آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-07-19, 12:43 PM
| #11 | ||||||||
| مراقبة عامة ومشرفة منتدى الروايات المنقولة  
|  السلام عليكم #فصليه لظالم (وحش) البارت 9 "هو يباوع عليه واني خاتله وره المره وأتوسل بيها متعوفني يمه وهو مخنزر عليه ام علي :يمه وليدي عفيه عوفها شوفها شلون مكركمة خليها هسه .........:ام علي روحي شوفي شغلج واذا كملتي كولي للحراس يوصلوج زمرد:عود اني عبالي أمه بس مبين من حجيه وياها مو أمه حمدت ربي كلت عود أمه زينه تالي مبين القهر بعده بأوله اجى عليه سحبني من وره ضهرها جرني واني كمت اجر بايدي اريد اخلص منه وهو يسحل بيه واني اعيط واكوله عوفني بس ماكو فايده وانوب ما بيه احجي من احجي احس عبالك راسي ينفتح ويوجعني ضَل يسحل بيه وصل لمكان الصاله مبينه مالتهم ولكيت قوم متجمع زلم ونسوان بس النسوان وع شكد شمرني يم رجلين ٢عجايز شايب وحجيه وجان يكول بوسي أيديهم ورأسهم بساع باوعت عليهم منطو اَي رده فعل بس منتضرين أبوس أيديهم باوعت عليه بخزرة عاط بيه كال يله ما سمعتي بساع ما رديت رد ضربني برجله على خاصرتي احس روحي شاغت هو وجع الضرب مال النهار بعده يموتني انوب هسه ضربني لزمت خاصرتي متوجعه من الضربه ورجعت ليوره كال بصياح مو داكول بوسي أيديهم ورأسهم كتله لو اعرف اموت هم ما اسويها جا ضربني وركع راسي بالكاع حسيت مكان الجرح انفتح ووكع دم بالكاع رد سحلني من شعري وذبني يم رجليهم وكال ذوله اسيادج بوسي أيديهم ورأسهم هذا كله وماكو احد بيهم حجة وَيَا او وكفه او كله شي حتى ذولي الشياب عفيه عائله مجرمة ما بيهم واحد بكلبه رحمه كتله والله لو تموتني هم ما أبوس أيديهم الحجية عدها عصا (عوچيه) تمشي وتستند عليها علساس ضربتني بيها كالت ويطلعلج صوت بت الخسيس كتلها احترمي نفسج لسبين أبويه شو كمت ما احس بالكفخات منين تجيني وابشع الشتايم سمعت بت الكلب تتطاولين على اسيادج وشلون هيج تردين وتكولين ما تبتي انتي رد على هذا كله بس من يضرب يضرب بدون رحمه سحلني من مقدمة شعري لان شعري صار مينلزم من الدم كال عسريع تبوسين حتى رجلهم كتله لا هايهيه هيه بس هاي بقت عليه رجع يضرب ويسب وكل ضربه الي بعدها تكون أقوى وشتم غطي الوجه احسن هو يضرب واني اكوله لتسب أبويه لتجيب طاريه ما دافعت عن نفسي وما همني الوجع الي بيه بعد كميه جبيره من الضرب ما حسيت بشي بعد ام علي :فدوة وليدي البنيه راح تموت بايدك من جتي لحد هسه هاي ثاني مره تتخربط ويغمى عليها وهاي بت بغداد يعني مايعه مو مثلنه تتحمل بدريه (الام):اشوفج متعاطفة وياها ام عليوي نسيتي هاي منو واهلها كتلو وليدي احجججي جاوبيني وبعدين شنو دخلج انتي هنا كلج على بعضج خدامه حسج ما اسمعه وبعد ممنوع تدخلين بشي ميخصج مفهوم الجد : وليدي شوفها خاف ماتت واني ما اريدها تموت من البدايه اريد اخذ بثأر حفيدي ووليدي ما اريدها تموت من هسه بعد خليها حتى اشوفهم منو بيت الشيخ غزوان مو بسهوله الواحد يندك بيهم ليش وليد شاب شكبره شكده يسد عين الشمس تاليها يموت غدر ........: تقدمت عليها دفرتها من يم خاصرتها ماكو اَي حركه صحت على ام علي تعاي وشمريها بالمخزن اجتي عليها شو باوعت عليها وجان تكول وليدي البنيه مو زينه حتى شفتها صارت بيضه نزفت دم هواي من راسها الجد :كوم وليدي شوف وديها للمضمد لو للمستشفى ما اريدها تموت ........:استغفرت الله ورحت عليها عليها كلبتها حتى اشيلها لكيتها صايره صفره كركم ،صحت على ام علي كتلها تعاي وياي أؤديها للمضمد وعود اني اوصلج لبيتج شلتها وصحت للبنات يجيبن عبا الها بت الكلب لابسه بنطرون قابل اخذها هيج طلعت للسياره ونومتها ليوره وهيه متحس عفيه شكد مايعه ونازوكيه بس تنضربين تتخربطين هو موتها ويكول نازوكية اجتي ام علي دتصعد وره كتلها تعاي كعدي ليكدام خليها مدده جتي بساع كعدت وديتها للمضمد لو تطلع روحها هسه هنا كدامي ما أؤديها للمستشفى يطبها الف مرض وصلت ونزلت للمضمد نزلت عليه خاف اكو احد لكيت مره كدامي تداوي بتها &انتضرتها راحت وطبيت عليه من شافني كام وصاح هله هله بالشيخ ..... سلمت عليه وكتله بس عندي حرمة راسها متعور واكعه عليه ومفتوح ويرادله خياط شوفها كال غالي والطلب رخيص رحت عليها شلتها وديتها نومتها عالسديه وذبيت العبا على جسمها وصحتله جا من شافها رأسا كال هاي شنو ؟ كتله شنو كال شيخ هاي البنيه فاقده وصفره كركم كتله اَي نزفت دم هواي كال شيخ هاي شنو مبينه مو واكعه هاي مبينه مكتوله عطت بي كتله وانته شعليك شوف شغلك وانته ساكت جا شاف الجرح مال راسها كال شيخ جرحها عميق ما اكدر اخيطه لازم تاخذها للمستشفى كمت اعيط عليه كتله خيطها واسكت ومعليك كال مو هاي مسؤوليه شيخ ومبينه البنيه مو منا واروح ابتلي كتله واني فأير دمي لتخاف محد يطلع وراها ما عدها اهل كلها على بعضها مجرد فصليه انتبهت على روحي لكيت المضمد صافن بوجهي عرف هاي الفصليه الي صارت النه مال ثارنه كوة قنع وعلى مسؤوليتي خيط الجرح كال بس اَي شي يصير اني معليه شيخ لان البنيه متضررة كتله خيط الجرح ومعليك خيطه وكمل ونضفه وعقم الجروح الضاهريه الي مبينه بس مثل أيدها وجها كمل كال هذا علاج الها علمود لا يلتهب الجرح وخلي تاكل معلاك كتله بكلبي اكلت وجع لو تموت احسن شلتها وهيه بعدها فاقده وخليتها بالسياره وركبت وصلت ام علي لبيتها وطلعت للبيت بالطريق سمعتها تون بين الصاحيه والغافيه وصلت للبيت نزلت وانداريت فتحت الباب مال السياره وشلتها من شلتها صارت تجويني من حراره جسمها عرفتها مصخنه ما اهتميت كرهي الها ولعائلتها عماني كلش موت أبوي كسرني انوب اخوي دمرني كلش رحت للمخزن ذبيتها بي بدون فراش باوعت عليها الله شاهد ملاك ونازل بالأرض يعني من كمشت أيدها بيها نعومة وترافه مو طبيعيه عبالك أيد طفل بت بغداد يعني وسمعت وحيده أمها المداخل شصير بعد يعني انوب الجسم كارثه ولابسه بنطرون الي يكول عارضه أزياء بس اني ما اهتميت خليت وطلعت رحت لغرفتي ذبيت ملابسي وطبيت سبحت غرفتي مثل السويت صايره غرفه وصاله كعده وحمام وصحيات جانت غرفتي وغرفه المرحوم اخوي هيج بنائهن مددت عالجربايه والمرحوم بالي اوف جنه شكد واحد يموت عالثاني عبالك حتى مو خوة عبالك اصدقاء كلش اشتاقيتلة شون راح أعيش باقي حياتي وهو ماكو مموجود نزلت دمعتي صار مرتين ابجي مره وفاه أبويه وهسه وفاه اخويه اووف راح حزام ضهري حلفت يمين لا اخلي الفصليه من دامها من اهل الي كتلوه اخويه الا اخليها تتمنى الموت الا اعلمها الفصليه على اصولها اذا عبالها سنه وتخلص بعد ما تجيب طفل يوكف دم العشيرتين وترجع لاهلها لا اخلي هاي السنه تكون جحيم بحياتها واخليها تعادل نص عمرها الا اخليها باليوم تتمنى الموت الف مرة بس خلي تصحى وتستعدل علمود اعذبها براحتي الا اخليها مكفخه للرايح والراجع بهذا البيت يتبع .... | ||||||||
|  |
|
29-07-19, 12:46 PM
| #12 | ||||||||
| مراقبة عامة ومشرفة منتدى الروايات المنقولة
| فصليه لظالم (وحش) البارت العاشر """"زمرد :كعدت الصبح احس راسي يريد ينفجر راح اموت من الوجع وأحس جسمي متكسر تكسر وأحس شي يحفر براسي وجع مو طبيعي يربي شنو هاي شلون اريد أعيش دخيلك الهي هاي وين جانت مضمومتلي انس شجابني ساعه السودة ماما شلونها شلون صارت ليش مجتي عليه أخذتني بيت جدو اهلها درو او لا .ضليت كاعدة بمكاني حتى مكلفو نفسهم يجيبولي فراش نايمه بالكاع وأحس جسمي متكسر تكسر وين جنت ما انام غير الا عالتبريد لو غرفتي كلمن يطب الها ينجن من جمالها وترتيبها دخيلك ربي شنو اكول انام واكعد بلكت الكي هذا الشي حلم بس ارجع اكعد والكي حقيقه دخيلك ربي صار يومين اني بدون اكل ولا شرب والدوخة كلش قويه صارت عندي ورة ساعه اقل متحملت سمعتهم من كعدت همة كاعدين وهسه احس راسي يريد ينفجر من الوجع كمت اتوجه عالحايط ورحت دكيت الباب محد فتح كمت أصيح كتلهم فدوة بس افتحو الباب راح اموت من الوجع محد اجة ولا فتح الباب ضليت اعيط اصلا ولا كانو اصلا داصيح كمت ابجي كتلهم فدوة ماكو رحمة مو راح اموت من الوجع ماكو فايده دعيت الله لا يوفقكم كون انشالله وره شوي انفتحت الباب نفس المرة الي شفتها البارحة سدتها واجتي عليه ونصرات القلق باينه على وجها اجتي يمي كالت ها يمه شبيج شيوجعج كمت ابجي كتلها خاله فدوة اروحلج راح اموت من الوجع جسمي كله يوجعني وراسي احس يريد ينفجر كالت سوده عليه يمه وين دواج خلي اجيبلج لكمة تاكليها واشربي دواج كتلها يا دوه ؟؟؟ كالت الدوة الي انطاجيا المضمد ابو عصام البارحة كتلها خاله انتي شدتحجين يا مضمد يا دوة كالت نسيت يمة سوده عليه انتي جنتي فاقده ووديناج للمضمد بليل وخيط راسج وانطاج دوة كتلها هاي شوكت وصدك يعني هسه راسي مخيط كالت اَي والله يمه كتلها شو ما ادري واصلا محسيت كالت يمة منين تحسين وانتي جنتي فاقده مو زين كعدتي هسه ضليت ابجي كالت دكفي يمة خلي اجيبلج لكمة سندي كلبج بيها واشربي دواج علمود ترتاحين سكتت كامت راحت جابتلي اكل خطيه مسويه شوربه وتمن ومرك ولحم ودجاج أجت جابتلي صينيه شكبرها باوعت عالصينيه وضليت صافنة كالت ها يمه شبيج معجبج الاكل تريدين شي بالج كولي واني اسوي الج كتلها لا خاله بس اني هذا الاكل كله ما أكله كالت ليش كتلها ما احبه ونادرا ما اكله كالت لعد شتاكلين كولي واني اسوي الج هسه بسرعة ابتسمت ابتسامه خفيفه وكتلها خاف تضحكين اذا اكلج كالت لا يمه كولي !!! كتلها نساتل وجبس كالت يا عزا وذني بيش يسندن كلبج واني اكول ليش جنج عوده معصعصه من صدك ضحكتني رغم حزني ووجعي كتلها هو اني هذا اكلي كالت هلي اشوف بلكي احد يجيبلج كتلها لا عوفي تسلمين راح اكل الشوربه احبها كالت اكلي يمه براحتج الي يعجبج رادت تروح كتلها فدوة خاله كعدي يمي علما اكمل وعود روحي كالت يمة من عيوني مو تدللين اصلا كملت كلشيت كعدت بالكوة علمود اكل لان متت من الجوع كلش جوعانه حطيت اول لكمة شوربه بحلكي كتلها اكدر اسال سؤال كالت كولي يمة !!! كتلها انتي شصيرين منهم كالت يمة اني هنا خدامه اشتغل عدهم كتلها ها واني كيفت عبالي وحده منهم علمود تساعديني كالت لا يمه اني هنا خدامه بس بشنو تريدين اساعدج كتلها هيج سالفه توجع الرأس بعدين اكولج سمعت اخر صوت جنت أتمنى اسمعه .........: اَي بالله ليش متكولين احجي شنو السالفه وكعت الخاشوكة من ايدي فزيت بساع رفعت راسي لكيته نفسه هو واكف مرتجي ويباوع عليه كامت ام علي كالت اني اروح يمه كتلها خاله اخذي الصينية وياج كالت ليش ما اكلتي شي ولا حتى الشوربه كتلها تسلمين خاله شبعت كالت ودواج يمة بعدني داريد اجاوبها صاح هو كللها ما سمعتي شيلي واطلعي اكلت وجع باوعت عليه بخزرة خلت اخذت الصينيه وطلعت ضليت كاعده بمكاني ومدنكة راسي ما اريد ارفعه واشوفه سد الباب واجه عليه من صدك خفت صار مقابيلي دنك صار بمستواي كال اَي يالبغدايه واخيرا صحيتي ما جاوبته ولا رديت عليه كال وهسه عرفتي شنو عقابج اذا اسأتي التصرف او قللتي من قيمة احد بهذا البيت وما احترمتي باوعت عليه مخنزرة ما حاجيته كال اَي وهسه من دامج صحصحتي وصرتي زينه حضري نفسج اليوم بليل ابلش بالثأر باوعت عليه كتله يا ثار شنو قصدك ؟ كال اليوم بليل كالأسد تتحضرين وتجين لغرفتي باوعتله مصدومة كتله نجوم السما اقربلك يتبع ....... | ||||||||
|
| |
|
29-07-19, 12:48 PM
| #13 | ||||||||
| مراقبة عامة ومشرفة منتدى الروايات المنقولة
| السلام عليكم فصليه لظالم (وحش) البارت 11 """"ضربني راشدي وكال مبين مفمتهي كلامي قبل شوي كتله الي بالك ميصير لو اموت كال نشوف ونتواعد الا اكسر خشمج العالي هذا اذا ما خليتج تبوسين الرجلين عتبيني خزرتة بكل قوتي رجع ضربني كال عيونج من احجي وياج ينزلن وهسه يا حبابه كملي شعندج ما عندج واشربي دواج وصحصحي واليوم ماكو شغل علمود متتعبين بليل اريد اخذ راحتي تمام باوعت مصدومة كتله يا شغل كال انشالله ناويه تكعدين ويخدموج انتي تعرفين شنومعنى فصليه لو لا كتله بس اني ما اعرف اشتغل مال اَي عادي كفختين على راسج وتتعلمين كتله زين عوفك عن المشاكل وسالفه الثأر اني شنو ذنبي شدخلني اني حتى يبت جدو اهل باب نصهم ما اعرفهم أخذتني فصليه علمود شنو واني لا اني ولا عيشتي توالمكم واني اتوالم وياكم كال هذا الحجي روحي احجي لأهل ابوج مو الي اني عليه استلم فصليه ولازم أخذ بالثأر ولازم أنفذ وعدي كتله والله هذا الشي شيله من بالك وباوعت عليه بنضره حاده صفن بوجهي وجان يكول نتواعد كام وخله وطلع استغفرت ربي كلت مو خوش نيه ناوي شلون بيه هسه اوف بابا وينك ليش رحت وعفتني دخيلك يا ربي خلصني من هاي الورطة كعدت وأخذت صفنات اجتي ام عليه كالت ها يمه ليش ما اكلتي وخليتيني اخذ الصينيه كتلها ما اشتهي خاله انسدت حتى نفسي كالت سوده عليه يمة سكتت وضليت ساكته بعدين كتلها هو خاله هذا شنو اسمه كالت منو يمة رجلج تنهدت وكتلها ايه كالت يمه اسمه فهد باوعت عليها كتلها صدك تحجين ؟ كالت اَي والله ليش ! كتلها شنو حيوان ومسمي هيج اسم كالت وج اششش يمعوده لا ليسمعوج الله شاهد يموتونج سكتت ما بيه حيل انضرب انوب اصلا جسمي كله ديوجعني أنطتني ام علي الدوة شربته وراحت وره شوي نعست يمكن هذا الدوة بي منوم خليت ونمت احسن من التفكير والوجع الي موتني للضهر اجتي ام علي كعدتني علمود العلاج لكتني مصخنة كوة اكلت علمود الدوة لفت جبن وكلاص جاي اني ردت هذا اكلي نوب حتى اجبانهم همة يسوها واني اتخبل منها مال العرب بس خطيه ام علي هيه مسويتهن جبن عرب وكيمر عرب ما اعرف ليش هاي المره بس شفتها حبيتها استنضفتلها وعادي اذا اكلت من أيدها شربت العلاج وبعدها طلبت منها بس فراش لان جسمي تكسر كلش خطيه جابتلي بعد معاناه وفوكاها فراش قديم كوة جبرت روحي ونمت عليه شسوي مضطره الشي الي ارتاحيت بي مو اول ما اجيت لازم اشتغل جان عذري الي صار بيه ومرضي المهم صار الليل واني كل ما يقترب الموعد أكوم ارجف من الخوف ما اريد اخلي ياخذ الي يريده انوب النوم طار من عيني لان كضيت النهار كله نايمة مددت بفراشي وحاولت انام مكدرت تضاهرت النوم لان على فجاه يدخل عادي وفعلا وره شوي سمعت صوت صار قريب عالغرفه غمضت عيوني حيل لا يا ربي بس لا يكشفني مع العلم اني بارعه بالتمثيل سمعته دخل للغرفه ضَل ساكت محجة ولا سوه شي وره شوي فززني صوته وهو يكول لا تمثلين موش عليه هاي السوالف ما تعبر انه ما خاب الي سماني فهد وما عاب حلكه كتله بكلبي تعترف بروحك حيوان ما جاوبته اجى عليه ضربني بإصبعه على راسي وكال بلا مياعه وتفاهه كومي وياي انداريت عليه كتله اشو انته كلمه والثانية وكلت عني مايعه شفتني بالله خزرني كال كومي وبدون صوت كتله والله لو تموت ما اجي شو هذا تخبل صم حلكي وشالني وطلع بيه واني ادفر بي يتبع...... | ||||||||
|
| |
|
29-07-19, 12:51 PM
| #14 | ||||||||
| مراقبة عامة ومشرفة منتدى الروايات المنقولة
| السلام عليكم فصليه لظالم (وحش) البارت 12 ""ضليت ادفر بي وهو ولا يمة وخله وصعد الدرج انوب البيت ماكو احد بي يمكن يدرون وطابين لغرفهم مدري همة هيج بعد ما ادري بس ردت واحد يطلع ويخلصني ماكو اصلا همة يردون هذا الشي وصل للغرفة مالته فتح الباب ونزلني وقفلها واني ادفر بي واعيط وهو ولا يمة يربي هاي شلون كتله فدوة حباب عوفني الله عليك كال باحلامج والله كتله انته شتريد مني كال اريد ثأري كتله والله سبيتني بثارك اني شكو جاي عليه متروح تاخذه من الي كتله لو جاي عليه لان بنيه ويتيمة ولا حول ولا قوة وكلشيت ما اكدر اسوي كال او شكد لغيتي كتله اَي جاذبه اني فدوة حباب عوفني الله يخليك كام يتقدم ناحيتي واني ابتعد وارجع ليوره لحد ما وصل ليمي لزم ايدي تخبلت كلت هذا ناويها لا محال كتله فدوه حباب عوفني وكمت اجر بايدي على كيفي كال اششششششش قرب وجهه عليه ولزم البدي مالتي دفعته بهستيريا وكتله لو بيك خير روح اخذ ثارك من الي كتل اخوك مو جاي عليه لان مره تاخذ ثارك مني هو تخبل شلون تدفعيني وتكوليلي هيج كام يضرب بيه والله بعد ما بيه حيل والله من الكتل كمت احمي وجهي وراسي لان ياذيني بأيديه كال شلون تكوليلي هيج اليوم الا ادفنج دفعني عالجربايه ونام فوكاي وصم حلكي لان كمت اعيط ومثل الوحش كام يعظ بركبتي وحتى البدي شكة ان ب من شاف صدري طلع فقد رسمي كمت الوب جواه اخر شي اختنكت ضربته على بطنه كل قوتي عاط ووكع بصفي عالجربايه كمت اركض طلعت للصاله اريد افتح الباب وانهزم ماكو قافلها سمعته يكول والله اليوم الا اموتج واطلع بروحج الا ادفنج اليوم يربي شلون هسه هو يمشي واني احس كل خطوه يتقرب بيها تطلع روحي عالبطيء وصل ليمي وأحس روحي اختنكت كام يضرب ويدفر زهكني اخر شي لكيت المسدس مالته عالميز رحت اركض عليه شلته وخليته براسي كتله قسم بالله اذا ما عفتني هسه اكتل نفسي صفن عليه رد كال دذبي هذا مو لعب جهال كتله ومنو كلك اني دالعب اني داحجي من صدك كال هههه وانتي وين تعرفيله كاعده تقشمرين عليه عبالج اخاف وعود تخوفيني انتي نزلت المسدس من راسي وسحبت أقسام ورجعته على راسي تفاجأ هو وضل مصدوم كتله وهسه كال اهدي تعاي خلي نحجي كتله كل حجي بينه ماكو كتله لو تفتح الباب وتخليني اطلع لو اكتل نفسي كتله زين انتو تريدون عذابي وتكرهوني اذا متت شنو يفرق عدك كال اني ردت أعذبج مو اموتج كتله واذا يفرق شي عندك كال ما اخليج تموتين الا اخذ ثأري ضحكت كتله انته واحد مريض ومتخلف اباوع عله ايده كورها وضغط عليها بمعنى انو ضاج وانزعج كال هسه بس ذبي المسدس وانطينيا كتله افتح قفل الباب وانطيكيا صدك راح جاب المفتاح فتح الباب وكال هسه ذبي عاد مديت ايدي انطيهيا جر أيدي هم وضربني راشدي كال مو انه الي اتهدد بس اوكفي ناويلجياها نيه كشره واني اعلمج الا اذلج بس اصبريلي جر ايدي وطلع وطلعني وَيَا نزل جوة رجعني للمخزن دفعني كل قوته بحيث وكعت وسد الباب وقفلها مهتميت اله يطبه مرض شسويله بس راسي آذاني كام يوجعني الدوة يمي شربت المسكن بدون مي