02-08-09, 03:43 AM
| #651 | ||||
 
|  وآآآآآآآآآآآواتي ربْي يسعدكْ ودووومتيْ مآتتخيليْ قدْ آيشْ حبيتْ هالروآيه .. جد جد جْنِآآآآآآآآآآنْ نٍزلتهآْ فيْ كذٍآ منتدْى وعجبتهْمْ مآآآرهْـ .. وآتحمسوْآ للباراتاتْ الجآيْة آتمنى لْك التوفيقْ ياقلبيْ وآصليْ آبدآعكْ المتألقْ فكمْ نْحنٍ متْشوقْونْ لفيضْ قلمكٍ كلْ الشْكرْ غاليتيْ دمتِ متمْيزةْ دومْآ محبتكِ فتووونه | ||||
|  |
|
02-08-09, 06:02 AM
| #652 | ||||||||
| مراقبة عامة ومشرفة منتدى الروايات المنقولة  
| مشكوره وديمة العطا على جوابك على سؤالي وأسعدني خبر روايتك الجديده نور وإن شاء الله يكون أول بارت منها عيديتنا منك في العيد وربنا يعينك وتكملين هذي الروايه قبل رمضان وأنا إعتبريني من أول المتابعين لك في أي روايه تكتبينها لأنك كاتبه مميزه بأسلوبك الرائع الذي شد الكثير من القراء ولي أختين عندما أخبرتهم برواياتك أعجبتهن وهن من المتابعات لك الآن | ||||||||
|
| |
|
02-08-09, 06:09 AM
| #653 | |||||
| نجم روايتي 
| اقتباس:
تسلمي حبيبتي الله يسعدك ويوفقك يارب ونشوفها قريباً على روايتي ومتشوقه اقراها علشان اعرف سبب الاهداء المهم كل اللي يجي منك حلو ونقبل فيه . | |||||
|
| |
|
02-08-09, 11:35 AM
| #657 | ||||
| نجم روايتي وكاتبة في قسم قصص من وحي الأعضاء 
| الجزء الثامن عشر في الشارع المقابل لسينما الماسه ابوظبي كان سعيد في سيارته ومعاه غنوم والشله وقفو السياره ونزلو متوجهين لقاعة السينما لمتابعة احد الافلام الاكشن سعيد وهويمشي ريوس ومجابل ربعه سعيد:انزين غنوم ولا اتقول تفلت على ويهك ههههه غنوم:فارقت شيفتها....ايه انته يالخبل بتدعم الساس سعيد:خبل يابته امك التفت سعيد بسرعه على صوت الضحكه وراه سعيد:فديت انا صوت الكعب الي يضرب في الصبيه غنوم والشله:هههههههه غنوم:كعب يهدق راسك يالسبال وتمو ضحك وسوالف لين ما دخلو السينما اول ما قعدو وبدا المشهد الاول غنوم:طالع طالع سعود الحين بتطلع الشاحنه فجئه..................ههههه ما قلتلكو التفت سعيد والباقي وطالعو بعض غنوم:طالع طالع بتصرخ البنت...............شفتو ما قلتلكو سلطان:غنوم خلاص ابويه خلنا انتابع الفلم غنوم:شف شف شف هذا بو فانيله خضرا بيقحص عليهم...........ايواااا يلعن عاره قلتلكو هز سعيد راسه ونزل تحت وحط السفره على عيونه يعني انا برقد ووعونيه يوم بيخلص الفلم غنوم:هالحين هالحين بتنفجر السياره ........يخخخخخخخرب بيتهاااااااااااا طالع كيف الانفجار...........ما قلتلكو سلطان:ا ا ا ا ا ا ا بذبحك لم ثمك انته متى ييت وشفته قالو توه نازل غنوم:امساعه شايفنه سلطان:انجب انجب ولا كلمه غنوم:انزين شف شف هالحين حركه عجيييييبه...............شفت ماقلتلك والله انها عجيبه طالع طالع هالحين بيصيح البيبي.............ايوااااا قلتلكو سلطان:لحووووووه مع ذالحال دوم غنوم:شف شف بتداعم السياير...............