آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-09-18, 01:58 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  المراهقة_و_الأربعيني ،،،،،،،،،، بقلم زينب ماجد ،،،،،،،،،،،، الحلقة_19 دحكت شو هذا بساع يشمر ميانه بس وجهو وكلامو حيل محبوب ردت اشيل المواعين .. اتقرب وكال اني اشيل عنج اكعدي هلكدج لا يطك ضهرج والله عمي مبخت صراع بهلفختايه.... ضحكتلوو وهو واكف يمي ويشيل.. دخلت حلا.. كالت ها تردين مساعده.. تعجبت من سؤالها.. بس كتلها يلا الله وايدج.. تعبت.. وكفت وياي تغسل وطب ياسر كاللها ها حلا شلونج.. واخذته بالسلام شلونك شلونك زين.. متغير وصاير ما نشوفك.. كال الها :- شسوي غير بعد بالجامعه.. كتلو يااا صدك انت بالجامعه. -اي ابغداد.. -حلوو وابغداد هم -اي جامعة بغداد بالاقسام الداخليه -واني اكول حجيك مختلف بيه بغدادي.. -هههههه شلون يعني -ما اعرف بس هم يجرون بالكلام مثل عمو صراع يكول انه.. مو اني.. ما عرف مو ما أعرف.. هيج شي -لعد لو تشوفين هناك شيسوون بيه من احجي بلهجة اهلي.. -انته حتى لعد تكول مو عجل -مره حجيت كبالهم وكتلهم عجل يابه وين نلحك نقره كل هاذ.. وهم استلموني تحشيش ويمشون وراي ويكولون اي عجل يابااااا شلوناااااك. خلوني اتوب منها هههههههه -يعني ابغداد كلهم يحجون هيج.. -مو كلهم بس هم يدققون بالكلام وبحسب الميانه يكومون يحششون عليك يجبرونك تحجي مثلهم ومن عاشر قوما 40 يوما صار منهم وانه عايش وياهم بالاقسام.. حلا:- بس لهجتك حيل حلوه .. واصلا بغداد واكعتلك مغيره شكلك.. خجل وغمض عين ويحك بلحيتو ويكول شكرا.. -يا قسم. -علوم سياسيه.. -اووو اني كان حلمي ادخل كلية هندسه .. -شمخلصه انتي.. -خامس علمي وبطلت.. جابوني لهنا من تزوجت. -حرامات... دنحجي ودخل صراع.. وضرب على جتف ياسر .. هلا بياسر شلونك يابه.. - هلا بابو حرب انته شلونك.. انصدمت من شفت هاي مرتك. -هههه مو بالله هاي تالي عمري. شلونك بالدراسه.. حجاها واندار عليه .. سوي جاي ياسر :- والله بخير -شتسوي هينا واكف -والله جيت اخذ جاي شفت هلبنيه وحدها.. عاد حشمت الولد يساعدوها بالجدوره.. -هااا.. اندار.. وكال صبي الجاي ودخلي جوه .. -وهلمواعين منو يغسلهم.. -نفذي ولا تناقشين. -حميت الجاي وصبيتلو.. ودخلت جوه. شوي وصاحت ام سعد على المواعين اكملها. طلعت اكمل حلا واكفه عود تغسل بس كاظبه السفنجه وتحجي وي ياسر.. عاد تقربت وكمت اني اغسل وهي تشطف وتحجي.. واني شاركتهم الحديث.. انوب جابوها ع الموبايلات. ياسر سأل على صفحه عندي بالفيس او انستكرام.. كتلو ما اعرفهم ما عندي موبايل.. -لا عود صدك.. اكو وحده اليوم ما عدها موبايل -من جنت عد اهلي ماما ما تقبل يكول يفسد البنات.. -هههههه عمي والله زين.. بس شلون مكضيه وكتج -ملل ولعبان نفس بس شسوي وين اروح -زين ابو حرب ليش ما يشتريلج حلا:- لا بابا ما يقبل تكضب موبايل عود من تريد تسمع اغنيه مرات انه انطيها موبايلي -حتى اغنيه تجديها شطلعت هاي .. -ههههه مأسات -يابه اشتريلج mb3 وفضيها. واسمعي براحتج والاغنيه التعجبج دخلي الرام بموبايل حلا وحملي. -منو يجيبلي اتمنى بس عمو صراع ميقبل يكول حرام الاغاني -شطلعت هاي. عمي اني عندي واحد وحتى رام بيه اودي الج بليل ابيد علي وسمعي سجن خوما سجن. خلصنا شغل واحنه نحجي هو راح هناك بقينه بس اني وحلا نحجي.. كالت .. دحكتي شكد حلو يخبل -اي شكلو يجنن ولبسو شيك وراقي.. شكد عمرو -يمكن 22 سنه.. -ياااي شكد حلو عمرو خوما شايب يحظي -ههههههه -دنحجي ونضحك.. التفتت والكه صراع واكف ورانا ومتخوصر.. كتلو.. ها عمو تريد شي -اخذ نفس ... انه شكلت -كلت فوتي جوه.. بس عمو ام سعد بس اطب جوه ترزلني كدام النسوان.. -اي بابا صح.. رزلتها.. -لتدخلين انتي وطلعي برا.. وانتي اللخ.. صعدي فوك.. تركت وصعدت.. شويه وصعدتلي حلا... كعدت يمي ونحجي وهم جابت سيرة ياسر عرفتها معجبه بي.. كتلها دكوليها من النهايه.. وكلي عاجبني وغمزتلها.. ضلت تضحك وتكول لااا ولج مو هيج. بس كتلها بس .. تووووب يجنن.. -الله عليج -اي والرب .. خو القيافه والنزاكه اووي .. لج مثل فارس الاحلام. -عابت هههههههه -اي والله شبيج. جنت احلم من جنت عند اهل اخذ واحد اسمر مرتب شكلو رجولي وشاب يجنن ويلبس موديل. وتالي طن وكعت الزاويه على احلامي واطشرو -واخذتي بابا ههههههه -اي فالح بس يصيح ويزكح..ويكفخ فوك راسي .. راحو احلامي راحو.. دنحجي ونضحك.. دخل هو بدون كلام فتح باب والكنتور واكف ويدحك.. احنه خلسنا بس طب.. دحكتو بس واكف كدام الكنتور ويدحك ما يعرف شيريد.. كمت اشوف اساعدو بشنو يطلب.. بس وصلت يمو زكح .. وخري عني انتي.. هذا شبي.. !!! -اخذ الخاولي وطلع... درت لحلا.. ابوج شبي ؟!! -ول يابه بس لا سمعنا -ما اعتقد بس يمكن ام سعد مضايقتو بالكلام جوه. خلصت العزيمه والناس بلشت تروح .. صراع متخبل عليه مدري شبيه.. وحلا الله هاديها مدري شعجب بس اللي عرفتو هي تتقربلي وتكعد وياي وقت اللي ابتعد عن ابوها.. او ابوها ميريدني .. هنا ما عدها اشكال وياي.. بس لو طلب مني شغله او حجه او اي تصرف بدر منو .. بساع تتضايق وتبتعد.. نزلنا بعد العزيمه.. مرت المرحوم نور.. رايحه ماخذيها اهلها.. صراع طلع ما اعرف وين.. بقينا نشتغل ونحجي ويوم عادي.. بليل اجه علي عياخذ امو.. انطاني mb3 اخذتو وكتلو ااااااالله.. اليه هذا -اي ياسر ابن جدو عزاام زتو الج.. -خطيه.. اشكره علاوي فدوه.. شلون يشتغل -بالله ادحك.. ما بي شحن.. هاي الاي سي مالتو مثل الموبايل السامسونج احجي وي حلا تنطيج شاحنه شحني وسمعي بيه. -اني من صار عندي كأني ملكت الدنيا شي غريب صار عندي كهديه عجبتني.. رحت خليتو ع الشحن واستمعتلو.. بيه اغاني كومه نص احبها ونص لا.. وحلا اخذت الرام هم حملتلي من موبايلها اغاني اللي تعجبني اخذ عقلي وحيل فرحت بيه.. صرت انام اكعد اسمع بيه بالشغل الصبح. اخلي بأذني واشتغل وانفصل وحدي ومنها ما اسمع صياح ورزايل ام سعد.. اخلص شغل على راحتي.. اسمع واتخيل صراع بالاغاني.. واطير على الحان الاغاني وافكر بيه.. بس واقعيا جدا بعدني من صراع.. او الاصح.. صراع ما اعرف شبي. لا يجي يمي لا يسأل ولا حتى يصيحلي على شغله يحتاجها وعصبي ومتوتر ما اعرف ليش .. ف اروح اكعد ادور وراه شبي.. تركتو احسن هو وحدو يهدئ شسويلو.. بس المشكله لو تركتو هم ما يقبل.. التقربت منو يعصب واللي تركتو يعصب اكثر لان ما اهتميت بأشيائو .. حرت وياه.. اخر شي تركتو يصيح واني ابقى مخليه السماعات بأذني وما اسمع شنو يحجي لو يغلط.. مر اسبوعين على هذا حاله وما عيهدئ بالعكس يزيد.. واني بدا صبري يفقد.بس شسوي ما عندي غير اتحمل.. فد.يوم هو كان كاعد ما عندو دوام.. نزل واني ما ادري بي لان هو خلص ريوكو وصعد.. ما احس الا واحد يندسني حيل احس اهتزيت.. نزلت السماعه من اذني دحكتو صراع.. -وييين بالج صار ساعه اصيح ما تسمعين طررررشه -شنو تريد عمو -شنو هذا اللي بأذنج .. ضرب على اذني حتى اطلعلو .. لان اني لابسه حجابي والجهاز بصدري ممبين شكلو.. طلعتو.. وانطيتو الو.. -شنو هاذ منيلج.. اخذ السماعه خلاها على اذنو جانت اغاني -كم مره مانعج ما تسمعين اغاني.. انتي ليش تحبين بس تثيرين اعصااااابي هااااا.. -عمو ما .... -منيلج هاذ احجي منو جابلجياه .. -ياسر ابن عمك انطانياه.. -شلون شلووووووون.. ومنين تعرفين ياسر انتي وتاخذين منو.. كضبني من اذني... -عمو اذني شبيك.. -احجيييييي -ما اخذت منو هو بعثو بأيد علي ابن هيام.. -هااأاه والله ومخليه الولد مرسال الج ياخذ ويودي مووووووو -يحجي ويجر بأذني واني رافع اديه واكلو عمو بس اتركني.. كضب الجهاز مال mb3 وطرو بالحايط صار طشار.. بساع دفعتو و درت وجهي الو.. وتخصرت عود ليش.. -ولج ادفعين وتتخصريلي بعد.. صعدي للغرفه خل اعلمج الادب شلون يصير.. -لا تعلمني ولا اعلمك.. لهين وبس اني بعد ما اتحملك دقيقه والرب.. شمرت الوصله طريتها بالكاع ومشيت بعصبيه.. وهو كضبني ولج انتي تتعاندين وياااااااي.. -لا اتعاند وياك ولا ابد.. هسه توديني لبيت اهلي واني اكول ليحيى يوصلني لخوالي -لج تصعديني لا احرك شيب الخلفج واااااالله الحجيه:- ولكم يمه استهدو بالرحمن شبيكم ياااا شجاكم.. -التفيت وره الحجي وكتلها احجي وياه دحكي على شنو كالبو خلقتو صار اسابيع.. -لج بتتتتتت الكلب منو اللي كالب خلقتو اليوم اعرف شلون اربيج.. -بقيت ابجي والحجي تسدسدلي وادفع بيه واني جواها وهو نار ويصرخ.. ويريد.يجرني من جواها.. اجه الحجي ونائل كضبوه.. وهو يصرخ هلساقطه الا اعلمها شلون تتربى -ما اريد وما اريدو تعبت كافي اريد ارجع لاهلي اخذتوني خدامه تكفخون عليه لو تسترون عليه. ما اريد ابقى هنا اريد ارجع لاهلي الحجي:- يا اهل بويه نرجعج للارهابي -اعيش وي الارهابي ولا وي ابنك عمو ما ينحمل تعبت بس يصيح ويغلط اني ما اريدو والله ما اريد رجعونيييي. احجي وهو كل شوي يريد يهجم ويكلهم بس انطونياها وطلعو منها وانه اعلمها شلون ما تريد... كوه كوه طلعو نائل وسكتتني الحجيه وكعدت ابجي.. عيشتيش اني عايشتها هنا اقلها هناك جنت اروح مدرسه عندي صديقه احجي اشكي اضحك اسولف وياها هنا منو كاعده بس يكفخون على راسي.. عاندت بيومها الا يودوني لاهلي ما اريد ابقى بعد عدهم.. عاد الحجيه خابرت على هيام واجت دحكتني ابجي وحالتي حاله .. كعدت يمي انطتني مي وقرت على راسي وشمرت مي بوجهي.. صحت لااا هيام فدوه.. -ولج الشيطان نار وما يطفى الا بماي اهدي وخل نحجي.. -شحجي هيام والله تعبت ماكو شي يغثني ما يسوي 24 ساعه صياح وعياط.. مليت تعبت .. اتقرب منو عصب ابتعد هم يعصب وبالحالتين اني ماكله الرزاله.. مدكليلي شجابرني.. عندي ام غصبا عليها تتحملني وتشوف عيشتي شنو عايشه عليه -لج يولي وين تلكين مثل كلب ابو حرب بس تلكين اعصابو تعبانه من الشغل قدري وضعو. -اقدر وضعو وهو شوكت يقدر وضعي ويرحمني -بس يهدئ هو يقدر ويجي من حالو.. -ما يجي ولا اريد يجي تعبت تفتهمين شنو تعبت.. -حقج والله حقج .. كومي روحي وياي يومين ارتاحي هناك يمي وي البنات والله كريم. بقت تبوس بيه وتهدي.. الحجي كال الهيام علوا تاخذيها شوي يهدئ الجو .. عاد لميت هدومي ورحت وي هيام لبيتها.. بس الحجيه جانت ما قابله بطلعتي.. تكول سترن ع الرجال حيل مابيه بعد ويعصب ويصعد ضغطو.. -عاد جاوبتها. واني شذنبي اتحمل المر حتى ما يصعد ضغطو هو كاتل روحو بروحو. ما قبلت ضلت تحجي وتحسب عليه وراح تكتلين وليدي وربحي بيمن. عاد حجت وياها هيام.. كالت الها..:- يمه بس يومين هي تهدئ و ابو حرب يهدئ ويرجعون ليش مكبره الموضوع.. والله عاد رحنه.. دخلت بيت هيام.. خطيه ساره وجنات تلكوني ويضحكون وفرحانين بيه . يكيفون احد يطب عليهم.. لان لا هن يطلعن ولا احد يطب عليهم هيام قافله بابها وساكته دوم حدها لاهلها.. هيام:- لا تتقيدين ليليان نزعي وطبي سبحي وارتاحي لا تخلين ابالج انسي.. -هزيت راسي.. اجت ساره كالت دفيتلج الحمام طبي سبحي حتى اشسورلج شعرج شتكولين -يلا ياريت.. فرحت بساع و گمت سبحت وغسلت وجيت نشفتلي شعري وكعدت تشسورلي وهيام كدامنه نحجي.. بعدها ممخلصه.. طفت الكهرباء.. هيام -هاي طفيتها السحب تجي ب6 .. امشن نكعد بالطرمه زين الجو مو بارد كلش.. -لملمنا الهوسه مالتنا وطلعنا بالطرمه الجو حلو مو بارد كلش..فرشت هيام بساط.. وكعدت.. اني دحكت مرايه يم المرافق فوك المغسله.. رحت ادحك نفسي بيها.. ياااي شعري يجنن صار كمت اكلب بيه منا ومنا دحكتلي هيام.. كالت يولي ليش ما تخليني احفلج وجهج. اوخر الشعر يصير وجهج يضوي -لا عفيه امي متقبل تذبحني -يلفطيره امج شكو غير متزوجه.. -بس يوجع مره ساره صديقتي سوتلي شواربي ابيتهم كمت اكمز .. موتتها يله خلصتو -لج بساع يخدر ما تحسين بس اول خيطين حدري يولي خل اشيل هلشعر المعجعج على وجهج.. -عاد كعدت كبالها كالتلها ساره جيبيلي الخيط والمگص الزغير و الملقط.. جابتهم.. ولفت الخيط على ايدها وطرف بحلكها.. اول ما جرته واني صرخت عااااااااا.. -وجعه وطمه يولي شهرتينا دكعدي -لا عفيه والله يوجع عوفي -ولج اخذت اذا يبقى هيج يصير وجهج امبكع ويصيحوج البگعه.. -اهئ اهئ اهئ والله يوجع.. اخذت مره لخ.. وهم فزيت.. وكتلها لا لا فدوه ما اريد.. كالت بلله شو.. وجابتني جف على خدي احسو اشتعل نار.. وهي تضحك كالت هاهيه تخدر بعد.. بس شدي وجهج وكضبي عدل.. غمضت عيوني وهي تحف.. مو حفافه تكول تعذيب موت احمر.. خلصت وجهي .. اجت لحواجبي. راد تشيلهم .. اوف ربي شيفضها.. عوفيهن هيام فدوه متت اهئ اهئ.. -ول يابه خلصنا حالج حال البعير للمنخر وبرك. لما كملنا صحتي كافي تحملي.. هي تحف واني اكمز ومغمضه والطم على رجليه حتى اواسي الالم. هي جرت من الحاجب واني فزيت للسما .. صاحت خرب بيج يول طار الحاجب خرب ببليسج شو حدرييي شنو طار الحاجب.. -ولج ما جا عدل ليش هيج خليتيني اطبرو جنج حرامي بفلم اجنبي -لا لا هيام عفيه عدلي فدوه - بس شوي كعديلي عدل خل اعدلو.. -كعدت وحفتلياهم ثنينهم.. بس طبرتو .. خلت الرفعه مالته عدل ما بيه كسره.. صاير شطب.. رحت دحكتو بالمرايا.. يا شصاير بوجهي.. حاجبي خلصان.. هاي شلون هيام.. -يولي البس عباتي اروح اجيبلج قلم جوزي وخطي يطلع يجنن هسه الموديل هيج ما بي كسره . بقيت اعدل بيه هي لبست وراحت جابتلي قلم جوزي وقلم كحل .. قربتني وخطتو.. وكالت خلي كحل كتلها اخاف.. -يولي شجاج حتى كحل ما ادبري .. شو حدري.. خلي هيج وخطي عينج. خطتلي الاولى.. وكالت جربي الثانيه .. رحت للمرايا اجرب ايدي ترجف خطيت بس مو عدل.. عدلتو اليه وكالت تتعلمين. -رحت دحكت بالمرايا واعدل بشعري .. حسيت نفسي من ذن الممثلات وجهي تغير 180 درجه عمري كله ما حافه وهسه حفيت صدك كمت اشوف وجهي ابيض والعيون هم اول مره اكحلها احس فتحت.. كرصت خدودي سويتهن حمر.. يمه طلعت اجنن تروحلي فدوه ام سعد هي الطليان مو اني تغار مني ام افچوچ طلعت هيام تسمعني واني احجي وي روحي.. ضحكت وكالت ..يلا خل نطب جت الكهرباء نزل المغرب وبردت حيل . طبينا .. وساره تسألها ماما شنسوي عشا.. بعدها ممجاوبه اندك الباب حيل.. هيام:- يا ستار .. منو هذا ..دحكت من باب الهول.. كأنو ابو حرب .. سياره ولابس دشداشه واكف.. انطني حجابي خل اطلع.. -اني بقيت ادحك.لحد ما فتحت الباب وصدك هو سلم وكالتلو فوت هلا بيك.. وجهو ما يكصو السيف.. اني ركضت للغرفه الصغيره بسرعه. صراع:- وينها خل تطلع بساع -استهدي بالله خويه وكت مغرب صلي اذكر الله وكلشي ينحل -ام علي لا طلعين خلكي صيحيها خل اولي -هل أذن خويه صلي وهسه انه اخليها تلبس وتروح وياك بس على كيفك انته منا ضغط يا خويه هدي -نفخ.. وصاح على ساره خالو خل اتوضى .. اخذتو للحمام .. ودخلت هيام عليه.. اول مطبت كتلها لو يموت ما اروح وياه -الموت يصيب عدوج ليش هيج مفاولتو تره ما اقبل تحجين هشكل عليه ليليان والرجال مريض.. كضبي السانج وطيعي وان ضربج لو طخج خابريني انه اجي اتكاون وياه يس مال تفاولينو بالموت لا لهين وحدج ما اقبل -خلي يرجعني لاهلي ما اريدو تعبت -ديلا عاد يا بنيتي يا اهل متكليلي اخوج الباعج لو خوالج الاجو هنا يبوسون بالادين بس سترو عليها .. امشي وي رجلج امي وصيري خوش بنيه وشيحجي لا تردي.. هو يهدئ وحدو. -بقيت ابجي .. فعلا حسيت ما الي احد.. جت باست راسي -لج يولي والله دره ما يتعوض يخايبه لا تخسري اكسبي وكسبي حياتج وياه .. بس لا تراددين حتى لو حكج لا تحجين وكت اعصابو يتخبل بالزايد من يعصب سكتي ومن يهدأ ثوله لو سكتيلو .. كعدي وياه وحاسبي على وحده وحده.. واخذي حكج منو بعگل مو بهوسه. بقت تحجي وياي واني ابجي.. لحد ما خلص صلاتو هو وكاللها ام علي انه بالسياره 5 دقايق اذا ما طلعت بالقران اگلب عاليها واطيها.. كمت.. لبست حجابي وهي توصي وتحجي وتبوس براسي حتى ما اضوج .. طلعت هو كاعد بالسياره ما دار وجهو . سلمت وصعدت.. مشى بدون اي حرف.. وصل للبيت حتى ما نزل فتح الباب داس هورن حيل طوووووووووووووووووووووووو وط طورشنا بساع طلع ابن سعد يركض فتحلو باب الكراج .. فوت السياره ونزل ضرب الباب. اني نزلت الدموع بعيني احس اختنكت وما الي احد اروحلو باقيه ركبتي بيدو شلون ما يحب يتعامل ساعه زين وساعه شين واني لازم اتحمل كل مزاجو دخلت كبل لغرفة الحجيه. ونزعت الشال وكعدت ابجي.. طبت الحجيه .. على كيفج ولا تسوين هيج بنفسج ولو ما يحبج ما يتعنى ويجي والا جان زتج على اهلج وافتك من مسؤليتج وعلى كيفج وياه. ومن هلكلام. بجيت بجيت وهديت وحدي.. اجت حلا.. طببت راسها من الباب وكالت :- ليليان اذا ما عندج شي حدري اوكفي وياي بالمطبخ محد بس اني اشتغل.. كمت وياها.. لان مرت سعد لليوم ما تقبل تجي وهو معاند ما يريدها وباقين مشيت للمطبخ اشتغل وياها حضرنا العشا.. انتبهتلي كالت :- حافه وجهج -اي -طالع يجنن اببببيض .. جان الشعر معجعج على وجهج مسويج سوده. -هو ابوج خلاني اتهنى بالحفافه لو اشوف نفسي اجاني طاير كن ملك الموت اخذني واجه. صدك خل اشوفج شعري هم سوتو ساره.. حللتو الها وكالت يخبل .. نكمل ونصعد شسوريلي شعري.. -علميني وتدللين اني اشسورلج وانتي اشسوريلي شعدنا شو لا طلعه ولا طبه. -هههه ديلا لبسي خل نودي الاكل -شمرت الحجاب منا ومنا ما ضبطتو ودخلنا العشا بصينيه لان مو هواي هم.. جان كاعد صراع و نائل عيحسبون لان نائل شغلو صيرفه وحسابات فكاعد صراع يحسبلو.. صاحت الحجيه يلا يمه كومو تعشو گبل لا تصير صلاة العشا خل نفض عشانا اندي دنكت اخلي الخبز.. اندار صراع.. يريد يدنا للصينيه. شو دحكني وكام يخزر.. بساع عدلت حجابي كلت يمكن لان حجابي ما لافتو عدل.. كعدت بدون مشتهى .. هو ينافخ ويتنهد وتحسو متوتر ومو طايق احد.. بس تسويلو بز.. ينفجر..كملت ورحت للمطبخ لان مو كلش اشتهي ... دخلت ودا اوكف ع السنك.. كضبني من ايدي حيل .. وداريني الو.. -ااااخ عمو شبيك.. -شمسويه بوجهج كضبني من حنجي .. ويصك على اسنانو.. وتتمكيجين بت السكط. -ما متمكيجه والله -المن زالغه وجهج.. لج دحكي هسوالف مال وحده بايعه.. تسويها بالقران راسج اكصو.. -عمو دوخر شبيك.. سوالفيش .. بعدتو.. وصحت بس حفيت شسويت قابل حتى الحفافه حرام. -المن حافه منو هذا الرايده يدخك بوجهج ويتغزل بيج ولج جايه ادوريلي معجبين ابيتي اذبحج والله -يا معجبين يا سوالف .. تره بس حفافه حطيت وكحل شوي ما جرمت ولا بكت فلوسك حتى هم تكتلي .. -ولج رد لا تردين بوجهي ليليااااااان.. وكضبني من ركبتي يخنك بيه ويخز حيل ويصيح حرام بالحرم اذبحج دفعتو من صدرو وصرخت.. ما اريدك افتهم ما اريدك.. اذا شفت روحك شيبت تره بعدني الشباب ما شايفتو لا تكعد تدفن بيه بس لان انته جبير ما اناسبك عوفني اروح لاهلي سترت عليه الله ينطيك كافي مليييت .. اني كلت هيج وهو كضبني من شعري... ويكلي انه شايب وادورين عليه الشاب مووو.. وجر بيه من شعري كمت اصرخ بيدون واضرب وخررر ما اريدك وخر.. اجه الحجي كضبو ويكله بويه على كيفك وياها جاهله ما هيج وهو يصرخ .. ما جاهله هاااااي حرمتي ماااا جاهله.. جرتني الحجيه من اديه وهو يصرخ شيحجي ما ادري بس حيل فقد وطلع. واني كعدت ابجي حيل.. دخلتني الحجيه للغرفه.. فرشت وتمددت.. ابجي والحجيه تكول شجاكم بس دخلت اصلي كبيتو حتى ما عرفت شكلت بصلاتي وشحجيت وي ربي ما عونت اكمل واكوم اشوف شبيكم... متكلولي شجاكم جهال .. اغو .. يرادلكم تعلوم.. ما رديتها ابد ولا حجيت بقيت بس ابجي بمكاني.. للصبح واني ابجي ... صوتي كلو انبح من كد ما بجيت .. ثاني يوم اجت هيام.. كعدت طلعت حركتي بيهة .. كتلها هذا اخوج التكليلي احترمي طيعي دحكي شسوه بيه مو كتلج ما اريدو ما اريد اروح وياه. كل اليصير بيه بذمتكم .. تعبت رحموني .. مليت خلوني اشحد بالشوارع ولا علعيشه عوفوني.. هي ابد لا حجت.. بس تكول حقج اهدي اني احجي وياه.. من حجت هيج درت وجهي منها وحتى تنظيف ما طلعت.. انعل ابوهم لابو اليخدمهم .. اخدم وممحصله بس الكفخات والضرب.. لوكيه يسوون نفسهم يخافون الله والرب بريئ منهم.. بقيت ادردم بمكاني و هيام كامت نظفت وساعدت ام سعد بالطبخ.. للضهر كعدوني على غدا ما قبلت اكعد.. نايمه بفراشي وسمعت هيام فتحت الموضوع وي صراع عاد كمت بساع لطشت اذني ع الباب اتسمعلهم.. هيام:- شبيك وياها يا خويه بعدها صغيره. ليش هيج تتعامل وياها .. -ام علي اطلعي منها انه عرف ائدبها لهل سز.. وبعدين انتي شمخربطه بجهرتها وشمسويه بيها هااا -شسويت بس حفيتلها -وشكو تحفيلها من كايلج خربطي بجهرتها من غير شي الناس عيونهم عشره عشره جايه مصخمه وجهه شكو منز عاتب عليج -ما بيها شي ابو حرب تره البنيه متزوجه ما بنية بيت ويضل وجها مليان شعر حتى اليطب يستنقد.. -منيلها متزوجه هااا .. دحكتيني اخذتها . وما علي بالناس .. شتحجي انعل والديهم ... سالم الله عليج هيام تركي ليليان ولا تدخلين بيها.. -شدعوه هيج صارت ابو حرب غريبه انه والعب بوجها واتصرف بكيفي.. -ام علي مخيره بهلبيت عسى ما تهجمينو مالي غرض بس ليليان لا توصليها... تريدين ابوس راسج حتى تاخذين احجايتي -لا شعلي بيكم عمي لا تبوس راسي ولا ابوس راسك.. مرتك منك الها .. ذاك بيتي اكعد وانجب بيه شدخلني بيكم انه ناقصه مشاكل بس گبل لا اطلع.. خليها ابالك البنيه مراهقه. والدك على الحديد يفلو لو طكت وهجت بالشوارع وتصخمت وجوهنه ... انت المسؤال وانته التتحملها . ومع السلامه.. لبست عبايتها وطلعت.. - اني بقيت بالغرفه ورجعت لفراشي.. هو من بعدها ابد ما دحك بوجهي ولا طلب مني احضرلو شي يخصو. ولا اني سألتو.. مرت 3 ايام على هذا الحال.. بس صراع متوتر ما طايق الدنيا والبيت كله متوتر من وراه لان من يعصب يبتلي اللي يطلع صوت بالبيت ما يعون يلكالو شي يتكاون وياه ويطلع اعصابو بي.. ف البيت هدوء .. حتى ام سعد تخلس وما تكوم تتكاون وياي بصوت عالي .. مكاونه كله يصير سكته والحجيه تسكتنا وتكول والله هسه ينزل علينه يكلبها بينا ونسكت. ف بيوم.. اجه نائل كال ليليان اليوم لعبه و اريدج تكفين بالمطبخ ع الجاي بس حمي انه اسوي النراكيل واني انكل .. كتلو بعيوني صار.. ف وكفنا اني وحلا بليل نسولف. طبعا هاي من ماكو اخلاص صارت وياي زبد.. بس من تجي خالتها تكوم ما اطيقني.. وهليام خليصان ماكو .. فخلصانين من المشاكل.. فوكفنا نحظر استكاين وجاي.. واجه نائل يمنا وكف ع الفحم ويفتت عسولي ما ادري شيسمو .. و حلا تزرفلو الفناجين .. ف واحنه واكفين طب ياسر.. اللي عرفتو ياسر من هو وصغير متعود عليهم وماخذ ميانه يبات يطب يطلع جان صغير رابي وي ولدهم وكل لعبو وونستو هنا بس من صار بالجامعه ابتعد لان استقر ابغداد بس بالعطل يجيهم.. ف من يجي ما يتحرز منهم يفوت للبيت بدون تكلف .. وهم ماينين وياه ما يحجون .. ف طب بضحكه وشقى يضرب بحلا وينكت. واني واكفه صفح حتى من يتشاقى وياي اسوي روحي ملتهيه اشتغل حتى لا يطب العقده مالتي وابتلي على عمري.. وما خيبني .. طب صراع بس جان بره بيدو علاكة مسواك.. ياسر تلكاه وكالو هلا بالزين يابه بس انت تفتهم واخذ العلاكه من ايدو وكعد ياخذ منها وحلا تتكاون وياه بالشقى وتضحك وتجر منو.. صراع يبتسملهم ويدحك عليه..وكال شجاي تسوون .. ما رديتو.. نائل-نائل هم لعبه -ابو حرب ترانا واكفين ودنسوي النراكيل بدينا وذيج حرمتك هلواكفه بس تحرر جاي خوما تعبناج خويه -ابتسمتلو وكتلو لا تعبك راحه. هو اندار خزرني.. اني بساع انداريت اصفط بالستكاين وضحك وياه ياسر واجه يضرب على كتف ابو حرب ويكلو اي يابه يخاف على فختايته تتعب بويه .. ويغمز لنائل ويضحكون.. بس صراع ما رد عليه .. ضاج حيل.. يريد يحجي وياي وهم واكفين. كام يحوس .. اعرف اطباعو من عندو كلمه وبالعها وما يكدر يحجي يبقى يتنهد هواي ويفرك بوجهو ويمسح على شواربو.. رغم كل قسوتو وعجرفتو بس ما اكدر اكرهو وما ينطيني كلبي اقسي عليه.. لو اخليه يحتار ويتعذب.. ف سويت نفسي اريد شي من الكاونتر اللي هو واكف يمو ومديت ايدي اريد افتح الجام الفوك.. وهو بساع كال شرايده بويه.. اندار بحجة ينطيني الاريدو.. وهو اصلا ما يعرف شأريد ولا اني اعرف.. همس .. ما اريد ادحكج هين بساع اطلعين فوك.. هزيت راسي.. تركتهم وطلعت.. هو مشى وراي .. ما حجه اني دخلت بغرفة الحجيه وهو راح للاستقبال تمددت بفراشي وبقيت ادحك ع التلفزيون عاكسه ايدي ومتجي راسي عليها ونايمه.. ورى شوي فات.. دحك الحجيه نايمه. خله علاكة الحلويات كبالي بدون ميحجي وكعد يم راسي.. يتصفح بموبايلو.. لا اني حجيت ولا هو حجى.. تمنيتو يحجي بس ما حجه.. اعرفو ما يعترف بنفسو غلطان دام طولت لساني وياه يبرر لنفسو تستاهل من السانها.. بس اذا ما اطاول وياه لا يجي يعتذر.. ويحس ظلمني واني ما رديت.. بس اني شيسكتني وكت انهد.. يصير الساني برنو.. ومن ضيمو طبعا. اكلت حلويات شوي.. وردت اكوم اغسل.. ف و اني اعين نفسي اكوم حجيت وي روحي .. اكوم اغسل اسناني احسنلي.. حتى انطي خبر.. اني رايحه اغسل ما رايحه يمهم.. ف يطمن وما يكوم وراي.. هو وصلو المسج وبقى كاعد.. اني غسلت بساع ورجعت.. تمددت بفراشي.. وهو على نفس كعدتو.. لحد ما غفيت ووكعت ايدي ونزل راسي ع المخده.. حسيتو يجر الغطا .. غطاني وباس راسي وخدي.. اخذ نفس .. مسح على شعري بهدوء وكام طلع من الغرفه.. ابتسمت وطير عقلي بحنيتو و ثگلو بنفس الوقت احسو رجال وعندو كرامه لو شكد ما يلين گلبو كرامتو تمنعو يتنازل .. وهلشي حبيتو رغم ان محلو هيج يتركني.. شوي وفتحت الكنتور.. طلعت عطرو .. رشيت على مخدتي ورجعت ضميتو .. وكمت اشم بالمخده اوووووه .. اتخيل نفسي حاظنتو واني بين اديه.. والحقيقه حاظنه المخده.. ثاني يوم كعدنا الصبح.. سوينا الريوك.. وخلينا .. بقى يدحكلي ينتظر مني اكلو صباح الخير عود هو زعلان واني الغلطانه.. بس اني ما اشوف نفسي غلطانه كلت خلي هو يتنازل ويحاجيني اني شكو شامره روحي عليه.. وما تنازل ولا حجه وفوك هذا ضاج وصار عصبي وشال مناخرو .. لان ما حجيت وياه. كام بس ينافخ.. ويزكح.. على اي واحد يمر منو.. هو من يصير عصبي هم يستغل الوضع لان يخافون عليه يصير اعصاب اكثر و يرتفع ضغطو.. فيكوم يأمر عليهم والاعوج بيهم يعدلو وشحدو الما ينعدل حجه ويريدها من الله حتى يكوم يتكاون ويطلع عصبيتو بواحد منهم.. ف وهو ضايج كال لسعد انته ليمتى راح تبقى هيج جهالك هين ضايعين وامهم زعلانه وانته فرار بين المولده ومرتك الثانيه .. كالو ابو حرب نأجل الموضوع.. زكح بيه لا يتاجل وهسه تكوم نجيبها وتعتذر منها وتتفاهمون والا حرام بالحرم ادور بانزين على هلبيت واحركو انتو وياه.. وكام ويسب ويغلط وكام بعصبيه كاللها حجيه تهيري خل نروح انه وياج وسعد نروح نجيبها. ام سعد كالتو وانه.. دحك.