آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-09-18, 06:48 AM
| #21 | ||||||||
| مراقبة عامة ومشرفة منتدى الروايات المنقولة  
|  حب وحرب. للكاتبه الموسويه البارت 16 بعد ماتغدينا رجعت اتمددت للعصر... كعدت.غسلة وجهي مشطت شعري. لبست ملابس ركبت السياره. رحت للمحل دا أريد... أجرده صار هواي تاركه لكيت حجي زهير ......نطاني الدخل طلع كد الأمانه نطيته الشهريه وفوكها مكافئه كالي ليش لا.... ماأقبل - عمي المحل يمشي بركة أمانتك والله بقيت اشوي .. رجعت للبيت خليت الوارد بيد.... ابوي رحت ألأمل...... لكيتها بلمطبخ اطيتها القاسمه الله .....ماقبلت .....كتلها -خويه كل مره هل قوانه هذن الجهال اخوي والله عليج اي شي تحتاجي اخوج... اني وصيت حسين ومثل ماكتلج قبل واعيدها انتي وجهالج مسئوليتي... منا وهيج وليغثج... كليلي بقت امدنكه.....وكالت... -ماتقصر أبن عمي معروفه شيمتك -يله خويه اترخص طلعت بدينا تحضريات الخطبه وكملنا وصار يوم الخطبه ودخلي مازن لبسته القاط ولرباط رتبته .....كلي ليش لابس أسود ...قميصك. والبنطلون والحزام وساعه كلهن سود ولحيتك مامزينها...كتله على بختك ترى بلا قصد بس وكت ماكو تدري أجازتي سبع ايام المحل والبيت وجهال حسين أنشاء الله عل حنه طلعنا وكملنا الخطبه العقد وترخصت من والد البنيه.. كتله أأريدالعرس بعد ست أيام لان جاي التحق والدي مريض وكلشي.. يصير تعرف ليش نعطل زواجهم... ماعارض والد البنيه.. ضليت طول هل فتره بين المحل والبيت وطلعت امي وابوي وأمل وجهال للحديقه فرفرتهم غيرت نفسيتي ونفسيتهم بدينا تجهيزات العرس والاخشاب وسوينا حنه وجبنا شاعر ماسوينا بس حنه اصدقاءمازن سوو وحضرنا بس حنه بلا عرس... والصبح نطيته المازن جواز سفر اله وزوجته خليت زكريا يكمل الاجرات... كتله -هاي هديتي روح تونس وراح الأيران ودعناهم رجعت كعدت يم امي وابوي باجر التحق حسيت سويت شي زين لان طول ذيج الفتره بعد أستشهاد حسين تاركهم كعدت بحضن أمي ضلت تلعب ابشعري..... كتلها -يمه بله شوفي خاف دوده بشعري لأن انكض الدواعش ومنا لمن نوديهم للهمر احنا كامشيهم خاف طارت دعدوعه وحده علي ظحكت...... كتلها -اي امي ظحكي كافي حزن اتمسد ابشعري غفيت ابحضنها أشوي حسيت خاف اتعبها... كمت ..كالتلي شني يمه اضل هيج...... كتلها - شنو هيج شبيه..... كالت -يرادلك مره -امي شدا تحجين مو عندي سعاد ....كالت -افرض مالكيتها اتوقع لاسامح الله حتى النسوان شافنك البارحه..... كالن شنو ابنج يخبل ونوب لابس اسود جنه سيد نوراني -يمه لاتاخذيني بسوالفج المدهربه... يايمه اني سعاد ماابدلها وذا مالكيتها ابقى بلا زواج اقاتل وابقى جندي وماازوج وعتبريني مزوج الوطن ..جربت حضي عود اجربه مره ثانيه.... مااكدر صعبه سعاد ....حب حياتي يمه وماابدلها امي خليني كاعد احبيبه...يمج باجر التحق ...بست راسها -يمه عزيزتي انتي درت على والدي ها يابه كلامي بي غلط ....كال - لابويه بس هي أمك هاي سوالفها تفكر بيكم -يمه ادري بيج تهمين بيه رجعت الحضنها يله يمه رجعي مسدي شعري شلي بلمره وعندي ام انام بحضنها وتفلي شعري اجى علي ابن حسين.... كالي - يله بابا حسن وين السياره الشحن جاوبت.. ولك نسيت والله تعال مادامني مبدل طلعنا واخذته المحل السيارات ماكو العمره شتريتله دراجه شحن ....كلي -عمو واختي زينه .....كتله اختارلها لعبه ورجعنا للبيت وباسني..... كلي اشكرك بابا حسن فرحت لان حسيت جن حسين هو نفس عيونه سماره شعره كعدنا تغدينا سوه نرجس ونورس من اروح التحق يجن يودعني ومن ارجع يجن يسلمن تغدينا سوه وبليل طلعتهم بسياره .