26-07-18, 04:15 PM
| #1 | ||||
|  قَدري كل يوم الصبح بشوفه وأنا رايحه الجامعه وأنا راجعه واقف في المحل الي علي الناصيه دائماً أول مابيلمحني بتكسف ووشي بيجيب ألوان وفي كل وقت صلاه لازم بلاقيه داخل او خارج من المسجد الي تحت بيتنا شاب طيب اوي اوي وفي مره اتخانق مع ولد سافل كان بيعاكسني وانا ماشيه فقلت هسميه سيف علشان هو السيف الي حاماني ومن ساعتها دائما بلاقيه في أحلامي وبقيت الصراحه يعني اتعمد أمشي من قدام المحل الي بيشتغل فيه مش عارفه ده غلط ولا لا ؟بس أنا حاسه أنه مش غلط لأني بحس بالأمان وهو موجود مش ببقي خايفه وبطمن بوجوده في يوم بابا قالي بلاش تروحي الجامعه النهارده قلتله ليه؟؟قالي جاي ضيوف روحت سألت ماما لقيتها بتحضني وتقولي جايلك عريس وايه بقي دكتور وباباه صاحب بابا ومحترمين جدااx .....ايه !!!!جه في بالي علطول صورة سيف أو الي انا مسمياه سيف وزعلت اوي قلت لما معلشي لازم اروح الجامعه ضروري ونزلت جري علي السلالم ومريت من قدام المحل وقلبي انفطر لما فكرت فيه لايمكن بابا هيرضي بيه ده عامل لايمكن غير أنه عمره ما تكلم معايا ودموعي اتجمعت في عيني مش شايفه قدامي وصلت علي الشارع الرئيسي وعيوني مليانه دموع مش شايفه قدامي وكل الأفكار في دماغي ازاي هتجوز غير سيف بس قلت لنفسي فوقي دي احلام وفجأة سمعت صوت مزمار عربيه عاااالي جدا وكنت هموت لولا ايد شدتني بعيد عن الطريق وفجأة ببص لقيته هو ايه مين سيف وفجأة لقيته بيقولي خير مالك انتي بخير قلتله ااااه وبدل الجامعه رجعت البيت تاني ودخلت اوضتي بسرعه وحضنت نفسي في سريري وقررت لازم افوق من عالم الأحلام ده وخلاص جه ميعاد الزيارة وانا جاهزه ماما دخلت قالتلي تعالي قدمي الضيافه للضيوف يلا دخلت وعيني في الأرض وقعدت بعيد في أخر الاوضه وفجأة سمعت حد بيقول دي في عيوني ياعمو بس هي توافق .................. والكلمه رنت في ودني وببص قدامي لقيت وأنا ببص قدامي لقيته هو سيف اسمه تردد في دماغي بس هم مش بيقولوا سيف قمت خرجت بسرعه من الأوضه لقيت ماما جايه ورايا بتقولي ايه يا بنتي ده عيب كده انا قلتلهم أنك اتكسفتي وعديت الموضوع ايه حصل؟حد قال حاجه ضايقتك بصيت لماما وقلت لها وهو بابا موافق علي سيف قالتلي سيف؟؟سيف مين؟؟العريس اسمه محمد يابنتي استغربت جدا وافتكرت أن أنا الي في بالي الإسم ده بس !!!ماما قالتلي تعالي يابنتي اقعدي مع الناس عيب كده مش أصول يلا ياحبيبتي يلا... روحت مع ماما وبعدين سابتني واستأذنت وخرجت وبابا قال لعمو الي قاعد تعالي بقي هنا في البلكونه اغلبك في دور الشطرنج ده وانا سامعه كلامهم وعايزه اجري أمسك في ديل ماما ولا ديل بابا همووووت من الكسوف ياناس!!! وبعدين أنا مش فاهمه أي حاجه فجأه لقيت سيف بيتكلم سيف ايه بقي!! ماخلاص سيف مش بقي سيف خلاص ونرجع للمهم قالي :انتي كويسه؟هزيت رأسي ب أه سأل ثاني: انتي لسه في الجامعه صح؟هزيت رأسي ب أه قالي هو انتي مش بتعرفي تتكلمي؟ بصيت في عينه وقولتله انت بتشتغل ايه؟لقيته ضحك أوي استغربت من طريقته اوي قالي انتي: جميله ... وشي بقي شبه الطماطم يخرب عقل عسلك طبعاً قلتها في نفسي هههههههه لايتغر في نفسه ولاحاجه كمل كلامه وقال أنا السنه دي إمتياز طب وبساعد بابا الفتره الأخيرة في المحل لأنه تعبان شويه وده كان السبب إني أشوفك وأحبك وأتمنى إنك تقبلي تتجوزيني؟؟ تتجوزيني يا(سلمي)؟ أنا سمعت الكلام ده وكنت عايزه أقوله يلا بينا علي المأذون هههههههه بس لا طبعاً ده أنا كيوت بس اقتناعي بإسم سيف مش عارفه أغيره لقيتني بقوله إسمك إيه؟قالي  محمد) قلتله مش سيف؟إستغرب وقالي ايه حكايه سيف ده؟ قالتله ولا حاجه ....وخلص اليوم وهي طايره في السما من الفرحه معقول الي حصل النهارده ايوه معقول ولأن بابا عارف باباه أقاموا الأفراح وليالي الملاح وحكتله (سلمي)عن سيف ووعدها أول بيبي هيكون سيف وعاشوا في تبات ونبات وخلفوا سيف وكمان أخوات ...................................................تمت.................. ................. | ||||
|  |
|
31-07-18, 08:31 AM
| #2 | ||||||
| نجم روايتي وكاتبة بمنتدى قلوب أحلام وقاصّة بمنتدى قصص من وحي الاعضاء،حارسةوكنز سراديب الحكايات وراوي القلوب وقلم مميزبالقسم الأدبي 
| السلام عليكم ورحمة الله وبركاته ... أول قصة أقراها لك وحسيتها حلوة وكيووت.. تسلمي ودمت بخير | ||||||
|
| |
|
05-08-18, 10:51 AM
| #3 | ||||
| فكرة رائعة ولا استهان بها لكونها بالعامية الا بها الصراع والوقت الحدث والمكان والشخصيات لكونهن يخدمن الاحدث الاساسى و فتتحرك الشخصيات فى المحور الاساسى الذى بالقصة ولم تتعدى حدودها والله رائعة ولكن بها ضعف مثل (وبقيت الصراحه يعني اتعمد أمشي من قدام المحل )ثم (عارفه ده غلط ولا لا ؟بس أنا حاسه أنه )(مش غلط لأني بحس بالأمان وهو موجود مش ببقي خايفه وبطمن بوجوده) كذلك ضعف فى السياق التعبيرى ثم الرد على نفسك لو كان هناك من يقوم بهذا لكان افضل ولو استعملتى الرموز الذى يحتاجها الكاتب حقيقة رائعة كفكره وشكراً | ||||
|
| |
|
05-08-18, 01:30 PM
| #4 | |||||
| اقتباس:
| |||||
|
| |
|
05-08-18, 01:32 PM
| #5 | |||||
| اقتباس:
| |||||
|
| |
 |
| أدوات الموضوع | |
| انواع عرض الموضوع | |
|
|
العرض العادي