بيها وكال اخذج بس بالقران لو طلعت جلمه ناكصه منج جدام اهل المره ما تلومين الا نفسج.. عاد كلهم لبسو الحجي والحجي وسعد وامو صراع.. راحو على نوال.. بقيت اني والجهال وحلا بالبيت ونائل نايم فوك بغرفتو.. حلا ما نزلت .. والجهال كعدتهم بغرفة اهلهم وكمت ع البيت شغل. طلبت من محمد يساعدني بغسل الكراج لان صراع ما يقبل اطلع.. والولد خطيه ما كال..كملت طبيت سبحت.. طبو جايبين نوال.. طلعت والخاولي على راسي سلمت عليها وباوستها عاد صراع صاح.. يمه دامج واكفه خل نروح لهيام نجيبها هي وجهالها تتغده هين.. كالتلو يلا.. هي زعلانه منو لان حجه عليها وكاللها لا تدخلين بليليان ف ما يتحمل زعلها راح يراضيها ويجيبها بس اني باقي يبيع كرامه براسي.. ام سعد كامت بس طبخت مرك دجاج احمر وتمن كالت صراع راح يجيب قوزي ع الغدا بثواب المرحوم عابد.. فبقيت اعاونها. شويه وطبت هيام هي وجهالها .. استقبلتها وفاتحه اديه. كالت هلا بأم ملگه الحلو حظنتها حيل وسلمت -مشتاقين -احنه الاشوق عيني لازم امورج توب وتغمزلي -لا والله على حطة ايدج.. -خرب يومكم شطلعت هاي .. وانه اكول سوده عليه وجهه متعوب ومهدود حيلو -لتخافين عليه بحيل 10 سباع .. -تف من عيونج اي والله يخايبه .. - هههههههه سلمت عليهم واجت يمي كالت - وينو صراع طلع -لا فوك عيبدل... -اروح احجي وياه اشوف شنو موضوعو ... صعدت فوك.. ودكيت الباب .. صاح .. ادخل .. فتت -هلا ام علي حدري خويه.. -هلا بيك خويه.. اجيت اسأل على اخبارك -الحمدلله تحت رحمتو -شصاير خويه ليش هيج متعوب -الدنيا مو دار راحه خويه شسوي الحمدلله.. -زين وليليان -شبيها ليليان -وضعكم يبقى هيج -شريد اسوي مثلا .. -خويه البنيه حرمتك وانته عايفها -شعايف ام علي يا حرمه يا مره.. سكتي خويه رحمه لوالديج.. -عجل شلون يا صراع -ام علي والله دايخ وتعبان من هلموضوع اتركيني منو -غير اعرف شنو المتعبك حتى اساعدك يا خويه احجي فضفض طلع البكلبك انته ليش بس تكتم وتطحن بروحك.. -ام علي كاره روحي بالقران .. الا انه تالي عمري اغار على مرتي من واحد مربي على اديه وبكد جهالي .. ولج مو ذاك اليوم ياسر يلعب عدنا وي الجهال اليوم انه اغار منو لان مرتي تتمنى واحد مثلو ومو انه البالها -تتمنى شنو لا ليش تفكر بيها هيج -ام علي هذا تفكيرها سمعتو بأذني تفكر بمواصفات مثلو تريدو شاب عشريني يفهمها وحقها بس غير افتهم.. لا انه راضي اعوفها ولا انه ريدها وطالعه روحي وكاره الدنيا -زين ليش ما تريد.. -شريد .. اخذلي وحده بكد بتي واغصبها علي وتعاي حبيني غصب على الخلفج وهي بالها بغير شي ومو انه التفكر بيه.. -منو كال متفكر بيك. ابو حرب انته انطيتها فرصه -ام علي ليليان رايدتني اب الها ما رايدتني رجل.. هي تريد تعوض بيه حنان اهلها بس مو مال زواج ابد.. صغيره وتفكيرها اصغر منها .. وانه روحي محتركه على شنو ما اعرف.. لا عمري حبيت ولا فد يوم خليت مره ابالي تالي خلك وحده مراهقه اتفر راسي وتخليني ما اندل دربي منين.. -هسه انته حاول وياها يا خويه وشوفها حسسها بحبك سمعها كلام مو مال اب حسسها انت تريدها شحسس ام علي البنيه طفله تعرفين شنو طفله .. ومو بس طفله طينه كلشي ما تفتهم.. بتي حلا واعيه اكثر منها ما ادري وين جانت عايشه.. -هي صدك على نياتها وبنيه خام ذهب صافي .. بس انته هم حاول وياها واكسبها .. -دخل تكبر اول يا ام علي .. اذا هي للان جاي ما تعرف تسوي .. اروح اعلمها على زواج وتعاي حبيني مخليها على الله تتعلم شويه شويه والله كريم.. -والنعم بالله بس انته لا تقهر بنفسك واحجي وياها حتى لو مثل ابوها .. بس لا تبقون هيج.. حتى الشامت يكوم يتشمت بوضعك.. اترك الموضوع على الله .. وعيشو على حب الله .. وان شاءلله ماكو حال يضل على حالو -ان شاءالله الله كريم. -انه نازله لا تضل مهموم ومتكدر.. كوم احجي وياها وفكو وانزل تغدا تره صبو.. -نزلي هسه انه انزل وراج ليليان:- دحكت هيام نازله من فوك .. كتلها ها.. شكال -كال ما عندي شي وياها بس هي تعذبني وما تتعلم وتعاند وتطاول.. كتلو ان شاءالله تتعلم وتصير مثل ما تريد.. -دنحجي نزل هو .. رافع خشمو .. كأنو الله خلقو كسر القالب .. شايف روحو.. ما حجه ولا دحك بينا فات من عدنا كعد بالهول.. احنه صبيا الاكل ونكلنا للسفره.. كعدت كدامو. كل شوي ادحكلو ابد ما دار وجهو عليه .. نائل ياكل ويكلب بالتلفزيون.. طلعت اغنيه قدييييييمه حييييل كلها تراب .. كالو صراع بالله عليك نائل اتركها نائل: ها ابو حرب صرت تسمع اغاني مو تبت منهم وما عاد تسمعو لناظم الغزالي -ول يابه ناظم يفتحلي جروح .. وهو موال مو طرب تركو.. خلنا نسمعو شويه.. -يغني المطرب وهو مندمج ويهز راسو وكلها تصبح الله الله وذاك يغني فصحى عقدني حتى ذوقو بالاغاني ما حلو يربي.. اشبيه احمد السلطان والكبد مالي مو احسن من هذا العقده مثلو اسم الاغنيه او موال كان اقول وقد ناحت بقربي حمامةً.. هو يسمع ومندمج.. ومتأثر ** أقُولُ وَقَدْ نَاحَتْ بِقُرْبي حمامَة ٌ: أيا جارتا هل تشعرين بحالي ؟ معاذَ الهوى ! ماذقتُ طارقة َ النوى ، وَلا خَطَرَتْ مِنكِ الهُمُومُ ببالِ أتحملُ محزونَ الفؤادِ قوادمٌ ، على غصنٍ نائي المسافة ِ عالِ ؟ أيا جارتا ، ما أنصفَ الدهرُ بيننا ! تَعَالَيْ أُقَاسِمْكِ الهُمُومَ، تَعَالِي! تَعَالَيْ تَرَيْ رُوحاً لَدَيّ ضَعِيفَة ً، تَرَدّدُ في جِسْمٍ يُعَذّبُ بَالي أيَضْحَكُ مأسُورٌ، وَتَبكي طَلِيقَة ٌ، ويسكتُ محزونٌ ، ويندبُ سالِ ؟ لقد كنتُ أولى منكِ بالدمعِ مقلة ً؛ وَلَكِنّ دَمْعي في الحَوَادِثِ غَالِ! ... -هز راسو ويكول اي والله.. ونائل يكلو ها ابو حرب الله يعز دموعك..ويضحكون وهو بس يهز براسو.......يتبع ☆☆☆☆☆☆☆ متى تشعر المراهقة بقلب الاربعيني ومتى يفهم الاربعيني ما تريد المراهقه.. #زينب_ماجد | ||||
|  |
|
29-09-18, 02:00 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المراهقة_و_الأربعيني ،،،،،،،، بقلم زينب ماجد ،،،،،،، الحلقة_20 تأملت ان بعد ما هيام حجت وي صراع ممكن يلين ويفتح صفحه جديده ويحجي ويايه.. واللي صار .. تشبث بزعلو وما بادر بالصلح ابدا.. ردت احجي اني ولو اكوله صباح الخير حتى اكسر الزعل رغم ان هو هدأ لكن خفت يحسب ان اني زاته روحي عليه واني الغلطانه واني الاعتذرت. رغم اني مغلطانه هو اللي غلط بحقي اقل حقوقي حارمني منها.. ميصير تحفين ميصير تلبسين الوان.. يجي احد.خطار ما يقبل اطلعلهم.. خاف يكولون شو صغيره اني شنو شذنبي ؟! وشعليه بأبن عمو اذا هو يدخل براحتو وياخذ ميانه بساع .. ما حجيت وياه شي عيب حتى اترزل واتحمل كل هذا.. يغار.. يمنع ابن عمو يدخل.. هو يستحي منهم ويجي يطلع غيرتو بيا.. وتالي هو اليزعل ولازم اني اصالح .. خلي زعلان شسويلو هو من غير هيج شايف نفسو ومتكبر ع العالم .. مو انوبه اني اتوسل الصلح منو .. اذا هو عنده كرامه اني هم عندي.. فبقينا لا هو مصالحني ولا اني صالحتو.. يحجي وي حلا.. ويطلب منها شغلاتو وملابسو وحتى حلا ملت من صخرتو كامت كل ما يصخرها تجي تكلي كومي.. اكوم احظرلو اللي يريدو وابعثو بأيدها.. بس رغم كل هذا ما كرهتو.. صار حبي يكبر الو يوم بعد يوم.. وكل ما يمر مني اقطع انفاسي لحتى بس اشم عطرو من يكعد اتعمد اكعد.. وابقى ادحك بوجهو.. هو يحس بس ابد مينطي ردة فعل يبقى على نفس الكبرياء وحتى ابتسامه ما ادحكها منو.. ليش احبو ما اعرف.. بس اللي اعرفو ما عندي غيرو بحياتي افكر بيه. وين اروح حياتي بس حبسه وشغل.. واعتيادي الانسان من يسوي شغله تكوم الافكار تنزل عليه طيب اللي ما عنده افكار بحياتو وين يروح.. ف ابقى ليل نهار افكر بيه وحبو يزيد ويزيد وهو مو داري بشي ابد.. وكأنو حجره ما يحس مر اسبوع وهو على نفس موقفو ما تنازل ابد.. ومحد ادخل بينا .. كلها تاركتنا على راحتنه نتفاهم. بس صرت اكره هلوضع.. يدخل يشتري لاطفالو ويحط كدامنه .. يبوسهم ويوزعلهم واني على كتر كأنو غريبه.. صرت اتضايق حيل.. وكل يوم بليل ارش المخده مالتي من عطرو وانام عليها وبدل ما ارتاح اضل ابجي. ليش هيج وضعي لا اني بنت بيت ولا اني متزوجه لا اني بنتو ولا اني مرتو .. صح يدافع عني.. ام سعد يحجي يوكفها .. وتخاف منو بس هذا مو كافي هو رجلي لو لا.. اني مو صغيره .. هواي بكدي متزوجين ليش ما يريدني زوجه الو.. ليوم كنت اشتغل .. خلصت ودخلت لغرفة الحجيه.. لكيت حلا ادور بأغراضي.. تقربت منها طلعت العطر.. سحبتو منها وخليتو وره ضهري وصحت:- انتي بأي حق تلعبين بغراضي -هذا العطر مال بابا مو -لا مو الو.. -لا مال بابا بواكه جيبي -ما اجيبو ومعليج انتي .. لو طلع وجه الحيه الضامتو صار ايام. -خل اشوفج الحيه منو.. -دفعتني وكضبتني من شعري .. واني شمرت العطر وكضبتها من شعرها ومكاون اني وياها وهي تصرخ. وتبجي ومجلبه بشعري واني اصرخ عليها عاد دخلت الحجيه :- يا يا عزا العزاجن ولجن شجاااجن يااا دعوفيها -هي زلغت خدي اني جريت وصله من شعرها بيدي.. حلا:- جده هاي بواكه تبوك ابوي تحجي ووجه احمر وتبجي -تذكري منو البواكه .. اشكر الرب ما بكت ابويه وخليتها براس غيري وتهمت واذيت ناس مثلج يا حيه حجيت وهم هجمت عليه وجلبت براسها دخلت نوال تفاكك بيناتنا وهي تبجي وكلبتها درامه وتصرخ ويجي بابا واكلو والا اخلي يطردها شلعت شعري اخت الارهابي.. عاد نوال اخذت حلا وطلعت.. واني كعدت ابجي .. طلعت ورجعت فتحت الباب وبكل عصبيه وحيل تمشي . اخذت العطر وتخزر بيه.. صبو اكل ما طلعت بقيت بس ابجي وام سعد.ما قصرت حجه ولكتلها بقت تجيب وتصفط وتدعي عليه ب3 ونص حلا سمعت سيارة ابوها دخلت الكراج هي خبصت شعرها ووكفت تنتظرو.. اني كاعده بغرفة الحجيه.. دخل كال السلام عليكم. ردو هم السلام.. وتلكتو حلا .. هي حجت وبجت بصوت عالي -بابا تقبل ليليان تملخني ...وجامعتلو الشعر مالتها الملختو .. -هاي شكو بويه والله تعبان -دحك بابا شسوت بيا الكلبه.. تقبل الله عليك تقبل -شنو السبب -بابا كتلها ليش تبوكين ابوي وهي هجمت عليه والله -شبايكه يمه صيحي ع الثانيه تره والله تعبانه ما بيه مشاكل صاحت عليه الحجيه كمت ... طلعت.. هو رفع حجابو واندار راد يحجي من دحك وجهي.. عقد حواجبو وكال -هذا شبي وجهج شو حدري.. -ما تقربت منو.. وحجيت. مثل ما ضربتني ضربتها -وعلى شنو حلا:- بابا بايكه العطر مالتك اللي انت جنت ادور عليه ومخليتو بخانتها وما حجت الفكر .. -حلاااااااا ... خزرها.. -بابا والله هي باكتو من غرفتك وفوك بوكتها تضربني .. هذا دحك.. انطتو العطر.... ما انكر خفت من ردت فعلو لا يعتبرني بايكه مثل كل مره.. بس اللي تعجبت بيه.. يمسح وجهو ويحاول يخفي ابتسامتو ويمسح على شواربو.. استغربت.. على شنو يتبسم صراع:- حلا نبهتج بابا تبطلين مكاون وي ليليان لو لا -بس بابا -حلاااا ... اسمعي هل جلمتين وافتهميهن بتي.. ليليان بهذا البيت مرتي.. ودام هي مرتي يعني كلشي املك من حقها وهي شريكه بي .. فلوسي عطري كلشي املك.. تاخذ .. ممنوع تكولين عليها باكتك .. لما تاخذ من غيري وكتها خبريني اتصرف وياريت تبطلين فتنه وعداوه وياها صار معلوم ليليان:- ما اعرف اني احلم لو حقيقه اسمع هيج كلام وهو يكول اني مرتو.. بقيت بس مدنكه بس العرك كام يصب من التوتر -بس بابا ضربتني ما رد عليها.. كام وجهو صارم.. وصاح ليليااان وصعد.. بمعنى اصعد وراه.. زين هسه هذا شنو وياي لو عليه.. صعدت وراه.. دخلت لغرفتو.. لكيتو نازع الجاكيت و عينزع بالقميص.. -حدري -مشيت يمو.. عمو اسمع -دا اسمع -اني ما بكت عطرك .. اخذتو بفضول وبس ردت ادحك تصميمو... بس انت سألت عليه. وووووو جاي احجي نزع القميص.. بلعت ريكي.. -اي -وين وصلت ... ااا هو لما انته سألت اني خفت...... نزع الفانيله الداخليه .. عركت وضيعت الكلام وكمت امتمت واحس عركت -اي تقرب مني صار كبالي.. وهمس كملي.. -اريد اخذ نفس حتى النفس كمت استحي اخذو يمكن وجهي صار طماطه..بس منزله راسي.. مد ايدو.. واخذ حنجي ورفعلي راسي الو.. احس راح يغمى عليه من كد الحجل والتوتر شكد.ميستحي.. -اتركيني من كل هسوالف وكليلي شنو السبب اخذتي.. ليش -ااااا اخذتو ااااا ما اعرف. -همم... -تركني ومشى مني.. اووووه ربي الهوى.. ضليت اهفي على وجهي بيدي احس سخنت -ليليان -اندرتلو .. دحكتو رافع الموبايل .. تقربت اخذتو من ايدو -تريدين اهلج مو -كال هاي الكلمه لو احس گلبي انقبض.. بس لا صدك يسويها ويرجعني وارجع ليحيى .. ما اعرف ليش للحظه تمنيتو يرفض رجوعي لهناك شنو السبب ما اعرف.. بس جاوبتو ليش... -افتحي الموبايل.. -سحبت بأصبعي انفتح.. -الهاتف.. روحي ع السجل واتصلي -دورت شي اسمو هاتف.. اي لكيتو.. دست السجل.. اول رقم ام ليليان.. -رفعتلو عيني .... امي -اي مو مشتاگه الها وتردين اخبارها.. خابري واطمني عليها واخذي راحتج بالكلام اني اروح للحمام.. -هو هيج من الفرحه ما عرفت شسوي دا اكلو شكرا بس من كد ما فرحت لا اراديا حظنتو حيل وكتلو شكررررررا بس بساع حسيت بجسمو ما لابس شي.. ابتعدت العفو العفو والله مو قصدي بس صدك فرحت.. حجيت وبجيت. -ههههههههه لشو حدري.. اخذني لحظنو وحظني حيل واني كمت ابجي بقوه من الفرحه. بعد شهور راح اسمع صوت ماما.. بعد كل هلغربه والمعانات راح راجع لحظات لحياتي بالموصل واتذكرها مسح على راسي.. وكال اخذي راحتج. وطلع.. اني دست اتصال.. واتصلت.. رن.. لو احس كلبي راح يطلع من ماكنو.. هي كالت الو .. واني انفجرت بس ابجي .. بكل قوتي وهي تكول الو ليليان.. -لا تقولي ليليان ابدا .. ليش ماما ليش .. اشقد انا رخيصه عدكي .. تعبتو ماما هوني تعبتو -لا تقولي هكذ ماما والرب انا ما عيشي .. كل فكري بيكي بس ما عندي رقمكي .. وتبكي -لحظات ما نحكي هي تبكي وانا ابكي.. اشقد صعب ويحد يترك اهلو ويعيش بنص ناس غربه ما ترحم وتضل وحيد بيناتم وفجأه تلقي ويحد من اهلك وتحكي معانو هوني كل الهم ما اطيق تعبر عنو غير بصرخات بكا تطلع من نص قلبك.. مسحت دموعي.. وقتولا.. انتي وينكي ليش محد منكم جا وسأل عني ليش هكذ تركتوني -ماما انا انتقلتو بعد زواجكي لبيت خالكي لان تقاتلتو انا و يحيى وطلعتو عشتو.. بس ما تحملتو اعيش عد احد.. وهسه رجعتو اعيش ابيت يحيى وطالبتونو يبيع البيت ويعطينا الحصه واشتغي حتى اطيق اطلقكي واخذكي يمي بس انتي قولي اشونكي اشون احوالكي زوجكي اشونو معاكي .. -وضعي ما يسر ماما صعبين كثيغ .. بس عيشي واكو اليرحمني.. -اصبري ماما بس اشتغي بيت اخذكي ونعيش سوا.. زوجكي اشونو معاكي -صعب كثيغ و طبعو ما ينحمل بس غجال طيب ويخاف ربو .. -الرب يهدي عليكي يا بنتي ويسهل امركي .. على طول اطلبلكي الامنيات بالكنيسه و افتحلكي شمعه تنور طريقكي وتسقط كل عدو الكي يا امي الرب يحميكي.. -مشتاقه للكنيسه ماما .. مشتاقه ابكي عد امنا العذرا وانا اشكي حالي لتسمعني -تسمعكي يا امي والعذرا معاكي وتحميكي.. -عدحكي .. دخل صراع من الحمام.. قتولا ماما انا استرخصكي وما تنسيني ارجوكي وخبريني بلي يعملو يحيى الرب ياخذلي حقي منو.. -تمام ديري بالكي على حالكي وقنعي زوجكي كل فتره تتصلي بيا.. -تمام. باي.. كمت وانطيتو الموبايل .. وكتلو ما اعرف شلون اشكرك .. ما جاوب بس ابتسم وهز راسو.. -بس سؤال منين جبت رقم ماما -دزيت واحد للموصل ياخذلي رقم امج من مرت ابوج لان ما عندي رقم خالج. وطلعت امج موجوده ابيت يحيى واخذت الرقم -شعجب دزيت وبحثت عن رقم ماما.. -ليليان.. وكت اللي تشتاقين لأهلج كليلي انه اخليج تخابرينهم بس رحمه لاهلج .. سالفة ارجع لأهلي انسيها.. يحيى ارهابي وامج مجبوره تعيش عندو بس شغلة انتي ترجعين تعيشين هناك.. مستحيل اقبل.. -ماما راح تشتري بيت ونعيش سوا .. -اخذ نفس.. منا ذاك الوكت الله كريم.. -شكرا.. نزلت منو.. صح فرحت لان سمعت صوت امي.. بس حزنت اكثر لأن تذكرت ايامي وحياتي هناك. وين كنت وين صرت .. مشتاقه للموصل لبيتنا لمدرستي لصديقتي ساره .. كل ذول اني انحرمت منهم ومجبور اتحمل اعيش هنا.. دخلت غرفة الحجيه. فرشت وكعدت ابجي جوه البطانيه ... ابد ما بطلت بجي.. كأنو كنت نايمه بسبات واتصال ماما صحاني ورجعني لبعيد.. والحجيه تفوت تطلع تسألني شبيج يمه ليله .. شبيج تبجين صراع اذاج.. وما اجاوب .. اخر شي دزت حرب على صراع.. اني نايمه وهو فات .. ها يمه .. كالتلو.. شبيك وياها يمه هاي انته التخاف ربك تكدر خاطرها علمود عطر.. -لا يمه ما حاجيتها والله بس حجت وي امها وتضايكت.. اجه وكمبص يم راسي.. شال البطانيه لكاني ابجي.. -ول يابه شمسوي بروحج بويه ليش هيج.. عجل انه خليتج تخابريها خاطر تفرحين لو خاطر تبجين اكثر.. -لا عمو فرحت بس ...اشتاقيتلهم هوايه... واختنكت بالبجي.. -كومي يابه كومي لا تضلين هيج ما يصير .. مو كلتي راح تشتري بيت وتعيشين وياها عجل ليش البجي كومي لشوف .. -كومني.. روحي غسلي وجهج بساع .. يلا بويه ما يصلح البجي صدك جذب.. -كمت غسلت .. ادحك عيوني الجفن مورم كد ما بجيت... وهم بجيت.. مو بيدي حنيت اريد ارجع لاهلي.. اجه هو.. دحك بيه . وصاح حرب كول لجدتك و اختك يحظرون ارواحهم بعد صلاة المغرب اطلعهم اعشيهم برا... واتقرب مني يكول .. لا تظلين هيج بويه يلا تهيري خل اخذكم دام الهوى طيب ما بارد كلش.. هزيت راسي.. ورحت حظرت نفسي ولبست .. هو لبس دشداشه ولف اليشمغ.. وكعد يتاني صلاة المغرب.. بس صلا طلعنا .. اخذنه اني والحجيه وحرب وحلا.. ذيج دايره وجهه مني.. الجو حييل حلو.. بارد. بس مو كلش .. الشهر الثاني .. من تشتم تحس تتنفس كد.ما الهوى طيب.. فاتح الجامات ومخلي الهوى يلعب بينا .. واحنه كل واحد صافن بديره... الحجيه يمو.. واني يم الجام وحلا من الجهه الثانيه.. و حرب بوسطنا.. انتبهت كل شوي يدحك عليه من المرايا.. ما حجيت ولا بادلتو .. ضل يدور بالراديو على اذاعه او شي نسمعو.. طلعت اغنيه اسمها ..ربع حبي يعادل كل اليحبون ونص حبي الك ما حبتك امك.. تركها.. اني منتبهت بقى الاغنيه بس استمتعت واني اسمعها بهلجو.. بس الحجيه ما قبلت.. كالتلو.. شو خربان يمه من يمتى تسمع اغاني.. هاي انته التخاف ربك.. صراع:- تالي العمر يمه تالي كمت اسمع وادحك جروحي بيها.. -دسدها يمه سدها طلعنا دعا قران. شهسوالف هاي يحح.. -هو مبتسم.. اني من دحكتو مبتسم ضحكتلو.. فرح بالزايد.. وافتره.. صار يحجي ويجامل ويانه ويتشاقى وي حرب.. نزلنا للمطعم.. كل واحد طلب اللي يعجبو.. هو والحجيه طلبو دجاج.. اني وحلا كص.. وحرب راد همبرگر هو سريع بالاكل.. اكل وگام.. كال اكلو على راحتكم انه رايح اصلي العشا لأن اذن.. الحجيه كالتلو تاني اخذني وياك.. اكو مكان بالمطعم.. زاويه الناس تصلي بيها.. هم گامو وحلا استلمتني.. تلعبين بعقل ابوي بسيطه انه الج -مو اكلو والله هيج تكلي وتعرفي شلون يتصرف. -دكولي ودحكي شسوي بيج.. -مخايفه منج افتهمتي.. -ضلت تغلط.. -اني بس كتلها ما ارد على غلطج عادي.. مو حلوه ارد العضه لچلب عضاني اتركو لانو كلب.. هي زات بالغلط.. واني درت وجهي منها واكل.. وهي تحرك بروحها.. عاد حرب كاللها صوتج منا الناس كافي منغوليه.. وكامت تكرص باخوها وتصكعو على راسو.. كام يبجي حرب.. اجه صراع مكمل صلاة.. -شبيكم يابه مكاون ما يوم هديتو حرب:- بابا تغلط وتصيح على ليليان كتلها عيب منا الناس ضربتني وكرصتني.. -لا بابا والل.... خزرها وهو يصك على اسنانو ويكلها حلاااا .. دنكت رايها وما ردت.. طلبنا عصير .. شربنا.. دفع وطلعنا.. حلا طول الطريق تحجي وي الحجبه على مود يزتها على بيت جدها.. عاد حجت.. الحجيه.. يمه خل تروح لخوالها. -ممنوع حلا:- بابا والله جده وخاله اخلاص مشتاقاتلي جثير ورادت تجي جده البارحه وخابروني وكتلهن اگل لبابا فدوه الله يخليك.. -واني اكووول شبيج اليوم تخبله ثاري خليصان مخابرتج. -لا تحجين على خالتي افتهمتي.. صراع:-هااااااا الحجيه:- يمه زتها على بيت خوالها خل نخلص من لغوتها يوم راسي داخ منهن ثنينهن والله. -بالقران راس براس بس اسمع صوت.. -درت وجهي منو ما عجبني.. هو فر فر.. ودار راح على بيت عمو.. نزلنا هي فرحت حيل باست ابوها وركضت ادك الباب.. -عمو اني ما اريد انزل .. خليني هنا -وشعندج هين .. نزلي محد.منهم طالبج ثار .. -نزلت كوه عليه.. فتح الباب خالها ورحب بينا.. دخو للبيت وصراع واكف يدخلنا كلنا يلا فوت هو.. اني اخر وحده.. حط ايدو على ضهري وفتنا.. طلعت خليصان والسانها يهلهل .. وهلا ومرحبا ويا وسعجب ويمه البيت منو.. اني لفيت ايدي على ايد صراع وهو ما كال بس مبتسملهم ... دخلنا للاستقبال مالتهم.. كعدت يمو ع التخم.. جدته زلوف جانت موجوده.. نايمه.. من كعدت كام باس راسها وكعد.. ويسولف ومرجع ضهرو للتخم ويفر بسبحتو.. جت خليصان.. وزعت ماي كاللها ما اريد تونا اكلنا وشربنا.. جاوبتو يا شلقصه وابوها حجه :- ما مقبوله منك ابو حرب عجل ليش ما جيتو تعشيتو عدنا -دايمه الله يحفظكم عمي ... المره تضايكت اليوم تعرف اهلها ما تخابرهم واليوم حجت وي امها وكلبتها مناحه حنتلهم.. عاد كتلهم بويه دكومو خل اشممكم هو منها تفتره وحرب هم كعد من المدرسه.. عطله .. عشيتهم برا -الف عافيه اخلاص :- عجل جاي ابو حرب -لا الله يحفظج شربنا عصاير تونا -اعرفك ما يكضب كلبك العصير ولا تخاف اعرفو طبعك الا استكان جديد.. هو ابتسم وكاللهم اي والله الله وايدج اذا جديد بودي اكوم انام بخوانيكها اللوكيه.. شكد تلح. ما عندو بيت يشرب جاي وهو ما عون بس يتبسم ويضحك.. لو اني جان كال ما اريد الجاي منج تسمميني.. بس بعد خليصان قائد الميدان شلووون.. على اساس راحت تسوي جاي وهي وكفت انتجت ع الباب وادحك بوجه صراع من يحجي وي عمو.. التوبه ربي... قربت راسي منو وكتلو عمو شوكت نروح.. هو شال ضهرو من التخم وتعدل وكال هااا -شوكت نروح. -هسه صبري -الصبر يارب.. وخليصان ما شالت عيونها عنو.. جت قدمت الجاي واني لا تكلي انتي ما تشربين مو.. وقدمت بس للحجيه وصراع وابوها.. كتلها لا ما اشرب الجاي بأي بيت ما استنضف الا اغسل بيدي.. صراع ندسني برجلي وخزرني.. -عمو نعست والله.. -هسه بس اخلص الجاي -يعني بس هنا جاي هناك اسوي واشرب بس اني نعست خل نروح -همس.. انتي ما شربت جاي اذا ما سممتيني حتى هين طلعتي روحي منو.. كومي امري لله لشوف وين تصل وياج.. كام. صاحو بعد وكت شنو السالفه ابو حرب جايك ما كملتو .. -الله يحفظكم بس نعسو تعرفون نكعد من الصبح خل اروح احسن دايمه ان شاءلله.. اخلاص:- شنو ما تلحك ع النوم يا ابو حرب .. شبيج خايبه سممتي .. ما تصبرين.. عمي الله يعينك عليها هاي بلوه هواي تنك.. -اني هنا صدك صرت ثور كمت اطلع دخان من مناخيري 😤 اريد انطح .. لو ما هو حاط ايدو على ضهري وكاليللهم تمون.. لا جان صدك ناطحت واول واحد انطخو هو.. بس تلاحك روحو.. طلعنا من البيت واني اقلد عليها.. صعدت بالسياره.. ما عرفت اسكت.. الله يساعدك عليها هاي بلوه واعوج حلكي واقلد بعصبيه.. ما غيرج بلوه وجه الجدر .. وهو والحجيه يضحكون.. الحجيه:- شبيج وياها ههههه -قليلة اصل وقليلة اخلاق ولا تربيه.. صراع:- ليليان.. -انت كادر بس على ليليان تنطيك جاي تتبسملها اني انطيك تكول مخليتلك بيه سم.. بس ترزل بيه -هههههههههه -اضحك اضحك.. تقدملكم جاي واني لا لو بنت اصول جان كللت اني ضيفه ابيتهم بس شلون .. على كولة هيام ام دوده. -هههههههههههه هاي هيج ام علي تكول عليها.. درت وجهي منهم ما رديت لحد ما وصلت البيت.. صاح جاي انتي وعدتيني.. -ارجع لخليصه تشربك.. -ههههههههههههههههه -فتت للغرفه فرشت ونمت.. بليل طب جايب حلويات اني ما ادري .. ضامتهم الحجي اليه الصبح انطتني.. وشغل وتنضيف كلعاده وام سعيدان الما تصم حلكها تعودت عليها.. للضهر اجه هو.. تعودت احظرلو ملابسو وانزل احظرلو غداه. واصعدو فماعد.ياكل.. اجاه اتصال.. كالي مشكوره بابا اخذي راحتج.. عرفتها طرده بأدب بس ليش طلعت وبقيت اتسمع ع الباب.. يكول.. افتهمت .. باجر اجي لبغداد ونتفاهم.. لا مو ابيتج بشقة اسامه الحجي.. ان شاءالله -يعني بنيه.. وشقه وبيت وابغداد.. معقوله متزوج هناك.. ما اصدك منو هاي.. بقيت الوب بالممر شوي وطلع يغسل. اني سويت روحي اعزل بالدرج... مشى للحمام وفات.. اني ركضت لغرفتو بسرعه فتحت موبايلو .. اول رقم بالسجل .. اسمها ام مصطفى ... تخبلت منو هاي اليروحلها للشقه.. دست اتصال اريد اشوف مره جبيره لو صغيره.. اول ما رن. سحبو من اذني -شدسوين.. هاي منو سمحلج تفتحين موبايلي وتتصلين شنو هل جرأه.. -ليش ما مسموحلي.. مسموح لبنتك تفتش غراضي وتبحوش بلكت تلكى زله عليه ومسموحلك تراقبني وتتحكم بيه ومسموح لام سعد ترزل وتسب بيه ومسموح لامك تصخر وتكوم بيه .. ومسموحلك تضرب وتكفخ عليه.. كلكم مسموحلكم.. بالله متكلي شنو المسموحلي.. ما مسموحلي اشوف المسلسل اللي يعجبني ما مسموحلي اسمع اغنيه ما مسموحلي اناقش ما مسموحلي اي شي.. اني شنو هنا فهمني.. بس انطيني مكانتي.. بنتك ؟!! مرتك ؟!! خدامتك ؟!! لو خدامة اهلك والمكفخه مالتكم. -راح ترجعين للسانج الطويل وراح ترجعيني استخدم غير اسلوب وياج.. -لا ارجعك ولا ترجعني عمو.. ارتاح.. دنكت اخذت الصينيه.. وطلعت.. نزلت للمطبخ.. اغسل ودموعي فوك الغسل.. شوي ونزل .. متكشخ ومتعطر.. ومتشيك.. ونظل بكل غرور فات مني وما حجه.. متزوج ... اي اكيد متزوج.. اكيد.متزوج.. وكعدت بالكاع دموعي تصب.. كلها بالغرف نايمه واني كاعده وحدي ابجي.. على شنو حبيتو.. وليش .. لا من ديني ولا من ثوبي ولا بعمري ولا حتى من محافظتي.. الغباء اللي اخلاني احبو وابجي عليه ليش.. گلبي شنو شاف بيه وحبو.. خنكني هلحب خنكني.. يارب خلصني.. احس نار وتمشي بجسمي ما جاي ارتاح.... الصوج مني هو لا وعدني فد.يوم يتقبلني ولا رادني اله زوجه اني اللي احشر روحي بيه كل مره.. اني اللي شامره روحي عليه.. هو ما عاملني الا مثل بنتو.. اني اللي مننت روحي بيه.. واستاهل انكسر حتى ما عندي الاحجيلو واشكيلو وارتاح.. بس دموعي تشكي حالي... حسيت واحد.طلع.. كمت بساع غسلت وجهي ووكفت ع السنك.. خلصت ودخلت مددت ابجي لوحدي.. للعصر.. طلعت اخلص شغل وي نوال.. بس مبين على وجهي متعوب.. ما جا هو ابد حتى ع العشا... ل12 يلا دخل للبيت.. الحجيه كاعد تقره قرأن .. فات باس راسها ودحك.بيه.. اني وجهي يكصو السيف.. كاعده وادحك ع التلفزيون.. شويه وحجه كاللها يمه انه باجر طالع البغداد.. كالتلو خير يا طير شكو -شغل عندي هناك اخلصو وارجع -ترجع بنفس اليوم لو تبات.. -لا ابات... -اني من كال هيج .. اختنكت حسيت نفسي راح اطك.. كمت من مكاني بسرعه طلعت من باب المطبخ للحديقه.. كعدت وصفيت رجليه وضليت ابجي صدك تمنيت بيها الموت.. الموت اهون عليك من ان تشوف اللي تحبو يخونك ورايح عند غيرك يبات والاصعب ما تكدر تحجي وتعاتب وتنفجر.. لازم تبقى تاكل بروحك ودموعك تحس تجرح خدك.. مشاعر غريبه عليه.. اول مره احب بحياتي بس حيل تأذيت. مدنكه راسي بنص رجليه ابجي ولافه نفسي بأديه.. حسيت حركه.. يمي .. اندرت بساع.. دحكتو صراع واكف وراي -شعندج هينا كاعده.. -اشم هوى .. لو هم ما مسموحلي اشم هوى بقائمتك.. -انه بشنو اذيتج.. -لا ابد ما اذيت .. -دحكي ليليان .. لا صار ولا عاش اليحاسبني شسوي لو وين اروح واجي... -ردت امشي.. -يولي احجي وياج هييين. دام احجي وياج وما خلصت ممنوع تحكريني وتمشين.. -غثيتك عمو لما ردت امشي واعوفك وما اهتم لحجيك ولا بشنو تحس من اهانه من احكرك. شفتها شكد.صعبه؟ -ليليااان.. -عمو الله يخليك اتركني لا احاسبك ولا لريد.كولشي بس اتركني.. سحبت ايدي منو وفتت ابجي.. نمت بفراشي وغطيت راسي وابجي .. فات وراي للغرفه.. دحكني نايمه.. ما حجه غير .. عونك الهي.. الليل المر كله.. ما غفت عيني لحظه كد النار المشتعله بداخلي.. احس روحي تفور.. كعدو يصلون اني بفراشي مثل سمجه مزهوره.. لا بيه اكوم ولا بيه انام وارتاح.. احس روحي تفرفح.. الحجيه كعدت تقره قرأن الفجر هو نص ساعه ونزل كاللهة ها يمه انه طالع البغداد.. -يمه مو مستعجل -يمه گبل الازدحام.. بس تصير 8 ازدحام بغداد ما يرحم.. -محفوظ بعين الله يمه.. امانة الله عنده تروح وتردلي بالسلامه ويبعد عنك كل شر ... -يحفظج الله يمه.. هاي فلوس .. وخابري هيام .. تجي تاخذها للسوك تشوف شتريد .. -ان شاءالله يمه لا ادير بال ... -يلا اودعناكم -ادمرت ربي اريد اصرخ تعبت.. كمت من فراشي ما تحملت بساع طلعت وراه.. حتى نسيت الحجاب نسيت كلشي.. فتحت باب المطبخ الجو مغيب وهو لابس لفاف على ركبتو وجاكيت جلد جوزي.. صحت صرااااع..ولاول مره انطق اسمو بدون تكلف.. هو اندار بسرعه .. وفاتح باب السياره.. مستغرب وهو يدحك بيه بهلفجر وعيوني مورمه واصيحلو بأسمو سد الباب وتقرب ... نزلو دموعي كدامو بكل ضعف واني اگلو ...اتمنى تفهم اني والله ما محتاجه فلوس...يتبع ☆☆☆☆☆☆ #زينب_ماجد | ||||