صارت مو.. اوباما..... كيه شي فوك شي فرفرتهم ونستهم ورجعنا لبيت رحت الغرفتي رشيت عطر سعاد علمغده اتمددت وقتت الموبايل نمت مرتاح.... كعدت علمنبه سبحت بدلت صليت... الفجر قريت قرءان حضرت جنطتي لكيت امي وابوي كاعدين وريحة اكليجه تارسه المطبخ.. تريكت وي امي وابوي..وخلتلي اكليجه بجيس ورحت للكراج ورجعت القرى للموصل المكان فرقتي .... لكيت عداد هواي متطوعين جدد .. كعدت لبست البدله العسكريه الخاصه للحشد .. وبدا تقدمنا ودفاعنا طريق بس حد الحشد قرى الموصل عدى اكو فرق من الحشد اطب وشتغل القتال صد ...ورد مدنين بلوسط يأخر تقدمنا هاي.هيه مابقى على بيت سعاد قتال بس ضوجه وحدي مدري تعودت على يونس وعلاء وهيج خلص وكتي وحدي من ارجع اكعد اسولف بس مو شغلت صداقه نكعد انسولف عل حرب ثالث يوم اسمع واحد وراي واني كاعد اقراء زيارة عاشوراء .....كلي اقلق ياولو. درت وجهي ءاه يونس اتحاضنا كتله وحشه الكم بعد علاء وتكمل....كتله. -اي.شنو.شسويت على اهلك....كال زينين.بس.جارنا.اخطي.عندو.بن� �. والدي يحكيلي انو بيوم من الايام الحسبة تفتر باحد المناطق سمعو صوت اغاني من بيتهم لأن الدواعش يصنطون من يفترون يم البيوت سمعو عتشغل اغاني بالموبايل ودقو الباب عليهم وقلولهم سمعنا اغاني فخاف الاب وقللهم اي بنتي عمرها خمس سنين وعتشغل اغاني واحنا مانقبل بس مافاد اهل الحسبة وبلغو الاب لازم تتعاقب الطفلة وايجيبون العضاضة تجلدها ....؟ ومن هوني الى هوني قررو تجي العضاضو واتعضها .وفعلا جت وعضتها قالو الطفلة صرخت وقامت تبكي ذبوها على اهلها وهي حالتها خطره جدا واخذوها أهلها للمستشفى ومن وصلو للمستشفى اتوفت نتيجة نوبة قلبية كتله صدك تحجي ......كالي -والله والدي أكثيغ مقهور -والله ذول سفله لاعدهم غيره ولاعرض بريء الأسلام منهم لو بيدي وحق هو علي وروح اخوي حسين العزيز شكو داعشي جان حركته وهو عدل بس هاي هيه كلمانقرب جاي نكتل بيهم وطول ماهاي التفكه على جتفي وشاجور بيها أخذ ثار اخوي وكل واحد مظلوم كوم خويه عدنا واجب .... الكلام جبير .....والوصف... صعب يعني الكلام عل حشد الي عقيدته من عقيدت اهل البيت..فلكلام يكفي بس..انتهئ البارت تتفاعلون علمود اكملهاا ++++ | ||||||||
|  |
|
17-09-18, 06:49 AM
| #22 | ||||||||
| مراقبة عامة ومشرفة منتدى الروايات المنقولة
| حب وحرب البارت 17 بقينا انقاتل بلقرى المحيطه بلموصل وحررناهن.... وبقى ألأوامر انو الحشد اتولى القرى من نرتاح اكعد وعيني على الحلقة واذكر سعاد... اوف ياربي تعبت من الصبر.. اشوي بكعدتنا اجوي ناس من بعيد بيدهم رايات بيض ركضنا عليهم استقبلنا العوائل نازحه وكان من ضمن من سألتهم منين نزحو كالو من مناطق الفاروق الي بيها سعاد .. فرحت واحنا نستقبلهم بيها جابونا ارزاق حلويات واكل اخذنا منهم و قدمنا للناس الاجونا....كعدت سئلت . ولد عمر اثنعش سنه.. - شخبار الوضع بمنطقة الفاروق .. جاوبني -أنو مناطق الفاروق والقديمة خمس اشهر وازيد محاصرين ماضل عدنا اكل ....غير الطحين وماي البير انسوي بيه شوربة.... واحنا محضوضين اهلي كنا مخزنين قواطي معجون ضلينا نخبز شون مكان و انغمس معجون وناكل ومن خلصنا المونه كمنانشتري نبات الخباز..... حتى ناكلوه و كل شخص هناك من الايمن نزل على الاقل خمسطعش كيلو من وزنه بسبب الجوع -هيج صار بيكم.... هو يسولف واني بديت ابجي عليهم مدري على سعاد وضعها واني اكل وهي الجوع ماخذها ختنكت حصرتني الدمعه جيت... اكوم كعدني يونس -حسن أهداء ربي يعوضك ياب بقيت أتحركن اي خويه أبنك الي ديكوله حقيقي كلبي صار نار اشون اسمع هيج وساكت اجاني احساس غضب حزن اريد ابجي بصوت عالي مااكدر جن حصره بكلبي سعاد حبيبتي شون حالها أبني وهو طفل ياربي انت المعين ياجابر الخواطر اجبر خاطري بحق أمير المؤمنين بحق الزهراء نهضت ورجعت بلكاع واني ساجد وادعي..