11-08-09, 08:04 AM
| #765 | ||||
 
|  السلام عليكم متباركين الشهر وعساكم من عواده يابنات اتوقع ان الاخت heartcool متوهقه مو عارفه تعلق ع القصه حطت اسامي العضوات هههههههههه يعني حركــــــــــــات مبزره لووووووول  فــ ياريت تطنيش الموضوع وما نخلي القصه ميدان ردوووووود !! اختي وديمه رقم قلت ردودي على البارتات الا انن انتضر بوح قلمج بشوق أحداااااث مشوقه يالغلا بين حمد وامل تأكدي اني من متابعين ابداااااعك دائماً دمتي بخير | ||||
|  |
|
11-08-09, 06:46 PM
| #767 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
| أعزائي القراء اذا عرف السبب بطل العجب الاخت heartcool سوت حركة بسيطة جدا وهي انهاضغطت على الكود هذا  (ادراج آلي لاسم قارىء الموضوع)وهذا الكود له قصص طريفه في المنتدى  يعني لا تفهمونها غلط ما كانت تقصد شي  ودمتم بخير وكل عام وانتم بخير .gif "Eh S(7)")  | ||||||||||
|
| |
|
11-08-09, 11:22 PM
| #770 | ||||
| نجم روايتي وكاتبة في قسم قصص من وحي الأعضاء 
| الجزء الحادي والعشرون نزل حمد من فوق وحصل ابوه وامه وامل قاعده عدالهم سلم عليهم واتوجهت نظراته الها وهو يقعد عدال امه ام حمد:اصبلك حليب فديتك؟ حمد:هيه امل طلعت تيلفونها واشغلت نفسها فيه وحمد عيونه عندها وامه تعطيه كوب الحليب تم ابو حمد ايكلم حمد وحمد باله مش عنده ابو حمد:حمييييييد انتبه حمد لابوه :هلا ابو حمد:بلاك ياولديه؟ حمد:معاك اسمعك.......كل شي جاهز ابو حمد:شو هو الي جاهز؟ حمد:شدرانيه انته شو كنت اتقول؟ ام حمد:ياريال خله يتريق اول شي ....اتريق اتريق عقب ارمسو بدا حمد يتريق وعيونه في الريوق وكل شوي يسرق نظره الها حمد""وبعدين يعني مع هالحال شو لينه بتم جذيه...ابدا ولا كانيه موجود..مش مشكله خذي راحتج المهم انخلص من العمليه اول شي قامت امل وطلعت برا على الرقايه جدام البيت وتمت اتفكر في كلام حمد الها يوم العرس ياذا الكلام الي مش **** يطلع من راسيه...حست ببياض عدالها ودرت انه قعد عدالها..هو اكيد عطره يقول جذيه مسكت تيلفونها وتمت تلعب في الالعاب متجاهله وجوده حمد تم ايطالع ايديها الي ماسكه التيلفون وجانب ويهها كان قاعد قريب منها وايد ويحس ان لسانه ثقيل مش قادر يتكلم"مش مشكله يكفينيه احس انج قاعده عداليه واشوف زولج ((وغيـــــــــــــــــــــ ر زولك ماملى احــــــــــد النظـــــــــر)) طرشلها رساله وفتحتها امل على طول وهو لاصق فيها ويقرا معاها الرساله حمد""الصد والهجران ماهو بطبعك واليوم اشوفك يالغلا لاماتبينا لا ماتبينا على طول سوت مسح ورجعت تكمل لعبتها تنهد حمد بصوت عالي وهو ياخذ نفس وحست امل ان قلبها وقف من الدق فقامت بسرعه وراحت داخل وتم حمد قاعد مكانه .................................................. ............ كان سهيل منسدح على شبرية سعيد الي مندمج في قياس الملابس الي اشتراهن سعيد:ظنك البس هالقميص مع هالبنطلون..............اييييه اكلم منو انا؟ رفع سهيل راسه:بلاك؟ سعيد:انا من ساعه البس واعق وانته حاط عينك في السقف اتقول اهو الي بيسافر مب انا سهيل:ماجنا البارحه سهرانين عليهن....لاعت جبديه يا اخي سعيد:بس القميص هذا اليوم انا خذته لازم اتشوفه على اي بنطلون ايناسب سهيل بضيق خاطر:لحووووووه انته اظن لين تركب الطياره وانته الاتفصخ وتلبس سعيد:مابتقولليه شمكدر خاطرك من امس؟ سهيل:اون لعلوم ما وصلتك؟ سعيد بابتسامه خبيثه:العاش؟ وتنهد سهيل وهو يزفر سعيد:ياويييييييل حالي انا من التعبانين رجع سهيل راسه مثل اول وتم ايطالع السقف قرب سعيد امنه ورفع راسه ايطالع في السقف سعيد:ااه اتشوف النقطه هذيج انا من زمان في خاطريه اعرف شو اهيه؟ سحب سهيل المخده وحطها على ويهه ايريد يمنع ضحكته عقبها قعد وفر المخده على سعيد سهيل:خمااااااام انا في شووه وانته في شووه سعيد:يخخخخرب بيت الحب واسنينه مالك يابتعه هو انا مئلت ليك سيبك من الحب وغرابيله سهيل:مائدرش ياماما دنا ابتليت بالحب سعيد:هالحين العاش رفضتك صدق؟ هز سهيل راسه بنعم سهيل:المشكله بعد ان اميه لمحت لخاليه اننا نبا حمده التفت سعيد له:حمده.!!!....لا ابدا ماتناسبك سهيل:لييش هذن خواتك رشحنها وامك ما صدقت خبر سعيد:تدري بنات خالووه غير....محشومات ماشالله...اما بنات خاليه فري عندهن كل شي حتى حجابهن والله انه..ادري هن مش قاصدات بس غير يوم تيك الوحده اداري على حجابها وماتم برزه مع الريايل سهيل:طالع هذا شو فيه ايفكر....يا اخي انا احبهااا سعيد:عنبا ذالحيه لك....حب بعد سود الله ويهك سهيل:طالعو منو يتكلم؟ سعيد:الا بنشدك كيف هو الحب؟ سهيل:على كل صداقاتك ماعرفت الحب لين اليوم كيف وشو شعورك عند الريم؟ سعيد:مادري بس انا خلاص احس انيه **** تكون حرمتيه سهيل:تو الناس ....المطوع الاخير الي ودنها له قال الهن ماينجبر قلبن على قلب ولبنيه يمكن ماتباه وسمعت اميه اتقول دام اننا على البر مانريد انضيع لعيال في زواج فاشل وعلشان جذيه كلمت ابويه وقالت له ايكلم عميه ابو حمد اننا انرخص لبنيه...وابويه قال عقب مايردون من السفر بنفتح الموضوع مره ثانيه سعيد تم ايطالع سهيل منصدم:متى صار كل هذا؟ سهيل وقف واتوجه للباب:وانته اتحوط في المولات..يالله تصبح على خير بعد ما طلع سهيل مسك سعيد التيلفون واتصل على الريم الريم:الو توتر شوي سعيد:السلام عليكم... الريم:وعليكم السلام سعيد تم ساكت:.......... الريم:سعيد في شي؟ سعيد:انتي اخبارج؟ الريم:الحمدلله سعيد:وقفت حلات الصياح عندج؟ الريم:الحمدلله سعيد:ماجنها سالفه ماصخه مالها معنى والموضوع منكشف الريم:شو هو الي منكشف؟ سعيد:سالفة الصياح هذي والمطاوعه كل يوم الريم:انزيين سعيد:يعني اكتشفو في الاخير انج ماتبينيه الريم:وهذا هو الواقع سعيد:وليش سالفة الصياح عيل جان قلتي ماباه وخلاص؟ الريم:عشان مايقولون اليه ليش ماتبينه ولا انته عادي عندك اقول الهم ليش على الاقل خالتيه هالحين مابتتكدر مثل مابتتكدر اذا قلت السبب سكر سعيد التيلفون في ويهها وهو معصب ووصله مسج على طول الريم""الناس اتقول يوم اتسكر مع السلامه .................................................. ....................... مر حمد على المسا وهو رايح غرفته بغرفة امل وحس ان فيها حركه دخل راسه وشافها قاعدهاتحاول اتسكر الشنطه المدعوسه بلملابس وهيه ضغيرة الحجم وكان الشعر الي يذبحه يسحب وراها دخل وقرب منها وقعد عدالها ومد يده للشنطه ايسكرها عنها حينها قامت امل وراحت للتواليت وتمت تجمع كريماتها في شنطه صغيره حمد:ايب لج شنطه اكبر؟ ماردت عليه..................تم فتره ايطالعها عقب قام واقترب منها واتكى على حافة التواليت محاصرنها بين ايديه وهيه مجابله المنظره كانت ايديها ترتجف وهيه اتحاول اتركز بالقرايه بالي مكتوب في بعض علب الكريمات طالتوقفتهم وهو ايطل من فوق راسها على الي تسويه واتحاول تقراه زاد ارتباكها......مسكت تيلفونها واتصلت على الريم الريم:هلا امل امل:الريم ممكن تينيه اشويه اريدج الريم:يالله يايتنج عض حمد على شفايفه"تصريفه حلوه"ّ شل ايديه والتفت وراح في اليوم الثاني رجع حمد لبوظبي عشان ايمدد في اجازته وقبل يوم السفر يا ابو حمد وامه وخواته وامل لبيت الخاله عشان ايودعون المسافرين باجر وعلى الليل وصلت عائلة الخال ومعاهم حمده الي كانت الفرحه باينه على ويهها وبعد خوله وزوجها كان بيت الخاله فيه عزيمه للكل في مجلس الحريم حمده:قطعا من البيت عقب شمووه العاش:هيه والله انا صحت مساعه يوم دخلت حجرتها...كله اتخيلها موجوده حمده:هالحين اهيه مستانسه مع الريل...يالله عقبالج العاش..وبصراحه انا سمعت ان في ناس ايريدونج كحت العاش متفاجئه بكلام حمده:كحكح...اي ناس انتي بعد؟ ضحكت حمده:هااااا علينا ماوصلتكم لخبار يعني؟ العاش:انتي مينونه محد وصللنا اي خبر وبعدين سكري هالموضوع ماحب اتكلم فيه حمده:شوووفي انا من هالحين اقولج تراه ريال ماينرد...وان سمعت انج رديتيه ياويلج منيه كانت العاش تنتفض من داخل "هذي منو تقصد بالضبط..معقوله تقصد سهيل مستحيييل دخل سهيل في الوقت هذا وسلم على العيايز الي كانن قاعدات على الجلسه الي بجنب الميلس بعدها رفع نظره باتجاه البنات وشافهن مع بعض مر عدالهن سهيل:السلام عليكن وقفت العاش وحمده الي كانت مبتسمه بخجل وردن السلام وطلع على طول وهو ايحس بضيقه على جانب ثاني كانت خوله قاعده مع امل وتسالها عن حالها واحوالها اما الريم فراحت مع خالتها للمطبخ اتساعدها كانت الخاله اطالع الريم وهيه اتحس بغصه انها بتفقد انها تكون زوجة ولدها الريم:خالووه احط السلطه في الصحون هذي مسحت الخاله دمعتها:يابنتيه الي تشوفينه سويه قربت الريم من خالتها:خالوه ليش لتصيحين الخاله:فديتج ذكرتينيه بشمووه كانت ساده كل شي نزلت الريم راسها تحت مش عارفه بشوه اترد ودخل سعيد من الباب الخلفي للمطبخ عدلت حجابها وصرف عنها نظره للخدامه يسالها عن تجهيزات العشاء في الوقت نفسه امه طلعت وانشغلت الريم بترتيب السلطه في الصحون نزل سهيل من الطابق الفوقي