آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-11-18, 01:13 AM
| #31 | ||||||||
| مراقبة عامة ومشرفة منتدى الروايات المنقولة  
|  اسامه طالع عيون هاجر من مراية السياره .. ولاحظ انها سرحانه .. وعيونها حزينه .. خذ رموت المسجل .. وحط اغنية .. ذبحني الشوق لـ هند .. كانت مره مناسبه لوضعهم .. وهي عرفت انه يهديها الكلمات .. ذبحني الشوق من صديت ياكيف انساك خبرني وانا من وين ماصديت ترى طيفك يحاصرني انا لو هي على كيفي نسيتك مثل ما قلبك نساني ولاكن قلبي يوم اني هويتك اذا صديت عن حبك قلبي عصاني اناجي الليل واحزاني تكلمني بلا اي صوت تقول شلون تنساني تبيع اللي يحبك موت غريبه والله هالدنيا ياغالي ولا كانك هذاك اللي احبه بعد ماكنت ميت في وصالي يجي لك وتبيع المحبه يضيق الكون في صدري كثر فرقاك وغيابك وانا للحين ماادري ياظالمني وش اسبابك عموما روح انا ماراح الومك الوم قليبي في حبك وعيني عساك تعيش وتتهنى في يومك وانا لي ربي يعوض سنيني وانتهت الاغنيه وهاجر كانت مررره متأثره مع الكلمـات .. ومدت يدها لأسامه وخذت الرموت .. وبمـا ان الاسطوانه هذي هي اللي مسويتها عارفه الأغاني اللي فيها .. اختارت اغنية ((حسن الختام)) وحطتها .. كم وعدت القلب في حال ٍ جديد ليش وعدك لي اصبح بس كلام الجبل لو يحمل وعودك يميل توعد وتخلف ولاهمـك مـــــــــلام ............... اسامه وجعه قلبه .. وعارف ان الكلمات تهديها هاجر له .. هاجر كانت تسمع الكلمات وعيونها مليانه دموع لك حبيبي شوق كل يوم يزيد هان قلبي فيك يــــاكل الغرام لك غلا في القلب وبعدك مستحيل بمشي في دربك ومـاهمني ملام وانتهت الاغنيه .. ووصلوا البر .. وقفوا سيارتهم .. بختصــــــــــــــــــــا ر .. ضبطوا المكان ورزوا الخيام .. وشغلوا الماطور حق الانوار والكهرب .. وصار للبنات خيمه كبيره .. وللرجال خيمه .. وكانوا باسطين بره ... وشابين النـــــار .. بوضاري فهد : سمعنا قصيد ياأسامه .. ولاهونت تكتب .. اسامه : والله القصيد موجود ياعمي .. بس مايحضرني شي منه تبي حق شعار غيري بقول .. بوضاري اجل وش تنتظر سمعنـا وانا عمك ... اسامه تنحنح وألقى القصيده بصوته العذب .. حبيبي لا تعذبني ..كفى ليلي سهر وهموم.. كفاني كل جمرة بالحشى من حبك العذري .. أبد ما عاشلك همـ(ن) وانا حي بهذاك اليوم.. تصبر كاني اخطيت وتجمل يابعد عمري .. وابد لا تطري الفرقا وأنا روحك.. وأنا لك توم.. فداك احساسي.. ونبضي .. وروحي .. وكـلي وشعري.. هـــــــــلا بك .. يــا هلا بك .. ياهلا بالجادل المهضوم.. هلا يا مهجة روحي الحزينه .. وليـــت بي تدري... تراني لا لمحتك خافقي فرحه يفز.. يقووم.. مثل هاوي القنص لا شاف من عقب التعب عفري.. سـحرني.. طرفك الناعس..وهيج عاشقي المغروم.. أنا لو ما اعرفك.. قلت معك الخاتم السحري... عرفتك مطلع الشمس ... وش عليه ان صرت بك منجوم ؟! تصدق أمي أناديها يبه مره وأنا اهذري ؟! .. حــــبــــيــــبــــ ي...لاتظن الحب مابيني وبينك لوم .. ترا مابيننا لوم وزعل يا كادي وعطري .. يميــــــــن الله .. عليك أحلف..حيــــاتي .. يا حياتي دووم.. ولا غيــرك شغل بــالي ..لا في جهري وسري.. تراني (((مت )من حــــــــــبك...وسمو ا عاشقك )مرحوم) يكفيني حبيبك شاهد(ن) يكتب على قبري.. لشاعر :-الحميدي علي هاجر كانت جالسه مع البنات .. اللي كلهم اسكتوا يسمعون القصيده .. وكانت متـأثره مع الكلمات .. آاااه ياقلبي وش قد احبك .. وش قد امووت فيك .. ربي لايحرمني اياك يااسوم يابعد عيني ... الشباب كلهم .. صح لسـانك .. رووعه والله .. ضاري : وش عنده الحبيب .. غيث : ايه بس من هولا القصيده .. يعني على أي وحده من حريمك القصيده ... اسامه ابتسم واشر باابهامه وراه على زولية البنات ...: هذا حريمي جالسات واسئلهم القصيده منهي عليه منهم .. هاجر ظلت سـاكته ... والبنات كلهم ومعهم الهنوف : على هااااااجر .. واضحه .. رفع اسامه حاجب وهو مبتسم : قالولك ضاري : يبه تكفى قل لنا انت قصيد .. وربي زمان عن اشعارك ... فهد : اقوول خلني في حالي ... انا اصلا ً حنجرتي ماأدري وش فيها .. ضاري : ارحمنا بس ياأم كلثوم بتغني ... حنا نبي قصيد ..ز ضحكوا الجمـاعه .. فهد : صدق انك قليل حياء وماتستحي .. اصلا ً انا احسن من ام كلثوم ... وصوتي احلى منها .. غيث يضحك : ايه اكيد .. هذا امر لايختلف عليه اثنـان .. اسامه : يلا عمي سمعنـا .. وبدى فهد يقول قصيده مره رووعه .. مثل الحكـايه ... على ذاك النهر قصه حكاها شايب ٍ عميان .. لقيته جالس ايهذري سوالف تكسر وقاره .. لقيته يم باب البيت يشكي قسوة الأزمان.. ويصرخ: يا زمن خذني لابنتي وامها وداره .. ويقطع صرخته بونه رهيبه ونة الحرمان.. وتنثر ونته دمعه تحاول تجبر اقداره .. تموت(البنت)في لحظه ويبقى للألم عنوان .. وياخذ(امها) معها وطل الحزن باخباره .. تزوج في شهر واحد وعاش بزيجته فرحان .. ويدعي ربه الخالق بطفل يضحك جواره .. ومضت اعوام ودعواته تناجي ربه الرحمن .. ورب الكون ماخيب رجاه وجابله ساره .. يا فرحت كل هالديره بساره بنت ابو سلطان يا سعد الأب وياالأم عقب أعوام جباره .. نمت ساره في هالحاره وصارت وردة البستان .. وصارت تحلم بحب ٍ يشع بقلبها انواره .. وتحقق حلمها الوردي بطلة جارهم سلمان ياحلو البسمه في وجهه يا بخت اللي يجي جاره .. وصارت كل يوم تعيش في حلم وهوى فتان .. وترسم بإيدها قلبين وسهم الحب باسواره .. يمر اليوم تستنى بكل شوق وهوى وألحان .. ويروح اليوم ولا شافت خيال الجار والجاره .. وصدفه شافها سلمان وصار بشوفها هيمان .. وحاول ينطق بكلمة ولكن تاهت افكاره .. جلس يومين والثالث وفكره تايه ٍ حيران .. وجا في يومه الرابع وشد الفكر باعماره .. وفجاه شافها صدفه تغنى بصوتها الرنان .. تغني للزهر وتقول:ألا يا قلبي شخباره؟؟ وناجي صوتها سلمان ألا يا قلب يا ضميان .. ابيك توصل أحلامي وحبي ياهوى لساره .. وصل صوته ووناته لساره والتقا القلبان .. وصاروا أسعد وأبهى يا زين العشق وازهاره .. ومضت اعوام ورى اعوام وصوت الحب فيهم زان .. والى من شافهم إنسان تمنى الحب لو زاره .. ونمت ساره وكبرسلمان وعهد الحب والايمان .. يقول إن ساره لسلمان وَلهْ سلمان في ساره على ذاك النهر حطوا عباره والعهد عنوان ياغير القبر ما يفرق جسدنا والجسد داره .. ولو دارت ليالينا وذقنا بهمها الحرمان .. حشى ما ننسى ايامن ٍ كتبها الحب واسراره .. خطبها اليوم والفرحه بدت تقرب من العرسان .. بقى يومين بس يومين ودار الوقت بادواره .. عجيب الوقت والأقسى تصاريف الفرح احزان .. تجيك ايام طربانه بعدها ايام غداره .. غدر هالوقت في ساره ذبحها والغدر نيشان .. يقطع قلب من صابه يموت القلب باسواره .. في ليلة دخلته حادث توفى بسبته سلمان توفى قبل ما يحظن كفوف اللي تبي جواره .. يموت ويهتف بكلمه تزلزل كلمته الاركان .. قبل لا يلفظ انفاسه ينادي وينها ساره ..؟؟ وصل علمه ووناته لساره بنت بنت ابوسلطان وصارت تشهق وتبكي يا شين الحزن واخباره .. تنادي يمه يا يمه ابيك تقولي ذا بهتان .. ابيكي تكذبي القصه يا يمه ماتت ازهاره .. دخيلك يمه قوليلي دخيلك اطلبي سلمان قوليله تكفى يآ سلمان تعال ونِورالحاره .. يايمه ضاقت انفاسي واحس إن الجسد ذبلان .. يايمه وش بلا عيوني تضيق بشوفها انواره.. ؟ يايمه قربي مني يايمه صدري به نيران .. يا يمه اسمعه ينادي يقول إن العهد زاره .. وصارت تهتف تنادي انا.. يمك بجيك الآن.. وطاحت وردة ٍ حمرا .. اظنها وردة الحاره .. على ذاك النهر قبر ٍ حوى في داخله سلمان على شطه على ترابه كفن يحضن جسد ساره . طبعا ً الكل تأثر مع القصيده .. هاجر : ول يبه .. وش ذا القصيده تعور القلب .. فهد : انا اذكر يوم سمعتها بكيت ... سلمى ام ضاري : فديت رجالي حنين ... اسامه يضحك : ايه ياعمه .. وااااضح .. فهد : وتقدر تقول شي .. اصلا ً انا انقط حنان .. والكل قام يضحك ... واستمرت الجلسه وناسه وقصيد .. ووساعة صدر .. . وبعد العشا .. وفي خيمة البنات .. دانه فاتحه الاب توب .. وحاطه الكونكت .. وكل شوي قامت جلست في قطعه .. ملاك : وراتس انتي خيلتيني .. دانه : وش اسوي .. كل شوي قطع النت .. مافيه ابراج .. هاجر : دانه .. وش ذا اللعـانه .. طالعه البر وجايبه ذا الزفت معك ... تعالي اجلسي وسولفي معنا .. دانه شالت الاب .. وضبطت الشيله على راسها : انا بطلع بره يمكن الأرسال احسن .. شغله بسيطه وبرجع .. وطلعت . . وراحت تمشي .. تمشي وهي فاتحه الاب ... ويوم شافت الارسال حلوو ... جلست على الأرض ..ز بحيث انها مو بعيده مرره .. يعني تشوف الخيام وتجيها انوار المواطير .. وجلست وهي منسجمه .. وتتصفح وماادري وش تسوي ... في اللحظه نفسها غيث جاا خيمة البنات ... ونادى : دانه .. دانه .. هاجر طلعت : هلا غيوث .. غيث : وينها دانه نـامت ..؟! هاجر : لاحرمتك المدمنه .. طلعت من الخيمه .. واشرت على مكاان هنـــاك ... : راحت بلاب توبها هناااك عشان الأرسال .. غيث انصدم ... واعصابه فورت .. وبعصبيه : واللهي خاطري اكسر الجهاز فوق راسها وافتك منه ومنها .. هاجر : تعوذ من ابليس غيوث .. وش جاااااك ..؟ غيث : باللهي عليك هاجر .. حنا في بر .. مكان مقطوع .. رايحه بعيد عن المجموعه عشان نت باللهي ماتجيب الجلطه .. هاجر مسكت يده .. : تكفى غيوث هد حالك .. وتفاهم معها .. ولا خل المسئله علي .. غيث : اوكي هاجر .. انا بروح اشوفها طيب .. هاجر : اوكي فديتك .. وتكفى لاتتهاوش معها خلك ريلاكس .. غيث : يصير خير .. وراااح .. ................ دانه منسجمه ومروقه .. على النت .. وفجـأه حست بشي يلتف على فمها وخشمها ... ويسحبها ورى .. شهقت وفزعت .. وتحاول تصرخ .. وهي تحس بشخص ماسك يديها من وراها .. ويسحبها .. ماتت من الخوف ... وهي تبي تنادي احد مو قادره .. وتطالع بعيونها المخيم ... ودها حد يشوفها بس الكل في الخيام ... حست انها بتختنق ... قامت تبكي .. وتحاول تفك يدينها .. بس اللي ساحبها يدينه مره قوويه ... حست انها تبي غيث ... ياربي يجيني اللحين ,,, اكيد هذول عصابه وبيذبحوووني .. والى الآن ماشافت وجه اللي يسحب فيها .. حست بس فيه وهو يغطي عيونها بنفس الشماغ .. ويرميها في سياره .. تكلمت : بعد عني يالحقيير .. وش تبي مني ... ! سمعت صوت خشن : بنت حلووه .. وجالسها الحالها في البر ... والله صيده حلوه ... وبوسع صدري فيك .. دانه قلبها قام يخفق بشكل ... ماتشوف شي .. وربط يدينها ... وشكلها في سياره كبيره .. ومركبها في بوكس السياره .. لأنه موجود معها ... حاولت تكون قوويه : والله ان ماخليتي ارجع لأهلي .. والله يجيك زوجي غيث ويذبحك .. ضحك الرجال : يمه خفت .. منك ولا من زوجك .. وحسته يلمس خدها بيده .. فوقف كل شعر جلدها .. وهي ترفسه وتصرخ : ياحمااار بعد عني لاتلمسني .. وقامت تبكي .. انا وش طلعني من عند الجماعه .. المفروض مارحت لحالي .. المفروض عطيت غيث خبر .. انا انسـانه هالكه ... ياربي ارحمني .. حست بالرجال يقرب منها ..ز وهي مو قادره تتحرك ... وباس شفايفها ... دانه خلاااااص .. حست انها بتودع ... وانهارت وقامت تبكي بقوه : الله يخليك لاتدمر حياتي ... الله يخليك خلني في حالي .. واللي يرحم والديك .. لاتلمسني .. والله اعطيك كل حلالي ومالي .. بس اتركني .. والله بيذبحني غيث لو درى .. عن اللي يصير لي .. حرااام عليك انا انسانه محترمه .. حست بأن الرجال بعد عنها .. اكيد نفع الكلام معه ... سمعت صوت ولاعه .. بعدين شمت ريحة زقاير .. وتكلم بصوته الخشن : يعني تحبين زوجك انتي ؟؟ دانه بسرعه : ايه والله احبه وامووت فيه ... وتكفى خلني اروح له ... الرجال : طيب وش مقعدك الحالك ... دانه : واللهي واللهي كنت فاتحه النت عندي شغله مهمه فيه .. ومافيه ابراج عند الخيام .. وطلعت .. الرجال : طيب ورى ماقلتي لرجلتس يجي معتس ... دانه : والله مادريت بيصير لي كذا .. ان كان ماطلعت الا رجلي على رجله .. الرجال تغير صوته وهو يهمس : عرفتي دانه وش ممكن يصيرلك من غبائك وعدم مبالاتك .. توسعت عيونها وهي تحس بالرجال يفتح يدينها ... الصوووت .. ! وكمل وهو يفتح عيونها : شفتي وش ممكن يصير لك .. لوطلعتي مع السواق لحالكم بالليل .. دانه تطالع غيث مذهوله ... وعيونها تهل دموع .. كيف كذا!!!!! هذا غيث .. والله غيث .. هو اللي سوى لها المقلب هذا كله .. حست في ذيك اللحظه ان دمها نشف .. وكانت منهاره .. مش قادره تتخيل الدقايق اللي مرت عليها وش قد كانت صعبه .. وموقادره تتخيل انها تطالع في عيون غيث الحنونه .. ظلت جامده وعيونهال تهل دموع .. غيث يحرك يده قدام عيونها : دانه .. هي دانه ..انا غيث .. ترى مافي احد خاطفك ..انا مسوي لك مقلب .. دانه انهارت وقامت تبكي بقوه .. وهي ترمي نفسها في حضنه ... وتضرب صدره : حرااام عليك .. انا وش سويت لك تسوي فيني كذا .. غيث انا كنت بموت .. وربي نشفت من الخوف .. غيث رحمها ... وضمها لحضنه وهو يمسح على راسها : دانه انا سويت اللي سويته عشان اعلمك كيف تنتبهين الحالك .. وعشان تعرفين ان ابليس مامات .. وذي المره انا اللي مسوي فيك المقلب .. بكره واحد ياخذك ويلعب فيك ويذبحك .. دانه وهي الى الان منهاره : توبه والله ماطلع الحالي ..ماروح محل بروحي .. غيث : وتودعديني النت مو كل شي .. وتخففين من تعلقك فيه .. ولا احرمتس منه مره وحده .. دانه : انشالله احاول .. غيث : طيب خلاص قلبي هدي حالك .. بسك بكي .. دانه : وربي مو قادره اسكت ,, غيث انت متخيل اللي صار لي .. يعني في شخص غريب باسني .. ضحك غيث : طيب مو غريب .. هذا انتي عرفتي انا اللي بايسك .. دانه : بس ولو انا كنت احسبه غريب .. مسكها غيث من ذراعينها .. وطالع عيونها وبهمس :دانه خلاص طيب .. لاتحسفيني سويت لك ذا المقلب .. دانه : اصلا انا غلطانه واستاهل كل اللي يجيني .. مسح غيث عيونها :تتمشين مع الحقير اللي خطفك شوي .. دانه : انا آسفه غيث قلت عنك حقير ابتسم : خلاااص انا مسـامحك .. يلا نطلع من السياره نتمشى .. فتح السياره ونزل وساعدها انها تنزل ... وطالعت مخيمهم اللي بعيد .. دانه : طيب ابي اجيب لاب توبي من هناك .. غيث : اوكي عشان نرجع للسيارة ابوي .. وارجعها عند الخيام .. راحوا وخذوا لاب توب دانه طفته وشالته وهي ضامته .. | ||||||||
|  |
|
25-11-18, 01:14 AM
| #32 | ||||||||
| مراقبة عامة ومشرفة منتدى الروايات المنقولة
| البارت الثامن عشــــر وشالته وهي ضامته.. غيث ناظرها وهو يمشي معها..وحس انها كاسره خاطره.. ضم كتوفها بذراعه:دانه سامحيني ..طيب..؟!. دانه كانت تحس انها مو مضبوطه إلى الآن.. بس حاولت تكون هاديه وهي تقول: انا سامحتك..بس تكفى غيوث لاتثقلها معي..أترجاك..؟!. ابتسم:طيب فديتك ..آخر مره اثقل معك المزح.. اركبوا السياره..ورجعوها للمخيم.. ونزلوا..دانه كانت بتروح عند النسوان.. ناداها غيث:وين اللحين بتتمشين معي..؟!. ابتسمت:سوري وربي نسيت..بس دقيقه اودي لاب توبي الخيمه.. غيث:انتظري دقيقه.. ولقى فارس ولد غاده ناده.. جا..فارس:نعم خالي.. غيث خذ لاب توب دانه وعطاه اياه: فارس خذ اللاب توب وده خيمة النسوان.. عطه خالتك هاجر وقول لها..دانه بتمشي شوي مع خالي غيث.. فارس:ان شاء الله.. دانه:فارس حبيبي..شوي شوي على الاب توب لايطيح منك..ترى افركش خطوبتي معك.. ابتسم فارس:ابشري دندون..بحطه في الشنطه بعد.. ارسلت له دانه بوسه:فديتك والله... وارسل لها فارس بوسه:فديتك بعد انتي... غيث كان مذهول وهو يقول: اقول فروس رح تقلع لاشوتك..واكسر ضلوعك.. دانه:حرام عليك هذا الحووب.. غيث:خير..وش عندك انتي.. فارس انحاش وخاف من خاله.. دانه تضحك:غيث وش فيك معصب.. غيث:وش هولا تقولين له حبيبي..وخطيبي..ماهنا احد.. دانه:ترى فارس بزر...صغير.. غيث:أي بزر..فتح فمه..والولد متشقق على الآخر دانه مسكت يده...,هي تبتسم:طيب ممكن تروق ..ونتمشى.. ظل مو معطيها وجه..ومسوي معصب.. دانه :اذا هونت وماتبي تمشي برجع الخيمه... غيث:لاخلاص خلينا نتمشى... راحو يمشون مع بعض.. دانه بهمس:غيث..؟!.. غيث:هاا..؟ دانه ظلت ساكته فتره طويله.. غيث:دانه تحتسي..وش فيتس.. دانه:لا..خلاص..انسى.. غيث..وقف وطالعها:دانه وش فيك.. دانه:لا ولا شي.. غيث:دانه بتقولين ولا بزعل.. دانه قامت تمشي شوي بعدين بهمس:انا خايفه أحبك.. غيث استغرب:وليه تخافين..؟!.. دانه بنبرة حزن:لأن اللي احبهم دوم يروحون عني..خايفه احبك وتروح بعد انت عني.. غيث مسك يدها ويطالع عيونها..:دانه لاتخلين تفكيرك متشائم ..انا معك وبظل معك ومايفرقنا الا المووت.. دانه عيونها امتلت دموع وهي تتوسله: تكفى لاتطري الموت ياغيث..هو اللي ياخذ كل اللي احبهم..في البدايه امي وابوي بعدين امي منيره اللي ربتني هي وابوي احمد..احسه دوم ياخذ احبابي.. غيث:دانه استغفري ربك..وهذي الامور تصير من الله..يعني انتي بتوقفين حياتك عشان وساوس وهواجيس مالها داعي.. وبتسم: بعدين يابنتي انتي خلاص مالك امل انتي حبيتيني وانتهى امرك.. دانه تكابر: لاتطلع علي إشاعات..انا اصلاً لكثر وحده اقدر اتحكم بمشاعري واقدر اوجهها على اللي انا ابيه .. غيث:أي كثري منها..نرى اعجبتني..يابنتي انتي تموتين فيني..وتعشقين شوفتي.. استحت دانه: انا مو كذا.. غيث:الا كذا ونص بعد.. دانه:لااا... غيث:طيب على راحتك ياللي تتحكمين في مشاعرك.. # # # الكل نام..وساد السكون في المكان... وفي وقت الفجر من بدري ..سمعت هاجر صوت برا..قامت.. وراحت طلت من الخيمه..لقت اسامه جالس يعبي ابريق الماي.. تأملته فتره..وش قد تحبه..ووبما انها تحبه..ليه ماتخليه يعيش حياته..حراام يعيض حياته محروم من الخلفه عشانها.. ليه ماتضحي عشانه.. هو بيظل فتره على ذكراها..وبينساها.. الهنوف طفيله انها تنسيه.. انسانه روعه بكل المقاييس.. شافته يبي يتوضى..راحا له..وشالة الأبريق.. انتبه اسامه لها..رفع راسه..: صبحها بالخير.. هاجر:صباح النور.. اسامه:وش مصحيك من بدري.. هاجر:ابد..سمعت طقطقه وحوسه قلت بشوف وش السالفه.. بدت تصب له مويه وهو يتوضأ للصلاة.. هاجر:طيب انت وش مصحيك..؟!. اسامه:ومن قالك اني انام عشان اصحى هاجر تحاشت عيونه.. وهو خلص وضو وقف:يعطيك العافيه غلآآي.. هاجر:يعافيك.. اسامه:هاجر انتي بتنامين ذا اللحين..؟! هاجر هزت راسها بلا:احس ماعاد فيني النوم... اسامه:طيب بصلي..وش رايك نتمشى شوي..الصبح حلوو بأوله.. هاجر ابتسمت:اوكي حبيبي.. اسامه رفع حواجبه:وقسم بالله..واللي خلق الكون كله ببره وبحره..اني مشتاق للكلمه.. هاجر حافظة على ابتسامتها: طيب تروح تصلي ذا اللحين.. اسامه ابتسم:اوكي ياعمري.. راح اسامه يصلي..وهاجر توضت وصلت..ولبست عبايتها..وحطت شيلتها على راسها.. لان الكل نايم..ومافيه معهم حد تتغطى منه.. طلعت..لقت اسامه واقف ينتظرها... شكله يجنن ..وهو باين عليه متحمس..ويترقب طلعتها من الخيمه اسامه:فكرتك غيرتي رايك وماانتي طالعه.. هاجر:لابس صليت وقلت الاذكار.. اسامه:الله ..وانا انتظر.. هاجر وهي رايحه تتمشى معه...: طيب مااقول الاذكار مثلاُ..؟!.. اسامه:ماقلت كذا..بس اجليهم لمين نرجع.. هاجر رافعه حاجب:انا احب اقولهم الفجر.. اسامه:طيب انتظري دقيقه..تذكرت شي.. هاجر:اوكي راح اسامه...وجا وهو شايل صقر على يده..وملبسه برقع.. ابتسمت هاجر:وش هولا جايب صقرك معك..ناوي تصيد به.. اسامه:ايه ناوي اصيده وحده حلووه وآكلها.. هاجر تمشي معه:وش فيك توحشت.. ايامه:والله ماقولك قامت تجيني نزعات شيطانيه والسبب ناس الله يستر علينا وعليهم.. هاجر مبتسمه وهي ساكته..حاسه ان الليوم اكيد حلو.. حست نفسها ماتقدر تستغني عن اسامه.. وحتى لو بتضحي عشانه..ماتقدر.. ذا الشي يعني فراقه..وهي ماتقدر..قلبها مايطاوعها.. سمعت صوته:هجور وراك ساكته.. هاجر:مادري..ابي اشبع من اللحظات هذي ودي استشعرها بكل خليه من خلاياي.. اسامه:بالله عليك مو بيدك تعيشي كل اللحظات معي..