06-05-19, 05:06 AM
| #14 | ||||
 
|  اعتذر عن التأخير. البارت الرابع مها مغمضه عيونها بقوووه وكانت تتحضر عشان تقول احبك وبعد انتظار حوالي 10 ثواني : احبك احبك انت لكن عبدالله ما سمعها وراح فوق مها استغربت السكوت وفتحت عيونها وانصدمت يوم مالقت احد ( معقوله راح معقوله ماعاد يحبني ياويل قلبي انا شنو سويت له لا تكفى عبدالله لا تكرهني ) وراحت ركض تبي توقفه قبل لا يدخل لكن عبدالله سبقها من فتره ودخل وراح عند جدته نهله : مها قابلتي عبدالله مها : ايه هو وينه نهله : داخل عند جدتي مها : بروح له فرح : بتروحين لمين نهله : لا بنروح للسطح هذا قصدها فرح بشك : طيب وين اغراض البقاله نهله : نقصت مها فلوس وانا عطيتها بنروح نجيبها الحين يلاه مها مها راحت معها نهله : مها انتظريه هنا لما يجي وقولي له انك تحبينه هو هو وبس مها : قلت له بس مدري اذا كان سمعني او لا نهله : وشلون يعني اذا كان سمعك ولا لا مها : انا غمضت عيوني بقوه لما نطقتها نهله : اكيد ماسمعك اجل مها : او يمكن سمعني ومااهتم ويمكن كرهني نهله : لا ان شاءالله مها : يمه قلبي لا لا ما ابي اخسره تكفين نهله ساعديني نهله : ولا يهمك بروح اشوفه انتي خليك هنا اوكي مها : اوكي وراحت وشافته طالع وكانت بتنزل تخبر مها بس انصدمت يوم شافت عمتها شذى نازله معه وراحت لمها وقالت لها تتخبى لا تشوفها عمتها وتخبوا ووصلوا للباب شذى : هذا كله شنو عبدالله : اغراضكم انا طيحتها وتكاسلت اجيبها شذى : مها الي انزلت تجيبها عبدالله : هاه شذى : دخلت على مها يا عبدالله عبدالله : شوفي هي مالها دخل انا دخلت وهي ماتتدري شذى : نعععم وشلون دخلت عليها الباب مسكرته انا عشان محد يدخل لانه يوم الاثنين والشباب اكيد بأي لحظه بيجون عبدالله : انا .. عمته شذى قاطعته : هي افتحت لك الباب صح , ماشي يا مها والله لا اعلم ابوك عليك عبدالله خاف عليها : لا لا ابصراحه انا فتحت الباب بقوه وهي خافت شذى : نعم وليش تفتح الباب بقوه عبدالله : كنت متنرفز ومعصب وطاحت حرتي فيها يعني هي مالها دخل شذى : وانت وشلون تسوي كذا عبدالله : قلت لك كنت معصب وهي اصلاً هاوشتني شذى : اها يعني هي مالها دخل عبدالله : ايه شذى : عشان كذا ما شفتها فوق اكيد الحين زعلانه وتبكي جد يا عبدالله انك ماتستحي على وجهك عبدالله : المهم محد يحط اللوم عليها هي مالها دخل سامعه شذى : اكيد هي مالها دخل بس اهم شي ماتعلم اخوها عبدالله فهم قصدها بس طنش: المهم قولي جدتي بكره الصبح راح اجيبه لها شذى : طيب بس خلني الحين ادور مها اكيد تبكي هي قلبها ضعيف يخاف وراحت عبدالله بصوت واضح يكلم نفسه: الله يلعني ليش قسيت عليها كذا كنت راح اسبب لها مشكله لازم ابعد خلاص خلاص وطلع وهو متضايق طبعاً مها ونهله اسمعوا كل شي نهله : شفتي كيف حط اللوم على نفسه يعني لازال يحبك مها تفكر بكلمته( لازم ابعد خلاص خلاص ) نهله : مها يلا امشي ولازم تقولين لعمتي شذى الي قاله عبدالله طيب جت عندهم شذى شذى : مها انتي فتحتي الباب لعبدالله مها بالها مو معها نهله : لا عبدالله فتح الباب عليها بقوه شذى : اها طيب يلاه اخذوا الاغراض وخلونا نروح فوق وراحوا فوق ونزلوا الاغراض ونهله قالت لمها خلينا نروح السطح وراحوا هناك نهله : مها وش فيك مها : عبدالله بيسافر بيبعد نهله : شنو من قالك مها : ما سمعتيه يوم قال انا خلاص ببعد نهله : وشنو الي خلاك تفكرين كذا مها : لانه قبل قالي انه ناوي يسافر نهله : لا مستحيل انه يسافر مها : لا بيسافر اعرفه زين نهله : طيب شنو نسوي مها : بروح اكلمه ماعاد يهمني شي بقوله اني احبك انت انت وبس نهله : مها انتي متى بتشوفين عبدالله المفروض اليوم يوم شفتيه ماترددتي وقلتي احبك مها : بشوفه لازم اشوفه بأي لحظة الي راح اشوفه فيها بقوله ولا راح يهمني اي احد ابد نهله : حلو بس لازم نرتب لها مو ننتظر حتى يجي هو مها : كيف نرتبها بس نهله : بنفكر فيها ماعليك اهم شي انتي تهدين مها : ان شاءالله ونزلوا تحت وماصار اي شي يذكر وانتهى اليوم وانتهى بكره وانتهى بعد بكره ومها حالها حال زعلانه ومتضايقه وخايفه عبدالله يروح ويسافر ويخليها يوم الخميس اساعه 4 العصر الكل اجتمع عند بوابة الدخول للحديقة والكل كان مبسوط الا مها كانت حالتها تعبانه ونهله زعلانه من زعل خويتها وتوم روحها نهله : مهاوي وشلونك الحين مها : من الله بخير نهله حزنت عليها : مهاوي هدي شوي الله يخليك ( والتفتت صوب البوابة وانصدمت يوم شافت عبدالله واقف مع مسؤل الامن في الحديقة ) نهله : مها هذا عبدالله مها : نعم نهله تأشر : هناك شوفيه مها انصدمت يوم شافته كان لابس سكراب طبي يبرز عضلاته ويبرز ملامحه الرجوليه كان بمعنى الكلمه وسيم هذاك اليوم وهذا الي ذبح مها زياده لان كانت الحديقه مليانه بالبنات اشكال وانواع مها : شنو ناوي يذبحني نهله : ليه مها : شوفيه كيف كاشخ نهله فهمتها انا غارت وابتسمت : مها الحين كيف تكلمينه مها : بروح له نهله : وين تروحين له الحين الكل موجود خلينا لما ندخل نروح انا وانتي وتكلمينه مها : طيب عند عبدالله عبدالله : طيب يعطيك العافيه المسؤل : يعافيك ربع ساعه ونفتح البوابه عبدالله : تمام ترف بصوووت عالي رج المكان كله : ماااااااااااااااااااااابي ابي اروح اشتري من البقاله عبدالله التفتت لها وانصدم يوم شاف ترف وعرف ان مها هنا هديل : ترف سدي فمك لا اعلم عليك ابوك ترف : اصلاً انا ما احبك بروح لمهاوي احسن منك هديل : انقلعي وراحت ترف عند مها : مهاوي ابي بقاله مها : ابشري بس يفتحون البوابه وبوديك ( التفتت تناظر بعبدالله الي كان يناظرها بشوق وحب وهي تناظره بنكسار وضعف ) عبدالله حب يقهرها ويبن لها انه مو مهتم فيها ولا هو مفكر فيها : ريممم لو سمحتي تعالي ريم : هلا عبدالله امر مها انصدمت وفتحت عيونها على الاخير ( هذي لابسه سكراب طبي يعني من ضمن فريق العمل ) عبدالله : بوريك مقطع عجبني بالانستقرام ( وقربت منه وصار عبدالله يوريها المقطع وهي عيونها تتلفت بين المقطع وبين وجه عبدالله الي كانت قريبه منه حيل ) مها كانت تراقب الموقف وانصدمت يوم شافت البنت تناظر بوجه عبدالله وعبدالله مو منتبه لها كانت وقتها بتموت عرفت ان البنت معجبه بعبدالله ( بنات يفهمون على بعض ) مها : يمه يمه ناوي يذبحني نهله : مها هدي يسوي كذا عشان يقهرك مثل ما قهرتيه اول مره مها : شوفي شوفي كيف البنت تناظر فيه شوفي ككيف هي معجبه فيه نهله : ماعليك عبدالله يحبك انتي بس مها : نهله بموت نهله ابي اكلمه بقوله يوقف ماعاد فيني حيل اتحمل ريم : طيب يا استاذ عبدالله شوف هالمقطع احلى من مقطعك عبدالله ببتسامه : عنجد يعني مقطعي ماعجبك ريم : امممممممم طبعاً ايه عجبني اي شي منك حلو مها هنا بدا قلبها يوجعها ودها تروح له وتقوله كفايه كفايه كفايه بس ماهي قادره كل العيله كله موجوده حولها ( تكفى عبدالله كفايه والله ما اتحمل احس اني بموت تكفى ) فرح : مها يلاه امشي البوابه افتحوها مها : يلا ومرت من قدام عبدالله وعيونهم تلاقت عبدالله ( عيونها فيها شي لا يكون صاير معها شي ولا معقوله غارت من ريم لا مستحيل هي تحب فواز المهم اني ما انكسر قدام عيونها على اني ماقدر اشوفها حزينه بس شسوي كرامتي فوق كل شي ) ريم : يلا عبدالله عبدالله : يلا ودخلوا الحديقه وبدا التجيهز لبداية التوعيه عند مها نهله : مها خلينا نروح نتمشى بالحديقه مها فهمتها : طيب يلا ترف : اخذوني معاكم مها : يلاه امشي وطلعوا يتمشون نهله : مها كيف نكلمه مها : برسل ترف له نهله : اخاف ترف تعلم مها : لا ترف ماراح تعلم لان قد صارت سالفه وما خبرت عنها نهله : طيب ارسليها مها : صبر شوي ترف شافت عبدالله صدفه يمشي مع ريم : عبدالله هايه انا ترف ( وراحت تركض عنده ) مها : ترف وقفي عبدالله : هلا هلا بتروفه ترف : هلا عبودي اشتقت لك عبدالله : مو كثري ترف تأشر على ريم : هذي مين عبدالله : هذي ريم زميلتي ريم : هاي ترف : هلا ( والتفتت على عبدالله ) عبدالله وينك ليه ماتجينا عبدالله : موجود يعمري بس مشغول شوي ترف : انت صرت زي بابا كله شغل شغل انا اشتقت لك عبدالله : وانا بعد يعمري اشتقت لك ترف : عبدالله انت دكتور صح عبدالله : ايه حبيبتي ترف : طيب ليش ما تعالج مهاوي عبدالله بخوف : ليش مها فيها شي ريم انتبهت لتغير نبرة صوت عبدالله وعيونه ترف : ايه دايم اشوفها تبكي عبدالله : ليه تبكي مها : ترف تعالي ابسرعه عشان تلعبين عبدالله توه انتبه لمها ترف : يللاه جايه وراحت ركض لمها عبدالله يناظر بمها وقال بصوت واضح سمعته ريم : اشتقت لك ريم : لمن عبدالله انتبه لنفسه : هاه لا مو لحد يلاه خلينا نرجع للتوعيه ومشوا قدام مها ونهله, وريم استغلت