07-08-18, 12:17 AM
| #1 | ||||
 
|  الإلهام (رواية باللهجة الليبية )  السلام عليكم ورحمة الله وبركاته سأشارككم برواية هي من كتابات صديقة لي واتمنى ان تنال اعجابكم  الفصل الاول : نبدو في فهرس الحكايه زينب: : هادي البطله متع الحكاية أحمد. بطل القصه طبعا عندها خوات وخوت وام واب واقارب وصحاب وحباب وفي المقابل عنده حتى هو اقارب وصحاب وحباب واهل وهيا نبدو روايتنا ####################### زينب: السلام عليكم الناس إلي في الباص : وعليكم السسس زينب: السلام عل الملايكه وقعمزت جنب صحبتها واسمها مريم زينب: هايدريهة شن تعملي مريم :شيييي عندي نص ناكل فيه بالك تبي وقداش عندك محاضرة اليوم ؟ زينب : تنتين الاوله والتالته وصحيتي كنت مضغبرة في واحد زيه مريم: حييييه زيني كويس خلنصيعو في التانيه زينب: كانه عجبنا الجو انفوتو التالته في المحاضرة التانيه طلعو وصاعو في الكليه وفاتو المحاضرة التالته وجت الباص وروحو لحياشهم زينب : أنا جيت خوها الصغير : حاجه والله كبيرة زينب:😛 خشت للكوجينه وكانت المفاجاة زينب: هادا شن ياهمي ...شن عرس ومندريش عليه مفيش ماعون إلي مش مطلعينه خيركم !!!! امها: خليهم أنا نغسلهم درنا غداوين اليوم زينب: بينه نبدل ونجيهم في العشيه جو خواتها ونساوين خوتها والحوش تعبا بالاحغاد زينب:خاطري بندير كيكه اختها الكبيرة : ديريلنا كيكه تقعدي احسن وحده في العالم زينب:توا انديرلكم مرات خوها ص : زيييينب حق عندكم امتحانات الاسبوع الجاي زينب: مش الجاي إلي بعده ... في الشارع في اليل صارت عركه صغيرة بين الشباب إلي يسكنو في االمدينه او بالاحري القريه إلي تسكن فاها زينب مع شباب تانيين وكبرت المشكله هادي مع العلم أنه بابا زين هو شخصيه في المدينه هادي وكان صيته واصل وهو معروف المشكله هادي طاحت فاها رقبه وكبرة الشخرة وصار فاها تار لكن ... الشيخ : شوفو حنا جيناكم هنا مش باش نقتلو باش انديرو حل يجنبنا القتل بابا زينب : حنا مادابينا نديرو حل نفتكو من الدم لكن شنهوا😕 الشيخ : أنا يا محمد عندي ولد وأنت حسب مانعرف عندك بنت شن رايك يتم العزا ونخطبوهم لبعض ونديرو عرس ويصير بناتنا حنا وانتو قرابه واحفاد وهكي نكفو البلاء إلي بيجي ولا معندناش حل تاني راهو الناس إلي مات ولدهم محروقين عليه ويبوياخدو بتاره لكن وكان تقبل تعطيطينا بنت هدا الكلام كله معادش يصير منه ولا شنرايك محمد:وأنا وافقت انتو ناس معروفين وصيتكم واصل لكل مكان وحتي وكان مصارتش هالبلبله وجيتو وخطبطاها حنعطوكم الشيخ: امانا خلنتوكلو الاسبوع الجاي يكون عرسهم خلينا انعجلو فيه يكون احسن محمد:😳 التعديل الأخير تم بواسطة Topaz. ; 27-08-18 الساعة 11:57 PM | ||||
|  |
|
07-08-18, 12:29 AM
| #2 | ||||
| مشرفة منتدى قصص من وحي الأعضاء 
| اهلاً وسهلاً بك بيننا في منتدى روايتي ... عزيزتي انا فهمت ان الرواية ليست لك وانك ناقلة ل رواية صديقتك لذلك سيتم نقلها لمنتدى الروايات والقصص المنقولة لان هناك مكانها الصحيح ... | ||||
