12-07-19, 04:58 PM
| #11 | ||||||||
| مراقبة عامة ومشرفة منتدى الروايات المنقولة  
|  ليت قلبك فيه من عودك ليان ( part 10 ) | | مرت العشره الايام هاديه بدون احداث تذكر .. . . صباح عيد الاضحى المبارك بـعد صلاة العيد ابو فراس : الحقوني للبيت قبل يجون الضيوف بتال : نواف مارجع نياف : لا يمكن بعد كم يوم يرجع فراس : والله كان خاطري احج هالسنه بتال : بتعوضها السنه القايه يَ بني ضحك نياف : سروهاا بروح اجيب امي وخواتي بتال بالمناسبه : قول لاختك عرضهاا مرفوض نياف عقد حواجبه : اي عرض بتال : قالت لي ست الحسن انه دينا تبيها نياف ضرب جبينه : يالله ناسي اقولك ، وش دراك فراس : بلا غباء قال ست الحسن قالت له ، لف ع بتال : بعدين جد ليه ماتخليها يوم عندك ويوم ببيت عمي شهق بتال : لا والله ماقدر افارقهاا قاطعهم : السسسلام عليكم نياف لف : حي الله ماجد سلم عليهم وعايدهم نياف : تعرفهم ولا نسيتهم ماجد : لا ذاكرتي ذاكره سمكه انسى بسرعه ضحك فراس : وين الدنيا بك وانا اخوك ماجد : ابد احرس الوطن وانتم مكبرين مخادكم ضحك بتال : الله يعطيك ع قد تعبك ماجد : اميين جاء عمر ماجد : اعرفكم عمر ولد خالي سلمو عليه وعايدوه فراس : اجل حياكم ع الفطور ماجد : لا تفطر عندك العافيه نياف : اقول حلفت ماجد : يالليل بتال : يلا عشان عمر نضمه للشله ابتسم عمر ماجد : لا والله ولد خالي مايخاوي سرابيت فراس : اووووح نتفكم نياف : امش لا انتف شنبك بس ضحكو ع تعليقه ماجد : زين بعطي امي خبر وركبو سيارتهم نياف اتجهه لبيتهم ياخذ امه وخواته فراس وبتال لبيتهم و وراهم ماجد . . العيد له فرحه خاصه وله ريحه خاصه ريحته العود الازرق وريحة القهوه العربيه بحد ذاتهاا تجيب السعاده الضيوف والاصوات اللي تتداخل مهنين ومعايدين . بـ صالة الحريم دينا تبوس راس جدتهاا : كل عام وانتي تصغرين عن العام اللي قبله وتحلوين زياده ضحكت جدتهاا : جعل هالعام اشوفك عروس وازفك دينا اعتلتها الحمره وانساب شعرها ع وجهها باست يدهاا ضحكت جدتها على حياه اللي واضح عليها لابسه فستان كحلي باكتاف عاريه وميدي . \ / بـ جهه ثانيه | الصاله الجانبيه متجمعات البنات ريتال رافعه جوالهاا تصورهم سناب كانت لابسه قصير من فوق الركبه فستان عنابي ماسك ع جسمها ود : حطي فلتر الورد خليني اطلع حلوه كانت لابسه فستان ميدي باكتاف نازله لون زيتي عهود : عبيروه قصتك خطططيره ود : وانا اقول شعندها معاد جتنا امل : مسويه نيو لوك لمى : ياحظها ضبط معها التان انا عجزت فيه كانت عبير قاصه شعرها بوي اللي كان يوصل لاخر ظهرها والقصه مطولتها شوي ومسويه تان على بشرتها البيضاء ولابسه فستان ابيض ماسك تحت الركبه باكتاف عاريه عهود : دممممار شكلك يفتن عبير : تغيير كلي وجد منشغله بجوالهاا والابتسامه ماتفارقها بتتفجر اوردة الدم من كثر ماوجهها معتليته الحمره والسبب في ذالك .. نياف بـمحادثه واتس يكتب لهاا : كل عام وانتي عيدي ، كل عام وانتي الفرحه اللي تحتويني : كل عام وانا لشوفتك مشتاق : كل عام ونياف حبيب قلبك يحبك زود عن العام اللي قبله : كل عام وانا ادعي انك من نصيبي ونكون العمر كله سوهاا : عساك بكل الاعياد معي : وعساه اخر عيد وحنا عزابيين : ويالله ان اعيد بوجهك عيد الفطر الجاي : واححبك هالعيد واعياد عمري الجايه انتي حبيبتي وزوجتي وروحي ردت وهي ماعندهاا رد لك هالكلام اللي يطوق قلبهاا فرح { كلام حلو من شخص نحبه كفيل بأن يجعل يومك سعيد} وجد : خلصت كل الكلام بسوي رتويت صخب نياف بضحكه بالمجلس لف يطالعون فيه مستغربين نياف نزل راسه وكتب : الله يفشل العدو تفشلت وجد : هههههههههههه شصار نياف : ضحكت ع ردك بصوت عالي هذا رد مع وجهك وجد : شسوي خلصت كل الكلام معاد عندي رد نياف : قولي لو كلمه عادي اخبرك بخيله بالكلام الحلو وجد : لا والله 😏 نياف باستهبال : امزح معكي احبكي وجد : كل عام وانا عيد عمري كل عام وانا احبك اكثر منك نياف ببتسامه مافارقت محياه : وجد وجد : لبيه نياف : ياخي الكلام يبتدي منك وفيك ينتهي وجد اعتلتها الحمره نياف : الله يحفظك لقلبي انا ويجعلك من نصيب اليوم قبل بكرا وجد : ويحفظك لقلبي اناا جلست جنبهاا دينا بهمس : العرب شرهو عليك طالع وجهها شلون يقلب الوان وجد : جب دينا ارسلت لنياف : ياخي حرام عليك البنت بتموت جنبي شوي وتتفجر اوردتها اللي بوجهها ، قام يعطي الوان نياف رد عليها : جب دينا : وجع متفقين ع الكلمه بس والله جد شرهو عليها العرب يقولون شفيها ذي خبله تضحك مع الجوال نياف : ههههههههههههههه قولي للعرب مالهم دخل واحد