04-10-09, 09:01 PM
| #991 | ||||
| قارئ مميز
|  ايه مشرفتنا المحترمه soonانا اعرف اني ماهون عليتس ان احد يغثني من جيت للمنتدى ونتي مستتاني ومدلعاني وضريت على الدلع والحنان منتس وانتي ماترضين بالغلط الفزعه وااااااااااسووووووووووووو ناه بالله قولي رايتس ولا ترا بنجلط وبتفقدون وجودي بالقصه وديمه اذا الجوء السياسي راق لتس شلت قشي انا والريم وغادرنا القصه ويالله ياوديمه بكذا فقدتي بطله من بطلات القصه وفقدتي عضوه من اعضاء القصه وتصير القصه مثل باب الحاره كل مره تفقد بطل | ||||
|  |
|
05-10-09, 12:25 AM
| #992 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
| هههههههههههههههههههه يعني شلون صار عندنا رابطتين  رابطة لشروفة ورابطة لخوالي عمامي صراحه انا مطلوبة للفزعه >>>  لكن التزم الحياد لانه للحين انا ضد ومع شخوص الرواية احس سعيد يحب الريم جد والبنت اللي كان يتمقل في خشتها بالجوال هي يمكن صورها وهي ماتدري ... وسلامة اكيد ان في شي بينهم وحمد عرفه وهوشي بعيد عن اللي في بالنا اما عن حمد وامل احس فيه مبالغ في ردت فعل امل اتجاهه المفروض يكون فيه تصاعد في الاحداث بينهم مو نفس الموقف الصد على الاقل يكون فيه اتحاك ولو بسيط حتى يكون لصد مبرر اكبر لانه المعروف ان المحبين زعلهم مايدوم ولا يطول مع انه اكثر قسوة من زعل باقي البشر .... صراحة انا مع الرابطتين لان الرواية بعقدتها الفريدة وحبكتها القوية تجعلك محتارة ما تتوقعين وهذا بسبب قوة وابداع القلم الكاتب دمتي لنا وديمة عطاء الابداع ... ولذلك اطلب من الرابطتين التزام الصمت والهدوء حتى تحل وديمة الوضع في الجزء القادم ويكون قريب | ||||||||||
|
| |
|
05-10-09, 01:14 AM
| #993 | ||||
| عضو ذهبي
| السلام عليكم رائعتنا وديمه بصراحه كل بارت احلي من الي قبله وكل بارت يزداد حبي ل حمد صراحه يجنن الله يهديله امل خلينا نرتاح من مشاكلهم ونتفرغ للعله سعيد ياريت وديمه ريم تسنعه عدل بصراحه انا ودي اكفخه جلطنيلا وكله يهون الا العله الثانيه حمده وش هل الخبث وكم العاش بريئه بجانبها ربي يهدي سهيل للحقيقه منتظرينك مبدعتنا الرائعه سلمت اناملك | ||||
|
| |
|
05-10-09, 01:50 AM
| #994 | ||||||||
| مراقبة عامة ومشرفة منتدى الروايات المنقولة  
| وه وه وه باااااااااااااااااارت جناااااااااااااان تسلمين حبيبتي أمل لالالالالالالالا زعلانه منك قلنالك المسامح كريم ترى من تغلى تخلى أشوفك زودتيها وكمان تقهرينه وتتلبسين ومجمدته أنا أنذرك وتراني بصف مع ذهبيه إن ماتعدلتي حمد أشهد أنك صبور وأثبت حبك لأمل وراعيتها في مرضها لكن خلاص كفايه طيبه واللي مايجي بالطيب يجي غصب خلها تشوف الوجه الثاني ريم ياحبي لك والله عرفتي كيف تنتقمين من سعيد خليه يحس باللي يسويه فيك ويجرب نار الغيره والحقران والله إنك بنت رجال والله يعينك على الجاي وعلى تحدي سعيد سعيد ههههههههه إنت قد التحدي والله ريم بتشيبك وتربيك وتخليك تطلب فزعة الرابطه الليى ماظن يوقفون معك بعد كل اللي سويته ولو إني عندي أمل بسيط إن علاقتك مع سلامه ماهي زي مافهمنا وش إنت مهبب ياسعيدااااان ومخليك تضحك ضحكت من سرك حمده وسلامه00 آآآآه000 الشر عنوانه000 منهم زعلانه000 العاش وش هالطيبه لالالالاماهي طيبه إسمحي لي غباء كل اللي صار وماعرفتي حمده وكشفتي خبثها سهيل الله لا يبلانا كبريت ماعندك تفاهم إجلس مع العاش وإفهم منها وتفاهموا بدل الزعل والخصام الله يعين العاش عليك وديمه العطا والله إنك كاتبه مبدعه ومهما قلت مقصره في حقك منتظرينك لا تتأخري علينا عارفه مايحتاج أوصيك يالغاليه | ||||||||
|
| |
|
05-10-09, 02:26 AM
| #995 | ||||
| قارئ مميز
