آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-09-18, 10:55 AM
| #11 | ||||||||
| مراقبة عامة ومشرفة منتدى الروايات المنقولة  
|  #زهره_النرجس #زوجه_ثانيه #العاشر و عن آخر خيبة و خذلان "وعِندما شعرت بأنها حِمل ثقيل عليه كان لزامًا عليّها مُغادرة المكان وحسب دون أن تقول أنّها تتألم ! . . . غادرت بصمت وأخذت تبكي و تتحدث مع نفسها وتواسيها . . ، "هو لا يحبّـك، هو يريد الوقوع في الحب ليواكب الجميع وليختبر الشعور الذي يتحدّث عنه الجميع، هو يريد أن يكون مثل أصدقائه الواقعين في الحب." 🙂🍂 . غسلت وجهي ولبست ملابسي ورحت لنورهان شكيت اله كلشي الي يأذيني وشنو سوه بيه الخاين فتحت عيوني لكيت روحي بالمستشفى ابوي واخواني فوك راسي ابوي الي صارلي ٤ سنوات ماشايفته واخواني ابوي يمسح براسي ودمعته بعينه ماااحملت كمت ابجي بصوتي هستيري واطلب منهم يسامحوني حجي فالح .. وانه منهو كال زعلان عليج انتي بنتي وعزيزه كلبي والضفر عمره مايطلع من اللحم انتي لو بس كايله شلونك بويه انه ارجع وياج مثل اول بس انتي على عمج نفس العناد الي عنده والتكبر اجو اخواني بوسوني بس فرقان بعده وجه ثكيل عليه اجه حسون شبكني وباسني وهنادي لازمته نوربان وتبجي من شفت جهالي حسيت روحي انكسرت شنو ذنبهم هذول الاطفال حرام يربون بدون اب وهو شلون اب حسافه يكون اب حجي فالح .. لاتبجين بويه انه اخذلج حقج منه واكسر راسج نوران ..لابابا اريد بس شغله وحده منك حجي فالح .. امري عيوني الج نوران .. اريد بس تحركون سيارته كدام عينه لوحجه وكال كلوله هذن فلوس ذهب نوران واريد المأجر يطرده من الشقه لان هو مثل الفاره مايكدر يطلع يعيش بغير المكان الزباله وماراح يبلغ الشرطه لان هو مطلوب عشائريا والباقي عوفو عليه احمد .. لا الباقي احنه نحله اذا مااسجنه نوران .. لاعوفه عليه اريد اخلي يتندم على سوالفه طلعوني للبيت رجعت لغرفتي ولبيتي البيت الي بس انه وابوي وحسام ونور الهدى وياجدي عايشين من اتزوجت اني الهول متروس ملاعيب لحسون واشوفه منطلق بيت جده كعد يمي حسام وطلبت منه ينشر بالفيس بوك يكول عثر على الرجل هيثم مصطفى عبد ال ...... بمحافظه كذا وانطي العنوان مال اهله وعدنه رقم موباسم احد نزلنه الرقم لليل خابر واحد وهو يسب ويشتم ويكول بس دلوني مكانه انطاهم حسام العنوان مالته صح ضجت وحزنت لان اسوي هيج بأبو جهالي بس هو واحد خاين استغلني وعاملني مثل الحيوانات هنادي ولاادري بيه من ايد لاايد فرحت عند اهلي غيرت كلشي بيه كتلهم لحد يجيبلي سيره هيثم بس جيبولي ورقه طلاك وصدك اطلكت غيابي بالمحكمه وماحاولت اسئل على هيثم عرفت الاهل هم العكاز الي تتجه عليه من تطيح والاخوان نعمه من رب العالمين لان لو تأذينه اول كلمه نكوله أخ والاخل مستحيل يجي بمكانه احد الزوج اذا راح يجي بداله واحد بس الاخو لوراح مستحيل يجي احد بداله سافرت ويا زوجه محمد لدبي غيرت كلشي بيه شفط تنضيف بشره نظاره للجسم والوجه ملابس جديده مكياج غيرت لون شعري من الاحمر للاحفر وكصيت منه رجعت مسويه تغير كامل تعجبو عليه قررت حياتي تكون ملك الي ولااهلي ولااطفالي مااريد احد يدخل بيه حسون مايقبل ينام يمي لويم احمد لويم ابوي اهلي ماعدهم طفل من زمان وفرحانين بالجهال حجي فالح .. بنيتي جهالج جهالي ومستحيل فد يوم احسبهم غيرحسبه حسون ابني الزغير بزر الكعده خذه المعزه مالتج كله وهنادي بنيتي خاف يكبرون وانه موش موجود وصيت عليهم الولد نوران .. العمر الطويل الك كمت بست راسه وخليت راسي على صدره مثل كبل من يجي من السفر واشتاقله لان هو هم جان الي ام واب مثل حسون ينومني يمه وياخذني للجامع وياه اجه حسون عصبي ويجر بشعري نوله وحري من ابوي هاز ابوي حكيره نوران .. ولك عيب تكول نوره كول ماما حجي فالك .. هههههههه تعال ولك هم انت تغار شلون بيه نوب نويره وحسيون نوران .. دفعته عن ابوي وردت انام ماقبل كام يبجي ويجر بشعري اجه بحضن ابوي بقى نايم على صدره وشابكى نوران .. هي ولك حسون كافي لزكت حجي فالح .. اااش نام عوفي نوران .. عوفى بابا اخذه لفراشه حجي فالح .. لاانه اخذه وليدي هذا مااقبل اي احد يشيله طبعا عندي اهلي من كبل كلشي البس ومتحرره بس بقيت البس حجاب مانزعته غرفتي نقلته جوه لان خطيه ابوي كله بحده جوه اني والجهال مسويله جو تعودت اكعد ب١٢ الضهر وباليل اسهر لواباوع فلم لوعلى الفيس صرت مدمنه على التلفون واللابتوب كعدت الضهر لابسه تراكبرموده حمره ضيكه كلش وتشيرت نص ردن بي حلك مفتوح يم الصدر وبالبجامه حلك وطالع من لسان يم صفحه الجيب غسلت وشلت شعري ذيل عالي كلش ونعال ابو الصبع احمر ناعم بارز بياض رجليه شعري صبغته ثلجي كله كالت عبالك اجنبيه احلى من الاحمر مخليه السماعات بأذني واغنيه وياماجد المهندس انادي يحصه منيره جواهر يامها عبالي يطلع معاي اسمها طلعت للهول ومستمره اغني وياه انصدمت من شفت عزيز كاعد على القنفه اني مستمره اغني وصافنه بوجه وكفت اباوع عزيز ... روحي دخلي حجرتج تره العباد شوي وتثورررر .....يتبع | ||||||||
|  |
|
22-09-18, 10:57 AM
| #12 | ||||||||
| مراقبة عامة ومشرفة منتدى الروايات المنقولة
| الحادي عشر بارت مفاجئ الكم والبارت الي قبله ٢٤٠٠ كلمه يعني دمجت بارتين بارت واحد سمعت نوران اطلكت ويم اهله ماكدرت اروح الهم ماحبيت تاخذ عليه نضره مو حلوه حسباله ميت عليه اي ميت عليه ليش اجذب روحي كلما اكعد بحدي اتذكر شلون حضنتني وهي خايفه صادف عندي دوره بمدينه قريب بيت عمي والدوره مالتنه شهر لو ١٥ يوم ماادري شكد بيومها نزلت للسوك اشتريت احلا ملابس وعدلت شعري ولحيتي واني منا متغير كلش وصلت لبيت عمي قريب الغده عيوني جانن يدورن على نويره مشتاق بس اله عمي راح للجامع للصلاه ومحمد ورضا جانو يمي كاعدين وكامو يبدلون ويجون بقيت كاعد بالهول وكلب بالتلفون بيت عمي سبورتيه يعني عدهم اني مثل اخوهم نسوانهم يجن ويسلمن ومايكعدوني بالصاله يكولون بس للخطار وانت اخونه كاعد وشفت العيد اجت نويره بس ولاعرفته صايره قنبله لابسه احمر والثور الي بداخلي هاج وماكدر يكعد زمخت بيه تروح للغرفه مااتحمل بعد اذا تمشي يمي هيج نوران .. شلونك عزيز شخبارك مشتاقيلك عزيز .. هلا والله هلا بت العم شلونج شخبارج نوران .. زينه الحمد لله فرحانه بشوفتك جاي عدنه امداني كون لاجاي ولاواصل شورطني واجيت عزيز .. اكلج انتي كدام اي واحد تمشين هيج مااستحيتي من واكفه كدامي بهذا شكلج نوران .. انه مويم اي واحد هيج البس انت ابن عمي ومثل اخوي ماافرق بينك وبين فرقان عزيز.. عصبت من كالت مثل اخوي اول شي انه مواخوج ولامثله اخوج يختلف عني وبعدين هيج شايفتي شايب وتكولين بكد فرقان حبيت اضوجه شوي واخبث عليه مثل مايضوجني من اروحلهم نوران .. ليش انت ازغر من فرقان؟ عزيز .. رحم والديج هيج انه شايب نوران .. اي والله ماتوقعتك ازغر العتب على النظر يلا اترخص خلي اتريك جوعانه تريد جاي عزيز .. ضجت من كالت شايب ماحبيته منه وانه الي كاتل روحي عليه انه اله بت فالح اي وياج استكان جاي اي تعال وياي للمطبخ لاتبقى بحدك بالهول سويلي واهس واني اتريك تمشي كدامي للمطبخ واني وراها كل شوي استغفر ربي واتعوذ من الشيطان يعني البيت هدوء واجواء تساعدك على الرذيله والفحشاء كمت كل شوي اشرب جكاره اريد الهي روحي عنه وهي ابد مامهتمه لوجودي خلاني اشتعل شعل يعني معناها هي هم تشوفني صح شايب ومثل اخوها اووووف كامت تخلي الريوك على الميز وجابت النه جاي وكعدت نوران .. اكلك لكمه لاتشرب بس جاي لان اهلي سالفتهم اطول بالغده عزيز .. على هاي الحسبه لازم يوميه اكل بره من ارجع من الدوره نوران .. دوره شنو عندك عزيز .. دورات عدنه للصيدلانين نوران .. اها وعليمن تاكل بره اني يوميه احظرك الغده شوكت ماتجي عزيز .. اي صدك نسيت انتي صرتي ام بيت وتعرفين اطبخين نوران .. قصدك جنت ام بيت وماريد شي بالماضي عزيز .. نويره انتي بعدج تحبينه نوران .. نويره شنو ام وعندي اطفال اثنين وتكول نويره كول مهندسه نور واي حب بداخلي ماكو اله اني جنت عباره عن لعابه يحركها مثل مايريد وهاي اللعابه اتكسرت ومايكدر يحركها مثل مايريد واني منا ورايح انسانه جديده عزيز .. بس بعدج مغروره وخشمج يابس نوران .. لاغلطان اصلا ماكو افقر مني عزيز .. اي هو هذا الي مدوخني كل الصفات الي بالبشر الكاهن بيج باوعتله بأستغراب ونوب سويت روحي ماانتبهت لكلامه عزيز .. كاعده تاكل زيتون وجبن وانه صافن على كل حركه بيه شعرها الاصفر زايده جمال مبينه مثل هاي اللعبات الغاليه الي نلكاهن بس بالمحلات الكبار نوران .. عزيز انت شعجب ماتزوجت لهسه هناك عدكم كومه بنات حلوات واكيد واحد مثلك حالته زينه وصيدلاني ومعروف فرصه لكل بنيه عزباء حته لو عمرك جبير بس شهادتك وفلوسك تصير فرصه لكل وحده مقبله على الزواج عزيز .. انتي والله لزكتي بعمري هو عمري كله ٣٥ سنه ومنو كلج اريد اتزوج سدي الموضوع عفته وطلعت للطارمه اشرب جكاره نوران .. اجت العامله ولمت الاكل وابوي موصي على طبخ من المطعم مال فرقان كعدت حسون وهنوده وريكتهم وبدلت الهم واجت العامله خذتهم كالت احمد بالهول يريدهم اليوم ماشايفهم رحت سبحت وشسورت شعري ولبست بنطرون كابوي وقميس مقفل اسود وابيض القميص حلو مو قصير ماردت عزيز ياخذ عني نظره موحلوه جابو الغده وتغدينه عزيز حسيت مندمج ويا اخواني وابوي ويضحك ويسولف شربو جاي وراح نام لان تعبان من الطريق خلصت الغده وكمت شلت المواعين ويا العامله وطلعت كعدت بالحديق بالمرجوحه حديقتنه كلش حلوه وجبيره كلش وبيه حشيش عالي وورد لبست شالي وطلعت لان مرات يطلع الحارس مالتنه لويدخل للطارمه جبت هنادي كعدته بالكرسي مالته تباوع على اخوها شلون يلعب عزيز .. نمت ساعه وكعدت متعلم ماانام هواي كعدت البيت هدوء ورثت جكاره وطلعت للطارمه شفت نوران هي وابنه يلعبون وكل شوي يتعارك وياها ويجر بالشال مالته وهي ماخذه راحته ومامنتبه للحارس الي كاعد بالطارمه عيوني صعدن براسي تخبلت من شفته كاعد رحتله ورزلته هو صح هندي بس كلشي يفتهم ويعرف حديقتهم جبيره وبيه مثل اللوفه تصير ماينشاف الي بالكراج شفت ابنه عافه وكعد يلعب بحده رحت لزمته من ايده واخذته للحديق اوكف اوكف شبيك شنو صاير اش ولاكلمه حصرته على الحايط وايدي متجيه على الحيط من فوك والثاني قريب على خصرها ماريده تشرد مني اريد اعرف انتي شنو من بشر ماتشوفين هذا السكط ابن الحرام كاعد وصافن عليج وانتي نص شعرج هذا الاصفر عبالك صخله طالع وشدراني هو كاعد يباوع عليه وعيب عليك تكول عليه صخله خوش يلا وخر اريد اروح اش ولاحجايه هو موصوجج ولاصوج الهندي صوج النبي نوح صعد جنس حواء وياه بالسفينه اني من كال هجي ماتحملت ضحكت بصوت عالي يعني صدك صار هواي ماضاحكه هجي هو مستمر محاوطني واني اضحك حسيت الغضب مالته راح وضحك وياي شوي وتقرب على وجهي واخذ شفافي وكعد يبوس بيه ماجنت مفكره ابد بي هو هجي يشوفني كل تفكيري هو مثل اخوي صارت ردت فعل عندي بدون مااحس ضربته راشدي عزيز .. اني عصبي وصاير نار كبره وهي تتمضحك حاولت بثواني تمتص الغضب مالتي ماتحملت اشوف ضحكته الحلوه ومااضحك ماحسيت على روحي واني ابوس بيه اكو شي يجذبني اله احسه انسانه صافيه وحبابه صحيت على ضربه راشدي على خدي لزمته من حنجه قوي ماعاش الي يطكني راجدي وانه الج يابت حجي فالح اذا مااخليج تتندمين نوران .. اسفه والله طلع مني بدون قصد والله وعيب تسوي هيج اني مثل اختك عزيز .. راح اسامحج بس ماانسه هذا الراجدي وسالفه مثل اخوي انسيه خوووش نوران .. اي انساها بس هدني جاي تأذيني وعيب الي سويته شنو تسمي تصرفك هذا عزيز .. انت بت عمي وانه عاشكج مابيه شي قبل لااخلص الدوره اخطبج من ابوج وتنتهي الشغل نوران .. وانت تحجي بهاي البساطه هجي منو كلك اني اريد اتزوج وانت بكيفك قررت عزيز .. موبكيفج بت عمي واني اوله بيج من الغريب فهميني انه عاشكج تعرفين شنو عاشكج دفعته من صدره ورحت اركض للغرفه احس وجهي كب نار صار احمر وضجت شلون يكول انهي عليه اني كلبي انكسر من وره هيثم كرهت جنس ادم كله اخذت غراضي ورحت لنورهان اني وهنادي ابات يمه ماشفت عزيز وين راح وحسون ماقبل يروح وياي ثاني يوم الصبح ابوي اجه واخذني من بيت نورهان ماقبل ابقى يمه يكول عدنه خطار وعيب منه رجعت مالكيت عزيز بالبيت حجي فالح .. بويه اليوم نريد الغده من ايديج الحلوات سوينه دجاج مثل مالت ذاك اليوم نوران .. بابا ليش موالعامله هي الي تطبخ حجي فالح .. بويه انه احب نفسج بالطبخ تذكرني بأمج المرحومه نوران .. الله يرحمها هسه ابدل واكوم اطبخ بس عزيز وينه حجي فالح .. اليوم اول يوم اله بالدوره كال مايدري يمته يجي انه رايح اصلي بالجامع ومناك اروح لااحمد عدنه اليوم عقد نريد نوقعه واجيبه واجي على الغده اذا بطينه لاتفكدونه تغدو هذا الولد يجي جوعان ومتعلمين يتغدون من وكت بويه هلا هلا بأبن عمج نوران .. اي لوتدري ابن عمي حاط عينه عليه جا طرته من البيت عزيز .. من امس العصر ماشفته بعد واستحيت اسئل وينه رحنه للدوره من ال٩ الصبح لل١٢ الضهر رجعت للبيت هدوء وريحه طيبه مالت الطبخ دكيت باب المطبخ ودخلت شفت نوران واكفه تطبخ لابسه دشداشه حصر زيتونيه اتعوذت من الشيطان يثملني جسدها و يخرجني من وعيي و لا أجد طريقا للعودة لعقلي هي بس شافتني دارت وجهه وكأنما اني مو موجود شلونج بت عمي اها زين عرفت اني بنت عمك ومنو ناسي هذا الشي اني بنت عمك يعني عرضك وشرفك عيب عليك الي سويته امس كتلج انشاء الله راح افاتح عمي بهذا الموضوع انه من اول يوم شفتج حبيتج قصدك حبيت جسمي كشختي لبسي لا ابد والله حبيت كلشي بيج طيبتج غرورج لسانج هذا الطويل الي يرادله كص ضحكتج حزنج حبيت روحج كله واذا نجي على الجسم هنا مااكدر بس اكول فستانك الشفاف يقتلنى تتوهج منه مفاتن أنوثتك عزا بعينك على هذا الشعر ماتستحي شنو هاي الجراءه الي عندك كتلج عاشك كلشي بيج واريدج الي واليوم انشاء الله احاجي عمي واخطبج نوران .. استحيت من كلامه وغزله الي رحت للغرفه وكبل للحمام الزم كلبي يدك حيل وجهي احسه كاب نار مااعرف حراره المطبخ لو الحراره الي بجسمي طلعت غسلت بماي بارد مافاد لبست ملابس عريضه وطلعت شفت ابوي جاي حجي فالح .. اليوم اجيت علمودج من وكت مارحت تأجل شغلنه نوران .. يلا جا كعدو خلي اصب حجي فالح .. صبيلنه بالكاع بالمطبخ مانريد كعده الميز حاولت مااباوع بوجه عزيز صبيت الاكل وكاعدين ناكل اجه حسون يم ابوي وباسه بحلكه حجي فالح .. هالولك سرسي منين متعلم البوس بالحلك حسون .. عمو عتيت باث نوره هيت (عمو عزيز باس نوران هيج ) ....