امرأه من عاج،للكاتبة/نشوى السلطان "عراقية" (مكتملة)

فيتامين سي · 21-09-18, 02:46 AM


	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية (( امرأه من عاج)) للكاتبة/نشوى السلطان قراءة ممتعة للجميع ...

فيتامين سي · 21-09-18, 02:47 AM

رابط لتحميل الرواية

https://www.rewity.com/forum/t425011.html#post13635952

الـبارت الاول...

مساء الحب... ❤️

#إمرأة_من _عاج 🗽

............
أراك قد تماديت مؤخرآ علی قلبي
غبت كثيرآ عني !
وتململت من تساؤلاتي حولك ..
أنسيتني؟
أم أن الود قد أختفی من ذاكرتك؟!
أنا الهدوء الذي ملأ ذاتك!
بعدما هشم الضجيج دقائقك ..
أنا القوة التي عضمت أشيائك!
أنا ذلك البركان الذي طاف بك
رياح الملل ..
أنا السذاجة التي كانت تضحكك
أتناسيت عالمي ؟! .. انا إمرأتك من عاج

بقـلمي ... #نٰـشوى_السـلطان ... 🍂

شهم مواليد 82 ...من احدا محافظات العراق .من عائلة معروفة ليهذا راح نتحفظ على بعظ الخصوصيات عندة اخ

واحد الي هو ابو احمد الجبير متزوج من بنت عمو لمياء واخت اكبر من عندو متزوجة واخت اصغر من عندو اللي

هي شيرين ........ القصة احداثها بعد السقوط غيرنا الاسماء وتفاصيل اخرى طلب من اصحاب القصة ..
لكن احداث القصة حقيقية ..... !

شهم... طبكت السيارة يم الباب وطبيت للبيت صحت يمة وينج...،طبيت مستعجل.. دخلت للغرفة لكيتها تصلي ،. طبكت الباب وطلعت .. صحت بصوت عالي شيرين ،.
شيرين.. يولي... تعاااااي...

شيرين.. جنت واكفه يم بنت عمي احاجيها من الحايط
سمعت صيحة شهم،،، طلعت اركض.. لفيت حجابي زين

طبيت للهول مالكيته رحت لغرفتة.. لكيته شايل الجنطه مثل كل مرة.. ها خوية صحت علية

شهم.. حضريلي ملابسي بالجنطة.. اريد اطلع البغداد

شيرين.. اي هسه.. طبيت للغرفة خليت ملابسه وايدي

على كلبي خايفة لا ابويه يسمع شراح يسوي اوف مايجوز من بغداد ولا من سوالفه.. خليت ملابسه والعطور وطلعت
تلكتني امي طالعه من الغرفة..،

امًً شهم.. .. يولي وين اخوج شبي طب يصيح شيريد

شيرين.. اووف نفس السالفه موتدرين بي هم يريد يطلع البغداد

ام شهم.. لا اله الا الله هذا يريد يموتني اذا سمع ابوج
شراح يسووي وينه .. ولج

شيرين.. ديسبح شفته اخذ ملابسه وراح للحمام

ام شهم.. اليوم اكعد هين يم الباب خل اشوف شنون يطلع

شيرين،، يمة لا تحاولين كل مره نحجي ونصصح مايفيد ابنج اللي براسة براسة..

شهم .. طبيت سبحت وطلعت عالسريع.. طلعت للمطبخ وبيدي المنشفة دانشف شعري..شفت امي كاعده بالباب صحت شيرين .. صبيلي غدة ومشيت اريد اطب للغرفة

ام شهم.. تعال اكف هين احاجيك وين رايح .انت وتالي وياك هااا اذا سمع ابوك شكلة

شهم.. شكووو شبيج يمة هم رجعنااا كل مااروح نفس الاسطوانة اسمع

ام شهم.. كول النفسك هالحجاية هم رجعت على بغداد
ولك ابوك تعبان ومريض يايمة كافي عوف بغداد واللي بيها ماتفيدك يمة شجرالك تخبلت..

شهم.. يمة عوفيني تره صاعدة عندي اذا ابقى هين اطك واموت.، ماتحمل بعد

ام شهم.. يمة شبيك ابوك مايقبل عوف هذا الدرب

شهم.. السالفه سديها يمة راح اطلع اليوم

ام شهم .. اروح وياك عجل ماتروح وحدك

شهم.. شتسوين يمة... وين رايحة

ام شهم.. ماكدر اعوفك وحدك اخاف عليك

شهم.. هههه ماكو شي يمه كلمن يموت بيومة

ام شهم اسم الله لاتكول هيج اني اريد اروح الخالتك اخذني وياك

شهم .. يمة سالفة اتزوجيني بنت خالتي انسسسسسي
كتلج مااريدها.. تعرفين طبعي ماحب اللشي ينعاد من اكول شي خلص

ام شهم .. لا مو هي دكعد يايمة خل احاجيك

شهم . .. كعدت بسدها.. كولي الغاليه اسمعج

ام شهم.. يمة ايسنا تخطب بنت خالتك ومن هين اتكول ماريد ادور غريبة مو..

شهم .. هههه اي يمة كملي بدون مقدمات

ام شهم.. لكيتلك عروسة تخبل حلوة وشرف واخلاق ومثل ماردتها من بغداد ومثقفة بس شوي تختلف عن اطباعنه
عود اذا صارت القسمة نعلمها..

شهم.. صار يمة نفكر بالسالفه

ام شهم.. يبوو ولا مهتم شبيك انت موكتلي والله اتزوج بس الكة وحده راهمة .. يمة تره ابوك يريد يزوجك بنت عمك

اني ادري بيك مالك نفس لا بيها ولا بنت خالتك دفكر بهاي للبنيه وخل نتوكل

شهم.. شفكر امي هي منو وينها اصلا .. لو بس تعوفين سالفة الزواج اني بخيررر

ام شهم.. ابوك مايقبل عليها بس اذا انت وافقت عالزواج راح يقتنع ..

شهم .. هااا عالراس ابويه طلع موموافق عجل عليش تسولفيلي عليها خلص سدي السالفه

ام شهم.. ولك لا تشلع گلبي كل دقيقة براي موكتلي افكر ولك راح تموتني

شهم.. صاررر الغالية شوفي الوالد واني ماعندي مانع بس كون تعجبني هاا

ام شهم .. تعجبك والله انت غير لو اشوفها..

شهم .. ليش وين شفتيها انتي موكلتي بغداد

ام شهم.. هاي اختك طلعتها بالعنترنيت

شهم.. هههههه انترنيت اسمة يمة ... بعدين شنو وينها يولي شيرين وينننج

شيرين.. داصفط بالفراش سمعته عاط .. ذبيت اللي بيدي وطلعت اركض... طبيت للمطبخ ها خوية

شهم.. وينها هاي .. الخاطر الله ..

شيرين.. منوو هي دحكت على امي..

ام شهم.. يمة هاي العروس اللي بالعنترنيت

شيرين.. هههههه هااا مسك قصدج..،

شهم.. مسك اسمها.. .؟

شيرين .. اي مسك حلوه بحلاة اسمها ...

شهم.. وينها اريد اطلع .. تأخرت جيبي الصورة

شيرين.. ها دقيقه جهازي عالشحن .. خل اجيبه

شهم.. صديت على امي .. يمة منين الكم الصورة شلون جبتوها ومني هاي اهلها يدرون

شيرين.. جبت المبايل دخلت لمحادثه وطلعت الصورة ..
خليت الجهاز كبال شهم..

شهم.. اخذت الجهاز منها.. دحگت عليها.. هي هاي.؟

ام شهم.. اي هيه يمة ها شنونها مو اتخبل

شهم.. ضغطت عالصورة وسويت حذف..

شيرين.. تره انحذفت بالغلط.. دقيقه

شهم .. لا موبالغلط اني حذفتها .. اهل البنيه يدرون بالصورة يمكم..؟

شيرين .. لا اسراء دزتها... مو اني رادت اتشوفها

شهم .. البنيه بدون حجاب وهيج لابسه شلون تبقين صورتها بالجهاز منو شاف الصورة غيررري!

شيرين .. لا والله بس اني محد شافهاا

شهم.. اكسر راسج النوب اذا جبتي صورة بنية بدون علمها افتهمتييي

شيرين.. دنچت هزيت راسي اي

ام شهم.. شوف احنا وين وهو وين هسه شكلت حلوه لولا

شهم.. مادري كبل حذفتها ماركزت زين بس الله يستر عليها واضح البنيه حلوة .. المهم بعدين نحجي بالموظوع

ام شهم... اكف ماتروح والله اذا موياك اني ..

لمياء.. طلعت من غرفتي شايله بيدي احمد لكيتهم ملتمين بالمطبخ.. مدري. شيحجون من شافوني راحو مشيت .. وكفت يم شيرين.. اكول شيرين شبيها عمتي هي وشهم شكو .،

شيرين .. ماكو شي بس امي تريد تروح ويا البغداد

لمياء.. هاا خير شتسووي بغداد

شيرين.. اتروح البيت خالتي وترجع ويا شهم

لمياء.. وعمي وينه..

شيرين.. طلعو هو وابو احمد... راحو للمعمل خل اروح اشوف امي تروح لو لا وارجع

ام شهم.. طلعت عباتي... يولي شيرين خابري ابووج

شيرين .. راح اخابر وانتي احجي اني اخاف

ام شهم.. اي كعدت بسدها داللبس بالجواريب

شيرين.. راح تخطبيلة يعني..

ام شهم.. ان شاءالله اشوفها ونقنع ابوج اذا راهمة

شهم.. لبست وشلت الجنطة اريد اطلع.. مشيت للمطبخ
تلكتني لمياء...

لمياء.. دقيقة شهم... ..؟

شهم.. صديت عليها.. نعم لمياء.. كولي

لمياء.. راح تروح البغداد...

شهم.. اي رايح...

لمياء.. لاتروح البغداد

شهم.. شنووو!!

لمياء .. شهم السالفه الحجينا بيها شصار عنها..

شهم.. لمياء.. ولي يسلمج هالسالفة ماريد اسمعها .. انتي تدرين بية مابكلبي غيرها ..

ام شهم.. طلعت امشي.. يولي شيرين علاكة الدوة وياج

شهم.. شفت الوالدة جت سديت الحجي وطلعت للطرمة

ام شهم.. شكو شتحجوون.. من شفتوني سكتوو

لمياء.. لا عمة بس راد ماي يغسل الجامة ..

ام شهم... هاااا .. يولي وين صرتي .. شيرين

شيرين . شلت العلاكة وطلعت اركض ادري شكد ماخذة دوة.. علاكة هاي لو صيدلية

شهم.. هاي وين يمة صدك تحجين ويا رايحة

ام شهم.. فتحت الباب السيارة وصعدت .. كتلك ماتروح اذا مو اني وياك

شهم.. الوالد يدري رايحين..

شيرين.. اي خابرت وكلتله ..،

لمياء.. شلت احمد.. حبيبي يلة .. سووي العمووو باااي...

شهم.. فتحت الجام .. صحت لايكع ديربالج عليه..

لمياء.. رفعت راسي .. لا بعيوني مخليته.. الله وياكم لا تتأخرين عمة البيت اظلم بدونكم ...

شهم.. طبن جوة وسدن الباب... كافي ..

شيرين.. وخري لمياء خل انسد الباب شفتي شلون ايدحك علينا

لمياء.. اوووف عايزهم يسجنونا بسجن حرام واحد يتنفس

شيرين... تدرين لمياء ضوجة مدي حفلة وابقى ادبج واركص للصبح وين الله وترهم شغلة شهم ومايقلب مثل كل مرة

لمياء.. سمعتها هيج تكول وكفت وصديت عليها.. دقيقة ياشغلة شتقصدين..!

شيرين.. عجل ماتدرين امي موراحت تشوف البنيه

لمياء..... شنووووو يابنية!!!!

شيرين.. مسك جيران بيت خالتي شحجيلج جمال ونزاكة وين الله وترهم اذا خطبها شهم متأكدة تنسي ذولاك الناس

لمياء.. لاااا شهم مايقبل ياخذهة اعرفه كل عقلج وبعدين عمي ماياخذ وحدة غريبة 😉😉

شيرين.. والله ابويه عجز ويا مايريد بعد كرابة بس يريده ينسى ذولاك الناس ويتزوج

لمياء.. هههه هسه تشوفين اذا رهمت 🤣

شيرين.. دسكتي عيني لا تفاولين تره طاكة ارواحنا نريد حفلة شي

ام شهم.. اكول يمة هاي بغداد موو ..

شهم.. ههههه اي يمة هاي بغداد حلوه مو

ام شهم .. تخبل اي حلوووة بس شو بيوتها صغار اكثرهن اتذكر كبل جنت اجي هين على خالتك بيوتهم صغار مو مثل ديرتنا بيوتنا كبار وحدايقها حلوة ترد الروح

شهم.. لا يمة موكل المناطق صغار اكو بيوت كبار انتي تقصدين المناطق الشعبية هسه هاي شوفي كبار تختلف

ام شهم .. هسه انت راح توصلني وين تروح

شهم.. جماعة ينتظروني اشوفهم وارجع بالليل

ام شهم.. شكو لليل شعندك..

شهم ... يمة عوفيني اني ارجع لايضل بالج ماكو شي انزلي خل انزل الجنط ..

ام شهم.. ياالله ،. فتحن الباب.. اكول خاف طالعين خابرتهم

شهم.. لا موجودين ..خابرت علي دينتظرني اخذه ويايه
شو يمة نطيني مجال.. فتحت الباب.. يولو علي وينك

ام علي... كاعده جنت داخيط سمعت صوت شهم كمت الحيلي.. صحت علي وينك... فتحت باب الهول دحكت على الباب .. البرة.. شفت ام احمد وشهم..

ام شهم.. هلا يختي شونكم .. عبالي طالعين

ام علي.. ياهلااااا وجثير الهلا شو مادري تريدين تجين عبالي بس شهم ... يولي تعاي اسراء شوفي منو جة اليوم

شهم.. هااا خالتي لازم مامرحب بيه بس بالوالدة

ام علي ههههه يمة كل خطوة هلا شعجب صار فترة مو مبين .. تعالو فوتو

اسراء. سمعت صوت شهم. ماعرف شصار بيه طرت فرحت بس ليش ماعرف من اشوفة افرح عدلت نفسي

خليت شال على راسي وكفت بالباب اريد اطب ماكدر .. خجلانة ... سحبت نفس عميق و وطبيت للهول صار

جدامي شهم. واكف لابس بنطرون كحلي وقميص سمائي طالع حيييل حلوو دنجت راسي ماكدر ادحك عليه همست بصوت ناصي

. السلام عليكم ..،

شهم.. وعليكم السلام هلا خيتي..

ام شهم.. هلا هلا بأسوورة اشلونج يمة تعاي اكعدي هين

اسراء.. الحمدلله خالة مشتاقتلج والله ليش ماجبتو وياكم شيرين..

شهم.. لا وين تجي ماتطلع بقت يم الوالد ولمياء وحدها

اسراء.. دقيقة خل اجيب ماي.. اكيد عطشانين كمت الحيلي

شهم.. إسراء..

إسراء.. صديت عليه وگلبي طار من نطق اسمي.. نعم شهم ..

شهم.. وياج چاي راسي يوجعني...

إسراء... اي لحظات هسه اجيبو

ام شهم.. شوفي علي بعدو نايم لو كعد

شهم.. لا والله صدك يحجي اني خابرتو من زمان وكال كاعد وينوو هذا.،

ام شهم.. صديت عليه اي يمة تلحكون مو طايرة الونسة اوف لو بس تعوف هذا الدرب

شهم.. يمةةةة شبيج كافي عاااد

ام شهم.، ااااخ منك مايفيد الحجي

ام علي.. ميخالف يمة امك وتخاف عليك اكعد ليش كمت

شهم.. خالتي والله موكايل شي بس السالفة يلحون بيها وهمة يعرفون طبعي ماحب احد يعاندني اني موطفل

لزكو بسالفة الزواج .. لحوو عليه زايد. يابة ماريد اتزوج اني مرتاح هيج بس محد يسمع هسه تريد تزوجني وتظلم بنت الناس ويايه...

ام علي.. ليش يبعد خالتك ليش تضلمها

شهم.. سدو السالفة خالتي الله يخليج .. ماريد جاي راح اطلع وعلي اذا راد يجي خل يلحكني

اسراء طبيت وبيدي صينية الجاي.. شهم مشة ايريد يطلع
سمعت كلامة من كال اظلم بنت الناس بقيت صافنة وبيدي صينية الجاي.. هو طلع وسد الباب وراه

ام شهم.. رجعي يمة راح .. اوووف مادري شنون تاليها من احجي وياه هاي شوفة عينج عصبي ومايتحاجة

محد يكدر عليه .. شوفناه البنية الكتلي عليها وضل ساكت
وين الله وترهم ..

اسراء.. ياصورة خالة..

أم شهم.. صورتج انتي وهاي اللي اسمها نسمة مو لا يمك نسيت اسمها ..

ام علي.. هااا خاف مسك بنت جيرانة..

اسراء... اي اني دزيت الصورة الشرين.. يعني تريدون تخطبوها الشهم....!!!

ام شهم.. اي يمة اكلج تكدرين ادزين عليها خاطر يشوفها

اسراء.. لا خاله شون ادز عيب..

ام علي.. لا هي موتجي كبل مابيها شي بس اجلوها باجر بالنهار لازم يكون هين شهم .. ..

اسراء،، ماريدت عليهم شلت صينية الجاي ومشيت
ماعرف ليش طلعت بس حسيت نفسي ضجت

علي.. هاي شنو الجاي اللي.. جة بوكتو اخذت الجاي.. هلا خاله اكول اليوم منور البيت شنو جيتي ويا شهم.. دنجت عليها بوستها ..

ام شهم.. اخ منكم وين تريدون تروحون هااا

علي.. معصبة علينا خالتي هههه والله معزومين عالعشى
يم صديق ليش خير خالة

ام شهم.. يم صديق لو .. اخ منك ياللساني

علي... والله وعيونج يم صديق ... ههههه هسه هو وينوو شنو طلع...

ام علي.. اي راح كال خلي يجي وراية

ام شهم.. يمة احجي وياه انت اقنعه ..

علي.. صار خالتي لا تهتمين... اروح اني تأخرت

ام علي.. يعني تتعشى برك وية ربعك

علي.. اي يمة معزوووم خذت السويج وطلعت

اسراء.. خابرت شيرين ورزلتهت لان شوفتهم الصور بدون علمنا.. وبقيت انتظرهم للساعه 12 وماجوي خالتي وامي

نامو وهمه ماكو .. بقيت بغرفتي ادرس وعيني عالباب نمت بدون مااحس على نفسي.. كعدت الصبح على صوت

شهم. مدري ويامن يحجي بالتلفون ويضحك بصوت عالي.. كمت عالسريع.. لبست حجابي وطبيت للمطبخ
لكيت امي وخالتي كاعدات يلفن دولمة..

ام علي... هم زين كعدتي من يمج انطيني الملح فوك

اسراء .. ليش محد كعدني...

ام شهم.. مدام اليوم جمعه يعني عطلتج عليش كاعده ارتاحي يمة

اسراء... بقيت ادرس بالليل مانمت زين.. اروح ارتب البيت
عفتهم بالمطبخ ورحت للهول شهم بالطرمة واكف ويخابر

وعلي بغرفتوو .. دحكت من الجامة.. اريد اشوف ويامن ديحجي.. مالحكت عليه فتح باب البيت وطلع للشارع يتمشى.. يمكن صعد بالسيارة.. سديت الشباك وبقيت الملم بالهول...

مسك.. مواليد 89 شكلي ناعم عيوني واسعه بيضاء
طولي وسط .. ماحب شي بكد حبي للشوكلاتة 😁

عندي 2 اخوات واني الثالثه الجبيرة متزوجة ابن خالي وعايش ويانه بالبيت لان امي وحدها والثانيه متزوجة غريب

والدي متوفي من صغري بحادث .. امي ربتنة وكبرتنا ماعدها بالدنية غيرنا حياتي اليومية

هي كل يوم اخذ صديقتي ونطلع للمدرسة اليوم
هي مابينت ولا خابرت حسيت نفسي ضايجة راريد اطلع

بما انو اليوم عطلة فتحت الكنتور لبست تنورة قصيرة سودة وقميص وردي فاتح شعري قصير رفعتة عالي اليوم

ماعندي شي حبيت اكشخ واطلع .. اخذت كتابي وطلعت عليها

شهم.. كعدت يم الباب وبقيت اخابر .. قطعت الاتصال
انتبهت مخلص جكاير.. اريد اكوم اجيب من المحل

مسك.. سديت الباب وتمشيت وصلت الباب.. شفت واحد
اول مرة اشوفه.. بقيت صافنه معقول هذا كرايب بيت خاله ام علي.. مشيت وكفت صار بوجهي بدون مايحجي
ساكت..

شهم.. وكفت اريد امشي تلكتني بنية تبارك الرحمن شنو هالجمال.. بدون ماانتبه النفسي بقيت صافن عليها

مسك.. ابتسمت وكتلة ... ممكن طريق...

شهم.. نعم تحاجيني... 😨

مسك.. هههه ليش اكو غيرك كدامي

شهم.. ها العفوو.. تفضلي..

مسك.. وخر هو واني وكفت يم الباب اريد ادكة

شهم. صديت ورايه شفته تريد ادك الباب يعني جايه على بيت خالتي.. كتلها.... اكول.. دقيقة..

مسك.. انداريت.. وكتلة ... نعم وياية..

شهم.. ليش اكو غيرج هين.. 😉

مسك.. ههههه لا ماكو غيري هييييييين

شهم.. هااا وتقلدين على حجينا بعد..

مسك.. ههه لا العفو ليش اكو احلى من حجيكم.. انت جاي على بيت خاله ام علي مو

شهم.. اي نعم شمدريج

مسك.. لان نفس اللهجة..

شهم.. اهااا....

يتبع...

فيتامين سي · 21-09-18, 02:49 AM

الـبارت الثاني ...

مساء العافية... ❤️

#إمرأة_من _عاج 🗽

بقـلمي ... #نٰـشوى_السـلطان ... 🍂

صدفة
شفتكِ
وابتلى كلبي بغرامك ِاويلي محلاها هالصدفة

مسك.. ههههه لا ماكو غيري هييييييين

شهم.. هااا وتقلدين على حجينا بعد..

مسك.. ههه لا العفو ليش اكو احلى من حجيكم.. انت جاي على بيت خاله ام علي مو

شهم.. اي نعم شمدريج

مسك.. لان نفس اللهجة..

شهم.. اهااا.... اتفضلي اكيد جاية على اسراء

مسك.. اي اجيت ادرس يمها بس مدام عدهم ضيوف غير مرة اجيها.. مشيت. خطوة..

شهم.. لا تعاي.. اني طالع اتفضلي انتي ماكو احد.. عفته ومشيت..