كوة بلعت الحبايه متنبلع بدون مي وخليت ونمت كعدت الصبح على صوت ام علي وهيه تكعدني كالت كعدي يمة فتحت عيوني كالت صباح الخير يمة كومي كتلها صباح النور خاله خير وين أكوم كالت كومي يمة مو اليوم يردونج تبلشين شغل وهسه كالو نريدها خلي تكعد ودزوني اكعدج علمود ترحين عليهم كتلها خاله شنو اشتغل ترة اني ما اعرف عده تنضيف خفيف مثل كنس ومسح كالت عود اني وياج كومي هسه كتلها وشلون اريد أكوم والبدي مالتي مشكوك كالت يا هاي ليش كتلها من وره هذا الي اسم على مسمى مدري فهد مدري ذيب مدري ضبع ضحكت وكالت وج عزه ولطمت على خدها كالت وج اسكتي يمكموعه ليسمعونج والله يموتونج كتلها اوي خاله والله ما بيه حيل الضرب بعد شنو هالمجيه حيوان قابل بس انضرب كالت وج عزه اسكتي تالي وياج ضحكت وسكتت كالت اوكفي خلي اجيبلج شالي حطي على صدرج وركبتج المزوركة عزه شكد فشله الله لا يوفقك كون يا حيوان راحت جابت الشال واجت خليته على ركبتي وصدري وكتلها فدوة شلون اريد ملابس كوليله خلي يروح يجيبلي جنطتي شلون ابقى بذني يعني كالت والله يمه ما ادري خلي اشوفه واكوله كالت ضمي شعرج هسه يكومون يحجون عليج كتلها اوي خاله ما احبه ولا اعرف البسه ومو من حقهم يجبروني عليه كالت دطلعي هسه ويعلمونج عالحق شلون يصير سمعنه صوت وحدة عاطت وكالت يله يم عليوي وينج وين صرتي كتلها هاي منو دتعيط كالت يله امشي هاي الشيخة الجبيره هسه تكلب الدنيا على راسي كتلها زين بس اريد اغسل وجهي كالت يله تعاي امشي رحت غسلت وجهي ورحت وياها للهول هناك كاعده العجوز طبيت وكلت صباح الخير وام علي كدامي كلهن التفتن عليه يتبع ....... | ||||||||
|
| |
|
29-07-19, 12:53 PM
| #15 | ||||||||
| مراقبة عامة ومشرفة منتدى الروايات المنقولة
| السلام عليكم فصليه لظالم (وحش) البارت 13 بقلمي (سقين الشمري) """باعوعتلي العجوز ومخنزرة علية جان تكول لا هله ولا مرحبا كلت بكلبي عوذه بلشت رحمة الله من الصبح كالت ام علي روحي بوسي أيدها ورأسها تقدمت بست راسها ورجعت ليوره لو تموت عجوز البين ما أبوس أيدها خزرتني كالت يالبغداديه تستنكفين تبوسين ايدي ما رديت عليها ضربتني بالعصا مالتها كتلها اااااخ هاي ليش بيبي جان تكول بيبي شنو لتحجين بغدادي استغفرت الله وكلت هسه الحجي شعليه بغداد بس مبينات ابد مو طايقاتني كلها تخوزر بيه على دقيقه وينامن براسي كالت منا وعاد تكولين الشيخة حتى مو حبوبتي ميشرفني كتالين حفيدي يكولولي حبوبه تنهدت كالت جن ما عجبج الحجي يالصفره كرصتني ام علي من ايدي كتلها حشاج شيخة كلامج على راسي كالت عسا بالكسر كون خزرتها جان تكول نزلي عيونج لترفعيها بوجهي اني الصراحة مو من النوع اللوكي وأحب أتلوك ما رديت عليها بسام علي كرصتني صحت اخ على كيفي وباوعت عليها جان تكول سمعي يالعرمة من اليوم انتي خدامه تشتغلين حالج حال ام علي وأكثر منها تشتغلين واي حقوق ما الج لو يتكسر راسج متحجين ومتفكين حلكج باوعت مصدومة عليها ردت كملت كالت وتخلين وليدي ياخذ الي يريده وتجيبين النه حفيد يسد السالفه كلها وبأسرع وكت ويوكف الدم وما الج حتى غرفه بالمخزن تنامين وتروحين انزعين لبس الاكح... الي لابستة تلبسين اسود وطبخ ممنوع تطبخين ما ناكل من أيد كتالين وليدنه بكلبي فرحت لان كلشيت ما اعرف اسوي عدا الخفايف بالاكل تلبسي ربطه وتضمين عطوبج خلي بالج اذا عاندتي لو سمعت شكوة عليج متلومين الا نفسج ومعليج باي احد تكملين شغلج وتولين تكعدين بالمخزن متشوفينه خلقتج عالاكل ممنوع منعا باتاً تكعدين ويانه تتزقنبين بالمطبخ تقومين بواجب رجلج كامل وبدون نفس وحتى واجب الليل كتلها من وخصتج شيخة اريد احجي كالت حسج ما اسمعه كتلها لا لا لازم تسمعيني كرصتني ام علي كتلها لا لازم احجي شيخة هذا الحجي الي حجيتي كله اني ما اعرف نصه اولا ثانيا اني ما ابقى هنا لان اني مدخلني بيهم ثالثا اني شعليه من هاي الهوسه كلها رابعا انتي واني والكل يدري اني مو منا وعلاقتي مو كلش ويه اهل بابا وبالمناسبات يله اجي واصلا اني مو تابعه لقانون العشاير فمدخلني بيكم وبطلايبكم هذا يا قانون الرجال يغلط والمرة تدفع الثمن هذا الشي حرام حته كالت يا صلفه وتوكفين بوجهي وتكولين هيج يا عديمه التربيه كتلها حجيه ترة التربيه ما الها دخل بهذا الشي كتلها اني وعيت وكبرت على هذا الشي وهذا الصح بعدين اني لا يمكن ابقى بس تجي ماما عليه اروح وياها وحتى بيت اهل بابا اتبره منهم على هذا الشي الي سو بيه كالت يالصلفه شلون توكفين بوجهي وتكولين هيج كتلها اني حجيت الحق ضربتني بالعصا بعدت عنها وكتلها حجية مو صغيره اني وتضربيني محروك دمج على حفيدج على عيني وراسي وحقج بس مو تفرغين قهرج بيه اني شنودخلني كتلها انتي جبيره وواعيه ومربيه اجيال راضيه بهذا الشي انتي تره هذا ضلم واني شدخلني بيكم عدهم غيري يروحون ينطوها فصليه اني معليه تخبلت عليه واكو وحده كامت تريد تضربني طلعت أمة لفهد جان تكول الحجية هذا كلامج روحي نكعي واشربي ميه واذا كمت هسه هنا اجنزج هنا خوش باوعت على ام علي هاي من كل عقلها تحجي خزرتني وأشرت اسكت كالت وهسه تولين وتبلشين شغل وحسج ما اسمعه مفهوم جرتني ام علي وطلعنه كتلها هاي عجوز البين شايفه روحها لطمت حيل على وجها كالت ولج راح تجلطيني الزمي لسانج لا تروح اسمعج كتلها ويطبها مرض وصلنه للمطبخ كالت دكعدي خلي اسويلج لكمة سندي نفسج بيها لان اليوم راح تتعبين كتلها يمعوده بس اريد شي يسترني هذا الشال كفرني كالت ما اندي شي شسويلج بلكت اروح عاد اجيبلج من البنات سكتت صدك منين جيبلي تريكت وكمت وياها عالشغل هية تكلي واني اسوي لحد الغده همة اجوي تفاجأوا وفهد ضَل يخوزر بيه وجدهم رجال مكروه عجوز البين صاح على فهد كله هاي الفصليه شنو هذا لبسها وين كاعدين احنه جا جرني من ايدي وشمرني بالمخزن كام يغلط كح.... شنو لبسج هذا تطلعين بي كدام جدي كتله اعذرني والله ملكيت ملابس وملبست انته حتى هدومي مجبتهن منين البس كال انجبي ولا تراديين اكعدي هنا هسه اجي وخله وطلع فهد :رحت على خواتي ردت دشادشه الها مقبلن ولا وحده تنطي يكولن مننطي لكتالين اخونه وحبوبتي هم مقبلت خليت وصعدت اخذت فلوس من غرفتي ونزلت صاحو عالغدة كتلهم بعدين اتغدة طلعت فريت الولايه كلها ماكو احد مفتح تالي رحت لغير ولايه بعد عن ولايتنه نص ساعه لكيت مجمع مفتح نزلت وطبيت سلمت وكتله شكو ملابس سود عندك خليهن ألي وربطات هم (شالات) كال قليل ما عندي اسود لان مو محرم واحد يلبسه نادرا ما أجيبه لان قليل الي يأخذن اسود كتله كلشيت اسود عندك خلي الي كال يا قياس كتله ها ما ادري بس هيه مو سمينه كال راح اخلي واي اشكال رجعه اخذ الأصغر كتله مشكور ما تقصر رحت على قسم الملابس الداخليه اخذت الها بس على أعصابي واكف فشله بس اخذتلهيا حلوات 😁 اخذت سيت مناشف الها وأخذت شامبو وغسول وصابون هم مستلزمات كامله الها لان كلشيت ما اخذت وياها من جبتها حتى غراضها ما اخذتهن كملت دفعت الحساب وطلعت رجعت للبيت طبيت للمخزن شمرتهن بوجها وكتلها ذبي سلاباتج والبسي ذني بسرعه وطلعت رحت على ام علي كتلها صبيلي غده تغديت وشربت جاي وصعدت انام وارتاح شوي بغرفتي يتبع ...... | ||||||||
|
| |
|
29-07-19, 12:55 PM
| #16 | ||||||||
| مراقبة عامة ومشرفة منتدى الروايات المنقولة
| السلام عليكم فصليه لظالم (وحش) بقلمي سقين الشمري البارت 14 """طلع وركع الباب وراه استغفرت الله تالي كمت اطلع من الملابس الي جابهن الي علمود اسبح .لان صار من اجيت عدهم لحد الان لا سبحت ولا بدلت ....كمت طلعت الملابس من العلاليك !!ولن اشوفه جايبلي دشاديش عزه تخبلت اني ما اعرف البسهن يربي هاي شلون فوكاها ما جايبلي لو تراكسود وأحذ وفوكاها مبينات عريضات شلتهن وطلعت وداصعد عليه اكله هاي شنو جايب لاكتني ام علي كالت ها خير شبيج كتلها شوفي شنو جايب الي وين البس هيج اني ؛جرتني من ايدي وطببتني للمخزن كالت وج اسكتي يالمعزايه هسه يموتوج الله شاهد البسي واسكتي كتلها بربج خاله شوفي وحدتهن شعرضها قابل اني هيج سمينه وجايبها هيج كال هسه البسي وحده وانطيني الباقي اخذهن وياي عندي مكينه اخيط بيها عود اني أصغرهن الج كتلها صدك خاله كالت اَي والله تشكرت منها وكتلها بس اريد اسبح وين الحمام كالت كومي ادليج حتى من تطلعين نتغدى اني وياج كتلها بس دقيقه بلكت جايبلي منشفه باقي الغراض فتحت العلاليك وَيَا ريت مفتحتها جايبلي ملابس داخليه عزه شكد جريء وعود منسق ومختار حلوات شكد فشله فتحت الباقيات همزين جايبلي شامبو وغسول حتى الليفه بس الملابس سود جايبهن اااوف اخذتهن وطلعت وصلت للحمام مقفول احد كاعد يسبح انتضرنا يكمل الي يسبح وادخل اني اسبح ام علي راحت صاحو عليها الحراس انتضرت قريب على باب الحمام لحد ما انفتحت الباب وطلعت بنيه مبينه اخته لفهد شافتني خزرتني كالت بنتر شسوين هنا كتلها اريد اسبح كالت وين هنا كتلها لعد وين جان تكول باحلامج اكسر رجليج كتلها ليش لعد