ليه تسوين كذا.. هاجر:اسامه اللي مستغربه منه انك مو فاهمني ..مو حاس بشعوري..بس تبي تفهم ..تخيل مجرد خيال..اني عايشه مع واحد غيرك..مو شرط احبه بس هو زوج ثاني لي.. اسامه:هاجر مسئلة وقت فديت خشمك.. هاجر:طيب اسامه..ليه ماتفكر جديا..باللهنوف وتفكر تحبها وتعيش حياتك معها..وتخلف منها..وصدقني بتنساني.. اسامه انصدم...واللتفت عليها..: بسئلك بالله انتي صاحيه ولاتستهبلين.. هاجر وجها حزين..: اسامه انا تعبت ..اعصابي اتلفت..مخي مشوش..تتخيل انت وقد اكره حياتي لو شفتك تدخل الغرفه مع الهنوف..تتخيل انا وش قد اكره نفسي اني ماقدرت احي بلك طفل.. اسامه بهدوء..: هاجر على فكره انا ماحبك تكرهين حياتك ولا تكرهين نفسك..لاني انا احب حياتك واحب نفسك..فا رجائاً إذا تحبيني لاتقولين الكلام هذا مره ثانيه.. سكتت هاجر وهي تطالع الارض.. رفع اسامه راسها: اوكي هجور اتفقنا.. هزت راسها بأيه.. ابتسم اسامه:عيونك تأسرني هاجر ابتسمت:من ذوقك.. اسامه:تدرين ماحب ردودك الرسميه.. هاجر طالعت عيونه وهمست:طيب عيونك تزلزل كل كياني ..وانت كلك على بعضك واحشني موووت.. اسامه فهى.. هاجر بغنج:كذا احلى.. اسامه:احلى واحلى..يافديت كلك انا..هاجر مدت يدها :عطني شاهين.. اسامه يمزح معها:ثقيل عليك انتي خكيريه مافيك شده تشيلين صقور.. هاجر تزعط:اقول جيبه واوريك الخكيريه وش تسوي.. مسكته هاجر وباين انها تعرف له.. وراحت فكت البرقع.. اسامه يضحك:خير وش عندك.. هاجر فكت رجوله وطيرته:خلني اجرب حظي.. ااسمه فاطس ضحك:لايكون بتصيدين غزال فيذا.. هاجر رافعه حاجب:انت لعين..؟!.. اسامه:وانتي تضحكين..ترى هنا اوب نكان صيد.. هاجر:بس البر مو خالي..وبتشوف بيصيد شاهين اللحين..وخاصه انه ميت جوع... اسامه الى الآن يضحك..: ماراح يصيد الا جربوع هاجر:انا ماراح ارد عليك..بس احساسي مايخيب.. ااسمه يطالع السما..:هجور شوفي السما والشمس تطلع فيها..تحسينها بدايه حلووه لليوم.. هاجر:أي مرره يجنن شكل السما.. اسامه:بربك برايك بنقدر نبدى بدايه طيبه..مثل السما.. هاجر:مافي شي بعيد على ربك.. جاا الصقر ..وبين وهو يرفرف في السما.. اسامه يضحك: ماأدري وش شايل ياشاهين..انا اتوقع ناقه.. هاجر:انت انسان ماعندك سالفه.. بتشوف وش جايب ذا اللحين.. ونزل على الارض.. هاجر صرخة بفرحه..:يالبيه تعال شوف وش جاب شاهين...؟!.. اسامه طالع الصيده وبدهشه:اووف..هذا سمان من وين جابه.. هاجر:ايه عشان تعرف احساسي مايخيب.. اسامه:والله يبي لك نطلعك معنا للمقناص بعدين نزل يآخذ الصيده من شاهين: تبين تاكلين.. هاجر منقرفه:لاماتجي نفسي له..خله لشاهين.. ضحك اسامه وهو يعطي الطير لشاهين ياكله.. امحق قناصه..تصيدين وتنقرفين تاكلين.. هاجر: مادري احس نفسي استبشع الصيده..خاصه لو شفتها كذا.. وقف اسامه قدامها:تعرفين ليه..؟!.. هاجر:ليه.؟! اسامه:لانك حنينه ..وقلبك رقيق.. هاجر رافعه حاجب:طول عمري حنينه.. اسامه:بس اذا تليعنتي ..اعوذ بالله.. هاجر:والله بس لساني ولا قلبي لا.. ااسمه وكأنه تذكر:أي هاجر تذكرت.. هاجر:وش...؟!.. اسامه:عمتي سارا مكلمه ابوي وتبي تخطب ملاك لعناد.. توسعت عيون هاجر وحست الارض تزلزلت من تحتها.. حرااااااام يدمرون ملاك نهائي.. يكفي اللي هي فيه.. أي عناد..اي زواج..لا..هي لسى ماطلعت من صدمتها بفقدها لنايف.. اسامه عاقد حواجبه: هاجر وش فيك ساكته.. هاجر تكلمت: اسامه حرااام ..ملاك نفسيتها اوب مضبوطه..وانت تعرف اللي حصل لها..لاتدمرون نفسيتها نهائي.. اسامه طالع البر قدامه: ملاك لازم تتزوج ياهاجر..وماراح تلقى احسن من عناد..هو الشخص اللي راخ ينسيها ..هاجر ماخبي عليك..انا احس ان عناد يحبها من يوم كانت صغيره.. هاجر: اسامه هو يحبها بس هي ماتحبه..اسامه الله يخليك..كلم عمي..على الاقل يأجل المسأله هذي.. اسامه:ماعتقد ياهاجر..حاس ان ابوي يبي الموضوع يتم وبسرعه..ويبي يفاتح ملاك على طول..بس نرجع من البر.. هاجر:واللهي مااقدر اقولك أي توقعات عن ردة فعل ملاك كيف بتكون.. اسامه:تكفين هجور إذا قال لها ابوي حاولي تقنعينها وتحببينها في الموضوع وخاصه انها تحبك وتقدر كلمتك.. هاجر:الله يكتب اللي فيه الخير.. # # # رجعت هاجر مع اسامه وهم مبسوطين مع بعض افتهم شيما ابتسمت: اشكالكم تهوس مع بعض ..الله يدوم عليكم اللمه.. اسامه مبتسم:اللهم آمين.. هاجر:جلسوا الجماعه..؟!.. شيما:ايه..جلست خالتي ام ضاري وجلست الكل.. هاجر:فديتها النظاميه.. اسامه:ها بنات تطعسون معنا الليوم باللسيارات.. هاجر بحماس:اكييييييييد..مايبي له.. شيما:ماشاء الله واثقه من حالك..انا ماعرف اسوق نهائي.. هاجر:ايه بس حنا غير..انا وخواتي نعرف نسوق ونطعس..ونفحط اذا تبين.. ضحك اسامه:اياه ماقصر عم يفهد معلمكم على الهياط.. هاجر:والله بالعكس معلمنا على الاكشن سمعوا صوت ابو اسامه ينادي:اسامه تعال يبه افطر.. اسامه:جاي يبه.. واللتفت عليهم:يلا اخليكم.. هاجر:الله يحفظك.. وراح.. الموهم عند الظهر كانوا البنات والحريم يحضرون ملحقات الغذا.. على أساس الرجاجيل هم اللي ذابحين ذبيحه وطابخينها... ووزعوا السلطه في الصحون..وخذتهم الهنوف عند خيمة الرجال.. جا أسامه وابتسم:عافاك هنوفه.. الهنوف:يعافيك... ابو اسامه:يعطيك العافيه يابنتي ..ليه مكلفه على حالك.. الهنوف:وش دعوى عمي ..انا اوب غريبه.. ابو اسامه:الله لايحرمني شوفت عيالكم الصالحه.. الهنوف استحت..وهاجر كانت جايه وهي شايله التمر واسمعت الكلام..وحست بقهر..وخاصه انها شافت اسامه ابتسم وهو يهمس بصوت واطي للهنوف.. هي ماسمعت.. بس هو كان يقول لها:متفائل بقووه ابوي.. الهنوف:ايه ألاحظ..؟!... ومشت.. وشافت هاجر واقفه وهي عندها التمر.. ابتسمت.:وش فيتس هاجر.. هاجر حاولت تكون طبيعيه:مافيني شي خذي الصينيه الهنوف للرجال.. الهنوف خذتها:من عيوني.. ورجعت وهاجر راحت.. اسامه للهنوف:امداك جبتي التمر.. الهنوف:لا بس هاجر كانت واقف هبه..عطتني اياه ومشت.. اسامه رفع حواجبه:هي كانت واقفه..؟!.. الهنوف:ايه..ليه..؟!.. اسامه:لا ولاشي روحي انتي.. هاجر راحت لأبوها اللي كان يضبط صحون الغدا..:يبه وين مفتاح سيارتك.. فهد:هجور ..شايفتني فاضي فديتك..بعد الغدا.. هجور تلح:يبه..تكفى.. فهد:وش تبين من السياره.. هاجر:الله يخليك يبه..شي ضروري.. طق طق مخابيه وبعدين:اوه صح..هو عند ضروي..روحي خذيه منه.. ضاري كان جاي..:وش تبين بالسياره على القايله.. هاجر:بروح اطب فيها من الجبل وانتحر.. ضاري:لاتكفين ..ترى طالعين نفلها ونوسع صدورنا..مو ناقصين هم.. هاجر:اوكي وين المفتاح... ضاري عطاها اياه..الموهم هجور خذي اللي تبين من السياره وتعالي..ترى بيطيح الغدا.. هاجر:اوكي.. وراحت سيارة ابوها...اركبت ..وشغلتها..حست ان المكان ضاق فيها.. حست انها خسرت كل شي في الدنيا.. كلام عمها للهنوف.. اسامه وهو يهمس للهنوف ببتسامه.. ياااربي..ليه اللحظات السعيده تندفن على طول معي.. كنت افكر الصبح اللي قضيته مع اسامه بيكون فاتحة خير على باقي ايامي.. كانت مشت بالسياره.. كانت تحس انها ضايعه.. تحس انها غريبه بين كل اهلها.. كانت تحس بشتات مو طبيعي.. لدرجة ماكانت قادره تقعد بين الموجودين ماكانت قادره تقابل احد... او تشوف احد.. او تسمع أي صوت... مرت في خيالها لقطات كثير حلووه.. اسامه وهو يلبسها الشبكه..يالله اول ماشافها بيوم الملكه..كانت عيونه تناظر فيها بفرح..وكأنه ملك الكون كله.. تخيلت سفرتهم للنمسا في شهر العسل.. كان الجو حلو..بس اجواءهم احلى.. تخيلت همسات اسامه وحضنه الدافي.. كانت تبكي.. تشوشت الرؤيه عندها.. علمها بالفرح في آخر غدا تغدته مع اسامه.. ومن إتصال عمها هذاك الليوم... وكل شي مخترب ومخربط.. وقفت بالسياره ونزلت.. طالعت الجبل قدامها ..وتكلمت: آآآه ياجبل..ليتني مثلك ماتهزني رياح.. مشت شوي..تخيلت اسامه وهو يهمس للهنوف.. اكيد عجبه طاري العيال.. ياربي ليه ماجبت عيال.. استغفر الله ياربي واتوب إليك..اللهم لااعتراض على حكمك ياربي.. وقفت عند ارتفاع.. المكان مره حلو..ومو بس هذا سبب حبها للمكان.. تتذكر اول طلعه للبر لها وهي متزوجه.. جابها اسامه هنا... وجلسوا في نفس المكان... كانوا يسولفون يتهامسون..تذكر كيف مضى الوقت فيهم لمين غربة الشمس.. كانت مسرحه بعيونها... تمنت تقدر تصفي ذهنها.. ماقدرت.. سمعت صوته يتسلل في جوها المعذب...: صوت في قلبي ناداني..انك زعلانه..وجيت أراضيك.. اللتفتت ناحه.. ماسمعت صوت سيارته..ماسمعته وهو يقرب..بس صوته الدافي بعثر دواخلها.. واقف ولابس نظارة شمسيه .. رجعت تطالع البر قدامها..:انا كنت ابي اظل لحالــي.. اسامه:وانا ابي احد..!! سكتت هاجر.. اسامه:انا افهمك حتى لو ماتكلمتي..انتي زعلتي من كلام ابوي وهمسي للهنوف.. هاجر تكابر:انا اوب زعلانه.. جا اسامه قدامها:إذا ابوب زعلانه ناظريني .. هاجر مو قادره تحط عينيها بعينه..طالعت من الجهه الثانيه .. اسامه:تعرفين وش كنت اقول للهنوف..؟!. هاجر:ماعرف ولا ابي اعرف..مايهمني.. اسامه:كنت اقول لها..متفائل ابوي بقووه..وبذمتك وش يعني ذا الكلام..ز هاجر ماردت.. اسامه:هاجر لازم تصدقيني عشان نقدر نعيش..لازم تصدقين اللي اقوله عشان نقدر نكمل حبنا بدون شك.. هاجر بتبكي:اسامه وش تبيني اصدق..انا تعبت..وقسم بالله ماعاد فيني اتحمل اكثر..حرام احس نفسي ضايعه وانت جنبي... حرام احس نفسي غريبه في بيتي.. اسامه مسك يدها:وغلاتك ياهاجر..ان مايهمني في الدنيا غيرك..وراسك ان لا للهنوف ولاعشره من الهنوف هزة فيني شعره... هاجر محتاره وهي تبكي تتلفت:ياعالم اسمع كلامك يعجبني ..اشوف افعالك استغرب...وش تفسر لي علاقتك بالهنوف اجل.. اسامه:وربي واللي خلقني..وحط حبك في قلبي..اني من تزوجت الهنوف لاعمري نمت معها ولالمستها غير إذا مسكت يدها قدامك عشان اغيضك.. هاجر انصدمت:انت وش تقول..وانت تعتقد بصدق..؟!.. اسامه:ياعساني مانزل من هنيه إلا محمول على نعش ان كنت اكذب..وربي مابين تلك اللي بينت اللا عشان اكسر خشمك لانك قمتي تقهريني بتصرفات.. هاجر حست راسها صدع..مستحيل اسامه يكذب ..هي تثق فيه اكثر من نفسها..حاولت تجمع شتاتها وطاقتها.. وطالعته بثبات:طيب متى راح تطلقها.. اسامه ماتوقع بتسئله هالسؤال.. قال بنفس ثباتها:هاجر خلي ذا الشي للوقت.. هاجر انقهرت منه:طيب يااســـامه..راح اخليها للوقت..وانت طيب خلني للوقت طيب.. اسامه:هاجر ليه مخك خلاوي.. هاجر بعصبيه:بس كذا..كيفي..ممكن نرجع للجماعه.. واللتفتت بتروح..لكن اسامه مسك ذراعها..: اسمعي ياهاجر..حاولي تليني راسك هذا..لأنك والله إذا زودتيها اكثر من كذا..بكسره لك.. هاجر ناظرته بتحدي.. ومشت.. يتبع | ||||||||
|
| |
|
25-11-18, 01:15 AM
| #33 | ||||||||
| مراقبة عامة ومشرفة منتدى الروايات المنقولة
| مر الاسبوعين .. وكانوا توتر وقلق بالنسبه للجميع.. دانه قرب موعد زواجها..ونفس الشي غيث.. هاجر وعلاقتها اللي متكهربه من أسامه ومن الكل.. شيما واعصابها اللي تلفت.. وملاك لسى مادرت عن الطبخه اللي تنطبخ من وراها.. لان ابوها اجل الموضوع لمين بعد زواج غيث لان عارف ملاك وردود افعالها القويه.. الليوم الزواج.. هاجر كعادتها وقفت مع دانه في كل شي.. دانه في غرفة العروس في القاعه.. واقفه قدام مرايا كبيره.. كانت تحفه نادره.. روووعه رووعه بكل المقاييس.. كل شي فيها يهووس.. كانت مسكتها تجنن ناعمه مره والوان الورجنان..مكايجها..تسريحتها .. بس كانت متوتره وترجف.. دانه باللهجه مهتزه:هاجر الله يوفقك..ماتحسين مكياجي مبالغ فيه.. هاجر ابتسمت:دانه حبيبتي..مكياجك ناعم كا عروس لأن الناس بيشوفونك على بعد..لازم الاسلوب يصير مختلف.. دانه:ياربي..والله كان ودي يكون زواجي مثل شبكتي متصره.. هاجر:لاياشيخه.. طق الباب وكانوا خوله وملاك.. هاجر:تعالوا..زين جيتوا..انا بطلع اشوف الاوضاع في الصاله..اوكي.. خوله:اوكي..خلاص.. راحت هاجر..كانت القاعه مره فخمه.والديكورات رهيبه..الكوشه احترافيه وبقووه.. جلست على احدى الطاولات.. تطالع في المكان المليان..والأنوار.. حست المكان قلب عليها المواجع..نفس القاعه اللي تزوجت فيها.. وهي مسرحه ..سمعت صوت حريم يتناقشون: وحده تقول:هذي هذي ماغيرها ان الفستانالاحمر زوجها متزوج عليها.. الثانيه:ايه.. الاوليه:والله ماعنده نظر..اجل واحد عنده ذا الزين كله ويتزوج ثانيه..ذا مهبول.. الثانيه:ياشيخه الرجال ..مالهم امان.. هاجر انقهرت.. وتعبت وهي ترسم ملامح المجامله على وجهها.. تعبت وهي تبين نفسها سعيده ومافي شي هامها.. لمحت الهنوف..واقف عند المدخل..وشطلها متوهقه..ومو عارفه احد.. ابتسمت يوم شافتها..مهما يكن هي مرتاحه للهنوف..ومو قادره تكوهها..وحاسه انها قربت منها اكثر..بعد مافهمت الامور صح.. راحت لها..وسلمت عليها.. الهنوف فرحت يوم شافتها..:هاجر الحمدلله لقيتس..والله عشر دقايق في بالي إذا ماحصلت احد بمشي.. هاجر مسكت يدها وخذتها معها:الله وش دعوى..تبين دندونه تزعل عليك ماتحضرين زواجها..وبعدين ليه ماكلمتيني جوال.. الهنوف: ماأدري خفت ازعجك..وبعدين خمنت تكوني مع دانه.. جلست هاجر معها على الطاوله:ياشيخه حسيت دانه بتجيب لي الجلطه من وساوسها..طلعت عنها شوي ..قلت بشوف الناس.. الهنوف مبتسمه: بس طالعه تجننين ماشاء الله كل شي ذوق.. هاجر:تسلمين فديتك.. الهنوف غمزت بعينها:واللهيب يجن اسامه عليتس..ياختي طول ماهو جايبني في السياره وهو ماعنده طاري الا انتي..واكيد انتي اللي بتغطين.. ابتسمت هاجر وهمست:فديت كله والله.. جات وحده وباللهفه:هجوور كيفك يالمختفيه.. ابتسمت هاجر وهي تقوم تسلم عليها: هلا وجدان ..اخبارك..وربي واحشتني.. وجدان: الله يادنيا كذا تغطسين وماعاد نشوفك.. هاجر:الله يعين وانا اختك..اخبارك..واخبار محمد والعيال.. وجدان:الحمدلله تمام..بس انتي الله يجبر كسرك..على اللي صار لك.. هاجر تسوي نفسها مافهمت: ليه وش صار لي بعد.. وجدان وعيونها متوسعه:هاجر تستهبلين..يقولون اسامه تزوج عليك.. هاجر:يقولون اسامه تزوج عليك.. هاجر:اهااا..لايابنتي عادي.. واشرت على الهنوف:وبعدين هذي الهنوف ضرتي..فديتها نمووت في بعض.. وجدان وعيونها توسعت اكثر..وخاصه يوم انتبهت للهنوف وجاذبيتها.. كيف هاجر جالسه معها على نفس الطاوله وكن العيد من بعدي.. وجدان:لالا ماصدق.. ضحكت هاجر:وليه ماتصدقين..يابنتي صيري ديمقراطيه..وهذي الحياه.. وجدان:اقول بس خليني اروح اجلس يم خواتي قبل تجننيني ..انتي اكيد فيك قل صح.. هاجر بنص عيون: والله انا اصحى منك ومن اللي خلفوك بعد.. راحت وجدان وهي مرتاعه..تفكر هاحر استجنت.. الهنوف:وراك هاجر كلمتيها كذا.. جلست هاجر:يابنتي هذي وجدان تموووت بالحكس والشماته..وانا اعرف اتعامل مع هالاشكال... الهنوف: يالليل الليل.. هاجر:اقول هنوفه قومي نروح علىالطاوله القداميه ..الطاوله اللي عليها اني.. الهنوف:اوكي يلا.. وقاموا..ولا بخفاكم التعليقات والحكي وهم يمشون مع بعض..بين مو مصدق ومعارض..وبين اللي يقول هاجر احلى..وان الهنوف حلوه..وهكذا.. الا ان البنات مطنشات.. وراحوا اجلسو مع ام ضاري وهيام في نفس الطاوله.. سلمت عليهم الهنوف.. ام ضاري لهاجر:وين ام اسامه تقول بتجيني على الطاوله.. هاجر:لا يمه هي واقفه تستقبل الناس..قلت لها جلسي ريحي.. ام ضاري:ماشاء الله من متى وحنا واقفين انا وياها..ماخلصوا ذا الناس..شكلي بروح لها فديت قلبها.. هاجر:والله بتروحين روحي..ويختي ترزرزي عند المدخل..كل هالكشخه وجالسه.. ام ضاري:هجور..تعرفيني ماحب هالحركات.. هاجر تضحك:كود تنخطبين ولا شي.. هيام فقعت ضحك:لايسمعك فهي دان يجي يدفنك.. هاجر:يالبى قلبه الغيور.. ام ضاري قامت:خلني اقوم ابرك لي من وجيهكم.. هاجر تضحك هي وهيام وتقول:ياعيني على اللي يستحون.. هيام:تعالي كيف نظام الزفه.. هاجر:بيدخلون غيث معه الرجال بالأول.. بعدين يطلعون اللي مو حلال على دانه ويظل غيث وابوي وعمي.. وهنا نزف دانه..وانا قلت بخليها تمشي على الجسر لحالها احلى.. واللي تصور فيديو قدام ياانا..ياشيما..لانها بتصور الجماعه اول مايدخلون.. هيام:حلوو والله.. طالت هاجر ساعتها:ماباقي شي ..شوي وبتبدى الزفه.. # # # وبعد شوي جااء وقت الزفه.. ودخلوا غيث وابوه وابو ضاري..واسامه وضاري.. كان شكلهم مره جخ وكشخه.. شيما كانت لابسه عباه ومتلثمه..وتمشي قدامهم وتصور بكاميرة غيث.. كانت الدنيا مو واسعتها بزواج غيث.. وخاصه انها لاحظت عيونه مبسوطه..ووجهه مرتاح.. غيث كان مرره روعه ويهوس..وهو كاشخ بالبشت الأسود..والغترةالبيضاء.. كان رزه ومره وسيم.. اسامه كان حده رهيب.. وطاله يجنن..لدرجة هاجر كانت ميته غيره انه داخل عند النسوان.. ضاري كان رزه ونظراته تجنن وكنه عاجبه الوضع ويفكر جدياً انه يعرس.. وكانت عيونه في عيون شيما..بجرأه اربكتها وخلت يدها ترجف وهي شايله الكاميرا.. شيما وقلبها يخفق بشكل.. ليه يناظرني كذا..اكيد عيوني جاذبته عشان المكياج وكذا.. بس ليه احسه يناظر داخلي لنظراته.. ماحسه يطالع رسمة مكياجي.. ولا منبهر بزينتي.. وصلوا الجسر.. على صوت الدفوف والاورق والاغاني.. ان اسامه كانت شايله مبخره العود..وهي تلولش ..ولابسه عبايتها..والوضع كان له هيبه.. طبعاً البنات بالقاعه جنوا على الشباب والكشخه.. ابو اسامه وابو شاري.. كانوا قمة الرزة وباين عليهم العز والبطاره.. هاجر كانت ماسكه نفسها على الطاوله.. لانها ماتبي تترزر يم اسامه.. كذا حساد فيه.. لأنها عارفه هو يبي يشوفها.. سمعت امها: الله يحميكم من العين والحسد ياسنايدي.. رفعت حاجب..: ها سلومه شكلك دختي من الغيره على فهود.. ام ضاري:حسبي عليك ياهجور..انتي وش تبين مني.. هاجر:والله جا في بالي يمه اقوم اترقص يم بو عيالك واقهرك... ام ضاري مسويه عادي:عادي روحي ماعندي مشاكل.. هاجر تحرك حاجبها:علينا..يمه.. واللتفتت على اختها:قومي هيوم..نسلم ونرقص.. هيام متغطيه:أي ارقص..نسيتي ان بوعيالك فيذا..شلون ارقص مع وجهك.. هاجر:يووه..يعني المسئله بس متاحه لي.. الهنوف:اجل قومي ازهليها..وارقصي لاتخلينها في خاطرتس.. هاجر:صدقتي والله.. وقامت هاجر وطلعت على الجسر.. اسامه على طول عيونه صادتها.. وانبهت..وانبهر..يمووت على الاحمر وهي لابسته.. كانت مرره رهيبه وخياليه.. حس انه مايسمع أي صوت في القاعه.. ومايحس بوجود شي..الابشوفها.. جات وسلمت على الجماعه..وسلمت على اسامه باليد..لكنه ظل ماسك يدها..وخذها جنبه..وهي تبي تروح لكنه ظل ماسك يدها.. وكانت الأغنيه على نهايتها.. وبس انتهت.. ضاري يقول لها:والله طالعه حلووه يالجنيه.. رفعت حاجب:غصب عنك.. ضاري:بترفعين خشتك..بسحب كلامي.. هاجر:خلنا من هالحتسي..ومافيك رقصه ضروي.. ضاري:اسكتي..احس اني ابي ادخل الرقص من اوسع ابوابه..وش ذا الطق العجيب.. اسامه:اقول اصملوا..وانتي ناويه ترقصين مع ذا.. هاجر رافعه حاجب:وش فيها..هذا اخوي حبيبي.. ضاري سحب خمس ميه من مخباه..:اجل روحي قولي للطقاقه تغني القوس قوسك.. هاجر:من عيوني.. وراحت.. وشوي بدت الاغنيه.. ومسك ضاري يد هاجر وسحبها وسط المسرح..وقامت ترقص معه.. البنات يصارخون تحت..ويصفرون.. وهاجر كانت خطيره..برقصها الرايق الحلو.. ااسمه تجنن عليها.. واقهره انها قاعده ترقص مع ضاري مو معه.. وجاتهم نوقيط.. اسامه قرب منها وكب على راسها مجموعة من الميات والخمس ميات.. وعمها ..وابوها.. هاجر كانت مبسوطه وخاصه وهي تراقب عيون اسامه عليها.. اهم عيون في المكان تطالعها بكل ذا الاعجاب.. غيث يكلم اسامه:اوف والله مزحفه هاجر..ودي اصفر لها.. اسامه:اقول اهجد بس.. وقبل ماتخلص الاغنيه..كانت شيما مذهوله بضاري..وتراقبه بإعجاب.. انتبهت ان جوالها يرن في يدها..وطالعت الرقم وراحت بسرعه.. عند مدخل القاعه..وكان فاضي لان الكل مايبي يفوته شي.. ردت على الجوال..بعد ماشالت شيلتها: هلا سهام.. ... الموهم نرجع للمسرح..