آخر 10 مشاركات
|
| |||||||||||||
| مشاهدة نتائج الإستطلاع: تمنياتكم لنهاية خذني بقايا جروح؟؟؟ | |||
| نهايه سعيده ؟؟ |     | 1,311 | 95.83% |
| نهايه حزينه؟؟ |    | 57 | 4.17% |
| المصوتون: 1368. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
04-06-22, 08:58 PM
| #16543 | ||||||
 
|  اقتباس:
حيااااك الله بروووقة💞 عاااش من شاف طلتكك حقيقي أنا بعد ابي هو يعلمها اليوم .. يتفادي ردة فعلها اقل شي .. يهون عليهاااا الخبر عن يجي الخبر من غيره😑😑😢💔 | ||||||
|  |
|
04-06-22, 09:02 PM
| #16544 | |||||
| اقتباس:
مساء النور … حي الله بروقه … وانتي اكثر وحشيتنا … والله اني افكر فيك من شوي اقول يارب تدخل … | |||||
|
| |
|
04-06-22, 09:13 PM
| #16549 | ||||
| البارت الثامن والثلاثون ( يحدث أن تُقاوم طُوفان )..جلل!!.. وتُزهقُ أُنفاسكَ قطره ( أسميتك من جهلي )وطناً ونسيتُ أن الأوطان تُسلب -انا .. سكت مستشعر خوف عظيم مهلك .. محاوط روحه ومتغلغل فيها يهدده بفقد شعور الأمان الي تعب الين وصل له معها .. تنفس بصعوبه … حاس باناملها تنغرس بشعره وتهاديه .. وسبقته بهمسها الناعس -انت عيدي .. واماني .. وزوجي حبيبي … انلجم لساننه عن النطق .. عاجز حتى يبلع ريقه وهو يستمع لها تتابع بحسها ولمساتها الي لمست داخله المهتاب .. -نام ياحبيبي.. ارتاح …ريح فكرك الي يجهدك .. ماعلى ربي شي صعب .. مو دايم تقول خلي حمولك على الله ؟! خلاص !!؟ ..كل حمل ثقيل عليك وكل الله عليه ! انحنت لاثمه جبينه بحنو -ارتاح يالوليد متى ترتاح؟! تبسمت وعينها تستهلك اخر فصول ضد النعاس -ترا باقي العيد وفرحته ماخلصت .. تنفس بعمق مستنشق قربها .. الحنون .. وهي تتابع منطوقها المسكن كل خوافيه الي ارعبته قبل لحظات .. -غلطت انا تهورت ادري ! ذكرتك باشياء انت تبي تنساها ماتذكرها ! انحنت من جديد تلثم جبينه بعمق -انا اسفه .. ومتهوره .. واسفه يوم قلت مني عرجا !! انا اعتذر ! سامحني ! حست بيدينه تشتد حواليها باستملاك بدون ينطق .. ويدها تتهادى بلمساتها فوق ملامحه بحنو محسوس ..واصل لعمق أنفاسه عبق شذى حناها .. غاشي كل ادراكه ومُسكره لحد الهذيان !!!!حنا العيد !!! تناغم حسها بسكون وهي تقرا ايات السكينه الي يحب حاسس بسكون يسري بعروق جيده ويحاوطه بلطف ظاهر له وخافي عليها .. معد عرف شلون غفت عينه ولايدري شلون انحسرت مخاوفه واختفت وابتعدت بعيد بعيد لاقصى مكان خافي عليه .. رغم نعاسها استشعرت سكون أنفاسه وهدووء لمساته الي حاوطت جيدها ادركت انه استسلم ونام شددت يدينها حواليه ضامته بخفوت رصين حدس ..صغير ..ادرك ان فيه داخله شي او هم متضايق منه ...حتى ماقال وين اختفى وراح بتسأله ..وبتعرف ..وش مضايقه ..الا مايعلمها ويقول ...شدت مبسمها توهان ..وهي تضم جيده المستكين مستشعره حرارة أنفاسه ومبتسمه بسعاده غامره لوجوده معها ووصولهم ليوم عيدهم الجميل بدون منغصات وضيق .. تبادت لها مشاعر اليوم كامله .. عايشتها وسط نعاسها من جديد الين لحقته واستسلمت براحه ورغبه وامان حاوطهم الاثنين ………………………………… جده مستشفى ..(؟؟؟؟) تنفست ندى بصمت وعينها على ميثا الغافيه.. بقلبها حزن موجع .. مدركه الحاله الشنعيه الي وصلتها اختها من سبايب هالرجال الي ياما حذرتها منه !! توها مشرفه على اخذها علاجتها من خلال الكادر الطبي الي معهم .. انفتح الباب التفتت ..ثواني معدوده ..و شافته تبسمت برحمه له .. هامسه بحس خافت -تعال طلال نامت امك دخل بخطوات هاديه وعينه متوجهه لسريرها ومنظرها المنهلك مو نفسها امه الي يشوف شي مغاير موجع اهلك روحه بعمق شعور مرير محطم يعيشه ممتزج بقهر كاسح شلون عجز يحميها وهو معها !!؟ -شلونها الحين ؟! التفتت لها ندى -توها ماخذه مسكنات وغفت !! ان شاء الله تتحسن وتطيب وترجع ميثا اختي القويه ..اهم شي طلعت من العنايه ... قرب مستجلس وعينه عليها ناطق بهدوء -امي انكسرت خلاص .. بعون الله باخذ حقها انا باخذه بيدي !! ناظرته ندى بتقطيبه ضايجه -طلال !! امك معد بقا لها الا انتم وانت بالخصوص تحتاجك اكثر من غيرك انتبه تتهور يكفيها الي صار مع الوليد !! تقوم تسال عنه وهي تصيح ثم ترجع تتذكرك !! لاتوجعها فيك ياولدي ! تمت عينه تترقب منظرها المؤلم له .. -شلون خواتي ؟! -ماعليهم عند ام عمار تقول انهم ضايقات لاتلومهم يبون يجون بس مب عارفين وش بيشفون عشان كيذى احسن لهم لايدرون عن حالها لين تتحسن !! ان طلعت افضل !! يبون يعرفون أي مستشفى !! بس تسايرهم هي !! نبهت عليها ماتعلمهم !!.. تنفست ...