آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-08-19, 05:56 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  حبك عمى قلبي ،للكاتبه / التميمية(altmeme313)،عراقيه (مكتملة )
التعديل الأخير تم بواسطة فيتامين سي ; 18-09-19 الساعة 02:45 AM | |||||||||||||||||
|  |
|
29-08-19, 05:58 AM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنــــــــــــــــــا  قصة سوزان #حبك_عمى_قلبي تملك...خوف...جرأة...عشق...تمرد.. .قساوة...اغتصاب... عنف...غيره...نار...اكشن...حماس.. .رومنسية... #altmeme313 #مقتطف مساء الخير اقدملكم مقتطف من قصتي الجديدة.... قصة سوزان(حبك عمى قلبي) تملك...خوف...جرأة...عشق...تمرد.. .قساوة...اغتصاب... عنف...غيره...نار...اكشن...حماس.. .رومنسية... المشهد الاول............. التفت بكل ثقة لابو اياد: هاي بنتك محمد ابو اياد خاف عليها:اي بنتي حسام ابتسم:ماعرفت عندك بنية حلوة هيج سوزان حست بخوف من حجيه وشلون وقح كدام ابوها يكول هل الحجي... سوزان بثقة:منو انته وشهل الوقاحة ماتحترم ابوي حسام ابتسم بخبث:مو بس حلوة شكلها مفترسة سوزان ارتفعت حرارتها من وقاحته:انته ماتستحي على شنو شايف نفسك ماتكلي ابو اياد مقهور من حجيه عن بته هيج كباله بس مايكدر يكول شي... ابو اياد:سوزان دخلي بابا عيب هالحجي ويه الرجال حسام بثقة:خلها تكول الي بكلبها سوزان بشوية عصبية:ماعرف منو انته حتى شايف نفسك هالكثر..بابا شلون تقبل عليه يكول هيج شصارلك حسام بتكبر:ابوج مايكدر يحجي او يسترجل يوكف بوجهي لأنه واحد حرامي سوزان بعصبية مدت ايدها تريد تنطي كف بس لزم ايدها بكل قوة... ابو اياد صاح بصوت:سوزان دخلي جوه حسام بغضب: تردين تمدين ايدج عليه يابت محمد ماشي بسيطة الا اخليكم بالشارع مثل الكلاب..سمعتني يامحمد ان مارجعت الفلوس راح يتشردون عائلتك وانته تدخل السجن.. دار وجهه وطلع وصعد سيارته ومشو... المشهد الثاني............ دخلت شافته كاعد بثقة ومنتصر... حسام بابتسامة نصر:هلا والله بزوجتي سوزان بدون نفس:خير حسام كام وكف واقترب منها:سلامتج عزيزتي بس حبيت اشوف زوجتي عندج مانع سوزان ماتحركت وماهمها:مصدك اني زوجتك تحلم اكون الك زوجة انا ازوجتك حتى انقذ ابوي لا تصدك نفس... كاطعها حسام:غصبن عليج صرتي ملكي واكدر اسوي الي اريده..وحط صبعه براسها..وهذا راسج اليابس راح اكسره الج سوزان تظاهرت بعدم الخوف:نشوف يا زوجي تكدر الي حسام اقترب حيل منها وهي تراجعت وبهمس:لا تتحديني تره انا العناد يجري بدمي وانتي كلج شبر يمي وقوتج لا شئ يمي سوزان تراجعت لمن لصكت بالباب وهو حاصرها بايديه.. حسام ضحك: وين راحت قوتج سوزان دفعته بس كأنه جبل مايتحرك:وخر ايديك عني تره اقرفتني بقربك حسام حط ايد بخصرها وايد لزم ايديها ثنينهن ورفعهن فوك:منو ينقذج مني الا اكسر خشمج يابت محمد سوزان تريد تفك ايديها ماتكدر وبعصبية:فكني ياحقير فكني حسام عصب وظغط ايده بقوة بخصرها:على ايش متكبرة تره اشتريتج بفلوسي وراح تصيرين لعبة بايديه سوزان تألمت من ايده:فكني ياحقير..انته غلطان انا مستحيل اتنازلك ومو اني الي انشره بالفلوس خلها ابالك اني وافقت بس لأني مجبورة وحتى اساعد ابوي حسام ابتسم بخبث:هو اني اشتريتج وانتهى الموضوع... قرب وجه من وجها وطبع بوسة عميقة بشايفها وهي تقاوم وخر عنها... حسام بابتسامة جانبية:هاي اثبات صغير انج ملكي والباقي بوقته..وغمز الها.. سوزان بعصبية:اتركني وروح اني مو ملكك حسام ترك ايديها:انتي راح تكونين عروسة متوحشة... وضحك باستهزاء وطلع... سوزان بقهر طلعت راحت الحمام وضلت تغسل شفايفها بعنف... باوعت لوجها بالمراية وحست وجها اشتعل نار ومن تذكر بوسته كلبها يدك حيل ماتدري ليش...... وهاي قصتي الجديدة.... اذا عجبتكم حمسوني حتى اكملها..... تحياتي الكاتبة التميمية...... altmeme313 التعديل الأخير تم بواسطة فيتامين سي ; 18-09-19 الساعة 02:48 AM | ||||||||
|
| |
|
30-08-19, 04:28 AM
| #3 | ||||||||
| مراقبة عامة ومشرفة منتدى الروايات المنقولة
| قصة سوزان #حبك_عمى_قلبي🔞 تملك...خوف...جرأة...عشق...تمرد.. .قساوة...اغتصاب... عنف...غيره...نار...اكشن...حماس.. .رومنسية... #altmeme313 قصة سوزان #بارت1 مساؤؤؤؤؤؤؤؤ احبابي واشراري😘😈 جبت البارت الاول من القصة..... استمتعو😍😍😍😍😍 قصة حلوة وجميلة وتحجي عن واقعية المجتمع والناس وحقيقة الي يجري بيه.... تصدمنه الايام وتوجعنه الليالي وناس تروح وناس ترجع وصدفة تجي وصدفة ماتصير..نحب وننحب..نتوجع ونلم وجعنه ونسكت.. نحزن نفرح..نعيش ونتعب..بس الحياة ماتخلى من الناس الطيبة..والي أذته الحياة اكو شي مضموم اله من ربه ويفرحه هواي...محد ياخذ الا نصيبه بالدنيا..ونهاية كل انسان تابوت....فأدعو ربكم يحسن خاتمتنا... نبدي القصة بسم الله... اول قصة الي ابدي بيها تعريف البطلة 😍... اعرفكم بطلة القصة..سوزان بنت جميلة حيل وجمالها تركي لان اصل أمها من تركيا بس تزوجت عراقي وعاشو بالعراق واحلى حب عاشو... عيونها خضر وشعرها بني نص ظهرها..عيونها واسعة وخشمها صغير وملموم وشفايفها ممتلئة شوي ولونهن وردي وعدها 3 غمازات بخدودها وحنجها...رشيقة وطويلة تلبس حجاب بس بدون عباية..بالجامعة عمرها 19سنة تدرس قسم محاسبة حبيبة ابوها طيبة وشخصيتها قوية عدها 3 خوات مزوجات ومو مهمات بالرواية وهي الصغيرة وعدها بس اخو واحد صغير عمره 11سنة... وهاي مجرد شبيهة الها👇بس سوزان شكلها اصغر من هاي الصورة... رجعت من الجامعة ودخلت البيت وصار بوجها رجال شكله بالثلاثينيات وسيم ويجذب وشكله كشخة حيل... لابس بدلة رجالية سودة وياه رجال 2..... التفت بكل ثقة لابو اياد: هاي بنتك محمد ابو اياد خاف عليها:اي بنتي حسام ابتسم:ماعرفت عندك بنية حلوة هيج سوزان حست بخوف من حجيه وشلون وقح كدام ابوها يكول هل الحجي... سوزان بثقة:منو انته وشهل الوقاحة ماتحترم ابوي حسام ابتسم بخبث:مو بس حلوة شكلها مفترسة سوزان ارتفعت حرارتها من وقاحته:انته ماتستحي على شنو شايف نفسك ماتكلي ابو اياد مقهور من حجيه عن بته هيج كباله بس مايكدر يكول شي.. ابو اياد:سوزان دخلي بابا عيب هالحجي ويه الرجال حسام بثقة:خلها تكول الي بكلبها سوزان بشوية عصبية:ماعرف منو انته حتى شايف نفسك هالكثر..بابا شلون تقبل عليه يكول هيج شصارلك حسام بتكبر:ابوج مايكدر يحجي او يسترجل يوكف بوجهي لأنه واحد حرامي سوزان بعصبية مدت ايدها تنطيه كف بس لزم ايدها بكل قوة.. ابو اياد صاح بصوت:سوزان دخلي جوه حسام بغضب: تردين تمدين ايدج عليه يابت محمد ماشي بسيطة الا اخليكم بالشارع مثل الكلاب..سمعتني يامحمد ان مارجعت الفلوس راح يتشردون عائلتك وانته تدخل السجن.. دار وجهه وطلع وصعد سيارته ومشو... خل اعرفكم حسام رجال وسيم وشخصية قوية ومتسلط وقاسي...عيونه عسليات وشعره اسود..طويل وعنده عضلات وهو رياضي يروح دوم للنادي...هو غني هواي.. مريش على كولتهم ومغرور كلش وعنيد... امه متوفية بس ابوه عايش.. متزوج بس ماعنده اطفال...عمره 33 سنة... وهاي يشبهه👇 وائل اخوه..شاب وسيم وانيق شخصية قوية..عيونه عسليه وشعره اسود.. يشبه حسام..طويل.. وكل يوم ويه بنية شكل بس سوالف طبعا... يشتغل ويه اخوه وابوه بشركتهم الخاصة عمره 30سنة ومتزوج وعنده ولد عمره 4سنوات... مروة اختهم حلوة وجميلة بس مغروره شوي ومتكبرة..عيونها عسليه كبار وشعرها كصير جوى ذانها صابغته بني وعسلي وماتلبس حجاب متخرجة بس ماتشتغل وهي المدللة عند ابوها...عمرها 24 سنة ومامتزوجة تحب واحد ويحبها ومواعدها يخطبها... خل اكللكم شنو قصة ابو سوزان ويه حسام... محمد يشتغل عنده حارس الشركة وحسام يحترمه لان وفي بشغله بس قبل جم يوم انباكت الفلوس مالت حسام الي بالخزنة بمكتبه هو مايخلي فلوس بيها بس فد يوم خلاهن وطلع ويوم ثاني اجه مالكاهن والوحيد الي جان بالشركة هو ابو اياد وطاحت براسه البوكه وهو ماله ذنب بشي وشرح لحسام بس ما صدكه ابد والمبلغ هواي مو مليون لو مليونين ... 80 الف دولار جانن بالخزنه وحسام كله رجعهن او تدخل السجن وابو اياد يكول مو اني بكتهن بس مايصدكه... انطاه فرصة اسبوع يرجعهن احترام لشيباته ولأن ابوه يحترمه كلش... وراح اله على بيته يحذره انو راح يرفع قضية عليه هواي انطاه فرصة.... المهم نكمل...قصتنه بعد تعريف الابطال.... ابو اياد طاح على الارض وكلبه ضل يوجعه صاح بصوت مخنوك:سوزان سوزان مفور دمها من هذا الي يكول عن ابوها حرامي وليش يكول هالحجي وشايف نفسه ومتكبر ومغرور... ماكدرت تتحمل طلعت مره ثانية شافت ابوها بالارض انفجعت وركضت اله.. سوزان بخوف:بابا شبيك انته بخير ابو اياد:مابيه شي بنتي بس شوية تعب ساعديني اكوم سوزان بقهر:بابا انته مو بخير كوم ناخذك المستشفى ابو اياد:لا مابيه شي هسه ارتاح واكون بخير سوزان: يالله كوم..... واخذته داخل وحطته بسريره.. سوزان:بابا منو هذا وشيريد منك وليش هيج يحاجيك فور دمي بوقاحته وليش يكول تدخل السجن ويشمرنه بالشارع ابو اياد بقهر:يبه خفت عليج وما حجيت اخاف يأذيكم...هذا الرجال مديري وهو جان زين وياي ويحترمني بس هسه صار جامد ومتسلط ومايخاف الله سوزان:شلي صار هسه وتغير ابو اياد ابتسم الها:لا تفكرين بابا ماكو شي انتي لا تشغلين بالج واهم شي دراستج اهتمي بيها دخلت ام اياد بقهر ودموع وهي تعرف عربي قبل لاتزوج ابو اياد.... ام اياد :محمد شبيك شصارلك ابو اياد:ماكو شي يامره لا تخبصين الدنيا شوية تعب ام اياد بقهر:اكيد هذا حسام الي قاهرك خابرلك صح..حسبي الله ونعم الوكيل عليه الله يجازي الي جان السبب ابو اياد:يامره كتلج لا تخبصين الدنيا ولا تتحسبين على احد احنه عدنه اولاد خاف توكع على راسنه ربج يطلع الحق سوزان:بابا شنو السالفة الي ضامينها عليه تره اني مو طفلة وافتهم كلولي والله مقموته صارلي اسبوع اشوف ابوي مقهور وتعبان ومايروح الشغل وتحجون بالالغاز ابو اياد:بابا لا تفكرين ام اياد:وانتي شدخلج بهل الامور كومي لدراستج سوزان بعناد:ماكوم لمن اعرف شنو السالفة... ابو اياد جان مايريدها تعرف بس بعد مايكدر يخفي اول وتالي راح ينشمر بالسجن وراح تعرف... سولفلها كل القصة وهي انقهرت وضلت تبجي بقهر على ابوها... نروح بيت ابو حسام... حسام بمكتبه الي بالبيت ويدخن ويفكر بسوزان ومقهور منها شلون تتجرأ وتريد تضربه كف.... ويكول ماكون حسام ان ماكسرت غرورها هذا وخليتها تتندم... اجت فجر زوجته وشافته صافن ويدخن:الماخذ عقلك الف هنياله حسام انتبه من تفكيره:هو منو شاغلة غيرج فجر بحب:فديت حبيبي..تره حركت صدرك بهل الدخان كافي حسام طفه الجكارة:وهاي طفيناها بعد شتريد مدام فجر فجر كعدت يمه:حسام حبيبي ممكن طلب حسام:عيوني..ادللي فجر ابتسمت: مايدلل عليك ظالم..ردت اكلك شرايك نسافر ونجرب علاج المانيا حسام تنهد:فجر حبيبتي انا ماريد اخذج مكان ثاني ويطلع نفس النتيجة وترجع حالتج مثل اول فجر بحزن:انا ماريد افقد الامل اريد اجيبلك طفل تفرح بيه ونصير عائلة حسام لزم وجها:فجر كتلج اني ماريد طفل اريدج بس انتي بحياتي ماريد شي ثاني فجر بتوسل:حسام فدوة اوعدك ماراح انقهر واحزن اذا نفس النتيجة حسام بجدية:فجر مابقه دولة ما اخذتج ونفس النتيجة وكلتيلي نفس الحجي ماحزن على النتيجة وتنتكسين من تسمعين النتيجة... خل اوصفلكم فجر حلوة وطيبة وحبوبه عيونها كبار سود وشعرها صابغته احمر ويجنن عليها عمرها 30 وهي وحسام تزوجو عن حب وصارلهم 10 سنوات مزوجين وهي ماتجيب اطفال وتعاني من هالشي وتتمنه تجيبلها حتى لو بس طفل واحد ومابقه علاج ماجربته ولابقت دولة ماراحت الها... طبعا حسام لطيف بس وياها... فجر كامت بقهر:اوك فهمت.. انا اريد اسافر لبيت اهلي جم يوم حسام:فجر لا تزعلين ماريدج تتأملين وتنصدمين...وتردين اسافربن وتخليني وحدي يهون عليج فجر:والله مايهون عليه اروح بس من زمان ماشفتهم صارلي سنة حسام:اوك صار باجر اجيب البيزا واخذج لهناك فجر:حبيبي ماحاجه تعب نفسك وتسافر وياي خالتي راح تروح وانا اريد اروح وياها حسام:اوك مو مشكلة خل ارتب امورج انتي وخالتج... اهل فجر عايشين بالسويد... حسام طلع من البيت وضل يفكر شيسوي حتى يكسر غرور سوزان فكر صدك يشمرهم بالشارع ويسجن ابوها.... فجأة اجته فكرة واتصل بأبو اياد.. ابو اياد شاف رقمه نخبص كلبه رد بصوت منكطع:الو حسام بهدوء:ها قررت ترجع الفلوس لو ارفع القضية عليك ويتشردون عائلتك وبنتك راح تكون اكبر ضحية بالموضوع اوعدك الا اخلي البيبان تنسد بوجها وحتى جامعة ماتكمل ابو اياد بقهر:استاذ حسام والله وعمر اولادي ماخذتهم وماعندي ربع المبلغ الله يحفظلك كل غالي عائلتي مالهم ذنب بشي حسام بهدوء:عندي الك حل وانسه كل دينك والفلوس الي اخذتهن حلال عليك ابو اياد:بس انا ماخذتهن.. أي شي تطلبه واكدر عليه انا حاضر حسام:بنتك سوزان ابو اياد:شبيها استاذ تره ماتقصد شي البارحة بس هي ماتحب احد يكللها هيج وو.. كاطعه حسام:اريد اتزوجها ابو اياد تفاجأ بطلبه:تريد تزوج سوزان بنتي حسام بهدوء:اي وانسه كل الفلوس الي راحت واعتبره مهرها ابو اياد احتار شيكول وسكت.. حسام:بعد براحتك هنه خيارين تدخل السجن وعائلتك تشتت لو تقبل اتزوج بنتك وعلى سنة الله ورسوله... ابو اياد يعز عليه يبيع بنته وهي مالها ذنب بشي وهو بعد ابتله بفلوس مالمسهن وبحياته ما أكل مال حرام... حسام راد يسد التلفون:اوك عرفت جوابك استعد للسجن وعائلتك ينشمرون بالشارع..