ولقته خوله وكانت العاش وحمده معاها خوله:حيالله النسيب سهيل توتر وهو يرفع نظره للعاش وحمده سهيل:خييييبه تبينيه ارقب بنتج لين تكبر ما ظن قالها وهو رايح للمطبخ عاد والنفسيات تعبانه هو وسعيد حلو على الخدامات وقعه وعلت اصواتهم في المطبخ الريم كانت واقفه ومش عارفه ليش فجئه حلو على الخدمات ايواقعونهن سعيد:عطها كف على ويهها لحمار بعد اتراد الخدامه:مافي مافي كلش خربان انا صبوه سوي مافي فايده....زنجال زيادح مايريد سعيد:حررر فارجي يعنيه افارج ويهج مسك سهيل سعيد يوم شافه نزل لعقال سهيل:ياريال اقلعها سعيد:خلنيه اغسلها بالعقال الخدامه:كل يوم قرقر قرقر..انا مايريد سوي شوغل انته زياااده مشكل الريم فجئه:هههههههه ههههههههه التفتو سعيد وسهيل صوبها ومسكت نفسها عن الضحك قرب سعيد منها:ممكن انعرف المدام شو يضحكها؟ الريم:هههههه لا ماشي سعيد:اااه لايكون اخوان شما .....انجلب حالهم وصارو ايضحكونج عقب الصياح الريم:اتصدق هيييه هههههه خطى سعيد كم خطوه ناحيتها لين ماخلاها تلصق في الساس وهو حاط عيونه في عيونها سعيد:زييين صيحوج وضحكوج شو باقي بعد ماسووووه لج اتحبين اتجربينه تسارعت دقات قلب الريم وهيه مستغربه من نظرته القريبه منها سهيل:احم احم سعيد الريايل محد عندهم التفت عنها سعيد وهو ماسك سفرته وعقاله وطلع وهم رايحين للميلس سهيل:خيييبه شو كنت بتسويبها؟ طالع سعيد سهيل بطرف عينه سعيد:سوااات الريايل سهيل:عشت والله بس هب في المطبخ الله ايخليك سعيد:فااارج ................................. العاش انتفخ راسها من تلميحات حمده وهيه ماتعرف منو تقصد بعدها راحت حمده عند الحريم ورجعت وتمت طول الوقت ساكته قربت منها العاش بعد العشاء العاش:اريد اعرف انتي منو كل السانج؟ حمده بطرف عينها:ناااس ماهقيتها منهم والله العاش:يخسون هالناس قوليليه عليهم وانا برويج فيهم حمده:ماظن....خلاااص ماهقيت انهم جدامنا بويه ومن ورانا بويه ثاني العاش:حمده شبلاج ليش تتكلمين بلالقاز حمده:ااون ....الغاز اونج مافهمتي شي العاش:شكل السالفه انا فيها ارمسي شو عندج حمده:انتي تدرين وبلاش هذا التمثيل مسويه عمرج مره ماتدرين بشي العاش:ادري بشووه؟ حمده:سهيييل خطبج وانفجرت حمده اتصييح العاش:حمده دخيلج انا قلتلهم انيه مش موافقه...لاتحطين هذا الشي حاجز بينيه وبينج حمده:يباج انتي ...انا عمره ما افتكر فيه العاش:انا مستحيييل اوافق عليه حمده:وانا شو استفدت...هو مصر عليج عمتيه قالت قال يالعاش يابلاه عرس العاش:ماباخذه ماباخذه...صدقينيه حمده:عيل مافي غير انج اتوافقين على عوض العاش:عوض!!!!!منو عوض هذا؟؟؟ حمده:اخو ريل خوله اختيه هيه رشحتج له وهو وافق وبيون قريب يخطبونج العاش:وهذا الي كنتي تقصدينه من الصبح؟ حمده:هيييه العاش:انا شوريه اولا واخرا عند ابويه هم بيشوفون اذا ايوافقون عليه او لا حمده:بس انتي لازم اتوافقين عليه....