بعمق ..متنهدع ..ومتابعه .. 0والوليد مايبيهم يعتبون برا البيت !! التفت لها -لاتقول لهم شي !! بمرهم اليوم انا ! ناظرته بحنو منظره المجهد حتى عقب حلق وخفف شعره الا ان مبادي الاجهاد وقل التغذيه والإهمال بانت عليه .. -بتطلع ؟؟ توك ياولدي !! خل يشتد عودك شوي !!! عينه يم امه مستمهل النظر .. -انا بخير .. نطقت بخفوت الله يتمم عليكم العافيه ويفرحنا بطلعة امك .... تردتت بس تابعت ..سائله .. -الوليد ماكلمك ؟! -كلمني ماعليه طيب ! رافض امسك شغلي مايبي الحين !! تبسم متذكر حسه الامر له وسؤاله اليومي واللحظي عنه -امك موجعها الي صار معه !! ناظر خالته بعمق -ماينلام … اخوي محدن يقدر يلومه ابد !! اشرت براسها وعينها تنساق لاختها -امك سوت الي كانت تشوفه صح ياطلال ! تحسب انها قادره تواجه كره ابوك له!! خايفه عليكم وعلى الوليد ..! اشر لمنظرها -هذي نتيجة خوفها !!! كفر فيها !! واوجعنا كلنا !! شدت مبسمها .. بضيق .. هامسه -حسبي الله ونعم الوكيل ! استاقف متقدم يم سريرها ثم انحنى لاثم يدها المستسلمه .. وجبينها المتضمد .. هامس بحرقة عين أحرقت قلبه قبل اجفانه -بجيبه حقك امي يمين الله بجيبه !! شدت ندى مبسمها ودمعتها تنسل لحالهم الاثنين .. كلهم اهلكو روحها كلهم .. رجف فكها ماسحه دمعتها متنفسه باستحكام لازم تقوى وتكون قويه معهم وعشانهم -ان رجعت تعال معي... تحتاج تغيه ورعايه ..بيشغلونك البنات بالاسئله .... اشر براسه مستاقف -يعطيك العافيه خالتي ماقصرتي احتنت نظراتها -وش دعوه ياولدي عيوني لكم ماسويت شي ! انت الي يعطيك العافيه لميتنا وخذتنا عندك ! ناظرها بحنو -انتم هلي ملزومين مني حدكم بضيقه يستحيل اترككم ! همست بحذر -الوليد قاطعها بهدووؤ -الوليد ماينلام على شي !! تبعد بنتم عنه وعن طريقه وحياته ومب متعرضكم !! بلعت ريقها ماشره براسها موافقه -الله يعين !! تحرك طالع .. وقبل يترك الغرفه -اذا قامت ناديني !! -ابشر ناظر الممرضات والاجهزه حوالين جيدها الملكوم بعمق غاضب نار داخل روحه تشتعل وتضوي بجموح مهدد بالتوعد والانفجار بس لازم يستكين ويهدا هم بحاجته كلهم هو الباقي لهم .. خل يصبر لين يشتد عوده ويتحسن ويكون خير .. بياخذهم وبشتري بيت غير هالمستنقع الكاره له بيبنون حياتهم من جديد بدون ذاك المرض السقيم الي تمثل بوجود ابوهم المجرم الظالم .. بيعوضهم وبيعيش معهم ولهم وبيخلق لهم ذكريات اجمل وافضل تهادت خطواته وضيقه تشل أنفاسه كاره وجوده رجوعه لذاك البيت كاره كل الذكريات السودا المظلمه الي عاشها فيه .. مازالت ذكرى صوته الكريه مالي المكان كل شي وكل ركن يذكره فيه .. ………………………………….. قصر الجد .. ناظرت حنان التجهيزات لليوم .... كانت من اجمل مايكون .... تحمست عقب شافت عيد بيت اخوها ... قرروا اليوم يكون عيدهم مبهجج ولايتذكرون أي شي يضايقهم ... امهم شددت عليهم وكررت ..ماينجاب طاري حصه ولا الجوهره ولا يبان فقدهم ابد ..تدري داخلها ضايج وكلهم بعد لكن هذا الحال حصه اختارته بنفسها ...يكفي الي تحملوه ..قبل ... وعقب ... -حنان ؟؟ -هلا .. -المباشرات بيجون الان استقبليهم ...انا بطلع عندي شغله .. -عيوني مجهدتني بروح اشوف سالفتها أتوقع معي جفاف .. -طيب وصي السايق يجيب لك قطره !!ليه لازم تروحين قبل شوي جيتي من حصه .. -هذي عيون ماينلعب فيها .... ووراي سهره اليوم ابي انبسط مع اخواني والجميع ... عاد لاوصيك ..كل شي جاهز أساسا ... وهم يعرفون تخبرينهم انتي ... تاكدي من الزي الي اخترت يلبسونه .. ارسل صورته لك ... اذا جو بغيره خل يرجعون يبدلون ..مابي الا الي اخترت ... عشان يناسب التجهيزات .. -طيب ... لاتتاخرين .. -منيب متاخره ... ..................................... قصر صخر .. ارمشت سمر .. بنظرات عينها ... سامعه همس أمها وهي تصلي ... تحركت متمدده ... ببطء.. وانتشاء راضي ... سكون بجناح امهم هادي وصوت القرأآن ...هادي .... ماتركت أمها جت واندست جنبها بفراشها ... أسندت ملامحها تحت ... خدها ...وترقبت جيد أمها المصلي ... عينها تتأملها ..برحمه وحب عظيم ..وفخر ... شدت مبسمها ماده يدها لجوال أمها بتشوف يمكن ارسل شي ... فتشته ودورت مالقت شي ابد ... تنفست بخفوت ... تاركته خذت جوالها هي ..انتبهت لرساله واتصال من رنا دققت اكثر وهي تستجلس تضغط تفتح رسالته .. (امي هي كل حياتي بس هي طردتني من بيتي !...برجع وانا رافع راسي وراسها انا هنت عليها عشان واحد مايسوى نعال !! قفلت الشاشه بحمق ...وانفاسها تضوج ..هامسه بغضب .. -في ابليس الي مايحفظك !! وصلها حس أمها .. -تدعين على مين ؟؟ لاتدعين عالمسلمين !! ارتبكت متلاقيه نواظرها بعين أمها الرحوم ... رفعت يدها تمسح ملامحها بنعاس مخفيه ضيقها .. -استغفر الله .... ذكرت احد قاهرني امي -ولو لاتدعين !! أبعدت يدها وهي تبتسم لها وتجر رجلها من تحت اللحاف ... لين الأرض .. -ابشري .... استغفرت أصلا ... عساك ارتحتي يمه .. -الحمد الله .... تبسمت ملتفته لها ... -وش جابك عندي ؟؟ مدت يدها تتمطا ..بسكون وهي تبتسم .. -وحشتني النومه عندك بسريرك لها طعم غير غير ...ماحب هالوقت بالعيد ... تهقين قامو نجلا والوليد .... -مادري بنتي .... كلمتهم تحت يولمون الغدى ..وجاهز ...انا بنزل !! صلي والحقيني .. -الساعه كم ؟؟ مدت يدها تأخذ جوالها ....شافتها اربع ونص ... -رنا داقه علي ... تهقين تروح من عندنا بيت جدي ؟؟ او رجلها بيوصلها غريبه داقه ... ! -تبي العلوم ... دقي عليها تركت جهازها واقفه .. -بروح اصلي ..اول ..ان نزلت عندك دقيت .. -انتي مطوله هاتي جوالي عطيني ... بكلمها تحت ... -طيب هه خذي ... اعطتها ...وطلعت من جناح أمها متوجهه لجناحها ... .................................................. ...... جناح نجلا والوليد .. صحت ومن حست بوجوده حواليها ..وهي مستكينه بصمت ...ماحبت تنسحب ويصحى ..بتتم أطول فتره ممكنه ..ان وعى بيقوم مب راجع ينام ..ترقبت الفراغ ..بسكون ..ويدها تتهادى بخصل شعره .. المتبعثره ...حوالين جبينه ..سحبت جوالها بخفه ...شافت مكالمات من اشواق وبسمه ...ورسايل من شريفه وعفاف ..وام عمار ..تبسمت ..لكلامهم ومعايدتهم المحببه لقلبها ...انتبهت للساعه قريب الخمسه ... شدت مبسمها بخفوت لازم تصلي ... تركت الجهاز واطرفت بعينها له ..محاوله تتحرك ببطء .. خافت ...بس عاكسها .. بشد يدينه ...وحركة جيده ..وهو يسحبها ترجع ..دافن راسه بشعرها ...همست .. -صحيت ؟؟ همس بخفوت -امممم... استنشق شعرها ... بانفاس متتابعه ... -ريحة شعرك ؟ -وش بها ؟؟عجبتك ؟؟ -من وين لك هالطيب ؟؟غير الي دايم ؟؟متى جبتيه ؟ تبسمت ..راده بخفوت .. -هذا من امي مهره اعطتني مخمرية شعر هي مسويتها !!.. حرك راسه دافنه اكثر ..وساحب انفاس عميقه ...اكثر واكثر ..هامس ..ببحة صوت نعسى .. -اعجبني...دايم حطيه لي ... همست بحنو ... -طيب .. مرت ثواني هانيه هاديه .. -الولييد -هممم.. -بقوم اصلي ...مأذن من زمان ... ماجاها رد .... مازال محتزم جيدها بحزم ... نطقت بحاني الصوت .. -انت مضايقك شي صح يالوليد ..؟؟وين رحت اليوم حتى امي نوره ضاقت يوم ماجيت !!..علمني وش مكدرك ! تهادت اناملها بخفه ..حانيه ..تتلمس اثار الحروق القديمه ...سمعت حسه ..الخافت .. -ماراح تفهميني !! قطبت هدب عينه بصدمه خفيفه .. -ليه كذى تقول ؟؟وش الطاري ! من متى انا مافهمك ؟ -دايم ضيقت نواظرها ..متحركه ..قاطع حركتها .. -لاتتحركين .. -الا ابي اشوف وجهك ناظرني بالله !؟ تنفست بعمق تحاول بس جابرها تستكين مكانها .. -لاتحاولين ..مابيك تشوفين وجهي .. استنكرت منطوقه ..هاتفه ..بضيق .. -وش فيه الوليد ليش كيذا انت !؟؟ وش صاير ؟؟ مرت ثواني طويله يمازجها الصمت والترقب ..ثم سمعته -نجلا انا وش دايم اطلب منك ؟؟؟ دايم وش اكرر عليك ؟؟وش اقولك دايما انا وش اقولك ؟؟ تعرفين ؟؟ رطبت شفتها ... بتفكير ..وانفاس عميقه .. -تقول ثقي فيني ! -تثقين انتي فيني طيب ؟؟ استهجنت باستغراب .. -بالله هذا سؤال ؟؟ ليش تسالني ؟؟ -ردي تثقين فيني صدق او كلامك مجرد هرج!! ردت بحمق .. هادي .. -لا اثق اثق واثق!! انهت منطوقها تنتظر يكمل ... بس ظل ساكت .. نطقت باصرار -انت فيه شي متضايق منه وشهو ؟؟ ابي اعرف !! علمني !!! تحرك ...رافع نفسه ... ببطء .. -بعلمك بس مب الحين .. لمست اكتافه تدور نواظره .. -ليه طيب؟؟ وش فيه الوليد خوفتني ! اطرف بعينه لها ...بلا شعور رفعت اناملها ترتب هدب حواجبه ..وهي مقطبه ..نواظرها .. -ايييييش؟؟ | ||||
|
| |
|
04-06-22, 09:15 PM
| #16550 | ||||