|
| |
|
29-09-18, 02:52 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المراهقة_و_الأربعيني ،،،،،،، بقلم زينب ماجد ،،،،،،، الحلقة_21 نزلو دموعي كدامو بكل ضعف واني اگلو ...اتمنى تفهم اني والله ما محتاجه فلوس... -صفن بوجهي بأستغراب .. وكال تمام.. اندار وبقى يفرك بوجهو وهو واكف.. تمنيت يدير وجهو ويحس بيا.. بس بلا فايده.. نزل اديه ومشى للسياره.. حسيت روحي تتلاشى بخطواتو ليش ميحس يربي تعبت.. دخلت للمطبخ.. وسديت الباب .. وانتجيت عليه ودموعي يجرن.. تعبت رب تعبت.. دا احس بطعم الموت والله.. سمعتو شغل السياره فتحت الشباك ودحكتلو .. يا دوب يبين مخلي راسو على ستيرن سيارتو ومدنك.. بقيت ادحك عسى ولعل ينزل وما يروح.. بس فتح الكراج وطلع سيارتو ونزل قفل باب الكراج وراح.. يا اااااااالله.. دخيلك حس تعبت وابجي.. رحت للغرفه.. دخلت الحجيه توها نايمه بفراشها.. صاحت. ليليان بتي شبيج .. ما جاوبتها.. نمت بدون رد.. بقيت ابجي بفراشي لحد ما غفيت وشهكة البجي ابلعومي واني نايمه اشهك.. الحجيه ما قابله يكعدوني كايلتلهم مريضه.. للعشره يله اني كعدت.. ادحك.شعندي هينا وشجابني وين جنت وين صرت كاتله روحي على واحد.ما يحس.. صفنت.. واني ليش كاتله روحي.. شو اكبر مني واني الف اليتمناني .. الله ما خلق غيرو يعني.. ضعف مني لو بجيت بعد.. من اليوم الغي من حساباتي وبعد ما اريدو.. من اليوم نفسي وبس.. اي هو هذا الاحسن.. لميت شعري ورحت ولبست الحجاب ورحت للحمام.. غسلت وجهي .. الجفن فوك عيني احمر و وارم.. عفت وطلعت.. لكيت نوال كالبه خلقتها لان ما كاعده من الصبح.. وهي مخلصه الشغل.. مهتميت.. صاحتني الحجيه اكل ما اشتهيت.. كتلها ما اريد.. نظفت الاستقبال ردت اطلع للكراج.. كالت نوال نظفته يلعروس.. عاد كعدت بالغرفه ما الي اي خلك.. الحجيه تقره قرأن يمي .. واني صافنه وافكر بروحي.. صاحتني ام سعد على مود اللكط الخظره.. كمت بتململ.. دا اريد ادخل للمطبخ وانصدم صراع نزل من فوك.. بقيت شاهكه عيوني.. نزل دايخ و الوجه عصبي وتعبان.. اني مثل واحد وتصنم.. اتحلم بيه لو شلون ؟ فات وكعد ع التخم.. ويفرك بكصتو بألم.. وكال -تحركي جيبيلي ماي -انت مو رحت لبغداد -ما رحت عندج اعتراض.. حجاها بنتر وهو يخزر بيه.. -هذا شبي ؟ رحت جبتلو ماي وانطيتو واني ادحك بوجهو.. فتت جاي امشي صاح - وينج ويول .. -هاا -صعدي حظريلي ملابس اريد اروح للجامع.. -تمام.. صعدت.. ما اعرف احساسي شنو .. فرحانه بروجعتو و ضايجه بعصبيتو ومزاجو.. بس المهم ... ما راح صعدت.. طلعتلو ملابسو و اصفن.. ههه .. ما راح.. معقوله على مودي .. معقوله يحبني ..فتح الباب ودخل.. اندرت.. -دشداشه مو .. -ليليان .. -ها -ليش جنتي تبجين الصبح.. -شگلو يربي الا هسه يسأل .. لو سأل بوكتها يمكن من لهفتي اكلو احبك.. هسه شكول ااا جنت مريضه و الشكر للرب.. صرت زينه.. -رفع حاجبو واابتسم ابتسامه خفيفه بتعب وكال الحمد لله انج صرتي زينه.. -ابتسمتلو .. و طلعت. شهلرجال هذا يربي ياخذ عقلي من يبتسم .. احبو.. لا احبو شنو.. الا اموت بيه.. نزلت اضحك ومرتهيه.. وتلكتني ام سعد تغلط وتعد.. ما اهتميت كد ما فرحانه.. اوووف شسحرو هلرجال بيدو ياخذلي روحي وبيدو يحييني.. دا الكط خظره.. نزل هو ... ويكلي .. بويه انه رايح للجامع.. موبايلي حطيتو فوك.. خلي ع الشحن .. ونامي عيونج مورمه من السهر.. عوفي البيت ما راح ينهجم لو ما خليتي ايدج يا مكثرها النسوان.. نوال وام سعد كلبو ووجوهم.. اني اليلزم كلبي يحسو راح يطلع كد ما دكاتو تركص بصدري.. مشى من يمي وبس عطرو يلفح بالوجه.. دحكتو وهو يمشي بطولو.. من فدوه اروح لطولو اني.. خلصت البيدي.. وركضت لغرفتو..اتنفس البروده والعطر الباقي منو احسها الجنه مالتو.. شوكت يىحمني ويحطني بجنتو ما اعرف.. اخذت موبايلو ونبش عن اللي اسمها ام مصطفى.. الرسائل ماكو.. بس دخلت ع برنامج الواتساب.. حاجي وي ثنين وهي الثالثه.. فتحت وصعدت بالرسائل فوك.. ادزلو صور لجسمها وهي لابسه قصير .. بس ما راد عليها.. وي كل صوره تكتبلو كلشي بيه مشتاقلك شكد ما تستحي.. نزلت بالرسائل جثير حاجيه وهو ماكو رد منو .. كاتبتلو اخر شي.. لو ما اجيت اجيك للرمادي خس بيه حيل راح اموت على شوفتك.. رادها .. انتي تعاي وشوفي.. ومخابره... دقيقه و30 ثانييه.. واليوم كاتبتلو منتظرتك تجي.. راد.. ما اجي.. رادتو .. ليش مو وعدتني حرام عليك واني متحظره ابو حرب رد الله يخليك منتظرتك اني لا تفشلني وره نص ساعه كاتبلها.. ما اكدر اجي ان شاءالله ايام واجي ساعة زمان انهي هلزواجه وكلمن يروح بطريقو.. كاتبتلو.. يعني شنو كلمن يروح بطريقو ما ردا.. عاد جارتها رسايل .. انه احبك ولا تتركني وتعرف حالتي وبراحتك لا تجي بس لا تنهي زواجنه منو الي ما راد عليها بعد.. فرحت من قريت الرسايل.. الحمدلله ميريدها.. بقيت اكلب بالصور .. شكد شايف روحو شكد يصور بنفسو خاصه بالدشداشه واليشمغ.. كومه صور عندو. كمت ابوس بصورو.. قفلت موبايلو ونمت.. افكر بهاي شلون تبعثلو صورها وهي بملابس تخزي كبر ما تستحي.. شلون ساقطه.. اول مره بحياتي اشوف وحده هيج جريئه ودز هيج صور عجل شكد شايف نسوان هو وشكد معاشر.. هه متشوفه ما يدحكلي بنظره ومثكل روحو .. ما ملطلط مثلي ويكتل روحو ع الخالي بلاش .. امداني .. بقيت افكر بيها واتذكر جسمها.. مو ضعيفه.. انوبه جسمها مليان.. كمت من الفراش ادحك روحي بالمرايا يربي عوده هاي شينعجب بيه حتى ما بيه شوفه. اكل بعد هواي .. اي حتى اسمن.. هو شكبرو وهي هم ضخمه واني زرزور مهلس .. ما نمت.. نزلت للحجيه لكيت هيام وبتها ساره موجوده ياااي .. بوستهم و سلمت عليهم.. سألتني هيام ليش باجيه اليوم والحجيه ضال بالها. كتلها لا جنت مرضه وصرت زينه.. ما راددت بعد.كالت عندج العافيه ان شاءالله.. كعدت.. وهن يسولفن... مديت نفسي اريد اخذ الريموت.. ف طلعت شوي من رجلي اني كل مره البس بجامه جوه الثوب لان شتا وبارده بس الجو صحى.. ف كمت ما البس.. من طلعت رجلي انتبهت الحجيه لرجليه.. وصاحت .. يااا ليليان هاي رجليج ليش هيج كلهن شعر.. -استحيت.. غطيت رجليه.. وكتلها حجيه امي ما تقبل اخذ من جسمي تكول عيب البنيه تاخذ كبل لا تتزوج. -هاي امج وين عايشه احنه هم قديمات بس هيج ما حلو هاي نظافه.. دحكي حلا بنت صراع ما بكدج وتاخذ خيط وتشير جسمها انتي شبيج يا يمه حتى الرجال لو يشوفج يشرد من هلشعر هذا.. خجلت شرد.. هيام:- ليونه هاي نظافه ما عيب.. العيب الواحد يخلي جسمو وصخ وبيه شعر.. ما دحكتي امج فد يوم تسوي كدامج -امي ما بيها شعر حتى اني.. شعراية جسمي ناعمه وما تبين فما نسوي كلشي.. دحكي ايدي شعرها ناعم.. بس رجليه مره شفت بالتلفزيون وحده تستخدم مكينة حلاقه وقلدتهم وسويت بمكينة يحيى بس لزمتني ماما كتل شلون اخذت رجليه من يومها بعد ما اخذت وطلع اسود الشعر ما ناعم واشكر وخفت اخذو .. -لا هسه ادزلج واخلي ساره تسويلج ما بيها شي انتي مثل بنيتي وتتعلمين.. حيل خجلت منهم.. شسوي امي جانت طامتني بالحياة كلشي عدها عيب وما يصير .. البنات بكدي اشكال الوان يسوون وهي ما تقبل تكلي معليج بغيرج.. عاد شوي وراحت هيام جابتلي شيره اسمها لين بالعسل.. انطتها لساره.. وكالت فوتن جوه وعلى راحتجن سون.. طبيت اني وياها. طلعتها حلاوه شفافه .. كامت تمط بيها بيدها.. كتلها عود ليش.. -احسن حتى تلين و تاخذ ما تضل صلبه -خلصت مط شو الحلاوه تغير لونها صارت بنيه .. مطتها على رجلي وشالت.. واني صرخت اااااخ .. ضلت تضحك كالت يله شوي ويخدر.. كامت تاخذ شوي شوي صدك خدرت شوي .. اخذت رجليه.. اشوف رجليه صارو بيييييض.. سوتلي رجليه لفوك.. شو شويه وصاح عليها علي.. كالت لا تلبسين.. بعد ممكمله بس اشوف علي شيريد.. كتلها ماشي.. وكفت على حيلي ..دحكت المرايا كبالي .. وكفت كدامها.. بس بالثوب قصير اللي ينلبس جوه الملابس (اتگ) لونو اسود رياضي بيه خطين من الجوانب ومكتوب عليه استار اكاديمي بالانكليزي.. دحكت نفسي خرب بحظي عود جسمي مثل جسم هاي البلموبايل شسمنها واني عوده.. غير كووووون اسممممن. واكفه واخصر بالثوب على جسمي واتمايل منا ومنا ادحك.بجسمي. اي بس تره حلو ابيض وبيه شوفه حتى لو عظام هو موديلها الضعيفه.. بس لو اسمن شويه اصير اخبل ... انفتحت الباب.. كلت ساره شيصير لو اسمن شويه دحكي مو اصير احلى.. اندرت واني احجي ومخصره الثوب عليه.. وصراع واكف كبالي ومتصنم ويدحك بنظرة واحد صدك ما يستحي واني صرخت لاااااااااااع .. سد الباااااب .. هو انخبص ما يعرف يطلع ويسد الباب لو يفوت .. كام يفتح ويسد الباب واني افتر بالغرفه على ثوبي.. جريتو ولبستو بالمكلوب دخلت ساره وصراع طلع بساع.. هي دحكتني لابسه الثوب مكلوب .. لو هاي خرطت روحها من الضحك.. واني بودي ابجي من الفشله وكلبي يدك حيل و مصخنه من الفشله. كتله دكومي كملي كومي خرب يوم.. والله موقف وكعت بي. كامت كملتلي وكلساع تعيد السالفه واني احس روحي صرت مضحكه وفشله شكد عيب انوب اگلو مو اسمن اصير احلى.. خررب شكد غبيه اني .. خلصنا ورحت سبحت وهو هم زين ماكو بس ساره الفطيره ماكو واحد.ما كالتلو خالو صراع دخل على ليليان وهي مصلخه وهي لبست الثوب بالمكلوب وامها تضحك وتكلها وج شهرتيها.. كتلها ديلا منو جدتها نفس الطينه واني واكعه بديكم ضحكت الحجيه و غمتني وتكول فلشج كون انه ولج اشهر بيج.. -ها نسيتي من جتي عليه الشهريه جان عوزج بس اطلعين باخبار التاسعه وتكولين ليليان اجتها الشهرييييييه خربن من ضحك واحنه كاعدين.. سوالف وعصريات وتعاليل كعك وجاي لهناك سوينه العشا وحطينا بعد صلاة المغرب وصحنا الولد.. سعد من جت مرتو لليوم ما يتحاجون فما يتواجد ونائل بالمحل مالتو بس صراع والحجي كعدو يتعشون.. اني ما شلت وجهي بعينو الفشله بعدها بيه.. طلعت اخبار مسلسلات تركيه.. والفنانات وحدتهن عوده.. كالت هيام عزه العزاهن كون ولا يسمنن ولا عدهن كرش شو احنه نجيب الاول ونطك وحدتنه تصير برميل حصو .. -اني بكل فطاريه كتلها لا وينها حلوه شفايتلي لو اسمن .. مو عاد ابقى معصعصه.. شو صراع بكل ميانه يكول.. يولي حلاة البنيه بضعفها وبنعومتها خوما ثور استرالي تناطح رجلها بيه ؟! الناعمه شحلاتها - صرت بنص اهدومي من كال هيج حسيتو يبسمرتي على سؤالي لما كلت اذا اسمن مو اصير احلى حتى اللكمه وكفت ابلعومي لا هي واكعه ولا هي طالعه.. وادور صراع حجه وياي ويكلي انتي عاد لا تاكلين جثير لا تسمنين كومي اني كال هيج واللكمه بلعومي شكبرها.. سويت عوووع وشمرتها بالصينيه.. وهو صاح عااااااااااع كتلج كومي مو تزوعين بالاكل .. هو صرخ لو هم الكاعدين وكعو من الضحك الحجيه غصت وكامت والحجي يصيح مااااي وهيام كامت تبجي من الضحك ولازمه بطنها وهذا صراع يدحك ع اللكمه الشمرتها ومعفص وجهو ويتفل صفح ويكول خرب يومج لعبتي نفسي كمت اهوع ويتفل هو موتو ولا تسوي كدامو حاجه تقزز تلعب روحو تجز نفسو من الاكل.. ما تحمل كام وطلع.. واني بودي ابجي كلها تضحك عليه.. عاد تركتهم يضحكون.. وكمت للمطبخ.. جت نوال وراي تضحك عليه وتكلي يولي خرب يومج شسويتي بالرجال.. -شسويت حظي تفشلت لو ذابحني ولا هلموقف يتفل من وراي -ول يابه زعتي بصينتو شتريدين يسوي -نواااال رحمه لاهلج كافي .. شلت القوري صبيت الجاي واخذتو للهول.. بس صراع ماكو.. كتلهم طلع.. كالت الحجيه لا بالاستقبال كاعد .. شلت استكانو.. ومشيت للاستقبال .. شلون راح ادحك بوجهو يا الله.. دخلت للاستقبال .. هو مركز بالاخبار.. دنكت احط كدامو الجاي.. ومن الفشله والتوتر ارجف الاستكان يركص بيدي.. كضبتو حيل بس كربت دا احطو.. انكلب الجاي ومو ع الطبله على ايدي وعلى ثوبي وصل لرجليه. صحت اااااي.. هو فز من مكانو الله الله يابه متكوليلي شبيج ما جبتي الجاي مره اذا ما كلبتي.. -قابل متعمده حتى احتركت.. كعدني ع التخم وكمبص كبالي.. ويكلي دشوف ايدج.. احتركت.. -ايدي و وكع على رجلي هم.. كتلو هيج شو هذا بلا تكلف.. يرفع الدشداشه.. -اني حتى اوخرو .. كتلو لا عمو ما بيها شي.. وكمت انزل بثوبي . -بس لحظه لا متأذيه اخذج للمضمد.. -ما بيه شي. حسيت لمستو لرجليه مو حلوه.. كزبري جلدي منها.. وهو يكول ول يابه اذا گيمر لا اطلعينو كدام محروم وتخلين نفسو بهلرجلين وتحترك.. دفعتو بسرعه وكمت منو بخوف.. عابت شكد ما يستحي.. شنو اكو واحد يحجي هيج. شكد نزل من عيني كلامو يذكرني بالساقطين اليتغزلون بالشارع.. ولمساتو اووووع لعبت روحي.. زين هاي اللي تبعثلو صورها. هم هيج يكلها لو يلمسها. لا ما اعتقد.. هو رجال يخاف ربو بس هسه ما اعرف شبيه طلعت عينو مدري اني اتخيلو هشكل وهو لا.. زين هاي اذا رادني زوجه هم هيج يحجي وياي بدون مستحه لو يلمس رجليه ... اوع غير اذبحو اكش.. هذا عبد الحليم شلون جان يبوس صباح ما يكش يحط حلكه بحلكها.. من ادحكها بالتلفزيون الشغله حلوه.. بس بالواقع لا عييع.. ما اتحمل .. لا يله هو قابل الزواج بس هيج .. اهم شي يحبني وينومني بحظنو.. كل مفهومي عن الزوج كان ان الرجال ياخذ زوجته بغرفتهم وينامون بحظن بعض واذا كلش صارو رومانسيين يبوسها.. وحتى البوسه كنت اقرف من اتخيلها واقعيا وياي ما كان عندي تطلع على الحياة واعرف شبيها.. عايشه بعالم مغلق رغم انفتاحه بالالكترونيات.. بس ما جان عندي موبايل ولا عندي اختلاط بس ساره وهاي مثلي ما نعرف غير المدرسه والكتاب كل كلامنه عن القرايه اذا غيرنا موضوع نحجي لو بلبس او بمسلسل رغم حتى المسلسلات التركيه امي جانت مانعتها بس مصري والمسلسل المصري محافظ ما بي شرح وعلاقات مثل الافلام.. وهذه نقطه.. تحسب الغبائي والغباء لازم يندفع ضريبتو.. لما طلعت ولد عم صراع جو .. فهو طلع كال سويلنا جاي بويه.. يدحك بعيني شكد استحيت منو.. كتلو اي طبعا هاي كعداتهم ما تخلص يموتون ع اللمه.. ويبقون يسولفون بالرياضه و الوضع.. واكثر شي كانو حجيهم سياسي خاصه المالكي هذا الرئيس كمت اكرهو كد ما اسمعهم يحجون بيه وابو ثرب يهمبل ولو اني بمكان المالكي والا اعدل الوضوع ولو اني ولو اني هسه غير يكعد عريف شلتاغ هو امور بيتو ما حالها وحالو حال الحايط مو تنوب يحكم العراق. يعني كعداتهم هاي مجرد جاي وجذب وجكاير وبس صبيتلهم الجاي.. ورحت دكيت أباب طلع صراع.. ارتبكت من دحكتو.. اخذ الصينيه مني بلا اهتمام مندمج بسالفتهم ويضحك.. شدعوه يحظي دحك بعيني ابتسم اضحك لو بس الهم.. تركتهم.. ودخلت للغرفه.. الحجيه بيها طبع الصوبه ما تفاركها ابد حتى لو الدنيا صارت زينه هي الا صوبه تكول اعضامي يكومن يصلن علي وضهري ينكصم من الوجع. ف دوم حاطه الصوبه وتجرش راشي ودبس تيبس خبز تشوي شلغم.. المهم صوبتها يمها. وتاكل هي كاعده بالهول بس من وراها حتى الغرفه صارت جهنم.. واني لابسه ثوب قديفه.. كمت انفخ بالثوب على جسمي واصيح الهوى ربي اخر شي كمت طلعت ثوب قصير من اللي كنت البسهم عد اهلي ربع ردن وجوه الركبه بشويه بدلت وگلت انام.. هسه حطيت راسي .. صاحت الحجيه ليلياااان.. كمت طلعتلها راسي من الغرفه.. هااا حجيه.. -هاي الصوبه دتطفه طلعي ترسيها نفط.. -اهووو اكثر سالفه اتعقد.منها هي سالفة ترس الصوبه.. جنت عد اهلي السان امي يوكع وما اكوم اترس هي تترس .. احط بطانيتين واكعد اقره ادحك تلفزيون انام المهم ما اتحرك واترس .. هين تشكلت هلشغله براسي طبيت لبست الملف مالت الحجيه مال الصلاة طويل وتطلع منو الادين شيلبسني ثوب وحجاب هاي احسن واسرع.. اروح اترس واجي.. رحت الها.. الصوبه جانت من هاي الصوبه لونها بني يسموها علاء الدين مو ذن الصالون اللي يصير الجلكان مالتها منفصل تاخذو تترسو وترجعو.. لا هاي لازم تاخذين الصوبه كلها.. والحجيه ما تحب ذنيج .. معتزه بهاي صوبتها تكول من جان صراع هلكدو هاي عندي مداريتها.. ادري مسجله عليها طابو دشمريها.. بس هي تحب التراث ف الوحيده بالبيت .. هيج صوبتها.. شلتها.. كالت -طفيها وياج لا تعبيها وهي مشتغله تروح تنفجر.. -اي اي.. لفيت الملف بيدي وشلتها طلعتها.. بره بالكراج برميل النفط .. خليت الشافطه ابطن البرميل والصونده بالصوبه ما طفيت نسيت وكمت اترس.. شوي وانملت الصوبه كام يجري النفط.. سحب الصونده مال الشافطه حيل وهي بعده تضخ نفط.. وكع النفط منها على الصوبه وعلى الملف اللابستو كبت الصوبه ولاحت الملف واشتعل اذيالو بيه.. اني من الخوف بس كمت اصرخ الحكوووووولي اااااااااااااا واطفر اريد انزع الملبس مجلبات بديه .. طلعو الرياجيل بساع وصراع يركض حيل من راسي وجر الملف مني ودفعني للحديقه ويطفي بيها بالكاع والولد يطفون بالصوبه جابو ماي بسطوله وطفوها.. واني ابجي وفرفحت روحي رجلي انسلخت احتركت .. هم يصرخون واحد ع اللاخ وهوسه ما افتهمهم من وجعي صراع دحكني واني بثوب قصير والولد واكفين.. چك سحاب القميص مال التراك مالتو ونزعو وسترني بيه ولمني باديه وصاح عليهم فوتو خلصت طفت امشو منا.. واني متخبله وابجي واصرخ.. واكلو احتركت متت متت وابجي.. وهو يصرخ ومنفعل وينعل يومج و اشتعلو اهلج .. ويصرخ بس ثبتي اشوووف.. دحك رجلي واني ابجي.. صاح على محمد و حرب يجيبولو عبايه و سويج السياره. طلعت الحجيه و نوال يركضن زكح بيهن عباااااااااايه جيبو عباااايه. اجت الحجيه... وتصرخ سترك ربي جان انفجرنا سترنا الله لو مفجور البرميل وراحت البنيه شنكول وشنحجي احمدك ربي واشكرك وهو يصرخ ثوله غبيه اكو وحده تترس والنار مشتعله ولكم انه شمسوي والله باليني بهيج وحده ثوووووله لو محتركه وين انطي وجهي عقلج هاذ مااااااااا يشتغل.. وفوكها مصلخه كدااااام هلرياجيييييل. ابجي وهذا يرزل فوك المي الحرك.. ردت اكوم الثيل منكع واني كاعده احس البرد وي الحرك ذبحوني جاب محمد العبايه.. جر القميص مني وخله على كتفو ولفني بالعبايه واني ابجي وصاح حرررررررب .. كالو اجيت بابا.. انطاه السويج وميمشيني .. شافني كوه امشي شمر السويج لمحمد كالو افتح السياره وباب الكراج بسااااع.. وشالني.. محمد من السويج داس وشغل السياره وركض فتح الباب وحطني وره.. والحجيه جانت تحجي وترزل تالي كالتلو تاني اجي وياك.. رادت اطب .. طلعت نوال وجايبه البعبايه اخذتها منها الحجيه وصعدت وي صراع.. اني احس انتهيت من الوجع.. شغل السياره وطلعنا.. راح لمضمد ع الشارع نزل يمو واني حافيه حتى ما لابسه.. دحك الشارع ما جثير ناس بي .. شالني واخذني للمضمد دخلني محد بيه.. بس رجال جبير كالو احتركت بنفط و اتأذت رجلها.. كال كعدها.. كعدني ع كرسي واني ابجي وافر براسي واواهز بيدي حيل من الوجع واعض بيها. الحجيه كوه تمشي كعدنا وصفينا يله فاتت هي.. كعد الرجال كبالي وهو حط معقم لو شاغت روحي .. كضبني صراع من ايدي وحط ايدو على ضهري وسحبني الو.. وهو ينظف ويعقم بيها .. وصراع يدك على ضهري خلصت يابه خلصت.. بس اصبري.. لحد ما لفها وضمدها روحي انتهت... راد يضربني ابره مال التهلبات.. ما قبل صراع كالو انطيني انه اضربها الها بالبيت.. تركتا يحاسبو ومشينا مشتني الحجيه حافيه.. صعدنا بالسياره.. اجه هو .. وركب.. وانطاني علاج كال هذا مسكن الم والثاني مال التهابات وهاي عصاره مال حروق وباندج يوميه غيري الجرح.. وبالبيت انطيج الابره. رجعنا للبيت .. تلكانه الحجي ها شلونها كالتلو الحجيه عدت على خير الحمد لله.. عاد نزل الحجي رزاله وليمتى تضلين ثوله وشبيج ما تنتبهين.. وام سعد وياه تكلو عمتها كالتلها طفي الصوبه وترسي بس هاي عرمه ما ترد.. واحد يرفع والثاني يكبس.. واني ابجي وما احجي.. دخل صراع كال ها .. سمعهم يحجون... اندارلو الحجي وكاله والله يا يابه الله يساعدك بلوه هاي و زتها الله على راسك.. اني زدت بالبجي.. كالو لا ليونه خوش ليون لا تحجي هيج حجي بس هي شوي تنسى ..وتتعلم ان شاءالله.. اجه اخذني جوه ايدو وباس راسي وكال الحمدلله على سلامتج بويه.. ام سعد:- ما يصير هيج دام غلطت لزوم ترزلها حتى ما تعيدها بعد.. -شنو سالفتكم ما طلعت هاي .. مصيبه والله دفعها والحمدلله عدت على خير كولو يا الله.. لو مفجور البرميل جان كلنا متنا والله دفعها ومشت غلطت واحتركت ودرس الها تتعلم منو بعد وعرفت غلطها وين.. كومي بويه لغرفتج نامي كومي.. اندار النائل وكالو.. نائل باجر جيب ذبيحه لوجه الله تعالى جراية دم عنا وعن البيت ووزعها للفقره. -تأمر ابو حرب صراع ونائل اكثر مصرف البيت عليهم.. سعد عندو فلوس متلتله وعندو مولده والناس كلها تسحب وخير وهو جلف ميطلع الربع كوه ياخذون منو بس نائل و صراع يصرفون ع البيت ما يديرون بال لشي ف كل مسؤلية البيت متعلكه بركابهم.. نائل عندو صيرفه ويشتغل وي خالو بمعرض سيارات وصراع عريف بالجيش وعندو اسهم بمول ابغداد ويشتغل شريك بعماره وشقق وي صديقو ايجارات.. .....دخلت بغرفة الحجيه وتمددت .. فات هو وراي والحجيه واكفه على راسي.. تكلو يمكن سخنت شو صارت حمره البنيه كضب راسي كاللها زينه حرارتها.. من الخوفه بعدها بيها.. ديري يابه خل اضربج الابره.. -ما اريد اريد انام -خل انطيج تسكنين واطيبين بساع يا بويه دكومي الحجيه:- تستحي يمه اتركها باجر تجي هيام تضربها الها -يمه لازم تضربها هسه.. باجر شنو دديري يا يابه راح ناكلج خوما راح ناكل لو ما اليوم كشفنا المستور -هو كله من وراكم احتركت . شبيقيتو بيه ناس صلختني بالشيره وناس بالجي وكملها النفط عليه موتوني وخلصو مني عليش مبقيني بعد هو يضحك وبس الكتاف تهتز بضحكتو.. كتلو اضحك شعليك كله من وراك مو كلت هلرجلين كيمر ضلت بنفسي .. واحتركت خزرني ويصيح ليليااان.. والحجيه ضحكت .. وغمتني .. امداج يلمفضوحه.. -انتي ما تعرفين تخليلج سالفه مستوره شلون اكصو للسانج وافتك. درت وجهي.. ونمت والحجيه تكلو اتركها يمه.. خليها باجر تجي هيام وتضربها.. ترك وكال بس خل تشرب الدوه اروح اسبح ريحة الدخان والحرك بجسمي جيفتني.. هو طلع والحجيه انطتني دواي ونمت. لهناك ودخل هو .. اني غافيه بس سمعتو يحجي وي الحجي -نامت -اي خطيه فرفح گلبها من الحرگه تلوج لحد ما نامت -تقرب مني.. مسح على شعري ولمه الشعر ليوره.. ودنك باسني بكصتي و بخدي .. وغطاني ويكول انوبه هي مصلخه يربي شتحجي بطرك هلثوب المشلتح.. زنودها ورجليها صارت فرجه للرايح والجاي بالله لو ما محتركه جان انه حركتها على منظرها هذا جدام ولد عمي بهلثوب...يتبع ☆☆☆☆☆☆ بالنسبه للنشر للمره الألف انوه عنه .. لان للان هوايه ميعرفون ان نظامي بالقصه 3 ايام نشر يوم استراحه.. الساعه 10 ليلا.. تحياتي الكم جميعا #زينب_ماجد | ||||
|
| |
|