|
| |
|
11-08-18, 09:12 AM
| #3 | ||||
| الصفحه 2 شخصيات القصه ####################### زينب : بطلة القصه مواليد 1998تقرأ سنه تالته وتخصصها هندسة معمارية كمواصفات كل واحد يتخيلها بكيفه - عندها تلاته اخوات واربعه خوت احلام: أكبر وحده مواليد 1988 متزوجه وعندها ولد واحد راجاها اسمه خالد مروة: مواليد1994 مخطوبة لها قرن ونص ومكمله قرايتها رجاء: مواليد 2004 تقرا صف تاسع ######################## خوتها عندها اربعه خوت بلقاسم: خوها الكبير مواليد1985 وعنده ولدين والتالت في الطريق علي: مواليد1993 متزوج وعنده ولد واحد سعيد : مواليد 2002 يقرا تانية تنوي عبدو: مواليد 2011 يقرا صف تاني أمها اسمها نجاة وبوها اسمه محمد ######################## عيلة احمد احمد: من مواليد 1986 تخصصه ادارة اعمال وكيف روح من فرنسا لأنه كان يقرا وكمل الماجستير عنده اختين خديجه: متزوجه أصغر. منه بعام وعندها تلاته صغار بنت وولدين راجلها اسمه عمر حنين مواليد 1999 تقرا سنه تانية انجليزي وعنده خو واحد صغير مواليد 2009اسمه هارون وهما وعمه يسكنو جميع في نفس الصور غير كل واحد بحوشه عمه عنده 4 اولاد وليد اكبر واحد مواليد 1986 نديد احمد ومعنداهش في القراءة والجو هدا يخدم أعمال حرة كل مرة بشغل وصلاته التانيين صغار واحد مواليد2002 وواحد مواليد 2007 واحد مواليد 2011 وعنده بنت وحده مروة هي صاحبت حنين ويقرو جميع وبو. احمد اسمه موسي لكن يقوولوله الشيخ وماشية فيه وامه اسمه فاطمه وعمه اسمه يونس ومرات عمه اسمها وفاء وفيه عزوز شر في القصه هي أم الشيخ يعني جدة احمد عزوز كبيرة ######################## التعديل الأخير تم بواسطة Topaz. ; 27-08-18 الساعة 11:58 PM | ||||
|
| |
|
11-08-18, 09:13 AM
| #4 | ||||
| الصفحه 3 محمد😳 يصير خير توا نمشي نكلم العويلة وبيناتنا تلفون الشيخ: ولله ياصاحبي أنت غالي عليا هدا باش خشيت في الموضوع وكانه حد تاني أنا منخشش في المواضيع هادي لكن انتو ناسي وصحابي وبنادم مينكرش اصله محمد: والله ألا حتى أنا زي توا ... لكن الله غالب وكانه الحل هدا يوقف القتل معنديش مشكله نعطيكم بناويتي كلهم الشيخ: هههههههه لا لا وحده سادتنا كانها بتجي زيك محمد: 😲 الشيخ: نبصرو يا ودي هي يا جماعه السبوع الجاي باش تتفضلو كلك يوم الاحد باش نقرو الفاتحه... وروحو الشيبن لحياشهم الشيخ : فاطمه يا فاطمه فاطمخ: هاها شن فيه أنت روحت شن صار معاكم متقليش مدرتو شي الشيخ: لا درنادرنا لكن مش حيعجبك إلي درناه فاطمه: كيف يعني الشيخ : حكالها القصه فاطمه :😲نهاركم احرف الشيخ: علاش نهارنا احرف تبي الحق ولاه أنا قبل متصير البلبله هدي كلها والله ألا نخمم نبي اناسبه هداك الخليقه فاطمه: باهي عارفينه صاحبك وقريبك ومش عارف شني وبالالالا لكن أنا نبي نفهم شن دنب ولدي تجيبله مرآ ميعرفهاش وفي اسبوع واحد وبعدين تعالالي جاي شن ' ' شن كنت ناوي تناسبه والدعوة هادي أنا نبيله بنت اختي والبنت تبيه وعاجبها ومهدرزة مع امها في الكلام هدا وحكم عاطيت هالنا يكون في علمك الشيخ: أنت ديما ديري إلي في راسك وبعدين تعالي قوليلي ...