|
والقَصايد لُو تعبّر عن حُبك شابت آبيات الغزل و إنِعدم وزن القَصيد / لـ Saiirah مكتملة
|
رابط لتحميل الرواية هنـــــــــــــــــــــــ ــــــــــا بسم الله الرحمن الرحيم السلام عليكم ورحمة الله وبركاته كيف حالكم إن شاء الله دائما بخير ؟ تقدم لكم رواية والقَصايد لُو تعبّر عن حُبك شابت آبيات الغْزل و إنِعدم وْزن القَصيد / للكاتبة Saiirah https://upload.rewity.com/uploads/153651705054253.jpg للكاتبة رواية أخرى وإذا رأيت حُسنها وهي تبتسم أتمتم ربي إغفر لِعيني أن ثملت/ للكاتبة Saiirah https://www.rewity.com/forum/t413442.html |
. لا اله الا الله , , كان جالس بهدوئه المعتاد بعيونه المتعلقه بالسقف وبنظراته الى طالع لبعيد,وسط ازعاج و ضجيج المساجين الى حوله بس ماكان يحس باصواتهم من افكارهه الى شاغلته و ماخذته لبعيد عن العالم حس بضيق يملا صدرهه و انفاسه تضيق نزل راسه وحط يدهه على صدرهه بتعب,رجع ظهرهه على الجدار و نصب رجوله واهو يدفن راسه بينهم بتفكيرهه الى اتعبه ثالث سنه بتمر عليه واهو بين جُدران هذا السجن ثلاث سنوات لقى فيها من التعذيب و القسوهه ماتكفيه روحه انهلكت من هجر كُل احبابه و اهله له. السجان فتح الباب وصرخ بآسمه؛مصعب عبدالرحمن عندك زيارهه. فز وقف بفرحه واخيراً احد حس فيه ركض بفرحه وقف مسكه السجان وطلعه وسكر الباب وراهه واهو يمشي معاهه لغرفه الزيارهه فتح الباب ولما دخل مصعب سكر وراهه الباب. , , \\بداخل الغرفه||عند مصعب//. , وقف يطالع بالباب لثواني بعدها لف بسعادهه بيشوف من هالي زارهه فز قلبه بامل واهو يشوف البنت الى قدامه وكانت لابسه عبايتها و نقابها ماكان واضح منها غير عيونها الى تلمع بدموعها همس بغصه وبحت صوته بأمل على انها تكون اهي؛ايلاف!!. ايلاف انفجرت ببكيها وركضت واهي طيح بحضنه وتدفن نفسها بحضنه وتملا داخلها واهي تستنشق ريحته الى انحرمت منها لثلاث سنوات وبهمس وبحت صوتها؛اشتقت لك ورب الكون اشتقت لك. مصعب نزلت دموعه بضيق واهو يشدها له واهو يبوس راسها؛قولي اني مو بحلم وانتي حقيقه!تعتب والله وانا افرح بجيتكم واخرتها اصحى واهو حلم وينكسر قلبي بسبب هجركم لي. ايلاف بحسرهه عليه ضمته اقوى من اول وهمست؛قولي انت انك مو حلم,تدري كم مرهه افرح بانك حقيقه وتطلع حلم زايرني بمنامي. مصعب بعدها عنه واهو يفتح عن وجهها بدون شعور ارسمت ابتسامه على ملامحه الحزينه واهو يحط كفوفه على وجهها ويمسح دموعها قرب واهو يبوس راسها بعمق لثواني بعدها بعد واهو يتامل ملامحها الحزينه؛ليش الحزن ملا ملامحك ليش الضيق طاغي على حُسنك؟ليش كل هالحزن الى بعيونك. ايلاف بضيق همست؛تسألني عن سبب هالى فيني!!وانت اهم اسبابه,ليش سويت كذا ليش خليتهم ياخذونك مني. مصعب ببتسامه ضيق وبلمعه عيونه؛تصدقين فيني؟وانا توقعتك الوحيدهه الى بتكذب هالعالم عشاني. ايلاف همست واهو تمسح دمعه طاحت من عيونه؛لو تقول القمر اسود صدقتك وكذبت عيوني,بس وش بيدي قول لي وش اسوي لك ولا اشوفك بذا الحزن والضيق. مصعب بضيق همس؛خليها على ربك اهو الوحيد الى عارف بالي فيني. ايلاف بضيق همست؛يقولون ذبحت ابوك!!تهمهه مثل كذا كيف بتطلع منها بياخذوك مني بيعذبون قلبي عليك. مصعب بضيق ملا صدرهه هز راسه بهمس ببحت صوته.. . لا اله الا الله , , مصعب بضيق ملا صدرهه هز راسه بهمس ببحت صوته من طاري ابوهه وتهمته ؛ تدرين وش الى ذابحني ان كل اهلي مصدقين بذمتك انا شخص يقوى على ذا شي !!. ايلاف هزت راسها بضيق ؛ زوجي و حبيبي واعرفك اكثر من روحي مستحيل تسويها!!بس قول لي ليش مو راضي دافع عن نفسك ليش خليتهم يتاكدون من شكوكهم ليش ؟. مصعب حط راسه على كتفها وبهمس ؛ ايلاف تعبت وربك تعبت روحي انهلكت احس نفسي اموت ببطئ وانا بين هالجدران,وش اسوي قول لي وش . ايلاف بخوف ضمته واهي تهمس له ؛ مصعب الى حبيته قوي,مصعب الى حبيته عُمرهه ماضعف,مصعب الى حبيته ماينهزم,ولانك مصعب الى احبه بترجع لي وبنرجع مثل اول اوعدني . مصعب ابتسم بضيق ؛ انتي أملي الوحيد بذا الدنيا انتي شي الوحيد الى يخليني احب هالدنيا القاسيه و انتي الشي الوحيد الى مصبرني على هالمُر الى اعانيه,قوليلي بدونك وش اسوي. ايلاف ابتسمت بهدوء لثواني بعدها نطقت ببتسامه واهي طالع بعيونه ؛ عندي لك مفاجاءهه . مصعب عقد حواجبه وبستغراب نطق ؛ مفاجاءهه !!. ايلاف هزت راسها ببتسامه واهي تسحب شيلتها وتلفها على راسها وتلبس نقابها وسط نظرات مصعب المستغربه الى وقفت وراحت للباب بهدوء وطلعت . مصعب وقف بصدمهه لما طلعت بضيق بفكرت انها راحت ماشبع منها نزل راسه بضيق لثواني,بعدها رفع راسه بسرعه لما سمع صوت الباب وصنم واهو يشوف الى يدخل من الباب نطق بصدمهه ؛ فواز !!. فواز ركض واهو يضمهه بقوهه ؛ اشتقت لك ياخوي والله اشتقت لك . مصعب بصدمه بعدهه ؛ مو مصدق عيوني ' لثواني يطالع فيه بعدها ضحك من بين صدمته وضمهه بقوهه ' مو كثر شوقي لك وربي . فواز بعد عنه واهو ماسك كتفه ؛ طمني عنك قول انك بخير وريحني . مصعب بضيق نطق ؛ اذا كان الكذب بيرحك فـ اي انا بخير . فواز بضيق على صديق عُمرهه نطق ؛ حسبي الله على من كان السبـ..!!. مصعب قطع عليه بضيق ؛ لا تدعي عليهم لو وش يصير ذولي اهلي . فواز سكت بحترام لرغبته وببتسامه ؛ ترا انتظر منك شكراً . مصعب عقد حواجبه ؛ شكراً !! على وش بضبط ؟. فواز ببتسامه واسعه ؛ آن جبت لك زوجتك !! ولا ماحتاج شكر على ذا شي . مصعب ضحك واهو يطالع فواز اهو الشخص الوحيد بعد ايلاف الى يخليه يضحك باشد احزانه وضيقه ؛ الى يبي لك بوُسة راس مو بس شكر . فواز بغرور رفع حاجبه ؛ اعرف قيمتي عاد . مصعب ببتسامه ؛ عارفها من اول مالتقيتا لا تخاف . فواز ابتسم على صوت الضبابط الى دخل عليهم..!!. . لا اله الا الله , , الضابط ؛ خلص وقت الزيادرهه لو سمحت تفضل . فواز هز راسه وطلع حتى يترك ايلاف و مُصعب براحتهم . ايلاف مشت له واهي ترمي نفسها بحضنه وبضيق ؛ انتبه لنفسك,وانا باقرب وقت بزورك . مصعب باس راسها وضمها له اكثر ودهه لو يدخلها بداخله عشان ماتفارقه ولو لثانيه وبهمس ؛ انتي الى انتبهي لنفسك ولا تخافين علي ' وباس راسها بعدها ابتسم واهو يشوف دموعها قرب واهو يمسح دموعها ويبوس عيونها وبهمس ' لا اشوف دموعك تنزل وربك هالدموع مثل السكاكين على قلبي لا اشوفها اذا كنتي تحبيني صدق . ايلاف مسحت دموعها بسرعه وهزت راسها واهي تنزل نقابها وبهمس ؛ بحفظ الله ياروحي . مصعب ببتسامه ضيق ؛ بحفظ الله . ايلاف ببتسامه حزن ارسمت على شفايفها ,لثواني طالعت فيه بعدها صدت وطلعت بضيق . ومصعب طلع من الغرفه ورجع لزنزانته بضيق الى طغى على ملامحه من جديد . , , \\ بيت ابو عبدالعزيز || بمجلس الرجال //. , ابو عبدالعزيز واهو جالس بصدر المجلس وبيدهه سبحته وبيدهه الثانيه فنجانه ويرتشف منه بهدوء الى رفع عيونه على دخلت عبد العزيز ؛ وين كنت ؟. عبدالعزيز نطق بهدوء واهو يجلس جنبه ؛ كنت بالمحكمه وتاخرت لان عندي ثلاث جلسات اليوم . ابو عبدالعزيز هز راسه ؛ الله يقويك . عبدالعزيز واهو ياخذ فنجان ابوهه ويصب له وبعدها مده له ؛ سم يبه . ابو عبدالعزيز مد يدهه وخذاها ؛ سم الله عدوك,الى عز بأسألك وش صار على مصعب . عبدالعزيز بضيق نزل الدله ؛ مافي شي جديد الولد مصمم مايدافع عن نفسه وهذا الى خلا التهمه تثبت عليه . ابو عبدالعزيز بضيق نطق ؛ الله يفرج عليه كانه مظلوم . عبدالعزيز بهدوء نطق ؛ امين . نجلاء دخلت واهي وصارخ ونطت ورا عبدالعزيز ؛ والله وبالله وتالله لو ماتضف وجهك لا اذبحك . صقر لثواني ودخل ورآها وصرخ عليها؛والله يـ نجلاء ان اخذ ذا الشاحن واخنقك فيه كانك كذابه . نجلاء صرخت واهي تاشر على علامه حاطتها بالشاحن ؛ اعمى انت اعمى ماتشوف العلامه ذي حقي روح دور حقك . ابو عبدالعزيز صرخ؛بس خلاص بزران انتم تتهاوشون عشان شاحن يامال الوجع . صقر بقهر؛يبه شوف بنتك ذي طفرت بي وربي كل ماشريت شاحن خذته وحطت عليه علامه وقالت ان لها واهي تكذب وربي حقي توهه شاريه امس . ابو عبدالعزيز مد يدهه بهدوء؛نجلاء الشاحن. نجلآء بزعل؛يبه. ابو عبدالعزيز بهدوء؛نجلآء الشاحن. نجلآء بضيق حطت الشاحن بيده ابوها واهي مقهورهه من صقر الى يضحك ويتبوسم لها بنتصار . صقر مد يدهه بثقه و ابتسامته نصر على شفايفه؛شكراً يبه لانك دايماً مع الحق'الى صرخ بصدمهه'لااا يبه وش سويت..!!. . استغفرالله وأتوب اليه. , , \\بيت ابو عبدالعزيز||بمجلس الرجال//. , ابو عبدالعزيز واهو يسحب السكين من الطاوله الى عنده ويقطع الشاحن نصين ومد واحد لـ صقر و الثاني لـ نجلاء وبرود؛كذا حلينا المشكله وانا افتكيت من صراخكم وازعاجكم يلا اقلبو وجيهكم. عبدالعزيز يحاول يكتم ضحكته على أشكلها بس ماقدر الى انفجر ضحك على وجهه صقر و نجلاء المنصدمين وماسكين بيديهم قطع الشاحن؛ياشين الثقه يا صقير. صقر بقهر لف عليه واهو يرمي الشاحن عليه؛كلتبن بس'وطلع من المجلس'. نجلاء واهي ترفع قطعت الشاحن الى بيدها بزعل واهي مكشرهه؛شكراً يبه ماتقصر'وطلعت من المجلس'. ابو عبدالعزيز لف لـ عبدالعزيز الى ميت ضحك رجفه برجله واهو يمد له الفلوس؛قوم اذلف جب لهم شواحن. عبدالعزيز طالع فيه بصدمهه؛وراك طيب قطعت الشاحن!!وتبني اروح اشتري لهم. ابو عبدالعزيز؛لا يكثر بس روح جب لهم وحطهم بغرفهم. عبدالعزيز وقف وخذا الفلوس؛زين'وطلع من المجلس بهدوء'. , , \\برا السجن||عند ايلاف و فواز//. , ايلاف ببتسامه؛شلون ارد لك هالي سويته لي؟. فواز بنفس ابتسامتها؛الاخوان مابينهم هالكلام,بعدين انا فرحت مثل ما انتي فرحتي بشوفت زوجك انا بعد فرحت بشوفه صديق عُمري . ايلاف ببتسامه نطقت؛الله يخلك لي. فواز؛ويخلك لي ياقلبي. ايلاف طالعت فيه وفتحت باب السيارهه؛نروح البيت اكيد امي تنتظرنا. فواز؛اوك اجل ناخذ الاغراض الى تبيها من السوبرماركت بعدها نرجع. ايلاف واهي تركب السيارهه وتسكر الباب هزت راسها بهدوء بعدها صدت طالع في الطريق و تفكيرها كله بـ مصعب الشخص الوحيد الى قدر ياخذ قلبها وعمرهها ماندمت على ان سلمت قلبها له,ابتسمت من وراه نقابها واهي تتذكر كيف حُبها البريئ له الى من طرف واحد لما كانو اطفال وكيف كبر معاها هالحُب لي نهايتها وتزوجو دعت بقلبها ان يرجعه لها ولا يحرمها منه. فواز شافها كيف سرحانه و تفكر ولا حب يزعجها والتزم الصمت لبعد فترهه وصلو لي السوبرماركت؛مافي مواقف فاضيه بخلي السيارهه هنا على جنب الشارع,وانتي سكري السيارهه عليك دقايق وانا طالع ماراح أطول. ايلاف؛زين . فواز ابتسم بعدها نزل وراح لسوبرماركت. , , \\داخل السوبرماركت||عند فواز//. , بعد ماخلص سحب العربانه معاهه واهو يوقف عند الكاشير وبدا يحاسب على الاغراض,لدقايق بس خلص وخذا الاكياس بيدهه وطلع واهو يمشي بهدوء راجع لسيارهه,رفع راسه بهاللحظه الى انقبض قلبه واهو يشوف التجمع الى قريب من سيارته ركض بخوف على ايلاف الى بسيارهه,وبيدهه الاكياس لثواني يطالع الى بهتت ملامحه وطاحت الاكياس من يدده من هول صدمته واهو يشوف الحادثه وسيارته الى انعدمت صرخ بكل ماعطاهه ربي من قوهه ؛ اااايييييللللاااااااافففف !!!!. . استغفرالله وأتوب اليه. , , \\ عند فواز //. , ركض مثل المجنون واهو يبعد الناس عن طريقه لبعد ماوصل بالمقدمه طاحت دموعه واهو يشوف السيارهه كيف معدومه والسيارهه الثانيه صادمتها من جنب دقات قلبه زادت واهو يشوف الاسعاف يوصلون ومعاهم الدفاع المدني الى بدت تفك الحديد حق السيارهه عشان يطلعون ايلاف منه رجوله ماعاد تتحمل ماقدر يوقف الى طاح على الارض وهمس بضعف ؛ ايلااف مستحيل !! ياربي وش يصير . لبعد محاولات كثيرهه قدرو يطلعون ايلاف من بين حديد السيارهه وقف بلحظتها فواز وركض لهم واهم يحطونها على الناقله حقت الاسعاف والمسعفين حولها يحاولون ينقذونها صرخ واهو يمسك يدها ؛ ايلافف تكفين اصحي,بموت اذا صار فيك شي تكفين ايلاف مو وقت مزحك وش اقول لـ مصعب اذا سأل عنك اصحي ايلاف ' بدا يبكي مثل الطفل ورجال من الشرطه مسكهه وسحبه عن الناقله لان يعطل شغلهم خذوها وشالها بسيارهه الاسعاف,لما شافهم فواز خذوها مسح دموعه الى بدت تحجب الرؤيه عنه وانفلت من ايد الشرطي وركض وركب معاهم بالسيارهه,جلس جنبها واهو ماسك يدها وعيونه تتامل وجهها شلون كله كدمات و جروح ومغطا بالدم وملامح وجهها شبه معدومه من زجاج السيارهه الى كله بوجهها همس بضعف ' لا تفجعين قلب اخوك فيك طالبك ايلاف انتي قويه اصحي,وش بقول لـ مصعب والله بيلحقك اذا عرف لاتوجعين قلوبنا عليك تكفين . فز على صوت جهاز القلب يعلن توقف قلب ايلاف فز برعُب وعيونه على المسعف ؛ سو شي لا تروح اختي تكفى سو شي . المسعف خذا جهاز وبدا يضرب قلب ايلاف به وجسمها يرقى وينزل من قوهه الصعاقت,مرهه,مرتين,ثلاث,ارب ع,والاخيرهه ليتوقف قلب ايلاف للابد ولتذهب روحها الى خالقها . , , واقف عند ثلاجه الموتى وعيونه على الباب بصدمه وعدم تصديق وكان كابوس يخوف و يرُعب وبيصحى فيه باي وقت,سكر عيونه وهمس بضعف ؛ يارب,يارب مو حقيقه يارب ' نزلت دموعه بضعف,الى فز لما حس باحد يمسك كتفه ويلفه له فتح عيونه بصدمه ونطق بضعف ' مُصعب !!. مُصعب برجفه نطق بدموعه الى ملت محاجر عيونه همس بضعف ؛ قول مافيها شي فواز تكفى لا تفجع قلبي فيها,انا من لي غيرها فواز شلون !! شلون يصير كذا ' صرخ بقهرر وضيق'شلووووننن فووازز!!تكفى قول كذب قول كابوس بس اهي لا يصير فيها شي,لايصير فيها شي'بدقات قلبه الى زادت وعيونه تتنقل بوجه فواز لما شاف دموعه وشهقاته,وكان تأكد له ان الى صار حقيقه,بعد كم خطوهه واهو يهز راسه بضعف' . استغفرالله وأتوب اليه. , , \\بالمستشفى||ثلاجه الموتى//. , ' ضرب ايدهه بالجدار وطاح بضعف واهو يصرخ ' ايلاف ماتتركني . فواز جلس على الارض وعيونه على مُصعب وعلى ثنين من رجال الشرطه الى جاينن معاهه ومعاهم عبدالعزيز واهم يهدونه واهو يصارخ وينادي عليها,سكر اذونه بيدهه واهو يدفن راسه بين رجوله بشهقاته المتعاليه الى اختلطت بصوت مُصعب وبكيه وكانه طفل فقد امه للمرهه الثانيه !!. مُصعب بضعف وقف على حيله وقرب بخطوات هاديه يأسه واهو يوقف قدام المسؤول عن ثلاجه نطق بضعف بدموعه الى تسيح على خدهه ؛ بشوفها !! للمرهه الاخيرهه تكفى . المسؤول تنهد وهز راسه واهو يفتح الباب ويدخل وراهه مُصعب لحتى وصل لها وطلعها وبعد عنها بهدوء . مُصعب تقدم لها بضيق واهو يقرب يدهه الى ترجف لشرشف الابيض الى يغطها بعدهه عنها و جمد برعُب واهو يشوف كيف وجهها متشوهه من الزجاج الى طاير على وجهها من الحادث,وكيف ملامحها مختفيه لو ماقالو انها هذي كان مستحيل يعرفها,شهق من بين دموعه بصدمه وعدم تصديق للي يشوفه,مد يدهه يتحسس وجهها همس بضعف ؛ ايلاف !! ليش انتي باردهه كذا !! ليش انتي هنا !! ' نزلت دموعه وهمس وصوته زين يطلع من شهقاته ' تذكرين لما توفت امي !! وقلت لك ان فقدت جنتي !! تذكرين وقتها وش قلتي لي ؟ ,قلتي لي ان انتي امي و جنتي ' مسح دموعه الى حجبت الرؤيه عنه وشهق ' والحين انتي بعد تتركيني !! من بيكون امي بعدكم من جنتي ايلاف قولي لي من !! ' مسك يدها الى مثل الثلج وهمس ' تركتوني كلكم تخليتو عني ورحتو !! انتي و امي و ابوي ليش وش سويت عشان تجازوني بذا الشي وش سويت !! ' طاح عليها واهو يبكي وشهقاته ملت سكون الثلاجه'. المسؤول قرب له بهدوء واهو يبعدهه عنها وهمس؛مايصير الى تسويه ياخوي ادع لها بالرحمه كلامك ذا ماراح يقدم ولا ياخر شي,كذا كانت تعارض قضى ربي,تعوذ من الشيطان وقول الله يرحمها هالكلمه اهي الى بتنفعها. مُصعب همس بضعف وعيونه عليها؛الله يـ..ــر حـ...ــمـ...ــهـ...ــا!!. المسؤول تنهد واهو ياخذهه ويطلعه لان حس ان مو قادر يمشي على رجوله لما طلعهه مسكه عبدالعزيز ومُصعب ساكت بدون اي ردت فعل . الشرطي الثاني لف لـ فواز وقرب له؛ابدا بدفن لان ماراح نقدر نسمح لـ مُصعب يطلع من جديد. فواز وقف على حيله واهو يمسح دموعه الى لف على صوت ابوهه وامهه الى يركضون له واهم يبكون ومن مصدقين الخبر. مُصعب كانت عيونه تتنقل فيهم بهدوء وبنظرات ضياع واهو جالس على الارض بهدوء غريب نزل عليه بدموعه بس الى تنزل على خدهه بصدمه وعدم تصديق للي يصير. |