يتبع اذا يبقى تقاعلكم هجي قليل انشر بالوقت الي يعجبني 👊اليوم زعلانه عليكم التعديل الأخير تم بواسطة فيتامين سي ; 18-05-22 الساعة 07:32 AM | ||||||||
|
| |
|
22-09-18, 11:08 AM
| #13 | ||||||||
| مراقبة عامة ومشرفة منتدى الروايات المنقولة
| زهره النرجس البارت الثاني عشر زوجه ثاني عزيز جاي يشرب بالماي وشرك من سمع كلام حسون حجي فالح ..يبوي انت شنو ترطن عليه بويه نواره هذا ابنج شنو يكول عزيز راد يحجي اشرتله يسكت بابا هو يصيح لهنادي نوره يكلك عزيز هيج يبوسه راد يحجي حسون شبكته وبسته امشي غسل علمود تنام صحت العامله اخذته ورجعت اريد اكل مااكدر مااندل شي من الاكل حجي فالح .. شفت طبخ نواره شلون طيب الي جانت ماتدري الطباخ شلون تشتغل صارت ام بيت عزيز .. اي عمي هن عد الاهل مايسون شي تطلع ندارته للرجل ماعجبتني طريقه حجيه كلما يجيبون سيرته اتذكر حياتي ويا هيثم وشلون باعني وضحك عليه رحت للغرفه ماكملت اكلي وعزيز حس عليه ضجت كاعده واكلب بالصور بالفيس وشفت منشور جيرانه ابو سيف متوفي البارحه رحت لاابوي وكتله لازم اروح الهم عيب هم وكفولي بأصعب ايام حجي فالح .. روحي بويه سوي الواجب وخلي ياخذج السايق ولاترحين منا لو منا وروحيلهم من غير شارع مومن الشارع مال بيتج مافهمت شنو يقصد من كال هجي لبست عبايه سلاميه سوده وشال اسود طلعت من الغرفه لكيت عزيز كاعد بالهول يباوع لعبه عزيز .. خير شنو صاير ليش لابسه اسود نوران .. جارتنه اتوفى زوجه ورايحه الهم عزيز .. اي غطي هاي الشعرات الي طالعات وبعدين روحي رات تطلع ماتحملت مااسمعها شعر نويره تدرين دعبل الخزاعي شنو كال نوران ... هههههه شنو كال بلا تبدي في السواد فقلت بدراً تجلى في الظلام على العباد فقلت له: عبرت ولم تسلم وأشمت الحسود مع الأعادي تبارك من كسا خديك ورداً مدى الأيام دام بلا نفاذِ نوران ... ههههههه هسه يلزمك ابوي ويخليك تلبس اسود على روحي عزيز ..بوياي اسم الله عليج احرك فليح وعشيرته كلهم لو جاسو شعرايه منج نوران .. لاتحجي وياابوي فدوه هسه يكول عده شي وياه ويأكد على حجي حسون عزيز .. اي خله يكول غير بت عمي انتي نوران .. خلي اروح السايق ينتظرني بالباب عزيز .. المن السايق مو جيرانكم هي نوران .. جيراني من جنت بذاك بيتي عزيز .. وشنو هاي العلاقه الي باقيه لهسه انتي ماتجوزين من هذا الخسيس الي بليه شرف رايحه يمهم شنو تردين تراوينه خلقتج لوشنهي نوران .. عيب عليك هذا الحجي لو اريد جا مااطلكت منه واني اكول صيدلاني وتفكيرك يختلف طلعت همجي ومعيدي بعدني جاي احجي حسيته لوه ايدي وخلاها وره ضهري شوفي يانويره اذا لسانج هذا طولتي عليه والله اكصه الج فاهمه لولا يلا ولي طلعه منا ماكو نوران .. مابجيت ابد بس اخزره كلي ماطلعين عباله ماراح اروح طلعت من باب المطبخ ورحت للفاتحه رجعت بيه الذكريات صارلي تقريبا سنه مدري اقل من عفت هذا المكان الخايس تعدينه على شقتي القديمه نزل دموعي شفت الشقه متغيره صايره هي والشقق الي يمه بيت واحد جبير وحلو الله يعلم منو سكن بهذا البيت وشلون عايش حياته هسه انه صوجي اجابني منا من يم هذا الشارع كلي ابوي مااجي منا ادخل من هذيج الدخله مسحت دموعي وكلت للسايق ينتظرني مويروح دخلت سلمت على ام سيف وبناته وكعدت ابجي وياهم صح هي بيته موكلش جبير وهو نسوان بس تعلمت ابد ماضجت لواختنكت من المكان اجت يمي جارتنه المطلقه الي جان هيثم واعده بالزواج هلا عيني ولاعرفتج صايره بااحوال سويت نفسي مااعرفها غفران .. انا جارتكم غفران ماعرفتيني نوران .. اي اهلا بيج غفران .. وليش هيج شايله خشمج علينه شدعوه عليج نوران .. لاوالله مشايله خشمي بس مقهوره على عمو ابو سيف غفران .. اكلج من دخلتي هيثم هم شافج شفتي من جابت اسمه تخربطت احوالي وكلبي وجعني نوران .. ليش هو هيثم وين واشوفه غفران .. بالبيت مالتنه عايش لعد وين يروح نوران .. شنو يسوي بيتج عايش غفران .. لاخيه بيته هو الشقق اشتراهن وسواهن بيت جبير واتزوجني لان مرته اجه للبيت وكضها ويا واحد وانطاها لااهله وعلمود يسكتونه فصلهم كومه فلوس حته النيشان انطوه اله رجع عليه وتزوجني وهل كاعده بهذا القصر طلع يحبني نوران .. مااعرف شبيه وهي تحجي جسمي نمل مااكدر احجي شي كوه افتح حلكي تلعثمت بالحجي وهو مو مطلوب ومهدور دمه غفران .. طلع الي شالحه وياه متزوجه من لزموه اهله كلهم مووياي شلحت ومن رايحين عليه ناكره وكايله الهم ماتعرفه هاي بعد ماادخلو العشاير وهوسه وفصل هو لوتي يعرف شلون يلعب عليهم وهسه حصل وضيفه بالحكومه وراتب خير من الله لاتنسين هو مهندس وملعب يعرف لكلشي ضل يسوي ديكورات للبيوت بمكتبه وعنده خير من الله نوران .. وشبي من جنت اعرفه خاتل بهذا الجحر غفران .. جان خايف يندلون مكانه تالي من لازمينه مدخلين عشيرتهم كلولهم ابنه اكثر من ٧ سنين متغرب من مكان لمكان واخذ فصل انتي لوشايفه ام وابوه ناس بخله وفكر ليكول ماشايفين كاعدين ويانه ومرمريني ماحجيت شي بس دموعي كامت تصب قهر يجوز بعدني احبه ماجاي اعرف احس روحي اختنكت وضاك بيه المكان ردت بس هوا طلعت من بيتهم عيوني حمر من البجي كمت اباوع للبيت واكفه بمكاني صافنه مقهوره سنين واني وياه وجنت متمنيه اعيش هيج عيشه من حركه كلبي رحت للبيت اركض بدون وعي كعدت افلش بالباب بكل قوتي انفتح الباب هيثم .. هي هي شبيج تخبلتي لزمني من ايديه وحاوطني وسحبني على ضهره وكعد يهمس بأذاني شبيج ياحلوه ليش هيج عصبيه قرب وجه عليه ولج مشتاقلج ليش هيج كاطعه بيه شكد اجيلكم وابوج مانع عني اشوفج لو اشوف جهالي نوران .. اتركني حقير والك عين تجي وتسئل انت خسرتني من رحت اتزوجت غيري شوف الحياه الي عايشته بدونك اصلا كرهت كل يوم عشته وياك اجت غفران وهو لازمني وتعاركت وياه وعافني غفران .. شكو اجيتي لبيتي بعد ماشفتي صار عنده فلوس وبيت تردين تاخذينه نوران .. لج يافلوس الفلوس الي عندي تغطي عليج انتي وعشيرتج لو اريد الفلوس جااخذت الي من