بلحظتها مااعرف شحسيت الطفل جنه خاف مني يونس هدئاني كلي اهداء حسن دفعته....؟ شنو اهداء شهمك انت ..كلي - مقدر ضرفك حسن بس شسوي بعد حضنته كتله مااتقصد بس اتخيل شرح يصير حالها وهي يجوز مرضع رجعت الام الولد.... كتلها..... كملي خويه ابنج دمرني كلامه خاف يبالغ لو مسائلها احسن جاوبتني....كالت -اي خويه اختي بمنطقة الفاروق هناك نزلت تسعطش كيلو لوتغشع زوجها نزل خمس وعشرين كيلو شكلهم ايخوف. نهضت من يمهم اجى يلحكني يونس اشرتله يوكف كعدت علكاع نزعت الشماغ من ركبتي الستره العسكريه بقيت بلبدي الاسود حاره ..................... وكلبي يوجعني على سعادشحالها هسه حبيبتي نور عيوني شتاقيتلج حالي من بعدج مثل الجان نجمه عالي وطاح باوعت عل حلقه نزعتها سعاد ما جنت اتوقع في يوم ادموعي توكع على امراءه بس من اذكرج يوميه توكع اريدج يمي تخففين وجع الي مالك جسمي اريدج حتى لو بس نفس ياربي بحق اهل البيت عليهم السلام ردلي حبيبتي مريتي سعاد نزعت الحلقه هاي هيه ماتت شمرت الحلقه مسحت ادموعي لا لا ماميته كمت ادور بتراب عليها ماادري ليش سويت هيج لأن يأست ............................. ادور بتراب انجرحت ايدي يونس وراي كلي ايدك تنزف باوعتله لكيتها رجعت كعدت علحايط انتجيت بست الحلقه..نهضت -يونس مابيه شي هيج لحظه وراحت يخل روح اطاني بطل مي غسلة ايدي ولفيت الجرح بلاصق انجرحت من كزازه بتراب وبدينا نستمر بلقتال الحد اليل تجي مفخخات وتنفجر شباب طلعو عوائل نازحه هواي شاركنا باخراجهم من القناصين صار وكت الظهر صلينا اتغدينا .. غدينا النازحين .. ومر يوم كامل قتال مستمر القوات المسلحه تقاتل بوسط الموصل حررت جامع النوري وسمعنا تكبيرات من كل مكان من الجوامع من المؤذن مالتنا والقتال هم مستمر لان القرى بيها مكانات للدواعش ...بعد يومين اجتي عائله هم سئلتهم نزوحهم منين جاوب رجل كبير بلعمر كلي اذا بالفاروق بالايمن بعد هسه لان الي تحرير يطلعون اما عالمخيمات و اذا عدهم احد بالايسر يطلعون عليه جبنالهم اكل وضليت اسئلهم ماادري لان اريد اعرف سعاد شنو حالها ..كتله -سولفلي العضاضة كتله سامع عنها بس مافهمت هلكد....كلي -نساءمن الحسبة مسؤولة عن محاسبة النساء ويفترون بالاسواق والشوارع تلبس طخم حديدبسنانها واتعض لان اتفننو بالتعذيب النا ..كتله - ليش ماكو تصالات....كلي -انقطعت شركة اسيا يصل البث لمناطق محددة بالموصل لعالم بالبداية تتجمع يم منطقة الشلالات حتى ايخابرون ومناطق ا خرى بس بعد ماحسو الدواعش قامو ايصادرون الموبايل وايغرمون ومرات يسجنون الشخص يعني باي لحظة اكو تفتيش عالموبايل وحتى عدهم برامج ايرجعون المحادثات المحذوفة عرفت انو من هيج سعاد متخابرني..... كتله -ليش اغلب الناس متتصل.... كلي -لأن حوادث صارت ياربي سترك برد كلبي احجي عمي شصار بعد كال واحد داعشي شاف اخ واخت بالسطح ايخابرون أثناء ميتجول فبلغ عليهم وعدمو البنت.. والولد.... امام اهلهم وبيتهم كتله وين الأخ ولأاخت بس لا سعاد.......