خلصت الاغنيه.. وانواع التصفيق..والتصفير..وضاري باس جبين هاجر.. غيث:عوافي..والله شهيتوني ارقص.. هاجر:خلاص نجيبلك دانه وارقص معها اللحين.. غيث:ناويه اتصفق من هالعربجيه.. ضحكت هاجر.. اسامه:عوافي يالغلا.. ناظرته بحياء:يعافيك ياقلبي.. ابتسم وهو يناظرها بحنان.. ضاري:هجور ابي اطلع..عشان بنات عمي حمدان..يفلونها مع اخوانهم.. هاجر:اوكي.. راحت معه وصلته لنهاية الجسر.. ضاري:خلاص روحي ادل طريقي.. هاجر ابتسمت:اوكي فديتك.. وقبل مايطلع سمع صوت الطقطقه والاغاني من جديد.. وراح كمل طريقه..وصل للمدخل حق الصاله وهو عباره عن قاعه صغيره مزينه..وفيها انوار صفراء.. شيما كانت معطته ظهرها وتتكلم: سهام حد مايدل هذي القاعه..انتي وين وصلتي اللحين..اوكي..طريقك صح..كملي مقل ماوصفت لك..يلا انتظرك.. ضاري وقف مكانه.. الصوت المبحوح..يحبه..ماتوقع بتصير له هالصدفه الحلووه.. كانت لسى ماللتفتت ولاحظها تفسخ عبايتها..عشان تستقبل خويتها بكامل كشختها.. كان فستانها مره ناعم وحلو..وبرضو فخم.. شعرها طويل وكله مسويته كيرلي ومن فوق ويفي.. اللتفتت.. وشافته.. توسعت عيونها.. ضاري انذهل وبقووه من جمالها ..وروعتها.. هي كانت تطالعه بصدمه.. حست انها صدق تمووت بذا البني آدم هذا.. والدليل انها من التفيه ماراحت..مالبست عبايتها.. ضاري ابتسم وقرب من الباب الي وراها عشانه بيطلع ..وتكلم:شيما انتي مره تجننين.. وخلاها ومشى.. شيما..حست بيغنى عليها..حست انها مو متحمله الموقف.. واللي صار لها كثير.. نست انها تنتظر خويتها..نست انها في زواج اخوها..نست حتى اسمها.. دخلت سهام وشافتها:شيما اخيراً وصلت.. طالعتها بغباء..:هاااه...؟!.. سهام:شيما وراك..اقولك وصلت.. وش ذا الاتقبال البايخ.. شيما إلى الآن مفهيه..وتطالعها ببلاهه.. بعدين تنبهت..: يووه سهام وصلتي..عذريني والله كان مخي مشوش..تفضلي فديتك.. سهام:ياويلي..وش فيك انتي.. شيما:مافيني شي..تفضلي..بس خلك متغشيه الشباب موجودين.. # # # طلع ااسمه..وكانت هاجر معه.. مسك يدها وهمس لها:تتذكرين اللحظات هاذي.. هاجر:ومستحيل انسى أي لحظه عشتها معها بكل تفاصيلها... وكانت الهنوف تناظرهم ةهي مبتسمه وبهمس: الله لا يفرق بينكم ياربي..ويخليكم لبعض.. جا..دور(دانه)انها تدخل.. طفوا بعض الانوار في القاعه..وظلت الأنوار الصفره مسلطه على الجسر وعلى الكوشه.. وكل الشموع اللي علىالطاولات اشعلوها.. وابتدت موسيقى كلاسيكيه ناعمه.. والباب الكبير ينفتح وتطل منه دانه.. وكل الأنظار عليها.. دخلت بخطوات موزونه..وصعدت الجسر.. وكانت مره مرتبكه من الانظار اللي عليها لكنها تذكرت كلام هاجر.. كثر استغفار..وخلي عيونك على غيث بس.. وحسسي نفسك ماحد يناظرك غيره.. غيث.. كانت نظراته لها رايقه ..هاديه.. كانت مرره عاجبته..كان في داخله يقول الله يرحم ايامك ياسديم الله عوضني بدالك اللي ينسيني اياك.. وماتخيل انه بيكون في زواجه مبسوط لدرجه هذي.. ظل مبتسم وهو يناظرها توصله..وكل ماقربت حس ملامحها تبان اكثر واكثر.. همس في داخله: يالبى ذا الجمال والله..يافديتك يادنه.. وصلت له.. ومد يده لها ومسكت يده.. وحست انها وصلت بر الامان..وانتبهت ان جدهامو موجود على طول اسئلة غيث بهمس: وين ابوي احمد.. غيث:ظل عند الرجال..يقول مايبي يدخل عند صجة الحريم.. جلسوا على الكوشه.. وكانت اشكالهم مرره روعه مع بعض.. الله يخليهم لبعض.. ويديم عليهم الفرح.. # # # كانوا بيمشون.. وكان اسامه هو اللي بيوصلهم.. وهم في غرفه كبيره تطل على باب يوصل لبرا.. غيث لدانه: شفتي كل شي عدى على خير.. جانه:واللهي على اعصابي.. هاجر افتحت عباية دانه :يلا قلبي ألبسي .. دانه: لحظه مارميت المسكه.. غيث:وليه بعج..؟!.. دانه ابتسمت:نشوف مين بتتزوج بعدي.. كانوا البنات مجتمعات.. غيث:ياربي وش هالخرافات.. هاجر:خلها عن خاطرها.. راحت دانه عطت البنات قفاها..ورمت المسكه..وماجات الا في يد هاجر.. غيث ضحك:جااات عند اليد الخطأ.. دانه ابتسمت.. هاجر خذت المسكه:يمكن بتزوج وراتس يالدووبه.. غيث:لايسمعك اسامه..يقص راسك..ويلا ترى تأخرنا.. هاجر:اوكي يلا.. اللبست دانه عبايتها..وهاجر برضو.. وطلعوا للسيارة اسامه.. دانه شافت سيارة جدها موقفه عند سيارة اسامه..ومفتوح باب السياره وجدها جالس..راحت بسرعه ناحه.. وحبت راسه ويده وكانت بتبكي:فديتك يبه ليه مادخلت مع عمامي.. بوحمدان:يايمه وش لي بالصجه..اهم شي انتي كيفتي وكل شي اعجبتس وانا ابوتس.. دانه:ايه مره يبه.. بوحمدان مسك يدها:طيب وراتس دمعتس على طريف..وسعي صدرتس..هماتس عروس الليله.. دانه باست ايدينه: يبه مو متخيله اني ماراح انام معك باللبيت الليوم.. بوحمدان: فديتس هذي سنة الحياه..وقومي لاتتأخرين على رجلتس..وماوصيتس عليه وعلى نفستس.. دانه: من عيوني يبه.. بوحمدان:تسمل عيونتس يالغاليه.. وسلمت هاجر على جدها وباركت له.. والشباب سلموا عليه بعد.. وركبوا سيارة اسامه..غيث ودانه ورى.. وهاجر جنب اسامه.. ركب اسامه وهو مبتسم:الف الف مبروك يامعاريس.. غيث:الله يبارك فيك.. دانه:الله يبارك فيك.. هاجر رفعت المسكه:بارك لي انا اللي مسكت المسكه يوم رمتها دانه.. اسامه يسوق السياره:ايه طيب على البركه..وش تعني..؟!. هاجر:يعني انا بعرس وراها.. اسامه انصدم من ردها..وناظرها بجنب عينه وببرود: طيب مبروك..انشاء الله بتعرسين بعدها.. هاجر خافت.. غيث:شغل شي اطربنا اسامه.. اسامه:وانت ماشبعت طرب..اركد..اهجد.. غيث:ياليل..وربي فرحان وابي اعبر عن شعوري.. دانه كانت مشاعرها مختلطه.. مبسوطه..وخايفه..هي بتكون مع غيث للحالهم في الشقه.. طيب هي مو اول مره تصير لحالها معه.. بالعكس هو طيوب وحليو..ومايعاملها بشكل سيء.. حست نفسها غبيه..تذكرت كلام البنات "لاالله يعينك دنودن على هالليله..".. "الله يعديها على خير..".."دانه لاتصيرين خواف.." حست نفسها مو فاهمه شي.. يمكن مخها متنحزياده عن اللزوك.. يمكن هي مو فاهمه شي عشان امها متوفيه..من يوم كانت صغيره.. يمكن عشان كذا مالفت احد يفهمها شي.. حست نفسها ضايعه ..كل اللي تعرفه..ان الزوجين ينامون مع بعض على نفس السرير..ويصير بينهم شي.. عشان الشي هذا يصير في عيال بعدين.. بس هي ماتدري وش يصير.. قطعها من افكارها ..غيث وهو يمسك يدها.. وهمس لها:دانه وراك سرحانه كذا.. دانه يحيره:ماادري..غيث.. غيث:وش فيك..مو مبسوطه.. دانه:الا مبسوطه..بس ماأدري وش فيني.. غيث:تعباااانه..؟!.. دانه:لا..لاتحاتي غيث انا بصير زينه.. وصلوا عند بيت بو اسامه.. ونزلوا مع بعض.. وصعدت هاجر مع دانه فووق.. وافتحت الشقه.. كانت حلووه ورايقه..واثاثها مره ذوق.. دانه فسخت عبايتها.. هاجر لاحظتها..:دانه وش فيك..؟!. دانه:هاجر احس نفسي غبيه.. هاجر:ليه..وش تفكرين فيه..؟!.. دانه:انا غلطت بحق نفسي كثير..وكنت اتحاشى اتعلم أي شي..او ادخل نفسي في امور ماتعنيني عشان كذا احس نفسي غبيه بقووه..ولاني فاهمه شي في امور الزواج.. هاجر ابتسمت وتطمنها:دانه ياقلبي..ماعليك من شي..وخلي هالامور على جنب..فكري كيف تكوني مبسوطه وريلاكس..طيب.. دانه:ياربي مو متخيله انك بتمشين..وبتخليني اللحالي فيذا.. هاجر:دانه وراك غيث معك..وش فيك انتي.. دانه:طيب انا وش ألبس اللحين..اظل بالبليه ذا.. هاجر:يابنتي انا وشيما رتبنا اغراضك كلها..وبعدين بتلقين بالدولاب القميص اللي وصيتك تلبسينه.. دانه بسخريه:أي كثري منها ألبسه.. هاجر:دانه ترى والله ماعندي مجال عشان اصفقك..لاتخربين كل شي..ألبسيه.. دانه:روحي بس..تحلمين انتي..شلون اطلع فيه يم غيث.. هاجر:ياإله السموات..انا وش اسوي في ذي.. دانه تكتفت واللتفتت من الجهه الثانيه: اوب لابسته..وبنام بذا الفستان اجل.. هاجر:تدرين عاد الكلام ضايع معك..انا بمشي..بس والله يادانه إذا مالبستيه انسي اني خويتك الروح بالروح.. وخلتها ومشت عنها.. اللتفتت دانه:ياويلي..وش فيها هويجر عصبت.. انا وش فيني بعد ماأفهم.. شوي الا جا..غيث..ودخل الغرفه.. دانه حست كل شعر جسمها وقف.. ياربي وش قاعد يصير .. دخل غيث ورمى بشته على السرير.. وباللهجه حلووه:نورتي غرفتك ياعروس... دانه بهمس من غير ماتلتفت:منوره بوجودك غيوث.. غيث ابتسم يوم شافها تنقط حياء.. جا..وجثى قدامها..وهي جالسه على السرير مسك كفوفها.. ناظرته.. غيث بنظره تسائل..:دانه وش فيك فديتك..؟!.. دانه وهي شوي وتبكي:غيث..انا خاايفه..؟! غيث رفع حواجبه:مني انا..؟!.. دانه سكتت ومو عارفه وش تقول.. غيث فهم.. ابتسم:يابنتي وسعي صدرك..ولاتخافين من شي..وانا معك ..وماراح يصير شي الا بمزاجك وكيفك.. تفائلت:بالله..؟ً. غيث بحنان:انشاالله ..قومي انتي خذي لكد وش وبدلي..انا بنزل تحت انتظر العشا بيوصل..اوكي.. ابتسمت دانه:اوكي.. راح غيث.. ودانه قامت وشلحت كل الاكسسوارات اللي عليها..والفستان.. ودخلت خذت ترويشه.. وطلعت بروب الحمام..تنشفت ..وافتحت الدولاب..ولقت القميص اللي قالت عنه هاجر..ترددت..بس خافت تزعل عليها هاجر.. طلعته واللبسته.. كان جايبها جيب..بس استحت بقووه يجي غيث وهو عليها.. عشان كذا راحت البست فوقه عبايتها الكتف.. جا غيث ومعه العشا.. ناداها وطلعت له الصاله..وحط الاكل..على الطاوله.. غيث طالعها بصدمه:وش فيك لابسه عبايتك..وين بتروحين.. ابتسمت:لاولاشي..بس حسيت برد قمت لبستها.. غيث :خير..كان قصرتي على التكييف..مو تلبسين العبايا.. دانه ضحكت تغير السالفه:لاتدقق غيوث ..اخذ وخل.. غيث:وقسم بالله ماأدري وش تفكرين فيه انتي.. دانه جلست على الكنب.. وتكلمت:وش رايك تحط لنا فلم.. غيث بدهشه:فلم..ذا اللحين..؟!.. دانه ببلاهه:ليش لا..خلن نسهر ونخليها صباحي..ولاتشغل البلاستيشن ..انا حطيته مع اغراضي.. غيث يصف الاكل: انتي بقووه منسمه.. # # # | ||||||||
|
| |
|
25-11-18, 01:16 AM
| #34 | ||||||||
| مراقبة عامة ومشرفة منتدى الروايات المنقولة
| البارت التاسع عشر أسامه وهاجر في السياره..وكانت هاجر تحس بمشاعر قويه..وهي تشوف نفسها لحالها مع اسامه... اسامه كان ساكت ويدخن.. هاجر تكلمت:أسامه الله يخليك بسك تدخين.. اسامه كان معقد حواجبه..:اجل بتتزوجين ورى دانه.. هاجر:كنت امزح..وراك..؟ اسامه ساكت.. هاجر:طيب اسامه خلاص أفردها..وكلمني عن انطباعك على الزواج.. اسامه تجاهل سؤالها:على طاري الزواج..تبين ترجعين.. هاجر:لا أبي اروح البيت مالي مزاج.. اسامه:اوكي احسن..لأني ابي اروح البيت.. هاجر:طيب والهنوف..؟!.. أسامه رفع حاجب:مهتمه بالهنوف يعني..؟!.. هاجر:اسامه لاتكلمني بذا الاسلوب.. اسامه:طيب تطمني..انا بكلم السواق وهو يجيبها.. وصلوا بيتهم.. دخلوا الصاله.. جلس اسامه على الكنب وحط راسه على كفوفه.. طالعته هاجر بحنيه وودا طبطبت عليه.. لكنها مكابره.. ظلت واقفه تتأمله.. تمنت تعرف وش فيه..ليه متضايق كذا.. تمنت تاخذه في حضنها. وتعوضه كل شي.. ياربي كيف ابتدي..وقسم بالله مافي شي في قلبي عليك يابعد عمري. وربي احس سامحتك وماباقي في خاطري شي عليك.. رفع عيونه وناظرها فتره..بصمت.. هي حست انها مو قد نظرته وعيونه... عشان كذا صعدت فوق.. وراحت غرفتها.. حطت يديها على قلبها يخفق بقووه.. ماعادت قادره على فراقه اكثر.. راحت خذت روب الحمام..ودخلت تروشت.. وشالة كل المبيك اب اللي على وجهها.. وطلعت.. وكانت تجفف شعرها.. وفجأه انفتح الباب..ودخل اسامه.. توسعت عيونها وهي تشوفه.. كانت عيونه مسبله ..ويناظرها بصمت...؟.. سكر الباب وتسند عليه وبصوت هادي: جيت عشان اقولك بس كفايه..ماغلطت بحجم انك تعاقبيني كذا..حبيت اقولك اني ماأقدر انتظرك تسامحيني ..وماأقدر على فراقك كذا..حبيت اقولك اني جايك ذا اللحين ..ومو مستعد اتخلى عنك ابد.. هاجر حست قلبها ينسمع في الغرفه.. وقرب اسامه منها.. وهي مشتاقه له وبقووه.. اللحين فهمت ليه متضايق..ليه حزين..ليه كئيب.. غيابها قرب يذبحه.. وهي خلاص ماعادت تتحمل غيابه.. 88888888888888888888888888888 خذني بحضنك وضمني بشويش قوّـه بعثر اجوائي وشب الشوق في كل الحنايآإ سو فيني يا نديمي كل شيٍ ما تسوّـه جيتك وكلّي ذنوب ولمّتك تغفر خطايآإ لمّني أكثر فديتك مو كذا بالعمق جوّـه اه يا لبّى حنانك لا انتثر بين الزوايآإ والله اني فيك ذايب والغلا مشبوب ضوّـه والمشاعر دون غيرك جاتك جيوش وسرايآإ خلّنانحضن بعضنا وانتشيطن وانتلوّـه خل يديني في خصرك وانت يدينك ورايآإ خلّنا ننسى المكان بكل تفاصيله وجوّـه خلّني ما اشوف غيرك في البشر وانته معايآإ خلّني لا جيت ابوسك تنطق شفاتك تروّـه ما بعد غمضت عيني لجل ازيدك من حلايآإ خلّني لا ذقت خوخك أطعمه ما تقول أووّـه أوّتك تنهيد يشعل داخلي كلّ الخفايآإ خلّني ادم وجبتك من ضلوع القلب حوّـه وخل تفاحة هوانا تنتهي فينا عرايآإ خلّني وابل سحابك وانت يا المضنون نوّـه خلّني جنة سماك وخّلك فجنة سمايآإ خلّني سلطان شعرك وانت في شعري فتوّـه خلّني شاعرك جنونك واستقي منك السقايآإ يا سمو الحب تدري لبى قلبك يا سموّـه عمري ما اتمنيت غيرك واقسمك رب البرايآإ يا سمو العشق حلّق لين ما توصل علوّـه حب سامي حب طاهر حب تحلمه الصبايآإ حب فيه الشك زايل والزعل غادي عدوّـه لا فراق ولا خصام ولا جروح ولا شظايآإ حب فيه الورد يضحك شفت كيف الورد توّـه يبتسم يمزح ينكّت والسبب طيب النوايآإ حب مثل الطفل يكبر ويتبختر في نموّـه عيد ميلاده لقانا وفرحة اللقيا هدايآإ شي رقّه شي طيبه شي فتنه شي مروّـه والله اشياءك كثيره كثر ما بدمّي خلايآإ فيك نخوّه وفيك ذمّه فيك حب وفيك خوّـه فيك من كل الصفات وفيك من كل المزايآإ خل حسادك يقولوا زاد حبي في غلوّـه حقّك وحقّك وحقّك دام متربع حشايآإ ودامني لا جيت حضنك لمّني بشويش قوّـه ليش ما اهديك المشاعر وانزلك وسط الحنايآإ خل حسادك يقولوا زاد حبي في غلوّـه حقّك وحقّك وحقّك دام متربع حشايآإ 88888888888888888888888888888 نرجع لغيث ودانه.. بعد ماتعشوا.. غيث:انا بروح اتروش..اوكي دانه.. دانه:طيب..يعني بتنام..ولابنشوف فلم.. رفع غيث حاجب:دانه عيونك مسبله من النوم وتبين تشوفين فلم..تستهبلين.. دانه كانت ماتبي يصيرون في الغرفه لحالهم.. وماتبي يجي وقت النوم.. سكتت.. مد يده غيث لها ومسكها وخلاها توقف: يلا حبيبتي ..قومي تسطحي ونامي..لاتاكبرين..راحت معه الغرفه.. وشافته يروح عند الاب توب اللي محطوط على الطاوله وكان مشغل... فتحه ..وفرفر فيه وهو واقف.. دانه:وش عندك.. ابتسم غيث:ابد..بس مخلي الماسن مشغل..والشباب راسلين لي تبريكات عشان العرس.. وراح خذ له منشفه... دانه:ممكن اجلس شوي عند جهازك.. غيث:ايه.. وش دعوى.. جلست دانه على الكرسي.. وقامت تفرر في الاب توب..وغيث دخل الحمام.. شافت صفحة رسائل الايميل مفتوحه... فتحتها.. وقامت تفتح بعض المواضيع ..فيه رسائل حلووه وبعضها تافهه ومالها داعي.. وافتحت رساله.. وانتظرت الصور تفتح..وافتحت ..وانصدمت كانت صور رومانسيه وبقووه..كلها بووس واحضان.. حست ان وجهها صار احمر من الحيااء.. وتضائلت على الكري وهي تفر عليهم.. كانت عيونها متوسعه..وحست انها صور قليلة ادب.. سمعت صوت غيث هادي وراها: دانه وش فيك متعجبه كذا..ترا كل زوجين يسوون مثل اللي بالصور.. نقزت من محلها.. واللتفتت على غيث..وغمضت عيونها بسرعه.. كان سابح..ولاف المشفه عليه..وماسك فوطه صغيره ينشف شعره فيها.. وتكلمت: ليه ماخذت ثيابك معك في الحمام... غيث ابتسم على برائتها:خلاص المره الجايه آخذهم.. اللتفتت تتحاشى تطالعه وتقول:ايه احسن.. غيث رفع حاجب: دانه وش رايك بالصور اللي بالايميل.. دانه: بايخه وقليلة ادب..ليه تحتفظ فيها.. غيث:انا ماحتفظت فيها..بس الربع دوم يرسلون شغلات مثل كذا..وانا احذفها..بس اتوقع هذي رساله جديده.. دانه سكتت..وكانت متوتره بشكل.. غيث لبس بجامه.. وقرب منها وهمس لها:دانه قلبي..روقي.. وخلينا نتفاهم.. كان جسمها كله يرجف.. ضم كتوفها بذراعه.. وجلسها معه على طرف السرير.. وطالع عيونها..:دانه حبيبي..بما ان حنا اثنين نحب بعض..ومانقدر نعيش من غير بعض..وتزوجنا..ذا الشي يحتم علينا نعيش غير أي اثنين اخوان او اصدقاء.. هدت شوي.. وابتسم ابتسامه حلووه.. وهو يفتح ازرار عبايتها..:عشان كذا..من يوم ورايح ماله داعي نستحي من بعض.. وماله داعي تكون في حواجز بيننا.. ونزل عبايتها من كتوفها.. ودار بعيونه عليها..كانت مررره حلووه وخياليه.. وبصوت خفيف..: ليه كنتي ماتبيني اشوف كل هالزين.. دانه بصوت مرتجف: وربي استحي تشوفني كذا.. رفع غيث يده ورفع خصلات شعرها عن وجهها وابتسم وبهمس:فديت كلك والله.... 8888888888888888888888888888 شيما بعد مارجعت من الزواج.. ودخلت غرفتها..كان شعورها مرره مختلف.. كان مخها ابداً اوب موجود معها.. كان موقف ضاري وكلمته تتردد في خيالها.. وقفت قدام المرابا..وتأملت نفسها كثير.. بعدين توسعت عيونها..وهي تتخذ قرار.. لازم تنسحب من حياة سلطان وبسرعه.. بسها تلعب في مشاعرها.. هي تحب ضاري وبس..ضاري لحاله... فتحت النت.. وشغلت الماسنجر.. وهي متخذه قرار تنهي كل شي مع سلطان.. شافته offلاين... ظلت على سريرها وضمت رجولها...وخبت راسها فيهم.. تخيلت سلطان..كيف يتلهف لها..تتذكر كيف الأيام اللي يغيب فيها تجلس على اعصابها تخاف صار فيه شي.. احيان تحس ان مشاعرها تجاهه مشاعر امومه.. متأكده انها ماتحس بمشاعر حب تجاهه.. بس ضاري.. آآآه ياضاري..أنت القلب كله..أنت الحب..انت كل مشاعري..اللي نمت معي من يوم كنت صغيره.. بس سلطان.. سلطان من يكون..غير شخص رأفت بحاله.. قاعده اقابل مشاعر حبه..بمشاعر خوف على صحته وبس.. أنا إنسانه..ياربي وش بتحمل واتحمل مانتبهت لنفسها الا وجهاا مليان دموع.. رفعت راسها على إشاره تنبيه.. منه.. من سلطان...!!. كان كاتب لها..هلا بالغاليه ام حمدان.. تذكرت انه مايعرف اسمها إلى الآن.. ياربي.. ردت: سوري سلطان مانتبهت لدخولك.. "اخبارك الليوم.. سلطان:ماقولك تعباان..بس الحمدلله على كل حال.. شيما وجعها قلبها.. كيف تقوله..كيف تبدى الموضوع.. بس قامت اكتبت..: سلطان اسمعني..اللي نسويه غلط..وغلط كبير..يعني حنا نسولف على الماسن..وذا الشي يحسسني بالذنب..واحس اني اطبح من عين نفسي.. سلطان سكت وسكت بعدين كتب..: وش تلمحين له..؟!..خافي ربك فيني.. شيما حاولت تقوي قلبها..: سلطان انا مأأقدر استمر اكثر كذا..وربي ماقدر تعبت...انا حاسه اني اخوون حبي.. سلطان:الله يوفقك..لاتقفلينها في وجهي.. شيما:حاول تفهمني الله يرضى عليك..انا حبي كله لشخص واحد..وقسم بالله ماقدر اعطي أي احد مشاعر ياسلطان..اترجاك افهمني..لاتصعب الأمور علي.. سلطان:وش تبين توصلين له.. شيما:علاقتنا هذي تنقطع..ونهائي. سلطان:على راحتك ياغلا..على راحتك..مع السلامه.. شيما انصدمت ..انه استسلم بسرعه.. تأثرت.. ياربي كيف بعرف احواله.. وشافته يسجل خروج ويطلع.. شيما:افففف..اف ..ليه يصير فيني كذا.. ورمت نفسها على ظهرها.. وخبت وجهها بيدينها وبكت.. حست انها تبي تتكلم مع احد..تفضفض.. حضك ياملاك.. على الأقل في ناس تتكلمين لهم عن اللي يصير لك.. بس انا دوم اتعذب وانا ساكته..حبيت وظليت ساكته..مريت في تجربه صعبه وانا ساكته حست انها محتاجه لغيث..حتى لو ماتتكلم معه..بس وجوده يحسسها بالامان.. الله يسعدك ياخوي.. الله يهنيك يالغلا.. | ||||||||
|
| |
|
25-11-18, 01:17 AM
| #35 | ||||||||
| مراقبة عامة ومشرفة منتدى الروايات المنقولة