مستواي وعمري مااصيره زوجه ثانيه لاتخافين شبعي بي من ردت اطلع هو اجه وراي يركض هيثم .. حسبي حسابج يومين واجيب اهلي اريد ارجعج مو بس علمودج علمود الجهال من كال ارجعج علمود الجهال دمعت عيوني لان حسون حته مايتذكر ابوه وهنادي تصيح لرضا ومحمد بابا تحلم بعد ارجعلك لو اخليك تشوف الجهال هيثم .. وتردين اعوف هاي الحلاوه والجسم ولج صايره تخبلين ات ي مالتي بس الي ادري تحبيني كمت ابجي حيل واختنكت شفت ابوي ورضا وحسام وعزيز اجو هو عاف ايدي بس شافهم حجي فالح .. ياطايح الحظ شلون تكض بتي بأيدك هذن النكسات يانكس ابوي ظل يصيح ورضا هد عليه هو وعزيز لزموه من ملابسه طبع هيثم موعدواني يعرف شلون يحجي وياهم بالسياسه هيثم .. عمي نوران جانت مرتي وام جهالي واله معزه وحب بكلبي وادري بيه تحبني وتريدني واريد ارجعها واعيشه احسن عيشه ماحسيت بس عزيز فوكه ويضرب بيه والغلط عليه كسره تكسر ابوي ماقبل على سوايت عزيز لان راح يطلع هو صاحب حق علينه حجي فالح .. امشو للسياره وبالبيت نحجي صعدنه وهيثم يم بابهم يتوعد النه خفت من تهديده لان عزيز خرب وجه صعدت بالسياره العيون عليه وتخوف احس يردون يملخوني عبالهم اني اريد ارجع لهيثم رضا .. وتالي وياج كلنه صارت ادميه وصار اله درس من ذيج المره بس طلعتي كاتله نفسج على هذا الحافي رضا بصفي كاعد وحسام هم بصفي وعزيز كدام حجي فالح .. نوصل للبيت ونتفاهم حجايه وحده مااريد رجعنه للبيت كوه دخلت من خوفي اول ماوصلنه للبيت عزيز .. انه اترخص واعد جماعه على العشه ولازم اطلع عرفت عزيز مايريد يسمع الي راح نحجي بس مااعرف ليش اتمنيته موجود ويسمع الي صار مومثل الي اباله حجي فالح .. انتي شنو من بت خالفتي كلامنه ودكيتي اله هو لو ماتاخذين وكلحنه كلنالج مايفيدج تزوجتي وتندمتي وخذيناج انتي وجهالج بالاحضان ابنج عاده ابني وحته ورث هم خليت اله بنتج رضا حاسبه بنته لان الله مارزقى بنات وعايشه احسن عيشه ولو تجيلج قسمه زينه ماراح امانعج اريد اعرف هذا الحرامي المهتلف شنو عاجبج بي ورحتيله للبيت لومامرته تخابرنه وتكول بتكم تريد تاخذ رجلي ماندري بيج طول ماابوي يحجي خواني ساكتين محد حجه نوران .. والله بابا مااريد ارجعله وكارهته كره ماصاير بس من حركت كلبي رحت ردت اشوف شلون عايش والله بودي احرك البيت عليه وهو عايش الف فكره ابالي تجي بس اتعوذ الشيطان لاتخافون لااريده ولاراح اتزوج اي واحد الزواج كله شايلته من بالي اريد اعيش لجهالي والكم عفتهم ودخلت للغرفه ابجي ماتحملت مرن ٣ ايام والوجوه مكلبه عليه وعزعز كله يم حسام يبات ماشفناه بالبيت بس ابوي يحجي وياي اجت نور الهدى وامها رادن يرحن للسوك وانه هم ردت اشتري غراض لعيد ميلاد حسوني اخذته اشتريله قاط الدنيا جانت حلوه بيه بروده بالحر يتنحس مايطلع ابوي ماجان موجود طالع وماكتله راح اخذ حسون وياي نور الهدى لازمه حسون من ايده وهو وكيح يريد يلزم كلشي بالمحلات وشنو يعبر من يمه يوكعه بأيد خبلني جاي نمشي ازدحام جاي اباوع على الغراض شفت نورالهدى صرخت عمه حسون ماكو اختفه والله جنت لازمته بأيدي ...يتبع اذا شفت تفاعل حلو انزل بارت حلو باليل | ||||||||
|
| |
|
22-09-18, 11:10 AM
| #14 | ||||||||
| مراقبة عامة ومشرفة منتدى الروايات المنقولة
| #زهره_النرجس زوجه_ثانيه الثالث_عشر حاول ان تنسى وتمضي ! فـ الذي ضاع ، ضاع ، والحاضر اهم كثيراً من الماضي 🍃🌸 كمت اصرخ بالشارع وادور على ابني فقدت مثل المجنونه منو يعبر اسئله على حسون عفيه خاله ماشفتي ابني زغير وحلو عمره ٣سنوات عيونه خضر وشعره طويل طلعت تلفوني وشوفته الصوره شوي واجت الشرطه وام حسام مخابره اخواني وابوي اني مثل الفقدت بقيت بالشارع ابجي واباوع للناس يجوز يرجع لنفس المكان نورالهدى خايفه من ابوها لان هي جانت لازمته واني صرخت عليه لان ماعرفت تلزمه شفت ابوي اجه من بعيد عبالك اني الي ضايعه وبغربه رحت حضنت ابوي وابجي مثل الاطفال نوران .. بابا ابني ضاع ماادري وين فدوه اريد ابني شفت ابوي مكسور وحزين على حسون حقى هو الي رباه ٣سنوات هو كله يمه ينام ويصيح لاابوي بابا اخذوني للبيت بعد التحقيق وشافو الكامرات مالت السوك حسون مختطفينه عصابه وكالو جانو لاحكينكم من طلعتو من البيت بس شكلهم مامبين اني بالبيت ادك والطم خواتي نسوان اخواني اهاليتنه كلهم اجو ابوي بمركز الشرطه من عرف خاطفينه توقع هيثم هو ورى هذا الشي راحو كلهم اله وانصدم من عرف حسون مخطوف والشرطه محققين وياه واخواني اتأكدو موهو الي خاطفه ابوي متخربط وماخذينه للمستشفى مرتفع ضغطه اني كل الي اجه ابالي هيثم هو الي خطف حسوني خابرت احمد وسئلته شنو كلهم هيثم احمد .. بعدين اخابرج هسه مااكدر احجي وياج نوران .. احمد لاتخبلني تره والله اجي للمركز هسه احمد .. علمود اكسر رجليج والله انه بالمستشفى ابوي تخربط واخذناه نوران .. يمه شبي ابوي فهمني شنو صار احمد .. الي خاطفين ابنج عصابه موهيثم ومن مده مراقبين بيتنه من سمعت هجي اتهسترت يعني ابني مويم ابوه يمى وليدي وين راح يمه خاف كتلوه يمه خاف باعوه صارت الف الصور تجي ابالي الي نسمعى على الي ينخطفون والي يبعون اعضاهم والي يبعونهم لعصابات وانه واكفه هي صرخه وهي طيحه مااعرف شكد بقيت بالمستشفى بس اسمع اصوات اهلي يحجون ماافهم شي بعدين صار هدوء حسيت ايد دافيه لزمت ايدي من العلاج كوه افتح عيوني بثكل اول مافتحتهن شفت عزيز وجه حزين وتعبان عزيز فدوه ابني بي شي صاير شي عزيز .. يابعد عزيز واهل عزيز لاتنقهرين وداعت حبي الج اله اجيبه بحضنج بس صيري قويه والله من شفتج هيج بالمستشفى حيلي راح مااريد اشوفج هيج ضعيفه بنتج شبعت بجي عليج شايله رضا بالمستشفى تصرخ ماتريد احد بس رضا طلعي لبنتج لزمت ايديه حيل اريد احس بالامان عفيه عزيز رجعلي ابني والله شنو تريد اسوي الك فدوه باس عزيز ايدي وطلع رجعت نمت مااعرف شكد بس مهدئ ينطوني وانام مااعرف صبح من ليل ورا فتره كمت اتعب رفضت ينطوني مهدئ الي عرفته صارلي اسبوع بالمستشفى تخبلت اسبوع وابني ماكو كمت ادك والطم الولد يم ابوي عزيز واخوه وحسام يمنه بالمستشفى صرت مثل البزونه من ياخذون اطفاله توحشت عليه وكمت اصرخ بالمستشفه نوران .. اكرهك انه انت واحد جذاب كتلي اجيب ابنج الج وين ابني عزيز وينه ليش لهسه ابني ماكو عزيز .. صبري شوي يانواره جاي ندور والله الليل ماجاي انامه موزين على صحتج تسوين هيج الله ياخذني الله ياخذني كمت الطم واصرخ ملخت روحي لزمت نورهان من ملابسه وين بتي نورهان هم ضيعتوها بتي وين نورهان .. حبيبتي مايصير هيج صيري قويه بنتج بيت رضا خطيه فرفرت من البجي طلعي وشوفيه موزين هجي شفت شال على القنفه مال المستشفى وخرت جيس الادرار الي مخلينه والكانونه وردت اطلع مثل المخبله ..... عزيز .. جنت ضايج منه كلش من راحت لبيت هيثم عفت بيت عمي ورحت يم