هالفرصه تبي تتأكد اذا كان بينهم شي او لا وامسكت يد عبدالله هنا مها انصدمت طبعاً عبدالله ماحس بشي لانه كالعاد لما يشوف مها ينسى كل الي حوله عند مها نهله : مها ليش مارحتي له مها : خلاص ماعاد ابيه نهله : شنووو وش تقولين انتي مها : شفتيه لما مسكت يده بينهم شي نهله : مها انا وانتي نعرف انه يسوي كل هذا بقصد انه يقهرك ويثبت لك انه مو مهتم فيك مها : لا مهما كان مايمسك يدها ابد نهله انصدمت اصلاُ بالي سواه عبدالله ماتوقعته كذا عند عبدالله حس بيد ريم والتفت عليها وفهمتها ريم وفكت يدها عنه عند مها مها : نهله مشينا نهله عرفت ان مها وصلت معها مهما كان مسكت اليد كبيره ورجعوا عند البنات فرح : بدري كان نمتوا نهله : ترف كانت تبي تلعب فرح : ليش ماني قادره اصدقكم مها : احسن لا تصدقين فرح استغربت رد مها وعصبيتها مها قامت وراحت عنهم كلهم وطلعت سمعتها وشغلت اغنية وسرحت بفكرها فرح : نهله امشي معي ابيك نهله : وين فرح : هناك قريب نهله : اوكي وراحوا بعيد شوي عنهم فرح : نهله جاوبيني مها وش فيها نهله : هاه مافيها شي فرح : وشلون ما فيها شي هي له تقريباً 7 شهور مو طبيعيه نهله : يتهيألك فرح : لا والله ما يتهيألي الا متاكده نهله : مافيها الا العافيه اتركي عنك هالتفكير وراحت نهله عنها فرح ( الا وربي فيها شي وشي هذا فيه عبدالله اقص يدي اذا ماكانت تحبه ) عند عبدالله ماعاد باله بالشغل سرحان طوول اليوم باله مشغول بمها ( الى متى وحالتي معاك كذا يا مها اتعبتيني حيل وربي ) مها ( الله يعيني على حبك والله تعبت حيل وربي ) اساعه 7 العشاء عند عبدالله ريم : عبدالله فيك شي عبدالله : لا ريم : اكيد عبدالله : اكيد , وش صار على التوعيه ريم : الناس كل مالهم يتكاثرون حولنا عبدالله : حلو يلا خلونا نوعيهم بكل شي واي سوال يسألونه جاوبو عليه اوكي ريم : اوكي عند مها ماتغيرت عن حالتها ابد طول الوقت سرحانه وتفكر بعبدالله وحالها حال هديل : مها وربي احسك منتي بخير مها : لا انا بخير بس مهمومه شوي هديل : من شنو مها : من كل شي هديل : مثل شنو مها : خليك مني الحين وينهي تروفه هديل : هذيك هناك تلعب مها : حلو يلاه خلينا نروح معاهم هديل وواضح الحزن على خويتها من الطفوله : يلا عبدالله مو بعيد عن مها يحس بشوق داخله يحس بحب يحس بحنين ( يعني لو ما تحبني كان ماوافقت علي ابسرعه على كلام جدتي ويمكن انها كانت تبي تقهرها واطلع انا ظالمها شسوي ياربي تعبت والله تعبت ) اساعه 11 بالليل وحال هو الحال عند عبدالله ريم : عبدالله يصير نمشي عبدالله : اكيد امشوا انتم يلاه ريم : حلو اجل بكلم السواق سمر : اخيراً والله تعبنا اليوم فاتن : كلنا تعبنا عبدالله : الله يعطيكم العافيه راح اخبر الدكتور على المجهود الي بذلتوه اليوم عقيل : الله يعافيك وانتهى اليوم ::: :::: :::::: يوم الجمعة اساعه 7 العشاء الكل مجتمع حوالين الجده مها : جده ليه ما تقولين لنا قصه الحين الجده : وانا فاضيه لكم نهله : ليه وش عندك اماني : جده قولي لنا قصه بلييييز دق بهذي اللحظه الجوال الجده الجده : هلا يمه عبدالله مها بمجرد سمعت اسمه التفتت صوب الجده عبدالله : هلا يا جده متصله علي ؟ الجده : ايه والله متصله عليك وينك ما اشوفك عبدالله : مشغول والله ياجده الجده : والله ما اعتقد انه شغل انت فيك شي حاسه عبدالله : لا ياجده مافيني شي ماعليك الجده : خلاص اذا مافيك شي تعال عندي ابيك عبدالله : الحين انا بعيد الجده : طيب بكره عبدالله : خليها يوم الاحد بعد صلاة العشاء بجيك الجده : طيب الي يريحك الاحد الاحد بس لا تطول عبدالله : ان شاءالله الجده : يلاه مع السلامه وسكرت مها ( واضح مايبي يجي في مكان انا موجوده فيه ) نهله ( الله يعينك يا مها ) مها غمزت لنهله عشان تطلع معها وطلعوا سوا مها : سمعتي شنو قال نهله : ماله اي قصد مها : الا له قصد هو يعرف اني بكون هنا اليوم وبكره فما يحتاج تبررين نهله : مها باين انك انتي وعبدالله راح توصلون نهاية حزينه مها : هو الي بيوصلنا لهذا شي نهله : والله مدري شقولك بس حاولي انك تنهين هشي يا مها مها : لا ماراح احاول هالمرره ماراح اسوي اي شي هالمره راح انتظره هو يسوي مو انا وانتهى اليوم ومرت الايام والاسابيع : : في بيت ابو وليد ابو وليد : يا راكان انت اصغر من عبدالله انتظر لما نزوج عبدالله وبعدين يجي دورك راكان : يبه عبدالله مطول وهذا وجهي اذا كان يبي الزواج من الاساس وليد : اقول خل عنك عبدالله اخوك الاكبر انتظره سامع راكان : لا ماراح انتظره انا ابي اخطب ساره بنت غازي يبه ابو وليد : وليش هي بالذات راكان : يبه انا شفتها عندنا الاسبوع الماضي وحبيته وابيها ابو وليد : اقول اسكت بس ماجد : غازي هذا حق مشاكل ان تزوجت بنته بسبب لك مشاكل فكنا منه بس راكان : ماعلي منكم انا ابيها ولا على من اي احد فيكم سامعين ابو وليد : ولد لا ترفع صوتك راكان نزل راسه : اسف يبه بس انا ابيها وماراح اتزوج غيرها ابو وليد : بطقاق لا تتزوج راكان : انا طالع وراح عبدالله توه داخل البيت الا شاف راكان طالع عبدالله : راكان وش فيك راكان : انقلع عني انت الثاني عبدالله : ولد تعال ركب سيارته وطلع ابسرعه عبدالله دخل البيت : راكان وش فيه ابو وليد : يبي يتزوج عبدالله : طيب زوجوه ابو وليد : نزوجه قبلك عبددالله : ايه يبه عادي ابو وليد : لا مستحيل انت ثم هو عبدالله : يبه انا ماراح اتزوج الحين مطول ابو وليد : وليه مطول ان شاءالله عبدالله : لاني يبه بكمل جراحه وهذي بالحالها يبي لها اربع سنوات دراسه فعشان كذا زوج راكان قبلي ابو وليد : بس انا ابيك تتزوج ابي افرح فيك عبدالله : ان شاءالله يبه بتفرح وتنبسط بشهادتي وزواجي سوا ابو وليد : ان شاءالله , اتصل على راكان خله يرجع عشان الاسبوع الجاي نروح نخطب له ماجد : يبه انت بتخطب له بنت غازي ابو وليد : طبعاً لا بزوجه وحده من بنات عمه ماجد : ايه احسن لان غازي مشاكله واجد وماراح يخلي راكان يرتاح فهمت ابو وليد : مايحتاج تقولي عبدالله : اتصلت عليه يقول بيرجع الحين في بيت ابو محمد محمد : يبه فواز ماجاء خطب مها ابو محمد : لا ليه سمعت انه بيخطب محمد : هديل تقولي انه ناوي يخطب مها ابو محمد : ان شاءالله مايخطب محمد : ليه يبه ابو محمد : لان احتمال عبدالله ولد عمك يخطب مها قريب محمد : ليه وش عرفك ابومحمد : جدتك تقوله محمد : وجدتي وش عرفها ابو محمد : الي فهمته ان عبدالله لمح لها انه يبي مها بعد ما انفسخت خطوبتها من فيصل محمد : اها عند بيت ابو وليد راكان : يبه انا ابي ساره بنت غازي غيرها ما ابي ابو وليد : اجل مافيه زواج راكان : يا يبه تكفى ابو وليد : انتهى النقاش بالموضوع عبدالله : اخطب فاطمه يا راكان راكان : انت اسكت مالك دخل عبدالله : وليه تكلمني كذا راكان : لان مالك اي دخل فيني ابو وليد : وليه تكلم اخوك كذا يا حيوان راكان : يبه انت كل شي عندك عبدالله هو الاحسن هو الافضل وانا الداشر الي مافيه ادشر مني عبدالله : تقارن نفسك فيني ابو وليد : تقارن نفسك بخوك ليه راكان : اسال نفسك يبه دايم عندك عبدالله صح واقص يدي ان الي اقنعك هو عبدالله انك تزوجني قبله ابو وليد : انقلع عن وجهي راكان : انا بطلع ولاني راد هنا ابو وليد : باللعنه تلعنك عبدالله : هدي يبه الله يعافيك واضح انه شايل علي شيل غير طبيعي في بيت ابو محمد مها : فرح انتي بتنامين عندنا اليوم فرح : ايه لا يكون بضايقك مها : لا اعوذوا بالله اذا ما شالك المكان اشيلك بعيوني فرح : المهم يمه متى بتجي عمتي جواهر تخطب مها مها انصدمت من سفهت فرح لها وانصدمت اكثر من سالفة خطبت فواز مها : شنو خطبه ما خطبه فرح : خطبتك لفواز مها : ومن قال اني بموافق على فواز هاه فرح : انتي تبين تجننيني مو هذاك اليوم بالمزرعه قلتي انك موافقه عليه مها : لا ما قلت ولا ابيه فرح : لا بتاخذينه غصب عنك مها : تخسين اخذه سامعه فرح قامت وضربت مها كف ام محمد بصراخ : فررررررررررررح مها : تضربيني يافرح تضربيني انا فرح : لانك ما تستحين على وجهك اموت واعرف وش الي بداخلك او شنو الي ناويه عليه ام محمد : فرح اعتذري من اختك يلاه فرح : يمه بنتك هذي ناويه تنزل روسنا بالقاع ترا مها : انا انزل روسكم بالقاع ماشي يافرح وراحت مها ام محمد : فرح انتي فيك شي فرح حست بنفسها : يمه والله مدري شنو الي سويته حسيت اني كارهه مها ام محمد : مو تتهاوشين مع زوجك وتحطين الحره بمها فرح : والله مو قصدي بروح اعتذر منها وقامت لعند مها الي كانت بغرفتها تبكي فرح دخلت عليها وشافتها تبكي وراحت لها ركض وضمتها على صدرها : مها سامحيني وربي ما كان قصدي وربي انا اسفه سامحيني مها : انتي وش فيك علي ليش قلبك صايرقاسي