هالحين هالحين يب قلتلكو انزين شوفو هالحين شو بيصير ال قام حينها سلطان ومعاه واحد ثاني وعقو سفرة غنوم وطووها على ثمه وجفتوه سلطان:جب ولا كلمه غنوم ما فتكر بالي سووه فيه وكانت عيونه طايره في الفلم لانه متعود على هالحال وهذا هو حال سعيد مع ربعه الي ماستفاد من جلسات سهيل الا انه لا يلقي بال لاي حاجه في الدنيا وشعار جديد طنش تعش ومغازل بغازل والي يريد الطلاق فاله طيب مافي اي مششششكله اما سهيل فهو رايح في عينها بسبت العيناويه .................................................. .................. لقت امل تيلفونها ثاني يوم في الصاله وخذته ولازمت عمتها طول اليوم خوفا من حمد الي لعببه الشك وخلاه يتخيل اشياء واشيا واخر شي قرر انه ايهدي اللعب عشان يتاكد من كل شي فتم متجاهل امل واكثر وقته برا البيت قرب اخر الاسبوع وعرس شما صار قريب والتهن البنات بالتجهيز للعرس وفمره كانحمد رايح فوق وحصل امل في الممرعند المرايه وكانت واقفه تتصور بالتيلفون حمد باستغراب:انتي شواتسويين؟ التفتت له امل متفاجئه:هااه انا انا كنت اتصور حمد باستنكار:تتصورين وحق شوووه تتصورين؟ امل:بس جذيه بمسحهن بعدين حمد فخاطره"""لا ياحمد امسك اعصابك لازم ايكون عندك دليل اكبر من جذيه حمد وهو رايح لغرفته:تحملي هل الاتصالات يسحبون صورج وتمت واقفه مستغربه كيف يسحبون صورها صفق حمد الباب بقو اول ما دخل حمد:الكلب اخافه صدق سواها وفر راسها كلمت شما العاش وطلبت منها اتكون معاها بقية هالاسبوع اتساعدها وتلهيها عن التوتر الي صابها من بداية الاسبوع العاش:الريم احنا متى بنروح بوظبي؟ الريم: اخر الاسبوع وترانا بنروح شقة حمد بيت خالوه هالحين متروس عرب العاش:شموووه تبانيه اروح عندها الريم:سيري مع حمد بيروح اليوم العصر كانت امل مندمجه باللعبه في تيلفونها امل:حمد بيروح اليوم التفتت العاش والريم لامل مستغربات فردت امل وطالعت تيلفونها اتكمل لعبتها بعد اشوي انسحبت عنهن وراحت ادور حمد الي كرهت اسلوبه المره هذي بتجاهلها لقته تحت يشرب شاي احمر بعد الغدا طالعها عقب رد ايطالع التلفزون امل وهيه تقترب امنه:بـ...بتروح بوظبي اليوم؟ حمد:ايهمج؟ خذت نفس امل:مااادري حمد:تعالي اهنيه مشت امل واقتربت امنه حمد:قعدي عداليه امل:احممم حمد:بلاااج؟ امل:اسمعك منيه حمد:باكلج يعني اذا ييتي عداليه امل:لا يعني بس...................ّ حمد وهو يشرب الشاي وعينه عند التلفزون:بتروحين معايه دبي يومين؟ انتفضت امل:هااااه!!!!ّ وقف حمد متخربط:طالعي الخدامه خليها تيب ثيابيه الي تكويهن وراح عنها فوق امل"""ان وقف قلبيه في يوم فهو بسبته العصر جهزت العاش عشان اتروح مع حمد بوظبي وكان الكل قاعد تحت تم ابو حمد ايوصي حمد عنه ايروح بيت خالته ويساعدهم اذا احتاجو شي ويشتري حيران اثنينه ويوديهن لشبج المعاريس وهذي عاده عندنا اذا صار عرس حد من الاهل يتعاونون انهم ايساعدونهم ويطرشون الهم قعدان الي هو صغار الجمل عشان يعقرونه في حفل العرس امل كانت عيونها عند حمد وكل ما التفت حمد الها طاحت عينه في عينها ايحس بشي يذبحه ويذوبه من نظراتها ووده انه ياخذها معاه حمد:انتو متى بتيون؟ ابو حمد:يمكن الاربعا او الخميس هيه الدخله بالخميس؟ حمد:ليلة السبت ابو حمد:عيل بالخميس يمكن وترا خواتك بين عندك في الشقه رفع حمد نظره لامل:زين ما عليه ابو حمد:ياله عيل الله يحفضكم وقف حمد وتبعته العاش رايحين برا ولحقتهم امل امل:العاااش نزلت امل السلم البراني وهمست للعاش في اذنها وبعدها التفتت راجعه وعينها عند حمد الي كان يفتح باب سيارته حمد:تبين شي؟ امل وهيه تهز راسها:لالا التفت حمد للعاش بعد ماركبو السياره:سيري هاتي الجراجه نسيتها نزلت العاش وهيه اتفكر كان يقدر ايقول لامل اتروح تيبها حمد لامل بعد ما راحت العاش:تعالي اقتربت امل من باب سيارته طلع حمد يده من الدريشه ومسك جانب ويهها وهيه تنتفض من حركته حمد:جد جد تبين شي؟ امل:لا حرك اصابعه على خدها نزلت راسها تحت وكانت قلوبهم دقاتها تعلن الانفجار حمد:يالله بنتظركم اخر الاسبوع رفعت نظرها له:ان شاالله رجعت العاش وابتعدت امل رايحه داخل اتحاول اتهدي من دقات قلبها وحمد حاله العن من حالها .................................................. ............... على المسا دق سهيل الباب على شما الي فتحت له وكان سهيل من يومين في الامارات الشماليه سهيل:العرووووس اخبارج ارتمت شما في احضانه:سهيييييل حرام عليكو احس انيه بمووووت سهيل:هههههه هالحين اتقولين جذيه خلاص ياماما كان حاضنها وعيونه عشوائي اتدور في الغرفه وهم واقفين عند مدخل الباب واستقرت نظراته المتفاجئه عليها واقفه في الزاويه كانت منزله نظرها تحت سهيل:او او او بنت دار الزين عندنا......افاااااا ياشميم ماقلتي اليه جان يبت الكن شي شما وهيه تبتعد عنه وتلتفت للعاش:شو بتيب النا يعني؟ سهيل:باسكن روبنز......مش هذا طلبكن دايمن شما:انزين عادي هاتلنا هالحين سهيل وهو ايحس ان قلبه منتعش من شوفتها:اخبارج بنت الخاله يايه اتودعين ربيعتج العاش:عندك مانع؟ سهيل:لا افا وخالووه يت معاكم؟ شما:لا بس العاش انا طلبتها عشان اتم معايه لين اخر الاسبوع سهيل:وعقب اخر الاسبوع بتروغينها؟ شما:سهيييييل بس عاد سهيل:ياوييليه شموه تستحي التفتت شما للجهه الثانيه واتلاقت نظرات سهيل بالعاش وغمز الها نزلت العاش نظرها تحت وشبت ضو في صدرها من الغيض عليه سهيل:شمووه روحي هاتي دلة النسكافي تحت وبتحصلين بعد صحن بسكوت هاتيه شما:والله منو يابلنا بسكوت سهيل:مادري طلعت شما بسرعه متوجهه تحت حينها التفت سهيل للعاش مبتسم واتفاجئ ابها تحذفه بدباديب شما المحطوطات على جنب العاش:انته شو فاكر نفسك ولا شو تتحسبنيه عشان اتسويليه الحركات البايخه هذي سهيل وهو يضحك ويحاول ايصد الي تفره به:هيييييه شوي شوي عليه ما سويييت شي العاش:صدق انك قليل ادب وتبالك حد ايربيك سهيل:هههه ياماما اهدي اشويه انتي بلاج ماتعرفين الرومنسيه العاش:رومنسيه في عينك مسيود الويه سهيل:خلاص انزين اهدي وردي الدباديب مكانهن بتقول شموه شياهم على دباديبيه تركته العاش وطلعت وهيه بعدها امعصبه بعد اشوي دخل سعيد على سهيل في غرفة شما سعيد:سهييل شوتسوي اهنيه؟ سهيل:انقرش لبنات شويه سعيد:اي بنات انا شفت شموه ادور دلة النسكافيه تحت وصحن بسكوت اون وشفت اعصار نازل من الرقايه بس ماعرفت شووه اهو بالضبط سهيل:ااههههههههههههه الشرده الشرده اصلا ماشي دلة نسكافيه وبسكوت تحت والاعصار الي شفته هذا اعصار جونو جاي من عمان والعين.....