جاوبني بس منطقة بشريخات مو منطقتها كلي وبيت بمنطقتنا نفس الشي صار بس بنت عمرها خمس وعشرين سنة اعتقلوها بس ابوها اتوسلط بيهم اخر شي طلعها بخمسين شده اما بالايسر انعدمو وهسه من اجيتكم نازح بالايمن ناس نازحين حلفو وقسمو شافو نسوان معلقة من رجليهم ومعدومين بساحة باب الطوب.. ورجال مربوطين ببواري الكهرب معدومين نهضت بد القتال ولد ويانا من الحشد استشهد شالو الولد طاحت محفظته صار عندي فضول فتحتها بيها جنسيه وقرءان زغير وخمس الاف انقهرت.. كلت جا اشلون يرجع شباب تقاتل لاجل عقيده رجعنا للقتال واني كلبي نار ماتغديت شفت ولد يدخن طلبته جكاره مااحب الجكاير بس اريد اطفي نار كلبي رجعنا صبو عشا مااكلت كضيت دعاء التاج ا أقراء وادعي السلامة سعاد وابني وكل واحد خير من اهل الموصل صار الصبح ماكو نوم كلساع صد وقتال يصير اجى علاء وتحاضنا واجى كعد يسولفنا اخطي جايب وياه سيارة مي وثلج كل مره يسويها شافني ضايج عفتهم كعدت نمت على تراب جان حار كلش الشمس بعيني تمددت وايدي جو راسي اتصنع النوم يا نوم والوحد يسمع اخبار عن عائلته ماسر ضل يشعر علاء من يقاتل لو يشعر لويغني موال خليت وي الروح روح بروح احس بروحي وحدي ومحد وياي عايش بالقهر واحزان يوميه . لا من عزيز وياي ولا من حبيب الماكو تاليه ولا من الاهل العنهم.... بعيد واضل احسب احزاني.... واصفك ايديه اتوسلك يربي ....فدوة اريد ارتاح شنو بس الموت... الي وها هيه يونس جاوبه غوحي (روحي)وغوحك(وروحك)ياغوحي(يا� �وحي)غوحي (روحي) بتخوح(اتروح) وان غاحت(راحت)غوحك(روحك)ياغوحي (روحي)غوحي(روحي)بتغوح(اتروح) كله يونس عفيه ترى عربي ومدبريها(تعرفون صرت احجي مثلهم 😂) انوب تحجي فرنسي اريد اسعلك سعال بس جواب جايد اريد هم تعرف شتحجي عليك علي بنيى بي طالب هييج كلام علاء يونس كله اي افهم بس الماافهمه حجيك ضل يتناكرون على تراب نهضت كتلهم ...شكو دوختوني علاء كال اني اتكلم عنك لاتعب روحك رح اجاوب مكانك لو ضال بلا صحبان ولا عرفتنا هاي حجايتك من شفتك وشفتني(شنو رايكم بصدقاء حسن علاء ويونس) انتهئ البارت وراح وقربت ع النهايه 😌 اسفه اذا ضوجتكم وربي اني اكتب وابجي واعرف بيكم ترون فرح ورومانسيه بس مايصير الحب اذا ماكو معاناه تفاعلو فديتكم ++++ حب وحرب :-للكاتبه الموسويه | ||||||||
|
| |
|
17-09-18, 06:50 AM
| #23 | ||||||||
| مراقبة عامة ومشرفة منتدى الروايات المنقولة
| البارت 18 شلت اسلاحي على جتفي والوجع بكلبي احس الم شني الي دي صير مااستوعب....؟ يعني مصير سعاد شنو ياما ميته لومفخخ .... لو مقتوله... هيج سعاد الرقيقه حالها افكر بيها اكثر...من ماافكر بأبني وعمتي لان هاي مخلوقتي حبيبتي الي حبها كل يوم يكبر امشي بوجع علاء كمش جتفي كلي خلي عينك بعين الله لاتأيس . رفعت راسي لسماء يارب ياجبار ياجابر الخواطر يالطيف الطف بحالي.بيدي دعاء التاج ضميته بجيبي رحنا نستقبل نازحين والقناص يرمي كمنا انجيبهم بس انجازف برواحنا بقى علاء ويونس ياخذون النازحين واني رحت وي الشباب هجوم قوي قناص يرمي هاونت وكعت جرحى هواي اشرنا سيد سجاد هو سيد ومعمم ..من الحوزه بس رجال شجاع معنى الكلمه يطلع من الساتر يجيب العوائل احنا نشوفه بعمامته وهمته نتعجب عليه بس هو على طول وجهه مبتسم رغم ينجرح بس ميترك المعركه يكول اقاتل مثل جدي الحسين لحد اخر قطره هل كلام منه ينطينا دعم بوكتهت اشرنا سيد سجاد ان اروح اني وياه ولد اثنين نجيب النازحين اجوي علينا كما نعبرهم وانشيل الاطفال من النساء صار رمي اتصوب سيد سجاد وبيده طفل اخذ صديقنا كوه يمشي ا كلنا للنازحين ينبطحون خلصناهم امنا مكانهم طول الاربع ساعات قتال رجعت امترب واخذنا التعب لكيت الولد هم تعبانين لأن يصعدون بلنازحين للسيارت كعدنا الوجوه متربه ماخذها التعب بس رغم هل شي عدنا اقل من ساعه استراحه وهاي نعمه لان وين تصح بهيج وضع ساعه اجاني يونس وعلاء كالولي اخطي اكو مريه وبنتها وعدهن طفل شايف شكلهم مرعب ضعاف هسه صدكنا بجوعهم الطبابه خلتلهم مغذي و اكل يأخي شنو من بشر حتى الطفل مسالم من دواعش بس خوش كعد نصكهم...