آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-05-19, 01:19 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ولد الترف والدلال / للكاتبة بنت الاكابر ، مكتملة
التعديل الأخير تم بواسطة لامارا ; 25-05-19 الساعة 01:21 PM | |||||||||||||
|  |
|
18-07-19, 04:20 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  رابط لتحميل الروايه هنــــــــــــــا بسم الله الرحمن الرحيم السلام عليكم ورحمة الله وبركاته هلا وغلا والله بكل اعضاااااااااااء روايتي الحلووووين اخباااااااااااركم ؟؟؟ وحشتووني قوي قوي >> هع فديتني صعيديه اليوم جبت لكم الروايه الثانيه لبنت االاكابر اكيد مستغربين انو غير اسمي وماعندي ولا مشاركه بس نسيت الباسووورد حقي والايميل مسروووق وماعرفت ارجعه << هع قلت قصة حياتي الموووهيم اخليكم مع الكاتبه بنت الاكاااابر ولد التــرف والدلال.،  (وبه نستعين) نبدأ معكم ......... ...في رحلة سباق مع الزمن ..... ..سوف نستقل القطار ليطلق صوته المزعج معلنا الانطلاق نحو محطات قربيه وبعيدة ..... .سعيدة وتعيسة ...... .....وفي كل محطة سوف نتوقف .......لنسرد لكم الحكايات ....... ....وعسى أن تنال أذواقكم ....... ملاحظة قبل البداية :: * روايتي السابقة (ضحية رجلين ) انتشرت بين معارفي باسمي الشخص لكن الآن فضلت بنت الأكابر للنشر ..علما أن جميع الحقوق محفوظة ...ولا أمانع بنقلها إلى منتديات أخرى .......مع الاحتفاظ بالاسم والوعد عند العزيز الجبار....... وأحب أشكر من تابعني في روايتي السابقة ولم أذكر أسمائهم وهم (وردة الزيزفون ,سهم الغلا ,مرمر 916, حبيبتهـــ , روح العزة , عنود الريم اتعبني غروري ,مستحيل أنساك , خواطر مكسورة ,احلى زيزي , ورده الحب Ya30mRy , a7La RaZoO, Fugitive, Arigato, OoDala3Oo) وغيرهم مما لا يسعني ذكرهم ......لكم خالص مودتي ............ محبتكم :بنت الآكابر نبدأ بعايلة البطلة : أبو حصة : فراش في أحد المدارس الأهلية الكبرى في الرياض أنسان هدته الدنيا لم قالت بس.. مريض بالسكر شافانا الله لكن طبعه قاسي... ام حصة : فراشة في نفس المدرسة اللي يشتغل فيها زوجها .. حصة : بطلة القصة عمرها 21 سنة تخرجت من الثانوية بمعدل 97% لكن ما كملت دراستها لأن تقدم لها واحد ولد عز ويبي وحدة ما تدرس وزوجها ابوها له بالغصب بعد ما أخذ نص مهرها وسدد ديونه... طولها 160 وزنها 50 متوسطه الجمال .. بشرتها برونزية وشعرها ناعم لحد كتوفها لونه أسود كالليل... منيرة18 سنة : في ثالث ثانوي علمي تدرس بهمة تبي تتخصص طب لطيفة 15 سنة: في ثاني متوسط ... ............................................ أعرفكم على العائلة الثانية : اللي هي عايلة زوج حصة وهم ناس متفتحين مره كل شي عادي ومعروف أنهم ما يتغطون على بعض: أبو مشاري : من ديرة لديرة رجل أعمال له سمعة في السعودية خاصة له بنك مشهور ومعروف باسم العائلة أنسان كبير في العمر لكن الفلوس مصغرته ... أم مشاري : عجوز مدلعتها الفلوس وشايفه نفسها وتحس أن كل الناس صغار عندها .... مشاري : 35 سنة مهندس ويشتغل مع أبوه متزوج وحدة اسمها (سارة) من نفس الطبقة الأجتماعية وعنده من العيال : بدر : 10 سنوات دانه : 8 سنوات وهي حامل في الثامن اللحين ... مشعل : 30 سنة دكتور طب أطفال إنسان طيب مره ولكن الله رزقة بزوجة متسلطة اسمها (صيته) وله من العيال : شوق:9 سنوات سلمان :5 سنوات رند : 3 سنوات سلطان 28: زوج حصة البطل الثاني ..... انسان متعجرف ....عصبي ...... دكتور في مجال الحاسب ...... راح تكتشفون شخصيته من خلال الرواية ... طوله 175 وزنه 75 جسمه رياضي عيونه سودا وواسعه خشمه طويل شوي .... وله سكسوكه لكن خفيفة .... وهو أجمل بكثير من حصة ... ماجد22 سنة: داج رايح فيها عايش حياته مثل ما يبي وأكثر ... خلص الثانوية وجلس ما كمل لأنه مو قد الدراسه وهمه الوناسه وبس لكنه خدوم من الدرجة الأولى ويحب يساعد الغير.. وهو أحلى الرجاجيل في العائلة ...... جواهر25 سنة: متزوجة واحد اسمه رائد وعندها ولد عمره 4 سنوات اسمه نواف ... رتاج 20 سنة: قمة التعالي وعنيده و غبية و ينلعب عليها تدرس قسم فنية في جامعة الملك سعود (مائلة للبياض بس مو البياض الأصلي عيونها صغار وسودا خشمها صغير خدودها مليانه شعرها أسود مخصل ببني فاتح ويوصل لتحت كتوفها بشوي طولها 162 ووزنها 50 ..)) وبعد رتاج لها مجرى أخر في القصة من ناحية البطولة ,,,, ربى 18 سنة: ثالث ثانوي علمي ... حبوبه ((طولها 155 قصيرة,,, ووزنها 45 ,, بشرتها قمحية وشعرها بني يوصل لنص ظهرها ملامحها حاده وتميزها غميزة وحيده على خدها الأيسر)) شوق 16 سنة: أول ثانوي طيبه لكن أوقات الشدة عصبيه ((بيضا بياض أصلي عيونها وسط لونها بني غامق شعرها أسود قصير مره لحد أذنها ما تحب تطوله أبدا وزنها 44 طولها 156 ... ملامحها ناعمه مره )) .................... أحداثي راح تدور بين العائلتين بس ماراح أتوسع أكثر من ناحية الخوال والعمان لأن الرواية بتكون أطول من ماهي طويلة يمكن أذكر أسماء من الأقارب لكن ما راح أركز عليها ,,أتمنى لكم قراءه ممتعة ,,,........ .................................................. ........... التعديل الأخير تم بواسطة فيتامين سي ; 18-07-19 الساعة 04:59 PM | ||||
|
| |
|
18-07-19, 04:22 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المحطة الأولى :::::::::::: في أحد قصور الرياض ........ اللي يميزها الفخامة من الداخل والخارج .... اللي يميزها برضو الهدوء وكأن محد ساكنها ...... في مكان أهدا ما ينسمع إلا صوت الساعه المزعج أحيانا ...! جالس على مكتبه ويحوس بأوراقه وكأنه يدور على شي ....... جت له حصة وشافته على حالته وبأبتسامه:مضيع شي ؟؟ سلطان رفع راسه لها و بأشمأزاز :خليك في حالك ترى ماني رايق لك ... حصة اللي راحت ابتسامتها وما قدرت تقول غير كلمة:أن شاء الله ومشت عنه لكن ناداها :سم سلطان بأمر:جيبي لي كاس موية .... حصة :إن شاء الله بس بارد ولا وسط؟؟؟؟؟؟؟ سلطان يكره هالأسئلة البايخة : ما تشوفين الجو وشلون صاير أكيد أبي بارد حصة بتبرير:لا بس قلت أخاف يعورك سلطان بحزم:أنا أدرى بمصلحتي .... حصة تسكت عنه وتروح تجيب له موية وياخذه الكاس منها ويشربه بسرعه ويعطيها الكاس عشان ترجعه وراحت ودته ورجعت لقته جالس على الكنبه ومركز على الأوراق ومن دون ما يطالع:نادي لي شوق ... حصة : بس شوق نايمه سلطان : قلت روحي ناديها بسرعه .. طلعت حصة بسرعه وتروح لغرفة شوق طقت الباب وفتحت لها وعيونها متتفخة من النوم :ها حصة انحرجت : آسفة قومتك من النوم شوق : لا عادي قايمه قبل وش صاير حصة : يبيك سلطان شوق بأستغراب :أنا؟؟؟؟؟؟؟؟ حصة :ايه ترى معصب تعالي بسرعه شوق :بأبدل ملابسي وأجي ... حصة : خذي راحتك .. وراحت عنها وهي دخلت تبدل ملابسها لأنها لابسه البجامه وامها معودتهم ما يمشون بها في البيت .... في قسم سلطان وحصة .. سلطان :وينها ؟ حصة : بتبدل ملابسها وتجي ... سلطان تنهد :وانتي ليش لابسه هالبس.؟؟ حصة تطالع نفسها : وش فيه ....؟؟ سلطان : أنا كم مره أقولك لا تلبسين تنورة طويله ؟؟؟ حصة : وش أسوي دامك مخليني أفتش لأخوانك لازم ألبس شي ساتر سلطان : وش معنى حريمهم مالبسو مثلك وهم يفتشون لي ... حصة :عاد هم طبيعتهم كذا أنا ما تعودت ... سلطان : 3 شهور متزوجين وكم مره طلعتي عليهم بالبس اللي أبغاه وش معنى اليوم ؟؟؟ حصة جت بترد لكن أنطق الباب .... سلطان : أدخلي ... دخلت شوق : سلام سلطان ما رد :أجلسي جلست شوق :وش عندك ... سلطان : من بكرة تداومين في مدرسة ثانية .. شوق :نعم ؟؟؟ سلطان :مدرستك سمعتها شينة في الرياض نقلتك لمدرسة ثانية شوق:ومن قالك تتصرف بدون ما تاخذ شوري سلطان :علم ووصلك من بكرة تداومين في مدرسة(........)... شوق اللي خنقتها العبرة : مو على كيفك أنا أبي أجلس في هالمدرسة ما أبي أنقل ... سلطان : ترى السواق دليته المدرسة عشان يوديك بكرة لها وخذي هذي أوراق عطيها الأدارة بكرة وماكمل كلامه إلا شوق طالعه من قسمهم ركض نزلت بسرعه تحت :يمــــــــــــــــــــه شوفي سلطان ,,,,, أم مشاري اللي تطالع التلفزيون وما لفت لها : وش فيه؟؟ شوق : نقلني لمدرسة  ..)بدون ما ياخذ شوري أم مشاري : أنا قلت له ينقلك لها المدرسة شوق بصراخ :أبـــــــي مــــــــع صديقاتي مو على كيفكم ترى والله ما راح أروح لهـــل الـــــــــــــــــمدرسة أم مشاري : من الأدب ما ترفعين صوتك وانا اللي نقلتك ومن بكرة بتداومي في المدرسة الجديدة ... شوق وهي مقهورة :ما بروح ما بروح ما بروح وصارت ترددها لم رقت الدرج رايحة لغرفتها وسكرت على عمرها .... .......... يدخل البيت ويلقى أمه جالسه :هاي أم مشاري : هلا حبيبي وينك ماجيت على الغدا؟؟ ماجد : تغديت مع واحد من الربع أم مشاري : كم مرة أقولك أن الغدا هي الوجبة اللي ماتتغيب عنها العشا بكيفك.. ماجد:اااوه نسيت قوانين العائلة يله سامحينا بكرة باتغدا معكم ..... أم مشاري : روح بدل ملابسك وتعال أجلس معي ... ماجد : لا وين مامي أنا تعبان وأدور السرير بأروح أنام وخلي الشغالة تصحيني المغرب ... أم مشاري : براحتك ... مشى ماجد ويرقى الدرج ويتلاقى مع حصة :هلا حصوص ؟؟؟ حصة ابتسمت رغم ان سلطان طردها من القسم حتى ما تصدر صوت مزعج ويتنرفز:هلا ماجد وش أخبارك؟؟؟ ماجد : تمام كيفك أنتي ؟؟؟ حصة :تمام عسى ما شر ما شفناك على الغدا ؟؟؟؟؟؟؟؟ ماجد : متغدي برى حصة : بالعافية ماجد: على قلبك وين سلطان ؟؟ ماجد : في الغرفة .... ماجد : أجل أستأذن بأروح انام حصة : أذنك معك ...... مشى ماجد وهو مستغرب من سلطان ليش ما يعامل حصة مثل الأزواج الباقين مع أنها طيبه وحبوبه طنش تفكيرة وراح لغرفته ونام ..... ...................................... رتاج جالسه هي وصديقتها في المملكة دقت عليها شوق وهي تصيح :وش صاير ؟؟؟ شوق : تخيلي رتاج نقلني سلطان لمدرسة ثانية رتاج : ههههه وبس كل هالدموع عشان كذا؟؟ شوق : لأنك ما تحسين فيني ابي صديقاتي رتاج : تقدرين تشوفينهم إلا نقلك أي مدرسة ؟؟ شوق : مدارس(.......) رتاج تذكرت شي وبسرعه: مجنون سلطان شوق :شفتي كيف ؟؟ رتاج : مو على المدرسة تعرفي أكلمك بعدين باي...وسكرت سكرت شوق ومستغربه وش في رتاج؟؟؟؟؟؟؟... .............................. منيرة معصبه :اطلعي برى الغرفة خليني أذاكر لطيفة بعناد:ما راح أطلع مو غرفتك لحالك منيرة :اطلعي بكرة عندي أختبار يله برى أم حصة :وش هالأزعاج أبوكم نايم منيرة :يمه شوفي لطيفة بكرة علي أختبار فيزيا ومو مخليتني أذاكر ... أم حصة : لطيفة قومي عن أختك لطيفة تقوم ما تقدر تقول لامها شي:ياربي محد عنــــدي أفففففف هزت أم حصة راسها وطلعت من الغرفة بعد ما سكرت الباب بقوة لأنه ما يتسكر إلا كذا ... ورجعت منيرة تكمل درستها اللي قطعتها لطيفة بسواليفها وتشكيها من حالهم ................ رتاج تدخل البيت حول المغرب وتروح للمصعد مو رايقة ترقى الدرج وهي لابسه كعب ... انفتح المصعد على وجه أمها ... رتاج :هاي مام تعالي بأقولك شي خطير .. أم مشاري : وش صاير ؟؟؟ رتاج تمسك يد امها :مام من جد سلطان نقل شوق لمدرسة ...)؟؟أم مشاري :ايه مدرستها مو زينة ... رتاج بصوت واطي: بس الفراشه حقت المدرسة أم حصة حتى الحارس أبوها ... أم مشاري بقرف: والله اللي نسيت أستغفر الله ! بأروح أقول لسلطان يغير لها المدرسة ........ رتاج : والله فشيلة أم زوجة أخوي فراشه هذا اللي ناقصنا ... أم مشاري :أيه والله فشيلة بس أحنا دفعنا لهم رتاج :مو مشكلة عادي يرجعون بس أهم شي ما تتفشل شوق هناك .. ام مشاري :مالي خبرة في المدارس دوري لأختك مدرسة كشخة خلينا نسجلها رتاج : اوكي بأدور لها إلا هي وينها ؟؟ أم مشاري :زعلانه مسكره عليها غرفتها رتاج :ههه وين أخواني ماجو من فللهم بيذن المغرب أم مشاري :مدري عنهم بالعادة يجون يتقهون ويرجعون ... (أبو مشاري باني فلل صغيرة لعياله في نفس سور القصر )) رتاج : المهم لاجو لا تناديني مو فاضية لإزعاج بزارينهم أم مشاري: بتنامين ؟؟ رتاج : ايه بنام لم العشا وصحوني لا تنسوني وراي مشاوير للمكاتب عندي أغراض أبيها أم مشاري:خلي السواق يجيبها لك رتاج : لا مام( خان ) ما يعرف وش أبي أم مشاري :مدري وش مدخلك هالقسم رتاج : بالعكس مره فيه ذوق أم مشاري :روحي نامي بس رتاج :ههه اوكي ومشت عن أمها وصوت كعبها يسبق خطوتها ....بعد المغرب...في صالة البيت الرئيسة ... مشاري :بدر أجلس لاتزعجنا بدر اللي يدور في الصالة : لااا مشاري عصب:بــــدر بدر : خلاص بأجلس أم مشاري : وين مرتك ؟؟ مشاري:رايحة تزور أهلها أم مشاري : بس اليوم الأحد مو الخميس ؟؟ مشاري : وش أسوي لها قالت بأروح لأهلي أم مشاري:"أها كيفها ,, نزل سلطان من الدرج وسلم وجلس :هلا بو بدر مشاري:هلا فيك وش العلوم سلطان :الحمد لله مشاري:بتداوم اليوم سلطان : لا قلت لواحد ياخذ مكاني قايل للوالد ما أبي دوام ليلي مشاري : الشكوى لله أجل وين حصة؟؟؟ سلطان بدون أهتمام:مدري وينها؟؟؟ أ"م مشاري:ذكرتني قلت لرتاج تدور مدرسة ثانية لشوق غير اللي نقلناها لها سلطان عاقد حواجبه :ليش؟؟؟؟؟؟؟ أم مشاري : لأن أبو حصة حارس المدرسة وأمها فراشة المدرسة وفشيلة لشوق لم يدرون البنات أن أنك ماخذ بنتهم .. سلطان وهو يقوم:اها كيفكم بنتكم ودبرو عمركم معها مالي شغل بأحد أم مشاري :من متى أصلا صرت تنشغل بأحد كل أهتمامك على ست الحسن والدلال ولا خواتك قلعتهم هـــــــــــــــا سلطان طلع من البيت دون ما يرد عليها ... مشعل : هلا سلطان سلطان مشى عنه ومارد ركب سيارته ومشى واستغرب مشعل منه ودخل البيت :السلام عليكم الكل:وعليكم السلام مشعل:هلا بدور تعال سلم على عمك راح بدر وسلم وجلس جمبه .. مشعل :وين دنو بدر:راحت مع ماما مشعل :وين؟ بدر:عند جدتي... مشعل : اها إلا وش فيه سلطان طالع مسرع حتى ما رد علي لم سلمت أم مشاري :ما عليك منه وانت الثاني وين مرتك؟؟؟؟؟؟ مشعل:رايحة المشغل تقص شعرها وبترجع أم مشاري :وين عيالك مشعل :يلعبون في الحديقة بدر على طول لم سمع أنهم في الحديقة طلع يلعب معهم... مشاري : نمت لم جيت مشعل : لا والله قلت بعد العشا أتعشى وأنام أحسن كذا مشاري : الله يعينك على دوام هالمستشفيات مشعل :ايه والله تصدق اليوم جتني بنية عمرها 4 سنوات منكسر كتفها طايحة من الدرج ولم سألت أمها عن الأسباب تقول ما تدري شكيت في الموضوع مشاري : يعني الطيحة مقصوده؟؟ مشعل :ظنتي أحد مطيحها مشاري: لا تشغل مخك في الناس أنت طبيب مهمتك تعالج وخلاص مشعل : بس لازم أعرف من واجبي يمكن يكون عنف أسري أو شي ههه مالكم خبرة في هالأمور ماله داعي أتكلم معك فيها ..سكت شوي :وين البنات؟ أم مشاري : رتاج نايمه وشوق في غرفتها وربى مدري عنها ..... مشعل:طيب أنا طالع ... تبون شي ؟؟؟ أم مشاري :وين ما قعدت مشعل :مشغول ............تبون شي أم مشاري : سلامتك ..... مشعل :مع السلامه وسلمي على البنات أم مشاري :يوصل .. قام مشاري معه وعلى نزلت حصة من الدرج وبسرعة نطقت ها الكلمات :خالتي ربى حرارتها مرتفعه مره.... أم مشاري تقوم :وينها حصة تاخذ نفس:في غرفتها ركض مشعل يلحق على أخته ووراه مشاري دخلو غرفة ربى لقوها على السرير وجهها أحمر وتونون راح مشعل لها يشوف وش فيها بما أنه دكتور: حصة جيبي كمادة بارده وخافض للحرارة بسرررعه ركضت حصة تجيب مثل ما طلب مشعل .... مشاري طلع من الغرفة ما يحب يشوف مثل هالمناظر وطلع من البيت ,,,, وحصة جابت الكمادة والدوا وشربه مشعل لربى وحط الكمادة على جبينها :من متى والحرارة فيك؟؟ ربى اللي دموعها تنزل :م..ن جي..ت من المدرسة مشعل : الله يهديك أم مشاري تطالع حصه:حصة تعرفين أنها مريضة من زمان ولا قلتي لنا ؟؟؟!! حصة بسرعه : لا والله خالتي ما كنت أدري إلا تو لم مريت من الغرفة وسمعت صوت ونتها أم مشاري : لا تدرين من قبل وهي كانت جالسه معك الظهر ماحسيتي بها وش هالغباء ؟؟؟؟؟؟؟؟؟؟؟؟؟؟؟ مشعل:يمه ربى تعبانه أجلو هواشكم لوقت ثاني كانت كلام مشعل كافي أنها تسكتهم أو تسكت امه اللي بتقلبها هواش مع مرة أخوه الفقيرة .... غطت ربى نفسها بالبطانية وقالت :اطلعو أبي أنام مشعل :بأمرك بعد ساعه وحصة اجلسي عندها غيري الكمادة ويمه قولي للخدامه تجيب موية باردة أم مشاري:ما ودك تاخذها المستشفى ؟؟؟ مشعل : لا ما فيها شي حرارة وبتروح إن شاء الله وإذا جى بكرة وما تحسنت رحنا للمستشفى مع أنه ماظنتي بتستمر لبكرى بهالحالة ... أم مشاري تطلع من الغرفة وبأمر: حصيص انتبهي لها ولا بتشوفين شي ما شفتيه ... مشعل طالع حصة بمعنى (اصبري عليها) طلع مشعل وحصة صارت تغير الكمادة لربى كل 3 دقايق بعد ما جابت الخدامه الموية الباردة وخلتها تبدل ملابسها بشي خفيف .. طق طق طق حصة :أدخل دخل ماجد اللي لابس ثوبه وبيطلع:وشفيها ربى ؟؟؟ حصة : لا بس حرارة وبتروح إن شاء الله ماجد :أها كيفك ربى اللحين ؟؟؟ ربى ما ردت عليه مافيها حيل ترد .. ماجد : مالت عليك ترى أنا طالع وطلع من الغرفة ... ربى : روحة بلا رده حصة أستغفرت في نفسها وجلست تفكر وين بيكون سلطان موجود اللحين بيرجع عند العشا ولا بيسهر مثل كل يوم للساعة 2 انقطع تفكيرها بدخول الشغالة الغرفة معها موية باردة جديدة عطتها القديمة وراحت لكن ما سكرت الباب وراها قامت تبي تسكره لكن شافت سلطان مار في السيب نادت عليه : سلطان لكن هو عارف أنها تنادية لكن كمل مشيه للقسم حقهم مو هو سلطان عشان يوقف لحصة! لحقته حصه لم دخلو الغرفة ...:سلطان سلطان طالعها :نعم حصة :بتنام سلطان:ايه حصة : طيب تعشا قبل لأنك ما تغدين زين اليوم سلطان : كيفي متى ما بغيت كلت لا تقلقيني حصه :طيب أصحيك متى ؟؟؟ سلطان يطالع الساعة كانت 7 ونص المغرب : بعد ساعتين حصه : إن شاء الله سلطان :ورتبي شناطك بأوديك لأهلك حصه اللي طاح قلبها :وش صاير ؟؟؟؟؟ سلطان : بسافر بكره للجده حصه ارتاحت :أها أجهز شناطك سلطان :لا حصه:براحتك بس متى بترجع ؟؟؟؟ سلطان :متى ما بغيت وسكري الباب واطلعي خليني أنام حصه خافت لا يعصب طلعت وسكرت الباب وراحت غرفة الملابس ترتب شنطة لها وشنطة لسلطان اللي أكيد بيقول للشغالة ترتب له بترتب له هي ....ونست عمرها مع الملابس...! ....................................... مشعل يدخل البيت وطوالي على المصعد رقى وراح لغرفة ربى لقاها مثل أول مره جاها وأكثر رجعت حرارتها تنتكس دور على حصة ما لقاها لبس ربى عبايتها ونزلها بسرعه معه وطلعو من البيت .. من دون ما أحد يحس فيهم .... حصه سمعت صوت جوال سلطان يرن في الصالة راحت بسرعة تسكته عشان ما يزعج سلطان وهو نايم شافت المتصل: (أبو سلمان)اللي هو مشعل ترددت ترد ولا لا ؟؟ لكن انتفضت بسرعه وتذكرت ربى اللي نستها طلعت من القسم ركض لغرفة ربى ما لقتها موجودة تأكدت أن مشعل جى وشافها راحت بسرعه ودقت على مشعل اللي أول مره يتكلم معها بهالطريقة مشعل : ويــــــــنك أنتي فيـــه؟؟؟؟؟؟؟؟؟ حصة ما عرفت وش ترد حست بالذمب اللي سوته : أنــ,,,ا أسفه مشعل:وين أمي قولي لها أنا في المستشفى مع ربى جايتها حمى قوية ياليت تجي بسرعه .... حصة سكرت على طول وطيران لخالتها اللي جالسه تحط مكياج في غرفتها :خالتي ربى خذاها مشعل المستشفى ؟؟؟ كانت تتوقع ردت فعل قوية على وجهها أو تسأل وش فيها لكن ردت ببرود : أنا قايله له ودها وهو ما يفهم ؟؟؟؟ حصه:بس هو يبيك ضروري لأن ربى مرتفعه حرارتها مره قامت أم مشاري : روحي أنتي أنا مشغولة بأطلع حصه انصعقت وش هالأم لكن ما ردت عليها طلعت من الغرفة رايحة لقسمها تقوم سلطان يوديها لمستشفى لأنه ما يسمح لها تركب مع السواق حاولت تقوم فيه لم قام وعرف أن ربى في المستشفى لبس ثوبه بسرعه ودق على مشعل يعرف أي مستشفى وأي غرفه وربع ساعه من طلعتهم من البيت لم وصولهم للغرفة اللي جالسه فيها ربى و نايمه وجهها أحمر من الحرارة و اسعفوها بسرعه وخفضوها بإبرة ... كانت نظرات مشعل لحصة نظرات تخوف كأنه يتوعدها بشي ... لكن عارفة انه طيب وما بيقول لسلطان ويسبب لها مشكلة . و مالقت إلا أنها تنزل دموعها على أهمالها اللي سبب لربى هالحاله ... لكن سكتها سلطان اللي ما كان يعرف أنها نستها وراحت ترتب الشناط ولا بيسوي لها سالفة .. جلسو نص ساعه عند ربى لكن أستأذن مشعل منهم وطلع جلس سلطان عند ربى لم قامت من النوم ... سلطان: سلامات ربى ما كانت تقدر تنطق من جفاف حلقها وأشرت على برادة الموية اللي عندهم وراحت حصه وصبت لها كاس وشربتها لها .. ربى : الله يسلمك .... رن جوال سلطان وكانت أمه اللي نزلت عليها الرحمة ودقت تسأل وش في بنتها ... سكر سلطان منها بعد ما طمنها وراح للدكتور يسأل إذا تحتاج تنويم في المستشفى ولا لا ... وقال الأفضل تجلس لم بكرة والصباح تطلع .. وهذي حركات بعض المستشفيات الاهلية يطلعون فيك مية مرض عشان تنوم وياخذون حق الليلة ترك سلطان حصه عند ربى بعد ما وصته أنها جهزت الشناط له وهاوشها على لقافتها .. وراح البيت ونام ,,, ومرت الليلة عليهم وما فقدو ربى أبدا لأنها أصلا قليلة الطلعه من غرفتها بحكم ادمانها على الانترنت .. ..في يوم ثاني الساعه 7 الصباح كانت شوق داخله مدرستها الجديدة اللي ما راح تقعد فيها أسبوع لين ينقلونها مدرسة ثانية بعد ما عرفت الأسباب من أمها أن فراشة المدرسة أم حصة .,, سألت عن فصلها وسوت له المعلمه تعارف بين البنات بحكم أنها طالبه جديدة مع أن العام في بدايه .. ما عجبوها البنات أبدا ... في الفسحة نزلت تدور على أم حصه شافت فراشه تدور توقعت أنها هي لأنها ماقد شافت أم حصه أبدا... علت صوتها شوي عشان تسمعها :لو سمــحتي لفت لها الفراشه وبطيبه:نعم بنتي . شوق : أنتي أم حصه الفراشه: لا يا بنتي أم حصه ما داومت اليوم شكلها تعبانه شوق عقدت حواجبها: ليه وش فيها ؟؟؟؟ الفراشه : مدري ذا الأيام يوجعها بطنها شوق :وما راحت المستشفى الفراشه :والله أقول لها وتقول شده وبتزول شوق جتها في بالها فكرة مجنونه:وأنتي مين ؟؟؟ لفراشه :أنا أم عبدالرحمن شوق : تشرفنا وأنا شوق خالد آل ..... أم عبدالرحمن : أنتي جديدة ؟ شوق :ايه أول يوم لي هنا أم عبدالرحمن :وش عرفك بأم حصه شوق :معرفة قديمة إلا تعرفين بيتهم ؟؟؟ أم عبدالرحمن : ايه شوق اللي ناسيه وين بيت حصه:أبي وصفه ما مانعت أم عبد الرحمن من أن توصف لشوق بيت أم حصه لأن شكلها طيبه وتعرف أم حصه من زمان شوق لم خلصت من الوصف راحت بعد ما شكرتها .... ......... في مكان ثاني ....وكانت الساعة في حدود 12 ربى :خلاص دكتور أطلع الدكتور :ايه خلاص بس لازم أحد يجي من الأهل عشان أوراق الخروج والدفع ,,\ ربى تلف على حصة :وين مشعل ؟؟؟؟ حصه :دقيت عليهم كلهم محد رد إلا ماجد وهو جاي اللحين في كلامها طلع الدكتور من الغرفة .. دق جوال حصه وكان سلطان طلعت من الغرفة :السلام عليكم سلطان ما رد السلام:وشوله داقه ؟؟؟ حصه اللي تعودت على اسلوبه الزفت :بغيت أحد يجي يطلع ربى من المستشفى ودقيت عليك سلطان : تدرين أني مسافر و الحين توني واصل جده تبين شي دقي على أهلي ولا ترجعون مع السواق وخلي واحد من أخواني يوديك بيت أهلك وبعصبيه زايده ومالها داعي: فــــــــــــــــاهمــه؟؟ ؟ حصه بلعت ريقها تكرهه عمرها لم يكلمها بهالطريقة :فاهمه والله فاهمه يله مع السلامه وكان الجواب أنه سكر بوجهها .. سكرت حصه جوالها ورفعت نظرها شافت ماجد جاي ويطالع أرقام الغرف :ماجد لف ماجد على الصوت وعلى طول عرف حصه لأنها الوحيده اللي لاطلعت تتغطى ؟؟!! ماجد :وين الدكتور حقها حصه : مكتبه نهاية السيب راح ماجد دون ما يناقش حست حصه أنه مستعجل مره من طريقة لبسه لأنه ما يطلع إلا وهو كاشخ على أخر شي ومتسبح بالعطر .. دخلت حصه الغرفة وقومه ربى عشان تلبس لأنهم بيطلعون .. خمس دقايق وكان ماجد عندهم ومشى قدامهم وهم وراه حست حصه أن بين ربى وماجد شي لأنه حتى ما سلم عليها ولا كلمها.. ركبو السيارة متجهين للبيت ... حصه :ماجد ماجد:نعم حصه :ممكن طلب؟؟؟ ماجد : آمري حصه :سلطان مسافر وابيك توديني بيت أهلي ماجد : الحين ؟؟ حصه : نروح البيت بأخذ شنطتي وتوديني ماجد : روحي مع السواق أنا مشغول حصه : سلطان ما يرضى هز راسه ماجد على أفكار أخوه الغبيه ورحم حصه :خلاص بس بسرعه... حصه :مشكور ماجد : العفو .... دخلو بيتهم أو قصرهم وراحو للبوابه بعد ما أخذو لفه كبيرة بسبب وجود النافورة اللي مزينه الحديقة ... نزلت ربى وبدون كلام على طول للمصعد وراحت فوق أما حصه بسرعه رقت الدرج تجيب شنطتها معها ماتبي تأخر ماجد معها .. نزلت بسرعه وشافتها أم مشاري بس ما علقت لأنها تعرف أن سلطان مسافر,,, طلعت حصه وهي تسحب الشنطة معها لم شافها ماجد طلع وركب وهي ركبت معه وطول الطريق توصف له بيتهم لأنه ما يعرفه... دخلو حي قديم مره تأكل الزمن عليهم ,, وتغيرت ملامح وجهه ماجد بطريقة ما فهمتها حصه هل هي قرف أم رحمه ......؟ وماجد يمشي شوي شوي يخاف أن تتمخش سيارته من كثر ما الجدران قريبه ... لفو كم لفة وارتاح ماجد أن بدت الحارات تتوسع أكثر من الضيق اللي قبل شوي وقف ماجد عند بيت حصه واستغرب لهدرجة في أحد مثلهم ساكنين هنا لكن لاحظ بنت واقفه بعبايتها عند باب البيت حقهم .. حصه نزلت شنطتها :تفضل تقهوى ... ماجد : لا مشكوره مره ثانية حصه استجابت لرغبته وراحت تسلم على أختها اللي توها موصلها الباص وتنتظر أحد يفتح لها الباب ,, حصه : هلا منيرة سلمت عليها منيرة بحرارة من زمان ماجتهم حصه :وشفيك واقفة ... منيرة :محد فتح لي حصه :ما معك المفتاح ؟؟ منيرة : كل يوم معي بس اليوم عشان أمي غايبه ما خذته حصه :أمي فيها شي ؟؟؟ منيرة : بطنها مدري وش فيه من أسبوع يألمها حصه بعتب :وليش ما قلتو لي منيرة :نسيتي زوجك مانعك تكلمينا حصه تصرف :طيب ليش ما فتحت لك الباب منيرة :مدري أخاف صار لها شي انتفضو على صوت بوري سيارة ماجد لفت حصة وأشر لها ماجد بيده بمعني (وش صاير؟؟) حصه ضربت الجرس مافتحت وتسلل الخوف لقلوب البنتين ونزل ماجد لهم وعرف السالفة بسرعه من حصه ,,, ماجد :أكسر الباب منيرة بسرعه : لااا كيف بنصلحه ماجد : أنا بأصلحه بس بكسره حصه اللي تذكرت :لحظة لطيفة ما جت من المدرسه ؟؟ منيرة : لا ماجات لو جت بتفتح لي ...... حصه لفت على ماجد :أكسر الباب حاول ماجد فيه كم مره ما قدر مع أن الباب قديم وحالته حاله وبسرعه بينفتح .... توقف ماجد عن المحاولة لم وصل باص مدرسة لطيفة ونزلت منه :وش صاير هلاااااااا حصوص وسلمت على اختها منيرة اللي شوي بيغمى عليهما من الحر :معك مفتاح تطلعه لطيفة :هذا هو خذه ماجد منها بسرعه ودخله وأنفتح ودخلو البنات بهجوم لداخل البيت أما ماجد انتظر عند الباب وشوي بيفطس من الحر والشمس دقايق إلا سمع صوت حصه تقول : اللللللحقي لا يروح ماجد دخل ماجد البيت وشاف عجيز طايحة في الأرض :وش فيه حصه خايفة :مدري أمي ؟؟؟؟؟ شلها أمي طايحة طايحة ماجد توقع أن أمها بتكون ثقيله لكنها أخف من الريشه ركبها السيارة وركبو البنات مشى ماجد بسرعه وتوتر وهو يسمع صياح أخت حصه الصغيرة لكن ما منع نفسه أنه يشوف منيرة اللي فتشت من الخوف ومو داريه عن نفسها... كانت أحلى من حصة من ناحية البياض وطول الخشم وجسمها تقريبا على تقديرة عطاها 52كيلو وعيونها نعسانه قطع عليه تأملاته حصه :الأشارة ولعت ماجد مشى بسرعه وراح بهم نفس المستشفى اللي ودا أخته وقفو عند الطوارئ وجو خذو أم حصه بالسرير وراحو بها الأطباء بعد ما سألو وش كان فيها ,,,, عند غرفة الطوارئ كانت حصة ومنيرة ولطيفة واقفين وماجد راح يدفع للمستشفى تكاليفه .. منيرة اللي ميته خوف : أبوي ما يدري بيرجع البيت وبيفقدنا حصه تطلع جوالها : كم رقمه؟؟!! منيرة : بس جواله مفصول من أمس وما سدد الفاتورة حصه : مشكله أصبري شوي وبأدق على البيت يمكن وصل هناك منيرة:حصه حصه :همم منيرة :خايفة حصه :كلنا ....لطوف اسكتي خلاص عن الصياح أمي إن شاء الله مافيها شي قوي ... طلع الدكتور على جيت ماجد :وش فيها الدكتور :أنت ولدها.......... لطيفة والدموع تنزل قالت في نفسها : ((ياليته أخونا ))) ماجد : لا أنا أخو زوج بنتها الدكتور اللي ما فهم: أها وأنتم بناتها ...(يكلم حصه ومنيرة ولطيفة ) حصه :ايه نعم وش فيها الوالدة ؟؟ الدكتور : اللحين الوالدة صحت من الأغماء و مو متأكدين من الاحتمالات لكن خذنا بعض التحاليل اللي بتطلع بعد ساعتين حصه : ليه وش شاكين فيه يا دكتور الدكتور : أحتمال فشل كلوي لأن الأعراض اللي تشكي منها تدل على ذلك .....وراح عنهم ... اما ماجد ضاق صدرة على حال العجيز أما البنات كانت الصدمه أقوى عليهم من أي شي ثاني,,,, ماجد اللي يغير الجو : أدخلو سلمو على الوالدة حصة بما أنها الكبيرة : يله بنات ندخل نسلم وأنت ماجد والله أني مستحية منك من الصبح وأحنا متعبينك ماجد : لا تعبكم راحة حصة : أدخل معنا ماجد : لا باروح وارجع العصر أشوف وش صار.. يله مع السلامة حصة :مع السلامة .. دخلو الغرفة حصة ولطيفة أما منيرة على صدمتها عند الباب ... سلمو على أمهم اللي وجهها شاحب من المرض اللي ما يدرون وش هو ..! أم حصه :وين منيرة ؟؟؟ حصه اللي توها تفقدها :كانت معنا قبل شوي قومي لطيفة شوفيها قامت لطيفة تشوف وين أختها فيه لقتها مسنترة عند الباب لطيفة :منيرة منيرة انتفضت :ها لطيفة :ادخلي امي تسأل عنك منيرة :أها طيب ودخلت معهم وجلسو يسولفون مع أمهم ,, ,,,,, شوق رجعت من المدرسة وتفكر في أم حصه ووش بيكون فيها مرت على غرفة ربى سمعت أن أمس يقولون أنها تعبانه ,,!!! طقت الباب ودخلت لقتها طالعه من الحمام وعليها الروب شوق : سلامات ربى : الله يسلمك شوق : وش فيك ربى تجلس على السرير : والله أمس مدري وش فيني جتني حرارة مو طبيعة ما عدت أميز بين شي وطحت في الفراش لين جت حصة ونادت مشعل ورحت المستشفى ,,, على طاري حصه تراها راحت بيت أهلها,,, شوق : ولله ليش ..!!! ربى : عشان سلطان مسافر تدرين أكتشفت اليوم شي ..؟ شوق : وش ؟؟ ربى : أن سلطان ما يرضى أن حصه تركب مع سواويقنا (عندهم 3 سواويق) شوق:وأنا أقول وش هالحب اللي في سلطان كل مشوار هو اللي يوديها بنفسه ربى :من قال يحبها ما تشوفين وشلون يعامها كنها وحدة من الشغالات اللي عندنا شوق : ما لنا دخل بتروحين المدرسة بكرة ربى : لا حسيت نفسي طبت رحت ولا بأغيب شوق : أها طيب أنا رايحة انام باي ربى :باي .. طلعت شوق وراحت غرفتها تسبحت ونامت ...... ... رتاج دخلت البيت :اااووه وش هالحر ,,,, وعلى طول رمت عبايتها وشنطتها مع كيسة كبيرة أغراض الجامعه (الفنية) على الكنبه القريبه منها و صارخت:ستييييييييييييييي ستتتي وصمخ إن شاء الله جت الشغالة :نعم مدام رتاج : ساعة أناديك شيلي أغراضي وديها الغرفة وقولي لرويدا تصلح لي كاس عصير ليمون بارد يله بسرعه (رويدا طباخة تشتغل عندهم من أصل شامي وبدون تحديد) راحت رتاج لفوق وأخذت دش على السريع ولبست وطلعت للصالة تشوف وش في التلفزيون لحد ما يجي الغدا ,,,, شوي جت ستي وحطت العصير وراحت ..... رن تلفون البيت وتعجزت رتاج تقوم لكن مرت ربى وعلى طول رفعت السماعه :الو ....هلا .....الحمد لله ....ماما مدري بأشوف وأرد عليك .....طيب... حطت السماعه وهي تقلد صوت المتصلة .. رتاج :ههه مين اللي داق ... ربى : صيته في غيرها رتاج تقوم بسرعه ترفع السماعه:اهلييين صيته انقهرت ربى منها ومشت تنادي أمها وهي تقول في نفسها (وافق شنن طبقه) وصلت غرفة أمها ودقت الباب ودخلت لقتها واقفه وتكلم بالجوال ... ربى : ماما اشرت لها أمها بمعنى شوي انتظرت ربى أمها تخلص من مكالمتها أم مشاري :نعم ربى : صيته على التلفون تبيك أم مشاري : أها حوليه على غرفتي ربى : طيب وتطلع وتصرخ لرتاج اللي تسولف مع صيته بأنها تحوله لغرفة أمها وهي راحت لغرفتها تقضي وقتها لم يجي موعد الغدا ,,, وتشرب دواها وتنام ,................................... ,,,,,,,,,,,,,,,,,,,,,,,, | ||||
|
| |
|
18-07-19, 04:23 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المحطة الثانية :::::::::: الساعة 2 ونص الظهر ,,, الجميع نزل عشان وقت الغدا ,,,, الكل كان موجود ,, ((أبو مشاري , أم مشاري , رتاج ,ربى ,شوق ,ماجد)) والباقين متزوجين لهم خصوصيتهم .. أبو مشاري بصوته الجهوري :وين سلطان؟؟؟ أم مشاري :سافر جده اليوم ؟؟؟ أبو مشاري :وحصه وينها ؟؟؟؟ أم مشاري : عند اهلها كمل أبو مشاري أكله بهدوء ثم قام ,,, ارتاح الجميع لم قام لأنه فرعون وهو جالس ما يحب الكلام وأي حركة تصدر منهم بيعلق عليهم أو بالأصح يعيب هذي حالة أبو مشاري لجلس مع كل الناس مو بس عياله ... أم مشاري توجه كلامها لشوق: شفتي الفراشه شوق :مين ؟؟؟ أم مشاري بأسلوب سخرية:من غيرها أم حصه شوق:لا ما شفتها ؟؟؟ رتاج :عسى ما قلتي لأحد أنها أم زوجة أخوي شوق :بالعقل أول يوم لي في المدرسة بأسولف مع البنات وأعرفهم على عايلتنا رتاج رفعت حاجبها الأيمن:خير تأدبي شوق :وش أتأدب أنتي اللي تستغبين أم مشاري :شـــوق سكتت شوق وهي تطالع رتاج بنظرات ناريه ... أما ماجد راح تفكيره في أم حصه ونتيجة التحليل وش بتكون وتذكر منيرة كيف كانت خايفة ومنها تذكر منى خويته الجديدة اللي متعرف عليها من أسبوع في الشرقيه مواعدها العشا بيكون في الدمام ويتقابلون لكن الظروف ما سمحت له يسافر لأن سلطان سافر بالطيارة الخاصه وهو ما حجز ومو هو اللي يمسك خط عشان بنت ,,, ..... الدكتور : أنتي البنت الكبيرة ؟؟؟؟ حصه :ايه نعم الدكتور :تفضلي معاي لو سمحتي قامت حصه ومشت وراه لحد ما طلعو من غرفة أم حصه الدكتور : أختي التحاليل أكدت لنا أن الوالدة فيها فشل كلوي في الكلى اليمنى ولازم نسوي لها غسيل كل أسبوع.....وضغطها منخفض مره ....... حصه بعد ما كتمت الشهقة :قول غيره الدكتور :والله هذا أمر الله واللحين بنسوي لها غسيل وبنكتب لها أدوية والباقي على الله ... حصه:وبتنوم اليوم في المستشفى الدكتور : يومين بأذن الله وتطلع حصه بحزن: مشكور الله يعافيك الدكتور : ياليت تروحين تكملين أجرائات الغسيل والدفع حق اليومين حصه تذكرت أن المستشفى أهلي وتورطت ما معها فلوس وماجابت بطاقة الصراف حقتها ,,,,أستأذنت من الدكتور وراحت تدق على ماجد وقالت له وقال أنه جاي في الطريق ..... ودقت على بيتهم ورد أبوها ... حصه : هلا يبه أبو حصه : هلا مين ؟؟؟؟ حصه : يبه أنا حصه أبو حصه :هلابنيتي وش أخبارك وش علومك طمنينا عليك حصه : يبه انا بخير بس أنا وأمي وخواتي في المستشفى أبو حصه بصدمه: في المستشفى؟؟؟ حصه : أيه إذا تقدر تجي تعال أبو حصه : أسأل عبيد ولد جيرانا عنهم يقولون أنهم في بيتهم جالسين ..!!! حصه :تصدق هالبزر أكبر نصاب ها يبه تجي أبو حصه :وش فيها أمك أكيد تعبت وأنتي وشلون جيتي ورجلك يعيي عليك .. حصه : يبه أنت بس تعال وتعرف كل شي أبو حصه : طيب أي مستشفى حصه :مستشفى (.........) أبو حصه طارت عيونه : أهلي ,,من وين لنا ندفع لهم .... حصه ارتسمت ابتسامة سخرية منه :دبرناها بس أنت تعال أبو حصه : بعد ساعة أنا عندكم ,,, وسكرت حصه وجلست على كرسي قريب تنتظر ماجد يجي .. وهي تفكر في أبوها وكيف زوجها بسرعه لسلطان لم عرف أنه ولد نعمه وأخذ نص مهرها عشان يسدد ديونه اللي ما تخلص والباقي ما تدري وين وداه فيه ظلمها مع سلطان ظلم ما راح تنساه طول حياتها ,,,,,, مسكت جوالها وأرسلت لسلطان : ((انتبه على نفسك )) عشان بعد ما يقول لها أنتي ما تهتمين فيني مثل باقي الأزواج مع أنها شايلته فوق راسها تذكرت أنها ما تسبحت من أمس تقرفت من نفسها بتروح البيت تتسبح وترجع المستشفى بعد ماتجيب ملابس لها ولأمها .. منيرة :حصه حصه حصه انتبهت : نعم منيرة تجلس جمبها وبنبرة جاده :وش في امي ؟؟ حصه : مثل ما قالو منيرة : فشل كلوي ...!!!! حصه :أمي عايشة اللحين بكلية بس منيرة : لا تكذبين علي قولي الصدق حصه : منيرة أمر الله وش نسوي هذا كلام الدكتور وبنسوي لها غسيل اللحين وكل أسبوع بتجي هنا تسوي غسيل بعد وبتنام يومين هنا لحد ما تتحسن ,,, منيرة :والله حرام حصه :استغفري ربك وترى ماجد جى ,,, قامت منيرة ودخلت الغرفة ... ماجد : اللحين بيغسلون لها حصه :ايه بس ياليت تحسب تكاليف المستشفى حتى أخلي سلطان يدفعها ماجد :تلعبين على نفسك سلطان ما يسوي شي في هالامور وانا بادفع كل شي لهم تعالي أنتي بس معي نناقش الدكتور أكثر .. حصه : يله راحو كلهم للدكتور واخذو منه جميع التعليمات الخاصه بأم حصه,, ومن بعدها راح ماجد يتولى حساب المستشفى وفتح لأم حصه ملف حتى تداوم العلاج عندهم لحد ما تشفى بأذن الله ,, طلع ماجد من المستشفى ومعه حصه وصلها لبيت أهلها عشان تاخذ ملابس لها ولأمها ووتتسبح ’’’ دخلته حصه صالة البيت وهي راحت تشوف شغلها وهو بدوره قام يتأمل المكان ويقارنه بقصرهم الواسع ,, كان البيت مكون من غرفتين نوم وصالة ومطبخ صغير وحمام حتى أستغرب أن مافي تلفزيون ,, شاف شنطة مدرسة مرمية على الأرض وسحبها يفتش فيها كان الفضول ماكله من شافها ,,, كانت الكتب حقت ثالث ثانوي علمي وقرا الأسم :منيرة مكتوب خلف كل كتاب تذكر أيام الثانوي وكيف كان داج فيها لقى ورقة محطوطه في كتاب الفيزيا فتحها ,, وقراها ((حبيبتي الشي اللي أبغاه أسويه وغصب عليك وإذا فكرتي دقي على هالرقم :*****05544 باي )) استغرب ماجد من الرسالة اللي واضح أنها وحدة تهدد منيرة حط الورقة بجيبه لم سمع صوت حركة وكأنه حصه جايه ورجع الشنطة مكانها .... شوي وجت حصه ومعها شنطة ولابسه عبايتها ماجد يقوم :خلصتي ؟؟ حصه :ايه ماجد : مشينا طلع ماجد من البيت وطلعت وراه حصه وركبو السيارة راحين للمستشفى ,,, كان تفكير ماجد بالرسالة اللي بجيبه وحصه تفكر كيف أن ماجد أخلاق وأحسن من زوجها لو كان سلطان مثل ماجد لكانت حياتها بشكل ثاني غير اللحين ..... وصلو عند بوابه المستشفى ... ماجد :حصه أن بغيتو شي دقي علي زين حصه:مشكور ماجد ما تقصر يله مع السلامه نزلت حصه ومشى ماجد ... دخلت حصه غرفة أمها لقتهم كلهم مجتمعين سلمت على أبوها وجلست لكن ما أمدا إلا دق جوالها من سلطان ردت بعد ما سكتتهم:الو سلطان: وينك فيه؟؟؟ حصه كذبت: في بيت اهلي سلطان : من وصلك حصه : ماجد سلطان : ألعبي غيرها حصه :روح أسأله وتأكد سلطان : وإذا طلعتي كذابه حصه:سوي اللي تبي تسويه سلطان سكر بوجهها .. وحصه ناظرت أبوها ما كان يطالعها كانت تعرف أنه يسمع المكالمه ويعرف انه سلطان . وهي تعمدت ما تطلع عشان تبين لأبوها انها هي وسلطان مو اوكي .. أم حصه : روحو البيت وتعالو بكرة لطيفة :يممماه وشلون نخليك هنا لحالك أم حصه : ما فيني شي وانتم وراكم مدرسة يله روحو حصه : كلهم بيرجعون مع أبوي وأنا بأجلس ولا جى بكره تعالو مع أبوي العصر ... بعد جدال وأقناع لطيفه طلعو البنات مع أبوهم وراحو وحصه بقت عند أمها ,, حصه : يمه أم حصه : نعم حبيبتي حصه : من متى تعانين من هالمرض وساكته أم حصه : يا يمه والله أني ما أدري وش فيني مره يوجعني جمبي ومره بطني والله مدري وين الألم فيه .... حصه : طيب تعرفين وش فيك أللحين أم حصه : لا والله ما أدري من جابوني هنا ما قالو لي شي حصه تطالع الأرض ما تبي تشوف ردة فعل أمها : طيب يمه والله مدري وش أقولك لكن هذا قضاء وقدر لازم ترضين به يمه أنتي فيك فشل كلوي في الكلية اليمنى ووووأحتمال أن أهملتيها تسبب لك أضرار كثيرة ,,, خلصت حصه كلامها وانتظرت أمها تقول شي لكن ما قالت رفعت راسها لقتها مبتسمه استغربت وعقدت حواجبها :يمه وشفيك ...... أم حصه : أنتي اللي وش فيك مكشره حصه:ها........لا أبد سلامتك أم حصه :وبيسون لي غسيل ولا ؟؟؟ حصه:ها....ايه ...لا ..إلا بيسون لك وقامت تنادي الدكتور أما أم حصه ابتسمت على حصه الي خايفه من ردة فعل وحدة عاشت أقسى من كذا مع الفقر وش تكون الكلية عند هالمعانات اللي عاشتها ...؟؟ دخل الدكتور مع حصه ومن ثم راحو لغرفة المخصصة لغسيل الكلى وسو الأجرائات الخاصه بالغسيل .... جلست ساعة حصه جمب أمها لكن ماحست بعمرها إلا نايمه من التعب طول أمس وهي ما ارتاحت ..... ماهي إلا عشر دقايق من غفوتها إلا أمها تناديها حصه قامت مرتاعه ما كانت تدري أنها نامت :ها وش صار ؟؟؟ أم حصه :ههههه حصه :وش صاير ؟؟ أم حصه : جوالك من ساعة يرن حصه على طول ناظرت جوالها :6مكالمات من سلطان .. زينت عبايتها وأستأذنت من أمها وطلعت ودقت عليه :هلا سلطان معصب :عمى ما تردين ساعه أدق غمضت عيونها:أسفه ما كنت أعرف سلطان :من قالك تودين أهلك المستشفى من دون شوري حصه:أمي تعبانه مره وش أسوي أتركها يعني سلطان صرخ :لا ترادديني لم أقولك شي تسكتين واللحين مشعل بيجي ياخذك وتروحين بيتنا وتنطقين لين أجي فاهمه حصه :بس أمي من يقعد عندها في المستشفى وخواتي لكن ما سمع من كلامها شي لأنه سكر في وجهها مثل العادة ... تنهدت حصه بألم على هالزوج العجيب وجلست تفكر كيف تروح وتخلي أمها لحالها في المستشفى وسلطان لا قال شي يعني بيصير ولا بيسوي لها سالفة لكن مالها إلا تقول لأمها انها بتروح ,, دخلت الغرفة وقالت لأمها وجلست تتعذر لها وتعلمها انها جايبه لها ملابس في الشنطة ... بعد نص ساعه طلعت حصه المستشفى وركبت سيارة مشعل بس ورا لأن زوجته صيته موجودة ,, حصه : السلام عليكم مشعل :وعليكم السلام ها وشلون أمك اللحين ؟؟؟ صيته :وأنت وش دخلك في أمها طالع الطريق لا يصير لنا شي بس طنشها مشعل :وش صار فيها ؟؟؟؟ حصه :فشل كلوي مشعل : لا حول ولا قوة إلا بالله صيته : مـشـــــعل مشعل طالع الطريق ويتأفف من داخله من زوجته ,,,, .... وصلو البيت وعلى طول حصه راحت لقسمها ماتبي تتقابل مع أم مشاري لأنها أكيد بتتريق عليها ... دخلت غرفتها ورمت عبايتها على السرير وهي أستلمت لدموعها صحيح أنها متعودة على طبعهم 3 شهور معاشرتهم لكن ليه يوم أهلها أحتاجو لها منعها عنها ..... مسحت دموعها لم سمعت صوت أذان المغرب قامت وتوضت وصلت وراحت لجوالها وأرسلت لسلطان (أنا في البيت وبأنام ) عشان يمكن يدق ويعصب ليه ما ترد ,,, وهي على طول نامت من الإعياء ............... ............................. في بيت أبو حصه ,,, لطيفة:يبه قلت للمدرسة أن أمي ما راح تداوم بكرة أبو حصه : ذكرتيني الله يذكرك بالشهادة لا جى بكرة قلت للإدارة عنها منيرة : أول مره لطيفه تقول شي سنع لطيفه :يببببه شوفها أبو حصه : منيرة خلي أختك في حالها ........ منيرة وهي تقوم : إن شاء الله ... أبو حصه :وين رايحة منيرة : بأصلح العشا لطيفة :ماني مشتهية ,,, منيرة :محد شاورك ها يبه تبي شي معين ,, أبو حصه : جيبي لي زبادي بس لطيفة : وأنا أبي بيض مسلوق منيره :وش غير رايك مو أنتي ما تبين ؟؟؟ لطيفه : لا خلاص جعت ,,, ابتسمت منيرة وراحت المطبخ تحضر العشا ومن ثم جلسوا مع بعض وتعشو ,,, ونامو مع أن الساعة 9 الليل لأن وراهم بكرة دوامات ,,,,,,,,,, أم مشاري:رتااااج طلعت رتاج لها :هلا مام أم مشاري :بتروحين معي يوم الخميس؟ رتاج : وين ؟؟؟ أم مشاري : صيته كلمتني الظهر وقالت أن وحدة من خواتها ولدت وجابت بنت وسابعها الخميس مسوين عزيمة كبيرة وعازمتنا ,,, رتاج : ما أدري أشوف إذا عندي لبس رحت وإذا ما عندي ما بروح ولا بأطلع أشتري ممم ما أدري أرد لك الأربعاء ,,,, وعطت رتاج ظهرها لأمها ومشت دخلت غرفتها طلعت لها بنطلون جنز ضيق مع تشيرت وردي لبستهم وتوجهت للتسريحة رفعت شعرها فرس ونزلت كم خصله على وجهها حطت كحل وروج وردي خذت عبايتها ولبستها وطلعت بس رجعت وخذت شنطتها ورجعت تطلع وهي تمشي في الدرج تقابلت مع ماجد ماجد :وين على الله رتاج : معزومه على العشا ماجد :ومن سمح لك تطلعين هالوقت ما تشوفين الساعه رتاج تطالع ساعتها : 10 وش فيها ؟؟؟ ماجد :لا فيها وبعدين ليه لابسه هالعبايه المخصرة وين طالعه زواج؟؟؟ رتاج :اوووف ماني فاضيه لك بتأخر على البنت ومشت عنه لكن مسكها مع يدها رتاج :اايييي عورتني ماجد :سكري عبايتك المفتوحه وش بقى ما طلعتيه رتاج : كيفي ألبس اللي ابي وأسوي اللي أبي ولا صرت بابا تعال تكلم مشت عنه وهو انقهر منها لأنه ما له كلمه بعد أبوه اللي سامح لبناته كل شي .. رقى لغرفته وانسدح على سريره وفتح جواله وراح يدق على الرقم اللي كان مسجل في الورقة حقت منيرة ... دق ورد رجال تورط ماجد :هذا جوال عبدالله الرجال: لا من تبي ؟؟!!! ماجد :ههههههههههه الرجال :من تبي ؟؟؟؟ ماجد : والله شكلك منت صاحي هه باي ... سكر ماجد ولازالت الضحكة فيه من الرجال اللي صوته مو واحد صاحي ! لكن جلس يفكر وش دخل هالرجال يعرف منيرة فيه سر لازم يعرفه ,,,, نقز وهو يتذكر أنه واعد أمه يجلس معها نص ساعة ! بدل ملابسه وطلع دور على أمه لقاها في غرفتها جلس معها يسولف وعرف أن أبوه بيجي بعد ساعة من شغله ,,,وهو بدوره انحاش وطلع من البيت ما يحب يجلس مع أبوه لوحدهم لأنه بيقول له سالفة الشغل معه وهو ما يبي يبي يعيش حياته بدون قيود ,,, ,,,,,,,,,, الساعة 12 الليل .... دقت جرس الساعه أعلان حضر التجول داخل البيت الكل لازم يكون في غرفته ولا أحد يطلع لأن أبو مشاري يكون نايم هالوقت وكأنه سندريلا ,,!! شوق نامت لأن وراها مدرسة ربى جالسه على النت وبتغيب بكرة تخاف تروح وتتعب رتاج للحين ما جت من برى .... ماجد رجع ونام حصه للحين ما قامت .... ............في مكان مو بعيد داخل سور القصر الكبير .. في فله مشعل ,,,,,,,,, صيته : اليوم أنا مشيتها لك لأن سلطان داق عليك لكن مره ثانية والله لا أروح لأهلي وما أرجع ,,,, مشعل :طيب من عيوني بس تكفين طفي اللمبة بكره عندي دوام ... وبرابط لليل يله عاد فكينا من حنتك صيته : اف منك ,,,,وراحت سكرت اللمبه وطلعت من الغرفة راحت تشوف العيال إذا نامو ولا يلعبون خاصه أن شوق وراها مدرسة وسلمان تمهيدي.... لقتهم نايمن وراحت هي نامت ... ......... قامت حصه من ألم في بطنها ما تدري وش سببه تذكرت أنها ما كلت شي من أمس راحت مشت للمطبخ التحضيري الموجود في الصالة حقتهم فتحت الثلاجة وخذت عصير شربته وتذكرت أنها ما صلت العشا راحت توضت وصلت ..مسكت جوالها مالقت أي أتصال أو رسالة من أحد وهذا أصلا دايم كذا لأن سلطان محدد لها من تدق عليهم أو ترسل,, طالعة جزمة سلطان المرمية بأهمال في نص الصالة راحت وشالتها وحطتها في مكانها دايم سلطان فيضوي وما يرجع كل شي مكانه ,,, جاها حالة شوق لسلطان صحيح أنه غثيث لكن في الوقت الحالي ما عندها إلا هو ماحست بعمرها إلا ماسكه الجوال ومرسله لسلطان ,, ((أشتقت لك )) انتظرت يمكن يرد عليها لكن ضحكة على نفسها لأن سلطان ما عنده هالسوالف طفشت وقالت أتهور وأنزل تحت يمكن أحد قايم توها طالعه من قسمها إلا تشوف رتاج طالعه من المصعد ففضلت انها ترجع لغرفتها أحسن لها ... دخلت غرفتها وهي ما تدري وش تسوي كان الجو ممل لدرجة غير طبيعه ... طق طق طق طق طق كانت 5 طقات على الباب خلت حصه تقوم تشوف مين اللي يجي هالساعه فتحته لقت ربى ومعها لاب توبها وبأبتسامه:صباح الخير حصه توسع لها عشان تدخل : صباح النور ربى تدخل وتجلس في الصالة وتحط لاب توبها جمبها : لا يكون نايمه؟؟ حصه : لا والله قايمه ربى : طيب ها إلا صح مو أنتي رحتي بيت أهلك وش جابك حصه : سالفة طويله بعدين أقولها لك .. كيفك اللحين راحت الحرارة ربى :الحمد لله أحسن من أول حصه : الحمد لله ها وش جايبك عندي غريبه ... ربى : هو صراحة عشان حاجتين حصه : وش هم ربى :أول شي أن رتاج قالت لي أنها شافتك طالعه من قسمكم قلت أكيد في شي صاير لك ولا ما تطلعين هالوقت .... طبعا أنا ملقوفه .... وثاني شي في موضوع خاص بأخذ شورك فيه ..؟؟!! حصه :خلي الأول وشو الثاني ....؟؟ ربى تاخذ نفس :هو الصراحة أنا مالي دخل فيه بس لازم أسوي شي هو الموضوع ومافي يخص ماجد ووحدة من بنات المدرسة ؟؟!! حصه :وش فيه ماجد ؟؟؟ ربى : كلنا نعرف أنه داج من زمان صح حصه :معروف كملي .. ربى :أنا وحدة في المدرسة أكرها كره العمى ما أطيقها في عيشة الله بيني وبينها عداء وهي تقرب لسارة مرت مشاري من بعيد وكم مره شفتها في مناسبات الزواج المهم أن هالبنت صح نسيت أقولك وش أسمها أسمها : (نوف)زين هالبنت شفتها تركب مع ماجد عند المدرسه خفت أقول للسواق يلحقهم ويشك ماجد ... بعد مدة جتني وحدة من صديقاتي وقالت أنها كانت جالسه مع نوف وسمعتها تقول أنها تحب واحد اسمه ماجد عاد انا قلت أنه أكيد مو أخوي عشان أستر على ماجد ولم وصلت البيت رحت قلت له وقال أن مالي دخل في هالمواضيع ومن يومها وانا بيني وبين ماجد مشاحنات صحيح عادي عندي انه يتعرف على بنات لكن جوا مدرستي لا ....ومدري وش أسوي مع ماجد ,,,,؟؟ حصه:ربى أنتي اللحين كبيرة وتفهمين لا تشغلين بالك بأمور أنتي أصلا ما تقدرين تتسوين فيها شي ... ماجد وطبعه كذا مغازلجي يعني توقعي يسوي أي شي وأمك تعرف عنه يعني حتى لو قلتي لها ما راح تقول أكثر من كلامي وإذا على البنت وتكرهينها ومنقهره منها لو أني مكاني بأفرح لأن أصلا ماجد يلعب عليها ولا يحبها وراح يقول لها بيوم وتشوفين إذا ما صار هالشيء وهي بتتحطم ولا تستبعدين تجيك في المدرسه وتتهاوش معاك عشانك أخته أنتي بس خلي الأمور تمشي وهي لها خاتمتها .. ربى اللي اقتنعت بكلام حصه : طيب ماجد زعلان علي حصه : ماجد ما ظنتي زعلان بس كل رجال ما يحب أحد يتدخل في أموره الشخصية أنتي بس عامليه مثل قبل وهو بيرجع زي أول ... ربى : أشوفك حليتي مشكلتي لكن ما حليتي مشكلتك!! حصه استغربت :وش فيني ؟؟؟ ربى : أنتي مع سلطان غير عن مشعل وصيته ومشاري وساره ... حصه بلعت غصه بحلقها:الحياة كذا ربى :طيب ممكن أتدخل وأسألك سؤال .؟؟ حصه ابتسمت لها : أسألي ربى : تحبين سلطان يعني تحسين أنه زوج مثل ما تبين حصه أكتفت بهالكلمة : الحمد لله على كل حال ربى اللي بتغير الجو : ترى ههه نسيت جايبه لابتوبي عشان أعلمك على النت عشان أخليك تقعدين معي .... حصه:قبل تكفففين ترى مره جوعانه ربى :ممم أنا وشوق متعشين بيتزا وباقي كثير في ثلاجة غرفتي قامت من جلستها : بأروح أجيبها لك تحمينها في المكرويف وطلعت قبل ما تنتظر رد من حصه ... وراحت تجيب البيتزا وعطتها حصه اللي شكرتها وحمتها في المكرويف وجلست تاكل منها وشاركتها ربى مع أنها ماكله منها قبل ساعتين .... ومن ثم جلست ربى تعلم حصه كيف تدخل النت .... قضو وقتهم بسرعه لم أذن الفجر وراحت ربى غرفتها ,, وحصه صلت وجلست تقرا قرآن بعد ما خلصت حطته في مكانه ,, وكانت الساعة حول 6 الصباح ... انطق الباب وماكان فيها حيل تقوم تفتحه فقالت :أدخل انفتح الباب بس الشخص الموجود ما دخل فاضطرت حصه تقوم لقت ماجد حصه : هلا لكن سكتت لم شافت علامات الحزن على وجهه ولابس بجامته وشعره ما رتبه . .واضح أن في شي صاير خلاه يجي بهاالشكل ,, حصه بصوت خايف : وش صاير ؟؟؟ ماجد سااكت حصه :سلطان فيه شي ,,,,,؟؟؟ ما ذكرت إلا هو لكن ذكرها ماجد :دقو علي المستشفى صرخت حصه :أمي فيــــــــها شي ؟؟؟؟؟؟؟؟؟؟؟؟؟؟؟؟ | ||||
|
| |
|