وين اسبح كالت بالكبور ولتراددين كتلها احترمي شنو بالكبور شنو شايفتني زعطوطه كدامج كامت تعيط واجت تمد أيدها عليه لزمتها وكتلها احترمي نفسج اني اعرف اجاوز ما اسمحلج تمدين ايدج عليه كالت اليوم انتي كلتي هيجي الا اطلع بروحج اجتي ام علي على عياطنه تركض وذيج هجمت عليه تريد تضربني وام علي وكفت بالنص تريد تفك بينه على صوتنه طلعو الي بلبيت كلهم نزل فهد من فوك يركض كال هاي شكو جان تستلمة بدموع التماسيح ترضاها يخويه الفصليه تجاوزعليه وتضربني هو عيونة صارت براسه تكله وغلطت على أبويه وعليك اني تخبلت كتلها يا جذابه خافي ربج شوكت كلت هيج لو ضربتج ما احس غير فهد ضربني راشدي فر راسي فر انداريت عليه جان يكول شلون هيج تكولين على اختي وضاربتها وتغلطين على أبويه ضربني لحد ما خشمي فاظ دم واني اكلة والله جذابه والله محجيت هيج كمل ضرب شمرني يم رجلين اخته كال اعتذري بساع كتله والله لو اموت هجمت أمه عليه الا ما ملختني وهو واكف ويباوع عليه ولا حرك ساكن وامة وحدة ضخمة وتضرب قوي حتى الفيل احسن منها واسي انفتح والخياط رجع يذب دم الكاع صارت عباره عن دم الله شاهد يمكن مبقى بيه ولا قطره دم من كد ما نزفت اخر شي طحت ما تخربطت واغمى عليه بس ما بيه حيل اشم حتى الهوى سمعت جدهم يكول كافي لا تموت عوفوها عافوني بالكاع ورجعو لغرفهم هو ضَل يباوع عليه وره شويه صعد اجتي المنقذة خطيه ام علي تركض بجت عليه رادت بس تشيلني ما كدرت واني ما بيه أكوم بس أكوم اوكع لان دايخة حيل صعدت تركض مدري شسوي نزلت وراها فهد اجى شالني وتكوله يمة فدوة شوفها لا تموت ساكت ميحجي شي شالني ووداني للمخزن نومني بالفراش افتح عيوني واسدها كلتله يمة خلي نوديها للمستشفى كللها ميحتاج هسه تصحى ضليت اسمعهم بوشوشه مو وضوح بس احس تبللت من الفراش ام علي :يمة فدوة دمها هم خلص باوع للفراش فهد :تعاي بس نشيلها ونغسللها وبدلي الفراش بلكن يوكف الدم زمرد :حسيت عليهم يوكفون بيه كمت رأسا دخت ووكعت ما حسيت بشي بعد ام علي : وج عيني يمة عزه رح تموت البنيه فعد بس جيبي شي يسترها ام علي :لكيت جايب شي مثل الشال طويل ذبيته عليها حتى مو وكت نبدللها فهد:طلعت اركض بيها للسياره صارت صفره وشفتها بيضه كلت لا تروح تموت طلع جدي كال ها وين شافها غركانه بدمها شوفتها هيج تكفي بدون اجابه بس كتله للمستشفى وركبت بساع وأخذت ام علي وياي انوب لا أيد ولا رجل يربي وصلت للمستشفى ونزلت اركض وأصيح رأسا جابو سديه واجو يركضون حطيتها وضليت أغطي بيها ما تريد اَي شي يطلع منها طلعو يركضون طببوها لغرفه الطوارئ واني كلت يربي بس لا تموت زودتها وياها زين شلون راح تعيش ويانه هاي وهو البيت كلة متحلف يطلع قهره وقهر موت اخوي بيها يتبع...... | ||||||||
|
| |
|
29-07-19, 12:57 PM
| #17 | ||||||||
| مراقبة عامة ومشرفة منتدى الروايات المنقولة
| السلام عليكم فصليه لظالم (وحش) بقلمي (سقين الشمري) البارت 15 ضليت اباوع عليها الدكتور يحرك بيها والممرضات وَيَا وهيه مثل الميته حتى نفس ماكو للحضة خفت خاف ماتت سمعت الدكتور يكول اركضو سوولها أشعه لرأسها ما اكدر اسوي شي لان الجرح حيل ملتهب الدكتور: بساع ترة حالتها خطره هواي لان نازفه دم هواي طلعو يمشون بالسديه وهيه مستمره تنزف كتله دكتور خير شبيها كال بابا هاي وين جانت شنو شبيها هيه راح تموت شلون مشفتو الجرح مورم ونوب ملتهب ونازفة دم هواي كتله وهسه كال اعتمد عالاشعه طببوها اخذولها أشعه جانو اكو عير ناس هواي واكفه تريد تاخذ بس الدكتور وكفهم كال حاله طارئة كملت الإشعه وهيه بعدها فاقده طلعوها رجعوها للغرفه والدكتور اجى كال عيني لازم عمليه تره عدها فطر بالجمجمة والدم جامع ومجمد بالجمجمة صفنت عليه هذا شديكول كتله وهسه ماكو اَي حل كال لا يضل راسها يوجعها وتره بي أعراض هذا الشي ضليت ساكت يربي هاي شلون هسه وين انطي وجهي هاي منين طلعتلي انوب كتله متتاجل يعني كال على مسؤوليتك توقع تالي اضطريت أوقع على أوراق العمليه وام علي تبجي يمي طكت واني انشدهت طببوها للصاله مال العمليات واني اباوع عليها خايف تموت زين اني ليش خفت عليها معقوله لان سنه او بس تجيب طفل يوكف دم العشيرتين واردها لاهلها وخاف تصير طلايب جديده لا هذا ابد مو سبب باوعت بوجها ابد ما بي روح زين كلة ما صار الها ٤ ايّام من أجت لو تبقى سنه شراح يصير بيها اني اعرف وادري الفطر بالجمجمة بسبب ضربتي الها بكوشه التخم لان هيه كلش قويه وثكيله لان هيه كلها خشب يعور اني كوة اشيلها وره ما دخلوها غرفه العمليات خابرت جدي وسولفتله تفاجأ من سمع كال يله عود من تطلع من العمليه خابرني سديته منه واباوع على ام علي تبجي عبالك بتها مو وحده غريبه كتلها خاله ليش تبجين كالت يمة والله صار بيها هيج وهيه ما الها ذنب كتلها شلون هيه مو سبت أبويه وضربت اختي ام علي :هيه ما كالت شي ولا ضربت اختك وسردت الحجي كله اله هو متفاجا شلون ضلمها وهيه هسه بين الحياه والموت بس هو اصلا رغم يشوفها حلوة والبعض هسه يحسده عليها من جمالها وغيره يتمنى نضره منها بس من يذكر اخو يزيد غضبه فهد : طلعو الممرضين يركضون ويصيحون دم كتلهم خير كالو محتاجين دم ضروري لان حالتها صارت خطره نزفت دم هواي ونسبه دمها صارت ٧ راح تروح من بين ايدينه فهد :رغم ما اعرف شنو زمرة دمها طلعت اركض للمختبر علمود يسحبون مني دم الها بعد التطابق والتحاليل اخذو مني دم كالو ميكفي بطل لازم تدبرلنا اقل شي بعد ٣بطاله دم تبرعت ب٢ وردت انطي بعد بس مقبلو ٢وكامو يحجون كالو مو زين عليك ميصير ولازم تبقى كاعد تره دوخ وتوكع خابرت جدي كتله اَي واحد من الولد خلي يجي بساع دز اكثر من واخد لان احتاجو دم الها واني تبرعت ورايدين بعد كال هسه مسافه الطريق صدك وره شوي اجو ولد عمي ٣خطيه رأسا بوجهم للمختبر بعد التحاليل اخذو من ٢ بس طابقو اخذو كل واحد منة بطل دم اني من صدك بس تحركت دخت لان سحبو مني بطلين كلت بكلبي لعد هيه الي مصفر دمها شلون كالو خير شصاير ليش حرمتك داخله عمليات ليش هيج حالتها سكتت ما جاوبت شحجي شكول همة عرفو وافتهمو رد ابن عمي الجبير كال يا خويه على كيفكم ما صارلها غير ٣لو ٤ايام من اخذتوها وهسه داخله عمليات هيه شعليها انته ادرى بحياتها وبحالتها وهيه من بغداد وعلاقتها ويه بيت جدها مو كلش وغصب عنها صار هذا الشي مو شفت بيوم الي رحنه نأخذها شنو صار الصوج مو منها من بيت جدها وابن عمها هيه شعليها هيه صارت ضحيه كتلهم تعالو سندوني اريد أكوم ودايخ كالو وين ؟ كتلهم اريد اروح هناك خاف يطلعوها لو يصير شي كالو احنه نروح اكعد انته مقبلت واصريت اروح تالي اجوي سندوني وكمت وحت ليم غرفه العمليات لكيت ام علي كاعده تدعي وتبجي كتلها ها شصار مطلعوها هزت راسها لا كعدنه وضلينه ننتضر لحد ما طلع الدكتور من صاله العمليات كمت والدوخة بعدها بيه كتله ها دكتور بشر كال الحمدلله عدت على خير وكلشي تمام لو مو النزف وخفنه ليصير عدها نزيف داخلي بس لازمها عمليه وراحة ترة جرحها ملتهب وهذا راح يضل يسوي عدها الم وصداع لحد ما يطيب فراح تبقى عالمسكنات ولازم مناخذهن بكثرة علمود ليصير عدها ادمان بس سؤال هاي ليش هيج مبين متعرضه لشئ وبعدين وين جنتو مخلينها غير داووها كتله لا مبيها شي بس هيه وكعت وصارت هيج كال انته شصير منها زوجها كتله اَي كال ها يله ما بيها غير العافيه وهسه همة راح يطلعوها من غرفه العمليات واليوم تبقى تحت المراقبه خاف يصير عدها لا سامح الله نزف داخلي كتله انشالله يتبع ...... | ||||||||
|
| |
|
29-07-19, 12:59 PM
| #18 | ||||||||
| مراقبة عامة ومشرفة منتدى الروايات المنقولة