. سبحان الله وبحده. , , \\ بالمقبرهه || عند مُصعب //. , بعد ماصلو عليها خذوها للمقبرهه فواز وابوهه وبعض الرجال ساعدوهم في حملها,وسط نظرات مُصعب الى ماقوى يقرب لها كان مُتلثم بشماغه ومو طالع منه غير عيونه الى محاجرها امتلت بدموعه لما شافهم بينزلونها بدون شعُور ركض وقرب لها بعبرهه حابسها بدموعه الى نزلت على خدهه قرب واهو يساعدهم ينزلوها واهو كاتم شهقاته ويحس قلبه بيطلع من قوت دقاته وكان روحه تُنتزع منه,بعد لما بدو يدفنونها برعشت يدينه واهو ماسك المجرفه وبدا يدفنها ومعاهه فواز وابوها,بعد ماخلصو وبدا الى بالمقبرهه يطلعون ومابقى غيرهه جلس على ركبه بضعف ويدهه على قبرها همس بضعُف ؛ ادري رحتي للي ارحم مني ومنن كل الى بذا الدنيا عليك,مابيدي شي غير اقول الله يرحمك بقد حُبي لك ' مسح دموعه واهو يحس باليد الى انحطت على كتفه لف وقف بصدمه ونطق ' سـءءــلـءءــطـءءــٓان !!. سلطان رمى نفسه بحضنه واهو يحاول يمنع دموعه لا تنزل . مُصعب سكر عيونه بضيق واهو يمسح على ظهرهه لثواني بعد عنه واهو يطالع فيه . سلطان همس بضيق ؛ اسف ياخوي وربي اسف ماقدرت اسوي لك شي . مُصعب برجفت يدهه حطها على كتفه ونطق بهمس ؛ انك ماصدقت الى صدقوهه فيني يكفيني وربك . سلطان نطق بضيق ؛ عارف انك مظلوم مستحيل تسويها . مُصعب نزل راسه بضيق ولا رد عليه,الى رفع راسه على صوت عبدالعزيز . عبدالعزيز قرب له بهدوء ؛ مُصعب يلا مضطر ارجعك,تعرف خذيت هالاذن بصُعوبه. مُصعب هز راسه ولف لـ قبرها طالع فيه لدقايق تنهد بضيق ومشى مع الشرطي واهو يجر خطواته بتعب و يأس استوطن قلبه وحياته من عرف بذا الخبر . سلطان مشى وراهم بضيق واهو يشوف اخوهه تضيع سنين عُمرهه داخل السجن واهو واثق ان مظلوم ومستحيل يقتل ابوهم,بس وش يسوي وامه معاندته و الى تاخذ حق ابوهم منه . , , \\ في بيت ابو عبدالله || بصاله //. , ام عبدالله بكرهه نطقت ؛ حسبي الله عليه عساهه بذا الحال واردى بعد . بُتول بضيق ؛ يماهه حرام عليك لا تتشمتين فيه,مو كافي رامينه بالسجن . ام عبدالله ضربتها بعلبه الكلينكس بقهر ؛ يالبقرهه ذا قاتل ابوك ولا تبيني ادعي عليه الى عساهه للموت كانه حرمنا من عمود هالبيت وسندنا,وشتتنا بس وش اقول دام انه ولد الى ماتتسمى زينب كانها توفت وخلت لنا هالبلوهه . عريب بضيق طالعت في بُتول ونطقت بهمس ؛ شلون تصدق ان في ادمي يقتل ابوهه وخاصه اذا واحده مثل مُصعب,والله قلبي موجعني عليه . ام عبدالله طالعت فيه واهو يدخل ؛ اخيراً شرفت وين كنت !!. . سبحان الله وبحده. , , " تقرين بدون لايك و كومنت تعبي بذمتك ". , \\ في بيت ابو عبدالله || بصاله //. , سلطان تنهد بضيق ورمى نفسه بجنب عريب وحط راسه على كتفها ؛ يمهه والله مافيني حيل خلي هواشك بعدين . عريب لفت لـ وبهمس ؛ رحت له !!. سلطان بضيق هز راسه ؛ رحت والله عورني قلبي عليه بس مافي يدي شي ودي لو اتنازل عنه بس امي واقفه بطريقي . عريب تنهدت بضيق وببتسامه تخفف عنه ؛ سويت الى عليك والباقي خله على ربك,مرد كل شي بينكشف وبيطلع ولا تنسى عبدالعزيز ماسك قضيته وان شاءالله بيطلع برائته . سلطان هز راسه ؛ انا بروح لغرفتي وجيبي لي شي اكله مرهه ميت جوعع من الصباح مو ماكل شي . عريب ببتسامه ؛ ابشر روح ارتاح وثواني بجيب لك الاكل . سلطان ابتسم وقف ؛ حبيبتي انتي ' وراح لـغرفته '. ام عبدالله لما راح لفت لـ عريب ؛ وش فيه زوجك !!. عريب وقفت ؛ مافي شي بس جوعان وبروح اسوي له اكل ' لفت لـ بُتول ' تعالي معاي . بُتول هزت راسها وقامت معاها . ام عبدالله تافف وصدت تقلب بالقنوات بملل . , , \\ بالسجن || عند مُصعب //. , من رجع من المقبرهه واهو جالس بسريرهه بضيق مالي صدرهه ودموعه على خدهه عجز !! عجز يصدق الى يصير وكان كابوس وبينتهي,بس كيف !! كيف واهو بنفسه نزلها لقبرها,طلعت شهقه من اعماق قلبه واهو يتذكرها ويتذكر ايامهم مع بعض رجع لورا بذاكرتهه بشهر العسل حقهم... , \\ نرجع لور بذكريات مُصعب || بتركيا //. , ايلاف ضحكت وصرخت ؛ مُصعب يامجنون تعال هنا وين بتروح امزح معاك . مُصعب كشر ولف لها ؛ الحين تمزحين وانتي جالسه تتغزلين فيهم قدامي تبين اكسر لك راسك . ايلاف ضحكت وركضت له واهي تتعلق بذراعه وتبوس خدهه ؛ والله انك تسواهم كلهم كنت امزح . مُصعب كشر بوجهها واهو يقلدها ؛ والله يـ ان جمالي عيالهم مو صاحي ' رجع لصوته الطبيعي ' لا تحديني اسكر عيونك بوشاح الحين عشان ماعاد طالعين احد غيري . ايلاف ضحك واهي توقف قدامه وتحط يدها على خدهه ؛ صاحي انت اطالع غيرك وربي كنت بس بنرفزك,وعسى عيوني تنعمي اذا بس فكرت اطالع غيرك . مُصعب ابتسم واهو يقرب ويبوس عيونها ويضمها ؛ بسم الله على عيونك جعله بعدوك ي عيني انتي . ايفلاف ابتسمت واهي تحط يدها ورا ظهرهه ؛ رضيت علينا يعني !!. مُصعب ضحك وباس راسها ؛ وانا زعلت منك اصلاً بعد لا عاد تعودينها . ايلاف ابتسمت ؛ اوك اجل يلا نروح لمطعم مشتهيه اكل بحري . مُصعب ابتسم ومشى معاهم للمطعم تنفيذ للي تبيه . . سبحان الله وبحده. , "تقرين بدون لايك و كومنت,تعبي بذمتك". , , \\ نرجع للوقت الحالي || عند مُصعب //. , شد بقبضه يدهه وشهق بضيق بدموعه الى على خدهه رفع راسه واهو ياخذ له هوا يحس نفسه مخنوق وعاجز وكانها خذت روحهه معاهه خذت امله وخذت حياته الى بناها معاها,تمدد بضيق وسكر عيونه بدموعها الى تسيل على خدهه تحت سكونه وهدوئه واهو غارق بفكارهه وبذكرياتهم مع بعض. حتى لو زواجهم كان تقليدي بحت ولا كان يكن لها اي مشاعر بس وجودها معاه بغربه و صبرها قربهم لبعض كثير صاروا كل شي لبعض في غربتهم. , , \\ بيت ابو عبدالعزيز || بالصاله //. , فزت بخوف وصدمهه لما انكب شي فوق راسها لفت بقرب من هالي فوق راسها لما شافت صقر صرخت ؛ صصقققييييررر ياحمار وشذا !!. صقر ضحك وطلع الصحن من ورا ظهرهه ؛ سويت لـ شعرك علاج يقولون مفيد خليه يمكن ينفع لك ويهجد شعرك هالمكوش . نجلآء عفست وجهها بقهر لما بدا يسيل على وجهها بريحته الخايسه صرخت ؛ وشذا !!. صقر رفع يدهه واهو يعدد على اصابعه ببرائه ؛ ملح و كاتشب و مايونيز و شوي ليمون,وش بعد نسيت اي صح وسكر,وببعد لقيت علب في المطبخ وحطيت منها بس مدري وش اهي بضبط بس شكلها مفيدهه . نجلآء بقرف ودموعها بعيونها ضربته بالمخدهه ؛ الله ياخذك بتطرح شعري انتي ' وركضت لفوق '. صقر ضحك وصرخ عشان تمسعه ؛ ذا عشان لا تقربين الاغراضي من جديد وثمن الشاحن الى شريته بدم قلبي وقطعه ابوي ' لما شافها من الدرج بترمي عليه نعالها ضحك وهج قبل لا تصيدهه '. نجلاء بقهر ضربت الارض برجلها وصرخت وراحت لغرفتها. , , \\ بعد مرور شهرين || بيت ابو عبدالله //. , عبدالله ببتسامه مد يدهه ؛ تعالي ياقلب ابوك انتي. رتيل مشت بخطوات غير متزنه بما انها توها بدت تخطي ليما وصلت لابوها واهي تضحك وفرحانه بذا الاجاز الى سوته. عبدالله ضحك ورفعها لحضنه وباس خدها؛فديت هالضحكه ياقلبي انتي. اسماء جلست بجنب عبدالله ولفت عليه؛غريبه وين خالتي و اختك !!. عبدالله واهو مشغول ويلعب مع بنته هز اكتافه ؛ مادري يمكن بغرفهم. اسماء تربعت قدامه ؛ الى عبدالله قول لي,امك مهي ناويه تتنازل عن مُصعب. عبدالله نزل رتيل بحضن اسماء وتنهد بضيق؛مادري عنها لا تسأليني. اسماء بضيق نطق؛ليش ماتتفقون انت واخوك وتتنازلون عنه بدون علم امك,لي متى بتروح سنين عُمرهه بذا السجن وابوك راح ولا عاد بترجعه جلست مُصعب بالسجن. عبدالله هز راسه؛صاحيه انتي تبيني اعصي كلمت امي,والله تقلب الدنيا علينا وتسود عيشتنا. اسماء تافف وصدت عنه واهي تلعب مع بنتها. |
. سبحان الله وبحده. , , \\ بالمقبرهه || عند مُصعب //. , بعد ماصلو عليها خذوها للمقبرهه فواز وابوهه وبعض الرجال ساعدوهم في حملها,وسط نظرات مُصعب الى ماقوى يقرب لها كان مُتلثم بشماغه ومو طالع منه غير عيونه الى محاجرها امتلت بدموعه لما شافهم بينزلونها بدون شعُور ركض وقرب لها بعبرهه حابسها بدموعه الى نزلت على خدهه قرب واهو يساعدهم ينزلوها واهو كاتم شهقاته ويحس قلبه بيطلع من قوت دقاته وكان روحه تُنتزع منه,بعد لما بدو يدفنونها برعشت يدينه واهو ماسك المجرفه وبدا يدفنها ومعاهه فواز وابوها,بعد ماخلصو وبدا الى بالمقبرهه يطلعون ومابقى غيرهه جلس على ركبه بضعف ويدهه على قبرها همس بضعُف ؛ ادري رحتي للي ارحم مني ومنن كل الى بذا الدنيا عليك,مابيدي شي غير اقول الله يرحمك بقد حُبي لك ' مسح دموعه واهو يحس باليد الى انحطت على كتفه لف وقف بصدمه ونطق ' سـءءــلـءءــطـءءــٓان !!. سلطان رمى نفسه بحضنه واهو يحاول يمنع دموعه لا تنزل . مُصعب سكر عيونه بضيق واهو يمسح على ظهرهه لثواني بعد عنه واهو يطالع فيه . سلطان همس بضيق ؛ اسف ياخوي وربي اسف ماقدرت اسوي لك شي . مُصعب برجفت يدهه حطها على كتفه ونطق بهمس ؛ انك ماصدقت الى صدقوهه فيني يكفيني وربك . سلطان نطق بضيق ؛ عارف انك مظلوم مستحيل تسويها . مُصعب نزل راسه بضيق ولا رد عليه,الى رفع راسه على صوت عبدالعزيز . عبدالعزيز قرب له بهدوء ؛ مُصعب يلا مضطر ارجعك,تعرف خذيت هالاذن بصُعوبه. مُصعب هز راسه ولف لـ قبرها طالع فيه لدقايق تنهد بضيق ومشى مع الشرطي واهو يجر خطواته بتعب و يأس استوطن قلبه وحياته من عرف بذا الخبر . سلطان مشى وراهم بضيق واهو يشوف اخوهه تضيع سنين عُمرهه داخل السجن واهو واثق ان مظلوم ومستحيل يقتل ابوهم,بس وش يسوي وامه معاندته و الى تاخذ حق ابوهم منه . , , \\ في بيت ابو عبدالله || بصاله //. , ام عبدالله بكرهه نطقت ؛ حسبي الله عليه عساهه بذا الحال واردى بعد . بُتول بضيق ؛ يماهه حرام عليك لا تتشمتين فيه,مو كافي رامينه بالسجن . ام عبدالله ضربتها بعلبه الكلينكس بقهر ؛ يالبقرهه ذا قاتل ابوك ولا تبيني ادعي عليه الى عساهه للموت كانه حرمنا من عمود هالبيت وسندنا,وشتتنا بس وش اقول دام انه ولد الى ماتتسمى زينب كانها توفت وخلت لنا هالبلوهه . عريب بضيق طالعت في بُتول ونطقت بهمس ؛ شلون تصدق ان في ادمي يقتل ابوهه وخاصه اذا واحده مثل مُصعب,والله قلبي موجعني عليه . ام عبدالله طالعت فيه واهو يدخل ؛ اخيراً شرفت وين كنت !!. . سبحان الله وبحده. , , " تقرين بدون لايك و كومنت تعبي بذمتك ". , \\ في بيت ابو عبدالله || بصاله //. , سلطان تنهد بضيق ورمى نفسه بجنب عريب وحط راسه على كتفها ؛ يمهه والله مافيني حيل خلي هواشك بعدين . عريب لفت لـ وبهمس ؛ رحت له !!. سلطان بضيق هز راسه ؛ رحت والله عورني قلبي عليه بس مافي يدي شي ودي لو اتنازل عنه بس امي واقفه بطريقي . عريب تنهدت بضيق وببتسامه تخفف عنه ؛ سويت الى عليك والباقي خله على ربك,مرد كل شي بينكشف وبيطلع ولا تنسى عبدالعزيز ماسك قضيته وان شاءالله بيطلع برائته . سلطان هز راسه ؛ انا بروح لغرفتي وجيبي لي شي اكله مرهه ميت جوعع من الصباح مو ماكل شي . عريب ببتسامه ؛ ابشر روح ارتاح وثواني بجيب لك الاكل . سلطان ابتسم وقف ؛ حبيبتي انتي ' وراح لـغرفته '. ام عبدالله لما راح لفت لـ عريب ؛ وش فيه زوجك !!. عريب وقفت ؛ مافي شي بس جوعان وبروح اسوي له اكل ' لفت لـ بُتول ' تعالي معاي . بُتول هزت راسها وقامت معاها . ام عبدالله تافف وصدت تقلب بالقنوات بملل . , , \\ بالسجن || عند مُصعب //. , من رجع من المقبرهه واهو جالس بسريرهه بضيق مالي صدرهه ودموعه على خدهه عجز !! عجز يصدق الى يصير وكان كابوس وبينتهي,بس كيف !! كيف واهو بنفسه نزلها لقبرها,طلعت شهقه من اعماق قلبه واهو يتذكرها ويتذكر ايامهم مع بعض رجع لورا بذاكرتهه بشهر العسل حقهم... , \\ نرجع لور بذكريات مُصعب || بتركيا //. , ايلاف ضحكت وصرخت ؛ مُصعب يامجنون تعال هنا وين بتروح امزح معاك . مُصعب كشر ولف لها ؛ الحين تمزحين وانتي جالسه تتغزلين فيهم قدامي تبين اكسر لك راسك . ايلاف ضحكت وركضت له واهي تتعلق بذراعه وتبوس خدهه ؛ والله انك تسواهم كلهم كنت امزح . مُصعب كشر بوجهها واهو يقلدها ؛ والله يـ ان جمالي عيالهم مو صاحي ' رجع لصوته الطبيعي ' لا تحديني اسكر عيونك بوشاح الحين عشان ماعاد طالعين احد غيري . ايلاف ضحك واهي توقف قدامه وتحط يدها على خدهه ؛ صاحي انت اطالع غيرك وربي كنت بس بنرفزك,وعسى عيوني تنعمي اذا بس فكرت اطالع غيرك . مُصعب ابتسم واهو يقرب ويبوس عيونها ويضمها ؛ بسم الله على عيونك جعله بعدوك ي عيني انتي . ايفلاف ابتسمت واهي تحط يدها ورا ظهرهه ؛ رضيت علينا يعني !!. مُصعب ضحك وباس راسها ؛ وانا زعلت منك اصلاً بعد لا عاد تعودينها . ايلاف ابتسمت ؛ اوك اجل يلا نروح لمطعم مشتهيه اكل بحري . مُصعب ابتسم ومشى معاهم للمطعم تنفيذ للي تبيه . . سبحان الله وبحده. , "تقرين بدون لايك و كومنت,تعبي بذمتك". , , \\ نرجع للوقت الحالي || عند مُصعب //. , شد بقبضه يدهه وشهق بضيق بدموعه الى على خدهه رفع راسه واهو ياخذ له هوا يحس نفسه مخنوق وعاجز وكانها خذت روحهه معاهه خذت امله وخذت حياته الى بناها معاها,تمدد بضيق وسكر عيونه بدموعها الى تسيل على خدهه تحت سكونه وهدوئه واهو غارق بفكارهه وبذكرياتهم مع بعض. حتى لو زواجهم كان تقليدي بحت ولا كان يكن لها اي مشاعر بس وجودها معاه بغربه و صبرها قربهم لبعض كثير صاروا كل شي لبعض في غربتهم. , , \\ بيت ابو عبدالعزيز || بالصاله //. , فزت بخوف وصدمهه لما انكب شي فوق راسها لفت بقرب من هالي فوق راسها لما شافت صقر صرخت ؛ صصقققييييررر ياحمار وشذا !!. صقر ضحك وطلع الصحن من ورا ظهرهه ؛ سويت لـ شعرك علاج يقولون مفيد خليه يمكن ينفع لك ويهجد شعرك هالمكوش . نجلآء عفست وجهها بقهر لما بدا يسيل على وجهها بريحته الخايسه صرخت ؛ وشذا !!. صقر رفع يدهه واهو يعدد على اصابعه ببرائه ؛ ملح و كاتشب و مايونيز و شوي ليمون,وش بعد نسيت اي صح وسكر,وببعد لقيت علب في المطبخ وحطيت منها بس مدري وش اهي بضبط بس شكلها مفيدهه . نجلآء بقرف ودموعها بعيونها ضربته بالمخدهه ؛ الله ياخذك بتطرح شعري انتي ' وركضت لفوق '. صقر ضحك وصرخ عشان تمسعه ؛ ذا عشان لا تقربين الاغراضي من جديد وثمن الشاحن الى شريته بدم قلبي وقطعه ابوي ' لما شافها من الدرج بترمي عليه نعالها ضحك وهج قبل لا تصيدهه '. نجلاء بقهر ضربت الارض برجلها وصرخت وراحت لغرفتها. , , \\ بعد مرور شهرين || بيت ابو عبدالله //. , عبدالله ببتسامه مد يدهه ؛ تعالي ياقلب ابوك انتي. رتيل مشت بخطوات غير متزنه بما انها توها بدت تخطي ليما وصلت لابوها واهي تضحك وفرحانه بذا الاجاز الى سوته. عبدالله ضحك ورفعها لحضنه وباس خدها؛فديت هالضحكه ياقلبي انتي. اسماء جلست بجنب عبدالله ولفت عليه؛غريبه وين خالتي و اختك !!. عبدالله واهو مشغول ويلعب مع بنته هز اكتافه ؛ مادري يمكن بغرفهم. اسماء تربعت قدامه ؛ الى عبدالله قول لي,امك مهي ناويه تتنازل عن مُصعب. عبدالله نزل رتيل بحضن اسماء وتنهد بضيق؛مادري عنها لا تسأليني. اسماء بضيق نطق؛ليش ماتتفقون انت واخوك وتتنازلون عنه بدون علم امك,لي متى بتروح سنين عُمرهه بذا السجن وابوك راح ولا عاد بترجعه جلست مُصعب بالسجن. عبدالله هز راسه؛صاحيه انتي تبيني اعصي كلمت امي,والله تقلب الدنيا علينا وتسود عيشتنا. اسماء تافف وصدت عنه واهي تلعب مع بنتها. |