😠 خلاص ولدك خطبتله وعرسه السبوع الجاي وفاتحته يوم الاحد بري قوليله يمشي يصين المربوعه وابدو وتوا للعرس يلا فاطمه:😢 ومشت وقالت لبناويتها ولسلفتها وانتشر الخبر وبدو يعولو للعرس وهدا الكلام كله أحمد ميندريش عليه ######################## في حوش أهل زينب محمد روح ولقاهم كلهم مقعمزين الا زينب متمرقدة😴 في دارها نجاة: شن صار معاكم؟؟؟ حكالهم محمد إلي صار كله نجاة :😱 😫😌 بلقاسم: جيبي ميه لامك شكها داخت مروة: يما يما نوضي صحصحي خيرك نجاة: بباكم بيجيبلي قطع رقبتي نهار من النهارات خيرك هبلت وين عقلك منين عطيتهم محمد: هدا بدل متفرحي لبنتك .... اسمعيني ياما تعطيهم بنتك وديريلها عرس وتفرحي باها ياما كل يوم بتوصلنا جثة واحد وتخيلي في أي يوم يدخلولك جيفة واحد من فروخك لدلك هدا 👅قصريه من توا خير وابدو عولو من توا لأنه السبوع الجاي عرسها ويوم الأحد الفاتحه مرات علي اسمها (امل):لكن يا عمي الاسبوع الجاي زينب عندها امتحان بالك متقدرهمش للاتنين محمد: تي لا لا حتى كانها سقطت توا تعوض في الدور التاني مدوروهاش وهدا الكلام كله متندريش عليه زينب لانها😪 ######################## التعديل الأخير تم بواسطة Topaz. ; 28-08-18 الساعة 12:00 AM | ||||
|
| |
|
12-08-18, 12:14 PM
| #5 | ||||
| الصفحه4 في الليل في حوش اهل احمد الشيخ: احمد احمد حمد هدا وينه احمد: نعم هاني جيتك........ ناديتني الشيخ: ايه بننشدك شن امته بتصين المربوعه احمد:؟؟؟؟؟؟ الشيخ...: نقولك خططتلها انا بكري باهي شن رايك تصكر الباب إلي من برا و تفتح باب من داخل علي الدار وصين الحمام وصكر عليهم كلهم بباب فيقعدلك جناح بروحه والمربوعه ديرها دار نوم والدار ديرها صاله وافتحلها باب رئيسي يطلع البرا شن رايك احمد؟؟؟؟؟؟؟؟؟؟؟؟!!!!!!!!!!!؟؟!؟ !؟!؟!؟تبي الحق ولا ولد عمه راني مفهمت شي من إلي تقول فيه قصدي علاش تبيني نصين المربوعه انا انشالله نبي نبدأ نبني منبيش نسكن هنا فالخلاصه مفهمت شي الشيخ: 😰😰😰 قصدك ماقالتلكش امك برالها توا تقولك علاش 🏃 احمد:😓 وأمه تهدرز مع سلفتها وبعدين تفكرت أنه الشيخ وصاهاتقول لاحمد إلي صار فاطمه:😱 نسيت نقله أحمد : شن بتقوليلي فاطمه: نعم شششن بنقولك اه احمد:😫شن فجعتوني شنهناك فاطمه: والله ياوليدي احنا .... حنا خطبنالك وعرسك السبوع الجاي احمد:😨 والي خطبناهالك بنت صاحب بباك محمد آل.... احمد😨😨 فاطمه: والفاتحه يوم الاحد وبباك قلك صين المربوعه باش بنجيبوها فاها احمد:😨😨😨 فاطمه: خيرك وليدي أحمد..أحمد ..احمووووود..👋 وين مشيت خيرك احمد: فوق الهم إلي قلتي هولي هدا كله بتزيدي تضربيني فاطمه: وعاد شن بنديرلك نصمطت احمد: أنا بنهج هي بالسلامه تهني واالعروس جيبوها لهارون🏃 ######################## في حوش أهل زينب ناضت زينب تتكسل صلاة العشاء شبحت الساعه زينب : 😰 ياللهول معقوله رقدت الوقت هدا كله توا بنقعد بلا نوم في اليل مشت توضت وصلت الضهر والعصر والمغرب والعشاء وهي ماشيه للكوجينه المتهم كلهم مقعمزين في الصالة علي: تعي تعي تعي تعي زينب: شن علي: مشنشنه تعالي قعمزي ترعشن نبوك زينب:😵ياساتر شن هناك نحس في روحي. لياهلبه معادش درت عمايل اااااشن تبوني وحكولها إلي صار زينب: تبصرو اكيدا لالاه اكيد تبصرو دمكم خفيف وتخففو فيه عليا بصارة صح بلقاسم: ابدا ماهي بصارة زينب:😖ه التعديل الأخير تم بواسطة لامارا ; 28-08-18 الساعة 08:41 AM | ||||
|
| |
|
12-08-18, 12:16 PM
| #6 | ||||
| الصفحة 5 زينب: قصدكم جديات ...باهي أنا شن علاقتي أنا إلي قتلت ولا أنا الي درت المشكله ولا شن قولولي سبب واحد يجبرني انه نتزوج واحد من عندهم اسمعو بندير روحي مسمعت شئ وأنا مهناش يا ودي ديروني انه مفيش زينب مهناكش مش موجوده على سطح الارض ... امها: هادا كيف دار بباك وانتي سيوره بتتزوجي ماكش قعدة بحداي زينب: 😠 اعطوهم بناويتكم التانيات امانا ولله مآني ياخدتها وكان نهرب من الحوش بلقاسم: سكري فمك يلا بلا رواوين بنوت يلا شن أول وحده تاخدي مصحك ولا فيه حد في بالك باش متبيش تاخدي ولا شن اااه تكلمي زينب: بال شن وفشن ترفس بالله عليك لكن انا منيش بضاعه تعطوها لليواتي علي: اسمعي بتاخديه وفمك مخيط وحسك عينك .. حسك عينك اديري حاجه هكي ولاهكي منين تمشيلهم لأني عارف عمايلك الي تقعدي اديري فيهم من تحت لتحت زينب: لا ياحبيبي أنا كاني بندير حاجه بنديرها فوق فوق علي عيون الناس أنا منيش لفعه من تحت لتحت سكتت وشبحت لامل مراته وقالت : فيه ناس تخصصها الحاجات هادي وخشت لدارها وسكرت الباب وراها وخشت معادش عرفت شن ادير. تبكي. تولول. تفكر. تنتحر. ولا تساير ولا تهرب في الصالة علي: شن قصدها هادي وشبح لامه امه: بينها متندريش علي روحها فشن تهتري علي: شن قصدها منين شبحت لامل يعني امل لفعه ولاشن امل:😨 علي شبح امل علي: شن كان قصدها امل: مش عارفه متواخدهاش عليوة هادي مصدومه ومتعرفش شن تقول علي: 😠 ترعشن جاية بتقول حلوة حتي هادي أنا والطوفان من بعدي.... هه هادي قالت هما خربوها عليا وأنا خل نحشيهم في بعض ويقعدو امه: علي خلاص عاد انهي اختك هادي اختك احترمها شوي هدا بدل متواساها وتسايرها وتقوللها كلمه طيبة هكي اديرلها والله لا صدقتلك وناضت أمه راقيلها ومشت للمربوعه وين مقعمز الشيباني والي في الصاله كلهم تفرتعوا مروة: باهي والعشاء من بياكله ... أنا ناكله ببروحي وخلاص😫 وعند زينب زينب: الو مريم مريم: أهلا يا عنز شنفكرك فينا زينب: مش وقت برادتك... اسمعتي مريم: بشن زينب: بياانا مريم: خيرك متي وتكلمي فيا من دار الاخرة زينب:😭😭😭😭😭😭😭😭😭😭 مريم: متي حق شكلك لكن الاموات ميبكوش علي رواحهم أنا مفروض نبكي عليك.... والله خيرك قولي زينب: بنتزوج مريم): روروروروروروروروروىوىرىرى رى حليلي قولي نخطبت ... باهي مبروك يا عنزة لكن منهوا إلي حصل فيك زينب: منعرفاهش مريم: كيف متعرفيهش؟؟؟؟؟ وحكتلها زينب القصه مريم: كب كبوبك وقلتيلهم باهي زينب: انا مسير ولست مخير مريم: حيه عليك حيه باهي وصيني باش نصور فلم وثائقي عليك باهي زينب😤 ######################## التعديل الأخير تم بواسطة Topaz. ; 28-08-18 الساعة 12:03 AM | ||||
|
| |
|
12-08-18, 12:17 PM
| #7 | ||||
| الصفحه 6 أحمد بدأ هو وصحابه وولاد عمه يخدمو في الدار وزينب بدت تتبتت لعرسها ######################## وليد: ها زوقنالك الدار علي زوقي😍 احمد: لا متقولهاش وليد: قلتها وفعلتها احمد: 😝بووودري وليد: أي أنت بتجيب انثي رقيقه اكييد تحب فالبودري ماكش جايب جعفور يسكن معاك احمد: ااااععععععع صاحبه( صلاح): اسسمع شن تبي لون ميولكة الحمام احمد: أي كلام صلاح: باهي بنديره عل دوقي احمد: إلي يساعدك########################## عند زينب امها: اه تعالو لهالشيطانه كسرتاها زينب الرقبه راه زينب: منبيش نمشي للسوق امها: باهي انتي ميعجبش فيك العجب وبنجيبولك هنا مش حتعجبك حاجه زينب: كانكم شريتولي ولا مشيت بروحي ما نيش لابساته واضح خلاص بنمشي في توتي هادي امها: حليلي وخلاص.....شن بتمشي للناس زي المتشردة بهالتوته هي لتكني توتة مهرجين زينب:😒 وشرين نقالها مريم: ها يا بقرة اسمعي شن مشيتي اتسوقتي زينب: لاممشيتش ومانيش ماشيه مريم: علاش زينب: هكي مريم: باهي شن رايك نرفعك انا زينب: فاش في بساط علاء الدين إلي عندك مريم: يرفعنا خويا يحطنا في بداية الصفات المحلات وبعدين منين انكملوانكلموه شن رايك زينب: مشكلتي مش في المشي هكي أنا منبيش مريم: كلامي مش معاك وكلمت مريم أم زينب وقالتلها هل الموضوع وخلتهم يمشو مريم: ايوا يا قردة كلمت امك وقالتلي برو زينب: شني😣 مريم: بنجيك غدوه وبنرفعك وتي روحك بنجيك الساعه 10الصبح زينب: باهي يصير خير سمعتي ولالا حقه مريم: بشن زينب: تنهدت .... بيجونا اليله بيهدرزو وبيتفاهمو عل العرس مريم: ايه ايه سن بتلبسي زينب: شئ مريم: بكل حتي شلتوته عيب بالك😈 زينب: لاقصدي مانيش كاشخه مريم : وخل يضحكو عليك حليلي وخلاص اسمعي البسي كمتشايتك الكحله. ومعاها البلوزة البيضه واستشوري شفاشيفك وحطي مكياج خفيف لانه خليقتك مقلوبة زينب: خرفي مريم: وآلله ديما نقولك فاها... كلامي مش معاك واتصلت باختها مروة ووصتها بالي لازم الديره وخشولها خواتها وحده شادتها باش متهربش وحده استشورتلها شعرها ووحده تلعبلها بوجها لن كملولها امورها وجو اهل احمد اخته وامه ومرات عمه###################### التعديل الأخير تم بواسطة Topaz. ; 28-08-18 الساعة 12:05 AM | ||||
|
| |
|
14-08-18, 04:23 PM
| #8 | ||||||||||||
| السلام عليكم ورحمة الله وبركاته عيد أضحي مبارك 😊 ماشاء الله تبارك الرحمن حلوه البداية 👌👌 رسالة أبعثها مليئة بالحبّ والتقدير والاحترام ..... موفق بإذن الله ... لك مني أجمل تحية . | ||||||||||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