| السلام عليكم فصليه لظالم (وحش) بقلمي (سقين الشمري) البارت 16 """فهد : راح الدكتور وراها بشوي طلعو زمرد من غرفه العمليات بعدها ما صاحيه من البنج ورأسها ملفوف ووجها شاحب ولونه اصفر وبي زراك اثر الكتله وهي نايمة متدري شكو عبالك ميته حتى النفس من تجره ميبين ويكولون حاطيلها اوكسجين اثناء العمليه لان ما كادرة تتنفس ومختنكة ولد عمي تخبلو من شافوها وام علي كطعت روحها كلت بكلبي زين هاي اذا شأفتها أمها هيج شحسوي وصلو للغرفه وشالوها وخلوها عالسديه الثانيه وعلمو المغذي ورتبو فراشها وراحو احنة بقينه يمها ولد عمي ضلو واكفين بالباب ما طبو لان عيب وهيه ما لابسه شال اااخ الله لو مو عمليه وشادين راسها فلا اخلي شعره وحده تطلع من راسها كعدت ام علي يم راسها تقره آيات على راسها وتبجي ابد ما سكتت واني ضليت اباوع عليها وشوي وطلعت يم ولد عمي واكفين يم الباب مال الغرفه جانن اكو كراسي محطوطه كعدنه عليهن وكالو هاي انته مسوي بيها هيج سكتت كالو شلون آنطاك كلبك من يمته وانته تمد ايدك على حرمة وفوكاها موتها كتلهم ما ادري من اشوفها كدامي واذكر اخوي اريد اطلع بروحها وما يشفى غليلي كالو وهيه شعليها فهد: من دامها من اهل الي كتلو اخوي عليها كالو بس الي تسوي غلط وحرام وحتى الله ما يقبل واكو حديث او قول يقول : (((اذا دمعت عين أنثى بسبب رجل تلعنه الملائكة بكل خطوه يخطيها للأمام علي (عليه السلام ) ))) زين شلون انته من شيعه علي وتسوي هيج انته ابن شيوخ وابن أصول وابن أجاويد وانته تربات المضايف والدواوين شلون ترضاها على نفسك تمد ايدك عله حرمة كمت احس راسي يريد ينفجر كتلهم كااافي انعل ابوها لابو شتريدون اسويلها لعد أبوس أيدها ورأسها وأرحب بيها وهيه من اهل كتال اخوي تستأهل وبابو زايد عساها بالكبور همة ضلو صافنين بعدين كالو محتاج شي هزيت راسي لا محجو شي بعد بس كالو احنه رايحين وانشالله لليل انمر ضليت ساكت محجيت همة راحو ورثت جكاره وشربتها وره شوي دخلت للغرفه هيه على نفس نومتها كلت لام علي ما صحت هزت راسها لا كعدت عالتخم المحطوط بالغرفة ضليت كاعد يمها وهيه حتى رمش ما رمشت وره تقريبا ساعه ام علي كالت يمة روح صيح للدكتور يجي عليها شو ما كعدت وصارلها شكد من طلعوها شو خوفتني هزيت راسي باي وكمت طلعت رحت للدكتور كتله انو ما صحت رأسا اجى وياي شافها كال فاقده كتله خومو اكو خطر يعني كال حسب حالتها اذا ضلت فاقده مو زين واذا كعدت لا واذا طولت منا لنص الليل فاقده اكيد مو زين استغفرت الله عفيه حتى مرضج شلعان كلب اجى فحص عيونها وكال للمرضة جيبي فلان دوة وكذا وتعاي جابته واجت سوه إبره وضربها كلها بالمغذي وكال راقبو وضعها اذا منا لساعه ساعتين مصحت نتخذ غير اجراء هزيت راسي باي وخله الدكتور وطلع المهم وره نص ساعه حسبنه الها ٣١ دقيقه و١٥ ثانيه زمرد كامت تفتح بعيونها كمت اركض عليها وصلت ليمها بعدها تحت تاثير البنج حاجتها ام علي باوعت شويه وسدت عيونها وانوب فتحتهن بعدها ما صحت كامل زمرد : فتحت عيني مغوشه ما اشوف بس بياض واسمع أصوات يمي عرفت من الصوت همة فهد وام علي شوي شوي افتح بعيوني واسدهن كمت اشوفهم بس بتشويش ما واضحين اريد اشيل ايدي وافرك عيني علمود بلكت يروح الغواش مكدرت احس ثكل بيهن ما بيه ارفعهن سمعت ام علي تحجي وياي ما بيه اجاوبها ولا بيه احرك جسمي ضليت افتح وأغمض عسا ولعل يروح الغواش ماكو احس نفسي نعسانة حيل رجعت نمت ام علي : يمة وليدي اركض كول للدكتور صحت فهد : طلعت رحت للدكتور وكتله كال الحمدلله تعدت مرحلة الخطر لعد اجا شافها نايمة كال يله اهم شي تعدت مرحلة الخطر بس بعدها تحت تاثير البنج وهذا الشي عادي اطمن على وضعها وخله وراح لليل هيه صحت واجو ولد عمي طبعا اني من صحت مجنت موجود جنت جوة بالكافتريا واخابر من وراها عفت حتى شغلي من رجعت وره ساعتين كالت ام علي صحت وحجت وياي بس تبجي وتكول راسي يرجعني وتكول اريد امي كلت للولد اتفضلو هيه اختكم بس انعل يومها ملابسه حجاب ومو مال البسها عاد من طبينه جانت نايمه بسبب المسكنات الي اخذتهن كومة علمود وجع راسها فراسا تنام سلمو على ام علي وسالو شلون صارت كتلهم جانت فاقده وهسه لا زينه وصحت كالو انته مبين تعبان وما الك خلك روح ارتاح ساعه ساعتين وتعال او اذا تريد نبات عادي كتلهم لا ما اريد هيه ليله أتحملها بهالاثناء دك التيلفون شفته رقم الوالدة ابد ما دكت من اجيت لحد الان فتحت خطت عبالي جاي تسألني وبس حطيته على آذاني اجاني صوت امي وهيه تعيط عبالي اكو شي صاير بالبيت او بخواتي حبوبتي او جدي بس لا سمعتها تعيط وتكول نايم بالمستشفى علمود كتالين اخوك وفوكاها قايم بكلشيت الها ومداريها ولك هاي من كتالين اخوك فهدددددد كتله اهدي يمة مو زين عليج العياط كالت خايف عليه اني منو اهم شي الفصليه اني منو ولك راح داويها وخايف عليها ولك هاي وديها للكبور كتلها يمة والله مو زينه وجبتها حالتها خطره كالت بالكبر اني اريدها تموت حركت كلبي يفهد شكلك نسيت اخوك وموته كتلها والله ما ناسي يمة كالت فعد هسه اذا ما جست للبيت وعفتها اقسم الله بحليب الي رضعته لا ابني ولا اعرفك وغاضبه عليك ليوم الدين كتلها يمة فدوة لتسوين هيج هسة صحيح اكرها وهية عدوتي بس هسه هيه مرتي شلون اعوفها بالمستشفى واجي شيكولون بيت الشيخ غزوان عايفين نسوانهم بالمستشفى وهمة ماكو ترضيها يحجون علينه الام : فهد اني حجيت الي عدي وكلت اذا ما اجيت هسه للبيت وعفتها لا ابني ولا اعرفك واعوف البيت واطلع بس انته بقيت الي وهسه عفتني ورحت عالفصليه كتلها يمة سدته بوجهي كلت بكلبي انلاصت جانت عايزه كملتها امي كلت للولد يبقون بمكاني بس اروح بشغله واجي كالو روح احنه موجودين بس همة درو لان جان صوت امي عالي واني حجيت كدامهم ما لحكت حتى اطلع بره باوعت عليها نايمة متدري شكو ماكو خليت وطلعت وصلت للبيت نزلت ورحت سلمت على حبوبتي وجدي سال عليها كال شلون صارت المسعده كتله زينه اما حبوبتي ما سالت اصلا سئلت على امي كالو بغرفتها رحت عليها دكيت الباب جانت اختي يمها الصغيرة يمها هناء خواتي كلهن مزوجات باقيات بس ٢ وحدة هيه هناء الزغيره والثانية أميره ابن عمي رايدها عساس هالفترة خطوبتهم بس بعد صار الي صار سلمت على امي ما ردت كتلها خيرج يمة وجان تنفجر بوجهي وتبجي كتلها يمة وعيونج مضطر كالت عساها تموت هم متوديها كتلها يمة مو احنه اتفاقنا سنه او تجيب ولد وتروح اذا ماتت شلون كالت اني اريدها تموت اصلا حتى لو رجعت موتها على ايدي ضلت تصيح وتعيط تكول جيبها هسه هنا اريد ابرد كلبي بيها اريد اموتها اريد اطلع بروحها مثل ما ابن عمها طلع بروح اخوك كتلها انتي كلتي ابن عمها مو هيه وجان تكب بوجهي وتعيط وتبجي تالي جدي صاح راحت هناء عليه كاللها كوليلهم خلي يجون رحت كايد امي وكعدتها عالتخم وحجة جدي كللها عوفي يروح مهما يكون تبقى مرته وصارت على ذمتة ميصير تبقى وحدها بالمستشفى رادت تحجي سكتها وكال يله كوم وليدي ومن الصبح انتو هنا كمت وبست راسها وكتلها وروح أبوي ما تعنيلي شي انتي الأصل والأهم بس حالتها اضطرت وديتها خلي تجي وشوفي شراح اسوي بيها ما حجت هزت راسها بس لان جدي كاعد متكدر تحجي خليت اترخصت وصعدت بلدت ملابس وطلعت للمستشفى يتبع....... هاي نشرت الكم بس لا تحجون عليه 🤭 احبكم والله ❤️🌹 اليوم وصلوني لل١٠٠٠ اريد فجرو 😆😁 ومنا ورايح البارتات طوال احبكم كومات كومات اعذروني عالسحك بدون مراجعه | ||||||||
|
| |
|
29-07-19, 01:04 PM
| #19 | ||||||||
| مراقبة عامة ومشرفة منتدى الروايات المنقولة
| السلام عليكم فصليه لظالم (وحش) بقلمي (سقين الشمري) البارت 17 """وصلت للمستشفى ورحت للغرفه الي همة بيها لكيت ولد عمي بالباب وشكلهم باين علي القلق وام علي تخمط بخدودها وتبجي وتنحب والممرضين يطبون ويطلعون ما انكر واجذب واكول محسيت بشي لا بالعكس انخمش كلبي كلت خاف صار بيها شي والله وصلت لباب الغرفه اركض وجان أطب والكي زمرد صاير وجها لونه أزرك وشكلها مثل الي دتطلع روحه وحاطين قنينه اوكسجين وملبسيها الكمامة مال الاوكسجين والممرضة شوي فاتحة الشال من يم ركبتها وتفرك بيها والدكاترة مخبوصين خبص يعني حالتها حاله حتى حيلي باد كتلهم شكو شبيها ليش هيج كالو مندري كاعدين هنا بره وسمعنا صوتها جوة تبجي وتكسر الغراض وتعيط دكينه الباب على ام علي فتحتها تكول البنيه كعدت وتهسترت تكول اريد اروح لامي احنة استحينا نطب بس وكفنه بالباب وكلنه لام علي تروح عليها واذا اعتازت شي تكول حتى اذا الدكتور او الممرضة ماكو دقيقتين وسمعنه ام علي تعيط دخلنه عبالنه انتحرت لكيناها مختنكة وحتى وجها مزرك طلع منذر يصيح للدكتور هيه وكعت فدنوب اجا الدكتور يركض شافها وصاح عالقنينه الاوكسجين والدكاتره هم وهاي شوف حالها كتلهم شوكت صار هيج كالو من ربع ساعه عطت ليش مخابرتو كالو دكينه وتلفونك مغلق أذكرت خلص شحن صدك استغفرت الله اكثر من نص ساعه الدكاتره على راسها ويعالجون حالتها وزمرد باللحضات الأخيرة يله صار وجها لونه طبيعي ورجع الدم بي تالي طلع عدها ربو واني اكول ليش الدكاتره يكولون اختنكت بالعملية يعني كمت كل شوي واكول هسه يكولون ماتت يربي انته حلها عيني هاي بس ترجع اخليها تنام بغرفتي علما تصير زينه الله شاهد امي وخواتي وحتى حبوبتي هم يجوز يموتنها بنص يوم حتى مو يوم خطيه ولد عمي مقبلو يروحون توسلت بيهم كتلهم انتو هم عدكم شغل من الصبح اذا احتاجيت شي عود ادك عليكم بالكوة يله راحو وراحو هم فايت وكت طبيت للغرفه وكلت لام علي صدك أذكرت انتي منو بقى يم بناتج كالت راحن يم بيت عمهن يباتن اليوم خابرتهن وكتلهن كتله اعذريني بس دشوفين الوضع وماكو بس انتي كالت لا يمه الله شاهد هيه مثل بناتي وهم يتيمة وما الها احد منو يجي وياها وانته متكدر وحدك لان لازم مره وياها هزيت راسي بمعنى اَي رديت كتلها انشالله بس نطلع من الصبح اوديج لبيتج وروحي عكب باجر يله تجين هم اسبحي وارتاحي وشوفي بيتج وبناتج وعود تعاي ثاني يوم عادت سالتها كتلها كولي بالتفصيل الممل شنو صار وسولفتلي نفس حجي الولد بس كالت تخبلت رسمي من كعدت وبس تعيط والغراض الي يمها عالميز كله شمرته وكسرته وتكول اريد امي مو قابله تكعد ولا تبقى اني حايره اذا كعدت انوب شلون كتلها والله ما