مسك.. بقيت واكفه اباوع عليه وهو يمشي.. ويفر بأيده بالسويج.. بدون وعي بقيت صافنة وايدي عالباب ادك ومادري بنفسي.. واني ادك فجأة انفتح الباب

ام علي.. هلا مسوووكة تعاي فوتي.. ولج إسراء وينج
تعاي جت مسك...

إسراء.. بيدي الفراش دارتب بي سمعته كالت مسك جتي ذبيت البيدي ورحت.. اكيد راح تشوفها خاله وتخطبها الشهم.. وكفت باب الهول.. تعاي مسك فوتي ماكو احد

مسك.. اشرتلها بيدي تعاي...

اسراء.. تعاي شبيج ماكو احد.. مشيت وكفت يمها شنو
شو شايلة الكتب بيدج تريدين ندرس

مسك.. هو كلت ندرس مدام ماعندي شي بس انتبهت عدكم خطار مو

اسراء.. اي بيت خالتي يمنه ...

ام شهم.. طلعت للطرمة.. اريد اشوف هالمسك شون شكلها حلوة مثل العنترنيت لو يختلف يولي اسراء
تعاي عليش بالباب واكفات..

مسك... هلو خالة شلونكم...

ام شهم .. يبعد خالتج كولي عمة ماحب الجنة تسميني خاله

مسك.. نعم شنو ..!

اسراء.. ههههه خاله تحب تشاقه تعاي فوتي

ام شهم.. يولي وين راح شهم ...

مسك.. طبينا نمشي للهول وسمعتها تكول شهم .. يعني اللي التلكاني عالباب اسمه شهم.. كعدت وكعدت كبالي

تباوع عليه من فوك ليجوة مدري شبيها والنوب اسراء ماعرف وين راحت وعافتني وحدي بقيت كاعدة واحس نفسي مرتبكة ..

ام شهم.. يمة شو هيج لابسه كصير ماتخافين رجليلج ياكلهن البك

مسك.. هههه لا خاله ماعدنا بك وبعدين متعودة

ام شهم.. بس تره يمنه مايلبسن هيج لبس..

مسك.. بقيت صافنه عليه هاي شبيها شتحجي،..

اسراء.. يمة وينج... طبيت للمطبخ

ام علي.. هااا شبيج شعلت النار عالدولمة

اسراء.. ههههه طبعا خاله راح تموتني ضحك هاي شدتحجي تعاي شوفيها

ام علي... هاا شتحجي شكو النوب...

اسراء .. استلمت مسك ودك سوالف ههههه

شهم..، اخذت الجكاير ورجعت للبيت.. وصلت باب الحوش وتذكرت البنيه اللي لاكتني .. خاف افوت وبعدها .. لا عيب
طلعت التلفون وخابرت علي...

مسك.. واني كاعدة مبايل بصفي. يدك فزيت.. انتبهت يمي مبايل.. مكتوب شهم.. قريت الاسم وانداريت ماحجيت ..

ام شهم.. هذا مالت علي يمكن ولج يولي اسراء وين اخوج
خلي يجي هذا التلفون يدك ماسكت ،.، تعاي شوفي منو

اسراء... خليت العصير كدام مسك وخالتي .. شلت الجهاز مكالمة لم يرد عليها .. شهم.. خاله هذا شهم االي متصل..

ام شهم.. خليت الكلاص يولي حاجي خل يجي عجل احنا شنريد...

اسراء... لا خاله انقطع الاتصال مالحكت اجاوبه

مسك .. بصوت ناصي هسسس اسراء ولج ..

اسراء.. هاا شبيج... اصبري مو داحضر بالغده ويا امي

مسك.. اني اروح بعدين اجيج.. لو انتي تعالي

اسراء.. وين لا ماتروحين ابقي هين...

مسك.. لا ماكدر ولج استحي اريد اروح ...

شهم... طبيت للطومة وكفت يم الباب دكيته...

ام شهم.. شتحجين شو ماسمعجن

اسراء.. لا خاله بس مسك تريد تروح دقيقه خل اشوف الباب..

ام شهم.. لااا وين بعد ماشافهه

مسك.. مادري شيحجون احس نفسي اطرش بالزفه ام شهم كل شوي تحجي سالفه وماعرف شنو قصدها كمت وكفت الحيلي ..

ام شهم.. ماتروحين ابد اكعدي..

شهم.. هلو اسراء احد هين لو لا

اسراء.. يمي صديقتي مسك.. تعال فوت..

مسك.. بقيت واكفه لا اكدر اطلع ولا اكدر اكعد.. اريد اشوف منو عالباب معقول هو هذا الحلو اللي تلكاني عالباب ...

شهم.. لا افتحيلي باب الربعه مافوت من هين عيب..

اسراء.. هههه لا يمعود صدك جذب فوت عادي والله

شهم.. اني واكف بالباب الثاني روحي افتحي..

اسراء.. ماشي براحتك.. سديت باب الهول وطبيت

ام شهم... حلفت يمين ماتطلعين..

مسك.. هههه خاله والله ماكدر ماما تنظرني..

ام شهم.. حلفت يمين واذا تريدين تخسريني يمين عجل براحتج..

مسك.. اسراااء... تعاي... وين رايحة

اسراء.. دقيقه بس افتح الباب الثاني الشهم

ام شهم.. هاا ليش هو وينه...

اسراء.. بالطرمة كال افتحي الباب الثاني

ام شهم.. اكعدي يمة هسه اجي بس اشوفه..

اسراء...هسه اجيج مسوكة..

مسك.. بقيت واكفه صار عندي فضول ماتحملت وخرت البردة اريد اشوف هو نفسه اللي تلكاني لو غيرة.. انتبهت

اي هو نفسة... ماشاءالله شلون هيبة.. انفتح الباب وفات وبسرعه سديت البرده.. وكفت سويت نفسي طبيعي جت تمشي اسراء..

اسراء.. هاا وين يمعودة كعدي...

مسك.. لا حبابه عدكم ضيوف اجي غير مرة .. اكلج خالتج حلفت مااطلع فدوه شكد محبوبة ولو تحجي شغلات ماافهمها بس سوالفها تخبل

اسراء.. ههههه اي هي هالشكل كلش تونس دكعدي مدام حلفت

مسك.. لا ماما متدري اني ابقى هنا لا عيني شلون

اسراء.. نروح من الباب انكلها ونجي..

علي.. طلعت من الحمام.. لبست دامشط طبيت للهول..
شفت اسراء وصديقتها.. هلا خيتي شلونج

مسك.. الحمدلله ..

علي.. وين الجماعة يولي شو ماكى احد

اسراء.. راحى للربعه شهم ماقبل يفووت..

علي.. هاا شو انطيني التلفون يمج عالشحن..

ام شهم.. ولك ليش ماطبيت هاي سالفه منك موكتلك اكو بنيه هين اريد اخطبها الك..

شهم.. يمة شبيج صدك تححين عيييب شنو اطب كل عقلج

ام شهم .. غير لو شايفها .. تخبل شلون حسن..

شهم.. اي يمة الله يستر عليها وينه علي خابرت مايرد

ام شهم.. شوف ولا عبالك احاجي..

شهم.. شبيج يمة.. شفت بنيه من طلعت خاف هيه

ام شهم.. هااا صدك وين شفتها بالباب

شهم.. اي حلوة خوش بنيه بس مو مثل طورنا

ام شهم.. شفت بالله اكلها ليش مطلعه رجليج ياكللها البك
اتكول ماعدنا بك

شهم.. هههههه يابك يمة صدك تحجين شعلينا بالبنيه

ام شهم.. عجل تاخذها وهيج تلبس بالعرب لا ياعيبة العيبة

شهم.. يمة شو خطبتيلي وزوجتيني واني كاعد هين كليلي جهالي وين شسالفه 😒

ام شهم.. اووف ويجي يوم وشيل جهالك ونومهم

شهم.. يمة سدي السالفه هاي ماترهم يمنه واني مااخذ وحده هذا لبسها مانتوالم

ام شهم . اي نكلها بشرط تعوف هذا اللبس وتصير مثلنا

شهم.. اهووو منين ماجيهت تجيني يمة البنيه ماتوافق وتروح بعيد هاي غير اطباعنا سدي السالفه

علي.. هااااا شكو شبيكم..

شهم.. يول وين جنت اخابر ماترد

علي... جنت اغسل شبيك ها خاله شصاير

ام شهم.. اكله اخطبلك هاي الهين مايرضى

علي.. مني قصدج مسك..

شهم.. ياجماعه تره حلو اسمها 😊

علي.. الله يستر عليها هي كله حلوه

شهم.. هااا يول شو هيج..

علي.. ههههه هسه مافهمنا انت تريد لو لا

شهم.. يمعود ماترهم يمنه..

علي.. لا والله ترهم تره خوش ناس اهلها عائله متواضعه خل احجيلك عنهم .. تربعت وكعدت يمه

ام شهم.. بعد خالتك اي احجي وياه مو خلص كلبي اني هسه اجي خاف تنهزم البنيه

شهم.. هههههه يمة عيييييب عوفيها شبيج شنو تنهزم تره موطايرة..

ام شهم.. مو اريدك تشوووفهااا شبيك

شهم.. لاتخافين .. على ابنج شفتها زين واضح..

ام شهم... هااا عجل شو ماتكول..

شهم.. يمة شكووول شبيج تره هذا زواج مو لعبة لا تخبلوني تره واكفه عندي على طكة لا تخلوني ابطل

علي.. اويلي عالغواااالي شمسوين بيك

شهم.. طلعت جكارتي... اسكت لا تحرگ كلبي ...

ام شهم.. هذا الخ ردنا عون كام يسولف بالغوالي عاب وبلة عاد شلون غوالي .. عايزنا والله

علي... هههههه يبو شحجاني

شهم.. دك التلفون .. طلعتة من جيبي.. كمت الحيلي

علي .. هاا يول.. وين رايد....

مسك.. شوفي راح اكول الامي اذا قبلت اجي واذا ماقبلت مااجي المهم لا تنتظروني ..

اسراء.. اجي وياج... !

مسك.. لا كملي شغل ويا خالة ..راح اروح اني

اسراء.. مو ماتجين تره تزعل خالتي

مسك.. خل اشوف عود اخابرج...

شهم.. اشرتله بيدي هسه ارجع.. طلعت وسديت الباب ورايه ...

مسك... طلعت.. شفته واكف.. بره ويخابر.. طلعت من وراه بدون ماينتبه.. مشيت.، وطبيت البيتة ركض. وكفت .. ورجعت فتحت الباب شوي وباوعن عليه من بعيد..

مريم... مسك... شو واكفه بالباب

مسك.. سديت الباب بسرعه وانداريت اختي مريم ورايه

مريم.. شو رجعتي ليش...

مسك.. وين امي..

مريم.. بالمطبخ هاي سوسو ادور عليج ...

مسك.. فدوة الحبيبة خالتها.. تعالي.. لزمتها من ايدها وطبيت للمطبخ

مريم.. سوسو عبالها انتي بالمدرسة

مسك..ماما... اكول بيت خاله ام علي عازميني عالغده

ام مسك.. خير شنو المناسبة..

مسك.. هيج بدون مناسبة.. مسوين دولمة وحلفو عليه ابقى عدهم كتلهم اكول الامي وارجع

مريم.. شو محد يعزمني هااا

مسك.. ههههه شمدريني

ام مسك.. لا عيب لاتروحين

مريم.. خليها تروح شكو بيها صديقتها وعازمتها

مسك... هاااا ماما شكلتي عيب دينتظروني..

ام مسك.. روحي بس لا تتاخرين..

مسك.. اي ماشي.. طبيت ركض للغرفه فتحت شعري وعدلته .. داخلي عطر وطبت مريم

مريم.. ها شدتسوين..

مسك... ماسوي دارتب نفسي..

مريم.....ممممممممم

مسك... شبيج هاااا

مريم... لا ماكو شي.. اكول سوسو بالشارع طلعت وبيدها الطوبة من تطلعين فوتيها جوة وسدي الباب..

مسك.. اخذها ويايه..

مريم.. لا خاف تضوجج...

مسك.. لا لا ماعليج اذا ضوجتني ارجعها...باي.. رايحة

طلعت للطرمة مالكيت سوسو .. مشيت للشارع..

شهم... داخابر .. شفت بنوته صغيرة.. تركض وره الطوبة
ووكعت بالكاع...،سديت التلفون وركضت عليها

الله الله... تعاي عمو.. شلتها وهي تبجي..

مسك... باوعت سوسو بيدة .. ياربي من شفته مدري شصار بحالي.. شعوررر غريب نسيت سوسو بيده ولا

ركزت دتبجي .. بقيت امشي وصافنه عليه وهو يسكت بيها
شهالجمال .. امشي واحاجي نفسي.. وصلت يمه..

شهم.. صديت ورايه البنيه نفسها..

مسك.. تعالي حبيبي..

شهم.. ها البنوته بنتكم..

مسك.. اي هاي سوسو بنت اختي شنو وكعت

شهم.. اي دتركض وكعت جنت اخابر وركضت عليها

مسك.. اي وكحة متكعد بالبيت ..

شهم.. الله يحفظها الكم

مسك.. الله يسلمك.. ابتسمت واني اخذه منه عيني صارت بعينه ابتسملي هو .. اني دنكت راسي ومشيت

.. امشي وكلي ارجف ماعرف شصار بيه احساس غريب شعوو رائع .. ابتسامته تخبل ..منو هذا وشطلعه

بطريقي .. دكيت الباب.. اركز على ايدي ترجف كل شوي اندار ورايه تمنيته يرجع.. اوو شبيه اني تخبلت.. شكد

عيب لا خل افوت جوة شراح يكول عليه .. النوب همه كلشي عدهم لا وميصير وعيب فتحتلي خاله الباب وطبيت

اسراء..، يمة فدوووووة جايبه سوسو وياااج انطينياهه

مسك.. وين ماخذتها...

اسراء.. اوديها العلي .. يموت عليها .. هناك شهم يحب الاطفال..

مسك.. اخذتها وراحت بقيت كاعده اني وخاله ام شهم
رغم فتحت تحقيق ويايه بس سوالفها تخبل ههه

ام شهم..اكول .. يمة انتي محد يريدج محد ناهي عليج

مسك.. مافهمت خاله يعني شنوو قصدج مخطوبة

ام شهم.. مثلا اللي يجي يخطبج خمو يطلعون ولد عمج
وينهوون

مسك.. لا خاله ماعندي بس عم واحد واولاده صغارر وبعدين احنا هنا ماعدنا سالفة ابن العم ينهي كلشي قسمة .. هذا زواج ماكو شي اسمه نهوة

ام شهم.. عجل اني عمج نهى عليه واخذني شسوه وشعمل هد على اهلي كلهم ماتطلع الباب الا اخذها
واني جنت صغيره.. فتحت عيني عليه .. صار هو الدنيه واهلها ...

مسك.. فدوه خاله الله يحفظكم يارب حلوه اطباعكم

ام شهم.. مثلا لو جتج قسمة هناك بالديره يمنه توافقين

مسك.. دنكت راسي خجلت.. ماعرف خاله كلشي بوكته
بيد اهلي موبيدي

ام شهم.. اي يمة تره الديره اتخبل ترد الروح والله

مسك.. بقيت صافنه واضحك ويا نفسي هاي شتقصد وشبيها ويايه

علي.. دشوف شلون جمال...

شهم.. بس وكحة ماتكعد جيبيه عليه

اسراء.. شمدريك وكحة.....!

شهم.. شفته بالشارع هسه..

علي.. العببببب هلا هلا .. طلع شايف الخاله هم

شهم... اشش شبيك يول عيب ..

علي.. ديله عاد فضها ودع العزوبيه

شهم.. ليش ماتودعها انت ..

اسراء.. خلوها يمكم اروح اصب غده عفتهم يسولفون وطلعت

علي.. خل اكمل دراسه والله كريم .. المهم شكلت على البنيه

شهم.. كتلك مانافصها شي حلوه وتخبل الله يستر عليه بس ماترهم يمي ..

علي.. ليش يابه مارتهم

شهم.. اني ماعندي مرة تلبس هيج لبس

علي هسه.. اذا على هاي اللها حل بس خاف الجماعه
مايخلوك تتزوج

شهم.. مادري علي ماكدر بدونها .. اهلي ديضغطون عليه واني ماريد اظلم اللي اخذها .. كل ما توصل للصدك تجي براسي هيه وابطل

علي... اهووو لا تقفلها علينا .. عوفها ماعليك بيها تزوج وفرح كلب اهلك ومتاكد اذا تاخذ مسك راح تنسى

شهم.. سهلة خل ارجع واشوف الوالد والله كريم ..

مسك.. طبيت بغرفة اسراء اني وسوسو كعدنا تغدينا وكملنا والزلم كعدو وحد...

اسراء.. تعالي للهول امي تريدج...

مسك.. لا استحي..

اسراء.. شهم جوة هو وعلي تعاي ماكو احد بس خالتي وامي ..،

مسك.. لعد اذا هيج اجي.. كمت وشلت ويايه سوسو..
طبيت الهول كعدت عالطخم وهمه كاعدين بالكاع يسولفن

كلش احب سوالفهم.. كعدت يمي سوسو وبقيت صافنه على حجيهم .. اسراء راحت تسوي الجاي...

ام شهم.. اكوم اغسل وجي .. علاكة الدوه جوة

ام علي.. كمت وراهه دقيقه اني ضميت غراضكم ..،

شهم.. كمت غسلت عالمغسلة .. شلت الخاولي .. طبيت
للهووول.. شفتها كاعده هي والصغيره ورجليها طالعه
وهي بيضه تخبل من بعيد.. وكفت بصف الباب وشمرت عليها الخاولي ..

مسك.. رفعت راسي عليه استغربت شنو شمدره بحضني

شهم.. استري نفسج بي.. تره مو حلو هيج لبس.. عفتها وطبيت.. للربعه .. صحت يمه وين ملابسي

مسك.. خجلت من سوه هيج.. شلت الخاولي وخليته على رجلي بس هو شعلي وليش هيج سوه .. بقيت كاعده والف فكرة براسي..

اسراء.. اخذت صينية الجاي وكعدت يمها.. اليوم كلشي مافتهمت منج لان هين بيت خالي

مسك.. لا حبيبتي عادي اكلج راح اروح اني

اسراء.. بعد وكت وين رايحة

مسك.. لا هاي تريد على امها خل اروح .. يله عود اخابرج
شلتها وطلعت..

اسراء..لبست الشال وطلعت وراهه...

مسك.. يله مع السلامة سلملي على خاله ...

اسراء.. الله يسلمج وانتي هم سلميلي...

شهم.. لبست وطلعت للطرمة .. يمة ... وينج

اسراء.. خاله شهم يريدج...

شهم.. اسراء.. كلليها افول بانزين وارجع حتى نطلع ورانه طريق..

علي.. شنو راح تروح...

شهم.. اي بعد نص ساعه اطلع..

علي.. شعجب ليش... البارحة جيتو

شهم.. لا ابو احمد اليوم ملتحق والوالد وحدة بالشغل ..

علي.. والجماعه اشو ماشفتهم..

شهم.. ااااخ اسكت وخليها ..المهم خل تتحظر امي ..

ام شهم.. ها وينه .. شو صاح عليه وطلع

اسراء.. راح خاله جان واكف هو وعلي مدري شيحجون بس كال افول بانزين ونطلع ورانه طريق ..

ام شهم.. عجل خل اتحظر.. جوز عمج خابرو كاله ارجع

اسراء... خل الم ملابس شهم واخليهم بالجنطة

مسك... رجعت للبيت واني سارحة بغير دنيه .. ليش هيج سوه ويايه .. وكال استري نفسج .. ياربي هالشاب شكد كبر بعيني... بقيت مدده بفراشي واللعب بشعري وهو ماراح من بالي لحظة ...

مريم... هااا عيني ... شنو راح تنامين..

مسك.. تعالي زين جيتي مريومة سدي الباب وراج

مريم.. هااا ولج شكوو خاف راسيه بالامتحان وماندري

مسك.. لااا شبيج وين راح بالج

شهم.. فولت بانزين ورجعت .. اخذت امي سلمت عليهم ومشينا..

ام شهم.. اكول يمة لازم ابوك خابر مو

شهم.. لا بس ابو احمد اليوم التحق للدوام

ام شهم .. الله وياه ربي يحرسة ويرده سالم

شهم.. تحجي امي ويايه .. بس مسك ضحكتها ورقتها بقت مطبوعه بدماغي .. شكد محبوبة .. واللسان تنحب
معقول اكدر بيوم احبه وتكوم زوجة اللي وتنسيني كلشي
اتذكرت رجليها وهي طالعه اخ لو عندي تحلم تلبس هاللبس

ام شهم .. وين الله وجيت الخ نرد بزفه ويانه عروستك

شهم.. ههههه بهالسرعه هاي

ام شهم.. يمة فرح كلبي الله رضى عليك خل اشوف
جهالك عرسك قبل ما الله ياخذ امانتو

شهم .. اسم الله عليج الغاليه عمرج جدامج تشوفي يمة تدللين يجرالج ..

ام شهم.. يعني موافق على البنيه ..

شهم .. هي حلوه عجبتني بس خل نسال عليهم نشوف الوالد لازم نتريث بالموظوع ..

ام شهم.. الله يفرح كلبك المهم عجبتك كلشي يهوون

شهم.. الملعونه عيليها عيون .. تسبي ...

ام شهم ... هاا مو كتلك بالعنرنتيت ماتبين زين

شهم.. يبووو يمة انترنيت شسالفه هههههه

ام شهم.. هسه عنترنيت .. نيت كلشي يرهم ..

مسك.. وج مريووووم شفت واحد عد بيت اسراء

مريم... اي عيني اصبري خل اتربع واسمع زين

مسك.. حنطي ضخم حواجب سود ثخان شعره اسود ناعم
عيونه سود تكتل .. كله كووووم وشخصيته كوووم ثاني
شحجيلج النوب ياحاجيني ويكول هين لج حجيهم نفس بيت اسراء وبعد احلى .. يمة نظرتة وهو يباوع عليه تموت

مريم.. اي اي وبعددد طالعه عيييينج ولج

مسك.. اهووو باعي طب للهول لكاني وحدي شمر على رجلي الخاولي لان لابسه قصير كال استري نفسج
استغربت ليش هيج سوه ..

مريم.. اييي عيني النوب يغار ليش لا ..

مسك.. لا مويغار بس همه مايلبسون مثلنه

مريم... ولج بعد متروحين هناك طالعه عينج والله لو تدري امي ..

شهم.. وصلنا الديره بخير وسلامة ... نزلت امي واني طبيت وراهه بيدي الجنطة

ابو شهم... هم زين من جيييت ..

شهم.. الله يكاويك يابه

ابو شهم.. هلا .. ها شو رجعت رحت عليه مو ..

شهم.. لا يابه جان عندي شغل

ابو شهم.. كمت الحيلي وبيدي العوجية ضربت الباب..

ياشغل هذاااا .. جهال جدامك ..

ام شهم.. على كيفك حجي .. دقيقه ..