| افتحت هاجر عيونها بشويش..وكأنها خايفه تكون في حلم وصحت منه.. غمضت عيونها مره ثانيه..تخيلت كل شي..أسامه وحبه..وشوقه..مشاعرها وهم يعبرون عنها..كلام الحب اللي من زمان عنه.. كله صار البارح.. فتحت عيونها مره ثانيه..واللتفتت..لقته نايم جنبها.. امتلت عيونها دموع..يالبى قلبك..ويالبى نبضك..ربي لايحرمني اياك ياغلاي.. يده كانت جنب راسها .. خذتها وباستها..وهمست:أحبك ..أحبك..فديت كلك... وظلت تتأمله.. بعدين تركت يده..بتقوم..مسك يدها..وهمس بصوته الناعس:وين يتروحين عني هجور..خلك قريبه مني.. ابتسمت..:انا قريبه منك على طول يالبى عيونك والله.. حط يدها على خذه..بعدين باسها..:مشتاق لك.. هاجر:اروح فدوتن للمشتاق..بس خلني اصحى ماأحب اطول في النوم تعرفني.. اسامه:توبدري.. هاجر:الساعه تسع..خلاص..حتى انت قوم عشان يمدينا نفطر..بعدين نروح بيت جدي.. اسامه:وبعدين احس ميته عطش..أبي انزل اشرب مويه.. اسامه:اوكي جيبي لي معك.. هاجر:من عنوني..ياعيوني.. ارسل لها بوسه..:فديتك.. 888888888888888888888888888888 هاجر يوم طلعت من غرفتها..ماتوقعت بتشوف اللي شافته.. او تسمع شي.. توها بتنزل على الدرج..الا انتبهت للهنوف جالسه على وحده من الدرجات.. والجوال في يدها وتتكلم بعصبيه: يمه حرام اللي يصير فيني ..مالي ذنب..دخيلتس قولي لي..وش الذنب اللي سويته.. وسكتت..بعدين وهي منهاره وتبكي: يمه عمي اللي اذنب..وش ذنبي اشيل خطاه..يمه عشان خلاف بين عمي وبوي..يزوجني ابوي لأسامه وهو متزوج ويحب زوجته..عشان مايتزوجني زياد؟؟وقسم بربي كل مافكرت في الموضوع احس مخي بينشل.. هاجر انذدمت..من الكلام اللي تسمعه.. وسمعت صوت الهنوف اللي يقطع القلب..: حرام يمه عليتس وعلى ابوي ترضون اعيش كذا..صرت مثل الممسوسه..لاأعرف انام..وان نمت كله كوابيس..حرام اعيش وحب زياد يكبر بداخلي وانتو تذبحون احلامي... هاجر انتبهت للهنوف وهي معصبه: وليه تسكتيني..بحبه واحبه وبظل احبه ..يمه زياد يمشي في شراييني مع دمي..تبون مافكر فيه وانساه..اذبحوني..والله بظل احبه.. وبعدين وباللهجه حازمه الهنوف لأمها وهي تمسح دموعها: هو ابوي بيجي الليله عشان يبارك العرس..وماراح يرجع الا بي..وان مارجعني معه.. افتحي بيتس يمه..بكره لعزاي.. وقفلت الحوال..وانهارت..وظلت تبكي.. بعدين قامت بتصعد فوق.. ولقت هاجر في وجهها.. وشافت ملامحها المصدومه.. ارتبكت الهنوف..وهي تقول:صباح الخير هاجر..انتي من متى فيذا.. هاجر تطالع عيون الهنوف:انا سمعت كل شي يالهنوف.. الهنوف بدت عيونها تهل دموع:الله يرضى عليتس ويوفقتس..لاتقولين شي يم اسامه مابي اطيح من عينه..اني احب زياد..ولا يطيح ابوي من عينه إذا عرف سبب زواجي منه..ابوي كان يتخبط..ولاعارف وش يسوي.. هاجر ارحمت حال الهنوف.. وابتسمت: الهنوف مو حنا صديقات وحنا صغار..؟!.. الهنوف:وربي الى الآن وانا اعتز بصداقتس.. هاجر:طيب ..تذكرين ابريق جدتك الخزف الغالي اللي طاح منك وانكسر.. توسعت عيون الهنوف وهي تتذكر.. هاجر غمزت بعينها: انا اذكر دفناااه في المزرعه..ولا وحده حكت شي..حفظنا سرنا صح ولا لا.. هاجر:عشان كذا لاتخافين من شي..وسرك اندفت يابعد حيي.. الهنوف ابتسمت وهي تبكي..وطبت في حضن هاجر وضمتها:فديتك..ياكبر قلبك.. هاجر:حضنت الهنوف ..وافهمت شي واحد انها مو بس هي كانت تعاني.. الهنوف كانت تمووت في الليوم مليون مره.. 888888888888888888888888888888 في الصباح وفي شقة غيث.. كان الجو هادي وساكن.. لكن..دانه كانت في ركن الغرفه هناك..منبطحه على سجاده الصلاة..والى الان لابسه جلال الصلاة.. وكانت تحرك في اصابعها وتناظرهم...ومسرحه.. تحس حالها مو طبيعيه..وتحس نفسها في الواطي.. ومشاعرها مختلطه..صدمه..ذهول..احساس بالذنب..قشعريره.. رفعت عيونها تناظر غيث اللي منبطح..متأكده انها تحبه.. واكيد الللي صار بتعود عليه في يوم من الايام.. تنهدت ..وتحس بثقل بقلبها.. عيونها مليانه دموع.. وتخيلت جدها..يالبيه يالغالي..اكيداللحين أنت صاحي..وتشرب قهوتك على الزوليه في الحديقه.. تتشمس على قولتك.. حست دموعها تنزل..ياربي ابي احد يوديني لبوي احمد..دخيل الله ابي ارتاح لو شفته.. دارت يعبونها في الغرفه.. حست بغربه حتى من نفسها.. وش فيني..وش الكآبه اللي جاتني..هذي مو حالة عروس في صباحيتها.. ليه انا غير الناس.. بدل ماأنبسط..يطقني الهم.. اعوذ بالله من الشيطان الرجيم.. ويعونها الي الآن تدمع.. سمعت صوته ملعهوف..:دانه فديتك وش فيك.. رفعت عيونها بدون تقوم.. لقته جلس على السرير ويناظرها.. هزت راسها بلا..يعني مافي شي.. قام بسرعه..وجا جنبها..:دانه انتي تعبانه..تحسين شي يعورك.. دانه بصوت يالله ينسمع مخنوق:والله مافيني شي.. وجلست.. غيث يناظرها وابتسم:خوفتيني عليك.. ناظرت عيونه مده..وماقدرت تتحمل أنفجرت صياح بصوت وهي تطب في حضنه.. غيث ماات من الخوف عليها.. ويطبطب على ظهرها:دانه باللهي وش فيك.. دانه وهي مثل البزران تبكي:احس كني اذنبت ذنب كبير..وكأني مرتكبه جريمه.. ضمها: غلااي احساسك ماله أي اساس..وبعدين تدرين ان ربي يرضى عليك ويعطيك حسنات..لأن ذا الشي في طاعة الله..انتي مو مسويه شي حرام.. هدت شوي:قل قسم.؟! ابتسم:اقسم بالله ..باللهي انتي مادرستي.. دانه:انا الأمور اللي ماتعنيني ماركز فيها.. وبعدين أنا ماتفوقت الا في الحاسب..كل المواد الثانيه فاشله فيها.. ضحك:شفتي كان انفعوك ذا اللحين.. هدت وهو يسولف معها ويمازحها.. بعدين قالت:ابي اروح لبوي احمد.. غيث توسعت عيونه:وليه..الساعه تسع ونص.. دانه:ابوس يدينك غيوث..اترجاك ودني له..الله يرضى عليك ابي اشوفه.. غيث:طيب خليها على الوحده..لمين يجتمعون اللحين حنا المعاريس نروح من الضحى مايصير.. مسكت يده وهي تبكي وباستها: عشان خاطري ابي اروح لأبوي احمد..غيث لاتردني.. غيث تأثر مره عشانها..ابتسم بحنان.. ومسح دموعها بطرف اصابيعه:خلاص حبيبي من عيوني..قومي أجهزي.. انبسطت وبأمتنان:مشكور ياقلبي..وربي ماقصرت.. وقامت بسرعه.. غيث يناظرها وهي رايحه..وفي داخله:داخلك حزن كبير يادانه ..الله يقدرني اطلعك من اللي انتي فيه.. وقام هو بعد عشان يجهز ويوديها بيت جده.. قامت هي بسرعه.. وحطت لها ملابس في كيس عشان العزيمه اللي بالليل.. ولبست لها حالياً تنوره جينز فاتحه لنص الساق..وتيشرت مره ناعم اصفر فاتح.. واللبست عبايتها وجلست.. وغيث جا وهو لابس ثوب وحاط الشماغ على كتفه وشايل عقاله:ماشاء اله جهزتي.. دانه:ايه والله مشتاقه بشكل لبوي احمد.. غيث:طيب يلا مشينا.. وطلعوا من شقتهم اللي كانت عباره عن جناح..يعني مافي لها مدخل على بره.. فكان البيت هادي..والكل نايم.. دانه بهمس:ماحد يصحى عندكم بدري.. غيث وهو ينزل الدرج: الا امي وابوي يصحون.. بس يابنتي البارح عرس وسهر..شايفه الناس مثلنا صاحين من الضحى..كنه يوم الشهادات ولا دوام المدارس برمضان.. دانه:ياربي غيث لاتتريق علي طلع معها من البيت وابتسم:ماتتريقت لاتصيحين علينا..ماصدقت تسكتين.. ركبت معه في سيارته..شغلها..ولبس نظارته الشمسيه.. وحرك.. غيث:ها..وش مشتهيه تفكرين.. دانه:مو مشتهيه شي.. غيث:خير..انتي ناويه يصيرفيك شي.. البارح على العشا..كنك عصفور ماكلتي شي.. وماتبين تفطرين..ترى مافيني شده يجيك فقر دم شي..ويقولون مجوعها.. ضحكت:ياربي ماقلت شي..خلاص نفطر بيت ابوي احمد.. غيث:ابي افهم انتي وش مسوي فيك ابوي احمد..ماأدري ساحرك.. دانه:ياربي والله احبه..وامووت فيه.. غيث رفع حاجب:يعني وانا ولد البطه السوده..ماأنحب.. دانه:والله احبك..يمه غيران من جدك عيب.. غيث:يحق لي أغار..معرس ومطيرتني من صباح الله خير تبين تروحين لأابوتس احمد..والله انبطت تسبدي.. دانه سرحت بعيونها: غيث هاذا الغالي ..ياعساني مابكيه.. شغل غيث زقاره وفتح شوي من الناقده.. وانتبه انها مسرحه.. وماكان وده تدهل في مود الكآبه مره ثانيه.. عشان كذا ابتسم وبأسلوب مزح:ترى حتى انا احب جدي مو بس انتي.. ابتسمت..بس ماعلقت.. 88888888888888888888888888888888 وصلوا في بيت بو حمدان.. ودخلوا..وكانت دانه تسرع في مشيتها.. غيث:شوي شوي يارودرنر لا تطيحين.. ماشافت جدها في الحديقه..دخلت بسرعه الفيلا..لقته جالس في الصاله.. ويتقهوى.. ناظرته بشوق بعدين عيونها قامت تهل دموع وهي تقول:يبه اشتقت لك.. رفع راسه وناظرها وابتسم بحنان الدنيا..وهو يرفع يدينه:حييك حييك ولازال فيك..حياتس ياابوتس.. راحت بسرعه حضنته..وتبوس في يدينه..وتبكي.. بعدين حطت راسها في حضنه وهي جالسه على الارض وتبكي.. بو حمدان بخوف:علامتس يبه تبتسين..وش بلاتس.. دانه:انا ابكي لأني مشتاقه لك..يبه ماعرف اعيش بدونك.. دخل غيث وسلم على جده وباس يده.. بوحمدان:وش انت مسوي في بنتي ياجليل الخاتمه.. غيث رفع كفوفه وكأنه يبي ينفي عن نفسه اتهام:يبه بنتك تدلع..واللهي مازعلتها ولاسويت لها شي.. ابتسمت دانه:صادق يبه..والله غيث حنين..ومافي منه.. غيث جلس:الحمدلله هذه شهدت بنفسها..وبعدين يبه ارى ميتين جوع..ودنا نفطر.. بو حمدان:يخسى الجوع..وش رايكم اخليهم يطبخون لكم تسبده من ذبايح العرس.. دانه:لااا يبه ماحبها.. غيث:انا ابي..بس خلهم يضبطونها.. بوحمدان:وانتي يمه وش جاي في خاطرتس.. دانه:لاتشيل همي يبه..بسو لي كورن فليكس.. بوحمدان عصب عليها: متى بتشوفين لنفسك حل..هماتس ما تسمنين من شين تغذيتس..كن ماعندنا خير.. دانه قامت وفسخت عبايتها: يبه والله مو مشتهيه شي..اصلاً باكل كورن فليكس عشان خاطرك..انا بروح اقول لهم يجهزون الفطور.. وراحت.. | ||||||||
|
| |
|
25-11-18, 01:18 AM
| #36 | ||||||||
| مراقبة عامة ومشرفة منتدى الروايات المنقولة
| في بيت اسامه وهاجر..كان الوضع مره جنان.. وأسامه رايق ومبسوط.. وفي داخله قناعه..ان لازم ينهي كل شي..مايبي غير هجور في حياته.. يبي يرضيها..يبي حياتهم ترجع مثل ماكانت مافي شي يعكر صفوها.. كانت الافكار تدور في خاطره..وهو في الغرفه..توه متروش ولابس.. دخلت هاجر وهي ماسكه جوالها.. وابتسمت:نعيماً.. ابتسم بكل رواقه:الله ينعم عليك..ويفتحها في وجهك يارب.. رفعت حاجب:راضي عني الليوم.. قرب منها:عندم شك يعني.. هزت راسها بلا..وحافظت على وعدها للهنوف وماتكلمت عن شي.. لكنها تكلمت:اسامه ودي نحاول نمشي بيت جدي بدري.. اسامه:طيب ليه..خليها بعد صلاة الظهر.. هاجر:لا..نصلي الظهر هناك..لان غيث راسل لي مسج ان دانه نفسيتها تعبااانه ويبيني اروح عندها لأني الوحيده اللي اعرف لها.. اسامه:افاا..ليه.. وابتسم بخبث:لايكون غيث خربها معها.. ضحكت:ياشين افكارك الوسخه..ها..وش قلت نمشي بعد الفطور مباشر..ولا أخلي السايق يوديني..وانت تجي على راحتك.. طالعها بنص عيون: أي سواق أي هم..انا ماصدقت ترجعين لي..أنا اوديك لو تبين على جوعي قبل أفطر.. هاجر:فديتك.. . . وصلت هاجر وأسامه بيت حمدان.. والهنوف اعتذرت انا ناتقدر تروح.. دخلوا شافوا غيث جالس في الصاله سلموا عليه.. أسامه مبتسم:وش عنده المعرس قاعد بدري..والله انتو بزاريين ومو حق عرس صدق.. غيث:روقنا بس..انا حضي كذا..دوم مايل.. هاجر:تعوذ من ابليس غيث..وش السالفه.. غيث تنهد:بنت عمك كاأدري وش فيها..جلست بدري وهي حالها حاله..صايق صدرها ومكتئبه.. هاجر:طيب ليه..امرها غريب حرمتك.. غيث:باللهي عليك ياهاجر شوفي وش فيها..هي قالت لأنها اشتاقت لأبوي احمد..جبتها..بس لمين اللحين اللحين ضاربها كور الحزن.. أسامه توسعت عيونه:اللحين انت معها وتوكم بأول يوم تبي ابوي احمد..وش بلاها بنت العم.. هاجر:انا راح اعرف وش فيها..هي وينها..؟! غيث:توها صعدت فوق..تقول تبي ترتاح مصدعه.. هاجر:اوكي أنا استأذن بروح اشوفها.. ـــــــــــــــــــــــــ ــ فتحت هاجر غرفة دانه ودخلت.. لقتها جالسه على مكتبها وحاطه راسها على المكتب..رفعت راسها بس حست حد دخل.. توسعت عيونها وهي تفوم تضم هاجر.. احضنتها هاجر بكل حنان وهمست:فديتك وش بلاك.. خبت راسها على كتف هاجر وبكت.. داعبت هاجر شعرها..وابتسمت:وش ذا الدلع..عروس ومسويه مناااحه..انتي ابداً ماعندك سالفه .. رفعت دانه راسها ومسكت يدين هاجر وبإنفعاال: هاجر كل اللي حصل حاجات غريبه..مره غريبه..صدقيني انا احس بالذنب ..واحس اني استعجلت اني تزوجت.. جلست هاجر معها على السرير:فديتك هدي.. هذي ردة فعل طبيعي تجيك..كابنت مره بريئه..وماعندك أي خلفيه في الامور هذي..بس بكهر تتعودين..يعني خليني واضحه معك..أنتي حالك حال أي وحده متزوجه في العالم يعين انا اللي قدامك أقولك وبالبنط العريض...انا مثلك..وحتى انا اعرست ..بركات عرسك... دانه توسعت عيونها: صدق...!!! وبوستها:..مبروك فديتك.. بعدين ناظرتها بنص عيون:ولو اني المفروض ارحمك..دامني عرفت وش تقصدين.. ضحكت هاجر..: يالبيه على البرائه.. بعدين مسكت يدها وكلمتها بجديه: دانه باللهي عليك انتي ماتحبين غيث.؟! نزلت دانه راسها..بعدين همست:وربي احبه..وامووت فيه بعد.. هاجر:طيب دامك تحبينه..عندك إستعداد تعيشينه مهموم وحزين..وكله يحس بالذنب أن سبب لك التعاسه.. دانه هزت راسها بلااا..:فديته والله احب اشوفه مبسوط.. هاجر:طيب الحل في يدك..لازم تدوسين على اعصابك شوي..وتكيفين نفسك على الوضع الجديد..وبدون هالتكشيره..وربي مو لايقه عليك.. سكتت دانه وتفكر.. هاجر:دانه كلميني..اتفقنا.. هزت راسها بأيه:طيب بحاول.. ابتسمت هاجر:خلاص أنا بنزل وبرسل غيث لأنه بيجن على مايطمن عليك..واسمعي مني هالكلام نصيحه..ابتسمي دوم في وجهه..وصيري جريئه معه..يعني انتي زوجته مو بنت الجيران..وحاولي دوم تسعدينه..ترى مالك غيره في الدنيا يادانه.. دانه همست:أن شاء الله ..الله يقدرني ياهاجر.. طلعت هاجر من الغرفه.. ونزلت في الصاله..وكان جدها موجود مع اسامه وغيث.. غمزت بعينها لغيث..واشرت له ...يعني ..روح لها.. قام غيق وهو يتنحنح:نخليكم دقايق بروح اشوف دانه.. بوحمدان:الله يسعدكم يبه..روح.. صعد فوق..وهاجر جلست..وكان اسامه يناظرها وهي تتحاشى نظراته.. كانت صدق تحس انها مستحيه منه.. بوحمدان:وشلون بنت مسلط اجل..؟!.. هاجر:ناظرت اسامه..سكت شوي بعدين تكلم: الحمدلله يبه..هي بخير ونعمه.. اللتفت بو حمدان على هاجر: وانتي وشلونك معها يبه..لايكون غاثتها.. توسعت عيون هاجر وبانفعال: وش شايفني يبه وحش..ولا أمشي وأذي في خلق الله.. ضحك بو حمدان وأسامه... اسامه:يبه ترى كل يوم تصبح الهنوف بكف وتمسيها برفسه..اتوقع بتروح لأهلها المسكينه معاقه.. بو حمدان:افاا وانت ناوين ترجعها بيت اهلها.. سكت اسامه وتوهق.. وهاجر تطالع اسامه بنص عيون وتترقب.. بوحمدان:وش بلاك سكت وانا ابوك.. اسامه تنحنح وضحك ويضيع السالفه..: علامك يبه الله يهداك..يعني لازم البنت تروح تزور اهلها.. عقد بو حمدان حواجبه طالع اسامه ..بعدين هاجر.: ماضنتي ان هذا قصدك يابولدي..وأنا أدري وش قد تحب بنت عمك..بس انتبه لبنت الناس ولاتأذيها..وان بغيت تتركها اشتر خاطرها وأنا ابوك..تراها بنت ناس اجاويد.. نزل اسامه راسه...:تامر أمر يبه.. 8888888888888888888888888888 غيث صعد فوق..وراح غرفة دانه...فتحها وحصل دانه واقف بنص الغرفه..ناظرته بعيون منكسره..ومبين فيها حزن.. بعدين نزلت عيونها غيث دخل..وسكر الباب..وجلس على طرف السرير.. وظل ساكت شوي بعدين تنهد..واسند كفوفه على السرير..ورفع راسه يناظر السقف وتكلم: ماأدري ليه يادانه احسك مو مبسوطه مهي وماأنتي راضيه تعطيني فرصه أسعدك.. ناظرته دانه مده طويله... بعدين اعتدل في جلسته وكمل كلامه.: تذكرين يوم اجيبك من الجامعه أنتي وهاجر ونسولف ان حنا ابلشنا في بعض.. أحس أني انسعدت فيك..وانتي اللي ابتلشتي فيني..ومأأنتي راضيه تتقبليني.. تفآجأ بدانه تجيب سرعه.. وجثي قدامه وتمسك يدينه..وهي تبكي..: الله يرضى عليك غيث لاتقول تسذا.. وبصوت واطي مليان دموع:انا احبك..وراس امي وابوي احبك..انت دخلت حياتي بس مستحيل اتخيل حياتي بدونك... وقامت باست يدينه..وانذهل غيث وهو يحس بالدموع بكفوفه...:غيث انا ابيك تطلعني من اللي انا فيه..مابيك تتخلى عني.. داعب شعرها بيده..وخلا راسها على حضنه.. وهمس:فديتك مستحيل أتخلى عنك.. دانه: احس كل شي تجمع علي ..وانجرت..انا استحي مره ويمكن انا معقده..واللي صار معي تعبني..ومو بس كذا..حسيت اني احبك واحبك مره وكل احس بخوف تتخلى عني.. لأن زواجنا كان برغبه الكبار بس.. احس اني راح اضيع لو تتركني..وصلت لنتيجة اني ماقدر اعيش بدونك.. ابتسم غيث: جبيبتي تطمني لأني وصلت لنفس النتيجه ماقدر اعيش بدونك..لأني حبيتك..ولله ماكنت متوقع بحبك..بس على قولت رابح صقر"كذا من ربي حبيتك..بسرعه يوم لاقيتك"يعين كنت متوقع بتآلف معك..بس سبحان الله أنتي تخلين حتى الصخر يحبك.. همست دون ترفع راسها: وش يعجبك فيني..؟!.. غيث رفع راسها وناظر عيونها: تسئلين جاده ولا تمزحين... دانه بنظرة عناد: لا والله جد..وش اعجبك فيني... غيث ناظر عيونها اللي مسبله من دموع ولونها العسلي الفاتح..وتكلم..: اجل عدي ياقلبي..اولاً عيونك تسحر...يعني انا اروح ملح وانا اناظر عيونتس... دانه كانت مفهيه وهي تناظر عيونه... وغيث كمل: ثانياً ملامحك تفتن...فمك خشمك..لونك..غمازاتك..شعرك ولونه وربي يذوبني.. دانه كانت مبسوطه وابتسمت وخذودها صاروا حمراء.: وبعد..؟!.. غيث بخبائه:أي وجسمك يعجبني..يعني سبحان من انحته..لاتخربينه اذبحك... دانه خلاص خبت عيونها بيديها: خلاص...بس لاتكمل.. غيث بحنان: واهم شي برائتك وطهارتك...وطيبتك.. شال غيث يدينها عن وجهها وناظرها بحنان الدنيا: دانه فديتك انا لو مختار وحده على كيفي ماعجبتني كثر مأأنتي عجبتيني ... بختصار انتي عاجبتني من راسك لرجولك... ابتسمت:فديتك ياغلاي... غيث رفع حاجب:طيب انتي وش عاجبك فيني ..؟!.. دانه ضحكت:كلك... غيث بنص عيون:تستهبلين انتي ووجهك..انا من مساع قلت المعلقات السبع عليك وانتي تختصرين في ثلاث حروف.. دانه: ماعرف اوصف مثلك.. غيث: الا تعرفين بس باخله علي بكلمه تفرحني..أدري اني شين وخايس نفس بس جبري خاطري بكلمه...جامليني على الاقل.. دانه توسعت عيونها وبعفويه: أي شين..؟!..ياولدي انت خقق..تجنن..تهوووس... غيث ابتسم..وشق الابتسامه لمين وصلت لأذانه... ودانه سدت فمها بيدها ومو متخيله قالت هالكلام.... غيث ضحك:يالبى اللي خاقين علي ماأدري اروح افحط واجـــي... تكفين خلني ارقمتس..ولا اطلع معتس يابنتي انتي مع عفويتك تهووسين... دانه استحت:ايووه غيث..أنا ماأدري وش كنت اخربط لاتمسكها علي.. غيث: أي خربطه..الكلام اللي يطلع بعفويه..هو الكلام الصادق...وليه تستحين عبري عن شعورك وفليها... سكتت وهي منزله راسها.. غيث يبي يغير السالفه: وراك ماجهزتي..اللحين بيجون العايله عشان الغدا..ومالونتي وجهك مثل امس... دانه ناظرته: يعني قصدك وجهي بالمكياج احلى.. غيث: لاوالله الله يشهد انك كذا احلى..ترى زوجك مو لذاك الزود مع هالاصباغ ماحبها.. دانه:انا بعد ماحب المكياج الأوفر..يعني احب كل شي هادي.. غيث:طيب متى بتجهزين.. دانه قامت ومشت شوي وتكلمت: غيث انا مالي خاطر أشوف احد او احد يشوفني..احس نفسي اوب لذاك الزود واعصابي اوب مستقره.. غيث: طيب بتظلين في غرفتك..؟!..والبيت بيمتلي.. اللتفتت ولاحظها غيث انها محتاره بقووه ومتوتره..: وهذا المشكله اخاف يضغطوا علي وانا مابي انزل.. قرب غيث منها وضرب انفها بسببابته وابتسم: انا افدى هالخشم ..ازهلي الموضوع..ومالك الا أنك ماتشوفين الا خشتي الليوم.. دانه تحمست:كيف...؟!.. غيث:ابد اللبسي عبايتك..وشيلي إذا لك أغراض الله لايهينك..وتعالي معي.. دانه بإحباط:طيب بيشوفونا وبيلزمون الا نجلس نتغدا.. غيث رفع حاجب:وانا ولد ابوي..أنا اقولتس كلمه وانتي خايفه يلزمون ..ألبسي عبايتك ..ويلا ..مشينا.. طاعته والبست.. ومسك يدها..وطلع معها من الغرفه ونزل... نزلوا الصاله وماحصلوا احد.. ضمنوا ان الجماعه اكيد جاول..والحريم في الصاله الكبيره الثانيه... والرجال في المجلس.. طلعوا برا.. الا في وجههم اسامه.. ابتسم بخباثه:وين يابو الشباب..وش عندك خذت عيالك ومشيت.. دانه استحت.. غيث:اسوم لايكثر..حنا بنروح مشوار عقد اسامه حواجبه: خيير..الجماعه جاوا وين..؟!.. غيث:شوفا سامه إذا اسئلوا قول رايحيين مشوار ولا بيتغدون برا..بس بيني وبينك حنا ماشين الشرقيه.. اسامه انصدم: غيوث لاتتهور..اللحين انت بتمشي بعد أسبوع وش عندك.. وطبعاً دانه انصدمت اكثر منه.. غيث:ابد صارت امور اضطرينا نمشي اللحين..وابي اعجل قبل يلحقنا الليل.. اسامه: اوكي الله يوفقك..بس توصل طمني ودير بالك على بنت العم... غيث:في عيوني... وسلم على اخوه.. وسلم اسامه على دانــــه... وطلعوا من البيت... | ||||||||
