روايه جميله جدا ومليئه بكميه مشاعر فظيعه اصعب مشهد اغتصاب غسق ورؤيه كرم لضعفها واجمل شيء احتواؤه ليها والمساندة الجميله وموقفه منها انسان وراجل الأخلاق والقيم اللي للأسف اختفت من مجتمعاتنا بعيدا ان مافيش حد دلوقتي ممكن يقبل بنت مغتصبه حتى لو بيحها للأسف مش محدش بيقدر مشاعرها واحساسها البشع للموقف اللي اتعرضتله
ايوب انسان جميل صادق مع نفسه ومع مشاعره سند وضهر لصاحبه صعب عليا جدا في مشاهد فراقه عن فلك حسيت بكميه وجع صعب اوي
فلك استغلت ايوب كان ممكن تفهم ايوب هي عايزة منه ايه بدل ما كانت وجعته بالطريقة دي
احساس اظلم بعد كده اللي حست بيه هو اللي خلاني اتعاطف معاها بعد كده
مودة زوجه محبه ومتفانيه لزوجها اي واحده تانيه مكانها ماكنتش هتعمل كده
عجبني جدا تدرجك في وصف مشاعر ايوب ناحيه مودة وقد ايه احترمت انك وصفتي مشاعرة لمودة من رفض لوجودها في حياته لمصارحته ليها انه كان بيحب قبلها وطلبه لمساعدتها انهم يحاولوا يكملوا مع بعض للاعجاب اخيرا الحب
هبه وصالح مثال للطيبه والتسامح والروح الجميله
الاخوة خالد وصالح وكرم مثال الترابط والحب بين الاخوات اللي برضو للأسف اختفي في حياتنا مع وجود المسؤوليه مثالهم لازم نعلمه لأولادنا تاني
مؤيد واريج ثنائي مر بمعاناه صعبه اوي بس اارتباطهم ببعض ساعدهم هما الاتنين انهم يتخطوا معاناتهم
الروايه بكل شخصاياتها تحفه ومش عارفه هوفيها حقها
ربنا يوفقك ودائما من نجاح لنجاح،،🌹🌹🌹🌹
حبيبتي ممنونة لرأيك الجميل عن الرواية و سعيدة انها نالت اعجابك💗