هههه جونو جانا وجننا الشرده فدييتك وطلعو سعيد وسهيل بسرعه كل واحد رايح لغرفته كل ما اتصل حمد لامل بالليل عشان ايكلمها ايحصل التيلفون مشغول ولساعاااات طويله بعدها ايحصله مغلق وفي كل مره كان ايقول هالحين باروح الها وبادبها لاكنه كان يمسك اعصابه عشان يلقى دليل قاطع سهيل ظل طول اليومين مينن العاش بالنظرات والهمسات لين ما وصل به الحال انه يبعث الها قبله في الهوا واول ما حصلت الها فرصه اتكلمه على انفراد العاش:سهيل انته شو شايفنيه جدامك تتحسبنيه وحده من الوسخات الي تعرفونهن سهيل:محشومه يابنت خالتيه العاش:لا اصلا انته ماتعرف اتحشم حد ولا هذي هب تصرفات ناس اتعرف اتحشم حد سهيل:لحووووووه شوستوالج عاده هالحين.....حرام الواحد يعني ايعبر عن شعوره العاش:هيه حرام لان هذي هب من عاداتنا و سلومنا سهيل :تعالي بقولج شي.....المشكله هب في العادات والسلوم ...المشكله انيه انا ما عرفت اوجه مشاعريه لناس اتحس العاش:زين يوم انك فهمت سهيل:السموحه ...السموحه واوعدج انيه ما اضايقج من بعد اليوم تركها وطلع صافق الباب وراه وصوت سيارته برا معلن خروج سياره ماتشوف جدامها قرب يوم العرس وحضرو الشواب للعرس يوم الخميس وكان بيت الخاله فيه المكسار وعلى الليل اتصلت الريم لحمد عشان ايوديها اهيه وامل للشقه اما العاش فرفضت شما انها اتروح واتخليها كان حمد مشتااااق وغضبااان ومايعرف شو يسوي بحاله اول ما وصلت امل والريم عند السياره ركضت امل امل:حبوبيه جدام الريم:ههههه انزين لج المكان ارزني فضحتينا صرخ عليهن حمد وهو اينزل دريشته:عنلاتكن ....ماتشوفن العالم تتخطف وانتن قاعدات تتضاحكن يالله اركبن امل:ماريييييد خلاص اركب جدام اركبي انتي الريم:تعالي انتي طل حمد براسه :شرايكن احول افتح الكن البيبان؟ فتحت الريم الباب الخلفي وركبت ودارت امل للباب الجدامي وركبت حس حمد ان قلبه بيوقف وهو ايحس بقربها الطاغي عداله امل:مسا الخير حمد:مسا النوور...بلاكن على هالحشره عند السياره الريم:ماشي فديتك حمد:العاش وين ليش مايت؟ الريم:شما ماطاعت ساق حمد وبعد شوي شغل لمسجل على واحد من الاشرطه الي طالبتنهن امل ابتسمت امل ومدت يدها علت على الصوت شويه وقبل لاترد يدها كانت يد حمد اسرع ومسكها غمضت امل عيونها تحت الغشوه وحست ان حمد مب بس ماسك يدها حست ان قلبها بين ايديه ضغطت اهيه بيدها وحركتها مخلله اصابعها بين اصابعه وهالحركه وترت حمد وحس انه مضيع في لفة الشارع وللمره الثانيه حمد ايفوت اللفه وهم قريب من العماره الي ساكنينها ويرجع للشارع نفسه واول ما فوتها للمره الثالثه الريم:حمد اللفه بلاك مب اهيه هذي؟ صرخ عليها:انتي بلاج ما اتشوفين الزحمه؟ حاولت حينها امل انها تسحب يدها لاكنه ضغط عليها بقووورجع حمد مره ثانيه للشارع الثاني وقدر اخيرا انه ما ايفوت اللفه عليه واول ما وصلو في مواقف السيارات الي في العماره نزلت الريم وحاولت امل تسحب يدها الي مارضى حمد يتركها امل:حمد مابننزل؟ الريم ترقب حمد:اوكيه سحب يده من يدها ونزل بعدها اتوجهو للاصانسير امل:غريبه ماشي زحمه؟ حمد:اظن الوقت اخر الليل صعدو للشقه وراحت امل والريم على طول للغرفه الثانيه اتسبحت امل ودخلت لفراش اتحس انها ماتقدر اتواجه حمد بعد الي صار في السياره بينما تم حمد برا متحرقص ايريد ايشوفها طلعتله الريم شوي ورجعت ترقد على الساعه ثلاث ونصف سمع حمد حركه برا وهو عده ما ياه الرقاد طلع ودخل المطبخ وكانت قاعده جدام الثلاجه وهيه مفتوحه واطالع شو فيها طبعا حمد ترسها من كل شي عشانهم رفعت نظرها له وحس حمد انه منحوور وهو ايشوفها فاتحه شعرها وبقميص ايديه نص كم قطني حمد:شرايج تدخلين بعد داخل الثلاجه؟ خذت امل علبة عصير ووقفت ولقت نفسها مجابلتنه امل:ا ا اكنت عطشانه حمد:والعطشان لازم يرتوي بلعت امل ريقها وهيه فاهمه على تلميحاته امل وهيه منزله نظرها تحت:الريم ....الريم بعد عطشانه بوديلها ماي وفتحت الثلاجه بسرعه وخذت دبة ماي وسكرتها بسرعه وقبل لاتطلع مسكها حمد وسكر باب المطبخ واسند ظهرها على الباب حمد:مش الاولى انا تروينيه قبل زادت دقات قلبها وهي منزله راسها حمد:امــل رفعت نظرها له وويهها محمر حمد:عطشـــــاااااااان والله والله والله عطشااان وميت من العطش زادت دقات قلبها اكثر وحست مثل الحراره تطلع منها وحمد متكي بايديه حوليها وعيونها تحت بعدها رفعتهن امل:ا اندوك هاه ماي ورفعت دبة الماي له ابتسم حمد:تستعبطين ...ولا ما فهمتي يعني وقرب اكثر منها حينها سحبت امل نفس ثلاث مرات متواصله في نفس واحد واهيه ترفع راسها واتلاقت نظراتهم الي كانت قريبه من بعض همس حمد:بلاج؟ امل:احس مافي نفس واهنيه ايعورنيه واشارت لقلبها مازالت ابتسامته موجوده:عيل انا شو اقول؟ امل بتوتر:هـ هـ هاك العصييير اشربه بعد حمد:انتي تدرين انيه ما اريد ماي ولا اريد عصير تمت امل ساكته وحمد توتره ايزيد حمد:همممم امل:بـ بـ بخـ بخبر عليك عميه انصدم وابتعد عنها شوي وعقب التفت عنها حمد:سيري سيري ياامل ولاتخلينيه اتهور وبسرعه فتحت الباب وشردت حمد:اووفففففف ..................... كان سعيد وسهيل ومعاهم العاش وشما قاعدين فوق في الصاله سعيد وسهيل طفشو بشما من كثر التعليقات وصيحوها مرتين والعاش معصبه عليهم العاش:حرام عليكو المفروض ترفعون معنوياتها سعيد:ليش شو بيستوي عليها يعني تراه الا خلوف شما:وانا شعرفنيه به؟ سعيد:اوووب بعد شعرفنيه به وشوتبين تتعرفين عليه شما :سعيد لاتفهمنيه غلط قامت شما معصبه وطلعت عنهم ونزلت تحت رايحه للمطبخ قام عقبها سعيد وراح غرفته اما سهيل كان مشغول بتيلفونه متجاهل العاش من عقب اخر مره كلمها فيها تمت اطالعه وهيه تحس انها مفتقده كلامه معاها وعقب قالت احسن عشان خاطر حمده الي تحبه.....