| ارخى نواظره لمبادي نحرها ...ودقة رسم ذقنها .. -تذكرين يوم اقولك فيني من السواد الي بيكسرك ! سكت رافع نواظره لها ... هزت راسها بموافقه ..ونظره حانيه ... -اذكر ..واذكر اني قلت لك انا معك وبكبر معك ...وبكون الزوجه الصالحه لك .. تلاقت نواظرهم بعمق غريب ...جمد لسانه وشعوره وهو يشوف نظراتها المترقبه ..حرك هدب عينه ..رافع نفسه اكثر ..ناظرته تنتظر ... بس استجلس ...رافع يده ..يشوف الوقت .. -بعدين خليها بعدين ... ابي فرحة العيد تكمل مابي نتضايق !!! احتنت نظرتها له ..مقربه ..منه ..حاظنه خواصره مرتخيه بجيدها ودافنه راسها وسط ..حجره.. -اسمع ... مايهمني شي كل شي كل شي مايهمني الا وجودك طيب وبخير ..وفرحان ..!! غيره مب مهم!!سوادك جيبه جيبه ابيه انا هذا الي ضايقك اليوم عطني إياه .. !! سكتت ثانيه ثم نطقت برجا .. -ثق فينييييي الوليييييد !!تكفا ! ارخى راسه ونواظره مستمهل النظر فيها ... -ارفعي راسك ؟؟ قومي اجلسي !! عضت شفتها مبعده ومستجلسه ...ويدها على فخذه .. ركز بنواظرها ..ونطق .. -انا ابي اعطيك الي يسعدك فقط !!لكن أوقات انجبر !وانحد اتصرف تصرف ادري واخبر بيوجعك !! جمدت أنفاسها ..بترقب ..تتبادى الأفكار براسها .. نطقت قبل يتابع .. -بتروح لسعود ؟؟ ! هاه الوليد ؟؟ ركز فيها النظر .. -هذا خالصين منه .. انتي طبتي الحين!! ولازم اتمم شغلي معه !! بس مب ذا قصدي ! شدت مبسمها بتوجس.. -انت ..ضايق عشاني انا ؟؟من شي بيضايقني يعني ؟؟ ابعد نواظره ... بصعوبه مايبي عينها ..حتى تلمح خوفه المنزوي ..المهدد روحه .. مدت يدها تمسك كفه .. المستريح فوق المفرش .. -لاتضيق... انا طبت خلاص !!انا قوتك نسيت وش قلت لي ؟؟ رفع نواظره لها ..وتابعت ببسمه -قلت طيبي ياقوتي تذكر ؟؟؟ انا مانسيت كلامك كله لي مانسيته !!..ومانسيت قوتك وقت ضعفي وحاجتي !! ارتجف رمشه ...بصمت مهيب ... وصوتها يمتزج بمسامعه .. شدت كفه .. ونطقت .. له بهدوووء ثابت رصين ..يعاكس شبوب الضيق وسط صدرها ويباري خوفها ..العميق من احساسها بشي كايد جاي بالطريق .. -انا كوابيسي انت صحيتني منها الجوهره ؟وعمتك ؟والبندري ؟وادماني !!! وانت كابوسك سعود ... انا بصحيك منه بوقف معك ! أي ..شي!! ارتجفت شفتها بقل ثقه .. ونطقت ...متابعه .. -أي شي تسويه في سبيل تأخذ حقك منه ومايغضب الله ليه يغضبني ؟؟ سوو كل شي يخليك توصل له وتاخذ حقك منه !!انا بفهمك بفهمك .. وبدعمك وبكون معك !! ترقبها ...بصمت ..ضايج ..مشحون ...بلعت ريقها الجاف ..ونطقت ..متهيبه صمته تدري تدري ورى هالسكون شي اليم ..موجعه -اذا ماتبي تقول الحين عادي بنتظرك بسمعك بالوقت الي تبي !! بس تكلم لاتحبس داخلك !! لاتطلع من صدرك ذيك الاه الي توجع !!! ترا يوم طلعت منك وقت كنا عند البحر ..اوجعتني !!..خذ حقك من سعود خذه كامل مكمل الله معك ثم انا معك !!.. سكتت تترقب سكونه ..المترقب لها ..وتابعت ..بتشديد على كل كلمه -انا غير عن ميثا !!! انا نجلا !!! بوقف معك وبصدقك انا زوجتك زوجتك !! انهت منطوقها ... وهي تتقدم .. وتحاوط جيده بيدينها حست بيدينه تحاوطها ..بهدووء..سمعت حسه الاجش -من علمك انتي ؟؟من فهمك ؟؟ همست بخفوت وهي تضمه بعمق .. -علمني ايش؟؟ -اسلوبك ! كلامك ! شلون صرتي كيذى انتي ؟؟ تراجع وعينه تتدور نواظرها قابض بيدينه خواصرها .. تلاقت نواظرها معه ..لمحت شي من قل الحيله ..والضيق استمهلت نواظرها عليه وبسمه حانيه طارفه بشفتها .. -ماااادري !! يطلع كيذا كلامي !! شدت مبسمها ... بتفكير وتابعت .. -يمكن لاني ادرك النعمه الي عندي ..وابي احافظ عليها !!انت !! انت نعمتي ! تنفس ..بحنو نظره ...ونطق بحاني الصوت ..المتأمل رسومها -شكرا !!! تبسمت ..متقدمه لاثمه جبينه .. -لاشكر بين الاحبه !!..يله علمني وش مضيق خلقك اليوم ! هز راسه .. -بقولك ..بس عطيني فرصه ... زمت شفتها ..بتفكير .. -طيب الي يريحك ...انا بنتظرك بس مب واجد !! لازم تعلمني مو تتراجع !! ركز فيها النظر .. -منيب متراجع ! انا احتاج اعلمك !! لاني احتاجك!تعبت اكتم !راسي معد يتحمل ضغوووط احسه بينفجر !! -بسم الله عليك ..لاتقول كيذى !!!... رطبت شفتها ..وهي تناظره..كله .. -قوم نصلي ...ولايضيق خلقك .. هزت راسها ببسمه هازله .. -شيختك فارقه يابن جلمود !!! ازهلها بس !! ضحك بخفه ..ناظرت بسمته ونطقت -أي ابتسم الليله عيد واليوم عيد افرح بالعيد ياحبيبي كل شي بينحل! زادت بسمتها وهي تزحف ..منزله رجولها ..متابعه.. -انا بتوضى وجوعانه بعد اكيد جهز الغدى خل ننزل !!! تحركت ونبض قلبها المتوجس اول ماطلعت من غرفتها بهتت بسمتها ورفعت يدها لصدرها بضيق ..محاوط روحها ..اخفته عنه ... ياترى وش الضيق الي مجفل روحه ومخليه كيذى ؟؟...وش المخفي الي تارك صدرها يستشعر انهزامه بهالشكل ؟؟ بلعت ريقها وتوجهت تخاف يتبعها يتوضى ...وصلت لدورة المياه ... مبتديه تغسل ملامحها وترفع جديلها ... قبل بثواني جلس بمكانه يترقبها الين طلعت ...مقرر داخله انه يعلمها لازم هو يعلمها معد يضمن ! أي احد !! وايش بحياته معها قد ضمن مايطلع وتم ؟؟ ماضيه بيضل يلاحقه الين يموت ...كابوسه الي سمته مازال يكبله بسلاسل حديد مصديه ..