مافي حل غير جذيه ان وافقتي عليه سهيل بيصرف نظر عنج وعمتيه بتقنعه ياخذنيه تمت العاش اطالع حمده ومستغربه من كلامها كيف بتاخذ انسان ايحب وحده ثانيه وتسعى عشان تنهي علاقته ابها معقوله انتي يا حمده الي تسوينه العاش:انا ما اقدر اقولج الا انيه مش موافقه على سهيل في الميلس كلم سهيل ابوه يخطب العاش له قبل سفر حمد ابو سهيل:اخطبها لك اهنيه في ميلسنا.....صبر لين ايردون من السفر سهيل:وانا شو بيصبرنيه ابو سعيد:وين بطير اهيه؟ سهيل:لحووووووووه ابو سعيد:قم اظربنيه بعد قام سهيل وحب ابوه على راسه:السموحه السموحه....بنرقب وبنشوف شو اخرتها وقل لخاليه انيه ماريد بنته ابو سعيد:حسبي الله ونعم الوكيل ياصبي انته تبا تفضحنا اليوم.. العرب تراهم كلهم في ميلسيه واحد اقوله ترانا نبا بنتك والثاني اقوله ترانا مانبا بنتك لا واخوك بعد سالفته سالفه مع حرمته لازم انطلقها بعد..بعدين كيف احنا بنطلب وحده وبنطلق اختها ابو سعيد وابو الريم عقب اجتمعو بسعيد والريم على انفراد بدون علم حد وفتحو معاهم موضوع زواجهم وكلا الابوين كان ايقول ان الموضوع عادي واتصير في اكثر العائلات وان الله مش كاتب هالزواج واننا بنتم اهل وما بنخلي هالامر يخرب العلاقه...سعيد تم ايطالع الارض وهو يسمعهم خلاص حددو مصيره هالحين شو يسوي او شو يقول..ايقول لا واهيه ماتريده اكيد ماتريده بعد كل الي صار وعرفته عنه وموقفه من معرفتها لمغازله وطلبه انها تلاقي حل للطلاق وانه **** بالي بتسويه وكل الي سوته كان لصالحه عشان ماتفضحه عند هله اكيد انها اذا قالت اسبابها الحقيقيه محد بيعارضها...انزين ياسعيد اذا ماتباك خلها اتولي غيرها الف ..بس انته جرحتها ياسعيد...يالله احس انيه مشتت مش عارف اتخذ اي خطوه او اي قرار بس احس انيه معصب عليها اما الريم خلاص وصلت للي تباه وطبعا تباه غصبن عنها كانت اتحس بقلبها ينذبح وان كل شي انتهى والي ذبحها طلب ابوها وعمها الاخير ابو سعيد:موضوع طلاقكم مانريده يطلع هالحين خصوصا ان حمد محتاجنكم ولا انريد حمد بعد يدري به لين اتردون ان شالله من السفر بالسلامه...وكل واحد منكم لازم يحترم الثاني وخليكم عيال خاله واخوان وتمو ايوصونهم لين ماقامو ناويين الطلعه عقبها قامو الشواب وحب ابو سعيد الريم على راسها وطلعو وهم يتاملون ان كلامهم هذا يتغير اذا رجعو لعيال وتعرفو على بعض اكثر رفع سعيد نظره للريم وابتسمت ابتسامة نصر مثل مايشوفها سعيد وفي الحقيقه اهيه ابتسامه انيه خلاص فكيتك منيه.....رد عليها سعيد بابتسامه شافتها اهيه ابتسامة واحد فرحان انزاح هم من على راسه في حين انها كانت ابتسامه ساخره وانج سويتي الي تبينه .................................................. ........................ في اليوم الثاني ودعو الجماعه حمد وسعيد وامل والريم في المطار ورجعو للبيت وكشخو حمد وسعيد بالبدل الي غيرت من اشكالهم وكانو يسحبون الشنط متوجهين للبوابه الاخيره الي اتوديهم لباب الطياره وامل والريم يتبعنهم قعدت امل عند الدريشه وقعدت الريم عدالها وحمد وسعيد في الكراس الي وراهم وقبل لا تقلع الطياره بشوي قام حمد وطلب من الريم تقعد مكانه عدال سعيد قعد عدالها بعد ما همست الريم في اذنه وقالت له ان امل اول مره تركب الطياره وهيه متهوبه شوي هز راسه وقعد...