ابو شهم.. اليوم اكطعلك مهر على بنت عمك...

شيرين.. عززززة وكفت يم الباب سمعت صياح ماكدرت افوت اخاف من اشوف شهم عصبي والنوب ابويه وياه

لمياء.. فتحت باب الغرفه دحكت سيارة شهم بالطرمة ..
عمي يصيح .. اي هذا صوت شهم انتبهت شيرين واكفه بصف الباب.. خيرر شكووو

شيرين.. ولج ابويه راح يكطعلووو مهرررر اليوم

لمياء... شنووووووو،،،،؟؟؟

يتبع... ملاحضه تركت بيج قصص فتيات عراقيات

حاليا انشر عالواتباد وعلى حكايات نشوى السلطان

احبكم .. وداعت الشهم 😉 ادري اكو اخطاء غلسو

فيتامين سي · 21-09-18, 02:51 AM

الـبارت الثالـث ...

مساء الحب... ❤️

#إمرأة_من _عاج 🗽

بقـلمي ... #نٰـشوى_السـلطان ... 🍂

ولأنك جأتي ف العمر مرة فأني احببتك الف مرة

لمياء.. فتحت باب الغرفه دحكت سيارة شهم بالطرمة ..
عمي يصيح .. اي هذا صوت شهم انتبهت مريم واكفه بصف الباب.. خيرر شكووو

شيرين.. ولج ابويه راح يكطعلووو مهرررر اليوم

لمياء... شنووووووو،،،زين المن منو يخطبله؟؟؟

شيرين.. دسكتي خل نفتهم .. اوف وتالي وياه هالشهم

شهم... وتالي رجعنا لنفس السيرة..

ام شهم.. استهدو بالرحمن اكعدو خل نحجي .. يربي مكسرة من الطريق وتعبانه تلكيتوني بعياط وصياح عجل لو باقيه هناك جثير احسن..

ابو شهم.. اي نرجع كتلك مازوجك وحده اذا مو اني راضي عليها..

شهم.. بنت عمي يعني اخيتي ياب افهموووو ماكدر مالي نفس بيها حرام عليكم ...

لمياء... هفففففف اخوج وتالي وياه

ابو شهم.. اخوك تزوج بنت عمه ليش ماكاال مثلك هااا لو انت دطلع حجج

شهم.. يابه هي نفسيات اخويه يختلف اني ماكدر
بنت عمج تاج عالراس مالكة احسن منها بس المشكله والله اعتبرها اختي واكثر..

ام شهم.. اسمع حجي اليوم جنه بغداد وشاف بنيه حلوه ليش مانخطبها اله سالت عليها ام علي تكول خوش ناس

ابو شهم..، لا اله الا الله ليش غريبه ليش مو عدنا نسوان

شهم..، ماريدددددهم يابه والله ماتزوج منهن اذا ابقى طول العمرر بدون زواج.. مشيت اريد افوت للغرفة

ابو شهم.. وين رايد اكف خل احاجيييييك

شهم.. وكفت صديت عليه كول يابه اسمعك..

ابو شهم.. هاي الكالت عليه امك تريدها...

شهم... اي ماعندي مشكله ...

ابو شهم.. هااا كاطع فكرك يم بغداد..

شهم.. ههههه استغفر الله عمي بطلت ماريد

ام شهم... لااااا اسكت كافي ..نتوكل على الله ونمشي

شهم.. يمة خاف ياكل رجليها البك هههه

ام شهم.. اوو عاد كلنا سالفه بتلينااا..

لمياء... ولج منو هاااي .. عليمن يحجون

شيرين... اوووف واخيرا اقتنع بعد كل التعب .. شبيج مسك جيران بيت خالتي..

لمياء.. هاا ومنو كال توافق تجي هين..

شيرين.. توافق عيني ليش تلكة احلى من شهممم

لمياء.. ليش لا يفضل الغريبة على اختي مو ...

شيرين.. اختج مابيه شي بس سمعتي كال اعتبرها اخت
بعد هي كلشي قسمة..

شهم.. يولي.. شيرين...

شيرين.. مديت راسي من الباب ها خويه

شهم.. فوتي الغراض جوة..

ام شهم... علاكة الدوه ديربالج ..

شهم.. ها يمة ارتاحيتي...

ام شهم.. لا يبعد امك مارتاحيت.، الا اكطعلك مهر واشوفك بعيني عريس انت ينخاف منك خاف تقلب..

شهم.. لا ههههً مازعل الغالية...

ام شهم.. الله يرضى عليك يمة ..

شهم.. اكوم اشوف الربع.. وارجع كمت الحيلي خذت السويج. ومشيت

ام شهم.. راح اخابر خالتك واتفق وياهه

شهم.. شبيج مستعجلة يمة

ام شهم.. اوو اني عليش اكلك بعد اخذت الموافقه روح
الله وياك خليها عليه

شهم.. هههه ماشي حبيبة .. سلام

شيرين.. وديت الجنط وطبيت اركض .. يمة يمة..،

ام شهم.. بسم الله شكوووو انتي الخ

شيرين... شنووو السالفة شصايرررر

ام شهم.. لا تسولفين بالسالفه مانريد احد يسمع خاف اخوج يقلب

شيرين.. شاااافه شهم شكال

ام شهم.. اي شافهه خوش بنيه حلوه تخبل ماكو بحلاتة هين .. بس مطلعه سيقانهه😕 بس اذا جت هين اخلي تلبس طويل

شيرين.. شنوو ياسيقان

ام شهم.، لابسه تنوره كصيره والشعر مفتوح .. غير خبلت اخوج عجل شلون وافق هو شافه تغير وكال موافق

لمياء.. اي وانتو تجيبون وحده هيج حضرية بنصنة وين تعيش اني اشوف لو تلغون السالفه هاي موراهمه
ولا ابو احمد يقبل وحده هيج تلبس بالبيت

شيرين.. يمعوده نعلمها على اطباعنا اسكتي خيه تره ماصدكنه يوافق على وحدة شفتي ماخلينه وحده وماقبل

ام شهم.. اليوم افضها ونخطب كبل مايقلب

لمياء.. تتوقعين راح ينسه .. ويتزوج عادي

ام شهم ينسة ينسه .. شسالفه شبيجن كافي خل اكوم اسوف ابوج وينه .. يولي ابوج دور عليه .. ماشتاكلي

شيرين.. هههه شوف امي گلبه اخضر

ام شهم.. مكصوعة ..شبيج عجل الشباب احسن من عدنا

شيرين... لا يمة شجابهم عليكم بالليل جان كاعد هين وحدة عرفته يدور عليج

ام شهم.. ها شوفي شكتلج

شيرين.. المهم شراح تسوين تره ضوجة انريد عرس

ام شهم.. تحضرن قريب قريب ..

شيرين.. مرت الايام سألنا عن اهل البنيه ودزينالهم خبر احنا جايين نخطب اذا ينطون واليوم ننتظر ردهم كون ترهم ونفرح بشهم على عناد العواذل..

ام مسك.. صيحيلها الاختج عليش جوه خل. نفتهم

مريم.. جوز تستحي خل اشوفها

ام مسك.. ماكو تستحي هنا خالج وزوجج خل نشوف التالي الناس يريدون رد من عدنا

مسك بقيت وره باب غرفتي اسمعهم وكلي لهفة اريد اسمع رد امي ،، معقول اخذ شهم واكون يمه لا ماصدك ابد سمعت مريم جتي تمشي.. رجعت المكاني كعدت

مريم.. فتحت الباب وطبيت عليها

مسك.. كمت الحيلي وگلبي يدك ..

مريم..، هااا شو ماجيتي تعالي امي تريدج شنو تستحين

مسك.. مريم ،، اريده حبابه ساعديني

مريم.. اي عيني ليش لا حبيتي من اول مره

مسك.. غير لو تشوفي بس تشوفي راح تكولين حقج
ولج يخبل شخصية يمةةةة متت عليه

مريم.. زوجي احلى عيني..

مسك.. اي احلى هههه خل بس توافق امي

مريم.. دمشي عيني خل نفتهم هسه

مسك... مشيت واني كل جسمي يرجف مستحية من خالي وامي رفعت راسي .. ياااارب قويني يااارب توافق امي..، سلمت على خالي احمد وكعدت

ام مسك.. والله صارت عروسه مسوكة ويخطبوها

احمد.. اي هنيال الياخذها شلون مسوكة هي

مريم.. يعني راح تنطوها ماما..

ام مسك.. الصدك مامقتنعه اني بالقسمة

مسك.. كاعده واهز برجلي.. احس كاعده على نار خايفه
امي حجيها تريد ترفض شهم..

احمد.. بس حسب حجيكم الناس خوش ناس وجده شيخ عشيرة واهله معروفين

ام مسك.. شعجب ماخطب من منطقته من كرايبه

مريم.. جوز مايعجبنه الله اعلم موشرط اكو شي

ام مسك.. مادري المكان بعيددد وهي تدرس..

مريم.. مسك.. انتي شتكولين

احمد.. اي صحيح خل نسمع رئيها بالاول

مسك.. اني سالت اسراء عليه .. وكالت كلش حباب وخوش ولد .، واني الصدك مقتنعة وماهمني البعد مدام هو خوش انسان

ام مسك.. هاااا وتروحين بعيد عني ماهمج امج

مسك.. لا ماما بس هو هنا كرايبه ودوم يجون ماراح اروح بعيد .. ..

احمد.. حجيها صحيح اهم شي قسمة زينة .. خل نسال عنهم ونشوف..

مريم.. خالي هنا بيت خالتهم وخوش ناس مجاورينه صار هوايه ماتصور راح يضمون علينا اذا الولد بي شي او اهله مو خوش.. لا سامح الله

ام مسك.. مادري والله دايخة هاي ماتعيش عدهم

مسك.. ماما اني موصغيره لتخافين عليه ..

احمد.. عيني البنيه رايدته .. ههههه

مريم.. هههههه اي لحد يناقش

مسك.. ضحكت ودنكت متت خجل احس وجهي نار كمت الحيلي وطبيت اركض للغرفه .. يمةةةة كلبي دكاته الف
اتمنى يجي هاليوم .. واكون زوجة الك يالشهم ..،

مرت الايام.. اني اروح للمدرسة وارجع بس صافنه وبغير دنية ماجنت اتصور بيوم راخ احب او عيش بحالة حب كل

همي جان اللبس اكشخ واكل شكولاته ..رجعنا من المدرسه اني واسراء.. ومل خطوه اخطيها احس روحي ترد

اليوم اشوفه اليوم اكون مرتة حلاله .. الله ربي زرع حبه بكلبي من اول يوم ... شفته .. ..

اسراء.. يولي .. بالج وين ..تره اليوم حتى المدرسة انتبهت عليج شبيج جماله اليوم مهرج

مسك.. هو شنو اللي موتني غير مهري .. لج اسراء

مامصدكة اليوم اشوف شهم .. مداتخايل راح اكعد بصفة

اسراء.. الله يسعدج حبيبتي .. اكولج تره راح يجون كومه

من هناك .. اخذتي ملابس..

مسك.. كلشي اخذت.. اكولج تعالي من وكت ساعديني

اسراء.. هو راح افوت اسبح واتغده واجيج

مسك.، وصلنا اني طبيت واسراء راحت

اسراء.. طبيت للبيت واحس نفسي تعبانه مريضه ماعرف شنو اللي بيه جنت اتمنى اكون من قسمة شهم لكن

الحمدلله على كل حال ،، هذا نصيبي ،، طبيت الغرفتي واني الدمعه بعيني..، شمرت كتبي وكعدت بالكاع

محد يدري بحالي محد يعرف ولا حسو اني جنت اتمنى شهم يحس بيه لكن الكل ماحس بية ولا حتى هو هذي قسمتي الله يسعدهم .. كمت طلعت فستان طويل خليته
ورحت سبحت..

مسك.. طبيت للبيت.. شمرررت الكتب.. لكيت خلاتي وعمتي يمنه .. ولكل متحظر.. طبيت للغرفه .. والكل ورايه

مريم.. اليوم العروسة فرحانة..

مسك.. اكولج تاخرت مو.. شلون منو راح يسوي شعري

وينهم هسه خابروكم جايين لو لا..

مريم.. هسه طلعو خابرو على خالي ركضي سبحي

مسك.. عززززه .. كمت اركض مثل المخبلة مره افتح الكنتور مره اسدة مره اشيل المشط وارجع اشمره
ولج مريوم وين الفستاااااان جبتي صغرته الخياطة لو لا

مريم.. هههههههه لكم راح تتخبل ولج شبيج الطرريق طويل ميوصلوو هسه على كيفج الفستان جبناه وكلشي
محضرين لتخافين حبيبتي

شهم.. فرحت الفرح اهلي اكثر مما فرحت النفسي
اخذت الربع ولد عمي والولد واخويه .. وطلعنا البغداد

ادحك على امي الفرحة مرسومة على وجهه والولد اكثر
كلش فرحت الفرحهم.. رغم احس شي بداخلي حيل

خانكني .. لكن خلص هذي سنة الحياة لازم ابدي من جديد ومسك .. لازم تكون مسك الختام .. التفون الطريق

كله يدك .. وماجاوبت .. اعرفها شتريد اووف بيه حسرة
بداخلي بكد فرحة امي هسه...

جواهر... والله ماخليهم يتهنووووون لج يمة شكتلج موكتلج متغيررر يمة راح مني شهممم ياوكت ادك عليه ومايجاوب

ام جواهر.. هاي سوالف الامايه بكد متحجي براسه

جواهر .. خابرني بالليل اول البارحة كلشي مابي شقى
وضحك .. البارحة يخابرني يكلي انسيني مانرهم بعد
لح يمه والله راح يتزوووج اني ادري هاي اهله وره السالفه

ام جواهر.. ولج هاي حركتج كل عقلج اخليهم يتهنون الا اكلب عليهم الدنيه بس تأكدي من السالفه شوفي شكو

هو كل مره يبتعد ويرجع شبيج لتخافين اللي يحب
من بناتي مايكدر بعد .. اني ام جواهر ..

جراهر.. انطيني الباكيت .. نار وشابه بداخلي لح يمه
خل اروحله للبيت شتكولين

ام جواهر.. عوفي الجكاير وفكري زين ولج

مسك.. للبست فستان طويل ..احمر طويل وبقيت شعري مفتوح خليت مكياج كلش هادء... افتر بالبيت وعيني عالباب.. الزلم كعدو بالاستقبال واحنا كعدنا بالهول دنتتظرهم يجون ...

اسراء.... لج اكعدي شبيج..

مسك.. مليت من الكعده ولج.. تعالي شوفي جتي امج

ام علي.. كلوووووش... صلو على محمد... شطالعه اليوم

ام مسك.. هلا بأم علي... كل الهلا

ام علي.. بالمهلي عيوني تره خابرو علي قبل شوي
جايين راح يوصلون..

مسك.. من كالت هيج.. يمة كلبيي دكاته ماتنحسب

اسراء.. جووووي جوووي

مريم.. فتحي الباب البره وين علي خلي يفتحة

مسك.. كعدت بمكاني .. بصفي خاله ام علي .. وانتبهت على ايدي ترجف... كاعده واقرأ ايات..

مريم.. ماشاءالله .. هاي شكد ناس جايين

اسراء.. ادحك على شهم.. فتح الباب ونزل. لابس دشداشه بيضه وغترة وعكال.. ماشاءالله على زين الرجال

مريم.. باوعت من الجام ولج اسراء. هذا شهم مو

اسراء.. اي هو شبيج نسيتي شكله

مريم.. ماشفته زين شمدريني اليوم لابس دشداشه متغير

مريم.. حيييل هاي شكد جايين كم سياره .. لج الشارع نسد ليش لا عيني مسك كل عاي جايين علمودها

اسراء.. ههههه اسكتي جتي خاله...

ام شهم... كللووووووش كلووووش شلونكم ولج شيرين
تعالي الزمي عباتي خل اسلم

ام علي.. هلا خيتي مبارك عليكم ..

ام شهم.. الله يباركلج يوم العلي.. اليوم شطالعه مسوكة

مسك.. كمت الحيلي بوسته ..

ام شهم.. اي شوفي شحلو ثوبج .. طووويل

مسك.. اشكرج خاله تعالي تفضلي

شهم .. سلمنا وكعدنا...

لمياء.. اكول شيرين هي هاي العروس تره خبصتونا بيها
شكلها عادي كلش

شيرين.. شبيج لمياء تره مو وكتج عيب لحد يسمعج دشوفيها شلون تضوووي

علي.. هااا شبيك هاي جواهر مو ...

شهم.. شعلت گلبي شعل الطريق كله مابطلت حتى الجهار خلص شحن

علي.. يمعود اغلقه احنا دنخطب راح ينتبهون الناس

شهم.. عبالك واحد خانكني يولو .. روحي بيها

علي.. كافي شهم اليوم مهرك كلها فرحانه

شهم.، هو هذا اللي مصبرني فرحة اهلي

اسراء.. هذي شيرين اللي احجيلج عنها

مسك.. اهلا حبيبتي .

شيرين.. الف مبروك عروستنا .. ماشاءالله اخويه شلون ذوق عنده

مسك.. ابتسمت .. تسلمين حبيبتي ..

اسراء.. خل اروح اجيب الكيك ويا مريم ..

شيرين.. دقيقه اخذوني وياكم..

ام شهم .. شو. ماكطعو مهر بس سوالف ورانه طريق

ام مسك.. ابقى هنا باتو اليوم وين رايحين

شهم.. طلعت الجهاز دزيت الها رساله ... كافي يمي جماعه لاتخابرين .. غلقت الجهاز .. وخليته بجيبي

اسراء.. تعالو ديكطعون بالمهرررر..

مريم .. وينج مسك تعالي خالي يردج ...

مسك.. كمت الحيلي وكفت يم الباب.. سألوني المن اوكل
خليت موكلي خالي ورجعت..

اسراء... قرو الفاتحة .. كطعووو المهررررر

ام شهم... صلوااااات الف مبرووووك .. كللووووش

مريم.. شغلت الديجي ونصيته.. خليت اغنيه اللي تحبه مسك .. ياصايبغين الذهب حبيت ادلعها جيبولي خاتم
حلوو يستاهل اصبعهااا..

شهم.. كمت الحيلي سلمت عالكل وبوست ابويه

علي.. هاااا واخيرررررا ودعا العزوبيه ... مبارك

شهم... ههههه الله يبارك بيك اخويه ..

شيرين.. راح يجي شهم بنات..

مسك.. من كالت .. رفعت راسي احس نفسي صخنت

يتبع... اليوم الجزء اقل من كل يوم يوميه 2569
اليوم كان 1845 كلمة متعبة الكتابه والله عذروني
ماكدرت اكمل لاتزعلون يبعد العيوووون

فيتامين سي · 21-09-18, 02:52 AM

الـبارت الـرابع ...

مساء الرقة... ❤️

#إمرأة_من _عاج 🗽

بقـلمي ... #نٰـشوى_السـلطان ... 🍂

‏حبيبتي لديَّ شيءٌ كثيرْ
أقولُهُ، لديَّ شيءٌ كثيرْ
من أينَ ؟ يا غاليتي أَبتدي
و كلُّ ما فيكِ.. أميرٌ.. أميرْ

أحببتها حتى النخاع حتى الضياع.
❤️. ❤️. ❤️

شهم.. كمت الحيلي سلمت عالكل وبوست ابويه

علي.. هاااا واخيرررررا ودعا العزوبيه ... مبارك

شهم... ههههه الله يبارك بيك اخويه ..

شيرين.. راح يجي شهم بنات..

مسك.. من كالت .. رفعت راسي احس نفسي صخنت

ام شهم.. شووو وينه اخوج شو ماطلع ..

اسراء.. ذاك علي طلع للطرمة .. خل اسألوو

ام شهم.. كوليله خل يدزه علينا .. خل يجي يشوف عروستة

مسك .، اجوي البنات يباركولي واني عيني عالباب اريد بس اشوفه .. شلابس شطالع .. متلهفةةةةةة الشوووفتة

علي... شهم.. تعال يردوك...

شهم... خيررر منووو ...

علي.. خالتي يمعود شبيك

شهم.. اها .. كمت الحيلي.. طلعت للطرمة ..

شيرين.. يمة يمةة تعاي هيان شهم هين بالطرمة تعالي من هذا الباب

ام شهم.. هاا عجل اخوج يلعب علينا كل ساع من مكان

شهم.. يولي... شبيها اني شتريد..

علي.. شتريد يعني دروووح اكعد يم خطيبتك

شهم.. اا لا لا بعدين .. شعندي طاب بنص النسوان

ام شهم.. شوو وينه ... تعال ليش مافتت جوه

شهم.. يولو وين افووووت غير وكت اجلوها

ام شهم.. اليوم مافوت اني ابقى هين اذا مافتت والله

شهم..، هههههه شبيكم يمعودين ..

علي.. يله خويه توكل روح خطيبتك تنتظرك

شهم.. صبرو خل اجيب مبايلي بقى جوة

ام شهم.. عسى لا جبتو خل يولي هذا مو مبايل هذا شيطان اكشررر

علي... ههههه وانتي الصادكة خالتي

شهم.. شو بالجذب محد باركلي...

ام شهم اكعد يمها ونباركلك .. امشي الناس جوه

شهم.. سوو طريق.. امشي شيرين كوليلهم جاي

شيرين.. تعال دينتظروك كتلهم ..

مسك... سمعت هلاهل .. وخطواتهم اجوي . يمشون

جمدت بمكاني.. رفعت راسي.. صار هو بوجهي ديمشي

خجلت ودنكت راسي ..

شهم.. السلام عليكم ...

الجميع.. وعليكم السلام .. الف مبروك

ام علي... مبارك يالشهم .. شايف كل الخير

شهم.. يسلمكم الله اشكركم... سلمت .. وصديت هي ورايه

مسك.. رفعت راسي الكل يباوع علينا ...

شهم... تقربت وكفت يمها... همست شلونج ..

مسك.. الحمدلله وانت

شهم.. بخير بشوفة هالوجة ..

مسك.. من كال هيج وجهي احسه نار ابتسمت ودنكت

ام شهم... اكعد يمهاا... ولجن شغلن هذا شو بعد ماكو غنه هاا ..

شهم،،. كعدت بصفها... صديت عليها وهمست بصوت ناصي .. يولو.. شبيج تره صرتي حمرة

مسك.. نعم ويايه

شهم.. ليش اكو غيرج (هيييييين )

مسك... ههههههه ... موناسيها

شهم.. ريتها دوم ماتفارك هالوجه.. لاتستحين مني

مسك.. هزيت راسي اي.. رفعت راسي الكل يركص ويصفك ومحد منتبه النا .. انداريت عليه .. وكتله ..
ماجنت متوقعه انت قسمتي.. كلشي صدفه

شهم.. هههه .. ومحلاهاا هالصدفه .. خليت ايدي على جتفها.. ورفعت راسها بأيدي خليتها على حنجها عيونها بعيوني وهمست فرحانة...!