حسام هناك ابات وسولفت اله كلشي صار وكتله على الي بكلبي لان هو تقريبا اني وياه نفس الاعمار وكلي شنو صار وطلعت نواره ماتريده بس من قهرها راحت وسولفلي كلشي شلون جانت عايشه وياه وشلون تعبت مارجعت كلت خليه تشتاقلي جنه طالعين انه وحسام وخابرو كالو حسوني انخطف كلحنه جنه متوقعين هيثم الي خطفى بس بعد تحقيق وانتظار عرفنه عصابه خاطفته يومين وهم ماكو لاخبر ولاشي عمي حالته تعبانه ضغطه صاعد ونواره هم نفس الحاله الدكتوره كالت حاولو ماتحجون شي يمه يوميه باليل اجي يمه والزم ايده واحجي وياها واطمنه بس هي ماتدري بالدنيا كلبي يموتني عليه حسام جان ياخذ اخته بعيد عن الغرفه واني ادخل اشوفها دقايق بس ماخليت واحد من اهاليتنه ماوصيته وعمي كل الناس تعرفه عنده عرف بكل مكان والفلوس اله دور تطلعهم من جوه الكاع وعدت نواره اجيب اله حسوني من شفته هيج منهاره ماتحملت طلعت مختنك هاي عزيزه كلبي هيج يصير بيه وره يوم اجانه اتصال من الخاطفين ورادو فديه ٤ دفاتر عمي من دره خابرو كعد وراح حظر الفلوس واتفقو على مكان يسلمون بي الفلوس ومانبلغ الشرطه سوينه مثل ماكالو طبعا هيثم كال ماعندي هذا المبلغ وخلي نبلغ الشرطه هم يتصرفون عمي والولد تعاركو وياه وكلوله من شوكت احتاجينالك حته هسه نحتاجك كالو انتظرو باجر الصبح تلكونه يم الباب ماجان بيدنه بس ننتظر انتظرنه يوم ويومين وماكو عرفنه هاي لعبه منهم عندي صديق عمه مهرب اسلحه واله عرف بالعصابات كتله وشكد يريد ننطي بس كون يلكاهم رحت للغرفه واشوف نواره متخبله وتصيح وتلطم ملخه روحها شفت ايده مشيوله الكانونه منه والدم تارس المكان لزمت ايده وضغطت عليه بالغتره الي جنت لافه على راسي شعرها نصه طالع وزوج نورهان واكف ملابسه خفيفه طلبت منهم يطلعون انه احجي وياها وافهمه حته نورهان هم طلعت نواره اصحي لاتسوين هجي لازم تقوين روحج وعدتج اجيبه الج وانه بعدني عد وعدي امشي نطلع اليوم للبيت سبحي وغسلي وبنتج محتاجتج خطيه جنت تعبانه كلش وحجيه شوي هدئني مااعرف ليش حسيت بحظنه امان الي خليت راسي على صدره وبقيت ابجي واتوسل يلكه حسون عزيز من حضنتني حسيته طفله زغيره هي الي ضايعه وادور امها خليت ايدي على راسه والايد الثانيه خليته على جتفه وسحبته لحضني وكعدت على القنفه مال المستشفى حسيته غفت بحضني بقيت شابكها واشم بشعرها تالي تمددت على القنفه وخلت راسه على رجليه ولازمه ايدي مثل الخايفه عبالك راح اعوفها طبعا الدوره جانت مهمه النه ولشغلنه بس عفته علموده وماهتميت شنو راح يصير لو ماداومت دخلت نورهان وشافته هجي لازمتني ماحجت شي بس انقهرت شوي وخابر صديقي كال عمي اندل مكانهم وتفاوض وياهم وعرف من واحد بايعينه لعصابه والولد ماخذينه يجدون بي بالنجف خليت راس نوران على القنفه واخذت الولد ورحت للنجف ساعات ووصلنه بس جان دنيا ليل انتظرناهم يكعدون الفجر شفت مره كاعده يم فرن صمون طفل بحضنه وطفل نايم على كارتون بدون غطه ولافراش ولبسه وصخ وشعره احمر على برتقالي بس عمي عرفى من طول شعره جانو صابغينه اله عمي سحب سلاحه وراح للمره واخذ حسون لحظنه شفت عمي شلون متعلق بحفيده عبالك ابنه واحمد ومحمد خايفين عليه ابوه الي من لحمه ودمه مااهتم مثلهم ولااجه ويانه بس بمركز الشرطه حظر وبعد ماشفناه التمو علينه الي مشترينه لان اضاهر هم يراقبون كل الي يجدون اتفاوض جدي وياهم وانطاهم فلوس كلهم عنده ناس واصله بالدوله يمسحونهم من الوجود بس هو مايكدر يسويلهم شي لان الي يديرهم روس كبار فلازم يهددهم حته مايوصلون يم احد منه رجعنه ثاني يوم وصلنه ب١١ الضهر كبل للمستشفى يطمنون على حسون لان مصخن وفلاونزه من نومه الكاع شفت نواره متخبله بالمستشفى وكالبته مناحه من شافت حسون ركضت عليه تبوس وتشمشم بي مامصدكه هو يمه تبجي بحركه حته هو خاف من شافه هيج كومي عن الياهل خوفتي جنج صبريه المخبله انتي وهذا وجهج الياهل يكول منين هاي المسودنه خاب تميلي لزمته من زنده وكومته روحي بدلي وغسلي خلي نطلع بعد شمالج تتبكبكين ابنج وهل جبته الج عمي والولد اخذوه للدكتور هي جاي تمشي همست بأذنه بصوت بس هي تسمعى بروح ابوج انتي موكلتي جيب ابني وشنو تريد انطيك ..... نمت بحظن عزيز ماحسيت بروحي غير الصبح دورت ماكو احد الولد ماكو بس نورهان وزوجه فرقان يمي تخبلت كلت لو ابوي صار بي شي لو حسون كمت اصرخ والطم مااعرف وين انطي وجهي والمن اروح منو اخابر عليه مايرد تخبلت بالزايد ب١١ اجه ابوي وشايل حسون بأيده شكله تعبان وشعره مصبوغ وشابك ابوي من ركبته ويبجي لان استغرب من الناس كله شفته ومامصدكه اشم بي واكول توها رجعتلي الحياه عزيز فوك راسي ويصنف ويضحك اخذو حسون للدكتور يفحصى واني ردت اغسل وابدل علمود نطلع انصدمت من همس بأذني عزيز كال انتي موكلتي جيب ابني وانطيك شنو تريد راح بالي بعيد من كال هجي خزرته وضجت كلش ماتوقعته هيج تفكيره باسني وكال بدون قصد ماتحمل مونوب يسوي شي طلعنه للبيت وتلكونه فرقان ورضا يذبحون خرفان فده لحسون ومسيقى بالباب والكل متجمعى الجيران واهاليتنه اجه عزيز قريب من عندي ماعدنه دعايه مال ضروس سدي حلكج ودخلي شنو استعراض واكفه والزلم تعاين عليج كله تدري بيج ام حسون مايحتاج يدورون ويكولون امه وين وانت ليش ضايج واذا عرفوني امه والله يالله اها انه شعليه مو انه اعلج اذا مااعض السانج هذا واخليج تحجين عوج مااطلع ابو صالح كرصني بضهري وراح لزم صونده الماي صاح عمي خلي النسوان يدخلن خلي نغسل الكراج من الدم دخلنه جوه وهو يتوعد الي رضا .. ابتليت انه بتج ولج موتتني حته باليل شابكتني ونايمه للتواليت ماخلتني اروح كضي وخلصينه مرتي تغار موتتني اجيت اريد اخذه ماتقبل تجي يمي شابكه خالها وتبجي تريد تبقى بحضنه كلحنه كمنه نضحك عليه وعلى تصرفاته حسون ماقبلت يروح يم الزلم خليته بحضني وموتني يبجي على ابوي لان هو من يصخن يتنحس ابوي عاف اخو ولد اخو وكرابته كلهم واخذه للغرفه ونومه على صدره كامو يضحكون عليه شلون جهالي مايردوني فرحت من عندي اهل يحبون جهالي ويدارونهم لان ماعدهم ابو بي خير والله عوضهم بأخواني وابوي الناس كله راحت لان صارلهم اسبوع عدنه حته خواتي هم راحن واخواني كلمن لبيته هنادي نومها رضا وراح كال مرتي تطردني اذا جبته على الجربايه طبعا هو يتشاقى لان مرته تموت على هنادي لان ماعده بنات طلعت من الغرفه اريد اسد باب الكليدور الي بين الصاله والهول حسيت ايد سحبتني للصاله وين ترحين مني اليوم ام لسان اله اعض هذا اللسان الج واتوبج ......يتبع باررررت كلش طويل موتكولون مامداريتكم | ||||||||
|
| |
|
22-09-18, 11:11 AM
| #15 | ||||||||
| مراقبة عامة ومشرفة منتدى الروايات المنقولة
| #زهره _النرجس # زوجه_ ثانيه #الرابع_عشر انتي موكلتي اذا جبت ابنج تنطيني شنو اريد تنطيني وانه اريد تنطيني السانج اعضه نوران .. انت تحجي صدك لوتشاقه عزيز .. وانتي شنو تشوفيني مثلا اتشاقه احجي تره صدك واذا ماسويتي الي كتلج عليه ابنج يصير بي شي لان انتي وعدتيني وانتي بت شيوخ ومايصير تتراجعين بحجايتج نوران .. ههههههه اطلب غير شي ومن عيوني عزيز .. اي اطلب بس موهسه انه حالف كون اكضنج اله اعظج بهذا لسانج الي ترشكين بي تتذكرين من طلعتي لسانج عليه قبل لاتصعدين بالسياره انتي من هنا خذيتي عقلي كلبتيني كلب يلا فضيه راح يكعد عمي واذا شافني شنو يكول بلا ميته ضحك على حجيه وسوالفه دائما من اشوفه يرتاح كلبي احس بي امان الي ومن لكه ابني حسيت هو سند الي بهاي الدنيا الي اكدر امن نفسي يمه وماجذب المثل من كال ابن عمج شيال همج وهو صدك شال همي بس ماتقبله شغله يعض لساني مستحيه كلش منه شلون هيج يطلب هو جريء كلش عزيز .. راح تبقين صافنه تكصيلي صور بعيونج الحلوات اكلج شو تعاي تمددي يمي بالفراش لحد ماتقتنعين بسرعه دفعته وردت اطلع لزمني من ايدي عزيز .. ولج اتشاقه خبله فضيه يلا نوران .. حاولت ابعده من راد يبوسني بس احس جسمي مايساعدني كلامه وهمسه يخدر الجسم عزيز .. ابتعدت من عده واحس مااخذت حقي بس لازم ابتعد شوفي هسه هذا مايعتبر عقاب ولااخذت حقي من نتزوج اخذ حقي راح اسمعج شعر واريدج تختفين من يمي احجي وياها وانه لازم ايديه علمود لاتروح نوران .. ياستار من اشعارك تخوف عزيز ... ههههههه سمعي الشعر منذُ زمن وانا ارتجلُ الكلماتْ إذا ما رايتُ رسماً يشبهُ احزاني أو إذا ما رأيتُ حلماً كَشعرُكِ يُحرِقُ فراشي بلحظة أويُحيلهُ إلى صَومعة يُعبدُ فيها بلا تراتيل *** قبليني ... فكُلما قبْلتيني اعطوني شهادة حُسنُ سلوكْ قبليني ... فأنا منذُ أخر مرة قبلتكِ فيها أعيشُ بِلا شفتين وامشي بلا هوية تثبتُ اوهامي فكيف ساثبتُ للنساء ِعُنواني ؟ *** قبليني ... كي تزدادَ اشعاري رجولة وتظهرُ على حروفي علاماتْ الفحولة قبليني ... كي تزدادَ تَعرُجاً خطوطُ يدي وتصيرُ للعرافاتِ مسرحاً اغريقياً المْ تعلمي يا حبيبتي ! ان شفاهكِ أصبحتْ خطاً اساسياً في علم التنجيم ! وسبباً في إبرام المعاهداتْ بين دول عدم الأنسجام ! *** شهواتي تتيهُ ليلاً وتتسكع على فراشي وحيدة وترقصُ حزينة حتى الثمالة تقرأ على خصركِ حروف الهزيمة وتنامُ بينَ احزانُ شَعرُكِ باكية *** فشهواتي مِن الصعبِ ان يتنبأ بها اثنانْ ومِن الصعبِ ان تُذكرَ في مُعجمٍ او تُرصدَ كالحيتانْ او ان تُصطادَ كالدمع مِنْ قَعرِ الأحزانْ فهي خطيرة جداً كنمرٍ مجروحْ وتنفجر فجأة كغيرة القطةِ مِنْ كُرة الصوفْ *** سيدتي... انا أبيعُ الحُبَ للناسِ فلايشتريه احدٌ مني فيجفُ داخل صُحوني او يبقى منشوراً على حيطانُ ذاكرتي وفي كل مرة أدفعُ ثمنهُ ... وحدي *** في كُلِ مَرةٍ أذهبُ فيها لأمراة كي اعرُضَ على خصرِها حروفي الملساء تسقطُ أصابعي مغشياً عليها بالقُبلة القاضية فابكي طويلاً وامشي طويلا بِلا ساقينْ عل الشارعُ يخلدني فوق رصيفهِ فلمْ ينفع البكاءُ ولا قُبل الحياة فارجِعُ كعادتي مزهواً بالخُذلانْ حاملا ًفوق صُحوني أفخرَ انواع الدموعِ *** أجولُ في خواطرهنْ كعيدِ الفلانتاينْ وأعبثُ بشَعرِهنْ كريحْ الخُلجانْ اُريدهنْ أن يجعلنني مِلقطاً لحواجبهنْ حتى اُثبتَ للصائمين هلالي هلالٌ لا يطلعُ بمرسوم مِنَ السُلطانْ هلالُ لمْ يذكرهُ ايُ دين او يبشر به نبيٌ او يَصِلهُ أيُ أنسانْ *** تدوخني أصابعها إذْ سارتْ عارية بين شَعريّ وترقصُ على رقبتي اظافرها حتى تجعلني أشتهي حَبل المشنقةِ أذا كان مِنْ نسجِ يديها اني سمعته هجي يحجي عفته وطلعت من الاستقبال حبيت عزيز حبيت كلشي بي حنيته وغيرته عليه وحبه الي على الاقل هذا ابن عمي من يحبني مو لمصلحه يحبني لطول العمر نمت نوم عيق احس صارلي سنين مانايمه هجي كعدت على صوت هوسه وناس عدنه كلهم ملتمين على السفره ويتريكون صادف يوم جمعه اخواني وخواتي وازواجهن لبست فستان ضيك من الصدر ومن جوه كلوش وفوكهن بوليره ولبست شال ومكياج خفيف لان من جنت بالمستشفى كلش تعبت اني بيت اهلي امشي مأمنه مااخاف على حسون نوران ..صباح الخير جميعا صباح النور حجي فالح ..فاتج شنو صار نوران .. شنو احجو شصار خفت لاصاير شي موزين حجي فالح .. لا بابا ماصاير شي يخوف اخبار حلوه عرس وتحضيرات نوران .. هااا عرس منو اني مااريد اتزوج الي كاعدين كلهم ضجو بالضحك مابقى واحد ماضحك وعزيز احسه اختنك من الضحك حسيت روحي جفصت نوربان .. وهسه انتي منو خطبج لو كلج تزوجي نحجي علمود حسام يريد يخطب حضري روحج نوران .. ياااا ولك تخطب وانه اخر من يعلم حسام .. نواره احبه والله احبه مااكدر بدونه نورهان .. يريد يخطب عايده بنت عمتي من شافه ذاك اليوم وهو متخبل اله هي فرحت اله وباركتله رحت اجيب كوب مال جاي الي سمعت حسام يكل لعزيز انشاء الله انه وياك عرسنه بيوم واحد وكع الكوب من ايدي وتفلش كعدت تلمم بي العامله واني فتحت بابا المكشوفه اريد اجيب مكناسه من رجعت شفت عزيز يخزر بيه ويأشر على ملابسي استغربت ملابسي مستوره كلش ومابيهن شي انطيت المكناسه للعامله وردت اكعد اتريك عزيز .. ام حسون بلا امرا عليج تناوشيلي تلفوني شوفي لو بالهول لو بالدوانيه نوران .. تدلل ابوصالح هسه اشوفه رحت للستقبال اريد اجيب تلفونه نزيت على عضه بركبتي وبعدين بأيدي نوران ..اوووي شبيك عزيز هو هذا شقى تشاقه بي وياي عزيز .. ومنو كال شقه هاي عقاب ولج حته الفتحه الي بدايه افخاذج هم مبينه نوران .. ياصخام شنو هذا حجيك تره والله اخجل لزمني من ذاني ويحجي عزيز.. ولج الشمس طكت بملابسج وجسمج كله بين هسه لو يمتحنونه بالمسافه الي بين فخذ وفخذ انجاوب نوران ... ههههههه هذا عقلك الغيار هجي يكول لان محد شافني كلهم ملتهين بس انت الك غايه عزيز ...اكلج انطيني تصبيره منا للعرس نوران ..تصبيره شنو وياعرس عزيز .. عرسنه غير والتصبيره بوسه مقبلات توكفين بالضوه بكيفج بعد هزيت ايدي بأستهزاء وطلعت وكاحته محليته يكسر ويجبر مرت ايام واجو ولد عم ابوي ولدهم وعمي واولاده وزوجه عمي ونسوانهم عرفت جاين يخطبوني اجه ابوي واخذ رئي وافقت وكامو يهلهلون ويباركون الي احمد استغل الفرصه وخطب بنت عمتي من ابوها وهم اجه وسئله ومبين هي هم عينه عليه بسرعى وافقت اجه عزيز وباركلي واشوفه فرحان صفنت على لمه اهلي وفرحتهم والكل موافقه ومحد معترض بعكس من اجه هيثم محد قبل وكله زعلت حمدت ربي لان اهلي وياي وماعافوني اني وجهالي كل احنه كاعدين وسوالف وضحك وتصنيف كتلهم انه الي شروطي حته اقبل بالزواج كلهم دارو عليه وصفنو نوران .. اريد البس بدله خطوبه واريد جهاز كامل ومهر ونيشان وعرس وحنه وكلشي يسونه للعروس عزيز .. اصلا بدون ماتكولين يجرالج كلشي حجي فالح ... ههههههه عبالي عندج شي يبويه الي تاخذ واحد من اولادنه لازم نسويله كل هذا لازم الوادم كله تدري ابنه معرس بيوم المهر لبست بدله ورديه بدون ردن وتله جبير من يم الخصر باديه وتسريحه وتاج عد احسن مركز تجميل اخذني عزيز وماقبل لاابوي ولااخواني يدفعون شي دائما يكبر بعيني من اشوف الي يسوي سولي حفله بيت اهلي لان عمي وعزيز مايعجبهم الاعراس والحفلات بالقاعه وبيتنه الاستقبال كلش جبير عزمنه كل اهلنه والجيران وكرابتنه حفله تجنن صارت كلهم باتو يمنه لان باجر الصبح كلنه نروح لبيت عمتي هناء نفسهم الي حضرو حفلتنه يحضرون بحفله حسام ماكعدت يم حسام بحدنه لان هوسه وكله موجوده هو بس يأشر ويغمز مابطل حركاته واني كل شوي اعيب عليه بلساني ثاني يوم الصبح كل واحد اخذ عائلته بسيارته عزيز كال امشي وياي ناخذ راحتنه بالسياره جهالج وجهالي اني فرحت حسون جلب اله ابوي يصعد ويانه حاول عزيز يزحلكه ويااحمد ماقبل اجه ابوي صعد كدام وهنادي عندت اله تروح ويا رضا واطفال عزيز بجو على عمتهم مياده لان هي مربيتهم واخذتهم وياها بسياره رجله حسون كعد بحضن ابوي كدام بقيت بس انه بحدي وره كلما تصير عيني بعين عزيز نخرب ضحك على هذا الحظ وصلنه لبيت عمي وينزلون بالغراض والهدايه حسيت كرصه اجت بضهري وهمس عزيز .. سوي روحج تعبانه ودايخه وخلي يصعدونج بغرفتي انه راح اسوي روحي اريد اكعد يم الولد سويت مثل ماكلي وصعدوني بغرفه عزيز صدك جنت تعبانه من الطريق بس خليت راسي غفيت كعدت على لمسات جريئه كلش صخام بوجهي شنو هاي الجراءه تزوجت ٤ سنوات ماسوه مثلك عزيز ..هيييييي عرب جول اذا اسمعج جبتي سيره هذا الكلب مره ثانيه طلقه اخلي براسج موعلى فراشي وتجيبين سيرته .....يتبع باجر انشاء الله الجزء الاخير ويمكن هاي اخر قصه اكتبه بالفيس وانشاء الله عندي قصه بالواتباد وهي اخر قصه هم اكتبه براحتي وانزله ❤❤❤ وعلى فكره اليوم عيد ميلادي ماكو معايده 😏 التعديل الأخير تم بواسطة فيتامين سي ; 18-05-22 الساعة 08:52 AM | ||||||||
|
| |
|
22-09-18, 11:12 AM
| #16 | ||||||||
| مراقبة عامة ومشرفة منتدى الروايات المنقولة
| #زهره_النرجس #الاخير #زوجه_ثانيه محادثة حب : . كتب لها : "هل لي أنّ أحبك بكل جهات الحب حتى اصبح شرقك العاشق وغربك المتمرد وشمالك المجنون وجنوبك الانيق ؟" . 🍃 . احتضنت رسالته و استمعت لاغنية ليلة حب لام كلثوم 🍃 . بدأت بكتابة ما تشعر به من حب للعاشق الجميل 🍃❤️ . حبيبي ونبض قلبي . . "كانت جميلة هي صدفة لقائك أصبحت الصديق الذي احب حديثه ، قمت بإحتلالي وتمكنت من جعل يومي جميلاً لا أعلم حقًا ماذا حدث ولكن قلبي اصبح يريدك كثيرًا ، حتى القلب يحتفل حين يراك , ينبض بدقّات تختلف عن تلك التي نحيا بها " . عفته يحجي واخذت شالي وردت اطلع سحبني من ايدي عزيز ..اتعلمي منا ورايح لو ردنه نتناقش على شي ماطلعين وتزعلين تعلمي تكولين صار حبيبي تدلل حياتي ماراح ينعاد هذا الكلام وتأمر امر نوران .. عوفني اريد اطلع عزيز .. يابت كلبي الدنيا فانيه وموحلوه من يصير تكبر وغرور خليج طبيعيه مثلي والي بكلبج كولي ادري بيج تعشكيني مثل مااعشكنج نوران .. شدعوه هجي واثق من روحك عزيز .. هسه تعتذريلي لولا بالاول استحيت بس بعدين كلت هو اني الغلطانه شكو اجيب سيره هيثم يمه اني اسفه حياتي وانشاء الله ماتتكرر عزيز .. هاج بوسي ايدي وتوسلي كولي التوبه حبيبي ضربته على زنده ودفعته ردت اطلع لزمني من شعري افيش هاي الريحه ادوخ تسطر المخده مالتي من نمتي عليه من اجيتي النه بقت ريحته شكد بس الكلبه مياده غسلته وحرمتني من ريحته نوران .. ههههههه جان شعري رطب ومخليه حنه والكطن تبقى بي ريحه الحنه عزيز .. اي رجعي خلي حنه مااريد شعر الصخله براسج نوران .. انت تريد تخبلني شنو تكسر وتجبر ساعه تكول جنج اجنبيه وساعه تكول جنج صخله وساعه تكول رجعي شعرج الاحمر عزيز.. احبج من تضوجين يكلك من حبك لاشاك وانه احب اتعارك وياج جاي نسولف ومياده صاحت عليه كالت بنتج تبجي ورضا كاعد يم الزلم عزيز .. احتركت عشيره مياده كله من حجي فالح لفقار ابني حسبي حسابج اليوم باليل تنامين يمي بالحجره انتي وفروخج نوران ... ولك شنو انه دجاجه وعندي فروخ عزيز .. اموت على الدجاج احب صدر الدجاج والافخاذ مالته والركبه والجناحات نوران .. يادجاجه قصدك فهمنه عزيز .. ليش راح بالج بعيد اقصد الدجاج الي ناكله يلا خلي اروح ردت اطلع من الباب وصاح عليه عزيز .. شالج لاتنزعينه وتخلينه نتخارب خلينه حلوين فديتج نوران .. صار وتدلل حبي عزيز .. يبوووي احترك حجي فالح على هاي الخلفه نوران .. اكلج شنو سالفتك كلشوي وتحرك باابوي تره مااقبل هيج حجي حته لو بالشقه عزيز .. ياعزيزتي هذا مايعتبر غلط هذا الحجي عادي عدنه حته لواحجي يم ابوج هم عادي مااقصد بي شي يلا روحي لبنتج سمعي صوته وين وصل نزلت جوه احس امشي بحريه ام عزيز ماله دخل بأحد مره مسالمه وعماتي هم حبابات والبنات هم احسهم كلهم كلب على كلب فتحت الكدوره جانو طابخين باميه وتمن لان كلهم جانو يمنه اهاليتهم طابخين الهم خليت بماعون لهنادي تمن ومرك وكلته ونيمته بغرفه عمي البيت هوسه والبنات ملتهيات يشسورن ويبدلن نوربان ونورالهدى اختصاص مكياج استلمت البنات كلهن طبعا اني امس بالخطوبه جنت مخليه مكياج هواي حبيت اخلي شي بسيط دزيت على صبغ شعر اسود صبغته وشسورت ب٣ بدلن البنات على مابدلت لحسون و لهنادي لبست بدلتي تصير قصيره كلش لونه اسود ردان والضهر كله طالع وتلمع كله اني من لعبت رياضه واهتميت بأكلي اختفت بطن الحمل رجعت مثل اول ماجبت لبست جبه فوكها لان اخوان عزيز بالبيت خاف يدخلون لو يطلعون تجمعن سياراتهم يم الباب ورادن يطلعن عيوني ادور عزيز ماشفته سئلت مياده كالت جاي يسبح عدهم جانو خطار هواي وجانو يصبون اكل وغسلو المواعين شوي وسمعته يصيح عليه من يم الدرج عزيز .. نوران وينج جنطتي بيه الحزام وين خليتي نوران .. بالجنطه ماطلعته عزيز .. تعاي دوري لان اتأخرت هم يالاالحك صعدت واول مادخلت للغرفه لكيته مبدل وكاعد على الجربايه عزيز .. تعاي نزعي العبايه خلي نكص صوره انه وياج نزعت العبايه وهو دك على صدره عزيز .. انا اخوك يامزعل هاي شنو يامفلوكه هاي تردين ترحين بيه من كل عقلج وهيج تمشين نوران .. ليش حبيبي شبيهن والله حلوات عزيز .. روحي بدليهن لاوالعباس اخليج مااطلعين نبقى انا وياج هنا نوران .. ماابدله عاجبتني ومابيه شي احنه بس بنات عزيز .. اي موهي المشكله البنات يرحن كدام رجالهن يسولفن بجسمج ولبسج وكدام حسام شلون تمشين نوران .. اهووو سويته قصه بطلت مااروح روحو انتم واتونسو سويت روحي ابجي بس ردت اقشمره ويقتنع لان مستحيل بعد اكوم وابدلهن عزيز .. لاتبجين حبيبتي ولاتزعلين كلشي ولاتزعلين كومي خلي نكص صوره ونروح الناس تنتضرنه طفرت عليه بسته بخده وانه اضحك عزيز .. ولج اشلون وياج تردين تخبليني شعدنه رايحين خلينه نبقى هنا انه وياج نحتفل نوران .. تكص صوره ونطلع لو اصيح ابوي عليك اكله حابسني بالغرفه