10-08-20, 04:31 PM
| #1 | |||||||||||
| مشرفة منتدى عبير واحلام والروايات الرومانسيةومنتدى سلاسل روايات مصرية للجيب وكاتبة في قسم قصص من وحي الأعضاء 
|  سكلانس _ أ.خالد الصفتى  سكلانس-------- تهلل وجه المعلم (فرغلى أبو الحديد) تاجر الخردة الشهير ، وألقى بالجريدة جانبًا ، وأدار قرص التليفون فى مكتبه الضيق ، الذى يحتل مكانًا مميزًا فى (وكالة البلح) ، حيث مملكة الخردة الواسعة .. وعندما أتاه الصوت على الطرف الآخر هتف فى جذل : ـ خلاص يا (نظلة) حنكسر الميت أرنب عن قريب .. ياللا .. سمَّعينى (زرغوطة) حلوة فى التليفون ! وانطلقت (زغرودة) طويلة عبر الأثير ، وبعد أن فرغت منها الست (نظلة) ، سألت زوجها فى حبور : ـ خير يا سيد المعلمين ؟ رد المعلم (فرغلى) : ـ خلاص يا ستى الحكومة سمحت لنا باستيراد قطع غيار السيارات المستعملة ! هتفت (نظلة) فى سرور : ـ ألف نهار أبيض يا خويا ... مبروك عليك يا ملك الخردة ... ووضوع (ملك الخردة) السماعة وهو يشعر بأنه كالعصفور .. يكاد يطير .. *** | |||||||||||
|  |
|
10-08-20, 04:31 PM
| #2 | |||||||||||
| مشرفة منتدى عبير واحلام والروايات الرومانسيةومنتدى سلاسل روايات مصرية للجيب وكاتبة في قسم قصص من وحي الأعضاء
|  سارت الأمور مع المعلم (فرغلى) على ما يرام وصار يستورد قطع غيار انتهى عمرها الافتراضى تمامًا ، ثم يبيعها بأغلى الأسعار !وتحققت نبوءة (الميت أرنب) فى أقل من عام واحد ... ومن عجب أن المعلم (فرغلى) ازداد بخلًا مع ازدياد ثروته ، وازداد نهمه للمال ازديادًا مرعبًا ! وفى جلسة (حظ) مع بعض أصدقائه التجار دار هذا الحوار ... المعلم (بطروخى) : ـ ناوى تدخل مشاريع تانية يا سيد المعلمين ؟ أجفل المعلم (فرغلى) وسأل (بطروخى) بدهشة : ـ مين قالك إنى ناوى أدخل مشاريع تانية يا (بطرخ) ؟ اتسعت ابتسامة (بطروخى) حتى ظهر صف أسنان سوداء من تأثير الدخان ، وقال فى شىء من الغرور : ـ أمال إيه يا معلم (فرغلى) .. إحنا نفهمها وهى طايرة !! نظر (فرغلى) عن يمينه ، وعن شماله ، ثم مال على (بطروخى) وهمس : ـ بينى وبينك نويت أنتج أفلام (سيما) ! *** | |||||||||||
|
| |
|
10-08-20, 04:32 PM
| #3 | |||||||||||
| مشرفة منتدى عبير واحلام والروايات الرومانسيةومنتدى سلاسل روايات مصرية للجيب وكاتبة في قسم قصص من وحي الأعضاء
| جلس المعلم (فرغلى) أمام جهازى التليفزيون والفيديو وأمسك بقلم وورقة ... بدأ المعلم (فرغلى) يدون هذه البيانات : 1 ـ فيلم (غزل البنات) ..... موقف الريحانى والباشا . 2 ـ فيلم (المرأة المجهولة) ..... موقف شادية وهى تقتل عباس (كمال الشناوى) . 3 ـ فيلم (الأرض) .. موقف (سحل) محمود المليجى فى آخر الفيلم . 4 ـ موقف من فيلم لاستيفان روستى .. يقول فيه لزميله (نشنت يا فالح) ؟! 5 ـ فيلم (أميرة حبى أنا) أغنية (بمبى) ! 6 ـ فيلم (ورد الغرام) .. وموقف والد ليلى وهو يعاير زوج خالة محمد فوزى ويقول له : (فتلة على فتلة ودوبارة على دوبارة) ..... 