مسك.. بصوت يرجف وخوف وخجل همست ..
اي جثيرررر فرحانه

شهم.. هههههه فديت الجثير الطالعه من منطوگج

شيرين.. دشوفين اسراء شلون عبالك عصافيرر اموت واعرف شديحجون

اسراء.. ههه شعليج بيهم عوفيهم ..

شهم.. بعدج تلبسين كصير... امي شسوت بيه بالبك

مسك.. هههههه يااا هاي كلتلك

شهم.. ماتنلام بيج هيج رجلين حرام يطلعن وياكلهن البك

مسك.. ابتسمت.. وكتله ... لعيونك اللبس اللي يعجبك

شهم.. وام اللسان بعد ..، الله يعينك شهم .. يله اكوم يم الولد بعدين اشوفج .. يالعمر انتي

مسك.. هزيت راسي اي كام راح .. يمشي واني اباوع علية وعلى كل خطوة يخطيها اكول بسم الله على طولك

كعدو ساعه ورجعو طلعو كلهم .. بس شهم ماراح بقى عد بيت خالتة .. طبيت للغرفة وعفت البنات لملمو البيت

والهوسه والكل راح .. بدلت ملابسي لبست تراكسود
زيتوني .. ورفعت شعري ... وطلعت للهول،،، امي بالمطبخ وسوسو كاعده وتوكل بيها مريوم

مريم... يمةةةة يمةةة الابتسامه والفرحة مرسومة على وجهج ..

مسك،.. شفتي هااا شفتي تلوميني ...

مريم .. خبال صدك لو كالو حب الزعاطيط يشيب الراس

مسك.. ولج يازعاطيط .. بس اني حبيتةةة والله مدري ليش

مريم.. والله وكمتي تحبين وكبرتي جنتي العام اذا ماتنطيج امي فلوس تبجين

مسك.. يالعام اهووو لا هاي قديم لتسويها سالفه عليه

مريم.. خل يجي خطيبج اسولفله سوالفج🤣

مسك.. غيرررر امووووووتج دحجي وشوفي شيصير

مريم.. لا صدك وينه اليوم يجي لو لا ...

مسك.. ماعرف بس اسراء كالت بقى يمنه ..

مريم... خاف يجي بعد شوي

مسك.. ماعرف ماسالته

مريم.. شجان يحجي وياج ها اعترفي

مسك... وانتي شعليج ماحجي

مريم... خهههه مممم المهم .. سمعت عمتج تكول الامي الزواج قريب

مسك.. ماعرف ماحجه ويايه بهالخصوص

مريم.. ودراستج ....؟

مسك.. شسويلها ،،.

مريم... ياا حرامات ولج ..

مسك.. خل اشوف شيكول هو الله كريم

شهم.. اخذت التلفون وطلعت بالسياره وخابرتها

جواهر... لج يمه شهممم يتصل ..

ام جواهر.. هااا شكتلج موكتلج يخابر

جواهر.. دقيقه .. جاوبت ... الووووو

شهم الوو ها جواهررر

جواهر.. هلا حبيبي هلا روحي

شهم وتالي وياج ليش هالكد خابرتي ها

جواهر... وينك خليت بالي ...

شهم.. جواهر.. اني وانتي مانتراهم قسمة ماكو. يبنت الناس انسي الله يوفقج بحياتج

جواهر... تريد تتزوج بنت عمك مووو احجييييييي

شهم... مايخصج اخطب لا جواهر انسي شي اسمه شهم

جواهر... غير اموووووت ماكدر بدونك .. شتحجي

شهم.. راح اسد الخط اني موبالييت يم جماعه لا تخابرين ولي يسلمج

جواهر... وتعوفني .... هاااا

ام جواهر.. انطينياه خل احاجي

جراهر.. دقيقه يمةةةةة هل افتهم الووو

شهم.. ها جواهر شبيج

جراهر.. احبك يعني شبيةةةةة

شهم... اوووف ولج روحي لاتحركين اعصابي ترة مابيه

جواهر،. اني جواهر حبيبتك تعرفني وتنساني

شهم.. يله روحي راح اروح ..

جواهر... والله اجيييييك للبييت اذا عفتني ماخليك تتزوج غيري الوووووو الووو

شهم.. عفتها تحجي وغلقت الجهاز.. لفت السيارة ورجعت

جواهر... يمة سددددددة بوجهي هذا مو شهم ابددد

ام جواهر اليوم بالليل .. اعرف شغلي وياه اخلي يضرب التل ومايندل شبيج مثل ماجبته كبل اجيبه هسه

جواهر... شمنتضرررةةةة يله ..

شهم.. اريد افوت للبيت احس نفسي مخنوك ،.

فتحت الباب وطبيت للطرمة .. صحت علي ... يولو

اسراء.. فوت شهمم ماكوو احد ،،،

شهم.. فتحت البال وطبيت للهول.. لكيت خالتي واسراء

ام علي... ها يمه وين جنت كومي اسراء صبي الشهم عشى كومي

اسراء.. خليت الكتاب و كمت الحيلي

شهم.. لا لا اكعدي مالي نفس اكل

ام علي.. خير يمة عبالك مالك خلك

شهم.. راسي يوجعني ماكو شي وينه هذا علي

اسراء.. هسه فات جوه جان يدور عليك ...

شهم.. مسك خابرتج ...

اسراء.. لا تريد تحاجيها ..

شهم.. لا جهازي مغلق جماعه ضوجوني وغلقته

اسراء... اها .. راخ تروح المسك

شهم.. خل اشوف بس جيبيلي حبايه راسي خبلني

ام علي.، اوف يمة انت منفوووس ابد مو مرتاح

شهم... خاله باجر اريدج ويانه الصبح ناخذ الذهب امي راحت ومحد ويايه غيرج ..

ام علي .. جاهزه اني .. شوكت تتزوج

شهم.. قريب ان شاءالله راح اروح بعد شوي واتفق وياهه
نشوف شوكت ..

ام علي.. ان شاءالله خير يارب..

علي... طبيت للهول شهم كاعد ومخلي ايده على راسي
هااا خويه خيرك... وين جنت

شهم.، فتريت شوي ورجعت..

علي.. كعدت يمة... هاا شجرالك ..

اسراء.. خليت الحبايه يمه وكلاص الماي .. شلت الكتاب وطلعت وره امي طبيت للغرفه

علي... شبيك احجي هم جواهررر ...

شهم... اوووووف خابرتني ماديفيد بيها احجيلي اذا هي نست اني شلون انسى ..

علي.. يمعود تره ماتسوه والله هالبنيه غير طورنا مسك تاج راسها

شهم.. لا يول ماشفت عليها شي شبيك حرام علينا

علي.. والله من يوم جت الابو احمد هي وامها تتوسط الابوها المحكوم مارتاحيت اللها

شهم.. اي ابوها هي شعليها مابيه شي

علي.. خويه كل مره اريد احجي وياك واخاف تزعل هالعائلة ابد ماعجبتي والله

شهم.. ولك گلبي يحبهاااا موبيدي... تدري شنو يحبها هسه نار وشابه بصدري من تجي براسي اتخبل هسه روحي مفرفحة عليها بس هاي هي بعد خطبت

علي.. صدك لو كالو الحب اعمة ان شاءالله تنسى ووتعود
كوم روح الخطيبتك

شهم.. الساعه شكد .. دحكت عليها .. الساعه تسعه وربع .. وين اسراء.. خل تخابر تنطيها خبر

علي،، لا روح انت ماحاجة هي تخابر ..

شهم.. باجر اخذ الها تلفون ..

علي... وتبدل خطك حتى ترتاح ....

مسك.. مرت الايام .. كان يوم اجمل من يوم .. شهم.. صار كلشي بحياتي .. حبيتة اكثر من نفسي.. غيرت
كلشي الأجله اتحجبت وغيرت استايلي كلشي لعيونه بس
احس اكو شي بداخله يوم اشوفه فرحان مرتاح ويوم لا
ابقى احجي وياه للصبح.. كملنا كل تجهيزات الزواج
خطوبي كلها كم يوم .. الاسبوع الجاي زواجي

مريم.. خل تجي من المدرسه .. شنو يردون الزواج
يم اهله .. شلون المكان بعيد خل تسوي بالقاعه

ام مسك.. هناك ماعدهم قاعه ومدري شنو لتخلين هالسالفه براس اختج عوفيها مدام هي راضية بس كولي شلون راح افاركة يمة غصه احسها واكفتلي

مريم.. لا يمه مدام هي سعيده ميخالف نروح الها وهي تجينا ..

ام مسك.. ان شاءالله يمة كون تنسعد شهم مبين خوش انسان ثكيل وحباب ..

مريم.. بس تدرين ماما مرت اخو مارتاحيت اله

ام مسك.. لتحكمين عالناس من اول مره .. موشرط

مريم.. شرايدين احنا... المهم هاي الزفه راح تصير شطولها خطيه كم ساعه الطريق راخ تتعب

مسك.. رجعت.. مم المدرسة .. تلكتني سوسة بالباب..
تنتظرني كل يوم .. طبيت شلتها وفتحت الباب ها ماما شطابخة جوعاااااانة شهم خابر لو لا

جواهر.. يمة .. شوفي ماصار اني لازم اروح عليهم وافهم السالفه شهم جهازه مغلق هاي كم يوم .. خل نروح لمنطقتهم شتكولين ماتحمل بعد

ام جواهر.. هسه نطلع يعني ..

جواهر.. اي كومي خل نروح ماتحمل يمة

ام جواهر.. خاف يضوج ويسويلج مشكله انتي تعرفي شلون عصبي...

جواهر.. ماعلية اروح يعني اروح كله من امه الحية

ام شهم.. يمك وين رايح .. تعال شراح تسوي

شهم.. يمة اروح اجيب خرفان ليوم العرس احجز من اليوم ماضل وكت

ام شهم.. اي يمة روح اكول شوكت تروح البغداد

شهم .. مادري ماروح يمكن ..

شيرين.. شهم هاي مسك دتتصل..،

شهم.. جيبي الجهاز وتعالي

ام جراهر.. كومي اللبسي خل نطلع الولد راح يروح من عدنا .. وكلشي ولا شهم وفلوسه .. يروحن

جواهر... احبه اكثر من فلوسه يمة

ام جواهر.. دولي ياحب هذا الفلوس هي الحب اللبس واجيج نطلع اليوم اهجمه على راس امه الحية

يتبع.....

فيتامين سي · 21-09-18, 02:53 AM

الـبارت الخامس ...

مساء الرقة... ❤️

#إمرأة_من _عاج 🗽

بقـلمي ... #نٰـشوى_السـلطان ... 🍂

🍂

ام جراهر.. كومي اللبسي خل نطلع الولد راح يروح من عدنا .. وكلشي ولا شهم وفلوسه .. يروحن

جواهر... احبه اكثر من فلوسه يمة

ام جواهر.. دولي ياحب هذا الفلوس هي الحب اللبس واجيج نطلع اليوم اهجمه على راس امه الحية

شهم.. اخذت المبايل وطلعت .. الووو...

مسك.. هلو حبيبي..

شهم.. هلا بيج .. حبيبي .. دقيقه اسد الباب ورايه .. شغلت السياره راح اطلع

مسك.. ها لعد روح مدام مشغول...

شهم.. لالا لا خليج ويايه عالخط..

ام شهم.. دحگي ماطلع الا وسد باب البره وراه ...

شيرين.. كل عقلج يعوفه مفتوح .. هههه

شهم.. سديت الباب وصعدت.. وياج يالعمر..

مسك.. اي حبيبي... اليوم تجي على بغداد

شهم.. مشتاكتلي...

مسك... اهوايييييية والله

شهم.. فديت الهوايه اني... حبيبي.. اليوم حيل مشغول

ابو احمد.. بعدو بالدوام.. واني كل الحمل عليه .. احير
وين اصد وين انطي وجهي

مسك.. يااا سوده عليه تمنيت اني يمك ماجان خليتك وحدك هيج

شهم.. اي اي... شلون بالله..

مسك.. يعني اطلع وياك نتسوك نكمل التحضيرات

شهم... ههههههههه مجنونة انتي وين تطلعين

مسك.. شبيك ليش تضحك

شهم... لا حبيبي ماكو هين وحده تطلع وتفتر وتكمل شغلات العرس .. اني اكملهم لاتهمتمين

مسك.. يعني ماراح اشوفك اليوم

شهم.. يومين وانتي يمي... تعالي يمي... وراح تنسين الدنيا واهلها...

مسك... ههههه

شهم.. دداومين...؟

مسك.. اي يوميه..

شهم.. بس راح تجين هين شون..!

مسك.. ماهمني المدرسة.. المهم انت بحياتي..

شهم.. مسك حبيبي جدامي سيطره خل اكمل شغل واحاجيج... سديت الخط .. ضجت واشتعلت بنار صفنت

على كلامها وحبها وهي تحاجيني.. واتذكر
جواهر.. اني شسويت بمسك وشسويت بنفسي.. شنو

ذنب مسك اني احبها لو اشفق عليه گلبي احسه مويمها
ماحس نفسي حبيبته .. او يمكن بديت احبها . كلشي

بداخلي مخربط.. يمكن ضلمتها ويايه ويمكن تكون هي كلشي بحياتي.... . أووف..

يومين وهي يمي لازم اشيل جواهر من بالي... لازم انسى
اهلي فرحانين ومسك حبها اللي.. يقهرني...

ام جواهر... اكلج ... خابر اخو بلكي يجاوب.. افهمي منه

جواهر.. مايرد اخوه من كبل عاد تريدي هسه يرد.. اكيد ووصوه كللوها لاترد عليها..

ام جواهر.. يعني برايج نروح ...

جواهر... اي هسه نروح كومي يمه...

ام جواهر.. شلابسه اللبسي لبس زين ابوه من يشوفج هيج تلبسين النوب يقفل عليج يمعوده تدرين بيهم

جواهر،. والله ماروح الا هيج .. اللبس اللي يعجبني امششششي عاد

ام جواهر... خل اقفل الباب وناخذ تكسي يوصلنا للكراج

ام شهم.. يمة.. ممو صدكة راح ازوج اخيج واخلص من ذيج العكربه ... هي وامها ..

شيرين... الحمدلله ... اني هم .. مااصدك .. كون يعدي هالزواج على خير

ام شهم.. اميييييين

لمياء.. عمة... اليوم ينزل ابو احمد .. خابرني كال راح احي علمود العرس

ام شهم.. ها عجل خوش اخيه وحده

لمياء... شدعوه هالكد مخبوصين المن خاطبيت ها .. بنت وزير يعني.. شو كلبتوها علينا اني محد سوالي هيج
بقيتو اتكولون نخطبله بنت عمه وخليتو فرحانه تالي يروح ياخذ من بغداد لا نعرفها ولا تعرفنا

ام شهم.. شلج بهالحجي اشكال سوينالج.. وبعدين هي قسمة وشفتي عيية يوافق ماقبل كال احسبها اخيتي ادري نجبره خموو نجبره

لمياء.. لا عيني عليش .. بالعافيه عليكم مسك عبالكم فقيره لا والله .. مبينه فد وحده ملعبة .. هي اللي فرت راس شهم بأول مره .. شترجين منها

شيرين.. يمعوده لمياء شنو هالحجي .. اذا سمع شهم شيكول تره عيب عليج

لمياء.. اوو شكايله يمه هالكد تحتمووون عليها.. ريتني ربع
من ست مسك .. عشتوووو ..

شهم... اخذت ابن عمي .. ضرغام وطلعت.. تسوكنه وكملنا تفقنا ويا الطباخ.. وكملنا تجهيزات .. اخذته وطلعت للسوك

ابواحمد.. رجعت من الدوام.. سيارة شهم ماكو.. فتحنت الباب وطبيت...

ام شهم.. يولي صوت الباب شوفي منو جة

شيرين.. كمت الحيلي دحكت من الجام ... يمه هذا اخويه ابو احمد

لمياء.. سمعتها كالت ابو احمد ،، شلت احمد وطلعت

ابو احمد.. فتحت الباب وطبيت للمطبخ ... الگوووة شلونكم

ام شهم.. هلا عسى بعد طولي .. شلونك يمه ..

ابو احمد... الحمدلله .. تعالي نطيني احمد...

لمياء.. يدور عليك خبلني .. هاك اخذه.. تعال ارتاح للغرفه

ابو احمد.. شهم وين شنو. الاخبار شسويتو..

ام شهم.. راح يتسوك للعرس خطيه يحير وين يصد

ابو احمد.. هو عرفت وحده وجيت .. النوب هاي خبلتني
حتى نوم الضهرية ماخلتني انام

ام شهم.. منيه

لمياء.. هههههههه يعني منو اكو غير جواهر

ابو احمد.. اي جواهر هي وامها خابرن ومارديت عليهن
دازتلي رساله تهدد .. شنو درت شهم خطب

ام شهم.. لا يمعود استر علينا مايدرررن بية شلون نسوان مجلوبات .. بلكي مجلوبات جلب..

شيرين.. الله يستر منهم ... شلون مصايب

جواهر.. طلعنا للكراج .، اجرنا سياره .. وطلعنا عليهم
اوف مو مصدكة اليوم اشوفة .. شكد مشتاقتله

مسك.. اخذوني البيت خالتي .. سويت حواجبي وبقيت هناك .. اريد اودع العزوبية.. وشهم.. ماراح من بالي كل دقيقه مدي احاجي اسمع صوته .. وسوالفه .. فدوه رحتله
طووول الكعده واني اسولف بي .. للبنات ..

مريم.. لج دكافي شكد حجيتي بي تره خبلتينااا

رشا.. ههههه دعوفيها فرحانه بخطيبها

مسك.. هسه شعليج بيه .. اوف تحب دوم تنغص عليه

مريم،.، لا ولج بس راح تتخبلين ميصير هيج شبيرعه
هيج حبيتي ...

مسك..ولج هذا اللي عجبني جنت اضحك على صديقاتي اللي .. يحجون بالحب .. هسه اني اشهد الهم ماكو احلى

من شعوور الحب.. ولنوب شهم بعيد عني.. كل خطوه تبعده عني... يزيد حبي اله اكثر ... ادري راح تقلدين

وتضحكين.. بس موبيدي احسه سحرني اخذني لدنيه حلوه ماعجبني شي بي بكد شخصيتة وثگلةةةةةة 😍

رشا... هههههه الاخت واكعه ومحد مسمي عليها

مريم مو كتلج ... ههههه الله يديمها شرايدين احنا

شهم.. اكوول.. ااجلها شغلة الحلاق ضرغام

باجر الصبح انروح ..،

ضرغام ماتلحك يمعود دمشي خل نكمل

جواهر.. وصلنا المنطقه.. ذبتنه السياره عالشارع ..

ام جواهر.. ولج تندلين البيت انتي...

جواهر.. شبيج يمة نسيتي هي هنا بيتهم خل نسأل اصبري ...

ام جواهر.. اووو راح نضل ندور واحنا ورانه طريق

جواهر.. عمو عمو... اصربي يمه هل اشوف دربي لا تسديها عليه

الحجي.. هلا بنتي كولي

جواهر.. عمو اريد اسأل عن بيت ابو شهم.. وين صاير

الحجي.. يمة هي شهم هذا .. انتي مني ،،، عبالك مو من الديره...

جواهر.. اني جايه عليهم من بغداد ونسيت العنوان بس هو جده شيخ هنا بالمنطقه ..اخو رتبة عقيد

الحجي.. هاااا خاف قصدج بيت الشيخ مجيد الاحمد

جراهر.. اي اي.. عفيه هذا اسم جده .. اي يمه تذكرت

الحجي.. دتشوفين .. ذاك البيت الابيض االعالي..

جواهر.. اللي اخر الشارع ...

الحجي.. اي هذا بيت جدوو.. بصفه بيت ابو شهم

جواهر.. شكرا عمووووو

الحجي.. الف هلا ..

ام جراهر.. امشي امشي اليوم رجليه يتكسرن بس ميخالف تهون كلشي ولا شهم يروح

ام شهم.. خابري اخووج شوفي وينو ابين ماجة

شيرين.. يمه مخبوص ماعليه مااخابر ... تدرين بي من مخبوص يضوج احد يخابره

جواهر.. وصلت للباب .. ودكيته،..

ام جواهر.. عليش ادكين افتحي وفوووتي شبيج يحضي
شكد فاهيه.. فتحت الباب.. عيني وينكم .. احد هنا

لمياء... بالمطبخ كاعده داوكل احمد سمعت صوت مره
اول مره اسمه.. كمت الحيلي فتحت الباب.. دحكت مره

واكفه وياهه شابه.. وحده لابسه عبايه عالجتف .. وشال خفيف على راسها .. والثانيه بنطرون وقميص بدون حجاب الشعر اصفر ،،، بس حلوه..

شيرين.، طلعت للمطبخ.. لمياء.. هاي صوت منووو

لمياء.. اكولج ... تعالي.. منو هاي.. مو عبالك جواهر

شيرين... ركضت عالباب.. وخرت لمياء

ام جواهر... شبيجن واكفات وتباوعن .. محد كال تفضلوو

شيرين... انتي من ام جواهر مووو

جواهر... اي عيني اني جواهر وهاي ماما اكلج وين شهم
جهازه مغلق...

شيرين... وانتي شدورين جايه..،

لمياء.. تفضلوو. عيني .. فتحت الباب

شيرين... ويييين يتفضلون شبيج انتي

ام شهم.. طلعت اني وابو احمد.. انريد نشوف منو واكف ويامن ديحجن..

ابو احمد... جواهررررر... شجابج

جواهر.. هلووووو ابو حمودي شو ماكو مترد

ام جواهر... غررررررراب البين.. شجابج ولج هااا

جواهر.. جايه على حبيبي وخطيبي وينه متت خوف عليه

ام شهم... بلجي موووت يكرفج ،.. انتي ماتستحين جايه من هين لهناك علمود شهم ... امشي ولي يله

ام جراهر.. عيني انتي حجيه .. لتبقين تكمزين من يمج ابنج يحبه وتحبه لتوكفين بقسمتهم

ام شهم.. ياقسمةةةة هاي اطلعن بره واذا جيتن هين لا تاهمن العتب يلةةةةة بره

ام جواهر.. ماطلع اليوم اذا ماشوف شهم بنتي لا اكل ولا شرب راح تموت وراه ...

