15-09-19, 01:42 PM
| #1 | ||||
 
|  نوى القلب السلام عليكم ورحمة الله وبركاته  المقدمه : (ماتگدر تسوي بيه هيج انت تحبني لاتكمل الله يخليك لاتگول مثل هذا الكلام كافي ارحمني ) كانت واقفه شبه منهاره تمسك هاتفها النقال بكلتا يديها دموعها تسيل على خديها لاول مره تشعر بهذا الضعف نعم هي تشعر بالضعف لاتشعر بشيء اخر سوى الضعف لا الغدر ولا الخيانه انما هو الضعف الذي لطالما كانت تحاربه ولاتعترف بوجوده استطاعت ان تتماسك اخيرا ونطقت بكلمتها الوحيده ( الله وياك) التي صدمت الاخر على الجهه الثانيه من تحولها السريع دائمآ تفاجئه هذه الفتاة بقدرتها على التحول بلحظات بعد ان اغلق الخط ابتسم بسخريه ومتى استطاع هو ان يتكهن بردات فعلها هي لغز صعب الحل ولهذا هو قرر الفراق لانه تعب من الالغاز والغموض لايستطيع الحيره اكثر في بادئ الامر استفزه غموضها وقوتها وجذبه اما الان هو منهك منهك جدآ ولا يستطيع الاستمرار. روابط الفصول المقدمة .... اعلاه الفصول 1 - 9 بالاسفل الفصول 10 - 17 نفس الصفحة الفصل الثامن عشر والتاسع عشر التعديل الأخير تم بواسطة ebti ; 26-10-19 الساعة 07:14 PM | ||||
|  |
|
15-09-19, 01:43 PM
| #2 | ||||
|  الجزء الاول : ❤نوى القلب❤ للكاتبه *Nour Ahmed* اليوم هو اول يوم اله بدوامه الرسمي كمعلمه باحد النواحي الريفيه البعيده نسبيآ عن مركز المدينه بعد تخرجها من المعهد كعدت سنه كامله بالبيت تنتظر امر تعينها واليوم اجاها الفرج مثل متكول وهاي هي كاعده بالباص مع المعلمات الي حيكونون زميلاتها رغم هيx ماتفضلx الاختلاط بيهن من البدايه بس يبينx صحبتهم حلوه راح تبات لاول مره خارج البيت وبعيدx عن امها واخته وهذا بسبب بعد الناحيه وصعوبة التنقل اليومي فكرت بداخلهاx هذا افضل اله وللكل البعد مناسب اله وحيكون مناسب الهم لان وجودهx بالبيت بشكل دائم بداء يضغط على اعصابها مشكلتها انها مختلفه محد يكدر يفهم دواخلها ولا حيفهمون شنو يدور بعقلها الفتاك مثل متكول امها تنهدت بصمت اهx راحx تشتاقها رغم التشتت بينهم والخلافات بسx حتشتاقله هي وساره الصغيره انتبهت لتوقف حركة الباص وزميلتها ايمان تناديها باسمها نوى وصلنه ياللهx لازم نبدي انزل الاغراض جاوبتها:انتضري يا ايمان راح يدافعن هسه على الاغراض عبالك ديوزعون دجاج بالصحه ضحكت ايمان من كلامها الي تنطق بيx بشكل عفوي لاكن يبين للسامع شقى (مزاح) عبالك هيx من النوع اليx يطلق النكات بشكل دائم ياللهx يانوى ماعدنا اليوم بطوله لازم نستعجل لاتنسين لازمx نلحگ البنات ونختار الغرفه المناسبه ونرتب اغرضنا باجرx نلتحق بالدوام الرسمي ردت عليها نوى بنفس نبرتها اوك يا ايمان تحسسيني عبالك راح نلتحق بالجيش كامت من كرسيهx بتملل وورها ايمان تتذمر من اسلوب نوى المستفز وتوجهت وياها حتى يشيلونx اغراضهمx حتى يتوجهون علىx البنايه اليx حسب ماذكرت لهم ادارة المدرسه مخصصه للمعلمات اليx بيوتهم تكون بعيده عن مقر المدرسه من قبل الشيخ اليx يتزعم اكبر عشيره بهذه الناحيه ذات الطابع القبلي توجهت كل واحده منهم لدولابها وبدن بتفريغx الجنط والغراض بعد ما خلصوا من ترتب غراضهم اجتهم وحده من المعلمات القديمات من سكان القريه وبلغتهم ان العشاء اليوم بضيافه الشيخ حاجم حتى يبينلهمx حسن ضيافة اهالي الناحيه طبعا بدون نقاش الكل رحب بالفكره لان ميتين من الجوع من طلعت الصبح على لحم بطنهم توجهت نوى وزميلاتها لبيت الشيخ حاجمx وتفاجئوا بجمال البيت وفخامته مبين بيت شيوخ وزناكين بعد اول موصلواx للبوابه رحبت بيهم زوجة الشيخ الي يصحوله المعلمات القديمات شيخه نزهت ووياها كم بنت حلوات وحده منهم ركزت بوجه نوى وعوجة حلكها جنه ماعاجبه لبس نوى وحجابه النص ردن دخلتهم الشيخه نزهت لغرفه واسعه والكل تفاجئ بسفره تحوي كل ماتشتهي النفس من الاكلات الشعبيه والفواكه والحلويات ما توقعتx نوى تشوف الاكلx بهذا الترتيب لان چانت تضن ان اكل اهل الريف غير مرتب وموx نظيف تفكير سطحي يتميز بي بعض اهل المدينه بعد تعلوله حلوه ولطيف ببيت الشيخ الي الكل بس يحجي بتريب ونظافة ونزكات بيتهم. وبناتهم ماعدا نوى البومه على كولت ايمان ملتزمه الصمت رجعوا البنات لسكن المعلمات وبدت ايمان موشحها اليx ماينتهي لازم اكتب الخطه وعن عشقهاx للاطفال وخصوصآ ان اطفال هذه المنطقه يشتهرون بالعيون الملونه والشقار الطبيعي تذمرت نوى كعادتها من الاحاديث الجانبيه لزميلاتها واستأذنت للنوم حتىx باجر تكعد من وكتx فحسب الجدول باجر اول حصه اله حتكون الساعه ثمانيه وربع ثاني يوم من الصبح توجهوا كلهمx للدوام وتعرفت كل واحده على حصصها والصفوف الي حدرسهمx وكان نصيب نوى مادة الانكليزي والرياضيات للصف السادس چانت نوى وايمان يتمشون بوقت الفرصه بساحة المدرسهx اه نوى ما اصدك انطوني الصف الاول اوفx ايمان مادري ليش تبالغين بطرح امنياتج نوى انتي عباره عن هرمون للاحباط ماجنتي هيجx بهذه السلبيه ماتكليلي شبيج شنو صار لكل هذاx العبوس باوعتله نوى ببسمه شبه حزينه وبنبره تعرف ايمان نوى ماتحجي بيه الا اذا احست بالوحده انتي تعرفين السبب يا ايمان فلاتدعين التغابي نوى بطلي لعب هذا الدور الي تلعبيه بجداره ورجعيx لنفسج هذيج البنيه المرحه الي مليانه حيويه والنشاط وين راحت الضحكه الصافيه الي صار صار وهذا هو حال الدنيا وانا كتلج ان كل انسان اله اسبابه وامج اله اسباب قويه دفعتها تسوي هيج وانتي تعتبري خيانه ايمان ارجوج سدي الموضوع اني موx بمزاجx انقاش موضوع عقيم مثل هذا انتي كتلي يانوى نقاش عقيم لايسمن ولايغني عن جوع يالله تحركي مانريد نتأخر عن الدرس باول يوم النه بعد ما انته الدوام رجعت نوى والبنات لسكن المعلمات ورى ماتغدواx اقترحت ايمان يسولهم جوله بسوك القريه رحبت نوى وبعض البنات بالفكره وبالفعل طلعواx لسوك القريه وهما يمشون تفاجؤ بايمان تكول ياربي نسيت محفظتي شلون حشتريx احتياجاتي هسه ايمان مشينهx نصx الطريق لاتتوقعين منا نرجع عود احنا نداينج الفلوسx الي تحتاجيهx جانت هاي وحده من البنات تحاول تختصر الوقت الي حتخليهمx ايمان يخسرنه بالرجعه ردت عليها ايمان لاياحبيبتي غصون بطاقتي بيه شلون امشيx بمكان ازوره لاول مره بدون بطاقه افرضي نقتلتx او نخطفتx اعوذو بالله من تفكيرج يا ايمان شنو هذاx الخيال الاجرامي جان هذا رد وحده منx زميلاتهم ضحكت نوى على تفكير صديقتها وخيالها الواسع وكالت يالله ايمان نرجع اني وياج ونجيب محفظتج الغاليه وصدك رجعت نوى وايمان حتى يجبون جزدان ايمان الي حيكون سبب بتغير حياة نوى جذريآ وهما جاي يمشون بطريق الرجعه لفت نضر نوى منظر يجنن قريب مزعة الشيخ حاجم الي راحوله ابارحه نوى شعجب ايمان ما انتبهنه على هذا الجمال من اجينه لوت ايمان حلكه😏 من كركت غصون كلشي مشفنه ولج نوى امشي ندخل المكان يخبل نوى بدون اي تردد من كل عقلج افوت هيج منظر عليه اكيد ندخل باوعتله ايمان وكالت ولج هو مال مايتفوت مايتفوت بس هذا دخل مزرعة الشيخ خاف يصيدونه وعبالهم حرميات اوف منج ايمان بس لو تبطلين خيال علميي ديالله امشي خلي نفوت نشبع تامل هجم بيت التأمل يالله خلي نفوت وصدك دخلن البنات للمكان وجان عباره عن نهر يمتد للجهه الثانيه من البستان الشيخ حاجم مقابيلهم يكون مثل الباركه (الباركه هي المكان الي يربون بي الغنم والابقار بالريف العراقي) وقرص الشمس جان بعده ماوصل للمغيب باختصار منظر يجنن توجهت ايمان للنخل الي يبعد عن جرف النهر تقريبآ ست مترات ونوى تركته تاكل حبابوك ام نفس (الحباوبك هو ثمرة التمر ببداية نموها باعثاك النخيل) وراحت للممر الخشب المبني يدويآ حتى تمد رجليه بالمي بعد ما نزعت حذائها تكرمون ورفعت تنورتها الكلوش وحلت حجابها ونثرت شعرها باريحيه عايشه اللحظه ومخلت اباله انو احتمال يجي شخص ويتفرج على هالمنظر الخلاب الي يستاهل انو ينزسم بلوحه فنيه بنفس الوقت چان حازم هو وولد اعمامه وصدقانهم يسبحون بالنهر وشاف ايمان ونوى من دخلو بدون ان ينتبهون البقيه لدخولهم المفاجئ يراقب بعيون مفتوحه الحوريه الي دخلت كاعهم هي والي وياها وشلون بدت تتناغم حركاتها وكانها تعزف سنفونيه عذبه جان يباوع عليه بنباهار وجه مدور حلك صغير بشفايف مليانه ولونهم وردي وعيون خضره او زركه ماعرفx يحددx لونهم بالضبط بيضه بياض معجون مع لون وردي وشعرها واه من شعرها الي مايل للشقار وطويل حيل يطاير كدام عيونه والطامه الكبرى من رفعت التنوره وبينت كدامه الرجلين المرصرصه المزينه صبغ اظافر احمر مايل للسواد وخلخال يبهر الناضر اله ويتحدى يغض البصر كل حركاتها صارت كدام عينه فز حازم من تأملاته وانتبه انو هو مو وحده هنا اكيد الشباب حينتبهون وحيتمتعون بالي هو شافه ومله نظره منه بدون اي ترددx وبدون ميحسس احد قرر يسبحله غوص ويوصل للجهه الثانيه ويغطي الي شافه وبدقايق طلع مقابيل نوى من الماي لان المسافه قريبه والنهر مو عريص لانه نهر فرعي داخل البستان بس الغبيات منتبهن للشباب بسبب الطبكه الي خاليه حتى بنات الشيخ من يجون يسبحون محد يشوفهم بس حازم جان واكف فوك الطبكه وشاف هالمنظر الخلاب من وجهة نظره فزت نوى وصرخة من طفر حازم من المي للممر الخشبي الي جانت كاعده عليه رفعها بسرعه من ايده واخذ حجابه وجرها ورى لصوب النخل وكال وهو يصر على اسنانه يالله لبسي بسرعه قبل لاينتبهون الشباب بسبب صرختج نوى جانت مصدمه من منظره وكل الي اباله وين ايمانوا وهذا منو ومنين طلعلي زاد الخوف بيه وبدت تستوعب هي وين وبسرعه خلت حجابه على راسه وندارت بحركه سريعه تركض حافيه وتصرخ ايمان ولج ايمان الحكيلي طلعلي طنطل عااااا عااااا شكل حازم من نوى كالت عليه طنطل يتبع 🤪 | ||||
|
| |
|
15-09-19, 01:44 PM
| #3 | ||||
| الجزء الثاني ❤نوى القلب❤ للكاتبه Nour Ahmed نوى جنت غارقه بافكاري وكل خلايا جسمي مسترخيه وفاصله عن العالم نسيت اني وين ورحت لمكان بعيد يم بابا شفت نفسي ذيج الطفله الدلوعه الي تركض حافيه على جرف النهر وبابا يركض وراي باباتي نوى لاتنجرح رجليناتج اوكفي ولج مو فحطت شفت بابا دنك وكام ينهت رحت اركض عليه خايفه لايصير بي شي ما اشوف اله لزمني وكام يدغدغ بيه ويكول لزمتج يا وكيحه وين ترحين مني واني اضحك وصوت ضحكاتي مالي المكان وماما بحظنه سوسه كاعده من بعيد تتفرج والضحكه مزينه وجه احلى ايام حياتي جانت بهذيج الفتره بس كلشي تغير من فقدت بابا للابد ما حسيت اله على شي طلعلي من المي وسحبني من ايدي ومن احلام اليقضه الي جنت اعيش بيه ما كدرت افسر الي ديصيربيه شنو احس نفسي انسحب وواحد بطرك الشورت يعتعت بيه متت خوف لو تذبحوني بذيج اللحظه متلكون بيه قطرة دم كل الي اجه ابالي بهاي اللحظه انو هذا مو انس اكيد جن لان حيصير وكت غروب والمكان مابي احد ماكو انس يطلع من الماي بهيج طريقه تفكيري جان مشوش وغبي بس من الرعبه الي اكلته ما اجه ابالي غير هالشي سمعته يكول لبسي حجابج هسه حينتبهون عليج عزه هذا يحجي مثلنه يمه خلي اشرد منا بروحي العزيزه التفت ادور على ايمانوا العوبه وهي لحظه بس الي احتاجيته الله اركض خليت حجابي على راسي وعفت كلشي وركضت حافيه واصرخ ولج ايمان لحكيلي طلعلي طنطل حازم ضليت واكف مصدوم لدقايق اباوعx لطريقة هروبها مني وركضها حافيه تصرخ باسم الي فاتت وياها للبستان واحلى شي تكله طلعلي طنطل من كالت هيج اني بديت اضحك بشكل هستيري زاد رعبها مني قاطات شوي واجت صاحبتها مخترعه طلعت من بين النخل تركض عليه وعلى صوت صياحها اجو كل الشباب مخترعين اولهم مؤيد ايمان خليت نوى على راحته تتامل المنظر على كولته واني رحت صوب النخل اموت على الحبابوك ماقاومته واصلا اني اخاف من المي لذالك ما اجازف اوكف على هالجم خشبه الي ناصبيه مثل الخبله نوى فات وقت قليل واسمع صوت نوى تصيح ايمان طلعلي طنطل يمه ياستار رحت اركض لصاحبتي خفت لاصار بيه شي نوى متشاقه بهيج امور ابد اكيد صايرله شي يمه صخام الصخمج ايمان هاي تكول طنطل يبوو لابس اتلبسه جن بهاي الغابه شكول عليج نوى خنب بحظ الجزدان المفقود طلعت اركض ركاض جني مسودنه (مجنونه) وصرت مقابيل نوى لج نوى شبيج اجتني وختلت وراي عساس اني دايسكي جانت تحجي وتلهث وعينه بمكان واحد ايمان ايمان المي طلع منه طنطل لابس شورت وجرني من ايديx نوى كولي يالله وسمي بالرحمن ولج ياطنطل يطلع بهذا الزلك هو الطنطل من يشوفج يشرد اشو هاي الخبله فاتحه عيونه على كبرنه وهي عيونه كبار ولونه ماينحزر خوفتني كلت اكيد متلبسه جن واشو تاشر وراها ولج نويه شبيج تاشرين اخاف ادور شنو الطنطل وراي 😭 كلت يالله ودرت اوجه مخاوف نوى الي بظهري واشوفلك ذيج الشوفه مجموعة شباب شبه مصاليخ كلهم بالشورتات مبين جانو يسبحون والخبله اظاهر مخرعه واحد منهم وعباله طنطل بت الرقيق صرت سباعيه وخليت المسودنه ورى ظهري بحركة بطوليه ابين الهم من خلاله ترى اني ماخايفه منكم وكتلهم انتو منو وشتردون منه تركضون ورها. هاا هاا احجو شتردون طالعين بمولد سيدي العريان اسم الله ماتستحون انتو اشو هذول طكوها ضحكه منبطحه اني استغليت الموقف وكتله يالله ولج نوى مدام ملتهين يضحكون خلي نفلت جاوبتني شلون ايمان حذائي وجنطي شلون اطلع واعوف الجنطه مصخمت الوجه اله تتفرعين وتعوفين كلشي يالله شلون نفلت هسه من ذول ولج لو طنطل طالعلج ولا هالشوفه بلكي طلعوا سرسريه واحنا هنا وحدنه وين نولي هسه حتى لو نصرخ محد ينجدنه 😭 الله لايوفقج انتي وتأملاتج ضيعتي مستقبلي لج ايمان لاتكلبيه دراما جنج بمسلسل هندي شوي سكتي خلي افكر شلون نطلع من هالورطه الي وكعنه بيه تقرب واحد منهم منه جان لابس قميص اشوا مستور وكال انتو منين وشلون دخلتوا بستان الشيخ حاجم جان صوته خشن وثنينه فزينه منه وبنفس الوقت طكيناها بجيه بصوت واحد على نفس النغمه 😭😭 مؤيد جنه كلنه نسبح بالنهر مال بستان جدي حاجم اني وولد خوالي عادل وحازم ونوفل وايمن وكم ولد من صدقانه حازم طلع فوك الطبكه يشرب جكاره واحنا استمرينه نسبح شوي واشوفلك حازم صافن وانتبهتله سرسح روحه بالماي فضولي خلاني اعوف الربع واطلع ورى اشوف هذا شبي يسبح غوص بس طلعت واسمعلك صرخة حرمه وحازم يعت بيه مبين منه شي لان جان محاوطه بس شفت شعره يطير ورها هاي شنو وحازم شبي ويه الحرمه معقوله من نسوانه وطالعه وحده والله اذا هيج اكلبها كلاب فوك روسهم تجمعو الشباب والكل صار يركض من الجسر الخشب للجه الثانيه البت تركض وحازم ميت ضحك يعني هاي مو من بنياتنه شوي وطلعت بنيه ثانيه من نص النخل وراحت عليه تسأله شبيج والحوار جان كلش يضحك بينهم هذن مبين خبلات بس لبسهم مرتب مو مال خبلات اشوهاي الثانيه اندارت علينه وكامت ترزل بطريقه تخرب ضحك خلتنه نضحك ضحك مضاحكي قبل وجملته بطرحها على صاحبته طريقة الهروب عبالك فلم اكشن اظاهر مأثره عليهم الافلام الهنديه تقدم عليهم عادل وكلهم انتو منو اشو هذن ثنينه بجن بنفس اللحظه مثل الجهال حازم اتقدم يريد يفهم ليش يبجون البنيه الي جانت تركض ختلت ورى صاحبته