ويعايد حبيبته يكفي مايقدر يشوف وجهها ياقهري بس ضحكت دينا وبنذاله : ياويل قلبك يانياف لو تشوفهاا نياف : اص اص تكفين قلبي مايتحمل 😩💔 دينا : فستانها ابيض كانها عروس نياف : عطي امي خبر ترا بكرا بنكتب الكتاب دينا : تستهبل نياف : العلم جاكم ضحكت دينا وعطت الجوال وجد تقراء شهقت وجد : ياحيوانه اخذت الخداديه وقامت تضربهاا : ياحماره ضحكت دينا وهمست : جهزي حالك ياعروس وجد ضربتها : انقلعي عني . | | بصاله الرجال نياف قام جلس جنب عمه : جايك وماتردني عمه علي : ابشر بسعدك نياف : تروح بكرا تخطب لي من عمي ابو نجد عمه : رجال خالتك نياف : بالضبط عمه : غالي والطلب رخيص ، نروح نخطب لك نياف باس راسه : ياجعلني ماخلى انفدا ذا الوجهه ضحك عمه : خطبه بس نياف زادت ابتسامته : كتب كتاب عمه : عطيتهم خبر نياف هز راسه : لا تو قررت ضحك عمه : يمكن مايوافقون نياف : الا ابصم لك بالعشره الموافقه بالجيب عمه : نشوف وش الله يكتب نياف اخذ شهيق : بأذن الله وقام لعند العيال بتال : وش تساسرون فيه نياف : سوالف كبار بتال : ارحمني يالشايب قام : اشوف جدتي ابرك من مقابلك وطلع تاركهم . | | | { بيت سلمان } عكس تماماً عن بيت علي واجواء العيد اللي تحسسك بالفرح .. لكن مايخلو من فرحة العيد ريحتة القهوه العربيه كفيله بأنها تعدل المزاج نجود تنهدت وهي تتأمل شكلها بالمرايه : يالله اشتقت لعريب ( لابسه فستان افتح درجات الوردي ماسك عليهاا ) امهاا : اي والله ياشين العيد بدونها رحمه : كنا مو مالين عينك مامي ( لابسه تنوره ميدي هاي ويست لون عنابي وبقميص حرير بلون سكري ) امها : الا مالين عيني بس ناقصكم عريب وعد : عادي يمه العيد الجاي تروح نجود نبقى لك انا وهالمزه ( لابسه تنوره واسعه ميدي بلون ازرق غامق مع بلوزه ابيض ) رحمه : شكراً للمجامله وعد : عفواً حبيبتي نجود : يهبي فال الله ولا فالك دخل ابوهم قامو البنات يسلمون عليه ويعايدونه جلس وصبت له نجود قهوه وعد : وين اخوناا العزيز ابو عريب : راجع للشرقيه البارح رحمه : اوم النذاله ورا مامر يسلم ابو عريب : اتصل يعايدني ويسلم عليكم ام عريب : الله يسلمه ، ماودك نروح الشرقيه ابو عريب : مدري نشوف وش الله يكتب وعد : ايه يبه تكفى من زمان عن خالي عبود رحمه : اشتقنا له ابو عريب : يمكن هو يجي ام عريب : بكلم واشوف ابو عريب : زين بس ماظمن لكم الروحه لن السياره خربانه نجود : ان شاء الله يجون هم وعد : يارب . | | { نرجع لبيت علي | بمجلس جانبي } جالس بتال يقرص خدود جدته : وزينهاا المزيونه اللي كاشخه للعيد جعلني مافقدها ضربته ع يده : اصغر عيالك بتال : طالعه مزيونه جدته : اقول اسمع بزوجك بتال : وش رايك انا ازوجك جدته : عندي وحده مزيونه بتال : عندي شايب زينه يقطع القلب رفعت عصاها : بتيل اسمع العلم ضحك بتال : شف شف الخدود يناس حمرت جدته : ترا بضربك بتال نزل حواجبه : احد يضرب روحه جدته اخذت نفس ببتسامه تعتلي شفتهاا : وش رايك بديناا بنت عزوز عقد حواجبه : ماقد شفتها والله جدته : بخطبهاا لك والله انها مزيونه بتال : يعني اي درجه جمال جدته بتفكير : كنها نياف ابتسم بتال يدري ان نياف مزيون كيف لو كان شبيهته بنت اكيد مزيونه بتال بتفكير : لها غمازات جدته تهز راسهاا : نفس نياف اقولك بتال بـ استهبال : دامها تشبه نياف ماظنتي حلوه اعتدل بجلسته : استغفر الله جده مايجوز توصفينها لي وهي ماتمحرم لي جدته : خلك من هالهرج ، هاه وش قلت بتال : هو انا اقدر اقولك لا ، قدامك فصلي وانا البس ضحكت لين بانت اسنانها العلويه اللي نادراً ماتطلع قام بتال وحضنها : ياجعل هالضحكه دايمه ياروح بتال . | | بـ الصاله الجانبيه نجد : ترا القهوه خلصت ريتال : بنادي الخدامه تجددها دينا بيدها شوكلاته تاكلها : شلون حلو ياكل حلو لفت عليها امل : الحلو لان زاد حلاه يصير يغث الكبد ضحكو البنات على تعليقها دينا : انينينيني كلجبن لمى : بس في حلو لازدتيه طلع احلى واحلى دينا : اشكرك ع التعزيز لمى ترفع حواجبهاا : واجبناا . | | . { برلين | شقة نواف } عريب دخلت غرفته : يالله يكفي اني بالغربه وذا نايم مو محسسني بطعم العيد وقفت عند راسه : نواف ، نوواف نواف : همممم عريب جلست جنبه : قوم اليوم عيد نواف فتح عينه : هاه عريب : قوم اكشخ وخلنا ننبسط بالعيد يكفي الغربه نواف هز راسه بدون مايطالع فيهاا : طيب عريب : بجهز الفطور وقامت طلعت نواف قام مسح وجهه وراح يوضي ويصلي طلع للمطبخ شاف عريب واقفه تكلم : كل عام وانتو بخير .... يوه والله مرا مشتاقه لكم ، ابوي كيفه وامي ..... عطينيه ......... كل عام وانت بخير يابوي ........ بخير الحمدلله ، طمني عنك .......... عسااهه دوم ....... نواف زين الحمدلله .... يوصل ، عطني امي ........... حي هالصوت من العايدين ........ بخير عساك بخير لفت بتحط العصير ع الطاوله وطالعت نواف لابس بجامته رفعت حاجبهاا باستغراب منه : سلمي لي على خالاتي وخوالي ..... يلا توصين شيء ... سلامتك .. فمان الله سكرت الجوال وناظرت بنواف : من العايدين نواف جلس وخلل اصابعه بشعره : من الفايزين عريب كانت لابسه فستان ابيض ماسك لابسه كيمونو ملون جلست مقابل له : ابوي يسلم عليك نواف : الله يسلمه عريب : حسسني بالعيد نواف نزل راسه وهو يأكل بصمت عريب لوت شفتهاا وناظرت باكلهاا نواف رفع نظره بيتكلم شافهاا لاويه شفتهاا وتلعب باصابعهاا تناظر بالاكل : شفيك عريب اخذت الملعقه بدون ماتطالع فيه : ابد ولا شيء نواف : طالعيني عريب رفعت نظرهاا : وشو نواف : شفيك قلب مودك بسرعه عريب : حناا عيد نواف : معناهاا افرحي عريب : طيب حسسني بالعيد ترانا بغربه وبعيد عن اهلناا ابتسم وهذي الابتسامه نادراً ماتلاحظها عريب على وجهه مع استغرابهاا نواف : زين اقوم اكشخ الحين ونطلع نتمشى عريب تعابير الفرح استبشرت بوجهها : صدق ؟ نواف هز راسه : ايه قعدت تأكل بعد ماخلصت ، قامت : بتجهز في ماتخلص اول ماوقف داخت وتمسكت بالكرسي سكرت عيونهاا شوي رفع نظره نواف : وش فيك ظلت ساكته شوي وفتحت عيونهاا : دخت شوي نواف : تعبانه عريب : لا لا الظاهر انخفاض بضغط الدم نواف : زين طلعت لغرفتهاا تلبس تحجبت زين وطلعت : جاهزه نواف قام يغسل : بروح ابدل وارجع . بعد مابدل طلعو يتمشون وعلى اقرب كوفي دخلو يشربون قهوه نواف طلع جواله يتصل بأهله يحك دقنه ينتظر احد يرد : شكلهم مب بالبيت عريب : اتصل على جوالاتهم اتصل بامه وردت نواف : كل عام وانتي بخير امه : حي القاطع ، وانت بخير ، شلونك نواف : بخير شلونك انتي عريب تحرك اصبعها على اطراف كوبهاا علق بنظره على اصابعهاا وهي تناظر بالشارع نواف : الله يجعله ، وينكم فيه امه : ببيت عمك الفطور عنده نواف : عمي علي من متى راجع امه : ليه مادريت نواف : لا والله محد قالي امه : من كثر اتصالاتك ماشاء الله فكرت ان تدري ضحك : مشغول والله ، شلون جدتي امه : بخير نواف : عطيني البنات بعايدهم امه طيب و وقفت متجهه لـ الصاله الجانبيه اسماء : بنات نواف بيكلمكم عبير طنشت ولا كانهاا سمعت شيء نطت دينا قبل ود وسحبت الجوال : ننننننوافففففي ضحك : حي هالصوت دينا : كل عام وانتي بخير ياعمري نواف : وانتي بصحه وسلامه ياعيوني ود : عطططططيني بنت دينا لفت تبعد عنها : اصبري بنت نواف : حطو سبيكر وعايدوني كلكم عهود : هاتي الجوال انا الكبيره دينا : يقول حطي سبيكر .. وفتحته ع السبيكر عهود : من العايدين يالقاطع ود : نواف كل عام وانت بخير عبير سمعت صوته -تكذب- اذا قالت ماشتقت له نواف : من الفايزين يالواصله ماشاء الله ،، وانتي بخير ود عهود : وينك طول هالفتره قاطع نواف : مشغول .. عايدي لي على كل اللي عندك ود : عندي البنات نواف : عايديهم عني عهود : قصدك عبير نواف : كلهممممم وشد ع الكلمه : جدتي عندكم دينا : ايوهه موجوده نواف : عطوني بكلمهاا دينا راحت تركض بالجوال للمجلس طقت الباب وفتحته : جده نواف بيكلمك شهقت لما شافت ظهر بتال ورجعت سكرت الباب قبل يشوفها جدته : هذي المزيونه جت بتال : شكلها تبيك جدته : قوم شوف وش تبي بتال : اناا ، حط اصبعه على صدره جدته : قوووم قام بتال و قف ورا الباب وطلع يده : في احد هنا ، عطيني الجوال دينا مدته عليه وراحت تركض لداخل بتال : الووو نواف : مين ؟! بتال : انت اللي مين داق على بنات الناس نواف رفع حاجبه : انت مين داق على اهلي انا بتال ضحك : انا بتال يالخبل نواف : وجع يَ مال اللي ماني قايل ، شكيت للحظه يوم شهقت دينا قلت اكيد طلع عليها احد بتال يضحك : اي شهقت روعتني مادريت عنهاا نواف : شفتها ؟!! بتال : اي عادي زوجتي هذي الشوفه الشرعيه نواف رفع حواجبه : نععم ؟! رجع يضحك بتال : ياخي انت فله والله نواف : ولد تكلم زين وش زوجته ضحك بتال : جدتي بتزوجني اختك نواف : تخسسى بتال : وليه ان شاء الله نواف : كذا كيفي , رفع حواجبه عريب تناظر فيه وابتسمت شد نظر نواف ابتسامتها : عطني جدتي بس بتال مد عليها الجوال ردت : هلا نواف بشوق لها : حححي هالصوت جدته : هلا نواف : كل عام وانتي بخير بتال : جده ذا نواف ولد عزوز جدته : هلا هلا بريحة الغالي هلا بعزوز نواف عقد حواجبه : هلابك ، شلونك جدته : بخير ي مال الخير