توجع جروحه ...الغايره والمتعمقه داخله ..كل ماقال هانت ..جد علمن جديد ...تحرك واحساس بثقل فوق صدره ..يخنقه ...حتى عقب سمع منطوقها ..ادمى قلبه اكثر واكثر ..واستشعر صعوبه ..اليمه تجرده من كل شي...كل شي... .................................................. ........... بعد بوقت ... نزلوا جميع والتموا عالسفره ...تبادت سوالف سمر وتعليقاتها على عيدهم الصبح ...شاركتها نجلا ببسمه مشرقه ... -شفتي ذيك البنت نجلا ؟؟ الي جتك توريك رسمة وجهها !! العام ماكان عاجبها عيدنا طفشت وخلت أمها السايق يرجعها !! بس هالمره غييير عيت تطلع !! -أي انبسطوا سمر الهيناهم !! الصغار لازم يلتهون بشي عن أهلهم !!..ياحلوها تهبل ..تلاحقني يالله دخلتها تنشغل معهم !! -نمروده تراها !! التفتت نجلا للوليد شافت صحنه بدا يفضى مدت يدها تغرف له .. -كل الوليد ..مب شي الي حطيت احط لك محشي ؟؟ -هاتي ..مابي باذنجان عطيني كوسه وبطاطس -طيب .. حطت بصحنه ..والتفتت لسمر .. -احط لك ؟؟ -لا خل اخلص صحني ... تبادى حس ام سلطان ..بحنو .. -وين رحت ياولدي اليوم جدتك سالت عنك وتباطتك ! اطرفت له نجلا بصمت ..رفع نواظره .. -اضطريت اطلع لشغل ضروري مايتأجل!بنراضيها تبشر ! هتفت سمر .. -الوليد جت مرت صديقك اليوم ... علمتيه نجول ؟؟ بس تخيل ماطولت ابد دورتها نجول عقب رقيتي مدري متى طلعت !! سألت مهره .. -ماشفتها ... علقت نجلا ويدها تعبث بشكوتها .. -أي علمته ... قال بيمشي خويه مستعجل وعجل بها !!.. خالتي جت شوي بس... حتى قلت لها تعالي اعرفك على ام زوجي بس كانت مرتبكه ومستحيه !!رقيت انا رجعت مالقيتها ولهيت بالعالم ... !! -غلطانات كان علمتوني الزم عليها !! اطرفت نجلا للوليد المرخي نواظره ..نطقت سمر .. -مرت مييين نجلا قالت ؟؟؟ قاطعها الوليد وسبق رد نجلا .. -اليوم استعجلوا نبي نسري بدري لبيت جدي .... الساعه 7 بنحرك !! لاتتاخرون !! اللي بتبطي عن سبع بمشي انا وميمتي ونخليها !! رفعت سمر هدب عينها -لاااااا بنخلص ...بسرعه .... رنا شكلها بتتاخر ... بتجيهم عقب العشا !! نطقت مهره بحزم آمر -أي اعجلن علينا ... نتلاحق الجمعه من بدري ذيا عيد !! خالتي ترقد مبكر !... رطبت نجلا شفتها ..وهي ترفع كاسة المويه .. -انا بخلص بدري بقوم الحين اتجهز ... كل اغراضي جاهزه ... استاقف الوليد .. -نحمده ونشكره .. تبسم لهم ..هاز راسه .. -تراني صادق .. اعجلن علي !ابي الحق عماني من قبل يجون !! سرقت نجلا له النظر ..مسشعره هدووئه ..وشي من ضيقه ..هزت راسها .. -ابشر .. هتفت سمر ببسمه ..موجهتها له دون غيره -طيب تبشر ..بنجهز والله .. !! اطرف يم سمر مبتسم ...ثم يم ام سلطان ..وهو يستمسك عصاته .. -نفك الباب ياميمتي او نسده ؟؟ تبسمت ام سلطان ..بسمه فاهمه ومدركه ..وعينها عليه .. -الي ودك انت كبيرنا ياولدي !! الشور شورك ؟؟ ترقبتهم سمر بقل فهم ونجلا معها ..نطقت هاتفه .. -أي باب امي ؟؟ وش تسدون؟؟ قطب الوليد هدب عينه ..ببسمه حانيه .موجهها لسمر .. -سعود ولد عمي ..كلمني يبي يسافر ..!! بهتت نظرة سمر ..بعدم فهم ..بس استغشت ملامحها بلاشعور وتسارع نبض قلبها مرفرف..بجنون مب قادره تسحب عينها عن الوليد الي تابع .. -بيحظر دوكتوراه !!ببريطانيا !! همست بقل فهم ..وهي ترخي عينها وتتشاغل بشوكتها .. -طيب يعني خل يروح وش دخلنا !! -كيف وش دخلنا يبي بنتنا !! جمدت حركتها ونظرتها ..حتى مارمشت حاسه ببخار يتصاعد حواليها من مضامين كلامه ..سمعت أمها -قل نبيها مانستغنى عنها الظاهر بنسد الباب ياولدي !! تساندت نجلا ونظراتها بينهم وبسمه باهته وباديه تفهم ...نطق الوليد .. -نسده ياخوك ؟؟وش رايك انتي .. !! تمت سمر تترقب صحنها ..برهبه ..شعور مهيب وغريب ..ماتعرف شلون نطقت .. -سده عادي ..براحتك !! -مابي راحتي ياخوك ابي راحتك انتي انتي الأساس !! بلا شعور جمعت لقمتها ورفعتها لمبسمها داستها .. ونطقت ..بلا أي إحساس.. -ابي اكل !خلوني آكل تحرك هدب الوليد ضاحك بخفه ..ووقتها زادت بسمة نجلا ..وهي تترقبها وتترقب حرجها ومنظرها .. نطق بثبات هازل -كلي جعله عافيه ...خله يروح للشقر والعيون الخضر !! شهقت غاصه .. زادت من ضحكته ..لمنظرها ... هز راسه .. -اشربي ما !!..يله بروح انا للديوانيه ...ارجع البس والقاكم خالصين !! طلع من عندهم وهي كاتمه أنفاسها ... -سمر خذي مويه اشربي !! مدت يدها بعجل محتبس الاكل بحلقها .. اطرفت نجلا يم ام سلطان المبتسمه ..هتفت سمر بعجل -يمه وش هالهروج ؟؟؟ ليه كيذا عسى خير .. وش دخلني بسعود عساه سافر اخر الدنيا !!؟؟ جعله يتهنى بهن !! يعني من زينه يعني !! رفعت يدها باستهجان .. -بعدين أصلا هو مايجوز لي انا ماحب الاشكال الي كيذى !! ناظرتها مهره مترقبتها..وهي تسكت وتنتفس بعجل .. -ليه علامه شكله ؟؟ رجال كامل مكمله الله !! -لو مكمله ماعضل وغدى كبر الباب!! -وانتي وش عرفك به متى شفتيه وتمقلتي به ؟؟ فتحت سمر مبسمها عللى اوسعه .. -يممممممه!!! وش دعوه يعني !! من زينه اتمقل به .. بس يعني قد شفته يوم كنتي بالمستشفى نشب لنا نشب لنا !!!! حركت يدها لرقبتها ...ممثله الحركه .. ونجلا متراكيه على يدها وبسماتها واهيه باستيعاب ..كلي لكامل الموضوع ...متذكره منطوق سمر عن الطيب ..التفتت لها سمر .. -وانتي ليش تضحكين ؟؟؟ وش قايل لك جلمودك ؟؟؟ وش معلمك يالسعلوه !! علميني !! ضحكت نجلا .. -والله ماقالي شي هدي هدي اعصابك !!بكيفه يختي ماتبينه خل يأخذ له شقرا وعيونها خضر !!! او زرق !! ؟ وش ظنك !! شدت سمر مبسمها بحمق .. -والله انك تدرين والله قايل لك !!!مستحيل الوليد يخبي عليك شي نجول !! هين يالنذله كل شي انا اعلمك !! رفعت نجلا يدها .. -والله والله ماقالي شي ابدن انا سمعت زيك الحين مادري وش السالفه بس فهمتها من كلامكم !!لاتحلفين !! رفعت هدب عينها -بالله؟؟ وش فهمتي يالجلموده ؟؟ تبادت نواظرها بين ام سلطان المبتسمه وبين سمر ..شارحه .. -سعود خطب سمر خالتي ؟؟ صح كيذى !!صح ؟؟علي !! التففت سمر بعجل يم أمها ..الي اشرت براسها -سعود مكلمن اخوك يبيك !! سكتت بانشداه .. -يبيني كيف يعني !؟؟ ضحكت نجلا بعمق .. -يعني تتزوجينه سمور علامك انتي ؟؟ استاقفت بعجل تاركه المكان ومرجعه كرسيها وناطقه .. -سدوه سدو الباب امي ... بكمل دراستي خل الشقر ينفعونه !! رفعت مهره يدها .. -بقرتن يعرفها احسن من بقرتن غريبه !! شهقت سمر برعب ..مأشره على صدرها .. -انا بقره يمه ؟؟ !!!!! هزت راسها باستهجاان محرج .. -معليه يامهره معليه ..بكرا بروح عنك وتفقديني والله ان تفقديني مالك غناتن عني !! زادت بسمة ام سلطان .. -هماك ماتبينه ؟؟ تروحين معه ليه ؟؟ -من قال معه فيه غيرهه واجد واجد !! -ابدن مابه الا هو!! ارضي بقريدك لايجيك اقرد منه !! نطقت بعجل بلا شعور .. -سعووود مب قرد يمه !! قطعت كلامها ...بصدمه ناطقه .. -انا غلطانه اجاريكم منيب رايحه معكم ؟؟مابي اروح مكان !!! تحركت طالعه وحس ضحكات نجلا يتبادى .. وصوت مهره الامر .. -تولمي لايسحبك اخوك بلاخبال !! اتركي الجنان عنك !!والله اني قايلتن لاخوك ..مب يم عرس هالبنت خل يصبر !!او يشوف نصيبه !! طلعت سمر هي تسمع اخر كلام أمها وقلبها يرجف .. رجف .. شلون سعود كلم الوليد ؟؟؟ طلبها هي ؟؟ متى وكيف !!.. ؟؟ ..ركضت عالدرج وركضت متوجهه لجناحها ... اول ماوصلت سمعت جوالها يدق ..شافت رقم رنا .. رفعته بعجل هاتفه.. -رننننااااااا سعود خطبني خطبني !!وش اسوي اسد الباب؟؟ وصلها حس رنا المصدوم .. -تسدين الباب وين ؟؟؟ سمر انتي تكلمينه ؟؟؟ متى جاكم ؟؟؟ حيوانه سمر وش هالهرج ؟؟ متى جاكم امي وينها شلون جا الوليد وين سكري الباب ياهبلا !! ضحكت سمر بجنون وهي تدخل غرفتها وتطمر عالسررير .. -رنا يامبلووهه خطبني من الوليددددد !!!! -اه خوفتيني فجعتيني مالت عليك !! طيب يعني من اول عارفين !! -وش عارفين رنا انتي تدرين ؟؟ كلبه ليه ماقلتي لي !! -ماعرف شي بس مب انتي زوجتيه نفسك ؟؟؟ ابد الرجال عطاك نفسه !! رفعت سمر يدها تخبي نواظرها -اوووووووووه لاتذكريني رنا لاتذكرييني بقره انا بقره ... !! ضحكت رنا ..بخفه .. -توك تدرين ؟؟؟ متى صار هلكلام ؟؟ -تو الوليد قاله واحنا نتغدى !!! يوه يارنا احرجني احرجني مره !!!معد عرفت اتصرف ابد !! فشلت فشلت !!! -طيب وش رديتي ؟؟ -وش ارد بعد وش ارد ماعرفت أقول شي !!مابي اروح منيب رايحه للعشا مابي !! -سمر بلا جنان عيد ذا ؟؟ ليه بيعقدون عليك هيناك ؟؟ بلاهبل تجهزي ابي اشوفكم !!.. -رنا شلون ارووووح اكيد اكيد امه تدري اكيد بتجلس تخزني !!!بتتذكر بتتذكر اكيد معلمها !! ضحكت رنا بعمق .. -سمممممر !!! اركدي ان ماجيتي بيقولون ماصدقت نخطبها تعالي وكنك عادي لاتدققين !! تنفست سمر .. -ظنك ؟؟ اروح بس ؟؟ -ايييييي تعالي ! -طيب اشوف ..بجي .. -يعني انتي بتوافقين ؟؟ -مدري رنا !!! أوافق؟؟ شرايك أوافق ؟؟او أقول لا ؟؟ -مدري عنك انا اسالك انتي تبين سعود او لا !! تنهدت بحس مسموع .. -هااااه !! ضحكت رنا ... -مبلوهه انتي ياختي .. !! وش بتلبسين ؟؟ انا بلبس فستان .. تركواز فاتح !! من دولتشي تذكرينه ؟؟ تاهت أفكار سمر ...