18-07-19, 04:55 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ماجد بسرعه : لا بس يقولون تعالو بسرعه اللحين حصه نست كلام سلطان لها وركضت لبست أي جزمه قبالها من جزمها ولقطت عبايتها وطلعت أما ماجد راح لبس ثوبه ونزل شغل السيارة ما انتظرها تحتمي شغلها ومشو طايرين المستشفى ... حصه تحاول تعرف من ماجد وش قالو المستشفى بالضبط لكن يرد عليها ب(علمي علمك),,, وصلو المستشفى وماجد فضل يكون بعيد ويخلي حصه تواجهه الأمر لحالها ركضت حصه لغرفة امها ما لقتها لكن لقت ممرضة مصرية :عاوزه مين ؟؟؟؟؟؟ حصه :المريضة اللي هنا وينها ,,,,,؟؟؟ الممرضة : شيخة عبالرحمن ؟؟؟ حصه : ايه ايه الممرضة : المريضة بالكلى ؟؟؟ حصه :ايه أخلصي وينها ؟؟؟ الممرضه :اها قبل صلاة الفجر أخزوها لثلاقة الموتى .... حصه صرخت : أممممي ماتتتت ؟؟؟؟؟؟؟؟؟ ارتاعت المصرية وطلعت بسرعه تقول للدكتور وثواني إلا الدكتور دخل يهدي في حصه وحصه ما على لسانها إلا :أمي ماتت أمي ماتت أمي ماتت ... ما كان فيها شي امس...... وصرخت على الدكتور :وش ســـــــــــــويتو فيها ......... الدكتور :أمر ربك هذا يومها صحيح امك ما كان الكلى بشكل كلي لكن انخفض الضغط وتوقف القلب ............. وحصه ما تسمع شي من اللي يقوله الدكتور ورجعت تقول : أمي ماتت أمي ماتت دخل ماجد ومثل ما توقع أن حصه منهارة حز في خاطره يشوفها بهالشكل طلع من الغرفة ودق على سلطان اللي رد بصوت كله نوم :الو ماجد : هلا سلطان وينك؟؟؟ سلطان :وش تبي ؟؟؟؟ ماجد :متى بترجع الرياض ؟؟ سلطان : الاهل فيهم شي ؟؟؟ ماجد :مرتك محتاجه لك سلطان من دون نفس : وشفيها ذي ؟؟! ماجد :أمها توفت الساعة 3 الفجر واللحين حنا في المستشفى وحصه منهارة سلطان ببرود: أكيد أمها ماتت وش تبيها تسوي ..............!!!!! ماجد بغى ينهبل يوم سمعه يقول كذا حط على السبيكر ودخل الغرفة عشان يسمع صياح حصه يمكن يستحي على دمه ويقول كلام سنع ... سمع سلطان صياح حصة وسكر من ماجد وأرسل له ((رحلتي اليوم الساعة 9 الصبح لا جيت بأتصرف .... وبلغهم لا احد يزعجني وصلني الخبر وخلصنا ..))!! ............................. جلس ماجد يتذكر وش يقولون عشان يهدون أحد مات له شخص عزيز وجلس يهذر على راس حصه الي بدت تسكت تدرجيا ..... ما كان كلام ماجد من اللي يهدي الشخص لكن ذكر حصه بخواتها اللي بينصدمون وأنها الأخت الكبيرة بينهم ... حصه ووجهها أحمر من الصياح:أبي أشوفها ماجد : إن شاء الله بعد ما يغسلونها اليوم خليتك تشوفينها حصه :أبوي لازم يدري ماجد : أوكي نروح ناخذ خواتك من المدارس ونوديهم البيت وأجلسي عندهم وانا أروح أجيب أبوك من شغله ... هزت راسها حصه أنها موافقه وقامت تسحب رجولها من هول الصدمة اللي للحين ما استوعبتها وما تدري كيف بتقول لخواتها ...... ركبو السيارة ولأول مره ماجد من شرى سيارته يشغل فيها على إذاعة القرآن..! ماجد : وين مدارس خواتك ...؟؟؟؟؟ حصه بصوت ثقيل: كم الساعة اللحين ؟؟؟؟ ماجد : 7 ونص .. حصه :توهم رايحين ماجد : يطلعونهم مو على كيفهم ... حصه :طيب أمش طوالي ............ من يمين إلى يسار إلى طوالي ...وصلو لمدرسة منيرة ولطيفة وهو مجمع متوسط وثانوي ... نزلت حصه ودخلها الحارس المدرسة وراحت خذت خروج لمنيرة ولطيفه من ثم راحت لفصل منيرة طقت الباب : فتحت لها مدرسة :نعم من تبين حصه :منيرة عبدالله خروج لو سمحتي منيرة تطالع الباب خافت من وجود حصه ... الأستاذه : دام أنها بتطلع هالوقت كان ما جبتوها المدرسة ما داومت حتى نص ساعه.. حصه اللي واصلها معها :لا صرتي المديرة تعالي تكلمي ولفت لمنيرة وسوت لها حركة بيدها بمعنى استعجلي وضفت منيرة أغراضها وطلعت مع حصه .. منيرة تطالع وجه حصه المتفخ من الصياح :امي فيها شي ..؟؟؟ حصه :تعبت علينا ولازم كلنا نكون عندها ... منيرة خافت :وش فيها؟؟؟؟؟؟؟؟؟ حصه صرخت :منيرة روقيني من الأسئلة بعدين بتعرفين كل شي ..... منيرة انصدمت أول مره تصرخ عليها بهالشكل .. أكد أن صاير لأمها شي كبير ..... حصه :وين فصل لطيفة ..؟؟؟ منيرة :يله نروح .... مشت منيرة وحصه وراها وراحو فصل لطيفة اللي كانت مثل منيرة تسأل عن أمها لكن منيرة قالت لها تسكت .... طلعو من المدرسة وركبو سيارة ماجد ... ماجد :وش أخباركم بنات ...؟؟؟؟ لطيفة استحت ترد ومنيرة انحرجت وردت : الحمد لله وش أخبارك أنت ..؟؟؟ ماجد : بخير .......حصه وين ؟؟؟؟ حصه ما تبي تبين لخواتها شي :مثل ما اتفقنا .... احتاروا البنات وش صاير ... مشى ماجد لبيت حصه ..... لم قربوا من الحارات ..... منيرة .:حصه مو أنتي تقولين بنروح لأمي ليش رحنا البيت ... حصه : يعني بتروحون المستشفى كذا غيرو ثم نروح ... لطيفة اللي زادت الطين بله :بس اللحين مو وقت زيارات طولت حصه ما جاوبت فصرف الموضوع ماجد : مستشفيات أهليه مفتوح الزيارة بأي وقت... وصلو البيت ونزلو كلهم وأخر وحدة منيرة ماجد :منيرة منيره لفت :نعم ماجد : ترى من أمس أنتي مضيعه شي لا فقدتيه قولي لحصه ....؟؟!!! استغربت منيرة بس طنشت لأنه مو وقت تفكير في هالأمور أهم شي تغير بسرعه عشان يروحون لأمهم ,,,, دخلو البنات البيت ...... وراحو لغرفتهم يبدلون بسرعه ولم دخلو سكرت الباب حصه :بنات لفو جهتها ... حصه الدموع نزلت ما تمنت تنحط بهالموقف وتقول لهم .... منيرة ارتعبت:حصه وشفيك ؟؟؟؟؟؟؟؟؟؟ حصه : أمي منيرة قامت :من الصبح تلعبين بأعصابي أمي صاير لها شي والله أني داريه حصه :توفت منيرة :هه هه أقول تستخفين دمك ولا وش سالفتك؟ حصه:والله العظيم منيرة :أصلا أمي بس فيها الكلى وشلون ماتت تلعبين علي؟؟؟؟؟ حصه خلاص انهارت وصرخت :أمي ماتت ما تفهمين أمي ماتتتتتتتتتتت وطلعت بعد ما صفقت بالباب جت بتلحقها منيرة بس طلعت من البيت ..... منيرة لا زالت مو مصدقة ..... جلست في الصالة تحاول تستوعب ...... تذكرت لطيفة ما طالعوها من دخلو للبيت راحت لقتها منسدحه على بطنها في سريرها ........ قربت منها منيرة :لطيفه...لطيفه شهقت لطيفه من الصياح منيرة:لطيفه ترى حصه تكذب وين أمي ماتت لو أن اللي جايها سرطان انسدحت لطيفه على ظهرها وبين الدموع المفزوعة:ترى حصه حلفت منيرة :وإذا حلفت يعني خلاص نصدقها لطيفه غطت وجهها ورجعت تصيح ... طق طق كان أحد جاي للبيت وراحت منيرة :مين ؟؟؟؟؟؟ أم أحمد :منيرة أفتحي يا بنيتي أنا أم أحمد (أم أحمد جارتهم من زمان جتها حصه وقالت لها عن أمها وقالت لها تروح تجلس مع البنات لأنها راحت وخلتهم ...)) منيرة تفتح الباب وعلى طول أم أحمد حضنت منيرة وتصيح ومنيرة مستغربه وش فيها ؟؟؟؟؟؟ أم أحمد :عظم الله أجرك يا بنيتي الله يرحمها ويغفر لها ........ منيرة :وشفيك خالتي أمي ما ماتت ؟؟؟؟ رجعت أم أحمد تصيح ........ وطلعت لطيفة على صياحها وركضت لها تصيح معها ... .... عند باب المدرسة اللي يشتغل فيها أبو حصه ...... دق ماجد على المديرة وأستأذن لأبو حصه وهي أبد ما أعترضت لأنه قال لها هو ولد مين ... مشى أبو حصه بسيارته ومعه حصه أما ماجد لحقهم على المستشفى .... أبو حصه : وش في أمك حصه اللي تصيح : تعبانه مررره أبو حصه : غريبه أمس صحتها زينة .... حصه رجعت تصيح أكثر وما ردت على أبوها ...... وصلو المستشفى ..... وحصه خلت الموضوع على ماجد ... ماجد خذ أبو حصه على جمب وقال أن زوجته توفت الفجر انصدم أبو حصه اصفر وجهه وعيونه زادت اتساعها وكأنه مو مصدق اللي سمعه لم سمحو له الدكاتره يدخل ثلاجة الموتى ويشوف بعينه كان مثل الطفل ما يدري وش يسوي وماجد ابتلش به وجلس يقول له مثل ما قال لحصه لم كانت منهارة وتصيح .... تماسك أبو حصه ووقع اجرائات الوفاة .... طلعو من المستشفى وكانت الساعة في حدود 9 إلا ربع .... ومر الوقت بطيء وبتندفن أم حصه في مقبرة أم الحمام .... بعد ما يصلى عليها في مسجد الملك خالد ... ......... ماجد راح البيت في حدود الساعة 12 ونص وجهه أسود من المشاوير اللي سواها.. أم مشاري :وأنت وش دخلك فيهم خلهم يدبرون عمرهم ماجد : يمه ما خبرتيني أشوف أحد كذا وما أساعده أم مشاري :طيب ابيك تجيب شوق وربى من المدارس بيطلعون الساعة 1 ماجد :يمه لا تحاولين تشغليني السواويق برى يروحون يجبونهم أنا بأبدل وأروح أعزي تبين تجين ولا لا ؟؟ أم مشاري بترفع:أنا أروح اعزي ومين ؟؟؟ في أم حصه ...الفراشه ...لالا ما أتنزل لهم ..... ماجد :بكيفك سلطان ما جى ....... أم مشاري :إلا توه مكلمني جاي في الطريق ... ماجد : أها طلع ماجد غرفته وتسبح ولبس ثوب وشماغ وجلس ينتظر سلطان يجي عشان يروحون يوقفون في العزا .... .....في بيت حصه ...... كانت الصاله مليانه من حريم حارتهم وصلهم الخبر في دقايق ... وكلهم يصيحون .... لطيفه تصيح وحصه بعد ...... ومنيرة للحين مو مصدقة ...... عزا الرجال خلوه في بيت أم أحمد لأن عندهم صالة ومجلس رجال ..... والرجال تقريبا في حدود 10 بس اللي جو يوقفون مع أبو حصه اللي منفجع في حرمته ... .................سلطان وصل البيت ودخل لقى في الصالة أمه سلم عليها ... أم مشاري : بتروح تعزي ؟؟؟؟؟ سلطان :بأروح ساعه وأطلع ... وراح وخلاها .... في الصالة اللي فوق لقى ماجد ..... سلطان : سلام ماجد : وعليكم أخلص نروح لهم سلطان : وأنت وش اللي مخليك تركض وراهم ؟؟؟؟ ماجد حط عينه بعين سلطان: وش أسوي لا صار فيني خير؟؟ سلطان :أها فهمت وش تبي من ورا هاللي تسويه .... ماجد :وش قصدك ..؟؟؟ سلطان : حرام عليك تراهم فقارا لا تلعب في بناتهم ...! ماجد :حبيبي أنا ما أخاوي ناس نظيفة ...!! سلطان : متأكد ماجد : أنت وضميرك سلطان طالع بأستحقار: بأتسبح وأجي معك ومشى رايح لغرفته ....... أما ماجد راح يتأكد أن السواق جاب كراتين الموية ولا لا ؟؟؟؟ لكن لقاها محطوطة في السيارة .....عد الكراتين كانت 6 ,,, ما تكفي للرجال والحريم بس أول يوم ما راح يكونون كثار المعزين ... انتظر سلطان يجي وجى ركب السيارة .... سلطان لف على المرتبه اللي ورا وشاف المويه بأسلوب مصخره :ما شاء الله لا فيك خير ... طنشه ماجد ... سلطان : ومتى بيصلون عليها ؟؟؟؟؟ ماجد : العصر في أم الحمام سلطان : أها ماجد :دق على حصه قلها تطلع أحد يأخذ المويه سلطان :دق أنت ماجد :زوجتك ولا زوجتي سلطان : مدري والله اليوم صرت أشك ماجد طالعه بنظرات يعني أحترم نفسك ... سلطان طلع جواله ودق ما ردت رجع دق مره ثانية وردت حصه:سلطان وينك ؟؟؟؟؟ وجلست تصيح سلطان منزعج منها:اسمعي بعد شوي طلعي أحد يأخذ كراتين الموية حصه مو مصدقة : أنت جاي؟؟؟؟ سلطان : جاي يله مع السلامة حصه :مع السلامه... سكرت حصه قبل ولأول مره ما يسكر في وجهها .... دخلو الحارة ... ووصلو للبيت أبو حصه ...... وأنظار الصغار على سيارة ماجد الفخمه اللي ماتجي في هالأماكن... نزل ماجد ونادى ولد صغير عند باب البيت وجى ... ماجد :دخل الموية عند الحريم .... الولد :ما أقدر أشيلها .... رحمه ماجد :طيب لا يطلع بوجهي أحد من الحريم بأدخلها أنا الولد مشى يشوف طريق لماجد .. ودخل ماجد وسأل عن الرجال وين عزاهم وراحو للبيت اللي جمبهم ودخلو عندهم وعزو أبو حصه ... ماجد لف على سلطان وبهمس :رح لحرمتك خل نروح للمغسله تسلم على أمها قبل ما تندفن ... سلطان :ترى ماني ناقص صياح حريم ندفنها ونخلص ماجد : سلطان سلطان :كنك الكبير وأنا الصغير ماجد :والله مدري في الظروف يبان العقل عصب سلطان وقام من عندهم .. ودق على حصه اللي ردت بسرعه :حصه البسي عبايتك خلينها نروح المغسلة تشوفين أمك وإذا كان في أحد بيروح أخلصو ....ورجع سكر الخط .... حصه لفت على أم أحمد :خالتي أم أحمد :نعم بنتي حصه:رجلي يقول لي نروح نشوف امي تكفين قولي لمنيرة تجي أم أحمد :زين بناديها وبأروح معكم أنا بعد قامت ام أحمد ومسكتها حصه طرف جلابيتها ووقفت :خالتي لطيفه لا تسمعكم ما ابيها تشوف امي توها صغيره أم احمد :إن شاء الله تطمني من هالناحية .... وراحت تقول لمنيرة اللي على طول لبست عبايتها تبي تتأكد بعيونها ... حصه لبست عبايتها وطلعو مع ام احمد ...... ولد أم احمد خذ أمه وأبو حصه ولحق سيارة ماجد للمغسلة .... .......في سيارة ماجد .. سلطان :حصـــه خفي صياح أوجعني راسي وحصه تزيد صياح غصبن عنها... منيرة :أنتي كيف تصيحين وحنا ما تأكدنا لف سلطان لورا يشوف من تكلم هالكلام .... ورجع يناظر الطريق وهو مبتسم...!!!!!!!!!!!!!! ماجد طالع سلطان المبتسم لأن ابتسامته مو بوقتها .... وتحمد ربه على نعمة العقل وطالع لورا من المراية يشوف سيارة أحمد وراهم ولا لا ؟ وصلو للمغسله ووقفو .... نزلو الحريم ودخلو اما الرجال وقفو ينتظرون سيارة نقل الموتى تمشي وكان مع أم حصه وحدة ثانية مثلها في العمر ... دخلت أم أحمد اللي قوة قلبها وتغسل مع المغسلة ... منيرة وحصه واقفين ... حصه تصيح ومنيرة للحين واقفه ما دخلت وكأن موت أمها بدى يترجمه عقلها.. بعد نص ساعة طلعت أم أحمد لهم :يله بنات ادلخو سلمو على أمكم ... منيرةدخلت بسرعه لكن لقت أمها جامدة لا حركة وجهها أبيض منور ما كانت تخبر أمها بهالبياض ... قربت طالعتها :يمه أم أحمد :منيرة حبي راسها واطلعي خلينا نعجل ما بقى على العصر شي ... منيرة حبت راس أمها ودمعتها نزلت لفت على حصه اللي واقفه عند الباب: حصه تعالي شوفي امي مشت حصه بخطوات هاديه حبت راس أمها وطلعت بسرعه ... منيرة صارت ترجف ترجف ترجف ودموعها تنزل سيل قومتها أم أحمد وسحبتها لبرى .... وطلعو دخلو سيارة أحمد ...... لكن سلطان دق على حصه تجي تركب معهم ومشت ركبت معهم .. وراحوا المسجد ...... ...................................... بعد الصلاة ..... والدفن .... .....في بيت أبو حصه ....... أم أحمد تحاكي حصه :رجلك عند الباب يبيك ... حصه قامت تشوف سلطان وش يبي .... شكل حصه كأنه وحدة ماتت وقامت ..! كل شي صار بسرعة وموت أمها ما كان في الحسبان مشت حصه لقت سلطان واقف بهيبته عند الباب ... سلطان :عظم الله أجرك حصه : أجرنا وأجرك سلطان بأسلوب هادي ومو من طبعه المعتاد على حصه: إلا متى بتقعدين هنا؟؟؟؟؟؟؟؟ حصه بنبرة ترجي : تكفى لا ترجعني خواتي محد عندهم لا تمنعني منهم طلبتك و.....حط سلطان يده على فمها عشان تسكت .... سلطان :ااووش ما قلت بأرجعك قصدي كم يوم بتقعدين هنا حصه :مدري سلطان:أسبوع يكفيك هزت راسها حصه بألأجابه :بتسافر سلطان : بأروح أنا ومشاري شغل في البحرين ومدري متى بنرجع حصه:اليوم بتروح؟ سلطان : أحتمال بكرة يله أنا طالع ومشى حصه : سلطان لف سلطان عليها .. حصه :أنتبه على نفسك ولأول مره تصير حدث تاريخي لازم تحفظ اليوم والساعة والدقيقة وبالثانية.... فتحت سلطان يدينه وهي ارتمت بحضنه حضنها ومسح على شعرها وحب راسها...وبعدها عنه ثم طلع .... وجلست حصه تستوعب وش صار ..... .......................... | ||||
|
| |
|
18-07-19, 04:56 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المحطة الثالثة ::::: مرت أيام العزا ويومين بعدها... أهم شي صار فيها أن ربى وشوق جو وعزوا حصه ... لطيفة ومنيرة في حالة يرثى لها .... أما ماجد ما قصر معهم وقف وقفة رجال .... بعد العزا سأل عن بيتهم إذا فيه أغراض أو لا من ناحية الأكل وراح وعبا ثلاجتهم مع اعتراضات أبو حصة إلا أنه وافق لأنه هو الكسبان ....!!! حصه من بعد ما قال لها سلطان بيسافر ما عاد دق ولا سأل كأنه متحسف أن عطاها وجه......؟ ................................... في صالة البيت يوم الخميس ...... شوق:أنا خلاص ما راح أنقل مدرسة ثانية أم مشاري اللي متكشخة وماسكة عبايتها بيدها :أوووف وينها تأخرت رتتاااااج رتاج تنزل من الدرج : شوي مام ووصلت :جيت قلتي للسواق يجهز السيارة أم مشاري :السيارة جاهزة من زمان يله لا نتأخر عليهم وتزعل صيته شوق :تهتمين في زعل صيته لكن أنا بكيفي من امس وأنا أقول أني ما راح أنقل لو بأنقل بأروح مدرستي القديمة وكيفكم ولا بأجلس في البيت حالي حال ماجد.. وقامت زعلانه وراحت فوق .... رتاج : وش فيها ذي انهبلت ؟؟؟ أم مشاري : ما عليك منها يله مشينا وطلعوا من البيت ..... .... خذني بقا يا جروح أرجوك داويني لا تروح الروح كفا عذابي منك ليه تشقيني هذا صوت ماجد وهو يغني مبسوط بيسافر أخيرا ماجد :ستتتتتتتتتتتتيي جت الشغالة :نعم ماجد:نزلي الشناط تحت ...... وعلى طول راحت تسحبها وتنزلها لتحت ... راح ماجد غرفة شوق وطق طقه وحدة ودخل :شوووق شوق بعصبيه :نعم ماجد : أمي وين ؟؟ شوق:فبليس مدري سكر الباب وأطلع ماجد:اهااا ...تكلمي زين وينها أخلصي شوق:راحت هي ورتاج لسابع أخت صيته ماجد بصوت جهوري:صيـــته واو ما تنقرب شوق:أخلص وش تبي؟؟ ماجد :وأنتي وش وراك معصبه شوق: كيفي أعصب متى ما أبي ماجد :طيب لا تحترقين لا رجعت امي قولي لها أن ماجد سافر شوق:وين طاس بعد أنت الثالث ماجد :أووه من الأول بعد شوق:مشاري وسلطان رايحين البحرين لهم أسبوع ماجد: لا ذولا تبع أبوي رايحين شغل أما أنا وناسه شوق : أنتهبه للحرام بس ماجد : لا تخافين صدق أستانس لكن بطريقتي مو اللي قلتي عليه يله انا رايح تبين شي أجيبه لك ؟؟؟؟ شوق":وين رايح؟؟؟ ماجد :باريس شوق : اها جيب لي هدية معك ماجد :ايه إذا ذكرتكم أصلا هناك وطلع من الباب ....وطلع من البيت . ....وطلع للمطار ......وطلع برى السعودية .................................................. حصه : يبه أنا بكره بأرجع أبو حصه : على راحتك حصه:تبي شي تبي أجلس عندكم زيادة جلست أبو حصه : لا أرجعي لرجلك أحسن والبنات كبار ويدبرون عمرهم حصه قامت ودخلت الغرفة لقت لطيفة تحل واجباتها مع أنه خميس ومنيرة فاتحه الكتاب وتطالعه سرحانه ... حصه : منيرة منيرة :نعم حصه : بكرة أنا راجعه بيتي منيرة :طيب حصه:انتبهي لنفسك ولا تخلين أي شي يخرب على دراستك ترى أنتي اللحين صرتي أكثر وحدة فينا محتاجة الشهادة منيرة :أخاف بكرة يجيني واحد ولد عز وأصير مثلك حصه:الدنيا نصيب وش دراك لكن أنتي لا يرجع مستواك في الدراسه وأنتي لطوف لا تزعجين منيرة وساعديها في طبخ الغدا والعشا وتنظيف البيت مو تقولين مالي دخل واوصيكم كلكم أبوي لازم ياكل دوا السكر في موعده إذا نسى ذكروه ولا تغفل وحدة عن الثانية .... ها فهمتوا ..؟؟؟ هزو روسهم بالإيجاب لأختهم الكبيرة ... ...................... شوق دخلت بدون أستاذان لغرفة ربى :ربى ربى مشغولة على الاب توب :وحطبه وش تبين ؟؟؟؟ شوق :خلي اللي قدامك شوي باكلمك في موضوع ربى :بعدين ماني فاضية لك شوق:ربى شوي بس ما راح أعطلك ربى:لا ........ برى هه ههه ههههاي وشذا اللي لابسته هه هههه شوق تطالعها بعيون مستغربه :وش فيني ؟؟؟؟؟ ربى : مجنونه تتمشين في البيت ببجامه ..! لا بعد بينك ههه هههه لو تشوفك أمي تعطيك محاضرة عن لبسك شوق:اوووف أصلا مام على قولة رتاج طالعه وما راح ترجع إلا 12 والوالد نايم يعني خذي راحتك ربى تحمست :وماجد وسلطان مسافرين ووواو شوق :حتى مشاري يعني ما في رجال إلا أبوي ربى :ونقدر نطلع اللحين شوق:وين نطلع ربى :مدري نتمشى خميس وش ورانا شوق :ممم صح اليوم ما طلعنا ولا جت جواهر وش رايك نروح ندور في الشوارع مع السواق طبعا ربى :قومي بأدق على (ساجد) قبل ما ينام خليه يطلعنا مسكت ربى جوالها ودقت عليه وقالت له يجهز السيارة وشوق وربى كل وحدة راحت تلبس .... طلعو مع السواق وكانت الساعه حدود 10 ونص .... شوق :تهقين أمي لو تعرف ما راح تقول شي ربى :ما سوينا شي غلط رتاج تطلع وتجي على كيفها وش معنى أحنا بأستأذان يله بس ........ قطع عليهم ساجد :وين روح ؟؟؟ شوق : المملكة ربى : الفيصليه شوق : المملكة مالي شغل ربى :أقول يله بس أنا الكبيرة ..روح ساجد الفيصلية شوق :اوووف مشى ساجد رايح للفيصلية وصلو في حدود الساعة 11 إلا عشر ... نزلو كان السوق مليان شباب وبنات وعوايل من جميع الأشكال والألوان .. ربى وهي تدخل محل ساعات :وش موضوعك اللي كنتي تبيني فيه شوق : لا خلاص مو وقته ربى : كيفك ...شواقه شوفي الساعه هذي مو حلوه مسكتها شوق مع يدها :أقول خلينا نطلع بس وطلعو من المحل ربى :وش تبين أنتي خلينا نتفرج على الساعات شوق :أبي عطر ربى :يا حبك للعطور خليها بعدين شوق تطنشها وتدخل محل العطور وعلى ذوق اللبناني اللي في المحل أختارت العطر وحاسبت وطلعت لربى اللي تنتظرها برى ,,,, شوق قربت تبي تتأكد : ربى ربى :تغطي تغطي بسرعه شوق بسرعه رمت الطرحة على وجهها ..:هههه وشووو ربى : مدري شفت عيال مشاري مشو من عندي بس ما انتبهو لعمتهم شوق :من جايبهم اليوم ؟؟؟؟ ربى : مدري تتوقعين ساره ؟؟؟؟ شوق : مدري ؟؟؟؟؟؟؟ما عزمتها صيته على سابع أختها ؟؟؟؟ ربى :مدري امشي بس نطلع .... شوق:هيه ما تعشينا ربى :نوقف في الطريق وناخذ سفري يله بسرررعه شوق : ما راح اطلع تونا جايين ربى :الجايات أكثر أقول يله امشي بس ............. ومشو طالعين وطبعا في كل مرة يطلعون يخلون السواق برى ينتظرهم حتى لو جلسو 6 ساعات .... ركبوا وتوجهوا للبيت .... بعد ما وقفو المطعم المفضل لهم (بيتزا هت ) وصلو عند البوابه ونزلوا ودخلوا ..... لكن المفاجأة ... كان سلطان جالس في الصالة وجمبه مشاري ومعهم أوراق ويتناقشون في موضوع رفعو روسهم يشوفون اللي داخل البيت ..... مشاري :من وين جاين ربى :ها مدري شوق :رايحين السوق شريت عطر وجيت .... سلطان :مستأذنين من مين ؟؟؟؟ شوق:من أمي رجعو مثل قبل مع حوسة الأوراق .... وربى وشوق على طول رقوا فوق ....... شوق:لو أنهم مو مشغولين كان استقعدوا لنا ربى :ما عليك المهم وش كان موضوعك .... شوق : لا بعدين ... ربى : كيفك .... واجتعو ياكلون عشاهم ......................................... حدود الساعة 12 ونص .... دخل سلطان القسم حقه... تسبح ولبس ثوب البيت ... مسك جواله وفتحه من زمان مخليه مغلق ... لقى رسايل كثيرة من حصه ... تذكر أنها عند أهلها ...! بيروح يجيبها بكرة ... جلس يقرا الرسايل حقت حصه من الفضاوة واللي ما تعجبه يمسحها..! منها : مسيت ياعز المخاليق بالخير كل الأمل تبقى حياتك سعيدة احلم بشوفك حلم عطشان للبير وأحسب مسافات الليالي البعيدة بس المهم تكون مرتاح وبخير ولا اللقاء ملحوق ربك يجيبه ضحك ضحكة طويله اللي من دون سبب :والله انك يا حصه مريضة..!!! ............................. في صباح جديد....... في بيت قديم...... ماليه الحزن بعد رحيل الغاليه .... الساعه كانت في حدود 7 ..... قامت حصه من النوم على صوت جوالها يدق من سلطان وردت وقال أنه عند الباب ينتظرها ... كان نفسها تودع خواتها لكن النوم مجافيهم خلتهم على راحتهم وطلعت .... ركبت سيارة سلطان ...:السلام عليكم ... ما رد سلطان ومشى يكمل طريقه حصه :حمد لله على سلامتك مارد حصه:ليه مسكر جوالك ولادقيت علي طالعها سلطان ورجع يطالع الطريق:اسكتي أحسن لك ترى أنا رايق مره لا تعكرين مزاجي..!! قالت حصه بصوت هامس :حمد لله على العقل وفجأه .... وقف سلطان على جمب ..........:وش قلتي تو ؟؟؟؟؟؟ حصه خافت: وش قلت ؟؟ماقلت شي سلطان : اها ...انتبهي بس .... ورجع ماشي للبيت ..........وحصه ماسكه عمرها لا تقول شي لأنه شكل سمعه قوي ............................ معروف يوم الجمعه الكل يجتمع على الغدا ,,, وكانت الساعة في حدود 2 الظهر ... وفي الصالة متواجدين رجال ونساء ... (مشاري وزوجته وعياله ومشعل وزوجته وعياله وسلطان وحصه والبنات )) بدر يشد شعر دانه :مكانــــي أنا أول دانه تفك يده :عورتني يا حمار وتعطيه ضربه ناعمه على وجهه وهو ردها برفسه قوية خلتها تطيح على الأرض ... وعند المضاربه لا تعرف النعومه مكانها ..!! قامت دانه بتردها له وتطقه وهو يردها وطقه على طقه أعتلت الأصوات ... وانتبه الجالسين للهوشة اللي تصير ... ساره :بددددددر خل أختك في حالها لكن ما يسمعها مندمج بالطق ... هزت ساره مشاري يقوم يفكهم ما فيها حيل تقوم لهم وهي في الثامن .. مشاري :دااااااااانه بدرررررررررررر الكل سكت على صوته و دانه انتفضت على صوت أبوها وبدر توقف عن الضرب ... ربى :هههههههههههههههههههه ههههههههه ههههههه الكل طالعها ومستغرب من الضحك اللي مو بوقته لقوها ماسكه جوالها ومنسجمه معه ولا تدري باللي صاير حتى ما اللتفتت على صراخ مشاري اللي متعودة عليه..! دانه لم شافت كل النظرات عليها لأنها هي اللي انطقت صح من بدر راحت تصيح عند عمها مشعل اللي جلس يهديها .... بحكم أنه يوميا تمر عليه حالات صياح وبجميع الانواع ... ورجع الكل يسولف مع اللي جمبه ... صيته :إلا ليش ما جيتي أمس للعزيمة ساره :والله ما فضيت رحت السوق أشتري ملابس للبيبي وخذت العيال معي والتهو هناك شوق :وين رحتو أمس ؟؟؟ ساره:الفيصلية شوق : أها ... ولفت لربى اللي سمعت ساره وين راحو بس مالفت تطالع شوق بيشكون أن صاير شي .... جى سلمان يصيح ..... صيته :وشفيك أنت الثاني سلمان يروح لأمه :ضربني بدر صيته :ساره شوفي ولدك ساره :والله مافيني على طقاق بزران تصرفي أنتي لو تطقينه عادي صيته : روح وخذ حقك بيدك لا تصير رخمه سلمان زاد صياحه رتاج :هه لا تفكرين لو لحظة بدر شراني ما يقدر عليه سلمان صيته انقهرت :لا يقدر مو صح سلومي سلمان يصيح وفشل صيته .... ......مر الوقت وجى وقت الغداء وكان مثل العادة هدوء بسبب وجود الوالد لكن البزران هم اللي كان لهم صوت بطبيعة سنهم ولسانهم .. بعد الغداء أجتمعو مره ثانيه بس بدون وجود الوالد ...... وشربو الشاهي وسولفو وضحكو مع بعض ... الكل كان مستانس إلا حصه اللي ساكته من جلست ,,,, كم مره سألتها صيته عن خواتها وأبوها ووكيف بيعشون ومن بيربيهم ومن بيجلسون عنده ما كانت من باب الأطمئنان لا لأن عيونها كانت تتشمت لا أقل ولا أكثر ,,, لكن حصه تجيب بكلمة أو كلمتين وتسكت ما كانت تبي تفتح مجال نقاش معها بتاتا لأنها راح تبدا بتجريح المشاعر ,,,, ........................................... يوم السبت ... أبو حصه : يله منيرة تأخرنا منيرة :وين يبه الساعة 5 الفجر ..... أبو حصه:بأروح المدرسة تلقين ابو عبدالرحمن تعبان هناك يله مشينا منيرة :طيب شوي ونجي ((أبو عبدالرحمن الحارس الأول ساكن في المدرسه هو ومرته ... وأبو حصه الحارس الثاني معه مثل المساعد ويداوم من الصباح لين ما يطلعون البنات من المدرسة والمدرسات ويتأكد إذا كان فيه صيانه في المدرسة يجلس ويدخل مع العمال أحيانا يوصل جلوسه لأذان المغرب .......)) لطيفة طلعت وجلست في الصالة ومنيرة شوي وجت وطلعو رايحين المدرسة ..................... ............................. شوق :أنا ما أبي كل مره أتأخر عشان ربى أم مشاري اللي جالسه قبالها : طيب وش يضرك أنتظري خمس دقايق ... شوق : ماما حرام عليك الساعة 7 إلا ربع وين أصبر وهي حتى ما تحركت من السرير .... أم مشاري :روحي خل يوديك ويرجع بسرعه ,,,,,,, شوق :وأخيرا فرجت ...إلا يمه ما راح تنقلوني خلاص أم مشاري : لا دام العجوز ماتت خلاص ما يحتاج شوق استغربت من طريقة كلام أمها و لبست عبايتها وخذت شنطتها وطلعت مع السواق ..... ............ حصه : سلطان قوم صارت الساعة 7 ..... سلطان يرمي البطانية على جمب ويقوم ........ تسبح ولبس ثوبه وشماغ وتعطر .... حصه : جهزت لك فطور سلطان :مستعجل ما يمدي ...... وطلع من عندها ...... وهي راحت تدق على أبوها تسأل عن أخبارهم لكن جواله مفصول عن الخدمه ............... رتاج جالسه في غرفتها :تكفين قولي لها اني ما أقصد الكلام اللي قلته بس قلت لها إذا بتطلع معه راح أقطع علاقتي معها سديم : لا يا عيوني أنتي قلتي لها .. العنود ترى ان طلعتي مع جابر ما تلومين إلا نفسك وراح أقطع علاقتنا ... رتاج :أنا خايفه عليها تركب معه سديم : لا أنتي غيرانه منها ....... رتاج :سديم قدري وضعي أحبها موت وربي أحبها ومقدر أصلا أزعل عليها سديم : بعدين العنود بوي مره وجابر يكلمها بس كذا ولا لو يحبها بيروح لوحدة ناعمه .... رتاج:يعني وش أسوي لها هي زعلانه علي اللحين سديم : طال عمرك أكتبي لها شيك بخمس ألاف وبترضى على طول رتاج بغباء: جد راح ترضى ؟؟؟؟ سديم : أكيد رتاج :خلاص أنا ساعة ونص وأكون في الجامعه عشان تعطينها لها سديم :اوكي أصلا أنا الساعة 8 هناك يله باي رتاج :باي ..... قامت رتاج بسرعه تكشخ لحبيبتها العنود .... اللي تسميها (خالد) ... .............................................. ساره :بتوديني المستشفى الظهر ولا أروح مع السواق مشاري : أرد عليك الساعة 10 إذا كنت فاضي جيت وخذتك ولا خليتك مع السواق ... ساره تجلس بثقل على الكنبه : لا تتأخر طيب .... مشاري :من عيوني ...... طلع مشاري رايح لدوامه .......... ..................................... مشعل جالس على مكتبه .................. دخلت عليه الممرضة السعودية : دكتور مشعل أبدا أدخل الحالات مشعل :ايه يله وطلعت تنادي على أول حاله ,,,,,,,, كان طفل عمره 3 سنوات مرتفعه حرارته وصف لأبوه دوا مناسب وطلع ....... والحالة الثانية كسر في اليد وجبروه له .......... الحالة الثالثه لطفل مرتفع السكر عنده ... وكان صياحه خل راس مشعل يصدع ........ وما صدق أنه خلص منه وطلع ......... دخلت الممرضة :دكتور مشعل ......مدير المستشفى يبيك ..؟؟ مشعل استغرب :وش عنده؟؟؟ الممرضة :ما ادري بس قال بسرعه مشعل :يا ليت تجيبين لي مويه ...... الممرضة :مثل كل مره صداع صح مشعل :ايه والله صداع ... طلعت الممرضة وجابت مويه لمشعل وبلع حبة بندول وراح لمكتب المدير طق الباب ودخل ورحب به أبو علي وجلسه .... مشعل : بغيتني ؟؟؟؟ أبو علي : ايه بخصوص موضوع الممرضة إيمان اللي عندك مشعل :وش فيها ؟؟؟ أبو علي : مقدمه على أجازة 3 شهور بسبب حملها .. وجبنا بدالها ممرضه جديدة .... مشعل :وش جنسيتها ؟؟؟ أبو علي : سعودية وترى كانت تشتغل في الوحدة الصحية وجبناها هنا مشعل : أها طيب وإيمان متى تبدا أجازتها ؟؟؟ أبو علي : الأربعاء القادم مشعل : والممرضة وش أسمها ؟؟ أبو علي :خذ هالملف فيه كل المعلومات عن الممرضة وهي راح تجيك بكرة الصباح حتى تعرفها على الشغل ... مشعل : يصير خير ,,,,فيه شي ثاني ؟؟؟ أبو علي : لا مشكور تفضل على شغلك ........ طلع مشعل وراح لمكتبه ....... وفتح الملف حق الممرضة الجديدة ... الأسم : وعد عبدالمجيد محمد ال......... العمر : 25 سنة .......... سكر الملف مشعل لأنه في حاله جديدة .. ................................................ في الجامعه ..... رتاج :خلاص رضت علي ؟؟؟؟؟؟؟؟ سديم :أكيد بترضى يا غبيه ما تلاحضين أنها تستغلك ...؟ رتاج :عادي سديم : يوم من الأيام بتطفرين والسبه هي ... رتاج : فلوس الدنيا تفداها ....بعدين أنتي ما تعرفين أنا بنت مين ؟؟ فلوس الدنيا كلها ما تسوى عندي شي ......... سديم : نشوف ........ رتاج :طيب قولي لها عادي أجي لها البيت ... سديم : أنتي صاحيه ولا مجنونه رتاج :ايش عادي؟ سديم: لا مو عادي تدرين كم أخو عندها رتاج : قالت لي 5 أخوان ... سديم : وكلهم فوق العشرين وما تزوجو رتاج : طيب وش دخل هذا في هذا ... سديم : لا تستغبين يا رتاج أقولك بيتهم مليان عيال وأمهم متوفيه وش تتوقعين لو شافوك أكيد بيضايقونك ... رتاج :لا حبيبتي مو لهدرجة وبعدين ما راح أطول ساعه وأطلع ,,, سديم : روحي قولي لها أنتي رتاج : لا استحي سديم : يله بس ما راح أقول لها رتاج : سدومه حبيبتي أنتي روحي قولي لها بليز يله يا طلبه ... سديم :آه منك أمري لله ... .................................... منيرة جالسه تفكر في حصه فيزياء ..... كيف تتخلص من الورطة اللي انحطت فيها ... هند تبي تجرها معها .... ليه وش سوت لها ..... تذكرت الرقم ...... مسكينه هند ما تدري أن أمس انقطع التلفون عنهم .... فتحت الكتاب تدور على الورقة ...... وانجن جنونها لم مالقتها ............... الظهر في أحد البنوك اللي مخلي أبو مشاري يشرف عليها مشاري ..... مشاري : روحي مع السواق وجيبي العيال من المدارس لا تنسين ... ساره :اوكي يله لا أعطلك عن شغلك مشاري : لا يكون زعلتي ...؟؟؟ ساره : لا ما زعلت متعوده عليك يله باي ....وسكرت ... مشاري حزت في نفسه أنه مهمل ساره وعياله هالأيام بسبب ضغط الشغل .......لكن بيقول لأبوه يخلي ماجد يساعدهم بدل ما يصيع في أراضي مالها داعي .... .................. رتاج واقفه عند محل الورد .... بعد ما أخذت بوكيه الورد الأحمر .... ركبت السيارة وراحت للبيت ونزلت عشان تبدل وتطلع ...... راحت بسرعه لغرفتها تدور على لبس يشرفها عند خالد ...! طلعت تنورة كروهات أسود ووردي توصل لنص الفخذ .... مع تشيرت وردي ناعم وعليه كتابات بالأسود .... لبست كعب واطي أسود ,,, فكت شعرها لأن العنود تحبه كذا .... رسمت عيونها بالكحل السايل وحطت شدو وردي ... وبلاشر وردي وروج فوشي غامق .... لبست عبايتها وسكرتها عشان محد يشوف وش لابسه ,,,, طلعت وقالت للشغالة تقول لأمها ما راح تتغدا معهم .... راحت وركبت السيارة ومشت ... وبأستحياء مسكت جوالها ودقت على العنود ..... العنود بصوتها الخشن :هلا وغلا بروحي ... رتاج راح صوتها وما عاد عرفت تتكلم ... العنود :رتاج وينك حبيبي ضيعت الدنيا رتاج ... العنود: يعني أسكر ؟؟؟ رتاج : لا خلودي العنود :ههه وينك اللحين ....... رتاج : طالعه من البيت بس أبي الوصف ........ وجلست العنود توصف لرتاج بيتهم ........ لم بعد الحوسه وصلت البيت ........ استغربت أنه العنود ساكنه هالبيت المتواضع ... نزلت بعد ما قالت للسواق ينقلع ... ضربت الجرس وفتح لها واحد في حدود الـ28.......... الرجال : نعم ؟؟؟؟؟؟؟ رتاج : هذا بيت خا سكتت وقالت :العنود ...... الرجال:ايه من أنتي رتاج :انا صديقتها الرجال : أها ....طيب ..تفضلي ...... ومشى وهي مشت وراه .......... لم دخلها الصالة ....... العنود تنزل من الدرج : هلا وغلا ... رتاج تسلم عليها .... العنود : افسخي عبايتك ..... رتاج تطالع الرجال وتطالعها يعني أفهميها ,,,,, العنود : لا عادي هذا أخوي طلال قد قلتلك عليه ,,,, رتاج :طيب نروح غرفتك أحسن ,,,, العنود :اوكي ,,,,, طلال : تستحي مني ....... العنود:أول مره بعدين راح تتعود ...!!!!!! طلعت رتاج والعنود وراحو الغرفة ...... العنود : يله عاد ارمي العباية فسخت رتاج عبايتها وحطتها على جمب ...... العنود :العن أبو ذا الجسم يا شيخة رتاج أحمر وجهها ....... جلست رتاج على السرير وجت جلست جمبها العنود ومسكت يدها ....... العنود /: وشفيك حاره رتاج : لا الجو حر العنود : أها رتاج تذكرت شي وشهقت العنود : وش فيك رتاج: الورد نسيته في السيارة العنود :أي ورد ؟؟ رتاج :كنت جايبه معي ورد نسيتها في السيارة العنود وهي تغمز لها :أكيد لي ؟؟؟؟ رتاج هزت راسها ب(ايه) انفتح الباب عليهم وبعدت العنود شوي عن رتاج .... راشد : من ذي ؟؟؟؟؟؟؟ العنود وقفت :هذي رتاج صديقتي راشد يطالعها من فوق وتحت العنود :تعال سلم ترى عادي الوضع مشى راشد بيسلم عليها ورتاج تحاول تسحب العباية عشان تلبسها وهي جالسه ارتفعت التنورة وما بقى شوي ألا نقول (ماله داعي لابستها) مد راشد يده لرتاج : سلام يا حلو ؟؟؟؟ رتاج مد يدها :وعليكم ......... العنود : رتاج هذا راشد عمره 24 سنة ,,,, راشد يجلس جمب رتاج : كيف الحال .... رتاج ساكته وتنتفض من الخوف ,,,,,,, وش هالميانه يجلس جمبها,,, راشد :وش فيها خويتك تنتفض ,,, العنود :هههه رتاج ترى عادي أخواني مره فله لا تستحين منهم ..... راشد : محد شافها قبلي ,,,؟؟؟ العنود : إلا طلال بس مدري عنه .......... راشد :لا يا بوي والله أنا وطلع مسرع ورتاج ما فهمت شي ....... العنود : لا يكون تضايقتي منه رتاج تسحب عبايتها بتطلع ....... العنود :وين على الله ..... رتاج : بأرجع البيت العنود :بدري أجلسي نسولف شوي جلست رتاج ربع ساعة وأغلب شي سااكته ثم قامت :خلودي أنا خلاص بأروح العنود: بدري حتى ما عطيتني اللي ابيه رتاج بحواجب معقودة :وش ؟؟ العنود : بوستي رتاج استحت وقربت وعطت العنود بوسه على خدها ..... العنود : طيب قبل لا تطلعين اجلسي شوي وجايه ....... طلعت العنود ورتاج دقت على السواق يجي لأن الوضع ما يطمن وصادقة سديم .. تحت ....... العنود : راشد أظن هو اللي يقدر عليها عنده أسلوب أما أنت عربجي ما يصلح طلال : أفا ....أنا عربجي أجل أنتي وش تصيرين قسم أن المستشفى غلط يوم كتب أنثى ....... العنود : هه ما تضحك يله عاد أخلصو ترى سواقها بيجي بعد شوي ........ راشد راح ركض للدرج وسبق طلال عليها ....... ...................................... | ||||
|
| |
|
18-07-19, 05:27 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المحطة الرابعه:::::::::::::: طق الباب ودخل ......: ممكن أجلس شوي معك رتاج فهت:ها راشد دخل وسكر الباب وراه ...... رتاج كل شي فيها ينتفض......... لكن تفاجأة أنه طالعها بنظرهة غريبه وطلع .... جلست شوي تستوعب معقولة العنود ما تغار علي ؟؟؟؟؟؟ لازم أحد حد لعلاقتنا من سنتين وأحنا كذا ...... نزلت تحت ,,,,, العنود :جى السايق ...... ما ردت عليها وطلعت برى الفله تنتظر السايق في الشمس ....... لكن جاها بسرعه وركبت وعطته كم كلمة مع أنه جى بسرعه ,,,,, شافت الورد بمكانه خذته ورمته مع الشباك ,,,,,,,,,, من القهر على اللي صار ........ ......... لطيفه :هيه حستي قشي ... منيرة :اوووف اصبري بأرجعهم أدور على شي لطيفه : وش يمكن أعرف وين مكانه منيرة : لا ما تعرفين ........ وجلست تحوس في الغرفة لم فقدة الأمل ,, ,,,,,,,,,,, الساعة 4 العصر ,,,,,,في قسم سلطان وحصه...بالتحديد في الصالة حصه : سلطان ممكن طلب ....... سلطان :وش ؟؟ حصه :أبي أروح لأهلي سلطان : قبل أمس كنتي عندهم ....... حصه : طيب عادي أدق عليهم ....... سلطان : ليش تستأذنين مو فاتورتك الجديدة فيها رقم أهلك مع أني محذرك ما تدقين ,,,,,,, حصه بلعت ريقها : أها بس كنت محتاجه اكلمهم سلطان : عشان أمك ادري واللحين أمك راحت فما له داعي تدقين حصه : خواتي ما عندهم أحد سلطان : أبوك وين راح حصه :موجود بس سلطان أفهمني هذولي خواتي سلطان : وعشانهم خواتك أقولك لا تدقين ولا بأسحب الجوال منك حصه حطت جوالها قدامه وبنبرة مخنوقه : خذه ماني بحاجته دام مانعني من أهلي ودخلت الغرفة وسكرت الباب بقوة ....... أعلان أنها زعلانه . ........ شوق تدق على ربى ماهي رايقة تروح لغرفتها ... ربى :ها وش تبين ؟ شوق :تعالي بسرعه ربى :مقدر شوق :اتركي النت شوي بسرعه تعالي ربى :طيب شوي وأجي شوق : باي ربى :باي سكرت ربى وقامت فتحت الباب ومشت لم وصلت غرفة شوق وما طقت الباب دخلت على طول:وش عندك؟؟؟ شوق :ترى جواهر رجعت من السفر أمس .... ربى :متى أصلا سافرت ؟؟؟؟ شوق :من أسبوعين يا البقرة وأنتي ما تدرين أنها مسافره ؟؟؟ ربى :بقرة أنتي وانا وش دراني شوق :من زود الأخوه اللي فيك ما تدرين وين أختك فيه ؟؟؟ ربى :وأنا وش دراني ها وش السالفة شوق :تقول تعالو عندي في البيت ربى :ليه ؟؟؟ شوق :وش ليه وحدة تبي تجمع خواتها فيها ليه ؟؟؟؟؟ ربى :أها طيب ذكريني لا جى العصر شوق ": شفتي الساعة إنتي ؟؟؟؟ ربى : 1 الظهر شوق :4 العصر يا اللي مانيب قايله يله نروح لها ربى :وليه توك تقولين ؟؟؟؟؟ شوق :توني أتذكر يله بألبس وأنتي لا تأخرينا وبأروح أقول لرتاج وحصه يجون معنا ربى : يله .....لبست شوق وطلعت وراحت لغرفة رتاج طقت الباب ما ردت طقت مره ثانية ما ردت مسكت يد الباب بتفتحه لكن لقته مسكر ..... راحت وجابت جوالها دقت عليها لكنه مقفل ....... شوق:رتاج قومي افتحي الباب .. وخبطت بالباب برجلها : بسرعه ماني رايقة انتظرك يله افتحي ........ رتاج فتحت الباب وبصراخ:نعــــــــــــــــ� � شوق تناظرها بأستحقار :خير شغالة أبوك أنا تصارخين علي رتاج : شوق ترى واصله معي وماني رايقة لك شوق : عمرك ما روقتي .......وراحت وتركتها راحت لجناح سلطان وطقت الباب ودخلت قبل ما يوصل لها الأذن بالدخول .... شوق واصله معها من صراخ رتاج في وجهها :وين حصه ؟؟؟؟؟ سلطان:أحد أذن لك بالدخول ؟؟؟؟؟؟؟؟؟؟ شوق وفي راسها (أبي أتطاق مع أحد): أنا أذنت لنفسي وأخلص وينها ..... سلطان :تعرفين كم عمرك ؟؟؟؟ شوق : 16 سنه سلطان : وتدرين كم عمري 28 سنة يعني أحترمي اللي أكبر منك شوق :وين حصه ؟؟؟؟؟ سلطان :تضيعين السالفة ؟....وش تبين بحصه ؟؟؟؟؟؟ شوق : جواهر أختك اللي هي أختي وصلت من السفر أمس وجامعتنا يالبنات في بيتها العصر ,,,,,, سلطان :البنات مو حصه شوق | وحصه مو بنت متزوج ولد أنت سلطان : حصه حرمه مو بنت ,,,, شوق : شكل السالفة مطوله معك ,,,حصـــــــــــه يا حصووص تعالي سلطان : حصه تعبانه ونايمه وبعدين أمها توها متوفيه مو رايقة لجمعات وخرابيط وأطلعي برى دام النفس عليك طيبه ..... شوق : وبأي حق تقرر عن حصه يمكن هي تبي تروح توسع صدرها ,,,,, سلطان : أنا زوجها وانا اللي أتحكم وأقرر وأنا ما ابيها تروح معكم وأطلعي برى شوق :افففففف كيفك أنت ومرتك اللي متحمله غثاك وطلعت ......... قابلت في السيب أختها ربى لابسه عبايتها ....... ربى : قلتي لها شوق ساكته معصبه وما ردت عليها دخلت الغرفة ولحقتها ربى :ليش ما تردين ؟؟؟ شوق : روحي بدلي خلاص تفركشت الروحة وبأدق على جواهر أقولها ربى : ليش وش صاير؟؟؟؟ شوق : رتاج معصبه وسلطان مايبي حصه تروح من بقى أنا وأنتي خلينا قاعدين أحسن وبعدين هي توها جايه امس من السفر وتعبانه وشكلها قالت تعالو مجامله لأني قلت وش رايك أجي عندك العصر وماحبت تقول لا فقالت جيبي البنات معك ,,,,,, ربى : اها السالفة كذا أحسن لأني مو مزاجي مو مره عشان اطلع يله أشوفك بكرة ,,,,,,,! راحت ربى غرفتها اللي تعشش فيها ,,, بدلت ملابسها ورجعت تجلس على النت مثل العادة ,,,,,, ......... دخل مشعل البيت وبيدة ملفات كثيرة لقى صيته جالسه تطالع التلفزيون ... صيته : السلام لله ...... مشعل :اوه أسف نسيت السلام عليكم صيته :وعليكم ليش تأخرت عشر دقايق بالعادة تجي 4 وربع اللحين 4 ونص إلا خمس وش عندك ؟؟؟ مشعل :كنت مشغول صيته :وش مشغول فيه بعدين وش هالأوراق اللي معك والملفات ..... مشعل :تبع الشغل ....حطي الغدا صيته :انا أحط لك وش شايفني شغالة ...... مشعل : أسفين يا مدام صيته روحي قولي للشغالة تحط الغدا لأن مره جوعان وهلكان من الشغل ..... صيته : أصلا متى قد جيت من الشغل مو هلكان وجوعان بعدين لو تترك هالمستشفى وبلاوية وتروح مع أبوك يكون أحسن لأني صراحة طفشت مو الوضع هذا كل يوم ترجع الساعة 4 تتغدا وتنام لين المغرب ثم تقوم تروح تجلس عند أمك نص ساعة وترجع وتنام الساعه 10 ونص وش هالعيشه القرف ...... حاسب على وقتك يا مشعل وقامت ورقت فوق ....... رمى مشعل على الكنب أوراقه وفسخ شماغه وجلس نادى على الشغالة تجيب له موية وتجهز الغدا فيما يروح يتسبح ويغير ملابسه ,,,,, جابت له المويه وشربها وقام رقى فوق..... لقى باب الغرفة مسكر :صيته هذا وقته تسكرين الباب ...... افتحي أبدل وسوي اللي تبين ..... صيته صيته يا صيته .... ولا حياة لمن تنادي ....... كأنها صرخة في وادي ,,,,,,! وقف شوي يمكن تفتح لكن لا أمل نزل لقى الشغالة مجهزه الأكل على الطاولة ,,,,,, تغدا وقام راح فوق ,,,,,, لقى شوق الصغيرة شايله بيدها ملابس وفوطة ....:بابا ماما تقول خذ هذي .....عرف مشعل أنها طلعت الملابس ورجعت تسكر الباب وش بيراضيها عاد مشعل : جيبها حبيبتي .....ونزل ياخذ الملابس من بنته شوق :بابا ماما ليش معصبه ؟؟؟ مشعل :مدري حبيبتي المهم كيف الدراسه حلوه ولا شينه ؟؟؟ شوق : حلوه مشعل :وين بوسة بابا وتعطي شوق بوسه لأبوها اللي بدوره حضنها ثم راح يتسبح في حمام غرفة شوق. بعد مالبس وخلص ,,,,, جلس مع شوق وسلمان يسولف معهم ..... أما رند جالسه في حضنه وساكته ,,,,,,,, ما عنده شغلة لأن هذا وقت نومه والست هانم مسكره الباب ,,,,,, ,,,,,,,,,,,,, الله أكبر ,,الله اكبر ,,, أذن المغرب ..... حصه اضطرت تفتح الباب لان الحمام برى الغرفة وتبي تصلي ... لقت سلطان على حاله من تركته قبال التلفزيون ........ سلطان :خيستي الغرفة من كثر ما تجلسين فيها ...... حصه ما كان لها خلق ترد عليه مشت لحمام وجاها ألم مفاجأه في بطنها خلاها تطلق كلمه :آآآآآآآآه بقوة دخلت الحمام بسرعه وطلعت مافي معدتها كلها ...... حست أنها ارتاحت شوي . توضت وطلعت صلت وخلصت فتحت القرآن بتقرا لكن سكرته وراحت الغرفة تقرا لأن التلفزيون مشغل وما تركز .. جلست تقرا القرآن وخلصت ........ رجعت تحوم كبدها وراحت بسرعه للحمام ورجعت مع أنها ما كلت شي ...... طلعت وجلست في الصالة قبال سلطان وجهها أصفر وكأنها شوي وتموت ,, ناظرها سلطان ورجع يطالع التلفزيون .......... حصه قامت وراحت المطبخ تصلح لها با بونج وخلصت وجلست تشربه لكن لاعت نفسها وما امداها تقوم ورجعت في مكانها... سلطان قام وطلع من عندها ........لكن قبل ما يطلع قال : لا خلصتي من هالقرف دقي علي .......؟!!!!!! وحصه نظفت قرفها على قولة سلطان وتحس بدوخة ,,,,,,,,, وهوت المكان وعطرته ودقت على سلطان ..... لبست ملابسها ولبست عبايتها .!. دخل سلطان وطالعها بأستغراب :وين على الله ؟؟؟؟؟ حصه :ودني المستشفى سلطان : وليه؟؟؟؟؟؟ حصه :مدري ودني عشان أعرف وش فيني سلطان :قولي لو سمحت ........! حصه:سلطان لو سمحت مووقت رسميات أحس أني بأرجع اللحين سلطان راح لبس ثوبه وطلع ولحقته حصه ....... وركب سيارته وركبت على طول جمبه لأن عادي يمشي عنها....... ولأقرب مستوصف أهلي وقف عنده ..... حصه :ماراح تنزل معي سلطان : انزلي ولا خلصتي دقي علي مد لها جوالها :خذي حصه : ما ابيه سلطان رماه عليها : اخلصي ماني فاضي لك حصه خذته :طيب ....طيب ..ورصت على أسنانها :طـيب ونزلت وهو راح ......... دخلت حصه للدكتورة عامه ....... وجلست تشرح لها وش صار معها ....... عطتها حبوب تمنع أنها ترجع ... وطلعت ... دقت على سلطان وكان عند المواقف ما تحرك وطلعت له ...... ما سأل وش فيها ........... حصه : سلطان وقف عند الصيدلة أبي هالدوا مسك سلطان الورقة لف على صيدلية ,,,,,, ونزل يجيب لها ورجع ... ,,,,,,, وصلها للبيت وراح يشوف أشغاله .......... وهي ماشيه نادتها ام مشاري :من وين جايه ؟؟؟؟ حصه :من المستوصف؟؟؟ أم مشاري:وليه أن شاء الله رايحه هناك؟؟؟؟؟؟؟؟؟؟ حصه : بطني يعورني أم مشاري:ومن موديك؟؟؟؟؟؟؟؟ حصه : سلطان ومشت رايحة للمصعد ... أم مشاري :تأكدي لا يكون حامل ولا شي ؟؟؟ حصه ما عطت كلام أم مشاري بال ورقت المصعد وراحت غرفتها تحس أنها دايخة وتبي تنام ,,,,,, .................................................. .. فتحت صيته الغرفة وهي لابسه عبايتها .... مشعل :ما بغيتي ؟؟؟؟؟؟؟؟ صيته ما تكلمه , مشعل :وين ؟؟؟؟ صيته : بأروح السوق مشعل : اها ...... صيته:تبي شي ؟؟؟؟ مشعل : لا طال عمرك أنتي تبين فلوس صيته : لا ما أبي ومشت عنه ونزلت وطلعت... أما مشعل حرص على الشغالة تقومه بعد ساعه وتنتبه لرند والعيال ...... .......... الساعة 9 ونص ,,,,, في بيت أبو حصه ...... منيرة منسدحة على سريرها ومتغطية بالبطانية وتفكر وين راحت الورقة .... وفجأة تذكرت ماجد وهو يقول لها .(ترى من أمس أنتي مضيعه شي لا فقدتيه قولي لحصه ...) معقولة يقصد الورقة ولا شي ثاني ....... لاجت حصه بتخليه تسأله ...... بس متى حصه بتجي ........؟؟ ............................... في اليوم التالي ...... طلعت ربى من غرفتها بشنطتها حدود الساعه 6 ونص ........ شافت شوق طالعه من غرفتها بعد ..... شوق :الله أكبر وش صار في الدنيا غريبه ربى قايمه بدري ربى : علق لاب توبي أمس ونمت مبكر شوق : عساه دوم ,,, ربى : عمى الله لا يسمع منك .......وش صار كلمتي جواهر شوق : ايه تعذرت منها ربى :وش قالت شوق :ما قالت شي ربى : قد قلتي أن عندك موضوع تبين تكلميني فيه ...... شوق : أنا !!! ربى :ايه أنتي شوق :والله ما أذكر ...بس إذا قلت ادري أن ماعندي سالفه ضحكت ربى وراحت .......... .................................................. . سلطان :حصه لبسي نروح نكشف يمكن حامل على قولة امي حصه : يهمك أكون حامل ؟؟؟؟؟ سلطان :حصه أكيد يهمني أبي يصير لي ولد أجل ليش متزوجك عشان سواد عيونك حصه طالعته وسكتت شوي ثم ردت:تأمر أمر بس عسى يحنن هالولد قلبك علي سلطان:حصلي زوج يعاملك مثلي وأنتي لا شهادة ولاجمال وفقر حصه انجرحت في الصميم :والله محد ضربك على يدك وتعال خذني بعدين أنتي اللي ما خليتني أكمل دراستي سلطان :أقول خلصينا بس وعن الهذره الزايدة خلينا نروح للمستشفى ,,,,, حصه راحت تلبس مثل ما يبي سلطان ......... وراحو للمستشفى ........... عند المواقف ,,,,, سلطان نزل لكن حصه ما نزلت سلطان :وشفيك أنزلي ؟؟؟؟ حصه :مالقيت إلا هالمستشفى ؟؟؟؟ سلطان :وش فيه من أحسن المستشفيات في الرياض حصه :لي ذكرى سيئة معه ياليت تغيره سلطان وتذكر:هذا الي توفت فيه أمك؟؟؟؟؟؟؟؟ وانا فاضي أروح بك مستشفى ثاني انزلي أخلصي بس نزلت حصه وهي تتجرع ذكرى أليمة مع المستشفى دخلو قسم (النساء والولادة ) .... راحو للرسبيشن ودفعو قيمة الكشف ...... أنتظرو خمس دقايق ومن عقبها دخلت حصه على الدكتورة .... وقالت بعد ساعة راح تطلع النتائج ...... إذا كانت حامل أو لا حصه كانت هادية بشكل غير طبيعي من قال لها سلطان لا شهادة ولا جمال وفقر وحست أنها شغالة عنده ,,,, حصه : رح لدوامك وانا انتظر هنا سلطان : أروح وأرجع أوديك البيت لا خليها مره وحدة حصه : اللي يريحك .... انشغل سلطان بجواله يكلم واحد يبي يشتري منه أرض وخرابيط ترتبط بالعمل مالنا دخل فيها .! حصه :سلطان سلطان :ها حصه :لو كنت حامل بتفرح لي سلطان :لا ليش أفرح حصه : يعني ما تتمنى يجيك ولد سلطان :محد فينا مايبي يجيه عيال وهذي سنة الحياة حصه : يعني بتفرح لي؟؟؟ سلطان : لا حصه في نفسها (ماراح تتغير يا سلطان هذا طبعك )) مرت الساعة ودخل سلطان وحصه للدكتورة ... دكتورة :مبروك حبيبتي أنتي حامل بالشهر الأول .... حصه أبتسمت :الله يبارك بأيامك الدكتورة : ياليت لو أنتي بتدوامين في هالمستشفى نفتح لك ملف خاص بك وللطفل حتى تراجعين عندنا بأستمرار سلطان :افتحو لها خلاص الدكتورة :راح أكتب لك مراجعه بعد بكرة حتى أعرفك على ... قطع كلامها سلطان : خلاص متى بعد بكرة الدكتور حست بتكبر سلطان : تدقون على المستشفى ونحدد موعد سلطان : مع السلامه وطلع وطلعت وراه حصه ,,,, ركبو السيارة ....\ حصه فرحانه:سلطان انا حامل وربي مو مصدقة سلطان:طيب وش تبين أسوي لك حصه سكتت وطالعت الطريق سلطان :لا نزلتك قولي للوالدة عشان ما تزعل أن ما علمناها حصه :مثل ماتبي ....... ............................................ رتاج :خالد تكفين مو قادرة أستوعب وش صار أمس يعني لهدرجة ما تغارين علي من أخوانك العنود :رتاج عادي ما فيها شي بعدين راشد دخلتي مزاجه وهددني إن ما خليتك تكلمينه ليوريني شغلي رتاج :وهو على كيفه بعدين أنا ما أحب إلا أنتي كيف تبيني أكلم أخوك لا ما يصير العنود : يعني ترضين علي أني أنضرب من راشد؟؟؟ رتاج شهقت :لا ما أرضى العنود : طيب كلميه عشان ما يضربني رتاج: يعني لو ما كلمته راح يضربك؟ العنود:أو يمنعني أني أكمل دراستي رتاج:العنود جد تتكلمي ولا تلعبين علي لهدرجة راشد يبيني ؟؟؟ العنود:وأكثر مما تتصورين وانا صراحة أنضرب أتقبلها بس(بهمس) أنحرم من شوفتك في الجامعه ما أقدر .... رتاج ذابت :من عيوني عطيني رقمه واكلمه بس عشانك العنود :حسسيه أنك تحبينه عشان ما يضرني ويمنعني من شوفتك رتاج :ااوكي اتفقنا .... ................................. في المستشفى ......... مشعل داخل مكتبه مشغول بأوراقه يطالع المواعيد حقت اليوم .... وإيمان راحت ... طق طق طق مشعل:تفضل دخلت بنت متحجبه نحيفة مرة وطولها متوسط بشرتها قمحية عيونها ما كانت واسعه ولا صغيرة وسط لونها أسود ولها لمعه خاصه ,,,خشمها نوعا ما طويل ....خدودها مليانه وفمها شوي ويختفي من صغره ...ماكنت جميله بهالوصف بنت عادية بس لها جاذبيه ...... مشعل اختبص ما عاد يعرف وش يقول ,,, وعد : السلام عليكم .... مشعل :وعليكم السلام ..... وعد : انا الممرضة وعد أكيد قالو لك عني ... مشعل :طبعا ...تفضلي حياك جلست وعد ...:حبيت أشوف الشغل قبل ما أداوم يعني أخذ نظره على السريع ... كانت كلماته جادة حتى نظرة عيونها تدل أنها وحده (ما عندها لعب ) مشعل :من حقك وجلس يشرح لها طبيعة شغلها معه ...... وأستأذنت وطلعت ....... أما مشعل جلس يفكر فيها .....! يمكن لأنها جديدة ؟؟؟؟؟ ........................................ وصلت رتاج من الجامعه وراحت لغرفتها ما انتظرت لم تتسبح وتلبس على طول راحت تدق على راشد ....... رتاج :الو راشد :نعم ؟؟ رتاج :هذا جوال راشد راشد :أكيد رتاج رتاج:أيه نعم راشد:هلا بهالصوت وراعيته .. رتاج: هلا بك راشد:ها كيفك وكيف الجامعه اليوم رتاج: الحمد لله سكتو شوي ... راشد : رتاج أنتي ما شاء الله ما أبي أحسدك بس والله محظوظة العنود فيك كل يوم تشوفك استحت رتاج ولا عرفت وش تقول راشد :رتاج رتاج:نعم راشد:وشفيك سكتي رتاج : لا ما في شي راشد :أحسبك رحتي رتاج: لا معك راشد :دوم إن شاء الله ........... رتاج ما عرفت ترد راشد : رتاج لا تسكتين تكلمي سولفي طق طق رتاج:راشد أكلمك بعدين باي ... سكرت .. دخلت الشغالة :مدام في يبغى أنتي رتاج:قولي لها بتتسبح وتنزل بعد شوي ولا عاد تجين يله برى الشغالة طلعت .... رتاج رجعت تدق على راشد كأن أعجبها الوضع .! راشد:هلا حبيبي ......! رتاج في نفسها (بدري):هلا راشد: لا يكون مشغوله وأنا معطلك رتاج : لا مو مشغوله راشد :رتاج رتاج :نعم راشد :أقدر اشوفك ؟؟ رتاج : ايش؟؟؟ راشد:وشفيك إذا ما عجبك طلبي خلاص اكنسله رتاج :لا مو ما عجبي بس هذي أول مره أكلمك يعني ما تطلب هالطلب راشد:وش فرق المكالمة الأولى عن العاشره رتاج:لا في فرق راشد: يعني اللحين لسه ما تعرفنا على بعض زين وبعدين راح تحبيني وتوافقي علي أني اقابلك ؟؟؟؟؟ رتاج :ها ...لا........ إلا........ مدري أمي تبيني باي راشد :ههه باي حبيبي... وسكرت منه ....... راحت تتسبح وتنزل تشوف أمها وش تبي ........... أم مشاري :ترى حصه حامل بالأول رتاج :طيب خبر عادي مفروض ما تقولينه لي لأني صراحة ما أهتم من ناحية حصه لو تقولي أن صيته حامل يمكن أفرح بس حصه لا واع أحد يرجي منها شي ..... بنت فقر وش بتجيب لنا ..ومو ذاك الجمال .. وش بيطلع ولدنا أم مشاري :وأنتي صادقة وش بيطلع ... رتاج :ماما أنا طالعه بانام ما أبي أحد يزعجني .. أم مشاري /اوكي حبيبي روحي ارتاحي ابتسمت رتاج تذكرت راشد قبل شوي راحت بسرعه لغرفتها وكأنها وحدة ما كلمت حبيبها من شهر .... طفت الأنوار وجلست تكلمه لمدة ساعه ونص .... بين سوالف وضحك انسجمت رتاج معه .... ومن أسلوبه اللي يجذب ..... ما توقعت أبدا أن أسلوب المكالمات كذا ولا كان من أول متعرفة على واحد من طبقة أجتماعية فوق يتكلم معاها ويسليها ... ........... المغرب ...... ساره جالسه هي ومشاري في صالة بيتهم : لا مبروك يستاهلون مشاري :الله يبارك فيك عاد أقوله لا جاك ولد سمه مشاري قال تبطي ههه ..... ساره : بتروح لهم اللحين ,,, مشاري :ايه بتقهوى وأجي تجين معي ,,,, ساره : أيه مسك مشاري يدها وقامت :أنا أسف والله كنت مشغول ساره : لا عادي ما زعلت مشاري :أكيد ساره :ههه مشاري وشفيك عادي مشاري:الحمد لله ما زعلتي ............................................. أبو مشاري طلع من البيت رايح المطار بيسافر لأمريكا مدة أسبوع وبيرجع .......والعيال اجتمعو في الصالة يتقهون مع أمهم ..... شوق: لا صارت بنت سميها شوق سلطان /:ما كفاك بنت مشعل مسمينها عليك شوق : لا ما يكفي ربى:وإذا ولد وش بتسمينه ...... حصه :أي شي عادي سلطان:لا صار ولد سميته سعود ولا صارت بنت شموخ وخلاص سكرو الموضوع مو أول مرة وحدة تحمل في العائلة .... أم مشاري :ايه والله مو أول مره مشعل:بس سلطان أول واحد يعني بيكون غير إم مشاري : وش غير عسى بس يطلع مثل الأوادم والناس مشعل:أكيد بيطلع مثل الأوادم والناس وش شايفتهم أم مشاري :أقصد بيطلع يشبه لنا وحركاته حركات واحد فوق مو ولد فقر ... مشعل:الله يهديك يمه ماله داعي هالكلام .... صيته:إلا صادقه شوف أمه وتصدق ساره تصرف الوضع:حصه بتراجعين بأي مستشفى .... حصه بلعت غصة ألم وجاوبت :مستشفى ال(..........) ساره :معي يعني ....لا صار عندك موعد وعندي موعد خلينا نروح مع بعض سلطان:حصه ما راح تروح مع أحد ساره حقدت على سلطان اللي تدخل..... أم مشاري :وين رتاج؟؟؟ ربى :نايمه ... مشاري :أحد ينوم لهالوقت روحي قوميها بس أم مشاري :خلها على راحتها ...... مشاري :الساعة 7 ونص المغرب وش تاخذ راحتها روحي قوميها بس أم مشاري بأصرار ما تحب أحد يخالف كلامها :قلت خلوها تاخذ راحتها سكتت مشاري جلسو شوي ...ثم الكل راح لدنياه ,,,, حصه جالسه على طرف السرير وتصيح بصمت....... دخل سلطان :وشفيك أنتي تصحين كنك بزر .... ماردت عليه ... حصه : سلطان لا متى أمك وصيته يجرحون فيني وأنت ساكت سلطان : عادي وش فيها تحملي حصه :تحملت كثير يا سلطان على الأقل رد بكلمة مو أنت زوجي واللي في بطني ولدك وولدي ترضى يقولون عنه كذا سلطان:أقولك لا يكثر وطلعي لي ثوب وجزمة بأتسبح واطلع وراي عزيمة خذ فوطته ودخل الحمام مسكت حصه راسها :متى بتحس متى بتحس يا ربي الهمني الصبر مسحت دموعها وراحت تطلع لسلطان اللي يبيه .................................................. . | ||||
|
| |
|
18-07-19, 05:29 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المحطة الخامسة ::::::: مر شهر كامل ......أهم شي صار فيه ..... حصه:أنا ما رحت لأهلي ولا أدري عن خواتي شي كل ما دقيت التلفون مقطوع .... صرت أراجع في المستشفى عشان الحمل والحمد لله ما في أي مشاكل سلطان ما تغيرت أطباعه حتى يوم حملت لكن ما أقول غير (الشكوى لغير الله مذله) ... منيرة :البنت جتني وقالت أن مادقيتي لا تسوي اللي في راسها وقلت لها أنك ماتهمني واللي في بالك سوية ...!؟ لكن أبي أعرف الورقة وين راحت .. انتظر حصه تجي بيتنا بس ما جت ... ماجد :راجع السعودية قريب ... مشعل :وعد ماشيه معي تمام مثل إيمان وصراحه تفاجأة لم عرفت أنها مخطوبه لولد خالتها ...وكأنها وحدة تعني لي .......! بس معاملتي معها مثل إيمان ... ساره : أنا اللحين في التاسع وتحددت موعد ولادتي ... رتاج:صراحة حبيت راشد بس ما قلت له بس مثل ماتبي العنود أني حسسته أني أحبه و راح أقابله قريب بس محتارة وين ؟؟ .................................................. ................ حصه توها طالعه من الدكتورة ودقت على سلطان اللي جالس في انتظار الرجال وطلعو وركبو السيارة ... حصه :سلطان ممكن سؤال سلطان:أسألي حصه:أنت ليش تزوجتني ؟؟؟؟ سلطان : بعد اربع شهور ونص تسألين هالسؤال بدري حصه : يعني أحسه سؤال بايخ بس ودي أعرف وش معنى أنا وليش أنا بس اللي تبيها ماتدرس؟؟ سلطان:الحقيقة جارحة حصه:عادي كل شي أصلا منك يجرح جت على هذي سلطان :لهدرجة حاقدة حصه :مستحيل أحقد عليك لكني أبي أعرف وجى اليوم اللي أسألك فيه سلطان : طيب وبعدين حصه :جاوبني سلطان :عشان أنا أنسان ما أحب الأرتباطات الأجتماعيه وغثا الحريم لأن اللي من طبقتنا تبي تسافر تطلع كثير من البيت وووووأشياء كثيرة ما تعرفينها وأنا أخترتك لأنك ماتعرفين في هالأمور شي وأنتي يعني بنت فقر راح ترضين بأي شي أنا أبيه...... زي ستي شغالتنا لو تقولين لها كل تراب كلته وهي ساكته .... انصدمت حصه لهدرجة قدري عنده كذا ؟؟؟؟؟؟؟؟؟ وليه كذا دفعه وحدة يقولها ...... لهدرجة ما في أسلوب ؟؟؟؟؟؟؟؟؟؟؟؟؟ لهدرجة ما يحس أن اللي قدامه بشر وبيتأثر ,,,,,,,, ودمعت عيونها ولا إردايا تحولت إلى دموع ......... سلطان :مو أنتي تبين تعرفين ......والصراحة راحة ........ حصه صرخت :أكرهك أكرهك أكرهك وصارت ترفس برجلها على أرضية السيارة مثل طفلة أخذو لعبتها .......... سكتت سلطان ثم صرخ عليها:حـــــــصــــــــــ� �ه هجدت حصه من صرخته وجلست تصيح بهدوء وصلو البيت ونزلت بسرعه ....... وسلطان يمشي بهدوء ... وصل جناحهم ودخل ....... لقى حصه في غرفة الملابس دخل لقاها فاتحه شنطتها وتحط ملابسها ,, سلطان :والله أحس أنك مجنونه لهدرجة أنتي للحين مافهمتي ليش متزوجك أنتي ؟؟؟؟؟ حصه وهي حايمه كبدها منه:أسكت اسكت الله يخليك أسكت وخلني في حالي سلطان :وين بتروحين ... حصه : بأروح لأهلي سلطان:أن طلعتي من هالباب ترى مالك رجعه .... حصه :بتطلقني طلقني ما عاد يهمني شي .. كل شي سويته عشانك لكن ما يبين فيك ......... مالت علي اللي رضيت فيك لا والله أبوي اللي رضى فيك سكرت الشنطة بعصبيه وشالتها بقوة وعورها بطنها لكن تصبرت ........ وصلت للمصعد ونزلت ماشية وتسحب الشنطة معها وصلت للباب وتفتحة ...... ودارت بعيونها تدور السواق لقته مشغل سيارته وكأنه ينتظر أحد راحت بسرعة وركبت ...... حصه:امش خان:لا مدام رتاج أنا أوصل حصه صرخت:بلا رتاج بلا بطيخ امش بس مشا خان مثل ما تبي حصه اللي أول مره تركب معه بس يعرفها... نهاية الحارة تقابلت مع سيارة ماجد اللي توه واصل من السفر بعد ما قضى هناك 5 أسابيع ... اشر ماجد بيده(سلام) للسيارة مع أنها مظللة ومايشوف من جواها خاصة أن الوقت 8 العشا لكن أكيد أنها وحدة من خواته ........... ...وصل ماجد للبيت لقى رتاج واقفة معصبه وبيدها الجوال ....... ماجد:سلام رتاج طالعته ورجعت تطالع الجوال:هلا ماجد :قولي هلا وغلا بأخوي حمد لله على السلامة ... من طول الغيبات جاب الغنايم ...فديتك وحشتنا البيت بدونك ولا شي ... ويبوني بعد ما أكلم بنات ,,,,وشلون أسمع هالكلام إذا خواتي ما قالوه ... رتاج :مصدق نفسك مره .... رفعت الجوال لأذنها :الو .....نعم ......حصه ....ارجع بيت يله بس هذا اللي ناقص بعد .......وسكرت بوجهه ........ ماجد :وشفيك معصبه رتاج :من الظهر وانا قايله للكلب(تقصد السواق)أني معزومة في الليل عند صديقتي جهز السيارة وتجي طال عمرها حصوه تركب وتاخذه وأنا كيف أروح؟؟؟؟ ماجد:حصه ....مع السواق ...غريبه أكيد صاير شي؟؟؟؟ رتاج :تلقاها رايحة المستشفى ماجد :مستشفى ...ليه؟؟؟ رتاج متخصرة:اوووه يا ماجد ترى ماني رايقة لك ماجد عصب:هيه أنتي تعدلي وكلميني حصه وش فيها ؟؟؟ رتاج : وأنا وش دراني عنها ........ ماجد :وليش تقولين مستشفى ؟؟؟ رتاج :اوه ما دريت حامل في الشهر الثاني ماجد ابتسم :حصه حامل رتاج :ايه حامل ودخلت للبيت ....... ماجد دخل وراها :رتاج رتاج وقفت في الدرج ولفت :نعم ماجد : وين أمي رتاج :أكيد طالعه ماتشوف مافي ولا سواق برى ماجد :أنتي محد علم على وجهك زبيرة ؟؟ تكلمي زين ولا كفختك رتاج :هه ههه ضحكتني ماجد ماسك نفسه :ومن صديقتك اللي بتروحين لها اللحين رتاج بوثوق :وحدة ماجد :حسبتها ثنتين أقول من هي ؟؟؟ رتاج : العنود ....(تقصد راشد مواعدها اليوم ) ماجد :مافي طلعه اليوم ......... رتاج :مو على كيفك ماجد:إلا على كيفي وأمي وأبوي مو موجودين يعني كلمتي اللي تمشي رتاج : لا يا حبيبي في اللي أكبر منك سلطان سلطان كان نازل من الدرج وسمع اسمه :وش صاير ؟؟؟ رتاج :سلطان شوف ماجد يقول لا تروحين لصديقتك اليوم سلطان:من صديقتك وليش بتروحين اللحين ؟؟؟ رتاج :العنود عازمتني على العشا وماجد يقول لا تروحين سلطان :من عنود ذي ؟؟؟ من بنته ؟؟؟؟ رتاج :العنود يعني لازم تعرف التفاصيل سلطان : اقول اذلفي وجهك وانقلعي لغرفتك متى ما تكلمتي معي مثل الناس خليناك تروحين لصديقتك هذي رتاج العبرة خنقتها:مالك حق أمي راضيه سلطان تقدم كأنه بيضربها وهي انحاشت لفوق ... ضحك سلطان وسلم على ماجد ماجد يطق سلطان بكتفه:مبروك بو سعود سلطان :الله يبارك فيك بدري؟؟ ماجد:والله توني أدري ....وراها طالعه حصه مع خان؟؟ سلطان :زعلانه بتروح لأهلها ماجد :الله يهديك أنت ما شاء الله معاملاتك مع الناس مثل الفل وش معنى حصه سلطان يحط يده على كتف ماجد:ماجد ما ودك تروح ترقد توك واصل من السفر وتعبان ماجد :ههه طيب أسفين على المداخلة ...يله تبي شي سلطان :تضف وجهك ماجد هز راسه ومشى رايح لغرفته لكن مر على ربى يسلم ::::: ربى جالسه على الاب توب ومنسدحة على بطنها دخل ماجد :سلاممم ربى نقزت :بسم الله متى جيت ؟؟؟؟ ماجد :قبل شوي ..ها وش الاخبار ؟؟ ربى :بخير ...جبت لي هدية ....... ماجد : لا ربى :أجل اطلع وسكر الباب وراك ..؟؟!! ماجد :وتلومونــــي بعد ......طلع وسكر الباب .. وربى مافهمت وش قال وطنشت .. راح ماجد لغرفة شوق وسوى الحركة اللي تنرفزها يطق طقة وحدة ويدخل بسرعه قبل ما ترد ... ماجد :هااااااااااااااااااي شوق كانت تمشط شعرها :بدري كان جلست هناك أكثر ... ماجد :والله طولت خمس أسابيع والوالد ما حول على حسابي شي هالأسبوع فأضطريت ارجع ...... شوق :لو محول كان جلست هناك أكثر صح ؟؟؟؟ ماجد :صح شوق :يله وش مقعدك اطلع وراي بكرة اختبار بأذاكر يكفي العصر طار مني ماجد :وين طار ؟؟؟؟؟؟؟؟؟ شوق :كنت أنا وجواهر طالعين السوق ... ماجد :يوه قديمة جواهر من زمان ما شفتها من شهرين شوق :من زود الأخوه يله برررررى ماجد وهو يطلع :ويلوموني ويولموني ... شوق مافهمت لكن فتحت كتاب الرياضيات تذاكر ......... حصه وصلت البيت وخلت السواق يروح دخلت لأن الباب كان مفتوح لقت أهلها جالسين على السفرة وياكلون العشا قام أبوحصه من شاف حصه مستغرب:وشفيك حاولت حصه تتصنع الضحكة :ههههه وشفيك عادي أزوركم أبو حصه: غريبه هالوقت منيرة قطعت عليه وحضنت حصه ومن بعدها لطيفة وجلسو ... حصه :لا يبه سلطان مسافر وجيت لكم أبو حصه :عشان كذا .... وكملو أكلهم من ثم رتبت حصه ملابسها في الدولاب .... منيرة وجالسه على سريرها:حصه أبي منك طلب حصه :وش ؟؟ منيرة :تسألين ماجد عن شي حصه :ماجد ما غيره ؟؟؟ منيرة :ايه ماجد أخو سلطان حصه : طيب .. وش أساله ؟؟ منيرة :ماخذ من اغراضي شي ولالا؟؟؟ حصه :ههههه وش يبي بأغراضك منيرة : حصه انا جادة بتسألينه ولا لا ؟؟؟ حصه :طيب لا تعصبين بأكلمه بس بكرة لأنه توه واصل من السفر اليوم منيرة :ليه وين كان رايح حصه : باريس قطت لطيفة : يا حظة يا ليتني أخته كان ياخذي معه حصه : لا تفرحين خواته ما ياخذهم معه لطيفة : يعني نذل ؟؟؟؟ ابتسمت حصه على عقل لطيفة : لا حبيبتي بس هو رايح سياحة مع ربعه لطيفة :يعني ربعه أهم من خواته ؟؟؟ حصه : عنده أهم .يله كل وحدة على فراشها ..أنا بأجلس شوي وأنام ... وراحت طفت اللمبة وطلعت والبنات نامو لأنه وقت نومهم ........ رتاج :راشد والله ما قدرت أخواني منعوني راشد : يوميا تطلعين وش معنى اليوم ؟؟؟ ولا ماتبين تقابليني ؟؟ رتاج :والله يا راشد أن سلطان وماجد منعوني من الطلعه راشد : ماجد ههههه ضحكتيني مو تقولين مسافر لباريس وش رجعه ؟؟؟ رتاج : رجع اليوم راشد مو مصدق :من الأخر بتجين ولا لا ؟؟؟؟ رتاج : لا راشد :اوكي باي رتاج: باي ..... خذ راشد بخاطرة من رتاج .... لكن بيسحبها على وجهها وبتجيه غصب عنها .......؟! ............................... ربى جالسه على النت تكلم وحدة من البنات ونصحتها تدخل شات (,,,,) مره فله و اللي فيه ومحترمين.....! ودخلته ربى مع أنه بس مره دخلت الشات وما اعجبها وطلعت .... جذبها هواش بين بنت وولد وجلست تقراه ودخلت معهم لكن بصف الولد لأن البنت اصلا أسلوبها ولد ووأضح أنها ولد بأسم بنت ....... طولت الهواشه لمدة نص ساعه ... طفشت وانهتها معهم انقلعو أنت وياها ...) خربتها ... جذبها أسم بنت : (عاشقة سعد) ضحكت عليها ووطلعت من الشات ... حست أنها بتنام على الاب توب أذا كملت ....... وطرى على بالها الحب ما تدري كيف البنات يحبون ...... أستغفرت وقامت تشوف أشغالها وترتب شنطتها ....... وكانت الساعه في حدود 3 الفجر .....؟؟؟؟!! لم خلصت نامت ........ .............................................. في الجامعه : رتاج بدت تنسى علاقتها بالعنود من ناحية الأعجاب لأنها تعلقت في راشد وما صارت تستحي من العنود ,,, رتاج : العنود فهمي راشد أني بأقابله بعدين والله أمس ما قدرت على ماجد وسلطان وأمي مو موجودة تدافع عني العنود :اشوف لك راشد وأرد لك خبر بعدين أنتي تعالي لبيتنا واطلعي معه بسيارته .. رتاج:اوكي كذا أحلى ماراح يشكون فيني العنود :متى اقوله تجين عندنا رتاج :بينا أتصال العنود :اوكي ...... .................................................. ............. مشعل جالس يقرا من كذا تحليل يتأكد منه ,,, دخلت عليه وعد وما سلمت مثل العادة :دكتور مشعل مشعل رفع راسه ورد السلام يظن أنه سلمت وما سمع انحرجت وعد انها ما سلمت ............. مشعل :وش فيه ؟؟؟؟ وعد :ابي أقدم على اجازة لمدة أسبوعين مشعل :عسى ما شر ؟؟ وعد :ما من شر بس زواجي وملكتي يوم الخميس مشعل :اها مبروك مقدما وعد : الله يبارك فيك مشعل :روحي للمدير لكن قبل شوفي وحدة من الممرضات اللي عند الدكتورة سلوى تجي تحل مكانك وعد :سويت كل شي بس أبيك توقع قبل ما اروح للمدير مشعل :روحي للمدير وإذا وقع انا أوقع وتوقع الممرضة اللي بدالك أنها خلاص بتمسك مكانك ........ وعد تطلع بعد ربع ساعه جت ووقع مشعل على أجازتها اللي بتبدا من بكرة ... .................... وصلت ربى من المدرسة معصبه لأنها ما حلت زين في الأختبار ..! ودخلت غرفتها تسبحت وصلت الظهر ....... تذكرت الشات وودها تعرف وش صار مع أن أكيد طلعو ,,, فتحت لاب توبها ... وعلى طول دخلت على شات أمس وسجلت باسم rOro)وهي تعني ربى ........ لقت اثنين غير ذوليك يطاقون ودخلت معهم مع أنها ماتدري وش السالفة : الفارس الملثم : أنت اللي من الظهر مدري وش بلاك كاتم العبرات : بلاني الله بواحد أناني ........ ( rOro) : وش فيكم وش السالفة ؟؟؟؟؟؟ الفارس الملثم : بدت اللقافة تشتغل في العالم ؟؟؟ كاتم العبرات : شفت كيف ؟؟؟؟؟ ( rOro) : مالت عيكم وانا مسويه فزعه ........ الفارس الملثم : بنت ولا ولد الأخت ؟؟؟؟ كاتم العبرات : خخخخ أحلف بس ......... ( rOro) : لا بنت وشعندك ؟؟؟؟؟؟؟ كاتم العبرات : روحي بس للخاص ماراح نعطيك وجه ( rOro) : محد طلب منك تعطيني وجه .. كاتم العبرات : كنك تلمحين . ( rOro) : مالمحت أقولك يا البقرة الضاحكة وش السالفة عشان افزع كاتم العبرات : بقرة انتي واللي جابك .. الفارس الملثم : عن الغلط أحترمها كاتم العبرات : وأنت وش دخلك خلك في حالك . ( rOro) : هلا بأخوي الملثم عليك به ترى واضح أنه وسخ .... الفارس الملثم : وش هالكلام تأدبي أنتي بعد .. كاتم العبرات : خخخخخ فشلك ( rOro) : وراك تو معي بعدين قلبت ....؟ الفارس الملثم : أنا مع الحق ؟\ ( rOro) : أصلا مافي سالفة عشان تقول مع الحق الفارس الملثم : رورو كان شلتي الرا وحطيتي ز يصير زورو ( rOro) : قصدك Z مو ز يا الجاهل .. الفارس الملثم : كلهم واحد ( rOro) : لا مو كلهم واحد الفارس الملثم : أقولك ما ودك تنقلعين خاشه غلط .... ( rOro) : أصلا أنا داخله بس كذا بأروح ارقد أزين منكم ...... وطلعت ربى وهي منقهرة أنهم ما عطوها وجه وكذا الشات استهبال وبس .... سكرت الاب ونامت ................. .......... كان البيت هادي مره البنات وراحو المدارس وأبوها لشغله ...... مسكت جوالها ... من أمس ما سأل سلطان عنها ......... ضحكت على نفسها .... وليش يسأل ؟؟؟ مو أنا مثل الشغاله ..... تذكرت ماجد وسالفة منيرة اللي ما فهمت منها شي ياترى بيرد لو دقت ...... دورت على رقم ماجد ودقت ..... ما رد ....... دقيقتين ورجع دق عليها : ماجد :هلا وغلا حصه : هلا بك حمد لله على السلامة ماجد :الله يسلمك ...وش أخبارك ؟؟ حصه:بخير الله يسلمك ومن جهتك ؟؟ ماجد :زعلان حصه :افا ....ليش؟؟ ماجد :أللحين أنتي من جدك تزعلين من سلطان ؟؟؟؟ أصلا من عرفناه وأسلوبه كذا حصه : بس أنا زوجته مفروض لي معامله ثانية ماجد : صراحة مدري وش السالفة أصلا .... حصه :ما عليك ..المهم وش قايل لمنيرة ماجد :وش قايل ؟؟؟ حصه :مدري تقول أنها مضيعة ورقة وماجد والله مدري وش السالفة ماجد :اها ايه قولي لها أني خذتها حصه :وش اللي خذته ماجد :ماعليك قولي لها كذا حصه :اوكي توصي شي ماجد : سلامتك حصه :مع السلامه ماجد : مع السلامه ... سكرت حصه من ماجد وسمعت خبط على الباب خذت طرحتها وقربت من الباب :مين ؟؟؟؟؟ سلطان :أنا سلطان افتحي حصه فرحت جاي يراضيها فتحت الباب بسرعه وعليها ابتسامه عجزت تخفيها وتبين الثقل ,,,,,, سلطان كان جدي ولا على وجه أي علامه دخل عن الشمس بس ما دخل جو حصه :ادخل المكيف في الصالة ....... سلطان :والله من زين المكيف عاد حصه سكتت سلطان لف عليها : المهم لا تكبرين راسك ماني جاي اراضيك مو من طبعي للمعلومية وترى جاي عشان أقولك : أنتي طالق وخل طلعتك مع السواق بدون شوري تنفعك مسوية زعلانه براضيك ....... وطلع مثل ما دخل ....... حصه انصدمت ....... لهدرجة أنا رخيصة عنده لهدرجة باعني بسهولة هذا وأنا حامل لو مو حامل يمكن ضربني يعني عصيتك وطلعت مع السواق في الليل تطلقني أي عقل اللي عندك ........ مسكت راسها وتحس أن الدم تجمع فيه وجمد من هول الصدمه ............................... ماجد طالع من عند خوية في الأتصالات بعد ما أخذ أسم صاحب الرقم اللي في رسالة منيرة ,,, دخل سيارته وولع المكيف ورجع المرتبه لورا ,,, و دق على الرقم من جواله الثاني ورد : ماجد:هلا دحمنه ؟؟؟؟؟؟؟ عبدالرحمن : من الأخو ؟؟؟ ماجد : أنا ماجد ما عرفتني .......................؟؟؟ عبدالرحمن : لا والله ما عرفتك ماجد : بغيت أشوفك عبدالرحمن :بس ما عرفتك عشان أشوفك ماجد:بتعرفني لا شفتني عبدالرحمن :أنت ماجد وش ؟؟؟؟؟؟ ماجد : ماجد ماعرفتني دارس معك في الثانوية ؟؟؟ (كذبه) عبدالرحمن :لا حبيبي شكلك غلطان أنا ماخذ الكفاءه بس ماجد تورط :أجل شكلي غلطان وفرصة سعيدة سمعنا صوتك عبدالرحمن : يا هلا تشرفنا .....وسكر ماجد انقهر مانفع معه ,, تفاجاة بعبدالرحمن يدق :هلا عبدالرحمن : نتعرف ماجد : والله......وش عندك عبدالرحمن : مدري مشتهي اتعرف على أحد ماجد : اكيد في سبب عبدالرحمن:أكيد ...وشباب عارفين ماجد : ههه أكيد عارف ..أفكر وأرد عبدالرحمن : سلام ماجد سكر ويفكر ................................................. كانت السيارة تتقلب وتتقلب وهو يحاول يسيطر عليها بكل ما يقدر ,,,,,,,,,,,, ساره : بدر سكر السوني ولا انزل تحت ... دانه :ماما خليه جالسه اناظره ساره : يله بس قلبتو راسي من ساعة وأنت تلعب بهالسيارات ولا فزت بدر :يمه شوي وبأفوز ساره : بدر وش أني قايله ,,,,رح قبل لا أخذ السوني ولا أنت شايفة تأفف بدر في نفسه وفصل السوني ونزل به للصالة اللي تحت ونزلت وراه دانه... جلست ساره تتنعم بالهدوء اللي صار بعد ما نزلو تحت لكن ماهي إلا ثواني إلا صوت التلفزيون معلين عليه ودانه تصارخ متحمسه مع اللعبه مسكت راسها ساره من الأزعاج ,,,, هي من يومها صغيرة وهي ماتحب البزران ولا أزعاجهم وحكم الحياة أنها لازم تتزوج وتجيب عيال وهذا ولدها الثالث في الطريق والله يعينها عليه...... حمل سارة هالمرة اتعبها كثير أكثر من بدر بس يمكن عشانها ماحملت من زمان فتحس بالتعب ... هي مقررة يكون هذا أخر حمل لها مع ان مشاري يبي 5 بس ما فيها حيل تطارد وراهم ,,,,,, رن جوالها ورفعته وكان مشاري ردت عليه :الو مشاري: هلا ساره ترى أنا معزوم على العشا ويمكن أتأخر ساره : بتطول مشاري : 12 بالكثير بأكون موجود ولا حسيتي بالتعب دقي علي زين ساره :اوكي مشاري :مع السلامة ساره :مع السلامة ,,, .................................................. ....... أبو حصه مصدوم :نعـــــــــــــــــــم ؟؟؟؟؟؟؟؟ حصه ساكته بعد ما قالت له أن سلطان طلقها ,,,, أبو حصه :وليش ؟؟؟؟؟؟ حصه :هوشة بسيطة وكبرتها وطلق أبو حصه :وحدة ؟؟؟؟ حصه :أيه طلق طلقه وحدة أبو حصه :روحي دقي عليه وقولي له يرجعك أنا ماني ناقص أصرف عليك أنتي ولا خواتك ولا على أجار البيت .... حصه :يبه أنا اللي بأصرف على نفسي أبو حصه: من وين لك تصرفين ماكنت أخبر سلطان يحط في حسابك شي حصه :يبه لا عندي فلوس أقدر أصرف علي وعلى ولدي أبو حصه :كم ؟؟ حصه :فلوس وخلاص أبو حصه عصب :قـــولي كم ؟؟؟؟؟؟؟ حصه:10 ألاف ارتحت أبو حصه : 10 ألاف وش تسوي لك وأنتي بتجلسين طول عمرك هنا حصه وهي شوي وبتصيح:يبه خلاص ترى خلقه ماني طايقه نفسي أبو حصه ناظرها ثم طلع من البيت ........ لطيفه واقفه عند باب غرفتهم وتطالعها :ما عليك منه بيزعل بعدين بيرضى حصه : لا صادق أبوي مو ناقص مصاريف أجي انا أزيده عليه لطيفه : يعني بترجعين لسلطان حصه : لا لطيفه :أجل وش بتسوين حصه :ما أدري ما أدري تفكيري منشل لحد يناقشني ,,,, تركتها لطيفه براحتها ودخلت الغرفة وسكرت الباب وناظرت منيرة السرحانه وتفكر في حصه هل هي سألت ماجد ولا لا ؟؟؟ بس حالتها ماتسمح أحد يناقشها في موضوع مثل هذا ,,, لطيفة :مسكينة حصه منيرة :أيه والله ما تهنت في حياتها لطيفه:أنا اخاف ما يرجعها وياخذ ولدها لا ولدت منيرة : أقول لا تخوفيني خلقه أنا فرحانه أني بأصير خاله لطيفه:لو عندنا أخ كان ساعد أبوي وأشتغل منيرة :مو شرط يكون عندنا أخ عشان تتحسن اوضاعنا بس أنتي أدرسي زين عشان تتدخلين القسم اللي تبيغه لطيفه تنهدت بألم للحياة الجايه اللي بتكون أصعب مما هي صعبه .................................. رتاج طالعه من البيت رايحة بيت العنود ومن بيت العنود راح تركب مع راشد ........ بعد عشر دقايق وصلت وكان راشد ينتظرها ومجهز سيارته .... خلت السواق يروح وراحت لراشد وركبت وبجرائة:هاي راشد:يعني لازم أزعل عشان تجين لي رتاج :بس والله كنت صادقه راشد :ما علينا ..المهم وين تبين تروحين؟؟ رتاج:على كيفك ........ راشد :اوكي وحرك السيارة ومشى ................................................ حدود 12 الليل .................. حصه نفس مكانها في الصالة ماتغير عيونها وخشمها محمرين وشعرها الناعم متناثر بأهمال على وجهها ... ودموع بهدوء تنزل على خدها ... أبوها رجع معصب وعطاها كم كلمة تسم البدن ودخل نام .... خواتها نامو وراهم مدارس ...... وهي لا رجل ولا دراسه ولا أم تواسيها.... مسحت دموعها بكفها ولا أراديا نزلت يدها ومسحت على بطنها.. اليوم ما كلت شي من الصبح وتحس بالجوع بس مالها نفس تاكل... قامت من مكانها ودخلت الغرفة ولقت منيرة نايمه في فراشها اللي على الأرض وسريرها مخليته ,,, وابتسمت على اختها اللي ماتبي تخليها تنام على الارض وهي في هالحالة الصعبه .. مطلقه وحامل .. اندست في سريرها وتغطت واستلمت للنوم ....... .................................................. . | ||||
|
| |
|