علي برغم اني والله ما سويت لك شي فرح حزنت على اختها واندمت انها ضربتها : مها تكفين لا تزعلين علي والله ماكان قصدي مها : ابيك تقولين لي انتي وش فيك على هالفتره هذي فرح : تبين الصدق مها : ايه فرح : مها شوفي انا من زمان شاكه فيك مها : بشنو فرح : ان بينك وبين عبدالله شي مها : انتي تروحين وترجعين على هذا الموضوع فرح : مها لا تلفين ولا تدورين وربي عارفه وحاسه فيك مها منزله راسها كان ودها تضم اختها وتقولها انها تحبه بس ماقدرت فرح : شوفي يا مها عبدالله والله ما يصلح لك خذيها مني واحس لك , اذا فواز جاء وخطبك وافقي عليه مها : ماراح اوافق عليه لا هو ولاعبدالله فرح : شوفي يا مها انا اختك ومهما صار معك راح اوقف معاك يعني اذا احتجتيني بموضوع عبدالله تعالي عندي اوكي مها : فرح ما بيني وبين عبدالله شي اوكي هذا اول شي ثاني شي ابيك ترجعين زي اول انسي موضوع عبدالله وعامليني بطيب تعرفين قلبي ما يتحمل فرح : من عيوني يا تاج راسي ( وحبت راس مها ) عند عبدالله عبدالله : وانت وينك الحين راكان : وانت وش دخلك عبدالله : راكان انا اخوك الكبير والاسلوب الي تتعامل معاي فيه ترا غلط راكان سكت حس بنفسه شوي عبدالله : انت وينك انا بجيك راكان : انا بمتنزه ال..... عبدالله : خلاص ربع ساعه وانا عندك وسكر عند بيت ابو تركي نهله : هلا يبه ابو تركي : يا بنتي انا تركت شهر كامل تفكرين بموضوع فواز ولا رديتي علي نهله : صراحه يبه ماعندي جواب اب وتركي : يعني محتاره نهله : لا ابو تركي: اجل نهله : مو موافقه يبه ابو تركي : طيب ليش نهله : بس كذا مو مرتاحه ابو تركي : لا مستحيل فيه شي نهله : لا يبه مافيه شي تركي : الا يبه فيه شي وانا بقوله لك ابو تركي : قول تركي : فواز يحب مها ويبيها والي فهمته منه اخر مره شفته فيها انه بيخطبها قريب ابو تركي : لو انه بيخطبها ليش جاء وخطب نهله تركي : هو خطب نهله قبل فسخ خطوبت فيصل بمها ابو تركي بدا يستوعب : اها طيب دام كذا اجل بوصله رفضك بكره عشان يروح ويخطبها نهله منصدمه ان فواز راح يخطب مها : طيب عن اذنك يبه عند عبدالله جالس جنب راكان في المتنزه عبدالله : وش معنى ساره راكان : لانها هي الوحيده الي اعجبتني عبدالله : بلاك ما شفت فاطمه راكان : ليه انت شفتها عبدالله : مره لمحتها لمح راكان : وكيف كان شكلها عبدالله : ماراح اوصفها لك بس بقولك انها جميله راكان : اها , بس حتى ولو انا ابي ساره وبس عبدالله : يا ابن الحلال فاطمه احسلك راكان : عبدالله اذا جاي تناقشني بالموضوع تراك تعبت نفسك على فاضي عبدالله عرف انه ما منه فايده : طيب امشينا البيت راكان : لا ماراح اجي عبدالله : اترك عنك هالحركات ومش يلا راكان : قلت لك لا ماراح اجي الا لما تخطبون لي ساره عبدالله : لاحول ولا قوة الا بالله خلاص بكلم ابوي راكان : اذا وافق برجع عبدالله : وبعدين راكان : لا بعدين ولا قبلين انا ماراح ارجع الا لما ابوي يوافق يخطبها لي عبدالله: طيب وين بتنام اليوم اذا منت راجع معي راكان : ارض الله واسعه عبدالله : طيب معك فلوس تقدر تحجز فيها غرفه بفندق تنام فيه راكان : هاه اي ايه معي عبدالله فهم انه ما معه وطلع من بوكه مبلغ مالي وعطه : خذ راكان : اقولك معي عبدالله : طيب خذها مني الحين راكان : تسلم يا خوي ولا تواخذني علي اسلوبي معاك عبدالله : يصير خير المهم روح احجز لك فندق ولا تفرفر بالشارع فاهم راكان : طيب عبدالله : يلاه مع السلامه عبدالله يحب اخوانه كلهم ومستحيل يسمح لاي اي احد يأذيهم ودايم يدافع عنهم عند مها نهله : مها اقولك فواز ناوي يخطبك مره ثانيه مها : ادري يا نهله وناويه ارفضه مره ثانيه نهله : شنو بيكون عذرك مها : مدري والله خليها بوقتها تدبر نهله : اوكي , مها بالنسبة لفيصل امم يعني مها فهمتها: ولا يهمك بروح الحين لاخته هديل واشوفها واخبرك نهله : اوكي وسكرت من نهله وراحت لشقة اخوها لانه ساكن معهم في البيت هديل : مين مها : هذي انا مها افتحي هديل فتحت الباب: ياهلا ويا مسهلا مها : هلا بك, اخوي هنا هديل : ايه يتروش مها غمزت لهديل : يتروش اجل اها هديل فهمتها : جب اقولك مها : ما قلنا شي هديل : اقول وش تبين مها : ابي اسالك اخوك المصون متى ناوي يخطب نهله هديل : ليه هي قالت شي مها : لا بس كلمتني قبل شوي وقالت لي انهها ارفضت فواز هديل : اها خلاص اجل بعلم اخوي مها : قولي له يستعجيل ترا نهله الف من يتمناها سامعه هديل : والله اخوي فيصل فيه مليون من يتمناه مها : ونعم فيه بس نهله غير وانا نصحتك هديل : اقول تقلعي يلا مها : طيب بتقلع بس اسمعي مره ثانيه لا تخلين اخوي يتروش كثير ترا الجو فجاه يقلب ويصير برد هديل : مهاوي انقلعي احسن ما اذبحك مها : اوك اوكي باي عند عبداالله ابو وليد : شفته عبداله : ايه يبه راح ينام بفندق الليله ابو وليد : وهو معه فلوس عشان ينام بفندق عبدالله : انا عطيته ابو وليد : وش السوات مع هالولد هذا عبدالله : يبه انت تعرف راكان عقل مافيه ابو وليد : مايحتاج تقولي عنه عبدالله : عشان كذا اقولك نخطب له ساره وهو بيحكم بنفسه على ابوها ابو وليد : وانت تشوف الزواج لعبه عبدالله : لا يبه بس شنو اسوي راكان ركب راسه وماراح يقتنع الا لما يشوف فنزوجه اذا الله يسير اموره معها كان بيها واذا ما يسير هو بيطلقها بنفسه ابو وليد : تشوف كذا عبدالله : ايه دخل وليد وماجد وعلمهم عبدالله ووافقوا كلهم يبون الفكه من راكان ابو وليد : خلاص دام كلكم موافقين خلاص اجل بكره نطلع نخطب له عبدالله : اجل بتصل عليه اليوم عشان يتجهز بكره : : يوم جديد في بيت ابو وليد راكان : مشكور يبه ( وحب يديه وراسه ) ابو وليد : والله مدري شنو الي حببك في البنت بس الله يعينا على مشاكل ابوها راكان : لا انشاءالله يبه مافيه مشاكل ولا شي وطلعوا لبيت ابو غازي راكان ووليد وماجد وابوهم اما عبدالله ماقدر يروح معهم بحكم تطبيق الامتياز لابد انه يداوم للمغرب في بيت الجده ابو محمد : ابو وليد وينه ليه ماجاء مو بألعاده نوره : والله يا اخوي مدري وينه صراحه الجده : هذاني اتصل عليه ومايرد لاحول منه شذى : يمكن نايم ابو محمد : لا وين ينام لحد الحين سعود اكيد انه مشغول رن جوال ابو سلطان واستغرب من الاتصال : هذا خالي عايض متصل علي غريبه وش يبي ابو محمد : رد عليه ابو سلطان : مالي خلقه والله ابو محمد : اقول رد اخلص لا تفشلنا معه مهما سوا يظل خالنا الجده : رد يا متعب على اخووي ابو سلطان : هلا ابو عادل , لا والله ماشفته , نععممممم وشلون عرفت ومتى صار هالكلام , اليوم من ساعه كم تقريباً , خلاص طيب مع السلامه الجده : وش صاير ابو محمد : وش فيه وجهك انخطف لونه صاير شي ابو سلطان : سعود خطب لولده عبدالله ساره بنت غازي الكل بصوت واحد : اييششششششششش ابو محمد : انت تقوله صادق ابو سلطان : توه ابو عادل قالي ابو محمد التفت على امه : ولدك هذا مجنون يخطب بنت غازي مالقى الا بنت غازي ويعرف ان بيني وبينه مشاكل كثيره الجده منصدمه من حاجتين الاول عبدالله انه هو الي خاطب والثانيه ان ناسب ابو غازي وابو غازي بينه وبين ابو محمد وابو سلطان مشاكل ابو سلطان : مشينا يا مشعل نروح نشوف شنو السالفه ابو محمد : مشينا في بيت ابو محمد مها : يمه ابوي بيطول عند جدتي ام محمد : لا هو قالي انه ماراح يطول مها : حلو عشان نبي نتغداء بالحوش ام محمد : ان شاءالله هديل : عمي لسه ما جاء مها : لا باقي هديل : يوه جوعانه مها : انتظري ابوي لما يجي هديل : طييييييييب في بيت ابو وليد ابو وليد : جوالي ناسيه بشاحن ماجد : تلقاء جتك اتصالات واجد ابو وليد : ايه والله جايتني من امي واخواني اتصالات واجد لا يكون صاير شي بس وتوه بيتصل الا رن الجرس ابو وليد : روح شوف من عبدالله توه وصل البيت اخذ اذن من الدوام انه يطلع يخلص كذا شغله ويرجع ولما وصل حصل ابو محمد وابو سلطان عند الباب عبدالله : حيا الله عماني ابو سلطان : الله يحيك عبدالله : وشلونك ياعمي مشعل ابو محمد عطها نظره ومارد عليه عبدالله استغرب من هالحركه فتح الباب ماجد ماجد : هلا والله عماني ابو محمد : ابوك وينه ماجد استغرب نبرة صوت عمه : داخل ابو محمد : ناده لنا المجلس ابسرعه ماجد : ابشر ودخلوا المجلس ومعهم عبدالله عبدالله ( الظاهر صاير شي الله يستر ) جاء ابو وليد : يالله حيهم ابو محمد : الله لا يحيي فيك عرق ابو وليد انصدم : وليه ابو محمد : انت الحين مالقيت الا بنت غازي تخطبها لولدك ابووليد : وش فيها ابو محمد بصوت مرتفع : وش فيها انت غبي ما تفهم عبدالله هنا عصب مهما كان هذا ابوه : عمي وش فيك تتكلم مع ابوي كذا ابو محمد : انت اسكت ولا كلمه عبدالله : عمي هدي شوي وقولنا شنو الي صاير ابو وليد : ممكن افهم يا اخوي الكبير ليش تتكلم معي كذا ابو محمد : انت تعرف ان غازي بيني وبينه مشاكل ابو وليد : لا ما اعرف ابو محمد بأصراخ : كذااااااااااب انت تعرف والدليل انك مارديت علينا وحنا ننتصل ابو وليد : جوالي ناسيه فالبيت ويوم وصلت توني كنت بتصل عليك ابو محمد : كذاااب انت كذااب وانت اخو اصلاً انت عدو عبدالله : عمي خلصننننا لا تغلط ع ابوي كذا ابو محمد : اضربني كف احسن عبدالله : محشوم ياعم بس لا تغلط ع ابوي بهذا الشكل ابو محمد تنرفز من عبدالله حيل لانه كان متأمل ان عبدالله ياخذ مها : شوف يا سعود من اليوم ورايح مانجمتع انا وانت بمكان واحد سامع وخل غازي ينفعك ابو وليد : يا ابو محمد انت شنو تقول انا وانت اخوان مايصير تتكلم كذا ابو محمد طلع من البيت ابو وليد التفت على ابو سلطان : ممكن تفهمني السالفه ابو سلطان :اجلس راح افهمك , قبل تقريباً سنتين تهاوش مشعل مع غازي هواش وصل للتماسك بالايدين ابو وليد انصدم :ايش ابو سلطان : لان غازي خطب فرح لولده صالح وابو محمد رفضه وبعدها غازي صار يسب ابو محمد وبنته في كل مجلس ويطلع عليهم كلام وبعدها ابو محمد ما تحمل وراح له للبيت وتهاوش معه وبعدها اتصل غازي على الشرطه وانسجن ابو محمد اسبوع وبعدها طلع ابو وليد منصدم : وليش ما خبرتوني ابو سلطان : وقتها انت كنت مسافر انت وعيالك واخذتوا وقت تقريباً شهرين وامي قالت لا تخبرونه عشان مايرجع وسكتنا وبعدها انتهى الموضوع واتفقوا ان كل واحد منهم مايجتمع مع الثاني وانا واخوانك وقفنا مع ابو محمد ابو وليد : الله يهديكم بس ليش ما قلتولي كان ما خطبت منه راكان كان يسمع كل هالكلام هذا عبدالله : مايحتاج يبه اليوم نقوله ماعاد نبي ولا يشرفنا واحد زيه ابو وليد : بكذا راح اكون انا الغلطان اخطب وبنفس اليوم افسخ الخطوبة عبدالله : عادي يبه اهم شي ما تخسر اخوك يبه ابو سلطان : يا ابو وليد الكلام الي طلع على فرح كان قوي ابو وليد : كيف يعني ابو سلطان : كان في عرض البنت وشرفها ابو وليد : نععععم عبدالله : والله هذي يبي لها دعس برجلين ماجد : الله الله على مسكته بس ابو سلطان : مانبي نفتح مشاكل معهم انت افسخ خطوبتك منه وخلاص ابو وليد : انا راح اتصرف ابو سلطان : كيف راح تتصرف ابو وليد : راح اروح عنده فالبيت واحلها هناك ابو سلطان : هذا خبل ممكن يتهاوش معك فالبيت ابو وليد : لا ماراح يسويها المهم اني احل هالموضوع ولا اخسر اخوي ابو سلطان : طيب سوي الي يريحك ابو وليد : انا بروح الحين عبدالله : انا بروح معك يبه ابو وليد : لا انت خليك عبدالله : يبه تروح له لحالك مستحيل ماجد : ايه يبه بنروح معك ابو وليد : نعم راح تمنعني يعني انت وياه عبدالله : لا يبه محشوم بس ابو وليد : لا بس ولا شي انا بروح لحالي وطلع عبدالله : ماجد انت خليك هنا انا بحلق ابوي ماجد : لا بروح معك ماجد : انت خليك هنا لا صار شي انت تكون موجود يلاه وطلع ورا ابوه ابو سلطان ( عنجد انت يا عبدالله مستحيل تخلي احد يتعدى حدوده مع ابوك مهما صار ) في بيت ابو محمد ام محمد : ياربي وش فيه مايرد مها : يمه بديت اخاف على ابوي هديل : وش هالكلام مافيه شي يخوف عمي اكيد حاط جواله صامت بهذي اللحظة دخل ابو محمد ووجه كله عصبيه ونرفزه ام محمد : وش فيك يا مشعل ابو محمد : فيني ضيقه فيني تعب مها : بسم الله عليك يبه ام محمد : ليه من شنو ابو محمد : من اخوي سعود ام محمد : ليه شنو صاير مها : يبه عمي وش فيه ابو محمد : لا تقولين عمي من اليوم ورايح مالكم عم اسمه سعود سامعه ام محمد تعرف شكثر مشعل يحب اخوه سعود اكثر من اخوانه كلهم : ابو محمد تكفى قولنا شنو صاير ابو محمد : اخوي سعود خطب بنت غازي لولده عبدالله هنا مها انصدمت وجلست على الدرج حست بنبضها وقف ما توقعت ان هاليوم بيجي ابد ام محمد : ومالقى غير بنت غازي ابو محمد : هذا الي قهرني ام محمد : طيب يا ابو محمد هذا ولده وهو بكيفه ابو محمد : نسيتي وش الي سواها فينا غازي شهر كامل ماذقت النوم بسببه ويجي اخوي الحين ويخطب بنته لولده عبدالله اه بس يالقهر اخوي وعضيدي الي توقعت انه بيوقف معي راح ووقف ضدي ام محمد : بكيفه ما عليك منه انت بس هدي ابو محمد : والي يقهر زود هو رد ولده عبدالله لي يقولي لا تغلط على ابوي مها انصدمت : شنو عبدالله رد عليك كذا يبه ابو محمد : ايه زعلان لاني هاوشت ابوه مها عصبت : ماعليك منه يبه مايسوى جزمتك ابو محمد : من اليوم ورايح لا هو ولا عياله ابي اشوفهم ام محمد : لا يا ابو محمد انت الكبير وش فيك ابو محمد : بلا كبير بلا كلام فاضي بهذي اللحظه دق الجرس وراح ابو محمد وفتح الباب ابو محمد : هلا والله بابو فواز ابو فواز : هلا فيك ام فواز : هلا اخوي وشلونك ابو محمد : الحمد لله حياكم حياكم ودخلوا عند بيت غازي ابو وليد دخل البيت وعبدالله وقف برا بدون ما يشوفه ابوه ابو وليد : شوف يا ابو صالح انا سمعت اليوم بسالفتك مع اخوي وما عجبني الي سويته ابد بخوي ابو صالح ( غازي ) : والله الي صار بيني وبين اخوك انت مالك دخل فيه ابو وليد : هذا اخوي وشلون مالي دخل فيه ابو صالح : يعني شنو افهم من كلامك ابو وليد : انا جيتك من الباب وبطلع من الباب ابو صالح فهم مقصده : اصلاً البنت رفضت ويلاه وريني عرض كتافك ابو وليد قام وطلع وشاف عبدالله برا وعصب وراح ركب سيارته ولحقه عبدالله في بيت ابو محمد ابو فواز : والله يا يا ابو محمد حنا جايينك نخطب بنتك مها لولدي فواز ابو محمد : والله من ناحيتي انا موافق بس باقي راي البنت ابو فواز : طيب اخذ رايها الحين وشوفه ابو محمد ما كان له خلق : ابشرهذاني بروح مها كانت معصبه وحالتها حاله ماتدري وين تحصلها من خطبت عبدالله ولا من رده على ابوها ابو محمد : يبه مها مها : هلا يبه ابو محمد : ابو فواز خطبك لولده فواز وش رايك مها( بعتني يا عبدالله بهذي السهوله ) : موافقه يبه موافقه عليه ابو محمد توقع هشيي : طيب مبروك يا بنتي مها اسكتت : ........ مها ( اذا انت نهيت حبك لي انا بعد راح انهي حبي لك ) ابو محمد : البنت وافقت ابو فواز فرح : الف مبروك يا ابو محمد ابو محمد سكت : .......... ابو فواز : متى تبينا نحدد يوم الملكه ابو محمد : لا اصبر شوي الحين فيه مشكله صايره بيني وبين اخوي سعود لما تنحل يصير خير ابوفواز : مشكلة شنو ابو محمد : راح احكي لك وانت احكم ابو فواز : هات الي عندك عند عبدالله راكان : انا كنت ابيها عبدالله : راكان ما يصير نزعل عمنا عشان وحده من برات العيله راكان : صح كلامك الله يعوضني خير عبدالله : اخطب فاطمه وراح تشكرني طول عمرك راكان : لا ماعاد ابي اخطب خلاص عبدالله : لا راح تخطب وراح نزوجك راكان : يصير خير في بيت ابو محمد ابو محمد : هاه وش رايك بالي سواه والي سويته انا ابو فواز : انت الغلطان صراحه ابو محمد : انا غلطان بشنو ابو فواز : شوف يا ابو محمد الي اعرفه ان ابو وليد ما يعرف عن هالموضوع من الاساس ابو محمد : وشلون مايعرف يعني محد خبره ابو فواز : ايه محد خبره لان الموضوع حساس والناس ماتبي تفتح مشاكل بينكم يا ابو محمد ابو محمد : طيب هذا هو درى خلنا نشوف شنو بيسوي ابو فواز : راح يفسخ الخطوبه وبتشوف عند بيت ابو تركي ابو سلطان خبر ابو تركي الموضوع كله وابوتركي اتصل على ابو وليد وقاله يمر عليه البيت قبل لا يروح لبيت ابو محمد عشان يروحون جميع له ويحلون المشكله ابو وليد : انا بالبدايه ماكنت ابي ازوجه لاني اعرف ان غازي مشاكله واجد وولدي ماراح يرتاح معه بس ولدي هو الي اصر الا يبيها ازعجني ابو تركي : غريبه من عبدالله هشي الي اعرفه ان عبدالله رجال وعقله كبير مستحيل يسوي كذا ابو وليد : ومن قال انه عبدالله اصلاً ابو تركي وابو سلطان : اجل من ابو وليد : راكان ولدي هو الي خطبت له ابو سلطان : انا قالي خالي عايض عبدالله ابو وليد : خالك فاهم غلط لا انا خطبت لراكان ولا لو انه عبدالله كان بكلمه مني نهيت كل شي ولدي ويسمع كلامي ابو تركي : طيب عن اذنكم بروح اجيب الشاهي والقهوه ابو وليد : اترك الشاهي والقهوه وروح البس ما ابي اخوي ينام وهو متضايق مني يلاه ابو تركي : يلاه بروح البس ودخل وقابلته نهله نهله : يبه شنو صار ابو تركي : بعدين اقولك يابنتي نهله : طيب يبه بالمختصرعبدالله راح يتزوج ابو تركي : لا يا بنيتي الي طلع خاطب هو راكان ماهو عبدالله نهله استانست : اها طيب وبتروحون تصالحون خالي سعود مع خالي مشعل ابو تركي : ايه ويلا وخري لا تأخريني عنهم نهله : اوكي يبه انتبه لنفسك وراحت جري اتصلت على مها بس ماردت عليها في بيت ابو محمد وصل ابو تركي وابو سلطان وابو وليد ابو محمد : هلا تفضلوا ابو سلطان : يا مشعل سعود فسخ خطوبت راكان من ساره ابو محمد