| عسى العمى يامضيع الوقت يعميك.. وعسى السعااادة في حياااتك تعداااك.. وعسى الحزن والهم دااايم مخااااااويك .. وامك تشق الجيب من عظم بلوااااك... والله حتى الخناااازير قليله في حقه هالوسخ  شوفي وديمه وانا راجعه اقراء البارت مره ثانيه لقيت دعاوي اختي ذهبيه بس تدرين ذهبيه العمى والهم والحزن والبلوى وفوقها ام الخنازير هذي متى تجي تجي بعد مايطلع من غرفة الجرذان بعدها عاد نسلم سعيد للريم تسوي فيه اللي تبي ومشكوره اختي ذهبيه على اعجابتس بردي وهذا من بعض ماعندكم ياعمري | ||||
|
| |
|
05-10-09, 06:33 AM
| #997 | ||||
| السلام عليكم صباح الورد وديمه شوفي حل لسعيد مابي ريم ترضى عليه بسهوله يكلمها قدامها بعد شين وقوي عين تكفين نزلي بارت بسرعه نبي نعرف ايش راح يصير البارت هذا نزل وما شفناه الا بعد طلعت روحنا بعد رفع الحجب نبي واحد طويل وحلو مراعات لنفسيتنا هههههههه | ||||
|
| |
|
05-10-09, 06:36 AM
| #998 | ||||
| اهلين والله لاصدقت انفتح المنتدي ولقيت البارت نازل خفت الرابطه تروح عني بروح معكم الحين كبر شغل الرابطه اول شي ارجاع امل لحمد وتاديب سعيدان علي سواته بريم الي مايستحي وش يبي بعجوز قريح بس حاسه انه فيه شي لانه دخل مع حمد وهو يضحك يعني ما همه شي وهو اكيد يحب ريم بس يمكن يبيها تغار واذا كذا مسموح وغير كذا الرابطه بتتحقق من الامر من وديمه وتشوف وش تسوي وحمده يبيلها تاديب بس انا شاءالله من سهيل هو الي بيادبها ننتظرك يالغاليه | ||||
|
| |
|
05-10-09, 10:52 AM
| #999 | ||||
| قارئ مميز 
| ودودم إشتقتلج وإشتقت ل حمد وأمول النت عندي زفت ما قدرت أدش وأنا أتحرقص أبا أشوف البارت ولقيت بارتين ولله الحمد هههه أنا فالكليه حاليا ما أقدر أعلق ع كل شخصيه بس لاحظت أنج توهمينا بإشياء وبعدين كل شيء يصير العكس مثل أمل لم عقت الكوب ... كنت أعتقد أنها سوت كذيه عشان ايروح ولم نادته بعد ما صحت من العمليه ... كنت اعتقد انها مشتاقه له وعشان كذيه يظن للواحد لما سعيد يضحك يظن أنه سكران بس راح يطلع شيء ثاني مشكوره ودوم والله يعطيج العافيه لاخلا ولا عدم | ||||
|
| |
|
05-10-09, 11:44 AM
| #1000 | ||||
| نجم روايتي وكاتبة في قسم قصص من وحي الأعضاء 
| مرررررحبا جميعا ومشكوووورات حبيباتي على هالتواصل ويامرحبا بكل قارئه انضمت الينا وشاركتنا بردودها الجميله وتحليلها الممتع....بعد مانزلت البارت السابق انصدمت مافي ردود وين بقية الاعضا يليييييييل الشقى وش الي صاير بالديره اليوم مابه عربان وكاد انه بعدهم ماوصلتهم السااالفه...لاكن وش الي يخلي السالفه ماتوصلهم يادافع البلا خفت من البلا الي منتشر ربي يبعده عن الجميع اتاري السالفه عين جتنا ماصلت على النبي هو حنا من بعد ماحطينا اعلان عن حملةالالف ردماعينا خير قمه ياروايتي يحفضج من العين ربي والسموحه عاد مهب مني انعوج الساني من ربع العنود والله تحياتي وديمه العطا الجزء السادس والعشرون صرخ حمد على سعيد الي ضربته حاله هستيريه من الضحك حمد:انطم اقووولك سعيد:ههههههه اااا والله جنااان هههههه حمد:جــــــــــــــــــــ� �ــــــب سعيد:ههههههه حمد تدري منيه هذي ههههههه هذي سلااااامه حمد:والعنتين تاخذها سعيد:هههههه اي لعنتين قوووول مليون لعنه عقبها فتح سعيد عيونه والشرر يطاير منها سعيد:هذي عذاب الطفوله الخبلا تتحسب عمرها الليدي ديانا...عيوز الاخره هه لاكن انا علمتها ان الله حق حمد:انته ليش ماتريد تقلع عنك المشاكل انا شولينه بتم معاك اهناك في لبلاد ماعليه اقدر اتصرف واطلعك من السجن لاكن اهنيه والله لاتخيس محد بيقدر ايطلعك سعيد:وانته ليييييش متروع انا ماييتها بروحها مصدقه عمرها واتراكض في هالفنادق اتحجز يعل يحجزها بليس ولا يفجها سعيد:الحيوانه من يوم عميه واهيه تلعب على الريايل مامات عميه الامقهور منها انته ماتدري ياحمد قد شوووه عذبتنيه هالانسانه انا حياتيه كلها متخربطه والسبه اهيه...