. سبحان الله العظيم. , , \\بيت ابو عبدالله || جناح سلطان//. , عريب جلست جنبه ولفت له ؛شتفكر فيه؟. سلطان تنهد واهو يتمدد ويحط راسه على رجولها؛افكر بحياتنا لي متى وكلمت امي ماشيه علينا حتى واحنا نعرف ان قرارها خطأ مليت وربي خلاص!!شوفي كيف حنا يالاخوان بعيدين عن بعض حتى لو كنا بيت واحد بس متفرقين بسبب امي و تفريقها لنا و مُصعب ماله داعي احكي عن حاله,والى يقهر وماسكني انها امي ومابيدي شي اسويه. عريب واهي تلعب بشعرهه نطقت بهدوء ؛ اقول لك مشكلت امك وش بدون لا تزعل علي!!. سلطان رفع عيونه لها وعقد حواجبه ؛ وش !!. عريب تنهدت بضيق ؛ امك ماطلعت مُصعب عشانها خايفه على ورث ابوك لا يروح له ولا تنسى ان نص اسهُم الشركه باسمه والباقي ابوك وزعها بينكم,امك لقت لها فرصه تبعدهه لما تاخذ كل هالاسهم لها. سلطان تضايق من كلامها عن امه بس بنفس الوقت ماقدر ينكر ذا شي لانها صادقه طمع امه وجشعها اهو الى وصلهم لذا الحاله,تنهد بضيق وقف بهدوء. عريب وقفت بسرعه معاهه ومسكت يدهه قبل لا يروح ونطقت بضيق؛اسفه اذا قلت شي غلط وضايقتك مو قصدي ترا. سلطان ابتسم بهدوء وقرب وباس راسها لثواني بعدها بعد عنها ونطق؛عارف يابوي انتي وما زعلت منك بس بروح عندي كم شغله بقضيها بعدها برجع البيت. عريب ابتسمت وهزت راسها ونطقت؛بحفظ الله'جلست طالع فيه ليما طلع بعدها جلست وتنهدت بضيق بمليون فكرهه براسها واهي تحس بتأنيب الضمير لانها قالت ذا الكلام لـ سلطان في النهايه تضل امه و مفروض ما تقول هالكلام له,خذت لها نفس وتمددت لثواني بس من تفكيرها نامت بدون لا تحس'. , , \\بالسجن||عند مُصعب//. , على وضعه من ماتت زوجته ايلاف,ساهي وغارق بذكرياتهم و ايامهم مع بعض,نادراً يتكلم او يختلط مع احد وكانه فقد الحياهه مع فُقدانها,عايش جسد بس بدون روح يمكن هالوصف ينطبق عليه,متمدد على سريرهه ويدهه على عيونه وناصب احد رجوله وسط هدوئه وسُكونه المعتاد.. السجان صرخ باسمه؛مُعصب عبدالرحمن عندك زيارهه. مُصعب رفع يدهه عن عيونه ببطئ وطالع فيه لثواني وقف واهو عارف من الى زايرهه بما ان اهو الشخص الوحيد الى لين الحين يذكرهه صديقه واخو زوجته فواز,خذا له نفس عميق ومسح على وجهه بهدوء واهو يُجر خطواته بكل ضيق و حزن واضح على ملامح وجهه الشاحبه رغم وسامته وجماله.. قرب ومسك السجان يدهه وخذاهه لغرفه الزيارهه وتركه ودخل مُصعب بهدوء.. رفع راسه الى جمد بصدمهه وعقد حواجبه بستغراب وهمس؛ليلى؟.ً |
. سبحان الله العظيم. , , \\بالسجن||عند مُصعب//. , رفع راسه الى جمد بصدمهه وعقد حواجبه بستغراب وهمس؛ليلى؟. ام عبدالله"ليلى"رفعت راسها له ببتسامه؛ايوا ليلى شخبارك يـ مُعصب بعد ماذبحت ابوك وش شعُورك؟. مُصعب خذا له نفس بضيق وطالع فيها لثواني بعدها نطق؛وش جايبك؟. ام عبدالله وقفت وراحت له ورفعت حاجبها؛مليت من هالجدران!!تبي الفرج؟. مُصعب رفع حاجبه ببرود لثواني يطالع فيها بملامح جامدهه بعدها خذا له نفس وجلس على الكنب وسند ظهرهه على ظهر الكنب ونطق بكُل برود؛وش جابك,للمرهه المليون أكررها؟عارف مو حُب فيني جايه تزوريني وتعرفين اخباري عشان كذا قولي الى عندك و توكلي. ام عبدالله ضحكت ضحكه مُستفزة وجلست على الكنب قباله وحطت رجل على رجل؛طول عُمرك فطين وتفهمها على طول وذا من الاشياء الى تعجني فيك ياولد زينب. مُصعب خذا له نفس بقله صبر ونطق؛الله يرحمها,وخلصي قولي وش عندك ولا بمشي. ام عبدالله لفت لشنطتها وسحبتها وطالعت فيه؛بما انك مستعجل لذا الدرجه خلني اجل اقول لك وش جايبني'طلعت من شنطتها اوراق ورمتها على الطاوله الى بينهم'. مُصعب ابتسم ببرود وكانه عرف مغزاها من هالزيارهه وسكت ينتظرها تتكلم. ام عبدالله نطقت واهي تشوف ابتسامته؛بما انك ابتسمت ذا الابتسامه اكيد عرفت وش جايه له,بس مع هذا خليني اقول لك,بسوي معاك اتفاق بسيط وسهل مايحتاج منك غير شخطت قلم,ومنها بتنازل عنك وعن قتلك لابوك وتتحرر من هالجدران شرايك؟. مُصعب ببتسامه استهزاء؛طول عُمرك بتضلين عبدهه لذا الفلوس و الغِنى,وكانه شي بيدوم لك بس مع هذا بذكرك ان اخرتك حُفرهه!وهالفلوس الى تذبحين نفسك عشان تجمعينها وتتخلين عن كُل العالم عشانها ماراح تفيدك بذاك الوقت الى بتكونيني فيه بروحك بهالحُفرهه. ام عبدالله نطقت بغرور واهي ترمي القلم عليه؛ماجيت اسمع نصايحك,بعدين تبيني اسمع نصيحه من قاتل ليش وين عقلي. مُصعب تقدم لها ونطق وعيونه بعيونها؛متأكد واثق مثل اسمي انك اكثر وحدهه تعرفين ان مستحيل اسوي هالشي. ام عبدالله رفعت حاجبها؛ياما تحت السواهي دواهي,والحين قولي بتوقع وتتنازل عن كُل املاكك واسهمك بالشركه,وبالمقابل انا اتنازل عنك!او تحب تقضي باقي حياتك بين هالجدران,لك الخيار يـ مُصعب. مُصعب ضل ساكت لفترهه يفكر وعيونه على الاوراق,بعدها رفع عيونه لها ونطق؛عندي شرط اذا وافقتي عليه لك الى تبين. ام عبدالله تقدمت له بهتمام؛ايوا وش شرطك اسمعك. |
. سبحان الله العظيم. , , مُصعب لثواني ضل ساكت بعدها نطق؛الفيلا الى باسمي والى عطاني اياها ابوي,سيارتي و حسابي الخاص فيني بكُل الفلوس الى فيه ماتدخل ضمن التنازُل,يعني اقول لها لك بطريقه ثانيه بس بتنازل عن اسهمي في الشركه وباقي الاشياء الى ذكرتها لا,اذا وافقتي بوقع. ام عبدالله ضلت طالع فيه بتفكير بعدها هزت راسها؛اوك موافقه. مُصعب سحب القلم وقع على الورقه وقف؛شي ثاني ولا اروح. ام عبدالله ببتسامه انتصار هزت راسها وقفت؛لا خلاص بكرا بيتم الافراج عنك'سحبت شنطتها وطلعت'. مُصعب جلس وحط يدهه على راسه وسكر عيونه خذا نفس ونطق بهمس؛خل اطلع بس من هنا والله لاقلب الدنيا واطلع هالي رماني بهالتهمه. الضابط دخل عندهه؛مُصعب يلا امش انتهى وقت الزيارهه. مُصعب وقف ورفع راسه له؛ابي اكلم المُحامي حقي. الضابط خذا له نفس بعدها صد واهو يمد الجوال له؛خذ بس لا طول مافي وقت لازم ترجع. مُصعب هز راسه وكلم عبدالعزيز. , , \\بالفيلا حقت آبو عبدالعزيز||جناح عبدالعزيز//. , كان نايم بهدوء الى صد بانزعاج من اشعه الشمس الى ازعجته همس بحت صوته؛اطلعي وسكري الباب وراك وسكري الشباك. نجلاء ضحكت وسحبت المفرش منه؛مافي يلا قوم ابوي تحت يبيك. عبدالعزيز تافف بضيق ودفها؛روحي قولي له نايم,اذا صحى بيجي لك. نجلاء؛انت ماتفهم..'الى سكتت على صوت جوال عبدالعزيز لفت وبلقافه خذته الى طالعت في الرقم مسجل باسم الضابط ولفت لـ عبدالعزيز بسرعه'عز هذا اكيد مُصعب يتصل عليك. عبدالعزيز خذا له نفس ومد يدهه؛جيبي الجوال. نجلاء حطت الجوال بيدهه وجلست طالع فيه واهو يكلم مُصعب بهتمام. عبدالعزيز؛هلا مُصعب. مُصعب عقد حواجبه؛ليكون صحيتك من نومك,واضح من صوتك توك صاحي. عبدالعزيز هز راسه واهو يخز نجلاء بنظراته؛لا نجلاء اشغلتي ليما صحيت يعني مو انت. مُصعب بطيف ابتسامه هز راسه؛طيب تقدر تجي لي اليوم لازم اكلمك. عبدالعزيز سحب الدفتر حقه واهو يقرا جدوله حق لليوم؛اليوم عندي ثلاث قضايا وجلسه بالمحكمه,شي مهم ولا نقدر نأجله. مُصعب هز راسه بـ نفي؛لازم اشوفك عبدالعزيز تصرف لو حتى تجي لي خمس دقايق. عبدالعزيز خذا له نفس وهز راسه؛خلاص ابشر. مُصعب؛اوك زين انتظرك'بعدها سكر ورجع لزنزانته بالف فكرهه براسه'. |
. لاحول ولا قوة الا بالله. , , بعد ماخلص من كُل اشغاله على الساعه10الليل,مشى متوجهه لـ مُصعب. بعد فترهه وصل وقف سيارته متوجهه لداخل,ودخل غرفه الزيارهه ينتظرهه. وقف لما شاف الباب ينفتح ويدخل مُصعب قرب له؛اعذرني والله توهه فضيت. مُصعب هز راسه؛لا عادي مو مشكله. عبدالعزيز ؛امش اجلس وش عندك ترا بديت اخاف؟. مُصعب خذا له نفس وبدا يقول له كُل شي صار مع ام عبدالله لما زارته,والعرض الى قالته له مقابل حُريته. عبدالعزيز بصدمه نطق؛وافقت!!. مُصعب هز راسه ونطق بهدوء؛ايوا وافقت مع شرط ان الفيلا الى عطاني ابوي وسيارتي وحسابي الخاص و مافيه من فلوس يضل لي,واهي وافقت بعد. عبدالعزيز نطق بسرعه؛صاحي انت!!تخليت عن كُل اسهمك الى اهي نُص الشركه وعطيتها لها!! طيب اقل شي خبرني ولا انا محامي على الفاضي. مُصعب خذا له نفس بضيق ونطق؛ياخوك النفس طابت من كُل شي خلاص معاد ابي شي غير راحتي,وراحتي ورا هالجُدران!!روحي انهلكت وانا افقد اعز من على قلبي واحد ورا الثاني وانا بين هنا عاجز,وافقت وانتهينا. عبدالعزيز هز راسه؛فاهمك بس انت مو مجُرم لازم تثبت هالشي لهم,لان حتى لو طلعت من هنا بتتعب اكثر لانك بنظرهم مجُرم وقاتل. مُصعب رفع راسه وطالع فيه؛وعشان كذا انا طلبتك تجي,بس اطلع من هنا ببدأ رحله البحّث عن هالي راميني هنا بدم بارد واتهمني بقتل سندي ابوي الى لو طلب رُوحِي لعطيته. عبدالعزيز ابتسم له وهز راسه؛وانا معاك لحتى تثبت برائتك,بس مُصعب في شي لازم اقوله لك. مُصعب عقد حواجبه ونطق؛وش؟. عبدالعزيز خذا له نفس ونطق؛تعرف اني تزوجت وبحُكم ظروف زوجتي مانقدر نسوي زواج بس باخذها على طول وبنسافر,يعني ماقدر امسك القضيه.. مُصعب قاطعه ونطق؛فهمت قصدك يعني ادور لي حد ثاني غيرك؟. عبدالعزيز هز راسه ونطق بسرعه؛لا والله مو قصدي كذا,ودي امسك قضيتك بس بتاخر عليك كثير لان إجازتي مُمكن تطول اقل شي شهر. مُصعب؛ماقصرت يـ عبدالعزيز وفيت وكفيت,ومبروك لك والله يوفقك. عبدالعزيز ابتسم؛الله يبارك فيك,بس ماتركتني اكمل كلامي. مُصعب هز راسه بمعنى كمل واهو سكت يسمع له.. عبدالعزيز؛بكرا انا باخذك اذا طلعت وبوديك لمكتبي هناك بنتفاهم وبعرفك على المحامي الجديد الى بيستلم قضيتك. مُصعب؛اجل بكرا انتظرك. عبدالعزيز؛اوك'ولما طلع مُصعب طلع وراهه'. , , \\بالفيلا حقت ام عبدالله||جناح سلطان//. , كان نايم بهدوء على الكنب بصاله,الى عقد حواجبه و فز من نومه بخوف واهو يشم ريحه شي يحترق,تذكر ان عريب بتسوي العشاء اليوم وفز بسرعه وركض للمطبخ وقف بصدمه على وسع عيونه..!!. |
. لاحول ولا قوة الا بالله. , , \\بالفيلا حقت ام عبدالله||جناح سلطان//. , فز بسرعه وركض للمطبخ وقف بصدمه على وسع عيونه وركض لها؛عريب فيك شي صار لك شي!!وش هالريحه؟. عريب قوست ثغرها بزعل و بلمعت عيونها نطقت؛الاكل الى سويته احترق,رحت بغير ملابسي بعد الطبخ ورجعت حصلته كذا'وسحبت الصينيه حقت الاكل'شوف. سلطان ضحكت؛ياحياة الشقى صدق,حتى مكرونه ماتعرفين تسوي!!. عريب كشرت واهي فيها البكيه؛سلطان انقلع جد ماني ناقصتك. سلطان ضحك وضمها وباس يديها؛والله لو سوت لي هاليدين سّم باكله,ولا تتضايقين ياقلبي انتي'وراح فتح الدرج وطلع منه ملعقه وراح نط على الطاوله وتربع قدام الصينيه بياكل منها'. عريب ضحكت ومسكت يدهه؛لا سلطان صاحي انت تبي تتسمم وتموت علي بسم الله عليك,ويكتبون بالجرايد بالخط العريض زوج يتسمم بسبب زوجته الرفله. سلطان سحب يدهه من يدها وضحك؛والله ماخليها بخاطرك اجل تلمع عيونك بدموعك وتتضايقين عشان الاكل احترق اصبري علي شوي,بس انتي روحي جيبي صحنين. عريب هزت راسها بضحك؛مافي بعد صحنين تبي تذبحني معاك. سلطان لف لها؛عريب يابوي انتي روحي جيبي صحنين ولا يكثر. عريب هزت راسها وراحت طلعت صحون واهي تتحلطم عليه؛واضح انك طفشت من الحياهه,وتبي تموت اوك فهمنا ذا بس انا تأكلني معاك ليش'وحطت الصحون جنبه على الطاوله'. سلطان ضحك وسحب الصحون؛عشان لا مت ماياخذك غيري,عشان كذا باخذك معاي. عريب كشرت؛بسم الله علينا ياخي لا تتافول علينا بالموت. سلطان ضحكت وهز راسه؛والله انك فاصله مو انتي توك تقولين اني ابي اموت انتي الى جبتي السّيرهه مو انا. عريب تافف وهزت راسها؛خلاص سكّر الموضوع. سلطان ابتسم وهز راسه؛ابشري'وبدا يبعد الجُزء المحترق وياخذ الى ماحترق ويحطه بالصحون لان كان نُص الصينيه محترق والباقي توهه زين,بعد ماخلص مد الصحن لـ عريب وضحك'شفتي زوجك السنع تعلمي. عريب ضحكت وبعدت الصحن وركبت معاهه فوق الطاوله وقربت وباست خده ببتسامه؛فديت زوجي السنع انا. سلطان ضحك وبدا ياكل وعريب معاهه. , , \\بمكان جديد توهه نمر عليه||بقصر آبو الريم//. , خذت لها نفس وفتحت الباب واهي كارهه تصرفات اختها واصوات الاغاني الى واصله لي بدايه الحي,دخلت وكشرت واهي تشوف صديقات اختها يتمايلون على انغام الموسيقى بكل دلع وغنج. صديقه أختها شافتها وقفت رقص ومشت لها بضحك ومسكت يدها تجبرها تتمايل معاها؛يلا خلاص مامليتي من شخصيتك الثقيله ذي. مّلاذ بقرف سحبت يدها من يد البنت ورفعت حاجبها ببتسامه على جنب؛حاذري ياقلبي لا ينفجر السلكون الى بداخلك من كثر الرقص'وضحكت بقوهه لما تغيرت ملامح البنت ومشت عنها'. غُفران لمحت..! |
. لاحول ولا قوة الا بالله. , , \\بقصر آبو الريم//. , غُفران لمحت اختها وركضت لها ببتسامه؛وينك ليش تاخرتي؟. مّلاذ نطقت واهي راصه على اسنانها من تصرفات اختها؛انتي متى تعقلين وتخلين هالخبال منك وهالبنات تافهات لي متى هاه لي متى. غُفران بقهر همست؛مالك شغل وانا خذت الاذن من الريم وافقت,وقصري حسك لا يسمعونك البنات. مّلاذ هزت راسها ببتسامه على جنب؛وانا من اتكلم معاهه اصلاً,غبيه صدق كُل هالبنات الى حولك مو حُب فيك الى مصلحه,و مو مخربك غير هـ الريم. الريم بصوتها الحاد واهي طّل عليهم من السياج من الدور الثاني نطقت؛مّلاذ,تعالي هنا. مّلاذ خذت لها نفس وشدت قبضت يدها لما شافت ابتسامه غُفران الساخره,نزلت عبايتها ومدتها لوحده من الخدم ومعاها شنطتها وراحت لفوق بطلب من اختها. الريم جالسه على مكتبها بهدوئها المعتاد نطقت لما سمعت صوت الباب يتسكر لفت بكرسيها تجاهه مّلاذ ونطقت ببرود وبكُل هدوء؛اخيراً شرفتي!!وين كنتي من الصباح؟. مّلاذ جلست على الكرسي ونطقت بهدوء؛تعرفين وين فيه مايحتاج اقول لك. الريم ابتسمت ببرود؛وانتي لي متى بتضلين كذا وتراكضين ورا هالشغل والقرف,وانتي مو محتاجه هالكم ريال الى تاخذينها. مّلاذ هزت راسها بنفس ابتسامتها؛تعرفين ان غرضي من الشغل مو الفلوس,بعدين تبين اصير مثل هالتافهه الى برا همها الحفلات و الوناسه وكلام الناس. الريم ضربت الطاوله بكفها ونطقت واهي راصه على اسنانها؛هالي تقولين عنها تافهه اختك,واحترمي الفاضك لما تكونين قدامي يـ مّلاذ ولا تنسين نفسك. مّلاذ نطقت بقهر؛مهما سويت من انجازات ونجاحات ماحزت على رضاك,وعمرك ماراح تشوفين لي اهميه,بس تأكدي ان مستحيل اصير مثل غُفران لان بختصار انا مو كذا'طلعت بعد ماضربت بالباب بقهر وحرقه بقلبها طول عمرها كانت مثل المنبوُذه بذا العائله ولا احد يحط لها اعتبار,شخص واحد بس واهو ابوها بس الحين مو في لانه صارت تحت الثرى وتركها بين خواتها وكُل الناس الى يشوفونها غير مُهمه ولا لها قيمه,رمت نفسها على سريها واهي داري دمعتها لا طيح,لان عمرها ماطاحت الى بوفاة ابوها ولا راح تسمح لها لانها تكرهه الضعف ولا تبي بيوم تكون فيه او تجرب هالشعُور,لثواني بس وغطت بنوم عميق من اثار التعب والإرهاق,واستعداد لـ بكرا الى بيكون كثيف بنسبه لها بالشغلها. , , \\تُركيا||اسطنبول//. , وقف عندها لما حس فيها بدت تفتحت عيونها بخفيف وترجع تسكرهه من النور الى ازعجها,نطق ببتسامه؛مساء الخير يالاميره النائمه. عقدت حواجبها وعيونها دور بالغرفه طالعت فيه لثواني..! |