ادري علمي علمج الله كريم ربج يحلها كالت يمة فدوة وليدي والله وربي شاهد أحسبك ابني انته اني ما عندي ولد واعتبرك وليدي كتلها تسلمين خاله والله اني هم اعتبرج مثل امي كالت لعد اذا صدك تعتبرني امك لا تأذي زمرد سكتت ما رديت كالت يمة والله ما عليها هيه انته احسب وشوف يعني هيه شدخلها تدري من سالتها شلون درت وكالولها كالت انو متدري متعاركة هيه وابن عمها وكايمة دترجع لبغداد ومن دتطلع طابين انتو وجدها هذاك الوكت يله كايل جدها السالفه وانته تدري الي مسويته كدامكم صدمة وحده بت بغداد وبت عز ودلال ووحده من ذني الفري حياتهن تجي تصير فصليه بدون عقد محكمة وبدون حقوقها وفوكاها تنام بكتله وتكعد بكتله ضلت تحجي وياي واني بس اسمع ما ادري شنو اكول وشنو احجي وهو حجيها صدك بس جيب الي ياخذه ويكول حك الله عدنه ثاني يوم الصبح الدكتور كال لا طلعها مو زين عليها بسبب الصار البارحة بس اني وقعت على مسؤوليتي وطلعتها وهيه من كعدت تبجي ومتهستره خليت ام علي يمها تسكتها واني طلعت ما كادره تسكتها ام علي الا كايله الها ياخذج يوديج لامج احسها من كعد ما تعبانه تريد إي شي يسكتها حتى لو جذب اخذتها وطلعت كوة تمشي دايخة وملابسها صاير بيها دم ردت تكعد عالكرسي مقبلت تالي أنتجت على ام علي وام علي كايدتها وطلعنه رحت امشي كدامهن وجبت السياره وركبتهن وصلنه للبيت ونزلنه طبينه ليجوه بعدنا بس عبرنا باب المطبخ ودخلنا للصاله جفتت امي على زمرد تريد تكتلها هيه خطيه رأسا من خوفها ختلت وره ام علي وتبجي وكفت كدام امي كتلها يمه اروحلج فدوة موهسه توني جبتها من المستشفى وما بيه ارجع الها انوب بؤ انام بيها والله البارحة تكسرت من نومة المستشفى انوب يا ريت محجيت تخبلت امي بالزايد ودك ولطم وصياح وعياط وتكول اخذتة مني الفصليه وعلمودها نايم بالمستشفى ووووو كومة حجي وهيه بس تبجي ومجلبه بثوب ام علي اشرت لام علي وكتلها صعديها لغرفتي جرتها ام علي دتصعدها طلعت امي تركض ووكفت عالدرج متقبل يصعدن كالت امي انوب تريد تصعدها لغرفتك فهد رحت عليها جريتها وابوس برأسها بس تهدا وأشرت لام علي من ورة امي بمعنى تصعد وجريت امي للغرفه كوة وهيه تبجي وصلت للغرفه طببتها وجان تطلعني وتسد الباب زعلت عليه طكت روحي وهاي البدايه اوف يربي زمرد : بعد ما وصلنه للبيت و الحفله الي سوتها أمة وام علي صعدتني فوك طببتني لغرفه فهد جريت نفسي وطلعت كالت خيرج يمة شبيج كتلها اخاف خاله هسه يجي واني اخاف منه كالت لا ميجي يمة كتلها ارجع انام بالمخزن كالت متكدرين يمة رأسا يطبن عليج ويموتنج بساع ذني ميرحمن وبعدين مو زين عليج وانتي مسويه عمليه ولراسج هم لازمج راحة والمخزن حار سكتت كتلها فدوه خاله اريد اسبح كالت هسه بس انزل اجيبلج ملابس كتلها فدوة خاله بساع لان تعبانه كلش ام علي : كتلها صار تدللين من عيوني نزلت اجيب الها ملابس من الي جابهن فهد طبيت للمخزن والكي كله مكصكص ومشكك ومشكور بالكاع كالت يا عزا هاي منو هيج مسوي طلعت على فهد جان متمدد بالهول كتله يمه فهد رفع راسه كال هاي خاله كتله زمرد تريد تسبح كال اَي خلي تسبح غرفتي مو بيها حمام كتله مو تريد هدم شلون كال شبيج خاله مو جبتلها وشفتيها البارحة كتله مو مدري منو مشككهن كال شنو كتله اَي والله كام راح للغرفه شافهن شلون مسويات بيهن استغفر الله كال هسه فد شوي متكدر تنتضر اطلع واجيب الها كتله يمه هية حتى الدم يابس على جسمها وبعدين ما تعرف قياسها اذا تقبل من توديني فد شوي لبيتي قبلها نمر اشتري الها لان اني عرفت قياسها وارجع كال ميخالف بعد احسن لان ما اعرف قياسها اني وخاف تريد شغلات نسائيه واني ما اعرف كتله اَي يمة فدوة هز راسه كتله خلي اصعد عليها اشوفها مو كاعده تنتضر خليت وصعدت الها لكيتها نفس مكانها كاعده ولازمة راسها كالت ها خاله وين الملابس كتلها ما بيج تنتضرين فد ساعه علما اجيبلج كالت ليش كتلها مو مشككات ملابسج باوعت عليه كالت صدك كتلها اَي والله كالت وهسه منين حجيبين كتلها مو اني راح ارجع لبيتي لان يمة والله من البارحة ما رحت وبناتي باتن يم بيت عمهن وفهد حيوديني وكتله اني اروح اشتريلج لان عرفت قياسج كالت اَي فدوة خاله بروح موتاج اريد تراكات ملابس مال نوم يعني دشاديش قصيره وبرمودات لان اني ما اعرف انام بذني هزيت راسي الها وردت كالت بس ها مو جيبيهن لون اسود لان ما البسهن كتلها ميخالف كالت والباقي احتياجات مره انتي تعرفين كتلها اَي يمة ميخالف كتلها اوكفي خلي اجيبلج ريوك قبل لا اروح زمرد: كتلها لا تسلمين روحي ما اريد مجوعانه وراسي يوجعني مو مال اكل كالت انبله يمة انتي سويتي عمليه وعندج فقر دم لازم تاكلين هسه توكعين كتلها ما الي نفس والله مو كادرة مو بيدي توسلت كالت عندج علاج مقبلت كتلها ما اكدر خلت وراحت كتلها فدوة كوليله ليتأخر كالت دكومي قفلي الباب كتلا ليش كالت علمود ليسون هجوم عليج ورة ميطلع فهد كالت او اوكفي اني حقفلها وانطي المفاتيح لفهد كتلها تمام ميخالف كالت بس اسبحي حتى ضماد راسج سوو بالمسشتفى وبدأو الشاش لتلعبين بي زمرد: راحت ام علي واني كوة كادره أجرع روحي من ريحة الزفره مال الدم وريحة المستشفى الي بيه يمكن عشر دقايق وما كدرت اجرع روحي تالي كمت مكدرت رحت فتحت خانه فهد مال الملابس كوة على أعصابي كلبت بملابسه ملكيت شي بس بناطير وقمصان ودشاديش ردت تراكسود او بجامه ماكو تالي جريت قميص من ملأته وحطيته على جسمي كدام المرايه زين يوصل لركبتي لان هو ضخم ضحكت كلت حسوي مثل المسلسلات بس شنو كوة اخذته لان مالته وانوب كلت خاف ميقبل عاد تالي شسويله مو كادره اجرع روحي حتى شعري بي ريحة دم كمت اخذته وسديت باب الكنتور وطبيت للحمام مالته زين حلو مرتب بالنسبه لشاب ممزوج كلت اكيد ام علي ترتب مو ذني السعالو قفلت باب الحمام كلت خاف يجي هو واني بالحمام نزعت ملابسي وذبيت البدي بسله الزبل كرمكم الله والبطرون خليته لان مبي شي سبحت وغسلت الي جوة من شعري بس ما خليت يوصل مي للجرح وخليت شامبو من مال فهد لشعري تالي شياكتي وبريستيجي اسبح بشامبو رجالي 😅 بس شسوي مضطرة علمود ريحة الدم تروح من شعري همزين أمو غسول محطوط غسلت بي جسمي بس بدون ليفه كملت ولكيت منشفه معلكة بالحمام انشقت بيها وين جنت وين صرت جان كلشيت الي وحدي ممنوع احد يستعمله او يلزمة وهسه وين صرت لبست القميص وطلعت شفت روحي بالمرايا انوب الداخليات ماكو يربي همزين القميص طويل جان انفضحت 😂 ضحكت على نفسي جني وحدة من ذني الي بالمسلسلات يلبسن قمصان الزلم عاد شفت الصاله ماكو احد بيها يعني بعده مجاي راسي ذبحني من الوجع لكيت براد صغيروني بالغرفة فتحته لكيت بي مي وعصاير وفواكه جريت بطل مي وطلعت الدوة وشربت المسكن ورحت للفراش وخرت اللحاف ومددت وتغطيت كلت لا لعنه الله عليك مرتاح هنا ونام واني مخليني نايمة بالمخزن وبالكاع مشغلا السبلت كلت خاف ميقبل ضليت عالمروحة وفكرت خاف يجي ويطب للغرفه واني اخاف منة وخاف يستغل ضعفي ويسوي الي يريده وخاف ينام بالغرفة وخاف وخاف وخاف اووو رديت للشي الي حيرني وشغل بالي وافكر بي ويأكل ويشرب وياي هو امي ليش مجتي ليش محد اجى عليه وشنو الي صار بيها بعد ذاك اليوم خاف بعدها مو زينه خاف بيت اهل بابا ما كالو لبيت جدو اهل بغداد شنو الي صار حيصيرلي اسبوع محد اجه عليه ليش حتى لو ميندلون يسالون ويدلونهم اكيد اكو شي ماما متعوفني ادري بيها متتخلى عني هيه حاربت الكل علمودي ممعقوله تعوفني اريد اعرف وافتهم كون هسه انهزم واطلع منا واشوف شنو الي صار انوب كلبي يم ماما خاف من وكعت صار بيها شي ذوله بس لا عبالهم رضخت الهم وكعدت وسكتت بس تصح الي فرصه الا انهزم وبيت اهل بابا اوف ذولي بس الله يخلصني من المشكله الي اني بيها الا اتبره منهم ضليت افكر وأفكر لحد ما بعد ما دريت بنفسي وغفيت ام علي : ركبت وية فهد وطلع بينه لولايه ثانيه تبعد نص ساعه كال اكو بيها مجمع جبير كلش وكلشيت متوفر بي مناك احسن ولو راح أأخرج كتله لا عادي وصلنه ونزلنه واني افتر وهو يمشي وياي كال شنو تريدين اخذي الها عسا ما بمليون لان بعد ما اطلع اخذ الها بس اخذي لون اسود هزيت راسي باي كمت اشتري الها اخذت دشاديش وأخذت تراكات من سال ليش مو اسود وذني شنو اخذتيهن كتله يمة هيه رادت وخلي تلبسهن بالغرفة علما تتعود عالدشاديش سكت محجة كال ليش مو لون اسود كتله محد حيشوفها بيهن كال واني ما اشوفها يعني كتله يمة انته مو تريد تاخذها وتريد منها حقوق زوجيه انته وليدي اذا حجيت هيج وكلت الك وكلنه ندري انته حتاخذها وهذا القانون هنا قابل من تروح عليها تلكيها بالأسود لو بالدشادشه هز راسه وكال كيفج اخذي الي يعجبج ابتسمت برضى اله كمت اخذ اخذت برمودات ودشاديش قصيره وطبيت لمحل المكياج كتله اخذ شامبو وليفه لان مالتها ملكيتهن تالي غافلت فهد اجا تلفون وأخذت الها مكياج هم مو كامل بس كلت للولد مكياج بساع مال عروس بس أحسبهن بالحساب بدون متطلعهن كال ليش كتله احسن