كتلهم (والله لان بشر القاتل بلقتل ولو بعد حين) يونس كال عديتني خليتني اسئل مريه كتلها ليش بس انت وبنتج ماعدكم رجال كالتلي جان عندي شياب اثنين بس من قبل لا يدخل الجيش أبني وزوجته اتفقو انهم يطلعون خارج الموصل ابني عرض محله واغراضه للبيع بدون محد ايشم خبر طبعا احنا نعرف كلفت طلعتهم ميه وخمسين دولار للنفر لسوريا ومنها لتركيا وعالحدود التركية جو الجندرمة الاتراك فكان اكو منحدر الاب انهزم هو وزوجتو وعافو المهرب باتجاه الوادي لان الجيش التركي قام ايلاحق الناس اللاجئين ...فوقعت زوجتو وابنو اللي عمرو سنتين والثاني بعمر اقل دحرجة اسفل الوادي ويحكيلنا بالتلفون انو هذيك ا لليلة عتمة بشكل ماطبيعي بحيث كف ايدو مايغشعو ..ايشوفو.. . وانتظر بعد ماابتعدو الجيش وقام يهمس بصوت خافت على زوجتو الله سترهم وجا بطريقهم صخرة كبيرة منعتهم من السقوط اسفل الوادي..كانو مماخذين جنط فقط قطعة لو قطعتين من الملابس حتى من ايصادفون الدواعش بسفرهم لايعتقلوهم بحجة الخروج من ارض الخلافة. بس الحمدلله خلصو ووصلو داخل تركيا ومحسو الدواعش لأن جان قتلونا علاء اي والله تقهر ابنها عافها وعمها مات عنده مرض..من القهر والخوف وعمتها ورى زوجها ماتت وهسه ادكول كوه من قناصه طلعو....كتله - الله يساعدهم وهسه وين - راحو للمخيمات وديناهم وعلاء يفرك بيده كال صعدناهم للسياره وداسو ايدي اعتقد اصبعي انفسخ . -يله كومو ماعدنا وقت الضابط يصيحنا - والغدا -دكوم بابا يا أشرونا نكوم وصار هجوم خل روح عساتر رحنا هيج فلول نوبات تجي من الدواعش تهجم لان ضعفو بعد مااخذ ابطالنا جامع النوري ضعفو الدواعش وبدينا انصدهم لحتى مايعبرون ولا يتقدمون بلحظتها احس انضربت ايدي خدرت بس ضربه قويه ندفعت على ترابه اريد انتجي على ايدي لحتى اكوم الوجع قوي لشتي ترجف....غواش بعيني كمت مثل ساجد بألم ضليت ارمي صارت ايدي حاره مدري شي حار ضل يوكع و ملا ايدي واني رافع ايدي اشوف الدم على بسطالي وكع عرفت نفسي اتصوبت..بعدها دخت يعني أموت ومااشوف زوجتي وابني طلعني علاءمن الساتر واخذوني للطبابه مافكرت باي شي بس خاف اموت ومااشوف سعاد ويم الدكتور بقيت اشوف ضبابيه من النزف عطش وحر ودم حار طلعت طلقه يم كتفي عالجوها كلي الضابط انزل البيتكم ماقبلت ....كلي اكمش السلاح اذا تكدر تشيلهة تبقى ويانا شلته السلاح بيدي ماكدرت الم فضيع كلي ارجع منا لمن اطيب مااقبلت قنعني سلمت عل ولد وصارت نزلتي وي ولد من بغداد اخطي ضلو وياي لاف ايدي وحاملها بحمال على ركبتي وصلوني للبيت كتلهم اتفضلو خل نوجبكم كالو نريد نرجع ودعتهم دكيت الباب ردت انزع الحمال الي حاط بي ايدي لحتى مشوفه امي بس فتحت الباب وضلت اصرخ وتلطم -امي شني سالفه مابيه شي..... - اليوم بيدك باجر براسك اترم ليش هيج سوي بحالك ضلت تبجي اتمددت على قنفه تعبان شافت بسطالي كله دم -شني ذبيحه شني كلشي ماكو ....