ماتتخيل كيف حسيت نفسيه طاير من على الارض اول ماشفتها صدق صدق حسيت انيه في عالم ثاني عالم نهاية عذابيه......والكلبه تدري انيه سعيد الي كانت مروتنه نجوم القايله وتتحسب انيه ما اذكر شي لاكن انا داويتها لك..... وقف سعيد وتم ايناقز على السرير مستانس سعيد:خليتها تحجز في الفندق باسمها البارحه.....وقلتلها اليوم موعدنا ههههههه بدلت قفل الحمام وحطيتلها بكس من الي يحبه قلبك....مليوووون صرصور واخوه مسكيييينه يعلها السكن دخلت في الحمام مستانسه بالبوكس وقفلت عليها وسويت لريلها من تيلفونها وخبرته عن خملها وعطيته العنوان............يخخخخخرب بيته ريال تحسبته ريله والقبر طلع ريال مايعرف يامي ارحميني كفخها لين حبت الدبس وسحبها من كشتها جدام الي يسوا والي مايسوا ياسلااااام عاده اخوك اليوم عنده العيد وكمل سعيد مناقز وهو يضحك حمد:ومستانس لو مسك معاها شو بتسوي؟ سعيد:لاتخاااااف انا بو عسكووور مرتب كل شي ههههه اموووت واعرف هالحين شو مستوي عليها حمد:انته هب صاحي؟ دخلت الريم الي سمعت اخر الكلام الريم:حمد ....يعني ماهمك الا انه ماينمسك معاها....ليته مسكه معاها عشان يعرف ان الله حق التفت الها حمد حمد:الريم طلعي برا الريم:هب طالعه ...انا ادري انه مسوي وانك يايبنه من عندها الخايس هذا راعي الحريم قعد سعيد منسدح بنصف جسمه وهو بعده يضحك الريم:تتحسبنيه مادري بالعيوز الي تلاحقها دوم سعيد:هههههه اتقوول عيوووووز وقعد قاعد:شفتيها يالريم شدراج انها عيوز هههههه حمد:الريم طلعي هالحين الريم:هب طالعه لين اتخليه ايطلقنيه انا مادانيه اكرهه سعيد:وانا احبببببببج وامووووووووت فييييييج ههههه حمد:تعالي تعالي انروح برا الريم:ادريبه اكيد انه سكرااان ....انته كيف ترضى اتخلينيه في ذمة واحد مثل هذا حمد:يابنت الحلال امشي اقولج وجر حمد الريم لبرا وقفز سعيد بيطلع افتر له حمد حمد:هااه على وين؟ سعيد:ماريد الاحداث اتفوتنيه بروح الهم حمد:داخل داخل والله ان شبرت برا الباب انك اتشوف شي ماشفته في حياتك وجره حمد لداخل الغرفه وسكر الباب وراه الريم:خله ايطلقنيه ماااااريده حمد:جـــــب انتي بعد.....كلمة طلاق انسيها الريم:لا يا حمد انا مستحيييييل اخذه معقوله انته موافق عليه عقب الي شفته ولا تبا اتقدمنيه له كبش الفدا حمد:الريم انتي هب فاهمه شي وعقب انا بفهمج الريم:لا تحاول اتدور له اي عذر....انا خلااااص نفسيه عافته حمد:سيري يالريم داخل وخلي الليله هذي اتعدي على خير باجر باذن الله بنقعد كلنا وبنتفاهم على الي يريحج الريم:ايطلقنيه حمد:قلتلج باجر بنتفاهم دخلت الريم عند امل وهيه كارهه سعيد من الخاطر دخل حمد عند سعيد وتم ايكلمه حوالي الساعه في محاوله انه يطلع سعيد من نشوة الانتقام بعدها قعد حمد في الصاله بعد ما تاكد ان سعيد هدا وصك عن الضحك والكلام الي يقوله عن الماضي بعد ساعتين وبينما حمد قاعد على الكرسي ورافع راسه فوق غفت عينه شويه وقام وهو مبتسم ويتخيل شعرها يداعب ويهه حس بشووووق انه يدفن ويهه في شعرها الكثيف ويتنشقه تنهد وقام ويا فرحته وهو يشوف الريم طالعه من المطبخ حمد:مارقدتي؟ الريم بضيقة خاطر:هالحين بروح ارقد حمد:امل رقدت؟ الريم:هييه حمد:غريبه من طلعت من المستشفي وهيه تقفل بعد ماتدخلين وتاخذ المفتاح اليوم شو ياها وخلتلج المفتاح الريم :مادريبها حمد:انزين ممكن؟ الريم:شووه؟ حمد:تعالي حطي راسج اهنيه اريييييــــــ......ـــــد مشت الريم للكرسي الطويل وانسدحت عليه وعطت حمد ظهرها ابتسم حمد واتوجه للغرفه دخل وغفل الباب ومشى ناحية امل الي كانت راقده وويهها لناحية الجهه الي بترقد فيها الريم شاف المسافه الي ورا شعرها وماشاف شعرها معناه انها راقده عليه انسدح عدالها واتكى على يده تم يدقق في ملامح ويهها فيها شي اليوم غريب شي حلو ومغير شكلها للاجمل امل ماكانت راقده وتدريبه انه قاعد ايطالعها وفضلت انه اتم في نظره راقده حمدمازال في حيرته شو الي مخلنها اليوم حلوه زياده حمد"ااااااه قاصه قذله....