ام شهم.. عليه الجفن هي بس خل اتوكل .. والله شنو زاح تموت متهلي تموت وتخلصنا وين ماكو عگرب جايه علينا

ابو احمد.. خيتي عيب مايصير هالتصرف .. اخذي بنتج وروحي شهم مو هين مسافر

جواهر.. شنووو وين مسافر ليش مكال راح اسافر

ابو احمد.. راح ويا صديقو عنده عمليه .. يله توكلن

لمياء.. عفتهم يحجون طبيت الغرفتي طلعت التلفون اريد اخابر شهم .. اكله حتى يجي

ام جواهر .. بس الطريق بعيد اليوم نبات يمكم وباجر نروح ..،

ام شهم.. يله يله ماعنده احد ينام هين .. توكلن تريدين فلوس التكسي ... بس فارجينااااا

ام جواهر.. هاي عود انتو شيوخ ومعروفين هيج تستقبلون الضيف مع الاسف

ام شهم..، شيوخ وغصبا عنج يله .... امشي يمه وصلهم للكراج ... زهكني ماريد اشوفهم

ابو احمد .. كافي الحجي سدوووو يمه .. وانتي جواهر اخذي امج وكفي بالباب اجيب السياره واجي

شيرين.. شفت لمياء طبت تركض. عرفت راح تخابر شهم
ركضت وراهه .. فتحت الباب وطبيت التلفون على اذنها

شهم.. كاعد يم الحلاق شفت لمياء تتصل .. رفعت الخطً
الووو

لمياء .. الووووو

شيرين.. جريت التلفون منها حيييل ... الوووو

شهم... هااا شكووو شبيكم

شيرين.. امي كالت خابري شوفي ليش اتاخررر

شهم.. يم الحلاق ربع ساعه واجي ...

شيرين .. ماشي خويه الله وياك.. قطعت الخط .. ليش خابرتي هااا ليش فهميني

لمياء.. شبيج غير اريده يجي يحلهاا شفتي عمتي خطيه

شصار بحالها ..

شيرين.. اياج اتكليله جانو هين سمعتي ابو احمد كلهم مسافر وقتنعوووو ليش دتخابرين اووف الحجي مايفيد
عفتها انداريت تلكاني ابو احمد بباب الغرفه

ابو احمد.. انطوني السووويج خل اكلعهم

لمياء.. هيانه هين .. ركضت جبته ونطيته اله

ام شهم.. شفتي بالله .. لو جاي اخوج وشايفه احنا ماصدكنه خلصنه منها .. امشي انطيني حباية الضغط راسي هاج عليه

شيرين... شكد صلفات عجل لمن جني لهيين عالباب بس
الحمدلله خوش سالفه مالت السفرررر انداريت على لمياء

وخزرتها بعيني .. كووون محد يوصل الهم .. ويكول الهم مامسافرررر

ام شهم.. ابوج هم زين موهين جاااان شسوه يعني مايحلن واحد مرتاح .. عوذه منهن ...

شيرين.. وصلهم اخويه للكراج ورجع وشهم بعده مو جاي
سوينا يمنه حنة للرجال .. حفلة .. وهمه يمهم سوو حفلة

للنسوان .. ماكدرنه انروح لان الطريق بعيد .. صبح الصبح .. الحمدلله عدت على خير .. شهم مايدري بجواهر جانت هين .. صبح الصبح واليوم عرس شهم ومسوكة ..

مسك.. كعدت الصبح .. على صوت شهم ..

الووو

شهم.. هلا حبيبي .. كاعده ..

مسك.. اي كعدت لان اريد اروح للصالون..

شهم.. شفت الصور عالعنترنيت ع كولت امي هههه
شطالعه حبيبي

مسك... فدوه العمرها هههه شكد احبها

شهم.. واني اللي الله محد يحبني

مسك.. يااااا والله احبك اكثر من روحي

شهم.. صدك ..

مسك.. والله

شهم.. ههههه يبعد الدنيا انتي .. حبيبي روحي كملي
واني اكمل شغلي وبعد الغده نطلع عليكم ..

مسك.. ماشي حبيبي راح اشتاقلك

شهم.. اكلي زين .. ماشي .. موتجين بليه اكل 😉

مسك... ههههههه هاااا

شهم.. ههههه اي اي .. ديله حبيبي .. كملي شغلج
ولا تروحين وحدج للصالون اخذي خالتي وياج

مسك... صار حبيبي ... متشووقه اجي واشوف المنطقه

شهم.. راح تنور المنطقه بيج ..

ضرغام.. عييييني... عريس... وينك... دكيت الباب

شهم ... جاي جاي.. يله حبيبي يردوني ... ديربالج على نفسج ..

مسك.. ماشي حبيبي بيباي

لمياء... شفتهم متحضرين ..، وكلهم فرحانين .. واختي بقت بالقهر .. جنت اتمنى اخذها وياهه ونصير خوات ماخذات

الاخوة .. وكلشي يصير بيدنا .. بس اخ كله من عمتي والله ماخليهم يتهنون.. دحكت الكل ملتهي .. طبكت الباب ..

شلت مبايل ابو احمد ودزيت رساله الجواهر.. عيني اني مرة اخو الشهم اليوم عرسه .. كذبو عليج .. اني راح

احذف الرساله لتردين محد يدري كتلج لا تجيبين طاريي
ماشي .. فاعل خيرررر ،.. باي.. طبيت للرسائل حذفت
الرسالة ورجعت التلفون عالشحن...

فيتامين سي · 21-09-18, 02:55 AM

الـبارت السادس ...

مساء الشوگ.. ❤️

#إمرأة_من _عاج 🗽

بقـلمي ... #نٰـشوى_السـلطان ... 🍂

لمياء... شفتهم متحضرين ..، وكلهم فرحانين .. واختي بقت بالقهر .. جنت اتمنى اخذها وياهه ونصير خوات ماخذات

الاخوة .. وكلشي يصير بيدنا .. بس اخ كله من عمتي والله ماخليهم يتهنون.. دحكت الكل ملتهي .. طبكت الباب ..

شلت مبايل ابو احمد ودزيت رساله الجواهر.. عيني اني مرة اخو الشهم اليوم عرسه .. كذبو عليج .. اني راح

احذف الرساله لتردين محد يدري كتلج لا تجيبين طاريي
ماشي .. فاعل خيرررر ،.. باي.. طبيت للرسائل حذفت

الرسالة ورجعت التلفون عالشحن... وطلعت .. شهم ديلبس
دحگت من الجام الكل واكف بالباب.. والسيارة مزينة

طبيت للغرفة طلعت ملابس احمد بدلتها واني بداخلي
فرح .. اهم شي اخرب على عمتي الفرحة عبالهم راح اعديها الهم وخلو اختي بالقهرر...

شيرين... يمة شلون اني ويامن اصعد ..

ام شهم .. ابوج مايروح راح يبقى هين شوفي ضرغام ابن عمج مو راح يجي...

شهم... لا لا تصعد وياية ...

شيرين.. انداريت شهم نزل من غرفته عالدرج لابس الدشداشه البيضه والغتره والعكال.. گمر ونازل صليت على محمد... العطر بكل البيت...

ام شهم.. كلللووووووش صلو على النبي .. عين الله ترعاك وليدي .. الحمدلله جة اليوم اللي شفتك بي عريس

شهم.. نزلت وبست امي من راسهاا... صديت على شيرين .. اللبسي حجابج زين وصعدي وياية

ام شهم .. ومن نرجع شنون...

شهم.. تصعد ويا ابو احمد

ام شهم... ليش ابو اخوك مو راح يسوق... الك

شهم.. لا يمة اني اسوق ومحد ويايه يصعد بس مسك

ام شهم... اكو عريس يزف روحة

شهم.. اي اني ...

ضرغام... يمعودين تره ورانه طريق

شهم.. هلا خويه الربع وينهم

ضرغام .. كلم هين بس انت طولتها علينا ..

شهم.. خل اجيب تلفوني من فوك واجيكم ..

ضرغام... صديت لكيت شيرين واكفه غادي مني .. شلونج
بنت العم..

شيرين.. دنجت.. ابتسمت الحمدلله ..

ضرغام.. صايرة عروسة كبرانة

شيرين.. عجل قابل اصغر اكيد اكبر ..

ضرغام.. امي وسارة ويايه بالسيارة تعالي ويايه

شيرين.. لا لا شهم مايقبل

ضرغام.. اهووو ... ليش

شهم.. نزلت .. يلة يولد .. امشي

ام شهم.. اكفوو خل اقفل البوب .. يول لمياء وينج

لمياء... دقيقه عمة شبيكم ... مراح اطير الزفه

ابو احمد.. اني طالع عليهم كملي وتعالي .. اخذت الجهاز من الشحن..

اسراء... ولج شطالعه اليوووووم ... فدوه الحبيبتي

مسك... اكلج تلفوني وين...

مريم.. هنا بالجنطة ... كملنا تره علي بالطريق

مسك.. فتحت الجنطة... هاي شهم متصل شو ماسمعتة

مريم.. مادري ماسمعته اني هم

مسك.. دقيقه اخابره...

شهم.. يالله يالربع.. نمشي...!

ابو احمد... يله اصعدن عااااد شطولتنهاااا

شيرين... ههههه هاي شنو اني بمكان العروس اصعد

شهم.. اصعدي ليوره انتي وامي ..

ابو احمد.. لا شهم خل يجن يمي السياره فارغه

شهم... ماشي صعدي هناك

لمياء.. زين ليش يصعدون هين موذيج فارغه ...

شهم.. يولي هالله هالله بالطريق على كيفكم

ضرغام.. صار ابن العم بس حرك روحك

شهم.. الجهال لا يكعون طبهم جووه ..

مسك.، انصلت عليه... دك ...

شهم.. صعدت وسديت الباب.. مشيت ودك التلفون ..

فتحت الخط... الوووو....

مسك... حبيبي...

شهم.. هلا ... مسك

مسك.. متصل عليه مادري ماسمعته

شهم.. الربع كلها ويايه.. اجي ماريد ايدج وشعرج طالع خلي هذا الابيض عليج ..

مسك... شنوووو ...

شهم... اللي سمعتي .. مااريد اجي واحد يشوووفج

مسك.. خل اشوف ام الصالون عدها

شهم.. صدك تحجين شوصيتج موكتلج اخذي ويا البدلة

مسك.. شبيك بسرعه تضوج هسه ادبر واحد اوووف

شهم.. حبيبي افهمي ماحب احد يشوفج

مسك.. تدلل حبيبي مدام هااشي يريحك

شهم.. اليوم انتي يمي.... وتنامين بحضني

مسك.. هسسسس

شهم... تستحين مني...

مسك.. انت موبالزفة منو يمك

شهم.. لاتخافين جيت وحدي الكل صاعدين بغير سيارات

مسك... اهاا حلووو

شهم.. ماحلو غير هالصوووت... والله

مسك.. حبيبي اكمل واطلع للبيت...

شهم.. ماشي يالعمر ...

مسك.. سديت الخط.. واني بداخلي شعور مختلف خوف وفرح ورهبة... بأيام قليله .. ماجانت باللي وللبست فستاني الابيض وراح اترك كلشي ورايه وابدي بحياة اخرى مختلفه...

مريم... اكولج تره مو وكت صفنه شبيج شكال شهم

مسك.. جايين بالطريق تره..

مريم.. كمت الحيلي .. لعد كومو وينه الي اسراء

اسراء.. راح يوصل .. خل نحاسب ام الصالون

مسك .. طلعنا للبيت.. رحت لكيت عماتي وخلاتي وامي محضرتلي مزيقه وطبل.. طبيت ماتحملت شفت امي

بالباب واكفتلي،. نزلت ركض عليها.. حضنتها.. اختنكت شفت امي القهر مرسوم بعيونها... بجيت.. وبجيتها ويايه

ام مسك.. حبيبتي الغاليه .. شمعة البيت انتي.. راح تروحين مني. مااتمنى شي غير شوفتج مرتاحة

مسك..حبيبتي امي الغاليه لتخافين عليه فرحانة بزواجي ومقهورة على فراكم

مريم.. هسه مو المكياج مالتي راح الا تبجووني

اسراء.. دباعي مكياجة .. لح مسك شهم لازم يشوفج حلوه دباعي الكحل ..
م

مسك.. مسحت دموعي.. هههه اليوم يخترع

ام مسك.. حبيبتي انتي تخبلين بكلشي.. شلت القران وخليته بأيدها..

مريم.. اخذتها وطبينا للاستقبال... علو صوت الاغاني

مبروك عليك مبروك مبروك... تلكتني خالتي بهلاهل

كعدت مسك وطبيت للمطبخ.. انفجرت بالبجي.. عليه وعلى امي مسك شكد تكبر بس نحسها صغيره.. ماجنت اعرف بهالسرعه راح تتزوج وتبعد من عدنا

ضرغام... صفيت بصف سيارة شهم..

شهم.. انداريت الشباب كلها تركض.. فتحت الجام وصحت ههههه يولو اثگلوو شجرالكم

ضرغام.. عجل اذا مانفرح الابن العم المن نفرح تستاهل الغالي..

شهم.. كفووو كفووو ولد عم وبيكم رفعة الراس بس علو كيفكم لاتسوولنا سالفه اخاف عليكم والله

ام شهم.. المصخمين هذول هل نصل عود اركصو

هذا ضرغام.. يتراوغ من بين السيارات.. شلون ييهم

ابو احمد.. ماعليهم شي ضرغام لا تخافين عليه عوفيهم
فرحانين..

ام شهم... كووون الله يديمها علينا هالفرحة ..

لمياء.. اسمعه وبكلبي اكول خوش راح تكون فرحة 🤣

مريم... فتحنا البوب كلهااا...

مسك... قرأت الاية وكملت.. بست القرأن وانطيته الامي

علي... صحت.. اسراء.... يرلي

ام علي.. نصنة المسجل مدري منو يصيح

مريم.. اسراء هذا علي...

اسراء... هاا علي... طلعت للطرمة

علي.. وصلوووو تحضروو خابرني شهم

اسراء.. طبيت اركض .. ولجن وصلوووو.. وين شالي

ام علي.. على كيفجن شجرالجن .. ً

شهم.. طبيت السيارة للطرمة ونزلت...

ام شهم.. كللللوووووووش.....

شهم.. ضرغام..وين ابو احمد...

ابو احمد.. شهم.. لا تتاخر جوه ورانه طررريق...

ام شهم.. امشي عاد فوووت...

شيرين... طبيت اني ورايه شهم...

مسك... دكات گلبي صارت تتزداد وي كل خطوة يخطيها شهم... رفعت راسي.. صار هو بوجهي بالباب

شهم.. رفعت راسها.. عليه... ابتسمت الها.. تقربت عليها

مسك... ابتسلملي واني خجلت ودنكت..

شهم... بصوت ناصي همست ياالاميرة انتي... ليش هالخجل... كضبت ايدها وكعدت بسدها..

مسك.. رفعت راسي الكل يركص وفرحان..

شهم.. همست بصوت ناصي.. فرحانة..

مسك.. بدون مااندار عليه هزيت راسي اي

شهم.. يولي من احاجيج دحگي بعيوني... ليش مستحية
اني وياج واحد...

مسك.. هاي منو اللي جايين وياك ..

شهم.. هاي عماتي وحرمة عمي وبناتهم.. هناك اخليج تعرفيهم كلهم..

مسك.. فدوه خاله شكد فرحانه

شهم.. مسك...

مسك.. ها حبيبي.. انداريت عليه

شهم.. صفنت بعيونها بتفاصيل وجهه وهي منداره .. صرت اقارن.. بينها وبين جواهر.. مسك حلوه.. خلتني صافن بجمالها بدون ماانتبه على نفسي..

ام شهم.. شهم .. يبعد امك .. الولد يكولن خل نمشي

ام جواهر... ولج كعدي نووووم هذا لو شنو .. اكعدي عبالي اطلع اتسوك ...

جواهر... يمة شتريدين مني واحد ماينام روحي وحدج

ام جواهر... دكومي تلفونج شكد دك عالشحن

جواهر.... اهووو هاي حنين عادمتني العيد ميلادها خرب شلوون نسيت.. دفرت الفراش.. وكمت الحيلي...

شهم... خل اكوم اسلم على عمتي... كمت الحيلي

مريم.. ماما... وينج....

ام مسك.. طبيت جوه اختنگت من شفتهم جوي ياخذوها
كعدت عالطخم وبعيني الدمعه ...

ام علي... وين اختفت امج....

مريم... دقيقه هسه اشوفها،. طبيت اركض.. ماما
وينج كومي.. شهم يريد يسلم عليج

ام مسك.. مابيه اطب واشوفهم ياخذوها ماريد ابجي واقهرها

مريم.. ماما المفروض تفرحين بزواجها موتبجين دكومي ياعيني عيب الرجال واكف

ام مسك... مسحت دموعي .. وكمت الحيلي... طبيت وكفت يم الباب...

مريم... شهم تعال... هيانه ماما

شهم...مشيت...طبيت للهول .. هلا عمتي

ام مسك.. هلا يمة هلابيك

شهم.. لا تنقهرين عمتي مسك بعيوني الاثنين ..

ام مسك... ماعندي بالدنيه غير الله وهمه تعبت عليهم وكبرتهم ديربالك عليها .. ماريد اوصيك

شهم..الجدامج زلمة .. ومو زلمة اللي يقهر حرمتو ..

ام مسك.. والنعم منك .. الله يسعدكم وبالعافيه عليك

شهم.. يعافيج الله .. دنجت عليها وبستها من راسها

طبيت للاستقبال... أكووول... اليوم نبات هين عجل

مريم... هههههه ياريت والله

شهم.. هذا حلمج ... ههههه اني ماعولت اخذها يمي

مسك... ابتسمت احس جسمي نار... اباوع على الكل عينهم عليه... اريد احجي ماكدر

شهم.. مديت ايدي... كضبت ايدها ورفعتها...

مسك... كمت الحيلي.. هو لازمني من ايدي واني ارجف

شهم... بصوت ناصي.. قربا راسي عليه..يول شبيج ترجفين تره ماسوينه شي بعد...

مسك.. ههههه هسسس كافي

شهم.. هههه يابه كافي.. سكتنه...

ام علي... يله عيني نمشي ولج وين علي...

اسراء... بره مامت واكف شبيج...

شهم... اخذتها وطلعنا.. وكفت بالباب.. نزلت البرگع على وجههاا... فتحت باب السياره وصعدتها لجدام

جواهر... لج يمةةةةة تعالي شووووفي.....

ام جواهر... شكووو وجع خرعتيني.. طلعت اركض على عيطتها مم المطبخ وبيدي الاكل

جواهر.. اقري يمه هاي مرت اخو الشهم اتكول اليوم عرس شهمممممممم

ام جواهر... معقووووولة

جواهر... اي والله شبيييييج

ام جواهر.. شفتي شلون جذبوووو عليناااا

جواهر... شلوووون يمه فهميني اليوم اكلب الدنيييييه شلون هيج صار مو هو يحبني كليلي شلوو عافنييبي

ام جواهر... وانتي عبالج اليوم نعوفها هيج لا والله ماتسمى ام جواهر اذا ما كلبت العرس عزززة عليهم

جواهر... خل اخابر افتهمممم شلت التلفون وايدي ترجف ماكدر اطلع رقم ابو احمد...

شهم... على كيفكم ياربع ماريد اعيد الكلام

ضرغام... توكل انت جدامنه وماعليك...

مسك.. كوووه اشوف من البركع .. اباوع كومه سيارات جاييه ... اهلها شكد حلوين اول مره اشوفهم .. متشوقه

اروح واشوف المكان اللي عايش بي... باوعت على المنطقع وعلو باب البيت .. امي واكفه باب المطبخ وتباوع علينا كسرت گلبي.. وسوسو شلون راح افاركهاااا

ام شهم.. انزلي وين تشخصتي لجدام غير اني امه اكعد هين .. لو ماكو احترام

لمياء.. وليش ماتصعدون ويا شهم

ام شهم.. لا عصافير الحب شحلاتهم خليهم وحدهم

لمياء.. عشتووو تره لاحكين يبقون وحدهم .. فتحن الباب ونزلت

ابو احمد... شلت المسدس ضربت فوك السياره طلقاتً

شهم.. فتحت الجام وصحت لا يخووويه نزله مانريد مسدس... نزلووو نزلووو ..

مسك.. سديت اذاني.. لااا عفيه تره كلش اخاف

شهم.. صديت عليها.. يول واني وياج لا تخافين من شي

ابى احمد.. نزلت المسدس سمعت التلفون يدك .. طلعته من جيبي... اهووو هاي شذكرها ودكت معقول سمعت.. رفعت الخط... الوووو

شهم،. يخويه اني جدامك الحكني....

ابو احمد.. اشرتله بأيدي اوكي...

جواهر... هاااااااااا تضحكىووووون عليه

ابو احمد... خيرررر شبيج شكووو اتصيحيييين

جراهر... منو هذا اليمك شهم مووو سمعت صوته

ابو احمد.. لا موشهم كولي شرايده

جواهر... كااااافي كذب صوته هذا اعرفه واعرف اليوم عرسه كافي تضمووون عليه

ابو احمد... وهسه شرايده عرسه او لا ... شتريدين

ام جراهر.. جيبي جييبي.. الوووو اسمع والله مدام علبتو علينه هالعبة انت واهلك... الا اگلب عليكم العرس عزه

ابو احمد.. اللي تريدين تسوي سوووي يله ولن كافي لغوه زايده تره سولفتن جثيرررر... سديت التلفون خليته بجيبي وصعد

ام شهم.. هذا وكت مخابراتك الزفةةةة مشت..

ابو احمد... هاي جواهر وامها وسمعووو بالسالفه...

ام شهم... لا بررربك صدك تححي منين سمعووو

لمياء.. سويت نفسي اسكت بأحمد وبداخلي ميتة ضحك

شيرين... شنووو. ذني شكد لزكةةةة

ابو احمد... راح نروح ونصل البيت بخير وسلامة لحد يحجي هالحجي جدام شهممم ماشي الي تحجي كلمة اكص اللسانها

مسك ... عادي ارفع البركع .. مدااشووف شي

شهم.. الزفه راح يصورها ضرغام واكو مصور لا تهمتمين

مسك.. لا حباب خل اشوووف

شهم... وعيونج هذني الحلوات ماينرفع الا نصل البيت...

مسك... الطريق بعيد موووو بعد شكد ونوصل

شهم... ماعليج بالطريق مدام احنا سوه ...

مسك.. كولش حلو طالع انت

شهم... ههههه خمو ضجتي لان مالبست قاط

مسك.. كلشي حلو عليك والدشداشه شي غريب

شهم... مسك... فرحانة...

مسك... هوووووواية والله

شهم.. ان شاءالله دوووم ريتج بعدهم كلهم

جواهر... نروح اليوم يله يمة خل نروووح اليوم اكلب الدنيا على امة الحقيرة عباله افوته الهم الكلاب .. امشي خل اشوف هذي اللي اخذها بشنو احسن مني

يتبع.....ايوش

فيتامين سي · 21-09-18, 02:56 AM

الـبارت السابع ...

مساء اللهفة .. ❤️

#إمرأة_من _عاج 🗽

وين اكووون !!
ان مكنت بحظنك انتي وين اكون ! !
........ ❤️

بقـلمي ... #نٰـشوى_السـلطان ... 🍂

شهم... مسك... فرحانة...