بقت تبجي اني من النزف وتعب نمت عافتني و طلعت اجاني علي ابن اخوي - تعال حبيبي نام يم عمك سوه روحه يفرك براسي وصدك غفيت وماالكى روحي الا الثاني يوم نايمه كعدت الصبح (الكاتبه الموسويه) سبحت وامي تبجي بصاله -خل اسبح واحجيلج بس لفي نايلون عل جرح اجى مازن اطيته الفه مال نايلون لف مكان الجرح وسبحني كملت - اترك الحشد حسن اليوم صواب باجر موت -والله مو خطر مازن يمه لوخطر اضل افتر حتى مداخله الطلقه كلش واني الالم ماكلني كعدت تقراء على الجرح وتتوسل بأهل البيت - يمه جاي اريد ارتاح كافي تبجين فدوه العمرج -الا تاكل يله اسكت -يله صبيلي من ايدج الحلوه بس وين امل يمه -عد اهلها خذت زينه وراحت -مازن وانت وين زوجتك صاحلها تستحي تطلع -شونك خويه خو ممتعبج مازن - لا سوتلي غدا وكل ساعه علاء ويونس يتصلون بيه بقيت كم يوم اجوي قرايبنا زاروني واجوارينا والخطار رايح جاي رحت للمحل اغير جو رجعت بقيت اسبوع احس روحي زين كعدنا على غدا - يمه بعد رايح اليوم اكو وجع بس مااكدر ابقى بدلت ولبست اشماغ حسين وساعته ومنظرته السوده مافاركني هل اشياء من استشهد لحد هسه اجتني امي وتبجي ماقبلت -ماا افرط بيك يمه تريد تهضمني درت وجهي على والدي -بويه حاجيها اشرلها تعوفني -يمه مو تنخين ام البنين دومج موهي اربع نطت للدين -يمه ماكدر صواب خوك بعده بكلبي -يمه المكتوب مامنه مفر وداعتج اني رجال ولازم ادافع عن ارضي واعرضي يمه غيرتي ماتقبل بعد هذا طريقي مااعوفه وشيصير كله بيد الله بستها من راسها شدة على ايدي علك سلمت على الاهل وطلعت ركبت سياره اكو الم بكتفي بس مااكدر ابقى بلبيت لان جاي تجي وجبات نازحين عسى ولعل بيهم سعاد رحت للكراج اني راكب بلكيه طالع اكو ولد جادلت ويا كلامه منرفز واحنا عبرنا نص الطريق بعدني مواصل المكان وحدتي انتهئ البارت اذا شفت تفاعل انزل البارت لاخير بقئ بارت واحد شتتوقعون راح يلتقي بسعاد لو لا شلون نهايه 🙂 فديتكم تفاعلو | ||||||||
|
| |
|
17-09-18, 06:53 AM
| #24 | ||||||||
| مراقبة عامة ومشرفة منتدى الروايات المنقولة
| البارت 19ولاخير جان يحجي هل ولد ولدنا حررو الموصل وبنات الموصل الي نام وياهن الشيشاني والأفغاني وجهاد النكاح عدهم عادي درت وجهي.....عليه بحركه - اخي(لاتزرو وازره وزر اخرى)ليش تعمم وهذا عرض ناس ويجي واحد ينقلها من وثاني ...وثالث وتتحمل أثم شلك بهل كلام ....كلي - والله انت شمدريك... - شوف اني مداخل أنترنيت لأن وكت ماعندي احك راسي بس دخلت مره وشفت كلام واحد يكل الثاني انتم اهل المتعه ذاك يكله انتم اهل النكاح كلام عجيب ومن دققت طلعو اثنين عراقيين يعني جاي تعممون ابكل مكان زين وموزين اكو عوائل استشهدت على عرضها خلي بالك انو المجتمع العراقي برغم الغزوات والقتال يبقى مجمتع عشائري -والله كلها تحجي بلنكاح الي صار بلموصل - اخي جان وعيت على روحك لك هاي شرفك بنت العراق سواء كانت من اي محافظه ليش هيج تخلي الدول من تقراء او تسمع هيج يشمتون بينه انت عراقي مو جاي يسموك ابو الغيره النكاح طبقو على عوائلهم ابينهم وعلى السبايا الي اخذوهن مع الأسف يعني هسه كدام العالم العراقيات ياامامتعه .... يأما نكاح... فأنتم يأخي هل كلام خسرنا هواي دماء هواي .. شهداء من الطرفين... وخصوصا احنا الجعفريه اكثر شي تأذينا لان مفخخات على طول وشبابنا دت قاتل بلجبهات وانتم هنا كلامكم يضيع دماء الأبطال عل خالي بلاش - وين عايش انت - شوف عايش بلعراق كل عراقيه هي يامااختي لو امي لو زوجتي ياخي عوف صلة الرحم وياهن احنا اخوه بلدم والوطن يعني ملزوم مني ادافع عل الشرفاء من اي محافظه وكلمن وأله مسئوليه ودوره احنا نقاتل وانتم توعو وتدعون للألفه الطائفيه خسرتنا ارواح هواي هسه اهل الموصل.... عرفو عدوهم.... والي تأذه منهم الشريف بيهم.. ذول اهل العكل البايعو الدواعش والقادمون يابغدا ولدنا داسو على عكلهم بلبساطيل لان هم دمرو محافظاتهم وهدموهن فمااجادلك ولا اعلي صوتي لان جهدي وحميتي اريد اقاتل بي اعداء الوطن...