حتى محد يشوفهن ضحك عباله الي شكد فشله خرب يومج زمرد ولو ما راح ترضين ولا تقبلين تخلين انتي كملت اجا فهد دفع الحساب وطلعنه رحنه للمحل الثاني جان مال ملابس داخليه فهد وكف بره مدخل استحى بس من دا أطب صاح كال خاله اخذي الها قمصان نوم وهو مدنك راسه ووجها صار طماطة ضحكت وكتله اَي يمة تدلل طبيت اشتريت وكملت صاح الحساب شكد كتله هلكد نطا الي دفعته الي وطلعنه كال اوكفي نطاني فلوس كال اشتري الج وللبنات بساع مقبلت ضَل يلح تالي اخذتهن واشتريت لبناتي خطيه شكد راح يفرحن كملت وطلعت كتله الله يرضى عليك يا يمة كال مشكورة على هاي وكفتج وياي كملنه كلشيت وطلعنه فهد : رحت لابو المخضر اخذت الها مسواك كامل حتى فواكه وبصفه ابو اللحم هم اشتريت الها وصعدت هيه عبالها للبيت وصلتها ونزلت طببت المسواك الها مقبلت وضلت تحلف متاخذهن مقبلت تشكرت كومة مني وضلت تدعيلي وتوسلت ابقى اشرب جاي مقبلت كتلها أروح على ذيج خليت بيدها مصرف هم مقبلت وكالت ذني كافيات خليتهن بأيديها وطلعت ضلت تدعيلي وتتشكر مني شغلت السياره ورحت اخذت غده الها وخليته ويه العلاليك لان ادري تصير زفه اذا شأفنه وادري ميسون اكل الها ولا يقبلن يسون ولا يقبلن ينطني اودي الها اذا سون واني مو مال اسوي الها ولا تكدر اسوي ووين اسوي كدام اهلي وهيه محتاجة لحم شوي مو مال مرك شوي احسن ورحت للبيت وصلت تلكني خواتي بالمطبخ سالن على ام علي كتلهن راحت لبيتها واليوم متجي كالن ليش مرديت شافن العلاليك بايدي كومة كالن ذني شنو مجاوبتهن خليت وصعدت لا تطلع امي وتسويلي زفه طلعت المفتاح وفتحت القفل وطبيت السويت هدوء طبكت الباب على كيف ورحت للغرفه لكيتها نايمة ذبيت العلاليك وصلت ليمها اريد أكعدها شلون هسه تصرخ تالي وره خمس دقايق كعدتها على كيف بدون ما الزمها لا تروح تصرخ كتلها زمرد -زمرد -زمرد كالت هممم هية ونايمه كتلها كومي اسبحي يله بعد ما استوعبت صوتي وعرفت اني كمزت من مكانها ومن شافتني رجعت غطت حتى أيديها شعرها مبلل كتلها سابحة ما جاوبتني بس من شكلها خايفه مني كتلها ذني ملابس وغراض الج واكو غدة هم الح روحي اكلي ما حجت شي ولا نطت ردت فعل بس عيونها بيهن خوف كتلها اني راح اطلع بدلي او اسبحي عجيب اني كاعد احجي وياها بهدوء خليت وطلعت نزلت جوة ردت اخابر ابن عمي اساله راح للمعمل بدالي اليوم اتذكرت نسيت تلفوني فوك صعدت أجيبه فتحت ألباب ولن اشوف زمرد واكفه ولابسه القميص مالتي ورجليها طالعه جنهن كيمر من كد ما بيض هيه شافتني شهكت وطلعت تركض للحمام انوب شكلها غير مغري القميص لحد ركبها واصل والشعر المبلل القميص مهدل عليها ضليت واكف ومتصنم بمكاني من الموقف تالي ورة شوي تذكرت نفسي واستجمعت قوتي اخذت الموبايل والسويج هم وطلعت بس شنو عركت احس نار صارت بجسمي وكمت اهذري ويه نفسي صورتها متروح من بالي حتى المحجر مال الدرج دعمته اني وأمشي خرب هبل هاي شسوت بيه الله لا يوفقها انوب ثارتني بهذا شكلها يتبع ...... اليوم اريد واحد مستغني عن نفسة ويكول البارت قصير لا اطلع ضيم كلبي بي 👿 اليوم ألبارت انتحاري مو مال تكولون قصير تمام صوتو حك تعبي عاد عليكم الله 🌹❤️😘 غلسو عالسحك بدون مراجعه 😬😁 | ||||||||
|
| |
|
29-07-19, 01:08 PM
| #20 | ||||||||
| مراقبة عامة ومشرفة منتدى الروايات المنقولة
| السلام عيكم فصليه لظالم (وحش) بقلمي (سقين الشمري) البارت 18 غير مسموح او محلل نشر القصه بدون اسمي .& بت اللذين شكول شدعي شحجي عليج هسة موتيني خرب جسمي كلة كام يصب عرك وأحس نار صارت بيه من وصلت باب المطبخ اختي شافتني هناء كالت فهد خويه شبيك هزيت راسي بمعنى ما بيه وطلعت زمرد : من كعدني فهد فزيت مثل المخبله خفت منه كلش وانوب اني لابسه قميصه وبدون ملابس داخليه يعني اذا يريد يسوي شي مسهله العمليه اله كلش 😂 وانوب فاجئني يحجي وياي بهدوء ولا عبالك هو نفسه وره مكمل حجي خلة وطلع كمت اني وره ما طلع بساع علمود ابدل خفت ابقى بالقميص واصلا شعندي باقيه بي اثناء ما كمت اطلع بالملابس واشوف شنو مآخذه الي ام علي واختار شي البسه ما حست غير فهد ورايه يمة جمدت بدمي خفت كلش انوب طلعت اركض للحمام خفت لا يروح يسوي هجوم وانوب فشله يربي اوف اوف وره ما سمعته طلع وسمعت صوت الباب همزين راح وتعمد يسوي صوت الباب من يسدها قوي علمود اعرف انو طلع واطلع اني من الحمام هههه خليت وطلعت شفت ماكو احد اخذت الأمان ورحت طلعت ملابس الي هنه داخليات وتراك بس بجامته برموده وهمزين الف الحمدلله مو لون اسود لا ألوان بس الدشاديش لون اسود اخذتهن وطبيت للحمام قفلت الباب وبدلت خفت ابدل بالغرفة لا يجي انوب يربي شكد فشله كملت وطلعت رحت طلعت الملابس الباقيه داشوف شنو جايبين عزه جايبه الي ملابس نوم خرب بس لا تريدني البسهن لهذا المطي هو اني ما اصدك أنفذ بروحي انوب جايبه الي ملابس داخليه وجايبه مكياج هله هله كملتهن شوف كلهن وطلعت الغده جان مشاوي تكة لحم وكباب ورديت رجعتهن بالعلاليك وين اريد اخليهن لان ما الي نفس اكل رغم جوعانه حيل كلش خليت الغده بالثلاجة الي بالغرفة ورحت مددت شسوي ماكو شي اسوي غير هذا بس الكابه فول عندي اريد بس انهزم واطلع حرام غير سجن بمعنى الكلمة وانوب كليتي اوف اوف زين مصطفى دره شنو سوه هو كال اني احبج وأموت عليج بعده يحبني لو عافني والله حطك وأموت من التفكير ضليت تقريبا ساعتين كاعده ومعدتي موتتني من الجوع بس ما الي نفس اكل تالي استسلمت للنوم كعدت العصر على مغرب لكيت اكو صوت بس ماكو احد بالغرفة كمت اشوف منو طلعت للصاله لكيت فهد مدد عالقنفه ويتصفح بالتيلفون شافني وباوع عليه من شفته رأسا طبيت للغرفه ركض رجعت لفراشي وغطيت حتى راسي ما ادري ليش عود رجعت نمت بس من خوفي منه وانو أحنه وحده بغرفه وحده خوفتني اكثر ماكو خمس دقايق سمعته اجا للغرفه وصل ليمي صاح زمرد مجاوبته رفع الغطا عن راسي ما نطيته ضليت مجلبه بي حيل كال مو احجي وياج اني شنو جلدج رجع يحكج كتله بصوت يرجف شتريد كال ليش مماكله كتله ما اشتهي كال انتي من البارحة بدون ريوك شنو متشتهين كتله اني ما اكل هيج كال شلون يعني كتله ما احب اكل لحوم بس من اشتهيهن بس اكله نفسي تكوم تلعب كال جا شتاكلين كتله مو تكوم تحجي لو تضربني كال لا بس فضيني وراعي الغطا عن راسج واحجي وياي رفعت الغطا شوي عن راسي وطلعت بس وجهي مثل الواحد الي بايكله بوكه كال اَي احجي شتاكلين كتله نستاتل وجبس صفن بوجهي كال تحجين صدك لو تشاقين كتله اَي والله كال شني بؤيه جاهل انتي وتاكلين هيج كتله هو هذا اكلي كال اَي مو اشوفج عوده معصعصه كلت بكلبي عفيه ياهو الي يشوفني يكول تلي هاي الكلمة رد استغفر الله كال هسه اجيبلج بس تكومين تاكلين ذني كتله ما اكدر كال انبله كومي حتى لو بدون خبز كتله فدوة لتجبرني والله نفسي تكوم تلعب كال كومي بدون حجي زايد مسويه عمليه وعدها فقر دم وتريد تتزقنب جبس ونساتل كومي لشوف كومي يله (بعصبيه) كعدت كتله خير وين تريد اروح كال دكومي هسه كومي كمت وَيَا شو هذا انكلب لون وجها وبس يستغفر وكام يمتمت بالحجي ميعرف شيكول ويدير وجها اني نسيت لان لابسه برموده اني عندي هذا الشي طبيعي بالبيت كدام خوالي جنت وحتى مصطفى عادي البس لان خالاتي وامي شكبرهن هيج يلبسن واني متعوده فعادي عندي كعدت عالكرويته الي بالغرفة جاب الاكل كدامي وكال بساع اكلي كله كتله فدو.. عاط بيه كال اني شكلت تالي من خوفي كعدت اكل بدون خبز كال اني هياني كاعد هنا داشوف اكلي بساع شو اكلت شوي ونفسي كامت تلعب كوة اجرع الاكل وهو مدري شبي ما كعد بس يحوس تالي اخر شي كام طلع اني هم ما صدكت عفت الاكل وكمت اركض رحت غسلت ونفسي تلعب ولا بيه ارد على راسي وارتاح اصلا شلون اريد ارد على راسي وهو مسويته عمليه غير يكوم يطك احس روحي تزوهرت هو ما شفته بعد شربت دوايه وفتحت التلفزيون لان ملل ومو مال نوم بعد تكسر جسمي من النوم وره شوي طب راح طفى التلفزيون وجان يكول منو سمحلج تشغلين التلفزيون باوعت بخوف وكتله ماكو شي اسوي وضوجة وتلفوني مجبته فكلت خلي افتح التلفزيون كال ليش شنو احنه دافنين راس بصل بعده ما صارله ١٥ يوم من مات حتى أربعينه مطلع بلعت ريكي وكتله مو قصدي كتله زين اريد احجي وياك بشغله باوع عليه وما حجى كتله احجي كال احجي اسمع كتله فدوة بس اريد اعرف شي على امي ضرب بايده عالميز كل قوته وكال ممنوع تعيدين هاي السالفه واهلج مجيبين طاريهم كدامي مفهوم خفت كلش تالي سكتت مو مال احاجي لا يروح يضربني لو يعتدي عليه هسه وين اولي وين اروح خله وكام وطلع وركع الباب كلت بكلبي كبر حتى كبر على هيج شكولات اَي والله تالي كمت عزلت الغرفه شوي انخبصت بالملابس والأكل حطيت الملابس بخانه من الكنتور بس بدون تعاليك او شي هنه وعلاليكهن كيفت هسه مو زين طلعت من المخزن لا اروح ارجع انوب بي فهد : بت اللذين ثارتني يعني لو باقي شوي يمها جان اخذتها بس لا ناويلها خوش نيه على هاي السالفه بعد مو هسه من يجي