. اللهم صلِ و سلم على نبينا محمد. , , \\تُركيا||اسطنبول//. , عقدت حواجبها وعيونها دور بالغرفه طالعت فيه لثواني بدون لا تنطق شي لفت وشافت يدها وفيها المغذي همست بحت صوتها؛مويه. الوليد هز راسه ببتسامه وقف وخذا لها قاروره مويه من الطاوله وساعدها تشرب لما خلصت بعد يدهه الى ورا راسها ورجعت راسها على المخده وسكرت عيونها بهدوء,جلس على الكرسي ونطق؛انتي مين؟. لثواني ضلت ساكته ومسكرهه عيونها بدون لا تنطق الى بدمعه طيح من عيونها على خدها تبعتها شهقت خفيفه طلعت من جوفها,عجزت تنطق واكتفت بالسكُوت وذكرياتها تمر حولها من نطق انتي مين,بكلمته هذي فتح لها جروح عانت منها كثير.. الوليد توتر لما شافها تبكي ونطق؛اسف مو قصدي,بس انتي تعرفين ان صار لك فترهه طويله بغيبوبه وانا الى استلمت حالتك لما وصلتي هنا جابوك أشخاص تُركين,وقالو ان الى معاك بالسيارهه توفى ودفنوه هنا بُتركيا. شهقت وزاد بكيها اكثر وبالم حطت يدها على بطنها وتحركت بتقوم الى شهقت من قوه الالم وطاحت على ظهرها بضعف. الوليد فز بسرعه ومسكها ونطق بسرعه؛انتبهي لحركتك لان من الحادث صار لك جرك عميق بطنك وتوهه مابعد يبرى. مسحت دموعها بضعف وهزت راسها وسط شهقاتها. الوليد ابتسم وقف؛ايوا تغريد الحمدلله على سلامتك بس مع الاسف مضطرين تبقين عندنا لحتى تتشافين تماماً. عقد حواجبها ونطقت بهمس وصوتها زين يطلع؛تغريد!!كيف عرفت اسمي. الوليد ابتسم واشر على الدولاب الى باخر الغرفه؛من الباسورد الخاص فيك,ولا تخافين اغراضك وفلوسك وكُل شي قدرنا نطلعه من السيارهه موجود بهالدولاب بالشنطته. تغريد هزت راسها وصدت وسرعان ماسرحت بافكارها بعيونها الى غرقانه من دموعها. الوليد خذا له نفس ونطق؛تبي جوال؟تكلمين احد من اهلك لان طول الفترهه الى راحت ماحد زارك او سأل عنك اكيد انهم قلقانين عليك ويدورون عليك. تغريد لفت وطالعت فيه ونطقت بحت صوتها ورجفته؛كم جلست بالغيبوبه؟. الوليد؛شهرين ونص تقريباً'مد الجوال لها'خذي كلميهم. تغريد نزلت دموعها وهمست؛ماعندي احد غير زوجي وانت تقول ان توفى,مافي احد اتصل عليه يعني. الوليد ابتسم بهدوء ونطق؛انتي ارتاحي وانا بخبر الممرضه تعطيك مهدى حتى تنامين براحه. تغريد هزت راسها وبهمس؛مابي تعبت من كثر النوم مليت,ابي اطلع من هنا. الوليد هز راسه؛للاسف قلت لك راح تكونين ضيفه عندنا لحتى تتشافين تماماً غيره ماتقدرين تطلعين. تغريد جلست رغم الالم الى تحسه يقطع بطنها وفكت المغذي من يدها وصرخت؛انا بطلع من هنا ولا احد يقدر يجبرني اجلس'نزلت رجولها من على السرير بصعوبه وقفت بعدم اتزان واهي ماسكه بحديد السرير وتسحب..! |
. اللهم صلِ و سلم على نبينا محمد. , \\تُركيا||إسطنبول//. , 'نزلت رجولها من على السرير بصعوبه وقفت بعدم اتزان واهي ماسكه بحديد السرير وتسحب رجولها ويدها على بطنها'. الوليد نطق بسرعه وراح لها؛بتعبين نفسك على الفاضي,هالي تسويه مو صحيح افهمي اي حركه منك جرحك بـ..!!'الى سكت بصدمه واهو يشوفها,طيح على الارض بملابس المستشفى الى امتلت بالدم من جهت بطنها ورجع جرحها ينزف من جديد,ركض لها وشالها بسرعه وحطها على السرير وركض لبرا وصرخ على الممرضات حتى جو له وبدو يساعدونه بتنطيف وتعقيم الجرح من جديد وسط بكيها وصراخها من قوه الالم,نطق بستعجال بالتركيه'عطيها مُهدئ بسرعه. الممرضه سوت الى أمرها فيه وعطتها المهدئ,ولفت لما كلمها واهي تسمع له.. الوليد لفت لها وتكلم؛عيونك خليها عليها وبس تصحى عطوني خبر. الممرضه هزت راسها؛اوك. الوليد خذا له نفس واهو يطالعها ومايعرف ليش من شافها جا له شعُور ان مسؤول عنها فسر هالشي لانها بنت بلده وحيده بمكان غريب عليها تنهد وطلع رايح لمكتبه , \\الرياض||بالفيلا حقت آم عبدالله//. , عبدالله رفع عيونه لما نزلت امه من الدرج وجلست معاهم نطق بهدوء؛اليوم وين كنتي؟سألت الخدم عنك قالو طلعتي ولا خبرتيهم وين بتروحين. ام عبدالله حطت رجل على رجل وعيونها على اظافرها لثواني رفعت راسها له ونطقت؛كنت بالسجن عند مُصعب. بُتول تعدلت بجلستها ونطقت بصدمه؛وين كنتي!!. ام عبدالله لفت لها؛بما ان علامات الصدمه بوجهك يعني سمعتي وين كنت. عبدالله تقدم لها بهتمام؛وش كنتي تسوين عنده,يعني وش سبب الزيارهه الغريبه ذي؟. ام عبدالله سكتت لثواني بعدها نطقت؛ابد رحت اعقد معاهه اتفاق. سلطان الى توهه نازل وراهه عريب وسمع كُل شي تقدم لهم بسرعه ونطق؛اتفاق وش؟. ام عبدالله بكُل برود تتكلم؛ان يتنازل عن كُل اسهمه بالشركه لي,مقابل ان افرج عنه واتنازل!!وطبعاً وافق وبكرا بيطلع. عبدالله وقف ونطق بقهر؛يمهه مو من جدك كيف تاخذين اسهمه وابوي عطاها له وقسم الباقين بينا,هذا حقه شلون تاخذينه منه شلون!!. ام عبدالله وقفت قدامه وضربت على صدرهه؛لا تصير غبي كذا,انت ولدهه الكبير وهالاسهم مفروض تكون لك مو له,وهالاسهم ديّه للي سواه في ابوك,وبعدين هو وافق انت شدخلك. سلطان بقهر صرخ؛طبعاً بيوافق اذا انتي ساومتيه على حُريته,يمهه شلون تسوين كذا شلون بتكرهينه فينا ترا هذا اخونا ماله غيرنا بذا الدنيا. ام عبدالله صرخت بوجهه بقهر؛اخوك هاه,كان فكر فيكم قبل لا يوجهه السلاح على قلب ابوك ويذبحه,انتم شفيكم انجنيتو وانا الصاحيه بينكم,اذكرو ذيك الليه لما دخلنا غرفته والسلاح بيدهه وقميصه ملطبخ بدم ابوكم!!لا تجننوني وانسو ان عندكم أخو اسمه مُصعب انسو... |
. اللهم صلِ و سلم على نبينا محمد. , , \\الرياض||بالفيلا حقت آم عبدالله//. , اذكرو ذيك الليه لما دخلنا غرفته والسلاح بيدهه وقميصه ملطبخ بدم ابوكم!!لا تجننوني وانسو ان عندكم أخو اسمه مُصعب انسو. سلطان قبض يدهه بقهر وحرقه بداخله من انه عاجز يتكلم او ينطق او يصارخ بوجهه امه ضرب رجله بالارض وركض لبرا البيت وتبعته عريب.. عريب واهي تركض وراهه قبل لا يطلع لشارع مسكت يدهه بخوف؛امانه عليك لاتطلع من هنا وانت كذا معصب تكفى هدي نفسك. سلطان تافف بضيق وقرب لها وانحنى بظهرهه لحتى وصل لكتفها و حط راسه عليه وهمس؛خايف على امي خايف عليها,شلون بتواجه ربها وهذي افعالها!!صدق ان مُصعب وقع بس رَغْم عنه يبي حريته ولا مستحيل يتخلّى على املاكه مستحيل,بتصرفها ذا كانه سارقته بس شلون افهمها شلون!!. عريب بضيق مسحت على ظهرهه وباست راسه لثواني خذت لها نفس ونطقت؛مردها بتعرف اخطائها وبتصححها لا تخاف. سلطان بعد عنها واعتدل بوقفته قرب وباس راسها واهو ضام وجهها بكفوفه ببتسامه نطق؛بروح اقابل عبدالعزيز واشوف وش عندهه من كلام يمكن يكون هالاتفاق مو صحيح,وترجع لـ مُصعب املاكه. عريب هزت راسها؛صاحي انت شوف الساعه11ونص وين بتروح الحين,بكرا اذا صحينا من الصباح روح له بس الحين لا تعال معي للجناح وهدي نفسك ونام وبكرا ربك يحلها. سلطان خذا له نفس ومشى معاها للجناح تنفيذ لكلامها.. , , \\الصباح||الساعه8//. , اليوم اهو اليوم المنتظر لبطلنا مُصعب يوم فرجه وحُريته من هالجدران الى كان بينها لمده ثلاث سنوات ونص,طلع من بوابة السجن وبيدهه شنطته رفع راسه لسماء واهو يملا داخله بنفس عميق خذاهه واهو مسكر عيونه.. اشتاق للحُريه ماعرف قيمة الاشياء الى عندهه الى لما انحرم منها وابسطها الهواء الى ياخذهه برا زنزانته.. نزل راسه وفتح عيونه على صوت عبدالعزيز,ابتسم له وتقدم رايح له.. عبدالعزيز قرب له وضمه ببتسامه واسعه؛الحمدلله يارب واخيراً يـ مُصعب فرحنا بخروجك,وان شاءالله بنفرح بعد برائتك من هالتهمه. مُصعب ابتسم لثواني وبعد عنه؛ان شاءالله,و الله يسمع منك. عبدالعزيز خذا شنطته من يدهه وحطها بالسيارهه ركّب مُصعب وبعدها هو ركّب وحركو من السجن.. لثواني ولف عبدالعزيز له؛فيك حيل تقابل المحامي الجديد,او تبي اخذك لبيتك ترتاح شوي؟. مُصعب لف له وهز راسه؛لا خذني للمحامي,لاحق على البيت و راحه. عبدالعزيز هز راسه وحرك بتجاهه مكتبه الى راح يقابلون فيه المحامي.. [بعد فترهه من الطريق وقف عبدالعزيز السيارهه ونزلو,وتوجهو لمكتب عبدالعزيز لما دخل ابتسم وراح ورا مكتبه و مُصعب وراهه,بعدها بكم دقيقه انفتح الباب |
. الحمدلله,الله اكبر. , , \\مكتب||عبدالعزيز//. , عبدالعزيز وقف ببتسامه ولف لـ مُصعب؛وهذي محاميتنا وصلت. مُصعب لف لها بسرعه وانصدم لما شافها بنت,لف لـ عبدالعزيز لما كلمه.. عبدالعزيز ببتسامه؛مُصعب هذي المحاميه مّلاذ,الى بتمسك القضيه من بعدي'لف لـ مّلاذ ببتسامه'و مّلاذ هذا مُصعب سبق وتكلمت لك عنه. مّلاذ ببتسامه واسعه مدت يدها لـ مُصعب؛مرحباً مُصعب,تشرفت بمعرفتك. مُصعب لثواني طالع في يدها,بعدها خذا له نفس ومد يدهه؛اهلين,اشرف لي. عبدالعزيز طالع فيهم ببتسامه؛تفضلو اجلسو خلونا نتكلم شوي. مّلاذ لفت لـ عبدالعزيز؛بس ماراح نطول تعرف عندي اليوم كم جلسه لازم احضر لها. عبدالعزيز هز راسه وجلس؛لا تخافين ماراح نطول عليك. مّلاذ ابتسمت وجلست واهي ملاحظه نظراته مُصعب الغير راضيه بالى يصير,ونظراته لـ عبدالعزيز الى يحاول عبدالعزيز يتجاهلها؛ايوا ابي مُلخص للقضيه. عبدالعزيز بدا يشرح لها؛وطبعاً نبي نطلع برائته من هالتهمه,ولو اقدر كان كملت القضيه بنفسي بس ظروفي حدتني اتركها واثق فيك يـ مّلاذ وعارف انك قدها. مّلاذ ابتسمت له ونطقت ولفت لـ مُصعب الساكت من دخلت؛بس كان صاحب القضيه مو راضي فيني!. مُصعب رفع راسه بسرعه لها وجلس يطالع فيها بهدوء بعدها نطق؛لا يتخيل لك. مّلاذ هزت راسها؛ايوا طيب احكي لي كيف طلعت من السجن!!تنازلو عنك او كيف؟. مُصعب تعدل بجلسته ونطق؛زوجه ابوي الله يرحمه,تنازلت بمُقابل اسهمي بالشركه!!وانا وقعت عشان اطلع واكشف الحقيقه بعدها برجع املاكي لي. مّلاذ سكت لثواني تفكر بعدها نطقت؛اوك خلنا على القضيه وكيف نطلع برائتك,واذا على أملاكك سهل نرجعها بس لازم نخلصك من هالتهمه اول'وقفت'على العموم لي جلسه ثاني معاك حابه اسمع كيف صارت هالجريمه منك,وبعدها نبدأ بالبحث عن المتهم الحقيقي'لفت لـ عبدالعزيز'ابي كُل الملفات حقت القضيه تكون بمكتبي لوسمحت. عبدالعزيز هز راسه؛اوك اخبر السكرتير يرسلها لك. مّلاذ هزت راسها ببتسامه وبعدها طلعت من المكتب.. مُصعب لف لـ عبدالعزيز ونطق؛مالقيت الى هالمحاميه,مارتحت لها ابد. عبدالعزيز وقف من ورا مكتبه وراح جلس على الكرسي المُقابل لـ مُصعب؛مو لازم ترتاح لها المهم طلعك براءه من هالتهمه,وخذ في بالك انها من اشطر المحامين الى اعرفهم والناس طوابير عليها عشان تمسك قضاياهم لان بختصار ماطاحت قضيه بيدها الى كسبتها,ولايغرك انها بنت ترا افضل من ميه رجال هنا. مُصعب خذا نفس ونطق؛مغرورة وشايفه نفسها,وتكلمني من طرف خشمها واسلوبها فوق ذا يقهر . عبدالعزيز ضحك وهز راسه؛لاحول وش كل ذا!!انت حتى كلمتين مع البنت مانطقت وعرفت كُل ذا؟. |
الحمدلله,الله اكبر. , , \\مكتب||عبدالعزيز//. , مُصعب تافف وقف؛بصبر عليها عشان بس اطلع من هالي انا فيه,بس تاكد اذا ماجازت لي بكنسلها وبدور لي محامي غيرها. عبدالعزيز وقف معاهه رفع اصبعه بتهديد؛لا تفكر حتى بهالشي انا ماصدقت احصل لك مكان عندها والحين تقول بتغيرها,مُصعب افهمني وصدقني خلاصك بيد ربك ثم على يدها بس انت اصبر وتحمل تكفى. مُصعب مسك اصبعه ونزلها عن وجهه ونطق بملل؛اي زين فهمت,الحين خذني للبيت تعبت. عبدالعزيز قبل لا يطلع مسك مُصعب من ذراعه ولفه له؛مُصعب!!وعد ماتغيرها. مُصعب خذا له نفس ونطق؛خلاص عز وعد ماراح اغيرها. عبدالعزيز ابتسم وترك ذراعه؛اجل الحين اقدر اخذك لبيتك,يلا مشينا. مُصعب هز راسه ببتسامه خفيفه ومشى معاه.. , \\بمكان مجهول||بمكتب بوسط مخزن مهجور//. , سحب جواله وكلمها لثواني وصل له صوتها.. نطقت بسرعه؛انا ماقلت لك لا تكلمني الى اذا انا اتصلت عليك ماتفهم. عادل نطق بسرعه؛ بس الى عندي شي مهم لازم اقوله لك. تعدلت على كرسيها ونطقت بستعجال؛اخلص هات الى عندك وسكر. عادل نطق بسرعه؛مُصعب طلع من السجن,و عبدالعزيز غير المحامي حقه وحط بنت بداله اسمها مّلاذ. رفعت حاجبها ونطقت بشك؛ابي كُل المعلومات الى تخص هالمحاميه ترسلها لي على الايميل تبعي. عادل هز راسه؛ابشري'ولما سكرت نزل الجوال ولف لمساعدهه ونطق'جيب لي كُل المعلومات الى تخص مّلاذ محاميه مُصعب الجديدهه وبسرعه ابيها خلال ساعه عندي. المساعد هز راسه وطلع من المكتب ينفذ الى قال له.. , \\بالسيارهه||عبدالعزيز و مُصعب//. , وقف السياره ولف له وشافه كيف يطالع بالفيلا بضياع خذا له نفس ونطق؛مُصعب خلنا نروح للفندق افضل لك. مُصعب لثواني ضل ساكت وعيونه على الفيلا بعدها لف له ببتسامه باهته؛انا ماتنازلت عن هالفيلا عشان ذكرياتنا فيها وعشان كُل زاويه فيها تذكرني فيها,حتى ذكراها بتحرموني منه. عبدالعزيز هز راسه؛محد بيحرمك منها دام انها بقلبك وبعقلك بس لا تدفن نفسك وسط هالذكريات بعدها تضيع ولا تحصل لك مخرج. مُصعب نزل راسه وهمس؛اذا بضيع بذكرياتها راضي انا. عبدالعزيز تنهد بضيق ومسك ذراعه قبل لا ينزل؛بكلامك ذا تخوفني عليك يـ مُصعب,بكلم فواز واخبرهه بخروجك واقول له يكون معاك. مُصعب تافف بضيق وسحب ذراعه؛ماني بزر عشان تجيبه لي يحرسني,ولا تخاف بريح شوي وبعدها رايح له,وانت توصل بسلامه لمكان منت رايح. عبدالعزيز هز راسه؛ليكون كذا يـ مُصعب,وانا بس تهبط الطياره على ارض سويسرا بكلمك واطمن عليك وياوييلك وهذاني احذرك اذا مارديت علي بيصير شي مو جايز لك. |
. الحمدلله,الله اكبر. , , \\بالفيلا||عند مُصعب//. , مُصعب هز راسه ونزل وسحب شنطته معاهه وصار يجر خطواته بعيونه الى تتامل الفيلا وكُل ذكرياتهم تمر عليه وقف عند الباب خذا له نفس وفتحه سكر عيونه الى حرقته من الدموعه الى يقاومها ترك شنطته من يدهه وطاحت على الارض,مشى بضعف وشوق صعد الدرج واهو ماسك بالجدار يتوازن به لا يطيح,لبعد ماصعد وقف عند غرفتهم سكر عيونه الى احرقته وخذا له نفس وفتح عيونه وحط يدهه على مقبض الباب لثواني ضل واقف يطالع بالباب قرب اكثر وفتح الباب ودخل الغرفه شد قبضت يدهه بضعف وشهق من اعماق قلبه وطاح على الارض من داهمت انفه ريحتها زحف لورا لما وصل للجدار استند عليه وضم رجوله لصدرهه ودفن راسه بينهم واهو يبكي وكانه طفل,وغارق بذكرياتهم بهالفيلا.. لبعد فترهه طويل اشبه بالساعه واهو على نفس حاله رفع راسه ومسح وجهه بكفه وغرس يدهه بشعرهه الأسود الكثيف وقف على حيله بضعف وقرب ورمى نفسه على السرير ودفن وجهه بمخدتها وسكر عيونه بكُل هدوء ودموعه تنزل على خدهه واهو عايش بدوامت الذكريات.. أصعب شعُور ان تشتاق للي تحت الارض,صعب الوصول لهم وصعب حتى مراقبتهم لو بالسر.. والى أصعب اذا كان هالشخص بس غانيك عن كُل خلق ربي,كذا كان يحس مُصعب.. بحرقت قلبه على الظلم الى صار له وعلى فقدانه كُل عزيز على قلبه... لفتره طويله من التفكير والذكريات راح بنوم عميق وسط شهقاته الخفيفه الى ملت سُكون هالفيلا . , , نزلت نظاراتها الطبيه بتعب واهي تضغط على عيونها الى عورتها من كثر القراءه رجعت ظهرها على الكرسي,طول وقتها راح على قضيه مُصعب وبراسها الف علامه استفهام الجريمه تحس فيها شي ناقص او مفقود عجزت تلاقيه خذت الجوال وشافته سبع اتصلات من اختها عقدت حواجبها بستغراب وراحت عيونها على الساعه الى تشير10الليل تنهدت وكلمتها وثواني بس وصل لها صوت الريم الغاضب؛شصاير بعد ليش هالعصبيه. الريم واهي تحاول تضبط اعصابها؛من7الصباح لين الحين وانتي مو في البيت,الحين تجين فاهمه. مّلاذ تاففت؛عفوا اخت الريم الحين لما انا اتاخر عشان شغلي تقلبين الدنيا علي,بس لما غُفران تتاخر واهي هايته مع صديقاتها عادي. الريم خذت لها نفس ونطقت؛غفران بالبيت من الساعه8,ولا تجادلين تعالي الحين'وسكرت'. مّلاذ بقهر ضربت الطاوله بيدها واهي كاتمه قهرها وغيضها من الريم الى بدت تتحكم فيها من توفى والديهم,خذت عبايتها ولبستها ورمت شيلتها على راسهاوطلعت,لثواني بس ورجعت خذت ملف قضيه مُصعب معاها وطلعت,هالقضيه شدتها حيل وحست في تحدي لها واهي تعشق هالشي ولا راح ترتاح الى لما يكون المجرم الحقيقي بين يديها... |