فديييت انا القذله وخصايلها....بروحج عذاب بعد تقصينها...اظاهر لعبن لعوبهن في المجمع وصالوناته ماقدر حمد يستحمل اكثر ودخل يده في شعرها لمواخرة راسها وخلا صبوعه تتخلل شعرها بعدها سحب يده لفوق وتفاجئ ان الشعر طلع في يده لفوق عشان ينصدم بنهاية الشعر لبرهه كان حمد ايحاول يستوعب بعدها كرر الحركه وطلع معاه الشعر كانت امل تحسبه وصابها توجس من الي بيكتشفه هالحين حمد:لالا شو هذا سحب اكثر من خصايل شعرها حمد:وييينه حبست امل انفاسها اكثر لاكنها صرخت اول ما شدحمد شعرها وفتحت عيونها واعتدلت امل:انته شو تسوي اهنيه قام حمد واقف:قومي اشوف امل:شترييد حمد:قوووومي اشووووف نطت امل واقفه وهيه بلبس البجامه امل:هااه وقفت شو تريد مسكها ولفها بالقو وانصعق يوم شاف ان شعرها منقص لين تحت اكتوفها بشوي فتح عيونه اكثر وهو يشهق رافض الي يشوفه حمد:لييييييش ليش قصيتيه؟ سحبت امل يدها منه وصابتها رجفه من منظر حمد الرافض للي يشوفه امل:انا حره شعريه وحره فيه الصدمه بعدها مسيطره عليه مع اتساع نظراته الها حمد:حره في شووووه ان شاالله؟ كتفت ايديها على صدرها ولفت راسها للجهه الثانيه امل:حره في شعريه...اقصه اسوي فيه الي اباه وطالعته بطرف عينها امل:ومنيه افكك من عذابه مثل ماتقول بدون مايحس حمد مسكها من شعرها ويرها ناحيته بقو حمد:منووووه قالج قصيه؟ امل وهيه منصدمه من ردة فعله:شعريه وانا حره فيه ملكيه انا حمد:شعرج وانتي وكل شي فيج ملكيه انا....ليييش اتقصيينه...عناد فيه يا امل امل:بطلنيه وسحبت نفسها امنه امل:انا مش ملكك...انا زوجتك بس على الورق...مالك اي حق فيه...انته حتى الورق ماتبانيه اكون فيهن زوجتك متروع حضرتك على شرفك ...خايف ايبلك العار وانا على ذمتك حمد:جــــــــــــب انطمي امل:طلقنيه وريح عمرك حمد:قلت انجبي وتمت اعيونه على شعرها الي اختفى كان ايحاول يقنع نفسه ان الي يشوفه مب صح لاكن الشعر رااااح حمد:لييش قصيتيه؟ امل ودمعه تنزل من عينها:قلتلك حره في شعريه شكلها كان غييييير عطتها قصة الشعر سن اصغر من سنها كان شكلها رهييب بس اهو يموت في شعرها وينتظر اليوم الي ماحد يمنعه من اللعب فيه والرقاد عليه وحطه على ويهه ومداعبته لويهه بدون اي موانع حمد:ليش يا امل اتسوين جذيه ....وين امل الي تعرفت عليها في المزرعه؟ امل:امل هذيج في نظرك كانت مب زوجتك ويوم عرفت انها زوجتك انجلبت عليها اذا تباها طلقنيه عشان ارد الها مسكها من يدها بالقو وقربها امنه...كانت الفرصه عنده مناسبه ايقوللها عن مشاعره وهيمانه ابها لاكن غيضه عليها من الي سوته بشعرها قهره اكثر عليها وماحس بنفسه وهويقول الها حمد:طلاق طلاق طلاق اظاهر انج صدق تبين الفكه منيه واتسوين الي يغثنيه عشان هالطلاق امبونيه قلت ماريد اظلمج في موضوع الرساله لاكن اظاهر ان الرساله الها سالفه محفزتنج للطلاق فتحت امل عيونها مش مصدقه شو يقول رجع يشكك في شرفها نزلت دموعها بقو فتحت الريم عينها اول ما حست بالرقاد على صوت صرخة حمد لاكنها عقب غمضت عينها وحست انها طارت في الجو فتحت عيونها وحصلت نفسها بين ايدين سعيد الي شالنها متجه لباب الشقه الريم:اييييه نزلنيه سعيد:اشششش ..صبري شويه الريم:طالع انته وين مودنيه نزلنيه اقولك سعيد:ههههه دام ان حمد وحرمته ايصارخون اهنيه في الشقه خلينا احنا بعد انروح فوق في غرفتيه انصارخ على راحتنا الريم:انته مينون اقولك نزلنيه كيف اطلعنيه جذيه برا الشقه بدون حجاب او شي سعيد:ماااااعليج دامج معايه...