مسك... هوووووواية والله

شهم.. ان شاءالله دوووم ريتج بعدهم كلهم

جواهر... نروح اليوم يله يمة خل نروووح اليوم اكلب الدنيا على امة الحقيرة عباله افوته الهم الكلاب .. امشي خل اشوف هذي اللي اخذها بشنو احسن مني

مسك.. اخذنا وطلعنا .. الطريق كله .. فرحتي ماتنوصف
رغم ابتعدت عن امي واهلي بس الفرحة .. اللي بداخلي

حيل جبيرة... ماجنت اتصور راح اكون من نصيب شهم
جنت اتمنى اخذ هيج انسان تكفي شخصيتة.. الطريق

كلة عيني عليه.. مرات اشوفه يصفن ومرات احسه ويايه
شعور غريب بداخلي.. احساس رائع ..

شهم.. صديت عليها.. يول ليش ساكته وين صافنة ارفعي هذا عن وجهج صارت ليل ..

مسك.. رفعتة وعيني بعيونة...

شهم.. ليش صافنة اشتاكيتي الاهلج تره بعد ماوصلنا ها

مسك.. انت صرت اهلي وكلشي.. حقي اصفن .. احس نفسي اسعد انسانة بالدنيه..

شهم.. ان شاءالله مااخذلج بيوم وسعادتج تبقى دوم ..
شوفي... هذي ديرتنا.. وصلنا

مسك.. يااا صدك .. زين ياهو بيتكم

شهم.. كولي بيتنا لاتكولين بيتكم .. هاي بيوت عمامنا

وهسه اشوفج بيت جدي صبر خل افوت..

ضرغام... مديت راسي من الجام يمعود شو منهييين وين رايد تروح ...

شهم.. اشوتلو بيدي دقيقه... دحگي هذا البيت الجبير بيت جدي ... هين كضيت كل طفولتي

مسك.. يعني الدنيه ضلمة بس المنطقه تبين حيل حلوه

شهم.. اي حلوة .. وهاي منهين بيتنا... خلي البركع على وجهج ... راح افوت السياره للطرمة ...

ابو احمد... نزلت .. ونزلو الكل...

شهم.. فتحت الباب ونزلت... تلكوني الوالد وعمامي

ابو شهم.. الحمدلله على السلامة مبارك .. دقيقة لا تفووت
وينهم... تعالووو

شهم الله يبارك بيكم .. بوست الكل سلمت .. صديت
ولد عمي.. جابو ذبيحة وذبحوها ... جدامي... كفىوو كفوو
ماعليك زووود حسين .. سلمت عليه ونداريت اريد انزل مسك

ام شهم... نزلت وطبيت للطرمة وصلت للسيارة شوو للحزة انتي هين يول شهم وين عايف حرمتك ...

شهم.. شو يمة انطيني مجال.. جنت اسلم عليهم.. فتحت الباب.. مديت ايدي.. وكضبتها.. نزلتها..

شيرين.. دقيقه البدلة خل ارفعها...

شهم.. سحبتها وصارت بصفي...

مسك... اريد ارفع راسي ماكدر كوووم زلم كدامي بقيت مدنكة والكل يهوس فوك راسي ويهلهل

شهم.. قربت راسي وهمست.. نورتي بيتج يالغلا..

مسك.. اخذتي بأيده... طبوني جوة.. كعدت عالطخم.. شهم طلع بره...

اسراء...شغلووو الديجي شبيكم ...

شيرين... روحي يم مسك عبالك تريدج ...

ابو احمد.. اخذت التفون وطلعت بره.. خابرتها

شهم.. طلعت لاحديقة كعدت يم الزلم ...

ابو احمد... اذا تجين والله تصير موزينةةةة افتهمتي لا كل ساع ادكين ... كافي ماتحسين ادري لزكتي

جواهر... تصير موزين عليكم انتو موعليه ليش كذبتو عليه
موحرام عليك تدرون بيه يحبني واحبه ليش هيج حرمتونا

ابو احمد.. اكلج انتي مو مال واحد يناقشج انتي تعرفين انتي ماترهمين ويانه ليش تسولفين جثير اسمعي شهم

تزوج ويحب حرمتة لا تفكرين تجين وتخربين علينا الفرحة
اقسم بالله اذا جيتي اتصير موزينة... اريد افوت افوت
جوه لا ادكين بعددد

ضرغام... وين يالشهم تعال هييين ...

شهم... ها خوية هسة اجي دقيقة

ضرغام،.. تعال العب جوبي اليوم عرسك

شهم... جايكم لحظات.. بس اشوف ابو احمد وين شو مختفي ...

حسين... برة شفته جان يخابررر،..

شهم.. طلعت اتمشى..، شفته واكف يخابر ومخبوص بس ماعرفت ويامن الاغاني عاليه .. تقربت.. وكفت يمة ...

ها خوية شو هين .. عوف الشغل هسه.. ابوي يدور عليك

ابو احمد.. ها خوية .. هسه جايكم

جواهر.. هذا صوته موو انطينياااااه ... شهممم حبيبي اني جواهر.. وين عفتني ورحت ... كمت اعيط وابجي

شهم.. خوش اني راح اطب جوه عود تعال عفته وطبيت
بس صفنت ابو احمد.. من شافني تغير ..وحاول يبتعد

عني حتى ماسمع يحاجي منو.. معقول اكو شي بالدوام
لو هاي خاف جواهر.. بس لا ماتصور ... أوف يجواهر ..

هديتي حيليييييي سحبت نفس عمييييق اهجس حتى الهوى من اشهگة يوجعني.. مسك دنيه جديده اللي لازم
اتقبل هالشي .. يكفي حبها اللي...طلعت للحديقه

حسين.. ضرغام هيان جة شهم.... ركضنه عليه وكضبناه من ذراعه تعال عااااد

شهم... ههههه ها شبيكم .. صبركم يمعودين

ضرغام.. حلفت ادبج بعرسك للصبح .. تعال اللعب جوبي ويانة انت خوش تلعب يولو

شهم... تأمر امر... كضبتو هو ولربع ولعبنا الجوبي

ابو المطبك يعزف على اغنية علميمر وعلميمر .. شفايف حبيبي موردات وتسحر.. اااخ روحي ويروحة معلگة ومشدودهً

ضرغام.. ها يول سويتها وتزوووجت حظرية ..

شهم... ههههه اي كلشي قسمة .. يولو العب جووووب

حسين.. هلا برجاااال الجوبي....

ام جواهر .. ها شكلج هذا شو سديتي

جواهر... سده بوجهي لج يمةةةة سمعت صووته بأذاني والاغاني عاليه يعني تريدين اموووون تهون عليج بنتج

اتمووون شلون يمة هيج سوه بيه مو كال احبج وماعوفج
كومي يمه الكاع كلها بعد ماتلمني،،

ام جواهر.. يمة الدنيا ليل وين نتطي وجهنا خليها باجر نغبش عليهم من الصباحيات .. الا اهجمها عليهم

شيرين... يمة صبو العشى وكملوو يكولون راح يزفو الشهم ...

ام شهم.. زفنها قبله .. كومن يلةةةة

اسراء... ياااا خاله شو قبله غير سويه

ام شهم.. هو وصاني كال اخذوها فوك واني اجي مايقبل ربعه واح يزفوووو

ام علي... عجل .. خل نزفها راح يجي

اسراء.. مسوكة عمري.. كومي نوديج للغرفة...

مسك... دقيقه شو للغرفة...

شهم.. ادري بربعي راح يجون يزفوني واني ماريد احد يطب بدون ماحد يحس طبيت من الباب الخلفي..

شيرين.. مو شهم كال زفوها قبلي...

شهم.. طبيت عليهم من الهوووول

ام علي... هااا هيان جة ...

ام شهم.. هااا يول شو جيييت يمة

شهم... ماحجيت شي... طبيت شو انطوني طريق

مسك.. اجة يمشي عليه.. رفعت راسي... نظرة استغراب

شهم.. انطيني ايدج...

مسك .. استغربت بقيت صافنه همه كالو كومي نزفج وهو اجة ..

شهم.. هااا يوين بالج .. ضلي صافنه كضبت ايدها سحبتها كومتها... رفعتها.. شلتها ...

مسك.. هاي شنوووو شهم

ام شهم... كلللووووووش

شهم... اشششش اسكتن ماريد صوت

شيرين... ياااا شو زفه سكاتيييي

شهم... انطوني طريييق

ام علي... ويييين ماخذه علي ولولد ينتظروك

شهم... خاله سلميلي عليهم ... استودعانكم

مسك.. ههههههه دقيقه خطية اصدقائك نزلني وروح

شهم... اصدقائي منو اصدقائي ماعرفهم

مسك... ههههههه يااااا

شهم... اااااي...

مسك... صعدني فوك... فتح باب الغرفه واني رافعني فوك بحظنه

شهم... سمي بسم الله ...

مسك.. بسم الله الرحمن الرحيم

شهم.. بسم الله حووولج يالعمر ..

مسك.. طبينه وخلاني عالجربايه...

شهم.. رجعت قفلت الباب...

ضرغام.. يولد وينه شهم ..

ابو احمد.. وينه شنو مايريد نزفة ،. خل اخابروو

حسين.. توه جان هييين ..

شهم.. ههههه هاي ابو احمد يخابررر

مسك،، ليش يردوك خاف

شهم.. عوفي .. همه عرفو اني عفتهم وصعدت وديخابرون
كمت الحيلي اريد اذب الغترة..

ابو احمد.. هذا مايرد.. امشي خل اشوفه جووة لو وين

مسك.. انداريت الغرفه كلها منورة الفرشة اتخبل.. بعدين انداريت اتذكرت شهم يمي وحدنا بالغرفة.. باوعت شفته

ينزع بالغترررة .. دنكت راسي وبديت ارتعش بدون مااحس على نفسي .. كل جسمي يرتعش .. نار وتطلع من

خدودي... مادكدر اتخايل راح نكون سويه.. كل الخجل بلحضه وحده نزل عليه..

شهم... علكتهن وصديت عليها... شفتها مدنكة وخجلانه

مشيت تقربت عليها ثنيت رجلي كعدت جدامها ..

مسك... جمددددت اول مااتقرب

شهم.. رفعت راسها بيدي... مسك...

مسك.. بصوت يرجف .. ها حبيبي ..

شهم... شبيج... حبيبي

مسك.. مابيه شي..

شهم... ههههه واضح جدا.. كومي ..

مسك.. وييييين!!!😨

شهم .. شجرالج .. لاتخافين كومي نصلي...

مسك.. بس اني مامتوضية..

شهم.. هذا حمام هين بغرفتج كومي توضي

مسك.. هااا شلون ادخل للحمام اني وبدلتي

شهم.. ليش ناوية اليوم تنامين بيها

مسك.. هاااا

شهم شو كووومي..

مسك.. سحبني من ايدي وكومني...

شهم.. شو صدي غادي..

مسك... ليشششش

شهم.. يولو .. ماسوي شي اريد افتحلج هاي السحابه

مسك.. لا لا اني افتحة ...

شهم.. يولو ماتكدرين ..

مسك.. دقيقه وشلبس...

شهم هاي هدومج هين اختاري شي تلبسي

مسك.. ممممم

شهم... كافي دلع يولو اني زلمتج يعني حلالج لا تستحين مني مديت ايدي وبديت افتح بالسحاب.. قربت وجهي على ركبتها.. بستها على كيفي..

مسك،.، ماتحركت... بقيت مستسلمة.. بس عظامي كلها ترجف وكلبي احس يريد يطيررر،..

شهم.. سحبتها عليه...

مسك.، انداريت عليه...

شهم... اكول روحي توضي احسن ...

مسك... ابتسمت.. ومشيت.. فتحت الكنتور.. طلع هذا كنتور شهم سديته فتحت الثاني...طلعت دشداشه طويله

خليتها عالجربايه..

شهم.. كعدت عالجربايه.. نزعت الساعه خليتها عالجربايه
انداريت بعدها واكفه.. ابتسمت الها،.. هااا شو واكفه شبيج

مسك.. ممكن تطلع اريد اغير ملابسي..

شهم... اطلع... يولوو وين انطلع ههههه

مسك.. لعد شلون ابدل..،

شهم.. يولو بدلي.. ماراح اكلج

مسك.. لا عيني اطلع حباب..

شهم.. اي اي وشكلهم بالله .. اكلهم مسك تريد تبدل

مسك.. ماعليه شتريد تكلهم كلهم حباب اطلع استحي والله

شهم... كمت الحيلي... مشيت عليهااا

مسك.. هو تقرب اني بديت ارجع ليوره ..انداريت الكنتور بظهري...

شهم.. تقربت اكثر .. خليت ايدي على خصرها سحبتها عليه..

مسك... دنجت راسي اول ما سحبني..

شهم.. رفعت راسها وبقيت ادحگ بعيونها .. حبيبي...

مسك.. ماحجيت بقيت ساكته

شهم.. وخرت البركع .. وبديت افتح بالماشات
يولو.. الصالون كله خالي براسج افتح ماشات واكط على الميز..

مسك.. ههههه ماراح يخلصن اليوم

شهم... فتحن شعرهاا صفنت عليها طلعت بعد احلى .. ماتحملت اشوف هالجمال بين اديه ... همست يله لا تصعبيها علينا حبيبي

مسك.. يعنيييييييي

شهم... ههههه شبيج اخترعتي يعني خل نصلي

مسك.. لعد اندار ...

شهم.. هاااا

مسك.. ااااي

شهم.. عمي صار خل نشوف تاليها وياج شنو

مسك.. راح وكعد عالجربايه وهو مندار..

شلت بيدي الدشداشه.. وكفت يم باب الحمام ذبيت البدله اريد اشيل الدشداشه صارت بعيده عليه.. طبيت للحمام
سديته عالسريع.. فتحت الماي .. توضيت وكملت.. فتحت الباب باوعت لكيته يكلب بالتلفون.. صحت.. حبيبي

شهم.. ها يالعمر،..

مسك.. انطيني الدشداشه..

شهم.. ماكو احد هين تعالي اخذيها

مسك.. هاااا

شهم.. هههههه كمت شلت الدشداشه ونطيته اله.. خل تشوف شلون التالي وياج اليوم

مسك.. لبست الدشداشه .. فتحت الباب .. طلعت لكيته ماد السجادة.. لبست حجابي وكفت يمه صلينه وكملنا

ضرغام... صدك تحجون شلون ملعب هذا موكناله احنا نزفه خل ينزل اليوم

حسن.. انهزززم عرفته

ابو احمد.. غلق تلفونة ... ههههه

مسك... كملت وكعدت عالجربايه...

شهم.. شلت السجاده وخليته عالجودلية ...

مسك.. تعشيت ...!

شهم... اي حبيبي وانتي تعشيتي لو انزل اجيبلج

مسك.. لالا اكلت ..

شهم.. خوش عجل.. طفيت الضوة...

مسك.. اريد اشوفه وينه ماشوف.. همست شهم
وينك... مداشوف..

شهم... تقربت عليها... ذبيت الدشداشه...

مسك.. حباب وينك شو ضلام فد مرة مداشوف.. شلت تلفونه اريد اضوي..

شهم.. اخذت منها التلفون وشمرته... كعدت يمها

مسك... لعد ليش متحجي...

شهم... لأن مو وكت حجي... قربت راسي وبديت ابوي بيهااا

مسك.. شهممم.... دقيقة

شهم.. اششش يكفي...

مسك... بده يبوس بيه واني بديت ابادلة... تقرب مني..
ماكدرت امنعه... بقيت مستسلمة... بين اديه

جواهر.. صارت الساعه اربعه واني اطفي جكاره واشعل جكاره ... شاده راسي من الوجع كاعده واتخايل شهم ويا غيري... متت بجي...

ام جواهر... دكافي عاد ياعينييي طفي الجكاره وخلي انام ...

جواهر... لج يمة ماكدرررر ...

ام جواهر.. خابرت على ابو جاسم باجر من الصبح يجينه

جواهر... بس خل يجي اووف هاي اللي اخذته مني اذا ماسحلتها مااتسمى اني جواهررر .،

ام جواهر.. اكيد سوتله سحر واخذته

جواهر.. يمة اريد اسويله شي ارجعه اللي

ام جواهر.. اعرف واحد .. اذا يسويلي سحر خلال 24 يرجعلج والله ..

جواهر.. لعد شمنتظرررررة..

ام جواهر.. والله ماخلي هالدموع تروح لا تنقهرين طفي الضوة خل انام ورانه الصبح طريق...

يتبع...

فيتامين سي · 21-09-18, 02:58 AM

الـبارت الـثامن ...

مساء اللهفة .. ❤️

#إمرأة_من _عاج 🗽

بقـلمي ... #نٰـشوى_السـلطان ... 🍂

ام جواهر.. اكيد سوتله سحر واخذته

جواهر.. يمة اريد اسويله شي ارجعه اللي

ام جواهر.. اعرف واحد .. اذا يسويلي سحر خلال 24 يرجعلج والله ..

جواهر.. لعد شمنتظرررررة..

ام جواهر.. والله ماخلي هالدموع تروح لا تنقهرين طفي الضوة خل انام ورانه الصبح طريق... يامة كتلج جيبي وكطعي مهر .. الزمي بيدج شكد حجيت وياج اخ منج

جواهر.. يمة كل مرة اكله ويكلي مااخالف اهلي اهلي مايريدوج ...هو يحبني تدرين بي بس اخ من امه

مسك... صارت الفجر واني كاعده .. وشهم نايم
بقيت صافنة عليه وهو نايم... كمت طلعت جنطتي
طلعت مبايلي. كلبت بي شوي وغلقته رجعت تمددت
يمة ... تقربت ماحسيت الا وهو يسحبني ،،

شهم... كاعده ،!

مسك.. اي حبيبي ماكدرت انام

شهم.. تعالي تعالي.. سحبتها ونومتها على ايدي

مسك،. نمت على ايده واول ماسحبني .. مثل الطفل ..

مسحيت على نفسي .. الا صايرة الدنيه صبح ... فتحت عيوني،،، وشهم سابح وطالع من الحمام... فزت بسرعه
كمت الحيلي... ساعه شكد !

شهم.. صباح الخيررر

مسك.. ههه نسيت صباح النور

شهم.. الساعه عشرة الا ربع اذا نعسانه ارجعي نامي

مسك.. لا منعسانة راح تنزل...

شهم.. اي حبيبي المفروض من الليل انزل بس علمودج
مانزلت

مسك.. يااا وليش يعني،؟

شهم... موشغلج بعدج طفلة ماتعرفين

مسك... ياااا طفلة اني

شهم.. ههههه اشاقيج يلة تنزلين وياية.. لان امي مرتين صاحت يم الباب ودكته واني مغلس

مسك... هههه فدوه العينها .. لعد اوكف خل اطلع وياك

شهم.. تتاخرين..؟

مسك.. اسبح بس..

شهم.. راح انزل وتعالي ورايه..

مسك... ماشي حبيبي..

شهم... فتحت الباب ونزلت...

لمياء... اي انفتح الباب مالهم عمة...

ام شهم... انطيني من يمج الجكليت...

لمياء... بعد وكت هههه غير من الليل يطلع العريس بس الظاهر كلشي ماسوه باله يم ذيج 🤣

ام شهم.. لو بس اعرف انتي شقاهرج

لمياء... شبيج عمه واحد مايتشاقه وياكم

شهم... نزلت وطبيت للهول... ااسلام عليكم

الجميع.. وعليكم السلام .. مبارك يالعريس

ابو شهم... هلا بالشيخ شهم .. مبارك يبعد ابوك

شهم.، الله يسلمك ويحفظك النا يالغالي...

ام شهم... كلووووش... 🍬🍬🍬 عجل وين عروستك

شهم.. يمة هذا جكليت لو حصو راح راسي ههههه

ام شهم... وينها مسوووكة

لمياء.. عشتووو مسوكة النوب

شهم... جايه هسه وراية

شيرين.. راح اسويلكم ريوك... طبيت للمطبخ..

ام شهم.. خل تجي مسوكة وصبي..

شيرين.. طبكت سيارة.. بصف الباب.. طلعت للهول...
شهم هاي سيارة بالباب طبكت..

ابو احمد.. هاا منو هسة جة

شهم.. كمت الحيلي... هذا ضرغام كال من الصبح اجيك

ابو احمد.. خاف جوي عليه.. كام شهم.. وكمت وراه.. دقيقه شهم هاي عليه ارجع .

ام جواهر... دفعت وطبيت وينكم هااا وينة العريس..

جواهر.. طبت امي وطبيت وراهه..

شهم.. فتحت باب الهول.. صارت كبالي جواهررر

ابو احمد... انتن ماتستحن شجاااااابجن

ام جواهر... جينه لا تسال شجابكم تدرون زين شنو الجابنة .. بنتي مو لعبه عدكم صارله شكد يريد يتزوجها وكفتو بقسمتهم..

شهم... دقيقةةة كافي ... مشيت.. وكفت يم جواهر..
شجابج.. منو كلج تجييين ..!

جواهر... اني هيج تحاجينييي اني محبووووبتك

شهم... امشي ويايه... كضبتها من ايدهااا.. سحبتها وطلعنا بره

لمياء... ادحك عليهم من شباك المطبخ ... واطگ اصبعتين
ههههه خوش صباحية المسووووكة

ام شهم.. كمت اريد اشوف منو الجة .. يولي شكو منو الجك شبيج اتمركصين...

لمياء.. عمةةةة اليوم تعلك هههههه جواهر وامها هييين

ام شهم... غضب الله عالروسهن ان جان صدك شجابهن
وخررري خل اشووووف

ابو احمد.. يعني اني كلت البنتج وحجيت كتله اذا تجوون تصير موزينة... شجابكم

ام جواهر... شلون يعنييي موزينية اني ماسكت بنتي ماتت قهر الليل كله مانامت

ابو احمد... انتن ماتستحن جيتن مره على واسطة الرجلج
بنتج شافت شهم ولزززكت ادري دشوفن الزلمة تزوج وراح كافي حجي مانريد مشاكل اخذي بنتج وروحي لو تره والله تصير موووزينة

ام جواهر... دتهددنييييي يعني اعرف شتقصدد

ام شهم... خفة هالوجة شجابجن من الصباحيييات
اخذي بنتج وطلعيييي بره

شيرين..، عزززززززة مسك وييييين خاف اشوفهن

لمياء... دشوفي اخوج اخذ جواهر وطلع بره هههه شافها وحن بعد مايكدررررر

شيرين.. راح اصعد الهي مسك بين ماتنحل

لمياء... وين وين تعالي بقت لحد الان ماسمعت صوتهن عالي

شيرين... ماااااسمعت لا تفاولين طفيت الجاي .. صعدت اركض عليها اريد اتلاحكهااااا

جواهر.. حبيبي... الليل مانمته والله شوف حالي راح اموت شلوو انطاك كلبك هيج تسوي بيه

شهم.. اني موحبيبج .. كتلج من الاول ماكدر اتزوجج اني وانتي مانتراهم ...

جواهر... ليششششش منتراهم بس كلي

شهم.، اني تزوجت روحي جواهررر اهلج واحنا مانتوالم
لا تخليني كل مره اعيدهاااا

جواهر.،، ليش هيح سوووووويت بيه

شهم.. شسويتلج .. عمري ماذيتج ولا بيوم واعدتج بزواج وخلفت بوعدي.. من الاول تعرفين اني مارايدج شريكة الحياتي.. خلص كلشي قسمة اخذي امج وروحي الله يسعدج بعيد عني،.،

جواهر.... بس سعاددددتي يمك مداصدك هذا انت شهم

شهم... يكفييي.. فتحت باب السياره .. الجاي ببها.. كضبتها من ايدها ،، اصعدي وروحي لا تسويها سالفه علينا بالعرب...