30-09-18, 11:07 PM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المراهقة_و_الأربعيني ،،،،،،،،، بقلم زينب ماجد ،،،،،،،،، الحلقة_22 تقرب مني.. مسح على شعري ولمه الشعر ليوره.. ودنك باسني بكصتي و بخدي .. وغطاني ويكول انوبه هي مصلخه يربي شتحجي بطرك هلثوب المشلتح.. زنودها ورجليها صارت فرجه للرايح والجاي بالله لو ما محتركه جان انه حركتها على منظرها هذا جدام ولد عمي بهلثوب... الحجيه:- عجل يمه اذا انت تغار عليها وبنفسك ليش ما تاخذها.. -يمه بعد وكت على هالكلام.. وطبختج كل ما خليتيها على نار هاديه تطلع اطيب وتستوي على راحتها تركي الامور هي تمشي وحدها والله كريم حجه وطلع.. ما فهمت شنو نار هاديه شنو تستوي ووين ياخذني. المهم ما درت بال. درت ونمت.. كعدت الصبح .. صراع كان ما موجود.. بس حلا جايه والعرفتو صراع رايح جايبها وجاي وهي مبوزه وما عاجبها لان ما قابل تبقى اسبوع يومين وغابشلها من الصبح.. مگلوبه خلقتها.. تركتها .. طلعت .. متريكين.. الحجيه:- يمه الجاي على الطباخ والريوك بالثلاجه والبيض موجود. لا يضل حلكج فاهي وادحكي وجهج صاير كركم حتى علاجج ما جاي تاخذي يا بنتي.. جانت كاعده بالهول وماده رجليه والصوبه يمها.. تقربت وكعدت يمها وخليت راسي على رجلها وتمددت واكولها.. -عمه رجلي توجعني ام سعد :- لا تكعدين تدللين كومي كفي اردانج واكفي وي سلفتج ع البيت.. -مابيه رجلي توجعني -هلكلام ما يمشي يمي.. يلا شو كومي. كومي بساع .. الحجيه- خافي ربج ام سعد البت محتركه وينها وين الگومه.. -بهذا حجيج جاي اطلعين عينها ترانا ما خدامين عدج وعد جنتج خوووش وتكوم تنظف حالها حال جنتي.. -دام صار الحجي جنتج وجنتي يا ام سعد.. عجل صار لازم ينوضع حد.. ونعزل كل واحد لحالو ... كل هذا الحجي واني مخليه راسي على رجل الحجيه وهي مخليه ايدها على راسي وتحجي..صدك احسها امي من ادافع عني.. دخل الحجي كال ليش اصواتكم طالعه .. جاوبتو ام سعد.. تقبلها يا ابو صراع المره نوال ليل ونهار تشتغل وكلنا واكفين وهاي تتمرغل وادورلها حجج وما تشتغل البيت هم الو حگ عليها .. هي چنه الحجي:- اي لا حگ غصب عنها وان ما گامت الج الحگ تحجين وتترزلين وتكطعين اذنها بعد.. لو ما ثولها جان احنه ميتين البارحه .. وانتي يا نوريه ما عارفه تضبينها.. لا تدخلين دامج ما بيج تشتغلين نوال وام سعد تعبانات وهي تخوتل وما تشتغل -ما زال انه ما عرف اضبها وصرت ما عرف حگ الله عجل اخبر صراع وهو يجي وتفاهم وياه وگلو مرتك ما زينه ضبها. الحجي:- انتي صايره ادورين مشاكل يا نوريه مالج غرض ان اشتغلت وان لا.. كومي يول لشوف شلون ما تشتغلين -الحجيه دارت وجهه ضاجت .. اني شسوي كتلو اي عمو هسه اكوم.. جاي اكوم .. طبت هيام.. صاحت خير الصوت واصل ليبره.. شكو .. ام سعد :- كولو تمت دام دخلت هيام -ها خاله اليسمعج يكول داخله بيتج ما بيت ابوي واطردين بيه.. الحجي:- هويمه تحجين وي امج وهاي يمشن عدل لا بالله واتصرف وياكم غير تصرف .. شنو يابه يشتغلون عدها وهي كاعده ورجليها ما تعرفلها حاجه.. صوبه لو ترستها گببتها وحرگتها -اكلك بويه شو اليوم كاعد تدخل بشغل النسوان.. ان تدخلت ودافعت عن حرمتك.. صراع يجي ويدخل وتصير الشغله ما زينه شلك بهسالفه الحجي:- هويمه خليج محظر خير يابه وخلي حمولج خفيفه -نعرف الخير ابويه ونعرف حمولنه بس اعرف حگ الله واحكم على اي اساس ليليان تشتغل بهالبيت ها ماخذها صراع .. زوجتو شرعيا ؟ يجوزلك تاخذ بنيه وانت ما عاطيها حگ الله وتريد منها شغل و ومشاعل ام سعد :- تشتغل حگ اكلها بهلبيت .. شني نعبي بحلكها بلاش -ما ماكله من چد احد هي .. ماكله من خير رجلها وانتي نفسج تاكلين من خيرو .. ام سعد :- ييييح تعيريني هويمه ليليان:- يابه والله اگوم شنو القصه ام علي فدوه .. اتركي الموضوع -كعدي ليليان .. دام الحجي اليوم محركينو عليج عندج رجل من يجي عود هو اليتصرف.. -انوبه حرت اكوم ولا اكعد.. وهمه كامت مكاويمهم.. الحجي يزاكح والحجيه دارت وجهه وما قبلت و ام سعد اكلتهم حاصل فاصل بالحجي واجت نوال كملتها وياهم تكلهم تره الشغل ما يأذي احد وهي فارغه.. شيصير لو جت وعاونتني انه هم عدي جهال ومسؤليه هيام ضلت تحجي ... وهي ما تساعدج حكمي ضميرج عيب عليج يوميه مو متشكله وياج اليوم رجلها محروكه.. حتى العسكر ينطي للمصاب اجازه.. الله اكبر عمي انه اكوم بمكانها ما طلعت هاي -ام علي ما بيه شي .. اكوم والله.. االحرك بعضلة رجلي ما بقدمي كامت ما ردت.. عاد رحت وياها لان جو البيت تكهرب وام سعد گلبتها.. وساعه هي والحجي يدردمون. الحجيه كامت لغرفتها تصلي واني وهيام رحنا للمطبخ وكفت هيام تركب وبقت تحجي وياي على الحادث مال البارحه شلون صار.. بقينه نسولف.. ونشتغل ركبنا الغدا واني سويتلي لفه واكلت وياها جاي ورحنا لغرفة الحجيه هيام لكت حلا كاعده ع الموبايل زكحت بيها.. يلمحنايه وانتي شبيج ما تكومين تعاونين البلبيت -وشكو اكوم شو متروس نسوان حاطات عينجن علي شوكت اكوم وشوكت كعدت.. -تربية اخليصان شترجه منج. بس خل يجي الخلفج لشوف شلون بعد.يخليج عدها -عمه انتي لا تدخلين بيني وبين ابوي لو رحت انه ما ضارتج -وعمى العماج .. حسج ما اسمعو افتهمتييي.. سكتت.. بقت ام علي تسولف وتحجي وي الحجيه لان الحجيه حيل تتضايك لو صاح بيها الحجي بعد هالعمر فكعدت تنفه عنها اني كاعده اسمعلهم.. ونمت لهناك سمعت صراع دخل يكول :- ها الله يساعدهم كعد بالهول شويه محد حجه ولا احد جاب سيره للموضوع.. فات لغرفة الحجيه.. هي متمدده.. دنك باس راسها.. وكال الها ها يمه الله يساعدج -هلا بيك وليدي -خير ما على بعضج .. وكضب وجهه -ما بيه يعزيز امك شويه الضغط صاعد.. -اخذج للطبيب؟ كومي طبت هيام هاا. -شو الحجيه ما على بعضها -لا لتخاف عليها تضايكت نفسيتها -شكو -سوالف ما تنفع راحت . اصبلك غده خويه.. -بكيفج بعد اخوج الا ليليان شلونها... اجه يمي فتحت عيوني.. -شلونج بويه.. -زينه .. -علاجج خذتي الابره ام علي ما ضربتيها -لا و الله خويه محد كلي عليها -ضربيها خويه .. تره تنفعها اطيب بساع.. انوبه وجهه اصفر شجالج يا بويه علاج الفقر دم تاخذينو انتي لو لا الحجيه:- والله يايمه يسمع حسك. العلاج بس كومة فلوس وتاليتو للمجر محد.ياخذو -ليش باباتي ما تخذينو احسن هيج دمج خلصان.. -انساه ما اتذكرو.. -ام علي شربيها عيني الدوه .. انه اصعد ارتاح. -بعيني روح خويه هسه اصبلك ولا ادير بال. طلع . هيام كالت بس احطلو الغدا ع النار واجيج. راحت شوي واجت خبطت الابره وضربتني و انطتني العلاج وراحت تكمل اكلو.. اني جريت موبايل الحجيه والعب.. موبايلها جان نوكيا بس ان 95 .. حلو بس كلشي ما بيه حتى نت. لعبه وحده لكيتها.. دا العب ونزلت حلا ضايجه لان مرزلها ابوها وگالبه خلقتها وتغلط عليه . نزلت الموبايل .. دحكت ورجعتو هه مريضه نفسيه.. ضلت تصرخ عليمن حقيره حيه بواكة الزلم. اني درت وجهي وانطيتها ضهري العب والحجيه استلمتها غلط وكالتلها تاني ينزل ابوج وهو يأدبج. لشويه جت هيام كالت تكومين نسوي كيكه انه وياج.. كتلها يله. اموت ع الحلويات ويعجبني ادحك من واحد يسوي حتى بلكت اتعلمها. راحت.. خلت المضرب مال الخلاط بيدي والطاسه. وكامت تخلي مواد واني اخبط .. الى ان صارت الخبطه ناعمه تجنن .. دهنت القاب براشي.. كتلها مو زيت.. كالت لا الراشي ينزلها بساع ابد.ما يخليها تلزك.. الزيت مو زين.. خليناها بالفرن.. نزل صراع.. كال هاا شو هينا .. -عنسوي كيك .. عمو دز نوتيلا ندهنها عفيه هيام:- يولي انه اسوي خبطة الكاكو.. ليدز عليمن هو كال محفظتي فوك اخذو منها وسوو اللي تردوه بس اريدلي استكان جاي. كمت سويتلو.. و رحت انطيتو.. اخذ وحجه بضحكه الحمدلله هلمره لا انه ولا انتي احتركنه بهلجاي وصل سلامات.. ضحكت ورحت للمطبخ .. كل همي الكيكه اريد افتح الفرن وهيام متقبل.. طلع الحجي وام سعد و حلا وبنات هيام.. وكلهم التمو بالهول العصريه.. بس محد فتح السالفه مال الصبح سكتو.. نوال طلعت رمان كومه وكعدتنه كلنا نفرط. خلصناه.. سوتو عصير طيب.. وحطينا الكيك .. وسوالف وضحك واليشوفنا يكول الله هنيالكم گلب على گلب من كد ضحكنه والحجي يذكر بطولاته ابو التهمبل والحجيه تفشله وتذكره بالسالفه الصدك واحنه نخرب ضحك.. لليل الساعه 8.. علاوي ابن هيام.. كاللها ماما طالع ويه صاحبي لمكان قريب هسه نجي هيام كالتلو اكعد يمه نريد نروح حجه الحجي بساع.. اكعد وين مولي بهليل والوضع ما طيب. اكعد يم امك واستر عليها.. ما رد علي حجه وطلع كأن دينطيهم خبر مو ياخذ رأيهم .. بقينه نسولف ونحجي شويه وتعاركت نوال وسعد وكلها راحت تهدي بيهم.. اني ما بيه حيل لمشاكلهم ما طلعت.. شويه واخذها سعد لاهلها و راحو.. بس بقى البيت متوتر وعمامهم جو تعاليل بليل كلعاده (جاي وجذب وجكاير) ل12 وهيام تحوس.. كتلها شبيج -علي ما جا ضل بالي الادب سز الا يخلي خوالو يحجون علي يلا يرتاح.. انه اعلمو الحجيه:- شتردين من الولد تلكينو براس الفرع هسه يجي لا تكتمين على انفاسو صار رجال وبقت تتصل ما يرد.. اخر شي ندست بتها بعصبيه كالتلها كومي صيحي خالج نائل بساع.. راحت البنيه واجه صراع گبل نائل .. -ها ام علي خير شبيج خويه.. اجه نائل.. ها ام علي -هلادب سز علي تأخر وما جا وانه اريد اروح للبيت ..ياريت واحد منكم يوصلني صراع:- نامي الليله هينا يا خويه بيتج ما طاير -لا خويه بيتك العامر عساك سالم بس كلي روحي .. بيتي مناك مالو احد.. صراع:-عجل يابه انه ازتج خويه كومي تهيري نائل:- هو علي وينو جاي اتصل ماكو رد.. شقضيتو -تعبت منهم والله يا خويه حملهم ما هو سهل نائل:- لا تهمين خويه انه طالع ادحك وينو.. لمت هيام غراضها هي والجهال.. وطلعو .. بعدهم وصلو بالباب وسمعنا صرخت هيام.. فزينه اني والجيه بساع طلعنا ودخلت هيام تبجي وتضرب على وجها وتصيح راح ابني يمه رااح.. طلع الحجي بساع يركض واحنه نخبصنا ونهدي بيها وهي تبجي.. نريد نفتهم كوه يطلع الكلام منها واحد جا علي بيتنا كايل لصراع ..علي سوه حادث بالماطور هو وصاحبو .. وصراع راح يركض الحجيه تدعي وام سعد تهون عليها وهيام تصرخ وساره وجنات يبجون وحلا وياهم تبجي واني مكابله هيام تنوح وتعدد على ابنها . فرفحت سوده عليه.. الحجيه تتصل محد يرد.. انخبصنا خبص واني كاضبه ايدها واكولها ما يصير بي شي والرب العذرا تحمي صدكيني لا تخافين احجي ودموعي تجري وياها.. لشويه طب صراع مستعجل كلنا گمنالو .. وهيام كضبت بأيدو خويه وين ابني بداعة الله احجي صاير بي شي -كولي يا الله خويه ما بي شي كالب بيهم الماطور وبس الولد صاحبو متأذي لان هو اليسوق لا تخافي خويه علي تمام -ان جان زين عجل وينو ابني ليش ما جبتو وياك.. علي بي شي صراع حاجيني راح اموت -خويه والله ما بي شي نائل والحجي نقلوه للمستشفى خدوش بضهرو بس .. حجاها وصعد بساع وهي تكول ابني متأذي كلبي يكلي علي مو زين. ساعه تغلط عليه شلون طلع وساعه تدعي الله يحمي ويرجعو الها سالم. وتكلو ربي انت ما ظالم وتحرمني من وليدي .. رجعلياه بجاه حبيبك المصطفى .. تحجي ودموعها تتجاره على خدودها.. نزل صراع مستعجل بساع وطلع.. ما دحك بينا.. كالت ابني ما زين .. انه عرف ابني راح وما يكلولي.. بقينا مخبوصين لحد الصبح ما غمضتلنا عين.. والحجيه وام سعد يسكتن بيها وهي تنوح وتبجي على ابنها.. بعد الشمس ما طلعت.. طب صراع. ركضتلو هيام.. خويه ابني وينو بدين محمد عليك احجي.. -استهدي برحمانج ام علي انه اعرفج قويه ومؤمنه ما يصير هيج وليدج طيب ما بي شي ان شاءالله كبل الظهر انطلعو اذا اراد الله.. -لو ما بي شي عجل ليش تبيتونه بالمستشفى خويه احلفك بالقران اخذني وياك اشوف ابني -شلو قهر يا محمد خويه المستشفى كلها وادم ملتمه وين اخذج صبري كتلج الظهر اطلعو بحيل الله .. هي ما سكتت بس تبجي واحنه مكابليها .. طلع صراع وصاح ليليااااان.. -طلعت ركض ها عمو -حدري بويه هيري الجاي و حطي بترمز وحلي بشكر . وطلعي استكاين جدد بكارتونهن وخليهن بالعلاكه .. جبتلكم كيمر و بيض وصمون .. عزلي منو النا والباقي تريكو بيه .. -تمام -يله بويه همي نفسج وهيري لبين ما اخض لشتي واصلي الصبح اريد كلشي تام ....بديت احظر وهو شوي ورجعلي .. ليليان البيض سلكي النا مو اطكي.. حتى اخذو .. تمام.. طلعت جدر وترتستو مي وخليت 25 بيضه الهم والنا.. وكعدت اكمل.. خلصت نزل هو .. عاشت ايدج... اخذهم للسياره وطلع.. ورجعلي ليليان -كول -رتبي غرفة الحجيه احتمال شوية لخ اجيبو لعلي -تأمر .. مديت السفره بالهول وصبيت الريوك.. وفتت الغرفة الحجيه كلها نايمه بيها.. ام سعد تشوخر.. و حلا ادحك بموبايلها والحجيه متمدده وبالسبحه تسبح.. وهيام منيمه بناتها على رجليها وماسكه المصحف تقرأ قران وتبجي.. حجيه صبيت الريوك بالهول كومو تريكو .. سمت يا الله وكعدت اندارت لهيام الحجيه:- يلا بنيتي زتي حمولج على رب العباد ما ينسالو عبد ..كومي اكليلج لگمه .. ...هيام ما ردت ولا كن سمعت .. دموعها تجري وتقرأ قران.. -دكومو يلا الجاي راح يبرد اريد انظف الغرفه حيجيبوه لعلي صدقت هيام وشالت راسها :- بصلاة محمد عليج ليليان صدك راح يجيبو ؟ -اي والرب صراع كال نظفي الغرفه لبين ما اروح اجيبو.. كلت هيج.. هيام كامت و كومت بناتها بسرعه وكعدتهن والحجيه كعدت وندهت ام سعد كامو تريكو بساع وطلعن ع البيت تنظيف هيام وبناتها.. واني فتت للغرفه غيرت الفراش وبالمكنسه الكهربائيه كنست ولمعتها وعطرت وسديتها كملت طلعت للمطبخ... رجلي كامت تصل عليه من الوجع لان ما كعدت.. بس شسوي بس اني وحلا ما نزلت صعدت فوك كملت نومها.. ام سعد ركبت الغدا تمن وباميا .. وكالت سوي زلاطه ناعمه.. قبل صلاة الضهر.. دخلو جابو علي.. صراع شايلو.. مكسوره رجلو ووجهو مدمه و ضهرو مشدود وكلهم انخبصو نومو على سرير الحجي وهيام حظنتو تصرخ بصوت عالي وتبجي وبناتها يمها حاطات راسهن على ضهرها ويبجن.. ضليت ابجي وصراع يگلها ول يابه لو ما جبنا عدل ولج اجعلو قرد ما يصيبو شي عجل لو ادحكين صديقو لهسه راكد بالمستشفى خطيه الله دفع شرها حمدي ربج طلع سلامات تفاولينو بالبجي يا خويه ..ويهدي بيها.. وهم كلهم دخلو غرفة الحجيه.. صاح نائل .. نسوانه يابه طلعو من هينا عمامو يردون يدخلون يدحكون الولد.. طلعت بساع. وعمامو دخلو واللبيت انخبص.. شوي ودخلت اخلاص وابوها وامها واختها الجبيره وتصبح عمت عيني عليك ابن الغالي .. وتبجي العياره ام اعطوب ووكفه ع الطباخ جاي وماي شلت حالي للعصر ومحد رايح.. غير يكولون ناس تعبانه عدهم مريض محد عندو احساس يزيدون ما ينقصون واني ضاله روح تعاي جيب ودي.. والليل ما نايمتو عيوني صارو حمر فد نوب.. غسلت الستكاين وكعدت بالكاع بالمطبخ.. دخل صراع.. هاي يابه تعبتي مو -شسوي -عجل حلا وينها ما تعاونج -ما اعرف ما نزلت ولا شفتها -انه اعلمها يلا بويه اخذي فراشج وغطاج وصعدي نامي فوك لا تضلين تره ما تخلص.. -تمام.. دا اكوم.. تقرب للجاي يحط ايدو ع القوري .. هذا حار -احمي تريد -والله يابه ياريت حيل تعبان وراسي ذبحني عاد اكعدو بالجاي.. -صبيتلو.. وكال عاشت ايدج يلا صعدي ارتاحي.. ..كتلو تمام.. فتت لغرفة الحجيه لان الرياجيل كلهم انتقلو لااستقبال.. ردت اخذ ملابس اسبح. دا افتح الكنتور.. حجت ام اخلاص.. شبيج خايبه ما تسلمين شني نبزز. -هلا بيج خاله..حجيتها ودرت اطلع.. ردت -مكلفه نفسج. هذا اليجيب وحده ما معروف اصلها ما تعرف الواجب. -ما رديتها حيل تعبانه بس الحجيه كامت ترد عني وتكلها لا تعبت خطيه من البارحه بس هي بالبيت ورجلها متأذي .. وكامت تشكي حالي.. اخذت وطلعت سبحت فوك.. ودخلت غرفة صراع.. حلا عتخابر.. تخزرني بعينها وتأشر عود شكو جايه ما رديت عليها.. نزلت الموبايل وكالت هيي مو وياج شعدج جيتي وراي .. -ميته عليج وكلت اشوفج.. مديت فراش .. هي حجت يلا عود بعدين اخابر.. وسدتو .. وتكلي وانتي شعندج بغرفة ابويه ما تستحين طلعي برا -اعتقد ابوج رجلي واني حره بغرفتو انام اكسر ابوك.. كيفي ولا نسيتي شگالج ؟ -الا انتي فعلا وحده ما عندج حيا تلزكين بروحج گوه. -مددت ونمت.. - منو موجود جوه -الفرقه الذهبيه مال خوالج كلها -منو يعني -خالتج خلوص و تغريد وامهم جوه -خاله تغريد جوه بربج -حجيت هيج.. شو هاي كمزت تعدل بنفسها وتگرص بخدودها ونزلت تركض.. على كولة صراع اللهم ثبت علينا العگل تمددت ردت انام.. اتكلب منا ومنا.. ما جاني نوم. لل5 قبل الصلاة يلا نزلت.. دحكت حلا تتوسل بأبوها تروح وي جدها و جدتها وهو رافض عاد جدها كاللها كومي جدو شني تالي شيبي ابوج يفرض علي ويمنعني منج. لشوف شلون يمنعج صراع ما رد عليه ولا كن سمعو.. سوه نفسو يخابر وصدك خابر ولد وكعد يحجي ويتفق العرفتو على اجازه كم يوم اجو رياجيل وراح لااستقبال وغشا وجاي وماي ورجليه صارت خيوط واحس ضهري صار خياره مايعه من التعب .. لل10.. فضو كلها راحت بس خلو ما خلتها ام سعد تكلها اريدج وياي تعاونيني وهاي ما صدكت لطشت دخلت كلهم كاعدين بالاستقبال الغرب طالعين بس عيال البيت وخلوص قائد الميدان.. فتت الم النفاظات وامسح الطبلات والملم حتى اصعد.. وهيام تكول اريد اروح للبيت وصراع يكول ماكو روحه شتحتاجين من البيت كومي روحي وي نائل جيبي وتعاي.. اندارت عليه هيام و حجت -ول امي ما عرف شلون نجازيج ليونه تعبتي وانتي مريضه -لا ام علي تعبج راحه انتي امي واختي.. ضحك صراع وهو كايم.. كال يلا بعد ابوج طلعي ارتاحي الشغل ما يخلص وذيج انه الها لا ما اصلخ جلدها يقصد حلا راحت غصب عنو حرجتو كدام ج.ها وراحت بلا موافقه.. تقربت اريد اطلع سحبني كدامهم جوه ايدو وباسني براسي .. ويسألني تعبتي مو..... -راح اصعد انام احجي و احس صرت بنص هدومي وهم كلهم كاعدين.. كالتلو جدتو فد مره جان مددتها هينا ما تستحي تبوسها جدامنه .. ردها .. بنيتي ومريتي هاي جده امددها تمددني انتي اطلعي منها . عفتهم و صعدت فوك بس احس صخنت من الفشله..شكد عيب هيج يبوس ويكول كدامهم.. بس احسن خليصه كاعده.. هسه احترك كلبها ام الزلم... بدلت ثوبي القديفه ثخين بثوب خفيف انام بي مديت يم الكنتور.. من التعب اول ما حطيت راسي غطيت بنومي.. شويه وحسيت بطكطه فوك راسي.. دحكت.. صراع عيطلع منشفه... رجعت نمت.. فكيت عيني وهو كبال المرايا بس بالشورت الداخلي.. رش معطر جسم كبل لا ينام وراح لفراشو.. بين الافتح والاغمض عيني كل شوي اغفى واكعد.. سمعت موبايلو يرج. جاوب.. ما كنت مهتمه بالاتصال لان نعسانه وهو يكول هلا ..اي.. او امم مال واحد تعبان ويحجي بس من سمعتو يكول .. يعني وتالي وياج ... سكت ...... ورجع حجه.. اسمعي يولي لا انتي من ثوبي ولا انه من ثوبج وگطنه وشلعيها من اذنج كافي عاد تره انه لسه كاضب اعصابي عنج .... اني ركزت بكلامو .. من عرفت هاي وحده يحجي وياها صرت كلي اذانات حتى اسمع تفاجأت لما يكول - لج اخلاص خليلج كرامه . شلج غرض انتي ان خذت مرتي لو لا.. شعتبرها اعتبرها مرتي بتي... عيب عليج استحي لا تدخلين البكدج يدور عمره وحج وانتي دحكي بيا سوالف ملتهيه... انكلعي بويه رحمه لوالديج.. وقفل الخط وهو ينافخ ويعدل بفراشو ويكول شلون ناس ما تستحي وزايحتها فد مره... استغفرك اللهم واتوب اليك.. وبقى يردد ادعيه قبل لينام لحد غفى .. بقيت مصدومه.. هاي عود صدك هيج حاشره روحها بي... شلون بيها بالله يوم يومين وقنعتو لو غرتو اني شسوي وين اروح.. يربي والله تعبت.. هسه غير يحس ويكول مرتي .. بنتي وبنتي اليكول هو مخلفني .. حتى من كد ما يكول بنتي استحي اصيحلو بأسمو.. بقيت اتكلب بفراشي وافكر.. ما ادري من غفيت.. بس حسيت انطبك الباب.. فزيت. دحكتو ماكو بفراشو.. مشغل بس تيبلام.. هاي بس لا نزل الها.. كمت من فراشي بساع وطلعت.. سمعت المي بالحمام يجري.. دكحتو كاعد يتوضى.. طلع ودنك مسح رجليه وحجه.. ها بويه شو كاعده. لا تضلين تفترين بهذا ثوبج الگصير هينا تره نائل للان ضوه غرفتو شاعل ويحجي بالموبايل لا يطلع ويدحكج بهلوضع -لا بس ردت ادخل الحمام . -عجل واكفه ادحكين بوجهي.. فوتي. -دخلت للحمام .. خلصت وطلعت لغرفتو.. دحكتو يصلي.. رحت لفراشي.. واطمش عليه شلون يصلي شكلو يجنن وهو يصلي ويسوي حركات الصلاة.. يرفع اديه يدعي.. يركع يسجد.. بهدوء وكلماتو واضحه.. خاصه من يرفع راسو ويكول سمع الله لمن حمده. يربي صرت اعشقو لهرجال.. وهو لا يمو ولا حاس بشي.. كمل صلاتو التفت يمين و شمال ونهى الصلاة وشال السجاده.. وراح لفراشو.. وطفى التيبللام.. بقيت افكر يربي والله راح يطير الرجال من ايدي واخسرو شسوي.. كل وحده اجرأ من اللخ وحده ادزلو صورها بملابس نوم والثانيه تسألو اذا هو يريدني او لا وتزت بروحها عليه واني الغبيه كاعده اطمش ع الرايحه والراده لحد ما يطير.. من غبائي الزايد.. كمت من مكاني ووكفت يم راسو.. بلا هسه اني شحس.. هو مغمض ومخلي ايدو على عيونو ضوه خفيييف يجي من الكراج .. حس ورفع ايدو وكال ها يابه بيج شي... ؟ -لا -عجل شبيج واكفه يم راسي - لا سلامتك درت ردت اروح .. صاح -يولي حدري لا تستحين اذا محتاجه شي كولي تره صرتي اعز من حلا.. -هو كال هيج بلا تفكير .. فتحت غطاه ونمت يمو.. هو تفاجأه من تصرفي بس ثولها وضحك ورجع حط ايدو على عينو ونام.. المسافه البني وبينو يمكن 3 اشبار.. كلت بلله هسه اني شلون حماره من سويت هيج هسه مو راح ياخذ عليه نظره ما حلوه.. تحرك واندار انطاني ضهرو ونام .. عود ليش على تختو ما يدحكني ولا يتقرب يمي. شكد احس بحبو لما احنه جوه.. بس بغرفتو يبتعد حيل مني ما اعرف ليش وكأنو يتحاشني غصب عنو.. من تالي عرفت الجواب.... -ادحك بضهرو.. الا و الرب انا ما استحي نايمه يمو وهو بس بالشورت.. شكلت لروحي من سويت هيج تمنيت تصير عندي جرأه اكثر واتقرب وانام بضهرو.. بس بقيت هيج احسن.. لحد ما غفيت.. ما فزيت الصبح الا على صوت الباب يندك.. الضوه خفيف البردات مسدوده.. هو رفع راسو وبتك عين يدحك ويكول منو.. اني مسويه روحي نايمه . وهو نايم على ضهرو جان وايدو مخليها على عينو.. وكعد يحجي من كالت ابو حرب انه اخلاص.. اني بسرعه بس سمعت هيج.. بحجة نايمه واتكلب اندرت وخليت راسي على صدرو وعود نايمه اشخر ما احس.. هو ضل بصدمه لا يكدر يدفعني ولا يكدر يحجي.. هي فاتت بلا ما يكول دخلي.. نزل ايدو على ضهري وحظني ورفع الغطا الصدرو لان كان ما لابس غير الشورت وصدرو طالع.. -اسفه ابو حرب ما عبالي نايمين بس الحجي يريدك بشغله وصار ساعه يتصل عليك وما ترد.. -موبايلي صامت .. تعبان مابيه كليلو انه شويه وانزل.. ردي الباب وراج بلا زحمه واني على صدرو اندار صفح و حظني وغطا راسنا ..ماي بارد ونزل على صدري من دحكتنا بهشكل العوره الما تستحي .. سدت الباب.. هو ضل جامد بمكانو .. بس حسيتو عرك وما اعرف شصار بيه .. نفسو تغير وكام بسرعه.. وسحب ايدو من جوه راسي حيل . فزيت.. هو مدنك وراح للكنتور يلبس بساع.. كعدت على حيلي.. عيلبس بالبجامه.. كتلو اسفه بليل خفت حيل لان ظلمه واستحيت احجي ونمت هين. -لا ولا يهمج عمو عادي.. حجاها وهو يلبس القميص و ميدحك بوجهي ونزل بسرعه. استغربت شنو يكلي عمو.. ما مكفيني بابا هنوب صارت عمو .. خرب بحظي كمت لميت شعري وبدلت كلبيتي .. ادحك الساعه 11 ونص.. يا عزه كل هلوقت وما حاسه.. غرفتو حيل مريحه واذا هو نايم يعرفون ممنوع احد يسوي طكطكه يم بابو لان يكعد معصب ويبتلي بيهم.. فمحد يتقرب لهيج ما حسيت مو مثل غرفة الحجيه. بس تصير ال7 الصبح الباب يضل طاب طيب .. محد يكدر ينام انجبر اكعد.. فتحت الباب ونزلت.. الكل كاعدين وملتهين كل واحد يشغله و صراع بالاستقبال يم الولد اسمع صوتو.. فتت للمطبخ حميت الجاي وحظرت الصينيه وحطيت بسكت وي الاكل ورحت للهول كلت لحرب صيح بابا يتريك .. اخلاص كاعده تخوزر وتنافخ وادير بوجها اجه هو.. كعد وصاح بابا حرب حدر تريك.. كالو تريكت بابا .. انتبهت الكل متريك بس اني وياه.. هيام طلعت.. عزمها تكعد ويانه. كالتلو بالعافيه خويه من ال8 تريكنا كلنا.. موقف يخجل كلها متريكه واحنه ضاربيها وكاعدين الظهر .. عادتي الصبح مو كلش اشتهي .. ف اكثر شي احبو الصبح بسكت وجاي.. هو ياكل ويدحك عليه. احط بسكت واصب الجاي فوكو واكل.. -بويه لو اشتريلج سيليلاك فد مره مو احسنلج من هاذ -هااا -يا ها بويه كاتلج فقر الدم وانتي فالحه بسكت وجاي .. شال خبزه كص شويه منها وكال اكلي عوفي هلخرابيط التاكليها دخلت ام سعد... عيني يل كاعده الظهر ما تكولين خطارنا رايح راد اكعد من صباحيات الله لابده فوك شنو معناها ردها صراع:- خفي حملج عنها بويه هلبيت شكثر نسوانو كادره على هاي .. ليل نهار تشتغل تركيها تاكل براحتها ... اكلي بويه وعوفي هلبسكت.. جر الصحن من كدامي.. وام سعد حجت -وين التشتغل ليل ونهار اسكت يمه لا يروح احد يصدك... هههييي وتهز بيدها .. كاعد يدافع لحرمتو تالي وكت.. حجت وراحت هو ما علق عليها.. اندار على اخلاص وكال... -بت عمي اذا ترجعين اليوم بس ابعثي حلا بدربج شوفي منو يوصلج خل ترد نفس السياره. -ادحك عليها اختنكت وكالتلو تأمر ابن عمي.. وراحت للمطبخ.. اني مدنكه راسي وكاتمه ضحكتي.. كام .. كال الحمدلله.. اني هم لمست وشلت الصينيه للمطبخ.. فتت لكيت هيام -ها بشري شلون صار علاوي -والله ليونه الله دفعها وستر عليه والحمدلله بس رجلو كسر وضهرو مشخط.. -الشكر للرب على حمايتو.. وكفت اغسل المواعين فاتت ام سعد.. كالت :- اليوم نسوي تشريب وتمن احتمال ولد اختي يجون ع الغدا فاتت اخلاص.. كالتلها لا ترحين امج خابرتني اخوتج راح يجون اتغدي وروحي.. -تأمرين خاله -اني اغسل واضحك ع الوضع شكد ما عدها كرامه.. ام سعد :- ليليان هيري الجدوره دنطبخ.. -اي .. دنكت للكاونتر متمسكه بايدي على حافة الكاونتر و ايد اطلع بيها.. جت اخلاص دفعت الكاونتر حيل عليه .. وفاتت عود ما تدري.. رفعتلها وزكحت بيها.. ما عتفسرين اذيتيني -اسم الله عليج عيني ما ندري بيج هلكد ترفه وتتأذين طلعت الجدوره وهي متجيه على الكاونتر وتحجي:- من صدگ ناس ما تستحي ام سعد :- خير شبيج -لا هيج سالفة وحده حتى ما تسوى احجي بيها اصلا -عجل شكو حاطتها ابالج خل تولي -مو خلك وحده بكد فردة النعال وشايله الخجل والمستحى فد نوب.. كدام العالم شريفه وهي اكبر كح... ليليان:- عليمن تقصدين - والله يعرفون نفسهم -هااا يمكن هذوله نفسهم الماعدهم لا حيا و لا كرامه يتلزكون بتوالي الليل للرياجيل ويخابرون وينطردون -ولج هاي عليمن تقصدين -يعرفون نفسهم ما حاج اوصخ الساني بيهم اصلا ما يسوون اضفر من اضافير رجلي واحجي بيهم.. ام سعد :- وانتي منو مصخم وجهج حاجيه وياج هي جايه يمج -ومنو كالج اني اقصدها تره دنحجي اني وياها عادي شبيج خاله -خاله الخلخلت عظامج.. طلعي النومي لشوف ملتهيه بالتلزك بالرياجيل والنوم الما تستحي والله ما لازكه بغريب .. رجلي وانام بغرفتو الناس شحارك حمامها.. احجي واني اريد افتح الخانه الفوك اخذ نومي بصره.. هي واكفه مثل شمعة الفكر.. زكحت بيها.. بالله انطي درب شويه خل نشتغل ما بطرانين احنه ونتلزك.. شو وخري ودفعتها دا امد ايدي للملحق.. جريت علبة النومي بصره. شو هاي انطيني دفعه ووكفت ايدي كلها تزلغت بحافة المغناطيس مال الكاونتر.. والعلبه وكعت وانكسرت .. زكحت شبيج شنو هلخباثه ليش هيج ترفع خشمها وتكلي ما ادري ع الصوت فاتت هيام وام سعد حجت -ما متقصدتج ما تدري لا تكبريها .. من غيرتج منها تتبلين عليها هيام:- شكو يابه شلصوت -ام علي دحكي ايدي شلون زلغتها بس ادفع وتسد الكاونتر على اديه .. -اخلاص وكفتج من عدمها ماكو فايده.. لو تفوتين تنظفي لو اتشوفينا عرض اجتافج كافي تره ما ناقصينج .. اخلاص:-ما جايه ابيتج احبيبه بيت عمي كلمه من اخلاص وكلمه من هيام علكت بينهن بالاكلام هاي ترد وهاي تصد.. كمت اسكت بهيام حتى تفض كلها موجوده بالاستقبال.. وام سعد فالحه ادعي عليه وتكلل النغله والنغله.. دحكت صراع نزل ع الدرج.. واجه للمطبخ بساع.. زكح يولي شكاعد يصير حسجن طالع شكووو نازل مبدل وكاشخ يريد يطلع.. اندارتلو هيام.. كالتلو بدين محمد عليك دحك خباثتهن.. وجرت ايدي كاعده هينا لا شغله وبا عمله اتكفخ وتبسمر بهلمسكينه.. ام سعد :- مسكينتيش هيام صارلها ساعه تغلط عليها عرفي حك الله ليليان عرمه ووكحه والسانها ما ينجرع.. صراع :- ولجن هاااااااااااااااس .. فضحتنه.. دحك عليه وكال وانتي شبيها ايدج احجي -حجيتلو السالفه .. قاطعتني اخلاص وكالتلو والله يا ابن عمي فاتت ع المطبخ تسمع حجي ما يستحن وبلا حيا وكرامه ويتلزكن للرياجيل ويخابرن المن تقصد.. اندار عليه متفاجئ و خزر... كتلو بساع .. عمو والله هي اللي بدت من فتت وهي تسمعني شايل المستحى ونايمه وي الرياجيل وتحظن مو عيب عليها تحجي هشكل نايمه وي ولد الشارع اني وتحجي عليه هيج وام سعد ادافعلها اني شسوي اذا هن يدوسن ابطني.. ما رد عليه واندار وصاح محمممممممد.. صاح ها عمو.. -حدر بويه اسمعني.. توصل عمتك اخلاص لبيتهم وتردلي ذيج الكلبه بدربك.. ام سعد :- تطردها ابو حرب .. ما عرفناك يلكريم وبيتك مفتوح للكل تفر راسك مره وتخليك تطرد بت عمك.. -دحكي ام سعد.. تجوزون مني لا حرام بالحرم البيت احرگو فوك روسكم.. اندار مشى وصاح ليليااااااااان......يتبع ☆☆☆☆☆☆ #زينب_ماجد | ||||
|
| |
|