والطريق ادري ان محد بيمر فيه والغرفه هذيه وصلناهاا الريم:مينووون اتركنيه وضربت الريم سعيد بقو على صدره سعيد:اييي الريم حرام عليج والله ضربتج اتعور الريم:اقولك نزلنيه سعيد:صبري انزين شويه في الغرفه سوي فيه الي تبينه اضربينيه سبينيه الي تبينه الريم:اقولك نزلنيه وبدت الريم تضربه بيديها وهو يضحك فتح باب الغرفه ودخلها عقها على السرير وراح بسرعه للباب وقفله اما حمد فطلع صافق الباب وراه وصافق باب الشقه بعد بعد ماطلع منها بدون ما ينتبه ان الريم مش موجوده في الشقه الريم:بطل الباب اقولك كانت واقفه وراه التفت الها وهو مبتسم سعيد:المفتاح هذوووه تبينه تعالي اخذيه ومشى عنها متوجه للسرير وطاح عليه الريم:سعيد عن لعب اليهال وعطنيه المفتاح سعيد:اوكيه تعالي اخذيه الريم:ترانيه بصرخ وبلمهم كلهم عليك سعيد:وانا يايبنج اهنيه عشان تاخذين راحتج بالصريخ الريم:وبعدييين يعني انته مب متروع من حمد سعيد:مب متروع من حد انتي حرمتيه وانا حر فيج الريم:وانا مادانيييك وهات المفتاااح احسلك مسكت الريم الجواتي المحطوطات عند طرف الشنطه وقعدت تفرهن على سعيد الي مسك المخده وهو يضحك ويتصدا للظربات الريم:انته ماتفهم انا ما احبك وماريدك خلاااااص سعيد:هههههه وانا العاااااااااكس احبااااااااااج واموووووووووت فييييج الريم وهيه مازالت تفره باي شي ايطيح تحت ايديها من اغراض سعيد:ماداااانيييك اكرهك سعيد:اااي صكي يابنت الحلااال والله ايعور النعل ظربنيه في راسيه...صكي عاده الريم:عطنيه المفتااح انته ليش يايبنيه اهنيه سعيد:هههههه غياض للرابطه ههههه صرخت الريم:قلتلك بطلليه الباب وقف سعيد بسرعه ومسكها ويرها معاه على السرير قاومت الريم مسكته واهيه تظربه بكل قوتها سعيد:اهدي اهدي فدييييتج الريم والله احبج الريم:جذاااب انته شفت ان حمد عرف بسوايااك قلت باكل بعقلها حلاوه عشان امنعه مايفضحك عند الاهل سعيد:طالع المينونه شوفيه اتفكر....ابا اعرف شو اهيه سوايايه الريم:سواياك العيوز الي تواعدها سعيد:انتي قلتيها عيوز حد ايواعد عيوز؟ الريم:سعيد خلاااص انا شفت منك الي خلانيه بس اكتفي من ويع القلب سعيد:فدييييت قلبج الويع في قلبيه ولا فيه ...سامحينيه الريم..انا صح ما انكر انيه كنت اغازل لاكن كانت عنديه اهداف من هالمغــــ الريم ما اعطته فرصه واهيه اتفج حرتها فيه بالظرب على صدره وهو يصارخ الريم:اتغازل تعترف انك اتغازل انته شوووه تتحسبنيه لوح من الليحان الي ناوي تعلقهن وتحط ورقة الطلاق بينهن انته نسيت هذاك اليوم شو قلتليه نسيت يوم قلت انك مجبور عليه وانك ماتوقعت حمد يوافق تاخذنيه... نسيت يوم قلتليه طالعي اي طريقه عشان الطلاق...نسيت ....وانفجرت الريم بالصياح اكثر وضمها سعيد لصدره وهو طايح على السرير سعيد:الريييييم سامحينيه والله ماكنت اعرفج ساعتها بس انا هالحين احبج ومستعد اسوي كل الي تبينه هزت راسها بلا في حضنه سعيد:حرااام عليج انتي ظالمتنيه انتي ماتعرفين عنيه اشيا وايده....بيج يوم وبقولج كل شي بس هالحين انا ماريد اتكلم عن شي انا اريد انسى الشيييمه يابنت خالتيه سامحينيه واوعدج اعوضج عن كل شي هزت راسها بلا وبعدها اتصيح سعيد:هالكثر انتي حاقده عليه الريم:مااااارييييدك اتركنيه...تراااك بعد اتشك فيه نسيت سالفة الورده والتيلفون سعيد:صح انا شكاك وعذريه عنديه بس صدقينيه الورده والكلينكس والتيلفون كلهن اثبتن اليه انيه اتوهم احبج الريم والله احبج...اسمعي هاه دقاااات قلبيه شو تقول...