وكامت تبجي بصوت اعلى وتكله وخرعنه انت شتريد منه ليش طلعتلي من المي هيج خنب بحظك حازم مخوف البت تقدم ايمن وكال لا لا ياحازم مامقبوله منك مخرع هالملاك ليش ياقاسي خزره حازم خزره تسوى عمره كال عادل بويه لاتخافن منسويلكم شي ترى انتو دايسين ارض الشيخ حاجم معناته انتن بامن بس نريد نعرف انتوا منو حتى اندز على اهلكم ياخذوجن لو احنا نوديكم هنا ايمان نرسمت على وجه ضحكه خلت مؤيد يصفن بيه وجان تكول رحم الله والديك خويه احنا مو من المنطقه ومنعرف قوانينكم بعدنه اليوم اول يوم النه هنا احنا المعلمات الجدد جنه طالعين للسوك ونسيت جزداني ويرجعتنه عليه شفنه هالمنظر الحلو وصاحبتي الثوله اي شبيج نوى ووجع لاتكولين اسمي شبيج غير اكلهم الصار اقصد صاحبتي رادت تدخل تتأمل المنظر اوي نوى شبيج تنغزين ووجع بعد احجيلهم قصة حياتنا هذا كله الحوار كدامنه واحنا فاتحين حلوكنه عليهم كال عادل اي خويه قصدج اجيتو تشوفون المكان لان عجبكم عادي ماصار شي لكل هذا الخوف والصريخ صاحبتج شبيه نخبصت مو هي واحد منكم خرعها كملت نوى عنه اي هذا الطويل ابو شورت الاسود طلعلي من المي وخوفني حسبي الله بس متكلي شبيك يا اخي طلعلتي هيج والله جنت حنجلط حازم جان سارح بيه وبصوته الي ينعوص البنيه شايله جمال رباني يغري الراهب مو انوب حازم العاشق للجنس اللطيف حجيت اني وكتلهم يالله خلي نوصلكم مصار شي الدنيا قربت تغورب وميصير انتوا بنات وحدكم ترجعون بهذا الوكت احنا مو بالمدينه ومره ثانيه لاتخلون فضولكم يورطكم بشغلات انتوا في غنى عنه المره هاي عدت على خير لان انتو دايسين كاع الشيخ حاجم المره الجايه الله اليستر منو يطلعلكم وشنو يصير بيكم جاوبت ايمان لا جايه ولا رايحه اصلا اني راح ادور واسطه واقدم نقل وادور مدرسه يم بيتنه حسبي الله عليج نوى شكول عليج بس اوي ايمان اني شكو انتي هم جنتي تردين تفوتين وشجعتيني لتذبيه براسي ايمن اي لتضوجيه هيج عيني امونه ترى هي توها فازه مو مال حجي يغث لا تموع علينه هنا حازم حجه وكله كافي ايمن بلا لغوه زايده يالله مؤيد امشي نوصلهم قبل الغروب ايمن شدعوه ابو الشباب ترى ماكلتله شي خزره حازم ودار وجه وصار كدامنه صاح على واحد من الولد يجيب هدومه صار ورى النخل ولبس تشيرت وبنطرون ومشى كدامنه والخاتونات ورانه يمشون نوى رجعت على الجنطه مااتي ولبست حفايتي الوردي وعدلت حجابي واشوف هذا الي اسمه حازم اني حسمي طنطل احسن لايكله يباوع على رجلي وحجابي اوو شنو هالمكان الغريب ياربي مشينه وراهام وهما كدامنه منطقوا ولا حرف واحنا كذالك كل هاي الاحداث خلال اقل من ساعه صارت عادل رجعت للبيت وياي ايمن ونوفل وحديثنه جان على المعلمات الخبلات مثل ما سماهم نوفل جنه نضحك دخلنه للصاله وتلكتنه بيبي نزهت هلا يمه هلا سبح الهنا ان شاء الله جاوبها ايمن وكال بيبي ما ادري ليش محسستني جنه نليف ردت عليه هاولك جنك تصنف عليه لابيبي شلون اصنف انتي اكو واحد يكدر يصنف عليج غير جدي حاجم يجسرنه تجسر على كولته الكل ضحك اله عادل جان صافن بالي ماخذه گلبه وعقله جانت تنزل من الدرج الدائري الي بنص الصاله هي ونور وايه سلمو وكعدو صاح ايمن على ايه تكوم تحضرله ملابس وبيبي كلتلهمx يبدون يحضرون العشاء اتجهة هي ونور للمطبخ ولاعبرتني بحرف ولا كانوا اني خطيبه والي عليه حقوق اوف ياجهينه لشوكت تضلين هيج برودج هد حيلي حيضل الي صار بالماضي حاجز بيني وبينج حل هالعقده بيدج انتي بس ادري بيج قاسيه ومراح تسامحين بسهوله يا ام گلب الاسود بالمطبخ كاعدات البنات يحضرون عشاء وياهم ام حسين المره الاربعينيه مرة الفلاح الي يهتم بحدايق بيت الشيخ حاجم تشتغل عدهم لان بيتهم جبير ومرات يطرون يجيبون بعد نسوان وياهم يساعدوهم غير ام حسين خصوصآ اوقات المناسبات الشيخ حاجم باني لابو حسين مشتمل صغير ورى البيت مالهم معزول حتى لاتاثر دخلته وطلعته على حريم الشيخ نور جهينه شبيج صافنه ترى ميصير هيج كل متلتقين بعادل هيج تصفنين نور شبيج تحللين بكيفج اني صافنه مو بي بس افكر بشروق بالي بمه خلي اكوم اشوفها لاتخافين عليه عمري شروق مو صغيرهx ترى عادي شوي مغص يصير كل شهر لكل بنيه بس هي هاي اختج عياره تشوف لهفتج عليه وتحب تدلل اكلج جهينه صدك شهاب ماتدرون شوكت يرجع ؟ دارت جهينه عيونه بشكل ماكر على نور وسألته هاا رجعنه نحن ماجزتي (تبتي) من اخر موقف وياه لاماكل شوكت يرجع نور لاتبني امالج على شهاب اخوي هو صح اهمx شي عدنه اني وشروق ونتمنى اليوم قبل باجر تصيرين مرته بس انتي هم مثل اختنه ومايهوم عليه اذيتج صدكيني اخوي مايفيدج يعمري انتي 17سنه وهو 32سنه وانتي دلوعة حازم وعادل وهو نار كبره مثل اسمهx حياذيج بعصبيته وغرورهx لاتشوفين تعامله وياي اني وشروق بحنيه ترى هو بس ويانه هيج بس تصرفاته وياج وويه غيرج تصخم الوجه دمعت عيون نور وابتسمت ابتسامه حزين وكالت ادري ما حاجه تذكريني بظيمي وهما يحجون دخلت ايه وعافسه وجه سألته جهينه شبيج كالبه خلقتج باوعتله ايه وعوجة حلكه مبيه شي عيوني بس ريحة الطبخ مطيبه نفسي لعبت اووع شطابخات وهيج الريحه ندارت عليه نور خير ايه شبيج حمدي الله وشكري غيرج ماعنده كرصت خبز حرام تكولين عوع على النعمه دخلت شيخه نزهت واظاهر سمعت كلام البنات وجرت ايه من اذنه ولج ايو العوبه جم مره كتلج بطلي عياره وتموع مو اصيح جدج يجسرج تجسر يالله شو كدامي كومي زهبي السفره اوي بيبيx شسويت اني لو لان ماما ماكو هيج تسوين وياي ولج غبره شنو انه اخاف من امج روحي من وجهي لابارك الله بيج على هالسان والتربيه السزز ادخلت جهينه بيبي الله يرضى عليج لايرتفع ضغطج ايه صغيره ماتفهم ها ست المصلحه طلعتيني زعطوطه وحضرتج ام العريف بسيطه مو يجي ابوي احجيله كلشي هنا الشيخه نزهت وصل حده وشالت شحاطته وركعته بظهر ايه الي جانت تحاول تنهزمx اوووي بيبي ليش هيج اندارت تريد تطلع من المطبخ صار بوجه حازم كال ها ايوه المخيله هم رجعنه نلاسن الشيخه مو ترى اكص السانج اذا تردين ويه بيبي مره ثانيه يالله نكلعي من وجهي دمعت عيونه وراحت تركض تدري كلش زين متكدر تشكي لايمن لان حينطي بيه لان روحه ببيبيته هي الي مربيتهم كلهم بس هي تكره الكل حسب اعتقاده الي زرعته بيهه امها المسموه شيخه نزهت بس خلي يرجعون ولدي ونسوانهم من العمره اذا ما خليتهم يزوجوها لابن الفلاح واخلص من السانه ما اطلع شيخه نزهت حازم بيبي لاتضوجين روحج بهاي الزعطوطه جديده عليج يعني اني اعرف شلون اخلي ايمن يطيح حظه لاتضوجين الضغط لايصعد وشيفكنه من الشيخ انوب حمامته تتمرض خلت شيلته على حلكه وضحكت نزول عليك حويزم بس انت وايمنو تضحكوني هيج ابتسمله حازم وباس راسه وصاح نور تحضر ملابسه لان يريد يفوت يسبح وباله ويه الطيره الي سحرته بشعرها وعيونه واباله شي واحد هالطبره متروح من ايده ينبع دمتم في امان الله وحفظه اتمنى تدعمون الروايه وتصعدوها بالتصويت والتعليقات حتى تطلع عد الكل اشكركم 😘 | ||||
|
| |
|
15-09-19, 01:45 PM
| #4 | ||||
| الجزء الثالث ❤نوى القلب❤ للكاتبه Nour Ahmed ايمان ثاني يوم كعدنه اني ونوى من الصبح وداومنه ماصار فرصه نلتقي اليوم ماعندي شاغر وبالفرصه مراقبة الساحه اليوم عليه بطريق الرجعه للسكن جنه ملتزمات الصمت بعدها اثار ابارحه واضحه علينه وخصوصآ نوى ضايجه من الموقف الي تعرضتله واني مستحيه حيل حسيت نفسي خبله ابارحه من رجعنه مع الشباب الي وصولونه واتوقع هما احفاد الشيخ نوى مقبلت يوصلونه وكلتلهم بصريح العباره منحتاج توصلونه نرجع وحدنه بس هذا الي اسمه حازم خزره وكال امشي كدامي يبت الناس الدنيا راح تغورب وصعب توصلون وحدكم عاد ركبنه بسيارتهم على مضض الطريق مو بعيد فبسرعه وصلنه الحمدلله طبعا البنات اجو ورانه بربع ساعه غصون واسراء معافونه بحالنه على ابو وين رحتوا وليش ما اجيتو ورانه عاد اني ركعت السالفه وكتلهم شفنه الوقت حيروح بالطريق لذالك مرجعنه لان نريد نفتربالسوك ومشت عليهم وبعده اخذتنه الصدمه وكعدنه نحضر لبسنه لباجر ونكتب الخطه اليوميه تعشينه ونمنه واحنا محاجين بالي صار بينه رجعت من افكاري على صوت نوى لج ايمان مو من عوايدج ساكته خير ياطير اكول نوى انتي اشو محجيتي بالي صار بينه ابارحه اووف ايمان لاتذكريني تنذكر ومتنعاد ان شاء الله صرنه مسخره اكلج هما هذول احفاد الشيخ ليش هيج حلوين لعد اذا ولدهم هيج بناتهم شلون ولو احنا شفنه كم وحده منهم بيوم العشه مقاصرات وانتي شكو بجمالهم وحلاهم هما وبناتهم تردين تناسبيهم عابتلج دوم كابستني يجوز ينعمي واحد منهم وينعجب بيه وياخذني عمه بعينج ايمان ليش تقللين من نفسج ولج انتي شايله جمال ودم الكل يحلم بي هما يحلمون بيج اي عفيه هيج رفعي معنوياتي هيج احبج امووح ههه خبله مو بيدج اكلج الخميس العصر ننزل مو ولو اني لو عليه ما انزل بس ادري بيج كلبه تنزلين وتخليني وحدي بالسكن وليش يمه متنزلين ست نوى غير نروح نشوف اهلنه انتي كلتيه تشوفين اهلج بينما اني اروح اشبع ظيم ايمان مدا اتخيل انو اكو شخص ماخذ مكان بابا بالبيت حيل ادمر من ارجع والكي كاعد ويه ماما لو من يحاول يشاقيني او يشاقي ساره احساس صعب حيل الله لايشوفج اياه عمري نونه مو هيج انتي حتعبين وتدمرين اذا تضلين ممتقبله الي صار اني وياج الموقف صعب واي وحده مكانج هم تستصعبها بس ياعمري الي صار صار وهو زوج امج مو غريب عمج يعني مثل ابوج ردت عليه نوى بعصبيه لا ايمان لاتعصبيني وتكوليلي مثل ابوج محد مثل بابا بس الصوج بامي الي رخصت فراش ابوي عيب نوى صدمتيني بكلامج عن امج شنو هالكلام ترى مهما يكون تبقى امج واني متاكده هي مجبوره رضت تزوج لان الحب الي شايلته لابوج كلنه نعرف بي حب عزيات على الحب طلع الكل يكول يا روحي ياحب يابطيخ يالله عيني امونه امشي اسرع لا نتاخر ايمان مسكينه هالنوى مجاي تكدر تتخطى صدمته بوفاة والده المفاجئه ولا جاي تكدر تستوعب سبب زواج امه من عمه نوى البنيه الي الكل جان حاسده على الي تملكه جمال ومال واخلاق واب حنون وام صديقه اله مثل النسمه برمشة عين تنقلب موازين حياته وتجبرها الظروف الجديده تغير نفسه وتتحول من البنت المرحه لانسان شايله هم الدنيا لا ابالي ماكو مجال للاحاسيس والمشاعر بحياته اني ونوى من الثالث متوسط سوى كملنه المعهد سوى الله قسملي ادخل قسم علوم رياضيات ونوى دخلت قسم انكلش وما فترقنه ابد حتى التعين كدرنه بواسطة عمه لنوى نتعين سوى وبنفس المدرسه والناحيه كل ليله ادعي الله مانفترق ابد وحتى اذا الله قاسملنه نزوج كون نضل سوى دوم اكله لنوى نزوج نفس الرجال حتى نضل بنفس البيت وهي ترد عليه وتكلي حتى اني اصير الاميره وانتي خدامتي وصلنه للسكن وكالعاده اكلنه المقسوم ونمنه لان نكعد من صباح الله خير ببيت الشيخ حاجم كاعده الشيخه نزهت بالاستقبال الواسع وتحاجي الشيخ حاجم واولاده صوره وصوت لان الشيخ وولده وزوجاتهم ونسيبه وبنته طالعين للعمره سوى وداير مدايرها حفيداتها السنعات على كولته جهينه ونور وشروق وطيبه وايه كالمعتاد ماخذتله ركن وحده وكل شوي وحده طافره بنص الحديث الو هلا بالشيخ هلا برويحتي توه نور البيت شلونك بعد عمري طيبه تبسبس لنور توه نور البيت الي يسمع بيبي مايصدك جاي تحاجي بالتليفون شلونج حمامتي انشاء الله بخير وشلون الويلاد والبنيات خوما متعبينج وشالعين افادج نور تندز طيبه اسمع شعده قيس ابن الملوح لج طويبه باعي حمامته شلون فوك راسه فراشات وكلوب طايره دخلت شروق على الخط بصوته الهادئ بنات كافي لاتسمعكم بيبي واطين عيشتكم الو شيخي بعد عمري ويلادي شلونهم خوماشالعات كلوبهم نسوانهم العوبات لاتخافين حمامتي ويلادج بخير ونسوانهم بخير مكانج فارغ رويحتي كتلج تعاي وياي عندتي تكليلي وين اعوف بنياتي وخاف شهاب يجي مايشوفني خيرها بغيرها بعد عمري الجيات هواي ردت ولدك ونسوانهم يغيرون جو شوي ويزورون بيت الله اكول شيخي وينهم الويلاد ونسوانهم جنهم مو يمك طالعين يصلون الاستسقاء بالحرم المكي انا مارحت رجليني ورامات علي اسم الله عليك بعد عمري شيخي ديربالك على روحك ودهنهن زين ودفيهن صار حمامتي لاتخافين حديد انا يالله فمان الله سلميلي على الويلاد والبنيات وخلي عادل يخابرني من يجي عندي شغله وياه الله وياك سلملي على الماشفناهم يوصل سدت شيخه نزهت التليفون ولسانه يدعيلهم الله يحفظهم ويرجعوله سالمين التفت على البنات وكالت جهينه خابري عادل خلي يخابر جده رايده بشغله ضروري جهينه: بيبي جدو مو كلك من يرجع خلي يخابرني هسه اكيد بالشغل ومايكدر يخابر ولج جهينه اشو صايره تردين علي وماتسمعين كلام شو خابري كدامي يالله طبعا الشيخه نزهت اله غايه تخلي جهينه تتصل بعادل لان تعرف طبيعة العلاقه بيناتهم بارده ومومال مخطوبين لذالك تحاول تقرب بينهم بكل فرصه تجيه اتصلت جهينه على عادل وشوي ونفتح الخط واجاها صوته الخشن الو ارتبكت اول مسمعت صوته وجاوبته بتلكؤ ااال اللو عادل بيبي تريدك تخابر جدو تعدل عادل بكعدته وجاوبها خير خوما صاير شي شبي صوتج يرجف لا مابيه شي بس جدو خابر وكال لبيبي خلي عادل يخابرني وهي جبر اقصد كلتلي خابري خلي يخابر جده يعني انتي مخابرتني لان بيبي جبرتج مو اني هم نصدمت اكول شعجب تكرمت الملكه جهينه وخابرتي ابتعدت جهينه عن الصاله البيه بيبيته والبنات وجاوبته شي اكيد اني ما اخابرك شنو المهم البيك واخابرعليك لاتتصور بيوم نصير مثل اي ثنين تربط بينهم علاقه طبيعيه لوما بيبي تجبرني ثق واعتقد مستحيل اسمح لاذني تسمع حتى صوتك نصدم عادل من رده القوي والجاف وحب بجرحها مثل متجرحه دائما هسه صرت مو مهم الله يرحم ايام قبل جنتي لاطشه الي وعيونج تلمع من تشوفني يالله هي بلوه وابتليت بيه لوما خاطر جدي مستحيل افكر بيج واني كتلج من اول ماخطبتج هو سنه وحده تفوت على زواجنه واخذ الي تناسبني وبهيج محد اله عندي شي شي وتكسر داخل جهينه بحيث صارت تجزم هي سمعت صوت الي نكسر جواته يوم ورى يوم يثبتله عادل انو افضل حل وياه هو التجاهل ولو بيده تشيل گلبه وتحركه في سبيل يبطل يفكر بي ويحن اله جان سوته من زمان سدت التليفون وكل حيله يرجف باوعت على بيبيته بنظرة حزن وعتاب وكانوا تكله ارتاحيتي هسه هاي خابرته ومقصر بالتجريح ليش الكل مصر ومايحب يفهم انو هي وعادل مانخلقوا لبعض عادل ميشوفه الزوجه الي يحلم بيه وهي من عرفت الى الان تحس نفسه تمشي بطريق كله شوك كرامتها مجروحه وماتكدر تكمل وياه بس الكل يشوف غير الي هي تريده على اساس مصلحته تكون جوه اجناح ابن عمه بيبي كتله وكال حيخابره باوعتله نزهت بحسره وكانوا تكله شبيدي عليج يايمه اذا انتو ثنينكم واحد اعند من الثاني اكيد عادل ماقصر وانتي هم عنيده ياروح بيبيتج عفيه بنيتي يالله يمه كوموا نكمل الاكل هسه يجون الويلاد ولازم كلشي زاهب الكل توجه ورى بيبي نزهت للمطبخ حتى يساعدوها لان الشيخه ماتكدر تكعد بدون حركه وشغل لازم تتحرك ومقولته المشهوره دائما (الحركه بركه) بمكان ثاني بالمدينه جانت ساره وام نوى (سعاد) كاعدات يحضرون بالغده قبل