بس اكلك ( اانصر الدين ان لم تستطع فبيدك وان لم تستطع بلسانك وان لم تستطع فبقلبك فذالك اضعف الأيمان) وفتهمها سلمت عليهم ونزلت وركبت سياره الوحدتي ولكيت يونس هناك واسالمنا واستمر قتال الحشد والمفخخات والقناصين والحشد يقاتل ياحسافه على هيج شبان هواي بعمر الورد تستشهداذا اذكرهم كلمن وقصته مايكفي بس مفخره وحق امير المؤمنين استقبلنا وجبات نازحين مر القتال شهر كامل واجتنا وجبات نازحين من القيارة لحمام علي وصارلهم تلث اسابيع واجونا بعد وجبه ورحنا وديناهم للمخيمات وبين مااحنا انزل بلناس من السيارات مريه كبيره بلعمر عدها غراض شلتهن اساعدها وشفت خيمه قريبه طلعت مره جبيره بيدها طفل جنت لابس مناظر حسين السود بسبب الشمس نزعتهن المره الراحت عرفت عمتي والي يمعا هاي سعاد وهاي العائله الي سولف يونس عليهم ابنهم طالع التركيا.. اي همه لان كال عاشر خيمه يعني صار شهر هنا سعاد مشيت رجلي احسها ثكلت كلبي دكاته زادته معدتي راسي كل جسمي نفظ وصلت الباب الخيمه رفعتهه اشوي هاي سعاد واكفه ترتب بلخيمه لابسه.حجاب اسود جبه سوده جواريب حمر بدات دموعي تخوني حسيت مثل الجان بلغربه... ورجع الوطنه هي وطني سعادتي... وحبيبتي والله صعبه وصف الاحساس برغم الموقف يرادله وصف واحد مفارك حب حياته ويلتقي بعد فراق سنتين وتسع اشهر ادموعي طاحن على خدي مسحتهن ردت اشوفها زين كوه تحركت رجلي دخلت كالت خويه شرايد اخ ياسعا ماعرفتني لج اني من نفسج عرفتج بس لأن لحيه ومنظره ولبس عسكري وسلاح على كتفي تقربت عليها صفنت متغيره حبيبتي هالات سود اخدودها الحلوات ماكو مجرد عظم بارز أتقربت منها نحلانه كلش خاف احضنها وتموت بيدي .... كد شوقي الها ردتها حتى لونفس.. رحمتك ياربي نزعت مناضري سعوده.. اني حسن ماعرفتنيني لج اني برغم متغيره ولبسج الغريب عرفتج.... تقربت منها صاحت قبان قلبي.. أدموعها ضلن يصبن تبجي واني كلشي ولا دموعها عيونا ونظراتنا حجت الي بكلبنا واكثر واكفين بس دموع مشيت بلهفت مشتاق .. بلهفت عطشان... لكى الماي.. هي ترجف وتبجي... واني احرك براسي يمنه يسرى.. اريد اشوف كلشي بيها... اريد أتمعن بيها زين.... احضنها بعيوني.. قبل ايدي.. تقربت وهي تبجي حضنت وجهه بيدي... سعوده حبيبتي شون حالك - حسن مشتاقيتلك اتبهذلت اخلافك شوف شصار وانته مويمي بجت خليت اصبعي على حلكها اشششش لاتحجين لاتبجين بس اريد اباوع لعيونج الي مشتاقلها... حضنتها حيل تاذت من عناقي الها ءاااه سعاد سعاد يانبض كلبي.. مامرت لحظه ماذكرتج بيها... لج النوم ماانامه الا لمن اشم عطرج.. اخ ياحبيبه انتي .. لج انتي المقسومه الي هل بعد فراقنا التقيت بيج.. ضلينا متحاضنين.. دموعنا من الفرح والشوق توكع .. كعدنا بلكاع وحنا متحاضنين.. سعاد حبيبتي مشتاق العيونج.. ولج تدرين شون اني من دونج.. مسحت ادموعها حبيبه.. مااريد بجي بعد ولادمع... صرت يمج.... بعد حبيتي رح اعوضج... على كل تعب الي تعبتي.. بعد البجي راح عشر دقائق وحنا متعانقين دخلت عمتي..اصيح - ولج سعاد معزايه منو هذا العسكري درت وجهي ها عمه..شلونج كمتلهاوتحاضنا اتبوس بىكبتي -رح ترجعون وياي..عمه بعد ماتبقون هنا.. رجعت السعاد حضنتها.. وعدتج اجي وطلعج من الموت . وفيت....بوعدي.....مو -كدها حبيبي كدها حضنتني بقت صافنه عليه طلعت عمتي تخلينا وحدنا - رح اجيب ابنك عند جارتنا واكفنا كتلها يابنت الناس اريد ملي عيني منج.. راسها على صدري.. شو باعيلي... رفعته وجهه... تباوعلي.. صدقه الربج.. ولج اشكد احبج...ياسعاد ربي لاتحرمني من هل عيون... االي خلت حسن يفتر من مكان المكان.. ويدخل وي عزرائيل...