26-07-20, 10:29 PM | #401 | |||||
| اقتباس:
باسل اصراره على صبح لاعتقاده انها هي اللي شافها في العزيمه والصحيح هو شاف كادي مو صبح | |||||
27-07-20, 10:16 PM | #402 | ||||||||||
| اقتباس:
اييييه والله ردودك تبرد القلب واستمتع وانا اقراها خصوصا تبع مالك 👏🏻👏🏻😁 ابدا ماهو طالع من الطاوله سليم 🤣 اقتباس:
الله يكون بعونه ومع كذا بيجيه كلام انه مقصر ،، اللي يقهر انهم كبار ومشغولين بحياتهم لو مراهقين الواحد يتعذر لهم يخافون يقصر اما الكبار قلة عقل دنيا عجيبه ، الله يعافيهم ويعافينا اقتباس:
صح اتوقع باسل شدته صبح وفضول يعرف وش تفكيرها اللي ترفض باسل ، باعتقاده البنات ميتين عليه 🤔 ،، فضوله اتوقع بيخليه يكمل الين الزواج ويشوفها وجه لوجهه بغض النظر عن خرابيطه اللي جالس يقولها وان بيرفضها او ابوه يرفض .. بس السوال كيف ام صبح بتخلي صبح توافق ؟ اتوقع صبح بتستر عليه وماهي قايله لامها عن مقابلاته والصراحة باسل مافيه شي عليه القيمه تافه وشايف نفسه 🤭😂 حقيقي باسل مايستاهل صبح ،، بس مايمنع انهم لو اجتمعوا احنا بنستمتع بالتضاد والانفجارات🤪 اغاني اذكر بالنسخة القديمة باسل وصف صبح و وصفه كان شييين ، للاسف عالق بمخي ومتاكده مافي بنت شينه بس هل هي فعلا وصفها شين ولا بعيون باسل 🧐🤣 اقتباس:
لان ضي يالله تكلمت ، وكأني اذكر صبح قالت ان يبي يتزوجها عشان ماتقول لاحد او انها شافته كادي مستبعده لان اتوقع يذكر شكلها وقريب متغطية | ||||||||||
28-07-20, 11:20 AM | #403 | |||||
| اقتباس:
دودي ياقلبي لما كانت العزيمه باسل شاف كادي … وهي من زمان متغطيه عنه ولما سأل ضي خافت تعلمه لان شكله معجب فيها توهته وقالت صبح … | |||||
28-07-20, 12:25 PM | #404 | ||||||
| مها بنت سعد ،، رجعي للجزء 10 وراح تتأكدين إن اللي شافها هي صبح وليست كادي 👇🏼.. ( لكن منظر الفتاة التي رآها...كان صدمة له..! شعر خفيف منسدل بنعومة أكثر من ما ينبغي...فخصلاته السوداء مستقيمة بحدة...لتصل لمنتصف ظهرها... ملامحها إعتيادية...قد يراها في كل وجه...فلا شيء يميزها... عينان صغيرتان...بحاجب خفيف و رموش خفيفة متباعدة... نظراتها فارغة...لا تحمل أي تأثير...جاذبية...أو إغراء... أنفها دقيق و صغير...وشفتان صغيرتان...و ذقن صغير أيضاً... وجهها كلـه كحبة كرز...ملامحها...نظراتها...تعي? ? بطفولتها للآن... جمال إن أطلق عليه مسمى جمال...فهو متواضع جداً... حتى ذوقها في لباسها كان بسيطاً جداً...تافهاً برأيه... """"""""""""" يوقفها ذاك الصوت الدافيء...فتفز... توقفت والتفتت لها...مستغربة...مالذي أتى بها من هنا... صبح / كادي كادي / هلا صبح..وش تسوين هنا؟ صبح / كنت مع سلوومه في المطبخ..و طلعت منها ما عرفت وين اروح؟ هههه ضعت البيت كبير ماشاءالله..زين شفتك) """"""""""""" الفقرة الأولى تبين لك إن اللي شافها كانت متواضعة في كل شيء،، بينما كادي تضج بالأناقة والزينة المتكلفة لتلك المناسبة،، وكادي راعية بيت،، غير معقول إنها تتوه في بيت خالها .. والفقرة الثانية يمكن هي اللي توهتك،، لما فلتت صبح من إيد باسل تاهت في العودة لصالة البيت ،، وصادفتها كادي . | ||||||
28-07-20, 02:25 PM | #405 | ||||
| فيني غبنة على مالك عجزت اكتب رد منها من اغاني و من حزب سلام ويوسف و من سلام و من اهله احسه يحترق والكل عايش حياته مو يمه قولوا عن سلام اللي تقولون كبرت عقلت تابت انا ماشوفها غير انانيه وتنتقم من مالك باللي تسويه او تحبه بس مو قادره تسامحه على تركه لها لانها هي نفسها تدري انها مو قادره تنساه وتبعده عن تفكيرها وهي تنتظره بكل لحظة هي نفسها خايفه من اللي سوته معه واللي سوته اللحين فيه لو ناسيته. لو تايبه مثل ماتقولون؟؟؟ كان عاشت حياتها طبيعية لانها تاكدت اكثر من مره انه مستحيل يضرها او يتكلم عن اللي صار بينهم!!! 💔 | ||||