انت علومك وينك فيه منقطع عنا نواف : موجود ياجده جايكم قريب جدته : اعجل علينا ومدت الجوال لبتال بتال : سكر جدته : مدري ماسمعه بتال : الو نواف : ماتشافت بتال : لا نواف : الله يعين ، عطني نياف اخذ بتال الجوال للمجلس وعايد العيال كلهم عريب تمللت من الجلسه وقهوتها خلصت رجعت نظرهاا للشارع لحد ماخلص نواف المكالمه وسكر عريب : ماشاء الله اهلك كثير نواف : كلهم متجمعين عند عمي ناظر لقهوته : قد بردت عريب : خلنا نتمشى نواف : يلا حاسب وطلعو عريب : اجواء العيد عندنا احلى نواف : اي والله عريب : كنت ناويه احج هالسنه بس مالله كتب نواف : السنين واجد عريب : الله يلحقناه سالمين نواف يمشي جنبهاا عريب : عادي اسالك سوال نواف وقف لف عليها : وشو عريب : انت جيت هنا ليه نواف : شغل عريب : وش شغلك نواف : اعقد شراكات مع شركات المانيه عشان توفر لنا بضايع عريب تقدمت خطوتين تمشي وهي تكمل اسئلتها : يعني المرات اللي تتاخر فيها عندك شغل نواف كمل مشي : ايه اكون معهم عريب : المره اللي راحت ليه رجعت شارب نواف وقف متفاجي من سؤالها عريب ناظرت فيه : مجرد سوال نواف مسح وجهه وحك جبينه حس انه توتر من سوالهاا : ذيك الليل سهرت مع اصحاب الشركه كانو المانيين عريب : رجال نواف حك جبينه : فيه بنات عريب : خير الخطائين التوابون ، الله يغفرلك > وكملت طريقها تمشي نواف لحقها : يعني ماجلست معهم ولا قربت لهم ولما قدمو المشروب ماخطر لي انه خمر لحد ماشربته وذقت طعمه ، عريب ابتسمت : بس كان سوال ماقلت فسر نواف انتبه لحاله : لا عشان ماتاخذين عني فكره غلط عريب : لا من هالناحيه تطمن صرت اعرفك زين نواف عقد حاجبه : كيف ؟ عريب لفت عليه ببتسامه : اعرف شخصيتك اقصد نواف : انتي شفيك اليوم ، احسك هاديه بزياده ضحكت : لا والله مافيني شيء بس كذا طبع نواف هز راسه : زين وكملو طريقهم يمشون . { صوت رساله طلع نواف جواله يقراء : حسابنا ماخلص ولنا لقاء قـرررريــب !! نواف رفع نظره يطالع يمين ويسار : عريب خلينا نرجع لفت عليه : ليه وصله رساله ثانيه : بالمناسبه بنت سلمان حلوه ، لازم نقابلهاا نتعرف عليهاا نواف مسك عريب من يده واسرع لشقتهم اللي كانت على بعد شارعين .. . | | | ||||||||
|  |
|
12-07-19, 05:02 PM
| #12 | ||||||||
| مراقبة عامة ومشرفة منتدى الروايات المنقولة
| ليت قلبك فيه من عودك ليان ( part 11 ) | | { الظهر بالرياض | وقت الغيبوبه الجماعيه } . في بيت ماجد لبس بدلته وطلع اتجهه لغرفته امه طق الباب ودخل : يمه صاحيه رفعت راسهاا : ايه يمه ماجد حك حاجبه : يمه عندي مرابطه ويمكن اتأخر امه جلست : صاير بشغلك شيء ماجد : لا ، عمر موجود ترا اليوم ماعنده شيء امه : زين انتبهلك باس راسها : ان شاء الله ، دعواتك وطلع ركب سيارته واتجه لدوامه . | | دخل الشقه عريب بصدمه : وش فيه نواف يلقط انفاسه : درو عنااا عريب مسكت جبينهاا : يالله معناها لازم نطلع من هنا الحين نواف : شلون واذا كانو مراقبيناا جلست عريب تفكر نواف : ليه جلستي عريب : اصبر خل افكر نواف جلس جنبها : شوفي المسج عريب اخذت جواله تقراء فتحت عيونهاا تناظر فيه لما قرت المسج اللي يخصهاا : يبوني انااا نواف ضرب بيده ع الطاوله ووقف بعصبيه : الله ياخذهم عريب وقف : انت هد الحين العصبيه ماتفيدك بشيء ، اجلس خل نتفاهم نواف : على وش نتفاهم جلسته عريب وجلست مقابل له : الاوراق شفيها نواف : صفقات للشركه عريب : صفقات تهريب نواف فتح عيونه للاخير عريب : تبي نصيحتي ، عطهم الاوراق نواف وقف : لا والله ماياخذونها عريب : راح تضرك نواف : مستحيل تدرين ان لو اخذوهاا قدرو يدخلون الممنوعات عريب : بلغ عنهم نواف : بيروح فيها ابوك وسمعة ابوي عريب : انا واثقه في ابوي انه ما اخطاء ابد ، نواف اسمعني غير الممنوعات دخل الشركه حرام تتعامل بالربا فتح عيونه بصدمه : كـ كيف ؟!! عريب : رباا ، المبالغ اللي بينهم عليها فوايد للشركه ، وانت تدري ان الفوائد ربا نواف بعدم تصدق : لا ابوي مستحيل يدخل بالحرام عريب : والله العظيم يانواف انها ربا نواف : قفلي الموضوع عريب : طيب نواف وقف : لازم نطلع من هنا بسرعه عريب : نرجع للسعوديه نواف : عندي عقد شراكه لازم اوقعه الاسبوع الجاي عريب : نغير الشقه نواف : جهزي اغراضنا عريب هزت راسهاا وتوجهت للغرفه | | | صباح العيد الثاني {في بيت ام ماجد } نزل عمر باس راسها : صباحك خير ام ماجد : الخير بوجهك عمر : مارجع ماجد ام ماجد : لا والله عمر : وش رايك نطلع نتمشى ضحكت : وين بتوديني في الرياض عمر : كنه مو عاجبتك الرياض ضحكت : الا والله احبها بس مافيها الا المطاعم والاسواق وانا ماحبها وين بتوديني عمر : اجل وين تبين اوديك جدته : ودني لام نواف ماعايدتهاا عمر : افاا وانا ابي اقعد معك تقولين بروح لهم لوى شفته حطت يدهاا على يده : متفشله منها عزمت امس ومارحت ضحك وباس راسها : بالليل نطلع ام ماجد : بأذن الله . | | | { بيت عبدالعزيز | 8:00 ص } باقي صخب العيد موجود ، جالسات البنات بالصاله اللي فوق على قهوه وحلى ريتال : اففف عبير التان يجنن عليك عبير : سوي مثلي ريتال : بسوي ان شاء الله ، لوني الطبيعي مو حلو عهود : بالعكس لونك حلو ريتال : قبل 7 شهور كنت مسويه بس مازبط معي مرا كرهت نفسي طالع لون مو حلو عهود : بعد العيد عندنا افتتاح ريتال : ع الطاري ودي اسوي مشروع وقالي بتال افتحي بوتيك ، توقعون ينجح نجد : اكيد بينجح كثير بوتيكات ناجحه وباسماء مصممات سعوديات ريتال : يبي لي ابد لاين خاص لي في الازياء دينا : سميه ريتال اسمك مرا خورافي ريتال بتفكير ؛ ريتال عهود : اي حلو ريتال امل ترفع يديهاا بأشاره كنها تقراء اسم على لوحه كبيره : ريتاال بوتيك ريتال : حمستوني اسويه اليوم قبل بكره نجد : عاد يبيلك تدرسين المشروع قبل تبدين فيه ريتال ببتسامه : اكيد بتساعديني نجد اشارت باصابعهاا : كل شيء بحسابو دينا ضحكت : يمه منها الاستغلاليه ضحكت نجد : امزح معك ابشري من عنوني ريتال : يسلم لي عنونك ود : بنات تعالو ام ماجد جت امي تقول خل ينزلون يسلمون ريتال : مين ام ماجد لمى : هذي ام ماجد عندها ولد يسسسخط يسسخط ود اكملت : يسسسسخط ريتال بحماس : يسخط لاي درجه عهود : يووووووووه لاخر درجه دينا : هذا سلمك الله نقيب في قوات الطواريء لو تشوفين بس جسسسسمه ولا وجهه يفتح النفس ريتال : عسكري البنات : ايه ريتال : يوهه كنت بحجزه لي دينا : عزابي ترا يمديك عليه اذا ماخذته انا عهود : كلتبين انا ابيه ياخي يخرفن ريتال : مدري العسكر احس ماعندهم مشاعر لجنس حواء لا وطواري بعد احسهم شديدين امل : انتي لو تشوفينه نسيتي العسكريه وتخرفنتي نجد : اقول خلونا ننزل بس ونزلو يسلمون عليها . | | | { بـ مجلس الرجال } ابو فراس يكلم ابو نجد : اليوم بنجيك بعد المغرب نخطب لنياف ابو نجد : هذي الساعه المباركه نياف يهمس لعمه : كتب كتاب ضحك ابو نجد : وجد معطيكيها من وانتو صغار ، ماني لاقي احسن منك لوجد ابتسم نياف حس بأحراج طلع جواله و ارسل لنواف : هي ترا بكتب كتابي اليوم معليش انت بتطول وانا مافيني صبر ارسل لوجد : ترا خطبتك من ابوك واليوم كتب الكتاب انتظر موافقتك يَ حبي . وجد اللي كانت جالسه مع البنات بعد ماسلمو على ام ماجد وجلسو سمعت صوت الواتس ورفعت جوالها تقراء الاشعارات ارتجفت يدها وهي تقراء الكلام نزلت جوالهاا حطت يدها على قلبهاا -بداخلها- : اليوم ، يالله وش ذا ماتجهزت ، لا يالله وش البس ، كتب كتاب يعني فيها شوفه ، يووه الله يسامحك نياف ، يمه انمغصت وقمت ارجف وقفت وراحت للمطبخ تشرب مويه : هدي هدي تنحل ، هدي عشان تعرفين تفكرين اخذت نفس عميق ورجعت للصاله . | | | { برلين | 6:47 ص } رفعت راسها بتعب تالمت من رقبتها ،تفتح عيونها وتسكرها ، عفست بملامحها من التعب رفعت نظرها ، المكان غريب عليها لفت تدور نواف شافته مقابل لها منزل راسه واضح انه ما صحى رجولها قريبه من رجول نواف هزت رجله : نووواف هزت بقوه ورفعت صوتها شوي : نننواف اصحى ظلت تهزه لحد ماصحى فتح عيونه وسكرهاا بقوه من نور الشمس اللي عليه عريب تحسست حجابها وارتاحت انه عليهاا نواف رفع نظره انصدم من حالهم : عريب عريب بلعت ريقهاا : مسكوناا نواف شد على اسنانه بقهر . < نرجع بالوقت > امس المغرب طلعو من الشقه معهم اغراضهم طلعو برا العماره وقفو تاكسي وركبو عطاه عنوان جديد لما وصلو نزلو اغراضهم كان مدخل العماره اللي بيسكنونها معاكس للشارع العام وهم بطريقهم بيدخلون استوقفوهم اثنين بضحكة سخريه : اجل بتهرب الثاني : لا وهالمره مع زوجته عريب تراجعت ورا نواف نواف بحده : والله ان قربتو لها بتندمون تقدم الاول : وش بتسوي مثلاً بتضرب ، هذا انا قدامك عريب تفكر كيف ممكن يهربون شدت بيدها على تيشيرت نواف نواف اخذ نفس عميق هالمره مايقدر ينقذ حاله ولا ينقذهاا الاول : تمشي وانت ساكت ولا تعرضنا لها عريب : ترا ماخفت منكم نواف شاد ع اسنانه : عريب ضحك من وراهاا واحد ثالث : ماتخافين هاه طلع سلاحه واشار به على عريب بدون مايرفع يده وينتبه له احد : لـ ثلاث ان ماتحركتو بطيب بيصير شيء تندمون عليه لف نواف و اتسعت محاجره بعدم تصديق وهو يشوف السلاح موجهه