02-10-18, 08:22 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المراهقة_و_الأربعيني ،،،،،،،،، بقلم زينب ماجد ،،،،،،،، الحلقة_23 طلع من المطبخ وصاح.. ليلياااااان.. مشيت وراه. كضب ايدي ودخلني لغرفة الحجيه كالتلو:- ها يمه خير بيك شي -يمه رايد اطلع وهلمشاكل شلت راسي الاريدو منج ليليان لو طبت المطبخ واشتغلت ايدج والنعال على راسها -تم يبعد امك -دحكت ع الحجيه وهو طلع.. ابتسمت.. -يولي اتركيهن وصعدي حطي راسج و نامي كعدي تلفزيون شعندج مگابلتهن مو رجلج متعوره ؟ -هو هم بيج.. اصعد فوك احسن لي.. رحت لغرفتو لملمتها ونظفت وكعدت اطمش ع التلفزيون.. جانت اكو قناة اسمها فتافيت.. شكد يعجبني اطمش عليها.. واحب اتعلم الاكل بس الشكر للرب ولا اكله حفظتها من المتابعه لهل قناة كاعده.. وطبت حلا ضايجه مختنكه ووجهه احمر عرفت صراع ضاربها راشدي مو غريب عليه هلچف ماكلتو .. نزعت الجبه وكالت:- يولي حيه مسمومه النهار كلو كاعده وانتي اشوفين ابويه وتصيرين نادره كدامو عبالج ما اعرف سمومج كل همج تشوهين صورتي -لا حبيبتي غلطانه -انجبي وكلمه ما اسمع.. بس بسيطه خل يهدا الوضع اذا ما علمتج الله حك.. -ما رديت عليها هي نزلت بساع.. ادحك و مليت من التفرج ع التلفزيون .. نزلت.. لكيتهم يصبون اكل .. كعدت يم عمتي .. وكل شوي اريد اكوم اعاونهم اكول خطيه وتكعدني الححيه وتكلي مالج غرض المطبخ مليان نسوان.. صبينا وكعدت اكل.. والعجيبه اخلاص للان ما رايحه شنو من بشر هاي ما اعرف.. اكلنه وام سعد حجت -ويشكون حالها يكولون ما تاكل فقر دم.. وهي تريكت ب11 و هسه وحده ونص وتريد تتغده بعد اكليني .. صدك لو كالو حظ الجايف نايف -ردت احجي ندستني الحجي.. همست الها .. متسمعين -خايبه شبيج لو ما غاثتهن وطالعه ارواحهن منج ما حجن ليش تريحين گلبهن وتردين.. اكلي جثير وغثيهن فوك مغثتهن.. ....ضحكت.. اي صدوك خوش فكره.. اخذت السوب وشربت الكاسه كلها شرب.. انوبه التمن.. اني احبو وي اللبن (روبه) كتلها ساره عللبة اللبن بالثلاجه كومي جيبيها.. ما كالت لا.. كمت اصب لبن ناشف وي التمن واكل.. وام سعد ادحك وتكول يا يا يا هاي الما تاكل.. هي حجت هيج.. وكعت على سطلة اللبن بالخاشوكه اكل اكل اكل .. طيرت نصها.. وهاي ام سعد الا شويه جان انجلطت. بس عدت حرامات متموت ما بيها خير.. اني اكل وهيام مدنكه وتضحك بس الكتاف تهتز.. يمكن اول مره بحياتي اكل هلكد.. كملت ودكيت على كرشي واحجي وي الحجيه.. يمه كليلي مبروك اني حامل بطفل اسمو كرش وهنه هيام والحجيه خربن ضحك.. كتلهن شلون اكل طيب عاشت ايدج خاله ام سعد.. تعيشين واطبخيلنا غيرو الله يحفظج.. -مو الخدامه مالت النغوله مالتج بنت الكلب -لا لا صدك الاكل طيب.. يابه يرادلي سفن انزل طفلي الكرش بيه .. -الحجيه تضحك.. ومدت بجيبها طلعت فلوس.. مر ابن سعد الصغير كالتلو روح اشتري بطل سفن بساع عدنا حامل نريد نجيبها بسفن.. هي تحجي وهيام خربت ضحك.. وذن كاعدات وعود ما مهتمات وهن بودهن ياكلني.. كامن لمن الصينيه.. اني رحت غسلت.. حلا تلم بالمواعين و اخلاص تغسل ع السنك.. رحت كعدت يم الحجيه.. فات صراع بدشداشتو ويفر بسبحتو.. دحكني كاعده يم الحجيه ابتسم.. دنك راسو للمطبخ.. شافهم عيغسلون اجه كعد يمنه اني والحجيه بالهول .. -ها الله يساعدهم -هلا بيك يمه -شو هاي ما ولت -شسوي يا بني ادميه ما عدها ذرة كرامه.. بجت وابوك الحنين كضبها وما ترحين وبقت.. قابل اكوم اطردها.. -هز راسو.. وانتي .. دحك عليه.. حجت الحجيه :- اتركها هاي حامل -شنو حامل يمه. شهلحجي -حامل بكرش يمه.. - هي غير لو تاكل ام البسكت -كلت يمه لا تخاف كلت اليوم وعوزها بس تاكلهن ع الواهس وحبلت بكرش ومتانين السفن يجي دنزل الكرش -ههههههههههه والله عليكم سوالف هههييي ياربي اروح اصعد انام اشرفلي من الكروش والسفن.. ديكوم.. اجه ابن سعد.. جايب بطل سفن صغير.. اخذو صراع وكالو اي بعد عمك انه هم حبلى بكرش واريدو ينزل فتح البطل وشرب بدون كلاص.. نزلو وسد البطل ودحك عليه يولي تشربينو لو تكشين اطلبلج غيرو.. -لا عادي اشربو.. بأبتسامه خفيفه ورفع حواجبو ونزلهم وكلي هاج .. شكد عيب هسه اروح اشرب من حلگو كدامو.. الشربت كال هاي ميته عليه وتشرب من حلكي.. والمسحت البطل من فوك.. كال هاي تكش مني .. وعيب عاد. كمت اخذت كلاص وشربت.. وصعدت فوك.. لكيتو عيبدل.. مديت فراشي وردت انام ما جاني نوم.. هو طفى وبساع غفى.. شغلت التلفزيون هم ملل.. عاد الشيطان تربع براسي وكمت رحت يمو.. دحكتو نايم.. جريت الموبايل مالتو على كيييف.. رجعت دحكتو ما فز.. كعدت بالكاع وكمت ابحوش دست الهوم.. ماكو قفل.. فقط سحب.. مررت اصبعي .. طلع صوت شلون المي من سحبت الشاشه.. صكيت سناني وغمضت عيوني من طلع صوت.. كلت كعد.. رفعت راسي .. بعدو نايم وايدو على عيونو.. دخلت الاسماء.. دست حرف أ .. كومه اسامي بهلحرف.. دست ا و خ.. طلعت بساع .. اخلاص.. حذفت الاسم من القائمه.. رحت ع الرسائل .. اخر رساله بليل كاتبتلو ابو حرب بروح العزاز رد علي دا اصعد اقره الرسايل بعد.. ما احس الا نسحب الموبايل من ايدي.. درتو كاعد . وساند على ايدو وكال -يولي مو عيب تفتشين بشي ما يخصج.. -لا عمو دطلع العاب -شفتيني جاهل انه وتجذبين علي مالت العاب هي -دنكت وكتلو اسفه.. -ول يابه ريحي راسج ولا تفكرين بشي اكبر من عمرج.. واطمني بويه.. هذا تره مقفول .. اشر على گلبو.. ومفتاحو ضايع.. -دحكت عليه ليش ضايع -المره الزينه والتمشي على مايي تلكاه بس هسه مقفول يلا بويه نزلي سويلي جاي وبعد لا تعيديها -هزيت راسي عبالك تعاقبت.. بس فرحت من كال هيج يعني ميحب اي وحده.. يعتي حتى اني ميحبني ؟؟ لا هو كال انتي صرتي اعز من حلا.. يعني يحبني ما مثل خليصان ام حثل و وام مصطفى الما تستحي.. نزلت.. حلا واخلاص كاعدات بالمطبخ يحجن. ما اهتميت .. طشيت الجاي وسويت جديد.. وكعدت ارتبلو الصينيه والاستكان مالتو.. حلا:- دحكي واسمعي زين لا عبالج تصيرين مره لابويه تحلمين والله مخططاتج كلها نعرف بيها حيه مسمومه -دحكت الها بطرف عيني وكلت..ملعوب بعقلج ما ارد عليج اخلاص :- وشكالت عيني حقها ابوها وهي حره بيه -واني مرتو افتهمتي ومحد حاجي وياج وطالب رأيج ف لا تدخلين .... لزكه.. رادت تهد عليه حلا .. و جرتها اخلاص .. :- كعدي يولي ما بينه حيل هلجلبه المسمومه الماتستحي تروح تتبكبك كدام ابوج وتطلع هي المسكينه درت منها.. بس لمحت اشرت الها اشاره ما عرفتها صبيت الجاي وردت امشي.. دا اطلع حلا مدلي رجل وجان انجبح اني والجاي على ركبي صحت اااخ.. ردت اسند ايدي.. دحكت رجلين صراع .. سحب ايدي وكال كومي لشوف بويه.. سحبني وراه ودخل للمطبخ. -شال حلا من شعرها رفعها.. اطلعين فوك وجهج ما ادحكو.. وحسابي وياج بس اصعد.. كلببببه ودفعها واندار على اخلاص .. اتخصر وكاللها هاي عود انتي الجبيره عجل شنحجي ع الجاهله.. اسمومج حتى البنتي جاي تبثيها.. دحكيييي واشرلي واني ابجي وهو يصرخ...ليش هيج تسوون بيها بشنو اذتج ليليان فهمينييييي.. طالبتها ثار .. داخله بيتج و سابتج. انه ما خلصت من اختج وحقارتها وانطمت اطلعيلي انتي ... هي تريد تحجي بس هو وصوتو عالي وما خلالها حرف تنطق.. رفع ايدو واشر للباب.. دقيقه ما تظلين يلااااا .. الضاهر انتي واختج طينه وحده ما تجن بالعين والاغاتي لا اطردجن يلا تجرن.. حجاها.. واندار كال صعدي جدامي انتي بسااااع.. صعدت.. و هو وراي من عصبيتو بودي احط ايدي وره خاف تجيني ضربه بلا ما اعرف.. بس ما ضربني راح كبل للغرفه.. دخل على حلا.. و سد الباب.. وهي تكلو بابا والله بعد.ما اعيدها وهو يصرخ لج بنت الكلبه تتعلمين حقاراتهن انتي.. ويضرب وصوت ضربتو على جسمها تنسمع. وهي تبجي وتتوسل. اني حطيت اصابعي باذاني وركضت للحمام اختفي من كدامو. لا هم يكتلني.. احس بطني ذبحتني الم من الخوف وهو اسمع صراخو بالبيت.. اخر شي.. اجه للحمام ضرب حيل وصاح من هيناااا فتحت الباب ودموعي تجري من الخوف وبساع حجيت وكتلو عمو والرب ما حجيت وياهن هن يغلطن عليه.. حجيت واختنكت وبجيت -يولي طلعي لخاطر الله.. بعدني وفات للحمام دنك و حط راسو جو البوري.. والمي على راسو يجري.. صاح منشفه.. ركضت جبتلو واجيت.. واني ارجف منو لان شرايين ركبتو كلها طالعه واحمممر من العصبيه.. وحلا تبجي بغرفتها والحجيه واكفه ع الباب.. اجت كالتلو يمه كتلك على كيفك.. صحتك اهم وليدي.. شال راسو وحط الخاولي نشف بساع ونزل وزكح -يا صحه وذن الساقطات على كلبي .. دزيتها بس تسويلي جاي يكلبنها هي والجااااي .. ما كالن وجهه يحترك كزازه تطفر بعينها.. هاي انه نايم فوك وسبوها سبايه.. عجل لو اروح شلووون يشربون دمها وين حاطها انه يا امة الاسلام وييين لو يهود هم عدهم رحم من خر****** ب***** حتى كو******يد .. طلع وهو يحجي وينشف براسو .. -فوك انه وسمعتهن يتلاغن وياها.. كلت انزل اشوف شكو.. انه انزل وهن يكلبنها هي والجاي الحار جدامي .. ماخذه ورثهن بنات الكلب.. وهاي حلا بالله لو سمعت حسها الا راسها اكصو.. مخلفلي وجدان ثانيه ابيتي كلبببببه.. حجه ونزف خشمو دم.. ركضت جبت كطن..هو طب للغرفه.. بساع جبت الجيس كلو.. وانطيتو شويه خلاه على خشمو ورفع راسو.. رغم كل صياحو يدافعلي واني دموعي تجري وارجف خوف منو لا يضربني ويطلع عصبيتو بيا.. تمدد ع السرير.. وهو يمسح الدم.. وكف تقريبا بس حيل تعب حسيتو كام يشهك.. وصدرو يصعد.وينزل خفت يصير بي شي والحجيه واكفه وتحجي وياه وتكلو كوم راح تموت كوم روح للمستشفى كوووم.. اني متحملت مسكت ايدو وكعدت ع الكاع و خليت راسي على ايدو وكمت ابجي حيل بصوت عالي.. كام من مكانو.. :- يولو انتي شبيج ما تكليلي -اني ما ارد وما اعرف ليش جاي ابجي خوف منو وعليه.. اخاف يضربني واخاف يصير بي شي واخسرو اتخر شوي ومد ايدو وكال حدري لشوف .. تراج ذبحتيني.. جرني لحظنو.. ضحكت الحجيه. كالتلو بعد.ما اخاف عليك دام تحظنت نزل ضغطك.. طفت الضوه وطلعت.. واني بس ابجي بقوه.. وهو يمسح على شعري ويكلي لا تبجين يولي .. والله احركو اليوصلج.. انه موجود وهلدموع تنزل .. -حاط راسي بصدرو .. ويمسح على شعري.. ابجي ابجي حيل مدري شبيه لحد ما هديت.. وثكلت ايدو فوك راسي واني عيوتي ثكلن من البجي وتعبت ونمت اني وياه.. ما حسينا بشي .. لحد.ما تحرك صدرو .. حسيت فتحت عيني بس ضلام وضوه خفيييف من الكراج .. -همس بيش الساعه .. _ما اعرف .. بحظنو ومد ايدو مني وزت حملو عليه وشغل التيبلام .. دحك ايدو.. ساعتو واكفه غاسلها اندار للحايط.. 8 و عشره.. يلعن ابليس استغفر الله صلاة المغرب والعشا راحو عليه.. كف الغطا وسحب ايدو من جوه راسي و كام بسرعه مني وطلع.. رجعت راسي مرتاحه الجو شويه بروده والفراش داااافي وظلمه بس ضوه التيبلام. رجعت عيوني بين التغفى و التصحى.. دخل هو .. شغل الضوه ومد سجادتو.. ووكف يصلي كمل اجه كعد وتمدد وسند راسو بأيدو ودحكلي وحجه ..:- تعرفين ان انه مو نوام هشكل وما اغفل عن صلاتي وجان عندي موعد وي ولد كلهن تخربطو؟ -خابرو وروحلو -يولون مخبل انه اترك غرفتي هسه واطلع.. -واني حاطه راسي ع المخده ابتسمت.. -ابتسم... صار عمري 43 سنه ولا فد يوم جذبتني مره وصارت بنفسي وتركت كلشي وكابلتها لان مرتاح -مرتك الاولى شبيها ليش ما جنت تحبها -الله يرحمها تصرفاتها تغثني اكره المره العدها خباثه وهي عدها حقاره . -يعني متحبها - من جنت وياها ما كلش جنت احبها بس على كولتهم عايشين خاطر الاطفال والعمام ما يتخاربون.. -اني سمعت شويه عنها كالو جانت ما زينه وي الحجيه.. -دحكي ليليان.. يمكن انه الرجال الوحيد گلبي بيد امي.. ومفتاحو عدها من كتلج مقفول.. اعشق المره الترتاحلها امي وتريح گلبها.. امي فقيره وجثير يستغلنها ويستغلن طيبتها فما احبهن ولا يكربن يمي بشي -اني مرات احسها امي.. لان من ادافعلي تصيرلي سند.. حتى من انت ما موجود ما تخلي احد يأذيني -ليليان امي فقيره.. وشافت ضيم بس الله يعلم شكبره.. -حجتلي هيام عليها شوي وابوك ما يريدها. -ابوي مو بس ما يريدها بس كتلج امي فقيره من اهل الله.. اسمعي خل احجيلج.. ابوي من عشيره معروفه بالانبار.. وامي غريبه ما من عشيرتو علويه سنيه من سادة عشيرة النعيمي .. -يعني شنو -يعني نسبها من نسب الرسول محمد عليه الصلاة والسلام.. من تزوجت ابوي اتأخرت كم سنه ما حبلت.. ابوي رادلو حجه.. وراد يتزوج وحده من اقاربو يحبها .. رغم عرف امي حبلت بس كاللها انه اريد اتزوج.. بدت معانات امي من يوم الدخلت لميعه ام سعد لبيت ابوي.. جانت امي حامل ولميعه مر على زواجها 5 اشهر وما حبلت فكلولها انتي مثل امج تحبلين متأخر وما تخلفين بس بنات.. اهل گبل جانو يصدكون بالخرافات وهيج كلام.. فهي صدكت ان هي مثل امها .. وامي النسوان كاللها ابطنج ولد.. هاي سمعت لو الكاع ما لمتها.. ما خلت طريقه حتى توكع الطفل اللي ابطن امي.. حتى سم .. سممتها .. وامي فقيره لا تشكي ولا تحجي وعدها اهل بس هم فقره مثلها مابيهم شدة ظهر جانت بطنها شكبرها واخر ايامها وهي بالظهريه الحمره ابستان ابوي تشتغل.. لحد ما جالها الطلوك وهي تحوش جابتني اني بنص الزرع.. كالت راح يموت ما يبقى لان حيل تأذت بيه وصلت الموت.. بس لا انه ولا هي صار بينا شي.. من يومها سمتني صراع.. على كد ما صارعت الدنيه حتى تولدني واول نظره منها الي كالت اليوم انولد زلمتي الراح الصارع بيه دنياي.. ابوي هجرها كل الدنيا تعرف بحالها وواكفه وي لميعه. فما رادت من الدنيا غير الله يحفظني ويجعلني سند الها والكبرها.. مشت الايام صعبه حييل .. انه صغير ما جنت واعي وهي ما كلش تسولفنا على معاناتها تكول بس الله يعلم بيها ما اريد غير الله يعرف بس اتذكر عمري 5 اسنين مدري 6 .. الناس لحو على ابوي شلون هاجر امي يجي يكسر الهجر بينهم ويعتبرها مره.. وابوي ما كال لا.. اجه لامي ليله.. لميعه درت و كلبت الدنيا فوك راس ابوي شلون يوصلها لعبت باحولو لعب.. وبالفعل من ذاك اليوم ابوي هجر امي فعليا.. بس اللي صار امي حملت مره لخ.. وجابت هيام. من جابت هيام.. حسيت اكو لعابه دخلت لحياتي شحدو اليكربها انام يمها اعتني بيها. لان ام سعد جانت تضربني وما تخليني العب انه وسعد.. فروحي تعلكت بهيام حتى على رجليه جنت انومها من ماكو امي.. ومرات امي تلهي عنها .. اروح اجيبلها حليب بقر واشربها. من يوم الصارت هيام.. تشكلت بهلركبه ..وضرب على ركبتو.. وبدت معانات اصعب واقسى .. ابوي عينو على جهالو من لميعه وما فد يوم ضحك وياي لو لاعب هيام.. جنت اوكف ابجي وانه ادحك.ابوي ما يلاعبنا ولا يضحك ويانه .. هذا البجي شكد قسى گلبي وخلا حجر ما يحس من اشوف يلاعب اطفالو واني وهيام نخاف نتكرب وتكتلنه لميعه وابوي ما يردها عنه ولو دافعتلنه امي تنكتل ويانه.. جانت حتى اكل ما تنطينه ماعون واحد مرك او اي اكله .. وكرصة خبز غيرها ماكو انه وامي وهيام بيها.. جنت صغير بس اكال .. اريد اكل اكل ما مثل البنيه وارضى بربع ماعون واشبع لميعه تنطينه ماعون.. انه ماعونين ما يكفني من اكل .. ولد اريد طاقه.. وجانت امي ادور منا ومنا وتجيب خبز يابس وتسوي وياه مركة هوى وتخلي الخبز بوسطو.. وناكل بس لو درت لميعه احنه ماكلين ننكتل.. ولو لكيت سعد ياكل تمن ومرك وكعدت يمو .. تجرني من اذاني تضربني وتشحتني على ابو انه مرهوگ واريد اكل الاكل مال ابنها .. صرت بالمدرسه وهينا امي اشتغلت .. كامت تحوك ليف وبالبستان تسوي مكانيس سعف. وتلم الليف بسكوت وتخليهن بجنطتي انطيهن لاخوها من اروح وينطيني مكانهن جم فلس اروح اشتري بيه خبز وطماطه لو بصل .. يعني شغلات بسيطه ناكل ونشبع منها واذا زاد فلس تضمو امي حتى تشتريلنا ملابس انه وهيام.. ضليت على هذا الحال سنين.. وانه ادحك امي سهرانه الليل ع ضوه الفانوس وتحوك .. حتى توكلنه جم لكمه. مرات جنت ابجي بدون علمها.. اكول ليش بس احنه هيج عايشين.. ابوي عندو خير واخوتي اطيب اكل واحلى لبس ياخذون.. وانه وهيام غير عنهم .. اتحسر اللحم و الدجاج ما تخليني اكل لميعه.. ايام غصتهن لليوم بزردومي شكد ما تعدي ما ينسن بيوم عمري 11 سنه فرشتلي امي سجاده.. وكالتلي يمه صلي .. كتلها ما اصلي هو الله شنو واصليلو منطيني عيشه مثل العالم من بين اخوتي انه جني قرد.. ليش اني مو بشر الله ما يشوف كالت استغفر ربك وليدي ولا تكول هيج.. ان الله اذا احب عبدا ابتلاه.. وبدت تسولفلي على النبي ايوب وشلون اخذ اطفالو ومالو وجاهو ومرضو وزتوه بره المدينه يم الوصخ. والله جازه صبرو ورجع ايوب احسن من قبل بفضل الله لان نجح بالاختبار فشبهت حياتي بحياة ايوب وكالتلي اصبر وخل الله يشوفك نجحت بالاختبار حتى ينطيك.. ساعات وهي كاعده تعلمني وتسولف وياي.. وفعلا كمت صليت. وكامت على كل وكت صلاة تندهني وتكلي كوم صلي.. اسبوع واحد من بعد صلاتي. اجالي واحد اخو صديقي كال تشتغل بمعمل نستله كلت لامي كالت بعد الدوام اشتغل وبالفعل كمت اشتغل وكم اشوف ينطوني اليوميه وافرح جن الله صدك رزقني ومو جم فلس لا جن الله انطاني كنز وتعلقت بصلاتي وبربي اكثر كمت اشتغل واجيب اكل والباقي انطي لامي. اجيب نستله كومه من المعمل تزود ينطوها الي.. هلكد.طيبه واجيبها لامي وما ينطيني كلبي اكل انه وهيام واخوتي لا جنت حيل احبهم وبالسر ابوسهم العب وياهم.. ف اروح بسكوت اصيح سعد واخوتو يجون يدحكون انه شجايب وياكلون ويانه. على كد ما جان بسيط الاكل.. بس فرحه ولذه بيها ما توصف وافرح من اشوف اخوتي ياكلون.. واحس ماكلين شي بجالي. من چدي.. بس خواتي من ام سعد ما جنت اطيقهن اصيحهن ياكلن بس يتكاونن و هيام ويكتلنها فاكتلهن واطردهن.. اما اخوتي فلا من احنه صغار هم يحبوني ويحترموني لان انه جبيرهم.. ما فد يوم سمعوني كلمه لو غثوني.. وحتى من كبرو.. ابوي فقير ما وراه فزعه.. فمن يحتاجون شي يتكاونون انه اطلع اكاون عنهم وشحدو اليصلهم.. وتعودو شكو سالفه عدهم من هم صغار يجولي انه احلها ولو صعبت اروح على عمامي احشمهم فصرتلهم سند وهم سندوني وشاد ضهري بيهم.. كبرو ولليوم يحترموني.. هذا سعد اكبرهم مو.. لو ضربتو جف .. ما يشيل عينو.. خو عابد يوووه شكد اكل جتلات مني بسبب سوالفو بس ما فد يوم رفع وجهو بوجهي ابد.. اي .. من شفت الشغل زين وانه كمت استلم فلوس حلالي الوضع طلبوني شفتين صبحي ومسائي ويوميتي تتضاعف.. ف بطلت من المدرسه بدون علم امي واوهمتها ان زادو يوميتي بس ايام وكشفتني وكالت ارجع كتلها فصلوني من المدرسه بعد.. وتركت وكمت اكد على امي واختي وشلت مسؤليتهن وانه عمري 12 او اقل .. -صغير -اخذ نفس انه اصلا ما شفت من صغري شي طفل وشايل حمل كبار.. فطفولتي ما حسيت بيها.. عشت عيشة فقير يتيم ابيت والدي الجبير من كمت اشتغل مضاعف وانطي لامي.. امي حريصه كامت تصرف ربع يوميتي والباقي تضمو.. بس ما كانت تقصر حاجه اذا علي او على اختي.. كمنا نشتري .. من صار عمري 18 . هين دخلت عسكرية .. وراتبي زاد.. بس صرت بخطر.. حرب ايران.. والدنيا نار.. وامي اشتعل راسها من القهر علي وكل شهر تكول ابني مات الى ان فد مره تأخرت ما جيتهم 4 اشهر ما صار نزول والحرب حاميه .. مزينه شعرها وناذرتو لسلامتي وفاتحه صدرها لالله.. كايلتلو لو صراع صار بي شي ياربي هذا حد صبري وياك.. خذت مني عمري وشباب ودنياي ونطيتني بس صراع وتمن علي بيه وتاخذو.. معتزله العالم بوكتها.. وفعلا انه جنت بنص الموت وكعت بنص الشط اللي يفصل العراق عن ايران.. والطلق والقصف فوك راسي وانه لليوم حاير شلون عشت يومين بالماي وجنت كاطع الظنه اعيش .. اكثر شي تأملتو ان اعيش واروح اسير لايران. بس معجزه وطلعت كلشي ما بيه. وانطوني اجازه ونزلت لاهلي.. دحكتني امي.. عمري ما سامع حسها على وبذاك اليوم لاول مره اسمع امي تهلهل وتبجي وتهوس ونزلت يم رجليه تريد تبوست جدامي كد فرحتها. اخذتها بحظني وكمت ابجي على حالها وعلى شوقها الي.. اخذ نفس..تخسي مره تجيب شعره من شعر امي.. انه امي ترهم تاج للنسوان.. وماكو غيرها دخلت كلبي الله شاهد.. -خطيه الرب يحفظها.. -تحملت ضيم وقهر جبال ما تحملو.. دحكت جثير نسوان محتاجات .. ومالن على الدرب الاعوج لو مدن ايدهن للرايح والجاي وامي ما مدت ايدها غير لله وهي تدعي.. راتب العسكريه جان زين.. وهم جنت اخلي بيد امي وهي تصرف وتنطيني مصرفي وتلم وتلم وانه ما ادري كل ضني هي تصرفهن لما انه بالواجب ومو بس شغلي .. هي و هيام جانن يخيطن ملابس.. ويحوكن ليف و مكانيس ويضربن ابر.. وهواي يشتغلن ويتلهن.. بهذا الوكت لميعه كفت عن امي لان من صرت شاب وكبرت .. اول ما كبرت على لميعه.. ومره دخلت نازل من الواجب ولكيتها تتكاون وي امي وتريد تكتلها انه تخبلت و سحبت سلاحي عليها واركض وراها ويكظبوني عنها و طلعت هجت من البيت بطرك العبايه تخاف مني احطلي جيله براسها .. ومن يومها خافت تتدنى لامي لو لهيام. تحجي تغلط تتكاون بس ما تضربهن ولا توكف بطريقهن .. خاف يوصللي الحجي واشيل سلاحي عليها الحجي ما حسبتو اب .. جان اقل كلمه يحجيها وياي اتكاون وياه لان كل عيشتنه وتعاستنا بسببو ف ما يتگربلي يعرف عصبي ووكت اعصابي افقد سنه من السنوات.. كاع ابوي مولحت ما كامت تحصد ولا تزرع.. ابوي نزل مستواه المادي تضرر حيل.. راد يبيع الكاع لان مطلوب عليها وهي ما منها حصاد.. كالتلي امي عليها.. كتلها يمه وانه منين اجيب واشتري بستان ابوي شو بطرك الراتب كالتلي عجل يمه رواتبك الفاتت وين راحن.. كتلها غير مصرف الجن.. كالت لا يبعد امك انته تتعب بنص الموت وانه واختك ناكل تعبك بلاش. انه واختك نشتغل وعايشين خير من الله وهاي رواتبك .. وهذا الضميناه من شغلنا. جمعو ودحج شكد تجيب كاع ابوك واشتريها وصدك سألت ابوي على سعر البستان ما كتلو اشتري كالي بالسعر .. جان اكبر من اللي عندي .. ف رحت على عمي الجبير عزام يحترمني حيل لليوم.. يكلي انته من يوم كماطك زلمه .. امك ما خلفت جاهل طلعت من بطنها زلمه حوك ينشد الظهر بيك.. يعرف بحال امي وشكد عانت لجلي انه واختي بس ما يدخل لان كم مره حجى وي ابوي وابوي بعقلو بس لميعه.. فجان يحترمني وطلبي عندو مستجاب رغم هاي جانت تعز نفسي اطلب منو حاجه . بس ع الكاع رحت طلبت منو دين فلوس وشاورتو على موضوع الكاع.. كال امضي وانه بظهرك.. وشكد تحتاج ركبتي سداده ولو تنطيني كل شهر دينار انه راضي. وصدك جمعت الفلوس وجبتهم لابوي كتلو هاي فلوس الكاع انه اشتريها. لميعه ما رضت يبيعلي بس عمي وكف وكال الكاع ما تنباع الا لصراع والارض ترجع لاهلها.. واشتريتها واتسجلت بأسمي والكاع النولدت بيها واختلط دمي بتربتها اليوم صارت بسمي مو كاع .. لا جن ملكت الدنيا .. من صدك فرحت وسجدت لله على تربتها .. وشغلت الكاع وعمي جابلي فلح يفتهمون وامي كامت تطلع للكاع وياهم. وانه اروح للواجب اسلم مسؤلية البستان لامي و لعمي .. بارك الله بالتربه وطلعت محصول خير من يومها انه ما دحكت بعد الفقر شلونو.. الله قلب حالي من حال لحال .. والناس الجنت اتمنى منهم اللكمه صرت انه اعيلهم لان غير الكاع ابوي ما يملك.. منين يصرف ع البيت وعلى هلجهال.. جان بودي اجوعهم بكد الجوع الشفتو منهم.. بس امي كالت يمه النطاك يكدر ياخذ منك كلشي بلحظه لا تعتقد الله من انطاك.. خلصت الاختبار لا هين اختبار اكبر من الاول هينا من انطاك يريد يدحكك تتكبر وتصير ظالم لو تتعلم الرحمه منو وتنطي شكد ما كابلوك بجفاف.. وفعلا ما كصرت لا على ابوي ولا على اخواني مصاريف مدارسهم جنت انه شايلها. حتى على لميعه كمت اصرف .. والبكلبي عليها دفنتو بكلبي والله اليجازي.. دخل علينا الحصار وانه بخير كاعي تمد.. ما دحكت الحصار شلونو.. ولا خليت واحد.من اهلي يجوع ويحتاز.. بس رغم كل هاي ما بطلت من الجيش رغم شكد امي تلح.. ما اشوف نفسي الا وانه ابدلتي العسكريه.. هناك احس روحي وبقيمتها .. مو بالكاع وانه فلاح.. فضلت العسكريه والموت ع الفلاحه ما جنت احبها.. بس حاط فلح خير من الله بيها.. امي عاشت بخير.. هيام عيشتها اميره.. شتطلب تأمر .. البلتلفزيون تدحكو ع الممثلات انه اتعنى واجيبو الها ..امي واختي .. ثنين مال الهن بديل بحياتي اكبر وحده ما تعلى عليهن بشعرايه.. الى ان قررت اتزوج.. لميعه بوكت الصار عندي فلوس صارت مثل الدهن والدبس وياي ابني وشتأمر .. فحجتلي على بت عمي وجدان.. انه ما فكرتلها هي بت اختها لو شلون تريد تسيطر عليه وعلى كاعي وهيج تفكير ما دخل بالي ولا امي وهيام هم فقره.. ويعرفوني اكره الغريبه.. رغم شكد شفت مر من القرابه بس ما احب النسوان الغرب على كد ما مرن بحياتي نسوان ما يستحن وهن عد العالم هن وبس. ويجن يمي يتحايلن وحدتهن ما تستحي فكشت روحي من كل وحده غريبه وصلت بيه اكول كل غريبه كح... بعيني دام ما متعايش وياها لان شفت نسوان يفتخرون بيهن شو من اوصل الهن خارطاتها ..ففقدت الثقه ..واخذت بت عمي.. الله شاهد.. بت عمي شريفه والعالم ما داحكه اضفرها بس عيبها .. ثلثين الولد ع الخال وهي نسخة لميعه عندي انه وجنت كاره ابوي لان مشى بحجي النسوان وعاف امي.. طلعت كل كرهي من ابوي بوجدان.. من جنت اشوف حقارتها اتذكر حقارة خالتها فانطيت وعد على نفسي كلت تخسي المره التكسرني لو تمشيني بشورها. لو تغيرني على امي واختي ف ابد ما خذت منها حجايه ولا سمعتلها ومن اسمع محقره وي امي اكتلها واطردها وترد تجيني بلا كرامه ترجع بدون ما اجيبها من اهلها واكرها بالازيد.. واكرها اكثر من تجي تلبس وتحاول تغريني وعود تكسرني برغبتي ابد ما جنت اخضع.. ولا افكر اخضع لجل رغبه.. من كد ما جان ماكو احساس وياها ما اتذكر انه جنت ابوسها لو لا .. اتكربلها شلون شعوري وياها كل احساس ماكو بيناتنا.. هيام تزوجت بعد زواجي بأشهر .. فقررت اطلع من اهلي واخذ امي بس ما قبلت امي تروح.. متعوده على مكانها وغرفتها كالت روح يمه الله يوفقك.. بس انته ابني كل يوم مرني ولا تحرمني من شوفتك. وانه امك وعزلت بس شعزلت ..انزل من الدوام كبل لهين عند امي انام على رجلها واشتم ريحتها للعصر اروح لبيتي اسبح وابدل واطلع وي جماعتي امر بليل لهين على امي اجيبلها البنفسها واكعد اسولف وياها لل10 اكوم اروح لبيتي .. وهاي حياتي مشت هيج بس جنه يوميه مكاون انه وجدان لان امر امي يوميه تكول اكعد كابلنا كابل بتك.. اكلها يولي مو ارجع ب10 ساعه اشوف بتي بيها واساعه اكابلج مره ورجال وب12 انام.. انه بيش مقصر وياج بعد... ما ترد امك وامك تسممني من افوت لحد ما انام تدرم ما تسكت الا ازكح بيها لو اكوم اضربها. ومن اضربها تزيد وتصيح تشيشك عليه وتوز بيك .. صار السقوط وانه بيتي وحد.. و مرتي اخاف عليها وانه شغلي ما بيدي مره بين بغداد.