وخصوصا بنتك..ويريد يسده.. ابو اياد دموعه طاحن بقهر:انا موافق بس خل اسألها حسام ضحك باستهزاء:اي من حقها ابو اياد:اسألها واردلك خبر... سداه وهو كله قهر وحسرة وظل يبجي بدخلت ام اياد وسولفلها السالفة... سوزان اجت تطمن على ابوها وسمعت السالفة بالغلط وتفجرت غضب... سوزان بعصبية:هذا شنو من بشر مايخاف الله ليش مايفهم مو انته الي اخذت الفلوس ابو اياد بحزن:انا لو مكانه يبنتي جان هم اتهمته وماصدكته ابد لان ثابت عليه السالفة سوزان بعصبية:بس انته مالك ذنب بابا ليش تسكت على الظلم وامس متت واشوفك ساكت وهو بوقاحة يتغزلني كدامك انته ابد مو هيج بابا ماتقبل عليه شصارلك ابو اياد اول مره يصيح على بنته:اصلا زين الرجال ساكت وناطيني فرصة وماذبني بالسجن ومنو الكم بعدين سوزان لزمت دموعها:الله موجود يطلع الحق اسم الله عليك من السجن ام اياد:وانتي بيدج تكدرين تنقذين ابوج وبعدين هو مايعيبه شي والخير مغركه ليش ماتقبلين سوزان بعصبية:ماما صدك تحجين يريد يشتريني بالفلوس وانتي تكولين هالحجي ابو اياد مقهور ومايكدر ينطيه بنته بس شيسوي يخاف عليهم من الضياع وهذا حسام فلوسه مغركته... ابو اياد:بس يا بنتي راح تضيعون بعدي ومستقبلج يضيع على الاقل اطمن عليج متزوجة وهو والله عاشرته محترم بس قاسي شوي يمكن يلبس قناع القساوة بس حتى يعيش بهل الدنيا سوزان بدموع:بابا يعني مصر يرفع دعوة عليك اذا رفضته ابو اياد:اي ويريد يشمركم بالشارع وانتم مالكم احد غيري بهل الدنيا.. سوزان بابا اذا مو موافقة ولا يهمج اتحمل المر لخاطركم واذا صار ورفع الدعوة بيعو البيت وروحو لعمج سوزان سكتت لحظة وباوعت بعيون ابوها ولزمت ايدينه:عمي تدري بيه مايعرفنه شنو ولا يهتم ولا يحبنه واذا بقت عليه هم يشمرنه بالشارع...واذا هالزواج راح ينقذك انا موافقة ابو اياد:بابا لا تتسرعين وانتي مالج ذنب بشي فكري عدل سوزان بجدية:بابا اني موافقة وماراح تراجع كله موافقة ابو اياد لزم وجها:يبنتي هذا زواج لا تتسرعين سوزان بجدية:بابا ماتسرعت ومقتنعة وبعدين ماتحلمون اصير عروس هاي تحقق حلمكم ام اياد بفرحة:اي والله انا وابوج ننتظر هذا اليوم وانتي راح تنقذينه كل احنه يبنتي ابو اياد سكت وحزنه بكلبه... سوزان خايفة من هالزواج وماتريد تكون زوجة هذا الوقح والنذل بس مايهمها غير تنقذ ابوها... اليوم الثاني سافرت فجر ويه خالتها للسويد وراح تبقه هناك... ابو اياد كل لحسام سوزان موافقة وكله حسام اليوم بالليل يجي يعقد عليها وبعد يومين الزواج علما يرتب اموره... ابو اياد ماعنده غير يوافق مايكدر يشرط يخاف يخللي احد يتعرض لسوزان بشي... حسام اتصل على ابراهيم صديقه... ابراهيم:الو..هلا بالضلع حسام:هلا بيك شخبارك ابراهيم:بخير ماكو هل ايام ماتمرنه بالبيت حسام:مشغول ابراهيم اريد منك شغلة ابراهيم:آمر بخدمتك اني حسام:خادم ربك اريد تشوفلي بيتك الي نتجمع بيه دوم..محتاجه جم يوم علما اشوفلي بيت قريب من بيتنه ابراهيم:تدلل هو مابيه شي جاهز للكعدة بس ليش تريده راح تترك بيتكم مو تكول ابوك مايريد تتفاركون حسام:لا ماراح اترك بيتنه بس راح اتزوج ابراهيم تفاجأ:ها ومن يمته قررت واني مادري حسام:اصلا امس قررت صارت السالفة بسرعة والليلة راح اعقد عليها بس طبعا بدون علم اهلي بس اخوي وائل يعرف اريدك تجيني الليلة تكون شاهد عالزواج ابراهيم:افى عليك بخدمتك وعيوني الك حسام:تسلم بعدين اشرحلك السالفة لو اجيتني ابراهيم:اوك مع السلامة... وسداه... وائل بالصالة ويمه مروة وابو حسام وحاط ابنه سجاد بحضنه... سجاد:بابا وديني مدينة الأاب...(العاب) مروة ضحكت:وانته كل تفكيرك مدينة العاب ماتشبع...يتبع ان شاء الله عجبكم البارت الاول 😍 اكملها لو لا تره هي كاملة وطويلة 😉 والبارت الاول مانطاها حقها.... اكو بنية تابعني بصمت تعشق هالقصة وماعرف جم مرة قرتها الخبلة 😂😂😂... عوبايتي هاي الج😉 تحياتي واحبكم اشراري 😘 الكاتبة التميمية...... altmeme313 | ||||||||
|
| |
|
01-09-19, 01:22 AM
| #4 | ||||||||
| مراقبة عامة ومشرفة منتدى الروايات المنقولة
| قصة سوزان #بارت 2 مساؤؤؤؤ بنوتاتي الحلوات رح انزل بارت لأن يمكن يخلص الاشتراك باجر 🥺😭😢 ههههه بس نشترك لا تخافون 😂😂😂 بس خاف اتأخر لليل مانزل فحنزل هسة وباجر اذا اكو نت انزل.... استمتعووووووووووووووووووو ووووو وائل يحجي بلسان ابنه:انتي معليج عمتي الدبه مروة فتحت عيونها:اني دبة والله انته وابوك وامك الدببه وائل بمزح: هص ولا كلمة انتي مو احلى من مرتي وابني ابو حسام يضحك:سجاد حبيب جدو تعال يمي اني اوديك وين ماتريد وماناخذ عمتك هههه مروة بزعل:حتى انته بابا اخذك مني هالنتفة وائل ضحك:بعد شكبرج راح تصيرين وتدلعين بطلي مو راح تزوجين ابو حسام:هاي مروة دلوعة ابوها خلها تدلع مادامها عند ابوها مروة بانتصار ترمش لوائل:هههههه سمعت موت قهر انته وائل ضحك:الحمدلله والشكر خبله.. مروة تضحك.. مرام زوجة وائل اجت.... خل اوصفها الكم اول....بنت حلوة وانيقة وطيبة عيونها بنية وشعرها اسود ماتحب الصبغ طولها متوسط رشيقة وتلبس حجاب عمرها 26 سنة متخرجة وجانت تداوم بس تركت الشغل حتى تهتم بأبنها..وهي و وائل كله مشاكل هم تزوجو عن حب بس بعد الزواج صار برود بينهم وكأنه راح الحب..مرام تعانده وهو يضربها وحتى مرات تدخل المستشفى من ضربه الهمجي... مرام بهدوء:سلام عليكم الكل:وعليكم السلام مرام بهدوء بدون ماتباوع على وائل:سجودي يالله حبيبي امشي تاخذلك حمام سجاد:ماما الليد ابكه يم جدو وعمه وبابا (اريد ابقه ) وائل:عوفيه خليه يمنه مرام دارت وجها وصعدت لغرفتها بدون كلام... ابو حسام:وائل انته وزوجتك متحاجين وائل بهدوء:لا.. هاي حالها كل يوم هيج ابو حسام:انا اعرف انته ماتلزم ايدك ابني واعرفك روحك بخشمك بس والله اذا اعرف ضاربها بعد والله ما ابقيك بالبيت وائل كام:هاي انته بابا كله تلومني اني وبس ابو حسام:لعد الوم منو انته الغلطان الرجال مايمد ايده على مره ابد وانته اخر مرة بسبب وحشيتك نامت مستشفى ولو ما اني نقذت الموقف جان الدكتور حولها على التحقيق وائل:وتكلي ليش كله طالع اكعد بالبيت شوي اجي تغثوني كلكم باللوم بيه ابو حسام:خليك عاقل وحافظ على عائلتك تره اذا عرف ابوها والله يوم مايخليها عندك وائل بهدوء:الله وياها وشنو يعني اموت نفسي عليها مروة:شبيك وائل تغيرت مو انته الي تحبها وكتلت نفسك حتى تاخذها وتحديت ابوها بس حتى تزوجها وائل:سكتي انتي مالج علاقة بالموضوع.. ومشه عنهم وصعد لغرفته... مرام بغرفة الملابس جاي ترتب ملابسها وتطلع الملابس الي ما تلبسهن تريد تتبرع بيهن.. وائل دخل وبعصبية:شبيج انتي ها مرام بهدوء بدون ما تلتفت اله:ليش شصاير شبيه اني وائل لزم ايدها بقوة وكومها:لمن احاجيج ما تنطيني ظهرج فهمتي مرام توخر بأيده:وخر عني مو راح تبدي تمشكل وتمد ايدك عليه وائل بغضب:تعدلين اسلوبج لو اعدله الج اني مرام بكره:انته ليش ماتفهم انا ماعدت احبك ماريدك انا اكرهك وائل لزم وجها بقوة:غصبن عليج تحبيني وتحلمين اني اعوفج مرام بعصبية:يعني تقنعني انك تحبني ليش تجذب على نفسك وائل انته ماعدت تحبني وائل بعصبية:لج والله هسه اكسرج ماتفهمين انا احبج غصبن عليج انتي تخصيني وبس مرام ببجي:وسوالفك التعبانة شنو معناها وخيانتك الي بالحرام وين الحب هاي الي بيك مرض وائل كلش عصب:كتلج ماكو شي من الي تكولينه والي براسج كله شكوك فهمي عاد انا ماخونج مرام بصياح:جذاب والكعبة جذاب انته اكبر خاين وائل لزم زنودها بكل غضب:مرام ان ماعقلتي وبطلتي شكج هذا راح اتعبين وياي وهواي مرام فلتت نفسها منه ومشت من يمه بدون ماترد... وائل تأفف:اف يامرام تعبت منج وماتصدكين اني بس اسولف وياهم لا اكثر.. وطلع من البيت.. وائل يحاجي البنات بالنت وكل فترة بنية شكل بس مايسوي شي غير الحجي وياهم بس الحجي مصايب مصايب بنات بلا شرف والي ادز صورها والي تفتحله كامرة وتلبسله اشكال وهو يلعب بعقلهن لا اكثر.... العصر... وائل بابتسامة:شعليك راح تزوج مرة ثانية حسام بهدوء:وائل دير بالك يعرف احد وائل بجدية:حسام لو كايل لابوي على الاقل اول وتالي راح يعرفون واذا اخفيت عنه راح يعصب حسام بهدوء:ما اله داعي يعرف احد اصلا انا راح تزوجها فترة وراح اطلكها وائل بتسائل:لعد ليش راح تزوجها حسام ضحك:مزاج وائل:اعوذ بالله من مزاجك..واذا عرفت فجر شراح يصير حسام:ماراح تعرف وائل:مو يمكن تجيبلك طفل... حسام مافكر بهالشي هو الاطباء اكدو انو العقم من زوجته يعني راح يصير عنده طفل... نفض الافكار وكال مو وكته يفكر بهالشي المهم عنده يكسر غرور سوزان ويندمها على تجرأها عليه... وائل:الوووووو وين رحت حسام:اني يمك وائل ضحك:والله انته اختفيت من العالم من جبت سيرة الطفل حسام:انا ماريد طفل مايهمني انا اريد ازوجها تسلية لا اكثر وائل:واهلها شلون قابلين تتسلى يا عضيدي العزيز حسام بثقة:مايكدرون يحجون..اصلا ماكلتلهم بنتكم راح تكون مجرد تسلية واخذتها حتى اكسر خشمها وائل كام:والله حاس راح تصير مصايب وره زواجك هذا.. يالله الله يوفقك بلكي تجيبلك طفل وتنسه سالفة التسلية هاذي حسام:لا تطلع بعدين اريدك وائل:اوك اني موجود راح اروح للنكد مالتي حسام:والله بيدك النكد..انته الزم نفسك ولا تتعصب بسرعة وائل:انا هيج شسوي... وراح لغرفته.. شاف مرام بيدها مبايلها:ويامن تسولفين مرام بهدوء:شنو عبالك مثلك اني اخون وائل بعصبية:اكلي تبن ماكلت هيج مو اني الي اشك بمرتي مرام:ادري اجيتني حتى تسوي مشاكل وائل:انا الي اسوي مشاكل لو انتي مرام مضايجة كلش:وائل مالي خلك كلش وائل كعد يمها:شبيج استاذة مرام مرام حست معدتها صارت تفور وتريد تتقيأ حطت ايدها على حلكها وراحت الحمام وضلت تتقيأ.... وائل استغربها صارلها ايام هيج وجان يكول يمكن مريضة معدتها بس صارلها ايام هيج.... طلعت بتعب ودخلت غرفة الملابس وبدلت وطلعت.. وائل بتسائل:مرام شبيج اوديج طبيب صارلج ايام على الحال مرام انسدحت بالسرير وتغطت ونطته ظهرها:مابيه شي هسه انام شوي واصير زينة وائل:مرام انتي حامل مرام ماعرفت شتكول هي بالشهر الثاني وماتكله وسكتت.. وائل بعصبية:مرام احاجيج ردي مرام كعدت:من سوء حظي..اي حامل وائل بعصبية:ويمته ناويه تكليلي ها مرام بعصبية:توك يالله لاحظت وانته لاهي بحبيباتك قليلات الشرف وائل بعصبية:مرام سدي حلكج تره مليت من هالسيرة كتلج تركت هالسوالف مرام ضربت صدره بقوة:وبعد فترة ترجع على سوالفك اعرفك عدل وائل لزم ايديها بقوة:مرام تره انا مليت من مشاكلج انسي لو مره هالمشاكل حتى من اكون وياج يم الكل..استغفر الله ليش اتعب نفسي..كام يريد يطلع..اروح من يمج احسن.... صار الليل حسام اخذ ابراهيم صديقه واخوه وائل وراح بيت ابو اياد... ابو اياد دخل لسوزان بغرفتها وكلبه متألم وما مرتاح من هالزواج وده هسه يكله ماريد انطيك بتي واسجني مايهمني بس خايف من تهديد حسام اله يضيع مستقبلها وعائلته تشتت ومنو يلتفت لناس ابوهم مسجون وتهمته حرامي سكت وباوع لبته بقهر وبوداع...وجه وجهه لله يطلع الحق... سوزان كامت اله:بابا حبيبي لا تضايق انا راح اتزوج مو رايحة للموت... وابتسمت واخفت خوفها حتى ماتضوجه... ابو اياد بضيجة قلب:يالله بنتي لبسي عباية وغطي وجهج اجه الشيخ ويريد يسألج سوزان توترت حيل بس مابينت لابوها:اوك جاهزة اني... ولبست عباية راس مالت امها وغطت وجها ولزمت ايد ابوها حيل وطلعت وياه ودخلت مجلس الزلم وباوعت من وره غطا وجها لحسام باحتقار الي كاعد بثقة ومنتصر توعدت الا تشلع كلبه وماتسكتله ابد... حسام باوع لطولها وهي تدخل ويعرف هي جاي تباوع اله رفع راسه بثقة... طبعا خوالها حضرو العقد لانهم جاين للعراق صادف وعمها الطماع حضر.... الشيخ:بسم الله الرحمن الرحيم والحمدلله رب العالمين والصلاة والسلام على رسول رب العالمين صلى الله عليه وآله وسلم... وبده مراسيم الزواج وسألها.. الشيخ:سوزان محمد حسن هل تقبلين ان اكون وكيلك بتزويجك من حسام عبدالله ذو الفقار..قولي نعم انته وكيلي سوزان ماكدرت تنطقها وتوترت:انته...وك...وسكتت الشيخ:يابنتي كولي انتي موافقة رددي بعدي نعم انته وكيلي سوزان كلبها صار يدك قوي وحتى صوتها صار يرجف واختفى:نعم..انته..وكيلي.. الشيخ ابتسم:على بركة الله... وخلصو العقد وسوزان طلعت ودخلت غرفتها ونزعت العباية بعصبية وشمرتها وهي مقهورة من ثقة وغرور حسام الزايدة وتاكل بروحها اكل ودها تذبحه... بعد ساعتين راحو كلهم بس حسام يريد يحاجي سوزان.. ابو اياد اجه لبنته:سوزان بابا زوجج يريد يحاجيج سوزان بقهر: بابا فدوة ماريد اشوفه ابو اياد بجدية:بابا هو صار زوجج بعد يالله كومي الله يرضه عليج سوزان بقهر:احس اذا رحت يمه اشرب من دمه الوقح ابو اياد:سوزااان سوزان مدت بوزها:اوك اوك راح اروح وان شاء الله الزم نفسي مااعارك.. وكامت لبست حجابها..