ام شهم.. ماتحملت سوالفهن .. شلت النعال وركضت عليهن .،، انتن مو مال عيني وغاتي .. انعل ابو الساعه الشفتجن بيهاا عوفن ولدددددي... اطلعي لا اسحلج بكل العرب،.. اطلعيييييي

ابو احمد... اكفييييي يمك لحظة اصبرررري

ام جواهر.... احترمي نفسسج

ابو شهم... لميااااء

لمياء..صديت عليه هلا عمي...

ابو شهم حس منو هييين..!

لمياء..، هذي جواه وامهاااا

مسك.. اندك الباب واني داللبس.. صحت لحظة بس اللبس،، منو شهمم

شيرين.. يله كملي على راحتج اني شيرين

ابو احمد.. تحلمين بعد تقابلين رجلج بالسجن واي واسطه اله راح الغيها اذا مامشيتي هسسسه خلي ببالج اذا اندكيتن بينا مره اخرى لا تاهمين العتببببب

ابو شهم...طلعت للطرمة... شهالمهززززله هاي

ابو احمد.. دقيقه ياب... ماراح يبقن هييين راح يمشن

ام جواهر... هااااا

ابو احمد.، اطلعي بكرامة افضل الج.. يله

ام شهم... فتحت الباب اطلعي مكاصيع مالكيتن غير شهم

ام جواهر... راح اروح بس الله كريم .. الدنيه طويلة عبالكم هاي دموع بنتي تروح هييييج لا والله

ابو احمد... رووووحي عاد كافي....

ام شهم.. يله يله لا تهددين .. يالزكةةةةة

ام جواهر... فتحت الباب وطلعت...

شهم... تلكتني امها.. فتحت الها الباب الثاني وصعدتها

ام جواهر... سهلةةةةة ياشهم سهلة...

شهم.. مارديت عليها.. طبيت جووووة

ابًو شهم... فوتو .. كافي عاد سدو السالفه

شهم... طبيت جوه... تلكتني لمياء... وين مسك

لمياء... بعدها مانزلت شيرين يمهااا

شهم.. طبيت كعدت بالهووول... واني بداخلي نار... هاي شجابههه من الصبح...

ام شهم.،، طبيت كعدت يمه.. يمة مرتك وين

ابو احمد.. يمةةة لحجي سدي لحد يحجي البنيه فوك
ماتدري..

ام شهم. محد يحجي بس خلي مرتك تكرص اللسانها

ابو شهم... ذني صدك مايستحن وجماله جنت تحبها وتريد تجيبها البيتي

شهم... السالفه سدوهاااا كافي

ام شهم.. شفت شهم ضايج اشرتلهم كافي سدو الحجي

مسك.. لبست دشداشه كريمي فتحت شعري خليت مكياج بسيط ،، اكولج شيرين هنا احد غريب

شيرين.. لا بس اخواني وابويه

مسك.. لعد كومي شهم دينتظرني تاخررت

شيرين..دكعدي هو مايتريك اول مايكعد

مسك.. ميخالف اكيد دينتظرني وكومي وبعدين نسولف

شيرين... ياربي اريد انزل وخايفه مادري الصار جوه شنو ..، طلعت مسك واني طلعت وراهه

شهم.. شيررررين وينج....

شيرين..، واني انزل عالدرج سمعته صاح.. اي جايه خويه جايه

مسك.. هههه على كيفج لتوكعين نزلت هي واني نزلت وراهه.. تلكتني يم الدرج لمياء كتلها صباح الخير

لمياء.. هلا صباح النور

مسك.. هذا احمد مووو فدوه

لمياء.. اي حبيب شهم

مسك... فدوه العينه انطينياه .. تعال ياحبيب حبيبي

لمياء،.، عشتوووو حبيب حبيبها ليش لا

مسك.. اخذته وطبيت للهول

شهم.. رفعت راسي شهم كبالي بالباب

مسك.. صباح الخيررر

ام شهم... هلا بهالمصباح

ابو شهم.،، هلا بنيتي

مسك.. تقربت على شهم .. خليت حمودي بحضنه.. ورحت سلمت على عمي

ابو شهم... هلا بنيتي هلا... اكعدي يمة اخذي راحتج
كمت الحيلي وطلعت اخذ راحتكم اني امر للشغل

ام شهم.. سمعت ابو احمد يريد يروح وياك عود خذة

مسك.. سلمت عليهم وكعدت يم شهم..

شهم.. دحكت عليها لابسه دشداشه ضقيفه وبيها فتحات ورجليها طالعه وبدون حجاب.. خزرتها بعيني..

مسك.. فدوه احمد شكد محبوووب

شهم..بصوووت ناصي.. هاي شلابسه

مسك.. شنو شلابسة ..!

شهم.. شنو هذا فستان سهره

مسك.. هذا ماما اخذته اللي شبي حلو

شهم.. حجابج وين وشنو هالدددلع

مسك.. حجابي بس اني مطالعه..

شهم.. صدرج كله طالع .. كومي غيريها

مسك.. يااا شبيك ...

شيرين.. سويت الريوك عالسريع وخليته كبالهم

مسك.. هههه لتضوج هسه اغيرها كمت الحيلي

ام شهم.. وييين اكعدي اكلي...

مسك.. هسه اجي عمه

ام شهم.. والله ماتروحين اذا ماتاكلين..

مسك... انداريت على شهم...

شهم.. اكعدي هسه...

مسك.. كعدت بصفه.. انداريت عليه واني اضحك

شهم.. تضحكين مو .. خلي اصعد فوووك

مسك.. ههههه هسه اغيرهم شبيك

شهم.. ماشي اكلي اني مااريد تريكت خوش ريوك من الصبح

مسك.. شنوو

شهم.. بعد لتلبسين هاي الكلابيه

مسك.. صار حبيبي ..

ام شهم .. تكلطت وكعدت بصفهااا ،، اكول يمة

مسك.. كولي عمه..

ام شهم.. بشررري حمامة لو غراب

مسك... شنو وينه الغراب..

شهم.. يمةةةةة شبيج

ام شهم.. شبيك واحد مايسأل

مسك،، مافهمت ... وين الحمام

شهم.. هيج مسك اكلي ..

ام شهم.. اي صدك هي حتى عشى ماتعشت

شهم.. صديت عليها كرصتها من خذوووها يولووو شلون تكولين اكلت

مسك.. ماجنت جوعانه والله .. اخ يمة خدودي راحو

شهم... عجل اكلي زين يله جدامي

مسك.. عجل والله اكل هسه

شهم.. ههههه يمه اسمعي تقلد ورايه

ام شهم.. لا تشاقيك

مسك.. عمة اموت على حجيكم والله

شهم.. واحنا هم نموت عليج غمزلتها بطارف عيني اخذت كوب الجاي وطلعت للباب البره

جواهر... يمة متغيررر والله لح يمة ولا عبالك يعرفني راح من ايدي بعددد اليوم اموت والله لو اموت احسن

ام جواهر... شفتي السيارات الطابكة بالباب شفتي البيت
لج كل عقلج اعوفه يرووووووح

جواهر... ايييي شلون لعد فهميني مو كلتي اكلب الدنيه عليهم ليش طلعتي

ام جواهر.. لج ابو احمد ديطلع ابوج من السجن اذا سويت طلبه راح يبطل مايسوي شي

جواهر.. لعد شلوووون

ام جواهر.. اني اتعمنالج وكتلج الا اكلب حياتهم جحيممم

شهم.. طلعت بالباب كعدت.. ادخن من الصبح انغثيت
اوووف ربي .. شلون مصيبة .. هاي شجابهه زين ماشافتها مسك

مروان.. طبيت بالسياره بالفرع.. نزلت... لك هلااااا
شلون تنهزم وتعوفنا... هاااا مو كتلك انزفك لك انت فد واحد

شهم... ههههه كمت الحيلي .. سلمت عليه.. هلا ابن العم

مروان.. مبارك ياااابه

شهم.. الله يبارك بيك يومن الك خوية

مسك.. عمه شهم شنو طلع...

شيرين.. لالا تعالي شوفي بالباب واكف هو ومروان

مسك.. منو مروووان

شيرين.. ابن عمه هو وياه ربع اصدقاء

مسك.. لعد تعالي خل نطلع بره

شيرين... وييييين.. نطلع لا مسوكة تعالي مايقبل شهم

مسك.. ليش هو مو غريب..،

شيرين.. اي اللبسي حجاب...

مسك.. ها اي صح ذكرتيني مامتعودة وشهم كال انزعي هاي الدشداشه

شيرين.. اي تدرين هي حلوه بس مفصلة جسمج هاي لو اني لابستها جان اترزلت

مسك... هاا لعد خل اصعد اغيرهااا...

شهم،، تعال فوووت

مروان.. لا غير وكت امرلك...

شهم.. فووووت احاجيك... يولو امي مسويه خوء بامية

مروان... يمعود بعدكم عرسان مو وكتها

شهم.. والله ماتروح امشي

مروان .. ههههه اعتبرهااا رضوة هاا

شهم.. شتيد تعتبرها اعتبرها فوت هههههه

مسك. صعدت غيرت الكلابيه لبست دشداشه حمرة رفعت شعري عالي .. طوخت الحمرة خليت بلون الدشداشه كعدت عالحربايه .. فتحت التفون وخابرت على امي

مروان،،، علي وين شنو رجع البغداد

شهم.. اي علمود دوامه طلع.، من الصبح،.

مروان. شبيك ولا عبالك عريس شو ضايج

شهم... ياعريس كل عقلك ابقى محتار

مروان.. شكووو شبيك

شهم.. بعدين اسولفلك

مروان.. بس لا جواهرررر

شهم.. اي هي .. من الصبح جتي

مروان.. هاي شلون بلوة زين ومرتك شكالت

شهم .. ماتدري جانت فووووك

مروان.. والحل شلون

شهم.. اني احلها راح اروح الها البغداد ..

مروان.. يول صدك تحجي عليش تروح

شهم.. اي لازم اروح عليهااا

مروان يمعود ومرتك شلوووون ... اذا حست

انتظروني بالجزء القادم .. واحداث جديدة

فيتامين سي · 21-09-18, 02:59 AM

الـتااااسع ....

مساء الشـووووك والأحساس والطيبة .. ❤️

#إمرأة_من _عاج 🗽

بقـلمي ... #نٰـشوى_السـلطان ... 🍂

مروان.. بس لا جواهرررر

شهم.. اي هي .. من الصبح جتي

مروان.. هاي شلون بلوة زين ومرتك شكالت

شهم .. ماتدري جانت فووووك

مروان.. والحل شلون

شهم.. اني احلها راح اروح الها البغداد ..

مروان.. يول صدك تحجي عليش تروح

شهم.. اي لازم اروح عليهااا

مروان يمعود ومرتك شلوووون ... اذا حست

شهم.. مضروب براسي هاي بلوة وكعت عليه اني اتزوجت واستقريت بس جواهر ماراح تجوز مني اعرفها لازم الكي

حل مسك ماريد اقهرها اني اتزوجتها وماحجيت الها عن
الماضي راح تنقهر وتعتبرني كذبت عليها ...

مروان والله ياخويه بكيفك بعد بس حاول زوجتك ماتحس

لمياء... اكول هاي مسك وين عايشه شو مطفية ولا نتبهت

شيرين... استري علينا يمعوده شبيج مل شوي تعيديها
البنيه مانتبهت ولا سمعت ليش تخليها تسمع

لمياء.. وانتي شدعواج قابل شكلت اني عشتووو

شيرين... اسكتي الباب انفتح يمكن جتي ..

مسك... سديت التلفون شلته بيدي ونزلت... اتذكرت اني بليه حجاب رجعت اركض للغرفه طلعت شال وخليته على راسي ... ونزلت

شهم... شيريييين يولي سوي جاي....

لمياء... ديصيح عليج شهم...

مسك... شهم وحده لو احد يمه

لمياء.. اي بالهول هو وابن عمه

مسك.. زين لعدد خل اروح يمهم

شيرين... وكفت عالمراية عدلت نفسي .. لفيت حجابي زين خليت القوري عالنار انداريت ماكو مسك.. هاي وينها

لمياء.. مرت اخوووج قصدج😒

شيرين.. موجانت هين وين راحت

لمياء... راحت على اخوووج عيني

شيرين... يبوووو شوداهه جان فتنه سويه استحي اطب وحدي ..

مسك.. طبيت للهول وكفت بصف الباب باوعت الشهم مندار صار كدامي ابن عمه ... كلت هلاوووو

مروان.. هلا خيتي مبرووك

مسك... هلا بيك شكرااا،..

شهم.. صديت عليها... هاي شمسويه بنفسها مكياج وكلابيه حمرة والشال ماملفوف زين خزرتها بعيني ماكدر احجي مروان كاعد..

مسك... مشيت وكعدت يم شهم ... خليت ايدي على ضهرة وارتجيت عليه

مروان.. وين الجاي مالكم ... عجل هذا باجة موجاي

مسك.. لا شوووشه هسه تجيبه

شهم.. صديت عليه ... شنو يولي منو شوشه همست بصوت ناصي اكعدي عدل

مسك.. اقصد شيرين... سحبت ايدي وكعدت زين

مروان .. دنكت راسي وابتسمت...

مسك... انت اللي صورت العرس مووو

مروان.. قصدج الجوبي والزفة..

مسك... ياااااااي مصور الجوبي حباب خل اشوفه

مروان .. دقيقة .. طلعت التلفون من جيبي...

شهم.. صديت عليها خزرتهاا بعيني...

مسك... شهم اكو عندك تصوير من اجيتو لبيت اهلي
تره كلشي مشفت مجنت منتبها

شهم.. يولي شبيج هي تصوير هذا عوفي السالفه بعدين

مروان.. اي هذا مالت الجوووبي...

مسك.. كمت الحيلي وكفت يم مروان هو كاعد عالطخم واني مدنكة اتفرج... والتلفون بيدة

شهم... بقيت كاعد واكل بروحي ... هاي شتدسووووي ...

شيرين.. شلت الصينية وطبيت للهول واني ميته خجل مادري شبيه من اشوف مروان انتهييييي همست بصوت ناصي ... مرحبا.. عيني على شهم. اخاف منه

مروان... رفعت راسي... شيرين كبالي جن هلال عيد وهل علينا. كلت .... هلا بنت عمي..

شهم... تعاي جيبي الجاااي

مسك... شوشه لج تعاي شوفي شلون يلعبون جووووبي
شكددد حلوووو

شيرين.. عيني عليها وعلى شهم يمةةةة هاي شدتسوي النوب ادحك على مروان خربان ضحك عليها.. وشهم عيونه تجدح نااار.. خليت الصينه عالطبلة..ومشيت كتلها مسك تجين ويايه

مسك.. سحبتها من ايدها وكعدتها يمي..عيني ممكن الجهاز بس نتفرج اني وشوشه

مروان .. اي اكيد هاج تفضلي...

مسك .. شكراا اخذته ونداريت على شيرين اكلج ماعرف احد تعالي كوليلي منو اللي ديلعبون جوبي وينه شهم

شيرين.. اريد اكضب تلفون مروان ماكدر خجلانه وخايفه من شهم... كمت الحيلي شفت نظرات شهم ماتفسر
يدحك علينا من فوك لجوووه.. خل اكوم احسن ما اترزل

مسك.. هاي وييين.. شو رحتي

شيرين.. داكمل شغلي... لمياء وحدها

مسك.. داحجي وياهه ودك التفون..

مروان.. ها لازم الوالدة دور عليه ..

شهم.. كمت الحيلي سحب التلفون منهاا .. انطيتها المروان

مسك.. لعد بعدين نشوف التصوير... حبيبي اروح يم البنات لو ابقى هنا

شهم.. كضبت ايدها كومي..

مسك... هااا وين نطلع؟

شهم.. مانطلع كومي احاجيج..

مروان.. هلا يمة ... اي اسمعج

مسك.. كمت وكفت الحيلي...

شهم... بصوت ناصي.. اصعدي للغرفه

مسك.. ليش!

شهم..، اني شكتلج.. شو جيتي هيج لابسه يولو تيدين تخبليني...

مسك.. باوعت على ملابسي شنو شبيك

شهم.. لفي حجابج عدل وروحي يم البنوات

مسك.. خليت ايدي على وجهه ضايج حبيبي شبيك

شهم.. نزلت ايدهااا صديت مروان ملتهي يخابر يولي لاتكضبيني جدام الزلم

مسك... اوك مثل متحب راح اروح... عدلت حجابي ومشيت انداريت عليه..

شهم.. مشت واني ادحك عليها وبداخلي نار

مسك..ذبيتله بوسه بالهوى... 💋

شهم... فان حظك شهم.. يولي موراح اجيج روحي

مسك.. ههههه ركضت وسديت الباب ورايه.. بعدين وكفت يم الباب متعجبه عليه شبي حسيته ضايج مايحب اشاقي كدام احد.. اووف هذا طبعه لازم اغيره واخلي يتعود على اطباعي.. طبيت للمطبخ..

مروان... اني اكوم اروح... امرلك غير وكت

شهم.. يولو موكتلك غداك هييين

مروان عجل خل ادز رساله اكلهم لا تنتظروني

شهم... دز شمنتظر كعدت ارتجيت عالحايط... اتذكرت جواهر والحسرة صارت بداخلي يااااكبرهااا شلون راح احلها

هاي ماراح تسكت وهين مسك ماتدري بشي فرحانه وتدلع عليه شلون راح اخرب فرحتها ... لازم احلهاا

مسك... مرررت الايام .. كان يوم اجمل من الثاني رغم شهم عصبي لكن اموت على عصبيته ومرات احس اكو

شي بداخله بس عجزززت افهمه صح مرات اخبص لاني جديده وماتعوده لكن حبيت كل اهله حبيت المنطقه حبيت

اصغر اشياء شهم .... لعيونة .. شهم أول حب بحياتي ماجنت اعرف راح يسيطر على گلبي وحبي هالشكل .. من

عرفت شهم حسيت اني دخلت بعالم وردي مليان حب حسيته حلم بالواقع وماريد بيوم اصحى منه ... دانضف

بالغرفة .. شفت الكنتور مخبوص شهم. مغير ملابسه وخابص الدنيه .. شلت اول قطعه سمعت صوت عمتي تحجي... استغربت شبيها

من الصبح تصيح...ذبيت قميص النوم لبست دشداشه لازم اكو شي شهم وين عنتي ليش تصيح بدلت ونزلت..

بعدني بأول درجة،.. سمعت لمياء تكول.. مو كلنا وحجينه ماراح ينساهه... صفنت هاي المن يقصدون

كملت طريقي ونزلت... تلكتني شيرين... من شافتني
ركضت طبت للهول... مشيت وراهه وكفت بالباب شفت

عمتي كاعده وجهه احمر وتبين ضايجة .. ولمياء كاعده ومخليه رجل على رجل وتتضحك... بقيت صافنه شبيهم

شهم ماكو توقعت انزل الكاه جوه... باوعت على شيرين مخبوصه واكفه يم عمتي مدري شتحجي وياهه

لمياء.. شو واكفه تعالي كعدي..

مسك.. خير شبيها عمه... !

لمياء.. هههههه والله مادري شكلج

شيرين.. هيج مابيها شي ضاجت تصيح عليه علمود الشغل جنت جوه ماسمعها وعصبت عليه

مسك.. كعدت يمها .. عمه ليش مصحتيني اني اساعدج
ليش تصيحين.. خل اجيبلج ماي موزين وجهج احمر كمت الحيلي رحت اجيب ماي

شيرين.. بصوت ناصي راح تفضحونا شبيج لمياء السالفه ادك ابكلبج كافي عاد راح تنتبه

ام شهم .. دكي علية شلون راح شوداه عليهننننن

شيرين... والقران راح تسولنا مشكله وشهم يتخبل اذا سمعت كاااااافي

مسك... طبيت وبيدي كلاص الماي... ماعرف حسيت اكو شي اني ماعرفه اول ماادخل يسكتون ولمياء بعيونها الفرح
مادري ليش محد يحجي كدامي كعدت يم عمتي

شيرين.. اجيبلج حبايك الضغط

ام شهم... اخذت ماريد خابري ابوج شو ماجة

مسك.. هاج عمه الماي... اشربي

لمياء.. اكول عيني مسك عجل شهم تريك وحده وطلع ماكعدتي وياه بيدي سويتله الريوك😏

مسك.. بالليل سهرنا ومادري اخذتني النومه ولا حسيت بي من طلع..

ام شهم.. هاا سهرتو بالليل

مسك.. اي عمه ليش لعد

لمياء.. اي من حقكم جديد متزوجين اسهرو بس من راح البغداد ليش مارحتي وياه خطية اكيد مشتاقه الاهلج

مسك... انداريت عليه.. حسيت شيرين تأشر الها بيدها بس ماعرف شكو... كتلها شنو ليش منو راح البغداد

لمياء... عمه مو شهم كال راح اروح البغداد...؟

ام شهم... انتي شعليج راح البغداد ولا ماراح شلج دخل لا اله الا الله ماتكدرين تسكتين

لمياء.. شبيج عمه غير داكلها ولو اول مره اسمع واخذ يسافر مكان بعيد وحتى مايكول المرته ..، عيني الله يعينج شهم شكد غامض ..

مسك.. لا عادي واذا راح جوز راح العلي هو من قبل متعود عليه.. وبعدين هو كال راح اروح البغداد بس ماكال

اي يوم .. عفتها وكمت...طبيت للمطبخ .. شلت المواعين
بديت انضف بالمطبخ عفتهم وحدهم بالهول .. بس بداخلي

ضايجة حيييل ماعرف شنو اللي تقصده لمياء ليش دوم احسها تحب تلمحلي على شي وعمتي ليش هالكد

ضايجة .. لا اكو شي معقول اي اكو شهم البارحة كل شوي يطلع بره وطول الوقت ضايج ويدخن .. ياربي اني

ماريد انصدم بشي طول الوقت فرحانه معقول اكو شي
اني ماعرفه اوووف شبيهم ...

شيرين... طبعا لمياء ماريد اخحي ويزعل اخويه بس خل يجي شهم اني اعرف شحجي وياه

لمياء... اووو عشتو اول وتالي تعرف عليش خايفين الرجال يحبها موبيده تدرون بي

ام شهم.. عجل يوم جان تريدي الاخيتج جنت ماتقبلين
من يروح على جواهر بس الغيره عاميتج من مسك لانها فقيره وبنت اوادم ... خل يجي ابو احمد انتي ابد ماتكعدين راحة الا تسويلنا مشكله

لمياء... عمةةةة كافي تهددون تره والقران اكوم احجيلها كلشي...