كركوك وديالى و الرمادي وهي تنك براسي لو رحت لامي.. عاد كتلها بالله ما ترجعين لاهلي هناك كابلي امي واحجي .. بعت البيت ورجعت لاهلي هي انجنت .. كتلها ذاك بيت الخلفج وروحي درب السد لا يرد.. اختي خدامه كاعده عد الخلفوج وانتي تدللين علي.. زعلت وصارت شكبرها و زتوها براس هيام.. بس انه جان ابالي ادخل مشروع.. طلع ابغداد مولات.. فبعت بيتي والبستان والعندي والماعندي ودينت فوكهن واشتريت اسهم الي بمول ابغداد.. هين ارتاحيت.. وارد المول جدا عالي ويجيني منو خير من الله.. وفيت ديني واشتريت بيت ابغداد.. وشقق شاركت.. الحمدلله الله بارك .. الفلس الاكضبو كام يصير بيدي ذهب.. بهلفتره هيام ترملت.. وعاشت ابيت ابوي سنه تقريبا وجدان و ام سعد يكرهن هيام وهي ارمله وايتامها بعيني وانه ما كل الوكت مجابلهم.. بس كل بالي بيهم.. اكول هم ترجع لميعه وتمنع الاكل عن علي وترجع مأساتي بهلطفل.. اخذت فتره ادور بيت بس كون قريب على بيتنا حتى تصير تحت عيونا.. لكيت شويه عنا.. اخذتو وما كلت لاي بشر.. لان نسوان يحجن والحجايه اذا انحجت كول انسمعت وطشت والف عارض و قارض تخرب.. فكولت القول اليكول (اقضوا حوائجكم بالكتمان) فكملت الشغله كلها.. اشتريتو ورممتو واثثتو وهي ما تدري بس ادحكها تبجي وتشكي من وجدان ولميعه وانه ما كل الوكت احب ادخل بسوالف النسوان اشتغلت حجت مشت.. صعبه حاشر روحي بهلسوالف. الى ان اجه يوم لكيت وجدان وهيام متمالخات علمود الجهال علي كاتل حلا براسها مدميها ووجدان كاتله علي وهوسه وكاعدات كبالي اثنينهن يشكن. هاي مرتي والمكتوله بتي .. والكبالي اختي.. شحجي اويامن اصير.. كتلها خويه هيام.. كعده الج بهلبيت بعد ماكو.. انتي اخيتي واعز الناس عليه بعد امي.. بس المشاكل طالت يا خويه.. انه اشتريتلج بيت .. وهذا مفاتيحو تكعدين بيه ونفتك.. ومصرفج ومسواكج واصل و ما نقصر ان شاءالله.. انه حجيت هيج. لو وجدان كبت.. تشتري بيت لاختك وانه عايفني.. كتلها مو ما ترديها وتكولين اختك سوسة مشاكل هاي خلصتي منها.. انهدت صياح وعياط .. وتكلي ما ابقالك دقيقه هين. كتلها الله وياج وسدي الباب وراج بس خلي بعلمج لو شبختي عتبة الباب .. تحلمين بعد تصيرلي مره.. وبالفعل عاندت وطلعت وشرطها ما ترجع الا يشتريلي بيت.. جو عمامي وحجي وكعده وتقنيع.. كتلهم هي ما احسبها بعد مره.. وتريد بيت من باجر و يجرالها.. بس نطلع وامي وياي.. كالو من حگك هي كالت يطلكني وما تطلع امو وياي.. ما اكابل امو.. كتلهم كلولها ايام وورقة طلاكج يمج.. وبحيل الله بيت جديد ومره جديده وامي وياي وهي خليها عد اهلها.. لهين وقفلت رجعو كالو قبلت تطلع امك وياك.. كتلهم وانه بشور مره تقبل لو ما تقبل لهين وبس گلت انتهت وياها. ردو كالولي المره حامل منك.. كتلهم تجيبو واخذو وبدربها السلامه.. كم شهر وكالولي حامل بولد تره.. كتلهم خير وبركه الله انطى وما قصر.. منتظر الولد انه .. رجعها ...كتلهم ابد.. المره التتشرط علي ما تصيرلي مره.. عاد وره ايام جيت من الدوام.. لكيتها بالبيت جايبها ابوها.. ما دحكت بوجها ولا كربتلها.. ولا هي طخت راس واجت تگلب صفحه وياي.. بقينه شهور محد يدحك بوجه اللاخ نهاية الشهر ال8 من حملها كامت تشكي هواي من الالم.. انطيت فلوس لامي كتلها تاخذيها للدكتور . وهي تكلها هين اموت وما اروح لا هو ياخذني كلت هاي تتعاير تريدني اجيلها وما تعرف بيا طريقه ولكت هاي حجه تذلني بيها وتحلم .. لا انه طخيت راس ولا هي.. لحد ما فد يوم كامت تصرخ.. دخلت البيت تشكلت بقميصي وتكلي راح اموت الحكلي فدوه.. انه شلتها كبل وخليتها بالسياره لان فعلا حسيت بيها متأذيه مو سوالف نسوان.. ركضت بيها وكلت لامي تلحكني هي وسعد.. وصلتها المستشفى.. اخذوها من ايدي بساع. كالو بيا شهر كتلهم طبت التاسع بس ما ادري يا يوم.. دخلوها للعمليات فورا واجت امي وام سعد واهلها و اخلاص جانت هم موجوده... كالو الجاره ما اعرف شنو مضروبه عدها.. بألف يا الله طلع الطفل عايش بس مريض حيل.. وهي بعدها بالعمليات.. ما كادرين يوقفون النزف عدها استأصلو الرحم مالها وما متحمله وماتت .. اجذب لو كلت ما حزنت وبجيت على فراكها بساعتها... العشره متهون على ابن الحلال.. طلعوها النا بريتها الذمه ودفناها وقمنا فاتحتها وبعد منتظر مصير الطفل يعيش لو لا.. فتره تحسن وصار زين.. وطلعوه من الخدج وانطونياه. شلتو بيدي.. ودحكت بوجهو .. ابتسمت بستو وسميتو حرب .. لا جان بوكتها حرب الطائفيه والارهاب بالانبار وحيل تعبنا منها وخسرت 2 من اخوتي بيها. امي اخذت حرب ربتو هي وهيام تجي كل يوم تهتم بي.. ومن ذاك اليوم لهذا اليوم يردوني اتزوج ورفضت. حيل اكره النسوان ومشاكلهن .. وانوبه يردولي اخلاص اختها .. كتلهم انه دفنت الاولى اروح اجيبلي الثانيه.. بس مشكلتي ما اثق بغريبه واخذ. فبقيت معلك.. لحد ما جيتي ووكعتي على كلبي وعلكتيني من كراعي بالزايد.. -هههههه ليش شمسويتلك -جنت خالي هسه لا انه المتزوج ولا انه الخالي هههههههه معلك خوش تعليكه.. -ههههه يعني شنو تريدو.. باسني براسي.. وكال -رايد سلامتج بنيتي كلشي ما رايد.. -بگلبي كلت امده حظي فرحت كلت راح يكلي اريدج مره تاليتو يكلي اريد سلامتج. دحك ع الساعه وكال ولج ساعه 11 تدرين.. حتى محد جا يسلم علينا يشوفنا ميتين عدلين -يعرفوك عصبي واليتقرب تكسرلو راسو -ههههههههههه دكومي كومي .. ميت جوع.. شوفي شنو موجود وسويلنا دناكل.. نزلت وهو نزل وراي.. فتتت للمطبخ وهو فات لغرفة الحجيه... طلعت كبب واكو دجاج.. كلت اسألو شنو يريد.. دخلت وهو كاعد على سرير الحجيه هيام ماخذه ابنها ورايحه لبيتها.. جانو يحجون .. دخلت كالت ها شصار ما صار.. صراع:- جنت اسولفلها على حياتنا كبل وشلون جبناها -هااا الله يثخن لبنكم.. -بعدو يمه الهايشه ما والده حتى يصير عدنا لبن لسه ماينا صافي هههههه ضحكت الحجيه ودارت وكالتو متبطل من سوالفك.. مفتهمت شنو يقصدون ف كتلو شنو تريد كبب ومكلايات لو دجاج وتشريب -كبب ودجاج كلي اذا مسلوك.. -حيييل اطول اسلكو .. -شتريدين سوي بس جيبي بطني صفرت انوبه شربت السفن مالتج صدك نزل الكرش وصفطت بطني من الجوع -ضحكت وطلعت.. وسمعت الحجيه تكلو من الظهر لسه كاعد تسولف وياها طلعت فوك نار الظهر ونزلتك هسه ثلج شسالفتك وياها وليدي احجي ترتاحلها وهو يكلها. يمه ليليان الله انطاها الي مثل طفل تعب من البجي والقهر تالي انطو لعبه وكالولو العب.. الله يعرفني ما اطيق مكايد النسوان .. انطاني طفله طينه كلشي ما تفتهم وكالي ركبها بكيفك.. اعلمها على طبعي على الاريدو والما اريدو.. انه ما اريدها بس زوجه .. انه اريد اربيها على ايدي من البدايه ابدي وياها لحد ما احس فهمتني ذاك الوكت .. اخذها .. ليليان:- فتت للمطبخ.. افتهمو !!.. ليش هسه اني افتهم؟.. بس شنو ياخذني .. عود وين ياخذني .. معقوله يرجعني للموصل 😕........يتبع ☆☆☆☆☆☆☆☆ حلقه بينتلكم بيها كيف انبنت شخصية صراع وليش هو بين الحنيه والقساوه ومنين صار وشلون وصل . بأختصار بينتلكم شخصية صراع على حقيقتها.. رأيكم بي .. ؟ ومتابعه ممتعه للجميع ❤ #زينب_ماجد | ||||
|
| |
|
04-10-18, 01:23 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #مراهقة_و_الأربعيني ،،،،،،،،،، بقلم زينب ماجد ،،،،،،،،،، الحلقة_24 وكفت اسوي عشى.. واسمع صوت صراع والحجيه على.. نصيت النار ورحت اتسمع من الباب على شنو يتصارخون تكلو هذا ما كلام.. خذها فوك وعلمها اذا مرتاحلها شنو معناها مخليها يمي .. -يمه ما اريدها هسه عليش جاي تلحين انه اعرف شوكت اقرر .. -قرر شوكت ما تريد ما الي غرض بيك بس البنيه خل تشيل فراشها فوك -ما اريدها خليها يمج -ابني انته تريدها لو تريد تعل گلبي خذها لا تسويلها شي بس تصعد الغرفتها حالها حال كل مره متزوجه -يمه بالله اعرفج واعرف غايتج تصعديها بغرفتي وتجبريني بيها وانه ما اريد هسه افتهمي .. -هااا طلعت ما افتهم يا ابن بطني -يمه ما هيج حشاج والله بس هاي السالفه تركيها رحمه لوالديج ما وكتها -عجل ليمتى وكتها مخلي المره معلكه شنو معناها.. هاي وذيج يتضاحكن عليها .. خذ مرتك وخليها بغرفتك تريدها ما تريدها انته وياها تتجازه.. -كتلج ما اريدها واكوم منج اشرفلي وانه كلب ابن كلب نزلت يمج.. ليليان:- دا اريد ادور .. اشرد. بس فتح الباب ودحكني واكفه ما اهتم وصعد فوك.. رحت سويتلو الاكل وصعدتو.. واني اكول هذا شبيه ليش ميريدني عجل اني مو مرته مو يتحكم بيه مثل ميريد اذا ميريدني على شنو مبقيني .. دكيت الباب وردت ادخل... صاح فوتي.. دخلت خليت الصينيه بالكاع.. بس هو عصبي.. دا ارفع راسي.. جان يكولي مشكوره اخذي راحتج يابه وسدي الباب وراج.. انصدمت واختنكت من كال هيج.. اني جنت حاسبه حسابي اكل وياه وهو كالي.. شبيه هسه يطردني اني شعليه.. نزلت الدمعه محبوسه بعيني.. فتت لغرفة الحجيه.. حرب كال ليليان فرشيلي.. فرشت وكعدت اصفن... الحجيه نايمه.. لشوي نزل .. فتح الباب.. دحك عليها وحجه.. امي كاعده.. -لا نايمه ..ما دحكلي.. ومشى الها.. باس راسها وكاللها يمه.. هي دارت وجهه للحايط وما رضت تحجي وياه.. اندارلي وكال صعدي نزلي الصينيه من الغرفه .. بدون ما احجي صعدت.. لميتها وشلتها دا اصعد.. طب ضايج وما حجه شي. هو هيج يصير من الحجيه تضغط عليه لا يكدر يتنازل ولا يكدر يزعلها.. فيبقى عصبي.. عفتو ونزلت.. غسلت صينيته ودخلت للغرفه الحجيه دايره وجهه ونايمه.. تمددت يم حرب وبقيت افكر اجيبها منا واردها منا دفاعو واسلوبو وياي يبينلي ان هو يحبني زين ليش ما يريدني اصعد بغرفتو.. هو يحبني لو يعتبرني بنتو ويحبني مثل حلا جنني هلرجال ما عفهمو صعب كلش.. بقت حسبه تاخذني واللخ تردني لوييين يلا نمت. كعدت على حسو وهو يهمس ويحجي وياها .. -يمه بصلاة محمد عليج لا هيج وياي.. اتركي هلموضوع وحده يجري -لو تحط حد لهسالفه لو تطلع مني.. -يمه يا حد والله جاهله .. صغير انه ما افتهم وادلل عليج لو عليها... غير اريدها شوي تعكل يا يمه -عكلها وهي يمك وعودها على طبعك .. عليش مخليها يمي -مضايكه منها انتي -شمضايكتني ماخذتلها متره من الكاع نايمه بيها.. بس لا الله ولا نبيو يقبلون بافعالك.. -كاصم راسها انه يا يمه شمسوي .. على كيفج وياي شويه شويه ساعديني بيها مو تجبريني -العندي يمه كلتو .. خليني اكمل قران الفجر راح تطلع الشمس وانه ما قاريه.. نزلت راسها منو.. وكالت بسم الله الرحمن الرحيم . وبدت ترتل قران.. هو مكمبص يمها.. كام .. دحك عليها وتنهد.. وطلع.. رجعت نمت.. الصبح هو ماكو.. طالع الدوامو.. كملت شغلي وكلعاده مثل كل يوم.. لل4 دخل للبيت.. تلكيتو عصبي ما يدحك على احد ابد.. صعدتلو فوك.. مبدل دشداشه ومتوضي دخل لغرفتو.. دخلت فرش سجادتو.. عمو تريد غدا.. -لا نزلي اخذي راحتج -هاي ليش هيج يطرد بيا اني شعليه. نزلت وره شويه نزلت حلا للمطبخ تسوي اكل.. كتلها المن هذا الاكل .. -لبابا انتي شكو لو هم ممنوع يطلب مني رجل حظرتج -ما رديت بس ليش يطلب منها مو سألتو.. رحت بغرفة الحجيه اخذت موبايلها من جوه راسها وكمت العب بي وافكر.. وحرب كاعد.يدحك تلفزيون.. يا ربي اني والله ما سويتلو شي شبي ويايه. طلع العصر ما حجه وي احد.. كعدنا بليل بعد العشا ع التلفزيون بالهول والحجيه صوبتها يمها متت منها ما تختنك.. شو تصيح بارده وهي ما كلش بارده. دخل صراع سلم وكعد وصاح على حلا تصبلو جاي الحجيه حست بيه ما يحاجيني اندارتلي نزلت راسي وتنهدت بمعنى شسوي.. الحجي مطلع فلم اجنبي يدحك عليه ويكول دحج نسوانهم شخفاتهن.. الحجيه ردتو.. انته ادحك زلمهم واحدهم جنه شمس ما مثل زلمنا امچولحين و امولحين .. اني ضحكت عليها. ردها سعد.. كاللها حجيه غير مسيح.. هم المسيح حلوين وشكران.. اندارتلي وحجت اي مثل ليونه شكيره حليوه.. وتضحك وياي وتكلي وداعتج الا الكالج الاشكر اليلوك لهلوجه وازوجج الو.. الحلو ما يلوك الا للحلو.. صراع بساع شال راسو عليها بخزره هي ما دارتلو ابد.. كام ينافخ ودارو وجهو ويهز برجلو من التوتر.. الحجي :- ليش يابه تزوجيها عجل وابو حرب ما بعينج -زلمتي هاذ شلون ما بعيني بس ما يتناسبون وهو معتبرها بنتو.. ما يصير نظلم بخت البنيه اخذلها اليناسبها احسن.. حيل داست بالكلام عليه.. حتى اني ضجت هو طر السبحه مالتو بالكاع وكام بهمه صعد فوك وما رد.. همست حجيه ليش هيج والله يكوم يشد وياي.. -ما عليج انتي خليها وراي وسكتي -شويه وصاح حلااااا .. صعدي جهزيلي جنطتي بساااع.... باجر طالع واجب لكركوك اسبوع بلكت الله ياخذني وارتاح منكم يا ********** -الحجيه على نفس هدوئها .. بس الحجي كاللها .. شجالج يا نوريه.. ما تعرفين هلكلام يعصبو -كامت وكالت ليليان طلعي الصوبه بره وطفيها.. انه رايحه انام. عافتهم وكامت واني طلعت الصوبه.. وصعدت لغرفتو.. دكيت الباب صاح فووت.. دخلت .. دحكت حلا عتجهز جنطتو.. كتلو عمو تحتاج شي.. اندارلي وهو يخز وكال لااااا شكرا ما اريد.. اخذت نفس وطلعت.. شسويلو ميقبل اخدمو .. وكأنو اني اللي محاربتو مو امو.. نزلت للغرفه كعدت .. شويه و نزلت حلا مشت للحجيه كالت اله :- جده هذا مصرف بابا راح يطلع واجب اسبوع .. ويكول اذا تحتاج شي تطلب من نائل وانه انطي.. خذت الفلوس وحطتهم جو راسها وكالتلها يرد بالسلامه....شويه واجه نائل .. كال ليليان حدري ساعديني كمت وياه لعبه وكلعاده اسوي جاي.. صبيت وحطيت ب الصينيه.. ووديتلهم.. بعد نائل ما طلع.. هو نزل وراد يفوت.. دحكني واكفه -شعندج هينا -الجاي الهم غير -وجهج ما ادحكو هين بساا عيلا ع الغرفه لا اكسر راسج ومحمد.. -تمام.. -شو واكفه.. -غير يطلع نائل .. -دنعل ابوج لابو وكاحتج.. جيبيييي .. اخذها مني وطلع نائل -شكو ابو حرب.. -سالم الله عليك هاي لا تصخرها على جاي للولد ممنوع افتهمت نائل لو اعيد... -شلقصه يا ابو حرب صوتك الولد كاعدين.. -ولي منا بعدج وااااااكفه. -تركتهم وركضت للغرفه.. شبي تخبل .. ليش يصيح عليه.. ضليت ابجي وافكر وحايره بأمرو للقبل الفجر يلا نمت شويه وحسيتهم صارة حركه لصلاة الصبح كنت كاعده اسمع صوت الحجيه وهي تقرأ قران.. وره شويه نزل هو ببسطالو يدك ع الدرج بخطواتو.. وراح شغل سيارتو.. بس الحجيه حيل انقهرت من ما جا وودعها كبل ليسافر.. صدقت و طبكت القران وبقت تصفن.. اني كمت طلعت من الغرفه بسرعه. ودحكت من شباك المطبخ. لكيتو مطلع سيارتو ولابس زي عسكري اسود.. سد باب الكراج وطلع. زعلان من الحجيه شلون هيج قللت منو كدام الكل.. رجعت للغرفه. الحجيه كعدت على تختها ..دحكت عليه.. وكالت :- هاا راح. -هزيت راسي -يرد سالم ان شاءالله.. حجتها بس كوه جرعتها حسيتها اختنگت.. شوي ودك موبايل الحجيه اني امدده شفتها ما ردت.. كمت على حيلي.. اخذت الجهاز هي كاعده ولان صراع ما ترد.. دست رد.. وكتلو الو.. -انطيني امي -نايمه -اعرف ما نايمه انطي الموبايل الها.. -حجيه هذا عمو صراع يريدج.. -كليلو تكول عساك سالم ترجع وليدي ما رايده غيرها يا تعب دنياي.. حجتها وحيل مقهوره.. -هو تنهد.. وكال انطي الها اكلج.. -ما تقبل نايمه -كليلها تريدني ارد هسه للبيت.. -حجيه يكول ارجع هسه -خلي ينتبه لطريقو وما اريد شي.. وسدي التليفون.. -تنهد وكال مع السلامه.. -حجيه ليش ما حجيتي وياه.. -نامي بنيتي كافي عليج بجي الليل .. لا تهمين اسبوع ويرد كلشي ما يصير لا تخافين.. وفعلا .. مرت 4 ايام وهو ما جا.. يخابر ع الحجيه ما ترد زعلت منو.. ما تبين بس .. تمرضت.. بقيت اداري بيها وهيام تجي هم اداريها بس هي تخلصها نوم ما تشكي من وجعها.. بهل فتره سعد قرر يشتري بيت ويقسمو ويطلع يعيش برا بيتنا مرتو ما قبلت راح عليها الحجي والحجيه هم راحت رغم مريضه وكوه قنعوها وجابوها كال سعد شهرين واشيل بس اخلص بيتي.. واتفقو على هذا الشيء.. اداري بالحجه واشوف صراع يتصل بيها وما ارد بس شكد اشتاقيت اشوفو .. ما بيدي كل فكري بيه صح يكول ما اريدها وحتى لو يعتبرني بنتو بس اني ما لكيت بحنيتو عليه .. حلا وام سعد حيل يأذوني بالكلام بغيابو وشدو وياي بشكل ما طبيعي لان هو ما موجود.. فصرت من ابجي .. اروح بغرفتو بليل اشم عطرو بفراشو وابقى ابجي حيل ..واشكيلو بيني وبين نفسي. ثاني يوم.. هيام حجزت للحجيه عند الدكتور.. بس ما كدرت تروح وياها.. كالت الحجيه اخذ ليليان وياي هم تغير جو وهم تسندني .. حيل فرحت من كالت تاخذني راح اشوف شارع وناس واتلهى شويه احس نفسيتي تعبت بهذا البيت .. سألت الحجيه تخابر صراع تگلو..كالت ما يحتاج عليش مو شامرج براسي وبس وكت المأمر يصير رجلج ويحاسب .. معليج بي فلبست جبه وحجاب وطلعت وياها.. اخذنه نائل .. ادحك الناس عايشين ويمشون ويتونسون.. عجل بس حظي محبوس .. وصلنا لعيادة الدكتور.. نائل كاللها يمه ساعه واجيج .. كالتلو موفق بدربك وليدي.. نائل اكثر واحد.من ولد ام سعد يحب الحجيه وهو الوحيد يكلها يمه لو حجيه.. البقيه خاله و هم يكلولها الحجيه.. لان على ما عرفت هو ربى عدها .. ام سعد.جانت ما تهتم بي ومن تاخذو الحجيه تكيف وتروح تسد الباب عليه وع الحجي وتنام وتترك نائل ع الحجيه اداري .. فمن شب حيل يحبها ويحترمها وما يردها ابد.. دخلنا العياده.. كومه بيها ناس الرياجيل برا واكفين والنسوان كاعدات.. وبالاسماء يصيحون النسوان ما يبطلن حجي وحده تسأل اللخ ويجرن سوالف والحجيه وياهن. وحده منهن سألت فدوه حجيه هاي بتج متزوجه ؟ كالتلها مرت ابني هاي.. عاد اعتذرت من الحجيه وكالتلها عبالي ما متزوجه كلت اخذها منكم الله يحفظها الكم.. ضاجت الحجيه لان تخطبوني منها ما كامت تسولف.. عاد من دخلت للطبيب كالت اكفي هين ولا تحجين وي اي وحده تسألج كلتلها تمام.. بس هنه ما بطلن اسئله .. وين كاعدين وعندج خوات.. جاوبت لا ما عندي خوات وبيتنا بالموصل وابتعدت منهم.. لحد ما طلعت.. نزلنا من العياده.. رادت تخبر نائل بس كالت عليش يولي الولد مشغول ونشغلو .. خل ناخذ تكسي .. صعدنا تكسي وخبرت نائل ان هي رجعت للبيت.. صف ابو التكسي اباب البيت.. نزلنا.. جانت مره جيرانهم تشطف ابابهم.. سلمت عليها الحجيه.. ها ام ضياء خيه شلونج -هلا هلا بام صراع شلونج يابه.. واجت تحجي وياها.. شلونكم وشلونكم بعد.. كالتلها هاي بت صراع .. كالتلها لا والله مرتو .. شو هاي خلت ايدها على خدها وتكولها يااااا كولي غيرها حجيه وينها وين صراع .. بكد بنتو .. الحجيه ترخصت منها ودخلت للبيت.. دخلنا من باب المطبخ جاي انزع الجبه والحجيه فاتت جوه طبت سلفتي وكالت -يولي رجلج جا وسأل عليج كتلو راحت وي عمتي للدكتور -وينو .. شوكت اجا.. صدك سأل عليه.. ؟ -اي والله هو صعد وانتو طبيتو .. صعدي يمعوده .. شكلو تعبانه لا يبتلي بينا. شمرت الجبه.. والحجاب فتحتو واني اركض.. يوووه شكد مشتاقتلو ومشتاقه اشوف وجهو .. صار اسبوع مشايفتو احسها سنه مو اسبوع.. دكيت باب غرفتو صاح فووت .. دخلت .. دحكتو كاعد على تختو ويريد ينزع الحذاء كتلو هلا بيك هسه نور البيت .. ما اهتم وكأنو ما سمع ترحيبي وكال -وين جنتي.. ؟ -دنكت انزعلو حذائو وكتلو وي الحجيه.. بالدكتور.. كضب ايدي وكال لا تتكلفين بويه انه انزع بس ليش ما عندي خبر بطلعتج.. كمت وما رديت هو مدنك ينزع.. رفع راسو ودحكلي.. بقيت ادحكلو بخوف وما ارد.. دنك وحجه :- امشي حظريلي الحمام -اي.. ركضت لخانتو طلعتلو منشفه ورحت اعلكها بالحمام.. طب هو .. ما يحجي .. اووف هسه اني شمسويه وزعلان مني دخلت لغرفتو رتبتها وعطرتها. وعزلت جنتطو .. دا اطلع.. دخل هو بالمنشفه دنكت منو وردت اروح. صاح ليلياان.. -ها -حدري يابه.. -تقربت منو.. كاضب المنشفه.. وفتح محفظتو بأيد وحده. وهي ع الميز. وطلع 6 حمر.. 150 الف .. وكال هاج .. -دحكتهم فلوس كتلو لا عمو ما اريد الحجيه ما مقصره.. -انه رجلج لو الحجيه. ؟ -فرحت من كالي انه رجلج.. اخذت نفس.. كال :- كضبي بويه مصرفج تاخذينو مني بعد..وما اريد اسمع طالعه بدون علمي افتهمتي -هزيت راسي بس كلمة بويه خربتلي كل تفكيري.. ساعه بويه وساعه انه رجلج والله دخت يربي بهلرجال. نزلت سألتني الحجيه عليه.. كتلها عيبدل. هزت راسها.. شوي وفات هو .. باس راسها وسلم عليها وجايبلها هديه.. وكعد يضحك ويشاقى وياها ويبوس بيها حتى لا يخليها تضوج.. وحرب يتشاقى وياه وحلا.. عجل شبي ويايه حتى ما يرد.السلام. زعلان وي الحجيه اني شكو.. طلعت وي سلفتي احظر العشا.. هو طلع فوك.. لوره الصلاة .. خلصو الصلاة.. صبينا العشا.. ردت اصعد.. عزت بنفسي اذا هو ما يريدني اني شكو زاته روحي عليه. الحجيه تراضت وياه.. بس عرفت ما يحجي وياي .. كالتلي روحي صيحي رجلج اندرت ..لميت حرب.. كتلو حرب روح صيح بابا ما كال شي.. راح صاحو.. شوي ونزل صراع لابس اتراك اسود شتائي ابو الكبوس لون العلامه مالتو برتقالي .. ادحكلو شكد يعجبني طولو ويعجبني ادحك عليه بس هو ما اعرف شبي كعد يتعشى وهم يسولفون ويضحكون.. واني عيوني بعيونو وما شلت راسي عنو .. وهو حس بس ثاولها وهذا اللي جنني.. ليش يعني ليش .. اني ما بشر ويحس بيا ؟ عاد.الحجيه حجت كالت اليوم بالعياده شافو ليليان تخطبوها مني عبالهم بتي.. هو مدنك راسو ياكل بس عقد حاجبو واعرفو انزعج.. كد ما ادحك بيه يمكن حفظتو اكثر من امو.. كالت حتى جيرانه ام ضياء شافتها.. وتخبلت من كتلها مرت صراع عبالها بنتو لا ابالها هم تجي تخطب.. ههههه.. مدري شجاها الحجيه ولا سكتت هو هيج هيج محملني ذنب مو ذنبي وشايل وجهوو عليه دحكت عليه وكالتلو يمه.. :- اذا ما تريد.ليليان وتكول صغيره علي.. لا تعلكها وتوكف قسمتها خليها تنسعد -طر الخاشوكه بالماعون.. وكال الحمدلله.. الحجيه:- وين ما اكلت -شبعان.. حجاها واندارلي .. كملي وصعديلي الجاي -هزيت راسي وكمت.. احنه حاطين الجاي على نار هادئه.. صبيتلو وصعدت.. دكيت الباب صاح فووووتي.. دخلت نازع قميصو .. وباقي بس ابجامة التراك.. واعصابو مبينه عليه وهو يروح ويجي بعصبيه.. تقربت دا احط الجاي.. وكاضبه الاستكان بيدي خاف يوكع.. تقرب مني وجري ايدي.. وراد ياخذ الجاي.. بس بدل ما ياخذو عصر الاستكان بيدي ويحجي وهو يصك باسنانو.. -فرحانه مووو ..ادحك وجهج ورد من امي تحجي وهم يتخطبوج امصرفلج الموضوووع.. -لا ااا ااني معليه.. والله مالي شغل بس عمو ايدي - وكت الاريدج مره تكليلي شايب .. و وكت الازم اصير رجلج وتاخذين كلامي تعتبريني جاهل و اطلعين بدون علمي وما اديريلي بااااال -عمو بس ايدي عتحرك اتركنيييي.. -تحترك موو لج انه هيج يحترك گلبي من احد.يجيب سيرتج افتهمتييييي.. شال الستكان مني وطرو بالكاع ويكلي طلعي برااااا بقيت افرك بأيدي احتركت وابجي.. وهو دفعني طلعي برااااااا .. وي دفعتو وكعت للكاع بقيت ابجي.. خليت راسي بين رجليه وزدت بالبجي بصوت وما طلعت.. وهو يروح ويجي ويفرك بوجهو ويستغفر ويدعي ربو الصبر.. تقرب مني واني كاعده.. كومي يابه روحي وبعد لا تعيديها .. -كمت على حيلي .. اعيد شنو هاا .. تره طلعت روحي حس عاااد.. -نصي حسح لا تخليني ابتلي بيج والله -ابتلي تريد تذبح اذبح. تعبت .. شايل وجهك مني شنو ذنبي .. شسويتلك بس تضايق من واحد تزت حركتك بيه تريدني احس بيك واخذ امرك وما اعاندك.. مره بحياتك حسيت بيه .. كلت هاي شنو تحس . اجيتكم مثل الاسيره لا حول ولا قوه ترحموني يوم وتذلوني اشهور شسويت شنو ذنبي وياكم. متريدني عوفني بس كافي تأذيني .. -طلعي برا -ما اريد اطلع. هسه تخابر امي تجي تاخذين ما اريد اضل هين .. يلا -كلت طلعي برااااااااا -اخذ نفس لا اطلعين اعصابي وكتلج طلعي .. -بس جاوبني شسويتلك اني بشنو اذيتك.. وهيج تعاملني -لا اله الا الله يولي اطلعي ما اريد اسمعج طلعيييي -ليش اطلع وليش ابقى هنا بصفتي شنو فهمني .. بنتك لا .. مرتك لا . فارض عليه نفسك وتكلي رجلج ورجلج.. وحاكممتي وخانكني وانته ما معتبرني مره ما كافي .. حس بدينك حسسس -فرك وجهو حيل ويكلي احس مووو .. تقرب مني ترديني اعتبرج مره ... احجيييييي .. ترديني احسبج مره.. ماشي يجرالج... مشى سريع طفى الضوه.. الغرفه صارت ظلممممه.. من لحظتها گلبي انكمش.. وما احس الا خطواتو تتقرب مني وفجأه دفعني بقوه للسرير .. وصرخ شتردون مني .. تريدين اصير رجلج مووو .. بسيطه اصير .. حجه هيج.. اني ردت اكوم.. وكعني للسرير مره لخ وواجه لزم اديه حيل وثبتهم ع السرير - وخرررر .. الله عليك وخر.. كام يشتم بركبتي.. واني اشيل بروحي وهو مثبت اديه وواوخر براسي منا ومنا .. -هشششش ما اسمعلج نفس -عمو الله يخليك عوفنييي كمت ابجي حيل ما اعرف شنو يريد بس حيل خفت منو ولا كأنو ذاك نفسو اليحجي ويايه بحنيه. واحس بيه مثل حنية ابويه والله راح اصرخ والم الدنيا عليك وخررررر مني وخررررر احاول اسحب اديه منو .. والوي بجسمي منا و منا وهو كاضبني حيل وثقلو عليه احس اختكت وهو وجهو بركبتي وادفع بيه براسي واتلو و صرخت مامااااااااااا.. لحكوليييييييييي.. حط ايدو على حلكي وكلي هششش وهو صاك على اسنانو .. فلتت ايد مني.. ضربتو حيل وكوه دفعتو مني وطلعت اركض.. فتت للحمام ابجي واشهك بقوه .. ما فهمت الوضع شنو .. لا هو يضربني ولا هو يبوسني .. وتقززت منو حيل .. حسيتو وحش واني احاول اسحب اديه منو.. اغسل بوجهي وركبتي .. شكد احب عطرو.. بس للمره الاولى اتقزز من ريحتو.. ادحك ركبتي .. مثل الكأنو صايبني حساسيه .. حمممممره ... ضليت ابجي بقوه.. اغسل بوجهي وابجي حيل اندك الباب.. صحت منووو .. صراع :- انه اطلعي بقيت ادحك ع الباب بخوف وابجي واني اجر بثوبي واستر بصدري واخنطو على ركبتي بخوف .. اخاف منو يدخل وهم يسوي بيا هشكل.. -مو احاجيج طلعي.. -ما اطلع روووووح .. -ليليان لا اتعبيني .. انه اسف بس طلعي احجي وياج.. -ما اريدك روووح.. خابرو ماما تجي الله يخليك -لج بابا ما ائذيج والله بس طلعي .. -ما اطلع الا تجي امي.. عمو الله عليك خابر امي صعدت الحجيه وتقربت للحمام وتصيح .. شبيج يمه.. شسويتلها .. احجي وياي بنيتي شبيج منو وياج.. وادك وتصيح ليليااان يمه شبيج فتحي الباب والحجي صعد ويصيح شبيكم يابه شصاير من سمعت الحجيه موجوده امنت.. بساع فتحت الباب وحظنتها وخليت راسي بحظنها وكمت اصرخ بصوت عالي وابجي .. بچي وحده حيل خايفه واني الزم بملابسها بقوووه .......يتبع ☆☆☆☆☆☆ #زينب_ماجد | ||||
|
| |
|
