31-08-18, 12:33 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  حياة الشبهة / للكاتبة Bayan_alfakih
التعديل الأخير تم بواسطة لامارا ; 09-09-18 الساعة 11:46 PM | |||||||||||||
|  |
|
31-08-18, 12:46 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  ... بسم الله الرحمن الرحيم ... السلام عليكم ورحمة الله وبركاته أول روايه لي ان شاء الله تعجبكم ( رواية حياة الشبهه ) بدأت اكتبها السنه الماضيه طولت فيها بما انها الاولى اتمنى تعطوني توقعاتكم وآرائكم البارتات بنهاية كل بارت بكتب موعد البارت اللي بعده الروايه خليجيه اترككم مع أبطال الروايه لتعرفوا ايش صار معهم قراءة ممتعه لكم جميعاً ان شاء الله  التعديل الأخير تم بواسطة لامارا ; 09-09-18 الساعة 11:41 PM | ||||
|
| |
|
31-08-18, 12:47 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| أبطال رواية حياة الشبهه # ديمه عمرها 22 سنه منظمه ودلوعه ببيتها وشايفه حالها كثير عكس باقي عائلتها المتواضعه وماعندها احساس بالمره . واهم شي عندها الموضه واناقتها تدرس بالجامعه سنه رابعه . #أم أسامه عمرها 59 سنه طيبه جدا وتهتم ببيتها وعيالها كثير . # أبو أسامه رجل بالستينات من عمره بس اللي يشوفه يقول عمره بالاربعينات ، دكتور وعنده مشفى كبير وفله كبيره وضعه المادي جميل جدا ودايما يسعى الى فعل الخير . # أسامه أخو ديمه شب عمره 24يشبه اخته يعني ذكي بس انه دايما برا البيت وتوظف عند ابوه بالمستشفى كمحاسب . # أبو سعد عمره 55 جار أبو أسامه معه دكان صغير يترزق منه يعيش ببيت متواضع هو وبنته فرح بعد ما توفت زوجته وابنه سعد . # فرح بنت أبو سعد عمرها 21 تدرس مع ديمه بالجامعه وهي بنت ذكيه جدا وجمالها لا يوصف بيضاء ورشيقه وشعرها أشقر بطول ظهرها وأهم شي ان اخلاقها جدا عاليه وطيبه وماتحب الأذيه للغير ومتواضعه جدا # والشخصيات الباقيه بتعرفوها مع البارتات القادمه # البارت الجاي بينزل يوم السبت ان شاء الله 😊 التعديل الأخير تم بواسطة لامارا ; 09-09-18 الساعة 11:39 PM | ||||
|
| |
|
05-09-18, 06:01 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اتمنى لكم قراءه ممتعه # رواية حياة الشبهه# #البارت (1) ديمه : يبه ودني انت الجامعه اليوم ترى بيبتدي الدوام . أبو أسامه : والسايق مالج وينه فيه ؟ ديمه بنبرة حزن : لا مابي اروح مع السايق اليوم أبو أسامه : اش بنقول بعد يله نروح ديمه : انطرني بس اروح اجيب كتبي وانزل . بعد ما صعدت ديمه للدور الثاني أم أسامه تخرج لعند أبو أسامه وهي تضحك : ترى بتروح ويله ترجع لك بعد نص ساعه . أبو أسامه :هههههههههه ادري بس ماعليه لو اتأخر على عملي اليوم ديمه وايد مستانسه . ديمه وهي تنزل من الدرج بسرعه : كاني نزلت يبه ما تأخرت عليك . أبو أسامه : ههههههههه يله يا بنتي نروح . أبو أسامه وهو خارج من بيته بالسياره شاف أبو سعد واقف قدام باب بيتهم نزل من السياره وراح يسلم عليه . أبو أسامه : حيا الله أبو سعد ش خباركم ؟ ان شاء الله طيبين ؟ أبو سعد : هلا والله ياخوي الحمد لله يواصل كلامه : انت ش خبارك شلون الاهل وشلون الجامعه ويا بنتك ؟ أبو أسامه : الحمد لله كلهم يسلمو عليكم أبو سعد : الله يسلمك ويسلمهم أبو أسامه ينتبه ويتلفت حوالين البيت : الا بنيتك فرح وينها اليوم مارح تداوم ! أبو سعد : اييه فرح داخل تتجهز الحين تكون مخلصه أبو أسامه وهو يخرج فلوس من جيبه : اييه الله يحفظها لك وعطها هذه الهديه مني بمناسبة بداية العام الدراسي ولو انها ماهي هديه سنعه أبو سعد : لا مشكور ياخوي معانا من خير الله اللي يكفينا وزود. أبو أسامه : حشى ياخوي لا والله ما هقيتها منك انا ما عطيتك ياها عشان ماعندكم انا عطيتها لبنتك هديه مني الله يهداك أبو سعد : مشكور يا خوي ماتقصر. أبو أسامه : زين تعالو معانا نوصلكم هو مشوار واحد للجامعه وابي اكلمك بموضوع لو تسمح . أبو سعد : مشكور ياخوي ما تقصر الله يحفظك ويكثر من امثالك . خرجت فرح صاحبة الوجه البريء وهي خايفه لا تكون اتأخرت الا وتشوف جارهم أبو أسامه عند البيت فرح وبابتسامه : هلا عمي أبو أسامه . تقرب من اذن ابوها وبصوت واطي: يله يبه تأخرنا أبو سعد : يله رح نروح مع أبو أسامه . ........................ لمن وصلوا للجامعه دخلوا ع المحاضره بس فرح كانت تشوف الدكتور وهي حاسه ان الرجال هذا مش غريب عليها وتفكر من يكون! طول المحاضره وهي تحاول تذكر من يكون بس ماقدرت بعد انتهاء المحاضره وبالتحديد وقت خروج جميع الطلاب ديمه خرجت وتشوف السايق منتظر برا ع طول تركب معه من دون ما تاخذ فرح معها . ............................ بعد عدة محاولات ادق على ابوي بس غريبه ما يرد اش صاير مو من عوايده يقفل الجوال وااااي الشمس اليوم حاره حتى تكاسي مابلقى هني لازم اروح ع الشارع الرئيسي ياربي مو متعوده اوقف بالشارع الرئيسي بس وش اسوي ( ناضرت ساعتي وبسرعه سارعت خطواتي لما شفت الوقت صار متأخر اكيد ابوي الحين قلق علي ) وصلت للشارع بس السيارات مسرعات ع الخط السريع منو بينتبه علي الله يعين ( اوزع نظراتي بين الشارع كله اوف كل تاكسي يعدي وما ينتبه علي شلون بسوي ) قطع تفكيري حركه بالخط الثاني تهللت ملامحي بالفرحه لما شفت رجل بجانب تاكسي يأشر علي وفهمت من حركته انه يقصد اطلع معاه قررت اتحرك بسرعه لا يطير مني يحسب اني مابي بعدها وش اسوي كنت امشي بخطوات متسارعه مادري ليش بحركه لا اراديه لفيت وجهي لليسار بس انعجم لساني وانشلت ارجولي لما شفت سياره مسرعه لجهتي ما عرفت شسوي ما قدرت اتحرك وش اسوي وبهمس داخلي يارب وبعدين ماحسيت بشي اتجمعوا الناس يشوفوا ايش فيها واللي طلب الاسعاف واللي يحاول يشوف وين اهلها واللي كان مركز على السياره اللي صدمتها وين راحت المهم اسعفوها ع المشفى وأخذوا جوالها عشان يعرفوا وين أهلها . .................................. # نروح لعند أبو سعد أبو أسامه راح بأبو سعد على شركة هو شريك فيها: يا أبو سعد هذه الشركة انا شريك فيها بس صراحه ما اقدر اتابع المشفى واتابع الشركه فأنا فكرت لو تقدر تساعدني مثلا انت تكون بدالي بهذه الشركه وانا اتابع المشفى اممم هاه اش قلت ؟ أبو سعد : يا أبو أسامه انا ماعندي مشكله بالعكس بكون اكيد مستانس بس انا ماعندي المبلغ اللي يكفي لحتى اشارك في تدري مامعي غير الدكان الصغير اترزق فيه واجمع البيزات مالت لقمتي ولقمة بنتي أبو أسامه : لا لا ماكو داعي وبعدين انت ماشاء الله عليك متخرج ودارس وعندك شهاده ومو ناقصك شي اعتبر المبلغ اللي انا شاركت فيه بهذه الشركه هو دين عليك وترجع تسدد دينك فيما بعد . أبو سعد : والله مشكور ياخوي مادري اش اقول لك الله يحفظك ويطول لنا بعمرك ويستر عليك دنيا واخره . أبو أسامه وهو يضحك : امين يارب . راح أبو سعد الدوام وجواله كان مغلق ماسمع اتصالات فرح اثناء ماكان يشتغل شاف الساعه واحده ونص ع طول قام من مكانه يركض وهو قلق على بنته انه اتأخر عليها ع طول اتحرك وراح للجامعه شافها مو موجوده فقال يمكن ردت بتاكسي خلاص اطمئن عليها ورجع الشركه #توقعاتكم للبارت (2) • كيف بيوصل خبر مرض فرح لأبو سعد؟ • وما مصير حياة فرح ستعيش أم لا؟ • وماذا عن الذي سبب بحادثة فرح ؟ @كل هذا واكثر تجدونه بالبارت (2) انتظروني بالبارت الثاني يوم الثلاثاء ...طابت اوقاتكم | ||||
|
| |
|
05-09-18, 06:07 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اتمنى لكم قراءة ممتعه # رواية حياة الشبهه # #البارت (2) وراح للجامعه شافها مو موجوده فقال يمكن ردت بتاكسي خلاص اطمأن عليها ورجع الشركه ... ....................... & نرجع ل فرح فرح اللي مصيرها مجهول واول ما دخلوها المشفى وهي مغمى عليها ومو حاسه بشي شافها جارهم أسامه اللي يشتغل بمشفى ابوه كمحاسب اول مادخلت كان مش مستوعب اللي شافه شاف وجه فرح واتأكد انها هي ع طول راح مكتبه ودق على ابوه : يبه رد رد يله لمن رد أبو أسامه : نعم أنا مو اكثر من مره قلت لك ما تكون تدق علي وعندي مرضى! أسامه وهو وايد مخترع على فرح : يبه الحق على فرح بسرعه . أبو أسامه ما مداه يستوعب : خير يا ولدي وش فيها فرح ؟ قول تكلم ! أسامه : يبه انا مادري وش فيها بس انها تنزف وايد يبه تعال بسرعه وشوف وش فيها أبو أسامه اللي كان يجاهد نفسه على رعاية فرح اللي مثل بنيته ديمه صعب يستحمل يسمع خبر مثل هذا . والخوف بيطير عقله ويشوف الدم ينزف من هالوجه الطيب والبريء ع طول دخلوها الطوارىء ...وبدأوا بالعمليات... ............................. أسامه ياربي قومها بالسلامه ماني قادره اتخيل موقف عمي أبو سعد لما يعرف بالسالفه بعد مافقد زوجته وولده والحين بيفقد بنته ماهي سهله عليه ياااااااارب لا تفرق بينهم اخخخخ لو صار لها شي بيكون خبر صادم لنا كلنا مو بس لأبو سعد مكانتها عندي مثل ديمه بالضبط اعتبرها اختي تربينا مع بعض ومن اول عمري اعرفها ونلعب مع بعض واي شي يصير بواحد منا نخاف عليه وكل شي كنا نتقاسمه بيننا بالتساوي وكأنها واحده مننا الله يهديها ديمه مادري وش قلب حالها من لما دخلت الجامعه اشوفها تغيرت عليها يارب لطفك يارب ............................... أبو سعد لمن وصل بيته وشاف ان فرح ماهي موجوده بالبيت استغرب لأنه وين بتروح من دون ما تخبره ع طول راح بيت ابو اسامه يسأل عنها وراح لف بيوت الجيران لف لكن بدون فايده ... كان وايد خايف على بنته صار الليل وللان ولا خبر عنها كان يتصل لها بس جهازها مسكر حاول يهدأ قلبه : يمكن راحت مع واحده من رفيجاتها تستانس اش فيني رابطها جنبي ومو مخليها تعيش بس قلبه يقول : بس هي ماتطلع بدون ما تستأذن او ع الاقل جوالها مبطل الله يستر ........................... {نروح للمستشفى} >>عندخروج أبو أسامه من غرفة العمليات<< أسامه انقطع تفكيره وسرحانه : هاه يبه طمّني شلون فرح ؟ أبو أسامه : والله ماقول لك الا كل خير ياولدي بس حالتها ما تعدت مرحلة الخطوره ووضعها مو مستقر وما معنا غير ان احنا ندعي لها أسامه : زين يبه أبو فرح ليش ما نكلمه على بنته حرام الحين شلون بتكون حالته مو عارف وين بنته أبو أسامه : والله ياولدي انا مخترع شيسوي بعمره الحين بس مابيه يعرف بحادث فرح ويخاف عليها واصل كلامه بتفكير : اقول روح انت لعنده وقول له يجي معاك لهني بس لا تقول له ان الحادث خطير أسامه : حاضر يبه أبو أسامه : في امان الله يا ولدي وراح أسامه بناء على طلب ابوه ............................. { نروح لبيت أبو أسامه } ديمه تنادي امها من عند التلفزيون : يمه ابوي للحين مارد ؟ أم أسامه : لا مارد ديمه بقلق : صارت الساعه 10 وحتى بالظهر مارد يتغدى أم أسامه : طيب ما دق عليج او ما دقيتي عليه ؟ ديمه : لا يمه اش رايج تدقين عليه نشوف اش فيه ! أم أسامه بضجر : زين زين كاني جايه . أخذت أم أسامه التلفون وتدق على أبو أسامه اكثر من مره بس ماحد يرد ديمه بقلق : عجيبه لايكون صار له شي ! أم أسامه بعصبيه : فال الله ولا فالج اشفيييج قولي خير ديمه بذكائها الخارق : يمه طيب اش رايج نروح لعنده بالمستشفى نشوف وش فيه ترا قلبي قارصني حاسه في شي بالموضوع ماني مطمنه أم أسامه : لامارح نروح وش اللي نستفيده ، ماكو داعي لروحتنا الحين يمكن في حاله خطيره عنده ومايبي يأجلها عاد انتي ادرى وتعرفين شلون شغله ديمه بملل : زين ............................... أسامه وصل عند بيت أبو سعد خبره بالسالفه كلها أبو سعد بقلق وتوتر ويحاول يتحكم بأعصابه : و ليش ما خبرتوني من البدايه ؟؟ أسامه يحاول يخفف : اصلا ما حبينا نخرعك بزياده والموضوع مو مستاهل كل هالخوف تطمن ياعمي مافي شي والحين تعال معاي ننروح ع المستشفى أبو سعد كان خايف شنو صار لبنيته هز راسه بالموافقه وعلامات القلق واضحه عليه وع طول خرج عشان يروح عند بنته أسامه دخل بيتهم وقال لهم السالفه أم أسامه اتفاجئت من اللي صار : ديمه ليش انتي ما رديتيها معاج اليوم من الجامعه ؟ ديمه بتوتر : ااااا ايه اقصد لا ما ردت. أم أسامه باستغراب : وش فيج مخترعه! تواصل كلامها بعصبيه : وبعدين ليش ما رديتوا ويا بعض ياجليلة الحيا ياللي ماتستحين على ويهج انا اعلمج شلون الادب ديمه ماواصلت كلامها الا وصعدت دارها من دون ماترد على أحد . خرج أسامه عشان يروح هو وابو سعد للمستشفى وماعلق على ديمه لوقت ثاني مو فاضي لها الحين أم أسامه صعدت دارها الا وتشوف بنتها ديمه تنزل بسرعه كانت تناديها بس ماردت وطلعت من البيت ع طول ............................ وصل أسامه وأبو سعد وكانت حالته تقطع القلب: يا أبو أسامه وينها بنتي؟ اش صار عليها أبو أسامه وأسامه حاولوا يهدئوا أبو سعد بس ما قدر يتحمل كان يحاول يدخل عندهم بس منعوه أبو سعد برجفه : ابي ادخل عند بنيتي ابي اشوفها واتطمن عليها أبو أسامه : ياخوي اهدأ واذكر الله بنتك مافيها الا العافيه بس وضعها ما يسمح لاي زياره الحين . أبو سعد : ردولي بنتي لا تخلوني اخسرها هي بعد وكان يبكي بشده أبو أسامه : ادعي ربك ياخوي وراح ترد لك مثل ماكانت واحسن ان شاء الله بس المشكله ان أبو أسامه مش واثق ان فرح تعيش بس كان يواسي نفسه هو كمان . .................................. وهي بالطريج التوتر ياكلها وبنفسها : انا اش سويت ياربي وش هالغباء اللي فيني اكيد الحين امي بتقلق علي واذا صار شي وتأخرت بالرجعه ياربي وش الحل ما اقدر ارد الحين وبعد ما اقدر اواصل قطع تفكيري صوت الجوال يدق نزلت نظري اشوف من المتصل لما كان بيدي ارتفع الضغط ألف عندي ورديت بدون نفس : شنو ؟؟ .... ايه الحين جايه .... خلاص قلت انا بالطريج يعني بالطريج ماتدقين .... مع السلامه ......................... {بيت أبو أسامه} أم أسامه وكانت تروح وترجع وتروح وترجع بالصاله من القلق ع طول فتحت الباب وقامت تنادي بأعلى ما عندها : محمد يا محمد... محمد ياربي وين راح هذا الثاني! محمد : نعم ماما ؟ أم أسامه : شفت ديمه تخرج بسيارتها ؟ محمد : لا ماما أنا ما ساف ديمه أم أسامه : زين مشكور روح شوف سيارتها موجوده والا لا بسرعه وشوف لو هي بالحديقه محمد راح يشوف ورجع : ماما مافي سياره مافي ديمه أم أسامه بقلق وخوف: شلون ما شفتها وين كنت عنها ... اللحين وين نلاقيها وين بتروح ! محمد : انا ماكان يدري .... اسف ماما أم أسامه قنابل من العصبيه : انت اصلا متى كنت تدري بشي يله روح فارج ... اقول لك طس عن ويهي استغفر الله العظيم . محمد : حازر ماما . أم أسامه وهي تفكر : اللحين وين رح الاقيها ياربي وراحت بسرعه لتغير ملابسها : ادري وين راحت . #توقعاتكم للبارت (3) • ياترى هل بتعيش فرح او لا ؟ • وايش بيحصل لأبو سعد ؟ • وأم أسامه وين بتروح وهل بتلقى بنتها او لا؟ • و ديمه ايش تعمل ولوين راحت؟ • وهل سيمسك المجرم؟ @ كل هذا وأكثر تجدونه بالبارت (3) انتظروا البارت الجاي يوم الخميس ان شاء الله شفتوا شلون طيبه قدمت لكم موعد البارت والا كان بيكون الجمعه هذا الا جانب الدراسه بتبدأ من بكره 😂😂🙈🙊 ادعوا لي بالتوفيق | ||||
|
| |
|
07-09-18, 01:22 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بما انه البارت قصير قررت انزل هذا اليوم كتصبيره وبكره كمان واحد يعني ع اساس كأنهم واحد بس مقسومين بيطلعوا واحد كبير المهم اتمنى للجميع قراءة ممتعه # رواية حياة الشبهه # #البارت (3) أم أسامه وهي تفكر : الحين وين رح الاقيها ياربي امممم أم أسامه تروح بسرعه تغير ملابسها : ادري وين راحت . ---------------- {المشفى وبالتحديد عند أسامه } أسامه يجلس بمكتبه وهو قلق على فرح يقطع سرحان أسامه دخول أمه للمشفى أسامه مبحلق عيونه : يمه اش يابج لهني؟ أم أسامه : شنو شايف يني؟ اقول عيونك لا تطلع ... أسامه يضحك : ههههه استغفر الله لا يمه بس مو من عوايدج تيين لهني المهم ليش ييتي اش تبين؟ أم أسامه :أختك وينها ؟ أسامه وهو مستغرب من كلام امه : وانا اش دراني عنها يمه ليش اهي مو عندج؟ أم أسامه : لو عندي بيي وأسئلك يعني ! خلصني اهي هني ولا لا؟ أسامه : لا يمه مو هني ماشفتها أم اسامه : ياربي وين باتروح هالبنت ----------------- في اليوم التالي ⁃ بيت أبو سعد فاضي . ⁃ مافي ببيت أبو أسامه غير أم أسامه والخدم . ⁃ أبو أسامه وأبو سعد وأسامه ماناموا طول الليل من خوفهم على فرح . ⁃ وضع فرح مجهول . يعني التوتر مسيطر على الوضع مع كل هذه الظروف الا إن أم أسامه صحت الصبح راحت سوت لها شاور وبعدين فطرت فطور خفيف وحطت ميكاب وتتجهز لتروح تتسوق . اهي تعتقد ان الكل راح لشغله ماتدري انهم ماردو للحين . وهي تخرج شافت محمد ذكرت سالفة امس تناظره بنص عين وهي تطلع للسياره: متى ردوا وطلعوا من دون علمي؟ محمد : انا ما ساف بابا أبو أسامه امس ليل أم أسامه عيونها باتطلع من الدهشه : وأسامه وديمه ؟ محمد : انا ماشاف ماما ديمه وبابا أسامه الا امس ليل أم أسامه تفكر وين راحوا : انزين ودني للمستشفى وبعدين يصير خير ------------------- { المستشفى } أسامه : هلا يمه ش خبارج ؟ أم أسامه : وينك يا ولدي ما رديتوا ووين اختك وابوك وينه فيه من امس؟ أسامه : يمه انا وابوي بخير امس ما نمنا بالبيت عشان المرضى بس ديمه مادري عنها ليش ماردت للحين ؟ أم أسامه : لا ياوليدي ماردت . أسامه : يمه لايكون صار لها شي ! أم أسامه معصبه :هاو اش فيه لسانكم ياربي صار جذي اكرمنا بسكوتك لو سمحت ابرك أسامه : يمه وش السوات اللحين ؟ أم أسامه وشكلها يقطع القلب : روح ياولدي دور على اختك مادري طلعت امبارح وادق عليها وماترد وكله جهازها مسكر هي بالعصر قالت انها بتروح عند رفيجتها ذيك اللي امها رفيجتي ( وبنرفزه ) عرفتها ؟؟ بس مادري اذا راحت والا لا وحتى لو راحت مارح تقعد هناك من امبارح لين اليوم أسامه بقلق :حاضر يمه انتي ردي البيت أم أسامه : روح يمه ولا تطول وكلمني بالتلفون اول باول ترا انا مو قادره استحمل . أسامه : ان شاء الله يمه ان شاء الله أسامه ع طول من خوفه على اخته ما انتبه يخبر أبوه انه طالع طلع من دون اي تفكير . ------------------ # نروح لمكان بعيد{ الشرطه } الشرطه مازالت تدور ع المجرم بس مافي اي نتيجه راحوا للمستشفى عشان يتكلموا مع أبوها أبو سعد : خير لقيتوا اللي دعم بنتي؟ الشرطه : للأسف ما لقيناه . أبو سعد يروح يقعد بالكرسي وكل علامات الدمار والحزن فيه الشرطه : أنت ابوها ؟ أبو سعد : ايه اخوي الشرطه : احنا نبي نعرف لوكان في اي عداوه بينها وبين احد عشان نتخذ الاجراءت اللازمه أبو سعد : لا والله ياخوي ترا بنتي ماتعمل عداوه بينها وبين احد وقلبها وااايد طيب وماتدخل بمشاكل نهائيا وما تهتم غير بدراستها وع طول ماقدر يستحمل وبدء يبكي على بنته . الشرطه : احنا عرفنا السياره اللي دعست بنتك بس للحين ما قبظنا عليه ومازلنا نبحث عنه . وخرجت الشرطه من المستشفى --------------- ديمه بنفسها : الحين وش بتقول امي اكيد بتقلق وسوت سالفه بس انا شسوي مادري ايش فيني هاليومين ملخبطه وكله مالي خلق وصايره كبريت بسرعه اعصب اووووف وكمان عندنا بحث بالجامعه يا عيني يا عيني منو له خلق يسوي له بحث !! ياربي صبرك ------------------ أبو أسامه خرج من غرفة فرح أبو سعد : خير يا دكتور طمنّي شلون صارت بنيتي؟ أبو أسامه : لا تخاف ياخوي اذكر ربك وادعي لها ترا اهي محتاجه لدعائك وايد وبالمناسبه ترا حالتها استقرت ومافيها الا العافيه . أبو سعد والفرحه شاقه ويهه : طيب ليش ما تطلع اللحين ؟ أبو أسامه : خليها تقعد عندنا عالاقل يوم وباجر نطلعها ان شاء الله. أبو سعد: الحمد لله يارب #توقعاتكم للبارت (4) • ايش بايصير مع فرح ؟ • هل سيقبظون على من تسبب بحادث فرح ؟ • وديمه وش قصتها ؟؟ @ كل هذا وأكثر تجدونه بالبارت (4) مثل ما قلت لكم البارت بكره طابت اوقاتكم | ||||
|
| |
|
10-09-18, 08:37 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سلام كيفكم ان شاء الله تكونوا بخير بالنسبه للبارت تأخرت عشان ماكان عندي نت وماقدرت انزله اتمنى تعذروني وتقدروا وهذا البارت >> #رواية حياة الشبهه # #البارت (4) أبو سعد والفرحه شاقه وجهه : طيب ليش ما تطلع اللحين ؟ أبو أسامه : خليها تقعد عندنا عالاقل يوم وباجر نطلعها ان شاء الله. أبو سعد: الحمد لله يارب .. بادله أبو أسامه بابتسامه وراح يخلص شغله ------------------- { بيت أبو أسامه } تدخل ديمه البيت وتروح تسلم على أمها بعد ماردت من الجامعه ديمه : سلام شلونج يمه ش خبارج؟ أم أسامه من طرف خشمها: وين كنتي ؟ وين كنتي طول الليل ؟ ديمه ببرود : يمه انا كنت عند رفيجتي نذاكر سوى وبعدين كان الوقت متأخر وايد ماخلتني ارد قالت انام عندها وعقبها نروح الجامعه ولما يخلص الدوام ارد هني اممم بس هذه هي كل القصه قاطعتها أم أسامه بنفاذ صبر وعصبيه : ديمه ديمه تتصنع البرود لتهدأ الموقف : هلا أم أسامه رفعت حاجب وحطت عينها بعين ديمه : شوفي عاد احنا صحيح واثقين فيكم ومرخيين عليكم الحبل شوي بس مو معناتها تقعدين عند رفيجتج ولا على بالج ديمه : بس يمه أم أسامه قاطعتها : وحطبه ( تنهدت لتتحكم بأعصابها ) شوفي عاد انا كنت ناويه احرمج تطلعين من دارج ( وشددت على دارج ) شهر كامل بس ابوج لا يدري بالسالفه تدرين عاد ماكو داعي اعلمج بردة فعله بس اذا سمعت انج مره ثانيه تأخرتي عن الرده للبيت لبعد الساعه سبع ماتلومين غير عمرج سامعه والا لا ؟؟ ديمه بتكذيب : لا مو من صجج الساعه سبعه ماحد قام يسوي هالنظام يمه قاطعتها أم أسامه : وما احد قام يبات عند رفيجاته ديمه : بس يمه انتي تعرفينهم وانتي وامها رفيجات ام اسامه بحده قاطعتها : ومع ذلك عمري ما نمت عندهم انتي وين مفكره عمرج ع بالج قاعده بأمريكا والا فرنسا والا شنو ؟؟ ( وتابعت بحده ) انا ما عندي بنات ينامون خارج البيت ديمه : يمه لا تكبرين السالفه ترى كلش مو محتاج أم أسامه رفعت حاجب : اي والله وانتي الصاجه ماكو داعي اكبره هو كبير جاهز من الله السالفه كبيره ديمه بملل ترخت وقفتها : زين ؟؟ أم أسامه : عدلي وقفتج وتكلمي عدل معي سامعه والا لا ؟؟ ديمه : يمه والله العظيم رحت وصار الوقت متأخر وابوي المره الماضيه عصب علي وقال لي ممنوع اسوق او اطلع بالشارع متأخر بققت عيونها أم أسامه : وانتي قمتي تسمعين كلامه ما تنامين بالبيت والله شي حلو ديمه : خلاص يمه اوعدج ما اعيدها بس خلاص سكري ع السالفه أم أسامه : انزين روحي بدلي ملابسج ابوج واخوج رادين بعد حوالي نص ساعه ييون وانتي جاهزه ع طول نتغدا . ديمه : زين يمه على امرج . ---------------- { المستشفى } أبو سعد : يا بنتي شلون صرتي ؟ فرح : بخير يبه لا تخاف علي مافيني الا العافيه . أبو سعد بنبره حزينه : الحمد لله اللي ردج لي يا بنيتي ما تدرين شلون كان حالي وانتي بعيده عني لا تسوين فيني جذي يبه مره ثانيه . فرح ابتسمت ابتسامه باهته: ان شاء الله يبه . ما تخاف علي يبه كاني مثل الحصان قدامك ضحكوا شوي بس يقطع كلامهم الشرطه يبون يقعدون مع فرح يسمعون منها . { الجامعه } ليلى بنبرة استهزاء واستحقار : بتسدئي دي البت مش داخله مزاجي خاااالص! ديمه : مافهمت منو تقصدين ؟ ليلى بنبرة قرف : مين غيرها دي البت فرح ديمه بسخريه : وليش اش سوت فيج؟ ليلى بنغزات : ماعملتش فيني حاجه بس انا بقووول ليه ما تحدرش دول اليومين معانا ديمه : وانتي اش تبين فيها ؟ ليلى : ولا حاجه بس بقول لك كده عشان حاساها بتلعب بالدراسه ومش ماخده الموضوع بجديه يعني دي البت تحضر يوم ووتغيب اسبوع ! دا استهتار وعشان كده مابحبهاش. ديمه : ياختي خلينا فحالنا وهي فحالها ترا هي مو مستهتره ولا شي كل مافي الموضوع أنها أ.. ليلى تقطع كلامها بذهول : ليه هو انتي بتعرفي ليه هي مهمله كدا! ديمه : ايه تراها سوت حادث قبل يومين بعد دوام الجامعه ومادري عنها الحين . ليلى وقلبها بيدق بسرعه : عملت حادث ومن هو اللي عمل الحادث ؟ ديمه : مادري عنهم يمكن ما مسكوه ليلى : اهااااه ديمه : وانتي اش خصش فيهم ليلى : ........ ديمه : انزين امشي قدامي وماعلينا منهم. ------------------ [ ليلى : بنت مصريه صديقة ديمه ، بنت مافي قلبها احساس ومتكبره مش جميله مره بنت جدا عاديه ] # نرجع لموضوعنا بعد مرور يومين على شفاء فرح تروح الجامعه وتلتقي ب ديمه وليلى فرح : مرحبا شلونكم بنات؟ ليلى بدون نفس : الحمد لله بنشكر ربنا هو انتي افتكرتي انه عندك جامعه ودارسه دي الوئتي ااااه والا انتي اصلا من عوايدك كدا مش غريبه فرح عقدت حوابها بعدم فهم : عفوا شنو قصدج؟ ديمه : ليلى كفايه جذي يالله نروح ليلى : يالله بينا اصلا انا ما استحملش أعد مع الاشكال دي وتواصل كلامها وهي تمشي : قرف فرح وهي مش فاهمه ولا شي وزي الخبله تسمعهم : هذول اش يقصدون ! ( وبسخريه ) لاحول ولا قوة الا بالله. ------------------ >> بالليل وبالتحديد على طاولة العشاء << ديمه كانت قاعده تتعشى وبيدها تلفونها وتراسل رفيجتها ليلى: ليلى : هاي ديوم ازيك عامله ايه يا حبيبتي؟ ديمه : الحمد لله انتي شلونج ؟ انا قاعده على العشى وانتي ليلى : الحمد لله طيبه انا بستناك ديمه : شنو تستنيني خير اش تبين ؟ ليلى : طيب تعالي عايزه اقول لك حاجه مهمه ديمه : ما اقدر الحين خليها باجر بعد الجامعه ليلى : طيب يا حبيبتي مع السلامه بالعافيه على قلبك. ديمه : الله يعافيج مع السلامه رن تلفون أبو اسامه على العشاء ارتبك شوي وع طول طلع ديمه لفت انتباهها حركة ابوها : وش فيه ابوي طلع مستجعل ومرتبك جذي ؟؟ أسامه حرك شفاته بمعنى مادري واصلوا اكلهم بهدوء دخل أبو أسامه بعد ما طلع للحديقه وقعد ع الطاوله وبدء يواصل أكل العشاء أبو أسامه بابتسامه : عندي لكم خبر بيعجبكم ؟ أم أسامه وهي مبتسمه : خير يا أبو أسامه بشر شنو هالخبر! أبو أسامه بصوت عالي : ادخل أم أسامه باستغراب : ش تقول يا أبو أسامه منو اللي يدخل اش فيك أسامه بهدوء خايف لا يعصب ابوه منه : يبه منو تكلم ؟ ديمه تترك التلفون لتشوف وش السالفه مع ابوها أبو أسامه : نطرو وبتعرفون يقطع كلام أبو أسامه صوت الباب افتتح كلهم لفوا راسهم يشوفون من هذا اللي يدخل بدون استئذان ........... : سلام شلونكم ؟ أم أسامه وهي مبحلقه عيونها : ع ع عبد الله ! # توقعاتكم للبارت (5) • شلون باتتعامل فرح مع ديمه وليلى اللي يستحقروها عشان الفلوس وووو ؟ • وايش الشي المهم اللي تبغى ليلى تكلم ديمه فيه ؟ • منو عبد الله اللي دخل بيت أبو أسامه ؟ @ كل هذا واكثر تجدونه في البارت ( 5 ) البارت الخامس ان شاء الله متى ما قدرت بنزله اعذروني في لخبطه بس ان شاء الله بحاول التزم طابت اوقاتكم | ||||
|
| |
|
23-09-18, 07:42 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اتمنى لكم قراءه ممتعه # رواية حياة الشبهه # #البارت (5) ديمه تترك التلفون لتشوف ش السالفه مع ابوها أبو أسامه : نطرو و بتعرفون يقطع كلام أبو أسامه صوت الباب افتتح كلهم لفوا راسهم يشوفون من هذا اللي يدخل بدون استئذان ...... : سلام شلونكم ؟ أم أسامه وهي مبحلقه عيونها : ع ع عبد الله ! أسامه بمسخره : يالخبل شجابك الحين . ديمه تمسح عيونها وترد تمسحها وترد مره ثانيه تمسحها وتفتح عيونها : مو مصدقه اللي اشوفه ؛ والله صج !! تواصل كلامها : أسامه طقني أسامه طقها بقوه ديمه : ااااي يمه اش فيك شوي عليّ اف من الطق مالتك يخليني اشوف اللي جدامي اربع الكل :هههههههههههههههههههههههه� �ههههههههههههههههه دخل عبد الله يسلم على أمه وابوه واخوانه [ عبدالله : الابن بالمرتبه الثانيه اصغر من أسامه وهو شاب رياضي وقوي وحياته متقلبه احيانا تحسه مره شديد وجدّي بكل الامور واحيانا تحسه ماخذ الدنيا لعبه عمره 23 سنه خلص الجامعه بكلية الهندسه طيّب وحنون مرررره ] # المهم نرجع لموضوعنا أبو أسامه : اشفيك تعال تعشى معنا يا ولدي عبد الله : لا يبه حدي تعبان ابي اروح انام . ديمه بابتسامه ونظرة (مكر) : ماتبي تاكل من اكل امك ؟ عبد الله يقرص عيونه : يمه يمه منج يمه تبين الفضيحه حق اخوج؟ الكل :ههههههههههههه أم أسامه بهنجمه وتمثيل العصبيه : عن العياره انزين يله تعالوا اكلوا وانتو ساكتين عبد الله : انزين اصلا ريحة الاكل تشهي ؛ عاد شلون ! هذا طباخ الوالده الله يحفظها الكل :هههههههههههههه امين { بيت أبو سعد } فرح : يبه اش فيك مو معبرني ترا لي ساعه قاعده اكلمك وين رحت؟ فيك شي ؟ أبو سعد : لا يبه ماكو الا العافيه لا تهتمين فيني انتي بس اهتمي بدراسج فرح بعتاب : افا يبه بس افا انا تقولي لا اهتم فيك اذا ما اهتميت فيك عيل بهتم بنو أبو سعد : لا يبنيتي حشى ترا ادري انج ماقصرتي بحقي وبعد انا متعبج فرح بابتسامه : لا انت ما تعبتني ، وترا تعبك راحه يبه وبعدين قلي ترى انا اشوفك من يومين ما انت على بعضك خير يبه في شي أبو سعد : بصراحه من مرضتي وانا اذكر اخوج وامج واتذكر ايامهم وضحكاتهم وخفة دمهم وووحتى العناد اللي فيهم واصل بحسره : الله على ايام فرح وهي تمسح دمعتها : الله يرحمهم ويسكنهم الجنه أبو سعد : امين يارب فرح : الا على طاريهم يبه شلون ماتوا؟ أبو سعد بارتباك : مادري يا بنتي ما اذكر فرح بغباء : زييين اشفيك جذي مرتبك كنك مخبي عليّ ترا ادري انك ذاكر واصلت ببرود : أ انززين نقول انك نسيت وادري انهم ماتوا مقتولين اذا انت ناسي صج مثل ما تقول كان ذكرت شلون ماتوا وقت ذكرتهم اساسا يبه قولي الصج ترا انا مو طفلة 6 سنين تخدعني بهالكلام أبو سعد : اشفيج اليوم مصرّه تعرفين ، ش السالفه !! فرح : يبه ماف أبو سعد يقطع كلامها بعصبيه : خلاص قفلي عالموضوع ومابي اسمع هالسيره مره ثانيه كلش فاهمه؟ فرح : ان شاء الله يبه ان شاء الله بس انت لا تعصب أبو سعد : بروح انام تبي شي؟ فرح : لا يبه بس سلامتك أبو سعد : تصبحين على خير فرح ببلاهه بعد ما مشى ابوها : تلاقي الخير اش فيه ابوي عصب يوم ذكرت سيرة اللي قتل امي واخوي { بيت أبو أسامه } أسامه : هاه ياخوي بشّر ان شاء الله لقيت لك بنت الحلال ؟ عبد الله يناظره بنص عين ويكلمه من طرف خشمه : انزين القى انت بالاول وبعدها يصير خير يال أسامه بتحدي وحده معصب : يال شنو هاه يال شنو قول اذا انت ريال ؟ عبد الله : اخاف تندم اذا قلت أسامه مبقق عيونه : استحي على ويهك تراني اخوك العود عيب تحاكيني جذي عبد الله ببرود : اخوي العود هاه ماهو عشان جذي اقول انك تبدأ تلاقي بنت الحلال يابو لسان أسامه : مالك شغل فيني . عبد الله : ايه يعني انت اللي لك شغل فيني ( يواصل بملل ) فكنا من سيرتك عاد الكل يناظرهم ويضحك على هبل عقولهم أسامه : مامداني افرح ان اخوي يرد عشان اقعد اسولف وياه وانت تقلبها هواش الله يهداك من الحين ترا اللي فيني مكفيني ديمه باستهزاء : ياعيني يا عيني ليش وش فيك يا استاذ اسامه وبعدين انت اصلا بغياب اخوك تتهاوش انت وعقلك يالتحفه وش فرق الحين ! أسامه : انا تحفه انزين انا اعلمج يالفصعونه العيال يشوفوا لبوهم الا يلاقونه مربع كتفه ويسمع هواشهم أبو أسامه بسخريه : خلصتوا؟ ديمه وعبد الله بخجل : اسفين يبه ما كنا نقصد أسامه ببلاهه : ايه يبه خلصنا ليش وش عندك . عبد الله يتفاجأ من جراة وقلة أدب اخوه ديمه تهمس باذن عبد الله : لا تستغرب هذا لسانه المترين على حطة ايدك ما قصر ولا حتى سانتي واحد عبد الله بهمس : ايه ايه واضح بس انا حطيته مترين اشوفه صاير اربعه . أسامه : اش عندكم قاطين عيونكم علي وتتساسرون أبو أسامه : انزين كل وانت ساكت يا استاذ أسامه بزعل : شبعت أبو أسامه : انزين وليش حاشر ويهك عندنا لو شبعت ديمه غصب عنها خرجت ضحكتها أسامه : يبه شوف ديمه ت أبو أسامه : قوم قومك الله روح شوف لك شي ينفعك يالبومه أسامه يناظر ديمه : انزين انا اعلمج يالبقره أبو أسامه : اقول اسامه شكلك تبي نعالي ييك صح ؟ اذا تبيه ترا حاضر أسامه يصعد غرفته بدون مايرد الكل وقام الكل يضحك ويدق تلفون أبو أسامه يرفعه ويشوف انه ..... #توقعاتكم للبارت (6) • ليش أبو سعد ارتبك وقت ذكر قاتل أخو فرح وامها ؟ • من اللي اتصل على أبو أسامه بهذا الوقت من الليل ؟ @ كل هذا وأكثر تجدونه في البارت (6) البارت السادس الان بنزله | ||||
|
| |
|