تسمعينهااا كانت تشهق في حضنه من الصياح سعيد:صخي عاده واسمعيها هزت راسها:لاتحاول انا مادانيك رفعت الريم نفسها عن حضنه وقعدت تمسح دموعها واعتدل سعيد وهو يشوفها سعيد:عــــــــــــــــــا� �بيني كــــــــان يرضيييك العتاااااب واجــــــــــرحيني كــــــــــان جرحي لك دواااا عــــــــــــــــــذبينيي ياحـــــــــــــلو منك العذااااب ياحـــــــــــلو تعذيب قلبي والنواااا فيـــــــــــــــــــك ضني لاحـــــــــــــــشى ماااايوووم خاااااب والليــــــــــــــالي ماقضينـــــــــااااها سواااا شـــــــــــــــــــــاب قلبي والعـــــــــــــــــــــ ــمر توه شباااااب وا................. الريم:بس بس ماريد اسمع منك شي اتركنيه في حااااليه انته جذاااب تتحسبنيه وحده من خايساااتك قامت الريم بسرعه وركضت للحمام دخلته وغفلت عليها الباب سعيد:الريم فجي الباب وعن لينان الريم:مارييد اتركنيه انا هب طالعه الا اذا بتودينيه الشقه وتوعدنيه اطلعنيه الها سيده سعيد:يابنت الحلال ليش انتي جذيه شو تبين اكثر من جذيه الريم:اتركنيه في حاااليه سعيد:انزين فجي الباب واطلعي هذا حمام امريكي بيدخلج هالحين جني امريكي وبتستوي مشكله صرخت الريم:قلتلك اتركنيه في حاليه ان شالله يدخلنيه مليووون جني سعيد:بعطيج خمس دقايق تهدين عقبها فجي وبوديج الشقه تحت تاخر سعيد على الريم وما سمعت له صوت عقب فتحت الباب وطلعت وهيه تسمع اصوات غريبه وموسيقى من بعيد طلت في الغرفه وشافت سعيد راقد وماسك تيلفونه في يده وطلعت الاصوات امنه قربت امنه اكثر وسحبت التيلفون وتفاجئت بتصوير الفيديو الي يصورها اهيه وسعيد يوم عرس شما على الكوشه في رقصة سلام الحب قعدت الريم اتشوف التصوير وهيه متفاجئه الي صورهم ابدع بالتصوير لانه صور كل حركه قامو ابها بلعت الريم ريجها والتفتت لسعيد"ياترا منو صور الرقصه وكيف وصلته رجعت الريم اطالع التصوير مره ثانيه من اول اما حمد فتم يمشي حوالي الساعتين لين ما حس ان ريوله وقفت من المشي وبعده ايحس بنار في صدره قعد على كرسي محطوط على طرف الشارع للانتظار وتم يفكر بحاله وشو لينه بيتم على هالحال وفكر بامل وخاف ان كلامه الاخير الها يتعبها على طول قام وقرر يرجع فتح الشقه شوي شوي وراح سيده للغرفه اول مافتح الباب طل براسه ورفعت امل راسها الي كانت متكيه به على ركبها وهيه قاعده تلاقت نظراتهم شوي عقبها سكر حمد عليها الباب وراح للغرفه شاف ان سعيد مش موجود واعتقد انه رجع لغرفته اتصل عليه وقفزت الريم اول مارن التيلفون التفتت الريم لسعيد الريم:سعيييد قم حمد متصل عليك قام سعيد وهو يطالعه سعيد:هااه شووه الريم:حمد يتصل بك مسك سعيد التيلفون سعيد:الوووو حمد:انته وين سعيد:في غرفتيه حمد:راااقد؟ سعيد:همممم حمد:يالله انزين.....باي التفت سعيد للريم وخذ نفس الريم:شووووه؟ سعيد:يسال اذا كنت في الغرفه الريم:وانا سال عنيه سعيد:لااا الريم:هالحين شووووه سعيد:تعالي حطي راسج وباجر خييير الريم:لا والله قوم يالله ودنيه الشقه سعيد:تخيلي انتي داخله على سعيد جذيه بدون عباه او شيله الريم:انته المسؤل سعيد:هههههه...انتي شو كنتي اتسويين اتشوفين التصوير؟ الريم:من وين يبت هالتصوير سعيد:عرب طرشوه اليه الريم:لاتكون وحده من ربيعاتك سعيد:لقيته مخزن في تيلفون شمووه عاده منو مصورنه مادري الريم:وعادي عندك ينتشر التصوير سعيد:لا طبعا انا واقعت شموه وقلتلها اطالع الي مصوره وتمسحه وحتى من تيلفون شموه مسحته الريم:وانته بعد امسحه هز راسه بلاااا سعيد:انا كل يوم اشوف التصوير عشرين مره......شوفي هذي حركة مسكتج للبربوشه يننتنيه وانتي تنزلين معايه يابس وقفت الريم والتفتت عنه:اشطب التصوير ترا ماله معنى وقف سعيد وراها وقرب منها وهمس الها سعيد:حبيبي كان ماتدري ترا حبك بدا يسري التفتت له الريم واتلاقت نظراتهم وتنهد سعيد بصوت عالي سعيد:احــــــــــــــــــ� �ـــــــــــــــبج هزت راسها بلااااا وبدت دموعها تنزل سعيد:لحوووووووه وبعدين الريم:رجعنيه الشقه سعيد:زيين خذي هاه الشال هذا لفيه عليج وياله مشينا نزلو سعيد والريم تحت فتح سعيد باب الشقه والتفت للريم وقالها دخلي ..