استغرب : وشلون راكان هو عبدالله الي خاطب ابو سلطان : لا الي خطب هو راكان مو عبدالله ابو وليد : ياخوي والله ماكنت ادري عن هوشتك مع هالحيوان والله لو كنت ادري كان ما طبيت بيته من الاساس ابو محمد : انت لا تواخذني على الي سويته ماكان لي قصد ابو وليد : ابد يا ابو محمد انت تمون وانحلت مشكلتهم وانفتحت مشكلة مها مع فواز وبداية نهاية حب عبدالله لمها في بيت ابو محمد ام محمد : يعني انحلت الحين مشكلتكم ابو محمد : ايه ظلمت اخوي طلع مايعرف شي ام محمد : انا قلت لك سعود ما يسويها سعود يحبك مستحيل مايوقف معك ابو محمد : ادري والحمد لله ان سامحني على الي سويته بغرفة مها مها : انتي شنو قاعده تقولين نهله : الي سمعتيه الي خطب بنت غازي هو راكان مو عبدالله مها : ابوي قال انه عبدالله نهله : الكل يحسبه عبدالله لان الدور عليه فهمتي مها عبدالله مستحيل ينسى حبك ويبيعك بسهوله مها : بروح اتاكد من ابوي نهله : روحي وشوفي وسكرت وراحت عند ابوها مها : يبه ابو محمد : هلا يبه مها تبي تلف الموضوع عشان مايشك فيها ابوها : بسالك الحين عبدالله راح يتزوج بنت غازي ولا راح يخطب وحده ثانيه ابو محمد : لا يا بنيتي عبدالله مو هو الي خطب بنت غازي الي خطبها راكان اخوه واتوقع ان ابوه بيخطب له بنت ثانيه مها انصدمت ( ياربي انا شنو الي سويته ) وراحت واتصلت على نهله نهله : هاه شنو قال ابوك مها : نفس كلامك نهله : الحمدلله , مها الحين لازم نخطط عشان ترجعين لعبدالله مها : مقدر نهله استغربت : وشلون ماتقدرين مها : انا وافقت على فواز نهله انصدمت : شنوووووووو تقولين مها : اليوم جاء وخطبني ووافقت نهله : .......... مها : مع السلامه نهله وسكرت وانسدحت على السرير وصارت تبكي انتهى البارت وراح انزل البارت الجاي خلال يومين او ثلاثة ماراح اطول هالمره التعديل الأخير تم بواسطة **منى لطيفي (نصر الدين )** ; 14-05-19 الساعة 04:18 AM | ||||
|
|
09-05-19, 09:08 AM
| #16 | ||||
| البارت الخامس ومرات الايام والكل لحد الحين ما عرف بموضوع خطبة فواز لمها الا نهله وابو محمد اجِل الملكه للشهر الجاي وقالوا يخلونه عشاء ويعرف الكل بهذا الموضوع بالكلية عند البنات منى : مها موعد ملكتك قرب مها : ما بيدي شي اسويه نهله : مها انتي خسرتي عبدالله منى : صادقه نهله انت الي ارخصتي بعبدالله مها : حطوا انفسكم مكاني شنو بتسوون نهله : عن نفسي لو شنو ما يصير مستحيل اخسر واحد زي عبدالله حبني من كل قلبه وسوا اشياء واجد لجل حبه لي منى : شوفي انا على حسب معرفتي البسيطه بموضوعك انتي وياه انك ما تستاهلين حبه لك مها : في هذي صدقتي والله ما استاهله , بس قوليلي شنو اسوي نهله : مها انا اشوف انك تبدين صفحة جديده مع نفسك وتحاولين تنسين عبدالله مها : اني انساه ما اقدر مستحيل لكن اني افتح صفحة جديده بحاول منى : كم باقي بالضبط على ملكتك نهله : باقي اربعة ايام بالضبط يوم الخميس منى : خلاص من اليوم ورايح ماراح ينجاب طاري عبدالله سامعين مها اسفهتها : نهله لي فتره طويله ما سمعت عنه شي تقدرين تطمنيني عليه نهله : لا انسي عبدالله وفكري بفواز خلاص منى : انا توني شنو اقول ما تفهمين انتي مها : لا ما افهم ما فهم ابد وقامت عنهم في بيت ابو محمد محمد : يمه وينك كان يدور امه وماهو محصلها وفجاه راح للمطبخ وشافها طايحه على الارض وعلطوول اتصل على الاسعاف واخذوها وودوها للمستشفى الدكتور : سوينا لها بعض التحليلات وتبين معنا ان الوالده مصابه بفشل كلوي وتحتاج لمتبرع ضروري جداً محمد انصدم : شنووووو الدكتور : ايه عشان كذا لازم نخليها عندنا حتى تلاقون لها متبرع ولا ماراح تعيش محمد والصدمه والذهول باينه من وجهه مو مصدق الي يصير رجعت مها ورجع ابوها وماحصلوا احد فالبيت مها : يمكن امي راحت مع اخوي محمد ابو محمد : اتصلت على اخوك ومارد وبهذي اللحظه دخل محمد مها : محمد امي وينهي محمد : امي في المستشفى مها : شنوووو وش فيه امي ابو محمد : تكلم وش فيها امك محمد : امي فيها فشل كلوي ومحتاجه متبرع ضروري خلال هالفتره ولا راح .. مها : ولا راح شنو محمد : ولا راااحح مها : قوول ولا راح شنوووو محمد : ولا راح تموت مها انصدمت : ابي اروح لامي ابو محمد : في اي مستشفى هي محمد : وديتها مستشفى الملك فهد ابو محمد : انا رايح لها مها : بروح معك يبه ابو محمد : يلاه محمد : بروح معكم وراحوا كلهم للمستشفى ودخلوا على ام محمد مها اول ما شافتهاراحت له ركض وضمتها : يمه فيك شي ام محمد وهي تضم بنتها : هلا يمه هدي يمه مافييني شي مها : الا يمه فيك ابو محمد : خلاص يا مها انا راح اتبرع لها ام محمد : لا ولا واحد فيكم راح يتبرع مها : الا يمه انا بتبرع لك ام محمد : لالالا ( وحست بدوخه ) مها : يمه فيك شي ام محمد تدريجياً بديت تفقد وعيها : قلت لكم لا لالا ( واغمى عليها ) مها : يمه لااااااااااااا وجم الممرضات وطلعوهم برا وبعد ربع ساعه طلع الدكتور الدكتور : يا محمد ما قلت لك لازم متبرع بأسرع وقت محمد : انا بتبرع لها مها : لا انا ابو محمد : لا انت ولا هي انا بتبرع لها الدكتور : مو على كيفكم راح نسوي لكم فحوصات ونشوف من الاكثر مناسبه لها مها : طيب يلاه سوي الفحوصات الدكتور : يا ممرضه تعالي اخذيهم وسوي لهم الفحوصات وشوفي من الي يناسب اكثر شي الممرضه : ان شاءالله وخذتهم وسوت لهم الفحوصات وقالوا لهم بعد ساعه راح تخرج النتائج مها : يبه اذا الفحوصات حددت واحد فينا ما نبي امي تدري ابو محمد : اكيد ماراح نعلمها وبعد مرور ساعه طلعت النتائج الدكتور: السلام عليكم ابو محمد : وعليكم السلامه ها يادكتور طلعت النتائج الدكتور : ايه بس تعال معي للمكتب وراح معه للمكتب ابو محمد : من المناسب يا دكتور الدكتور : المناسب لها هي مها وهي الافضل بينكم كلكم ابو محمد : طيب هو فيه خطر عليها الدكتور : لا انشاءالله مافيه لا خطر على مها ولا على زوجنك فلا تخاف بس قول لبنتك تتحضر ابو محمد : ان شاءالله , من راح يسوي العملية لهم الدكتور : الي راح يسوي العلمية هي دكتوره مصريه شاطره جداً وقد سوت عمليات كثيره من هالنوع وانجحت فلا تخاف ابو محمد : طيب وراح لمها ومحمد محمد : يبه وينك اختفيت ابو محمد : الدكتور قالي اروح معه مها : ها يبه طلعت النتائج ابو محمد : ايه مها : من المناسب ابو محمد : انتي يا بنتي مها ارتاحت : الحمدلله متى راح يبدون ابو محمد : قالولي خلها تتحضر مها : حلو يعني راح ننقلها اليوم ابو محمد : مدري صراحه بسأل الدكتور وبنشوف بهذي اللحظه عبدالله انتبه لوجود عمه بالمستشفى وخاف كثير يحسب مها فيها شي وراح يسأل عنهم وعرف ان امها جاها فشل وكان يبي يسأل عن المتبرع بس الجواب كان عند الدكتور لوحده وراح عند الدكتور عبدالله : السلام عليكم دكتور الدكتور الي اشرف على حالة ام محمد : وعليكم السلام هلا عبدالله عبدالله : دكتور ابي اسالك عن حالة المريضه عائشه سعد ال..... الدكتور : ليش تعرفها عبدالله : ايه الدكتور : طيب هذاك ملفها روح اقراه عبدالله : ابي اعرف من الي بيتبرع لها الدكتور : بنتها اتوقع اسمها مها عبدالله حس بغصه داخله : طيب اخوها محمد ما يناسب الدكتور : محمد عنده ضعف بالكلى عشان كذا مانقدر ناخذ منه عبدالله : طيب دكتور من الي بيشرف على العمليه الدكتور : الدكتوره سحر عبدالله يعرف الدكتوره سحر عبدالله يحترمها كثير وهي تحترمه وتعزه : حلو ريحتني وراح عند الدكتوره سحر وفهمها كل شي عبدالله : دكتوره انا ابي اكلمها الدكتوره : واضح انك تحبها عبدالله : دكتوره ابي منك تدخلينها غرفه خاصه ولا تخلين احد يدخل عندها لما اكون انا موجود عندها رجاءً الدكتوره : ولا يهمك ابشر الحين بكلمهم ينقلونها لغرفه خاصه وما يخلون احد يدخل عليها غيرك الا بأذني طبعاً عبدالله : مشكوره يا دكتوره وانقلولها لغرفة خاصه مها : وليش نقلتوني هنا الممرضه : هنا اريح لك ولنا وترا مو مسموح لاي احد يدخل عليك اوكي ممنوعه من الزيارات الا بأذن الدكتوره مها : اوه وليه هذا كله الممرضه تورطت : هاه علشان راحتك لازم تكونين مريحه نفسياً فهمتي مها : اهم شي امي تتشافى الممرضه : ان شاءالله وطلعت وسكرت الباب وراها وطلع عبدالله بوجها عبدالله : هي الحين موجوده هنا الممرضه : ايه يمديك تدخل وانا بروح اخبر اهلها واقولهم محد يدخلها عليها الا بأذن الدكتوره عبدالله : حلو يعطيك العافيه عبدالله تردد انه يدخل بالبداية بس شوقه لها اجبره يعرف الي يسويه غلط بس القلب امر عبدالله دق الباب مها : لحظه ( وتغطت ) تفضل عبدالله دخل وسكر الباب : السلام عليكم مها انصدمت يوم شافته عبدالله : شوفي لا تقولين ولا كلمه ولا تنطقين بحرف ولا تتنفسين ابي اقولك كلام ولا تقاطعيني اوكي مها منصدمه : .......... عبدالله قال كلام مو مرتب من كثر ماهو متوتر : ابيك تعرفين شكثرمشتاق لك يعني مشتاق لك كثير مشتاق لك وابيك تعرفين قلبي شكثر محروق حتى حتى عروق قلبي مشتاقه لك مها منصدمه من كلامه وقلبها حن واشتاق له : ....... عبدالله : مها انا ادري اني الي قاعد اسويه غلط بس مابيدي شي وربي مابيدي شي قلبي جبرني جبرني اجيك مها ابيك يوم واحد بس ابي اكون حوالينك ابي احس بوجودك ووعدك اني ما التفت واشوفك راح اعطيك ظهري طول الوقت ووعدك يكون سر بيني وبينك لاخر يوم لي بهذي الدنيا.... ( ثم سكت شوي ) ... مها انا لما اكون معاك احس بشعور غريب شعور حلو ابي اعيشه مها مشتاقه له اصلاً وهي اصلاً تثق بعبدالله : بس ابوي واخواتي راح يجون عندي عبدالله : لا تخافين من هذي الناحيه انا اصلاً الي طلبت منهم ينقلونك لغرفة خاصه وبكذا محد يقدر يدخل عليك قبل ما ااعرف انا مها انحرجت ( ضعيفه تحبه ومشتاقه له ) :......... عبدالله فهم من سكوتها انها موافقه : يقولون السكوت علامة الرضاء حلو شوفي انا راح اجلس هنا وبعطيك ظهري اوكي مها :........ اخذ الكرسي وجلس وعطى مها ظهره : كذا حلو يلاه ابيك تاخذين راحتك مها انصدمت عبدالله : مو قصدي شي بس امزح معك , المهم قولي لي جاهزه للتبرع مها مستحيه :...... عبدالله : مها مشتاق لصوتك وربي مها بصوت يالله انه ينسمع : ايه جاهزه عبدالله : حلو المهم يا مها نفسيتك لازم تكون توب التوب عشان العملية تتم بسهوله ويسر مها :........ عبدالله غمض عيونه ويتكلم وهو متوتر مو مصدق : تدرين الخمسه شهور الي مرت من بعد هذاك اليوم مرت علي ببطئ شديد وقتها حسيت بتعب وحزن ماعمره مر علي واشتقت لك كثير .. ووو... ( سكت شوي ثم قال ) تدرين اني انبسطت يوم دريت انك موجوده في المستشفى يعني من غير شر لخالتي بس انبسطت يعني انا احس بملل هنا كثير دوامي صعب شوي بس لما دريت انك هنا فرحت فرحت حيل حسيت ولاول مره بأن المستشفى حلو يعني لو بيدي ما اطلع منه مها : من غير شر عبدالله : الشر مايجيك , مها وربي اشتقت لك مها انحرجت بغت تموت : انت تقول لازم اكون مرتاحه عشان العمليه صح عبدالله : ايه مها والحياء ذابحها : انت بكلامك هذا توترني عبدالله : خلاص اسف ماعاد بقول شي توبه اهم شي ترتاحين مها :.............. ثم سكت لفتره تقريباً خمس دقايق عبدالله : مهاوي مها انصدمت من نطقه لاسمها : هلا عبدالله : تدرين متى راح يحددون لك العملية مها : يقولون اليوم عبدالله : من قال مها : الدكتور قال لابوي كلم مها تتحضر يعني اكيد العمليه اليوم عبدالله ابتسم : لا ياعمري مقصده يجهزونك يعني راح يسوون لك بعض التحليلات والاجراءات مها سحبت على كل كلام عبدالله وركزت على كلمته ( عمري ) عبدالله : فهمتي مها مفهيه :........ عبدالله : مهاوي انتي معي مها : ايه عبدالله : شنو الي قلته انا مها : انو ......... مدري عبدالله : ركزي مقصد الدكتور هو يعني راح يسوون لك بعض التحليلات والاجراءات مها : اما يعني متى العمليه عبدالله : بكره مها : وامي راح تتحمل لبكره عبدالله : لا تخافين امك دامها بالمستشفى ماراح تتوجع مها : اكيد عبدالله : ايه لا تخافين مها : طيب ليه بكره ليه مو الحين نسويها عبدالله : والله شوفي لو امك مافيها شي كان خليتك شهر مها استحت عبدالله : لكن ماعليك ان شاءالله راح تنجح العمليه وترجعين انتي وامك سالمين غانمين للبيت مها : الله يسمع منك بهذي اللحظه دخلت الممرضه مها استحت منها الممرضه : السلام عليكم عبدالله و مها : وعليكم السلام الممرضه : راح ناخذ منك عينات دم اوكي مها : اوكي الممرضه : اكلتي مها : اكلت الصباح الممرضه تناظر الساعه : يوه اساعه 8 العشاء من هذاك الوقت ما كلتي شي مها : لا والله عبدالله : وليه انشاءالله مها : يعني الي صار مع امي عبدالله : اها طيب راح اجيب لك اكل واجي مها : لا لا مايحتاج مو جوعانه الممرضه : ماعليك منها جيب لها اكل عبدالله : انتي حاطه ببالك اني بصدقها مها تضايقت من رده على الممرضه : جد عبدالله مو مشتهيه عبدالله : اانا ما كلت شي من الصبح بروح اجيب لي ولك على ما تخلص الممرضه وطلع قبل ما يسمع ردها مها التفتت جهة الممرضه : اخبار امي الممرضه : امك عال العال لا تخافين مها : متى راح نسوي العمليه الممرضه : عبدالله ما قالك مها : هو قالي بكره الممرضه : ايه هي بكره مها : طيب ابوي واخوي واخواتي وينهم الممرضه :راحو مها : وشلون راحوا ابوي مستحيل يخليني لحالي الممرضه : حنا اقنعناه قلنا انك بغرفه خاصه ومافيها احد مها تذكرت كلام عبدالله : اها الممرضه : يلاه راح نبدا ناخذ منك دم مها : طيب وسحبوا الدم ومها بدت تحس بدوخه من كثرماهي جوعانه وما مرت نص ساعه الا وعبدالله داخل عليها وهو جايب كل شي يخطر بالبال انواع الاكل مها : اوف كل هذا ليش عبدالله : لي تقريباً خمسة شهور ماكلت شي واليوم حتى انفتحت نفسيتي ابي اكل جوعاااااان مها ابتسمت : عليك بالعافيه عبدالله : وش الي عليك بالعافيه تراك بتاكلين معي مها : والله يا عبدالله مو مشتهيه مره عبدالله : اذا ما اكلتي ترا ماراح اكل مها : طيب خلاص راح اكل معاك عبدالله عطها الاغراض كلها وراح وجاب طاوله وحطها قدام الكرسي وبعدها راح واخذ الاغراض منها ووزع الاكل بينه وبينها طبعاً اغلب الاكل كان صحي لانها راح تسوي عمليه مها انتبهت للدفترين والقلمين : ليش جايب معك دفترين وقلمين عبدالله : لاني ناوي اكسر راسك مها : تكسر راسي بشنو عبدالله : راح ننلعب جماد وحيوان ونبات مها تفاجأت : من جدك عبدالله : ايه مها : هههههههههه عبدالله : لا تضحكين اكلي يلاه وانا بروح اكلم الممرضه واجيك مها بدون شعورياً : نعم نعم تكلمها ليش ان شاءالله عبدالله فهم انها غارت ويبي يقهرها زياده : هي تبي تسولف معي تعرفين الكل يحبني مها : باللهي الكل يحبك هاه طيييييييييب ( وامسكت المخده وحذفتها عليه ) عبدالله : هههههههههههههههه امزح بس بقولها اني راح اكون حولك وهي تروح ترتاح مها : نعم ومن قال انك بتجلس عندي عبدالله : اقولك بس ما تعلمين احد مها استغربت : قول عبدالله : قلبي مها انحرجت ونزلت راسها عبدالله : هههههههههه وطلع مها ( ناوي يذبحني هذا ,بس وربي مبسوطه معه الله يخليه لي يارب ) وبدت تاكل وعبدالله استقصد يتأخر عشان يخليها تاكل على راحتها لان معظم البنات يستحون ياكلون وعندهم احد وبعدها دخل عليها عبدالله : تاخرت عليك صح مها : ابد كان نمت عندها عبدالله : الحين بكون مع القمر وتبيني انام عند النجوم مها انحرجت ونزلت راسها : عبدالله اذا بتقول كلام كذا اطلع لاني وربي ماتحمل عبدالله : خلاص وعد ماراح اقول مها : طيب وش فيك تأخرت عبدالله : كنت بدورة المياه مها : اها , طيب يلاه اكل لا يبرد اكلك عبدالله : طيب بس ودي اسالك مها : شنو عبدالله : انتي عندك دفتر تكتبين فيه الي بخاطرك مها : ايه عندي دفتر اكتب فيه كل الي بخاطري عبدالله : عنجد يعني انتي تحبين تكتبين اي شي يجي بخاطرك مها : ايه وش فيك مستغرب عبدالله : مو مستغرب بالعكس مبسوط مها : ليش عبدالله : كذا اقدر اعرف عنك كل شي مها : نعم نعم ومن قال اني بخليك تقرأ عبدالله : وليش ماتخليني مها : هذا شي خاص فيني ما اسمح لحد يقراه عبدالله : حتى انا مها استحت : اايه عبدالله : يعني محد قراه ابد مها :ايه لاني حريصه عليه ومستحيل اخلي اي احد يقراه مهما كان عبدالله : اها مها : وانت عبدالله : انا كان عندي دفتر بس ضاع مها تذكرت دفتر عبدالله انه معاها : ايه صح تذكرت عبدالله بقولك شي بالنسبه لدفترك عبدالله : شنو مها : دفترك معاي عبدالله انصدم : وشلون مها : بقولك كل ششي .............. ( وقالت له كل الموضوع ) عبدالله : كويس انك اخذتيه لاني خفت انه يطيح بيد ناس ثانيه مها : بس وربي ترا مافتحته عبدالله : مايحتاج تحلفي مصدقك بس تمنيتك تفتحيه مها : ليش عبدالله : لانه بيحكي لك كل شي عني مها : وشلون يعني عبدالله : كتبت فيه من اول ما وعيت على هذي الدنيا الى هذاك اليوم الي ضاع فيه مها : يعني تسمح لي اقرا فيه عبدالله : ايه مها : خلاص اذا رجعت البيت ان شاءالله بقراه ,,, عبدالله تراك ما كلت شي عبدالله : ايه صح , بس بالاول خلينا نسطر الدفاتر عشان نبدا ننلعب مها : يعني انت صامل عبدالله : اكيد مها : ترا انا محد يهزمني بهذي اللعبه عبدالله : نشوووف وتوه بيبداء يصطر الا مها وقفته مها : هاتها عندي وانت اكل عبدالله : اوكي وعطاها الدفترين وبدا ياكل مها : مشكور على الاكل عبدالله : العفو : مها : خلصت تصطير الدفاتر وكتبت اسمي واسمك عبدالله : شوفي راح نسوي تحدي بينا مها : شنو التحدي عبدالله : الي بيفوز يختار لنا مسلسل