وكتها وانوب رجعت سالتني على أمها عصبت وصيحت علمود تسكت لان شنو اريد اكوللها انو أمها داخله غيبوبه من يوم الي اخذتها فصليه وصارت المشكلة ووكعت كدامها الله شاهد لو درت تعد البيت على روسنه وهيه شكد عرمة فختاريت انو اعيط عليها واعصب علمود تسكت لان هيه تخاف من عندي ثاني يوم & زمرد : كعدت الصبح على صوت خاله ام علي وأخيراً أجت عبالك مو يوم فاركتني لان هيه كلش كلش زينه وياي من دون البيت كله صبحت عليها وسألتني شلون صرت كتلها زينه الحمدلله كالت يله كومي جبتلج ريوك حتى تتريكين وراح علاج كتلها هسه دقايق بس اغسل وجهي رحت غسلت ورجعت شفت الاجبان كله معلبات وجاهز مو مال عرب كتلها منين كالت مو كلت لفهد وجابلج ضحكت كتلها شعجب هاي والبارحة هم زين ابد ما ضربني او عيط عليه بس من سالته على امي كالت يمة بلكت الله وأبو الحسن علي يهدي عليج انشالله بس هو حتى اذا صار زين وياج الحيايه الجوة ميخلنه رأسا يوزنة عليج كتلها اصلا خاله اني ما ابقى وكيلج الله كالت ومنو يخليج تروحين وتطلعين كتلها اذا مقبلو انهزم كالت وج اسكتي علمود الله شاهد يموتونج خلاص سكتت تريكت وكملت وشربت علاجي كتلها خاله شلون ابقى محبوبه هنا والله ضوجة كالت شسوين يمة بس تنزلين جوة يموتنج وتكومين تشتغلين مو مال تنزلين اتحملي كتلها لا يقبل اشغل تلفزيون لا تلفون عندي كتلها صدك فكره كالت شنو كتلها عندج تلفون كالت اَي ليش كتلها اني حافضه رقم ماما اريد ادك عليها كالت واذا درو كتلها لا من دام اني هنا كالت ميخالف بس مو تكولين لاحد لان ميقبلون وحتى اني اروح بيها عود الضهر من ينامون اجيبة الج وخابري كيفت يربي واخيرا راح تفرج اوف الحمدلله والشكر يربي """"""""""" ام علي: نزلت تلكتني ام فهد كالت بعصبيه ام علي ذبي الي بايدج ولحكيني للاستقبال كلت يا ستار رحت للمطبخ ذبيت الصينيه مال الريوك ورحت للاستقبال كتلها تفضلي حجية ام فهد كالت من اليوم تعرفين الشغل وبعد لتجين روحي دوري شغل الج تخبلت كتلها لا فدوة ام فهد كولي غيرها ليش شسويت شنو بدر مني قصرت بشي ردتي شي ومسويته بركبتي يتيمات وين اروح كالت ما مقصره بس طابكة وية الفصليه ورحتي وياها للمستشفى وعفتني البيت والأول والتالي بيا حق كتلها ورح المرحوم الشيخ فهد هو كلي ما رحت من كيفي واني عبد مامور شنو اسوي كالت هذا الحجي يفيدج لمي غراضج والله وياج وحسابج هسه أجيبه الج توسلت وبجيت مفاد احترك كلبي عفيه شكد لئيمة لان ساعدت البنيه هيج سويتي بيه طلعت واني ابجي جانت الشيخة مموجوده طالعه رحت للبيت مشي حتى ما كلت للحراس يوصلوني طبيت للبيت والبنات شبيج يمة شبيج ما رديت بس ابجي شسوي وين اروح شلون أعيش ذني الي بركبتي اوف ربي """"""""" فهد : كاعد بالمكتب وزمرد متروح من بالي ولا خيالي شكد اكرها ولحد الان وما احبها بس شكلها ابد ميفاركني مثل الي طمعت بيها صرت احسب شوكت اوصل للبيت واشوفها كملت شغل وما صدكت طلعت للبيت وصلت شفت خواتي بالمطبخ يشتغلن وان علي ماكو حسبالي يم زمرد داصعد صاحت أميره كالت خويه فهد جدي يريدك بالديوان كتلها خير كالت ما ادري كال أريد فهد من يجي استغربت عبالي اكو شي رحت عليه سلمت وبست ايده ورأسه وكعدت جانو عمامي كاعدين وولد عمي عم بس مو كلهم كتله خير جدي كالو تريدني كال اَي يوليدي كتله تفضل كول كال ماكو شي بس أريدك اليوم عندي كعده فصل تروح وياي وأريد هذا الأسبوع نهايته اسوي وليمه ثواب للمرحوم اخوك كتله تأمر وتدلل بس هيج كال اَي كتله تدلل محتاج شي بعد طال عمرك كال لا بوية سلامتك كتلهم اني استأذن ارخصوني تعبان وأريد اروح اسبح كال مرخوص بويه روح ما صدكت طفرت جذب ما تعبان بس اريد اشوف زمرد انوب رب الحلو لابسه برموده زين هيه مو تستحي مني شعجب ها نسيت هيه بغدادية مثقفه عادي عدها تلبس طبيت من باب المطبخ ام علي هم ماكو كلت بعدها فوك صعدت وصلت للغرفه صنطه ماكو حسها طبيت سمعت صوت بالحمام زمرد دتسبح اوي مال أطب عليها هسه 😁علمود تتخبل كلت خاف جوة يم حبوبتي لو امي كعدت انتضرها عالجربايه عجبني اشوف شكلها اول متطلع من الحمام والله ربع ساعه لو ثلث ساعه وطلعت اوف يربي لو باقيه ومطالعه او اني مباقي وطالع هواي احسن اوف دخيلك ربي رحمتك هاي شنو طلعت لابسه دشداشه قصيره مخصره عالجسم ولافه المنشفه على شعرها يعني شكلها جلطه من شافتني تفاجأت """""""" زمرد: تقريبا الضهر صارت كمت اسبح لان اني متعوده يومية اسبح حتى لو مو يومية اغسل شعري عاد طبيت سبحت وام علي بعد ما صعدت أبد وضل بالي شوكت تجي علمود اخابر ماما فطبيت سبحت قبل لا تجي وكملت طلعت تفاجأت بوجود فهد بالغرفة وصافن عليه حتى ارتبكت لان طلعت مترهايه بس باوعت عليه محجيت شي ضليت انشف شعري من جوه لان الفوك مغسلته كملت ردت مشط البارحة مشطت بالمشط مالته وهسه هو كاعد خاف ميقبل تالي ضليت اخوي عاد كتله اريد امشط صحى من صفنته كال ما تمشطين منو كاضج كتله مو امشط بمالتك المشط خاف متقبل كال لا عادي مشطي رحت بخطوات خايفه مشطت اني اخاف من نتواجد وحدنه بالغرفة وينج خاله ام علي ليش متجين انوب من الصبح لحد الان ما اجتي بعد من طلعت شعجب مو عوايدها كملت وهذا صافن عليه ورايح بغير عالم محجيت شي رحت مددت عالكرويته صاح كال ما تجين تنامين هنا كتله لا مرتاحة هنا جذب اني خايفه كام اخذ ملابس وطب يسبح بدون ميحجي الحمدلله كمت رحت للفراش الي صار مقري ماكو شي اسوي اتذكرت لازم أغير الشاش والضماد مال راسي اوف والله ما بيه انتضرت ام علي ما أجت تالي كمت اني اسوي طلع فعد من الحمام شافني خله وطلع مدري شبي عبالك يتكهرب رد اجه كال بعدج متغديتي هزيت راسي بلا لبس كلبيه وطلع كملت بس مدري شلون لفيت الشاش كل شوي يوكع ما ثبت """""""""" فهد: بعد الي شفته كلت اطلع وأستر على نفسي نزلت اكول لام علي تخلي غده الها ماكو هم بالمطبخ رحت على حبوبتي ماكو فاتت هناء سالتها كالت راحت عد عمتي جميله اليوم عازمتها رحت على امي كاعده تصلي دنكت بست راسها ورحت مددت على جربايتها انتضرت تكمل كملت وكامت كتلها الله يتقبل كالت منا ومنكم صالح الأعمال كتلها شلونج كالت الحمدلله كتلها اسئلج على ام علي شو ماكو ام فهد : بجمود طردتها فهد : كمزت من مكاني شنووو كالت اَي مثل مسمعت كتلها ليش كالت تحب الفصليه وتداريها كتلها صدك تحجين كالت اَي والله كتلها يمه بصلته محمد عليج هذا حجي شلون طردتيها شلون انطاج كلبج صاحبه يتامى ما خفتي من ربج جان تكول بعصبيه شقصدك اني صالون وماكو رحمة بكلبي كتلها مو هذا قصدي بس صارلها شكد هيه تستغل هنا حتى احسها صارت من اهل هذا البيت ليش هيج تسوين كالت كلشيت تلوحة الفصليه اكرها واتخبل منه استغفرت الله ردت كالت كوليلها بساع تنزل جوه وتبلش شغل لا قسم وروح اخوك وروح ابوك اصعد انزلها سحل من شعرها واطلع بروحها كتلها يمه البنيه مسويه عمليه والله طلعت من الموت وبعدها البارحه يله طلعت كالت اني ادري بيك كمت تميل الها وتحبها بس بيوم الي يصير هذا الشي اطلع بروحها بدون ما يرف الي جفن خوش فهد : كمت وطلعت من يم امي وبالي يم ام علي انقهرت عليها لو مو دنيا ضهر وخاف نامت الا اروح عليها هسه طلعت ورحت على جدي للمضيف حتى اكوله سالفه ام علي احنه عدنه بيوتنه احنه وعمامي بيت مفتوح على بيت صح كلمن وحديقته وبابه والطرمه مالته والكراج بس مفتوحات بيت على بيت وصلت وكلت لجدي ومقبل وكال امك صايره متعرف تصرف وصلاها حجي تحترم نفسها وما تقرر شي من كيفها موجودين اني وحبوبتك واحنه الكباريه ونقرر من الله ياخذ امانته عود هلي تصرف بكيفها فكوللها خلي تركد بمكانها وام علي ترجع مر عليها العصر وبلغها كتله حاضر جدي ومشى اليوم طبيعي وفهد راح لام علي واعتذر وبلغها ترجع وزمرد ضلت بالغرفة مطلعت بليل فهد راح للغرفه وبلغها باجر تنزل تشتغل وتلبس اسود مو تطلع بذني ملابسها وشنو يصير متحجي وتكول وراح نام بالصاله لان متقبل ينام يمها او بالغرفة وهو كاعد يطبخلهياه على نار هادئة ومشى اليوم الثاني وزمرد نزلت تشتغل ولبست دشداشه سوده بدون شال من نزلت ام فهد كامت تعيط وتصيح ورادت تضربها وزمرد مقبلت تلبس الشال وام علي جرت زمرد وكالتلها تلبس وهم مقبلت ورد اجى فهد تخبل عليها صاح عليها تلحكة من صعدت للغرفه لوه أيدها وكللها بت امج وابوج انزلي بدون شال انوب واني اعلمج ولد عمي يطبون ويطلعون وانتي مفرعه ومطلعه عطوبج تالي خلت الشال على راسها بدون متلفه بس حديد عن الشيطان ومشى اليوم بس ميخلو من مشاحنات ام فهد ولا طلايب خوات فهد وأوامر الشيخة بيبيه فهد لحد وره يومين بيت عمته لفهد مو زينه واكعه ومتخربطه وراحو كلهم يشوفوها بقت بس زمرد بالبيت لان بليل وتخاف وحدها همة راحو من العصر عزمتهم على العشة هم عاد فهد كال لام علي من تطلع تخابره وتكوله علمود يرجع وام علي ما صدكت عبالها كام يحبها وخايف عليها بس فهد جان باله شي ثاني يتبع ...... | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