اما امل فكان ودها لو منعت الريم اتبدل مكانها لاكنها مالحقت بعدها غشوتها على ويهها وايديها تعرق وتنشف وهيه اتردد بعض الايات والاذكار قعدت الريم عدال سعيد الي حس باحساس غريب من قربها وتوتر سعيد:تبين عدال الدريشه؟ الريم:لالا عادي اهنيه سعيد:حمد يبا يقعد عدال حرمته؟.....بس ليش ما اشوفهم يتكلمون مع بعض؟ الريم:مادري؟ رفع سعيد راسه للمضيفه الي وقفت عدالهم سعيد:هلا المضيفه:ممكن تربطو الاحزمه سعيد:حاضريين احساس الريم بالغصه بعده موجود وبدا دمها ايفور مع انها قايله خلاص الي بينيه وبينه منتهي لاكن ليش هالغيره الي معذبتنها التفتت صوبه ورفعت غشوتها الريم:ممكن ارفع الغشوه طالع سعيد بعيونه وراها:ممكن محد بيشوفج اذا تميتي ملتفته صوبيه ابتسمت الريم:بتنكسر رقبتيه سعيد وقلبه بدا يرقع:سلامة رقبتج سعيد كان يتحرك وايد وعيونه كل شوي راحت للمضيفه الي تتكلم واعصاب الريم انحرقت امنه رجعت غشوتها وتمت مسمته اطالع جدام لين ما بدت الطياره بالتحرك حمد همس لامل:ربطتي حزامج؟ مدت امل ايديها لحزامها وبدت اتحاول اتسكره وهيه متوتره لين ما مد حمد ايديه وساعدها عقب فرد حمد يده على ظهر الكرسي الي قاعده عليه وشوي شوي نزل يده على كتفها اول ماتحركت الطياره واول ما ارتفعت ومع احساس امل بالرهبه لمها لحضنه وهو ايهديها ان الامر عادي كانت امل مستسلمه وهيه اتحس بالامان لاكن عقب حست ان الامر عادي رفعت راسها بسرعه وابعدت يده عنها ابتسم حمد وهو ايشوفها تبتعد عنه لاخر الكرسي سعيد:الريم التفتت له سعيد:تلعبين اكس او كان ماسك مجلة تسالي الريم:هههههه سعيد:اشش اندوج اعطاها القلم:لعبي اندمجت الريم معاه في اللعبه وكانت اصلا لعبه باعصابهم وايديهم كل شوي تلامست كل ما اعطته القلم وخذته امنه مرت المضيفه وطلب منها سعيد عصير بارد ايبرد على قلبه شوي من النار الي بدت تشتعل وماكان مسولها حساب لييش يعني يوم حسيت اني خسرتها تغيرت احاسيسيه وطبعا سعيد تم شوي يتكلم مع المضيفه ويمدح خدمتهم وبعد ماراحت المضيفه رجع بنظره للمجله ايكمل اللعبه شاف ان اللعبه كلها مخربط عليها رفع حواجبه مستغرب سعيد:ليش سويتي جذيه؟ الريم وكانت منزله غشوتها وراده لمكانها:لاااعت جبديه سعيد بحيره ايفكر""معقوله غارت"ّ حمد كان نظره على امل وكان مقرب جسمه منها وايد واهيه لازه لاخر الكرسي حمد:تبين عصير او ماي او اي شي ماردت عليه وتمت مجفته ايديها حمد:ترا محد ايشوف حد اذا تبين اتعقين غشوتج ماردت عليه وتمت على حالها تنهد حمد مره ثانيه بصوت عالي حمد في خاطره"مادري اذا اتحسين بالويع في قلبج مثل ما احسبه"ّ ...... سعيد:الريم تعالي مكانيه احسن لج الريم فكرت ان طلبه عشان ياخذ راحته مع المضيفات الريم:مارييد ا ااقصد انيه مرتاحه اهنيه سعيد:بس انا راعي حركه زايده وما اعرف اتم قاعد لازم اقوم واقعد قامت الريم عشان يقعد مكانها وقام اهو ومرت رايحه مكانه وسمعها اتقول الريم:الا قل عشان اتم قريب منهن سعيد ايريد يتاكد من الي سمعه:شوو؟ الريم:ماشي؟ طنشها وقعد مكانها وكل شوي قايم رايح راد في الوقت هذا الريم ماتدري شو ياها اتحس انها بتموووت من حركاته"معقوله انا احبه لين هالحين عقب كل الي سواه فيه لالالا هذا مش حب بيبطي اخليه يحتل جزء بسيط من قلبيه طلب حمد من الريم ترجع تقعد عند امل عشان تاكل شي وبعدها رجعها مكانها ورجع عند امل واول مابندو الليتات حط راسه على كتفها ورقد وكان حاس انها اتريده ايشل راسه ابتسم واصر انه مايرفع راسه سعيد من توتره من قرب الريم كان كل شوي ايقوم وايروح اي مكان في الطياره ويتركها اكثر الوقت بروحها .................................................. ......... في اليوم الثاني اول مانزلت العاش حصلت سهيل قاعد جدامها يفطر نزلت تتلفت ادور اذا في حد سهيل بصوت ساخر:حياللــــــــــه بنت دار الزين العاش:اميه وخالوه وين راحن سهيل:الناس اتسلم اول شي العاش:قووم خاليه راحو؟ سهيل:اتصدقين عاده محد تم في البيت الا انا وانتي....يامي اكيد اتروعتي ياترا شو بسويبج التفتت العاش عشان اترد فوق سهيل:لحـــــــــــــــضه وقف سهيل :اقوول يالعاش ماكنت ادري ان بنت دار الزين طموحها عالي جذيه الي يابت راس عوض بن مبارك وقفت العاش وتمت اتفكر اكيد حد قاله ان عوض ايريد يخطبها سهيل:مسكين ولد بوظبي مايتنزلون حقه روسهم مرفوعه فوق العاش:سهيل اعتقد الكلام هذا ماله داعي ...انا ماعرف انته عن شووه تتكلم؟ سهيل:اووووه بعد نعرف نجذب...هااه مب هو هذا الي مطرشه له موافقتج ولا بعد االف من عنديه العاش باستنكار:انا !!!!طرشت موافقتيه بصوت عالي قال الها:تدرين انه بيخطبج ولا لا العاش:ا ا ادري بس ما صا ار شي سهيل بقهر:ممكن تسكتين.................خلاص على راحتج بالي سويتيه وموافقه عليه الله ايهنيكم ومبروك خلاها وطلع وهيه واقفه مش عارفه عن شووويتكلم ماتدري ان حمده بطريقتها وهمته انها مرسال الحب بين العاش وعوض .................................................. ............. وصل حمد وسعيد وامل والريم للشقه الي حجزوها قريب المستشفي وكانت عباره عن غرفتين وصاله وسيعه وطويله شوي ومطبخ في نصف الصاله والغرفتين يايات عدال بعض قريب الباب حمد جيك على المكان كامل وعقب قال للريم ياخذن الغرفه الوسيعه بسريرها الكبير طلع حمد وسعيد اول ماوصلو وراحو يستكشفون المكان برا وكان الوقت عندهم قريب الليل عكس الوقت في الامارات يابو عشى من برا وقعدو حمد وسعيد في الصاله اما امل فتمت طول الوقت في الغرفه والريم طلعت عندهم شوي سوت الهم القهوه والشاي وعقب رجعت عند امل بعد ساعتين ارسل حمد للريم رساله يسالها عن امل وردت عليه انها بخير وتعشت وعلى وشك ترقد بعد نصف ساعه طرشلها رساله ثانيه يسالها امل شو تسوي وكتبت له انها مشغوله بالتيلفون حمد""شو تسوي فيه الريم""تلعب الدوده حمد"ماتعيز من اللعب قوليلها ترقد بس عليها طول الطريق ما رقدت الريم"ان شالله بعد نصف ساعه ارسل بعد حمد رساله ثانيه وكانت الريم توها طالعه من الحمام ومتسبحه حمد"اخبارها رقدت الريم"في سابع نومه قام حمد من مكانه وراح لباب غرفتهن حمد"افتحي الباب راحت الريم للباب وفتحته وطلت بويهها الريم:شي تبا؟ دز حمد الباب بشويش وسحب الريم برا حمد:اوت اوت الريم تتلفت اذا كان سعيد موجود الريم:حمد بلاك؟ حمد:سيييري في الصاله ...سعيد محد قده رقد بتحصلين اهناك فراش الريم:حمد لحضــ....ّ لاكنه دخل وسكر الباب وقفله الريم تهمس في شق الباب:حمـــــــــــــد افتح انا بالبجااااامه كانت لابسه بجامه زيتونيه مشجره وماسكه على جسمها وشعرها مفتوح وخرساان الريم:حمد الله ايخليك افتح تمت الريم تتلفت مفتشله لا يطلع سعيد ويشوفها صح انها طلعت عنده من قبل بفستان العرس لاكن الوقت هذاك ماكان مصيرهم متحدد هالحين فشيييله واحراج لو يطلع ويشوفها رجعت الريم تتوسل حمد يفتح الباب الريم:حمــــــــــــــد الله ايخليك بس ببدل واخذ شيلتيه فتح سعيد الباب وطل امنه ايشوف شو سبب الصوت الغريب الي يسمعه والبيبان كانن عدال بعض اول ما سمعت الريم صوت باب غرفته لصقت في الجدار وويهها محمر سعيد حس ان في حد لصق في الجدار لاكن شوو هذا كان توه طالع من الحمام ولابس بنطلون البجامه بس وفانيلته في ايده قرب اكثر وطلع راسه ايريد ايشوف منو هذا وطلع اكثر واكثر لين ما صار واقف جدامها ايطالعها باستغراب الريم نزلت راسها تحت مفتشله وقذلتها نازله على ويهها ولامه ريولها اكثر عشان ماينتبه اهيه شو لابسه سعيد مازال ايطالعها باستغراب حج راسه شبلاها وليش واقفه جذيه وليييييش ويهها محمر اووف لايكون مستحيه منيه وانا مفصخ جذيه لبس سعيد فانيلته بسرعهاما الريم"الله ايسامحك ياحمد يعني شو اسوي هالحين فشييييييله والله احس انيه بموووت وحضرته هذا بعد معدي واقف متفصخ وايطالع مشى سعيد لكراسي الصاله وهو ايفكر واول ما قعد انتبه حمد وييين سعيد:حمد وين الريم وبعدها منزله راسها:دخل ....وطلعنيه .....وقفل....ماعطانيه ....فرصه ..ا ابدل سعيد والاحساس الغريب بدا يرجع له وهو ايشوفها:بيبات داخل؟ الريم:مــ مادري؟ سعيد:زيين شو موقفنج اهناك تعالي قعدي الريم"يعني انا ماعرفت البجامه هذي الا اليوم ليتنيه كنت ادري بنيتك ياحمد وانته كل شويه متصل الريم:لا بـ بنتظر يمكن يفتح عقب شوي سعيد:ماظن لانه مييت يبا يرقد الريم:بنتظر شوي ## ## ## اهيه بتنتظر شوي لاكن انتم بتنتظرون وايد.....كل عام وانتم بخير ورمضان كريم وعيدكم مبارك قبل الزحمه الجزء الياي بعد رمضان انشالله...ان كتب الله لنا عمر مع حبي للجميع وديمه العطا التعديل الأخير تم بواسطة كاردينيا الغوازي ; 31-12-17 الساعة 03:51 PM | ||||
|
| |
 |
| أدوات الموضوع | |
| انواع عرض الموضوع | |
|
|
47Likes
.png)
.png)
توني ابدآ قرايتهاااااا روعه كلمه قليله عليــهااااااا
العرض العادي