18-07-19, 05:31 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المحطة السادسة: دخل ماجد غرفته ..... ((اللي باللون الاسود الكاتم والأثاث باللون الأزرق سريرة كان بوسط الغرفة وعلى الجهة اليمنى موجود الدولاب حقه والجهة اليسرى موجود مكتبه اللي ما يجلس عليه إلا نادر ... وعلى الجدران كانت منتشره عليه صور المغنين المشهورين في أمريكا وصور لاعبه المفضل : (مسي) فوق سريرة على الجدار كان موجود صورته بحجمها الكبير وكانت له في ماليزيا ... مصور عند شجرة كبيرة بلونها الأخضر الصافي كان لابس بنطلون جنز وقميص أبيض مقلم بأزرق.. وشعره مرجعه على ورا ... وسكسوكته الحاده واضحة بسبب سوادها الكاتم ... ولابس نظاره شمسية ومبتسم وباينه غميزته اللي على خده اليمين عكس ربى.. وماسك بيده جواله ....)))))))))))))) كمل ماجد طريقة للسريرة ورمى نفسه وهو يحس بالتعب مايدري ليش ؟ ويحس أن راسه ثقيل ... واستلم للنوم على غير عادته ينام هالوقت والساعة توها 12 ونص ..... ................................................. رتاج دخلت البيت وهي مبسوطة وشاقه الحلق اليوم كان مميز .. طلعها راشد ومشاها لم طقت الساعة 10 ونص وراحو تعشو في أحد مطاعم الرياض ومن بعدها طلعو يتمشون بالسيارة لحد هالوقت ...... اكتشفت أن راشد حبوب وطيب! واللي في قلبه على لسانه !.... تلفتت حولها لا يشوفها ماجد ويستلمها تحقيق ليش راجعه هالوقت ........... ولا هو خميس ولا جمعه عشان تقعد عند صديقتها لم 12 ونص .... مشت كانت بتروح المصعد بس بيطلع صوته المزعج لاوصلت لفوق فاضطرت ترقى الدرج الطويل وأتعبت بسبب كعبها ... وصلت لغرفتها وقفتها ربى :من وين ؟؟ رتاج :وأنتي وش دخلك ربى تحس فيه ريحه غريبه :اففف في ريحة غريبه رتاج طنشتها ودخلت غرفتها وسكرت الباب وراها .... ربى ركزت في الريحة أكثر .... ريحة تعرفها ........ واستنتجت أنها ريحة دخان مو أي دخان أردى أنواع الدخان ... تأففت ربى وراحت وعلى راسها 100 علامة تعجب واستفهام من وجود الريحة مع رتاج .... يا ترى هي اللي تدخن ولا صدقتها اللي رايح لها ...... وصلت ربى غرفتها وعلى سريرها ......... ماكان لها خلق تفتح لاب توبها وتكلم أحد ولا جى على بالها الشات ..... انسدحت على السرير وهي تفكر في حصه ما شافتها اليوم بس أكيد عند أهلها ........ تركت تفكيرها وماحست بعمرها إلا نايمه ........ ................................................ ساره جالسه في الصالة اللي تحت ودموعها على خدها ولابسه عبايتها وكل شوي تطالع الساعه كانت بحدود 1 ونص ... ومشاري لسه برى البيت .... دقت عليه مسكر جواله .......... رجعت تدق إلا مشاري بهيبه داخل البيت ... طالع ساره وانصدم .... من صياحها ولابسه عبايتها ..... ساره بصوت مخنوق :وينك تأخرت ؟؟؟؟ مشاري :أسف خذنا الوقت ..ليش لابسه العباية ساره :مسكر جوالك ليش ؟؟؟؟؟ مشاري :فضى شحنه....رجع يكرر سؤاله ..ليش لابسه العبايه ساره : شكلي بأولد مشاري بخوف :خلاص أنا طالع بأقرب السيارة خل نروح للمستشفى مشى مشاري بسرعه وحط شماغه على كتفه . ركب سيارته وقربها للبيت وجت ساره تمشي شوي شوي وركبت ومشى بأسرع ماعنده للمستشفى ويحس بالذمب بأنه تأخر .. وصل للمستشفى واتجه للطوارئ .......... ضرب بوري ونزل من السيارة وطلب كرسي .. وحالة ولادة جو الدكاترة ونزلو ساره ..... وعلى طول على غرفة الولادة ....... انتظر مشاري برى ومعه جوال ساره وبدل البطاريات ودق على ربى اللي هي الوحيدة اللي تسهر لهالوقت عارفها وعارف طبعها ............ عند ربى.............. قامت مرتاعه على صوت جوالها وتطالع الشاشة : مشاري يتصل بك ردت بسرعه :الو مشاري :الو هلا ربى لا يكون نايمه ربى :هلا لا إلا نايمه بس وش صاير ؟؟؟؟ مشري :أسف قومتك بس بغيت منك خدمة ربى وتفرك عيونها :وش ؟ مشاري :أنا في المستشفى وساره بتولد و قطعت كلامه ربى :جـــــــد مشاري :أيه أكذب عليك انا ..روحي بيتي العيال محد عندهم واخاف يقومون والشغالة نايمه .... ربى :خلاص أنا رايحه لهم وأول ماتولد ساره بشرنا مشاري : يله مع السلامة ربى : مع السلامة قامت ربى بنشاط ..طار النوم بخبر مشاري اللي متعودة عليه اللحين هذا اللي بيجي بيكون سادس حفيد ... غير اللي حصه بتجيبه .. دخلت الحمام وغسلت وجهها .. وطلعت بدلت ملابسها ,, وطلعت من البيت ........ شافت البوابه الرئيسية مفتوحة وفاهم حارس بيتهم مو موجود شكل مشاري طلع معها ونسى يسكرها........ واستغربت أن مشاري ما طلع من بوابة فلتهم اللي بالخلف مع أنها أقرب من هذي بس شكل مشاري مختبص مع ساره ولا عرف كيف يتصرف ... مشت ربى وراحت لغرفة فاهم وطقت الباب ...... فاهم فتح الباب:نعم عاوزين أيه ربى :مش عاوزين حاقه بس نايم تلوأتي ليه ,,مش عارف أن شغلك بالليل مو بالنهار .........نايم ليه ؟؟؟؟؟؟؟؟ فاهم يركز في اللي تكلمه وطلعت ربى وصحصح :أسف يا ست ربى والله أنا عيان ونمت ...... ربى :يله بس سكر الباب ...... راحت ربى عنه وهي تشوفه طالع وسكر البوابه ورجع لغرفته لأن غرفته لها شباك كبير يطل على اللي برى ويعرف من اللي جاي ورايح ... دخلت ربى بيت مشاري وهادي بسبب ان العيال نايمين وما يدرون أن أمهم بتجيب أخوهم الجديد ... جلست في الصالة وشغلت التلفزيون وقصرت عليه وانسدحت على الكنبه وتقلب في القنوات ........ ........................................... قام ماجد بسرعه من السرير وحس بدوخه وتمسك بالدولاب لم هدا الوضع طالع الساعة كانت حدود 3 ونص ....... دخل الحمام يتسبح وطلع شيك على جواله لقى كم وحدة داقه عليه ورسالة جذبته من رقم عبدالرحمن : ( رد ضروري )) مسح ماجد على شعره بتفكير وش يبي منه هالوقت طنشه ونزل تحت بياكل له شي لأنه يحس بالجوع ...... دخل المطبخ ما يعرف أصلا يدبر شي بدون الشغالات ورويدا فتح الثلاجة المليانه من الأكل بس كلها تحتاج طبخ ,,, جلس يتأمل الثلاجة بيأس ما يمدي ياكل منها شي ,,,,,,,, بوووووووووووووووه انتفض ماجد وسكر باب الثلاجة بقوة ,,,,, ربى :ههههههههههه ماجد :الله ياخذك وش مقومك هالحزة ؟؟؟ ربى :مممم مابقول لك ولا حرام بقول ماجد اللي مايحب طولت الحكي :اخلصي ربى وهي تقول كلمه كلمه :ساره ..... ومشاري ,,,,,في ....المستشفى بعدين قالت بسرعة بصوت عالي :عشان ساره بتولد ماجد ابتسم :والله شي طيب ربى :دق علي مشاري قال لي أروح لبيته أجلس يمكن العيال يقومون والشغالة مو عندهم ورحت هناك عاد جعت وقلت أجي أكل لي شي أنت وش اللي جابك هنا ؟؟؟ ماجد :جوعان ربى :ممم حتى أنا ..وطت صوتها :بس ما أعرف أسوي شي ماجد :والله مشكلتك دامك قايمه صلحي لي ربى :والله ما أعرف غير مكان الخبز وحماصة التوست ماجد :يعني ربى :مالك إلا هم ماجد : صلحي لي أي شي بسرعه تلقيني في الصالة وطلع ربى فتحت الثلاجة وطلعت جبن سايل ونوتلا وراحت تجيب الخبز ...... ودهنت الجبن على التوست لها ولماجد وثنتين نوتلا وحطت الجبن بالحماصة التوست لم احتمرت وطلعتها وصبت كاسين عصير فروالة حطتهم في صينية وطلعت وراحت لماجد ,,, ماجد:مع أني ما أفضل أكل هذا على جوع بس يله امرنا لله ربى :وش يعني بتاكل ماجد :شي دسم ربى :أقول كل وأحمد ربك ماجد ياكل وساكت يفكر في عبدالرحمن وربى تسولف على راسه ............................. الله أكبر الله أكبر أذن الفجر وانطلقت صيحة طفل جديد على وجه الدنيا ...طلعت الدكتورة من غرفة الولادة مشاري وجهه اسود من القلق الدكتورة سميرة : مبروك جالك ولد مشاري ابتسم وحس أن كل التعب راح: الله يبارك فيك الدكتورة سميرة : اللحين راح ننقل زوجتك لجناح خاص وراح نعتني فيها وأنت بعد ما تكمل اجرائات المستشفى تقدر تروح ماله لزمه تجلس هون هي نايمه مشاري هز راسه وراح يكمل الأجرائات ............ ............................... ماجد بعد ماخلص من الأكل طلع يتمشى لم دقت عليه ربى تقول له يوديها المستشفى وكانت الساعة حدود 5 ونص الفجر رجع ماجد للبيت وقالت له ربى أن ساره جابت ولد وانبسط لأنه ما يحب البنات!! طبعا أم مشاري قامت بعد مالبست نزلت وشافت ربى بعبايتها وعرفت أن ساره ولدت ما اهتمت أم مشاري مره تعودت على هالأمر وقالت لشغالات يجهزون الفطور ربى راحت للمستشفى وشافت أخت ساره هناك سلمت عليها وجلست معها أما مشاري طلع للبيت عشان يتسبح وينام شوي ويتطمن أن العيال راحو مدارسهم ........شوق وهي نازله وعيونها ما تفتحت من النوم راحت غرفة الأكل شافت سلطان وأمها جالسين ياكلون شهقت وحطت يدها على فمها بعد ما سمعت وش قالو .. سلطان لف يشوف من وين صادر هالصوت شاف شوق واقفه مصدومه عند الباب أم مشاري:تعالي شوق افطري تقدمت شوق وجلست معهم :صدق اللي سمعته ؟؟؟؟ أم مشاري :وش سمعتي؟؟؟ شوق :سلطان أنت طلقت حصه ؟؟ وليش وش سوت لك ؟؟ يمه جد ساره ولدت وجابت ولد ؟؟ أم مشاري:مثل ما سمعتي سلطان طلق حصه وساره جابت ولد كلي بسرعه وقومي لبسي وراك مدرسه شوق انسدت نفسها عن الأكل وقامت وهي تقول لسلطان :خساره ما توقعتك كذا سلطان ناظرها نظره باردة وطنش وكمل أكله بهدوء شوق راحت غرفتها وجلست تفكر ... هي لازم تروح لحصه وتعرف وش صاير لها ,,,, راحت لبست مريول المدرسه وخذت شنطتها وعبايتها ونزلت بعد ما قالت لها الشغالة أن ربى في المستشفى شوق ما راحت المدرسة خلت السواق يوديها لبيت حصه على وصف أم عبدالرحمن .......لأن ساجد مو هو اللي موديهم أيام العزا دخلت شوق حارات قديمه ولا عرفت أي بيت لأنها نست والبيوت تتشابه ... فتحت الشباك وهي تطالع ولد تقريبا عمره 18:يا محمد وقف الولد وقرب لها شوق :تعرف بيت ابو حصه الولد :أيه شوق :وينه فيه ؟؟؟؟؟؟ الولد :امشي معاي سكرت شوق الشباك وخلت السواق يمشي ورى الولد لم وصلو للبيت ....... نزلت شوق :متاكد من البيت ؟؟؟ الولد :أيه متأكد شوق :مشكور أخوي الولد :العفو مشى الولد وشوق جلست تدور الجرس لأنها ما تعرف مكانه ثم أطرت تدق الباب الحديد بيدها الناعمه ........حصه كانت نايمه وحست بصوت في البيت قامت تشوف وش فيه بعد ما تأكدت أن خواتها مو موجودات في فرشهم راحت وغسلت وجهها ثم راحت تشوف وش هالصوت الخفيف وعرفت أنه الباب ...... حصه :مين ؟؟؟؟؟؟؟؟؟ شوق :أفتحي أنا شوق انرسمت علامة استفهام فوق حصه من تواجد شوق هالوقت وعندها في بيتها .. فتحت الباب : هلا والله شوق تسلم على حصه :كيفك حصه :بخير شوق : مطوله عند الباب حصه : تفضلي حياك البيت بيتك دخلت شوق وجلست في الصالة حصه:وش جابك لهنا ..خالتي تعرف ؟؟؟؟؟ ومن دلك على البيت شوق :السواق جابني يدل البيت (كذبه)) وأمي ما تدري حصه :أحس وراك موضوع مهم شوق :قبل الموضوع حبيت أبشرك ساره الفجر ولدت حصه فرحت:والله مبروك وش جابت شوق : الله يبارك في عمرك جابت ولد حصه : يا حليلها تستاهل كل خير شوق :ممكن اسأل سؤال؟؟ حصه :تفضلي شوق :وش بينك وبين سلطان وخلاكم تنفصلون عن بعض حصه : أمور شوق سكتت شوي حست انها مالها دخل لو تدخلت يمكن تزيد الطين بله : طلقك كم مره حصه :مرة وحدة شوق ارتاحت : في أمل ترجعون يعني حصه : المقدر عند الله شوق :الله كريم بس أنا صراحة ما حبيت أتدخل بس أبي أذكرك أنك حامل مو حلوه تولدين وماعندك رجال يوقف معك قامت شوق وأستأذنت وطلعت من البيت والسواق كان موجود والساعة ماجت 7 وربع قالت له يروح المدرسة يمديها مع أنها شوي متأخره ....... وفي الطريق جلست تفكر في شكل حصه .... تعبانه وجهها مصفر وعيونها محمره وحتى حرارتها مرتفعه يوم سلمت عليها .......... بعد ما طلعت شوق .......حصه مسكت راسها : ياربي ياربي ياربي اللهمني الصبر على سلطان واهله ............................. رتاج وصلت الجامعه 8 ونص من نص ساعة بادية المحاضرة راحت بسرعه ودخلت القاعة ولكن الدكتورة أشرت لها تطلع برا طلعت رتاج وهي منقهرة من الدكتورة وحركتها ... شافت سديم تمشي لحالها وشكلها توها جايه سديم :أهلين رتاج :وسهلين ..لاتحلمي تدخلي جوا طردتني الدكتورة سديم : جد ....بس قالو لي البنات امس ان الدكتورة راح تتأخر رتاج :تصدقين كلام الناس ...كله كذب أمشي معاي نجلس من هالشمس حرقت وجهي اوووف سديم :مشينا وراحو لكفتيريا الجامعه وجلسو .... سديم :من زمان ما أشوفك تكلميني عن العنود رتاج :يعني إذا تكلمت قلتي أزعجتيني بطاريها وإذا سكتت كم يوم سألتي عنها ....... سديم : لا أصفقيني أحسن رتاج :ما قلت بأصفقك بس أعلمك أسلوبك سديم : أحس ان وراك شي وما تبين تقولين لي رتاج : مو لازم كل شي تعرفينه سديم :اوكي براحتك راتاج ترجع للكرسي ورا وتعدل نظارتها الشمسية وتتنهد تذكرت راشد ...وغصب عنها ابتسمت طالعتها سديم بأستغراب وتحمدت الله ......... رتاج :اللحين البوابه تفتح الساعة 12 الا ربع ومحاضرتنا هذي ساعتين يعني بتخلص الساعة 10 بعدين بريك نص ساعة ثم محاضرة ثانية من 10 ونص إلا 12 الظهر ..........افففففففف وش هالدوام الزفت يعني راح نجلس ساعتين بالتمام نتظر المحاضرة الثانية ..اش هالقرف سديم :والله هذي الجامعه وأحنا أحسن من غيرنا اللي يطلع 3 و3 ونص رتاج سكتت تطالع البنات وسديم سكتت معها .................................................. ...................... الساعة 12 الظهر ............. بعد الصلاة دخل مشاري عند ساره اللي صحت من النوم ... مشاري يجلس على الكرسي :حمد لله على السلامة ساره تبتسم ابتسامه تعبانه:الله يسلمك من كل شر مشاري :ها ترى الولد محد بيسميه إلا أنتي ساره :أنا سميت بدر ودانه انت دورك تسمي مشاري :أخاف أختار اسم ما يعجبك ساره :لا وش دعوى مشاري : لاحقين نسمي هممم تبين تجلسين في المستشفى ولا تحسين نفسك عادي تطلعين ساره : لجى الليل أكتب لي أذن خروج مشاري : اوكي على راحتك ............................................. ربى رجعت البيت ونامت .................................................. . ماجد في محل الهدايا بيختار هدية لساره وولدها بمناسبة سلامتها أختار صندوق باللون الأحمر طويل بحدود المتر وعرضة نص متر طلب دبدوب كبير لونه أبيض ... وحطه عندهم لم يروح يشتري الأغراض الباقي طلع ماجد من المحل وراح القزاز .... أختار 3 عطورات فرنسية ...... ثم طلع وراح للحياة مول على امل أنهم يدخلونه بس محد وقفه والوقت لسه الظهر ........ راح وشرى كم بدلة مواليد من محل الأطفال وعربية أطفال ........ طلع من حياة مول وراح لمحل الهدايا ..... وطلب يغلفون العطورات مع بعض والملابس مع بعض ويحطونها في الصندوق والعربية مالقو لها مكان عشان الدبدوب كبير فطلب يغلفونها لحالها ....... بعد ماخلص دفع المبلغ المستحق وطلع وحطها في السيارة ورا ومشى .... .............. شوق : ربى قومي الساعه 7 المغرب ربى:وذا شوق:قومي أبوي بيجي الساعة 8 وجواهر بعد بتجي ربى: ضاقت اليوم يجون شوق :أستغفر الله يله قومي عشان أقولك الخبر ربى :أي خبر غير هذا كله شوق : لا قمتي وتسبحتي قلت لك ربى:اوووه خلااااص قمت وترفع البطانية عنها وترميها على جمب وتقوم وتروح الحمام طلعت شوق وراحت لغرفتها تلبس قبل ما يجي أبوها ..... ربى خلصت وجلست تطالع نفسها في المراية :آآه متى أطول رفعت شعرها المبلول لفرس .. وحطت كحل وعدلت بلوزتها الأورنج ........ ومشت طالعه من الغرفة وراحت لشوق ............. دخلت عليها لقتها تكلم بالجوال ..... انتظرتها لم تخلص ......... ربى :وش الخبر شوق:شي ما تتوقعينه ربى :يله خلصي عشان ننزل الساعة 8 إلا ربع شوق :أنا أنصدمت الصبح وضاق خلقي ربى كتفت يدينها تنتظرها تكمل شوق :سلطان طلق حصه اتسعت عيون ربى من الصدمة :كذابه شوق :والله بس طلقها طلقه وحدة يعني في أمل يرجعها ربى :ولــيش ؟؟ شوق : ما ادري هذااللي سمعته ربى :أبوي أكيد بيسأل عنها تحت تعالي نشوف ردت فعل سلطان وسحبت شوق من يدها وركضو لجهة المصعد ونزلو تحت ....... لقو في الصالة ......... ((مشعل وصيته بدون العيال ومشاري وسلطان وماجد ورتاج وأمهم ........ ينتظرون السايق يجي مع ابو مشاري ........ ربى تجلس : وين جواهر ؟؟؟ إلا على دخلت جواهر البيت :السلام عليكم الكل :وعليكم السلام ...... جواهر سلمت وجلست جمب رتاج ,, أم مشاري :وين نواف ما جبتيه جواهر :وشوله بيزعجنا على الفاضي إلا وين حصه ؟؟؟؟؟؟؟؟ رتاج لفت عليها :افتكينا منها هزت جواهر بمعنى ما فهمت رتاج :طلقها سلطان ...لا تسألينه ليش بيعصب جواهر بلعت الخبر وسكتت منعا للأحراج والتجريح .. نص ساعة ودخل أبو مشاري وجلس معهم ....... وطالع الموجودين ولف على أم مشاري :وين مرت سلطان ؟؟؟؟؟؟ أم مشاري : عند أهلها كم يوم وبترجع خافت تقول له ويعصب وهو توه جاي من السفر ...... أبو مشاري :ماجد بكرة الصبح تكون في مكتبي ماجد : ليش؟؟؟ أبو مشاري :بدون ليش ماجد هز راسه وهو عارف الموضوع ....... قام أبو مشاري وطلع ولحقته أم مشاري ................... مشاري :أنا طالع جواهر :وين ما شبعت منك مشاري : بأطلع ساره من المستشفى بأوديها لأهلها جواهر :صح مبروك ما جاكم مشاري : الله يبارك فيك جواهر :وش سميتوه مشاري :خلوها مفاجأة لكم جواهر :يعني خلاص سميتوه مشاري : سميته العصر يله تبون شي جواهر : سلامتك طلع مشاري من البيت .............. صيته : يله مشعل نروح مشعل :تبين روحي أنتي أنا بأجلس مع جواهر صيته : كيفك وطلعت صيته........ جواهر :وشلونكم بنات ربى وشوق : الحمد لله سلطان راح فوق لقى أمه بتدخل المصعد لم شافته :سلطان لف سلطان :نعم أم مشاري : قل لأبوك عن حصه سألني عنها قلت له أن عند أهلها كم يوم سلطان :وليش ما تقولين له أم مشاري : بيقول رجعوها دامها حامل سلطان :قولي له أنتي مالي دخل ومشى رايح لغرفته.......... في الصالة : ماجد : قررت يا جواهر بشي ....... جواهر : مبروك من سعيدة الحظ!!!! الكل لف من قالت جواهر هالكلام ماجد :هيه راح بالك بعيد انا أقصد أني بأشتري كلب رتاج :وووواعععع شوق انكمش جسمها من الخوف ربى :ووا وناسه متى ؟؟؟؟؟؟؟ ماجد :بأروح بكرة بأشتريه مشعل : بس لا تدخله البيت ماجد :عشان الوالد ياكلني مشعل :وش حاجتك يوم أنك تبيه ماجد : تغير ... يونسني في طلعاتي مشعل : الله يعينك على ما أبتلاك جواهر : وع ترى نجس ماجد : لا بخليه كل يوم يسبح في مسبحنا شوق :وشـــــــــــو ؟؟؟ هذا اللي ناقص ماجد :هههه أمزح صدقتي بعدين للحين ما شريته ربى :قبل ما تروح خذني معك ماجد : أشوفك متحمسه أكثر مني ربى :أصلا أنا أبي كلب بس الوضع ما يشجع ماجد : زين عشان تنظفينه وتأكلينه ربى : لا والله كلبك ولا كلبي ماجد :أشوفك غيرتي رايك ربى :إذا تعود عليك خلني أعتني فيه بس ماراح أتهور من أول ماتجيبه ماجد :وأبي بعد أشتري شي ثاني جواهر :وش عندك كاثره فلوسك ماجد :من زمان كاثره بس بأغير سيارتي مشعل :وش بتشتري ماجد : سيارة سبورت ماحددت وش نوعها مشعل وهو يقوم :والله أنك مشكله فاضي جواهر : على وين ؟؟؟؟؟؟؟؟؟\ مشعل : بأروح أجيب أغراض للبيت شوق :خذني معك ... مشعل :البسي عبايتك وتعالي شوق ما صدقت قمزت تروح تجيب عبايتها دقيقة إلا هي نازله وراحت مع مشعل ........ رتاج تقوم جواهر :وين رايحة أنتي بعد رتاج :وش أسوي هنا أروح أشوف أشغالي أحسن جواهر تضايقت : مع أني من زمان ماجلست معك بس بكيفك راحت رتاج ربى تطالع ماجد وتطالع جواهر .... ماجد يقوم :أجل أنا بعد أستأذن جواهر بعصبيه :وين رايح اجلس ماجد :والله تعبان بأروح أريح من الفجر قايم جواهر :نصاب بتطلع مع ربعك تصيعون ماجد :اللحين ما جت العصبيه إلا علي يله نشوفك بعدين وسلمي على أبو نواف ومشى طالع الدرج ...... جواهر : اففف طبع فيهم ما يقدرون يجتمعون ساعة وحدة ربى : عادي الوضع تعودت عليه جواهر :حمولتي مو كذا يجتمعون كل أربعا من المغرب لين الفجر ضحك ووناسه وأحنا ساعة على بعضها مانعرف نجلسها ربى :ترى كلها 5 سنين اللي تزوجتي فيها يعني ما تغيرت أوضاع العائلة جواهر :وهذ اللي قاهرني قامت ربى وقبل ماتقول جواهر شي :بأجيب لاب توبي وأجي صراحة حمسني ماجد على سالفة الكلب بأبحث عن أحسن أنواع الكلاب تقرفت جواهر وراحت ربى جابت لاب توبها وجلسو يطالعون صور الكلاب ويضحكون ........ وربى تأخذ أحسن أنواع الكلاب وتحفظ عنهم كل شي (أكلهم ,طريقة التعامل معهم ,قيمتها ......ألخ ........) ...................... اليوم التالي .................... ماجد جالس في مكتب أبوه ويعطيه محاضرة طويله عريضة عن الشغل والمسؤوليه وماجد قاله أن بيفكر من جديد مثل كل مره وبيسحب على الموضوع بعدين... ...... الساعة حدود 12 ..... طلعت رتاج تدور سيارة راشد مواعدها يجي ياخذها ........ وأخيرا شافته وراحت وركبت ....... راشد : هلا بالقمر رتاج :هلا راشد : وش فيك مالك نفس رتاج : بس الجامعه قرف طفشتني راشد : روقي .......ومد لها زقاره رتاج :لا ما أشرب راشد :أفا ..تردين رشود حبيبك رتاج :لا مو على أردك بس ما عمري جربتها راشد :أعلمك رتاج : لا مشكور راشد ما أبي راشد : يعني تشوفيني أدخن ولا تدخنين معي ..مثلي ... رتاج تبي تتعذر بكل شي :أصلا أنا ما أعرف كيف تمسكها رشاد ويمسك يدها :عادي سهله تسوي كذا وكذا (وجلس يعلمها ) وولعها لها راشد : يله حبيبي رتاج تقربها من فمها وتجرب وجلست تكح وراشد يسمي عليها رتاج : خلاص ما أبي راشد :رتاج حبيبي وش فيك صدقيني بتعشين جو ثاني يله لا تصيرين معقدة جربي رتاج وتقربها مره ثانية لفمها وتجرب وتكح وجربت مره ثالثة ورابعه وخامسها لم تقلبت الوضع الجديد راشد وياخذ الزقارة منها وهو يضحك وفتح الشباك ورماها رتاج :وشلون تستمتع فيها أحس ما فيها متعه راشد :مع الأيام راح تتعودين رتاج : أحس المعسل أتقبله أكثر من هذا راشد :جربيته رتاج :لا بس أحس أنه كذا مدري أحسه حلو راشد :أنتي الحلا كله خذو لهم كم لفه لم جت الساعة وحدة ونص ووقفها عند مطعم وراح وهي دقت على السواق يجي ياخذها من هالمكان على أنها طلعت مع صحباتها وتبي السواق يرجعها ............. ........................... الساعة 4 العصر ............ بييييييييييييب بيييييييييييييييييب بيييييييييييييييييب ربى تركض لسيارة ماجد :جيييييييييت وتفتح الباب وتركب :عمى أزعجتنا مافيك صبر ماجد :والله ما تعودت أنتظر أحد ربى :هذا جزاتي جايبه لك صور كلاب طبعتهم ماجد :ليش وش أبي فيهم ربى توريه الصور :أبي زي هذولي ماجد يمسك الصور ويرميها ورى :حبيبتي أنا مختار من زمان متعبه عمرك على الفاضي ربى منقهرة : الشره مو عليك الشره على اللي يروح معك وجت بتنزل وكان ماجد أسرع وقفل الأبواب ربى :بأنزل وشوله جايه معك دامك أخترت ماجد وهو يحرك السيارة :وأنا وش دخلني فيك أنتي اللي قلتي أبي أجي معك ما قلتي بأختار معك ربى :اففففففف مالت ضحك ماجد ورايح للمحل الحيوانات الأليفة ... وربى حمدت ربها أنها رجعت مع ماجد زي أول ................. أم مشاري : صقر ؟؟؟؟؟؟!!! وش هالأسم .. من جدك مشعل يكلم أمه بالتلفون لأنه بالدوام :والله هذا اللي سمعته من مشاري الصبح أم مشاري :والله تخبل أخوك مشعل :يمه أستأذنك عندي حالة سكرت أم مشاري من مشعل اللي ماكان عنده حالة بس دخلت وعد ووجهها ما يبشر بخير .......... وعد وجهها أسود ومبين عليه الحزن : السلام عليكم مشعل :وعليكم السلام وعد : أنا قطعت أجازتي وبأرجع للشغل مشعل بأستغراب :وزواجك وعد: خلاص ما صار بينا نصيب مشعل منصدم :انفصلتو وعد :ايه نعم ....متى أبدا شغلي من بكرة مشعل :اكيد بس بلغي المدير عن هالخبر والممرضة اللي بدالك وعد :سويت كل شي مشعل :خلاص من بكرة تعالي مثل العادة 8 وعد :شكرا دكتور وطلعت من الغرفة ومشعل مستغرب من وعد واللي صار لها وحزن لها لأنها واضح عليها التعب ..... مسكينة ما تستاهل ............ | ||||
|
| |
|