05-10-18, 06:51 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المراهقة_و_الأربعيني ،،،،،،،، بقلم زينب ماجد ،،،،،،، الحلقة_25 من سمعت الحجيه موجوده امنت.. بساع فتحت الباب وحظنتها وخليت راسي بحظنها وكمت اصرخ بصوت عالي وابجي .. بچي وحده حيل خايفه واني الزم بملابسها بقوووه .. :- اسم الله الرحمن بنيتي كولي يا الله .. شبيج يمه الحجي:- شجالها البت هيج تصرخ.. ام سعد:- دحكو خاف لاغتها حيه.. الحجيه:- صراااع يمه شبيها البنيه .. وج يمه بس كليلي شبيج لا تبجين.. ليليااان... الحجي:- يم باب الحمام موكفتها فوتيها للغرفه اندحك شجالها.. -مشتني الحجيه واني ابجي بصوت عالي وراسي ضامتو بحظنها.. راد ادخلي بغرفة صراع.. كمت اجر بيها وبروحي من الباب وابجي وتهستره احس الرعب ماليني.. هو بس يفتر ويمسح بوجهو وما يحجي والحجيه تكلو اكص ايدي اذا ما مسويلها شي.. اخذتني لغرفة حلا.. دا ادخلني.. حرب وجهال سعد ونوال وحلا كلها واكفه ادحك شلون ابجي علط بيهم صراع .. مسرحيه هينا اولاااااااااااد الكلب.. كلها تراكضت نزلت.. كعدتني ع السرير الحجيه وكعدت وياي.. بس احجي يمه شجالج.. من شنو خايفه ام سعد: خاف دايسه ومتعارضه طالعلها جني لا سامح الله.. الحجي: شلحجي لميعه يا جن .. البنيه متخبله وصراع ساكت اكيد.صاير شي بيناتهم هو جان يريدها تطلع بس غير يحجي -شحجي انه شحجييي.. دحك ع الحجيه ويكلها مو تردينهاااااااااا مرررررتي كتلج ماااااااااتفتهم.. مكرن انه ما عدي احساس تسولفين على خوااااااطيب مرتي كبالي ذبحتيني والله ذبحتنيييييييي يردون يفهمون كلمه من صياحو ابد ما مفهو يصرخ بصوت عالي ويضرب بالغراض ويدفر بالباب.. اني من الخوف كمت ازيد بالصراخ والبجي والحجيه لامتني بحظنها وادحك عليه وتكول ولكم افتهمتو شي منو ام سعد:- ولج نوريه بس لا ماخذها .. دحكتلي .. خذج يمه احجي اخذج.. اني ابجي و ومرعوبه وهي تكلي اخذج.. هو طيح حظي وين ياخذني.. ما حجيت شي بس ابجي.. طلع الحجي وراه.. كالو بس كول البنيه خذتها.. عافهم ودخل غرفتو وسد بابو حيل بحيث اهتزت الحيطان من كد قوتها. نومتني الحجيه على سرير حلا.. وكامت تقره قران على راسي وترتل واني ابجي لحد ما ارتخيت وتعبت من البجي.. نمت والدمعه بعيني. الحجي :- ها نامت -اي هدت بس خل ادحك هذا شمسوي بيها.. مشيت لغرفتو .. وفتحت الباب لكبتو يسحك جكاير.. صراع -يمه رحمه لاهلج تركيني -ولك البنيه متعارضه انت مأذيها ماخذها فهمني -لا .. بس طفيت الضوه وردت اخذها وشردت.. ارتاحيتييييي.. اطلعي رحمه لمحمد لهين واصله عندي عوفيني -عجل انه هيج كتلك تعاملها.. غير بهداي -خرب بال****** اذا رديتي وتركتيني.. طر الجكاير بالكاع واخذ موبايلو وطلع.. -بالله هذا شجالو تخبل الحجي:- كله منج يا نوريه.. عجل اكو وحده تكل للزلمه خطبو حرمتك شتكول ازوجها لو لا.. ليليان:- بقيت نايمه لليل يلا كعدت.. فزيت.. وحدي بالغرفه.. دحكت بالمكان.. غرفة حلا.. بقيت استرجع ذاكرتي.. مسكت ركبتي.. لميت نفسي وكمت ابجي.. واني ابجي .. طفت الكهرباء.. فزيت من مكاني حيل.. اخاف اصيح ويطلع صراع وهم يرجع يتخبل واخاف امشي بهلظلام.. كمت اتلمس وامشي والخوف ذابحني.. طلعت الغرفه.. ظلمه بس اكو ضوه خفيييف اشوف بيه الدرج.. مشيت عليه بسرعه واحس شبح ورايه.. نزلت.. الجوه حيل ظلمه.. كمت ابجي بالزايد.. صحت حجيييه .. وينج.. لزمتني ايد.. صرخت عاااأا نائل:- على كيفج يولي كولي يا الله هذا انه.. بس حدري.. -فتح موبايله.. كتلو نائل وديني للغرفه اخاف.. -هااي بس حدري لا تخافين. فتح غرفة الحجيه ودخلني.. وضوالي اشوف الطريق.. دحكت الحجيه وهي تكول هاأ ليليان حدري بنيتي.. فتحتلي بطانيتها .. واجيت نمت وياها ع السرير حظنتني وكمت ابجي بصدرها.. وهي تمسح على راسي.. اجت الكهرباء .. غفيت وهي نامت.. للصبح حسيت بيها تكوم للصلاة.. شو هي راحت.. واجه صراع.. ما شفتو بس عرفتو من ريحتو .. بسرعه فزيت ولميت نفسي بالبطانيه واصرخ وخررر مني وخرر -هشششش لج ما اذيج يابه بس جيت اطمن عليج -وخرررررررر مني ابتعد.. -كعدتي الدنيا خرب يومج.. -تركني وطلع دخلت الحجيه كالت ما يصير هيج تصرخين منه بنيتي هو رجلج.. -ما اريدو اريد ارجع لاهلي -سالفة اهلي تركيها يمه بعد انتي تزوجتي امج من خذت ابوج هم عافتو وكالت اريد اهلي -لفيت وجهي بالبطانيه منها وكمت ابجي.. لثاني يوم ما كاعده بس للجمام وارجع انام .. الظهر جت هيام.. فرحت بيها.. كعدت يمي تنكت وتضحك حتى تغير عليه الجو.. ام سعد كاعده.. احسهم كلهم يردون يسألوني شسوالج لحد ما سألت هيام.. :- ليونه حبيبه انتي هسه خايفه وتبجين بس ليش خو شسوالج اذاج ؟ -هزيت راسي اي -شلون تحجيلي انه اختج -طفى الضوه واجه عليه وكام يبوس بركبتي بس بشكل ما حلو واني دفعتو وطلعت - بسسس !!! -اي -ليونه اي رجال ومره يصير بيناتهم هلشي بس انتي ما استقبلتي .. الا هو رجلج ما يصير تمنعينو -اني ما اريدو اريد ارجع لاهلي -رجعه لاهلج ماكو.. وهو بعد كل اهلج بس انتي شسويتي وهو هيج تصرف -جان يحاسبني لان الحجبه كالتلو خطبوها وهو عصب عليه عاد كتلو انته تحاسبني وتعصب عليه ليش انته اصلا ما حاسبني مرتك .. -ليليان انتي صغيره وما تعرفين معنى حجايتج. هو ليش ما حاسبج مرتو مصرف ما يصرف عليج ؟ ما يدافعلج ؟ ما يشيل هم ؟ ما يريد كربج؟ هاي كلها هو مسويها ونتظرج على راحتج يقربج منو.. تجين تكليلو اني مو مرتك..زين من تكليلو هيج شتتوقعين منو حتى يثبتلج ان هو رجلج ويريدج مره انه ما ادافع عنه بس امي لحت وياه وانتي ضغطتي عليه وخليتو يطلع من طوره ويتصرف بعصبيه -بس اني ما اريد هيج -عجل شتردين يا ليليان تره هو صابر تصيحين عليه وتكليلو اريد اصير مرتك ومن يريدج تلمين الدنيا عليه واكولين ما اريد ام سعد:- ولج تتعاير عليه مصدكتها هاي الثوله خبصتنا البارحه عبالنه مدري شكو ثاري بس بايسها ههيييي شلون عرمه ووكحه خبصت البيت ليليان:- سمعتها حجت هيج.. اني كمت منها بساع وما حجيت .. اذا هيج الزواج اني ما اريدو والله ما اريد اتزوج اريد ارجع لاهلي بقيت ابجي بالحمام.. ورجعت نمت بغرفة الحجيه.. بقيت 4 ايام.. ما نسيت الموقف بس زاد عليه يضحكون ويكولون ثوله غبيه خبصتو فضحتو .. وكأنهم يعطونو الحق باللي سواه واني الغلط. بس هو غلط وياي والله ليش يزتون الغلط عليه.. وما اسمع منهم بس الضحك عليه والغلط واني ثوله وعوبه.. 4 ايام.. قطعت الاكل ما صارت عندي شهيه برغم هيج.. اشتغل بالبيت لان ميقبلون اكعد ..بس وكت اللي يطب هو ابد ما ادحكو .. اروح لفراشي اغطي وجهي بالبطانيه. حاول كم مره يحجي وياي .. اكوم ابجي وما اديرلو وجهي يتركني ويطلع. 4 ايام اني بس اسمع صوتو ابد.ما دحكتو بس احسو اجا .. اختفي وما اريد اتذكر الرعب الشفتو بغرفتو.. حسيتو بوقتها فعلا شبح ظلمه وهو ثكيله وماسك اديه بقوه..من اتذكر انجن واكوم ابجي وما كمت اشكي لاحد لان يضلون يضحكون عليه.. بليل خلصنا شغل وكلها نامت ب12 حرب نام وحلا على موبايلها واني احس اختنكت كد ما ابجي وافتر بالبيت وما طالعه.. كمت من فراشي صعدت فوك.. فتحت الطابق الاخير وصعدت للسطح.. الجو بارد بليل حييل. الهوى الظلام .. بقيت اشتم هوا وابجي .. كعدت على بلوكه ولميت نفسي .. وابجي بدون ما واحد يجي يسألني ويستهزأ مني لان يعتقدون ابجي عياره و ادور حجج حتى اتهرب من الشغل حسيت انفتح باب السطح.. كمت على حيلي.. دحكتو لصراع وبضخامتو و بليل وبس اني فوك.. لميت نفسي للحايط وصرخت لااااا تتقرب -شعندج هينا يابه بارده -رووووح الله يخليك روووح -نزلي يا بويه والله ما اذيج .. بس نزلي بارده قاتحه السطح بهليل متكلي شعندج... -تقرب مني واني خليت اديه فوك راسي وكمت ابجي واكلو روووح روح روووح.. بقى واكف.. اخذ نفس .. وكال وتالي شلون نضل هيج -رجعوني لاهلي فدوووه.. روح -ارتاحي 5 دقايق ونزلي لا تضلين فوك.. -عافني ونزل .. بقيت ابجي حيل بوحدي ومنتجيه ع الحايط بس احس ثلجت.. رخيت راسي ع الحايط وتعبت .. كامت دمعتي تنزل على كيف واني مسبله اديه واتمنى ارجع لبيت اهلي ما اريد ابقى هين بعد.. اني منتبه بس ما حسيت فجأه حسيت صراع يمي.. دحكني ما بيه صوت.. خفت حتى اصرخ خاف يصم حلكي ويحاول يسوي شي حط ايد جوه رجلي وايد جوه ضهري وشالني .. متعضت كتلو نزليني.. همس تأمرين بس لا تبقين هين اخاف عليج والله.. يحجيها وهو يمشي نزلني لغرفتو .. بساع نزلت منو.. ما اريد هينا انام .. انزل جوه.. تقرب مني ردت اوخرو .. اخذني لصدرو ويكلي :- لج بابا تخافين مني والله ما اذيج.. ساعة شيطان اذيتج والله واعرف انتي ما تكدرين تصيرلي مره.. -وخر دفعت صدره.. بس ما خفت لان حسيتو هادي .. -ابتعد والله بس نامي انه انزل انام جوه وانتي ارتاحي هينا .. -اخذ موبايلو ومحفظتو وطلع من الغرفه.. كعدت على تختو وتمددت .. بقيت افكر بي احساسي بين الخوف منو وبين الاحن الو واحبو .. بقيت نايمه بفراشو.. تغطيت ونمت .. حسيت عليه يدخل الصبح بدل عسكري واجه يمي اني ما حسستو كاعده.. مسح على شعري وباسني بكصتي وطلع.. بقى بس عطرو بالغرفه.. شكد ما كنت خايفه منو رجعني احبو واريدو كن حنيتو .. حنيتو تذكرني ابابا من جنت ابجي من يحيى وانام يجي الصبح يمسح على شعري ويبوسني لو من يرجع ياخذني بحظنو تمنيت صراع ابويه لان حيل محتاجه احد يحتويني .. نمت ما حسيت غير الباب تندك فتحت محمد ابن سعد.. ينطيني لفة خميرا وعصير مشتريها من برا وكال عمو صراع خابرني وكال اشتريلها ريوك اخذتو ودخلت.. الساعه 10 ونص .. عجيب حتى محد جا وكال نزلي اشتغلي .. تركت الاكل ونزلت جوه مخلصين شغل وام سعد تخزر بيه .. دخلت للحجيه كتلها صباح الخير -هلا يمه صباح النور -شو محد كعدني -صراع حجه وي ام سعد.من الصبح وتكاون وياي -ليش -يكول صايره صفره ما تاكل وانتم كاضيها عليها كومي وكومي جايبها خدامة الخلفوكم انه.. -ابتسمت .. صدك يوم كال هيج -ليليان يمه لا تخسري وتكولين اريد اهلي.. بطلي هسالفه واعتبري زلمتج سندج .. امج ما تنفعج ولا اخوج. خلي يسندج يمه ولا تخسري .. وصعدي لغرفتج لا تنزلين لا ام سعد تسويلها سالفه ونبتلي -ما كلت لا هو اصلا ما بيه اكوم.. جت من الله. غسلت وصعدت للغرفه شغلت تلفزيون وكعدت اكل بس حلكي احسو مر.. نص لفه ما كملت تركتها وبقت اطمش ع التلفزيون لحد ما رجعت غفيت كعدت راسي شثكلو كد ما انام.. لان نمت هواي .. تعدلت ومطيت جسمي.. دكت صراع فارش بالكاع ونايم.. خطيه هاي ليش نايم هينا رجعت راسي للمكعده وكعد اطمش بوجهو و بملامحو. مديت جسمي واخذت الموبايل من يم راسو كان حاطو طلعت العاب وكعدت العب.. اندمجت باللعبه وما احس الا ايدو صارت على خدي وكعد ع التخت ويسألني :- شلون صرتي -زتيت الموبايل وغطيت راسي اشلون نرعبت جني هذا شوكت كام نايم كبالي شجابو يمي هو ما حجه بس مسح على ضهري من فوك البطانيه وكام .. حسيتو طلع.. وخرت البطانيه.. ودحكت ماكو.. طلعت بسرعه نزلت دحكت الحجيه بالهول كعدت يمها.. اندارت والعوينات بعيونها كالت هاا.. -كتلها هااا .. ضحكت ونزلت راسها تقرأ.. الحجي كاعد وام سعد.طلعت .. وتسمع حجي خواتين عيارات يتبجبجن ويغرن بهزلم حتى ما يشتغلن.. دنكت منها.. نزل صراع.. سكتت.. دحك علينا.. كال شكو.. رفعت راسها الحجيه .. ماكو شي يمه توكل بدربك. كال هاا.. دحك عليه .. ابتسم وطلع.. شكد.ما تجي لحاضات انرعب منو بس احس نفسي ارتاح من اتنفسو وادحكو بعيوني .. ما اشبع منو ابد.. طلع.. وسمعنا يضحك و يحجي وي هيام.. هي دخلت مبتسمه وكالت السلام عليكم. ردوها.. جت يمي وج صايره صفره ما تاكلين ابتسمت.. ما اشتهي -شكد وزنج. ؟ -ما اعرف -بساع نطت بت سعد كالت اني اجيبلكم الميزان مالتنه .. كلهم ضحكو عليها هي صغيره.. وما جذبت جابتو وجت .. كال يلا ليليان صعدي.. كالتلها هاي ولج كليلها عمه عيب مرت عمج.. جان ادحك بيه وتكول هاي عمه.. ضحكو وكاللها الحجي حقج اكبر منج بشويه عمتيش.. وكفت ع الميزان.. وزني 47 كيلو.. كالت شكد طولج.. كتلها 155سم .. كالت ضعيفه. بلله خل اقيس.. قاست 78 ضحكت وتكلي تعلمي مني ههههههه .. انوبه كلهم قاسو.. كتلها صراع شكد وزنو .. جانت تكلي عيب ما يفيدج .. ضحكت لا الله عليج والله اخر مره جان 99 بس هسه سمن ضعف ما ندري .. -حيييييييل ..شويه ويصير طن الحجيه:- عينج بردت وخفت ان شاءالله تف من حلكج .. مخليه عينج عليه كلهم ضحكو.. وهيام تكول يمه هو ينزل يصعد يكول اني 99 المهم ما يصير 100 ويفشل نفسه حجت هيج والحجيه شالت لعبه مال اميمه وشمرتها بوجها وتكلها عوذه منجن ماكل من چدچن بنات الاوادم.. جان من يمي بكل ثول.. كلت يااا واني اكول انجعصت من اجه عليه طلعت تريله نايمه عليه الحجي غمني ويكول غمه يلفطيره عرفي حجايتج يولي .. وهاي الحجيه تسودنت شلون احجي عليه .. وتصيح كومن مني كومن حاطت عيونجن على للرجال ربحي بيجن امهات الكمل .. هي كالت هيج واحنه متنه ضحك. واني اضحك كمت للمطبخ اشرب مي.. دحكت الدنيا صارت حمره.. كلت يا ستار سما زركه فجأه صارت حمره دخلت نوال صاحت اووو هم عجاجه وتراب وباجر شيل ونظف لحد ما ينكسر ضهرنه.. طبت هيام وكالت باع الله هي الانبار شلونها وتجينه عجاجه بحالها كلها تراب وصحاري. انوبه البيت ما قفلت شبابيكو شلكاه شحالو -اني احس صارت وغره.. الدشداشه خنكت عليه.. طبيت للغرفه عندي نص اردان فانيله ورديه .. لبستها اخف عليه من الكلابيه الشتويه.. طبت بت هبام جنات.. كالت ليليان تعرفين تقريني هاي.. دحكتها رياضيات صف رابع ابتدائي .. كتلها اي تعاي سهله.. كعدت اشرح اني وياها نشرح.. بس احس النفس كمت كوه اخذو.. اني اساسا عندي ربو غير مزمن بس صار كومه ما صاير عندي بس من يصير عجاج بالجو جنت اختنك او يصير دخان قوي .. بس صار هواي مصاير وياي .. بس جانت امي تكلي فوتي جوه بالغرفه وقفلي الباب ما بيه مستشفيات وادور بيج فاخذ قماش ابللو واحطو على خشمي .. لحد ما يصير الجو زين.. هسه احس النفس اما يطب ريتي .. ردت اكوم.. اجيب قماش ابللو.. ما كدرت كمت كوه اسحب النفس وكاضبه بركبتي جنات بت هيام ضلت تسأل عمه شبيج وعمه شبيج وركضت لامها تصيح.. اني واكفه كمت كوه اجر بالنفس احس عيوني طلعو من مكانهم.. طبت عيام صرخت شبيج ليلياان حاجيني شافتني مختنكه جرت شال وحطتو على خشمي وكامت تصيح نائل وينك نائل خطيه جان هسه طاب للبيت يحسب فلوس وي الحجي واجه يركض.. طب دحكني بهلحاله وهو ركص وصاح : ام علي انه راح اشغل السياره.. -هيام تريدني اتنفس كمت اشهك بصوت عالي .. تمشيني ما اكدر احتاج هوا .. احس مثل واحد خانكني.. عاد شالتني هيام وركضت بيه للسياره. اول ما خلوني حرك السياره .. الدرب كوه ينشاف احمر باسود الجو .. تخوف الدنيا .. وصلنا للمستشفى .. شالني نائل وركض بيه جوه ع الطوارئ كبل.. كومه حالات مثلي .. مختنكين من التراب.. نقلوني الردهه وقربو جهاز التفس خلوه على خشمي .. مثل واحد جان عيموت وحيا. اخذت نفس متت. ارتاحيت استرخيت.. اجه الدكتور دحك حالاي وهيام حجتلو حالة الخنق فحص صدري اندار مدري شحجه وي الممرض.. وبعدين كال عدها ربو وتحسس قوي بصدرها... كتبلي علاج .. رجعت تمددت وغمضت عيوني تعبت من الخنك.. اجه بأذني صوت صراع.. فتحت عيوني.. دحكتو يدخل الردهه بدشداشتو لونها نيلي وسبحتو بيدو.. شكد مرتب بس رموشو صايرات بيض من التراب..وصل يمي كال :- الحمد لله ع السلامه بويه ما تشوفين شر.. من يا وكت عدج ربو.. -ردت احجي فدا اوخر جهاز الاوكسجين من خشمي.. خله ايدو.. ارتاحي بابا.. دنك وباس راسي وعدل حجابي ولفاه.. كعد يمي ع السديه .. وكضب ايدي واني امدده ويدحك بعيوني.. عيونو حكت واني فهمت كل كلامها واعتذارها.. ابتسمتلو.. فتح ايدي وباسها .. اجه الممرض.. كام صراع.. سحب ايدي الممرض واجه يخليلي كانونه .. شكلها .. طلع الوريد سحبها رجع خلاها مرت اللخ وهم غلط.. طلعها وكام الدم يصب من ايدي.. زكح بيه صراع :- ول يابه زرفت اديها ليش هيجي الممرض ما رد.. راد يشدها الدم من ايدي جرى حيل.. رجع زكح بيه وين دارس رحمه لابيك ما تكلي .. ونزل عليه حجي ... كالو ما عدها وريد والله.. -دكوم عمي كوم.. جيب لشوف .. كعد.. وسحب ايدي ضغط عليه ودك ع الوريد.. بين خضارو.. دخلها وكالو هااا ما عدها وريد لو المايعرف يكول الكاع عوجه... ما رد الممرض .. راد ياخذ ايدي يحطلي الدوه .. كالو بقت ع الدوه ول يابه جيبو انه انطي الها.. اخذ الدوه.. وخبطو ودفعو بالكانونه تأذيت .. ودكام يفرك بايدي خفيف من فوك ويكول خير وسلامه ان شاءالله ويدحك بعيوني واني ادحك على وحده ما شالت عينها عنو فصلتو تفصال بدي اضرب جهاز التنفس واروح اجرها اسحلها من كوشتها عاد كام هو راح جاب الدوه ودخل.. جان هاي كامت من مكانها وطلعت و وتضاربت وياه عود ما منتبهه... كاللها دحكي دربج بويه لا اداعمين.. ابتسمت من هيج فشلها مبر ولا يستحن.. عيحجي وي هيام ع الدوه والدهه بيها هواي.. من جهة ريام اكو حجيه .. جانت تحجي وياها بضحكه وميانه ويه هيام كالتلها هي هاي بنتو.. هي حجت بعدها ريام ما ناطقه.. هذا عقد حواجبو كاللها :- شرايده منه يابه .. ديري وجهج هنه ولا تكابلينه .. فشل المره شكد عيب حتى هي اندارت وما حجت وبتها بقت تلوم عليها لان سألت.. دارلي مزعوج دحك بوجهي.. عباتج وين.. -ما رديت عليه.. عاد اندار لهيام -هاي هيج جبتوها بدينكم -شنسوي يا ابو حرب انت ما دحكت حالتها من جبناها هي والميت سوه.. ما شفنا دربنه.. -انتبهت لنفسي صدك جايه بكلابيه نص ردن.. وصيفيه فانيله تلطش.. عاد كلتلها بين راح اطلع -كومي انه اشيلج -لا ما اريد.. دنكت راسي وكمت من السرير وكفت على حيلي هيام:- خطوتين ونصل ليليان السياره بالباب بساع نمشي -ماشي -يا ما شي لا تكفروني دحكي جسمج ملطش .. تقرب انه اشيلج وفضت -ما اريد -اي عجل طلعي هيج جدام خلك الله وانه احطلي كرن وادحك الناس عيونها على عرضي -اندرت عنو ما عاجبني الكلام.. -عاد تقرب مني ويكول يلا بلا عياره امس انه شايلج هسه استحيتي مني. وصدك شالني .. خرب حسيت روحي زيتونه مرت باباي كلساع مشيوله مشى بيه واني مسكت ركبتو.. الناس ادحك استحيت وضميت راسي بصدرو وسويت روحي نايمه جان يكول ول يابه شعلتي عشيرتي لا هيج وياي جدام هلعالم راح اكع اني ما احجي وياه .. بس كال هيج كركرت بضحكه وهو يكول اخ يابه بالله ما ترحمين انتي دنكت.. وصلني للسياره وكال لهيام انه اخذها بسيارتي انتي روحي وي نائل ابتسمت هي وراحت.. صعدني وهو يكول عدلي الكمامه لا نبتلي عدلتها.. سد الجامات.. وقرب راسو وباسني من خدي ابتعدت.. دحكلي واخذ ايدي انه اسف والله....يتبع ☆☆☆☆ ان كان في سحك.. غلسو بداعتي واليغلس اله هديه 😁 #زينب_ماجد | ||||
|
| |
|
06-10-18, 08:11 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| توضيح السلام عليكم اطلعت على اغلب تعليقاتكم البارحه وكانت:- معقوله ما تعرف شي ؟ متعرف شنو زواج تتعاير مكبره الموضوع طوختها جذابه تره في كثير بنات لليوم ميعرفون هذه الأمور واكو هوايه مو نبيهات.. خاصه اذا كانت عايشه بمجتمع مغلق .. ليش الاستغراب ؟ يعني من يتعرضلها بطريقه مخيفه وهي ما تفهم الوضع.. وهو وضع اشبه بالاغتصاب لكن بالحلال.. راح تنصدم وراح يصير عدها خوف وردة فعل ان تخاف من هذا الشخص.. تعرفون ان اغلب البنات اللي ما عدهم معلومات عن مفهوم الزواج وتعرضوا لهكذا حدث.. صارت عندهم عقد نفسيه. مو الكل متفتح مثلكم.. في عوائل مغلقه ومحافظه بشكل. ومو ضروري مسلمين.. كثير مسيح محافظين اكثر من الاسلام.. المحافظه ما هي حجاب ابدا.. وانما حفظ العقل من الادراك بأمور لا تليق.. واغلب العوائل يكونون حريصين بهذا الموضوع والبعض متشدد جدا.. الصور شرح ليليان بطلب مني لتتوضيح الكم عن ما هي في..   سحكي مو بس يمكم .. ماخذه جائزة سحك معليكم 😆 تغلسون تره ما انطي 100 ناقه 😄 | ||||
|
| |
|
06-10-18, 08:14 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المراهقة_و_الأربعيني ،،،،،،، بقلم زينب ماجد ،،،،،، الحلقة_26 سد الجامات.. وقرب راسو وباسني من خدي ابتعدت.. دحكلي واخذ ايدي انه اسف والله... دنكت ما حجيت.. حرك السياره ومشى وحجه.. -ليليان.. انه ما قصدي اذيج بالله .. ولا احب بس لما اتعصب تحمليني.. ما بيدي اصير انسان ثاني وعقلي يطير واتصرف بلا عقل.. شسوي طبعي هاذ .. ليليان اكو اشياء جثيره انتي ما اعرف.. اي فهم ما عندج بيها .. مو بس شغله.. جثيير كلامج ما تعرفين يا وكت تكولي تصرفات عندج ما مناسبه ابد.. حلا بكدج .. بس اوعى وافهم.. انه احس صعب اتفاهم وياج.. مو بس زوج.. حتى لو حطيتج بمكانة بنتي هم ما جاي تفهمين علي.. بعمرج جثير نسوان شايلات بيوت انتي ليش هيج ؟ يحجي وهو يسوق.. وعيون ع الطريق ومره يدحك عليه.. -انتو حياتكم غير .. تقارني ابنتك.. بنتك عايشه وي بيبيتها عمتها جناين مشاكل جثيره واعيه على هواي شغلات انه ما شايفتها بعمري.. حتى موبايل عدها وصديقات وتراس وتشوف.. اني ولا شي.. بابا متزوج اثنين بس ما كنت ادحك امي وباجي يتكاونون.. اكبر مكاون يصير بيني وبين يحيى على ملابس او على اكل ما جنت اشتغل ولا اشيل مسؤليه .. كله امي حتى ملابسي من اجي من المدرسه وانام الكاها غاسلتهم.. 8 اشهر دوام مدرسه اني ما اكضب شغله بالبيت او اساعد.. عود شوي بالعطله واتكاسل وماما تستخطيني لان عطله وارتاح.. زواج ما عدنا بنات تزوجو كدامي حتى اعرف.. ما عدنا كنه او وحده متزوجه حتى اسمع منها مشاكل الزواج لو شلون الرياجيل يتصرفون.. اكبر همي من الرياجيل كان يحيى والف مكاون يلا قضيلو شغله ويرشيني ويصالحني بهديه بس ازعل.. ماما غير الامهات.. مسلسلات تركيه متقبل .. افلام مو زينه متقبل .. موبايل متقبل احف اطلع اجي كل هذا متقبل.. فيلم لو ردت اطمش عليه.. بالختله بدون متعرف امي لان تضربني.. حياتي مغلقه.. ما عدنا عائله كبيره.. كل عمري حدي بابا مدرستي وارجع.. صديقات ما عندي غير وحده ومرافقتني من الابتدائيه اني وياها نفس الاطباع اصلا جنه نستحي نحكي على واحد لو نكول حلو لو نكعد نسولف بالولد.. ونعتبرها عيب لان عد اهلنا هلكلام عيب.. ظخلت بيتكم تغيير 180 درجه.. وكلكم تردون. ام سعد تريد تنظيف .. وامك تريد اداريك.. وانته تريد اطيعك وافهمك. وحلا بصفحه وكلام نوال وبساميرها بصفحه وناس اطب وناس تطلع.. اني من وين اكدر اتعلم على كل هذا فجأه.. اطلع طفل من بطن امه وتكوله امشي وافهم مستحيله.. اني جنت عايشه بحياة مقلقه مثل رحم امي. عيشتكم حياة ثانيه. اني دا اتعب والله.. ومو بس هذا.. اني هواي مرات احس نفسي غريبه بينكم. بليله ويوم اطلعوني من اهلي وتخلوني بوسط ناس غرب ما اعرفهم ولازم افهمهم كلهم. وما اغلط ابد .. اني ما اطيق حياتكم.. -حقج يابه والله حقج .. بس انه ما جاي اضغط عليج.. انه لا طلبت تصيريلي مره. ولا طلبت تخدميني ولا طلبت تخدمين اهلي مو اتكاون وياهم واكلهم حسبوها ما هي ؟ ما اكعد يوميه واوصي الحجيه بسج تعلمج.. ما اضرب بنتي الطالعه مني لخاطرج. انه كارهج يا بويه ؟ بس انه عندي اعصاب .. ووكت اعصابي تتحمليني .. لا بيدي ولا بيدج شي.. اخطاءج اتحملها .. ولا تكولين ظالم وما ارجعج لبيت اهلج.. دلم امج ما عدها بيت انه ما اكدر ارجعج.. تعيشين ويانه منا لحد ما امج تلكه بيت.. الكلتي ما اتحملكم اريد اهلي من حقج.. والكلتي اريدكم هلا بيج عايل وياج ؟ هم جابرج انه ؟ -دنكت راسي حجه. ووكف.. مشتهيه شي اجيبلج ؟ -لا -نزل وبقيت اني افكر.. شوي وطلع رجع.. وكال :- الجو كلو تراب الاكل يكشش تلكاه وصخ .. رجعنا للبيت.. لكينه نائل وهيام من شوكت واصلين من دخلت الحجيه ادحك.علينا وتضحك.. خجلت من يبتسمون بوجهي بس خربت ضحكتي من دحكت زلوف جدتهم الجبيره جايه .. شكد اكره هلعجوز الله مسلطها عليه تكول عدوتها .. ام سعد ما تكرهني بكدها.. هم مطمنين عليه من هيام كايلتلهم زينه جايه هي وصراع فما سألوني شلون صرتي .. هستوني واكفه فايته من بره ودخل صراع وراي.. كاللهم ها الله يساعدهم.. وراح سلم على جدتو.. اني واكفه .. جان تكلو عجل من رحت داويت هلصفيره ما علمتها شلون تسلم ع الجبير.. خزرني سلمي.. رحت بس بوستها وكتلها هلو.. وعفتهم وردت ادخل.. صراع صاح .. بنيتي بدلي هلكلابيه لاطشه على جسمج ما حلوه.. كتلو تأمر.. ضحكت العجيز تكلو خوش ادكلك ناعم هلمصلاويه يا ابو حرب.. ما ردها.. اني دخلت .. بدلت وبللت الكمامه ونشفتها وحطيتها على خشمي لان احس خشمي تجرح بدون مي. اتأذى رغم انطوني علاج.. طلعت خلصت واجباتي من شغل و عشا وهم كاعدين يسولفون.. دا ادخل الجاي طبو بيت عمو صالح ابو خلوصه ... ولا شك خلوص قائد الميدان وياهم.. طبت ردت اتفل بوجهه بس كلت عيب وكضبتني اخلاقي الا هي تستاهل .. رحت صبيت جاي زياده.. اخذ مني محمد و كعدو يسولفون.. فد سوالفهم بايخه ونص حجيهم غيبه وهذا حجه وفلان كال.. صراع عيونو بموبايلو.. ويشرب بالجاي.. وهم زلوف فتحت سالفة الزواج وي صراع عقدتني هلمره كلتلو .. ابو حرب شلو عدي الك عروس تخبل معدله بس كول جده خطبيلي انه من باجر اكطعلك عليها مهر. ادحك بخلوص مبتسمه و مدنكه عود مستحيه جنها وجه قبطان نامق صراع ابتسم وكاللها جده والله ما اريد.. ردتو:- خايب والله حرامات تروح منك -شكو جده اكو احد شاكيلج حالي لو دحكتيني مكطع نفسي ع الزواج -يا خايب ما تسكت ضال تركض وره هلفرخ وادور منها وجه وهي جنها قرد اشهب -ما اريد جده سدي الموضوع وحرمتي لحد.يدخل بيها -عجل تضل هيج مكرود بلا زواج على اقل اجيبلك حرمه تلفك تالي الليل وتونسك بدل ما كاعد ارمل وجهك وجه المطلكه شكلت يا بعد طولي ؟ -جده يمكنج نسيتي انه متزوج -بالله بربك هاي المصلاويه الصفيره هم حاسبها مره براسنه.. -اني كاعده وعيوني بالكاع بس الاذن يمهم بس حيل اختك من احد يجيبلو هلطاري .. -وشبيها زينة البنات ليون غير الله زتها الي هديه .. الكه مثل اخلاقها ام سعد :- والله ما بالحيف هاي مرتك يا زينة البنات الفضحتك فضيحه على بوسه لو غيرها .. خزرها ..ما اهتمت كملت و كالتلو رد على جدتك وخلها تلكالك مره تناسبك وتخلي السلف كلو يحجي بزواجتك -بالله ام سعد من يمج انتي لا تدخلين سهمج الراحه بويه -اني لو احد كالي بز ابجي من كد الاحراج و اخلاص تضحك شلون يغلطن عليه.. الحجي جان بره.. دخل جان تكلو ام سعد حجي شتكول مو نزوجو لابو حرب ويستقر -وليش تزوجو عجل وليليان ما هي مرته شو حلوه وصغيره ونضيفه وعلى مايو .. -بالله بربك هاي حاسبها مره -الا مره ونص .. جاهله وجاي تتعلم على طبعو وتتعايش وياه .. هو صراع ينحمل.. ما جنه ماخذين بت اختج يوميه زعلانه.. هلي تحمل همو وتخدمو بلا كلام .. حجه ابو اخلاص كالو ما هكتها منك يابو صراع تقارن بتي المرحومه ام خرب بهاي -حجه هيج متحملت ردت اكوم بساع.. اختنكت.. كضبني صراع -للمره الثانيه اعيد محد الو شغل بحرمتي شلون ما تصير انه راضي بيها .. الجده:- ولك دحك وجهه اصفر كنو وجه الجراد.. -متحمات نزلت راسي وكمت ابجي.. اخذني جو جناحو ويكلي ما عاش ولا جان اليبجيج بويه انه ما لكيت اخلاقج وبرائتج عد وحده ..