الريم على طول دخلت وتوجهت للغرفه بعد ما قال الها سعيد ان حمد في الغرفه الصغيره ورجع سعيد لغرفته فوق اليوم الثاني الكل لاحظ ان حمد مب طبيعي طول الوقت قاعد على الكرسي ويطالع التلفزون وحتى الاكل ما طاع ياكل شي انفرد عقب حمد بالريم وواقعها ليش خلت امل اتقص شعرها وقالتله انها ماتدري ابها لانها طلعت عنها حمد:وين الصالون الي قص شعرها الريم :الي في المول الي عدالنا اهنيه اول ماتدخل على يدك اليسار هز حمد راسه وطلع من الشقه...وبعد معاناااه قدر حمد ياخذ شعرها المجدول من عندهم حس بقهر وهو يشوفه بين ايدين صاحبة الصالون انتزعه من ايديها وطلع على المسا استعدو للسفرفي المطار وبينما هم قاعدين على الصريخ على طرف بين سعيد ووحده حرمه مغطيه عمرها بالكامل اكيد عشان تخفي اثار الضرب فيها سلامه:ماعليه تتحسبني ما اقدر اوصل ابوك واقوله بسوياااك سعيد:تعالي والله يووم سعدج يوم بشوفج اهناك ترا الحره الي فيه بعدها ما نطفت سلامه:انته ماتعرف منيه سلامه ياسعيد...تتحسب ما ورايه ناس بتشوووف وبتندم سعيد:سيري سيري الحمدلله ان الطياره الي بتشلج ما بتشلنيه ولا عقيت عمريه منها كانت الريم تسمع تلاطيش من كلامهم التفتت لامل الريم:شفتي يامل شفتي ....هااااده عليه بعد ماخذ منها الي يباه وسفهها وهيه اكيد تتحسبه بيتزوجها امل:الريييم شو هالتفكير اذكري الله ما اعتقد تفكيرج صح الريم:انا متاكده قرب منهن حمد وقالهن يستعدن لدخول الطياره طلب حمد من المضيفه تخلي كرسي امل والريم جنب بعض وهو قعد جنب سعيد على طول حمد من ركبو الطياره رقد كان قاعد عدال الشباك وجدامه على الكرس الي جدامه كانت امل اما سعيد والريم على الكراسي الي عدالهم طول السفر وسعيد كل شوي وقف عدال الريم وهمس في اذنها... سعيد:تبين شي حياتي؟ الريم:فاااااارج انا مب حياتك سعيد:هههههه فديت العصبيه....ماعليه موعدنا عقب شهر الريم:على جثتيه بعد الوصول الكل كان في الاستقبال ومن المطار على طول للعين اقام ابو حمد عزيمه كبيره على سلامة امل ورجعتهم للبلاد التفت سعيد لسهيل وحركله حواجبه سعيد:مبروووووك اخيرا طالع سهيل سعيد بنظرات مافهمها سعيد ورد يطالع جدامه سعيد:شوووه الاخ ماعنده حفوز سهيل:ابوك ابلشنا بهالعرس سعيد:شوووه؟؟ وقف سهيل:انا راد بوظبي وشنطك تراهن معايه ياله بااي سعيد:خيييبه شعنده هذا العاش اخبرت امل والريم انها رافضه هالزواج الريم:المشكله يالعاش حتى انا مارييد هالحين كيف بنقنعهم وشو موقف خالتيه ...مادري هالريايل كيف يطلبون الزواج وهم مرفوضين بس انا ماعليه منهم هم قالوليه عقب السفر بيتم الطلاق العاش:الريم اميه وابويه من يومين مايتكلمون مع بعض والسبه موضوع العرس هذا...يومين وانا اصيح واحاول اقنعها تمنع العرس هذا وفي الاخير صارت الوقعه امل:الله ايهديكن خلاص عاده...سعيد وسهيل شاريينكن احمدن ربكن انهم هم الي طالبين هالعرس شو تبن اكثر من جذيه قامت عقبها امل واتجهت لغرفتها وفي طريقها اتلاقت بحمد الي تم ماسك طريقه بدون مايلتفت الها بطرف عينها شافته وكملت طريقه لغرفتها...واهيه تحس بغصه تخنقها مرت ثلاث ايام كانت فيها زيارات الاهل الهم وحمد تم على حاله مايقعد معاهم وطول الوقت في الميلس واذا دخل داخل على طول لغرفته في اليوم الثاني راح بوظبي وعلى المسا رجع سلم على ابوه في الصاله وكانت العاش قاعده معاهم وبعد ماتقهوا التفت للعاش حمد:العاش سيري ازقري امل حصلت الدوا الي كاتبنه الدكتور ..وخليها تيب الادويه الي عندها العاش وجهت نظراتها لابوها حمد:بلااج؟ رد والتفت لبوه:شوو صاير؟؟ ابو حمد:اسمع يا حمد امل راحت خالتها يت اليوم وشلتها قفز حمد واقف:شوووه شلتها؟ تم ايطالع بعيونه في كل مكان ويطالع العاش شي نفض جسمه بالكامل وحس مثل الي طاحت على راسه مصيبه حمد:لييش شلتها ومنو قالها على كيفها اهيه...