لاكنها كانت اتحس بضيقه تكتم عليها قامت وراحت لغرفة شما ونظرات سهيل تتبعها ...................................... في اليوم الثاني حمد طلع من وقت عشان ايفازع عيال خالته في ترتيبات العرس في الذبايح وترتيبات ثانيه اما امل والريم قعدن على الضحى ورتبن الهن الريوق واستانست امل يوم شبك تيلفونها عل النت الي موجود بشقة حمد وطلبت من الريم اتنزل الها قصه الريم:اظاهر ان عاشوووه اثرت فيج بقراية القصص امل:فديت العاش ولاالها خص في الرومنسيه اهيه مادري شو تقرا الريم:الواقع غير ياامل عن الخيال امل:اوكيه حطيليه قصه الريم:وبتمين عاده طول اليوم معاها امل:لا لا لا بس وقت الفراغ ههههه ومر اليوم حمد ما رجع الشقه وامل مع قصتها اليديده وعايشه معاها جو خصوصا انها تتخيل حمد هو بطل القصه اما الريم فكانت اترتب واتجهز الفساتين واتصلت على راعية الصالون عشان اتي عندهن في الشقه اتعدلهن وقبل المغرب كانت عندهن بدت اول شي اتسشور شعر امل الي كانت في عالم ثاني بعدها بدت مع الريم سوتلها شعرها ومكيجتها وكانت الريم متوتره وموترتنها امل الي قاعده في الصاله وما سوت شي الريم:امل ماقلتلج انج بتنشقلين بالقصه ولين هالحين حضرتج لالبستي ولا اتمكيجتي وشعرج مادري شو بنسوي فيه امل:ماعليه خلصي انتي او.... رفعت امل عينها للريم وصنمت امل:الريــــــــــم اتجننين ما عرفتج شو هالاسود الرهيب كان فستان الريم اسودوفيه قطع كرستالات تلمع بقو وكان بارز مفاتن جسمها عند الخصر والارداف ومن تحت ياي كلوش شوي مع ذيل اما تسريحة شعرها فكانت على موضة السبعينات ومرصع من جدام بنجوم ومن ورا الشعر نازل لين وسطها وبعض الخصايل جدام وطبعا امكياج كان رهييييييب عليها الريم:والله حلو امل:شووو حلو الا الموووت ابتسمت الريم:انزين قومي انتي خليها بعد اتشوف شغلها فيج امل:لا الريم انا ما اريد مكياج ايكفي جحال الريم:ياسلام حرم حمد سيف بس جحال انتي العالم كلها تبا اتشوفج اليوم امل:لا فديتج يبون ايشوفون شموه...اوووه كيف بتطلع شموه...اكيد اتجنن الريم:امل قومي فديتج انتي قايستي الفستان؟ امل:لا الريم:واذا طلع مش مضبوط عليج امل:لا بيي انا متاكده ريموه بس شويه بخلص المقطع هذا وبروح ابدل ومكياج وتسريحه ماريد راحت الريم داخل اتكمل تجهيز وعقب الموت قامت امل وفي طريقها دخلت المطبخ حينها دخل حمد مستعيل ايريديتسبح ويطلع بسرعه وبعد ما دخل الحمام شلت امل فستانها من الغرفه الثانيه وراحت لغرفت حمد لبست الفستان لاكنها ماسكرت الجرار وانشغلت بالتيلفون واول ما وصلت عند الباب بتطلع سمعت صوت الماي في الحمام اعتقدت ان الريم هيه في الحمام فوقفت ظهرها لباب الحمام لمت شعرها لجدام واندمجت بالقصه طلع حمد واتفاجئ بالي واقفه جدامه واستخف من بياض الظهر والرقبه امل:سكريليه الجرار مسح حمد ايديه وويهه بالفوده وعقها على جنب واتقرب منها مسك الجرار وتم يرفعه بشويش لين وصل لنصف ظهرها همس في اذنها حمد:متاكده انج تبينيه اكمل؟ انتفضت امل والتفتت بسرعه امل:اووه ناصر لا حمد:!!!!!!!!!!!!!!!ناصر!!!!!!!!!!!منو ناصر هذا؟؟؟؟؟؟؟ شهقت امل وحطت يدها على فمها امل:لاااا انا اقصـ.....ـد.....الـــــ واشارت للتيلفون الي طاح من يدها حمد:شو تقصدين ......منو ناصر هذا؟؟؟؟؟ امل:هذا الـ الـ..... كانت رهيبه بالفستان العنابي ومايل للبنفسجي وشعرها سايح مازالت يدها اتشير للتيلفون وهيه اتشوف ان ويه حمد اتغير وبدا يحمر من الغيض حمد وهو ايفكر"هذي ماتدري انها ملكيه وين طالعليه ناصر هذا بعد صرخ حمد:منووووووه؟ امل:محد والله محد انا غلطت باسمك حمد:قلت منوووو؟ امل:فديتك حمد والله محد بس انا غلطت حمد وهو ايهز راسه ويعض على اسنانه:ماعليه لاتفكرين انيه بخلي الليله هذي اتعدي والله لوما كنت مستعيل انيه اخليج ترمسين عدل وهذا فستان هذا الي لابستنه كاشف نص جسمج امل والدموع بدت تنزل :ماعنديه فستان...وانا بلبس عليه عباه مابتم جذيه كان ايحس انه بينفجر ماكان ايعرف شو يسوي وقته ضيق وهذي وراها سالفه...وناصر هذا مايدري من وين ظاهر له مايدري انه البطل الي تقرا عنه امل وتتخيله هو كان يخطو ناحيتها وهيه ترجع للورا لين ما لصقت بالساس امل:حمد ارجووك لاتفهمنيه غلط انا انا مادري شـ شو اقوولك رفعت ايديها خايفه انه يضربها لاكنه مسكهن وثبتهن على الجدار حمد:بمووووووت يامل منو هو هذا ناصر؟ امل وهيه اتهز راسها:والله محد حمد:انا استاد هالحين اتشتتين اليه راسيه....لاكنيه برجع يامل برجع وبنصفي لحساب عدل وماتركها حمد عقب الا وهو مرتوي منها بالقو على الاقل ايبرد النار الي في صدره لين ايخلص العرس....خلاها وطلع صافق الباب وقلبه في صدره يصفق بقو تمت امل واقفه وايديها بعدهن على الجدار وكان ضغط حمد عليهن ما زال وعيونها مسكرتنهن بقو وقلبها اتحسبه بيوقف "يعني شو اسوي هالحين كيف افهمه ان ناصر هذا هو بطل القصه وانا اتخيله اهوو والله فشيييله ...بس اهو ليش يسمح لنفسه ايسوي الي سواه حطت عقبها ايديها على ويهها وقعدت اتصيح دخلت الريم على امل:امل شبلاج امل:الريييييم انا ماريد اروح العرس وتمت اتصيييح ## ## ## التعديل الأخير تم بواسطة كاردينيا الغوازي ; 31-12-17 الساعة 03:43 PM | ||||
|
| |
|
02-08-09, 12:27 PM
| #658 | ||||
| قارئ مميز 
| تسلمين يا الغلا البارت والله جنان العاش وسهيل والله قصه اروحهم م اأدري شوه أقول عنهم بس هو مزيدنها بزياده وأخيراً تلحلل حمد وتكلم وبين شعوره وأحاسيسه والله أمل طاحت فورطه كيف ألحين راح أتبين له منو هو ناصر >>>>>> الله يعينها علي اللي بيها بس أعتقد حمد لازم بيحط النقاط على الحروف تسلمين يا وديمه ودوم للأعلى وننتظر "نـــــــــــــــــــــــ� �ــــــــــور" | ||||
|
| |
|
02-08-09, 12:32 PM
| #659 | ||||||||
| مراقبة عامة ومشرفة منتدى الروايات المنقولة
| واااااو بارت جتااااااان والله ماني عارفه كيف أوصف إعجابي به سعيد حالته كل مالها تدهور لازم سهيل يقنعه بإنه يروح للدكتور والله الريم ما تستاهل اللي يسويه سعيد فيها سهيل إستح على وجهك وبطل حركات المراهقين وخلك رجال وأخطب العاش اللي جننتك وإنت ماتدري إنها تحبك كيف لودريت حمد ياأخي ليش المكابر صارح أمل بحبك وتفاهم مع أبوك اللي راح يكون سعيد لما يعرف قد أيش إنته تحب أمل أمل هدي اللعب شوي وأرحمي حمد تراه ما عاد يتحمل بيستخف وديمة العطا تسلمين يالغاليه على البارت المميز والأكثر من رائع منتظرين جديدك بفارغ الصبر | ||||||||
|
| |
 |
| أدوات الموضوع | |
| انواع عرض الموضوع | |
|
|
47Likes
.png)
العرض العادي