نتابعه طول الليل مها : كيف نتابع هنا عبدالله : ايه معاي لابتوب ابل مها : اها , اوكي على ذووقك عبدالله : لاياعمري خليها تحدي لان اذا فزت ممكن اختارلك فلم رعب مها : يمه ما احب الرعب عبدالله : اجل فوزي علي يلاه مها : ان شاءالله بفوز عليك وبنحط مسلسل تركي عبدالله : نعععم مسلسل تركي مها : ليه ما تحب المسلسلات التركيه عبدالله : ولا اطيقها مها : اجل فوز علي عبدالله : بأذن الله بفوز , يلاه نبدا مها : انا بختار اول حرف عبدالله : طيب يلاه مها : اممممم حرف العين وبداو يكتبون وفازت مها بالجوله الاولى مها : واحد صفر عبدالله : طيب لحظه قولي لي اجوبتك مها : هاه لا مايحتاج عبدالله : اجل وشلون اعرف انك فزتي انا معطيك ظهري مها ماكانت تبي تقول اسم عبدالله بس عقلها وقتها وقف ماعاد قدرت تطلع اسماء : طيب شوف الاسم عبدالله والحيوان عصفور والنبات ... والجماد ... والبلاد ... عبدالله : ما شاءالله سريعه مها : وانت عبدالله : انا نفس اجوبتك بس البلاد ماعرفتها مها : ههههههههه احسن عبدالله : يلاه دوري اممممممم حرف الميم وبداو وفاز هالمره هذي عبدالله مها : ياربي باقي لي بس البلاد عبدالله : مصر ياحلوه مها : يووووووووووه نسيت عبدالله : يلاه عطينا حرف مها : نعم نعم لا لا عطني اجوبتك ممكن تكون غاش اعرفك من وانت صغير تغش بهذي اللعبه ههههه عبدالله : نعم انا اغش من وانا صغير مها : ايه عبدالله : متاكده ؟؟ مها : ايه عبدالله : طيب ( ومسك المخده ورماهها عليها ) مها : يمه مجنون اوريك واخذت المخده ورمتها عليه وعبدالله اخذها ابسرعه يبي يرميها عليها بس قبل لا يرميها طاح مها تضحك من قلب : ههههههههههههههههههههههههه هههه احسن تستاهل عبدالله : ههههههههههههههههههههههههه ههه والله كنت ناويك بس حظه مها سكتت وغمضت عيونها :..... عبدالله : وشفيك مهاوي مها : مدري شنو حسيت فيه بس تمنيت نكون انا وانت في مكان كله ثلج وننلعب بالثلج عبدالله : بأذن الله راح يجي هاليوم وعد مها والحزن بان بعيونها : عبدالله انا مدري ليش معاك شعوري وكبريائي ينكسرون ماتوقعت بيوم اني بتنازل عن مبادئي قدامك ودخلت بهذي اللحظه الممرضه : سلام كنت بتأكد اذا محتاجين شي او لا عبدالله : لا شكراً وطلعت مها ماتبي عبدالله يرد ع كلامها : يلاه عبدالله قولي الاجوبه عبدالله فهمها : قبل لا اقولك الاجوبه بقولك شي مها : شنو عبدالله : ليت الحياة مثل عيونك حتى في حزنها جميله مها استحت :.........0 عبدالله : طيب خليني اقولك الاجوبه الاسم مها مها هنا ابتسمت عبدالله : والحيوان ماعز ......... الخ مها : طيب يلاه حرف الغين وبداوا يلعبون الين اساعه 11 بالليل وفازت مها عليه مها : انا الفايزه عبدالله : شوفي انا خليتك تفوزين ترا مها من كثر ماهي مبسوطه نست نفسها : ايه مصدقتك ماعليك عبدالله : طيب يلاه اختاري المسلسل مها : انت وش ودك عبدالله : فلم رعب مها : لاحول انت صدقت على طول , خلاص انا بختار عبدالله : يلاه اختاري مها ناظرت الساعه : عبدالله اساعه 11 وش رايك تروح البيت تنام عبدالله : ومن قال اني بروح البيت اليوم مها : اجل عبدالله : بظل هنا مها : ليه عبدالله : لانك موجوده مها استحت : عبدالله لا بليز روح عبدالله : مها رجاءً لا تناقشيني بهذا الموضوع واذا كنتي متضايقه من وجودي بطلع بس ترا ماراح اروح البيت اوكي مها : لا مو متضايقه بس ما ابي اتعبك معي عبدالله : وربي يا مها تعبك راحه وراحه ماتنوصف مها استحت ونزلت عيونها وحست بأحاسيس غريبه داخلها عبدالله ابتسم : زلة اللسان مها حست بشعور حلو ماينوصف: عبدالله فيه اشياء بداخلي كثيره ودي اقولها لك عبدالله : انا كلي لك قولي لي مها : لا مو الحين خلها بوقتها عبدالله : خلاص ان جاء وقتها بتحصليني عبدالله بداء يجهز الكمبيوتر وصارت مها تتأمله مها ( ودي اقولك الي بداخلي ودي اقولك اني شكثر احبك شكثر قلبي متعلق فيك وشكثر ندمانه على الي سويته معاك شكثر ندمانه على كل لحظه من عمري بدونك ابي اقولك شكثر ندمانه اني وقت الطفوله ماكنت معاك خلاص خلاص عبود اوعدك بكره بقولك كل شي كل شي) عبدالله : يا حلوه وين سرحتي مها : ما سرحت بس افكر شنو اختار لك مسلسل نتابعه عبدالله : مو تقولين تركي مها : ايه , طيب وش رايك بفريحه عبدالله : خوش بنت اعرفها كويسه مها : ههههههههههههه بدون استهبال عبدالله : مدري عنك تقولين لي فريحه منهي مها ماحست بنفسها : شوف عبود هذا... عبدالله قاطعها : شنو قلتي مها : شنو عبدالله : شنو قلتي عيدي مها : قلت شوف عبدالله : شوف شنو مها فهمت مقصده : ولا شي خلاص عبدالله : يازين اسمي على لسانك مها : عبدالله بس وربي قلبي ما يتحمل كذا عبدالله : اسف معليش كملي شنو هالفريحه مها : شوف هو مسلسل حلو وفكرته حلوه عبدالله كان مبسوط يكلمها ويناظر بعيونها وهي ماهي حاسه تسولف : ايوه كملي مها : يعني هالمسلسل قصة تقول عن بنت كل المصايب تجي فوق راسها وهي تحب واحد اسمه امير وهو يحبها هي من طبقه منخفضه وهو من طبقه مرتفعه بين قوسين ( الغنيه ) وصارت تحكي له القصه كامله عبدالله سرح بجمال عيونها ( لان مها عليها عيون تميزها عن بنات العليه كلهم وهي محليتها اكثر ) مها : عبدالله انت معاي عبدالله حس بنفسه : هاه ايه معاك مها : كذاااب منت معي قول الصدق وين راح تفكيرك عبدالله : جد ماراح تفكيري مكان مها : لا امانه عشان خاطري تقولي عبدالله كل شي عنده الا خاطرها : سرحت بعيونك مها استوعبت ان طول هالفتره عبدالله يناظر بعيونها ولفت وجهها الجهه الثانيه علطول عبدالله : تدرين لما بكون معك انسى كل شي الزمان والمكان وانسى حتى نفسي انسى اني موجود انسى اتنفس انسى العالم كله مها ( ياويلي يا عبدالله لا تذبح قلبي تكفى ) منحرجه : خلنا نتابع مسلسلنا عبدالله وهو يناظر بعيونها وهايم فيها : تحبك روحي واحسك نفس هالروح واشتاق لك بدون اسباب مدري ليه والله مدري كيف اشرح لك احساسي احسه اكبر من البووح وتدرين قلبي يحبك اكثر من انه يحبني مها وصلت مرحله بيوقف قلبها فيه ونزلت عيونها تحت عشان ماتشوف عبدالله : عبدالله كفاية عبدالله حس على نفسه : اءاء انا اسف علي الي سويته مها بجديه وحط عينها بعيونه : عبدالله بقولك شي عبدالله : هلا مها : عبدالله تكفى لا يجي اليوم الي تكسرني فيه عبدالله : الموت اهون لي على اني اكسرك مها : عبدالله وربي انا محترمه واخاف الله لا تحسب ولا تحط بيوم ببالك اني قليلة ادب ممكن اسوي الي اسويه معك اسويه مع واحد ثاني عبدالله : لا لا يا مها انا خطيبك ولا نسيتي اني خطبتك من جدتي مها تذكرت خطبتها من فواز : مهما كان انت خطبتني خطبه سريه محد بيعرف فيها عبدالله : مها انتي حاطه ببالك ان ممكن تطحين من عيني مها : اخاف يجي يوم وتعايرني بهذا شي عبدالله : لا يا مها لا تفكرين في هذا شي ابد مها : عبدالله وربي مدري ليش انت الوحيد الي اتنازل عنده عن جميع قناعاتي عبدالله انبسط : تحبيني مها استحت ونزلت راسها عبدالله : جاوبيني مها ( انت كل حياتي ) : شغل المسلسل عبدالله احترم رغبتها : راح يجي اليوم الي اسمعها منك وشغل المسلسل وصاروا يتابعون المسلسل من الحلقة الاولى : : اساعه 3 الفجر مها بدا يجيها النوم وبدت تنعس عبدالله نفس شي وبمجرد ما مرت نص ساعه الا كلهم ناموا ( عاشوا يوم من الخيال يوم كان جميل من كل نواحي يوم جدد الحب بينهم بس هالتجديد راح يكون غير لهم وبالاخص مها ماعاد تقدر تفكر تعيش يوم بدون عبدالله حبها وصل لمرحلة الجنون ) : : اليوم الثاني ( يوم العملية ) اساعه 11 الصباح صحت مها وشافت عبدالله جالس على الكرسي وراسه على السرير الي هي فيه وغاط بالنوم مها صارت تركز بملامحه وقربت يديها من وجهه وصارت تتحسسه وبعدها بعدت يدها مها ( ياويلي عليك يا عبدالله اكيد ظهرك بيوجعك ) : عبدالله , عبدالله اصحى عبدالله صحى وصار يحرك راسه يمين وشمال وابتسم : صباح الخير يا اجمل انسانه بهذا الكون مها استحت : صباح النور عبدالله : اساعه كم الحين مها : اساعه 11 عبدالله : اوف ما عاد باقي على عمليتك الا ساعتين مها : ليش متى العمليه عبدالله : اساعه 1 مها بدت تخاف : اها اوكي عبدالله حس بخوفها : لا تخافين العملية سهله ان شاءالله مها : توجع ؟ عبدالله : يعني شوي مو مره مها : طيب امي بعدها راح يروح عنها الوجع عبدالله : ايه لا تخافين مها : طيب انا اقدر اعيش بكليه وحده عبدالله : ايه واذا لا سمح الله ماقدرتي انا موجود مها : وشلون يعني انت موجود عبدالله : يعني راح اعطيك كليتي لا تخافين مها : لا مستحيل اخليك تتعب عبدالله : كم مره اقولك تعبك راحه مها استحت : ............. عبدالله : يلاه انا بروح اشوف الاجراءات حقتك واشرف عليهم وبخلي ابوك واخواتك يجون يزرونك مها : طيب بتكون موجود وقت العمليه عبدالله : وهذا سوال يا مها اكيد بكون موجود مها ابتسمت : اوكي عبدالله : برسلك فطور ولازم تفطري ترا عشان العمليه اوكي مها : اوكي عبدالله : يلاه مع السلامه مها : مع السلامه عبدالله جاء بيفتح الباب بس تذكر شغله يبي يقولها : مها مها : هلا عبدالله : اليوم بعد نجاح العمليه بأذن الله راح اكلم ابوي يكلم ابوك عشان يخطبك لي مها استحت ونزلت راسها ( مشكلة مها انها عاطفيه بالحيل وتنسى كل شي قدام عاطفتها يعني انها نست سالفة خطبتها لفواز ) وراح عبدالله وكلم الممرضه عشان تخلي اهلها يزرونها عبدالله : دكتوره سحر الدكتوره : هلا عبدالله : امانه انتبهي لها الدكتوره : من عيوني لا تخاف عبدالله : لا تخلينها تتوجع اوكي الدكتوره : ما عليك يا عبدالله ما تخاف عبدالله : كم تتوقعين تاخذي وقت للعمليه الدكتوره : اتوقع ساعه الى ساعتين ناخذ منها الكليه بس عبدالله : اوكي وراح وجاب لها فطور وعطه الممرضه الممرضه دقت الباب مها : تفضل الممرضه : كيف حالك مها مها : الحمدالله الممرضه : هذا فطورك لازم تاكلينه كله اوكي مها : اوكي يعطيك العافيه الممرضه : يعافيك , وترا اهلك موجودين تحت متى تبيني اخليهم يدخلون عندك مها : الحين ياريت الممرضه : اوكي وراحت وعطتهم خبر وراحولها ابو محمد : طيب يابنيتي وشلونك الحين مستعده للعمليه مها : ايه يبه ماعليك محمد : ياخي مستغرب من شغله ابو محمد : شنو محمد : خويي تبرع لابوه قبل فتره بكليته بنفس المستشفى وما سوو الي سووه مع مها ابو محمد : وشلون يعني محمد : يعني مدخلينها غرفه خاصه ومانعين احد يدخل عليها وشلون كذا مها ابلعت ريقها ابومحمد : طيب وسووها لاختك وش فيها يعني محمد : لا بس مستغرب ابو محمد : ماعلينا الحين المهم ان امك واختك يطلعون بسلامه و بس دخلت عليهم فرح واماني وهديل فرح : يبه عماتي وخالاتي بيجون ترا العصر ابو محمد : وليش يجون خليهم يجون للبيت بكره لاني انا كلمت الدكتوره تقول اذا نجحت العمليه راح يطلعون امك واختك بالليل فرح : عادي يبه خليهم يجون ويشوفون البطله مهاوي ابو محمد : الله يكون بالعون انا بروح لامكم فرح : ياعيني على الحب يناس ابو محمد : هههههههه احبها واموت فيها بعد اماني : الله يبه عنجد تحبها هديل : ايه يحبها ماتشوفين وجهه حزين مها : اذا امي صحت بعلمها ابو محمد : ياويلك تعلمينها فرح : الا بنقولها وبنخبر فواز يجي عشان مها بعد مها تذكرت انها مخطوبه لفواز وتضايقت : يبه ابو محمد : هلا يبه مها : اذا خلصنا اليوم ان شاءالله على خير ابي اطلب منك طلب ابو محمد : امري عيوني لك مها : بعد العمليه بقولك ابو محمد :طيب يلاه انا نازل تحت مع السلامه وطلع وجلسوا البنات عند مها الين وقت العمليه وقت العمليه الكل كان موجود بستثنأ الجده والكل كان خايف من فشل العمليه الممرضه : يلاه مها راح نعطيك مخدر عشان تنامين وماتحسين بشي مها والخوف واصل معها حده : طيب , بسالك عبدالله وينه الممرضه : عبدالله موجود تحت يشرف على التحضيرات للعمليه واضح انه يحبك حيل مها انحرجت : طيب سلمي لي عليه اوكي الممرضه : اوكي وعطتها الممرضه ابرة التنويم وبهذي اللحظه عبدالله دخل عبدالله : مها الله يقومك بسلامه مها وبدت تغفي : الله يسلمك عبدالله : احبك مها : وان........ ( نامت ) عبدالله : امانه انتبهو لها الممرضه : لا تخاف الدكتوره سحر ممتازه جداً ومرت عليها حالات كثيره من هذي النوع وراح تسوي العمليه بكل سهوله ويسر لا تخاف عبدالله : الله يسمع منك واخذوها الممرضات ودخلوها غرفة العمليات والكل اجتمع حوالين الغرفة ينتظرون اماني : خايفه هديل : لا تخافين بتنجح العمليه وبتطلع مها وخالتي سالمين غانمين اماني : الله يسمع منك عبدالله جلس بنفس الغرفة الي كانت فيها مها وخايف على مها كثير عبدالله ( يالله انك تساعدها وتوقف معها , باذن الله اذا طلعت سليمه راح اكلم ابوي يخطبها لي خلاص طفشت وانا بعيد عنها خلاص ابيها ابيها معي بكل شي ودي اخذها مكان بعيد نسافر لجزر المالديف ونسافر لليونان وننلعب بالثلج ودي اسوي كل شي يخطر ببالي ودي اعوض كل شي معها ودي اعيش سعادتي معها هي هي وبس ) وصار يتخيل الايام الي بيكون معها عند غرفة العمليات سهام تكلم فواز : طيب انت انتظر لما تطلع بالسلامه ان شاءالله فواز : بأذن الله بتطلع انتي اخذي الهديه وحطيها بغرفتها عشان او ما تطلع تحصلها سهام : الله يعيني عليك وعليها هاتها واخذت الهديه وراحت الغرفة ودخلت واتفاجأت بوجود عبدالله هناك سهام : اسفه كنت احسب مافيه احد وطلعت عبدالله ما اهتم فيها سهام ( غريبه هذا كأني شايفته قبل بس ناسيه وين ) فواز : ليه رجعتي سهام : كان فيه هناك دكتور بالغرفه فواز : اها طيب اذا طلعت لا تنسين تعطينها اوكي سهام : ان شاءالله ومرت ساعه وساعتين وخلصت العمليه وتمت بنجاح ولله الحمد ونقلوا مها لغرفتها الخاصه ونقلوا امها للغرفتها الاولى مها كان المخدر قوي على جسمها برغم ان الكميه قليله الا انه اقوى منها عشان كذا ما صحت لحد الحين ابو محمد : طيب يا دكتوره بنتي ليش ما صحت الدكتوره : المخدر طلع قوي على جسمها يبي لها ثلاث ساعات الى اربع سااعات حتى تصحى ويفضل محد يجلس عندها حتى تصحى اوكي ابو محمد : طيب يعني مافيه اي خطر عليها الدكتوره : ايه ما عليك ابو محمد : يعطيك العافيه وراح لام محمد الي الكل كان مجتمع حوالينها لانها بتصحى بأي وقت فرح : هاه يبه الدكتوره شنو قالت ابو محمد : تقول المخدر كان قوي عليها عشان كذا لحد الحين ما صحت فرح : طيب ما قالولك متى بتصحى ابو محمد : تقول حوالي ثلاث ساعات الى اربع ساعات فرح : الحمد لله جواهر : المهم سلامتها هي وام محمد ابو محمد : ايه هذا المهم عند عبدالله الدكتوره : روح شوفها وتطمن بنفسك عبدالله : خبرتي محد يدخل الغرفه الدكتوره : ايه ماعليك يلاه روح عبدالله : عنجد مشكوره يا دكتوره الدكتوره : العفو وراح لعندها وشافها بدون غطى كانت نايمه زي الملاك عبدالله ( والله حرام هالوجه يتعب ويتعذب يالله وش هالجمال يامها عنجد انا محظوظ فيك الله يقدرني واسعدك مثل ما اسعديني ) وصار يتحسس وجهها وبعدها مسك يدها وحضن يدها بين يدينه وبابسها وجلس على الكرسي ينتظرها تصحى ( بأذن الله يا مها ماتطلعين من هذا المستشفى الا وانا خاطبك لازم اخطبها لازم انت لي لي لي ) ومرت ساعه كامله وصحت ام محمد ابو محمد : الف الحمد لله على سلامتك ام محمد : الله يسلمك والكل صار يتحمد لها بالسلامه ام محمد استغربت ان مها ماهي موجوده : مها وين لي يومين ما شفتها ابو محمد كاذب عليها يقول انها فالبيت عندها اختبار وقال ان الي بيتبرع واحد فاعل خير : هاه بنتك فالبيت بتجي شوي ام محمد : مستحيل بنتي مها تتركني يومين ماتشوفني مستحيل ابو محمد : تعرفين هذي اخر سنه لها ام محمد : قلبي مو مرتاح بنتي فيها شي مستحيل تتركني وما تشوفني وقت العمليه ابو محمد : يا عائشه استهدي بالله مافيها شي البنت ام محمد : اذا مافيه شي اتصل عليها خلني اكلمها ابو محمد تورط :....... فرح : يمه ما يحتاج اصلاً راح يطلعونك ونروح لها ام محمد : وربي بنتي فيها شي قولولي اخلصوا ابو محمد : شوفي يا عائشه بنتك مها هي الي تبترعت لك بكليتها وهي الحين بخير لا تخافين ام محمد انصدمت وبعدها صارخت : ليه ليه يا مشعل تخاطر ببنتك ليهه فرح : يمه هدي وربي مها مافيها شي ام محمد : بروح اشوفها وخروا عني ابو محمد : اذكري الله يا عائشه وكلها ككم ساعه وبتطلعين ام محمد : لا لا لالالالالالالالالالا ابي اروح اشوفها دخلت الممرضه : وش فيه هدي ياام محمد ام محمد : ابي اشوف بنتي الممرضه : ولا يهمك نعطيك بس ابره عشان تقدرين وتوقفين على رجولك ام محمد : لا لا ما ابي ابر ابي اروح لبنتي الممرضه وهي تجهز ابره عشان تخليها تهدى : طيب اخذي الابره بس عشان تقدرين تقومين ابو محمد : خلاص اخذيها وبعدين تروحين لها ام محمد : هاتيها ابسرعه الممرضه : طيب وعطتها الابره وبعدها نامت ام محمد الممرضه : عطيتها ابره منوم تريح فيها ابو محمد : طيب بنتي ما صحت الممرضه : لا باقي لا تخافون كل ما طولت بالنوم راح ترتاح اكثر ابو محمد : طيب : : انتهى البارت | ||||
|
|
|
06-07-19, 12:54 PM
| #19 | ||||
| اشراف القسم 
| تغلق الرواية لحين عودة الكاتبة لانزال الفصول حسب قوانين قسم وحي الاعضاء للغلق عند رغبة الكاتبة باعادة فتح الرواية يرجى مراسلة احدى مشرفات قسم وحي الاعضاء (rontii ، um soso ، كاردينيا73, rola2065 ، رغيدا ، **منى لطيفي (نصر الدين )** ، ebti ) تحياتنا اشراف وحي الاعضاء | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