لعريب عريب لفت تطالع بنواف سكر عيونه واخذ نفس عميق وقف وراه الثاني وطلع سلاحه : يلا يا بي بي بدون مشاكل تحركو نواف وعريب معم ركبوهم السياره جلس واحد معهم ورا عريب ع الباب نواف لف برجله على رجول عريب وشد بيده على يدها انقذته المره الاولى لو يقدر ينقذها هالمره السواق : قلبي مايتحمل هالمنظر ، لاتقول انك خايف عليهاا نواف والحقد بعيونه ، هالمره مسكو عريب مين راح ينقذهم عريب تدعي بداخلها نواف : كلتبن ضحك : وين الاوراق نواف : مالك دخل اللي جنبه بحركه سريعه حط المنديل على انفه نواف وخدره شهقت عريب لما حست بيد نواف ترتخي اغمى عليه سحبت راسه لكتفهاا : لييييييههه ؟!! المعاون : بنريح روؤسنا من ازعاجه عريب : لوين اخذينا وش تبون منا ، وين عايشين احناا في امن بهالدوله يوقفكم عن حدكم حك دقنه: للاسف الامن مايحمي المغفلين امثالكم عريب : وش اللي تبونه هو : اوراق مع الاخ مهمه بالنسبه لنا نبيها عريب : وش فيها الاوراق هو طلع زقارته يدخن : صفقه بيني وبين ابوه لصالحنا عريب بـ استهزاء : صفقه مبنيه على ربا ميل شفته : مالك دخل عريب التزمت الصمت ولفت تطالع بالشوارع شهقت لما شافت طريق الغابه : متأثرين بالافلام مره السواق ؛ وانتي تعرفين تمثلين زين , نسيتي ولا اذكرك يقلد صوتها : انا كنت اصور وبعدت وضيعت اهلي عريب شدت على شفتهاا ولفت تطالع بنواف -بداخلها- اللهم اني استودعتك نفسي وقف عند كوخ بس مو نفس الكوخ المره الاولى نزلوهاا وسحبو نواف واحد منهم اللي كان المعاون : هالمره لاتحاولين تنقذينه لنك بتموتين ماوصلتي الطريق اللي يردك للمدينه عريب لفت تطالع بالمكان سحبها الثاني من يدها عريب سحبت يدها بقوه : اقدر امشي هو : عفواً مدام > انحنى وميل يده : تفضلي ياحرم نواف عبدالعزيز دخلت وشافتهم يربطون نواف هو : اجلسي هنا تنهدت وجلست سندت بظهرها ع العمود لفو يدينها لورى وربطوها انحنى قدامها : اعتذر منك كان ودي نضيفك ضيافة تليق بمقامك ، لكن مثل مانتي شايفه بالغربه احنا صدت بوجهها عنه وقام طلع هو واللي معه . / \ { الوقت الحالي } عريب : وش السواه تنهد نواف : مدري عريب : الاوراق وين نواف : تركتها بالشقه عريب : كيف نواف : خبيتهاا بمكان عريب : عطها لهم نواف بحده : لا عريب : ليه نواف : تدرين ان اذا عطيتهم الورقه بضر المملكه عقدت حواجبها : كيف نواف : مو تهريب مخدرات وبس ، ذولا بيهربون سلاح ومتفجرات عريب شهقت بصدمه : ابوي وابوك لهم علاقه نزل راسه بتعب : مادري هذا اللي عجزت افهمه انفتح الباب : اوههههووه صحو الحلوين وقف عند راس عريب : صباح الخير يامزه نواف بحقد : حسابكم معي اتركوها حرك راسه بلا : تشكل خطر علينا عريب رفعت راسهاا تناظر فيه انحنى على ركبته قدامهاا عريب صدت بوجهها نواف : بعد عنهاا لف يناظر بنواف رفع حاجبه : تهمك الحين لفت عريب تناظر لف يناظر فيهاا : بقولك معلومه عن زوجك الوفي ، تدرين ان زوج -واشار باصبعه على نواف- بالمره الاولى فضل الاوراق عليك نواف بربكه من ردت فعل عريب عريب حطت عينها بعينه : حنا وقت الشده واحد ولاتفرقنا كلمت عدو ولا تشد حيلك توقع الفتنه بينا ، هالشغله اتفاهم فيها معه اذا كنا لوحده وبامان نواف بصدمه من ردها صخب بضحكة وقام واقف : منتي هينه ، ع العموم موضوعكم مو معي ، استنى صاحب الشأن يجي ويتفاهم معكم وطلع تاركهم حطت عينهاا بعين نواف وميلت شفتهاا ببتسامه سخريه : مانصدمت من كلمته لني متوقعه هالشيء نواف : لاتصدقينه عريب : ماني مصدقته بس انا اعرفك زين نواف ميل راسه وتنهد : قلت لك الاوراق فيها خطر عريب : احرق الاوراق نواف : لا يمكن ينفتح تحقيق ويكون عندي ادله تنهدت عريب : الله يستر . | | { بيت عبدالعزيز | 10:22 ص } واقف ماجد عند الباب ينتظر امه بلبسه العسكري مايشوف من الصداع اللي زاد عليه من قلة النوم نياف : يابن الحلال ادخل ماجد : والله اني تعبان ومنهد حيلي مانمت من امس نياف : طيب ترا شوي كتبت كتابي تعال لاتسحب ماجد : من جدك ولاتستهبل نياف ابتسم وهز راسه : اي والله ماجد : نواف عنده خبر نياف : ارسلت له بس مارد ماجد : مبروك مقدماً نياف عدلت تشخيصته ورفع نفسه : الله يبارك فيك وعقبالك ياوليدي ماجد : اقول سرهاا بس ورح ناد امي نياف دخل مع باب الرجال وانفتح باب الحريم ماجد نزل توجهه للباب طلعت و طير الهواء عبايتهاا مسكتها زين رفعت نظرها لماجد ماجد طاحت عينه بعينهاا انصدم انها كاشفه لف على ورا وعطاهاا ظهر -بداخله- معقوله خوات نواف يطلعون كاشفات رجع لسيارته بسرعه مارفع نظره ريتال شافته : ذا لا يكون