جذيه بدون شور ولا مشااور؟ خطى حمد خطوه وزجره ابوه ابو حمد:تعاااال اهنيه وين رايح؟ حمد:بروح ايبها ...من سمح الها اصلا اتروح ابو حمد:صك يا صبي....انا هب تارس عينك جدامك التفت حمد بغيض لبوه:كييييف اتخليها اترووووح؟؟ ابو حمد:انا وعدت لبنيه...وعند وعديه الها وقف حمد وتم ايطالع ابوه ايريد يستوعب شو هالوعد الي وعده الها ابو حمد وهو ايحاول يتمسك بشجاعته:انا يا حمد يوم طلبت من امل اتسافر معاك ما طاعت حايلتها ورفضت قالت اموت ولا اسافر معاه حمد:شوووه!!!!!!!!!!!!ّ نزلت دمعة ابو حمد ابو حمد:ياولديه غصبا عنيه...انا ترجيتها وصحت جدامها هذاك اليوم عشان اتسافر ومافاد عقب قالت اليه اوعدنيه انك اتخليه ايطلقنيه عقب السفر واتخلينيه ارجع عند خالتيه كل الاكسجين الي حوالين حمد وقف وعلى طول مد يده للعقمه في اعلى ثوبه ايحاول يفتحها ابو حمد:ووعدتها وعدتها ياحمد منجبر حمد:بااااااس بس خلاااااااااص...ليييش اتسوبيه جذيه حرام عليكو.....اتعيدليه يا ابويه نفس موال الزواج بالغصب زوجتنيه الها وبالغصب اتريدنيه اطلقها.....انتو شوووه انتو بشر هاااه بشر انتو ضجة حمد مع ابوه خلت الام والريم يطلعن الهم ويسمعن الي يصير حمد:ليش يابو حمد اتسويييبيه جذيه ليش ماقلتليه ليييش انا دايمن اخر من يعلم انفجر ابو حمد ايصيح وهو ايشوف نظرات حمد المشتته حمد:حراااام عليكو حررام الي تسونه هااه التفت لامه حمد:وانتي يام حمد بعد تدريين ليش ماقلتيليه...ايهون عليج ولدج اتسويبه جذيه ايهون لعبه اهيه ولا شوووه....انا بشر ياناس التفت لبوه حمد:والحين يابو حمد ناوي تغصبنيه على الطلاق .. ابو حمد:انا وعدتها ياولديه..ولازم اوفي بوعديه حمد:وانا ماليه شوور خلاص ...متى مابغيت اتزوج لازم اتزوج ومتى مابغيت اطلق لازم اطلق...انا هذا يابويه الي قاهرنيه منك انته تتحسبنيه اعاندك براضايه...انا هذا الي كنت خايف امنه من زمان..خايف انحط في هالموقف كنت خايف والله وحاولت افهمك بمعانديه انك تتركنيه في حاليه..لاكنك مافهمت والحييين انا لازم اطلق...انته تدري منيه هذي الي تبانيه اطلقها...ولا ليش تدري كله واحد عندك المهم الي تباه يمشي مشى حمد خطوتين وبحزم قال حمد:لين اهنيه يابو حمد واتوقف ...قراراتيه انا بتخذها وشي يخص حياتيه محد له خص فيها رجع والتفت لبوه حمد:تبا اتم عند خالتها خلها اتم...لاكن الطلاق مابطلق الا متى انا ما اريد وغير جذيه انا ماعنديه تركهم عقب حمد والكل دمعته في عينه خبـــــــــــــــــــــرو ه اني على وصله حييت وان تفــــــــــــــــــارقنا تـرى مـــــــــوتي دنا لي حــــــــــــــــــــــــ ـبيب يوم روح ماسليت يعـــــــــــــلم الله تــــــــــوي مــــــاذقت العنا عبـــــــــــرتي هليتـــــــــهالاحـــــزن وبكيت يـــــــــــــــــاردى عمر الحسوفه مـــــــا جنا ذقـــــــــــــــت من دنيا حبيبي وما ارتويت جنـــــــــــــــــــــــ ـــــــة الدنيا حبيبي والمنى عشــــــــــت باحـــــــــلام الهوى ليل وبنيت كــــــــــــــــــــــــ ـــل امـــــالي تداركها الفنى فـــــــــي هوانــــــــــــــــا ضحكت الدنيا لنا لا حيــــــــــــــــاة عقـــــــــب محبوبي رايت والممـــــــــــــات ارحـــــــم ولا فرقى السنا هـــــــــــــــــــو سنا شمسي وغيره ماهقيت يفـــــــــــــــرح بوصـــــــــــلي ولو موته دنا لاكنها فضلت الموت ياحمد على انها اتروح معاك ## ## ## حبايبي بغيب عشرة ايام عندنا سفر ويمكن احصل في السفر فرصه واكمل البارت مع حبي للجميع وديمه العطا التعديل الأخير تم بواسطة كاردينيا الغوازي ; 31-12-17 الساعة 04:09 PM | ||||
|
| |
 |
| أدوات الموضوع | |
| انواع عرض الموضوع | |
|
|
47Likes
.png)
.png)
العرض العادي