23-09-18, 07:43 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رجعت لكم بالبارت السادس من روايتي الأولى واتمنى لكم قراءه ممتعه # رواية حياة الشبهه # # البارت (6) أبو أسامه : اقول اسامه شكلك تبي نعالي ييك صح ؟ اذا تبيه ترا حاضر أسامه يصعد غرفته بدون مايرد الكل وقام الكل يضحك ويدق تلفون أبو أسامه يرفعه ويشوف انها الشرطه أبو أسامه : هلا ياخوي بشر لقيتوا اللي صدم بنيتنا ؟ ...... زين باخذ ابوها ونييكم ...... لا انا مو ابوها حنا جيران ...... زين مسافة الطريق ونوصل ...... مع السلامه بعد ما سكّر الجوال قام وهو مستعجل عبد الله استغرب من اللي كان يسمعه من ابوه : اش فيها فرح يبه ؟ أبو أسامه : بعدين اقول لك . عبد الله بنرفزه : يبه أبو أسامه بانشغال : اقول لك بعدين عبد الله بنرفزه : يمه اش فيها فرح حد منكم يفهمني أم أسامه : صار لها حادث من مده قصيره عبد الله بخوف : وشلونها اللحين ؟ ديمه ترد بدل امها من طرف خشمها وبتثاقل : لا تخاف مافيها الا العافيه اش راح يصير لها ولا تحرق دمك عالفاضي الحين بتكون قاعده مثل البقره فبيتهم ومافيها شي عبد الله وهو ميت ضحك على اسلوب كلام ديمه : اش فيج تكلميني جذي وتقولين جذي عالبنيه حرام شنو بقره مابقره استحي على ويهج وبعدين اش سوت لج ؟؟ نازله فيها شتم ليه !! ديمه باستحقار : ويييه ما احب سيرة هالناس عبد الله بعصبيه ويخبط عالطاوله : اش فيهم هالناس ؟ ديمه : ياخوي هالناس مو من مستوانا اش عليك منهم لا تقرب صوبهم اتركهم بحالهم عبد الله بتأتأه : وليش تقولين لي هالكلام يعني ؟ ديمه وهي تقرص بعيونها : انت اللي سألتني شفت يالمفضوح عبد الله : شنو مفضوح ؟ ديمه : اعتقد انك تدري اش قصدي عبد الله بعباطه : شنو ؟؟مافهمت فهميني ديمه : عن العياره لا تسوي نفسك البريء اللي مايدري عن شي ترى مو لايق ديمه تقوم من مكانها وتصعد غرفتها عبد الله : هاي هاي انتي وين رايحه ؟ ديمه وصوتها يختفي شوي شوي نتيجة بعدها عن عبد الله : تشوفني صاعده فوق وين بروح غير داري. >> بعد مرور يومين على رجوع عبد الله << أبو أسامه يودي ديمه وفرح ع الجامعه بنفسه لين وصلوا الجامعه فرح : تسلم ياعمي مشكور وما تقصر أبو أسامه : ولو انتي بحسبة بنتي وما سويت غير الواجب المهم سمعوني اليوم انا بجي اردكم ما تردون بروحكم فاهمين ديمه بغيض : وليش تتعب نفسك يبه السواق وينه فيه ؟ أبو أسامه : ما عليه يبه هو تعبان شوي قلت اخليه يرتاح ديمه : انزين مع السلامه يبه أبو أسامه : ديروا بالكم هاه؟ ديمه : ان شاء الله ودخلوا الجامعه >> بعد انتهاء الدوام << ديمه : اش بغيتيني فيه ؟ ليلى : تعالي هنا نشرب حاجه نصحصح كدا لان احنا يمكن مطولين ديمه : شنو مطولين ما مطولين ابوي اللحين بيجي وانتي تقولين لي مطولين ! ليلى : هو ابوك اللي هيجي ياخدك من هنا ؟ ديمه بملل : ايه السايق تعبان انزين اخلصي علي ابي اروح ليلى حدددها معصبه : اووووه على كده ما ينفعش نكلم دي الوئتي ديمه : طب ليييش خرعتيني اش صاير ليش كل هذا؟ ليلى : اطّمني مافيش حاجه بس هو ما ينفعش نكلم كده ع السريع ديمه : امممممم انزين اش رايج تكلميني اليوم بالليل ؟ ليلى : ما ينفعش مش عايزه حد يسمع اللي انا بقول هو لك ديمه : اصلا منو بيدش داري يعني ماحد بيسمعنا ليلى : ماشي خلاص اتفقنا >> بالليل << أسرة أبو أسامه متجمعه بالصاله كل واحد مشغول بشي أبو أسامه يقرأ كتاب أم أسامه تتصفح بجوالها عبد الله وأسامه يتابعون مباراه واصواتهم طالعه ديمه تراقب الكل وما تدري شلون تروح دارها وتكلم ليلى حتى انها ما تقدر تقول تبغى تنام لانه وقت بدري على نومتها لاحظ أسامه ان ديمه مربوشه ومتوتره فحب يتمسخر عليها وهو يضحك : علامج قاعده تناظرينا كنك اول مره تعرفينا ديمه مبلمه : ........ أسامه : سلامات !! متى بتموتين ونفتك من ويهج الودر تفز أم أسامه من جوالها معصبه : بسم الله على بنيتي وش هالحكي !! انت علامك ما تمثن كلامك !! ديمه تستقوي بوجود امها : خليك بحالك ابرك لك أسامه : زين قعدي تهاوشي ويا عقلج عبد الله : انت اش عليك منها ؟؟ ياخي حريم ماعليك من سوالفهم ديمه : وش فيهم الحريم يا أستاذ ؟ عبد الله : اقول فكينا من سوالفج عاد ديمه تستغل هالفرصه وتقوم ع اساس زعلت : اووووف القعده عندكم تجيب الغثى عبد الله : ابركها من ساعه أسامه : هههههههههههه دخلت ديمه دارها و ع طول بدأت مكالمه فيديو مع رفيجتها ليلى ليلى: ليه كده اتأخرتي يا بت ديمه : ما تدرين شلون قدرت اهرب لداري من اخواني حسبي الله على ابليسهم الحين خلصيني اش تبين ليلى : الموضوع انه ديمه : ش الموضوع اش فيج تكلمي ؟ ليلى : فرح ديمه وهي تناظرها بنص عين : فرح مره ثانيه خير اش فيها فرح المره هذه ليلى : بس توعديني بالاول انه يبقى سر بيننا ديمه : انزين ان شاء الله # توقعاتكم للبارت (7) • ايش قصة عبد الله وفرح ؟ • وليش ديمه لهدرجه تكره فرح ؟ • ايش الشي اللي ليلى بتقوله لديمه عن فرح ومتكتمه عليه كذه ؟ @ كل هذا واكثر تجدونه في البارت ( 7 ) واتمنى اشوف تعليقاتكم لترفع من معنوياتي سواء مدح او نقد استقبل وطابت اوقاتكم | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