العسكري اللي يقولونه يمممه هذا اللي بعد حلو ويسخط ويجنن وكل شيء رجعت بسرعه لدينا اللي واقفه لها عند المدخل : هاه سواقكم برا ريتال : خليك من السواق شفت اللي تقولون عنه يمه قلبي هذا وانا مادققت بملامحه زين لف بسرعه ضحكت دينا : احلفي ريتال : والله طلعت لقيته عند الباب ولف بسرعه وراح دينا : اي هو محترم بعد مايرفع نظره للبنات ريتال بضحكه : بالله اشغلي امي شوي لاتطلع بدري بروح اقعد بالسياره ادقق بملامحه وطلعت بسرعه ركبت مع سواقهم ماجد هالمره مارفع نظره وظل يناظر بجواله ريتال بسيارتهم : اوفف ذا ورا مايرفع راسه رفع راسه ماجد بالصدفه شاف امه طالعه نزل يساعدها تنزل الدرج ريتال صورته سناب ، وكتبت > يا لبيييه ☹💔 ركب امه السياره ، صورت سنابه ثانيه كتبت > اوممممايقااد 😍💔؟! حرك ماجد وراح .. / \ داخل فتحت دينا السنابه وفطست ضحك : شوفو ريتال وش منزله ارسلت لها : هاه عجبك ريتال ردت : يمه يمه وش ذا الوجهه اللي يفتح النفس لا والجسم الرياضي دينا : ترا كلنا حاجزينه معليش ويارب يكون من نصيبي ريتال : توهه شافني يمكن اعجب فيني معليش راح عليكم ورجعت تعيد السنابات . | | دخل عليهم ببتسامه : اهلن هلا بنواف وزوجته نواف : ان كنت رجال فكني هو : وانت خلك رجال وهات الاوراق لف يناظر بعريب : قالو لك ان زوجك فضل الاوراق عليك ، او عفواً مادري هو فعلاً زوجك او زواج على ورق بس التقت عيون نواف وعريب ببعض اشار باصبعه : فكوهاا بنتفاهم معااها برا نواف : اتررركهااا فكو قيدهاا وطلعو لبرا نواف قام يصرخ : اتركوهااا ياكلاب ، اتركوهااا . / \ برا عريب نفضت يدهاا : لاتلمسني حك حاجبه : حنا مانبي نضركم بس عطونا الاوراق بدون مشاكل عريب : وانا شدخلني تقولي هالكلام ضحك : الجنس الناعم له تأثير لطيف عريب شدت على اسنانهاا هو : الحين ياحلوه بندخلك على زوجك الوفي وحاولي تقنعينه دفهاا من كتفهاا ودخلت عريب قبله رفع نظره نواف لهااا جات بتجلس عريب بمكانهاا هو : لا لا > مسكهاا من يدهاا نواف : اتركهااا سحب عريب لعند نواف ناظر بنواف : بشوف العلاقه بينكم كيف جلس عريب بحضن نواف عريب ارتبكت و رفعت نظرهاا لنواف صارت تتنقل بـ نظراتها بين عيونه نواف يطالع نظراتهاا ماقدر يفسرها هو : يالله بنشوف اسلوب الاقناع عريب لفت تطالع فيه واقف وراهاا ورجعت نظرهاا لنواف بصوت واضح : نواف عطهم الاوراق وخلهم يتركوناا وبعيونهاا قاعده تقوله كلام غير نواف يطالعها عقد حواجبه عريب رجعت تحرك عيونها بمعنى : امش معي على نفس الخط ورفعت صوتها : الاوراق ماراح تفيدناا بشيء اعطيها لهم وخلنا نفتك نواف ماعنده رد وظل يناظر فيها هو : اشوفه مقتنع عريب مرتبكه من قربهاا لنواف انفاسه تخالط انفاسهااا نواف بهمس : وش قالو لك عريب رفعت يديهاا وحاوطته على خصره وحط راسهاا على كتفه انصدم نواف من حركتها ضحك هو : هذا اللي نبيه عريب تمثل البكى : تكفى نواف الله يخليك اخاف يسوون لنا شيء دلهم على مكان الاوراق نواف فهم عليها وحس من حركتها مقصد طالع فيه اخذ نفس عميق : تبون الاوراق هز راسه : اكيد نواف : مقابل هو : مقابل نترككم ولا راح نتعرض لكم ، شركتي بحاجه هالورقه نواف : لا مقابل غيره عقد حواجبه : شنو نواف : تفسخون اسم شركتنا من العقد عريب لازالت على وضعها حاضنه نواف ابتسم : تأمر امر نواف : الاوراق بالشقه الاولى عريب فتحت عيونها بصدمه هو انصدم : وش يضمن لي نواف : اتركناا هنا وروح تأكد بنفسك هو : وين نواف : بصندوق الامانات عند حارس العماره رفع حاجبه بعدم تصديق : رقم الصندوق نواف : 5829 نادى واحد من برا : اربطوهاا مكانهاا عريب رفعت نفسهاا عن نواف سحبها من يديهاا ورجعها للعمود يربطهاا عريب خلت يدينها جنب بعض وربطوهاا ناظرت بـ نواف تنهد براحه طلعو برا .. هو : اسمع انتبه لهم هالمره ياويلك ان هربو الثاني : ابشر هو : وانت امش معي ماعاد اظمن اخليك عندهم . ركبو السياره وراحو جلس يكمل زقارته ابتسم بخبث طفى الزقاره ورماهاا قام ودخل نواف رفع راسه يناظر فيه عريب طالعت فيه انحنى بركبته جنب عريب : زوجتك حلوه غمز بعينه : وحلوه حيل نواف بحده : ابعد عنها احسن لك ابتسم : اقدر المسهاا وماتقدر تسوي شيء مد اصبعه لوجه عريب وعريب صدت بوجهها بسرعه نواف بقهر واعوذ بالله من قهر الرجال فز واقف وعطاه رفسه برجله على وجهه طيحته على جنب مسكه نواف وجلس فوقه وعطاه كف وردة بالثاني ولكمه ع انفه نزف منها هو حاول يقاوم وهو منصدم شلون انفك قيده . { بوقت كانت عريب حاضنه نواف } لفت بيديهاا على خصره ومسكت طرف الحبل وحاولت تفكه حس