما تروح ولا تزعلها بيوم ملكتها ! واذا على الشبكة .. يوم ثاني عادي .. ! في نفس البيت .. روابي ارسلت رساله لطارق وابتسمت بخبث .. واتجهت لـ ليلى .. وقالت لها ابيّك بالحديقه شوي .. وبنفسـها يالله يارب تهدي النفوس ! وترجع له بما انها بالعده ! ليلى بعد ما وصلت رفيف غرفتها نزلت تحت واتجهت للحديقـة .. وما جا في بالها ابداً ان بتقابل طارق .. جلست على الكرسي الموجود ورفعت جوالها بتتصل على روابي بتقول وينك .. طارق استغرب روابي شتبي مني ! بنص الملكة ! ليلى كانت منزله راسها وهي تبحث عن اسم روابي .. طارق تقدمت خطواتـه .. ولما قرب شوي ! عرفّها ... !!! ليلى لما سمعت صوت الخطوات .. رفعت راسها : جيتـي ... ووقفت الحروف من الصدمة .. كان بالثوب و الشماغ وريحة عطره وصلت قبلـه !! طارق اتسعت عيونه بصددمة ! ما يدري هل هو واقع ؟ ولا يتهيأ له ؟؟؟؟ ليلى بتردد : طـ .. طـارق طارق بتوتر : انا روابي اتصلت علي و... ليلى قاطعته : وانا قالت لي تعالي برا... طارق انصدم و ضحك بصوت مسموع .. ليلى حست قلبها فز من صوت الضحكة .. !!! وقفت بتوتر .. طارق لا شعورياً تقدم منها ومسكها من يدها و وقف قبالها .. ليلى بتوتر : طارق بعد عنـ .. طارق كان يناظر لها بتركيز وشوق ! ليلى : طاررررق طارق حط اصبعه على فمها : اصّص .. بـ اتكلم معك دقيقه ليلى حست الدم تجمد بعروقها .. و دمعت عيونها : بعدد عنيّ طارق حط يده حول خصرها : انا اسف على كل شي ! تكفيييين ارجعي لي ! تكفييين لا تطولين الزعل ! تكفيين والله قلبي ما يتحمل اكثر .. ليلى انصدمت من كلامه .. و تحاول تستوعب .. نزلت دمعه لا شعورياً .. وبكت لا شعورياً .. طارق مسح دموعها بيده : لا تكسريني طالبّك ! ليلى تحس بشعور غريب ما بين خوف .. توتر .. و حــب !!!!!!!! ليلى : الله يخلييّك بعد عني... طارق قرب منها وكان يفصل بينهم كم سم فقط .. حست بـ انفاس طارق على وجههّا .. وطارق يحس انه يسمع نبضات قلبها من قربها .. ليلى رفعت راسها و بـرجا : طـ طارق ما قدر يقاومها اكثـر .. قرب من شفايفها و قبلّها بخفـه .. وهو يحس ان هاللحظة اطول لحظه بحياته .. اما ليلى فـكانت تحس ان النفس انقطع عندها .. حسّ التوازن صفـر .. ولا حركة .. ولا نفس .. ولا اي شي .. حتى عيونها عجزت ترفعهم .. طارق بعد عنها وهو ما زال قريب منها وبرجا : تكفين يا بنت محمد .. تكفييين سامحيني .. ! والله حاليّ من بعدك ما يسّر ! و سحب يدها و حطها على قلبه : ارحميّه و ارجعي لي ! ليلى بكت بصوت مسموع .. طارق حط يديني اثنينهم حول وجهها :لا تبكين يا نظر عيني ! لا تبكين .. و تكسريني بدموعك .. ليلى بصوت متقطع : بـعـ .. بعد ... قاطعها وهو يمسح دموعها : بـ اروح والله بس تكفين اوعديني تفكرين .. للمره الاخيره عطيني فرصـة اخيره !!! وانا مستعد اثبت لك اني تغيرت واني ندمان على كل شي اذا ما تبين اهلي .. اطلع من الرياض عشانك .. اذا تبين هنا عند اهلك .. انا راضي باي شي .. بس انتي ترضين علي !!!! ليلى نزلت راسها وبكت لانها مو عارفه ايش شعورها او ايش تقول كانت مصدومة من حركة طارق... ومن كلام طارق .. ! حست الكلام وقف مو راضي يطلع ! طارق باسها على راسها .. : لا تنزلين راسك قدام اي احد .. انتي الصّح .. انتي الكريمة الي سامحتي اهلي ، و عطيتني فرصة بس انا ما كانت قدهّا !!! انا الغلط .. انا الي المفروض ينزل راسـه و يستحي ! انا الي ما قدرت النعمة الي بيني يديني . . في غرفه رفيف .. نزلت الشوز وكانت تحاول تفتح الفستان بتبدل ملابسهـا .. طق الباب .. رفيف بغضب : خلااااصصص عاااددد !!!!! طق مره ثانيه اتجهت للباب وفتحته : وبعديـ .... جراح : قالو لي ما تبين تنزلين قلت اجيّك انا ! رفيف : صدق انك ***** وكانت بتقفل الباب .. بس يد جراح اسرع منها .. و داخل واللتفت لفاتن : شكراً ما قصرتي .. انا اتصرف .. رفيف : هييّه انت !!! سلامات داخل غرفتي ؟ ما تستحي ما تعرف العادات وسّلوم الرجال ؟ جراح وهو ينزل الشماغ : أولاً احب اذكرك انك زوجتي .. و ثانياً انتي يا ام العادات ما تعرفين ان البنت تنزل للشبكة بيوم ملكتها ؟ رفيف : أولاً لانك مو كفو الي ينزل لك ! وثانياً مو انت الي تعلمني الصح من الغلط .. جراح : شوفي بـ اتجاهل كلامك عشان اليوم ملكتي و مروق .. ولا ابي ازعلّك بس والله الي يرفع صوته على جراح الـ ***** ما بعد جابتّه امه !!!! رفيف بسخرية : خفتّ تصدق ! و اتجهت لغرفه الملابس وهي تتلحطم ش اسوي مع هالمريض ؟ اقول لا ابوي ؟ ايه ايه عشان يشوفه على حقيقته ! .. وطلعت له : خليك مرتاح كذا و بـ اتصل ع ابوي يجي يشوف النسيب الكفو الي زوجه بنته جراح وهو مسترخي : اتصلي .. هو الي قال لي ! رفيف بصدمة : مستحييل !! جراح عدل جلسته : ما اتوقع عندي الجراءه ادخل بيتكم وانا اليوم مملك ! بدون اذن ابوك رفيف حذفت الجوال بالارض بقهر و صرخت : اوووف اوفف رفعت راسها وتنهدت بعمق : اسمع يا ابن الحلال ! قلت ملكة و ملكنا .. جاي لغرفتي ليش ؟؟؟ لا جد يعني انت تشوف عادي ؟؟ جراح : طبعاً لا بس ادا زوجتك تفشلك قدام الكل و تعيي تجيّك .. بهالحاله كل شي عادي .. رفيف : طيب هالحين تفضل برا ؟ وقف جراح وقرب منها : اطلع كذا ؟ وكان يمشي باتجاها .. رفيف : اييي اطلع ؟؟ شمنتظر ؟ وبسخرية : اخذك بالاحضان مثلاً ؟ جراح بخبث : ليش لا ؟ رفيف لما قرب منها .. حست بتوتر : جراح لا تستهبل !!!!! و اطلع برا جراح صار يفصل بيتهم مسافه قصيره جداً وكان فارق الطول ملحوظ .. : استهبل ؟ ارجع اذكرك انك زوجتي و حلالي ولو اخدتك من يدك هالحين قدام الكل ما عليّ من احد !!!! رفيف دفته بيدها وبتوتر : ادري والله ادري ما يحتاج كل دقيقه زوجتي وزوجتي بس وجودك بغرفتي خطاااا !!! اطلع الله يخليّك !!! جراح قرب منها وشّم ريحة عطرها .. و كان وده يضمها بكل ما فيّه .. بس حس على نفسه .. هييّه .. اولاً هذي زوجتك وهذي اول يوم لكم .. و انت تعرف شخصيه رفيف .. والله لو لمست يدها لا تسوي لك سالفه وتكره للابد !!! رفيف بعدت : جراااح !!!!!! اططلع برا جراح بعد عنها وميل رقبته و بنبره غريبه : لا تصدقين نفسك عاد .. من زينك بس كنت بـ اقول لك أولاً غيري ريحة عطرك المخيسه ذي ! تصدع بالراس ! و ثانياً فستانك لو جايبه شي اضيق ازين حلايا هالجسم عاد ؟ المشكلة عندك مرايا ! شوفي نفسك قبل لا تطلعين للناس وتفشلين نفسك و تفشليني !!! نتوقف هنا... | ||||
|
| |
|
18-06-22, 10:37 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 26 عند طارق وليلى .. مسح دموعها بيده .. : تكفين خلاااص .. لاتبكين .. وابعد عنها .. ورجع خطوتين : ارجع اقول لك اني ما زلت ابيّك و انتظرك .. و الراي الاول والاخير لك .. اذا بعدك تكرهيني .. فا انا ما الومك .. واذا قلبّك رضى عليتاكدي ان قلبي مشتاق .. و طلع لسيارته مو لقسم الرجال .. وهو يحس هّم ثقيييل على نفسه انزاح بعد ما قال لها .. !! ليلى جلست على الكرسي وبكت بالم .. و تتذكر كلام طارق ؟. معقوله !!!! في غرفه رفيف .. وقفت بصدمة قدام المرايا .. حسّت كلامه هز ثقتها بنفسها .. شمت عطرها و بتساول : صدق مو حلو ؟ ناظرت جسمها وفستانها .. معقوله الكل كان يجاملني بفستاني؟ ناظرت لملامحها وجلست تقارن نفسها فيه .. يعني يشوفني اقل منه؟ وبسخرية طبعاً فلوس و جمال وسمعه .. من انتي يارفيف .. حست بقهر وجلست بالارض تبكي !!! اول مره احد ياثر عليها بكلام ! كانت دايماً هي الي ما احد يقول كلمة بوجههّا يمكن يا رفيف من طولة لسانك الناس صارت تجاملك بس عشان تسكتين وكانو يمدحونك بس عشان يرضونك ناظرت للمرايا .. يمكن انك بعيون الكل عادية وجسمك يفشل .. وعطوراتك مخيسه و شعرك مو حلو بس كانو يجاملونك في سيارة طارق نزل شماغه .. واتجهه لبيته .. وهو يفكر بكلامة .. و بدموعها .. و ريحتها .. وقربها .. ابتسم لاشعورياً .. وحس هاللحظة اجمل لحظة مرتّ عليييه وانتهى هاليوم .. الي كان حلو على البعض .. و ثقيل على البعض .. و كسر البعض .. يوم جديد .. صباح جديد .. اخذت شور و وقفت قدام درج الملابس نص ساعه .. تختار لبس .. هذا مو حلو ؟ وهذا ضيق شوي يوه هذا قصير ما ينفع .. هييّه رفيف شفيك ! كلامه اثر عليك ! هذي ملابسك من عمر وهذا ذوقك اعجبه اهلاً وسهلاً ما اعجبه بكيفه !!! في بيت طارق .. صحى وهو مروق جددداً .. اخذ شور وقرر يروح يفطر مع ابوه .. وطول الوقت .. تتجد في باله احداث امس .. 🔐 يوم جديد .. 💛 في بيت ابو ليلى .. نزلت راسها وهي تحس بصداع ما قدرت تنام من امس .. ناظرت لنفسها بالمرايا .. وتنفست بعمق .. كيف يتجرأ يسوي كذا ! كييييييف سمحتي له ! وغمضت عيونها وتذكرت كلامه ونبره صوته .. ليش تو يحسّ فيني؟ ليش تو يعرف قدري ؟ قلبي مو على كيفي .. و كرامتي اهم من كل شي .. ضرب .. اهانة .. استحقار كل شي .. شالي تغير هالحين؟ ليش مشاعر الكره بتدت تتلاشى؟ ليش بتضعفين عشان كلمتين منه؟ انتي عشته معه وعرفتي شخصيته .. وبسخرية شفتي كيف كان يعاملك ! ويعامل خواته .. يعني الكلام الحلو والاستلطاف مو صعب عليه .. بس لك .. ما كان من قلبه ؟ اجل ليش اعتذر وقال لي كل هالكلام؟ لو ما يحبني .. كان نساني و تزوج غيري ؟؟. حست بصداع اكثر من كثر الافكار .. ما تعرف تتعاطف .. او تعصب من اللي صار ؟ او تنسى او ايش تسوي انسدحت على السرير وبصوت مسموع : خلاص ليلى .. خلاااااااصصصصص ... !!! في بيت ابو رفيف .. ابو رفيف بحده : انا اعطيتك وجهه فوق اللازم !!! الليّله تلبسين و تتعدلين و زوجك بيجي يلبسك الشبكة رفيف بصدمة : يبه !!!!!! مااا ابي يلبسني !!! مو غصب ابو رفيف : امس سكت عشانه توسط لك وقال لا تزعلها بس والله الليله لو عصيتي كلامي ولا تجهزتي والله لا اقول له خذها بعباتها و ارتاح انا من هالسالفه !!! الناس الي تزوج بناتها تفرح ! انا وين والفرحه وين ! مستخسره فيني افرح فيك مثلي مثل اي اب .. بس الظاهر انا غلطت كثير لما سمحت لكلمتك تمشي من سنين !!!! وطلع بغضب .. لطيفه : ما عليه ابوك تعبان و مرهق .. لا تزعلين عليه و انتي روحي تجهزي و رفيف بحده : خلااااصص خلاااصصص و صعدت لغرفتها وهي تتلحطم !!! في بيت ابو موسى .. جراح : اي والله تمنيتك حاضر ابو موسى : ان شاء الله ازفّك بعرسك .. و تنهد : بس والله انه كفو و رجالّ و لا نسى وعده من سنين .. جراح : ايييي من درى اني ولدك على طول حدد الملكة .. ابو موسى : وانت يا وليدي اعرف قدر البنت .. واترك سوالفك جراح بتصنع براءه : اي سوالف ؟ ابو موسى : لا تظن اني بعيد عنكم ما اعرف عنكم شي .. ادري فيك و بسوالفك .. بس هالحين خلاص اكبّر و اعقل وراك بيت .. و زوجة و ان شاء الله عيال .. في الليل .. في بيت ابو رفيف .. لبست فستان سنبل مره .. حطت ميكب خفيف وهي ما لها خلق بس بتخفيّ اثار الدموع على وجههّا .. بالمجلس .. ابو رفيف : اعذرني يا وليدي .. بـ ... قاطعه جراح : لا تتعذر ياعمي ما صار الا الخير .. و اليوم ولا امس ما تفرق .. ابو رفيف : وهي بنتي .. وانا الي مربيها لكن انها عنيده شوي . . طالبّك تتفاهم معها بالطيّب .. وتنهد و الذاكرة ترجع فيه : انفصلنا انا وامها وهي كانت صغيره .. امها تزوجت و استقرت .. وانا شوفة عينك عندي ولدين .. وهي اصّرت تبقى ببيتها القديم الي قريب من هنّا مع خواتها .. هي الي ربتهم وهي الي اهتمت فيهم .. يعني تحملت واجد بهالحياه .. و يمكن هذا الي اثر على شخصيتها ولا قلبها .. وبحُب : والله ما في مثل قلبها .. جراح ابتسم بخفه : لا توصي يا عمي .. باذن الله الله بيقدرني و اسعدها و اعوضها عن الحياه الي عاشتها .. ابو رفيف : ان شاء الله .. ان شاء الله يا ابوي .. عن اذنك بـ اشوفها و اتجهه لغرفتها وطلب منها تنزل .. في بيت ابو خالد .. عمر : طيب متى الملكة !!! ابو خالد : انت شفيك مستعجل؟ خلاص البنت وافقت ولا هي بطايره ترا ! عمر : لاه بس كان قصدي يعني نستعجل بالملكة عشان نزفّ مع خالد و روابي خالد : نعم ؟؟؟ شدخلك بخالد و روابي ! حلوه ذي حتى بعرسي بتنقص عليّ ؟ عمر : تشوف يبّه ؟؟؟ انا ابي زواج بليله وحده و الفرحة فرحتين وهو !!! ابو خالد : ما لك شغل باخوك ! مملك من كم شهر ومتى ما حدد الزواج كيفه ! بس انت تستعجل و تعجل البنت ليـش رنيم : عمتي تقول يعني كـ اقتراح ان ملكتكم وزواجكم بيوم واحد ؟ عمر بحماس : احسسسن بعددد ابو خالد بغضب : انت شفيك !!!! و اللتفت على رنيم : عمتك الي قالت كذا ؟ رنيم : ايييي طبعاً الراي لعمر وسلوى بس حنّا نسولف عمر : انا اعجبتي صراحة ! نسوي حفله مختصره وخلاص .. خالد : كيفك بس ما نزف بيوم واحد ! معليش يعني ابي افرح لحالي .. عمر ناظر له وبسخرية : افرح انت وروابي .. خلاص انا اعجبتني صراحة .. لان ما لي خلق للزواج و المعازيم و الحجوازت شي مختصر ازين ابو خالد : شاور بنت عمتك إذا وافقت كيفكم انا اهم شي راضاكم .. عمر باس راسه : الله يطول بعمرك .. في بيت ام رائد .. مشعل كان طالع للجيم .. و سلوى كانت بالحديقـة .. مشعل : يسعد مسائك يا عروس .. سلوى ابتسمت بخفه : اهلين .. مشعل : شفيك عسى ما شر ؟ في بيت ام رائد .. مشعل كان طالع للجيم .. و سلوى كانت بالحديقـة .. مشعل : يسعد مسائك يا عروس .. سلوى ابتسمت بخفه : اهلين .. مشعل : شفيك عسى ما شر ؟ سلوى بتوتر : لاه ما فيني شي .. بس تعبت من المشي مشعل : ايييي لا ما عليك الرياضه صحه .. بس يمكن عشانك مو متعوده .. بنفس البيت داخل .. ام رائد : انت طلعه لاي مكان وانا و خالتك نجهز كل شي رائد : طيب متى ؟ ام رائد : انا اقول الثلاثاء زين ؟ رائد : اييي كيفك .. ام رائد : اهم شي مشعل لا يحسّ بشي ! رائد : طيب طيب .. في بيت ابو رفيف .. دخلت بخطوات متوتره جداً .. جراح فز قلبه لما شافها اقبلتّ .. وقف وابتسم لاشعورياً ونسى كلام امس كله ! تقدم بخطواته .. وباس راسها : مبروك رفيف بدون نفس : يبارك فيك .. ابو رفيف : اخليكم على راحتكم .. رفيف رفعت راسها بسرعه وناظرت لا ابوها وكانت بتقول لا تروح .. بس حستّ على نفسها : هالحين يصدق عمره عاد ! طلع ابو رفيف .. وقفل الباب رفيف جلست وهي تتصنع البرود .. وعدم الاهتمام .. جراح تنرفر منها .. وجلس مكانه .. رفيف تهز رجولها بشكل ملحوظ .. جراح اتجهه لها وضغط على رجولها : خلاااص وترتيني حتى انااا !!!!!! رفيف ناظرت له و سكتت وهي متوتره .. جراح جلس بجنبها .. و وصلته ريحة عطرها .. حسّ نبضات قلبه تسارعت .. ناظر لها بهيام .. رفيف بتغثه وقربت منه : حطيت من نفس العطر عشان يصدع راسك صددددق !!! و تفارق جراح لما لفت جسمها له .. ضمهّا لاشعورياً .. رفيف سحبت نفسها وبصدمة ناظرت له !!!! جراح استوعب و رجع سند ظهره : عشان اصدع و اشمّه زين .. رفيف تحلطمت بهمس .. جراح : ايش تقولين؟ رفيف : ولاشي !!!! جراح مسك يدهّا .. رفيف كانت متوتره : نعم .. !!! جراح : اظن جيتي اليوم مو اتامل سود عيونك ! واخذ الدبله .. رفيف كانت تحاول تهدي توترها الداخلي .. جراح لاحظ ان يدها ترجف .. حط يده تحت يدها و لبسها الخاتم .. وما زال ماسك يدها و يناظر لها .. كان الخاتم لايق لها جداً ومقاسها .. رفيف سحبت يدهااا .. : خلاااص جراح رفع حواجبه : اهتمي بيدنك شوي .. حرام لو تعرفين قيمة الخاتم ذا !! رفيف تنرفزت مره وطلعت الخاتم وحذفته بالارض !!!!!!!!!!!! و بغضب : خلااص عاااددد !!! اذا من اولها بتذلني بفلوسك !!!! جراح وقف بصدمة .. : هيييّه !!! رفيف قربت منه : شف كلامك امس تجاهلته .. بس الى هنا وبس اذا مستخسر قيمته .. ترا مو لازم يعني كذا ولا كذا ما ابي اللبسه !! جراح : مو على كيفك !!! طول ما انتي على ذمتي تلبسينه جراح بغضب : فاهمه ؟؟ رفيف قربت اكثر و رفعت حاجبها : الى وين تبي توصل انت ؟ ملكة و ملكت وانت تدري اني ما ابيك ! واني مجبوره فيك .. امس كلامك بمعنى اني مو عاجبتك شكلاً .. واليوم تمنّ علي بفلوسك ؟ وبعدين .. جراح : انا مستمتع كذا .. اسوي الي ابيه .. ما يخصّك .. و الخاتم بتلبسينه غصب .. رفيف بعناد ناظرت له بالارض : هه ما ابيّه .. اساساً انا ما استاهله .. جايب لي شي بسيط ع قد حالتنا .. يعني تعرف بنت فقر مو شايفه خير ليش تتكلف عشانها .. و عدلت شعرها ورا ظهرها : و شيّنه و ريحتها تغث .. يعني صدق ش مصبرك علي؟؟؟ جراح انقهر لما شافها تسبّ نفسها .. !! و اتجهه للخاتم و اخذه .. و مسك يدها وهي تحاوب تسحبها : قللتتت لك ما ابببييييييه خبيّه عندك يعني اساسا زواجنا ما بيطول ، تاخذ الي تليق بمقامه .. جراح بغضب : رفيف اسكتي احسن لك !!!!! و سحب يدها بقوه و كان ضاغط عليها بكل ما فيه رفيف كانت تألمها بس ما تبي توضح له !!! جراح لبسها الخاتم بالقوه وما زال ضاغط على يدها : لا تختبرين صبري اكثر يا بنت الناس ! رفيف ناظرت ليدها الي صارت حمرا بشكل ملحوظ !! جراح لما شافها حسّ بندم !!! بس ما وضح لها .. و قرب منها : كل شي اعديه .. الا طولة اللسان هنا خط احمر .. احترمي نفسك .. عشان انا احترمك و اقدرك ! و طلع من البيت بكبره وهو غصبان و مشاعره متضاربه جدددداً !!! في بيت ابو طارق .. ام طارق : شفيه ولدك من جلس وهو يوزع ابتسامات ! ابو طارق : لا اله الا الله ! حاسده الولد الابتسامة ! ام طارق بغضب : مو قصدي كذا !!!! بس غريبه يعني ! اليوم مفطر معنا و هالحين عندناا ابو طارق : يا جعله دوم !!! اما عند طارق .. كان يتذكرها و يبتسـم .. لاشعورياً .. وكان يناظر للجوال على امل اي رساله منها .. تدل انها سامحته وتبيه !! وكان يفكر ش ممكن يسوي لها اذا رجعت؟ اسافر معها ؟ لالا اسوي لها رضاوه كبيره قدام العايله ؟ لالا يمكن ما يعجبها وكان منسجم مره بالتفكير ! و هو متوقع انها بترجع له !!!!!!! ًًً على ان تفكير ليلى كان يقول العكس !!!!!! 🔐 بـعد مرور اسبوعين على الاحداث الاخيـرة 💛 .. طارق و ليلى .. لا جديد ما اتصلت عليه ولا تواصلت معه باي شكل .. و اقنعت نفسها بالرغم من مشاعرها ان طارق ما يستاهل الفرصة الثانيه ، لانها مو واثقه من كونه صادق او كلام فقـط .. خالد و روابـي .. حددو زواجهم بعد اسبوعيـن وكانت مشغوله بالتجهيزات .. و خالد بتجهيـّز بيتـه .. جراح و رفيف .. لا جديد .. ابوها و جراح حددو الزواج ولا شاورها حتـى .. رفيف قفلت جوالها من يوم ملكتها ما تبي تسمع صوته حتـى .. جراح ملاحظ التوتر و الحساسيّة بينهم فـقرر يبعد عنها شوي .. ما يبيها تكره او تاخذ عنه انطباع خطا .. عمـر و سلوى .. حددو الملكة بعد ثلاث ايام من وقتنا حالياً .. وكانت الزفـة و الملكة بيـوم واحد .. الليلّـه 🎓.. حفل تخرج مشعـل .. في بيت اهلـه .. وعزمت ام رائد كل من يعـز عليها . بسيـارة رائد .. مشعل : لو قايلين لجراح والعيال رائد : قلت لهم بس بيجون بعد المغرب مشعل : زيين ، نغير جوو عن البيت . . رائد : شصار على اوراقك ؟ مشعل : ان شاء الله خلال هالاسبوع ببدا بمستشفى ******* رائد ابتسم له : الله يوفقك .. مشعل : امييين .. في البيت .. ام رائد من الصبّح وهي صاحيه . . و سلـوى تغير مودهااا مره بعد رجوع مشعل .. و موافقتها للزواج من عمر و اخيراً انشغالها بالتجهيزات لـ حفل تخرج اخوها و سندها 🎓.. ام رائد : يمه سلوى جهّزي البشت و حطيه بغرفته سلوى : سمي .. بس ارسلي لي بخور عشان بس يلبسها ام رائد : ان شاء الله .. و جهزي له ساعه كبك شي من ذوقك و حطيهم كلهم على السرير عشان ما ينسى شي سلوى : طيب يالغاليه . . في بيت ابو طارق .. عبير : بنااااات يلللاااا !!!! والله بتزعل عمتي رزان طلعت من غرفتها : انا خلصت بس روابي ! عبير : شرايك نروح وهي تجي بعدين مع امي ؟ رزان : ايييي عااادددي اهم شي نروح سلوى اتصلت علي تسال وينكم عبير : طيب يلا واتجهو للدرج .. اما روابي فـكانت تو تصحى من النوم ! وما بعد تجهزت لما شافت الساعm قامت بسرعه واتجهت لدورات المياه ( اكرمكم الله ) وبنفسها اووف روابي !!! شهالنووووم ! هذا وانتي وعدتي عمتك تجين بدري !! نتوقف هنا.... | ||||
|
| |
|
19-06-22, 12:18 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 27 في بيت ابو ليلى.. رفيف كانت منسدحة ومغمضه عيونها : تو احسّ فيك يا ليلى .. صدق الفلوس مو كل شي .. ليلى تنهدت : الله يعينك .. وبتساؤل : عاد انا كنت اظن ان جراح مو مثل طارق بالتسلط و الظلم رفيف : على إن من يوم الشبكة ما شفته ولا سمعت صوته بس كل يوم كل لحظة وهو ببالي .. عجزت استوعب ان هذا الشخص اللي باعيش معه حياتي .. !! ليلى لاشعورياً : ولا راح يروح من بالك ابداً .. رفيف عقدت حواجبها : شقصدك؟ ليلى : ولاااشي .. !! رفيف : تحبيّنه !!! تبينه ؟؟؟ ليلى : لاا طبعاً لااااا رفيف : ليلى قولي الصدق ! اذا عندك نيّه ترجعين له لا تعطين ام راشد امل بشي ! ليلى : اولاً ما عندي نيه ولا افكر فيه حتى ! ثانياً ما عطيتها امل قلت بـ افكر ومن حقي افكر قبل لا اتخذ قرار مثل هذا .. رفيف : ابوك موافق ؟ ليلى : لااا بس مازن كم مره يجي يجلس مع ابوي و يصير نقاش حاد وكذا فاتوقع ابوي خلاااص اقتنع ان طارق خلاص .. رفيف : طيب انتي مقتنعه براشد ؟ ليلى : كـ راشد لا ما فكرت فيه الصدق بس كـ زواج بهالوقت ، ايه فكرت و مقتنعه بنسبه ٦٠٪ اتزوج براضي . . من شخص يبيني احسن من ابوي يعيد لي السالفه الاولى مازن مو دايم فاضي و يدافع عني !! وابوي وبمراره : اهم شي عنده الفلوس .. عادي يرخص فيني مره ثانيه بس عشان مصلحته ! رفيف مسكت يدها : مع ذلك فكري زين .. اذا تحبين طارق او شي لا تظلمين نفسك مع راشد .. ليلى : لاااا قلت لك لااا و تكفين لا تجيبين لي طاريه كل شوي ! في بيت ابو رائد .. مشعل بتوتر : امي شفيها ؟؟؟ رائد : ما فيها الا الخير مشعل : اجل ليش رجعتنا على عجله !! رائد : قلت لك العيال اجتمعو عند طارق و اتصلو علي !!! مشعل بعدم اقتناع : يعني الكل بخير ؟ رائد : والله بخير يا ابن الحلال !! ب عد مرور نص ساعه .. وصلو بيتـهم .. ومن اول الشارع كان فيه زحـمة سيارات .. مشعل عقد حواجبه : شسالفه ؟ الجيران عندهم زواج رائد : ما ادري .. المهم انا بس ابدل ملابسي وانزل .. مشعل : طيب .. و لما قربو من بيتهم . . كانت البوابة مفتوحة و الناس داخلـه و السيارات زحمـة .. و فيه كاميرات عند المدخل . . رائد اللتفت له : مبروك يا دكتور .. مشعل وهو يحاول يستوعب .. ضحكت بصوت مسموع : رائد !!! رائد بضحكة : فكرة امك انا ما لي دخل .. ودخلت سيارتهم و الشباب كانو بـ استقبالهم .. نزل مشعل وهو مبتسم لاشعورياً و سلمّ على الموجودين .. و انبهر من الحضور و التجهيزات و زحمة الناس .. و اكثر شي اسعده ! وجود اصدقاء الثانوي .. و الجيران وكل من يعز عليـه .. رائد : امي مجهزه لك ثوبك و بشتك بدل بسرعه و ندخل المجلس مشعل بـ ابتسامة : طيب .. و اتجهه للبيت و اتصل على سلوى اخذت له طريـق .. دخل غرفته وبدل ملابسه بسرعه و لبست البشت .. دخلت ام رائد بالبخور : مبروك يا نظر عيني مبروك .. مشعل بضحكة : يبارك فيك و يخليك لي !! و باس راسها بحب : ما قصرتي يالغاليه . . دايم سابقتنا بالطيّب ام رائد : والله انك تستاهل اكثر ! رفعت راسي .. و فرحتني .. لبسته البشت .. و نزلت دمعتها لا شعورياً مشعل مسح دموعها وباس راسها و رجولها .. في نفس البيت .. عبير : شهالزين يا سميّه ؟ سمية بغرور : من يومي هههه عبير : لا صدق اللون عليك مره حلو .. رزان بهمس : انهار من الثقه انا اللتفت لها عبير : يحـق لها .. رزان : اييي انتي وهي نفس الشي .. عززو لبعض بس .. ! في بيت ابو طارق .. روابي كانت تتصل على السواق ولا يرد !!! انقهرت و جلست بالحديقه وتناظر للساعه اوف بس !!! اتصلت على نواف ولا رد ! اتصلت على طارق و من حسن حظها انتبه للجوال ورد وقالت له انها لحالها بالبيت .. و السواق ما يرد .. و قال لها خلاص انا اجي دقايق بس .. بمجلس الرجال .. لما قفل منها .. اتجهه للبوابـة .. وصادف خالـد .. خالد : ع وين ؟ طارق : ابد رايحين نجيب روابي طال عمرها تو تخلص خالد بضحكة : اي بكيفها طارق : نشوف بكرا اذا تزوجتو شيصير .. خالد : والله عادي .. ولو تبي هالحين أروح اجيبها طارق بتفكير : صدق عادي تروح ؟ خالد انبسط بس ما وضّح لطارق : اييي فاضي و البيت قريب طارق : خلاص اجل اتصل عليها و تفاهمو و رجع للمجلس عند ابوه و عمـه .. اما خالد انبسط مررره .. و اتجهه لبيت عمـه .. و لما وصل رتب السيارة كان فيها اوراق و شوية اغراض .. و حط من عطر ****** وعدل شماغـه .. و اتصل عليها .. روابي : اهلين خالد : هلابك .. اذا جاهزه يلاا انا عند الباب روابي بصدمة : انت عند الباب !! خالد : اي جاي اخذ زوجتي .. احسن من تكلف على اخوها روابي بـ احراج : خالد ! خالد بضحكة : يلا يلا ياعمري انتظرك .. في بيت ام راشد .. راشد كان جالس مع امه .. وكل شوي يسالها .. ردت عليك ؟ ام راشد بغضب : خلاص يا راشد ! قلت كلميها و كلمتها خلاص اذا ردت ب اقول لك او انك نايم !!!! راشد بـ احراج : شسوي يمه والله صدعت من التفكير توافق ولا ما توافق ام راشد : وليش ما توافق ان شاء الله حاصل لها مثلك و تعيئ ! راشد بتوتر : والله ما ادري عن ليلى .. و بجدية : طيب اخطبها رسمي يمكن كذا قـ ... قاطعته امه : اذا وافقت تخطبها من ابوها حنّا هالحين نبي نشوف يعطونا ولا لا .. اصبر و اثقل يا ولد .. !! في مجلس الرجال .. جراح : ياهلا و يا مرحبا انشهد تو ما نور المكان ابو رفيف : بنوركم الله يطول بـاعماركم جراح : حياكم تفضلو .. ابو ليلى : الله يزيد فضلّك .. واتجهو للمجلس داخل .. و استقبلهم ابو طارق .. ابو طارق : حيّ الله النسيّب .. شرفتنا والله ابو رفيف : الله يحييّك .. و جلسو مع بـعض .. طارق انسحب من الحوار بينهم .. لانهم كانو يسترجعون ذكريات زواجه من ليلى .. وهذا الشي ضايقه جددداً .. طلع جواله وهو تحت تاثير هاللحظة .. " ترجعين لي " في بيت ابو ليلى .. حست برجفّه بداخلها من حروفه .. و جديتّها ! ترجعين لي ؟؟؟ شتقولين يا ليلى ؟ لااا مستحيييل لا ياثر عليك .. وفتحت الجوال .. " الله يوفقك و يعوضك ببنت الحلال الي تسعدك ، و تعرف قدرها زين " و حذفت جوالها بالارض .. الي سويتيه صح يا ليلى .. صح لا تندمين ! في سيارة خالد .. ركبت وهي مستحيه مره .. خالد : ياهلا ياهلا روابي : هلا فييك .. خالد و هو يحرك السيارة :شخبارك ؟ روابي : بخير الله يسلمك .. خالد : نايمه ؟ روابي ضحكت بخجل : راحت فيني نومه هههه خالد : ما استغربت لان كنت متوقع ههههه روابي : مو انا كذا دايم !! بس بعد الملكة صار تعب و ارهاق فتلخبط النوم عندي خالد بضحكة : نشوف نشوف بعد الزواج روابي ضحكت بخجل !!! يوه فشله شبيقول عني بس نااايمة ! 🔐 في مجلس الرجال .. طارق قرا رسالتـها و حسّ بغضب بس تدارك نفسه ! تخرج ولد عمك وين بتروح اساساً ! خلاااص الـى هنا وبس يا طارق ! ادا لهدرجة البنت عايفتك خلاص .. ما في شي بالقوة !! تنفس بعمق وهو يحاول يضبط اعصابه ويكون طبيعي .. عند مشعـل .. كان مبسوط وهو ما بين عمامـه .. و اصدقائه والجيران .. جراح : أمرني ؟ ابو رفيف بتردد : ادري ما هو وقته يا وليدي ، لكن ما صارت لي فرصة جراح بـ اهتمام : تفضل ياعمي ! ابو رفيف : وديّ انك تطيب خاطرها لو بكلمة والله من ذاك اليوم الى يومك ذا وهي ما تجلس معنا ولا تسولف حتى كان ميّت لها احدد .. و بـ احراج : ولا اقدر اتقرب منها و اسولف معها و تعتقد انها على صح واني اراضيها بس انت زوجهاا .. وبجدية : وهي لو تعرفك زين وتعرف شخصيتك ما زعلت ولا لحظة . . بس شنقول .. جراح : سم ولا طلبت شي يالغالي .. باذن الله مو بس مكالمة بـ ازوركم قريب و اتفاهم معها و ان شاء الله ما صاير الا الخير .. ابو رفيف : الله يرضى عليك يا وليدي .. عند البنـات .. مريم : شخبارك يا عروس ؟ سلوى بخجل : بخير الله يسلمك .. رنيم : وه احلى مرت اخو بالدنيااااا روابي بغيره : لنا الله .. رنيم ضمتها وبهمس : ههههه عاد انتي الغيـررر .. مريم : تلعب عليكم سلوى بضحكة : ههههه سمية : فاتن فاتن : سمي سمية : مرت اخوك وينها فاتن : شفتها اخر مره مع خالتي سمية : اقصد زوجة جراح فاتن : اهااا لا ما جتت رفيف سمية : غريبببه ، هي ملكة خالد وهي ما تعرفكم جت وهالحين لما صارت كنتكم تتغلـى فاتن : لااه مو سالفه تغلي ، بس جت مع ليلى عشانها صاحبتها سمية : ليلى ههههه وبسخرية : ياقدمها الا تعرفون شصار عليها ؟ فاتن : شفناها بملكة جراح تجنن كانها احلوت بعد روابي : هي حلوه ماشاء الله .. سمية : تبالغون مره .. عبير بهمس : خلاص ش تبين فيها و بطاريها ! سمية : وددي اعرف ش سوت بعد ما رجعت لبيتها بيت الفقر عبير : يوه عاد اخر همها المظاهر وهي عندنا ما شفناها تلبس شي wow عادي لبسها و ستايلها سمية : الا هي تحضر زواج جراح ؟ عبير : اكيييد !! سمية : لازم نروح كلناااا اجلل . . عبير : ههههه يمه منك ! الساعـه ١٢ .. بعد ما راحو اغلب المعازيم ما بقـى الا عائله ابو طارق و عائله ام موسى و ابو خالد .. ام رائد : تغطو يا بنات ادا انكم بتجلسون ، العيال بيدخلون والي ودها تدخل براحتها .. البنات لبسو عبايتهم .. و جلسو بجنب ام طارق و ام موسى .. سمية : بيدخل طارق ؟ عبير : اكيييد سمية ابتسمت بفـرح .. مريم بهمس : اقول خالد وعمر بيدخلون روابي بضحكة : اساساً خالد هو الي وصلني هنا رنيم : ماشاء الله ؟؟؟؟ سلوى : ترا لسى ما ملكت يعني يمكن اغير راي ما تدرون رنيم : بترفضين كل هالزين بالله؟ سلوى : ترا اوفر واثقه من اخوانك روابي : خلودي يحق لها تثق فيه سلوى : كلش مو لايق خلوددي !!! روابي : ههههه لو يسمعني بس ! رنيم : انا اشوف عمر ازين منه ! روابي : هين انتي ذوقك مضروب ! ضحكو البنات بخفه و سكتو لما دخلو ابو طارق .. ابو خالد .. وبعدهم العيال ( طارق ، نواف ، خالد ، عمر ، رائد ، مشعل ، موسى ، جراح ) كانو لابسيّن ثياب باستثناء مشعل لابس البشت .. وكان طولهم يتفاوت لكن قريب من بعض .. سلوى كانت مثبته الكام عند المدخل .. وفيه مصورات اثنين يوثقون كل لحظـة .. استقبلتهم ام رائد بفـرح : ياهلا ياهلااا باسو راسها و باركو لها بتخرج مشعل .. ام موسى سلمت عليه : عريس .. والله عريس يابعد راسي ! مشعل باس راسها : ان شاءالله تفرحين فيني معرس .. ام موسى : ان شاء الله يا امك .. عمر كان يحاول يسترق النظر وده يعرف هي هنا ولا لا .. رائد بهمس : اقول نزل عينك احسن لك ! ترا لسى ما عطيناك ! لا تصير خفيف !!! عمر بضحكة : اساساً ما اناظر لها ! رائد قرب منها : ترا ما علي حفل ولا ولد خالي .. هنا خط احمر عمر : خلاص يا ابن الحلال بـ اطلع ! رائد بضحكة : لا .. يمكن اختي ودها تشوفك عن بعد و بجدية : عاد يارب ما تجوز لها و تغير رايها عمر رفع حواجبه : انا ما اجوز لها ؟؟ رائد : اي يمكن .. وتغير رايها عمر لف رقبته بخفه : رائد ابعد عني احسن لك لا نتهاوش صددق رائد بضحكة : ههههه وانت اخلاقك على طريف ! بتزعل علطول .. نتوقف هنا.... | ||||
|
| |
|
19-06-22, 04:29 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 28 طارق كان واقف بس بعيد شوي عنهم .. جراح : شالاخبار ؟ طارق : الحمددلله .. جراح : اليوم نسيبك هنا ما كلمته منّا ولا منا طارق بمراره : اذا القلب عافك ما ينفع لا اهل ولا شي .. جراح : لاتزعل مني يا طارق .. بس الي جاها مو قليل .. طارق : هذا الي محرق قلبي .. ان معها حق بكل شي .. جراح : الله يعيين يا ولد الخال .. طارق : الا انت شلونك وبضحكة :والله انت الي الله يعيييينك جراح بضحكة : عسسل على قلبي طارق : ان شاء الله يبقى كلامك و بضحكة وهو يتذكر كلامها : والله يا رجال احياناً تحرجني ولا اعرف حتى اتكلم جراح بضحكة : اذكر اذكر والله لو بيكفها ذابحتك ومرتاحة منك طارق : الله يستر عليك بس ! جراح : لاااه انا حبيب القلب طارق بضحكة : نشوف يا جراح نشوف .. خالد كان يسولف مع عمه و عيونه عليها عرفها من عيونها .. عند البنات .. رنيم : سلوى ترا اخوك نشبه من هالحين ! سلوى ضحكت بخفه : والله اخوك عينه زايغه ! رنيم : نظره شرعية ياربي ! مريم : عينكم على خالد والله ما يدري عمي ش يقول ! روابي نزلت راسها بخجل .. دخلو الشغالات ومعهم القاتوه .. مشعل بـ ابتسامة : ليش كل هذا يالغاليّه ! والله ان شوفتكم حولي كذا اكبر هديـة !!! ام رائد : ولا هي من قدرك يا دكتور .. تقدمو من القاتوه هو و امـه .. مشعل : تعالي سلوى سلوى بخجل وهمس : لاااه .. ام رائد : تعالي تعالي .. رائد اول شي اللتفت لعمر : اقول اقسم اشوف عينك يمين يسار يا ويلك عمر بضحكة : لاحول ولا قوه الا بالله !!! جت سلوى وقطعو القاتوه مع بعض .. مشعل بعد ما قطع القاتوه .. باس راس امه .. وضم اختّه .. : ما قصرتو والله .. سلوى كانت خجلانه لان عمر قريب منهم و واضح انه يناظر لها بالرغم انه يتظاهر انه مشغول بالجوال .. انسحبت بهدوء ورجعت لمكانها .. اللتفت له مشعل : ترا ادري فيك عمر : وبعدددييين ترا وربي رائد نرفزنـي مشعل ناظر لرائد وبضحكة : كفو وانا اخووووك .. معطينك سلوى مو اي احد احمد ربك بس .. ام رائد : هيّن عاد مو على عمر .. مشعل : هه يمه لهالحين ما تزوج بنتك وبديت تدافعين عنه ام رائد : هو غالي ، ومن خطب بنتي صار اغلى .. عمر : الله لا يخليني بس !! طارق بصوت عالي :يلا يجماعه انا استاذنكم .. و مبروك يا مشعل و الله انك رفعت راسك اهلك و راسنا كلنااا و العقبال للبنات ان شاء الله نفرح بتخرجكن .. وطلع لسيارتـه .. وهو يحاول يشغل باله باي شي .. بس طاريها لا ! يـوم جديد .. في بيت ابو رفيف .. رفيف بغضب : ماااا ابي اشوفه !! ابو رفيف : بعد شهر عرسكم ! شلون ما تبين تشوفينه ؟ رفيف : خلاص حددتو الزواج ولا تكلمت ، وافقت و زوجتني وانا ما ابيه وما تكلمت بس الي هناااا ابو رفيف : انا ابي مصلحتك !! في المستشفـى !!! ليلى كانت تدور وهي تبكي بحرقه .. الله يستر الله يستر !!! ام ليلى : يا يمه اجلسي ارتاحي لك ساعه تدورين ليلى : والله ما كان فيه شي افطرت معه الصبح ما كان فيه شي !!! ام ليلى : ان شاء الله ما فيها الا العافيييه !! راشد داخل وهو يركض .. وعرف خالته ام ليلى و ليلى .. : بشرو !!! ليلى : ما احدد طلع لهم ساعتين ولا احدد طلع ولا احد قال لي شي !!! راشد حط يده على راسه : لاحول ولا قوه الا بالله !!! في الشركـة .. جراح اتجهه لمكتب طارق وهو مستعجل فتح الباب بسرعه .. طارق رفع راسه : شفيييك !! جراح تنفس بعمق : انا متفق مع ابو رفيف ع اساس بـ اروح لهم اليوم واتصل علي قبل شوي ويقول اهل ليلى بالمستشفى و يبي يروح لهم طارق وقف بصدمة : اي مستشفى ؟؟؟ وبتردد : ليلى !!!!!! جراح : لالا ابوها بمستشفى ****** قلت يمكن تبي تروح توقف معهم طارق : اكيييددد و حذف القلم ع الطاوله و اتجهه للباب : بلغ ابوي اني طلعت ما اقدر احضر الاجتماع !! واتجهه لسيارته بسررررعه .. الله يستر !!! الله يجيب العواقب سليمـه ! في المستشفى .. ام راشد : سلامات هو يشكي من شي ؟ ام ليلى : طاح من طوله و بحزن : والله ما كان فيه شي الصبح وهو جالس يسولف .. لما رجع من المسجد خاطره يعني و انا رحت اسوي الغداء ما حسيت الا بصراخ ليلى ليلى كانت جالسه بالارض .. وتبكي بصوت مسموع .. رفيف : تكفين خلااص ! ادعي له هو محتاج دعواتنا هالحين والله كررريم ليلى : رفيف اكلمه ما يرد احركه ما يتحرك رفيف ضمتها : الله يقومه بالسلامة و يطول بعمره .. ليلى : امييين .. طارق اتجهه لهـم .. لانه عرف ابو رفيف من بعييّد .. و قبل لا يوصل لهم شاف راشد يتقدم من ليلى ورفيف ومد لهم مويا .. !! حس بغضب و غيرررره !!!!! ليلى اخذت المويا وبصوت مبوح : شكككراً راشد : العفو و اتجهه للكراسي الي قبالهم وجلس .. طارق كان واقف بعيد شوي و يشوفهم .. اروح ؟ بصفتي مين اروح ؟ يا ابن الحلال الناس بهالوقت ما هم مفكرين بالماضي .. اوقف معهم يمكن يحتاجون شي ! مهما كان بيوم كانت زوجتك و ابوها اكلت معه من نفس الصحن !! 🔐 طارق بصوت واثق : السلام عليكم اللتفتو له و ردو بـ اصوات متفرقـة .. و اللتفت لا ام ليلى : ما يشوف شـر ان شاء الله ام ليلى : ما يجييّك .. طارق : شـ قالو لكم ؟ ليلى بـ انهيار : ما احددد قال لنا شششي لنااا ثلاث ساعات هناااا ولا شفنا احددد طططلللع .. طارق طلع جوالـه .. وكلم صديق له و بسرعـه قفل .. بعد مرور دقايق .. د.يزيد : عاش من شافّك طارق : عاشت ايامك .. ما اخذ من وقتك الله يطولي بعمرك .. واحد من الاهل تعبان و له اكثر من ثلاث ساعات ولا احد طلـع .. د.يزيد : لا تخافون ما في شي يستدعي الخوف فيه حالات تجلس لنص يوم طارق قرب منه : والد المدام .. و ابتسامة : ما ننساها لك د.يزيد : لاه اذا كذا سم وابشر .. وناظر للساعه : عندي مريض بعد نص ساعه ان شاء الله يمديني ارجع لقسمي طارق : يا ابن الحلال لو تبيني اروح اجلس عند مريضك لين ترجع بس طمنّا ! د.يزيد : هههه طيب و اتجهه للقسـم .. ولان كل الانظار على طارق .. ! بتبرير : صديق لي .. بيشوف الوضع و يرد لي .. راشد ما اعجبه ابداً هالشخص .. و قرب من ابو رفيف : مين هذا ؟ ابو رفيف : زوج ليلى طارق الـ قاطعه راشد بقهر : طليق ليلى قصدك ابو رفيف : الي هو بعد مرور عشرين دقيقه .. طلع يزيد .. ووقفت ليلى ورفيف وام ليلى .. د.يزيد بتوتر : الحمدلله بـاقي نص ساعه و يطلع .. طارق : ايش فيه ؟؟ يزيد : للاسف ان كان عنده علم بان جزء من الكبد مسرطنـه و كان يعلاج عندنا هنا بالمستشفى .. لكن رفض العملية .. و اليوم اول ما وصل علطول دخلوه العلميات و استئصلو الجزء المصاب قبل لا يأثر على كل الكبد .. ليلى بكت بصوت مسموع :طيب يا دكتور يقدر يعيش بجزء الكبد الباقي د. يزيد: ان شاء الله و الكبد جزء يمنو وهذا من فضل ربي علينّا .. لكن ممكن بالبداية يواجهه صعوبة لان المرض اتعبه لكن تدخلنا بالوقت المناسب .. طارق : شكراً لك يا دكتور ام ليلى : الله يرضى عليك و يسعدك و يوفقك .. د.يزيد : اجمعين عن اذنكم .. بعد ما راح يزيد .. ليلى ضمت رفيف وبكت بحرقه :للييش ما قال لنااا لللييششش يخبي علينا موضوع مثل كذذذااا للييشش طارق حسّ ودها يسحبها من حضن رفيف و يضمها .. وده يوقف معها و يقول لها ابوك بيصير بخير ان شاء الله بس ما يقدر !!! ام ليلى : ما قصرت يا وليدي الله لا يختبر صبرك بغالي طارق : ما سويت شي يا خاله وبتردد : انتو اهل .. ام ليلى : يا يمه يقول ما نقدر نشوفه و جودنا و روحتنا واحد .. بكرا من الصبح يوصلنا راشد ان شاء الله .. ليلى : قلت لكم لاااا و اتجهت للكراسي وجلست .. راشد تنهد : الي يريحك .. وانتي ياخاله ؟ ام ليلى : ما اروح و اخلي بنيتي هنااا و جلست .. طارق اتجهه لـ ليلى .. و قرب منها :حرام عليك عشان خاطر امك .. واضح انها تعبانه و تبي تجلس عشانك روحو و انا اتواصل مع يزيد اذا استجد اي شي اتصل عليك ليلى ناظرت لـامها بحزن و تردد .. طارق : جلستك هنا ولا بالبيت ما تفرق لا ابوك .. صليّ لك ركعتين و ادعي لي وبكرا لو تبون اجيبكم انا تحت امركم .. ليلى بتفكير : طيب و اتجهت لا امها : يلا يمه .. ام ليلى وقفت معها و اتجهو مع راشـد . . رفيف و ابوها كانو بيطلعون طارق بهمس : رفيف اللتفت له : هلا طارق بـ احراج : عادي تنامين عند ليلى اليوم؟ خليك معها واضح انها تعبانه رفيف : اي اساساً بـ اروح مع راشد لبيتهم طارق ابتسم : و مبروك الملكة .. الله يهنيكم ما صارت لي فرصة ابارك حتى رفيف : يبارك فيك .. و اتجهت لسيارة راشد .. طارق تنهد و سند جسمه على الجدار .. ليش ما قال لبنته و زوجته ! صدق شي غريب !!!.. في بيت ابو رائد .. مشعل : طيب خلاص ما له داعي التمطيط الزايد عطينا الرجال كلمة .. سلوى : ما يمدي اجهززز مشعل : لا يمديك ان شاء الله و اتصلي ع البنات يساعدونك .. ام رائد :انتي جهزي نفسك بس .. الباقي علي مشعل : هه امي ما تقصر بعددد .. يوم جديد 💛 طارق دخل حـي **** و هو عند نفسه انه جاي بدري مره ! و بنفسـه انا الي بـ اوصلهم ! وانصدم لما شاف سيارة راشد و ام ليلى تقفل الباب و تركب السيارة ! تنرفز !!! اوف ذا متـى جااا !!!! و حس بغيره وليلى تروح عادي ! ماخذ راحته بزياده ذا !!!!! و قرر يروح للمستشفـى .. و فعلاً راح و وصل قبلـهم بشوي .. ولما دخلت ليلى شافتـه موجود .. ما تعرف لاشعورياً هالشي اسعدها .. بالرغم من كل شي .. واقف معنا .. !!! راشد حسّ بغضب .. وبنفسه وبعدددين يعني مع هالطارق !!!!!! اتجهه للرسبشن يسال عن غرفه ابو ليلى .. طارق اتجهه لا ام ليلى : صبحك الله بالخير يا خاله ام ليلى : ياهلا صبحك الله بالنور و السرور .. طارق : ابشرك سالت عن عمي و طلع بجناح *** و نايم هالحين .. ام ليلى : الحمدلله يارررب طارق : عاد انا استئذنكم روحو شوفوه و تطمنو عليه .. واذا احتجتو اي شي انا موجود ام ليلى : ما تقصر عسى عمرك طويل .. طارق : وعمرك ان شاء الله .. ليلى كانت قريب من امها و تسمع الحوار . جا راشد : يلا يا خاله .. طارق بتاكيد : بالدور الثالث رقم *** و ان شاء الله اخر الاوجاع .. راشد تنرفز منه !! بس عدا و تجاهله ومشى مع خالته و ليلى .. في بيت ابو رفيف .. بعد صلاه المغرب .. رن الجرس وهو يعدل شماغـه .. فتح الباب ابو رفيف و سلم عليّه .. واتجهو للصالـه .. رفيف كانت بالمطبخ فـ سمعت اصواتهم .. و بنفسها حسبي الله عليك يا جراح لطيفه بـ ابتسامة : جا زوجك رفيف بـ ابتسامة سخرية : ماشاء الله من طول صوته حتى hلجيران درو انه جااا و اخذت القهوه و اتجهت للصاله .. جراح لما دخلت : ياهلااا ياهلا رفيف بتسليك : هلابك ونزلت القهوة .. ابو رفيف : قهوي زوجك !!! رفيف تاففت بصوت مسموع .. ابو رفيف : عن اذنكم و طلـع .. رفيف اللتفت و هي تتاكد ان ابوها طلع .. واخذت القهوه و بخبث : حيّ الله جراح جراح استغرب : الله يحيّك . . مدت له الفنجال وهي تبتسم بخبث .. وقبل لا يمسكه تركته و بتمثيل للصدمة : بسسسم الله علليييييك ونزلت الزمزمية ( براّد القهوة ) جراح اول شي ما جا ع باله انها مقصوده فـ وقف : ما صار الا الخير مدت له مناديل : معليش زل الفنجال من يدي .. ورفع راسه : لا عـادي... و ناظر بعيونها وهو يشوف ابتسامة نصر !!! وقتها استوعب لما قالت حي الله جراح وهي تبتسم !! تنفس بعمق وهو يضبط اعصابه .. و بـ ابتسامة : عادي يا قلبي .. كل شي منك اتقبله برحابة صدر .. رفيف جلس وبنفسها اوف قلت هالحين يعصب و يفارق ! جراح : شلونك ؟ رفيف : بخييير .. جراح طلع جواله : الزواج حددته مع عمي لانك ما تردين .. لكن السفره على ذوقك .. وين ودك ؟ رفيف :ما لي علاقه عشان ما تقول بنت الفقر تتشرط علي ، انا ما قد سافرت حتى جواز سفر ما عندي فما اعتقد ما يحق لي اتكلم بهالشي لاني ما اعرف جراح قام وجلس بجنبها : ترا ما جا في بالي شي كذا ابداً واذا ما سافرتي ؟ عادي اكيد فيه منطقه سمعتي عنها وودك تزورينها ؟ انا راضي باي مكان معك .. واذا تبين اقول لك الدول الي زرتها و اعجبتني رفيف : ما يحتاج اختار اي شي اعجبك انت جراح : مو بس انا اللي بـ اسافر اولا ؟ و ثانياً انتي زوجتي ومن حقك تقولين رايك . . !! رفيف : قلت لك ما اعرف شي ولا قد سافرت ! جراح : طيب ايش اكثر دوله سمعتي عنها وودك تزورينها ؟ رفيف : ما اعرف يعني ما في دوله معينه .. بس احس لو دولة هاديه و فيها طبيعيه او بحر .. لاني انسانه اتضايق من الازدحام .. ومنها ارتاح من مقابل وجهك شوي... جراح ضحك بصوت مسموع يعني ظنك بـ ازعل؟ طبعاً لا ههههه عادي .. تمونين .. رفيف سند ظهرها و بتملل : خلاص خلص موضوعك اروح ؟ جراح اللتفت له : ممكن سوال ؟ رفيف : اسمعـك .. جراح : بغض النظر عن موافقه ابوك للزواج من غير رايك .. فيني شي ؟ رفيف ناظرت له وبسخرية : لا تحاول تطلع نفسك الصح وانا الغلط جراح : انا اسال بس ! سويت شي يزعلك ؟ ضايقتك ؟ يعني حتى انا ابوي زوجني قبل سنين يمكن حتى انا ما ابي هالزواج لكن انجبرت .. رفيف بتردد : صدق ؟ جراح ما يبي يكذب عليها : مو موضوعنا هذا .. انا اتكلم عن اسلوبك معي .. اذا اخطيت قولي لي .. بس لا تعامليني بهالاسلوب و تنتظرين مني اعاملك زين بالمقابل .. فـ كل فعل له رد فعل .. رفيف سكتت وهي ما تعرف ايش تقول .. وبنفسها لا يلعب عليك و يحسسك انك انتي الغلطانه .. لو صدق ما يبي كان قال لا ابوه .. !!! قطع توتر حديثهم دخول روز .. روز : رفيف رفـ ولما شافت جراح سكتت .. جراح عقد حواجبه و بضحكة : هاه تدخلين المسبح مره ثانيه ؟ روز بتسرع : لاا لااااا جراح ضحك بصوت عالي على انفعال روز .. و اللتفت لـ رفيف و شافها ساكته بدون اي رده فعل . نتوقف هنا... | ||||
|
| |
|
| أدوات الموضوع | |
| انواع عرض الموضوع | |
|
|
17Likes
العرض العادي