واقرنهن بيج مو بالحيف.. يولون بويه يغارون منج والله.. وباسني من راسي كدامهم.. ومسح دموعي ادحك ع الحجيه امو تضحك هي وهيام... عاد هيام متحملت زتتها -والله يا خويه الله يحبك وانطاك وحده مثلها لا عدها مكر لا عدها سموم.. تشتغل ليل ونهار وكايمه بيك وبامي بأتم وجه وما شكت فد يوم ولا سمعنا حسها بنيه صغيره تربيها على ايدك وطبعك ولا تاخذلك وحده مسمومه تربيلك عله .. ودحكت على اخلاص. ذيج كامت بساع للمطبخ.. والجده ضلت تحجي على صراع تكلو ما بيك خير تركض على خناكك عايف العاگله المعدله .. هو ما رد.. وكام طلع.. بقيت ادحك على گفاه .. شكد احبو ما بيدي اعشقو.. بس ما اعرف اشلون احبو.. احبو على طريقتي على فطرتي.. ما احبو برغبه لو شي ثاني مثل ما هم يفكرون.. اكبر شي بحبو ممكن اسوي هو انام بحضنو .. وابقى اشم عطرو واغفى على ريحتو.. عمري ما فكرت ابوسو او يبوسني مثل الافلام احس عيب عيج نسوي ما يصير بس اللي صار.. من بعد هذه الحادثه.. كن تغير شي ما اعرف شنو هوه.. صار يدحك عليه بينو وبين نفسو .. احس من امشي نظراتو متشكله بيه بس من ادحك بي .. يبعد عينه لو يغير نظرتو ويبتسم.. مثل ثاني يوم كعدت الصبح.. بااارده حيل.. تغير الجو و ف طلعت اعملو ريوك.. كعد ع الكرسي كدام الطبله واني احطلو الجاي واحظر. ومدنكه.. ما حسيت على كلابيتي نازله كثير من ناحية صدري.. فواني اصب دحكت بنظره سريعه بعيونو .. كن اشوفو مركز نظرو بشكل ايد محلو.. تركت من ايدي بساع وجريت كلابيتي وعدلتها.. هو دنك ولا كأنو شي صاير يثولها ويغلس.. او من اطلع فوك.. ابد ما احس براحه احسو اكثر جرئه بغرفتو وياخذ راحتو.. بليل كنا كاعدين.. فات لغرفة الحجيه. كاللها يمه الاروراق الكتلج ضميها يمج وينها.. كالتلو فوك الكنتور بس مد ايدك.. حاول ما كدر الكنتور حيل عالي مد الميز و كال :-بويه ليليان ما تصعدين انتي خفيفه شويه -كتلو اي مسكت ايدو وصعدت عل الميز وتلمست فوك الكنتور يا دوب الوح.. كال اشيلج اكثر كتلو لا لا يمكن لكيتهم.. جاي اسحب الاوراق واشيلها ورافعه راسي اشوف.. وما احس الا بريعصي ع الاوراق وتزحلك من الاوراق وطب من صدري لجسمي واني كمزت من الميز وزتيت الاوراق ظن ايدي واصرخ .. يماااااااااااي واكمز واطفر واروح منا واجي منا والحجيه وهو وحلا واكفين ويصرخون شبيج.. بس اهدي واني اصيح الحكوووووووولي ولكم عااااااااااأاااااااااااا بريعصيييييييييييييي -ول بويه اكفي ندحك شجالج بس اكفي يابه.. -بااااااااااع .. واني اطفر واحسو بجسمي طلعت روحي كضبت الاكلابيه ونزعتها وانكث بيها وبجسمي وما ادحك عليهم حلا تصرخ وتريد تطلع وصراع كاضب بطنو من الضحك ويضحك.بصوت قوي .. والحجيه تكول يا يا افلشج كون ولج طلعتي الاحمر ابو الطوبات علينه يولي.. وحرب يضحك ميت ضحك.. واني فاقده وادور بجسمي منا ومنا حسيتو ماكو وانتبهت يضحكون عليه.. صرخت عاااااااااا والتفيت وره الحجيه وكعدت واجر بالبطانيه. ولفيتها عليه واصيح طلعووووو الله عليكم طلعو .. وصراع يصيح غير دحكنا كلشي وصاير احمر من الضحك ويكحكح خرررررب عيب والله طلعوو.. حجيتها وجان يصيح حرب هذا البو بريص وشالو من ذيلو واني شلت البطانيه وع التخت وكفت واصرخ بكل صوتي عااااااااا حرب طلعو حررررب .. وحلا تركض وهو واكف كدام الاب وتصرخ باباااااااااااا صيح بي عاااااااااا وجت وكفت وياي ع التخت وصراع غاص بالضحك والحجيه كاعده بالكاع وكاضبه بطنها وتبجي من الضحك.. طلعو حرب وحلا جاره البطانيه مني من جوه ومغطيه راسها واني واكفه.. دفرتها من من رجلي وكتلها انطيني كلابيه انفضحت والرب كوووومي.. وهي خربانه ضحك وبعدهم يضحكون.. اني ما اضحك خايفه متقززه احسو بعدو بجسمي يلعب.. صراع يلم بالغراض ويكول خرب يومج على هلطلعه هاي بعمري ما غاص بالضحك هلكد.. ولج بنصنا وتعريتي عجل لو بالشارع ودخل بجسمج شتسوين تتصلخين علني -لو داخل بجسمك تحجي هلحجي .. -يةلي بالعسكريه جنه نشويه وناكلو .. اااخ شكد طيب يحجي ويضحك -واني و حلا صرخنا عااااااع.. لااااااا تحجي الحجيه:- منين اجه هلابو بريص .. ما عدنا احنه -من البيت الورانه يمه .. بيتهم وصخ وقديم.. طلع وكال ليليان بدلي وطلعيلي اني ملتفه بالبطانيه مطلعه بس راسي .. كمت جريت ملابس اي شي ولبست ورحت للحمام شبحت وغيرت كملتو وصعدتلو.. لكيتو حاط الاوراق.. وكاعد ع التخت ثاني رجل ومنزل رجل.. دخلت دحكلي ورجع عينو .. كتلو شنو ردت مني عمو.. -بس حظريلي جنطه صغيره لان باجر انه طالع لبغداد.. اخذلي فد 3 ايام.. شغل عندي ضجت من كال بغداد.. وكفت حظرتلو اغراضو بجنطة رياضيه يدويه مو سحب درتلو بعدو يقره بالاوراق.. تقربت منو.. عمو.. -ها .. حجاها وعيونو بالاوراق -شنو عندك ابغداد -شغل -شنو الشغل . -شال عينو.. وين تريدين توصلين.. شقصدج ما فهمت -ما قصدي شي .. نام .. اسفه.. عفتو وردت اطلع . صاح ليليااان .. اندرت هااا -حدري لشوف .. -تقربت دحك بعيني واخذ ايدي ويكلي :- اذا تردين ابقي يمي الليله.. سحبت ايدي بساع وكتلو لا انزل انام بغرفة الحجيه -ليليان اتشوف الصايم الماي وتكلو لا تشرب.. -مفهمت -ابقي انه افهمج -لا اااا الحجيه يمكن تصيحني..عفتو ونزلت بس العرك يصب مني.. ما مرتاحتلو ابد كلامو احسو سخيف.. نزلت .. فرشت ونمت.. واني افكر بكلامو عود شيقصد.. وشيريد.. بقيت افكر.. لحد ما نمت.. لثاني يوم ما حسيت عليه من راح. بس كعدت ب8 ما لكيتو .. كمت ريوك وتنظيف وام سعد وراح صراع وتعرف عمتي لو شما تسوي بيه ما تحجي لصراع ولا تخاف منها فاستلمتني غلط وصياح ع الشغل.. انوبه اجت بتها شيماء وكعدن سوالف وبتها تكول طالبتني ثار .. تموت مني وبس تسمع حجي وتسب وتترحم على روح اخوها عابد.. جان بوكتها تغير الجو رغم اعتدل كم يوم .. بس رجع برد بشكل مو طبيعي .. اجت موجة برد ومطر يكتل حتى كلنا ما عونا يخلص الشتا ونصيف رجع مره لخ.. فكنا منظفين ومخلين فوك الكاربد مال المطبخ بطانيه حتى لا يدمر الكاربد.. ومخلين صوبة الحجيه بوسط المطبخ المطبخ ع البطانيه.. اني جنت اغسل بالمطبخ.. و جهال شيماء ما ينجرعون من الوكاحه والسانهم زفر.. كلساع يتعاركون يمي بالمطبخ واطردهم .. ام سعد مسويه طبخه اسمها برما .. ش اكله معروفه عدهم. شالتها من الطباخ خلتها ع الصوبه يتهدا وسدت الباب كالت حتى يضل حار لبين ما نصلي.. ف من صارت الصلاة مال الظهر شو كلهم طشو بقو بس الجهال والمطبخ دافي بس كلساع ينفتح الباب عاد كلت خل ادخل بغرفة الحجيه.. ارتاح شويه على ما يكملون .. شويه وما سمعنا الا صرخت الجاهل وصياح شيماء طلعنا اني والحجيه نتراكض.. الجهال متعاركين يم الصوبه ومكلوب الاكل عليهم.. وكلهم انخبصو بي ما كان احد بالبيت من الولد بس الحجي انفر راسو بي .. شالو واخذو للمضمد.. والدنيا تمطر.. ونوال شابت الصوبه طلعتها واجت لمت البطانيه.. وشيماء تصرخ وتتحسب عليه.. وام سعد.. كامت وتكلي انتي ما تركتج هينا وين تختلتي يبت الكلب يل بلا اصل احترك الولد من وراج يلبلا حيا يلعاشكه يخت الارهابي - ليش تغلطين اني خلصت شغلي و فتت ارتاح عاد كل وحده تكضب جهاهلها شنو اني حارسه عليهم وهم وكحين ما يردون . اني حجيت هيج شو هاي شيماء كومي عليه وتكلي كتلتي واحد وتريدين تموتين ابني وكضبتني من شعري .. وعمتي تجر وام سعد صفت وي بتها وتضرب بيه واني اصرخ بين اديهن وكعت بالكاع كد ما ضربن بوجهي و عت من شعري نوال تجر بشيماء والحجيه بام سعد بس وحدتهن شقواتها .. ودفعني للكاع وتصيح ام سعد اليوم يا انه يا هاي النغله هين.. اليوم اطردها بالشوارع .. وعمتي تجر بيه وتتعارك وياهن.. كومتني وكالت كومي يجي صراع ويشوف شغلو حسبي الله ونعم الوكيل.. عمتي تحسبت عليهن لو هن كبن وطلعني بالكلابيه بره بالمطر وقفلن الباب وعمتي تريد تفتحو وهن واكفات.. عاد دخل محمد.. واني ابجي وحلكي يجري دم.. كتلو الله عليك اخذني لبيت هيام.. كال يلا.. بس خل اجيبلج عبايه.. يريد يفتح الباب قافلاتو.. عاد كام يصرخ يريد عبايه لو يخابر عمو صراع يجي هسه ويتصرف انطتو نوال عبايه وام سعد تريد تطلع وراه وتكلو بكد النعال وتهادد بلله حدر خل اسوف اليهادد منو. حط العبايه على راسي واخذ نعال من باب المرافق الخارجي وجرني من البيت بالمطر وطلعنا مشي لبيت هيام.. طبعا متعوده انضرب وانهان كلنا سافر صراع يطلعن حركتهن بيه بس مو مثل ضرب اليوم.. وصلنا لبيت هيام.. الباب ثكيل من المطر موه يندك صوت ماكو.. كام يدفر حتى يسمعون.. طلع علي.. هم ما يتحاجون بس كلي ليليان فوتي انه رايح.. اخذني علي وسد الباب بس طبيت ركضت هيام من الغرفه طلعت لطمت على وجهه و تصيح يااااا عز العزاني ولج شصاير شبيج.. حظنتها وانفجرت بالبجي.. دخلتني جوه.. وبدلتلي ملابسي من بتها وكعدتني يم الصوبه. وسولفتلها كالت بسيطه وين يرحن.. يجي لو لا.. الا يلعب بيهم تكه شبر بالله العظيم.. يصطبرون .. الظاهر ما الهم رداد.. ضلت تغلط وتتحسب عليهم وخابرت ع الححيه تصيح وتعيط وتكلها انتي هم تعاي اليه وخل يجي صراع هو يتصرف وياهم.. كالتلها لا انتي بس خلي ليليان عندج اتركيني انه اتحملهم.. صراع لو عرف غالطات وهادات علي يشيل سلاحو ويتخبل واخسر وليدي من وره ذن الما يستحن.. الي الله مخليتهن وياه. بس هاي اليتيمه خليها يمج لبين ما يجي هو.. لليل.. اجه الحجي ويصيح على هيام يريدني ارجع وعي تملو ما الها رجعه لحد ما يحي زلمتها والحجي يكلها انتي ادورين مشاكل طمي السالفه صراع مريض يصعد ضغطو وما يتحمل .. انتي ما تفكرين.. كالتلها لا تخاف عليه اسد وياكلهم كلهم بمحمد.. يخبطهم خبط.. وما يصير بي شي.. والبنيه ما انطيها.. تكاونو وطلع الحجي زعلان.. وهي تدعي وتتحسب عليهم .. ثاني يوم جان الجو زين ماكو مطر.. طلعت شمس وردت اشتغل وي هيام ما قبلت.. خابرت على صراع.. وما بينتلو بس هو حس كالتلو شوكت تجي كاللها اليوم العصر .. اكو شي كالتله لا بس ردت اطمن عليك.. حاول يعرف شكو ما كالت.. عاد سلم وكاللها العصر انه يمكم ان شاءالله.. وره شويه.. اندكت الباب .. دحكت من جو الباب هيام.. وكالت منو ذول صراع هسه كال العصر اجي.. لبست حجابها وراحت تفتح الباب.. واني واكفه وادحك منو.. شويه وشفت امي واكفه وتحجي صرخت ماماااااااا وطلعت اركض.. وهي فتحت اديها وصاحت بنتييي ليلياااان....يتبع ☆☆☆☆☆ اعذروني ع السحك و التأخير وقصر الحلقات.. بره بيتي وهوسه وكوه اكتب.. #زينب_ماجد | ||||
|
| |
|
06-10-18, 11:27 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المراهقة_و_الأربعيني ،،،،،،،، بقلم زينب ماجد ،،،،،،،،، الحلقه_27 حظنت ماما وصرت ابجي حيل بحظنها .. اوف ريحة الموصل الطيبه كلها بيها.. ريحة الراحه والطمئنينه ريحة اصلك وبيتك.. حظنتها واشتم بيها وبس اصرخ.. وهي تبجي.. كالتلهم هيام.. تفضلو جوه هلا بيكم. بس خالو وماما.. دخلو جوه وخالو سلم عليه.. وهيام خابرت نائل يجيها للبيت لان هي مره وابنها صغير تخاف من الحجايه تلوحها.. كعدت يم ماما وهي تسأل شلونج.. شبيج ليش شفتج هيج مضروبه.. بقت بس دموعي تجري سألني خالو شنو منو ضاربج.. كتلو كثير كلام لو اريد احجي ما اخلص.. عاد هيام جاوبت عني :- هاي ليليان مرت الغالي ابو حرب.. الله شاهد نحبها ونعزها بس مرت ابوي ام عابد يلي انقتل .. هي تكرهه .. وهاي ما نخلص من مشكلتها وانه هسه خابرت على صراع يجي لان يستغلن سفرتو ويتعدن عليها.. الام:- بعد ما تبقين هنا ماما ترجعين وياي للموصل.. شهلعيشه شنو هلبس شمسويه بوجهج ليش هيج. حتى ضعفانه رايح جسمج ويلي بنتي شمسوين بيج هيام:- خاله احنه ما ظلام ومانعين عليها الاكل.. نجيب ونتوسل بيها تاكل وهي مشتهاتها ما هلكد.. -لا ماما اني ما اشتهي .. ما الي نفس -زين ليش هيج وجهج اصفر ماما جنتي عندي ورده شذبلج هشكل.. -ماما اني اشتاقلكم.. حظنتها وبجيت.. دا ابجي طب نائل .. سلم وكال انه الحجي خابرني و كالي اجو اهل ليليان وهو ما موجود وطالعلم ابن سعد وامي مدليتهم على بيت ام علي .. خالو كالو اي اجه ويانه شاب اسمو محمد كال ليليان عد عمتي ودلانه واجينه نائل:- هلا بيكم يابه اهلا وسهلا .. ام علي المسواك بره خويه جهزي غداج.. الخال:- لا دايمه الرب يحميك نريد نرجع -ماكو عيب هلحجي ليليان بتنا واحنه اهل وابو حرب العصر واصل ان شاءالله -لا والله جينا ناخذ ليليان البنيه تعبانه هنا -هااا ...اي هذا الحجي من يجي رجلها تحجون وياه وبكيفكم.. هي حرمتو بعد وهو اليقرر -لا مو يقرر احنه جايين ناخذها -هسه الله كريم يابه.. دخل يجي رجلها ويصير خير ان شاءالله -كامت هيام للمطبخ واني و ماما بقينا نحجي.. كتلها ليش رجعتي لبيت بابا .. -وين اروح يا امي خالج ما كافي متحمل مصرفي ويتحمل عيشتي .. -زين اشتريتي بيت -لا ما قبل يحيى يقسم لو يبيع.. الوضع تعبان والبيوت ما تجيب.. -عجل وين ارجع -لبيتنا مثل قبل .. ولا هاي عيشتج ماما .. تكملين دراسه تعيشين شنو باقيه عد ذول العرب چول.. -وارجع ليحيى ماما.. شيسوي بيا -يوم كان متضايق من المنطقه تعايره .. خلصت السالفه وانتهت والناس مشغولين. شعندج بعد.باقيه نرجع يتحسن الوضع شويه نبيع البيت وناخذ الفلوس ونطلع بره.. -هزيت راسي .. ودنكت ما اعرف الجواب شنو اروح لو لا.. بس ع الاكثر اروح واخلص وارجع لاهلي وعيشتي ودراستي.. ندست ماما كتلها خل نوكف وي هيام بالمطبخ..لان بس نائل وخالو كاعدين وعيب وحدها تطبخ.. عاد كمت ودليت ماما المطبخ رحبت بيها هيام.. طب نائل :- ها ام علي محتاجين شي -لا والله بس دك على ابو حرب كلو الجماعه هينا -خابرتو وكال ساعه انه يمكم.. جاي بالدرب بقينا نسولف بالمطبخ وامي حبت هيام لان ملكاها حلو وابد ما غثت بكلمه.. كملنا الاكل ودنريد نصب.. اندكت الباب وطلع علي يفتح.. سمعت صوت صراع وهو دخل ويسلم على خالو.. شويه وفات وكف اباب المطبخ.. ودنك راسو وهو يسلم على امي.. صوتو شعلوه من يحجي .. تحس الحيطان تتهزهز وانهجرنا بصوتو.. اندار عليا كال ها شلونج يابه..وعقد.حاجبو.. شجالها شايفج شبيج..حدري لشوف.. ومدلي ايدو حتى يدحك شبيه.. تقربت يمو.. وكتلو ام سعد وشيماء ضربوني.. رفع راسو لهيام.. شنو القصه ام علي .. -سالفه طويله خويه.. بعدين انسولف. -رجع يدحك بيه.. ويكول والله لكسر روسهم.. بس كال هيج. نزلو دموعي مثل طفل وشاف ابوه وبكلبو همو.. جر راسي وحظني .. لا تبجين بعد ابوج.. بسيطه ان شاءالله.. مسح على شعري وطلع.. التفتت امي مدنكه راسها.. خجلت كدامها هيج سويت بس من دخل لحد.ما اجه افكر شلون اكلو ضربوني قنفجرت اول ما سلم عليه.. كملنا الغدا و علي بصواني هو نائل كامو ينكلون.. وصراع اخذ هيام على صفحه ويتحقق وياها وليش اهلها هينا مو ابيت الحجي.. تركتو و دخلنا اني وامي لااستقبال كعدنا.. طبت هيام تكول عذرونا علتقصير يابه ولو الغدا متأخر حجه خالي و امي كالولهم دايمه ما تقصرون.. كعد صراع و و هيام ونائل وكلنا نتغده.. ادحك على صراع يسولف هو وخالو ع الوضع بالموصل وباربيل .. وما ياكل غير مرك وخبز.. اعرف طبيعتو من يطلع يكش ياكل بخواشيك العالم.. لو بيدو لو يكضيها ياكل بخبز.. ندست هيام.. وكتلها خاشوكه جديده لصراع.. كال عمى بعيني شلون نسيت.. ضربت بتعا وكالتلها من السله اللي بالكاونتر جيبي لخالج خاشوكه جديده.. راحت جابت واجت.. انطتو هو دحك بهيام كالتلو جديده.. هز راسو واخذها وياكل ويحجي .. كل كلامو ع السياسه والوضع.. وهيام وي امي تسألها على وضعنا وشلون عايشين وام يحيى وهيج كلام.. نكلنا الاكل وصبت الجاي بسرعه ووزع علي وبناتها غسلو المواعين واحنه كعدنا يمهم.. شويه وخالو فتح الموضوع وي صراع وكالو جينا ناخذ بتنا.. - تاخذ بتكم شلون.. وكمل قبل لا يحجي خالو.. اذا زياره .. هاي انتم اجيتو وشفتوها.. واذا نيتكم تاخذوها وتنفصل فهذا الحجي ما يصير هي مرتي وامرها يمي -خالو امريش يا ابو حرب .. اغشع البنيه متكفسه احوالها.. وصايره هلكده من القهر -والله يابه ما جبناها منكم بثوب الهنا .. وكت الدخلت بيتي ايام هي مريضه من كتلت اخوها ودفراتو طابعه بضهرها اثارو ازرك.. -اخوها هذا و..... - وهاي مرتي انتبه .. انه ما اجبرها بس تبقى حرمتي وانه كلتلها ان جان امها اشترت بيت هي مخيره.. تروح لو تبقى .. وان جان وي يحيى .. انه ما اثق بيه ارجع حرمتي -اسمع ابو حرب تثق ما تثق احنه اتفاقنا تسترون على البنيه كم شهر وترجع تطلك... بحالة انت جاعلها مره الك لو حامل منك هذا حجي لاخ.. -دحج يابه .. هاي الامور انه اعرف بيها وكتلك الحرمه حرمتي وانه ما اقبل تدخل بيت يحيى .. الام:- بس هذا بيت ابوها ما بيت يحيى وهي الها حصه بيه -بيت ابوها .. وابوها ماكو وهي قاصر .. واخوها انتي اعرف بشغلو.. طلعه الها منا ماكو.. بحالة انتي تشترين بيت وتاخذيها .. ما عندي مانع -اكلك يابه .. الاشترت بيت والما شترت .. انت اطلك البنيه ف شضارك لو طلكتها .. -هذا العندي بويه .. طلعه من هينا ماكو بقو يتحاجون وارتفع صوتهم وصراع تضايق كلش وكام ينتر بالحجي وخالي ينتر .. ونائل مساند صراع بالحجي.. اخر شي كام خالي وكال كومي خالي ليليان .. ونشوف منو يمنعج.. وكف صراع كالو هاي اسميها قلة احترام وانه محشمكم ومحترمكم دام ابيتي.. دحك عليه وزكح بيه كومي طبي جوووه.. كضبتني امي واشوفو عصب وشراينو بانت بركبتو.. كتلها ماما خل اطب وتفاهمو وياه.. هميت صيحي بوجهو اريد اروح وما اريدك.. -لا ماما يعصب وما يرحم .. اريد اكوم منها وهو يصرخ ورجع زكح بيه شكلت انه.. كمت بسرعه دخلت.. بقيت ابجي وهيام تحجي و هم يحجون اخذتو هيام وكالتلو بس نحجي وهو معصب واني بالمطبخ .. ما اعرف شحجو وطب عليه.. هيام واكفه وهو كال ليليان شرايج.. بقيت ادحك بعيونهم وما احجي.. -احجي تردين ترحين وياهم.. -عمو اني ما اريد اعيش وي يحيى بس اني اريد.دراستي.. اريد ارجع لمدرستي -تشتري امج بيت وترجعين يعني.. -يحيى ما يقبل تشتري -ادبر نفسها وتاخذ حصتها وتشتري وهذا رأيج مو.. -بعدني ما ناطقه.. وكال اي زين.. عافني وطلع كاللهم حتى ليليان ما تقبل ترجع لبيت يحيى تكول ما اريدو ضل خالي يحجي وهو يحجي اخر شي صراع وكفها اذا امها ما تشتري بيت.. ليليان ما تطلع. خالو كاله نقسم البيت ويكعدون وحدهم عن يحيى وامو كال اقسمو ونحجي.. بقى خالو يحجي وياي وامي خفت اكول كلمه بوجود صراع . وما كدرت اروح وياهم .. وشفت صراع يحجي الاحسن فعلا يحيى ما اكدر اعيش وياه بعد.. قبل لا تصير حاثة عابد كان بدو يجبرني اتزوج صديقو الارهابي وهم يبطلني من المدرسه فشلون ارجع هسه. ويا معامله الكاها منو.. اذا هينا صراع و الحجيه و هيام يدافعولي .. هناك بس امي وما تكدر ليحيى يضربها وياي.. فحظنتني امي وكامت تبجي وانه ابجي.. ودعتهم وراحو.. بس احس كأن روحي راحت.. دخلنا ونائل كال انه اروح لمحلي .. سلم عليه صراع ودخلنا جوه.. رادت تحجي هيام.. كاللها بس اصلي العصر تأخرت عنها.. صلا وهي كعدت يمي وتحجي وياي.. كمل وهو يلم السجاده كاللها اي ام علي سولفي.. -حجتلو السالفه كلها.. واني دموعي تجري واحجي وياها واكلو عمو والله خلصت شغلي وفتت وهم وكحين غير امهم تنتبهلهم .. تعبت منهم والله تعبت كل ما تروح ام سعد تستغل غيابك وتسب وتغلط وتضرب .. والله تعبت. ودنكت حطيت وجهي باديه وابجي هو كام واخذني لصدرو وكال وحق محمد.شاربي مو علي اذا ما ابهذلهن هلساقطات.. اني ما سكتت انفجرت ابجي .. كال يولو احتركو عشيرتي وراحو فدوات لدموعج يابه لا تبجين والله ما اتحمل هلدموع تيزاب على كلبي.. مسح دموعي.. وباس راسي وگال روحي بدلي خل نروح.. -كمت بدلت بسرعه و هيام اجت توصي بيه لا تجفصين بالحجي.. يحجي سكتي ولا ادافعين حتى لو جذبن لا تجذبينهن وتحجين هو عرف السالفه وهو يرد لا اطلعين حسج.. ابدل وهي توصي.. لبست الحجاب وطلعت..وياه هو شال 25 الف وحطهم بيد هيام وكاللها مصرف للجهال اودعناكم.. خله ايدو على ضهري وطلعنا وهي واكفه تسلم وتلوح بيدها.. لحد ما مشينا.. هو ابد ما حجه .. عاقد حواجبو ويسوق .. وصلنا البيت دخل السياره و فات من باب الهول.. صاح يااااااابه.. حجييييي .. طلع الحجي من الغرفه.. كالو البيت الي من 2008 .. بعتو الي وكلت اريد افتح مشروع وانطيت فلوسو لنائل و سعد يشتغلون.. والباقي اشتغلت انت بيهم صح لو لااااااا كالو ابو حرب ارتاح -دفر الطبله وصرخ صح لوووووووووووو لا -احجي وي حرمتك ساعه ما تضل هينا .. الباب ينتضرها اصعد ابدل وانزل بالله لو لكيتها هين .. محد يلوم الا نفسو اندار راد يصعد..طلع سعد وكالو ابو حرب هلكلام عيب.. مره مشيبه وبحسبة امك تطردها خاطر هلجاهله البلا عگل اندارلو صراع.. وانه انتضر انته تعلمني العيب ياااااا سعد.. امك ما تبقى هينا لحظه .. فهممممت -ولا تبقى ما محتاجين احد انه اخذ امي واطلع لا تبقى تمنن علينا بكعدتنا -يولي اكضب لسانك لا تخليني هين اهينك جدام مرتك وجهالك.. تااااااالي وكت تكف بوجهي لك -اندار سعد وهو دخل يصيح على امو يلا وبعد ما تبقين هين .. ويا حيف المراجل الكامت النسوان تحكمها. دفر الباب عليهم صراع.. وكالو حدر يمي ابن الاودم منو الكام تلعب بي النسوان.. تلازمو ثنينهم والحجي يدافع بينهم ويكلهم استهدو بالرحمن بويه.. والحجيه تصرخ على صراع.. و ام سعد تجر بسعد.. تالي ام سعد سحبت عباتها وجرت سعد وطلعو.. وصراع واكف بنص البيت يصرخ بصوتو يغلط وينعل .. الحجي بقى يهدي بيه والحجيه.. لحد ما صعد.. اني هذا الحجي واكفه اباب غرفة الحجيه.. وادحك.. من صعد صراع.. اندارلي الحجي وتفل عليه وكال لا بارك الله بالبطن النكلتج هجمتي بيتي طشرتي ولدي.. كضبتو الحجيه وكالتو ابعد عنها لا ينزل ونبتلي.. دخلت.. صح غلط عليه بس تكحلت عيني بموقف صراع ودفاعو عني.. اذا هي هانتني وطردتني هو هانها بشيباتها وطردها هي وابنها وما ردت عليه بحرف.. دخلت الحجيه.. وما حجت بس كعدت يمي وسألتني على اهلي وكالت ضنيتج ترحين وياهم بس اصيله والنعم منج تراه وليدي گلبو متعلك بيج لا تكسرينو وتصيرين انانيه فد يوم وتعوفينو دحكي طردهم كلهم لخاطرج.. ياهو من اهلج يسويها لاجلج ؟ ما رديت.. بس طلعت للمطبخ.. البيت نظيييف وفارغ.. تزت الابره تسمع صوتها من سعد وامو وجهالو.. طلعت شعريه ورحت اسوي حلاوة شعريه.. نزلت حلا.. بس اني بالمطبخ.. كالت يولي حيه ارتاحيتي من ابوي طرد عمو وجده لميعه.. درت الها دحكت عليها من وره خشمي ونزلت اگلب تقربت رادت تكمل غلطها سمعت خطوات ع الدرج.. خافت لا يكون ابوها ضلت تمد راسها تريد تعرف منو.. دحكتو صدك ابوها سوت روحها تمشي للسنك.. هو نزل مبدل دشداشه وغتره وكشختو ما كن متكاون ولا معصب .. سابح ومرتاح ونزل دحك عليه اكلب بالجدر.. ابتسم وهو يكول ول يابه البيت ضل لام طيره .. وضرب بنتو على ضهرها وجر راسها باسها. وكاللها ما اريد مشاكل افتهمتي باباتي هزت راسها وكالتلو تأمر بابا.. اندارلي .. وهو يبتسم عرفني فرحت بطردتهم وكال .. لا تسوين عشا.. انه اجيبلكم كباب من برا من ارجع وره صلاة العشا.. كتلو تروح وترجع بالسلامه.. -عض على شفتو ويكول حسابج بعدين يولي .. وطلع.. -اندرت اطمش على طولو وهو يمشي ويطلع بسيارتو اووووف يربي شكد احبو .. يحيى و 100 مثلو يرحولو فدوه.. اندرت اكمل الحلاوه.. حلا ابد ما حجت وياي ولا نطقت كلمه بس نظراتها تنكط سم.. لملمت البيت ورحت اخذت الحلاوه للحجيه وكعدت حرب ياكل وادرسو شوي كتلها حجيه شحلات البيت لو يضل هيج.. الحجيه:- يمه حلاة البيت بلمة احبابو وحسهم اليضرب حيطانو بس المشاكل تخرب اللمه وتكره ابن ادم عيشتو وام سعد ادور ع المشاكل دواره... الله يهديها يمه شبيدنا.. اخذت موبايل الحجيه و خابرت هيام وسولفتلها المشكله من الالف للياء كالت فدوات رحت لطول ابو حرب يمه اخو اخيته وما يتكدر عرفتها يحلها بس كون ما غصب وصعد ضغطو -لا ابد يضحك ويتشاقى وكال عشاكم عليه انه اجيبو كباب لا اطبخين -يمه يمه يخاف عليج عيني.. يخاف ادياتج تتعب .. شوف الحب شيسوي ببن ادم شوفو .. -ضحكت وانطيتو للحجيه. وكامن يسولفن.. طلعت بالصاله .. اوووف الراحه رب الراحه.. كون يضل البيت هيج واخلص من السعلوه ام سعد.. وره صلاة العشاء بربع ساعه اجه صراع وبيدو الكباب والخبز والمقبلات والبيبسي .. انطاني وسأل عن الحجي كتلو ما شفتو.. رفع الموبايل وخابرو وكالو يابه وينك جايب كباب لروح المرحوم اليوم ليله جمعه.. رد كالو هااا عجل ما ناكل نطرينك.. سد الخط وكال.. -اتركي لحد ما يجي ابوي ناكل سوه.. كتلو تددل.. دخل للصاله كعد يم امو ويحجي وياها وسوالف على شغلو ابغداد وياخذ رأيها بالشغل .. اطمش عليهم يسولفون بس ما افتهمت شغلو كل همي ادحك على صراع وهايمه بيه.. جا الحجي وصبينا وكعدنا ناكل واني عيني ما نزلت من صراع وهو ياكل وهو يشرب يضحك يعقد حواجبه يسولف لكلشي بيه .. يعجبني.. كاضبه الخبز بيدي واطمش عليه يضحك ويه امو. جرت حلا الخبز مني وتخزر.. وتكلي شبيج بس صافنه.. كتلها ولا شي .. -عجل صار ساعه ماده ايدي واكلج خبز وين عقلج. -اخذي الخبز وخلصيني.. خلصنا اكل ورحت للمطبخ اخض المواعين واسوي جاي.. جت حلا كرصتني من ملابسي وتكلي .. دحكي لا عبالج تلغبين بعقل بابا وتخدعينو بسوالفج مال العشاك الجذابين والله ما تفلحين دا اني هين افتهمتي ابوي ما يصير الج.. خليها ترجيه بأذنج يلحقيره.. -بالله شو حبيبتي بس اصب جاي لرجلي.. اجت هي تريد تمد ليدها وتغلط.. فات صراع بيدو المنفظه وصخه يريد يشمر الفضاله البيها .. كلل شكو.. حلا جاوبتو ماكو شي بابا وطلعت.. وهو تقرب مني يكول ..عجلي الجاي يبنيه تراه رجلج احتركت عشيرتو -ابتسمت .. وكتلو صبيت.. شلت الصينيه.. ومشيت وهو يمشي وراي ويكول .. ول يابه طول هاذ لو غصن ريحان.. ابتسمت وما رديت بس ارتبكت وتوترت.. الجاي كام يتهزهز بيدي.. ضحك وكال افوت لا تكلب الجاي فوك راس الحجي ونبتلي طلعت من المطبخ اني اضحك وهو يضحك.. والحجي يدحك علينه بس حسيتو ضاج.. مثل الكأنو حس ان اني سيطرت على صراع.. وتضايق صار لا يحجي ولا يبادل بالكلام.. ما اهتميتلو.. حظرتو ما تضايق من ام سعد.خلتو خاتم باصبعها هسه تضايق من صراع يضحك ويايه.. صراع طلع اني كملت شغلي وفتت جوه نمت.. ما كعدت ولا حسيت الا لثاني يوم ساعه 9 لملمت وسويت ريوك وكعدت الحجيه. وكالت صعدي كعدي صراع يتريك ويانه .. اني من كالت هيج.. فرحت.. صارتلي حجه.. اصعدلو وااشوفو.. هرولت ع الدرج ورحت لغرفتو.. فتحت الباب بدون ما ادكو.. نايم بس بالشورت وما متغطي.. دنكت وجهي ظن جسمو وتقربت ادحك بوجهو كأنو اريد.اشبع من وجهو واخزن بعقلي صورة وجهو وهو نايم.. فتح عيونو.. ابتعدت.. هو جر البطانيه وكال ها بويه -صباح الخير -فرك وجهو وكال صباح النور.. -الحجيه تكول انزل ع الريوك -ان شاءالله هسه انزل .. -اندرت ردت اطلع.. صاح ليليااان.. كتلو هاا والتفتت.. -بس الجنطه مالتي ذيج يم الميز بيها علاكه مال دعايه جيبيها.. -اي .. رحت فتحت الجنطه لكيت علاكه.. شلتها وديتها اله.. فتحها وطلع منها كارتونه.. فت الكارتونه وكال.. هذا موبايل الج اشتريتو.. -اني شفتو لو طار گلبي اخذتو من ايدو .. موبايل ابيض وشاشتو جبيره ولمس يجنن .. حظنتو وكتلو شكرررررررا عمو والله ما اعرف شحجي صدكت فرحت هو يضحك وابتعدت ادحك بالموبايل.. وهو كام على حيلو .. ومسح على راسي ويكول بالعافيه بويه.. ااني ما درتلو كعدت وافتح بالموبايل نسيت الدنيا.. راح سبح واجه واني ادحك بالموبايل طب يضحك عليه كتلو شلون اخلي نت.. اخذو مني ودخل الرمز ما اعرف شسوه طلعت اشارة شبكه فوك.. فرحت حيل اخذت الجهاز وردت اطلع.. صاح وراي .. يولي عاد بوسه وحده والله منكول لا .. ضحكت ورجعت بستو بخدو خطف .. وطلعت اركض وهو يضحك بصوت عالي ويصيح على كيفج بويه لا تكعين....يتبع ☆☆☆☆☆☆ #زينب_ماجد | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