جيت زوج سعاد عمهم (عثمان) الي يصير اخو ابوهم تزوج امهم بعد ما مات ابو نوى (احمد) بسنه ساره تقبلته بسهوله بسبب صغر عمرها بوقته عمرها جان ثمن سنوات بس المشكله بنوى الي ماكدرت تتقبله ابدا رغم جانت علاقته بعمه قبل لايزوج امها مثل اب وبنته بس هسه نوى كلش جافه بتعامله مع عمه وتتجنبه دائمآ والسبب انو عمهم من ازوج امهم بعد مدة قليله من وفاة ابوهم ونوى جان عمره 15سنه بوقته كبيره وتفهم لذالك مجاي تكدر تتخيل عمه بمكان ابوها ابدآ رغم انو فات على وفاة ابوها اكثر من ست سنوات لاكن هي ثابته على موقفه من امها وعمه وكانوا تتهمهم بالخيانه لذكرى والده ساره ماما كملت الزلاطه شنو اسوي بعد اروح احضر السفره عمو حيجي واني حموت جوع روحي ماما كملي عشر دقايق ويجي عمج واكيد مثلج ميت جوع بعد انتي عليمن طالعه ام بطن على عثمان عثمان افا هسه اني صرت ابو بطن لا مامقبوله منج ام نوى هيج طلعتين همي بس الاكل ابتسمت سعاد بوجه وكالت الله يساعدك محسينه بيك من دخلت دقايق وتجهز السفره بين متغسل وتبدل توجه عثمان اله وباسه من راسه هاي عادته كل مايجي من الشغل وكانوا يثبتله انو هي زوجته لان عثمان يعرف كلش زين انو احمد بعده بينهم ولهذا السبب سعاد متريد طفل رغم من ازوجه جان عمره مناسب للحمل والى الان عمره مناسب للحمل سعاد مواليد 1979 وهو مواليده1976 يعني عادي يصير عدهم طفل بهذا الوقت هالشهر لازم يجبره كافي سبع سنوات راحت منه وهو متشوق على طفل منه يثبت بي اواصر علاقتهم اكثر صح هو الله رازقه بنيه وولد من زواجه الاول بس الطفل من سعاد حيكون اله احساس ثاني سعاد مره مثل النسمه البلسم الي داوى بي جراحه الي سببته اله تجربته الاولى بالزواج صار يدلل الحلو دقايق اغسل واجي نتغدى سوى طبعآ عثمان ميغازل سعاد كدام نوى ابدآ حفاظآ على مشاعره لان كلش تتحسس بعكس ساره بس هسه نوى ماكو فماخذ راحته ان غاب القط العب يافار ههههه كعدو ثلاثتهم على السفره ياكلون وجه عثمان سؤال لسعاد اكول سعاد هذا الخميس نوى حتنزل مو اي ابو انمار حتنزل باذن الله خابرت ساره وكلتله حنزل الخميس اهاا تمام اني حوصي ابو زهير يجيبهم هي وايمان هالرجال ثقه وما اامن يجون وحدهم لاتكلفه خطيه خاف زحمه يوصلهم ويرجع للناحيه لا سعاد مابيه شي الناس للناس وهو ميقبل محلفني هو يوصلهم من درى بنتي اقصد بنت اخوي اداوم معلمه بمدرسة الناحيه وهو مصر يقدملي خدمه ويساعدني بكل الي تحتاجه نوى هالرجال شايل فضل من ساعدت ابنه زهير يتعين معيد بالجامعه وهو رداها الي باكثر من موقف هما هذول اهل الريف يعرفون الاصولx خلت سعاد ايده على كف ايده الي جان خاله على ميز الاكل وكالت ابو انمار نوى مثل بنتك الك بيه هواي لاتخلي تصرفاتها وياك بعد زواجنه تاثر عليك جانت تحجي همس وتواسي خسارته لنوى حبيبة روحها مثل ماجان يسميه قبل بمكان ثاني بقريقة (::..) تحديدآ بمخازن الحنطه والشعير الراجعه لشيخ حاجم جان حازم ومؤيد وايمن واكفين على روس السواق يراقبون تحميل البضايع الي حتطلع للمدن سمعوا صوت وراهم يكول هااا ولكم حصدتوا المحصول وما انتضرتوني التفتوا الشباب ثلاثتهم على مصدر الصوت ابتسم حازم وكال شهاب هاي شوكت رجعت ولك يتبع | ||||
|
| |
|
15-09-19, 01:46 PM
| #5 | ||||
| الجزء الرابع ❤نوى القلب❤ للكاتبه Nour Ahmed حازم الكل جان مشغول وملتهي لان اليوم نحصد الحنطه والشعير الي بارضينه الزراعيه الحصاد بالنسبه النه احلى ايام السنه اني واخوي واولاد عماميx وولد عمتي لان نشوف نتيجة تعب سنه كاملهx يكلل بالنجاحx احنا صح مانزرع والفلح مستلمين الزراعه والحصاد بس من احنا صغار نفرح بوسم الحصاد هاي اول سنه خوي شهاب مايتواجد بموسم الحصاد هو مستحيل يفوته بس هالمره طول بزيارته لامه وخواله الله اليعلم شنو من مشاكل سببها شهاب بروحته هالمره . جنت غركان اني والشباب بتنظيم سيارات الحمل الي حملت المحصول وتريد تنطلق بمسيره للمحافظات وسمعت صوت عضيدي يكول ها حصدتوا المحصول ومنتضرتوني التفتت اله رحتx حظنته وتسالمنه سلام حار طولت الغيبه هالمره بشر حمامه غراب اكيد حركت الجو ورجعت . شهاب افا وانا اخوك شلون تريدني ارجع واني مامسببلي فد جم حريكه ببيت حجيي سلمان ضكت بصوت عالي على شهاب وكلامه شهاب من النوع الي يشتعل من داخله بنار الغضب والقهر لاكن ظاهره يوحيلك انو هو انسان ساخر وغير مهتم لاي شي متناقض وغير مفهومx رفقته متعبه بسبب تقلبات مزاجه الدئم لاكن على گلبي مثل العسل هذا خوي الي ماجابته امي الي اكدر امشي بنص الناس وما اخاف لان ساند ظهري بي اجه مؤيد وايمن ونوفل واستلموا سلام ومحاضن وسألوا عن صحته واحواله وهو يجاوب باسلوبه الساخر المستفز مدام السخريه والمزاح كثرانه عدك ياشهاب اكيد سفرتك جانت متعبه وماتبشر بخير بعد مخلصوا الشباب من متابعة العمال الي يحملون المحصول وتوجهتx سيارت الحمل للمحافظات وكلشي صار تمام صاح عليهمx عادل وكال يالله الشيخه تنتظرنه على العشاء وضال باله لان تاخرنه التفت عادل وصار شهاب بوجه هلا والله بابو نسب توه مانورةx ال(::  هلا بعادل شلونك خويه ان شاء الله بخير بخير دامك انت بخير طولت الغيبه شنو حلتلك الكعده ببيت حجي سلمان ابتسم شهاب وكال اي وداعتك عدول كعده ملتهبه وتسرك الكل ضحك على كلام شهاب ماعدا حازم الي جان يعرف كمية الالم داخل شهاب ويحاول يخفيه عن الشباب باسلوبه الساخر المازحه توجهه الشباب لسياراتهم وطلعوا مباشرتآ على بيت الشيخ حاجم حتى يبشرون الشيخه برجعت نظر عينه شهاب بالسكن الساعهx 10.30 نوى اوف ايمان ملل كلش شلون نضل هيج محبوسين طكت روحي جو الريف يكأب باليل ينامون من وكت مثل الدجاج واني متعوده على هوسة المدينه وصوت السيارات الهدوء هنا فقع مرارتي باوعتله ايمان بنص عين وكالت لج نوى هنا الاجوء كله صحيه لاسهر متعب ويتلف خلاياx الجسم ولا نوم للظهاري شحلات العيشه هنا ترد الروح اندارت عليه نوى وهي رافع ايديه للسماء ان شاء الله يا ايمان نزوجج لفلاح ويوميه تخبزين بتنور الطين من الاربعه الفجر وتحلبين الهايشه لان رجلج الموقر مايكل غير خبز حار والحليب من امه كولي امين ايمان وعيونه تدل على نظرة الي جان يتخيل كلام نوى وكلتله وسم وعمه تدعين عليه بالتعب والبهذله ياخبله اي غير انتي تكولين هنا الاجواء صحيه اني حبيت اكملج الصوره المبهجه للحياة هنا المهم ايمان خاتون اني هسه ضايجه واجت ابالي نطلع نكعد بالحديقه مال السكن الصغنونه شنو رأيج وخلي يكون بعلمج هواي يكعدون بيه هيج وكت موبس احنا حتى لاتسويه عليه ظلمه كومي ياخبله كومي شسوي بعد خلفتج ونسيتج ست نوى نوى ببتسامه كبيره وتسوي بوسات بالهوى لايمان امووواح امونتي الجميله فديتك يابعد كلي انا امووواح طلعن البنات للحديقه ولكوا كم بنت من الي ساكنين وياهم كاعدين يسولوفون اخذولهم ركن وكعدوا بي اخذت نوى نفس عميق وكالت لج ايمان هنا الهوى يرد الروح احسن من حبسة الغرفه احس نفسي اريد اطلع اتمشى وشعري يطاير ويه هالهوى شكد حلو لو نرجع صغار ونصرف بكل حريه بدون مضايقات من احد لج نوى هم رجعنا لشعري يتطاير خلفي واتامل نسيتي شصار بينه ذيج اليوم مو نفضحنه وصرنه مهزله وجماله طلعولنه ذول جماعة سيدي العريان يمه بطلت بعد لا اريد اتامل ولا اي شي وكفت نوى وكالت حتى حدخل لايطلعلي شي خنب بحظج ايمان طلعتيني من المود الله لايعيده هذاك اليوم الساعه 11.30 الظهر البنات اليوم رجعو وكت لان الطلاب اغلبهم غايبين اكو مرض منتشر بالمدرسه والمديره انطت اجازه اسبوع لطلاب الصف الاول والصف الرابع لان المرض الجلدي منتشر بهاي المرحلتين (مرض الجدري المائي المعروف بالعراق باسم ابو خريون او ابو خريانx ينتقل بين الطلاب بسرعه رهيبه والاداره تنطي اجازه اسبوع للطلاب المصابين الى ان يتم الشفاء) نوى اليوم عده بس اول ثلاث دروس فالذالك طلعت وكت مع ايمان جانو يتمشون وتقربوا على بيت الشيخ حاجم الي يصير بوسط الطريق الي يمشون بي حتى يوصلون من السكن للمدرسهx ومن المدرسه للسكن وصلو قريب بوابة البيت وفجئ نفتحت وطلعت منه سياره جكساره سوده عاليه البنات صاروا مقابيل الجكساره نوى جانت لابسه فستان ربيعي وردي ونيلي وعلي ستره كابوي وحجاب نيلي فاتح وبي ورده بنك وحذاء حفايه لونه نيلي ووردي رغم انو نوى مو طويله وطوله 159سم بس متفضل الكعب العالي اغلب الاوقات وايمان جانت لابسه تنوره ام الشيالات كلوش وقميص ابيض مشجر برصاصيx وحجاب لونه اسود مشجر برصاصي وحذاء ترانشوز ابيض السياره صارت ورى البنات والبنات اسرعو بمشيتهم بدون اي سبب بس بيهم خوفه من ذاك اليوم اي شي يخص بيت الشيخ البنات يحاولون يجنبوا شوي والسياره وكفت ونفتحت الجامه مالت السايق حازم اتنفقنه اني والشباب الساعه ب11نطلع للمزرعه مال الخيل نتغده هناك ونركب خيل بلغنه السايس يجهزلنه مشويات ونركيله لان نوصل قريب الساعه 2:30نرتاح وبعدين نكمل برنامج سفرتنه واني جاي اطلع السياره من البيت شفت ذيج الشوفه الي تفتح النفس نفسه ذيج البنت ام وجه الصبوح هي وهاي الي جانت وياها بذاك اليوم جاي يتعدون بوابة بيتنه ماكدرت اكمل الطريق بدون ما اطبك السياره واشوفها عن قريب طبكت السياره بشكل معاكس بحيث متكدر تتجاوزني وتعبر خطيه ثنينهن فزن وعققدن حواجبهن نزلت الجامعه وكتلهم السلام عليكم مؤيد كاعد بصفي وشهاب وايمن ونوفل ورى عادل ما اجه ويانه يكول عنده شغل رجعت عدت سلامي لان ما ردو السلام وكتله يابه السلام عليكم ستاتنا السلام لله مو لعبد الله ما اشوف الي ام وجه الصبوح عكرت النونه وزمت شفايفه بطريقه مغريه وكالت هي انت منو وتسلم علينه وبصفتك شنو تقطع طريقنا جانت تحجي بصوت ينعوص يفطر الرهب وهي منا ضاربته الشمس وصايره طماطيه بنت اللذينه ضجت وندمت لان حاجيتهم ولفتت نظر الشباب اله اجت الي ويها خلته ورى ظهرها وماشاء الله صاحبته مقاصره سمره معجونه بدمه شايله عيون ادوخ خلت مؤيد فاتح حلكه عليه ايمان خويه انت رايد شي عندك ويانه شي نعرفك تعرفنه حتى كاسر علينه بسيارتك وتريد تسلم ونسلم عليك خطيره صاحبته مو مثل الي خذة عقلي تتنعوص مبينه بنت عرب وتعرف تخلي الحجايه بمكانه بحيث اطلع الصوج بيك بس مو على حازم جاوبته لا خيتي فهمتونه غلط ترى احنا ولد شيوخ وحموله مانكسر على حريم الديره الوصواصه عوجت حلكه جنه معاجبه حجي كملت وكتله بس ردت اسأل شلونكم بعد ذاك اليوم مو صاحبتج جانت بيه فزه قويه خفت لا تمريجت البت كلت اشوفها اذا بعده بكامل عقله طكت عروك جبينه وصارت حمره دم وخصوصآ من بعد ماضحك شهاب بصوت عالي ضحكه جراقيه وايمن وياه على الواهس هو ونوفل ما اشوف اله الحلوه الي خذت عقلي ركبه جني وعيونه صارت بلون زمردي يسحر وكامت تضرب السياره بجنطته وتصيح انت واحد مجنون وما مؤدب قليل الحيه شنو قصدك بهذا الكلام اني مخبله قليل الذوق الهمجي وخر سيارتك منا وخلينه نروح لا افضحك انت وشلة الهتليه الي وياك وخر وخر سخيف همجي وصاحبته تعتعت بيه وتكله ولج نوى لزمي اعصابج ولج فضحتينه وهاي من كل عقله معصبه وتصيح وخري ايمان هذا لازمله تربيه من جديد عديم الذوق وتنعوص بصوته وتعفس وجه وتقلد حجي احنا ولد شيوخ وولد حموله لا والله انتو اولاد شوارع الي يكسرون بسياراتهم على بنات الناس اولاد شوارع تقبلون واحد يسوي هيج بخواتكم اني وكل الي بالسياره جنه مصدومين بردت فعله العنيفه وشلون طك عرك بجبينه وكلب لونه احمر من العصبيه تمنيت بذيج اللحظه اسد حلكه بطريقتي واكتم نفسه واعرفها شلون تعلي صوته بوجودنه نزلت من السياره وكل جنانوة الارض تكمز براسي والشباب نزلوا وراي لان طلعت الوحش الي بداخلي والمثل يكول احذر الحليم اذا غضب واني حليم بس من تفلت براسي البكره اطلع صدك همجي على كولته توجهت عليه وعتيته من ايده قوي وصاحبته من الخوف تصنمت وكتله ولج هاي عليمن هذا الصياح كله هااااااا بصوت يرعد رعد ما اشوف اله البنت كامت تنكث بايدي وتهتز مثل السعفه وشوي وكامت تبجي بشكل هستيري وادفع بيه وصاحبته تخبلت وكانت تبجي على بيجه وتصيح عليه وخر عنه لاتاذيه اجو الشباب وجروني وشهاب يصيح شبيك حازم تخبلت شلون تلزم وحده مو من محارمك غصب عنه وكدام بيت جدك الحمدلله الناس بهذا الوكت قليل يمرون منا وعلى اثر صوتنه طلع ابو زهير يصيح شكو ياستار شبيكم ومؤيد يحاول يهدي البنات توجه ابو زهير صوب البنات وكال بويه نوى خيرج شبيكم ست ايمان خير بويه شبيه نوى كولي بويه منو وياج تبجي وتعتعت عمو ابو زهير حباب وديني لبيتنه اريد اروح لماما وعمو هذول تعرضولنه وصاحبته تبجي وتكله عمو ابو زهير فدوه خابر عمو عثمان خلي يجينه نوى نهارت ترى حتتخربط هسه اني اعرفها التفت ابو زهير وكال صدك هالحجي ياولد لا وسفه عليكم ماعرفتكم هيج حجه ايمن وكال مو هيج الحجي ابو زهير حازم سلم على الستات بسبب موقف جمع بيناتهم وهي المحروسه الله يحفظه طولت لسانه على حازم وعلينه وحازم تعرفه بعد من يعصب بركان ادخل مؤيد وكال لاتخافن خويه ماكو شي ماكو داعي للبجي منا الناس ترى موحلوه بحقكم انتو بنات تعالو دخلو جوه ومايصير خاطركم اله طيب جاوبته ايمان خويه وين ندخل جوه ودونه لسكن صاحبتي هسه حالته موزينه اني اعرف بيه مؤيد اويلي من عيون الغزلان شلون تكول خويه واني روحي مسحونه عليه صدك صاحبته جانت تنكث بايده مثل السعفه وتختض ووجه كلب اصفر شوي وكالت ايمان لايضل بالج مابيه شي يالله خلي نروح للسكن بعد ما اتحمل دقيقه ابقى بهذا المكان عمو ابو زهير بلا زحمه عليك تكدر توصلنه للسكن ابوزهير بعيوني ست نوى ادللي بس لو ادخلين تشربين اميه شوي يرد ماي وجهج لاعمو ميحتاج صرت احسن بس وصلنه لان كمنا نخاف نمشي بهاي الناحيه وحدنه افا عليج عمي لاتكوليه اني موجود محد يكدر يمسجن بشي امشي عمي امشي اندري شبيه الوادم خرفت تالي وكت ويخزر بحازم والولد حازم كل هذا الصار كدامي واني مصدوم منين ابو زهير يعرفهم وشكلهم يعرفوا كلش زين شنو كرايبه ضلت ابالي صورته وهي بين ايدي وملمس جسمه من ورى الملابس الطري اوف ياترافت زندج يالماخذه عقلي يتبع اعتذر عن التاخير بنزول البارت بس مع الاسف التعليقات والتصويت ميسون واهس حتى اكمل الراويه 😞 | ||||
|
| |
|
15-09-19, 01:46 PM
| #6 | ||||
| الجزء الخامس ❤نوى القلب❤ للكاتبه ~ Nour Ahmed~ حازم بعد ما راحوا البنات مع ابو زهير اني تبنجت بمكاني والشباب استلموني اكس مربع الي يلومني لان تجاوزت عليها والي يحجي عليه لان ما ادبته على كلامه واني عقلي بمكان واحد شنو علاقتها بابو زهير ومنين تعرفه ابو زهير يشتغل يمنه من زمان وعايش ببستانه هو وعائلته وهو مو غريب يصير ابن اخته لمرة خال جدي يعني معرفه من بعيد بس العلاقه بينه بحكم العشره قويه وزهير ابنه خوينه وصاحبنه ما حسسانا بيوم هو ابن اجير عدنه حاسبيهم اهل شعرفها هي بابو زهير مؤيد جنت حيل ضايج من حازم شلون يتجرئ على البنات بهاي الطريقه حجيت عليه وكتله حازم ترى مصخته نوبه طالع لبت الناس من النهر ومخرعه نوبه تعتعت بيه وتجر بيده شنو قضيتك وياها رد ايمن على مؤيد انت لاتكبر السالفه ترى هي لسان اخذتنه حاصل فاصل وذيج المره ترى هي وصاحبته جانوا داخلين بالبستان بدون اذن شنو تريد يسويلهم يعني رد مؤيد وكال ايمن ترى هذا مو منطق من يمته احنا هيج نفكر تريد تطلع علينه حجايه ولد الشيخ حاجم جبير الديره يخرعون نسوان حازم وبنبره قويه صاح اكص لسانه واعلكه بركبته الي يفكر يجاوز علينه بحرف شنو الي سويته اني اريد افتهم اخ لوما ابو زهير جان علمته شلون ترفع صوته ويانه بسيطه بس شهاب جان ماخذ ركن يراقب حازم ويحلل تصرفاته نطق بكلمه وحده بسx عاجبتك. رفع حازم عيونه على شهاب وكال كشكل اي عاجبتني بس السانه وتكبرها يطفر مؤيد ونوفل مصدومين منهم وكالو ثنينهم بنفس اللحظه لا اله الا الله مؤيد : انتو صدك تحجون بالبنيه هيج وبلا حيه حقه من كالت عنكم ولد شوارع والله عده نظره ضحكو الشباب كلهم على كلام مؤيد توجه شهاب لمؤيد وكال اي شيخ مؤيد تريد تقنعني انت ماطلعت عيونك على صاحبته ولك لاتصير شريف براسنه يالخوينس هنا مؤيد طكاها ضحكه جراقيه وكال ولك شهاب الملعون مايعبر عليك شي يالله نتوكل اخرتونه ورانه طريق كاله ايمن والكل بعد حجايته توجه للسياره يكملون سفرتهم الي مراضيه تكمل. ببيت الشيخ حاجم جهينه وشروق ونور كل وحده عينه بتليفونه ومركزه بالي تشوفه شروق تقرأ روايه كالمعتاد ونور صافنه بصور شهاب الي ينزله على الفيس وهاي صارت عاده يوميه عده كالادمان وجهينه واخ من ظيم جهينه جانت تقرأ رسالة عادل الي كله رزايل واوامر جان كاتبله الج عشر دقايق والكاج بغرفتي اذا تاخرتي ماتلومين اله نفسج وهاي صارله نص ساعه تعيد وتزيد وتقرأ الرساله واحاسيسه كله متبنجه وماتعرف شتسوي تروحله وتفتهم سبب عصبيته الي من اول ما اجه الى الان ماتركته هالعصبيه او تغلس وتفلت بروحه العزيزه وتحفظ مي وجه لان عادل افندي من يعصب يصير مرعب وعنده استعداد ياكل الي كدامه بسنونه وهي مجربه هالعصبيه قبل وماعده طاقه تعيد التجربه بعد. اخر شي قررت تروح وتشوف شنو يريد منه وامره لله عادل دزيتله رساله وحبيت اخوفها حتى تجي وكتله عشر دقايق انتي يمي والاخت هاي اله اكثر من نص ساعه قرت الرساله وما اجت كانوا تتحدانيx بتنفيذ كلامي وطلباتيx بكل فرصهx تتاح اله تحاول تثبتلي نفورها مني ومجاي اعرف شسويلهx بس اليوم مو بيدي مشتاق وحاب انفردx بيه لذالك رفضت اطلع مع الشباب اريدx يخله البيت شوي واستفردx بيه هالعنيده جاي تحاول تذلنيx بتصرفاتهاx وماتدري بعده الدنيا ماجابت مرهx تذل عادل النويري فاض بي الكيل وقرر يروح ويرزله رزاله عدله على تجاهله اله توجه للباب يريد يفتح وسمع دكه خفيفه على الباب فتحه وتفاجئ بيه واكفه كباله بكامل حجابه وعينه على رجليهx رفع حاجبه وكله بعد وكت خاتون هسه يالله تكرمتي واجيتي زفرت انفاسه بملل وكالت خير عادل محتاج شي اذا عندك شي مهم كوله بسرعه حتى اروح ماحست بنفسه غير وهي بالغرفه وسمعت صوت قفل الباب باوعت عليه بعصبيه وهي تفرك على ايده لان جراها حيل عديم الاحساس شبيك ليش هيج سويت وليش قفلت الباب جان يباوعله بنظره غريبه وهو يتقدم عليه ببطئ وكال نزعي حجابج نصدمت من طلبه وعفست وجهه بعصبيه وكالت عادل بلا لعب جهال ما انزع حجابي ولا شي ومتكدر تسويلي شي مثل قبل اني مو جهينه الاوليه ابتسم ابتسامه ماكره وسرع خطواته لزمه من ايديه وجرها عليه نزل لخصرهاx وحصره بين جسمه والميز تواليت وفتح حجابه باوعتله بحقد وكالت وخر عني عادل مالي خلك سوالفك التعبانه عوفني بس وين لاحياة لمن تنادي عادل جان مشتاق ومايهمه كلامهx الي يغث اشتياقه وحاجته اله طغت على صوته وجان يشوف بس حركة شفايفه وعيونه الي تخزره وكل مقاومته ودفعها اله مازاده اله نار واثاره اكثر ماحست اله وهو هاجم على وجه يبوس كل جزء بي من شفايفه لخدوده لجبينه وما اكتفه ايدي اتسللت لزنجيل ثوبه وسحبه بقوى ونزل على ركبته وكام يتجرء بالمساته اكثر وجهينه لاحول ولاقوى بس دموعها تجري وادفع بي بدون فايدهx وهو ولايمه ولا مهتمx لعذابه ونفورها منه هذا الي فكرة بي جهينه يهمه غريزته وبس وخر عادل تخبلت عوفني اريد اطلع لاتسوي هيج جانت تحجي بصوت باكي وهو يزيد مايقل كل ماصوتها يهتز ويبينه تبجي كل مايزيد عنف لماسته الهx سحبه بكل سهوله للسرير ودفعها ووكعت عليه حاولت تكوم بس جان اسرع منه وارتمه فوكها وهي المسكينه ناعمه وضعيفه طوله 158ووزنه 49 وين تكدر لعادل طول بعرض طوله 185ووزنه 80 الفرق بينهم شاسع عادل خبلتني بعنادها ومن فتحت حجابه وطلع شعرها الي ماخذ عقلي وعيونه واه من عيونه تجدح تتحداني هالطفله تقدمت عليه واخذت كل الي اشتهته نفسي من هالوجه وما اكتفيت حبيت اطوخها اكثر دفعته على السرير وصرت فوكه كل بجيه وتوسلاته ما فادت اني اليوم مستوي وقررت اشيل البرود الي بعلاقتنه وما اخلي غبائها يخرب عليه خطوبتي كتله بصوت اجش جهينه مشتاق لهلطراوه اسكتي ولاتخربين عليه تعبان واريد ارتاح نزعته ثوبه بكل سهوله رغم مقاومته الي ضلت بالثوب الداخلي الي جوه ثوبه وطلعت البلاوي جسم ناعم ساعه رمليه املس والبياض معجون بخمري سبحان الي صورها بويه هذا كله الي وحلالي واني راح اضيعه بغبائي ولساني الجاف جانت مستحيه حيل وتبجي وتضربني على صدري وتحاول تضم نفسه عني بيه تحضني حتى لا اشوفها ماتدري بهاي حركته شلون خلتني اكب كبه من النار الي شعلته بيه نيمته وصرت فوكها وصحت عليه بصوت حاولت قدر المستطاع يكون قوي وبنفس الوقت بس هي تسمعه لاتفضحنه هالمفضوحه بس سكتيx خزرته خزره قويه وكتله صوتج ما اسمعه انتي مرتي وبكيفي شنو اسوي حلالي فتحت عيونه على وسعهن وكالت عزه بعينك عادل شتريد تسوي لك احنا مخطوبين مو مزوجين وخر عني عضيته من ركبته عضه قويه وكتله كرري هالكلام وتجاوزي حتى اتفنن بعقابج اكثر شهكت وضلت تبجي واني هم شلون متجذبني دموعها ايمان بعد ماوصلنه عمو زهير للسكن نوى جانت بحاله لاتسر عدو ولا صديق نوى مسكينه بعد وفاة والده صار عده انهيار عصبي ودخلت بحاله نفسيه سيئه بحيث تكطعx النفس وياخذه الرجيف يصير عده نقص بثاني اوكسيد الكاربون بجسمه بحيث تبرد وينزل ضغطها وتصطك اسنانه علاجه بسيط لازم تاخذ كيس وتنفخ بي وترجع تسحب الي نفخته حتى تخف حالته ويرجع ثنائي اوكسيد الكاربون لطبيعته رغم الحاله متخوف وعلاجه بسيط بس منظر نوى هو الي يربك وتصير جنه مصروعه واليوم بهذا الموقف الي صار بينت عليه علامات رجوع الحاله اله لذالك خفت لاتنتكس هنا وبس اني وياها ونتبهذل الله لاينطيك يا ابن الشيخ شلطشت للبنيه ماكافي الي بيه عايزه بس انت انتبهت لنوى كعدت من النوم لان من اجينه انطيته فاليوم حتى تكدر تنام ومتجيه هالحاله الرعنه الساعه هسه 9:30باليل ونوى نامت من الساعه 12:30الظهر لا اكل ولاشرب سوده عليه حتى ملابسه منزعتهم تمغطت وكالتلي ها امونه شنو بيش الساعه هسه جاوبته عمري شلونج هسه ان شاء الله مرتاحه الساعه هسه 9:30باليل وانتي من يمته نمتي كومي اكليلج لكمه شوي جاوبتنني اي والله امونه ميته جوع شنو اكو اكل يخسى الجوع كومي موجود عدنه كبه واكو اجبان وهسه اسويلج احلى جاي بعد روحي امونه شعدي غيرج والله لوما انتي بحياتي جان اطك واموت من زمان اسم الله عليج ولج نويه انتي اكثر من اختي ما اصور يجي يوم ونتفارك مو اكلج لازم نزوج نفس الرجال حتى نضل وحده مكابله الثانيه ضحكت نوى على تفكير ايمان من كل كلبه ايمان الوحيده الي تكدر نوى تصرف كدامه على طبيعته بدون ان تستخدم اي قناع يحجب مشاعرها عنه لج امونه اني ما ازوج اضل هيج وانتي هم حتتضامنين وياي تحت شعار نعنس سوى ونضل معآ الى الابد ايمان تسوي حركات بوجه وترد على نوى اسم الله عليه من العنوسه ليش يمه ماعندي كلب يريد يحب ماعندي مشاعر جياشه اعبر بيه لاعمري عنسي وحدج اني بالنسبه الي بنيه ادور زواج واريد اكون اسره ويصير عدي زعاطيط كنوشات صغارر اوي فديت زعاطيطي وابو زعاطيطي ردت عليه نوى لايابذاته توج تكولين مانتفارك ونضل سوى واني ما اكدر بدونج اشو بعتيني واحنا بعدنه ما كلنه حلال اي كتلج ما افاركج بس جبت طاري ما ازوج نطقت بحرف عن العنوسه دولي تريدني اعنس على موده وجه الجوب كومي كومي خلي اوكلج كال اعنس كال وطلعت ايمان من الغرفه ونوى صافنه بيه ورى لحظات طكته ضحكه على كلام ايمان الي يموت ضحك كامت نوى غسلت ورجعت كعدت بفراشه تفكر بالي صار اليوم شكل هذا حازم مانوي يتركها بحاله هي بنيه حاله حال البنات تحس بالشاب من يحاول يثبتله اهتمامه واعجابه بيه وهي حست بحازم جاي يحاول يخليه تنتبهله وتعجب بي واكيد تالي هالاعجاب علاقه بس نوى ابد ماتفكر لابالعلاقات الي بنظره حرام وعيب ومستحيل تسويه ولا بالارتباط الرسمي الىx الان متعرف نفسه شنو تريد جاي تحاول تتقبل واقعه وتقتنع بانوا الي سوته امه وعمه مو حرام ولاعيب ولاخيانه لوالده تريد ترجع طبيعيه اول شي يالله تفكر تزوج اما الحب فنوى غير مؤمنه بوجوده ابد فالذالك هذا حازم لازم يبتعد عنه بس وين يانوى يبتعد عنج وانتي دخلتي دماغه والشغله صارت تحدي هسه دخلت ايمان وجايبه وياها صينيه مليانه اكل عبالك مال عشر نفرات بيض مسلوك وكبة حلب لبن وخضره طمامه وخيار ورطب رفعت نوى راسه عن الصينيه بعيون متفاجئه بالمنظر وباوعت لايمان وكالت اكلج انتي مو كلتي تعشيتوا هذا كله المن جاوبته ايمان وهي تبتسم كله الج وشالتx بيضه مسلوكه وخلته بحلك نوى وهي تكولx عشان تكبر وتربرب وتسمن تقلد مسرحية مصريه ونوى تحاول تبعد ايد ايمان عنه وتكله ولج اختنكت وخري بالمدينه وتحديدآ ببيتx عثمان وسعاد بغرفة سارهx جانت ساره صافنه بتليفونه وتكلب بالفيس ادورعلى شي معينه بيجاتx التصاميم الهندسيه الي تجذبه بشكل فضيع حلمه تكمل وتدخل كلية الهندسه المعماري وتتفوق وتصير مهندسه مشهوره وتصمم بنايات وبيوت كاعده على سريره تتصفح وطلعت بيج مكتوب عليه مكتب دورين لتصاميم الهندسيه دخلت على البيج وضلت تكلب بالصور وتفاجئة بروعة التصاميم وجمال البيوت والمحلات الي مصمميه طبعا اخذه الفضول وحبت تعرف منو الي مصمم هاي البيوت كاتبين بالبيج انو المكتب يديره مهندس الديكور حسام قاسم والمهندس المدني محمد تميم بوحده من الصور طالعين ثنينهم بس معرفت منو حسام ومنو محمد جانو شباب ثنين واحد منهم اسمر وشعره اسود وطويل والثاني يختلف عنه شايل جمال وحيل وسيم العكس مال صاحبه بكلشي المهم حبت تعرف منو حسام ومنو محمد دخلت للتعليقات وشافت واحد من التعليقات مكتوب بي منور حبيبي حمودي بس ليش هيج ملابس خوذه مثل حسام خايف على صماخه ههههههه وراد عليه محمد كايله ياخي حسام يخاف على كفشته لاتتاثر بالتراب 😆وخال هذا السمايل مبين صاحب التعليق صاحبه من الميانه بيناتهم وعرفت انو صاحب هاي التصاميم الحلوه الي تسر النظر هو محمد وحسام مهندس ديكور اخذه الفضول ودخلت على حسابه الي معلق منه وسوتله طلب صداقه ساره جانت تفكر بعقل طفله حبت تستفسر من محمد عن خبرته بالتصميم وماحسبت اي حساب انو هي بنيه واحتمال يطلع مو خوش ادمي ويستغله وافق على طلب الصداقه رأسآ وكتبله (اهلا بس انتي منو ) ساره جانت خاله صورته بالفيس بموافقة عمه وامه طبعآ لان عائلتهم من نوع الي ميقيدون بناتهم الهم حدود ومترباين على انو مو كلشي ممنوع ومو كلشي مسموح كتبتله ساره (اهلا بيك اني ساره مثل ممكتوب بحسابي ههه بصراحه اني جنت اكلب بصور تصاميمك بالبيج وشفت حسابك وحبيت اسألكx عن صاميمك واخذ منك خبره بمجال الهندسه المعماري ياريت شوي توسلفلي عنه ) محمد جنت كاعد على النت اكلب بالفيس وفجئه اجاني طلب صداقه من بنيه قبلته ورحت للحساب مالته اكلب بي جانت خاله صورته بالبروفايل مالته ومبينه صغيره عمره 16سنه موجود بحسابه وناشره اكثر من منشور اغلب منشوراتها عن تصاميم لمهندسين ومهندسات مشهورين واكثر شي ناشره عن زهى حديد كلبت حسابه على السريع ودزيتله مسج بالمازنجر كتبتله اهلا وسهلا انتي منو ردت عليه بكل بساطه وكتبتلي اني ساره وطلبت مني اسولفله عن خبرتي بمجال عملي كتبتله ( انتي مو صغيره شعجب مهتمه بمجال الهندسه المعماري ) ردت عليه (اني اموت على هذا المجال ومقرره بس اكمل السادس اقدم هندسه معماري ومن هسه جاي اكون فكره عن هذا المجال لان اني اعشق تصميم البيوت والبنايات ) بصراحه فاجئتني ولوما داخل على حسابه وشايفه صدك مهتمه بمجال الهندسه المعماري والشغف الي تحجي بي عن مجالنه جانت كلت زاحفه كتله (ميخالف عو اشرحلج بس انتي بعد كدامج 3سنوات يالله تكملين اصور عمرج 15او 16محسسته انو اعرف عمره الحقيقي حتى لاتكول رحت نبشت حسابه ) ردت (لا اني شاطره وهالسنه اني سادس لان سويت تسريع عمري 16سنه ودرست الرابع اعدادي والخامس سوى وعبرت للسادس لذالك اني السنه الجايه كليه وان شاء الله هندسه معماري) صدمة ثانيه هاي منين طلعتلي بهليل الشاطره جاوبته (عفيه عليج سباعيه خلي اسولفلج شوي عن الهندسه شوفي اهم شي بمجالنه انو تكون عندج مهوبة الرسم لان مجالنه عباره عن فن فلازم تكونين موهوبه وفنانه بالفطره حتى توصلين لهدفج والاهم من هذا كله لازم تحبين الشي الي تعملين بي ويكون عندج شغف كبير نحو عملك حتى تكدرين تبدعين ويطلع انجازك رائع) خذت فترة 3دقايق تقرآ رسالتي واجزم سبب تاخره بالرد هو تحليله وخزنه كلامي بدماغه وهاي صفه من صفات الاذكياء عدم التسرع بالرد عجبني تصرفها بصراحه شوي وردت (جدآ اشكرك على هذا الرد اني هم اايد كلامك اذا الشخص محاب مجال عمله مستحيل يبدع بي واكيد حيشتغل كلشي شلون مجان واطمن من هاي الناحيه اني جدآ حابه اكون مهندسه مشهوره واحقق احلامي اشكرك مره ثانيه واسفه على الازعاج بهذا الوقت بس حابه اطلب منك طلب بلازحمه عليك ) ابهرتني برده مومال 16سنه عمرها ابد خلتني اتفاعل وياها بالحديث رديت (تفضلي) (ممكن اتواصل وياك بين فتره والثانيه اريد اعرف المخططات الهندسيه والقياسات والرسم الهندسي للمحترفين لان بصراحه كل معلوماتي بسيطه وحابه اطورها) صدمه ثانيه من هالطفله وتكول معلوماتي بسيطه شعرفج بالمخطاطات والقياسات وكل عمرج 16سنه رديت عليه (اكيد باي وقت تحبين تواصلي وياي) (اشكرك اخ محمد ماقصرت واسفه على الازعاج مره ثانيه) (ادللي ماكو اي ازعاج احيج على طموحج) (مع السلام) رحت على الصوره الشخصيه مالته وطلعته وضليت صافن بيه طفله صح وشايله برأه ادوخ والجمال الي عده موطبيعي جدآ حلوه الوجه مدور وكلشي بيه صغير ماعد عيونه الي معرفت احددلونه والشعر اصفر والخدود ورديه ماشاء الله جنه روسيه شكيت مو صورته بس من كلبت بحسابه طلعت ناشره فديو لسفره عائليه وتسولف بي ومصوره نفسه الله يستر عليه كامله والكمال لله سديت الفيس ونمت باجر عدي شغل بمشروع جديد من الساعه 6الصبح حازم رجعنه من المزرعه واني طول الطريق افكر بالي خذت عقلي نوى اسمه بس يسوي رجفه بكلبي معقوله حبيته زين شعرفت عنه حتى احبه شنو معقوله حب من اول نضره باجر لازم اشوفه واحاجيه واعتذر منه صح مو عاتي الاعتذار بس اريد طريقه اوصل بيه لكلبه واخليه تحن عليه قررت باجر اروحله واحاجيه واعرف منين تعرف ابو زهيرx وشيريد يصير خلي يصيرx هاي طلعت مغناطيس يجذب بسرعه غريبه الله يعيني على باجر بس والي حيصير باجر يتبع صوتوا حبابين محتاجه تصويت قوي للروايه 😢 | ||||
|
| |
|
15-09-19, 01:48 PM
| #7 | ||||
| الجزء السادس ❤نوى القلب❤ ~ Nour Ahmed~ يوم الخميس الساعه 9:30الصبح نوى بالصف ومندمجه بالشرح اليوم بديت احضر الطلاب لامتحان الفصل الاول اني مستلمه طلاب صف سادس انكلش يحتاجون متابعه هواي ودائما احاول اخذ دروس اضافيه حتى الحك اكمل المنهج واني دا اشرح رن تليفوني طلبت من الطلاب يهدئون بين ما ارد على التليفون اخذت تليفوني وطلعت برى الصف ماما جانت تتصل شلته وكلت الو هلو ماما هلو حبيبتي نوى شلونج صحتج شلونه اليوم العصر ان شاء الله يجيبكم ابو زهير تكضون الخميس والجمعه يمنه مو اي ماما اليوم ننزل ان شاء الله انتو شلونكم وسوسه شلونه الحمدلله كلنه بخير شنو يعجبج اسويلج اكيد متاكلين زين بالسكن لا الحمدلله اكل كلشي على واهس البنات وايمان ممقصره ماخذه دورج هنا لاتتعبين نفسج لا حبيبتي شنو تعب ما تعب حسويلج بيتزا وبركر ولزانيا على العشه ادري بيج تحبين هيج اكلات سلميلي على امونه هواي اوك ماما بكيفج يوصل سلامج انتي هم سلميلي نلتقي المغرب اذا الله راد مع السلامه سديت التليفون ورجعت للصف ولكيت الطلاب كالبيه سوك هرج عطت بيهم بصوت عالي ورزلتهم وسويتلهم عقوبه مرتبه اني بطبعي شديده وعصبيه واحب اضبط صفي ما احب يصير عندي انفلات وقت الدرس رجعت اكمل شرح الماده للطلاب والتهيت وياهم جهينه نايمه بفراشي وكلت للبنات اليوم مالي خلك اريد اضل نايمه البنات بلغو بيبي نزهت وهمزين بيبي متكدر تصعد فوك جان نفضحت بس مقصرت اتصلت بيه على الموبايل واستفسرت كتله بطني تاذيني ومصخنه دزتلي علاج بيد شروق وااكل نقهرت على بيبي متستاهل اخوفها عليه بس شسوي مو بيدي ما اريد انزل واشوفه الي سوى بيه ابارحه ميتسولف ما اعرف شلون بالاخير صحى على نفسه ومكمل الي جان ناوي يسوي بيه صرت اخاف منه ومن تصرفاته ما حاسبلي اي حساب المهم عنده رغباته هو وبس بعد ما انتهى هجومه عليه انطاني ظهره وكال لبسي هدومج وروحي لغرفتكم ولاتحسسين احد بشي فاهمه حسسني كانوا اني جاريه او وحده موزينه اخذ الي يريده منه ودارله ظهره كرهته اكثر من قبل وكرهت حتى نفسي وصار لازم ابلغ جدو انوا اني اريد افسخ الخطبه لان عادل طلع من نفسي كلش بتصرفاته الاخيره وياي اخر ذرة حب باقيه بكلبي اله تخبرت عادل كاعد بالمكت وصافن بالي صار ابارحه شلون فقدت السيطره على نفسي اذيته حيل بحيث جسمه ضل يطكطك جوه ايدي وتركت اثار هواي عليه شلون راح تنزل اليوم وبيبي شلون اذا درت شيفكنه بس موبيدي فقدت عليهx ومقاومته الي طيرت عقلي بعد هذا الموقف ما اصور جهينه حتسكت ادري حتقرر الفراك وراح تنهي كلشي اذيته هواي من اول ما قرر جدي اخطبه تعاليت عليها لان جانت ملكي ادري بيه تحبني من وهي صغيره الشيطان صورلي انو هي ملكي مراح تكدر تتحرر من حبه الي بس العكس صار لان جهينه من عرفت بعلاقاتي وخيانتي اله باول خطوبتنهx قررت تعاقبني اقسى عقاب نفورها وبروده وياي خبلني وخلاني احسسه انو هي لاشيء بالنسبه الي وبدال ما اصحح الصوره الي كونته عني واعتذر لا زدت الطين بله وكتله اني مجبور عليج لان انتي بنت عمي وجدي قرر زواجنه والا انا ما افكر بيج كزوجه جذبت اي جذبت هواي بهذا كلامي حبيت اطعن انوثته مثل مطعنتني بنفوره جنت قاسي هواي وهذا الشي مو بيدي هذا طبعي وصعب اغيره جهينه اكيد مراح تتحمل هالطبع الخشن وهي نسمة هوى بارد ومليانه رقه وانوثه بريئه نور نازله اركض على الدرج والتفت واعيب لشروق خمطت نقاله منه وهي خطيه تنعوص وراي لج نور حقيره جيبي لايوكع وينكسر وصلت للهول واباوع عليه وهي فوك تصيح علي وجانت تنزل الدرج التفت بسرعه وركضت خايفه لاتنزل وتاخذه مني واني قررت انتقم منه وامسح كل صورها لان الخبيثه كسرت كفر تليفوني وتكلي اسفه ما ادري بكل برود تنتقم مني لان كسرت اله مشطه العزيز الاثري بدورتي وجان انصدم بشي قوي رفعت راسي واني عاقجه وجهي وما اشوف اله شهاب كدامي صار وجهي بوجه وعيوني بعيونه متت قهر كل مواقفي ويه شهاب تفشل باوعلي وكال تضلين زعطوطه شوكت تكبرين لو انتي بس يكبر جسمج وعقلج مايكبر شنو هالتصرفات تتراكضين بالهول جنج صخله تايهه شوي ركدي بدون شعور مني برطمت ونزلت دموعي دومه يحسسني بالدونيه قاسي وكلامه ينكط سم واني الغبيه اجيت وجيتت بحبه مثل الخبله درت وجهي وصعدت فوك واني اتوعد لشروق بكتله معدله بس هواي احاسيس داخلي تكسرت من كلام الي كلبي حبه . شهاب راجع تعبان للبيت ومية حسبه ابالي ومنا عادل وصاني اطلع من الصبح اشتري ذبايح لان باجر عمامي وجدي يوصلون من العمره ولازم نجهز استقبال مرتب الهم لان حيجولنه هواي ضيوف بدخلتي شفت الخبله نور بنت عمي تعيب لشروق وتتمركص وحجابه نازل ولاجنه كاعده ابيت مليان شباب هالبنيه ماترضى تكبر الطول طول النخله والعقل عقل الصخله ينطبق عليه هالمثل فجئ اندارت واني ورها واندعمت بيه بكل غياء ولاحست اكو احد وراها رزلته ذيج الرزاله المعدله اشو هاي باوعتلي وبرطمت وبدون متحجي ولاكلمه اندارت عني وصعدت فوك ما اعرف شصار بيه من شفت عيونه الزرك تبجي قهرتني وانبني ضمير عليه ما اعرف ليش هاي البنيه كل ما اشوفه يعجبني ارزله . مؤيد اسوق وافكر باجر عدنه هواي شغل ابوي وامي حيجون من العمرهx وينورون البيتx الحمدلله تبهذلنه بدونهم صح بيبي نزهت مقصرت بس مو مثل من يكون الاب والام موجودين وهاي طيبه الهبله دمرتنه بالبيض اخرشي حنبيض اني ونوفل من ورها اجت ابالي ام عيون الغزلان ماشاء الله عليه البنيه هاي تدخل للكلب بس مع الاسف كل المواقف الي جمعت بينه تفشل من ورى حويزم وسوالفهx ابارحه استدرجت ابو زهير بالكلام وكدرت اعرف هما شيصيرون منه طلعت صاحبته تصير بنت اخو دكتور بالجامعه مساعد زهير بالتعين مدح بيهم هواي وطلعوا عائله من نص الدنيا اغلبهم اصاحب شهادات عاليه وايمان تصير صديقته وعائلتهم بسيطه وناس طيبين ومستورين هذا كل الي كدرت اعرفه من ابو زهير محبيت الح عليه بالاسئله لان اخاف يحسب غير حساب انوب واتورط وابو زهير مو هين يلكفها وهي طايره . شروق بعد معركه طويله ويه العوبه نويره كدرت اطلع منه بشلعان الكلب طلعت الخاتون اخوي مرزله وطلعت حركة كلبه بيه جنت كاعده اتمرجح بمرجوحتي الي سواها الي شهاب فديته واسمع اغاني بالهيدفون مال الموبايل وماحسيت اله بايد تدفعني واطير المرجوحه كل ضني هذا شهوبي حبيبي يحب هيج يسوي وياي انداريت وجان اشوف نوفل كاعد يدفعني وعيونه عليه ارتبكت وخجلت نوفل اني ادري بي مو خالي من ناحيتي بس اني بطبيعتي حيل خجوله وما اعرف اتصرف بهيج مواقف باوعتله ودنكت وهو وكف المرجوحه وكال شلونج شروق جاوبته واني خجلانه بخير الحمدلله انت شلونك بخير دامج بخير شو صايرين مانشوفج اله بالصدفه باوعت عليه ورجعت دنكت ها موجنت مالي خلك شوي اسم الله عليج ليش شنو شبيج حمرت خدوي واحس نار بوجهي صارت شكله بالله جانت عليه الشهريه واني عاويه من تجي ادخل البيت بانذار استحيت وجاوبته لاهيج شوي جنت مستبرده جاوبتي بعتاب ليش ما اديرين بالج على روحج مو رويحتي انتي ترى اكو ناس تتمرض لمرضج وتتعب لتعبج وتزعل لزعلج اني من كال هيج صفريت وحمريت وما اعرف شجاوبه نزلت من المرجوحه والله ركض للبيت سمعته وراي يضحك ويكول هاي بكلمتين هيج استحت لعد لو بايسه شتسوي عزه بعينك نوفل يريد يبوسني يمه بعد ولا اطلع كدامه هذا يخوف . حازم هستوني جاي من الشغل هلكان اليوم عادل عبالك جاي ينتقم مني بالشغل كل شوي مصخرني بشغله والله اليوم عادل مو طبيعي عصبي وخلانه كلنه بحالة استنفار عبالك انذار جيم عنده طشرنه اطشر كل واحد دزه بشغله شغلتين وكل وحده اضرب من الثانيه نزلت ومن السياره اريد افتح البوابه لان استحي اخلي عمي ابو زهير يفتح الي عيب منه رجال جبير وبحسبت ابوي وجان اشوفه جاي يفتحها ومجهز السياره يريد يطلع عرفت اليوم خميس ويريد يروح يجيب زهير من الولايه هاي عادته من تعين زهير لهسه تحسه روحه بزهير علاقتهم حيل حلوه مو عبالك اب وابنه لا اصدقاء سلمت عليه السلام عليكم هلا وليدي وعليكم السلام هاعمي ان شاء الله طالع اليوم للولايه تجيب زهير اي والله عمي راح اجيبه وهم اوصل البنيات لاهلهم هذن امانه عدنه جان يحجي ويبسمر مو هين ابو زهير ابد باوعتله وكتله يابنيات عمي عساس ما اعرف منو يقصد اني المعلمات بنت دكتور عثمان وصاحبته عمي هما اهلهم بالولايهx مو من القرى الثانيهx لاعمي ذول بنات الولايه شجابهم على الريف ليش مامبين عليهن حسيت بي كل كلامه بسامير معجبني اطول الحديت كتله ها لعد اخليك براحتك هم وراك طريق طويل توصل بالسلامه عمي الله يسلمك وليدي ويهديك لا اليوم ابو زهير متقصدني كلش الله اليعلم شكايلتله نوى خاتون عني بس بسيطه ست نوى ترجعين هنا قابل اطيرين بعد اني خليتج ابالي الغموض البيج جذبني حيل اريد اسيطر عليه هالمهره الشرسه وبعدها لكل حادثآ حديث يتبع بنات لاتنسون التصويت والتعليقات يعني ترى الروايه اني تعبانه عليه ياريت ادعموها | ||||
|
| |
|
15-09-19, 01:48 PM
| #8 | ||||
| الجزء السابع ❤نوى القلب❤ ~ Nour Ahmed~ طول الطريق اني وايمان نايمات لان كلش جنه تعبانين اليومx كاعدين من الصبح وهسه طريق ساعتين ونص على مانوصل عمو ابو زهير خطيه ماقصر اجه محمل شغلات لاهلي واهل ايمان لبن بزيد وكيمر ودهن حر غير التمر اشكال خطيه زوجته محملته هيج ناس طيبين بحياتي مراح اشوف وصلنه تقريبآ الساعه 7:30 اول شي ودينه ايمان لاهله وبعدين وصلني عمو ابو زهير لبيتنه نزل عمو عثمان سلم عليه وتوسل بي يضل على العشاء مقبل يكول مشتاق لزهير ما اكدر تفهمه عمو عثمان وعذره دخلت للبيت وتلكتني ماما وساره بالاحضان عبالك صار سنين مفاركتهم حبيبي نوايه شلونج شو ضعفانه ليش ماماتي متاكلين هناك جاوبته ماما والنبي اكل بس اني تعبانه من كعدت الصبح وهسه الطريق شوي هم تعبني شلونه ايمان شخباره مشتاقيله هواي الحمدلله زينه كالت ساره تعالي ماما شوفي نوى شجايبه وياها اشكال والوان هاي مو اني جايبتهم هاي كله من بيت عمو ابو زهير ومثله هم حمل ل ايمان ساره تركص وتغني العب بيه يابو سويره اليوم اكعد عليه واكله كله ولج ام بطن كله اكل دسم شلون تاكليه كله كالت سعاد يالله ساره خلي اختج ترتاح شوي من الطريق اخذتيه حاصل فاصل جاوبته ساره هاي اني ولاكانوا انتي استلمتيه مامي ليش تصيرين غير منصفه ضحكت نوى وامها على خبالات ساره دخل عثمان وحضن نوى وهي استقبلته بكل برود وكله شلونج حبيبتي نوايه مشتاقيلج البيت اضلم بدونج اعترضت ساره وكالت ليش هيج عمو ترى ازعل شنو بس لست نوى حضن ساره بايده الثانيه وكال شعدي غيركم انتوا وامكم الروح والريه جاوبته نوى عندك روئ وعماد هم الهم حق بيك نصدم عثمان برده القاسي هيجت عليه المواجع بكلامهx نوى ماتقصر ابد بجرح عمه وكانوا تكله اني مناسيه خيانتك ل ابويه عثمان اخذ كلامه بروح رياضيه كالعاده اكيد روئ وعماد وانتوا كلكم اولادي ووصله من كلبي يالله نوايه حبيبتي دخلي ارتاحي حتى ماما تكمل العشاء نوى دخلت للغرفه مالتنه وذبيت نفسي على الجربايه وعيوني بالسكف ما اكدر اكول ما انقهرت على عمو عثمان حرجته وهيجت مواجعه بس مو بايدي ماما ما اكدر اعامله بقسوة تبقى امي وتلقائيآ اتصرف وياها بطبيعيه بس عمو نبنت بيني وبينه حواجز هواي خلال مدة زواجه من امي ايمان دخلت للبيت واتلكوني حبايب كلبي ماما وبابا وعلي وسامر احلى احساس بالدنيا شفوتهم ترد الروح فديتهم الدببه الطيبون بس اني رشيقه ما ادري عليمن طالعه هيج طفره حضنوني وسموره يبجي عبالك صار قرن مفاركني ابو خشه ام ايمان (نهاد) يمه بعد روحي البيت مايسوى بدونج ولج كطعتي بيه افتر وحدي بالبيت احس مضيعه شي شلون بيه شيكضيه خمس سنين بالقرى والارياف ابو ايمان (شوكت) شدعوه يامره سويتيه ظلمه كل خميس وجمعه تنزل يمنه وتكعد يمجx اربع اشهر بالعطله لاتضيعين مستقبل البنيه ادري بيج لو بيدج تكعديه كبالج لاشغل ولا عمل لحدx متصير فيله مثل حالنه حبيبي شوشو اشو اليوم كالب عليه اخاف مضوجتك بشي شيات لاياعيني يانهوده غير اريد مصلحت البنيه امونه كبرت ولازم تعتمد على نفسه من كل كلبك هالكلام شوسو اشو اليل كله تبجي عليه بس سافرت وهسه يالله رجعت ضحكتك ها لعد منو الي يكول شلون بيه اذا ازوجت امونه وين انطي وجهي اي صدك وما انكر بس مستقبله عندي اهم من كل احاسيسي الجياشه ايمان اوي فديتكم بطوطاتي شعدي غيركم الله لايحرمني منكم ومن حنيتكم عليه اني ما ازوج واذا ازوج اشرط عليه اكعد عد بطوطاتي ما اكدر افارك شوشو ونهوده علي اي عيني واحنا اولاد البطه السودهx اني وسامر محد بحالنه لامن شوشو ولا نهوده ولا امونه عبالك عبسي وعدنان والكل يطرد بينه سامر يايد كلام علي اي والله عليوان صدقت احنا منو بحالنه من المغضوب عليهم ضحكوا الكل على كلامهمx وبعدها راحت ايمان تبدل حتى تتعشه ويه اهلها الي تحمد الله ليل نهار على وجودهم بحياتها الجمعه الصبح الساعه 10:30 الكل جان متحضر ببيت الشيخ حاجم لاستقبال المعتمرين الشيخه نزهت مضل شي مسوته ذبحوا ذبايح وجهزوا الطبخ هي وام زهير والبنات وبدو الناس يجون حتى يستقبلون الحجاج طبعا الكل جان متحضر حتى يرحولهم بسيارات ويستقبلوهم والبنات مبدلات لاكن عادل وشهاب وحازم مقبلوا البنات يرحون بحجة عيب هواي شباب من المعارف والاهل حيرحون يجون هنا واستقبلوهم ضاجو البنات حيل بقرار الشباب الظالم نور اف سجن خوما سجن يعني خواني وشهاب شنو من طينه نضل محبوسات شنو ماكو بنات تمشي بالشارع بس احنا اف والله طكت روحي جاوبته ايه اي بعد شنسوي حظنه المصخم الي ورطنه بيهم هسه مو كل الناس تطلع تستقبل حجاج بس حظنه سونه رايحين للديسكوا شروق يالله بنات مصار شي هسه يجون ونشوفهم لاتحركون دمكم هما ولدنه كلش مزمتين جديده عليهم قابل المهم لا اضيعون فرحتكم بوصول عمامي وعماتي وجدي اليوم ما اشتاقيتولهم نور وايه هزو روسهم ثنينهم بايجاب على كلام شروق هي هاي شروق عقله سابق عمره بحكمته وهدوئها ورزانته حبيبة الكل حتى ايه الي متريد احد عده شروق لاتصعد ولاتنزل مثل النسمه رغم هي اصغر البنات عمره 17سنه بس الكل يلجئله من يحتاج يفضفض حتى شهاب من يضايق مايفضفضx غير لشروق كاتمة اسرار الكل بالبيت البنات جانوا ملتهين بعدم روحتهم باستقبال الحجاج وجهينه جانت سارحه والصفار ماخذ من وجهه صفحه كبيره ساهمه وساكته عبالك بغير عالم اليوم شافت عادل ومن شافه حتى ما اعتذر منه كالعاده بالعكس تجاهل وجوده وكانوا مايشوفها ضمن الحضور عامله ببرود حسته يكله اني ممهتم وانتي سلعه او مكب لرغباتي خلاص قررتx بس تخف عنهم الرجل والخطار يقل حتفاتح جده برغبته بفسخ الخطبه الي جمعته ويه عادل وشنو يريد يصير خلي يصير مستحيل تربط نفسه بشخص اناني ومتغطرس مثل عادل العمر مره ينعاش مايسوى نعيشه بقهر ابد حازم اليوم يجي جدي واهلي وعمامي وعماتي من العمرهx الحمدللهx كملنه كل الشغلات الي لازم نسويه لاستقبالهم طلعنه اني وولد عمي وولد عمتي والمعارف والاهل بسيارتنا وسيارات الاهل موكب كامل نستقبلهم اني صاعدين وياي الشباب وعادل ماخذ بيبي نزهت وام زهير ابو زهير بعده بالولايه اليوم يوصل هسه اكيد وصل بس ملحك يجي ويانه وصلنه للمكان الي يجمعون بي المعتمرين ماطولنه ربع ساعه واجت السياره الي بيه المعتمرين نزلوا وجان اشوف ابويه وامي نزلوا وراهم جدي وعمي قصي وعمتي ام ايمنx وخالي جاسم وعمتي ام مؤيد فرحنه بشوفتهم والكل ضل يصلي على النبي صار ثلاث اسابيع مشايفيهم ركضنه عليهم بوستx جدي من ايده ومن راسه ورها رحت بوست ابوي وامي حضنته افيش ياريحة الجنه ممتعلم افاركها هاي اول مره رأسآ ضلت تبجي وحاضنتني اني وعادل اشوف شهاب يوخر بينه ويصيح وخر عنه خلولي مكان صحت عليه دروح حاشر روحك امي ما اقبل تبوسه الكل ضحك على كلامنه رحت بوست عمي قصي وعمتي ساجده ام ايمن وتحمدلهم السلامه وهنوب استلمت خالي جاسم ماخذ عمتي نوريه لان امي وخالي ولدx اخو لجدي فابوي ماخذ امي بنت عمه وخالي ماخذ عمتي راس براس بوست خالي جاسم ابوي الثاني ورحت لنوريه الدعبله عمتي ونور عيني اقرب المقربون الي هلا هلا بحويزم شلونك ندعيتلك يم بيت الله بلكي يكبر عقلك وتهجع شوي ويبليك ببنت الحلال ضحكت من كل كلبي وكتله والله ينوريتي الله استجاب لدعاج الثاني وبلاني بس الاول ماستجابله لان العقل زينه واني ما احب التبرج كل الجانوا قريبين منه ضحكوا على كلامنه اجت عمتي نوريه بصفي وتشاورني ها ولك حويزم جنك طحت بالفخ ولك منيه هاي الي الله بلاك بيه لاتكلي ايوا ام لسان ضحكت من كل كلبي وكتله ايوا شنو عميمه الله بلاني شلون بلوى تخبل عمه تكل للكمر كوم واكعد مكانك بس ياعمه ماتحن عليه وصعبه حيل يا بعد عمتك بس اشر واني وامك نروح نمشي عليه خطابه وماتصير لغيرك ياريت عمه بس صبر خليه تستوي على نار هاديه اول عادل اليوم شفتهx اجت عيوني بعيونه صدفهx ودارت وجهه وما التقت عيونه بعد المفروض اعتذر عن سوء تصرفي وياها واطيب خاطره بس مكدرت شي منعني انو اتصرف بلطف وياها وما اعرف ليش هيج قاسي بتعاملي وياها تمنيت اخذه بحضني وابوس راسه وايديه واعتذر بس مشكلتي ما اعرف اتصرف هيج وما اعرف اظهر مشاعري الحقيقيه للناس المقربين الي امي الوحيده الي فاهمتني جهينه جاي تحسب تصرفاتي هاي كسرة خشم اله متدري اني ما اكدر انام اليل من التفكير بيه اعرف شنو يدور براسه وشنو تخطط تريد تفسخ الخطبه بس لا لسه جهينه ماتعرفين منو عادل انتي الي وماتكدرين تفسخين هالخطبه يا بنت عمي اله على جثتي اني قررت اتغدى بيه قبل لاتتعشى بيه وحبلغ جدي يقدم موعد الزواج للشهر الجاي واريد اشوف شحتسوين ياجهينه ايمن فرحت بشوفت امي وابوي وجدي وعماتي وعمامي اليوم حيرجع البيت منور بيهم جنت مثل التايه الي ما اعرف وين انطي وجهي الولد مو مثل حالتي عدهم خواتهم يسدون واني بس بيبي تحس بيه وبالي احتاجه الله انطاني اخت بس السان وماعده محنيه قويه مثل بنات عمامي على اخوها الله ينطي البنات الي يقومون بواجب اكلي وشربي رجعنه للبيت وهم ذبحنه 3خرفان كبار ووزعناهم للفقره صار وكت صب الاكل واني جنت لابس دشداشه خاكي ولافه على بنطي واركض منا ومنا انكل اكل اني وولد عمي مدري شلبسني اليوم دشداشه وسروال وغتره جان هسه بالبنطرون ماخذ راحتي اكثرx طبيت للمطبخ وجانن البنات يحضرن بالاكل وبيبي نزهت تشرف عليهم وكعت عيني عليه سهى بنت ابو زهير الصغيره ابو زهير عده ثنين قبله مزوجهمx لولد عمهم وسهى اصغر وحده عنده عمر 19سنهx هاي السنه اول جامعه كلية هندسة اتصالات هي شاطره اشطر خوانهx واحلاهم طالعه على امه طوله وسط وعوده ريان حنطاويه وعيونه عسلي شفايفه مليانه ووجه بيضوي كلشي بيه داخل دماغي ابدي اخطبها اليوم قبل باجر بس ادري بامي مراح تقبل وراح تكلبه علينه مناحه لان امي انسانه سطحيه تحب المظاهر بشكل وعده نوع من التنمر على البشر بس اني قررت لو سهى لو ما اريد توجهت عليه وكتله شلونج سهى عاش من شافج رفعت عيونه الوسع عليه ودنكت خجلانه وكالت الحمدلله بخير اني انت شلونك اني بخير دامج بخير شلونه الجامعه اجيتي انتي وزهير اليوم مشفت زهير اشو لا اني صار اسبوع يمx بيت خالي ناظم اجيت ابارحه باليل قبل لا يجي زهير عكدت حواجبي وضجت من كالت جانت ببيت خاله لان اعرف كلش زين بيت خاله ناظم مليان شباب وخصوصآ حسن ابن خاله الوسطاني عينه عليه ودوم يجيهم هنا اكول سهى انتي شلون ترحين لبيت خالج مو كله شباب المفروض تضلين يم زهير ترى واكفه روحتج يمهم فتحت عيونه على وسعهم وشردت نبضه من كلبي بحركته وكالت لا ايمن بالعكس خاليx ولده مثل اخواني حالهم حال زهير واحنا رابين سوى شنو قصدك يعني هما مو خوش ولد لو حيباعون عليه ترى اني عرضهم ضوجني دفاعه المستميت عن ولد خالها بس بنفس الوقت فرحت من كالت هما مثل اخواني باوعتله وكتله شوكت يفهم دماغج هذا واشر على راسه تلميحاتي واهتمامي اني اغار يابت الناس ما اريد احد يلمح ثوبج شوكت تحسين باوعت عليه بصدمه عفته وكمت جان المفروض اعترفله بمشاعري من زمان بس ماعرفت شلون افهمه همزين صار فرصه اليوم وكتله صح مو اعتراف رومانسي بس يمشي شغل اني رجال عملي واجفت جفت شسويله الكل جان منجمع بالهول الجبير بعد العشاء والعماتx وام عادلx جانوا يوزعون الهدايه على البنات والشباب مامخليات شي بمكه والمدينه مجايباته ام عادلx طلعت كلاده ذهب وانطته لجهينه البنات اعترضوا وليش بس هي خصوصآ نور سوته عليهم فلم هندي جاوبته ام عادل و كالت هاي خاصه لمرة ابني انتي بيش كيلو تالي انطيج للرجل يجيبلج نوربصدمه لا يانبع الحنان هيج بعتيني علمو جهين وليش هيج تفاولين عليه بالرجل بعدني صغير شنو مليت مني يا نونه ام عادل اسمه (نسيمه) ونور ادلعه نونه ردت الشيخه نزهت ولج نونه شنو عيب مره شكده وشكبرها تكليله نونه ادخل ابو عادلx وكال يمه خلينه على نونه الله ساترها لعد اني شكول طمطم ما طمطم جايبتني ابو عادل اسمه(طه) فديت طمطم مالتي هو انت اكو منك انته وجدو حبيبي بس دلعوت جدوه بيني وبينه ما اكوله هنا الجد اي بويه بيني وبينج لاتضيع الهيبه الكل ضحك ماعدى شهاب البومه نبص وكال ركدي عاد صخيله اطفرين منا ومنا دوختينه نور تباوعله بصدمه وعيونه لمعت بدمعه ادخل حازم وكال شدعوه عيني ابو الشباب على كيفك ويه نورتي لاتحجي عليه هاي نوره الكمر تكلله صخيله اذا هي صخيله انت شنو نور تباوع لحازم بمتنان لان ردله اعتبارها نور هذا اللسان كله والروح المرحه يم شهاب كلشي يختفي ويتبخر تبلع السانه وتسكت ولا تنطق بحرف بين قوسين خالسه خلس شهاب شدعوه يابه سبينه العنب لايكون غلطنه بالاميره دينا وماندري ضحكوا الكاعدين كلهم جان جو يسوده الضحك والسالفه الحلوه ماعدا ثنين بغير دنيا وهمهم اكبر من كل الاجراء الحلوه عادل شفته ترخصت وصعدت فوك سويت نفسي طالع برى حتى لا الفت نظر احد وبعد ربع ساعه صعدت ورها والكل جان جوه دخلت للغرفه شفته متمدده على الجربايه ولابسه دشداشه قصيره مبينه محضره نفسه للنوم تقدمت عليه وهي رأسآ خافت رجعت ليورى كلبي وجعني من حركته لعد اني شكد مخوفه مني كتله جهينه اريد احجي وياج بموضوع ابارحه جاوبت بقوى هي مو اهل اله عادل ماكو داعي نحجي ونتناقش اني قررت اكل لجدو وشهاب اني وانت ممتراهمين واني مستحيل ازوجكx فاريد افسخ الخطبه عقدت حواجبي وكتله وهيج بكيفج تقررين وتردين تفسخين خطبه واني شنو طرطور عدج خاتون ما الي رأي لا حشاك بس كلت اختصر عليك الطريق واعفيك من الاحراج ويه جدو يجوز انت متكدر تكسر بكلمته وتكله اني ما اريد بنت عمي ومو هي البنت الي اتمناها زوجه بس اني اكدر اكله ما اكدر ازوجك لان كلشي بالغصب الا الزواج والحب محد يكدر يغصب احد عليهم طعنتني برجولتي مره ثانيه كانوا تكلي انت جبان ونفرضت عليك ومرفضتني بس اني اقوى منك واكدر ارفض تقدمت عليه وكتله بس اني ما اريد افسخ بصراحه بعدني ماشبعت من هذا الجسم جنت اريد اجرحها واردx على كلامه الي كالته فتحت عيونه بصدمه وردت عليه بس انيx ما اريد ومستحيل اسمحلك تلمسني بعد انت يهمك غريزتك وبس واني مو حاويه تفرغ بيه شهواتك هي كالت هيج واني الف جني ركبني شنو كلتي عيدي ماسمعت جهينه صعدت فوك لان جنت كلش منهكه جسدين ونفسيآ غسلت وبدلت واجيت اتمدد انفتح الباب وفات عادل جان جاي يريد يحجي اوحب يتمتع شوي بالحاويه مالته دار بينه كلام واخر شي عصب مني واني جنت حيل معصبه منه كتله اني ما اريدك واني مو حاويه تفرغ بيه شهواتك لان الصلف بكل جساره يكلي ما اريد نفسخ بعدني مشبعت من هالجسم نرفزني حيل تقرب عليه وهو مفول عصبيه وكلي شنو كلتي عيدي عصبت منه وكتله ما اريدك انت واحد همجي تتعامل وياي بحيوانيه صاح بيه بس سكتي لا اكسر سنونج بحلكج اني جنت كلش فاقده ومنفعله كتله ما اسكت انت حيوان اني ما اريدك مو انت الي احلم ابني سعادتي وياه ماحسيت اله براحدي فر وجهي بي حطيت ايدي على وجهي وضليت ابجي بصدمه عادل بعد كلامه هذا ماحسيت نفسي اله واني ادفعها واضربه ضربه قويه ياريت انلشت ايدي ولا ضاربها رحت عليه ركض شبكته واهدي بيه وابوس بيه وهي تدفعني اتوسل بيه جهينه لاتبجين ياريت ايدي تنكسر ولا ماده عليج شوي وابجي وياه بهاي اللحظه حسيت بحبي اكثر واكثر اله اني بلاياها اموت اصير ولاشي ضليت متمسك بيه وهي منهاره ادفع بيه معصبه وخايفه مني بنفس الوقت حاولت احتويه بس مفاد كتله جهينه حبيبتي لاتبجين فدوه اروحلج اني بلايج ما اسوى فلس احمر بس رفعي راسج وباوعيلي حضنتني وكامت تبجي بصوت مسموع وتصيح اكرهك عادل اكرهك . يتبع الفديو الفوك يمثل عادل وجهينه | ||||
|
| |
|
15-09-19, 01:49 PM
| #9 | ||||
| الجزء الثامن ❤نوى القلب ❤ ~ Nour Ahmed~ نوى يوم الجمعه من الصبح اجوي عدنا جدو وبيبي وعماتي سهام وشذى وبيت عمو كمال تونسنه بالمة الاهل اني احس نفسي متغيره وصايره اتقبل الواقع ما اعرف شنو الي تغير بيه بس احس بسكينه وهدوء اظاهر الدوام والابتعاد نعمه نزلتلي من السماء صارة الساعه تسعه باليل والكل راح لبيته وخلص يوم طويل مليان فرح وونسه اجتي امي وكالت نوى باجر العصر عمج عثمان يوديكم للسكن لان ما اامن العصر اوديكم بيد سايق وزحمه نكلف ابو زهير بشي وهناك عمج يبات يم ابو زهير ويرجع الصبح ماما ماكو داعي لكل هذا الشي يعني هو عده دوام ليش يكلف نفسه علمودي عيب ماما شنو يكلف نفسه هو مسؤل عنج وانتي بنته ميصير هيج تحجين جانت سعاد تحاول تفهم نوى بطريقته الخاصه ضرورة وجود عثمان بحياته نتفضت نوى على امها وكالت ماما انتي ليش دائما تحاولين تثبتيلي يوم على يوم عدم حبج لابويه ليش تحسسيني بعدم وجوده بهيج طريقه مئذيه ليش عثمان اهم من ابويه بالنسبه الج شنو المميز بي الي خلاج تنسين بابا الله يرحمه سعاد مانصدمت بتفكير نوى ابدآ وجانت متوقعه يجي يوم وتنفجر بوجه بالمجود داخل روحه المتعذبه بس جانت تحتاج شوية ضغط جاوبتها سعاد بكل هدوء نوى اني مشرحتلج ابد شنو سبب زواجي من عمج عثمان بعد سنه وحده من وفاة ابوج مو خوفآ منج ولا لان اني مسويه شي غلط لا جنت انتضر اللحظه الي تسألين بيه هاي الاسئله حتى اكلج السبب يعني بين قوسين جنت انتظرج تنضجين واطلعين من قالب الطفله المدلله تقدمت سعاد وكعدت على السرير وكامت تحجي لنوى اني بعد وفاة ابوج انهارت كل امالي واحلامي كرهت نفسي وكرهت الدنيا بما فيها وجنت جدآ ضعيفه اول اشهر الكل ساندني وحاولوا يرجعوني لوعي والكم واولهم عمج عثمان احتواكم وانطاكم حنانه وعطفه وحبه وضل ينتظر ارجع لواقعي المر واتقبله بكل قسوته حتى استلم مسؤليتي والاهم ارجع احتضن امانت احمد الي متمثله بيج وباختج بعد مرور 8 شهور على وفاة احمد فجئ وعيت لنفسي بعد ما اجاني ابوي الله يرحمه يبلغني انو العده خلصت والبنات عد عمهم وابن عمي متقدملي يريد يستر عليه احسن ما اضل هيج وانتي تعرفين بيت جدج طبعهم عشائري مو مثل اهل ابوج اني نصدمت بتفكير جدج ونجنيت يريد يزوجني وانتوا شلون يعني اذا اوافق جدج اضيعكم واضيع نفسي جاوبته بس اني ما اريد ازوج وبناتي ما اكدر اعوفهم رد عليه علساس انتي بحال بناتج هاي صار 8اشهر مو ابالج بناتج وحابسه نفسج شوفي ياسعاد انتي بعدج صغيره وحلوه واني ماعندي بنيه تكعد بدون زواج واذا تردين الصدك اني بلغت سلطان ابن عمج يجي يتقدملج لان انتي بنت عمه دمه ولحمه وهذا واجبه نصدمت وجاوبته بس بويه سلطان مزوج وعنده 3جهال ويحب مرته ولاتنسى مرته بنت عمي وصاحبتي شلون تريد اهجم بيته بويه والله نفسي طابت من كل الزلم بعد احمد ما اكدر خليني كاعده على بناتي واخدمك انت وامي انتي عبالج اني متعاجز منج بويه انتي صغيره وبناتج صغار وحديثات وعمهم خوش زلمه وراح يربيهم الج لاتخافين عليهن تالي يزوجن وانتي ضلين هنا لخدمة نسوان الاخو اني خايف عليج واريد احطج بذمة رجال يصونج انتي وصلة كلبي ما اريدج تنذلين وسلطان زلمه معدل ومتمكن وراح يفتحلج بيت وحدج وحتى بناتج يخليهم يجون يمج كل مده فكري بويه ورديلي خبر حتى ابلغ سلطان يجي ونعقدلكم ضليت مصدومه وما اعرف شسوي متت الف موته واني اعرف ابوي مقرر وخلاص يعني ماكو اي مفر من هاي البلوه تفكيري جان محصور بيكم بس اكيد حنحرم منكم مثل منحرمت من ابوكم والي زاد اوجاعي ثاني يوم اجت نهله بنت عمي والي اعتبره اكثر من اختي هدت عليه وطلعتني فد وحده موزين وابوك زلم واجه سلطان وراها وضربها وابوي هانهه نقهرت عليه حيل وعلى سلطان لان نهله حب حياته ورى ثلاث ايام سمعت بنهله طالبه الطلاك من سلطان وماخذه جهاله ورايحه لبيت اهلها وابوها ماقابل لان يفكر مثل ابوي مع الاسف حيحطمون ثلاث اشخاص بتفكيرهم العشائري ومقتنعين انوا هذا الصح هنا اني مكدرت اسكت اتصلت بعمج عثمان وبلغته لازم اشوفه عندي موضوع مهم وياه وباجر حجي لبيت جدج ابو ابوج وافهمه اخذت خالج امجد ورحنه لبيت جدج بحجت اشوفكم خالج ذبني يمكم وراح اول مدخلت بيبيتج وجدج حظنوني وضلوا يبجون ممصدكين ادخل للبيت مره ثاني واظاهر واصللهم خبر انوا اني حزوج بيبتج كالت ليش هيج يمه سعاد شلون هان عليج تعوفين بناتج وتعوفينه وهسه تردين تزوجيني كتله عمه والله اني جنت مصدومه ومنطويه على نفسي بعد ماراح احمد مني تصدكين اكدر ازوج بعده بس ابوي وعمامي قررو يزوجوني وانتي تعرفين هما عشاير واليوم اني جايتكم واريد تشوفولي حل اني ما اكدر ازوج بعد احمد مستحيل وبناتي ما اعوفهم وفوك هذا كله نوى شلون تتحطم والله اذا تزوجت نوى بالذات تدمر لان لازمله عنايه خاصه واكيد الي حزوجه مراح يسمحلي اداريه لان مو من لحمه ودمه ومراح يتحمل وجوده بحياته اني صح جنت بغير عالم ومسيطر عليه حزني بس بناتي ماراحوا من بالي ابد هذول امانت احمد عندي عمه الي راح مني مو شويه هذا حبيبي وابو بناتي اني ندفنت بالحيا بيوم ندفن احمد كلت هالكلام وعيوني بدت تجري بس عمه انتوا تعرفون اهلي مراح يعوفوني بحالي وابوي وعمامي قررو ومحد يكدر يوكف بوجهم المصيبه يردوني ازوج سلطان الي هو سبب زواجي باحمد صديق عمره لاحمد وزوجته نهله مو بنت عمي وبس لا اختي والله واكثر من اختي حطمونه كلنه اني جايتلكم اليوم واريد تشوفولي حل اريد ابو عماد هو الي يساعدني اهلي المهم عدهم ازوج واني اريد بناتي وراضيه اعيش يمكم واخدمكم واشيلكم بعيوني واني مو ابالي لا زواج ولا غيره خلو ابو عماد يعقد عليه بس المهم اضل هنا يم بناتي وهو لايعتبرني موجودهx ولا اطالبه بشي ولا اكلف عليه بس المهم اضل يم بناتي الله يرضى عليك عمو خلي يوافق لخاطر نوى وساره ضليت ابجي بنحيب عمي وعمتي نصدموا بطلبي وبنفس الوقت مابينوا اي رفض بالعكس عمتي ايددتني بسرعه وكالت اني ابلغ عثمان واقنعه اني ماريد بنيات احمد يدمرن محد يحن عليهن مثل عمهم وبالاخص عثمان ابو كلب الطيب هو الي حيحتضنهم ويداريهم شكلت ابو عثمان ام عثمان اني وياج ومقتنع بكل شي كالته سعاد ماعدى شي واحد ممقتنع بي انوا بس يعقد عليها بنيتي مثل متعرفين عثمان مطلك مرته صار سنتين ووفاة احمد اخذت منه هواي وماكدرنه نخطبله فاكيد اني ما ارضى لابني يزوج على ورق اني اريد زواجكم يكون زواج كامل حتى اضمن عيشتج وعيشت بنات احمد بعد ما اموت تكون هادئه ومستقره تحت جناح عثمان فتحت عيوني على وسعهن وكتله لاعمو اني راضيه يزوج اذا قبل يعقد عليه وخليني اني لبناتي وهو يكدر يشوف حياته اني هم مو انانيه واحرم ابو عماد من ان يعيش حياة طبيعيه زبر جدج بوجهي وكال لا بابا انتي هسه مجاي تفكرين بعقل تفكيرج بس بعواطفج وبغريزة الامومه الي داخلج اذا عثمان ازوج بعد مايزوجج شدرانه الي حيزوجه تطلع ادميه وياج وويه بناتج يجوز تاذيكم وعثمان ابني تعب بحياته ما اريد يتعب اكثر بمشاكل وابني مومال يزوج ثنين لان تجربته السابقه اثرت بي هواي ولذالك اريدكم ثنينكم واحد يداوي جرح الثاني طبعآ انتي هسه بينج وبين نفسج تكولين شلون عمي نطا كلبه يطلب مني اصير لرجال ثاني غير احمد ابنه الصغير وروحه من الدنيا وادري الشي هذا صعب عليج وعلى عثمان لان احمد حيكون بينكم بس يابنتي هذا الكلام اصعب عليه منكم بجه عمي وعمتي شاركته وكال ولج سعاد احمد وصله من كلبي ونهد حيلي بموته بس الدنيا يابنتي ماتوكف على احد والحياة تستمر بس ياعمي شنو الفرق بزواجي من عثمان نفس الي يريد يسوي ابوي انت داطلبه مني سعاد بنتي الفرق جبير اول شي عثمان اب حنون لبناتج بحكم هما بنات اخو دمه ولحمه وعثمان مطلك وماعنده مره نهجم بيته وبنفس الوقت عثمان راح يصبر عليج لان المات اخو وهم صعب يتقبلج مثل ما انتي مامتقبله فكرة زواجج من رجال غير احمد جدج جان حيكم لابعد الحدود وهم لاتنسين جدج قاضي وبسبب مهنته عرف يحكم بالعدل وبسهول اقنعني بكلامه كتله هاي هي عمو الي تشوفه اني ما اكدر اوعدك بزواج كامل واكيد ابو عماد مثلي بس الايام مانعرف شنو الي تغيره بينه بهاي الاثناء دخل عمج عثمان وسلم عليه والحزن مالي وجهه لان عمج عثمان جان يعتبر ابوج اكثر من اخو الصغير عمج بينه وبين ابوج ب 6سنوات اكثر واحد دلله ودللكم انتوا هم على كد محبته لابوكم شلونج ام نوى ان شاء الله صرتي احسن وققرتي تقتنعين بقضاء الله وقدره باوعتله واني لاول مره تصير عيني بعين عمج عثمان واحس بالخجل وضميري يانبني لان ادري كلش زين اني مراح اكدر اكون اله الزوجه الي يستاهل عمج عثمان الرجال هذا تعب هواي بحياته وزواجه الاول اخذ منه صفحه خصوصا من زوجته خذت اولاده منه وسافرت بعد مطلكه حرمته من نظر عينه واذته حيل فاكيد من يجي يكون اسره جديده يستاهل مره تحبه بكل وجدانه هذا جان تفكيري بوكته يانوى جدج فاتح عمج بالموضوع واني كاعده وعثمان رفض الموضوع رفض قاطع ونصدم انو اني الي طلبت هيج شي ما انسى نضرته الي بذيج الساعه كانوا يلومني على عدم وفائي لابوج بس من جدج شرحله موقفي وعرف اني مرايده زواج كامل كل الاريده بس مستمسك شرعي يخليني اعيش مع بناتي تغيرة نضرته الي ووافق انو زواجنه على ورق ورحب بالفكره بس جدج صدمه مثل مصدمني بانوا الزواج لازم يكون زواج فعلي ويتم بشكل كامل وشرح لعمج وجهة نظره وعمج عثمان مثلي اقتنع بوجهة نضر جدج وهم كال خلوها للوكت المهم بعده اجو جدج وعمج وعمامهم طلبوني من ابوي بشكل رسمي وجدج كال ابن عمه رايده بس سلطان انتفض لان جان موجود وكال عمي اعذرني اني بنت عمي كلت اخذه واخليه تاج على راسي بس علمود وضعها بس اني الله شاهد عليه مالي نفس بيه وهي حسبت اختي وهم مراح اكدر اعدل بينه وبين زوجتي الاولى ولا راح اتقبل بناتها فبعد اذنك اني اشوف ابو عماد احسن مني ويكدر يشيل المسؤليه ابوي هم ماكال شي ولا اخواني بالعكس رحبوا بالفكره وعمي ابو نهله هم فرح لان بيت بنته محينهحم وتم زواجنه بعد ما طلعت سنوية ابوج بشهرين واجيت لبيت جدج وبدت معاناتي وياج لان انتي ماتقبلتي الفكره نوى ماما اني وعمج عانينه هواي وابوج بينه دائما قبل جان بينه لان واحد ممتقبل الثاني وثنينه نحس دنخونه بس هسه هو بينه لان ثنينه اتفقنه على حبه واعرف هسه تكولين شلون تقبلتوا يكون زواجكم فعلي اجاوبج واكلج يابنتي الزمن كفيل يداوي الجروح ويخفف الالم واني صح احبه لابوج هواي بس هم احب عمج عثمان ومو احبه لان ممتنه اله لا احبه حب مره لرجال حبيته واني بعمر النضوج واعترف بكل ثقه اني مخجالنه من حبي اله لان رجل مثل عثمانx مو بس ينحب وانماx يُعشق رجل شهم ومثقف واب حنون لاتركم ولاترك اولاده وهاي المشاعر الي داخلي مو خيانه لابوج ابد واحمد هسه اكيد فرحان لان ابوج ملاك وربج اختاره لان مو من اهل الارض يابنتي اكيد من يشوف الكل سعيد ومرتاح حيفرح بس انتي داتاذي بتربته اني ماما ليش اذي ابويه واني الوحيده الي ماكدرت انسى لحظه وحده حتى من اضحك انقهر واكول اضحك وبابا ماكو اي دتأذي الميت يريد يشوف اولاده واحبابه مرتاحين حتى هو يرتاح لعد ربج ليش حرم لبس الاسود مده طويله والبجي والنوح المبالغ بي على الميت هيج اعتباطآ حرمها يابنتي هو من يشوفنه فرحانين يفرح ومن نزعل يزعل ابوج انسان عاش عمره مماذي احد وحتى بموته ماذه احد لامريض وحرنه بي ولا تعذب بموته وعذبنه وياه الله اخذ امانته بكل هدوى وهو نايم وجان مصلي وعلى وضوء فكري بعقلانيه شوي وخلي ايمانج قوي وارجع واكلج حبي لعمج عثمان ما اخجل منه واحمد بعده موجود بكلبي وبكلب عمج مثل مموجود بكلبج احمد جمعنا بحبنه اله فما تجيني انتي وتفرقين الي نجمعنه بي بسبب ابوج نوى احنا دنتعذب بسببج اني وعثمان واحمد وحتى ساره وجدج وبيبيتج ميصير يابنتي كافينه قهر نوى بعد كلام ماما بجيت بجي مصاير وحضنته وضليت مجلبه بيه حسيت بالذنب اني شكد انانيه هذا كله صاير بامي وعمي وكل الحواليني واني مجنت اريد اشوف شي ولا هتميتx لعذابهم والامهم ونسيت شنو بابا بالنسبه الهم عشت دور الضحيه لسنين وحملتهم ذنب هما مو سببه وخليت شيطاني يصورلي عمي وامي بابشع صوره اذيتهم كلهم واذيت بابا هواي اني وين جان ايماني بالقضاء والقدر صدك اني زعطوطه ومو ناضجه شلون حواجه عمو عثمان جنت حاضنه ماما واناشغ وابجي ومحسيت بنفسي من نمت عثمان راحت سعاد لغرفة نوى تبلغها باجر اني حوصلها فضولي دفعني اروح ورها حتى اسمع رد نوى حتى لو كان رده قاسي حتحمله حتى اعرف اخذ خطوه جديده بتقربي اله بس الي سمعته من سعاد وهي تواجه نوى بحقيقة زواجنه وسبب امتناعها كل ذيج المده الفاتت حتى تشرح لنوى الاسباب الي دفعتنه للزواجxx والسبب انوا نوى غير ناضجه بذيج الفترهx والي صدمني بكل هذا هو اعتراف سعاد بحبه الي وشلون ماخافت من رد فعل نوى يكون عكسي بالعكس رجعت اكدد اله انو هي تحبني وتفتخر بهذا الحب ما اعرف شنو المشاعر الي اشتاحت كياني بهاي اللحظه مو عادتي اتصنت على الغرف بس الحمدلله الي سمعت هذا الكلامx هسه كل شكوكي بحب سعاد الي راحت مع اعترافها هذا رجعت للغرفه واني الفرحه ماليتني احس نفسي رجعت مراهق كاعد وانتضرها على نار ما اعرف اذا فاتت هسه للغرف شراح اسوي اثناء تفكيري دخلت اليx شاغله تفكيري وماخذه كلبي للغرفه كمت على حيلي وتوجهت عليه وحضنته بقوى وهمست باذنه احبج واريد طفل منج . الساعه 12:30 باليل ايه اليوم قررت اروح لغرفة حازم صح هو تصرف طايش بس صار لازم اضمن حازم الي وميصير لغيري حازم ابن عمي الرجال الي تحلم بي كل بنيه زرعته امي ابالي من جان عمري 16 سنه كبرت وصرت 23سنه وبالي وفكري كله شلون اخلي يخطبني امي تكول حازم اهم من عادل لان حازم هو الي حيسيطر بعدين على كلشي لاتشوفي ماخذ ركن ومو بالواجهه بس جدج يعتمد عليه بكلشي اكثر من ابوج وعمج وشهاب ميفيدج لان حقير ونذل من هو صغير وعادل يحب جهينه من زمان مستحيل تكدرين ادخلين بين ثنين عشاق اطلعين خسارانه وولد عمتج مايفيدوج يبقون مو من نسل جدج من ولده فحازم هو احسن مرشح انتي لازم تصيرين شيخة هذا البيت واخوج ضروري ياخذ نور حتى حازم نضمنه اكثر كلام امي بالنسبه الي دوله وعلم ودستور منزل ما اكدر اكول اني احب حازم لان امي علمتني الي تحب تخسر ويسيطر الحب عليه وبدال مايصير الرجال محبس بايده هي تصير عبده اله واني مقتنعه بكلامه وحازم الي وحيصير محبس بايدي وصلت لغرفته ودكيت الباب انتضرت شوي وفتحلي وباوعلي بندهاش خير ايه شعدج جايهx محتاجه شي ؟ اي محتاجه احجي وياك ضروري بموضوع مهم ممكن ادخل جوه باوعلي بغضب وكال خير خاتون وين ادخلين بهالوكت بغرفتي نزلي جوه بالحديقه الاماميه واني جاي وراج اشوف شنو موضوعج المهم سد الباب واني بره مصدومه هذا خبل ! كاشخه هاي الكشخه كله وما اثرت بي لامواعه ولا لبس اف اغم نزلت للحديقه الاماميه وكعدت انتضره شوي ونزل كعد كبالي وكال غرديx شكو رفعت عيوني بنضره حاولت اجمع بيه كل البرائه الي بالدنيا حازم اني اريد اكلك شغله يجوز تعجبك ويجوز لا اني مجاي اكدر انام لاباليل ولا بالنهار عقج وجه وكال اي وحايبتني تالي الليل تكليلي ما اكدر انام واني شكو اخذي فاليوم درت بعيوني بضجر وكتله حازم انتي ليش متحس بيه اني احبك واتمنى اصير مرتك اليوم كبل باجر ليش متشوفني بعينك شبيه ناقصني شي جنت احجي واني اتقرب منه ولزمت ايديه وكلت حازم والله احبك وانت حلم حياتي اشو هذا نتر ايدي وكام على حيله واني رجعت لي ورى بالكرسي من قوة كومته همزين منكلبت تقرب عليه بوعيد وهو يهز بصبعه السبابه بوجهي وعيونه غدت جمر صار شكله يخوف من العصبيه ولج انتي شلون تجرئبن وتحجين هيج وياي منو معلمج على هالسوالف حب وغزل شو ماتحشمين احد مو اذبحج هنا وادفنج ومايرفلي جفن ولج ايمن ما اجه بعينج عمي ما اجه بعينج جان يحجي واني مصدومه بردت فعله مو هو هذا حازم الي صورته امي الي كلت اجرب حظي مره ثانيه وياه كتله الحب مو عيب ولا حرام وانت ابن عمي مو غريب حتى ميصير اصرحلك بمشاعري فتح عيونه بصدمه من ردي وما احس غير رفعني من شعري من ورى الحجاب وصاح بوجهي هسه اريدج مثل الطلقه اطيرين من كدام وجهي لا وايمانات الله يا ايه لاجنزج هنا ومايرفلي جفن فاهمه بصوت عالي بس هد ايدي رحت اركض للغرفه مالتي دخلت وقفلت الباب عليه وضليت ابجي ماهانت عليه نفسي اني ايه الي محد يكدر يوكف بوجهي المدلله عد امي يجي هذا هيج يرزلني ويذلني بسيطه يا حازم مردوده الك وين تروح الدنيا ادور وتصير حاجتك يمي حازم كاعد بغرفتي اكلب بالفيس قبل لا انام اليوم تعبنا هواي وجنت مشتاق للي شاغله بالي سمعت صوت باب الغرفه يندك كمت فتحته وطلعت ايه بنت عمي تفاجئت بيه شجابها هاي تالي الليل لغرفتي طلبت مني تدخل تريد تحاجيني ورزلته وكتله نزلي جوه كل ضني عده مشكله ويه وحده من البنات لان هن مو على اصلاح وجايه تفتن الي لو عده شغله تريده وايمن ميقبل وتريد اقنعه ما اجه ابالي تعترف هي تحبني بهيج صلافه وعباله اصدك بيه ماتدري اني كاشف كل خططه هي وامه عبالهم حازم غشيم وتعبر عليه مخططاتهن وكيدهمن وحيلهن ولج اني الثعلب يسميني جدي قابل سماني هيج اعتباط لو جدي غشيم طيحت حظه وخليته تصعد تبجي ادري بيه متحبني واله هدف عباله اني رجيج وتهزني مره لو تغريني اخ حرامات والله بنت عمي وهيج تسوي بس بسيطه اني اعرف شلون اربيه هالطايحت الحظ ضحكت وما ادري ليش اجت ابالي ام لسان طويل هي الوحيده الي ارجف لو شفته مدري شسوتلي هالملعونه اني بعمري كله ماهزتني مره وصلت بعمر ال 32سنه والنسوانx هي الي تركض وراي اله هالحوريه الي سبت كلبي اني الي اركض ورها يمكن هاي حوبه الله بلاني بوحده كلبه اسود وتباوعلي بالعين الصغيره جهينه بعد سوايت عادل وياي وضربه وعترافاتهx الي فات وكته بالنسبه الي دخلت بحالة صدمه نفسيتي كلش تعبت بحيث كمت ابجي كدام البنات بدون تحفظ وهن خطيه حارن بيه وما مرد كلبي غير شروق تبجي دم وياي وتبوس بيه متعرف شلون تسكتني وتهون عليه الى ان شافت ماكو جاره راحت تركض لغرفة شهاب صاحته وهو اجه مثل المجنون عليه يحظن بيه ويريد يعرف شبيه شبكته وكتله شهاب ما اريد الله يخليك كلهم ما اريد تخبل شهاب وكام مايعرف شيسوي وهو يسألني شبيج عمري جهونه منو وياج ليش هيج مسويه بنفسج وشنو الي ماترديx شنو الي جابريج عليه لاتخبليني فدوه رحتلج احجي جاوبته شهاب افسخ الخطبه اني ما اريد عادل صعب عليه اتقبله الله يخليك شهاب لاتتخلى عني كللهم ما اريده شهاب جنت كاعد بغرفتي وافكاري ماخذتني لمشكلتي الازليه امي الي كاسره ظهري امي الطيبه الحنينه الي جاي تتعذب علمودنه بعد وفاة ابوي اني جان عمري 21سنه ابوي توفى بعده بحيله بحادث سياره على الطريق الدوليx هو واخوي حاجم الاصغر مني هد حيل الكل وعافلي مسؤلية امي وخواتي البنات امي دمرت مو سهله تفقدx ابنه وزوجه مرت علينه ظروف صعبه حيل وبس بدينه شوي نتحسن اجه جدي حجي سلمان ابوها لامي وخوالي وحجو حجي ما يسولف شرطوا على جدي لو يزوج واحد من عمامي امي لو ياخذوها وياهم طبعا امي بعده صغيره ازوجت ابوي وعمره 15سنه ومن توفى ابوي عمرها 38 سنه وهي مره جميله بس بوكته اني نتفضت عليهم وكتلهم امي محد يكدر يتحكم بحياتها اني ابنه الجبير واني الي اقرر انتو شنو وتحجون بامي جدي ابو امي بوكته سباني وغلط عليه ووجهلي هواي اهانات وجدي حاجم ماسكتله ولا عمامي وطردوهم وامي كالت ما ارجع الهم لو اموت وما ازوج واكسر كلب ابني وبناتي وادخل رجال بفراشي غير ابوهم بس المشاكل مفضت واجو خوالي هدو علينه ووصلت يرفعون سلاح علينه وهنا عشيرتنه متحملت هاي الاهانه وراحو ولعبوا لعب بخوالي وخصوصآ خالي الارعن سلمان واخر شي ادخلت شيوخ وعشاير هوي والحكم صار انوا امي لازم ترجع لبيت ابوها وميصير تضل ببيت عياله وصدك اخذو امي يمهم هاي صار ست سنوات امي بعيده عنه اروحله كل شهر وخواتي كل 3اشهر اوديهم اله والمصيبه بخوالي وجدي يوميه مسويلي سالفه يردون يزوجوها وذاليه عدهم امي تخدم وتتعب لنسوانهم وبزرهمx الظلام بس اني ققرت ازوج واخذ بيت واجيب امي وجدي حاجم مايد قراري بس هالسنه يايمه صبري صبرتي هواي ومابقى شي واجيبج عندي واخلي الكل بخدمتج طلعني من افكاري صوت الباب وهو ينفتح بسرعه وقوى ودخول شروق وهي تبجي جهينه شهاب منهاره وما اعرف شبيه طفرت من الجربايه ركض لغرفة البنات واني بطرك الشورت والفانيلا الداخليه صدمني منظر جهينه والي صدمني اكثر طلبه مني تريد اخلصها من عادل شنو مسوي لاختي بحيث هيج منهاره وخايفه طلعت من يمه ركض لغرفة عادل دفرت الباب ودخلت وزنكته من ياخته وكتله بصياح لك انت شمسوي لاختي. يتبع اسفه على التاخير واشكر كل الي دعمونيx بتعليقاتهم ورسائلهم الحلوه واريد اكول للي يكولون طولي البارت يابنات ترى اقل بارت انزله 2700كلمه وهذا البارت 3145كلمه يعني اني هم اتعب والكتابه الهام واني كتلكمx القصه مو حقيقه كله من بنات افكاري انتضر يجيني الالهام واكعد اكتبلكم احلى الكلمات واصورلكم اجمل المشاعر اطلب منكم تصبرون عليه حتى اكدر اقدملكم الروايه بشكل يليق بكم دمتم في امان الله نور احمد🤗 | ||||