|
| |
|
29-11-18, 08:37 AM
| #37 | ||||||||
| مراقبة عامة ومشرفة منتدى الروايات المنقولة
| البـــــارت الـ 20 . . دانه في السياره مع غيث و ناظرته باستغراب : غيث انت صادق بننزل الشرقيه اليوم ! غيث ابتسم : ليه ما تبين تروحين دانه تطالع الطريق : الا .. انا ابي اروح بس استغربت ان اليوم بنمشي غيث : انا فكرت وين المكان اللي نهرب فيه اثنينا .. و شوي تضبط نفسيتك .. فـ لقيت انسب مكان مزرعتك دانه كانت ترتجف في داخلها و حست بخوف : مزرعتي !! احلى ذكرياتي فيها مع اني كنت صغيره مره .. الا اني اذكر كل لحظه فيها تخيلت أمها و ابوها وهم ماسكين يدها و يتمشون فيها وسط الزرايع .. تخيلت ابوها وهو يبوس أمها و تغطي عيونها وهي تضحك و تقول " عيب يا بابا " انا هنا تخيلت المسبح .. و الكور الكبيره الملونه اللي طافه فوقه و ابوها يسبح : تعالي دانه .. عشان العبك معي بالكور دانه : بابا انا أخاف من المويه ماني داخله .. و امها تضحك : طلال بنتي تعقدت من هذيك المره .. يا شيخ كان روحتها فيها و ابوها ببتسامته الحلوه : تكفين لا تحطينها فيني .. ما كنك انتي اللي رميتيها علي و انا ما كنت منتبه " يا الله كانو أمها و ابوها يجننون .. كانو زوجيين حلوين .. ليتهم ما ماتوا .. ليتكم الحين عايشين معي " صحت من خيالها على صوت غيث : دانه حبيبي وصلنــا البيت .. يلا عشان ناخذ لنا أغراض هزت راسها : اوك قلبي وكان البيت فاضي لان الكل مشى .. و راحوا بيت أبو حمدان . . حست دانه ان الطريق طويل .. و متعب و مرهق .. حست ان العبره خانقتها .. و روحتها المره هذي غير .. كل مره تروح .. تروح بيت جدتها و ما كانت تنوي تروح لمزرعتها .. بس اليوم غير .. حتى ذكرياتها ما هي راضيه توقف حست ان الطريق هذا هو الي اخذ أمها و ابوها منها .. هو الي يتمها .. هو الي خلاها وحيده حست بخوف ان يصير لها و لغيث شي .. دموعها بدت تنزل و هي تتخيل الصوت القوي للسياره و هي تصدم في سياره ثانيه .. سدت اذانها و هي تحس كأن الزجاج على حضنها و شعرها .. زادت دموعها و هي تتخيل الدم .. و شكل ابوها و يدين أمها و هي ضامتها .. ما حست بنفسها الا و هي تمسك يد غيث بقوه و هي ترجف ! عقد غيث حواجبه : دانه وش فيك دانه و صوتها يرجف : غيث الله يوفقك لا تسرع بالسياره .. والله الطريق يخوف غيث عرف وش تفكر فيه : دانه يا بعد عمر غيث انتي .. روقي اعصابك و خلك ريلاكس .. اتفقنا ! و ان شاء الله ما راح يصير الا الخير هزت راسها : ايه صح يارب يحفظنا و ييسر طريقنا حب غيث يغير الموضوع وهو يبتسم : والله اسكتي اتخيل شكل الجماعه اذا عرفوا ان حنا مشينا ابتسمت دانه : هاجر بتعصب علي لأنها حاجزه لي في المشغل حق الليله .. غيث : تروح تتزين هي بدالك .. هماها بعد عروس .. اشوفها راضيه عن اسامه الله يديم عليهم دانه طالعته و كانت فاتحه وجهها : يا الخبيث لاحظت على طول .. هي قالت لي ان المياه رجعت لمجاريها و ان أوضاعهم صارت اوكي ضحك غيث :أصلا ذا الاثنين ما يصبرون عن بعض .. عنتر و عبله دانه تضحك : حرام عليك اللحين اسامه هالقطعه تقول عنه عنتر .. غيث مسوي معصب : ها دوينننه اشوف عينك زايغه على اخوي يا البطه .. ما ودك اشلع عيونك دانه شهقت : بسم الله .. حرام عليك بس والله الزين ما يتخبى .. اسامه حلو و رزه غيث : الحين انتي يا وجه بن فهره بدل ما تتغازلين وسيــــم .. ورى ما تغازليني مو قاعده تقهريني يا مال الحكه ضحكت : ياخي انت تموت فالمدح .. المفروض تزوجت لك مصريه تمدح فيك و تتغزل فيك و يالله تلحق راس مضى الطريق و كان حلو .. و دانه نست افكارها و حزنها .. مع الهذره و الثرثره مع غيث .. و كان الوقت ظلم يوم قربوا عند نقطة التفتيش تبع الشرقيه .. و دانه من التعب كانت مخليه راسها على ورى و نايمه التفت غيث عليها و كان وجهها مفتوح .. عدل الشيله عليه قبل يوصل للنقطه >> يا عيني يا عيني فديت الغيور انـا وصلوا الشرقيه .. و كانت دانه مكلمه خالها .. عشان كذا هو قال للعمال يفتحون المزرعه لها بس توصل .. و كلم عبدالعزيز خالها غيث و وصف له مكان المزرعه .. و أخيرا وصصلوا .. و دانه قلبها يخفق بقوه . . هاجر رجعت مع اسامه لبيتهم و كانت تقول : بس الله غيوث متهور و ما عنده سالفه .. اجل يشيل دوينه و ينزل الشرقيه بثاني يوم لهم ! اسامه : يا بنت الحلال .. يعني حنا ما كنا ثالث يوم طايرين في الطياره رايحيين النمسا .. هاجر : بس ولو ما في وجه مقارنه .. ثالث يوم غير اول يوم راح اسامه ناح الدرج وهو يضحك : انتي تقولين لأنك مقهوره منها .. ضيعت الحجز تبع المشغل هاجر وهي تفسخ شيلتها : والله الشينه فشلتني و روحت علينا العربون .. دافعينه لراعية المشغل اللئيمه اسامه : طيب ورى ما رحتي تزينتي انتي هاجر : مالي مزاج لمكياج ثقيل و مكياج المشاغل اللي يجيب القرف .. تلفتت هاجر في المكان : بس الهنوف وينها اسامه بعدم اهتمام : اكيد نامت .. ولا جالسه في غرفتها .. انا بصعد ابي انام هاجر صعدت معه و قبل ما يدخلون غرفتهم التفتت جهة غرفة الهنوف .. اسامه : هاجر وش فيك ! هاجر : انا بروح اشوف الهنوف .. عيب طول اليوم ما احد حولها ابتسم اسامه : اوكي على راحتك يا حنينه .. انتظرك انا هنا هاجر : اوك قلبي و راحت ناح الغرفه و ضربت الباب .. ماحد رد عليها .. و مره ثانبه و نادت : الهنوف ! انتي نايمه الهنوف بصوت خفيف : تفضلي هاجر .. حياتس دخلت هاجر الغرفه و كانت شبه ظلمه .. الهنوف جالسه على الأرض و ضامه رجولها .. و عيونها متورمه من البكي توسعت عيون هاجر : هنوفه وش فيك !! تنهدت الهنوف بقوه و هلت عيونها دموع : ما فيني شي يا هاجر لا تشيلين هم هاجر جلست جنبها و رفعت راسها بيدها : الهنوف أي ما اشيل هم .. ليه تسوين في نفسك كذا .. تكلمي وش اقدر اساعدك فيه الهنوف مسكت يدين هاجر بتوسل : انك تكلمين اسامه و تخلينه يطلقني و ارجع القصيم .. والله كفايه عذاب .. انا اموت فاليوم الف مره .. احس بغربه .. و احس اني عاله و جالسه منكده بين حبيبين ! احس اني بموت شوق لولد عمي .. احس اني بديت اكره نفسي هاجر تأثرت لكلام البنيه .. و خذتها ضمتها بقوه : الله يخليك يا الهنوف لا تقولين كذا .. و كل الي تبينه بيصير الهنوف ! بكت و بكت .. بس حست براحه بعد ما تكلمت مع هاجر . . دانه و غيث في داخل فلة المزرعه .. و كانو داخلين الغرفه الرئيسيه في الفله .. اثاثها كان فخم و كانت دانه واقفه جنب سرير صغير عليه ناموسيه روعه .. و تهزه و هي مسرحه و كانت تتخيل صوت أمها : دانه انتي كبرتي على ذا السرير .. وشهوله منبطحه فيه .. قومي غرفتك دانه ترد على أمها و هي تضحك : ما راح أقوم ماما .. خليني انام فيه .. ما راح اكسره أمها : يا بنت اعقلي .. هذا بعدين يصير لأخوك ولا اختك دانه بنحاسه : اجل ما راح اقووووم لو تدبحيييني ما راح أقوم حست بيد غيث على كتفها : ها دانه .. كنك اشتهيتي تنامين فيذا ابتسمت : اخر مره نمت فيه ماما ما رضت لي .. تقول اني صرت كبيره عليه غيث يداعبها : ايه هذا سرير مواليد .. اوب سرير فيله اللتفت عليه وهي عاقده حواجبها و حطت يديها على خصرها : فيله !! مين الفيله طال عمرك تقدر تقول عن غصن هالبان فيله .. طالع غيث خصرها و بخبث : و انا ذبحني غير غصن هالبـان ! دانه حمرت خدودها و بعصبيه : غيث بلاش مغازل بايخ و راحت عنه و جلست على طرف السرير .. و دارت بعيونها على الغرفه الفخمه بعدين رمت راسها على السرير .. و ظلت تناظر السقف ! جا غيث و انبطح جنبها و كان حاط راسه على كفه و يناظرها .. وهو مبتسم .. وهي برضو ابتسمت لقربه و حست انها مرتاحه بقوه معه .. غيث : ها حوووبي .. كيف نفسيتك ذا اللحين دانه : تصدق اذا قلت ! غيث : اكيد اصدقك .. دانه : حاسه اني مرتاحه مرره .. و مبسوطه بقووه معك غيث داعب خدها بظهر يده : دانه اذا مضايقك المكان مستعد نرجع من بكره الرياض .. و نسافر أي مكان تبينه هزت راسها بـ لاء ! : دخيلك يا غيث .. من زمان ما ارتحت مثل ما انا مرتاحه ذا اللحين احس ذكرياتي الحلوه بذا المكان و وجودك معي محسسني براحه كبيره .. طالعها بحنان : يا لبى عيونك والله ابتسمت و بهمس : طيب وش رايك بمزرعتي غيث : والله ما عليها كلام .. مكان خيالي و كفايه وجودك معي .. دانه : ربي لا يحرمني اياك غيث بهمس : ولا يحرمني اياك يا عمري و باسها على شفايفها بهدوء .. بعدين ناظر عيونها و خدودها الحمر و ابتسامتها الحلوه و بهمس قال : دانه تدرين ! دانه : هاه ؟ غيث : اني صدق حبيتك .. ابتسمت دانه بكل حب الدنيــاو رفعت ذراعينها و ضمت غيث بكل حنيه .. يا لبـلى الحب و يا لبى الغرام . . . في اليوم الثاني الصباح .. في بيت اسامه اسامه يكلم جوال : ايه يبه تعال انت و عمي فهد و ضروي .. لان عمي مسلط على وصول و بينزل فيذا .. و ابيكم تقلطون تتغدون عندنا و قبل لا يسكر : اوكك يبه لا تتأخرون .. و قفل هاجر كانت متوتره .. لأنها تحس بكره لمسلط و خايفه من الي بيصير اذا جـا .. الهنوف جات و سمعت المكالمه .. و كانت ملامحها باهته و خاويه .. وقفت وهي ماسكه ظهر الكرسي طالعها اسامه : ها الهنوف ليه ما انتي مبسوطه بججية ابوك .. خابرك مدللـه عنده الهنوف بشرود : أي دلال الي تتكلم عنه .. ابوي نسف بكل شي يوم خطى بخطوة زواجي ناظرتها هاجر : الهنوف اجلسي الله يرضى عليك .. ولازم تصيرين هاديه جلست و هي تكتم البكي و تقول : مشتاقه له و ربي واحشني .. بس خايفه اواجهه اسامه : خايفه من ردة فعله ! اذا عرف بقرارنا الهنوف : انا متوقعه أي شي .. و اهون احتمال انه يذبحني .. بس ما عاد يهمني شي انا ابي اريح ضميري و بس هاجر : الهنوف لا تقولين كذا .. ولا بلاها الخطوه هذي ابتسمت الهنوف : فديتك يا هاجر .. عزاي انكم رجعتوا لبعض .. والله ما تتخيلين وش قد شايله لكم غلا .. انتي و اسامه هاجر : الله يوفقك يا قلبي و يحنن قلب ابوك . . في بيت فهد .. بو ضاري ضاري واقف بوسط الصاله و عطس عطسه قويه خوله : بسم الله .. طاحت اللوحه .. يمه الثريا طاحت ضاري : حسبي الله عليك لا تنضلين وجع .. عطس مره ثانيه خوله : لا بصراحه حسافه على بيتنا بينهدم وش جاك ! ضاري خشمه احمر و حالته صعبه : والله اسكتي الانفلونزا لعبت فيني .. تقلبات جونا اوب صاحيه هيام نزلت من فوق وهي حاطه منديل على خشمها : و انت لين اللحين فيذا .. ياخي ذبحتنا جالس تبث علينا فايروسات ضاري : أقول اقلبي وجهك لا اجي اعطس في وجهك .. اخليك تطيحين في فراشك شهر هيام : أقول طس هناك لا تقرب .. يكفي بناتي حابستهم فوق عن تعاديهم ضاري جلس و يناظر خوله : باللهي سكتيها .. والله حسستني فيني طاعون خوله ماتت من الضحك : بسم الله عليك يا بعد تسبدي .. بس تعرف هيام عندها وسواس من انفلونزا الخنازير توسعت عيون ضاري : انفلونزا الخنازيــر .. ووي عساتس يا هيامو لأنفلونزا الطيور و لجنون البقر دامك مفاوله علي هالفال يا النحيسه هيام خذت مبخر من الخدامه فيه فحم و حطت فيه مراميه و جاويه و تبخر المكان .. خوله تكح .. و ضاري يكح : وجع يوجعك حشرتينا يا مال الحكه في جلدك هيام : هذا جزاي .. هذي تقتل الفايروسات ضاري منفجع : انا خلاص بقوم اغتالها .. ابي افهم هي وش تبي جايه بيتنا .. وين رجلتس عنتس هيام : مسافر جده عنده شغل .. و انا استانست قلت بقعد كم يوم عندكم .. و من الحظ طلعت انت مريض .. و تنتشر علينا جراثيم جات ام ضاري و عندها كاس عصير ليمون و حبتين فيفادول .. عطتهم ضاري و قالت : قوم يا بعد عيني .. ابلعها و ان شاء الله بتصير زين و خلني اقرا عليك .. اكيد نضلوك فالعرس بلع ضاري الفيفادول و شربت العصير : أي يمه اكيد نضلوني والله تعبان .. و حط راسه في حضن امه هيام : أقول عن الدلع .. و شيل راسك عن امي لا تعاديها ضاري : يمه خلي بنتك تنقلع بمبخرها من متى و هي تجتال فيه كنها تحضر أرواح .. و خليها تسكت لا احرق شوشتها بمبخرها ام ضاري : هيوم ودي ذا المبخر عكرتي الجو علينا الله يهديك خوله : والله خيستي البيت علينا هيام : ريحته ولا الفايروسات ضاري : هيوم تقلعي عن وجهي ترا طفح الكيل خافت هيام و راحت .. جا ابوهم و شاف ضاري و ضحك : ها ضروي اجل ما فيك شده تجي معنا بيت اسامه ضاري : لا يبه ما فيني و حتى لو فيني ما رحت وهو بيجي ذا .. بو ضاري : والله حتى و انت مريض لسانك وش طوله ضاري : والله لو يقولون لي هناك بيت اسامه يوزعون ملايين روح استلم كم مليون .. مارحت .. دام ذا القصيمي اللي غث اختي بيجي ضحك فهد : الله يهديك و حسن نيتك عشان الله يشفيك دق جوال ضاري و رد و قبل يتكلم عطس .. غيث ع الخط : وججع موقت عطستك ترد علي فيها ضاري و صوته متغير : اسكت يا المعرس والله حالتي صعبه غيث : وراك ما تشوف شر ضاري : الشر ما يجيك .. ها متى الجيه غيث : و ليش تفاول علي اجي اقابل خشتك .. انا مبسوط فيذا .. الماء و الخضرا و الوجه الحسن ضاري : زين يا البطه يجي منك اكثر غيث ضحك : طيب ورى ما رحت المستشفى ضاري : تعرفني ما اطيق المستشفيات و ما اواطنها غيث : طيب روح المستشفى الي فيه شيما .. تضبطك و تشوف وش فيك سكت ضاري و اعجبته الفكره : والله اوب شينه .. بشوف اذا ما خفيت رحت غيث : خلاص عطني خبر عشان اشوفها لك ضاري : اوكي يا غالي غيث : باي يا حلو .. سلم على الجماعه ضاري : يسلمك .. و قفل . . الشرقيه .. في المزرعه دانه في المطبخ و محتاسه .. و حاطه الجوال في جيب المريله و السماعات في اذانها و تكلم : طيب هجور و بعد ما احط البصل و الطماط .. كم اخليه قبل احط الرز هاجر ع الخط تضحك :والله انتي مدري وشهوله حايسه عمرك .. قلنا صيري سنعه بس مو من اللحين .. كان طلبتوا من أي مطعم دانه و هي تقطع الطماط : لا مابي من مطعم .. ابي اوري غيث اني سنعه و قدها هاجر : طيب انتي اوب رايحه بيت اهلك دانه : ما اعتقد .. احس صدق مابي اشوف احد و هم عاذريني لأني في شهر العسل هاجر بخبث : ياخي قولي ما تبين تفارقين حبيب القلب .. و مو هاين عليك تشوفين احد غيره .. دانه : يا الخبيثه دوم نيتك شينه ضحكت هاجر : وسعي صدرك يا بنتي دانه : اوك يا حلوه .. سلمي على ضرتس المزيونه هاجر ما قالت لها عن شي .. بس قالت : يوصل فديتك .. سلمي لي على غيث دانه : من عيوني .. يلا مع السلامه .. و قفلت قامت تكمل طبخ و منسجمه حدها .. جاء غيث وقف عند الباب و كتف يدينه وهو مبتسم . . و يتأمل دانه وهي تقطع السلطه .. لابسه جينو فاتح و بدي اخضر فاتح ناعم .. و رافعه شعرها .. ولابسه مريلة مطبخ .. ظل شارد وهو يتأملها تخيل أيامه في أمريكا .. و حبه لسديم و غرامهم ع الماسنجر .. تخيل حزنه على فراقها و عصبيته اذا قالوا بيزوجونه دانه تخيل كيف كان يحس انه قليل حظ انه بيتزوجها و تخيل سعادته ذا اللحين .. تخيل لو تمر لحظه ماهي معه .. حس انه حبها و حبها بقناعه .. مين يقدر ما يحب دانه ! شخصيه عفويه .. بريئه .. حلوه و تفتن .. معقوله كان حبي لسديم وهم معقوله اللي احس فيه .. اني عمري ما حبيت الا دانه .. ولا راح احب الا هي ! أصلا لو يجيبون لي سديم ذا اللحين و احطها مع دانه في ميزان .. بترجح كفة دانه عندي و متأكد .. قطع شروده يد دانه تتحرك قدام عيونه و هي تقول : بو الشباب من متى و انت واقف هنا حرك عيونه و ناظرها بالمريله و ضحك : يعني من صدقك انتي اللي بتطبخين دانه رفعت حاجب : ليه مو عاجبك ولا تبي من اكل المطاعم جلس غيث ع الكرسي و خذ له تفاحه من السله الي على الطاوله و اكل منها : والله ما اقولك اكل المطاعم اوب مضمون .. بعد نتسمم ولا شي .. و برضو اكلك مو مضمون بس نختار اهونها اسم ان تسممنا من اكل بيت دانه بغرور راحت فتحت القدر : اترفع عن الرد غيث بيضحك بس كتم ضحكته وهو يضرب الطاوله بيده : و انا ابن ابوي .. اللحين تترفعين عن الرد علي يا المغروره جات دانه وهي معصبه و ضربت الطاوله و قربت ودهها من وجهه و بنفس أسلوبه : و انت ورى ما تبالع العافيه و ما تتطنز على طبختي غيث بسرعه باسها بوسه سريعه و ابتسم بهيام : انتي لو تعطيني سم .. كلته و انا راضي بس امزح معك يا الزعول دانه ابتسمت و هي مستحيه من حركته : ان لئيـــم غيث : و انتي عصبيه زين ما جبتي الملاس على وجهي الله يهديك دانه : لا محشوم يا سنايدي .. بعدين لاحظت كشخته .. متروش ولابس جينز و تيشرت خطير و صاير شكله يهوس .. دانه : متى تروشت انت .. مو طلعت تشوف الخيل غيث : أي شفتهم و دخلت بس انتي ما انتبهتي .. صعدت فوق و تروشت و جيت دانه : نعيماً يا حلو غيث : تحلى ايامك يا قشطه راحت دانه تكمل شغلها غيث : تبين مساعده ! دانه : وش عرفك انت في الطباخ يا شيخ .. غيث : انا اللي اعرف للطباخ .. نسيتي أيام العزوبيه في أمريكا انا و ضروي .. ضحكت : ليه ما كنتو تاكلون من برا .. يعني بيتزا و فاست فود غيث : يا بنت الحلال كلنا من بره لين قلنا بس .. ولاعت كبودنا و الله يسلمك كم مره صارت لنا حالات تسمم انا و ضروي بس الله يستر .. عشان كذا تعلمنا نطبخ بعض الشغلات .. و اغلب الأحيان الله يسلم الاندومي دانه : اقوى شي الاندومي .. بصراحه يحل الازمات بعدين قالت دانه و كانها تذكرت شي : أي غيوث تذكرت .. وش اقوى شي حصلك في أمريكا و ما تقدر تنساه في حياتك غيث رفع عيونه لها و زين ما زل لسانه و كان بيقول : قصتي مع سديـم ارتبك وهو يقول : عادي يعني ما اقولك حصلت مواقف كثير بس ما يحضرني شي ذا اللحين دانه : طيب كيف تقضي اغلب وقتك غيث في داخله " طبعا مع سديم في الماسنجر " بس رد على دانه وهو يكذب : في المذاكره طبعا ! دانه ببتسامة خبث : في المذاكره ! علينا يعني .. الحين تبي تقنعني ما قد حبيت في أمريكا و ما عشت قصص حب مع ذا الأجانب .. خاصه انك حلو و شكلك يجذب ذا الشقر غيث : يا بنت الحلال عمري ما فكرت احب اجنبيه .. ما اقولك زميلات فيه و كثير بعد .. بس اطيح حب و غرام معهن لا والله ما حصل و شغل زقاره و سحب منها دخان و انفخه و قال : بعدين تعالي وش عندك انتي على ذا التحقيق دانه هزت راسها و كأنها تنفي عن نفسها تهمه : لا والله اوب تحقيق بس حب استطلاع .. و ودي اسول معك و اروح الوقت غيث يطالعها بنص عين : اهـــا ! تروحين الوقت .. طيب ما فيه طريقه نروح فيها الوقت غير التحقيق ! دانه رفعت حاجب : طبعا فيه مسكت يده وقفته و سحبته عند حوض الغسيل و قالت : اجلي المواعين يا عيوني .. دامك خبره في ها المجال نفخ غيث الدخان الي في فمه : تدرين وش مشكلة الي يجون من بره بعد الدراسه هناك ! دانه : لا والله مدري غيث : ان الكل يفكرهم ماخذين دوره في تدبير المنزل رفعت دانه حاجب و قالت : غيـــوث .. أقول لا يكثر و عن الفلسفه غيث مسوي مطيع و خذ الاسفنجه : سمي طال عمرك . . اسامه : هلا .. هلا عمي حي الله من جانا .. نورت الرياض يا سنايدي مسلط : منوره بأهلها دخل مسلط المجلس و سلم على أبو اسامه و أبو ضاري .. و رحبوا فيه .. و داخل الهنوف كانت تفرك يدينها في بعض و هي تردد " الله يستر .. الله يستر " هاجر: هدي الهنوف .. و راتس مربوشه كذا الهنوف : و ربي خايفه كيف بواجه ابوي .. خايفه من ردة فعلوه ابتسمت هاجر : انا عندي إحساس ان كل الأمور بتصير زينه .. الهنوف : الله يسمع منك . . بعــد ما تغدوا الجماعه .. ودى اسامه مبخرة العود مسلط : ها اسامه .. ما شفنـا بنتنا و يقولون ما بعد العود قعود اسامه : افـــا عليك عمي ترى اوب القصد اني اطردكم .. و ضحك مسلط : وش فيها الهنوف ما جاتني و باين على مسلط مشتاق لبنته .. ابتسم اسامه : اللحين راح تجي لك بس هي ملزمه علي تقابلك عند الجماعه مسلط انخطف لونه .. و طرى عليه الكلمتين الي