28-07-20, 02:44 PM | #406 | |||||
| يعطيك العافيه ابها انتي دائماً المنقذ لي ❤❤❤ تصدقين عدتها واقول وراء البنات مانتبهو انها كادي … مصدقه عمري 🤣🤣🤣 لحد ماوضحتيه احياناً تجي الواحد قفله … الله يعطيكم العافيه بنات على التوضيح اقتباس:
| |||||
28-07-20, 02:48 PM | #407 | |||||
| اقتباس:
انا اقول ليه يااغاني التجاهل لمالك نبيه يصول ويجول ويسترد حقه 😤😤😤 | |||||
28-07-20, 03:27 PM | #408 | ||||
| غريب الي مع مالك كان يبيه صح بس طريقته غلط تذكرون يوم خطط للعوده كان يهدد بانه يبي يصده ويقهره بعد ماشاف انه تغيرت لا صار يتصيد الفرص. ليقابله سلام طبيعي تخاف من ماضيها معه لانه غلطت على زوجته. تخاف تنتقم او متفشله منه. وتبي تحس بالخوف لانه مالك. كل ماراحت لاهله تعلق به يبي يكلمه كلمتين. الا أغاني. طالبينك طلب ماتردينا نبي نعرف وشي الكلمتين الي يبي يقوله مالك لسلام. يوم هو يلاحقه | ||||
28-07-20, 07:00 PM | #409 | ||||||||
| اقتباس:
انا بعد ماقريت كلامك شكيت ليكون متخيله احداث براسي 🤣 اقتباس:
فعلا مالك هو يلاحقها ، استكثر انها نسته يبي يرجع الماضي من يوم مارجع وهو يبي يقول هالكلمتين ،،، واعتقد انها كلمتين سخيفه يمكن يقول 🤪 سلام نسيتيني سلام تحبيني سلام سامحيني سلام تتزوجيني 😂😂😂 صح هو ماقد طرى سالفه الزواج عندها ، وش تغير اللحين يعني ابوه مارح يشك فيه الان 🤔 | ||||||||
28-07-20, 07:20 PM | #410 | |||||||
| اقتباس:
بين اهلها بسم الله على قلبك من الغبنه 💕 ابعدي عن مالك ترا ما وراه الا النكد 😁 حرام عليك ليه اللوم على سلام ، انا جدا متعاطفه معها ، مالك اللي فيه هذي سوات يدينه غلط ورا غلط ورا غلط .. لو نرجع من البدايه ، هو الواعي في هالعلاقه وهو الكبير ، وهي مراهقة بين ابو كاره وجودها وام مهملتها وغير الفرق المادي والاجتماعي كلها زاد بتشتتها اذا المراهقة اللي عايشه بين ام وابو طبيعين نخاف عليها تنجرف بطريق سيء ، فما بالك بسلام اللي مافي اي شي طبيعي بحياتها ، لقت مالك الوحيد اللي معطيها وجه اكيد بتتعلق فيه وبيكون كل شي بعيونها هو اعتنى فيها جزاه الله خير ، بس ماعاد له حق عندها اخذ ثمن هالعنايه ان تمادى معها الى درجة كبيره وعذره ان هي اللي تعطيه هو المسكين اللي ياخذ ، حبه حب ملطخ ، ماهو حب طفولي بريء ، مقابلات في الخفا وتالي الليل ، خان اهل بيته وخان اخوانه في عقر دارهم ، (كلنا نقدنا على باسل وضي ومالك سوا الاسوء بنظري واستغل مراهقه ) ويوم شافها متماديه ليه ماوقفها مرة مرتين ماهو اللي مربيها اكيد بيقدر عليها .. بالله هذا واحد يخاف عليها ، كان خاف عليها من نفسه ومن هالانجراف .. كل هذا نعتبره غلطه وهو جزاه الله خير بيصحح غلطته وفاتح ابوه انه بيخطبها ابو رافض وشكك فيه .. مالك ايش سوا .. ؟ فكر بنفسه وبأنانيه مطلقه كيف انه هو يُشكك فيه ، راح خطب ماحط اي اعتبار غير نفسه ، ماهمه سلام ولا اللي كان بينهم ولا همه عذاري ماهمه الا نفسه .. بينما حله كان بسيط جدا ، كلم جدته مزنه تقنع ابوه ومزنه بتسوي المستحيل عشان مالك و ابوه برضو مستحيل يرد عمته .. ان كان همه يأدب سلام عشانها تمادت ، طيب هي تربية يدينك بتقدر تادبها بدون سالفه زواجك ، وكان يقدر يوهمها انه بتزوج بس مايصدق نفسه ويتزوج فعلا .. انا اعتبر زواجه هو الفاصل واللي انهى كل اللي بينهم وماعاد له اي حق وهو اللي قلب صفحة الماضي وصار يناظر قدام ، زي ماشاف نصيبه يحق لها سلام تشوف نصيبها ، بالله عذاري وش ذنبها بنت زي الورده ، خمس سنين وهي تفني نفسها لمالك سم ولبيه وابشر ، وهو كان همه يغيرها تكون شبية سلام لو حبها نسى سلام وطوايفها، واخذها كياده بولد عمها ، واخرها يطلقها قدام سلام بطريقه مهينه ولا حفظ حق العشرة والود اللي بينهم حتى لو مايحبها ماهو مبرر .. خمس سنين عمر ، لو عذاري حملت كان عندها طفلين ولا ثلاثه ، هل كان بيدمر حياته لو عنده اطفال ؟ خمس سنين مرت على سلام صعبه كل عالمها انهار لان مالك كان عالمها ، وضاعت سنه دراسيه من حياتها ، يالله قدرت تتخطى هالمرحلة صدمتها بمالك واقصاءه لها واخرها زواجه وهي اللي كانت كل شي بالنسبه له صارت ولا شي نستكثر عليها خمس سنين تلملم نفسها وتطلع من علاقه مريضه.. خلاص بدات تشوف طريقها بعيد عن مالك ، لكن من رجع وحاس الدنيا الدنجوان مالك .. عز عليه يشوفها نسته .. لو لاحظتي من اول مارجع وهو يدور زولها وطاريها باعتقاده انها بتطلع له وتنشب له وهو اللي بيصدها ، ويوم يكلم عذاري بنبره ناعمه اول مره تسمعها في بيت اهله بظنه ان سلام تتسمع عليه وان بيقهرها 😒 .. انصدم انها ماهي حوله ولا لمه ، ليه انصدم لان مالك قال بنفسه ان سلام مستحيييل مستحيل تنسى حبه وتتجاوز كان حاطها في جيبه بس انصدم انها قدرت تتخطاه ليه سلام تخاف ، لانها الان ماتملك الا كرامتها وسمعتها وهذا اللي يبي مالك يسلبها اياه ، سلام عرفت غلطها وتابت وتركت مالك ، ليه تعطي عذاري مجال انها تشوه سمعتها وباعتقادها انها الى الان تلاحق مالك ، كلنا نعرف اللي تلاحق رجال متزوج يصير عليها سخط المجتمع باكمله ليه تنحط في هالخانه وهي بريئه منها .. وهو اللي يتصيدها ويبي بكلامها ، وحقارته يقولها تعالي المكان اللي نتقابل فيه يحسب الوضع على ماهو عليه وانها سهله ومتاحه له ، نسى انه رجال متزوج ومحصن عشان يجلس يلاحقها ... ويوم يهددها انه يعتدي عليها ، فكرة تهديده بحد ذاتها تدل على حقارته وقلة مروءته ومرجلته ، يهدد وحده متزوجه ياحييفااااه ، لو فيه فلاحة كان تكلم قبل ماتملك كان صرح برغبته وتحمل كل اللوم اللي بيجيه ماهو من ورا اهلهم يجلس يلعب .. الشي الوحيد المفروض يسويه مالك الان ، يجلس يستنى ان توفقت سلام ويوسف فهذا نصيبها ويدعي لها ، وان ماتوفقت من دون اي تدخل منه فهذي فرصه ثانيه له ،،، ان ماحصل نصيبها مع يوسف ، اتمنى يااغاني مايكون السبب وفاة يوسف ، لان رجال محترم ويعرف يدخل من الباب 😉 ووحيد امه واخواته ، واتمنى بعد مايكون السبب تشويه سمعة سلام عنده حرام والله بعد ماحاولت تحافظ على سمعتها تنفضح عند زوجها وجارهم اتمنى من قلبي مايكون هذا السبب مالك يستاهل كل اللي يصير له واتمنى انه مايطولها وتكون حسره في قلبه ومايجبرها الزمن عندي سوال يااغاني من الفصل اللي بان خطبه مالك .. يوم مالك كلم ابوه عن الخطبه ، الابو شك في مالك ونظرته .. هل فعلا هو مايثق فيه ، كيف اجل العنود واثقه فيه وحاطه سلام عنده ؟ ولو هو قال هالكلام والسبب الحقيقي انه مايبي يناسب ابو سلام ،، كان مالك عرف السبب بما انه من اول عارف ان ابوه ماكان متقبل سلام ، على العموم اغاني انا اثق بكتاباتك ومعالجتك وسواء كان نصيبها مع يوسف او مالك انا مستمتعة جدا جدا بالقراءة 💕💕💕 والمعذره لو في اخطاء املائيه كتبت الرد مستعجل 👻 وبعدها انصدمت من طوله بطول فصل 🤣🤣 هذا كبت كم بارت🤣 | |||||||
الكلمات الدلالية (Tags) |
روايات سعودية.رواية.رواية رومانسية.بين نبضة قلب و أخرى.روايات أغاني الشتاء.روايات مكتملة |
أدوات الموضوع | |
انواع عرض الموضوع | |
|
|