|
| |
|
15-09-19, 01:50 PM
| #10 | ||||
| الجزء التاسع ❤نوى القلب❤ ~ Nour Ahmed~ عادل كاعد بغرفتي وطالعه الدنيا من عيني ضيعت جهينه من ايدي بغبائي مستعد ادفع نص عمري وترجع تحبني مثل الاول بعد ذيج الليله السوده الي تجرئة بيه وضربته نهارت تمامآ بيدي حبيبتي حطمته بايدي وحطمت نفسي وياها وماوعيت لتصرفاتي الا بعد فوات الاون فجئ ندفر الباب ودخل شهاب مجمر وعيونه صايره بنص كصته زنكني من ياختي وكال شمسوي لاختي بصياح شهاب لاتنسى روحك واحترم نفسك مو اني الي تسوي وياي هيج بصوت اعلى من صوته بس شهابx جان متهستر حيل جرعادل عليه وكال بالله العلي العظيم ياعادل اذا ماتحجي هسه شبيه جهينه وشنو الي وصله لهاي الحاله اليوم محد يخلصك من ايدي دفعه عدل عنه وصاح بوجه شي مايخصك مرتي وبكيفي شنو اسوي وياها لا انت ولاغيرك يكدر يحجي كلمه صوتهم صار عالي وكعد كل البيت دخل حازم وايمن للغرف وبدو يفكون بيهم وابوعادل وام عادل منصدمين من الموقف والبنات بالباب شروق ونور يبجون شهاب لازمه حازم وعادل لازمه ايمن اسمع لك عادل اني بالدنيا كله ماعندي اعز من امي وخواتي وبالذات جهينه مو من النوع الدلوع ولا تنهار بسهوله لوما انت مدمره لاختي ماطلبت مني وهي تتوسل تفسخ الخطبه وهاي اني اكلك كدام الكل خطبتك من جهينه اعتبرها انتهت ولا انت ولاغيرك يكدر يخلي اختي تنهظم وراسي يشم الهوى دفع حازم وطلع من الغرفهx ابو عادل يالله الكلx يرجع لمكانه ماكو داعي ملتمين طلع الكل عادل بويه هسه تحجيلي كلشي من الالف للياء بنت عمك ليش تريد تفسخ الخطبه رفعت راسي وصارت عيوني بعيون ابوي ورجعت دنكت خجلان منه لان اذيت بنت اخو الي يموت عليه ويعتبرها بمعزة نور جاوبته صار يابه وبديت احجيله كلشي صار ويانه طول فترة خطوبتنه وبعد مانتهيت من كلامي رفعت راسي وباوعت لابوي الي جان مدنك ويضغط على ايده رفع راسه وياريت مارفعه ووجهلي نضره بحياتي مشفته بعيون ابوي تجاهي نضره كله خذلان وخيبه ابوي خاب ضنه بيه كال وسفه ياعادل هاي انت عود العاقل الرزن تمرمر بت عمك اليتيمه بهيج طريقه يافشلتي من اخوي وهو بكبره يوم العرض شلون اوجههx شكله ماصنت الامانه ابني ذل بنتك يابه مو هيح اي مره ورجال يصير بينهم مشاكل تنحل ما نضل هيج بس انت وشهاب لاتكبروها جهينه تحبني واني احبه خلونه نحل مشاكلنه وحدنه انت من كل عقلك ولك شتنحلx اذا هي منهاره وطالبه من اخوها يفسخ الخطبه وتكله خلصني اصلا اني ما اامنهاx يمك بعد يابه الله يرضى عليك لاتسوي هيج اني من هسه اكلك اذا متخلون الامور تنحل من وحده وتنطوني فرصه اراضيه دقيقه ما اكعد بالبيت اهج وبعد متلكولي مكان كافي اني تعبت ضغط جبير عليه الشغل وجهينه وانتوا كلكم حتلوموني اكيد بس بيكم واحد فكر بيه كال ليش اني هيج ويه جهينه اكيد لا الكل حيلوم عادل الخاين اي اني غلطت وصححت الغلط بغلط اكبر بس جهينه محاولت تفهمني ابد حكمت عليه وحكمها جان قاسي خبلتني بتجاهله الي وصلت مرحله حتى حجاب تلبس مني ونفورهاx خبلني واني رجال قليل خبره بالكلام طبعي حاد وجدي وما اعرف استخدم لساني بكلام معسول غلطت وغلطي جبير صح بس اني شاريه لجهينه ومستحيل اتخلى عنه كام ابوي من كعدت وتوجه الي وطبطب على كتفي وكال يصير خير ابني يصير خير انت ارتاح هسه وباجر يحله الف حلال طلع من الغرفه وهو يأكد عليه انام وارتاح بس وين يزور عيوني النوم والي شاغله الفكر تعبانه ومقرره الفراق. حازم توني جاي اغفى وسمعت صوت عالي وصياح طلعت اركض عبالي صاير شي والصوت جاي من غرافة عادل دخلت ولكيت ايمن وراي والاهل كلهم طلعوا مفزوعين من غرفهم دخلنهx وتفاجئنه بشهاب وعادل واحد زانك الثاني وشهاب يهدد بعادل اكيد السالفه جايده وشكله متبشر بخير عادل اكيد لايصه اوف ياعادل الف مره كتله النسوان تحب الحنيه والدلع لاتعامل البنيه بجديه جنه صانع عندك بس وين الاخ ضارب وجه بومه وعبالك جاي ينتقم منه هذا وهو يحبه هيج لعد اذا مغصوب عليه شيسوي الله يكون بعونه بس المهم ضلو يدافعون واحنا نهدي بيهم ونطلب منهم يصلون على النبي ويتجفون الشر وامي تبجي وتكلهم شبيكم مساع جنكم العافيه شجاكم يمه عين الي ماصلت على النبي ادخل ابوي و طلب من الكل يطلع من الغرفه طلعنه وبطلعتي صارت ايه بوجهي خزرتني ومشت عجيب شكد كويه هاي البنيه اظاهر يرادله لويت اذن قويه نور جنه حايرين بجهينه وشروق راحت تركض لشهاب فجئه دخل شهاب للغرفه بالشورت والفانيله خجلت اباوعله ودرت وجهي شفت حنيته على جهينه وتمنيت يحن عليه بيوم مثله بس الي صدمنه كلام جهينه وبعدهاx انفعال شهاب وشلون هد على اخوي عادل متت قهر وحسيتهم حيذابحون خفت حيل بس بعدين ادخلو الوالد وابوي وامي وحلوا السالفه رجعنه لغرفنه رحت بدلت وغسلت ونمت من التعب والاجهاد العصبي الي مر عليه اليوم. شهاب شبيت ونطفيت من كلام جهينه ورحت لعادل لعبت بي لعب بس بعدين تندمت عادل اكبر مني واني احترمه قللت ادبي عليه بس موبيدي الشغله من تتعلق بخواتي انجن وما الزم اعصابي رحت لغرفة البنات تقريبآ الساعه2:30 حتى اشوف جهينه واطمن عليه نسيت الخبله نور تنام وياهم اللزكه مجلبه بغرفة خواتي على ابو اخاف انام وحدي دخلت واني ناسيه وتوجهة لسرير جهينه شفته نايمه مثل الملاكx بس التعب مبين عليه وشفت شروق هم نايمه بست راسه واجيت اطلع بس نصدمت بالمنظر الي كدامي نور بنت عمي نايمه مكشفه وجانت لابسه شورت وبدي ربع ردن دلعه نايمه صفح وصدره طالع وايديه ورجليه وافخاذه طالعه كله بمشهد عرض مجاني كدام عيوني شعرها مفتوح ومبعثر حوالينx وجها ماكدرت اشيل عيني عنه ولا حتى ارمشx سبحان الي صورها ايه من الجمال الجسم مصبوب صبابه ومن البياض هي مضويه المكان خدرت اطرفي وكمت ابلع بريكي هاي شوكتx كبرت الشيطان وزاني وخلاني اطول بوكفتي بس فجئ تذكرت اني وين وشجاي اسوي اباوع على عرضي هزيت راسي وطلعت من الغرفه بسرعه دخلت الغرفتي وصورته مجاي تروح من بالي جنت اقنع نفسي وابرر تأثري بيه اني رجال عزوبي وعادي من اشوف هيج منضر اتأثر حتى لو مو هي هم اتأثرx بيهx شكد حاولت اغفى بس مكدرت انام وصورته مراحت من بالي ابد لوجه الفجر يالله كدرت انام وحتى احلامي غزته الملعونه نور السبت الساعه 2:00 نوى دا احضر غراضي حتى ارجع للسكن اليوم خابرت ايمان وبلغته تحضر نفسه بال 2:30نطلع وعمو عثمان حيوصلنه مستحيه ومنحرجه من عمو عثمان واحس بتأنيب الضمير على كل كلمه وموقف اذيته بيهم ما اعرف شلون حواجه وشلون حعتذر منه كملت جنطتي وبدلت وطلعت للصاله انتضر عمو حتى نطلع للقريه طلع هو وماما من غرفتهم يضحكون حاط ايده على كتفه وهي توصي بي يسوق بهداوه ومايستعجل جان يخلي ايديه على عيونه بحركه مسرحيه ويكله بعيني هاي قبل عيني هاي بتسمت على كلامهم طبعآ هذا الموقف لو صاير قبل لا اعرف سبب زواجهم جان بوزت بوجهم وذبيتلهم كلمة تسممهم بس هسه اختلف الوضع هاها ماما نوى كملتي اوكفي خلي اجيبلج الغراض الي تاخذيهم وياج حبيبتي بيهم شغلات بس توصلين خليهم بالمجمده اوك ان شاء الله ماما اصلا ايمان بس نوصل تعزل كلشي تعرفيه متحمله المسؤليه عني راحت ماما وجنت استحي اخلي عيني بعين عمو احس نفسي مسويه شي غلط باباتي نوى ليش مدنكه ومتخلين عينج بعيني هو كال هيج واني طفرت على حضنه وضليت ابجي وكتله سامحني عمو اني اذيتك وتصرفت بانانيه خجلانه منك حيل لا بنيتي ماكو اب يزعل من اولاده لاتحملين نفسج ذنب انتي جنتي طفله وميصير تتحاسبين على مشاعرج اني مزعلان منج ولا ضايج من تصرفاتج السابقه كلام عو طعني اكثر وحسسني بالدونيه ياريت لو زعلان مني ارحم هذا الرجال شكد شايل طيبت كلب خجلني من نفسي هواي بكلامات قليله الله يخليك الي عمو ولا يحرمني منك ان شاء الله اكون عند حسن ضنك منا وجاي حضنته قوي حتى احسسه نوى القديمه راحت ورجعتله نوى الي تحبه وتعتبره ابوها الثاني هلو هلو هاي شنو عيوني واني شنو بنت البطه السوده مالي حب واحضان شو وخري خليني اسلم على عمو قبل لايروح اهو اجت السوسه شفكنه بعد ضحك عمو عثمان على ساره شلون توخرني وتحشر نفسه بينه وكال الله لايحرمني منكم انتوا وامكم اجتي ماما وامنت على كلامه وكالت يالله نوى لاتتخرون ماما كون توصلون قبل الغروب ودعهتم وطلعنه اني وعمو عثمان كبل لبيت ايمان سلمنه على اهله وجانوا كلش كالبيه درما الكل يبجي عبالك ايمان رايحه للجبهه وهي هم كذالك تبجي وطلعنه بوجهنه للقريه الطريق تقريبآ ساعتين ونص وصلنه الساعه 5:30 العصر ودانه عمو للسكن وكال اليوم هو حيبات يم ابو زهير ويرجع هو وزهير باجر من الفجر دخلنه للسكن سلمنه على البنات ورتبنه غراضنه وجهزنه نفسنه للدوام باجر ببيت الشيخ حاجم ثاني يوم الصبح الاجواء جانت مشحونه بالبيت عادل طلع من الصبح للشغل مايريد احد يفاتحه بالموضوع ابد والشباب هم مجهزين نفسهم يطلعون لاشغالهم ايمن عنده محل مال مواد غذائيه كبير بالسوك يديره وحازم عنده ورشه مال تصليح سيارات هو مهندس ميكانيك وحب يشتغل باختصاصه واكيد ميعوفون مزارعهم بس عادل هو الي شايل الجزء الاكبر من تعب الشغل ايمن خريج اداره واقتصاد وعادل خريج تربيه رياضيه اما اولاد عمتهم نوريه نوفل ومؤيد نوفل خريج صيدله وعند صيدليه وملتهي بيه ومؤيد خريج قانون ولازم تجارة ابوه اماشهاب فخريج علوم بايلوجي ومايشتغل باختصاصه لازم مخازن جده ومصنع الطحين جان الكل ياكل وساكت والجد وبيبي نزهت متعجبين لسكوتهم البنات شروق وايه كاعدات سوى صاح الشيخ حاجم على شروق بويه شروق وين نور وجهينه ليش منازلات بالله نويره متعودين عليه لازم متاخره عن السرب بس جهينه مو عادته جدو جهينه ماله خلك شوي عده مغص والله ياشيخي هاي البنيه مدري شبيه هذا المغص مرتين يجيه اكول لو ناخذه للدكتور جانت الشيخه نزهت تحجي وشهاب يضغط على استكانته من القهر جده وبيبته ميعرفون بالي صار ابارحه لان غرفتهم جوه بهاي الاثناء نزلت نور تتمغط وتثاوب وشهاب لا ارديآ رفع راسعه يراقبه وهي تنزل الدرج كصاها كص وصورته مال ابارحه غزت مخيلته استغفر بصوت مسموع ونزل راسه بسرعه صباح الخير ها ولج نوره توج كعدتي تعاي بيبي تريكي فديت هالوجه المنور تعاي ابوسج راحت دلوعة البيبي وشبكته وتبوس بيه جنه طفله صغيره وراها راحت للجدو ونفس الحال وكل هذا وشهاب يباوع بعيونه كعدت بنص الجد والبيبي لان هاي دلعوتهم قبل كم سنه بس يالله كامت ماتنام وياهم من هي صغيره عدهم والمدلله مال الكل نور جدو ممكن اطلب منك طلب بسيط وتسوي حركات بيديه وعيونه كولي بيويه بس ها كون طلب معقول مو تشطحين بخيالج الكل ضحك ماعدى شهاب الي جان متورتر لابعد حد بسبب حركاتها وكلامه نور عفست وجه وبرطمت جدو هيج تضحكهم عليه ادخل ايمن وكال نويره فضيه عاد وكولي طلبج لاتضلين تتلوكين اهو ايمن لا تحجي عليه خليني اركز بطلبي طبعآ ايمن ونور بيناتهم ميانه لان طبع ايمن حلو يحب يشاقه وحنين حيل على البنات هو ونوفل بعكس البقيه شهاب باوع لنور الي جانت تتنعوص ويه ايمن وخزره خزره خلاه تبلع لسانه وهي شلون متخاف من شهاب ها بويه نوره كولي شتردين نور بتلعثم جدو اريد منك نطلع نغير جو شوي يم النهر اليوم العصر بس الله يخليك وافق لان كأبه وصار هواي مرايحين صوب النهر هاي هي بويه رحوا اليوم تونسوا انتي وبنيات عمج بس من هسه اكلجن ماكو دخله بالشط لان عدنا خطار اليوم ينزل يمنه كامت نور وحظنت جده وبوسته وشكرته وشاركته شروق والجد يضحك متونس على حفيداته الي اغلى من حياته عنده شهاب جان مولع من دلع نور وتنعوصه وكل كلمه تصدر منه تخلي يعيد الصوره مال ابارحه شافه صعدت فوك هي وشروق يردون يبلغون جهينه على طلعت العصر كال شهاب جدي اني وحازم اليوم نوديهم مايرحن وحدهن لان السياج مال البستان مامحكم هاي هي بويه بكيفكم حازم من كالت نور لجدي نريد نروح صوب النهر واني سرحت بالي ماخذه عقلي وبذاك اليوم الي شفته بي فزيت من تأملاتي على صوت شهاب وهو يكلهم ناخذهم اني وحازم ادري ياخي اني شكو حاصرني بطلعت البنات اوف منك ياشهاب درت على جدي وسألته اكول جدي منو الخطار الي جاينه اليوم؟ بويه هذا دكتور بالجامعه ويه زهير بته اداوم معلمه يمنه بالناحيه هو متفق ويه ابو زهير يوم الخميس يوديهم للمدينه لبيوتهم هي وصاحبته والسبت العصر ابوها يرجعها للناحيه لان الاحد دوام والفجر يطلع هو وزهير للمدينه على دواماتهم نصدمت بكلام جدي يعني ابو نوى اليوم راح يجي يمنه ويبات بعد اجيت والله جابك وعلى نياتكم ترزقون ابتسمت وكلتله لجدي كل الهلا بخطار عمي ابو زهير شهاب ترخصت وصعدت فوك اشوف جهينه وصلت لغرفتهم جان الباب مردود وشروق ونور فوك راس جهينه جانوا يقنعوها بطلعت اليوم نورجانت ماخذه راحته واطفر فوك راس جهينه وبلا حجاب حركاتها طفوليه وصوته ناعم حيل وعفيه شعر اربع وعشرين ساعه محلول دكيت الباب وتحمحمت اجت شروق وفتحتلي الباب دخلت وشفت نور لابسه حجابه وواكفه على صفحه بست جهينه من راسه وكتله شلونج اليوم الحمدلله بخير دوم ان شاء الله جدي وبيبيتي بالهم يمج اريدج تصيرين سباعيه وتنزلين جوه حتى يطمنون عليج ما اريدج ضعيفه ومكسوره انتي اخت شهاب ماتنكسرين وما تنذلين اليوم العصر نطلعكم صوب النهر وبعدها اوديكم للسوك تشترون الي يعجبكم حضروا نفسكم كمت اريد اطلع وصلت للباب وكفت انادريت على نور وكتله نور انتي هم وياهم حضري نفسج فتحت عيونه بوجهي جنه مامصدكه وكالت اني هم اروح شكرآ وضحكت ابتسمت اله وطلعت بوجهي للشغل لازم اشوف عادل اعتذر منه وافهم منه طبيعة علاقته باختي يتبع اسفه على التاخير بس عندي شغل وتاخرت عليكمx البارت قصير ان شاء الله اعوضكم بالبارات الجاي الاحداث صح بطيئه بس الروايه بيه هواي شخصيات واريد انطيه حقها وبالنسبه للقاء البطل بالبطله الي هما حازم ونوى الابطال الاساسين بالروايه انطوا نفسكم صبر اكيد هما غربه واحد مايعرف الثاني لازم تكون لقائاتهم قليله ونوى من النوع الصعب مراح تسلم حصونه بسرعه دمتم في امان الله🤗 | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