ويحارب ويا الموت ويعوف لذه الدنيا لحتى يلكاج ابتسمت.. كتلها اريده دوم هل الظحكه بعدني ممكمل كلامي واسمع صوت يونس وعلاء صاحلولي الامر دز عليه -سعاد حبي رايح ومن اكمل جايج جاي اطلع ايدنا بعدهن متحاضنات وماقبلت تتركني كتلها وحق هو علي.. اذا ماتركتي انتي ايدي أبقى يمج ومااطلع واخلي ألأمر يعاقبني هدت ايدي دقايق طلعتلهم واكفين بعيد عن الخيمه رفعت ايدي وبفرح هل مره حجيتها -نعلعله بليسكم كون ضال بلا صحبان وكتكم - علاء وعلي بنيى بي طالب عرفتك لكيتهم -يونس واني اكثيغ فرحتلك علاء حضن يونس كله واني هم كثيغ فرحت يونس كال لا اني فرحتلك جايد تصافوه الحمد الله رجعت للخيمه لحتى اشوف ابني مسمي قصي لان هناك ميرضون بأي اسم بسته حبيب ابوك رح من ارجع اسميك(عراق) رحت للامر سولفتله كتله ذول عائله تخصني رح اخذهم كلي بس كمل دوامك ابني كتله تمام سيدي دكيت تحيه وطلعت موعد اجازتي بعد اسبوع رجعنا للوحده بقينا نقاتل مااكدر اشوف سعاد ممنوع وخلص السبوع طلعت اروح للخيمه ودعت جماعتي علاء ويونس فرحولي بكد فرحي كلولي ابو عراق متانيك ترجعنا حطيت جنطتي وسلاحي على كتفي رفعت ايدي كتلهم عشر ايام وارجع وطلعت واخذت سعاد وعمتي وابني وعراق البيتنا رجعت البيتي بس انشاء الله ارجع للقتال رحت لبيتنا وطول الطريق سعاد مجلبه بيدي وفرحانه وصلنا لبيتنا والكل اتفاجؤ. وفرحولنا وامي تهلهل وسويننا حفلا وطلعت حبيبتي سعاد مثل العروس شفتها وكتلها اوووف يبت كلبي خبليتيني وحضنتها التقينا بعد فراق طويل وخلصت اجازتي وكملت طريقي لتحرير الموصل انتصرت الفتوى شكرًا للسيد السيستاني شكرًا لشهدائنا شكرًا للجرحى شكرًا للحشد الشعبي شكرًا لجيشنا شكرًا لجهاز مكافحة الاٍرهاب شكرًا للشرطه الاتحاديه شكرًا لكل من دافع اًو ساهم بانهاء هذا الخلاقه الكاذبه كيف لا تقف الدنيا استعداداً كيف لا يقف الأحرار استعداداً انت سيدي أوقفت شر الاشرار ودحرت فيالق الكفار وصنت الارض والعرض وحميت اجيالاً من التشرد والضياع ورممت البيت الذي كان على شفا حفر فتحيه لك ولكل غيور....منقوله... 2 واخر كلامي ان عشنا جزء بسيط وي حسن اختصرنا قتاله بلمناطق الساخنه و الي شخصيته تمثل العراق بغيرته وقوته وسعاد الموصل الي رجعت بفضل ابطالنا وام حسن الام العراقيه الي تنطي ابنائها للوطن وامل الفتاة الأرمله الي تمثل هواي من بناتنا علي وزينه الأيتام الي ملو العراق بسبب تجبر الطغات جدسعاد وجدتها انقتلو مثل اثار الموصل علاء ويونس العراقين الأصلاء الي شما فترقو ابنقطه يجمعهم حب الوطن علمو اطفالكم حب الأرض لأن حب الأوطان من الأيمان سيطل الربيع ياوطني وان طال خريفك ستشرق الشمس في ضحكات الصغار ويصدح في الكونِ صوتُ النهار سيطل الربيع ويزهر بدماء ابطالك وسيعم عليك الأمن والأمان 2 ً سيطلّ الأزرقُ الصباح 💙 غداً غداً سيكون اجمل صباح جزء بسيط بقلمي حسن رجع الجبهات القتال ادعوله اله ولكل جندي ومقاتل اذكروهم بصلاتكم 2 لان لولا تضحياتهم لكان حالنا غير حال تحيه كامله تامه ليس فقط لهم بل لبسطالهم الشريف الذي حين يلمس الأرض سيكون هناك أمل وانتصار العراق هو مصنع الرجال مصنع البطوله لم تنقل ليى كل الاحداث لان المعركه كبيره يقاتل فيها الحق والباطل الخير والشر يقاتلون ابطالنا وحوش بربر لكن سينتصرون بأذن الله اتمنئ اكون وصصفت وصف صحيح ومااذيت مشاعركم ومشاعر اهل الموصل واعرف انتم اتحبون القصص الرومانسيه بس هاي واقعيه ووعدكم بقصه قمه الرمانسيه انتظروني الكاتبه الموسويه سؤل شنو اكثر شخصيه حبيتها بالقصه بالنسبه الي حبيت صداقه علاء ويونس 😂 النهـــــــــــــــــا ية | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