7 ـ فيلم (دعاء الكروان) .. موقف قتل (هنادى) . 8 ـ فيلم (بين الأطلال) موقف غروب الشمس . 9 ـ فيلم (فجر الإسلام) وموقف تعذيب الكفار للمؤمنين الذين لا يفتئون يرددون : (أحد .. أحد) 10 ـ وأخيرًا فيلم (الهلفوت) ومنظر لعادل إمام وهو (منكوش) الشعر . انتهى المعلم (فرغلى) من مشاهدة وتدوين هذه المشاهد العشرة من الأفلام السابقة ، ثم التقط سماعة التليفون ، واتصل (بالسينارست) (كمال الترزى) الذى رد عليه على الفور : ـ مرحب يا (فرغلى) باشا ... خير إن شاء الله .. قال (فرغلى) بعظمة : ـ خير يا حبيبى .. عاوز أشوفك نص ساعة النهاردة . رد (كمال الترزى) فى خضوع : ـ أمرك يا باشا . *** | |||||||||||
|
| |
|
10-08-20, 04:32 PM
| #4 | |||||||||||
| مشرفة منتدى عبير واحلام والروايات الرومانسيةومنتدى سلاسل روايات مصرية للجيب وكاتبة في قسم قصص من وحي الأعضاء
| قال (فرغلى) : ـ زى ما فهمتك .. أنا عاوز أنتج فيلم عربى ، وفى نفس الوقت عاوز أوفر أجرة المؤلف ... عشان كده عاوزك تهضم المشاهد العشرة دول ، وبعدين (تلضمهم) مع بعض بحيث يكوِّنوا فى النهاية فيلمًا كاملًا ! غمغم (كمال الترزى) : ـ بسيطة .. *** | |||||||||||
|
| |
|
10-08-20, 04:33 PM
| #5 | |||||||||||
| مشرفة منتدى عبير واحلام والروايات الرومانسيةومنتدى سلاسل روايات مصرية للجيب وكاتبة في قسم قصص من وحي الأعضاء
| فى اليوم التالى .. انتهى (فرغلى) من قراءة الفيلم (المفبرك) ، فهتف فى سعادة : ـ عفارم .. عفارم .. كده آخر ألاجة ! قال (كمال الترزى) فى تواضع : ـ العفو يا باشا ... معاليك بس تأمر ! شرد (فرغلى) ببصره بعض الوقت ، ثم تنهد وزفر فى ضيق ... فسأله (كمال الترزى) : ـ مالك يا باشا ؟! رد (فرغلى) فى مرارة : ـ أنا كده وفرت أجرة المؤلف ، لكن لسه فيه أجر الممثلين والمصورين والمخرج ... مال عليه (كمال الترزى) وقال : ـ واللى يوفرلك أجورهم ؟! لمعت عينا (فرغلى) من خلف النظارة السوداء ، وقال فى سرعة : ـ أديلك 3 باكو !! اعتدل (كمال الترزى) وقال : ـ لى زميل يعمل (مونتيرًا) يمكنه أن (يمنتج) هذه المشاهد مع بعضها ببعض التصرف ، فيكون عندنا فيلم جديد (لانج) . سأله (فرغلى) بلهفة : ـ والممثلين اللى مثلوا فى هذه المشاهد من الأفلام القديمة ممكن يعترضوا ؟ ضحك (كمال الترزى) ضحكة مجلجلة وقال : ـ يا باشا .. لازم تفتح مخك معاهم برضه .. أى مبلغ بسيط ممكن يرضيهم ... هتف (فرغلى) : ـ وهو كذلك .. وحيكون اسم الفيلم (سكلانس) *** | |||||||||||
|
| |
|
10-08-20, 04:33 PM
| #6 | |||||||||||
| مشرفة منتدى عبير واحلام والروايات الرومانسيةومنتدى سلاسل روايات مصرية للجيب وكاتبة في قسم قصص من وحي الأعضاء
| فى مهرجان الأفلام الروائية فاز فيلم (سكلانس) بالجائزة الأولى وهو من إنتاج (فرغلى أبو الحديد) !! *** (تمت بحمد الله) | |||||||||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