قالتهم الهنوف في اذنه قبل تمشي " راجعـــه لكم " ! أبو اسامه : حياها الله يابووك راح اسامه و نادى الهنوف اللي لابسه عبايتها و متوتره .. و هاجر كانت مكتفه يديها و تنتظر وش بيصير .. اسامه : يالله هنوفه جاهزه ! الهنوف بصوت مرتجف : ان شاء الله اني جاهزه هاجر قربت منها و مسكت يديها و قالت لها بلهجه واثقه : الهنوف خلك قويه .. ابعدي عنك الخوف و ادخلي المجلس و انتي عندك قناعه انك تدافعي عن حريتك .. و غمزت بعينها و همست لها : و عن حبـك الهنوف حست براحه من كلام هاجر و همست .. الله يستر علي و لفت الشيله و راحت لأسامه : مشينــا راح اسامه معها و قبل يدخلون المجلس مسك يدها و طالع عيونها : الهنوف فديت روحك .. يشهد الله اني اعتزيت بعلاقتي معك و حسيتك اختي الي ما جابتها امي .. تأكدي اني ما راح انسى روحك و طيبتك و حطي في بالك دوم ان في انسـان في الرياض .. مستعد يساعدك في أي وقت .. الي هو انــا ! انتي صدق ما عندك اخوان بس انا اخوك الي ما راح ينساك ابد .. امتلت عيونها دموع و ابتسمت : الله يحفظك يا اسامه و يرزقك الخير و العيال ابتسم لها : الله يجزاك خير .. و خذها من يدها و دخل بها المجلس . . دانه ترتب في طاولة الاكل .. و غيث يصورها فيديو و يعلق : و تضع دانه صحن الأرز في وسط السفره .. يا الاهي يا ربــــاه .. وش ذا الكبسه .. الله يستر .. الله يجيرنـا و قرب الكاميرا على الطاوله و شهق : ما هذا .. انها سلطه او فتوش .. لالا .. انها بابا غنوج .. لم أتوقع ان يطلع اقصد يخرج كل هذا من رودرنــــر .. دانه جاته و مسكته من بلوزته : أقول يا حلايا شرشبيل طف ذا الكاميرا لا اكسرها على دماغك .. و غيث يضحك و يصور فيها : و انقضت الشيفه دانه علي .. الحقوني والله بنطق و فلت منها وهو ميت ضحك و يصورها وهي معصبه و جايته .. و يكمل تعليق : يمه الحقوني .. توحشت علينا الشيفه دانه .. دانه : انا شيفه يا الدوووب .. اوريك و راحت تعلقت في يده و قدرت تسحب الكاميرا منه و غيث ميت ضحك .. خذتها و سكرتها و بعدت و هي تمد لسانها : هههاااي قدرت اخذها غيث يطالع يده كلها مخدشه : احح يا القطوه شوفي وش سويتي في يدي رفعت حاجب : احسن .. حد قالك تنرفزني ! غيث : أقول اقصري الهرج و تعالي ناكل ترى مت من الجوع دانه : أي صدق الغدا .. اقسم بالله نسيته و راحوا جلسوا على الطاوله .. لحظة صمت مرت شوي غيث تأمل السفر و طالع دامه وهو مبتسم بعدين خذ يدها و باسها : تسلم يدينك على ذا الكلافه دانه استحت : ما من كلافه وش دعوه كلها سلطه و كبسه غيث ضحك و يجننها : ارحمينا يا منال العالم .. ما كنك طول الوقت على اتصال مع هاجر دانه : يا الكريه توني مبسوطه على المديح بدا غيث ياكل و ما كان متوقع ان الاكل بيعجبه .. و دانه تراقب بترقب كل اللقمه و بلعها .. و ظل ساكت و دامه على اعصابها الا فجأه صرخ : دلشـــــز والله ما انتي سهله يا دوينه .. ايش ذا الطعم دانه تحمست : باللهي .. ولا تستهبل علي غيث : و اقسم بالله .. اعجبني دانه ابتسمت : فديتك عليك بالعافيه . . الهنوف ورى اسامه وهو ماسك يدها .. و مسلط قلبه يدق بسرعه اكيد ورى دخلت الهنوف بذا الشكل سالفه .. سلمت الهنوف بصوت واطي وردوا الجماعه السلام مسلط بصوت مرتجف : وراتس يبه متخبيه ورى رجالتس كذا .. وش بلاك ! الهنوف : ما بلاني شي يبه بس ما أتكلم الا لمين تعطوني و اسامه الأمان أبو اسامه و أبو ضاري مستغربين .. بس قالو في صوت واحد : لك الأمان يا بنتي الهنوف تسرق النظر لأبوها : و انت يبه .. مسلط منزل عيونه و حاس ان بنته بتسود وجهه .. و بصوت عصبي : الهنوف وش المصيبه الي عندتس تكلمي .. ترى ما عاد بي خير عليتس اسامه : تعوذ من الشيطان يا عمي و عطها الأمان و تتكلم مسلط رفع عيونه و ناظر الهنوف : لتس الأمان يا الهنوف .. وش عندتس الهنوف وهي تناظر عيون ابوها بقلب جامد : انا ابي اطلق من اسامه يبه .. بو اسامه مره انصدم و انحرج و بين على وجهه .. مسلط وده قام و ذبحها بس مسك نفسه الهنوف : عمي حمدان لا تنحرج ولا شي .. الله يشهد ما جاني من اسامه الا كل خير بس قلبه مليان ببنت عمي فهد .. والله ثم والله هاجر ما تنغث .. عاملتني زي الأخت بس هي حرمه .. مهما كان معاملتها لي مستحيل تكون راضيه على وجود حرمه ثانيه تشاركها في زوجها .. و التفتت على ابوها : يبه .. اعذرني و اعذرني بس انا ما اقدر اكمل و امتلت عيونها دموع و ابوها فهم ان بلاها زياد .. و هي تقول : ما اقدر أعيش كذا .. انا مكاني اوب هنـا .. تكفى يبه ابي ارجع معك مسلط طمن راسه فتره و الكل يترقب وش بيقول اسامه تكلم : عمي .. الله يشهد الهنوف بنت ولا كل النات .. والله يعلم ان لو هالقلب خالي " و اشر على قلبه " كان سكنت فيه و ما طلعت .. بس قلبي متعلق في بنت عمي و ممتلي بها .. افتخر بالهديه الي انت عطيتني .. بس حنا بشر يا عمي لا انا اقدر اتحكم بمشاعري ولا الهنوف تقدر تتحمل ذا الحال .. الهنوف بكت و هي تروح عند ابوها : يبه تكفى سامحني .. الله يخليك لا تزعل مني .. الله يوفقك ارفع راسك عشان خاطري و حطت راسها على حضنه وهي تبكي بقوه .. ظل مسلط ساكت .. بعدين رفع راسها بيدينه وناظرها و ابتسم بحنان : بسك يبه بكى .. امسحي دموعك ولا تبكين .. انا قسيت علتس و انا اللي وصلتس لذا الحال .. و رفع راسه لأسامه و قال : اعذرني يا اسامه بس انا اللي اقولك هديتي غاليه .. و انا اللي ابي ارجعها منك .. تقدر بكره تروح المحكمه و تخلص إجراءات الطلاق .. ابتسم اسامه و طبت الهنوف في حضن ابوها و صيـــــاحح ! . . الساعه سبع بعد المغرب .. في بيت بو ضاري ام ضاري فرحانه : والله خبر يوسع الصدر .. وشلون ما تبيني افرح يا فهد .. يمكن ترجع صحة هجور شوي كل مالها و تضعف فهد : والله مصائب قوم عند قوم فوائدُ خوله جالسه ترسل تهنئه لهاجر في الواتساب .. و ضاري منبطح ع الكنب و تعبان حده .. مرتفعه عليه الحراره و مفهي خوله كلمت ملاك و بفرحه : شفتي ملوكه وش صار .. بعدين ضحكت و قالت : اجل شيما مداومه ما حضرت الحدث مسكينه .. كل شي يفوتها .. بعدين سكتت وقالت وهي متأثره : ما اقولك هي الهنوف مسكينه و بنفقدها بس والله حسافع عللا حياة اسامه و هاجر تدهور .. ضاري كان يسمع المكالمه .. الا قاطعه صوت ابوه : ضروي قم اخذك المستشفى ترى وضعك يسوء ضاري جلس و بنص عيون : شايفني ورع فهود تاخذني انت المستشفى .. انا أصلا معزم بروح لحالي ام ضاري : مجنون تسوق لحالك و انت كذا .. قام ضاري و عدل شعره بيده : و اوديكم مكه بعد و انا في هالحال بو ضاري : أقول بس لا يكثر .. بقوم اخذك لا يصير فيك شي بعد ثم يأنبني ضميري بعدين .. ابتسم ضاري و يضحك مع ابوه : ارحمنا عاد يا بو ضمير .. انا ماشي يا جماعه .. اوصيكم على اغراضي حطوها في المتحف اووب تتوارثونها .. ترا اطلع في احلامكم و اسبكم .. و العن الطيب و الردي فيكم خوله : بسم الله انت لا حي طيب ولا ميت طيب ام ضاري : الله يكفاكم .. وش ذا الكلام و انت يا ضويري وش فيك بومه .. خل ابوك يوديك لا تفلنا ضاري : والله ما يوديني الا حالي .. يلا السلام عليكم .. وطلع ام ضاري : الله يحفظك يا بعد تسبدي . . وفي مطعم راقي و في قسم العائلات .. اسامه و هاجر جالسين و هاجر كانت مسرحه .. اسامه كان يتأملها و بعدين مسك يدها و همس : هاجر وش بلاك .. المفروض تكوني مبسوطه وش فيك شارده كذا هاجر ناظرته : انا اكيد مبسوطه يا اسامه انك رجعت لي لحالي .. بس ما اقولك حاز في خاطري الهنوف تعودت عليها و على وجودها .. افكر فيها وش حالها بيصير بعد اليوم .. وش ذنبها صارت مطلقه وهي أصلا بنت .. ابتسم اسامه و بخبث : اهـــأ يعني انتي ودك ارجعها .. ما طلبتي شي الشيخه .. بكره ما اروح اسوي إجراءات الطلاق ناظرته هاجر بجنب عينها بحقد و داست على رجله بقوه .. و صرخ اسامه : وجــــــــع ! هاجر تشرب عصير : تستاهل اسامه مستاء : كسرتي رجلي يا مال العافيه هاجر : العافيه الي تحل عليك يا بعد عيني شرب اسامه عصير و سرح شوي .. و تنهد : يـــــاه احس احداث كثيره مرة بس الحمدلله .. كأنها قصه و انتهت هاجر : صدق تجربه قاسيه ان تكون لي ضره .. بس ما اقولك طلعت قدها و قدود يا بو حمدان و بيضتها اسامه : بسم الله غريبه تقولين بو حمدان .. وش عندك هاجر ابتسمت : من اليوم و رايح بتفائل اني احمل .. بعد تسويها و تعرس علي .. عاد هالمره اعجنك عجان مافي اسامحك اسامه ضحك : الله يكفاك .. ترا انتي فاولتي هذيك المره و أحلام و مدري ايش و قمت و عرست .. انتبهي لحالك هاجر طالعته بنص عينها : والله عاد ان سويتها ثانيه لا اخلعك في المحكمه و اروح اعرس عليك و اشتري بيت جيرانا و اسكن يمك .. و ما تشوفني الا داخله البيت و انا متشعبطه في يده .. و طالعه و انا ماسكه يده .. والله يا وسيم لا احفل فيك تحفيل اسامه بنص عين : علينا .. علينا يا بو ملوح انتي زين مامتي ..ادري تموتين في دباديب اللي خلفوني هاجر : يا واثق انت اسامه : أقول لا يكثر بس .. و قولي لي اخبار بنت العم مع غيث ما كلمتيهم ! هاجر توسعت عيونها : اسكت اسكت .. السعوديه تشهد قصة حب قويه ابطالها البزران .. غيث و دانه ياخي يا حليلهم صايرين يهبلون ضحك اسامه : اما عاد يعني غيث هالجلف و اللي كان معند و ما يبي دانه يطلع منه هاجر : أي يطلع منه ! الولد صاير معها مهند تبع نور .. رومانصي و عاطفي ضحك اسامه : الله يكافينا الشر ليكون بتقوم القيامه .. الله يستر هاجر : المشكله اوب غيث .. دانه هالحيويه اللي مسويه نفسها قديسه والله و طاحت و ماحد سمى عليها اسامه يضحك : الشماتـــــه !! هاجر : وربي لو انها يمي كان لعبت بحسبتها لعب .. و ابشرك طابخه اليوم كبسه اسامه : لا ! والله تطورات .. يبي لنا نبشر ابوي احمد و ظلوا اسامه و هاجر يسولفون و يضحكون والله لا يغير عليهم . . وصل ضاري المستشفى اللي تشتغل فيه شيما .. طالع المبنى و راسه يلف و وضعه اوب مضبوط .. حط يده على راسه وهو واقف : يا الله وش صار بك يا ضويري .. و قسم بالله احس راسي اكبر من جسمي .. الله يستر علي ! و دخل وهو يتمايل كنه سكران و راح الرسبشن .. و طلع له ملف .. قالو له يروح يأخذ الحراره .. دخل الغرفه و جاته ممرضه فلبينيه و ضاري اوب مركز في شي .. جلس وهو يحس بيغمى عليه .. حطت السستر مقياس الحراره في فمه و هي تطالعه .. بعدين ابتسمت وهي تطالع في خشمه و قالت : خشم انتا واجد هلوووووه ضاري ما استوعب شال المقياس و قال : نعم ! وش تفضلتي به ! الممرضه : هذا نوز .. نوز .. جميــــل ضاري الملسون : ايييييه .. انتي عاجبتس خشمي .. غصب عن اللي خلفوك ..اجل خشمتس هاللي تقولين حد صاقعتس على خشتس بكندره سيفتي .. الممرضه مو فاهمه : واتتت ! قال : استغفرالله .. هذا الي بتخليني اجمع اثم .. أقول شوفي حرارتي اخلصي .. و خذت الحراره و توسعت عيونها : هذا حراره تسع و ثلاثين و نص .. واجد كثير و راحت استنفرت و بتدخله على الطوارئ بسرعه .. ضاري : يالليل الحين كيف بشوف شيما ! الموهم حطوا ضاري على السرير .. و الممرضه قاعده تضبط وضعه .. ناداها : سستر : ايوه مستر ! اشر لها : تعالي قربت .. ضاري بهمس : في دكتوره عندكم اسمها شيما توسعت عيون السستر : يس هذي دكتور واجد زين .. بعدين طالعته بخبث : ايوووه انت يبقى هذي دكتور عشان هلوووه .. سيمسيم انت قال ضاري : اللهم الصبر على هالاشكال اختصر الموضوع و حط في يد السستر خمس مية ريال : هذي دكتوره الزم يجي و سوي علاج حق انـا .. ولا بعدين انا اموت انصدمت السستر و هي تطالع الفلوس .. بعدين ابتسمت : دقيقه انا جيب دكتوره شيما .. و راحت .. شيما كانت في غرفه ثانيه .. جات السستر لها و بأنجليزي قالت : دكتور شيما في مريض في غرفه خمسه حرارته مرتفعه تعالي شوفيه شيما : وين الدكتور حسن ! السستر : روح كفتريا .. يلا سرعه دكتور و راحت شيما معها .. اشرت السستر ع الستاره و راحت شيما افتحت الستاره و دخلت .. كان حاط ذراعه على عيونه و مره كان وجهه تعبان .. شهقت شيما : ضــــــاري ! رفع ذراعه و ابتسم ابتسامه دايخه : هلا بك شيوم .. اووه اقصد دكتوره شيما الى الان مصدومه .. وش السالفه ! وش عنده ضاري .. هي صدفه ولا ايش القضيه حست يديها ترجف و رجولها ترجف .. قطع تفهيتها صوت ضاري : وش هالدكتوره المتنحه .. شوفي مريضك قبل يتوفى قربت : بسم الله عليك ضاري بس اعذرني انصدمت ابتسم : ليه شايفه جني شيما حاولت تتماسك .. و مسكت يده بروتينيه و حطت ابهامها على النبض و تطالع الساعه .. ضاري كانت عيونه تطالع عيونها .. اول مره حد يمسك يده و يحس بالاحساس ذا و جات السستر جايبه الورق الي فيها الحراره و الضغط .. قالت لها شيما تجيب مغذي خافض حراره .. راحت السستر و جابت العده ضاري كان على وشك يفقد الوعي .. حرارته شكلها ارتفعت بزود و قام يهذي .. شيما ارتبكت و هي تركب المغذي ما لقت الوريد بسهوله .. نادت ممرضه و قالت بنجليزي : نادي حمد يجي يركبها ضاري فاجأها سحب يدها : وش حمد .. انا ما جيت يركب لي حمد ولا بطيخ شي .. ركبيها شيما دوري مكان ثاني شيما مره خفق قلبها .. كأني في حلم و ماني عارفه اتصرف .. شيما : ضاري اوردتك صعبه أخاف اعورك ضاري : معليش .. حلو على قلبي و عطاها اليد الثانيه و قال : العبي فيها زي ما تبين .. حلالك شيما راحت عند ذراعه و ربطت السلك .. المشكله مو انها ما تعرف للاورده الصعبه .. باللعكس هم ينادونها اذا صعبت عليهم الاورده .. المشكله اعصابها و رجفتها و رهبتها هذا ضاري ! مو أي شخص عادي و حاولت .. سيطرت على اعصابها .. ركزت و تناست كل شي و ركبت الكنيولا أخيرا .. ركبت المغذي و مسحت جبينها : اوووف الحمدلله راحت كشفت عليه .. و طلعت عنده فلونزا حاده شيما : ضاري لوزك مره ملتهبه ولازم تستخدم مضاد .. انا بعطيك إياه كورس اوبر .. بحط لك وحده في المغذي و تبقى ثنتين بكره وحده واللي بعده وحده ضاري بدت تنزل حرارته شوي .. ابتسم : يالبيه يالبيه ما اقدر انـا .. اتعب انا على الدكتورات الي زي كذا شيما استحت و ابتسمت و بين على عيونها : ممكن اسألك وش جابك مستشفانا ! ضاري يستهبل : تصدقين مدري .. أي صدق انتي تشتغلين فيذا .. وش هالصدف الغريبه طالعته شيما بشك : يعني انت ما تدري اني فيذا ضاري مستمر في كذبه : لا .. بس سبحان الله على هالصدف الجميله شيما عقدت حواجبها و تطالع فيه و هي تفكر .. و سرحت ضاري ما ينكر خفق قلبه و بقوه و عيونها مركزه فيه و قال لنفسه : يالباك يا شيما و يالبى عنونس الحلوات .. الله يكتبتس من نصيبي و يكتبني من نصيبتس .. حس انها لو ظلت تناظره كذا بيصير فيه شي عشان كذا قطع شرودها : يمه بسم الله لا تطالعيني كذا أخاف شيما عصبت .. معقوله ضاري متبلد لذي الدرجه .. ياربي تعبت من حبه و بنبرة غضب : ليش حضرتك شايف جنيه ضاري انصدم : لا شيما لا تفهمين غلط شيما بتجاهل : ماله داعي افهم .. و فتحت الستاره و طلعت ضاري صقع جبهته بيده : يلعنك يا ضويري و قسم بالله ما تعرف تتصرف شيما راحت جلست على مكتب و خبت وجهها عليه .. و حست بخيبة امل .. تمنت ان كان جاي و قاصدها .. تمنت ان مشاعره تحركت .. تمنت و تمنت دمعت عيونها وهي تهمس : تعبت و انا أتمنى و احبه و اغار عليه .. الى متى ! رفعت راسها و طالعت يدينها : لمست يدينه .. ذراعه .. كشفت عليه .. حطيت السماعه على صدره .. سمعت نبضه .. كنت قريبه منه و كان القرب منه حلو و ضربت الطاوله بيدينها و بصوت عالي : بس متى يحس ! كان الدكتور حسام جاي الغرفه و كان عاقد حواجبه يوم سمع صرختها : في شي دكتوره ؟ التفتت عليه و في داخلها : وربي ماني فاضيه لك انت بعد قالت بزهق : اسفه دكتور .. عن اذنك و طلعت من الغرفه .. الدكتور حسام استغرب من دموعها و عنده فضول على شيما غير طبيعي بس هي مو تاركه له مجال . . يتبع . . | ||||||||
|
| |
|
29-11-18, 08:39 AM
| #38 | ||||||||
| مراقبة عامة ومشرفة منتدى الروايات المنقولة
| . . دانه تصرخ بألم : ااااي غيث الله يخليك شوي شوي غيث ماسك رجلها و يبي يطلع الشوكه : دوينه وش مطلعك بدون نعال في المزرعه دانه : انا ادري .. قلت بسوي نفسي فتاة الحقل و اطامر على راحتي غيث ضحك مع انه كان متوتر وهو يبي يطلع الشوكه : خفي علينا يا هايدي دانه تبكي : لا تطنز غيوث .. يمه ودني المستشفى بموت غيث شلع الشوكه أخيرا : خلاص شلناهـــا دانه صرخت بقوه و طالعه الشوكه في يد غيث و صاحت بزود : حشى وش ذا الشوكه .. هذي خشبه غيث عقمها بالايدين و لفها لها وهو يقول : خلاص حبيبي دندون لا تصيرين بزر .. بسك صياح دانه تنوشق و تمسح دموعها : والله كانت توجع جا غيث جلس جنبها ع الكنبه و ابتسم وهو يضمها : فديت هالرقه و النعومه انا .. ادري توجع بس خلك شديده .. متعود عليك ام العربجه وش داك بعدت دانه عنه و رفعت حاجب : كنك تطنز غيث ضحك : وربي ما اطنز .. فديت خشمك والله دانه تدلع و تتغلى : مابي زعلت قام غيث : دامك زعلتي بروح انا و اوب متابع الفلم معك .. شبعي فيه دانه بسرعه : لا حرم عليك .. لا تنكبني اللحين انا مجهزه عدة السهر .. تخليني لحالي ! طالعها غيث بنص عين : قومي اجل هزي طولك و جيبي العده و بسك دلع دانه : الله اكبر .. ورى ما تجيبهم انت انا اللحين مصابه .. و ما اقدر اتحرك غيث حط يده على راسه : الله الله كلها شوكه لا تبالغين .. قولي مابي أقوم اسوي شي يا النقعه ضحكت دانه : لا تظلمني غيوث .. جا غيث و جلس و اخذ الرموت و شغل الفلم : و هذا الفلم و شغلناه دانه صرخت : لا خلاصصص .. ما تحلى الجلسه الا بالشيبس و الكولا و قامت وهي تعرج طالعها غيث و هي رايحه و ابتسم : الله لا يحرمني اياك يا الخبله ثم اخذ الجوال و ارسل لشيما ع الواتساب : الو .. الوو .. وينك شيوم شيما وقفت في الممر و كتبت : هلا حبيبي غيوث .. اخبارك غيث: تمام .. وينك مختفيه ! شيما كانت افكارها مشتته مع ضاري اللي داخل الغرفه و كتبت : والله دوامي اصير زفت مع المستشفى غيث : الا على طاري الدوام .. ضاري مريض .. و قلت له يجيك المستشفى تضبطينه هنا شيما انصدمت : ايشششش !! و طبعا ما كتبت كتبت : طيب ! كتب غيث : عاد هو يقول بيشوف وضعه و يمكن يجي .. مدري جاك ولا ! لان مسكين الدلخ مره تعبان سكتت شيما و عيونها على باب الغرفه الي فيها ضاري .. وعيونها متوسعه .. يعني هو يدري اني مدامه .. و يدري اني بعالجه و كل شي مو صدفه .. مرت الممرضه الي رشاها ضاري و قالت : هلووو دكتور شيما شيما : هلا جولييت الممرضه : هذا مريض ضاري خلاص ! شيما جاتها فكره و سألت الممرضه بنظرة شك : جولييت المرض هذا ما قالك شي اول ما جا ! و هنا انصدمت الممرضه و وجهها الوان قوس قزح : والله انا مافي قول يبي فلوس .. هذا يعطي خمس ميه ريال .. روح جيب دكتوره شيما .. انا فكر سوي شي زين .. دكتور شيما بليز ما في سوي مشاكل .. انا مسكين شيما قلبها ينبض بسرعه و دمها يجري بسرعه .. بسرعه و بهدوء : خلاص جولييت لا تخافين روحي الممرضه انبسطت : ثانكيو ثانكيو دكتور .. و راحت شيما تذكرت غيث الي متلت صفحته مسجات وهي مفهيه و قالت له : اسفه عيني انشغلت .. اخليك الحين و اقولك اخر الاخبار بعدين غيث : اوكي قلبي قفلت و شوي الا طلع ضاري من غرفة الطوارئ وهو يالله يمشي .. و رفعت عيونها عليه تناظره .. وهو كانت عيونه عليها وهو يمشي ناحيتها يوم قرب منها : ما قصرتي بنت عمي شيوم .. صدفه حلووه رفعت حاجب : ما سويت شي يا ولد عمي حاضرين لطيبين حسته يبي يقول شي بس الكلام ضايع من عنده .. سألت هي : و انت ناوي تروح لحالك .. و انت بذا الحال ! ضاري : لا عادي .. ما خلقنا الا لشدايد شيما : أقول اهجد .. انا انتهى دوامي و سواقي ينتظر برا .. اوصلك في طريقي ! ضاري اعجبته الفكره : لا ما نبي نكلف عليك يا بنت العم شيما رفعت حاجب و بينت عيونها حلوات : لا شدعوووه ! بس انتظرني بلبس عباتي و دلس على الكراسي : بنتظرك فيذا ابتسمت شيما من ورى النقاب و هي تناظره و راحت .. ضاري في مكانه مسرح .. مبسوط مره ان قريب من شيما .. اول مره تتكسر الحواجز بينهم و ياخذون و يعطون مع بعض كذا يحبها .. أي يحبها و يموت فيها .. من يوم درى انها تحبه .. من يوم سمع صوتها المبحوح .. من يوم شاف عيوها و داخ عليهم ! يحبها و بقوه بعد قطعت أفكاره وهي واقفه قريب منه بعبايتها : يلا مشنا ضاري .. ناظرها .. يالبيه والله اخق على هالطول و هالنشعه .. ظل يناظر عيونها بشكل خلاها ترجف من راسها الى رجولها .. اول مره تحسه يناظرها بكل هالجديه و هالنظرات المليانه معاني .. و هي غرقت و غرقت في عيونه .. الا قاطعهم صوت الدكتور حسام و هو يقول : اقدر اعرف ايش يصيير هنا ! و بدون سابق انذار .. ضاري هب واقف و كن ابليس لبسه .. و بمظرة حقد لدكتور حسام : ايششششش !! . . في مكان اخر .. فتح مسلط باب بيته و دخل و الهنوف وراه .. شالت شيلتها بسرعه و عيونها تدور في المكان و بفرحه غامره : يا هلابي .. يا هلابي يبه في بيتنـــا .. رجعت لك يا بيتي .. رجعت لك يا ديرتي .. رجعت لتس يمه مسلط يناظرها بحنان : يا هلا بك في حضن ابوك يا قلبه ضمته بقوه و ما قدرت تمسك دموعها : يا عيوني يا يبه .. اشتقت لك موت نزلت ام الهنوف بسرعه و هي تسمع صوتهم و بعيون مليانه حب و شوق و دموع و بصوت عالي : آآآآآآه يا قلبها طولتي الغيبه .. تعالي يمه تعالي و خليني اخبيتس في قلبي عن ظلمهم .. تعالي يمه خليني اشم ريحتس و ترد الروح فيني الهنوف تصيح بقوه و تركض لحضن أمها : يومممه ! ضمتها أمها بقوه .. وهي تبكي معها و تشم ريحتها : ما خفت ربك فيني يا مسلط يوم بعدتها عني و تبوسها : آآآآه يا مسلط و شلون طاوعك قلبك و تضمها من جديد : اشتقت لتس يا فرحتي .. يا شوفتي .. يا دواي مسلط حس انه بيبكي على الي يشوفه .. طلع بره في الحديقه و وقف عند البلكونه و شغل له زقاره و تنهد بقوه : آآآه يا سلطان وش الي سويته في بنت .. يلعنه من حقد الي سكن جواتي .. بهدل عيشتي و خرب حياتي .. وعزتي حالي على نفسي .. آآه وش ينتظرنا يا مسلط .. زوجتس يا الهنوف غصب عليتس و هذا انتي رجعتي مطلقه طفى زقارته و التفت يناظر الباب الداخلي و ابتسم : هي رجعت عندي بس .. اشهد علي ياربي ما افرط فيها .. لو السيف على رقبتي .. و دخل لهم داخل . . في المزرعه الي تضم احلى اثنين في الشرقيه .. غيث جالس على الكنبه و منسجم مع الفلم .. و دانه حاطه راسها على رجله ع أساس يعني هي تتابع .. بس البنت نامت و راحت في ستين نومه .. انتهى الفلم .. غيث بأعجاب : و قسم بالله اطلق فلم حق السنه .. و ربي يا دانه انك اوبب سهله .. جبتيه بذا الصفاوه وهو لسى ينعرض بالسنما سكنت ينتظرها ترد .. بعدين ابتسم وهو يحط يده على راسها و بهمس : دانه وراتس .. نمتي ! ما ردت .. راحت يداعب في شعرها و يلعب في خصلاتها الناعمه و سرح بعيونه .. من فتره بسيطه كانو مره مو متقبلين بعض و اللحين ارتبطوا ببعض ارتباط .. لدرجة غيث مو متصور كيف كان عايش بدونها .. او كيف حب غيرها ؟ ليه هو ما كان شايفها .. مع انها نصيبه من يوم ولدت .. حط راسها على الكنب و قام جثى مقابل وجهها و داعبه باصابعه و شفافيها و كان يتأملها برواقه : يا دوينه وش الي سويتيه فيني .. اسرتيني كلي .. والله ما كنت عامل حساب بعشقك هالكثر تنهد : على كف القدر نمشي ولا ندري عن المكتوب .. عباره كنت ارددها صدق من صاغ معانيها .. مشينا دون لا ندري و شربنا من بلاها كوب .. و هذي حال هالدنيا رمتنا ما رميناها ابتسم و شال دانه زي الطفله الصغيره .. فتحت عيونها شوي شوي و همس لها : اشششش .. نامي يا حلوه ضمت يديها حول رقبته و كملت نوم .. وخذها على فراشها غطاها بالبطانيه و فتحت عيونها بكسل : ارقاتو كوسايماس غيث ابتسم و قرص خدودها : يالبى الياباني ولله اروح ملح ابتسمت بكسل و غمضت عيونها .. غيث : يا الشينه قومي .. توك كنتي مفتحه عيونك دانه : والله فيني النوم تكفى خلني في حالي غيث : طيب انا مافيني النوم .. شربت قهوه لين قلت بس .. صحصحي و سهري معي .. دانه تلم البطانيه : يا زين لحيفي و خمخمت لحيفي شال البطانيه عنها : دوينه دامك صحيتي قومي .. يا النكبه حتى الفلم ما كملتيه معي دانه : والله صاحيه من الساعه ست ما عاد فيني اسهر زود .. عطني لحيفي رماه على وجهها : رقدي مالت عليك و على لحيفك يا خيشة النوم لمت بطانيتها و باستمتاع : يا لباك يا لحيفي .. خلني اضمك و المك .. يا دفاك و زينك غيث رفع حاجب و طالعها على جنب : اللحين كل هالتغزل لبطانيتك دانه تجننه : ايه لباها والله خذ جيك الماي اللي ع الكومدينه و صبه على البطانيه و عليها : الله يهنيكم في بعض يا بعد لحيفي انتي شهقت دانه : يا الخببببل .. حلاام عليك بنام غيث يحرك حواجبه : و اححد مسكك دانه عصبت : اوف .. اوف .. اوف يا الدفش ما عندك أسلوب و قامت دخلت الحمام و غيث مات عليها من الضحك . . نرجع للمستشفى .. ضاري : ايشششش ! توسعت عيون شيما : الله يستر الدكتور حسام بهدوء يخفي عصبيه : الظاهر و اللي اشوفه يا دكتوره شيما .. ان تستهويك الشباب الي على قدر من الوسامه .. و يخليك تغضين النظر عن مبادئك شيما بصدمه : انــــا ! ضاري عقد حواجبه : هي هي انت .. ثمن كلامك لا ابتلي فيك على صوت الدكتور حسام : ممكن توضحين لي يا دكتوره وش يخليك تطلعين مع هالشخص .. و ليه طلعتي مع ذاك الشاب الي ذاك اليوم جا الظهر .. و تعامل معك بميانه شيما تتذكر و اعصابها متوتره مره .. الموظفين التموا عليهم و هالدكتور الغبي بيشوه سمعتها .. تذكرت .. اكيد يقصد يوم جاني غيث عشان نروح البر و بصوت قصير قالت : كان غيث يوم نروح البر سمعها ضاري : وانتي وشهوله تبرريـــن .. تجمعت الدموع في عيون شيما .. و بصوت باكي : بيشوه سمعتي .. ياربي .. مهب انا اللي كذا و بصوت عالي : يا جماعه ذاك كان اخوي غيث .. وربي اخوي .. كان مضطر يجي ياخذني الدكتور حسام عقد حواجبه : طيب و هذا ! وهو يناظر ضاري ضاري اللتفت عليه بقوه و بثقه : انـا ولد عمها .. و حاجرن عليها و نزلت الكلمه على الكل زي القنبله و خاصه شيما حست ان شلخ راسها بذا الكلمه .. خربها ضاري مره وحده و بهدوء ابتسم و كتف ايدينه : و اظنك تعرف وش حاجرن عليها .. يا جماعه .. يا الربع .. ياللي مافهم .. عندنا يا البدو عرف .. احجر على بنت عمك " و طالع الدكتور حسام و بخبث " يعني حتى لو ابوها يبي يزوجها ما يقدر يزوجها الا بشوري .. و اذا رضيت انا شيما منصدمه و بقوووه ! الدكتور حسام و موظف الاستقبال .. و واحد من السكرتاريه كانو يتمنون شيما .. و كل واحد جاط في باله انه ممكن يخطبها .. لكن ضاري عطاهم كف قوي الدكتور حسام متوتر : الكلام ذا ما صدقته ولا دخل راسي ضاري مد صبعه الابها على تحت في وجه الدكتور .. و بلهجه مستفزه : علــــى تبـــن ! و مسك شيما من يدها : اخلصي يا بنت .. و دام هذا الي يشتغلون معك .. لازم تفصلين من هنا و راح كم خطوه و رجع .. و مع ذهول شيما ابتسم : اووه اسف حبيبتي .. كن اسلوبي معك كان دفش .. خلينا نعيد المشهد .. حبيبتي انا مستعد افتح لك مستشفى لحالك و ما تشتغلين مع ذا الاشكال .. مشينـا يا قلبي و طلع وهو ماسك يدها .. تارك مشاعر الدكتور حسام في حالة فوضه : غضب .. غيره .. عصبيه " . . دانه طولت في الحمام خذت لها ترويشه بعد جيك الماي الي سبحها به " غيث " و ما كان حولها الا روب الحمام لبسته و طلعت .. و تفاجأت بجو الغرفه .. توسعت عيونها الانوار مطفيه ما فيه الا نور الابجورات و الشموع اللي ماليه المكان .. و غيث جالس على الأرض بنص جلسه و يكمل تشغيل شموع و الزقاره في فمه .. انتبه لها و التفت عليها و ابتسم وهو يشيل الزقاره بين أصابعه : نعيماَ يا عسل دانه مروقه ع المكان و عاجبها جو الغرفه الرهيب .. بس صدت بوجهها : ينعم عليك .. ما يحتاج كنت اخذ دةش في الحمام .. هماك سبحتني في فراشي غيث قرب منها و اعجبه شكلها .. لا وهي زعلانه و تتغنج داخ عليها .. راح قبالها و بهمس : آسف يا حلو دانه قلبها يخفق بسرعه بس الى الان ما التفتت عليه .. ما انتبهت لغيث اللي ياكلها بعيونه و يناظر شعرها و نحرها بجرءه و بهمس : طيب حبيبي كل هالشموع ما تشفع لي جانه ارتبكت حيل وهو يمسكها من خصرها و يقربها منه .. فتحت عيونها وهي تحس بأصابعه تنغرس بلطف في جنوبها .. حست كل دمها رقى في وجهها .. و غمضت عيونها .. ما تقدر تناظر عيونه الجريئه .. العاشقه .. الهيمانه فيها غيث يداعب خدها الساخن بظهر يده : دانه .. فتحي عيونك .. تكفين ناظريني همست وهي تغمضهم بقوه : ماقدررر والله ما اقدر غيث ضمها لصدره : طيب مو انتي تقولين عيونك حلوات و احب اناظرهم دانه : بس أحيان ما اقدر اناظرهم .. يصيرون غير ما اقدر اناظرهم فهم غيث انه كان يناظرها بدرئه عنيفه .. جراءه ما تقدر تتحملها دانه البريئه الحيويه .. ضمها اقوى بعد حس انه يبي يخليها في صدره .. ملكه بروحه .. الملاك البريء ذا : لــي لحالي " قالها بصوت متملك " دانه حست انه ما تبي تبعد عن صدره .. هي ما حست بوجودها الا على صدره .. هو وطنها و ملفاها .. طوقت يدينها حواليه و احتضنته ما تبي من الدنيا الا غيث .. غيث لحاله .. كانت غير كانت انسانه ثانيه .. ما تبي من الدنيا شي .. كانت تناظر الدنيا بمنظار صغير .. و كان عندها قناعه ان الحب اخر شي تفكر فيه و كانت و الأهم شايفه " غيـــث " غير غير كذا يــاه كنت اشوفه المغرور المتعجرف .. المتكبر .. اللي رافع خشمه مدري على ايش .. تذكرت كيف كانت تسبه و تستاء اذا قالو انهم بيزوجونها لغيث .. خذت نفس طويل استنشقت عطره المختلط بريحة الدخان .. ادمنته .. ادمنت هالانسان .. حست بأنفاسه على رقبتها لأنه دافن راسه عليها تخيلت يوم كانت بتلبسه العقد اول ما جا من البعثه .. تذكرت عجرفته .. و ابتسمت بينها و بين نفسها و همست : كنت لعين ذاك اليوم غيث همس بدون ما يبعد راسه عنها : متـى ! أي يوم ضحكت دانه و بعدت تناظر وجهه : لا ما اصدق مو نفس الانسان غيث : وش تخربطين .. سكرتي ! دانه ضحكت : اقسم بالله ما توقعت احبك يا حلايا شرشبيل توسعت عيون غيث و مسك رقبتها بسرعه : انا شرشبيـــل .. اوريك يا رودرنر .. كل هالرومانسيه و تقولين عني شرشبيل دانه ماتت ضحك : ترى اللقب مو وليد اللحظه .. انا اول ما اسميك الا شرشبيل غيث يبي يظل جدي بس ما قدر قام يضحك على ضحكتها : وليه شرشبيل يا الهبله ! دانه : لأنك طويل و شريـــر توسعت عيون غيث : انا شرير ؟ انتي وش الأفكار السيئه اللي مجمعتها عني مسكت دانه يده و تعد على أصابعه : مغرور .. شرير .. متكبر .. قليل ادب .. الطول طول نخله و العقل عقل صخله عقد حواجبه و مسك معصمها بقوه و طالع عيونها بنظره تخوف : لحظظظه .. لحظه دانه خافت : يمه بسم الله وش فيك ! غيث ابتسم و ارخى عن يدها : يعني كنتي كذا توسعت عيونها : باللضبططط .. صح كنت كذا بس سبحان اللي يغير ولا يتغير .. الا صدق كيف تغيرت ! تنهد و راح جلس على السرير : الحياه غيرتني .. أشياء كثيره حصلت لي .. خلتني اتغير و اللتفت عليها : و اهم هالاشياء " دانه " حبيبتي دانه .. و مد يده لها جات مسكتها .. سحبها و جلسها جنله و ضمها : انتي دخلتي حياتي في وقت كنت ميت و احييتيني .. كنت ضايع و لقيتيني .. احبك دانه و ربي اموت فيك كانت ماسكه يده خذها و باستها : الله لا يحرمني اياك يا بعد عمري . . ضاري بحنيه : شيما عشان خاطري لا تبكين .. كانت جالسه جنبه في سيارته .. في مواقف السيارات بعد ما لزم عليها تركب معه و تخلي السواق ينتظر لين تهدا شيما تبكي و منهاره .. من زمان تبي تبكي .. تبي دموعها تنزل .. من زمان تبي تشكي .. يــــآآه كيف صار كذا .. كيف انا ابكي و انفجر قدامه من بين كل الخلايق .. ليه ربي جابه في طريقي .. عشان ابكيه و اشكيه .. نست الي صار داخل .. انهارت انه قال انه حاجرن عليها .. يعني حتى لو بيتزوجها عشانه قال هالكلمه و حط نفسه في موقف يمكن هو ما يبيه .. هي اللحين ما تبيه .. خلاص طابت النفس منه .. ما عنده إحساس ! واللحين عشان يطلعها من هالموقف و عشان رجولته ما تسمح له يوهقها .. و تتشوه سمعتها يقوم يسوي كذا ! لا ما كنت هذا الي انتظره اخترق صوته نحيبها : تكفين شيما رحمي حالك .. بسك بكي عشان خاطري شيما التفتت عليه و عيونها حمره و كلها دموع : اصلاخلاص عافك الخاطر ضاري انصدم و ما عرف وش يقول .. شيما بعصبيه و انهيار : ايه .. ايه لا تطالعني كذا .. عافك الخاطر يا ضاري .. آآه وش قد تعذبت و ما احد درى عني .. كنت صغير .. حبيتك ببراءة أطفال كبرت و حبك كبر معي .. نا الغبيه الي خليتك تتمادى في قلبي .. المفروض ذبحتك قبل تكبر .. أصلا انا ليش حبيتك و شلون و على أي أساس .. أصلا انا ما اشوفك .. ما اعرفك عدل .. من انت اصلاَ !! ضاري مصدوم من الاعتراف .. مذهول و قلبه يرجف بسرعه .. ما تخيل انها مع انهيارها هذا راح تتكلم و تعبر عن مشاعرها .. حلف انه وده اللحين ياخذها و يضمها بقوه و يجفف دموعها بس ما يقدر ضاري بعد صمت طويل : و الحين يوم جيتي تعترفين لي بحبك تقوليم خلاص عافك الخاطر .. شيما عيونها ما وقفت دموع : انا كنت انتظر اليوم الي القاك فيها حبيتني يا ضاري بس اللحين حتى لو بيصير شي .. بيكون كله بناء على موقف سخيف انحطينا فيه .. و انت بشهامتك تطلعني منه .. ضاري ضرب الطاره : لا تحكمين على كيفك .. ولا تفسرين على كيفك .. شيما انتي وش دراك عن اللي داخلي خذت مناديل و فتحت المرايا و طالعت عيونها و قامت تمسحهم من الدموع : ضار يالله يرضا عليك ماله داعي تطبطب علي بمشاعر زايفه .. ما انت مجبور فيني انا ادري انك تبي تتزوج عن حب .. و اذا على طاقم المستشفى انا عادي ممكن انقل .. و كن شي ما صـار ضاري كان يطالعها و هي تجفف دموعها و رموشها الطويله اللي التصقت من الدموع و ابتسم : حتى لو قدرتي تهربين من العالم كله .. كيف بتهربين مني يا شيما اللتفتت عليه و التقت عيونهم .. ضاري ناظر عيونها مده طويله و همس : شيما انا اعشق عيونتس شيما انصدمت من كلمته و نزلت عيونها .. ضاري بلهجه مرتجفه لأنه أصلا تعبان : انا افداتس يا شيما .. و اقسم بالله افداتس بروحي توسعت عيونها .. وش معنى هالكلام .. اكيد بدت ترتفع حرارته و قام يهلوس .. ياربي !! فتحت باب السياره .. ناداها : شيما قاطعته : تجي اوصلك مع السايق ضاري : لا .. مشكوره .. انا اللحين احسن و اقدر ارجع لحالي رفعت عيونها فيه : و تبيني اصدقك ؟ ابتسم : احس اني في نظرك اكبر كذاب رفعت شيما حاجب : محشوم يا ولد عمي .. محشوم ابتسم ضاري : قولي حبيبي احلى .. ترى خلاص دريت انتس ميته علي .. سكرت الباب بقوه وهي معصبه ! فتح ضاري النافذه : أقول .. انتبهي لحالك يا قلبي و خلي العصبيه عنتس .. قربت الملكه .. ما نبي هالات سوده و وجه كئيب توسعت عيونها و طلت من النافذه : أقول لا تخربها معي ضاري رفع حاجب : والله يا شيما هي اختربت و خلصت .. و اظن انكشفت الأوراق كلها يا روحي توسعت عيونها اكثر : عيب لا تكلمتي كذا .. انا بنت عمك ضاري يتصنع الهيام : يالبيه يا بنت عمي .. اروح ملح شيما راحت وهي تتحلطم و ضاري يضحك عليها .. حرك السياره و مشــــى . . . . ان شاء الله عجبكم البارت رايكم و توقعاتكم يا حلوين !! | ||||||||
|
| |
|
07-12-18, 09:57 AM
| #39 | ||||||||
| مراقبة عامة ومشرفة منتدى الروايات المنقولة
| . . البارت الـ 21 مرت عدت أيام .. و في بيت اسامه .. كان التلفون يرن و يرن على العصر .. جات هاجر تركض و شالته و هي تلهث : الو .. هلا بو اسامه : عنبوكم وينكم .. وين جوالاتكم ساعه ادق عليتس و على هالماخوذ رجلتس هاجر تحك شعرها : يوووه يا عمي الله يهداك روق وش فيك .. جوالاتنا فوق وكنا نتغدا بو اسامه : عليكم بالعافيه ابتسمت هاجر : يعافيك يا سنايدي .. اخبارك أبوي حمدان بو اسامه : طيب .. الله يحفظك هاجر : امر وش بغيت يا بعد حيي بو اسامه : اسامه حولتس ! اسامه كان جاي و عيونه تسأل هاجر : وش صاير ! هاجر تكلمه : هذا ابوي حمدان يبيك خذ اسامه السماعه و كانت هاجر بتروح .. مسكها و جلس ع الكنبه و جلسها في حضنه و ضل مطوق خصرها بيده و يكلم ابوه .. و سمعته هاجر وهو يقول : يعني خلاص اليوم بتفاتحها في الموضوع ! سكت و كمل : خلاص ان شاء الله نصلي المغرب و نجي .. يلا سلام وقفل .. هاجر ظلت ساكته و سرحت .. ضمها اسامه و ظهرها على صدره و همس : وراك ! هاجر تنهدت : يعني خلاص بيكلم عمي ملاك في موضوع زواجها من عناد اسامه : أي كلمت عمتي ساره تسأله عن الموضوع .. و بعدين خلاص غيث و دانه رجعوا من الشرقيه .. و اليوم بنكلمها ابتسمت هاجر بسخريه مريره : و كأن عمي بيشاورها ! رفع اسامه حاجب : والله يا بعدي حنا بنعطيها خبر في الموضوع بس .. ولا هي بنعطيها لعناد رضت ولا ما رضت قامت هاجر من حضنه و بعصبيه : اسامه وش فيك لا تصير متبلد مثل الكبار .. فكروا بمشاعر ملاك تسند اسامه و ببرود : على تبن مشاعرها اذا بتظل متمسكه بواحد ما يسوى توسعت عيون هاجر : انا متعجبه منك .. كنت معها في موضوع زواجها من نايف و قلبت مره وحده .. ليه وش صاير اسامه : الأيام راح تكشف بعدين و راح تعرفون ان نايف هذا ما يسوى ظفر عناد ولد عمتي ظلت هاجر عصبيه و اسامه يناظرها وهي تهز رجلها بتوتر .. ابتسم : هجور روقي حبيبي .. لا تطلع لك تجاعيد وجهك متجهم مره هاجر رفعت حاجب و تناظره .. اسامه ضحك : بسم الله لا تناظريني كذا .. و تعالي عطيني بوسه يلا هاجر عصبت : اف منك يا برووود اعصابك عقد اسامه حواجبه : هجور ترا انا ابيك تعاونينا و تقنعين ملاك لا تخربين الدنيا بعد انتي هاجر هزت كتوفها : و انا وش دخلني .. طلعوني من السالفه اسامه : الله يرضى عليتس هجور .. انا ادري وش قد تموت فيك ملاك الهبله و تطيع شورك سرحت هاجر بعيونها : الله يستر من هالسالفه .. الله يستر . . في بيت بو ضاري بو ضاري يكلم جوال : الله يكتب اللي فيه الخير .. نعم الرجال والله .. ما به شي يعيبه ضاري مسترخي على الكنبه و رجوله على طاولة الخدمه و جالس يلعب في الايباد .. خوله جالسه و بيدها الريموت و ام ضاري تصب بيالة شاهي لـ أبو ضاري .. قفل فهد من الجوال و قالت ام ضاري : كني اشم ريحة خطبه ضحك فهد : ماشاء الله عليكم يا الحريم بس تشمشمون في الاخبار خوله التفتت : ايه صدق يبه وش السالفه ! فهد : ابد .. بس عمتك ساره مكلمه عمك حمدان .. تبي بنته لولدها عناد ضاري فجأه نقز من مكانه و بعيون متوسعه : ايشششش !! و عسى عمي وافق .. خير .. و انا رجل كرسي الكل توسعت عيونه .. خوله بأنفعال : لا يكون انت ولي امرها بس يا اخخ ضاري .. أقول اهجد الله يصلحك ضاري انفعل و يكلم ابوه : يبه شوف حل للسالفه .. ترى بنت عمي انا أولى فيها فهد : افــــا يا ذا العلم .. و اللحين ولد عمتك غريب .. أقول استح على وجهك ضاري منفعل : ما قلت غريب بس انا ولد عمها .. أولى من ولد عمتها ام ضاري : وش جاك يا ولدي .. بسم الله عليك اذا انت رغبان تأخذ من بنات عمك هذا ملاك خذها فهد : وش ملاكه انتي و ولدك .. وش فيكم .. هي ساره خاطبه ملاك لعناد توسعت عيون ضاري و كأن احد معطيه كف .. لأن تفكيره راح لشيما .. و ظل متصنم بعدين تنهد و ضحك بقوه .. وهو يجلس و يأخذ الايباد : اثر السالفه كذا .. لا خلاص خلوه يتزوجها فهد عقد حواجبه : وش سالفتك انت .. ما انت صاحي ضاري يضحك على نفسه : افا يبه انا ماني صاحي فهد : وش تفسر الي انت سويته ! خوله تناظر اخوها بتدقيق بعدين تكلمت : ضاري انت تفكر شيما الي انخطبت ! ابتسم ضاري و اشر عليها بسبابته : باللضبط كتفت خوله يدينها : وش معنــى تجاهلها و التفت على ابوه و امه : يبه ترى شيما لاحد يخطبها او يقرب صوبها .. انا ابيها ام ضاري توسعت عيونها و بفرح : صدق .. من جدك ضاري من جدك يا بعد هلي .. تبي نزوجك شيما ! و تروح تزغرد فهد عصب : اسكتي يا حرمه فضحتونا ام ضاري : و ربي استوسع صدري على ذا الطاري خلني افرح يا فهد فهد بهدوء : و انتو ضامنين شيما توافق عليه ضاري سكت و تخيل الي صار بينهم في السياره و ظلت كلمة شيما تتردد في ذهنه " أصلا خلاص عافك الخاطر " ام ضاري بثقه : وليه ما توافق .. هو ضاري قاصره شي اخلاق و ادب و زين و طول .. و عنده خير و متعلم و فوق هذا كله ولد عمها و ما اظن بو اسامه يردك فهد : من يمدح العروسه ! أقول اهجدي و التفت على ضاري : و انت اسمع انا ودي تأخذ شيما و مستعد ادفع لها وزنها ذهب مهر .. بس اذا هي وافقت عليك و اسمع موافقتها بأذني و انا ما الوي ذراع اخوي انه اخوي و ما يقدر يردني .. لا يا ابوي الموضوع هذا كله بيد شيما لحالها و هذا اخر الحتسي عندي ضاري : يبه الله يوفقك وقف معي ترا انا ابيها و شاريها و قسم بالله لو راحت من يدي اجن .. امووت خوله : اوخصص يالحبيب و متى صار هالحب و الإصرار اشر فهد لخوله بيده يعني سكتي .. وهو يناظر ضاري : انا ما أوقف في طريقك ولا انا ضد حبك لبنت عمك يابووي .. الله يشهد ان خاطري يصير هذا الموضوع اكثر منك .. بس الا الغصب يا ولدي انا ضد غصب البنت عساس الي خاطبها ولد عمها احب كل شي يصير و النفوس راضيه ضاري حس قفلة الدنيا بوجهه .. اخذ جهازه و مفتاح السياره و طلع بدون ما يتكلم .. ركب سيارته و شغلها و حط جبينه على الطاره : شيما تحبني .. و انا احبها والله احبها .. اوب عشاني حطيتها في موقف مثل ما تتصور .. انا حبيتها من زمان حرك السياره و يكلم نفسه : أصلا البنت الي اتذكرها في طفولتي شيما .. كل بنات العايله لعبنا معهم و عشنا معهم بس شيما غير .. انا أتذكر مواقف كثير معها و كنت احب اشوفها و اجننها .. ابتسم وهو يتذكر بعض المواقف " قبل سنوات " بزارين العايله مجتمعين في مرعة بو حمدان و اسامه جاي و رافع ثوبه و معبي حضنه فصفص و حلويات .. اسامه : يله يا عيال تعالو قشموا جلسوا البزارين مبسوطين و ياكلون في الي جاب لهم اسامه ضاري كان ماخذ فصفص و جلس لحاله و متوهق .. شيما اصغير منه و تناظر فيه .. يذكر نظراتها وهي عيونها منكسره من الشمس شيما : تبي اقشمها لك ! ضاري : لا .. انا اقشمها لحالي شيما خذت من الفصفص و فتحتها له و عطته : اثلاً ماراح تعرف تقشمها و اثنونك طايحه يا الأثرم ضاري كلها : بديتي تذليني يا ام صوت مبحوح شيما بغرور: اثلا انت غيران من صوتي يا صوت الغراب .. و أثلا كل يوم يقولوا لي انشد في الاذاعه مو مثلك يا الاثرم ضاري عطاها الفصفص كله : أقول قشمي لي و انتي ساكته كمل وهو يقلد على لتوقتها : اثلا ثوتك مذعجني .. و ضحك شيما ضحكت معه و بسطت جنبه و تقشم له وهو ياكل .. ابتسم ضاري وهو يتذكر الموقف .. تذكر انها ظلت تقشم له لمين شبع وهي ما خذت لنفسها شي تاكله .. و رجع لذكرياته " كان في رابع ابتدائي و مرض و كان مسخن و نايم على السرير .. يتذكر يدها الصغيره على جبينه و صوتها المبحوح يقرى عليه تقريباً قرت كل صغار السور و تقرى و تنفخ عليه .. يتذكر انه كان مرتاح لقرايتها كأن الموقف توه .. وهي تدعي له بصوت طفولي : بسم الله الشافي بسم الله المعافي بسم الله ارقيك من كل شر يؤذيك و من كل عين حاسد الله يشفيك .. و تنفخ ضاري بصوته المرتجف : شيوم قومي العبي معهم اليوم الخميس قبل ما الكل يمشي شيما بأصرار : انا قلت لخالتي انا بظل جنبك .. عساس اذا تبي شي أقول لها ضاري كسرت خاطره : بس بيروح عليك الخميس و الوناسه شيما : عادي أصلا انا مابي العب .. يالله اسككت ما خلصت قراءه و رجعت تقرا عليه : اللهم اني اعيذك بكلمات الله التامه من كل شيطان و هامه و من كل عين لامه .. وقف ضاري السياره على جنب و اسند راسه ورى .. يبي يتذكر متى سلاها و ما عاد يفكر فيها .. وش الفتره الي أبعدته عن شيما كذا و يتذكر .. يمكن من الثانويه و الطيش ! و بعدين سافرت و بعدت بس اذكر متى صحيتي كل شي نايم يا شيما .. من يوم رديت عليك من جوال غيث .. اذكر كيف فوقتي عملاق نايم داخلي ما كان ميت بس كان نايم .. اعشقك شيما اموت فيك و ربي ابيك . . قبل اذان المغرب .. وفي شقة غيث و دانه الي تقع في الدور الثاني من بيت أبو اسامه غيث نايم و متعمق في النوم و دانه تناديه : خلاص غيث والله جننتنــي من متى و انا اصحيك .. غيث .. غيث . قوم يا خيشة النوم و مافيه مافيده .. خذت لها بنسه و جلست عند رجوله و تحرك البنسه في بطن رجوله وهو يتحرك يفكرها ذبانه .. وهي تضحك بصمت استاء غيث و صرخ : وجججع .. ولحف رجوله و كمل نوم دانه بققت عيونها و هي تهمس : وجع ! و تأشر على صدرها : لي انا ! طيب يا شرشبيل الطويل .. اوريك و راحت سحبت البطانيه بقوه : غيث قوم ترى جد مصختها بيأذن المغرب والله بيهزئك عمي .. محرصك لازم تكون موجود تحت مدري وش عنده قام غيث يهمهم و حط يده على قلبه و شكله فيه شي وهو يقول : آآه دانه مدري وش صار بي دانه انصرعت و راح لون وجهها وهي تقرب منه و تحط يدها على صدره : يمه غيث وش فيك سحبها و ضمها بقوه و غطاها بالبطانيه : ما فيني شي بس ابيك تهدين دانه : يا الحقير خوفتني .. بعد عني ربطها بيدينه : خلاص لا تتحركين ترى و ربي اكسر ضلوعك .. خلك كذا شوي و أقوم دانه تحاول تفك نفسها منه : بختنق بعد ابي اتنفس ضمها اكثر و كمل نوم هجدت دانه و ما عادت تقاوم ولا تتكلم ولا تتحرك غيث ما صحى على ازعاجها .. صحى على سكونها همس وهو يرخي يدينه عنها : دانه .. دانه ما ردت عليه بدى يخاف همس : دوينه .. نمتي ! ولا ردت فك يدينه عنها و قام .. و جا فوقهت وهي منبطحه على المخده و عيونها مغمضه و فيها سكون غريب .. غيث خفق قلبه بسرعه لايكون صار لها شي و انا ضامها بقوه حرك يده عند وجهها لكنها ولا رمشت .. هزها بقوه : دانه عن البثاره عاد كلميني ولا تحركت كانت مرتخيه مره .. استدها غيث على ذراعه و قام يطق وجهها يبيها تفوق : دانه بسم الله عليك كلميني .. دانه اصحي كان شعره و خلاص بيفقد اعصابه .. الا ابتسمت وهي مغمضه : وحده بوحده توسعت عيونه وهو يناظرها و في داخله كان تيار من المشاعر .. اللحظات البسيطه هاذي كانت كفيله انها تكلمه ان ل ويصير شي في دانه اكيد بيموت وراها .. في دقايق حس انه فقدها و حس انه بيفقد عقله .. دانه تناظره و متوقعه كف .. لا بيذبحها وهو عيونه تبحلق في عسل عيونها .. و خذها بكل ما اعتمل في داخله من مشاعر و ضمها .. ضمها لدرجة حست ضلوعها بتتخالف و سمعت منه " آآه " و صوته يرتجف : آه يا دوينه كانك وجعتي قلبي .. حرام عليتس و ربي حرام عليتس دانه حيل ندمت على الحركه .. ما شافت وجهه بس حست بدموعه على رقبتها دانه ترجف : غيث كنت امزح معك .. وراك قلبتها جد همس في اذنها : امزحي في كل شي تبين .. الا فقدك لا تمزحين فيه و بعدها من حضنه و قام بسرعه ولف وجهه قبل تشوفه .. و راح دورة المياه .. دانه مصدومه بشكل من ردة فعله .. غيث تعلق فيها تعلق مو طبيعي حبها بجنون .. حبها بشكل هو نفسه ما كان متوقعه ضمت دانه جسمها بيدينها و ناظرت ذراعيها و اثر أصابعه واضحه فيها وهو ضامها .. غمضت و عيونها مليانه دموع ! ربي لا تحرمني اياك يا بعد راسي . . يتبع .. | ||||||||
|
| |
|
07-12-18, 09:58 AM
| #40 | ||||||||
| مراقبة عامة ومشرفة منتدى الروايات المنقولة
| . . صرخة ملاك ملت البيت كله : و من قال لكم ابـــــا اعرس حمدان ناظرها بهدوء : و من قالتس اني انتظرتس توافقين .. هماك كنتي بتعرسين من غير عناد اجتمعت الدموع في عيونها و كلها ترجف : يبه حرام عليك لا تظلمني بذا الزواج .. ولا تظلم عناد حمدان بأختصار : لا تكثرين فلسفه الموضوع منتهين منه .. الخميس الجاي الملكه ملاك تناظر في وجوه اسامه و غيث و باين مأيدين الموضوع .. راحت جلست قدام اسامه و مسكت يديه : اسامه الله يخليك اعترض قل شي .. انا وخيتك ادري انك ما ترضى علي اسامه ناظر عيونها الي مليانه دموع و مسح دموعها : انتي ما تدرين وش الخير فيه يا ملاك انا متفائل مره من هالزواج و انسي الماضي و انا اخوك .. خلاص قامت و بعدت يدينه بعنف و بكت : ياخي فكروا في قلبي .. فكروا فيني واللتفتت على ابوها : وش تبي توصل له يبه .. زوجة اسامه الهنوف والله ستر عليه طلقها قبل تدمر حياته مع هاجر .. و غصبت غيث انه يتزوج دانه و ما يندرى .. قطع غيث كلامها وهو عاقد حواجبه : ولو يرجع الزمن ما اخذ الا دانه و ابوي ما غصبني عليها .. هم اختاروها لي و يالبى والله الي اختاروا .. ملاك ترى ابوي يشوف شي حنا ما نشوفه .. لا تزوجتي عناد بتعرفين معنى كلامي ملاك منهاره : مابيه من قال بتزوجه مابيه حمدان وقف و اشر بسبابته : اقصري الهرج يا ملاك ترا والله اني صابرن عليتس صبر .. بس والله لو اطلع من طوري امسحتس من على وجه الدنيا .. عندتس اعترض .. بكي ! خلصيه ذا اللحين .. تطلعين من المجلس و انتي موافقه سمعتي .. حنه و هرج مابي و هذا انا قلت لتس .. تفشليني مع عمتس و ولدها وقسم بالله ذبحتس انتي و الدجاجه واحد عندي توسعت عيون ملاك و بلعت العافيه من نظرة ابوها الي تخوف .. و ظلت عيون بو اسامه الي ترعب تطالع فيها .. وهو ينتظر ردها وهي ساكته ! نطق ببرود : هــا ؟ ملاك برجفه و خوف : امرك يبه ارتخى بو اسامه و بحزم : اسامه اسحب عشرين الف و عطها اختك تجهز نفسها للملكه و ان اقصرتس شي قولي لي ولا لأخوك .. طلع محفظته و سحب منها ماستر كارد عطاها غيث : و انت يا غيث اجلس مع خواتك و امك .. وش يبون ترتيبات وجهزوا كل شي يبيض الوجه .. و الذبايح وصوا بو ذياب عليها ملاك جامده في محلها و تسمع أوامر ابوها و طالعها وهو يرجع محفظه في جيبه : ايه هذي بنتي ملاك لا يقصرها شي .. ابعدي والله و طلع من المكان .. تارك ملاك تبلع دموعها ومو قادر تقول شي . . هاجر في بيتها و الجرس يطق .. راحت بسرعه و فتحت الا شافته ضاري و شكله حيل كئيب .. شهقت هاجر : بسم الله ضاري وش فيك دخل و تنهد : آآه يا هاجر لو تدرين اخوتس وش فيه هاجر خافت عليه : وش فيك يا قليبي ترا خوفتني جلس على الكنب و جلست جنبه .. خذت ايده و قالت : وش فيك يا عضيدي وراك يا تاج راسي .. بيعني في السوق ناظرها : اشتريك جعلني فداك اللتفت عليها و ناظر عيونها بحزن : هاجر انــا احب هاجر انصدمت بعدين قالت : طيب و ليه انت حزين كذا .. ليكون الي تحبها تزوجت .. و بعدين من هي ذي اللي تحبها ! و طرى على بالها شيما من زمان حاسه انها تحب ضاري ضاري : شيمـــا .. توسعت عيونها بقوه ما تخيلت ان ضاري يحب شيما .. دوم تخيلته بيحب و يتزوج من بره العايله هاجر : طيب وين المشكله في الموضوع ! يا زين والله ما اخترت و بتردد قالت : و على فكره ضاري ترا انا من زمان احس ان شيما تحبك .. تنهد بقوه و رجع راسه على ورى : ادري يا هاجر .. ادري هاجر : تدري ! والله قصتك يبي لها قعده .. خلني اروح اجيب القهوه و نجلس نسولف ضاري : اوكي فديتك . . في بيت بو اسامه . . و فـ الصاله ! شيما و دانه كانو جالسين .. شيما تشرب بيالة شاهي و دانه جالسه على الأرض قبال طاولة الخدمه و تحط حبق في بيالتها و تصب لها و تقول : مدري شيما انا مستغربه من ردة فعل ملاك العنيففه .. اتجاه الزواج .. يعني عنــاد روعه ليه كذا ! شيما مسرحه و تتكلم : مع ذلك يمكن ما يكون طموحها ولا فارس احلامها أسندت دانه يدينها على الطاله و هزت كتوفها : مدري بس مجتمعنا يحتم على الوحده يجيها الرجل المناسب و تتزوجه و اشوف عناد فيه كل المواصفات الحلوه للرجال .. اولاً وظيفه راقيه و الي اعرف عنه انه مره طيب و اخلاق و حنون .. و ابتسمت : و بعدين و انا اختسس حليوه و زقرت .. شفته ذاك اليوم بيت ابوي احمد وش طول يا شيما وش ملح وش قبله فقعت شيما من الضحك : دوينــــه ذا انتي قازه الرجال قز اثاريك اوب سهله فجأه الا صوت غيث و عيونه في عيون دانه بنظره تخوف بارده : طيب ورا فوتي الفرصه كان اخذتي معه صوره تذكاريه .. دانه فتحت فمها و في داخلها " وش ذا القراده اللحين هو خلقه زعلان من سالفة المغرب " نوها بتتكلم الا هو يلتفت على شيما متجاهلها : اذا تأخرت اليوم لا تقلقون يمكن ما ارجع الا بكره دانه عقدت حواجلها و بأستنكار : بكره !! شيما : ليه وش عندك طالع دانه بنص عين : والله مدري يا شيما .. احتمال انزل الخبر و يمكن اعزم اروح مع ربعي هناك البحرين دانه فتحت عيونها ع الاخر : البحرين !! و مصدومه حدها و منقهره من تجاهله لها و زعله القوي غيث : يلا سلام .. راح ناحية الباب و طلع .. دانه ما تحملت و راحت الحقته و تناديه : غيث لحظه ! وقف وهو يمشي في الحديقه رايح جهة الكراج .. مسكت ذراعه و جات قدامه غيث : نعم وش تبين دانه منقهره : لا تعاملني كذا غيث حرام عليك غيث : دانه روحي عن وجهي .. بعد سالفتك اليوم ترا ماني طايقك دانه عيونها متوسعه شوي و بتبكي : ما انت طايقني ! غيث ترا ما اتحمل منك هالجفا .. خلاص عاد الله يخليك غيث خاف يضعف قدام عيونها .. سحب ذراعه من يدها وهو يقول : اووف بعدي عن طريقي خليني امشي و راح ركب سيارته .. جات دانه عند زجاجة النافذه و فتحها وهو يشغل السياره و بصوت مرتجف قالت : من جدك مو جاي الا بكره ؟ غيث مسوي انه متجاهلها و انه يختار اسطوانه و كذا .. و يقول : ايه يمكن ما اجي الا بكره .. خير فيه شي ! دانه خلاص اعصابها تلفت و عصبت و قامت تبكي و بصوت عالي باكي .. ضرب الباب بكفوفها و قالت : و ربي و ربي يا غيث .. لو تطلع الشمس و ما رجعت لي و اقسم بالله ما تلقاني .. حلفت و ربي بتخسرني للأبد خلته و مشت عنه .. غيث ظل يطالعها وهي ماشيه و حس انه بينزل لها الا انه هون لما تذكر حركتها المغرب .. فتح باب الكراج و مشــى .. . . هاجر : اهــا يعني الحين الست شيما مفتكره انك راح تتقدم لها بسبب ذا الموقف ضاري تنهد : شفتي حظي يا هاجر و مستحيل بتصدقين .. وربي احبها من زمان .. أصلا رجعت بذاكرتي ورى انا كنت ما اشوف الا شيما .. اذكر مواقف كثيره معها في الطفوله .. اذكر كيف تأثرت يوم تغشت مني مدري كيف سليتها .. و دلهت ما افكر فيها هاجر ابتسمت : لا تخاف يا حبيب اختك ان شاء الله راح تكون من نصيبك ضاري محتاس : بنت عمك راسها يابس .. مدري وش تفكر فيه هاجر غمزت له : انا بساعده و بوفق راسين بالحلال ضار يابتسم بتعب : فديتك يا عمري انتي .. ربي لا يحرمني اياك .. ارتحت يوم سولفت معك هاجر : أصلا انا من زمان كاشفه قصة هالحب .. و ادري ان شيما ترفض الخطاطيب الي يجونها عشانك توسعت عيون ضاري : خطاطييب !! هاجر : اووه يا كثرهم من يوم كانت في ثاني ثانوي وهي تنخطب .. و ظلت تتعذر بالدراسه و طموحها .. و انا ادري انها ما امتنعت عن الزواج الا عشانك ولا تقدموا لها ناس روعه ضاري حط يده على قلبه : آه يا قلبي عورني .. آه يا شيوم عانيتي بسببي و انا ما هنا احد .. التفت على هاجر : هاجر طلبتك ! هاجر : عطيتك ضاري : ابي رقمها .. هاجر انصدمت و توسعت عيونها : لا لا ضاري ما اقدر .. مجنونن ضاري : هجور تكفين و بعدين انتي بتخدميني خدمة العمر هاجر مو مقتنعه : لا تبلشني ضاري صعبه .. و انت أصلا وش ناوي تسوي .. خلاص تقدم لها و فكنا ضاري : و الي يقولك اني مو متأكد انها بتوافق علي بعد ذا السالفه و بعدين حتى لو وافقت انا ابيها تحط في بالها اني تزوجتها عن حب اوب عشان هالسالفه البايخه هاجر تفكر شوي : طيب خلني افكر في الموضوع انفتح الباب و دخل اسامه و بأبتسامه : اووه ذا بو فهد منورنا .. حي الله ذا الزول ضاري قام و سلم عليه : يحيك يا سنايدي شلونك هاجر مبتسمه و اسامه جا و باس خدها بروتينيه .. ضاري حط يده على عيونه : لالا انتو متى بتبطلون من هالجرأه الخايسه .. ترا انا اتعب نفسياً ضحكت هاجر رفعت حاجب : تزوج و بوس على كيفك ضاري : آه بس اسامه جلس : وش آآهــا تزوج و وسع صدرك هذا خويك و عرس انت وش تنتظر .. ضاري يستهبل : تهقى لا خطبت يعطوني اسامه ضحك : وليش ما يعطونك .. تمشي و انت سكران ولا تطر عن مسجد .. ماشاء الله اخلاق و عندك خير لو تطق أي باب عطوك ضاري بجديه وهو يناظر اسامه : يعني لا خطبت اختك تعطين إياها اسامه تفاجىء من سؤال ضاري بس قال : افـــا والله اذا علي انا .. خذها بعبايتها هاجر تضحك : اوخصص يا القديم طيب تشرط شوي اسامه : والله الرجال ما يتشرطون عليه هاجر : لا يا شيخ اسمع ضويري اذا تبي تتزوج حماتي .. نبي مهر مليون و نبي عرس في قاعة الريتز كارلتون .. و شبكه الماس ما نبي ذهب و صباحيه ذهب و الزفه في سياره دووج طويله تبع الافراح و آمممم ايه و شهر عسل .. نص في إيطاليا و ربع لندن و ربع جزر المالديف ضاري و اسامه منصدمين و عيونهم متوسعه ضاري : عنبوتس يهودي جاي يخطب حماتس تراني اخوتس يا الفاغره اسامه : والله لو بتزوج بشروطتس لا بالله عنسن بناتنا هاجر بلعانه : تبي ولا الباب يوسع جمل اسامه يضحك : لا بالله هج المعرس .. اسكتي انتي دام انخطبت ملاك خلينا نزوج شيوم لضاري و نفتك منهم ضاري حس ان اسامه يفكر السالفه مزح .. ظل يناظر اسامه و شوي و كان بيبق الجربه .. بس دق عليه غيث و رد : هلا .. حياك حبيب البي غيث : وينك ابـــاك .. ضاري عقد حواجبه : وش بلى صوتك .. فيك شي ! اسامه و هاجر يناظرون ضاري بأستفسار و ضاري يسمع غيث .. بعدين ضحك يضيع السالفه : يقطع شرك عليك حركات .. يلا جايك وقفل الخط .. اسامه : وراه غيث ضاري : ابد دام بكره عندنا اوف بنسهر في الاستراحه هاجر : ضويري استح ترا غيث متزوج .. لا تاخذه من زوجته المفروض يسهر معها اليوم اوب معك توسعت عيون ضاري : عنبوتس قدامتس الرجال داق علي شايفتني داق عليه وماخذه من أحضان دوينه ضحك اسامه : وقح رغم كل شي طال عمرك .. و ما تخلي سوالفك ضاري : ياخي حرمتك قاهرتن واقفه في حلقي مثل العظم هاجر انقهرت : انا عظم .. اوريك يا ضويري بتدق علي بعد شوي تبي تصالحني عشان الي بالي بالك بس تخسي .. انسى اسامه عقد حواجبه : انت وياها وش عندكم ! هاجر تبي توهق ضاري و قامت ديورت بتمشي .. قام ضاري مسكها من شعرها و سحبها .. صرخت : آآه وجع فكني ضاري : وين رايحه يا عجوز قريح و توهقيني مع شايبك اسامه : ضويري و كسر شيل يدك عن شعر الحب لا تعورها ضاري شد شعرها زياده : حوبك يتسبب خلها تتسنع و اهدها هاجر : آآي ضويري قطعت شعري .. اسامه قام و سحبها من ضاري وهي شوي و تصيح .. و تدلع على اسامه : شفته وش سوى فيني النذل .. راح الشعر راح اسامه يدلك في راسها و يمسح على شعرها الطويل و يقول : بسمالله عليك يا روحي اتركيه ذا دفش .. صعيدي .. انتي ما دري ليه تستقبلين هالاشكال ضاري سو حركة ان حايمه كبده و يقول : وآآآآع بسستفرغ .. أقول خلوني امشي قبل انجلط ضحكت هاجر و ضاري رايح : أقول ناس و عرب ذابحتهم الغيره ضاري طالعها بنظره و وده يذبحها و قال : انا بمشي قبل اخسركم اسامه : افا يا ابن العم أقول بس تعال اقعد ضاري : لا بمشي غيث ينتظرني .. يلا سلام مشـى و هاجر لحقته بسرعه و طلعت له الحديقه .. مسكت ذراعه وقفته ضاري ما التفت كان متضايق حده .. هاجر : يوه ضروي مو من جدك زعلت .. الحب يخلي الواحد حساس ضاري : لا فديتك ماني زعلان بس وربي ضايقتن بي هاجر بحنان الدنيا : ويه ويه ما عاش من يضيق صدر وخيي عضيدي و راحت لمته .. نزل ضاري راسه على كتفها و تنهد بقوه : ليت الزمن يرجع ان كان ما ضيعت ولا لحظه الا و انا احبها .. قهرتها طول هالسنين .. قهرتها يا هاجر هاجر : ابوي انت .. بعد عمري .. كل شي بيتعوض تنهد بقهوه : يله اخليك فديتك غيث ينتظرني هاجر ماسكه يدينه : اوك يا قلببي روح بس انتبه لحالك و حط في بالك كل شي له حل .. شيوم ردة فعلها كذا بس لانها معصبه و فاجئها الموقف .. ضاري هز راسه و قال : ان شاء الله .. يلا سلام . . يتبع .. | ||||||||
|
| |
|
| أدوات الموضوع | |
| انواع عرض الموضوع | |
|
|
15Likes
.png)
العرض العادي