18-07-19, 05:33 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| المحطة السابعه: هوهوهو اطلقت شوق سيقانها للريح .......:يممممممماي ماجد : هههههه ربى :حرام عليك لو تشوفه ماما لا تسوي لك سالفة ماجد وهو يطالع الكلب :لازم يتعودون عليه ربى : طيب خلاص طلعه برى عند فاهم ماجد :خذي طلعيه مسكت ربى السلسله حقت الكلب وهي خايفه :لازم أوديه ماجد :ايه لازم ربى مشت والكلب مشى معها وطلعته عند فاهم .............. ...................... عند حصه ........... منيرة : خذاهاااا ؟؟؟؟؟؟ حصه : هو قال لي كذا ..ليه وش فيها الورقة منيرة : لا ما فيها شي حصه : لا أكيد فيها شي ولا ما حرصتي عليها منيرة :شي خاص حصه :المهم خلاص بأقطع علاقتي معهم منيرة : ليه ؟؟ حصه :واللي سواه سلطان فيني شوي ؟؟؟ منيرة : مدري بس أبوي مو راضي تجلسين معنا حصه : سلطان ما يراضي أحد وانا ماراح أروح له منيرة : براحتك .................... ماجد جاه اتصال من عبدالرحمن : هلا عبدالحمن : وغلا ..فكرت ماجد :يعني عبدالحمن : بالأخر القرار وش ماجد : أبي أشوفك يكون أحسن عبدالحمن : اوكي تعال لشقتي ماجد : وينها ذي عبدالحمن : لا طلعت وصفت لك ماجد : عطني ربع ساعة وادق عليك عبدالرحمن :يله سلام وسكر ماجد وراح يبدل لبس ثوب وكاب أبيض ولبس نظارته من ماركة ديور تسبح بالعطر وطلع من غرفته ......... ركب سيارته ودق على عبدالرحمن وجلس يوصف له شقته اللي في الأحياء القديمة والمليانه بلاوي ............... وصل ماجد عند عماره ووقفة الحارس وجلس يسأله من هو وليش جاي بعدين وصله لشقة عبدالرحمن ............ دق ماجد الجرس وفتح عبدالرحمن اللي لابس ثوب مصفر من الزمن ورافع كمومه وووجهه مسود من التعب وعيونه حمر كان شكله ما يبشر بخير .......... عبدالرحمن استغرب من شكل ماجد المرتب بالنسبه لشكله واستنتج أنه ولد عز من طريقة سلامه الهاديه ..وريحة عطر اللي تفوح ......... جلس ماجد في الصالة اللي ريحتها دخان تكتم .. ودار بنظره على المكان ............. جلس عبدالرحمن وولع زقاره ومد لماجد :تفضل ماجد : مشكور خلها لك عبدالرحمن دخلها في فمه وطلعها:كيفك .......نفتح الموضوع لكن قبل ما أعرف عنك كل شي حتى أخذ راحتي معك .......! جلس ماجد يجاوب على أسألت عبدالرحمن ............. ويتناقشون في مواضيع شويها عليها (دنيئه) مرت ساعتين ونص وطلع ماجد من عبدالرحمن وهو راسم ابتسامة سخريه على حياة عبدالرحمن ..................اللي يدور رزقه في بنات خلق الله وقال له أنه بيرسل له قائمة بأسماء البنات وجنسياتهم واعمارهم وأرقامهم حتى يختار ............ وماجد قبل ما يطلع عطى لعبد الرحمن 1000 ريال عشان يتطمن عبدالرحمن أن ماجد مصر على اللي يبغاه1!!! راح ماجد للبيت وتسبح وغير ملابسه وطلع مره ثانيه من البيت رايح لشقة ربعه لكن راقية بالمستوى المطلوب ......... ................................. ربى تحط روبها على الطاوله الموجودة جمب المسبح ....... وتحط جوالها جمبه ........ و تنزل للمسبح البارد تقريبا .......... وجلست تسبح ثم طلعت ودقت على شوق .... \شوق : نعم ربى : شوق قلبي تعالي اسبحي معي وجيبي معك استريو بأسمع أغاني الجو روعه يله حبيبتي أنتي شوق : يوه ماني فاضيه أسبح لكن بأرسل لك ستي تجيب الاستريو لكن وش تبين تسمعين ربى : في شنطة الاب توب سيدي لرابح مكتوب (جلسات رابح) عطيه للشغالة اشتهيت اسمعه لم سمعت اسم ولد مشاري شوق :طيب باجيبه باي سكرت شوق وخمس دقايق والشغاله جايبه الاستريو وقالت لها ربى تدخل السيدي وتعلي عليه وهي راحت تسبح .......... وحست أن الجو أحلى مع الأغاني ................... .............. كان يمشي بسيارته الرنج الأسود بهدوء لف على بيت عمه وضرب البوري وطلع فاهم وعرف من الشخص الجاي وفتح البوابه له ............ ودخل فهد لم وصل للبوابه البيت وطفى السيارة لكن جذبه صوت الأغاني وراح للمصدر عند المسبح ......... شاف ربى بنت عمه تسبح من زمان ماشافها من سنة ونص ............ ربى تفاجأة بوجود فهد واستحت لم طفى الاستريو وقرب للمسبح فهد بهدوئه المعتاد:هلا ربى ربى ماعاد تعرف وش تسوي فهد :اطلعي سلمي علي ولا ما ودك بسرعه ربى اتجهت للسلم وطلعت من السبح وجهها أحمر من الفشيلة بسبب المايوه ......وراحت لبست روبها ثم رجعت تسلم على فهد في البداية مدت يدها لكن هو سلم بالخد رغم أنها متبلله ........ فهد : وش أخبارك ؟ ربى ترجع شعرها المبلول لورا : بخير أنت كيفك فهد : الحمد لله ربى: غريبه جاي لبيتنا فهد : جاي أسلم على عمي ربى : بس أبوي مو موجود فهد :زين علمتيني عشان ارجع ربى : لا وين من زمان ما جيتنا لازم تدخل فهد : لا مشكورة أنا بأروح عندي أشغال ربى :طيب سلم واطلع فهد :لا مرة ثانية ربى : ماجد بيجي اللحين أقعد معه فهد منحرج من اصرار ربى وماعرف يرد ربى : شكل ما تبي تدخل عشان أمي فهد : ورتاج بعد ربى: ليش ؟؟؟؟؟؟؟؟؟ فهد بصراحة :ما يعجبوني وبينا مشاحانات ربى : هم أصلا كذا مع الكل إلا اللي يعجبهم ...... بس ما يهون علي تجي بيتا ومانضيفك ....... فهد ابتسم لربى :خلاص بأروح أوخر سيارتي عن البوابه وانتظرك عند المسبح رب :اوكي فهد : بس لحد يدري عني ربى : بس شوق بتزعل لو تعرف أنك جاي ولا قلت لها فهد : بعدين أنا أصلا بأشوفها! ربى :اوكي راحت ربى بسرعه جوا البيت ولغرفتها .......... طلعت برمودا ابيض وتشيرت أصفر عليها كتابات بالأبيض ...... لبستهم وحطت على شعرها جل .... ومكياج خفيف بس كحل وروج وردي .......... ونزلت تحت بسرعه قبل ما يشوفها أحد ......... ولقت فهد عند المسبح ومطفي أنوار المسبح كلها واستغربت ..... وصلت عنده وجلست:ليش طفيتهم فهد : ما ابي احد يشوفني ربى: أها ....... فهد : كيف الدراسه ربى :ماشي الحال فهد :إلا أنتي في ثالث صح ربى :أيه فهد : وش ناوية تتخصصين ربى : مدري محتاره ........ فهد :ممم وشوق وش أخبارها ربى : بخير إلا أنت للحين تدرس في استراليا ولا خلصت فهد :مخلص من شهرين ربى :مبروك التخرج فهد : الله يبارك فيك عقبالك ربى : الله يسمع منك ....... سكتوا شوي ما عندهم موضوع ......... ربى : مشاري جاله ولد فهد :سمعت بالخبر وسماه صقر ربى :ايه ولله اسم غريب فهد : ما توقعت ربى وهي تعلج العلك : ولا أنا ................ فهد :وين شوق ؟ ربى : في غرفتها فهد :يا حليلها من زمان عنها .......مسكينة تنرفز بسرعة ربى : طبعها كذا فهد :ناديها بس لا تقولين أني فيه ربى : جد؟؟؟؟؟؟ بأروح أناديها وقامت بسرعه ...... فهد ((شاب طموح ......... قمة في الأخلاق والأدب ......... يميزه الهدوء ....لكن فيه عيب أنه مو أجتماعي مره والغربه ساعدته يكون كذا... عمره 26 سنة .......... درس في أستراليا هندسة ... وتخرج من شهرين ......... من ناحية الشكل مو ذاك الجمال أما الجسم ماعليه كلام طويل وله عضلات ووزنة 73 .... بشرته قمحية .... لم كان عمره 15 سنة كان يلعب كوره وطاح وجاه جرح تحت ركبته ....... وأهمله مره لم تحول إلا سواد وألم ... وتحول إلا غرغرينه واضطرو الأطباء لقطع رجله وهو له 11 سنة يستخدم الرجل الصناعية )) ...في غرفة شوق....... شوق :ما أبي أنزل علي فيزيا بكرة ربى :بس شوي الجو بره جنان شوق : طيب جنان لازم أطلع يعني ربى بترجي : تعالي والله ماراح تندمين شوق :افففف أمري لله يله انزلي وانا بألحقك ربى :بتلبسين شوق :ليش لبسي فيه شي ربى :ها ...لا بس يله انتظرك طلعت ربى من الغرفة وشوي لحقتها شوق ومشو مع بعض وربى ساكته وشوق مستغربه ..... وصلو لعند المسبح وربى تدور بنظراتها تدور على فهد اللي راح ....... ربى :وينه ؟؟؟؟؟؟؟ شوق عقدت حواجبها :مين ؟؟؟؟؟؟؟؟ ربى : راح شوق الخوف تسلل إلا قلبها : لا يكون الكلب ربى جت بتقول فهد ....بس كان اسرع وغطى عيون شوق وقال :مين شوق تجمدت من يد الرجال اللي غطت عيونها ربى ابتسمت :يله شوق من تتوقعين شوق :مشعل ربى :لا شوق :ماجد ربى :لا شوق :مشاري ربى : لا مو من الاخوان شوق تحاول بيدها الناعمه الصغيرة تفك يد فهد وفهد ساكت شوق طقت فهد بكوعها وتالم ووخر عنها ... لفت شوق لورا متحمسه تشوف مين ؟؟ وطاحت قصت شعرها على وجهها............. لكن حطت يدها على فمها :فهد؟؟؟؟؟؟؟؟؟؟ ابتسم ومد يده يسلم ......... شوق مدت يدها مستحية :حمد لله على السلامة ؟؟؟ فهد :الله يسلمك ........... رجعت شوق شعرها لورا :وش أخبارك من زمان عنك ....مشتاقين لك ! قالتها شوق من باب القرابه لكن فهد ما مشاها :وأنا أكثر ربى قطعت عليهم :أمي دقت بأروح أشوف وش تبي ........... وراحت ...... شوق :وش أخبار (سحر وعمر )أخوان فهد ...... فهد :بخير يسلمون عليك شوق : الله يسلمهم من الشر فهد طالع شكل شوق اللي لابسه بنطلون جنز أسود وقميص أبيض ونهاية أطرافه رابطتهم في بعض وكاشف جزء من بطنها ...... شوق استحت من نظراته وبحركة طفولية كأنها تعدل شي فكت الربطة ونزلتها ........وابتسم فهد :كذا أحلا حمر وجهه شوق وما عرفت ترد ............ ماجد بصوت عالي :هلا وغلا بالشيخ لف فهد : هلا والله وسملو على بعض .................. ماجد يطالع شوق :فهد هنا وماتدقين علي ............. شوق جت بتقول ربى لكن فهد سبقها :ربى من ساعة عندي ما دقت عليك !!!! ماجد :وعدها عندي هاللي ما تستحي ...تفضل تقهوا فهد : لا قهوتني ربى !!!! ماجد :لا فيها خير .....طيب أدخل جوا فهد : لا مشكور أنا بس كنت جاي بأسلم عل عمي وما لقيته .. وطلبت مني شوق اعشيها على حسابي وما يغلى عليها العشى وتوها بتروح تلبس تجي معي شوق انصدمت كل الكلام اللي قاله كذب ماجد : أنا عازمك أنت وشوق وش رايك فهد : خل عزيمتك بعدين أنا اليوم لي ولشوق ماجد : أه منك ما اقدر اقولك شي ...... فهد : يله شوق ما ودك تروحين شوق مبلمه : إلا بأروح .........ومشت بصدمة لجوا البيت ...... ومرت على ربى وعطتها كم كلمة وقالت لها وش صار وضحكت ربى على كذب فهد .......... لبست شوق عبايتها ونزلت تحت لقت ماجد داخل البيت ماجد مبتسم : لا تطولون شوق ابتسمت له :إن شاء الله وطلعت لقت فهد مقرب السيارة وراحت ركبت معه وهي ساكته.... فهد : حلوه الحركه صح شوق :بس أنا ما أشتهي عشا فهد : يعني بترديني شوق : لا حشى بس يعني مم فاجأتني بجيتك وسالفة اني طالبه منك تعشيني فهد : أنا أبي اطلع اتعشى وقلت أخذك معي ها ماقلتي وش مشتهيه شوق:بس أنا ما أشتهي شي فهد :اوكي على راحتك ..........ماراح نتعشى شوق : أجل وين بنروح فهد : نتمشى شوق :اايه وين؟؟؟ فهد :مدري ندور لين نلقى لنا مكان سكتت شوق وسكت فهد ........ وجلست شوق تتامل الشوارع وقفو عند اشاره ولفت شوق تطالع فهد ...... وحس أنها تناظره ولف يطالعها شوق :ليش وجهك كذا فهد :وش فيني شوق : أنت تعبان فهد : لا بسم الله تفاولين علي ولف يمشي لأن الأشاره ولعت ........... شوق بأصرار :إلا تعبان ............. فهد : يا بنت الحلال مافيني شي شوق : إلا انت مريض فهد علا صوته وشد يدينه":ماني مريض ما تفهمين ........... ............................. تغيرت ملامح شوق وبعصبيه :هذا جزاتي خايفة عليك سكت فهد شوق :رجعني البيت فهد : لا شوق : رجعني أنا أصلا ما طلبت منك تطلعني أنت اللي تبي يله رجعني فهد : أنا أصلا جاي أشوفك بس ما بغيت أبين شي لربى شوق بحواجب معقودة :وش فيك أنت من جيت وانت غريب فهد أخذ نفس عميق : اسمعي هالكلام وأفهميه بعقل كبير !؟؟؟ شوق : ممكن نجلس في مكان وتعرف تتكلم فهد :اوكي ................. ..................................... سلطان !!!!! رتاج :عاد جاك الخبر والخميس الجاي ملكته ربى : وحصه رتاج : تنكتين أنتي ...تعتبرين هذيك زوجة ... ذيك حتى ما تعرف تركب بلوزة وبنطلون على بعضها ربى اللي ما أعجبها كلام رتاج : اخلاقها تغطي على كل شي رتاج : مره واضح أخلاق شوفي نهايتها تطلقت ربى :لا تتهزين الله يبلاك برجل مثل سلطان واردى ويطلقك رتاج : لا يا حبيبتي أنا رتاج مو حي الله ......... وأشرت بأصبعها على راسها : بأتزوج وأحد أمشيه على مزاجي ........ ويله باي أنا طالعه وقامت من على سرير ربى وتمشي وتطلع من الغرفة .......... وجلست ربى تفكر ... اليوم فيه مفاجأت ........ سلطان بتزوج ..وجيت فهد الغريبه ............ يا ترى وش القادم ؟؟؟؟ ............................ بعد ما أختارو لهم مكان ........ جلس فهد بتوتر قبال شوق ........ فهد :وش تشربين شوق : شكرا ما أشتهي ممكن تقول وش صاير فهد : اوكي على راحتك ......... يا طويلة العمر السالفة مافيها أني أعتبرك تفهمين أكثر من ربى لا يروح فكرك بعيد ..أنا ما أحب الباردين ...وربى معروف عنها ما تعرف تتصرف عكسك أنتي تاخذين الأمور بجديه .مع ان عمرك 16 سنة شوق : الزبدة فهد : أخو ساره خطب أختك رتاج شوق فتحت عيونها : متى ؟؟؟؟؟؟؟؟؟ فهد : هو كلم أخوك مشاري بس ما صار شي رسمي إلا الأن شوق : وأنت وش عرفك فهد : أنا وسعد مع بعض في الشغل وقال لي شوق : من سعد ؟؟؟؟؟؟؟ فهد:لا تصيرين مفهية ..سعد أخو ساره شوق : أها فهد :وش رايك نرجع البيت شوق بسرعه : لالا ما نرجع إلا لم تقولي وش صاير بالضبط وليش تقولي أنا بالذات عن خطبت رتاج فهد :كذا أبيك مفتحه مخك .............. ................. سلطان .......:طيب أم مشاري : وش اللي طيب سلطان :طيب روحي أنتي أشتري الشبكة وانا وش دخلني ؟؟؟؟؟!!!!! أم مشاري عصبت :أنا رجلها ولا أنت سلطان : يمه أنا من متى خاطب (قمر) من 3 أسابيع ! صح ! أم مشاري :ايه سلطان : يعني لم ما بقى إلا أسبوع على الملكة تقولين يله نروح نشتري الشبكة؟؟ أم مشاري : لا والله شكلك نسيت مرتين قلت لك كل مره تقول بعدين سلطان : بعدين ودي أفركش هالزواجه أم مشاري بتحذير :أصحى ترى والله لأغضب عليك ترى هم ناس راقين يعني كلمتك وحدة معهم سلطان بعدم أهتمام : طيب طيب المهم بأعطي لربى فلوس تروح تشتري لي وخلاص أ مشاري :وش معنى ربى مو رتاج سلطان : ربى أحس ذوقها أرقى من رتاج أم مشاري :كيفك تفاهم مع أختك مالي شغل فيك انا صراحة شايله يدي من الزواج من زمان سلطان يقوم من مكانه :قولي لربى ..بتقعد تناقشني وماراح أعطيها وجهه وبتزعل ....... ام مشاري :نادها على طريقك ... طلع سلطان من غرفة أمه وأرسل لجوال ربى (أمي تبيك في غرفتها) وطلع من البيت ........ .................................. فهد :اسمعي هالكلام لا يطلع منك أبدا مهما صار ..إلا لم اقولك شوق:وش\ السالفة حمستني فهد : سعد ما يبي عيال ..... شوق :وش السبب فهد : لعب ما يحب المسؤولية همم مو فاضي لهم من هالكلام شوق :طيب يمكن رتاج ما تبغى عيال مثله فهد :هو ماراح يقول لهم انه مايبي.. بيتزوجها بعدين بيقول لها شوق :مو على كيفه بيحرم أختي .... ولا بيطلقها دام مايبي عيال وشوله يتزوج..........ووش معنى أختي اللي أختارها .....؟؟؟؟ فهد : أمه مصره تبي رتاج وهو قال لها انه ما يبي عيال .. قالت له كيفك بس المهم أنت تتزوج ونكشخ بها عند الناس أنه بنت (...) ورضت تتزوجة مع أنه قد انسجت 6 شهور بقضية ماراح اقولها لك تقدرين تقولين أن امه تبي تخليه يتعدل بالزواج شوق فتحت فمها :ما قد سمعت أن لها ساره أخو أنسجت فهد : قد سمعي أن لها أخو راح لأمريكا يدرس هندسه ولا لا؟؟ شوق :أظاهر ..إلا عندها اخو يدرس برى بس مدري وين فهد : هذا هو سعد شوق :طيب وش دخل هذا في هذا ........أقول ما ودك تقول لي السالفة من الاول بالترتيب لان عقلي صار مشوش .......... فهد : بنطول لو نتكلم شوق تطالع الساعة : ماعليك خذ راحتك عندنا وقت كبير ......... ......................... ربى :ماما فهميني وش هالزواج السريع ...... أم مشاري :اسمعي بدون مناقشه ......... أبوك طلب مني من تزوج سلطان حصه أني أدور له على زوجة غيرها لأن سلطان ماشاور أبوك في حصه وتزوج من كيفه وأصلا واعدني أنه بيتزوج على حصه من زمان........ وأنا دورت لسلطان ولقيت وحدة تصلح له ...قمر...بنت خالة صيته بنت جامعيه وحلوه ...... رحت لسلطان ومدحتها عنده ورفض بأنه ما يحب الارتباطات الكثيرة واقنعته أن قمر مو أجتماعيه مره يعني بيرتاح سلطان معها ومن مشاويرها واقنعته من شهر ونص ..... وراح هو ومشاري وخطبو قمر من أبوها ربى :طيب ليش أبوي ماراح أم مشاري :مشاري وسلطان مو رجاجيل ولا وش شايفه انتي ؟؟ ربى :لا ما أقصد .. بس مستغربه أن ابوي طلب تزوجينة وما يروح يخطب له أم مشاري : مو فاضي لهالأمور .. ربى : بس يدري ان حصه حامل ولا لا ؟؟؟ أم مشاري :لا باقوله بعدين ربى :ليش؟؟ أم مشاري : مدري يكون احسن كذا عشان ما تصير مشاكل لم يعرف انها حامل ويرجعها وتزعل أم قمر لأني قايله لها أمس انه طلقها ربى : طلق حصه عشان قمر ؟؟؟ أم مشاري : أتوقع لانه مو فاضي لحرمتين ربى : طيب قمر راضيه قبل تكون ضره أم مشاري : أكيد راضيه بتلقى أحسن من سلطان ربى : مدري بس غريبه ترضى وهي جامعيه وحلوه يعني في احد أحسن من سلطان أم مشاري :مافي احسن من أخوك .. وش هالكلام ربى :أسفين غلطنا ...سلطان أحسن واحد بالدنيا ........ بس سؤال ليش ما يطلق حصه بالثلاث دام على قولتك مايبي حرمتين أم مشاري :روحي تفاهمي معه ..ها بتشترين له ولا وش ؟؟؟؟؟؟؟؟ ربى : لا والله أصلا انا أحب حصه وما أرضى أني أروح أشتري شبكة ضرتها أم مشاري :ضفي وجهك والله أني عارفه أن ما وراك سالفة ماراح يشتري له إلا رتاج .......اطلعي بس ......... قامت ربى : كيفك وتشوفون إذا هالقمر ماطفشت من سلطان وتطلقت مثل حصه لأن سلطان العيش معه لا يطاق .......وطلعت من غرفة أمها وهي معصبه . ............................ رناد (26سنة ) ريما (38 سنة ) ماريا(33سنة ) اندلوسية لورما (40سنة )حبشية ...........................................ألخ من الأسماء اللي جت من عبدالرحمن لماجد على شكل رسالة وكلهم برغبتهم ............. ضحك ماجد ضحكة طويلة وحط الجوال جمبه ومسح على راسه بتفكير .. رن جواله برسالة ثانية ...............من عبدالرحمن ............ ((في بنات عندي بس محد سحبهم وأنا ما أبي أتعبك معهم .....)) رد له ماجد ....((لا أرسل لي أنا اللي أبي ولا أنت ..........)) عشر دقايق وأرسل له عبدالرحمن ........... ((منيرة .........18 سنة ساره ............20 سنة جازي ..............16 سنة ....إلخ )) هز راسه ماجد بأسف لم قرا أسم منيرة وعرف ليش البنت تهددها ........... صحيح أنه يكلم بنات ........بس عمره ما مس بنت وأذاها باي طريقة ....... كأن انه ينشر رقمها ولا صورتها أو يخليها تقابله غصب عنها أو حتى يزعجها وتنكشف عند أهلها .......... يعني بأختصار ((داشر بس أخلاق ))) .............................. ... سعد هذا كان في امريكا مو لعب بس خذ سنتين لغة بعدين جلس يلعب ........ ابوه شرى له شهادة هندسة ....... مافي ذمة طبعا ...... وشغلة معي في الشركة ..ويستلم 15 ألف ........ شفتي القهر كيف ........... ولا في أحد بالعقل يخلص هندسه في أربع سنوات وزيادة عليها لغة,, بس آآآآخ والله يقهر شوق حاطة يدها على خدها :طيب وش سالفة السجن ......... فهد:خليها مستورة أحسن شوق : تصدق أنا خايفة على سعد من رتاج فهد : ليش؟؟؟؟ شوق :رتاج ما ينلعب عليها فهد :عارف رتاج وطبعها بس حتى ولو بنت عمي وما أبيها تنظلم وتتطلق شوق : اخطبها فهد انصدم :أنا شوق :أيه دام أنت خايف عليها من سعد أخطبها فهد : لا لا مستحيل أنا ورتاج ما نناسب بعض أبدا شوق : اللحين أنت خايف على رتاج من سعد أن يطلقها بعدين صح فهد :ياليت على هذي وبس شوق :فهد يا تتكلم ولا تسكت توترني على الفاضي فهد :إذا تحبين أختك قولي لماجد يعارض فكرة الزواج هذي وخليه يسأل عنه لأن أكيد ما راح يسألون عنه شوق :وساره برضو ماراح تعيب اخوها عندنا مهما صار هذا أخوها فهد : وفترة السجن اللي كان فيها محد عرف عنه لأن الناس تحسبه مارجع من أمريكا يعني محد يعرف عنه شي أبدا غير أخوانه وخواته وأنا وأنتي .... شوق : ما راح تقول ليه انسجن فهد ويرجع نفسه على الكرسي :ولا تحاولين ....... تنهدت شوق :طاحت من عيني ساره فهد :وش تسوي بتقول لا تزوجونه لرتاج فيه وفيه وفيه عشان سعد يروح يذبحها ,,,,,, شوق : حتى ولو يروح يخطب غير رتاج فهد :نصيبها شوق :إلا مصيبتها فهد :تتعشين ولا نرجع ........ شوق : لا نرجع أحس أني تأخرت ... قامو وكل واحد شال جواله من الطاولة وضحكو على الحركة غير الارادية ومع بعض..... .................................................. ............ في صباح يوم جديد ......... في الجامعه الملك سعود .......... العنود :خذي هذي الحبوب من راشد رتاج :وش هذي ........؟؟؟ العنود : وأنا وش عرفني لا كلمتيه أسأليه رتاج : وش فيك ترى بس سألت العنود:أحس أخلاقي مقفلة أشوفك بكرة احسن أخاف أغلط عليك وقامت من الكرسي رفعت رتاج راسها وطالعت العنود::: براحتك ......... راحت العنود وقلبت رتاج الحبوب في يدها اللي ما تعرف وش هي ..... مسكت جوالها ودقت على راشد مع أنها تعرف أنه نايم هالوقت ...... لكن رد ..... بصوت ثقيل :الو رتاج :هلا حبيبي ..صباح الورد راشد يعدل نفسه على السرير :هلا....صباح العسل رتاج : أسفه صحيتك ..... راشد :أكيد عشان الحبوب رتاج :ايه وش هذي ....... راشد:صح أنتي تقولي ما احب أدخن رتاج :ايوه راشد :هذي بدالها رتاج :ما فهمت راشد : لا خلصتيها بتعرفين رتاج : لا ما راح اكلها إلا لم تقولي وش هي أخاف تكون مخدرات وأنا ما أدري راشد : أفا....ما هقيتها منك .... رتاج :أسفه بس حتى ولو أبي أعرف وش هذي راشد :لا انتي ما تثقين فيني خلينا نقطع علاقتنا احسن ..يله باي وجى بيسكر ... رتاج : لا لا الو لحظه افهمني راشد:وش افهم مو أنتي مو واثقة مني أجل ليش تكلميني ....... رتاج : لا واثقة ...وبتردد ......بس ما أكل أي شي .... راشد : المهم من بيجيك اليوم رتاج : أكيد السواق راشد : بأجي أخذك اوكي رتاج : يعني مو زعلان مني راشد : لا زعلان وأبي أشوفك رتاج : اوكي بأقول لمام أني بتأخر واطلع معك ..اوكي راشد "اوكي يله باي .......... سكرت رتاج ودخلت الحبوب لشنطتها وهي تعيش حالة غباء غير طبيعية ... ........... حصه جالسه تقهوي أم أحمد في صالة بيتهم ...... حصة : أي والله يا خالتي لو أني مكملة دراستي كان أحسن أم أحمد :تقدرين تكلمين في الفصل الدراسي الثاني حصه : وش عقب ما حملت ... لا خليها على الله أم أحمد :أنتي في الثاني الحين صح حصه : ايه أم أحمد :الله يعين ..إلا ما سددتو تلفونكم حصه : إلا أسمع أمس لطيفة تكلم صديقتها أم أحمد :زين عشان لا أحتجتي شي دقي علي حصه :ما تقصرين خالتي الله يخليك لعيالك أم أحمد :أمين .......................... ...................................... هند جالسه على طاولة منيرة ومنيرة جالسة على الكرسي ومنزلة راسها وتقرا الكتاب وما عطتها وجه هند:ترى أنتي حافيه منتفه وهو رجال عز يعني يرمي الفلوس وهو ماشي منيرة :لو سمحتي ممكن تخليني أركز مسكت هند الكتاب ورمته على الأرض :ما تفهمين أنتي أنا أبي أساعدك منيرة صرخت :محد طلب منك تساعديني بهالطريقة الوسخة اللي لك ولأشكالك حبيبتي ليش ما تروحين له أنتي هند :هههه ضحكتيني أنا عندي عبدالرحمن تاج راسي منيرة :طيب ممكن تنقلعين عني هند : صدقيني بيجي يوم وتجين أنتي تطلبين مني أوديك هناك بس صدق ما تستاهلين شي ................... وتفلت في وجه منيرة وراحت .............. منيرة كتمت غيضها ومسحت وجهها وقامت تجيب كتابها وهي تدعي في نفسها أن هند تطيح في شر بليتها .............. ............................................ على وقت غروب الشمس ...................... ماجد يمشي في شارع التحلية ومعه كلبه اللي سماه ((بورش!)) وكل من مر علق على كلبه أو على ماجد ! مسك ماجد جواله ودق على حصه لكن ما ردت دق مره ثانيه ولا ردت.... استغرب مو من عادتها ما ترد ............. لكن لازم ترد ضروري اليوم .......1 مشى كلبه قدامه وركبه السيارة وركب ........ مرت من جمبه جمس مليان بنات حرك وراهم والبنات ما عطوه وجهه............وراح وخلاهم .......... ........................................... شوق بصراخ: وشوووووووووو لا والله ناقصين صيته ثانية ربى اسرعت وحطت يدها على فم شوق :اشششش فضحتينا شوق توخر يد ربى وبهدوء :خير وش السالفة ربى :طيب أنتي لا تصارخين وبأقول لك وش السالفه كلها ..... ............................................ رتاج جالسه على سريرها تسترجع وش صار مع راشد ........... ((راشد : كليها اللحين ولا انزلي من سيارتي ولا عاد نعرف بعض رتاج : وشفيك لهدرجة هالحبوب مهمه تبيني أكلها راشد :ايه مهمه يله قرري بسرعه ترى أنا ما أحب لعب البزران تاكلينها ونجلس سوا ولا كل واحد في طريق ......... رتاج : اففففف خلاص لا تزعجني بأكلها وامري لله .............. مد لها قارورة صحة وهي بلعت الحبه ............. جلسو ربع ساعة مع بعض ثم حطها عند مطعم عشان السواق يجيبها...........)) رتاج وهي تنسدح على السرير :قلبي يقول أنها منومه من جيت وأنا نايمه وتثاوبت وسحبت البطانية ونامت .................. ............................ شوق :قمر ما عرفتيها ؟ ربى :"لا والله يمكن أعرف شكلها بس ما أعرف أنها هي قمر شوق :ذيك النحيفة البيضا شعرها أسود لكتوفها اللي لا بسه وردي في زوارة أخو صيتة العام ما تذكرين ربى :إلا إلا ذكرتها .....أحس أنها طيبه شوق :بس كيف رضت بسلطان وهو متزوج ربى: طيب طلقها شوق :ترى حامل وبعدين لو يعرف ابوي أنها حامل بيرجعها ربى : بتحضرين ملكته شوق |:وش أسوي أخاف امي تزعل وتهاوشني وأنا ما ودي أروح عشان حصه يا عمري والله لو تدري بيطر عقلها ربى:أكره سلطان شوق :حتى أنا ربى :يعني تتوقعين أن أمي بتهاوشنا شوق : مدري .......جواهر عرفت \ ربى :ما أدري شوق :عندك فستان أحتياط ربى : لا والله شوق :حتى انا بأروح أكلم أمي إذا طاعت ما اروح ولارحنا ندور لنا فساتين ربى :روحي بسرعه عشان نروح بعد صلاة العشا شوق قامت بسرعه رايحة لأمها .......... ................ ماجد أرسل لحصه (حصه ردي ضروري السالفة ما تتاجل )) ورجع دق بعد خمس دقايق... وردت ................... حصه : السلام عليكم ماجد:وعليكم ...ما بغيتي حصه :وش صاير ماجد :عندك أحد حصه :لا ماجد : أجل اسمعي ........... ............... أم مشاري :هيه أنتي لا يكون في بالك أنك ماراح تروحين شوق : لا يعني مدري بس أيه لا ما ودي ... لا ماعندي فستان أم مشاري : قومي عني عن الهذره الزايدة وروحي قومي أختك النايمة من الظهر وروحوا دوروا لكم فساتين......... شوق وهي تقوم وبدون نفس :طيب وتروح فوق لغرفة رتاج وتطق الباب ما ردت ودخلت لقتها نايمه .......... راحت لها الفراش وسحبت البطانية :رتاج قومي رتاج قومي رتاج:ااااافففف بررررررى شوق :قومي بسرعه عندي لك خبر رتاج :شوق يالبزر اطلعي برى محد سمح لك تدخلين شوق : قومي نروح السوق نشتري فساتين رتاج وهي تتعدل على السرير وبعصبيه : عشان ملكة سلطان عندي فستان ويله اطلعي برى خليني أنام ......... شوق :كيفك هذا جزاتي أسألك ......... وطلعت من الغرفة .............. رجعت رتاج تنسدح وتحس بصداع أليم .......... مسكت جوالها وأرسلت لراشد ((أحس بصداع وش أسوي )) أرسل كلي حبتين من الحبوب)))ورتاج سمعت كلامه وكلتهم .................... ........................... حصه :كل هذا صار ومنيرة ماتقول لي ماجد : طيب حصه مقدر أطول أكثر سوي اللي قلت لك عليه واليوم وفهميها وش تسوي ولا تعارض لأنها هي المتضرره حصه بجديه : خلاص نكون على أتصال إذا صار شي ومشكور ماجد : العفو يله باي حصه :باي ....................................... شوق تدور مع ربى في حياة مول شوق :تدرين حسيت من عيون أمي أنها بتذبحني لو ما رحت ربى : أحيانا أمي تخوف غصب عنك تسوين الشي شوق :محددة لون معين ربى :لا شوق : ولا انا بأشتري أي شي ربى: وش رايك بأسود شوق :أسود؟؟؟!!!! ليه ربى : لأننا مو فرحانين شوق : والله جبتيها ....بس وش ذمب قمر ربى :مدري أمشي بس ندور على أسود ......... دورو وما لقو وطلعو وراحو الفيصلية ........ ولقو لهم أسود وأختارو نفس الفستان بس المقاس غير .......... شوق :وش رايك نكمل اغراضه بكرة عشان نطلع مره ثانية ربى : بكرة علي اختبار شوق :ما عليك مو ضارك يله بس نطلع تعبت من المشي ربى : يله .................................... حدود الساعة 12 ونص شوق جالسة على سريرها وتفكر ........... ((زواجين في وقت واحد!! أكيد مشاري ما راح يقول لسعد اخطب رسمي إلا بعد زواج سلطان بس سلطان بيملك والزواج بعده بشهر يعني فترة طويلة ويمكن يخطب رتاج اففف يا فهد حملتني مسؤلية كبيرة وأنا توي صغيرة على هالأمور لو قال لجواهر كان احسن هي متزوجة وعندها ولد وتعرف تتصرف بحكمه أكثر مني.....شكلي بأقول لفهد يحمل مسؤلية هالخطبه لجواهر وأنا بأرتاح منها .......كذا أحسن )))) غطت راسها بالمخدة ونامت .......... .................................................. . الساعة 2 الليل ..................... حصه .:منيرة......منيرة قومي ............ منيرة :هممم حصه :قومي بسرعة منيرة تحاول تفتح عيونها بس ما تشوف إلا الظلام :وشو حصه :قومي أبيك منيرة :وش صاير حصه:لا قمتي قلت لك منيرة :طيب كم الساعة حصه : 2 منيرة :يوه مقومتني من اللحين تونا حصه تهزها :قومي اخلصي منيرة تقوم :طيب روحي وأنا وراك حصه :متأكدة ما بترجعين تنومين ؟؟ منيرة :والله ما برجع حصه :يله أنتظرك في الصالة منيرة :طيب مشت حصه وطلعت من الغرفه وجلست في الصالة دقايق إلا جتها منيرة ووجهها كله نوم وجلست جمب حصه منيرة:ها ..وش صاير حصه :غسلتي منيرة :أيه غسلت حصه :طيب صحصحي معي منيرة :حصوص وش عندك ترى ما أحب كذا أخلصي بأروح أرجع أنوم ما بقى على الفجر شي ! حصه : الموضوع يخصك أنتي وماجد منيرة وراح فكرها على الورقة وطار النوم كله :وش حصه حست بتغير منيرة :عرف وش قصد البنت منيرة ساكته حصه :ليش ما قلتي لي منيرة : وهو وش دخله ياخذ الورقة وهي جوا شنطتي حصه : لا تصرفين الموضوع منيرة : ما صرفته بس وش دخله ياخذها ماله حق يتدخل في خصوصياتي حصه بتشكك عشان منيرة تقول لها كل شي:ليه وش كنتي ناوية تسوين منيرة : وش قصدك حصه :ما قصدي شي بس ليش ما قلتي لي منيرة :وش أقولك هذي بنت تهددني أنها بتسحبني معها وتغريني بالفلوس عشاني بنت فراش والفقر ماليني من فوقي وتحتي لا والله ما أبي الفلوس اللي تجي بهالطريقة الدنيئة وبعدين أنا ما أبيع نفسي عشان واحد بيعطيني فلوس بعد..وخنقتها العبرة ....والله أنكم ما تحسون فيني ..كل يوم تجي فصلي وتقعد ترمي كلام قدام كل البنات وما خلت أحد إلا قالت له وين أحنا ساكنين وأبوي وش يشتغل واحنا بنات فقر ومن هالكلام ..وبعض البنات يناظروني برحمة وبعضهم بأستحقار ..وكل هذا عشان أجي معها الخسيسة الحقيرة الواطية الملعو. سكرت فمها حصه ونزلت دموع منيرة على يدها:اووووش لحد يسمعك وحرام اللعن ..... اسمعي ماجد لقى لك حل........ ناظرتها منيرة بامل ......ومسحت دموعها :وش بيسوي يعني ......... حصه :أنتي واثقة من ماجد منيرة :بأشرب موية واجي حصه :روحي قامت منيرة وشربت موية وغسلت وجهها و رجعت لحصه ......... حصه :ها ما قلتي واثقة من ماجد ولا لا....... منيرة :واثقة حصه :متأكده .......يعني ما راح تخافين من اللي راح يصير منيرة:واثقة بس يفكني من هند حصه :اسمعي هو راح لعبدالرحمن زين منيرة تفاجأة:راح!!! حصه :ايه راح مو هو صح خوي هند ومتشاركين في هالأمور منيرة :اتوقع كملي حصه :راح له وأختارك أنتي من بين البنات الموجودين عشان تطلعين معه ولا مع غيره منيرة :ايوه حصه: انتي روحي لهند وقولي أنا موافقه أجي معك زين وهي وانتي بتروحون مثلا يوم الخميس لشقة عبدالرحمن ويجي ماجد ويعطي فلوس لعبدالرحمن وياخذك معه ..... وبيرجعك لهنا بدون ما يضرك ولا شي ........... منيرة : بيقعد كل مره يدفع فلوس لعبدالرحمن عشاني حصه : عاد هو يحب الخير بتمنعينة يعني بعدين عرضك اهم من الفلوس منيرة : بس حتى ولو مفروض ما يدفع وهو خسران حصه : يعني تبين يسوي لك شي عشان يكون ربحان وش هالتفكير يا منيرة هذا جزى ماجد أنه بيفزع معك منيرة :لا مو قصدي ما أدري أحس ماله داعي مدري كذا حصه :اقول لا يكثر واليوم الصباح روحي لهند هذي وقولي أبي أروح معك وأنك موافقه منيرة بيأس :بأروح لها امري لله ................ ....................... رتاج تقوم من النوم وتحس أنها أحسن .... طالعت الساعة كانت بحدود 9 ونص ........ انتفضت ..... اليوم ضروري تكون في الجامعه .... عندها عمل لازم تسلمة ..... قامت بسرعه وتسبحت وبدلت وطلعت وعطت الشغالة كم كلمة عشانها ما قومتها وراحت الجامعه ............... وفي جوالها 4 مكالمات من راشد بس مو فاضية له ..................... ............................ منيرة طول الحصص بالها مشغول في اللي جاي وما صدقت يخلص الدوام حتى تطلع وتروح البيت وتقول لحصه عن اللي في راسها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟ ........ شوق :ألو فهد فهد :هلا ايه فهد مين ؟؟؟؟؟؟ شوق فهد :هلاوغلا ...شخبارك؟؟؟؟؟؟؟؟؟؟ شوق : الحمد لله تمام أنت كيفك؟؟؟؟؟؟؟؟؟؟ فهد : كل شي تمام ..ها من وين خذتي رقمي شوق :من زمان عندي بس عمري ما دقيت فهد :اها ... في شي صاير خلاك تدقين صح شوق :ايوه ... فهد :وش شوق :صراحة نفسي تشيل عني الموضوع ذاك فهد :ليه؟؟؟؟؟؟؟؟؟؟؟؟؟؟ شوق:جواهر أحسن مني فهد : يعني أنتي ما تحسين نفسك متهيئة تستحملين رتاج وردها وماجد كيف تقنعينة صح شوق :أيه ...جواهر أحسن مني فهد : كيفك بس أنا مقدر أكلم جواهر متزوجة يعني أحس غلط لم أدق عليها كلميها انتي شوق :اوكي راح أكلمها اليوم إذا قدرت ..بس لا يكون زعلت فهد : لا ما زعلت شوق: اوكي خلاص بأسكر وإذا صار شي جديد دق علي اوكي فهد :اوكي باي شوق :باي سكر فهد ومشى رايح للبيت ........ أول ما دخل مالقى أحد مثل العاده راح غرفته وخذ أدويته وطلع من البيت؟؟؟؟؟؟؟؟؟؟؟؟؟ ............ ماجد واقف مع الدكتور ويسمع نصايحة وهو شوي ويصفقه لم خلص منه وطلع من عنده وراح الصيدلية وخذ أدويتة الخاصه بفقر الدم .... هالأيام ما يهتم بأكله أبدا ...... وتسبب له في فقر الدم ولازم ياكل الخضروات والفواكة وووإلخ حتى يعدي هالمرحلة قبل ما تصل للخطورة ............. وقف عند هايبر بندة ..ونزل وجلس يتذكر وش يقول له الدكتور عن أنواع الخضروات لكن ماجد ما يعرف أشكالها ضف من كل شي أخضر كيلو ووزنة .. ثم راح وشرى له سمك وهو كاره نفسه من الريحة .. وخذ كم كيلو من المكسرات اللي فيها حديد .. ثم حاسب وطلع ..................... وصل للبيت ........ ماجد : مدينننننننه أم مشاري في الصالة :ما خبري عندنا شغالة أسمها كذا ماجد :أقصد ستي وينها أم مشاري :وش تبي بها ماجد : شاري أغراض من السوبر ماركت أبيها تنزلها أم مشاري :أها ..أنت بس خلها وهم بينزلونها لك ماجد:قولي لرويدا أبي تسوي لي جميع السلطات الخضراء على الغدا أم مشاري : وشفيك أنت ماجد :فقر دم آآآه منه أم مشاري :والله من أكل هالمطاعم ..ما عليك رح بس تسبح ريحتك مدري وشي وأنزل بتلقى كل شي جاهز .. ماجد :اوكي ركض ماجد لفوق عشان يتسبح من ريحة السمك اللي علقت فيه ......... حصه :لـــــــيــش ما قلتي لها منيرة :اصبري أفهمك بعدين صارخي حصه: يله فهميني منيرة :الحين كيف بأطلع الخميس مثلا على قولتك وأبوي موجود حصه : عادي بتطلعين مع صديقتك ما راح يقول شي منيرة : بس كل مره بيقول شي حصه : لا جى وقتها انا بأتكلم عنك المهم أنتي ترتاحين من هالهند منيرة : خلاص على ذمتك لا جى بكرة بأقول لها حصه : اوكي .............................. مشاري جالس عند ساره في بيت أهلها.... مشاري :ما ودك ترجعين البيت ما شاء الله ما صابك شي ساره :خلني أكمل أسبوع بعدها تكلم مشاري :ما بتحضرين ملكة سلطان ساره :وش يوديني ومن بيقعد عند هالبزر بأحضر الزواج بس مشاري: ملكة وشبكة مره وحده ساره :البنت اللي طالبه ولا سلطان يبي كذا مشاري : كني سامع أن البنت هي اللي تبي كذا ساره : يمكن تستحي تطلع مرتين عند أهل سلطان اللي هم أنتم مشاري : كيفها وأحسن كذا ساره : الله يوفقهم .... مشاري :أمين \ ساره :وحصه ما بيرجعها مشاري :أقولك شي بس ما تقولين لأحد ساره :وش مشاري : بيرجعها بنفس يوم الملكه ساره :بعد الملكة ولا قبل مشاري : لا بعد الملكة ساره :ومن بيروح لها مشاري :جواهر ساره :غريبه رضت مشاري :سلطان طلب منها ساره : جد سلطان مشاري :أي والله عجيبه منه ساره : بتنصدم حصه لو تعرف مشاري :هو بيرجعها لكن بنفس اليوم بيكسر خاطرها ساره :والله أخوك هذا أنسان عجيب عمره ما تم الجميل مشاري: ما يبي يوضح أنه تنازل لها ساره : الله يهدية مشاري :جميع ....وين الأولاد ساره : جو من المدرسة ونامو مشاري:خسارة ناوي أطلعهم ساره : مره ثانيه مشاري يقوم :أجل أستأذن أنا تعبان من الدوام تبين شي ساره : سلامتك مشاري :الله يسلم قلبك طلع مشاري من عند ساره وتوجهه للبيت ... وانتظر موعد غدا أهله وراح للبيت ودخل عليهم وسلم لقاهم مجتمعين ((أبو مشاري ,أم مشاري , سلطان ,ربى .شوق ,ماجد ,رتاج )) مشاري يجلس : ما شاء الله وش هالسلطات ماجد : فقر دم وأنا أخوك لعب فيني مشاري :وأنا أقول مو من العادة كل الخضروات والله زين جاك عشان تتأدب وتأكل مثل الناس ماجد :أقول لا تتطنز بكرة يبلاك مشاري يمد يده يغرف له :بسم الله أم مشاري :رتاج وش فيك كلي رتاج :ها أم مشاري :كلي لا يجيك مثل ماجد...... رتاج بتعب:ايه طيب ماجد بضحكه : يمه خليتيني مثال مشاري : العبرة وأنا اخوك زينة ماجد :هذا وانا ما بعد جاني شي .....إلا والله رتاج وجهك متغير تعبانه ..... رتاج :لا ماني تعبانه و ما بأكل طيـــب وقامت معصبه ربى وشوق:هههههه أبو مشاري :أششش الواحد عند الأكل يسكت ........... الكل سكتت وجلس ياكل بهدوء ...........بعد الغداء ................. راح أبو مشاري ينوم شوي قبل أذان العصر ................. ربى :وش فيها رتاج عصبت شوق :من جت من الجامعه وهي معصبة مره ربى :المهم متى بنروح السوق ....... سلطان :لحظة وش صار على الشبكة أم مشاري :محد راح يشتري لك شكلي محد غيري بيروح مشاري:وليش ما تروح أنت سلطان :ما اعرف ذوق الحريم ماجد :لحظة وش السالفة !!!! شوق :سلطان بيعرس ماجد بعدم تصديق:أما عاد شوق :والله وملكته الخميس ماجد :وحصه سلطان :أحد جاب طاريها ماجد : بس يعني وش اللي يخليك تتزوج وأنت معلق وحدة عند أهلها وحامل أم مشاري :أنا اللي أبيه يتزوج على حصه ماجد :وليش البنت ما شفنا منها إلا كل خير مشاري ساكت ما يحب يتدخل في هالأمور ...... سلطان يحب العناد مع ان مو مقتنع بوحدة ثانيه :الشرع محلل أربع ماجد :طيب على الأقل لم تولد مو تكسر بخاطرها بعدين شاورتها؟ أم مشاري : أصلا من متى لها راي عشان يشاورها سلطان ماجد بعصبيه: إلا لها راي أحنا وش درانا وش يدور بين حصه وسلطان سلطان : عشان ترتاح بأقول لها بعد الملكة ماجد بسخريه:أحلف اللحين يعني شاورتها سلطان عصب:أقول ما تلاحظ انك تتدخل في أمور مالك خص فيها رح بس صع في باريس ولندن احسن لك من التدخل في كلام الرجاجيل ماجد رفع صوته ويأشر بيد ويتكلم:ومن متى يا سلطان صرنا نعاير ........ على الأقل أنا أعترف أني صايع بأحترام لكن مارحت ألعب في بنات فقارا مالهم ذمب وأخر شي تطلقها وهي حامل وتتزوج عليها وانت ما شاورتها سلطان :ترى النفس إلا الأن عليك طيبه ............... ماجد واصل حده من سلطان :أنا اللي أقول هالكلام لكن بيجي يوم بنت وحطها بين قوسين بتكسر لك خشمك اللي رافعه علينا رفع صوته سلطان :"أقول توكل مناك لا يجيك شي مايرضيك ماجد :أنا طالع أصلا أتمشى مع الكلــــــب ((رص على هالكلمة )) وطلع من البيت .......... أم مشاري:أستغفر الله حتى وهي بعيدة تسبب مشاكل قام سلطان وهو متضايق من تدخل أخوه وراح فوق ......... ومشاري طلع من البيت شوق وربى ساكتين ما توقعو هالدفاع اللي من ماجد لحصه .... كان ودهم يتكلمون لكن خافو من نظرات سلطان النارية اللي ما أهتم لها ماجد.. أم مشاري صرخت :وأنتم وش قعدكم هنا عاجبكم اللي يصير يله بس كل وحدة لغرفتها... شوق :طيب لا تصارخين أصلا بنروح السوق نكمل أغراض ملكة الاخ سلطان ربى سحبت شوق قبل ما تقول أمها شي ورقو فوق .. ........... في الحديقة ماجد يمشي وماسك كلبه .... جى عنده مشاري ......... ماجد :لا تكلمني عن اللي تو مشاري: لا بأكلمك من متى يا ماجد تقل أدبك على سلطان بهالطريقة ماجد حط عينه بعين مشاري :أنا ماقليت أدبي أنا أدافع على هالمسكينة اللي مالها ذمب مشاري :ندري أنه غلط يوم تزوج حصه لكن وش نسوي طبعه ماجد :والله لو اني حصه لأفقع عيونه أنت ماتعرف وش سوا فيها .. أولا :تزوجها بمهر نصه خذاه أبوها .. تزوجها بدون لا طققه ووناسه . ثانيا:قطعها من دراستها ثالثا :ما سفرها شهر عسل رابعا :مطلقها وهي حامل خامسا : بيتزوج بدون شورها سكته مشاري : بس يكفي ... اللحين بتحضر ملكته ولا لا ماجد :لا مشاري :كلمة رجال ماجد :ماني حاضر لا ملكة ولا زواج مشاري : أوكي ............ ومشى رايح عنه .......... مشى ماجد في الحديقة شوي ثم ودا الكلب عند فاهم وطلع من البيت ........................ في غرفة شوق ...... ربى :تبين تهاوشين مع أمي عشان تكملينها شوق : لا والله ما أحب احد يصارخ علي وأنا ما سويت شي ربى :هوشة رجاجيل أحنا وشوله كنا جالسين شوق :وأحنا وش عرفنا أنها هوشة بعدين ماجد ماقال إلا كم كلمة تسمينها هوشة ربى :بس اول مره نشوفهم كذا شوق :ما عليك المهم متى بس نروح السوق ما بقى إلا يومين ربى : بأشتري له الشبكة شوق : من جدك ربى :وش نسوي يعني شوق :كيفك أنا أحب حصه ما أقدر أسوي كذا ربى :مدري يعني وشو أيه يعني يجي الملكه وما معنى الشبكة شوق :والله محد قاله يحط ملكة وشبكة بنفس الوقت وهو ما أستعد لا لهذي ولا لذي ربى : يله خلاص ما علينا منهم اهم شي نكمل اغراضنا ومتى ما قالوا يله رحنا معهم شوق :روحي لبسي أنتظرك تحت طلعت ربى ولبست شوق وطلعت وركبت السيارة دقايق إلا ربى جايه وركبو متوجهين للمملكة ........ ................................................. صيته : هلا قمر وش أخبارك قمر :أهلين بخير أنتي كيفك صيته :تمام كيف تجهيزات الملكة قمر :كل شي جاهز صيته : متى الموعد الساعة كم قمر : 9 الكل بيكون حاضر صيته : ما غيرتو عن بيتكم قمر : لا والله صيته :أها ..كيفكم براحتكم أنا داقه أسلم وأشوف كان تحتاجون شي قمر : الله يسلمك وما تقصرين صيته : سلمي على خالتي والأهل زين قمر :يوصل حبيبتي صيته : أجل يله مع السلامة قمر : مع السلامة سكرت صيته من المكالمة القصيرة على دخلت مشعل ........ مشعل : السلام عليكم صيته :وعليكم السلام مشعل جلس جمبها ... مشعل :وين العيال صيته : نايمين مشعل : اها...بأروح أتسبح وبارجع وأبيك في موضوع مهم صيته : غريبه عندك شي مهم مشعل ما أعطا لها بال ورقى فوق تسبح ولبس ونزل لقى صيته في محلها مشعل : صيته حبيبي ما أبيك تعصبين ولا شي صيته رافعه حاجب :الدعوى فيها حبيبي قول وش عندك مشعل : أنا حاسب بعد ما تكمل رند 4 سنوات يكون جبتي لي ولد جديد وأنا صراحة أحب الأطفال ومتخصص في طب الأطفال من كثر ما أحبهم وما يكفيني 3 أولاد ..اعتقد وصل اللي أبغاه صيته :أستغفر الله .... والله يا حبيبي متى ماجربت متاعب الحمل والولادة تعال تكلم قال طفل جديد والله ..............وقامت وراحت للدرج ولفت وبعصبيه:ولا يكون في بالك تسوي مثل سلطان وتتزوج علي لأن ساعتها ما راح أرحمك في اللي بأسويه .......ومشت رايحة لفوق وتنهد مشعل على صيته وانعدام التفاهم اللي بينهم توه ما قال شي ألا هي معصبه ..بس يمكن معاها حق الحمل والولادة تعب .......... لكن هي طول الوقت في البيت وما تحط ولا تشيل فيه شي والعيال على الشغالات ....... يعني مالها داعي لم قالت هالكلام ......... ................................. ماجد : هلا نورة نورة : هلا ماجد أخبارك ؟؟؟؟ ماجد :ماشي الحال أنتي وش أخبارك نورة :تمام أنت وينك ما دقيت ولا شي ماجد : أخاف أدق ويرد أحد من أهلك نورة :مم معك حق أنا اللي أسفه على الغيبه ماجد : معذوره نورة :وشفيك أحسك زعلان ماجد :نورة نورة :لبيه ماجد:أذا كان عندي لك غلا تكفين لا عاد تدقين نورة :ليــه وش سويت لك ماجد : ما سويتي شي بس أفضل لك لأني واحد صايع ما وراه إلا الدجة وأنتي بنت توك صغيرة استمتعي بباقي حياتك بعيد عني .................... والجواب كان سكرت بوجهه ........................ ابتسم ماجد على ردة فعلها المتوقعه ........ هي بنت حبوبه وما شاف منها عيب من شهرين يعرفها ........ يله راحت مثل غيرها .................... مشى رايح لغير هدى ................................ ربى وشوق رجعو من المملكة وهم مخلصين كل أغراضهم .................. دخلو لقو في الصالة رتاج وجمبها أمها جالسين يطالعون التلفزيون ....... كان شكل رتاج يروع محمره عيونها وشعرها متناثر على كتفها بأهمال رتاج : يله رجعو خلينا نروح ام مشاري :من وين راجيعن ربى : من المملكة أم مشاري : خلصتو كل أغراضكم ربى :ايه ............... رتاج : يله يمه خلينا نروح .................... ولبست عبايتها أم مشاري وقبلها لحقتها رتاج .......... شوق بحماس : شفتي عيون رتاج ربى :والله أرتعت شوق :وش فيها مو صاحية هاليومين ربى :يمكن تعبانة وما قالت لنا شوق :والله مدري عن هالبنت غامضة ربى : ليه ينتظرونا نجي شوق : ما شفتي برى كل السواويق رايحين ربى :اها ....أقول يله باي من زمان معطيتكم وجه وما دخلت النت شوق :قلعتك ....... راحت ربى وركبت المصعد قبل شوق ورقت وخلت شوق تنتظر .... بعدين رقت شوق وتذكرت جواهر .... لكن بتصلي وبتنوم وبتدق عليها بعد العشا .................................................. ........................ حصه : خلاص بكرة أروح السوق ونشتري لك اللي تبين لطيفة :إذا ما معك فلوس خلاص بعدين حصه :لا وش بعدين بكرة بعد ما ترجعين من المدرسة نروح نشتري لك جزمة لطيفة :طيب ماراح تروح معنا منيرة حصه :مدري عنها أكيد باخذها أذا تبي شي لطيفة :أروح أسألها حصه :لا جينا ننوم مو عند أبوي بيقعد يقول خساير وماراح نروح لطيفة :نسيت أنه بخيل حصه :وش هالكلام لطيفة :والله هذا الصدق حصه :طيب دام أنك عارفه اسكتي ولا تقولين لأحد عن أبوك أنه كذا لطيفة : عشانك أختي أقول لك ولا لو أحد ثاني أكيد بأمدح كل ذمه في ابوي حصه : الله يصلحك بس لطيفة بصوت عالي :جمييييييييع ..................... رتاج :هذا أحلا أم مشاري :قمر ناعمه نشتري لها كبير ما راح يعجبها رتاج :بالعكس أكشخ أم مشاري : لا لا ما يصلح ما عمري شفت وحدة لابسه كثر كذا .... رتاج طنشت أمها :لو سمحت هذ كم سعره البايع :يختلف السعر حسب الكمية أنتي بتاخذي معها سواره وحلق وخاتم رتاج :طقم كامل بكل شي البياع:هذا يا أختي 500ألف أم مشاري :طيب هذا ...أشرت على واحد ثاني البياع : هذا بـ 350 ألف أم مشاري :هذا أحلى بكثير رتاج :يمه ما شفتي السعر كيف مختلف أم مشاري :تعالي نروح محل ثاني يمكن فيه موديلات أحلى رتاج :اوكي يله ................ أول ما طلعو من الباب .......... رتاج :يمه خلصي علينا أشتري له أي شي أم مشاري :وأنتي وش وراك بترجعين البيت يا بتنامين ولا بتطلعين تتعشين مع وحدة من صديقاتك رتاج :يمه أنا تعبانه ما أبي أمشي فخلصي أشغالك بسرعه أم مشاري :أقول أرجعي البيت أحسن وخلي ربى تجي بدالك أنتي ما منك رجى رتاج : انا ما مني رجى يعني اللحين ربى بتختار أحسن مني لا قوليها أن ذوقي شين أم مشاري :على الأقل ربى ما تزعج مثلك ............ومسكت الجوال وقالت للسواق يقرب ......... وعصبت رتاج وطلعت معه ....................................... وجلست ام مشاري تدور على المحلات بعد ساعة إلا ربع جت ربى ودقت على أمها عشان تسأل وينها فيه وجت لها وهي مو راغبه أنها تختار لسلطان بس الشكوى لله.. ربى :ها ام مشاري :وش ها هذي بعد قولي أنك تبيني اخلص بسرعه ربى :لبيه وشفيك كلتيني واناماقلت شي أم مشاري :أمشي نختار لنا ربى :طيب الدبل مخلص منها ام مشاري :من زمان ..يله ندخل هالمحل.......... ودخلو ...... وكان فيه موديلات مره حلوه واعجبت ربى وجلست تتناقش مع أمها وما طلعو منه إلا شارين طقم ألماس بـ230 ألف ............ ناعم وكيوت بس وزنه ثقيل ويستاهل هالقيمة ... وأم مشاري شرت لها طقم ذهب أبيض عشان الملكة ... وربى شرت لها سلسال قلب بالذهب الأبيض .... بس مو للملكة وصلو للبيت ونادو سلطان يشوف الطقم وطالعه نظره وقال :زين ورجع لغرفته ............ .......................... رتاج ماسكة راسها تتقلب على السرير من ساعة تبي تنام ما قدرت دقت على راشد :راشد راشد :لبيه وشفيك رتاج بصوت مخنوق : ذبحني الصداع والله ذبحني راشد : قلت لك كلي من الحبوب اللي معك رتاج رفعت صوتها :حبوب حبوب أكلها تهدي راسي ساعات ويرجع يصدع حرام عليك قولي وش هذي وخلصني ترى من جد تعبت راشد في نفسه(بدري على التعب) :طيب أنتي كلي اللحين وحدة ولا قمتي الصباح وحدة واوعدك أني أعطيك حبوب أحسن منها تخلي راسك 12 ساعة رواااق رتاج بصوت ياس :خلاص على رايك يله تصبح على خير\ راشد : وأنتي من اهل الخير باي ........وسكر ............... قامت رتاج وهي تسب نفسها وكلت الحبه ونامت بعد نص ساعة .................................................. ............ صباح يوم جديد وجميل ............ لأن أخر يوم لدوامات المدارس ......... ........منيرة جالسه تنتظر الفسحة تخلص عشان تروح تقول لهند وهي تحس بطعم الهزيمة أنها راحت لها .. رن الجرس وطار قلب منيرة من الخوف ........ ومشت بخطواتها الهادية لفصل هند لقتها طالعه مع شلتها وضحكهم مالي المكان ......................... نادتها منيرة بصوتها الهادي وسمعتها هند لكن طنشت لكن بنت جمب هند قالت :ماتسمعين تناديك منيرة لفت هند : أها منيرة أقول اسمع صوت بس مدري من ينادي!! اوكي بنات راجعه لكم شوي .......... ومشت متجه لمنيرة :نعم منيرة : ممكن نتفاهم هند :على ذاك الموضوع منيرة :ايه هند :وش فيه منيرة :أنا موافقه اتسعت عيون هند من المفاجأة وانرسمت على وجهها ابتسامه خبيثة :جد هزت منيرة راسها بالموافقه ..... وجلست هند تناقشها على الموضوع لدرجة أن الفسحة خلصت ومنيرة تأخرت عن الحصه وهاوشتها الأستاذة ....................... ........................... في الجامعه رتاج :هذي اللي وصاك عليها راشد العنود :أيه خذتها رتاج بسرعه وابتعدت عن العنود وراحت واستغرب العنود من تصرفاتها لكن طنشت وراحت ........................................ نهاية الدوام ..... منيرة تلبس عبايتها بسرعة قبل ما يروح عنها الباص .... مسكتها وحدة من كتفها ولفت تشوف مين وطلعت هند هند :الوعد اليوم العصر خليك عند التلفون ..بأقول لك أي وقت بأمرك فيه الخميس ............. منيرة:اوكي وتغطت منيرة وخذت شنطتها وطلعت رايحة للباص وهي كارهه نفسها انها تنازلت لهند ............. ................. مشعل : وعد وعد : نعم دكتور مشعل : أنتي عندك أخوان وعد : ليه السؤال؟؟ مشعل : أسأل وعد :أيه عندي مشعل :كبار ولا صغار وعد : فيه كبار وفي صغار ... ليش محتاج شي منهم مشعل : لا ما تقصرون وعد :أجل ليه السؤال مشعل : مجرد فضول سكتت وعد ورجعت تكمل شغلها ومية سؤال يدور في راسها من سؤال مشعل ............................... حصه ومنيرة ولطيفة واقفين على الشارع ينتظرون تكسي ياخذهم للسوق ..... وبعد 5 دقايق وقف لهم واحد وركبو معه .................. منيرة :أي سوق بنروح حصه : بأخذكم لصحارى لطيفة : أخاف غالي حصه : لا مو غالي سوق مثل كل الأسواق أنتم ماعليكم أنا بأدفع كل شي أنتي بس أختارو .......... وصلو لصحارى وقفو عند بوابه (1) ونزلو ............. وكانت الساعة حدود 1 إلا ربع ......... جلسو يمشون وشرت حصه للطيفة جزمة وبلوزتين وبنطلون ولمنيرة بنطلون وتنورة و3 بلايز وجزمة ............. ولنفسها جلابيه حلوه أذن العصر ............................. منيرة :يله نرجع البيت حصه : أيه يله نرجع بس ما تبون شي ثاني منيرة : لا بس خل نرجع قبل ما يرجع ابوي حصه : يله وطلعو وما وقف لهم تسكي لأنه وقت صلاة رجعو أنتظرو جوا بعد الصلاة رجعو للبيت .. قبل ما يجي أبوهم بربع ساعة ......... لكن هو على طول راح نام ... وجلست منيرة عند التلفون تنتظرة يدق من هند ..................................... شوق خلصت من مكالمتها من جواهر وتحس أنه جبل وانزاح عن صدرها راحت تدق على فهد :الو فهد : هلا وغلا بهالصوت شوق استحت : هلا بك ..شخبارك فهد : تمام انتي كيفك شوق :تمام مثلك فهد : كلمتي جواهر شوق :لسه مسكرة منها فهد :وش قالت شوق :تقول لخطبوها ذيك الساعة لها حلال فهد : يعني بتتصرف هي شوق :ايه فهد جته مكالمة خارجية :شوق أكلمك بعدين شوق :اوكي براحتك ..... فهد : مع السلامة ............... سكر فهد وعلى طول فك الرجل الصناعية وارتاح نوعا ما ...... ورد على المكالمة الخارجية ..................... ماجد متربع على سريرة وقدامه الاب توب يشيك على أيميله......... رن جواله ورد على عبدالرحمن :هلا عبدالرحمن :هلا ... ها ما غيرت رايك ماجد : ولا بأغير عبدالرحمن : الوعد الخميس ماجد :في شقتك عبدالرحمن :ايه ماجد : اوكي بس أي ساعة عبدالرحمن : متى ما تبي ماجد : 10 اليل عبدالرحمن :اوك .على الموعد.باي وسكر وراح يدق على هند يقول لها أن الموعد الخميس في شقته ..... وهند دقت على منيرة وقالت لها ................................ ........................... بكرة ملكة سلطان وبيت قمر مرتبش يجهزون كل شي عشان بكرة ما يكون كل شي حوسه .................. قمر متوترة مره ولا عرفت تنام ........... أما سلطان في سابع نومه وما عكر عليه شي .................. ................................................ | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