واخلي ينهي كلشي وياك رحنه للحفله وتونسنه وتلفوني مابطل رسايل من عزيز كل شوي وكال شنو تسوين ولاتركصين ولاتضحكين ماجنت اضوج من حجيه وتصرفاته وياي احسه يحبني وياخاف عليه حته من عيون الناس يومين كضيتهن هناك تونست كلش رجعت لبيتنه وحضرت غراضي بيوم زواجنه الصبح رحت للصالون جاي اتمكيج واجت وحده جيراني قبل من جنت متزوجه من كعدنه بالشقه الي انطانياها حسام سلمت عليه وباركتلي الله يرحمه زوجج الي جنتي متزوجته ماتهنه بشبابه انكتل نوران .. منو قصدج ماجاي افهم ابو جهالج اكو غيره نوران .. شنوووو من شوكت هذا الحجي صارله ٥ ايام من انكتل يكولون مصاحب وحده متزوجه ورجله داري ورايح وكاتله وكاتلهم وشارد حقج ماتدرين اكيد اهله مايردون تعرفين يخافون على الورث بيومها كلش انقهرت المفروض اليوم زواجي وافرح واتونس لان تزوجت ابن عمي اجه عزيز لااهلي والكل فرحانه ومتونسه وانا احاول اتصنع الابتسامه بس مبين عليه اكو شي مضوجني الطريق طويل من بيتنه لبيتهم وهو فرحان ويدحج بيه وضحك وسوالف مااعرف ليش صرت غبيه وكتله تدري هيثم صارله ٥ ايام من ميت وانه ماعندي علم اني كلت هجي وهو تخبل جان بس انا وياه بالسياره هو الي يسوق ضل يسب ويغلط على هيثم عزيز .. احترك هيثم واهل هيثم شنو انتي من مره ابدله العرس وتتذكرينه ومقهوره عليه انه اثول صوجي تورطت وقبلت بهذا الزواج المفروض من الاول افهم انتي ماترديني نوران .. شبيك حبيبي سمي بالرحمن ليش هيج تخبلت عليه والله مومثل مافاهم ماخلاني اكمل حجي سكتني وسكت الطريق كله ماتحملت كمت ابجي بسكته لان جنت مخليه الكليل على وجهي من وصلنه كبل اخذوني للغرفه لان وصلنه متأخر والمعازيم متعشين سئلتني نورهان شبيه هيج ضايجه سولفت اله كلشي نورهان .. هو هم حقه اليوم زواجكم والمفروض ماتجيبين سيرته هو هم حقه يريد يفرح ويتونس من يدخل فهمي واحجي وياه لاتبقون متزاعلين راحت نورهان وزفوه للغرفه حسون بقى يم ابوي وهنادي اخذوها بيت رضا يباتون بيت عمتي واولاد عزيز مايهتمون لاابوهم متعلمين كله يم بيبيتهم لو يم ميعاد دخل للغرفه وبس ينافخ ويستغفر ربى وينزع بالقاط بعصبيه ويدردم سكتت ماحجيت شي بس دموعي تصب وكاعده على القنفه عزيز .. كااااافي بجي دخيل ربج اررريد انطمر واخمد صوت مااريد اسمع الج نوران .. اي خوش نااام بس افتحلي القيطان مال البدله شلون ابقى بيه كام من الجربايه لابس بس شورت ضيك ولونه ازرك بي اسد من كدام انه جنت مختنكه وضايجه وشفت الاسد وانه طحت من الضحك قبل لايوصل يمي وانه ميته ضحك عزيز .. هاشبيج تسودنتي ساعه تبجين وساعه تضحكين فتح بدلتي وراح بقيت مستمره اضحك على الشورت مالته رحت بدلت لبست اقصر بدله مال نوم عندي قصيره كلش وصدرها طالع دكو باب الغرفه جايبين العشه كام فتح الباب بدون مايباوع عليه من سد الباب صفن بوجهي شوي وبعدين دار وجه رحت كعدت يم رجليه على الجربايه نوران .. حبيبي والله مومثل مافهمت الموضوع اني حزنت على اولادي لان هم زغار وتيتمو ولان ماعدهم ابو بي خير وشنو تكول ماتحبيني اذا مااحبك شلون قبلت بيك والمفروض اني ازعل منك لان تجاوزت عليه المهم اني حبيت اكلك الصدك وبراحتك ازعل عفته ورحت اتعشه اشوفه كاعد ويباوع عليه نوران .. ليش تباوع عليه من جوه لجوه عزيز .. قصدج اباوع للجوه نوران .. حته وانت زعلان هم ماتسكت عزيز .. اي زعلان واريد تصالحيني وتراضيني اتعلمت شي من هاي الحياه الشخص الي يحبني وزين وياي يستاهل اسويله كلشي مادام يحبني ويخاف عليه شنو اريد من هاي الحياه غير سند الي ولجهالي نوران .. وهاي بوسه بخدك مال صلحه ومااريد تزعل مني عزيز .. هاي بوسه مال امي وانتي موامي اريد شي اقوى يخلي الزعله اطير لزمت وجه وكعد ابوس بكل مكان بوجه لحيته عيونه كصته شواربه وصلت لشفته بسته برقى هو كام هجم على شفافي وكعد يبوس ويشبك نوران .. اوكف خلي نتعشه وبعدين الله كريم عزيز .. لانتعشه ولاشي انه جوعان بيج انتي عشاي ووووووووووو....... مره الايام اني وياه عايشين احلا اثنين هو الصبح بالمستشفى يداوم والعصر بالصيدليه بس مايبقى هواي هو وصاحبه ابوي اجه عاش ويانه بالبيت لان مايكدر على فراك حسوني ياخذه وياه وين مايروح يصيح لاابوي بابا ومحمد واحمد هم يصيحلهم بابا وهنادي تصيح لرضا بابا لان تموت عليه صح فرقان موهلكد وياهم بس يحبهم ويجيبلهم هدايه هواي هوطبيعه مايحب يجامل ويسولف مبتعد عن الناس طلبت من عزيز اكمل دراسه بس رفض رفض قاطع كال عندي خير من الله وانتي اذا اشتغلتي راح تهملين بيتج ترجعين وكت دوامي ومراح نرتاح واني هم ماجادلته لان صدك اني مامحتاجه الراتب وهو جاي يبني بيتنه قريب على اهله يريد بناء حديث وديكور جديد ذاك اليوم باليل جنت فوك انضف الغرفه وصدفه نزلت اخذ المكناسه وسمعت عزيز يسولف ويا امه عزيز ..يمه هي خوش بنيه ومادام عاجبتج توكلي بالله انه راح يخلص بيتي واطلع وهي بمكان نوران تبقى توكلي على الله وخطبيه قبل لايجون عليه خطابه عزيز .. صعدت للغرفه واشوف نورهان تبجي وتلم بهدومها هاشنو صاير حبي ليش تبجين وين رايحه صاير شي اهلج بيهم شي نوران .. لامابيهم شي بس اريد اطلكني مااريد اعيش وياك بعد استغربت من كالت طلكني شنو شبيه وهيج تحجي شنو صاير عزيز .. استغفر الله استهدي بالرحمن وكولي شبيج نوران .. شوف لوشنو تسوي بيه تكتلني تغلط عليه نتعارك نتمالخ مااسمحلك تتزوج وحده ثانيه فاهم مااعيش ويا زوجه ثانيه اني اريدك ملك الي بحدي مااريد احد يتشارك وياي عزيز ... خبله هو منو راح يتزوج ويعوفج اتزوجه تساعدج بالبيت الجديد نوران .. ليش اني شاكيه الك لو كايله تعبانه اصلا اليوم ردت اكلك خبر يفرحك بس ماراح اكول عزيز .. بس فهميني منين سمعتي اريد اتزوج نوران .. قبل شوي سمعتك انت وامك تسولفون عزيز .. هههههههه ولج خبله نحجي على اخوي فضل يريد يتزوج بت خالتي يحبه ويريده نوران .. واذا طلع حجيك كذب عزيز .. اذا كذب الله يذبني بالنار واذا صدك الله يذبني بحضنج نوران .. عزيز انه حامل عزيز .. الف مبروك حياتي يارب تكومين بالسلامه نوران .. تره بس هذا الطفل وكافي بعد مااريد عزيز .. انتي جيبي بالسلامه والله كريم شبكته ونسيته كل حزنه وعشنه احلا عيشه وصار عدنه همام وكبر ويا اخوته ومافديو فرقت بينه وبين جهال نوران لو وياجهالي ......النهايه العبره من القصه موالزوجه الثانيه اني كتبت الزوجه الثانيه ردت العنوان يجذبكم القصه عنوانه الاهل عزوه النه اذا الاهل ماراضين عنه عمرنه ماراح نتوفق بحياتنه والاخو وابن العم سند بهاي الحياه المثل يكول الشين الي تعرفه احسن من الزين الي ماتعرفه اتمنى تقبلون اعتذراي لان امس مانشرت واليوم اتأخرت لان والله خطار عندي وتعبانه واني استغل الوقت الي ينامون بي واكتب تحياتي الكم .زهره_النرجس 😘😍 | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