. لا اله الا الله. , , واقف عند باب البيت وعيونه معلقه على ساعته خذا له نفس وضرب الباب من جديد,فتحت له الخادمه؛وين نُهى!!. الخادمه اشرت لداخل ونطقت؛بغرفه بابا. عبدالعزيز تنهد بضيق ودخل داخل وتوجهه لغرفة عمه مثل ما قالت الخادمه وقف عند الباب وضرب عليه بهدوء مرهه مرتين ثلاث ولا سمع لها رد فتح الباب بخفيف وفز قلبه لما شافها طايحه على السرير ومتكورهه على نفسها ركض لها بخوف ونطق؛نُهى,شفيك. تنهد بضيق لما سمع صوت شهقاتها الخفيفه لفها له لانها كانت معطيته ظهرها مسح على شعرها وبيدهه الثانيه مسح دموعها من على خدها وهمس؛ليش كُل هالبكي,وش صاير؟. نُهى حركت وجهها وبعدت يد عبدالعزيز منها وهي تصد عنه بصوت شهقاتها الخفيفه. عبدالعزيز وقف بضيق ونطق؛لين الحين عند كلامي,انتي يـ نُهى انجبرتي علي صح؟. نُهى بضيق تعدلت بجلستها وبكف يدها مسحت دموعها وهزت راسها بدون لا تنطق بشي. عبدالعزيز تنهد وطالع فيها لثواني ورجع جلس بجنبها وهمس؛شفيك اجل ليش تبكين كذا,شوفي الساعه تاخرنا على الرحله كثير باقي عندنا نص ساعه بس. نُهى هزت راسها لثواني وطالعت فيه ونطقت بحت صوتها وبهمس؛اوعدني بس نرجع نسكن هنا,لان ماقدر اترك بيت ابوي. عبدالعزيز وقف وهز راسه ومد يدهه لها؛طيب امشي الحين وانا وعدتك من قبل في هالشي بنرجع له. نُهى طالعت في يدهه لثواني بعدها صدت ونزلت من السرير وتخطته طالعه من الغرفه.. عبدالعزيز جلس على السرير بضيق واهو كارهه هالحاله الى اهم فيها,تجاهلها له صدها له بعدها عنه ودايماً منطويه على نفسها حتى لما يكلمها ترد عليه بكُل اختصار او تتجاهله ولا ترد عليه,حاول يعذرها عشان موت ابوها وعشان يرضي ابوهه,صدق ماكان يشوفها غير انها بنت عمّه ولا توقع بيوم تكون زوجته بس رضى وتقبلها كَـ زوجه بس اهي مو راضيه تتقبله,ويحس كانها انجبرت عليه.. دخلت وشافته جالس على السرير نطقت بهدوء؛عبدالعزيز,خلصت. عبدالعزيز رفع راسه لها وقف ومشى معاهه لبرا الغرفه سحب شنطتها ولف لها شافها تلبس عبايتها لف وطلع حط شنطتها بالسيارهه وركب ينتظرها لثواني بس وفتحت الباب وركبت وحرك للمطار.. , , خذا له نفس بضيق من صوت جرس الفيلا الى اشغله ولا تركه ينام مد يدهه وسحب جواله شافه الساعه 11تافف وقف على حيله وطالع بالمكان الى اهو فيه لاشعورياً ابتسم بهدوء,يعني صدق اهو طلع من زنزانته واخيراً مو حلم!!طالع في الغرفه وهمس؛الحمدلله يارب. رفع راسه على صوت الجرس من جديد وقف ومشى بكُل هدوء نازل لتحت حتى يفتح الباب بس فتح الباب ماحس الى فيه يضمه بقوهه ابتسم بهدوء وبادله الحضن.. |
. لا اله الا الله. , , فواز لثواني بعد عنه بفرحه؛عيوني مو مصدقه واخيراً يـ مُصعب. مُصعب ابتسم بهدوء؛حتى انا لين الحين مو مصدق وكاني بحلم. فواز ابتسم؛مو بحلم ياخوي ذا حقيقه انت قدامي وفي بيتك'ورجع ضمه بفرحه'. مُصعب ضحك بخفيف ونطق؛ماودك تبعد عني وتدخل لان اشم ريحت اكل وميت جوع. فواز بعد عنه وكشر؛ياقليل الخاتمه الحين بدخلني بس عشان الاكل,هذا وانا جاي لك مشتاق مالت عليك. مُصعب ضحك عليه وهز راسه؛امزح معاك,بس والله صادق ريحت الاكل شقت خشمي وعاد كنت جوعان. فواز ضحك ودخل؛عاد هذا طبخ الوالده,لما عرفت ان رايح لك سوته لي عشان اعطيك اياه. مُصعب ابتسم بضيق؛الله يخليها لك يارب,ماتقصر. فواز ابتسم وطالع فيه وتنهد بضيق لمعت الحزن الى بعيونه تعور قلبه على صديقه و روحه,ومتاكد من وجهه وعيونه ان كان يبكي,مايهون عليه بس مافي يدهه شي,لان الالم الى بقلبه والحزن الى بعيونه مثل الى فيه وحاس فيه اكثر من اي شخص ثاني,كانت اخته الوحيدهه والى تسو الدنيا كلها بعيونه,يافرحتها بـ هاليوم لو كانت عايشه لين الحين ياما انتظرت هاليوم وتحسب له بس الموت سبقها وخذاها,همس بداخله واهو يترحم عليها. مُصعب رفع راسه لما حس بنظرات فواز ونطق بضحك؛لذا الدرجه مشتاق لي من جيت وانت تتأمل فيني. فواز ابتسم بهدوء ونزل راسه لثواني بعدها رفعه ونطق بهمس؛شفيك يـ مُصعب ليش وجهك كذا,وش صاير؟. مُصعب نزل راسه لان اكيد شك بوجهه وعيونه ان كان يبكي همس بهدوء؛مافي شي. فواز ابتسم بضيق؛عُمرك ماراح تتعلم ان تقدر تكذب على كل الناس,بس انا لا قولي شفيك؟. مُصعب همس بضيق بحت صوته؛لو قلت لك بتقدر تساعدني مثل كُل مرهه,هالمرهه مشكله اخوك صعبه يـ فواز صعبه ويعجز حلها. فواز نطق بخوف؛انطق يـ مُصعب وربك خوفتني شصاير لك,وش المشكله!!. مُصعب رفع راسه ببتسامه وضح فيها حُزنه وانكسارهه؛شوقي لمن تحت الثَّرَى هذي مشكلتي,ولا في مخلوق يقدر يحلها,راضي بالى كاتبه لي ربك,بس وش اسوي بقلبي الى عجز يستوعب رحيلها!!. فواز بضيق نزل راسه ونطق؛لاتعور قلبي يـ مُصعب,وربي فيني اضعاف من هالحزن والضيق الى بصدرك اختي وحيدتي الدنيا بدوها تنعاف,بس راضين بالى كاتبه ربّي وعارف انها عند الى ارحم مني ومنك ومن كُل هالدنيا عليها. مُصعب بضيق وقف يعرف لو طول بهالكلام ماراح يتمالك نفسه وبيقلب الجلسه نكد وضيق طالع فيه ببتسامه باهته ونطق؛بروح اجيب صحون عشان الاكل'وراح بسرعه للمطبخ وقف عند الطاوله وحط يدهه عليها وبيدهه الثانيه ضغط على عيونه الى احرقته من دموعه الى يقاومها,رفع راسه على صوت فواز الى ينادي عليه ونطق بصوت عالي حتى يسمعه'يلا جاي لك.. |
. لا اله الا الله. , , \\تُركيا||إسطنبول//. , نزل نظارته وتقدم ببتسامه لما شافها مع الممرضه وتمشي بالحديقه,وقف ونطق ببتسامه؛لا دام انك طلعتي من الغرفه معناتها صرتي بخير. تغريد بشوق ولهفه نطقت بدون شعور؛يعني اقدر ارجع لسعوديه واشوف..'انقطع الحكي لما استوعبت على نفسها وامتلت عيونها بدموعها ونزلت راسها'. الوليد الى استغرب منها ومن دموعها نطق؛ليش قطعتي حكيك!!في احد تبين تشوفينه في السعوديه؟. تغريد مسحت دموعها من على خدها وبهمس نطقت؛ولا شي ابي ارجع لغرفتي.. الوليد لف للممرضه وحرك راسه بمعنى تروح لما راح قرب ومسك ذراعها وساعدها حتى جلسو على الكرسي الى بالحديقه ونطق ببتسامه؛شوفي احنا بغربه وحاس فيك هذا وانا ولد وقايم بنفسي احس بالوحدهه والضيق ان مو بيتي وبوسط اهلي,كيف انتي هذا وانتي بنت ولا لك احد هنا,تغريد اعتبريني اخوك وخليني اساعدك لما ارتاح واشوفك بين اهلك ومرتاحه. تغريد نزلت راسها وبهمس بحت صوتها بنبره البكي؛ماعندي اهل لا تسألني مره ثانيه عنهم. الوليد نطق بستغراب؛ليش في احد ماعندهه اهل!!شي مستحيل'سكت بعدها نطق بسرعه'او انتي يتيمه؟. تغريد رفعت راسها وطالعت فيه بعيونها الى تلمع من دموعها هزت راسها؛صح مافي احد ماعندهه اهل بس اكيد مو اول مرهه تسمع اهل يتبرون من بنتهم,وبنظرهم انها ميته. الوليد تعدل ولف لها باهتمام؛ليش وش سويتي انتي حتى توصل لذا الدرجه؟. تغريد توهقت ونزلت راسها بسرعه,سكتت لثواني بعدها نطقت؛عشان تزوجت شخص مو راضين عنه. الوليد هز راسه بتفهم وقف ومد يدهه لها ونطق؛تعالي ندخل الجو بدا يبرد لاتمرضين اكثر. تغريد طالعت في يدهه لثواني وصدت وقفت واهي ماسكه على بطنها ومعقدهه حواجبها وعاضه على شفايفها بالم لحتى وقفت وعتدلت بظهرها ومشت واهي تسحب رجولها والوليد بجنبها,ملاحظه نظراته لها بس تحاول تتجاهله,لان بختصار مستحيل تثق باحد بعد الى صار لها.. , , \\الرياض||بالمطار//. , سحب شنطته وبيدهه الثانيه معاهه شنطه نُهى,لف لها على صوت جواله؛نُهى جوالي بجيبي جيبيه. نُهى طالعت في بستغراب من طلبه لما شافت نظراته على الشنط خذت لها نفس وقربت وسحبت الجوال ورفعت حاجبها ببتسامه باهته؛مّلاذ!!افتح الخط لها ولا مشغول عندك زوجتك!!. عبدالعزيز ابتسم على جنب وهز راسه نزل الشنط وسحب جواله؛خليك عند الشنط'وصد بيروح ولف لها'وامسحي هالافكار السخيفه من بالك,لان ماكلمت بنات وانا عزوبي تبي اكلم لما تزوجت'وراح عنها'. نُهى صدت واهي تمثل عدم الاهتمام بقهر منه.. عبدالعزيز رفع الجوال وعيونه عليها خذا نفس ورد؛هلا مّلاذ. |
. لا حول ولا قوة الا بالله. , , طلع من المطبخ وبيدهه الصحون؛صح من قال لك اني طلعت؟. فواز؛الله يخلي عزيز قال لي ولا انت ساحب على ولا عبرتني,وقلت اكلم صديقي واخبرهه بذا الخبر الزين وافتح نفسه. مُصعب ضحك واهو يفتح الاكل ويحط له في صحنه؛عزيز ذا مو مخلي حركاته الحين منبهه لايقول لك بس خرب علي كنت بسويها لك مفاجاءه واجيك البيت بس ماش راحت علي نومه وقلت اجي لك الصباح بس ماقصر عزيز قام بالواجب. فواز رفع الصحن؛تبي اهفك بذا الصحن اجل مفاجاءهه,صدق انك بارد انا من خبرني وانا على اعصابي بس متى يخلص الاكل عشان اخذهه واروح لان امي محلفتني ماطلع الى واهو بيدي,وانت بتجي لي الصباح. مُصعب؛والله الى صار فيني خلاني اكسب صفه البرود بشكل ماتتصورهه ولا انا اصير بارد حتى بخيالي ماكنت افكر فيها. فواز تنهد بضيق ونطق؛ليت ذا شي الوحيد الى تغير فيك,انت كل شي تغير فيك وكانك انسان ثاني مو مُصعب الاول الى كله ضحك واستهبال والفرح يشع من عيونه وابتسامته الصافيه من كل ضيق وحزن,تغيرت يـ مُصعب تغيرت. مُصعب نزل راسه ونطق؛الى صار بي مو شوي يـ فواز,تعرف وش يعني ينقتل ابوك والكل يطالع فيك بنظرات انك انت المُجرم!!هالنظرات بس كفيله انها تقتل كل شعور حلو بداخلي,تعرف وش يعني انت مظلوم بس عاجز حتى تكشف هالشي ولا عندك لو طرف خيط يوصلك للحقيقه,تعرف وش يعني تفقد اعز انسانه على قلبك بعد حرمان دام ثلاث سنوات واخر شي لقاء واحد بعد طول الغيبه هذي كلها ماتجاوز حتى الساعه وبعدها قطع وعد انها بتزورني من جديد بس الموت ياخذها.... رفع راسه يطالع فيه بعيونه الى امتلت دموع وهمس؛كل ذا ولا تبيني اتغير!!. فواز بضيق بلمعت عيونه من دموعه الى مانعها تنزل راح وجلس جنبه وضمه بدون لا يتكلم,لان عاجز عن الكلام وش ممكن يواسيه فيه كل الى صار له ماحد يتحمله كيف لا صار كل شي ورا بعض,اهو فقد بس اخته ويحس ان هالضيق الى بصدرهه بيذبحه كيف عاد مُصعب الى بصدرهه اضعاف أضعاف هالحزن.. مُصعب حاول بقد مايقدر يتمالك نفس ولا يسمح لدموعه تنزل قدامه بس خلاص روحه انهلكت قوته انعدمت,انفجر يبكي وكانه طفل,عاجز عن الكلام او حتى تعبير بصدرهه كثير حكي بس مو قادر يطلعه يحس نفسه بيختنق من كثر الحكي الى بداخله,ضل على هالحال فترهه لبعد ماهدى وسكر عيونه بتعب وارهاق.. فواز الى حس بنتظام انفاس بعد عنه بهدوء لما تمدد على الكنب وقف ورفع رجوله على الكنب جلس على الارض بجنب الكنبه وحط يدهه على جبينه وبدا يقرا عليه بعض من الايات عسى يرتاح ويخفف عنه لو شي بسيط من الى فيه.. جلس فترهه طويل على هالحال وبدون لا يحس خذاه النوم.. |
لا حول ولا قوة الا بالله. , , \\الرياض||بالمطار//. , مّلاذ ردت؛ليكون بس اتصلت بوقت غلط,ادري الوقت متاخر بس احتاج اكلمك؟. عبدالعزيز وعيونه على نُهى هز راسه؛لا عادي شدعوهه,قولي اسمعك. مّلاذ وبيدها ملف قضيه مُصعب؛انت متاكد ان عطيتني كُل الاوراق الخاصه بالقضيه؟. عبدالعزيز؛ايوا ليش؟. مّلاذ؛احس فيها شي ناقص. عبدالعزيز حقد حواجبه؛كيف يعني ناقص!!. مّلاذ خذت لها نفس وهزت راسها وسكرت الملف؛يعني يا في شي ناقص بالملف او القصيه كُلها فيها غلط. عبدالعزيز بفرحه و امل نطق؛يعني حصلتي ثغرهه او غلطه توصلنا للقاتل الحقيقي؟. مّلاذ ستندت على كرسيها وهزت راسها؛لا بدري على هالشي يـ عبدالعزيز القضيه فيها شي غريب شي مافهمته يمكن يوصلنا لطرف خيط. عبدالعزيز تنهد بخيبه ونطق؛طيب مّلاذ بكلم مُصعب وبقوله يقابلك ومنه خذي كُل التفاصيل الخاصه بذاك اليوم. مّلاذ هزت راسها؛ايوا يكون احسن. عبدالعزيز واهو يسمع نداء الرحله؛مّلاذ اعذريني لازم اسكر لان بالمطار والطيارهه بتقلع,بس انتي روحي لمكتبي وهناك بيساعدونك وشوفي اذا فعلاً في شي ناقص في الملف نسيت اعطيك اياه. مّلاذ؛اوك وتوصل بالسلامه'بعدها سكرت'. عبدالعزيز دخل جواله بجيبه و راح مسك شنطته وسحبها ولف لـ نُهى؛يلا ليش واقفه ماتسمعين النداء. نُهى بقهر منه مسكت شنطتها وسحبتها واهي تمشي وراه وتتافف من الشنطه الثقيله وعجزت تسحب فيها. عبدالعزيز كاتم ابتسامته واهو يسمع تافف وحلطمتها لف عليها وشافها واهي تسحب بالشنطه وتمشي بخفيف راح لها ونطق؛لو نجلس كذا ماوصلنا الى الفجر. نُهى كشرت ونطق؛اجل كان فيك خير خذها عني يدي تفككت وانا اسحب فيها. عبدالعزيز تافف ومسك شنطتها؛ابي افهم حاطه بيتكم كله فيها!!ليش ثقيله كذا؟. نُهى؛مو شغلك. عبدالعزيز سحب عليها ولا رد ومشى عشان يلحق على الطياره لان لو بيضل يرد علها ماراح يخلصون. , , \\بقصر ابو الريم||جناح غُفران//. , نايمه والعرق يصب من جبينها و وجهها واهي تمتم بكلمات غير مفهومه وشادهه على قبضه يدها,لدقايق واهي على هالحال بكابوس محاوطها واهي مو قادرهه تطلع منه فزت وصرخت برُعب. وعيونها الدور في الجناح ويدها على صدرها الى يصعد و يهبط بشكل سريع ودقات قلبها المتسارعه. لفت بسرعه وبخوف لما انفتح الباب ودخلت منه الريم بخوف ركضت لها ضمتها واهي تسمي عليها وتمسح على ظهرها.. لفترهه ضلت على هالحال لما حست فيها هدت ونطقت؛لين الحين هالكوابيس مُلازمتك!!. غُفران بلمعت عيونها بدموعها على خدها هزت راسها واهي دافنه راسها بحضن اختها.. |