عليه نواف وفهم حركتهاا وتكلم وعطاهم العنوان لحد مافكت الحبل عريب ورجعوها لمكانها . وقفت عريب : بعد عنه بالله ورفسته ببطن : خسيس لولا التربيه ولا كان تفلت بوجهك لف نواف عليها : شلون فكيتي نفسك ضرب نواف على رجله وطاح نواف وبحركه سريعه صار فوق نواف وطلع السلاح من حزامه .. : تدري ان بهاللحظه اقدر اقتلك واسوي بزوجتك اللي ابي نواف تفل بوجهه : ياكلب سكر عيونه وصد بوجهه شاد ع اسنانه : انا اعلمك من الكلب الحين لقت لها خشبه وضربته ع راسه بقوتهاا كلها طاح مغمى على صدر نواف اخذت نفس عميق وابتسمت : للمره الثالثه انقذك نواف دفه من عليه وقف عريب اشارت بيدينها : سويت بيدني كذا وربطوني لما راحو لفيت يديني جنب بعض وصار فيه فراغ بالحبل قدرت اسحب يدي منهاا نواف سحبهاا من يدها : خلينا نطلع من هنا عريب وقفته : لا ماراح نطلع رفع حواجبه : وشو عريب لفت وراها مجموعة حطب : نتخبى هنا ، الطريق طويل مرا انا شفته وان هربنا بيلحقونا ويلاقونا اكيد نواف : شلون نتخبى هنا عريب : اسمع اخذ مفتاح سيارته لن في سياره هنا غير اللي جابونا فيها واخذ سلاحه ، راح نتخبى ورا الحطب هم اذا وصلو وشافو خويهم بيسعفونه ويتاكدون انا هربنا وراح يطلعون يدورونا نواف : والسياره هينا وحنا اخذين المفتاح عريب : اكيد بيقولون اخذ المفتاح عشان هذا مايلحقه نواف لف واخذ سلاحه من يده ودور ع المفتاح بجيبه اخذهم ولف على عريب اخذت نفس عميق واتجهت للحطب وجلست جاء نواف وجلس جنبها : وش يضمن لك ماراح يفتشون المكان عريب تناظر للفراغ : بين انهم اغبياء رجعت راسها على ورا وسندته ع الحطب و سكرت عيونها بتعب نواف لف عليها : شفيك عريب : تعبانه شوي وبردانه . | / { بيت ابو نجد | 2:24 } وجد مطلعه كل ملابسها وناثرتها بالارض : اووووف وش البس فتحت الباب نجد شهقت من منظر الغرفه : وش ذا الحوسه وجد جلست بالارض : مالقيت لبس مناسب وش البس نجد : تراه كتب كتاب مب زواج وجد شوي وتبكي : البلا انه كتب كتاب ، لو طلب شوفه نياف واعرفه والله مايضيع الفرصه ضحكت نجد : طيب الفستان قدامك وش زينه ورا ماتلبسينه ذا مو حق زواج ولد عمي امي اللي ماحضرناه اصلن شهقت وجد يوم شافته : ذا كيف راح عند بالي سحبته وحضنته : جا من الله نجد ضحكت ع شكلها: رحمتك قسم وجد : راسي صدع مانمت ولا تجهزت الله يسامح نياف كركبني نجد : قومي نامي ، و6 اصحى تجهزي كلها فستان ومكياج وجد ناظرت بملابسها : والحوسه ذي من يرتبها نجد : الخدامه تجي الحين تجهزهاا يلا قومي وجد اخذت الفستان وحطته ع جنب ورمت بحالها ع السرير طفت النور نجد وطلعت . / / { بـ جهه ثانيه | غرفة نياف } واقف قدام المرايه ويلبس وينزل نياف : البس غتره ولا شماغ لبس الشماغ الاحمر : امممم حلو لكن مدري مو مناسب نزله ولبس الغتره البيضاء : امممم ذي يبيلها ترسم مو نسفه ، يع وانا بالشخصيه الرسميه اطلع كني دلخ رجع لبس الاحمر ونسفه على جنب ناظر بشكله : خير طالع مع واحد من الشباب اف ماتزبط رجع لبس الابيض : اخليها كذا بعدين طلعت بالابيض احلى عطا بوسه لنفسه : اليوم ابوس نفسي بكرا وجد قلبي تبوسني ضحك على هبال : انهبلت رسمي قام طلع علبة ساعه رولكس سودا معها كبكات اسود لبسهاا وضبط شكله : الله يحفظني ويحفظ لي وجد قلبي طقت الباب دينا ثلاث مرات سريعه ودخلت نياف لف عليهاا : هاه كيفني دينا صفرت : وش ذا المزيون الله يحفظه ابتسم نياف : عاد جد ولا دينا : اي والله انك تهبل بالحيل لا والغتره تجنن عليك معطتك منظر فخم نياف لف يناظر بالمرايه : مو كن يبيله تزبيط الدقن دينا ناظرت فيه : ليله العيد مو مزبطه نياف : يمكن خرب دينا خزته : بيخرب بيوم ، نام نام بس زحمت علينا اليوم ولا احد فينا تجهز ضحك نياف : يقول المفاجاءت دايم احلى دينا : اي بالحيل ، نام نام الظاهر فصلت نياف : ها كرفسي بنام وانا مشخص عشان ماتاخر على وجد قلبي دينا : لا كذا اوڤر يمكن تتجعد الغتره وانت نايم نزلها ع جنب عشان الكوي مايخرب نياف : احياناً من الحماس اصير غبي > نزل الغتره ع جنب دينا : والكبكات والساعه ، يمكن تنكسر او تنام على يدك ويطبع اثر الساعه بوجهك نياف : افف منك > نزلها ع التسريحه دينا : عاد الثوب نزله عشان نكويه ونبخره لك نياف : لا فصخيني احسن دينا ضحكت : جد اتكلم نزل نياف ثوبه : يلا فارقي بنام ورمى حاله ع السرير ضحكت دينا : عوافي ياقلب وجد ابتسم وهو مسكر عيونه ودفن وجهه بالوساده ابتسمت دينا على منظره وطلعت | | | ||||||||
|
| |
 |
| أدوات الموضوع | |
| انواع عرض الموضوع | |
|
|
.png)
العرض العادي