شيرين... صديت حسيت احد ورايه التفتت.. مسك واكفه

مسك عمه اكو شي اني ماعرفه شبيكم ...

لمياء.. اني اكوم اروح الغرفتي اشرفلي

شيرين... ماكو شي مسوكة بس امي هيج طبعه بسرعه تعصب كلشي ماكو دكومي ساعديني نسوي دولمة مراح الحك وحدي...

مسك.. مممم يله اني شاطرة بالدولمة ماما معلمتني

شهم.. كعدت من النوم لكيت علي دازلي رساله مخابرته جواهر تريد تجي للمنطقة.. لبست بسرعه وطلعت البغداد
وصليت بيت خالتي تغديت واخذت علي وطلعنا عليهم

جواهر... جنت داسبح بالحمام .. سمعت صوت شهم بالبيت.... يمةةةةة اني بحلم .. سديا الماي ركزت زين اي هذا شهم ..

شهم... اسمعي ياام جواهر هالحجي مامقبوووول منكم
ليش تخابرووون على علي علي شعليه...

ام جواهر... عيني بنتي خليتها يابسه وراك لا اكل لا شرب
وكل هاي موهامك ليش علقتها بيك هااا

شهم... اني ماعلقتهت بيه هي اللي اتصلت عليه وصديتها اكثر من مره تذكرررين لو لا.. كافي هالحجي عيب اني تزوجت وهي الله يسعدها بحياتهااا

جواهر.. لبست وطلعت .. اسمع شهم يصيح لفيت شعري بالمنشفه وطلعت اركض

علي.. شهم على كيفك منا العالم يمعووود

شهم.. يولو عوفني علي خل احجي عجل اني حاير بهالسالفه حتى بعرسي مارتاحيت .. كل شوي تتصل على

ابو احمد غيرت رقمي ومارتاحيت .. عمي قسمه بينا ماكو كلمن يروح الحالوووو

جواهر.... طبيت وسمعته هيج يكول ماتحملت عيوني صارت يصبن دموووع...

ام جواهر.. تعالي عليش تبجييين

شهم.. صديا ورايه جواهر..

جواهر... ركضت عليه حضنته حييييل ... حبيبي

شهم... جواهرررر شبيج يكفي اني وياج مانتراهم

جراهر... لا توخرني خلينيييي مشتاكتلك ماكدر بدونك

شهم.. يولي شبيج لا تكلطين عليه اريد امشي ماريد بعد مشاكل عوفيني مرتاح

جواهر.. مرتاح .. هاا مرتاح بدوني

شهم.. لا اله الا الله .. يولي تره مابيه حيل قهر الهموم العليه تهدم جبال...

ام جواهر... طبيت للمطبخ صبيت الهم ماي وطلعت

شهم .. كوم علي خل نمشي ..

جواهر... وييييييين رايح ...! يمة حاجييييي خل يكعد

علي... خيتي بس على كيفج ...

شهم... ول والله الدنيه بكبرها هاي مو واسعتني كوم

ام جواهر.. اشرب ماي هسه شبيك اعصابك

شهم... مارررريد شي اريد امشي

علي.. اعصابك شهم اشرب ماي وبرد گلبك

شهم... اشرب ماي ونمشي ...

ام جواهر.. الله كريم .. اشرب هسه ويصير خير

شهم.. شربت الماي جنت كلشش عطشان النوب انغثيت احتركت حرك...

جواهر.. حبيبي الله يخليك خلي نتفاهم اقبل والله اكون زوجة ثانيه بس لتعوفنييي..

شهم.. جواهرررر .. وراي طريق هالحجي هذا سدي ولي يسلمج ...

يتبع...

اعتذر عن التأخير لكن كان عندي ضرف وكنت حيل تعبانه
شكرا لكل من سال عني وشكر خاص لفروحة متابعتي على الواتباد احبج يالعمرررر انتي 😘 راح انزل بين يوم ويوم لان امتحانات واليوم اللي ماعندي شغل راح انزل بارت مفاجئ ان شاءالله اتمنى ماتزعلون

اصحاب القصه ديتابعون معاكم اليوم ☺️الـعاااشررر

#إمرأة_من _عاج 🗽

بقـلمي ... #نٰـشوى_السـلطان ... 🍂

شهم... اشرب ماي ونمشي ...

ام جواهر.. الله كريم .. اشرب هسه ويصير خير

شهم.. شربت الماي جنت كلشش عطشان النوب انغثيت احتركت حرك...

جواهر.. حبيبي الله يخليك خلي نتفاهم اقبل والله اكون زوجة ثانيه بس لتعوفنييي..

شهم.. جواهرررر .. وراي طريق هالحجي هذا سدي ولي يسلمج ...

علي.. خيتي الزلمة تزوج وانتي الله يوفقج بحياتج ماكو قسمة بينكم ،.. شوفي حياتج افضل الج

جواهر... لااا اكووو قسمة ومستعدة انتظره العمر كله

ام جواهر... اسكتي يمه الله كريم عوفي براحته .. شوكت ماشاف نفسه رايدج ذاك الوكت بيتنة مفتوح الك

شهم... عليي امشي ورايه اني طالع... شلت السويج وطلعت نزلت من الشقه

علي... عيني تره صاير نار .. لو ادري اكو امل يتقدم البنتج جان اني كتلج ف سدو السالفه كلهااا يله اروح نزل ديتتظرني...

ام جواهر... عشتووو بنتي مو بايره كلةةةةة كلة تره ابن خالتها يريدهااا..

علي .. ماصديت عليها مشيت وسديت الباب ورايه

جراهر... منو مهتم شوفي حتى علي راح شتحجييين انتي

شهم.. فتحت باب السيارة .. صحت عليييي وينك

علي.. هيان جيت خووويه..

شهم... راح اطلع للديره اصعد اوصلك.،

علي.. خاف مايبقى وكت تتأخرر.. لاتروح بات

شهم..يولو اصعد ماعليك اصل من وكت ...

علي.. فتحت الباب وصعدت... بالسياره

مسك... سويت الدولمة وتغدينه وشهم ماخابرني.. بقيت انضف ويه شيرين..نضحك ونشاقه بس شهم ماراح من بالي.. ماخابرت علية مدام راح وحتى ماكلف نفسه يكلي

شيرين.. مسوكة .. حدز جيبولنا كرزات وموطه ونطلع لحديقه شتكولين

مسك.. علواه والله ضوجة .. بس حصعد الغرفتي اسبح وابدل وانزل .. نروح اني وياج

شيرين.. يولي وين نروح... تعالي اكفي

مسك.. صعدت اركض اسبح واجييج ... ماتأخرر

شهم... وصلت بيت خالتي وصلت علي طبكت يم البانزين فولت و وطلعت للديررة ..

ام شهم.. خابرتها الاخيج ... وينج هاي مسك وينها

شيرين.. على كيفك يمه لا اسمع صعدت الغرفتها

لمياء.. سمعت صوت عمتي فتحت باب غرفتي وطلعت
وكفت بالزاوية اريد اسمع شهم وين جان

ام شهم.. جاي اخيج يالطريق.. كتلو ماترتاح الا تخلص گلبي ..؟

شيرررين... وييين جان بس لا يمها

ام شهم.. ماحجة شي تدرين بي يحجي بس يريد يسده كال مسك سالت عليه كتلو اي ليش ماكلت الحرمتك كبل ماطلعت يكول جانت نايمه وطلعت مستعجل

لميا.. دفعت الباب وفتتت .. عمه هاي السوالف هلي يسولفها الغيرنا هو لو مهتم ويحب مرتو جان حاجالها

كتلكم مايكدر بدون جواهر واكص ايدي اذا عافها عيني
يحبها .. وهي تدلع علية خمو مثل مسك جامده

ام شهم. بلجي جمدج البين.. منين الها جامده تراها اتشاقي الهوووى .. بس كولي رجال عينهم فارغه ماتملي عيونهم غير گحفة اتراب...

لمياء.. هههه هاي انتي كلتيها عمه لو ماليه عينو ماجان راح على غيرهااا

شيرين.. اووو بسكم عااااد خل يصل وتفتهم وين راح .. سبقتو الاحداث البنيه لا تسمع كااااافي

لمياء.. والله اتعجب عليكم وعليش خايفين منها تخافون تعوفه لا عينييي لازكة بي ماتعوفو ماصدكت ياخذها

شيررين... لمياء... كافي عاد البنيه شمسويتلج

ام شهم.. داهرتها دهر ..شمسويتلها والله مامسويه شي بس غيرررة ..

لمياء.. شنو هالحجي عمه عشتو عليش اغار بشنو احسن مني هااا

ام شهم.. عجل اكرصي اللسانج عيب عليج البنت مو مأذيتج كافي

مسك... سبحت وطلعت .. كبل عالجهاز اريد اشوف شهم متصل.. مالكيت مكالمه .. ذبيت التلفون عالجربايه

ماخابرت .. طلعت كلابيه بيضة طويله وبيها جاكات خليت مكياج بسيط وتعطرت .. اباوع على نفسي بالمريه ..

اصفن على نفسي.. معقول اني موحلوه .. شو شهم مامهتملي لا هاي تخيلات شبيه اني ... خل اكوم احسن

مابقى اضوج بنفسي.. خل اطلع وغير جوو ...فتحت الكنتور طلعت شال كريمي لبسته ونزلت... بعدني عالدرج

فتح الباب عمي تلكاني ...

ابو شهم.. هلا بنتي..

هلا بيك عمووو

عجل وينه هذا شهم.. شو سيارتو مو هين

والله عمو ماعرف اني الصبح ملكيته بس سمعت لمياء تكول راح على بغداد ..

هااا وشيسو راح .. شو ماكال ... شذكره بغداد هذا

مسك.. اول مره اشوفه ضايج .. مشه عمه طب للهول واني طبيت للمطبخ .. وكفت يم الكاونتر .. صفنت شبيهم كلهم هيج يضوجون من بغداد ..

شيرين... طبيت بدلت سمعت ابوي يحاحي مسك .. لبست بسرعه وطلعت .. دحكت ابوي كاعد بالهول ويحاجي امي

ومسك واكفه يم الكاونتر وصافنه.. طبيت عليه امشي
ها مسوووك شطالعه اليوم كلش حلوه كلابيتج

مسك.. اكول شوشه شبي عموو ليش ضاج ..

شيرين.. شنو شبي ليش؟؟

ماعرف شو من كتله شهم بغداد ضاج يكول شذكره بغداد
هو شهم ليش راح شو حتى اني ماعرف

شيرين.. يمعوده هو يحب بغداد متعود هناك كومي نكعد بالحديقه

ابو شهم... يووولي شيرين ..

مسك.. عمو يصيح عليج..

شيرين.. طلعت اركض عليه.. ها يابه جيت جيت...

مسك... طلعت للطرمة وكفت وهي راحت جوه .. تمشيت كعدت على الصبه..

ابو شهم.. اخذي البنيه وطلعي... لبيت عمج

شيرين.. هاا شلون وشهم خاف مايقبل ليش انروح!

اب شهم... سمعتيني شكتلج.. اخذيها وروحي

شيرين.. خل اروح اكلها واشوف شتكول...

ام شهم.. اي روحن احسن اخذيها خل تشوف ناس كبل بالبيت ..

شيرين.. ماصدكت طرت فرح من كلي ابويه روحي اويلي مروان هناك راح اروح واشوفه.. طبيت للمطبخ دحكت من

الجام مسك كاعده بره .. رجعت على غرفتي دحكت على نفسي بالمرايه.. عدلت حجابي زين وطلعت طبكت الباب

لمياء.. هاا شبيج شو مستعجله

شيررين.. ماكووو شي.. ركضت

لمياء.. وين رايحة اكفي شبيج...

شيرين.. مارديت عليه... طلعت للحديقه وكفت يم مسك كضبتها وسحبها حييل كومي مسوكة..، كووومي

مسك.. شبيج هههه راح اوكع وين اكوووم

شيرين.. ابويه كال اخذي مسك وروحي لبيت عمج

مسك.. يااا لا عيني شهم مايدري شون اطلع

شيرين... دمشي مدام ابوية وافق مايكول شي شهم

مسك... لا عفيه خاف يزعل...

ابو شهم.. روحي يمه ماعليج من شهم ..

مسك.. انداريت عمي ورايه ولا حسيت بي فشلت .. دنكت راسي..

ابو شهم.. يله بنوات روحن ولا تبطن جثير هناك

مسك.. بصوت ناصي ولج تلفوني فوك خاف يخابر شهم

شيرين.. عادي يخابرج على تلفوني دمشيييي قبل ما ابويه يقلب ماصدكت كال اطلعييي..

ههههه ولج راح اوكع على كيفك مخبله.. شنو بسجن وافراح راح نطلع

شيرين.. لج طاكه روحي كبل بالبيت

مسك.. طلعنا نتمشى اني وياهه.. الله ولج هاي شكد حلو هنااا .. هاي الماي قريب عليكم... خل نروح

شيرين... ههههه وين نروح تخبلتي دمشي امشي

مسك.. هذا بيت منو تره نسيتهم

شيرين.. هاي كلها بيوت عماني وغادي منهم خوالي

مسك.. هاي شنو هنا كلها احزاب ههههه

شيرين.. لا والله بالعكس كلها سوه اللي يصير عندو شي كلها تكفلووو اهل فزعه هذا بيت عمي .. وهذي سيارة مروان طابكة..

مسك.. اكلج احنا بالكلابيات طالعات شكد عيب لا ولنوب ماكنالهم... راح نجي

شيرين.. دفعت الباب البره.. الكل صار جدامي كاعدين بالحديقه..

ام مروان.. ولج هذا منو عالباب كومن خاف احد جة

شيرين.. لا عمة اني شيررين

مروان.. داسگي بالورد.. سمعت صوت شيرين كمت الحيلي للتفتت لينها جدامي .. صارت ..

ساره.. هلاووو بنات تعالووو تفضلووو

ام مروان .. اركضي ساره جيبي الجودليات هلا وكل الهلا

شيرين.. مرحبا .. شلونج عمه...

مسك.. السلام عليكم..

ام مروان.. هلا بالعرايس ياهلا وجثير الهلا عجل اليوم حرمة شهم هين.. مسيرة عدنا..

مسك.. تسلمين خاله ... حبيبتي

مروان.. كطيت الكرك من ايدي .. وتمشيت عليهم...

شيرين.. شفتو جاي يتمشى سويت نفسي مامنتبهه

ساره.. يولي شيرين عجل ليش ماكلتي راح نجي

شيرين.. والله ضوجة جنه كاعدين بالحديقه وابوية شافنه ضايجات كال اطلعن

مروان.. اي اقلها مسك تشوف الديره زين سويتو ..

مسك... هاي شنو هذة .. الصووووت

مروان .. هههه هذا چلب عدنا..

مسك... صدك .. لا عفيه .. اخاف كومي شيرين هل نروح

ههههه اكفي وين نروح مايسوي شي

مروان .. لا خيتي وره البيت مايجي هين لاتخافين

مسك.. بس صوته يخوف اني اخاف والله شلون

ام مروان.. يمعوده الجهال يروحون يلعبون وياه مايسوي شي ،.

شهم..اتصلت بمسك ماترد... هاي وينها معقول نايمة
كررت الاتصال وهم ماترد.. ..

مسك.. كاعدة وياهم اللمه حلو واطباعهم حلوه بس بالي وفكري كله يم شهم وين راح وليش ماكلي وشيسوي بغداد الف حسبه وحسبة بالي...

ام شهم.. اسمع اسمع.. هاي صوت سياره شهم .. اي جاك شعجب مابات بغداد...

ابو شهم... اسكتي لا تحجين انتي خل يجي

شهم.. طبكت السياره يم الباب قفلتها وفتت للبيت طبيت للهول ابويه كاعد ويدحك عليه.. السلام عليكم

ابو شهم... هاااا شعجب جاي اليوم للديره ومابايت هناك

شهم... شسالفه اليوم من الباب متلكيني دردو السلام اول شي

ام شهم.. ليش من تطلع ماتكول ها والنوب رايح الجواهر

شهم... استغفر الله ماكو جواهر رااااحت ولت السالفه سديها يمه لا وين ماروح الكل يحجي بجواهر

ابو شهم.. انت بعد تزوجت عوف سوالف المكسرات

شهم.. يامكسرات يابة شبيكم رحت بشغله ورجعت
ولحد يجيب طاري جواهر اني تزوجت وعندي حرمة احبه وماريد شي .. مو هذا اللي تريدو صار خلص

ام شهم... ااااخ منك اااخ ..

شهم.. لا اله الا الله .. وين ماروح انغث خل اصعد الغرفتي احسنلي...

ام شهم.. ادور على حرمتك تره موهين

شهم.. انداريت عليها واني امشي وكفت.. شنو موو هين عجل وين راحت...

ام شهم.. راحت على بيت عمك ابو مروان ...

شهم... شنوووو منو كلها تروح شوداهه...

ام شهم.. والله عاد مثل ماانت تطلع بدون ماتكول هي هم تطلع ..

شهم.. هاااا..؟

ابو شهم.. اني كتلها روحي كلت احجي وياك وماريدهت تسمع الحجي..

شهم.. يابه سالفه جواهر انتهت والله انتهت وحتى ماتحي على بالي جواهر جانت نزوه بحياتي وانتهت هسه عندي مسك ومافكر بغيرها ولي يسلمكم هالسالفه سدوهاا عفتهم وطلعت...

ام شهم.. هااا وين رايدددد اتروح...

شهم... طلعت اتمشى على بيت عمي...

مسك.. لاااا مروان حباب اخااااف وخره مني

مروان.. هذا جابه هييين ...

شيرين.. ههههه شكد خوافه انتي هو جلب هاي يريد يلعب ويانه

مروان.. همست بصوت ناصي .. مومثل بنت عمي سبعه ياحلاتهااا

شيرين.. سمعتو كال مارديت خجلت وصديت علو مسك

مسك.. يمةةة شو هذا يتقرررب .. لا شوشه عفيه شنو يلعب ويانه والله اخاف.. كمت الحيلي .. ركضت وكفت وره مروان... حباب خلي يروح اخاف ..

ساره.. ههههههههه الجهال مايخافون انتي تخافين

مروان.. دقيقة شبيكم ... هسع اودي اني

مسك.. لزمت مروان من دشداشتة وكفت وراه وجلب كدامي فاتح حلكة ويكمز على مروان .. ماتحملت بقيت اعيط بصوووت عالي.... 😱

شهم.. دفعت الباب وطبيت... الكل جدامي صار وعياط وصياح انتبهت مسك كاضبه مروان واكفه.. بقيت صافن شنو اللي ديصيررر

شيرين.. سمعت الباب البره نفتح انداريت شهم ورايه جمدت بمكاني ... يمةةةة شجابووو مو جان بغداد .. عزززه عليج مسك النوب كاضبه مروان وتصيح وشعرها كلو طالع..

شهم... مسك.... ؟

ساره.. هذا شهم جة...

مسك... انداريت شهم ورايه.. عفت مروان وركضت عليه.. شهم الكلب هذا يخوووف والله

شهم.. تحاجيني واني مختزر عليهااا بعيوني من شفتها هيج ماضل عقل برررررراسي...

شيرين.. لفيت الحجاب زين شلت تلفوني ومشيت

مروان.. شيرين...

شيرين.. انداريت علية

مروان... بصوت ناصي لا تكطعين عليه خليني اشوفج

شيرين.. مارديت عليه مشيت على الباب رحت

شهم.. كضبتها من ايدها ومشيت ..

شيرين.. طلع يمشي سريع واني اركض وراه ادحك عليه صاير نار كاضب مسك من ايدها بقووه .. ويمشي سريع

مسك.. مارد عليه اخذني كبل صعدنا فوك ... وكفت يم الكنتور .. هو قفل الباب.. بقيت مستغربة من ردة فعلة شبي موطبيعي يبين علية ضاااايج

شهم.. قفلت الباب وصديت عليها.. اكعدي ليش واكفه

مسك.. وين جنت..

شهم.. ذبيا الدشداشه علكتها بقيت بالسروال والفانيله

مسك.. شو مترد وين جنت ابغداد ليش مكتلي راح اروح

شهم.. تقربت عليها.. صارت بيني وبين الكنتور .. يولو شطلعج هاااه .. ليش اخابرج ماتردين

مسك.. شبيك.. شو ضايج واذا طلعت انت مو طلعت لعد

شهم.. اني زلمة اطلع اطب بكيفي ماعندي حرمة تطلع بدون ماتكلي..

مسك.. هاااا عليكم حلال علينا حرام ..

شهم.. شنو هذا عياطج وصياحج شوداج وهاي شلون تطلعين هيج .. صدرج شعرج كلو طالع

مسك.. واذا طالع ماكو احد غريب شبيك

شهم.. تقربت اكثر رفعت راسها بأيدي.. يولي كلشي بيج مالتي ملكي اني ماقبل احد غيري يلمحج ...

مسك.. ممممم ... وهسه شنو يعني

شهم.. اول مره واخر مره تطلعين واني مادري

مسك.. اني صوتي عالي لان خفت

شهم... اشش كافي لا تذكريني .. اااخ منج يولو صوتج اليوم لراس الشارع شكالو هسه ها كالو حرمة شهم تعيط وتصيح وسمعو صوووتج

مسك.. موكتلك خفت .. هسه كلي انت وين جنت..

شهم.. بشغل جنت ورجعت .. يولو.. دحگي عليه

مسك.. شنو شبيك.. هياني كبالك

شهم.. تدرين.. رحت شوي ورجعت.. گلبي نار عليج مشتاكلج يبعدهم..

مسك.. مممم تريد ترضيني ..

شهم.. والله اني ادور احد يرضيني..

مسك.. يااااا ...

شهم.. ههههه تعالي تعالي...

مسك.. مااااا

شهم... ارضيج وتراضيني..

مسك.. مااااا معليه..

شهم.. ليش هو بكفيج .. شلتها ..

مسك.. هااا بدينااا...

شهم... لا هسه راح نبدي... تعالي... تمددت سحبتها علية..

مسك.. تدري بيه فطيرررة ترضيني بسرعه 🙁

شهم... ههههه لا يولو .. وعيونج هذني .. مشتاكلج .. لا تشلعين كلبي

مسك.. تقربت عليه وحضنته...

شهم.. اويلي.. يبعد العمر انتي..

مسك.. مررت الايام.. وشهم.. صار انسان ثاني ..
تغير طبعو ويايه صار ياخذني ونطلع سفرات... الا ان اجة ايام .. ماعرف شبي كبل مخنوك وضايج

شهم.. كعدت من نوووومي مخروووع مخنووووك.. اكح اكح ونفسي احسه مكطوووووع ..

مسك.. على صوت الكح مالته كعدت.. وخرت الفراش وركضت على الضوة شغلته..

شهم.. لا اله الا الله .. انطيني ماي..

مسك.. هاي هم اختنكت...

شهم... لا تسأليييييييين كتلج نطيني ماي...

يتبع... بديت اختصر بتفاصيل صغيره لانو مابقى شي لرمضان... القصه بين يوم ويوم تنزل ومراح الحك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري