آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-03-19, 08:53 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الرعناء والاشيب / للكاتبة زهراء العراقية ، عراقية مكتملة
التعديل الأخير تم بواسطة لامارا ; 30-03-19 الساعة 09:48 AM | |||||||||||||
|  |
|
06-03-19, 08:53 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  رابط التحميل هنا بسم الله الرحمن الرحيم ، السلامُ عليكمُ ورحمة الله وبركآتُه ، مقدمة عن الرواية  حوارات الشخصيات و ما يختلج بداخلهم مبنية على الاحداث وعلى اطارها يتم تخمين ما يدور بينهم من كلام .... القصة تنقل الي من اخت البطلة وليست من البطلة شخصيا كونها بعيده كل البعد عن قرأة القصص ، من نزلت الكم طلب قبل اسبوعين اتراسلوني بقصصكم هي رسلت الي من ضمن نخبة قصص اختاريتها تتلائم مع عنواني حيل اما بقية القصص عذرا مكررة والبعض منها عقلي ما استوعبها واجريت اتصالات قبل اسبوع مع البنت و تطمنت اني ما اكذب عليكم وانها حقيقية وبعد الله اعلم..وشكرا لناقلة وعلى سعة صدرها معي ....كلمة منها قبل البدأ بالقصة السلام عليكم ... رسلت قصة اختي وطلبت من الكاتبة تغيير الاسماء والتلاعب بالاعمار و السكن واعمال اخوتي و الشهادات لتضليل من كان له معرفة بنا ، لا يوجد لدي غرض معين من نشرها غير هو انذار للامهات و الاخوات ايضا و زوجات الاباء الي تتواجد لديهم بنت مثل شخصية اختي .. نشري للأفادة التعديل الأخير تم بواسطة لامارا ; 30-03-19 الساعة 11:06 AM | ||||
|
| |
|
06-03-19, 08:56 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| .. نبدأ الصراع الاول ملامة تتبع ملامة شد اعصاب وجوه غاضبة وجوه متعاطفة ضرب على المتن المزرق ، من كثر اللطمات وجهي ما احس غير بحرارة تطلع منه تنذرني بليلة وجع راح تصدر من كدماته الحمرة بالحقيقة ما اعرف اذا حمرة او لا بس خمنت او خيالي صورلي من الحرارة الي تطلع منها تخيلتها كأن جلدي منقشع وية ضربة اوتي سلخ جلدي عن وجهي وصارت حمرة! ابوية كفاه ضربي و لزم رضوان عني ابعده .. اجت مرته اخذتني من ايدي صرخت صرخة خاوية من التعب خلتها اتكول -شنو ايدج مخلوعة؟ سؤال مو بمحلة عجزت عن الاجابة عنه بسبب صوتي المبحوح من الصراخ والخوف رجع رضوان عليه وركلني برجلة او طفر و ضربني وكعني على الارض مرة لخ . وابوية و علي بعدوه وبابا صرخ -وخريها منا .. طلعيها تمارة ابسرعه اخذتني لغرفتها و سدتها اجيت اكعد على الارض اخذتني وكعدتني على سريرها -ليش هيج نيوفر ليش طيحتي حظج وحظ اهلج الملامة توجعني اكثر من جروح جسمي و الندبات الي بوجهي اكثر حتى من خلع ايدي طلعت .. واني ما اعرف شسوي لجسمي ويهدأ انام اظل كاعده ... كمت الووب من الاوجاع من بطلوا ضربي الا هاجت كلش عليه ..عقلي توقف عن العمل والتفكير من سمعت اصوات عمامي . و اصواتهم ما عرفت اشخصها لأي واحد ييهم واحد يكول نكتلها . والثاني يهدي ويذكرهم بالله .. رجع صوت رضوان زلزني من صاح اكتلها ورب الكون اكتلها .. وصارت ربدة .. و انضربت باب الغرفة حيل خلتني اضم وجهي بحضني . وكلت هاي ساعة موتي . رجعت الاصوات ابتعدت عني . دخلت تمارة قدمت الماي الي -اشربي ، عمج رابح و اخوج رضوان يردون هدر دمج واجه رضوان ينفذة لو لا حلم ابوج وعمامج ابو عامر و ابو منال وخروه عنج ليش هيج يا يمة سويتي بنفسج هيج ؟ ليش مدللة اشحلاتج ضيعتي شبابج وسمعتج وسمعة اخوانج راحت . كعدت يمي تندب وتبجي عين مطفية من بوكس اخوية وعين وحده تجري دمع بحاجة لأحد يأخذ صاحبتها بحضن يطمنها أن كلشي تمام اريد امان ما لكيته عند تمارة ولطمها . نمت او خدرت و روحي فرت بالنوم و اون من اوجاعي و اميرة كاعده يمي تمسح بجروحي . بالكوة فتحتها لعيني على صوت ضرب على الباب قوي و صار اخوية رضوان بنص الغرفة ... ما شفته شفت واحد ثاني متحول لذيب جاثم وشفت اسنونة الصاكهن مثل انياب الذيب بأيدة شي مالحكت اميزة خشبه مدري معول مدري ما لحكت اميزة لأنه ضربني و وداني لعالم ثاني .عالم اظلم نسيت بالتدريج اني شصار وياي قبل لحظة ، اني منو اني وين ؟كل هاي الاسئلة تطرح ببالي .. زين ليش مكدر افتح ... اصوات يمي دتحجي وياي ، لحظة يمكن اسمي نيوفر اني نيوفر ايي اجاني طيف طفولتي .. كاعدة و اعيوني تخز ببيبي وهي تلبس عباتها .. -يلا بيبي كومي بعناد طفولي -ماااااااااااااااا -دكومي يبيبي لا تولبين گلبي كبرتي سحلتني -اذا مشيتي عدل وياي للمدرسة اشتري الج دفتر رسم - عندي بابا جابلي البارحه كلتها واني اشاهك دخلتني للصف وتتوسل الي اثبت ولا اظل ابجي -ما ما ما رجعيني بيبي -نوفتي الحلوة صيري عاقل حتى اوديج للملاعيب من بين دموعي جاوبت 'صدوك -اي صدك يلا اروح ؟ واني اشاهك ودمعاتي تتسابق هزيت راسي بلا ظلي يمي -يا ما يقبلون ولج لا اسوين مثل العام واضيعين السنة .. انه رايحه للبيت و من اترجعين اخذج للملاعيب .. وكفت يم الباب واني انطلقت ابجي بصوت -اسكتي ترة ما اخذج والله .. تهديدها خوفني اخسر الروحه لاحلى مكان عندي . بلعت شهكاتي وعبراتي وسكتت بس شفتي مبرطمه غصبا عني لأن لامه بيها صوتي لا يطلع راحت و ورة اشوية رجعت مشترية الي من الحانوت بوستني وراحت واني اباوع وراها من رجعت للبيت واخذتني للمدينة ورجعنا لكيت والدي ينتظرنا واخذني وياه مع جنطة ملابسي .. عرفت من ذاك اليوم دور بيبي خلص واني كبرت ولازم اعيش وية بقية افراد عائلتي لو ادري ما مداومة بالمدرسة وظالة صغيرة بعيون بابا ولا يجي يأخذني يمهم من دخلت للبيت استقبلتني مرته بأبتسامة .. واخذتني اميرة بحضنها ،وانضميت لبقية الايتام .عندي اخت واخ من امي الله يرحمها و اخ اصغر مني بسنتين من ابوية فقط و مرته حامل بذاك الوقت من كان عمري ٧ سنوات ؛ بالليل ابجي اريد بيبي واتوسل الهم يرجعوني الها كعد جنبي بابا يهمس باذني بحنية والد -بيبي مرة جبيرة وانت كبرتي بعد لا اتعبيها ...اتروحين الها بالعطل واشبعين منها .. -ما ما ادوام -لا بابا كبرتي عمرج ٧ سنوات العام فوتي السنة .. هاي السنة لا صبت مرته العشة وحطت ايدها على بطنها وصاحت بصوت حسيتها حتولد والطفل يوكع من جواها من كثر ما عصرت نفسها حتى اصيح البقية يجون ياكلون .. اجه رضوان كعد واتذمر -هم بتيته والله مليت جاوبته وهي اتحط الماي ابصفه -شسوي خالة بس اولد وشتردون اسوي هسة حيل تعبانه وثكيلة بالحركة خزرة ابوية -اكل واسكت لا تتذمر .. اختي عمرها كان ١٥ سنة و رضوان ١٦ واني ٧ و اخوية من ابوية ٥ * واكفة فوك الرحلة واركص واغني الو الو بابا فين بابا هنا هنا هو ائلوا مين يكلموووه .. -هاااي شنو ! نزلت ابسرعه وطلعت من الشباك شارده من ست وجيهه من سمعت اصياحها اشكد اكرهها هي مو معلمه بت المديرة ومرات تجي ويه امها ويكولون تدرس بمعهد . من تجي اتعيش الجو علينا و تدخل للصفوف تراقب بوقت الشاغر.. المهم حصلت بذاك اليوم تلاث عود من المديرة .. و سحلتني من اذني بتها للصف وهي تدرم بنات صف الثالث!اشكد وكحات .. من دخلتني للصف رادت اتروح اتخصرت واني اديه يلسعني من العوده ! وما اهتميت المهم اغيضها غنيت - دبة حميسة بالبلم ما اتعرف اتقط القلم دارت وجه الاسمر علية الي متروس كلف يم منطقة الجبين و خزرتني بغضب على صلافتي مثل ما توصفها هي كلت ببرود وضحكة بسيطة من ثغري -مو عليج على نادية بنات الصف ضحكن طلعت من الصف وركعت الباب اول ما طلعت كمت انفخ بأديه اشكد متأذيات -الله ياخذها المديرة عودتها والكبر وهيج صارت المدرسة أنيسي رجعت للبيت -تمارة اريد لفة جبن وخيار باوعت الي بأهمال ورجعت اتباوع للجدر وكالت بجزع -كولي ماما كم مرة كلت الج ..او ع الاقل خالة -اريد.لفة جبن ماكو الغده حيصير الخبز بالفريز ما انوشة .. فرحت لأبوية الي جاي من الشغل تعبان -بابا اريد لفة جبن جوعانه -كولي لتمارة لاختج اني شكو بجيت -كلت الها ما قبلت -منية -تمارة -اف وتالي وياجن ؛ تعاي رحت وراه وو يفتح بالثلاجه بعصبية سأل -وين الجبن جاوبته مرته مستغربة -جوة بالباب فتح الثلاجه وطلعه . - ليش ابو رضوان وهذا الغده المن دا احميه -طفلة جوعانه من تجيج انطيها لا تعاندين -اعاند! اخذت اللفة من ابوية وباوعت الها مبتسمة عقلي الطفولي يكول الها اخذت لو لا ؛ من اطلع بالشارع محد كان مضوجني غير تمارة تطلع وراية تسحلني لو ترسل رضوان يشبعني ضرب ويجيبني للبيت والله شنو انت بنية زين اني صغيره وهو كبير ويطلع يلعب عليه حلال وعليه حرام كنت ازداد عناد و اطلع رغم اني ادري راح احصل كتله بس يلا كلها تهون لخاطر اللعب . ما احب العب وية البنات توكي لو غميضان كنت احشر نفسي والعب وية ولد المنطقة الي من عمري هذا الحجي عمري ٩ سنوات . احب الركيضان وعنبر سعيد و دعابل و اموت من التوسلات الا صكار ينطي الي الطيارة مالته وهي صاعده بالسما وانزلها اله ويصيح عليه. صكار ابن جارنا بس اذا لمحنا رضوان العب وياه او ويه ولد المنطقة اخذها ركض للبيت واختل ورة اختي واحصل كم صكعه منه واني لابدة وراها ، ذكريات طفولة احن الها حيل اتمنى يرجع الزمن الها وخوفي بس من المعلمة من ما احضر الواجب و من رضوان من اقضيها لعب مع ولد المنطقة . تاليها اعلن راية الاستسلام بيوم رضوان وخلاني بحالي لكن بعديش بعد ما ركض وراية واسبب بدعمي بدراجه كسرت رجلي اليسار مع رضوض بالايد والرجل اللخ كعدتني اشهر عن المدرسة وعدت الثالث من كمت امشي عافني بحالي بس وصاني ما العب مع الولد بس وية البنات - نوفة لا اتلعبين وية الولد والله اني ادعمج ترة اذا شفتج وية صكار فاتت من يمنا تمارة وكالت -بغلة عمرها ١٠ واتعوفها تطلع من انطت گفاها مديت الساني وعيبت عليها ونهرني رضوان حيل يحترمها هو واميرة عاد عليه -مو اتلعبين وياهم هزيت راسي باي اصلا اني جنت مقررة بداخلي العب لعب بنات لان معايرات تمارة ضوجتني اتكول عني ميولي ذكوري شنو معنى الكلمة بالضبط ما ادري مرة سمعتها تكولها لبيبي ام امي تشكيلها مني بس ظنيتها معناها اني اتصرف مثل الولد .. المهم حسيت بملل وهم رجعت العب ويه صكار . بس شنو بالختلات خوفا من رضوان . لا سألوني كم مرة اجيت اتعرض لحادث دعم و الله سترني وطلعت منه سالمة ولا كم مرة انفشخت واني العب بالشارع ولا كم مرة حصلت كتله من رضوان ولا من اختي وحتى مرة ابوية تمارة بس من يجي ابويه يحاسبهم ومرة طرد رضوان من البيت واني السبب! زادني شموخ بأبوية كنت احبه هو وبيبي حيل ومرته و رضوان يحاولون يخلوه يقلل من مدارتي يمكن يغارون مني لهذا دوم اغيضهم عندا بيهم. مراح الح بذكريات الطفولة لا يصير ملل غير مفيد لكن اذكركم بشي مهم وهو سر اسمي من خلال موقف كاعدة برحلتي واني عمري ١٣ سنة وبالخامس دخلت المعاونه وبيدها ورقه قرت اسمائنا وبدأ الضحك من وصلت ل نوفة سرحان مطر .. وكفت واني مقتضبة و ودي اكوم اخفي المعاونه او اخفي نفسي الموقف من يتكرر ويضحكن البنات اكره بيبي على هذي السواية اخاف اسم بابا يخبل لا كملته هي من سمتني نوفة على اسم امها ..يعني اسمي على اسم بيبي ام بيبي ظلم هذا لو مو ظلم ؛ بيا حق هيج اسمي يصير واني من مواليد التسعينات و خلف الله على اختي اميرة من جانت صغيرة تدلعني نيوفر ما تحب اسم نوفة ومشى عليه نيوفر عاد كشخة وبالمدرسة اعاني منه لدرجة طنكرت وكلت الهم ما اداوم هذا الحجي بصف اول ادور حجج وراحت وياي تمارة وحجت ويه الكادر ما يصيحوني بأسم نوفة البنية نفسيتها تأزمت يمكن البعض يظنها حساسية زياده مني مثل ما كانت اتكول تمارة لكن ما احب احد يضحك عليه نرجع للموقف واني بالخامس ابتدائي . درت وجهي على بت المعلمة الي تضحك وتكرهني لأن ماخذه رحلتها وكاعده اول رحلة غصبا ما عليها . نوفة شنو اصلج من البدون وتضحك استفزتني . جاوبت - انت بدوية بت الن......ل كلت هذي الكلمة والبنية ركضت وطلعت من الصف . دخلت علينا ام العلوم . ورة اشوية اجتنا معلمه العربي و بتها بيدها تبجي . اخذت ام العلوم على صفحه اني عرفت السالفة عليه . ابسرعه ام العلوم كالت الي كومي وياهم للأدارة . كمية الرزايل اهواية والبنية تبجي بطريقة مبالغه والمعلمه تشكي للمديرة و وتكول سبت والد بتي وابوها متوفي زاد الطين بلة . هم زرالة وجرة اذن و هم كالت اليوم العصر ابلغ امها او مرت ابوها اعرفها .هاي مصيبة لخ ان المدير تعرف مرت ابوية ومن المنطقة رجعت للبيت و اني اعرف اليوم الدنيا تعلك ببيتنا ليش ما اطلع من هسة واروح لبيت بيبي احسن كلت لبابا ما قبل كال ما فارغ، عقلي داخ اشلون اشرد واخلص من الملامة اكيد حتگب واكل كتله منها . وملامتها لبابا ما عرف يربيني واتظل اتكول نقلوها من مدرسة المنطقة مفشلتني كالعادة اشلون بيه وين اولي . لا ياربي صار العصر واجت المديرة بنفسها للبيت وربي اخاف منها كمت اجرف رجف كون اتمرض هسة يارب يااارب مرضني حباب حتى محد يعاقبني ياارب بس كون ايدي تنكسر وما احصل كتله من تمارة ياااارب .. كمت ادعي من كل كلبي حسيت اجه وقتي وراح احصل كتله . اووف اتخنست و لبست الحجاب الي فرضوه بالكتل و الجبر ولبسته . وخليت وطلعت ما اريد اعيش وياهم اريد اعيش وية بيبي . بينا وبين بيبي حي كامل هي بغير حي و كنا نمشي مشي زمن الخير والعافية رضوان جان ياخذنا الهم نبات . امشي والهث لان شبه اركض خوفي من الكتله وهمين من الشردة ادري راح احصل كتله ادري بس احصلها من رضوان او من بابا كلمة كلمتين ولا منها اقصد تمارة اتخبل من تضربني كف او علابيه بودي اهجم عليها واموتها كتل بس مكدر! وصلت للبيت دكيته .. ظليت اهواي ادك طلع الي ابن خالي -ها ولج صجمة شسوين اهنا باوعت اله بطرف عيني اكره هذا اللقب طلعه عليه رضوان صچمة مال طلق مسدس اطفال لأن ناعمة وتصرفاتي محركانية ويكولون مبالغه بردود الفعل دخلت وما جاوبته واتعجب من شافني وحدي . رحت لبيبي ظلت صافنه وسألتني عن والدي اشلون يخليني هيج سولفت الها الي صار -ايا ثولة يا هبشة ولج هاي عملة بالكوة اخذتني واخذت تكسي الهم واني اتوسل الها . لا انضرب دخلت بيبي بابا جان صاير ناار وتوه يريد يجي لبيبي يشوفني بلكت عدها ورضوان حامي وتمارة تشعل بيه راد يضربني ختلت ورة بيبي كالت والله الي يمد ايده عليها . روحي يم خواتج رحت اركض و عفتها وياهم تسولف .. حاچوا تمارة تكف ضربها عني واني انحرف اذا اظل هيج وياي لو اتخبل لأني حساسة هذا الكلام من اصنتت سمعته منهم و تمارة خفت عني وعاندت وياهم وكالت مالي علاقه بيها كلش بعد لا امشط ولا اداري ماطول ما تعتبروها مثل ولدي اذا اجيسها الكل يلومني غير مثل بتي اعتبرها لعد الام ما تضرب ونوفة حيل طبعها صعب و وكحة اذا اغفل عنها الكاها مسوية مصيبة وهي كبرت ولا عقلت لو عاجبتكم نومتها بالدراسة .. المديرة اتكول بالفصل الاول درجاتها بالنازل و وكحه واترادد المعلمات ومحد تكدر الها ..انوب حتى من تشرد اذبون الصوج بيه رضوان وياها . بس ابوية وبيبي ما ايدوها وبيبي كالت هاي هيج اسوي لأن معوزة حنان رجلج ذبها عليه من امها توفت بعد ولادتها ما وعت ع اب وام وانت جبتيها وياها شكاوي شسوي ترحين لابوها ما تحتويها بدال الضرب والتخويف خليتيها تشرد بالله فرضا صار بيها شي بالطريق المهم انتهى الحديث بعتكاف تمارة عني وخلصت منها فترة ورجعت هم انوب حرموني من طلعة الشارع . اخذتني اميرة ورحنا نبات ببيت عمي اشوية اتخفف التوتر الي بيني وبين تمارة واختارت بيت عمي ابو منال . رحت وياها واول ما دخلنا استقبلنا حاتم بضحكة وكال -عاش من شافكم والله ابتسمت وجاوبت - عمرك طويل حاتم اشلونك -منو وصلكم -رضوان ورجع ابسرعه عنده شغل . - الله يساعده . اشلونج نوفة - اسمي نيوفر لزمتني من متني اميرة اخفف حدة كلامي ضحك وكال -بعدج صجمة طلعت الساني ردت اعيب بس تذكرت اني كبرت وهو هم اكبر مني عيب بس شسوي من تفلت اعصابي صعبة اتحكم بيها سكتت وردت ادخل للبيت بس شو اميرة ضلت واكفة يم حاتم ويبتسمون رغم همه ساكتين اشبيهم ذولة .. دخلت لجوة وسلمت على مرت عمي -ويامن جاية وحدج -لا عمة وية اميرة ورضوان وصلنا -لعد وينها؟ -مدري تضحك ويه حاتم كلتها بعفوية ومدري ليش مرت عمي ضحكت وكالت اش ولج عيب . رجعت طلعت شفتهم يتهامسون وهسة الا طخت عندي من كلام العيون والهمس الطفيف و خدود اختي الي وهجن خجل وابتسامة ثغرها ما بطلت اتساع هذا هو الحب كانهم عصافير دخلت وما زعجتهم . * فتحت اعيوني ولكيت نفسي بغرفة بابا . ورجعت الي ذاكرتي والي صار ووعيت على نفسي من صحيت وراحت ذكريات الطفولة ليتني ارجع طفلة واتحاسب بجرة اذن . اسمع صياح رضوان يكول اقتلها يعني اقتلها ليش رجعتوها للبيت وصار مصايح و هم هجموا عليه مابيه عافية للفزعة غمضت اعيوني مستسلمة للموت ؛الضربة الي براسي صحتني على زماني و حسيت استاهل الي يجرالي بلكت اموت واخلص من الضرب الموجع طلعوه عني *** حاتم حاط ادية مغطي وجهي واسمع الحاح ابوية بان اتزوج نوفة واستر عليها الحيرة شعلت النار بوجداني وبكل برود ابوية يكول ضحي يا بعد ابوك واخذها للبنية دمعتي اجت تطلع من ظل يتوسل لا اكدر اكسر ابوية وعمي ولا اكدر اكسر گلبي - كسرة الگلب مرة يا بوية اطلب مني اموت اهون والله شاخذ طفلة عمرها ١٦ سنة ما اشوفها غير طفلة وبت عم واخت الي اريدها وطلبت منك من قبل بس توظف اخذها شكول الها هسة بعد الانتظار ! .......يتبع التعديل الأخير تم بواسطة لامارا ; 23-03-19 الساعة 11:15 PM | ||||
|
| |
|
06-03-19, 08:57 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الصراع الثاني نيوفر كإن من كنت تكون أخرجني من الظلامات للنور بعد اسبوع ما اعرف وين موديني ظنيتهم راح يودوني لصحراء وانقتل بيها واندفن لا من شاف ولا من درى ، سابقا و شفت هذا الحدث بفلم دعاء الكروان من انقتلت اخت فاتن الحمامة من قبل خالها والسبب مشابه ،اشكد بذيج الايام تمنيت الموت ودعيت لنفسي اموت واخلص من الالم لكن بالحقيقة النفس جبانة تحب الدنيا ومن يصير صدك تتوسل بفطرتها الروح تظل اكثر اهنا ولا اتروح لعالم تجهله عالم الاموات ؛ بذيج اللحظة من خوفي منه اجيت اروحله من غير جهد منهم بقتلي الخوف من الشي يرعب اكثر من مواجهة ؛وكفت السيارة واني ايدي مجبسة و راسي اللفاف شالوه قبل يومين واخوية رضوان هاج من البيت هو وعلي . بابا وصلنا بسيارته و وكف ينتظرنا . ونزلنا اني و مرت عمي ابو منال و مرت ابوية رجلية تهتز هز على الارض وحدتهن لزمتني من ذراعي وكانما سحلني بالمشي -وين وين ماخذيني ماكو جواب كعدتنا . ارتاحيت من شفتنا كعدنا ننتظر دورنا عرفت احنه بعيادة طبيب.. ركزت اكثر بالصورة الي معلكه كدامي وحده لازمة بطنها و ايدها الثانية على خصرها حامل . و ابصفه ورقه مكتوب عليها ممنوع دخول مرافق مع المريضة . انتبهت كلها نسوان والزلم تنتظر بالممر كأنها عيادة طبيبة نسائية ؛ بشنو احتاج طبيبة نسائية واني ايدي المجبسة ما شاكية من شي مرض نسائي ردت أسال بس الوجوه ما تتحمل مني كلمة وحدة ابد صاحوا بأسمنا ورة ساعة . دخلنا و عارضن كلام السكرتيرة ودخلن وياي اثنينهن . قلبي نذرلي بشي من الخوف من كعدن كدام الطبيبة وشاورت امي الدكتورة .. الدكتورة طلبت من المريضات الي ادخلن ويانا فد ثلاثه يطلعن لأن همه يدخلون اربعة اربعة سوة . طلعن وبقينا بس احنه . ما أجرأت اكعد بس صافنه عليهن و تمارة تبسبس لطبيبة . باوعتلي الدكتورة و بعينها نظرة احتقار ما انساها طول عمري فركت جبينها وكالت بصوت مسموع لتمارة حقكم . خالة اني حكتب شنو يطلع بالفحص بتقرير ومعلية رجائا لا ادخلوني بعدين هاي سالفة كبيرة بس راح اتصرف بما يرضي ضميري والشرع افحصها لا تنظلم البنية توسلت تمارة بالطبيبة -حبابة ما اريد فحص اكتبي التقرير خطية ما اشوفيها اشلون خايفة واشرت عليه اني لزمت الحايط ارتكز علية و اعيوني اشوشت الرؤيا بيهن صرت ارفع وانزل بيهن وافرك حتى اصحصح . عرفت راح اتعرض لكشف عذرية . تذكرت من شفت فلم مرة اسرار البنات عندا بأميرة تابعته واعرف بعض السوالف من صديقات ومنا ومنا صارت عندي خلفية بسيطه عن هالموضوع . الدكتورة رفضت ومرت عمي هم رفضت ام منال -ام علي عيني (تمارة ام علي اول طفل الها علي ) ما اتفقنا على هيج خليها تفحصها ونتأكد منها لا اصدكين بكلامها هاي واشرت علية ظلت تفرك بأديها تمارة اتباوع عليه بنظرات اشفاق كامت الدكتورة وكالت تعالي ع السدية كالتها بمنية رحت خاضعه الهم نمت على ضهري ودخلت مرت عمي - لازم اشوف بعيني دكتورة صحت مذعورة -لا انت شعليج برة روحي خزرتني مرة عمي والطبيبة اعترضت و طلعتها برة الستارة واني ابجي والطبيبه اصيح علية . الخجل مع الذل امتزج وصار بداخلي لون واحد للحياة .السواد بسبب هوان النفس غمضت اعيوني على امل ما اشهد الي راح يصير ويمكن يقل احساسي . فتحت من كالت الطبيبة خلصنا . طلعت نزعت الكفوف وطلعت من خلف الستارة اتبغلهم النتيجة . هاي اللحظة ما تشبه ابد يوم النتيجة اجة ع بالي يوم الي استلمت بيه نتيجتي واعلنت رسوبي لهلي وحصلت دمغة من تمارة وغمه من علي . وملامة من اميرة رحت وراها لغرفتنا . اميرة والله ما افهم اني ترة اقرة باوعت الي بملامة - ولج اشحال اني عايشة وياج واعرفج النهار كله مكابلة التلفزيون ودك افلام ع روتانا سينما . لو اشوية مركزة اتنجحين -يووه عادي اعيد سنة شنو يعني اتقوة - عمرج صار ١٦ يا ست هانم وانت لساج بالاول متوسط دك تلفونها باوعت للشاشه بمكر وهو بأيدها خزرتني وطفته غمزت الها -هذا حبيب الروح -عيب ولج شنو قصدج هاي مياده اطلعي برة خل اخابرها بلكت طلع تعيني هزيت ايدي وكلت -كولي بلكت طلع تعينه هو ضحكت و شمرتني بالكوشة مالتها وكعت ع الباب مديت راسي وكلت -اذا تردين اراقب الج الجو -انجبي ولي ضحكت ورحت احب الاشيها . بس خطية صار عمرها ٢٥ سنة وبعدها بلا زواج ما تقبل باي احد يتقدم الها ومنتظرة حاتم الي ما يقبل يتقدم خطوة الا يحصل شغل او تعين يضمن اله حياة كريمة عرفت هذا الكلام من مخابراتها الليلة . . دخلت اتخنس غافلتهم يتغدون و سديت باب غرفتنا . طلعت تلفوني من جوة ملابسي وكلبي يدك يكلك راح ينفتح الباب عليه وهو مقفول! كان دفتري سنغافوري . دكيت ولطمت حتى أشتري واحد ما قبلت تمارة ع ابو انت مراهقة وماخلت والدي يشتري الي ورة شهرين اشترة علي صدك فار دمي والله شنو هو ولد جن جنوني وقبلت اخذ من مختار جهاز هو جان يلح عليه يشتري الي . بمتحان الكيمياء اخذته منه وضميته استخدمه بالختلات وبرهبة حاط بيه سيم ورام رغم الخوف لكن شي بداخلي احسة مرتاح احس نفسي منتصرة عليهم منتصرة على رضوان الي انتفض من كلت لبابا اريد جهاز ؛وعلي هو راح اشتراه اله وهو اصغر مني لو هو خطر عليه و عادي لعلي . اما علاقتي هم نفس الشي حالي حاله هو مو ٢٤ ساعة ياخبر بنات وكل البيت يدري ومغلس بس اني ما اقلده . كانت مثلي الاعلى اميرة و علاقتها نظيفة بحاتم حبيت اكون مثلها ولو هو شي مو بايدي بعد حبيت مختار و انسان طيب و يحبني ما فد يوم زعلني اتعرفت عليه بالصدفة هو ابن خالة صكار صديق الطفولة الي حتى سلامنا انقطع عن بعض حبيته بعد محاولات منه . ودوم اشوفه واكف ع الشارع العام من اعبر للمدرسة . ورة فترة شو هذا كام يداوم بالمدرسة الي جنب مدرستنا . وبدت بينا الكلمات السريعة و النظرات . وعرفت هو نقل نفسة مخصوص حتى يشوفني . هو صف خامس ادبي واني صف سادس . واستمرت علاقتنا الى ان نجحت للأول بطلاع الروح . خطية اميرة تكعد تشرح ساعة الا افهم حجارة وكاعده .بالي مو يمها يم مختار وتصرفاته الحلوة مرات يمشي كلش يمي ابسرعه ينطيني لفة ويشرد ابسرعه مرات جبس او حلويات وبنص الجيس الكة رسالة بيها رسم يخبل مال قلوب و و هيكل بيه ورود رسمه غريب بس حيل حلو ومتقن . بيوم شاورني انو لازم يشوفني هو راح يجي لبيت صكار واني لازم اطلع اله . سوالف مراهقة يمكن غلط واعترف حتى بوقتها ما اقتنعت وما اجيت اطلع الساعه خمسة بالباب اشوفه بس كلبي ما انطاني طلعت ارش الباب وشفته اشر على قلبه ودخل .. واني هم دخلت . شي تافه مو ؟ بس هو حب يشوفني بملابس غير مال المدرسة . نرجع واني بعمر ال ١٦ جنت اشخبط واحاول ارسم رسوم مثل مختار بس ما لحكته . اجتني تمارة نوفة اليوم انروح للخياطة جبت قماش الج نخيط عباية -ما البسها والله لو طلي ير......ب طلي -شنو شنو ولج امنين جايبة هاي الكلمة ولج عيب عوجت حلكي واجاني الراشدي مفاجئ -كلبة شنو هاي الالفاظ الا يجي ابوج واكله يا طايحة الحظ مع اني كلت الكلمه و ما اعرف اصلا المعنى بس ثرت من داخلي وكمت على حيلي -لا اضربيني اني مو اصغيره اني راح اكل لبابا والله -هااا ولج طلع الج السان من سوء حظي رضوان بالبيت من سمع صوتي طلع من غرفته هاد علية -اشبيها هاي خالة صوتها نصى وصار هادئ وطيب - رضوان عوفها مالك علاقه بيها لا يجي ابوك ومايرضى عليها اتمشت كم خطوة عني واني اخزر بيها - الله يعيني والله عليها هاي اميرة وردة ليش ما طالعه عليها .الفاظها و اتصرفاتها مال وحده ما متربية جر شعري -هد شعري لا اكول لبابا والله -اتهددين ولج موو -ولي -ولج لا اتغلطين دفعني حيل طبعا الدفعة صارت مو بقصده قوية لأني حيل نحيفة و ضعيفة صحة هم اقل عثرة اوكع . وكعت على طاولة كدام القنفة كزاز صار راسي على الحافة وللمرة الثانية يسبب رضوان بأذيتي من غير قصد انضربت المكان فوق اذني لزمت المكان و ايدي انترست دم . -دم دم يمة دم التفت رضوان عليه . و بالبداية مثل الي ما مصدك . كمت ابجي واتوجع اتقرب يمي وكعد -ولج شكو . شاف المكان . والطاولة بحوافها دمي . -نيوفر . نيوفر خاااااالة ولج نيوفر انت زينه سؤال مو بمحلة كمت ابجي بعلو صوتي شالني وركض بيه للحديقة ..انوب رجع دخل للبيت و تمارة تركض ورانه وتضرب بخدها واتكول عزة ولك شسويت واتلوم بيه . وهو دخل وهم طلع ويكول الها شسوي خاله بالحقيقية حسيت الالم بدأ يخف لكن الدم ما زال يطلع مني ترس اذني بس مدري من شفت خوف رضوان عليه ويروكض بيه ويبوس بجبيني خايف لا مأذيني ويضم راسي ع صدرة كمت ابجي بالزايد متأثرة بالموقف . دخلت اختي جانت برة ادور خطية تعيين ويه صديقاتها من الصبح كالت الهم اخذوها للمضمد لا اضلون هيج . اخذني رضوان و اميرة وياه . المضمد شاف شغلة خيطني خياط واحد وكال لا تخافون سطحي الجرح مو كلش قوي لو قوي يغمى عليها الراس خطرة ضربته . ضمدني وطلعنا وعباة تمارة تسحل لابستها وطبعا من غير ربطة وكفنا ع الشارع العام وكال -شفتي ولج شصار من ورة عنادج برطمت اجيت ارجع ابجي -لا تنعين حط ايده على متني -والله مو قصدي انت ريشة بس طول فرعة .. اميرة -امشونا نرجع يمعود محلوة وكفتنا . مشينا ووصلت للبيت قبل لا ندخل رضوان راح . واحنه ندخل لجوة سمعنا عياط وصياح بابا .. اول ما شافني لزمني من وجهي -اشبيج بابا . وجهج بيه شي . شو اشوف راسج .. هذا الكلب والله لاندمه شاف اللفاف واخترع واتحلف برضوان و اميرة تهدي بيه هي وتمارة -بابا ما بيه شي والله .. كلتها من كلبي لأن ادري بيه مو قصده وشفت الندم بعيونه . بس ابوية ما برد .. كعدله بالهول ينتظرة واني واميرة يمه نهدي بيه .. حسيت بتعب عفتهم ورحت اسطحت بنص الهول تمارة علقت -شوف دشوف تصرفاتها مال وحده جاهلة اشكبرها مددت كدامك هيج ما رد عليها وعينه ع باب الحوش من الشباك يباوع للي دخل . دخل علينا رضوان ومحمل شغلات قبل ما يحجي ابوية -بوية والله شتكول اني استاهل . حتى اضربني اذا ااتريداتوجه الي حط العلاليك يمي وراح يم ابوية الي سكت من شافه ندمان كعدت فتحتهم حلويات و كرزات و دوة و العلاكه الاخيرة فتحتها بيها كارتونه... مدري ليش اخترعت من شفت بيها تليفون ...رضوان جايب الي شكو شي احبه . بس متوقعت بيوم هو يجيب الي بأيده تلفون !!!! حسيت بضوجة كبيرة ما ادري ليش . تذكرت يوم دعمي هم وراها حن وخلاني على راحتي وهسة همين . ضجت كلش وكلهم لاحظوني اخذتهم وبسكوت ما حجيت شي . دخلت للغرفة ابجي .. عرفت نفسي اسرعت من اخذت تليفون من مختار .. بحلظة حقد وتحدي لرضوان دخل رضوان وبوراه اميرة -اشبيج ولج . كعد يمي واني دنكت -شنو كلش متأذاية ؟ أميرة كالت -عبالي راح اتركصين من الفرح التلفيون واجاج . بجيت اكثر عبالهم ادلع و حيل متأذاية نفسيا من الي صار . عافني رضوان بعد ما كال لأميرة -راضيها هو ما يعرف يراضي ابد . حضنتني وسكتتني . و تمارة دخلت اخذت الكزرات وطلعت -اميرة كرزاتي ما عليه -ههههه ام بطن حتى وانت زعلانه -اميرة اني ما احبها -لعد ليش ضجتي من اخذتها خالة اني جنت اقصد تمارة ما احبها وفهمتني اميرة عبالهاما احب الكرزات سكتت وثاني يوم سويت حجة و اتواعدت وية مختار يم محل الانشائية مال ابو صكار يوكف و امرمن يمه اشمرلة علاكه التلفون اعترض و ما قبل بس اصريت . هذا الكلام مراسلات مو اتصال . اكومثل يكول ما شافوهم وهمه يسرقوا شافوهم وهمه يتحاسبو .. شمرت العلاكه عود واكعه مني و هو واخذها اني طالعه بوقت ال١١ ونص الضهر تقل حركه الناس . لكن بهذا الوقت طلع صكار من المحل وشافنها خليت ومشيت ابسرعه شارده والرهبة سرت بكل اعضاء جسمي . * تمارة بشري دكتورة شنو طلع وياج ام منال هادكتورة مو ابنية ؟ لا الحمدلله البنية باكر ! يتبع... حاليا ماعندي وقت محدد للنشر اول اسبوع من انشرها اظل اوافيكم بكل قصصي هيج اسوي حتى ادخلكم بجو القصة الاسبوع الثاني وهو نزول زوجي اظل انشر بين يوم ويوم تحياتي احبكم .🌷🌷🌷 هاصدك بالنسبة للي اعترضوا على نيوفر لان الاسم الحقيقي للبطلة من غيرته اختها الها سوته هم غريب وما متوفر لهذا اني همين حطيت مستعار غريب التعديل الأخير تم بواسطة لامارا ; 23-03-19 الساعة 11:19 PM | ||||
|
| |
|
06-03-19, 09:00 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| من انت ؟ انا من بني آدم الخطاء لماذا انت الوحيد المنبوذ أذن ؟ اذا كان بني آدم خطاء؟ أم انت ذنبك الأكبر لا أنا الذي كشفت فحسب ! . الصراع الثالث قبل الخطيئة رجعت للغرفة اضرب رجلية بالارض غضب من تصرف تمارة -لو ادري ليش تكرهني .شو انتي تحبج اشمعنا اني جاوبتني أميرة بهدوئها المعهود - انت اتعاندين اهواي نيوفر .وترة هي ما تكرهج بس ما تحب تصرفاتج واكيد تحبج مثل ما تحبني . - لو تحبني كان رضت اعزم صديقاتي مو انت جبتي صديقاتج الاسبوع الفات . سوت الهن كيك واحتارت اشلون اضيفهن اشمعنا اني -اها كولي هيج يالغيورة . ع العموم هم من كنت بسنج لا اعزم صديقات ولا اضيف احد .من اكبرين راح تغير تعاملها وياج . اهم شي انت اتعقلين ما عجبني الكلام واتمنى لو عندي فد الة تقدم الزمن واكبر واخلص من ضيم تمارة وازوج الحب مختار . زوجي ابو جهالي . كعدت على سريري ابو نفر . الي اتكعور الا انام بيه ما اكدر امد رجلية طولانه عليه . راسلت مختار ابسرعه رد -ها يا مرتي انت وين -اني بغرفتي بس لا تتصل اختي يمي -اتراسل وياي وغزلني مثل أي اثنين مزوجين . احنه متفقين ورة ما يخلص السادس يخطبني ونزوج وهذا الكلام يخليه يكتفي بيه وما يدور بنات و وقته كله الي! . دنبدل اني و اميرة ونلبس وننزع . منا من قرب موعد روحتنا لعرس اخو صديقتها الانتيم من ايام الاعدادية بس هنه دخلن كلمن قسم شكل اختي مدرسة فيزياء قيد التنفيذ و صديقتها حصلت تعيين بالواسطة وتداوم أخصائية نفسية . اهلها ناس حيل واصلة وهي اخذت اوراق حاتم يريد يقدم ع دورة مال شرطة تعيين فوري بعدها صديقتها اسمها لينا وصلنا رضوان بسيارة بابا . ودخلنا لبيتهم الفخم الكبير صافنه ع الاثاث والترتيب والتمن صديقات اميرة الثانيات كعدت يمهن لينا تاركه الهوسة مال النسوان اقاربهم بالبيت وحده من صديقاتها سالتها - اكلج لينا عود اخوج رائد نسى ريما ؟ - انشالله يكون نساها . ما طول انتهى من اعتكافه و قبل يزوج هاي هي اخذنها سوالف وضحك . واني لفت نظري البندقية الي معلكه ع الحايط كدامي . احنه بالاستقبال مدري الفناء الواسع المنفتح ع الهول اصلا كانه مكان واحد بحجم قاعة افراح . كالو وصلت لسيارات صعدنا ورحنا لقاعة العروسة . وهاي اول مرة ادخل قاعه لا وبعد فخمة جدا . اعراسنا احنه كلها بالبيوت تقتضي على بطل ببسي و لفة وكيكه ام اثنين بربع ومن جنت طفلة يغلسون عليه اللفة . ايباه احنه هم عايشين وذولة عايشين احنه وين وهمه وين عالم ثاني دخلت العروس . تخبل لعابة . بس شو صديقات اميرة طلعنها فزاعة بنقدهن عدا اميرة كالت حلوة البنية . اعتقد لأنها عدها حبيب فعدها سلام داخلي مثلي خلصت فقرات العرس وقررت الشمس ختم الحفل من بدت تغرب . وكالو البسوا يا محجبات راح يدخل العريس . اكو بالعرس اهواي سافرات . لينا اتصور . وادخل العريس الي كلنا انريد انقيمه و كأنه حكام ببرنامج مواهب . الجسم رياضي شايفته بالافلام الاجنبية و حنطي . قاطة ملفت للنظر اسود القميص الابيض فقط اشوية كاسر السواد ما اعرف ليش شكله مرهب رغم جماله ومدري ليش حسيت بخوف كبير كأنه راح ياخذني الي و يطلع بيه مو العروس . ماكو بوجهه ابتسامة و لا ارتعاشة خجل مثل ما شايفة كم عريس ، احنه دوم نركز على العرسان وخجلهم ؛ هذاشو باس العروس من خدها و كعد . ما طلع كلنس يمسح قطرات العرق مثل ابن خالي بعرسة لا جالس و نافخ نفسة وحاط كفة على كف العروس الي واضح عليها الخجل والارتباك . ما الومها ابد وبدت تعليقات صديقات اميرة . احلى منها هيبة يخبل حرامات هاي تاخذه وبت خالته ريما ثولة المغرورة عافته هذا ما يضيع . المهم طلعت من العرس مصدعه من موسيقات العرس وتعليقات صديقات اميرة الي ابد ما افترقن طول الحفل سوة . وعرفت منهن قصة حياة العريس رائد جان يحب بت خالته الي هي زميلة اميرة بالسابق . تمنيت يومي يصير مثل يوم عروس رائد بالفخامه والجمال بس اكيد ما اريد مختار مثله يبوو اني اريد يدخل عليه يدك ويركص شنو هذا جامد ويخوف . ، بيوم سمعتني تمارة اخابر بالحمام دكته عليه حيل فتحته وشردت لغرفتي . ركضت وراية وادك ع الباب حيل اجتها اميرة جانت تغسل الكراج -شكو خالة اشبيج . - ما عليج انت . فتحت الباب من خوفي لا اسولف الي سمعته لأنها من دكت الباب عليه كالت منو هذا الي كل ما اتنامين اتحلمين بيه طايحه الحظ طلعتني جر من اذني لغرفتها -ولج اشلون هيج اسوين ومنو هذا . بعيون متدرسة دمع -والله يخطبني جواب غبي . خلاها تثور اخذت مني التلفون جنت ماسحه كلشي همزين بس اخر مكالمه . دكت عليه فتح خط ابسرع وهي شبعته غلط وتهديد وهو سده وهي ضلت اتصيح الووو ايا حقير باوعت الي بغيض وكالت تلفون ماكو حقيرة ظليت اتوسل بيها ما اتكول لبابا و لرضوان بعد اسبوع تعبت حيل تمارة مشتني على المسطرة والقلم واقل كلمه تهدد اتكول لبابا اذا مو بالكلام بالنظرات . زهكتني بعيشتي من داخل ودي اثور عليها ثورة واسقط حكمها عليه . بس اهون موقفي صعب. كمت ابوك تلفونات واتواصل وية مختار ماكدرت تخضعني اتصل او اراسل واحذف وارجع التلفونات وبيني وبين نفسي اكول ما مشية كلمتها علية بس شتريد اسوي الها بالبيت من شغل . اما اميرة سولفت الها لامتني و كالت تستاهلين . طبعا ما سولفت الها على كلامي وياه ولأي درجة واصلة علاقتنا ؛ بداية عام دراسي جديد البنات اجهز نفسها ويه اهلها واني حكمت تمارة عليه ابطل . وكلت لبابا ما اريد اداوم واني عيني مكسورة مشت كلمتها عليه . على ابو انت ينخاف منج والي اسويه لمصلحتج مو مال دراسة بس اشوية اكبرين نزوجج انت اتخوفين كالتها بوجهي ولا قدرت مشاعري من اشوف علي و ميس يداومون واني لا محبوسة بيوم اجتني الفرصة الموعوده . من تمارة راحت لهلها واخذت ميس و ايمن اولادها وياها راحت عصر الخميس وترجع الجمعه بالليل . ظلينا اني ورضوان وعلي واميرة و بابا برة اميرة طارت من الفرحه من اتصلوا بيها و طلع تعين حاتم طلعت حجة و توسلت لعلي يوصلها اشوف لمياء اخت حاتم عود طلبت مني اروح وياهم ما قبلت اتحججت تعبانه . جذب ادري كلش زين رضوان ما يكعد بالبيت ظل يحوس منا من سألني خو ما اخاف اذا اظل وحدي كلت اله لا بس اريد تلفونك اسمع بيه . هو يدري بتلفوني عطل انطاني وكال لا اتردين ع احد خوش ولج . وراح صاع طبعا تلفونه مال العائلة مو مال السهر هههه . خابرت مختار -اكلج شكولتي مرتي تجين مدامها فرصة ما تتعوض - اوك حتى لا اتكول ما اثق بيك .تعال اوكف براس الشارع . لبست ع السريع رمش عليه و اني تركت ورقه ع ميز الطعام كتبت رضوان خفت حيل وحدي اني يم سجى(جيرانه وصديقتي ) ورحت . جنت مشتاقه للشارع للناس لمختار جان صاعد سيارته ، مختار عمره ١٩ سنة وهم مثلي متأخر بالدراسة واحوالهم زينه . صعدت واتلفت اتعمد يوكف مو ع الشارع الرئيسي لا احد يشوفنا . -اي حبيبي حشوف بيتي واخيرا ابتسم وما اشوف اعيونه لابس مناظر ويباوع للطريق . وصلنا لعمارة الي بيها شقته . الي مشتريها ومحضرها لعرسنا من اهله يقبلون يخطب نعيش بيها . فتح الباب وكال - اتفضلي أنستي الحبيبية دخلت واني بداخلي مندهشة من فخامه الشقة والمكان معقول هذا المكان الي اني مالكته واخلص من كابوس تمارة . انسد الباب عليناكعدت على كروته صفرة شكلهاعجيب . كعد ابصفي ابسرعه كمت -مختار كلت بس نشوف ترة متفقين - اشبيج شسويت اني لهلدرجه اتخافين مني وين الثقة لعد ؟ كعدت بعد ما استوعبت اني شنو اسوي هذا مختار . -يلا تعالي انشوفج الغرفة مالتنا . صفنت بوجهه ولوني انخطف - اشبيج يلا اكعد اني اهنا وانت روحي شوفيها - هذا المشهد شايفته بهواي افلام عربي عفية لا تقلدهم ضحك على افكاري ولامني على كثرة مشاهدتي لروتانا - يلا مختار خل اروح -شبسرعه حتى ما شفتي شي منها حبيبي اشوفها غير وقت من اصير خطيبتك رسمي هسة خايفه رضوان يرجع ويروح لسجى . -يلا حبي هم صدك اخاف عليج من هذا رضوان حيل - لا تخاف هو حيل يحبني -ديلا امشي -احسك ما تحبه غلس مجاوب و وضح عليه الانزعاج . وصلني و رحت ركاضي للفرع ردت اوصل للبيت وطلع صكار من بيتهم . دفتح الباب يبنية يبنية درت وجهي اريد اشوفه عليه ! -دربالج لا توكعين . ابسرعه مشى وراح بعد هذي الكلمة . دستوعب هذا علية ويايه يحجي . اي وياي اكيد.باوع عليه وكال وين اوكع واني وصلت للبيت . شنو قصده هذا ؟ دخلت للبيت ومحد اكو وحيل حبيت مغامرة اليوم اثبتتلي انو مختار من صدك يحبني الي مو يضحك عليه جان خايف عليه من رضوان و ما سوة اي شي مخل واحنه سوة اصلا بالتلفون اجرا من اليوم الحمدلله . رجعت تمارة ورجعت مراقبتها لأقل تصرف الي انو ممنوع اعصب ممنوع اصيح ويه اخواني على ابو اني كبرت واتعلمني اتريد الخياطه والله شنو اتفيدج لجهالج واريد اسويج ربة بيت وغصبا عني اكعد يمها مغصوبة هي مو خياطه مجرد اتخيط للبيت . مرت ايام قليلة ورجعت الي التلفون وكالت ترة انت تحت الرقابة رجعته وكلت لاخوج صلحته ، ترة بدون سيم حتى بس اخلص من ملحتج على اللعب بيه . اخذته منها وحيل فرحت وكلت - خالة انت ليش ما اتحبيني؟ - اني؟ ليش قابل عندي عدواة وياج غير لمصلحتج . ما زالت مشيتني بالتهديد وكل طلعاتي وياها حتى لبيبي ما تقبل ابات والله شنو انت مو راحه اتخوفين بس يجيج نصيبج انطيج واخلص . منج . ومناك مختار مدوخني بسالفه خل نزوج بيني وبينج اهلي قافلين يكول الا اكمل كلية وحيل حزنت من سمعت بالخبر يعني بعد سنوات اهواي . وظل يلح ويتوسل نزوج بعد احنه الي بينا كبير حبي اله يزداد و مخافتي من اهلي وعلى اهلي هم واكفة بطريقي الا ان خيرني مااعذبه -شوفي نيوفر لا اتعذبيني لو نزوج اني وياج هسة وبعدين نعلن لو اتعوفيني -اعوفك ؟ انت صدوك تحجي -نيوفر اني حيل احبج ومن حبي الج حيل اذوب من اسمع صوتج واتحسر عليج الله يخليج ارضي لنت اشوية وانكسر خاطري عليه - لو تردين اخونج هاااا هيج ما اتحبيني يعني هالدرجه - شنو سد الخط و اني رجعت تلفون ابوية النايم و مسحت المكالمة ومرته تغسل بالحمام ساعه الا تطلع هذا الكلام بتسعة بالليل وكنت اخابر بالخلفية واباوع للمطبخ لا احد يجي . لان غرفة رضوان فوك بالسطح اخاف منه . كلام مختار خوفني حيل لا اخسرحبي . اسبوع ما اتواصلنا منا من صارت الي افرصة ابوك تلفون اختي وارمش وهو يعرف بس ارمش عليه من رقم غريب يدك ختلت بزوية الو مختار والله مكدر حتى لو زوجنا اشلون اطلع من البيت وهمين اخاف طلعتج اني اتولاها و من شنو بعد اتخافين اخاف القدر يسوي شي وظل اني حايرة بزماني ومصيبة اذا احبل .. ضحك على افكاري وكال لا تخافين مراح اتقرب الج مثل ما انت فاهمة !؟ ما فهمت قصده شنو بس كلت الجملة الي يريدها زوجتك نفسي وهمين هو كال وسديت الخط وصرت مرته ! هي مرة كدرت اطلع من بيت صديقتي سجى الي بالكوة خلتني تمارة اروح الها بعد ما نظفت البيت واتلوكت الها الا حنت اطلع . سجى بس كلت الها اطلع وياه ع الكورنيش ما قبلت اتكول اني يمهم اذا احد سأل . ضغطت عليها بتوسلاتي وافقت بعد ما وصتني ادير بالي ع نفسي طلعت من بيتها و المكان الي دوم يوكف سيارته بيه اخذني وطار للشقة . اباوع للطريق وكل اشوية ودي اكولة وكف السيارة حباب اريد ارجع . لا تخافين انت مرتي والله احطج بعيوني . وصلنا للشقة . و حاول يمتص خوفي بكلماته العذبة بس مدري اشبيه اشنجت واعصابي انهارت . كنت كاعده ع الكروته نفسها . بس معرف شنو جرالي بذيج اللحظة دفعته -وخر .. افرض صارلك شي . سنوات اهواي بعدلك توك نجحت للسادس خمس سنوات مو اشوية -مرتي والله انت مرتي ليش جاي هيج اتخربين واهسي بيج . و الله اخاف عليج وعامل حسابي . ما اتقرب الج مثل الزوجين اخليج مثل ما انت صفنت بوجهه اريد اجابة اتقرب مني وحاوطت اديه خصري لأول مرة حسيت برعشة خوف مثل الي يبوك وخرتهن عني ابسرعه اجنب يعلق - دنزعي الجبة يا روحي اني مختار الحب اتخافين مني .اخاف عليج اكثر من نفسج . انت راح اصرين الي . بس اشلون ما اتقرب الج كزوجه تعالي بالغرفة افهمج . . طلعت ورة عشر دقايق مخترعة من الغرفة وابجي و شعري منكوش وهو يركض وراية بملابس خفيفة -وخر عبالك ما افهم . هذا اسمه لواط حرام ولي ادفع بيه وهو يذب نفسه عليه ولا كانه مختار الي اعرفه . بهاي اللحظة ما عرفت شنو اصرف . اشلون احمي نفسي منه خارت قوتي كدامه . عضيته ولا كأنه يحس . عرفت نفسي جبت نفسي للتهلكه صرت اشوفه وحش مفترس عبالي يبوسني ويرجعني واني بكيفي شريد اقرر . من وافقت ازوجه حتى بس اضمن زواجنا واثبتلة ثقتي واذا اكدر عادي اصير زوجه اله بس برضاتي هسة حيل خايفه ولا مهتم الي اخر شي خرمشته حيل فز عني كمت ركضت للغرفة وقفلتها . وهو بره يصيح افتح . وحلف ما اطلع منا الا بعد ما ياخذ الي يريده . صار يغلط ويكفر . انسان ثاني . حسيت نفسي بفلم رعب و گلبي على ساعة يوكف نبضة من الرهبة . اتخيلت وجه بابا من اخاف من الظلمة ويجي لزمني ويكول هاي ايدي لازمه ايدج لا تخافين بابا ، وينك تعال حباب تعال الزم ايدي الباب قوي حاول يدفعه مكدر . لبست ملابسي وكعدت ادعي الله يطلعني منا . فكرت اصيح والم الناس وخفت من الفضيحه . هو كال ظلي اهنا منا من اطلعين وحدج . ابجي وادك والطم صارلي اربع ساعات خارج البيت واني كلت لتمارة نص ساعه وارجع . فكرت استسلم واقبل بعرضة الي عرضه ورفضته قبل ساعات . والله يعلم بحالي مجبورة بس كون ما يتقرب مني مثل الزوجين لا اخسر دنيتي واخرتي . ايدي ترجف واني واكفه يم الباب اريد افتح القفل ما اطاوعني . يتبع تصويت حبايب . اسفة بنات القصة صح تتكلم عن موضوع جريئ لكن منتشر واني هم حاولت اوصلة بأشرات و كلمات ما تخدش الحياء . التعديل الأخير تم بواسطة لامارا ; 23-03-19 الساعة 11:24 PM | ||||
|
| |
|
14-03-19, 08:01 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الصراع الرابع كيف لي أن اعيش وأنا اكره نفسي بشدة! رجعت على الارض كعدت ابجي يربي طلعني منا . والحسين ع بعد ما اطلع من البيت والله ما اخلي وجهي يشوفه شاب بحياتي بس طلعني منا . ما اعرف وين راح مختار شو سكت وهدوء برة . بلكت طلع . طلعت من الغرفة على مهلي وكلبي يدك واتلفت لا يطلع وراية ويخدعني باوعت للصالة امدد على الطقم وحاط ايده على عينه . نايم؟ جنطتي عفتها جوة . بس الخوف مخلاني اروح اجيبها اهم شي عندي اطلع منا . سمعت دك قوي مو دك دفر بالباب فز مختار عينه عليه وع الباب . ركضت للغرفة ورديت للباب حيل طبقته اجه ينكسر و كعدت ع السرير ساده اذني من صوت الدك . اشوية وسمعت اصياح رضوان .! و امعارك وينها يا عار . وينها هي منو . هي منو مو اني اعلمك يا ناقص صكار اشبيك جايبلي هذا وجاي اخوية اهنا . يا ارض انفتحي و ابلعيني بجوفج ميته، جميع اعضاء جسمي نملت حسيت بدوار ودوخه و بعد ما ادري بشي . كعدت والرؤيا مغوشة . احس نفسي بشي ديمشي . اتضحت اشويه منها . اني راسي يم نافذة سيارة . اني بسيارة . بس وعيت اكثر شميت ريحة اعرفها كلش زين ريحة عرك و جكاير ويه ريحه ثانية . ريحه اخوية . التفت عليه كاعد يمي ومدنك راسه و مغطي بيها وجهه كله . هذا بابا ديسوق . هاي اني يم اهلي !؟ حس بنفاسي تتثاقل التفت علية . عضلي شفته لدرجه حسيته راح يشلعها واعيونه الشرايين الحمر راح اطك عليه . درت وجهي . وكمت اون لأن ابجي واحاول مطلع صوت . وصلنا كدام بيتنا اريد انزل رجلية ما تتحرك . اعتقد انشليت . نزلوا همه . و رضوان يباوع الي . بادلته بدمعه و حسرة ما اتحمل نظراتي اله و طفح الصبر الي عنده طول الطريق و دفر الباب علية وصاح انزلي وفتحها وجرني وابوية و علي يردون يداركون الموقف وخره عني . وهو هاج اكثر اتريد تحميها بوية هااااا عاي عاااار عاااار . خل اكتلها واخلص من عارها . الجيران طلعت من ابيوتها واكثرها زلم تتفرج علينا وعلى رضوان . جرني علي ودخلني . وظل رضوان يريد يسكته ابوية ميكدر . سمعت فيما بعد ضاربة بوكس مدمي حلكه ومدخله والجيران حاولت تدخلت سد الباب بوجهم و منا بدأ تعنيفي بشكل رسمي . واهنا من كعدت بزوية بالهول و ابوية واخوية رضوان شبعوني كتل . واهنا من خابر ابوية عمامي يستنجد بيهم . واتغير اسمي الى العار . فقدت انسانيتي . مرتين مرة من سمحت لواحد غريب يشوف شعري و مرة من صرت حيوان حمار اشما ينضرب ظال عايش . اشجابهم اهلي واشعرفهم بمكاني هاي الاسئلة حصلت على جواب منهم بعد شهرين وبعد ما طلع كلامي صح وما لامسني . عرفته من اميرة . من تأخرت ساعتين خابرت تمارة ام سجى تدزني ليش تأخرت. ام سجى كالت بتج ما اجتنا . كبعت وراحت الهم اشلون ما اجتكم اني بعيوني شفتها تدخل بيتكم . اني طلعت من الباب من طلعت الى ان دخلت الا دخلت . وظلت اتحلف بسجى و تتوسل الا حجت سجى وهي خايفة من امها واعترف هي دخلت نيوفر دقايق وطلعت بعد ما اتوسلت الها اتكول الهم هي يمي . رجعت للبيت و بلغت ابسرعه والدي رجع للبيت و خابروا رضوان يروح لبيبي . وظالين اربع ساعات يدورني و حتى بابا باسط تمارة من حركة گلبة عباله اني طافشة منها و ظالين يدوروني الا أن علي فالتها يم صديقة صكار وكايل اله احنه اندور أختنا يمكن مخطوفة. ابسرعه صكار عايف علي بالباب مال بيتهم واكف و اجه لبويا الي جان يريد يبلغ الشرطة .وبلغه بالي يعرفه وابوية اجه يطلع بروح صكار ما مصدك . كايل اله بتكم عدها علاقة وية ابن خالتي . مراهق ملعب وحذرتها منه وما ادري اضاهر وياه ترة شايفها صاعده سيارته قبل فترة . طلع شايفني سابقا . ومراقبني وعارف بيه واني غافلة و حتى محاجي ابن خالته يعوفني بحالي بت ناس ومختار كايله هاي صيده سهلة واذا مو وياي ويه غيري وحده مطية مجال ! وابوية ضارب صكار . بس رضوان مصدكه . وصكار كال الهم والله اني لان عندي مخافة الله واعتبركم اهلي وماكل بيتكم اجيتكم . اخذهم وراح كحتمال يسأل مختار عني بشقة الانس مال مختار واخوه والكبير . طبعا هو مراد ياخذهم وياه بس رضوان لزك اله . ما اكدر اتخيل او اوصف شنو شعور ابوية شايفني نايمه على سريرة ؟ الله يكون بعونك وبعون اخوية اشكد شايل حنية وما قتلتني بمكاني . الي صار ما يستوعبة العقل رغم كل اخطائي استجاب الله دعائي و اخذني بابا ونقذني هذا الي ظنيته اول ما فتحت اعيوني لكن بعد شهر عرفت نفسي لو ميته ومدفونه واني مستورة اهون بهواي من الهوان و العار الي لحكني اني واهلي والضرب الي اتعرضت اله و كشف الطبيبة ونظرات العمات ونسوان العمام بابا خلال شهر لم غراض البيت بسيارة حمل و شال من المنطقة لوحده بعيده وسكنه بيت اجار . وعرض بيته للبيع اعتقد حتى من قرر يبيعه الي يقرة القطعه يكول خطية جان خوش رجال وبته طمت وجه بالارض! المنطقة كلها عرفت بت ابو رضوان عار اخوها سحلها بالشارع ، البيت الاجار اصغر من بيتنا و ابعد على مدارس اخواني الجديده و وسخ ينظفن بسيراميكه تمارة و اميرة وماكو. اني حبسية الغرفة .حدي للتواليت و لكمتي توصلني بيد اميرة لو تمارة ولا واحد.منهم يريد يشوف خلقتي . بعد شهرين عمي اجه وكال اريد اميرة لحاتم بابا كيف وفرح لأن الغريب مراح يقبل يناسبنا ابد صرنا مثل الجربانين محد يحب يتقرب منا ويناسبنا ولحد يكول بالغت هذا شي عشته وشفته بعيني بس كال اله ابنك ياخذ بتي يقصد رضوان . وعرفت او سمعت اخبار من اميرة . ان عمي كايل اله منو ينطيكم مرة او ياخذ منكم اني اخوك خل اساعدك وانلم اولادك . رضوان متخبل هو ما يفكر بالزواج بالوقت الحالي و بت عمي لمياء مو فتاة احلامه سمرة وقصيرة حتى عمرها ٢٨ سنة اكبر منه بسنة وما سمعنا عنها بيوم انخطبت مو خريجه . بينما هو خريج و وسيم بنظري حيل يشبه بابا ابيضاني و طويل من النوع الي يعتني بنفسه وشعرة و يشتغل بمحل فلافل شريك ويه صديقه بالكاظمية . واعترف لوالدي هو عنده وحده مستقر عليها و واعدها بالزواج بس يحصل تعين او تفرج و ما قبل يخطب لمياء . تمت خطبة اميرة و زواج من غير معازيم اهواي بس المقربين . واني ما حضرته بأمر من والدي . تزوجت اختي وتركتني وراحت لبيت زوجها ،، حاتم واخيرا اخذت الي اريدها وتوسلت لوالدي يعفيني من سالفه ستر اختها وصارت اميرة ببيتي . والحمدللة ؛؛ اباوع لنفسي بالمراية . اتغيرت اهواي . صار جسمي احلى من قبل شعري الي بأمر من تمارة ممنوع ينقص من كنت بعمر ال١٦ اسمي باترته . هسة واصل لضهري . جسمي تحول انوثي اكثر واني بعمر ال١٨ بس حيل كارهته وكاره شكلي . كارهه معالم وجهي احسها قبيحه مو رحمانية مثل ما اتكول الي تمارة دوم اني شكلي مو رحماني نبتت شيطان اول ما شرفت للدنيا امي راحت اول ما وعيت طفلة وكحه ما تنگحم ومن شبيت جبت العار لهلي والله يستر من تاليي هذي الجمل صارت نغمة يومية اسمعها لازم منها . كل اشوية اذكرني بسوايتي و اكره نفسي اكثر واكثر وكمت احس نفسي قبيحه خلق واخلاق . هاي اني طول اليوم اشتغل واخيط ملابس لخوتي و للعمات والخالات و بس من يجون اخواني و ابوية واجب دخلتي لغرفتي و ما تقبل تمارة اختلط وية سما اختي اختلاط الخوات . موبايل ممنوع طلعه للاقارب ممنوع مرة كل ثلاث او اربع اشهر زيارة بس ملابسي هي اجيب قطع واني اخيطها لنفسي كلها الوان غامقة وقريبة للأسود كله هذا خوفا مني تمارة اتكول بس ننطيج مجال اترجعين اتغلطين نفس الغلط . انت ابتلاء من يجون عماتي لازم بس اخدم و ادخل لغرفتي بيبي كلش ادهورت صحتها و ما شايفتها من اشهر . هي اتخربطت من عرفت بسالفتي وهي عدها قلب ما اتحملت و اخذها احد خوالي يمه اتعيش . دخيط ثوب لأختي . ودخلت تمارة -وكفي المكينة خل احجي وياج وكفتها -جايج عريس باوعت الها بتعجب - اي لا اصفنين عليه . وطلعت ما انطتني اي شي عنه ورة ايام جنت بالمطبخ اطبخ . وسمعت احد دخل عبالي تمارة رجعت من السوك . طبعا الباب مقفول عليه دخل رضوان من باب المطبخ الي ع الممر ولزمني من خوانيكي -اكتلج انت اكتلج واخلص منج -ر رضوان شكو بعد مكدر اتنفس دمعت وحسيت روحي دتطلع واعيوني اتباوع اله مفتوحه ع سعتها . هدني من اجته سما اتوخر بيه عني وكع الجدورة كلها و جدر دسلك بيه البتيته وكع ع صفحتي صار الماي على فخذي ورجلي سما -اسم الله نيوفر تأذيتي روحي شاغت الماي حار التفت هو عليه وشاف قدمي حمرة .واباوع اله بخوف . اتراجعت للخلف لا أراديا . وهو طلع من المطبخ . بالليل ما نايمة رجلي تلسع بيه رغم تمارة جابت الي عصارة دهن حروق . اختي غاطه بالنوم واني اتحصر على راحه جسدية لأن النفسيه بالله من زمان فقدتها . حسيت الباب انفتح . دخلنا اشوية نور من ضوة الممر و حسيته ظل رجل ماعنده شعر طويل مو مرة . عرفته من طولة رضوان لأن بابا سمين و علي اقصر من هيج . غطيت راسي واني ارجف كلت اول تالي يدخل علية اني ميته ميته اليوم . بس اتسأل شنو جد من اثبتت طهارتي سقط قتلي عرضوني على ثلاث طبيبات وتأكدوا من صحة كلامي وهاي مرت سنتين . حسيته واكف فوك راسي احس بملابسة من يتحرك يطلع منهن صوت غصبا عني صدر مني صوت شهكة والعبرة خنكتني . رفع الغطى عرفني كاعده . -توجعج رجلج ؟ حسيته من صوته باكي او تخيل الي ما ادري ما صدكت سمعي عبالي من اثر نومه . كعدت ومددت رجليه واباوع اله بخوف -شت شتريد ؟ -وجعتج بجيت و خانكه صوتي لا يطلع كلامنا شبه هامس و الباب اشوية مفتوح مسلل ضوة كلش ضعيف ما اكدر من خلاله اميز ملامح . كعد ع طرف سريري . شمر على حضني عصارة -هذا مضاد حيوي الماني احطيه هسة يبردها . - اشبيك . اشبيه صوتك سألته بخوف منه واستغراب هم من تصرفة يأذيني و يجيني نادم ! مابيه شي . سكتت وكف . - اليوم جان عرس غسق . اليوم ازوجت واحد ثاني اهلها ما يرضون ينطوها من سألو علينا بمنطقتنا وعرفوا اني اختي شنو ماضيها وجيرانه ما قصروا بتكميل النقص الي ما يعرفوه ! كالها بصوت حيل تعبان و طلع بهدوء مثل ما اجه . وعرفت سبب ثورته اليوم ! يتبع ملاحظة مهمة وهي لحد الآن الاهل وبالاخص النساء ما مصدكين انها مع شاب ما متقرب الها ساعات وشاكين انها غاصبها لكن مو بالطريقة التقليدية حتى لا يتورط لكن اني مشيت على كلام واصرار نيوفر وما حطيت شي من الشكوك تصويتكم حتى انزل الكم الجزء الخامس بالليل . ويظهر بيه الاشيب 😉 التعديل الأخير تم بواسطة لامارا ; 23-03-19 الساعة 11:29 PM | ||||
|
| |
|
16-03-19, 12:57 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الصراع الخامس - أنا على ما يرام -لكني أعيش بطريقة لا تشبهني أبدا الطاعة والقبول و الانصياع خلف اوامر تمارة ابد مو من طبعي بصراحة ما احس بنفسي ولا احس نفسي تغيرت بذيج الايام حسسوني أني مو من حقي اعيش وهمه الهم فضل تاركيني أتنفس هذا الي فهمتة الي يخطأ لازم يظل دومه خطأ بنظر الناس و محد يسمح اله بالحياة ولا اله اي فرصة ثانية رغم هو يمكن انصلح اكثر بعد الخطيئة صارت صفاته انقى من قبل ما يخطأ لكن بعد هذا حكم العادات والتقاليد . تفأجات برضوان يحب و رايد يخطب واني ما ادري . ولو شعرفني اني ! ، يريد يسافر وبابا ما يخليه يهج ويروح يضيع بالغربة. ، ورة فترة جنت اشطف المطبخ . وتمارة اتوجه وتعلق . دخل علينا علي وشمر الكتب حيل ع الميز -ما ادوام بعد . فاهمة . اني رحت طلعت الماسحة ورجعت وكفت ع السنك اجلفة . واسمع كلامهم حيل مشتاقه لجلسات العائلة و لأخواني بعدم اهتمام جاوبته امه -ليش اشبيك ولك - يمة حظي الاغبر واحد من مدرستي القديمه ايام الابتدائي جان جيران و اجه هسه نقل النا . -لا تحسس قابل كل الناس تعرف بسالفتنا عاط حيل -يمة اكلج جان جيرانه . جيرانه . مسولف لصديقي المقرب و اجه اليوم كلي هذا هيج وهيج يحجي عليك فوكاهه حظي الاغبر ذبه عليه وهو يكرهني . - يمة شجابه الك هذا -ابطل والله وابيع فلافل وية رضوان اشرفلي .. كام من يمها معصب وهي اديها فوك راسها و تندب واتباوع الي -ضاع مستقبل جهالي يربي شنو ذنبي يااارب ليش هيج ضاعوا جهالي حسبي الله ونعم الوكيل .. رجعت درت وجهي ع السنك . صارت هي وراية ضربتني حيل ع ضهري و اتعدد عليه -العار ما يموت ما يموت ظاله عايشه و جهالي راح ينطمر مستقبلهم ماتت وعافتها الي . ما اخذتج امج وياج بالكبر . جان متي بطنها . نص الكلام كالته وهي تتوجه للخارج . اني كعدت على الارض وبس الدموع الحارة تعبر عن الي بيه ذاك ما خطب الي يريدها والثاني انفضح بمدرسته . بقت بس سما زين منها متحملة اتباوع بوجهي كعدت ادك ع المكينه واطلع قهري ببجامه مفتوكه لو ثوب طويل . واتذكر مختار وكلماته . حبي اله الي دمرني ثقتي بيه خلتني ادمر عائلة كاملة . حتى تمارة كمت اجنبها شوفتي حابسة نفسي بغرفتي بيوم اجتنا خطار اميرة . عدها صار ولد صاحتلي -نيوفر . ولج كبر تعالي سلمي عليه سمعتها واني بغرفتي اساسا الغرفة قريبه ع الهول بس اخوتي موجودين اني ما اطلع بجودهم كثرت الحاحها خلتني اطلع .سلمت وبست ابنها . وكعدت يمها مدنكه راسي .. تمارة - كومي جيبي لأخوج نفاضة رحت اجيبها لرضوان وكامت وراية تمارة -اكلج شنو انسوي عشة رجل اختج يرجع يتعشى يمنه -طلعي كبة الجريش من المجمدة و سوي وياها جدر دولمه كلت الها واخذت نفاضه من ع الثلاجه . ورحت حطيتها كدامه ع الطاولة مشفت رجل علي دست عليها بطرف أصابيعي .. محس نفسي غير مدفوعه حيل ووكعت ع وجهي ع الارض عمية ما اشوفين لو العار اعمى كالها بعد ما وكعت . اميرة بتحذير -علي ! رضوان ضربة ع متنه -ولك انت شو كدامي هيج اسوي -لا تضرب اشبيك -لا تضريها ولك واصيح عليها مو اكبر -منها انت فاهم -ها وانت تحرك بيها و تضرب حلال اجت يمي صارت حرام . اني كمت وطلعت لغرفتي. بس سمعت اصياحهم مدري اشصار بيه تذكرت اليوم الي لزموني بشقة مختار والضرب والصياح مال ذاك اليوم سديت اذني . منا من اختفى حسهم . وسمعت بابا طالع من غرفته مسكتهم دخلت عليه تمارة -ولج انت بلوة اخوتج اتلازموا من وراج ورطه والله ذبها عليه كون الله ياخذج ليش ما متي ويه امج . ليش واتعض باصبعها .. غمضت اعيوني عصرتهن عصر احاول ما ارد بس احس جوايه بركان مو بأيدي صحت بعلوا صوتي -يا الله اخذ روحي . غمتني وبابا اجه وصاح -سكتيها وراح لطمتني على حلكي وسدته . -كااافي كاافي بعد شتردين اسوين بينا حتى اهنا اتفضحينا . كونج بموته ونخلص منج . طلعت واني طلعت وراها استغربت من دفعتها واتعديتها ورحت للمطبخ . طلعت من المجر اكبر سجين لا باوعت الها ولا اتكلمت وجهته ع گلبي صاحت هي . معرف اشوف دم يتناثر كدامي واحد لازمني من ورة . اني من طلعت من الغرفة مثل الصم البكم عميا لا اسمع اصياح تمارة ولا اشوف الي كدامي . معرف منو لزمني . واشلون جرحت ايدي من ساعدي . الي لازمني يهز بأيدي يريد يوكع مني السجينه . بس اني لازمتها حيل واريد اوصلها لقلبي و هو يوخر بيها و اني اقدمها على صدري . لحد ما تعبت وروحي شاغت من هاج وجع الجرح الي بأيدي . دارني عليه و راسي على صدره وهو مدري شنو يحجي . حيييل اشكثر مشتاقة لهذا الحضن سنتين ما ضامني ولا بايستك لا بعيد ولا بحزن . سنتين محرومه اباوع لوجهك . اروح اوكف بالاستقبال اباوع بصورتك واتمعن بيك مثل اليتيمة وانت عايش . ؛ مثل ما اتكول تمارة العار ما يموت . بعدني عايشه . اميرة اثاري جانت اتراضي بعلي لأن رضوان كاتله . وخلتني وحدي مع كلمات تمارة الي ثارت بداخلي رغبة الموت الي هي زرعتها بيه من سنتين . مرت ايام . وطاب جرح ايدي اهه صدك كمت اضحك على نفسي الجوي الي بفخذي لساه ما رايح وصاير قريب للبني الفاتح حيل وعلمت على نفسي علامه عار جديده بجرح على ايدي . دخلت سما بزي المدرسة وفتحت الكنتور وبدت تفتح بزرار قميصها . تذكرت لبسي و زي ومدرستي .الله من جان كل همي ما حافظة الدرس اووف لو ترجع ذيج الايام قطع صفنتي دخلت اميرة عليه . قابلتها بستغراب وسلام -اشعجب خلاج حاتم تجين مصارلج اسبوع من اجيتينا . مجاوبت على سؤالي - نونو حضري نفسج - شنو توني نظفت لا اتكولين كراب تعبت -لا يحبي عفى اني اكرب عليج . دكولج حضري نفسج داخذج وياي - شنو ؟ - هههه كولت لبابا و وافق اتباتين كم يوم يمي -لا لا صدوك تحجين -اي والله طرت من الفرحه ورحت وتمارة ما راضية.انصدمت اشد الانصدام من سولفت الي واحنه بالطريق رضوان طالب منها وبأمر منه جايه ومستأذن هو من بابا اصلا مو اكول أميرة اشلون قنعت ابوية يطلعني من سجني وغصبا ما ع تمارة هو مسلمني الها بعد مصيبتي . واحنه نحضر العشا بمشتمل اميرة - حبي لا اتعيديها .. لا عبالج المنتحر يرتاح لا و وربج اتموتين كافرة . والله غضبان عليج قتل النفس حرام . ما قارية قران (وَلَا تَقْتُلُوا أَنْفُسَكُمْ إِنَّ اللَّهَ كَانَ بِكُمْ رَحِيمًا) انترس صدري وانملى بالعبرات وضاقت بيه الحياطين -شكولج . اميرة . هو اني بكل الاحوال بالنار رايحه رايحه عاد اخلصكم مني التفتت عليه وطفت عن الطاوات اني اكلي طماطه وهي كباب . جرتني اخذتني لغرفتها . رجلها جان بالصاله يباوع مباراة. -شنو هذا الكلام الفارغ قابل انت اتعلمين الغيب بعدين الله الغفار الرحيم انت بس كون تبتي من داخلج -والله ما اعيدها -مو هذا قصدي قصدي تتضرعين الله وتعترفين بتوتبج ومن صدك انت ندمانه مو بس لأن انفضحتي وخايفة . لا التوبة لازم نابعة من الگلب مو من الخوف سكتت معرف شكول -ترة الله يسامح 'وانتم اسامحوني ؟ -احنه ؟ سكتت وجرت حسرة كأنها مقتنعة -اي انتم . رضوان وعطلت زواجه من الي يحبها و علي انقل لمدرسة ابعد ما يكون وبابا حاير بالاجار و مصاريف بناء بيتنا الجديد و عاف عشيرته و ما يراوي وجه لأحد وانت مرت عمو ظلت مطينه عيشتج بسببي و طلعتي عنها و حاتم راتبة مو هلكد -عزااا حيلج حيلج .. ولج ناقصج بس اتكولين اني الي هيجت الحرب العالمية الثانية . ولج منو مدخل هاي الافكار ببالج سكتت -تمارة مو .؟ خو ماكو شي البيت وبابا من زمان جان ناوي يبيعه حتى يشتري بمنطقه اكثر شعبيه واقل سعر حتى يكبر البيت للولد . واجت وصارت والحمدلله اوشك يخلصة اني ترة عمتي من كاعها ما تنكحم . بعدين تعالي شنو قصة رضوان ليش ما تدرين ؟ -ادي حاول يخطب و اهل البنية رافضين هذا الحجي من زمان بس امنين جبتي مال يحبها هو رضوان من اشوكت ثابت ع وحده؟ -لا انت وين ماتدرين سوالفه مال البنات بطلهن من زمان . سمعت تمارة مرة اتكول لبابا رضوان صاير مستقيم بعد سالفة بتك سكتت مكملت ذكرت سالفتي من غير قصدي وهمين طلعت اني السبب ضحكت اميرة -اهنا تمارة هم محللة ومخليتج انت السبب هههههههههههه بس صراحه احسن شي هذا صار خلاه يعتبر وكما تدين تدان - طلع يحب وحده وثابت عليها -اشمدريج؟ - هو كال الي اجاني بالليلة الي جواني بيها وكلي . بس مصار بينا لقاء وحدنا اني وياج واكلج .. -اهاااا - حتى رضوان وفي وية اليحبها مثل حاتم ورادها . دنكت و الانكسار واضح عليه - حبي انت كنتي بعدج اصغيرة ما اتمزين نظرة الرغبة والاستهتار من نظرة الحب الشريف . مختار العار شرد حتى عشيرته دورت عليه من عمامج طالبوه بالزواج طلع خارج العراق كالوا الج لو لا هزيت راسي بيي - اي الكلب هو متونس بكندا وانت كضيتيها حياة مميتة شفتي الطيش وين ودانه -شفت .. بس تمارة كالت عمامي شرطوا بالكعده ما يرجع للعراق اذا رجع ينكتل على هتك عرض قاصر . حاولت اجمع معلومات من اميرة اريد اعرف معلومات اكثر مختار رجع للعراق لو بعده اشلون عايش . مرتاح و كلشي طبيعي واني حياتي انعدمت لو شنو؟ عرفت هو لساه بالخارج يخاف يرجع . و انفضت السالفه اصلا ابوية مقابل كايل اكتلها ولا ازوجها اله بس عمامي رادو الستر ومصار . اهواي سولفت ويه اختي بالنهاية الليلة كالت الي كبرتي يا نوفة واتغيرتي . يا حسافة الي فات انحسب عليج . ثاني يوم حاتم بالدوام -نونو صجمة عندي الج مفاجعة -شنو ؟ ، المفاجئة العصر طلعتني للمتنزه حيل تونست وحسيت نفسي بعدني عايشة على قيد الحياة . الحت عليه اصعد مرة لخ لعبة تدري بيه اعشق الالعاب . حاتم جان يم يمرجح بأبنه -لا هههه يمعوده فلست حاتم -لا ولج مصاريفج من رضوان من اخوج مو من رجلي اصدكين كروتنا منج هههه لأن حاتم نهاية شهر ومفلس رمشت اكثر من مرة وكلت الها عيدي عيدي - رضوان كلي طلعيها لمدينة العاب اتحب هاي السوالف نوفة وانطاني خرجية الج . واعذريني اخذت منها كراوي مفلسين اني واخوج حاتم هههه سرت بداخلي فرحة رغبتني بالبكاء و طغت عليها الحسرة -نوفة احنه بمكان عام لا تبجين - لا اصيحين نوفه اكره واكره نفسي رضوان اشكد طيب وياي . بجيت بالزايد ضحكت بآلم واخذتني كعدنا ع مسطبة مسحت دموعي من اجه حاتم اميرة -هاا حاتم هالفصعون وينه وين المراجيح توه عمره ١١ شهر اخذت ابنها منه حاتم -ها صجمة ما شبعتي نرجع للبيت ضحكت واني مناك باجية معرف تعبير وجهي اشلون صار شكلة . انتهى الحلم الي نومني بيه رضوان يومين ورجعت للسجن سجلت حضور ، الاشيب كاعدة يمي بكامل انقاتها الروحية . مرتدية بسمتها وموسدة بعيونها نظرة الأمل و الحنية تبثة لغيرها بروح شجاعة . - ماما طمنونا شنو النتائج جاوبت امي على سؤالها -الحمدللة عمة على كل حال بفزع ردت امي -الحمدللة . بش شنو طلع بواحد بيكم عيب ؟ ما حبيت الحاح امي عليها واجيت انطق سبقتني هي بشجاعة وقناعة - عمة مع الاسف اني ما اكدر املي حضنج احفاد . ابسرعة اجنبت النظر لأمي و ظلت تشبك أديها بتوتر واضح . لاول وهلة امي كانت اتباوع للبنى بصدمة ما صارلنا سنتين و هيج اكتشفنا مايصير عدنا اطفال طول العمر - يا . لا ماما شنو هذا الكلام اليائس انتم اليا طبيبة رحتوا . اني مو كلت الكم روحوا لدكتور قيس ال.. لا ترحون الياهو الكان جاوبتها لبنى - هو رحنا اله وبمركزة كملنا التحاليل كأن امي انحصرت بزوية ضحكت و كالت - هذا يمكن هم كبر وخرف لا تهتمين ماما انروح لغيره. مافاد للخارج هم اجزمت لبنى بجواب حصر امي اكثر - عمة رحمي طفولي ما اصلح للانجاب اخذت المطفئة و رحت عنهن بروح زهكانه من الحياة . مجروحه واتمثل وتبتسم اداري خيبتها خلف قناع رضى زائف وهي البارحه الليل كله مو يمي ع سجادتها تبجي اااخ لو بيدي امحي الدموع من اعيونج الناعسة ما يلوك الها الزعل . اسمع اصواتهم . اضاهر الوالد طلع من غرفته . طفيت الجكارة طلعت من المطبخ شفتها باست ايده وهو يمسح على راسها . -الله يساعدك حجي التفت عليه -هلا هلا بالبطل بعد السلام . اخذني لديوان الرجال . تعال يبطل ابوك . اشسويت وية النقيب فنر واخذتني السوالف على دوامي و تناسيت مشكلتي الي جدت وانضافت الى قائمة الهموم . و ذكرني بيها اتصال لبنى تكول الي الغدة جاهز . ؛ رجعنا لبيتنا اني وياها اتحاشت الكلام وياي واني هم . ثاني يوم كعدتها الفجر -لبنى .. لبنى فتحت اعيونها وحطت ايدها عليهم تحميهم من قوة الضوة بعد الظلام الي كانو منغمسين بيه - ها حتروح -اي لبنى كومي سدي الباب وراية و صلي ونامي . -خوش كامت ودعتها و رحت للدوام . ؛ صاحتني تمارة .استغربت اخوتي كاعدين بالهول وبابا ديتغدون شتريد مني هسة رحت شفت تمارة تشرب شاي وياهم -هاي خل الكلام كدامها ينكال اجاج عريس . الي كلت الج عليه قبل فترة طويلة . هسة رجع من جديد يريدج مفهمت شنو قصده شنو رجع شنو كالت الي اذكر مرة جابت الي طاري بس ما انطتني ملامح عن الموضوع رضوان نبز - خالة اني ولا مقتنع دسديها للسالفه تمارة - والله يا رضوان هي ياهي الزواجه لو اظل بلا زواج منو يتقدم الها وياخذها ما اكلي وبعد بكيفيكم رضوان يباوع لأبوية الي يشرب الجاي وساكت -بوية انت شنو رأيك شو ساكت واخيرا نطق -والله يا رضوان كلام تمارة واقعي على الاقل الناس تنسى امرها من تتزوج -بوية الناس تنسى ورة كم سنة ويجوز هسة نست . بس اذا انطيناهه لواحد مثل هذا راح ترجع علينا و نخرب حياتها فوك خرابها خراب عاد خليها اهنا مرتاحه تمارة - والله الناس ما تنسى الفضايح اعترض رضوان جاوبة بابا -كله منك اشكد ردت الم السالفه .انت تهورت وضربتها بالشارع و شهرت بيها . نقاشهم صار حيل حاد عفتهم وشردت اخاف حيل من حدة الرجال بعد الي شفته من ضرب ذاك اليوم اذا سمعت صوت رجال اشوية عالي انز واخترع سديت اذني عن كلامهم ... واختارت بالنهاية تمارة تقنعني -ولج واذا اكبر منج ب ١٥ سنة ومطلك.. احسن من الماكو لو هو لو بعد ماكو - ماكو احسن الي ؛ اميرة كالت الي لا اوافق انتكس اكثر . جان يشرب ومرته عايفته لهذا السبب -ولج اميرة شعليها . نايمة بحضن زوجها وبحضنها ولد انت يالغبرة ناوية اضلين هيج بلا جاهل يملى حضنج يكلج ماما . و الرجال صارلة اربع سنين تايب وتحلف مرت عمي يصلي ويصوم سرحت بكلامها وهي مثل ابليس من ظل يغوي بأدم و ضروفي جانت حواء الي رغبتني بالموافقة اريد اصير ام اريد يكون الي بيت اريد اتخلص من نظرة الناس اطلع على حياة ثانية . بمكان ثاني ما الي بيه ماضي بشرت والدي بموافقتي . وعرفت هو ابن عم تمارة من طرفها ساكن بديالى و يدور مرة . اهل تمارة كلشي ما يعرفون عن سالفتي من سكنة وسط ديالى وهي مثل ما كلت الكم سابقا اتروح الهم بالشهر تقضي يومين وترجع . ورغم الكره الي احسه تكرهنيا لكنها حرصت همه ما يعرفون اكيد عدها أسبابها واولها حتى لا ينزل زوجها من نظر اهلها . واحس الموضوع بيه خداع على ظمانتها ابن عمها رغب بالزواج من الي وصفتها اله واجوي شافوني النسوان وطارن طيور بيه و هو دخل بنهاية الكعده شافني وشفته . او لمحته لأن مالي عين اباوع لرجال كدام تمارة وكدام نفسي بعد الي بدر مني طولة وسط ؛جسمه مليان غير ملتحي من راد يطلع باوعت اله . ماعنده اي زوائد وترست جسمه حيل حلوة وابيضاني حسيت براحه كبيرة لمعالم وجه الهادية . بس دكات گلبي الفضيعه مستكثرة الفرح عليه . تنذرلي وخايفة لا الفرحه ماتم ممعقولة اني الي لازم انحرم من الحياة ارجع من جديد ابلشها مع شخص صح وبطريقة صح . تمارة جانت طايرة اطيور واتعجل بيهم بحجة عاشور راح يداهمنا . ورة اسبوع كطعو مهر و تم عقد السيد . تمارة كعدتني وحطت طشت جوة رجلية وياس ولبستني روب ابيض واميرة حيل متأثرة وخايفه من هالخداع كلشي ديمشي مثل ما مخططه اله تمارة وثقتهم ببتهم ما خلت عدهم نسبة واحد بالمية بيه خلل . كان شي رسمي وروتيني ما يحتاج وصف ومشاعري عبارة عن خوف مثل الطالب الي مطلع برشم يغش ويخاف المراقب لا يشوفه . قضيتها بس خايفة رغم اني على يقيني اني انظلمت وما مسوية شي بس الكلام الي مأولته الناس فضيع فضيع لدرجة شككني بنفسي . وصلنا لمرحلة التجهيز . تجينا اميرة اتخلي ابنها يم سما ونطلع ثلاثتنا نشتري ونجهز . مهري اثنين مليون . خلصنا تجهيز وعقد محكمة بحضور بابا وتمارة وكلشي مشفت من الرجل قضيتها مستحيه ارفع راسي . عزمناه على الغده من ثولي ما طلعت اله ابد عفته يم الزلم . من راح اجتني تمارة انطتني تلفونها وبيه رقمه ااااه يا دنيا اشكد الحلال مختلف تمارة بنفسها اجيب الي التلفون وتنطيه لا وبعد اتحثني ادلع وانعم صوتي ! -خاف بابا ما يقبل نظرتها كانها اتكلي علينا يا شريفه بس مضهرت سخريتها بالكلام وكالت - لا هو رجلج بعد وهو طلب مني انطيج التليفون هاج هذا تليفوني يدك عليج بالليل من يوصل افتحي خط عليه . ؛ اني انام من وكت . وتعب اليوم طلعه و طبخ غده للضيف او عريسي . دنام ودك تليفون .. نسيت امرة . اصلا نسيت اشلون افتح خط لا وبعد هذا هو هي كاتبة علية فيصل . اخترعت هذا هو شسوي يربي وشحجي وياه . خفت تنتهي المكالمة وشيخصلني من تمارة . فتحت خط من غير ما اتكلم -الوو مساء الخير .. ام علي ؟ -هأء لا اني نيوفر سمعت صوت تنهيدة جبيرة واخذ نفسه .. تاخر بالرد - واخيرا سمعته للصوت اشكد لحيت من عقدنا شيخ احجي وياج ومرت ابوج رفضت . سكتت -الو انت وياي -وياك . رايد شي - لا والله بس رايد اتعرف . ما يصير هيج نزوج ؛ غير ناخذ على بعض . هم حل سكوت من جانبي -اكلج انت ليش وافقتي عليه بيج شي ؟ سؤاله خله التليفون يوكع من ايدي .. يتبع اكرر نوفة حية ترزق . كل مافي الامر هي لا تهوى القراءة ولو متوفيه ما اخليها هي تروي ابدا . تصووويت لا تنسون من فضلكم . احبكم 🌷 التعديل الأخير تم بواسطة لامارا ; 23-03-19 الساعة 11:32 PM | ||||
|
| |
|
23-03-19, 11:34 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الصراع السادس التليفون على صدري و صافنه بعبث على الكنتور . واسمع صوته - وياي وين رحتي .؟الو حاولت قدر الامكان اكبت ارتباكي و اخليه يكمل بس بداخلي اريد اسد الخط . اصبعي يم زر الاغلاق ما اريد اسمع منه اعترافه بمعرفة شي يخصني غمضت اعيوني واسمع عتابة ليش رحت جاوبت بصوت ضعيف واضح كل ما اعانيه - لا وياك . كمل - شكمل احجي واحجي وانت ماكو - اسفة - لا تعتذرين يلا مصار شي . بس كلت الج ممصدك انت وافقتي ع واحد مثل ضروفي . كان قصدي بيج شي بنظرج هههههههه وحده بجمالك .. صغيرة و تخبل تقبل بواحد مطلق وعنده بنت اكيد اني ساحرج ههههههه -ها هذا قصدك بس ؟! -ههههههه اي والله مو قصدي انت مجنونه حتى اتقبلين بيه مو هالدرجه مستنقص نفسي بس احجي واقع حال خطبت الاكبر منج ورفضت بسبب اني مطلق . حتى أيست الكه بت حلال من يدرون جنت اشرب .. الو وياي نيوفر . . -اها اي وياك . براكين الخوف الي بداخلي مطرت عليها غيوم افكار فيصل وطفتها هو وين يفكر واني راح بالي هو الي على راسه بطحة بعد . مكالمة عادية صح اتوسطها الخوف بس نهايتها عبالي خير بس كال جملة طشرت ضميري الى اشلاء - الحمدللة من قبلتي بيه مثل ما اني . واني هم صريح وياكم من البداية حتى لا يضل شي خايف منه ينكشف واصغر كدامكم ! الصبح . كالمعتاد شغل و اكعد ع المكينة اخيط ملابس الي . اشتريت سيتات حاضر و كم ثوب بيت حاضر واخذت كم قطعة اخيطهم . اجتني سما - اكلج شو رضوان البارحه ما اجه بالليل -شنو بات برة؟ - اكيد ؛ ما رجع وبابا كعد الصبح يدردم عليه - والله مدري بشنو يفكر ساعة يهج لغير دولة ساعة يفض شراكته ويه صديقة . ثاني يوم . رحنا انشوف البدلات واسعار الاجار . حتى نطلع اذا رحنا اهناك ناخذ بدلة منا من رجعنا هلكانين اني وتمارة . شفنا رضوان كاعد يدخن بالحديقة اتخوصرت اله تمارة من فوك عباتها - خير يا طير . صارلك ايام ما انشوفك دومك طالع ويومين مو اهنا اتبات .. -جنت اطقس شرت عباتها على الحبل وهي تحجي وياه واني دخلت لجوة . اتخيل نفسي بالبدلة البيضة اشلون راح يطلع شكلي مرضي لو لا؟ ااه يا حلمي قرب حباب قبل لا تخلص خل اعيشك بالاول ؛كلت لنفسي ماطول سما مو اهنا .خل اجرب شكلي اشلون يصير بالملابس النسائية؟ فتحت كنتوري حاطه الاكياس جوة بسفطتهم . طلعت اي واحد بيهم عبثا . فتحت الكيس بدقة حتى اكدر ارجعه للثوب كما كان لا تمارة تاكل گلبي اتريد اتحطن بالجنطه كما هنه حتى ما قستهن واخذتلي من الثياب سايد واحد . طلع لونه وردي و بي فتحه مثلثه يم الفخذ مغطايه بتور اسود و تعلاكاته سود لزمته وافتريت بيه . عيني ع الباب لا سما تچفت يوه مكدر خل اوكف يمه وانزع احسن مصيبه بابنا قفله عطلان اشوكت انشيل ونرتاح من الاجار ويكما بيتنا لبسته ورحت للمراية داريت صدري بأديه يمه شنو هذا فضيع .. حسيت بتيار من الخجل من اتخيلت المراية فيصل انفتح الباب نزيت التفتت لنها تمارة شهگت واني ابسرعه لگفت ثوبي الواكع جوا?ا لبسته مكلوبي فوق الثوب سدت الباب وبعصبية - اشلون اتلبسيه غبيه مو كتلج اريدهن يضلن بجياسهن كدام عيالج هاااا سكتت وباوعت للارض اعيوني دمعت من الخجل شافتني بيه -هسة يصير كله ريحه عرك انزعيه . مستعجلة ع شنو يحضي ع طياح الحظ ، يلا انزعيه واياج ثم اياج اتلعبين بالمكياج وتستخدميه من هسة خلي كلشي بكراتينه كدام عيالج كله جديد . تردين شي اخذي مني خوش هزيت براسي بمعنا اي واريدها تسكت لا احد يسمع صوتها - لا وبعد المفعوصة اول شي اجه بالها ملابس النوم ميته ع قاطعت وابل الرزايل بصوت مخنوك مجحرش -كافي عاد ليش اكرهيني هلكد . نظرتها المتعصبة بدت تتغير وارتبكت جاوبت بتلعثم - اكرهج؟!! ظليت امسح بدموعي وكعدت ع السرير اريدها تطلع احس نفسي حيل انغمتت وفرحتي تلاشت اجت يمي - الله يشهد ما اكره احد بيكم واتمنى الكم كل الخير . هدأت صوتها اكثر وكملت - انت لأن اخاف عليج واحاسبج عبالج شاده وياج . بس والله اني سعيت اشكد حتى هاي الزواج اتم .. اكلج شغله وما اضوجين اني كلت الهم عليج باوعت عليها مستنكرة فعلتها - اي وقبل فترة اذا اذكرين كتلج ع عريس بس همه اترددوا عبالهم اترفضون . هسة شجعتهم مرة لخ واجوي -يعني شنو انت كلتي الهم -لا ولج لا اتفهمين غلط ما دللت بيج خليت امي اتلمح الهم . المهم اخوج رضوان اثاريه هاي الايام كاتل نفسه رايح يسال بوحدة الولد الي يدوام بيها سأل نص جماعته عليه ورايح بالمنطقة مالتهم يطقس ما كفاه كلمه ابويه من كال لبوج واتكفل فيصل لا راح بنفسه الا رتاح كلها حمدت بيه ضربتني بخفة على متني وكالت - مو رخيصه وانذبج احنه .بس فكرنا بمصلحتج تزوجين واحد مو من المحافظة اسلم حل . وصلت يم الباب .. -انزعي الثوب . باجر من نكمل شراية ملابس الطلعة اشبعي قياس بيهم . طلعت . هسة لو مشاعري تنطق كل صوت بيها ينطق شكل لأن صارت متعدده ما مفهومة اتمنى اوعى اكثر وافهم هاي العائلة اكثر مشاعري اتجاهم اتخربطت اجاني ايمن - هاج هذا فيصل جابلي تليفون امه فيصل يتصل رديت واني اباوع لوجهي بالمراية بعد السلام - شنو جاي اسوين بعفوية - جنت ابدل سكت اشوية طول بسكته ممتعوده اني ابدي بفتح اي موضوع او اي سؤال بس حيرتني سكته ذكرتني بمختار و قصة شنو لابسة ويضل يتحسر من اوصف اله اها يعني فيصل مثله بادرت بالكلام - الو انت وياي - ها اي وياج وياج اي شنو جاي اتقيسين جهازج . اكيد ذوقج حلو -اكثريته ع ذوق اميرة و تمارة . - ليش . المفروض هو الج غير اتفرحين نفسج ب الي ترديه . - ميخالف حلو ذوقهن -اهم شي كون كفن . ادري بيه مهرج قليل بس انشالله معزتج تغلى عندي بمرور العشرة وادللج -انشالله كلامه اخذ منحدر اخر منحدر مريح للنفس و كلامه و وعوده و تخطيطه ع حفلة العرس اني بس اسمع واكول اي اي ميخالف اي . قرر نجي قبل يوم لديالى . و انزف من بيت خالته لبيته واسوي حفلة بالبيت الوضع مو تمام و يجي ياخذني . انتهت المكالمة . كلمت نفسي والله يا نيوفر انكتبت الج حياة جديدة و حلوة الحمدللة . تذكرت مكالماتي ويه مختار والحسرة والندم خلاني اكره ذيج الايام بس هسة صارتلي عبرة ابتعد عن الغلط ومن ازوج لا اناقش ولا اعاند قرارتي كلها غلط ومن اعاند محد يتأذى غيري . شنو حصلت من جنت طفلة وازعل ع الاكل محد يحس بالجوع غيري . شنو حصلت من اتحديت تمارة والضروف وردت اعيش قصة حب قوية غير طخيت راسي بالارض وراس اهلي . راح اريح اهلي بابا رضوان ما اعذبهم وارجعلهم . ؛ رائد اذا كنت مشغول طول اليوم لدرجة تنسى تذكر الي بداخلك انت بنعمة كبيرة . بالدوام عندي هذا الانشغال . لكن من اجي مجاز لبيتي يتغير الوضع رحت جبت مرتي من بيت اهلها هي طول الطريق اسبح بسبحتها الإلكترونية . تأفأفت حسيت حياتنا حيل فترت قبل كان لقائها بيه بعد الفراق بيه لهفة وشوك محبين حتى خواطر بطلت تكتب وترسل الي رغم اني ما بيوم كنت ابادلها بوحده لكنها ما انقطعت عنها طوال السنتين من زواجنا . قربت اوصل يم سيطرة فتحت ضوء السيارة اتعديتها قطعت الصمت لبنى - هاي شنو . رائد بزلفك شيبتين ذني ؟ قربت راسها اكثر دشوف شيب لو لمعة شعري عاكسة . شكهت واتلمستهن واني اباوع للطريق بحذر و حزم . سودة عليه حبيبي اكيد انت مهموم بدت تمسح على صدري وخرت ايدها بطريقه منزعجه - احنه بالشارع .. رجائا لا تحاولين اتحسين نفسج السبب الي بيه كافيني ما اريد اشيل ذنبج - هسة اني شنو كلت . كل ما بالامر خايفه عليك . مناك ذولة يحاربوك بشغلك واني ضاغطه عليك بحزني . بس شسوي ليش اكذب عليك الموضوع صعب عليه بصراحه لهسة عندي امل اصير معجزة واحبل ضربت الاستيرن بقوة - سدي السالفه سكتتها بصوتي خايفه دارت وجهه ع الجامه - اسف . اسف حبيبتي دنيت راسها عليه بسته وعيني ع الطريق - زين اشرحلي حبيبي شنو اتحس طول الوقت ساكت من تجي مجاز ومن اتروح ع كد السؤال اليومي اتصالك . اني مرتك حبيبي -احس؟؟ تنهدت - شوفي يا لبني خليني ساكت افضل احيانا صعوبة شرح المشاعر كفيلة اتخليك ساكت طول اليوم . ضغط العمل و ضغط والدي من سمع بالخبر لليوم يريدني اشوف حل اما اسفرج للخارج على امل اكو حل الج او ازوج مخليني بشتات فكري. صدكي بالدوام امشي واحجي ويه نفسي . ؛ نيوفر يا دكات گلبي على هونج لاحگ? على الضربات لا تستعجلين خليني اعرف اخذ انفاسي يجي سراج . فرحتي خلتني بين شتين الاضطراب و السعادة . كاعده على كرسي مغلف قماش ابيض ويمي كرسي ثاني ابيض ونشرة اضوية بيضه على شكل جمبذة ورد خلفي لازمه ماسكتي و قرأني ومراية صغيره . كل اشوية اشوف وجهي. احس الحمرة حيل طوخ ومكياجي ثكيل مكبرني مهلكد عجبني بس سكتت معترضت بس تمارة همين معجبها الا اشوية تتلاغه ويه الصالونه بس ام فيصل لمت الموقف جانت ويانا . اميرة اصور بيه وحطت ابنها بحضني واخذتله صورة . بدلتي منفوشة و من الخصر قماش شفاف اجت مودته ب ٢٠٠٩ و ٢٠١٠ يعني يبين منه الخصر . طرحتي قصيره وشعري لامته كله زواجي ب ٢٠١٠ شهر التاسع الصفكات والهلاهل دخلتني بجو الاعراس واني ملكة هذا اليوم بس اجمل الاصوات اصوات الناس الحولك من تضحك بنفس الوقت ابتسامات تتناثر عليه والاطراأت تتغزل بجمال أطلالتي من قبل المدعوات . كفيلة اتكون سر بهجتي لكن نصف بهجتي انفردت بيه تمارة بموقف سوته قبل كم دقيقة طبعا اغلب المعازيم من اقارب تمارة اجتني وحده سلمت عليه و اجت تمارة وكفت يمي واتباوست وية المرة - ما شاء الله عليها بت رجلج اتخبل كمر - اي هي نيوفر احلى خواتها - الله يسعدها بس صغيره مو - اي اصغيره بس اتعجبج ندارة و حبابة خوش ابنية راحت المرة .. اني اباوع للناس بفكر شارد اول مرة بحياتي اسمع مديح من قبل تمارة . اذا احد مدحني تكسر بيه ! بيوم الوداع و ترك بيتهم الا سمعته منها واني بثوبي الابيض مكنت متوقعه اسمعه حتى واني بالكفن الابيض اي يعني حتى من اموت عبالي ماعندي محاسن تذكرها تمارة . تضاعف حجم الرضا والحمد للرب احس نفسي حيل مؤمنه واحب الله . بعد الزفة بغرفتي كاعده صافنه عليها ! هاي غرفتي؟ اول مرة جانت اشوف الاثاث التركي حيل حلوة ونازكه دخلت عمتي . -ها يا عروسه شرأيج .ههه فيصل جهزها كلها على ذوقه اوليدي الحنين ابتسمت برتباك.ذكرتني بيه وبالليله اشرت ع الصينية اكلي ابنيتي ما طول رجلج مشغول اشوية ويه جماعته خاف تستحين كدامه دخلت بت بتها عاطت ولج وخري منا . انعل ابليسجن اشكد وكحات طلعتها وراحت كعدت ع طرف السرير . اسمع صلوات وتصفيك هاي شنو دايزفوه شهكت راح يدخل وكفت رجعت كعدت افرك بأديه . دخل وبسمته مزينه ثغرة لابس قاط حني . مرتب حيل .. -تعاي تعاي -شنو -تعاي اشبيج واكف يم الباب تعالي اشاورج رحت يمه بالي مشوش - شنو! حط ايد جوة ضهري وحاول يحنيني بخوف - شسوي -شووو شالني - ياا نزلني ثكيله يا ثكيله مثل الريشه شنو اهلج ما يوكلوج . لخليج حبنتيه ببيتي كله بط و دولمة افتر بيه مدري رجلية الطايرة عن الارض لو روحي الي صعدت فوك السحاب . بنص فرحتي نغصت عليه ذكرى ماضيي مدري ليش اجتني صورتي واني بالزوية انضرب حاسه الدنيا نهاية العالم . نيمني على السرير ببطئ وعينه على وجهي بالاحرى شفتي عسل وغمز واشر عليهم . راح خلع الجاكيت وكلي كومي بدلي . طلع هو رجعلي بسيت بيت . واني بروبي الابيض الستن . افتح بالترسيحة . اتذكر الليلة الي دخلت بيها غرفة مختار واشلون اتهجم عليه وطلب مني طلب غريب ذاك اليوم بعده برعبة و تفاصيلة ساكن خيالي - اساعدج وكف ورايه واني كدام ميز المراية ساعدني بفتح التسريحه - اريد اكلج شي بس لا اتفهميني غلط . - شنو ؟ - وجهج يخبل من غير هذا المكياج ما اكومين اسبحين وهم شعرج ينزل -ها اي كيفت اصلا بس جنت مستحية . طلعني للحمام لأن استحي وحدي اشو اني طلعت ولكفتني امه جانت دتمر للمطبخ وصلختنا بهلووولة اشطولها مفهمت شي وخواتها هم و فيصل يضحك سبحت وشعري راحت عنه دسمت الدهون ووكفه السبريه . و راح عنه الصبغ . اني مقبلت اميش واميرة طاوعتني وما خلت تارة تفرض رايها واميش حطيت وقتي . طلعت اتخنس ودخلت للغرفة شفته كاعد كدام الاكل وصافن - واخيرا تعالي . اكلي متت جوع بس شعري خليه ملفوف وتعاي ؛ ٢٠١١ اصيح اااااه . بطني بطني . وعمتي يمي كاعده وتدعي شدة وازول يمة شدي حيلج وكولي يا علي صحت واني صاكه اسناني - يااااااااا علي اخذني يارب وريحني اعض عض بالغطى وراحت عمتي تتوسل بأحد يجي يشوفني فيصل بالاستعلامات ما دخلوه بس اني وعمتي وصارت عندي ولاده فجائية اني توني داخله بالتاسع كمت من ع السدية - عمه عمه . تعالي الي . يمة الحكيني اااايييي . عمتي ما هي اختفت . اباوع بالوجوه وامشي . طبعا عفت عباتي ع السدية . وامشي وادور اباوع للحوامل ع السديات . صادفت وحده كاعده اني امشي ع كيف لا الطفل يوكع - يمه خل نرجع -يمه شنو هو لعب. يروحي ظلي هيج كاعده واعصري خل يصير عندج توسع بتها كاعده بطريقة تسهل الولاده . وامها اخذت ايدها تفركها الها . استهضمت حيل وحسيت بغربة ، دمعتي لاحت وجنتي الغربة مو غربة وطن وارض الغربة من ما عندك اهل او حضن ام الي هو يعادل كل الاهل . -يا شكومج نوفر عمتي ما ضابطه اسمي وين عباتج دتعاي و وراها وحده ممرضة اضاهر جايبتها وجاية . فحصتني . ببرود - بعدها دخيلج شنو بعدها من جبناها اثنين ونص كالت الطبيبه هاي ولاده حولتنا عليكم وصارلها اربع ساعات . مجاوبت ولا كأنه مرة تحجي وياها . خابرت ابنها . اسمعه يصيح صوته يمي - يمه جيبيها وتعاي الله يخليج - وين نوديها . بهاي الليلة - اطلعي يمه اخذها ع لحسابي - يمة امنين الك . انت دصبر . سدته واني اهنا حسيت آلم اتمكن مني محد يحس بيه يا افلوس يا بعدني احس الطفل يريد يطلع و دا يدجج بيه بالسكاكين صحت صيحه . لدرجه عمتي ما عرفتي . اني جنتها الهاديةهيج اصيح كمت اصيح بعلوا صوتي و اضرب ببطني اذا ما تجوني اكتل الالم بايدي بلكت اموت واتحسون . اضرب وعمتي متكدر عليه احس قوتي تضاعفت و شراين راسي اجت اطك وكلشي بيه متقلص خليتهن ركاضهن ماله ولي التمن عليه وتركت خلفي بركه ماي اول ما دخلوني ولدت . اشوف الممرضات يباوعن عليه بعدم رضا و انزعاج . حتى كالن وحده وكحه شسوت بالطوارئ . .ولا اهتميت اباوع للسكف براحه واني اسمع صرخات ابني اضج بالصاله لبسوني و طلعت ع كرسي و ابني مقمط بحضني شفت عمتي كاعده ع الدرج وايدها ع خدها تعابير وجهه اتغيرت من شافتنا طلعنا . ركضت علينا باستني من راسي يمة اعذرينا عذبناج بسبب سلفة رجلج . اخذت الولد مني ورحنا لصالة الاستراحه . طلعت صاحت رجلي . مقبلوا يطب يم الباب واكف . اخذتله الولد وكالت اله يأذن براسه اخذوني للبيت الصبح وعمتي خابرت اهلي كالت الهم ولدت فجأة هاشم ابني اسمه هاشم فيصل .. بعد عشرة اشهر زواج شرف للدنيا . ما مجهزته كاروك جايبه اله كركوت حبيبي ومجر بسيط بيه قطعتين ملابس تمارة كالت احنه جهزناج على اساس من احس بآلام اروح الهم بس بعد صارت فجئة و جبت .. زوجي عسكري مسوي سلف حتى يكون نفسه ويسوي بيت النا كاعدين ببيت اجار والحمل ثكيل عليه وعنده اخت ممزوجه طالبه .. الحمدلله عايشه وياهم ومرتاحه . طبعا ام فيصل توها بدت ترتاح اتكول جبتها اشلاع كلب بشلاع كلب ابو فيصل معذبني واني اشتغل واجيب للبيت وابنه دخلته جيش و زوجته حتى يصير مسوؤل انوب انحرف من الأشكال الي هناك وكام يسكر و اجته ابنيه من مرته الاولى بزعت وتطلكت ، من ابوه اتوفى وتركلة حمل صحى ع زمانه وبطل اشوية اشوية الشرب ببركة دعاء امة الثكلى . والحمدالله زوجته مزوجه من تاب حتى يصير من نصيبي . . ٢٠١٤ ولك اكعد هاشم تعال لا املخك والله . عمتي عوفيه يلعب للجاهل جا ترديه بس على التلفون عمه خبلني وكح هاي الولد كلها هيج بعدج شنو شايفه هاي عمره تلاث سنوات من يكبر بعد شوفي وشوفي . لا لا عمة صيحي بيه كتل اخوه ولكم كافي . واخيرا صاحت بهاشم و مصطفى . كمت اتقيئ وحامي صعب .. غسلت واني احجي على فيصل جابرني اخلف فوكه فوكه حيلي انهد انوب هذا كلش وكح . صحت بيه ولك عوووف النقطه جانت عدنا نقطة طالعه وايراتها - عمه هاي النقطه اشوكت يصلحها فيصل مو متت واني اراقب قرودتي صارت سولتهم بيها يباوع الي و يركض للنقطة عود شوفي ماما رحت يلا صيحي وسواها لعبة عمتي طلعت برة بالحديقة ماخذه وياها شبزي وصلتني رسالة من اميرة - نفنف ما تجين بالعيد حبابه . - ميخالف بس ترة قرودتي ويه قرودتج يهججون تمارة و احلام ههههههه ضحكت يلا خل يتحملونا احلام زوجه رضوان وحامل . تزوج رضوان بت عمي احليوة وصغيره عمرها ١٥ سنة من شالوا من الاجار لبيتهم الجديد . اتصل بيه فيصل وصوته ما يتفسر - اشبيك حبيبي . ضايج لا يكون انذار وما تنزل - ياريت ع النزلة حبيبتي . نقلوا سريتنا كاملة للموصل شهكت اكلك مو هي هاي الي بيها ارهاب هليام اييه ايه جاوب بجزع واضح واجه واحد يحجي وياه نهى المكالمه وشعوط كلبي وياه . رحت اشكي همي لعمتي الي كاعده تثرم عمه فيصل مراح يجي باجر - خير نقلوهم للموصل يا يمة .ليش ذبت السجينه وسمعنا اصياح هاشم . يتبع .. التصووويت حبايب نفسكم دصوتون لغيري وانتم نفس العدد . ليش مدا يوصل للألف القصة تستاهل ترة مو قصيرة وحلوة امتعتني من قريت احداثها . الرجاء ارفعوا القصة بالتصويت 🌷🌷🌷🌷🌷 ماعندي وقت للنشر . معرف اشوكت انهي دروس بنتي ولا اعرف اشوكت يبدي وقت الفراغ 🌑 وتحية لكل ام تعاني مع أولادها بالفعل تستحقون درع تقدير | ||||
|
| |
|
24-03-19, 03:44 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| صراعي السابع مع الحياة ركضت للهول و الهبطة ضاعفت سرعتي شفته بزوية كاعد .. -هاشم التفت عليه،عمتي وراية رجع صاح من البزونة خرشمته عضيت اصبعي و كلمته بغضب - ولك مطي هبطتني وخر عنها خرمشتك شيطان وكاعد تتماطل وياها . لازم بزونه صغيره حتى صوت مواء ما تموي كأنها مريضه وهذا لازك مدري شريد يسوي بيها ومخرمشته بوجه وبأيده وخرتها عنه - تعال غسل اديك تلوثت وكح يضحك و يضرب بيه مسوي ايده ع شكل مسدس . لطمني اخر شي بوكس وجعني - ولك ايي خرب ترة اكتلت غسلت اله ،نزلته لجوة - اليد توبتي اريد طوبتي) -روح شوف وين شامرها فوء فوء يقصد شامر طوبته فوك - وين فوك السطح - لا اهنا اهنا دخل للغرفة واشر ع الكنتور يا شو ما اشوفها هاي صايرة ورة البطانيات . من يجي ابوك ينوشها ما ما رحت اخيط برادي عندي مال جيرانه . اني اخيط واساعد فيصل شايلة نفسي . ولو هو هليام ما مسوي سلف وعنده مبلغ ضامه يريد يشوفله فرصة يشتري xxxx . بس اني احس بوقت فراغ كبير فكعد اخيط وكف يمي هاشم وكام يلح واتحول الحاحه بجي زهكني كومني بالكرسي ما وصلت . جبت سكملي يستخدمه فيصل بتصليح الكهرباء من المحولة عاليه . رحت جبته صعدت دنوشها ولك لا تصعد صعد وياي هالاغم و صل يمي ويضحك عنده لعبة نشت الطوبة شمرته. ودنزل يلا ويلك انزل فاهي شلته و دنزل درجه درجه السكملي اتهزهز يضحك مكيف نزلت - ولك اجيت اوكع من وراك ..خواصري توجعني.. . من ما نزل فيصل تأجلت فرحتي و تأجل أطمناني عليه وظليت انام وكلبي جمر واصحى مشتعلة اتصل ما يرد . ؛ رائد وصلت للبيت مسرع من سمعت بخبر امي مريضة سالت لينا عنها الي اتلكتني بالاحضان - حبيبي رائد والله الك وحشة - لينا اشبيها امي - ما بيها شي ماخذة برد واستغليت حرارتها المرتفعه وكولت الك حتى تجي وانشوفك . اتعديتها ورحت لأمي سلمت عليها - يمة الا اوكع الا اشوفك ليش يا روحي تقلق راحتي عليك - يوم ريحي بالج اني بخير - خيريش مرتك واطلكتها لا تقبل اتكول السبب و لا هي فهمنا منها شي . فجئة راحت لهلها وانت طلكتها افرك بجبيني المقتضب - يوم اني ما اجيكم حتى لا ادوخكم وادوخوني بهاي الأسئلة انتهت علاقتنا وها هي . - صارلك سنة مطلك يوم وعايش وحدك عزابي انروحلك للبيت ما نلكاك . نتصل بيك لو ترد لو لا كحت حطيت ايدي على جبينها - يوم حرارتج مرتفعه . نامي وارتاحي حتى العلاج يجيب مفعولة لاحظتها ازداد سخطها وحزنها - لا تخافين عليه يوم اني بخير طول ما انت بخير بس اتركوني على راحتي . اني احب الوحده . . تركتها وطلعت . للينا كاعده بالصالة تقرة مجلة - ضربتيها ابر لو علاج شراب - ابر وعلاج احس هم بلسانها كلام اتخاف اتكوله واطلع . قابلتها بالكعده . اتقلب بالمجلة بشكل عشوائي. وعينها تتلاعب مابيني وبين المجلة - سمعت خبر. جاوبتها بعدم اهتمام - لبنى انخطبت . -ها يعني تدري بيها - الله يهنيها - ما ناوي تفتح كلبك الي .. طلعت باكيتي . ورثت جكارة - حباب لا ادخن مو زين ع الجنين . طفيتها وحل السكوت قطعته بسؤالي عن زوجها المسافر يريد ياخذ أقامة ويسوي لم شمل وياخذها وياه للسويد على ما أتخلص هي الماستر زوجها ابن عمي . و اني النقيب رائد مناف . عمري٣٦ عام تابع لوزارة الدفاع احب القتال من صغري حلمي اصير مدافع . قدمت على وزارة الداخلية كنت هاويها بس ما نقبلت بسبب عداوة شخص وية الوالد اتوسط يخرب حلمي بس ما استسلمت وقدمت على وزارة الدفاع و دخلت دورة ضباط . حبيت بنت خالتي وفضلت عليه احد ثاني لأنها ما حبتني ما حبت جديتي ولا ترجحي اعتبرتني شخص معقد وتزوجت واحد غريب مقارب لأفكارها المنفتحه اكثر من اللازم وانجبت منه اثنين بنات . لكنه بالتالي عرف عليها بنت وتزوجها وما تحملت ريما وطلبت الطلاق قبل اثنين سنوات اما اني تم طلاقي قبل سنة واحده ولهسة مدا اكدر اواجه نفسي حيل كارها لروحي وكاره حياتي الشي الوحيد الي مخليني عايش عملي وهم محارب بيه كل يوم انقل بكتر من الاعلى مني لرفضي وجود الفصائيين و عدم اخذي رشاوي . من دخلت علينا الجماعات المرتزقة وبدت تتكاثر مثل الوباء علينا صرت اسعى انقل للاماكن الي اصير بيها مواجهات . والدي مسؤول كبير متقاعد واخي الكبير مسؤول ايضا بالوازرة وخواتي واصلات عندي اخ واحد اكبر مني وثلاث خوات اكبر شخص عدنا اختنا استاذة ورئيسة قسم تسكن بمحافظة ثانية ويجي وراها اخي واني بعده و اثنين اخوات بعدي اصغرنا لينا متزوجه وحامل وساكنه عد اهلي ، لازم انتظر والدي بما أني اجيت لا يعتب ويزعل . ، العصر - رائد مرتك و شافت حالها انت اشوكت اشوف حالك - بوية لا تندمني بجيتي رجائا اشوكت ما اني اريد . - عمرك ٣٦ سنة اشوكت اشوف حالك هااا ما اكلي اشوكت اصير أب كاعدين بالحديقة والجو زين بس يخنك بسبب الاشجار وغورة ناتجة منها .صوت العصافير هم ساعد بمضايقتي صاير عاشق للهدوء تحملت كلام ابوية على اعصابي الشخص الوحيد الي ما اكدر احتد وياه حتى اسكته . - قبل رافض تتزوج حتى لا تكسر بخاطر البنية . هسة ليش يا بوية عاجبك حالك هيج واشر عليه رائد . رائد - ها بوية وياي - لا .. انت صدك حالتك ميأوس منها . شال جداحته والباكيت وتلفونه - انصحك تتعالج يم اختك احسنلك . تركني ودخل مذهول اجتني لينا - ترة سمعتكم كنت دا اريد اشوفك محتاج شي تشرب . وسمعت اخر كلمات ابتسمت -اويلي هاي لحظه تنحسب ع التاريخ التاريخ صارت رائد يبتسم تلاشت الابتسامه - لا لا دخيلك شقصرها مثل النيزك يضهر ابسرعه ويختفي واسرع هم .. رديت واني اتمطى على الكرسي - حلو الوصف بس وجهي مو ليل ولا سما - ضحكت - وجهي صار قبر بوسط الارض ضام داخله شخص ميت جنت سارح بالسما . انتبهت لسكوت لينا الغير معتاد منها صافنه عليه وحاطه ايدها على ذقنها - شكو اشبيج هيج تباوعين الي - تدري رائد كلام بابا صحيح ورثت جكارة متناسي تحذيرات لينا السابقة - ليش متتعالج يمي . خزرتها وظليت صافن عليه متعجب على وقاحة الطلب - احم لا مو قصدي بس انت تحمل الامور اكثر من اللازم يعني تنطي للناس حجم اكبر حجمها الاصلي واظل سنوات تنعى شخص تخلى عنك صرفت نظري عنها و انفث بالدخان - تدرين شي بحماس و انتباه هزت راسها وقربته عليه - كول - جيتي غلط لهنا . كمت فتحت قفل السيارة و اشرت الها تفتح الباب . * نيوفر اصيح اصياح حتى اخليه يسمعني - الووو فيصل اشوكت تجي يمعود هذا شنو يمك قصف جاوبني بسؤال - امي امي اشلونها - هاي يمي اتريدها - لا لا ماتسمع تشلع كلبي سلمي الي عليها ودربالج ع الجهال ما ادري ما ادري اشوكت اجي داخلين انذار لا تخافين وبطلي خياط انت حامل لا اكتلين هاشم . هاشم لا اكتليه . صيح اخر كلمتين كال اكو قصف قريب علينا جاي نسمعه بس مو يم المقر شهر كامل اني داخله انذار . بعدها خابر وبشرني بنزولة راح يسحبوه مناك فد فرحت حيل طرت بالعلالي طفلة وفرحت بجية العيد ، رحت سويت دولمة وعمتي ماخذه الجهال عني حتى اشتغل . صدوك حماتي تزوجت من اشهر . بس اني بالبيت . و طلعت اشتريت سفن وببسي يحبة ع العشا الساعه جانت ب١١ ونص الضحى وعمتي تضحك عليه اتكول من هسة اتحضرين العشا خل نتغده بالاول وكلتهم غده بيومها بتيته كلي ههههه لأن بالغت بالعشا وتعبت . سويت مطبك دجاج ومقبلات ويه الدولمة . بتلاثه صارت هو وما اجه وهو ب ١٠ كال سحبونا ادري ليش لهسة ما اجه اتصل جهازة مغلق . اكلوبنا صارت نار عليه صار المغرب اني كاعده بالحديقة وابجي . هاشم - ماما ليث تبثين حطيته بحضني واباوع للباب باوعت للسما واتضرعت - يارب خليه يفتح الباب عليه بهاي الساعه لا تفجعني بيه اجتني عمتي - جهازج جهازج افتحي خط جابت الي تليفوني يدك متعرف تفتحه - خاله هذا فيصل واخيرا رديت مفجوعه حيل وما بيه اسمع صوت واحد غريب يكولي رجلج مات بحيث فتحته وممخليته ع اذني متخيلة الموقف عمتي ولج ردي ياا بصوت مليان خوف وحذر وكاني اذا نصيت صوتي الخبر الي اخاف اسمعه ما يوصلني - الو وينج فاتحه خط ساعه ما اتردين - انت فيصل - ههههه اشبيج فرفورة گلبي اني فيصل - الله ياخذك موتتني هبطه - شنو ولج كمت ابجي وعمتي غمتني جرت التليفون مني -ما عليك منها هاي ثولة اشلونك . اصيح بصوت عالي حتى يسمعها عبالها مثلها ما يسمع سلمت عليه واسمعه أساله اشوكت يجي - يمه ترة هاي خابصتنا اليوم خبيصه عليك من العصرية لهسة مكابلة باب الحوش تعال ابسرعه لا أتتأخر انتطني التلفون وراحت فرحانه - الوو حبيبي والله مقصدي . بس تلفت اعصابي .عليك ليش تأخرت - اتاخرنا الا وصلنا بغداد ورحنا ع السرية و بالكوة انطونا النموذج و جبت الراتب وسلمت سلاحي أتأخرت الا طلعت هسة ميت من التعب اتعرفين شنو يعني ميت -ها الله يساعدك ححضر الك حمام تسبح واتنام ولو جهالك مشتاقين الك كلتها متعمده حتى اسمع منه كلمة مشتاقلج - لج يا نوم اني ميت اتعرفين شنو ميت على ريحتج حضري نفسج وهم حضري الحمام ههههههههه سده وطرت اطيور اني من اسبوع حافة دخلت للحمام اربع مرات ليفت حتى بس جسمي اصير بيه ريحة صابونه من طلعت ترست نفسي عطور و لبخت وجهي ولبست ثوب نوم بصلي و لبست روب فوكه دخل عليه هاشم - ماما اليد من هذا اشر ع شفتي - هم ناقص يا شريكتي تتحمر ولي روح يم بيبي طلعت جيس نفاخ ضامته عن البلوة هاشم و نفخته و حطيته ع الجرباية الي كاسر مراية عرشها هاشم بيك . و علكت النشره . من سمعت - اجه بابا اجه بابا هاشم انطى ايعاز النا بصياحه طلعت اني همين مشتاقه شفته دخل و هاشم لازك بيه وامه اتبوس بمتنه وهو باس راسها وايدها ونزل هاشم حضنها . هاشم يدفع ببيبته و حاضن رجلين ابوه اني يم باب الهول انتظر دوري . شال الصغير باسه واني بالاخير باسني من راسي وهمس التالي ربة عالي بس اني ما اكتفيت وذبيت نفسي عليه حضنته لازمته من خصره واصل راسي لصدرة لأن حانية نفسي . ودي ابوس كل شبر بيه ايده، راسه ، وجه ،صدرة . وخرني وهمس مسابح رفرف طبعا حيييل مشتاقه اله يحتار اشلون يحور اسمي ممقتنع بنيوفر كلساع دلع شكل بس ما يصيحني نوفة يدري اكرهه دخل وراه اني وجهاله هم بس امه مدخلت - ملابسي كلها وصخه طلعيها من الجنطه باوع ع النفاخ وضحك وهاشم مقصر هجم عليه - و حضري الي عشا ميت جوع اسبح واتعشى راح يسبح واني و عمه نحضر بالصينية كانها ليلة عيد وهلالنا فيصل بعد روحي اتعشى وسوالف وضحك ع مواقفه - ولكم اني ابد ما شايف شخص ميت رحت اهناك شفت العجب اهنا اني وعمتي غيمت وجوهنا من سمعنا اكو اموات . وكلت بكلبي شنو شعور اهلهم هالشباب خطية كمل وكال . اسولف الكم موقف سمعنا صوت رمي قريب علينا وهذا جان اول يوم النا اني وصاحبي تدرين يمه شنو سويت كالت بهتمام بالغ - اي يمه ادريك سبع - عفت سلاحي وركضت للهمر احتمي بيه. شارد بطرك روحي وكومني نايب الضابط بدفرة الرمي مو علينا هههههه متنا ضحك عليه ما سولف النا عن الضحايا ولا راد يحبطنا ويخوفنا يحجي بشكل كوميدي يريد يطمنا كمل عشى وهاشم لازك بأبوه لزك اني شلتها اغسل المواعين واسمعلك اصياح فيصل - نيوفر ولج تعاااي رحت اله صوته خشن يخوف من يصيح دخلت هاج ذوله حطيهم يم امي كامو يتباجون شال مصطفى واني هاشم حطهم يمها اتباوع اخبار - على كيفك ويه فروخك يمه مشتاقيلك خليهم يمك - تحجين صدك يمه ذولة قرودة لل١١ ما ينامون و اني شهر مستلك حطهم وهمه يبجون ورانه بس يخافون يجون من ابوهم اخذني من ايدي ودخلنا غرفتنا - الجهال فيصل خطية نزع فانيلته - اني خطية حسي بيه . شالني واني ما هون بيه تعبان من السفر كانت ليلة مميزة الفراق و الغياب واللقاء بعدهن يشعل جمرة الگلب والجسد ما يكتفي ولا يهون يترك حضن الحبيب توحد عطر اجسامنا ورجعنا واحد . ورة نص ساعه نايم على ايدي يأن سودة عليه ويتحلم . ممرتاح بنومته حطيت راسه على المخده وصفنت بيه همست واني اصابعي اداعب وجناته - طلعت احبك اكثر من روحي . انت اماني و حياتي وياك هي حياة خلافك ممات حتمي ،بسته يخليك الي . نزلت من السرير سبحت وجبت جهالي يمنا صوفي نايم . بس هاشم كاعد . اسبوع واحد وهمين لازم يلتحق بعضي ويتركني و يرجع واحدنا ينشطر عن الثاني. اني عيني ع اولادي اهنا وهوو عينه ع سلاحه اهناك . . النسوان ب ٥ الفجر تكعد اصلي واتنام الا زوجات العسكريين يكعدن يشوفن خاف نسن يحطن كل غراض ازواجهم خاصة الي يداوم بغير محافظة . سحبني من ايدي واخذني لحضنه ولزم راسي . بوسني - اي ليش دتبجين - تتأخر اهواي . مو مثل قبل اظل عايشه بقلق نفسي ها وين نام ها شو اتاخر ما اتصل ها ليش جهازة طافي .. ها خاف بيه شي .شكو فكرة سودة تجيني رجع حضني . حسينا بحوسة بابا هاشم فز من فراشه . بوسه ابوه وراح للهول امه تقرة قران وكفتله من شافته لازم جنطته حسيت باب غرفتي انفتح . هشومي طلع وركض لأبوه دنك اله فيصل و كعد ع ركبه - اليد سلالة و ماتور(سيارة لعبة وماطور لعبة دراجة ) -ميخالف . حضنه و هاشم حاوط ركبه ابوه - ولك خنكتني اني متحملت بجيت اشوف ابني لازك بابوه وخره وراح للحديقة ودعناه . وظلينا انباوع وراه وهو يمشي دخلت للحديقة و باوعت للسما لونها حبري بادي الصبح يشقشق علينا دعيت الباري - يارب احفظه من كل سوء . رجعت لحياتي من بعده خياط و جهال . رحت لهلي يومين ورجعت للبيت ما هون اترك عمتي وحدها . وهمين اهناك ما اتحمل أشوف تفرقه تمارة بين اطفالي واطفال اميرة . فيصل محجوز مانزل بالعيد وما نعرف اشوكت يجي واني اذب حركتي ع هاشم وهو ممقصر حيل وكح . ندكت بابنا الساعة ٩ بالليل واحنه بس نسوان . ماعدنا رجل . طلعت من غرفتي من الدك صار قوي حتى نفتح عمة منو جاينا هسه ؟ عمتي تلبس بشيلتها - انت لا اطلعين ظلي يم جهالج وراحت تفتح الباب سمعت كلامها حسيت بدفرة . اااه هاي شنو النونو اتحرك واخيرا حسيت بحركه ثانية .. ظليت اتلمس بطني ومبتسمة الطفل هاي اول حركات اله حبيبي . توني اكلت نص الخامس . عمتي نادت ادخلي يمه اجو عمام فيصل دخلت لغرفتي وهي دخلتهم واني بداخلي نغزة سمعت صوت عمتي - يبووووو يبووو هذا صوت نسوان قبل ينذرك بمصيبة حتميه يخليك تجمد بمكانك من تسمعه وتسمع حدته و رفعه وهو يصيح يسمعه سابع جار و يطلع للانذار . الصوت اكرر بس ضعف تيارة و انخمد فجأ واني نفس وضعي جامده بمكاني مكدر اتحرك . وجهالي ختلو وراية ذبيت بس عباية عليه و فتحت باب غرفتي بس عتبت الباب سمعت عمتي بصوت ضعيف - فيصل راح ... اوليدي مات . اوليدي راح تنعى بصوت كلش ضعيف دخلت . -منو مات عمامة وطوا راسهم صحت - ردوا عليه منو مات منو مات منو مات ويه كل كلمه اكولها اضرب خدي بأثنين اديه و صحت من غير وعي مني . عم فيصل ابو تمارة كال - استشهد اليوم الضهر هو وجماعته بقناص وقبل ساعه اتصلوا بينا بلغونا خبر مثل هذا كلش قوي على مرة عجوز و مرة حامل بعدها ما مخلصة ٢٢ احجي وياهم اصياح و بجي ممصدكه الخبر . . ورة فترة معرفها اشكد مرت دقايق لو ساعات ببيتنا نسوان و جارات .. اني فقدت الشعور بالعالم كلة اني بغرفتي وهم ما اعرف منو حطتني بسريري وغطتني وهم نايمه لو كاعده ما اعرف بس اتخيل بوجه فيصل كدامي . طلعته من البيت ضمه ابنه اله . ابوية فجأة شفته يمي اشوكت اجه ما ادري كاعد يمي . ويباوع لعيوني . شفته تتحرك يمكن يحجي يمكن جمعت الكلمات ونطقت - بابا يكولون مات - بوية وحدي الله سكتت ورجعت للاوعي من هم أكد الي موته ضربني بخدي ضربات خفيفه - انت زينه .. عبالة اعاني من شي - هو انتم متأكدين . بلكت يطلع خاتل جوة الهمر -بوية رجلج رايح لحرب وراح شهيد هنيالة ع الشهاده هم سكتت مكدر اوصف اي شعور اكون كذابة اذا اكول الكم اني اشعر بهذا اليوم فقدت شي اسمه شعور اتجردت منه ثاني يوم صحيت .. من النوم .لكيت نفسي بغرفتي اي بلكت حلم . دنزل من سريري و اشوفلك خالته نايمه جوة سريري بالفراش يم هاشم . رجعت غمضت اعيوني جزعه طلعت شفت عماته و امه كاعدات مهدود حيلهم .. بس شافتني امه صاحت - ولك عفتلك مرة حامل ورحت المن يا يمه ابنك ما شفته راح يطلع للدنية يتيم . اتوالت الاصوات تعلى واني وياهم حتى كمت الطم من غير شعور بخدي الفاتحه كلها اني مأخذوة من الصدمه بس الطم واصيح منا من صوتي انبح . رحنا ثالث يوم للقبر الرمزي الي سوه اله ما حصلنا جثته اقل حق النا . الدولة مكدرت اتسوية الجثث اخذتها داعش وما نعرف مصيرها رحت وياهم اباوع للقبر الي مسويه . ولأسمه لو القهر حاطين ببوستر صورته اشطولها .. كعدت يم القبر يا الله هاي صورته بيوم عرسنا . لابس قاطه ما لكيتوا غيرها . ابجي واملخ بنفسي والنسوان توخر بيه هذا الحجي الغروب رحنا اله بعد ما خلصت الختمه الطم واصيح .. منا من سيطروا عليه واحد بس كدر يلزمني و اهدأ بين اديه الي تترجاني اكف . كان والدي جاي ويانه اني واميرة وتمارة وامه وعماته وخالته . و عمه والد تمارة مثل الجثة لا حول ولا قوة الي بس اعيوني اتباوع للمكان .. -بابا بلكت مميت ليش هيج اسون بيه هذا القبر مو اله بابا ساكت ما يحجي و ضمني لصدره . باوعت لوجه بابا بلكت الكه الامان الي يكلي يرجع . لن هو الثاني دموعه غاسلة وجه مثلي . سكتت وغمضت بآلم كبير كالوا خل انروح . وادعوله بالرحمة قبل لاترحون اقروة الفاتحه على روحه ابوي - يلا بوية انروح ... ثبتت رجليه بالارض ما اريد اروح . زاحني وادرني لكدام غصبا عني .التفتت عليه على صورته أتخيلة هو واكف بطولة وناجيته يطلع منها ويجي وياي . و رجوت عيني أن تكف دموعها يوم الوداع نشدتها لا تدمعي أغمضتها كي لا تفيض فأمطرت أيقنت أني لست أملك مدمعي ورأيت حلما أني ودعتهم فبكيت من آلم الحنين وهم معي مر علية ان أودع زائرا كيف الذين حملتهم في اضلعي ؟ راسي ملتفت للخلف واباوع لصورته وهي تبتعد عني بين القبور وابوية يمشني وهو تمارة عنوة .. وغادرنا مقابر النجف .. اول ايام جنت بأثر الصدمه متبنجة بعد اسبوع البنج راح .. مثل المسوي عملية توني حسيت بالألم من استوعبت رحيله . واول عشرة ايام اهلي يمي بس بعدين هاجت المواجع يا فيصل فكري بيك . كلساع اقنع نفسي اليموت ما يرجع ولا اشوفك بعدهذا الحزن ثقب نحري ثقب من الوريد للوريد وخلاني انزف من غير مداوي . دومك انت الي جنت البلسم الي داوة الي جروحي ونساني ايام سودة مرت عليه . بس اشوفك كدامي اكول انت تعويض من الله ليش الله صرف تعويضه عني ..شنو خطيت هالمرة .. جزعت والجزع مر ايام اسود من الليل . العتمه اظوى منها كرهت شي اسمه استشهاد لا ارتاحيت من انولدت يتيمه و من ازوجت اترمل ليش يارب هيج . يتمتني من جديد مرن ايام واني حيل جزعه وحتى الكفرة ع لساني اذا عصبت اساسا من اصلي معصبة وتلفانه حيل فتحت الكنتور اجيت اقلع اليده بأيدي دورت ع ثوب اسود هوست الكنتور الا لكيت ..عيني صارت ع خانه ملابس النوم طلعت روبي الابيض الي لبسته بليلة العرس اخذته بين ادية و زارتني طيف ذيج الليلة مطفين الضوة . القبل اخذتني لعالم ثاني ناعم بنعومتها وبرقتها الي كان يبادر بيها خايف عليه من هلع اول ليلة شكهت من رفع الثوب لا عفية رجع يقبلني بعنقي ينسيني خوفي . كان حيل حنون وياي .. ضحكت بدمعه من اتذكر مرات تطلع مني من غير قصد صيحه . او صوتي يعلى . يزعل اشوية و وحده يجي ناسي الزعلة . يحويني بحبه وما بيوم ياخذ ع تصرفاتي ولا يزعل صح عصبي و اذا عصب يفقد . بس عمره ما غلط ولا شتم . حبيبي ونفسي بالدنيا . رحت لقميصة اشم شم بيه. ما بيه ريحته . ماخذ ريحه الكنتور . حرام عليك انت الثاني اتحرمني منه شمرته ع الارض بعصبية شهكت يمه اسم الله رحت ركضت اله شلته - اعذرني والله من اعصب افقد . انت تدريني اشكد احب لباسك. . طلعت جنسيته وابوس بيها صورة فردشتها و ادور صورة بيها ضاحك طلعت وحده لازمني من خصري هاي بصباحيتنا . صورة لخ شايل صوفي . وهو عمرة يوم . هاي اخذتها بتليفون و نسختها عند المصور حيل حلوة . عفوية جان يأذن اله . نايم ونومه ثكيل فيصل فيصل اكعد هزيته الا كعد - حباب كوم جاي اولد .. صحصح باوع للساعه بالثنتين الضهر . كام وين امي - امك كلت الها كالت ما اعيد مأساة هاشم راحت اجيب الجده وتجي لهنا اتولدني . توكم صحيتوني ولج جان اوصلهاة بصياح - ساعه نصحي بيك ما تقبل تكعد ااااااخ يمة اشتد عليه الطلوك وكمت اصيح - يمة وينج ....تعالي يمة ااااخ اطلك اااخ ااخ اااه يوم وينج - اني يمج كولي شتردين حضني دفعته مو وكتك اااخ كله منك اكررررهك ولللي عني يوم وينج خواصري موتني ضهررري .. برتباك - شسوي شسوي اعتبريني امج يعمري صوتي كعد هاشم يبجي شاله واحتار بيه - خرعتي الولد حطيت ايدي على حلكي حتى لا اخرع هاشم اكثر حطه يمي وعاد كلامه - اعتبريني امج لا تبجين -رجلية وكف الدم بيها و ضهري الم اااه كعد يم رجليه و يدلك بيها حسيت اشوية هون عليه الوجع .. اديه هم دلكها الي ارتاحيت و كمت اكتم الالم حتى لا اقلقه اكثر . اجته امه واخذوني بالهول وسدوا الباب بس اني وامه والجده . ولدت ابسرعه اني ولادتي طبيعية من غير لا ابر ولا مغذيات صناعي . انتهت الولاده و طلعت الجده . دخل هو مسرع بوسني ويعتذر الله يساعدج امه كالت كله بأجر عند الله اجر كبير الها ولو اتموت وهي اجيب شهيده - اسم الله يمه شنو هالفال اتكوليه بوجهي . ظل حاير بية ونسى الولد ورة ساعه الا شاله جنت ابلغ اهلي . خلصت مكالمة و وجهت كامرة تلفوني عليه والتقطتها . كان اخر أذان يأذنه لطفل . منو يأذن لأطفلك الجديد ؟ منو يطهر ولدك مو جنت ناوي اثنينهن سوة حتى اشاقيت وياي وكلت خليه من نعرف جنس الثالث اذا ولد نأجلهم من يجي ونسوي تطهير جماعي .. أقسى المواقف علاقة سنين تنتهي بلحظة ! يتبع هذا البارت صراع الأحزان . طويل حتى يختمها .. بفضلكم وصلت للمرتبة ال٥ شكري الكم 🤝 و قبلة مني😘 و برافو👌 | ||||
|
| |
|
24-03-19, 03:50 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كانت هنا ملاحظة واستبدلت ببارت لعيونكم الصراع الثامن اليوم عدنا مجلس عزاء والاقارب من الصبح ساندونة . عمتي طلبت من الفلوس الضامهن . اخذت منهن مليون وانطيته الها قبل يوم خلت حماها يسوك للبيت و يجيب مواد الغدة الي انريد انسويه ثواب بيوم اربعين فيصل . ابوية بهذي الفترة يروح ويرجع عليه ما تركني تمارة اول عشرة ايام يمي هي و اميرة .بس مرت رضوان يوم وراحت هذي التفاصيل مهلكد همتني بذيج الايام بس واجب ذكر من وكف وياي . اميرة من البارحه يمي هي وتمارة جابهن ابوي وراح لبيت نسيبة . هنه كفن البيت . واني اتفرج واكول يعني هاي هي صار من الاموات و نطبخ ثواب اله؟ مو لحد هسة غصة بكلبي وما اعرف اترحم اله ما شفت شي دليل هو ميت لا جنازة لا جثمان .التابوت الي حطوا بيه كم شغله من ريحته وطلعوا بيه من البيت ما حسيت بيه .. اربعين يوم اني أتأمل دخلته عليه و جنطته ع متنه جنتطه الي جابوها النا هي وقليل من متعلقاته ما ماخذهن وياه للموت تاركهه بحضيرته الي بالسرية . و باجة العسكري الي كله دم جابوه الي بعد ما اصفى المكان قطع عندي خيط الامل . من صار مجلس العزا رجعت من جديد وكأنه اليوم اتوفى ابجي واصيحله يجيني . العزا كان أداة تعذيب للأهل ياريت تلغي هاي العادة ! بالليل . خوات عمتي ظلن يمها واني واميرة وتمارة بغرفتي تمارة - كومي اسبحي ونامي ارتاحي انت حبلى كاعده يم الشباك و مدكنه راسي اميرة كالت - بابا راح يجي ترة . عنده كلام ويه عمتج ما اهتميت . رحت سنحت على فراشي . اندكت الباب اميرة - هذا بابا راحت ... بعد فترة وقتية قصيرة رجعت كالت - كومي نيوفر؛بابا يريدج . كمت . على أمل ياخذني بحضنه من جديد . حيل محتاجه احد يخيم عليه . شفته كاعد يم عمتي و خواتها . و ابو تمارة وياه رجعت للغرفة حطيت حجاب ع راسي وعباية وبوشيه وكفت وما نطقت - بوية . بعد الاربعين و طلع . عدتج كمليها يمنا . وانت واطفالج تجون وياي اليوم . حضري كل متعلقاتكم - شنو؟وعمتي باوعت الي بنكسار وكالت - اني راح اروح يم اخوية اعيش يعمة اثنين حرم من غير والي ما نكدر انعيش . جان مظلل علينا . وكامت تبجي .. دخلت لغرفتي مكدرت اتحكم بعصابي شلت علبة مكياج وشمرتها كسرتها دخلت اميرة وراية - اشبيج نيوفر . -ما اريد اعوف بيتي ، ما اريد اطلع منه ما اريد ارجع وياكم هذا كلام صياح . بابا سمعة اكيد لأن اجاني للغرفة واعيونه بكصته و كال بحده - لمي ملابسج ولا اتعلين صوتج منا ناس - بوية الله يخليك خليني اهنا لا اتهجولني . وياكم - شنو اهجولج بيت ابوج اولى بيج . اهنا ما الج مكان بعد . بيت اجار و ووحدج وبغير محافظة اشلون اخليج اهنا باوع للأميرة وكمل - جهزوا نفسكم باجر الصبح راجعين لبيتنا وهي ويانا . ، توسلاتي و نحيبي ما فاد وياهم . تمارة من غير اذن مني طلعت الجنط و عبتهم ملابسنا واني اكعد الوب واروح اتوسل لأبوية وارجع اشوفهمن يفرغن غراضنا . اني واطفالي.اطفالي وينهم ؟؟ ايام واني ناسيتهم . اذا احط واحد بحظني احضنه وابجي وانحب . رحت دورتهم لكيتهم يم خالة فيصل تعشيهم . الصبح . احذوني وطلعوني من بيته بالغصب. ودعت عمتي بدموع العين . وهي اتكلي الله وياج دربالج على الويلاد . . وصلت لبيتهم وكارهه اهلي كلهم كأني عدم يقررون عني و ياخذوني و يجيبوني . دخلوا الجنط واتلكتني احلام - حبيبتي اشلونج . -مابيه لون - اعذريني والله الطريق متعب عليه.ورضوان يخاف عليه. بوستني واني ع وكفتي جامده . دخل ابوية . خزرته ورحت لغرفة سما . رضوان وعلي دخلوا الجناط .. وكف رضوان كأنه يريد يكول شي اجه هاشم كعد بحضني ..ما طايقه نفسي دفعته عنيى واباوع للأرض ما اريد اسمع شي منهم ودي يطلع ويتركني هو هم حس شال هاشم و طلع من الغرفة . بعد شهر . جابو الي كنتوري وبعض اثاث غرفتي . شدوه الي . و سما ماعدها غير كنتورابو بابين اندحس بالغرفه يم كنتوري . و غير الي بابا سريري بأبو نفر واسع . و جاب سرير طابقين صغير للأولاد . هاشم انيمه بيه بس صوفي يمي اخاف عليه . اعصابي على طول تلفانه قليلة الكلام الحمل بدة يثقل حركتي البدنية والحزن بدة يثقل على صدري مثل بطل المشروب الغازي المليان اقل رجة يطفح و ينفجر من عبوته . تمارة - كومي غسلي لبنج خلص .. كمت غسلت لصوفي د دور ع حفوظة ماكو اظاهر خلصت . رحت دورت ع أيمن ماهو . - خالة ايمن وين ؛ صوفي مخلص حفاظات - بالمدرسة -هسة اشلون ؟ ولك تعال لا تركض راح عني مدري وين وهو نصة ملابس تمارة - كايمه اني اجيب اله . راحت تمارة للمحل واني رحت اشوفه وين راح اتلكاني هاشم - عزة اشبيها ايدك جارح أيده مدري وين . اخذته حطله لزكه . سمعت تمارة - هاي الحفاظات سمعت بعدها اصياح احلام - نوفة نوفة اكره هذا الاسم ومنبهتها اكثر من مرة ما اصيح الي بيه كملت اصياحها بذعر وكأن مصيبة حلت - عمة الحكوني هذا مصطفى بال على فرشتي . هادي سفردح.لكيته يلعب بغرفتي و بايل على فرشتي . جاوبت و موجه كلامي لصوفي - مو توك خلصت ماما اخذته ورحت اغسل اله امشي ببطئ لباب الحمام . سمعت صوت احلام وهي متعمده اتعليه حتى اسمع - خالة يرضيج . فوك الشغل الي عليه والوصاخه يبولون عليه ومحد يردهم تمارة - ميالخف طفل اسمعها بس هي تحجي صوت تمارة اختفى - الله نبيه يرضاها هيج يبول ومحد يحجي . من طلعت جاوبتها - نزلي الفرشة اغسلها -والفراش انعدم .. - طلعيه بالشمس يطهر . - لا والله جهال الناس اتبول واني احمل - شتردين يعني اطلعه اني وبطني الج . غرفتج اقفليها ما اكدر امنعه واراقبه طول اليوم لا يصعد - بس حافظي ع نضافته ع الاقل مو كله بول مصلخ يفتر صعدت ادردم . واني وراها اباوع الها وبكلبي ضيم .. دخلت جهالي ... واحس نفسي ع اعصابي .. مختصر حاولت التغليس والسكوت لكن اشياء تافه تنرفزني من داخل واجمع واسكت واكبت ... دخلت بشهري ؛ شخصيتي تحولت لوحده ثانية اغلب وقتي ساكته لا اشارك بحديث ولا حتى اجاوب . اطفالي يادوب اقوم بيهم لا احجي وياهم ولا افهم ولا اعلم .مرات اشوف احلام تضربهم . واكول ميخالف همه وكحين .ايمن يدوكر بيهم حاط عقله وياهم واكول طفل. اصلا ما فكر بيهم . ماعندي شي افكر بيه . غير اطلال الماضي . سمعت اصياح تمارة . طلعت من سمعت هاشم بالموضوع ،شفته خشمه يجري دم احلام - صدكين طفل وما اصدكيني والله اني معلية تمارة -لمحتج بعيني واكفة يمه - اشبيك ماما اشرلي احلام وهي تحلف مالها علاقة . تمارة معصبة عليها مدري لأن تكرهه لو على مود دموع هاشم . اخذته من تمارة ورحت غسلت اله وحطيت اله كطنه يشاهك وخايف حيل . دخلت تمارة - لمي جهالج يمج كافي فهاوة مخلية هالفقمه احلام ادمغ بيهم دافعته و واكع على وجه والله شنو كاسر تحفيه مالتها مخليته يركض مهلوع ظلت تحجي وادردم واني براكيني الخامده بدت تشعل شعل . بس كتمت راحت .ورة ساعه هم اتعاركن ابد ما متوالمات احلام و تمارة . واسمعها اترادد وهي كل عمرها ١٦ . اجواء البيت حيل تغمت النفس فوك الاحزان والكائبة الذاتية الي اني بيها . بديت اعتزل اعتزالي صار ملحوظ و أثر على اولادي ما اطلع للحديقة ما اريد اشوف الشمس و لا احب الضوة . اهوى الغرف المعتمه او ضواها قليل . دزولي اميرة تحجي وياي دوختني وانطتني رواية كالت سلي نفسج بيها .صلحوا الي مكينتي حتى ارجع اخيط . ما اكدر الضم الابرة ، اجاني الطلوك ... بنص الليل اخذني رضوان و تمارة وياي . لمستشفى العلوية الكادر الليلي قليل كاعد .وما يتاحجن . نمت ع السونار - نبضة زين .. بعدها - عفية افحصيها ما قبلت ساعة وحده و ولدت بهاي الولاده جرحوني واني هم رغم الطفل نازل ويريد يجي للحياة بكل واهسة لكني محبطة ما اطلك.زهكانه حيل. لا اتحسوني ابالغ اذا كلت الكم ما ماخذه بحملي سونار غير مرتين من جنت حامل ب ٤٥ يوم و هسة قبل لا ادخل وما ذكرت الجنس ولا اهتميت اعرف، اساسا بس اريد اخلص من هالمعضلة حتى فكرت او تمنيت يطلع ميت او ميته واخلص من حمل ثالث اني مو كده . الدكتور مسحت عرق وجهي وكالت وهي مبتسمة . - مبارك عليج ولد خشن ولد رجال خشنه ههه يتربى بعزكم درت وجهي للناحية الثانية بواهس مكسور . اميرة طول اول ثلاث ايام ولاده يمي تداريني هي وسما كائبة النفاس تغلبت عليه . بيوم ممطر مزعج كئيب ابني بس يبجي معرف شسوي اله طلعت ادور ع تمارة اشوفله حل وعفته بالغرفه ماهي بالهول . رحت بالمطبخ . دخلت شفت احلام وجه ع الكاونتر . واسولف وية رضوان - حيل حيل معرفت شنو حيل - ترة اني صايرة ام لثلاثة اولاد .و بيت شكبرة براسي . دطلع وسمعتها شتقصد هاي اني يمتى اخليها تخدم اولادي . صح ما اشارك بشغل البيت صارلي ١٠ ايام من ولدت وخياط عندي . و هاشم وحده يرادله خلك وصبر ع وكاحته .وتمارة شغل البيت عليها . مطيتها بس تنظيف وسما العشا . اني اصلا احس نفسي خطار وحمل عليهم ومنا بدأ شغل احلام علية . اتغار مني . وهذا الكلام كالته تمارة الي اتغارج منج . على شنو ؟ على شوية عطف اب واخ . رضوان ابد ما يجرحني لو يتأثر بيها لكنها لكت من يسمعها وهو ما يطيقني مسبقا علي . دومه ثكيل عليه و يسمعني حجي . كل هذا طبيعي و روتيني،نزلت للشغل بعد شهر من ولادتي وعدتي خلصت . تمارة حلت الها الدنيا اجه من يشيل الحمل من غير ما يشكي . اذب حركتي بالشغل اطبخ واخبز و اخيط . وية ثلاث اولاد . اجي للفراش تنكة مخسفه من التعب . لا افكر بالمرحوم ولا اشقي نفسي بالتفكير . شقى الجسد افضل من شقى البال . اسمع حجي من ام احلام الي بين يوم ويوم تجينا . اسمع كلام بتها الي مثل الدبش اذبه واكول طفلة وعدي يا ام الايتام انت اكبر منها ، جان هاشم يلون يم سما بالهول تقرة واني يمهم افصل ثوب ،دخل رضوان و بيده البايسكل رضوان - هاي المن الهدية ؟ رفع راسه هاشم وشافه . حط اديه على حلكه -الي .وكام يضحك . رضوان ترك البايسكل ع جنب ومد اديه يريد يشبكه هاشم ليوف ع البايسكل وعاف ادين خاله ممدوده - ايا ناقص فشلتني ضحكت سما وكامت اشوفه سما - ليش ما جبته جبير اصعد بي اني همين جاوبها - دولي انت بعيرة . يلا هشومي خل اوخرلك الجيس احلام بنزعاج - هاي شنو هاشم ؟؟كولت الك اريد فونديشن كولت الي معندي؟ سوينا نفسنا مشغولات اني و سما حتى لا نحرج رضوان .احلام ماعدها تحفظ تحرج ولا تحس . غلس عنها وكال - يووه انت ما تعرف تعال اعلمك اليوم كله الك .. اخذه وراح للأستقبال لأن اوسع راحت وراه تحجي .. ورجعت باوعت النا وتنفخ شاورت سما - متأكدين هاي عمرها ١٦ شو جنها عجوز ماكلين غداها ضحكت .. ووظل وجهه ثكيل عليه وضايجه . ، ظنت نفسها راح اظل اطبق سموم امها عليه واني اظل ساكته لأن ارملة و حملي ثكيل الشغل كله تركته . وصار معارك ويه تمارة . بس مفاد وياها واضطرت تمارة تشتغل واساعدني . الى أن اجة اليوم وعرفت نفسي اني جذب ما تغيرت الى وحده هادية بعدني نيوفر بس دحاول ادفنها بالعكس يمكن اتعس من قبل ابني يم تمارة بغرفتها واسمه رائد ! اميرة سمته اني كنت مسلمة زمام الامور الها و هي لأن هو وجه خير عليهم يصير اخوه صديقتها عنده معارف ساعد بتعيين حاتم ورضوان . وهم عدها اسم كيوت اكثر من هاشم هاشم كان يلعب حولي هو واخوه وكاعده اشنك ( اهيئ العجين للخبز ) -هاشم لا ترجع عليه عفية عليك بوسة . مبتسمة واشتغل. اشوف هاشم صاعد بالبايسكل الي جابة اله خاله رضوان وفرحان وطاير بيه طيور وصوفي وراح يصفك دخلت احلام اتغني بصوتها المزعج إمــــــي نامت ع بكير وسكر بيي البوابــة وأنا هربت من الشباك وجيت لعند العزابة شباكـــي بعدو مفتوح والبردايـــة عم بتلوح عرفو بغيابي أهلي يا دلي وين بدي روح ظلت اتعيد وازيد بجملة وجيت لعند العزابي طخت ببالي وباوعت الها نظراتها عليه جانت ملعبة. من باوعتلها التفت عني سكتت ورة اشويةوكالت - هاي اغنية فيروز اشكثر حلوة مو؟ عجبتج بصوتي وتضحك مدري تسخر من نفسها لو عليه شو بالي يكلي تقصدني بس كذبت ظني وسكتت عنها خلصت خبز ومحترة حيل دفوت من المطبخ للغرفه مالتي صارت باب الهول بوجهي . لمحت احلام .مدنكه ع البايسكل ما اشوف الي كاعد ع البايسكل من ورة جسمها . وكفت وراها بالبسكوت واشوفها ساده حلك هاشم و واتكرص بيه - مطي مكروه الولد هاشم حيل وكح وقوي ما يبجي بسرعه الا صدك متألم دموعه تجري و يباوع الها بخوف هذا الموقف صورلي من لزمتني تمارة صاعده ببايسكل رضوان واجرب اسوقه من صاحت بيه انزل اجيت اتعور بمكان غلط و اجت الي مفزوعه شبعتني كتل ع الطريقة النزلت بيها جان عمري ٨ سنوات لزمتها من ركبتها السودة الكلحة. فزت شافتني و بطحتها على الارض ما ضربتها ولا معشتها مثل ما يتعاركن النسوان بالعاده . ظلت ايدي عاصرة رقبتها عصر وهي جرت شعري اجه منه بأيدها بعدها كامت اشاكف بيهم ما سيطرت ع نفسها واني كاعده على صدرها وخانكتها صراخ هاشم المخترع طلع تمارة من الغرفة حاولت تبعدني مكدرت الا ضربتني حيل الا وخرت ...اباوع شكل احلام المخنوك شبه ميته تكح ومدمعه ' اني شنو سويت؟ طلعت كبت اشهر بيها بحيث تمارة اخذتها سحل شردن من يمي خايفات حيل كعدت ع الارض مددت متعجبة ع فعلتي وكلي ارعش . فترة الا حسيت بهول الموقف هاي مرت رضوان وما يرضى عليها اني شنو سويت وليش؟ مكان يستوجب ليش هيج فقدت السيطرة ع اعصابي . دخلت لغرفتي ..اخاف اشوف وجهي لأحد واحلام واتعرضت لشي مؤلم بعد شيفض المسألة اول من اجه من الرجال علي من الدوام طالب كلية هاشم يلح جوعان ماما جوعان واني مريد اطلع حتى غده مسويت صوفي يرضع ممة ورائد من صدري . وهذا يصيح جوعان اندفعت الباب عليه ابسرعه ضميت صدري ورائد بجى حيل - انت اشبيج ولج . لزمني من طرف ثوبي من دلعته و يهز بيه - فوك مامتحمل قرودتج هايجه علينا ومانه ماكله شاربه نايمه كرشج اشكبرة وحاطه البنية خدامه الج . ها ظل يسطر كلام عليه واني اكول معقولة لان مو شقيقي ماعنده محنه عليه ؟ - اشلون خازتني الكلبة منتبهت ع نظرات اعيوني اصلا مكنت متقصده ضربني ع خدي انتفضت واستنكرت فعلته هو اصغر مني - كلب اكل لأبوي عليك رجع عليه واجتي تمارة اتفاكك - الله لا ينطيج احلام . ولك اختك صرت جواه و يدمغ بيه بقوة خلاني ودي اقتله بذيج اللحظه دفرته برجلي على منطقته وخر عني موجوع . جبت ممة صوفي كزاز اجيت اشمرها عليه وكعت ع راس تمارة الي حاولت توكفني .. كصتها جرت دم ... صحاني مفزوعه وتسأل اني شسويت ؟ من خوفي منهم كلهم الي اذيتهم اليوم طلعت من الغرفة وجهالي يتباجون وانصدم بسما - مقصدي . مقصدي سما وعفتها ورحت للحديقه شاردة شفت عباية ع الحبل جريتها و طلعت من البيت دكيت باب جيرانه ما اعرفها . بجيت .. معرفت شنطق كلامي مبعثر ما فهمت شي مني اني بت ام علي جيرانكم صفنت عليه عرفتني . هي اجت عزتنا من اجيت لهلي دخلتني وتتسال اشبيه واشبيهم اهلي - اريد تلفون ...بس اخابر اتوسلت بيها جابت الي تليفون ابنها دكيت ع اميرة .. -اني يم الجيران تعالي اخذيني .! اخترعت ؛؛ سما رجعت من المدرسة كالعادة ميته جوع وركضة نوفه شدهتني . شفت امي حاطه كطن احمر وكصتها تجري دم . ادور عباتها حتى علي ياخذها مجاوب من سالت جان يسب ويغلط ع نوفه - احلام ادعي عليها . وجهالها يتباجون محد بحالهم . ركضت ع رائد ميت بجي . ما يسكت و اسال محد يجاوب طلعوا امي و علي واجه رضوان اتلكته احلام - اختك سوتها مرة لخ وهجت ، نيوفر - انتظر اميرة تجيني واني خايفة حيل وبالي يم جهالي اجيت اروح الهم بس خوفي وكفني لا علي يقتلني بعد الي سويته هسه وحدهم بالبيت هو امه واحلام اذا اروح شبع كتل خل تجي اميرة وتاخذهم ويانا المرة كاعده كبالي . ورادت اكثر من مرة اتروح لهلي اتوسلت الها عدنا مشكله تجي اختي تاخذني افضلي * رائد اليوم يوم أجازتي . المراسل رتب جنطتي . دخلت بس اغير واطلع للبيت دك تليفوني - هلا بريحة الجنة اشرت للمراسل يطلع . ( يعني ارسالي تحت ايدي هذا نظام بالجيش كل نقيب او رائد وحتى الضباط عدهم ارسالية تشتغل تحت ايدهم واجبهم يقومون بمهمات ويوصلون اوامر صادرة منا ) بس كتملق يقومون بشياء خاصة هذا واقع حال . اذاني صوت اني الباكي - شكو يوم ابوية بيه شي شكو كولي مجاوبت وزيدت حيرتي وشعلت اعصابي كالت تعال واكلك . امي مو بسهولة تبكي اضاهر اكو مصيبة ياستار. اخذت سويج سيارتي وطلعت .. وصلت لباب النظام . صعدت نموذجي اخذلي اتعذر مني - اتفضل اتفضل سيدي رحت للبيت دخلت شفت لينا كاعده وابوية هم . - السلام عليكم رد والدلي و لينا دمعت - اشبيكم وين امي اضاهر سمعت صوتي واجت دخلت رحت اسلم عليها . بستها وهي دموعها تجري - شنو مشكلتك يوم - شنو مشكلتي يمة؟ لينا -ماما مو هيج - يوم ليش كذبتوا علينا .. هااا ليش من الشمات اسمع الخبر مو منك ليش والدي يهدي بيها و هي واكفه كدامي و تبجي وتحجي ذكائي انذرلي بالي عرفوه. دنكت و رحت كعدت كدام والدي يباوع الي بشفقه كسرت ضهري و بينت ضعفي - لبنى حامل من رجلها . الشمات بلغتني .وسأليها اتكول الهم السبب جان من زوج الاول ما بيه شي ؟ يتبع مساء الورد 🌷ضروري تقروه المنظومة عطلانه تبع النت الرئيسية وما اعرف اشوكت يصلحوه بس يوعدون بينا المهم كنكت على حسابكم والله شفتوا غلاكم 🌷 | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
