آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-06-19, 04:28 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الثلاثيني الملتحي / للكاتبة عذاري آل شمر ، عراقية ، مكتملة
| |||||||||||||
|  |
|
25-06-19, 01:29 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رابط لتحميل الرواية هنــــــــــــا بسم الله الرحمن الرحيم السلام عليكم ورحمة الله وبركاته اعشقها بحنان اب واشتياق حبيب ولهفه عاشق ماذا لو ادمنتها مقدمة أصبحت كما يريد اباوع علي منطيني ظهره ودا يلبس ساعته الفضيه ورش عطره الاعشقه دارلي وجهه صفنت اتمنيت احضنه واتنفس عطره اتمنيت اكوله لا تروح اريدك مااكدر ع بعدك ها شبيج صافنه شنو مضيعه شي بوجهي لو معاجبج لبسي امممم لا بالعكس لبسك كولش حلو والستره الزيتونيه ضايفتلك جماليه ولحيتك وشيباتها المتناثرةضايفتلك وقار وهيبه اتغزلي اتغزلي هههههه اتمنيت الكاع تنشك وتبلعني هاي شبيه نسيت نفسي غمضت عيوني ودنكت وما حجيت شي من الخجل لازم اجفص شكد ثوله اني (رغم عمره٣٦ بس طوله وعرض اكتافه ولحيته وشيباته المتناثرة مسوياتله هيبه وشخصيته القويه تثير كلب اي بنيه تشوفه وتعيش وياه) رفعت راسي يباوع عليه ودا يتقربلي شوي شوي اجا عليه رفعت راسي عبالك طفله واكفه يمه انفاسه تهف بوجهي وعطره خنكني خله ايده اليمنى ع شعري وبدا يمسد بي وايده الثانيه يمسح بخدي لتخجلين مني بنوتي هاي العيون الحلوة وهوة يتلمس رموشي ما لازم تغمض وهالراس وهوة يأشر ع راسي عمره ما ينزل يبقى مرفوع مادامني اشتم الهوى بنوتي كوة احجي خدرت من لمساته راسي مرفوع بوجودك ااكيد ابتعد انمار من رند وهوة يلبس بحذائه يله بنوتي اني اروح محتاجه شي اريدك سالم يحفظج علي بنوتي اي شي تحتاجي بس اتصلي بيه اوك انمار ها اريد احجي وياك بموضوع كولي بنوتي شوف احنا صارلنا شكد متزوجين واعرف زواجنا هوة شنو بس لازم ...........  يتبع التعديل الأخير تم بواسطة فيتامين سي ; 28-06-19 الساعة 02:45 AM | ||||
|
| |
|
25-06-19, 01:32 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  البارت الاول تصويت تصويت ملاحظه رند طفوليه كولش اعرف تنتقدون تصرفاتها وحتعرفون هذا الشي من خلال البارتات الجايه مرحبا اسمي رند عمري ٢١ مواصفات شكلي طبيعي جميله بعيون واسعه عسلي وشعر طويل ولون بشرتي حنطي ضايفلي جاذبيه شخصيتي حتعرفوها من خلال البارتات والاحداث ال تصير حبدي قصتي من تعارف بابا وماما وزواجهم بابا ولادته الناصريه انولد واتربه وشب بيها امه (بيبي) بغداديه وابوه من الناصريه بابا خريج سادس علمي وما داوم جامعه بابا ماعنده لا اخ ولا اخت من امه جانت حامل بي ابوه اتوفى غرق بحيرة الثرثار بعد ما ابوه مات بيبي ولدت بابا وبقت تربي وتشتغل فلاحه بالنهار وتخيط بليل وربته وكبرته جدو ابو بابا جان عنده اراضي زراعيه بس من مات خوانه اخذوهن وماانطوا ال ابن اخوهم(بابا) شي لهذا بيبي اشتغلت فلاحه بالنهار وبليل تخيط وربت بابا ودخلته مدرسه لحد مااتخرج من السادس جانت ماتخلي يسوي اي شي تكله بس اقرأ مااريد منك شي ومن بابا اتخرج من السادس باعوا بيتهم وغراضهم سافروا بيبي وبابا لبغداد يم اهل بيبي لان من مات جدو ما خلوها تروح يم اهلها تعيش كلولها خاف تتزوجين سافروا لبغداد وبقوا اسبوع كاعدين يم اهل بيبي لحد ما اشتروا بيت صغير واثثوا بأثاث بسيط جدا لان جانت فلوسهم قليله فلوس البيت وبيبي مجمعه فلوس وجمعوهن واشتروا بيهن بعد ما سكنوا بالبيت واستقروا بابا اتعرف ع ناس وخلوا يصير وياهم بالحزب بعد سنتين بيبي ماتت بعد اشهر من وفاه بيبي بابا شاف ماما من جانت تروح للجامعه وانعجب بيها وبجمالها وبقى يراقبها وورة فترة اتعرف عليها وحبها وحبته بابا اتزوج ماما ع حب بعد حب دام ٣ سنوات وماما كرديه من اربيل جانت طالبه جامعيه تداوم ب بغداد تدرس قانون جانت مأجرة شقه هيه و٣ طالبات وعمه ماما عمرها ٤٠ سنه ما متزوجه كاعده وياهن لان جدو ابو ماما رفض تكعد بالاقسام الداخليه بعد ما ماما اتخرجت بابا خطبها عدة مرات لكن بكل مرة نفس الجواب نفسه ما ينطون بنتهم للعربي اتفقت ماما ويه بابا تشرد من اهلها وتجي لبغداد ويتزوجون شردت من اهلها واتزوجت بابا لان جانت كولش تحب بابا وماتكدر تتركه وتتزوج رجل ثاني اتزوجته وبابا سوالها عرس وحفله ولبست بدله وبابا جان مدللها كولش يحبها وما يرفضلها طلب (طبعا ماما جانت تسولفلي عن بابا وحبه الها) اهل ماما ماكدروا يسوون شي لبابا لو لماما لان بابا هددهم (اذا يسوون شي راح يشتكي عليهم انو يسبون صدام ) بصفته رفيق حزبي ويكدر كولشي يسوي لانه بزمن النظام السابق الحزبي كلمته مسموعه والكل تخاف وماما اتعينت وصار عدها مكتب خاص بصفتها محاميه وبعد سنتين ولدت اخواني التوم (علي وكرار وحيدر) خلال هالفترة ماما تركت مكتب المحاماه وانشغلت بتربيه خواني وبعد ٥ سنوات صرت اني وبعد سنتين من ولادتي رجعت ماما لدوامها (حسب ما ماما جانت تسولفلي) بابا قتلوا بعد السقوط مثله مثل اي حزبي انقتل ماما ما حسستنا بموت بابا جانت هيه الام والاب بنفس الوقت ما حسستنا بأي نقص جانت موفرتلنا كل متطلباتنا وماما محاميه وهيه الي عيشتنا وكبرتنا عايشين كأي عائله طبيعيه وطبعا اني المدلله لان اجيت ع ٣ ولد وفوكاها بزر الكعده مثل ميكولون من الثالث متوسط طلعت معدل ٩٠ وقدمت ع تمريض ودرست ٥ سنوات وحاليا اتخرجت وانتظر التعيين حاليا احنا بشهر رمضان وبعد ٣ ايام للعيد (اتكلم ع سنه ٢٠١٦) رنددددد وينج تحجي بزعل ها ماما شبيج ليش هيج بسرعه تزعلين بسرعه ماما دشوفيهم شلون يتحكمون بيه واحد يكول البسي حجاب والثاني يكلي عوفي المكياج هوة شنو واعوفه هيه يادوب اخلي ماسكارا وكريم اساس وحمرة ورديه بناتيه والاستاذ الثالث يكلي البسي قميص ردان وطويل ويه البنطرون وانتي شبيج هيج انسردتي واذا يعني نصحوج غير خوانج يحبونج ويخافون عليج ماما بعدني صغيرة اشايفه من حياتي اريد اتمتع بشباني حبيبتي انتي البنيه والبنيه مثل الشال الابيض اذا صار علي شوي وصخ او غبار بعد محد يلبسه والبنيه نفس الشي ياعيون امج ماما اذا قصدج نضرات الناس وكلامهم اني ميهموني اذا قصدج عليه تعرفيني اني شنو وانتي الي ربيتيني اعرفج ياروح امج بس الحذر واجب يله رناوي كومي بدلي حتى نروح للكرادة نشتري ملابس للعيد ونتونس شويه (تحجي بفرحه) يي ماما تدللين غاليه والطلب رخيص (وهيه تبوس امها) صعدت غرفتي لبست بدي ابيض ردان ربع ردان وبنطرون نيلي وسترة مشمشيه طويله تغطي الارداف (احتراما لشهر رمضان لبست سترة طويله) ورفعت شعري كبايه ونزلت خصلات بأهمال ولبست بوتين ابيض وجنطه جتف نيليه ومكياج خفيف ماسكارا ع حمرة بناتيه ( مواصفاتي طولي ١٥٦ سمراء(بسمار ندين نسيب نجيم) عيوني كبار عسليه شعري لونه تمري سرح طويل ماما ما تقبل اقصه وزني ٦٠ طولي متناسق لجسمي لا ضعيفه ولا سمينه حلكي صغير منفوخ عبالك مضروبه بوتكس خشمي صغير وعندي خدود وشامه ع خدي الايمن) نزلت وامي تبوس بيه وتصلي ع نبي ادري بيها تريدني البس حجاب بس تكول اريدج تقتنعين بي وتلبسي من ذاتج وقناعتج الشخصيه مااريدج تلبسي جبر خواني ضلوا يحجون ع شعري ولبسي وماما سكتتهم رحنا للكرادة اني وامي وخواني وعلي ساق سيارة ماما افترينا شوي بالكرادة طلبت من ماما نعوف السيارة ونتمشى وونزلنا بقينا نتمشى وشفت محل كنافه وزنود الست وطبعا اني اموت ع زنود الست الحارة ورحت اهرول للمحل كرار : يأشر ع رند ويحجي شوف شوف عبالك طفله راحت تهرول للكنافه علي : وج شوكت تكبرين وتعقلين كافي عوفوها ع راحتها اختكم الوحيدة هاي فديت نبع الحنان وهيه تحضن بأمها شلون تدافعلي ع عنادكم وتطلع لسانها وتعيب عليهم كعدنا وطلبنا اني زنود الست وماما وخواني طلبوا كنافه اني مااحبها ابد الكنافه واجواء تجنن بليل بالكرادة والناس عبالك ماكو بشر باقي ابيته كلها طالعه بقينا نفتر بالمجمعات والمولات ماما شوفي هذا القميص كولش عجبني لا شنو هذا كولش قصير يي ماماتي صحيح كلام حيدر هذا كولش قصير بس ماما عجبني كولش اشتري والبسي بالبيت هاي صدوك تحجي يا علي كل هالجمال والاناقه وتريدني البسه بالبيت يا بنتي اذا عجبج اشتري والبسي بالبيت بس مال تطلعين بي ممنوع افففففف ما اريد وج شبيج ماراضيه بحياتج وميعجبج العجب دشوفي يارند يجي يوم تتحسرين ع هاي الايام ههههه اففففف حيدر عوفني بحالي لخاطر الله والله يا بنيتي حيدر كلامه صحيح لا تضلين تتبطرين ع نعمتج اقبلي بالقاسمه ربج الج ولا تطمعين بالاكثر ترى الاكثر يجي يوم وتصيرين تتمنين ربع ال ماقبلتي بي نمشي ونحجي ها رنود بعدج مطنكره تعاي شوفي شراح اشتريلج ها كرار شنو تشتريلي تعاي مدلي ايده ورحت لزمت ايده روحوا ماما احنا حنكعد (وتأشر) بهذا الكوفي رحنا واشترالي موطه عالوجه بالكاكاو والجوز والفستق هاي الموطه اعشقها مااحب الموطه بس هذي النوعيه وبقيت ابوس بكرار واحضن بي كرار اكثر واحد بخواني حنين عليه صح مرات يضوجني بنصائحه بس يعرف شنو احب ويسوي الي ويعرف متطلباتي قبل مااطلب اشتريت ملابس رغم ما عاجباتني بس ماما وخواني قبلوا بيهن ع ذوقهم اني تعبت من الفره واخذت سويج السيارة ورحت اكعد بيها وانتظرهم يخلصون الكراج بعيد شوي ع مول العفتهم بي كاعدة بالسيارة ومااسمع الا صوت انفجار كولش قوي بحيث حسيت السيارة انشالت واركعت بالكاع وراسي اركع بجامه السيارة واصوات الاسعاف وسيارات الاطفاء وسيارة الشرطه وعياط الناس نزلت اركض بدون وعي امي خواني خاف صار بيهم شي اباوع المول العفتهم بي صاير نار ضليت ابجي بهستيريه امي وخواني هنا وادعي كون طالعين من المول وهما بخير ابجي واعيط وارجع اسكت اكول مابيهم شي مايعوفوني وخصوصا كرار ابد مايعوفني اذا راحوا اني منو الي وارجع اعيط صرت مثل المخبله امشي واحجي ويه روحي وابجي اختلطت حالتي بجي ع عياط ع كلام مااعرف شسوي او بيمن اتصل فتحت جهازي وبقيت ادور بالاسماء اجا كدامي اسم انمار (ابن خال بابا)رغم اضوج منه احسه متكبر ومغرور مااحبه بس كبل دست اتصال واتصلت بي دك دك دك مجاوبني رجعت اتصلت مرة ثانيه مجاوبني مرة ثالثه مجاوبني اففففففف شكد متكبر ومغرور بقيت كاعدة ع رصيف وصافنه ع ناس الي يطلعوهم والاسعاف والشرطه شكد طلعوا ناس واكوا بعد ضحايا ورة ١٠ دقايق اتصل بيه انمار الووووو رند متصله بيه جنت اسبح من سمعت صوته كمت اشهك بالبجي وكوة احجي الووووو انمااااار الحكلي ماما وخواني راحوا بأنفجار بمول الكرادة واني هسه مقابل المول مااعرف بيهم ميتين لو عاااايشين وماعندي غيرك فدوة سااااعدني يي هسه شفته ناشرين الخبر ع فيس هسه اني ١٠دقايق واكون يمج لتخافين انشاء الله مابيهم شي بقيت كاعدة وشفت اشياء عمري وحياتي ما متوقعه اشوفها بالجثث لعبت نفسي اتقيئت وكمت اشهت بالبجي من الخوف من شفت الجثث اتهسترت اول مرة اشوف جثث واشكالهم تخوف من الانفجار وورة ١٠ دقايق انمار اجا اول ما شفته رحت حضنته جنت ذاك الوقت محتاجه شخص اشكيله وابجي بحضنه انماااار اهلي انماااار حضني ويطبطب ع جتفي لتخافين انشاء الله عايشين انماااار اخاف خلي نروح بغير مكان لتخافين اني يمج بقيت ويه انمار وبقى لازم ايدي ابد ماتركها بقينا ندور ونسأل الاسعاف وكالوا روحوا للمستشفى ودورا بين الضحايا رحنا ندور بالمصابين مالكيناهم وتالي انمار كال راح اروح للطب العدلي ابقي هنا او اخذي سويج سيارتي وروحي اكعدي بيها ماااا اخاف اروح لتخافين تعاي اني اوصلج للسيارة وصلني للسيارة وجابلي بطل مي وعصير ونساتل واني نفسي ماتريد اي شي وغصبني اكل وبخزرة منه اكلت سنيكر ٢ وراني بالبرتقال كال تاكليهن كدامي صايرة صفرة هسه اذا صار بيج شي لو تخربطي اني اضل نايم بيج مستشفى احير بيج احتر بالفاتحه من شافني اكلت قفل عليه السيارة وراح بعد نص ساعه تقريبا اجاني انمااار ها انمار بشر رند مااريد اكولج هذا الكلام بس مضطر اخبرج بي امج وخوانج انتقلوا لرحمه ربهم والج طوله العمر حبيبتي من انمار كلي مااريد اكلج هذا الكلام فهمت صرت وحيده بدون اهل بدون سند اتيتمت من الاب والام ودموعي اخذت مجراها ونزلت بدون سابق انذار وانمار يمسد ع راسي ويحجي لتخافين مااعوفج لو تنطبق السما ع ارض وحق الي خلق السما والارض مااعوفج واني من هاللحضه امج وابوج واخوج وصديقج واوفرلج كل الي تطلبينه بس لا تنزل دموعج لاتبجين رند خليج قويه وديري بالج تبجين كدام بشر ترى دموعج كدام الناس تعكس قوتج اريدج قويه وصبورة وراضيه بأرادة رب العالمين مااريدج تكونين ضعيفه وانهزاميه ترى دموعج متفيدج بشي مترجع الراح بجيتي عيطتي صيحتي كل هذا ميفيد بدل هالدموع واذا انتي صدوك تحبيهم وتريدين تسعديهم هسه نروح للبيت تسبحين وتبدلين وتتوضين وتفرشين سجادتج وتقريلهم قران هما محتاجينه من سمعت كلام انمار صحيت ع نفسي ومسحت دموعي رغم جنت منهارة بس مستحيل ابجي بعد كدام بشر لو حتى جان انمار نفسه الي قدملي هاي النصيحه ماابجي كدامه وعد مني راح انفذ نصيحتك شوكت ندفنهم هسه ميقبلون الطب العدلي ينطوهم يكولون باجر ننطيهم يله نروح للبيت حتى اقرالهم قران يله نروح بس هسه نمر لبيتكم تاخذين ملابسج وغراضج ومن هاي اللحضه تعيشين يمي ممنوع تكعدين وحدج بس انته عايش وحدك اني شلون اعيش وياك واترك بيتنا بعد ما تخلص الفاتحه نفكر بحل يرضي الطرفين بس مستحيل اخليج تعيشين وحدج تمام اباوع ع انمار يختلف ع انمار السابق جنت اشوفه من اروح لخوال بابا بالمناسبات جان متكبر وانفه ومايتحاجه شو ويايه اتغير يمكن يتعاطف ويايه ع وضعي هوة يسوق واني صافنه ع طريق بس بالي وتفكيري شلون راح اعيش منو اليه بعد اني شلون اعيش ويه رجال وحدنا بالبيت دا نمشي بالسيارة وسألوا انمار منو هاي الوياك كاللهم اختي وطلعلهم الباج مالته شافوا وكالوا روحوا من الشرطي سأل انمار منو هاي كوة اتمسكت بدموعي خفت تنزل دموعي واالشرطي يشك ويروح باله بعيد ومن مشت بينا السيارة نزلت دموعي بعد ماتكدر تستقر بمدمع العين ابجي بدون صوت بس دموع احس كلبي متحطم محترك وباقي بس الرماد (مواصفات انمار طويل وجسمه معضل اشكر وعيونه عسلي ولحيته خالطه بين الشيب والشكار وشعره نصه مشيب انمار عمره ٣٦ منفصل عن زوجته وعنده طفل عمره ٦ سنوات هوة ضابط بالاستخبارت برتبه مقدم ركن ) رحنا لبيتنا دخلت نزلت دموعي جان هالبيت مليان اصوات سوالفنا وضحكنا ومناكرتنا صعدت وطلبت من انمار يصعد ويايه كمت اخاف من شفت الجثث لميت غراض بسيطه كم قطعه من الملابس ومنشفتي وشال اسود مالي خلك اسوي شي بعد الفاتحه اخذ اغراضي ورحنا لبيت انمار حارس اباب البيت وكامرات اول مرة اطب لبيته بمنطقه راقيه بيت كولش جبير ٥٠٠ متر يسرح بي الخيل اباوع ع اثاث لو الثريات لو الديكورات الي ع جدران بقيت هيج 😲اول مرة اطب بيته رند اكو فوك ٣ غرف غرفه يوسف مبينه اول ماتدخليها حتعرفيها حاليا هوة مو هنا ع اساس باجر اجيبه بس حتركه بعد الفاتحه اجيبه واعرفج علي وبعد اكو غرفتين تاركها للخطار اختارلي غرفه الي تعجبج واذا بيها نواقص بعد الفاتحه اخذج واشتريلج نواقص الغرفه تمام حصعد بس اخاف تعال ويايه امري لله اجي وياج بس مو تبقين كل شويه وتخافين ترى انتي مو طفله شهكت بالبجي وداعت ماما اني مو هيج بس من شفت الجثث كدامي مدري شصار بيه تمام اهدئي تعاي لتخافين جان يعاملني كأني طفله ويحسن تربيتها وخوفه عليه حسسني بالامان وحرصه خلاني اثق بي ثقه عمياء شوفني الطابق الثاني بي ٣ غرف وكل غرفه بيها حمام شوفني غرفه يوسف ابنه مبين كولش يحبه لان من ينطق اسمه يبتسم وصح مبينه غرفته لان السرير ع شكل سيارة والكنتور لون اصفر وبي صور سبونج بوب وكلها العاب وكذا اختاريت غرفه بيها بلكون واكبر غرفه بيهن عافني بالغرفه انمار وراح ورة دقايق اجا انمار دك الباب جان مفتوح بس هوة دكه ومن كتله ادخل يله دخل شنو هالاخلاق العنده جايبلي جنط ملابسي وراح بقيت كاعدة وافكر بحياتي شراح يصير بيه ونزلت دموعي وحضنت المخدة وابجي بقيت عددة ساعات ابجي اريد اسكت مااكدر احس دموعي مدا يتوقفن مجربين هذا الاحساس من تبجون ومتكدرون تتوقفون عن البجي اني هيج صار بيه بليلتها بقيت للفجر ع نفس الكعدة سمعت الاذان وكمت فتحت الجنطه واخذت المنشفه مالتي ودخلت للحمام اباوع الحمام نفس هذا اليطلع بالافلام البانيو وداخله باب جام ونص الحمام مرايات وانواع الشامبوات والمعطرات صفنت هوة عايش وحده منو يسويله كل هالترتيبات ومن دخلت بيته كولش نظيف ومرتب فتحت المي ع بانيو وخليت شامبو مال جسم بالمي ونزعت ملابسي وكعدت بي يمكن بقيت ساعه بي كولش ارتاحيت بي حتى جان عندي صداع راح كمت لفيت المنشفه ع جسمي وخليت معطر جسم واريد امشط شعري اباوع بالحمام ماكو لا مشط ولا فرشه بشنو حمشط شعري طويل ورغم سرح بس ثخين اذا ماامشطه يشلع كلبي طلعت ادور مشط ب الجنط ماكو مجايبه ويايه خل اطلع ادور بالغرفه المقابيلي بلكت الكه وشي اكيد انمار نايم جوة كال غرفتي جوة رحت للغرفه فتحتها واباوع انمار لاف المنشفه ع جسمه واستوة طالع من الحمام واكف دا يريد يبدل واندار يباوع عليه واني بعدني مامبدله بس لافه المنشفه ع جسمي وشعري ينكط مي رند........... الروايه جريئه الي مايعجبها لا تقرأ كلتلكم من هسه ترى تختلف عن رواياتي السابقه هاي جريئه التعديل الأخير تم بواسطة لامارا ; 25-06-19 الساعة 03:34 PM | ||||
|
| |
|
25-06-19, 03:32 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني الثلاثيني الملتحي بقلمي عذاري ال شمر السلام عليكم حبيت انوه ع بعض الامور القصه شفتها ع فيس البطله نشرت قصتها بأختصار المايتجاوز ٢٠ سطر وكولش عجبتني الاحداث ودا اكتب بيها للعلم ماعندي اي تواصل ويه الابطال بس هيه كالت يسميني بنوتي هذا صحيح وبعض الاحيان تسمي باباتي والاحداث الرئيسيه كلها حقيقيه الاغلب انتقدوا البطله وهذا خطأ مني كتبت بعض الامور المايجوز ادخلها للبارت الاول خليكم بمكاني ماعندي اتصال بيهم لهذا دا اتخيل الاحداث واكتب بس صدكوني هيه حقيقيه وشخصيه البطله طفوليه وهيه كالت اني ادمرت حياتي بسبب تصرفاتي الطفوليه وع فكرة صححت بعض الاخطاء ولغيت بعض المشاهد وضفت مشاهد للبارت الاول والي ماتعجبها لا تقرأها مااريد تعليقات سلبيه بس بعض التعليقات النقد نبهتني ع امور اخطأت بكتابتها اذا عندي اخطاء نبهوني اتقبل اي نصيحه منكم بس مااتقبل تعليقاتكم السلبيه قدروا تعبي وصوتوا للبارت بس دوسوا ع نجمه مراح تخسرون شي ترى بقيت كاعدة وافكر بحياتي شراح يصير بيه ونزلت دموعي وحضنت المخدة وابجي بقيت عددة ساعات ابجي اريد اسكت مااكدر احس دموعي مدا يتوقفن مجربين هذا الاحساس من تبجون ومتكدرون تتوقفون عن البجي اني هيج صار بيه بليلتها بقيت للفجر ع نفس الكعدة سمعت الاذان وكمت فتحت الجنطه واخذت المنشفه مالتي ودخلت للحمام اباوع الحمام نفس هذا اليطلع بالافلام البانيو وداخله باب جام ونص الحمام مرايات وانواع الشامبوات والمعطرات صفنت هوة عايش وحده منو يسويله كل هالترتيبات ومن دخلت بيته كولش نظيف ومرتب فتحت المي ع بانيو وخليت شامبو مال جسم بالمي ونزعت ملابسي وكعدت بي يمكن بقيت ساعه بي كولش ارتاحيت بي حتى جان عندي صداع راح كمت لفيت المنشفه ع جسمي وخليت معطر جسم واريد امشط شعري اباوع بالحمام ماكو لا مشط ولا فرشه بشنو حمشط شعري طويل ورغم سرح بس ثخين اذا ماامشطه يشلع كلبي طلعت ادور مشط ب الجنط ماكو مجايبه ويايه خل اطلع ادور بالغرفه المقابيلي بلكت الكه وشي اكيد انمار نايم جوة كال غرفتي جوة رحت للغرفه فتحتها واباوع انمار لاف المنشفه ع جسمه واستوة طالع من الحمام واكف دا يريد يبدل واندار يباوع عليه واني بعدني مامبدله بس لافه المنشفه ع جسمي وشعري ينكط مي بنتر رنددددددد ادا تسوين هنا دموعي كبل نزلت وركضت لغرفتي هاي اني شسويت شنو هالغباء العندي شلون اطلع بهيج منظر بس هوة كال غرفتي جوة شجابه هنا اففففففف بدلت واتوضيت ولكيت تربه بالمجر وحجاب صلاه وقرأن وصليت الفجر وكعدت اقرأ قران الاهلي ودموعي اخذت مجراها من فتحت القرأن وبديت اقرأ واندك الباب ويحجي من ورة الباب رنددد شجابج يمي للغرفه ليش تطلعين من غرفتج بهذا المنظر ترى انتي معايشه وحدج بالبيت جنت ابجي بس من حجا زادت دموعي وكمت اناشغ تذكرت من جنت ويه اهلي ع كولشي مقابله وهسه اتحاسب ع ادنى تصرف صح اني غلطانه بس اتحسست من كلامه يا بويه اني شكلت وهيج كمتي تبجين يصير ادخل الغرفه اااادخل دخل ونزع حذائه وكعد مقابيلي ليش هالبجي اني شكلت دا اكلج وانبهج ميصير تطلعين من غرفتج بهيج لبس اناشغ بالبجي واحجي سبحت وردت مشط امشط شعري طويل وثخين اذا ماامشطه يشلع كلبي بعد وطلعت ادور بالغرفه الثاني وانته كتلي غرفتك جوة ماادري بيك حتنام فوك يي نمت فوك لان كلتيلي تخافين ونمت كلت حتى ماتخاف تنام بالطابق وحدها اذا هذا الشي يزعجج انام جوة بغرفتي لاااا ابقى فوك صح اني اخاف اني حروح للطب العدلي واسوي اجراءات طلعتهم من الطب العدلي ومن بعدها مراسم الدفن اريد اروح وياك اشوفهم قبل ماتدفنهم اخذج ويايه بس صدكيني مااكدر اخليج تشوفينهم مراح تتحملين منضرهم ابجي واحجي لا عفيه اريد اشوفهم هيه اخر مرة عندج ملابس سود لا ماعندي ماما جانت ماتخلين اشتري اسود تكول فال مو زين الله يرحمها تمام حروح والصبح ادزلج ملابس بيد ام رفل البسيهم والسايق يجيبج للمستشفى ها نسيت منا وبعد تلبسين حجاب ممنوع تطلعين بدون حجاب وام رفل من تجي تعرفج ع نفسها جنت تعبانه من البجي والتفكير ومالي خلك اناقشه رغم اكره الحجاب ادري بيج ماتصومين لهذا راح يحضرولج ريوك انزلي اتريكي لا مااشتهي من اجوع اكل تمام يله اني اروح في امان الله راح انمار وبقيت اقرأ قران وماحسيت الا واني نايمه ع سجادة الصلاه وكعدت ع صوت مرة كومي بنيتي ليش هنا نايمه وتاركه سريرج فتحت عيني مرة سمينه وعيونها ملونه يطلع عمرها ب ٤٠ واكثر ماادري خاله جنت اقرأ قران وغفيت حبيبتي اني ام رفل اشتغل بالبيت وهاي الملابس دزهن استاذ انمار الج وصاني اشتريلج ملابس وكال انتي بعمر بنتي ونفس قياسها وجبتلج انشاء الله يعجبنجن تسلمين خاله تعبتج ويايه ميهم اي شي المهم لون اسود فتحت العلاكه فستان اسود وشال حتى مادققت بتصمينه اخذته ودخلت للحمام غسلت وجهي ولبست الفستان وخليت الشال ع راسي مااعرف الفه وطلعت لكيت ام رفل واكفه تنتظرني خاله لفيلي الشال مااعرف الفه تعاي يمه لفتلي الشال ونزلت رادت ام رفل تسويلي ريوك بس رفضت مااشتهي اي شي واتصل بيه انمار كال اذا كملتي لبس اطلعي السايق ينتظرج وطلعت لكيت السايق ينتظرني واخذني للمستشفى واني طول الطريق شارد ذهني احس نفسي تايهة وخايفه من الايام الجايه وصلت للمستشفى والدنيا مكلوبه اول مرة اشوف هيج ازدحام بالمستشفى والنسوان يتعايطن منظر حزين جدااا وصلت لباب المستشفى ولكيت انمار ينتظرني واتوسلت بي ياخذني للطب العدلي حتى اشوف اهلي بعد توسلات وبجي يله سمحلي اشوفهم طبيت للطب العدلي وتوجهنا للثلاجات الموتى ريحه بيها مو طبيعيه كوة لازمه نفسي من الريحه واريد اتقيئ بس معدتي فارغه لهذا مكدرت اتقيئ انمار كال هذا حيدر راح افتحلج ثلاجه الهو بيها فتحلي الثلاجه حيدر انصدمت وجهه ماكو ما مبين بس الدم والسنون عيونه ماكو خشمه عبالك كاشطين وجهه اول مرة اشوف هيج منظر كبل كمت اعيط بهستيريه حيدر هيج صاير بي واعيط والطم ع وجهي اتهسترت انوب شفت امي كلها دم ورجلها كف رجلها ماكو اتخبلت انوب انمار كال علي وكرار مالكينالهم اثر (ترى وصف منظر حيدر وام رند حقيقه كاتبته بقصتها ع فيس ونقلته مثل ما كاتبته) شبيج اتخبلتي كافي رند ولج البارحه من كتلج ع وفاتهم جانت ردج فعلج طبيعيه شبيج هسه ياعيني مكدرت اوكف احس رجلي ما تعيني عبالك انشلت حركتي وكعت بالكاع مااكدرت امشي ايدي اليسرى انشلت مااكدر احرك كف ايدي كوة احجي انمار من شافني هيج ضل يصيح ع دكاترة واجوا الممرضين جابولي سديه وودوني لغرفه الدكتور وشافني كال احتمال شلل سفلي كال انتي مصدومه وانمال كله اهلها راحوا بأنفجار الكرادة طلبت تشوفهم بالثلاجات واتهسترت من شافتهم دخلوني مفراس ومن بعدها اشعه وتحاليل ورجعوني لغرفه نوموني سكتت لان كوة احجي احس نفسي حيلي انسلب وبس دموعي تنزل ومنظرهم ماراح من بالي ماجنت اتوقع هيج منظرهم انمار يحاول يسكتني بس اني عبس مكدرت بس ابجي احس دموعي متخلص اخويه حبيبي وجهه مشوه وكله دم وجسمه مكشط حسيتهم استوهم ماتوا البارحه من سمعت خبر موتهم ماصار بيه هيج بس من شفت حيدر وامي انجنيت والطم ع وجهي واعيط وايدي انشلت ورجلي ماتعيني مكدرت امشي وانمار يمي ماعافني لحد مااجوا عمام انمار وعمام بابا وكالي هسه راح اروحلهم ودقايق وتجي يمج ام رفل حتبقين هنا كم يوم انمااااار شنووو كلك الدكتور ماابيج شي بس بسبب الصدمه دير بالج ع نفسج وكافي بجي ترى تسوء حالتج من كلي تسوء حالتج كمت فهمت اني نشليت وكوة احجي انماااار حيدرر وامي اووووف شصاير بيها كافي عليج بروحهم العزيزة كاااافي دشوفي ايدج ومدى تكدرين تمشين من الصدمه كافي بجي علمود صحتج حروح اجيب ام رفل هيه بالطابق الاول تنتظرني اجيبها الج حتى اروح سكتت مكدرت احجي احس حتى الكلام فقدته واذا احجي احجي راح انمار وورة شويه اجا انمار وعمام بابا وعمام انمار سلموا عليه اول مرة اشوف عمام بابا وين جانوا هسه يله اجوا وهذا اليكول البقيه بحياتج وهذا اليكول العمر الج وهذا اليكول الله يكومج بالسلامه هما يحجون واني ابجي بدون صوت بس دموعي تنزل وراحوا وبقيت اني وام رفل وكل شوي يجي الدكتور يقيس ضغطي وسكري وخلولي كانونه ومغذي تعبت من البجي وانطوني مسكنات ونمت اسمع صوت انمار وام رفل يحجون وكعدت ع صوتهم اباوع للساعه ب٢ بليل اوووو اني شكد نمت ها رند كعدتي شلون صرتي مثل ماتشوف ها دفنتوهم ونزلت دموعي مكدرت احبسها لدموعي يي دفناهم بالنجف قريبين ع ابوج كافي بجي ترى اذا تبقين ع هذا البجي تسوء حالتج بعدين انتي وعدتيني ماتبجين كدام احد هيه من اجيتها لحد مانامت صافنه ودموعها ماتخلص يااستاذ انمار شكد حجيت وياها بس عبالك احجي ويه روحي مااكدر من شفتهم اتخبلت حتى البارحه من كتلي عليهم عبالك ماصدكت بس من شفتهم بهذا المنضر انصدمت كأني جنت بحلم وصحيت ع واقع نفس الحلم الله يرحمهم ويدخلهم فسيح جناته وين تسوولهم الفاتحه ردت اسويها بالحسينيه بس عمام ابوج رفضوا وكالوا نسويلهم يمنا بالناصريه ووصيت جماعه يوصلون خبر وفاه امج لأهلها وخوانها وكالوا ماعدنا بنيه بنتنا ماتت من زمان مكدرت اجاوبه لان امي غلطت غلط كبير من تركت اهلها وليكن حبت بابا بس مو معناها تشرد وتجيب العار الاهلها بقيت بالمستشفى ٤ ايام وسجلولي ع خروج طلع عندي شلل سفلي وعلاجه ست اشهر علاج طبيعي وبعض العلاجات وشوي شوي امشي طلعت بالكرسي المتحرك انمار موصيلي ع كرسي متحرك قبل يومين من طلعتي جابولي الكرسي ورجعت لبيت انمار جان ثاني يوم العيد كعدوني بغرفه جوة لان مااكدر اصعد فوك وطلبت من ام رفل اسبح لان صارلي ٤ ايام ماسابحه واحس ريحتي مخلوطه بين الديتول وريحه العلاج والعرك وكالت متكدر تسبحني وحتجي بنتها رفل الظهر وتسبحني كولش انقهرت من كالت هيج تالي صرت اتحسر ع سبحه واتوسل بفلان وعلان يساعدوني بأحتياجاتي حسيت نفسي صدوك معاقه اجت رفل الظهر وسلمت عليه خوش بنيه وحبابه بعمري او اصغر مني بسنه تقريبا ونزلتلي رفل جنطه ملابسي وحضرتلي ملابسي اباوع ملابسي جايبتهن ويايه داخليات وتراكات اثنين ملونه حزت بكلبي البس الوان رفل حست بيه من صفنت ع التراكات حبيبتي رند البسي واحد من ذني التراكات ومن يجي انمار اكوله يجيبلج ملابس سود تمام يله ساعديني اكوم وساعدتني رفل اكعد بالكرسي المتحرك وودتني للحمام ونزعتني ملابسي كتلها بقيني بالداخليات استحيت منها رغم هيه بنيه بس استحيت ملت البانيو مي وشامبو وكوة كعدتني بي سبحتني وكملت وكتلها كعديني بالكرسي واني ابدل استحيت ابدل كدامها وهيه خطيه فهمتني وطلعت كوة لبست بس بقيت اكثر من نص ساعه واني احاول ابدل اخر شي اجت رفل بدلتلي عبالك طفل استوة يتعلم يبدل ملابسه كملت وطلعت ورفل ساعدتني اكوم من الكرسي واتمدد ع سريري جابتلي رفل الغدا والعلاج ومااكلت مااشتهي اكل احس من ماتوا اهلي لحد هسه صارلهم كم يوم انسدت شهيتي بس ع مي وانمار يضل يحجي عليه والبارحه عاط بيه يله اكلت شويه علمود العلاج اجا انمار دك الباب يصير ادخل ؟ تفضل ها ست رند حتبقين هيج الى متى بدون اكل انمار مااشتهي هيه كوة اكل رند مو بكيفج عندج علاج لازم تاكلين قبل العلاج انمار صدكني ما الي نفس بنتر الى متى ابقى اتوسل بيج علمود تاكلين شنو انتي طفله رند كافي تعبتيني صارلج كم يوم عبالك طفله عمرها كم سنه واهلها ماتوا انتي مو طفله عمرج ٢١ سنه اتقبلي الواقع بجيتي او تركتي الاكل قابل يرجعون اذا هيج سويتي ومهما تسوين مايرجعون اكلي حتى تاخذين علاجج تكومين ع حيلج شنو عاجبج هذا وضعج فهميني عااااجبج ابجي واحجي اذا اني هيج تعبتك وصرت عاله عليك وماتتحملني وديني لبيت اهلي واعيش هناك ومااريد من نيه احد من اكول طفله محد يصدكني لج بابا اني وياج مو ضدج اريد مصلحتج اتفهم موقفج وموت اهلج وصدمتج من شفتيهم بس انتي مريضه ب شلل سفلي تفهمين شنو شلل سفلي لو ما تفهمين انتي اذا ع اكل والعلاج هيج تسوين لعد من تبدين بالعلاج الطبيعي شراح تسوين انمااار وديني لبيت اهلي اششششش ولا كلمه اكص رجلج اذا طلعتي من هذا البيت هسه تاكلين غصبا ماعليج وتاخذين علاجج وباجر اني التحق ابقى ١٠ ايام وارجع واذا اتصلوا بيه وكالوا رند ماتاكل وماتاخذ علاجها اشوفج وجهي الثاني وخلي شي ابالج اني مو ضدج دا اسوي هذا الشي لمصلحتج وفكري بمصلحتج اهلج ماتوا الله يرحمهم ويغمد روحهم الجنه وانتي بقيتي وحيدة ولازم تعينين نفسج حتى تكومين بالسلامه وتتحركين براحتج بدون من نيه احد يعني عاجبج هذا وضعج اذا تكومين لازم تصيحيهم يكومونج واذا تسبحين تصيحيهم يسبحوج واذا واذا اووووو كافي فكري بصحتج وكافي تتصرفين بطفوليه كلام انمار صحيح اني الى متى ابقى هيج لازم التزم بعلاجي وادير بالي ع صحتي حتى اكوم ع حيلي راح انمار وبقت يمي رفل ومن هاللحضه قررت اهتم بصحتي حتى اكوم ع حيلي وانمار كال علاجي يستمر ٦ اشهر ومن بعدها اكوم امشي انشاء الله اكلت رغم مااشتهي بس غصبت نفسي ع اكل واخذت علاجي ونمت ومر اليوم عادي رغم عيد بس جان اتعس ايام اعيشهن بحياتي وبقت رفل يمي تساعدني ثاني يوم كعدت متأخر لان العلاج الاخذه مهدئات وينومني لكيت ع كرسي ٣ علاكات سحبت الكرسي جان بصف السرير واخذت العلاليك دشداشات ٤ سود واتراكات طويله ٣ وعريضه وشالات ٣ سود وكبات ومشط وقراصات علاكه الدشداشات بيها ورقه مكتوب بيها صباح الخير رند هذي الدشداشات من اكون موجود بالبيت البسيهن والتراكات من التحق البسيهن واذا عندج اي نواقص كولي لأم رفل هذا شوكت اجا ودخل غرفتي وجابلي الملابس البارحه من اجاني الظهر بعد ماشفته اريد اكوم مااكدر ورفل ماكو صحت رفل ام رفل شنو ماكو احد بالبيت اجاني طفل صغير ها كعدتي بابا كال لا تكعدها عوفها تكعد ع راحتها ابو خدود منو انته اني يوسف هلا بيوسف اكول هالحلو منين ماشايفتك من قبل اجيت عليج البارحه بابا كال اتعرف ع رند هاي مثل اختك هم طفله مثلك وجنتي نايمه وطلعنا اني وبابا ومن رجعنا بليل كالوا نايمه عزاااا ابوك معتبرني طفله تعاي كومي العبي ويايه من كلي يوسف كومي العبي ويايه دموعي نزلت صايرة ع ادنى شي تنزل دموعي يحجي بطفوليه ليش تبجين اني شكلتلج اجا كعد يمي ع سرير ومسح دموعي بحركه طفوليه بأيده الصغيرة المدبدبه ليش هيج ايدج عوجه مو مثل ايدج الثانيه مريضه حبيبي ماما تكول المريض ياكل ويصير زين وانتي هم اكلي يي حبيبي دا نحجي اني ويوسف ونسمع صوت مرة تحجي بصياح وينهااا وينهاااا بت ال كح.... تالي انمار يلفي بنت هاي الشردت من اهلها اذا امها شردت من اهلها ونزلت روسهم لعد بنتها شتسوي ............. تصويت وقدروا تعبي هسه كوة كملتها عدنا عمال وكل شوي جاي خطار وشغل البيت كل شوي اكتب شويه هههههه هسه اخر شي دا اختم البارت وايدي خدرت قدروا تعبي حبايب | ||||
|
| |
|
25-06-19, 10:48 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث بارت مفاجئ وقصير لأرضاء فضولكم هههههه لا كذب بارت لعيونكم الحلوة ترى باجر ماكو بارت اريد اكتب بارت ل روايه ضريبه خطيئه امي واحاول الجمعه انشر بارت لان الجمعه معزومه ع خطوبه ومااتوقع عندي وقت اكتب بس احاول لو حتى بارت قصير تصويت والله مطالبه شي يعني المشاهدة الف والتصويت ٢٠٠ ليش هيج دا نحجي اني ويوسف ونسمع صوت مرة تحجي بصياح وينهااا وينهاااا بت ال كح.... تالي انمار يلفي بنت هاي الشردت من اهلها اذا امها شردت من اهلها ونزلت روسهم لعد بنتها شتسوي ولججججج رندددد وينج يا ساقطه بت امج شكول بعد ابن الوز عوام هااا هااا شبيج ام انمار ليش هيج تصيحين ليش اصيح ولجج اصيح ع رند ال كح.... الكاعدة ابيت ابني اكل وشرب وهيه شابه وهوة رجال منفصل عن مرته وماكو شي يربطهم هيه لو صدوك شريفه ومتربيه مجان كعدت ابيت رجال وحدهم ام انمار فدوة البنيه مريضه ومشلوله واستاذ انمار ما موجود التحق للموصل وينها كوليلي خل اشوفها ضامه راسها تخاف تطلع ست الحسن كاعدة اني ويوسف وسمعت كل الدار بينها وبين ام رفل وعرفت هاي ام انمار ومن سمعتها تحجي ع امي ومثل مااتوقعتوا نزلت دموعي كاعدة ابجي ويوسف خطيه يمسح بدموعي وطبت عليه ام انمار ام انمار عمرها ب٥٠ سنه واكثر بس معتنيه بنفسها من اجتي لابسه جبه خليجيه وشال لافته بأهمال وطالع نص شعرها لونه بلاتيني وتاتو ثري دي طبت تصيح وتعيط مسحت دموعي و صفنت عليها عجوز عمرها فوك ال ٥٠ سنه ومسويه روحها مثل الطفله ومكياجها جنها عروس بس اتخبلت من كالتلي بنتر جايه وعبالج تنامين براس ابني وعبالج يتزوجج عيني اصحي وتضرب ع راسي ضربات خفيفه ابني مايتزوج وحده حثاله امها كح.... ومنزله راس اهلها وفوكاها مشلوله معاقه لمي ملابسج واطلعي من هذاا البيت يله كاااافي شنو انتي ماعندج احساس ماعندج ضمير تحجين ع وحده مشلوله والثاني بكبرها وتحجين عليها وتفشرين عليها اتقي الله مايجوز ع ميت الا الرحمه تلعب بموبايلها وتحجي يي بنت سازان طلع لسانج احجي احجي اني ماعندي احساس وماعندي ضمير اغلطي وفشري اني محاجيه شي غلط انتي اتجاوزتي ع امي لو حاجيه عليه اسكت واكول مرة بكد بيبيتي رجلها والكبر واسكتلها بس انتي فشرتي ع امي وهيه بكبرها ولج اني بكد بيبيتج ورجلي والكبر يا ساقطه اني الج وضربتني راشديات وكفشت شعري وام رفل تريد توخرها عني ومتكدرلها واني ايدي اليسرى مشلوله وبس ايدي اليمنى ومااكدر ادافع عن نفسي بأيد وحده واثناء العركه اجا يوسف بيبي بيبي بابا يريدج وين ابوك شنو اجااا لا اتصل بيه ويريدج هاج الموبايل الوووو ها انمار شلونك يمه .... يي اجيت ...... شبيك تصيح تالي تعلي صوتك عليه من وره هاي الحثاله ......كااافي كااافي ......... يي وديها خل تعيش ابيت اهلها شعندك مبقيهاااا .......... انمار اذا سويتها اغضب عليك ليوم الدين ........ هاااا صدك تحجي تتخلى عن امك بسبب هاي ........ يي دروح روحه بلا ردة تأشر ع رند وتحجي شوفي لج اذا ماطلعتي من هذا البيت وعفتي ابني تتندمين بكد شعر راسج مااخليج تتهنين هنا يوم واحد جنت ناويه بس تتحسن حالتي وارجع امشي ارجع لبيتي بس مادامج هددتيني الا ابقى هناااا بعنادج وشوفي بالاخير منو اليخسر بينا وداعتج انتي برة هالبيت وتصفين بالشوارع ويجي يوم واذكرج يي عود ذكريني الله لا ينطيج شسويتي بيه راحت بعد ما دردمت دردمت وولت من ضربتني ابد مابجيت حاولت اكون قويه مااخليها تشوف دموعي بس جسمي اتكسر من الضرب ووجهي احسه نار من الراشديات اتلمسح خدي واحجي الله لاينطج ام انمار ايد لو طابوكه كبر اليلفج ويلف هيج نماذج واتصل انمار الوووو السلام عليكم وعليكم السلام انمار شلونك انتي شلونج والله خجلان منج وفوك الصاير بيج انوب امي عليج صدكي لو الطريق امان جان اجيتج بس هسه اني بالموصل وطريق كولش خطر واصدقائي منعوني وحلفوني ما انزل لبغداد بس صدكي وحق الي خلق السما والارض بأقرب وقت انزل لبغداد لا لا اتعب نفسك اني زينه وتسلم ع سؤالك ولتخاف عليه اني مرتاحه ابيتك اذا امك ماتجي لا لا تخافين بعد ماتجي امي شلونك شلون الاوضاع يمكم اذا انتوا بخير اني اكون بخير وبالنسبه للوضع اليمي كل واحد يموت بيومه ماكو بشر يموت ناقص عمر انشاء الله ترجع بالسلامه والله وكفتك ابد ماانساها ياانمار لا ما مسويلج شي بس دعائج كافي يله اني اترخص مع السلامه مرخوص في امان الله مرت ايام اني ويوسف ورفل وام رفل جانوا كولش يحبوني وزينين ويايه خووو يوسف كام حتى ينام يمي ونص العابه بغرفتي ونلعب بلي وبيت بيوت اني وكرسي المتحرك والعب وياه وكولش حبيته رغم جنت بليل من ينامون اشبع بجي ع اهلي بس بالنهار الهي روحي ب يوسف حتى ماابجي كدام بشر وبعد روحه انمار بأسبوع بدأت العلاج الطبيعي واول يوم رحت لنادي العلاج الطبيعي شبعت بجي وكولش اتوجعت جان اصعب يوم بأيام العلاج الطبيعي حسيت بوقتها روحي طلعت ومتتت صرت ادعي ربي واتوسله حتى اخلص التمرينات وارجع للبيت واروح للنادي العلاج الطبيعي بالاسبوع مرتين ورجعت للبيت اني ورفل وطبعا السايق ويانه لكيت انمار جاااي دا يلعب ويه يوسف منطيني ضهره لابس زيه العسكري شافني يوسف واجاني يركض واني كاعدة ع الكرسي المتحرك رنددد اجيتي شوفي بابا اجااا هم السلام عليكم ردينا اني ورفل وعليكم السلام واني صافنه علي شكد لايكله الزي العسكري والرتب يخجلن ع جتافه يباوع ع رند ويحجي شلونكم يابه تمام انته شلونك انمااار الحمدلله بخير ونعمه دامكم بخير هاا شلونج ويه العلاج الطبيعي اوووو لا تذكرني اليوم جان كولش صعب ومتعب يي استاذ انمااار رند شبعت بجي بالنادي اثناء التمرينات الله يساعدج ويكون بعونج ويشفيج بابا لعبنا اني ورند بلي ولعبنا بيت بيوت يباوع ع رند ويحجي يي بابا جان عندي طفل وهسه صرتوا طفلين انته ورند وهيه بنوتي وانته وليدي ضجت من كلام انمار ليش دائما يعتبرني طفله ودتني رفل لغرفتي سبحتني واكلت واخذت علاجي ونمت وكعدت ب٣ بليل وكوة سندت نفسي وكعدت بالكرسي لانه بصف السرير ورحت للمطبخ عطشت اشرب مي واشوف انمار استوة دا يطب ويقفلل بالبوب هااا رند لحد الان كاعدة لا استوني كعدت اصلا من نومه العصر وهسه كعدت اوووو اعتقد هذا من العلاج التاخذينه مووو يي من اخذ العلاج انام انمار فدوة اريد مي عطشانه يي هاج شكرااا عوافي بنوتي انمار شنو هاي بركبتك شنو مكروص انمار كوة كاتم ضحكته يي شلون انكرصت من ............ ارجع واكول صوتوا ع نجمه حبايب يُتبع... الثلاثيني الملتحي | ||||
|
| |
|
25-06-19, 10:54 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع بنات تصويت للبارت ليش مدا تصوتون البارت مشاهداته اكثر من ٢٠٠٠ والتصويت ٣٠٠ او ٤٠٠ ليش هيج قدروا تعبي ودا اكتبلكم قصه حلوة وتحبون سردها شوفوا حيكون النشر معتمد ع تصويتكم اذا التصويت اقل من ١٠٠٠ ماانشر وكل ١٠٠٠ تصويت انشر بارت لو حتى باليوم تصويتكم ٣٠٠٠ حنشر ٣ بارتات وبقت يمكم هااا رند لحد الان كاعدة لا استوني كعدت اصلا من نومه العصر وهسه كعدت اوووو اعتقد هذا من العلاج التاخذينه مووو يي من اخذ العلاج انام انمار فدوة اريد مي عطشانه يي هاج شكرااا عوافي بنوتي انمار شنو هاي بركبتك شنو مكروص انمار كوة كاتم ضحكته يي شلون انكرصت من بكه صاكه وغمزلي وراح 6 خرب اني شكد اجفص وشكد غبيه وغبرة ليش مااجا ابالي هو..... يي صح بنوتي انتي غبرة وضربني ع راسي بخفه وراح افففففف سمعني ابو النسوان رحت لغرفتي ودا انزل من الكرسي المتحرك اريد اتمدد ع سريري ووكعت اريد اكوم مااكدر كمت ابجي ايدي اليسرى مااكدر اسوي بيها شي بس اكدر استخدم ايدي اليمنى ومااكدر اسيطر ع وكفتي كمت ازحف حتى اوصل للميز حتى اخذ موبايلي اتصل ب رفل (رفل وامها الهن غرفه بالبيت مرات يباتن بيها ومرات يروحن لبيتهن) اتصلت بيها كالت هيه مو بالبيت رايحه لبيتهم هيه وامها واني عبالي بايته ابيت انمار خرب هسه شسوي مال اصيح انمار مستحيل اسويها اليوم اتفشلت مرتين وياه افففففف وبقيت ع كعدتي وابجي دك الباب رند ممكن ادخل تفضل انمار هاي ليش هيج بالكاع بقيتي ليش مااتصلتي بيه وليش البجي بنوتي مااردت اتعبك ويايه يعني لو ما رفل تتصل بيه انتي تبقين هيج سكتت ما جاوبته يله اشيلج ما ما ماريد رفع شعره بأيده وجر حسرة رند دير بالج تعيدين هالتصرف مالتج كدامي بعد ليش اني شنو كلت مال ال ماااا مالتج فكري بتصرفاتج قبل ما تسوينها اتقرب كعد ع ركبته مقابيلي وايده اليمنى جوة راسي واليسرى جوة ركبي وشالني صرت كولش قريبه ع صدره وبحركه عفويه خليت راسي ع صدره احس بأنفاسه حارة ويحاول يبعد وجهه عني حتى مااحس بتوترة حسيته كولش اتوتر رغم هيه ثواني من شالني خلاني ع سرير بس حسيت بكل هذي الحواس خلاني ع سرير وماحجه ولا كلمه كبل طلع من الغرفه حسيته شرد مني كعدت ع سرير وافكر اسأل نفسي واجاوب بنفس الوقت هاي اني ليش هيج صار بيه معقوله حبيته لا لا شبسرعه حبيته اصلا اني بيا حال واحبه بس يمكن لان ساعدني وهوة الوحيد الوكفلي بس ليش هيج يصير بيه من يكون قريب مني ليش اتوتر من اشوفه اففففف كافي تفكير اصلا عيب عليه افكر واني اهلي مصايرلهم كم شهر من ماتوا وهوة اصلا يصيحلي بنوتي ويعتبرني طفله يعني مراح يحبني ك حبيبه بيوم واني اصلا معاقه بقيت لل ٦ الصبح يله نمت كعدت ب ١٠ ع صوت موبايلي يدك اباوع هاي سجى صديقتي صارلي اكثر من شهر اتصل بيها مغلق احتاجيتها هوايه خلال هالفترة جاوبتها عاش من سمع صوتج ولج اوووف حتى انتي تعتبين ولج اسكتي لو تدرين شصار بيه بعدين اسولفلج البقيه بحياتج عمري بروح امي ماادري بالي صار هسه يله عرفت شفت ناديه بالسوبر ماركت وسولفتلي وحياتج الباقيه شلونج وين عايشه هسه اجيت لبيتكم دكيت لحد مامليت ورجعت يي عايشه ابيت ابن خال بابا حياتي ياعمري اعذريني لان هالفترة انقطعت عنج بس بروح امي البارحه يله انطوني موبايلي من كالت اعذريني كمت ابجي وج سجى شفتهم بعد الانفجار ماما وحيدر شصاير بيهم سجى حيدر وجهه مشوه (وسولفتلها المنضر الشفته ) رنووو يا عمري الله يساعدج ويكون بعونج وج انشليت من شفتهم وهسه مااكدر امشي كاعده ع كرسي متحرك يماااااا اسم الله وج اصخام الصخمني عليج وكامت تبجي ويايه وتتعذر مني وسألتها عن احوالها شنو اخبارج وليش هالفترة موبايلج مغلق اووووف شحجيلج احجي ولج مبين سالفه مصخمه من سوالفج ولج دا احجي ويه احمد حبيبي واخويه سمعني وتعاي وشوفي شصار والمشاكل وانكتلت كتله من هاي المعدله ههههههههه عزااااا ولج وتالي شصار يي انتي ام حلك ساعه تبجين وساعه تضحكين عليه ولج اندلوا بيت احمد وراحوا اتعاركوا وياه وصارت كعده عشائريه وانفضحنا يبوووووو هاي شبيهم خوانج شنو ما عدهم عقل وفضحوا اختهم يي ماعدهم عقل تدرين بيه يتيمه لا اب ولا ام وخواني يمشون بكلام نسوانهم يي ولج كملي يي وبعد الكعدة العشائريه وخواني طلبوا فصل انو احمد يعقد عليه وفعلا عقد عليه بس بدون لا خطوبه ولا مهر واتزوجت بدون عرس اتخيلي الخطوبه والعرس صارن خلال شهر وخل اكلج البارحه عرسي ع اساس هههههه بس يريدون يخلصون مني حتى بدله ما لبست اجا احمد اخذني بملابسي مال الطلعه واصدمج بعد احمد طلع متزوج وعنده بنيه والبارحه اتعاركنا وعافني بالبيت وطلع 2 عزاااااااا هاي شنو ولج عبالك دا يسولفولي فلم هندي شنو عقد عليج شنو اتزوجتي بدون عرس ومهر شنو احمد طلع متزوج يي وروح امي هذا الصار بس تدرين من زمان جنت اكلج احمد مو راحه احسه ضام شي وراه شي تتذكرين لو لا يي عمري وكلامج صح وهسه وين كاعده انتي كعدني ابيت وحدي بمنطقه ال ...... بقيت اسولف ويه سجى تقريبا ساعه ونص سولفتلي كل الي صار خلال هالشهر واني هم سولفتلها وسديته واجت رفل كومتني وكعدتني بالكرسي سبحتني وطلعت طلبت منهم يحضرولي الغدا لان راح تصير ب١٢ مو مال ريوك بعد مرور ٣اشهر مرت ال ٣ اشهر عليه بيوم امر من القبله وايام العلاج الطبيعي جانت اشبه بعمليه بدون بنج مخدر كانت ايام صعبه عليه بس اتحسنت حالتي شوي خلال ال ٣ اشهر اتعودت ع علاج الطبيعي واتعودت ع اوجاع الاحس بيها خلال التمارين اهلي ابد ما نسيتهم ٢٤ ساعه ابالي بس احاول اكون قويه واكول بعد ماابجي كدام احد بس افشل بهذا الشي صايرة اتحسس من كولشي ودمعتي بسرعه تنزل استمرت اتصالاتي بسجى وابد ماانقطعت عني ولا يوم وتسولفلي معناتها انمار صار يلتحق اسبوعين ويرجع للبيت كم يوم ويتصلون بي ويلتحق ومن يرجع للبيت ما نشوفه يكعد الظهر من النوم ويطلع العصر ويرجع الفجر او الصبح وخلال هالفترة ازعجني بتعامله صح يكعد بالبيت كم ساعه باليوم بس يحاسبني ع كولشي وخلال هالفترة اتعرفت ع خوانه ٢ (رسلان وعلي) واخته (وهج) دائما يجون ع انمار كاعدة بالمطبخ واسولف ويه ام رفل وطبوااا اخوان ٢ انمار واختهم بعمري سلموا عليه وكعدوا يسولفون سوالف عاديه وكالوا مشتاقين الانمار واجواا يشوفونه واتصلوا بي وكاللهم ساعه واجيكم طالع هوة ويوسف اخوان انمار(رسلان و علي) و اختهم (وهج) حبابه وحلوة بالحقيقه كلهم حلوين وشخصيتهم حلوة عكس امهم للعلم ابوهم متوفي مشايفته ابد دا نحجي وطب انمار اول ما شافني خزرني ياااا هذا شبي واجا يوسف يبوس بيه ويحجي شوفي رند بابا اشترالنا حلويات كال حتى تاكلهن انته واختك بليل ها يوسف صار عندك اخت واحنا ماندري عمو علي رند اختي صارت ومنو كلك هيج عمه بابا كال رند طفله مثلك وصارت اختك يوسف بلا كلام زايد يله باباتي روح العب بغرفتك رسلان وعلي ووهج اكعدوا بالصاله احجي ويه رند واجيكم (خوانه كولش يحترمونه وميردوله كلمه وبنفس الوقت يخافون منه ) ست رند كاعدة بنص الشباب بدون حجاب والشعر مفلول انمار تدري بيه اني مو محجبه وانته الفرضت عليه الحجاب وكتلي من تطلعين البسي حجاب وماكسرت كلامك من اطلع البسه وبالنسبه الشعري سرح والقراصه توكع منه صاير عندج لسان وتراددين بنوتي اني ما راددتك بس دا اوضح موقفي يصك ع سنونه ويحجي خلال ١٠ دقايق اذا ما غيرتي لبسج ولبستي حجاب شوفي وجهي الثاني وشبي لبسي وانته هيج تحاسبني ترى اني ولا حبيبتك ولا اختك ولا خطيبتك ولا مرتك حتى تحاسبني انتي بنوتي ودنك عليه وايده ع كرسي وقرب وجهه عليه ويخزر ويصك ع سنونه مفهوم كلامي لو اعيد خفت من خزرته وبلعت ريك مفهوم رحت لغرفتي وكلت الرفل من يرحون خوان انمار انطيني خبر ورة شويه اجت وهج اخت انمار وبقينا نسولف رند ليش ضايجه وكاعدة بغرفتج ليش ما كعدتي يمنا انمار يريدني اغير ملابسي والبس حجاب يي غيري ملابسج ترى انمار حريص عليج مثل ما حريص عليه شلون يعني اجوي ولد عمي وولد خالي واني بدون حجاب ولابسه تراك وعاندت وردت اسلم عليهم حصلت منه رزاله من هاي التمام وتالي رحت لبست دشداشه طويله وحجاب وطلعت سلمت عليهم وهج اني ما متعوده واحد يتحكم بيه ويفرض اوامره عليه جانوا خواني يحجون عليه لان ما البس حجاب وماما الله يرحمها تسكتهم حبيبتي زمن اول تبدل هذا انمار وماكو وحده او واحد يكدر يمشي كلمته ع انمار راح يجي يوم وتفهمين قصدي راحت وهجت وبقيت بغرفتي ما طلعت منها كعدت اتصفح ع فيس شفت منشور ع قصه وبقيت اقرأ واجت رفل كالت راحوا قبل ساعه انزلي وما جاوبتها بقيت اقرأ لليل اجاني يوسف كال بابا يصيحج صار العشا كتله مااتعشى واجاني صوته العالي رند بلا زعل وكومي اتعشي مو زين عليج تبقين هيج بلا عشا لتصيرين زعطوطه تزعل ع ادنى شي حجيت بزعل ما مااريد هيه كوة خما كوة يي طبج مرض اني شكو متعب نفسي ويه المزعطه كولش ضجت من كلي طبج مرض بس هوة شعجب اليوم ما طالع بقيت اقرأ القصه وتفكير يراودني اجت رفل رند ليش تعاندين ترى استاذ انمار يريد مصلحتج ويخاف عليج رفل انمار يحب دور المتسلط والمسيطر واني اكره هذا الشي رند اذا تبقين ع هذا عنادج راح تخسرين الاول والتالي صدكي ترى استاذ انمار ما يتعوض ليلتها كولش ضجت وحسيت نفسي اختنكت وطلعت بالكرسي المتحرك للحديقه ريحه الاشجار وريحه الزرع ترد الروح وتنعش الريه بقيت كاعدة ومغمضه عيوني واتنفس شهيق وزفير وسمعت صوت الباب الخارجي انفتح وفتحت عيونك وانداريت واشوف دخل انمار بسيارته السودة بقيت اباوع علي دخل وبسيارته وبقى كاعد بيها ويخابر ويضحك ومزين لحيته ومبقي بس الشوارب اممممم معناها باجر يلتحق لان كل ما يلتحق قبلها بيوم يروح للحلاق يحجي بالموبايل ويباوع عليه خليت وطبيت ورحت لغرفتي اتصل برفل حتى تجي تكومني من الكرسي وتكعدني ع سريري اتصل بيها مشغول بقيت ب١٠ دقايق اتصل مشغول استغربت امها راحت لبيتهم وهيه ما قبلت كالت ابقى يم رند خاف تحتاجني بليل رحت لغرفتها واسمعها تحجي ....حبيبي اشتاقيتلك الى متى نبقى هيج .....خل ينامون واجيك ....... افففففف حاضر اوامرك ع راسي بس من ترجع اني بحضنك هاي ادا تسوي شنو بحضنك شنو اجيك من ينامون رفل متربيه وماعدها هاي السوالف صدمتني بصراحه عفتها ورحت لغرفتي ودزيتلها رساله تعاي لغرفتي بسرعه ورة ربع ساعه اجت كومتني وخلتني ع سرير ما حجيت وياها وراحت كعدت ثاني يوم انمار ملتحق ويوسف رايح يم امه وبس اني ورفل وام رفل بالبيت مر اليوم النهار عادي وبليل اجت وهج يمي وكالت راح ابات يمج اليوم واني كيفت بيها بس جانت كولش ضايجه وعيونها حمر اعتقد باجيه وهج ليش هيج حزينه وضايجه عيونج حمر رند اذا اسولفلج تحفظين سري طبعا وهج لعد المن اسولف يعني راح اسولفلج لان اذا ما سولفت اطك سدي باب غرفتي وتعاي اكعدي يمي واحجي شوفي رند تدرين اني طالبه قانون بجامعه ال ...... يي من المرحله الثانيه شفت استاذ بالجامعه كولش عجبني شكله وشخصيته فدشي وما ينطي مجال الاي بنيه جنت اشوفه بالنادي من اروح اتريك ومن صرت بمرحله الثالثه جان اكو واحد مرحله اولا كل ما يشوفني يذبلي كلام وحاول يسوي ويايه علاقه ورفضت ودزلي هواي بنات ورفضته بحماس يي كملي فد يوم خلصت المحاضرة الاولى ورحت اتريك بالنادي اخذت عصير برتقال فريش وكيك اخذته ودا امشي للطاوله الكاعدات عليها صديقاتي واجا هذا الولد المرحله الاولى وضربني بجتفه ووكع العصير ع ملابسي وعطت بي انته شنو اعمى ما تشوف دمرتني اتعذر مني عده مرات كتله انته متقصد تضربني بجتفك وهاي مو اول مرة واحجي وياه بنتر ودا امسح بملابسي ورفعت راسي استاذ عمار يباوع عليه عزااااا واني معجبه بي وشافني بهيج موقف وشسويت بهذا الولد من حركه كلبي فرجت عليه النادي كله بحيث الكل كام يعرفني يسموني ام العصير هههه وهاي السنه قصدي المرحله الثالثه اخذنا استاذ عمار محاضرات زاد اعجابي بي وصرت اعشق المحاضراته وما افوت ولا محاضرة وباليوم العدنا محاضرة لأستاذ عمار اتأنق وامكيج واتعطر ع اكمل وجه وقبل يومين كاعده بالنادي اجت بنيه كالت استاذ عمار يريدج بالمكتبه استغربت خفت انهبطت كلهن مريت بيهن وميت سؤال اجا ابالي رحتله للمكتبه لكيته كاعد يقرأ كتاب مكتوب علي انت لي سلمت علي كال اكعدي كعدت متوترة وافرك بأيدي ليش هالتوتر ولا كأنو انتي الطالبه الفرجت امه لا اله الا الله ع الطالب الضربها بجتفه بدون قصد ومبتعده عن دور الطالبه المعجبه التصفن من تشوف استاذها وفاضحه روحها بنضراتها استااااااذ هاي تحجي ويايه يباوع ع كتاب ويحجي يي احجي وياج ام العصير احجي بنتر استاااذ انتقي الفاظك اني ما مباوعه عليك صح اباوع بقصد المحاضرة لا اكثر ولا اقل (وكمت دا اروح ) اكعدي احجي بأحترام ليش تتهربين ما متهربه بس كلامك مابي شي صحيح ومرة ثانيه من تحجي اتأكد من صحه كلامك يله تحجي (وكبل طلعت خفت يصيح ورايه او يلحكني والحمدلله ماسوة هيج) تحجي وتبجي كليلي رند شسوي وداعتج تعبت صارلي يومين ما مداومه اخاف اداوم واشوفه حبيبتي تعاي (ررند حضنت وهيج ) انتي من ما داومتي ثبتي صحه كلام الاستاذ المفروض اتداومين مو تتهربين تبجي وتحجي (رند ما اكدر تفهميني مااكدر نضراته فاضحتني واخاف اشوفه مرة ثانيه ) وهج لتصيرين ضعيفه واذا انعجبتي او حبيتي انتي ولا اول وحده ولا اخر وحده ما مسويه شي غلط ولا حرام خلي هالشي سر بينج وبين ربج واتوكلي ع الله هوة يدليج ع قرار الصح بقت وهج يمي ٣ ايام وامها تتصل بيها وتترزلها لان بايته يمي بس وهج ما تهتم لكلام امها ورسلان وعلي من اجت وهج يمي كاموا يوميه يجون عليها العصر يكعدولهم ساعه ويرحون راحت وهج لبيت اهلها وبقيت اني ورفل وام رفل ويوسف بعده يم امه اتصل بيه كال بابا يجي ياخذني من ينزل لبغداد حسيت وهج ما تحب رفل ومن تطب لغرفتي وتشوف رفل يمي كبل تطلع انمار يتصل بيه لدقائق بس ع كد السؤال شلونج شخبارج ويسده مرت ايام مابين العلاج الطبيعي وكعده البيت مر ع التحاق انمار ١٠ اسبوعين والعصريه كاعدين اني ورفل وام رفل سوتلنا عصرونيه عصير وكيك ودا ناكل واندك الباب بصوت قوي واسمع الحارس ابو علي يتعارك ويه ناس........ تصويت حبايب حبايب بطله الروايه قاريه البارت الاول من الروايه ع فيس وراسلتني وراح تنطيني احداث الصار بحياتها رغم كالت اكو عده اخطاء بالبارت الاول لكن البارتات الجايه حتكون منها والسرد اني اسرده يُتبع... | ||||
|
| |
|
25-06-19, 11:00 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس لكل ١٠٠٠ تصويت بارت مرت ايام مابين العلاج الطبيعي وكعده البيت مر ع التحاق انمار ١٠ اسبوعين والعصريه كاعدين اني ورفل وام رفل سوتلنا عصرونيه عصير وكيك ودا ناكل واندك الباب بصوت قوي واسمع الحارس ابو علي يتعارك ويه ناس مااكدر ادخلكم للبيت شنو هوة بكيفك ما تدخلنا اجينا ع بنت اختي اذا ما تفتح الباب اخلي طلقه براسه (ويوجه المسدس ع الحارس) الحارس من الخوف اضطر يفتحلهم الباب دخلوا للبيت رجال كبير بالعمر الشعر الابيض تارس راسه ولحيته ووياه ٢ شباب بعمر انمار تقريبا او اصغر منه والرجال المشيب حجا ويه ام رفل السلام عليكم حجيه اجينا ناخذ بنت اختي صيحيها خل تجي منو حضرتك ومنو اختك اني حسين اخو سازان نعم اني بنت سازان ويباوعون ع رند كاعده ع كرسي متحرك شلونج خالو اني خالج حسين وذوله ويأشر ع ولده محمد وهاكان ولدي اهلا اتفضل وأشر ع كراسي الي بالحديقه وكعدوا (سلمت علي بدون نفس احسه غريب عني حاله حال اي رجل غريب ) احترك دمي من سمعت بيج كاعدة يم ابن خال ابوج واجيت اخذج خالو اني عايشه بهذا البيت ومرتاحه ودا يعالجني وما مقصر ويايه بشي بنتر شنو مرتاحه لازم ترجعين ويانه لسليمانيه ماارجع شنو هيه كوة بنتر انتي مثل امج وكحه ولسانج طويل شنو عاجبتج الكعدة يم رجال عزابي ماعنده مرة خالو ليش هيج تحجي ع ماما مو هيه ماتت ومايجوز عليها الا رحمه وبعدين انمار رجال والنعم منه ومعتبرني مثل بنته واصلا اني مااشوفه دائما ملتحق ويجي كم يوم ويروح غصبا ما عليج تروحين ويانه شنو تكسرين كلام ابويه ما اروح وياكم منين اعرفكم حتى اروح وياكم اول مرة اشوفكم جوز انتوا مو خوالي بنتر شنو مو خالج لعد منو اني يله لج يله كومي ويانه ودا احجي وياهم اقصد اتعارك واتصل بيه انمار الوو انمار الحكني ادري بيهم بنوتي دير بالج تروحين وياهم انتظريني فد ساعتين واجيج انمار خايفه ولج منو هذا التحجين وياه واخذ الموبايل مني واحنا واكفين يمج ماعندج ذرة مستحى دا احجي ويه انمار ابن خال ابويه صاحب هذا البيت الاخذني وعالجني وخاف عليه احسن منكم انجبي وبلا كلام زايد انوب علينا المكرمين(المعاقين) يله روحي حضري ملابس حتى تروحين ويانا كل هذا وانمار ع خط انطيني الموبايل حتى اروح اغير ملابسي واجيكم انطاني الموبايل وطبيت للبيت الوو انمار اوك رند بنوتي روحي وياهم ماتكدرين تبقين وهما هيج يحجون وياج واني باجر من الفجر يمج لا تخافين مااتركج لو ع كص ركبتي ماشي بس لا تعوفني لا بنوتي انطيتج كلمه مو اني الاتراجع عن كلامي بعد ما انمار كلي روحي وياهم اخذتني رفل لغرفتي وخلت ملابسي وعلاجي بجنطه كبيرة مال سفر اعتقد مال انمار هالجنطه ولبست فستان لان جنت لابسه تراك ودا اطلع من غرفتي واتصل بيه انمار بنوتي الحجاب مينزل من راسج واي شي يكلولج غلسي ولا تراددين خليهم يحجون بكيفهم انطيهم الاذن الطرشه بنوتي اوك انمار بس خايفه لتخافين بنوتي اني يمج من الفجر مااتركج لو اعرف احركهم حرك واخذج من حلك السبع ومااتركج شكرا انمار مااعرف شكلك بعدني مامسوي شي حتى تشكريني علي واخذج علاجج وياج مو تنسينه اخذتهن باي انمار الله وياج بنوتي لبست حجابي وبهل فترة العشت بيها يم انمار اتعلمت الف الشال زين طلعت ولكيتهم كاعدين بالحديقه ينتظروني والحارس ابو علي واكف اباب البيت ومخنزر عليهم رفل كومتني من الكرسي المتحرك ورحت لسيارتهم وكعدتني بالسيارة وكعدة ليورة وكعد يمي ابن خالي اسمه هاكان وليكدام محمد وخالي وكضينه الطريق ع صامت ماحجوا ويايه ولا كلمه ومن وصلنا لسليمانيه تقريبا ب١ بليل وكفوا السيارة وخالي كال شنو اسمج ويأشر عليه بنرفزة اسمي رند (الله واكبر اسم بنت اختك ماتعرفه احجي بكلبي) شوفي رند راح تدخلين لبيتنا مالج علاقه بأي احد تكعدين بغرفتج وتسكتين باجر اجهزلج غرفه وتكعدين بيها ومااريد سوالف عوجه مثل سوالف امج لحد مااشوفلج رجال وازوجج اله خالو شنو هالكلام صح امي خطأت وكان خطأها كبير بس مو معناها تحاسبني ع اخطائها وهيه من شردت من بيتكم اتزوجت بابا ع سنه الله ورسوله مااتزوجته بالحرام اسكتي مااسمعلج حس ولسانج طويل ع امج ومبين سوالفج عوجه مثلها وراح اتعبيني وياج ماحجيت شي غلط اني اسكتي لج احترمي ابويه لا اكطم راسج عوفها هاكان عوفها دواها عندي يابه هاي رادلها كتله الصبح وكتله بليل حتى تستعدل هااااي هاااي شنو اكطم راسج شنو كتله الصبح وكتله العصر شنو كاعده بمجزرة لو وين وهاكان لزمني من حجابي ويصك ع سنونه ويحجي احترمي الاكبر منج لا اخلي طلقه براسج واخلص الناس من لسانج اااااي شعري حجابي انزع من هالكد ما جريت بي هاي شبيك بصياح عوفها هاكان عوفها هاي رادلها واحد يربيها من جديد لا بقيت بس انته ال تربيني وتعلمني الصح من الغلط عوف شعري يا حقير انجبي لج شو تتجاوزين بنت سازان عوفوها كافي بابا هاكان كافي يمعودين البنيه اول مرة تلتقون بيها وهيج تسوون بيها كافي هاكان عوفها يله ننزل بعد هالمحاورة والعرك والسووه بيه اتمنيت ميته ويه امي وخواني ولا هالكلام السمعته منهم وكل شوي ويذكروني بأمي عدلت شعري ولبست حجابي وغطيت شعري بي ونزلت جابولي الكرسي المتحرك ورفضت احد منهم يساعدني لو يبقون اخر بشر بالكون مااخليهم يساعدوني كوة نزلت من السيارة وكعدت بالكرسي رغم اتوجعت من ضغطت ع رجلي ودموعي بطرف مدمعي بس ماخليتها تنزل واباوع بيتهم كله اشجار داير مداير بيتهم الخضار وحديقه كولش كبيرة وكلها اضويه عبالك نهار مو ليل وبيت طابق ارضي فقط مابي طابق ثاني بس مبين كبير ودخلت بي رغم كبر مساحه البيت بس اثاثه بسيط ومرتب ونظيف وخالي كال لمحمد وديها لعمتي خل تسلم عليها ووداني لغرفتها مرة كبيرة بالعمر وجهه مثل المكرمش من الكبر وتجاعيد وجهه تبين عمرها بس رغم تجاعيدها حلوة عيونها زرك ولابس زيهم الكردي احمر وبي ورد اخضر وكاعده ع سرير وفراشه مطرز باجي هاي بنت عمتي سازان شافتني وابتسمت ومدتلي ايدها كالت تعاي عبالك سازان دخلت عليه تشبهيها هوايه واتقربتلها وبست ايدها لان شفتها وحسيتها تستحق الاحترام بوستني من راسي ومسدت ع راسي وحسيتها اختنكت وحابسه دموعها وتخاف تخونها دموعها وتنزل شلونج وشنو اخبارج من بعد امج مثل ما تشوفين بيبي اسميج بيبي لو شنو مثل ما تحبين اسميج بيبي وابتسمتلها يي سولفيلي شصار بحالج بيبي من بعد امي وخواني وشفتهم بعد الانفجار انشليت شلل سفلي ودا اتعالج وعلاج طبيعي وعايشه ابيت ابن خال بابا انسان محترم ويخاف عليه وماخلاني اعيش ابيت اهلي وحدي محمد شعندك واكف يمنا روح صيح امك والبنات خل يسلمن ع بت عمتك ويحضرن العشا باجي هسه كلها نايمه حروح اجيبلها اكل من المطعم واجي لا لا مايحتاج مو جوعانه بس تعبانه واريد انام هسه افرشلج يمي بالغرفه وتبقين يمي تنامين افضل الج تمام بيبي مثل ماتردين (ارتاحيتلها حسيتها تحبني عكس الباقيين رغم بعدني ما شايفه الباقيين ) فرشتلي ودا انزل من كرسي وحاول محمد يساعدني بس اني رفضت وكوة نزلت بس وكعت طبعا وما حسستهم بوجعي زحفت ع فراش الفرشته بيبي عمه ماما ورحت اتمددت علي يله محمد اطلع خل البنيه تاخذ راحتها تصبحون ع خير وانته من اهل الخير ماما سد وراك الباب نسيت اسألج ع اسمج احجي بأبتسامه اسمج رند عاشت الاسامي ماما اتعودي عليه احجي ويه الشباب والشابات ماما واتعودي ع هذا الشي لان كلهم اني ربيتهم من صغرهم تعيش ايامج بيبي يله كومي بدلي شنو تنامين بفستانج ودا احجي واندك الباب اتفضل باجي هاي جنطه رند بقت بسيارتي وجبتها اجت بوقتها جيبها وسد الباب جابلي محمد الجنطه وراح وبييي قربتها الي وفتحتها ورجعت كعدت ع سريرها طلعت تراك اسود وكوة بدلت وساعدتني بيبي بالتبدلين وبقت تسأل ع امي وشلون اتزوجت وشلون جانت علاقتها ابابا وشلون انشلت سوت ويايه تحقيق من هذا التمام وبقينا نسولف لحد مااذن الفجر وكامت بيبي تصلي واني نمت استوني نمت واتصل بيه انمار بنوتي صباح الخير منعسه مطفيه وكوة احجي صباح الخير البارحه مكدرت اتصل بيج جان عدنا هجوم وهسه يله خلص راح اطلع واتوجه لسليمانيه لا تخافين مااعوفج تماااام روحي بنوتي انته مطفيه كوة تحجين من اوصل اتصل بيج كبل نمت حتى ماادري سديت الخط لو لا وكعدوني ب١١ ع اصواتهم الجهوريه وكلامهم اليسم البدن يي الخاتون نايمه للضهاري عوفيها ام هاكان خلي البنيه نايمه شعليج بيها شحاجيه اني بس ردت اتعرف عليها من تكعود اتعرفي عليها هسه خل نطلع ونعوفها تنام هالمسكينه وشبيها مسكينه لتخافين عليها هسه تشوفلها واحد وتشرد بي مثل امها بصياح وصوت عالي ااااام هاكان احترمي نفسج ولتحجين ع بنيه هيج كلام مو انتي هم عندج بنات وخافي الله بيهن شحجيت اني وانتي كبيتي عليه رند من سمعت صيحه بيبي بأم هاكان كبل فتحت عيوني بالرغم اني كعدت من بديت الكلام بس سويت نفسي نايمه شافتني ام هاكان فتحت عيوني صباح الخير بت سازان وراحت حتى ماانتظرتني اجاوبها كومي ماما كومي ماالج دخل بيهم اي احد بهذا البيت يسمعج كلام سوي نفسج ماسمعتي شي بيبي من البارحه لليوم سمعت انواع المغثه والكلام الجارح اني وياج لتخافين منهم بس دير بالج منهم وفكري بتصرفاتج قبل ما تسوينها انشاء الله بيبي يله خل اكومج حتى تروحين للحمام لا لا تعبين نفسج وانتي مرة كبيرة بالعمر اني اكوم لا تخافين عليه اني مثل الحصان اصحى منج ومن كل هذوله العايشين بهذا البيت كومتني وكعدتني بالكرسي ودتني للحمام ورجعت بدلت لبست دشداشه طويله وحجاب مااريد اسمع حجايه منهم مااريد يسجلون عليه نقطه غلط وواجت بنيه يطلع عمرها تقريبا ١٥ او١٦ سلمت عليه وجابتلي ريوك وراحت اتريكت اكلت شويه وعفت الاكل واجني ٣ بنات بعمري واكبر مني سلمن عليه وعرفني عليهن مبينات حبابات ويسولفن ويضحكن ويايه احسن من اهلهن وصارت ب١٢ راحن هاي كالت تصلي وهاي تسبح وهاي تسوي غدا واجت بيبي للغرفه ها ماما شلونهن البنات وياج خاف سمعنج حجايه لا بيبي بالعكس حبابات احسن من اهلهن ههههه ولج انتي لسان وصريحه ع امج بيأس الله يرحمها برحمته الواسعه يله حبيبتي كومي صلي شو ماشفتج الفجر تصلين يي بيبي مااصلي ليش ماما مو الصلاه عامود الدين اتوكلي ع ربج وصلي لعد شلون تطلبين حاجتج من رب العالمين وانتي ماتصلين بيبي اتعاجز من الصلاه مرات اريد واكول بعد مااتركها واتحمس واصلي كم يوم واتركها شيطانج قوي يالملعونه وضربتني ع راسي بخفه وتضحك لازم تبدي تصلين واتعوذي من الشيطان من يصير الاذان ابقي اتعوذي من الشيطان واتوضي وصلي وشوفي اذا تركتيها بعد بس ابقي اتعوذي من الشيطان وانعلي الشيطان قبل كل فرض وانشاء الله خير شوفي شلون راح تحسين براحه نفسيه عظيمه ماشي بييي راح احاول اسويها ماما ماكو شي احاول لازم تسوينها انتي مو صغيرة انطتني بيبي سبحه وبقيت اتعوذ من الشيطان واجني البنات وساعدني من كعدت بالكرسي واتوضيت ورحت كعدني ع الكرسي مال الصلاه مال كبار السن وصليت وسبحت وصح كلام بيبي حسيت براحه نفسيه عظيمه ع كولتها ههههه وجابولي الغدا دا اتغده واتصل انمار شلونج بنوتي الحمدلله وانته الحمدلله والشكر لله بنوتي اني اباب بيت خالج راح اطبلهم هلا بيك عفت الغدا وبقيت كاعده ع نار وكلت لبيبي اجا انمار شنو انتي تريدين ترجعين وياه يي بيبي اريد ارجع ولج شلون تعيشين وياه وانتي البارحه كتيلي عايش وحده منفصل عن زوجته بيبي هوة يسميني بنوتي ويعتبرني مثل بنته ودائما يكلي انتي طفله يخاف عليه هوايه تحجي وتضحك يي هاي هيه يسميج بنوتي شبيج تضحكين بيبي ماما تبقين هنا وماتروحين الا.... الا شنو بعدين تعرفين خل اروح اكعد يمهم واشوف انمار ع شنو جاي ________________________________ حجي حسين عفت دوامي واجيت علمود اخذ رند وتكلي مااخليها تروح وياك شلون تريدها تروح وياك وانته رجال عزابي وعايشين بالبيت وحدكم اتفهم موقفك بس البنيه ادري بيها ما ترتاح هنا يمكم هناك عايشه ابيتي ومرتاحه وعدها علاج طبيعي ودا تروح للنادي تتعالج بالاسبوع مرتين ع شنو مرتاحه ع وجودك يمها وانتوا وحدكم شتكول الناس عليه ذاب لحمي عد الغريب اني مااتواجد بالبيت التحق اسبوعين وارجع للبيت كم يوم ويتصلون بيه وارجع التحق وحتى من ارجع للبيت اكعد كم ساعه واطلع وشفت اكو حارس اباب البيت وكامرات وخدامه ومساعده تساعد رند بكومتها وطلعتها حجي يفيدك رند ماترجع وياك السلام عليكم وعليكم السلام حجيه اعرفج بنفسي الضابط انمار حسين علي اهلا وسهلا بيك وبيج اكثر حجيه حجيه اجيت اخذ رند ويايه والحجي حسين مايقبل تروح ويايه يي طبعا ما يقبل شلون اتعيش وياك ابيت واحد وما بيناتكم شي يربطكم فهمت قصدج حجيه واني مفكر بهذا الشي بس كلت يعدي كم شهر وافاتحها بالموضوع ما ردت افاتحها وهيه ماصار لموت اهلها كم شهر رند تتحسس هوايه احجي وياها بالموضوع واني احجي وياها وانشاء الله تصير من نصيبك دا نحجي وطب هاكان للصاله منو هاي التصير من نصيبه هذا انمار ابن خالها لرند ويريد يخطبها وليش يعيني ننطيها اله ماعدنا شباب لو خلصوا الشباب حتى ننطيها لرجال منفصل وعنده طفل وبكد ابوها احترم نفسك لك ترى كاعد ابيتكم مااريد اتجاوز يي اني اريدك تتجاوز حتى اشكه لحلكك اذا انته رجال تعال ونشوفك الامهات شتجيب كافي ماما استهدوا بالرحمن شنو هالكلام احجي شي حجي حسين كافي هاكان شنو هالكلام وانته انمار كافي شنو كاعدين بميدان العركات لو وين كاعدين حجي حسين ابنك اتجاوز حدوده وخلوا شي ابالكم رند الي ومتصير لغيري ان قبلتوا او رفضتوا وبنهايه هذا الاسبوع هيه ابيتي وغصبا ما عليكم طلعت من غرفه بيبي ودا امشي بالممر وسمعت صوت صياح انمار ووكفت يم باب الصاله وسمعت كل الي دار بينهم وكمت ابجي صرت مثل اللعابه ويتعاركون عليها ليش هيج يصير بيه ودا ابجي وطلع انمار من الصاله اباوع عليه بزيه العسكري ومبين علي التعب رند تعاي خل نطلع برة اريدج بموضوع وطلعني وكف كرسيي اباب بيت خالي رند بنوتي ادري بيج سمعتي العركه والكلام الدار بيناتنا كل الي سويته علمودج علمود احميج ويمسح بدموعي بنوتي لا تبجين مااتوقعت هيج يصير بيه لتخافين انتي بحمايتي واني انطيتج كلمه مااعوفج لو ع كص ركبتي واسوي المستحيل حتى احميج وهذا الحل الوحيد حتى تكونين يمي وبحمايتي وصدكي وثقي بالله مراح اقصر وياج بأي شي وطلباتج اوامر بس اذا طلبات تضرج ماانفذها اممممم اوك بس بشرط ها تتشرطين بنوتي اوك كولي اذا اتزوجنا ............ تصويت نشرت هذا البارت لعيون المتابعين الصوتوا للبارت السابق للأسف ما شفت التصويت الاريده اعتذر لان ماكدرت اوصللكم لهجه الاكراد من يحجون بلهجتنا وكتبت كلامهم بلهجتنا وللعلم هذا البارت اخذت احداثه من رند وكتبته من راسلتني البارحه مو كلتلكم راسلتني لو ما كتلكم ؟ ادري راح تكولون البارت قصير بس اتمنى تتفهمون موقفي ايدي دا تخدر من كثر الكتابه ودا انشر روايتين بوقت واحد يُتبع... | ||||
|
| |
|
25-06-19, 11:05 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السادس تصويت حبايب وانطوني رأيكم بالغلاف الجديد هاي صورة ضابط استأذنت منه وخليتها للغلاف ومصممه الغلاف الكاتبه لحن الحياه طلبت منها التصميم وماقصرت _______________________________ ________________________________ رند بنوتي ادري بيج سمعتي العركه والكلام الدار بيناتنا كل الي سويته علمودج علمود احميج ويمسح بدموعي بنوتي لا تبجين مااتوقعت هيج يصير بيه لتخافين انتي بحمايتي واني انطيتج كلمه مااعوفج لو ع كص ركبتي واسوي المستحيل حتى احميج انمار ذولوني وجرحوني هانوا كرامتي وهذا الحل الوحيد حتى تكونين يمي وبحمايتي وصدكي وثقي بالله مراح اقصر وياج بأي شي وطلباتج اوامر بس واذا طلبات تضرج ماانفذها ووعد.مني ارجعلج كرامتج الانهانت بنوتي اممممم اوك بس بشرط ها تتشرطين بنوتي اوك كولي اذا اتزوجنا يبقى زواجنا ع ورق لحد ما تضمنلي حق امي بالورث من اهلها ويصير بأسمي امي جانت قبل تكول اهلي عدهم معامل طابوك واسمنت وهاي مواد البناء وجانت تكول اهلها بخلاء ويخافون ع فلس مو انوب اخذ ورث امي الا اجلطهم مثل ما هانوا كرامتي وحجوا ع امي وهيه بكبرها ها شبيك انمار شو صافن عليه قرب وجهه لوجهي ويخزر ويحجي ست رند شنو اني حيوان كدامج لا حشاك ليش هيج تكول ا بنتر اشايفتني حيوان لهل درسه واخذ حقي الشرعي كزوج من بنيه عدها شلل سفلي او تعتقدين اتزوجج علمود شهوتي الحيوانيه لا لا انمار وروح امي ماقصد اشش اشششش ولا كلمه شوفي وحق الي خلق السما والارض لو ما منطيج كلمه فلا ابقى واكف يمج واحاجيج ثانيه وحده بس انطيتج كلمه ولو ع كص ركبتي مااتراجع عن كلمتي انمار والله..... بصوت عالي كتلج اشششش ويصك سنونه ولا كلمه شوفي راح احارب خوالج واهلي وتعرفين منو اقصد من كتلج اهلي واعقد عليج حتى احميج وع ورث امج من خوالج راح ادرس الموضوع واشوف اذا الها ورث لو لا وخلي شي ابالج وهوة يصك ع سنونه من يكول اباااالج الا اخليج تتكرضمين ع حضني وعد مني راح اخليج تلوبين ع قربي وماتحصلينه يالغبرة شنو انته بعدك هناااا شنو تكدر تسوي حضرتك انماااار كوة لازم اعصابي ومااريد اتعارك مرة ثانيه روح يله والله لو ما واكف ع عتبه بيتكم جان نعلت سلف سلفاك ع هذا كلامك بس للاسف واكف بعتبه بيتكم رووووح يله بلا كلام زايد اجا خالي حسين كاااااافي هاكان شنو هالصياح لكيته واكف ويأشر ع رند ويه هاي الحقيرة ويسولفون ولد الحرام انجججججب لك وانمار هجم ع هاكان وشبعه بوكسيات وهاكات ضرب انمار كم ضربه واجاااا محمد من برى وفاككهم وكلها طلعت ع صوت عركهم روح انماااار لخاطر الله روح بلا فضايح روووح لك يالشايب تريد تتزوجلك طفله اصغر منك ب١٥ سنه حروووح بس راجعلك حتى اكسر راسك يالجاهل راح انمار وهاكان رزلني لان حجيت ويه انمار وعفت هاكان يحجي براحته ورحت للصاله بعد ما سمعت كلام انمار اتندمت بكد شعر راسي سويت روحي الفهيمه واريد انتقم هسه وقت انتقامي هوة اني بيااا حال خرررررب ضليت بالصاله ادردم هاااا ماما شو ادردمين وحدج لا ماكو شي بس جنت افكر بصوت عالي هاي شنو اليدردم يسمونه بصوت عالي لو عركات اليوم اثرت عليج هههه يي بيبي هيج صار يي يبنت بغداد حتى كلماتكم تختلف بالمعنى بيبي ماكو شي يشبه شي ولا شي يبقى ع حاله مافهمت شنو قصدج بس يله امشي نطب لغرفتنا اريد احجي وياج وحدنا طبينا للغرفه وبيبي سدت الباب وتحجي بصوت ناصي شوفي ماما انشاء الله حتصيرين زوجه انمار وانتي تستاهلين كل خير انمار رجال والنعم منه شفته من اتعارك ويه هاكان مبين دمه حامي وصاحب غيرة يي بيبي كلامج صحيح ماما اريدج تديرين بالج علي وخلي يحبج ترى ماتلكين مثله بهل دنيا انشاء الله بس خايفه بعدين هذا الكلام سابق اوانه لا تخافين شوفي هو لو مايريدج وراغبج وداخله مزاجه وكلبه مايسوي كل هذا ويتعارك علمودج لا بيبي مااعتقد كلامج صح بس هوة صاحب كلمه وانطاني كلمه مايعوفني ودا ينفذ كلامه ههههه هذا كلام بالكهاوي ويجي يوم وتتذكرين كلامي بيبي ليش تضحكين شوفي اني سمعت الكلام الدار بيناتكم قبل شويه وشفته شلون احترك دمه من كتيله زواجنا ع ورق الولد رايدج بس انتي ما تعرفين تتصرفين شنو الغلط بتصرفي اني وحيده وردت اضمن مستقبلي مستقبلج مو بالفلوس الفلوس تروح وتجي مستقبلج بوضيفه بتعيين زين برجال يسندج برجال كد كلمته ويوفي بوعده دا نحجي وطبت هيفين اخت هاكان ومحمد وج رند هذا الراح تتزوجي شنو من رجال هههه شبي يموت شنو من رجوله شنو من شخصيه وبالزي العسكري امووووووع ولج هيفين كافي استحي مو اني كاعده تحجي بمياعه باجي يموووت يموووت اريد منه ولج شنو هوة لبسه وتردينه منه مو عيب عليج افففففف باجي واحد ما يحجي شي بهل بيت وينطي رأيه الا ولطمته ع حلكه ههههههه بيبي عوفيها تحجي براحتها دا نحجي وهيفين صاحتها امها (مواصفات هيفين شكره بعيون زرك ومربربه طولها تقريبا ١٦٠) شوفي هاي ام لسان شلون تحجي عبالك جايه من الشارع مامتربيه ههههههه خل تحجي البكلبها ترى كلامها صح ييييي بت سازان حبيتي أنمار لا وروح امي بس دا اكلج كلامها صح بعد.العركه الصارت ماطلعت من الغرفه بس ع كد الحمام وهيفين ترجعني وخطيه هيفين بقت تساعدني وابد ما عافتني ومر اليوم بدون مااختلط بالباقين وثاني يوم كعدت ب٨ لان نمت من ال ١١ وحدي بالغرفه واخاف اصيح لبيبي ويجي احد منهم ويسمعني كلمه بقيت بفراشي فتحت موبايلي ماكو لا رساله ولا اتصال من انمار ردت ابحوش بالمواقع اشوفه شوكت فاتح نت بس ماعندي نت اففففففف صباح الخير ماما صباح الانوار ها كاعده من من وكت عبالي راح تتأخرين بالنومه يي مو شفتيني نمت من وكت وكعدت شبعانه نوم نوم العوافي راح احضرلج الريوك لا بيبي لا اتعبين نفسج لا ماكو تعب واليوم البيت فارغ كلها بالدوام وبالشغل وبس اني وام هاكان وانتي بالبيت ليش اليوم شنو من الايام اليوم احد راحت واني استحيت اكوللها تساعدني حتى اروح للحمام ورة ١٠ دقايق تقريبا جابتلي الريوك بيبي بس اريد اروح للحمام يي ماما هسه اساعدج وساعدتني ورحت للحمام غسلت ورجعت غيرت ملابسي بالغرفه وبيبي كالت صلي الفجر قضاء لان متأخرة صليت واتريكت واتصلت بسجى لان البارحه اتصلت بيه عده مرات وماجاوبتها الووو وينج ليش تصيرين حقيرة وماتجاوبين قبل ما تسويني حقيرة اعرفي شصاير بيع سولفيلي (وسولفتلها الصار ) بعد المكالمه الاستمرت ساعه تقريبا سولفتلها عني وسولفتلي عن زوجها الهاملها ودائما عايفها وتشوفه بين يوم ويوم يجيها بس هوة بغرفه وهيه بغرفه ما اله دخل بيها بقيت اباوع بالصور ال بموبايلي وشفت صور خواني وامي وفيديوهات تجمعنى بطلعاتنا ومن يسوون بيه مقالب كرار وعلي وضليت ابجي عليهم من شفتهم بالفيديوهات حسيت نفسي الانسانه الوحيدة بهذا الكون اتمنيتهم يمي لو واحد منهم يمي مجان صار بيه الي صار ودا ابجي واتذكرت كلام انمار من البارحه كال اني مااخذ حقي الشرعي كزوج من مشلوله شلل سفلي شنو هالاهانه ياربي يعني دا يذكرني بأعاقتي ومر الوقت واذن الظهر صليت ورجعتني بيبي لكرسيي واسمع اصوات البنات اجني من الدوام وجان باب الغرفه مفتوح وشافني من دا يصعدن لغرفهن واجني سلمن عليه مرحبا رند شلونج هلا حبيبتي تمام تدرين ناسيه اسمج اسمي وقب وهاي اختي در عاشت الاسامي حبيباتي انتي يا صف وقب سادس علمي واني ثالث هههه حلوو ربي يوفقجن ما يضيعلجن تعب امييين يله احنا نروح نغير ملابسنا حتى نجي نتغدا وقب هيفين ماكو هيفين تداوم جامعه شنو تخصصها او قسمها قسم علوم سياسيه هاااا والله يلوكلها العلوم السياسيه اختج ييي هههه جابتلي وقب الغدا وطلبت تاكل ويايه وخطيه مافشلتني جابت طبله خلت عليها الاكل وكرسي كعدت علي واتغدينا وكملنا غدااا وورحت للمغسله اغسل ايدي واسمع موبايلي يدك ورجعت اللغرفه شفت المتصل وهج وجاوبتها اهلا وهج هلا بيج حبي شلونج ماشي الحال انتي شلونج الحمدلله شخبارج مابين مد وجزر ههههه الله يساعدج سولفلي انمار وكال راح ياخذ عمامي ويجي يعقد عليج هوة بالاول خل يقبلون ع خطوبه مقاااا( دا احجي وانسحب الموبايل من ايدي ) موبايل بعد ماكو هاكان موبايلي ليش تاخذه ماااااكو انسي الموبايل وركع الموبايل بالحايط وانسي كولشي يخص بغداد واهل بغداد لاااا انته خبل مو صاحي ( ولزمني من شعري جنت بدون حجاب) يصك ع سنونه لججججج منو الخبل احترمي نفسج لا اكسر راسج وحسني ملافظج بت ال ساقطه بصياح لكككك وخر ايدك لو بيك خير ما تكول ع عمتك ساقطه اوكلي نعل بنت الزمال هااااكان ادا تسوي عوف البنيه باااجي مالكم دخل عوفوني اربيها رند تحجي وتبجي (بيبي شعري اتكطع بأيده) هااااكان كافي (ويحاول محمد يوخره من يمي وهاكان يدفع بي ) محمد لا تتدخل بشي مايخصك دعوفها يمعوووود شنو مااتدخل بشي مايخصني دعوفهااا بصوووت رج البيت هاااااااكان كافي عافني كاهان بعد. ما ابوه عاط بي واني ابجي وشعري اتكطع بأيده واخذ موبايلي وحبست روحي بالغرفه واجني عليه البنات وعطت بيهن وراحن خطيه وحتى بيبي من سمعتني عطت بيهن كالت عوفنها وحدها اليوم وحتى بيبي ما شفتها لليل جابتلي عشا ما اتعشيت اتوسلت بيه مااكلت وعافتني بقيت ٤ ايام مالي خلك اي احد ومااحجي ويه احد بس ع كد يساعدوني من اكعد بالكرسي واروح للحمام وكذااا من ماتوا اهلي هاكان كان اول شخص يمد ايده عليه اني الجنت مدلله وكولشي بكيفي هيج يصير بيه انمااار ماكو واعاتبه بداخلي ليش عفتني مو كتلي مااعوفج مو كتلي مااتنازل عن كلمتي والصلاه تركتها وباليوم الرابع من العركه الاخيرة ويه هاكان كلت خل اطلع بحديقه بيتهم لان كولش اختنكت وشافتني ام هاكان ولازم تسم بدني كل ماتشوفني هااا خاتون واخيرا طلعتي من غرفتج طلعت الحديقه وماجاوبتها ولكيت هيفين واكفه بالحديقه تحجي بالموبايل شافتني وكالت كبررر فززتيني ابقي لحد مااكمل اتصالي وبقيت واشوفها تحجي وتروح وتجي ومتوترة ليش هيج تسوووي بيه واني شنو ذنبي لا تكول تصرفاتج شوف تصرفاتك اففففففف مليت شتريد تسوي سوي (وسدت الخط) ما سألتها ماردت احرجها جابت كرسي قربته عليه وكعدت اخذت نفس عميق وكأنها تحاول تتماسك حتى ما تنزل دموعهااااا وورة ربع ساعه صمت حجت رند انتي سمعتي كل الي حجيته يي ولا تخافين كأني ماسمعت شي حبيبتي وكامت وبوستني ( شوفي حبيت طالب ويايه بالجامعه واجا خطبني مرتين بس بابا رفض لان اهله حالتهم الماديه وسط وبابا يريد ناس طاكين وصارلي وياه سنتين بس بهل فترة اشوفه يمشي ويه شله بنات وولد واني اغار واتعارك وياه وهوة يعاندني ويسوي عكس مااريد اكله امشي بس ويه الولد يعاندني ) هيفين حبيبتي مبين الولد يحبج لو ما يحبج مايخطبج مرتين بس مبين غيرتج لاعبه دور بعلاقتكم ههههههه وضيعت الاول والتالي شنو هوة طفل وتكليله امشي ويه فلان وعوف علان افففففف تعبت مو بيدي اريده بس الي مااريده يحجي ويه اي وحده لو حتى مجرد سلام وجججج روحي بي تفهميني ياروحي عسى ربج يجمعكم عن قريب اميين ادعيلي رند بروح اهلج انشاء الله تدللين هيفين سؤال بس لا تزعلين مني كولي ليش ازعل شو انتي وخواتج وخوانج حلوين وعيونكم ملونه ما تشبهون امج وابوج هههههه يي كلها هيج تكول احنا نشبه جدو ابو بابا ههههه يي مو اكول اهلج مجعمرين لا رند مو لهل درجه كلتلج ماازعل بس مو هيج والله هاي الصراحه ليش تزعلون منها دا نحجي واجني وقب ودر وضلينا نسولف ونشاقه وراحت هيفين جابت عصرونيه كيك وعصير ونفسيتي اتحسنت شويه واعتذرت منهن لان عطت بيهن بيوم العركه واجت بيبي وكعدت يمنا حسيتها فرحت من شافتني كاعدة يم البنات وكالت الجمعه عزيمه راح يجن خالاتي وخوالي يشوفوني جان يومها اربعاء يعني بعد يومين للعزيمه ومن كالتلي اتوترت ما متعودة ع هيج ناس هوة اني ع بيت خالي حسين من اشوفهم كاعدين ع سفرة وحده ادوخ اشوفهم هوايه رغم هما مو هوايه ٣ بنات و٢ ولد وخالي وزوجته وباجي من جانوا اهلي عايشين جنا اني وماما وخواني ودائما بيت هدوء ونادرا ما نجتمع ع سفرة وحده خواني دائما ياكلون برة ضليت افكر شلون راح اكعد وياهم شلون راح يحجون ويايه اجا ابالي خاف يعاملوني مثل خالي حسين صباح يوم جديد يوم الخميس كعدت ع اصوات نسوان وكلام ماكدرت انام افففففف صحت بيبي صبحت عليها وساعدتني اكعد ع كرسيي وسألتوا شنو هالاصوات كالت اخت ام هاكان جايه زيارة هيه وبناتها واكووو وحده تجي زيارة الغبشيه عيب ماما ميصير هالكلام بيبي كعدت من اصواتهن رحت للحمام ورجعت بدلت لبست تراك ماكو احد بالبيت بس النسوان ومشطت شعري وبيبي لحت عليه الا اروح واسلم عليهن السلام عليكم وعليكم السلام شلونج حبيبتي تمام خاله رند اعرفج ام كمال اخت ام هاكان وبناتها وتد و عبير اهلا وسهلا بيجن اهلا بيج سلمت ورجعت لغرفتي كلت خوات بيناتهن شعندي كاعدة يمهن بس شفت هاي البنيه الاسمها وتد تباوعلي بأنفه شبيها هاي عبالك عجوز بايكين عشاها من صارت العركه ليوم الخميس ماشفت لا خالي حسين ولا هاكان بس محمد من يرجع من الدوام يسلم عليه ويروح مبين علي احسن من هاكان ودائما يدافعلي صار الغدا واجني البنات وكعدنا ع سفرة وحده ولأول مرة اكعد وياهم ع سفرة وحده واكل خارج غرفه بيبي هنااا كعدن بالكاع واني كاعده ع كرسيي والصينيه بحضني واكل واباوع عليهن يسولفن ويضحكن اول مرة احضر هيج لمه رغم ماشاركت بالكلام بس شفتهم شلون بيناتهم محنه والفه عدااا اليوم عادي واليوم الجمعه كعدتني هيفين ب٧ كالت لازم نتحضر وتريد تنظف غرفه بيبي وتغير الفراشات وصاحتلي ود ساعدتني سبحت وبدلت واتريكنا اني والبنات بالحديقه لكينا وقب مطلعه طاوله الطعام بالحديقه ومخليه الورد ويه الريوك ومشغله فيروز ومسويه اجواء تخبؤل وكعدنا اتريكنا اني ووقب ودر وهيفين واجا محمد هم كعد ويانا وبيبي هم وهالريوك عمري ماانسااااه اول مرة هيج اكعد واتريك واشاقه واضحك هالكد ماضحكت دمعت عيوني محمد يصنف ع وقب يكوللها شنو هالكفشه عبالك مفجورة عليج عبوة من الصبح ووقب تزعل وتكله دروووح بابا جنك عبسي وتصنيف بفلس خلصنا ريوك وبقيت كاعده بالحديقه والبنات ع شغلهن وخلصن تنظيف البيت وسبحن وبدلن واجااا اول المعزومين خالتي الصغيرة عمرها تقريبا ٣٠ متزوجه محامي وعدها ولد وبنيه سلمت عليها هيه وزوجها مبين مثقف وشخصيه من كلامه ورحب بيه وبقى يسألني ع بغداد والمولات واندمجت وياه بالكلام ودا نحجي واجااا خالي الوسطاني اسمه رأفت متزوج وماعنده اطفال رحب بيه ومرته سلامها الي وترحيبها جانت كولش ذوق وجت خالتي الجبيرة اسمها سارة اكبر من ماما بسنتين عدها ٢ ولد شباب سلموا عليه وولدها مبينين مرحيين عكس امهم حسيتها انفه رافعه خشمها الي عرفته من هيفين خالتي سارة منفصله عن زوجها ومديرة بمدرسه اهليه الي اعرفه عندي ٣ خوال و٢ خالات خالي الثالث وين واخر شي اجاا خالي حسين الجبير وهاكان وبقيت كاعدة استمع لكلامها يسألوني اجاوب ما يسألون بس اسمع لان من اجااا هاكان صرت حبابه ههههه خفت لا يتعارك ويايه ويفشلني كدامهم ودا نسووولف وندددددك الجرس................. | ||||
|
| |
|
25-06-19, 11:16 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السابع ودا نسووولف وندددددك الجرس راح محمد يفتح الباب واجااا محمد اجااا عمي محمود هوة وعائلته وطب خالي محمود هوة وزوجته وبناته ٢ اعمارهن تقريبا ١٠ سنوات واقل خالي محمود عمره تقريبا ب٣٨ حلووو عيونه زرك وطويل وجسمه معضل كولش حلووو وزوجته مقاربه لعمره حلوة ونازكه اجوا سلموا عليه وبوست بنات خالي محمود وراحن البنات يصبن الاكل اكلهم مو مثل اكلنا يختلف هوايه اكو اكلات طعمها طيب واكو اكلات ما تنأكل تغدينا وراحن البنات يغسلن بالمواعين واني كاعده استمع لسوالفهم ابد ما جابوا طاري امي ولا سألوني عليها مااعرف يمكن يحاولون يتناسون اني بنتها وكاعدين العصريه بالحديقه نسولف ونسمع صوت السيارات الوكفت بالباب طلع هاكان يشوف يابه هذاا انمار وعمامه اباوع خالي حسين كله هلا بيهم دخلهم للصاله راح خالي حسين وهاكان وزوج خالتي وولد خالتي وخالي رأفت استغربت من ردة فعل هاكان وبرودة هوة وخالي ابدأ مااتوقعتهم هيج هادئين وفوكاها خالي حسين يكول هلا بيهم طبينا بالبيت بالمطبخ والزلم كعدوا بالصاله وبعد نص ساعه انتظار وخوف واني كاعدة بكرسيي وكلبي يدك بالدقيقه الف كل شوي اكول راح يتعاركون واتوترت كولش نص ساعه وانفتح باب الصاله اباوع طلع خالي رأفت وخالي محمود كالوووا رند نريد نحجي وياج واخذوني لغرفه بيبي رأفت رند اجااا انمار وجايبن عمامه وخطبج من خالج حسين وخالج كال بكيفهااا واني كتلهم ناخذ رأيهاا ونردلكم خبر باوعت ع خالي محمود كال ويكول اني ادير بالي عليها واكون الها اب واخ وزوج وسندها بهل دنيا بس كلامه ميدخل دماغي ليش خالووو سبق وسولفلي هاكان من اجاا انمار واتعارك وياه وحسيت انمار رايدج ع طمع خالوو يا طمع ههههه هوة اني شعندي خلك بيت بسيط وسيارة وانمار بيته بكد بيت اهلي ٤ مرات قصر مو بيت وهوة ضابط برتبه مقدم يعني راتبه اقل شي ٣ ملايين تتوقعه يطمع بيه رند اصراره عليج واهلج مصارلهم كم شهر من ماتوا مااله مبرر غير الطمع لا خالو لا تضن بي ضن السوء دا نحجي ودخلت بيبي شبيكم واكفين فوك راسها عبالك متهمه وانتوا المحققين ابتعدوا عنها شويه خل تاخذ نفس لا باجي بس احنا خايفين عليها ومانريدها تتخذ قرار تتندم علي ودا نوضحلها شوفوا اني سبق وشفته واني نضرتي بالبشر ما تخيب وانمار رجال ينشد بي الضهر اذا ننطي بنتنا ما ندير بال الها واذا فد يوم اشتكت منه خطيتها بركبتي محمود هاااا باجي ماداام حطيتي ايدج بالموضوع بعد احنا مانكدر نعترض ههههه ايااا ملعون شنو مثلا تكدرون تمشون كلامكم عليه رأفت لاااااا باجي نعتذر هههه محمود رند تقبلين تتزوجين رجل منفصل وعنده طفل خالووو انمار رجال واني عشت وياه خلال هالفترة وشفته وشفت تصرفاته ويايه وشخصيته ومااعتقد الكه انسان مثله واذا يعني منفصل وعنده طفل ابنه جبير مو صغير بالاول ابتدائي محمود شوفي اني وياج هوة شخصيه بس الانسان ما ينحزر سكتت رأفت هاااا رند موافقه يي خالووو موافقه محمود رند انتي قررتي وانتي تتحملين نتيجه قرارج اذا فديوم اجيتي وكلتي انمار هيج سوة بيه هيج سوة بيه احنا مالنا دخل تمام خالوو رأفت شوفي رنووو راح اكلج كلمه وخليها ابالج فكري بيها قبل ما تقررين قراري النهائي بيتي مفتوح الج واذا تريدين تتزوجين انمار حتى تخلصين من حسين وهاكان واني وياج حسين وهاكان ماينعاش وياهم واني اكلج تعاي اكعدي يمي ابيتي وعوفي هالزواجه الي ما نعرف شنو نهايتها تسلم خالو ما تقصر بس اني اتخذت قراري لازم استقر ابيت ابقى بي عمري كله مو يوم ويومين طلعوا خوالي وبيبي باستي وكالت عفيه عليج ابقي مصرة ع كلامج وراحت واني بقيت بغرفه بيبي واندك الباب ادخل اباوع دخلت باجي ووراها انمار وشيخ معمم وخوالي انمار لابس دشداشه بيضه وشماغ لافه لفه عمانيه اوووويلي شكد حلوو بالزي العربي ومثخن لحيته وعطره ترس ريتي اوف ما شفته من خجل دنكت ابد مارفعت راسي كالت بيبي رند اجووي يعقدولج ما جاوبتها احس كلبي صاير طبول والشيخ يعقدلنا وبالي مدري وين مو يمه بس الاعرفه ماكو فرحه بكلبي وما انتبهت لحد ما انمار طخ ايدي ويحجي رند وين بالج مو دا يحجي وياج الشيخ بنتي تقبلين ب انمار حسين زوج لكي اقبل بس هالجملتين اذكرهن من عقدي عقدلنا الشيخ رغم الخوف الجنت حاسته من اجاا انمار وعمامه والتوتر بس من عقدلنا الشيخ ما حسيت بأي فرحه اجت بيبي باركتلي ونزلت دموعي اتذكرت ماما جانت دائما تكلي من تنخطبين اسويلج خطوبه تحجي بيها بغداد كلها واتذكرت خواني جانوا من يسمعوها هيج تحجي يضلون يصنفون عليه واني ازعل واضرب بيهم لو الزم الماسحه واركض وراهم ونبقى نشاقه لحد ماامي تعيط بينا باركولي خوالي واني دموعي ما تتوقف شكد حاول بيومها امسحهم بس لا حياه لمن تنادي دموعي عاندتني بعد ما خوالي وبيبي باركولي طلع الشيخ ودوا للصاله وانمار كالللهم اريد احجي وين رند وطلعوااا عافونا وحدنا كعد ع ركبه مقابيلي واني كاعده ع كرسي ولزم ايدي اليمنى بأيده اليسرى ومسح دموعي بأيدى اليمنى ليش هالدموع بنوتي تذكرت ماما الله يرحمها شي اكيد هسه هيه فرحانه بيج لان اتزوجتي وانسترتي يم زوجج وماتخاف عليج بعد لان تدري بيه اخاف عليه واسعدج انمااار اشتاقيتلهم هوايه وخليت ايدي ع وجهي وابجي يوخر بأيدي ويمسح دموعي يحجي بلا بجي عزيزتي انتي وعد مني خلال هالايام اخذج للمقبرة واخليج تشوفينهم زدت بالبجي من كال اخذج للمقبرة واخليج تشوفينهم كمت اشهم بالبجي دا اكلج هذا الكلام حتى تسكتين مو حتى تشهكين بالبجي كااافي يله خلي يحضرون جنطتج حتى نروح اشتاقينالج ويوسف خبصني بس يسألني عليج امسح بدموعي واحجي اني هم اشتاقيتلكم واتعودت ع عيشه وياكم راح انمار واجني البنات ونسوان خالي وخالاتي باركلي وهيفين حضرت جنطتي وزوجه خالو محمود غيرت ملابسي واجااا محمد كال انمار ينتظرج ودعتهم وهيفين كامت تبجي كال اتعودت عليج وانطتني ورقه كالت هذا رقمي اتصلي بيه من يصير عندج موبايل وبيبي حضنتني وتبوس بيه ودموعها نزلت وطلعت بكرسيي المتحرك وخوالي واكفين بالحديقه وانمار واكف يمهم ودعت خوالي وبوستهم واخذني انمار وصلني للسيارة ورجع اخذ جنطي خلاهن بالسيارة واكفين يم السيارة ويحجي هاااا زوجتي العزيزة اشيلج ويضحك شكد خجلت من هيج كال خرررب يااااا فديت اليخجلون وخدودهم تورد ويكرص بخدودي فتح باب السيارة دنك اتقرب عليه وخله ايد ورة رجلي وايد ورة ضهري وشالني راسي قريب لركبته ويباوع عليه ويحجي هاااا سنفورة شو خنستي حجيت بتوتر لااا ما خنست بس مااااكو شي احجي كعدني بالسيارة وسد الباب وخله الكرسي ليورة واجا صعد هاااا عبالج نسيتج موووو بصراحه كلت راح ومايرجع لاااا مو انمااااار اليتراجع عن كلمته بس سويت كم شغله حتى من اجيج ماتصير مشاكل شنووو سويت لا تخلين ابالج بنوتي انمااار شعجب خالي وهاكان ماسووا مشاكل مااحجووا ولا كلمه الججج الصافي انتي لا تشغلين بالج بيهم اممممم اكوو مي وعصاير ونساتل ليورة اذا جعتي لو عطشتي كليلي وانطيج تمام لعد عمامك ماكو مو كالوووا اجيت انته وعمامك يي اجوي بس كلتلهم روحواا قبلي واني اجيب زوجتي واجي ههههه حجينا سوالف عاديه عن البيت ويوسف ونمت لان اخذت علاجي قبل مااطلع وكعدني انمار اكعدي حتى ننزل نتعشى بالمطعم احجي والنعس بعيوني ماااا اريد اكول ارريد انام لا تاكلين مو بكيفج احجي بتذمررر انمااار عفيه اشششش يله انزلي نزلني وطبينا مطعم طلبلي كص لحم وطلب لروحه باجه شفت الباجه مااااعت روحي هااااي شنو انمار وخرها من يمي منو مخليها يمج طلبتلج كص حسيت بيج متحبيهاا افففف ولج يالغبرة هاي اكله ملوووك وانتي تلعب نفسج منهاااا اووووي ماااحبها حتى بعد من اكول عليج غبرة ما تلوميني وتكلبين وجهج سكتت ماحجيت بس احجي بكلبي (ليش يكلي انتي غبرة هوة الاكل هم بي غبرة مو غبرة كل واحد وياكل ع مشتهى اففففف) شبيج تتأفأفين مابيه شي تعشينا ورجعناااا للسيارة ومثل ما اتخيلتوا شالني وصعدني بسيارته بقيت شوووي كاعدة واباوع ع طرق والشوارع ضلمه بس اضويه السيارات لحد ما غفيت ووصلنا ب٢ بليل كعدني انمار يله زوجتي العزيزة وصلنا ههه كعدت كعدت يله انزل الجنط والكرسيي حتى انزلج نزلهن واجا عليه يله بنوتي شنو ناويه تباتين بالسيارة ههه لا بس دا انتظرك اليوم وجهك بشوش هههه غير اليوم عرسي ههههه اكو واحد بعرسه ما يفرح يي بس احنا ع اتفاقناااا خنزر بوجهي ويحجي وانتي منو جايي يمج شالني وكعدني بالكرسي وراح طبب الجنط مالتي واني طبيت وراه بكرسيي لكيت البيت اضلم بس ضوة المطبخ مفتوح وشفت انمار دا يشرب مي واتوجهت لغرفتي اريد اكوم من الكرسي ماكدرت ووكعت وتوجعت كولش كمت اشهك من الوجع واجاا انمار ع صوت بجيي شبيج شنو هالبجي وووكعت اهئ اهئ شنوووو هااااي تبجين علمود وكعه يابووويه متزوج طفله مو بنوته عمرها ٢١ سنه ويضحك احجي وابجي انمااار لا تضحك عليه كولش اتوجعت وبجيت شالني ويحجي ليش هيج دموعج رخيصه بسرعه تنزل ماجاوبته بس ابجي وبقى ع وكفته شايلني وواكف يحجي ويباوع عليه بوووووياااراح تكتلني رنددد شلون تخنزر عليه ويضحك ومن بين دموعي ضحكت وخليت راسي ع صدره هاااااا تتحارشين بيه ترى والله اني فقير وانتي تحارشتي بيه وخليتي راسج ع صدري لااا مو قصدي والله يختيييي السافل الواطي اخذ الي عايزززو وسبني حامل ببنوووو وانااا بنت وحيدة ماليش حددد يستر عليه يختيييي هههههههههههههه خرررب انمااار هاااي شنو انته تقلد المصريات بأحتراف دا احاول اضحكج اليوم بجيتي هوووايه وخلاني ع سرير وبدون اي سابق انذار ورفع فستاني الاسود ودا يريد يشوف رجلي واني وخررت ايددده بسرعه خجلت كولش بتوتر لاااا انمار رجلي مابيهااا شيي لا يصير تفكيرج وصخ خل اشوفهاا خاف مفصوخه لاااا مابيهااا شي خنزر بوجهي ورااااح نزعت بوتيني وشمرته ونزعت شالي وكبل نمت من التعب ما حسيت لل١٢ الظهر ع صوت يوسف يكعددني اكعدي رنددد اكعددي صبااح الخير ابوو خدود واصعد ع سرير ويبوس بيه صباح النور شوكت اجيتي اجيت البارحه حبيبي اشتاقيتلك واكرص بخدوده كاافي تكرصين بخدودي انتي وبابا ترى خدودي راح يخلصن هالكد ما تكرصون بيهن ويمسح بخدوده هههههههه لا حبيبي ما يخلصن خدودك يله كومي حتى نلعب بلي اني ويااج اوووك روح انته واني اغسل وجهي وابدل واجيك بس صيحلي رفل يي هسه صبااااح الظهر ست رند ههههه هههه صباح الانوار رفل شلونج الحمدلله اشتاقينالج والله اني الاشوق بس شسوي ضروف مبروووك ع زواجج من استاذ انماار الله يبارك بيج حبيبتي احضرلج الريوك لاااا مااريد بس تعااي كوميني حتى اسبح وابدل ست رندد استاذ انماار كال العصر ياخذج وتطلعوون اولا شنو اليوم لزكتيلي ست رند وست رند غير صرتي زوجه استاذ انمااار لااا صيحيني رنددد فقط لا ست ولا شي انشاء الله ثانيا ماكلج انماار وين ياخذني لاا ما كاال كومتني رفلل وسبحت وبدلت لبست تراك اسود (بعدني لابسه الاسود مانزعته ) وطلعت مشطت شعري وعفته مفتووح هالفترة شعري اتقصف لان دائما لافته بقراصه ولابسه حجاااب ابااوع علي بالمرايه وانقهررر اتذكر ماما جانت تكلي اهم شي بجمالج شعري اعتني بي ع كد ما تكدرين جمااليه البنيه بشعرهااا نزلللت دموووعي واحجي بداخلي ماااما شكد اشتاقيتلج انشاء الله اجيج عن قريب انماار وعدتني يجيبني الكم مسحت دموعي وطلعت للصاله لكيت يوسف يلعب بلي ومتحمس وكعدت لعبت ويااااه واجت خاله ام رفل سلمت عليه وباركتلي وحضرتلنا رفل الغدا واتغديناا سوة اني ويوسف ورفل وام رفل طلبت منهن ناكل سوة وكبل اتغديت بدون ريوووك كملنا غدددا ودا اروح للحمام اغسل ايدي وطبت وهج ورسلان وعلي سلموووا علينا وباركولي وسألتهم متغدين كالووا لااا وطلبت من رفل تصبلهم غدااا بعد ما اتغدووا وكاعدين نسولف اني ووهج ورفل صحتلها كعدت يمنا خطيه ويوسف ورسلان وعلي يلعبون بلي ومتحمسين ويشاقوون وطب انماار شايل العلاليك ووداهن للمطبخ واجااا سلم ع اخوانه وهج امي شلونهااا زينه الحمدلله ليش مااجت وياكم عزاااا اصلا رسلان كاللها راح نطلع نتغداا بالمطعم ما تدري اجينا لبيتك و على شنو هالخوف اول وتالي تدري بيكم ما قاطعين علاقتكم بيه حجه علي انماار ع كيفك وياها تدري بيها تحب التسلط والسيطرة تتسلط وتتسيطر براحتهاا بس مو عليه ليش شنو الصاير شبيهاا خاله ام انمار ما قابله ع زواجناا من كلي ماقابله ع زواجنا شكد خجلت منهم طبيت بنص هدومي حسيت نفسي نكره شي مقزز وما تريد ابنهاا يتقرب منه وحاولت احبس دموووعي وهيه بطرف مدمعي استأذنت منهم ورحت لغرفتي وسديت الباب ما اتحملت اكثر كبل نزلت دموووعي وخليه االكوشه ع حلكي حتى مايسمعون شهكاتي خلال هالايام شكد احتاجيت امي وخواني اني لو واحد بيهم عايش مااتزوج انماار بس انماار حلي الوحيد ماعندي غير حل هوة وحده اعيش وياه واني مطمئنه بدوون خووف من المستقبل بدوون قلق شبعت بجي ومسحت دموعي وطلعت دا اروح للحمام اغسل وجهي وشفت منظر ابدد ما متخيله بيووم اشوفه ذوله الاثنين ما جايي اباالي ولا حاسه عليهم ابااوع من ورة البرده واسمع اصواتهم الهامسه حااصرها بزاويه الكلدور وكولش قريبه علي واصلا بحضنه مو بس قريبه علي وايده اليمنى محاوطها وايده اليسرى بشعرها وراسي بركبتهاا ويحجي بهمس شسوويتي بيه دمرتيني ليش عايفتني انته اختاريت هيج موو كافي بعااد شوكت الطيرة ترجع لعشهاا تعبت وداعتج واني تعبت اكثر منك وانته وعدتني وخلفت بوعدك صدكيني حجيت ويه انماار وكال بس تخلص مشاكلي اخطبهااا الك هههه يخطبلك مرتك حلالك واباووع من كالتله هيج اخذ شفايفهاا بشغف وهيه تأن وتبادله الشغف دا اباوع عليهم رفل ورسلان وصافنه واجاااني صووت انمااار رندددد وينج كبل رحت حتى مايشوفوني واني بالي يمهم وانصدمت بالي سمعته وشفته رفل تكله يخطبلك مرتك حلالك يعني رسلان متزوج رفل صدددمه شكد جان يجي علينا رسلان بس ابد ماحسيت عليهم رحت لأنمار بس بالي مو يمي هااا انماار تصيحلي ليش اكو بنيه غيرج اسمهاا رند هههه لا شكد فطيرة ههه حضري نفسج نروح اني وياج للدكتور يكشف ع رجلج من وكعه البارحه توجعج موو احك براسي ومدنكه واحجي لا لا تكذبين توجعج ونروح بدون اي رفض ادري بيج تكرهين الدكاترة بس علمودج لازم تتعالجين وتكومين بأسرع وقت زوجتي العزيزة (من يكول زوجتي العزيزة يبتسم) افففففف يحجي بتحذير لا تتأفأفين كدامي رحت ادور ع وهج لكيتها بغرفتي تخابر ردت اطلع اشرتلي ابقى واسد الباب سديت الباب وبقيت كاعده ع كرسيي المتحرك واسمعهاا تحجي يي وانتي شدراج بي يااااا منو كلج كلامهاا صحيح اوووك اوك بالعافيه علي شريد منه اني اوك باي تنفخ وتهف بأيدها ع وجهاااا شبيج حسيتج شطتي يي ولج شطت للستار واحتركت هم شبيج احجي صديقتي اتصلت بيه تكول الاستاذ الحجيتلج عنه يي شبي طلع متزوج شدراها صديقتج شايفته بالمول هوة وبنيه ووياهم طفل يمشي جوز مو زوجته جوز اخته هوة لابس حلقه لا حبيبتي لا تمشين ورة كلام احد دوري وراا وشوفي بحوشي زين مو يكلولج متزوج وتصدكين كون تلكين شي يبين متزوج لو لا مثل هويته مثلا وشيوصلني لهويته ولج مااعرف بس دا انطيج مثال سولفنا شوي وصاحووا لوهج وراحت هيه وخوانهاا وبدلت وطلعنا وخليت رفل تساعدني بصعده السيارة ورحنا وبالنزله رفل ماكووو افففف انماار نزلني واحسه يتقصد يطخطخ بجسمي لو يخلي راسي ع صدره من يشيلني لو يقربني من ركبته لو يحجي بهمس ويقرب حلكه ع اذني كعدنا ننتظر لحد مااجاني السرة وطبينا للدكتور وشاف رجلي وطلب اشعه وطلعت من غرفه الدكتور وبصفه غرفه الاشعه سوولي اشعه وطلع مابيه شي الحمدلله وطلعنا من العياده ووداني انماار للمول اول ما وكفنا قريب ع مول كلبي انقبض واتذكرت الانفجااار كلت الانماار رجعني للبيت شبيج ليش ماااريد خل نرجع عفيه ودموعي نزلت واحنا كاعدين بالسيارة ونزلت راسي وايدي ع وجهي وابجي لا تبجين بنوتي هسه نرجع ولا يهمج رجعنا وطول الطريق ساكتين بس دموعي تنزل بدون صوت راد ينزلني كتله صيحلي رند اجت رند نزلتني ابااوع ركبتهاا طكع زركه نفس كرصااات انماار اتذكرت وضحكت رغم جانت عيوني حمر من البجي بس من اتذكرت كوة كتمت ضحكتي مر اليوم عادي وبعد ٣ اياام اجوووا علي وسلان ووهج انماار عزمهم ع عشاا اتعشينا بالحديقه رسلان وانماار سوولنا كباب وتكه شوي ع فحم وطلبت من رفل تبقى يمنا تبات لان رسلان راح يباات حبيت اسويلهم معروف بالخفيه هههههه وبعد العشااااا وهج كالت خللل نلعب لعبه الجرأه والصراحه مال فرة البطل اووول فرة فرها انماار صارت ع رفل وووهج وهج سألتها جرأه لو صراحه كالت صراحه حبيتي بحياتج يي حبيت وتباوع ع رسلان واني غلست وحجيت حتى مايحسون عليهم يللله انماار فر البطل فر البطل وصار عليه وع انمااار اني اسأل انمااار جرأه لو صراحه اختار يباوعلي بمكر جرأه ليش انفصلت عن زوجتك جر حسرة وشهيق وزفير ونتر سددي الموضوع وممنوع منعا باتا تحجين بي وكام من الكعده وعافنا وطلع شخط سيارته وراح هذاا شبي حااول رسلان يحجي ويشاقه حتى مااضوج ووهج تحشش هيه وعلي بس اني مو بس ضجت اختنكت فشلني ونتر بيه كدامهم وصار عندي فضول ليش مايريد افتح موضوع انفصاله والف سؤال اجااا ابالي بقيت كاعده يمهم بس بالي مو يمهم علي ووهج رجعووا للبيت ورسلان بات يمنا واني بقيت بالحديقه ما طبيت انتظر انماار لل ٢ وهوة ماكو ضل بالي علي وماعندي موبايل اتصل بي وصارت ب٢ وربع واجاااا وطبب سيارته ونزل مشيته مو متوازنه وشافني هاااا زوجتي الحلوة بنوتي الصاكه كاعده تنتظريني ويجرر بكلامه حسيته شارب اتقرب عليه بس مابي ريحه شرب اصلا خنكني عطره عبالك سابح بالعطر يمكن ورة ماشارب متعطر حتى ما نشتم بي ريحه الشرب اجااا اتقرب عليه وايده ع يدات الكرسي منتجي عليهن ووجهه كولش قريب وانفاسه قريبه ويحجي بهمس هااا رند حتى انتي تريدين تغثيني لااا انماار مااغثك اذا ما تغثيني عوووفي انفصالي اووك اعووفه مااسألك حجاا هواي حجي نصه مافهمته واخر شي كال منعتيني من حقي الشرعي وعبالج اني اتزوجتج علمود اخذه مووو لااا انماار تعال خل نطب اناام بغرفنا لاااا خل احجي حتى ما تكولين اتزوجتج علمود اتقربلج يي احجيلي بنوتي حبيبتي الدكتور مايقبل اتقربلج يكول الا تتعالجين وتمشين ع رجلج يله اتقربلج واني ادري بهذا الشي قبل مااعقد عليجججج واتزوجتج حتى احميج وروح ابويه ماشي انمار خل نطب جوة بردت تعاي نطب وادفيج بطريقتي ويغمزلي طبينا للبيت ورحت لغرفتي واجاا ورايه وسد الباب احجي بتوتر لييش سديت الباب مو كتلج الدكتور مايقبل ليش تفكيرج منحرف شالني ونومني ع سرير واجااا اتمدد بصفي وخله راسه ع صدري وانفاسه قريبه عليه انمااار اداا تسوي عوفيني بداعت امج هناااا راحتي شكد جنت اتمنى انام هنااا ويأشر ع صدري ويحجي وكأنه غافي وايدي تلعب بشعره ونمت بدووون ماااحس للصبح وكعت ابااااوع انمااار............... هاااا هم كولو البارت قصير ومابي احداااث اعذروني ع سحكات البارت نصه صححته مو كله كولش تعبانه ونعسانه لازم انام ورايه كعده من ال٧ يُتبع... | ||||
|
| |
|
26-06-19, 09:12 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ﺍﻟﺒﺎﺭﺕ ﺍﻟﺜﺎﻣﻦ ﺗﺼﻮﻳﺖ ﻻ ﺗﻨﺴﻮﻥ ﻭﺍﻟﻲ ﺗﻜﻮﻝ ﺑﺎﺭﺕ ﻗﺼﻴﺮ ﺍﻣﻮﺗﻬﺎﺍ ﻭﻟﺠﻦ ﺍﻳﺪﻱ ﻛﻮﺓ ﻛﺘﺒﺖ ﺑﻴﻬﺎﺍﺍ ﺩﺍ ﻳﺰﻳﺪ ﺧﺪﺭﻫﺎﺍﺍ ___________________ ﺷﺎﻟﻨﻲ ﻭﻧﻮﻣﻨﻲ ﻉ ﺳﺮﻳﺮ ﻭﺍﺟﺎﺍﺍ ﺍﺗﻤﺪﺩ ﺑﺼﻔﻲ ﻭﺧﻠﻪ ﺭﺍﺳﻪ ﻉ ﺻﺪﺭﻱ ﻭﺍﻧﻔﺎﺳﻪ ﻗﺮﻳﺒﻪ ﻋﻠﻴﻪ ﺍﻧﻤﺎﺍﺍﺭ ﺍﺩﺍﺍ ﺗﺴﻮﻱ ﻋﻮﻓﻴﻨﻲ ﺑﺪﺍﻋﺖ ﺍﻣﺞ ﻫﻨﺎﺍﺍﺍ ﺭﺍﺣﺘﻲ ﺷﻜﺪ ﺟﻨﺖ ﺍﺗﻤﻨﻰ ﺍﻧﺎﻡ ﻫﻨﺎﺍﺍ ﻭﻳﺄﺷﺮ ﻉ ﺻﺪﺭﻱ ﻭﻳﺤﺠﻲ ﻭﻛﺄﻧﻪ ﻏﺎﻓﻲ ﻭﺍﻳﺪﻱ ﺗﻠﻌﺐ ﺑﺸﻌﺮﻩ ﻭﻧﻤﺖ ﺑﺪﻭﻭﻭﻥ ﻣﺎﺍﺍﺣﺲ ﻟﻠﺼﺒﺢ ﻭﻛﻌﺪﺕ ﺍﺑﺎﺍﺍﺍﻭﻉ ﺍﻧﻤﺎﺍﺍﺍﺭ ﻣﺎﻛﻮﻭﻭ ﻳﺎﺍﺍﺍ ﻭﻳﻨﻪ ﺑﺎﻭﻋﺖ ﻉ ﺳﺎﻋﻪ ﺏ٥ ﺍﻟﻔﺠﺮ ﺍﻓﻔﻔﻒ ﻣﺎﺍﻛﺪﺭ ﺍﻛﻮﻡ ﺑﻘﻴﺖ ﺑﻔﺮﺍﺷﻲ ﻭﺭﺓ ﺷﻮﻳﻪ ﻧﻤﺖ ﻛﻌﺪﺕ ﺏ١٠ ﺻﺤﺖ ﺭﻓﻞ ﺍﺟﺘﻲ ﻋﻠﻴﻪ ﻛﻮﻣﺘﻨﻲ ﺭﺣﺖ ﻏﺴﻠﺖ ﻭﺍﺗﺠﻬﺖ ﻟﻠﻤﻄﺒﺦ ﺷﻔﺖ ﺍﻧﻤﺎﺭ ﻭﺭﺳﻼﻥ ﺩﺍ ﻳﺘﺮﻳﻜﻮﻥ ﺍﺑﺎﻭﻉ ﺍﻧﻤﺎﺍﺭ ﻻﺑﺲ ﺗﺮﺍﻙ ﻟﻮﻥ ﺧﺮﺩﻟﻲ ﻭﺟﺴﻤﻪ ﺍﻟﻤﻌﻀﻞ ﻭﻋﻄﺮﻩ ﺭﺍﺡ ﻳﺨﻠﻴﻨﻲ ﺍﻓﻘﺪ ﻭﺍﺻﻴﺢ ﺍﻧﺘﻪ ﻣﻦ ﺷﻨﻮ ﻣﺨﻠﻮﻕ ﻟﻮ ﻟﺤﻴﺘﻪ ﻭﺧﺼﻠﻬﺎ ﺍﻟﺒﻴﻀﻪ ﺑﺤﺜﺎ ﺍﺧﺮ ﻭﻻﺑﺲ ﺷﻔﻘﻪ ﺭﺻﺎﺻﻴﻪ ﺭﺍﺡ ﻳﺠﻨﻨﻲ ﻫﺎﻟﺮﺟﺎﻝ ﺑﻌﺪ ﺍﻟﺼﻔﻨﻪ ﻭﻫﻮﺓ ﺩﺍ ﻳﺘﺮﻳﻚ ﻭﻣﺎﻣﻨﺘﺒﻪ ﻳﺎﻛﻞ ﻭﻳﺒﺎﻭﻉ ﺑﺠﻬﺎﺯﻩ ﻭﻳﺘﺮﺍﺳﻞ ﻭﻳﻀﺤﻚ ﻭﺟﻬﺎﺯﻩ ﺍﻟﺜﺎﻧﻲ ﻣﺸﻐﻞ ﺍﻏﻨﻴﻪ ﻓﻴﺮﻭﺯ ﻫﻴﺪﺍﺍ ﺣﺒﻴﺒﻲ ﺍﻝ ﺍﺳﻤﻲ ﺑﻴﻬﻤﺴﻮﻭﻭﺍ ﻭﻳﺪﻧﺪﻥ ﺻﺒﺎﺡ ﺍﻟﺨﻴﺮ ﻳﺴﻌﺪ ﺻﺒﺎﺣﺞ ﺑﻨﻮﺗﻲ ﺻﺒﺎﺡ ﺍﻻﻧﻮﺍﺭ ﻋﺮﻭﺳﺘﻨﺎ ﻭﻳﺒﺘﺴﻢ ﺧﺠﻠﺖ ﻣﻦ ﺭﺳﻼﻥ ﻫﻴﺞ ﻛﺎﻝ ﺑﺎﻭﻋﻲ ﺍﻧﻤﺎﺭ ﻭﻧﺼﻪ ﻉ ﺍﻛﻞ ﻛﻤﻞ ﺭﺳﻼﻥ ﻭﺍﺳﺘﺄﺫﻥ ﻭﻃﻠﻊ ﺷﻠﻮﻧﺞ ﺗﻤﺎﺍﻡ ﻭﺍﻧﺘﻪ ﺑﺨﻴﺮ ﻭﻧﻌﻤﻪ ﺍﻟﻴﻮﻡ ﻋﻨﺪﺝ ﺭﻭﺣﻪ ﻟﻠﻌﻼﺝ ﺍﻟﻄﺒﻴﻌﻲ ﻻﺍﺍ ﺑﺎﺟﺮ ﻣﻮﻋﺪﻱ ﺗﻤﺎﺍﻡ ﺩﺍ ﻳﺤﺠﻲ ﻭﻳﺎﻳﻪ ﻃﺒﻴﻌﻲ ﻣﺜﻞ ﻛﻞ ﻣﺮﺓ ﻣﻌﻘﻮﻟﻪ ﻣﺪﺍ ﻳﺬﻛﺮ ﺷﺼﺎﺭ ﺍﻟﺒﺎﺭﺣﻪ ﻓﺘﺤﺖ ﺍﻟﺜﻼﺟﻪ ﻃﻠﻌﺖ ﺗﻔﺎﺣﻪ ﺧﻀﺮﺓ ﻭﻟﻴﻤﻮﻧﻪ ﻛﺸﺮﺗﻬﻦ ﻭﻗﻄﻌﺘﻬﻦ ﻭﻃﻠﻌﺖ ﺍﻟﻨﻮﺓ ﻭﺻﺤﺖ ﺭﻓﻞ ﺣﺘﻰ ﺗﺨﻠﻴﻬﻦ ﺑﺎﻟﺨﻼﻁ ﻛﻞ ﻫﺬﺍ ﻭﺍﻧﻲ ﻛﻞ ﺷﻮﻱ ﺍﺑﺎﻭﻉ ﻉ ﺍﻧﻤﺎﺭ ﻛﻤﻞ ﺭﻳﻮﻛﻪ ﻭﻳﺘﺮﺍﺳﻞ ﻭﻳﻀﺤﻚ ﺍﺗﺨﺒﻠﺖ ﺍﺣﺲ ﻛﻠﺒﻲ ﺻﺎﺭ ﻧﺎﺭ ﻟﻴﺶ ﻫﻴﺞ ﺩﺍ ﺍﻏﺎﺭ ﻋﻠﻲ ﻣﻌﻘﻮﻟﻪ ﺣﺒﻴﺘﻪ ﻟﻴﺶ ﻫﻴﺞ ﻳﻌﺠﺒﻨﻲ ﻛﻞ ﺷﻲ ﺑﻲ ﻛﺎﻋﺪﻩ ﻣﻘﺎﺑﻴﻠﻪ ﻭﺍﺑﺎﻭﻉ ﻋﻠﻲ ﻭﺍﺣﺠﻲ ﺑﺪﺍﺧﻠﻲ ﻭﻣﺘﻮﺗﺮﺓ ﻛﻮﻟﺶ ﻭﺍﻋﺼﺮ ﺑﺄﻳﺪﻱ ﺣﺘﻰ ﺍﻳﺪﻱ ﺍﻟﻜﻮﺓ ﺍﺣﺮﻛﻬﺎ ﺑﺬﻳﺞ ﺍﻟﻠﺤﻀﻪ ﻛﻤﺖ ﺍﻃﻜﻄﻚ ﺑﻴﻬﺎﺍ ﻭﺍﻋﺼﺮ ﺣﺴﻴﺖ ﻓﻘﺪﺕ ﺍﺣﺴﺎﺱ ﺍﻟﻮﺟﻊ ﻭﺍﺷﺪ ﻭﺟﻊ ﻫﻮﺓ ﻭﺟﻊ ﺍﻟﻐﻴﺮﺓ ﺟﺎﺑﺘﻠﻲ ﺭﻓﻞ ﺍﻟﻌﺼﻴﺮ ﻣﻦ ﺍﻟﻘﻬﺮ ﺷﺮﺑﺘﻪ ﺷﺮﺑﻪ ﻭﺣﺪﻩ ﻛﻠﺒﻲ ﻧﺎﺭ ﺻﺎﻳﺮ ﻳﺎﺑﻪ ﺩﺍ ﺍﺫﻛﺮﻳﻨﺎ ﺑﻜﻼﺹ ﻋﺼﻴﺮ ﻟﻴﺶ ﻫﻴﺞ ﺍﻧﺘﻪ ﺑﺨﻴﻠﻪ ﺍﺑﺎﻭﻉ ﻋﻠﻲ ﻭﻣﺨﻮﺯﺭﺓ ﻫﺴﻪ ﺍﺳﻮﻳﻠﻚ ﺗﺪﻟﻞ ﻃﻠﻌﺖ ﻟﻴﻤﻮﻧﻪ ﻭﺗﻔﺎﺡ ﺍﺧﻀﺮ ﻭﻛﺸﺮﺗﻬﻦ ﻭﻗﻄﻌﺘﻬﻦ ﻭﺍﻧﻄﻴﺘﻬﻦ ﻟﺮﻓﻞ ﺳﻮﺗﻬﻦ ﻭﺍﻧﻄﺘﻨﻲ ﺍﻟﻜﻮﺏ ﺧﻠﻴﺖ ﺑﻲ ﻗﻄﻌﻪ ﻟﻴﻤﻮﻧﻪ ﻭﻗﻄﻌﻪ ﺗﻔﺎﺣﻪ ﻭﺛﻠﺠﺎﻳﻪ ﻭﻗﺪﻣﺘﻬﺎ ﺍﻟﻪ ﺗﻔﻀﻞ ﻧﻤﻮﻭﺭﻱ ﻫﺎﺍﺍﺍﻱ ﺷﻨﻮ ﻧﻤﻮﺭﻱ ﺍﺳﻢ ﺟﺪﻳﺪ ﺍﺣﺠﻲ ﻭﻋﻴﻮﻧﻲ ﺗﺬﺏ ﺷﺮﺍﺭ ﻋﻜﺲ ﻟﺴﺎﻧﻲ ﻳﻲ ﻋﺠﺒﻨﻲ ﻭﻛﺘﻠﻚ ﻟﻮ ﻣﻴﺼﻴﺮ ﺗﺮﻳﺪ ﻏﻴﺮﻱ ﻳﻜﻮﻟﻪ ﺍﻟﻚ ﺍﺳﺘﺎﺫ ﺍﻧﻤﺎﺍﺭ ﺧﻴﺮ ﺷﺒﻴﺞ ﻟﻴﺶ ﻫﻴﺞ ﺗﺬﺑﻴﻦ ﺍﻟﻐﺎﺯ ﺻﺎﻳﺮ ﺑﻴﺞ ﺷﻲ ﻻﺍﺍ ﺳﻼﻣﺘﻚ ﻣﺎﺑﻴﻪ ﻋﻔﺘﻪ ﻭﺭﺣﺖ ﻟﻠﺤﺪﻳﻘﻪ ﺍﺧﺘﻨﻜﺖ ﻛﻮﻟﺶ ﺍﺭﻳﺪ ﺍﺷﺘﻢ ﻫﻮﻯ ﺭﻳﺘﻲ ﺍﻧﺘﺮﺳﺖ ﻗﻬﺮ ﺑﺪﻝ ﺍﻟﻬﻮﻯ ﻭﻳﺎﻣﻦ ﺩﺍ ﻳﺤﺠﻲ ﻭﻳﻀﺤﻚ ﻭﺍﻧﻲ ﻣﻜﺎﺑﻠﺘﻪ ﻭﻛﺎﻋﺪﻩ ﻭﻻ ﻣﻬﺘﻢ ﺍﻟﻲ ﻭﻻ ﻋﺒﺎﻟﻚ ﻛﺎﻋﺪﻩ ﻳﻤﻪ ﺑﺴﻴﻄﻪ ﺍﻧﻤﺎﺍﺭ ﺍﻧﻲ ﺍﻟﻚ ﺭﺣﺖ ﻟﻠﻤﻄﺒﺦ ﻟﻜﻴﺘﻪ ﻉ ﻛﻌﺪﺗﻪ ﺷﻔﺖ ﺍﻡ ﺭﻓﻞ ﺩﺍ ﺗﻄﺒﺦ ﺍﻟﻐﺪﺍ ﺍﺷﺮﺗﻠﻬﺎﺍ ﺑﻌﻴﻮﻧﻲ ﺑﻤﻌﻨﻰ ﺭﻭﺣﻲ ﺍﻧﻤﺎﺍﺍﺍﺭ ﺍﻣﻤﻤﻤﻢ ﺍﺭﻳﺪ ﺍﺭﻭﺡ ﻟﺒﻴﺖ ﺍﻫﻠﻲ ﻣﺤﺘﺎﺟﻪ ﺷﻮﻳﻪ ﻏﺮﺍﺽ ﻭﻣﻼﺑﺲ ﺍﺟﻴﺒﻬﻦ ﺍﻣﻤﻤﻤﻢ ﻧﺘﺮﺭﺕ ﺍﻧﻤﺎﺍﺍﺭ ﺩﺍ ﺍﺣﺠﻲ ﻭﻳﺎﻙ ﺷﺒﻴﻚ ﺷﺒﻴﺞ ﺗﻨﺘﺮﻳﻦ ﻭﻧﺼﻪ ﻉ ﻣﻮﺑﺎﻳﻞ ﺍﺭﻳﺪ ﺍﻭﻟﻲ ﻟﺒﻴﺖ ﺍﻫﻠﻲ ﻳﻠﻪ ﻛﻮﻡ ﻭﺩﻳﻨﻲ ﻟﻴﺶ ﻣﺤﺴﺴﺘﻨﻲ ﻭﺣﺪﻩ ﺯﻋﻼﻧﻪ ﺗﺮﻳﺪ ﺗﺮﻭﺡ ﻷﻫﻠﻬﺎ ﻳﻲ ﻗﺎﺑﻞ ﻛﺬﺏ ﺷﻨﻮﻭﻭﻭ ﻣﺪﺍﻡ ﻭﻛﺎﻡ ﻣﻦ ﺍﻟﻜﺮﺳﻲ ﻻﺍﺍ ﻗﺼﺪﻱ ﺍﺭﻳﺪ ﺍﺭﻭﺡ ﺍﺟﻴﺐ ﻏﺮﺍﺿﻲ ﺗﻤﺎﺍﺍﻡ ﻫﺴﻪ ﺍﻛﻮﻡ ﺍﺑﺪﻝ ﻭﻧﺮﻭﺡ ﻭﺭﺟﻊ ﻛﻌﺪ ﻉ ﻛﺮﺳﻲ ﻻﺍﺍﺍ ﻭﻳﻦ ﻛﺎﻋﺪ ﻳﻠﻪ ﻛﻮﻡ ﻋﻨﺪﻱ ﻫﻮﺍﻱ ﻏﺮﺍﺽ ﻭﺍﺗﺄﺧﺮ ﻳﻠﻪ ﺍﻟﻤﻬﻦ ﺍﻭﻭﻭﻭﻭﻭﻑ ﻣﻨﺞ ﺳﺎﻟﻔﺘﺞ ﻣﻮ ﺻﺎﻓﻴﻪ ﺑﻴﻬﺎﺍ ﺷﻮﻳﻪ ﺍﺑﻬﺎﺭﺕ ﺑﺲ ﻣﺎﺍﻋﺮﻑ ﻧﻮﻋﻬﺎﺍ ﺷﻌﻨﺪﻱ ﻗﺎﺑﻞ ﺑﺲ ﻋﻠﻤﻮﺩ ﻣﻼﺑﺴﻲ ﻛﺎﻟﻬﺎ ﺑﻔﺮﺣﻪ ﻫﺎﺍﺍﺍ ﻧﻮﻳﺘﻲ ﺗﺬﺑﻴﻦ ﺍﻻﺳﻮﺩ ﺍﺗﺬﻛﺮﺕ ﺍﻟﺒﺎﺭﺣﻪ ﻗﺒﻞ ﻣﺎﻳﻨﺎﻡ ﻛﻠﻲ ﻭﻫﻮﺓ ﻳﻤﺪﺩ ﺍﺻﺎﺑﻊ ﺍﻳﺪﻩ ﻉ ﺻﺪﺭﻱ ﻭﻛﺄﻧﻪ ﻳﺘﻠﻤﺲ ﻃﻔﻞ ﻣﻮ ﺯﻭﺟﻪ ﺫﺑﻲ ﺍﻻﺳﻮﺩ ﺑﻨﻮﺗﻲ ﺍﻛﺮﻩ ﻫﺬﺍ ﺍﻟﻠﻮﻥ ﻳﺬﻛﺮﻧﻲ ﺑﺎﻟﻴﻮﻡ ﺍﻟﻤﺸﺆﻭﻡ ﺫﺑﻲ ﻳﻤﻌﻮﺩﻩ ﻃﻜﺖ ﺭﻭﺣﻪ ﻣﻨﻪ ﻳﺎﺍﺍﺍ ﻳﻮﻡ ﺍﻟﻤﺸﺆﻭﻡ ﻻ ﺗﺴﺄﻟﻴﻨﻲ ﺑﺲ ﺫﺑﻲ ﻟﻼﺳﻮﺩ ﻣﻮ ﻃﻜﺖ ﺭﻭﺣﻲ ﺍﻟﻮﻭﻭﻭ ﻭﻫﻮﺓ ﻳﺄﺷﺮ ﺑﺄﻳﺪﻩ ﺷﺒﻴﺞ ﺻﻔﻨﺘﻲ ﻳﺎﺣﻠﻮﺓ ﻻﺍﺍﺍﺍ ﺑﺲ ﻣﺤﺘﺎﺟﻪ ﻏﺮﺍﺽ ﻭﻣﻼﺑﺲ ﺗﻔﻴﺪﻧﻲ ﺩﻳﻠﻪ ﺭﺍﺡ ﺍﺭﻭﺡ ﺍﺑﺪﻝ ﻭﺍﻣﺮﻱ ﻟﻠﻪ ﺍﻛﻤﻞ ﺍﻟﻜﺎﺝ ﻳﻢ ﺍﻟﺴﻴﺎﺭﺓ ﺗﻨﺘﻀﺮﻳﻨﻲ ﺭﺍﺍﺡ ﻭﻋﺎﻑ ﻣﻮﺑﺎﻳﻼﺗﻪ ﻉ ﻣﻴﺰ ﺍﻟﻄﻌﺎﻡ ﺑﺎﻭﻋﺖ ﺭﺍﺡ ﺍﻟﻐﺮﻓﺘﻪ ﻭﺳﺪ ﺍﻟﺒﺎﺏ ﺍﺧﺬﺕ ﻣﻮﺑﺎﻳﻼﺗﻪ ﻣﺎﻳﻨﻔﺘﺤﻬﻦ ﺑﻴﻬﻦ ﺭﻣﻮﺯ ﺟﺎﻥ ﺍﻛﻮ ﺑﻄﻞ ﻣﻲ ﻉ ﻣﻴﺰ ﺍﻟﻄﻌﺎﻡ ﺍﺧﺬﺗﻪ ﻭﺧﻠﻴﺖ ﺍﻟﻤﻮﺑﺎﻳﻼﺕ ﺑﺤﻀﻨﻲ ﻭﺭﺣﺖ ﻉ ﺳﻨﻚ ﺧﻠﻴﺘﻬﻦ ﻭﺫﺑﻴﺖ ﻓﻮﻛﻬﻦ ﻣﻲ ﻧﻜﻌﺘﻬﻦ ﻏﺴﻠﺘﻬﻦ ﻏﺴﻞ ﻳﻴﻲ ﺣﺘﻰ ﺑﻌﺪ ﻳﺤﺠﻲ ﺑﺮﺍﺣﺘﻪ ﻭﻳﺎﻫﻦ ﻭﺭﺣﺖ ﻟﺒﺴﺖ ﺟﺒﻪ ﻭﺫﺑﻴﺖ ﺷﺎﻝ ﻉ ﺭﺍﺳﻲ ﻃﻠﻌﺖ ﻟﻜﻴﺖ ﺍﻧﻤﺎﺍﺍﺭ ﻳﻔﺘﺮ ﺑﺎﻟﺼﺎﻟﻪ ﻭﺭﺍﻳﺢ ﺭﺍﺩ ﻭﺻﻮﺗﻪ ﺍﻟﺠﻬﻮﺭﻱ ﻳﻌﻠﻦ ﺍﻟﺤﺮﺏ ﻫﻬﻬﻬﻬﻬﻪ ﻳﺴﺐ ﻭﻳﻐﻠﻂ ﻭﺻﺎﻳﺮ ﻧﺎﺍﺍﺍﺭ ﻭﺷﺮﺍﺭ ﺍﺣﺠﻲ ﻭﺍﻟﻀﺤﻜﻪ ﺷﺎﻛﻪ ﺣﻠﻜﻲ ﺷﺒﻴﻚ ﺗﺼﻴﺢ ﻭﻣﺸﺘﻌﻞ ﺟﺪﻙ ﻭﺍﻧﺘﻲ ﺷﺒﻴﺞ ﺗﻀﺤﻜﻴﻦ ﻭﻟﺞ ﺷﻜﻠﻚ ﻳﻀﺤﻚ ﺑﺼﺮﺍﺣﻪ ﻭﺧﻠﻴﺖ ﺍﻳﺪﻱ ﻉ ﺣﻠﻜﻲ ﺍﺣﺎﻭﻝ ﺍﻛﺘﻢ ﺿﺤﻜﺘﻲ ﺣﺠﺖ ﺍﻡ ﺭﻓﻞ ﺧﺎﻟﻪ ﻣﺎﺍﻋﺮﻑ ﻣﻨﻮ ﻏﺎﺳﻞ ﻣﻮﺑﺎﻳﻼﺕ ﺑﺎﻟﻤﻲ ﺍﻟﺒﺎﺭﺩ ﻭﻋﺎﻳﻔﻬﻦ ﻉ ﺳﻨﻚ ﺳﻮﻳﺖ ﻧﻔﺴﻲ ﺍﻧﺴﺎﻧﻪ ﺑﺮﻳﺌﻪ ﻭﻣﺘﻔﺎﺟﺌﻪ ﻳﺎﺍﺍﺍ ﺧﻄﻴﻪ ﻭﻫﺴﻪ ﺷﻠﻮﻥ ﻭﺍﻛﻒ ﻓﻮﻙ ﺭﺍﺳﻲ ﻭﺍﺗﻘﺮﺏ ﻋﻠﻴﻪ ﻭﺩﻧﻚ ﻭﻣﺨﻮﺯﺭ ﻭﻳﺤﺠﻲ ﻭﺍﻧﺘﻲ ﺷﺒﻴﺞ ﻣﺒﻴﻦ ﻋﻠﻴﺞ ﺗﺪﺭﻳﻦ ﺑﺎﻟﻐﺴﻠﻪ ﻟﻮ ﻟﻴﻜﻮﻥ ﺍﻧﺘﻲ ﺍﻟﻲ ﻏﺴﻠﺘﻴﻬﻦ ﺍﺗﻠﻌﺜﻤﺖ ﺑﺎﻟﻜﻼﻡ ﻭﺍﺗﻮﺗﺮﺕ ﻭﺍﻋﺼﺮ ﺑﺄﻳﺪﻱ ﻭﻧﺼﻴﺖ ﻭﺍﺣﺠﻲ ﻻﺍﺍﺍ ﻟﻴﺶ ﺍﻏﺴﻠﻬﻦ ﺷﻌﻠﻴﻪ ﺑﻴﻚ ﻳﺒﺎﻭﻭﻋﻠﻲ ﺑﻤﻜﺮ ﻭﻳﺤﺠﻲ ﻳﻲ ﺍﻛﻮﻝ ﺍﻧﻲ ﺑﻨﻮﺗﻲ ﺣﺒﺎﺑﻪ ﻣﺎﺗﺴﻮﻳﻬﺎﺍﺍ ﻳﻠﻠﻠﻠﻪ ﺧﻞ ﻧﻄﻠﻊ ﻃﻠﻌﻨﺎ ﻭﻟﻜﻴﺖ ﻳﻮﺳﻒ ﻛﺎﻋﺪ ﺑﺎﻟﺴﻴﺎﺭﺓ ﻭﻣﻜﻴﻒ ﻭﺻﻠﺖ ﻟﻠﺴﻴﺎﺭﺓ ﻭﺍﻧﻤﺎﺭ ﻓﺘﺤﻠﻲ ﺍﻟﺒﺎﺏ ﻭﺩﺍ ﺍﺻﻴﺢ ﺭﻓﻞ ﻫﺎﺍﺍﺍ ﺷﻨﻮ ﺗﺼﻴﺤﻴﻦ ﺭﻓﻞ ﻟﻌﺪ ﺍﻧﻲ ﻣﻮ ﺯﻭﺟﺞ ﺍﺫﺍ ﺍﻧﻲ ﻣﺎﺍﺷﻴﻠﺞ ﻟﻌﺪ ﻣﻨﻮ ﻳﺸﻴﻠﺞ ﻻﺍﺍﺍ ﺑﺲ ﺧﻞ ﺭﻓﻠﻞ ﺑﺪﻭﻥ ﻣﻘﺪﻣﺎﺕ ﺷﺎﻟﻨﻲ ﻳﺒﺎﻭﻉ ﻉ ﻋﻴﻮﻧﻲ ﻭﻳﺤﺠﻲ ﺑﻮﻳﺎﺍﺍﺍﺍﻱ ﻣﻦ ﺍﻟﺒﺪﺍﻳﻪ ﻭﺑﺪﻳﺘﻲ ﺗﻠﻌﺒﻴﻦ ﻉ ﻛﻠﺒﻲ ﻭﺗﺴﻮﻳﻦ ﻧﻔﺴﺞ ﺑﺮﻳﺌﻪ ﻭﺗﺎﻟﻲ ﺷﺘﺴﻮﻳﻦ ﻭﻧﺼﻰ ﻉ ﺷﻔﺎﻓﻲ ﻭﺍﻧﻔﺎﺳﻪ ﻗﺮﻳﺒﻪ ﻭﺩﺍﻧﻲ ﻟﻠﺤﺪﻳﻘﻪ ﻭﺭﺓ ﺷﺠﺮﺓ ﺍﻟﻨﺒﻚ ﺣﺘﻰ ﻣﺤﺪ ﻳﺸﻮﻓﻨﺎ ﻭﻳﺤﺠﻲ ﺷﻌﻠﺘﻲ ﺟﺪ ﺟﺪﻱ ﻣﻮﻭ ﻛﺎﻓﻲ ﺍﺗﻠﻌﺜﻤﺖ ﻭﺍﻧﺜﻮﻟﺖ ﻭﻋﻀﻴﺖ ﺷﻔﺘﻲ ﺍﻟﺠﻮﺓ ﻣﻮﻭﻭ ﺍﻧﻲ ﺍﻟﻐﺴﻠﺘﻬﻦ ﻭﻫﻮﺓ ﻛﺒﻞ ﺍﺧﺬ ﺷﻔﺘﻲ ﺍﻟﻔﻮﻙ ﺑﻴﻦ ﺷﻔﺎﻓﻪ ﺑﺸﻮﻕ ﻭﺷﻐﻒ ﻭﺷﺎﻳﻠﻨﻲ ﻭﺣﺼﺮﻧﻲ ﻉ ﺣﺎﻳﻂ ﻭﻛﻮﺓ ﻳﺤﺠﻲ ﻳﻌﻨﻲ ﺣﻼﻟﻲ ﻭﻣﺤﺮﻭﻭﻡ ﻣﻨﻪ ﺻﺎﺭﻟﻲ ﻛﻢ ﻳﻮﻡ ﻭﺍﻧﺸﻞ ﺣﺎﻟﻲ ﺑﻴﺞ ﻭﺍﻧﻲ ﺻﺮﺕ ﻃﻤﺎﻣﻪ ﻣﻨﺼﻴﻪ ﻭﺧﺠﻼﻧﻪ ﻭﻫﻮﺓ ﻳﻤﺮﺭﺭ ﺧﺸﻤﻪ ﻉ ﺧﺸﻤﻲ ﻳﻤﺮﺭﻩ ﻉ ﺧﺪﻱ ﺍﻧﻤﺎﺍﺍﺭ ﻛﺎﺍﺍﻓﻲ ﻋﻴﺐ ﻳﻮﺳﻒ ﺩﺍ ﻳﻨﺘﻀﺮﻧﺎﺍ ﺍﻭﻭﻭﻭﻑ ﻟﻮ ﻣﺎﺍ ﺍﻟﺪﻛﺘﻮﺭ ﻛﺎﻝ ﺟﺎﻥ ﺍﺧﺬﺗﺞ ﻟﻔﺮﺍﺷﻲ ﺷﻬﺮ ﻣﺎﺍﻫﺪﺝ ﺧﻠﻴﺖ ﺍﻳﺪﻱ ﻉ ﺷﻔﺎﻓﻪ ﻭﺭﺍﺳﻲ ﻉ ﺻﺪﺭﻩ ﻣﺜﻞ ﺍﻟﺨﺎﺗﻠﻪ ﺑﺤﻀﻦ ﺍﺑﻮﻫﺎﺍ ﻳﻠﻠﻠﻠﻪ ﻧﺮﻭﻭﻭﺡ ﻛﺎﺍﺍﻓﻲ ﻭﺿﺤﻚ ﺿﺤﻜﻪ ﻋﺎﻟﻴﻪ ﻭﺍﺧﺬﻧﻲ ﻟﻠﺴﻴﺎﺭﺓ ﺻﻌﺪﻧﻲ ﻭﺻﻌﺪ ﻛﺮﺳﻲ ﻭﺻﻌﺪ ﺑﺼﻔﻲ ﻏﻤﺰﻟﻲ ﻭﻋﻀﻠﻲ ﺷﻔﻪ ﻭﻛﺎﻝ ﺍﻭﻭﻭﻭﻑ ﻳﺎﻟﺮﻣﺎﻥ ﺷﻮﻛﺖ ﺍﻓﺮﻃﻚ ﺑﺄﻳﺪﻱ ﺑﺲ ﺳﻬﻠﻪ ﺭﺍﺡ ﺍﻃﺒﺨﻚ ﻉ ﻧﺎﺭ ﻫﺎﺩﻳﻪ ﻟﺤﺪ ﻣﺎ ﺗﺴﺘﻮﻱ ﻳﻀﺮﺏ ﻉ ﺟﺘﻒ ﺍﺑﻮﻩ ﺑﺎﺍﺍﺑﺎﺍ ﺷﻨﻮ ﺗﻄﺒﺦ ﺣﺒﻴﺒﻲ ﺍﺭﻳﺪ ﺍﻃﺒﺦ ﺍﻟﺮﻣﺎﻥ ﻭﻳﺒﺎﻭﻉ ﻋﻠﻴﻪ ﺍﻧﻲ ﻫﻢ ﺍﺭﻳﺪ ﺍﻃﺒﺨﻪ ﻫﻬﻬﻬﻬﻬﻪ ﻳﻲ ﺑﺎﺑﺎ ﺍﻛﺒﺮ ﻭﺍﻃﺒﺨﻪ ﺑﺮﺍﺣﺘﻚ ﺍﻧﻲ ﻫﻨﺎﺍﺍﺍ ﻟﻮ ﺗﺠﻮﻧﻲ ﻣﺎ ﺗﻠﻜﻮﻧﻲ ﻣﻦ ﺍﻟﺨﺠﻞ ﺩﺍﻳﺮﺓ ﻭﺟﻬﻲ ﻉ ﺷﺒﺎﻙ ﻭﺣﺎﺻﺮﻩ ﺭﻭﺣﻲ ﻳﻢ ﺍﻟﺒﺎﺏ ﻭﻃﻮﻝ ﺍﻟﻄﺮﻳﻖ ﻳﺪﻧﺪﻥ ﺷﻐﻞ ﺍﻏﻨﻴﻪ ﺳﻴﻒ ﻧﺒﻴﻞ ﺍﻟﻚ ﺿﻤﻴﺖ ﺣﻨﻴﻪ ﻭﺣﻀﻨﻪ ﻣﻮ ﻃﺒﻴﻌﻴﻪ ﺍﺫﺍﺍﺍ ﻣﻮ ﺣﻀﻨﻪ ﺍﺻﻠﻴﻪ ﻣﺮﺟﻮﻭﻭﻭﻭﻋﻪ ﻭﺍﻳﺸﺪ ﻉ ﻛﻠﻤﻪ ﻣﺮﺟﻮﻋﻪ ﻭﺻﻠﻨﺎ ﻟﺒﻴﺖ ﺍﻫﻠﻲ ﻭﻧﺰﻟﻨﻲ ﺍﻧﻤﺎﺍﺭ ﻭﺩﺧﻠﻨﺎ ﺍﻟﺒﻴﺖ ﻣﺘﺮﺏ ﻋﺒﺎﻟﻚ ﺻﺎﺭﻟﻪ ﺳﻨﻴﻦ ﻣﻬﺠﻮﺭ ﺧﻨﻜﺘﻨﻲ ﺍﻟﻌﺒﺮﺓ ﺷﺎﻟﻨﻲ ﺍﻧﻤﺎﺍﺭ ﻭﺻﻌﺪﻧﻲ ﻟﻐﺮﻓﺘﻲ ﺑﺲ ﺟﺎﻥ ﻣﺆﺩﺏ ﻣﺎﺳﻮﻯ ﺣﺮﻛﺎﺗﻪ ﻛﺄﻧﻪ ﺣﺲ ﺑﻴﻪ ﻃﺒﻴﺖ ﻟﻐﺮﻓﺘﻲ ﻭﺍﻟﻢ ﻏﺮﺍﺿﻪ ﺍﺣﺬﻳﺘﻲ ﻭﺟﻨﻄﻲ ﻉ ﺻﺎﻣﺖ ﻓﺘﺤﺖ ﻛﻨﺘﻮﺭ ﻣﻼﺑﺴﻲ ﻣﺎﻝ ﻃﻠﻌﻪ ﺑﺎﻭﻋﺖ ﻓﺴﺘﺎﻥ ﺍﺗﺬﻛﺮﺕ ﻣﺎﻣﺎ ﺍﻧﻄﺘﻨﻲ ﻫﺬﺍ ﺍﻟﻔﺴﺘﺎﻥ ﻛﺎﻟﺖ ﻫﺬﺍ ﻣﻦ ﻳﻌﻘﺪﻭﻥ ﻋﻠﻴﺞ ﺗﻠﺒﺴﻴﻨﻪ ﺟﺎﻥ ﻓﺴﺘﺎﻥ ﺍﺯﺭﻙ ﻭﻣﻦ ﻓﻮﻙ ﺿﻴﻖ ﻉ ﺻﺪﺭ ﻭﺑﻲ ﻗﺼﻪ ﺍﻟﺘﻔﺎﺣﻪ ﻭﻣﻦ ﺟﻮﺓ ﻣﻘﺴﻢ ﻉ ﺟﺴﻤﻲ ﻭﻛﻠﻪ ﺧﺮﺯ ﻭﺗﻄﺮﻳﺰﺍﺕ ﻧﺰﻟﺖ ﺩﻣﻮﻋﻲ ﻭﺧﻠﻴﺖ ﺍﻳﺪﻱ ﻉ ﻭﺟﻬﻲ ﻭﻧﺼﻴﺖ ﻭﺍﺑﺠﻲ ﺍﺟﺎﻧﻲ ﻳﻮﺳﻒ ﻭﺍﻧﻤﺎﺍﺭ ﻳﻮﺳﻒ ﺑﺠﻪ ﻣﻦ ﺷﺎﻓﻨﻲ ﺍﺑﺠﻲ ﻭﺍﺗﻬﺴﺘﺮﺕ ﺑﺠﻲ ﺑﻌﻴﺎﻁ ﻭﺍﻧﻤﺎﺍﺭ ﻳﺤﺎﻭﻝ ﻳﻬﺪﻳﻨﻲ ﻭﺍﺧﺬﻧﻲ ﻟﺤﻀﻨﻪ ﻭﻳﺤﺎﻭﻝ ﻳﻬﺪﻱ ﺑﻴﻪ ﻛﺎﺍﺍﻓﻲ ﺭﻧﺪ ﺍﻧﺘﻲ ﺍﻧﺴﺎﻧﻪ ﻗﻮﻳﻪ ﻭﺭﺍﺡ ﺗﺘﺠﺎﻭﺯﻳﻦ ﻫﺎﻟﻤﺤﻨﻪ ﺻﺪﻛﻲ ﻣﺮﺍﺕ ﻣﻦ ﺍﺷﻮﻓﺞ ﺗﺴﻮﻟﻔﻴﻦ ﻭﺗﻀﺤﻜﻴﻦ ﻭﺍﻧﺘﻲ ﻓﺎﻗﺪﻩ ﺍﻫﻠﺞ ﻗﺒﻞ ﻛﻢ ﺷﻬﺮ ﺍﻛﻮﻝ ﺑﺪﺍﺧﻠﻲ ﺷﻨﻮ ﻫﺎﻟﻘﻮﺓ ﺍﻟﻲ ﺗﻤﺘﻠﻜﻬﺎ ﺭﻧﺪ ﺣﺘﻰ ﺗﺨﻠﻴﻬﺎ ﻫﻴﺞ ﺍﻟﻲ ﻳﺸﻮﻓﻬﺎﺍ ﻳﻜﻮﻥ ﻋﺒﺎﻟﻚ ﻣﻮ ﺍﻫﻠﻬﺎ ﺍﻟﻤﺎﺗﻮﺍ ﺑﺲ ﺍﻧﺖ ﺍﺩﺭﻱ ﺑﻴﺞ ﺩﺍﺋﻤﺎ ﺗﺒﺠﻴﻦ ﺍﺷﻬﻚ ﻭﺍﺣﺠﻲ ﺃﺷﺮ ﻉ ﻓﺴﺘﺎﻥ ﻫﺬﺍ ﺍﻟﻔﺴﺘﺎﻥ ﻣﺎﻣﺎ ﺟﺎﻧﺖ ﺗﻜﻠﻲ ﻣﻦ ﺗﻌﻘﺪﻳﻦ ﺗﻠﺒﺴﻴﻨﻪ ﻭﺿﺎﻣﺘﻪ ﺍﻟﻴﻪ ﺫﻳﺞ ﺍﻟﺴﻨﻪ ﺳﺎﻓﺮﺕ ﻟﻠﺒﻨﺎﻥ ﺟﺎﻥ ﻋﺪﻫﺎ ﻗﻀﻴﻪ ﻭﺟﺎﺑﺘﻠﻲ ﻫﺬﺍ ﺍﻟﻔﺴﺘﺎﻥ ﻭﻳﻤﺴﺢ ﺑﺪﻣﻮﻋﻲ ﻳﺎﺍﺍﺭﻭﺣﻲ ﻛﺎﺍﺍﻓﻲ ﺷﻮﻓﻲ ﻳﻮﺳﻒ ﺷﻠﻮﻥ ﻳﺒﺠﻲ ﻋﻠﻴﺞ ﻭﺍﺟﺎﻧﻲ ﻳﻮﺳﻒ ﻭﻧﺼﻰ ﻉ ﺣﻀﻨﻲ ﺧﻠﻪ ﺭﺍﺳﻪ ﺑﺤﻀﻨﻲ ﻭﻳﺒﺠﻲ ﻻﺍ ﺗﺒﺠﻴﻦ ﺭﻧﺪ ﻫﺴﻪ ﺗﺮﺟﻊ ﺍﻣﺞ ﺍﻧﻲ ﻫﻢ ﻣﺎﻣﺎ ﺗﺮﻭﺡ ﻭﺑﻌﺪﻳﻦ ﺗﺮﺟﻊ ﻧﺰﻟﻨﻲ ﺍﻧﻤﺎﺍﺭ ﺟﻮﺓ ﻭﻭﺩﺍﻧﻲ ﻭﻛﻌﺪﻧﺎ ﺑﺎﻟﺴﻴﺎﺭﺓ ﻭﺭﺟﻊ ﻃﺐ ﻟﻠﺒﻴﺖ ﺍﺗﺄﺧﺮ ﺑﻲ ﺗﻘﺮﻳﺒﺎ ﺭﺑﻊ ﺳﺎﻋﻪ ﻃﻠﻊ ﺟﺎﻳﺐ ﻛﻮﻣﻪ ﺟﻨﻂ ﻭﻏﺮﺍﺽ ﻭﺧﻼﻫﻦ ﺑﺎﻟﺨﺎﻧﻪ ﺍﻟﻮﺭﺓ ﻳﺤﺠﻲ ﻭﻳﺒﺘﺴﻢ ﺍﻟﻴﻮﻡ ﺍﺭﻳﺪﻛﻢ ﺗﻌﺰﻣﻮﻧﻲ ﻉ ﻋﺸﺎﺍﺍ ﺑﺲ ﺍﻧﻲ ﺍﻻﺩﻓﻊ ﻭﻳﺼﻔﻚ ﻳﻮﺳﻒ ﺑﺤﻤﺎﺍﺱ ﻫﺎﺍﺍﺍﺍﺍﺍﻱ ﻳﻲ ﺑﺎﺑﺎ ﺍﺭﻳﺪ ﺑﻴﺘﺰﺍ ﺑﺎﻟﺸﺎﻭﺭﻣﺎ ﺗﺪﻟﻞ ﺑﺎﺑﺎﺗﻲ ﻭﺍﻧﺘﻲ ﺍﻡ ﺩﻣﻮﻉ ﺷﺘﺮﺩﻳﻦ ﻣﺎﺍ ﺍﺭﻳﺪ ﻣﺎﺍﺷﺘﻬﻲ ﻻﺍﺍﺍ ﺷﻠﻮﻥ ﺍﺫﺍ ﻣﺎﺗﺎﻛﻠﻴﻦ ﺗﺮﻯ ﻣﺎﻧﺘﻌﺸﻰ ﻭﻳﻐﻤﺰ ﻟﻴﻮﺳﻒ ﻫﺎﺍﺍ ﻳﻮﺳﻒ ﻣﻮﻭﻭ ﻳﻲ ﺑﺎﺑﺎ ﻣﺎﻧﺘﻌﺸﻰ ﻻﺍﺍ ﺍﻛﻠﻮﺍ ﺍﻧﺘﻮﺍﺍ ﻣﺎﺍﻛﻮ ﺍﻋﺘﺮﺽ ﺑﺎﺑﺎ ﻣﺎﻛﻮ ﻭﺩﺍﻧﺎ ﻟﻤﻄﻌﻢ ﺑﺎﻟﻤﻨﺼﻮﺭ ﻛﻮﻟﺶ ﺣﻠﻮﻭ ﻭﺭﺍﻗﻲ ﻭﻧﺰﻟﻨﻲ ﻭﻛﻌﺪﻧﻲ ﺑﺎﻟﻜﺮﺳﻲ ﻭﻃﺒﻴﻨﺎ ﻟﻠﻤﻄﻌﻢ ﻭﺍﻟﻜﻞ ﻳﺒﺎﻭﻉ ﻋﻠﻴﻪ ﻛﺄﻧﻲ ﻛﺎﻥ ﻓﻀﺎﺋﻲ ﻛﻮﻟﺶ ﺧﺠﻠﺖ ﻣﻦ ﻧﻔﺴﻲ ﻭﺻﻠﻨﺎ ﻟﻠﻄﺎﻭﻟﻪ ﻭﻃﻠﺐ ﻳﻮﺳﻒ ﺑﻴﺘﺰﺍ ﻭﺍﻧﻤﺎﺍﺭ ﻃﻠﺐ ﺗﻜﻪ ﻭﻣﻌﻼﻙ ﻭﻃﻠﺒﻠﻲ ﻭﻳﺎﻩ ﺗﻜﻪ ﺑﺪﻳﻨﺎ ﺑﺎﻟﻤﻘﺒﻼﺕ ﻭﻧﺎﻛﻞ ﻭﻳﻮﺳﻒ ﻳﺴﻮﻟﻒ ﻷﺑﻮ ﻉ ﺍﺻﺪﻗﺎﺋﻪ ﺑﺎﻟﻤﺪﺭﺳﻪ ﻭﺍﻧﻤﺎﺍﺭ ﻳﺴﺘﻤﻌﻠﻪ ﻛﺄﻧﻪ ﺭﺟﺎﻝ ﻣﻮ ﻃﻔﻞ ﻭﻳﺸﺎﺭﻛﻪ ﺍﻟﺤﺪﻳﺚ ﻭﻳﺎﺧﺬ ﺭﺃﻳﻪ ﻣﺤﺴﺴﻪ ﺑﺸﺨﺼﻴﺘﻪ ﻣﺮﺭﺍﺕ ﺍﻧﺒﻬﺮ ﺑﺘﺮﺑﻴﻪ ﻳﻮﺳﻒ ﺍﻧﻤﺎﺍﺭ ﻣﺮﺑﻲ ﻉ ﺷﻐﻼﺕ ﻛﺄﻧﻪ ﺭﺟﺎﻝ ﻣﻮ ﻃﻔﻞ ﺗﺼﺮﻓﺎﺗﻪ ﻣﺎﻝ ﻛﺒﺎﺭ ﻭﻛﻼﻣﻪ ﻣﻮﺯﻭﻥ ﻭﺍﺫﺍ ﻳﺨﻄﺄ ﻳﻌﺘﺬﺭ ﻭﻳﺤﺘﺮﻡ ﺍﻟﻜﻞ ﺑﺪﻭﻥ ﺍﺳﺘﺜﻨﺎﺀ ﻭﻳﻄﻴﻊ ﺍﺑﻮﻩ ﻃﺎﻋﻪ ﻋﻤﻴﺎﺀ ﺷﻴﻜﻠﻪ ﺍﻧﻤﻤﺎﺭ ﻳﻮﺳﻒ ﻳﻜﻮﻝ ﺗﻤﺎﺍﻡ ﻛﻤﻠﻨﺎ ﺍﻛﻞ ﺍﻟﻤﻘﺒﻼﺕ ﻭﺟﺎﺑﻮﻟﻨﺎ ﻃﻠﺒﺎﺗﻨﺎ ﻭﺑﻠﺸﻨﺎ ﻧﺎﻛﻞ ﻭﺍﻧﻤﺎﺭ ﻳﺴﻮﻳﻠﻲ ﻟﻔﺎﺕ ﺻﻐﺎﺭ ﻭﻳﻨﻄﻴﻨﻲ ﺷﺒﻴﻚ ﺷﻨﻮ ﺍﻧﻲ ﻃﻔﻠﻪ ﻳﻲ ﻏﻴﺮ ﺑﻨﻮﺗﻲ ﻭﺍﻭﻛﻠﻬﺎﺍ ﺍﻧﻲ ﺍﻛﻞ ﺩﺍ ﺗﺨﺠﻠﻨﻲ ﺗﺮﻯ ﻻﺍﺍ ﺗﺨﺠﻠﻴﻦ ﻭﻧﺼﻴﺖ ﻭﺍﻛﻞ ﻭﺍﺣﺲ ﺍﻧﻀﺎﺭ ﺍﻟﺒﻨﺎﺕ ﻛﻠﻬﺎﺍ ﻉ ﺍﻧﻤﺎﺍﺭ ﻭﺍﺟﺖ ﺑﻨﻴﻪ ﻭﺳﻠﻤﺖ ﻉ ﺍﻧﻤﺎﺍﺭ ﻭﺗﺒﺎﻭﻉ ﻋﻠﻴﻪ ﻭﺗﺘﻤﺎﻭﻭﻉ ﺍﻧﻤﺎﺍﺭ ﻛﺒﻞ ﺳﺤﺒﻬﺎ ﻣﻦ ﻋﻜﺴﻬﺎ ﻭﺍﺧﺬﻫﺎ ﻭﻃﻠﻌﻮﻭﺍ ﺣﺘﻰ ﻣﺎ ﻛﻠﻠﻬﺎ ﻫﺎﻱ ﺯﻭﺟﺘﻲ ﻭﻻ ﻋﺮﻓﻬﺎﺍ ﻋﻠﻴﻪ ﻋﻔﺖ ﺍﻻﻛﻞ ﻭﺍﺷﺘﻌﻠﺖ ﺑﻨﺎﺭ ﻭﻭﺭﺓ ١٠ ﺩﻗﺎﻳﻖ ﺍﺟﺎﺍﺍ ﻭﺍﻛﻞ ﻃﺒﻴﻌﻲ ﻭﻣﺎﺣﺠﺎ ﻭﻻ ﻛﻠﻤﻪ ﻭﺷﺎﻓﻨﻲ ﻣﺪﺍ ﺍﻛﻞ ﺑﺲ ﻣﺎ ﺣﺠﺎﺍ ﻭﻛﻞ ﺷﻮﻱ ﻳﺒﺎﻭﻋﻠﻲ ﻭﻳﻨﺼﻲ ﻉ ﺍﻛﻞ ﻳﺎﻛﻞ ﻛﻤﻠﻨﺎ ﻭﺻﻌﺪﻧﺎ ﺑﺎﻟﺴﺒﺎﺭﺓ ﻭﺭﺣﻨﺎ ﻟﻠﺮﺑﻴﻌﻲ ﻭﻃﺒﻚ ﻳﻢ ﻣﺤﻞ ﻣﻮﺑﺎﻳﻼﺕ ﻧﺰﻝ ﻭﺭﺓ ﺷﻮﻳﻪ ﺍﺟﺎﺍﺍ ﺍﺑﺎﻭﻉ ﺟﺎﻳﺐ ٢ ﺍﻳﻔﻮﻧﺎﺕ ﻭﺭﺟﻌﻨﺎ ﻉ ﺻﺎﻣﺖ ﺑﺲ ﻳﻮﺳﻒ ﻳﺤﺠﻲ ﻭﻳﻪ ﺍﺑﻮﻩ ﻭﺻﻠﻨﺎ ﻟﻠﺒﻴﺖ ﻭﻛﺒﻞ ﻧﺰﻟﻨﻲ ﻭﺭﺣﺖ ﻟﻐﺮﻓﺘﻲ ﺷﺒﻌﺖ ﺑﺠﻲ ﻟﻴﺶ ﻫﻴﺞ ﺍﺗﺠﺎﻫﻞ ﻭﺟﻮﺩﻱ ﺷﻲ ﺍﻛﻴﺪ ﻫﺎﻱ ﻭﺣﺪﻩ ﻣﻦ ﺻﺎﺣﺒﺎﺗﻪ ﺍﻟﻲ ﺫﺍﻙ ﺍﻟﻴﻮﻡ ﺍﺟﺎﻧﻲ ﻣﺰﻭﺭﻙ ﻣﻨﻬﻦ ﻭﺍﺩﺭﺩﻡ ﻭﺍﺣﺠﻲ ﺍﺟﺖ ﺭﻓﻞ ﺩﻛﺖ ﺍﻟﺒﺎﺏ ﻭﻓﺎﺗﺖ ﻫﺎﺍﺍ ﺭﻧﺪ ﺷﺒﻴﺞ ﺗﺒﺠﻴﻦ ﻭﺟﺠﺠﺞ ﻧﺎﺍﺭ ﺑﻜﻠﺒﻲ ﺩﺍ ﺍﺣﺘﺮﻙ ﺷﺒﻴﺞ ﺷﻨﻮ ﺍﻟﻲ ﺻﺎﺭ ﺷﻮ ﻃﻠﻌﺘﻲ ﻭﺟﻬﺞ ﻳﻀﺤﻚ ﻭﺭﺟﻌﺘﻲ ﺍﻟﻌﻜﺲ ﻭﺟﺠﺠﺞ ﺭﺣﻨﺎ ﻟﻠﻤﻄﻌﻢ ( ﻭﺳﻮﻟﻔﺘﻠﻬﺎ ﺍﻟﻲ ﺻﺎﺭ ) ﺣﺒﻴﺒﺘﻲ ﺍﻧﻤﺎﺍﺭ ﺻﺎﺭﻟﻪ ﻋﺪﻩ ﺳﻨﻮﺍﺕ ﺑﺪﻭﻥ ﺯﻭﺍﺝ ﻭﺷﻲ ﺍﻛﻴﺪ ﺧﻼﻝ ﻫﺎﻟﺴﻨﻮﺍﺕ ﺻﺎﺭ ﻋﻨﺪﻩ ﺑﻨﺎﺕ ﻭﻋﻼﻗﺎﺕ ﻟﻴﺶ ﺗﺴﺘﻐﺮﺑﻴﻦ ﻭﻫﻮﺓ ﺍﺻﻼ ﻣﺼﺎﺭﻟﻜﻢ ﻛﻢ ﻳﻮﻡ ﻣﻦ ﺍﺗﺰﻭﺟﺘﻮﺍ ﻭﻻﺣﻀﺖ ﺯﻭﺍﺟﻜﻢ ﻉ ﻭﺭﻕ ﻻﻥ ﻛﻞ ﻭﺍﺣﺪ ﻳﻨﺎﻡ ﺑﻐﺮﻓﺘﻪ ﻭﺍﻧﺘﻲ ﺑﻌﺪﺝ ﺑﺎﻻﺳﻮﺩ ﺷﻲ ﺍﻛﻴﺪ ﻳﺒﻘﻰ ﻉ ﺣﺎﻟﺘﻪ ﻭﺟﺠﺞ ﺷﺘﺤﺠﻴﻦ ﺍﻧﻲ ﻣﺮﻳﻀﻪ ﻭﺍﻟﺪﻛﺘﻮﺭ ﻣﺎﻧﻌﻨﻲ ﻣﻦ ﺍﻟﺰﻭﺍﺝ ﻭﺍﻫﻠﻲ ﻣﺼﺎﺭﻟﻬﻢ ﻛﻢ ﺷﻬﺮ ﻣﻦ ﻣﺎﺗﻮﻭﺍ ﻭﺗﻜﻮﻟﻴﻠﻲ ﻻﺑﺴﻪ ﺍﺳﻮﺩ ﺍﻋﺘﺬﺭ ﺑﺲ ﻫﺬﺍ ﺭﺟﺎﻝ ﻣﻮ ﻣﺜﻠﻨﺎ ﺍﻟﺮﺟﺎﻝ ﻣﺎﻳﻌﺬﺭ ﻫﻮﺓ ﻭﻳﻦ ﻫﺴﻪ ﻗﺼﺪﺝ ﺍﺳﺘﺎﺫ ﺍﻧﻤﻤﺎﺭ ﺍﻣﻤﻤﻤﻢ ﻃﻠﻊ ﻳﻲ ﺭﺍﺡ ﻳﺴﻬﺮﺭﺭ ﻳﻢ ﻛﺤﺎ ...... ﻛﻮﻟﻲ ﺑﺎﺍﻟﻠﻪ ﻳﻤﻌﻮﺩﻩ ﺍﺩﺭﻱ ﺻﻌﺒﻪ ﻋﻠﻴﺞ ﻭﺍﻟﻐﻴﺮﺓ ﺗﻤﻮﺕ ﺑﺲ ﺍﻧﺘﻲ ﻻﺯﻡ ﺗﺤﺎﻭﻟﻴﻦ ﺗﻜﺴﺒﻴﻨﻪ ﻣﺒﻴﻦ ﻋﻠﻴﺞ ﺗﺤﺒﻴﻨﻪ ؟ ﺍﺣﺒﻪ !!!! ﻣﺎﺍﺍﻋﺮﻑ ﺑﺲ ﺍﺷﺘﻌﻞ ﻣﻦ ﺍﻟﻐﻴﺮﺓ ﺗﺒﺘﺴﻢ ﻭﺗﺤﺠﻲ ﻣﻌﻨﺎﻫﺎ ﺗﺤﺒﻴﻨﻪ ﺍﻓﻔﻔﻔﻔﻔﻔﻔﻔﻒ ﺑﻘﻴﺖ ﺍﻧﺘﻈﺮﻩ ﻟﻞ٣ ﺑﻠﻴﻞ ﻭﻫﻮﺓ ﻣﺎﺭﺟﻊ ___________________________________ ﺍﺳﻤﻲ ﺭﻓﻞ ﻋﻤﺮﻱ ٢٥ ﻣﺘﺰﻭﺟﻪ ﺭﺳﻼﻥ ﺻﺎﺭﻟﻨﺎ ﺻﺎﺭﻟﻨﺎ ٣ ﺳﻨﻮﺍﺕ ﺍﺣﺠﻴﻠﻜﻢ ﻗﺼﺘﻲ ﺍﻣﻲ ﻣﻮﺻﻠﻴﻪ ﻭﺍﺑﻮﻳﻪ ﻣﻦ ﺑﻐﺪﺍﺩ ﺍﺟﺖ ﺯﻳﺎﺭﺓ ﻷﻗﺎﺭﺑﻬﺎﺍ ﻭﻳﻪ ﺍﻫﻠﻬﺎ ﻭﺷﺎﻓﻬﺎ ﺑﺎﺑﺎ ﻭﺧﻄﺒﻬﺎ ﻭﺍﺗﺰﻭﺟﻮﺍ ﻭﺭﺓ ﺳﻨﻪ ﻣﻦ ﺯﻭﺍﺟﻬﻢ ﺍﻣﻲ ﺣﺒﻠﺖ ﺑﻴﻪ ﻭﻭﺭﺓ ٨ ﺍﺷﻬﺮ ﺍﺟﻴﺖ ﻟﻠﺪﻧﻴﺎ ﺛﻤﻴﻨﻴﻪ ﺑﻌﺪ ﻭﻻﺩﺗﻲ ﺏ١٢ ﺳﻨﻪ ﺑﺎﺑﺎ ﺻﺎﺭ ﺑﻲ ﺟﻠﻄﻪ ﻭﺍﺗﻮﻓﻰ ﻭﺑﻘﻴﻨﺎ ﺍﺑﻐﺪﺍﺩ ﺧﻮﺍﻥ ﺍﻣﻲ ﻣﻮ ﺣﻨﻴﻨﻴﻦ ﻭﺍﺑﻮﻫﺎ ﻭﺍﻣﻬﺎ ﻣﻴﺘﻴﻦ ﺍﻣﻲ ﻛﺎﻟﺖ ﺍﺫﺍ ﺭﺣﺖ ﺭﺍﺡ ﻳﺰﻭﺟﻮﻧﻲ ﻭﺍﻧﻲ ﺍﺣﺐ ﺍﻟﻤﺮﺣﻮﻡ ﻭﻣﺎﺍﻛﺪﺭ ﺍﺗﺰﻭﺝ ﻏﻴﺮﻩ ﻭﻫﻤﺎﺍ ﺍﺻﻼ ﻣﺎﺳﺄﻟﻮﺍ ﻋﻠﻴﻪ ﺷﻠﻮﻥ ﺭﺍﺡ ﺍﻋﻴﺶ ﻭﺣﺪﻱ ﻛﺎﻣﺖ ﺗﺨﺪﻡ ﺑﺎﻟﺒﻴﻮﺕ ﺣﺘﻰ ﺗﻌﻴﺸﻨﻲ ﻭﺍﻛﻤﻞ ﺩﺭﺍﺳﺘﻲ ﺍﺗﺨﺮﺟﺖ ﻣﻦ ﺍﻟﺴﺎﺩﺱ ﺑﻤﻌﺪﻝ ٨٥ ﻭﻃﻠﻌﻠﻲ ﻗﺎﻧﻮﻥ ﻭﺩﺧﻠﺖ ﻛﻠﻴﻪ ﻗﺎﻧﻮﻥ ﻭﺍﺗﻌﺮﻓﺖ ﻉ ﺑﻨﺎﺕ ﺣﺒﺎﺑﺎﺕ ﻭﺍﺧﻼﻕ ﻭﺣﺴﻴﺘﻬﻦ ﻣﺜﻞ ﻃﺒﻌﻲ ﻭﻣﺎﻋﺪﻫﻦ ﺗﻜﺒﺮ ﻭﻋﺪﻳﺖ ﺍﻭﻝ ﺳﻨﻪ ﻋﺎﺩﻱ ﺑﺪﻭﻥ ﻻ ﺣﺐ ﻭﻻ ﺍﻱ ﺷﻲ ﻭﺛﺎﻧﻲ ﺳﻨﻪ ﺩﺍﻭﻣﺘﻬﺎ ﻭﻭﺭﺓ ﺩﻭﺍﻣﻲ ﺑﺸﻬﺮﻳﻦ ﺍﻣﻲ ﻛﺎﻣﺖ ﺗﺸﺘﻐﻞ ﺍﺑﻴﺖ ﻣﺮﺓ ﺍﺳﻤﻬﺎ ﺍﻡ ﺍﻧﻤﺎﺭ ﻭﺟﺎﻧﺖ ﺗﻄﻠﺐ ﻣﻨﻬﺎ ﺗﺮﻭﺣﻠﻬﺎ ﻣﻦ ﺍﻟﺼﺒﺢ ﻟﻠﻴﻞ ﻭﺍﻣﻲ ﺟﺎﻧﺖ ﺗﺨﺎﻑ ﻋﻠﻴﻪ ﺍﺭﺟﻊ ﻣﻦ ﺍﻟﺪﻭﺍﻡ ﻭﺍﺑﻘﻰ ﻭﺣﺪﻱ ﻟﻬﺬﺍ ﻛﺎﻟﺖ ﻣﻦ ﺗﺮﺟﻌﻴﻦ ﻣﻦ ﺍﻟﺪﻭﺍﻡ ﻛﺒﻞ ﺗﻌﺎﻱ ﻟﺒﻴﺖ ﺍﻡ ﺍﻧﻤﺎﺭ ﻗﺮﻳﺐ ﻉ ﺟﺎﻣﻌﺘﻲ ﻭﺍﺑﻘﻰ ﻛﺎﻋﺪﻩ ﺑﺎﻟﻤﻄﺒﺦ ﻳﻢ ﻣﺎﻣﺎ ﻣﺮﺍﺕ ﺍﺳﺎﻋﺪﻫﺎ ﻭﺑﻠﻴﻞ ﻧﺮﺟﻊ ﺳﻮﺓ ﻭﺑﻬﻞ ﻓﺘﺮﺓ ﺍﺗﻌﺮﻓﺖ ﻉ ﻭﻫﺞ ﻭﺭﺳﻼﻥ ﻭﻋﻠﻲ ﺟﺎﻧﻮﺍﺍ ﻛﻮﻟﺶ ﺑﺴﻄﺎﺀ ﻋﻜﺲ ﺍﻣﻬﻢ ﺍﻟﻤﺎ ﻳﻬﻤﻬﺎ ﻏﻴﺮ ﺍﻟﻤﻀﺎﻫﺮ ﻭﺟﻨﺖ ﺍﺷﻮﻑ ﺍﺳﺘﺎﺫ ﺍﻧﻤﺎﺍﺭ ﻣﻦ ﻳﺠﻲ ﻉ ﺍﻫﻠﻪ ﻫﻮﺓ ﻭﺯﻭﺟﺘﻪ ﺟﻨﺖ ﺍﺣﺴﺪﻫﺎﺍ ﻋﻠﻲ ﺟﺎﻥ ﻣﺪﻟﻠﻬﺎ ﺩﻻﻝ ﻣﺼﺎﻳﺮ ﻭﻳﻄﻴﻌﻬﺎﺍ ﻃﺎﻋﻪ ﻋﻤﻴﺎﺀ ﻭﻣﻦ ﻳﺠﻲ ﻷﻫﻠﻪ ﻳﺒﻘﻰ ﻻﺯﻙ ﺑﻴﻬﺎ ﻭﻳﻦ ﻣﺎﺗﺮﻭﺡ ﻳﺮﻭﺡ ﻭﺭﺍﻫﺎ ﺟﻨﺖ ﻛﻞ ﻣﺎﺍﺑﺎﻭﻉ ﻉ ﺍﺳﺘﺎﺫ ﺍﻧﻤﺎﺍﺭ ﺍﻟﻜﺎﻩ ﻳﺒﺎﻭﻉ ﻉ ﺯﻭﺟﺘﻪ ﺍﺳﻤﻬﺎ ﻧﻴﺮﺍﻥ ﺟﺎﻧﺖ ﻛﻮﻟﺶ ﺣﻠﻮﺓ ﻋﻴﻮﻧﻬﺎ ﺯﺭﻙ ﻭﺷﻌﺮﻫﺎ ﺻﺎﺑﻐﺘﻪ ﺍﺳﻮﺩ ﻓﺤﻤﻲ ﻭﻟﺒﺴﻬﺎ ﻛﻠﻪ ﺑﻨﺎﻃﻴﺮ ﻭﺑﺪﻳﺎﺕ ﺭﺑﻊ ﺭﺩﺍﻥ ﺑﺲ ﻓﻮﻛﺎﻩ ﻋﺒﺎﻳﻪ ﻣﻦ ﺗﺠﻲ ﺗﻨﺰﻋﻬﺎﺍﺍ ﺟﺎﻧﺖ ﻛﻞ ﻣﺎﺗﺠﻲ ﺍﻣﻜﻴﺠﻪ ﻋﺒﺎﻟﻚ ﻋﺮﻭﺱ ﻭﺗﺪﻟﻊ ﻭﺗﺘﻤﻮﻉ ﻫﻮﺍﻳﻪ ﺑﺲ ﺟﺎﻧﺖ ﺩﻭﻭﻡ ﻣﺸﺎﻛﻞ ﻭﻳﻪ ﺍﻡ ﺍﻧﻤﺎﺭ ﻣﺎ ﻳﺘﻔﻘﻦ ﺍﺑﺪ ﻭﺍﻡ ﺍﻧﻤﺎﺭ ﺗﺬﺑﻠﻬﺎ ﺣﺠﻲ ﻭﻧﻴﺮﺍﻥ ﺍﺑﺪ ﻣﺎﺗﺴﻜﺖ ﻫﻢ ﻟﺴﺎﻥ ﻣﺮﺓ ﺍﺳﺘﺎﺫ ﺍﻧﻤﺎﺍﺭ ﺟﺎﺏ ﻧﻴﺮﺍﻥ ﺯﻭﺟﺘﻪ ﻭﺭﺍﺡ ﻛﺎﻟﻬﺎ ﺍﺟﻴﺐ ﻣﺴﻮﺍﻙ ﻭﺍﺭﺟﻊ ﺍﻧﻲ ﺍﺑﺎﻭﻋﻠﻬﻢ ﻣﻦ ﺷﺒﺎﻙ ﺍﻟﻤﻄﺒﺦ ﻃﺒﺖ ﻧﻴﺮﺍﻥ ﻭﻭﺭﺓ ﺩﻗﺎﻳﻖ ﻭﺍﺳﻤﻊ ﺍﺻﻮﺍﺗﻬﻦ ﺍﻟﻌﺎﻟﻴﻪ ﺍﻟﻌﻤﻪ ﻭﺍﻟﺠﻨﻪ ﺻﺎﺭﺕ ﻣﺸﻜﻠﻪ ﺑﻴﻨﺎﺗﻬﻦ ﻭﺍﻧﻲ ﺟﻨﺖ ﺑﺎﻟﻤﻄﺒﺦ ﺳﻤﻌﺖ ﺍﻟﺼﻴﺎﺡ ﻭﻣﺪﻳﺖ ﺭﺍﺳﻲ ﻣﻦ ﺑﺎﺏ ﺍﻟﻤﻄﺒﺦ ﺍ ﺍﺗﺼﻨﻂ ﺟﺎﻧﺖ ﺍﻣﻲ ﺗﻨﻈﻒ ﺑﺎﻟﺤﺪﻳﻘﻪ ﻭﺍﺟﺎﻧﻲ ﻭﺍﺣﺪ ﻧﻐﺰﻧﻲ ﻣﻦ ﺯﻧﺪﻱ ﺍﺑﺎﻭﻭﻉ ﺍﺳﺘﺎﺫ ﺭﺳﻼﻥ ﺍﺗﻠﻌﺜﻤﺖ ﻫﺎﺍﺍﻱ ﺷﺠﺎﺑﻚ ﻗﺼﺪﻱ ﺍﻣﻤﻤﻤﻤﻢ ﺍﺍﺍﺍﺍﺳﺘﺎﺫ ﺭﺳﻼﻥ ﻳﻀﺤﻚ ﺑﻤﻜﺮ ﻫﺎﺍﺍﺍ ﻳﺎ ﻋﺼﻔﻮﺭﺓ ﺗﺘﺼﻨﻄﻴﻦ ﻣﺎﻋﻠﻤﻮﺝ ﺍﻫﻠﺞ ﻫﺬﺍ ﺍﻟﺸﻲ ﺣﺮﺍﺍﻡ ﻻﺍﺍﺍﺍ ﻣﻮ ﻗﺼﺪﻱ ﺑﺲ ﺍﺷﺘﺪ ﺍﻟﻜﻼﻡ ﺑﻴﻨﻬﻦ ﻭﺍﺿﻄﺮﻳﺖ ﻭﺍﺗﺴﻤﻌﺖ ﻋﻮﻓﻴﻬﻦ ﻭﺍﺗﻌﻮﺩﻱ ﻋﻠﻴﻬﻦ ﺩﻭﻣﻬﻦ ﻫﻴﺞ . ﻣﺎ ﺍﻟﺞ ﺩﺧﻞ ﺑﻴﻬﻦ ﻟﻮ ﺗﺪﺭﻱ ﺑﻴﺞ ﺍﻣﻲ ﺗﻔﺮﻣﺞ ﻻﺍﺍﺍ ﺷﻌﻠﻴﻪ ﺍﻧﻲ ﻛﻌﺪﺩ ﻉ ﻛﺮﺳﻲ ﺑﺎﻟﻤﻄﺒﺦ ﻭﺧﻠﻪ ﺍﻳﺪﻩ ﻉ ﻃﺎﻭﻟﻪ ﻭﻣﻨﺼﻲ ﻉ ﻣﻮﺑﺎﻳﻠﻪ ﻭﻳﺤﺠﻲ ﻳﻠﻠﻠﻪ ﺣﻀﺮﻭﻟﻲ ﻏﺪﺩﺍ ﺗﺪﻟﻞ ﺣﻀﺮﺗﻠﻪ ﺍﻟﻐﺪﺍ ﺑﻄﺮﻳﻘﻪ ﺷﻬﻴﻪ ﻭﻗﺪﻣﺘﻬﺎﺍ ﻉ ﻃﺎﻭﻟﻪ ﺍﻟﻄﻌﺎﻡ ﻭﻣﻦ ﻫﺬﺍ ﺍﻟﻤﻮﻗﻒ ﺭﺳﻼﻥ ﻛﻞ ﻣﺎﻳﺸﻮﻓﻨﻲ ﻳﻜﻠﻲ ﻳﺎﻋﺼﻔﻮﺭﺓ ﻭﻳﻐﻤﺰﻟﻲ ﻋﻮﺩ ﻳﺬﻛﺮﻧﻲ ﺑﺎﻟﻤﻮﻗﻒ ﻋﻼﻗﺘﻲ ﺑﻮﻫﺞ ﺟﻴﺪﻩ ﺑﺲ ﻣﺎﺑﻴﻨﺎﺗﻨﺎ ﺍﺳﺮﺍﺭ ﺭﺳﻼﻥ ﻛﺎﻡ ﺍﻱ ﺷﻲ ﻳﺮﻳﺪﻩ ﻳﻄﻠﺒﻪ ﻣﻨﻲ ﻭﻣﺮﺍﺕ ﺍﺣﺴﻪ ﻳﺘﻘﺼﺪﻧﻲ ﻣﻦ ﺍﻣﻲ ﻣﺎﻛﻮ ﻳﻜﻌﺪ ﻳﺴﻮﻟﻒ ﻭﻳﺎﻳﻪ ﻣﺮﺓ ﺟﻨﺖ ﺭﺍﺟﻌﻪ ﻣﻦ ﺍﻟﺪﻭﺍﻡ ﻣﺸﻲ ﻭﺣﺎﺭﺓ ﻭﻭﺍﺣﺪ ﻃﺎﻳﺢ ﺣﺾ ﺣﺸﺎﻛﻢ ﻳﻤﺸﻲ ﻭﺭﺍﻳﻪ ﺑﺎﻟﺴﻴﺎﺭﺗﻪ ﺍﻟﻌﺎﻟﻴﻪ ﻭﻣﺒﻴﻦ ﻋﻠﻲ ﻓﺎﻳﺦ ﻭﻳﺬﺏ ﺣﺠﻲ ﻭﺫﺑﻠﻲ ﺍﻟﺮﻗﻢ ﻭﺍﻧﻲ ﻣﻨﺼﻴﻪ ﻭﺍﻣﺸﻲ ﻣﺎﺟﺎﻭﺑﺘﻪ ﺍﺑﺪ ﻭﺍﺟﺎﺍﺍ ﺭﺳﻼﻥ ﺑﺴﻴﺎﺭﺗﻪ ﻧﺰﻝ ﺍﺑﺎﻭﻭﻉ ﻋﻴﻮﻧﻪ ﺗﺬﺏ ﺷﺮﺍﺭ ﺩﺍ ﻳﺘﻌﺎﺭﻙ ﻭﻳﻪ ﻫﺬﺍ ﺍﻟﻴﺘﺤﺎﺭﺵ ﻭﻫﺬﺍ ﻛﺒﻞ ﺭﺍﺡ ﺑﺴﻴﺎﺭﺗﻪ ﻭﺍﺟﺎﺍﺍﻧﻲ ﺭﺳﻼﺍﺍﻥ ﻟﺰﻣﻨﻲ ﻣﻦ ﻋﻜﺴﻲ ﻭﻳﺤﺠﻲ ﻟﺠﺠﺠﺞ ﻣﻨﻮ ﻫﺬﺍ ﺍﻟﻴﻤﺸﻲ ﻭﺭﺍﺍﺍﺝ ﺷﺪﺭﺭﺭﺍﻧﻲ ﺍﻭﻭﻭﻭﻱ ﻋﻮﻑ ﺍﻳﺪﻱ ﺷﺒﻴﻚ ﺑﻨﺘﺮ ﻟﻴﻴﺶ ﺗﻨﻄﻴﻨﻪ ﻣﺠﺎﻝ ﺍﺫﺍ ﺻﺪﻭﻙ ﻣﺘﻌﺮﻓﻲ ﺟﺎﻥ ﺭﺯﻟﺘﻲ ﻟﻮ ﺍﻧﺘﻦ ﺗﻜﻴﻔﻦ ﻉ ﻫﺎﻟﺴﻮﺍﻟﻒ ﻭﺭﺟﺎﻝ ﻓﺎﻳﺦ ﺗﻘﻄﻨﻪ ﻭﻧﺰﻟﺖ ﺩﻣﻮﻋﻲ ﻭﺩﺍﻋﺖ ﺍﻣﻲ ﻣﺎﺍﻋﺮﻓﻪ ﻫﺎﺍﺍﺍﻱ ﺷﺒﻴﻜﻜﻚ ﻋﻔﺘﻪ ﻭﺭﺣﺖ ﻟﺒﻴﺖ ﺍﻡ ﺍﻧﻤﺎﺍﺍﺭ ﻃﺒﻴﺖ ﻟﻠﻤﻄﺒﺦ ﻟﻜﻴﺖ ﺍﻣﻲ ﺗﺸﺘﻐﻞ ﻳﻤﻪ ﻋﻨﺪﻱ ﺍﻣﺘﺤﺎﻥ ﺍﺭﻳﺪ ﺍﺭﺟﻊ ﻟﺒﻴﺘﻨﺎ ﺷﺒﻴﺞ ﻓﺰﺯﺗﻴﻨﻲ ﻳﺎ ﻳﻤﻪ ﺳﻼﻣﺘﺞ ﻣﻦ ﺍﻟﻔﺰﺓ ﺣﺒﻴﺒﺘﻲ ﻭﺑﺴﺖ ﺭﺍﺳﻬﺎﺍ ﺷﺒﻴﻬﺎﺍ ﻋﻴﻮﻧﺞ ﺩﺍ ﺍﻣﺸﻲ ﻭﺍﺟﺎﺍ ﻭﺍﺣﺪ ﻳﻤﺸﻲ ﺳﺮﻳﻊ ﻭﻃﺐ ﺗﺮﺍﺏ ﻟﻌﻴﻮﻭﻧﻲ ﻳﺎ ﻋﻤﺮﻱ ﻭﺍﺧﺬﺗﻨﻲ ﻟﻠﺴﻨﻚ ﺗﻐﺴﻞ ﻭﺟﻬﻲ ﻭﺩﺍ ﺍﻧﺸﻒ ﻭﺟﻬﻲ ﺑﺎﻟﺨﺎﻭﻟﻲ ﻫﺎﺍﺍ ﻣﺎﻣﺎ ﺗﺮﻭﺣﻴﻦ ﻭﻳﺎﻳﻪ ﻻﺍﺍ ﺣﺒﻴﺒﺘﻲ ﻋﻨﺪﻱ ﻛﻮﻣﻪ ﺷﻐﻞ ﺍﻟﻴﻮﻡ ﺍﻡ ﺍﻧﻤﺎﺭ ﻋﺪﻫﺎ ﻋﺰﻳﻤﻪ ﻉ ﻋﺸﺎﺍ ﺍﻭﻭﻭﻙ ﺣﺮﻭﺡ ﺍﻧﻲ ﺩﻳﺮ ﺑﺎﻟﺞ ﻉ ﺭﻭﺣﺞ ﺑﻨﻴﺘﻲ ﺗﺪﻟﻠﻴﻦ ﻣﺎﻣﺎﺗﻲ ﻭﻃﻠﻌﺖ ﻟﻜﻴﺖ ﺭﺳﻼﻥ ﺑﺎﻟﺤﺪﻳﻖ ﻳﺒﺎﻭﻉ ﻋﻠﻴﻪ ﻭﻳﺨﻮﺯﺭ ﺍﺗﻌﺪﻳﺘﻪ ﻭﻃﻠﻌﺖ ﺑﻘﻴﺖ ﺍﺳﺒﻮﻋﻴﻦ ﻣﺎﺍﺭﻭﺣﻠﻬﻢ ﻭﺍﺗﺤﺠﺞ ﻷﻣﻲ ﻋﺪﻱ ﺍﻣﺘﺤﺎﻧﺎﺕ ﻭﺩﺭﻭﺱ ﻭﻛﺬﺍﺍﺍﺍ ﺑﻌﺪ ﺍﺳﺒﻮﻋﻴﻦ ﺍﺟﺘﺖ ﻣﺎﻣﺎ ﺑﻠﻴﻞ ﻛﺒﻞ ﻃﺒﺖ ﻣﺴﺘﻌﺠﻠﻪ ﻟﻠﻤﻄﺒﺦ ﻫﺎﺍﺍ ﻣﺎﻣﺎ ﺷﻮ ﻛﺒﻞ ﻟﻠﻤﻄﺒﺦ ﻭﺻﻠﻨﻲ ﺍﺳﺘﺎﺫ ﺭﺳﻼﻥ ﻭﺭﺍﺩ ﻣﻨﻲ ﻣﻲ ﺭﺍﺣﺖ ﻭﺩﺗﻠﻪ ﺍﻟﻤﻲ ﻭﺭﺟﻌﺖ ﻛﺎﻟﺖ ﻳﺮﻳﺪ ﻳﺴﻠﻢ ﻋﻠﻴﺞ ﻛﺘﻠﻬﺎ ﻣﺎﺍ ﺍﺭﻭﺡ ﻛﻮﻟﻴﻠﻪ ﻧﺎﻳﻤﻪ ﻛﺎﻟﺖ ﻻ ﻋﻴﺐ ﺳﺄﻝ ﻋﻠﻴﺞ ﻛﺘﻠﻪ ﻛﺎﻋﺪﻩ ﺭﺍﺣﺖ ﻣﺎﻣﺎ ﻟﻐﺮﻓﺘﻪ ﻭﺍﻧﻲ ﻃﻠﻌﺘﻠﻪ ﺍﻟﺴﻼﻡ ﻋﻠﻴﻜﻢ ﻣﻨﺘﺠﻲ ﻉ ﺑﺎﺏ ﺳﻴﺎﺭﺗﻪ ﻭﻣﺠﺘﻒ ﺍﻳﺪﻩ ﻭﻋﻠﻴﻜﻢ ﺍﻟﺴﻼﻡ ﺷﻮ ﻣﺨﺘﻔﻴﻪ ﻣﺎﺗﺠﻴﻦ ﻋﻨﺪﻱ ﺍﻣﺘﺤﺎﻧﺎﺕ ﻧﺼﻰ ﻭﺣﺠﻰ ﻣﺘﺄﻛﺪﻩ ؟ ﻳﻲ ﻟﻌﺪ ﺷﻌﻨﺪﻱ ﻗﺎﺑﻞ ﺍﻧﻲ ﺍﻋﺘﺬﺭ ﻣﻨﺞ ﻉ ﺍﻟﻲ ﺻﺎﺭ ﻣﺠﺎﻥ ﻗﺼﺪﻱ ﺑﺲ ﺧﻔﺖ ﻋﻠﻴﺞ ﻣﻘﺒﻮﻝ ﺍﻋﺘﺬﺍﺭﻙ ﺗﺼﺒﺢ ﻉ ﺧﻴﺮ ﻛﺒﻞ ﻃﺒﻴﺖ ﻣﺎﺧﻠﻴﺘﻪ ﻳﺤﺠﻲ ﺭﻛﻌﺖ ﺍﻟﺒﺎﺏ ﻭﻃﺒﻴﺖ ﻭﺛﺎﻧﻲ ﻳﻮﻡ ﺍﻣﻲ ﻛﺎﻟﺖ ﺍﻻ ﺗﺠﻴﻦ ﻣﺤﺘﺎﺟﺘﺞ ﺗﺴﺎﻋﺪﻳﻨﻲ ﻭﺭﺣﺖ ﺑﻌﺪ ﻣﺎ ﺧﻠﺼﺖ ﻣﺤﺎﺿﺮﺍﺗﻲ ﺟﻨﺖ ﻻﺑﺴﻪ ﺑﺪﻱ ﺗﺮﻛﻮﺍﺯﻱ ﻭﺗﻨﻮﺭﺓ ﻗﺼﻴﺮﺓ ﺍﻭﻭﻑ ﻭﺍﻳﺖ ﻭﺷﻌﺮﻱ ﻃﻮﻳﻞ ﺟﻨﺖ ﺿﺎﻓﺮﺓ ﺿﻔﻴﺮﺓ ﻓﺮﻧﺴﻴﻪ ﻭﻣﻜﻴﺎﺝ ﺧﻔﻴﻒ ﻛﺎﻋﺪﻩ ﺑﺎﻟﻤﻄﺒﺦ ﺩﺍ ﺍﺳﺎﻋﺪ ﺍﻣﻲ ﻭﻃﺐ ﻋﻠﻲ ﻭﻭﻫﺞ ﺳﻠﻤﺖ ﻋﻠﻴﻪ ﻭﻫﺞ ﻭﺗﻌﺘﺐ ﻻﻥ ﻣﺎﺍﺟﻲ ﻭﻣﺸﺘﺎﻗﺘﻠﻲ ﻭﻛﺬﺍ ﻭﻋﻠﻲ ﺳﻠﻢ ﻋﻠﻴﻪ ﻭﺑﺪﺍ ﻳﺸﺎﻗﻪ ﻭﻳﺼﻨﻒ ﻭﻳﻘﻠﺪ ﻉ ﻭﻫﺞ ﻭﻃﺐ ﺭﺳﻼﻥ ﺳﻠﻢ ﻋﻠﻴﻨﺎ ﻭﺍﺧﺬ ﻛﺮﺳﻲ ﻣﻘﺎﺑﻴﻠﻲ ﻭﻛﻌﺪ ﻭﻳﺒﺎﻭﻉ ﻋﻠﻴﻨﺎ ﺑﺲ ﻣﺎ ﺷﺎﺭﻛﻨﺎ ﺍﻟﻜﻼﻡ ﺑﺲ ﻳﺒﺎﻭﻭﻉ ﻭﻋﻠﻲ ﻛﻞ ﺷﻮﻱ ﻳﺸﺎﻗﻪ ﻭﻳﺎﻳﻪ ﻭﺍﻧﻲ ﺍﺿﺤﻚ ﺑﺎﻭﻉ ﺭﺳﻼﻥ ﺷﻜﻠﻪ ﻋﺼﺒﻲ ﺑﺲ ﻉ ﺻﺎﻣﺖ ﺍﺧﺮﺭ ﺷﻲ ﻋﺎﻁ ﺑﻌﻠﻲ ﻛﺎﺍﺍﻓﻲ ﺷﻜﺪ ﺗﺤﺠﻲ ﻣﻮ ﺳﻄﺮﺗﻪ ﻟﺮﺍﺳﻲ ﺷﺒﻴﻚ ﺑﺎﺑﺎ ﻣﻨﻮ ﺟﺎﻱ ﻳﻤﻚ ﺭﻭﺡ ﻟﻐﺮﻓﺘﻚ ﺍﺫﺍ ﻫﻴﺞ ﻛﻌﺪﺗﻨﺎ ﺯﺍﻋﺠﺘﻚ ﻭﺍﻧﺘﻪ ﺷﻨﻮ ﺗﻄﺮﺩﻧﻲ ﻣﻨﻮﻭﻭ ﻃﺎﺭﺩﻙ ﺑﺲ ﺩﺍ ﺍﻛﻠﻚ ﺭﻭﺡ ﻟﻐﺮﻓﺘﻚ ﻣﻮ ﺗﻜﻮﻝ ﺳﻄﺮﺕ ﺭﺍﺳﻚ ﺿﺮﺏ ﺭﺳﻼﻥ ﻉ ﺑﺎﺏ ﺍﻟﻤﻄﺒﺦ ﻭﻃﻠﻊ ﺷﺒﻲ ﻫﺬﺍﺍ ﺍﻟﻴﻮﻡ ﺣﺠﺖ ﺍﻣﻲ ﻋﻮﻭﻓﻮﺍ ﻳﻤﺎﺍ ﺍﺳﺘﻮﺓ ﺟﺎﻱ ﻣﻦ ﺍﻟﺸﻐﻞ ﺗﻠﻜﻮﻧﻪ ﺗﻌﺒﺎﻥ ﻭﺭﺓ ﺳﺎﻋﻪ ﺻﺎﺡ ﺭﺳﻼﻥ ﻳﺮﻳﺪ ﻏﺪﺩﺍ ﺍﻓﻔﻒ ﻫﺬﺍ ﻭﻛﺖ ﻏﺪﺍﺍ ﻣﻮ ﺭﺍﺡ ﻳﺼﻴﺮ ﺍﻟﻐﺮﻭﺏ ﺻﺒﻴﻠﻪ ﺑﻨﺘﻲ ﺟﻮﺯ ﺍﻟﻮﻟﺪ ﺟﻮﻋﺎﻥ ﺷﻌﻠﻴﺞ ﺑﻲ ﻭﻓﺘﺤﺖ ﺍﻟﻜﺪﻭﺭ ﺷﻔﺖ ﻣﺎﻣﺎ ﻃﺎﺑﺨﺘﻠﻬﻢ ﺑﺮﻳﺎﻧﻲ ﻭﺗﺸﺮﻳﺐ ﻟﺤﻢ ﺣﻤﻴﺖ ﺍﻻﻛﻞ ﻭﺻﺒﻴﺘﻠﻪ ﻭﺳﻮﻳﺘﻠﻪ ﻟﺒﻦ ﻫﻤﺎ ﻳﺤﺒﻮﻥ ﻟﺒﻦ ﻳﺸﺮﺑﻮﻥ ﻟﺒﻦ ﺍﺭﺑﻴﻞ ﻭﺣﻄﻴﺖ ﺧﻀﺮﺓ ﻭﻃﺮﺷﻲ ﻭﻛﺮﺻﻪ ﺧﺒﺰ ﻭﺧﺎﺷﻮﻛﻪ ﻭﺑﻄﻞ ﻣﻲ ﻛﻤﻠﺖ ﻣﺎﻣﺎ ﻭﺩﻱ ﺍﻟﻪ ﻣﺎﺍﻛﺪﺭ ﻣﺸﻐﻮﻟﻪ ﺑﺎﻟﻄﺒﺦ ﺭﺣﺖ ﻟﺼﺎﻟﻪ ﻣﺎﻛﻮ ﺷﻔﺖ ﻭﻫﺞ ﻛﺎﻋﺪﻩ ﺳﺄﻟﺘﻬﺎ ﻛﺎﻟﺖ ﺑﻐﺮﻓﺘﻪ ﺻﻌﺪﺕ ﻟﻜﻴﺖ ﺍﻟﺒﺎﺏ ﻣﻔﺘﻮﻭﻭﺡ ﺭﺳﻼﻥ ﻛﺎﻋﺪ ﻉ ﺳﺮﻳﺮﻩ ﺧﻠﻴﺖ ﺍﻻﻛﻞ ﻣﻘﺎﺑﻴﻠﻪ ﻉ ﺳﺮﻳﺮ ﻭﺩﺍ ﺍﻃﻠﻊ ﻭﺳﺤﺐ ﺍﻳﺪﻱ ﻣﻦ ﻭﺭﺓ ﻭﺳﺪ ﺍﻟﺒﺎﺏ ﺑﺄﻳﺪﻩ ﺍﻟﺜﺎﻧﻴﻪ ﺷﺒﻴﻴﻚ ﺍﺳﺘﺎﺫ ﺭﺳﻼﻥ ﻳﺒﺎﺍﻭﻉ ﻉ ﺟﺴﻤﻲ ﻭﻳﺤﺠﻲ ﻛﺄﻧﻪ ﻳﺘﻔﺤﺺ ﺷﻲ ﺷﻨﻮ ﻫﺎﻟﻠﺒﺲ ﺷﺒﻲ ﻟﺒﺴﻲ ﻣﻦ ﺗﻄﻠﻌﻴﻦ ﺑﺎﻟﺸﺎﺭﻉ ﻣﺎﺗﺴﺘﺤﻴﻦ ﻣﻦ ﻟﺒﺴﺞ ﻣﺘﻌﻮﺩﻩ ﻉ ﻫﺬﺍ ﺍﻟﻠﺒﺲ ﺷﻮﻭﻭﻓﻲ ﺭﻓﻞ ﻗﺴﻢ ﺑﺎﻟﻠﻪ ﻟﻮﻭﻭ ﻟﺒﺴﺘﻲ ﻫﺬﺍ ﺍﻟﻠﺒﺲ ﻣﺮﺓ ﺛﺎﻧﻲ ﺍﺍﺍﺍﺍﺍﺍﺍﺍ ........................ يتبع.... | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