بعيد عنها .. -سمر ؟؟؟ انتي معي ؟؟ -ايه ايه البسيه حلو ؟؟ -وشهو الي حلو ؟ -هذا الي تقولين !! -وش قلت انا علميني ؟؟ -اوووف رنا نسيت ... كل شي يزهاك البسي أي شي .. !! -والله مامنك فايده انسبهتي !!! امي فاضيه ؟؟بكلمها ابرك منك !! -طيب .. قفلت منها رنا ... وتاهت افكارها بعيد الين الحين تستشعر الربكه ..وتتذكر كلام الوليد عضت شفتها مخفيه ملامحها ..وهي تتحرك وتدور على فراشها بجيدها .بتدحرج .. -يوووووه خطبني سعوووووود خطبني !!!اثقلي ياهبلا !! .................................................. ................................. قبل بوقت ... استاقفت السياره ... فجأه ...رفعت راسها له ... ارتهبت أنفاسها..وهي تشوف الشارع .. ماوصلوا لمكان ... ناظرته وهو ينزل .. -وين ؟؟ ليه تنزل !؟ حقرها بدون رد وهو يقفل الأبواب... مسكت مقبض الباب.. -لاتقفل وين بتروح ... حمدااان !!!! جمدت أنفاسها ونواظرها وهي تشوفه يشيل شناطها وحده ورى الثانيه ويرميهم بسلة مهملات كبير ... جف ريقها ... ونظراتها تتبارق ..بصدمه ... -ليش ترميييهم ؟؟؟ ملابسي ؟؟؟ ضربت الشباك ... متابعته الين رماهم كلهم ورجع يركب السياره ... صرخت باستهجان .. -مالك حق ... ليه ترميهم ... مهبول انت !! قاطعها بلطمه على خدها ... شهقت متراجعه ..وهي تسمع حسه المرهب وتشوف نظراته الكارهه لها .. -اصصصص!!! حسك لاااسمعه لاقطع لسانك !!!! حر انا حر اسوي الي ابي ... !!! ارتجف جيدها مستشعره الألم ... مكان ظربته ... ارتهبت أنفاسها وقت انمدت يده يم شنطتها مسكتها بعجل .. -وخر وخر شنطتي !! وش تبي فيها هات !! سحبها منها .. عاكف يدها .. -آآآآآه .. فتحها امام نواظرها ... طلع الجوال .. وحذفه من شباكه .. نطقت بحشرجه ... مرتهبه .. -لييييييييه ... ليييه ترميه ؟؟ -لاني مااثق فيك ؟؟ منتيب وجه ثقه يالداشره !!! تراجعت بخوف ..وقت رمى شنطتها عقب فتشها .. -تحسبين ماخذك ..عشان تنكبيني !!!! انتي عره علي !!!! قدرك نعاااال نعااااااال !!! حرك سيارته ...متدارك الطريق ..فيما بين هي ... اغتشى نظرها دمع حااااار ... يوجع .... ارتجف فكها ... بصدمه ... وبهتان شعور مرير مهلك ...وكن السما بتطبق على صدرها ... طبق ..بلا رحمه ... .................................................. ................................. جده .. فيلا ابن عامر ضحكت عفاف ... باستهجان .. -بالله عليكي شريفه مو مجنون ؟؟ يستهبل عليا !! -اخصريه طنشي !! اصحك تقولي لامي وربي معد تخلينا نخرج مكان !! تبسمت اشواق .. -أي صادقه اسكتوا .. بتمنعكم تطلعون !! تهادت يد بسمه .. للقهوه تصب لها .. -انا بعد أقول كيذى .. !! -بنات اش رايكم نروح للبحر ؟؟ ردت اشواق .. -مالي نفس والله بالي مشغول على امي وطلال ... !!ليه احس محد يبي يعلمنا اسم المستشفى ؟؟ التفتت لبسمه .. -صح بسمه؟؟ شدت بسمه مبسممها بتفكير .. -انا بعد أقول كيذى !! وبعد يمكن عشان ابوي اشواق !! ارتهبت مشاعر اشواق من طاريه .. -اوووووف ياربيه .... -بناااات اشبكم ؟؟؟ قولو الحمد الله اهم شي رجعوا رجعوا !!! يتحسنوا ويجيوا باذن الله !!! -ان شاء الله ... سمعوا صرخااات منصووووور .. -جا عمو طلااااااااال ...عمو طلااااااااااال جا .. دخل من باب المطبخ ... التفتوا البنات كلهم .. وقفت اشواق ..هاتفه .. -طلال جا ؟؟؟ اذا تكذب ياويلك !!! جت بسمع تنطق الا تهادى حس الجرس ....بعلووووو ركضت بسمه ولحثتها اشواق ... والبنات يترقبونهم ... -الحمد الله اشوى جا ... -أييييي الله يفرحهم ...يارب ويطمنهم !! تعادت خطوات اشواق وبسمه ...بلهفه ... عجول ..مهلكه لشعورهم وشوقهم ..ولا وحده فيهم مصدقه ... مسكت بسمه الباب فاتحته ..مشرعته ... صارخه ..وقت شافته بفرحه ..مصدومه من منظره -طلاااااااااال !!!!!! -طلااااااااااااااااااال جيييييت !!!! تلاقت نواظرهم وهو يتقدمون بعجل تبسم لهم برحمه ... فاتح يدينه ... بترحيب ... مغتمر وصدره شاعل وله لهم الثنتين ... استقبل اندفاعهم الباكي ... وحس شهقاتهم ... المقطوعه ... بتدرج ... احتظن اكتافهم بقوه حازمه ... -يالله حي خواتي يالله حيهم !! -جيت .... جييت ...جيت ..... جيييت ياخوي ويييييينك من زمان .... !!! تراجعت بسمه ... وعينها تتلاقى مظهره الغير والمختلف ... اطرفت لكل جيده بشوووق ورحمه .. -وش صار لك ؟؟؟ ليه نحفاااان كيذى ؟؟؟ كنت مريض ؟؟ اشواق تمت حاظنته ... باكيه .. بضيق متحشرج ... -يعني مر على تعب والحمد الله ..تحسنت تقدم بخطواته وهم معه .. -ادخل ادخل حياك ياحبيبي انت ... تبادت نظراتها وراه .. -امي وين ؟؟ ماجت امي .. تراجعت اشواق .. وعينها تدور وراه .. -وين امي طلال ؟؟ امي وين ؟؟؟ ابوي سوا لها شي ؟؟؟ -امي بخير بس تتعالج الحين ان شاء الله تتسحن !! -كيف تتعالج وش صار معها ؟؟ -بنوقف كيذا ؟؟ خل ادخل واعلمكم الي تبون ... !!.. تبسم برحمه وهو يناظرهم .. -كل عام وانتم بخير عاد عيدكم !! -الله لايعوده هالعيد الي بدونكم ياخوي !!! شيييين عيدنا شييين !! هزت بسمه راسها .. -أي والله شين تو زان الحين !! تعال ادخل ... بجيب قهوه لك . مسك يدها شاد عليها .. -لا لا لا لاتجيبين شي ابيكم انتم مشتاق لكم تعالوا عطوني اخباركم !!! -امي بخير طلال ؟؟؟ علمنا ؟؟ هز راسه بثبات مخفي زعزعة شوقه لهم ورحمته .. -بخير ان شاء الله وبافضل مستشفى وتحت رعايه طبيه ممتازه !!! تعالوا ابي اجلس !! ابتعدت عنه اشواق تتأمله ...بصدمه .. -ليه كيا صرت ؟؟ وجهك نااااحف ... وش صار لك ياخوي ؟؟؟ تحشرجت أنفاسها ..برهبه..وكلامها تقطع ... -ابوي ...س,,,وى لك ..شي؟؟؟ .................................................. ................................. الرياض .. قصر صخر آل جلمود ... رطبت شفتها .... مترقبه شكلها ... عقب تجهزت ولبست ... ركزت النظر على بدلتها مستشعره .. الرضا .. بطلتها .. الهاديه .. لبست بدله رسميه ..بطابع انثوي لونها اوف وايت مايل للسكري ..اختارت بدي دنتيل مبطن بنفس لون بدلتها ..اطرفت يم الاكتاف .. الراكزه ..بانتفاخ بسيط راقي .. هالمره ماتركت شعرها جمعته كله .. مربوط .. مع فرقه .. مرتبه ..اظهرت اناقة ملامحها وميزت بدلتها بطابع كلاسيكي راقي .. لحد الكمال ... تعطرت ... مستغربه انه تأخر ... شافت ساعتها .. الوقت لسه .. اكيد الحين بيجي .. طلعت من الجناح ..وشنطتها معها ... تلاقت بنواظره مقبل .. ترقبها متأمل لبسها .. استبانت نظرته بها زهو .. وتفييم صامت .. نطق هامس وهو يتقدم .. -زين خلصتي .. !!حلو لبسك .. ضيق نواظره بتركيز ... موجه نظراته للبدي ..الداخلي .. -هذا مبطن او لا ؟؟ ارخت نظراتها لصدرها ..موسعه فتحة الجاكيت .. -مبطن !!!!.. شوف البطانه فاتحه !! تقدم ..وهو مركز فيه .. -مافرقته عن جلدك ... قفلي االجاكيت ..مب لزوم مفتوح .. رفعت راسها وهو يتعداها ... لفت راجعه معه .. -جهزت لبسك ... كله ... -شاطره !!! وقفت تشوفه يبتدي يفتح لبسه ... شدت مبسمها بترقب ... -ماقلت لي ان ولد عمك خطب سمور !! التفت مقطب هدب عينه ببسمه جانبيه .. وهو يسحب ثوبه ... -وش رايك ؟؟ ازوجها نجلا ؟؟ وش تحسين سمر ؟؟قد مسؤلية الزواج ؟؟ تبسمت مستغربه سؤاله .. -ليه تسالني انا ؟؟ -اسالك ابي اخذ رايك .. ابتدت اتابعه يقفل ازرار ثوبه وهو يناظرها .. بتركيز .. هزت اكتافها .. -عادي سمر ماعليها يعني !!..اذا بتوافق هي الله يوفقها !!! انهى تزرير لبسه .. والتفت لتسريحتها يسحب فرششه يمشط شعره بخفه ويرجعه لورى ... -جسي نبضها انتي ! عمركم متقارب !! يوم طلعت قالت لك شي ؟؟ تذكرت وضحكت .. -لااا ماقالت ضحكتنا ووالله انا وخالتي !! تخيل امي مهره تقول لها بقرتن يعرفها ولا بقرتن غريبه !! ضحك .. بحس عالي ... وهو يترك الفرشه ويسحب طاقبته .. يرتبها بثبات .. -انت وش تشوفه الوليد يستاهل سمر ؟؟ هز راسه .. -اشوفه ونعم فيه .. ! اذا بتوافق الله يوفقها ويسعدها !!ولد عمي أولى من الغريب !! زمت شفتها ... وهي تقترب منه ... وصلت للتسريحه وتساندت عليها مكتفه يدينها واقفه امامه بالضبط عينها عليه يلبس شماغه .. -اها قلت لي أولى من الغريب !! اطرف لها بتركيز .. -في حالتك انتي الغريب أولى !!!من كل عيال عمك !! ضحكت بخفه .. لانه فهم عليها ... -او عندك راي ثاني .. -لا ماعندي يالبيه يالغريب ويازينه وياحلوه !!هو يحصلي أصلا ؟؟ تبسم .. بحزم ماد يده لعطوره واحد ورا الثاني .. ! ترقبته بمحبه ..ودها تسال وتعرف بس هو قال عطيني فرصه ...تعرف هي تعرف الوليد مستحيل ينطق بالاجبار والضغط .. تبيه من نفسه يقول .. استاقفت .. -بجيب المجمر ... ببخرك ... خلك هينا ... طلعت داقه عالسنترال للمطبخ .. طلبت منهم يطلعونه لها .. ورجعت تناظرها عند مدخل غرفة الملابس... تترقبه بتفكير صامت ..دق بابهم تراجعت تأخذ الي طلبت ورجعت له ... مبتديه تحط العوده ... مقربه منه كما الصباح .. داسه المجمر ورى شماغه ..ناظرها بتأمل .. مفرق شعرها المسحوب بترتيب.. تلاقت نواظرها فيه .. ونطقت .. بترردد -ودي أقول لك شي !! | ||||
|
| |
|
| أدوات الموضوع | |
| انواع عرض الموضوع | |
|
|
73043Likes
العرض العادي