لابسة تراك تشيرته طويل حد نهاية رجليها وبيه فتحات حد الفخذ وجواه ستريج... مشت وكفت بباب الديوانية وترددت تدخل وبقت 10 دقايق مترددة... تكول بكلبها انا ليش خايفة منه خل ادخل واواجهة... دخلت شافته كاعد بثقة ومنتصر.. حسام بابتسامة نصر:هلا والله بزوجتي سوزان بدون نفس:خير حسام كام وكف واقترب منها:سلامتج عزيزتي بس حبيت اشوف زوجتي عندج مانع سوزان ماتحركت وماهمها:مصدك اني زوجتك تحلم اكون الك زوجة انا ازوجتك حتى انقذ ابوي لا تصدك نفس... كاطعها حسام:غصبن عليج صرتي ملكي واكدر اسوي الي اريده..وحط صبعه براسها..وهذا راسج اليابس راح اكسره الج سوزان تظاهرت بعدم الخوف:نشوف يا زوجي تكدر الي حسام اقترب حيل منها وهي تراجعت وبهمس:لا تتحديني تره انا العناد يجري بدمي وانتي كلج شبر يمي وقوتج لا شئ يمي سوزان تراجعت لمن لصكت بالباب وهو حاصرها بايديه.. حسام ضحك: وين راحت قوتج سوزان دفعته بس كأنه جبل مايتحرك:وخر ايديك عني تره اقرفتني بقربك حسام حط ايد بخصرها وايد لزم ايديها ثنينهن ورفعهن فوك:منو ينقذج مني الا اكسر خشمج يابت محمد سوزان تريد تفك ايديها ماتكدر وبعصبية:فكني ياحقير فكني حسام عصب وظغط ايده بقوة بخصرها:على ايش متكبرة تره اشتريتج بفلوسي وراح تصيرين لعبة بايديه سوزان تألمت من ايده:فكني ياحقير..انته غلطان اني مستحيل اتنازلك ومو اني الي انشره بالفلوس خلها ابالك اني وافقت بس لاني مجبورة وحتى اساعد ابوي حسام ابتسم بخبث:هو اني اشتريتج وانتهى الموضوع.. قرب وجهه من وجها وطبع بوسة عميقة بشايفها وهي تقاوم وخر عنها... حسام بابتسامة جانبية:هاي اثبات صغير انج ملكي والباقي بوقته..وغمز الها.. سوزان بعصبية:اتركني وروح اني مو ملكك حسام ترك ايديها:انتي راح تكونين عروسة متوحشة.. وضحك باستهزاء وطلع... سوزان بقهر طلعت راحت الحمام وضلت تغسل شفايفها بعنف... باوعت لوجها بالمراية وحست وجها اشتعل نار ومن تذكر بوسته كلبها يدك حيل ماتدري ليش... نفضت الافكار ودخلت غرفتها وهي معصبة..وبعد ساعة اجتها رسالة فتحتها... حسام:زوجتي الحلوة باجر يجيج فستان العرس اليوم اشتريته وعلى ذوقي.. ودازلها صورة الفستان كصير ودانتيل وردانات دانتيل وبيه سحاب من الامام مخفي ببراعة وشكله كلش حلو نازك وذوق.... عرفت هاي الوقح حسام... سوزان فار دمها ودزتله رسالة:تحلم البس هل الفستان..انته منين جبت رقمي حسام شافها ردت:هلا والله بالحلوة..لج اني اخذتج وكسرت غرورج ماكدر اجيب رقمج سوزان:😠انته واحد دمك ثكيل وحقير وغثيث حسام:لج عدلي حجيج وياي تره بس باجر عند ابوج وعكبها تكونين يمي سوزان:ومصدك انام بحضنك حسام يريد يقهرها:شكلها عروستي جريئة منو جاب سيرة النوم بالاحضان هههههه سوزان خجلت:وقح ونذل الله يعينها عليك حسام:ههههه منو هيه سوزان:زوجتك حسام:لا تجيبين طاري زوجتي ترحين فدوة الها سوزان:😒اذا تحبها هل كثر ليش تزوجت عليها.....يتبع خلص البرتوت الصغيروني وباجر اعوضكم ببارت حلووووو وطويييل..... احداثه ناااااار🔥🔥🔥🔥 باجر 😉👌👌...... تحياتي غزلاني احبكم😍 الكاتبة التميمية...... altmeme313 | ||||||||
|
| |
|
01-09-19, 11:30 PM
| #5 | ||||||||
| مراقبة عامة ومشرفة منتدى الروايات المنقولة
| مساء الخير حبايبي تنتظرون البارت موووو #بارت 3 سوزان خجلت:وقح ونذل الله يعينها عليك حسام:ههههه منو هيه سوزان:زوجتك حسام:لا تجيبين طاري زوجتي ترحين فدوة الها سوزان:😒اذا تحبها هل كثر ليش تزوجت عليها حسام يريد يقهرها:تحبني واحبها خليها ابالج وانتي مجرد تسلية لا اكثر سوزان انقهرت:والله لو اشوفها اكلها عن زواجنه تظن اسكت حسام بجدية:والله اذا تقربين منها افصل راسج عن جسمج ومايرفلي جفن فهمتي سوزان:خوش لعد اوعدك اذا تصيرلي فرصة اكلها.. وسدت النت.... حسام دزلها بس ماوصلن... ابتسم بانتصار وعاف تلفونه وغمض عيونه ونام... وائل صعد لغرفته مرام نايمة... ركع الباب حتى تفز بس سوت نفسها نايمة... وائل دخل السرير وسحبها:اعرف كعدتي لا تسوين نفسج نايمة مرام وخرت ايده:شتريد مني..شنو شارب وجاي وائل:مرام انتي من يمته حامل وماتكليلي مرام بهدوء:انته تعرف من يمته اصلا هي غلطة استلسلمت الك وماراح تنعاد وائل ابتسم وقرب وجهه من وجها:اموت على الي ماتقاوم حبها الي مرام تريد تكوم:انته واحد فارغ..واكيد شارب وجاي وائل سحبها بخفة:بعد ماتنامين بعيد عني سمعتي مرام:بس اني ماريدك وائل ابتسم:بس اني اريدج مرام بقهر:لرغباتك لا اكثر ماصدك انته تحبني وائل بعصبية:ولج انتي كل حياتي وعمري وام اولادي مرام بعدم تصديق:لا مستحيل اصدكك بعد.. و وكامت طلعت... وائل تأفف:استغفر الله شوكت تصدك انا مازلت احبها النسوان عقلهن صغير ومحدود.. ذوشوي غمض عيونه ونام.... اجه يوم العرس بس ماراح يسون حفلة عرس... وحدة من خواتها دخلت لسوزان.. وردة:هاي ولج بعدج مالابسة الفستان سوزان بقهر:ماريد البس فستان مايستاهل وردة ضحكت:ليش بالله مايستاهل سوزان بقهر:غثيث وردة ماتعرف بالسالفة عبالها تحبه ويحبها تزوجو بهل السرعة... وردة:ههههه ليش شبيكم متزاعلين..الليلة كل الزعل يروح..وتغمز الها.. سوزان بقهر:ورده ماناقصتج اني روحي لبناتج يصيحن عليج وردة ضحكت:لا عمري ماراح اروح وبناتي يم ابوهم بالصالة..امي وصتني اعلمج كلشي سوزان كلبها ضل يدك بقوة:لا لا ماريد اتعلم شي انا اعرف مو صغيرة وردة بنص عين:كل وحدة تكول هيج وتتفاجأ خليج مطيعة وخليني اشرحلج لو حسام شارحلج ههههههه سوزان حطت ايديها على راسها:شيخلصني من وردة بعد..يمعودة انا ماريد اتعلم ولا علمني ولا حاجيته ولا اريده يعلمني اصلا وردة طلعت الفستان:والله ماصدك ما كايلج شي هههههه كومي لبسي الفستان والله ذوقه حلو احلى فستان عرس شفته يجنن سوزان:منيله ذوق يلعب النفس ومفصخ مستحيل البسه اله يحلم والله وردة كعدت يمها:سوزان شبيج احسج مو فرحانة ليش مو تحبينه ويحبج سوزان بقهر:ولج يا حب يا بطيخ وردة بتسائل:لعد ليش ازوجتو بهل السرعة سوزان تذكرت ابوها ومشكلته وخواتها مايدرن.... سوزان:هااا لا ...اي واحد يحب الثاني بس تزاعلنه امس وماريد البسله اريد اعاقبه وردة ضحكت:اعرف شلون تعاقبينه لبسي هل الفستان ورتبي نفسج وصيري احلى عروس وخليه بس يباوع عليج وما ياخذ شي وهو يتعاقب خوش عقاب هههههههه سوزان مامقتنعة:واذا شافني هيج وغصبني اموتج والله اجيج لبيتج واموتج انتي وزوجج الغثيث وردة:ههههههه هسه شدخل علي بالنص.. كلهم عندج غثه انتي ههههههههه سوزان بقهر:والله ماعاجبني الفستان مفصخ حيل وردة:انتي ماراح تمشين بيه بالشارع راح تلبسينه لزوجج..لبسي وعيشي ليلتج انتي عروس هسة...يالله عن الدلع وغصبن عليج راح اعلمج كلشي.. سوزان شكد شخصيتها قوية بس ماتكدر على وردة.. وردة عمرها 24 سنة متزوجة وعدها 2 بنات وهي وعلي واحد يعشق الثاني..هم حلوة مثل سوزان وكل خواتها مثلها... سوزان لبست الفستان غصبن عليها جبرتها وردة... وردة حطتلها مكياج خفيف بس طلعت تجنن وبعدها وردة خلتها غصبن عليها تعرف كلشي يصير بين المره والرجال... وسوزان ماتعرف شتكول اكو شغلات عميقة ماتعرفها... وضلت فاتحة عيونها وحلكها وكلما تكول وردة حجاية تشهك وتكلها جذابة... سوزان جهزت بس بعد الي سمعته توترت وخافت وتكول مستحيل اخليه يقربلي والله اخبص الدنيا عليه....اذا يريدني بس تسلية مستحيل اسمحله الا اجلطه الليلة..... حسام ما يبين عريس لأنه اصلا كله كشخة ويلبس القاط... بس زاد العطر وطلع.. صعد سيارته وراح ياخذ سوزان...وطبعا الزواج راح يكون بدون علم اهله وكل لأبو اياد هل الحجي...وكله راح تكون سر لأن اني انسان معروف.... ابو اياد مات الف موته من كله هيج بس مابيده شي...وده يموت نفسه ولا هل المذله الي انذالها وانطه بته وباعها برخيص هيج.... ام اياد دخلت على سوزان ودمعت عيونها من شافتها:يمه بعد عمري طالعة كمر تخبلين هنياله بهل الجمال سوزان نزلت دموعها وشبكت امها:حبيبتي ماما راح اشتاقلج ولبابا ولأياد خو هل العوبات من زمان انكلعن وعافني وحدي.. تقصد خواتها الكاعدات يمها.. وردة بضحك:ولج الليلة راح تكونين بحضن حبيبج وتنسين حتى اسماءنه سوزان بنص عين:انتي سكتي رعبتيني ماعرفتي توصليلي فكرة الزواج لو ماما كايلتلي احسن سيلين اخت سوزان الثانية:هههههه ولج وردة تبالغ ماكو شي يخوف اصلا حلو مغامرة ليلى هم اخت سوزان:ههههههه اي والله شكد تبالغ وردة سوزان دموعها نزلت اكثر على فراك اهلها... ام اياد باست جبينها:يالله يمه تره اجه زوجج ياخذج سوزان سمعت اجه ياخذها انخبصت خبص وكلبها كام يدك حيل وتوترت وسكتت حتى دموعها مانزلت... لبستها امها عباية اسلامية وطلعتها بعد ماودعنها خواتها وابوها لزم ايدها وصعدت السيارة... حسام بالسيارة وبيده جكارته بس ماشاعلها... سوزان اول ما صعدت السيارة عطره تغلغل بخشمها وكلبها يدك حيل بس كعدت ودارت وجها للجامة... حسام بهدوء:سدي بابج عدل... سوزان بدون كلام فتحت الباب وركعته بكل قوة... حسام باستهزاء: كسرتي الباب شنو هل الحماس هههه كلها 3 دقايق وانا وياج نكون وحدنه سوزان ماردت عليه ومازالت دايرة وجها عنه... حسام شعل جكارته وضل ينفخ الدخان:ساكته وين لسانج راح ام لسان سوزان اختنكت:اوع انته كلك على بعضك تقرف هنوب جكاير حسام ضحك ضحكة شريرة:لأنج عروستي والليلة ليلتنه ماراح ارد عليج وراح اخليج براحتج بس راح اكسر خشمج وغرورج هذا سوزان بعصبية باوعتله:تحلم تقرب صوبي حسام التفت الها غمز الها:لا تتحديني سوزان:روح لزوجتك الاولى حسام وكف السيارة والتفت عليها:وصلنه للبيت يا عروسي سوزان فتحت الباب ونزلت بلا كلام وباوعت لحسام باحتقار... فتح الباب ودخلت قفل الباب..وسوزان ويه كل دكت قفل كلبها يدك بكل قوة... سوزان متوترة بس تظاهرت بالقوة:وين غرفتي اريد ابدل حسام اقترب منها حيل ويريد يفتح العباية:مو قبل لا اشوف الفستان عليج سوزان تريد توخر عنه بس لازمها:لا ماريدك تشوفني مالبسته اصلا وخر عني حسام:جذابة اعرف لبستيه سوزان وخرته عنها:خلني ابدل حسام بخبث:مانزلت اغراضج يعني غصبن عليج راح تبقين بالفستان وماكو غيره..ضحك بخبث... سوزان تريد تطلع:اروح بنفسي انزل اغراضي صعبة اني اعرف اسوق ماكدر افتح سيارة حسام لزمها:واووو طلعتي مو هينه مو بس حلوة شرسة وقوية بس شي واحد ماشفته الج لهسه سوزان بثقة:اي شتظن اني سهلة..وشنو تريد تشوف مني اراويك حسام اقترب مره ثانية ورفع شالها:يعني مستعدة تراويني كلشي سوزان عرفت فهمها غلط:وخر عني تفكيرك وصخ قصدت شخصيتي حسام فتح سحاب العباية الجبة:وانا شلي بشخصيتج لاشيئ يمي انتي سوزان لزمت ايديه وبعصبية:وخر ايدك عني شكد مغرور انته وشايف نفسك حسام لزمها بقوة ونزعها العباية حط ايديه بخصرها:يجنن عليج الفستان سوزان توترت وتدفعه بس هو هو قوي وماتكدرله وتريد توخر عنه ماتكدر.... حسام شالها وهي تدفع بيه وتصرخ عليه وهو مايسمعها ودخلها الغرفة وشمرها على السرير ونزع سترته وقميصه وفتح حزامه وشمره... سوزان بخوف شافت عضلاته ماراح تكدر عليه:حسام انا مامستعدة حسام اقترب منها وصار وجهه بوجها وبهمس:لا تخافين ماكو شي يخوف... وفتح زنجيل الفستان لانه من كدام... سوزان صرخت عليه وتدفع بيه:وخر عني ماريدك.. تلمسني اكرهك حسام عصب ولزم ايديها بقوة ورفعهن فوك راسها:اش ولا كلمة.. وباس شفايفها بكل عنف واتجه لرقبتها ويبوسها... سوزان ضلت ترفس برجليها وتصرخ عليه وتحاول تفك ايديها ماتكدر... سوزان بعصبية:شلون تقبل على نفسك ارفضك وتريد تغصبني عليك حسام عصب وترك ايديها ونطاها كف قوي:انا ترفضيني يابت محمد سوزان لزمت وجها بعصبية:ماريدك واكرهك حسام ضربها كف ثاني:على الاساس اموت عليج انتي مجرد تسلية لا تصدكين نفسج اموت نفسي عليج...وخر عنها..انا أدبج يابت محمد ان ماخليتج تتندمين سوزان كامت كعدت وسحبت اطراف الفستان وتغطي صدرها بيه لان نوعيته ماينلبس جواه حمالات صدر.... سوزان بعصبية:سوي الي تكدر عليه ماراح اسلمك نفسي ابد حسام رجع الها ولزم فكها بقوة:راح اذوقج المر لانج اتجرأتي عليه مره...وهسه رفضتيني الا اخليج تتوسلين اطلكج... تركها وطلع وراح لغرفة ثانية... سوزان بقهر سدت سحاب فستانها وكامت للحمام اتغسل وملابسها بالسيارة محتارة شلون تبدل ماتعرف تنام بفستان متعودة على البيجاما.... باوعت لنفسها بالمراية ولاحظت رقبتها اثار بوساته صاير لونه ازرك تقرفت منه وصارت تغسلها حيل بس بعد مايروح الاثر...وتغسل شفايفها حييل... طلعت من الحمام وراحت نامت عالسرير وحاولت تنام ماكدرت.... حسام همين حاول ينام ماكدر حس انو راح ينفجر من العصبية شلون ترفضه سوزان وهو بمقامه وهيبته وحدة مثل سوزان ترفضه...هو جان راح ياخذها ويتسله بيها وجم يوم ويكلها ماريدج ويطلكها...بس رفضته كرامته ماتسمحله يفرض نفسه..... حسام يحاجي نفسه:والله لخليج تتندمين ياسوزان الا اعذبج ببطئ هسة راح اعوفج بمزاجي..اشتاقيت لفجر خلي اشوفها..اتصل.. فجر:الو هلا حبيبي شلونك حسام:مشتاقلج موت فجر:وانا بعد مشتاقلك حيل حيل حسام:فجر شوكت ترجعين فجر:امممم ماعرف حسب رجعت خالتي يعني هيج بعد شهرين او اكثر حسام:اف شهرين اني شيصبرني ماشوفج شهرين اني اجيبج بنفسي بس كليلي يمته ما مليتي فجر:اوك حياتي اني حابة ابقه شوي يعني بصراحة اني ودي نبتعد شوي فترة هم اني اريح بالي ويصفه ذهني وهم بعد انته ترتاح شوي وخلينه نشتاق لبعض احسن حسام عقد حواجبه:وليش بالله الابتعاد انتي بيج شي مليتي مني او ضجتي من شي فجر:لا بس اني تعبانة نفسيا حسام محتاجة شوية وقت ويه نفسي انته حاس بيه وفاهمني عدل موو حسام:فجر اني كتلج الف مره انا اريدج انتي وبس ماريد طفل اريدج ماتفهمين اني احبج وماكدر اشوفج هيج حزينة فجر بجدية:حسام انته من حقك يكون عندك طفل وتفرح بيه وتكون اب اني ماراح اكدر اقدملك هالشي حسام بعصبية عرف شراح تكله موضوع كل مرة:وشنو يعني وين تردين توصلين فجر دموعها نزلت وبالكوة كالت هالحجي:يعني اذا تريد تزوج ازوج انا موافقة انا كل... كاطعها حسام:انتي ليش ماتفهمين الي اكوله انا ماريد طفل ماريد لا تظلين تقررين عني فجر ابتسمت:انا يهمني سعادتك اريدك تصير اب ماريد اظلمك وياي والعمر يركض بينه حسام:وانا سعادتي انتي ماظلمتيني ولا شي ومره ثانية لا تفتحين هل موضوع وياي اني جايج مشتاق وانتي تغثيني فجر بحب:اسفة حبيبي يبعد روحي انته شنو شابك المخده من بعدي ههههه حسام اتذكر سوزان وبقهر:اي والله شابك المخده ومابيها حنية ابد ومتوحشة وشرسة وعصبية فجر ضحكت:اف هاي مو مخده آدمية ههههه حسام بقهر:اي موتتني ماكدرت الها وهم ماتريدني بس الا اندمها واشمرها شمر بالزبالة فجر ضحكت: كل هل الحقد على المخده ههههههه حبيبي اختي اجت اني راح اودعك وباجر اتصل عليك اوك حياتي حسام تنهد:اوك حبيبي بيباي سلمي عليهم.. وسداه.. حس بالجوع لأن ماتعشه كام راح لغرفة سوزان ودخل وركع الباب بقوة شوي وينكسر...هو يكدر يطلب اكل من بره ويوصلونه للبيت بس خباثة بسوزان 😂.... حسام شافها كاعدة وبيدها مبايلها:كومي سويلي شي آكله سوزان بهدوء:منو كالك انو اني خدامتك حضره بنفسك حسام عصب وراح لزم شعرها:تركي المبايل لا اكسره على راسج سوزان تألمت:اخ شعري اتركني حقير اني مو حيوان عندك حسام سحبها بقوة وشمرها على الارض:لا تعانديني فهمتي تره لحد هسه ماشفتي وجهي الثاني سوزان تألمت حيل من الطيحة:ياحقير اني مو خدامة عندك لو تريد تطلع قهرك بيه لانك ماكدرت تاخذ الي تريده مني حسام لزم شعرها مره ثانية وبعصبية:انا لو اريد اخذ حقي بالقوة وماتكدرين تمنعيني بس مو اني الي انرفض يابت محمد سوزان بعصبية:لانك واحد حقير واناني ونذل شلون تريدني اتقبل واحد مثلك حسام انطاها كف قوي حتى دم طلع من شفايفها... حسام بعصبية:لا تستفزيني واخلي دمج بطولج هسه سوزان صرخت عليه:سوي الي تكدر عليه وماراح اسكتلك ابد حسام قرب وجهه منها:سوزان كتلج لا تستفزيني تره ما تعرفين شسوي سوزان بتحدي:شراح تسوي يعني حسام حط ايده على زنجيل فستانها:اكمل الي بديته مساع.....يتبع وخلص بارت اليوم ☹ تحياتي احبابي الكاتبة التميمية...... altmeme313 | ||||||||
|
| |
|
04-09-19, 12:05 AM
| #6 | ||||||||
| مراقبة عامة ومشرفة منتدى الروايات المنقولة
| #قصة_سوزان #بارت 4 الله بالخير الي يعلقون بين الفقرات احبكم اعشقكم اموووت عليكم اذوبن واموعن 😍😍😍😍😍😍😍😍😍😍😍 ❤❤❤❤❤❤❤❤وهل البارتات كله لعيونكم 😌 يالله استمتعو 😊😊😊😊👌👌👌🔥🔥🔥🔥🔥🔥 النار👆 هاي احبها 😂😂😂😂 تره مو اريد احركم 😁😁😁 #بارت 4 حسام حط ايده على زنجيل فستانها:اكمل الي بديته مساع سوزان بثقة:ماتسويها حسام غمز: اعشق التحدي..جربيني سوزان خافت يسويها شكله جدي:اوك هم اني جوعانة ليش لا احضرلك اكل حسام كام عنها:من اول صيري هيج ليش حركتي دمي سوزان بستفزاز:اموت على حرك دمك حسام بثقة:وانا اموت على استفزازج... سوزان ماردت وطلعت بفستانها كدام عيونه... ودخلت المطبخ وفتحت الثلاجة وماعرفت شيحب وحطت اكثر من شي وحضرت عشه ودته لحسام وحطته كدامه...وهو عاف مبايله ويباوعلها بنظرة خلتها تحس هي بلا ملابس...باوعت لسيقانها الطالعة من الفستان لانه كصير نص الفخذ... وجها صار احمر خجلت وراحت بعيد عنه وخذت غطه ونامت وتغطت على قنفة بعيدة شوي عن السرير... حسام شمر عليها كوشاية:يا زوجتي مو كلتي جوعانة تعاي اكلي سوزان بهدوء:ماريد..اريد انام حسام:وليش نايمة هناك تعاي على السرير سوزان:لا شكرا انته نام عليه اني انام هنا عالقنفة حسام ضحك باستهزاء:ومنو كال راح انام هنا سوزان:اها خوش يكون احسن حسام يريد يحرك اعصابها:بس مادامج ترديني بالغرفة ماراح اطلع منها وراح تنامين يمي عالسرير سوزان:اي ظل تحلم حبيبي حسام ضحك وعرف شنو يستفزها مو الضرب ولا الاهانة ولا التعذيب هيج تعاند اكثر...قرر يسوي وياها حرب استفزازية....ويكول الي من نوعها العناد حسام بصوت مستفز:اي اعرف اني حبيبج وحب من اول نظرة سوزان عقدت حواجبها:والله تحلم احبك انته.. ليش شمالني ناقصة عقل واحد خبيث وغثيث حسام يريد يكسر غرورها:انا بحياتي ماعرفت بنية مثلج حلوة وجسمج حلو بس ماعندج انوثة وعصبية ومتوحشة سوزان انقهرت من حجيه:وانته متوحش ولئيم.... ودارت وجها وغطت نفسها وتأثرت بحجي حسام وحست بنفسها صدك هواي صرخت عليه وفقدت وصارت انسانة عكس طبيعتها بسببه... حسام:ها انخرستي اريد اسمع صوتج الي يشبه صوت صاحبي سوزان كامت وخذت الغطه وتريد تطلع:اشبع بالغرفة الك وبس... وطلعت... وحسام ضحك ويكول بنفسه الا اكرهج بنفسج... حسام اكل وراح نام... صار الصبح وسوزان نايمة بالصالة على القنفة وما متغطية وبعدها بفستانها ورجليها طالعة ومتكرفصة على نفسها بردانة... حسام فز من النوم وكام اخذله حمام وباوع للساعة بال9 الصبح لبس ملابسه وطلع من الغرفة ويريد يطلع من البيت... شاف سوزان نايمة بالصالة على القنفة وشكلها يفزز القلب من مكانه... رجع وراح يمها وحط ايده على رجليها شافهن ثلج وكام وما هماه وطلع من البيت وقرر يعاقبها وخله اغراضها بالسيارة مانزلهن واتجه لبيتهم... دخل البيت.. ابو حسام بالصالة يقره جريدة من شاف حسام تركها... ابو حسام:هلا حسام يابه وين جنت البارحة قلقتني واتصل عليك مغلق حسام:صباح الخير بابا شالقضية انا مو اول مره ابات يم اصدقائي ليش تفكر بيه وائل نزل:هلا بالعر...وسكت...هلا اخوي صباح الخير حسام:صباح النور مرام نزلت بهدوء:صباح الخير الكل:صباح النور ابو حسام: مرام شعجب كاعدة من وقت وائل:نشيطة حبيبتي حسام:عن اذنكم رايح اخذ شغلة وراح اطلع بابا لا تحاتي اذا ابقه يم جماعتي... وصعد لغرفته.. ابو حسام:مرام يابه شبيج شكلج مريضة وائل بهدوء وعينه على مرام:بابا راح يصير عندك حفيد ثاني ابو حسام بفرحة:لا والله مرام صدك مرام بهدوء:اي صح عمي ابو حسام:وانته شبيك مو فرحان وائل:منو كال اني مو فرحان ابو حسام:يوم لأخوك وافرح بجهالكم كلكم وائل:آمين والله اني مقهور على حسام يكابر ويكول ماريد طفل..بس هو يريد يصير أب مرام:عمي اخليهم يجهزولك الريوك ابو حسام:من زمان اني تريكت سألي زوجج مرام بدون نفس:وائل تريد ريوك وائل:كهوة بس اممم لا اريد كابتشينو ابو حسام:ديري بالج على نفسج يبوج مرام:ان شاء الله... ودخلت المطبخ تكل للخادمة تحضر كهوة لوائل.. مروة بغرفتها ونايمة فزت على تلفونها شافت المتصل وردت... مروة بنعاس:هلا هشام هشام:هلا حبي شلونج مروة:زينة وانته هشام:شبيج تحاجيني بطرف خشمج مروة:مابيه شي جنت نايمة وانته دكيت هشام:يعني كولي روح ازعجتني مروة:اني ماكلت هيج هشام:مروة شبيج مو على بعضج بعدج زعلانة على امس مروة:لا مازعلانة هشام:بله زعلانه مروة:هشام انا تعبت من هل العلاقة اريد اصير زوجتك وبالحلال ونعيش تحت سقف واحد هشام تأفف:رجعنه لنفس الموال واني واعدتج وماراح اكون نذل واتركج وراح اوفي بوحدي انتي بس صبري لمن تتعدل اموري تدرين انتي اهلج مستحيل يقبلون بواحد مثلي على كد حاله ولا همين ماعنده شغله حاليلا مروة:اني راضية بيك مهما يكون واذا اهلي الي موكفينك سهلة اني اقنعهم هشام:يعني شتتوقعين يكلولي تعال هاك اخذ بتنه وعليك بالعافية واحنه ناس على كد الحال مروة:اف موتتني انته ليش تشوف نفسك اقل مني اني عمري ماصغرتك بنظري هشام:اني اقل منكم وراح ابقه اقل منكم حتى لو مو بنظرج بنظر اهلج خل الكه وظيفة عدلة والله كريم عاد وكتها لو خطبتج اعرف شكول من وظيفة عندي مروة:اوك لعد منا لوكتها لا تتصل عليه باي.. وسدته.. هشام انقهر:ايا كلبه سدته بوجهي.. دزلها رسالة.. ....اذا تستمرين تظغطين عليه خل ننهي العلاقة احسن... مروة قرتها وعيونها دمعت وكتبتله... هيج اني رخيصة عندك يا هشام وتريد تتخلى عني بسهولة.. هشام قره وطلع... خل اعرفكم هشام شاب مرتب وحلو انيق وشخصية متخرج من كلية التربية وجان يدرس بمدرسة بس عقد وخلص عقده حاليلا وجاي يدور وظيفة عمره 26..يحب مروة ومروة تحبه مايلعب عليها مثل مايكولون من صدك يحبها وهو الي تقربلها وطلب منها تحاجيه وبعد اصرار منها قبلت هو فقير وعلى كد حاله لذلك يخاف يتقدملها ويرفضوه.... هو صديق الشباب حسام وائل.... سوزان فزت وحست بألم برجلها بسبب دفعت حسام البارحة... كامت وهي بردانة ومشت وهي تتألم من رجلها وصلت نص الصالة ماكدرت تمشي بعد وغصبت نفسها مشت وصلت لباب الغرفة وسمعت صوت الباب ينفتح... ودخل حسام التفتت ولزمت الحايط وتباوعله وهي عاقدة حواجبها... حسام اجاها:خير اشوفج واكفة هنا تنتظريني اكيد اشتاقيتلي سوزان بهدوء:والله تتمنه هالشي..مستحيل يجي يوم اشتاقلك حسام كعد على قنفات الصالة:مامبدلة ملابسج سوزان تحشش :غير انتظر حضرتك تنزلهن اذا مابيك حيل انزلهن عنك تره اني مو بس ماعندي انوثة اني عندي عضلات وقوية حسام ضحك:ماراح انزلهن وهذا اول عقاب الج وهسه روحي حضري غده من ايدج اريد اضوك طبخج زوجت العزيزة..يالله جوعان كلش سوزان:عادي هسه البس عباتي واروح مشي لبيتنه واجيبلي ملابس حسام:اكسر رجليج اذا تطلعين من هل الباب سوزان:اي انته تتقوى عليه وشايف نفسك واطلع عضلاتك عليه حسام:الظاهر عجبنج عضلاتي البارحة..كل شوي تجيبين سيرتهن سوزان:ويع اكره الي يتباهه وخصوصا الي يسون عضلات حسام:وانتي شبيج بسمرتي بمكانج ماتتحركين بس تلغين سوزان بقهر:مو حضرتك كسرت رجلي البارحة مابيه امشي حسام كام الها:تريديني اشيلج لو شنو ست سوزان سوزان عوجت حلكها:ويع ماريدك تقرب مني ولا تلمسني بيدك كلش ما محتاجتك ابدا امشي بنفسي... ومشت بالكوة ودخلت الغرفة وغسلت وجها وطلعت بصعوبة وراحت دورت المطبخ ودخلت... وهو يراقبها تمشي كدامه بفستانها الكصير ومحصور على جسمها...وهي عليها جسم يجيب التايه... ضاجت كلش اول مره تحس بالانكسار ومحتاجه امها وابوها نزلت دموعها وبدون ماتحس اصلا مستغربة ليش ما اجولها لهسة... مسحت دموعها... وماتدري حسام وراها ويراقبها وسمع بجيها وحس بكلبه ان سوزان مجرد بنت رقيقة تلبس قناع القوة حتى محد يأذيها او يخدشها... وللحظة حس انو يريد يمسح دموعها الها بس نفض هل الافكار وطلع وراح نزل ملابسها بالسيارة ودخلهن للغرفة.... سوت غده وبالأكله الي تعرفها... وراحت دخلت الغرفة بصعوبة ورجلها توجعها وماتريد تكعد يم حسام على الطاولة... شافت ملابسها ابتسمت وفرحت عبالك مادري شنو جايبليها سبحت وبدلت ولبست بيجاما لون ليموني نشفت شعرها وسوته ضفيرة... فتحت تلفونها شافت رسايل من صديقتها ونامت بالسرير وفتحتهن... ميامين:الو سوزان ولج وينج سوزان:هلا ميامين موجودة انشغلت شوي ميامين جانت اونلاين:هلا بيج بقه فكري يمج شصار من البارحة ماحاجيتيني سوزان:😧رجلي توجعني ولج ماعتقد اداوم باجر ميامين:ليش شبيها😨 سوزان:😒 مو كتلج البارحة استاذ حسام دفعني.. بالاول مابين عليها كعدت الصبح توجعني (سوزان كلشي تسولف لميامين واول باول وياها) ميامين:😮وليش؟ بس لا ضربج مرة ثانية سوزان:😢 لا بس هاي من شلع شعري ودفعني وبالاول كفين الحقير.. كل هذا لأني رفضته..وغير الاهانة 😢 ميامين:😒انتي غلطانة هو زوجج بعد ما تكدرين تمنعينه عنج واصلا هالشي حرام سوزان:😠سكتي ماناقصتج ابد ميامين:😆لا تطلعين حركتج بيه كومي انكلعي لزوجج😈😈😈😈😈 سوزان:😝ويع ويع سكتي لاعبة نفسي منه حيل ميامين:😏اي هاي مجرد كلام بس خل يراويج رومنسيته يصير عشق عشق هههههه😂😂😂 سوزان:😠انكلعي عني احسلج ميامين:😂😂يلا باي صار الجو مكهرب😅😅 سوزان:اي احسن 😒انكلعي ميامين:جاوو😂 سوزان:😒... حسام دخل عليها وهو ساكت وبيده مرهم مال وجع مفاصل حطاه على الميز... سوزان بنص عين:😒شنو هاي حسام باستهزاء:سم اريد اخلص منج..يعني شنو..مرهم مسكن الم مفاصل سوزان:😒لا والله صاير حنون حسام رفع حاجبه:وشدراج اني مو حنون البارحة يالله عرفتيني سوزان:من اول ماشفتك عرفت الوقاحة تجري بدمك والخباثة والشر والغرور وال... كاطعها حسام:انتي هواي تحجين عليه وتتجاوزين حدودج..قرب وجهه من ذانها..تره لحد هسه ساكتلج بمزاجي سوزان توترت وحست كلبها دك حيل وسكتت وحست عطره الرجالي تغلغل بداخلها ايديها تعرقت وظهر التوتر عليها.... حسام بهمس:ها سكتي سوزان توترت اكثر وتلعثمت:اني..اني.. حسام ضحك وكعد يمها وحط ايده على رجلها:ياهي توجعج سوزان ضلت تباوع بوجهه وغركت بعيونه العسلية وصارت هادئة.... سوزان بهدوء:وليش تسأل حسام حس بيها صارت هادئة:حتى ادهنها الج..وسحب خشمها..صرتي هادئة مو عوايدج ام العصبية سوزان حست بنفسها ودارت وجها وتريد تكوم لزمها حسام... حسام:وين رايحة مو رجلج توجعج سوزان:مالك علاقة اتركني اني ادهنها حسام بعناد:اني راح ادهنها غصبن عليج... ولزم ركبها قوي وصاحت آخ عرف هاي الرجل الي توجعها... رفع بجامتها وهي سكتت وحط المرهم عليها ويدلك رجلها حيل متقصد يألمها وهي تصيح عليه وتريد تكوم وهو مو هامه😂😂 سوزان:انته شكد خبيث جاي توجعني حسام حس نفسه خدر وهو لازم رجلها وبصفها كلش... نظراته اجت على شفايفها قرب وجهه منها يريد يبوسها وهي ما عارضت......يتبع وخلص برتوت اليوم 😍 احبكم غزالاتي 😍 الكاتبة التميمية...... altmeme313 | ||||||||
|
| |
|
04-09-19, 12:06 AM
| #7 | ||||||||
| مراقبة عامة ومشرفة منتدى الروايات المنقولة
| #قصة سوزان #بارت 5 مرحباااااااا😎 😒ليش البعض يقرا ويغلس وما يصوت ولا يعلق😒 اما المتفاعلين والي يعلقون على كول فقرة يمه العشق العشق 😍😍😍احبكم وهاي البارت الكم المتفاعلين 😍 #بارت 5 حسام حس نفسه خدر وهو لازم ركبها نظراته اجت على شفايفها قرب وجهه منها يريد يبوسها وهي ما عارضت... وتذكر انها رفضته وماتريده كام بسرعة وطلع وركع الباب بقوة... سوزان ماتعرف ليش ضلت تحس بشي داخلها تحرك... وتكول حسام قاسي بس داخله حنون يصير غير شكل من يعاشره الانسان ومرات مختلف يعني يمكن قسوته بس كدام العالم.... هزت راسها توخر هل الافكار بس ماكدرت وضلت تفكر بحسام... تذكرت ابوها وامها واستغربت ما اجولها لهسة.... حسام طلع من البيت سوزان نامت وكعدت المغرب كامت بثكل بس شوي خف الألم برجلها... جابت تلفونها واتصلت على ابوها وحاجته وهي مشتاقتله وعاتبتهم ليش ما اجو كلها هسه جاين... سوزان سدته وهي فرحانة مشتاقة الهم مامتعودة تفاركهم ابد وراحت للمطبخ وشافت الماعين مالت الغدى بعدها على الطاولة وظلت تحجي ويه روحها... سوزان:اي شتتوقعين يشيلهن الج اميرة سوزان هذا رجال واكيد متعود على الخدمة... اف اكيد راح لست الحسن والدلال اتمنى شي واحد بس اشوفها اريد اعرف شنو بيها حتى يحبها هل كثر ولا يقبل عليها والله لو شفتها كلشي اكللها والله..وضحكت.. ههههه لو يحبها صدك ما ازوجني..اني ليش جاي افكر بيه خل اكف المطبخ واسوي عشه... وبدأ يصير ليل... رتبت المطبخ وخلصت وحضرت عشه وطلعت من المطبخ... ودخلت الحمام سبحت بسرعة ولبست جينز اسود وتشيرت ردان طويل لون احمر سشورت شعرها وحطت كحل اسود حيل وصار عليها يخبل ورشت عطرها الي تحبه وباوعت لنفسها بثقة وتريد تطلع من الغرفة... صار حسام بوجها.. حسام باوع الها من فوك ليجوى وضحك:شنو متزينة الي...تره مو هيج المره تزين لزوجها اعلمج شنو تلبس..ويغمز الها.. سوزان تأففت:استغفر الله انته مو طالع شجابك ومنو كلك متزينة الك لو تموت ما اتزين الك.. تريد تطلع.. حسام حط ايده على طرف الباب:تره لا تنسين نفسج اشتريتج بفلوسي واول وتالي راح تكونين بحضني خليها ابالج سوزان تظاهرت بعدم الخوف:لا والف لا ماراح تكدر تاخذ شي مني الا تاخذه بالغصب وساعتها راح احقد عليك اكثر..خليني اطلع... دك الجرس... حسام راح فتح الباب.. ابو اياد:سلام عليكم شلونك بويه حسام:وعليكم السلام هلا والله بمحمد تريد بتك اكيد ابو اياد حزت بخاطره هو بكبر ابوه وابو زوجته يعني عمه ويصيحله بأسمه بس شراح يتوقع هو حرامي بعينه... ابو اياد:اي بعد اذنك جاين نشوفها اني وامها حسام:اي ليش لا بس خلها ابالك اول مره وآخر مره فهمت ماريد اشوف وجهك هنا ابد مايشرفني واحد مثلك يدخل بيتي سوزان اجت وشبكت امها وابوها بس ماسمعت الي كاله حسام... ابو اياد لزم دموعه على كلام حسام وفقد احترامه اله بسبب هل الفلوس ورط بنته بزواج وهي مالها ذنب بشي ولا حتى هو... حسام ماهتم وراح دخل داخل للغرفة... ام اياد انقهرت حيل... سوزان:تعالو كعدو ليش واكفين بالباب.. دخلو وكعدو.. ام اياد:شلونج ماما وشلون زوجج وياج سوزان تذكرت اسلوب حسام وياها كله مستفز ويقهرها.... سوزان بجذب:الحمدلله ماما شكد طيب وياي واني سعيدة لا تفكرون بيه ابو اياد فرح:الحمدلله... والله جنت شكثر افكر بيج اخاف أيضايقج لأنج بت محمد الحرامي سوزان انقهرت ولزمت دموعها بالكوة:بابا لا تكول هيج انته بريئ وراح تطلع بيوم براءتك ابو اياد بقهر:بعد شنو عكب مافقدو ثقتهم بيه ام اياد تغير الموضوع:سوزان خواتج رادو يجون ابوج ماقبل يكول غير مره لان اجينه هل الوقت خفنه نزعجكم سوزان:ليش بابا شنو هل الحجي انتم على راسي وبعيوني احطكم..... بالغرفة.... حسام اتصل على فجر... فجر:هلا حبيبي بعد روحي حسام ببرود:هلا بيج فجر:شبيك حبي شكلك مضايك حسام:مابيه شي شخبارج...وضل يحاجي فجر... اهل سوزان شوي ومشو وماقبلو يبقون على العشه وسوزان انقهرت حست بيهم شي وكعدت تبجي من راحو... بيت ابو حسام... مروة حزينة متزاعلة هي وهشام مرام يمها.. مرام:مروة شبيج مروة:هشام مرام:شبيه بعد مروة بحزن:تزاعلنه انا وياه مرام:نفس السبب كل مره مو مروة بحزن:اي والله تعبت ماكدر اتركه احبه بجنون ومامرتاحة هيج بعلاقتنه جاي اخون اخواني وبابا الي مددللني مرام:تركيه فترة خل يحس على نفسه مروة:ياريت اكدر والله اذا يوم ماحاجيه اختنك واحس بالغربة مروة:شبيج هل كثر ضعيفة كدامه خليج قوية مروة:اي اشوفج انتي ام القوة ماتكدرين لحظة بلا وائل مرام تنهدت: هو ليش اني مقهورة.. انا احبه وهو ماعاد يحبني مروة:اكلي تبن والله يعشقج واشوف هالشي بعيونه مرام ضاجت:اني اشوف شي ثاني..يالله خل اروح اشوف سجودي جاي يلعب وحده بغرفته مروة:روحي.. طلعت مرام وراحت غرفة ابنها شافت وائل كاعد يمه ويلعبون سوه ابتسمت بلا شعور وهي تشوف وائل كاعد على الارض مثل الجهال ويلعب ويه سجاد ويركبله المكعبات عساس يسويله ناطحة سحاب... وائل انتبه لجية مرام وتظاهر بعدم الاهتمام وكمل ويه ابنه... مرام تظاهرت بعدم الاهتمام وطلعت وراحت للغرفة وره شوي دخل وائل وماحجه ولا كلمة نزع تشيرته وانسدح على السرير يمها ودار وجهه عنها ولزم مبايله.... مرام انقهرت ماعبرها:شنو بنية جديدة مو وائل بهدوء يريد يقهرها:اي وشنو بنية تموت (هو جذاب مو بنية 😁😂) مرام بغيرة:اي اشبع بيها حبيبي من تمل مو تجي يمي وائل:ههههه لا حبي راح زمن اجيج بعد اني مليت منج اصلا مرام انصدمت من حجيه:شنو يعني شتقصد وائل بجدية:يعني اذا تردين ترحين لاهلج الله وياج اني مليت وطكت روحي من المشاكل حتى لو احبج مو معناها اتحمل تصرفاتج مرام بعصبية:وابنك والطفل الي ابطني شنو ذنبهم وائل بعصبية:ذنبهم انج امهم وانتي بيدج خربتي الي بينه شما اسويلج ماتصدكين احبج.. والي احاجيهم مجرد لعب وتسليه مرام بصياح:هسه صار الحق عليه انته تجذب عليه وعلى نفسك ماتحبني لو تحبني ما... كاطعها وائل بصياح:مرام تره لعبت نفسي ومليت مرام بعصبية:انته مو رجال لو رجال جا... وائل ضربها كف بكل قوته:هاي ثاني مره تكولين هل الكلمة وتاخذليج كتله من وراها مرام بعصبية اكبر:اضرب انته بالضرب تثبت رجولتك عمرك ماتصير رجال بدون الضرب.. وتفلت بوجهه... وائل كلش غضب وظل مايشوف كدامه وطاح بمرام ضرب وهي تصرخ وتدفعه وكسرها من الضرب... مروة اجت ركض على صريخ مرام:وائل شبيك اتركها موتتها..وتريد تسحب مرام وتصرخ على وائل..هاي شبيك اتركها..شافت مرام هدئت ضلت تصرخ بعلو صوتها..ولك تخبلت ماتت مرام... ابو حسام اجه على الصريخ ومخترع وصرخ:وائل... وراح لزم ايديه.. وائل ترك مرام وبعصبية:اني اريد اموتها الكلبة الحقيرة مروة تكعد بمرام وتبجي:مرام حبيبتي كومي بيج شي ابو حسام بعصبية:والله اذا صار الها والي ابطنها شي اموتك بيدي نذل وائل ماهتم:اني بعد ماريدها وماريد اشوف شكلها.. وطلع من يمهم... مروة جابت ماي رشت عليها:مرام مرام مرام فزت ومتألمة حيل وضلت تبجي وشبكت مروة وهي تهديها... ابو حسام بخوف:بويه مرام صارلج شي مرام ببجي:لا مابيه شي مروة:كومي اغسلج حلكج كله دم ابو حسام طلع وراح لوائل بعصبية وصاح:واااائل وائل جان بالحديقة كاعد... ابو حسام دوره ويصيح لكاه بالحديقة:كوم اطلع بره ماريد اشوفك بالبيت بعد وائل بهدوء:صار تدلل يابه اني طالع وماراح ارجع هنا ومرام راح اطلكها ماريدها بعد ابو حسام بعصبية:هو بكيفك تطلكها الا اني ميت مرام ما تطلع من البيت انته تطلع حذرتك اذا ضربتها اطردك من البيت لا ترجع نهائيا ماريد اشوفك هنا... وتركه ودخل... وائل رجع ياخذ مبايله ويطلع دخل الغرفة ومرام بالحمام تبجي ويمها مروة... مروة بخوف:مرام جاي تنزفين خل اروح اكول لبابا ياخذنه لمستشفى مرام بخوف:بطني توجعني حيل وائل خاف على ابنه دخل الحمام عليهم:مرام شصارلج انتي تنزفين مرام الألم ماخذها:مايخصك اتركني مو انته ماتريدنه روح وائل بعصبية:مرام لا تخليني اكمل عليج وهسه اموتج والله لو ما ابني الي ابطنج جان موتج خلاص..امشي اخذج مستشفى مروة:انا اروح وياكم خل اجيب مبايلي... اخذهم وائل للمستشفى... الدكتورة عاينتها:الجنين لحد هسة بخير بس النزيف خطر على حياته لازم تلتزم بالعلاج وماتتحرك من الفراش ابد لحد مايوكف النزيف مروة بخوف:دكتورة هي نزفت هواي متأكدة الجنين مابيه شي الدكتورة:اي بس هي ضغطها نزل والنزيف هواي احتمال كبير تسقط ديرو بالكم عليها مروة:اوك صار شكرا...وطلعت لوائل...الدكتوره تكول احتمال تسقط وائل انقهر:وهسه شلونها مروة: مو زينة لازم تبات هنا انته روح للبيت وانا ابقه وياها راح اتصل على بابا اكله وائل:اني ماراح اروح للبيت بس اذا صار شي اتصلي عليه مروة:وين رايح لعد وائل:مو مهم بس دكي عليه اجيكم اوك يالله سلام ديري بالج على نفسج... وراح صعد سيارته ومحتار وين يروح اصدقاءة كلهم مزوجين يعني زحمة يروح لواحد منهم تذكر حسام بيت ابراهيم صديقهم واتجه اله... شاف الساعة 1ونص استحى يدك الباب يخاف يكونون نايمين ... وبقه كاعد بسيارته ويتذكر من ضرب مرام وتصرخ حس انو هو ماعاد يرغب بوجود مرام بحياته كلش... حسام طلع وشاف سيارة وائل واكفة يم البيت استغرب وراحله... حسام دك الجامه:وائل شتسوي هنا وائل التفت اله:هلا حسام شنو طالع حسام:اي رايح يم ابراهيم وائل:اها وزوجتك بالبيت حسام:اي ليش وائل:حسام راح ابقه يمك جم يوم اذا ماكو ازعاج حسام:افى عليك اخوي البيت بيتك بس ليش صاير شي وائل:ابوي طردني من البيت حسام تفاجأ: ليش شالسبب وائل:بعدين اكلك اخذلي طريق اروح انام تعبان حسام:اوك دخل سيارتك جوى... ودخله حسام داخل بعد مادخل سيارته... وراح وائل بوحدة من الغرف ونام... وحسام طلع راح لصديقه ابراهيم... سوزان ما نايمة وتدري بحسام طلع راحت كعدت بالصالة وشغلت التلفزيون ماتدري بأخو حسام بالبيت وحطت مسلسل تركي مدبلج واجه مشهد البطل ترك البطلة وضلت تبجي سوزان تأثرت وظلت تبجي وياها... وائل طلع على صوت التلفزيون عالي وشاف سوزان... هاي اول مره يشوفها... جاي اتابع tv لابسة بيجاما لون اسود وشعرها مفتوح وجاي تبجي وجها احمر صاير وشكلها صاير حلو انبهر من جمالها... هي مامنتبه اله وتبجي وتحجي على البطل وحقارته... وائل ضحك بدون قصد على تأثرها بالمسلسل... سوزان اخترعت وانصدفت والتفتت شافت وائل وخافت وصاحت:منو انته وشتسوي هنا.. وكعدت وره القنفة حتى لا يباوع عليها وشعرها بلا حجاب.. وائل بتوتر:اسف اختي اني اخو حسام اسف دخلت عليج بلا احم ولا دستور سوزان من وره القنفة وبشوية عصبية:اعتقد عيب عليك كاعد تتأمل زوجة اخوك وما منتبه الك اني وبلا حجاب وائل دار وجهه:اسف مره ثانية بس ماقصدي اشوفج هيج طلعت على صوت التلفزيون عبالي تعرفين بوجودي سوزان بقهر:مو مشكلة اعتذارك مقبول مو ذنبك ذنب اخوك المفروض يكلي اخوي بالبيت وائل يريد يروح غرفته:تكدرين تطلعين انا رايح للغرفة.. ودخل الغرفة وظلت سوزان بتفكيره من اجت ملثمة بالعقد ماتوقعها بهل الجمال... وائل يحاجي نفسه:هاي شبيه لتكول ماشايف بنية حلوة بحياتي كلبي اشتعل نار..استغفر الله شكول اني هاي مرت اخوي وعرضه وشرفه شلون هيج اتأملها وافكر بيها هيج..استغفر الله... وظل يتقلب وحاول ينام وحاول يشيلها من تفكيره ماكدر .... سوزان مقهورة اخو حسام شافها بلا حجاب ولابسة بس تراك ومقهورة من حسام لان ماكلها اخوي بالبيت... غفت بعد تفكير طويل... فزت على صوت باب الكنتور... حسام بهدوء:سمعي اخوي راح يبقه هنا بالبيت يمنه كتلج حتى لا تلبسين هل اللبس سوزان بدون نفس:بعده وقت والله البارحة اتعرفت على اخوك وحضرتك قبل ماتطلع ماكتلي وحذرتني حسام عصب:شافج بهاي التراك سوزان:اي حسام بقهر:والله لو ما اني الغلطان ماكتلج بوجوده جان موتج هسه سوزان بنص عين:😒يعني تقنعني انك تغار عليه حسام بجدية:لج انتي حماره انتي عرضي وشرفي وبس الناقص مايغار على عرضه مو محبة بيج بس شي ملكي ويخصني محد يباوع عليه غيري تفهمين لو افهمج بطريقتي سوزان بقهر:احترم نفسك اني مو حماره وافتهم ماريد طرق مالتك التعبانة حسام:اها صلوات.. يالله كومي كافي نوم سوزان كامت:مو لخاطرك راح اكوم ابدل واروح الدوام اليوم...هواي غبت حسام اقترب منها:شنو مدام سوزان ماسمعتج عدل سوزان تأففت:اريد اروح الدوام لا تخاف ماراح اكلك وصلني اتصل على بابا يجي ياخذني حسام بعصبية:كل مره ترجعين تنقصين من هيبتي وقدري انا وين رحت تتصلين على ابوج يوصلج ومنو كلج راح اخليج اداومين سوزان بعصبية:مو على كيفك اداوم واشوف شلون راح تمنعني حسام اقترب منها حيل وبعصبية:سوزان جم مره اكلج واعيد عليج تجنبي تعصبيني تره ماتعرفيني لهسه ساكت عنج بس والله لو تعصبيني اطيرج سوزان خافت منه هل مره صدك:بس انا اريد اداوم ماراح اتنازل عن دراستي حسام بعصبية:سوزان شجاي احاجيج فرنسي ماتفهمين سوزان باستهزاء:لا ماعرف فرنسي بس تركي وانكليزي حسام وصلت عنده من سوزان وبرودها دفعها على السرير ولزمها قوي وهي خافت... حسام بخبث:تره انا اعرف شلون اعاقبج سوزان توترت وخافت:اوك ماراح افتح هل الموضوع مره ثانية بس اتركني حسام باوع بعيونها ويريد يقهرها:والله مالي رغبة بيج لانج ماتحركين شعوري سوزان ماتت قهر وصدكته😂😂 سوزان عصبت:لعد كوم عني ليش لاصك بيه حسام ضحك باستهزاء:وشبيج انقهرتي اذا ماهمج الامر شكلج وكعتي بشباكي سوزان كلبها يدك بصوت وصار ببلعومها وسكتت وتأملت وجهه عيونه حواجبه خشمه لحيته شفايفه.... وجها صار نار وتحرك شعورها من جديد.. حست بنفسها وتريد توخر عنه...يتبع تحياتي ارنوباتي 😍 الكاتبة التميمية...... altmeme313 | ||||||||
|
| |
|
04-09-19, 02:02 PM
| #8 | ||||||||
| مراقبة عامة ومشرفة منتدى الروايات المنقولة
| قصة سوزان #بارت 6 مساؤؤؤؤؤؤ جمارات قلبي... سوزان كلبها يدك بصوت وصار ببلعومها وسكتت وتأملت وجهه عيونه حواجبه خشمه لحيته شفايفه.... وجها صار نار وتحرك شعورها من جديد... حست بنفسها وتريد توخر عنه... سوزان:احم اني راح أجل موضوع الدراسة بس ماراح اتنازل..ممكن توخر عني حسام بثقة:اي يصير خير مع انو اني مستحيل اغير رأيي..وخر عنها وكام.. سوزان سكتت وما جاوبته وكامت ودخلت الحمام وكعدت تبجي بقهر ليش جاي تحس بشعور ناحيته ماتريد تحبه وهي تدري مايحبها ويجرحها ويطعنها بانوثتها دوم... بقت ربع ساعة تبجي بالحمام وطلعت عبالها حسام طلع بس شافته بيده مبايله ومنسدح عالسرير... جاي يدردش ويه فجر... حسام شاف عيونها وخدودها حمر يعرفها باجية بس ماتبين ضعفها كدامه.. ما هماه وكمل حجي ويه فجر... وسوزان بهدوء فتحت الكبت وطلعتها ملابس جينز ازرق وفوكه بدي طويل جوى الركبة بشوي ودخلت الحمام بدلت ملابسها ودموعها ماوكفت ابد....تحس بالغربة هنا والوحشة وحدها ولو اجه حسام ينكد عليها... وتهديده خبيث ومنحرف كلما راد يهددها يجطلها على السرير ويهددها... (شكد خبيث يتباهه برجولته 😂😂😂💔) اول مره تستسلم لضعفها هل كثر مسحت دموعها وغسلت وطلعت ولبست حجابها ومتجاهلة تباوعله وراحت المطبخ... وحاولت تحضر الريوك ماكدرت لان دموعها ماتوكف ماتدري شصارلها بس تريد تطلع الي بكلبها.... مشتاقة لبيتهم ولأهلها اخوها...صديقاتها بالكلية.... وائل اتصلت عليه مروة يجي ياخذهم ويطلعهم من المستشفى وطلع من الغرفة وسمع صوت بجي بالمطبخ ودخل شاف سوزان تبجي بحركة وكاعدة بالارض.. وائل:اختي انتي بخير شصاير حسام بيه شي سوزان استحت من وائل ومسحت دموعها:لا ماكو شي وائل:وين حسام سوزان:بالغرفة وائل:اصيح اله سوزان:لا لا ماريده يشوفني هيج وائل:اوك براحتج اني طالع كليله..وراد يطلع..اي صح احنه ماتعرفنه انتي شكلج ماتعرفيني مع انو اني شاهد زواجكم ههههه سوزان بخجل:اسفة بس ماذكر كل الي جانو بالعقد لاني جنت مغطيه وجهي وائل:اي صح حقج..اني اسمي وائل اخو حسام الاصغر وانتي اسمج سوزان صح سوزان بخجل:اي تشرفت بمعرفتك اخ وائل وائل يراقب كل حركه تسويها:الشرف الي مرت اخوي اسف على البارحة ماقصدي اشوفج هيج سوزان خجلت:مو مشكلة لا تتأسف صار الي صار انسه حسام دخل عليهم:هلا وائل...اممم شكلكم تعارفتو انته وسوزان وائل ابتسم:اي هنيالك عليها شكلها اخلاق وبنت معدلة حسام حط ايده على جتفها وعصرها:اي هنيالي.. سوزان مزنوطة وتريد توخر عنه بس حست بكلبها يدك حيل من قربه وعطره يتغلغل بداخلها... وائل حس بالقهر مايعرف ليش:الله يهنيكم اني رايح حسام:ما تتريك وائل:لا مستعجل باي.. وطلع.. سوزان وخرت عن حسام:لا تشبكني بوجود اخوك عيب عليك شنو هل التصرفات المراهقة حسام يريد يقهرها:يعني تردين اشبكج بعدم وجوده هههههه سوزان ضحكته وترتها:ويع ناقصني قرف حسام لزم خصرها وهمس بذانها:انتي ترديني بس ماتتنازلين وكلشي بداخلج يكول اخذني بس ماتعترفين سوزان وخرت عنه:واثق بنفسك استاذ حسام روح لزوجتك شعندك باقي هنا كلشي ماراح تحصل مني روحلها احسن حسام يريد يقهرها اكثر:اي ليش ماروح الها هي الانوثة كلها انتي ولا شي يمها..ولو اريد شي اخذه غصبن عليج بس نفسي ماتهواج مارغب بيج ابد ولا تغريني مفاتنج ( شكد جذاب منو اول ماجابها هجم هجوم وحوش 😂😂😂😂😂😂😂😂😂 حسامووو انحرفت بعد اختك عيب 😏👌) سوزان صدك حست بقهر عظيم وماردت عليه وطلعت وهي تنزل دموعها بصمت طبت الغرفة وقفلت الباب.... حسام يحاجي نفسه:الا اخليج تكرهين حتى نفسج اني ترفضيني يا سوزان.... وائل راح طلع مرام من المستشفى بس ماتحاجيه ولا هو يحاجيها وصلهم البيت ونزلو وهو مشه... اول مره يحس نفسه مايحب مرام واختفى هل الحب من كلبه ماعاد يريدها ولا تهمه ابد....بس انها ام ابنه وبس... اجت بباله سوزان ومنظرها اليوم وهي تبجي ..واتذكر حجي حسام انو هو ازوجها بس تسلية.... انقهر من نفسه ليش جاي يفكر بسوزان مايصير هي مرت اخوه.... صار الليل.. ابو حسام كاعد يمه سجاد ويبوس بيه.. نزلت مروة:مساء الورد حبيبي بابا ابو حسام:مساء النور يا حبيبة بابا تعالي يمي مروة كعدت يمه:فديت سجودي اني حبيب عمته... عادي اخذ جدو منك سجاد ابتسم:لا جدو مالتي ماتاخدينه ابو حسام ومروة ضحكو... سجاد التهه بألعابه... ابو حسام:وين حسام ماشوفه من سافرت مرته لهسة ماشوفه بالبيت وين يروح مروة:اكيد ويه جماعته بابا تعرف هو من قبل مايبقه بالبيت بس بالليل يجي ابو حسام:وذاك الثاني ماجه اعتذر من زوجته على السواه (شيعتذر وهو حصل تفله 😒) مروة:لا بس وصلنه وراح ولهسة ما اجه ابو حسام:اي وشلونها مرام هسه والطفل شلونه مروة:والله مرام مو زينة جسمها مكسر من الضرب وفوكاها النزيف ابو حسام بقهر:مادري شسويله حتى يبطل خباله عمره 30 سنة ويتصرف مثل المراهقين مروة:بس هو شكله جدي من صدك مايريد مرام ابو حسام:هو بكيفه مرام ماتطلع من الباب مادام اني عايش مروة تنهدت:اي والله انا تعودت وجود مرام ماتخيل تمشي وتاخذ سجاد وتروح..عن اذنك بابا اروح غرفتي تعبت البارحة بالمستشفى ابو حسام:روحي ارتاحي بابا..سجاد راح اخذه يمي ينام مروة باست راسه:اوك تصبح على خير... وصعدت غرفتها شافت تلفونها يرن وشافت 4 مكالمات فائته من هشام... ماردت وتركت التلفون ودخلت الحمام غسلت وبدلت ولبست بيجاما وانسدحت على السرير وفتحت التلفون صارن 6 مكالمات واتصل مره ثانية باوعت لاسمه جانت كاتبته عيناي... ردت بعد المكالمة العاشرة اله... هشام بعصبية:شكد صارلي ادك ماتردين مروة بهدوء:وهسه شصار وشتريد مني هشام:اريد اموتج وارتاح..موتيني مو بس بحبج حتى ببرودج مروة بهدوء:انا الباردة لو انته ياهشام هشام:شبيج تحاجيني من وره خشمج مروة بقهر:مابيه شي زين توك تذكرتني هشام:اسف حقج عليه زعلتج مني اليوم جاي اراضيج وعندي الج خبر حلو مروة ابتسمت غصبن عليها من الحب:مسامحتك بس لا تعيدها..شنو الخبر كلي فرحني كلش مقفلة عندي هشام:يابعد عيوني وكلبي وكل لهفاتي ما عاش الي يضوجج مروة بحب:تسلملي كلك يا روحي..تره حركت اعصابي احجي هشام:ههههه اي اليوم اجاني اتصال واجتني وظيفة وافقت عليها وبعد... كاطعته مروة بصرخة فرح:صدك والله الف مبروك حبيبي هشام ضحك:الله يبارك بيج بعد خبر ثاني مروة بتسائل:شنو شنو كول لا تحرك دمي هشام:ابوي طلع عنده قطعة ارض وتعرفين بس اني عند اهلي لذلك راح تصير بأسمي ومن اشد حيلي شوي راح ابنيها الا اسويلج احلى بيت وبعدها اجي اخطبج وتصيرين مرتي ونكول للكل عن حبنه وتكونين الي وبس مروة بجت من الفرحة:هشام انا اريد اكون وياك وبس مايهمني أي شي ثاني والله هشام:يعمري انتي وكلبي الينبض..كليلي وين كاعده وشلابسة مروة ضحكت:ماكلك ههههههه هشام يتظاهر بالعصبية:تكولين لو اجيج لبيتكم هسه واكلب الدنيا على راسج مروة ضحكت:يالله روح اريد انام تعبانة هشام:طردة يعني عقاب الج ماراح اخليج اتنامين مروة بزعل:ويهون عليك حبيبتك تعبانة هشام ضحك:كسرتي خاطري يالله خمدي باجر من الصبح اكعدج مروة:هههههه بيباي هشام:اول تنطيني بوسة مروة:دروح يالله ماتستحي مو هسه البوسة من نتزوج باي هشام:اخ منج الا اطلع قهري بيج من نتزوج... مروة ضحكت وسدته وهي فرحانة وصار عدها آمال وضلت تحلم تلبس الابيض لحبيبها وتروحله عروسة واميرة كلبه والها وبس... سرحت وهي تتخيل نفسها... بعد اسبوع... سوزان وحسام بعدهم على حالهم حسام دوم يضايقها بحجيه ويهينها بس بيناتهم مو كدام وائل... وهي صايره حساسة ماتتحمل اي كلمة منه بس ماتسكتله ابد... ومن يروح تختلي بنفسها وتبجي حتى لا تبين ضعفها اله وكل يوم تحس بمشاعر اقوى اتجاهه وهو ولا هامه.... وائل بعده يمهم بس بالنهار مايجي بس بالليل يروح ينام ويطلع من الصبح مايريد يشوف سوزان لان كلما يشوفها مايعرف شيصير بيه وينكلب فوك وحدر وهواي شاغلة تفكيره وكلما يشوف حسام يخجل من اخوه ومن نفسه ويوخر التفكير بيها... هو ومرام نفس الحال اصلا ماتصل بيها ولا حتى راح الها بس يتصل على مروة ويطمن عليها علمود ابنه ويروح يشوف سجاد بالروضة من يروح الصبح.... ابوه يتصل عليه مايرد.... فجر بعدها عند اهلها ومشتاقه لحسام حيل وهو بعد مايعرف يكضي يومه بدونها وكله يصب غضبه بسوزان ويصيح عليها مرات على اشياء ماتسوة.... حسام جاي يدخن جكاره بالصالة واجه على باله ابراهيم... حاب يسهر وياه مثل قبل... طلع تلفونه واتصل عليه... حسام:الو ابراهيم:هلا بالعريس الكاطع اشدعوة ماتتصل ماشفتك من اسبوع حسام ضحك:ههههههه يا عريس يمعود خلها على الله اني مزوج بس ما مزوج ابراهيم ضحك:هههههههه شلون هاي بالله حسام وهو يسحب نفس الجكاره وينفخ:ابراهيم اعرفك ذكي تلكفها وهي طايرة مافهمتني ابراهيم هسه طخت اباله:لحد هسه مامزوجها هههههههه ليش طلعت مو رجال حسام ضحك:لك رجال وغصبن على خشمك وخشم الي جابك..بس رفضتني واني كرهتها والي ترفضني ادفنها بس ماعرف ليش صابر عليها وساكت ابراهيم ضحك:خاف حبيتها... سوزان طلعت من الغرفة وسمعت اخر حجي حسام... حسام طفه الجكاره:اتخسي احبها مابقت الا بت الحرامي انا احب وحده مثلها بس ماتركها لمن اطلع ال90 مليون الي راحت على البلاش وعلى وحدة ماتسوه..ماعلينه بهل السالفة تعالي البيت وجيب الشباب اريد كعده وسهره وياكم ابراهيم:اوك صار جاينك خل اتصل على هشام اكله يجي حسام:يالله انتظركم.. وسداه وشعل جكاره ثانية... سوزان بعد الي سمعته راحت للغرفة وضلت تبجي بشهكات وتمسح دموعها وينزلن بحركه وهضيمة وانكسار... هي تدري حسام مايحبها ولا يطيقها بس من تسمعه يكول لصديقه هيج وهنوب يحجي على ابوها وينزل قيمتها وقيمة اهلها كدام صديقه هاي الي قهرها وهضمها اكثر واكثر وضلت تبجي بحركة... حسام فتح الباب بهدوء وشافها تبجي ابتسم... حسام بأستهزاء:لا لا سوزان القوية تبجي مجاي اصدك شلي خله غرورج ينكسر هههههه ها اذكرت لأنج ماتحركين شعوري وماكدرتي تغريني حقج تبجين سوزان مسحت دموعها وبعصبية:اني واثقة بنفسي واصلا انته جاي تحترك كل يوم لأني رفضتك ومازلت ماريدك ولا ادانيك واكرهك ولأنك ماراح تكدر تلمس شعره مني تريد تشككني بنفسي بس احب اكلك ماتهمني ولا يهمني شي ابد وماراح اخضعلك ابد حسام اجاها بعصبية:انا لو اريد حقي اخذه بالقوة وكتلج من قبل وماتكدرين تمنعيني بس اني نفسي ماتهواج ولا يغريني اي شي بيج سوزان حست بالذل والقهر اكثر:خلصت حجيك اني اريد انام اطلع لو سمحت حسام هدئ:ماتنامين لمن اسمحلج اني.. وهسة كومي راح يجوني الشباب اريد تجهزين ضيافة الهم سوزان بأنكسار:حاضر استاذ حسام خدامتك بأمرك اوامر ثانية حسام:زين تعرفين قدر نفسج... وطلع... سوزان ماتحركت من مكانها ودموعها نزلت بحسرة وألم وتتمنى لو امها وابوها يمها هسه... جانت مددللة وهسه مذلوله بلسان حسام... كامت بهدوء لبست حجابها تخاف يجي وائل وطلعت طبت للمطبخ سوت حلا وحضرت عصير وجم شغلة ورجعت للغرفة... وائل وحط شي بالعصير وخلطه.... الشباب كاعدين بالديوانية... سوزان تذكرت العصير مابيه شكر راحت للمطبخ بسرعة شافت وائل واكف يحجي بمبايله ويه اخته مروة... سوزان حطت شكر وخاطت العصير وتريد تذوقه... وائل سد المكالمة:لا لا تشربين منه سوزان باستغراب:ليش وائل:مايفيدج هذا سوزان بهدوء:ارد اشوف حلاته ماريد اشرب..وخذت رشفة..اممم بعد يحتاج شكر... حطت مره ثانية وائل طلع راح للشباب... سوزان حست بعطش وشربت كوب من العصير وحضرت الاشياء على الطاولة حتى يجي ياخذهن وائل.... شوي وحست بدوخة مو طبيعية والارض صارت تتقرب الها وشعور غريب كامت شربت كوب ثاني عصير ووضلت تحس بثكل براسها والباب صار بعيد... بالديوانية... ابراهيم:حسام جبت مشروب وياي شرايك تعدل مزاجك حسام:لا يمعود ماريد ابراهيم:تخاف زوجتك الجديدة تكشفك ههههههه هشام تفاجأ:حسام انته مزوج حسام يفكر:اممممم مادري كيفك انته شنو تريد كول اني متزوج اي هشام بعتب:ايا الناقص واني آخر من يعلم مو اصدقاء احنه حسام ضحك:والله الناقص انته وبعدين مصارلي هواي وزواج بالسر محد يعرف غير ابراهيم وائل وائل كام:اني فكوني من شر هشام ماعليه خل اروح اجيب عصير الكم صاحب البيت شكله مايريد يضيفكم حسام ضحك:اي مو انته اخوي الاصغر ضيفهم هشام:اليوم شيفكك مني يا حسام الا طلعها لروحك تزوج واني مادري... هشام وابراهيم وحسام اصدقاء حيل ودوم يجتمعون هنا بيت ابراهيم ويسهرون بس مرات يجيبون مشروب ويشربون بس هشام لا مايشرب... وائل دخل المطبخ ولكه سوزان تضحك ونازعة الحجاب وشعرها مفتوح وكاعده بالارض وتباوع لايديها وتضحك... وائل كلبه وكف من شكلها هيج وخذت كلبه ضحكتها بس استغرب ليش هيج تباوع لايديها... تحم حم بس سوزان نفس حالها راح الها ولزم ايدها... وائل مايعرف شلون اجته جرأة ولزم ايدها:سوزان شبيج ليش تضحكين سوزان بضحك:شوف عندي 4 ايدين هههههههه حسام تعال اريد اكلك شي... الشبه كبير بين حسام و وائل وثنينهم عدهم عضلات وسوزان مو بوعيها صارت تشوفه حسام.... وائل استغل الفرصة وبلهفة:اصيرلج حسام سوزان مترنحة وماتحس بنفسها:اكول اني اكرهك وتدري اني ماحبك انته واحد غثيث ونذل وحقير واني اكرهك حييييييييييل وائل تذكر العصير حط بيه مشروب:سوزان انتي شربتي من العصير سوزان تضحك وتأشر باصبعها ثنين:كاستين بس ماعرف شجاني ههههههه صرت اشوف الباب بعيييييييد ههههههههه وائل جاب ماي وغسل وجها مافاد يخاف يشيلها ويجي حسام وهنوب تصير مشكلة... رفعها من ايديها بسرعة وخذاها للغرفة مالتهم وحطها على السرير ويريد يغطيها... سوزان ضلت تخربط وتدفع وائل:حسام لا تقرب مني بعد.. مو انته تكول ماتريدني ولا راح تلمسني ليش تنازلت روح ماريدك وائل تفاجأ لحد هسه مالمسها يعني مايريدها وكأنه استغل هل الفرصة حتى يفكر بيها براحته.... طلع وراح للديوانية... وائل:حسام تعال رايدك شوي هشام:ها شعدكم اسرار بعد ابرهيم:لك انته سد حلكك يمكن شي خاص حسام:خير شصاير وائل:تعال وياي وتعرف حسام كام:تعال... وطلعو وداه لباب غرفتهم.. وائل مادخل:حسام روح شوف زوجتك هي شربت من العصير وبيه مشروب وحالتها حالة حسام عصب:وشلون تحط مشروب بالعصير وسوزان هناك هااا انتي غبي لو شنو وائل:مو وقت عتاب روح شوفها شاربه كوبين وسكرت حسام عصبية:شي اكيد لانها اول مره تشربه...ودخل للغرفة واتجه الها..سوزان شصارلج سوزان شافت حسام كامت وكعدت:مو كتلك لا تجيني ماريدك ليش ماتفهم اني ماحبك حسام ضحك عليها وشلون هيج صاير بيها:على الاساس اني ميت عليج كومي غسلي سوزان عيونها مفتوحة على النص وخدودها حمر وعركانة ومحتره:لاء ماريد اكوم بكيفي حسام سحبها وكومها:حتى وانتي سكرانة تعاندين... شالها وداها للحمام ونزلها... حسام:نزعي ملابسج سوزان ماتكدر توكف ومتمسكه بملابسها:لاء ماراح انزع شي اطلع بره... وتريد تطلع من الحمام... لزمها حسام:كتلج نزعي ملابسج واخذيلج حمام... سكت وراح فتح الدوش ودفعها حتى تدخل جواه وضلت تصرخ عليه... سوزان بعصبية:ليش هيج شرير انته حسام ضحك وراح الها وضل يفتح بدكم القميص مالتها هي لابسة قميص وتنورة طويلة... حسام :رجعتي طفلة... اووف حسابك عندي يا وائل هي بلا ما تشرب ولسانها شطوله هنوبه تشرب وتسكر سوزان تدفعه:وخر عني اكلك لا تلمسني حسام نزعها القميص والتنورة بس بالكوة متمسكة بيهن حتى وهي سكرانة😂😂 وبقت بس بملابسها الداخليه... حسام ماكدر مايباوع عليها وهي بين ايديه هيج تأمل شكلها لو أي رجال يشوف زوجته حلاله كباله هيج وبهل الجمال والجسم الرشيق ماراح يكدر يتحمل اكيد.... لزم وجها وبدون مقدمات باسها بشفايفها بهدوء وخر عنها وهي ماعارضت... ورجع باسها من جديد وبقوة وهو جوى الدوش وياها وصار وتغير تنفسه واتجه لركبتها وهي ماتحجي وفقد هو عليها..كأنه عطشان ويريد يروي عطشه.....يتبع قفلة معدلة مو 👌😉 😎😎😎😎 اليوم البارت طوييل 😌😌 صوتو لا تغلسون 😈😈🔥🔥🔥🔥🔥🔥 وحطو رأيكم 😏 تحياتي عسلاتي الكاتبة التميمية...... altmeme313 | ||||||||
|
| |
|
05-09-19, 12:03 AM
| #9 | ||||||||
| مراقبة عامة ومشرفة منتدى الروايات المنقولة
| مساء الخير.... سوري للتأخير جنت حيييل مشغولة 😊 #بارت 7 لزم وجها وبدون مقدمات باسها بشفايفها بهدوء وخر عنها وهي ماعارضت... ورجع باسها من جديد وبقوة وهو جوى الدوش وياها وصار وتغير تنفسه واتجه لركبتها وهي ماتحجي وفقد هو عليها..كأنه عطشان ويريد يروي عطشه..... فجأة حس بنفسه شنو جاي يسوي وخر عنها شوي... ورجع يبوسها بقوة ظل يحاول يجر نفسه منها... وخر عنها بسرعة ونزع ملابسة المبلله وطلع وعافها... لأن لو باقي شوي بعد جان صار كلشي وكلاشي 😂😂... نشف شعره وبدل ملابسه وطلع وراح للحديقة ياخذ نفس يحس انكطع نفسه... سوزان ماتدري بنفسها وجانت خدرانة والدوش شوي صحاها وحست بنفسها بالحمام وحدها سدت الماي ونزعت ملابسها الداخليه ولفت نفسها بالمنشفه وحست انها راح اطيح من الدوخة وطلعت بالكوه وشمرت نفسها على السرير وماكدرت تفتح عيونها بعد وغفت.... وائل كلبه يركع ركع خايف يسويلها شي حسام او يضربها بسببه... ابراهيم:وائل شبيك وين راح حسام ما اجه هشام ضحك:راح ياخذله بريك عند المدام مادامه مشتاقلها ليش عازمنه على سهرة حسام دخل:ها كأنكم تاكلون بلحمي هشام ضحك:ها شوفو مو كتلكم اجه سابح ومبدل ملابسة ههههههه ابراهيم يدري حسام مازوجها لحد هسة:ها شكلك صدك ماخذ بريك يم المدام واحنه هنا كاعدين ننتظرك حسام بالكوه نسه نفسه هالسالفة:اسكت انته وياه تره مزاجي معكر احسن ما اعكر مزاجكم وياي هشام:على هونك علينه مستر حسام تعال اكعد... وكعدو سهرو للصبح سوالف وضحك وحسام رجع غلف كلبه بالقسوة مالته... وائل ضل كاعد وياهم بس عقله وروحه ويه سوزان مايدري شصارلها ومايكدر يروح يشوفها مهما يكون هي زوجة اخوه... وائل من شاف حسام مبدل ملابسة وشعره مبلل خاف لا يكون صدك تزوجها من صدك.... وينفض الافكار ويكول لنفسه واذا صدك صارت زوجته اني شكو هي زوجته ليش اني مقهور... بيت ابو حسام... مرام كامت من السرير ودخلت الحمام غسلت وطلعت ونزلت... مروة كاعده يم ابوها سجاد هم يمهم لان مروة تحضره يروح روضة لان مرام تعبانة... مرام:صباح الخير ابو حسام ومروة:صباح النور مروة: مرام ليش نزلتي الدرج مو كتلج لا تتحركين مرام بهدوء:بس اني مابيه شي الحمدلله ابو حسام:بويه ديري بالج على نفسج وعلى الصغيرون لا يصير بيكم شي انتي وياه مروة:تعبت واعلم بيها مرام:انا بخير وتمام التمام..سجاد ماما كوم احضرك للمدرسة (همه حاطينه من وقت بالروضة) سجاد:ماما بابا ما اده للبيت (ما اجه) مرام ماعرفت شتكول:بابا مشغول شوي سجاد:هو يدي اثوفه كل يوم الثبح (هو يجي كل يوم اشوفه الصبح) ابو حسام كام:مروة اذا اتصل عليج وائل تعاي كليلي اريد احاجيه ولا تكليله ابوي يريدك لاني اتصل عليه مايرد مروة:اوك بابا صار..... سوزان فزت من النوم وحست بصداع فضيع وبالكوة تفتح عينها استغربت نومتها وبس منشفة عليها... ماتذكر شي صار البارحة.... فجأة اتذكرت من شربت العصير.... وتذكرت شوي بالحمام من استسلمت لحسام وماتذكر الباقي... راحت باوعت لنفسها بالمراية وشافت اثر بركبتها شهكت وحطت ايدها على حلكها... وصداع موتها راحت بدلت ولبست حجابها وطلعت تريد تحاسب حسام على فعلته عبالها اخذها... دورته ماكو تخاف تروح الديوانية احد بيها... راحت للحديقة وهي مقهورة شلون هيج سمحتله وليش ماتذكر شي وليش من شربت العصير صار بيها هيج ضلت تفكر اكيد بيه شي العصير بقت نص ساعة تفكر وصداع موتها.... كامت وتريد تدخل وصار بوجها رجال جاي يحجي بالتلفون هو من شافها سد التلفون وبقه يباوع عليها ثواني... سوزان ماتت خجل وركضت طلعت بالحديقة مرة ثانية... وراحت للحديقة الي وره البيت وانقهرت كل يوم تصادف شخص بس حمدت ربها حجابها عليها وتكول بكلبها منو هذا بعد معقولة اخوه الثالث.... ابراهيم من شاف سوزان مايعرف شصارله ظل صافن بوجها وعرف هيه زوجة حسام لان محد اكو غيرها بالبيت... سحرته عيونها... عاتب نفسه شلون يفكر بزوجة صديقه وخر هل الافكار وراح داخل.... سوزان بقت بالحديقة تخاف تدخل البيت وتصادف واحد مره ثانية وحقدت على حسام حيل رغم الي تحس بيه تجاهه... ورغم اسلوبه الاستفزازي وياها جاي تحس بالحب تجاهه... ابراهيم وهشام راحو كلمن لبيته.... هاي هم بيت ابراهيم بس هاي خالينه لكعداتهم دوم يجمعون بيه... ابراهيم هم مثل حسام مريش 😂😂 وائل طالع من الصبح... حسام فز من نومه واول ما اجت اباله فجر واتصل عليها... حاجاها وكام وراح الغرفة يشوف سوزان كاعده لو لا... ماشافها وراح للمطبخ ماشافها وطلع بالحديقة سمع صوتها تحاجي نفسها... سوزان بقهر:الحقير الوقح اني اله يستغلني وانا بهل الحالة الله العالم شحاط بالعصير حسام اجاها واديه بجيوبه:منو هذا الي استغلج سوزان كامت وبعصبية:انته..اكو احد غيرك شنو حاط بالعصير وليش استغليتني البارحة مو تكول اني مارهم الك ولا احرك شعورك اشو بسرعة تنازلت واخذت عذريتي حقير استغلالي اكرهك... وخجلت من كلمتها الكالتها شلون كالت عذريتي 😂😂😂 صار وجهها احمر.... حسام ضحك باستهزاء ويريد يقهرها:كيفي حلالي اسوي الي اريده..بالنسبة للعصير اهنيج البارحة جربتي المشروب لاول مرة ههههه سوزان حطت ايدها على حلكها بقهر وماتعرف شتكول وبدون ماتحس طاحن دموعها.... سوزان:ليش هيج يعني اني جنت سكرانة البارحة وليش استغليتني وانته تدري مو بوعيي ليش كلبك قاسي انته صخر مو انسان حسام يموت على استفزازها:بصراحة ماعجبتيني وتندمت ساعتها على الصار سوزان ببجي:الله يلعنك حقير وحقارتك ماتنوصف حسام ضحك بصوت:لج غبية اكو وحده ماتعرف نفسها اذا احد لامسها او لا سوزان خجلت منه:شتقصد ها حسام بهدوء:يعني يازوجتي اني مالمستج ابدا سوزان خجلت حيل وماعرفت شتكول وسكتت... حسام بخبث:ها سكتي سوزان تغير الموضوع:وشلون تحط بالعصير مشروب استغفر الله يعني انا شربت خمر استغفر الله انته شلون مايعذبك ضميرك وتشرب هالسم..اوووه اني شعليه ان شاء الله تشرب سم شدخلني بيك حسام دنك وجهه عليها:سم بكلبج ان شاء الله كولي آمين سوزان مدت بوزها:وبكلبك..حتى سوه نموت احسن اخلص من وجهك... وراحت عنه وتريد تدخل جوه.. حسام ضحك:على كيفج لا تطيحين تتكسرين... ماعبرته ودخلت... سوزان راحت توضت وفرشت مصلاتها وكعدت تبجي بحركة:ياربي سامحني واغفرلي انته اعلم اني ماجنت اعرف شنو بالعصير وشربته وماعرف يارب سامحني... وائل مدري ليش يحس جبال الدنيا فوك كلبه ومقموت وده لو هسه يشيل كلبه من مكانه حتى لايفكر بسوزان تفكيره خيانة لأخوه... ابوه حجه وياه من تلفون مروة وكله ارجع البيت ونتفاهم... وائل كله ماريد ارجع البيت واذا ارجع مرام تروح لاهلها ماريدها بعد وابوه رفض... مروة تنتظر اليوم الي يجي هشام يخطبها بيه وخايفة من هل اليوم لان تخاف يرفضونه اهلها وهي ماتكدر تعيش بدونه تحبه ولا تكدر تعارض اهلها صح مدللة بس مو معناها توكف بوجهم... حسام مايحس بأي مشاعر تجاه سوزان وكل كلبه لفجر... يريد يعذب سوزان شوي ويكسر غرورها ويخليها تفقد ثقتها بنفسها حتى دراسة حرمها منها وناوي يرجعها لاهلها قبل محد يعرف بزواجه منها.... مرام مكسوره من الداخل كسر ماينجبر وكل القهر والحزن تطلعه وهي وحدها وكاضيه كل لياليها بجي بسكوت.... فقدت ثقتها فقدت املها فقدت واهسها بالحياة فقدت روحها فقدت حبها لنفسها وفقدت حبيبها وزوجها وابو اولادها... عايشة على امل واحد... يجي وائل يكللها انسي كل الراح ونبدي من جديد... فجر مشتاقه لحسام وحاسه بكلبها اكو شي صاير تحس بالهشي من حجيه وياها... بس تريد تبقه بعيدة شوي عنه تحس صار ملل بعلاقتهم ويحتاجون الابتعاد حتى واحد يشتاق للثاني (شعور صعب تحاول تبعد عن شخص انت تتنفسه) مرت ايام والكل على حالة ماتغير شي حسام كلما يفتح ويه فجر موضوع جيتها تتهرب وهو مضايج من هالشي... اما سوزان تعانده بكلشي وهو معذبها ببرودة وياها ودوم يكللها كلام يخليها تفقد ثقتها بنفسها بس ماكدرت تتحكم بكلبها وعشقته من اعماق روحها وكلبها بس ماتبين هالشي ولا تكله ولا ناويه تكله..... ابوه صار يحس بيه متغير ومايبات بالبيت صارله شهر تقريبا بس يشوفه بالشركة... وائل المصيبة صار يحب سوزان بس يخاف يعترف حتى لنفسه بهالشي صار يتهرب منها حتى لا يشوفها ويتعلق اكثر وكل ما يشوف حسام يخجل منه لان يفكر بزوجة اخوه... مرام طفلها تعدى الخطر وماعليه شي بس كأنها ما عايشة وائل تاركها ولا يتصل ولا يسأل عنها ولا رجع البيت ابوه يصيح عليه من يروح الشركة بس وائل يسكت ومايرد... بالشركة... ابو حسام بمكتبه وحسام يمه وجاي يتناقشون بالشغل... ابو حسام:حسام حسام بهدوء:نعم ابو حسام:شعندك تخفيه عني حسام باستغراب:ليش شصاير شنو اخفيت عنك بابا ابو حسام:ماصاير شي بس الاحظك من مرتك سافرت لهسة ما تبات بالبيت لا تظن مادري حسام:بابا تدري اني كله ويه جماعتي وبيت ابراهيم صديقي ابو حسام بشك:حسام كلي شالموضوع..اني ذاك اليوم اتصلت على ابراهيم كلي حسام مو يمي انته وين تروح حسام:بابا جاي اكلك بيت ابراهيم صديقي اذا ماتصدك الليلة تعال وياي وبعدين اني مو مراهق تحاسبني تجاوزت هل المرحلة و.... كاطعه ابوه:حسام اني ماحاسبك بس اشك بيك متزوج وماتكلي حسام تفاجأ:وشلي يخليك تظن هالشي.......يتبع بارت قصير وباجر اعوضكم بطوييل 🙂 ينطبق على كلام سوزان لكلبها 👇 واجمل تحيات✌😘 الكاتبة التميمية...... altmeme313 | ||||||||
|
| |
|
06-09-19, 08:26 AM
| #10 | ||||||||
| مراقبة عامة ومشرفة منتدى الروايات المنقولة
| جبتلكم بارت حلووووووووو استمتعوووووو #بارت 8 ابو حسام بمكتبه وحسام يمه وجاي يتناقشون بالشغل... ابو حسام:حسام حسام بهدوء:نعم ابو حسام:شعندك تخفيه عني حسام باستغراب:ليش شصاير شنو اخفيت عنك بابا ابو حسام:ماصاير شي بس الاحظك من مرتك سافرت لهسة ما تبات بالبيت لا تظن مادري حسام:بابا تدري اني كله ويه جماعتي وبيت ابراهيم صديقي ابو حسام بشك:حسام كلي شالموضوع..اني ذاك اليوم اتصلت على ابراهيم كلي حسام مو يمي انته وين تروح حسام:بابا جاي اكلك بيت ابراهيم صديقي اذا ماتصدك الليلة تعال وياي وبعدين اني مو مراهق تحاسبني تجاوزت هل المرحلة و.... كاطعه ابوه:حسام اني ماحاسبك بس اشك بيك متزوج وماتكلي حسام تفاجأ:وشلي يخليك تظن هالشي ابو حسام:يعني جم مرة فجر تسافر لأهلها بس انته ماتبقه بيت ابراهيم بس يوم او يومين وترجع مو شهر حسام سكت ومارد وماعرف شيكول لأبوه... ابوه:يعني سكوتك صح مزوج...احجيلي كلشي بسرعة حسام بهدوء:اي بابا متزوج بسمصارلي هواي وتزوجتها لسبب ابو حسام بعصبية:واني آخر من يعلم وحتى وائل شكله يعرف لان يمك هناك حسام بتبرير:بابا افهم اول.. اني تزوجتها مكان الفلوس الي نباكت من المكتب وابوها هو الحرامي ابو حسام بعصبية:ومنو ابوها..ومن يمته نشتري بنات العالم واذا ابوها حرامي شلون تزوج بنته حسام:ابوها الحارس محمد وهي وافقت بارادتها تزوج مكان الفلوس وهي مو... ابو حسام كاطعه:محمد الحارس الحرامي ماصدك الرجال عشرة عمر ويانه شلون يبوكنه ومن اكلك وينه تكلي شغلته بغير مكان ليش تجذب عليه هااا حسام ماعرف شيرد وشيكول وخجل منه على الجذب واخفاء زواجه عنه... وسولف لأبوه كل السالفة وبررله... ابو حسام بعصبية:مستحيل اصدك محمد هو الحرامي اليوم تاخذني اله ونروح اله سوى ونعتذر منه على اتهامه بالبوكه..وزواجك ببته بهالطريقة والله ماتوقعتها منك عود انته الجبير...شكول عن ذاك الطايش الي باقي بمراهقته بعده... وانته تشتري بت العالم ترضاها لأختك حسام برفض:مستحيل يبه اروح اعتذر من واحد حرامي..والبنية وافقت بأرادتها تزوجني ابو حسام بعصبية:تاخذني اله رضيت وله مارضيت وتاخذني تعرفني على زوجتك وبعد ماتبقه سر وتجيبها بالبيت افتهمت حسام صحيح شخصيته قوية واله كلمته بس مايكدر يرفض طلب لأبوه لأنه يحترمه حيل ويثق بحكمته... اخذ ابوه وراح لأبو اياد... ابو اياد فتح الباب وشاف ابو حسام وحسام وياه اخترع عباله بنته صارلها شي لأن همه مايرحون الها ولا تجيهم ولا تحاجيهم بالتلفون لان حسام اخذه منها ومايقبل تطلع ولا تداوم وباقية محبوسة كله بالبيت... ابو حسام:سلام عليكم شلونك ابو اياد ابو اياد بخوف:وعليكم السلام..الحمدلله حسام بهدوء:تسمحلنه ندخل نريدك بموضوع مهم ابو اياد:اكيد اكيد تفضلو ابو حسام:تسلم... ودخلو كعدو بالديوانة... ابو اياد بتوتر:خير صاير شي بنيتي بيها شي حسام:لا مابيها شي ابو حسام:يا ابو اياد اني وابني جينه نعتذر منك على اتهامك ببوكة الفلوس الي بالمكتب اعذرنه وسامحنه اني اعرفك عشرة عمر ومستحيل تسويها اني ماعرف بالصار بينك وبين حسام..مستحيل اقبله ومستحيل اخلي بنتك تتحمل شي مالكم ذنب بيه ابو اياد نزل راسه:معذورين حقكم اني لو مكانكم هم اتهمكم بالبوكه واذا على بنتي المهم تكون مرتاحة مايهمني شي ثاني..شنو لكيتو الحرامي ابو حسام: ارفع راسك يخوي...وبنتك راح تكون معززه ومكرمه وعلى روسنه..بالنسبة للحرامي احنه ماعرفناه بس ماصدكت انته تسويها... اريد اسألك منو دخل الشركة هذيج الليلة ماشفت احد ابو اياد تردد يكول بس قرر يكول:يسلم راسكم ويحفظكم يارب..صراحة انا شفت شخص واحد دخل الشركة بس كال ناسي اوراق وراح يطلع حسام:ومنو هو ابو اياد:الاستاذ سمير سكرتير حضرتكم ابو حسام عقد حواجبه:وليش ماكلت لحسام من قبل وبررت لنفسك انك مو الحرامي ابو اياد:لأني اعرف استاذ سمير موضع ثقتكم ومستحيل يسويها ومازلت اكول مو هو يمكن حرامي محترف دخل وانا مانتبهت..وانطفت الكهرباء بوقتها يمكن حتى ماينشاف بالكامرات..واني رحت اشوف الكهرباء بعد ماعرف حسام:واذا حرامي داخل انته ليش تقصر بواجبك ها ابو حسام بعصبية:لا تحاجي عمك بهالطريقة احترمه احترم وجودي على الاقل حسام تنهد:اسف بابا بس سمير مستحيل يسويها سنين ويانه ابو حسام:هو عنده مفاتيح المكتب والخزنة هو الي مسويها اصلا هذا اعرفه طماع ومايشبع انا اعرف البشر من عيونه بس كلت يمكن اظلمه بالظن السيء حسام:وشلون نكشفه لان راح يستمر هيج ابو حسام:خلي الايام هي تكشفه..ارجع اعتذر منك يبو اياد واني ماعرف ابني تزوج بنتك بهل الطريقة والله مستحيل اقبلها ابدا..بس هسة راح تكون كدام الكل زوجة ابني ابو اياد بفرحة لان صدقو براءته:اشكرك استاذ لانك صدكتني ولا تتأسف تره اني مشايل بكلبي ابد..المهم بنتي تكون بخير ومرتاحة ابو حسام:احنه اهل بلا استاذ صرنه اهل وانته اخوي يا ابو اياد..والله بنتك راح تكون بنتي مو بس زوجة ابني ابو اياد مو مصدك الحق رجع اله.... حسام رجولته ماتسمحله مايعتذر من عمه وكام:واني بعد اسف يعمي اتهمتك وماصدكتك وزوجت بتك بهالطريقة.. وباس راسه.. ابو اياد بابتسامة:لا تتأسف يبوك المهم تحافظ على بنتي هاي المهم واني مسامحك وراح انسه الماضي كله واحنه اهل هسة ابو حسام وكف:يالله احنه نترخص اني حاب اتعرف على بنتك وراح تكون بتنا منا وجاي ابو اياد بابتسامة:تسلم يابو ابوحسام بس بعدنه ما ضيفناكم شي..كعدو شوي حسام:مره ثانية يعمي.... وطلعو وراحو واتجه حسام لبيت ابراهيم وضايج شنو راح يكون موقف فجر لو رجعت وعرفت بزواجه.... وكف ونزلو هو وأبوه..فتح الباب... سوزان عبالها وائل رجع البيت ماطلعت من غرفتها... كاعده على السرير ولامة رجليها وحاطه راسها عليهن وكلش ضايجة لانها لاتروح لأهلها ولا تحاجيهم حسام مانعها من كلشي وماتكدر تسوي شي... ولأنها حبته وغصبن عليها صار هالشي بالرغم من معاملته كلبها ما دك غير اله... حسام فتح الباب ودخل:سوزان سوزان رفعت راسها:هذا انته اجيت حسام:كومي ابوي هنا ويريد يتعرف عليج سوزان توترت:انته كلت لأهلك عن زواجنه حسام باستهزاء:لا اصلا ما جنت ناوي اكلهم ولا اعترف بيج كدامهم بس ابوي كشفني سوزان بقهر:عادي حتى لو ماتعترف بيه المهم انك ماكدرت تلمسني حسام لزم ايدها قوي:والله لو ما ابوي بالصالة وجاي ينتظر حضرت جنابج جان ربيتج هسه سوزان تألمت:اي هدني جنك وحش بس تتعصب وتريد تضرب حسام يصر على اسنانه:حسابج بعدين..يالله امشي كدامي سوزان:اي افتهمت وخر ايدك عني... حسام تركها وطلع للصالة... وهي بدلت التراك وطلعت.... سوزان شافت عمها:سلام عليكم... وراحت باست راسه..شلونك يعمي ابو حسام بابتسامة: وعليكم السلام..هلا والله بزوجة ابني..ماشاء الله تبارك الرحمن شهل الجمال وشهل الاخلاق الطيبة..اعرف تربية محمد معدلة بدون ماعرفها سوزان بخجل:تسلم يعمي تشرفت بمعرفتك ابو حسام:اليه الشرف بنيتي... وكعدت سوزان شوي يم عمها وهو تعرف عليها شوي وعرفها حبابه وبنية طيبة... وكل كلمة والثانية يكلها بنيتي...وحسام يباوعلها صفح ومو عاجبه شي وشلون خذت قلب ابوه يعني ماراح يكدر يتخله عنها ابوه مستحيل يقبل يطلكها وهو شافه حباها بسرعة... سوزان كامت بأبتسامة:شتحب تشرب يعمي ابو حسام:كهوة اذا ماعليج أمر سوزان:من عيوني تآمر يعمي ابو حسام:مايآمر عليج ظالم بنيتي حسام:ماتكولين زوجي شتشرب اشو نسيتيني من اجه ابوي هنا سوزان بنص عين:اسفة شتشرب حسام:كهوة سادة وبيها شكر قليل ولا تكثرين الكهوة خفيفة خليها وخليها كلش حارة مو باردة تجيبيها لا تصبين هواي كوب صغير سوزان باوعتله بنص عين من تشرطاته وراحت للمطبخ تحضر الكهوة... ابو حسام:شكثر تشرط كول كهوة سادة وبس حسام ضحك:بابا هي تعودت عليه ابو حسام:اني فرحان لأنك تزوجت ومن عرفت زوجتك وشفتها بهل الاخلاق فرحت اكثر حسام بكلبه يكول:ماتدري لسانها شطوله وراسها اليابس وغرورها الي مايفيد بيه كسر ابد... ابو حسام:بعد ماتبقه هنا لازم تجيبها للبيت وتعيش ويانه حسام:بس بابا فجر راح تزعل لو عرفت بزواجي وراح تعيش بالبيت وياها ماعتقد تقبل ابو حسام بجدية:شوف فجر بنتي على عيني وراسي وهي واختك مروة واحد عندي بس انته من حقك تزوج وتجيب اطفال انته مابيك شي هي لازم ترضه بالامر الواقع حسام:هي فاتحتني بهل الموضوع بس تعرف النسوان يحجن بس من تصير صدك يموتن قهر وغيره ابو حسام:ماعليك خلها عليه سوزان جابت الكهوة وقدمتها لعمها ولحسام وكعدت بعيد عن حسام... ابو حسام وهو يشرب كهوته:اكول بنيتي سوزان ماكو طفل بالطريق سوزان عركت وخجلت وماعرفت شتكول... حسام:بابا تونه مزوجين اول شهر لاحكين عالجهال ليش نستعجل ابو حسام:لا اريدكم تستعجلون اريد اشوف جهالك قبل ما اموت عشر سنين وانا انتظر يجيك لو طفل واحد..شنو لاحكين حسام: اسم الله عليك بابا لا تكول هيج سوزان تفاجأت اول مره تعرف حسام ماعنده اطفال ومافهمت شي يعني زوجته بيها شي او هو مافهمت... وتكول اني شعليه شما يكون مو اني الي راح اجيب اطفاله... راح حسام وابوه وبقت سوزان وحدها صار الليل اجه وائل للبيت سوزان جاي تغسل اماعين بالمطبخ... وائل دخل:مساء الخير سوزان عدلت حجابها:مساء النور جوعان احطلك عشه وائل مايباوع الها:لا اكلت بره بس عطشان جيت اشرب ماي سوزان خذت كلاص وترسته ماي ونطته اله وجاي ياخذه لزم ايدها بغير قصد هي انحرجت وطاح الكلاص وانكسر... وائل:اسف ماقصدي بس... كاطعته سوزان:مو مشكله انا الي اسفة وائل ماكدر يستحمل وجود سوزان يمه وطلع بسرعة راح لغرفته.... حسام ما اجه للبيت وسوزان مايهمها لأن هو ينام بغرفة ثانية اصلا بس كعدت تفكر بيه... سوزان بحسرة:شبيه استسلمت بسرعة...ياربي يحن كلبه ويحبني مثل ما احبه اموت قهر من اسمعه يتصل بيها بس مادري وين منكلعة لان مايروح بيتهم كله هنا افففف اني شكو هههه هاي شبيه اغار منها حسام مو الي ولا راح يكون الي.... دمعت عيونها وهي تكول هل الحجي وحطت راسها على المخده وظلت تفكر لمن نامت.... فزت الفجر صلت وكامت... سمعت صوت الباب انفتح شافته حسام ودخل ونزع قميصة وانسدح على السرير وظل يباوع عليها... سوزان تخصرت:شنو راح تنام هنا بغرفتي حسام عيونه حمر:كيفي وين مانام..غرفتج غرفتي سوزان لاحظته مو على طبيعته خافت منه كامت بسرعة تريد تطلع حسام كام الها بسرعة ولزمها... سوزان بخوف:اتركني وخر عني حسام: تعاي ماراح اسويلج شي بس احاجيج سوزان بخوف:ماريد احاجيك انته سكران حسام مو سكران بس شارب شوي... حسام بعصبية:اريد احاجيج ماراح المسج..حضري اغراضج اليوم اوديج بيتنه تعيشين هناك سوزان بتوتر:بس اني ماعرفهم وشلون راح يتقبلوني هيج فجأة حسام تركها: ماعليج بكل هاي ابوي رايدج تعيشين وياهم بالبيت...هسه طفي الضوى وطلعي اريد انام..لو اكلج تعاي يمي نامي سوزان برفض:ماريد... وطلعت ركض.. سوزان كلبها يدك حييل:يمه خوفني الشرير الله يهديك وتترك الشرب.. كعدت بالصالة لمن غفت.... الساعة ب8 طلع وائل من غرفته وشاف سوزان نايمة بالصالة ابتسم وبدون مايحس على نفسه راح يمها وكعد على ركباته كبالها.... كلبه دك حيل بكل قوة حط اصابعه على خدها وحط اصبعه على شفايفها وهي فزت وتفاجأت بوجها وائل وخافت وكامت وبسرعة وخرت من يمه.... وائل توتر ماعرف شيكول:اسف لا تفهميني غلط سوزان اني...وماكدر يحجي.. سوزان بعصبية:شنو جنت راح تسوي عيب عليك انا شرف اخوك وعرضه شلون هيج تسمح لنفسك تتقرب يمي وهمين اخوك بالبيت وائل يبرر الها:سوزان اني اسف بس اني...اني... سوزان بعصبية:شنو انته تظن اني قليلة شرف مو... وائل كاطعها حط ايده على حلكها وسحبها للغرفة مالته وهي ماتت رعب.... يتبع نكمل ويه حماسكم 😌 سمعوها تجنن تحياتي مهراتي 😍 الكاتبة التميمية...... altmeme313 | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
3Likes
.png)
العرض العادي