. لا حول ولا قوة الا بالله. , \\بقصر ابو الريم||جناح غُفران//. , الريم قربت وباست راسها وبهمس عند اذونها؛انسي يـ غُفران انسي وعيشي حياتك لي متى وهذي حالتك,بكرا الصباح اول شي تسوينه تررحين للعيادهه عند دكتورك حتى يشوفك,حالتك هذي ماينسكت عنها. غُفران رفعت راسها من حضن اختها وهمست بحت صوتها؛لين الحين هذيك اللحظه مو قادرهه تطلع من بالي كُل ماغفيت بنام داهمتني كيف مسـ...!!. الريم ضمتها وسكتتها وبهمس؛مو قلنا هالسالفه ماراح تنفتح من جديد,وانتي انسي والحمدلله ماصار لك شي وطلعتي منها باقل الاضرار. غُفران بعدت عنها وصرخت بموعها الى ملت عيونها؛طلعت منها باقل الاضرار!!وش اقل الاضرار وانا صرت مريضه نفسيه واتعالج عند دكتور نفسي,حياتي انقلبت فوق تحت لايغرك الصديقات الى حولي لان مّلاذ صادقه كلهم بجنبي مصلحه بس,ولا يغرك ان كُل يوم حفلات وضحك وناسه وسهرات لي الصباح كل هذا اسويه بس عشان ماجي هنا بجناحي وانام لان اخاف!!اخاف من الكوابيس الى حتى نومي ماتهنا فيه,تعرفين كم مرهه افز خايفه واجلس ابكي؟عيوني عورتني من كثر التعب والارهاق بس مع هذا ما انام خوف من هالكوابيس تعرفين وش يعني اجلس بالايام مو نايمه عشان بس هالكوابيس,كل هذا وطلعت منها باقل الاضرار!!. فتحت الباب بسرعه ودخلت بخوف؛وش فيكم وش صاير,غُفران شفيك!!. الريم لفت عليها وصرخت؛مّلاذ اطلعي وسكري الباب. مّلاذ طالعت فيها وسحبت عليها وركضت لـ غُفران بخوف وضمتها.. غُفران تعلقت فيها واهي تبكي وتشهاق بشكل يقطع القلب. مّلاذ بنظرات شرسه تطالع في الريم واهي تمسح على ظهر غُفران وهمست؛وش فيها البنت وش مسويه لها. الريم وقفت وسحبت مّلاذ من غُفران وصرخت؛انتي ماتعرفين الادب وان مايصلح تدخلين غَرف الناس بدون استئذان عجزت اربي فيك ولا فيك فايده. مّلاذ بقهر صرخت بوجهها؛البنت ذابحه روحها من البكي وانتي تتكلمين في الآداب,خليتي هالبنت دُميه لك تلعبين فيها مثل ماتبين وتشكلينها على مايعجبك حرام عليك الى تسوينه فيها!!وش مسويه فيها حتى انجنت كذا وتبكي بذا الشكل انتي مـ...!!. سكتت بصدمه لما حست بكف من الريم على وجهها طرحها على الارض وضرب خصرها على حافه السرير وشعرها غطا وجهها المصدوم,سكرت عيونها بالم واهي تقاوم دموعها وبهمس؛ماتستاهل انزل دموعي عشانها ماتستاهل.. رفعت راسها بسرعه لما صرخت فيها الريم واهي تاشر على الباب وتقول لها تطلع,وقفت ويدها على خصرها وعاضه على شفايفها بالم,رفعت شعرها واهي طالع في الريم بنظرات حقد لفت لـ غُفران وقربت لها وباست راسها ببتسامه خفيفه تخفي فيها المها نطقت بهمس؛هدي نفسك ياقلبي واي كلام مايعجبك لا تاخذينه'وراحت طالعه من الغرفه' |
. سبحان الله العظيم. , \\بقصر ابو الريم||جناح غُفران//. , الريم لفت لـ غُفران ورفعت اصبعها بتهديد واهي راصه على اسنانها بقهر نطقت؛اذا وصل الى صار لـ مّلاذ صدقيني يـ غُفران ماراح يصير لك خير,وهذاني نبهتك اذا وصل لها او عرفت انها حست بشي بس راح تشوفين الوجهه الثاني مني'طالعت فيها بنظرهه تخوف وصدت بسرعه وطلعت من الغرفه وضربت بالباب دليل على قهرها وعصبيتها'. غُفران لما طلعت طاحت على السرير واهي تبكي وتشاهق تعبت معاد فيها القوهه انها تتحمل اكثر من كذا وقفت بضعف وسحبت العلبه حقت الدواء حقها خذت لها حبّه حتى ترتاح وتهديها وتقدر تنام بهدوء,لانها ايقنت ان مستحيل تنام بدون هالحبّوب لو وش حاولت وسوت عشان تتركها تلاقي نفسها تنجبر عليها من جديد.. , \\بالمكان المجهول||بمكتب عادل//. , رفع جواله بعد ماشاف اتصالها ورد بسرعه؛شفتي من طلعت مّلاذ هذي!!. بصدمه نطقت وهزت راسها؛كنت شاكه والله كنت شاكه,لازم نبعدها عنا او بنطيح بمشاكل مالها اول من تالي. عادل هز راسه ونطق؛نبعدها!!بس كيف؟. نطقت بقهر؛انا الى اعلمك كيف دور لي طريقه وبعدها لو وش كانت. عادل بصدمه نطق؛بس مّلاذ هذي تصير ا...!!. وكانها عرفت وش بيقول ونطقت بسرعه؛اسكت ولا تتكلم عارفه وش بتقول مّلاذ بتبعدها عن مُصعب وانتهينا مستحيل اسمح لها تهدم الشى الى سويته طول الثلاث سنوات الى راحت,ولو عرفت او بس حسيت انها وصلت لنا مصيرها بيكون مثل مصير زوجة مُصعب ايلاف.. عادل وكانه تذكر شي ونطق؛على طاري إيلاف تعر..!!. نطقت بضيق؛مالي خلق اسمع شي يـ عادل خله وقت ثاني. عادل تنهد ونطق؛ليش تسوين بنفسك كذا,متى وصلتي لذا الحاله انتي مو كذا انا متاكد من ذا شي. تكلمت واهي منزله راسها؛مليت صح وبتتركني انت بعد!بس لما تشوف عيون الى ادافع عشانه صدقني بتسوي اكثر من كذا بس المهم مايصير له شي ويدخل السجن لان راح اموت بعدهه. عادل نطق بسرعه؛بسم الله عليك,بس والله اقول لك خوف عليك وعمري ماراح اتركك طلعي هالشي من راسك. ابتسمت ورفعت راسها وكانها تذكرت شي نطقت بجمود واختفت ابتسامتها؛خلاص سكر'وسكرت الخط بوجهه'. عادل تنهد بضيق ورمى الجوال بقهر؛وهذا انتي انا اذبح نفس هنا وانتي بس تميلين لي واقول اخيراً حست فيني قلبتي علي بثواني بس'دف الطاول برجله وصرخ بقهر وطلع برا ياخذ له نفس' , \\الرياض||الفيلا حقت مُصعب//. , رفع راسه بالم وحط يدهه على رقبته لف و شافه لين الحين على حاله لف وسحب جواله وشاف فوق اربعين اتصال من امه فز بخوف وطلع بعيد عن مُصعب حتى مايزعجه وكلمها وكلها ثواني بس وصل له صوتها؛يمه. ام فواز بنبره بكي وقلق وتوتر.! |
. سبحان الله العظيم. , \\الرياض||الفيلا حقت مُصعب//. , ام فواز بنبره بكي وقلق وتوتر؛فواز يمهه انت وين حرام عليك خبصت قلبي عليك. فواز تنهد براحه ان مافيهم شي وابتسم بخفيف؛اعذريني يالغاليه,والله ماقويت اطلع واترك مُصعب بهالحاله الى اهو فيها وبدون لا حس على نفسي نمت ونسيت اعطيك خبر. ام فواز تنهدت بضيق ونطقت؛شوفه اذا يرضا يجي عندنا ويسكن معانا لا يجلس بهالبيت بروحه,والله ان مثل ولدي ولا يفرق عنك بشي,خاطري اشوفه قول له يجي عندنا. فواز ابتسم لما شاف مُصعب صحى ويطالع فيه صد وضحك؛افا بس أُم فواز تبي شي ولا اجيبه لها,سوي له سرير بغرفتي جاين لك الحين. ام فواز ضحكت وهزت راسها؛ياقلبي انتي يلا انتظرك'وسكرت'. فواز ضحك ونزل جواله ولف وراح لـ مُصعب ببتسامه؛اوهه مُصعب صح النوم ياتبن,ظهري تكسر عشانك اعرف قيمتي عاد. مُصعب ابتسم بخفيف ونطق بهدوء؛مانحرم منك ياخوي. فواز ابتسم وجلس قدامه على الطاوله؛دام اني اخوك وتسمع كلامي قوم معاي الحين. مُصعب طالع فيه بستغراب ونطق؛وين بنروح!!. فواز وقف وسحب مُصعب من ذراعه لما وقفه معاهه وسحبه لغرفته وسط استغراب مُصعب.. مُصعب فتح عيونه بصدمه واهو يشوف فواز يفتح الدرج حقه ويطلع منه الشنطه صغيره وحط فيها كم لبسه لـ مُصعب,نطق بسرعه؛هيه انت وش تسوي!!والله ان ترجع كل ذا الملابس الى رميتها على الارض في الدرج وترتبها من جديد,بعدين خير وش له ذا الشنطه وين بتوديني انت!!. فواز ساحب عليه ولا رد ليما قفل الشنطه ولف له ببتسامه واهو شايل الشنطه بيدهه؛انت ضيف في بيتنا بأمر من امي,معن والله انت مو ضيف ويشهد الله على كلامي. مُصعب فتح عيونه على وسعها ونطق؛فواز تستهبل على راسي وش..!!. فواز ماخلاهه يكمل كلامه لان سحبه معاهه لبرا الفيلا وسط محاولات مُصعب الرافض ان يطلع من الفيلا بس مع هذا ركب السيارهه وحرك بسرعه حتى مايمدي مُصعب ينزل منها.. مُصعب تافف؛انت متى بتخلي منك حركات الاطفال هذي هاه!!. فواز لف له وضحك؛لما تخلي منك هالعناد,شفيها اذا جيت ونمت عندنا بتموت!!. مُصعب لف له؛الى بموت بسببك طالع طريقك لا تعدمنا. فواز ضحك وهز راسه؛ابشر عمي أوامر ثانيه. مُصعب طالع فيه بطرف عينه وصد عنه ببتسامه خفيفه على شفايفه فواز طالع فيه وضحك وصد يطالع في الطريق.. , , \\تُركيا||بالمستشفى//. , مسكرهه عيونها و اهي شاده على حديد السرير وكلماته الاخيره لها تتردد في اذونها,بكت شوق بكت خوف وبكت ندم.. |
سبحان الله العظيم. , , \\تُركيا||بالمستشفى//. , لو مادخلت نفسها باشياء اهي مو قدها م كانت الحين هنا!!وبعيدهه عنهم وتضل طول عمرها مجبورهه تعيش تحت اسم وهويه مو هويتها. نزلت راسها بشهقاتها وصوت بكيها الى ملا سُكون الغرفه,دفنت وجهه بمخدتها واهي تحس ودها لو تتكلم طلع لو شوي من الحكي الى بصدرها,تحس بيجي يوم وتختنق فيه.. رفعت راسها على صوت الباب ولما شافت الوليد دخل سحبت وشاحها وحطته على شعرها ومسحت دموعها. الوليد بخوف ركض لها؛تغريد شفيك!!شصاير. تغريد شهقت بخفيف واهي منزله راسها همست وعيونها على يديها الى بحضنها وبحت صوتها؛وش شعورك لو انت عايش بهويه شخص ثاني,وانت مجبور!. الوليد معقد حواجبه من حكيها؛كيف يعني!. تغريد تغارقت عيونها بدموعها وهمست؛اذا انت منصدم ومستغرب من الى اقوله كيف اهم!!كيف اهو'رفعت راسها وبهمس نطقت بامل'تتوقع بيسامحني اذا عرف اسبابي'ضحكت وهزت راسها'اكيد اهو اصلاً يحبني!!كيف حاله الحين ماقدر حتى اتخيل وضعه.. الوليد منصدم من حالتها اشر للممرضه تحط لها مهدئ وفعلاً سوت مثل ماقال لها بعد فترهه قرب اذونه من شفايفها لما سمع همساتها.. سمع الى قالت ورفع نفسه بسرعه واهو يطالع فيها بصدمه وكلماتها تتكرر في مسامعه!!. , , \\قصر آبو الريم||جناح مّلاذ//. , جالسه على سريها ومنزله راسها بلمعت عيونها واهي ضامه يديها لحضنها واهي تقاوم دموعها.. بضيق عميق بداخلها من تصرفات الريم,تحس وكانها تعرف شي عنها هو سبب هالمُعامله بس خوفها من هالشي مو مخليها تبحث او حتى تسألها,خايفه تنصدم بشي ماتقدر تتحمله وهالشعور الى بداخلها مخوفها حيل.. رفعت راسها وقفت وتوجهت لـ مكتبها تحُل بقضايا الناس وتغرق في مشاكلهم عساها تنسى الى فيها.. الريم فتحت الباب وعيونها دور بالغرفه ماحصلتها شافت نُور يجي من الغرفه الى فيها مكتبها عرفت انها فيها طاحت عيونها على الملف الى على السرير قربت بهدوء ورفعته.. مكتوب عليه"قضيه مُصعب"رفعت الملف لها واهي تتصفح فيه بهدوء وعيونها تقرا ينظرات خاطفه وسريعه.. رفعت راسها بسرعه على صوت مّلاذ. مّلاذ رفعت حاجبها واهي طالع فيها؛نعم!!بغيتي شي'وقربت وسحبت الملف من يدها'. الريم بطيف ابتسامه استهزاء على شفايفها نطقت؛ولا شي بس الى صار اليوم مابيه يتكرر,وانتي اعرفي كيف تتصرفين واضمن لك ماراح يصير لك شي مني. مّلاذ نزلت الملف على الطاوله ولفت لها؛خلصتي!!زين انا مشغوله'ولفت عنها داخله لمكتبها وسكرت الباب وراها'. الريم واهي طالع في الملف لثواني قربت وخذته وطلعت من جناحها بكُل هدوء.. |
. استغفرالله. , \\تُركيا||بالمستشفى//. , نطق بعدم استيعاب؛كيف انتي مو تغريد!!. قرب لها ونطق بسرعه؛تسمعيني وش جالسه تقولين كيف انتي مو تغريد!!وش سالفتك وش القصه الى وراك,اذا انتي مو تغريد من تكونين اجل'تنهد بضيق لما شافها سكرت عيونها,وقف وراح لدولاب تبعها طلع شنطتها وفتحها وطلع منها الجواز حقها.. اسمها تغريد وصورتها فيه كيف الحين تقول ان اهي مو تغريد!!وش قصدها بانها مجبورهه تعيش تحت هويه شخص ثاني!!طالع فيها بشك ان تكون مريضه نفسيه او عندها انفصام. رجع كُل شي مكانه ولف يطالع فيها ونطق بهمس؛وش سالفتك,عجز عقلي يستوعب. خذا له نفس ولف للممرضه وتكلم؛خليك معاها ولا تفارقينها و بس تصحى عطوني خبر'وطلع من الغرفه'. , , \\بالفيلا حقت آبو عبدالعزيز||بالصاله//. , تقدم بهدوء وجلس جنبها ورمى نفسه بجنبها وميل راسه حتى صار على كتفها. نجلاء عقدت حواجبها ونطقت؛غريبة شفيك هاجد!. صقر سكر عيونه بهدوء ونطق؛ولا شي بس مالي خلق. نجلاء رفعت كتفها ونطقت بحماس؛قوم نطلع نتمشى حتى انا ملانه وضايق خلقي. صقر فتح عيونه ورفع حاجبه؛صاحيه انتي شايفه الساعه كم!. نجلاء قامت بحماس وسحبت يدهه معاها تقومه؛ايوا يلا تكفى صقر قوم. صقر طالع فيها لثواني وتافف واهو يطالع فيها بطرف عينه؛ليش ماعرف اردك من شي؟. نجلاء ضحكت ونطقت بسرعه وتركت يدهه؛الحين بجي لك بس بلبس عبايتي'وركضت بسرعه تجيب عبايتها'. صقر لثواني بس وقف لما شافها وراح لها؛لا يسمع ابوي شوي شوي رجيتي الارض من حماسك,والله لو يدري ان يذبحني. نجلاء مسكت يدهه وسحبته معاها لبرا واهي تضحك. صقر ضحك وهز راسه وفتح السياره وركب واهي معاهه وحركو. جاهلين العيون الى طالع فيهم من الشباك بضيق من وضعهم!. , \\عند مُصعب و فواز//. , وقف السياره ودخلو البيت. ام فواز الى كانت بستقبالهم قربت ودموعها ماليه عيونها واهي تضم مُصعب بدون لا تتكلم تحس لو بتفتح فمها بتبكي. مُصعب ضمها ونزل راسه على كتفها,سكر عيونه الى احرقته من دموعه لما تذكرها تشبه لـ أمها في كُل شي وهذا الى اوجع قلبه واهو بين احضان ام فواز. فواز حب يغير جوهم ونطق بضحك؛لا يمهه ماهقيتها منك,اجل انا ولدك الى حرقتي جواله من خوفك عليه اخر شي من شفتي مُصعب سحبتي علي. ام فواز ضحكت بخفيف ومسحت دموعها وبعدت عن مُصعب وضمت وجهه بيدها الى ملتها التجاعيد ونطقت بحنيه صوتها؛طمني عليك يامي. مُصعب ابتسم مسك يدها وباسها؛الحمدلله على كُل حال يمه,وبشوفتك صرت احسن. ام فواز ضمته؛ياقلبي. فواز كشر؛اها لين لحين حاطيني وضع المزهريه. مُصعب ضحك وضمها اكثر؛موت من الغيره. ام فواز ضحكت وفتحت يدها الثانيه له؛تعال ياروحي انت. فواز ضحك وراح لها. |
. استغفرالله. , \\بالصباح||بيت آبو فواز//. , ام فواز دخلت الغرفه وسكرت التكيف و فتحت الشباك ولفت لهم؛يلا قومو بسكم نوم,يلا سويت لنا فطور بالحديقه الجو يفتح النفس على هالصباح. فواز دفن وجهه بالمخدهه بانزعاج من اشعه الشمس وهمس بصوت كله نوم؛يمه تكفين بس خمس دقايق. مُصعب رفع نفس واهو يمسح وجهه وببتسامه لف لـ ام فواز ونطق؛صباح الخير. ام فواز لفت لـ مُصعب ببتسامه؛صباح النور ياقلبي انت'ولفت لـ فواز وسحبت المفرش منه'قوم تعلم منه مو انت اجلس اجرجر فيك من هالسرير كانت توك بالإعدادي. فواز رفع راسه وطالع في مُصعب وبصوته الى كله نوم؛صدقني ذي اخر ليله تبات فيها عندنا,لان الوضع زاد عن حدهه ياخي انت ليش دايماً الشخص المثالي بعيون الكُل تعبتني. مُصعب ابتسم بهدوء وقف وراح لداخل يغسل وجهه. ام فواز قربت وضربت كتفه؛قوم بس وخل عنك هالحكي الزايد انتظركم تحت. فواز خذا له نفس وهز راسه؛ابشري. ام فواز ابتسمت له وطلعت برا الغرفه. فواز وقف على طلعت مُصعب الى يجفف وجهه بالمنشفه؛سمعت امي شتقول اكيد المهم انا ببدل ملابسي وبعدها بجي. مُصعب هز راسه وراح لشنطته طلع منها ملابسه ولف لـ فواز؛اوك'ودخل للحمام عزكم الله'. فواز لما راح دخل غسل وجه بعدها راح لغرفته الملابس حتى يبدل ملابسه.. , , \\سويسرا"جنّيف"||عند عبدالعزيز و نُهى//. , مد الفلوس لسايق التاكسي الى خذاهم للفندق ولف لـ نُهى الى من طلعو من المطار واهي نايمه تكلم بهدوء ويدهه على كتفها؛نُهى يلا اصحي وصلنا,نُهى.. تافف ونزل من التاكسي ولف لـ احد مُوظفي الفندق الى بدا ينزل الشنط من السياره بعدها راح للباب الثاني وفتحه وقرب لها وشالها بعد مافقد الامل انها تصحى. عبدالعزيز طالع فيها لما حطت راسها على كتفه لثواني بس وابتسم بهدوء وهمس؛لذا الدرجه نومك ثقيل!!. لف ودخل للفندق ولما شافوه شايلها ساعدوهه لان مابيقدر بروحه فـ ساعدوهه بفتح الاصنصير لحتى وصلو لجناحهم قرب لحتى السرير ومددها عليه نزل جزماتها والجاكيت الى عليها وغطاها وطلع.. عبدالعزيز ببتسامه نطق للموظف الى ساعدهه؛شكراً لك. الموظف ابتسم له بعدها طلع وسكر الباب وراهه.. عبدالعزيز رمى نفسه على الكنب بتعب وطلع جواله حتى يكلم مُصعب ويخبرهه بـ ملاذ. لثواني وتكلم مُصعب؛اوهه هلا بالمعرس بما انك اتصلت اكيد وصلت الحمدلله على السلامه. عبدالعزيز تنهد ونطق؛اي معرس يشيخ خلني ساكت بس,و الله يسلمك. مُصعب قام من على الطاوله حقت الطعام بعد ما استئذان منهم وبعد عنهم شوي وعقد حواجبه؛ليش وش صاير؟. عبدالعزيز خذا له نفس وعيونه على نُهى النايمه ونطق بضيق؛ماعليك مني اسمع وش بقول لك ونفذه وبس. |
. استغفرالله. , \\سويسرا||جنّيف//. , مُصعب تافف منه ونطق؛عز بلا هبل وش صاير لك واضح انك ضايق وش فيك. عبدالعزيز؛ياخوي مافيني شي خلنا في المهم الحين,الساعه 9الصباح تروح للعنوان الى برسله لك مّلاذ تبي تقابلك عشان القضيه. مُصعب؛يالله هذي لين الحين مُصر عليها. عبدالعزيز تافف؛مُصعب شقلنا احنا!تكفى ياخي لاتخليني اشيل همك وانا هنا,كفايه قلبي مو مطاوعني اتركك في الى انت فيه واروح. مُصعب ابتسم وهز راسه؛خلاص طيب لا تشيل هم بروح. عبدالعزيز ضحك؛ايوا كذا. مُصعب ضحك؛طيب اجل انا بـ سكّر الحين. عبدالعزيز هز راسه؛اوك'سكّر منه وراح بدل ملابسه وبعدها تمدد على الكنبه ونام'. , , \\الرياض||عند صقر و نجلاء//. , نجلاء لفت جهته واهي متمسكه في المقعد؛هيه يالمجنون بتذبحنا انت خفف سرعتك. صقر واهو يضحك ومستانس على نبره الخوف الى بصوتها ومكابرها؛عاجبني طيب كيفي,قولي انك خوافه عادي ترا. نجلاء واهي تكابر وتتسند على المقعد من سرعه صقر الجنونيه لي درجه من قادرهه ترفع ظهرها من على المقعد صرخت؛مو خايف يالغبي بس بتذبحنا. صقر ضحك بقوهه ولف لها. نجلاء صرخت؛طالع في طريقك ليش طالع فيني ياغبي. صقر مات ضحك وداس على البانزين اكثر ونطق؛كل ماسبيتي باسرع اكثر يالخوافه. نجلاء بلمعت عيونها نطقت واهي تحاول تعدل صوتها ولا تبين نبره البكي الى فيه؛والله لا اقول لـ آبوي يسحب السيارهه منك والله. صقر ابتسم على جنب وهدى السرعه شوي ولف لها؛قد تهديدك ذا. نجلاء واهي تتعدل ونطقت بثقه وعيونها بعيونه؛قدها وش بتسوي مثلا. صقر لف عنها ونطق؛شوفي وش بسوي'اسرع واهو يفحط ويضحك على صوت صراخها'. نجلاء بدموعها الى ملت عيونها صرخت واهي منزله راسها؛بس صقر بس بتذبحنا. صقر لف عليها وسرعان ماختفت ضحكته وهدى من سرعه لما شاف شكلها؛هيه مو من جدك تبكين عشان بس ذا'لما شافها ساحبه عليه ومنزله راسها وجسمها يهتز من بكيها رفع وجهها بصبعه وفتح عيونه بصدمه واهو يطالع وجهه الى ملته دموعها مسح دموعها وضمها'نجلاء شفيك ياخي امزح. نجلاء شهقت وتعلقت فيه ودفنت وجهها بحضنه. صقر فز قلبه من حركتها بدقات قلبه الى زادت سكر عيونه من هالشعُور الى داهمه فجاءهه,حس على نفسه وبعدها عنه بسرعه وصد عنها واهو يحاول ينضم دقات قلبه وانفاسه رفع عيونه للمرايه بصدمه ولا تكلم. نجلاء واهي طالع فيه من حركته الغريبه ولما شافت الصدمه بعيونه رفعت عيونها مكان مايطالع وصنمت بصدمهه ونطقت ومسكت يدهه بخوف؛صقر. صقر وكان صحى من صدمته لما مسكت يدهه طالع بيديهم لثواني وسحب يدهه واهو يحطها على الدركسون و يشغل السياره؛لا تخافين. نجلاء شهقت من بين دموعها وصرخت؛مستوعب شرطه تلحقنا شرطه.. |
. سبحانك الله اني كُنت من الظالمين. , صقر لف عليها وصرخ؛اسكتي لا تتكلمين توتريني على الفاضي. نجلاء بخوف منه سكتت ولفت لورا لين الحين وراهم وصقر مسرع حيل ويدخل بين الحارات على امل انه يضيعهم.. صقر عيونه شوي على الطريق وشوي على المرايه يطالع فيهم تافف لما شافهم لين الحين وراهه,ماله الى ابوهه هو الى بيخلصهم منه عكس طريقه متوجهه لبيتهم,ولا زالت الشرطه وراهه. نجلاء بصدمه نطقت؛لا تصدمني وتقول ان بروح لبيتنا!!والله ابوي يذبحك. صقر بقهر نطق؛عندك حل ثاني!!. نجلاء سكتت لما حست انه متوتر ولا حبت تزيد عليه وفضلت السكوت وعيونها شوي بالطريق و شوي طالع على ورا تشوفهم.. صقر بعد فترهه بسيطه قدر يوصل قبلهم لبيتهم وقف السياره ونزل وفتح باب نجلاء ونطق بسرعه؛ادخلي البيت لا يشوفونك معاي. نجلاء نطقت بسرعه وهزت راسها؛مابي ادخل ابي اكون معاك. صقر له لها بسرعه واهو يسمع صوت الشرطه قرب مسك يدها ودخلها للبيت ورفع راسه بصدمه من صوت ابوهه. ابو عبدالعزيز بصوت شبه عالي عشان ينتبهون له؛وش فيكم وش صاير هنا. نجلاء تقدمت عند ابوها ومسكت يدهه ونطقت بسرعه؛الشرطه يبه برا يبون ياخذون صقر,بس والله هو ماله شغل انا قلت له يسوي كذا. صقر بصدمه لف عليها من الى قالته!. ابو عبدالعزيز نطق بصدمه؛شرطه وتبي صقر!!وانتي وش قايله له يسوي حتى جات الشرطه لباب بيتي!!. نجلاء نزلت راسها ونطقت بهدوء؛قلت له يفحط'الى فزت بخوف على صوت ضرب الباب,وبسرعه رفعت عيونها لـ ابوها'. ابو عبدالعزيز طالع فيهم بغضب ونطق؛خلوكم هنا انا بروح اشوفهم'وراح'. صقر لف لـ نجلاء ونطق واهو راص على اسنانه وبهمس؛ليش كذبتي على ابوي,ليش!. نجلاء بنفس همسه؛لا تعصب علي لو عرف ان انت الى سويت كذا بيسحب منك السيارهه,بس انا ماراح يقدر ياخذ مني شي اقل شي بيهزء فيني و عادي. صقر تافف وجلس على عتبت الدرج الاول ونزل راسه وحضنه بيدينه. نجلاء قربت وجلست بجنبه و لا تكلمت بشي.. , \\برا الفيلا||عند الباب//. , الشرطي؛جات لنا شكوهه من اصحاب الحارهه الى فحط فيها. ابو عبدالعزيز هز راسه بتفهم؛طيب لك الى تبي بس الولد عرف غلطه واتركه هالمرهه عشاني. الشرطي سكت لثواني بعدها تكلم؛اوك بس لازم يروح معانا للقسم حتى يوقع تعهد اذا تكرر هالشي راح يتعاقب مثله مثل غيره. ابو عبدالعزيز خذا له نفس وطق؛طيب الحين اقول له يجي'وراح لداخل وشافهم جالسين وتكلم'صقر قوم معي. صقر وقف مع ابوهه ولا تكلم بشي.. نجلاء ركضت وقفت قدامهم بخوف؛وين بياخذونه. ابو عبدالعزيز؛كان فكرتي بذا شي قبل لا تقولين له يفحط بحارات الناس وتزعجونهم. نجلاء تعلقت بذراع صقر بعيونها الى تغارقت دموع؛يبه تكفى لا ياخذونه.. |
. سبحانك الله اني كُنت من الظالمين. , , نجلاء تعلقت بذراع صقر بعيونها الى تغارقت دموع؛يبه تكفى لا ياخذونه,انا الى قلت له اهو ماله شغل. ابو عبدالعزيز الى يطالع في نجلاء رفع عيونه لـ صقر الصاد عنهم و الساكت من دخل ولا نطق بشي مسكه وبعد نجلاء عنه وتكلم؛بنروح القسم بيوقع وبعدها بنرجع,وانتي روحي لغرفتك وارتاحي. نجلاء طالعت في ابوها براحه بعدها طالعت في صقر بضيق من وضعه الغريب وهزت راسها؛لا بنتظركم هنا. ابو عبدالعزيز تنهد ولف لـ صقر؛امش يلا'وطلع'. صقر لف بيطلع معاهه الى حس بيدها تلف لها,لف لها وسكت يطالع فيها!. نجلاء نطقت بخوف؛صقر انت شفيك فجاءهه تغيرت شصار!!. صقر سحب يدهه بهدوء ونطق؛مو صاير شي'وطلع مع ابوهه'. نجلاء ضمت يدها بهدوء وجلست على الدرج بتفكير وش ممُكن يكون غيرهه,وهو قبل كم دقيقه يضحك ويستهبل معاها وش ذا السُكون الغريب الى نزل عليه. , \\بيت ابو فواز||بالصاله//. , نزل فنجانه وطالع في ساعته كانت8ونص لف لجواله وخذاهه وقف ونطق ببتسامه واهو يقرب ويبوس راس آبو فواز و امه؛ماقصرتو والله بس مضطر اروح الحين. ابو فواز ببتسامه؛بيتنا مفتوح لك بكُل وقت لا تنسى هالشي. ام فواز هزت راسها بتأييد لزوجها؛اي سمعت وش قال يعني لا تقطعنا. مُصعب هز راسه ببتسامه واشر على عيونه؛من عيوني كُل يوم بزوركم لا تخافين مافي مني فكه. ام فواز ضحكت؛ياقلبي انت الله يسعدك يارب وعسى هالابتسامه ماتفارقك,والله يحقق لك الى بقلبك وتطفي هالنار الى بوسطه. مُصعب ابتسم بهدوء وهمس؛امين يارب,يلا بحفظ الله'وطلع'. فواز وقف معاهه ولف لما كملته امه.. ام فواز؛وانت وين بتروح له!!. فواز تكلم بسرعه؛بروح اشوف مُصعب هالذكي مامعاهه سياره مادري كيف بيروح'وراح بسرعه له لما فتح الباب طلع مُصعب بوجهه واهو مكشر ضحك فواز ونطق'غبي صدق نسيت انك جاي معاي!. مُصعب تافف؛لا تضحك وهو انا باقي فيني عقل,امش اخلص علي ودني لبيتي حتى اخذ سيارتي عندي موعد مُهم لازم ما تأخر عنه. فواز هز راسه وطلع من جيبه المفتاح ونطق؛يلا مشينا. , \\سويسرا||جنيف//. , عبدالعزيز فتح عيونه بهدوء وسحب جواله ورفع عيونه لـ نُهى الى صاحيه وجالسه على جوالها نطق بحت صوته؛ليش ماصحيتيني!! نُهى رفعت عيونها له ونطقت؛ليش وش قالو لك مُنبه لحضرتك,مرهه ثانيه قبل لا تنام وقَت جوالك و اذا ماتعرف عادي انا اعلمك. عبدالعزيز تافف وجلس ورفع عيونه لها؛ليتني خليتك نايمه لما كنتي في التاكسي كان افتكيت منك ومن لسانك هالي اطول منك. |
. سبحانك الله اني كُنت من الظالمين. , , \\سويسرا||جنيف//. , نُهى رفعت حاجبها ونطقت؛يشيخ انت الى دور هالسوالف لو انك صحيتي كان صحيت,بس انت الى مسوي نفسك الحنون الى ماتبي تصحيني. عبدالعزيز ضحك وهز راسه؛ياقلبي انتي مصدقه نفسك!!والله لو كبيت على وجهك طن مويه ماصحيتي,وحق التاكسي اشغل امي يبي يروح مالقيت غير ذا الطريقه ولا ماني ميت عليك. نُهى هزت راسها بتسليك؛ايه صح. عبدالعزيز هز راسه بيأس؛من عقلي انا اصلاً اتناقش معاك,غبيه صدق'وقف ودخل للحمام"عزكم الله" '. نُهى رفعت صوتها عشان يسمع ونطقت بقهر؛لا تقول عني غبيه يالذكي انت,يسب بعد من زين وجهه. عبالعزيز سمعها وضحك بقوهه ولا رد عليها. نُهى تنرفزت وقفت قدام الباب وضربت عليه بيدها؛لا تضحك مافي شي يضحك. عبدالعزيز ضحك اقوى من اول عشان ينرفزها ونفس الشي مانطق بشي. نُهى بقهر ضربت الباب برجلها وراحت جلست على السرير ومسكت جوالها.. بعد فتره انفتح الباب ولما سمعت صوت فزت وراحت له الى وقفت بصدمه وبتوتر نزلت راسها.. عبدالعزيز واهو يضحك على شكلها و رفع يدهه لـ شعره الى يقطر مويه على وجهه ورفعه لفوق وطالع بوجهها المصدوم وطالع بنفس كان توهه متروش ولاف المنشفه على خصرهه,رفع راسه لها ونطق؛شفيك اشوف بلعتي لسانك!!. نُهى بقهر رفعت عيونها لوجهه ونطقت؛شتحس فيه طالع كذا!!كان خذ ملابسك معاك والبس هناك. عبدالعزيز قرب لها ببتسامه واهو رافع حاجبه وكل ماقرب بعدت نُهى كم خطوهه عنه. نُهى بصدمه طالع فيه وكل ماقرب منها رجعت على ورا,الى شهقت لما ضرب ظهرها بحافة الطاوله لفت على ورا لما شافت الطاوله لفت لقدامه بسرعه وشهقت لما شافت وجهه عبدالعزيز قدامها بضبط,سكرت عيونها بخوف وشدت قبضت يدها واهي تحس بأنفاسه على وجهه,فتحت عيونها بخفيف وطالعت في وجهه وابتسامته الواسعه ومايفصل بينهم شي,لما حست فيه يميل راسه سكرت عيونها بسرعه بخوف بدقات قلبها الى زادت. عبدالعزيز الى كاتم ضحكت واهو يتامل بوجهه ببتسامه واسعه واهو يشوف الخوف الى على ملامحها وقبضت يدها حس نفسه زودها وقرب ومد يدهه وراها وسحب المنشفه الى كانت على الطاوله وانسحب من عندها بهدوء. نُهى لثواني ضلت على هالحال,الى حست في الهواء حق التكيف يلفح وجهه فتحت عيونها بسرعه الى شافت عبدالعزيز واقف قدام التسريحه ويمسح وجهه بالمنشفه لفت بصدمه له يعني كل ذا عشان بس ياخذ المنشفه الى وراي على الطاوله. عبدالعزيز لما شاف وجهه عجز يتملك نفسه اكثر وانفجر ضحك. نُهى بفشله وقهر منه ركضت بسرعه وراحت للحمام"عزكم الله"وسكرت الباب وستندت عليه وحطت يدها على ايسر صدرها وسكرت عيونها وهمست بقهر؛حسبي الله عليك يـ عبدالعزيز.. |
. لا اله الا الله. , , \\بالسياره||عند فواز و مُصعب//. , فواز؛وش هالموعد المهم الى بتروح له!!. مُصعب؛تعرف عز مسافر مع زوجته واهو الى ماسك قضيتي,بس بعد ماراح كلف محاميه بداله رايح اقابلها. فواز رفع حاجبه ونطق؛محاميه!!ومن تكون؟. مُصعب لف له وببتسامه على جنب نطق؛يمه منك يـالي عارف كُل محامين الرياض!!يعني اذا قلت لك اسمها بتعرفها مثلا. فواز خزهه بنظراته؛نسأل ترا بس كليتني بقشوري عوذهه. مُصعب ابتسم بهدوء وصد عنه.. فواز؛طيب هي بعد بترجع املاكك من زوجه ابوك!!. مُصعب رفع اكتافه بعدم اهتمام؛ماتهمني الأملاك كثر مايهمني اطلع من هالتهمه ببراءه,والفلوس الى بحسابي تعيشني سنه ويمكن اكثر دام ان بس بروحي ولا عندي احد اصرف عليه. فواز خذا له نفس وسكت يعرف مُصعب ولو وش تكلم معاهه ماراح يسوي الا الى براسه فضل السكوت. , \\قصر ابو الريم||جناح مّلاذ//. , بخوف تحوس بغرفتها دور على الملف,قلبت الجناح فوق تحت ولا حصلته.. متأكده هي مادخلت اي احد للغرفه حتى الخدم مانعتهم من دخول غرفتها,كيف اختفى فجاءهه.. جلست على الكرسي ورفعت شعرها وتاففت؛وين راح ياربي كيف ببدا القضيه والملف مو فيه كيف.. تذكرت ان الساعه9بتقابل مُصعب وقفت بضيق واهي دور بالغرفه ويدها على خصرها ويدها الثانيه رافعه فيه شعرها بتفكير وين ممُكن تكون حطته فيه,يأست انها تحصله وراحت بسرعه لجوالها وكلمت عبدالعزيز.. , \\سوسرا||جنيف//. , تقدم للباب بعد مالبس وضرب الباب بضحك ونطق؛ماودك تطلعني من الحمام. نُهى بقهر واهي عاضه على طرف اصبعها نطقت؛لبست!!. عبدالعزيز ضحك بقوهه وهز راسه؛اي شرايك يعني بنتظر حضرتك تجين تلبسيني. نُهى صرخت من ورا الباب بقهر ونرفزهه منه؛قليل أدب. عبدالعزيز ضحك ونطق؛يابنت خلصي علي اطلع يلا بيجونك الجن من كثر ماجلستي في الحمام. نُهى بخرشه فتحت الباب بسرعه واضح على وجهها علامات الخوف واهي تمتم؛بسم الله علي. عبدالعزيز ضحك؛يالخوافه,اسمعي بس جهزي حتى نطلع. نُهى تخصرت ورفعت حاجبها؛احلف عاد تبي اطلع معاك!!معصي ماطلعت. عبدالعزيز تافف وكان بيرد عليها الى بصوت جواله راح له ولما شاف اسم مّلاذ رد بسرعه خوف ان مُصعب سحب عليها او ان في اي تطور بالقضيه ورد بسرعه؛هلا مّلاذ'وطلع من الغرفه حتى يكلمها متجاهل نُهى ونظراتها'. نُهى بقهر ضربت رجلها بالارض وهمست؛صدق قليل ادب زوجتك انا يامال الوجع ويكلمها قدامي والوضع عادي عنده,اوك ماحبه بس وش يحس فيه واهو يكلمها قدامي,مريض صدق. "اما عند عبدالعزيز بالبلكونه". نطق بسرعه؛كيف يعني مو موجود تمزحين!!. مّلاذ بخوف من ردته فعله؛لا تقول ماعندك نُسخه احتياطيه!!. |
. لا اله الا الله. , \\سوسرا||جنيف//. , عبدالعزيز حط يدهه على راسه بتفكير سكر عيونه لثواني بس بعدها نطق بسرعه؛فيه فيه,روحي لمكتبي بتلقين السكرتير قولي له يفتح لك المكتب بتلاقينه بالرفوف الى على جنب دوري عليه وبتلاقينه. مّلاذ براحه نطقت؛اوك خلاص بس ممكن ترسل لي رقم مُصعب ابي اتواصل معاهه. عبدالعزيز هز راسه؛اوك طيب'ولما سكر منها ارسل لها الرقم وسكر جواله وحطه بجيبه'. لف جهة البلكونه وخذا له نفس وسكر عيونه,الى فز لما سمع صوت شيء انكسر تبعته صرختها ركض بسرعه وصرخ؛نُهى شصاير!!نُهى. ركض لمكان ماجا صوت منه فالمطبخ الى وقف بصدمه وركض لها ومسك يدها الى مايله للاحمر ونطق؛شفيك وش صاير!!. نُهى بدموعها الى غرقت عيونها واهي تهف على يدها بفمها ونطقت بين شهقاتها بالم؛يدي كبيت عليها المويه الحاره بالغلط لما جيت اكبها بالكاس. عبدالعزيز بتوتر صرخ عليها؛حُوله انتي حُوله!!وش جاب الكاس ليدك'سكت لما زاد بكيها بتوتر مسكها وحط يدهه على خصرها وبيدهه الثانيه ماسك يدها وكانه ضامها من جنب,طلعها لصاله وجلسها على الكنب ونطق'انتظري بروح اجيب لك شيء يبرد عليها'ودخل بسرعه للمطبخ كان صغير مرهه ويطلع على الصاله بفتحه كبيرهه و باخرهه الثلاجه صغيره انحنى وفتحها وطلع منها كيس ثلج وراح لها مسك يدها وحطها بحضنه وحد الكيس فوقتها الى بصرختها نطق بسرعه'تحملي شوي. نُهى نزلت راسها بالم وبصوت بكيها وشهقاتها طالع في يدها الى بحضنه.. عبدالعزيز بعد الكيس وتافف واهو يشوف يدها كيف تغير لونها؛ماراح ينفع الثلج 'وقف ولف عليها'تحملي شوي بس بروح الصيدليه اجيب لك مُسكن واجي. نُهى هزت راسها ومسحت دموعها لما طلع نزلت راسها لـ يدها واهي تحط عليها الكيس حقت الثلج على امل تخفف شوي من حرارة يدها.. , \\الرياض||بالفيلا حقت ابو عبدالعزيز//. , دخل ورا ابوهه بهدوء الى على صوت نجلاء رفع راسه تنهد لما ضمته واهو نزل راسه بضيق لثواني بس وبعد عنها ولف بيصعد على صوت ابوهه. ابو عبدالعزير الى ملاحظ تغيرهه من جا له واهو ساكت على انه هاوشه وسحب السيارهه منه بس مع هذا ماعرض ولا نطق بشي غير"سو الى تبي"انت شفيك,صاير شي؟. , \\بقصر آبو الريم||عند مّلاذ//. , طلعت من جناحها وشافت جناح الريم مفتوح تافف وتذكرت الى صار وصدت بقهر,قربت بهدوء بتمر الى بدون شعور لفت وقفت بصدمه من الى تشوفهه بعدم تصديق طالع في الريم الى بيدها جوالها وتتكلم فيه وبيدها الثانيه مـا..!! |
. لا اله الا الله. , , \\الرياض||بالفيلا حقت ابو عبدالعزيز//. , صقر نطق؛تعبان بروح انام'وراح لفوق'. دخل غرفته ورمى نفس على السرير وذيك اللحظه تمر عليه طول عمرهه واهي معاها وجهها بوجهه يضحك ويستهبل معاها,شـ معنى هالمرهه بس الى حس بذا الشعور,استغفر ربه وكرهه نفسه ان سمح لنفسه يفكر بهالطريقه او يحس بهالشعور تجاه اخته,ترددت هالكلمه باله الف مرهه,وبتعب سكر عيونه بمليون فكره باله الى غفى بدون لا يحس بنفسه. , \\بقصر آبو الريم||عند مّلاذ//. , بعدم تصديق طالع في الريم الى بيدها جوالها وتتكلم فيه وبيدها الثانيه ماسكه ملف قضيه مُصعب.. بدون شعور دفت الباب بقوهه ونطقت بصدمه؛الملف وش يسوي معاك. الريم بتوتر نطقت لما شافتها؛بعدين اكلمك'سكرت ولفت لها وقفت وبيدها الملف رفعته لها'قصدك هالملف؟. مّلاذ بقهر قربت وسحبت الملف من يدها ونطقت؛في ملف ثاني في هالغرفه من سمح لك تاخذينه,وانا قلبت جناحي ادور عليه. الريم بملامحها الى ارسم عليه البرود نطقت؛لا تصارخين ولا ترفعين صوتك علي هذا اولاً,ثانياً همني ملفك عاد دخلت الغرفه وحصلته على الطاوله. مّلاذ رفعت حاجبها وقربت وجهها من الريم ببتسامه استهزاء نطقت واهي تاشر على جبهتها؛تشوفين نقطه حمرا على جبهتي!!وش يعني حصلتيه هنا سبحان الله طار من جناحي لـ جناحك مثلاً. 'رفعت اصبعها بوجهه الريم ونطقت بقهر'عارفه كرهك لشغلي بس سالفه انك تدخلين غرفتي وتاخذين ملفات اشخاص وثقوا فيني وسلموني قضاياهم ذا الى ماسمح لك فيه يالريم,مثل ما انتي حاطه لنا حدود في هالقصر ومحترمينها,انتي بعد احترمي حُدودنا'وطلعت قبل لا تعطها فرصه ترد عليها بقهر من الريم وحركاتها وكيف اهي متحكمه بكُل شي في القصر,راحت لغرفتها خذت عبايتها وطلعت بسرعه حتى لا تتاخر على مُصعب'. , \\بالرياض||في احد المولات//. , ماسك يدها ويمشي معاها بالمول وسط ضحكهم وسوالفهم لف لها؛لين الحين منصدم كيف ماسكه نفسك ولا دخلتي اي محل!!. عريب لفت له وضحكت؛انت الى تجيب هالاشياء لنفسك,ترا اذا تبي نقلب السالفه تسوق ماعندي مشكله. سلطان ضحك وهز راسه؛لا ياقلبي انتي انا جاي هنا حتى نفطر ونطلع مالي خلق الفرارهه. عريب هزت راسها وتعلقت بذراعه؛والله حتى انا مالي خلق. سلطان ضحك وقرب يدها من فمها؛واضح امي داعيه لي يوم تزوجتك,غير عن كل البنات بكل شي وربك. عريب ضحكت ولف طالع في الناس الى شهقت وقفت وسحبت يد سلطان حتى يوقف معاها.. |
. سبحان الله العظيم. , , \\سويسرا||جنيف//. , ركض بسرعه للاصنصير بخوف ان تأخر عليها,لثواني واهو بداخل الاصنصير بس انفتح الباب ركض للجناح حقهم وفتحه ودخل,حصلها مكان ما تركها راح لها؛نُهى. نُهى مسحت دموعها وجلست بعد ما كانت متمدده على الكنب؛عبدالعزيز وربي بموت من الالم مو راضي يهدى يحرقني. عبدالعزيز نزل الكيس على الطاوله بستعجال ونزل جاكيته وراح جلس بجنببها؛تحملي شوي'ولف للكيس طلع منها المرهم وقرب لها ومسك يدها وحطها بحضنه واهو يفتح المرهم وبدا يوزعه على يدها بخفيف حتى لا يعورها رفع عيونه لها وشاف كيف عاضه على شفايفها دليل على المها تنهد وسكر المرهم ونزله على الطاوله ولف لها'ثواني بس ويبدا يخف الالم ويبرد الحرق وبترتاحين. نُهى سحبت يدها من حضنه وقفت بتروح.. فز بسرعه وراح قدامها ونطق؛وين بتروحين!!. نُهى طالعت فيه لثواني بعدها نطقت؛حسستني انا عايشين بالبيت الابيض ترا كلها غرفه وصاله وين برووح يعني!!. عبدالعزيز خذا له نفس بضيق وصد وخذا جاكيته ولف لها؛انا طالع يمكن اتاخر عندك رقمي اذا تبين شي كلميني. نُهى بخوف انها بتجلس بروحها صدت ماتبي تبين خوفها لها ودخلت للغرفه بهدوء.. عبدالعزيز تنهد بضيق من تصرفاتها كل ماحس بقربها له صدته تافف ولف وطلع من الجناح وطلع من الفندق يمشي بهدوء بشوارع جنيف بس مابعد من الفندق خوف من ان يصير لها شي ويكون بعيد عنها ولا يقدر يوصل لها بسرعه.. , \\الرياض||عند مُصعب//. , ركب سيارته وحرك للمكان الى ارسله له عبدالعزيز وسرحان يفكر,الى قطع عليه صوت جواله رفعه وكان رقم غريب و مو مسجل عندهه خذا له نفس ورد؛هلا. مّلاذ نطقت؛السلام عليكم. مُصعب عقد حواجبه ولا عرفها ونطق؛وعليكم السلام,مين معاي؟. ملاذ بهدوء؛المحاميه مّلاذ معاك. مُصعب خذا نفس ورد؛اها اهلين,وانا كنت بجي لك على كلام عبدالعزيز. مّلاذ هزت راسها؛ايوا انا طلبت منه ذا شي,وانا حالياً مو بالمكتب يمكن اتاخر عليك شوي بسبب الزحمه عشان كذا انتظر بالمكتب. مُصعب لثواني سكت بعدها تنهد ونطق؛اوك مو مشكله'بعدها سكر وتافف'وشذا المحاميه الى مو على مواعيدها حتى يابلشتك فيها يـ مُصعب. , \\بالمول||عند سلطان و عريب//. , عريب ضحكت ولف طالع في الناس الى شهقت وقفت وسحبت يد سلطان حتى يوقف معاها.. سلطان طالع فيها وعقد حواجبه؛بسم الله شفيك؟. عريب بصدمه اشرت عليها؛شوف شوف ذي مو غُفران!!. سلطان بسرعه لف مكان ماطالع وشافها معاها بنتين وراهم ثنين من البوديقارز ونطق؛اي والله اهي. عريب لفت له وطالعت فيه ولفت وجهه لها بقهر؛خلاص قلنا شوفها مو تمقل فيها. |
. سبحان الله العظيم. , , \\بالمول||عند سلطان و عريب//. , سلطان ضحك ومسك يدها الى على وجهه وضمها بيديه؛شدخلني انتي الى قلتي شوفها. عريب لفت طالع في غُفران بعدها طالعت سلطان؛والله ماتوقعت اشوفها. سلطان تافف ونطق؛والله منجد. عريب نطقت بسرعه؛لازم اقول لـ اختك بُتول اني شفتها. سلطان قرب لها ولف وجهها له ونطق؛تمزحين!!احنا ماصدقنا انها بدت تنساها تبين تذكرينها فيها. عريب طالعت فيه لثواني بعدها نطقت ومسكت يدهه ببتسامه؛امش بس خلنا نفطر ترا مت جوع. سلطان خذا له نفس ومشى معاها.. , \\تُركيا||تغريد و الوليد//. , خذت الكيس ببتسامه هاديه ونطقت؛شكراً. الوليد بنفس ابتسامتها نطق؛عفواً,بس ترا ماجبت لك خط جديد على رغبتك. تغريد طالعت فيه ولفت خذت شنطتها ومدت لها الشريحه؛ركبها في الجوال. الوليد خذاها منه وسحب كرتون الجوال و فكه وطلع الجوال وشغله بعدها وركب الشريحه ورفع راسه لها؛بس هذا خط سُعودي!!. تغريد؛ادري كُل الى اعرفهم بالسعوديه عند ارقامهم بذا الشريحه مابي اغيرها,يمكن احتاج لهم بيوم من الايام. الوليد هز راسه ومد الجوال لها؛طيب خذي,بس وش قلتي بخصوص السكن فكرتي بالى قلته لك؟. تغريد رفعت راسها له وطالعت فيه بتردد. الوليد ببتسامه نطق حتى يريحها؛صدقيني المُلحق الى اقول لك بعيد عن الفيلا حقتي بوسط الحديقه وربك محد بيقرب عليك واذا علي وقتي كله بالمستشفى ولا ارجع الى باخر الليل واطلع الصباح بدري. تغريد خذت لها نفس ونطقت لانها عارفه مالها الى اهو وبتكون بعيد عنهم ولا يقدرون يوصلون لها؛اوك. الوليد ابتسم؛اجل كذا اقدر اسوي لك خُروج وانا مرتاح ثواني بس واجي لك'وطلع يسوي لها خروج'. تغريد لما طلع نزلت انظارها على الجوال بس اشتغل معاها فتحت على رقمه لثواني ضلت طالع فيه بتردد وخوف تذكرت التهديدات الى وصلت لها وبسرعه رمت الجوال على جنب وغطت وجهها بيدها بدموعها الى ملت عيونها. , \\بتُركيا//. , عادل تافف واهو يكلمها بالجوال؛شلون ماقدرتي تكملينه. نطقت بقهر؛ماقدر وانت كنت شاهد على ذا شي,لا تجلس تتافف على راسي. عادل خذا له نفس ونطق؛فرصه عظيم وراحة من يدنا تدرين قربنا نعرف وين وصلو بالقضيه ونخرب عليهم. ضربت الطاوله بقهر وهمست؛حل هالقضيه على يدها صدقني,اعرفها زين مو هينه والي في بالها بتسويه لو كلفها الكثير. عادل وقف ونطق؛طيب وش بنسوي!!. بتفكير لثواني نطقت؛لازم نبعدها عنه ومافي غير حل واحد بس خلني افكر فيه زين بعدها اقول لك لان مابي ولا غلط يصير. عادل هز راسه؛اوك ننتظرك,بس يالريم استعجلي مابي يكونون اسرع منا وقتها بس احنا بننتهي. |
. سبحان الله العظيم. , , \\بالمكتب||عند مُصعب//. , صاره له حول 10دقايق من وصل وجلس بالمكتب ينتظرها.. لبعد فترهه دخلت مّلاذ ونطقت؛السلام عليكم,واعتذر على التأخير. مُصعب رفع راسه لها ونطق؛وعليكم السلام,مو مشكله. مّلاذ توجهت لمكتبها وجلست على الكرسي ولفت لـ مُصعب؛شتشرب!!. مُصعب هز راسه؛شكراً مابي شي. مّلاذ هزت راسها ببتسامه خفيفه؛تبي نبدأ اجل؟. مُصعب هز راسه؛اوك نبدا. مّلاذ لبست نظارتها الطبيه وبيدها الملف تقرا فيه بهدوء لثواني رفعت راسها ونطقت؛خلني اقول لك كُل شي بصراحه القضيه ابداً مو داخله راسي وكان في جُزء منها مفقود,عشان كذا ابيك تسرد لي الى صار بذيك الليله بكُل تفاصيلها.. مُصعب رفع راسه لها لثواني بس وبدا يسرد لها كُل شي صار بذاك اليوم. , «نرجع بالاحداث لورا,وقت وصول مُصعب و ايلاف لرياض بعد غيبه دامت لسنوات». , بالفيلا عند عائله ابو عبدالله,كُل اخوانه متحمسين للقائهم بعد فترهه طويله من الغيبه.. ينتظرونهم بشوق ولهفه,وابو عبدالله جالسه بينهم ينتظر معاهم مثل اي أب مشتاق لولده الى غاب عنه لسنوات.. بعد طول انتظار,دخل عبدالله ببتسامه واسعه وراهه مُصعب و ايلاف,بعد السلام جلسو مع بعض وسط ضحكهم وسوالفهم,لقترهه شبه طويله.. تقدمت ام عبدالله وتكلمت بهدوء؛العشاء جهز يلا على غرفه الطعام. الكل تبعها وفعلاً جلسو على الطاوله و بدو ياكلون,و اهم ياخذون اخبار مُصعب و ايلاف بالسنوات الى راحت.. بعد ماخلصو لف ابو عبدالله ببتسامه واسعه ونطق؛يلا يبه روح نام انت و زوجتك وريحوا من تعب الطيارهه. ام عبدالله نطقت بسرعه؛بس مافي مكان ينامون فيه حتى جناح مُصعب مسكر من فترهه طويله واكيد ماليه التراب. ابو عبدالله لف لها بنظرات سكتتها وخلتها تبلع لسانها. مُصعب نطق بسرعه حتى لا تشب بينهم؛ماتقصر يبه بس احنا بروح لبيتنا. ابو عبدالله لف ونطق؛والله ماتروح لمكان,خذ زوجتك وروحو لجناحي ناموا فيه وانا و عمتك بنلاقي مكان ننام فيه البيت واسع الحمدلله. ام عبدالله بصدمه لفت طالع فيه واهي طالع في مُصعب بقهر وحقد لما خذا ايلاف وراحو. ابو عبدالله وقف ولف لها؛انا بنام بجناح مُصعب وانتي نامي عند بنتك الليله. , «حالياً بمكتب مّلاذ». مُصعب رفع راسه لها ونطق بهدوء؛رحت لجناح ابوي ونمت فيه ومعاي زوجتي لثواني بس ونمت بعمق بدون لا احس بنفسي,الى صحيت على صوت صراخ اخواني و زوجه ابوي فزيت خايف بدون شعور طلعت الى لما شافوني صرخو برعب طالعت نفسي الى بتيشيرتي الى كلها ملطخه بـ دم و بيدي سلاح!!جن جنوني لحظتها وانا اشوف نظرات الاتهام بعيونهم و الخوف,رميت السلاح من يدي بصدمه وانا..' تكلم لها واهو يتذكر ذيك الليله ويحكي لها وش صار'. |
. سبحان الله وبحمده. , , \\بتُركيا||بمكان مجهول//. , عادل هز راسه؛اوك ننتظرك,بس يـ الريم استعجلي مابي يكونون اسرع منا وقتها بس احنا بننتهي. الريم رفعت راسها وخذت لها نفس لثواني ونطقت؛اصبر علي الفكرهه الى في بالي بتبعد مّلاذ عنه وللابد,قولي وش كنت بتقول عن ايلاف لما كلمتك اخر مرهه!!. عادل جلس على كرسيه ونطق؛تعرفت لها على دكتور وجالس يساعدها ولين الحين بالمستشفى ولا في اي جديد عنها. الريم تنهدت؛عيونك خلها عليها لا تبعدها عنها اذا فلتت منا ووصلت لـ مُصعب بتقول له كُل شي وقتها صدق انتهينا,ولا تنسى هالدكتور اجمع عنه كُل المعلومات اللزمه لا ننشغل فيه هو بعد مو ناقصينه. عادل هز راسه ونطق بهدوء؛اوك,شي ثاني!!. الريم سكتت لثواني بعدها نطقت؛لا خلاص'وسكرت'. عادل تافف ورمى الجوال على الطاوله ونطق بهمس؛نشوف اخرتها معاك يـ الريم. , \\بمكتب مّلاذ//. , «نرجع للورا بمذكرة مُصعب لذاك اليوم». , مُصعب رمى السلاح بصدمه بوسع عيونه يطالع فيهم صرخ؛وش فيه وش صاير. ام عبدالله بدموعها الى ملت عيونها راحت له ومسكته من رقبته وصرخت فيه؛انت انت ذبحته اكيد ذبحته,يالكلب ابوك الله ياخذك وش سوا لك حتى تذبحه كان يفضلك على كل اخوانك كذا تجازيه كذا!!تذبحه يالحيوان وين عقلك هاهه وجاي لنا مسوي ماتعرف شي..'سكتت وابتعدت بخوف من حاله لما صرخ بوجهه ودفها'. مُصعب الى دفها وصرخ بجنون بدموعه الى ملت عيونه وبرجفت يدهه وعروقه الى برزت بعصبيه؛مو انا والله مو انا الى ذبحته احلف لكم من انا'لف لخوانه وهمس بضعف'لا طالعون فيني بذا النظارت اقسم لكم بالله ان ماذبحته والله'لف بسرعه للغرفه واشر للباب'ايلاف داخي روحوا اسالوها وتاكدوا منها كنت بجنبها نايم احلف لكم بالله'دخل الغرفه بيشوفها الى شافها طايحه عند السرير ركض لها وجلس بجنبها وضمها له وصرخ واهو يضرب خدها'ايلاف شفيك ايلاف اصحي شصاير لك من مسوي فيك كذا ايلاف. لدقايق بعد محاولات منه فتحت عيونها شافته تغارق عيونها بدموعها حاولت تتكلم نتطق بشي بس ماقدرت ماحست الى دنيا دور فيها وزي الضباب على عيونها لثواني ولا حست باي شي. |
. سبحان الله وبحمده. , , مُصعب ضرب خدها مفجوع من الى يصير ونطق ودموعه على خدهه؛قومي ايلاف تكفين قومي شوفيهم يتهموني بقتل ابوي قومي اشهدي معاي على برائتي ايلاف.. ماحس الى بيدين ترفعه لفوق رفع راسه وبصدمه بانت على ملامحه واهو يسمع انذارات الشرطه الى داهمو البيت بعد ماخبرهم احد الجيران ان سمع طلق نار في بيتهم,مسكوهه وخذوه معاهم واهو يصارخ ويقاومهم الى طلع وشاف بوجهه اخوانه.. نطق بسرعه بهمس؛والله ماذبحته والله لا تتركوني دورو على القاتل الحقيقه له'الى بلحظتها سحبوهه الشرطه معاهه لبرا البيت وخذوهه معاهم وسط انهيار كُل الى بالبيت من صدمتهم بالى صار.. , «حالياً بمكتب مّلاذ». , رفع راسه وخذا له نفس بضيق ونطق واهو منزل راسه؛وهذا كل الى صار. مّلاذ بهدوء طالع فيه كيف منزل راسه وكانه يمنعها تشوف دموعه خذت لها نفس وقف وراحت وجلست على الكرسي المقابل له ومدت له منديل ببتسامه هاديه.. مُصعب حس فيها لما جلست قباله ومدت يدها له خذا له نفس وسحب المنديل من يدها بهدوء ومسح بهه وجهه ولا طالع فيها ابد. مّلاذ تنهدت ونطقت؛لو نفرض ان احد دخل عليك الغرفه ولبسك هالتهمه!!معقوله ماحسيت فيه؟. مُصعب رفع راسه لها وتنحنح واهو ياحاول يعدل صوته بعدها نطق؛كنت تعبان ومنهك من الطيارهه,وقلت لك ماخذه حبه منوم و كيف عاد اذا نومي اساساً ثقيل عشان كذا ماحسيت فيهم لو احد دخل مثل ما تقولين. مّلاذ رففعت راسها طالع فيه بهدوء بعدها نطقت؛مالنا الى زوجتك,سبب اغماءها بهالوقت يا ام صدمه من الى صار!!او هم الى خلوها تفقد وعيها لانها شافت كُل شي,لازم اقابلها. مُصعب نزل راسه بضيق وهمس؛الله يرحمها. رفعت راسها بلحظتها بصدمه ونطقت بهمس؛اسفه ما كنت اقصد الله يرحمها'الى سكتت لثواني بعدها تكلمت بسرعه'عادي اعرف كيف ماتت!!وانت قابلتها بعد الحادثه الى صارت او لا!!. مُصعب طالع فيها لثواني ساكت وقلبه يعورهه من طاريها,نزل راسه و تنهد ونطق؛من بعد الى صار ثلاث سنوات ماشفتها ولا حتى كلمتها وكنت اخذ اخبارها من اخوها,بعد هالثلاث سنوات لقاء واحد جمعنا مادام حتى نص ساعه الى وخذوها وبس طلعت مع اخوها صار لها حادث وتوفت فيه وهالحادث كان سيارهه ثانيه خرجت عن مسارها وضربت بالسيارهه الى فيها ايلاف زوجتي,لما كان اخوها موقف عند السوبرماركت وموقف على جنب الطريق لان مافي مواقف.. مّلاذ نطقت بهمس؛اكيد شافتهم وبذا الطريقه بعدوها عنك!!ولا ليش زوجه تهجر زوجها كل ذا الثلاث سنوات واهي قادرهه تزورهه وتشوفه و موتها يمكن يكون مخطط لـ..!. |
| الساعة الآن 01:18 AM |
Powered by vBulletin®
Copyright ©2000 - 2024, vBulletin Solutions, Inc.
